آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-10-15, 09:14 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البــــــــــــ26ــــــــا رت الســادس والعــــشروـن ( , ”نصيحتي لا تظلمون وتضرّون وصدّو عن عيوب البشر واستروها ولغيركم حبُّو مثل ماتحبون ونفوسكم بالناس لاتشغلوها ��✨. - !.. .".. الصباح الساعه ثمان سافرو رنا وخالد ل كوالالمبور ووصلوا هناك على طول أتجهوا للفندق اللي حاجزين فيه أخذو شاور وأفطرو عقب نامو ... _________________________________ على الساعه وحده الظهر على الغداء ببيت ابوراسل كانوا جالسين على الطاوله يأكلون بصمت تكلم أبو راسل : اليوم بالليل راح يجون ال ..... يملكون أبي يكون كل شي جاهز وراح يتعشون هنا أنا وصيت على المطعم اللي راح يجهز العشاء أبي كل شي على المغرب يكون جاهز ام راسل : راح يجون الحريم ابو راسل : لا راح يجون يوم ثاني يوم الشوفه ( وناظر رولا اللي تأكل بصمت ) راسل : يبه ابي أكلمك في موضوع ضروري بعد الغداء ابو راسل وهو يشرب مويه : طيب بعد الغداء تعال لي المكتب ( وقام وهو يقول ) الحمدلله ريان بمزح بعد ماشاف ابوه ابتعد : رولا ترى صور سعود عندي يعني ( وغمزلها ) اذا تبين تشوفينه رهف بحماس : ايوه ايوه ودي اشوفه ريان وهو يناظرها : شدخلك انتي رولا وهي تقوم : الحمدلله رهف بفشله:يعني بياخذ اختي ذا ريان لرولا : ماتبين الصوره رولا بهدوء وهي تبتعد : لا ام راسل : هاتها يمك خل اشوف نسيبي ضحكو رهف وريان على لقافة امهم اما راسل وقف وهو يقول : الحمدلله غسل يدينه وقرب من رولا وهو يقول : رولا مقتنعه وراضيه بقرارك رولا بابتسامه : ايه ابتسم راسل وهو يقرب يبوس راسها : الله يوفقك يارب رولا : وياك حبيبي تقدم لمكتب ابوه وهو يفكر دق الباب وهو يترك يدينه في جيوبه جاه رد ابوه يأمره بالدخول دخل وجلس قدام ابوه ينتظره يخلص من المكالمه عقب فتره خلص ابو راسل وسكر جواله وهو يلتفت لراسل قال بهدوء : ايه ياراسل وش تبي راسل : يبه انا قررت اتزوج ... ابو راسل بصدمه : شنو بتزوج وش اللي غير رايك ؟؟؟ راسل بنفس الهدوء المعروف عنه : حسيت اني قادر امسك مسؤؤليه بيت وعيال خصوصا اني قريب ادخل الثلاثين بعدين وظيفه و عندي وراتب استلم نهايه الشهر اللي يكفيني طول الشهر وبيت فيه وعيال عمي اصغر مني وتزوجو يعني اهم افضل مني بشنو ؟ ابتسم ابوه وهو يقول : اخيرا اقتنعت هذي الساعه المباركه قل لي مين تبي من بنات عمك راسل : ما ابي من بنات عمي ابوه : اجل عندك وحده محدده ولا اقول لامك تخطب لك راسل وهو يلف وجهه لابوه : يبه انت تدري منو ابي ابو راسل بشك : منو ؟ راسل : وهم ال .... اخته يبه اخت اللي قتلته ابو راسل بعصبيه : انت وبعدين معاك هاه ؟ وبعدين مو قلت لك انسى هالسالفه هاه راسل بنفس العصبيه : ماأقدر يبه مااقدر انسى شنو اني في يوم من الايام قتلت اعز اصحابي اللي كان لي مثل الاخو انسى اني قتلت عمري قتلت واحد كان لي مثل الاخو اكل معاه اشرب معاه ادرس معاه حتى انام معاه الفلوس اللي تجينا نتقاسمها مع بعض انسى واحد حبيته وعزيته اكثر من اهلي سكت وهو يتنفس بقهر ابو راسل يغير الموضوع : انت لما قلت لي ماراح تتزوج غير وهم كنت صغير وكنت اتوقع انك بس تكبر تنساها لكن انصدمت انت تبيها للحين خلاص راح اقول لامك تخطبها لك سكت راسل وقام بضيق : ابي تروح بكره او بعد بكره ابو راسل بضحكه : علامك مستعجل ياابو احمد راسل بنفس الضيق : أنــا مو أبو أحمد أنــــا أبو يــــــــاسر .. ناظره ابوه بصمت وقال : ليش احسك زعلان مني راسل : انت تدري ليه ابوه : فأيش زعلتك راسل بحده : انت اللي منعتني مااقتل الك.... انت اللي مسكتني وماخليتني اسوي شي ابوه بعصبيه : لاني ماخليتك تنتقم طيب ولو فرضا تركتك ورحت وراه وقتلته وبعدين ياابو ياسر بترتاح بيرجع ياسر راسل بحده : على الاقل بحس اني سويت شي لكن يبه من بعد الحين لاتلومني لاسويت شي لاني ماني بساكت ابد انا من لما رجعت من بريطانيا تعبت حالي واشتغلت وحاولت اضيع وقتي عشان لاأفكر تنهد ابوه وهو يقول : راسل اللي صار الله كاتبه من زمان فاهم هذا قضاء وقدر ياولدي .. تنهد راسل وقال بهدوء : عن اذنك يبه ابو راسل بنفس الضيقه : ناد لي امك خرج راسل وقال لامه ان ابوه يبيها عقبها طلع من البيت بكبره ... _________________________________ كوالالمبور على 5 العصر ضحكت وصرخت بفرح وهي تضمها : يادبه اشتقت لك قالت الثانيه بنفس الحماس وهي تبوس خدها : وانا بعد وربي اشتقت لك ضحكو بفرح وتقدم منهم بدر وخالد وهم يقولون : مطولين وانتم تسلمون الناس تطالع رنا : ماعلينا من الناس بدر : راح نروح لـ العمارتين التؤام نلتقي هناك خالد خالد وهو يمسك رنا : اوك سلام بدر اشر لعهد على السياره وناظرته بصدمه ركب خالد السياره مع رنا وهو ساكت رنا : ليش رحنا لوحدنا ليش مارحنا مع بعض خالد باستخفاف وهو يناظرها : مره ثانيه ولايهمك كل شي ولاتزعلي رنا باستغراب وبقهر : ليش تكلمني كذا وشرايك بعد تمسكني من شعري وتوديني الفندق خالد بنفس النبره : فكره مش بطالع بس احسني كسلان خليها مره ثانيه انقهرت رنا وقالت وهي تعطيه ظهرها : مالت عليك خالد : قلتي شي رنا : لا لا اااااا ضحك بصمت ولف يطالع الشباك ... ________________________________ اما بدر وعهد انصدمت وقالت بعد ماركبو : ليش راحو لوحدهم وحن لوحدنا بدر بقهر يخفيه: امداك تشتاقي لها شوي ونوصل ولا اوصيك اضحكي بصوت عالي وضميها وبوسي خدها وصارخي لاتنسي ... عهد وهي تناظره : شقصدك ؟؟؟؟ بدر : ولاشي بس ثاني مره اخفضي صوتك لوسمحتي لفت عنه وهي مستغربه ليش معصب ؟ تكلم بدر بضيق:تدرين اليوم ملكة رولا لفت وجهها له وقالت بصدمه:جد اليوم بدر:ايه عهد بفرحه:حبيبتي وربي فرحت بها الله يوفقها يارب سكت بدر وهو يناظر من الشباك عهد :طيب قول امين ! بدر وهو يلتفت لها ويضربها بخفيف براسها:امييييين امين عهد:اي بدر بتفكير:الله يوفقها ويرزق اخوي الزوجه الي تنسيه رولا وطوايفها سكتت عهد وهي تفكر تكلم بدر بحمق:طيب قولي امين عهد بضحكه:شنو تردها بدر :نفسك مو من حقي ضحكت عهد عليه وشاركها الضحكه وهو يقول:يله وصلنا انزلي لحبيبتك رنا ... _________________________________ بالليل كان الكل موجود وبمجلس الحريم كانو يضحكون ومندمجين بالسوالف الجده : الا متى يملكون ام راسل : ابو راسل يقول بعد شوي مها : نبي نشوفه هالسعود رهف بحماس : انا شفته ساره : وكيف ؟ رهف ببرود : عادي يعني بشره قمحيه عارض خفيف مقبول بس مو بوسامة شبابنا رولا بهدوء : الرجال مخابر مو مناظر البنات بصراخ : ياي من الحين تدافعي طنشتهم رولا وماردت مها : والله رنا وعهد لهم فقده بيان : اي وربي والبيت بدون اخواني ماش ام مشعل : اي والله البيت من دونهم ماله طعم وحس الله يرجعهم بالسلامه رهف بمحارشه : سمعتي يابيان انتي صفر عالشمال ام مشعل : لاتحاولي تشككيها بمكانتها عندي هي ادرا منى :لقطي وجهك ههههههههه ضحكو على رهف الي تسوي ماسمعت شي دق جوال رولا وكان صديقتها وقامت تكلمها برا ام فايز : من يصدق رمضان باقي عليه اسبوعين واربع ايام الجده بدعاء : الله يدخله علينا لافاقدين ولا مفقودين الجميع : امين . ان شاء الله .يارب . دق جوال ام مشعل وكان مشعل فخرجت تكلمه برا ام مشعل : شلونك حبيبي مشعل مشعل وهو يسوق : تمام يمه وينك وش هالازعاج ؟ ام مشعل بارتباك : هاه عند بيت عمك ابو راسل مجتمعين مشعل : ليش؟ ام مشعل : جمعة حريم مشعل : ليش تكذبين علي يا امي انا ادري انها مو جمعه حريم ادري انها ملكه رولا ام مشعل بصدمه : من قالك مشعل : مو مهم بس ماهقيتها منكم يمه تكذبون علي ابوي مسفرني الكويت ومايرد على مكالماتي وانتي تقولي جمعه امه : حبيبي مشعل خلاص انساها رولا مب نصيبك مشعل : ادري يمه بس لاهنتي قولي لابوي يرد علي ابي اقول له شي الحين تكفين امه : شنو ؟ مشعل : شي ضروري يله يمه امه : اوك قفلت ودقت على ابو مشعل رد وهو يقول : شتبين يامره المملك بيملك الحين وانا مش فاضي لاني الشاهد ام مشعل : دق علي مشعل طلع يدري ابو مشعل بصدمه : شنو شلون عرف ؟ ام مشعل : مادري طلب مني اقول لك ترد عليه يبي يقول لك شي ابو مشعل باستعجال : طيب طيب مع السلامه دق على مشعل وجاه صوته وهو يقول له : كيف هان عليك يبه تزوجها واحد غيري ابومشعل : مشعل وبعدين انساها مشعل بعصبيه : شلون قل لي شلون يبه انت اجبرتني اطلقها وذلحين مسفرني عشان لااخرب عليكم هههههه اه يبه ابو مشعل وهو يشوف ابو راسل يتقدم له وهو مستغرب شفيه : مشعل رولا خلاص صارت زوجه لواحد غيرك اعقل وانساها وبس تجي نخطب لك وحده غيرها مشعل بصراخ : كيف انساها يبه انا مااقدر مااقدر والحين تقول لي صارت لواحد غيري وربي تخلوه يطلقها الحين ولا وربي افضي سلاحي اما في راسه اوراسي يبه ترى انا مجنون اسويها ( سكت ويفكر ويسوق بسرعه صارت لواحد غيره تدلعه وتلعب معه وتضحك له وتغني له ماعاد بتلعب معي ماعاد بتسولف وتضحك لي وتقول لي ميشو حياتي صارت حليله لغيره صرخ بقوه وهو يتخيلها مع غيره ) مشعل : انا الحين جاي وقفو هالمهزله يبه رولا لي وانا وسبق قلت تحرم على رجال غيري ... _________________________________ عند رولا وهي تكلم صاحبتها صاحبتها بشهقت الم : يعني كل هذا صار لكم وانا ماادري معقوله مشعل طلقك والحين بتملكين على واحد ثاني والحب اللي بينكم ؟ رولا ببرود : انتهى صاحبتها : معقوله سمعك وانتي تكلمي محمود الزفت رولا بنفس البرود : اي سمعني والحين خلاص انا بصير زوجه شخص ثاني صديقتها بقهر : ومشعل رولا : بالطقاق ياكثر بنات الارض يتزوج وحده غيري سكتت صديقتها وهي تتنهد بالم على قصه رولا ومشعل اللي تعرفها كيف كانو يحبون بعض لحد الجنون .. _________________________________ نرجع لابو مشعل ومشعل ابو مشعل بصراخ وصدمه : مشعل اعقل واترك الهبال ماهي نصيبك خلك بالشرقيه لاترجع لاترجع مشعل بصراخ وبقهر : يبه زوجتوها لغيري يبه انت تدري اني احبها ومااقدرت اعيش من دونها ليش تقتلني يبه ترى الطعن بالميت حرام ابو راسل اخذ الجوال من اخوه وقال : مشعل مشعل تسمعني هد هد انت صادق تحبها وتبيها مشعل بنفس النبره : اجل شلون اسوي كل هذا شلون لكن واللي خلق سبع ورفع سبع لو مايطلقها مااخليه عايش تكلم ابو راسل لكن اخوه اخذ الجوال وهو يقول : عن المهزله يااحمد ( وكلم مشعل ) اسمع يالعاق ترجع لمكان مارحت وتخلي هالليله تمر على خير لا اغضب عليك رح جعلك ماترجع ( وقفل الخط ) وهو معصب اما راسل قرب منهم وهو يقول : شفيه ابو راسل : ذلحين تعرف امشو المجلس ابو مشعل:لا تكفى ياخوك جاهل لاتضيع خطيب رولا وش ذنبها هي ابو راسل:ذنبها انه حبها امس وانا طالع غرفتي مريت من غرفتها كان اسمع صوت بكيها لما فتحت الباب كانت تطالع لـ شريط ملكتهم ربي بلا هالاثنين بحب والعياذ منه الله لايبلانا مابلاهم هي للحين تحبه وتكابر وهو نفس الشي لاكن والله لاطلع هالشي من عيونهم بس خل هالليله تمر على خير امشو ندخل للـ ضيوف ودخلو المجلس اللي كان فيه ابو مساعد وولده مساعد وسعود والمملك والباقين اهل رولا ابو مساعد : يابو راسل ان كانكم مستعدين راح نبدا ابو راسل : قبل ماتبدا ياابو مساعد انا بقول لكم شي ناظروه وتكلم ابو مشعل : لا ياخوك لكن ابو راسل كمل : يابو مساعد جيتك انت وعيالك على العين والراس ووالله ان قدركم مرفوع لكن مافيه نصيب الله ماكتب ان بنتنا تكون لولدكم سعود والله ان العيب ماهو منكم لكن