|
مشاهدة نتائج الإستطلاع: ما القصه التي تريد ان تعرض شهر مارس ؟ | |||
1. بين الحياه والنوم (( كوميديا )) | 34 | 68.00% | |
2. سهم طائش (( تيراجيديا )) | 16 | 32.00% | |
المصوتون: 50. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
19-03-15, 02:54 PM | #1 | ||||
نجم روايتي وكاتب في قصص من وحي الاعضاء
| Tommasi (توماسي) *مميزة و مكتملة * روايه Tommasi ( توماسي ) عباره عن 4 مواسم ، كل موسم به 15 حلقه متسلسله ماعدا الموسم الرابع 10 حلقات هي روايه ( اكشن ، غموض ، لغز ) كل اثنين و خميس من كل اسبوع سيتم وضع حلقه من الحلقات وسيوجد بعد كل حلقه سؤال للحلقه التي تم وضعها ، فيوجد لغز يجب حله ، ولان اليوم الخميس سنضع الحلقه الاولى من الموسم الاول ونتمني ان تنال اعجابكم ، وسنضع السؤال في تعليق تحت الموضوع واتمني مشاركتم في الحل ... روايه Tommasi ( توماسي ) الحلقة الاولى بسم الله الرحمن الرحيم يدخل الضابط عادل و الضابط معتز مكتب اللواء مراد شكري فيسمح لهم بالدخول و الجلوس ويقول لهم اللواء : انا عارف يا عادل انك كان نفسك تاخد اجازه بس للاسف انت هتكون معانا في المهمه دي عادل : بس يا فندم انا بقالي شهرين مخدتش اجازه ، وسيادتك قلتلي انها هتكون بعد المهمه الي فاتت اللواء : الشغل في المهمه دي صعب اوي ومحتاج ناس كتير ، انت و معتز اكفئ اتنين تقومه بيها وهيكون معاكم سياده الضابط انور مختار ينفخ معتز بهدوء ليقول بعصبيه معتز : يا فندم هو مفيش غير انور مختار الي كل قضيه لازم يكون معانا فيها اللواء : الراجل ثابت نفسه و شغله كويس معانا ، و ملفه يشهد بكده معتز : ايوه يا فندم بس القضيه الي فاتت احنا فعلا قبضنا علي المتهم وهو استسلم ، مكنش ليه انه يضربه بالنار اللواء : هو قال انه كان معاه سلاح وكان ممكن يقتل حد منكم معتز : كان معاه سلاح فعلا بس مرفعهوش علي حد ، ازاي يقتله وهو معملش حاجه اللواء ( بعصبيه ) : معتز ، القضيه الي فاتت خلاص اتقفلت ، احنا في القضيه الجديده معتز : وانا يا فندم مش عايز اكون في القضيه دي اللواء ( بعصبيه ) : مش بمزاجك يا حضرت الضابط ، مش انت الي تقول اكون فيها ولا لاء عادل : خلاص يا فندم ، الي حضرتك شايفه ينظر معتز لعادل فيحرك عادل يده ليشير له ان يصمت ، فيقول اللواء مراد اللواء : ودلوقتى اتفضلوا شوفوا شغلكم ، انا عايز نتايج كويسه في القضيه دي يقوم عادل ومعتز ليقولا له عادل : تمام يا فندم . و يخرجا من المكتب فيقول معتز بصوت عالي معتز : انا مش عارف كل قضيه لازم يكون فيها انور دا ليه عادل : انت حاطت نقرك من نقره ليه ، ماتسيبه وخلاص معتز : يعنى انت مش عارف ، كل حاجه عنده قتل ، مره دفاع عن النفس ، ومره قتل خطا ، فيها ايه لما يسيب المتهم يتحكم عليه عادل : اهدي بس وتعالي مكتبي نتكلم ، وبعدين دا انا الي مفروض اتعصب انا كان ليا اجازه واتلغت يدخل عادل مكتبه و معه معتز ليجلسا ويقول عادل له محاولا تهدئته عادل : عارف يا معتز انت بتفكرنى بمين معتز : بمين يا سيدي بس ياريت متغلطش عادل : بضابط كان صاحبي ، كان عامل زيك كده ميرضاش بالظلم ، وكان احسن واحد يحل القضايا بسهوله معتز : مين دا ، معانا هنا ولا اتنقل عادل : لا مات ! ينظر له معتز باستغراب ويقول له معتز : مات ، الله يطمنك و بتقول بيفكرك بيا ، اسمه ايه بقي الضابط دا عادل : اسمه محمود سليمان ، الله يرحمه مات من سنتين في حادثه اودام عينيا ، كنت انت لسه ماجيتش هنا معتز : الله يرحمه ، انا هسيبك بقي علشان عندي شغل كتير عادل : استني بس ، انا معرفش حاجه عن القضيه دي ، ايه الي حصل بالضبط معتز : مفيش يا سيدي ، هما اتنين اتقبض عليهم من تلت ايام ومهما بيهربوا سلاح ، و مفيش حد عايز يعترف منهم علي حاجه عادل : اسمائهم ايه الاتنين دول معتز : اسماء حركيه ، محدش عايز يقول علي اسمه