26-06-16, 03:57 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  انا و زوجي، بقلم / مثقفة ، سعودية (مكتملة )
التعديل الأخير تم بواسطة فيتامين سي ; 26-06-16 الساعة 04:17 AM | |||||||||||||||||
|  |
|
29-06-16, 08:10 AM
| #2 | ||||||||
| مراقبة عامة ومشرفة منتدى الروايات المنقولة
|   >>>>> الجزء الاول <<<<<<<< ناضرني بحب وشغف وقال حبيبتي تعبانة ابتسمت وقلت يعني شوي بس مادامني معك ما احس بتعب بتسملي بتسامتة الي تذوبني وقال طيب وش رايك ننزل نرتاح شوي قلت بس ماودي نتااخرعلى اهلك وانت مواعدهم نوصل عندهم على المغرب قال عادي اهلي ينتضرون اهم شي راحتك قلت خلاص على راحتك وصلنا غرف على الطريق نزلنا واخذنا لنا غرفة نرتاح فيها رحنا للغرفة دخلت وعلقت عبايتي وقفت قدام المراية اعدل شعري شفت زوجي جاي من وراي قعد يلعب بشعري قال زوجي تصدقين حبيبتي شعرك يجنن استحيت بس قلت بدلع يا سلام يعني بس شعري يجنن ولا انا شينة دارني لجهتة بسهولة ومسك وجهي بيدينةوقال حرام عليك احد يشوف هلقمر ويقول شين حمرت خدودي ونزلت راسي احس توي ماتعودت على تغزلة فيني صار لنا سبوعين متزوجين وهاذي اول زيارة لا اهلة بعد زواجنا هويشتغل بنفس المدينة الي فيها اهلي رفع وجهي بيدة وقال يا حبي للي يستحون قلت وليد خلاص قال وشو الي خلاص ملك خلاص مني اتتي حلالي .. قلت ابي اغير الموضوع :طيب انا جوعانة قال طيب انتي رتاحي وانا بروح اجيب شي ناكلة :طلع وسكر الباب رحت وجلست على كنبة وريحت راسي بعد التعب وانا افكر بزواجي من وليد وشلون بعيش حياتي لو ما كان فيها كنت مثل كل البنات همي درا ستي وطلعاتي وفي يوم جات امي ودقت علي باب الغرفة:رديت عليها بصوت كلة نوم نعم مين قالت امي افتحي يا نورة يم سمعت صوت امي نقزت من سريري وفتحت الباب قلت هلا واللة امي مشرفتني اليوم تفضلي وبست راسها ابتسمت امي وقالت ماتجوزين من هبالك قلت اللة يسامحك هاذا وانا اهلي فيك راحت امي وجلست على طرف السرير وقالت ماعلينا تعالي بكلمك في موضوع جيت وجلست جنبها على السرير قلت بهتمام خير يمة وش الموضوع قالت امي اليوم جاني اخوك ناصر يقول فية ناس متقدمين لك :كنت اسمع كلامها وانافاتحة فمي من الا استغراب ما فكرت يجي اليوم الي انخطب فية بهالسرعة احس توني صغيرة على زواج ومسئولية وقفت وانا متوترة :واحس بخوفقلت بس يمة اناتوني صغيرة على الزواج وبعدين نسيتي الي حصل لختي مها وش استفادت من الزواج زوج يضربه ويهينها واخرشي يطلقها وير ميها في بيت اهلها قالت امي وهي تحاول تهديني يا حبيبتي يا نورة لا تحسبين الرجال كلهم واحد يعني اختك مها هاذا نصيبها الي اللة كاتبة لها وبعدين الي متقدم لك واحد معروف وهو صديق اخوك ناصرالروح بلروح وانتي تعرفين ناصر مايصادق اي احد قلت وانااحاول القا اي عذر طيب نا صر كبيرواكيد صديقة بيكون بعمرة يعني كبير علي ابتسمت امي وقالت بطولت بال اعتقد عمر التسع وعشرين عمر معقول قلت :بس انا توي ما كملت ثالث ثانوي قالت امي وهي تمسح على شعري على العموم انتي فكري على راحتك ونشاء اللة يكتب الي فية الخير وطلعت من عندي وتركتني في دوامة من التفكير والحيرة >>>>> صحيت من ذكرياتي على صوت وليد وهو يدخل الغرفة شا يل الا كل قال وش فية الحلو سرحان تعدلت بجلستي وقلت ابدسلا متك قال طيب تعالي ناكل علشان ما نتائخرجيت وجلست جمبة وقعدنا ناكل قلت وليد :قال سمي قلت تتوقع اهلك يتقبلوني ويحبوني :قال اكيد من هناحية لا تشيلين هم اهلي حبوبين وجتما عيين ودايم يسئلون عنك قلت تصدق احس انيخايفة تعرفهاذي اول مرة ازورهم بعد زوجنا حس وليد بخوفي حط ايدة على كتفي وضمني لةوقال لا تخافين حبيبتي وانا معك حسيت بل امان والراحة وقلت اللة لا يحرمني منك قال طيب جاهزة نمشي لبست عبايتي وركبنا سيا رتنا ومشينا >>>>>> وصلنا بيت اهلة كان بيت كبير وفخم يعني تقريبا قصر نزلنا من السيارةوتقدم وليد يفتح الباب وقفت جمبةوانا احس بخوفي يزيد اكثر مسكني وليدمن ايدي وشد عليهاومشينا لداخل البيت دخلنا البيت ماشاء اللة بيتهم كبير احس اني تعبت لين وصلنا مدخل الصالةوحنا جايين ندخل جت بنوتة صغيرة تركض كان شكلها روعة لابسة فستان زهر علاقي وهي دبدوبة شوي عمرها تقريبا خمس سنواترمت نفسها على وليد انت جيت رفعها وليد وهو يبوس فيها وشلونك رهومتي كان يكلمها وهي تنا ضرني ومبهته:قالت وليد هاذي عروستك قال اية وش رايك فيها قالت عروستك حلوة مرة انهبلت عليها وقلت انتي الحلوةدخلنا وكان فية مراية في المدخل رحت اعدل مكياجي مررت الفرشة في شعري وهو اصلن ناعم وليد كان ينتضر ني مشيت وانا احس دقات قلبي تزيدواحس اني متوترة مرة توكلت على اللة ودخلنااستقبلتنا ام وليد وهي تقول حيا اللة من جانا نا راح وليد يسلم عليهااللة يحييك ويبقيك يلغاليةرحت اسلم عليهاسلمت علي بحرارة وحب قالت هلا واللةبنورة تو مانور البيت استحيت منها وقلت البيت منور با اهلة جو البنات خوات وليد وسلمو علينا وجلسنا شوي نسولف بصراحة ارتحت لهم مرة احس انهم طيبين ومتواضعين ×××××× بعد ما جلسنا معهم شوي وتعرفت عليهم اكثر رحنا انا وليد لقسمنا الي هو عيبارة عن شقة صغيرة تصميمها حلو واثاثها يجمع بين الفخا مة والانا قة بنفس الوقت جلست وانا حس بتعب بكل جسمي جا وليد وجلس جمبي قال وش رايك بااهلي قلت بصراحة ياوليد ماتتصور شكثرا رتحتلهم احس كانهم اهلي سمعنا احد يدق البا ب قام وليد يفتح لقاها الخدامة جايبة الشنط دخلهن وليد قمت اخد شنطتي عشان اخذلي حمام دافي يريح اعصابي بعد هتعب اخذت شنطتي وطلعت لي ملابس ورحت للحمام ++++ بعدوقت طلعت من الحمام لقيت وليد متسند على السسرير ونايم رحت لبست لي قميص نوم حلو ناعم مخصر على جسمي قعدت اسرح شعري بالمشط علشان يجف وانا اناضر وليد رغم وسا متة بس ملامحة حادة وخشنة احس فية شي جذاب كنت اناضرة وسرحانة مانتبهت الا وليد يقولي يا سلام هالكثر شكلي حلو تفشلت وحمر وجهي هلحين وشبيقول عني قلت وانا احاول اصرف الموضوع شكلي تائخرت عليك ابتسم وليد بمكر وقل يعني بتضيعين السالفةوانتي تعرفين جزاء الي مايعترف عرفت وش يقصد لاني بهل السبو عين جربت هلعقاب كم مرة حاولت اركض للغرفة الثا نية بس كان هو اسرع مني ومسكني قلت لا وليد اللة يخليك اعترف بكل شي بس لا تعا قبني قال زين بس علشان بننزل نتعشا معاهلي اخاف يشوفون اثار الجريمة ويقولن وش هالوحش لي معضض خدودك كذا تركني وراح ياخذثياب علشان ياخذدش قبل ما ننزل رحت ابس واكمل مكياجي لبست بلوزةحمرا وتنورة بيضا قصات وحطيت مكياج خفيف وكحل داخلي ومسكر ةوحطيت روج احمر بلمعة ذهبية رفعت نص شعري بشباصة وطيحت كم خصلة على وجهي ناضرت بشكلي مابقي غير رشت عطر وخلصت انتضرت وليد لين خلص ونز لنا جميع ******* لقينا ام وليد جالسة هي والبنا ت ندى ورهف و ريها م منسدحة على بطنها وتلون جلسنا معهم قالت ام وليد ها يانورة بشري عسى عجبك القسم قلت قلت اي واللة عجبني روعة قالت رهف بلقا فة اكيد بيعجبها مدا م من اختياري قالت ندى ومن قال انة كل شي من اختيا رك بتسمت على منا قرهم وتذكرت منا قرنا انا واختي مها جلسنا نسولف شوي قالت عمتي ترانا بكر عازمين عمامك وعماتك على شرف نورة حسيت وليد تغير وجهة يوم قالت عماتك بس حاول ما يبين وقال اللة يحييهم بعدين قمنا نتعشا ورحنا انا وليد لقسمنا ننام بعد هاليوم الحافل ********** اليوم الثاني نزلنا نتغدا مع اهل وليد وحا ولت اساعد البنات باالي اقدر علية خلصنا على الساعة خمس العصر دخلت غرفتي استعد رحت اخذت لي دش سريع طلعت من الحمام لبست فستان فيروزي وفية تدرجات البني والذهبي ستشورت شعري وخليتة سايح على ضهري ما سويت فية شي حطيت مكياج ثقيل شوي رسمت عيوني باالكحل وحطيت روج بني فاتح خلصت الساع سبع المغرب مريت على البنات لقيتهم مخلصين نزلنا جميع لقينا البيت منترس حريم مشا اللة زوجات عمام وليد وبناتهم وزوجات عيالهم وعماتة وبناتههم سلمنا عليهم وام وليد كل ماسلمت على وحدة من الحريم تعرفاني عليها خلصت مسلمة عليهم وجلست عند عمتي ام وليد ناضرت من بعيد بنتين ينا ضروني بحقد وحدة منهم شوي وتاكلني بعيونها استغربت من نضراتهم بس حاولت اتجا هلهم بعد ساعتين تقريبا على الساعة عشر قمنا نتعشى بعد العشى رحت اغسل يديني لمحت البنتين الي كانو يناضرون بي وحنا جالسين يطلعن من المغاسل بس شكلهم ماشافوني سمعت وحدة من البنات تقول لثانية طيب انتي وشحارق اعصابك خلية يتزوج ردت عليها الثانية وشكلها منقهرة وشلون ماتبيني اهتم وانتي تدرين ان وليد كان زوجي قبل مايصير زوجها ابتعدو ما سمعت باقي كلا مهم حسيت النيا تدوربي حاولت اتمسك بطرف المغسلة علشان ما اطيح سحبت نفس وانا احا ول اتماساك معقولة وليديكون متزوج قبلي>>>>>>>> نهاية الجزء التعديل الأخير تم بواسطة فيتامين سي ; 29-06-16 الساعة 09:05 AM | ||||||||
|
| |
|
29-06-16, 08:15 AM
| #3 | ||||||||
| مراقبة عامة ومشرفة منتدى الروايات المنقولة
| الجزء الثاني >>>>>>>> وقفت خمس دقايق ونا احس اني بحالة ذهول وعدم استيعاب للكلام الي سمعت ليش وليد ما قالي بس يمكن هلكلام موصحيح وهل بنتين قصدهم يفرقون بيننا بس هم ما شا فوني وانا داخلة يعني اكيد الكلام صحيح حسيت اني بدوامة مثل الغريق الي يحا ول يتعلق بااي شي ينقذة انتبهت من افكا ري على صوت خطوات احد جاي انتبهت على نفسي وعدلت وقفتي :ندى نورة انتي هنا امي تدورك الناس بيروحون تعالي نقعد معهم شوي : قلت برتباك اية انا كنت اعدل مكياجي خلاص انتي روحي وانا الحقك بعد شوي ناضرتبي ندى برتياب وقالت نورة انتي فيك شي احس لونك مخطوف قلت وانا احاول ابتسم لا مافيني شي بس صداع خفيف انتي روحي اجلسي معم وانا جاية وراك راحت ندى من عندي وشكلها ماقتنعت بكلا مي خذت شنطتي وزودت مكياجي علشان اخفي شحوبي رحت جلست عند عمتي شفت الناس اكثرهم راحوحسيت ان تفكيري مشوش وذهني مشغول حست عمتي بشرودي قالت سلا مات تقول ندى انك مصدعة :قلت اللة يسملك لا بس صداع بسيط وبيخف قالت اذا كنتي تعبانة روحي ارتا حي بغرفتك ما صدقت سعمت هلكلام كنت ودي اكون بلحالي قلت طيب تصبحين على خير وبست راسها ورحت قسمنا دخلت غرفتي رميت نفس على السرير ودموعي الي حبستها طول الوقت بدت تنزل ماني مصدقة وليد حبيبي كان متزوج وحدة غيري يعني ماكنت اول حب بحياتة مثل ما كان يقولي كنت احسب انك متميز عن غيرك لاكن للا سف طلعت خاين وكذاب مثلهم قعدت ابكي بحسرة وقهر واحسساس بضلم والخيانة من اعز الناس بعد فترة حسيت اني فرغت كل الي بنفسي قمت ورحت للمراية شفت عيوني مورمة وحمرا من الصياح قلت بنفسي خلاص انا لا زم اكون قوية ولا اخلي اي واحد مهما كان يستغفلني لازم اواجة وليد بهلكلام الي سمعت بس مو اليوم احس اني تعبانة وماني مستعدة للمواجة رحت اخذت لي بجامة برمودا سماوية ورحت غسلت وجهي عن اثار الدموع وغيرت ملابسي وانا قاعدة الم شعري سمعت صوت وليد يدخل قسمنا حسيت رعشة بجسمي ودقات قلبي زادت وتجمعت الدموع بعيوني بس حاولت امنعها بقوة المفروض ما اخلية يحس بضعفي دخل وليد الغرفة وجا لعند ي قال والهفة مبينة في صوتة تصدقين حبيبتي اشتقتلك كنت جالسة ومنزلة راسي مابي تلتقي عيون بعيونة اخاف انهار واطلع كل الي عندي صديت بوجهي الجهةالثانية جلس جمبي ودار وجهي استغرب وهو يشوف عيوني مورمة واثار البكا واضحة بوجهي وليد بهتمام :حبيبتي نواري وشفيك قلت وانا احاول اخلي صوتي طبيعي ما فيني شي قرب عندي وهو ينا ضرني بحنان حياتي قوليلي حد زعلك ماقدرت امسك دموعي اكثر وانا اشوف نضرة الحنان بعيونة الي تعودت عليها قعدت ابكي بصوت مكتوم ودموعي تنزل ضمني وهو يمسح دموعي بيدةويهديني خلاص حبيبتي اهدي وقوليلي وش فيك :تذكرت كل الي سمعت والسبب الي خلاني ابكي ابعدت عنة وانا اقول بقهر مافيني شي رحت لسرير اخذت لي مخدة وغطا وقلت وليد لوسمحت ابي انام لحالي وما ابي ازعاج فتحت باب الغرفة وطلعت وليد يناضرني ومستغرب تصرفاتي ****************** رحت الغرفة الثانية حطيت المخدة على الكنبة انسدحت وتغطيت بلحاف قعدت شوي اتقلب وانا افكر بكل الاحدث الي صارت لي اليوم وافكر بنضارات البنت الي تنا ضرني بحقد غفيت وانوع الافكر تدوربراسي صحيت وانامفزوعة واصرخ واحس ان وجهي وجسمي عرقان 888888 >>وليد << كنت مستغرب وشفيها نور طلعت من الغرفة متضايقة وتبكي اكيد سمعت شي عن زواجي الاول وشاسوي هالحين وشلون افهمها ان زواجي من منى كان اكبر غلطة بحياتي وني ماخليتها على ذمتي الا علشان عمتي امها المريضة كنت ناوي اطلقها بااقرب وقت بس هالحين وش يضمن لي انها ترضا تسندت على السريروانا افكر بهال مشكلة الي ما حسبت حدوثها بهالسرعة نمت وانا افكر صحيت فجاءة على صوت صراخ نورة من الغرفة الثانية نقزت من السرير ورحت اركض فتحت باب الغرفة لقيتها قاعدةما سكة صدرة بيدها وهي تبكي رحت لها قعدت جنبها وانا اهديها لما شافتني ضمتني وهي تدفن راسها بصدري وهي تقول لا تخليني وليد قعدت اسمي عليها واقرا عليها وانا امسح شعرها حسيت انها هدت ونامت بحضني قعدت اتاء مل فيها وهي نايمة كان وجهها فية براءة ونعومة والدموع متعلقة بااهدابة وخصل من شعرة الناعم لاصقة علىجبهتها وشلون طاوعني قلبي اسبب لها هالخوف والالم شلتها بهدؤحطيتها على السرير غطيتها ونمت جنبها وانا اعاهد نفسي اصلح غلطتي بااقرب وقت >>>>>>>>>>>>>>>> انتبهت من نومي وانا انا ضر حولي مستغربة وش جا بني هنا كنت نايمة باالغرفة الثانية فجاءة تذكرت كل شي الكا بوس لي حلمت فية كانو البنتين يلحقوني وانا اركض وخايفة وهم يضحكون ضحكاة شريرة وفجاءة مسكوني وحاولو يخنقوني وبديت اصرخ بكل قوتي انتبهت من نومي وانا اصرخ شفت وليد فتح الباب وجا لعندي حسيت بلا امان وانا اتمسك فية شكلي نمت وهو جابني هنا التفت مكان وليد ما لقيتة سمعت صوت الماءمن لحمام شكلة قام قبل شوي شفت الساعة ثمان ما قمت اصلي الفجر اكيد اني نمت بعمق ولا حسيت بشي بعدت الغطا ونزلت على طرف السريروانا رجع شعري لورا اكيد بعد الي حصل امس وليد شك اني اعرف شي خلاص انالا زم اكلمة في الموضوع اليوم وننتهي من هالسالفة وانا افكر شفت وليد طالع من الحمام لاف على خصرة فوطة وينشف شعرة بفوطة صغيرة نزلت راسي وانا اناضر بيديني انتبة لي اني قايمة وجا لعندي شلون حبيبتي اليوم انشا اللة احسن قلت اللحمدللة رفعت راسي وانا اقول بتردد وليد لاتطلع ودي اكلمك في موضوع قال طيب انتي قومي صلي وبدلي وتعالي عندي في الصالة عشان نتكلم قمت توضيت وصليت الصبح لبست تنورة جنز زرقا وبدي وردي فية كتا بة بلا ازرق حطيت مكياج وردي كحلت عيوني ورفعت شعري على شكل ذيل بربطة وردية رشيت شوي عطر هالحين احس اني جا هزة علشان احقق مع وليد ضحكت يوم قلت احقق معة لان وليد وضيفتة محقق جنائي ودايم يحقق مع المجرمين وهلحين هو بنضري مجرم وانا احقق معة رحت الصالة وانا مترددة اخاف يكون الكلام صحيح ما زال عندي امل انة ينكر الكلام الي سمعت توكلت على اللة ودخلت شفت وليد ينتضر ني ومجهز كوبين نسكافية وجبن وتست ابتسم لي يوم شافني جيت وجلست جمبة عطاني كوب النسكفي مسكت الكوب بكل ايديني وانا اناضر فية احس اني مرتبكة مادري وشلون ابدا حس وليد برتباكي وقال يشجعني قولي لي وش الموضوع الي بتكلميني فية قلت بتردد وليد انت متزوج قبلي توقعت انة بيتفاجاء بس قال بهدؤ مين قالك قلت انا سمعت وحدة امس تقول انك كنت متزوجها قبلي قال صحيح كنت متزوج قمت وانا احس جسمي صار يغلي من القر يعني تقولها بكل برود ما كنك كذبت علي وخدعتني قام وليد مسك ايدي وجلسني عندة وقال نورة اهدي احنا قاعدين نبي نتفاهم بهدؤ وبدون انفعال انتي اسمعيني للااخر وبعدين قولي الي تبين جلست وانا على اعصابي قال صحيح انا كنت متزوج بنت عمتي بس هي كرهتني في الزواج وخلت حياتي جحيم كل يوم مشا كلها وكل يم والثاني رايحة لهلها تشتكي اني ضا لمها واني ما اصرف عليها مع اني ما قصرت عليها بشي لين كرهتني عيشتي وحياتي وانا كنت اصبر نفسي علشان عمتي المريضة كان فيها القلب واخاف ان طلقتها اتسبب بتعبها لاءن منى بنتها الوحيدة وفي يوم خلاص طفح بي الكيل وما عدت اتحمل رحت لعمتي وصارحتها اني ابطلق بنتها لاني ماعدت اتحمل قالت عمتي انا ادري منكدة عليك وراعيةمشاكل وانت صبرت عليها وماقصرت بس انا عندي طلب واتمنى انك ما تردني قلت ابشري بلي اقدرعلية قالت ابيك تخليها عندي كم شهر وماتستعجل بطلاق يمكن اللة يهديكم وترجعون لبعض قلت خلا ص انا ما عندي مانع وطلعت من عمتي وانا اقول بنفسي اني مستحيل ارجع لبنتها بس ابخليها هالكم شهر مثل ماطلبت وبعدين اطلقها وبعد كم يوم سافرت علشان الدوام وفي يوم من الايا م كنت اتغدا مع نا صر في بيتكم وقمت اغسل يديني وانا راجع كان باب الصالة مفتوح شوي وشفت بنوتة قمر ملاك اول مرة بحياتي اشوف مثلة فيها جمال رباني بشرة عسلية وشفايف مليانة مثل الوردة المتفتحةوشعر حريرمرفوع وطايح منةخصل تزيدها جمال ونعومة كنتي تكلمين بلجوال ولا انتبهتي لي وكل ما تبتسمين تبين غما زاتك الحلوة مانبهني على نفسي الا صوت ناصر ينا ديني يوم حس اني تااخرت علية كنت اسمع وليد يمدحني وانا مستحية وخدودي مولعةقلت ماتحس انك تبالغ يعني مو لهدرجة قرب مني وهو يناضرني بحب وقال بلعكس ما ابالغ تدرين اني بعد ماشفتك عجزت اشيلك من راسي حتى شغلي عجزت اركز فية وحسيت ان الحل الوحيد اني اتقدم لك وارتاح بس قلت اكيد ايذا درت اني متزوج بتر فض وبياثر على قرارها بعد ما صارحت ناصربرغبتي اني اتزوجك وهو كان عارف بزواجي والمشا كل الي حصلت لي واني ناوي اطلق زوجتي : قال بقولها بس ترى ما اضمن انها توافك ايذا درت انك متزوج حتى لو كنت ناوي تطلق زوجتك قلت طيب لاتقولها اني متزوج علشان ماتاثر على قرارها>>>>>>>> >>>>>> نهاية الجزء | ||||||||