اعذرونا مانقدر نكمل ابو مساعد وهو يوقف : افا ليش شايفين على سعود شي ابو راسل : والله انه كفو ورجال لكن حنا الخسرانين مب انتو اعذرونا بس ماهنا نصيب ابو مساعد لكن .... قاطعه سعود وهو يقول : امش يبه مكانا مب هنا خلاص فهمنا ابو راسل : والله ان تتعشو هنا ابو مساعد بزعل : عشانا ببيتنا مالنا هنا مكان وماهقينا فعلتكم ذي تطلع منكم خرج هو وعياله وهم زعلانين تكلم الجد المنصدم بعصبيه : وش السالفه ابو راسل : بتعرفون بعد العشاء نتعشاء عقبها ننطر مشعل يملك على رولا وبعلمك السالفه تعشو وخلصو انتظرو ساعه ماجاء المملك راح لانه تأخر وانتظرو ساعتين ثلاث اربع لكنه ماجاء _________________________________ عند الحريم رولا تحس قلبها يرجف تحسها خايفه ومتوتره تكلمت الجده بنعاس : هو وش فيهم صارت 11 الليل مااملكو ام راسل : يقول ابو راسل ينتظرون شوي بعدها بيملكو ويعلمنا السالفه ام مشعل ويدها على قلبها : والله احس السالفه فيها مشعل صار لهم من ثمان الى 11 وما ملكو ياخوفي يكون صاير شي بعد ماكلم ابوه ارتبكو وتوتر الجو _________________________________ نرجع للرجاجيل تكلم الجد : دقو عليه وينه معقوله مابعد وصل ابو مشعل اللي منزل راسه رد على جواله اللي دق وقال : ياهلا .... اي انا هو ...... نعم شنو ( سكت بصدمه وقفل جواله ) وقف وابو راسل يسأله : وش صاير ابو مشعل بهمس : يقولون مشعل صار عليه حـــــــــــــــــــــادث . تكهرب الجو وردو باستنكار وصدمه : شلون كيف متى ومن هالكلام.. ابو مشعل : وهو جاي من الشرقيه صار عليه حادث ناظر بالمجلس وهو يقول بضعف قبل لايطيح مغمى عليه : مشعل لا لا يابوك لا وطاح مغمى عليه ..... _________________________________ توقعــــــ��ـــــاتكم _رولا وسعود الي انرد ومشعل الي كان بحاله جنون وصار عليه حادث؟؟؟تكلمو عن قصه رولا ومشعل تتوقعون بيرجعون لبعض ولا رولا ترد مشعل؟توضح لنا في هالبارت مشاعر وعواطف مشعل اتجاه رولا وطلع لازال يحبها؟ياترى رولا نفسه ؟ _راسل ووهم؟خطبتهم راح تتم؟حللو لنا المشكله الي بين وهم وراسل وتكلمو عنها وعن ياسر ؟ _وش بيصير لرنا وخالد وبدر وعهد الايام الجايه؟ _عبدالعزيز ماله وجود بهالبارت؟ _ساره والهاجس وليد مالهم وجود نهاية علاقتهم هل ياترى زواج او ؟؟ _وش فهمتو من هالبارت؟ _اشياء واجد بانت لنا بهالبارت واسرار وضح بعضها بالبارت هذا بس ياترى ركزتو عليها او مافهمتوها؟ _بانتظار ردودكم وتوقعاتكم اسعدوني .. ( , ”-___ (خالدين فيها ذلك هو الفوز العظيم) - يارب اجعلها دارنا . - ❄ ! .. - !.. .".. | ||||
|  |
|
09-02-16, 11:11 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــــ27ــــــــا رت السابــع والعــــشروـن ( , و هكذا سأعيش .. ! - !.. .".. بـــعــــــــــــــــد شهـــــــر كانت جالسه بغرفتها جنب البلكونه لابسه أسود في اسود وجها ذابل وواضح اثار السهر والبكا تحت عينها هالات سودا خشمها وفمها احمر عيونها صغار وحمر من البكا والسهر دموعها صارت تنزل منها بدون ماتحس كذا كأنها شلال صرخت بقهر وهي تقول بالم:لا يارب لـاااا وقفت بتعب وهي تتوجهه للمكتبه ..وقفت جنبها وهي تمد يدها تاخذ ألبوم الصور جلست على الكرسي وهي تفتح الالبوم ابتسمت بالم وهي تشوف صورته في يوم الملكه يبتسم وهو يناظرها قلبت الصفحه وكانت صورته لما سافرو لـ الشرقيه قبل مايخطبها واقف جنب البحر هو وراسل كان شعره طويل وكان لابس شورت بني وتيشيرت كحلي صارت تناظر الصور ودموعها تنزل اكثر صرخت بجزع وهي تقول:اهه ياقلبي اه جثت على الارض بحزن وهي تسند جسمها على الجدار وتضم رجلينها لصدرها دفنت وجهها وهي تبكي بنحيب مو مصدقه الـي قاعد يصير ابدا ..! سمعت دق الباب وصوت امها من وراه وهي تقول :يمه رولا ياقلبي فتحي الباب رنا بحزن ودموعها تنزل:رولا حبيبتي تكفين افتحي الباب تكفين لاتسوين بعمرك كذا تكفين صرخت وهي تقول:شتبغون فيني شتبون خلاص مشعل مااات ماات اعتبروني مت معه ام راسل:يارولا هذا قضاء وقدر الله كاتب كذا مايجوز لك تعترضين بكت بحزن وقهر ولوعه الفراق ذابحتها قالت وهي تكلم امها:يايمه ليش ليـــــش يروح ويتركني ليش يصير معي كذا انا شسويت بحياتي عشان يصير لي كذا اهي اهيء (بصراخ)ليش يتركني ليش بكت امها وهي تقول:تكفين يارولا فتحي الباب خل اتطمن عليك قالت بصراخ :انتم ماتفهمون انا مابيكم ماابي اشوف وجيهكم ماابي الا مشعل مشعل وبس يمه ماابي الا هو اذا تبون اطلع من هالغرفه رجعولي مشعل بكت امها بقهر وردت رهف الي توها تجي وبقهر:رولا وبعدين معاك ابد ماتوقعتك تسوين كذا لازم تكونين قويه وتصبرين امه بعدين مو انتي الي ماكنتي تبيغينه وكنتي تدعين عليه شالي غير الحين صرخت رولا بقهر وبنحيب:ليتني مادعيت عليه ليتني ماخليته يطلقني على الاقل اكون ارملته اهههه اه ياقلبييي اه وانهارت وهي تناظر الغرفه بحزن ام راسل ناظرت رهف بلوم وهي تقول :ماكان لازم تقولين كذا رهف وهي تجلس في الجلسه الي جنب الغرف وبحزن: لامتى يمه وهي مسكره غرفتها عليها لاتأكل ولا توقف بكي قاعده تذبح نفسها يمه وحنا ساكتين تنهدت امها باسى وهي تجلس وتقول :قلت لابوك نكسر هالباب بس رفض يقول دامها سكرته مصيرها تفتحه رنا بقهر وهي تمسح دموعها:بس يمه ياخوفي تعمل بحالها شي سكتت امها بخوف اما رنا ردت على جوالها وهي تقول :هلا خالد خالد ببرود :رنا دقيتي علي ؟ رنا بهدوء:اي خالد كيفها عمتي وبيان خالد بهدوء:على حطت يدك بس امي اهدا من الي قبل رنا :حلو طيب خالد متى تجيني؟ قال وهو يناظر حوله وبهدوء:راح امر لك بعد ساعه رنا :طيب خالد:مع السلامه سكرت منه وهي تناظر امها الي قالت :وش قال خالد رنا :يقول عمتي كأنها احسن اليوم راح اروح بعد ساعه بس جيت اتطمن على رولا ام راسل :وانا بعد باروح امس كنت عند رولا مارحت رهف:وانا ام راسل وهي تقول:خليك عند رولا انتي بعدين مب متاخره بارجع اطبخ فطور ابوك رهف :طيب .. ( , حتى وإن صرخنا بأعلى أصواتنا فلن يرجع الغائبون ... !* . - !.. .".. _________________________________ كانت قاعده على سجادتها تقرا قران وتكفكف دموعها اندق الباب ودخلت بنتها وهي تناظرها بحزن جلست جنبها تنتظرها تخلص ..خلصت وسكرت القران وتهتف بكلام بهمس بينهت وبين نفسها التفت لبنتها وهي تقول :خير يمه بيان ضمتها بيان وهي تبكي وتقول:يمه رمضان هالسنه مو زين مو مثل كل سنه البيت هادي يمه بالكاد نبتسم ونسولف يمه ابوي طول يومه بالمستشفى ويرجع يريح ينام وعقب يرد المستشفى واخواني نفس الشي وانتي طول وقتك ياتبكين ياجالسه تقرين يمه اشتقت لـ مشعل (وبكت بالم وحزن) ضمتها امها وهي تشاركها البكي :وانا بعد يمه اشتقت له واجد وفاقدته الله يصبرنا بس دخل بهدوء وهو يناظرهم قال بعد ماقرب:يمه مايصير مشعل محتاج دعائكم مو تبكون عليه سكتت امه وهي تمسح دموعها وقالت :وينهي عهد قال بهدوء:طلعت فوق بتغير ملابسها وتنزل وانا بروح المستشفى الحين امه:بترد للفطور بدر:مادري بس يمكن يله مع السلامه امه:الله يحفظك يارب _________________________________ العصـــــر في بيت أبو مشعل ام راسل وهي تناظر جوالها :يله يام مشعل السواق عند الباب ام مشعل :اقعدي افطري معنا ام راسل:لا والله بروح اسوي فطور لابو راسل وببالمره اكون جنب رولا ام مشعل بحزن :الله يصبر قلبها وقلوبنا سلمي عليها وعلى رهف ام راسل وهي تلبس العبايه :ان شاء الله اكثري من الدعاء يمكن ربي يستجيب دعوتك تنهدت ام مشعل وسكتت وام راسل طلعت _________________________________ بالليل بكت وهي تقول :وربي ، البيت صار كئيب رمضان راح يخلص بعد اسبوع وحن للحين ماحسينا فيه الوضع متكركب عندنا الي صار لمشعل قلب حياتنا قال بهدوء :ياقلبي ياساره هدي نفسك البكي ماراح يفيد انتي المفروض تصبرين امه واخته وابوه المفروض تدعين له ماتعبتي من البكي! مسحت خشمها المحمر بيدها اليسار واليد الثانيه ماسكه الجوال تنهدت وسكتت هو :ساره يله اشوف امسحي دموعك وتجهزي لصلاه العشاء والتراويح انا مضطر اسكر الحين راح اوصل للمسجد قالت بهمس مبحوح:اوك بحفظ الله رد بهدوء:مع السلامه وسكر منها ويزفر و:افففف _________________________________ رجع من الصلاه ولقاها جالسه تقرا قران بهدوء في الصاله سلم بهمس ودخل الغرفه يغير ملابسه بعد ماخلص خرج وجلس على كنبه ثانيه وهو يفتح التلفزيون اما هي سكرت القران وهي تستغفر قال بهدوء :مين جاء اليوم بنفس الهدوء ردت:جدتي وعماتي وام صالح والعصر امي باستغراب :من ام صالح ناظرته وهي تشوفه يمسح على راسه بيدينه: ام صالح الي ساكنه ببدايه الحي حرك راسه بهدوء وسكت مرت لحظه هدوء وهو يناظر التلفزيون على برنامج لوحده بعد ماقامت من عنده فجاءه سمع صوت شي تكسر واصوات تكسير كانه صاير معركه ومع اصوات التكسير صوت صراخها وقف بخوف وهو يقول بصوت عالي:رنا وشفيك ليس تصارخين صرخت بقوه وهي تناديه اتجهه لمكان ماتصارخ وكانت بالمطبخ دخل وكانت ماسكه في يدها نعال الله يكرمكم واقفه مكانها تصارخ والارضيه معدومه وواضحه صاير معركه هنا قال بخوف:شفيك وش صاير وش هالقصف الي صاير بالمكان قالت برعب وهي تاشر على مكان:الحقني الحقني شف هالصرصور اقتله اقتله ناظرها بصدمه وهو يشوف صرصور بني اللون مايل للاسود له قرون استشعاريه طوييله تكلم بقرف :الحين هذا من وين جاي قالت وهي تراقب تحركات الصرصور:دخل من الدريشه نسيتها مفتوحه ودخل منها قال بعصبيه :انا ماقلت لك لاعاد تفتحين الدريشه ماتدرين ان الي برا يقدر يشوف الي داخل تبين واحد من الجيران يلمحك او يشوفك قالت بانهيار وهي ترجع على ورا :ياخي اتركك من المحاظرات الحين اقتله شفه يبي يقرب مني عصب وهو يتقدم يبي يضربها بعدين وقف وهو يلتفت يناظر الصرصور قرب منه بهدوء وقال:تبيني اقتله قالت رنا وهي تهز راسها :ايه تكفى بابتسامه :ابشري من عيوني كم رنا عندنا وقرب من الصرصور الي يحرك قرون الاستشعار حقته وبقرف يخفيه مسكه بسرعه ورفعه صرخت وهي تشوف الصرصور صار بيده وماسكه بقرونه قالت بصراخ وصدمه:انت شتسوي ابعده ابعده من يدك يسبب لك امراض مو زين لك قال لها وهو يلتفت يدور شي:هذا راح يصير ثالثنا في هذا البيت قالت باستغراب :شلون خالد بابتسامه :راح اخليه هنا في علبه محترم ومؤدب اي حركه تسوينها راح اطلقه عليك بكت بصدمه وهي تقول:خالد وش هالنذاله ناظرها باستغراب:ليش تبكين و(بعصبيه)انتي على اي شي لازم تنزل دموعك اخذ علبه مويه فاضيه ودخل الصرصور فيها وسكره وهي تراقبه بصدمه وتمسح دموعها تحس انها عايشه مع مجرم اما خالد يحس انها تبالغ بحركاتها واجد وهو موته ولا الدلع والمياعه على قولته قرب منها وهو يكتف يدينه قالت وهي ترفع يدها بتهديد وبقرف:لاتقرب مني ولاتلمسني يالمقرف روح غسل يدينك خالد بنذاله وبقهر:مين المقرف هاه ورفع يده وهو يقربها من وجهها قالته وهي تزيد من كميه الدموع:وربي انت مجرم ضحك بصوت عالي وهو مستمتع بالوضع :هههههههههههههههههههههههه� �ه وربي من زمان ماضحكت كذا يارنا قرب منها وهو يضحك وهي لما شافته قرب هربت الغرفه وهي تسكر الباب وتجلس على الكرسي تبكي اما خالد كمل ضحك ورجع على التلفزيون والصرصور معاه !!. _________________________________ جالس يسولف مع امه بعد مارجع من صلاه التراويح والمستشفى تنهد بيأس وهو يقول :يمه لازم تبطل الباب مايصير كذا ام راسل:وشو نسوي ياراسل هي مو راضيه وابوك يقول مثل ماقفلته تفتحه راسل وهو يوقف: راح احاول معاها صعد الدرج