آخر 10 مشاركات
ندوب من الماضي ~زائرة~ || ج2 من وعاد من جديد || للكاتبة: shekinia *كاملة (الكاتـب : shekinia - )           »          1060 - زهرة الربيع - ناتالي فوكس - د ن (الكاتـب : hAmAsAaAt - )           »          حَــربْ معَ الــرّاء ! (1) *مميزة و مكتملة*.. سلسلة حـــ"ر"ــــب (الكاتـب : moshtaqa - )           »          سحر جزيرة القمر(96)لـ:مايا بانكس(الجزء الأول من سلسلة الحمل والشغف)كاملة إضافة الرابط (الكاتـب : فراشه وردى - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          لا زلت صغيرة - كاثرين جورج (الكاتـب : ΜāŘāΜ ~ Ś - )           »          أسيرتي في قفص من ذهب (2) * مميزة ومكتملة* .. سلسلة حكايات النشامى (الكاتـب : lolla sweety - )           »          خائف من الحب (161) للكاتبة : Jennie Lucas .. كاملة مع الروابط (الكاتـب : nagwa_ahmed5 - )           »          أترقّب هديلك (1) *مميزة ومكتملة* .. سلسلة قوارير العطّار (الكاتـب : كاردينيا الغوازي - )           »          طبيب قلبي .. *مميزة ومكتملة* (الكاتـب : lolla sweety - )


العودة   شبكة روايتي الثقافية > قسم الروايات > منتدى الروايات والقصص المنقولة > قسم ارشيف الروايات المنقولة

Like Tree2315Likes
موضوع مغلق
 
LinkBack أدوات الموضوع انواع عرض الموضوع
قديم 04-04-20, 09:16 AM   #1841

Topaz.

مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية

 
الصورة الرمزية Topaz.

? العضوٌ??? » 379889
?  التسِجيلٌ » Jul 2016
? مشَارَ?اتْي » 7,035
?  مُ?إني » العِرَاقْ
? الًجنِس »
? دولتي » دولتي Iraq
?  نُقآطِيْ » Topaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond repute
¬» مشروبك   water
¬» قناتك nicklodeon
?? ??? ~
اللهّم خِفَافًا لا لنا ولا علينا ، لا نُؤذِي ولا نُؤذَى ، لا نَجرَحُ ولا نُجرَح ، لا نَهينُ ولا نُهان ، اللهم عبورًا خفيفًا ؛ لا نشقى بأحدٍ ولا يشقى بنا أحد .
افتراضي



(الرياض)

كان بيتجول ولسانه ماوقف عن ذكر الله وعيونه بتدور بإعجاب من منظر حديقة قصر المنذر اللي إمتدت على مرمى البصربتنسيق هندسي زاد روعه أشعة الشمس اللي بدأ وهجها يخف ويتدرج بالوان الغروب ..


ليلة أمس كام مشغول باللي صار في مجلس جده أول ماوصل أو بالأصح أول ماوصلت اخته ..

تصرفها وكلامها الغريب وخروجها الدرامي حسسه بإنه جزء من فيلم !
وفي الوقت اللي اخذت فيه اخته دور البطوله وهو دور البطل المساند كان سند بيلعب دور الكومبارس الصامت بجداره …


وبعد خروجهم الفيلم إتحول لمسار كان متوقع بالنسبة له واللي هو ببساطه الهروب واللي كان عذره جاهز بالنسبة لها ..

الوقت اتأخر وانت جاي من سفر وبجهز العشاء …

جمله بسيطه ومرتبه قالتها بكل بساطه وتركته وراحت او بالأصح هربت بدون ماتعطيه فرصه للرد…

لكن مهما حاولت تتهرب في الأخير مصيرها توقع بين إيديه وهذا اللي صار في الأخير…

طالع في اخته اللي بتتمشى جنبه وهي بتحكي له أحداث لها اول ومالها آخر عن أشياء عجيبه مالها علاقه ببعض في محاولة فاشله منها لتشتيته عن الموضوع الأساسي ولو تركها براحتها متأكد إنها ممكن تتكلم لثاني يوم بدون كلل أو ملل !