|
| |
|
29-06-16, 08:17 AM
| #4 | ||||||||
| مراقبة عامة ومشرفة منتدى الروايات المنقولة
| الجزء الثالث>>>>>> قلت طيب لا تقولها علشان ما تائثر على قرارها قال بس انت تعرف صعب اني اخفي عليها شي مثل كذا مابي لو تدري بعدين تقول اني كذبت عليها وغشيتها قلت انت اكثر واحد تعرف بمشا كلي مع زوجتي واني مستحيل ارجعلها مهما كان كان ناصر متردد انة يوافق على كلا مي بس انا حا ولت اقنعة وهو واثق فيني واني ما راح ارجع لزوجتي اخر شي وافق وهو كان خايف انة يقولك اني تقدمت لك بدون مايقول اني كنت متزوج وانا كنت ناوي اطلق منى بعد زواجي علشان عمتي ايذا شافتني متزوج تدري اني ماراح ارجع لبنتها قلت ياسلام يعني انا لعبة عندكم تخططون على كيفكم بدون ما تقولن لي كان وليد بيرد علي بس سمع صوت جوالة يرن في الغرفة وراح يرد علية بعد ما راح وليد قعدت افكر باالكلام الي قالي وانا اقول بنفسي مستحيل اقعد معة ولا لحضة قبل مايطلقها شفت وليد جاي بعد ما خلص مكلم قال نواري تجهزي ترى بنمشي العصرالدوام اتصلو علي فية قضية مهمة ولازم اداوم بكرا ناضرتة وانا اتكتف قلت وانشا اللة ناوي تروح قبل ما تطلقها نا ضرني وهو شكلة بدا صبرة ينفدوقال نورة اعقلي يعني بعد كل الكلام الي قلتة ومنتي مصدقتني قلت بتحدي خلاص ايذا رجعنا انا بروح بيت اهلي وايذا خلصت شغلك وطلقتها تعا ل خذني جا وجلس جمبي وحط ايدة علىكتفي ومسك وجهي بيدة الثانية وبدا يلمسة برقة وهو يقول وشلون تبيني اعيش بدون اكسجين انتي تدرين انك هواي الي اتنفسة وني بدونك اختنق واموت قلت بسرعة واندفاع بسم اللة عليك من طاري الموت ابتسم لي وهو يشوف وجهي الي صاراحمر ودقات قلبي الي شوي وتطلع من صدري قربة مني يربكني ويحسسني بقوتة ورجولتة وبضعفي وحاجتي لة حاولت ابعد عنة بس هوكان ماسكني قلت وليد ترى تااخرت على صلاةالضهربتفوتك ناضر ساعتة وهو ماسكني قال يةواللة تااخرت انا بقوم هالحين وراجعلك مرة ثانية وين بتروحين مني راح وليد توضى وطلع يصلي وانا قمت وصليت ونزلت عند عمتي والبنات علاشان اجلس معهم شوي قبل ما اروح اجهز اغراضنا لقيتهم جالسين في الصالة يتقهوون سلمت عليهم وجلست معهم قالت عمتي وشلونك اليوم انشا اللة احسن من امس قلت الحمد للة اليوم احسن وانا اقول بنفسي ما تدرين ان المي النفسي اشد من الم جسمي رجع وليد من الصلاة وجلس معنا قعد يسولف مع امة شوي وبعدين قال يمة ترانا بنمشي العصر قالت ليش بتروحون تونا ما تهنينا فيكم قال واللة يمة ودي نجلس بس الدوا م اتصلو فيني ولازم اداوم بكرا قالت اللة يسا عدكم ويسهل طريقكم ويردكم سالمين بعد ما قعدنا شوي قمنا نتغدا وبعدين رحت لغرفتي اجهز شنطتي وشنطت وليد علشان خلاص ما بقى شي ويااذن العصر خلصت تجهيز اغراضنا وحطيتها على جمب ورحت اصلي بعد ما صليت لبست عبا يتي وقعدت انتضر وليد رجع وليد من الصلاة وقال حبيبتي جاهزة نمشي قلت اية جاهزة شال وليد شناطنا وانا اخذت شنطتي الصغيرة ونزلنا سلمنا على اهلة ودعناهم ومشينا ******** وصلنا بيتنا تقريباالساعة سبع المغرب كنت نايمة ولا حسيت اننا وصلنا دخل وليد السيارة وجا يقومني نواري يله وصلنل قومي تحركت بضيق وانا التفت الجهة الثانية ابي اكمل نومي شاف ما فيني فايدة ما حسيت الا وانا ارتفع او وليد شايلني و داخل البيت انتبهت وفتحت عيوني وليد وين رايح قال اسكتي كملي نومك غمضت اعيوني ورجعت راسي على كتفة وانا احس النعاس مازال بعيوني دخل وليدالغرفة نزلني على السرير شال عبايتي ولحفني وسكر الانوار وانا رحت بسابع نومة ******** انتبهت من النوم وانا احس اني شبعانة نوم ومصحصحة التفت شفت وليد نايم اف انا ليش نمت كنت بقول لوليد يوديني لاهلي بس راحت علي ناضرت الساعة اربع الفجرقمت غسلت وجهي وسرحت شعري وربطتة حسيت اني جوعانة تذكرت اني ماكلت شي بعد الغدا الي عند اهل وليد رحت المطبخ وسويت لي اكل خفيف وصبيت لي عصير شلت الاكل ورحت الصالة قعدت اكل وانا افكر بحياتنا انا وليد مادري اروح لاهلي لين يطلقها ولا اصبر واشوف اخرتها معاة كملت اكلي وقمت وديت الصحن للمطبخ وانا طالعة سمعت اذان الفجر رحت صليت وصحيت وليد يصلي ورجعت كملت نومي ,,,,,,,, اليوم الثاني بعد ما رجع وليد من الدوام وتغدينا رجع وليد للمكتب يكمل شغلة وانل رحت للمطبخ اغسل صحون الغدابعد ماخلصت وانا طالعة سمعت تلفون الصالة يرن قلت بنفسي اكيد هاذي امي درت اننا جينا رفعت السما عة وانا ابتسم سمعت صوت بنت غريب اول مرة اسمعة قلت نعم من معي قالت بصوت ممطوط وبدلع لو سمحتي وليد موجود قلت بغيض خير انشااللةوين تبين انتي تسالين عن وليد قالت بدلع عادي ما فيها شي ليش ما اسال عن زوجي يوم قالت زوجي كاانها وجهتلي طعنة بصدري قلت وانا اتصنع البرود مع ان داخلي نار من القهر لا موعادي تسالين عنة لانة خلاص مايبيك عافك وصار ملك وحدة غيرك ولا تتصلين مرة ثانية ولا بتشوفين شي ما يرضيك وسكرت السماعة قبل ما اسمع ردها وفصلت التلفون جلست على اقرب كنبة وانا احس رجليني ماتشيلني واحس جسمي يتنا فض من الغضب مادري وشلون جتني القوة عشان ارد عليا بهالكلام كنت اول شي مترددة اروح لاهلي ولا اجلس واشوف وش اخرتها بس هالحين خلاص قررت ولا يمكن اتراجع >>>>>> >>>>>>> جلست شوي لين حسيت انة هدت اعصابي قمت ورحت مكتب وليدوانا مصممة على الي في بالي فتحت الباب بشويش شفت وليد جالس على المكتب وناشر اوراق القضية الي يحقق فيها دخلت وقفت عند المكتب وهو ما حس فيني سرحت فية كان منزل راسة على الاوراق الي قدامة وشعرة الكثيف مطول ونازل على وجهةورقبتة ومركز بملامحة الحادة على شغلة انتبة لي وليد واني واقفة ورفع راسة:نورة تبين شي نقزت من مكا ني لاني كنت سرحانة قلت ااابي متى تقدر توديني لاهلي قال انتي متى تبين تروحين :قلت ودي ارح ايذا خلصت شغلك قال طيب انتي روحي تجهزي واذا خلصتي تعالي اوديك وار جع لشغلي لاني مطول طلعت من عند وليد ورحت لغرفتي اتجهز اخذت لي شنطة صغيرة وحطيت فيها اغراضي الضرورية والمهمة علشا ن ما يحس وليد اني ناوية اقعد عند اهلي خلصت تجهيز شنطتي ورحت اخذلي حمام دافي يريح اعصابي المشدودة طلعت من الحمام ولبستلي جلابية مريحة وناعمة لونها تدرجات الاخضر وفيها شك اسود سرحت شعري ورفعتة على فوق ونزلت كم خصلة وحطيت مكيا ج خفيف ورشة عطر خلصت متجهزة ولبست عبايتي اخذت شنطتي ورحت لوليد قلت ياالة وليد انا جاهزة قام وليد وقال طيب انتضريني بروح ابدل واجيب مفتاح سيارتي راح وليد وعيوني معلقة فية وشلون بتحمل بعدة كم يوم بس انا لازم اقوي قلبي ايذا ماسويت كذا مارا ح يطلقها بسرعة وكل يوم طالعلي بشغلة وانا ماعندي ستعداد اتحمل هالعلة كل يوم تتصل علي تثير اعصابي وتغثني خلص وليد مبدل وجا لعندي قال يله مشينا اخذ شنطتي وركبنا السيار ة وطول الطريق وانا افكر بوليد وردت فعلة اذا عرف قراري واهلي هل بيوافقون على قراري ولا بيلوموني التفت لي وليد ومسك ايدي حسيت بدفى ايدة على ايدي الباردة قال ها حبيبتي في مين سرحانة قلت فية احد غير حبيبي وليدافكر فية ناضرني وهو يغمزلي ويبتسم اكيد :قلت طبعااكيد عندك شك في كلامي قعدت اسولف مع وليد ما حسيت بالوقت الا حنا واصلين بيت اهلي اخذت شنطتي وجيت بنزل مسكني وليد وهويناضربعيوني بحب وقال بفتقدك حبيبتي واللة نزلت عيوني وانا احس بغصة بحلقي اخاف اتكلم يفضحني صوتي قال مع السلامة نواري انتبهي على نفسك وسلميلي على امك قوليلها اني مشغول ولا كان نزلت اسلم عليها:هزيت راسي موافقة علا كلامة ونزلت من السيارة لقيت باب اهلي مفتوح دخلت وانا احس اني غايبة عنهم سنة مو كنها كم يوم دخلت الصالة لقيت امي ومها يتفرجون على التلفزيون وحاطين القهوة والشاهي والحلى شافتني امي وقامت من مكانها وهي تقول هلا واللة بحبيبتي الحمد للة على السلا مة جيت اركض لها ورميت نفسي بحضنها ونفجرت ابكي من كثر ما كتمت في نفسي من الهم والحزن شهقت امي وبعدتني عن حضنها وهي تنا ضر وجهي مستغربة نورة بسم اللة عليك ليش تبكين فيك شي زوجك فية شي اية يمة زوجي صار متزوج قبلي زوجي الي قلتي انة صديق وليد ولا يمكن يخفي عنا شي او يغشنا بشي طلع متزوج قبلي وزوجتة على ذمتة ما طلقها نا ضرتني امي بذهول كنها مومصدقة الكلام الي اقولة قالت طيب ناصر وشلون مايدري عن صديقة انة متزوج قلت ناصر يدري بس متفقين مايقولون لي علشان ما ارفض وليد مسكتني امي وجلستني على الكنب وجهة مبين علية الضيق والغضب من ناصر ولتفتت على مها الي تنا ضرنا والذهول والخوف باين على ملامحا وكانها خايفة تنعاد معاناتها وقالت روحي جيبي لختك ماء راحت مها وجابت ما شربت وانا احس ريقي ناشف دخل علينا ناصر ناضرنا وهو مستغرب وشفيكم سلا مات قالت امي منين تجي السلامة وها ذي سواتك بختك قال ناصر وهو مستغرب وانا شسويت فيها قالت امي شسويت وشالي ماسويت انت ليش تخفي عن اختك ان وليد متزوج تغير وجة ناصر وقال بس هو وعدني انة يطلقاها اول ما يتزوج نورة وانا واثق من وليد انة ما يرجع في كلا مة:نا ضرني وهو معصب انتي هالحين ليش تبكين هو قالك انة مومطلقها قلت وانا امسح دموعي لا ما قال بس انا ما راح ارجع لة لين يطلقها قام ناصر وهو معصب وقال نعم وش قلتي قامت امي وقالت ناصر يكفي الي سويت خل اختك بحالها ما لك دخخل فيها التفتت علي وقالت نورة حبيبتي روحي ارتاحي بغرفتك ما عليك منة قمت ورحت لغرفتي وانا افكر بامي من يوم تزوج ابوي وتركنا عندها وحنا صغار وهي وهي تحاول تكون لنا بمكان الام والاب وتعوضنا بحنانها عن غياب ابوي ولا ترضى علينا وتحاول تحل مشا كلنا وتحتوينا دخلت غرفتي وانسدحت على سريري ودموعي على خدي كل ما امسحها تنزل زيادة اااةةيارب تسا عدني وتفرج همي انا وش سويت بدنيتي علشان يحصلي كل هاذا استغفر اللة يا ليتني ماتزوجت وارتحت من هل هم سمعت مها تدق علي الباب قلت تفضلي دخلت مها وسكرت الباب وجت جلست عندي ومسكت ايدي وقالت نورة هلحين قولي لي ليش هدموع والحزن كل شي بيتصلح انشا اللة بعدين يا نورة يا حبيبتي على الاقل انتي زوجك يحبك واكيد بيسوي الي تبين المفروض ما تستعجلين وتتركين البيت قلت انا كنت ناوية اعطية فرصة واصبر كم يوم بس هي اتصلت على البيت اليوم تقول بكل بجا حة وين وليد لين خربت مزاجي وقهرتني قالت مها وانتي هالحين خليتي لها البيت وعطيتيها الفرصة تستفرد فية وتكلمة على كيفها قلت وانا ناغزني قلبي تكفين يا مها الي فيني كافيني لاتزيدين علي قالت مها انتي اختي حبيبتي وماودي يحصلك شي تندمين علية انتي فكري بكلامي وانشا اللة مايصير الا الخير قا مت مها وطلعت منالغرفة وانا احس راسي بدوامة من ا لتفكير ناضرت ساعتي وكان وقت صلاة المغرب قمت ابصلي وانا رايحة سمعت جوالي يرن رجعت وشفت المتصل<اغلى من روحي> يا ويلي هاذا وليد قعت اناضر الجوال شوي لين انقطع الاتصال قفلت الجوال بسرعة وحطيتة في الدرج علشان ما اضعف واد علية>>>>>> بعدما حطيت جوالي بدرج التسريحة رحت للحمام وانا قلبي يرقع خايفة من نتيجة تصرفا تي اخاف يعصب علي وليد انا لين الحين ما شفتة معصب علي بس على كلام نا صرانة ايذا عصب محد يوقف قدامة اللة يستر بس رحت توضيت وصليت بعد ما خلصت تسندت على طرف السرير وانا احس راسي مصدع من كثر مابكيت بعدوقت سمعت امي تدق الباب قلت ادخلي يمة دخلت امي وهي تبتسم جلست عندي وقالت هاحبيبتي انشا اللة ارتحتي هلحين قلت الحمد للة ارتحت شوي بس احس راسي مصدع قالت تبيني اجيب لك بندول قلت لا ما يحتاج يمة بيخف من نفسة بعد شوي قالت امي نورة انتي ليش قافلة جوالك وماتردين على وليد تو متصل على البيت يسا ل عنك قلت طيب ليش ما قلتي لة اني بقعد عندكم كم يوم لين يطلق زوجتة يعني لا يحا ول اني اتنا زل و ارجع لة هلحين :قلت لة بس هو ما قتنع بكلا مي ويقول ايذا ما ردت علي بجي لبيتكم واروح لها بغرفتها اتفا هم معها انتي ردي علية وتفاهمي معة ما راح ينط عليك من الجوال صراحة خفت ينفذ وليد تهديدة ويجي تنهدت بضيق وقلت خلاص هالحين بفتحة قالت امي زين انا بخليك ترتا حين وبروح اشوف وش صار على العشى بعد ما طلعت امي فتحت جوالي ماكملت خمس دقايق الاهو يرن نا ضرتة وبعدين سحبت نفس وانا احاول اهدي نفسي قلت الو جاني صوت وليد وهو مليان شوق ولهفة هلاواللة حياتي ليش ماتردين انشغل بالي عليك رديت ببرود هلا وليد بغيت شي قال حبيبتي وش فيك كذا تغيرتي علي فيك شي تعبانة قلت اية تعبانة شوي ودي اقعد عند اهلي كم يوم قال سمحيلي حبيبتي ودي اخليك تقعدين عند اهلك كم يوم بس تعرفين اني ماقدرانا م وارتاح حتى شغلي مااقدر اركز فية وانتي بعيدة عني قلت بس انا ما عندي نية ارجع لين تطلق زوجتك اذا جبتلي ورقة الطلاق رجعت معك وغير هالكلام ماعندي قال وهو يحاول يضبط اعصابة نورة بلا حركات الاطفال هاذي هلحين منى وش جبها لك هي بمدينة وانتي بمدينة بعدين تدرين اني مشغول ومنيب فاضي لدلعك قلت وانا منقهرة من كلا مة خلاص خلني عند اهلي علشان ترتاح مني ومن دلعي قال بحزم نورة بدون كلام زايد تجهزي بعد نص ساعة اكون عندك مع السلامة وقطع الخط قبل ارد علية ناضرت الجوال وانا معصبة هلحين هو الي يخطي علي وبعدين يفرض كلا مة اف بس بورية من تكون نورة طنشت وقمت طلعت من غرفتي ونزلت عند امي ومها اشوف وش يسوون لقيتهم يجهزون السفرة للعشى قلت اساعدكم بشي قالت امي لا ارتاحي خلصنا كنت بنا ديك تتعشين بس جيتي بوقتك قعدنا نتعشا بس ما شفت ناصر قلت يمة وين ناصر قالت معزوم على زواج يقول لا تنتضروني على العشا تعشينا وخلصنا رحت اغسل يديني وسمعت جرس الباب قلت بنفسي اكيد هاذا وليد رحت