آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-12-15, 06:15 AM
| #1 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  وشلون أضمك وأنت بالقلب موجود عمركم سمعتوا بواحد ضم جوفه / للكاتبة حفيدة شكسبير بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته وشلون أضمك وأنت بالقلب موجود عمركم سمعتوا بواحد ضم جوفه / للكاتبة حفيدة شكسبير | ||||
|
|
03-12-15, 06:15 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته عسى اوقاتكم تمر ثوانيها كلها سعادة كاتبة جديدة بين أحضان المنتدى بإذن الله راح أبدا اول راوية من تأليفي ... روايتي الأولى وشلـــون أضمكـ وََاانت بالقلب موجود، عمركم سمعتوا بوَاحد ضم جوفه روايتي تضم أحلام نسعى لتحقيقها عمق حب العائلة و حب الأب لأبنائه عمق وفاء الصداقة وصدق حب الأصدقاء عمق الإخلاص في العلاقة وما بين خوف وحب وفراق ولقاء وأصدقاء وانتقام فلا بد من ان ينسدل الستار لتعلن نهاية تلك القصة ... ابطالي في عمر الزهور وفي سن الطيش و حب العيش في هذه الدنيا و ما بين لقاءاتهم قصص ... طبعاً الروايه فيها شويت خيال (⌒▽⌒) بسم الله نبدأ سوا | ||||
|
|
|
03-12-15, 06:17 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــآرت الأول السـ 4:30 ــاعة أعلنت أصوات المساجد القريبة والبعيدة تلك الجمل التي ترتاح بها الأنفس وتستريح ؛ اعتلاء صوت الحق و بترديد الأذان نختمها بذكر والدعاء ... بيت أميـــر رائد على سريره وما نزل جفنه طول الليل يراقب الساعة وقبل ما ترن فز من على سرير رائد طلع جري من عرفته وبأعلى صوت : ماما يا ماما يا ماما ماما لين بخوف : شفيك حبيبي رائد ظل يتأملها بهدوء نادر يصحى على صوت رائد فتح باب غرفته وطلع نادر بعصبيه : خير كل هالصراخ على صباح وين احنا لين: ندو عيب عليك تعلي صوتك بوجه أخوك إذا ما تحترم وجوده احترم وجود على الأقل - وبكل حنان - عيوني لك حبيبي شنو كنت تبي مني رائد وهو يحك راسه بابتسامه : نسيت ماما... نادر عصب اكثر: فوق ذا كله ناسي لين: كفايه انت وياه بدلوا ملابسكم وعلى المسجد مع بابا يالله لا تتأخروا رائد:خلي ميمو ينتظرني نادر : اخلص بسرعه اجل لين : يالله كل واحد على غرفته بــــــيت وائـل وسام صحى على صوت المنبه صوت وائل من وراء الباب : وسام وسام حبيبي يالله اذن الفجر وسام بعد الغطاء وقام يتوضأ الســ 5:28 ـــاعــة الجميع كان مستعد لبدأ يومهم الجديد الأول بعد أيام مضت بــــيت رعـــد أسير تنادي : جونه جووونه جونه: أمريني مدام أسير بابتسامه : الله يعطيك العافيه روحي قومي رفول من النوم عشان لا يتأخر على المدرسه جونه: حاضر تامريني شيء تاني أسير بنفس الابتسامة : تسلمي لي طلعت جونه لغرفة رفل عشان تقومه للمدرسه بــــــيت وائـل وسام باس راس ملاك: يسعد لي هالصباح يا غلاتي ملاك بابتسامه كلها حب : وصباحك يا نور دنيتي وسام باستغراب: ليون وينها لينا وهي نازله