لذلك لف ذراعه على رقبتها وسحبها بشكل أقرب له وبسخريه/ كان نفسي اجلس والعب معك لعبة القط والفار لكن ورايا سفر ووقتي ضيق فياريت تغردي وتتحفيني ياأميرتي..


زفرت بغيض من محاولاتها الفاشله في تجنبه طول اليوم واللي انتهت أخيراً بسحبها من يدها وجرها معاه للحديقة ومحاصرته لها بذا الشكل ..

كانت أكثر وحده عارفه أخوها وعارفه إن نظراته البارده وهدوئه المخادع بيخفي وراه فضول وأصرار على معرفة سبب تصرفها الغريب عليه ليلة وصوله واللي زادت عليه بأنفجارها الغبي عليه وعلى سند الصباح ..

ومع ذلك مايأست وحاولت تلهيه بثرثرتها المعتاده بس عبث ..


طالعته بضيق وهي بتحاول تبعد عنه /واللهي ذا بيعتمد على مدى تعاونك ياسيادة العميد..

اطلق سراحها ورد بإستهزاء/يعني أيش المطلوب؟

اخذت نفس عميق وحطت شعرها وراء أذنها وإبتسمت بعذوبه / يعني هتغرد.. هغرد واشجيك.. هتأخذ وضعية شارلي شابلن هعملك فيها لوريل وهاردي .. الكوره في ملعبك..


إبتسم وعقد ذراعيه على صدره وإتأملها بصمت..

اخته ببساطه بتساومه !

وذا بيعني إن نظراتها البارده وهدوئها الظاهري مجرد قناع بتخفي تحته إهتمام وفضول غير محدود للي صار بينه وبين سند، وذا إهتمام وفضول غير طبيعي بشخص مصره على الطلاق منه !


طالت حرب النظرات الصامته بينهم فقطعتها بسخريه/ ممكن اعملك يانسون دافي يريح احبالك الصوتيه ويخلي صوتك يعلى..

علي بسخريه مماثله /اليانسون خليه لش لانش هتغردي لفترة طويله وهينفعش، انا تغريدي هيكون سريع وموجز..

ربتت على خدها بتفكير/ ياراااجل! مع إن اشكالكم الصباح مادلت عالسرعه اللي بتقول عليها !

رد بإبتسامة / الوقت مش مقياس في حالتنا المهم النتيجة اللي بنوصل لها ..


هزت رأسها بموافقه وهي بتتذكر وجهه أبوبدر المشوه، بينما تابع علي بخبث/ بس ايش رايش في لوحتي الفنية !

جوري بنفاذ صبر/فنك مايهمني بقدر مايهمني سببه مو الأساس يابيكاسو..

رد بإختصار / كنا بنتعرف على بعض ..

طالعته بعدم إستيعاب / بتتعرفوا ! كذا !

رد بشرح/ انتوا النسوان بتتعرفوا على بعض بجلساتكم حق بعد العصر وشاهي وقهوه وحش في خلق الله.. لكن أحنا الرجال طريقتنا غير.. احنا علشان نتعرف نتواجه ونندبغ ونعرف نقاط وضعف بعض وهذا بيخلينا نقرب من بعض وبعدها نقرر إذا كان الرجال ذا ينفع ولا لا ..

هزت رأسها بتفهم وقربت منه وصارت تحرك وجهه للجهتين وهي بتفحص الكدمه الوحيده اللي في خده واللي أساساً يادوب باينه مع سماره ولحيته المغطيتها، وبسخريه/ طبعاً واضح مين اللي اندبغ فيكم ..

رد بخبث/ لاماعليش وهو طلع ذيب وماقصر بس تعرفي اخوش عميد وتحت يدي مجندين مش حلوه ادخل عليهم بوجه مثل وجهه لذلك الكدمات من الرقبه وتحت ..
وإذا على وجهه المورم! لاتخافي شوية اهتمام منش على كمادات ليومين ثلاثه ويرجع ينور من جديد وعلى ضمانتي..