وجلست في الصالة وانا ما عندي نية اطلع لة شفت امي راحت تفتح لة وبعد شوي جت عندي قالت نورة ترى وليد جا دخلتة بلمجلس روحي لة يقول ودة يكلمك شوي تنهدت بضيق يمة ما ودي اروح لة تكفين خليني على راحتي جلست امي جنبي وقالت يا نورة ياحبيبتي ترى المشاكل بين الزوجين ما تنحل بلعناد ولا تحسبيني راضية انهم ما قا لولك انة متزوج بس هاذا الي حصل ولا نقدر نغيرة وبعدين لازم تتفهمين ضروفة يمكن يكون مشغول يالة حبيبتي تعوذي من الشيطان وروحي لة قمت وانا منقهرة يعني لازم يتمم كلامة ناضرت شكلي بمرية الصا لة الحمد للة ان جمالي طبيعي بدون غرورحتى لوكنت ما حطيت أي مكياج كنت بالجلا بية الي جيت فيهاوشعري مرفوع باهمال وطايح على وجهي كم خصلة رحت ودخلت المجلس شفت وليد كان جالس ومنزل راسةومسندة بايدة تنحنحت وقلت السلام عليكم انتبة لي وقام واقف هلا واللة بحياتي الي ماقدر اعيش من دونها جلست وصديت بوجهي وقلت اية هين العب علي بكم كلمة جاوجلس جمبي حط ايدة على كتفي وضمني لة وباسني على خدي وقال واللة ما العب عليك هاذي الحقيقة قلت بدلع طيب ليش جيت وانا اقولك ابقعد عند اهلي مسك وجهي وهو يناضر عيوني بحب قال تقعدين عندهم واهون عليك وانا اتعذب وما اتهنى بحياتي من دونك قلت المشكلة انك ما تهون علي ابتسم لي بتسامة انتصار وقال اجل ايذا كنت ما اهون عليك يا الة حياتي تجهزي وانا بنتضرك لين تخلصين قمت من عند وليد ورحت شلت اغراضي البسيطة الي جبتهم معاي رتبت شكلي ولبست عبايتي ورحت سلمت على امي ورحت لوليد وقلت ياالة انا جاهزة قام وركبنا السيارة ورحنا لبيتنا بعد ما رجعت كنت مصممة اني ما اخلي منى تخرب حياتي مرة ثانية بعد كم يوم اتصلت منى كم مرة وكل ما تتصل اسكر السما عة وما اعطيها فرصة تتكلم وشكلها ايست ان اتصالها يجيب نتيجة وانقطعت اتصالتها بعد اسبوعين من رجوعي للبيت قمت من النوم وانا احس بدوار براسي وغثيان حا ولت اقوم وحسيت اني بطيح على وجهي تمسكت بطرف السريروقفت وانا اتسند على الجدار الي يروح للحمام وصلت للحمام بعد جهد وانا احس بدوخة بعد ما طلعت من الحما حسيت اني تحسنت شوي جلست على السرير وسندت راسي اخذت جوالي واتصلت على وليد بعد كم رنة ردعلي هلا واللة حبيبتي قلت بصوت مبحوح وتعبان هلا وليد انت مشغول هلحين استغرب وليد من صوتي قال بخوف نورة وش فية صوتك تعبانة قلت لا بس يوم قمت حسيت بدوخة وغثيان وهلحين احسن شوي قال حبيبتي لا تتحركين من مكا نك مسافة الطريق وجايك بعد ربع ساعة وصل وليد جا لعندي ناضرني وشاف وجهي الي صاير اصفر وذبلان قال يا الة انا بروح اجيب عبا يتك عشان ا وديك للمستشفى جاب عبا يتي وسا عدني البسها مسك ايدي وهو يسندني فتح باب السيارة ركبت سكر الباب وركب هو حرك رحنا لمستشفى خاص دخلت عند الدكتورة فحصتني وسالتني كم سؤال وبعدين قالت لازم اخذلك تحليل خذتلي تحليل وبعد شوي طلعت النتيجة قالت الدكتورة وهي تبتسم مبروك طلعتي حامل مثل ما توقعت شهقت وانا مستغربة معقولة اكون حامل بهسرعة احس توني على الاطفال ومساوليتهم نا ضرتني الدكتورة وقالت ليش مستغربة يا حبيبتي شي طبيعي تحملين ايذا كنتي ما تستعملين موانع حمل قلت برتباك ادري شي طبيعي بس احس توي صغيرة على الحمل بتسمت الدكتورة بتفهم وقالت لاتشيلين هم انشاء اللة بتقدر ين تعتنين بنفسك وبلبيبي بس اهم شي انتبهي لاكلك يكون صحي ومغذي عشان ما ترجعلك الدوخة مرة ثانية وانا كتبتلك هل فتمينات تستعملينهم بنتضام وبكتبلك مراجعة شهرية علشان متابعة الحمل شكرت الدكتورة وطلعت من عندها وانا احس بوهن ورجليني يالة تشيلني طلعت لوليد ولقيتة ينتضرني اول ما شافني طالعة جا عندي :قال هابشري وشقالت لك الدكتورة قلت بعدين اقولك اذا ركبنا السيارة بعد ما ركبنا السيارة التفت لي وقال وهلحين ركبنا ما ودك تقولين وش قالت لك الدكتورة قلت وانا ناوية احرق اعصابة بصراحة مادري وش اقولك قال وهوشكلة خلاص بد ينفذ صبرة نورة قولي بسرعة وش قالت لك بدون حركاتك هاذي قلت الدكتورة تقول اني حامل مسك بريك قوي شوي ولا صدمنا السيارة الي قدمنا التفت الي وعدم التصديق والفرح باين على وجهة قولي واللة :قلت واللة هاذا الي قالت لي لش منت مصدق قال لا بس احس توك بيبي ما اتخيلك تصيرين ام وصلنا البيت واول ما دخلنا شالني وليد وبدايدوربي في البيت وهو يقول ماني مصدق لنك صرتي حامل واني بصير ابو قلت وانا امسك بطني وليد شوي شوي علي بتموت اولدي قال اوة سوري حبيبتي نسيت ونزلني على الكنبة برفق بعد كم يوم بدا الوحم يزيد علي ورحت عند اهلي وما وافق وليد اني اروح الا لما شاف حالتي وخاف يصير لي شي وهو موموجود جلست عند اهلي سبوع او وليد كل يوم يتصل يتطمن علي بس في اليومين الاخيرات ما اتصل حسيت اني احسن شوي واني مشتاقة لوليد جت على بالي فكرة ليش ما اسوي لة مفاجاة رحت استعد وانا احس بل اثارة وانا افكر بردت فعل وليد لما ادخل علية بدون ما يدري اني ابجي خلصت لا بسة ومتجهزة وتصلت على ناصر وقلت لة يجي يوديني لبيتي قال انزلي انا تحت عند امي اخذت شنطتي ولبست عبايتي كنت جايبة مفاتيح لبيتي احتياط اخذت المفاتيح ونزلت سلمت علىاهلي وطلعت مع ناصر وصلني لبيتي او وقف ينتضرني ادخل طلعت مفاتيحي وانا احس برعشة بيديني وقلبي يدق بسرعة سميت بااللة وفتحت الباب بشويش علشان مايحس بي ودخلت شلت عبايتي وعلقتها بلمدخل ناضرت شكلي بلمراية قبل ادخل دخلت الصالة ماشفت وليدسمعت صوت التلفزيون جاي من غرفة الجلوس قلت اكيد جالس هناك رسمت على شفايفي احلى ابتسامة وفتحت الباب شهقت وانا فاتحة عيوني ومو مصدقةالمنضر الي قدامي كان وليد جالس ومنى جالسة بجنبة وهي لاصقة فيةلا بسة قميص ناعم تحت الركبة وحاطة يدها على كتفة وتناضرة وتبتسم حسيت الدنيا تدوربي وضلام يلفني واني اطيح بهوة عميقة ولا عدت احس بشي من حولي >>>>>>> >>>>>>>>>>> نهاية الجزء | ||||||||
|
| |
|
29-06-16, 08:19 AM
| #5 | ||||||||
| مراقبة عامة ومشرفة منتدى الروايات المنقولة
| وهاذا الجزء الرابع>>>>>> حا ولت افتح اعيوني احس راسي ثقيل وعيوني احاول افتحهم بصعوبة جيت اتكلم بس حسيت لساني ثقيل لفيت راسي احاول استوعب المكان الي انا فية شفت امي جا لسة عند راسي اول ما شافتني صحيت فزت وجت عندي :حبيبتي نورة صحيتي الحمد للة باستني وهي تداري دموعها وشلونك هالحين انشا اللة احسن نا ضرتها وانا مستغربة وش جا بني هنا وبدت ذا كرتي تستعيد الاحداث الي صارتلي كنت رايحة لبيتي وتذكرت المنضر الي شفت ا ه ه غمضت عيوني وحسيت بشي يضغط على صدري ويعتصر قلبي بقوة تذكرت شي كان غايب عن بالي شهقت وانا امسك بطني يمة ولدي وشصار علية قالت امي اهدي حبيبتي ما صار علية الا العافية انشاء اللة يقول الطبيب ان وضع الجنين مستقراهم شي صحتك انتي تنهدت برتياح الحمد للة التفت على امي وقلت يمة من جا بني هنا قالت جابك وليد وقالي اجي اقعد عندك لا نة يبي يرجع منى لاهلها امس جاني مثل المجنون من العصبية يقول منب مرتاح لين اطلقها ضحكت بستهزاءلا حرام ليش يطلقها توه ما تهنا فيها قالت امي نوره لا تحكمين علية قبل تسمعين عذره يمكن هي باليتة بنفسها قلت يمة تكفين قفلي هلموضوع ما لي خلق اتكلم فية قالت طيب على راحتك اية تذكرت ما قلت لناصر ومها انك صحيتي اتصلت امي على تلفون البيت وردت عليها مها قالت لها اني صحيت بعد شوي سمعنا دق على الباب ودخلت مها ونا صر سلمو علي وهم فرحنين بقومتي كانو جايبين معهم باقة ورد جوري وسلة حلاو ومها مسوية شاهي وقهوة وقعدنا نتقهوا ونسولف "بعد شوي التفتلي ناصر وقال اسمحيلي يا نوره انا السبب بكل هلي يحصلك صدقيني يوم وافقت على كلام وليد ما كنت متوقع الا مور توصل الي وصلت لة قلت لناصر وانا احاول اخفي الحزن بصوتي خلاص يا ناصر لا تحمل نفسك ذنب الي حصلي المسؤل عنة وليد وانا لا يمكن اسامحة بسهولة مهما حاول يبرر موقفة المهم قفلو هلموضوع ما ودي اتكلم فية قام ناصر وهو يقول طيب انا ابروح اكلم الدكتوراشوف وش يقول عنك ومتى بيطلعونك بعد ما طلع ناصر سندت راسي بتعب وانا افكر بك الاحداث الي صارتلي وشلون وصلت هل حال """"" بعد يومين طلعت من المستشفى بعد توصيات من الدكتور اني ما اتعرض للزعل والانفعال لانة خطر على صحتي وعلى الجنين كنت منسدحة على الكنبة في بيت اهلي اتفرج على التلفزيون وبيدي الريموت اقلب في القنوات بملل من اول ما جيت بيت اهلي وانا مقفلة جوالي ورافضة اكلم وليد وحتى بعد مارجع وهو مطلق منى وجا عند اهلى وطلب يقابلني رفضت اكلمة خلة يتعذب شوي يعني لازم يغمى علي واطيح واترقد في المستشفى علشان يتحرك ويطلقها زفرت بضيق زين يا وليد توك ما شفت شي نبهني من افكاري صوت تلفون الصالة يرن نا ضرتة بكسل مالي خلق اقوم ارد سمعت صوت امي من المطبخ تقول نوره ردي على التلفون انا مشغولة ما اقدر ارد قالت بنفسي شكلة ما في فايدة لازم اقوم ارد قمت بتثاقل ورفعت السماعة الوو سمعت صوتة الرخيم الحنون يقول بلهفة نوره زاد ت دقات قلبي ونحجرت انفاسي اه بس من هلقلب الخاين من يوم اسمع صوتة انسى حتى نفسي سكت وانا اسمع صوتة يردداسمي نوره حبيبتي ليش ماتردين نوره وينك بس تذكرت الي سوافيني وقسيت قلبي قلت بصوت قوي واثق خير وشتبي فية شي ثاني ما جرحتني فية وجاي تقولة قال نوره ارجوك سمعيني انا ادري لو تسمعين السبب بتعذريني وبتدرين اني مالي أي ذ نب بلي صار قلت ماا بي اسمع شي ولو سمحت لا تحا ول تكلمني مره ثانية سكرت السما عة ورجعت انسدح وانا امسح دموعي الي كل ما امسحها ترجع تنزل اكثر بس سمعت صوتة حسيت اني مشتا قتلة موت لش سويت فيني كذ ليش تحب تعذبني يا وليد ليش قمت ورحت لغرفتي يمكن انام شوي وارتاح من هلهموم """"""" استمر وليد طول اليومين كل شوي يتصل على البيت وانا ارفض اني اكلمة كنت بغرفتي توي طالعة من الحمام متروشة ولا بسة وقاعدة قدام المراية اسرح شعري سمعت دق على الباب عرفتة اكيد هاذا ناصر من طريقة دقة على الباب قلت تفضل ناصر"دخل ناصر وهو يقول وشدراك انة انا قلت اعرفك انت اخوي حبيبي حتى دقك على الباب مميز ابتسم لي وقال اللة يخليك لي يا احسن اخت في الدنيا جلس على الكرسي الي جمب السرير وقال تعالي بكلمك بموضوع جيت وجلست على طرف السرير وانا عارفة وشبيقولي بس سكت انتضرة يبدا قال نوره متى بتحنين على وليد وتكلمينة هو قالي كل شي وانا احس انة معذور بس هو حلفني ما اقولك لانة ودة يقولك بنفسة قلت ناصر تكفى مابي اتك قا طعني نا صر بعصبية انتي الي تكفين يانوره الا متى وانتي ما تبين احد يكلمك في الموضوع لازم تكلمينة وتفهمين منة كل شي علشان خا طري كلمية تدرين اني اتعذب كل يوم وانا احس اني سبب كل هلحزن والا لم الي انتي فية كنت مالة طول هاليومين وهم يزنون على راسي يبوني اكلمة امي ومها وناصر قلت بنفسي خل اكلمة اشوف وش عندة وارتاح التفت على ناصر وقلت خلاص خلة يكلمني اليلة وانا برد علية واشوف وش اخرتها معة قام ناصر وهو مستا نس وكنة هم وانزاح عن راسة وطلع وهو يقول بروح ابشر وليد بعد ما طلع ناصر من عندي كنت افكر وشلون وافقت اكلمة بعد كل الي شفت منة بس في شي باعماقي يقولي ان وليد بريء من كل الي صار قمت وانا اقول خلاص اليوم بعرف كل شي رحت للمراية لميت شعري وحطيت على وجهي كريم مرطب ونزلت لقيت مها جالسة لحالها جيت وجلست جمبها ابتسمت لي بحنان وقالت ها بشريني عنك اليوم اشوف النفسية حلوة وخدودك موردة وش السبب اه منك يا مها ما يغيب عنك شي لهدرجة مبين علي هاه يعني فية شي مفرحك كنت حاسة قلت بصراحة قررت اني ارد على وليد اليوم قالت خير ما سوتي يمكن يكون معذور وانتي ما تدرين قلت علشان كذا قررت اكلمة واشوف وش مبرراتة جت امي وقعدنا نسولف وبعد شوي جا ناصروقال يلة حطو العشى بروح ابدل واجي تراي ميت جوع قمنا وجهزنا السفرة نزل نا صروقعدنا نتعشى التفتلي ناصر وقال نوره تراي قلت لوليد انك بتردين علية وقال بيتصل الساع 11 يعني بعد ساعة غصيت باكلي اخذت كاس ماء وشربت قلت زين بعد ما خلصنا قمنا نشيل صحون العشى للمطبخ سا عدت مها على تغسيل الموا عين وترتيب المطبخ ورحت لغرفتي وانا متوتره وخايفة بنفس الوقت خايفة ان عذر وليد ما يكون كافي اني اسامحة دخلت الغرفة سكرت الباب ولانوار رحت انسدحت على السرير وشغلت الابجورة الي عند راسي وقعدت انتضر وليد يتصل وكل شوي اناضر الساعة اخيرا صارت الساعة 11وسمعت جوالي يرن بلعت ريقي بصعوبه واخذت الجوال وانا احس برعشةبيديني قعدت اناضرة شوي وهويرن لين قرب ينقطع قويت قلبي وتوكلت على اللة ورديت هلا وليد هلا واللة بهصوت اخيراحنيتي علي ورضيتي تردين قلت وليد يا حيات وليد انتي ولهت عليك واللة طيب ناصريقول انك تبيني ارد عليك علشان تقولي وش الي جاب منى عندك تنهد وقال طيب بقولك بس بدون ماتقاطعيني لين اخلص كلامي اوكي حبيبتي قلت زين ماني مقاطعتك قال طيب انتي تدرين انك يوم كنتي عند اهلك اكلمك كل يوم اتطمن عليك بس في اليومين الاخيرات انشغلت كان الشغل واصل راسي حتى ما لقيت وقت اني اتصل عليك في اليوم االسابع جيت للبيت بعد صلاة العشاء وكنت هلكان بس شغلي قرب يخلص وكنت ناوي اتصل عليك واقولك تجهزين واجي اخذك لاني خلاص ما عدت اتحمل بعدك سويت الي كوب نسكفيه ورحت اكمل شغلي بلمكتب ما كملت نص ساعة الا سمعت جرس الباب يرن استغربت من بيكون جاي هلوقت قمت فتحت الباب ودخلت مره متغطيه ومعها شنطتها استغربت وقعدت اناضرها ونا ما سكرت الباب قالت بدلع مايليق عليها يعني بنطول عند الباب ما بتقولي تفضلي توي استوعب انها منى بعد ما سمعت صوتها سكرت الباب وقربت منها وانا الشياطين تتناقز قدامي وما اشوف من العصبية مسكتها مع بلوزتها من عندرقبتها لين صار وجهها احمر وشوي ولا ختنقت قلت وانا اصر على سناني من الغيض قوليلي هلحين من جابك عندي قالت وهي شكلها خايفة من شكلي : جابني عمي راشد كان عندة شغل خلصة ونزلني اورجع قلت وانا اشدد قبضتي عليها طلعي جوالك وتصلي علية بسرعة مامداة يمسك الطرييق اطلقتها علشان تتصل طلعت جوالها وتصلت ناضرتني بخوف وقالت مايرد جوالة مقفل ناضرتها بقهر وانا قول مقفول ولا متفقين انتي وياه يقفلة تحسبيني غبي ولا اعرف مخططاتك السخيفة واللة ثم واللة لولا خوفي من ربي وقدر عمتي عندي كان رميتك في الشارع بهلوقت وبعدها تشوفين مخططاتك هي تنفعك ولا لا سحبتها من ايدها ورميتها في المجلس ورميت عليها شنطتها قلت واناا اناضرها بتهديداقعدي هنا ويا ويلك اذا شفتك داخل البيت سكرت الباب ودخلت وانا اغلي من الغضب رحت للمكتب وحاولت اكمل شغلي بس مافي فايدة وشلون اكمل شغلي وهزفت خربت مزاجي قمت ورحت لغرفة الجلوس فتحت التلفزيون وقعدت اقلب في القنوات لين لقيت برنا مج اعجبني احس اني محتاج ترفية من زمان وانا ضاغط على نفسي في الشغل انسجمت في البرنا مج الي قاعد اتفرج علية ونسيت اني خليت الباب مفتوح ما حسيت الا بشي يتحرك جمبي التفت ولا منى قاعد جمبي ولابسة قميص ناعم وقصير وعاري وتبتسم لي على بالها تغريني ما درت ان عندي الي تغطي عليها وعلى عشر من امثالها بجمالها ونعومتها توي بلتفت عليها وانا ناوي اادبها هلمره وشلون تجي وانا قايل لها ما تتعدى المجلس بس بذيك الحضة جيتي انتي وفهمتي الي شفتي غلط وصار الي صار تنهدت وانااسمع وليد يتكلم احس انة صادق بكل كلمة يقولها قلت اسمحلي وليد اني شكيت بحبك لي وما عطيتك فرصة تشرح لي موقفك اه بس يا حياتي لو تشوفين وش حصلي يوم شفتك طايحة قدامي بغيت انجن وارتكب في منى جريمة ومارتاح بالي لين وديتها لهلها وطلقتها هي تشوف نصيبها وحنا نرتاح بحياتنا المهم ما علينا منها قولي لي حياتي انك سا محتيني على كل الاالم الي سببتة لك خلاص وليد سامحتك انت مالك ذنب هي