( لآ زعلت وجاك ( مني ) خطآ إمسكني ( بيدي ) وعلمني خطآي ..! ) للكاتبة ( * الغيد .. ) .

[فيتامين سي]

ب السعوديه ..

كانن مجتمعات بيت جدهن الكبير .. ومتحمسات لبعض .. وصوت التي في
يضرب ب انحاء البيت .. من غير ازعاج البنات ..
... / تصدقون بنات .. انا متحمسه اشوف بنت عمي هايف ..
... / وانا مثلك متحمسه .. تهقين بتحبنا ولا حنا بنحبها ..
... / م اتوقع البنت عايشه طول حياتها برا .. وبعدين طلع بعد هالسنين لها
اعمام .. م تدخل العقل ..
... / مهيش هذا واقع .. وهي لازم تصدقه .. وتقتنع فيه ..
مها / لا عاد تصدقون بنات اسمها حلو .. تولين ..
... / ريوف ..
ريوف لفت ورا وشافت امها معصبه وتناديها .. استغربت
وطالعت ب امها .. / امري يمه ..
مهره بكره لـ مها / انا مو قايله م تحاكين بنت الحرام ..
ريوف بضيق من اسلوب امها .. ضلوا البنات يطالعون
بعض .. ولا يدرون منو المقصوده ..
مها بطيبه / خالتي .. الريف متضايقه وحنا نبي نعدل
جوها ..
مهره / هه وانتي بتعدلين جوها .. هذا اللي ناقص
اخلي بنتي مع وحده مثلك ..
مها بصدمه / ليش انا شنو فيني ؟ .. مثلي مثل البنات ..
مهره / شنو فيك ؟ .. م سألتي حالك ليش عايشه بيت جدك ..
ليش جدتك ضفتك وربتك بعد هالسنين .. م سالتي حالك ليش
جدك يكره سيرة امك .. لانك بنت وحده واطيه .. وحده راعية
شباب وحركات .. ومو بعيده تكونين بنت حرام .. م سالتي نفسك
ملامحك ليش مو مثل اخوك ..
ريوف تقطع كلام امها اللي اوجع مها ب الصميم / يمه بس ..
حرام عليك ..
مهره / انطمي .. حرمت عليك عيشة العدو .. لازم تعرف
حقيقتها وحقيقة امها ..
مها بوجع فتك جسمها .. وجرح قلبها .. وبكى عيونها ..
مو مصدقه كلامها .. اكيد تكذب .. امها طاهره شريفه ..
امها عفيفه .. امها بيضاء مثل بياض الثلج .. ليه توجعها ..
اذا كان كلامها صدق ليه تقوله لها ليه .. تحس حالها بحلم
ودها تقوم منه .. عماد ابي عماد .. هو اللي يحبني اكثر
منهم .. تحس بوجع ببلعومها .. ودموعها حرقت عيونها ..
م حست بحالها الا ومغمي عليها .. ومن شافوها البنات
اغمي عليها .. بدا الصراخ والنياح ..
رنيم ببكى / يمه .. مهاوي حبيبتي اصحي .. الله يخليك ..
وتين بصراخ / بنات جيبوا لي كلونيا ..
راحت رنا تركض لأقرب غرفه .. ودخلتها وجابت الكلونيا ..
ومدته لوتين ..
الحريم الكبار سمعن الصراخ .. وركض لصاله الداخليه
تفاجأن بمها مغمي عليها ..
ام جراح / وش فيها .. ؟ وش صار .. ؟
رنا ببكي / اهئ اهئ .. عمتي مهره قالت لها كلام يوجع ..
ووطاحت مغمي عليها ..
ام فهد / وش صار ي مهره .. ؟ شنو قلتي للبنيه ؟ ..
مهره بعدم مبالاه / م قلت الا الحقيقه .. خليها تعرف حقيقتها
وحقيقة امها ..
ام سعد / حسبي الله ونعم الوكيل .. خافي الله فيها ي مرة ..
اما مها من شمة ريحة الكلونيا شهقة .. وبعدها فتحت لقت الكل
حولها ..
مها ببكى / ابي عماد .. الله يخليك كلمي عماد ..
رنيم تهز راسها ب الموافقه / ب كلمه بس اهدي حبيبتي ..
بعدت مها عن وتين .. وقامت متوجه لغرفتها .. دخلت وسكرت الباب ..
طاحت ع سريرها تبكي قهر .. حزن .. الم .. وجع ..
مؤلم حين نعلم ان هناك مأساة موجعه قد يتم اخفاءها عنا ..
حينما نعلم حقيقه قد اخفيت عنا منذ زمن بعيد .. هل م يقوله
الناس حقيقه وواقع ام انه مجرد كذبه .. مؤلمه هي الحقيقه ..
وموجعه هي الكذبه ..
وغمضت عينها .. ونامت وهي بداخلها تتمنى كل اللي صار
حلم وبتصحى منه ..

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ

ب المانياا ..