الحقيقي ، بس احنا قدرنا نوصل لواحد منهم كان ليه ملف عندنا في قضيه تهريب سلاح برده ، اسمه شعبان علي و اسمه الحركي نانو . عادل : طب والتاني معرفتوش عنه حاجه معتز : لا مفيش اي معلومات عنه وهو مش عايز يتكلم ، ولا حتي عايز يقول اسمه ، بس شكله ميديش علي مهرب ابدا . عادل ( باستهزاء ) : اومال شكله يدي علي ايه دكتور معتز : شكله ابن ناس كده ، اسمه الحركي توماسي عادل : توماسي ، اسم غريب اوي ، يعني ايه توماسي معتز : بقولك ايه انا مصدع اوي ، انا هروح اخلص الشغل الي عندي ، وهجيبلك الاتنين دول تحقق معاهم وابقي اساله يعني ايه توماسي الي شغلاك دي . عادل : خلاص ماشي ، وانا طالع هتلاقي عم حسين قوله يعملي القهوه بتاعتي علشان اركز وابعتلي المحضر الي عندك بتاع القضيه . معتز : اوك ياريت بس انور مختار ميقتلهومش قبل ما يعترفوا . يبتسم عادل ويخرج معتز من المكتب . يفتح عادل دورج مكتبه و ياخذ منه صوره تجمعه هو وصديقه القديم الضابط محمود ويبدا يتذكر - انت يابني متروح ترتاح شويا سيبك من ام القضيه دي انا هحلها - ماخلاص يا عم اتحلت ، اومال انا بعمل ايه من الصبح - ياسلام ، حليتها ازاي بقي - الاسم ، عايز تحل اي قضيه اعرف الاسم الحركي اكيد هيكون وراه حاجه - اسم ايه كاثريين - هي الحقيقه مش اسم بنت ولا الاسم كاثريين - اومال ايه - احنا لما لقينا في جيب المقتول تذكره المترو كان مكتوب عليها ايه - كاثريين 7 - مدلول تزكره المترو هو محطه سانت كاتريين - صح ، و 7 دا ممكن يكون 7 في الشهر او الساعه 7 المقابله - او ممكن يكون الخازنه رقم 7 في محطه سانت كاتريين يكون مكتوب الميعاد الحقيقي - ايوه ممكن فعلا ، احنا لازم نروح دلوقتى نشوف الخازنه دي - يلا بينا - يخرج محمود و عادل من المباحث ليركب عادل السياره فيقول له محمود - انا نسيت حاجه فوق هطلع اجيبها - ماشي بس بسرعه - يعود محمود الى المباحث ليعدي الطريق فتطلع سياره مسرعه امامه لتصدمه ليقع محمود ارضا و تجري السياره مسرعه بعيدا ، لينظر عادل الي محمود الملقي علي الارض ، فينزل من السياره مسرعا ليمسك بمحمود الذي الدم يخرج من راسه و هو في حاله اغماء . ينظر عادل الي تلك الصوره بحزن وفجاه يسمع صوت عالي خارج المكتب فيضع الصوره علي المكتب و يخرج مسرعا ليري ماذا يحدث معتز ( بعصبيه ) : يا فندم انت مش هتعلمني شغلي ، انا عارف انا بعمل ايه كويس انور : اتكلم بهدوء يا حضرت الضابط ، انا عامل احترام للمكان الي احنا فيه عادل : فيه ايه يا جماعه ، ايه الزعيق دا انور : اسال الاستاذ معتز ، بقوله علي اسلوب هيخلينا نخلص القضيه دي بسرعه والعيال دي تتكلم مش راضي عادل : فيه ايه يا معتز ، ايه الحكايه معتز : حضرت الضابط المحترم ، عايز يبعت بلطجيه السجن تضرب العيال دي علشان يعترفوا عادل : تاني يا انور ، احنا مش قولنا بلاش سياسه العنف دي مش بتجيب نتيجه وبرده مش هيعترفوا بحاجه انور : اهم عندكم ، اعملوا معاهم الي انتوا عايزينه لما نشوف هتخليهم يعترفوا ازاي يمشي انور ويدخل معتز مكتبه ويغلق بابه ، فيقف عادل وحده ثم يدخل هو ايضا مكتبه ويجلس علي الكرسي ليتذكر مره اخري - ايه يا دكتور ، ايه الي حصل - للاسف مقدرناش نلحق حاجه - يعني ايه يا دكتور ، محمود مات - النزيف كان كتير و الصدمه كانت جامده ، البقاء لله يدخل الصول حسين المكتب ليقول للضابط عادل الصول : المتهمين في قضيه السلاح بره يا فندم عادل : دخلهم يا عم حسين يدخل المتهمين الي المكتب في حين يضع عادل الصوره داخل الدرج مره اخري وعندما يرفع عينيه لينظر الي المتهمين ، فينظر الي شخص بشده ويدقق في ملامحه وكأنه رآه من قبل ثم يقف من علي الكرسي ويقول له عادل ( بصدمه ) : محمود ! يتبع . تصميم الغلاف الرسمي : كاردينيا73 تصميم قالب الصفحات الداخلية : حلا تصميم الفواصل ووسام التفاعل المميز : كاردينيا73 