الي جت لك يا حبي لهلقلب الطيب عساني ما انحرم منة نشا اللة طيب متى اجي اخذك تراى خلا ص ماقدر اصبر اكثر من كذا قلت وانا ناوية اتغلى علية شوي وليد ودي اقعد زود يومين توي احس اني تعبانة قال خلاص اذا صرتي تعبانة تعالي عندي وانا اخدمك واحطك بعيوني تسلملي عيونك واللة قعدنا نسولف ما حسينا بلوقت لين اذن الفجرسكرت من وليد ورحت اصلي بعد ما قال وليد انة بيجي يا خذني بكرى بعد مارجعت لبيتي بيومين كنا جالسين نتفرج على فلم جايبه وليد كنت حاطه راسي على كتف وليد وفاكه شعري الي طايح على ضهري بنعومه ولافه ايدي على خصر وليد وهو حاط ايده على شعري ويالعب فيه كنا منسجمين مع الفلم ما خرب علينا الا صوت جوال وليد ارفعه وكان بيقفله بس صارت امه متصله ردعليها هلا والله بلغاليه الحمد لله كلنا بخير نورة هاالحين احسن الحمدلله .......................... والله مادري متى نجي يمكن هل اسبوع اذا ما كان عندي شغل ............... حتى حنا والله اشتقنا لكم البنات وش اخبارهم .............. ايه عارف وشلون متى هلكلام ............. بس موكنها قريبه وندى موافقه ............. زين زين اهم شي انها راضيه وبوي قلتوله يقدر يجي الله يستر ان ما هّّون وندى اكيد بتتضايق .................. الله يسلمك يبلغ انشا اللة سلميلي عالبنات مع السلامه سكر السماعه وقال ترى امي تسلم عليك : الله يسلمها من كل شر :انا قلتلك ان ندى مخطوبه من زمان لولد عمي حمد بس ما حددو موعد الزواج وامس جاهم عمي وقال نبي نسوي الملكه عا ئليه الخميس الجاي والزواج يكون يكون بعطلة العيد لان الاجازه ما بقى عليها غير اسبوعين وتخلص ومايمديهم يحجزون ويستعدون : الله يوفقهم انشا الله بس وليد ما عندي فستان للملكه واخاف ما يمديني اتجهز : بيمديك انشاالله بوديك السوق وخذيلك فستان جاهز :زين بس متى توديني :وش رايك اليله علشان بكرى يمديك تجهزين باقي اغراضك ويوم الاربعا الفجر نمشي : خلاص بس بعد ما اخلص من السوق تعزمني على مطعم وانا بختاره : اسف حبيبتي ما اقدر عندي شغل بخلصه اول مانرجع اخاف نتأخر ولا يمديني عليه : اف بس كل ما قلت ابي شي قال عندي شغل صديت بقهر وقلت خلاص مابي منك فستان ولا ابي شي علشان ما اعطلك عن شغلك :قرب مني ومسك وجهي وداره لين صارمقابل وجهه المشكله انك تعرفين نقطة ضعفي الوحيده ما اتحمل زعلك مع انك اذا زعلتي تصيرين روعه تجننين : ضربته على كتفه يعني تستمتع بزعلي خلاص ابعد عني مالي خلقك بقوم حاولت اقوم بس كان ماسكني بقوه و مستحيل اقدر اتحرك قعدت بيأس ونزلت اعيوني وانا مبوزه :يا حلو الزعلانين والله خلاص حياتي الي تامرين فيه يصير : ابتسمتله بدلع وانا عارفه تأثير بتسامتي عليه وقلت مشكور حبيبي وبوسته على خده ارتخت مسكته لي وانا ستغليت الفرصه ورحت اركض للغرفه انتبه لي وقام وراي وهويقول وين بتروحين عني اوريك وصلت الغرفه وكنت بفتح الباب بس هو كان اسرع مني ومسكني :قلت وانا الهث من الركض واضحك بنفس الوقت خلاص هزمتني :رحنا لسوق ودرت اكثر المحلات ولا عجبني شي لين شفت وليد بدا يعصب علي اخيرا لقيتلي فستان اسود شكله حلو وناعم واخذت معه نعال وكسسوار بعد ما خلصت من السوق رحنا تعشينا بمطعم ماريز رجعناللبيت متأخرين كنت ما اشوف طريقي من التعب شلت عباتي ونمت مثل الميته وانا ما احس بلي حولي اليوم الثاني جهزت اشناطنا والاشياء الي احتاجها وبعد ما خلصت رحت اسلم على اهلي بس امي لزمت علي اتعشى وقالت اتصلي على وليد يجي يتعشى معنا بس وليد اعتذر يقول مايقدر عنده شغل بيخلصه قبل ما نسافر مشينا يوم الاربعا بعد صلاه الفجر وصلنا اهل وليد السعه عشر ونص تقريبا دخلنا و لقينا ام وليد والبنات جالسين ينتضرون وصولنا سلمنا عليهم وجلسنا نسولف معهم :التفتت علي ام وليد وقالت بشريني يبنيتي هلحين وشلون صحتك اوشلون وليدي : رد وليد بلقافه انا الحمد لله بخير : :ناضرته بغيض مشكله القافه هي تقصد ولدي انا مهب انت : قال اخ بس يعني هنتفه من هلحين بيشاركني غلااي عند امي : ردت عليه امه وهي تناضره بحب وفخر انت راس المال محد يلصل غلاك ندى: ياسلام يعني كل الحب والغلا لوليد وحنا عيال الناس وليد : اسمعو تكلمت العروس انتي المفروض تستحين زواجك بكرى بتكونين اغلا وحده عند حمد ضحكنا على ندى الي حمرت من الفشله بعد شوي جابو الفطور وافطرنا قعدنا نكمل سواليفنا لين اذن الضهرقام وليد يصلي وانا قمت بروح لقسمنا احس اني تعبانه من الطريق وقلتلهم لا تنادوني للغدا بصلي وانام دخلت قسمنا ورحت لغرفتي اول ما شفت السرير حسيت اني بس ودي انام جرجرت نفسي للحمام بكسل توضيت وصلت ورميت نفسي على السري حتى ما بدلت ملابسي ورحت بسابع نومه من التعب يوم الخميس الي هو يوم الملكه قمت من النوم متأخره صليت الضهر ونزلت بعد ما تغدينا حاولت اساعدهم بس عمتي والبنات ما خلوني اسوي شي بس انا اصريت اني اساعدهم بلي اقدر عليه مع ان كلشي جاهز ما بقي الا لمسات بسيطه وكل شي يكتمل كان عندهم صالتين مفتوحات على بعض وحده صغيره الي دايم يجلسون فيها والثانيه كبيره مخلينها للمناسبات لا حضت عليهم البساطه رغم غناهم كانو حاطين في الصاله الكبيره كوشه بسيطه ومرتبه خلصنا من كل الترتيبات واخر شي بخرنا البيت دخلت غرفتي وانا احس بلارهاق والتعب بجسمي مع اني ما سويت الا اشيا بسيطة رحت للحمام وعبيت البانيو ماء دافي وحطيت فيه زيوت عطريه واسترخيت فيه نص ساعه لين حسيت كل التعب راح عن حسمي وحسيت اني نشيطه قمت وغسلت شعري بشامبو طلعت من الحمام بعد ما لفيت جسمي بفوطه ولفيت على شعري فوطه ثانيه رحت فكيت الفوطه عن شعري وستشورته كان شعري كثيف وطويل يتعدى اخر ضهري ومقصصته مدرجات اول وحده توصل كتفي ومشقرته خصل ثلجي لبست فستاني الاسود كان فيه حمالات ماسكه وفيها كرستال ملون صغار وكبار وعلى اليدين حبل ملفوف يبدا من عند الكتف على شكل x وفيه حزام نازل تحت الخصر فيه حلقات فضيه حطيت مكياج وضل مخملي ورسمت عيوني بالكحل السايل وحطيت على رموشي مسكره اخر شي حطيت روج كرزي وحطيت عليه لمعه شفافه رشيت عطري المضل وانا جايه بطلع اشوف ندى وش صار عليها خلصت اولا انفتح الباب ودخل وليد قعد ينا ضرني وهو مبهت كنه ما صدق ان هاذي انا كان واقف بلباب بعد ما سكره وماسكه ابتسمت له وقلت لوسمحت ممكن تبعد عن الباب شوي >>>>>> ابتسمت له وقلت ممكن تبعد عن الباب شوي مسكني وقال تعالي وين رايحه :ضحكت بدلع وقلت وين بروح يعني بروح عند ندى بنزل معها :لف ايدينه على خصري وقربني له لما قربني شميت ريحه عطره الرجالي القويه مختلط مع ريحة البخور كان كاشخ ب الثوب والغتره البيضا والعقال مع ملامحه الوسيمه وبشرته القمحيه صاير روعه حسيت اني قصيره عنده مع ان نعالي كعبها رفيع كان يناضرني نضرات اعجاب وعشق نزلت راسي وطاح شعري على وجهي بنعومه رفع شعري بيده بس رجع ينزل ثانيه نسيت نفسي وندى وكل شي بهدنيا غير قربي من وليد كنا عايشين بعالمنا ونا سين كل شي ما صحانا الاصوت الباب يندق بقوه نقزت من حضن وليد وانا خايفه :ابتسم وليد وقال وش فيك خفتي اكيد تأخرنا عليهم وسوو هلازعاج لاني تارك الضيوف وجاي اقابلك تصدقين نسيت وش كنت جاي علشانه :قلت طيب وليد افتحلهم تأخرنا عليهم راح وليد يفتح وانا لحقته اشوف وش صارعلى ندى دخلت على ندى ولقيتها مخلصه وتنتضرني كانت قمر مشاء الله فستانها جزري مع ليموني مخصر على جسمها لين نص الفخذ وبعدين مكسر وفيه طبقات على شكل مربعات وله ذيل يسحب وحاطه مكياج ذهبي على بني جيت وباركت اها ومسكت ايدها لقيتها بارده وشكلها خايفه التفت وماشفت احد من البنات قلت وين البنات ليش مخلينك لحالك : انا قلتلهم اطلعو غثوني بتعليقاتهم البايخه واناخايفه و متوتره ومالي خلقهم شديت على ايدها وانا اطمنها لا تخافين حبيبتي توكلي على الله ونشا لله مايصير الا الخير نزلنا و كانت الصاله مليانه حريم كل اقارب وليد جايين كا نت ندى تمشي بثقه وهي رافعه راسها لين وصلت مكانها وجلست جوالحريم وسلمو عليها وباركولها سلمت على الحريم كلهم بس ما شفت منى كنت خايفه من مواجهتها اخاف تجرحني بكلمه وانا مااحب المشاكل والهواشه صراحه استغربت عدم حضورها وصار فيني فضول ودي ادري وش السبب بس تذكرت المثل الي يقول ابعد عن الشر وغنيلوه بعد ما قامو الحريم للبوفيه يتعشون اتصل علي وليد وقال خلي ندى تجي للمجلس بيشوفها زوجها رحت لندى وانا عارفه انها بتكون خايفه الله يعين عليها رحت عندها وقلت ندى حبيبتي وليد يقول تعلي للمجلس حمد بيشوفك نا ضرتني بخوف وقالت تكفين نوره قولي لوليد ما قدر هلحين مره ثانيه تنهدت واناعارفه ان هاذا بيكون ردها وش هلكلام ياندى الرجال جالس ينتضرك وهوهلحين صار زوجك يعني قوي قلبك وروحي علشان تتعودي عليه بعدين هو ولد عمك موغريب وانا قاعده اقنع فيها اتصل وليد مره ثانيه يقول ليش تاخرت خافت ندى يعصب عليها وليد وهي تهابه وتحترمه بنفس الوقت قامت وهي ماسكه ايدي ورحت معها لقينا وليد ينتضرنا بعد ماراحت ندى مع وليد رقيت لقسمنا ودخلت غرفتي وانا تعبانه بعد هاليوم المرهق جلست على الكنبه وسندت راسي وانا اقاوم النوم بنتضر وليد لانه يوم جبت له ندى همس بأذني انتضريني يا ويلك اذا جيت ولقيتك نايمه حاولت اقاوم النوم بس عجزت حسيت جفوني يثقلن واخر شي غلبني النعاس ورحت بنوم عميق فزيت من النوم وانا احس اني متضايقه ناضرت وشفت نفسي في فستاني ما بدلته تذكرت اني نمت على الكنبه وش جابني لسرير اكيد وليد شهقت وانا اتذكر ان وليد قالي انتضره تخيلت شكله وهو معصب يوم شافني نايمه ابتسمت والتفت عليه شفته نايم بعمق قمت بهدؤ ونزلت من السرير ورحت ابدل ملابسي وارجع اكمل نومي مشينا من عند اهل وليد يوم الجمعه الصبح بعد ماودعناهم وصلنا بيتنا مع اذان العصر نزل وليداغراضنا وشناطنا وراح يصلي وانا رحت اشيل عباتي واخذلي دش يريحني """""""" بعد سبوعين من رجوعنا بدت المدارس والجامعات دوماتهم وكنت مسجله في الجامعه لان نسبتي حلوه وتأهلني لدخول القسم واتخصص الي ابي كان وليد معارض اول شي ورافض اني ادخل الجامعه لكن بعد المحا ولات وبطريقتي الخاصه رضي قمت يوم السبت وانامتحمسه للجامعه ونشيطه لبستلي تنوره سودا قصات وبلوزه بيضا قصيره وفكيت شعري كنت مطويه اطرافه ب الفير وبعدين رفعت نصه بشباصه قعدت احط مكياج وانا ادندن ومستانسه حسيت وليد فتح عيونه وقاعد ينا ضرني قلتله وانا ابتسم صباح الخير يا اغلى شي عندي بهدنيا قال صباح النور يا سلام لو الواحد كل يوم يتصبح بها الجما ل والرقه قلت وانا قاعده اكحل عيوني يله حبيبي قوم علشان ما نتأخر :خليني مستانس ليش تحبين تخربين علي خلصت وجيت عنده مسكت ايده وانا احاول اقومه بس هو جرني لين طحت جنبه : وقال وشرايك نكمل نومنا وناخذ اجازه اليوم قمت وانا اقول وليد حياتي قوم الله يخليك ما ودي اتأخر اول يوم اخيرا قام بعد محاولات وراح يغسل ويلبس وانا رحت اجهزلنا كوبين نسكفيه لان وليد ما يحب يفطر اول ما يقوم وانا ماحس اني مشتهيه فطور بعد اول يوم لي بلجامعه حسيت اني الحمد لله مرتاحه وتعرفت على بنت حبوب اسمها شهد وهي اسم على مسمى كنا نحضر المحا ضرات جميع ونفطر جميع وحست بكم هليوم الي عرفتها فيهم كأني اعرفها من زمان وما نفترق لين كل وحده تروح لبيتها في الاسبوع الثاني يوم الاربعاء كنت انتضر وليد يجي ياخذني بس تأخر علي وكل ما اتصل فيه القى جواله مغلق حاولت كم مره بس ما في فايده اكيد عنده تحقيق هو اذاكان عنده تحقيق يقفل جواله اتصلت على ناصر بس مايرد تأخر الوقت واكثر البنات راحو وشهد جا اخوها وكل شوي يتصل عليها يبيها تطلع وهي خايفه تطلع وتخليني قالت شهد نوره وشرايك تجين معنا وحنا نوديك بيتك ناضرتها بتردد اخاف اروح معها يعصب علي وليد وهو محذرني مااروح مع احد غريب مهما كان غير هو ولا ناصر بس حسي اني خلاص بديت اتعب والدوار بدا يرجعلي من كثر ما وقفت انضره قلت اصبري بحاول هلمره يمكن يرد علي اتصلت بس نفس النتيجه توكلت على الله ورحت معها وانا خايفه من النتيجه الله يستر بس وصلوني بيتنا وقفنا بنفس الوقت الي وقفت فيه سيارة وليد نزلت وانا خايفه وهم يوم نزلت مشو رحت ولقيت وليد واقف عند الباب يفتحه وهوشكله معصب وصل حده مسكني من ذراعي بقوه حتى حسيت يدي توجعني من قوت مسكته وجرني لداخل ابيت شلت غطاي وقفت اناضر وليد الي يناضرني بنضرات يتطاير منها الشرر قال وهو يصر علىاسنانه قولي لي ليش تجين مع رجال غريب وانا قايلك ومحذرك ما تجين مع احد غريب حاولت ارد عليه بس حسيت لساني مربوط من الخوف :قوليلي ليش ماتردين ما حسيت الا بكف على وجهي احس ان وجهي طار من قوته نا ضرت وليد بذهول وصدمه وعيوني امتلت دموع حطيت ايدي على وجهي وحسيت بحرارة الكف على خدي كان وليد ينا ضرني وكأنه مو مو مستوعب الي سواه تركته ورحت اركض لغرفتي و انا ما اشوف طريقي من الدموع دخلت الغرفه وقفلتها كم قفله وكأني خايفه يلحقني رميت نفسي على السريروانا اشهق ودموعي ما وقفت ليش وليد سوى كذا ليش يمد ايده علي ليش يهين كرامتي ويضربني على وجهي ليش قمت من السرير وانا احس اني اغلي من القهر والغضب والله لا اخليك تندم يا وليد في اليوم الف مره انك فكرت تمد ايدك علي يعني انت الي تخطي علي وبعدين تعاقبني وانا الي عطيتك حبي ومشاعري وسامحتك يوم دريت انك متزوج قبلي من غير ماتقولي لاكن انت ما تستاهل احد يسامحك اصبر علي توك ماعرفتني زين بتشوف نوره زين نوره الي مستحيل تسمح لحد يهين كرامتها وتسامحه قمت وانا امسح دموعي ورحت للحما م وقفت تحت الماء الدافي يمكن يخفف عني الارهاق والتعب وانا متأكده ان التعب والجرح بقلبي مو بجسمي خلصت ولبست روب الحمام وحطيت فوطه على شعري نا ضرت وجهي في مراية الحمام كان احمر ومورم شهقت يوم شفت شكلي حسبي الله عليك يا وليد من اليوم ورايح خلاص مالك مكان بقلبي ومشاعري تنهدت وانا اتذكر ولده الي شايلته في بطني والله لولا وجوده ما قعدت ولا لحضه عنده لبستلي بجامه قطن مريحه ورفعت شعري رحت صليت وسكرت الا نوار ونسدحت وانا احس راسي بينفجر من الصداع بس ما اقدر اخذ حبوب مسكنه اخاف تأ ثر على حملي >>>>>>>>>>>> وليد >>>>>>>>>>> كنت واقف اناضرفي الفراغ بعد ما اختفت نوره من قدامي وانا احس اني ماني مستوعب الي سويت وشلون مديت ايدي عليها من غير ما اسالها وش السبب الي خلاها تجي معهم تذكرت اني كنت مقفل جوالي يعني اكيد كانت تتصل علي وما رديت عليها زفرت بضيق اه ه يانوره يعني اخطيت عليك مرتين بس وش اسوي كنت معصب من الشغل واصل حدي وجيت وشفتها جايه مع رجل غيري حتى لو كانت معه اخته حسيت ذيك الحضه الدم يغلي بعروقي والغضب اعمى عيوني وخلاني ما اشوف الي قدامي رميت شماغي وعقالي وفكيت ازارير ثوبي احس اني مختنق انسدحت على كنب الصاله وانا افكر اروح لها بس اعرفها مستحيل تفتحلي وتكلمني سندت راسي بتعب وشكلي نمت من دون ما احس بروحي """"" صحيت من النوم حول اذان المغرب نزلت من السرير وشغلت الانوار رحت غسلت وجهي وناضرته بمراية المغسله الحمد لله الاثر خف كثير حسيت اني جوعانه رحت فتحت باب الغرفه وانا اتلفت غريبه وليد ماله حس يمكن طلع دخلت الصاله وشفته منسدح على الكنب ونايم وقفت اناضره شكله نايم وهو متضايق يمكن يكون تحسف على الي سوى كانت ملامحه مسترخيه وهو نايم رموشه الطويله السودا وملا محه الحاده وشعره الكثيف الناعم نازل شوي على وجهه جريت رجليني للمطبخ وانا الوم نفسي ليش اقعد اناضره اف بس هاذا وانا ناويه اعاقبه بعد شكلي بعاقب نفسي قبل من هلحين لازم اسيطر على مشاعري وما اخليها تضعفني فتحت الثلاجه وصبيتلي كوب عصير ورحت سويتلي توست جبن ومربى حطيتهم في صنيه ورحت لغرفة الجلوس حطيتهم وشغلت التلفزيون