كانوا توهم واصلين للمانيا .. توجهوا للقصر امير بعد م دلهم
وافي عليه .. وبعد م وصلوا انصدموا من الكم الهائل من الحراس
اللي محاوطين القصر .. ولما وصلوا وقفهم واحد من الحرس ..
خبروا رئيسهم وجاء لهم .. وعرف انهم من عايلة الرايف بعد
م شاف راجح اخر مرة .. سمحوا لهم ب الدخول بعد م اعطوا
خبر لفهد ..
فهد كان مع امير ب المكتب .. عشان الشغل .. قطع عليهم رنة
الجوال .. رفع فهد جواله وتفاجأ ب نادر يتصل .. خاف ليكون فيه
شي .. رد عليه .. / اهلن نادر .. فيه شيء ..
نادر / فهد عايلة الراجح شرفونا ..
فهد مصدوم / شنو يبون .. ؟
نادر / مادري .. شنو نسمح لهم يدخلون ..
فهد وهو يطالع ب امير .. اللي لاهي ب الاوراق اللي قدامه ..
فهد / طويل العمر ..
امير رفع عيونه لفهد وابتسم / م تفتهم انت .. لو شنو م سويت لك ..
فهد ب بتسامه / بتظل طويل العمر مهما كنا اصدقاء ..
امير يهز راسه يمين وشمال بمعنى ميأوس منك / امرني .. شنو .. ؟
فهد بضيق / عايلة الرايف عند القصر ..
امير بصدمه وقف / شقلت ؟ ..
فهد / نادر يقول راجح ولد عم وافي عند القصر .. ومعه رجال كبير
ب السن .. اظن انه كبيرهم ..
امير يهز ب راسه .. وهو مستغرب من جية كبيرهم لعنده ..
امير / قوله يدخل ..
نادر / دخلوه ..
سكر من نادر وطالع ب امير .. شافه شارد / طويل العمر .. شنو
بتسوي .. ؟
امير / بشوف شنو يبي .. ؟ اكيد جاي عشان تولين .. فهد ضيفوه
ب الديوانيه .. وانا لاحقك ..
فهد / ع امرك ..
طلع فهد من عند امير .. متوجه لديوانيه .. وامير لف ع مكتبه
واخذ فرده .. وريحه في جيب الثوب .. وطلع من المكتب متوجه
للديوانيه .. دخل لقى اخوانه وفهد ونادر وراجح وجده ..
سلم عليهم .. وبعدها جلس .. وبدوا الشباب ب الضيافه ..
ابو سلمان / انا جايك لهنا ي امير .. علشان موضوع بنت ولدي ..
امير / كنت عارف هالشيئ ي عمي .. وانت تامر .. انا اسمعك
تفضل ..
ابو سلمان / انا جايك علشان اخذ بنت ولدي تعيش تحت سقفي ..
امير / اسمحلي ي عمي .. تولين بتعيش وياي ..
ابو سلمان / لا ي ولدي .. بنت ولدي لازم تعيش عندي ..
امير / شوف ي عمي .. انا قررت اعيش ب السعوديه .. وتولين
راح تعيش معاي .. بكذا تكون قريبه .. وبكذا انت بتكون متطمن ..
ابو سلمان / بس .. قاطعه امير .. وهو معترض ع كلام ابو سلمان
امير / اسمحلي ي عمي .. كلام غير هذا م عنددي .. اتمنى تسامحني ..
ابو سلمان هز راسه بمعنى اي .. ووقف هو وراجح .. علشان يستاذنون
ويطلعون .. قام امير واخوانه ..
امير / ع وين ي عمي .. ؟
ابو سلمان / بما ان اللي جيت علشانه م صار .. حنا بنروح نرتاح ب
الفندق ..
امير بشهامة وذوق / افا ي عمي .. تريح بفندق .. وبيتي مفتوح ..
ابو سلمان / بس انا م ابي ازعجكم .. حنا حاجزين ومخلصين ..
امير / حتى ولو ي عمي .. ارتاحوا ببيتي .. وفهد ينهي الحجز ..
ابو سلمان / تسلم ي ولدي ..
طلعوا امير واخوانه .. وبقى راجح وجــــده ..

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ

ب السعوديــهه ..

