|
عودة الماضي / للكاتبة aloxi_29 https://upload.rewity.com/upfiles/RZx88645.png بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته ، نقدم لكم رواية منقولة عودة الماضي للكاتبة aloxi_29 |
بسم الله الرحمان الرحيم ابداا لكم روايتي الاولى بعنوان " عودة الماضي " اتمنى ان تنال إعجابكم ابطال الروايه : ريم و فهد الشخصيات عائله عبدالله ال..... الاب: عبدالله 55 الام : عائشه 48 سنه ريم : 20 سنه عمار :26 سنه عائلة خالد ال.......... الاب : خالد 50 سنه الام : شيخه 40 سنه سعد : 23 سنه هاجر و زينب : 19 سنه و الشخصيات الباقية ستتعرفون عليها في احداث الرواية بسم الله نبدا |
البارت 1 في قاعة من القاعات الافراح الفاخرة و ليلة من ليالي السماء القمرية, ليلة ستشهد زواج " سعد و دانه " تدخل ريم غرفة تجهيز العروسه . ريم : السلام عليكم , ممكن ادخل دانه وهيه متفاجئه : ايوا تفضلي اكيد ممكن ريم وعيونها مليانه دموع متماسكه لا تصيح : كيفك و كيف التجهيزات ؟ خيفانه مرتبكه ؟! ما شاء الله طالعه قمر دانه تحضن ريم : والله اسفه مو قصدي اخذ سعد منك ريم و هيه تبادلها الحضن : لا تقولي كذا .. النصيب .. وسعد من نصيبك ي قلبي انتي ريم تبعد دانه عنها وتمسح دموعها: يالله ي عروس خلصي .. باقي شوي و نزفك دانه : ان شاء الله طلعت ريم من عندها و هي تدعي ربها يسعدهم ....... وقت زفة دانه انزفت دانه ب احلى زفات طلبتها ريم لها . وانزف سعد ب الزفه الي اختارتها ريم له ف الكوشه ريم : سلام عليكم , مبروك عليكم ,ما اوصيك ي سعد ع دانه و انتي ي دانه ما اوصيك ع سعد تركتهم بدون ما تسمع اي رد منهم . طلعت من القاعة متوجه للمطار ف المطار تنتظر طيارتها المتوجها ل المانيا جلست ف قاعة الانتظار باقي ع رحلتها ثلاث ساعات شافت نفسها و قالت ب نفسها : يالله حتى ما غيرت ملابسي ولا مسحت مكياجي كل الي سويته اخذت اغراضي و جيت للمطار مبتعده عن المكان الي يوجع قلبي . سكتت وهي تتذكر كل لحظه عاشتها ب حب سعد . نزلت دموعها تحرق خدها . تبغئ تنسى كل لحظه تذكرها بحب سعد . ف الفندق بغرفه من الجناح الفخم الملكي و عند المعاريس كانت تبكي و تقول دانه : ابي ريم جيب لي ريم اهئ اهئ .. سعد ما عارف شو يسوي : دانه هدي شوي وش جاب سيرت ريم الحين دانه و صياحها زاد :قلت لك ابي ريم "بترجي " الله يخليك اتصل لها ابيها اهئ اهئ اهئ سعد بلا حيله : تمام بتصل لهاا بس انتي هدي . اخذ الجوال وطلع من الغرفه ويدور ع رقم ريم ف بيت ام سعد بغرفه كانها قصر جالسه ام سعد ع سريرها الملكي و هي تقول ام سعد : اه ي بوسعد اليوم زوجنا سعد يارب سامحني زوجت ولدي ب الغصب . غصبا عني والله بس بيجي يوم و بيعرف الحقيقه الحقيقه الي خلتني ما اواقف ع ريم ف المطار ريم متكيه راسها ع الكرسي و سرحانه بحياتها الجديده و قرار تكملت دراستها الي اتخذته فجأة و بين سرحانها يقطع عليها صوت جوالها . ريم وهي تدور الجوال ف شنطتها ريم : اففففف من الي داق علي الحين ريم منصدمه من الاتصال . وقفت شوي محتاره ترد ولا لا ريم : الو هلا سعد : هلا حبي.... "انتبه ع نفسه هو الحين رجال متزوج " هلا ريم ريم انتبهت بس طنشت : هلا سعد سعد : ريم انتي وين ابيك ضروري ريم و قلبها يدق : خير! وش صاير فيك ؟ دانه فيها شي؟ سعد : لا انا بخير بس دانه تبيك ما ادري شفيها تبكي و تقول جيبولي ريم ما عارف كيف اتصرف ريم : انتو بأي فندق ؟ سعد : فندق ال....... ريم سكرت الجوال و طلعت من المطار و ركض ع الفندق عند المعاريس سعد وهو يمسح ع شعرها : هدي ي ريم هدي دانه ف قلبها : اااه بعدك تحبها كلها كم دقيقه و جرس الجناح يندق . توجه سعد للباب و فتحه ريم : وين دانه وينها سعد : تفضلي طلعت دانه من الغرفه و ركضت ل ريم ريم وهي تحضن دانه : ايش بك خبريني . دانه تبتعد عن حضن ريم و تشوف سعد دانه : سعد " وهي ماده ايدها له تبغيه يقرب منها " قرب سعد منها و مسك ايدها صارت دانه ماسكه يد ريم ع اليسار و سعد ع اليمين دانه : انا اسفه لاني فرقت بينكم ريم و سعد : لا تقولي كذا سعد : وش ذا الكلام الحين . دانه :اسمعني انتو الاثنين يوم ملكتنا ............................................ نرجع ليوم الملكه ام سعد : ككككللللللللللللللووووووو وووووشششششششش مبروك ي ولدي الف مبروك ام دانه : مبرووك ي ولدي الله يوفقكم ما اوصيك ع بنيتي خليها بعيونك الا دانه ما بيك تزعلها سعد وقلبه يتقطع لانه ملك ع بنت مغصوب عليها بابتسامه تخفي اوجاعه: الله يبارك فيكم . ان شاء الله يا عمتي لا تحاتي دانه ب عيني . عند البنات هاجر "اخت سعد " :مبروك دندونه اخيرا صرتي زوجة اخوي زينب : اقول تشب " و تشوف دانه" الا اخوي جاء حظه من السماء وش ذا الزين كله دندون ريم و ماسكه نفسها عن تبكي : مبرووك حبيبتي دندونه عااد زنوب و هجور ما اوصيكم ع حبيبة قلبي تراهاا صديقة الطفوله دانه و هيه مستحيه : الله يبارك فيكم عقبالكم ان شاء الله هاجر و زينب :اميين الله يسمع منك هههههههههه قالوهاا ع دخلت ام دانه و ام سعد ام سعد : استحوا ع وجهكم وش ذا الكلام ام دانه : سكتي ي شيخه في ها الزمن البنات ما عاد فيهم مستحى الكل ما عدا ريم : هههههههههههههههههههه ام سعد : ريم بنتي وين امك ريم :امي برع مع الحريم ام سعد : روحي ناديها ريم : ان شاء الله يا عمه ام دانه : و انتو بعد لحقوها هاجر و زينب : ان شاء الله هههههههه و طلعوا و ام سعد و ام دانه يهنو دانه عند الرجال بعد ما باركوا لسعد سعد بنفسه : انا لازم اعطي المذكره ل ريم . اااااه ي ريم وينك بس ابي اشوفك مره وحده عند ريم ريم : افففففففف وينهاا امي الخدامه : مدام ريم مدام ريم ريم : نعم الخدامه : مدام ريم ماما عائشة قول هي في روح بيت عشان بابا مال انت تعبان ريم :ابوي ! وش فيه ابوي ريم مسكت جوالها اتصلت ل امها عند دانه دانه : يمه خايفه قولوا له مو لازم يشوفني ام دانه : يمه منكم انتوا البنات الحين خفتي وين قبل ." واهيه تقلد دانه " مافي احلى من الزواج اقول بطلي ذي الحركات الحين بيدخل الرجال عند سعد سعد : يارب اشوفهاا ابغى اعطيها المذكره بعد ما دخل ع دانه و جلس ساعه معها و تكلموا دانه : افففف و ربي بغى قلبي يوقف خل اروح عند البنات و هي جايه تقوم لمحت المذكره دانه : وش ذا هذا كان ماسكه سعد يوم دخل خل اقرأ الي فيه يمكن اعرف شي عنه بالليل ف غرفه دانه دانه و هي تبكي : اه ي قلبي راح اتزوج حبيب صديقتي نرجع للواقع داانه :................... و كذا عرفت انكم تحبوا بعض سعد و ريم منصدمين دانه : ابيكم تجلسوا مع بعض شوي ريم : بس قاطعتها دانه و قالت : لا بس ولا شي يالله انا طالعه و طلعت و خلتهم ظلوا يناظروا بعض مدة من الزمن سعد : ريم اناا اس ريم قاطعته : لا تتاسف الي صار غصب عني و عنك و دانه بنت مافي احسن منها جمال و اخلاق و كل شي و اتمنى انك تهتم فيهاا و ما تزعلها ولو اشتكت منك انا بوقف بوجهك ريم صارت تبكي سعد قرب منها : و انتي مافي احسن منك ي ريم انا احبك انتي و عشان حبك ضحيت بكل شي بس ما قدرت اعصي امي لانها قالت راح تتبرى مني و انا مالي غيرها من بعد الوالد الله يرحمه حبي لك راح يظل ف قلبي ريم بعد ما سمعت كلامه و سكت تركته و راحت للباب فتحت الباب و شافت دانه جالسه ع الكنبه راحت لهاا و جلست قداها ريم و باين الدموع ب عينهاا : انا بسافر و ما ادري متى ارجع دانه : شو وين و متى و ليش ريم :وين ما راح اقول و ليش بكمل دراستي و متى طيارتي بعد اممم "و هي تناظر الساعه " بعد ساعه قامت ريم و توجهت للباب و قبل لا تطلع ريم : دانه لو جبتوا بنت لا تسموها ع اسمي و طلعت وركضت متوجهه للمطار عشان الطيارة اما دانه و سعد ف بدوا حياتهم خايفين كيف راح يعيشوا مع بعض بس كل واحد وعد نفسه انه يسعد الثاني عشان وصيت ريم لهم ف بيت ابو عمار عبدالله : سافرت بنيتي و من الحين لها وحشه بالبيت عائشه : اي والله ما كذبت يا عبدالله عمار : والله اختي حبيبتي مفتقد شطانتها ب البيت و صوتها الله يعيناا ع فراقها ابو عمار : هي طلبت الدراسه الله يوفقها و يحميها ي رب عايشه و عمار : امين يا رب ف المطار ف الحمام المخصص للنساء البنت 1 للبنت 2: هذه مو ريم عبدالله ال.... النت 2 للبنت 1 : ايوا هي اقولك معهم عرس اليوم و الحين مسافرة البنت 1 : والله ثيابها كيوت ريم تسمع و ساكته مسحت مكياجها و ما حطت شي بوجها غير كحل اسود يبرز جمال عينها الخضراء و روج وردي ع شفايفها الصغيره التوتيه بس ما بدلت ملابسها وعدلت شكلها و شيلتها و عباتها اثناء ما هي تترتب سمعت : النداء الاخير لطياره المتوجه الى المانيا رقم 1434 ريم سمعت النداء و طلعت من الحمام و هي تركض للطياره . ما انتبهت للي يمشي قدامهاا و اصطدمت فيه ريم : اي راسي الولد : تبيني احضنك�� ريم رفعت راسها له : خير ؟!