آخر 10 مشاركات |
|
| LinkBack | أدوات الموضوع | انواع عرض الموضوع |
01-04-15, 04:20 AM | #21 | ||||||||
مراقبة عامة ومشرفة منتدى الروايات المنقولة
| السلام عليكم ورحمة الله وبركاته خيرزان حماسنا هورد فعل لتميزروايتك ورقي قلمك احنا حبينا الروايه وحبنا تعدى لكاتبتها حلو التزامك وتواصلك مع متابعيك دافع لهم على التفاعل مع الروايه بالردود اللي تسرك إن شاء الله وترى أنا اللي ذكرت إن طبيعةعمل سياف اثرت على حياته ودوره في البيت وذكاءه اللي يخلي رمد مكشوفه له طبيعةعمله تخليه حادالذكاء ولماح والبعض اللي مثل عمله يكون كثير الشكوك والحرص سياف أنا أشك إنه كان قريب جدا من مقرن والسبب في شكي أولا كلام رمد عن خداعه ثانيا كلام منصور لما قال له تربية مقرن ثالثا معرفته بتفاصيل حياة رمد وإنها ماكانت تعرف الرمايه ممكن يكون بسبب مراقبته لمقرن حتى يكشفه وممكن مثل ماذكرت سابقا بدخوله بين مقرن ورجاله على إنه منهم حتى يتجسس عليهم ويعرف أخبارهم زواج رمد ممكن يكون نتيجه لمعرفت مقرن إنه بيموت وماكان أمامه إلا سياف فوصاه عليها لانه يعرف إنه هو اللي يقدريحمي بنته من بعده لان اكيد له اعداء من تجار المخدرات واللي ممكن يخلون من بنته وسيلة إنتقام منه وطبعا حتى يحقق مبتغاه زوجه رمد لانه واثق فيه كيف مايثق في رجل امن يحافظ على وطنه واكيد معجب بشخصية ورجولة سياف وأعتقد رمد كانت حاضره وقت اصابة والدها لسببين اولا لأنها ذكرت لامينه أنه لوسمعت كلام والدها وكان السلاح معاها كان أنقذته وثانيا لانها قالت لأمينه لما شافته ثاني يوم العزى كانت المره الثانيه هههههههه خيرزان ذكرتينا بأجاثا كرستي ورواياتها لما كنا نحلل ونتوقع في فتره مضت كنت من محبي رواياتها سياف قاوم رغبته وإعجابه برمد وأبتعد عنها لأنه كاشفها وحاس بنفورها واكيد عارف إنها تحاول تخدعه فحب يبين لها إنها ماتهمه وماتاثرفيه رمد تحمد الله إن سياف ماحاسبها على سكوتها عن حامد وتصرفاته يمكن الله رحمها لانه تاكد إنه هواول رجل في حياتها ولانه فرغ غضبه في حامد رمد عنيده وغرورها يخليها ماترضى بالهزيمه واكيد بتحاول بكل الطرق تجيب راس سياف وترجع كرامتها اللي ارسل الصندوق يمكن عمها لكن دماءمين اللي بداخل الصندوق هل هي لشخص عزيز عليها او لحيوان كان لها قط او حصان ماني متصوره إنه يرسل شخص أو رأسه اويده في الصندوق فيه إحتمال آخرممكن مرسول من أحد أعداء والدها او سياف لكن الاكثر أحتمال إنه من اعداءوالدها رساله لها حتى تعرف انهم عارفين مكانها وتهديد لها ولسياف القفله قويه قلوبنا الصغيره لاتحتمل مثل هالقفلات بنضع عليك عقوبه على القفلات الإجراميه وهي تنزيل بارت ثاني يوم بعدها تسلم يمينك خيرزان منتظرين بقية الاحداث بفارغ الصبر وشكرا لامارا على النقل المميز يعطيك العافية | ||||||||
01-04-15, 09:53 PM | #23 | ||||||||
مراقبة عامة ومشرفة منتدى الروايات المنقولة
| [quote=نبراس المحبة;10156104]انا اتوقع ان مقرن خال سياف لانه امه حزينه عليه وكان نفسها تشوف بت مقرن من زمان[ وااااااو توقع خطيرررررررر وممكن جدا هذا يوضح حب اام سياف لرمد وحسن تعاملها معها وايضا تسمية ولد سياف مقرن جايز هذه التسميه تلبية لطلب أمه وايضا زواج رمد لسياف أكيد واثق في ولد أخته ياه نبراس توقع خلاني أسرح بخيالي لبعيد وأنا معك في هذا التوقع شـكــ وبارك الله فيك ـــرا لك ... لك مني أجمل تحية . | ||||||||