ردت بغيض/لا حنين ياخويا وقلبك كبير، بتجرح وتداوي ماشاء الله..

إبتسم وبأمر/ دورش ياأميرتي .. ليش أتصرفتي مع سند بهذي الطريقه ؟ أيش فعل ؟

عقدت حواجبها وطالعته بتركيز صامت وكإنها بتحاول تستوعب سؤاله قبل ماتغمغم بخفوت /هوا الرجال نطق علشان يسويلي شيئ منتا كنت موجود وشفت بنفسك .

إبتسم بسخريه...

وكأنه محتاج يشوف أو يسمع شيئ من اللي دار بينهم علشان يسألها!!

سألها بتفكير/ يعني سند ما قلش شي عني ! ما منعش تكلميني أوتقابليني ! مالمح لش بأي شي يخص علاقتنا علشان كذا أتحديتيه وأتصرفي بهذيك الطريقه !


إتوسعت عيونها بصدمه للحظه قبل ماتهز رأسها بنفي سريع وقاطع زاد شكه وخلاه يمسك كتوفها وهو يسألها بأصرار/ متى تفهمي إن مهما كذبتي عالكل ما---

قاطعته بتنهيده وهي بتضغط يده اللي على كتفها بخفه /موقاعده أكذب عليك ولاصار شي من اللي أنتا فكرت فيه.. أنا أصلاً ماشفته من يوم ماوصلت وأول مره شفته كان امس ذا إذا أعتبرناها شوفه من الأساس ..

إتأمل عيونها اللي رفعتها في مواجهته بثقه قبل مايحررها من قبضته ويزفر بعمق ..


سؤاله لها ماكان سؤال قد ماكان تأكيد ..

هو متأكد من إن سند ماعنده أي علم بالعلاقه اللي تربطه بها وبناءً على هذا الجهل كان أول شيى هيعمله بعد زواجه منها هومنعها من أي إتصال بينهم مهما كان بسيط وهو واثق من هذي الخطوه مائه في المائه ..

واللي حصل بينهم أمس كان أكبر دليل على هذا صدق حدسه ..

لكن الصدق اللي شافه في عيونها والثقه اللي سمعها في صوتها وهي بتتعمق في نفيها كان أكبر دليل على صدقها !


طيب ايش اللي حصل علشان تتصرف بذي الطريقه الغريبه عليها !

أيش اللي خلاها تتحداه ومن خلاله هو بالذات وك---

لاتعقدها .. مولازم توقف عند كل تصرف وتحلله لإن أحياناً بنتصرف بدون تفكير وحساب وذي أسمها عفويه إذا ماسمعت عنها ياسيادة العميد .

قطعت جوري أفكاره بكلامها اللي ماأقنعه ولو لجزء من الثانيه ورفع حاجبه بإستهزاء/ عفويه !! تشتي تقنعيني إن فيلم علاوي حبيبي الوحيد اللي كنتي بطلته كان لله في لله !


دفته بعتاب/ فيلم ! أنتا كذا بتجرحني وبتشكك في مصداقيتي من ناحيتك و--

قاطعها بجديه / أحنا لحالنا ومافيش داعي تلفي وتدوري لذلك إختصري ..

وقفت مكانها بعد ماكانت بتتمشى حوله وطالعته بصدمه / إنتا مفكر اللي سويته امس كان تمثيل ! بتشك في صدق مشاعري ناحيتك ياعلي !

هز رأسه بنفي/ عمري ماشكيت في مشاعرش ناحيتي وعارف إنش تحبيني وتموتي فيني وماتتخيلي حياتش بدوني رغم كل تحفظش وتصرفاتش وكلامش اللي بيدل عالعكس وهذا اللي خلاني أتقبل معاملتش المتناقضة لي من بين البقيه .. لكن لما ألقاش بتستعرضي ملحمة الحب الأخوي فجأه وقباله بالذات وأنتي ماسبق وجاهرتي به لي شخصياً طبيعي أستغرب وأشك ولاتظني إني ماإنتبهت لنظراتش وإبتسامتش اللي وجهتيها له قبل مانخرج، أنتي كنتي بتتحديه رسمي لاتنكري ..