من الدرج : خير تسأل وسام بابتسامه من شوفتها : ما في شيء لو سألت عن أختي حياتي لينا تستقبل القبله : الله ياخذ حياتك و ... ملاك بنبره حاده : ليون لا تنسي هذا أخوك ادعي له مو تدعي عليه لينا من دون نفس تتصنع الابتسامه : الله يطول لي بحياتك يـــــا اخــــوي وسام عارف هالدعوه بس عشان امه قدامه بيــت لــــؤي ضياء : يسعد صباحكم ماما و بابا أسيل و لؤي : وصباح حبيبي لؤي : وين نينو ضياء بقلت حيل : ما رضت تقوم تقول تبي تنام لؤي : طيب حبيبي انتي افطري الحين وأنا بطلع اقومها بيــت رعــد جونه من وراء الباب : رفل يا رفول رفل دقت الباب الغرفة ودخلت جونه : رفل رفل رفل يالله قوم مشان لا تتاخر رفل رفول يالله رفول بيــت لـــؤي لؤي يحاول في أنين تقوم بس ما رضت أنين : بابا ما احب المدرسه ابي أنام والي يعافيك لؤي : يا كسووله قومي بالله ليه ما نمتي بدري اش كان عندك يالله يا بابا عشان خاطري قومي ولا مالي عندك خاطر أنين : بابا يا حبيبي يا عيوني وكل دنيتي ابي انا لؤي يقرب من أنين ويهمس لها : قومي لا تتأخري على المدرسه وعلى أختك.. بيــــت رعـــد رفل وصل حده : ترى والله اسمع وعارف اسمي خلاص إطلعي برا وقفلي الباب ابي أنام جونه: الدكتور رعد ينتظرك رفل :اووووف طيب طيب خلاص اطلعي جونه طلعت بس رفل رجع كمل نومته ليندا قابلت جونه ليندا: رفول وين جونه: في غرفته في هالوقت رعد دق باب غرفة رفل رعد بصوت الحاد : رفـــل قوم لا تتأخر على مدرستك يالله رفل فز من سريره يحاول يفتح عيونه ليندا قابلت رعد في الدرج وهي طالعه ليندا : صباح الخير بابا رعد بابتسامه : صباح النور حبيبي بابا بعد 10 دقائق رفل كان مسترخي داخل البانيو و اول ما سمع صوت جونه تناديه غمض عيونه و نزل نفسه لحد ما صار تحت المويه وغرق بعيد بأفكاره بيـت أمير رائد نازل من على الدرج جري أمير : لوين طالع رائد : تأخرت عن المدرسة نادر الي أخلاقه قافله من لما قام من نوم من إزعاج رائد : بتتأخر عن المدرسة ولا رفول أمير : ما تطلع قبل لا تفطر يالله رائد : ميمو ما ابي أتأخر اكثر من كذا أمير : ماني بخابرك عنيد كذا نادر : العناد كله رفول وما تبي يكون عنيد لين : ندو اشفيك كذا على أخوك و رفول نادر : هم ثنائي المصائب في العايله رائد حاس بالفخر بطاريه وطاري رفل وهو يسحب الكرسي ويجلس قدام الطاولة: قصدك الثنائي المرح للعايله بيت رعد رفل مسوي سالفه لــ أسير كل ثانيه يناديها رفل : ماما يا ماما أسير : نعم شنو تبي هالمره رفل بابتسامه : ابي الاستشوار أسير ناظرت فيه بحده رفل : ههههه امزح معك المهم وينه أسير تناظر فيه : ... يطلع من الغرفه جري عشان يأخذ الاستشوار ويجفف شعره المبلول ما مرت حتى خمس دقايق الا رفل : ماما ياماما أسير طلعت له أسير : نعم رفل بطفش : ماما مو لاقي ملابسي الغرفة مقلوبه فوق تحت كله من ترتيب جونه أسير : لا يكثر بس والله هي الي متحمله المزبله الي تعملها في الغرفه دخلت غرفة