�� الولد و هوو متخدر انسحر من جمال عيونها : لبيه هاا العيون الخضر امووت انا ريم دفته عنهاا و جلست تتحرطم :غبي حقير نذل ما يستحي ع وجهه كيف يقول ل ريم عبدالله ال..... كذا ركبت الطياره و ربطت حزامها منتظرة الطياره تقلع و هي تتذكر كلام ابوهاا ابو عمار : يبنتي خليني اوصلك و اتطمن عليك ريم: لا بابا انا ابغي اروح وحدي عمار : تمام روحي وحدك بس روحي بطيارتنا الخاصه ريم : لالالا ما ابغي . ابي اعتمد ع نفسي ما ابغي حد يعرف اني من عائله معروفه عائشه : ي بنيتي وين بتسكني اعطيك مفتاح شقتنا الي ب المانيا ريم و ماسكه دموعها : بابا ماما عمار افهموني ابغي اروح وحدي ما ابغي حد معاي ولا شي يدل على اني غنيه قطع عليها سرحانها شخص يجلس ب الكرسي الي قدامها لفت عليه و شافته و رجعت تناظر من شباك الطياره و فجأة توقفت كل افكارها و لفت وجهاا له و شافته و قاالت ريم :..................... ي ترى ريم من شافت ؟ و شو السر الي مخبتنه شيخه عن الكل و خلاها تفرق بين حبيبين ؟ شو بصير ل ريم ب المانيا ؟ توقعاتكم .. |
البارت 2 قطع عليها سرحانها شخص يجلس ب الكرسي الي قدامها لفت عليه و شافته و رجعت تناظر من شباك الطياره و فجأة توقفت كل افكارها و لفت وجهاا له و شافته و قاالت ريم : انت يا حقير الولد : هلا والله بالزين كله وش ذي الصدفه انتي يا ام عيون خضر ريم و هي فاتحه عيونهاا ع الاخير : لا هلا و لا سهلا الولد مد يده : هلا انا فهد ريم و هي تشوف ايده و رفعت عيونها له : ما اتشرف فهد و هو راص ع اسنانه : انزين سلمي عشان الناس ريم تلف وجها ع شباك الطيارة و تطنشه و قالت و هي لافه : لو ما تعلمت الدين انا اعلمك " لفت له " ما يجوز اتسلم ع بنت ما محلله لك "ابتسمت ابتسامه جانبيه و لفت ع الشباك فهد نزل ايده تفشل قال بنفسه : ما عليه ي " جلس يفكر شو يسميها لنه ما يعرف اسمها " هههههه ما عليه ي ام عيون خضر والله لا اوريك ع التفشيله الي فشلتيني اياها ما انا فهد ال...... الي اتفشل ربط حزامه و عدل جلسته . بعد كم دقيقه قلعت الطياره متوجه ل المانيا في مكان بعيد عن ابطالنا ف بيت كبير مثل القصر مكون من ثلاث طوابق مع حديقه كبيره و ف الحديقه حمام سباحه يدل على العز و الغنى اللي تملكه العيله برا عند الحديقه , إسحاق "ابو فهد ":ي ام فهد خلي الولد بحاله وقت ما يبغى يتزوج هو بنفسه بجي بخبرك حفصة " ام فهد" : متى ي ابو فهد متى ،الولد معاند تقطع عليهم الخادمة الخادمة : مدام غرفة السيد فهد جاهزه حفصة : حسنا شكرا يمكنك الانصراف إسحاق : الا فهد متى يوصل؟ حفصة:الساعه 7 المغرب إسحاق : ع خير ان شاء الله فترة هدوء حفصة بعد تفكير : الا ي إسحاق ما اشتقت لبلدك إسحاق و القهر والالم والهم باين ف عينه : الا ميت شووق لهاا لكن ما اقوول غير حسبي الله و نعم الوكيل على الي كان السبب ببعدي عن ديرتي حفصة وهيه تحاول تقنعه : صار لنا اكثر من 20 سنه عايشين هنا .. خل نرجع البلد .. اكيد السالفه اتنست ي إسحاق إسحاق وهو يرجع راسه على ورى و يسنده عالكرسي : اه ي حفصه .. رجعت فهد البلد غلط غلط كبيير ، يا ليتني ما خبرته الي صار و خليته يكره عمامه حفصة بجديه كبيره تبين القهره الي فقلبها : بس هو لازم يعرف الحقيقه لازم يعرف الي صار و سبب عيشتنا ب المانيا كل ها سنين إسحاق بلا حيله حفصة: لا تندم ولدك راح يجيب حقك و حق هاا السنين الي ضاعت عند ابطالنا وصلت الطياره الى الاراضي الالمانيه ريم وهي تنتظر حقيبتها ريم بملل : افففففففففففف وينها ذي سمعت صوت من ورى : لالالالالالا الحلو ما يجووز عليه الضيق ريم ب عصبيه : خير وش تبي تلاحقني فهد : جاي اخذ اغراضي ريم وهي تسحب شنطتها و معصبه : تماام بس ابعد عن طريقي فهد يرفع يده كنه ما مسوي شي : تفضلي ي قمر ريم عطته نظره و مشت و هي تمشي قالت : حقير فهد :ههههههه ريم واقفه تنتظر التاكسي بملل فهد : اوصلك ريم بدون نفس و بنفسها : ياربي وش ذا اللزقه : مشكور اهتم بنفسك فهد ببتسامه وهو يناظر الشارع : ما خبرتيني شو اسمك صرنا اصدقاء ريم وهيه تناظره : اصدقاء ف عينك فهد وهو يضحك: ههههههههههههه ي ام عيون خضر ليش معصبه ريم بملل : افففففففف فهد وهو يشووف سياره الروز رايز : حلو وهذا السائق وصل يالله ركبي ريم تشوفه و الشرار يطلع من عينها و بصراخ : ماني رااكبه مع واحد حقير مثلك فهد و بدا يعصب : لاتصرخي فاهمه . عساك تموتي هنا وش دخلني فيك انا ريم بصوت واطي : حقير ريم لمحت تاكسي رفعت ايدهاا تاشر عليه :تاكسي وقف التاكسي ل ريم فتحت باب و ركبت ، جت بتسكر الباب بس فهد اسرع منها مسك الباب و قال فهد وهو يناضر عيونهاا : انزين ماشي مع سلامه ريم وهيه تحاول تمسك اعصابهاا : خير و سحبت الباب عنه و سكرته و طلبت من صاحب التاكسي يتحرك فهد ضحك من كل قلبه عليها و توجه للسياره وهو يقول بنفسه : وين بتروحين رااح التقي فيك بيوم فهد ركب السياره وستقبله السائق الشخصي له السائق : الحمدالله على السلامه سيد فهد اتريد الذهاب الى البيت مباشره ام الى ... فهد يقاطعه : اذهب الى البيت السائق : حسنا سيدي عند ريم صاحب التاكسي : إلى اين انستي ريم ب تعب : إلى فندق ...... من بعد اذنك صاحب التاكسي : حسنا انستي نرجع لي اراضي الوطن الصبح يشرق ع وطنا الحبيب . فبيت ام سعد كانت جالسه تجهز لستقبال العريسين قبل لا يسافرو شهر العسل ام سعد وهيه تكلم الخدم : ميري لا تنسي الحلا حطيه ف الثلاجه هاجر و زينب نازلين من الدرج وهم يتناقشو مع بعض ام سعد انتبهت لهم ام سعد : ي بناات انتو ما تجهزتوو بعدكم ترى بعد شوي بجي اخوكم و زوجته زينب بملل : يمه امس متكشخين بعد اليووم ترجع نتكشخ ترى محد غريب اخوي و زوجته هاجروهي تسحب زينب عشان يطلعو فوق : ي مجنونه تعالي نروح نلبس شي عدل يمكن زوجت اخوي تزوجناا خوانهاا زينب بتفكير : هيه والله ما كذبتي يالله و ركضو ل غرفهم يتجهزو ام سعد فاتحه ثمها منصدمه من الي تسمعه ام سعد وهيه تضرب كفوفها ببعض : لا بالله انهبلو البنات ما في مستحى . وين ايامنا احناا من نسمع طاري الزواج نموت من الخوف راحت اتكمل باقي التجهيزات نرجع عند ريم بعد ما وصلت الفندق ريم للمضيفة : اهلا لقد حجزت معكم منذ اسبوع المضيفة : اهلا بكِ انستي . باسم من كان الحجز ريم : ريم عبدالله ال...... المضيفة : نعم انستي يود حجز باسم ريم عبدالله ال.... " المضيفه راحت جبت المفتاح مال الغرفه و رجعت ل ريم " تفضلي مفتاح الغرفه ريم ي فرح و اخيرا بتناام تعباانه حدهاا : اشكركِ كثيرا ريم راحت الغرفه الي كانت ب الطابق السابع الغرفه رقم 606. دخلت ريم الغرفه، كانت عباره عن غرفه كبير مره يتوصتها