طالعته بصمت وهي بتفكر بجديه " انا كنت جامده وجاحده معاه لدرجة إني مع اول بادرة حب ناحيته هكون مصدر شك وإستغراب بالنسبه ليه ؟ ولا لأني كبرت على يده زي ماقال صار حافظتي وفهمني مهما خبيت واستغبيت؟"

في كل الحالات كان لازم تتذكر إن أخوها مو الشخص اللي بيعدي أي تصرف بدون مايحلله ويفهمه، وكان لازم تتذكر إنه مارح يعدي اللي صار بسهوله ..
فحاولت ترضي جزء من فضله وردت بلامبالة/ معاك حق.. أنا كنت بتحداه.. خلاص ارتحت ذحين ؟

هز رأسه بنفي/ مش قبل ماتقولي ليش وإشمعنى هو بالذات؟

لامت نفسها على تهورها اللي خلاها تحت رحمة علي واللي كانت متأكده انه مارح يتركها إلا بعد مايسمع رد مقنع على سؤاله لذلك قررت تصارحه بجزء من الحقيقة فأخذت نفس عميق وردت بهدوء/ ببساطه كنت بشوف ردة فعله على طبيعة علاقتنا وإذا كان من جماعة هوا مش أخوها حقيقي بس من الرضاعه وإلى آخر الكلام الغبي اللي سبق وسمعته قبل كذا، يعني تقدر تسميه إستباق للإحداث أو أختبار.. اللي يعجبك.

اتذكر كيف صرخت بإسمه ورمت نفسها في حضنه وهي بتتمسك فيه وكأنه غايب من سنين !

ماينكر إنه للحظات إنصدم من إستقبالها لكن كعادته ماقدر يقاوم لحظات عفويتها النادره معه واللي بتعبر فيها عن مشاعرها تجاهه بدون تحفظها المعتاد غير إن حماسها وفرحها كان من النوع المعدي واللحظات نسي أسلوبه المستفز معاها وسمح لنفسه يتصرف بعفوية مماثله ورفعها من خصرها ودار فيها وهو ضامها لصدره بشوق قارب شوقها وزاد ..

هز رأسه بتفهم وسألها بجديه/وأيش اللي طلع معش.. كيف شفتيه !

زفرت بضيق/ماأدري ماأدري ..تفكيري مشوش ومحتاره بشكل غريب لدرجة إني ماعدت عارفه نفسي، يااخي الرجال ذا مرات بحس اني بكرهه ومرات --

تركت جملتها معلقه وصارت تدور بعصبيه وعلي بيراقب كيف بتفتح فمها وتقفله لكذا مره بدون ماتتكلم وكإنها بتحاول تلقى كلمه مناسبه تعبر بيها عن اللي حاسته !

مسك يدها ورد بخبث / بس بيقولوا إن الكره هو الوجه الثاني للحب و - - - - -

قاطعته بحده/ حبك برص منك ليه الظاهر، أنتا شكلك مسخن وبتهلوس ..

نفضت يده بعنف وأعطته ظهرها ومشيت بينما تابع بإستفزاز/ يجوز اني مسخن وبهلوس ويجوز انش معجبه به ومش قادره تعترفي لنفسش بذي الحقيقه.


التفتت له بسرعه وردت بتهكم /مررررره.. ماشفتي كيف اخذته بالأحضان اول ماشفته امس..

رد بإبتسامة /أيووووه وصلنا لمربط الفرس،، ايش اللي قاله لش وخلاش تتعصبي وتطلعي الحب الدفين على غفله !