يمكن القى شي يخفف عني قعدت اكل وبعد شوي خلصت وشلت الصينيه وديتها المطبخ وانا قاعده اغسلهم دخل وليد المطبخ طنشته وما لتفت عليه حسيت انه جا وراي قريب مني حتى اني حسيت بانفاسه الحاره على رقبتي مسك ايدي وهمسلي بصوت مليان مشاعر نوره انتفضت من لمسته وانا اتذكر الكف الي جاني منه اليوم جريت ايدي من ايده بقوه وانا اناضره بحتقار واصرخ فيه بكل الي في قلبي من القهرلا تلمسني ولا تقرب مني مره ثانيه سمعت خلاص ما عاد لك في قلبي مكان وهلحين صرت اكرهك من كل قلبي يل**** رحت اركض من عنده علشان ما يشوف دموعي الي نزلت غصب عني لحقني وهو يقول نوره وقفي ارجوك بكلمك شوي بس دخلت للغرفه بس هو دخل قبل اسكر الباب وقرب عندي بيكلمني قعدت اصارخ فيه ودموعي على خدودي لا تكلمني مابي اسمع صوتك اطلع من عندي مابي اشوفك اطلاااااااع لما شاف انفعالي قام وقال خلاص خلاص بطلع بس انتي اهدي طلع من الغرفه وبعد شوي سمعت باب الشارع يتسكر """" اليوم الثاني قمت الساع 11 على صوت تلفون الصاله يرن قمت من سريري ورحت اركض اشيله قبل ينقطع رفعت السما عه وكانت امي متصله كلمتها وقالتلي انهم بيطلعون لستراحة خالتي حنان بعد الصلاة قلت خلاص وانتم رايحين مرو علي وليد مشغول اليوم قالت امي خلاص تجهزي الساع وحده حنا عندك سكرت السماعه من امي وانا رايحه بتجهز شفت وليد شكله كان واقف وانا اكلم امي وانا ما نتبهت له تجاهلت وجوده وكملت طريقي قال نوره لحضه بكلمك شوي التفت عليه من غير نفس خير بعد وش عندك ولا بعد ما تبيني اروح مع اخوي يمكن اذا رحت مع اخوي يكون فيها شبهه عندك نا ضرني وعيونه فيها رجا والتعب باين على وجهه شكله مانام امس زين نوره تكفين لا تزيدين علي تدرين ان الي سويت امس كنت معصب ومن غير شعوري وانا كنت بعتذر لك بس انتي ما عطيتيني فرصه ضحكت بستهزاء يا سلام وتتوقع اني بسامحك على الي سويت بمجرد ما تعتذر مستحيل اسامحك بهسهوله لو تعتذر من اليوم لين بكرى مشيت من عنده ورحت لغرفتي اتجهز قبل يمرون علي لبست بلوزه شتويه رمادي مع اسود لان الجو بدا يبرد وخصوصا في الاستراحه اذا غابت الشمس ولبست تنوره سودا ثقيله ما حطيت مكياج بس حطيت واقي عن الشمس رفعت شعري على شكل ذيل بربطه سود كبيره جهزتلي شنطه وانا ناويه انام عند اهلي اليله خلصت من تجهيز شنطتي وانا رايحه باخذ عبايتي سمعت صوت جوالي لبست عبايتي ورديت عليهم وانا طالعه لقيتهم واقفين ينتضروني في لسياره ركبت وسلمت عليهم ومشينا """"" وصلنا استراحة خالتي حنان بعد نص ساعه تقريبا دخلنا وستقبلتنا خالتي حنا ن بشاشتها وبتسامتها الي ما تفارقها : هلا والله حيا الله من جانا تو ما نور المكان بجيتكم سلمنا عليها وحنا نقول المكان منور بهله دخلتنا لغرفة جلوس كبيره فيها جلسات ارضيه روعه ومفتحات شبابيكها والهوا البارد يدخلها من كل جهه شلنا عبا ياتنا وجلسنا نسولف جو بنات خالتي ساره وسمر وسلمو وجلسو معنا بعد شوي قامو خا لتي وبناتها يحطون الغد وقمنا انا ومها نساعدهم جهزنا غدى الرجال وارسلناه وحطينا غدانا حنا بغرفة الجلوس بعد ما تغدينا وصلينا العصر فرشنا لنا فرشه با المزروع الي برا كان الجو روعه مغيم وبرودته معتدله حطينا القهوه والشاهي وجلسنا نتقهوا """"" رجعنا من عند خالتي بعد ما قضينا وقت ممتع وستا نسنا حسيت اني بها اليوم روحت عن نفسي الهم والقهر الي كاتم على قلبي وحنا راجعين بسياره التفت علي ناصر وقال ها نوره بتروحين معنا بيتنا ولا تبين بيتك قلت لا بروح انام عندكم لفت علي امي مستغربه وشلون بتنامين يعني وليد مسافر : تنهدت بضيق لا ما سافر بس انا ودي انام عندكم ولا ما تبوني قالت امي وهي تنا ضرني من ورا نقابها نوره انتي فيك شي اليوم ملاحضه عليك انك كل شوي تسرحين : ما فيني الا العافيه بس تتوهمين كملنا طريقنا وحنا ساكتين دخلنا بيت اهلي وعلا طول رحت لغرفتي شلت عباتي وبدلت ملا بسي ونسدحت على سريري اخذت جوالي وفكرت ارسل لوليد رساله علشان يدري اني بنام عند اهلي اخاف يتصل على تلفون البيت يقول وينها وتجي امي تقولي اكلمه وانا مالي خلق ارسلت رساله كلمتين بس < بنام عند اهلي> ما مداني ارسلها بشوي الا وصلتني رساله من وليد وش يبي بعد فتحتها وكان كاتب < نوم العوافي يا حياتي> قفلت جوالي وحطيته عند راسي ونمت من غير ما احس بنفسي من الا رهاق الجمعه رجعت لبيتي وطول الاسبوع وانا اتجنب وليد وما اكلمه اخذتلي مخده ولحاف وبديت انام في الغرفه الثانيه الصبح يوديني للجامعه بدون ما نتكلم وحتى لوحاول يكلمني ما ارد عليه بعد يومين من رجوعي من اهلي كنت احس الام في بطني واسفل ضهري وبعض الاحيان لما اقوم من سريري بسرعه ولا اطول واقفه احس بدوخه واتمسك بأي شي حولي علشان اتوازن بس ما هتميت لها ما لي خلق اقول لوليد يوديني للمستشفى مابي اطلب منه شي يوم الخميس كنت البس واتجهز بروح لهلي مع الحركه وانا رايحه وجايه حسيت بدوخه بس قلت اكيد مثل العاده بتخف بعد شوي بس كنت احسبها كل شوي تزيد وانا اكابر واتحامل على نفسي خلصت واخذت شنطتي ورحت بنزل كان وليد ينتضرني عند اخر الدرج نزلت درجتين بس حسيت الدنيا تدوربي وتضلم بعيوني وانا اطيح على وجهي ما حسيت الا بيدين وليد القويه تتلقاني قبل ما اغيب عن الوعي صحيت وانا احس با اصوات وحركه غريبه حولي لفيت اناضر جنبي كان وليد جالس على الكرسي الي جنب السرير وماسك ايدي والخوف والهفه مبينه بعيونه لفيت وجهي وانا اغمض عيوني حس وليد اني صحيت باس ايدي بنعومه وقال الحمد لله علا سلامتك حبيبتي حاولت اسحب ايدي بس هو كان ماسكها قالي بهمس وصوته يترجاني نوره حبيبتي الا متى وانتي تعذبيني بزعلك وصدودك عني اذا كنتي بتعاقبيني تراك اخذتي حقك مني وزياده صراحه ما قدرت اتحمل اكثر حتى انا كنت مشتا قه له موت بس حاولت اني اثقل شوي لفيت وجهي عليه وفتحت عيوني وتلاقت بعيونه قال وليد وهويبتسم الله يخليلي هلعيون الحلوه ولايحرمني منهم بتسمتله وهو ما قدر يصبر اكثر ضمني له بقوه وشوق وهو عرف اني خلاص رضيت عليه طلعت من المستشفى بعد ما قال الدكتور اني معي فقر دم مع الحمل وعطاني حبوب لفقر الدم وفتا مينات وقال لازم اهتم باكلي وارتاح علشان ما يتطور فقر الدم لمرحلة نه لازم ينقلي دم ويمكن ويمكن يأثر على الجنين واسقط الله يستر بس صراحه خوفني كلامهم استمريت اروح للجامعه كل يوم بس اذا حسيت بتعب ما اروح بعد كم يوم كان عندي بحث لازم اسلمه بكرى كنت فاتحه جهازي المحمول وقاعده اكتب في البحث وكتب المراجع والاوراق منتشره حولي بشكل عشوائي سمعت التفون يرن قمت ارد وانا مالي خلق اترك شغلي بس قلت يمكن شي مهم رفعت السماعه وكان ناصر قال بصوت مرتبك ومتردد نوره تجهزي بجي اخذك بعد شوي حسيت بشي يضغط على قلبي وقلت وانا خايفه ناصر وش فيه صوتك قال لا مافي شي بس وليد سوى حادث وهو هاالح شهقت وانا احط ايدي على صدري من الخوف ورميت السماعه قبل ما يكمل ناصر كلامه وانا اصارخ عليه لا تقول ما بي اسمع شي مابي مابي رميت نفسي على الكنب الي وراي وانا احس رجليني ماتشيلني وجسمي ينتفض من الخوف >>>> نهاية الجزء | ||||||||
|
| |
|
29-06-16, 08:22 AM
| #6 | ||||||||
| مراقبة عامة ومشرفة منتدى الروايات المنقولة
| الجزء الخامس >>>> كنت جالسه وانا احس اني بحالة خوف وصدمه جسمي ينتفض ودقات قلبي زادت كانها بتطلع من صدري بعد وقت كانه دهر سمعت صوت جرس الباب يرن كنت اسمعه كنه جاي من عالم ثاني بس جرس الباب استمر يرن لين انتبهت من ذهولي حاولت اقوم وانا ياله اسند طولي وقفت على رجليني بصعوبه ورحت افتح الباب كان ناصر الي جاي دخل وسكر الباب مسكت ايده ونا اناضره بخوف ناصرالله يخليك لا تقولي وليد فيه شي كايد شكلي كسرت خاطره فتح ايدينه وانا رميت نفسي بحضنه ونفجرت ابكي واشاهق بصوت متقطع وانا اقول من بين شهقاتي ققو.ل...ولي.يد..وشف يه. قال ناصر وهو يمسح على راسي ويهديني الله يهديك يا نوره ليش استعجلتي ورميتي السماعه قبل ما اقولك وش فيه الحمد لله اصابته بسيطه بس كسر بيده اليسار وخلع بالكتف ورضوض براسه بس الحمد لله الرضوض سطحيه مهب عميقه تنهدت تنهيده من قلبي وانا احس براحه بعد الهم والخوف الي كنت فيه التفت على ناصر وقلت طيب وش اسباب الحادث ما اذكر ان وليد متهور او يسرع حتى لو كان متأخر مسك ايدي ناصر وقال تعالي اجلسي وبقولك كل شي رحنا وجلسنا قال ناصر هم حاليا يحققون في اسباب الحادث تعرفين بحكم شغل وليد كا محقق ناجح ومتكمن من شغله تحول عليه بعض القضايا من هيئة التحقيق ودايم تجيه على جواله رسايل تهديد بس هو ماهتم فيها على شان كذا هم يحققون في ملابسات الحادث يخا فون يكون احد حاقد عليه وحاول يتسبب له بالحادث كنت اناضر ناصر وهو يتكلم وانا مبهته وفاتحه ا ثمي وعيوني على وسعهم وانا افكر معقوله كل هاذا يصير لوليد وانا ما ادري ابتسم ناصر على شكلي وقال نوره سكر ي خشتك ولا ناو يه تاكليني ضربته على ايده وانا اقول والله انك بايخ وفاضي المهم متى اقدر اشوف وليد ناضر ساعته وقال هالحين باقي ساعه وتنتهي الزياره تعالي معي اوديك تشوفينه وبعدين نرجع تجيبين اغراضك عشان نروح بيتنا قلت طيب لحضه البس عباتي وجايه قام ناصر يشغل السياره وانا لبست عباتي ولحقته وصلنا المستشفى وانا قلبي يرقع ويا الله ابلع ريقي من الخوف هاذا وانا ادري ان اصابته الحمد لله بسيطه اجل لواصابته خطره وش بسوي وصلنا غرفة وليد وانا احاول اسحب نفس واهدي اعصابي لما وصلنا قال ناصر نوره انتي ادخلي وانا بوصل قريب وجاي شكله يبي خليني على راحتي توكلت على الله ودخلت اول ما شفته حسيت دموعي تنزل من غير شعوري كانت ايده وكتفه مجبسين وراسه ملفوف وموصل فيه جهاز التنفس والمغذي وشكله نايم لان ناصر يقول انهم يعطونه ابر منومه علشان مايحس بألم الحادث اذا انتبه سحبت لي كرسي وقعدت عندراسه اناضر وجهه كان شاحب ومبين عليه التعب مررت اصابعي على ملامح وجهه بنعومه ودموعي تنزل على خدودي بصمت ما اتخيل وليد الي يفيض قوه ورجوله يكون بهالضعف تنهدت بحزن ومسحت دموعي بعد شوي سمعت دق على الباب تغطيت خايفه يكون احد غير ناصر بس كان ناصر دخل وجا لعندي قال يله نمشي ترى انتهت الزياره قمت وانا اسحب رجليني ما ودي اطلع وانا ما كلمته وسمعت صوته بس انا عارفه اني مااقدر اقعد اكثر وهو نايم ومو حاس فيني رحت لبيتي وجهزت باقي اغراضي ومشينا لبيت اهلي دخلت بيت اهلي وشفت امي جالسه جيت وسلمت عليها ورميت نفسي على الكنب وغمضت عيوني بتعب جت امي وجلست جنبي وهي تمسح على راسي بحنان وتقول نوره وش فيك قلت دايخه يمه وتعبانه من يوم جيت من الجامعه ما نمت هاذا غير الصدمه يوم سمعت بلي حصل لوليد احس بفتور بجسمي قالت امي طيب روحي نامي لك ساعتين وارتاحي بس ترى اذا حطينا العشى بنصحيك تنزلين تتعشين معنا قمت ورقيت لغرفتي ونمت نوم عميق ما صحاني الا باب غرفتي يندق بقوه نقزت من السرير ورحت اركض افتح الباب وانا خايفه يكون صارلهم شي شفت مها بوجهي عند الباب نا ضرتها وانا اتفحص ملامحها: مها صاير شي : ما صار الا الخير بس لي ساعه دق الباب عليك بشويش علشان ما ازعجك بس ما في فايده خفت عليك ودقيت الباب بقوه : طيب انتي انزلي دقايق وانا جايه نزلت مها وانا رحت اغسل وجهي وارتب شعري الي صاير حوسه خلصت ونزلت شفتهم حا طين العشى و ينتضروني بعد ما جلست وبدينا نتعشى سألت ناصر ما سمعت شي عن وليد قال لا والله تو اتصلت قالو لين الحين نايم كنت اكل بدون شهيه رغم اني من فطوري ما كلت شي بس احس اني ما اشتهي اكل اكلت شوي وبعدين قمت وانا اقول الحمد لله انعم الله عليكم ناضرتني امي وهي شكلها تضايقت : نوره اجلسي كملي اكلك توك ما اكلتي شي : جاوبتها وانا رايحه اغسل يديني الحمد لله يمه شبعت هالحين مشتهيه انام اكثر من أي شي ثاني رجعت انام ثانيه وما ادري كم صارلي نايمه سمعت جولي يرن رنين متواصل رفعت ايدي اخذ الجوال وانا اشوف شاشته منوره في ضلام الغرفه رديت من غير ما اشوف المتصل وانا يا له اتكلم من النوم الي مثقل لساني :الوو سمعت صوت وليد كان تعبان ومبحوح وشكله يتكلم بصعوبه :هلا بحبيبتي الكسوله :قمت قاعده وطار أي اثر لنوم بعيوني قلت وانا احس صوتي مخنوق من قوة المشاعر الحمد لله على سلامتك حبيبي رد علي وشكله تأثر بصوتي الله يسلمك يا عمري انتي تصدقين اول ما صحيت فكرت فيك خفت يكون صارلك شي وانتي تعبانه كنت ادري انك نايمه بس اسمحيلي عجزت انتضر لصبح ما اتطمن عليك كنت اسمع كلامه وانا ادري انه خايف علي اكثر من نفسه يا حياتي يا وليد اختنقت بدموعي الي عجزت اكتمها اكثرقلت انت تدري انك تمون علي بس ما ودي اتعب نفسك على شاني اهم شي صحتك انت تنحهد وهو يقول حبيبتي نواري هالحين ليش البكا والدموع وانتي تدرين ان دموعك غاليه علي مابيها تنزل حتى لو كانت على شاني حا ولت اهدي نفسي وامسح دموعي عالشان ما اضايقه اكثر قلت بغير الموضوع طيب قلي وشلونك انشا الله هالحين احسن قال الحمد لله احسن شوي والدكتور يقول يومين او ثلاثة ايام بالكثير واطلع قعدت اسولف مع وليد شوي بس ما طولت عليه سكرت جوالي ونا ضرت ساعتي كان مأذن الفجرقمت اصلي وبعد ما صليت حسيت اني شبعانه نوم قلت اتجهزللجامعه على راحتي """" بعد يومين اليوم الثالث رجعت لبيتي وانا احس بنشاط مو طبيعي احس اني مستانسه وفرحانه وشلون ما افرح وحبيبي اليوم بيطلع بعد ما نزلني ناصر وراح شلت عبايتي وعلقتها وعلى طول بديت بشغلي اول شي نضفت البيت ورتبتها وكنت جايبه معي ورد طبيعي حطيته في الزوايا وعلى الطاوله الي في وسط الصاله وبعدين بخرت البيت بعد ما خلصت من البيت رحت للمطبخ وسويت نوعين حلى الي يحبهم وليد وسويت قهوه وشاهي بعد ما خلصت من كل شي رحت اجهز نفسي تروشت على السريع وطلعت من الحمام لبست بنطلون جنز ازرق فاتح قصير وبدي احمر استشورت شعري وخليته سايح مثل ما يحب وليد حطيت مكياج خفيف وكحل داخلي ومسكره وحطيت قلوس احمر فاتح اخر شي رشيت عطرفواكه احب العطور بريحة الفواكه بعد ما خلصت نزلت انتضر وليد كنت جالسه انتضر وليد واهز رجلي بتوتر قمت واخذت مجله قلت اسلي نفسي فيها و منزله راسي اناضرالمجله وفكري بمكان ثاني كنت سرحانه لدرجة اني ما سمعت صوت الباب يفتح ويتسكر ولا نتبهت بوليد الي واقف متسند على مدخل باب الصاله وينا ضرني فجأه رفعت راسي وشفت وليد واقف قدامي رميت المجله وقمت اركض له ضميته بشوق وانا ادفن وجهي بصدره وابكي من الفرحه حتى بللت قميصه بدموعي كان هو ضامني بأيده السليمه ويبوس جبيني وشعري رفعت له وجهي وعيوني مليانه دموع الحمد لله على سلامتك ناضرني بحب وهو يبتسم لي الله يسلمك يا روحي مسكت ايده وانا اقول تعال اجلس ورتاح وقولي وشلون دخلت من دون ما ادريبك جلس وقال كان معي مفتاح للبيت فتحت الباب ودخلت اول ما دخلت كان قدامي قمر عجزت انزل عيوني عنه بس هو مانتبهلي شكله يفكر في ناس اخذين عقله وغمزلي بخبث حسيت وجهي صار احمروقلت وانا بصرف الموضوع كنت افكر ليش تأخرت : نا ضرني وعيونه تبتسملي اخخ بس و انا حسبتك تفكرين وشكثر اشتقتيلي : شفت مافي فايده اتهرب قلت طيب انت مصر اني اعترف بس لحضه بجيب القهوه اول بعدين بقولك رحت للمطبخ اجيب القهوه رتبت الحلى بصحنين بشكل حلو وحطيت الشاهي والقهوه بصينيه شلتهم ورحت عند وليد لقيته مسترخي على الكنبه ومغمض عيونه شكله تعبان حس اني جايه فتح عيونه بكسل ناضربالي انا جايبه ورجع ينا ضرني : ليش تكلفين على نفسك حبيبتي راحتك اهم علي من كل شي :نا ضرته وانا ابتسم له بمرح : ما كلفت على نفسي رحت جلست جنبه وقلت لحضه اخذت قطعه من الحلى يله افتح فمك لازم تذوقه من ايدي ترى يكون طعمه احلى : فتح فمه وانا حطيت الحلى بدا ياكله بستمتاع : قال