02-04-15, 11:56 AM | #24 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - قبل مانبدا بالبارت والله الود ودي اعلق واسجل اعجابي بكل توقع ورد هنا لكن الوقت مايسمح هذا اولا وثانيا دخولي من الجوال صعب علي هذا احيانا وللأمانه ماني راضية تمام الرضا عن هذا البارت لكن ان شالله يعجبكم ونعوضكم ب الايام الجايه ونقول بسم الله قراءة ممتعه البارت 7 - " لا انتي وردة ولا قلبي مزهرية من خزف ! " - سقطت عينيه على الصندوق وصرخه الجوهره خلفه من ما رأته ويدين رمد ليمسكها راجح مانع والدته ان ترا المنظر ليصرخ سياف بالمقابل : راجح خذ امك واطلع انت وياها لايود لزوجته ان ترا منظرا كهذا والسبب الثاني لايود لراجح ان ينظر لرمد بوضعها هذا الشبه عاري ستة عشر سنه وهو يحمي منزله وعائلته ويعزلها عن حوادث كهذي لتأتيه الان بغرفة زوجته ! سياف وهو يرا يرمد ترجف وتشير بيدها بحالة هستيريا ، ابعد الصندوق بقدمه ليقترب لها بهدؤ سياف بنبرة منخفضة: هدي هدي رمد قولي لا اله الا الله بينما رمد تهز رأسها ب لا من دون وعي منها لتمسح يديها بتقزز على قميصها القصير لتطبع اثار اصابعها على اطراف فخذها سياف وهو يجلس مقابلها ليمسك يديها مانعها من فعلها: لاتلوثين نفسك فيه لا تلوثين انتي اطهر منه لا رد منها بل نحيبها زاد ! ليردف وهو يشير لها بيديه بمعنى " تعالي" رمد وذاكرتها لاترحمها لتعصف بها لقبل 6 سنوات مع صدمتها هذه ، سياف ببدلته ورمد تقابله بدماء تلوث يدها ! مشابه ليوم موت مقرن موت والدها رمد وهي تعود للواقع لتبعد سياف عنها وهي تشير بيدها ببكاء وكره :بعد عني بععدد لاتلمسني بعد عني سياف هي بالاساس قريبة ومقابله له فسحبها بشده لتصبح بحضنه وهو جالس على ركبتيه ضمها له بكل ما اعطاه الله من قوه وهو يمسح ب احد يديه على شعرها ليهديها بينما هي تمسح يديها عليه بتقزز لتلطخ اصابعها بدلته زاد من شد ضمها وهو يرا ان هستيريتها هدأت رمد بتعب وهي لازالت تمسح يديها على بدلته : سياف سياف بوعيد وهو يطمنها ويمسح على شعرها : واللي رفع سبع سمواته ماخليهم بعد هذي يارمد اقطع لك جذورهم واجيبها لك ان بغيتيها رمد بتهكم وحشرجةٍ بصوتها: وحق ابوي ياسياف من يجيبه لي ؟ ميين ؟ بتجيب لي اياه من نفسك؟ لاتجيب لي حقي من ذولا قبل ماتجيب لي حق ابوي سياف بهمٍ اتعبه : الله بيجيب لك حقك يارمد الله رمد وهي تدفن رأسها بين كتفه ورقبته لتهمس له: اكرهك والله تحظنه وتقول انا اكرهك ! تدفن نفسها بصدره لتقول انا اكرهك! لسانها يقول شي وفعلها يعاكسه يا الله سياف وهو يضع يده تحت ذقتها رافعا رأسها له كاد ان يحدثها بشي لولا انه صدمه شكلها ولون وجهها لينهرها وهو يرى علامات الغثيان عليها ليتغير لون وجهها بشكل مخيف سياف بصوت مرتفع ويده شاده على ذقنها : طلعي اللي فيك رجعي اللي جواك لا رد منها سوا عينيها البادية بالخمول سياف وهو ينهرها: رمد استفرغي " وانتم بكرامه" لا رد له ! اذا سيظطر لما يفعله فتح فمها قليلا ليدخل احد انامله وهو يرغمها على الترجيع بالطريقه هذه دقيقة فقط لتخرج رمد ما بمعدتها عليه وعليها سياف وهو يبعد شعرها عن وجهها : كملي ارتاحي لم يكمل حديثه وهو يراها تفقد وعيها خلع سترته المتسخه ليرفع رمد متوجه بها دورة المياه ، فتح صنبور الماء بيدٍ واحده ليملئ نصف حوض الاستحمام بينما بيده الاخرى حاوط بها رمد ليسندها عليه شعر بها تفيق وهي تهذي ب اسمه رمد بوهن : سياف سياف وهو يرفعها بكلا يديه وهو يقبل رأسها ليسكتها دون رد منه وضع ساقه هو بالاول بحوض الاستحمام ليجلس واضعها بحضنه ما ان لامس الماء جسدها حتى شهقت بفزع سياف وهو يسمي عليها : اشش لطالما كان شخصاً مسيطر ممسك زمام الامور بدقه وحكمة منه الا انه معها الان احتار فلم يجد سوا انه يحممها لتهدأ اعصابها فتنام فزعت وهي تحاول الابتعاد عنه والخروج من الماء الا انه بحركة بسيطه منه اعادها حيث كانت بحضنه سياف وهو يثبتها لصدره العاري ويديه وساقاه محاوطتها : خلاص انا معك تنفست بصورة سريعه من برودة الماء كرد فعل الى ان هدأت انفاسها واعتاد جسدها على درجك الماء شعر بها تسترخي وهي تضع كامل حملها عليه لتسند ظهرها على صدره بينما هو مرر يديه على فخذها ليزيل اثار الدماء التي بصمتها اناملها