الملابس وطلع ملابس رفول أسير : تفضل توصي شيء ثاني رفل : لا شكراً ماما بعد دقيقتين رفل : ماما يا ماما اسير كانت تحت جالسه على طاوله مع رعد وليندا أسير سحبت الكرسي لوراء : اطلع أشوف له دقايق بس رفل كانت متملل ومعصب لان اكثر من مره يطلب من جونه ما تدخل غرفته ترتبها أسير : شنو طلب هالمره رفل : مو لاقي الاسبورت الأحمر تبعي أسير وهي طالعه : تلقى الأزرق في الرف الأول رفل بتعب : ماما انتظري انا طلبت الأحمر وأنتي تقولي لي الأزرق أسير : ماشي اطلع لك كل الاسبورات عشان تلقى الاسبورت الأحمر وبعدها رجعهم مكانهم رفل يضحك من دون نفس : هههههــ لا خلاص أصلاً آلون الأزرق لون جميل تحت في صالة الطعام على طاوله رعد و أسير و ليندا وصلهم صوت رفل وهو ينادي على أسير رعد مسك يد أسير الي كانت هـ تقوم رعد : اجلسي كافي طالعه نازله مو محترمك ناسي انك امه - بصوت رعد الحاد - : رفل لك دقيقه بس ألقاك قدامي تفطر بسرعه أسير : رعد ليه كذا انا امه من حقي اخدمه وارد عليه لما يناديني رعد مطنش كل شيء ويرشف من كوب القهوة : امه بس رفل مزودها شوي -وهو يناظر في ساعة يده -رفل مأخذ اكثر ربع ساعه يجهز حاله لروحه مدرسه فجـــــــأه رفل نازل من على درج يزحلق رفل : صباح الخيرات بيــت لؤي أنين كانت قدام المرايه أنين : ضي شو رأيك أحط كحل ولا بلاش ضياء : احنا رايحين مدرسة ولا تنسي أستاذه سميره أنين بابتسامه : بصراحه كنت ابي احط كحل عشانه الحب اذا جاء بس دام أستاذه سمسمه في الموضوع أحط مكياج عروس بعد ضياء ضحكة على أنين الي تحب تضايق أستاذة النظام سميره بيــت رعد رفل ماسك أعصابه : ماما بابا انا اكثر من مره قايل لكم ما ابي جونه تدخل غرفتي قالبه لي الغرفة أسير : احنا تكلمنا في الموضوع هذا اكثر من مره الجواب واضح كان رفل : طيب ما علينا الشيء ثاني ما أبيها تقومني من نومي لانها تعكر مزاجي بصوتها الي يسد النفس رعد بكل هدوء : عيب حبيبي وبعدين واضح ان مزاجك معكر وانت نازل من على الدرج تزحلق السـ 6:00 ــاعه الكل كان مستعد ليبدأ يومه بيـــــت وائــل وسام وهو يمشي : ليون هيا لينا الي جالسه لساته وسام وقف ولف لها : ما تبيني اوصلك المدرسة لينا قامت من دون نفس : طيب انتظرني في السياره لـ حد ما البس عبايتي بيــــت أميـــر رائد سحب الكرسي :انا بروح للمدرسه الحين ولا بتقولوا لي بدري محد يداوم هالوقت لين تبتسم له : ما راح نقول لك كذا بس انتبه لنفسك حبيبي رائد : من عيووووني نادر: لا تسرع هاه ترى المدرسه في الحي الي قبالنا طيب رائد : كنت برد عليك بي الوقت تأخر يالله مع السلامه بيت لــــؤي ضياء و أنين باسوا أسيل قبل لا يطلعوا أنين بعد ما باست لؤي لؤي : انتي وش حاطه في عيونك أنين نزلت النظاره لطرف انفها وهي طالع في لؤي : ابدا بس عدسات وكحل خفيف و مسكارا وميك اب خفيف -ترجع النظاره وتبتسم - لؤي ضحك عليها : كل ذا حبيبي انتي رايحه المدرسة أنين : بس لازم أكون كاشخه في