بخطوات ثابته واتجهه لغرفتها وصل للغرفه ودق الباب بهدوء وهو يقول: رولا افتحي الباب ماسمع رد كرر الدق بس ماردت عليه تنهد بيأس وابتعد من الباب واتوجهه لجناحه وهو يحس بخمول في جسمه وتعب _________________________________ الحال كان على ماهو عليه ماتغير شي على ابطال الروايه الكل حزين على مشعل رولا مقفله عليها الباب من لما مات مشعل وخبرها ابوها وهي حزينه ومقفله عليها تحس انها مايصلح تبقا بهالحياه بعد مشعل عهد وبدر كانت حياتهم هاديه بينهم احترام لبعض مايقعدون مع بعض واجد يعني ياما عهد عند ام بدر وتطلع جناحها وتنام وبدر يكون برا ويقعد معها عند اهله وعقبها يطلع غرفته ويسكر عليه حياه هاديه بس ياترى بيستمر هالهدوء ..! خالد ورنا نفس الحكايه عند بيان وام مشعل وتطلع بالليل جناحهم تنام احياننا يرجع بدري من برا ويقعد معاها يتلاسنون شوي وينرفزها وهي تقهره بس بعد سالفه الصرصور صارت تتحاشاه خوفاً منه خالد للحين متاأثر بالي صار لـ مشعل فكان اهدا من قبل بواجد .. ساره والهاجس تطور اللي بينهم وصار بدل الرسايل مكالمات ويمكن يتطور هالشي لاكثر من المكالمات .. راسل ووهم للحين ماتقدم لها بسبب الي صار وهي للحين تنطر متى بتقدم لها مع انها بدت تحس بخوف من الي بينها وبينه بس هي مقرره ماتتراجع ومقدره ظرفه وناطرته يخرج من حاله الحزن على الي صار لرفيق عمره وولد عمه وراسل ناسي وهم هالفكره ولاهي بالمشاكل الي يمرون فيها .. ام محمد نزلت لهم هي وحلا وندى ومحمد وصامو رمضان معاهم وبيعيدون معهم محمد رجع للشرقيه بسبب دوامه .. رمضان قرب يخلص وللحين الحزن يلف عائلة الـ.... _________________________________ توقعــــــ��ـــــاتكم تحفزنـي ******************** ( , ادري البارت قصيـر بس ان شاء الله بكره بارت اطول من هالبارت - !.. .".. | ||||
|
| |
|
18-02-16, 09:02 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــــ28ــــــــا رت الثامــن والعــــشروـن ( , مآ كل من يضحك سعيد بدنيآه ومآ كل من يبكي دموعه حزينه . احدن بكي والكل يدري عن بكآه وحدن مع الضحكه تحس بونينه�� - !.. .".. بالليـــــــــــل كانو البنات مجتمعين عند بيان ويسولفون سوالف عادي الملل واضح عليهم دخلت بيان وجلست وهي تنتهد بتعب :افف ساره :شفيك بيان :رحت مجالس الرياجيل اشرف على الخدم افف ماصدقت اوصل من التعب صرت يالله امشي خطوتين على بعض في رمضان تنكرف حوا كرف مب صاحي خصوصاً بعد الي صار لمشعل الكل يجينا حريم ورجال رهف :اي والله صادقه كرف الله يعينكم ساره :الله يعين هانت بعدين عندك رنا وعهد يساعدونك مع الخدامتين بيان :صادقه رهف بزهق :بنات احس هالرمضان غيير دخل وبيخرج ماحسينا فيه مها :ايه ومااستمتعنا فيه قبل كنا نجتمع كلنا ونروح المسجد مع بعض نصلي التراويح نتنافس على ختم القران واشياء واجد بيان بهدوء:الله يعين ويصبرنا دخلت رنا وهي معصبه وجلست وهي تستغفر ساره وهي على جوالها :وش فيك تنافخين رنا :من الصرصور ابن الـ...... استغفر الله بس رهف باستغراب:اي صرصور رنا بقهر وهي تاكل دونات :اص بس لاتذكروني انا صرت اكره اطلع فوق بسبت هالصرصور بيان :وينه لايكون ببيتنا ليش ماقتلتيه كيف جاء رنا بقهر:شوي شوي على نفسك لاتخافي الصرصور مو في بيتكم اما ليه ماقتلته انا بغيت انجن يوم شفته كيف لو اقرب منه ومن وين جاء من الدريشه جعل ماكو دريشه مها:طيب وينه رنا وهي تصب لهم شاهي: فوق عند خالد تاركه في علبه مويه ويقول اي حركه تسويها ماتعجبني تحملي الي يجيك افف منه يقهر عرف نقطة ضعفي صرت كل مااشوفه ابتسم بخوف لاجل مايجيب طاري هالصرصور ضحكو البنات عليهم وساره تقول وهي تسكر جوالها: مجانين بيان :امسكي على خالد شي لاجل يعتق هالصرصور رنا :فكرت فيها لاكن المشكله كيف امسك عليه شي وهو يسكر غرفته قالت مها باستغراب :وش غرفته الي يسكرها ابتسم رنا بارتباك لما عرفت انها جابت العيد قالت وهي تحاول تبين ان الوضع عادي:انا بعد ماقلت له اني راح امسك عليه شي صار يسكر دروجه الي في الغرفه حقتنا يعني عامل احتياطاته ضحكت رهف وهي تقول :هذولا نكته متى ماطفشتي يابيان اطلعي لهم واتفرجي على توم وجيري ساره :والصرصور صديق توم هذاك القط الاسود ضحكو البنات على رنا الي قالت :هاهاها ماعندكم احد تضحكون عليه الا انا وخالد دخلت عهد وهي تسلم وجلست تصب لها شاهي وهي تقول:ضحكوني معاكم بيان:وين كنتي عهد :كنت عند بدر اكوي ثوبه قبل يطلع وبعدها رتبت الشقه وعقب كلمني فايز يبي يسلم علي بعد ماراح جيت مها ضحكت وهي تقول :شوفو حلا وش راسله بالقروب امانه بنات طنشوها لاتردو عليها تستاهل ليش تنام وماتجي معنا _________________________________ مرت الايام مثل بعضها مافيه شي يذكر خلص رمضان وفي ليلـــــــــه العيــد دخل المستشفى وهو يحس بحزن والم في داخله توجهه للعنايه المركزه الي صار عارف مكانها ودخل على المريض الموجود في الغرفه قرب من السرير وهو يناظر الشخص الي على السرير تأمله بصمت وهو يشوف النحف الي واضح بجسده والاصفرار الي صار لونه تنهد بالم وقرب وهو يمسك يده البارده ويقول بابتسامه :سلام عليكم سلم وكأنه ينتظر احد يرد عليه السلام كمل وهو يقول : كيفك مشعل وش مسوي (وهو ياخذ نفس) يله مشعل قوم يارجل ماتعبت من النوم مرت ايام وانت نايم.. مشعل دخل رمضان وخرج وانت ماصمته وحن ماحسينا بوجوده وماصمناه نفس اول (تنهد بالم) مشعل لاتموت وانت زعلان علي اصحى خلنا نرجع مثل قبل اشكي لك همومي وتشكي لي همومك تصبرني على موت ياسر وانسيك الم الي بينك وبين رولا (سكت وهو ينتظر جواب مشعل وهو يناظر شفايفه كانه بينطق قال بتعب ) بكره العيد تكفى اصحى خل يكون عيدنا عيدين سكت بقهر وهو يوقف ويتجهه للطاوله ياخذ منها القران ويرجع ع الكرسي الي قريب من النافذه بحيث صار سرير مشعل على يساره _________________________________ كانت طالعه من الحمام(الله يكرمكم) وتنشف شعرها الي يناظر في وجهها يوقن ويتاكد ان فيه احد ميت لها كل النشاط والحيويه الي في وجهها اختفت جلست قدام المرايه وهي تناظر وجهها قالت بسخريه :هه انبسطي يارولا بكره العيد ومشعل ميت ماراح يعيد معاكم نفس ماجاء رمضان وماصام معاكم (بقسوه ووجها يتغير )ياحقوده طول عمرك حقوده كنتي السبب بموت مشعل مشعل الي كان يحبك وتحبينه سكتت وقالت بحزن وكانها تخاطب شخص ثاني : لا لا حرام عليك انا احب مشعل انا كنت اتمنى له الخير مو حقوده مشعل مامات بسببي مامات انا ماكنت ابيه يموت صرخت وهي تناظر وجهها بالمرايه وبكت وهي تقول :ماابغا اعيش ماابغا اعيش ومشعل موب بها الدنيا ابيه ابي اتزوج انا وهو ونجيب العيال الي سميناهم ابي اروح ايطاليا معاه كل الي هنا مايحبوني مشعل بس يحبني كلهم تاركيني لوحدي ماابي اطلع لهم ثم كلهم يلوموني بموت حبيبي كلهم بنظراتهم كانهم يقولون انتي السبب لاتقولين عني حقوده ترى مشعل بيزعل مشعل يقول لي اي احد يزعلك ويضايقك علميني لاجل اضربه واضايقه (مسحت دموعها بقهر واخذت نفس وهي تبتسم وتتذكر ذكرى لها وهي في خامس ابتدائي كانو ببيت جدهم وكانت تبكي لان محمد ولد عمتها ضربها وقتها جاها مشعل وقال له :رولا ليش تبكين مين زعلك رولا بقهر وهي تبكي :محمد ضربني لاني مارضيت يلعبون معانا ضربني هنا في شعري شد شعري والمني ضايقني مره تذكر انه ضمها له وهو يقول وهو يمسح على شعرها:انا بضربه وباشد شعره واضايقه ليش يضربك وثاني مره اي احد يزعلك ويضربك او يضايقك قولي لي عشان اضربه واضايقه ) ابتسمت بوجع وهي تستند على الجدار ووتوجهه للمكتبه تاخذ صورته الي علقتها ببرواز ضمتها لصدرها وهي تقول بحزن: تعال مشعل اخذني معك راضيه اموت واترك هالدنيا لاجل اكون معك .. ( , والله اني كل ما تذكرتك اكتم دموع الولّه واقول خيّره..�� - !.. .".. _________________________________ كان راسل يقرا قران بخشوع وهو مركز كل حواسه على القران الي بيده . . بعـد مده بطل عينه ورجع يسكرها بالم من النور الي اجتاح عينه فجاءه.. حاول يطلع صوته بس ماقدر يحس بجسمه تعبان ومايقدر يحركه بطل عينه وهو يناظر بارجاء الغرفه وهو يحس بضياع حاول يتذكر وش الي وصله هنا وبعد وقت تدكر انه كان معصب ويسوق سيارته ويكلم ايه كان يكلم ابوه وكان يصارخ عشان عشانها بلع ريقه الجاف وهو يتذكر انها تملكت جاء يبي يقوم بس ماقدر يتحرك وبحركته ذي انتبه راسل عليه ولف جهته وانصدم وهو يشوف مشعل يناظره صرخ وهو يوقف ويتجه لمشعل:مشعل صحيت انت صحيت الحمدلله يارب الحمدلله وضم مشعل لحضنه وهو يحس بالعبره ماسكته تكلم مشعل بالم وبهمس ماينسمع:ابي مويه دق الجرس راسل واتجهه للطاوله يصب لمشعل مويه وهو يقول بفرح وبصوت عالي:الحمدلله على سلامتك كذا تسوي فينا يامشيعل وقرب يشربه المويه بشويش وبنفس الوقت دخل الدكتور وممرضتين وانصدمو وهم يشوفون مشعل صاحي .. . . . بعـد دقايق وراسل ينتظر عند الباب بعد مادخل الدكتور عند مشعل وطلعه انفتح الباب وخرج الدكتور وهو يقول بابتسامه:الحمدلله على سلامة مشعل راسل:الله يسلمك (بقلق) طمني يادكتوز ليش مشعل يشتكي من انه مايقدر يحرك جسمه الدكتور بابتسامه:لاتخاف شي طبيعي مشعل صار له شهر وايام وهو نايم ماتحرك فكان مايقدر يحرك جسمه بس مع العلاج الطبيعي بيتحرك وبعدين جسمه قوي راح يساعده لاتقلق ابتسم راسل للدكتور وهو يقول :طيب متى يطلع لغرفه خاصه فيه الدكتور:الحين يقدر يطلع بعد شوي راح ينقلونه لجناحه الي تم حجزه مسبقا تنهد راسل بفرح ودق على عمه الي كان في بيت جده لانهم يجتمعون كلهم ليله العيد في بيت الجد رد عليه عمه وهو يقول:هلا راسل راسل بفرح :البشاره ياعمي عمه بقلق:ابشربها وش من علم عندك راسل :اول شي حط سبيكر خل يسمعوني الي عندك سوا ابو مشعل مثل ماطلب راسل وقال: هيا تكلم ياراسل وش في خاطرك راسل:ابشركم مشعل صحا وهو بخير وطيب والحين بينقلونه لغرفته. الخاصه هتف ابو مشعل بصوت عالي وبفرحه:الحمدلله والشكر الحمدلله على نعمته الله يبشرك بالخير وسجد وهو يحمد ربه ... تعالت اصوات الرجاجيل وهم يستبشرون بخبر راسل بعد دقايق وصل الخبر للحريم وانصدمو وفرحو وكانت ردت فعل بيان انه اغمي عليها ام مشعل بكت وهي تحمد الله والجميع استانس بالخبر وحسو وكان هالخبر مسح حزن الايام الي فاتت _________________________________ بالليل مرت رهف على رولا دقت الباب وقالت بهدوء:رولا بطلي الباب بس رولا ماردت عليها قالت بقهر:رولا تكفين خلاص يكفي الي قاعده تسوينه بعمرك وفينا طول هالشهر ماطلعتي من غرفتك بس تبطلي الباب لستي(الشغاله) عشان تاخذي منها الاكل رولا بكره العيد تكفين تعالي معانا في بيت جدي خلينا نحس بالعيد زين الى متى حابسه عمرك في غرفتك سكتت تنتظر رد رولا بس ماردت عليها تنهدت بضجر وهي تحس ودها تبكي راحت لامها الي بالصاله الفوقيه وقالت بانفعال:يمه تكفين قولي لابوي يشوف رولا الى متى بتقعد في غرفتها حابسه عمرها خل تعرف ان مشعل مامات تنهدت امها وقالت:كل ماقلت لابوك قال تركيها شوي مصير الي في راسها يطيح راحت رهف لغرفتها وهي تبكي وصدمت في راسل وهي تقول:بعد عني لاكنه مسكها وهو يقول:ليش تبكين رهف بقهر وهي تنهار تبكي:والله تعبت الا متى ورولا على هالحال تعبت وانا كابته الي في صدري وماحد يحس تخيلو تسوي في نفسها شي وانتو ساكتين ومخبين عليها ان مشعل حي مسكها راسل وهو يحضنها بحنان ولاول مره يشوف رهف تبكي بهالشكل اما هي زادت في بكيها وهو خلاها على راحتها .. فـــــــي