كانت جالسه ببيت جدها .. طفشانه .. ليت جدها او
حتى جدتها موجوده .. كان ونست عمرها .. اخذت
جوالها تتصل ع عماد لكن م يرد .. انزعجت خايفه
يكون فيه شي صار له ..؟ بس اللي مطمنها انه مع
جدته .. فكرت تتصل ع وتين .. اذا كانت صاحيه
تروح لها ..
دقت ومن الرنه الاولى ردت وتين .. / هلا مهاوي ..
مها / هلا فيك وتون ..
وتين / شلونك ..؟ اخبارك عقب امس ..؟
مها بهدوء / تمام .. الحمدالله ع كل حاال .. وانتِ شلونك ؟ ..
وتين / بخير دامي سمعت صوتك ..
مها بطفش / وتون شرايك تجين عندي ؟ ..
وتين / لا تكفين .. م ابي .. انتي تعالي عندنا ..
مها / بس .. يعني اخوانك .. ءءء مو فيه ..
وتين / م عليك منهم .. حنا بنجلس بغرفتي .. يعني
م راح يزعجونا .. تعالي بس ..
مها / اوك .. ساعه ب الكثير وانا عندك ..
وتين / اوك .. ع خير .. وانا بروح اجهز اغراض
السهره ..
مها / اوك حبي .. سلام ..
وتين / يسلمك ..
سكرت من وتين .. وتوجهت لغرفتها تاخذ شور .. وتلبس
بعد م اخذت شاور مستعجل .. طلعت وهي لافه الروب
والماي ينقط من شعرها .. توجهت لغرفة التبديل .. طلعت
لها .. قميص ابيض مقلم بكروهات .. مع تيور سكيني
لنص الساق .. لبستهم وطلعت تجفف شعرها .. عملته
ستريت وريحته ع ظهرها .. لبست ربطه عريضه
كروهات .. وعملت ايلاينر فرنسي .. كثفت الماسكار
وحطت ملمع ع شفايفها .. وانتهت من شكلها .. لبست
الاكسسوار والخلخال .. ولبست فلات كورهات ..
اخذت شنطتها وجوالها وعباتها .. طالعه من غرفتها
متوجهه لبيت عمهاا ..

.
.
.
كت ..
( * الغيد .. )

.. ان شاء الله يكون البارت طويل .. انتظر تعليقاتكم ..
وردودكم الحلوه ..
احبكم *

[لامارا]

[فيتامين سي]

صباحكم ومسااااكم ياسمين حبايبي
كيفكم ي الغوالي ؟؟
انا رجعت بعد فترة غياب كانت طويله ,يمكن فيكم
من يعذرني ع غيابي ويمكن لا ويمكن فيكم اللي
مصدقني ويمكن لا , بس رببي الشاهد اني م غبت
الا لظروف طارئه خلتني اغيب عنكم وعن روايتي ,,
بس انا وعدتكم إني اكملها لكم ووقطعت ع نفسي
عهد اني اضل اكملها لين نهايتها , مهما صارت
مع ظروف ..
وانا ابي منكم تتعاونون معي . ابي نكون يد وحده
تشجيعكم اتقاداتكم ووجدوكم ب روايتي يعطيني امل
اني اكملها , تفاعلوا معييي , انا م بتشوفون مني الا
كل خير ان شاااااء الله ..

..
آمـآ وصل نقـطـف من آطرآفـه عـذوق !!
وإلا جفى / كـآن الجفى من شـروعـك
آمـآ تجي وآبـنـيـك في خآفـقي فـوق
وإلآ تبـلل / هالـجدآر بدموعـك
تصـدعت جدرآن قلـبي من الشـوق !!
وآطراف جسمي ( يآئسـه ) من طبوعك !!

**


البارت _ الرابع ..
.
مستوطن الوحده و متغرب إحساس
والراحه آمالي و قمة طموحي
واضح مع نفسي و واضح مع الناس
وأحب من قلبي و أقدر جروحي
..

