آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-04-15, 02:18 AM
| #1 | |||||||||||||||||||
| نجم روايتي ومشرفة سابقة وفراشة متالقة بعالم الازياء  
|  صح عندك كل هذا لكن تحلم تكسرني وانا بنت ابوي / للكاتبة زحمة مشاعر
التعديل الأخير تم بواسطة لامارا ; 01-05-15 الساعة 11:47 AM | |||||||||||||||||||
|
|
15-07-15, 05:11 AM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  السلآم عليكم ورحمة الله وبركآته صبآح/مسآء الخير اخبآركم ؟ ها انا احمل لكم روايتي الاولى في هذا المنتدى والذي أأمل ان ينال اعجاب الجميع .. هذه ليست تجربتي الاولى في كتابة الروايات فقد كتبت رواية قبلها روايتي هذه تحمل الكثير من الآسرار والغموض و الكره والحب والجرائه بلا حدود ! لمن يريد ان يقرأ روايتي ويكون من متابعيها : - الروايه جريئة والي ما تعجبه الجرائه لا يقراها - تنزيل البارتات بيكون كل جمعة - والنقطه المهمه لا احلل ولا استبيح من ينقل روايتي بدون ذكر اسمي (الكاتبه زحمة مشاعر ') او ينسبها الى نفسه - اتقبل النقد واتمنى من الجميع يقولي وجهة نظره عن الرواية بكل صراحه ويقول ارائه قرات العديد من الروايات في هذا المنتدى وآعجبتني فعلاً افكار بعض الاعضاء وها انا اطرح لكم افكاري في هذه الروايه رواية / صح عندك كل هذا لكن تحلم تكسرني وانا بنت ابوي البارت الاول : عند وعدنا يوم الودآع ؟ كل شي في الدنيا حزين . صبرت قد المستطاع تقديراً .. لذيك السنين بكيت : ياشين الضيآع ! فقدتهم .. والله يعين كانت تتمشى بحديقة هذا القصر الكبير ووتذكر وش صار قبل لما ماتوا اهلها وخذاها خالها عايشه تحت رحمتهم بحياه جهنمية كل ما تسوء الظروف تتمنى انها ماتت معاهم بالاول راح ابوها الحين امها واختها ؟ هذولا الناس الي تبقوا لها وراحوا ، جد الحاله الي عايشه فيها تكسر الخاطر ولو مكانها اي وحده ثانيه مارضيت تقعد ولا دقيقة بهالبيت ، آآه يا امي آه يا اختي ليتكم خذيتوني معكم الحياه صعبه من دونكم ليش انا رفضت اجي معكم لو وافقت كان الحين انا الله اعلم بحالي ، جد الحياه ما تنطاق مع مرت خالي العصبيه الي معيشتني خدامه عندها آه بس . اعرفكم على بطلتنا ؛ رنيم عمرها عشرين سنه بنت جميله اجمل منها مافي بيضاء عيونها عسليه تفتن مو دبة ولا نحيفه وسط شعرها يوصل لاخر ظهرها طويلة شوي ، انسانه عاشت حياة الفقر مع امها و اختها بس جاء يوم وراحوا امها واختها للسوق و صار لهم حادث وماتوا ، وبعدين جاء خالها وخلاها تعيش معو طبعاً هم عايشين بالعز والدلال وبذاك القصر الفخم ، مرت خالها معيشتها عيشة الخدم الي محد يرضى فيها وهي ما عليها الا تقول سمعاً وطاعاً ، انسانه طموحه وعندها احلام كانت تبي تحققها بس من دخلت مرت خالها بحياتها خربت كل شي . نرجع لورا "قبل ستة شهور" كانت قاعده تنتظرهم يرجعون من السوق الي صار لهم من الساعه سبعه ونص وللحين الساعه اثنعش وهم مارجعوا خافت يصير لهم شي اتصلت على دانه "اختها" وماردت بعدين اتصلت على امها وماردت اكثر من مره وشوي الا ويرن تلفون البيت وتركض ركض عنده على اساس تتطمن عليهم . رنيم : دانه يما وينكم ليه تاخرتوا .......: بيت ابو رنيم ؟ رنيم خافت من الصوت ونبرته وحست ان فيه شي : ايه معك ....... بصوت حزين: امك واختك صار لهم حادث سياره رنيم بصدمة : ايييششش ؟ ........: هم الحين بمستشفى ال........ والله يعلم بحالهم رنيم من الصدمة طاحت من يدها السماعه وصنمت بمكانها وهي تتذكر كلام الرجال الي دق عليها ، جاء العزا وخلص بعد ثلاثة ايام وهي قاعده بالبيت جاها خالها وخبرها ان لازم تروح معو . رنيم : خالي انا اسفه ماقدر اعيش معك ابو راشد "خالها" : يا سلام وان شاء الله مع مين بتقعدين مين بيصرف عليك مين بيهتم بك بعد وفاة اهلك رنيم : انا اداري نفسي بنفسي خلاص ابو راشد بحده : غصباً عليك بتجين معاي رضيتي ولا انرضيتي بتجين رنيم وقفت : السالفه غصب! ابو راشد : اي غصب ، والحين يلا لمي اغراضك وتعالي معي رنيم حست انو خلاص خالها مصّر انه يروح معاها وهي تعرف ان خالها لو قال كلمه ما يثنيها نزلت دمعة منها وبصوت مخنوق : خلاص انا جايه معك انت روح ريح بالبيت وانا اخلص اغراضي واجيك ابو راشد : خلاص طيب ، وعلى فكره تراك بتروحين مع بنتي منار السوق تشترين لك ملابس سنعه "وبقرف" مابي ملابس الفقر تدخل قصري رنيم بصوت مبحوح : مشكور ، مشكور وما قصرت . راح ابو راشد ودخلت غرفتها ولمت اغراضها لمحت صوره جماعيه لابوها وامها واختها نزلت دمعه مليانه الم وهي تتذكر الماضي وتتذكر كيف كانت حياتها معهم على انهم كانوا عايشين بفقر الا ان حياتهم سعيده ومافيها مشاكل مع بعض خذت الصوره وحطتها جوا الشنطة هذي الصوره من الاشياء الي مستحيل تضيعها وهذا الي تبقا من اهلها . ملاحظة : ابو رنيم توفا من زمان . نزلت تحت ودقت على خالها وجاء وخذاها مع بنته منار للسوق اشتروا ملابس وراحوا لبيت ابو راشد ومن هاليوم عايشه حياه صعبه مع ام راشد وكمان ابو راشد القاسي نعرفكم على ابو راشد : اسمه سعد انسان شرير بكل ما تعنيه الكلمه قاسي ما يهمه شي حتى عياله تاركهم على هواهم تاجر معروف وعنده شركه كبيره يعني غني دايم الناس يتكلمون عن عائلته وعن ثروتهم الي الله منعمهم فيها انسان طول وقته سفرات ونادر ما يشوفونه . اول ما دخلت رنيم البيت استقبلتها ام راشد ابو راشد : خذي هالمخلوقة وودوها غرفه الخدامه يلاا ام راشد : حاضر بس ليش شاري لها كل هذول ابو راشد : هذي لوقت الضرورة عشان اذا جونا ناس ما تفشلنا وش بيقولون عنا الناس اذا شافوها بلبس مب زين اما الايام العاديه تلبس اخس ما عندها يلا اترخص . ام راشد : فحفظ الله راح ابو راشد وتمت ام راشد تناظرني نظرات كره كاني مسويه لها شي ام راشد : امشي يا جعلك بالي مني قايله وخذتها لاخس غرفه بالبيت ام راشد : اسمعيني زين هذي بتكون غرفتك ودورك بهالبيت خدامه لا اكثر مابي كسل وابيك نشيطه اي تعالي شفتي ذول "وهي تاشر على المواعين" ابيهم يصيرون نظيفين يلااا رنيم حشا مين عازمين ذيل اول مره اشوف مواعين هالكثر : حاضر وقعدت تنظف وترتب وتسوي كل شي لين اهلكها التعب نعرفكم على ام راشد : ريماس عين الشر وحده حقوده نفس ابو راشد تكره رنيم وامها وعايلتهم ونفسها تنتقم منهم وجات لها الفرصه تنتقم من رنيم لما جات وحده كريهة ومحد يحبها بسبب أفعالها انانية وكل شي . "نرجع للحاضر وهي تتمشى بالحديقه" منار : هههيي رنيم فزت : بسم الله الرحمن الرحيم من وين طعتي انتي منار : ههههههههههههههههههههههههه هه ما علينا شتسوين هنا رنيم : اتمشى منار : رنيم انا اعتذر منك بسبب تصرفات امي وربي هي كذا ترى ..... رنيم قاطعتها : لا تعتذرين انتي مالك ذنب انا من جيت هنا وهي معيشتني حياه جهنميه الا وينها منار : طالعه مع ابوي عندها شغل بتخلصه وبترجع رنيم اخيراً ما بغينا نفتك يوم واحد بدونها : اهاا منار ابتسمت : يلا انا داخله الجو بااارد تبين تدخلين رنيم : لا انا بقعد شوي وادخل منار : على راحتك "ودخلت" نعرفكم على منار : على قد ماهي طيبة على قد ما ارتحت لها انسانه عكس ابوها وامها طيبه وحنونه حيل ما ترضى بالغلط اكبر وحده عمرها ظ£ظ سنه مو متزوجه الناس دايم يتكلمون عنها ويلقبونها ب "العانس" محد يبيها بسبب شكلها هي مب جميله بس طيبه وعلى نياتها وما تهتم بكلام الناس . مشت رنيم وهي سرحانه وتفكر بنهاية هالحياة الصعبه مشت وشوي الا تشوف راشد بوجهها راشد : هييه انتي رنيم جتنا المصايب : خير ان شاء الله راشد : روحي شيلي الاغراض الي مع ناهد رنيم : طيب اسلوب لو سمحت راشد : والله عاد ذا اسلوبي عجبك ما عجبك م يهم رنيم اف منك انت واهلك : طيب وراحت نعرفكم على راشد: انسان طيب بس على طيبته الا انه عصبي بعض الاحيان ويحب يكبر الموضوع حتى لو كان صغير ما يرضى على نفسه طول وقته برا يحب يتطنز على رنيم ماخذ الدنيا على مزاجه ولا همه احد . شوي الا تجي "ناهد" ناهد : هي انتي يلا تعالي ساعديني باغراضي رنيم يعني ما يمديني افتك من امكم تجيني انتي واخوك : طيب رمت ناهد الاغراض بالارض وبنبره امر وتكبر : هذي الاشياء ابيها تطلع لي فوق سامعه وبسرعه "ومشت بعد ما اعطتها نظرة" نعرفكم على ناهد : نفس امها واخوها مغرورة وشايفه نفسها جميله ححيل بس مو اجمل من رنيم سمرا وسمارها يجنن شعرها طويل عيونها عسليه كريهة محد يحبها عمرها عشرين دخلت رنيم غرفتها وهي حدها تعبانه من الشغل جد اهلكها كل يوم تتمنى انها لو ماتت مع اهلها اهون من هالحياه الي عايشتها في الصاله ناهد و منار و ام راشد قاعدين ريماس "ام راشد" : اسمعوني بكره عمتكم ام ثامر بتجي هنا زين منار : حيّاها ناهد بحلاميه : الله يا ثامر شفتي يما شكثر جميل يارب بس يتزوجني "وبغرور" قبل لا اعنس زي بعض الناس منار حست هي المقصوده و طنشتها ريماس : الله يوفقكم كلكم ناهد : ايش يا يما انا متى بتزوج ابوي مو راضي يخليني اتزوج الا بعد ما تتزوج العانس ذي وهذا اذا تزوجت هههفف منار ما تحملت وطلعت فوق وهي تبكي وعلى طلعتها دخل راشد وابوه ابو راشد : شفيها منار ناهد : عشاننا قلنا الحق قامت تبكي هالعانس راشد : انتي ما تملين من هالسالفة يختي خلاص خليها بحالها كيفها بعدين هي رافضه بمزاجها شعليك انتي ناهد قامت : ايه عشانها رافضة بمزاجها ما تزوجوني "وطلعت" ابو راشد وهو يطالع ريماس : بنتك ذي يبيلها تربية من جد وجديد في اليوم الثاني "يوم العزيمة" ريماس : اسمعيني زين ترى خالتك ام ثامر بتجي هنا البسي لك من الملابس الي اشتراها لك خالك اول ما جيتيني هنا لا تفشلينا زين رنيم بملل : زيين راحت رنيم غرفتها الصغيره الي مكونه من سرير وكبت للملابس و مرايا بدون تسريحه وشباك مكسر فتحت الكبت جلست تدور من بين الملابس الي شرتها لبست فستان ناعم كحلي يوصل لنص الركبه فيه دوائر بيضاء مع صندل ابيض شكله عادي حطت قلوس بس و استشورت شعرها وخلته مفرود الي يوصل لاخر ظهرها واخيراً ختمت بريحة البخور . تاملت رنيم نفسها : لو بتشوفني ريماس وش بتسوي ؟ اكيد بتقول لي ليه كذا سويتي ، بعد محد قالها تقولي اكشخي . خرجت رنيم من غرفتها للمطبخ شافت الحلا والكيك على الطاولة سوت القهوة والشاي بعدين خذت الحلا الي جابوه من برا شالته حبه حبه وحطته بصحون اشكالها حلوه وخذت الكيك وحطته بصحون طلعت العصير من الثلاجه و حطته بالصينيه مع القلاسات خذت الاغراض بالاستعانه من الخدامه وهي متجهه لمجلس الحريم الي خالتها و بناتها وكلهم قاعدين وينتظرونها تجي مع الاغراض .. هذي كـ بدآيه لِ اعرفكم على روآيتي . توقعآتكم لآحداث البآرت الجآي وطبعاً بيكون احلى وفيه احداث شيقة آتمنى تفآعلكم معي وآكون شآكرهه لكم حبآيبي زحمة مشاعر ‘ سبحان الله وبحمده سبحان الله العظيم .. | |||||||||
|
|
|