غرفة ام راسل وابو راسل قالت بغضب : تكفى يابو راسل بنتي لايصير لها شي بسبب كذبنا عليها سكت وهو يفكر قالت :تكفى روح لها كلمها خل تعيد معانا بكره انت قلت اذا قام مشعل بالسلامه علمتها انه عايش ومشعل صحى اليوم تنهد ابو راسل ووقف وهو يطلع برا الغرفه متجهه لغرفة رولا دق الباب وهو يقول:يبه رولا افتحي الباب بس ماجاه رد قال بعصبيه :وربي يارولا لو مافتحتي هالباب الحين للاكسره فوق راسك انتظر شوي وانفتح له الباب دخل وهو يشوفها واقفه ورا الباب ومنزله راسها وشعرها مغطي وجهها قال بغضب :لا لا صدمتيني فيك يارولا هالحركه توقعتها تطلع من رهف من رنا لاكن منك يالعاقله ماتوقعتها انا تركتك هالشهر قلت بيطيح الي في راسها وتفتحه نفس ماسكرته لاكنك مصره تصدميني فيك رفعت راسها وهي تقول لابوها:تبيني افتحه عشان كلكم تلوموني في موته انصدم ابوها من وجهها الي كان مصففففر وشفايفها بيضا بعيون حمر وتحت عيونها هالات سودا كان غير عن وجهه رولا الي عرفها قرب منها وضمها بقوه وهو يقول:يقطع لسان من لامك يابنتي وش مسويه في عمرك يارولا وينهي رولا الي اعرفها ردت وهي تبكي :ماتت ماتت يايبه انتهت ضمها وهو يكبت عبرته عليها جلسها على السرير وهو يقول :يبه بكره العيد ابي اشوفك بكره احلى البنات مثل ماعهدتك قالت بالم:كيف يايبه تبيني افرح بالعيد ومشعل ماهو معيد معانا بيعيد بقبره قال بالم منها :لاتتفاولي عليه يابنتي مشعل ان شاء الله بيعيد معنا كل عيد ناظرته بعدم استيعاب وهي تقول بنفسها كيف وهو تحت التراب قال ابوها الي فهم نظراتها:انا كذبت عليك مشعل مامات مشعل كان بغيبوبه واليوم فاق منها انصدمت وهي تقول بهمس:كيف ابوها سكتت ينتظرها تستوعب بعد ماستوعبت بكت بصراخ وهي تقول :كيف كيف تكذب علي كيف يايبه تكفى لاتقسى على قلبي تكفى يكفيني للي فيني يبه لاتعطيني امل انه عايش وهو ميت هزها من اكتافها وهو يقول:والله عايش يابنتي عايش ضرخت بجزع وهي تحاول تستوعب: كيف يايبه كيف يعني مشعل عايش عايش مشعل مامات يايبه عايش تكفى لاتوجع قلبي يكفيني صدمات يبه يكفيني اهه اه ياقلبي وسكتت وهي تحاول تستوعب قال ابوها بعصبيه:ايه انا كذبت عليك رولا:ليش ليش ابوها:لازم تاكلينها يارولا عشان تحسين بحبك لمشعل اهلكتونا واهلكتو انفسكم بكبريائكم الي انتو فيه هو يكتم وانتي نفسه كل واحد يدعي انه مايبي الثاني وانتو تتمنون بعض اعرفي قيمته وهو خل يعرف قيمتك واسمعيني زين يارولا .............. سكتت وهي تسمع لابوها وقلبها يبتسم من جديد بعد ماعرفت ان مشعل لازال عايش مع ان هناك نوع من عدم التصديق في قلبها ودها تشوفه عشان تتاكد انصدمت من الي يقوله ابوها وضلت تتكلم معه وبعدها طلع من عندها ابوها وجاتها امها ورهف وبكو لهم شوي وخبرتها رهف انها اخذت لها بدله للعيد ونامت فرحانه في حضن امها .. _________________________________ صبــــــــــــــاح العيــــد وقبل مايخرجون الرجال لصلاه العيد في بيت ابو مشعل الطابق الثالث شقه خالد ورنا خالد قبل ماينام طلب من رنا تصحيه بدري ونام اما رنا مانامت كالعاده وصحتها ع الوقت الي طلب تصحيه فيه كانت مبسوطه بالعيد وتحس براحه بعد الي صار لمشعل كانت في غرفتها واقفه عند المرايه انهت شغلها وطالعت نفسها وقالت بابتسامه:يالبا قلبتس يارنا تهبلين تهبلين ابتعدت عن المزايه واخذت المبخره وحطت فيها العوده واتوجهت برا غرفتها رايحه لغرفة خالد دقت الباب وجاها صوته وهو يقول:ادخلي رنا دخلت وهي تبتسم بفرح وتقول:صبااااااحك خير قال بابتسامه وهو رافع حاجب :اوووه ياصباح النور وش هالكشخه كلها طالعه تهبلين (وغمز لها بخبث) استحت منه وقالت :يووه ياخالد ياحبك للتحجير ضحك وهو ياخذ المبخر: وش هالسناعه جايبه لي المبخره وتبخريني قالت بملل:انا كذا متعوده كل عيد انا الي ابخر ابوي واخواني وهالعيد انا بعيده عنهم وللاسف اني عندك قفلت خل اتصدق عليك وابخرك (وناظرته بتحدي) قال وهو يترك المبخره على التسريحه ويقرب منها: انتي ماحد يقول لك كلمه الا تردي له بعشر بس ماراح اضايق خاطري الحين بما انحن عيد (وقرب منها وباسها بخدها وهو يقول)كل عام وانتي بخير يامُزه (وابتسم وهو يشوفها تبتسم بحيا وتنزل راسها ووجهها محمر ).. ردت وهي تقول :وانت بخير يالمتوحش ضحك وهو يقول :هاه ترى الصرصور باقي عندي ابتعدت عنه واتجهت طالعه برا الغرفه وهي تقول:طول عمرك مقرف ومتوحش ابتسم وسرعان مااختفت ابتسامته وهو يمر بباله موقف احزنه .. ( , وفُـيِّ قُلَبًيِّ أّلَمً لنِ يِّفُـهّـمًهّ أّحًدٍ غُيِّريِّ�� - !.. .".. _________________________________ ( , إخلق معي " حديثآ " ربمااا أنتظركك .. !؟�� - !.. .".. خرج من غرفته وهو متكشخ وجاهز يبي يطلع مر غرفتها ودق الباب دقايق وفتحت له الباب ناظرها وهو يشوفها كاشخه ناظرته وهي تشوف يناظرها من فوق لتحت استحت وهي تقول:هلا بدر قال وهو يناظر عيونها :صباح الخير عهد قالت :صباح النور قال وهو يسند جسمه على حافه الباب : قلت قبل ماانزل امر اسلم عليك واقول لك كل عام وانتي بخير قالت بابتسامه :وانت بخير وصحه وسلامه قرب منها وهو يمسكها من خصرها ويبوس جبينها انصدمت من حركته وقفت جامده اما هو ضمها لصدره وهو يبوس رقبتها بهدوء ورقه وبقا على هالحال مده بعدها بعد بشوي وهو يعطيها ظهره ويقول:انا نازل تحت بتنزلين معاي الحين؟ قالت بهدوء وبحرج:لا بنزل بعدك قال وهو يتوجهه لباب الشقه :اوك تاملته وهو يخرج وهي تتلمس مكان بوسته وتحس بمشاعرها متلخبطه ... _________________________________ تحـــــــــــــــــت بالصاله كان الكل مجتمع وبيان تدور بالمبخره عليهم قالت ام مشعل بالم وهي تتأملهم:اول عيد يمر ومشعل مو معانا تكلم ابو مشعل وهو يقول :اذكري الله يام مشعل ولاتتفائلي عليه مشعل طيب وان شاء الله الاعياد الجايه معانا ام مشعل:ان شاء الله خالد : يله مو كأن حنا تاخرنا بيان باستعجال:اي يله مع السلامه نشوفكم هناك ابطلع اسوي ميك اب لوجهي بدر بمرح وهو يشرب قهوته:تقصدين تخلصين علبة الالوان بوجهك بيان وهي تطلع :مالك حاجه وجهي ولا وجهك ابو مشعل :يله خل نطلع للصلاه عشان نوصل قبل الزحمه قامو بدر وخالد ورا ابوهم وام مشعل تقول:بحفظ الله الله يحفظكم .. ووقفت رايحه للمطبخ تشرف على الحلويات والقهاوي الي بياخذونها معاهم بعد دقايق نزلو لها رنا وعهد وسلمو عليها ام مشعل بمرحها المعتاد : ماشاء الله عليهم حريم عيالي حصنو نفسكم لاحد يطرقكم بعين ضحكو على كلامها وقالت رنا :انتي حصني نفسك لاحد يصيبك بعين بعدنا نبيك ضحكت ام مشعل وهي تقول :لاتخافون ابو مشعل حصني يقول ام عيالي وبعدني ابيك عهد :فديته عمي الرمنسي رنا: الا وينها بيان مابعد خلصت ام مشعل : اطلعي استعجليها السواق عند الباب نبي نوصل هناك قبل مايجون الرجال من الصلاه رنا :طيب _________________________________ قبـل ساعه كانت واقفه قدام الكبت تقارن بين بدلتين دق جوالها وابتسمت وهي ترد وتقول بهمس:هلاا وغلاا قال بهمس مماثل: هلا بصاحبه هالصوت هلا بقلبي هلا بامي وابوي واهلي كلهم ابتسمت بحب وهي تقول:هلا فيك قال بابتسامه:كل عام وانتي عيدي ابتسمت بحيا وهي تجلس على كرسي التسريحه :وانت بخير وصحه وسلامه كل عام وانت معاي قال بوله :اميييييين سكتت وهي تتنهد قال بنفس النبره: تكفين لاتتنهدين ترى تضيع علومي ياقلبي ابتسمت بخجل وماردت قال : يله حبيبتي ساره ابي اسمع صوتك قالت بهدوء:امرني قال :مايامر عليك عدو ياقلبي وش تسوين قالت وهي تناظر ملابسها:جالسه افكر محتاره البس وشو تكفى وليد ساعدني قال لها وهو اعتاد تطلبه يختار لها ملابسها: صوري لي ملابسك وارسليها وانا بقول لك وش تلبسين قالت :اوك حبيبي صرخ بوناسه وهو يقول:وشو وش قلتي ضحكت بحيا وهي تستوعب انا قالت هاكلمه استحت وهي تقول :باي وليد وقفلت قبل تسمع رده صورت له لبسين حيرانه فيها وبعد دقايق وصل لها رده وهو يقول(الثاني احلى خصوصا على جسمك راح يكون خطيييير ومع صبغه شعرك بيضبط وبالنسبه لكلمه حبيبي مصيري اسمعها منك في الايام الجايه كثيييير ) انصدمت من كلامه وارسلت له(وش دراك بجسمي وصبغه شعري؟) جاها الرد وهو يقول(مو قلت لك اعرف عنك اشياء انتي ماتعرفينها يله ياقلبي انا طالع اصلي ) تنهدت وهي تتمنى تعرف من وين يعرفها هي ماتعرف احد اسمه وليد قريب منها ابد ممكن يكون من الجماعه بس ماتدري ؟!.. ( , .“ وشلون امثل قلبك بشيء ثاني وانت المثال لكل حاجة جميل? â™، !​�� - !.. .".. _________________________________ انزلت من غرفتها رايحه لامها ولابوها لقتهم في المجلس الي برا ومعاهم اختها الكبيره قالت بابتسامه وهي تدخل:صبحكم الله بالخير ياحلا ناس بالدنيا ضحك ابوها وهو يقول :حي الله اخر العنقود سكر معقود قربت منهم وهي تسلم عليهم وتبوسهم براسهم ثلاثتهم قالت بمرح:كل عام وانتم معي وبخير وصحه وسلامه ردو عليها:وانتي بخير قال ابوها وهو يوقف على العكاز: الا وينهم ساره وحلا اسلم عليهم قبل اروح قالت مها:ماادري اكيد مابعد خلصو ام محمد:روح يبه واذا رجعت بيسلمو عليك الجده:ايه لاتتاخر على الصلاه الجد: طيب طيب انتظر ماجد يجي ونروح مع بعض الا بدخلت ماجد وزوجته وعياله سلم عليهم وقال وهو واقف :يله يبه مانبي نتاخر عبدالعزيز:بلوح معاكم للجاجيل(بروح معاكم للرجاجيل) عبدالرحمن:ايوه بنروح معاكم لان حنا رجاجيل صح ماجد:لاقعدو هنا زحمه هناك الجد:لا لا اخذهم خل يروحون معنا ماجد وهو مب راضي:طيب يله وخرجو .. منى تكلم مها:وين البنات ساره وحلا مها:فوق مدري منخمدين ماادري مابعد خلصو منى : اها .. _________________________________ ببيت أبو راسل تعطر وهو يناظر ساعته غفى بعد الفجر وتاخر شوي ابتعد وهو ياخذ جواله ويخرج خرج من جناحه وكانت في وجهه ابتسم وهو يقول :هلا هلا هلا بشمعه البيت هلا باحلى رولا ابتسمت وهي تحضنه بقوه وهو يبادلها الحضن قال لها بحنان:اشتقنا لك لضحكتك وابتسامتك وسواليفك ابتسمت وهي تقول:وانتو بعد اشتقت لكم واجد ياراسل راسل: هههههه كل عام وانتي بخير يالغاليه رولا :وانت بخير وقول ان شاء الله راسل: ان شاء الله رولا:مايجي العيد الجاي الا وزوجتك معاك ابتسم ببرود وصورتها تجي في باله قال لها وهو يمسك يدها ويمشي للدرج :وان شاء الله العيد الجاي وانتي متزوجه ابتسمت بهدوء وسكتت نزلو وكانو الكل بالصاله راسل بصوته الفخم: صبحكم الله بالخير الكل:صبحك الله بالنور راسل وهو يسلم على ابوه وامه ثم ريان ويضم رهف لصدره وهو يقول:كل عام وانتم بخير ردو عليه بااجوبه مختلفه تكلم ابو راسل وهو يتوجهه للباب:ييله يله تاخرنا وانتو السواق عند الباب لاتتاخرون ام راسل: ان شاء الله ________________________________ نزلت وهي تبتسم وشافت اختها لوحدها بالصاله قالت :لاتقولين راحو ضحكت وهي تقول:توهم طلعو قربت من اختها وضمتها وهي تقول: كل عام وانتي معي حضنتها اختها بقوه وهي تقول:وانتي معي ياقلبي بعدت منها وقالت:وينها ريم وعبوددي سحر:ريم فوق وعبدالله راح مع ابوه واخوه ضحكت وهم وهي تقول:يحليله الكبير ماعرفته (وصرخت وهي تقول:ريييييييييم بسك تلوين في وجهك انزلي وجاها صوت ريم الي تصارخ:طيب طيب الحين نازله سحر:بس الجيران سمعوكم ضحكت وهم وهي تحاول تخفي العبره الي ًقاتلتها ومضيقه صدرها _________________________________ بيـــــــــــــــت الجــــد دخلت الصاله وهي تقول بصوت عالي:سلاااام عليكم صرخت حلا وهي تقوول:رووووولا ضحكت رولا وهي تسلم عليهم وبتبعونها