ماردت عليه وفكرت بمراره ساخره " اقلك أيه بس ! مابغى أحطملك صورته المثاليه اللي رسمتها في بالك عنه.. كفايه أنا إنصدمت فيه و----

طلع من جماعة هو مش أخوها صدق ومنعش تكلميني ؟

قطع أفكارها بسؤاله اللي أصابها في مقتل وهي بتتذكر كلامه مع جدها وجدتها وردت في داخلها " كنت بفهمه إنه ماله كلمه عليا وإني رافضه سلطته كزوج بيحاول يفرض عليا أفكاره المتخلفه عليا.. كنت بكسرغروره وبوقفه عند حده وبحاول أرد له الصاع صاعين وفي وسط الدرس نسيت إنك مارح تعدي اللي صار بسهوله وبدون أسئله "

ومع ذلك ماحبت تأكد له شكه وتحدث شرخ بينهم بدون داعي وردت بهدوء/ لاقلي ولا كلمني.. أصلاً انا من يوم جيت ماشفته غير امس ولولا وجودك ماكان لمحني من الأساس، وحتى لو منعني انا ببساطه اقدر أرفض وفي وجهه وبدون مايرف لي جفن لأني صاحبة حق ..

طالعها للحظات بصمت وهو بيحاول يستشف إذا كانت بتكذب عليه لكن نظراتها الواثقه ونبرتها الثابته كانت بتأكد صدق كلامها ومع ذلك كان متأكد إن سند منعها فعلاً بغض النظر عن الطريقة ..

إبتسم بخبث/ تمام ياأميرتي هصدقش، لكن يكون في علمش مهما كان الشي اللي خلاش تتصرفي بذي الطريقه فتأكدي إن اللي فعلتيه أمس كان أفضل وأحلى من أي رد كنتي هتقوليه في وجهه ..

طالعته للحظات وهي بتحاول تفهم قصده قبل ماتسأله بشك / ليه عندي إحساس إنك شمتان فيه ؟


رد بإبتسامة / وأحساسش في محله ..

ردت بإستغراب / غريبه! على أساس إنه عاجبك وجاي على هواك وآخر حبه في الكرتون ولا نسيت كلامك عنه لما جاء يخطب !

أنفجر في الضحك اللحظات على تعبيرها اللي كان بيأكد إنه فعلاً في مشكله بينها وبين سند…

هز رأسه بموافقه / وهو فعلا عاجبني لكن هذا مايمنع إني أتسلى .. تقدري تقولي إني بتعرف على الجوانب الشخصية المخفيه لذا الرجال .


ردت إنزعاج/ وانتا جاتك من الله، منها تتعرف ومنها تتسلى على قفايا يابن خالي…


رد بغموض/والله كل إنسان وله مدخل يابنت عمتي وربك بيسهل من عنده هتعترضي على تدبيره؟

ردت بإبتسامه/ونعم بالله أنا أقدر اعترض.. المهم إن شاء الله تكون اتسليت وإنبسطت واتعرفت كمان !

أتذكر وجه سند اللي كان يطالعهم بنظرات زائغه ووجه بيشابه الموتى في شحوبه !

صدمته البشعه كانت مطبوعه في كل جزء من ملامحه وواضحه وضوح الشمس في كبد النهار لدرجة إن قلبه رق له ورأف بحاله ..

جلجلت ضحكته في الغرفه بقوه قبل مايرد بإستمتاع / وأيما إنبساط وتسليه، مهما قلت لش ماهوفيش حقش..

رغم إستغرابها من رد فعله إلا إنها ردت بتنهيده /طيب ياحبيبي مدام كذا عد الجمايل وافتكرها هاااااا ..

سحب مقدمة شعرها وفركه في وجهها بإستفزاز / كل شي تستنفعي منه مافي شي لوجه الله ..

دفت يده بعد معاناة وزفرت بإنزعاج / ياهووو بطلوا الحركه ذي ..

وتابعت بغيض/ ومافي شي لله انا ماديه رأسماليه إنتهازيه ووصوليه إن كان عاجبك !