15-07-15, 05:14 AM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثاني : خرجت رنيم من غرفتها للمطبخ شافت الحلا والكيك على الطاولة سوت القهوة والشاي بعدين خذت الحلا الي جابوه من برا شالته حبه حبه وحطته بصحون اشكالها حلوه وخذت الكيك وحطته بصحون طلعت العصير من الثلاجه و حطته بالصينيه مع القلاسات خذت الاغراض بالاستعانه من الخدامه وهي متجهه لمجلس الحريم الي خالتها و بناتها وكلهم قاعدين وينتظرونها تجي مع الاغراض .. دخلت باطلالتها الراقيه وبجمالها وملامحها الطفوليه والبريئة الي جذبت كل الموجودين صبت القهوة ومدتها لام ثامر رنيم وهي تمد الفنجان : سمي ام ثامر وعيونها على رنيم : الله يسلمك جلست رنيم جنب بنات ام ثامر وحبت تسولف معهم رنيم بابتسامه : هلا ايمان و ريما وهم مو عارفين هذي مين : اهلين ام ثامر : ريماس مين هذي ؟ ريماس وحقد الدنيا كلها بقلبها : هذي رنيم بنت اختك خلود ام ثامر وهي مصدومة : نعععمم ! ما قلتو لي انها ميته ؟! ريماس : لا الي توفوا بس امها واختها وهي طبعا مالها احد غير الله ثم احنا فقلنا نعيشها معاها و نهنيها بهالبيت الكبير ناخذ فيها اجر رنيم مصدومة من هالكلام كيف تقول كذا وهم معيشيني خدامه عندهم ومعامليني اسوأ معاملة . ام ثامر : اي زين ما تسوون ريماس : منار خذي رنيم وناهد وبنات عمتك وروحوا فوق منار : طيب ريماس : لحظة رنيم ، عن اذنك شوي ام ثامر وراحت ريماس عند رنيم وهمست لها : لو تقولين لهم اي شي عن معاملتنا معك وربي نخلي نهارك اسود سامعه رنيم : سامعه نروح عند البنات فوق ايمان : ماشاء الله عليك يا رنيم شبه امك الله يرحمها رنيم : الله يرحمها ، انتي ما عمرك شفتيني ؟! ايمان : الا قد شفتك بس اخر مرة كنا صغار عاد انتو من زمان عنكم رنيم : يلا الحمدلله اننا شفناكم ريما : طيب كم عمرك رنيم بابتسامه : 20 سنه ريما : ماشاء الله مو مبين صراحه منار : شوفوا هذا رنيم مسويته بايديها ريما وهي تذوقه : حلوو ايمان : طباخه ما شاء الله رنيم : تسلمون ريما وهي تمد الصحن لناهد : ناهد ذوقي تراه حلو ناهد تطالع الصحن بقرف وتاشر ب لا كلهم انصدموا من نظراتها بس هذي ناهد طبيعي بتسوي كذا والعن نروح عند ام ثامر و ريماس ام ثامر : تصدقين انا اتمنى بنت ياخذها ولدي ثامر واعجبتني رنيم ريماس منصدمة : يعني تبين رنيم ! ام ثامر : بصراحه اي ريماس : تبين شوري وانا اختك لا تاخذين رنيم ام ثامر : وليه ان شاء الله فيها عيب ؟! ريماس : اي ، رنيم تتعب من اقل شي تسويه وما تحب تشتغل وعليا ناهد ومنار المساكين حاطين شغل البيت كله فوق راسهم وتنام وقت كثير وما تعاون ابد عاد حنا ما غصبناها على شي مخلينها على راحتها وابو راشد مو مقصر معاها بشي ام ثامر بابتسامه : اجل كذا خلاص هونا ريماس الحمدلله انها هونت : بس عندك منار خذيها اذا تبين ام ثامر : منار اخلاق وكل شي بس ما تصلح لولدي ابد هي اكبر منه ريماس : اجل خذي ناهد ام ثامر : مدري افكر ، يلا انا اترخص ريماس : بدري ام ثامر : بدري من عمرك يلا سلام وطلعت ونزلوا بناتها وراحو البيت عند ريماس بصراخ رنييييم ، رنييم يا زفت رنيم وهي متوجهة لريماس : هلا خالتي ريماس : تخلخلت عظامك ان شاء الله انا كم مره اقول لك لا تناديني خالتي رنيم وعينها على الارض : ان شاء الله ريماس : بسرعه غيري ملابسك وروحي غسلي المواعين ورتبي البيت رنيم : حاضر بس البيت مرتب ! ريماس : انا كيفي ابيك تنظفينه مره ثانيه وثالثه وعاشره بعد رنيم : طيب وراحت رنيم وسوت كل الي قالتها وطبعا هالوقت ما يخلو من صراخ وتهزيئات ريماس عند بيت ام ثامر كان احمد يلعب بلايستيشن وريما تطقطق ع الجوال و ايمان تقرا روايات وام ثامر قاعده وتفكر بكلام ريماس و ثامر كالعاده برا احمد وهو متحمس وبصراخ : قووووووووووووووولل ايمان وهي منزعجه : احمد خلاص لا تلعب اطلع برا شم هوا سو اي شي احمد وعينه ع التلفزيون : العب من حلالك انا ؟ ايمان : لا بس قلت تطلع برا زي ثامر احمد سفهها وما رد عليها شوي الا بدخلت ثامر : السلام عليكم "وراح سلم على راس امه وقعد و ومبين انه تعبان" الكل : وعليكم السلام ايمان : شفيك ياخوي ليه شكلك كذا ثامر : اليوم شغل الشركه كله فوق راسي ما امداني ارتاح ريما : يعطيك العافيه ثامر ابتسم لها : الله يعافيك "وهو يلف على ايمان" ها متى زواج الحلوة ؟ ايمان استحت : ان شاء الله بعد 3 اسابيع ثامر : يلا الله يوفقك يا رب ايمان من قلب : امين احمد وهو يحط الريموت ويقعد جنب اخوه : وانت ما نشوفك بالبيت ابد ثامر : انت تعرفني ما احب قعدة البيت احب اطلع برا واشم هوا مو نفسك ريما : الي يشوفه ما يقول انه ولد احمد : مو شرط كل العيال يطلعون برا ام ثامر : خلوه بكيفه اصلا احسن شي قعدة البيت ثامر : والله انها تقطع الرزق " وقام " يلا عن اذنكم بروح ارتاح نعرفكم على عائلة ام ثامر ابو ثامر : متوفي من قبل عشرة سنوات ام ثامر : طيبة وعلى نياتها ينلعب عليها بسهوله تحب عيالها وتسوي كل شي يرضيهم اسمها سلمى ايمان : انسانه طيوبه حيل تشتغل طبيبه مخطوبه من محمد ولد خالتها خجوله حيل وعلى نياتها واخلاقها حلوة وتدخل القلب بسرعه ملامحها حلوة مربربه شوي عمرها 27 بطل الروايه ثامر : فيه غرور شوي عنده حب التملك يعصب بسرعه وشجاع وجريئ على قولتهم ما يهزه جميل حيل البنات خاقين عليه عنده غمازه بخده اليمين و سكسوكته هي الي تحليه اكثر طويل شوي ومعضل ريما : وحده ما ترضى بالغلط ولو شافت شي مو عاجبها لازم تغيره تحب تهتم بمظهرها تحب التغيير تكره قعدة البيت نفس اخوها ماخذه شوي من ملامحه شعرها لنص كتفها سمرا شوي عمرها 21 احمد : اخر العنقود فلاوي بيتوتي ينحب بسرعه ما يهمه شي والي بباله يسويه طول وقته ع البلايستيشن والاجهزة عيونه ناعسه عمره 17 عند ام ثامر قاعده تكلم اختها ام محمد ام محمد : اخبارك واخبار عيالك ؟ ام ثامر : الحمدلله بخير وما علينا انتو اخباركم واخبار مازن معكم ؟ ام محمد بصوت حزين : الحمدلله على كل حال ام ثامر : الله يغير حاله ان شاء الله ويهديه ام محمد تنهدت : الله كريم ، ها شسويتي عند ام راشد ام ثامر : صار الشي الي ما توقعته ام محمد : شصار ؟ ام ثامر : رنيم بنت خلود اختي طلعت عايشه وساكنه ببيت اخوي سعد ام محمد بصدمة : نععععمم ؟ كيف ؟؟ ام ثامر : بعد ما ماتت اختي وبنتها جا اخوي سعد وخذا رنيم وخلاها تسكن معهم ام محمد : من زمان ما شفناهم عاد اخوي سعد حالف علينا ما نطب عندهم وكملو سوالف وبعدين قفلوا عند بيت ام محمد دخل محمد وهو يصارخ و يدف بمازن محمد وهو معصب : ادخل لا بارك الله فيك مازن : انت وخر ايدك اصغر عيالك انا تصارخ علي ام محمد و مرام جو عند محمد ومازن وهم خايفين ام محمد : شفيك يا محمد ؟ محمد : شفتي ولدك المصون ذا شسوا فشلني حسبي الله عليه طالبيني الشرطه اليوم وقايلين لي انهم مسكوا التبن هذا في شقه مختلطه ومرقص ووقعت تعهد على انه مارح يعيدها وخل ينفعكم الدلع هذا "وطلع" ام محمد وهي منصدمة : ليش يا مازن ؟ ليش سويت كذا مازن : انا حر وبظل اسوي الي ابي ومحد يوقفني سامعين ام محمد : مازن خلاص كافي الي تسويه ارحمنا شوي كل يوم جاينا بمصيبه مازن بسخريه : ههههههههههههههههههههه وانت من متى لك كلمه علي انت وحده جبانه اهفك بريش خفتي مرام و ام محمد انصدموا بقوة من كلامه مرام بصراخ : اص يا الحيوان كذا تكلم امك فوق شينك قوت عينك مازن : صوتك ما يعلا علي سامعه مرام وهي تدمع : كل المشاكل الي تجينا بسببك انت انت الي طيحت راس اخوي محمد بالارض انت الي ما رضيت ربي انت الي صرت عاق بامي انت الي خليت ابوي يبتعد عننا انت الي فشلتني بالجامعه كل يوم ناطة لي وحده اخوك امس سهر مع فلانه وعلانه لين متى يا مازن لين متى وطبعا الكلام ما اثر بمازن نعرفكم على عائلة ابو محمد ابو محمد : انسان طيب يحب الخير يحب عياله بس مبتعد عنهم والسبب بنعرفه بعدين ام محمد : انسانه طيبه وعلى نياتها جبانه وضعيفه ومالها كلمه بالبيت محمد : واحد ما يرضى بالغلط عصبي بعض الاحيان بس طيب حيل خاطب بنت خالته ايمان رومنسي جميل وملامحه حاده مرام : حساسه و تنجرح بسهوله ما ترضى بالغلط ملامحها جميله شعرها لاخر ظهرها عمرها 22 تدرس بالجامعه مازن : واحد داشر وما يخاف الله كل يوم مع وحده عنيد وما ينفع معه شي فاشل دراسيا عمره 20 انتهى ايش قصد مرام لما قالت انت الي خليت ابوي يبتعد عننا ؟ توقعاتكم وارائكم بالشخصيات استغفر الله العظيم واتوب اليه | |||||||||
|
|
|
15-07-15, 05:15 AM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث : في الشركه عند ثامر ثامر : سالم ود الاوراق عند الكاتب وخله يعيد كتابتها ويوديها الشركه الي جنبنا سالم : حاضر ، اي اوامر ثانيه ؟! ثامر : تفضل راح سالم وقعد ثامر يشوف الشغل الي متراكم عليه وشوي ........ .....:هلا ثامر "دخلت وحده لابسه عبايه مخصره على جسمها وكلها دانتيل وشعرها مبين وجلست على اقرب كرسي لثامر" ثامر رفع راسه وشافها حط القلم بقوه وبعصبيه : شتبين انا كم مره قايل لك لا تطبين الشركه ؟! .....: شفيك ثامر نسيت شسويت فيني وفي قلبي ثامر بسخريه : قلب ؟! اي قلب تتكلمين عنه ؟! انتي ما عندك قلب عندك صخر .....بنبره حزن : باي حق تعلق قلب فيك وتتركه بسهوله ؟! نسيت حبنا الاول ثامر : انتي وحده ما تستحين على وجهك حرام عليك سنة اراكض وراك واحبك وانتي ولا همك والحين جايتني رانيا اطلعي برا ولا بتشوفين شي م يسرك رانيا وقفت وبعصبيه : شبتسوي يعني بتذبحني ؟! ثامر وهو ينادي : سالم .. سااااااااالم سالم : سم طال عمرك ثامر : ابيك تشيل هالزباله وتقطها برا الشركه وقل للحارس لا يدخل احد الا بهويه سامع سالم : حاضر "ومسك رانيا وحاول يطلعها" رانيا : فككني يا حيوااااان ثامر والله مارح تتهنى بحياتك وانا عايشه ثامر : ببرااااااا طلعوها برا بقوه و ثامر حده معصب وش هالجرأه بعد كل هذا لها عين تجي ! في بيت ابو راشد بالتحديد غرفه ناهد ناهد بهمس عشان لحد يسمعها : حمد انت عارف ضروفي حمد : اي ضروف تتكلمين عنها لعلمك اذا ما جيتيني بيجيك شي بعمرك ماشفتيه ناهد خافت بس ما بينت : لا والله عشان يوم واحد جيت تحسبني بجيك كل يوم حمد : هههههههههههه شكلك تبين تشوفين وجهي الثاني ! ناهد بخوف اكثر : افف خلاص بجيك اليوم بس وين حمد : عماره .......... شقه 30 الطابق الرابع ناهد : شنننوو ؟! مالقيت غير هالعماره المهجوره ؟ حمد : تبين تتهربين باتفه الاسباب ولا وش ؟! ناهد : خلاص جايه جايه حمد بحده : الساعه 10 الليل تكونين موجوده سامعه "وقفل" ههههههههههه خافت ناهد من نبرة صوته ودعت ربها ان مايصير لها شي عند رنيم كانت تنظف الصحون وجت منار منار : رنيم خلي عنك الصحون انا انظفها رنيم : نععمم ؟! امك بتسوي لي سالفه منار : ما عليك من امي امي طالعه رنيم : من جد ؟! منار : اي انتي صار لك من الصبح تشتغلين ما تعبتي ؟! رنيم : الا اكيد تعبت منار : اجل خلي الصحون وخليني انظفها وانتي روحي كلي لك شي قبل لا تجي امي رنيم : يا زينك مشكوره منار منار : العفو حبيبتي ما سويت شي راحت منار و غسلت المواعين و رنيم سوت لها شي خفيف وقعدت تاكل بعد مرور 5 دقايق دخلت ريماس وشافتهم بوضعيتهم هذي ريماس : ماشاء الله حجاب ومية كتاب رنيم ومنار انصدموا توقعوها بتتاخر بس جت بدري ريماس : وش الي قاعده اشوفه ؟! رنيم ومنار :......... ريماس بصراخ : تكلموا ! منار : يما انا حبيت اساعد رنيم لانها مسكينه ما اكلت شي من امس ريماس : وليه تساعدينها ان شاء الله لا يكون طلبت منار : لا يما وين ما طلبت انا جيتها ريماس بصراخ : حتى ولو مالك اي حق انك تساعدينها بشي هذي خدامه مو شي ثاني منار باسلوب : يما شهالكلام ! حتى لو هي خدامه تراها ادميه مو حيوان ، اصلا حتى الحيوان حرام تقسين عليه كيف هي ؟! انا اساعدها احسن من ان تجينا بعد كم يوم فيها شي والسبه احنا ريماس : لا يا عيوني مارح يصير لها شي صار لها فوق السته شهور عندنا ومعاملتنا لها ما تغيرت ، وبعدين يلا انقلعي غرفتك بتفاهم معها منار : ان شاء الله يما قربت ريماس منها بحده وبصوت منخفض : اسمعي يا بنت خلود ، قسم بالله لو اشوف او اسمع انك ماكله او شاربه او نايمه او مسويه شي مايعجبني والله العظيم عذابك بايدي لين تموتين وافتك منك ، دامني ضفيتك بهالبيت الزمي حدودك ، والي صار مابيه يتكرر طيب . رنيم بخوف وتوتر : طيب وراحت اشتغلت وطبعا ريماس ما قصرت لو تغلط رنيم غلطه بسيطه على طول ريماس تهزأها وتسوي لها سالفه نرجع لهم شوي ونروح عند بيت ام محمد مرام وهي تاخذ المنشفه من المويا وتحطها على جبهة امها : سلامتك يما ام محمد : الله يسلمك ، الا وين مازن مرام تضايقت من ذكرت اسمه : يما شتبين فيه تلقينه كالعاده يدج بالشوارع ام محمد : شنو الي شتبين فيه ولدي من حقي اخاف عليه مرام : يما حبيبتي اسمحي لي بس هذا واحد ما هميتيه ولا على باله يرجع وتلقينه ناسينا بعد ام محمد بعزم : مرده يرجع ويعرف غلطه مرام لا حجت البقر على قرونها : اي يصير خير نروح عند مازن بالشقه مع ....... مازن : رانيا رحتي له بالشركه ؟! رانيا : اي رحت وليتني مارحت بعد مازن : ليه شصار قالت له رانيا الي صار مازن : انتي غبيه ما عرفتي تكسبينه باسلوب يجذبه رانيا : شوف عاد مازن تراني زهقت وماني رايحه له مره ثانيه مازن : لا حبيبتي بتروحين رانيا : لا تغصبني على شي مستحيل اسويه مازن : بتروحين وغصب عنك ولا ترا هالفلاش والله يوصل لابوك رانيا خافت : خلاص خلاص بروح عند راشد و ثامر ثامر : تصدق اليوم رانيا طبت الشركه راشد : نععم رانيا مغيرها ثامر : اي راشد : وش تبي ان شاء الله ثامر : مدري عنها انا على طول طردتها راشد : اي زين ماتسوي ثامر : الا وين محمد ماشفته اليوم راشد : يقول يبي يروح ياخذ ايمان ويتمشون تعرف حبايب ثامر : هههههههههههههههههههه الله يهنيهم راشد : اميين ثامر : انتم وش اخباركم واحوالكم راشد : زففت تجيب الهم ثامر : افااا ليه ؟! راشد : رنيم من يوم ما دخلت البيت وهي تجيب لنا المشاكل وابوي دايم برا ثامر : هذي للحين عايشه ؟! راشد : هههههههههههههه استغفر الله بس ثامر : طيب كيف معاملتكم لها راشد : تبي الصراحه امي بس تهزأها اصلا كل البيت يكرهها معدا منار مدري شتحس فيه ثامر : اهاا "اموت واعرف كيف عايشه حياتها مع هالوحوش" "لو تدري ؟! ابيك بجنبي كل ليله ابي احس بوجودك معي ابي نكون مع بعض على طول انت الوحيد الي تقدر تفرحني صدقني من بعدك انا عذاب ابيك تاخذني لهذاك العالم الي مافيه غيرنا انا وانت" في بيت ام ثامر نزلت ايمان ايمان : يما تراني بروح عند محمد عازمني على المطعم طيب ام ثامر : روحي والله يوفقك يارب ايمان : امين احمد : يما ادعي الله يرزقني مثل ايمان بس ام ثامر : ههههههههههههههه الله يوفقكم كلكم بس راحت ايمان وركبت السياره جنب محمد ايمان : السلام عليكم محمد : وعليكم السلام ايمان : اخبارك ؟! محمد : بخير دامك بخير "مسك يدها ومشو وبعدين وصلو المطعم وقعدوا" محمد بنبره حب : تصدقين ؟! انتظر الوقت الي يجمعني فيك واخذك بعيد عن الناس ونعيش انا وانت احلى حياه ايمان استحت وبابتسامه : وانا انتظره اكثر منك بعد محمد : ابي اعرف شكثر تحبيني ايمان استحت من سؤاله : ليش تسال ؟! محمد : كذا بس يلا ايمان ابتسمت : انا احبك اكثر من كل شي بهالحياه واعتبرك نصي الثاني وانت محمد شد على يدها : وانا اعتبرك العين الي اشوف فيها ونور حياتي وكل دنيتي كملوا سوالف وهم حدهم مستانسين عند بيت ريماس ناهد : يما ابي اطلع عند صديقتي ريماس : مو كأن الوقت متأخر ؟! ناهد : لا يما عادي كلها نص ساعه وارجع ريماس : اجل خلاص روحي ناهد فرحت : شكرا يما "وقامت"قامت ناهد بس وقفها صوت ابو راشد : وين على الله ناهد بخوف : يبا بروح بيت صديقتي ابو راشد : بيت صديقتك ؟! لا منتي رايحه ريماس : سعد شفيك خل البنت تروح ابو راشد بصراخ : وين تروح تبينها بنص الليل تروح عند صديقتها انت شايفه الساعه كم بالله عليك هذا وقت مناسب ريماس : اوووه عاد هي قالت لي وانا ما عندي مانع ابو راشد : صحيح اني احيانا برا وما اكلمكم لكن ماني غافل على الي يصير ببيتي ، وانتي ان سمعت انك طلعتي ما يحصل لك طيب سامعه يلا اطلعي فوق طلعت ناهد فوق وهي حدها مقهوره وخايفه من الي بيسويه حمد لو ما جت ابو راشد : وين رنيم ؟! ريماس : بالمطبخ ابو راشد : رنيم ، رنيييييم رنيم : هلا خالي ابو راشد : بدلي ملابسك وتعالي رنيم وهي مستغربه : حاضر راحت رنيم وبدلت ملابسها وراحت عنده عند حمد لما شاف انها ما جت خلاص قرر انه يسوي الي بباله انتهى توقعاتكم ؟ اسفه لان البارت قصير طول الوقت كنت بالمستشفى ف ما امداني اخذ راحتي بالكتابه | |||||||||
|
|
|
15-07-15, 05:16 AM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البارت الرابع : عند بيت ابو راشد غيرت رنيم ملابسها وهي تسأل نفسها وش يبي خالها منها ومستغربه انه كلمها بهدوء غريب بالنسبه لها دخلت مكتبه الفخم وكان خالها موجود الي اول ما شافها ابتسم لها وجلسها على الكرسي الي جنبه وهي تدعي ربها مليون مره انه يكون خير رنيم وهي لسا واقفه : هلا خالي ؟! ابو راشد وهو يأشر على الكرسي : اجلسي هنا جلست رنيم وهي ترتجف من الخوف ابو راشد : اسمعي يا رنيم ، زي ما انت عارفه ان زواج بنت خالتك قريب ، فعشان كذا نبيك تحضرينه معنا لان انتي من المعزومين المهم روحي السوق اشتري لك الي تبين وارجعي رنيم استانست لانها على الاقل بتغير جو : جد خالي مشكور "وراحت باست راسه وطلعت فوق" بعد ما طلعت اختفت ابتسامه ابو راشد وتحولت نظراته الى كره وانتقام يا ليتك يا رنيم تدرين ان الموضوع مو بس كذا وان خالك ما يغيره شي ! عند حمد يكلم صاحبه حمد : عمر بعطيك هذا الرقم وابيك تجيب لي كل المعلومات عنه ولا هنت تركز لي على مكان بيته ! عمر : ابشر انت بس جيب الرقم وانا بجيب لك معلوماته حمد : كفو حبيبي خذ هالرقم 05........ "وعطاه رقم ناهد" عمر : خلال نص ساعه بيجيك كل شي ! عند بيت ام ثامر كانت صديقه ريما موجوده بالبيت غاده : ريما انت ما تدرين ان ماعاد ينفع معه خلاص انا مقدر اساعدك ريما برجاء : غاده تكفين حنا ما باقي لنا شي ونخلص غاده : صار لك شهر تحاولين تكسبينه وهو ما يعطيك اي اهتمام ريما حبيبتي الي تسوينه غلط واكبر غلط ترا مارح تستفيدين شي صدقيني ريما وهي تطالع الفراغ وبهدوء : حبيته قبل شهر وكنا احلى اثنين كنا كل يوم نبادل كلام الحب مع بعض مرت فتره وفتره حسيت اني كرهته بدون سبب صرت ما اهتم فيه مثل قبل حسسته انه ولا شي بالنسبه لي بعد اهتمامي له صرت اتنرفز منه واكلمه من طرف خشمي تكبرت وهو يحاول يراضيني لكن ماش عقلي يابس يحاول ويكلمني وهو يبي يعرف سبب تغيري وانا اجاوبه بنفس الاجوبه مشاغل الدنيا والظغوطات والاهل والبيت وووو واصلا السبب الي خلاني اكرهه اني حبيت واحد ثاني واهملت الحب الاول بعدين اكتشفت ان الحب الثاني يكرهني ويلعب علي تحسف وتندمت اني تركت حبي الاول وحبيت ارجع له يوم جيت اكلمه لقيته متغير علي صدمني بكلمته لي انت تغيرتي علي وانا خلاص مابي منك شي "وهي شوي تدمع وبخنقه" ببساطه انا ما قدرت النعمه الي عندي انا تكبرت وحبيت شخص ثاني ما يحبني خسرته لا انا الي حبيت الشخص الثاني ولا انا الي ارضيت الاول انا الحين صار لي شهر احاول اراضيه بس ما ينفع استاهل انا الي جبتها لنفسي استااااااهل غاده : حبيبتي خلاص دام انه ماهو من نصيبك لا تفكرين فيه ان شاء الله بيجيك غيره واحسن منه ريما والدموع مالية عينها : كيف يا غاده كيف ؟! غاده: انا اقول لك كيف انت الحين امسحي دموعك مسحت ريما دموعها غاده : انت غلطتي يا ريما يوم انك حبيتي ترا الحب ما يجيب الا الهموم والمشاكل ريما انت ما عرفتي تستعملينه صح عمت الدنيا عيونك وبوقت راح كل شي الي ابيه منك انك تمسحين دموعك وتستغفرين ربك وانا خلاص ما عاد اقدر اساعدك عشان تحاولين ترجعينه لان زي ما انتي عارفه هو طردك من باله خلاص حبيبتي لا تفكرين بالحب ابعدي عنه ترا الدنيا ما بتوقف عليه والله يرزقك الي احسن منه بس انتبهي تحبين مره ثانيه ريما ابتسمت بالم : ان شاء الله يا غاده عند رانيا مرت محل حق ورود وخذت ورده حمراء مكتوب عليها بيت شعر اعتذار ومكتوب تحت احبك وراحت محل هدايا شرت ساعه وارسلت من جوال ثاني رساله لشخص محتواها ابي اشوفك بمقهى ........ الساعه 5 ضروري موضوع مهم يخصك ومستحيل يتاجل وصكرت الجوال وهي تدعي ربها ان الشي الي تبيه يصير طبعا تعرفون من الشخص الي ارسلت له هو *ثامر* عند ثامر قرا الرساله الي من رقم غريب واستغرب مين هذا الي يبيني وايش هو الموضوع المهم ودام اليوم ما عنده شي قرر يروح جت الساعه 5 راح المقهى ما شاف احد يعرفه جا بيطلع الا وصوت انثوي يناديه رانيا : ثامر ثامر وهو مو عارف مين ذي : نعم اختي ؟! رانيا : تعال شوي بكلمك راح ثامر وجلسو على الطاوله ثامر : مين انت و وش تبين ؟! رانيا : ثامر انا رانيا ثامر بملل : انا لله ياخي ما عندك كرامه انت بعد ما طردتك من الشركه لك عين تكلميني مره ثانيه ؟! رانيا : ثامر انا اسفه ثامر انا من جد حبيتك و قلبي كله لك ومستحيل يصير لغيرك انا نادمه لاني تركتك وابي ارجعك وصدقني اني احبك وتفضل هذي الهديه "وعطته" ثامر : ههههههههههههههههههههههه بعد وش جايتني الحين شوفي انا من سابع المستحيلات ارجع لك لو تبوسين الارض وكلامك ذا وفريه لنفسك رانيا بدموع تماسيح : جد ؟! خساره فيك قلب يحبك ويهواك لكن انت مو كفو "وقامت" ثامر : هذا الي ناقص بعد عند رانيا دقت على مازن : خلاص مازن : ها وش صار ؟! رانيا : مو راضي يقتنع اقنعته وشريت له هدايا بس مافيه فايده مازن : انت غبيه ياخي قلت لك زني عليه لين يرضا بس ما عندك اسلوب بالاقناع رانيا : اووف تراك طفشتني انت غبيه وغبيه ما صارت ترا بعدين اذا انت تبي تنتقم منه انتقم منه بنفسك ليه خايف تواجهه وتعترف له ولا وش واذا تبي ترسل الصور لاهلي سو الي تبي تراهم مو مهتمين المهم لا تدخلني بمشاكل عائلتكم