وصلت الطياره للمشارف السعوديه , كان الكل مبسوط وبنفس الوقت
الحزن متملك قلوبهم .. تركوا الديره اللي كانوا عايشين فيها , اما هي
كان الحزن طاغي ع وجهها , هنا ذكرياتها
المؤلمه حزنها الكبير , الديره هذي هي اللي نفتهم عنها , كيف قدرت
ترجع لها ؟ وجرحها للحين م طااب .. رفعت عيونها له وهي تشوف
ملامح وجهه اللي عشقتها من صغر سنه ,
شافت الراحه بعيونه مستعده تروح لأبعد مكان ومستعده تروح للي
نفوها بس علشانه , م تبي تفقده مثل م فقدت ابوه , م تبي ذاك الحزن يرجع
لها مره ثانيه , تبيه جنبها قريب منها , نزلت عيونها بألم كبير يسري بجوف
قلبها , وتمتمة بقلبها ( عشانك ي يمه بتحمل كل شي ) , تحاملت
ع نفسها ومدت يدها لولدها عشان تقدر تنزل من الطياره ...
اما هوو كااان مرتاااح حيل , واخيرا وصل السعوديه واخيرا رد لديرته امانه
وموطنه . الحين يقدر يقول انه مرتاااح , طالع بخوانه شاف كل واحد حزين
يدري انهم ولدوا وكبروا وعاشوا بالمانييا , يدري ان هناك ربعهم وان هناك
الاماكن والمناطق اللي يحبونها , بس م يقدر ع الفراق ثاني , م يبي يخسر احد كفاه
م جااه , للحين قلبه يرجف وخايف من الفقد , للحين يخاف يذكر اسم واحد فيهم بصيغة
الغايب , يبيهم حوله , هم امله بالحياه وهم قوته وضعفه , هو خايف وخايف حييل ...
سحب شنطته متوجه للسياره اللي بتنقلهم لقصرهم , ركب واتسكر باب السياره م حس
الا باللي سحبت يده متمسكه فيه وميلت راسها عليه . ودخلت في سبات عميق , ابتسم
من قلبه وتمتم بيننفسه ( الله اخذ والله عطى , اخذ منك تالين وعطاك تولين ,
ربي م يحرمني منها ) ...
**
بقصر الرآيف ..
.
كان الجد مترأس المجلس وع ايمنه اولاده الكبار وع ايسره احفاده ,
كان حده مبسوط ان الكل موجود عنده وحوله , بس قاتله الحزن ع لافي كان
يحبه اكثر من احفاده , صحيح مو من صلبه بس هذا حفيده وذراعه اليمين ه اللي رباه
, شده كلام ولده الكبير اللي يتمنى ولا ينذكر هالكلام بمجلسه ..
ابو جراح : ابو سلطان ؟
ابو سلطان يرفع عيونه له وهو يطالع اخوه اللي مستغرب من نظرته : امر ي ابو جراح ؟ ..
ابو جراح وبوجع من طاريه : وش صار ع هادي البسام ؟ .. سنين اختفى ولا عاد
عرفنا عنه شي ؟ صاعقه أضربت الكل من طاري هادي , الكل يعرف شنو هاادي بالنسبه له ؟, وتوقعوه نساه طول السنين اللي فاتت م جاب طاريه , ظل يطالعهم بنظرات
كلها حزن , عارف انهم انصعقوا ومفكرينه طول السنين اللي فاتت نساه , وشلون
ينساه وهو وياه تربوا مع بعض وشلون ينسى نبضه وكيانه وشلون ينسى صديق
الطفوله وحبيب عمره ..
ابو جراح وضيقه اجتاحت صدره وعبره خنقة صدره : ابو سلطاان انا سألتك
جاوب .؟ ليش ساكت .. ؟ رد عللي هادي وش صااار فيه ؟
ابو سلطان نزله راسه وصدره بدا ينزل ويرتفع دليل ع توتره , شنو بيقوله
شنو حتى بيعبر له اخوه م راح يسامحه , رفع راسه لخوه وهو يقوي نفسه : احم
ابو جراح انت مؤمن بقضاء الله
هادي توفى من 29 سنه , توفى بجلطه وعنده عيال وبنات .. ركز عيونه
بملامح اخوه اللي بدتتتغير ...
ابو جراح مصدوم وصاعقه ضربت جوف قلبه , رفيق عمره توفى وهو
مو جنبه , غمض عيونه بقوه ونزل راسه وثبت يدينه ع وجهه وقعد يبكي .
ايه يبكي ’’ الكل كان مصدوم ابو جراح المعرف بهيبته وشموخه ومركزه عند الناس
يبكي , انهار من سنين غيابه , انهار منه ومن موته اللي ذبحه .. تمتم بين نفسه
ودموعه تطيح ( هادي مات ي سعود مات , مات وخلاني وحيد لحااااالي ‘‘ راح
وخلاني اموت بعذاب ضميري , الله يسامحك يبه فرقتنا . الله يسامحك ,, الله يررحمك
ي نبض قلبي الله يرحمك ويغمد روحك الجنه ) ..
**

عند مها ..

بعد م طلعت من قصر جدها متوجهه لبيت عمها , ركبت بسيارتها
وطلبت من سواقها ياقف قدام محل شوكولا . عشان تاخذ حق وتين الشوكلا اللي
تحبه ’ لفت انتباها رجال واقف قدام المحل ويتكلم مع صاحبه , كلمت السواق
وقالت له ياقف .. ونزلت متوجهه للمحل وقفها صوت
الرجال , توترت بس م بينت له التفت عليه وطالعت بحاجب مرفوع ,
مها : خير اخوووي ؟
... : اسفين اختي , اليوم راح نقفل المحل , ممكن تجين باكر او بعده ..
مها انصدمت : مو ع كيفك , انا ابي اشتري من هالمحل ..
... اتنرفز من اسلوبها : احترمي نفسك اختي , ترا انا محترمك لانك زبونه عندي ..
مها بعصبيه : منو انت عشان تمنعني ادخل المحل ؟
... ظل يطالعها ب صمت والعصبيه ماليه عيونه , التفت ع راشد عشان يطلعها
, ماله مزاج يتناقش مع احد ..
راشد بهدوء : اخت مها لو سمحتي خبرناك ان المحل اتقفل , ابعدي عن الشر
وارجعي لمكان م جيتي ..
مها بغضب : لا ي راشد مو راده , وبدخل محلكم وباخذ منه اللي
ابي وبالغصب , رفعت عيونها له واشرت عليه" منو هذاا علشان يمنعني ادخل للمحل ؟؟.
.... عصب منها وتوجه لها ومسك ايدها وضغط عليها بقوه ووهي تألمت من
مسكته القويه : تدرين منو انا ي بنت ابوك , انا رائد هادي البسام , تجي وحده
مثلك وتاشر ع بهالطريقه ..
انصعقت حاولت تستوعب كلامه , مو معقول هي شافته ببالواقع
رائد هادي البسام , عشيقها المجهول واللي م تعرف شلون شكله او حتى
هيئته شافته , دمعت عيونها م كانت تبي يكون اول
لقاء بينهم هالشكل , كانت تبيه لقاء م تنساه طول عمرها وهي جد م تنسا
هالموقف ابداً ابداً , سحبت يدها منه وراحت ركض ع السياره دخلتها ووهي
منهاره من البكي طلبت منه يردها لبيت
جدها , وطول م السياره كانت تمشي فيها كانت تبكي اخذت جوالها وارسلت حق
وتين تعتذر منهاا . بعد ما راحت الرساله رمت جوالها داخل الشنطه وغمضت عيونها
وصارت تبكي .....
**
عند وتين ...