رد بإبتسامة / عاجبني عاجبني بعدين امر الله ونفذ ولا إعتراض على حكمه .. وخلينا في المهم..

طالعته بإهتمام وهي بتجمع شعرها وبترتبه من اول وجديد وهو بيتابع بجديه/ سند مايعرفش أننا اخوه من الرضاع ..

طاحت ربطة شعرها اللي كانت حاطتها في طرف فمها وانفلتت خصلات شعرها من إيديها وردت بعدم إستيعاب /نعم ياخويا !

عاد كلامه بأصرار / بقلش زوجش كل اللي يعرفه عني هو إني ابن خالش وبس ..

هزت رأسها بعدم إقتناع / إخوتنا مو سر ياعلي والكل داري بذا الشي واكيد هوا كمان يدري .

علي بشرح/ قصدش بالكل جدي صقر وابي مساعد ونسوانهم وهذول طبيعي انهم يعرفوا بعلاقتنا لكن سند يعرف إننا اخوه بمناسبة ايش! لا انتي عروسه تقليديه وبينه وبينش كلام علشان تحكي له عن اهلش ولا هو أقرب اصحابي ويعرف كل شي عني !

شردت في كلامه وهي بتدور في الغرفه وبتفرد شعرها وتلمه بحركه لاشعوريه قبل ماتهز رأسها بعدم تصديق /مو لازم نكون بالصوره اللي قلتها علشان يعرف.. ذي معلومه بسيطه واكيد حد قله عليها ماهي شغلانه يعني.. اكيد قالوا له صح !

جملتها الأخيرة كان فيها نوع من التردد وهو حس بذا الشي واستغله بذكاء/ وانا بقلش وانا متأكد ميه في الميه إن محد قله ولاعنده علم بذا الخبر…

عضت شفايفها بتوتر وهي بتقلب كلام أخوها في رأسها "معقول يطلع كلام علي صح وهو مايعرف ! ليه لا ؟ هوا لو كان يعرف إنهم أخوان أكيد ماكان قال ذاك الكلام الفارغ.. يعني هو صح مغرور وشايف نفسه بس ماهو غبي علشان يفكر بذي الطريقه.. ولا يمكن---

قطع علي أفكارها وسألها بجديه /أنتي ليش ماتسأليه مدام مش مصدقه كلامي ..

طالعته بصمت خلاه يتابع / اسأليه بنفسش واتأكدي علشان لاتظلميه وتاخذيه بذنب هو برئ منه… زوجش رجال يعرف الأصول والعيبه ماتطلع منه.. انتبهي تطلع منش انتي يابنت الجابر …

وباس راسها وراح وتركها تفكر في كلامه بهدوء…



،

،

،

،

،

(صنعاء)

رد بعصبيه/يعني ماكفاك انك خليتني اسافر وافلتها! عادك بتمنعني اكلمها!

رد بشرح/والله اذا كلامك بيشجعها ع الجنان اللي في رأسها فأكيد همنعك و--

قاطعه بصدمه /ومن قلك اني بيشجعها او حتى موافق على كلامها ؟

رد بحده /لان هذا اللي بيحصل دايماً.. في كل موقف وفي كل مشكله انت الوحيد اللي بتوافقها على كل قرارتها واختك المجنونه هذي المره مقرره وجاهزه مش بحاجة دعمك اللي هيخليها تصر اكثر واكثر على جنانها ..

ضحك بسخريه/ ماهرد على اتهامك ورأيك في علاقتي بها لاني حافظه كلمه كلمه ولاني تعبت وانا افهمك وانت مش راضي تفهم ف براحتك فكر فيني مثل ماتحب.. لكن انك تخليها مجنونه علشان تشتي تختار وتقرر حياتها بنفسها هذي جديده يامعاذ جديده !

ضرب سطح المكتب بقوه وبحزم/ هذي هي حياتها اللي اختارتها بنفسها ومحد غضبها عليها.