النكديه ذي "وقفلت" عند مازن الي انقهر حيل من كلام رانيا وقاعد يفكر كيف ينتقم منها ومن ثامر عند بيت ام ثامر رجع ثامر وهو حده معصب ام ثامر : ثامر شفيك ؟! ثامر وهو يمشي : ولا شي يما بروح ارتاح على طلعته نزل احمد ام ثامر : ها احمد بتطلع احمد : اي يما بروح عند اخوياي تبين شي ام ثامر : سلامتك والله يحفظك طلع احمد متجه ل البر مقررين يغيرون هوا شوي هناك عند بيت ام محمد طلعت ام محمد غرفه مرام لقتها على اللاب مرام : يما شوفي حلو ذا الفستان ام محمد : اي حلو ليه ؟! مرام : ابي اطلب من النت عشان زواج ايمان وعاجبني هالفستان ام محمد : يما ليه تطلبين من النت تدرين انه سنه على ما يجي روحي السوق افضل مرام : لا يما بطلب من هنا احسن من الفره والتعب بعدين هالموقع اسبوعين ويجيني ام محمد : خلاص براحتك ، الا وين محمد ؟! مرام : طالع عند محمد مر محل ورود اشترى بوكية ورد وكتب عليها " الله ينعم علي بشوفتك ، الله يفرّح قلبي فيك " وكتب اسمه واتجه لبيت ام ثامر ودق الجرس وفتحت له الخدامه وقال لها تعطيها ايمان و مشى عند ايمان عطتها الخدامه البوكية خذتها ايمان شافت الكلام والاسم استانست ودعت ربها انه يحفظ لها حبيبها وروحها وكل دنيتها . عند احمد و اخوياه كانو قاعدين بالبر رامي : شباب شرايكم نركب الدبابات سالم : اوك خلاص ناخذ الدبابات ونفحط احمد : شنو نفحط انت ووجهك ياسر : الا والله من زمان عن هالاشياء رامي : ما تبي بكيفك حنا رايحين احمد : خلاص رايح معكم والله يستر بس راحو وركبوا وصاروا يفحطون بسرعه جنونيه وهم حدهم مستانسين طبعا احمد مو مره يعرف يفحط جاء قدامه شخص راكب دباب ومسرع لف احمد وماقدر يتحكم بالدباب وتشقلب الدباب عليه رامي وياسر و سالم بصوت واحد وبصراخ : احــــــمــــــد !! خذوه بسرعه ونقلوه للمستشفى وهم هناك اتصلوا على ثامر عند ثامر دق جواله ثامر : الو ...... اي معك ....... "وبصدمة" ايييشش ؟! ....... طيب اي مستشفى ...... يلا جايكم "وقفل بسرعه ونزل تحت وطلع متجه الى المستشفى" دخل ثامر المستشفى وسأل عنه وراح لقا اخوياه موجودين ثامر : شصاير ؟! رامي : تشقلب عليه الدباب ثامر : لا حول ولا قوة الا بالله قعدوا ربع ساعه وطلع الدكتور وشكله ما يبشر بالخير ثامر : ها يا دكتور بشر دكتور : شتقرب له ؟ ثامر : اخووه دكتور : طيب تفضل مكتبي دخل ثامر مع الدكتور للمكتب وهو حده خايف الدكتور : للاسف الطيحة كانت جدا قويه واثرت عليه ثامر بخوف : طيب شصار له ؟! الدكتور : كسر في اليد اليمنى ورضوض "وبحزن" صار ما يقدر يمشي ! انصدم ثامر بقوة وحزن على اخوه معقوله احمد الي يناقز من مكان لمكان صار عاجز ثامر : طيب متى بتطلعونه ؟ الدكتور : بيبقى عندنا اسبوع كامل بعدين نطلعه ثامر : مشكور يا دكتور خرج وهو حده منصدم وحزين شلون بيقول لامه واخواته الي صار لاحمد ! *غاده واصحاب احمد مالهم دور بالروايه* انتهى توقعاتكم ؟ | |||||||||
|
|
|
15-07-15, 05:17 AM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| في البارت السابق قلت في مقطع لما ابو راشد يكلم رنيم ويقول لها انت بتحضرين زواج ايمان انا غلطت كان قصدي زواج ناس يعرفونهم  اترككم مع البارتالبارت الخامس : بعد اسبوع بيت ابو راشد منار وهي تنادي : رنييييم يلا رنيم وهي تلبس عبايتها : يلا جيت نزلوا رنيم ومنار وركبوا مع السواق متجهين الى السوق ريماس : اشوفها رايحه ؟ ابو راشد : روحه بلا رجعه ان شاء الله ريماس : آمين ، الا ما قلت لي وش ناوي عليها ابو راشد بابتسامه خبث : كل شي بوقته حلو ريماس ابتسمت وهي متأكده ان ابو راشد بيسوي شي مو زين لرنيم عند بيت اول مره نروح له كان البيت حده حوسه اليوم زواج اخوهم وهم مو مسوين شي خاصه البنات ....... بصراخ : يمآآآآ .......:وجع وجع شتبين ........: يما ما بيمدينا نروح المشغل الساعه 4 ! .........: والله عاد محد قالكم تقومون متأخر وانتو عارفين ان عندنا زواج ........2: الا يما يمدي .......: ايه يمدي مدري عن سمر بدل ما تروح تشوف شغلها جالسه تضيع وقت سمر : يعني اليوم جمعه واكيد المشاغل فل .......3: يعني شتبينا نسوي نروح بكششنا يلا نمشي سمر : والله ما بيمدي .......2 : ما بيمدي اذا جلسنا نضيع وقت يلا نروح .......: ما عليكم منها يلا شوق و ملاك روحوا راحوا شوق وملاك وسمر متجهين للمشغل عند المعرس قاعد يحلق هو و اخوانه .......: ها خالد كيف النفسيه ؟ خالد : عادي ......: تبي الصراحه احس بدري على الزواج بعمرك هذا خالد باستغراب : ليه ؟! ......: يعني عمرك 26 ماتحس صغير خالد : لا ، انا وعدتها اول ما اخلص جامعه نتزوج ، انا مصدقت يجي هالوقت عشان اتزوج ، نواف احس اني مستانس نواف بابتسامه : الله يوفقكم خالد : آمين "وهو يلف على اخوه" راكااان راكان : نعم ؟! خالد : مافي مبروك ولا شي ؟ راكان : باركنا لك قبل لا نجي مايحتاج نبارك مره ثانيه خالد كشر : وجع اخو انت راكان : ههههههههههههههههه امزح ياخي الف مبروك خالد : الله يبارك فيك وعقبالك يا رب راكان من قلب : آآآآآمين نواف : شف شكله ذا يبي يتزوج راكان : اي والله زهقنا ياخي خالد : ههههههههههههههههههههههههه هه كمل دراستك بعدين يصير خير راكان : عادي اصلا بقي لي 3 سنوات واتخرج نواف : لا يكون فبالك وحده ؟ راكان : لا بس زهقت من حياة العزوبيه اقوم الصبح على صراخ ابوي وحنت اخواتي ابي اصبح على وجه يفتح نفسي طول اليوم خالد : اقول اسكت احسن لك نعرفكم على عائلة ابو خالد الي طبعا لها دور بالروايه ابو خالد : انسان طيب وحنون تاجر معروف يحب عياله وما يرضى بالغلط ويسوي اي شي بس عشان يشوفهم مبسوطين ام خالد : طيوبه حيل بس اذا عصبت ماتعرف الي قدامه خالد : طيب حيل فيه غرور بس مو غرور مره عصبي احيانا يحب وحده من ايام ابتعاثه وبيتزوجها اسمر عيونه سوداء خشمه سلة سيف عمره 26 نواف : طيوب اخلاقه جميله ينحب بسرعه ويعصب بسرعه عمره 24 شوق : طيبه جميله تحب الخير هاديه شعرها لنص كتفها بيضا عمرها 23 راكان : جميل يحب يستهبل ويحب يلعب اسلوبه مره حلو والكل يمدحه عيونه عسليه غامقه اسمر عمره 20 ملاك : بنت جميله حيل وطيوبه تحب تقرا كتب يعني مثقفه عمرها 19 سمر : وحده ماخذه حياتها استهبال ولعب تحب تتمشكل مع الناس لسانها طويل بس طيوبه عمرها 17 نخليهم شوي نروح عند رنيم ومنار بالسوق منار : رنيم ترا رجلي تعبت اختاري بسرعه وخنطلع رنيم : وش ذنبي اذا المول خايس ومافيه اشياء حلوه منار : اي شوفي هذا المحل حق فساتين دخلو المحل عجبها خذت فستان وحاسبت وطلعوا عند بيت ابو راشد تحديدا غرفة ناهد ناهد : هههههههههههههههههههه شبتسوي يعني ؟! حمد : سهله جدا ، الصور الي تصورتيها معي بتوصل لابوك ناهد : ليه حبيبي انا ماذكر اني عطيتك رقمه او عنوانه او اي وسيله تخليك توصل له حمد بضحكه عاليه : هههههههههههههههههههههه ، هالمره انا بضحك ، وبيتك انا عارف وين هو حتى لو ما قلتي لي ، ترا حمد الي تكلمينه ما يصعب عليه شي يقدر يطلع عنوان بيتك وكل معلوماتك من تحت الارض ، ع العموم بتشوفين كل شي بوقته ناهد من الخوف صكرت الجوال و قعدت تبكي عند بيت ابو خالد خلصوا كلهم وعلى الساعه 6 ونص اتجهو الى القاعه "طبعا هالعائله من معارف ام ثامر وريماس فعزموهم الي بيجي رنيم ومنار و ايمان و ريما اما ناهد و ثامر وراشد واحمد اعتذروا" في القاعه لما جات الساعه 8 بدوا المعازيم يجون عند صالة الحريم الطاوله الاولى قاعدين ريماس وام ثامر و ام خالد وحريم في الطاوله الثانيه الي على جهة اليسار كانوا قاعدين شوق وملاك وسمر و رنيم ومنار وريما وايمان ومن اولها تقبلوا بعض وطقوا ميانه سمر بصوت عالي : هههههههههههههههههههههههه الكل انفجع من ضحكتها ريما : بسم الله شوي شوي انت بنت ترا سمر : لا تصدقين كنت احسب نفسي ولد ملاك : تبين مويه ؟ سمر وهي تاخذ العصير : لا ابي عصير شوق : الا متى زواجك يا ايمان ؟ ايمان : بعد شهرين ان شاء الله سمر : امماا ببتزوج ؟ عاد اسمعي اذا تزوجتي مالك قعده معانا بتصيرين تقعدين مع الحريم ملاك وهي ترمي المويه عليها : وانت شعليك ؟! سمر : اححح ياخي يعور ، الا رنيم عرفينا عليك رنيم بابتسامه : وش تبيني اقول ؟ سمر : كل شي سولفوا بعدين قاموا ورقصوا وتنكسو وانبسطو عند الرجال راكان : يااهوو متى بتدخل عليهم ؟ خالد : مدري لما يكلموني بروح نواف : خالد يلا بتدخل عليهم خالد : طيب في الزفه انطفت الاضواء وتوجهت الاضواء الملونه الى العروس الي تنزل من الدرج انزفت بعدين جاء خالد باسها على راسها قاموا سمر وشوق وملاك وام خالد يرقصون نتركهم ونروح عند ابو راشد ابو راشد وهو يكلم ريماس : يلا بسرعه ناديها وخليها تطلع ريماس : طيب راحت ريماس عند رنيم ريماس : رنيم بسرعه تعالي ابيك رنيم : شفيك ؟ ريماس : بسرعه لا تكثرين كلام راحت رنيم معاها بعد ما لبست عبايتها طبعا ودخلوا سيارة ابو راشد رنيم وريماس واتجهوا لمكان بعيد عن القاعه ابو راشد وهو يوقف سيارته وماشي على حسب خطته : انزلي اعطي الرجال الفلوس وارجعي رنيم بصدمه : ننععععمم ؟؟! ليه ما تعطيه انت ؟ ابو راشد : قللت اعطيه يلاا رنيم : طيب نزلت رنيم ودخلت جوا المحل وعطت الرجال فلوسه ويوم جت تطلع مالقت سياره خالها موجوده انهارت بقوة سحب عليها وراح جت تبي تاخذ جوالها بس تذكرت انها نست جوالها بالسياره قعدت تصيح شبتسوي هنا ؟ "الحين عرفتو خطة ابو راشد يوديها مكان و يسحب عليها" بالقاعه خلصت الزفه وتعشوا وخلصوا ملاك : منار وين رنيم ؟ منار : مدري عنها توها كانت هنا اختفت ريما : طيب اسألي خالتي ريماس منار : حتى امي مختفيه ملاك بهمس : الله يستر في السياره ريماس : سؤال يعني ليه اخترت هالخطه ووش الفايده منها دام انك بترجع لها ابو راشد بقهر : ابي اعطيها درس مارح تنساه على الي سووه اهلها فينا ريماس : طيب متى بترجع لها ؟ ابو راشد : مادري ، انا الود ودي اخليها برى ولا ارجعها البيت ! عند رنيم الي مو عارفه شتسوي وقفت تاكسي وطلبت يوديها عماره حمدت ربها ان بشنطتها فلوس دخلتها خذت لها شقه اول ما فتحت الباب تنهدت تنهيدة مليانه الم وقهر سكبت دموعها على خدها الرقيق فصخت العبايه ونامت بفستانها عند بيت ام محمد مازن وهو يصارخ على الشغاله : وين الساعه حقتي يا حيو### الشغاله وهي حدها خايفه : بابا انا مافي معلوم وين هذا ساعه مازن بصرخه هزت البيت : الساعه الحين تطلع ! على صراخه دخلت ام محمد : خير يا مازن شفيك تصارخ مازن : خلي الزفت هذي تطلع الساعه ولا ترى بتشوف شي ما عمرها شافته الشغاله : بابا انا والله مافي معلوم شوي دخلت مرام : خلاص مازن اشتري لك بدل الوحده عشر انت اهدى بس مازن : وين اهدى وهذي غاليه شاريها بالفين مرام : ااافففف منك ياخي خذ الفين من هنا وروح خذ لك مثلها تراك تكبر المواضيع وهي صغيره بلا سخافه عاد مازن : انطمي انت ومالك دخل مرام : انطم انت يا ال##### "طلعت الكلمه منها بالغلط" مازن : انا ال### يا قليله الادب "وجا بيضربها الا بدخلت .............. ........