كانت قاعده تستعد لجية مها , لفت انتباها صوت رساله بالبيبي ,
راحت للفونها اخذته وشافت من منو الرساله , استغربت انها من مها ,
وقرت محتواها ( وتوني اسفه حبيبتي اجلت جيتي ليوم ثاني , لان السياره
تعطلت فيني بالطريق واضطريت ارد للبيت , ) : ليش قلبي ناغزني ي مها
انك تكذبين م هذا سبب ردتك للبيت , اكيد فيه شي صاااير .؟ اكيد ؟ ....
رمت فونها ع السرير وراحت نازله تحت عند اهلها , دخلت وهي تتأفف
من الطفش والملل , جلست ع الكنبه واخذت الخداديه وحطتها قدامها وصارت تتابع
التي في , امها باستغراب منها ومن قعدتها ساعه راجتها مها ومها واخر شي تقعد
ع التي في ..
... : وتونه ؟
وتين للفت لأمها : هلا يمه , امري . ؟
ام جراح بغرابه : ليش قاعده يمه هنا ؟ م ع اساس مها
بتجيك وبتسهرون ؟؟
وتين ببرود : هذا انتي قلتيها يمه ع اساس , مها اعتذرت تقول
سيارتها تعطلت واجلت الجيه لعندي ...
ام جراح : الله يعينها ..
وتين :امين يارب ..
**
عايلة البسام ..
راحو يستكشفون قصرهم بعد م وصلوا بسلام , وكل واحد
صار يدور له بمكان ,, وهم مبسوطين من كبر القصر وقرب كل شي منه ,,
وليد : ي سلام القصر يجنن , احلى من قصرنا اللي بالمانيا ..
بيان : واوسع واشرح بعد ..
كمال : اهم شي ان اسطبل الخيول قريب من القصر مو مثل المانيا نطق مشوار ..
عبدالعزيز : وميدان التدريب خيال توحفه , وقريب بعد ..
أمير ابتسم انه اعجبهم . اصلا كان واثق انه بيعجبهم , توجه لم امه
ومسك ايدها وباسها وابتسم لها ابتسامه نابعه من قلبه لهااا : وانتي ي الغاليه م
قلتي لي وش رايك بقصرك ؟؟.
هديلآ بابتسامه حنان : يجنن يمه , اهم شي ان كلكم يمي م يهم شزينه او حلاته ..
باس راسهاا , واخذها لداخل القصر وهو مرتاح حيل , خلاص م عاد يشيل
هم مثل قبل .. وع دخلته الا يسمع صوت الصراخ ..
نور : مالي خص انا هذيك غرفتي مو على كيفك نجلوه تاخذينها تفهمين ..
نجلا : والله مو ع كيفك حبيبتي انا حجزت قبلك ..
ساره : انا الغرفه هذيك حقتي مالي شغل مو تجي وحده فيكم تقول حقتي ..
حور : وش قلتي حبيبتي هذي لي , روحي دوري لك ع غرفه ثانيه ..
نورا : طيري مناك انتي وياها ..
أمير بصراخ : خير انتي وياها ؟ وش هالصراااخ ؟
نورا: هذي غرفتي امير بليز قولها ؟؟
لف امير عنهن ماله حيل يتناقش معهن ولاهن طلال , يعرف انهن
يخافن منه ولا يعصن له امر .. توجه لمكتبه دخله واول م استقبلته صورة
ابووه طالع فيها بعيوون دامعه وصوت متهدج : الله يسامحك يبه مت وخليت
المسؤوليه علي , حملتني حمل م تتحمله جبال , الله يرحمك ي الغالي ) ..

:
:
كت )!

أنتهى البارت..

السموحه منكم ادري البارت قصير . بس اعوضكم بالبارتات الجايه

ملتقانا في البارت القادم . , ولكم حرية التعليقات والنقد ,,,,,
واذا لقيت ردود وتشجيعات نزلت لكم بارت مفاجئ الهمه حبيباتي
... ( الغيد )

[فيتامين سي]

ودي أبكي لين مايبقى دمــوع
ودي أشكي لين مـــايبقى كـــلام ..

من هموم صارت بقلبي تنـوح
من جـروح أحـرمت عيني المنام ..

وأنطفت في دنيتي كل الشموع
والهنا مايـــوم فـــي دنيـــاي دام..

إن شكيت الحال محد لي سموع
وإن سكت الناس زادوا في الملام..

طال صبري والزمن عيّ يطوع
والـرجا بلي عيونـه ما تنـام..