ليهمس لها وهو يدفن انفه بشعرها: انتي اطهر من هذا كله ما ان وضع يديه الا ويقشعر بدنها من ملمسه لها رمد برجفه : طلعني برد فز واقفا بصعوبه بسبب ثقل بنطاله رفعها له وهو يمشي الى ان وصل لمكان روبها الخاص ب الاستحمام ثبتها على الارض جيدا وهو يلحفها بروبها خشية ان يصيبها برد وحمى وضعها على سريرها مباشره ليتوجه لحقائبها المبعثره ليهمس لنفسه فوضى فوضى يارمد اخذ يبحث لها لباس بصعوبه بسبب فوضتها عاد لها بعد ان وجد مايريد ليردف لها وهو يخلع قميصها التوتي الذي لاصق جسدها بفعل الماء سياف : اصحي وعاونيني لا رد منها بل تبدوا منهكه جدا انهى تلبيسها بصعوبه ليقف فوق رأسها وهو يبتسم على تفكيره اللذي اخذه بعيدا وهو يتأملها تلاشت ابتسامته وعينه تسقط على الصندوق واثاره - توجه لخارج منزله لتصتدم قدمه بصندوق امام بابه مباشره اخذه وهو يعاود الدخول لفناء منزله ما ان فتح غطاء الصندوق الا وقد اغلقه مباشره وهو يعقد حاجبيه بقرف من الرائحة التي غزت انفه - نزل للاسفل بعد ان تطمن على الجوهره ايضا واستدبل بدلته ب اخرى ليأمر الخادمه بتنظيف جناح رمد بسرعه لم يجد والدته بطريقه لذا توجه لعمله وبرأسه موال دخل مكتبه بهيبته وطولع الفارع ليجد سلمان ومنصور وعلامات وجههم لا تفسر وقف على رأسهم ليتضح له صندوقان بدل الواحد ! سياف بحده وهو يتأملهم : تهديد غير مباشر ؟ منصور بضيق وهو يمسح على وجهه : جاني اجزاء ولسلمان الباقي سياف وهو يجلس على كرسي مكتبه : والراس عندي ! اردف سياف بصوت عالي وهو يأمر احدهم بالدخول ليضع الصندوق بالمنتصف ويخرج لتصبح ثلاث منصور كشف الصندوق ليظهر له اخر مايتمناه رفع رأسه ب اتجاه سلمان وهو يهمس بقهر : عزام - واقف امام النافذه الكبيرة عاري الصدر وزيجارته بيده ليسأل خادمه عوض خلفه : وصل اللي وصينا عليه ؟ عوض : وصل طال عمرك قصاف وهو يأخذ نفسا من الزيجاره : هذي قرصه لهم ، ماهو انا اللي ينرسل لي جاسوس امثالهم عوض بتساؤل : غريبه من ابو راجح ماهو هو اللي يرسل جواسيس هو ان هاجم هاجم بكل النواحي من دون لف ودوران قصاف وهو يلتفت لعوض ليجلس مقابله : الشغل هذا ماهو شغل سياف ،" الصندوقين " انرسلوا لمنصور وسلمان ! شغلنا وتخطيطنا خارج نطاق العائلة حاليا، بنت مقرن اخوي مابي تمسها شعره وحده ، لذلك نتمنى ان الوضع مايحتاج لضحايا مقربة ليردف بسخرية :شكل ابو راجح ماعنده علم وقاموا يخبصون من وراه - سياف بغضب موجه لسلمان وهو يضرب يده على الطاولة: ابغى تفسير لهذا كله والان منصور بضيقه وهو يحاول ان لايعلم سياف عن امر قصاف شيئا: ماهي اول مرة تجينا تهديدات الله يسمعك يقول اول مرة يابو راجح سياف بقهر: اي ماهي اول مرة بس انها توصل لغرفة اهلي وبنص بيتي هذا اللي ماقبله يابو عبدالله هذا اولا ثانيا التهديدات السابقه جتنا عن طريق اتصال جتنا عن طريق حوادث جتنا عن طريق حرايق لكن جثه يابو منصور لا وبعدين جثة مين ؟ على حسب تخطيطنا وجدولنا بالعملية الحاليه ما ارسلنا رجالنا او بدينا بالهجوم عشان يرسلونه لي من باب التخويف واوقف منصور بهدوء وهو يرمي ماكانت اشبه بالقنبله لسلمان وسياف : الاعيب هذي من تذكرك فيه يابو راجح؟ سياف وعينه على النافذ ليهمس : بمقرن منصور : والميت يرجع حي ؟ سياف بنفس هدوءه بعد عاصفته: لو مو انا اللي ذابحه ودافنه بيدي كان قلت ذا مقرن منصور وهو يقرب الموضوع لسياف بالتدريج فابقرارة نفسه من الحق ان يعرف سياف بذلك وجزء اخر يقول لا : الميت ميت بس باقي الحي سياف بتعب انهكه لم يعي مايقصده منصور حتى انه لم يفهم مايرمي اليه فموضوعه ورمد كافي ان يعزله عن تفكير اخر تنبه من سرحانه ليجد ان لا اثر لمنصور وسلمان بمكتبه اخذ هاتفه وهو يأمر احدهم بحدة : شدد لي الحراسه على قصري اغلق لينغمس بالملفات امامه - الجوهره بالصاله وامامها طاولة القهوه وملحقاتها الا