بصوته الجهوري الي من زمان عنه : لا تمد ايدك عليها ! استغربوا من صاحب الصوت اول ما شافته مرام وهو شايل شنطته حقت السفر معاه على طول راحت ارتمت بحضنه : يبااا اخيرا رجعت ابو محمد : اي يا قلب ابوك رجعت ام محمد والدمعه بخدها : نورت البيت يا ابو محمد ابو محمد : امسحي دموعك يا ام محمد مالها داعي كره مازن الجو وجا بيطلع الا بصوت ابوه يسبقه : وقف ! منت ناوي تسلم على ابوك مازن : ههههههههههههههههههههههههه ، ابوي بالاسم بس ! انصدموا كلهم من الكلمه الي قالها بس هم متعودين لان هالشي مو غريب عليه ام محمد : معليه يا ابو محمد هو كذا دايم ابو محمد : ادري ، وحسابه معي بعدين ، الا وين محمد مرام : الحين ادق عليه يجي عند بيت ام ثامر ام ثامر : يلا بنتأخر على اخوكم ريما : يلا جايين ولبسوا العبايات وركبو مع ثامر متجهين الى المستشفى عشان يخرجون احمد "طبعا ثامر فهمهم السالفه بس احمد للحين ما يدري انه ما يقدر يمشي" وصلو المستشفى عند احمد احمد : وينكم انتو طولتوا ترا ام ثامر : خلاص الحين بنطلعك احمد : اي الحمدلله بعد صار لي اسبوع هنا طفشت ثامر : احمد فيه شي لازم تعرفه احمد : قوله لي فالبيت ثامر : لا ما يصير اقول لك في البيت ، احمد انت بعد الطيحه صرت ما تقدر تمشي احمد الصدمه نزلت عليه مثل الصاعقه : نععععم ؟! انت وش تقول ايمان : احمد انت لازم ترضى بالي كتبه الله لك وان شاء الله تتحسن حالتك احمد وهو لسا مو مستوعب : يما انت تسمعين وش يقولون ؟ ام ثامر وشوي تدمع : ان شاء الله تتحسن حالتك انت تفاءل شوي وجابو الكرسي المتحرك حقه و جو الممرضا وشالوه وقعدوه فيه و مشوا متجهين للبيت عند بيت ابو راشد بغرفه ناهد بعد ما قال لها حمد انه بيجي البيت و بيحط الصور قدام بيتها خافت وقعدت جنب الشباك تنتظره يجي عشان اذا جاء تنزل وتاخذ الصور شوي الا تشوف سيارته خافت حيل وشافته وهو نازل عند حمد نزل من السياره حط ظرف فيه صور عند الباب ودق الجرس وراح على طول نزلت ناهد وهي مسرعه تتمنى محد يشوفها شوي الا تسمع صوت ابو راشد : وين رايحه يا ناهد ؟! ناهد بارتباك : رايحه افتح الباب ابو راشد : ليه تفتحينه انا بفتحه ناهد باندفاع وبسرعه : لا يبا خلك انا بروح اشوف يمكن صديقتي جايه ابو راشد : طيب بس لازم اجي اشوف مين الي بالباب طلعوا وفتحو الباب ما لقو احد لمحت ناهد الظرف بحركه سريعه قدرت تخبيه بعد ما شافوا ان مافيه احد دخلوا داخل وخذت ناهد الظرف وطلعت فوق وشقت الصور وقطتها بالزباله حمدت ربها ان الله ستر وما انكشفت عند رنيم راحت عند بقاله واستأذنت تدق من التلفون دقت على منار رنيم : الو منار منار : نعم مين ؟ رنيم بخنقه : انا رنيم منار تكفين تعالي لي محتاجتك منار : رنيم وينك يختي من يوم مارجعنا ماشفتك وينك رنيم : انا بعماره ... شارع ..... منار : يلا جايتك باي "وقفلت" عند رانيا و روان رانيا : روان تعبت قولي لي شسوي روان : لا تسوين شي انسيه وانسي الي ما يتسمى مازن رانيا : والله بعلم ثامر عن مازن ماعندي غير هالطريقه اقدر انتقم فيها من مازن روان : ههههههههههه توك تكرهينه ؟ رانيا : ياخي شسوي قهرني باخر مكالمه روان بخبث : طيب اسمعي ................ عند بيت ابو محمد محمد : هلا يبا تو ما نور البيت ابو محمد : منور فيك والله ، شفيك مختفي ما شفتك اليوم محمد : والله يبا اذا ما شفتني اليوم انا ما شفتك 6 شهور ابو محمد : شسوي ، غصبا عني محمد : سلم عليك مازن ؟ ابو محمد بسخريه : هه اخر شي يسويه والله محمد : الله يهديه يارب ابو محمد : امين عند بيت ابو خالد شوق : خالد له وحشه والله ام خالد : من جد البيت مظلم من دونه سمر : افاا وحنا وين رحنا يا يما ؟ ام خالد : هههههه كلكم البيت من دونكم ولا شي شوي الا بدخلت ابو خالد ونواف وراكان : السلام عليكم الكل : عليكم السلام جلس راكان جنب سمر : شفيك سمور سمر بملل : طفشانه راكان : افاا سمور تزعل يلا قومي نطلع سمر استانست : جد راكان ؟ الله يخليك لي "وقامت لبست عبايتها ونزلت" ملاك : وحنا ان شاء الله راكان : انتو الدفعه الجايه سيارتي ما تتحمل اكثر من اثنين ههههههههههههه ملاك : يبا شوفه ابو خالد : ههههههه ماعليك منه ان شاء الله انا بوديكم الي تبون راكان وهو يتعمد يرفع صوته عشان يقهرهم : يلا سمورتي وين تبين تروحين مطعم ولا مول ولا بحر سمر وهي مسويه نفس حركته : الي تبيه "وطلعوا برا" ام خالد : الله يحفظهم يارب الكل : آمين عند بيت ابو راشد منار : يبا الحق على رنيم ابو راشد بخوف : شفيها ؟! منار بسرعه : هي الحين بعماره يلا خنروح نجيبها ابو راشد بخوف اكثر : يلا ومشو متجهين لها انتهى توقعاتكم ؟ | |||||||||
|
|
|
15-07-15, 05:18 AM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البارت السادس : في السياره كان ابو راشد يسوق بسرعه وبجانبه بنته منار الي تعجله كان نادم لانه سوا هالشي هذي امانه برقبته كيف يتجرأ يسوي كذا ممكن انه يكون مسوي اي مصيبه ثانيه الا ذي الي مالها معنى تذكر عائلتها وايش سوو لهم امتلا قلبه حقد وكره كانت امنيته يروح يلقاها ميته او ما يلقاها عشان يفتك منها امنيته تطلع من بيته مايبيها تذكر نفسه انه انسان طيب على عياله وعلى الناس بس الا عائلة رنيم الي سووه فيهم مو شوي ولازم يرد الي سووه باقرب وقت وهو حاط فباله انه مع حق بأي شي يسويه تجاهها وصل العماره نزل هو و منار وراحوا الشقه دقو الجرس مليون مره ومافي رد قرروا ينزلون عند راعي العماره ياخذ نسخه ثانيه من مفتاح نفس الشقه دخلو فتحو الباب شافو الصاله مافيها احد راحوا المطبخ نفس الشي دخلو الغرف وآخر غرفه دخلتها منار لقتها طايحه وجنبها حبوب ومبين انها ماكله منها وفاقده الوعي منار وهي تصارخ : يبااااا الحق لقيتهاا دخل ابو راشد وشافها وهي طايحه خاف عليها شالها بعد ما لبستها منار العبايه وودوها السياره كان شكلها ذايب لونه اصفر وحالتها حاله توجهو للمستشفى دخلو خذوها الممرضات دخلوها الغرفه وهم برا ينتظرونها دق ابو راشد على راشد عشان يجي ابو راشد : راشد بسرعه تعال المستشفى راشد : لييه ؟ ابو راشد بعصبيه : بسرعه تعال مستشفى ... محنا فاضيين راشد بخوف : طيب طيب جاي "وقفل" ابو راشد وهو يكلم منار : اسمعي بيجي راشد ويرجعك للبيت ولا تقولين لاي احد عن الي صار منار وهي تبكي : مستحييل اروح ابي اتطمن عليها ابو راشد بعصبيه : انت ولا كلمه واذا رجعت بطمنكم عليها اكتفت منار بالسكوت وهي تبكي ، عشر دقائق وجا راشد راشد : يباا شفيكم ؟ ابو راشد : خذ منار البيت وبسرعه تعال خذاها ووداها البيت ورجع المستشفى وقعد مع ابوه بالكراسي ابو راشد بهمس : يا الله طولوا راشد : يبا شصار ومين الي تنتظرونه ابو راشد : راشد مالي خلق اسألتك اسكت احسن لك شوي ويطلع الدكتور ابو راشد : ها يا دكتور بشر ؟ الدكتور : وين ولي امرها ؟ ابو راشد : انا ولي امرها الدكتور : تفضل معي المكتب دخلو وخلو راشد لوحده راشد : انا ليه جيت ؟ "وطلع برا المستشفى" عند ابو راشد والدكتور الدكتور : للاسف هي حاولت تنتحر بتناولها جرعه هائله من الحبوب ابو راشد بصدمه : تنتحر !!!! الدكتور : اي نعم ، بس ربي ستر وهي ما صار لها شي ، لو انها استمرت على هالشي كان ماتت ، بس انتو جيتو فالوقت المناسب ابو راشد : بس يا دكتور احنا جينا ولقيناها مغمى عليها الدكتور : طيب نفس الشي هي ما كلت جرعه مره كبيره من الحبوب ولا كانت بتروح فيها ، ع العموم بعد ما تقوم الشرطه راح يجون يحققون معاها ليش تبي تنتحر ومين كان معاها الصدمه نزلت على ابو راشد نفس الصاعقه ، شبيسوي بعمره اذا قالت لهم ان هو الي تركها وراح عنها ، يا ترى رنيم بتقول الي سواه ابو راشد فيها ولا بتسكت ؟! عند بيت ام ثامر كان الكل طالع يقضي لاغراض عرس ايمان الي ما بقي عليه الا شهر ونص ، معدا احمد كان نايم وهو اصلا ماكان يبي يروح معهم عند احمد فتح عينه من النوم حس بالعطش والجوع التفت حوله مالقا حتى مويه جا يبي ياخذ كرسيه بس كان بعيد حس بالقهر نادى الخدامه اكثر من مره ما جاته قرر ينزل من السرير رغم انه ما يقدر يمشي نزل و طاح على رجوله صرخ صرخه الم يبي لو يحبي بس ياخذ كرسيه ويروح ما قدر حس راسه يألمه بقوه شوي والنفس ينقطع عنه وصار كل شي ظلام ! عند ام ثامر و ايمان وريما بالسوق ريما : ايمان تعالي شوفي ذا فستان حلو ايمان : يما شوفيه حلو ؟ ام ثامر : اي يا يما بس مو كانه عاري شوي ؟! ريما : ياليل عادي يا يما كل العرايس كذا ام ثامر : شوفي هذاك الفستان نفسه بس كمه طويل ايمان : لا يما احس التوب احلا ام ثامر : خلاص خذي الي تبين اشترت ايمان الفستان واشتروا اشياء بس باقي لهم بيكملون بعدين ريما : تراني تعبت برجع البيت ايمان : كلنا نبي نرجع يلا جا السواق خذاهم ورجعوا البيت ريما وهي تنادي : احمد ، احمممد ، يما وينه ؟! ام ثامر وهي تحط عبايتها بالصاله : روحي غرفته تلقينه دخلت ريما غرفته فتحت النور وانصدمت من منظره وبصراخ : يممممماااااااا ام ثامر وايمان خافو وركض راحو لها دخلو غرفه احمد وشقهوا ايمان وهي تضرب خد احمد بالخفيف : احممد ، احمد اخوي رد ام ثامر : يما ولدي قووم ايمان وهي تلف على ريما : بسسرعهه دقييي على ثااامرر راحت ريما ودقت على ثامر شوي وسمعت صوته : الو ريما بسرعه : ثامر بسرعه الحق علينا احمد طايح هنا نقومه ما يرد ثامر : طيب طيب جاي الحين "قفل وبسرعه شخط على البيت" دخل ثامر البيت وطلع فوق لقاهم بغرفة احمد من غير ولا كلمه شاله ووداه السياره متوجه للمستشفى ام ثامر وهي تبكي : يما ولدي بيروح ايمان وهي تهديها : يما لا تفاولين عليه ان شاء الله ما يكون صاير له شي ريما : الله يستر في بيت ابو خالد تحديدا بغرفه ملا ملاك : وليد انا جد حبيتك من اسلوبك وانت الي خليت حياتي تصير احلى وليد : وانا حبيتك اكثر ، تصدقين معرفتك كذا حسبتك بنت مغروره بس طلعتي عكس احساسي ملاك بضحكه جذبته : ههههههههههههههههههههههههه ههه ، كلهم يقولون كذا بس لما يعرفوني تتغير نظرتهم عني وليد : فديت الي يضحك يا ناس ملاك : فديتك انا وكملو سوالف وضحك وغزل كان فيه شخص يسمع كلامها ومصدوم معقولة ملاك تحب و لما حس الشخص ان ملاك خلصت على طول نزل عشان ما تشوفه في الصاله كانو يتقهوون نزلت ملاك ملاك : السلام عليكم الكل معدا هذاك الشخص : وعليكم السلام ابو خالد : وينك يا ملاك ما صرنا نشوفك هاليومين ملاك : تعرف يبا الدراسه والظغوطات هي الي مشغلتني ابو خالد : الله يوفقكم يا رب الكل : امين ابو خالد : الا يا راكان ما ودك تشتغل بالشركه نايف : يوه يبا توه بزر راكان : بزر ف عينك ابو خالد : لا يعني بعد سنه او سنتين شوق : يووه يبا من الحين تاخذ رايه ؟ ابو خالد : ابي اشوف شيقول راكان : شوف يا طويل العمر انا بدور على شغل اذا مافي بشتغل بشركتكم ابو خالد : اهاا بيشوف ، ع فكره ترا اذا دخلت شركتنا بيكون فيه واسطات وهالاشياء اما اذا بتدخل شغل ثاني ممكن تتعذب شوي راكان : لا دام فيه واسطات من اليوم تبيني اداوم ما عندي مشكله شوق : الا يبا حنا شركتنا نفس شركة ابو راشد وابو ثامر وطقتهم ؟ ابو خالد : لا وين هما شركتهم كبيره ورابحين كثيير نايف : يعني حنا مو رابحين ؟ ابو خالد: الا بس هم اكثر عند رنيم بالمستشفى قامت وجو المحققين يحققون معاها ابو راشد كان موجود وكان خايف تتهمه ويروح بستين داهيه المحقق 1 : عرفنا من تناولك هذي الجرعه الهائله انك تبين تنتحرين ممكن نعرف السبب رنيم بداخلها تبي تقول ابو راشد هو السبب بس فضلت السكوت ماتبي سمعة خالها تروح فيها المحقق 2 : لو سمحتي اذا بتضلين ساكته ممكن نتخذ معك اجراءات ثانيه رنيم بتلعثم وخوف : انا كنت ابي اخذ مسكنات لان كان راسي مصدع وما وقف الصداع فاضطريت اخذ اكثر من حبه المحقق 3 : بس هذا السبب مو مقنع انت تدري انك خذيتي 23 حبه وبعدين الحبوب الي خذيتيها مو مسكنات معقوله تاخذي حبوب ما تدري هي اي حبوب رنيم : انا من قوة الصداع ما لاحظت الحبوب وصار الي صار من دون قصد المحقق 4 : درينا ان اهلك متوفيين ، مع مين تسكنين ؟ رنيم : مع خالي المحقق 1 : ابو راشد فيه احد مأذيها بالبيت ؟ ابو راشد : لا محد مأذيها معاملينها نفس معاملة بناتنا المحقق 3 : طيب احنا بكذا خلصنا نترخص "وطلعوا ومابقي بالغرفه الا ابو راشد ورنيم" ابو راشد : لو انك قلتي ان انا السبب كان انهيتك من الوجود رنيم : كنت بقول بس هونت خفت ع سمعتكم ابو راشد بسخريه : ههههههههههههههههههه انت تخافين ع سمعتنا مستحييل رنيم من القهر سكتت عند رانيا وروان روان : عطيني رقمه رانيا : طيب سجلي عندك 05.......... روان : شرايك اكلمه ولا ارسله واتس رانيا : ارسلي له واتس احسن روان : طيب ارسلت له : هلا ثامر انا روان صديقه رانيا ، بدون مقدمات رانيا تحبك وشاريتك لا تخذلها هي تحبك من زمان بس ماكانت عارفه شتسوي بحبك تكفى ارجع لها وصدقني ماحتلاقي مثلها صدقني هي نادمه كثر شعر راسها والانسان مو معصوم ع الغلط صدقني بتدخل بقلبها الفرح لو رجعت لها فكر بكلامي زين ورد "وظغطت زر الارسال" روان : ارسلت رانيا : اتخيل بس لو يرجع لي ويصير خاتم باصبعي ههههههه روان : هههههههه ان شاء الله حبيبتي بعد 10 دقايق سمعت صوت الارسال حق الواتس يعني ان ارسلها الرد رده كان : اذا انت رانيا وجايتني من رقم ثاني ؟ تكفين ابعدي عني انا خلاص كرهتك ما عاد ابيك انت سودتي عيشتي كرهتيني فيها لعبه عند اهلك انا مره تحبيني مره تكرهيني ترا انا نفس العمر مره وحده ويروح منك انا كنت لك قبل لكن انتي خذلتيني تكفين وخري وخخخخخري مابيك ولا ابيك ترسلين لي مره ثانيه انا لغيرك ترا ولو عطيتيني كل كنوز الدنيا والله ما ارجع لك كنت اركض وراك من قبل وانت ما كنت تعطيني اهتمام ذليت نفسي عشانك بعدين عرفت ان انت تلعبين علي لا تحاولين تكسبيني باي طريقه لان ماحرجع لك واذا انت صديقتها زي ما تقولين بلغيهاا هالكلام وحظر لك ولها . عند روان ورانيا الي مصدومين حيل من الرد الي مو قادرين يردون الي قهر رانيا اكثر انه كتب "انا لغيرك ترا" انقهرت حيل وقعدت تفكر بمصيبه تسويها له عند ثامر الي بعد ما ارسل الكلام رما جواله ع المكتب وهو حده معصب شوي ويرن جواله شاف الاسم "كل دنيتي" ابتسم وفرح لانه هو محتاج يسمع صوتها الي يريح نفسيته ثامر : هلا يا كل دنيتي ......: اهلين ثامر : اخبارك عساك طيبه ......بدلع ونبره زعل : مو بخير ثامر : افاا ليه ؟ ......: لانك صاير ما تسأل عني ولا تدق ثامر : غلا حبيبة قلبي انت تعرفين ان انا صاير مشغول وشغل الشركه كله فوق راسي وصدقيني انت ما تغيبين من بالي لحظه وحده غلا : جد ؟ ثامر : ايه اجل امزح معك ؟ غلا بنبرة رضا : خلاص انا كذا رضيت ثامر : هههههه زينك وزين صوتك بس قعدوا يسولفون وهم حدهم مستانسين وثامر الي نسا رانيا وسالفتها من بعد ما دقت عليه غلا نعرفكم عليها : غلا : طيوبه وتنحب بسرعه تعرفت على ثامر وكونوا علاقه جميله ، بنت حلوه حيل شعرها بني يوصل لكتفها عيونها سوداء بيضا قصيره . عند بيت ابو محمد تحديدا غرفه مازن الي يلبس جزمته -يكرم القارئ- عشانه بيطلع محمد : اتوقع انك سمعت ابوي يوم قالك ما تطلع من البيت مازن : هههههههههههههههههههه من جده ذا يحبسني هنا بنت انا ؟ محمد : لانك تستاهل لو انا مكانه تبريت منك وطردتك برا البيت لكن من خوفه من كلام الناس ما طردك مازن : هههههههههههههههههه "طلع من الغرفه ومحمد وراه نزل الصاله مامداه يمسك مقبض الباب عشان يطلع الا صوته موقفه ابو محمد بعصبيه : انا كلمتي ماثنيها يوم قلت ما تطلع تسمع كلامي فاهم مازن بصراخ : مو انت الي تتأمر علي اطلع ولا اقعد انا بكيفي ام محمد : قلنا لك بتقعد يعني تقعد فاهم مازن بصراخ : ماني قاعد مو انتو تمشوني ع كيفكم مرام بصراخ وهي تنزل من الدرج : مااازن !! مازن : شتبين ؟! مرام وهي تتقدم تجاهه : ترا مو رجوله ترفع صوتك على امك وابوك هذولي امك و ابوك مو حي الله مازن بصراخ : احد كلمك احد جاب طاريك ؟ مرام : محد كلمني صح بس ما اسمح لك ترفع صوتك ع ابوي وامي وتقل ادبك "باسلوب نصح " هذولي والدينك الي تعبو عليك طول السنين وربوك اخر شي تسوي فيهم كذا يمين بالله الناس الي تماشيهم ماحينفعوك ترا رضاهم من رضا ربك انت تعصي ربك بافعالك هذي والله ثم والله بيجي يوم وتندم قد شعر راسك ع معاملتك هذي ربي محيوفقك لا دنيا ولا اخره راجع نفسك يا مازن مازن بهدوء : انا طالع "وطلع" بعد ما طلع حست ام محمد بدوخه وطاحت مغمى علينا مرام ومحمد بصراخ : يممماااااااا ابو محمد وهو يحاول يقومها : ام محمد ، ام محمد محمد : بسرعه جيبي عبايتهاا طارت مرام فوق وجابت عبايتها ونقلوها للمستشفى انتهى توقعاتكم ؟ | |||||||||
|
|
|
15-07-15, 05:20 AM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| البارت السابع : في مستشفى السلام كانو برا ينتظرون الدكتور يبشرهم عن ام محمد في نفس المستشفى كانو ينتظرون الدكتور يبشرهم عن احمد عند ابو محمد ومحمد ومرام مرام كانت تبكي وتدعي ربها ما يصير لامها شي محمد كان رايح جاي ابو محمد كان واقف و يفكر عند ام ثامر وثامر وايمان وريما ام ثامر كانت جالسه تبكي وتدعي ربها ريما و ايمان يهدونها ثامر كان متسند على الجدار ثامر وهو يعدل وقفتته : انا رايح اجيب لكم مويه زين لا تتحركون ريما وايمان يهزون راسهم بالإيجاب راح ثامر الكافتيريا حقت المستشفى جاب مويه وهو جاي شاف ابو محمد وعياله ثامر استغرب من وجودهم وقرر يروح لهم يشوف شفيهم ثامر وهو مستغرب : عمي شفيكم قاعدين هنا "يناديه عمي احترام" ابو محمد : ثامر ! انت الي وش جابك ؟! ثامر : ما عليك مني انتو شفيكم هنا ؟ محمد بهدوء : امي داخل ثامر وهو يطالع محمد : خالتي شفيها ؟ محمد : اغما عليها ثامر : لا حول ولا قوة الا بالله شهاليوم الي كله مصايب ابو محمد : ليه انتو شفيكم ؟ ثامر : رجعنا البيت لقيناه طايح ، ع العموم انا رايح لهم راح لهم وعطاهم المويه وشربوا ، بعد مرور 10 دقايق خرج الدكتور ثامر : دكتور بشر الدكتور : رجله مكسوره من الاساس هالمره انكسرت مره ثانيه ثامر : طيب هو زين الحين الدكتور : لا ، اذا تبونه يرجع مثل قبل لازم تعالجونه بالخارج بس تكاليف العلاج جدا غاليه ثامر : ما يهم ، احسن علاج نلاقيه ف اي مدينه الدكتور : في بريطانيا احسن علاج ثامر : مشكور ، يقدر يطلع الحين ؟ الدكتور : ايه يقدر ، عن اذنك "وراح" ثامر : ها يما سمعتي شقال خلاص هدي ام ثامر : ان شاء الله ثامر : يلا قومو اوديكم البيت قامو وساعدوها بناتها وفي الطريق لقو ابو محمد وام محمد ومحمد ومرام ام محمد : ام ثاامر ام ثامر : هلا ام محمد شفيك ؟ ام محمد : مافيني شي بس اغما علي ام ثامر : سلامتك ما تشوفين شر وهم وافقين التقت عيون ايمان مع عيون محمد وابتسمو لبعض ايمان : "شكله تعبان حرام والله" ريما حست بدوخه وبصوت تعبان : ثامر عطني مويه ثامر بخوف : شفيك ريما : بسرعه مويه خذا مويه وعطاها وشربت : فيك شي ؟ ريما : سلامتك ، ابي ارجع مرا انهلكت "كل واحد رجع بيته" في بيت ابو راشد منار : عساك طيبه ؟ رنيم : ما نشكي باس منار : ممكن افهم شصار لك بالظبط ؟ رنيم : لا تهتمين منار : كيف ما اهتم باختي وحبيبتي وصديقتي ، رنيم اعتبريني امك وتكلمي رنيم تذكرت امها و ضمت منار وبصوت باكي : يكرهوني يا منار يكرهوني منار وهي تمسح على شعرها وبخوف : مين الي يكرهونك ؟ رنيم بعدت من حضن منار وشعرها على وجهها والدموع بخدها وبصوت مخنوق : كلهم يكرهوني انا شسويت احنا شسوينا فيهم ليه يعاملوني كذا لاني بنت خلود وعبدالوهاب؟ جاهم صوت ريماس المرتفع : بالظبط ! لانك بنت خلود وعبدالوهاب رنيم تطالع ريماس وحقد الدنيا كلها بنظرتها : شسوا لكم اهلي تكلمي ريماس بسخريه : ههههههههههههههههههههههههه هههه ابد سلامتك ناس اصل وفصل "وبحقد" الا والله ناس سافلين وما عندهم كرامه رنيم بصراخ هز البيت : انطمي ! لا تذكرين طاري اهلي بهالصفات ! ريماس انصدمت ليه خدامه ترفع صوتها عليها راحت عند رنيم وشدت شعرها بقوه : اهلك السافلين الواطيين الي كانو بيدمرون حياتنا بخططهم لكن الحمدلله انهم انكشفو على حقيقتهم "تذكرت ان مو لازم تقول ايش سوو اهل رنيم لهم وسكتت وتركت شعرها" وصوتك هذا يمين بالله ينرفع اقص لسانك فاهمه ! "عطتها نظره وراحت" عند رنيم انهارت وجلست تبكي بكاء يقطع القلب على حالتها الي مو راضيه تتعدل منار راحت عند امها فوق الي كانت قاعده بغرفتها طقت الباب ودخلت منار : يما ممكن اتكلم معك شوي ريماس : تعالي منار : يما بسال لمتى هالحال لمتى هالمعامله القاسيه لها ؟ ريماس : لين ربي ياخذها وتموت منار : يما ما يصير كذا تراها بشر زينا والي سووه عائله رنيم فينا كانو مالهم ذنب ريماس : وانت شدراك انهم مالهم ذنب ؟ منار : كل شي واضح ومكشوف بس انتي وابوي الله يهديكم ما درستم الموضوع عدل ريماس : هه ، الا والله احنا واثقيين ومتأكدين تماما من الي صار منار : يما انت حبيبتي وعلى عيني وراسي تكفين يما عدلو معاملتكم معها وربي انها طيبه وحكيها لطيف وما عمرها اذتنا ولا سوت لنا شي ريماس : هههه قدرت تكذب عليك وتخدعك طلعتي سهله لهالدرجه يا منار منار : مع الايام بثبت صحة كلامي ويلا عن اذنك ريماس : اذنك معك في غرفه ناهد ناهد تكلم صديقتها : ههههههههههه حبيبتي هذا اعرفه ما حيفيدك بشي ..... شوفي فيصل شحلاته ......... ههههههههههههههههه انا ياما كلمت عيال وعارفه سوالفهم عدل .......... ابشري حبيبتي اليوم نروح اي مكان ونقابله ........ يلا باااي "وقفلت" عند بيت ابو خالد سمر بصراخ : يباااااااااااااا ابو خالد : وجع شهالصوت سمر : يباا شوف شووق ما تعطيني الريموت نايف : عندكم عشرين تلفزيون بالبيت متحاشرين على ذا شوق : انا مابي مابي الا ذا سمر : راكان شوفها راكان : شوق عطيني الريموت شوق : ليه راكان سحب الريموت منها وعطاها سمر شوق وهي مصدومه : خير خير ؟ سمر تضحك وتمد لسانها شوق : هين يا رويكن "طلعت فوق وهي باتجاه لغرفتها سمعت صوت من غرفه ملاك" ملاك : خلاص انا اليوم بقول لامي اروح عند بيت صديقتي وبجي عندك وليد : فديتك يا قلبي ملاك : هههههه حبيبي انت شوق ما استحملت تسمع ملاك تكلم واحد ولا تقدر تسوي شي فتحت الباب بقوه : ملاك ! ملاك مصدومه : شووق ؟! "صكرت الجوال" شوق وهي حدها معصبه : مين كنت تكلمين ؟ ملاك : وانت شعليك من كنت اكلم امي او ابوي ؟ شوق : ملاك انا اختك الكبيره ومن حقي اعرف مين الشخص الي تكلمينه ملاك بصراخ : اوووه عاد تراك طفشتيني مو انت الي تحاسبيني طيب شوق : جيبي جوالك ملاك : يا سلام اصغر عيالك انا شوي يجون ابو خالد وام خالد ونايف وسمر وراكان سمعو صوت الصراخ ابو خالد : شفيكم تصارخون مجانين ؟ ملاك وشوق يطالعون بعض بنظرة حقد عند ثامر وغلا في ستار بكس غلا : ثامر اذا من جد تحبني تعال اخطبني ماتبي انا مقدر اكلمك خلاص سكت ثامر شوي وقعد يفكر ثامر بهدوء : وين بيتكم ؟ عند راشد و حمد حمد : راشد شفيك راشد : ولا شي حمد : من زمان وانت مفهي لا يكون "وغمز له" راشد : ابو التفكير حقك يا شيخ لا طبعا حمد : طيب شتشرب راشد : ابي لاتيه حمد : طيب "ايه هذا حمد نفسه الي يكلم ناهد خذا رقم راشد من ناهد ويبي يسوي خطه فيها" عند بيت ام ثامر "تحديدا غرفه ايمان" ايمان : ايوا من جدي ، خلنا نأجل الزواج محمد وهو يسوق السياره : ليه طيب ؟ ايمان : شوف حاله اخوي شوف حاله اخوك الله يهديه من جد الوقت مرا ما ينفع محمد : طيب متى تبينه ؟ ايمان : لين تتعدل الاوضاع محمد : براحتك ايمان : زعلت ؟ محمد : لا ايمان: حمود محمد : لبيه ايمان بخجل : احبك والله محمد خق : وانا اعشقك والله ايمان : الله لا يحرمني منك محمد : ولا منك ي رب "وفجا كذا سمعت ايمان صوت اصتدام سياره مرا قريب وخافت" ايمان بخوف : محمد !! مححمد تسمععني ؟! ممممحححححمممممممددددد "من الصدمه طاح جهاز محمد وتقفل اما ايمان جلست تبكس ونزلت عند ام ثامر" ايمان وهي تبكي : يممماااااااا ام ثامر بخوف : ايمان شفيك ؟! ايمان : يما الحقو على محمد صار فيه شي ام ثامر بخوف اكبر : ايمان هدي وقولي لي شصاير شوي ويدخل ثامر ايمان وهي تجري عنده : ثاااااامممرر محمد فيه شي ثامر :بسم الله ايمان شفيك ؟ ايمان وهي تبكي : ثاااامر اللحححقق على مممحممد صصدممتهه سييياااارههه ثامر خاف بقوه وطلع برا يشوف شصاير ريما : ايماان هدي حبيبتي مو صاير الا كل خير ان شاء الله ايمان بصراخ : ششلونن تبوووننيي اهددديي ومحححممدد مو بخخخير شلللوننن ؟؟! ريما : ايمان خلاص ثامر راح يشوف شفيه ام ثامر : ياربي بنتي عند محمد والي صار فيه انه كان يمشي بالسياره وهو يكلم ايمان فجاه تجي سياره ما لاحظها وتصدم فيه طبعا جو الاسعاف ونقلوه للمستشفى عند بيت ابو محمد كالعاده مازن برا وام محمد وابو محمد و مرام قاعدين يتقهوون كانوا يسولفون وفجأه رن تلفون البيت ابو محمد : مرام روحي شوفي من الي يدق مرام : طيب "وقامت ورفعت السماعه" الو .....: بيت ابو محمد ؟ مرام : اي ......: محمد صدمته سياره والحين هو معنا فمستشفى ..... والله يعلم بحاله مرام بصدمه : ايش ؟!" من الصدمه طاحت من يدها السماعه" ابو محمد : مرام شفيك مرام : هاه لا مافي شي "قالت كذا عشان ما تخوف امها ويصير لها شي" ابو محمد : طيب مين الي دق مرام : غلطان للحين مرام مصدومه ومو عارفه شتقول وشتسوي ابو محمد قام راح مكتبه مرام استغلت الفرصه وراحت وراه ابو محمد : مرام شفيك ؟ مرام والدموع بعينها : يبا الي دق قبل شوي واحد يقول محمد صدمته سياره ابو محمد بصدمه : اييييش ؟؟!! وليه ما قلتي لي مرام : كنت خايفه على امي يصير لها شي ابو محمد : قالو لك باي مستشفى مرام : اي بمستشفى ...... ابو محمد : يلا انا رايح ولا تقولين لامك شي مرام : طيب انتهى توقعاتكم ؟ *اللهم اني استودعتك المملكه العربيه السعوديه واهلها اللهم احفظ بلاد الحرمين بحفظك اللهم آمين* | |||||||||
|
|
|
15-07-15, 05:21 AM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثامن : في بيت ام ثامر كان الجو متكهرب ايمان تبكي و ام ثامر وريما واحمد يهدونها ريما : ايمان لازم تعرفين ان لو صار لمحمد شي لا سمح الله هذا قضاء وقدر وانتي ما تقدرين تعترضين على قدرة ربك احمد : ايمان ترا محمد محتاج دعواتك بهالوقت ، دعواتك ممكن تفيده بس بكاءك مارح يفيده ايمان هدت : الله يقومه بالسلامه يا رب عند بيت ابو راشد كانت رنيم تكنس و ناهد ترمي الوصخ بالارض رنيم : ناهد خلاص ارمي الوصخ بالزباله ناهد : كيفي بعد رنيم : كيفك بس انا الحين قاعده اكنس ناهد طالعتها وسفهتها بعد ما خلصت رنيم قامت وهي باتجاهها الى المطبخ صدمت فيه رنيم اول ما شافته على طول حطت الطرحه فوق راسها راشد : ما تشوفين ؟! رنيم : اسفه " وركضت لغرفتها وقلبها يرقص من الخوف ولاحظتها ريماس وهي تركض" ريماس باستغراب : شفيها ذي استختفت ؟ بروح اشوفها "دخلت ريماس غرفتها شافتها تبلع حبوب رنيم اول ما شافتها بسرعه حطت الحبوب تحت المخده" ريماس بسخريه : شكلك ناويه يغما عليك مره ثانيه ويسوون معك تحقيق ما تتوبين انت رنيم : تراني بلعت حبتين بس وبعدين هذي فيفادول ريماس : اهااا ، شفيك قبل شوي تركضين كان احد لاحقك رنيم تذكرت الموقف وخافت وبارتباك : لا ولا شي ريماس بنبره كره : تعالي ساعدي الخدامات ب الترتيب يلاا رنيم قامت بكسل : طيب في المستشفى عند ثامر كان ينتظر الدكتور يطلع يبشره عن حالة محمد كان الوقت متأخر الساعه 1 الليل وللحين الدكتور ما طلع كان رايح جاي يفكر بالمصايب الي كثرت هاليومين شوي ويجي ابو محمد ابو محمد بخوف : ثاامر شفيه ولدي ؟ ثامر وهو يحس انه مخنوق : صار له حادث يا عمي ، والله يعلم بحاله ابو محمد : لا حول ولا قوة الا بالله ، الله يقومه بالسلامه بعد مرور ثلث ساعه خرج الدكتور ووجهه ابدا ما يبشر بالخير ثامر : دكتور شفيه محمد ؟ الدكتور : صار له نزيف داخلي عميق جدا وهو الان دخل بغيبوبه عند ثامر وابو محمد الي انصدمو رجعو بيوتهم لان وجودهم ماله داعي في بيت ام ثامر دخل ثامر ومبين عليه الحزن بسرعه جات ايمان عنده ايمان وهي تبكي وبخوف : ثامر محمد شصار له ؟ ثامر سكت ونزل راسه ايمان وهي تهز ثامر : ثامر تكلم قول شفيه ثامر بصوت مخنوق : محمد دخل بغيبوبه "وهو يوجه نظره لهم"ادعو له "وطلع فوق" عند ايمان انصدمت بقوة ما استوعبت الخبر وطبعا دخلت بنوبة بكاء في بيت اول مره نروح له خالد وهو ينادي : فرح ... فرح فرح جات : هلا خالد خالد : انا الحين رايح الشغل اذا تبين شي دقي علي وانا اجيك طياره فرح : ههههههه حبيبي تسلم ، انتبه لنفسك طيب خالد : من عيوني وانت بعد ، يلا مع السلامه فرح بابتسامه : مع السلامه فرح بعد ما طلع خالد من البيت : استودعتك الله التي لا تضيع ودائعه نعرفكم على فرح : طيوبه واخلاقها جميله تزوجتك خالد عن حب عند بيت ابو خالد كانوا كلهم قاعدين بالصاله بعد الي صار امس ابو خالد : ممكن تفهموني ليه الصراخ هذا كله ؟! شوق مقهورة وملاك خايفه تفضحها وتروح فيها نايف : تكلمو ! شوق ببرود : اسألوها توجهت انظارهم لملاك راكان : ملاك تكلمي تراكم تخرعونا ملاك : هه نخرعكم ؟ ليه راكان : من صراخكم الي واصل لسابع جار ملاك : ما كان فيه شي ! نايف : والصراخ الي سمعناه ؟ ملاك تبين ان مافيه شي وهي من داخلها مرتبكه حيل : كنا نلعب ! شوق انصدمت من ردها ابو خالد : تحسبينا اغبياء عندك ما ندري راكان : انتو ليه تسالون ملاك ملاك هذي وحده انا غاسل يدي منها من زمان واكيد كل الكلام الي تقوله كذب ف كذب سمر : صح كلام راكان ، شوق قولي شسالفتكم شوق : راح تنصدمون اذا قلت لكم ، عشان كذا مابي اقول ام خالد بخوف : قولي شوق بابتسامه : اختكم المصون هذي كل ما امر من غرفتها اسمعها تكلم واحد يعني انه حبيبها واليوم سمعتها تتفق معاه تطلع معها لا و اي اتفاق بعد تقول بقول لامي انا رايحه عند بيت صاحبتي بعدين بتروح عنده ، هذي اخرة الدلع والثقه سمر وام خالد انصدموا بس مو مثل صدمة ابو خالد و نايف وراكان راكان قام عندها وشد شعرها وبصراخ : والله يبي لك تربيه من جد وجديد "ودفها على الكنبه" طبعا محد اعترض ع الي سواه راكان لانها تستاهل كذا واكثر ابو خالد بصراخ : سمر ! سمر بخوف : نعم ؟ ابو خالد : جيبي جوالها من فوق وجيبيه لي بسرعه سمر نقزت : طيب ابو خالد مسك ملاك من شعرها وهو متجه للملحق : نايف راكان الحقوني "ومشو معه" شوق بضحكه خفيفه : ههههههههههههههههههههههههه ههه ام خالد وهي مصدومه من شوق : جد قليلة ادب اختك تنضرب وانتي قاعدة لي تتضحكين ! شوق : والله عاد هي الي جنت على نفسها محد قال لها تسوي كذا شوي وتنزل سمر ومعاها الجوال : وينهم ؟ شوق بابتسامه : بالملحق مشت سمر شوي بعدين وقفت وباستغراب : اي ملحق ؟! شوق : المكان الي محد شافه ! راحت سمر متجهة للملحق دخلته لاول مره شافت ابو خالد وراكان ونايف طايحين ضرب بملاك وملاك تصرخ وتبكي وتترجاهم يوقفون سمر خافت من المنظر : يبا هذا الجوال ابو خالد وقف ضرب وقالهم يوقفون كلهم خذ الجوال وقال لسمر تطلع ابو خالد : نايف افتحه وادخل على جهة الاتصال نايف : طيب "خذا الجوال بس كان فيه رقم سري" يبا فيه رمز سري ابو خالد وهو يناظر لملاك : انتي هيه وش هو الرمز السري ؟ ملاك : 8520 نايف فتحه ودخل على جهات الاتصال: فتحته يبا ابو خالد : دور على اسمه نايف : شدراني عنه يبا ابو خالد : شسمه ياللي ما تستحين ملاك بتلعثم : وليد ! عند بيت ابو محمد رجع ابو محمد وهو حالته زفت ام محمد : وين كنت يابو محمد لهالوقت ابو محمد : كان عندي شغل بسيط الا وين مازن ام محمد : بغرفته توه راجع ابو محمد بصدمه : توه راجع ! ام محمد : اي ابو محمد : طيب انا رايح اشوفه راح ابو محمد دق غرفة مازن ودخل لقاه قاعد على السرير ابو محمد : السلام عليكم مازن بدون نفس : وعليكم ابو محمد : ليه ما ترد السلام زين مازن سكت ابو محمد : ع العموم يا ولدي انا حاب اقولك كلمتين واطلع ، محمد فالمستشفى مسوي حادث وهو الان بغيبوبه ! مازن : طيب ؟ ابو محمد بصدمه : وش طيب ؟ لو اي واحد مكانك مات من الصدمه مازن : الي كاتبه الله بيصير ويلا تفضل ابي انام ابو محمد : جد قليل ادب ما تربيت مازن طنشه وغطا نفسه بالبطانيه ابو محمد طلع من الغرفه بيأس من مازن متجه لغرفة مرام دق الباب ودخل لقا مرام نايمه ابو محمد 9: السلام عليكم مرام : وعليكم السلام هلا يبا ابو محمد : ليه مو نايمه ؟ مرام بضيق : وين انام يا يبا واخوي بالمستشفى ، طمني عنه ابو محمد تنهد : شقولك ، محمد دخل بغيبوبه مرام شهقت بالخفيف ابو محمد : ادعي له تراه محتاج دعواتنا مرام : الله يقومه بالسلامه ابو محمد : اهم شي امك لا تدري ، ويلا انا طالع تامرين على شي مرام : سلامتك طلع ابو محمد من الغرفه متجه لغرفته عشان ينام بعد هاليوم المتعب عند ثامر كان يكلم غلا بالواتس غلا : ثامر انت قلت انك بتخطبني صح ليه ما جيت ؟! ثامر : غلا اعذريني ولد خالتي سوا حادث ودخل بغيبوبه وما قدرت غلا : خلاص خذ راحتك ثامر : تكفين غلا لا تزعلين مني والله كل شي صار فوق ارادتي غلا : لا عادي ما زعلت ، الظروف اقوى منك ثامر حمد ربه على انه حب وحده متفهمه وعاقله نرجع عند بيت ابو خالد والي يصير معهم ابو خالد : دور على اسم وليد نايف دوره ولقاه : لقيته يبا ابو خالد : خل راكان يتفاهم معه واحنا نشوف هذي ال#### ليه سوت كذا ! نايف : طيب "وعطاه راكان ،هو قال يعطيه راكان لانه يعرف يتكلم مع هالنوعيات" عند راكان دق عليه ورد وليد : هلا حبيبتي ملاك راكان انقهر حيل : اسمعني زين هالرقم ابيك تحذفه ولا تدق عليه سامع وليد : ومين حضرتك ؟ راكان : اخوها ، اذا كنت تبيها جد اخطبها ولا لا تلعب ببنات الناس وليد : ههههههههه لو انها بنت ناس كان ما عطيتوها هالثقه ولا ربيتوها اصلا راكان انقهر : انطم يا ### مربينها احسن منك لكن اشكالك الواطيه عرفت تلعب على هالضعيفه ! وليد : ضعيفه ؟ متربيه ؟ هههههههههههه انتو ما شفتو لبسها لما تجي عندي ما شفتو عبايتها لما اقابلها بالمول انتو وش شفتو فيها عشان تقول لي متربيه وضعيفه راكان انصدم معقوله كل هذا يطلع من اخته : ما ابي اطول مع واحد نفسك بس الرقم هذا اياني واياك تدق عليه مره ثانيه ساامع ! "وقفل" راكان استغل الفرصه دخل الواتس شاف محادثتهم انصدم من المكتوب بلاوي مشى باتجاه الملحق وهو يتوعد بداخله لملاك عند وليد : هين ان ما وديتك ورا الشمس يا ملاك ما اكون وليد ، ادري انها مالها دخل بس عشان اثبت للزفت اخوها حقيقة اخته ! عند ابو خالد شال الجوال من ملاك وحرمها من الطلعه نهائيا عند بيت ابو راشد كانوا كلهم قاعدين يتعشون مع بعض معدا رنيم تتعشا بالمطبخ بس تسمع وش يقولون "اصواتهم مرتفعه عشان كذا تجيها الاصوات هي مو قصدها تتسمع" ناهد : الا كم عمرك يا منار "هي عارفه الاجابه بس تبي تفشلها" منار وهي عارفه قصدها : 30 ناهد : ماشاء الله وللحين ما تزوجتي الي بعمرك متزوجه وعندها عيال ابو راشد بحده : ناهد ! ناهد : معي الحق والله ، للحين ما تزوجت وش ذا راشد : وانت شدخلك فيها يلعن ام اللقافه الي كذا ناهد : من حقهم والله قبيحه ماعليها شرهة الكل بصرخه : ناهد ! منار انقهرت منها حيل وقامت وراحت فوق ريماس : شفتي اختك ما كلت حرام عليك ناهد : قلعتها راشد : والله لو ابوي ما بيقول لي شي كان علمتك ان الله حق لكن مريضه نفسيه مالك علاج ابد "وقام متوجه لغرفة منار" ابو راشد : انا رايح مكتبي خلو الخدامه تجيب لي قهوه سديتو نفسي ، وانت ان سمعتك تجيبين هالطاري ما يحصل لك طيب سامعه ! "وقام" ناهد : اف شذا كل هذا عشان ست الحسن والدلال ريماس قامت من السفره من دون كلمه عند منار بغرفتها جاها راشد راشد : منار حبيبتي اعذريها بزر منار : اصلا انا تعودت على هالشي وصار عادي عندي ، من عوايدها راشد : لا تضيقين خلقك عشانها تراها ما تستاهل منار بابتسامه : من جد ما تستاهل ! عند بيت ام ثامر كانو ريما وام ثامر قاعدين بالصاله ام ثامر : ريما وين ايمان ريما : نايمه فوق ام ثامر بضيق : ما صارت طول وقتها بغرفتها ريما : من حقها يما خطيبها وكل دنيتها بغيبوبه اكيد بيصير لها كذا ام ثامر : بس ما يصير تحبس نفسها ما تطلع من الغرفه ابد ريما : الله كريم انتهى توقعاتكم ؟ | |||||||||
|
|
|
15-07-15, 05:22 AM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| البارت ٩ : بالشركه عند ثامر دخل السكرتير حقه يبلغه شي سالم : طال عمرك للاسف حصل اختلاس بالشركه ثامر بصدمه : نعم ؟ اختلاس! سالم : اي وتونا ندري ثامر : بسرعه بلغ الموضفين بالاجتماع سالم : حاضر حط ثامر القلم على الاوراق بقوة وهو يفكر بالمصايب الي صارت تجي كل يوم في بيت ابو راشد تحديد عند رنيم كانت بالمطبخ تنظف الصحون تعبت وحست ان يدها تشققت من التنظيف تركت الصحون وقعدت بالطاوله حست بالجوع سوت لها بيض مع شاهي وقعدت تاكل ، مرت ناهد شافتها قاعده جت عندها ناهد : هيه انتي امي ما قالت نظفي الصحون رنيم : نظفت بس برتاح شوي بعدين بقوم ناهد : بتقومين الحين ولا شلون رنيم بعدم اهتمام : باكل بعدين بقوم ناهد : طيب طيب رنيم ما اهتمت فيها وكملت اكلها راحت ناهد عند ريماس فوق ناهد : يما يما ريماس : نعم ناهد : انتي قلتي لرنيم تنظف الصحون صح ؟ ريماس : اي ناهد : الحين هي قاعده تاكل بالمطبخ والمواعين شكثرها بالمغسله ريماس : نععمم؟ "ونزلت لها تحت" ناهد ابتسمت ابتسامه نصر ريماس : ماشاء الله تبارك الرحمن رنيم انصدمت وما عرفت وش تقول ريماس : قومي قامت عليك القيامه رنيم قامت بخوف ولمت بقايا اكلها وقطته بالزباله ريماس : مين سمح لك تقعدين ؟ رنيم بتعلثم : خالتي انا جعت وقعدت اكل بس ريماس بصراخ : لا تقولين خالتي تخلخلت عظامك ، بعدين مو اول ما تجوعين تاكلين خلي عندك قوة شوي رنيم ما استحملت وانفجرت : والله لو حيوان ما تسوون لي كذا انا انسانه عندي حقوق اكل اشرب زي الخلق ماني عبده عندكم تمشوني على مزاجكم بعدين انا وحده اسوي الي اقدر عليه انتو تحملوني فوق طاقتي وهالشي انا مقدر اسويه واذا انتم ما تبوني انا ما ابيكم رجعوني بيت اهلي وارتاح منكم وترتاحون مني قامت وراحت غرفتها اما عند ريماس مصدومه لانها اول مره تنفجر كذا دخلت رنيم غرفتها وجلست تبكي راحت عند الدولاب فتحت الدرج خذت صورة جماعيه مع اهلها وهم مستانسين ضمت الصورة وهي تترحم عليهم وتتمنى انا ماتت معهم احسن من العيشه ذي حست راسها يعورها بقوة بلعت حبتين حطت راسها على راسها على المخده ونامت وهي تتمنى تنام ولا تقوم في بيت ام ثامر كان وقت غدا وكانوا كلهم موجودين معدا ثامر ام ثامر : ريما دقي على ثامر شوفي وينه تأخر ريما : طيب دقت عليه مرتين بعدين رد ريما : ثامر وينك ؟ ثامر واخلاقه بخشمه : بالشركه يعني وين بكون مثلا ؟! ريما : مو قصدي بس امي تسأل عنك يعني ما بتجي ؟ ثامر : بتأخر ويلا باي مشغول "وقفل" ريما باستغراب : وش هالنفسيه ؟! ريما : يما يقول مشغول وبيتأخر ام ثامر ارتاحت : خير ان شاء الله ام ثامر : احمد شلون رجلك احمد : زينه ام ثامر : تحس بالم احمد : لا الحمدلله ام ثامر : الحمدلله ، ايمان ليه ما تاكلين ؟ ايمان : شبعت الحمدلله "وقامت" طلعت ايمان فوق ودقت على الدكتور الخاص بحاله محمد ايمان : السلام عليكم الدكتور : وعليكم السلام ايمان : انا ايمان ابي اسالك عن حاله محمد عبدالوهاب ال .. يعني تحسنت ؟ الدكتور : للاسف نفس حالته ما تحسنت ، بس نقول ان شاء الله تتحسن ايمان : طيب مافي امل يقوم ؟ الدكتور : بهالفتره لا ايمان حست باحباط : مشكور يا دكتور ، واذا تحسنت حالته او صار له اي جديد دق على هالرقم وبلغني الدكتور : حاضر ايمان : مع السلامه "وقفلت" حطت جوالها على الكوميدينه وانسدحت بالعرض على سريرها وهي بداخلها تتفاءل ان ربي يقوم محمد بالسلامه بالليل عند مكان لاول مره نروح له كان قاعد في الشقه يشرب دخان وفي حضنه بنت وصوت الدي جي عالي حيل والبنات والعيال يرقصون والي اكثرهم مو عارفين وش قاعد يصير بسبب شربهم -والعياذ بالله- كان الخمر منتشر بكل مكان وانواع الشيش والحبوب كانو البنات والشباب بحاله غير طبيعيه نروح عند هالشخص بعد ما خلص تدخين دف البنت الي بحضنه لانه زهق منها شوي ويجي واحد ويمد له شيشه ابتسم له وقعد يشربها وهو يشوفهم مستانسين ترك الشيشه راح عند صاحبه ...... : مازن شفيك ؟ مازن : مافيني شي .... : طيب شفيك اليوم احسك مو مستانس بالعاده انت اكثر واحد يفلها مازن : لا بس احس اني مالي خلق .... : اها فهمت تبيني اونسك صح ؟ "وطلع حبوب منشطه ومدها له وهي طبعا مخدرات" خذ هذي تقدر تخليك باحسن حال مازن : يا شيخ روقنا توني مخلص 20 سيجاره وشارب شيشه ...: طيب شفيها اذا كملت وبلعت هذي مازن : تبيني ارجع البيت سكران ؟ ... : ههههههه ومين قال لك انك بترجع البيت ؟ حبيبي احنا بنقعد هنا لين نص الليل ويمكن ننام وبكره تقدر تروح مازن : مظبطين اموركم بعد ... : اي ، طيب يلا خنروح نشوف المزز هناك مازن وهو يمشي : هذولا مزز ؟ والله اشكالهم كانهم زومبي .... : ههههه امش يلا وراحو كملو الي كانو يسوونه في بيت ام محمد الساعه 1:30 الليل ام محمد كانت بالصاله رايحه جايه خايفه على ولدها لانه للحين ما جاء شوي وتجي مرام مرام : يما شفيك للحين ما نمتي ؟ ام محمد : اخوك يا مرام للحين ما جاء مرام : يما شفيك خايفه على مازن كالعاده تلقينه رايح هالاماكان وين تبينه يجي ام محمد : مو قصدي مازن مرام باستغراب : مين قصدك اجل ؟ ام محمد : محمد مرام ما عرفت وش بتقول جت بترقع الا وصوته يسبقها ابو محمد : لا تخافين على محمد هو مسافر وقريب بيجي ام محمد : كيف ما اخاف عليه وهو مادق وانتو ما طمنتوني عليه؟ ابو محمد : ماعليك بعدين بنطمنك عليه انتي الحين روحي نامي ام محمد : طيب "جت بتقوم بس تذكرت شي" على فكره ترا مازن ما جا ابو محمد : بيجي ان شاء الله ام محمد قامت وراحت لغرفتها ابو محمد : وانتي يا مرام ليه قاعده مرام : مافيني نوم ابو محمد جلس جنبها : تخبين علي يا مرام ؟ مرام تنهدت : خايفه على محمد يا يبا ابو محمد : الله يقومه بالسلامه مرام : امين ، يلا تصبح على خير ابو محمد : وانتي بخير وناموا ابطالنا متفاءلين بان غدا اجمل في الصباح الساعه 9 في بيت ابو خالد كانوا كلهم يفطرون معدا ملاك ، ملاك بعد الي صار تغيرت حالتها 180 درجه صارت ما تنزل تاكل معاهم واذا جاعت انتظرت يجي الليل وينامون عشان تنزل وتاخذ اكل وتطلع لغرفتها تاكل ، كانو في الصاله يفطرون ابو خالد : شلون الشركه يا نايف نايف : كويسه ، الا مادريت وش صار على شركه ثامر ؟ ابو خالد باستغراب : وش صار ؟ نايف : صار فيه اختلاس بشركتهم وثامر حالته صعبه ابو خالد : الله يعينهم نايف : طبعا ثامر سوا اجتماع وهم يحاولون يعرفون من المختلس ابو خالد : هذي شركه كبيره ومستحيل تخسر كثير حتى لو صار فيها اختلاس شوي تجي الخدامه معاها اكل وتطلعه فوق ام خالد : ميري الخدامه : نعم ام خالد : حق مين الاكل ؟ الخدامه : حق ملاك مدام راكان : انتو لا يكون تطلعون لها الاكل كل يوم الخدامه: ايوه راكان : وليه ما تنزل ان شاء الله شوق : من بعد هذيك السالفه ما صرنا نشوفها راكان : اصلا طبيعي ما بيكون لها وجه تناظرنا بعد الي سوته ابو خالد : ميري نادي ملاك ! الخدامه : طيب راحت الخدامه ونادتها ملاك بصدمه : نعم ! ابوي يبيني الخدامه : ايوة ملاك : قولي له نايمه مستحيل انزل الخدامه : بابا شوفي انا جيبي اكل حق انتي ملاك حطت يدها على راسها : غبيه ! خلاص روحي بنزل تنهدت ملاك وتشجعت وهي خايفه تشوفهم بعد الي سوته انتهى مواعيد تنزيل البارتات يوم الخميس - السبت - الاثنين | |||||||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