امها ورهف سلمت على الجده الي ضمتها وقالت: كذا كذا تقطعينا يارولا ابتسمت وهي تقول بهدوء :اعذرينيي يالغاليه وربي مشتاقه لكمممم رهف بحماسس وفرح :بالعايدين للجمييييع تعالت الاصوات في الصاله وهم يعيدون والي تضحك والي تسولف دخلت عهود وهي تقول بحماس:جاو الرياجيل الحين بتجيني عيديات واااااجد بيان بمزح:عهود ترى انا صديقتك لاتنسيني رنا :وينه وينه عبدالعزيز صديقتي حلا بمزح: افف مشكله عيال خالي ماجد مايحبوني مايمدي ازين العلاقه معاهم منى : اسالي نفسك ليش عيالي مايحبونك حلا :مااعرف ليش مع اني دايم احاول اسعدهن واضحكهم لاكن الله بهديهم طالعين على امهم مجانين منى وهي تبي تقوم تضربها: بسم الله عليهم وعلى امهم يالشرانيه رهف: تتوقعون بيجيلنا عيديه ولا بينسحب علينا خلاص كبرنا عهد: لا لا ابي عيديه من الحين واولهم باخذها من جدتي ولا وشرايك ياجده الجده وهي تعدل جلابيتها الجديده: انتي عندك بدر اقعدي حني عليه لما يعطيك العيديه الي تبيها انا بس ماراح اعطي الا البنات الي مو متزوجات رنا :ليييييش ياجده ظلم كذا وانا وعهد وش ذنبنا بالله ام محمد:اووه عاد ابشرو بالعيديات من عيال اخوي رهف :يعني كم الف تتوقعين ام فايز :هههههه لا عيديات احلا من الفلوس من الي يحبها قلوبهم خاصه للمتزوجين بس (وغمزت لهم ) الي بالصاله:ههههههههههههههه عهد استحت :وربي انتم مدري متى تعقلون الجده : هههههههه خلاص بعطيكم كلكم بس فكوني من حنتكم خل اشوف فيه احد عند الرجال ولا اطلع عليهن ام راسل: لاتتعبي عمرك هم راح يدخلون عندك مثل كل عيد الحين تلقيهم اتاخرو مااحد دخل لان عندهم ضيوف الجده وهي تكلم ام مشعل: الا ماقلتي لي متى بنروح نعيد على مشعل يااني مشتاقه له واجد ام مشعل: ابو مشعل يقول على تسع او عشر نروح له والله كلنا مشتاقين له ام فايز: الله يقومه بالسلامه ويشفيه الكل : امين قاعده في الزاويه وتحس ان قلبها بيطلع من صدرها من كثر مادق لما قالو اسمه دخل عليهم عبدالعزيز وهو يروح لجدته يجلس جنبها قالت منى: عزوز حبيبي سلم على عماتك وبنات عمانك عبدالعزيز: مو فاضي انا مستعجل بس عمي احمد يقول قل للحريم حنا بالمجالس الي داخل يجون يسلمون علينا وانا بسلم عليكم هناك معاهم وقفت الجده وهي تستند على عكازها: قومو خلونا نسلم عليهم قبل يجيهم رياجيل لبسو الحريم العبايات وتلثمو ودخلو المجلس على الرجاجيل الجد بفرح وهو براس المجلس :هلا هلا هلا ببناتي فهد :اها الحين طاح سوقنا ريان وهو بصوت منخفض:الحين سؤال جدي ليش يعطي البنات عيديه وحنا لا فهد :حضنا ماش ياخوك البنات طول عمرهم مرتاحات والدلع لهم وحن طول عمرنا قهوجيين واتحدا تسمع كلمه يعطيكم العافيه تعبناكم ماتقصرو ماغير مامنكم فايده وكله بالاستراحات والدوانيات تكلم ابو فايز وهو يقول:فهد فهد :امر ابو فايز:قم صب القهوه بدل عمك ماجد فهد وهو يطالع ريان :ابشر طال عمرك ضحك ريان ووقف يسلم على عماته الجد :يله ياشباب اطلعو خلوني اخذ راحتي مع بناتي خالد بقهر:والله ماصارت كل مادخلو البنات يسلمون عليك لازم تطردنا طيب مافيه مشكله اطردنا بس مب قدامهم فايز :الله يهداك ياجد طاحت هيبته عند المدام ضحكو الشباب عليه ماجد :يله انت وياه خل البنات ياخذون راحتهم ماتشوفونهم كيف مستحيات ابي اسولف معاهم بدر :لايطق لك عرق اول واحد يصير عم بنات راسل:خل نطلع ونحافظ على ماتبقى من كرامتنا الي بالمجلس:هههههههههههه ووقفو وطلعو رايحين للمجالس الخارجيه ابو راسل:هههههههه هالعيال على اي شي يتحلطمون الجد :وانتو بعد الحقو عيالكم ابي اقعد مع حريم عيالي وابيهم ياخذون راحتهم ابو فايز:افاا اثر حتى حن مطرودين ابو مشعل :ههههه قومو خلونا نروح نستقبل الرياجيل طلعو الرجاجيل وبقي الجد مع البنات رهف وهي تقعد جنب جدها:هاه ياجدي مافيه (وتسوي بيدها حركه الدراهم) الجد:ههههههههههه متى بتبطلون العيديات حلا:مب مبطلينها ابد مها:ماعليك منهو يبه اعطني انا وبس انا اخر العنقود سكر معقود بيان:امحق سكر معقود كملو سواليفهم وعقبها طلع الجد . . كان عيدهم هالمره مختلف وواضح انهم حزين ولو اخفو هالشي على الساعه 12:47 كانت رهف وحلا روسهم على بعض وطفشانات تكلمت رهف:اففف ياربي متى يجي الغداء جوعانه رنا:الحين بعد هالحلويات والكيكات الي اكلتيهم لازلتي جوعانه رهف:ياغبيه هذي مب شي هذي ماتتقارن بالكبسسه ماتشبع اهه ياكبسه اللحم حلا:اووه مع بيبسي بارد اممم رهف:ومعاها شطه وسومطره وسلطه اووووه وتكون الكبسه حاره وش هالعذاب دخلت بيان الي كانت نازله من فوق وقالت:وش تسوون عهد الي جنب رنا:ولا شي قاعدين نتابع فيلم بعنوان اين الغداء ؟ بيان :اووه يااني ماشبععت من هالغفوه ولاكن الوعد بعد الغداء متى يجي الغداء رنا:بنات وناسسه خلونا بغد الغداء ننام ونصحى بالليل على المغرب ونروح نتمشى بالمول او بمنتزه بس احنى البنات بيان :لا مالي نفس دخلت رولا وجلست وهي تناظر الجوال رنا باستفهام:فيك شي رولا رولا بهدوء:لا مافيني شي على فكره الغداء وصل والحين يجهزونه الخدم وحده تطلع تصحي مها _________________________________ دخلت غرفتها بعد ماتغدت مشت بكسل للمرايه ناظرت نفسها وبدت تنزل اكسسواراتها بعد ماخلصت مسحت مكياجها واتوجهت للكبت تاخذ منه بيجامه ودخلت الحمام تكرمون اخذت شور سريع وطلعت تنشف شعرها بعد مانشفت شعرها تركت الي بيدها واتوجهت للصندوق واخذته وهي تجلس على الكنبه وتحطه قدامها فتحته وطلعت صوره متوسطة الحجم وواضح انها قديمه كانت صورة اثنين تعرفهم عدل كانت تموووت فيهم وتعتبرهم كل شي لها لمسة الصوره باصبعها وقالت بالم:عيدك في الجنه اجمل ياغلاي ابتسمت وهي تسكر الصندوق وترجعه مكانه راحت للسرير واندست فيه وهي تحط الصوره جنبها على المخده وتسكر عيونها وهي راسمه شبه ابتسامه .. ( , الـفَقد يُعلّمنـا الكثِير !- يُعلّمنا،، كيفَ نوزِّعُ الإبتِسامآت الكاذبةكيفَ ندوسُ على مشاعرنـآ ..كيفَ نستوعِبُ أن الدُنيا ليسَت آمنه !​�� - !.. .".. __________________________________________________ __________________________________ ( , ​رفعت آحلآمي لربي ، تمنيت آشيآء كثيرة و بعضهآ مستحيلة ، ولكن بدآخلي شي يخبرني بأنهآ ستتحقق ، فهي بين يد رب بمجرد مآ يقول : كن ف تكون. �� - !.. .".. _________________________________ انتهـــــى البـارت توقعــــــ��ـــــاتكم تحفزنـي | ||||
|
| |
|
18-02-16, 09:03 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــــ29ــــــــا رت التاســع والعــــشروـن ( , ” ث“âœ؛ ء الإيجابيه لا تعني عدم الحزن إنما فن التعامل مع الحزن - الأحداث الحزينة عش لحظاتها إبكي ، صلي ، إستغفر ،أحضن من تحب فضفض ، استرخي إقرأ كتاب الله - أعطي مشاعرك السلبيه حقها دع عاطفتك ترتاح و تفرغ كل شحنات الحزن ثم ابدأ لحظه جديده �� - !.. .".. ||تـــــــــــــــــــــــ ـــابع|| بعـــــد الغداء في مجالس الرجال الخارجيه كانو الاخوان كلهم مجتمعين الاربع مع الجد ابو راسل:وهذا الموضوع ابو فايز:خير قرار بس انتظر شوي ماجد:لاتستعجلون يمكن العيال مب راضين ابو مشعل:من قال مب راضين وحتى لو قالو مب راضين ماهو على كيفهم ومحنا على كيفهم مره لا ومره ايوه ابو راسل:خلاص تعبنا وخير البر عاجله وبعدين مثل ماتعرفون مشعل محتاج يسافر برا يتعالج ويبي له احد معاه ابو مشعل:طيب وش رايها ابو راسل:شاورتها وموافقه الجد:اجل على بركه الله اليوم العصر يتم الامر _________________________________ قررو البنات ينامون في جناح عمتهم ام محمد وكانو كلهم موجودين في الغرفه ونايمين على الارض وحلا ومها ورهف على السرير نامو كلهم عدا رولا كانت تنتظر ابوها وعينها على الجوال الجناح بارد والغرفه مظلمه رن جوالها الي على الصامت وردت وهي تقول :هلا يبه ابو راسل :يله يبه انزلي انا بالسياره رولا :طيب قفلت وهي توقف تخرج من الجناح راحت جناح ساره تاخذ عبايتها وهي طالعه لفت نظرها شي قربت وهي تناظره باستغراب اخذته في الشنطه الي بيدها ونزلت ركض وهي تلبس الطرحه حمدت ربها لما ماشافت احد بالصاله وخرجت وركبت السياره مع ابوها وهي تتنهد وتقول:سلااام ابو راسل:عليكم السلام مستعده رولا :ايه ماطولو بالطريق لان الشوارع فاضيه نوعاً ما اما رولا بدت تتوتر بقوه ابو واسل وهو ينزل :خليك هنا ماراح اطول رولا:ابشر نزل ابو راسل ودخل المستشفى وهناك التقى بابو مشعل ومعاه رجال سلم عليهم وقال ابو مشعل:انتظروني هنا انا بدخل اول دخل وهو يشوفه يقرا قران قال بهدوء:تقبل الله ابتسم له وهو يسكر القران ويقول:يالله حييه ابو مشعل :السلام عليكم مشعل:عليكم السلام ارحب يبه ابو مشعل:كل عام وانت بخير مشعل:وانت بخير كيفك يبه كيف الاهل ابو مشعل:كلهم يسلمون عليك مشعل: ليش ماجات امي معك ابو مشعل:بتجي بالليل بس عندي شي بقوله لك مشعل:امرني ابو مشعل:ابي اتكلم معك عن الي صار قبل الحادث مشعل بحزن:خلاص يبه خل نقفل الموضوع ابو مشعل بحزم: لا اسمعي انت للحين خاطرك في بنت عمك مشعل:وش يفيد يبه خلاص صارت من نصيب غيري ابو مشعل:ليش ماتكلمت قبل وقلت انك تبيها مشعل وهو يتنهد :ماعاد يفيد العتب يبه(وابتسم بحزن) ابو مشعل :اسمعني عمك برا هو مع المملك والحين بيجون اعمامك راح نملك لك مشعل بصدمه:كيف يبه شلون وبمنو ابو مشعل : رولا مشعل بعدم استيعاب:و يعني كيف يبه وهي تعتبر متملكه ابو مشعل:عمك كنسل الموضوع في اخر وقت والحين بتملك على رولا مشعل وهو يحس بصداع وبتمتم بداخله اه ياقلبي :وهي يبه يمكن ماتبي انا ما قاطعه ابو مشعل:رولا موافقه وموجوده هنا خلاص خل ينتهي الموضوع وبتملكون وبتروحون لامريكا تتعالج هناك وهي بتكون من اليوم زوجتك انصدم من الي يقوله ابوه وسكت وهو يشوفه يطلع من الغرفه حس قلبه يرجف في صدره ابتسم بعدم تصديق وهو يفكر بكيف بتصير رولا زوجه له وصلو ماجد وابو فايز وراسل والجد دخلو عند مشعل وهم يسلمون عليه المملك:يله ياجماعه لازم نبدا من موكل الزوجه ابو راسل:انا يله ابدا (واشر على راسل وهو يقول له يروح يجيب رولا من السياره ) خرج راسل وبدو هم اما راسل قرب من سياره ابو راسل وبحركه سريعه بدون ماتشوفه رولا فتح الباب وهو يقول :يله امشي ياحلوه صاحت رولا بخوف ولما شافت وجهه قالت بعصبيه:ياشين مزحك ياراسل ضحك راسل وهو يقول:وراك صرتي خوافه رولا :انت طول عمرك ثقيل وفي النهايه تجيب العيد ضحك راسل وهو يقول:اسفين كل شي ولا نزعل مدامة مشعل ويزعل منا استحت وماردت عليه مسكها من يدها وهو يركب المصعد معاها وصلو الجناح ودخلو وهو يوديها غرفه جانبيه وقال لها :انتظري هنا خرج من عندها ودخل الغرفه وقف وهو يشوف مشعل يوقع المملك :والحين ودو الكتاب للزوجه توقع اخذ راسل الكتاب وهو يقول:مبروك (لمشعل) مشعل:الله يبارك فيك عقبالك راسل:ان شاء الله قريب خرج وهو يروح لرولا ويقول :يله وقعي هنا ارتجفت وهي تاخذ القلم وتناظر توقيع مشعل وقعت وهي تبتسم وتتنهد بسعاده راسل بضحكه:شوي شوي يالاخت من الحين تتنهدين استحت منه نست نفسها ابتعد من عندها ودخل عند الرجال الي يباركون لمشعل بسعاده ماحد:واخير يله الحين دور راسل وفايز نعناسيكم الصغار اعرسو قبلكم راسل :اترك منك هالكلام لايسمعك ابوي وجدي خرج المملك وتبعه الرجال الي توجهو لرولا يباركون لها ابو راسل وهو يهمس لرولا:يله الحين بتدخلين تسلمين على مشعل استحت من ابوها وهي تشوف اعمامها لاكنهم استئذنو وهم يطلعون للبيت عشان الضيوف بقي راسل الي طلع يكلم