عبدالرحمن بتصحيح/ صح محد غصبها، لكن هي ماكانت في وعيها وقتها والدليل انها أتراجعت عن قرارها بمجرد ما استوعبت ال---

قاطعه بغضب/ ماكانت في وعيها كيف واستوعبت ايش بالضبط ! اليوم موافقه وغدوه اشتي اطلق؟؟ معاك خبر انت واختك ساع الناس ولا هو لعب جهال وضحك عالدقون !

مسح عبدالرحمن وجهه واخذ نفس عميق وحاول يتكلم بهدوء / انت مش كنت موجود وقتها؟ ماشفت شكلها كيف كان ؟ ماشفتها كيف كانت ببتصرف بغير حس زي ماتكون في صدمه او حالة عدم إستيعاب، اكيد سند قلها شي خلاها توافق غصب عنها - - -

قاطعه معاذ بإستنكار غاضب/ ايش هيكون قلها يعني؟ يمكن هددها بالقتل لو ما وافقت! او يمكن بالخطف! اقلك.. اكيد هو اللي خطفها هاذك المره واعترف لها ذحين بذا الشي، فقالت أوافق اسلم؟ مش ذا الفلم ارتب واضبط من حقك؟؟؟؟؟

رد بثقه / ايش قال وايش سوا مايهم مدام وصل لهدفه واتزوجها، لكن اللي يهمني واللي متأكد منه وانت وعلي كمان متأكدين منه هو انها كانت رافضه الزواج منه او من غيره لكن جلستهم سوا هي اللي غيرت كل شي.. فلاتجي الان وتحملني ذنب شي انا مالي علاقه فيه ..
وإذا كنت وافقت على كلامك وسمعته وسافرت وفلتها عنده فذا لاني واثق في حكمك ومتاكد من إنه في مصلحتها بغض النظر عن قناعتي الشخصية ورايي فيه كزوج لها، لكن لهنا واسف مااقدر اسمع كلامك ولا انفذه.. تقول عني إمعه ومالي رأيي.. تقول عني ضعيف قدامها.. كل ذا مايفرق معي ولايهمني لاني عارف نفسي بعكسك يااخي الكبير …
وتركه وخرج ومعاذ بيطالعه بغضب

،
،
،
،
،


(جده)


قفلت مع خالد اللي كان بيطمن عليها والتفتت لفاطمة اللي سألتها بقلق/هاا ياعمه عرف شي؟

ردت بإبتسامه / استغفر الله.. يابنتي هيعرف من فين بس إذا محد منا قله .. بعدين اهدي شويه اكلتي راسي وماعرفت اكلمه زي الناس..

ردت بضيق / طيب ايش اسوي الهرجه ذي مسويتلي قلق وقلت يمكن احد من جيرانا الملاقيف يقله ولايلمح له بشي ونروح فيها ..

ردت بتنهيده / عارفه يافاطمه لو قلتي ذا كلام قبل شهر كنت خفت وقلقت زيك بس ذحين لا.. عرف او ماعرف ماصارت تفرق .

فاطمه / ليه بس؟

أم خالد بإبتسامه/علشان خالد قبل غير خالد ذحين.. خالد ذحين ربي هداه وركز وعرف أيش المهم في حياته ومين اللي يبغى يكمل معاها.. خالد ذحين جوري ماصارت تهمه ولا تعني له شي فماهتفرق معاه اذا اتزوجت ولا لا ..

هزت رأسها بتفهم قبل ماتسالها بإستغراب /مدام خالد مو مهتم ليه نبهتي علينا مانجيب سيرة زواجها حتى قدام لطيفه وليلى ؟

زفرت بنفاذ صبر/ علشان الاولاد يافالحه ولا نسيتي انهم لسا ماعرفوا .. جوري مو قالت إنها بتكلمهم بنفسها لما يرجعوا.. ولطيفه وليلى يبغوا جنازه ويشبعوا فيها لطم وماهيصدقوا يسمعوا خبر زواجها علشان يشعللوها.