تصدقين نوارتي الذ حلى ذقته بحياتي يمكن اصابعك محليته اكثر : تسلملي حبيبي بالعافيه على قلبك : الله يعافيك اقول نونو ما جاوبتي على سوالي : ابتسمت بوجهه تصدق الي حطك محقق يعرف يختار يعني مالي مهرب من تحقيقك : ناضرني بانتصار طبعا مالك مهرب :تكلمت بجديه شوف حبيبي الصراحه انك اغلى من روحي واغلى شي عندي بها لدنيا وما اتخيل اعيش لحضه من حياتي من دونك كملت كلامي وعيوني امتلت دموع ونزلت على خدي ما تتخيل شعوري يوم قال ناصر انك سويت حادث خفت عليك حتى اني ما قدرت اسمع باقي كلامه : قرب مني وليد ومسح دموعي بأ طراف اصابعه بحنان وهويقول اسف حبيبتي ما كان قصدي اذكرك بالحادث بس حبيت امزح معك شوي رفع وجهي بايده وقال ياله وريني بتسامتك الحلوه بدا ل ها لدموع """" الحمد لله كان وليد كل يوم احسن من الثاني بعد سبوع فكو الجبس الي على كتفه لانه كان خفيف والي على ايده قالو يبيله شهر تقريبا كان وليد طول الوقت مثل النمر المحبوس يبي يرجع لشغله بس ايده تعيقه عن الحركه بحريه دخل علي بالمطبخ وانا قاعده اسوي الغدا جا وقف وراي وقال تبين مساعده نونو تراي بالخدمه مؤقتا :لفيت عليه وانا احرك الاكل لا مشكور مابي اتعبك : راح سحب كرسي من طاولة المطبخ وقعدعليه طيب نونو وش طبختي لنا اليوم : سويتلك محشي ملفوف الي من زمان تبيني اسويه وممم وصنيةدجاج وخضار بالفرن ووو سلطه وعصير فواكه طازج وبس : ياسلام تراي هلكان جوع وشهيتيني زياده : طيب حبيبي دقايق ويكون جاهز رتبت الصحون على الطاوله وحطيت العصير وبعدين غرفت الاكل وقعدنا ناكل : بعد شوي دق جوال وليد طلعه من جيب بنطلونه الخلفي ورد عليه بعد ما سكر نا ضرني وقال الحمد لله يقولون مسكو الي تسببلي بالحادث كانت ضنونهم بمحلها يعني الي طلعلي من طريق جانبي وصدم سيارتي وهرب كان من طرف المجرم الي حققت معه بعد ما عجزو ثنين من المحققين يثبتون عليه التهمه عشان كذا حقد علي وخلى وحد من حثالته يصدمني : تنهدت بضيق تصدق وليد بديت اخاف عليك منهم :لمس خدي بايده بر قه وهو يبتسملي بتسامه مطمأنه لا تخافين ياروحي انتي بوريك فيهم والي تعرض لي بخليه عبره لغيره : قام وليد بعد ما خلص اكل وهو يقول بروح انام شوي قبل العصر بس لا تتأخرين علي تراي ماقدر انام من دونك :نا ضرت وليد وهو طالع وسرحت فيه كان لابس بنطلون جنز ازرق غامق وقميص اسود كت وشعره مطول بعد الحادث ونازل على رقبته وزايد جاذبيته تنهدت وانا اقول بنفسي يارب تحفضه لي من كل شر """"" بعد شهر من الحادث رجع وليد لشغله احسن من اول بعد ما فكو الجبس من ايده كنت خايفه عليه يصير له شي بس الحمد لله بعد ذاك الحادث ما صار شي استمريت انا اروح للجامعه كل يوم والحمد لله خلصت المستوى الاول بنجاح بس وقفت الترم الثاني لاني بديت اثقل بدخول الشهر السابع من حملي اليوم الاربعا واحس اني مليت من جلسة البيت فكرت اروح لا هلي من زمان ما رحت لهم اتصلت على امي وقلت لها بجي لكم قالت امي كنت باقولك تجي لان خالتك حنان جايه وهي من زمان تسأل عنك تكلمت مع امي شوي وبعد ما سكرت منها رحت اتجهز لبست لي جلابيه لونها احمر على ذهبي وفيها تطريز وشك بالون الاخضر حطيت مكياج وجهزت شنطتي لما خلصت اتصلت على وليد قال انا عند الباب انزلي نزلت وطلعت عند الباب شفت وليد واقف ينتضرني ركبت وحركنا """"" دخلت على اهلي دورتهم بالصاله ما لقيتهم طلعت للحوش لقيتهم فارشين فرشه وجالسين يسولفون سلمت عليهم وجلست معهم :قلت مشا الله جالسين بالحوش : قالت امي أي والله عجبنا الجوحلو وبراد قلنا نقعد هنا احسن جابو البنات الحلى والقهوه وفليناها كنا نسولف ونتقهوا وعيال خالتي الصغارين محمد10 سنوات وخالد 8 يلعبون كوره وخالتي كل شوي تقول ابعدو لا تضربونا بس ما هتمو بكلامها فجأه حسيت بشي ضرب ضهري بقوه من شدة الضربه وقفت اتلوى وانا ماسكه ضهري من الالم قامت امي وهي خايفه علي: نوره وش فيك ضهرك يألمك وش تحسين فيه قلت وانا اغمض عيوني ضهري قالت: طيب اتصل على وليد يجي يوديك المستشفى نا ضرت بامي وخالتي والبنات الي يناضروني بخوف وعيال خالتي الي كانو مذعورين وخايفين من الي صار قلت وانا احول اطمنهم رغم الالم الي احس فيه لا تخافون الضربه خفيفه بروح انسدح شوي اريح ضهري دخلت وخالتي اسمعها تهاو ش على عيالها انسدحت على الكنب الي بالصاله جت امي عند راسي وقالت نوره اذا كنتي تحسين بشي خلينيي اكلم وليد يجي يوديك المستشفى قلت وانا خايفه اروح للمستشفى لا يمه لا تتصلين ما حس بشي ناضرتني امي بشك وكنها ما صدقتني : انتي متأكده انك ما تحسين بألم قلت وانا احاول اكتم الالم الي يفتك بضهري عشان ما اروح للمستشفى ايه متأكده بعد ساعه حسيت الالم خف علي شوي قمت صليت العشى بعد ما خلصت جلست معهم شوي وبعدين حطو العشى وتعشينا كنت اكل بدون شهيه بس عشان ما تشك امي بشي وتلزم علي اروح للمستشفى جا وليد يا خذني كنت راكبه وساكته استغرب وليد سكوتي ولف علي : نوره فيك شي :قلت بنفسي اه منك يا وليد ما يفوت عليك شي ) لا سلامتك مافيني شي :سكت وكان مركز على الطريق وكنت متأكده انه ما قتنع بكلامي لما وصلنا البيت اول ما دخلت شلت عبايتي وعلقتها وعلقت شنطتي ومشيت بروح لغرفتي بس وليد مسكني قبل ما ابتعد حضن وجهي بيدينه وقع وقعد يتأمل فيه خفت يشوف الا لم بعيوني غمضت عيوني :قال نوره وهالحين ماودك تقولين لي وشفيك عرفت انه مو مخليني حاولت ابتسم وانا اقول صدقني وليد ما فيني شي بس كان راسي مصدع وهالحين خف علي ناضرني بشك نوره لا تحاولين تكذبين علي : قلت بثقه ما كذبت عليك هاذي الحقيقه :طيب شكلك تعبانه وما تقدرين ترقين للغرفه تعالي بوديك ترتا حين ما حسيت الا هوشايلني ورايح للغرفه فتح الباب ونزلني على السرير : ابتسمت له مشكور بس ليش تشيلني تراي صرت ثقيله يعني اثنين في واحد : ابتسم بحب الله يخليكم لي ولا يحرمني منكم قولي امين """" نمت ذيك اليله نوم متقطع وكل شوي انتبه من الم ضهري بس انام ثانيه وانا احاول اتجاهله كان مره بعد مره يزيد علي اخر شي قمت وانا اتلوى من شدة الا لم الي احسه يقطع ضهري واسفل بطني لفيت على مكان وليد كان قايم ناضرت الساعه له نص ساعه رايح لدوامه الفيت ادور جوالي بس حسيت بنوبة الم قويه غمضت عيوني وانا اعض على شفايفي حتى حسيت بطعم الدم فيهم تذكرت ان جوالي بشنطتي الي علقتها مع عبايتي حاولت اقوم وانا اتمسك بأي شي قدامي مشيت كم خطوه لين وصلت الباب جيت بفتح الباب بس خانتني رجليني وطحت وانا احس بألام فضيعه تفتكبي واحس اني بديت انزف بغزاره حسيت الدنيا تدوربي وتذكرت اني معي فقردم ومستحيل اتحمل النزيف بديت اغيب عن الي حولي وانا اتشهد واحس انها خلاص قربت نهايتي >>> >>>>> >>>> >>> | ||||||||
|
| |
|
29-06-16, 08:24 AM
| #7 | ||||||||
| مراقبة عامة ومشرفة منتدى الروايات المنقولة
| الجزء السادس:::::: >>>>>> وليد<<<<< رحت الدوام وانا احس قلبي مقبوض خايف نوره تكون تعبانه ولا قالتلي اعرفها خوافه وما تحب تروح المستشفيات حاولت ابعد هالفكره من راسي لاني يوم اقوم كانت نايمه مثل الملاك الله يخليها لي ويحفضها كملت طريقي وصلت الدوام حاولت اركز بشغلي بس كان ذهني مشوش وراسي بدا يصدع طلبت كاس شاهي اسود ثقيل يمكن يصفي تفكيري شوي بس مافي فايده بعد وصولي بساعه وانا اناضر الاوراق الي قدامي من غير ما ادري وش مكتوب فيها دق جوالي رفعته بسرعه اشوف من متصل عقدت حواجبي وانا اشوف رقم بيت اهل نوره الله يستر متصلين هالوقت غريبه رديت وكانت ام ناصر بعد ما سلمت قالت وصوتها مايطمن وليد وشلون نوره اليوم اتصل على جوالها ماتردعلي وحتى تلفون البيت ماترد : قمت من مكاني وانا متوتر ليش وشفيها : امس يوم كانت عندنا وعيال اختي يلعبون كوره وحنا جالسين بالحوش ضربتها الكوره على ضهرها هي تقول الضربه خفيفه ورفضت اني اكلم عليك بس انا قلبي مو متطمن : رديت عليها وانا زاد خوفي اكثر وكني كنت انتضر هالمكالمه عالشان اقطع الشك باليقين : زين زين هاذاي طالع بروح اشوفها سكرت منها و طلعت من الشغل مسرع وركبت سيارتي وشغلتها حركت بسرعه كنت خايف على نوره يصير لها شي اول مره بحياتي احس بالخوف كنت دايم انلقى تهديدات بالقتل بحكم شغلي ولا مره حسيت بالخوف مثل هالحين كنت حاط رجلي على البانزين وعداد السرعه وصل ميه وعشرين الحمد لله ان الشوارع فاضيه الناس رايحين لشغالهم ولا كان رحت فيها اخيرا وصلت للبيت نزلت من السياره وفتحت الباب بسرعه دخلت البيت وانا اتلفت يمكن تكون قايمه ونازله ما شفت لها اثر رقيت الدرج بسرعه قياسيه فتحت باب غرفتنا وحسيت بشي ساد الباب دفيت الباب بشويش وقدرت ادخل شهقت وحسيت ريقي نشف فجأه زادت دقات قلبي وعيوني بتطلع من مكانها تمنيت الموت ولا اشوف هالمنضر جلست على ركبتي ورفعت راسها كانت زي الميته ووجهها اصفر وشاحب وغرقانه بدمها حطيت ايدي على مكان النبض وكان قلبها ينبض بطيء وضعيف تنهدت براحه نزلت راسها ورحت جبت بطانيه ولفيتها فيها اتصلت على الاسعاف وقلت عندي حاله حرجه وخطيره شلتها ونزلت وانا اركض خايف يفوت الوقت قبل اوصل المستشفا سدحتها بالمرتبه الي ورا ركبت السياره وتوجهت للمستشفى وانا ما شوف الي قدامي """"" وصلت المستشفى وكانو مجهزين سرير متنقل على طول حطوها فيه وركبولها جهاز التنفس ودوها داخل سوولها فحص سريع واشاعه تلفزيونيه للجنين طلع الطبيب من عندها وقال تعال الغرفه معي لو سمحت رحت معه وانا احاول اضبط اعصابي احس شوي وانفجر من التوتر والضغط النفسي : جلست على الكرسي جنب مكتب الدكتور : قلت وانا خلاص صبري الي حاولت اتسلح فيه بدا ينفذ قلي دكتور وش فيها زوجتي : ناضرني الدكتور وقال بصراحه حالتها حرجه ولازم نولدها عمليه قيصريه علشانها وعلشان حياة الطفل مع ان احتمال نجاته خمسين بالميه بس ناضرت الطبيب بذهول وشلون تولدونها هي توها بالشهر السابع :قال الدكتور بتفهم انا عارف انها بالسابع بس حالتها تستدعي ولاده مبكره بسبب النزيف وكل مااسرعنا بتوليدها فا حتملية نجاتها ونجاة الطفل اكبر كنت متردد اني اوقع وخايف قال الدكتور وهو يحاول يطمني توكل على الله وقع انت انسان مؤمن وعارف ان الانسان ما يصيبه الا الي مكتوب له :وقعت وانا احس ايديني ترتجف وكأني اوقع على وفاتي بعد ما خذو نوره لغرفة العمليات قبل ساعه وانا ماني قادر اقعد على الكرسي دقيقتين ورا بعض كل شوي قايم وقاعد ادوروارجع اقعد مره ثانيه دق جوالي ورفعته كانت عمتي ام ناصر قعدت افكر ارد عليها او ما ارد ما ودي اقولها شي اشغل بالها اخر شي سكت الجوال حطيته على الصامت ورجعته لجيبي خلاص ماني راد لين اشوف وش صار على نوره يارب تطلعها بالسلامه : بعد وقت من الانتضاروالخوف الحمد لله ولدت نوره وجابت ولد بس كان تعبان ومأكتمل نموه حطوه بالحضانه تحت العنايه وحطوله تنفس صناعي لانه مايتحمل التنفس الطبيعي ونوره الحمد لله حالتها مستقره بس نقلولها دم لانها نزفت كثير وكانو خا يفين يزيد عليها النزيف بوقت العمليه بس الحمد لله كل شي تم بسلام طلعوها من غرفة العمليات وحطوها بغرفة الترقيد بعد ماتطمنت على نوره ورتاح خاطري اتصلت على ناصر وقلت له انها ولدت قال ان امي خايفه عليها وكل شوي تتصل عليك و ما ترد طمنهم عليها وقلت اني ما قدرت اقولكم شي قبل اتطمن عليها عشن ما اقلقكم سكرت عن ناصر ورحت للبيت اخذلي حمام دافي يريحني بعد هالتعب وضغط الا عصاب >>>نوره>>> فتحت عيوني بشكل بطيء احس كاني اصحي من حلم غريب ناضرت ايدي كان مشبوك فيها المغذي حاولت اقوم بس حسيت كن سكاكين تنغرس با سفل بطني شهقت من الالم وطحت على المخده لمست بطني وكان مختفي توي اتذكر كل الي صار لي خفت ولدي ليكون صارله شي وبدت دموعي تمشي على خدي بدون استاذان كانت الدموع مغرقه عيوني وما شفت امي يوم فتحت الستاره ودخلت علي هي ونا صر ومها جت وسلمت علي وهي تصيح وتقول الحمد لله على سلامتك وسلمو علي ناصر ومها كن انا ضرهم ودي اسالهم وين ولدي بس خايفه ردهم يصدمني اقطعت علي افكاري امي وهي تقول مبروك ما جاك يابنيتي حسيت كان جبل من الهم والخوف انزاح عن صدري قلت بلهفه اكيد يمه ولدي طيب وما فيه شي ابتسمت امي وقالت وش دراك انه ولد قلت بصراحه باخر فحص سويته قالتلي الدكتوره انه ولد بس انا ما قلت لحد بعد شوي سمعنا وليد يتكلم تغطت مها وطلعت ودخل وليد اه يارب تخلي لي هاطله ولا تحرمني منه يارب حسيت اني مشتا قه له وكني لي سنين ما شفته سلم على امي وناصر وجا عندي باسني على راسي وخدي وقال الحمدلله على سلامتك حبيبتي رديت عليه بصوت ياله ينسمع كنت مستحيه ليش يبوسني قدامهم الله يسلمك بس شكل وليد كان مطنش سحب كرسي وجلس عند راسي مسك ايدي وقعد يناضرني بشوق ولهفه قرب راسه عندي وقالي بهمس وشلون حياتي هالحين انشالله احسن غمضت عيوني ونا مستحيه من امي ونا صر بس شكلهم فهموها قالت امي عن اذنكم بروح للبيت اجهز شنطتي وبجي بعد ساعتين اذا انتهت الزياره علشان اجلس عندك قال وليد خلاص اجل انا بخلص اوراق المرافقه سلمت علي امي وناصر وطلعو التفتلي وليد وهو يبتسم ناضرته بعتب ليش سويت كذا ناضرني ا براءه وش سويت صديت بقهر ما سويت شي ما حسيت الا هو ضامني ويبوسني هالحين ليش تزعلين تراي ماسويت شي توي بسلم عليك زين قعد شوي يكلمني بهمس لين خلاني انسى كل شي هاذا وليد دايم يسكتني ويخليني انسى حتى نفسي جلست بالمستشفى خمسة ايام وجلست امي عندي كا مرافقه لي بعد يومين قدرت اروح اشوف ولدي كان صغير مره بس ملامحه باينه انه يشبه لبوه حسيت بشي يتحرك بقلبي حسيت بعاطفه جياشه ورحمه لهالمخلوق الصغير الي هو قطعه مني قعدت شوي اتامله ودي امسكه واضمه لصدري بس ما اقدر من الاجهزه الي محاوطته بعد وقت رجعت وانا كل تفكيري عنده : اليوم الي بطلع فيه من المستشفى كنت منسدحه على السرير وسارحه بتفكيري افكر وشلون بطلع من المستشفى وبخلي ولدي وفلذت كبدي وهو تعبان وراي الدكتور يقول ان حجمه صغير ورئته ما اكتمل نموها عشان كذا حطوله تنفس صناعي تنهدت تنهيده من قلبي ونزلت دمعه حاره على خدي وانا احس اني مالي حيل ولا قوه سمعت جوالي يدق مسحت دموعي بكفي ورفعت الجوال اشوف من متصل وكان وليد رديت عليه وانا احاول اضبط صوتي عشان مايحس اني متضايقه : هلا حبيبي :هلا والله حياتي يازين كلمة حبيبي اذا طلعت من هالشفايف الحلوه :ابتسمت على كلامه تسلملي والله : الله يسلمك ياروح وليد انتي :وليد وش فيك اليوم :مافيني الا العافيه حرام اتغزل بزوجتي لا مو حرام : طيب قولي لي حبيبتي وش اخبار ولدنا : تنهدت بحزن انشاء الله احسن الدكتور يقول انه يتحسن بشكل بطيء ::طيب ليش هالحزن بصوتك :قلت والعبره خانقتني غصب عني ما اتحمل اشوفه كذا : قال بصوت حازم نوره موقلتلك ما بي اسمع هالتشأم والحزن بصوتك مره ثانيه : قلت وانا احاول اكتم عبرتي عشان ما يعصب مني خلاص بحاول : عفيه على حبيبتي ا يه كذا ابيك تكونين قويه ok حياتي : انشاء الله : زين ما قلتيلي ما فكرتي وش بنسميه : لا ما فكرت ما حب اعلق نفسي بأمل وبعدين اتألم اكثر ::تنهد بضيق طيب شكلي ما ينفع اكلمك بالتلفون مسافة الطريق وانا عندك وسكر السما عه من دون ما يسمع ردي يا ربيه وش اسوي الحين اكيد معصب علي وما عندي احد حتى امي راحت امس حطيت الجوال عند راسي وزفرت بضيق يعني كان لازم اغثه لين يترك شغله ويجي عندي وهو مو فاضي لي بعد ربع ساعه شفت وليد داخل وجلس بالكرسي الي جنب سريري نزلت راسي وانا مفتشله من نفسي قربلي و مسك ايديني وحتواها بيدينه الكبيره الدافيه وهو ساكت حسيت ا نه طول ما تكلم رفعت عيوني بشكل بطيء وشفته مركز نضراته علي كان ينا ضرني بناضرت حاده وحنونه بنفس الوقت نضرات فيها حب وعشق وعتب واشياء ثانيه ما