تصميم البنر الاعلاني : بحر الندى روابط الفصول الموسم الاول الحلقة الاولى .. اعلاه الحلقة الثانية الحلقة الثالثة الحلقة الرابعة الحلقة الخامسة الحلقة السادسة الحلقة السابعة الحلقة الثامنة الحلقة التاسعة الحلقة العاشرة الحلقة الحادية عشرة الحلقة الثانية عشرة الحلقة الثالثة عشرة الحلقة الرابعة عشرة الحلقة الخامسة عشرة والاخيرة من الموسم الاول حلقات الموسم الاول مجمعه من هنا الموسم الثاني الحلقة الخامسة عشر و الاخيرة من الموسم الثاني حلقات العودة الي الماضي الحلقة الاولي الحلقة الثانية الحلقة الرابعة الحلقة الخامسة الموسم الثالث الحلقة الاولي الحلقة الثانية الحلقة الثالثة الحلقة الرابعة الحلقة الخامسة الحلقة السادسة الحلقة السابعة الحلقة الثامنة الحلقة التاسعة الحلقة العاشرة الحلقة الحادية عشر الحلقة الثانية عشر الحلقة الثالثة عشرة الحلقة الرابعةعشرة الحلقة الخامسة عشر الموسم الرابع الحلقة الأولي الحلقة الثانية الحلقة الثالثة الحلقه الرابعة الحلقة الخامسة الحلقة السادسة الحلقة السابعة الحلقة الثامنة الحلقة التاسعة الحلقة العاشرة و الاخيرة الخاتمة رابط تحميل الرواية ككتاب الكتروني التعديل الأخير تم بواسطة كاردينيا الغوازي ; 19-03-16 الساعة 11:06 PM | ||||
19-03-15, 03:02 PM | #2 | ||||
نجم روايتي وكاتب في قصص من وحي الاعضاء
| بسم الله الرحمن الرحيم السلام عليكم ورحمة الله وبركاته اتمني ان تكون الحلقه الاولى قد نالت اعجابكم و انتظروا الحلقه الثانيه من الموسم الاول يوم الاثنين القادم سؤال هذه الحلقه : الضابط عادل كان يتذكر صديقه الذي مات في حادث منذ سنتين امام عينيه ، ولكنه عندما راي المتهم الذي دخل مكتبه متهم في قضيه تهريب سلاح ، قام من مجلسه و ناده ( محمود ) فهل هو فعلا محمود ام هو شخص اخر ؟ اتمنى مروركم بحل هذا السؤال و رايكم في الحلقه الاولي من الموسم الاول من روايه Tommasi ( توماسي ) و انتظروا الحلقات القادمه كل اثنين و خميس من كل اسبوع ان شاء الله و السلام عليكم ورحمه الله و بركاته التعديل الأخير تم بواسطة كاردينيا الغوازي ; 22-03-15 الساعة 07:34 AM | ||||
19-03-15, 03:20 PM | #3 | ||||||||
مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| السلام عليكم ورحمة الله وبركاته اهلا بك في وحي الاعضاء نتمنى لك كل الموفقية والنجاح الرواية كانت بمكان العرض الخاطئ حيث الروايات المكتملة في سلاسل ومكان عرضها الصحيح هنا في القسم العام من وحي الاعضاء وانا نقلتها اليه ليتابع معك القراء وبعد اذنك عندي ملاحظة وطلب ... الرواية باللغة العربية فلماذا العنوان بالانجليزي ؟! اتمنى منك اختيار عنوان اخر باللغة العربية وانا او احدى المشرفات سنغيره لك ... واخيرا اتمنى منك المرور على هذا الموضوع فيه قوانين القسم ومواضيع اخرى مفيدة دليل الكتاب والكاتبات الجدد وقوانين قسم قصص من وحي الأعضاء | ||||||||
19-03-15, 03:30 PM | #4 | ||||
نجم روايتي وكاتب في قصص من وحي الاعضاء
| بسم الله الرحمن الرحيم كاردينيا73 شكرا جدا ليكي انا مكنتش اعرف المكان فعلا ، و هقرا دليل الكتاب انشاء الله اما بالنسبه للاسم فهو اسم بطل القصه الحركي و دا لو كنتي قريتي القصه كنتي هتعرفي كده ، اما ليه بالانجليزيه فدا هيبان برده في الحلقات الجايه ، اتمني انك تكوني قريتى الحلقه واتمني انى القصه تكون عجبتك و تشركيني برايك و بحل السؤال ! و السلام عليكم ورحمه الله وبركاته | ||||
19-03-15, 03:43 PM | #5 | |||||||||
مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| اقتباس:
للاسف لم اقرأ الحلقة اعتذر منك .. طيب ممكن نحط اسم البطل في العنوان بحروف عربية ؟ او حتى نحطه عربي وانجليزي اذا مهم الحروف الانجليزية | |||||||||
أدوات الموضوع | |
انواع عرض الموضوع | |
|
|