..
البارت _ الخأأمس ..
.
اضحك مع الناس واخفي همً قتلني
همٍ بوسط العين بين ومفضوح ..

اخفي دموعي بأبتسامه وكــني
كني سعيد بدنيتي بضحك ومــزوح ..

وانا اللي فيني هم وحزنٍ سكــني
لو سكن غيري من القهر بات مذبوح..


..


كان مصدوم من اللي سمعه , مو مصدق يحس نفسه بـ حلم . ما يبي يحط امل واخر شي ينخذل ,,
ظل يطالع فيهم كلهم وكلامهم يتردد بأذونه " تقدر ترد لأهلك ي لافي ,

تقدر ترد لأهلك ي لافي ,

تقدر ترد لأهلك ي لافي ,

هالجمله خلته يطير من الفرحه بس م امدا يفرح الا رفع راسه لهم وبقلبه "هذا فخ ي لافي لا تصدقهم
هم يبونك ترد عشاان ياخذون منك اهلك ,, يحرمونك منهم .. " تجمعت الدموع بـ عينه , ء
اما هو رحمه وحب انه يعتقه من هم ظل متعلق فيه من سنين طويله , بعده عن امه واهله واخوانه

ن ... بنظرة عجز الكل يفهمها : لا تخاف انت بأمان تقدر ترد لـ ديرتك ,لا تخااف ما احد بيقرب من
اهلك وانت بأمان , م عتقتك لجل أأذيك وأذي اهلك ,, روح الله يستر عليك
.

ماهو مصدق فرحاااااان وطاير منن الفرحه بيرد لديرته بيرد لبيته , لآمه واخوانه وخواته ولأهله ..

بيرد للأمان اللي فقده من زمان , واخيرا بينام وهو مرتاح . يحس حاله بـ حلم ولا يبي يصحى منه , من الفرحه تمتم
بنفسه "( الحمدلله لك يارب .. الحمدلله ) .. ء
أخذ نفسه وراح لقصره , جمع كل اغراضه وممتلكاته .وحجز طيارته ’ يبي يرجع السعوديه بأسرع

وقت
لافي بصرااخ : نااااني , نااااني ,.
نااني بخوف من صرأخه : خير ي ابني , شو بكك ؟؟

لافي يمسك ايديها وبفرحه نابعه من قلبه وعيونه ماليها الدموع : نااني انا برجع للسعوديه خلاص ,م

عاد بظل بهالديره الشؤمه ..

نااني بعدم استيعااب : لافي لك ابني شو عم تحكي ؟؟ انته م فيك ترجع ع السعوديه .. بتعرف شو
السبب ؟؟

لافي وهو يهز برقبته ع ان كلامك صح : اي نانيي كلامك صح انا م كنت اقدر ارد . بس الحين خلاص اعتقوني واقدر ارد .
قالي انت بأمان روح واهلك بأمان

نااني بحزن لآنها بتفارقه : الله يوفقك ي ابني . فرحت لالك من كل ئلبي ..

لافي شاف الحزن بعيونها : ناني تعالي وياي . ردي معي !..
نااني بحرقه : م بئدر ي لافي , انا راح رد لسورياا .. , بدي روح لولادي وعيلتي ,.
لافي : نااني مالك احد بـ سورياا , لا تقولين اولادي مدري شنو .؟ لو كانو يحبونك م كان تركوك
كل هالسنين بـ المانيااا ..
نااني نزلت راسها بـ حزن كبير : بعرف هيك , بس انا عندي امل ..
لافي اخذها وجلسها ع الكنبه وجلس جنبها وحط ايده ع ايدها : نااني م تبين تروحين وياي تشوفين
امي , تشوفين وافي ورافي وهفوف وريوف ؟..
خلينا نروح ونترك المانيااا . نعيش بالسعوديه , وعيالك لا بغوك جوك لا تخافين ..

نااني بـ راحه ان الدنيا م زالت بـ أمان .. : طيب , يالله ئوم خدلك شاوور ولبوس ع م جهز ودب اغراظك ؟؟
لافي هز براسه وراح , وهي مبسوطه انها بتكون جنبه , حبته كنه ولدها وتحبه اكثر من اولادها .


..








قصر الرأيف ..


توها صحت من النوم وراسهاا مصدع , دخلت المطبخ تسوي لها قهوه تروقهاا , اخذت جوالها

تتصل على عماد ، امس جاء ولا شافته , تتصل وم يرد شكله مشغول ..
نزلت الجوال وقامت تكمل باقي كماليات القهوه , اخذت اغراضها متوجهه للصاله عشان تجلس
تروق ع كيفها .. ولما جلست تفاجأت باللي دخلت عليها ورافعه حاجب ..
مهاا بغرابه وبـ ابتسامه محليتها : وتونه حياك , اقلطي ..
وتين بحاجب مرفوع : هلا مهيش الساحبه ,

مهاا بـ ضحكه عارفه شقصدهاا : م سححبت تعطلت السياره ورديت ..
وتين ب استخفاف : مو علي هالكلام مهاا , انا م جيت الا ابي اعرف ليش رديتي ؟ فيك شي ؟؟

مانتي خليه ..؟
مها بـ توتر تعرف ان هالامور م تمشي على وتين ولو صنعت اكبر كذبه وصدقوها العالم وتين م

بتصدقها , ردت ببرود : خليني اتقهوا واروق ثمن اعلمك السالفه ..