قدرت افسرها حاولت اقطع الصمت وقلت بصوت مرتبك ليش خليت شغلك وجيت عندي ابتسملي وقال : لانك نونو وتحبين تتدلعين علي وتشوفين غلاتك عندي. حسيت وجهي صار حار ونحرجت اكثر قلت وانا احاول ادافع عن نفسي ومن قال اني دالوعه قرب مني اكثر ومسك وجهي بأيده بحنان وقل انا اقوله لاني عارف حبيبتي اكثر من أي شخص ثاني جلس وليد عندي نص ساعه وهو يكلمني لين تأكد ان نفسيتي صارت احسن طلع من عندي ورجع لشغله علشان يرجعلي العصر ويخلص اوراقي ويطلعني من المستشفى ثاني يوم طلعت فيه من المستشفى كانت امي طالعه تزور وحده من اقاربنا مريضه وناصر موديها ومافي البيت غيري انا ومها كنت طالعه من الحمام وداخله الصاله شفت مها جالسه وشكلها حزينه وتفكر جيت وجلست جنبها وقلت مها سلامات وش فيك سرحانه لفت علي وعيونها حزينه ومليانه دموع تهدد بالنزول وقالت ابوي يانوره رجع مره ثانيه يهدد ني اذا ما رجعت لمحمد مارح يخليني اتهنا بحياتي انا مابي ارجع له ما صدقت اتخلص من هالكابوس الي منكد علي حياتي وش لون يبيني ارجعله مره ثانيه رمت نفسها علي ودموعها الي حبستها بدت تنزل وهي تشاهق شهاق يقطع القلب ضميتها وانا امسح على ضهرها بحنان وقلت لا تخافين حبيبتي حنا حولك وما راح نسمحله يأذيك وانتي تدرين انه مايقدر يسوي شي لان المحكمه نقلت الوكاله منه يعني مايقدر يزوجك غير ناصر وهو بس كذا يهدد وهو ما بيده شي جلست اهديها شوي وهي تشاهق بحضني سمعنا صوت الباب ينفتح قلت اكيد جت امي وناصر بس شفنا ابوي داخل والشر واضح بعيونه خافت مها ونقزت من الكنب وهي تجرني وتقول تعالي نروح عنه بسرعه جريت ايدي منها وانا احاول اتصنع الشجاعه وقلت انتي روحي وانا بتفاهم معه ما صدقت سمعت كلامي وراحت تركض لغرفتها وقفت قدام ابوي وانا متكتفه وانا اسوي نفسي قويه مع اني من داخلي منهاره من الخوف تقدم مني ابوي اكثر والشر يتطاير من عيونه وقال هلا بنتي الخاينه الي تزوجت من دون علمي ورضاي قرب مني ومسك جلابيتي من عند صدري وسحبها حتى حسيت اني بديت اتنفس بصعوبه حسيت ريقي نشف وبديت انتفض من الخوف يارب تنجيني من شره هاذا مااستبعد يسوي أي شي الي ما خاف من ربه لايمكن يخاف من شي ثاني كان يهزني لين حسيت مكان العمليه يألمني وراسي بدا يدور قال تحسبينك بتنجين بفعايلك انتي وأخوانك قلت وانا انطق بصعوبه بس لايمكن اسكت له وانت متى حسيت نفسك ابونا عشان اخر شي تجي تحاسبنا على افعلنا قال بغيض بعد وتردين علي بعد الي سويتي لكن انا الي بربيك زين كان بيضربني بس سمعنا صوت باب الشارع يفتح رماني بقوه على الكنب وقال بتشوفين اذا ما ندمتي على ردك علي ان ما خربت زواجك وخليت زوجك يكرهك ويطلقك مااكون ذياب بعد ما رماني وطلع من الباب الثاني دخلت امي ونا صر خافت امي لما شافت شكلي كان لوني مخطوف وجهي اصفر وانتفض من الخوف جت تركض وجلست جنبي وهي تقول نوره بسم الله عليك نوره وش فيك كنت باجاوبها بس حسيت لساني ثقيل كان ناصر واقف يناضرنا ومبهت قالت امي ناصر رح جب لاختك ماء بسرعه جاب ناصر الماء وشربت حسيت اني ارتحت شوي وقلت الامي كل الي صار وشلون دخل علينا ابوي وهددني وراح لما سمعكم جيتو قعدت امي تتحسب عليه وشفت ناصر معصب ومنقهر وهويقول كله مني المفروض اني مغير قفل الباب الثاني بس انشغلت وما جا على بالي انه بيجي بغيبتي مثل الحراميه قامت امي وهي تقول تعالي ارتاحي بسريرك مسكت ايدي وهي تسندني ورحت لسريري الي حاطينه بغرفة الجلوس عشان ارتاح فيه اذا حسيت بتعب انسدحت على سريري وطلعت امي وسكرت الانوار غمضت عيوني وانا احاول انام يمكن انسى الي صار قبل شوي بس النوم مافي امل يجيني ويريحني كنت مغمضه عيوني ودموعي تنزل على خدودي بصمت كنت افكر ابوي ليش يعاملنا كأننا اعدا ما كننا عياله ليش بعد ما تركنا وحنا صغار عند امي ونسنانا يجي الحين ينكد علينا حياتنا كان متزوج وحده ثانيه موضفه وتصرف عليه وهو ماله شغل غير يجمع اصدقاء السوء يسهر معهم باليل ويشربون وبالنهار ينام عن الصلاةولا اهتم في احد ولما كبرنا انا ومها وجو الناس يخطبوننا من ابوي كان يصرفهم ويقول بناتي صغار وتوهم على الزواج لكن واحد من الي خطبو مها ما اقتنع بكلام ابوي وكان عارف ان ابوي ما يهمه شي بالدنيا كثر الفلوس علشان كذا اغراه بالشيكات لين وافق عليه بدون ما ياخذ شورمها ولا امي دخل علينا بيوم من الايام وقال اني ملكتها على واحد من الي خطبوها مني وزواجها بعد شهروياويل وحده منكن تعترض على كلامي ورما على امي مبلغ بسيط وقال خليها تتجهز فيه وطلع وخلانا قدام الامر الواقع بعد ما تزوجت مها من الرجل الي خطبها رجعت لنا بعد كم شهر مطلقه بعد ما تعذبت مع زوج يهينها ويضربها من غير سبب لانه كان ما يصلي ولا يخاف الله وبعدها حلف ناصر ما يسكت لابوي ورفع عليه دعوى بالمحكمه وسحب منه حقه الشرعي بتزويجنا بعد ما وكل محامي يثق فيه وصار نا صر هو المسأول عنا ومن ذاك الوقتوابوي حاقد علينا وزاد حقده بعد ما تزوجت من دون ما يدري كنت ابكي بصمت واتحسر على حالي ليش كل ما حسيت اني ارتحت بحياتي تجي الضروف وتعاندني استغفر الله العضيم الهم لاعتراضا على حكمك بعد شوي نمت وانا ما حسيت بنفسي بعد ما صحيت حسيت راسي مصدع ونفسيتي زفت قمت اخذلي بندول يمكن يخفف من هالصداع كنت افكر اتصل على وليد واقوله ولا اصبر لين يتصل علي لانه بالعاده يتصل علي قبل ينام اخر شي قررت انتضرلين يتصل عليواقوله كل شي يمكن اتصل عليه ويكون مشغول باليل انتضرت وليد يتصل علي مثل ما تعودت بس ما اتصل شفت الوقت تأخر وهو مأتصل خفت يكون صارله شي اتصلت عليه كم مره ولارد علي كان جواله يرن لين ينقطع الرنين بدون مايرد صراحه عليه بس فجاءه تذكرت تهديد ابوي حطيت ايدي على قلبي معقوله لحق ينفذ تهديده بهالسرعه لالا ما اتوقع وليدبيتأثر ويصدق أي كلام يقوله ابوي بدون ما يسألني يارب تستر بس >>>>>> | ||||||||
|
| |
|
29-06-16, 08:29 AM
| #8 | ||||||||
| مراقبة عامة ومشرفة منتدى الروايات المنقولة
| الجزء السابع >>>وليد>>>> كنت اسمع صوت لجوال وانا بعالم ثاني والافكار توديني وتجبني رفعت الجوال وشفت اسمها منور الشاشه >نور حياتي> تنهدت بضيق وقهر معقوله نوره البريئه تكون بهالمستوى تذكرت كلام الرجال وهو يقول بحقد تحسب انك اول واحد بحياتها انا اول واحد تعرف عليها بصراحه زوجتك تحفه فيها نعومه عجيبه واحلى شي غمازاتها ولا شفايفها المليانه عذاب وجس قبل يكمل صرخت عليه وانا احس سكاكين تنغرس بقلبي مع كل كلمه يقولها باااس انثبر يالخسيس تخسى انت وامثالك تقربونها نوره اطهر منك ومن قذارتك يالحقير بس هو ما هتم لكلامي استمر يوصفها توصيف وحد شايفها لين مل منها سكرت الجوال بوجهه وانا احس الدم يغلي بعروقي والغيره تنهش بصدري مو قادر اصدق كلامه وبنفس الوقت مو قادر اكذب وصفه الدقيق لها بس وشلون احس انها مو راعية هالحركات بس يمكن يكون لها ماضي مثل كثير من البنات وبعدين تركتهم تعوذت من الشيطان وقمت من مكاني وانا ماني قادر استقر بمكان واحد كنت ادور بالغرفه رايح جاي وانا افكر بهالمصيبه مادري اصدق احساسي وحبي ولا الكلام الي سمعت والي واضح مثل الشمس قعدت وانا ماسك راسي بيديني الي احسه بدا يصدع من كثر التفكير سمعت الجوال يدق للمره العاشره مسكته وقفلته من غير تفكيروقمت ادورلي حبوب تسكن لي هاصداع الي بيفجر راسي من قوته وانا اقول لازم اعرف راعي هالرقم علشان اتأكد من الحقيقه بنفسي """""""""" >>>نوره>>>>> حطيت الجوال عند راسي وانا متضايقه غريبه اتصل عليه مايرد واخر شي يقفل يمكن يكون نايم والجوال فضت بطاريته حاولت اطمن نفسي بهالكلام وانام ناضرت ساعتي كان الوقت متأخر الساع ثنتين قلت بنفسي خلاص بنام واكلمه قبل يروح الدوام كان نومي متقطع وخفيف فزيت الساعه سبع على صوت الجوال لاني كنت مركبته عالشان اقوم اتصل على وليد قبل يروح الدوام ناضرت الجول يمكن يكون متصل وانا ما سمعته ولا مرسل رساله بس ماشفت شي تنهدت بضيق وانا اضغط رقمه من جديد يمكن يرد بس كان مقفل اكيد من امس ما فتحه رميت الجوال من ايدي بقهروقمت اغسل وجهي وانزل عند امي بهالوقت تكون قايمه تجهز فطور ناصر ناضرت شكلي بالمرايه كان الشحوب والتعب باين على ملامحي وعيوني محمره من قلة النوم سرحت شعري بسرعه ومسكته بشكل عشوائي حطيت على وجهي كريم مرطب يعطيني اشراقه بدل هالشحوب بدالت بجامتي بجلابية بيت ونزلت اركض اخاف يروح نا صر قبل اساله عن وليد دخلت الصاله ولقيت امي حاطه الفطور وجالسين هي وناصر يتقهوون سلمت عليهم وجلست اتقهوا معهم كنت ماسكه فنجالي وسرحانه وما نتبهت لناصر لي يناضرني ومستغرب شحوبي وتفكيري انتبهت على صوت ناصر الي صحاني من تفكيري قال : نوره وش فيك سلامات قلت الله يسلمك بس وليد مادري وش فيه اتصل عليه من امس مايرد وبعدين صار جواله مقفل طلع ناصر جواله من جيبه وهو يقول غريبه حتى انا من يومين ما سمعت صوته هالحين اتصل عليه اشوف وش فيه اتصل ناصر على وليد وبعد شوي رد عليه كلمه وعطاني الجوال وهو يقول خذ كلم نوره تقول من امس ما رديت عليها اخذت الجوال من ناصر وانا ابلع ريقي بصعوبه حاولت اسيطر على صوتي وانا اقول هلا وليد وينك من امس ما ترد علي رد علي ببرد قهرني : امس كت مشغول تبين شي بذيك الحضه تأكدت ان ابوي قال لوليد شي خلاه يتغيرعلي بس وش الكلام الي يخليه يتغير علي بهالشكل لما شاف اني طولت ساكته قال نوره تبين شي تأخرت على الدوام قلت وانا مسك نفسي بصعوبه عالشان ما اتنفجر دموعي الي مسكتها سلامتك مابي شي مديت الجول لناصر وقمت بروح لغرفتي افرغ فيها همومي نادتني امي : نوره تعالي افطري معا نا تراك امس ماتعشيتي رديت عليها وانا رايحه بروح انام واذا قمت افطرت """ مرت خمسة ايام من كلمت وليد اخر مره يوم اتصل عليه ناصر انا ما حاولت اني اتصل عليه مره ثانيه ما عندي استعداد اهين كرامتي اكثر من كذا معنه تجيني اوقات اضعف واشتاق له وارفع الجوال بكلمه وبعدين اغير رايي واقول المفروض و يتصل علي ويصارحني بسبب عدم رده علي وش الي يخليه يكلمني بهالبرود وكأني سويتله جريمه تنهدت ونزلت من عيني دمعة الم واحساس بالضلم والهجر من اقرب الناس لقلبي حتى ولدي ما عدت اسال عنه بسبب حالتي النفسيه كنت جالسه على الكنب الي بغرفتي ومنده راسي علىجنب سمعت باب غرفتي يندق تعدلت بجلستي لاني عرفت انه ناصر قلت دخل ناصر دخل ناصر وجلس جنبي ناضر بوجهي الي التعب واثار لبكا والارهاق باينه عليه قال وهو متردد: نوره ودي اكلمك بوضوع وما ابيك تعتبرينه تدخل بخصوصياتك بس انا بصرااحه حالك الي وصلتي له مو عاجبني ومتأكد ان بينك وبين وليد مشكله وكل واحد مو راضي يتنازل كنت وناصر يتكلم منزله راسي لما سكت رفعت راسي وكني من زمان انتضره يسألني قلت انا ما عندي أي مشكله معه هو الي مايرد على اتصالاتي وانا شاكه ان ابوي قايله شي عني لانه مهدد ني انه بيفرق بيني وبينه ليش اتزوج من دون علمه بس مادري وش قايله بالضبط قام ناصر من مكانه وهو معصب ومنقهر : انا بعرف ليش يسوي كذا ليش مايخلينا بحالنا راح بيطلع وهو يقول انا بكلم وليد وبشوف وش يقول بس والله ان طلع له يد بالي صاير بينكم مايصيرله خير لحقته ومسكت ايده وانا احاول اهدي من غضبه اخاف يتهور اعرفه اذا عصب ما يعرف الي قدامه حسيت انه انه هدى شوي او وعدني انه بيكلم وليد ويردلي خبر وطلع من عندي وانا انهرت على سريري ومشاعري متجمده من الا لم """""""وليد """"""""""" كنت جالس وافكر بهالمشاكل الي صارت بيني وبين نوره من دون ما احسب حسابها حاولت اعرف رقم الي اتصل علي وقال الكلام الي دمر حياتي سالت واحد اعرفه بالهاتف بس طلع رقم بطاقة شحن بدون اسم كنت عارف انه ماراح يترك اثر على جريمته بس حبيت اتأكد وانا سارح بافكاري سمعت صوت جوالي رفعته اشوف وكان ناصر رديت عليه وقال انه عند الباب سكرت الجوال ورحت افتحله الباب وانا مستغرب جيته المفاجئه بعد ما قالي ناصر كل شي عن ابوه وشلون جا عندهم وهدد نوره انه بيفرق بينكم حسيت كأن جبل هم انزاح عن صدري رغم اني مستغرب وشلون ابو توصلبه الخسه و الدناءه هالمواصيل بس حبينا نتأكد قبل ما نضلمه عطاني ناصر رقم تالفون بيتهم الثابت وقال اتصل عليهم وقل وين ابو ناصر واذا كلمك تأكد هو نفس الصوت اولا اتصلت عليهم وانا اتمنى يكون هو رغم بشاعة الموضوع اهم شي عندي حبيبتي تكون بريئه سمعت صوت حرمه ترد قلت وين ابو ناصر قلت انتضر شوي راحت تنادي ابو ناصر وانا على اعصابي بعد شوي سمعت صوت ابو ناصر الخشن يتكلم تنهدت براحه كان نفس الصوت استعديت للمواجهه بعد ما قلت له اني عارف و عارف افعاله ومخططته الدنيئه وقلت والله ثم والله يابو ناصر هذاني حلفت بالله اذا ما كفيت شرك عن بناتك تشوف شي مايسرك وانت تعرف اني اقدر اتهمك برمي اعراض المحصنات والله مايطلعك منها احد يالخسيس الي ما تستاهل اسم ابو كبير عليك بعد ما طلعت كل القهر والغضب الي بقلبي واخذت منه تعهد انه مايتدخل ببناته مره ثانيه لانه عرف اني ما ارجع بكلامي واني اقدر اخليه يندم على فعايله سكرت السماعه وانا ازفر بضيق لفيت على ناصر وشفته يبتسم رفعت حواجبي ليش تبتسم قلت شي يضحك رفع ايده بطريقة دفاع لا لا ماقلت الا كل خير بس تعجبني والله قلت له وانا افكر بشي ثاني المهم قلي اختك الحين وشلون اراضيها ضرب ناصر صدره وهويقول ولا يهمك نوره خلها علي انا الي بقنعها وبعدين هي بتفهم موقفك واكيد بتعذرك قلت اتمنى انها تعذرني مثل ماتقول وشرايك انا فكرت اخذها نتعشى بمطعم واتفاهم معها يمكن اذا غيرت جو تتغير نفسيتها وافق ناصر على كلا مي وقال بيكلمها ويرد علي خبر >>>نوره <<< كنا جالسين انا وامي ومها والجو يخيم عليه السكون كل واحد يفكر بهمومه قطع السكون صوت الباب ينفتح بعد شوي دخل ناصر سلم علينا وجلس جنبي التفت عليه وشفت بعيونه كلام بس حسيته متردد قلت خير ناصر احس عندك كلام بتقوله تعدل بجلسته وقال بصراحه الكلام الي بقوله مايسر بس لازم تعرفون الموضوع لانه صار ولا نقدر نغيره وقالنا كل الكلام الي قاله ابوي لوليد وانه عيشه بشك وافكار سودا كنا اناضر بناصر وهويتكلم وحنا مبهتين ومو مصدقين الي نسمع كنت عارفه ان ابوي حاقد علي بس مو لهدرجه كان ناصر يحاول يبرر موقف وليد وانه معذورلانه سمع رجال يوصف زوجته بادق تفاصيلهاويقول انه شايفها قبله شي مو هين على الرجل خصوصا اذا كان يحب زوجته ويغار عليها لف علي وقال نوره ترى وليد بيمرك اليوم قلت ببرود بس انا مابي اروح معه لاي مكان ماله داعي يكلف نفسه ناضرني ناصر وهو مستغرب من برودي : نوره ماله داعي تكبرين المساله وليد صح غلط بس كان معذور وي وحد بمكانه ان بيسوي الي سوى قلت لا تحاول تقنعني ماراح ارجع معه كانت امي تناضرنا وساكته لما شافت اني رافضه اطلع مع وليد قالت : نوره ليش هالعناد ناصر قالك الا سباب الي خلته يعاملك هالمعامله وبعدين خلاص الحين صار بينكم ولد يعني لازم كل واحد منكم يتنازل شوي وتحلون مشاكلكم وماتخلونها تكبر وبعدين يصعب عليكم حلها :رديت عليها بقهر يمه بصراحه انا مليت وليد كل يوم طالعلي بمشكله وكل مره اسامحه يرجع يخطي علي من جديد شفت مها جت وجلت جنبي وقالت نوره الله يخليك سامحيه هالمره على شاني احس اني انا سبب كل هالمشاكل الي بينكم لان ابوي جا يهددني انا والما دافعتي عني اقتلب عليك كانو كلهم مصرين اني اروح مع وليد: قلت شوفو انا بروح معه هالمره وبشوف وش اخرتها معاه بس بتكون اخر مره اسامحه فيها والله لو يخطي علي مره ثانيه مارح اسامحه لو بينا عشرة عيال وقمت ابروح لغرفتي وانا احس اني منقهره منهم ومن وليد وحتى من نفسي """" كنت قاعده بغرفتي وانا مالي خلق اقوم اتجهز ناضرت الساعه بقى على جيته عشر