برا برا عند راسل راسل:ههههههه كل عام وانت بخير الطرف الثاني:وانت بخير والحمدلله على سلامة مشعل امس مافضيت اكلم ابارك له وان شاء الله بعد المغرب اجي ازوره راسل:حياك الله ياعبدالعزيز وخلنا بعد ماتشوف مشعل نطلع نتمشى وبالمره بكلم فارس واشوف اذا فاضي عبدالعزيز:مااتوقع يطلع معانا هذا ابو ووراه عايله مو مثلنا عزابي يمكن يبي يعيد معاهم راسل:انا بخبره والي وده عبدالعزيز :اوك الحين استئذن عند ابو رولا ورولا ابو راسل:رولا هذي الغرفه فيها مشعل انا بطلع برا عشان لو جاو رجال اعلمك طلع ابوها ووقفت محتاره بنص الجناح تشجعت ودقت الباب جاها صوته المنخفض :ادخل فتحت الباب وققفت تطالع سريره الي مقابل الباب ناظر الباب وشاف حرمه على طول عرف انها هي قال بعدم تصديق:رولا ناظرته على السرير نحفان بقوه بس دقنه مرتب توقعت توه مرتبه تقدمت وهي تسكر الباب بعدها وتقول بهمس :سلام عليكم قال بنفس الهمس:عليكم السلام ياهلا تعالي رولا قربت من سريره ووقفت وهي تقول:الحمدلله على السلامه مشعل:الله يسلمك (ومد يده لها) تركت يدها على يده وهي تحس يخجل منه وتتأمله بحب نفس حب زمان وكان هالسنين الي مرو فيها وصارت لهم مشاكل ماصارت وماجات قال لها بحب :ابعدي الغطاء عن وجهك خل اشوفك ابعدت الغطاء بيدها الثانيه رفع جسمه مشعل وهو يتاملها قال لها بهمس:ارفعي راسك خل اشوفك رفعت راسها وهي تناظر وجهه وتركز في عينه اما هو ابتسم لها وهو يسحبها من يدينها ويضمها لصدره بحب ويقول:حي الله رولا انصدمت من حركته وغمضت عينها وهي تسمع همسه لها وهو يقول وهو يشدها له:كل عام وانتي عيدي .. وأخيراً ~_~ ( , عمـر الحگي مايوصفـگ يانعيمي �� - !.. .".. _________________________________ | ||||
|
| |
|
13-03-16, 01:04 AM
| #35 | ||||||||
| مراقبة عامة ومشرفة منتدى الروايات المنقولة  
| _________________________________ طبعـــــا انتشر الخبر وكان صدمه للكل لان ماحد يدري غير رولا من الحريم الكل فرح وانبسط واتفقو رولا تظل عند اهلها اسبوع تجهز نفسها وبعدها تسافر يوم الجمعه هي ومشعل لامريكا لعلاج مشعل ... _________________________________ .. بــــــالليــــــل .. انسدحت على سريرها بالعرض على بطنها وردت وهي تقول بخجل:الو قال:احلى الو وربي ضحكت بخجل وقالت :بسك كذب قال :والله مااكذب ليش اكذب ابتسمت وسكتت قال لها : امم وش سويتي اليوم كيف كان يومك؟ قالت بفرح:مممممتاز جداً انبسطت واجدد وناسسه من زمان مااجتمعنا كذا وضحكنا وسولفنا من لما تعب مشعل ومع الخبر السعيد الي سمعناه عن مشعل ورولا استانست قال :جعله دوم الوناسه عليك ياقلبي اجل انبسطتي اليوم قالت بحب:ايه وانت وش سويت اليوم قال بنبره عاديه:ابد رحت الصباح لخالتي وسلمت عليها ولمعارفنا الي يعزون علي ومريت الشركه اشوف الاوضاع عقب صليت الظهر وتغديت ونمت بس قالت بحزن :ماطلعت مكان كله لبيت خالتك والشركه وبس ليش مارحت لربعك تتمشون وكذا قال بنفس النبره:ربعي لاهين مع اهلهم مب فاضين لي على العموم انا ترى متعود (غير الموضوع وهو يقول) لبستي الي اخترته لك؟ قالت بحب :ايه قال:اه ليتني اشوفه عليك الا ماقلتي لي وش تسوين قالت بحيا:ابد بعد مافضي البيت دخلت جناحي وعلى طول كلمتك قال بستفسار :بعدك ماغيرتي قالت بهدوء:ايوه مابعد غيرت كسلانه قال بغموض:طيب ياقلبي ممكن اطلب منك شي قالت بحب:عيوني لك قال بنفس النبره: صوري لي شكلك ابي اشوفك انصدمت منه وقالت بتردد:وليد مايصير قال لها :ليش مايصير انا حبيبك وزوجك قريب يعني راح اتزوجك يعني انتي بمثابه خطيبتي الحين تكفين خاطري اشوفك قالت برعب:لا تكفى وليد ماابي قال بعصبيه: ليش ماتحبيني تشكين فيني قالت:مو عن بس ماقدر انا مو من الي تصور نفسها وتسولف مع الشباب انت الوحيد الي سمحت لك تسولف معي وماتطورنا وصرت اكلمك الا لما كنت محتاجه لاحد اشكي معه ادري غلطت لانك مو محرم لي وتعتبر غريب تكفى وليد لاتضغط علي تكفى قال لها :لو تحبيني وتثقي فيني مارفضتي اسمعيني اما ترسلي لي صورتك او الي بيننا ينقطع قالت بحزن:وليد ليش تقول كذا ماقدر مااقدر قال:القرار لك اختاري ؟ قالت بهدوء: اجل الله يستر عليك انا استحقر نفسي في اليوم الف مره لاني رضيت اكلمك فشلون ارسل لك صوري روح وليد وربي انت الوحيد الي تعلقت فيه وحبيته وسمحت له يتعدا حدوده روح الله يحفظك واعتبر الي كان بيننا شي وانتهى وتكفى استر علي ادري اني غلطت ومو المفروض اسوي كذا قال بهدوء:ساره ماتقدري تتركيني انتي تحبيني بعدين ماتخافي اروح لابوك الشايب المريض ولا لاخوانك وعيالهم وافضحك عندهن قالت ودموعها تنزل:مستحيل مستحيل وليد تسويها انا اعرفك انت الوحيد الي وثقت فيك مستحيل تخليني اندم اني وثقت فيك ماتسويها صرخ بعصبيه وقال: امبلا ياساره اسويها اقدر اسويها واسوي الي العن منها انا مثلي مثل اي شاب حب يتسلى في وحده وهي ارخصت نفسها وسمحت له يتعدا حدوده انتي مثلك مثل اي بنت نزلت روس اهلها الي ربوها يالعاقله كلمتيني تكلمي غيري قالت بصدمه وهي تصارخ وتبكي: لا لا وربي انا مو كذا مو كذا وليد تكفى لاتوجعني بهالحكي ولييد تكفى لاتقول عني كذا انا احبك ولو مااحبك ماكلمتك وسولفت معك وليد ليش تقول عني كذا قال لها بقهر:اولاً انا مب وليد هذا اسم انا اخترعته ثانياً لاتصرخين اوجعتي راسي بصراخك لاتخليني اعصب منك والحين مع السلامه وبعدين نتفاهم انصدمت منك وناظرت الجوال الي بيدينها رمته بعيد عنها وبكت بانهيار من كلام وليد الي اوجعها وكانت تقوله لنفسها قبل يقوله عنها وليد لاكن ماتوقعت نظرته لها كذا ... ( , ” صٌعٌبِ نَِّسيِّأّنِ شٍخَصٌ ؛ ع«أّنِ يِّوِمَع« ، وَِّسعٌأّدِتّع« ، وِحٌيِّأّتّع« ع«لَهِأّ. - !.. .".. _________________________________ عنـــــــــد البنـــــــــات كانت ماسكه جوالها ووجهها محمر عصبت وخافت بنفس الوقت قالت لها بيان الي بجنبها:رنا فيك شي رنا وهي وهي توقف خارجه من الغرفه:لا مافيني شي وقفت برا الغرفه وهي تقعد على الاريكه الي موجوده برا فتحت جوالها وهي تشوفه يرن واسمه ينير الشاشه ردت وهي تقول بهدوء:هلا خالد قال بعصبيه وهو يضغط على يده :خمس دقايق واكون عند الباب انزلي بسرعه قالت بغضب :بس انا قلت راح انام هنا خا...... قفل في وجهها وهو يزفر بقهر تمتم بقهر :طرطور انا عندها اما هي فركت جبهتها بيدها وهي تقول : اف ياربي هي قررت انها تنام عندهم وارسلت له رساله لاعاد يجيها لانها اتفقت معه تسهر عندهم لاكن البنات اقنعوها تنام ولما ارسلت له رساله "خالد لاتجيني بنام هنا عند البنات " بعدما شاف رسالتها دق عليها فوراً وهو معصب هو مو طرطور عندها متى مابغت قالت تعال اخذني ومتى مابغت قالت لاتجي من عطاها الاذن تنام برا البيت بدون ماتستأذن منه دخلت عند البنات وهي تقول : بنات انا بروح بيتي حلا : ليش مو قلتي بتنامي رنا بحباط : خالد مارضي مها بضحكه : شعلينا مو هين خويلد مايبي يتركك ولا يوم واحد تنامين بعيد عنه ابتسمت رنا وهي تقول بداخلها : ولا فكر بالي تفكرين فيه كل الي يهمه يمشي اوامره علي اف رولا بابتسامه : اوك روحي بس ترى هاه اتفقي مع خويلد يخليك تنامين عندنا يومين قبل مااساقز رنا وهي تلبس عبايتها : ان شاء الله يله باي خرجت وهي تعدل غطوتها اما بيان التفتت وهي تقول : وينها ساره من لما راحت تلبس بجامتها مارحعت اتاخرت رولا بهدوء وهي تبي تكلم ساره : انا بروح اشوفها ام محمد بعد ماخلصت صلاه : لاتتاخرون ترى ناويه اسهر معاكم اليوم بيان بشماته : ياخساره راح تفوت الجلسه عهد ورنا مها بنفس الشماته : احد قال لهم يتزوجون حلا وهي تحضن امها بدفاشه : واللهِ احلا سهره يامامي رهف بنفس الدفاشه وهي تحضنها من الجنب الثاني : اي والله زمان عن هالسهرات يااحلى عمه ام محمد بضحكه : خلاص اتركوني يالي مافيكم نقططة نعومه بيان بضحكه : هههههههههههه كيذا اوفر مها : والله بنص الجبهه رهف : الله يسامحك ياعمه ضحكتيهم علينا _________________________________ عنـــــــــد رنـــا ركبت السياره بضجر وهي تسكر الباب بعصبيه صرخ خالد وهو يقول : وجع ان شاء الله ماتعرفين تسكرين الباب بهدوء رنا بقهر : لاتصارخ انا مو بزر عندك فاهم خالد وهو يحاول يتحكم بعصابه : ماشي يارنا نتفاهم بالبيت رنا بعصبيه : اففف خالد وهو يتكلم من طرف خشمه : لاتتافافين رنا : ليش حرام خالد بعصبيه ناظرها بحده وسكت عشر دقايق ووصلو البيت وقف السياره في الكراج وهي نزلت بعصبيه وعناد فيه سكرت الباب بقوه عصب من حركتها ونزل وهو يلعن الشيطان طلعت فوق وهي تمشي ببرود وقفت عند باب الشقه واتكتفت وهي تهز رجولها بملل طلع خالد وناظرها واقفه عند الباب للحين مادخلت عصب منها وقال بصوت منخفض عشان لااحد يسمعهم : انتي ليش للحين واقفه ليش مادخلتي رنا بهمس وهي فيها النوم وبملل : المفتاخ مااخذته لذالك افتح لي الباب بسرعه خالد بعصبيه فتح الباب وهو يسحبها للداخل ويسكر الباب قالت بعصبيه : اه انت وش هالدفاشه الي فيك خالد بعصبيه وهو يحس انه مب رايق اليوم ابد : انتي ليش تتكلمين بهالاسلوب بعدين الحركه الي سويتيها لاتنعاد فاهمه ترى انا مو ذاك الصبور فلا تستفزيني فاهمه رنا وهي تنزل عبايتها : اسمعني زين ياللي مافيك صبر انا مو على كيفك الحركه الي سويتها لاتنعاد انا ابي انام في بيت جدي انت شكو من اليدقال لك انك ولي امري خالد بعصبيه : ولي امرك غصباً عنك مادمتي في بيتي واسمك جنب اسمي فانا ولي امرك انتي ماعدني في بيت ابوك متى ماودك نمتي في اي بيت تبغين قبل ماتطلعين من هالبيت تستاذنين مني انا هنا الي اقرر اوافق اخليك تطلعي او لا لو كنتي طالبتيني بادب واحترام ماكان قلت لا لاكن اسلوبك يبي له تعدل تنهدت رنا بملل وهي تاخذ شنطتها وتتوجهه لغزفتها عصب خالد من حركتها كيف تسفهه وهو يتكلم لحقها وهو يدف باب غرفتها قبل تسكرها قال بغصب : انتي شلون تسوين كذا شالوقاحه الي فيك رنا بقهر : خالد لو سمحت اطلع برا ابي انام خالد بنفس القهر : واذا قلت لك موب طالع وش بتسوي جلست رنا على السرير وهي تقول بعصبيه : خالد وبعدين معك ياخي تعبت منك انت حتى لو كنت ولي امري مايحق لك تتامر علي خالد بصوت عالي : الا يحق لي غصبا عنك واسمعي سلوبك هذا عدليه لاحظتك هالايام بديتي تتماديين واجد صرخت رنا ودموعها بدت تنزل : لاتصرخ علي وترفع صوتك وانت تكلمني انا مو حماره عندك خلاص خالد تعبن من هالعيشه الوحده بعمري بها السن اقصى همها تفكر باي جامعه بتدخل اي تخصص وشو الجامعه الي بتقبلها مر نفسي بهالعمر متزوجه واحد مايبغاني خالد سؤال واحد هل انت مغصوب علي قل لي ليش تتزوجني دامك ماتبيني والله تعبت منك وغطت وجههها وهي تبكي بتعب ليش هي مو مثل باقي البنات الحين يفكرون في الجامعه في المسلسل الفلاني ويفكرون في اشياء ثانيه ليش هي تزوجت بهالسرعه ليش تزوجت واحد مايبيها ينام في غرفه وهي في غرفه ماحاول ابد انه يقرب منها صار لها معه شهرين وهي عنده وماعمره لمح لها بشي لها الدرجه مايبيها او يحب غيرها او ماعجبته مو حلوه مافتنته بدت تشك فعلاً اانها مو ذاك الدود اما خالد ناظرها بصدمه ماتوقع هالكلام منها مسح على راسه بضجر وهو يتنهد ناظرها وهو يحط يدينه على خصره قرب منها بس بعد وهو يعطيها ظهره يبي يخرج ناظر الباب وقف وهو يزفر بالم غمض عيونه لحظات وهو يسمع صوت بكيها لف لها وهو يقرب منها وهو يجلس جنبها على السرير قال بهمس: رنا زاد بكيها وكانه قال مصيبه حتى تبكي اكثر ماردت عليه وقرب