جلست وتين جنبها تستناها تشرب وتروق الحلوه ..


..












قصر الرأأيف ..



كان جالس وياهم , وفكره مشغول بذاك الصندوق اللي لقاه بـ مقر عمل ابوه القديم ..

يبي يعرف شنو فيه هالصندوق , وشنو يحل اسرار ؟؟

الفضول ذابحه بس شلون يفتح الصندوق والمفتاح مو معاهه , لازم ادور صديق ابوي

هو الوحيد اللي يعرف اسراره ..

صحى من سرحانه ع صوت اخته نور المتهدج , عرف انها باكيه او خانقتها العبره , طالعها
لـ ثواني ثم رد بـ حنان معهود عليه : هلا حبيبتي .. شنو فيك

نور وبصوت تهدج وعيون مغشيه بالدموع : ابي اكلمك بـ موضوع بيني وبينك ..

أمير مستغرب ششنو الموضوع اللي تبيه فيه : اوك حبيبتي , تعالي ..
اخذها وراح فيها لـ مكتبه , وجلسها ع الكرسي اللي قدامه , وتكلم بـ ابتسامه تحلي ثغره .. وهو يمسح ع شعرها

عشان يطمهنا .. : تكلمي حبيبتي
نور بـ توتر وخوف انه يعصب عليها : أ أننا انا كلمتني امي وقالت لي ابي اخذ ورقه من المحكمه عشان اعيش وياها ,

بغى ياقف صمام قلبه وعيونه مفتوحه من الصدمه , شلون عرفت رقم نور شلون وصلت لها ؟؟

وهو حاول بـ تى الطرق م تقرب منها , شلون عصصته وكلمتها . عرف ليش رائد متغير هاليوممين
عرف ليش اخلاقه مقفله ونفسيته متدهوره لانها محاكيته , ظل يطالع بـ نور بـ نظرات احرقتها ,
اما هي تمنت الارض تنشق وتبلعها من الخوف , هي تدري انه م يواطن امها , بس شتسوي هي

تبي امها هي بـ حاجتها , م راح تخاف من امير و عليها من احد ..

امير تكل وهي يكتم غيضه : مين سمح لك تردين ع ارقام غريبه .؟

نور بـ خوف : ااا اانا م كنت برد , بس رديت لما كتبت لي انا امك , ورديت عليها

امير بـ عصبيه : وانا مو منبهك م تردين عليهاا ..

نور : هذي امي , وشي طبيعي برد عليها , مو من حقك تمنعني عنها ..

امير : امك اللي تتكلمين عنها لو كانت تبيك م قطتك علي وراحت , كان اخذتك وربتك ..

نور ببرود : كذااب , انت اللي اجبرتها تتركني عندك , انت اللي قلت لها عطيني نور انا اربيها

مو انت ارشيتها بـ فلوسك وخليتها تقطني , , شاللي سويته لك يوم تحرمني من امي ..
حس الدنيا بـ توقف فيه , خلت كل شي من صالحها , سببت الحرب بينه وبين اخته , كيف بيفهمها كيف بيقنعها
ان كلامها مو صح ؟؟



..










قصر الرأأيف ,,




كان جالس بين عياله واحفاده , ويسولف معهم . مجلسه م كان خالي من الضحك والوناسه , تكلم
راجح بعد م اخذ نفس طويل لآنه عارف الصاعقه اللي راح تنرمى عليهم , قبل لا يصدمهم انصدم

باللي عرفه , عمره م توقع هالشيء , ولا راح يتوقعه بـ حيأأته ..

راجح بتوتر وهدوء : يبه متعب .
الجد رفع راسه لاحب احفاده ع قلبه : قلب ابوك , امرني ..

راجح بـ توتر وعينه ع ابوه , : م يامر عليك ظالم , بس كلاي اللي ابي اقوله لك متعلق فيك وبأبوي ..

استغرب الجد وولده سلطان .. ان الكلام موجه له ’ اما ابوه انغزه قلبه . م يقول راجح هالكلام الا

عنده شي خطير ,

ابو جراح : قول ؟ , وش عندك ي راجح ..
راجح بـ توتر وخوف ن اللي بيصير : احم يبه عيال عيال ..

الجد بـ غرابه منه ومن كلامه ومن توتره اللي مو مخليه ينطق زين : عيال منو ؟
تكلم ي ولد.. وش فيك .. ؟
راجح : عيال هادي البسام ردو للسعوديه ,

صاعقه ضربت الكل من الجد لاصغر احفاده وحفيداته , حاول الجد يستوعب بس مو قادر , اما ابو

جراح حس الاكسجين وقف من عنده عيال بسام ردو , ضرب الخبر ع وتره الحساس دموعه غشت

عيونه , يبي يعرف من هم علشان يعوضه عن ابوهم ويعوض نفسه فيهم .. قرب من ولده حيل

ووقف قدامه ومسك ايده وبصوت متهدج مايل للبكى : وينهم ؟؟ ومن هم ؟؟

راجح بـ توتر من الصاعقه الثانيه : هم امير ورائد خوال تولين بنت عمي هايف ..