سرير كبير لشخصين عاليسار كان في مطبخ مفتوح و عاليمين كان في ممر يوصل لغرفت الملابس و الحمام و بوجه السرير كان في تلفزيون معلق ع الجدار توها جايه تفصح عباتها ولا يرن جرس الغرفه راحت فتحت الباب كان سيرفس روم جايبين حقايبها و اغراضهاا اخذتهم عنهم . رتبت اغراضها ف الخزانه و خذت بجامه لها عباره عن قميص بدون اكمام لون الفوشي و منثور عليه ورد النارجس الابيض و شورت ابيض فنهايته شريط ينربط بلون الفوشي . وراحت تاخذ حمام ساخن تريح اعصابهاا بعد ما استحمت رمت نفسها ع سرير و نامت من التعب ف اراضي الوطن ام سعد بعد ما خلصت تجهيز جالسه ب الصاله الي تحت ناطره ولدها و زوجته هاجر و زينب جالسين معاها زينب بملل: افففف افففف وينهم ذيلا هاجر ب ضيق وهيه توجه الكلام لامها : يمه معااهم نص ساعه لو ما جو بروح اناام ام سعد وهيه اتشوف الساعه : الساعه 12 المساء و بعدهم ما جو ربي حفظهم دخلو سعد و دانه عكلام ام سعد سعد وهو يرد ع امه : وصلنا يمه اتطمني ما فينا الا كل خير ام سعد و البناات لفو وجهم على سعد و دانه سعد و دانه يسلمو على ام سعد سعد وهو يقبل راس و يد امه : كيفك ي الغاليه ؟؟ ام سعد وهيه تمسك دموعهاا : الحمدلله ي ولدي دانه تسلم على ام سعد و تبوس راسها : كيفك ي عمتي ام سعد وهيه تتفحص دانه و اتشوف شكلهاا : الحمدلله حبيبتي بخير داامك بخير بنفس الوقت الي ام سعد اتسلم على دانه ،زينب و هاجر كانو يسلمو على سعد زينب و هاجر: اخونا كيفك بعد اليله المتعبه " ويغمزو له " سعد وهو منصدم من جرائة خواته : استح على وجهكم انتي وياهاا يسعد ف قلبه " كاانت ليله سوده " ابتسم ابتسامه جانبيه لا تعبر عن الذي بداخله و جلس على الكنبه " الغنفه " زينب و هاجر ضحكو على اخوهم و راحو عند دانه و سلمو عليها جلسو يسولفوو وبعدين راحو يتغدو على الغداء زينب وهي تغمز لهاجر و تلف على دانه : اقول دندوون شكلك تعباان هاجر اترد على زينب : شكله اخووي مسوي شغله و ما راحمنها زينب و هاجر : ههههههههههههه ام سعد بعصبيه : استحو على وجهكم وش ذا الكلام الي تقولو ها عند دانه ف قلبها : ااه كانت ليله سوده لو يعرفو وش صار بس "وهيه تتذكر الي صار " .................................................. .. انتها البارت توقعاتكم ليش اهل فهد عايشين ب المانيا ؟؟ وش السر الي خل فهد يرجع بلده بعد مروور كل السنوات الي عاشها ب المانيا ؟؟ هل فهد راح يلتقي ب ريم مره ثانيه مثل ما قال ؟؟ وين المكان الثاني الي يقصده سائق فهد الشخصي ؟؟ وش صار ل دانه و سعد بعد ما راحت ريم عنهم ؟؟ |
المغرب قصة بدايتها رايعة ومشوقة مدام فيها اسرار ماشاء الله عليك |
المغرب قصة بدايتها رايعة ومشوقة مدام فيها اسرار ماشاء الله عليك |
احس ان الرواية مشوقة ارجوا لك التوفيق والاستمرارية |
المغرب بداية القصة روعة ارجو لك التوفيق والاستمرارية |
عودة الماضي المرير مشكوريييين على الرواية اريد تحميلها وشكرا |
| الساعة الآن 07:30 AM |
Powered by vBulletin®
Copyright ©2000 - 2024, vBulletin Solutions, Inc.