منها وهو ياخذها بحضنه قال وهو يمسح على راسها الي استقر على صدره :خلاص رنا يكفي بكي بعدت منه رنا وهي تقول بوجع : احيانن قبل ماانام اقعد افكر انت ليش تاركني بغرفه وانت بغرفه حتى اذا قعدت معاك بالصاله ماتسولف لي عن الي يصير معك ماتسولف عن مشاكلك كنت اقول لهدرجه يكرهني انت قبل لما تعصب علي ونتهاوش كنت اقول يمكن يحب يستفزني او اي شي بس مايكرهني قلت يمكن تحب غيري او عمي غصبك تتزوجني لدرجه اني فكرت ان لهدرجه انا مو جاذبتك بجمالي مو حلوه مافيني شي يجذب وش بتكون نهايتي بتطلقني واصير مطلقه او بقعد كذا طول حياتي مو متزوجه ولا مطلقه خالد :ليش ماحاولتي توضحي لي تجذبيني لك ي..... رنا بمقاطعه :ماقدرت اجذبك ماعندي شجاعه اني اقرب منك او تقدر تقول كبريائي وغروري كان يمنعني كنت اخاف اقرب منك وتصدني وقتها بتحطم وانكسر خفت من هالفكره لدرجه اني صرت افكر فيها ليل نهار الكل يسالني ليش ماعدتي نفس اول ليش بس تفكرين وساكته ماقلت لاحد عن الي بيننا حتى عهد وبيان الي مااخبي عنهم شي ماحبيت اوضح لاي احد الي انا اعيشه سكت خالد مده بعدين قال: انا اسف ماكنت ابي يصير كذا لك راح اعترف لك ابوي لما طلب منه بدر يتزوج وافق بشرط اني اتزوج انا ومشعل معه رفضنا بس حلف نتتزوج لما رفض مشعل ابوي حلف ان يتبرى منه فما قررت ارفض كنت معصب لاني كنت اقول مايحق له يغصبني اتزوج انا رجال كبير مو صغير فلما تزوجنا كنت احاول ما اقرب منك لاني ابي ابين لنفسي ان مالاحد الحق انه يغصبني ادري تفكير مدري وش وضعه بس كان غباء مني وكنت احاول ما اجلس معك واجد لما شفتك عادي عندك الوضع انحن نكون مو مثل اي زوجين حسيتك ماتبيني وعاجبك الوضع فانسحبت من فكرة ان حنا نكون اي زوجين انا اسف فهمتك غلط وحملتك الذنب في ان ابوي غصبني على هالزواج بعدين راح اصحح لك معلومه انا ما أكرهك لاقبل الزواج ولا بعد الزواج رنا بهدوء وهي تناظره: اجل ليش كنت تعاملني بطريقه مو زينه خالد بابتسامه : لان دلعك وحركاتك كانت تعصبني عمي احمد حنون بزياده معاكم وكان ماتقولين له شي ويقول لا فعشان كذا كنت معصب منك اقول شهالبنا الي تمشي كلمتها على الكل وعمي مدللله فكنت اعصب منك بعدين كنت اتذكر موقف لما كنا صغار كنا نلعب دايم عند باب بيتكم انا وبدر وريان رفهد وعيال الحاره وكنتي دايم تخرجين تتفرجين علينا وكنت اعصب واخاصمك واضربك بعد لاني اغار عيب العيال يشوفونك بس كنتي تعلمي علي عمي وهو يضربني وتخرجي وتتفرجي ومبسوطه حضرتك شوي ولعبتي معنا وصرتي كابتن الفريق بدل مني ضحكت رنا على شكل خالد وهو يتكلم بقهر خالد : ليش تضحكين رنا : شكلك وانت تتكلم يضحك يعني حاقد علي عشاني اخرج واتفرج عليكم بالشارع عاد من زين لعبك خالد وهو يضحك : غيرانه ولا انا كان لعبي احسن من غيري وكنت كابتن الفريق بعد ضحكت رنا بقوه وهي تمسح دموعها اما خالد ابتسم ناظرها وبعدين قال : سامحتيني رنا بابتسامه : ايه خالد وهو يمسك ديدينها : يعني نبدا من جديد الحين ننسى كل الي صار رنا بهدوء وهي تناظر عينه : خالد يعني انت تبيني اكون زوجه لك وام عيالك ومعاك للممات خالد بابتسامه : ايه ابيك ابي رنا بس ياترى رنا تبيني ابتسمت وهزت راسها : ايه خالد : شنو ايه رنا : ابيك قرب خالد منها وهو يحضنها بقوه خالد : اجل من اليوم ورايح تنامين معاي بغرفتي وتصير غرفتنا بكره تنقلين اغراضك اما اليون راح ننام هنا مايمدي نروح غرفتي وغمز لها ، ضحك على وجهها وهو يقرب منها ويبوس يدينها وهو يسولف لها .. _________________________________ وقفت عند الباب وهي تسمع صوت ساره تبكي استغربت وش فيها عقدت حواجبها باستغراب ودقت الباب وهي اقول : سازه افتحي الباب قالت ساره بخوف ان رولا تشوفها : لاتدخلين رولا الحين بطلع رولا باستغراب : ليش ؟؟؟ ساره بعصبيه : لاتدخلين وبس فتحت رولا الباب باصرار وهي تبي تشوف وش في ساره انصدمت منها وهي تبكي بنهيار وبحضنها دبدوب لونه احمر شكله يهبل قالت وهي تسكر الباب وتتقدم لساره : ساره شفيك ساره بنرفزه : مو قلت لك لاتدخلين ماتفهمين انتي رولا : ليش تبكين ممكن افهم ساره بصراخ : ابكي ابكي على حظي الشين يعني مااحد يبكي قربت منها رولا وهي تحضنها لصدرها وتهديها : شفيك ياقلبي ليش زعلانه ساره ببكي : انا غلطت غلطت غلطه كبيره يازولا رولا بخوف : شفيك شنو الغلط هذا وش سويتي ساره بنفس الخوف : بقول لك بس امانه لايطلع الكلام رولا : طيب شنو قولي ؟ ساره بدت تحكي لها الي بينها وبين الهاجس من البدايه لاخر مكالمه انصدمت رولا من الكلام وقالت بصدمه : ماترقعتها منك انتي انتي يالعاقله تسوين كذا كيف سمحتي للشيطان يسيطر عليك بكت بالم وهي تقول : رولا تكفين لاتلوميني وربي يكفي اني الوم نفسي الف مره على الي صار مدري كيف غضبت ربي بهالشكل تكفين قولي لي شسوي وربي احبه رولا بالم : ياقلبي ياساره الي صار هو الصح لازم تقطعون هالعلاقه لانها حرام وصدقيني لو نصيبك راح تاخذينه بعدين الله ابعده عنك عشان يرزقك الي احسن من هالشي ساره قومي صلي ركعتين واستغفري ربك ولاحد يحس فيك انا قلت لعمتي والبنات اني بجي اناديك الحين تلقيهم مستغربين ايش اتاخرنا بعدين قولي لي شهالدبدوب من وين لك ساره بالم وهي تناظر الدبدوب : منه رولا بصدمه : خرجتي معه قابلتيه ساره بسرعه : لا لا جابه لي للمشغل والله ماطلعت معه رولا : يعني البطاقه الي شفتها في غرفتك منه هو ساره بصدمه : وين شفتيها دورتها مالقيتها رولا بقهر : احمدي ربك انا شفتها مو احد غيري بكت ساره بالم وهي مو مستوعبه الي صار ورولا ظلت تهدي فيها وهي خايفه لو عرف احد بالي صار .. ( , ” عمومًا أنا أحبّك ، والبُعد اللي بيننا يعوضنيّ فيه ربي ��! - !.. .".. _________________________________ بعــــد ساعـه ضحكو البنات وهم مستمعين على كلام عمتهم وسوالفها ام محمد بضحمه : عاد انا كنت الوحيده البنت قبل ماتجي ساره ومها كننت حزينه ليش انا البنا الوحيده وكنت دايم مع اخواني وين مايروحون حتى اذا خرجو يلعبون كوره وياويله الي يقول شي يكوفنه ابوي امي ماكان عاجبها الوضع ابد في مره من المرات جاب ابوي للعمامكم سياكل دراجات وقتها زعلت ليش مايجيب لي امي قالت احسن يالرفله انتي بنت مو ولد اقعدي عندي تعلمي الطبخ والنظافه يكفي حركات صبيانيه نمت هذاك اليوم رعلانه وبكيت لين قلت بس اليوم الثاني قمت الا وابوي مشتري لي واحد احسن من الي مع العيال وكنت كذا اي شي يسوونه اسويه وكنت العب معاهم كوره واروح معاهم وكان عمكم ابو محمد ناشب فيني يبيني اعطيه وجهه وانا ماكنت احبه بس يعدين لما كبرت ووعيت وفهمت حبيته هههههههههه حلا بضحكه : اخص يمه تعرف عليك ابوي بملعب الكوره وانا اقول على من طالعه اثر امي مثلي واخس كل حركاتها صبيانيه رهف : والله وناسه عمي ابو محمد حب عمتي عن طريق كوره حنا الحين يقولون تعلمو الطبخ والسناعه عشان تنحبون وتتزوجون والله هزلت كملو سوالفهم ورولا استاذنا منهم لما جاها اتصال وكان مشعل طلعت تكلمه برا وهي تقول بخجل : هلا قال بحب : حاولت اصير ثقيل بس ماقدرت ضحكت وقال بحب : احببببك قالت بنفس النبره : وانا بعد احببك كملو سوالفهم وهم يستعيدون ايامهم القديمه _________________________________ صحى من نومه الساعه سبع ونص اليوم اجازته ماراح يروح للشركه خرج من غرفته وتوجهه للصاله وكان موجود فيها ريان تكلم وهو يجلس:صباح الخير ريان:صباح النور راسل:ليش صاحي هالوقت ريان:نمت امس من المغرب وصحيت على اذان الفجر راسل:ابوي وينه صحى ولا باقي ريان :ماادري دخل غرفته بعد الصلاه قعدو ريان يتابع فيلم وراسل على جواله ببعد مده الساعه ثمان وربع خرج ابوهم وامهم وجلسو معهم راسل:متى نامت رهف ام راسل :رهف نامت ببيت جدك راسل:اها ابو راسل لام راسل:يله ياام راسل اوصلك على طريقي ريان:وين ابو راسل:لبيت جدك ريان:ليش ام راسل:عيد والناس تجي ببيت جدك تعيد ابي اروح مع عمتي استقبل الضيوف هز راسه ريان بفهم راسل:يبه ابي اكلمك بموضوع ابو راسل :خيـر اللهم اجعله خير خلاص برجع على 11 ونتكلم راسل :طيب _________________________________ بعد أسبــــــــــــوع اليوم رولا ومشعل بيسافرون كان فيه حفله صغيره في بيت ابو راسل العصر كانت الكوفيره موجوده عند رولا وع المغرب الكل اجتمع عندهم رحله العرسان حتكون عشره ونص الليل رنا وهي تحضن رولا:مااصدق اخيرااااا يارولا عهد:صدق مابغيتو رولا:ههههههه نتغلا على بعض بيان وهي تزغرط:كلللللوش يافرحتي اخواني كلهم تزوجو بهالسنه بيعيلون مع بعض ويملون البيت علينا (وغمزت لهم) مها :هههههههههه شف ذي وين تفكيرها تحسب انكم دجاج ترى حلا:ياربي اشم ريحه وصاخه مها:ريحتك حلا بشهقه:ياحماره تعالي(وقامت تضربها اما مها جات ورا ساره الي ساكته وتناظر المكياج معا بصراخ:سسسساره تكفين لاتخليها تقرب مني حلا:وين بتروحين هاه وراك وراك ساره بهدوء: افف مها ابعدي مب رايقه لكم ترى رهف:وشفيك ساره وهي توقف:مافيني شي انا بنزل تحت رولا:يله كلكم انزلو تحت خل اخلص شغلي بيان:طرده محترمه رنا:نخرج برضانا احسن وخرجو البنات من عندها اما هي ضلت تفكر وهي تفرك يدينها بخوف وقلق من الحياه الجديده لها. . _________________________________ توهــا خلصت شاور طلعت واتوجهت للتسريحه جلست واخذت مرطب وبدت ترطب رجلينها اندق الباب وانفتح كانت ريم تكلمت بحماس وهي تجلس على السرير:امي تقول دقي الباب قبل تدخلين ودقيته وشرايك فيني المهم ماعلينا قولي لي مستعده لبكره اوووه ياخاله وربي احسن اني متحمسه بقوه واخيراً بشوفك مخطوبه ومتزوجه ولا مين عريس الغفله راسل الـ...... ملك جمال القبيله كلها بالله ياخاله قولي لي وش شعورك؟ ابتسمت وقالت :كم مره سالتيني هالسؤال قلت لك مصيرك تجربين هالشعور ريم بطنازه:وكم مره جوابتيني هالجواب انا اعرف اني بحس فيه اذا جاء فارس احلامي بحصانه بس ابي اعرف الحين دخلت سحر بعد مادقت الباب وبايدها عبدالله الي جرى لوهم الي تبتسم له قالت:ريم هذرتك واصله للصاله خلاص اتوقع كل اهل الرياض عرفو ان بكره ملكه وهم ريم: فرحانه يمه وش اسوي سحر :انا اعلمك شتسوين طلعي برا عشان ابي خالتك في موضوع ريم بقهر:دايم يمه كذا تطلعون كاني بزر ترى كبرت والله سحر :يله ياريم لاتتحلطمين مثل الاطفال طلعت ريم وهي تتأفأف بضجر اما سحر التفت لوهم وقالت بحنان :كلمتي الكوفيره وهم بهدوءها المعتاد:ايه واتفقت معاهم بكره العصر بيكونون موجودات سحر :طيب راسل كلم فارس وقال له مايبي يدخل عند الحريم وشرايك؟ وهم ببرود وهي تمشط شعرها:عادي عشان اخذ راحتي اكثر بعدين الزواج قريب بيدخل بالزواج سحر بضجر:لاتذكريني وربي ارتفع ضغطي لما حددو الزواج بعد اسبوعين مايمدي ناخذ راحتنا وهم :عادي ياسحر ناخذ الاشياء الضروريه الحين والباقي بعد الزواج بعدين المهر صار بحسابي يعني مافيه مشكله الملابس والعطورات والمكياج ثلاث ايام نخرج انا وانتي ومرام ونخلصها بسرعه والشعر والميك اب الـ مشغل تبعي الي بيتكفل بهالشي والمصوره بعد والجلسات تبع العنايه بالجسم والوجهه برضو بالمشغل وراح يكون فيه اهتمام لذالك بنخلص بدري وباقي الامور نحلها بسرعه دام الله معنا سحر:صدقتي المهم اشوفك ببيت زوجك سعيده ابتسمت وهم بسخريه وماعلقت سحر بهدوء:وش رايك براسل مرتاحه له وهم وهي توقف وبختصار:الحمدلله سحر عرفت ان وهم ماتبي تتكلم فوقفت وقالت:اوك نامي الحين عشان بشرتك تكون تمام بكره يله تصبحين على خير وهم وهي تبوس عبدالله:وانتي بخير خرجت سحر وانسدحت وهم على السرير وهي تخرج الصوره وتتاملها قالت بسخريه:ياسر شوف بكره ملكتي من رفيقك الخاين ويمكن يجي لي الاطفال الي تمنيتهم لاكن انت لاتزوجت ولا راح يجوك اطفال لانك بقبـــرك نايم ضمت الصوره لصدرها وهي تضغط عليها وتاركه اصبعها الابهام على وجهه الشخص الثاني الي بالصوره تنهدت وهي تفكر في المـــاضي الي عجزت تنساه وتقتنع انها في الحاضـر ... _________________________________ باسها في راسها وهو يقول :انتبهي على نفسك والله الله في مشعل انا ان شاء الله قبل الزواج بمر عليكم هناك ولاتنسين اذا احتجتي شي تتصلي علي وطمنونا عليكم اذا وصلتو باست جبينه وهي تقول :لاتخاف ياعزوتي ان شاء الله مابتحتاج شي ومشعل عندي بعدين كلها شهر بالكثير ونرجع والف مبروك ياراسل تمنيت اكون في زواجك بس الله ماكتب راسل :الله كريم يله اتاخرنا على مشعل وبدر بعدين طيارتكم بعد ساعه ونص يله البسي غطاك بنخرج نفذت وخرجت للسياره وهو ماسك يدها تكلم راسل مخاطب لمشعل:الله الله يامشعل برولا وانتبهو على انفسكم واذا احتجتو شي دقو علي بدر وهو يبي يركب:لاتخاف يارجال ان شاء الله مانحتاج شي يله مانبي نتاخر راسل :يله مع السلامه مشعل:مع السلامه وتحركت السياره متوجهه للمطار اما هو رفع راسه وهو يناظر السماء وقال بابتسامه :ليتك ياياسر موجود وتزف الوهم لي بكره . تحرك راجع داخل وهو يتمتم بدعاء خفي .. _________________________________ تقلبت بضجر وثقل فتحت فمها تبي تاخذ اكبر قدر من الهواء تحاول تتنفس بس ماقدرت تحس باحد يخنقها مكتومه وكانها في الفريزر من البرد الي تحس فيه شافته وهو يناظرها بنظرات مافهمتها كانه معصب يناظرها وهو مكتف يدينه قالت بعدم تصديق وهي تكلم نفسها :أنت قال لها وهو يصارخ :لاتأذين نفسك وتأذيني معك وتأذين الي حولك الا هو الا هو مايصير تتسوين فيه شي قالت وهي تبكي بس بدون دموع وكانها ماتبكي وقفت بالم وهي تتقدم له وكل ماتقدمت زاد الالم عليها :اهه تعال تكفى اخذني مابي هالالم ماابي كل ماتقدمت تحس انه يبتعد عنها شوي شوي صرخت بجزع لما شافته اختفى وكانه ماكان موجود قالت باالم :وينك ليش رحت تعال جاها صوته وهو يقول :لـ...... وفجاءه نقزت بخوف وهي تتنفس بضيق ناظرت حولها وتنهدت بالم لما تاكدت انها تحلم تعوذت بالله من الشيطان وبكت بالم وهي تتذكر شكله بالحلم الي اصبح كابوس مخيف لها اعتلى صوتها وهي تجس بضيقه غريبه بكت وبكت بالم من زمان تتمنى تطلع الي بخاطرها تكورت على نفسها ولفت يدينها على جسمها كانها تضم نفسها لنفسها بكت بالم وخوف وتعب صرخت بجزع وهي تقول :ليش كلهم يتركوني ليس انا ماعندي ام واب نفس باقي البنات ليش هم ماتو ليش مامت انا ليش راسل يكون سبب تعبي وحزني بعد ماكان سبب فرحتي اهه يارب اخذت نص ساعه تبكي لحتى حست ان راسها بينفجر من الصداع تنهدت بتعب وهي تستند على سريرها وقفت وهي متجهه لدوره المياه تبي توضي وتصلي ركعتين لربها ... _________________________________ ( , ” ويبقى الماضي روآيهه نقرأها ل نبكي .. ونتألم .. ثمم نناآام .. - !.. .".. _________________________________ ناظرت ساعتها وكانت الساعه ثلاثه حكم تنهدت بالم وهي للحين مانامت تعودت الايام الفايته تسهر الليل تبكي ندم على الي سوته والي توها تستوعب بخطاها على الي سوته وبنفس الوقت مشتاقه له تعودت عليه بشكل مو طبيغي حبته لدرجه نست الصح من الغلط تنهدت بالم وهي تحاول تنام بس مافيه فايده قعدت تستغفر لحتى حست بالنعاس بدا يغلبها واستسلمت له ونامت . _________________________________ ابتسمت بفرح وهي تشوف الكل يشتغل بحديقه البيت الي يضبط الكوشه والي يضبط الانوار والي يضبط الطاولات والكراسي واضح ان عندهم حفله كبيره ابتسمت بفرح وهي تناظر ساعتها الكوفيره صار لها ساعه ونص عند وهم دخلت داخل وهي تشرف على الخدم ابتسمت للي دخلت من الباب وهي تزغرط بحماس قالت بفرح :على هونك اتركي حماسك لليل قالت الثانيه بفرح وهي تسلم:مب كيفي متحمسه متحمسه واخيرا شفت وهم عروس الا قولي لي وش تسوي الحين قالت وهي تلتفت لها بعد ماكلمت وحده من حقين الخدم:امشي نطلع لها الحين الكوفيره عندها بدو فيني وبعدها هي والكوفيره الثانيه عند ريم تلقينهم خلصو وصار دورك طلعو ودخلو عند وهم الي مستسلمه للكوفيره الي ترسم عينها قالت مرام بفرح:وش شعور عروستنا واليوم ملكتها ابتسسمت وقالت بهدوء:نفس شعورك يامرام يوم ملكتك مرام بضحكه:اجل خلينا نسكر الدرايش والابواب سحر:ليش مرام:عشان لاتطير من الفرحه ههههههههه ضحكو عليها ورجعت وهم لصمتها ومرام اتوجهت للغرفه الثانيه عشان تبدا تجهز نفسها قبل مايجون الضيوف وسحر بعد مااشرفت على الحديقه وشافتها صارت جاهزه طلعت تصلي المغرب وتلبس .. _________________________________ اما عند البنات والحريم كانو بالمشغل كلهم وتعدلو وبعدها رجعو بيوتهم يلبسون وعقب توجهو للحفله _________________________________ بالليــــــل نزلت من الدرج على اغنيه فرنسيه كانت لابسه احمر والكوشه كلها بلونات وورود حمراء ومن حد الدرج للكوشه سجاده حمراء تمشي عليها كانت تمشي للكوشه وهي تحاول تبتسم في داخله شعور غريب خوف على ربكه على ماتدري شنو استفاقت من سرحانها على صوت مرام وهي تقول : وهم ابتسمي للمصوره عشان تعرف تصورك بعد ماخلصت التصوير طلعو البنات والحريم يسلمون عليها ويباركون لها عقبها شغلو المسجل وبدو البنات يرقصون بفرح قعدت جنبها ساره وتبتسم وتقول بهدوء : مبروك ياقلبي ماني مصدقه بتصيرين زوجة راسل وبشوفك دايم ابتسمت لها وهي تشوف رهف وريم يسوون حركات استهبال وهم يرقصون | ||||||||
|
| |
|
13-03-16, 01:07 AM
| #36 | ||||||||
| مراقبة عامة ومشرفة منتدى الروايات المنقولة
| قربت سحر من وهم بعد ماقفلت جوالها وهي تقول : وهم حبيبتي راسل بيدخل وهم بصدمه وخوف : مو هو يقول مايبي سحر : غير رايه وهم بعصبيه : وانا مو على كيفه متى مابغى ومتى مارفض سحر : هدي حبيبتي ماراح يدخل قدام الناس بس يبي يشوفك ويسلم عليك من حقه ياقلبي وهم : لا مو من حقه سحر انتي شايفه فستاني كيف بطلع له كذا هو يوم يقول موداخل لبست هذا سحر : ماعليه ياقلبي عادي انتي زوجته وهم : مابغا قولي له وهم تقول مو مستعده سحر بهمس : وهم عشان خاطري شوفي الناس بدت تطالع وهم بعصبيه : اوك سحر عشان خاطرك بس ابتعدت سحر وهي تكلم فارس وبعدها رجعت وهي تقول في المكرفون : العشاء بالحديقه الخلفيه حياكم الله ياجماعه بعد عشر دقايق كانو الكل بالحديقه الخلفيه ووهم داخل بالمجلس وفيه عندها اخوات راسل وعماته وامه دخل راسل وهو يقول بابتسامه : سلام عليكم الكل رد السلام واتقدم يسلم على عماته وخواته وهم يباركون له وهو يرد باختصار : الله يبارك فيكم امه بهمس : سلم على زوجتك التفت عليها وناظرها وهو يذكر الله عليها بداخله تقدم وهي ووقفت باس راسها وابتعد ناظر ساره الي قالت : يله ياجماعه اخرجو خلوهم ياخذون راحتهم والمصوره تصورهم ماعجبتها وهم فكرت المصوره لاكن سكتت طلعو ومابقي الا ساره والمصوره الي لقطت لهم كم صوره وعقب طلعو وبقي هم لوحدهم ناظرها بهدوء وقال بغرور وهو يناظر عيونها : مبروك عليك انا ناظرته بنفس النظرات وقالت وهي تتجاهل كلامه : تدري انت المفروض تحمد ربك بكل وقت لاني صصرت حليلتك تصدق ياحضك فيني قال وهو يبتسم ولازال يناظرها : الحمدلله ارتبكت من كلمته الي ماتوقعتها وابعدت نظرها عنه وهي تحاول ترفع فستانها قال بهدوء وهو لازال يناظرها ولارفع عينه عنها : ماكنت الي ادخل لاكن ابوي قال لاتكسر بخاطر البنت خلها تفرح مثل غيرها ياحليله مايعرف شالي بيننا سكتت وهي تنتظره يخرج تحس انها متضايقه وتبي تبكي قال بهدوء : مابتقولين شي بتقعدين ساكته ضلت ساكته ولا عطته وجهه قال بجمود : قاعد اكلمك انا قالت وهي تلتفت وتناظره : وش تبي اسوي ارقص او ازغرط على كلامك وعلى انك صرت زوجي قال وهو يبتسم على طريقه كلامها : هذا الي المفروض يصير قاطع كلامه جواله الي دق ناظرته وهي تشوفه لما شاف جواله ابتسم ورد وهو يقول : ياهلا بشيخة البنات ..ههههههه الله يبارك فيك ياعمري.. تمنيتك معي ..ايه ..من عيوني ..يابعد قلبي خذيها مد الجوال لوهم وهو يقول : خذي قالت باستغراب : نعم قال وهو يقرب منها : الله ينعن عليك خذي كلمي قالت وهي ارتبكت من قربه : منو رد باختصار : رولا اخذت الجوال وهي تقول : هلا رولا رولا بابتسامه : الف الف مبروك ياقلبي وهم : الله يبارك فيك رولا : عقبال مااشوف عيالكم يارب تمنيت اكون موجوده عندكم بس الحمدلله يله وهم اللحين يكون راسل عصب علي عشاني داقه بوقت غلط هههههههه يله ياقلبي باي وهم بهدوء : باي ياروحي قفلت رولا وهي مدت له الجوال وهي تقول : تفضل قال بهمس : زاد فضلك راسل : انا طالع قرب منها يبي يبوسها لاكنها بعدت وهي تقول : لو سمحت قال بنرفزه وهو يوقف لاكن مازال محتفظ بهدوءه : خذي راحتك الحين لاكن حبيت اقول لك ترى انا وانتي مو اخوان انا زوجك وهم بارتباك : شلون راسل وهو يعدل غترته : يعني انا وانتي مثل اي زوجين فهمت هذي الساعه المباركه مافهمتي راح تفهمين يوم الزواج قومي خذي لي طريق خافت من كلامه ووقفت وهي تفكر بكلامه وخرجت ماشافت احد قالت بهدوء بدون ماتلافت له : مافيه احد اخرج الباب الي بين المجلس والصاله مقفل كانت واقفه عند الباب وهو وراها يبي يطلع ابتسم بهدوء وهو يقول : يالوهم ماتبيني اطلع كرهت طريقته في نطق اسمها تذكرها فيه زمان قالت وهي تناظره بحقد : مامسكت الباب وتدل مكانه وبعدت من قدامه قال : مع السلامه ماردت عليه وهي تتوجهه لباب حق الصاله راسل بضيق : على الاقل حسسيني اني موب عدوك وقولي مع السلامه التفت له بعصبيه وهي تقول : انتي عدوي لاتضن ان اسمي لما اقترن في اسمك نسيت الي سويته انتي كنت عدوي ولازلت ياراسل الـ ...... تنهد بوجع من كلامها وقال : مصير الايام تنسيك هالعداوه وهالكراهيه وهم بنفس الوجع : مرت سنين ومانسيت تضن ان هالايام بتنسيني فتحت الباب وهي تدخل وتاركته وراها تنهد بهم وهو يتمتم بذكر ربه ويدعيه مثل عادته لاتضايق .. ( , ادع الله وگانك ترى نُـور الأجابْه �� - !.. .".. _________________________________ بامريكــــــا سكرت الجوال وهي تقرب منه قال بحب : وش تفكرين فيه قالت وهي تحط راسها على صدره : بملكتنا قال : للحين تذكرينها قالت : دايم اتابعها قال بهدوء وهو يناظر عيونها : وانا بعد من كثر مااشوفه صرت حافظه كنت دايم اشوفه خصوصا بعد ماطلقتك كنت ماانام الا اذا تابعته خمس مرات او اكثر قالت بحب وهي تحط يدها على وجهه : تدري اجسني صرت مجنونتك من كثر مااحبك قال وهو يايدها : انتي مجنونتي وانا مجنونك باسته بخده وهي تحضنه بقوه قال مشعل بضحكه : هههههههه رولا ترى كذا تخليني اتهور قالت بابتسامه لعابه وهي تغمز له : حلالك يابعدي صرخ وهو يقول : ياويل حالي رولا : هههههههههههه قرب منها وهي ابتعدت وهي تقول : مشعل امزح معاك مشعل وهو يكتفها : انتي الي جنيتي على حالك تمزحين هاه طيب طيب . ناظرها بحب وقال : أنتي بعيوني مثل أول ضنا ، في حياه انسان من عمره عقيم . ردت عليه بنفس الحب وهي تقول : أنت نعيمـــي وأنت الكثيــــر في عيني . _________________________________ انتهـــــى البـارت توقعــــــ��ـــــاتكم تحفزنـي مآ أجْمَلُنآ حِيْنَ يُقآل لَنآ : يآ أتْبآع مُحَمَّد صل الله عليه وسلم ♥. | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