ان القلق لازال بها من ما رأته اخذت تتصل على سياف بقلق ، الليل قد حل بعد صلاة العشاء وليس من عادته ان لا يأتي لارد اتاها اذا لن تتصل مره اخرى كما عودها اتتها اسيل بحيوية لتجلس بجانبها اسيل وهي تري الجوهرة صورة بهاتفها من الانستقرام : شوفي الصورة اعجبتني جلستهم صراحه وودي نخلي الخدامات يجهزون لنا جلسه سهره وحطب نسلي انفسنا دام خالتي ام سياف مو هنا تسلينا لم تنتظر من الجوهره رد بل فزت مسرعه تأمر الخدم بما خططت لسهرتهن صعدت للدرج وهي في بالها تود ان تخبر رمد لتسهر معهن محبة اسيل للجوهره جدا عاليه الان انها تشعر بقرب عمر رمد لها كأنها صديقة او اخت حتى انها بداخلها تود ان تعرف عن رمد الغريبه شيء طرقت الباب ثلاثا ، لا رد اتاها فتحت الباب بهدوء وخجل بما ان سياف ليس هنا اتجهت لرمد النائمة اسيل وهي تهمس بخجل : رمد رمد دقائق حتى فتحت عينيها الرمادية بتعب هذا ماشجع اسيل لتكمل: صار الليل ماودك تقومين ؟ قومي خالتي رايحة للخرج كم يوم ونبي نسهر لنا سهره حلوة رمد بتعب وتعجب من وجود اسيل امامها : الساعه كم ؟ اسيل : 8 ونص رمد وهي تبعد الغطاء عنها :عطيني ساعه وانزل لك اسيل بحماس وهي تخرج : اوك يلا وقفت امام حوض الاستحمام وهي تتذكر ماحدث اليوم وقرب سياف المندفع اعتراها الخجل وهي ترا بجامتها عليها وهي تتذكر ان لاغيره بدل لها خرجت من دورة المياه وانتم بكرامه لتتوجه لتسريحتها وهي تخط كحلها على جفنها ورمشها ب اتقان لتخفي اثار التعب والارهاق على وجهها شعرت بالصداع اكثر وهي ترى فوضى غرفتها بسبب حقائبها اخذت تبحث له عن " لقن و أحد البلايز القطنية " لتخرج لها وشاح كبير بصناعة تركية وزخارفها المعروفه شعرت بالدفئ وهي ترتديه فوق لبسها ليغطي نصفها تاركة شعرها المموج مسدول على ظهرها اخذت عطرها تغرق نفسها به قبل ان تخرج نزلت على عتبات الدرج الكبير وهي تلحظ هدوء المنزل المبالغ فيه حتى ان لا اثر للخدم كالعاده فتحت باب المدخل لتخرج للفناء وهي تشد وشاحها عليها فشتاء الرياض جاف وقارص الا انها تفضله كثيرا على الصيف ما ان خرجت للفناء الا وقد بانت لها الضجه وحركه الخادمات بالتجهيز شعرت بالحياة والانتعاش وهي تراهم تجاهلت تواجد الجوهره وهي تتجه ل اسيل : ها وش باقي لكم اساعد فيه ؟ اسيل بعفويتها ونعومتها الملفته : جهزت كل شي بس باقي نسوي قهوه ثانيه لان لقيت الخدم مسوين وحده ، ووحده ماتكفي للسهره رمد : خلاص انا بسويها اسيل بصدمه وعلامات تعجب على وجهها جعلت ابتسامة رمد تتسع رمد : وش فيك اسيل : للأمانه اللي يشوفك يقول مايطلع منها ولا تدخل المطبخ رمد : للاسف احساسك صح بس القهوة استثناء اسيل : تجي عالكيف ؟ رمد بغرور ناسب الموقف : جربي وتشوفين توجهت للداخل تحضر القهوه بحب جهزت الزعفران والهيل وما تحتاجه ايضا توجهت للخارج بعد ربع ساعه وبيدها الدلة لتجد شخصا زائد بالجلسه الا وهو سياف جلست بهدوء بعد ان سلمت الدلة اسيل ، لتهمس بالسلام وتجلس مبتعده عن سياف شد انتباهها شكله بفروته وسبحته بيده ليجذبها شكل شماغه وهو بوضع " العمامه " على رأسه لتنزل عينيها على ثوبه الابيض المشدرد على عرض صدره بدا لها رجلا فخمٌ جدا تهتز المجالس لوجوده فكيف لاتهتز انثاه ليخرجها من سرحانها صوت اسيل اسيل بتساؤل : رمد وش تخصصتي بالجامعه ؟ رمد بثقه لاتهتز : ماتخصصت اسيل : كيف يعني رمد وهي تذكر اسم والدها بقوه ونرجسيه امام سياف : دخلت الجامعه بعمر ال 18 وابوي سحبني منها بالسنه التحضيري وما كملتها ليكمل سياف والفنجال بيده وعينه تحديدا على رمد : بتاريخ واحد ابريل سحب ملفك بسبب سفرته للنمسا للأسف ماقدم اعتذار للجامعه وهذا اللي صعب تكملتك لها بالوقت الحالي رمد بصدمه وعينيها بعينيه مباشره شعرت ان المكان يكتم على صدرها حتى ان الاكسوجين انعدم اسيل بندم انها سئلتها شيئا يخص ماضيها : عذرا ماكنت اقصد رمد وهي تاخذ نفس لتعاود جلستها بقوه وثقه لن تسمح له ان يؤثر عليها بشيء : عادي حبيبتي ماسئلتي شي غريب الجوهره وهي بالفعل تود ان تعرف عن حياتها في ال 6 سنوات الماضيه : طيب كان عندك وقت تقدمين من جديد بالسنوات الماضيه وتبدين من جديد ، ولا ابوك ماكان متقبل دراستك او شي وماشابه ؟ نظرت لها رمد بطرف عينها وهي تهم بالاجابه عليها لو لا ان سياف قد سبقها سياف : بالعكس مقرن الراسي معروف بحبه للعلم والثقافه حتى انه اجبرها تتعلم ثلاث لغات ب اول سنه له بالنمسا رمد والضيق يجتاح صدرها منه ، لا حق له ان يجيب عنها لا حق له ان يذكر والدها بمدح بعد ان دفنه بيده رمد بهدوء غريب عليها طيلة اليوم : بس كنت اهرب من محاضرات اللغات الخاصه اللي وفرها ببيتنا لين ماشتكوا المعلمين له ، قالت ذلك وهي تضن انها انتصرت عليه بشيء لا يعرفه سياف بتأمل لها : وعاقبك انه ضاعف عدد ساعات المحاظره مع اضافة لغة جديده كادت ان تصرخ عليه ليصمت فقد ضاق بها لحد لا معلوم وكأنه ينقصها فحادثة النهار لازالت بذهنها ليقطع هدؤهم صوت مقرن الصغير باكيا متوجه لوالدته - انتهى من دون قفلات استغفر الله من كل ذمب عظيم توقعاتكم ولو انه مافيه قفلات | ||||
04-04-15, 05:53 PM | #26 | ||||||||
مراقبة عامة ومشرفة منتدى الروايات المنقولة
| السلام عليكم ورحمة الله وبركاته تسلم يمينك خيرزان بارت راااااائع وبعدين تعالي مافيه قفله هاه كل هذا خوف من العقاب انك تنزلين بارت ثاني يوم فيس <<<< مقهور يدور حجة لبااارت المهم دخول على السريع لكن المحقق كونن لازم يقول أحساسه وتوقعه أنا عندي أحساس إن الصندوق اللي وصل رمد ماهو من عمها من اعداء أبوها او سياف ليه حددوا لها بالذات وماهو للجوهره أو غيرها أكيد من أعداء أبوها وشكرا منتظرين بقية الأحداث بفارغ الصبر شكرا لامارا على النقل المميز | ||||||||
04-04-15, 09:37 PM | #27 | ||||||||
مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين
| سياف ومقرن شكله كان في شي يربطهم قبل ما يصير عدا قصاف شكله نذل كبير ارسل الصندوق لبنت اخوه بس اللي تعجبت له طلب سياف من رمد انها تحلله ليه اكيد ان له اسبابه وليه يدري بكل تفاصيل حياتها بحكم وضيفته وتحرياته او بسبب علاقته بمقرن كان يعرف اخبارها منه هذا طبعا اذا في علاقه انا يعني اتوقع صح اني فاشله بتوقعاتي بس احياناً تصيب مشكوريين على الفصول المميزه روايه روعه جدا عزيزتي | ||||||||
06-04-15, 07:41 PM | #28 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - قراءة ممتعه البارت /8 " لا زلت في عز خوفي منك ، احس ب امانك " - سياف بتأمل لها : وعاقبك انه ضاعف عدد ساعات المحاظره مع اضافة لغة جديده كادت ان تصرخ عليه ليصمت فقد ضاق بها لحد لا معلوم وكأنه ينقصها فحادثة النهار لازالت بذهنها ليقطع هدؤهم صوت مقرن الصغير باكيا متوجه لوالدته لتخلو الجلسة من الجوهره وهي تذهب لترى ابنها ماخطبه اسيل وهي تستنشق فنجال القهوه بعفويه: اه ياريحة الزعفران فيها ، تسلم يدينك رمد والله تصحي الراس رمد بضحكة على تعابير اسيل : هني وعافيه حبيبتي قرّب الفنجال ل انفه ليتضح له رائحة الهيل والزعفران بالفعل اغمض عينيه وهو يستنشقها بتعجب من ان تكون هي من عملها خجلت اسيل من ان تجلس بينهم لوحدهم لتسألها رمد وهي ترا واقفه : وين اسيل ؟ اسيل بخجل : شوي وجايه استغرب هدؤها وهو يتأملها في طرف الجلسه بعيدا عنه سياف وهو يشير للفنجال بيده: اجل انتي مسويتها ؟ رفعت له كتفيها بغرور وبمعنى " نعم " ليرمي لها فنجاله فارغ وهو يستقر بحضنها: تعالي انتي ودلتك رمد بغضب وفزع : هواية الدعوة عندك ؟ سياف بستمتاع : وش هي الهواية ؟ رمد وهي ترفع فنجاله : رمي الفناجيل لتردف وهي تشير للجرح حول شفتيها ترا هذا مابرى عشان تكمل عليه سياف بخبث : عمره مابرى استحقرته من دعوته هذه لتتشاغل بهاتفها سياف بحده : قلت تعالي رأى تجاهلها له ليزداد غضبه : بنت رفعت رأسها بنية ان ترد عليه الا ان نيتها تغيرت وهي ترا الجوهره من بعيد ستأتي لهم فزت واقفه بخبث وهي تتجه لسياف بدلع الى ان استقرت بحضنه مقابلة له وساقاها تحاوط خصر سياف لتهمس له : وتقولي لا تجين ؟ ! شوف من يبي الثاني ويناديه يابوا رجح سياف وهو يتحسس بيده خياطة جرحها وعينه عليه : في فرق بين لما اناديك انتي وبين لما انادي الجوهره رمد وهي تقاطعه بِكِبر : تخسى تتقارن فيني وش جاب الثرى للثريا لتصرخ وهي ترا سياف يضغط ب اصبعه على غرزة جرحها : آه سياف تجاهل نبرة صوتها وصرختها التي جذبته حتى اشتد عرقٍ بجبينه : هذا عشان ثاني مره تنتبهين ل الفاظك رمد ببرود مستفز : وانا صادقة وش جاب الجوهره للثريا سياف بنرفزة من غرورها وثقتها الزائدة: مشاعري لما انادي الجوهره تعاكس مشاعري لما اناديك يعني انتي اناديك لحاجه في نفسي ونفس لكل رجل ليهمس لها ببطئ تفريغ لا اكثر رمد ببرود واستفزاز ورثته من والدها ناتج عن قهرها الداخلي : هذا دليل على انك متناقض انا ماني الة لرغباتك ولا انا دايمة لك ياسياف بيجي اليوم اللي اكون عند غيرك ويعرف قمتي يعرف قيمة الثريا اللي بيده عشان كذا وفر كلامك وتجريحك الغير نافع لك ورح تنعم بالجوهره ماهمتني مثل ما انت ماتهمني انتظر حتى تنتهي من كلامها وهو يلعب بالسبحة بيده : براڤوا والله ، نظر لها ثواني ليدير وجهها بصفعة على خدها بغضب تصنمت بمكانها بل تشعر ان رأسها فصل عن جسدها من صفقته ، لن تبكي امامه لا لن تبكي لطالما كانت قويه لدرجه ان والدها لم يراها تبكي يوما ماعدا سياف اليوم الصباح ولن تدعه يراها ثانيا بتلك الحاله فزت واقفه بهدوء لتهم بالمغادره لولا انه ثبت ساقها بيده سياف بحده : ماخلصنا رمد بلكاعه وهي تجلس حيث حضنه وصوت حاولت السيطره عليه الا انه بانت رجفتها وحشرجته : اووه صح باقي الخد الثاني يلا " وهي تشير لخدها وتعطي سياف ناحية وجهها الثاني " وضع يده خلف عنقها ليشدها له وهي يقبل خدها ببتسامة ! ابتعدت عنه بنفور : لو تطبق السماء عالارض وتجيب النجوم بكف يدي ماتاخذ مني لو هي انملة ياسياف ، حقوقك تاخذها من الجوهره وهذا شي انت طلبته الله ماراح يحاسبني فيه ان شالله توجهت للفناء الخلفي وهي تتجاهل صوته حين اخبرها ان احد الانارات الخلفيه لاتعمل ناهيها عن ذهابها - تشعر بالخمول وهي تتوجه لخزانتها حتى انها لم تقف لتخرج لها ماتريد اسيل بتأفف وهي تجلس امام خزانتها تبحث لها عن رداء نوم رفعت رأسها لأعلى الخزانه وهي ترا ان القمصان معلقة بعنايه تكاسلت ان تنهض نفسها لذا اختصرت على نفسها وهي تخرج لها احد البلايز القطنيه الماسكة على جسدها وشورت قطني قصير حتى انه لا يصل لنصف الفخذ بل اقصر بكثير وضعت سماعتها ب اذنها وهي تجلس على سريرها لتبتسم وهي ترا ان الشورت قد اختفى بوضعية جلوسها لتزداد ابتسامتها وهي تتذكر وقت شرائها له تنهدت براحه وهي تريح رأسها على استاند السرير خلفها تشعر بحريه لا محدود لها بعدم تواجد حاتم حتى ان حيويتها قد عادت كادت ان تتمنى عدم وجوده ابدا الا انها بترت امنيتها وهي تستغفر عن ذلك رفعت صوت ماكانت تسمع اليه لتغمض عينيها ب استرخاء قاطع سكونها صوت تنبيه رساله من حاتم لتعقد حاجبيها بنزعاج الا انها راقت لها فكرة ان تثير استفزازه لما لا بما انه بعيد جدا حتى انه لايستطيع ظربها او ايقافها لتسكت ستخرج مابداخلها بنتصار حاتم : وينك ؟ كتبت بشكل سريع على كيبورد الهاتف بستمتاع: فوق السحاب ابتسم بتعجب حتى بانت اسنانه العلويه من ردها : الله يديمك فوق ، بس على فكره مارد السحاب لا تكثف للمطر ، والمطر لا طاح طاح للأرض اسيل با استعباط : خطا مايطيح عالارض يطيح عالناس حاتم بضحك : اي وانتي الصادقه طيحي لي ماردك لي اسيل بتسليه : لا وانت الصادق اطيح على اللي ينفع مو عليك حاتم : قد هالكلمة يا بنت الخاله اسيل براحة انه بعيد : على اساس بتخوفني اي قدها ، الا تعال كيف دبي معك ؟ حاتم بخبث وهو يركن سيارته بمكانها المحدد ليجيب وهو يعني شي اخر بباله : حلوه، حلوه مره اسيل بلكاعه: خذ راحتك فيها لاتظغط على نفسك وتجي بدري ريح عمرك ووريحنا بس لا تنسى هديتي باكلك لو نسيتها حاتم وهو يرفع رأسه لنافذتها المضائة : انتي بالذات هديتك مخصوص متعني لها - قصاف بتقزز وملل وهو يبعد عنه امرأه بجنسيه اجنبيه ، ليصرخ منادي عوض : عوض عوض بعجل داخلا على قصاف : سم طال عمرك قصاف وهو يشير للفتاة: خذ هذي عني وارسلي " قدَر " عوض : تقصد البنت اللي جبناها من دون رضاها ؟ قصاف بنرفزه: في احد غيرها اسمها قدر ؟ عوض ب احراج : 5 دقايق وتكون عندك طال عمرك مزاجه ليس عالي اليوم ففي نهاية يومه اتاه خبر ان ابنة اخيه قد تضررت بمخططهم رفع رأسه ليرا سبب الضجه المفأجئة ليرا جميلته المطلوبه امامه بشكل مبعثر ترتدي قميص خاص بقصاف زادها فتنه سترت به نفسها بعد تمزيقة لملابسها سقطت عينيه على الكدمات المنتشرع بجسدها من اخر واول لقاء كان بينهم قصاف : تو مانور الجناح لارد اتاه ، لا يرا سوى الذبول قصاف وهو يلعب ب اطراف شعرها متأملها بفتته : تبين ابوك ؟ قدر وهي تهز رأسها نافيه : لا قصاف وهو يرا الدمع تجع بمقلتيها : ليه ؟ قدر : مابي اذبحه قصاف : حسافه كنت ابيك تقولين ايه عشان اخذلك واقول لا بس يالله ماعليه ليردف ببتسامه لاصقاً انفه ب انفها : صحصحي ماحب البنت الذبلانه البارده قدر بعبره وعي تغمض عينيها هامسه له : الله ينتقم منك رفعها بخفة الى ان وضعها على سريره ما ان وضعها الا وشعرت بثقل صدره عليها انسابت دمعتها بسهوله لتستقر على شفتي قصاف وهو قاصدا ان يوقف سيلانها بقبلته _ تشعر وكأنها بفيلم رعب بسبب الاناره المتعطله فمره تشتغل ومره لا ومره ترمش الاناره بشكل سريع الى ان انطفأت تجاهلتها وهي تسترخي على احد الكراسي المتمرجحه وصوت الرياح البارد يحرك الاشجار بعنف يمينا ويساراً اشتد الهواء ليحرك شعرها بينما هي بالمقابل ضمت وشاحها لها اكثر تذكرت حديثها لسياف على انه اتى عفوي ومفاجأ الا انه ولد بها التساؤل اسيأتي يوما تتحرر منه وتكون ملكا لغيره ؟ خفف عنها الم ظربته رؤية الجوهره لهم ولجلستها بحضنه ومن يراهم من بعيد سيرا انهم في اشد خصوصيتهم ورقتهم بينما مايحدث هو العكس حمدت ربها انها غادرت قبل ان ترا ظربة سياف لها مرت 3 دقائق بسكون لتشد انتباهها حركة غريبة بين الاشجار تعوذت من الشيطان ان تكون قد تهيأت بذلك هي ابنة مقرن مولودة مقرن منذ ان نشأت وهي تعتاد على الذكاء وحدة الملاحظة والتخطيط بل ان الذكاء وسرعه البديهة تعتبر وراثة اغمضت عينيها بذكاء مدعية الاسترخاء وعدم الانتباه لتعد بداخلها الى ثلاثة : 321 ما ان انتهت عد الا وانطلقت راكضة بشكل سريع لا متوقع متوجه لداخل القصر زادت من سرعتها وهي تشد وشاحها ولاول مرة تلحظ بعد الفناء الخلفي عن المدخل سقطت عينها على المدخل الخلفي بدا لها من بعيد مغلق بدأت تفكر وهي تركض : سياف ؟ لا لن تستنجد به لن تذهب الان وتلجىء له ، من ؟ راجح ؟ نعم راجح راجح لتهمس لنفسها: راجح انزلقت ارضا وهي تحاول اللف يمينا ب اتجاه المدخل الا انها فزت بسرعه وهي تدلف الباب بقوة استمرت راكضه للأعلى لتخبط يدها على باب غرفة راجح المقابله جناحها حاولت تلتقط انفاسها لتركع واضعه يدها على صدرها خرج صوتها ضعيفا جدا : راجح فز على صوت الباب ليخرج بقلق عاري الصدر زاد قلقه وهو يراها بوضعها هذا رفعت رأسها له : في احد تحت بالحديقة اللي ورى راجح بعدم استيعاب : اذكري الله يابنت الحلال مافي احد رمد وصبرها قد نفذ : اقولك فيه خرج سياف على اصواتهم وهو يشير بيده : نعم وش صاير اصواتكم