دقايق قمت من غير نفس بدلت ملابسي بجلابية عاديه وسرحت شعري وربطته كان مطول ومتعدي اسفل ضهري ناضرت وجهي مالي نفس احط عليه أي نوع من المكياج مايستاهل اتزين له سمعت جوالي يدق بنغمته المميزه سكرته من غير ما ارد عليه لبست عبايتي ونزلت فتحت باب الشارع وشفته ينتضرني بسيارته ركبت معه من غير ولا كلمه لما جلست جنبه حسيت بحضوره الي مالي السياره وزادت دقات قلبي لما التفت علي وشفت ملامحه الوسيمه الي تفيض قوه ورجوله تاكدت اني مهما حاولت اكابر واقول اني خلاص كرهته بس باعماقي اعشق هالرجل الي جالس جنبي ويسوق بكل ثقه وبرود ياربي ليش انا احب واحد يحب دايم يعذبني حسيت دموعي تسيل من دون استاذان كنت ابكي بصمت وحرقه بس شكل وليد حس اني ابكي شفته لف على شارع جانبي منعزل ومضلم شوي وقف السياره وشغل انوارها الداخليه التفت علي وقال : الحين قوليلي ليش تصيحين زادت دموعي من غير ما ارد عليه شال نقابي وشاف وجهي مليان دموع باسني على خدودي الى مليانه دموع وعلى جبيني وقال حبيبتي اسف والله اسف سامحيني اذا كنت جرحتك او اخطيت عليك كنت اناضره بعتب من دون ما ارد عليه تنهد بضيق واخذمنديل وقعد يمسح دموعي برقه ونعومه حسيت اني هديت شوي وقلت بصوت مبحوح رجعني لهلي قال بحنان وكنه يكلم طفله خلاص حياتي بوديك بس بشرطين اول شي تسامحيني وثاني شي انا عازمك بمطعم ابيك تتعشين معي قلت وانا عارفه انه ماراح يتنازل عن كلامه مهما سويت خلاص سو الي تبي شفت بعيونه نضرة انتصار وقال طيب والشرط الثاني سامحتيني مارديت عليه لانه قهرني صاير كريه يعني لازم يتمم كلامه صديت عنه وانا ساكته لما شافني ما رديت عليه شغل السياره وقال زين مو مشكله انا اعرف وشلون اراضيك رجع بالسياره وطلع على الشارع العام رايح للمطعم الي بنتعشى فيه \\ \\ \\ \\ \\ \\ وداني وليد مطعم رومنسي وهادي اثاثه فخم ومريح لنفس دخلنا للمكان الي مخصص للعوايل كان فيه طاوله شكلها حلو حاطين عليها ورد طبيعي وشموع جلست على لكرسي وجلس وليد مقابلني بعد ما تعشينا وخلصنا وشاف وليد نفسيتي ارتاحت اكثر شرحلي السبب الي خلاه مايرد علي ولايصارحني بشكوكه لانه خايف اذا قالي وانكرت كلامه بيصدقني بس بيضل بنفسه شك وهو مايبي يعيش بشك يبي يتاكد ويقطع الشك باليقين حسيت ان كلامه واقعي ومعقول وحتى لو مااقتنعت بكلا مه خلاص الي صارصار والحين عرفت اكثر من قبل اني احب وليد ولا يمكن اعيش من دونه """ وحنا راجعين لبيت اهلي قال وليد وهو ماسك ايدي ويسوق بالايد الثانيه نوره حبيبتي وشرايك نرجع لبيتنا يكفي جلوسك عند اهلك ماتحسين انك طولتي عندهم ناضرته بتهديد وقلت اشوفه عجبك الوضع ولا تشوفني ساكته وتحسبني رضيت عناد فيك بزود سبوع التفتلي ورجع يناضر الطريق وهو يكتم ابتسامته وقال خلاص خلاص اسحب كلامي خلينا على الاربعين ارحم قلت زين دامك تراجعت عن كلامك ماراح ازود بعد ما رجعت لبيتنا بيومين كنت نازله من غرفي ودخلت الصاله سمعت تلفون الصاله يرن بشكل متواصل جيت اركض ورفعت السماعه كانو لمستشفى متصلين كلمتني الممرضه وهي تقول وين مدام نوره قلت وانا خايفه انا نوره وشفيه قالت لازم يجي عالشان بيبي خلاص كنت بااسالها وش فيه بس انقطع الخط حاولت اتصل بس كان الرقم مشغول حاولت مره ثانيه بس مافي فايده اتصلت على وليد وايدي تتنافض وياله امسك السماعه من الخوف حسيت اني اهملته هاليومين وماسالت عنه بسبب ضروف وحالتي النفسيه اذا صارله شي ماراح اسامح نفسي طول حياتي جاني صوت وليد هلا حبيبتي رديت عليه وانا احس ريقي ناشف وليد تعال بسرعه المستشفى اتصلو يقولون تعالو وانا خايفه ولدي يكون صارله شي """""""""""" نهاية الجزء اتمنى يعجبكم | ||||||||
|
| |
|
29-06-16, 08:31 AM
| #9 | ||||||||
| مراقبة عامة ومشرفة منتدى الروايات المنقولة
| الجزء الثامن"""" بعد ما سكرت من وليد وقفت دقايق والافكر السودا توديني وتجيبني شفت امي طلعت من غرفتها وجت عندي خافت علي الما شافت ملامحي الخايفه ولوني مخطوف قربت عندي وهي تناضر وجهي : نوره وشفيك خايفه كذا وش صار احد فيه شي بلعت ريقي وانا ارد عليها : لا سلامتك بس المستشفى اتصلو يقولو لازم نجي عشان ولدي بس مادري وشفيه بالضبط انقطع الخط قبل اسالها وش فيه ناضرت امي والدموع ماليه عيوني يمه انا خايفه اخسر ولدي خايفه اذا رحت لهم يفاجؤني بخبر شين امسكتني امي من ايدي وجلستني على الكنب وجلست جنبي وهي تقول بحنان : نوره تعوذي من الشيطان وش هالافكر خليك متفائله يمكن يكونو متصلين بيقولون طلعو ولدكم لانه خلاص مافيه الا العافيه حسيت اني ارتحت شوي من كلام امي وقلت انشاء لله اتمنى يكون كلامك صحيح يمه قالت امي ببتسامه انشاء الله بيكون صحيح بس انتي توكلي على ربك وفوضي امرك له وماراح يصيرلك الا الخير سمعت جوالي يدق كان وليد قمت بسرعه ولبست عبايتي وطلعت له وانا احس توتري بدا يزيد وادعي ربي انه يحفض والدي من كل شر """ طول الطريق ما خليت وليد يسوق زين من كثر ما انا خايفه بعد وقت حسيت انه طويل وصلنا اخيرا ًللمستشفى اول ما دخلنا على طول توجهنا لقسم الحضانه حسيت رجليني ما تشيلني وزاد خوفي حتى دقات قلبي كنها بتطلع من صدري تعوذت من الشيطان وحاولت اشجع نفسي وما اخلي الخوف يستولي علي حس وليد بخوفي وترددي قرب عندي ومسك ايدي وشد عليها توي احس بوجود وليد معي همسلي بحنان وتشجيع انا معك حبيبتي لاتخافين خليك قويه دخلنا القسم وانا واصله حدي من الخوف والتوتر كنت ادور بعيوني على الاطفال الموجودين بالحضانه بس ما لمحت ولدي بينهم زاد خوفي اكثررفعت راسي وشفت ممرضه جايه عندنا ومعها طفل ملفوف بمفرش ابيض وقفت عندنا وهي تبتسم قالت خلاص هاذا بيبي صار كويس توي اناضر الطفل الي معها هاذا ولد ي اخذته منها بلهفه وانا مانيب مصدقه اني خلاص اقدر اشيله واضمه على صدري كان نايم بسلام وملا محه الصغيره بدت تبين اكثرضميته بشوق ولهفه وانا ابوسه بكل مكان ودموع الفرح تنزل على خدودي لين بللت وجهه بذيك الحضه حسيت بمشاعر الحنان والامومه الي مستحيل يعادلها أي عاطفه بالدنيا شفته بدا يتحرك شكله تضايق من هالهجوم الي ما تعود عليه فتح عيونه وبدا يحرك فمه الصغير ويطلع لسانه وكنه يتطعم بشي حلو انجنيت على شكله وضميته وانا ابوسه بقوه لين بدا يصيح كان وليد طول الوقت مخليني على راحتي ابرد خاطري بس لما شافني صيحته قرب مني وهو يقول : نوره الله يهديك شوي شوي عليه توه صغير ما يتحمل العنف بعدته عني وانا اشوف وجهه وهو يصيح وملا محه معتفسه قلت : وليد اعذرني شكله يجنن عجزت اقاوم قرب وليد يناضره وباسه بنعومه وحنا بنطلع قالت الممرضه لازم تمرون على دكتور الاطفال وتخلصون اوراقه قبل يطلع مرينا دكتور الاطفال وطمنا انه الحمد لله صحته زينه بس كتب له حليب فيه فتامينات يحتاجها جسمه خلص وليد اوراقه ومرينا الصيدليه اخذناله حليب ومشينا كنت طول الطريق ماسكته وكأني ملكت الدنيا ومافيها من زمان ما حسيت بهالفرح الي يغمر مشاعري التفت على وليد وقلت وش رايك نمر نشتريله ملابس ما عندي شي البسه ابتسملي وليد : الي تامرين فيه يا ام فيصل : ومن قالك اني بسميه فيصل قال طيب اذاعندك اسم ثاني قوليه نشوف يمكن يكون احسن من اختياري قلت بصراحه ما فكرت بأسم معين بفكر واقولك قال زين ننتضر وش ورانا """ رحنا لمحل متخصص في ملابس الاطفال من سن الولاده مسكت عربة التسوق وبديت احط فيها كل بدله ومفرش يعجبني لين امتلت العربه وصار فوقها تل مرتفع وانا احط بدون تفكير واحس بمتعه عجيبه كان وليد يناضرني وانا احمل العربه جا لعندي وقال نوره وش هالملابس شكلك بتفتحين فيها محل خذي شي معقول بيكبر وهو ما لبس نصها حسيت ان كلام وليد معقول رجعت نص الملابس الي اخذتها وحاسبنا عن الباقي وطلعنا ركبنا سيارتنا ومشينا سمعت جوال وليد يدق ناضروليد من متصل ومده لي خذي هاذي امك شهقت توي اتذكر امي بغمرة فرحي وانشغالي كنت ناسيه جوالي بالبيت رديت عليها وطمنتها اننا طلعنا الولد وهو بخير وهاذانا راجعين لكم سكرت من امي وعطيت وليد جواله بعد شوي وصلنا بيت هلي نزلنا ودخل وليد المجلس وانا دخلت عند امي ومها الي جالسين في الصاله اول ما شافوني دخلت جو عندي اخذت امي مني حفيدها طبعا اول حفيد له معزه خاصه ناضرته وهي تقول مشاء الله تبارك الله قمر ولدك يانوره بس لا تزعلي اذا قلتلك يشبه ابوه اكثر منك رديت عليها وانا اشيل عبايتي واجلس على الكنبه بتعب ماني زعلانه لاني من يوم شفته بالحضانه اول ما ولدته عرفت انه يشبه ابوه جلست امي وجلست مها جنبها وهي تتحرقص تبي تاخذه مدته لها امي وقالت لها بشويش عليه ترى توه تعبان ترفقي عليه خليته معهم وقمت للمطبخ اخذ القهوه اوديها لوليد واجلس معه شوي قبل ما يروح اخذت القهوه والحلى ودخلت على ليد شفته اخذ راحته شايل شماغه وعقاله وحاطهم على الكنب ومسند راسه شكله نايم حطيت القهوه على الطاوله بهدوء وقربت عنده وانا اتأمله احس اني مشتاقه له سرحت في ملامحه فعلاً يشبه ولده كثير نفس الخشم الحاد والعيون السود بأهدابها الطويله والشعر الكثيف ما حسيت الا وليد يمسكني ويسحبني لحضنه ضمني بشوق وهو يقول وش تناضرين ضايعلك شي بوجهي انحرجت منه وعرفت انه ما نام وشافني وانا اتأمله حاولت اقوم من حضنه بس هو شدني له اكثر وقال وين بتروحين خليك عندي مشتاق لك ناضرته برجا وليد الله يخليك اتركني امي يمكن تدخل بأي لحضه ناضرني وهو ما هتم لكلامي طيب قوليلي متى ترجعين لي تراك طولتي عند اهلك وانا ما اقدر اتحمل بعدك اكثر من كذا قلت طيب برجعلك متى ما بغيت بس انت اتركني الحين باسني على خدي بقوه وتركني وقفت وانا اتنهد براحه مجنون هالوليد لو جت امي ولا ناصربتصير فضيحه \\ \\ \\ \\ \\ \\ \\ بعد كم يوم اتفقنا نسميه ( عمر) اسم خفيف وبنفس الوقت حلو جو اهل وليد امه وخواته الصغار بس ندى ما جت معهم كانت مسافره مع زوجها لان زواجها كان بوقت ولادتي وهم كانو حاجزين كل شي ومحد كان متوقع ولادتي بهالوقت المبكر احتفلنا معهم بطلعة عمر بالسلامه وستانسو معنا بس راحو مبكرين لانهم بينامون عند وليد وبيمشون بعد صلاة الفجر """ اليوم كملت الاربعين من ولادتي وجا لوقت الي بروح فيه لبيتي عمر الحمدلله صحته كل يوم احسن من الثاني امس رحت اناومها لبيتي بوقت دوام وليد لقينا كل شي حوسه صاير بيت عزوبي نضفنا كل شي ورتبنا عشان اذا جيت لبيتي يكون كل ش نضيف رجعنا الساع ثنتين وانا احس بتعب وارهاق بكل جسمي من كثر ماشتغلنا واليوم من قمت وانا استعد لروحتي لبيتي كنت اجهز اغراضي وانا افكر هل بيستمر الهدوء والراحه بحياتي ولا بيجي شي ويخرب علي سعادتي """""""""" نهاية الجزء | ||||||||
|
| |
|
29-06-16, 08:35 AM
| #10 | ||||||||
| مراقبة عامة ومشرفة منتدى الروايات المنقولة
| الجزء الاخير """"""""" اليوم احساسي مختلف غير عن كل يوم كنت اجهز اغراضي وشناطي وافكر برجعتي لبيتي احس أني شتقت لبيتي لمملكتي الخاصه ولحياتي مع وليد خلصت تجهيز اغراضي وحطيتهم بجهه من الغرفه ناضرت ساعتي تأخر الوقت وانا ما حسيت رحت اخذتلي حمام سريع وطلعت قعدت افتش ملابسي الي شريتهم وخترتلي بلوزه لونها وردي غامق وفيها شك اسود ورمادي البستها كانت ماسكه على جسمي وبدون اكمام بس فيها حبل اسود مربوط على الكتف لبست معها تنوره جنز اسود لنص الساق ضيقه على فوق وبعدين واسعه استشورت شعري الي انتثر بنعومه وكثافه وغطى ضهري و اكتافي العاريه كنت اتمنى اقصه لو من الاطراف بس وليد رافض القص رفض قاطع جلست على الكرسي قدام المرايه بحط مكياجي ما امداي ابدا الا اسمع صياح عمر كل شوي يقرب افتحت مها الباب ودخلت وهي تحاول تسكته بس بدون فايده قمت اخذه منها وتذكرت اني لهيت بشغلي ونسيت ارضعه مديته لمها وانا اقول امسكيه شوي بسويله رضعه اكيد جوعان سويتله حليبه وانا جايه بعطيه مها حسيت راسي يدور وكني بطيح على وجهي مسكت طرف السرير وجلست عليه وانا امسك راسي قامت مها وجت عندي وهي خايفه نوره وشفييك رفعت راسي وانا احس الغرفه تدور بي تكلمت بصعوبه ما فيني شي بس شكلي ارهقت نفسي اليوم بالشغل مع فقر الدم ما تحمل جسمي التعب قالت مها وهي تشيل عمر وتاخذ رضعته طيب نامي لك شوي ريحي جسمك وبعد ساعه او ساعتين اجي اصحيك قلت ماقدر انام الوقت متأخر لازم اخلص ا شغالي ناضرتني مها بتهديد زين لا تنا مين انا بقول لامي تتصل على وليد تقوله انك تعبانه وهو يتصرف معك وراحت بتطلع لحقتها ومسكتها قبل تطلع مها لا تقولين شي خلاص بنا م شوي كنت عارفه وليد وش بيسوي اذا درى اني تعبانه ابتسمت مها: زين اجل بعد شوي بجي ا صحيك سكرت الانوار والباب وطلعت انسدحت على السرير غمضت عيوني ونمت بعمق من دون ما احس بنفسي """""" صحتني مها على اذان العشاء قمت وانا احس جسمي نشيط نفعتني ها الساعتين الي نمتها رحت توضيت وصليت وجلست احطلي مكياج خفيف سمعت صوت جوالي ناضرته هاذا واليد رديت عليه قال :ها حياتي خلصتي اجي اخذك قلت لا توي تعال بعد ساعه : زين بس لا تتعشين تراي عازمك على العشى : انشا لله من عيوني تامر على شي ثاني قال:ما يامر عليك عدو تسلملي عيونك الحلوه سكرت من وليد وانا ابتسم هاذا وليد ما يخلي حركاته كملت مكياجي ونزلت اغراضي لتحت \\ \\ \\ \\ \\ بعد ساعه جا وليد سلمت على امي ولبست عبايتي وطلعت وصلنا بيتنا وقفت عند الباب انتضر وليد جا وطلع المفتاح من جيبه وفتح الباب وهو يقول تفضلي حبيبتي نورتي بيتك برجوعك له دخلت البيت وليد رجع ينزل اغراضي من السياره رحت لغرفتي حطيت عمرعلى السرير وشلت عبايتي مررت المشط على شعري وزودت لقلوس الوردي ورشيت من عطري لما تأكدت ان شكلي او كي شلت عمر وطلعت من الغرفه وجلست بالصاله انتضر وليد بعد شوي جا وليد بعد ما بدل ملابسه ولبس تي شرت زيتي وبنطلون اسود جلس جنبي وريحة عطره الي تسكرني تملا المكان حط ايد على كتفي وناضرني بشوق ووله وش اخبار حبيبتي ناضرته وانا ابتسم الحمد لله بس ينقصني وجودك تحرك عمر وفتح عيونه وشكله شبع نوم اخذه وليد وقعد يلعبه وعمر يبتسم له ومستانس بعدين قمنا نتعشى كان وليد جايب عشى من المطعم ومرتبه على الطاوله بشكل حلو بس مكثر وجايب عشى يكفي عشرة اشخاص مو اثنين ناضرت وليد ليش جايب كل هالاكل ومكلف على نفسك قال وليد وهو يجلس على كرسي الطاوله بصراحه حبيت احتفل برجعتك للبيت \\ \\ خلصت عشى وقمت اخذت المبخره وبخرت الصاله وحطيتها بغرفتنا رحت بدلت ملا بسي وقفت قدام المرايه ارتب شعري كنت مسكره الانوار بس مخليه الانوار الخافته علشان ما يصحى عمر لاني بدلتله ونام حسيت بوليد واقف وراي وهو يضمني ويدفن وجهه بشعري ويقول بهمس وحشتيني حبيبتي لفيت عليه وانا مشتاقه له وبنفس الوقت مستحيه منه وخايفه وكاني عروس اول مره تشوف زوجها غمضت عيوني واحس وجهي صار احمر ودقات قلبي تزيد سمعت وليد يضحك وهو يقول نوره ليش مغمضه عيونك يله افتحي عيونك وناضريني بلا دلع صديت وانا اقول مابي اتركني ضمني له اكثر وهو يقول لا تحاولين مستحيل اخليك \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\ عشت مع وليد بسعاده وحب ما كنت متخيله اني بعيشها بيوم من الايام كنت جالسه وافكر بحياتي والمشاكل الي مرت علي بدايه من زواج وليد قبلي من دون ما ادري وتدخل زوجته بحيتنا وحتى يوم يمد وليد ايده علي بسبب غيرته علي وعدم ثقته بي ونتهاء بتعبي ومحاولة ابوي تخريب سمعتي لو اني استسلمت من اول مشكله تواجهني وهدمت حياتي الزوجيه ما كنت وصلت لهالسعاده الي اعيش فيها الحين التفت اناضر عمر الي نايم بكل براءه شلته وانا اتأمل ملامحه الحلوه واقول الحمدلله الي عوضني عن صبري \\\\\\\\\\\\\\\\ النهايه | ||||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