كل مكان انا بنت لؤي يستهبل معاها: بس ناقصك كعب على هـ الكشخه أنين: كنت بلبس بس للأسف كعب ما يناسب ستايل المدرسة أسيل : بعد نينو حبيبي امسحي الي على وجهك طيب أنين بزعل : ماما ليه كذا لؤي : انتي حلوه و ماما تخاف عليك حبيبي ضياء مسكت يد أنين : مع سلامه ماما دعواتك أنين تناظر في أختها : ترى مو مداومين للامتحانات ضياء تمسك نفسها لا تضحك على تفكير أختها: ما تبينها تدعي لنا ولا بس هذي أيام الامتحانات أنين: بنسبه لي وقتها أيام الامتحانات يناسب اكثر بيــــت رعـــد أسير : حبيبي بلاش مشاكل في الدرسة وانتبه لدروسك ولا تزعج المعلم والطلاب بالحصه لا تنسى انك آخر سنه ثانوي ولازم تكون نسبتك حلوه وسمعتك جميله بعد طلوعك منها رفل : حاضر ماما شيء ثاني بعد رعد : سالفه الي اخر مره ما تتكرر طيب رفل بابتسامه : طيب طيب يالله مع السلامه ... في المدرسه رفل :سلام عليكم ردوا السلام رائد : رفل اعرف على طارق صاحبنا الجديد رفل بابتسامه عريضه : هلا والله طارق يبادله نفس الابتسامة : هلا فيك رفل: صدقني راح تنبسط في هالمدرسه سعود: ايه واح ينبسط من الحين أقولها لك انت وياه - يقصد رفل و رائد - اتركوا الولد بحاله حصه الثانيه رائد يرمي القلم: أوف من اول يوم عاد سعود: اجل بالله ليش جاي المدرسه رفل :سعود بليز ارحمنا فجأه برن جرس الحصه ثالثه ويدخل المعلم رائد من مستوعب من الفرحه : رفول شوف من جاء رفل : الحب يا هلا والله أستاذ الفيزياء :سلام عليكم ورحمة الله وبركاته ... مدرسة البنات أنين : بنات قسم بالله طفش على الفاضي مداومين أوف لينا : أحسن من غيرنا على الأقل ذابحنا الطفش ولا حصص أنين : معك حق مدرسة الشباب الأستاذ ما تحمل ثانيه وحده الوضع أ- مروان بحده : رفول كافي رفل : أروح على الاداره أ- مروان: بسرعه قدامي رفل يفز من مكانه ويرقص : واو بروح الاداره واو أ-مروان : بسرعه تحرك يطلع رفل من الفصل جري الفرحه مو واسعته في الاداره أ- مروان: أستاذ خالد شوفوا لي حل مع هالولد مو معقولة من اول يوم كذا أ- خالد : هالطاقه ماشاءالله ما فرغتاها في الاجازه بسم الله عليك المهم حبيبي بكره ولي أمرك يجي طيب والحين روح على فصلك رفل :تقصد بابا أ-خالد: ايه يا روح بابا طيب بكره بابا يجي معك رفل : طيب ... نهاية الدوام رفل :رحت فيها لازم بكره الدكتور رعد يداوم معي يا ربي رائد :رحنا فيها سعود: لو محترمين أنفسكم ما كان صار كذا رفل:سعود ماعندك شغله غير انك تحسينا بالذنب رائد: لا تشيل همه الا بكره فلها اليوم رفل:وانت صادق أعدكم اليوم سهر على حساب الحب رائد بمناسبه صدقتنا الجديد مع طويرق طارق :طارق البنات â—‹ لينا:بنات بصراحه ما اقدر اتحمل هاليوم الممل أنين: شو رأيكم نطلع لينا :خلاص الساعه 9راح أمر عليكم اوك ليندا وضياء : اوك انتهى البارت انتظروني بالبارت الثاني مع تعريف بالأبطال دمتم بحفظ الله ورعايته | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