طاح ابو جراح ع ركبه , كان حاس انه هو من يوم صادفه عند ابوه وهو حاس , قلبه دليله , قلبه نغزه

عنده نفس العين والهيبه اللي بـ بسام , اما الجد انصدم م كان م توقع ابد ان امير يكون ولد بسام
بسام اللي ظلمه من زمان اللي حكموا عليه بـ النفي من ديرته , بساام اللي تمنى يشوفه بس علشان
يستسمح منه ويقوله ان م كان يعرف انه في يوم انظلم .. يحس الدنيا تدور فيه , جلس ع الكنب وتدافعوا عياله واحفاده
عنده يمسكونه ويعطونه حبوبه وعلاجهه ,, هدا نفسه والتفت لـ راجح يطالع فيه : كيف عرفت ي راجح ...

راجح بـ هدوء : كنت طالع للمطار , سمعت واحد يقول ان عيال بسام الهادي ردوا للسعوديه , بعد
طول هذيك السنين اللي عاشوهاا برا .. !
واستنيت بـ المطار لين شفت الطياره اللي اقلعت بالمطار , وشفت الحرس
عرفت انهم عيال بسام
بس اللي صدمني لما شفت امير ورائد ..



...


بعدت عن المجلس متوجهه لـ صاله اللي جالسات فيهاا الحريم , وهي تركض
تبي توصلهم اللي
سمعته , دخلت وهي تنادي ع جدتها ..
... بصراخ : جده ي جده ..
الجده بخرعه : وش فيتس ي بنت .. ؟
.. تلهث من الركض : جده فيه مصيبه نزلت عليناا ..
الجده بخرعه ضربت ع صدرها وبخوف : وشهي المصيبه ي نجيد ؟ ..
نجد : عيال البسام ردوا للسعوديه ..

صدمه وصاعقه ضربتهن .. هي الوحيده اللي م توقعت انهم يردون بعد كل
هـ السنين , رفعت راسها
لها تبي تصدق كلامها
... بخوف وتوتر : من وين جبتي الهرج ذا ي بنت ؟؟

نجد : سمعت راجح يقوله لجدي وابوي , والاثبات انهم خوال تولين بنت عمي هايف ,,
صدمه ثانيه توالت عليهم , طاح الكوب منها ’ وهي تسمع كلامها ,,

م توقعت انه قريب منها كل هالقرب ابد م توقعت , رائد خال تولين م اصدق , تحس الهواء
انقطع من عندها ,, م تتنفس ابد ..
امتلت الدموع بـ عيونها , واهتز جسمها وراحت ركض لـ غرفتها تبكي , من
الصدمه ..

عرفت ليش شافته اخر مره قدام المحل ؟؟ .


..






عند لأفي ..

اقلعت طيأأرته من رومأأ العاأصمه متوجهه لـ السعوديه , موطنه وامانه , فرحاان حيل
اخيراً بـ يشوف أهله واخوانه وخواته ..

تلفت يدور نااني , شافهاا جالسه بالمقعد الجانبي وتطالع الشبااك , ابتسم لهها بـ راحه , يحب هـ
الانسانه .. عوضته عن اشياء فقدها من زمان اشياء رد يدور عليهااا

التفت ع شباكه وغمض عيونه ورجع راسه لوراء , ورد لأول لقاء بينهم ..


كاان يتمشى بأحد احياء روما القديمه , كاان يتمشى ببرود وبـ هدوء , كان وقتها م تورط بهـ
العصابه , التفت ع جنبه اليمين عشان يشوف مصدر هالصراخ والازعاج , ولمة هـ العالم ’ بعدهم
واحد واحد لين دخل داخل الدائره اللي مسوينها , لقا اثنين شباب قاعدين يضربون لهم عجوز واضح
انها عربيه , انهبل يوم شاف كيف هم حقيرين يبون يضربونها ويغتصبونها . طق فيه عرق الغضب فيه , قام يركض
ممتوجهه لهم وقام فيهم ضرب لين شاف دمهم يسيل , اخذ العجوز وركض فيهاا
لـ لمشفى , ويوم وصل لهم قعد يصارخ عشان ينقذونها ..

لافي واقف قدام باب المشفى وبـ صراخ قعد يستنجد منهم : ارجوكم ارجوكم ساعدوني , سوف تموت
ارجوكم بسرعه ,,,
جو الدكاتره والمرضات ومعهم السرير النقال عشااان ينقذون العجوز , دخلووها داخل الاشعه ..
صحى من سرحانه . والتفت عليها وابتسم , وقتها عهد نفسه انه يحميها ويدافع عنها ويسكنها
عنده ,, غمض عيونه وهو فرحان انه بيرد ,,





.
.
.
أنتهى البأأرت ’’

لآتنسون التعليقاات والردود ..





الغيد ‘‘