آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-07-15, 01:05 AM
| #12 | ||||||||
| مراقبة عامة ومشرفة منتدى الروايات المنقولة  
|  السسلام عليكم ورحمة الله وبركاته .. ^_^ اسعد الله مساكم ياجميلاتي .. كيفكم .. شو عاملين ؟؟ عاد عيدكم يارب وكل عام انتم بخير يارب .. اكيد مجهزين عصيكم تضربوني  ادري والله انكم زعلانين بس العذر منكم والله قروشه العيد وسفر وهذي دخلتي البيت كتبت لكم البارت بالسياره حاشني صداع بس يهووون لعنوناتكم الحلوه .. ^_^ أبي أشكر كل من : الريم .. ديب فريز .. من فهمني ملكني .. ملكة إحساس .. على تفاعلهم الأنيق والممتع جدا معاي .. أخليكم مع البارت ياعسولات .. ^_^ . . . البارت التاسع اللهم سلام وراحة منك تُغنيني ؛ لأمشي في طريقي راضية مطمئنة ... ! . . . دقات xxxxب الساعه على يساره .. تنافس طرقاته باصابعه على الطاوله .. حاط يده اليسرى على ذقنه وكوعه على طرف الكرسي دقيقه .. دقيقتين .. ثلاث .. !! رفع راسه وانتبه الســــــــــاعه ثـــــلاث .. ! صارله نص ساعه وللحين ماجات .. !! رفع الملعقه وبأمر/ضي .. روحي شوفي الزفت هذي وينها ؟ ضي/حاضر .. طلعت من غرفة الطعام وركضت لجناح الخدم فتحت الباب بعجل على ساره اللي كانت واقفه قداام المرايه وتمشط شعرها المبلول ولابسه بنطلون جنز وبلوزه اسود .. ! ابتسمت/هلا ضي ضي بخوف/هلا ضي ! هيك بهالبساطه .. ليكي شو مجنونه .. الاستاز سلمان بدوياكي هلا وواضح كتير معصب .. ساره/قولي له اذا حجت البقره على قرونها ! ضي/شو أصدك ( قصدك ) .. ساره/مثل نقوله زي ابشري وحاضر .. ضي بغباء/ماشي ماتتاخري .. سكرت الباب واتجهت لصالة الطعام وببراءه/استاز بتؤلك ازا حجت البأره ع ءرونها .. ! سلمان بصدمه بانت على ملامحه/نعم !؟ ضي بخوف/استاز هي قالت لي هيك وقالت معناتا ابشري وحازر .. سلمان يكتم ضحكته على ضي الغبيه والبريئه /زين زين ساره مو ناويتها لبر .. !! كمل طعامه وهو يفكر كيف يعاقبها .. ! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . فتحت الباب قبل ماتوقف السياره نزلت وركضت للرسبشن/الله يخليك الموظف/هلا روان/فيه بنت صغيره جات هنا .. لتين فيصل الموظف/ايوه اختي .. بالطوارئ غرفه اربعه ! ركضت بجنون للطوارئ انتبهت لفيصل من بعيد ركضت له وتعلقت بيده/بنتي فيصل بنتي اش فيها ؟ ناظر فيها بهدوء ودفها بضيق/توك تسالين عنها ياهانم .. توووك تدرين ان عندك بنت ؟! روان بغصه/فيصل الله يخليك .. فيصل يشد يدها/ايش الله يخليني تووك ياروان لتين صارله ساعه ونص ولافيه دكتور طلع يطمنا .. انتي مو ام وحررام تكونين ام ! شوفي وربي لو صار للتين شي لاذبحك وبصراخ/فاااهمه !! روان تجلس ع الكرسي وتبكي بانهيار .. بعد فوات الاوان ياروان .. << شاعره قسم ^_^ . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . وقف وتوجه للمغسله .. غسل ونشف يدينه وعلى وجهه ابتسامه .. توجه بخطواته الثابته والرزينه لجنااح الخدم .. فتح الباب بقوة خلا ساره تفز من سريرها برعب ... سلمان/انا وش قلت لك ؟ ساره تجلس ع السرير/مدري وش يدريني عنك وعن كلامك ؟! سلمان يشدها بيدها/ساره انتي ماتبين السلامه صحح ؟ ساره تناظره بتحدي / لا .. سلمان ابتسم/بيرفكت انا احب شي ع قلبي هو الترويض .. وترويض الجاريات اهم شي ! ساره تدفه/ابعد عني .. ! سلمان يجرها وراه/لاحقه ع النوم يابنت ابوك سلمان لاقالك كلمه مايثنيها .. طلع من غرفتها وتوجه لباب الفيلا وصرخات ساره المتالمه من قبضته/اترررركني تعورني . سلمان/انطممي توك تتكلمين !! طلع خارج القصر وتوجه للمخزن فتح الباب ورماها بقسوه/خيسي هنا .. طلع وسكر الباب ورجع للقصر وغير مبالي بصرخات ساره المذعوره من اكوام الكراتين رفست كرتون قريب منها بضيق وصرخت بفزع وهي تشوف الصرصور اللي طلع من تحته ... ! ، ، اللهم سلام وراحة منك تُغنيني ؛ لأمشي في طريقي راضية مطمئنة ... ! . . . الساعه سبع ونص .. وقفت بحماس تناظر شكلها بالمرايه/كانت لابسه بنطلون برمودا سوداء وبلوزه ابيض عليها كتابات بالاسود والاحمر .. لبست فلات ابيض ناعمم .. رفعت شعرها بطريقه مرتبه لبست عبايتها السوداء بعد مارشت من عطرها المفضل .. طلعت من غرفتها ونزلت بخطوات سريعه وبفرح/روودي .. رودي !! سارلا/اش يبقى مداام .. مها/انسه ياسارلا مو مدام ؛ وين رايد ؟ سارلا/مايجي .. يمكن يجي انا مافي شوفي ! مها/اوك .. طلعت برا الفيلا وجلست على المرجيحه الطويلهه .. ! لحظات قبل ماتسمع صوت حمد قادم من برا وقف وناظر فيها وبسخريه/جاهزه ماصدقتي مها كالعاده بلعت ريقها وسكتت .. !! حمد يقترب منها ثبت المرجيحه بيده وعيونها تناظر لمها اللي رافعه راسه بحكم طوله وتبلع ريقها بخوف/ترى ماوافقت عشان سواد عينك لا بس كسر خاطري رايد .. واعملي حسابك اول واخر مره ok ؟ .. هزت مها راسها بخوف .. غمضت عيونها بحرقه وهي تتنفس بعمق .. وجود حمد حولها يربكها ويوترها .. وقفت بابتسامه لما شافت رايد/طووولت ! رايد يقرص خدها/ههههههه توها ثمان الا ربع دقيقه ابدل وانزلك انتظري .. !! طلع غرفته وتحمم ع السريع لبس جنز وبلوزه اسود كت ابرزت عضلاته .. ! خرج من غرفته والتقى بحمد الجالس باريحيه على كنب الصاله .. اقترب منه وجلس على طرف الكنب/ماتروح معنا ؟ حمد/لا .. رايد/غير جو ياخي .. حمد/ لا .. رايد/زين بتقعد بالبيت ؟ حمد/ايه .. رايد/طيب نجيب لك عشا .. حمد/لا سلمان بيجي وبيجيب معه عشا .. رايد يلبس كابه على راسه/تمام دام سلمان جاي ؛ أنا أستأذن الحين سلام .. !! تحرك بخطوات سريعه نزل للحديقه واحتضن كف مها المبسوطه والمبتسمه بتفاؤل .. ⤠. . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . مد يده بعلبة مويه وبهمس/اشربي .. ! اخذت العلبه وحطتها جنبها بدون ماتناظره ؛ غمضت عيونها بحرقه وتنهدت وببحه/فيصل جلس على الكرسي قريب منها وبدون مايناظرها/أسمعك ! روان تنزل راسها/فيصل ابي لتين ؛ الله يخليك فيصل بنتي لاتروح ؛ والله راح أهتم فيها والله بس ابيها ماتروح مني .. ! فيصل يتنهد وبقهر/اتمنى ربي يحفظها لي ويخليها بس لاني ابيها بنتي .. التفت عليها/لكن لو صار لها شيء واللي خلقني ياروان لاذبحك مثل ماذبحتيها .. روان بحسره/والله ماذبحتها فيصل انا احبها هذي بنتي انا قطعة من قلبي .. ! فيصل يوقف/فات الفوت ياروان ؛ بنتي لو صار لها شيء أنتي الملامه الوحيده .. !! رفع جواله /هلآ يبه .. !! أبوفيصل/فيصل وش صار لكم بنتك فيها شيء ؟ فيصل/مدري يبه انا انشغلت هالفتره يوم جيت اليوم قالت لي الخدامه انها مسخنه من ثلاث ايام .. ! ابوفيصل بغضب/وامها وين هي فيه ؟ شلون مضيعة بنتها كذا .. ؟ فيصل بتعب/يبه بنتي لو صار لها شيء والله مارحمها والله والله لاذبحها .. ابوفيصل بهدوء/وينك بأي مستشفى ؟! فيصل/مستشفى خالي صقر .. ابوفيصل/جايك الحين .. سكر السماعه من ابوه وبضيق فتح ازرار ثوبه العلويه واتجه لباب الطوارئ المغلق ... ! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . باتت حياتي كسواد هذه الغرفه ؛ بح صوتي لاحد يسمعني ؛ وحيده في هذا القصر الموحش ؛ جميل لكنه غريب ؛ فاخر لكن منزلنا دافئ .. احتضنت نفسها وشهقت/ب.ب.برد ! تسللت دمعه يتيمه من عينيها السوداويتين واعتصر الألم قلبها الصغير ؛ لحظات قبل ماتوقف وتتعلق بالسياج الحديدي المحكم والذي يفصلها عن القصر .. وصرخت/طلعوووووووووني .... !! ، ، قريب منها .. طلع من غرفته لابس بنطلون سكري وبلوزه سماويه وشوز سماوي .. وقف بالصاله العلويه وبأمر/هالبيت له قوانين خاصه فيه ؛ مهما كانت مكانتك عندي ماراح تطولين اللي ببالك ؛ اعرفي زين من تكونين يانهى .. ! لو اشوفك مقربة من ساره والله مالك قعده بهالبيت .. مفهوم ؟ وقفت بغيره/هامتك لهالدرجه خايف عليها مني ؟ سلمان/ماني خايف لامنك ولامنها .. وماتهميني لا انتي ولاهي ؛ بس مثل مارفعتك وخليتك زوجتي لازم تحترمين اوامري مالك علاقه بساره ولا بأي وحده من الخدم هنا ... نهى/بس انا ماتحمل اشوفك مع غيري ! سلمان/انتي تعرفيني من زمان .. مايهمني تتحملين او لا .. انا ومن بعدي الطوفان !! نهى/يعني ايش ؟ سلمان بحده/يعني اللي اقوله يتنفذ اهتمي بنفسك وبس مالك علاقه باي احد هنا .. والا الباب يوسع جبل ومثل مادخلتي اطلعي .. !! نهى بحزن/يعني انا ماهمك ماتحبني ؟ سلمان يناظر ساعته/لا ماتهميني انتي عارفه انا ليه متزوجك افلام هنديه مابي ؛ انا ماعرف للحب تبين حب وحبيب مو عندي .. !! نهى بصرخه/سلمان لاتجنني .. ! مسك شعرها بغضب/صوتك لايعلى طالما انا موجود .. اللي عندي قلته عجبك اهلا وسهلا ماعجبك بيت اهلك موجود .. ! ابتعد عنها وقبل ماينزل ابتسم وصوتها المرتجف يوصل لاذنه/ايه برافو عليك انا ماخذك تسليه عشان ترضين رغباتي وبس ! نهى/انا مو رخيصه ياسلمان .. !! سلمان ابتسم/نسيتي والا اذكرك يا .. ياشريفة مكه !! ابتسم باستفزاز ونزل وبأمر لسعاد الواقفه اخر الدرج/سعاد انا طالع اتعشى برا ؛ افتحي المخزن لساره ... !! طلع من البيت ورفع جواله وهو يضحك/جايك ياقلق خلاص بالطريق .... !! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . سكر الدفتر البني ومده للرجل الواقف باحترام قريب منه/بس خلاص .. شكرا ! استأذن الرجل باحترام وترك الطاوله .. التفت رايد لاخته/اش رايك بهالمطعم ؟ مها بفرح/مررره راقي المكان ماشاء الله رايد/ان شاء الله لاتزوجت بجيب المدام هنا مها/ههههههههههه والله ياليت تتزوج وتجيبها تونسني .. ! رايد/لا والله قالو لك زوجتي مهرج تونسك ! مها /الله الله من الحين واقف معها .. رايد بنحاسه/ايه ايه زوجتي هذي وش حسبالك !! مها/مالت عليها اقول .. رايد/هههههههههه ؛ زين خلينا من زوجتي الحين وقولي لي .. من متى ترسمين ؟ مها/اممم من المتوسط .. رايد/حلوو .. ولامره قلتي لنا .. مها بحزن/ليه انا اقعد معكم عشان اقولكم .. رايد/مهاوي ادري انا مقصرين بس والله الشغل ماخذ وقتي كلهه .. مها بضيق/ماعليك عتب يارايد .. رايد/طيب اش رايك اسجلك بمعهد للرسم ! مها بذهول/من جدك ؟! رايد/كل الجد .. مها بفرح/ياليت يارودي والله اتمنى على الأقل اقضي وقت فرراغي .. رايد/وتنمين موهبتك جدا انتي موهوبه ومحتاجه من يصقل موهبتك .. مها/بس حمد رايد يقاطعها/ولايهمك حمد خليه علي انا اتدبر امره .. مها بسعاده/رايد انا احبك مرره مره مره رايد يبتسم بحنان/وانا اكثر ياميمو ⤠. . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . الساعه 10 مساء .. !! واقف بإنهيار على باب الطوارئ شاد بيده على يد أبوه .. وقريب منه كانت جالسه على الكرسي وصدى نحيبها يرتفع كل ثانيه .. !! فيصل بجنون/يبه انا مقدر اتحمل يبه من الظهر وهي جوا طفله ثلاث سنوات وش فيها يبه وش يسوون لها .. !! أبوفيصل يشد على كتفه/اهدى الحين بيجي حمد انا اتصلت عليه توي ؛ اهدى ان شاء الله كل شيء بخير .. !! فيصل وعيونها تلمع/يبه لتين لو صار فيها شيء اموت بعدها ؛ يبه مابيها تروح مني الله يخليك يبه .. ! أبوفيصل/ماراح تروح ان شاء الله ربي بيطول بعمرها .. ! فيصل يجلس على الارض وبرجاء/يارب تخليها لي ؛ ياربي لاتحرمني من بنتي ؛ يارب لاتحرمني منها .... !! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . إبتسم وبيده رفع الجوال/والله منت هين ؛ معقوله ياحمد يطلع منك كل ذا ؟! حمد يضحك/بعدك ماشفت شي .. سلمان بخبث/وش بتسوي بعدها ؟ حمد/كل شيء بوقته حلو .. اجل انا تضربني هالفصعونهه .. !! سلمان/ههههههههع حمدوه تراني عارفك تعذر بالضرب ؛ قول ان البنت عاجبتك ^_* حمد بتوتر/وش تخربط انت ؟ سلمان يتكئ على يمينه وبنظرات /يابن الحلال والله ان البنت حلوه .. حمد يضيع السالفه/ماعليها زوينه .. سلمان/هههههههههههه والله انها صاروخ مالت عليك تهايط علي .. حمدوه تراني خابزك وعاجنك .. حمد/طير بس والله مافكرت فيها ؛ برد لها الكف واعلمها شلون تحترم الناس !! سلمان بضحكه/ طيب وبعدين ؟! حمد/ولاشيء .. بطلقها .. سلمان بثقه/هالشنب موب على رجال كانك طلقتها ياحمد ؛ وهذا انا وهذا انت وبسخريه/والايام بيننا هههههههههههههههههههههه ! حمد يصد عنه ويرفع جواله اللي كان يرن/هلا خالي .. حمد/اش فييه ؟! ............ حمد يوقف/شلون ماقلتو لنا ؟ ............ حمد يأشر لسلمان/يلا يلا جايين .. سكر جواله /بسرعه لتين بنت فيصل بالطوارئ من الظهر .. سلمان يسحب مفاتيحه من ع الطاوله/ليه محد يقولنا .. حمد/مدري .. خالي يقول فيصل منهار .. بسرعه قبل يصير فيه شي .. !! ركضو بعجل وقلوبهم تدعي لفيصل وبنته .. !! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . وقف امام القصر وبابتسامه/يلا وصلنا .. بعبط/ماودي انزل والله انبسطت .. رايد/هههههههه يلا بلا طمع انزلي ارتاحي وانا بروح للشباب بسهر معهم .. مها بحسره/ليتني ولد ياخي .. !! رنت ضحكات رايد باذنها وبغضب/وش عليك طالع داخل ومستانس ماوراك حمد واقف لك ع الوحده .. رايد/ماتبطلين تحلطم .. كلها فتره ويصير تطلعين مثلنا وتروحين للمعهد .. مها واقفه عند باب القصر/يارب من بؤك لبواب السماء .. رايد يلوح لها بيده/يلا ادخلي .. دخلت واصطدمت بحمد وسلمان اللي طالعين وملامحهم ماتتفسر .. ابتعدت عن الباب والخوف متملكها سمعت حمد وهو يركب سيارة رايد المذهول منهم .. حمد/بسرعه بنت فيصل تعبانه من الظهر بالطوارئ .. رايد/شلوووون ؟ حمد/موب وقته بسرعه ع المستشفى فيصل تعبان .. رايد يناظر مها/ادخلي وسكري الباب بسرعه دخلت مها بعجل وسكرت الباب وتركت رايد اللي حرك السياره وطيران ع المشفى .... ! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . جالس على الارض ؛ ازرار ثوبه كلها مفتوحه ؛ شعره على عيونه والعرق بلل وجهه البارد .. وجنبه جلست واحتضنت رأسه في حضنها .. انسكبت دمعاتها على رأسه وهمست/فيصل يمه تعوذ من ابليس ان شاء الله انها بخير ؛ انت اش فيك ماتوقعت جازع ياولدي ؛ سم بالله وتوكل عليه .. فيصل يغمض عيونه/يمه هذي بنتي قطعة مني مابيها تروح عني .. ام فيصل/لا يافيصل ماهيب رايحه عنك ان شاء الله ربي بيحفظها وبيردها لك .. فيصل بتعب/يارب يمه يارب .. !! بالجهة الاخرى احتضنت اختها وكلماتها الهامسه والناعمه ترن باذنها/اهدي روني اهدئي ان شاء الله مافيها شي .. روان ببحه/لتين كانت مسخنه والله كانت زي الجمر .. تولين/طيب ليش ماوديتيها الطبيب ؟! روان بحرقه/شفت عمر بالسوق وكرهتها لانها قطعه من فيصل .. تولين بقهر/انتي انانيه طول عمرك مايهمك غير نفسك ؛ اعنبو دارك بنتك هذي طالعه من بطنك مو بنت فيصل لحاله .. ! روان تشد يد تولين بقهر/مادري ماكنت واعيه لنفسي ياتوته من شفتها احس اني انتهيت الله ياخذه وياخذ قلبي اللي خلاني احبه .. !! تولين تحضنها/خلاص إنسي الحين واهدئي ترى كلها سخونه ان شاء الله امرها عادي .. !! شدها صوت خطواتهم المستعجله .. انتبهت لحمد اللي وقف قدام فيصل وبخوف/اش صار لها ؟! فيصل يستند ع امه وابوهد ويوقف بتعب/مدري مدري كانت مسخنه وجبتها من الظهر محد طلع يقول لنا شي .. !! حمد يطلع جواله وبوكه ويعطيهم رايد/لاتهتم انا بدخل اشوفهم الحين .. !! دخل حمد بعجل وترك فيصل اللي استند على كتف ابوه بإنهيار .... !! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . وقفت بانحناء توجهت للمغسله ؛ غسلت وجهها وتركت المويه تنساب بين ملامحها الحزينه لحظات قبل ماتكرر الحركه مرتين وثلاثه لين هدأت اعصابها المشدوده والمتوتره ؛؛ سكرت المويه وتوجهت للمجلس وباكراه جلست جنب زوجها المبتسم لشاشة التلفزيون/طول عمري اتمنى اعيش حياتي معك انت لحالك مابي شي يربطني بالماضي ؛ اكره الماضي بتفاصيله وايامه وثوانيه .. ! التفت لها بهدوء/وش قصدك ؟ ام فهيد/ابوساره كان عنده مخزن مأجره لواحد غني يخزن فيه بضائعه له ؛ كان شوي ميسور الحال وعنده فلوس لما خطبني اجبرني ابوي اني اخذه ؛ خذيته وغلطت عمري اني حملت بسارهه .. ! ابوفهيد/ليه ؟ ام فهيد/مابي شي يربطني فيه كان متكبر ومغرور بالحيل .. انا صح حزنت ع فراقها بس اكتشفت انه خيره يوم تبعد عني انسى ابوها والحياة معه .. ! ابوفهيد يبتسم/عشان تعرفين اني ماسوي الا الشي السنع واللي يرضيك .. احتضنها بحنان وابتسمت ام فهيد بانتصار .. ! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . وقفت xxxxب ساعة يده .. تاهت نظراته في عيون ولد عمه .. اختلطت تعابير وجهه .. ترنح بوقفته واعتلت ضحكته في الممر الطويل لحظات قبل مايكتمها بشهقه موجعه واذنه تلتقط عبارة حمد/عظم الله أجرك .. !! تناسى رجولته وتناسى ابن من يكون انحنى بانهيار تام وغرق في نحيب وعويل .. تتالت ضربات يده على قلبه المنعصر وهو يشوف السرير يخرج من غرفة الطوارئ يحتضن جسدها الهزيل .. ابتسامتها الورديه وبشرتها البيضاء الناعمه .. ناداها على امل ان تجيب لمس جبهتها البارده على امل ان تفتح عيناها المغلقه للأبد .. تهاوى على السرير يلم بقايا قلبه المبعثر ونحيبه يخترق جدران الصمت حوله والتي شهدت اقسى فصل من فصول الانتظار .. !! ثمان ساعات من الانتظار وفي النهايه توفيت لتين وأسدل الستار ... !! . . اللهم سلام وراحة منك تُغنيني ؛ لأمشي في طريقي راضية مطمئنة ... ! . . . ~ همسه ~ يتحدث الله عن الجنّة ليطمّئِنك أن كُل الذي حُرمت منه هُنا ستجده هُناك وكُل الذي أشقاك بهِ هُنا سيسعدك بهِ هُناك هُنا نحن غُرباء وفي الجنة وطننا اللهُم إنا نسألك رضاك والجنه .. â—? إنتهى البارت التاسع توقعاتكم + تعليقاتكم + تقييمك للبارت .. ! | ||||||||
|  |
|
31-07-15, 01:11 AM
| #13 | ||||||||
| مراقبة عامة ومشرفة منتدى الروايات المنقولة
| البارت العاشر . . يا الله سُق خطانا وخطى من نحبّ إلى الجنة ونعيمها الأبدي .. ! . . . يوم الخميس الساعه الثامنه ونصف صباحا .. دخل الغرفه وبيده كوب عصير ؛ جلس قريب منه وبأمر/فيصل اشرب .. اشاح فيصل بوجهه لكن يد حمد كانت اسرع مسكه ولف وجهه لجهته .. حمد/وبعدين يعني ؛ فيصل مايصير كذا تبي تذبح نفسك .. ان شاء الله انها طير من طيور الجنه .. تشفع لك يوم الحساب .. !! فيصل ببحه/الظنى غالي ياحمد الله لايجعلك تجرب هالوجع ؛ انا مخنوق ياحمد بنتي راحت وانا لاهي عنها ؛ توها طفله ماشافت الدنيا والحياة ؛ قلبي محروق ياحمد محروق لهيت بامها عنها .. غرقت بالهدايا وبالسفرات والمطاعم وكلام الحب وكنت متوقع إنها مهتمه ببنتي .. ثمرة هالحب .. ! توني اكتشف انها ماتحبني ومجبوره علي كنت منعمي عنها ذبحت بنتي بدم بارد عشان ماتبي شي يربطها فيني .. لو قالت لي والله ادوس على قلبي واطلقها بس ماتذبح بنتي ! حمد/من قالك انها ذبحتها .. فيصل حتى لو هي ماتحبك ترى اللي ماتت بنتها قطعه منها .. فيصل/اهملت بنتي ورمتها بيدين الخدم ؛ اهملتني وقلت مو مهم بس ماتوقعت انها مضيعه بنتها وماتدري عنهها .. !! حمد يمد كاس العصير لفيصل/طيب الحين انت اشرب هالعصير صارلك ثلاث أيام ع لحم بطنك مايصير كذا .. فيصل ياخوي العمر قدامكم وان شاء الله تجيبون عيال يترسون البيت عليك ويفرحونك .. فيصل يشرب العصير وينزل الكاس ع الكمدينه/لأ .. روان ماعاد لها مكان عندي حياتي وبيتي يتعذرونها .. حمد/تعوذ من ابليس زوجتك هذي وترى هي بعد مجروحه وقلبها يعورها ع بنتهاا .. !! فيصل ببرود/الله لايردها .. وقف واتجه للحمام/انتظرني بالمجلس بروح الشركه .. حمد بطلع من الغرفه/طيب .. . . يا الله سُق خطانا وخطى من نحبّ إلى الجنة ونعيمها الأبدي .. ! . . . جلست على المرجيحه الطويله وبيدها كوب حليب ، حاطه السماعات بأذنها وتتكلم مع صديقتها/إيوه وبعدين .. ؟ رغد/ولاقبلين .. كسرت خاطري مره بس تصيح ويغمى عليها وتصحى وترجع تصيح حالتها تصعب على الكافر .. ! لينا/استغفرالله .. جنت على نفسي والا فيه أم عاقله تبيع قلبها وتهمل بنتها .. ! رغد بحسره/امي يالينا امي بس روان ربي خذا بنتها بس امي لا .. اتمنى اموت عشان تحس على حالها شوي .. ! لينا بضيق/رغد لاتقولين كذا ترى بزعل منك حبيبتي انتي ان شاء الله كل شي يرجع زي ماكان .. تفائلي انتي بس .. !! رغد/ان شاء الله ؛ المهم أنتي اش صار معك ؟ لينا تفتح المسج اللي وصلها لحظات غرقت بالصمت فيها وعيونها الجاحظه على النص المكتوب شهقت بفزع وتقفل الخط .. من جهة رغد فزت من شهقة لينا رجعت تتصل وقلبها اللي انقبض على لينا ... !! . . يا الله سُق خطانا وخطى من نحبّ إلى الجنة ونعيمها الأبدي .. ! . . . تمددت على الكنبه الموجوده في الصاله وبيدها ريموت التلفزيون تقلب بالقنوات بدون هدف وبملل .. انتبهت لأختها السرحانه قريب منها .. اعتدلت بجلستها/وش فيك ؟ رفعت رأسها/هاه .. جمانه تلوي فمها/من قال هاه سمع .. عبير/ماني مركزه معك وش بغيتي ؟ جمانه/اقول وش فيك ؟ ليش مسرحه ! عبير تتكأ على يسارها/اليوم بتروح للشركه حددت لنا الدكتوره أيام التطبيق ثلاث أيام بالإسبوع .. ! جمانه/حلوو تفتكين من الجامعه وقرفها .. عبير/بس أنا مره متوتره .. تخيل بكون في مكان كله رجال وانا بعمري ماعرفت رجال غير ابوي .. جمانه/صح هذي مشكله بس انتي خليك بعيد عنهم واكيد بيخلونكم بقسم خاص بعيد عنهم عبير/ياليت .. جمانه بعفويه/اش رايك اكلم لك تولين تتوسط لك عند فيصل .. ؟ عبير بتفكير/بس مو تقولين بنته ميته اكيد ماراح يكون فاضي للشركه .. ! جمانه/صح رااحت عن بالي .. واصلا عادة روان اللي تكلمه مو تولين ؛ الحين مو طايق حتى يسمع اسمها .. عبير توقف/الله لايلومه بنته هذي .. جمانه تنسدح/وبعد بنت روان مو بنته لحاله عبير تتجاهل جمانه ودخلت غرفتها تستعد !! . . . يا الله سُق خطانا وخطى من نحبّ إلى الجنة ونعيمها الأبدي .. ! . . . تحت جنح الظلام وزخات المطر المتساقطه بكثافه .. تسارعت خطواتهم المتقاربه بنغم واحد .. وقف الإثنان بللت ثيابهم مياه الامطار البارده .. انتعلو احذيه رجاليه بكعب عال وتخبأت ملامحهم خلف الأقنعه القماشيه .. لحظات التقطو أنفاسهم المتسارعه قبل ان يدلفو للمنزل المتوسط والذي يتمركز في قلب لندن مدينة الضباب ... !! هو/كيف تسير الأمور .. ! هاري/كل شيء على مايرام سيدي ؟ هو/ماذا فعلتم مع الرجل الاسود !؟ هاري/لقد تخلصنا منه .. نفذنا منه باعجوبة شكرا للرب .. ! هو/هل قتلتموه .. ؟ هاري بعد صمت دام لثواني/لم يكن لدينا حل آخر .. هو/يا إلهي كفو عن القتل لا اريد اذيتهم الاتفهمون .. ؟! إداورد/سيدي هم من يجبرونا على فعل ذلك انهم أقوياء جدا كما انهم أذكياء .. ! هاري/لا نستطيع المضي قدما نحو هدفنا وانت بهذه الدرجه من العاطفه ؛ سيدي سيكتشف امرنا وننتهي اذا ماساقتنا العاطفيه لطرق أخرى .. !! هو/اصمت ؛ انا لا أحب أذية أحد منهم فقط أريد الحصول على الوصلة .. هذا كل مافي الأمر .. إدوارد/لن نستطيع انهم يحرسونها بذكاء .. ! هاري/وأعتقد بأنها لن تكون في لندن ربما هي بمكان أبعد بكثير عنا .. !! هو/لقد إخترتكما لأنكما قويان وبحسب مصادري لقد انضممتا مؤخرا لمجموعة ايفاليند هذا يعني بأنكما تدركان كل شيء وتشعروون بالخطر قبل وقوعه .. لما كل هذا التهاون هنا لماذا لاتتبعا أوامري ؟ هاري/سيدي نحن نفعل ماتأمرنا به بدقه بالغه لكن هؤلاء الرجال أذكياء جدا وماهرون في صنع الأفخاخ .. هدفهم مشابه لنا فهم يريدون ...... !! هو بتساؤل/يريدون ماذا ؟ إداورد بخوف/يريدون الوصول إليك .. ! إبتسم ووقف/حين يحين ذاك الوقت سأذهب بقدمي إليهم .. هاري بخوف/هل جننت ؟ هو/لننتقل للخطوة الثالثه .. على مايبدو لاوجود للوصلة في لندن ؟ إدوارد/اين سنبحث عنها .. ! هو/هاري انت وادوارد من الآن فصاعدا في إجازة مفتوحه ؛ عملتما بجد معي وعرضتكما لكثير من المتاعب ؛ لذلك يجب ان ترتاحو الآن .. هاري بتعجب/ومن سيبحث عن الوصلة ؟ هو/سأوكل أحدهم بالبحث عنها .. !! تحرك بخفه نزل لقبو المنزل ومن هناك سار عبر سرداب ضيق وخلال دقيقتان كان خارج المنزل في زقاق مظلم اخرج سجارته اشعلها ونفث هوائها السام قبل ان يرفع هاتفه وبصوت هادئ/هلا حبيبتي .. ! . . يا الله سُق خطانا وخطى من نحبّ إلى الجنة ونعيمها الأبدي .. ! . . . إبتسم بمجامله لموظفي الشركه اللي اصطفو امامه يعزون ويرحبون بعودته في الشركه .. دخل مكتبه الفاخر يتبعه حمد وسلمان اللي جلس على الكرسي امام المكتب وبمزاح/واحد شاي وصلحووو .. فيصل/هههه انت ماتجوز من حركاتك هذي ! سلمان بعبط/مقدر الحركات تجري بدمي .. ! حمد بحب/فيصل ياخوي لاتفكر بشيء اللي راح راح الله سبحانه اختارها طير من طيور الجنه واختارك لهالامتحان العظيم .. سلمان/لاتنشغل عن شغلك فكر بالحين وبكره وربي يعوضك خير يالغالي .. فيصل/الله كريم .. الله يعدي هالازمه على خير .. ! لف راسه للتلفون الموجود على يمينه طاحت عينه على برواز صغير ذهبي يحتضن صورتها سهى لحظات قبل مايستوعب حركة حمد لما شال الصوره /ليش ؟ حمد/خلاص ماتت مو معقوله تضيع عمرك كله تبكي عليها .. فيصل بحرقه/الله لايجعلك تجرب فراق الظنى ياحمد .. سلمان/فيصل تعوذ من ابليس الحي أبقى من الميت ألحين شوف شغلك وانتبه لنفسك يابن الحلال .. فيصل يرفع سماعة التلفون/فواز جبلي كل الملفات بسرعه .. وقول لابوخالد يجيب لي شاي .. ! سكر السماعات والتفت لسلمان وابتسم ... !! دخل فواز وبيده ملفات حطهم بعنايه على المكتب ابتعد خطوات /عظم الله اجرك يا استاذ والله يعوضك .. فيصل ببرود/جزاك الله خير .. شكرا .. فواز/طال عمرك مدير شركة السيف متى تحب تقابله بخصوص الصفقه ؟ فيصل يضرب جبهته/يووووه نسيته .. التفت لحمد/ليش ماحددت معه موعد وقابلته !؟ حمد/انا قررت تكون هالصفقه بامرك وهي خاصه تقريبا بقسمك وابوسيف بلغته ان بنتك ماتت وهو اللي قال يتأجل الموضوع لين ترجع .. ! فيصل/اوك خلاص حدد معاهم الوعد بكره الساعه 11 الصبح .. فواز/فيه شغله كمان طال عمرك ؟! فيصل/وشو ؟ فواز/فيه مجموعة طالبات من الجامعه جايين يتدربون هنا .. والاستاذ مشاري قسمهم اربع مجموعات وراح يكون بالقسم هنا سبع طالبات فيصل بدون اهتمام/مو مشكله تكفلو انتم بالموضوع .. فواز/تحب احددلك معهم موعد اجتماع .. فيصل بنظره/أكيد لا فاضي انا للمتدربات تكفل انت بالموضوع .. فواز/اوك صار بالاذن .. ! طلع فواز وتعالت ضحكات سلمان الناغزه ونظرات حمد المتوعده .... ! . . . يا الله سُق خطانا وخطى من نحبّ إلى الجنة ونعيمها الأبدي .. ! . . . جلست على كرسيها وبهمس /كلمته ؟ ابتسم ورفع راسه/أقول حمد .. !! حمد بدون مايناظر/هلآ .. رائد/لي عندك طلب ياخوي ولاتردني فيه ! حمد/ابشر بعزك يابو صقر امر .. رائد بتفاؤل/مايامر عليك ظالم ؛ انا قلت بشوف لمها معهد تدرس فيه بدال ماهي قاعده بالبيت وتضيع وقت الفراغ .. !! رفع رأسه عن صحنه والتقت عيونه بعيونها الناعسه واهدابها الكثيفه وملامحها اللي تشبه امها كثير / طيب .. ترك الملعقه ووقف متوجه للدرج وابتسم على فرحة رائد وكلماته الشاكره .. دخل غرفته وانسدح على سريره رفع مخدته واخرج الصوره اللي دايما يحتضنها بنومه .. صورة تجمع امه وابوه في يوم عرسهم مرر اصابعه على وجه امه وهمس/ماكرها يمه بس تشبهك كثير يمه .. ! باس الصوره بعد فترة التأمل .. رجعها مكانها ورفع جوالها اللي كان خالي من أي رساله او اتصال .. فتح الواتس وفتح المحادثه المقصوده ابتسم وهو يشوف تم التسليم .. حمد/قريتيها يعني يالينا .. اوك نشوف اش اخرتها معاك .. !! . . يا الله سُق خطانا وخطى من نحبّ إلى الجنة ونعيمها الأبدي .. ! . . . دخلت بعجل وخوف على صديقتها واللي من يومها تعتبرها أختها ؛ ركضت مع الدرج فتحت الباب على لينا اللي كانت متكئه بيدينها على التسريحه وسارحه بملامحها ... !! سكرت الباب وقربت منها بخوف/لينا اش بك ؟ اش صار ؟! لينا تجلس على كرسي التسريحه/مصيبه ! رغد بفزع/ وش مصيبته يابنت تكلمي ؟ لينا بشهقه / ح . حمد ؟ بردت اطرافها من ذكرها لاسمه وبهمس/وش سوى ؟ لينا تمد الجوال لرغد اللي قرأت المسج وشهقت بوجل/لولو هذا مجنوووون ؟! لينا بانهيار /انا المجنونه قلت يارغد ماراح يتركني مابيخليني بحالي .. رغد انا خايفه اش اسوي تكفين ساعديني .. ! رغد تجلس على السرير/لينا .. مدري وش اقولك ماتوقعت وربي انه ناوي عليك .. ! لينا/انا كنت حاسه من يوم ماقالت نهى ان سلمان سال عن اسمي !! رغد تتذكر/يوووووه ماركزت والله .. طيب اش بتسوين ؟ لينا تحط يدها ع راسها/مدري يارغد انا خايفه هالحمد مااراح يجيبها لبر معاي .. ؟! رغد تعدل جلستها/زين اسمعي .. حاليا لاتردين عليه خليه وكأنك ماقريتي الرساله وبنشوف اش بيسوي ؟! لينا/اخاف يسوي لي مصيبه .. واضح انه جاد رغد بتفكير/شوفي منصبه واسمه اتوقع انه كلام تهديد بس مو جاد اكيد مارااح يغامر باسمه عشانك .. لينا/تتوقعين ؟ رغد تحضن لينا/نقول ان شاء الله .. !! لينا بهمس/يارب .. . . يا الله سُق خطانا وخطى من نحبّ إلى الجنة ونعيمها الأبدي .. ! . . . وقفت بتردد تناظر بأرجاء الشركه الفاخره جدا تفاصيلها المبهره الارضيات السيراميك والجدران المزينه بزخارف أنيقه وتليق باسم الشركه .. تنهدت/هذي الشركه كذا .. كيف اجل بيوتهم ؟! وقفت بصدمه/اذكري الله عبير ؛ الله يزيدهم حراام تحسدينهم .. ! عبير بحسره/ماني حاسدتهم بس ابي زيهم .. ريم/الله كتب الارزاق لكل شخص فينا اقتنعي باللي عندك ؛ غيرك يتمنى ربع الحياة اللي عندك .. عبير تمشي باتجاه المبنى/هه من الغبي اللي يتمنى حياتي .. كانه مضروب على راسه وفاقد الذاكره .. ! ريم/فيه ياعبير فيه كثير .. شوفي السوريين ماعندهم بيوت من اصله واللي يوجع مو ساكنين بوطنهم فقدو اهلهم والأمان فقدو صحتهم وشوفيهم مشردين الاب بمكان وعياله بمكان .. احمدي ربك ياعبير انتي بامان ومعك اهلك لاتصيرين كذا ماتعودت عليك حسوده وعينك ضيقه .. ! عبير بحزن/ريم والله ماني حسوده ؛ بس ليش هم عندهم فلوس وخير .. انتي شفتي السيارات اللي برا ارخص وحده فيهم اكيد بنص مليون .. ليه ماعندي زيهم وكل شهر اسافر بدوله وكل يوم لبس جديد ؟! ريم تمسك يد عبير/حبيبتي هم تعبو واشتغلو بذكاء وكونو هالتجارة الضخمه هذا جهدهم وثمار تعبهم .. حبيبتي قولي ماشاء الله واتركيهم يتهنون بمالهم وحياتهم .. واحمدي ربك على حياتك .. ! عبير/هه حمدلله ياربي على حياة الأميرات .. ريم تهز رأسهها بأسف من تفكير عبير وغيرتها . . يا الله سُق خطانا وخطى من نحبّ إلى الجنة ونعيمها الأبدي .. ! . . . دخل قصره وهو يتمتم بألحان أغنيته المفضله وقف وهو يشوف نهى جالسه على الكنبه وواضح انها سرحانه ابتسم بسخريه وقرب منها/سلآم .. ! نهى بشرود/هلآ .. سلمان/وين وصلتي ؟ نهى/مو بعيد .. سلمان يلف سبحته على أصابعه/عدل لاتبعدين عشان ماتتوهين وصعب ترجعين ! نهى تناظره بهدوء/اش قصدك ؟ سلمان يغمزلها/اللبيب بالإشارة يفهم .. نهى توقف تبي تطلع من الصاله قبل مايمسكها ويلفها عليها .. مسك خصله من شعرها/الا بسألك .. يوم الحفله .. كانت فيه وحده قاصه شعرها بوي ولابسه رسمي .. !! نهى ترفع راسها واتضحت دموعها لسلمان اللي تلاشت ابتسامته/ليه تبكين ؟ نهى بألم/سلمان حرام عليك لوين بتوصل من حركاتك هذي انا تعبت والله تعبت .. شهقت/انا انسانه احس وقلبي يعورني وانت مو مهتم وفوق هذا ترمي علي كلامك اللي زي السم تعبت اناااا .. سلمان يفتح فمه ماعمره شافها تبكي كان يهزأها ويرمي عليها كلام بس عمرها مابكت قدامه .. توتر ومسك يدها ودخل غرفته جلس على الكنب وجلسها جنبه/اسمعيني يانهى .. أنا اول ماتزوجتك قلت لك .. ! زواج مسيار مابي احد من أهلي يعرف .. ولا ابي اطفال منك .. وكل فتره يجي ببالي بتزوج وماراح انتظرك تأذنين لي وأنتي وافقتي صح والا لا ؟ نهى تنزل رأسها/ماكان عندي خيار ثاني ؟ سلمان/ليه .. ؟ نهى/كنت ابيك تتزوجني لو كلفني هالشي حياتي .. سلمان يرفع حاجبه/بإرادتك ماغصبتك ع الزواج .. نهى/بس انا مغصوبه ياسلمان ؛ ماكان فيه حل غير انك تتزوجني .. والا نسيت ياسلمان ؟ يوم 21 من شهر 6 سنه 1434 .. الساعه ثلاث الظهر ... نسيت والا اذكرك ؟! سلمان بهدوء/مانسيت بس أنتي جيتيني برجلك وكنتي مستعده بعد .. نهى/لا ياسلمان ماكنت ادري .. جيتك برجلي صح بس انا انضحك علي وحتى رشا قالت لك انها تكرهني وهي اللي ضحكت علي وجابتني لعندك .. سلمان انا والله ماني البنت اللي ببالك اقسم بالله انت اول رجال بحياتي والله .. رشا قالت انها تعبانه وانا جيتها ازورها .. وطلبتني اجيب لها مخده ولما دخلت لقيتك و . و شهقت وتفاصيل الذكرى المؤلمه تنعاد على بالها .. ! احتضنها سلمان بحزن/اهدي اهدي .. كل اللي قلتيه لي اعرفه وحافظه عن ظهر قلب بعد .. نهى أنا مصدقك مو مكذبك ترى .. نهى ترفع راسها من حضنه/ليش تقول شريفة مكه وترمي علي كلام يمس شرفي دامك تعرفني اني مظلومه ؟؟ سلمان برفع اكتافه/انتي استفزيتيني وطلعت مني .. نهى بوجع/مو أول مره ياسلمان .. سلمان بحنان/خلاص هدي ماعاد بقولك شي نهى بسخريه/مستخسر كلمة اسف تردلي حقها بها .. سلمان بإبتسامه/مستحيل ماتعودت اقول هالكلمه .. بس انا اعرف كيف ارضيك .. وبالمقابل لازم ترضيني انتي بعد .. نهى/شلون .. ؟ سلمان/اي كلمه اقولها لاترادديني فيها نفذي وبس .. ساره وسعاد لاتقربين صوبهم أبد انتي من درب وهم من درب ولاحتى تكلمينهم .. اتفقنا .. نهى بتوتر/اخاف تاخذك مني ؟ سلمان يغمزلها/يمكن خبرك فيني احب البنات ماقدر استغني عنهم .. !! نهى تبتسم ببرود وهي تحط رأسها ع كتف سلمان اللي احتضنها بقووة .... !! . . يا الله سُق خطانا وخطى من نحبّ إلى الجنة ونعيمها الأبدي .. ! . . . رفعت خصلاتها الناعمه والمتمرده على وجهها غرست فرشاتها باللون الاسود وبسلاسه خطت توقيعها المميز على اللوحهه .. !! ابتعدت خطوات وهي تتأمل لوحتها الجديده نزلت دمعه من عينها وابتسمت بتفاؤل .. !! أدارت اللوحه لجهة الشباك حتى تنشف .. اتجهت لحمامها وغسلت وطلعت ابتسمت لرايد اللي كان داخل الغرفه وبعبط/ماتعرف تدق الباب قبل تدخل .؟ رايد/والله يامها ههههههههههههه مها/ههههههه ايه لازم تدق الباب اول .. رايد يرفع حاجبه/المره الجايه يا أبلا مها ادق الباب .. مها تبتسم بنعومه/امر وش بغيت ! رايد بحماس/ترى كلمت معهد معروف هنا وجدا مبدعين اللي فيه ووافقو يقبلونك عندهم وبكره تروحين لهم يسوون لك اختبار ! مها تصرخ بفرح/قووول والله رررررايد ياعمري انت ياربيييي والله مرررره مبسوطه .. رايد/ههههههههه والله ماصدقت حمد وافق وعلى طول كلمتهم ومن بكرا ان شاء الله تروحين لهمم .. مها/كم رسومهم طيب ؟ ومتى اداوم ؟ رايد/الدوام فترتين وانا خليت تداومي صباحي من الساعه تسعه للساعه 11 الظهر .. مها/ووووواو مررره حماس .. رودي اللع يسعدك دنيا وآخره ياقلبي انت .. رايد بفرح لاخته/يلا .. بروح اخذلي غفوة الحين .. تشاوو مها بحماس/تشاوو .. طلع رايد وركضت مها لمكتبها طلعت بطاقه صغير بيضاء وخطت بقلمها الأسود .. ادخلت البطاقه بظرف صغير ابيض ودخلته باهتمام باحد ادراج مكتبها .. !! . . يا الله سُق خطانا وخطى من نحبّ إلى الجنة ونعيمها الأبدي .. ! . . . اعتصرها الوجع وعيونها تراقب العامل ينقل اخر قطعه كانت تحتضنها غرفة ساره .. ساره بنتها اللي ماتعرف عنها أي خبر من ذاك اليوم . شدت على نفسها وابتسمت بوجه زوجها/ايوه كذا توسعت الغرفه ماشاء الله ؛ اش رايك نخليها غرفة جلوس لنا .. والا غرفة نوم غرفتنا ضيقهه .. ! ابوفهيد/لا انا نويت اخليها مكتب لي .. ام فهيد /حلو مكتب والله حسيتك وزير ههههه ابوفهيد/واحسن وزير بعد هههههههه .. ام فهيد تدخل الغرفه/طيب على كذا لازم تغير دهان الغرفه وتشتري اثاث من جديد .. !! ابوفهيد يحط يده على كتفها/إيه لازم ولي عندك بشاره بعد .. ام فهيد/وشووو ؟ ابوفهيد/انا قررت اسوي ترميم للبيت وبنبني دور ثاني .. ام فهيد بفرح حقيقي/صدق ؟ ابوفهيد/اي والله .. ام فهيد لوهله نسيت حزنها/الله يخلي لي ياعزوتي وتاج راسي الله لايخليني منك يابوفهيد ..... !! . . يا الله سُق خطانا وخطى من نحبّ إلى الجنة ونعيمها الأبدي .. ! . . . ~ همسهه ~ أخبر قلبك الهادىء أن يوماً ما في مكان ما . سيأتي الفرح إلى قلبك و سيحتضنك كثيراً ، أخبر حزنك أنه ضيف سيمضي .... . . إنتهى البارت العاشر .. توقعاتكم + تعليقاتكم + تقييمكم للبارت .. | ||||||||
|
| |
|
03-08-15, 07:52 AM
| #14 | ||||||||
| مراقبة عامة ومشرفة منتدى الروايات المنقولة
| بالبدايه .. حبيت أنوه على نقطه .. بروايتي ابتعدت عن أمهات وأباء الأبطال الا من أحداث بسيطه .. لانو بصراحه مالهم دور بروايتي غير قليل .. فأتمنى هالشي مايزعجكم .. ^_^ البارت الحادي عشر .. ~ الأنثى العظيمه هي الخجوله حد الطفوله والقويه حد الرجوله والأنيقه كما لوحه هي الهدوء في الصمت والصخب في الفراغ هي ذروة الأشياء وجملة الصفات الأنثى العظيمه هي الأنثى التي تحب . . مؤلم حين يصبح الإهتمام أمنيه .. ! . . . بعد يوم ~ جلست على سريرها بذهول وبيدها جوالها .. اعتلت ملامح الصدمه على وجهها الشاحب .. تنهدت بوجع واتصلت لا إرادي على صديقة عمرها إلا ردت بسرعه وكأنها تحس بصديقتها لينا بانهيار/رغد تعالي لي تكفين .. رغد/حبيبتي لولو اش فيك .. ؟ لينا/ارسلي يارغد مره ثانيه تكفين ماني عارفه شلون أتصرف .. !! رغد/ولايهمك .. مسافة الطريق بس وأكون عندك ... ! سكرت ووقفت بعجل تلبس عبايتها .. ! التفت بخوف على أختها اللي فتحت الباب بقوة ... ! رغد/وجع ماتعرفين تدقين الباب .. ؟! وعد بخوف/رغد إلحقي .. ! رغد/اش صاير بعد ؟ وعد بذهول/فيه رجال عند ابوي تحت ومعاه ظرف فيه ... فيه ..! رغد بتوتر/فيه وشوو إخلصي .. !! وعد بدموع/ص . صورك .. !! طاح الجوال من يدها وارتجفت بخوف من الخبر اللي نزل عليها مثل الصاعقه ... !! دفت أختها وركضت للمجلس .. فتحت الباب بقوة وتعلقت عيونها برعب وبهمس غير مصدق/أنت ... ؟! . . مؤلم حين يصبح الإهتمام أمنيه .. ! . . . جلس على سريره وبيده إحتضن صورة طفلته المبتسمه بطفوله وبيدها لعبه .. ! نقية هي تلك الطفله .. رحلت لم تلوثها براثن الحياة .. رحلت وتركت بقلب والدها غصه أبت ان تبتلع ... !! نزلها بهدوء على الكمدينه ورفع هاتفه فتحه وجلس يقرأ الرسائل من موت بنته مافتح جواله .. لحظات قبل مايستنشق عبيرها غمض عيونه وتنهد بضيق وبدون مايرفع رأسها/مابي اشوفك ؛ إطلعي برا .. ! جلست بعناد بالجهة الثانيه من السرير وببحه/فيصل ؛ أنا آسفه .. ! فيصل/هه بدري ياهانم .. روان تشد الشال الملفوف عليها/فيصل لتين بنتي بعد مو أنا اللي ذبحتها .. رفع راسه بغضب والتقت عيونه بعيونها الحمراء وأنفها المحمر من كثرة البكاء/سؤال واحد وابيك تجاوبين عليه بصراحه .. ليه لما شفتيها تعبانه ماقلتي لي او وديتيها المستشفى .. ! روان بتوتر/توقعتها سخونه عاديه وبتخف قبل جاتها كذا وخفت .. فيصل /انتي تعرفين انو الطفل مناعته مو قويه حتى لو تعطس المفروض تكونين مهتمه لها .. روان/فيصل انا اسفه هذا يومها يافيصل .. فيصل بغضب يمسك يدها/اقسم بجلال الله لو ماتبلعين لسانك لاقصه لك .. اخر وحده اتمنى انها تكون معي بهاللحظه هو انتي .. روان انا ماجبرتك كان المفروض تقولين لي مابيك وراح اطلقك بكل سهوله .. بس للاسف انتي ماتكلمتي وانا اعمى ماكنت اشوف رفضك لي وكانت الضحيه بنتي لتين اللي ماتت قدامك وانتي ساكته .. !! روان بانهيار/وش تبغاني اسوي تراها بنتي كافي تحط اللوم علي وانت لاهي عنها يابشرركه يامع عيال خوالك .. لاتحملني الذنب كاااافي .. فيصل يصر على اسنانه/رايح اشتغل مارحت العب مثلك ياهانم .. بس الحين فارقيتي مابي اشوف رقعة وجهك .. والله لو ما ابوك كان طلقتك بس للاسف احرجني وهو يترجاني اخليك ع ذمتي .. روان بصدمه/فيصل انتبه لكلامك مو روان السعد اللي تنعاف .. فيصل بثقه/روان السعد تنعاف وتنباع وتنشرى بحب الخشوم .. من اليوم ورايح مابيك ولا ابي اشوفك .. قلت للخدم يخصصون لك جناح بالدور اللي فوق قد ماتقدرين كوني بعيده عن عيني لاني لو شفتك بذبحك .. ! روان بغضب/شلون يعني بتحبسني ؟؟ فيصل/ايه .. والحين انقلعي عن وجهي اشوف دفها بقرف خارج جناحه متجاهل نداءتها وانهيارها التام من ردة فعل فيصل القويه .. ! . . مؤلم حين يصبح الإهتمام أمنيه .. ! . . . . استفرغت للمره الثالثه .. ! طلعت من حمامها وإتجهت لسريرها بتعب وإرهاق .. تغطت بالمفرش ولحظات غفت فيها قبل ماتدخل أختها الغرفه وبيدها كمادات بارده حطتها على جبين أختها الساخن .. !! جمانه بخوف/عبير ؛ عبير ردي علي تكفين تسمعيني والا لا ... ؟ عبير بهمهمات متقطعه/ ت .تع . ت . تعبانه ! جمانه تمسك يد اختها/ياجعله فيني ولافيك ياعبير .. رفعت تلفونها واتصلت على ابوها دقيقه وبلهفه/الو بابا وينك .. ؟ ابوجمانه/وش تبين انا بالديوانيه ؟ جمانه بخوف/بابا عبير مره تعبانه وحرارتها مو راضيه تنزل .. ابوجمانه بلآمبالاة/حطي لها كمادات وعطيها بندول وتطيب .. سكر السماعه قبل ماتتكلم جمانه .. تنهدت بأسى وردت جوالها مكانه .. عبير/جمانه .. جمانه/هلا .. عبير/ما .ماما .. وي .وينهي ؟! جمانه/ماما مو هنا من الظهر طلعت مع جارتنا عبير ببكاء/ناديها .. جمون تعبانه انا ابيها .. ! جمانه ترفع جوالها/ابشري بتصل عليها .. لحظات وردت امها/ها يابنت .. ؟ جمانه/ماما وينك عبير تعبانه مره ؟ ام جمانه/ماني فاضيه يابنتي انا مشغوله اذا رجعت يصير خير .. !! سكرت الجوال كالعاده قبل تسمع بنتها ... نزلت جمانه جوالها وبحزن /عبير انا معاك انا معاك لاتخافين .. !! تنهدت بحسره وهي تشوف لامبالاه ابوها وانشغال امها بجمعات الحريم والتجوال معهم بالاسواق .. !! وقفت عبير بتعب واتجهت للحمام .. انحنت على المرايه واستفرغت بانهيار وببالها تتذكر كلام ريم لها بالصباح .. بكت بحسره على وجود امها وابوها الفارغ .. تاهت نظراتها بملامح وجهها الهزيل والمرهق .. ! انتبهت على صوت اختها طلعت من الحمام وتفاجأت من اختها اللي كانت لابسه العبايه وبيدها عباية اختهاا .. !! عبير/وين ؟ جمانه بأمر/البسي عباتك بنروح المستوصف مارااح انتظرهم لين يتفرغون لنا .. عبير/ماني رايحه .. ابي اموت مليت من هالعيشه .. !! جمانه/ولاكلمه ؛ البسي ويلآ قدامي .. عبير اذا هم منشغلين بحياتهم عنك انا اكفي واحطك على راسي .. عبير انتي اختي ومستحيل اتركك تعانين وانا واقفه اتفرج عليك .. !! عبير/ليش احنا من بين الناس اهلنا مايدرون عنا .. ؟ جمانه/صديقتي رغد نفس حالتنا بس مع ذلك شوفيها قويه ومتحديه الحياة متفوقه ومؤدبه وماحد يقدر يدوس لها على طرف .. عبير ماما وبابا كآنو زي العسل مع بعض وفيه شي فرقهم وخلاهم كل واحد بطريق انا مستحيل اخليهم لازم يرجعون لبعض ويركزون شوي انو عندهم بنات .. صمتت لثواني وبامر/قومي الحين معاي يلا .. عبير بتهرب/بس انا اخاف من المستشفى ! جمانه/مارااح ياكلونك .. يلا وقفت عبير بمساعدة اختها ولبست عبايتها وطلعو من البيت .. !! . . مؤلم حين يصبح الإهتمام أمنيه .. ! . . . نزل كوب الشاي على الطاوله ع يمينه / سعاد سعاد اللي كانت واقفه قريب منه /ايوه استاذ سلمان يتكأ على الكنب بأريحيه/كيف أمور القصر والخدم .. ؟ سعاد/كل شيء تمام وعلى امرك يا أستاذ .. سلمان/وساره ؟ سعاد بتوتر/ ساره .. ! سلمان بنظره/ايه ساره وش فيك .. ماسوت مشاكل وماقربت من نهى ؟! سعاد بفهاوة/هاه .. سلمان/سعاد اش فيك ؟ سعاد/استاذ ساره ماطلعت من المخزن من هذاك اليوم .. ! فز برعب من كلامهة وبصراخ اجتمعو الخدم بخوف/شلووون بالمخزن شلووون .. انا مو قايل لك طلعيها ماتفهمين انتي .. ؟ سعاد برعب/والله ماقلت لي شي طال عمرك والله .. سلمان بجنون/انتي كبرتي ماعاد تسمعين قلت لك طلعيها شلون صار لها خمس ايام هناك ماتخافون من الله انتم .. !! دفها بقوة عن طريقه وركض للمخزن وبقلبه يردد/الله يستر .. فتح باب المخزن وشغل النور بجواله وبنداء/ساره . ساره . ساره وينك ؟ تسمعيني ؟ كان الصمت هو الرد عليه .. اقترب بخوف رفع الكرااتين الملقااه على الارض بفوضويه وانتبه لساره الغاطسه بدااخلها وغائبه عن الوعي كليا رفعها بيدها وضرب خدها/سساره .. ساره تسمعيني .. سسسساره .. ساره كالجثة بين يدينه مافيه اية استجابه وقف بها وركض باتجاه سيارته شغلها وانطلق بأقصى سرعه للمستشفى تحت أنظار نهى .. ! . . مؤلم حين يصبح الإهتمام أمنيه .. ! . . . ثواني قبل مايهجم عليها أبوها يضربها تحت نظراته المبتسمه بإنتصار .. إنهارت رغد قاومت أبوها ودافعت عن نفسها متناسيه إن اللي قدامها أبوها .. تجمع حقدها وكرها لأهم ثلاث أشخاص بحياتها .. ! رفعت يدها بدون وعي وهوت بها على وجه أبوها اللي وقف بذهول وإبتعد خطوات عنها مصدوم .. ! رغد بإنهيار/بسسس .. خلآص يككفي .. يككفي .. تحملتكم واجد ماعاد لي قدرة أتحمل أكثر .. حراام عليكم خافو الله فيني مو كافي كل واحد منكم لاهي بحياته ولاحد معبرني حتى البيت نسيتو شكله ؛ التفتت له واقف يناظرها بصدمه/وانت نعم وش تبي ماراح اتحمل اخطائك .. ورب البيت الموت أحب لي من اني اشوفك .. كرهتني بحياتي كرهتني بالرجال كلهم واولهم ابوي اللي ماختلف عنك بشي .. انت وش تبي مني وش تبي .. مو تزوجت ومتهني خلاص اتركني ياحقير اعيش حياتي اتركني بحااااااالي حرام عليك ... !! حست شعرها تقطع من جر ابوها لها/وترادييني بعد انا ماربيتك انتي مسودة وجهي بكل مكان .. ! رغد بجنون/أنت اللي مسود وجهي وبكل مكان اتحاشى نظراات البنات اكيد مالي وجه اناظرهم وابوي اكبر مغازلجي بالسعوديه كلها قبض على شعرها بقسوة وضرب بعقاله بجنون وبدون وعي .. ! رغد ابتسمت رغم الألم/اضربني يارجال اذا تحس برجولتك اضربني .. ! جن جنون ابوها حس بيدين الرجال اللي معه يسحب/استهدي بالله يابن الحلال هذي سفيه ماتفهم اتركها .. رغد/مالك دخل فينا انت وش تبي عقب هالسنين جاي ترمي بلاويك علي .. روح ياراكان الله لايسامحك ولايبيحك ويجعلك بكل خطوة عذاب طول عمرك .. !! طلعت من المجلس ركضت لغرفتها بإنهيار دخلت الغرفه وطاحت على سريرها تبكي المها النفسي قبل الجسدي ... !! . . مؤلم حين يصبح الإهتمام أمنيه .. ! . . . وقفت على الرصيف يدها نملت وهي ماسكه اختها المتكيه تماما على يدها .. حطت يدها على رأسها/اووف وربي احس بطيح من طولي ياربي عفوك مافيه ولاتاكسي واحد .. !؟ عبير بتعب/جمون خلاص انا تعبت احس بدوخه تكفين خلينا نرجع .. جمانه/لا ياعبير لازم تروحين لو نقعد إلى الليل .. ! إنتبهت على سياره قريبه منهم خفف السرعه لين إقترب منهم فتح شباكه وبهدوء/أختي فيكم شي ؟! جمانه تشد على يد أختها/لأ أخوي شكرا .. تحولت نظراته لعبير المترنحه بوقفتها/واللي معك ؟! جمانه بنفاذ صبر/اخوي مافي شي ممكن تروح هز رأسه بعدم إقتناع وتقدم بسيارته على بعد خطوات منهم ووقف سيارته .. !! جمانه/وجع هذا ليش مايروح ؟ عبير/جوجو خلاص تكفين .. ! جمانه تناظر الشارع بأمل/تكفين انتي دقايق بس الا ما يمر أحد ... ! عبير/جمانه انا دايخ... ! ماكملت جملتها إلا وهي طايحه بيدين جمانه جثه مافيه اي حركه .. ! جمانه بانهيار/عبيرر .. عبيرر.. تكفين ردي علي تكفين عبير .. ! إنتبهت للرجال اللي وقف قدامها بخوف/اش فيها .. ؟ جمانه تبكي/تكفين اختي بتموت ابي المستشفى تكفى .. !! تقدم بتوتر وإرتباك .. شال عبير وركبها بسيارته وانطلق للمستشفى .. !! . . مؤلم حين يصبح الإهتمام أمنيه .. ! . . . فزت على صوتها المنهار وبخوف/رغد اش فيك اش صارلك ... ؟ رغد بانهيار/لينا رجع لينا ماتغير والله ماتغير للحين يحاول يشووه صورتي بعين نفسي وبعيون أهلي .. لينا انا ماعاد أتحمل هالعيشه خلاص .. ! لينا/اهدئي تكفين رغد مو راكان ولاعشره من اشكاله يهزونك تكفين رغود اهدي .. خلينا نحل الموضوع بهدوء .. ! رغد بتعب/لينا مافيها حل راكان رجع ورجع الماضي معه بتفاصيله انا تعبت يالينا ماعندي قدره اتحمل .. ! لينا بحزن/رغد اللي صارلك بالماضي جالس يصير لي بس انتي رااكان وأنا حمد .. ! رغد باهتمام/ليه اش صار قولي لي .. !! لينا/مارديت عليه وتوه بعد العصر أرسل لي رساله ... ! رغد بتوتر/اش قال ؟؟ لينا تشهق وهي تقرأ الرساله .. ( لينا ناسيه انه حمد الراجح مايعيد كلامه بس بعتبرك هبلا وبعيدك لمره ثانيه وأخيره .. خلال 48 ساعه فقط تكونين عندي والا ماراح يصير لك طيب أبد ... !! ) رغد/هذا اكيد مجنون وشلون يبيك تروحين له بعقله ؟؟ لينا/رغد انا مو عارفه شلون اتصرف .. ! رغد بعد صمت/لينا عطيني رقمه .. ! لينا تشهق/وش بتسوين يامجنونه ؟! رغد بثقه/رااح اخلصك منه بس عطيني الرقم لينا بخوف/لا مستحيل يكفيك رااكان .. ! رغد باصرار/شوفي لينا لو ماعطيتيني بجيك البيت وباخذه غصب عنك .. فبالتالي عطيني برضاك احسن لك .. !! لينا بتحذير/اوك بس تكفين لاتغامرين وتسوين شي نندم عليه انا وأنتي .. ! رغد باهتمام/لاتخافين هاتي الرقم .. ! لينا/أوك ... . . مؤلم حين يصبح الإهتمام أمنيه .. ! . . . وقف على باب الطوارئ يناظر الأطباء داخلين وطالعين وأصوات الممرضين وصرخات المرضى وخوف أهلهم المرافقين لهم .. حس للحظات إنه بمتاهه غمض عيونه وتنهد بتوتر وعيونه تراقب باب غرفتها .. ! من جهة أخرى .. وقف قريب منها/اختي اهدي ان شاء الله ماعليها الا العافيه .. جمانه/لو صارلها شي انا السبب والله انا اللي خليتها تتعب زود على تعبها بوقفتها بالشمس بهدوء/ان شاء الله مافيهه الا كل خير اهدئي .. ابتعد خطوات قليله عنها وقريبه جدا من ولد عمه اللي خاف من شكله اقترب بسرعه/سلمان وش جابك هنا ؟؟ سلمان /فيصل ! .. فيصل/وش صاير ليش انت هنا ؟ سلمان/ساره تعبانه .. فيصل/من ساره ؟! سلمان/الجاريه اللي حكيتلكم عنها .. ! فيصل بتعجب/غريبه سلمان جايب الخدامه بنفسه ! سلمان بتوتر/لاني جايب العيد اخاف تموت او يصير لها شيء .. فيصل بخوف/وش مسوي ؟ سلمان/عاندتني وحبستها بالمخزن عقاب لها وقبل لاطلع قلت لمدبره القصر وشكلها ماسمعتني وقعدت ساره من قبل وفاة بنتك بيوم يعني كملت خمس ايام .. فيصل يمسك راسه/الله الله الله واكبر عليك سلمان انت ماعندك قلب وشلون نسيتها طيب سلمان/ياخي نسيتها انشغلت معك بالعزا ونسيت .. فيصل/الله يهديك قلت لك من قبل بس ماتفهم .. سلمان/وانت وش جايبك ؟! فيصل يتنهد/أبد طلعت من البيت ضايق خاطري ولقيت بنتين وحده منهم اغمى عليها وجبتهم هنا .. ! سلمان بتعجب/غريبه فيصل مرة وحده ! فيصل بنظره/سلمان اركد .. ماسويت شي مساعده اخويه فقط .. ! سلمان يهز رأسه/خير ان شاء الله .. ! قطع كلامهم خروج الطبيب من غرفة سارة سلمان بلهفه/دكتور بشر ؟ الدكتور/البنت فيها فقر دم حااد وواضح سوء التغذيه والارهاق .. ! سلمان بثبات/ايه دكتور هي فقدت امها ومارضت تأكل شي .. ! الدكتور بأسف/الله يعينها .. راح نخليها يومين هنا وراح اكتب لها مغذيات وادويه .. وان شاء الله ماعليها خلاف .. ! سلمان يصافحه/مشكور دكتور يعطيك العافيه استأذن الدكتور والتفت سلمان بإبتسامه لفيصل/قطو بسبع ارواح هههههه .. تجاهل فيصل ودخل الغرفه عند ساره .. !! . . مؤلم حين يصبح الإهتمام أمنيه .. ! . . . غارق في غيبوبة العمل .. ماسك ملف ومندمج اندماج تام فيه .. يراجع الصفقات وأمور الشركه اللي صار مسؤول عنها بالنيابة عن أبوه إنتبه على صوت جواله رفعه وشاف رقم غريب طنشه ورجع يكمل القراءه .. لحظات قبل مايدق ذات الرقم مرة ثانيه .. تنهد وحط الملف بغضب ورفع جواله وبنرفزه/نعم .. ! فاجأه الصوت الهادي/السلام عليكم .. دكتور حمد ؟! حمد/اي نعم .. من معاي ؟! ابتسمت/دكتور أنا من عايله فقيره وأبوي مريض ومانقدر نوديه المستشفى ودلوني عليك ناس وانت طبيب شاطر وغني تكفى تعال عالجه .. ! حمد يتكأ ع يده وبسخريه وهو يناظر الجوال اللي طلعت اسم المتصل بالكامل/أولا أنا تركت الطب .. ثانيا بدال مانتي قاعده تكلمين بالجوال اللي مدري من وين جبتيه وانتي فقيره قومي دبريلك فلوس وعالجي أبوك .. ! ببكاء/الله يخليك والله محتاجين وهذا جوال جيرانا مو جوالنا . . ! حمد بحده/رغد .. تضحكين علي انتي والا كيف ؟ بلعت ريقها وبتساؤل/من رغد ؟! حمد/لا واضح انك مو جايبتها لبر يارغد يوسف .. رغد بلامبالاة/هههههههههه والله مايمشي عليك شي ياولد الراجح اهب .. حمد بجديه/وش تبين ؟ رغد بجد/شوف يا اخ حمد انا والله مالي شي عندك بس فيه ناس لهم عندك اشياء .. ! حمد بتعجب/شلون ؟ رغد/بقولك ليش انا متصله بس حلفتك بالله مايطلع الموضوع لاحد .. ! حمد/بنت انتي عارفه من قاعده تحاكين !! رغد/ايه حمد صقر الراجح .. حمد/كويس أجل انتبهي لكلامك وخلصيني وش عندك .. ؟! رغد/شوف ياخي انا باختصار صديقة لينا وتوأمها لينا اختي اللي ماجابتها أمي وذاك اليوم بالحفله ماكان قصدنا ندخل المجلس وماندري انكم فيه ولينا مو قصدها تضربك .. حمد بهدوء/وهي عينتك محامي لها ؟ رغد/حمد اترجاك مستعده اسويلك اللي تبي بس اترك لينا بحالها انا غصبتها تجي الحفله وحاسه بتأنيب الضمير .. حمد الله يخليك والله لينا تعبانه لاليلها ليل ولا نهارها نهار تكفى .. حمد بتسند على ظهره/واش ابي منك مثلا ماعرفك عشان تسويلي اللي أبي .. وبعدين ليش مانتي خايفه مثل لينا ؟ رغد بحزن/انا كنت احب ولد خال أمي بس هو حقير بعد ماتعلقت فيه تركني وراح تزوج غيري وماتركني بحالي كل فترة يسوي لي مصيبه واخرتها اليون مزور صوري وجابها لابوي وانا بصراحه ابي الفكه من هالبيت وابي انحاش مستعده اجي عندك خدامه بس اترك لينا بحالها .. حمد لوهله حس بالشفقه تجاهها/يعني تضربين عصفورين بحجر تتركين بيتكم وتخلصين صديقتك .. ! رغد بشفافيه/اقسم بالله مافكرت بنفسي كثر مافكر بلينا تكفى والله احبها ومابي شي يضرها .. ابتسم حمد وبهدوء/رغد انسي لينا لازم تتأدب وأعتقد مهما بلغت صداقتكم مالك دخل باللي يصير بيني وبينها .. وبالمناسبه قولي لها الساعه ثمان العشاء بكره والا بتشوف نجوم الليل بعز الظهر .. فاهمه ؟! رغد بقهر/حمد حرام عليك لينا والله تحزن حالتها والله شكلها يكسر الخاطر تكفى اتركها ياخي .. حمد/شوفي رغد عطيتك خمس دقايق من وقتي وانا مشغول عدد شعر راسي فسكري قبل ما ابتليك بسالفه تشغلك بنفسك .. ! رغد باصرار/ماعندي مشكله والله سو اللي تبيه بس لينا مابي يجيها شي .. سكت حمد بتعجب من علاقتها القويه ومحبتها الواضحه للينا .. ! رغد بتفاؤل من صمته/اش قلت ؟! حمد/قلت انك فاضيه وانا مشغول .. سلام ! سكر الخط قبل مايسمع ردها وابتسم على محبة رغد ووفائها لصديقتها مستعده تهدم حياتها بس تبني سعادة لينا .. !! سكر الملف وحطه بالدرج قبل مايطلع غرفته ! . . مؤلم حين يصبح الإهتمام أمنيه .. ! . . . دخلت بهلفه وحضنت أختها النايمه بسلام ع السرير .. ! جمانه/عبير حبيبي انتي أنا اسفه يابعد قلبي والله اسفه انا السبب .. ! حضنتها بحب قبل ماتنتبه لوجود فيصل ع الباب/اخوي مشكور يعطيك العافيه .. ! فيصل باحراج/تطمني الدكتور قال نزله معويه مافيها الا العافيه بعد المغذي بتكون أحسن !! جمانه/الله يسعدك والله مو عارفه كيف اشكرك .. فيصل ابتسم بجاذبيه/ولو اختي ماسوينا الا الواجب وحساب الفحص والاشعه مدفوع مسبقا لاتشيلين هم .. ! جمانه تشهق/لا ياخي الله يخليك والله معي فلوس والله اقدر ادفع .. ! قاطعها حمد/خلاص اندفعت وسلامة اختك ان شاء الله .. !! جمانه باحراج/ماقصرت الله يجعلها بميزان حسناتك .. ! فيصل بفضول/بس معليش ع السؤال وين امك ليش مامعكم احد .. ؟! جمانه بحسره/موجودين بس لاهين بدنياهم ! فيصل بأسف وهو يشوف بنته لتين في وجه جمانه/الله يهديهم ويجمعكم .. ! جمانه/امين .. ! رفع فيصل يده وقبل مايطلع من الغرفه استوقفته جمانه/اخ ... ! فيصل ابتسم/فيصل معاك فيصل الراجح ! شهقت جمانه وبصدمه/زوج روان ؟! فيصل كشر/ليش تعرفينها ؟! جمانه/اعرف تولين انا صديقتها .. ! فيصل/اهاا .. جمانه باحراج/شكرا اخوي فيصل الله يسعدك ويرحم لتين ويعوضك .. ! فيصل بهدوء/جزاك الله خير .. استأذن .. رفع عيونه على عبير النايمه بهدوء وطلع من الغرفه ..... !! . . مؤلم حين يصبح الإهتمام أمنيه .. ! . . . دخل غرفته رمى جواله على السرير وبدل ملابسه انسدح على السرير قبل ماينتبه للكرتون الأبيض الموجود على مكتبه .. !! وقف بتعجب اقترب ووقف يناظر بالكرتون مافيه أي دليل على مكان المرسل استغرب وقبل مايفتحه انتبه لاخوه اللي دخل الغرفه/حمد نمت ؟! حمد/لا باقي . فيه شي ! رايد/لا مافيه بس بغيت أقولك على شي ! حمد يتكأ على المكتب ويناظر برايد اللي جلس على السرير/وش فيك ؟! رايد/انا بغيت أضم المؤسسه حقتي لشركة أبوي ؟! حمد/ليش ؟ ضايق الحال معاك ؟! رايد/لا والله ميسوره من الله بس انا ابغى اكون بالشركه و ... ! حمد يستحثه ع الكلام/و ايش ؟! رايد/وأبي أنبش الشركه لين ما ألقى اللي قتل أبوي .. ! حمد يتنهد/مو غلط يارايد .. اذا تشوف هالشي مناسب سووه وبالعكس نتعاون أنا وانت .. !! رايد بفرح/حمدلله توقعتك ترفض حمد يناظر بالكرتون/ماني رافض شي تبيه ! رايد بتساؤل/وش ذا ؟! حمد/مدري توي اشوفه .. رايد/غريبه ماعليه طابع ولا شي من وين جاي ؟ حمد يفتح الكرتون/والله مدري .. ! ثواني وتركزت عيونهم الاثنين على المربع المغلف بطريقه راقيه .. ! رايد/الله شكلها هديه ياعيني مداه يصير عندك معجبات ؟ حمد/هههههههه تستلم مكان سلمان الحين !! فك التغليف وتوقفت xxxxب الساعه والزمن باللحظه اللي طاحت عيونه فيها على اللوحة المرسوم فيها صورته بطريقه محترفه جدا تحاكي الصور الحقيقه من دقتها واتقانها .. ! رايد بذهول يناظر اللوحه الرائعه/اوووف ! حمد يركز نظره على التوقيع بأسفل اللوحه وبهمس/مها ... !! رايد/وشوو .. نزل حمد اللوحه وانتبه على الكرت الصغير بالكرتون اخذه وفتحه وبصوت عالي قرأ .. ! أخي الغالي حمد .. شكرا انك وافقت اروح المعهد انا مره سعيده ومبسوطه .. الله يخليك لي ياحمد ياخوي .. التوقيع مها أختك ........ !! . . . . ~ همسه ~ حلو آنك تحس آن فيه شخصُ بهذا العآلم الكبير يفكر فيُك ويهتَم بأشيآئك الصغيرة رغم آنك في مكان وهو فيّ مكآن ثآني ^_^����". * انتهي البارت . توقعاتكم .. تعليقكم .. تقييمكم للبارت ^_^ | ||||||||
|
| |
|
29-08-15, 12:23 PM
| #15 | ||||||||
| مراقبة عامة ومشرفة منتدى الروايات المنقولة
| ~ ملاحظه ! السلام عليكم جميعا .. أتمنى لكم الصحه والعافيه دائما وأبداا .. المعذره على التاخير ولعيونكم كتبت لكم أكثر من بارت .. ❤🌹 أخليكم مع البارت .. البارت 12 . . . . ❥ مليت من إنتظآر الصدف ؛ تعآل متعمد ! . . . وخزات مؤلمه تنغرس برأسها الصغير ؛ فتحت عيونها بتعب وتألم من النور القوي المسلط على عيونها .. غمضت بألم وبهمس/آه .. أطفأ النور وبهدوء/أستاذ سلمان البنت صحتها الحين تمام حمدلله ع سلامتها .. ! قشعريرة سرت بجسمها ونغم صوته يتسلل لاذنها .. ! جلست بتعب واضح على وجهها وانتبهت لسمان اللي تقدم منها وبنبرة غريبه على مسامعها/ارتآحي ساره .. مد يده ومدد ساره ع السرير .. سلمان/يعورك شي ؟! ساره وأعصابها مشدوده برعب هزت راسها بلا سلمان يجلس على طرف السرير/كويس الدكتور طمني مافيك الا العافيه ان شاء الله شوية مغذيات وبنطلع البيت .. ! ساره تشهق بخوف .. سلمان بتعجب/فيك شي ؟! ساره فتحت عيونها واتضحت دموعها لسلمان اللي ابتسم بسخريه/مو على أساس قويه وأعلى مافي خيلي اركبه ؟ ساره ببحه/سلمان وش تبي مني ! سلمان/حاليا مابي منك شي بس قريب ابي منك اشياء ي جاريتي .. شد ع الكلمه بابتسامه .. ساره بحزن/لاتستغل ضعفي وحاجتي ي سلمان انا يتيمه لاتقهرني .. لا تقهرني ي سلمان .. والله مالي طاقه وقدره عليك ! اتركني بحالي ابي امي لاتحرمني منها .. ! سلمان بقسوة/ماعاد فيه شي اسمه امي من اليوم ورايح امرك كله بيدي ي ساره .. لاتفكرين بالخلاص مني .. انتبهي تعانديني والا راح يصير فيك مثل هالمره ! ساره غمضت عيونها بحسره وتركت سلمان اللي طلع جواله وطلع من غرفتها . . ! . . ❥ مليت من إنتظآر الصدف ؛ تعآل متعمد ! . . . جلست على الطاولة وابتسامتها المشرقه المختفيه في حضورك رجعت لوجهها البريئ .. رفعت شعرها ورفعت التوست بيدها قضمتها قبل ماتسمع صوته الهادي .. ! حمد/مها بتروحين اليوم المعهد ؟ مها بتفاؤل/ايه رايد بياخذني .. حمد بتردد/شكرا ع اللوحه ! مها بابتسامه/العفو .. بادلها حمد الابتسامه ووقف متوجه لغرفته وتفكيره منحصر بلينا .. انتبه على اخوه الواقف بثبات قدام جناح ابوهم .. ! اقترب منه وبخوف/رايد فيك شي ؟! رايد وعيونه ع الباب/حمد من مات ابوي مادخلنا غرفته .. حمد/ولاراح ندخلها مابي ريحته تروح منها ابي احس انه فيها .. رايد/بس يمكن نلقى دليل على قاتل أبوي ! حمد بعد صمت/تتوقع ! رايد/يمكن .. انا بجي الشركه اليوم وبستلم الشغل معاك ؛ ورااح ادور اي خيط يدلنا عليه وهالغرفه ياحمد لازم تنفتح ! حمد بحزن/مقدر يارايد ماعندي قدره افتحها رايد/عطني المفتاح وانا بدخل لازم القى شي حمد اللي ذبح ابوي وراه شي وش يظمن لك انه مايجيك الدور بكرا .. ! حمد انتفض من الفكره وتوجه لغرفته بدون مايرد على رايد اللي نزل تحت ... ! . . . ❥ مليت من إنتظآر الصدف ؛ تعآل متعمد ! . . . بهدوء شديد دخلت المكتب المظلم .. كشرت من ريحة السجاير مغطية المكتب .. اقتربت من الكنبه وبهمس / ابوفهيد ؛ ابو فهيد ! فز برعب /وش فيه وش فيه ! ام فهيد/مافيه شي اهدى انا زوجتك وش صارلك ؟! ابوفهيد يمسح وجهه المرهق ويوقف يلم الاوراق المبعثره حوله .. ام فهيد/خله انا اشيلها .. ابوفهيد بصرخه/لااا .. مالك شغل باغراضي اطلعي برا سوي لي فطور والحين جاي !! تراجعت خطواتها وبعيونها تتأمل ابوفهيد اللي لم الاوراق وجمعهم بملف اخضر ودخلهم بكيس اسود وادخلها بمكتبه سكره وسحب المفتاح معاه .. !! . . . ❥ مليت من إنتظآر الصدف ؛ تعآل متعمد ! . . . دخلت بعجل الغرفه وتوجهت لبنتها النايمه بسلام على السرير حضنتها بخوف وحطت يدها على راسها وجلست تقرا عليها ... !! لحظات قبل ماتنتبه لدخول بنتها .. جمانه/حمدلله ع السلامه ! ام جمانه/اش فيها اختك ؟ جمانه بسخريه/مو المفروض تعرفين انتي يا امها ؟ ام جمانه/بنت اسالك جاوبيني ! جمانه ترفع اكتافها/مدري عنها ماهي بنتي ! عبير بهمس/ماما .. ام جمانه تمسح ع راسها/عبير ماما وش تحسين فيه يابنتي ؟ عبير تنزل يد امها وتقوم/كنت تعبانه الحين احسن .. ام جمانه/وش يعورك !؟ عبير بحرقه/لو يهمك كان جيتي من امس لما اتصلت عليك جمانه .. مو لما تحسنت تساليني .. ام جمانه/يابنتي كان عندي شغل ماني قاعده العب .. ! عبير/هه شغل والا جمعة حريم حش وغيبه ! ام جمانه/لا شغل بعدين وش هاللهجه الجديده اللي قاعده اسمعهاا منك ؟! عبير/وشلون تبيني اكلمك ان شاء الله لاهيه بحياتك وناسيه بناتك ومتى مافضيتي جيتينا وتبين نستقبلك بالأحضان .. ؟! ام جمانه/عبير انا امك وش هالحكي ! عبير تدخل الحمام/زين والله نسيت انك امي .. ام جمانه تناظر جمانه/وش فيها اختك شهالاسلوب عيب ماربيتكم انا !! جمانه تتنهد/عبير تعبانه لاتضغطين عليها .. ! ام جمانه/عشتو والله عذر اقبح من ذنب .. طلعت من غرفتها ومازالت تهزأ بناتها ... !! . . . ❥ مليت من إنتظآر الصدف ؛ تعآل متعمد ! . . . حطت العصير قدامها وبنبره حنونه/لولو اشربي العصير ي روحي صارلك كم يوم ماكليتي شي ؛ حبيبتي مايصير كذا لازم تاكلين وماتضعفين .. ! لينا تصد وبعبره/شلون اكل يارغد وانا برجلي بروح لرجال غريب ووين بشقته ي سلام !! رغد/ومن قال انك بتروحين .. ؟! لينا بتعجب/تستهبلين كانك ماقريتي مسجاته وتهديداته ؟! رغد تجلس جنبها/لا طبعا قريتها وعارفه كل الحكايه ؛ بس ماراح تروحين وبتنتهي هالسالفه بأقل الخسائر صدقيني .. !! لينا/شلون ؟! رغد بثقه/وانتي شعليك أهم شي الحين تشربين العصير وتفكين النونه يادلوعه وكل شيء بيتم مثل مانبي وخططنا .. ! لينا ابتسمت بأمل/اكيد ي رغد ؟! رغد/اكيد ي روحها .. ! لينا تشرب عصيرها/يارب ... ابتسمت رغد بحب للينا .. !! . . ❥ مليت من إنتظآر الصدف ؛ تعآل متعمد ! . . . جلست على الكنبه السكريه المطرزه بذهبي وبيدها مجلة أزياء .. تتصفحها وعقلها بعيده تمام البعد عنها ... !! رفعت عيونها وانتبهت للغرفه المفتوحه بأخر الممر وقفت وتوجهت لهها ؛ دخلت وتعجبت من وجود سعاد واقفه وبيدها ممسحه وتمسح الدولاب الوردي المتوسط الحجم والمركون بأناقه بجانب الجدار .. وتوجه امرها لكينا اللي كانت واقفه بضجر تعدل مراية التسريحه الورديه والمزينه بورود وردي فاتحه والقابعه يسار الباب الأبيض .. !! تقدمت بخطوات هادئه وعقلها ينبأها بأمر مزعج ؛ مسحت بيدها على مفرش السرير الأبيض والمزين برسمة هلو كيتي .. نفخت على اصبعها وبتساؤل/وش تسوون ؟! سعاد بهدوء/نرتب الغرفه بأمر من السيد سلمان نهى تبلع ريقها/ماقالك ليش ؟! سعاد/لا نهى/غريبه بالعاده كل شي تعرفينه بهالقصر ! سعاد/بس هالمره ماقال شي وشكله ماراح يقول بعد هالمرهه .. ؟ نهى تتكتف/وليش ؟ سعاد تدير ظهرها وتسكر باب الدولاب/مدري نهى ابتسمت وتقدمت من سعاد/طردك ؟ سعاد/لو طردني ماكان شفتيني هنا .. نهى/بس مايستغني عنك سلمان من يومه طفل وانتي معه .. ! سعاد بضيق/والمعنى ؟! نهى/وش صاير معك ؟ سعاد بتجاهل/مو صاير شي ؟! نهى تمسك يد سعاد/صاير ي سعاد ولازم اعرف .. !! قاطعها صوته الفخم/مو لازم كل شيء يصير بالبيت تعرفينه .. !! ابتعدت بتوتر عن سعاد /سلمان ؟ سلمان/كم مره قلت لك لاتتدخلي بشي مايخصك ؟! نهى بخوف/م . م ماتدخلت بس اسولف ! سلمان يناظر سعاد/مو قلت لك انتي والخدم ماحد يدخل معكم لهالغرفه ! سعاد/ماقدرت امنعها طال عمرك .. ! سلمان بنظره لنهى/بعدين امنعيها واذا لها عين ترفض .. !! سعاد/ان شاء الله .. سلمان يقرب من نهى /على غرفتك ! هزت نهى راسها وهي طالعه انتبهت لساره الواقفه عند باب الغرفه وسمعت سلمان يامرها تدخل باعتبار من اليوم صارت هذي غرفتها !! . . ❥ مليت من إنتظآر الصدف ؛ تعآل متعمد ! . . . ..../هذا كل شيء طال عمرك ! حط الملفات أمامه على المكتب وابتعد خطوتين وبأدب/شي ثاني طال عمرك ؟! اشرله حمد بصمت واستأذن الاخير وطلع من المكتب تارك حمد وراهه يتأمل بالملفات .. !! رايد ينزل كاس الشاي/يلا وش فيك صنمت ؟! حمد يسحب الملف الاول/ماصنمت افكر .. ! رايد/انا بس ابي اعرف وش تستفيد من هالملفات كلها ... ؟ حمد/هذي جميع صفقات الوالد الخاسره والرابحه والمرفوضه .. كل شي تقريبا مدون هنا واسماء الشركات المساهمه معنا .. !! رايد بعدم فهم / وبعدين ؟ حمد/ولاقبلين بطلع عليها ولازم أتمم صفقات جديده .. ! رايد يوقف/طيب دامه كذا انا بروح اتجول بالشركه شوي وبروح ع مكتبي ؛ تبي شي ! حمد بدون مايناظره/الساعه 11 الاجتماع لاتنسى .. رايد بسخريه/سم طال عمرك .. ! . . ❥ مليت من إنتظآر الصدف ؛ تعآل متعمد ! . . . مدت يدها بفئة خمسين ريال وبهمس/خل الباقي معاك ؛ الساعه 1 تكون هنا .. نزلت وهي تحس بدوخه ؛ مازالت تعبانه قاومت التعب وتقدمت بهدوء لداخل الشركه وبخطوات رتيبه توجهت للقسم اللي تطبق فيه .. اقتربت من صديقتها اللي حضنتها بشوق واستغراب ... ! ريم/وحشتيني طمنيني عليك كيفك الحين يعورك شي ليش جيتي مارتحتي .... ! قاطعتها وهي تحط يدها ع فمها/بس بس ول عليك بالعه راديو هههههه اشبك انا بخير وصحه مو شايفتني انطط وازقح .. ! ريم بشك/عبير باين انك تعبانه ليش تجين ! عبير/مليت من البيت وان جلست اكثر بطق ! ريم بخوف/الله يهديك ؛ طيب يعورك شي الحين تحسين بشي ؟! عبير تسحبها/لا مافيني ؛ تعالي علميني وش صار بغيابي وش سويتو ؟! ريم تناست خوفها ع عبير/فاااتك تخيلي شفنا فيصل زوج روان .. ! عبير بشهقه/تمزززحين ؛ كيف شكله حلو ؟ طويل والا قصير ؟ ريم تضرب نفسها/وهه ياعبير يجنن يجنن طول وعرض والعيون والخشم سلة السيف لاا وابتسامته تذبح فاتك فاتك شي يجنن .. عبير بحسره/ي ربي وش هالقهر ليش ماكنت فيه .. ريم بمكر/ماصار شي روحي شوفيه بمكتبه ! عبير/لا والله وش رايحه اسوي لاسالني اقول جيت اشوفك ؟! ريم/هههههههههه غبيه انتي ؛ الحين الدكتور مو عطاك اجازه . عبير بحماس/ايه .. ! ريم/خلاص روحي له خليه يوقع عليها وقولي انك قطعتيها عشان التطبيق وكذا يعني .. !! عبير/ي روحي ي ريم اخيييرا بروح اشوفهه فيصل الراجح مخقق العذارى يالبيييه اخيرا بكحل عيوني بشوفته .. ااااه وش فيك تقرصيني !! ريم ووجهها اسود/اسكتي الله ياخذك ! عبير بتعجب/وشبك مو توك تقولين روحي شوفي .. بس لحظه ادور الاجازة يارب اكون جبتها .. ريم تشد يد عبير وعيونها تعلقت بفيصل اللي كان مار من عندهم وسمع كلام عبير كله .. ! ابتسم بخفه وتقدم بيتعداهم لما طاحت عينه على عبير اللي لفتها ريم جهته .... !! وقف بصدمه/أنتي ؟! ريم بخوف/استاذ اسفين والله مانقصد شي الله يخليك لاتعاقبنا .. رفع يده لريم بمعنى اص ووجه كلامه لعبير/انتي عبير صح ؟! عبير بذهول/ايه .. فيصل/انتي اللي كنتي تعبانه قبل اربع ايام ! عبير برعب/وش عرفك اني تعبانه ؛ وبعدين من انت ؟! فيصل بابتسامه/انا فيصل الراجح ياعبير .. ! شهقت عبير ووجهها احمر بفشله/استاذ فيصل فيصل بصوت خافض/هاتي اجازتك اوقعها هههههههههههه .. تنحت عبير للحظات في فيصل اللي ابتسم وابتعد عنهم وبداخله فرح لشوفتها تنهد/حمدلله شكلها طابت .. ! وقف بصدمه وضرب راسه/وش علي انا طيبه او لا .. !! كمل طريقه قبل مايلتقي برايد واخذتهم السوالف ... !! . . ❥ مليت من إنتظآر الصدف ؛ تعآل متعمد ! . . . انسدحت ع السرير بتعب وبضجر/وبعدين معاك ترى هذي مو حاله حابسه نفسك خلاص ياروان ادري بنتك ماهمتك كثر مو هامك عمر .. روان تشهق/مو بيدي تولين احبه احبهه وربي احببببببهه .. تولين/حبك قرد قولي امين الحين احد عند الزين كله والعز والرومانسيه كلها ويلتفت للقرد . روان بغضب/لاتقولين عنه قرد انتي القرده انتي وهالفيصل اللي ذابحيني عليه مابييه خذوه انتم وردو لي حبيبي .. !! تولين تجلس وبنرفزه/انتي حماره والا وش بالضبط ؛ ي متخلفه هو اللي عافك هو اللي تركك هو اللي راح وخلاك المفروض تفرحين جاك سيد سيده وتاج راسك وراسه .. ! روان/ماحبه ماحبببه حسو فيني خلاص ضيعت ثلاث سنوات من عمري مابييييييه ... ! تولين بقرف/تصدقين فيصل مايستاهلك ومايكون ولد ابوه لو ماجاب الثانيه ع راسك ي غبيه .. انتي مضيعه عمرك كله ورى هالعمر اللي ماجا من وراه اللي الشقا والتعب .. ! روان تصيح/احببه ياتوته مو بيدي والله مو بيدي .. ! تولين/مايستاهلك والله مايستاهلك ناظري باللي يدك .. روان عمر عافك وراح تزوج وعنده عيال ومتهني مايبيك ناظري بفيصل عيونه تنطق بالحب كل شي تبينه يجيك مدلعك مثل الاميرات .. وش تبين بعمر عقب اللي سواه .. ؟! روان/ابيه لو يذبحني حلاله بس ابيه .. تولين توقف وتلبس شوزها/الله ياخذك ي عمر من وين طلعت لنا .. !! طلعت وتركت روان تحتضن مخدتها ودموعها حفرت خدها الوردي ... !! . . ❥ مليت من إنتظآر الصدف ؛ تعآل متعمد ! . . . جلست على الكرسي وبضيق/بنات انا تعبت تعبت .. ! رغد تنزل نظارتها/اش فيك جوجو ؟! جمانه بعبره/ماما وبابا هجرو بعض ورجعو لسوالفهم القديمه .. ! رغد/ههههه طيب عادي ماهم اول ولا اخر زوجين يهجرون بعض .. ! جمانه/ادري ؛ بس مابيهم يهجرون بعض والله بنضيع انا وعبير ماتحمل الجو المتوتر بالبيت .. سكتت وبضحكه قصدي البيت الفاضي .. ! رغد بعبط/اشردو انتي وعبير لو مارجعو لبعض لاترجعون البيت .. ! لينا تضرب رغد/مجنونه انتي ؛ جوجو هذي ماعندها عقل ماعليك منها .. ! جمانه تتنهد بطفش واتكأت ع الكرسي وتاهت نظراتها بالبنات ... ! . . ❥ مليت من إنتظآر الصدف ؛ تعآل متعمد ! . . . سكرت باب غرفتها بأقوى ماعندها وعيونها تحرقها من تجمع الدموع فيها سحبت عطرها ورمته ع المرايه اللي تهشمت .. جلست على السرير وتركت العنان لدموع غيرتها وجنونها .... ! بالجهه الاخرى ..... ! ابتسم بسخريه والتفت لساره الواقفه قدامه/هذي غرفتك من اليوم ورايح ؛ اليومين الجايه مابيك تطلعين برا غرفتك ابيك مسترخيه وهاديه عشان ترجع لك صحتك وبخبث/ وعشان تتهيئين نفسيا للجاي .. طيب ؟! ساره نزلت راسها بدون اجابه .. سلمان/كويس السكوت علامة الرضا .. ساره بضعف/سلمان .. ! سلمان يناظرها/هممم ؟ ساره بدموع/ابغي امي .. ! سلمان يتنهد/مو قلت لك مافيه شي اسمه امي ؟! ساره بانكسار /الله يخليك بس اسمع صوتها ؛ اشتقت لها والله اشتقت لها .. سلمان بعد صمت دام للحظات/ لا .. طلع من الغرفه وترك ساره اللي رمت نفسها ع السرير وتبكي بحرقه .. ! . . ❥ مليت من إنتظآر الصدف ؛ تعآل متعمد ! . . . الساعه 10:30 .. في الشركه ........... !! جلست على الكرسي بالممر ووجهها أحمر والعرق على جبينها .. امتلأت عيونها بالدموع وتاهت عيونها بالممر الخالي ... ! حطت يدها ع راسها بوجع / اااااه !! وقفت على حيلها والخوف تملك قلبها كانت بتروح الحمام وضيعت الطريق بتساؤل/وش هالمكان يارب ليش ماخليت ريم تجي معي .. اااه ياربي جمانه اااه ... ! انتبهت للتلفون الموجود على المكتب قريب منها ؛ مشت له بفرح لكن قبل ماتمتد له يدينها كان جسمها تساوى مع الارض .. !! . . ❥ مليت من إنتظآر الصدف ؛ تعآل متعمد ! . . . مسك علبة المناديل وعيونه غرقت بدموعه/هههههههههههههه خلاص انت وياه الله يرحم لي والديكم .. حمد بسخريه/خلاص انت وش الطاري عليك اليوم الضحكه شاقه الوجه .. ! فيصل/اعوذ بالله حاسدني على الضحك .. حمد/ماشاء الله تف تف عليك .. فيصل بقرف/خلاص خلاص احسدني ي خي بس لاتغرقني . رايد/ههههههه اجل ي حمد لو شفت اللي شفته . حمد/ليش وش شفت ؟! رايد/ابد فيصل واقف بالممر ويهوجس فيصل بصدمه/انا ؟؟ رايد يرفع حاجبه/لاجدي ! حمد/هههههههه ايوا كذا يعني هواجيس ضحك وعلوم غانمه ! فيصل/الرازق بالسسما والحاسد بالارض .. ! حمد/شكلك طايح ومحد سمى عليك اعترف بس من هي ؟! فيصل يكشر/لا ياخي جربنا مره وخلاص توبه .. ! رايد/لا ي فيصل انت رجال والحياة ماوقفت على روان ترى بنت السعد ماتسوى ظفرك ي الغالي .. ! حمد/فيصل من حقك تشوف حياتك وروان الله لايردها .. فيصل بضيق/ماتلاحظون سلمان ماجا اليوم .. ! حمد/ايه صرفنا هههههههه .. فيصل/ لاصدق سلمان ماجا وش فيه حمد/يقول مو فاضي عنده شغل مايمديه يجي .. ! فيصل/شكلها ماطلعت من المستشفى رايد بتعجب/منهي ؟ فيصل/ليه ماقالكم سلمان ؟ رايد/وش يقول لنا .. ؟ فيصل/هذا سلمك الله سلمان قبل ..... قاطعه صوت الارتطام القريب من مكتب حمد ... ! فزو ثلاثتهم بتعجب ... رايد/وش ذا ؟ ركض فيصل فتح الباب يتبعه رايد ثم حمد وانصدمو بالبنت المتمدده امام مكتب السكرتير ... ! ركضو لها امتدت يدين فيصل رفعها وبصدمه/عبييييير ؟! رايد/من ذي ؟! فيصل يضربها كفوف/عبير ؛ عبير تسمعيني .. عبير ؟! حمد يقترب منها وحط يده على رقبتها /عايشه البنت .. فيصل دخلها مكتبي دخل فيصل شايل عبير مددها على الكنبه .. اما حمد اخذ عطره ورش منه بمناديل وقرب من انف عبير اللي بلحظات فتحت عيونها وعطست بتعب اتبعتها ب اااااه ... !! اخذ المويه وغسل وجهها وشربها شوي لين استعادت وعيها .. !! عبير بتعب/ج جمانه ؟! فيصل/عبير انتي بخير ؟ عبير بتأوه/جمانه .. ماما ! فيصل يهزها/عبير ! عبير بدون وعي فتحت عيونها والتقت بعيون فيصل وبحركه عفويه حطت راسها ع كتف فيصل وغمضت عيونها فيصل وقفت كل شعره بجسمه ؛ توتر جدا من اقترابها له بهالشكل ؛ غمض عيونه وابعدها بهدوء عنه والتفت لحمد اللي قال/البنت حرارتها مرتفعه واضح مو بوعيها .. من هذي ووين اهلها وش جابها هنا ... فيصل/هذا قروب بنات الجامعه جايين يتدربون هنا .. حمد بوقف/انت بنادي فواز ياخذها من هنا .. فيصل بعجل/لا .. انا باخذها واتصل باهلها .. سلام رفع عبير حط يدينه على خصرها وراسها على كتفه .. وتوجه لباب الخاص بحمد لخارج الشركه .. !! رايد يناظر حمد/قال توبه قال .. حمد/هههههههههه عرف يختار حلوه البنت .. ! رايد بنظره/بس مو احلا من لينا ! حمد تلخبط/وشوووو !! رايد /عندي خبر عن لينا ياحمد ! حمد بغضب/تتجسس علي ! رايد يرفع اكتافه/حشا ماسويتها .. حمد بضيق/اجل وش قاعد تخربط ومن لينا هذي .. ! رايد يفتح جواله وبسخريه/لينا الساعه ثمان الليله تكونين عندي بالشقه والا صدقيني ماراح يصير لك خير ... ! حمد/من وين لك هالمسج !! رايد بهدوء/شكلك كنت تبي ترسله لها وارسلته لي بالغلط ياخوي الكبير ي قدوتي ؛ مايهمني اش اللي صاير وليش تبيها تجيك الشقه ؛ اللي يهمني وش اللي يخلي اخوي يسوي كذا ؛ اخوي العاقل قدوتي يقابل بنات بشقق من ورى اهاليهم ؛ ليش ياحمد ابوي مات بس ربي موجود ؛ واللي قاعد تسويه بهالبنت بكره ربي بيرده بمها .. اذا انت مرخصها انا لا مها بنتي ولا ابي شي يضرها .. ! حمد يتنهد/الموضوع مو مثل ماتتخيله انا مستحيل اضر بنت بهالدنيا تاكد من هالشي ي رايد .. رايد/اجل وش بينكم ؟! حمد بتوجهه لمكتبه جلس وناظر برايد اللي جلس قدامه واستهل حديثه عن لينا .... !! . . ❥ مليت من إنتظآر الصدف ؛ تعآل متعمد ! . . . جلست على السرير وعينها على صديقتها اللي دخلت الغرفه وراها وسكرت الباب ... !! لينا/قولي لي وش بتسوين ؟! رغد/مو مهم الحين تنامين وتريحين وماراح تجي الساعه عشره الا الموضوع منتهي .. لينا/بس انا ماراح اتركك تتصرفين بكيفك قوليلي ولاتنسين راكان يدور الزلة عليك .. !! رغد تمد للينا كاس عصير/اشربي عصير ليمون يهدي اعصابك واتركي الباقي علي والا ماتثقين فيني لينا/مو شغلة ثقه بس مابيك تتضررين كافي راكان .. رغد/وانا أظمن لك ماراح يصير شي لا لي ولا لك .. ! لينا تشرب العصير/شلون ؟ رغد بابتسامه/ماراح اتحرك من جنبك وغيري راح يتصرف .. لينا بثقل/مين يعني ؟ رغد بخوف/مو شغلك بس تحسين بشيء ؟ لينا/مدري راسي ثقيل اه دايخه وش فيني ياربي .. ! رغد براحه/لانك متوتره نامي الحين ! انسدحت لينا وبثواني كانت غاطة بسبات عميق ... !! . . ❥ مليت من إنتظآر الصدف ؛ تعآل متعمد ! . . . فتح باب الغرفه بقوته وتوجه لها جالسه على السرير مسكها من عضدها بقوة وبغضب/وبعدين معاك ؟ تعلقت عيونها الدامعه بعيونه .. ! سلمان/ترى من جد تعبت منك ماعاد اتحمل حركات المراهقين هذي .. نهى بجنون/حاطه لها غرفه جنبي وقاعد اسبوع معها بالمشفى وتقول مراهقه ؛ مو تقول جاريه ليش مهتم فيها هالكثر .. ليش ليششش .. ! سلمان/مو شغلك ان شاء الله احطها بغرفتي مو شغلك ولالك حق تعترضين ، حركات الافلام ذي ماحبها انتي تعرفين كل شيء لاتتعبيني معاك ؛ واذا مو عاجبط تفضلي الباب يوسع جمل .. نهى بصدمه/تطردني وعشان جاريه ي سلمان ؟! سلمان/ ايه نعم انتي تحديني اغلط بحقك بس اذا انتي مو محترمتني ولامحترمه اوامري مالك لزمة عندي ؛ ولمعلوميتك ساره لها عندي مثل مالك !! نهى/لا والله تقارني بجاريه .. ! سلمان/كانت جاريه بس الحين لا ؛ معاك احد امرين ي تتأدبين مثل الناس والا توكلي انا تعبت منك ومن تصرفاتك المراهقه .. !! طلع من غرفته بعد مارقع الباب بقوة خلت نهى تفز وتنساب دموعها لتبدأ موال بكاء من جديد .. ! . . ❥ مليت من إنتظآر الصدف ؛ تعآل متعمد ! . . . فتحت عيونها بتعب وبهمس/جمانه .. ! التفت لها وبهدوء اقترب منها/عبير ؟ فيك شي ! احتدت نظرتها وبثواني استوعبت من واقف قدامها فزت ع حيلها بتوتر/استاذ فيصل .. ! فيصل بابتسامه/ارتاحي عبير ؛ الدكتور يقول تلزمك الراحه وكتب لك ع اجازة .. عبير تنزل راسها باحراج/اسفه استاذ والله مو عارفه اش صار .. ؟! فيصل/ماصار الا كل الخير ؛ انا طلبت من صديقتك تتصل باختك وجايين الحين .. !! قطع كلامه على دخول جمانه المرعوبه على اختها .. ركضت لها وحضنتها بخوف .. ! جمانه/عبير حبيبتي وش صار لك ؛ الله يهديك اقولك لاتداومين وتقولين لا بروح اشوف فيصل الراجح زين كذا طحتي وش نفعك هالفيصل ؛ اشبك وجهك اصفر ي عمري تعبانه .. ؟ عبير تمنت الارض تنشق وتبلعها وبهمس/الله ياخذك .. جمانه بفهاوة/وجع ياخذك انتي هذا جزاي خايفه عليك ! عبير تشد اسنانها وعيونها على فيصل اللي كان منزل راسه وماسك ضحكته .. ! جمانه تناظر وراها وشهقت بفزع/استاذ فيصل !! فيصل بضحكه/ماصار الا الخير ياختي .. انا اسف ع الازعاج .. ! جمانه بصوت مخنوق/اعذرنا ياستاذ تعبنا معنا اسفين والله .. فيصل بابتسامه/ماصار شي ؛ عبير انتبهي ع نفسك ولاتداومين لين تتحسن صحتك .. ! عبير بفشله/ان شاء الله .. فيصل/بالاذن .. جمانه/اذنك معك .. طلع فيصل وصرخت عبير بألم من جمانه اللي ضربتها بقهر/ليش ماقلتي لي انه هنا . عبير بقهر/انتي اللي متحمسه لا وجبتي العيد وش بيقول عني الرجال الحين ... جمانه بغيظ/خليه يعرف انك خروفه .. عبير باستهبال/معزا مو خروفه هههههههههههه .. جمانه تسلم ع يدها/حمدلله والشكر .. ! . . ❥ مليت من إنتظآر الصدف ؛ تعآل متعمد ! . . . ابتسمت على شكلها بالمرايهه ؛ كانت لابسه بجامة لينا تنهدت وانسدحت على الكنبه ؛ بعد تردد لبست سماعتها واتصلت على الرقم اللي تبيه ... ! بصوت خافت همست/آلو .. ..../نعم ! رغد/حمد ؟ حمد بملل/خير .. ! رغد/حمد ماغيرت رايك ؟ حمد/لا ولاراح اغيرها والساعه ثمان تكون عندي ؛ وانتي اطلعي منها احسن ما ابتليك بمصيبه تشغلك .. ! رغد/موافقه سو لي اللي تبيه بس لينا تكفى والله وحيدة اهلها ومالها بالمشاكل .. ! حمد/ليه موب خايفه على نفسك مثل خوفك عليها ؟! رغد بألم/ماعندي شي أخسره انا تعبت من حياتي والمشاكل اللي فيها .. حمد/المفروض تخافين منها وتكتفين باللي جاك من ورى هالمشاكل مو تزيدين ع نفسك .. ! رغد/مو مهم المهم عندي لينا محد يتعرض لها ولااشوف الضيم بعيونها .. حمد انت ماتعرف لينا مين بالنسبه لي اضحي بنفسي فداها .. ! حمد بتعجب/غريبه صداقتك لها وخصوصا بهالزمن الواحد مافيه خير لصديقه .. رغد بحب / لينا اختي مو صديقتي من طفولتي معها وقفت معاي بمواقف وقفة مانساها لها والحين جاء دوري اوقف معها وماخلي شي يضرها .. حمد انا اترجاك تتركها بحالها ؛ والله مستعده اسوي لك اللي تبيه بس اتركها .. ! حمد بعد صمت ظل يفكر برغد ومحبتها الجنونيه للينا تنهد وبصوت فخم/الساعه ثمان تكون عندي وغيره ماعندي .. ! سكر السماعه قبل يسمع رد رغد اللي قبضت على كفها بقهر وبهمس/ أنت اللي جبته لنفسك ياحمد ؛ لاتلومني ع اللي بسويه .. !! . . ❥ مليت من إنتظآر الصدف ؛ تعآل متعمد ! . . . تمددت على السرير ؛ صداع اجتاح خلايا راسها ؛ غمضت عيونها بتألم .. ! لحظات قبل ماتنام على جنبها الأيمن وعيونها تركزت على الصوره المعلقه على جدارها تحتضن صورتها بيوم زفافها من خالد .. ابتسمت بسخريه على حظها المايل بحياتها مارتاحت وهي بنت ؛ ولارتاحت وهي زوجة وأم مسحت دمعه يتيمه تسللت على خدها ... ! تنهدت واسترجعت بذاكرتها تفاصيل حياتها الحزينه والممله والسعيده .. ! . . ❥ مليت من إنتظآر الصدف ؛ تعآل متعمد ! . . . بسموخ اتكأ على مكتبه ؛ شبك أصابعه تحت ذقنه دارت نظاراته مابين رجاله ... ! بهدوء/ماذا تنتظرون ؟ هاري/سيدي لم نستطيع فعل شي الآن .. دعنا نبتعد عن الساحة قليلا .. ! احتقن وجهه بغضب/ أأهرب ي هاري .. اتريد مني الهرب ؟؟ هاري بخوف/ سيدي اعتذر ليس المقصد ان تهرب ؛ بل تتوارى عن اعينهم حتى تقرر ماهي الخطوة التاليه .. ! ..../لن اهرب .. لقد حسمت أمري ؛ من الآن فصاعدا ستبتعد عني قدر الإمكان لا اريدك بجانبي ابدا .. هاري بتعجب/لما ؟! .../ساخبرك فقط نفذ الامر ي هاري .. ! هاري بهدوء وتعجب/حسنا .. قطع حديثه وعيونه تعلقت بسيده اللي حط يده على قلبه بتألم وبتعب صرخ/ااااااه . . . . . عزيزاتي .. رااح انزلكم البارت كل يومين باذن الله هالمره البارت طويل ويارب يعجبكم ؛ اعطوني توقعاتكم .. اش اكثر شي حبيتوه بالروايه ؛ واش اكثر شي ماعجبكم .. ؟؟ همسه .. ! ±آمنت باﻹبتعاد وبالتخلي وباﻷشياء المؤقته آمنت ايضًا بلذه الكلمات الجميله تلذذت حتى تسمم جسدي كان درسًا لطيفًا لا يُنسى.👌 | ||||||||
|
| |
|
05-09-15, 11:55 PM
| #16 | ||||||||
| مراقبة عامة ومشرفة منتدى الروايات المنقولة
| البارت الثالث عشر .. ���� مدخل ... ! بغرفة صغيره مظلمة .. بنافذه صغيره في أعلى جدارها أحكمت قيوده وأقعد على كرسي خشبي أمام رجل أسمر يرتدي ستره سوداء وقد ربط راسها بعصبة سوداء كلون عينيه التي تقدح شرار .. ! صوت فحيح من خلفه يسأله/أنت قد اللي سويته ياضعيف الشخصيه .. !! تعلقت عيناه الخائفة بظل الرجل الأسود/والله مو فاهم اش تقول فهموني انا ليش هنا واش سويت لكم ؟! ضربه الرجل بقسوة على راسه/الكلام هذا ماتضحك علينا فيه بس إحنا نعرف وشلون نربيك ونعلمك شلون تتعامل مع اسيادك ي حشرهه .. !! سحبه بعنف على الأرض وبوسط الظلام سكب عليه ماء بارد لدرجة التجمد خلته يشتهد ويرتعد من الرعب والبرد وبهذه الحاله تركوه طريح الارض بزنزانة صغيرة مظلمة لها رائحة نتنه ولسبب مجهول ... !! . . . مليحّ الوجه لو يخطي تمنينا الخطا ينعاد .. ! . . . انسدحت على سريرها بوجع نفسي واشتياق لادفى حضن بالعالم .. ! سحبت سلسالها وفتحته ودققت بعيون ابوها المبتسم ببشاشه .. ! تسللت دمعه فقد على خدها اليتيم .. ضمت السلسال لصدرها وقلبها يكتم شوقها وفقدانها .. ! . . . مليحّ الوجه لو يخطي تمنينا الخطا ينعاد .. ! . . . بقوة شدها بيدها وبصوت أمر/ارجعي غرفتك دام النفس عليك طيبه .. ! دفت يده وبتمرد جلست/ماتقدر تمنعني ي فيصل مو من حقك تحبسني مثل الحيوانات ؛ انا انسانه وعندي مشاعر ترى .. ! فيصل يصفق بسخريه/بالله مادريت انك انسانه ؛ اش تعرفين من الانسانيه اللي خلتك تذبحين بنتك بدم بارد .. ! روان بجنون/ماذبحتها بسس اكتم صوتك وكاافي تتهمني .. تراها بنتك بعد .. ! فيصل ودمه يغلي/اسمعيني ي بنت السعد تطلعين غرفتك والا وربي مايصير لك خير مابي اشوفك كارهك ماحبك انقلعي ... ! روان بعناد تحضن ذراعه/ماتقدر تكرهني ي فصوووول .. ! فيصل بدون شعور رفع يدهه وهوى على خدها ..... !! صمت عم اجواء التوتر بين أسعد زوجين بروايتي ... ! روان اصبحت كشبح يلاحق فيصل .. ! وفيصل بدا يفقد سيطرته بوجودها ؛ اخر بذرة حب انتزعها بقسوة من قلبه واصبحت روان عدد زائد في قصره الخالي من روح طفلته البريئه .. !! . . . مليحّ الوجه لو يخطي تمنينا الخطا ينعاد .. ! . . . بتعب نزل بلوزته عن صدره المكشوف غمض عيونه وهو يسمع صوت الدكتور /لقد عدت على خير هذه المره سيد ادوارد ؛ ارجوك اهتم بنفسك لامزيد من التوتر او الهم فحالتك ليست على مايرام ... ! رفع يده بشكر وقلب جسمه على يمينه واعطاهم ظهره وبصوت مرهق/اخرجو اريد ان ابقى بمفردي .. خرجو من عنده وبقي يتأمل علبه صغيره بلون الأزرق البحري تزينها رسمة لمخلوقات البحريه ؛ ابتسمت بوجع وحط يده على قلبه لحظات قبل ماتغفى عيونه .... !! . . . مليحّ الوجه لو يخطي تمنينا الخطا ينعاد .. ! . . . استيقظت بفزع والعرق يتصبب من جبينها ؛ تلفتت باركان غرفتها خاليه الا منها ؛ مسحت عيونها بتعوذ من الشيطان ... !! وقفت وتوجهت لحمامها غسلت وجهها وبعيونها تأملت خطوط الارهاق والهالات اللي احاطت بعيونها الدامعه ! تنهدت وطلعت من غرفتها المظلمه ؛ الساعه قاربت الخامسه ونصف .. ! رااحت للمطبخ ووقفت تسوي قهوة تعدل مزاجها عقب الكابوس المزعج .. التهت لحظات قبل ماتسمع صوت زوجها الهادي على غير عادته .. !! ام فهيد/خالد ؟ خالد بسرحان/هلا .. ام فهيد بحنان/اش فيك ؟ ضايق خاطرك ؛ صاير معاك شي .. ؟ خالد ينحني ويحط يده على خده/ مافيني شي بس ... ام فهيد/ بس وشو ؟! خالد بتوتر بان على ملامحه/بكره مسافر عندي عمل ضروري .. !؟ ام فهيد بشك/وين بتروح ؛ اول مره تطري السفر على لسانك .. !؟ خالد / مو قبل اشهر قدمت على وظيفه بعدة شركات ؟! ام فهيد/ايه ؟ خالد/فيه شركة بأبها وافقت على توظيفي ولازم اروح المقابله بكره .. ام فهيد بفرح/الله يبيض وجهك على هالخبر ؛ والله من زمان عن الفرح .. ! خالد بابتسامه باهته/قومي جهزي شنطتي .. ام فهيد/مو تقول بكره ؟ خالد/ لا بروح اليوم عشان يمديني ارتاح .. ! ام فهيد/ان شاء الله .. توجهت لغرفتهم تجهز شنطته وعيونها على خالد السارح والمهموم .... !! . . . مليحّ الوجه لو يخطي تمنينا الخطا ينعاد .. ! . . . بحب انحنت وقبلت جبينها وبهمس/ماراح اتأخر أوعدك ... !! طلعت من الغرفه كانت لابسه بنطلون أسود وبلوزة اسود وبيدها شنطة لينا وعبايتها ؛ حطت يدها على قلبها وعيونها تعلقت بأم لينا ... ! ام لينا/وين ي رغود ؟ رغد بتوتر/خالتي ليونه نامت واحس تعبت وبروح بيتنا ارتاح .. ام لينا /الله معاك حبيبتي .. تقدمت رغد خطوتين قبل ماترجع لام لينا وترمي نفسها بحضنها لدقائق .. ! ام لينا تعتبر رغد بنتها ورغد ترتاح لها وتعتبرها امها الروحيه .. ام لينا بخوف/ رغوده فيك شي ؟! رغد تسمح دمعتها/ماما انا احبك وربي اكثر من امي اللي جابتني ؛ الله يخليك لنا يارب .. ! ام لينا / رغد ... ؟ رغد باسترسال/ماما اذا قامت لولو قولي لها اني احبها موووووت مووت ومستعده اذبح نفسي فداها .. ام لينا تشد على يد رغد وبتوتر/رغد اش فيك صاير شي ؟ رغد/ههههههههه مقلبتك ماما . ام لينا بتعجب/وشو ؟ رغد تبوس راسها/امزح معك ؛ انا طالعه باي .. ركضت بعجل لخارج الفيلا وبنفسها/كنت بجيب العيد .... !! طلعت مع سواق لينا اللي وصلها لاحد المولات المزدحمه ؛ وهناك اخذت تاكسي وتوجهت لشقة حمد ..... !! . . . مليحّ الوجه لو يخطي تمنينا الخطا ينعاد .. ! . . . بهدوء رفع يده xxxxب ساعته تشير للساعه سبعه ؛ رشف قهوته لحظات قبل ماينتبه لدخوله الكوفي .. !! وقف بشموخ كعادته/اخ عمر ؟! عمر يقترب من الطاولة/اهلا ؛ سيف صحيح ؟! سيف بابتسامه/وصلت اخوي ؛ تفضل جلسو على الطاولة .. ! سيف بأدب/اش تشرب ؟! عمر يناظر ساعته/لا شكرا مستعجل والله .. سيف برفض تام/لا أسف موضوعنا طويل جدا ؛ الغي كل مواعيدك .. عمر يناظر بالكوفي الفاضي الا منهم/مواعيد ضروريه .. سيف بهدوء/انا حجزت الكوفي بالكامل لاني ماحب الازعاج ؛ ياليت تتطمن ماراح اضرك بس صدقني الموضوع طويل وطويل جدا .. ويهمك عمر بتساؤل/يهمني ؟ سيف/الموضوع يخص اخوك .. !! عمر بذهول/اخوي ؟ سيف/ايه اخوك عساف .. !! عمر بشهقه/عساف .. ؟ سيف/ايه .. عمر بشك/بس عساف مات من زمان ! سيف ابتسم/من قالك مات ؛ اخوك عايش وبصحته ! عمر يبلع ريقه/وينه فيه ؟! سيف/رااح ابلغك كل شيء بس بالاول ممكن تلغي مواعيدك .. ابتسم عمر بتوتر ورعب وهو يرفع جواله ... !! اما سيف ابتسم ... !! . . . مليحّ الوجه لو يخطي تمنينا الخطا ينعاد .. ! . . . وقف امام مرايته عدل شعره سبايكي لبس كابه وابتعد يتأمل لبسه بنطلون جنز وبلوزه اسود زين معصمه بساعه جلد سوداء وبوت سبورت ... ! رش من عطره قبل مايطلع من جناحه وعلى شفايفه ابتسامه سخريه .. ! انتبه لوجود اخته اللي رفعت راسها وصفرت باعجاب وعلى غير عادتها / احللاااا وش هالزين ي ولد .. حمد بتنحنح/وش رايك باخوك بس ! مها ترفع ابهامها/امير ياخو مها .. حمد يرفع حواجبه/لازم تدخلين نفسك يعني .. ؟ مها بغرور/اكيييد .. حمد/طيب ي المغروره انتي وين رويد مها/رايد .. حمد/ايييه .. مها/مدري ماجاء من الظهر .. ! حمد/اجل شكله بالشركه .. طيب انا طالع تبين شي ؟! مها تجلس على الكنب/لا سلامتك .. نزل بخطوات سريعه وركب سيارته وتوجه للشقه ... !! . . . مليحّ الوجه لو يخطي تمنينا الخطا ينعاد .. ! . . . وقفت على باب المدرسه وعيونها تتأمل وجوه الموجودين ماهو بينهم ! نزلت عينها بحزن وتوجهت ليسار المدرسه اخذت اختها من مدرستها المجاورة لثانويتها وتحركو تحت اشعة الشمس لبيتهم .. !! دقائق متعبه قبل مايوقف بسيارته الفارهه بجنبها وبغزل/افا الحلو يمشي بهالحر والتعب .. !؟ شدت على يد اختها واسرعت خطواتها قبل ماينزل من سيارته ؛ رعب وخوف رفعت شنطتها وضربته على كتفه وبصرخه/انقلع من هنا ي كلب .. ! اقترب منها/مابسوي شي بس تعالو معاي بالطيب .. !! تجمعت دموعها بعينها وبلحظه حست انها فقدت الحياة التفتت حولها بخوف قبل ما تنتبه لوجوده .. وجه لكمته على الشاب وبصرخه منه اختفى الشاب وبقي يناظرها بغضب/مو قلت لك ماترجعي لحالك .. رمت نفسها بحضنه وبخوف/انت ماجيت تأخرت .. ! مسح على ظهرها وبحنان/ماعاد اتاخر ي روحي .. مسك كفها الدافي وبيده الثانيه مسك اختها وتوجه لبيتهم ... !! << فتحت عيونها الممتلئة بدموعها اتكأت على قزاز السيارة وبخيالها سرحت بأجمل تفاصيل جمعتها براكان عرفته بالثانوي رافقها ثلاث سنوات ما كانت اجمل سنوات عمرها ؛ فقدت حنان امها وعطف ابوها في مرحلة مهمه بعمرها ؛ اشبع عاطفتها وتملك جوارحها واغدق عليها بحنانه لحتى استحكم على كل خلاياها .. ! لتتفاجأ بيوم أفجعها ؛ لمن عزمها على زفافها وبهدوء قال: انتي أختي وانا كنت اشفق عليك فقط عليك .. ! بقيت سنه في صدمه وذهول ماستوعبت الموضوع ؛ ولما بدت تتناساه رجع بمشاكله يرميها عليها .. ! رغد مسحت دموعها وبنفسها/محد يستاهل أبكي عليه .. ! انتبهت لجوالها واسمه على الشاشه وبهدوء/هلآ .. ! ابورغد/وينك فيه !! رغد بسخريه/من يسال ابوي عساه خير وش صاير بالدنيا .. ؟ ابورغد/وينك فيه بسرعه تكلمي ! رغد بهدوء/طالعه لشقه مع صديقي عندك مانع .. !! ابورغد/كنت حاس انك بتشوهين سمعتي ي قليلة الحيا وربي ماصدقت راكان والحين تاكدت انه ماتبلاك بشي رغد ابتسمت/راكان ها هههههههه زين خله يقولك وين مكان الشقه وتعالو اعرفكم على صديقي .. !! سكرت السماعه وضغطت بقوة على جوالها ؛ سكرته ورمته على المرتبه وبهدوء نزلت لشقة حمد ... !! . . . مليحّ الوجه لو يخطي تمنينا الخطا ينعاد .. ! . . . رفعت الملف وحطته على ذراعها اليسار وتبعه عدة اوراق جمعتهم بأمر منه .. طاحت عينها على المفتاح رفعت راسها بخوف تاكدت بخلو الغرفه ؛ سحبت المفتاح وفتحت الدرج طلعت الكيس الاسود اللي يحرص زوجها على اخفائه لحظات قبل ماتنتبه لدخوله المكتب تقدم بسرعه وسحب الكيس بخوف وبصرخه/من سمح لك ؟! ام فهيد /وشو ؟! خالد/ليش تفتحين الدرج !؟ ام فهيد بكذب/كان مفتوح وانا ارتب مكتبك وبدخل هذول فيه .. ! خالد يسحبهم منها/خلاص انا ادخلهم روحي انتي .. !! طلعت ام فهيد والشك يكبر بقلبها اكثر واكثر .. !! . . . مليحّ الوجه لو يخطي تمنينا الخطا ينعاد .. ! . . . لبست قميص قصير لنصف الساق مزين برسومات كرتونيه ؛ رفعت شعرها الكثيف .. لبست شوز ناعم وطلعت من غرفتها ؛ نزلت للمطبخ وبهدوء/سلام عليكم .. ! مريم/سارونه ؛ حبيبتي ليش ماترتاحين ؟ ساره بملل/مليت من القعده وجوعانه مريم/ياعمري انتي الحين اسوي لك لقمهه .. ! ساره/لا انا بسوي اللي ابيه عادي .. مريم برفض/لا وربي انا موجوده اخدمك بعيوني ؛ ابتسمت ساره / اوك مارااح اقول لا .. جلست ساره على الطاولة وصارت تسولف مع اسماء ومريم اللي جلست تطبخ لساره .. ! . . . مليحّ الوجه لو يخطي تمنينا الخطا ينعاد .. ! . . . وقف بجنون وبصرخه هزت أركان الكوفي/وشوووو ؟! شده سيف من يده وبهدوء/عمر لاتنفعل اهدى .. عمر يجلس/كيف مانفعل انت مستوعب وش قاعد تقول ؛ الكلام اللي تقوله خطير والله خطير .. ! سيف/عشان كذا اقولك لاتنفعل لان الموضوع خطير مابي احد يعرف فيه ابدا ابدا .. !! عمر يمسح جبهته/لا اله الا الله .. ! سيف يناظر ساعته/أنا مضطر أتركك الأن .. بكره سفرتنا الساعه اربع ونص الفجر ؛ ياليت تكون موجود ع الثلاث ! عمر بذهول/نسافر ؛ وين ؟! سيف يرفع يده باستسلام/الاوامر كذا جهز نفسك بس لاحد يعرف بشي الموضوع حساس ي عمر .. ! عمر يوقف ويصافح سيف/إن شاء الله مشى سيف تارك عمر غارق بتفكيره ! نزل لسيارته رفع جواله وبابتسامه/تم بكره ع الفجر طيارتنا .. . . . مليحّ الوجه لو يخطي تمنينا الخطا ينعاد .. ! . . . انسدحت على سريرها ودموعها على خدها رفعت جوالها واتصلت بأختها .. روان/توته تعالي تكفين ؛ انا تعبانه ! تولين بقسوة/انا مشغولة اش تبغين ! روان/تولين من متى الشغل اهم من اختك ؛ انا محتاجتك لاتخليني .. تولين/اختصري اش صاير ؟ روان بضعف/ضربني ي تولين انا روان بنت السعد انضرب وانهان ببيتي .. ! تولين/كان بيتك الحين اعتبريه مقبرتك روان فيصل توه كلم بابا وقال انه مايبيك ووجودك معه يذكره ببنته وبابا رفض انه يطلقك واصر على انك تبقين بذمته .. فيصل عافك وعمر تزوج وعاش حياته وانتي ؟! وش استفدتي من الحب هذا ؟ شراك فيصل واغناك وجاب لك اللي ماقدر عمر عليه وبعتيه برخص التراب ؛ روان خافي ربك يمكن موت لتين درس لك عشان تصحين لنفسك وانتي قاعده تخونين فيصل وعشان عمر الجبان لما وصل الموضوع للجد تركك وانحاش ؛ اسمعيني زين ي روان ؛ علاقتك مع فيصل انتي اللي دمرتيها ؛ انسي عمر وعيشي مع فيصل او انسي فيصل وعيش بغرفتك محبوسه طول عمرك ! انا مشغولة ولاعندي استعداد اضيع وقت اكثر معاك .. سلام رمت جوالها بقهر اختها وتخلت عنها وابوها شاري فيصل وبايعها وفيصل عايفها ؛ وقفت بانهيار فتحت درجها وطلعت كل الادويه وبلحظه بلعتهم وتمددت على سريرها تنتظر الموت بصمت ...... !! . . . مليحّ الوجه لو يخطي تمنينا الخطا ينعاد .. ! . . . ابتسم بسخريه وهو يفتح الباب/اخيرا تقدمت بثقه وعيونها تتحدى حمد المستغرب من وجودها بدال لينا .. ! سكر الباب وبتساؤل/نعم ؟ رغد بثقه/حمد انا مستعده اذبح نفسي بس لينا مايمسها شي .. باعتبار انو انا اللي اصريت عليها تروح الحفله ؛ فأنا أتحمل النتيجه وبغصه / اللي بتسويه بلينا سوه فيني الحين وريحنا من هالقصه كلها دخيلك .. !! حمد بتعجب/جدا مذهول من محبتك للينا واصرارك على حمايتها ؛ مع اني متاكد لو كنتي مكانها تخلت عنك .. ! رغد/مو مهم تتخلى او لا المهم انا اسوي الشي اللي يخليني ارتاح واحس بسعاده .. ! حمد يتكتف/حتى لو حساب سمعتك ! رغد بهدوء/ ايه .. تنهد حمد ورفع يدينه باستسلام/غلبتيني ي رغد تقدرين تروحين وقولي للينا مابي منها شي بعد اليوم ! رغد بصدمه/نعم ! حمد ابتسم/انعم الله عليك ؛ عمري ماتخيلت وجود صداقه عظيمه مثل صداقتكم ؛ الله يهني لينا فيك ويهنيك فيها .. انا استسلم ماراح اضرها اكثر تقدرين تروحين .. شهقت رغد بفرح وركضت للباب بس وقفت وعيونها على حمد وبعجل/حمد اهرب من هنا بسرعه .. ! حمد بذهول/شلون ؟ رغد/اهرب من هنا مافي مجال للنقاش بسرعه .. حمد اخذ مفاتيحه وتحرك لخارج الشقه تتبعه رغد اللي ركضت وركبت بسيارة التاكسي وتوجهت للبيت قبل ماتوقف سيارة ابوها امام العمارهه .. ! . . . مليحّ الوجه لو يخطي تمنينا الخطا ينعاد .. ! . . . فتحت عيونها ببطء وبانزعاج من صداع هاجمها فجأة ؛ اتكأت على يدها وتأملت المكان حولها وبتعب/رغد ؛ رغد .. ! تأففت بضيق وقفت وفتحت الباب نزلت للصالة وانتبهت لامها قاعده وسرحانه/ماما .. ام لينا/هلا ماما صحيتي ؟! لينا/اي بس مرهه مصدعه .. وين رغد ! ام لينا/طلعت .. لينا تحط راسها بحضن امها/وين راحت ؟ ام لينا/تقول بتروح بيتهم بس حالها ماعجبني ؟! لينا/ليه ؟ ام لينا/مدري كانت تبكي وتقول قولي للينا اني اضحي بنفسي فداها ومدري وش ؟ لينا تفز برعب/وشووو ؟ ماما وش قالت لك بعد ياربي لا ي ربي .. ام لينا بشك/لينا فيه شي ؟ لينا بتوتر تركض لغرفتها وتاخذ جوالها تتصل على رغد وتتفاجأ بجوالها مغلق لينا بصياح/لاااا ياربي لاتكون راحت له لاتكون راحت له ام لينا بغضب/لينا وقفي فهميني اش صاير ؛ رغد فين راحت .. ؟ لينا بانهيار/ماما شكلها راحت لحمد ام لينا بشهقه/حمد ؛ من هذا تكلمي ؟ لينا ببكاء جلست تحكي لامها القصة جاهلة بوجود اذن ثالثه تسمعها ... ! . . . مليحّ الوجه لو يخطي تمنينا الخطا ينعاد .. ! . . . ركضت لداخل البيت نزلت عبايتها وبدلت ملابسها ببجامة قطنيه جلست على سريرها وفتحت اللابتوب وكأن شيئا لم يكن ..... !! لحظات قبل مايدخل أبوها متجهم ووجه أحممر شدها من بلوزتها وصراخه لاخر البيت/ي قليلة الادب . رغد بذهول/اش فيييه ؟ ابورغد يضربها كف/وتساليني وش فيه بعد ؟ رغد ببكاء/يبه حرام عليك فوق مانا محبوسه بالبيت ماطلع مكان جاي تضربني حرام حرام عليك .. !! ابورغد بغضب يسحبها من شعرها ويرفسها ببطنها/تكذبين علي توك كنتي معه ياللي ماتستحين .. ! رغد بصراخ/مييييين انا من الظهر ماطلعت .. ! ابورغد بتعجب/شلون ماطلعتي وتوك كنتي بشقه مع ولد الراجح .. رغد بتمثيل/انااااااا وعد بمقاطعه/يبه رغد من الظهر بغرفتها ماطلعت .. ! ابورغد ينزل يده/توه راكان مكلمك وانتي اللي قلتي له وعطيتيه عنوان الشقه بعد .. !! رغد بصراخ/بابا كافي كافي راكان لمتى يتبلاني وانت تصدقه حرام عليه والله حرام .. وعد/بابا رغد جوالها ضاع بالجامعه اليوم .. رغد ببكاء/وبعدين لو بطلع مع احد ماراح اعلمه بالعقل يابابا مابقول لاحد ! ابورغد بتفكير/اي والله صح .. وعد تحضن اختها وبتمثيل/بابا احنا تعبنا من راكان لازم تشوف له حل قاعد يتبلانا وانت تصدقه ؛ احنا تربيتك يابابا لمتى يعني لمتى ... !! ابورغد يوقف وبغضب/هين ي راكان ! طلع من الغرفه والغضب مسيطر عليه وعد تناظر باختها/مبسوطه .. رغد تمسح خدها/ كلها ضربتين ماتعور اهم شي اتخلص من الزفت راكانوه ! وعد بهمس/وحمد رغد تناست حالها وجلست تحكي لوعد موقف حمد وباعجاب انهت جملتها ب/والله انه رجال .. ! . . . مليحّ الوجه لو يخطي تمنينا الخطا ينعاد .. ! . . . الجمتها المفاجأة وتعلقت عيونها بأخر شخص تتمناه يكون موجود بهالموقف غمضت عيونها بألم واذنها اللي احمرت من الكف المطبوع عليها بلحظه ... ! ابولينا بغضب/هذي اخرتها ي لينا ؛ دلعتك وعطيتك كآمل الثقه والحين اللي قاعده اجنيه منك شي يسود الوجه ماقول الا ...... استغفراللع العظيم .. وبصرخه/وين جوالك ؟ لينا المذهوله من كلام ابوها وصراخه مدت يدها لابوها .. سحب منها الجوال بعنف وبأمر/طلعه من هالغرفه بعد اليوم مافي ي لينا حتى الجامعه ممنوعه ؛ فااااهمه ؟ لينا بنحيب/بس .. ابولينا/ولاحرف ؛ مابي اسمع منك شي طلع وسحب زوجته وسكر الباب بقوة ارتج منه اركان البيت .. !! . . . مليحّ الوجه لو يخطي تمنينا الخطا ينعاد .. ! . . . دخل البيت وبيده يتصل عليها وبضيق/اوووق ليش ماترد المجنونة ذي .. ؟ ..../منهي ؟! فز برعب والتفت وراه/رايد روعتني ! رايد يحط يده ع كتف أخوه/منهي ! حمد /رغد ! رايد بنظرة/من ذي بعد ي حمد ! حمد/هههههههههه لاتخاف هذي صديقة لينا قلت لك عنها مسرع نسيت ! رايد/طيب وش سويت !؟ حمد يحك جبهته/ماجات لينا جات رغد تخيل تقول ماراح اخلي شي يضر لينا .. رايد بتعجب/معقول فيه صديقات كذا حمد باعجاب/والله لو هي اختها من جد متعلقه فيها .. رايد/طيب وش سويت ! حمد/ولاشي قلت لها اني سامحتهم ومابي منهم شي ... ! رايد باستغراب/ماعرفتك ي حمد حمد بخبث/هم اللي اجبروني خلهم يتحملون .. ! رايد يشد يد حمد/طيب تعال ابيك .. وقفو الإثنين قدام جناح أبوهم ... حمد بغصه/وشو .. رايد بحزن/بندخل الغرفه .. حمد يبلع ريقه/ماقدر يارايد .. رايد يجر حمد وبجرأه فتح باب الجناح وفاحت ريحة طيب أبوهم خلاهم يشهقون وكأنه موجود بينهم ... ! > > > رايد/يبه يبه يبه يبه يبه يبه يبه .. ابوحمد بابتسامه/نعم نعم يامزعج ! رايد بضحكه/يبه والله هذا ظلم .. حمد يطل براسه /قول انك غيران .. رايد بنرفزه/لا والله قالو لك بنت اغار منك .. ابوحمد يمسك راسه/توم وجيري بديتو شكلكم ؛ يلا يلا انا مصدع بنام .. ! حمد/ههههههههه طرده يبه .. ابوحمد/ايه يلا برا .. رايد بمزح/حتندم ي قميل .. ! ابوحمد يسحب عقاله/وشووو رايد يهرب لبرا الغرفه/ولاشي ههههههه < < < شهق بغصه/الله يرحمك يبه .. حمد يلف بيطلع من الجناح بس يد رايد كانت اسرع توقفه .. رايد/لمتى ي حمد صارو 10 شهور ! حمد بحزن/مقدر والله مقدر .. رايد يشد يد اخوه/ولا انا اقدر بس لازم كيف نوصل للي ذبح ابوي ؟! حمد ساكت ... رايد بقهر/والا مايهمك ياحمد من مات ابوي وانت لاهي بلينا واشكالها .. ! حمد بغضب/رااايد احترم نفسك .. رايد/ماخليت فيها احترام انا على نار وانت غرقان بالعسل ماني قادر اتصرف لحالي وانت مو هامك .. حمد/من قالك ماهمني ابوي اللي ميت مو ابوك لحالك .. ! رايد بحده/لو كان ابوك انشغلت بالشركه ودورت معي على اللي ذبحه مو قاعد من بنت لبنت ومواعد بشقق ! حمد بجنون/راااايد الزم نفسك انت تعرف القصه كلها .. ! رايد بقهر/مو مهم اللي تسويه اللي قاعد اشوفه انك مافكرت بابوي ولاكانه مذبوووح .. حمد/من قالك مافكرت رايد انا مو طفل وعارف وش قاعد اسوي ! رايد/لا منت عارف وش تسوي والله لو ابوي موجود مابيصدق ولد حمد بكره بين البنات ومغازل و ...... !! حمد بغضب وحرقه رفع يده وهوى بها على وجه رايد المنفعل والمقهووور .. ! . . . . . . . توقعاتكم .... ^_^ حقيقة الأشخاص حولنا ؛ ï»» يعلمها إلا الله .. !لذلك قل دائماً :- اللهم دلنى على من أراد بى خيرا .. وأصرف عنى من أراد بى شرا .. | ||||||||
|
| |
|
18-09-15, 03:02 PM
| #18 | ||||
| بليز اريد باقي الروايه 😭 انا عضوا جديد ف المنتدي وحبيت الروايات وايد بس عندي مشكله ان الروايه تكون ناقصه واحاول اظهر بقية الروايه بس بدون فايده رغم ان المنتديات الثانيه اسهل التعامل فيها والروايات تكون كامله مع العلم اني مب عضوه فيها بليز يا مشرفات او مشرفين المنتدى اري حل لهذه المشكله مع احترامي الشديد للمنتدى وشكرا | ||||
|
| |
|
18-09-15, 04:52 PM
| #19 | |||||||||
| مراقبة عامة ومشرفة منتدى الروايات المنقولة
| اقتباس:
حبيبتي الروايه غيركامله وأنا أنقل بارتاتها هنا أولا بأول تزامنا مع تنزيل الكاتبه لها في المنتدى اللي تنزلها فيه وإذا فيه تأخير تاكدي إن الكاتبه مانزلت بارت جديد حبيبتي إذا تحبي تقرأي روايات مكتمله عندك مجموعة كبيره من الروايات المكتمله موجوده في القصص والروايات الطويله المكتملة هذا الرابط https://www.rewity.com/forum/f175/ | |||||||||
|
| |
|
03-10-15, 09:22 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| السلام عليكم ورحمة الله وبركاته كيف حالك إن شاء الله دائما بخير ؟ مبروك التثبيت ألف مبروك .. لقد سعدت بهذا الخبر شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