واصله راجح : رمد تق قاطعته رمد بحدة : مافي شي تقدر ترجع لنومك نظر لها راجح بستغراب لم يرتاح لسكوتها : يبه رمد تقول في حركة غريبة بالحديقة الخلفيه سياف وهو ينظر لراجح بحدة : انت ادخل داخل استر نفسك لا اشوفك كذا هذا عرضك وطولك واللي كبرك عنده بزر دخل راجح دون تبرير فالنعاس داهم عينيه رمد وهي تعطي ظهرها لسياف متوجهه لغرفتها وهي بحيره ان سياف لم يعطي الامر اهتمام سياف : تعالي انتي تجاهلته وهي تغلق باب جناحها رمت وشاحها وملابسها بشكل سريع وهي ترتدي لها قميص نوم مريح - صعد الدرج ببطئ وهو يرا السكون قدم عم القصر رغم تعب الطائره الا انه ابتسم بخبث وهوا يتذكر ان ضعيفته اللذيذه ستكون بين يديه الان تخيلها كيف تكون وهي قد تراه بسريرها الان - انتهى استغفر الله واتوب اليه توقعاتكم ؟ لقائنا الخميس ب اذن الله واذا الله قدرني بيكون بارت مشبع | ||||
08-04-15, 10:27 AM | #29 | ||||||||
نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة
| السلام عليكم ورحمة الله وبركاته صباح الخيرات والعافية يالامار الوردة الف شكر على النقل صباح الخيرات ياخيزران مالذي يدفع سياف لمعاملتها مثل هذه المعاملةة؟ اعتقد ان من اساسيات الدين ان الضرب حرام وان كان قد شرع الا في حددود ضيقة جدا على ان لا يسبب احمرار الجلد والاخ سياف مامقصر ابد من ضرب لاهانة لفظية هو ليش متمسك بها مادام تثير به كل الجنون اللي نشوفه يعني هو يشتهيها وقت اللي يعجبه عادي ووالوقت الي ماتريده فيه لازم تقبل وتقدم خدماته له عجيب اموره !!!!!!! قصاف النذل الله ياخذك مستمر انت بأزهاق روح هذه البريئة بوحشيك ومجونك ماهو عند ك الاجنبية مستعدة وحاضرة لك ليش دمرت قدر ؟شنو ذنبها؟بمجتمعاتنا ما في تفهم وتميز بين التي تغتصب وبين التي تفرط هي بشرفها الاثنان يتم ختمهم بختم الزانية والمجرمة حاتم روح الله ياخذك وانت مثل اخوك شنو اللي مخليك ظالم لهذه المسكينة اسيل المسكينة جاي تهاجمك بشجاعة ماتدري انك قريب منها الله يستر عليها سلمت يمنيك ياخيزران | ||||||||
09-04-15, 12:00 AM | #30 | ||||||||
مراقبة عامة ومشرفة منتدى الروايات المنقولة
| رووووووووووووووووعه السلام عليكم ورحمة الله وبركاته بارت رااااائع خيزران سلمت يمينك رمد رمد هي اللي جنت على نفسها بكلامها بتصرفها الغيرلائق في مكان ممكن أي أحد يراها فيه هي في نيتها قهر الجوهره والإنتقام من سياف بمحاولة اضعافه وجذبه لكنها لم تحسب حساب لفطنة سياف وذكائه اللي كشف به نيتها وربما شاهد الجوهره فحب يلعب بها مثل ماكانت بتلعب به ويضرب عصفورين بحجرواحد يكسرغرور رمد ومايقهرالجوهره ويخسرها الصوت اللي سمعته ممكن يكون حاتم أو أحد الأعداء وممكن يكون سياف تبعها وماحب يبين لأنه حن عليها لكن عارف إنها ماتنعطي وجه فيه شيء أثار أهتمامي كيف عرف صياف إن بنت أخوه تضررت من تصرفهم ألا لو كان له عين وسط بيت سياف ماهي بعيده تكون الخادمه أسيل يافرحه ماتمت دقائق وإنت مواجهه لحاتم المفاجأه راح تربكها وتضعفها زياده وتمنح حاتم فرصه للتفوق ويزداد غروره قدر أه من حظها التعيس اللي وقعها في يد من لايرحم مستغربه من كرهها لوالدها اللي ماله مبرر من وجهة نظري إلا إذا كان والدها سبب في اللي هي فيه كأن يكون هومن سلمها لقصاف لأنه مدمن ومايملك مايدفعه لقصاف فكانت هي مقابل جرعه او سداد دين لأن المدمن يضحي بأي شيءعندما يحتاج لجرعه او يكون مثل قصاف وبينهم مشكله وكانت هي الحل أمامه للنجاه سرحت بخيالي كثير قصاف أظن أنه تعلق بقدر لدرجة كره معها غيرها فهل تزوجها بالإجبار أو أعتدى عليها فإذا لم يتزوجها أظن أنه سيتزوجها لأنه تعلق بها منتظرين بقية الأحداث بفارغ الصبر شكرا لامارا على النقل المميز لاخلا ولا عدم منك يارب | ||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|