ضربت فاطمه فمها بخفه/ لا وعلى ايه خلي الناس مبسوطه مو ناقصين نفسيات.. كويس انك ذكرتيني علشان لاافلت بكلمه قدام لطيفه وتعرف انها اتزوجت مني وانا اللي اتدبس في الهرجه - -

مين دي اللي اتزوجت وماتبغوني اعرف ؟

التفتتوا بصدمه للطيفه اللي دخلت عليهم بدون مايحسوا وقطعت كلامهم، ردت ام خالد بتصريف/وحده الله يستر عليها، مالك ومال الناس ولا انتي هتحاسبيهم ؟

ردت بعصبيه/ مدام مالي ومالهم حشرتوني ليه في النص إلا إذا في شي يخصني!

والتفتت لفاطمه بأمر/هااا يافاطمه مين المهمه ذي اللي اتزوجت وخايفين مني لا---

قاطعتها فاطمه بإبتسامة / ذي سمر صاحبتك اتزوجت وماكنت بقلك علشان لاتزعلي ولا هنخاف من ايه يعني ..

ردت بعدم إستيعاب /سمر اتزوجت ! متى ! وكيف! ومين اللي انضرب على عينه واخذها؟

كانت فاطمه لسا هترد عليها بس سبقتها لطيفه بشهقتها القويه قبل ماتتابع بصراخ/ وايش قصدك بإني هزعل!
قصدك اني هغير من سمر المعفنه علشان اتزوجت ! ماتتزوج ولا تنحرق انا مالي ومالها.. أنا لو ابغى اتزوج كنت اتزوجت من زمان بأشاره مني..

حركت فاطمه إيديها قدامها وهي بتحاول تمسك ضحكتها /طيب اهدي اهدي هتصحي جوري وذي لو قامت منكده هتنكد عليا الليل بطوله..

صرخت بقهر/ كمان هتقلي جوري أنتي قاصده تعصبيني صح!

صرخت فيها ام خالد بأمر/بس يامجنونه انطمي فضحتينا بصوتك اللي جايب لآخر الشارع .. ايش قلة الحيا ذي ! اخ

ردت بغضب/وانتي موسامعه حرمة ولدك السوسه وهيا بتغلط عليا ولا بس بتسمعيني انا ..

طالعتها فاطمه بعدم إستيعاب / انا متى غلطت عليكي ولاجيت جنبك ولا هوا رمي بلى وخلاص !

ردت بغضب/ وقصدك إني هزعل لو عرفت بزواج المعفنه كان ايه هاااا! قصدك اني بغير منها وهحسدها على زواجها ! قصد----


قاطعتها ام خالد بنفاذ صبر/ أنتي هتحاسبينا عالنيه كمان.. سيبي حرمة اخوكي في حالها وبطلي هبل وروحي شوفي كنتي رايحه فين وفكينا من شرك ...


لبست عبايتها وهي تصرخ بإهتياج/ ايوه انا دايماً الغلطانه والشريره وحريم عيالك ملايكه بجناحين…. واخرتها بتطريني من بيت ابويا عشانهم…. ماشي انا هخرج واريحكم مني بس والله ماهعديها - - - -

وخرجت ورزعت الباب وراها وصوتها واصلهم وهي بتهدد وتتوعد..

جلست ام خالد وهي بتحوقل وتستغفر وفاطمه جريت تجيب جوري اللي صحت من النوم مفزوعه وبتبكي، كدت ام خالد يدها لفاطمه/بسم الله عليكي حبيبيتي تعالي ياماما تعالي الله يسامح عمتك بس..

اخذت جوري اللي بتشهق من البكاء وقرأت عليها آية الكرسي والمعوذات والفاتحه لين هدأت ورجعتها لفاطمه ترضعها..

سالتها بإستغراب/إلا مين سمر ذي اللي كذبتي على لطيفه وقلتي لها انها اتزوجت ؟

ردت بإبتسامه / سمر *** صاحبة لطيفه… التخينه الحلوه اللي سلمت عليكي في الزواج قبل يومين افتكرتيها !

هزت رأسها بموافقه خلت فاطمه تتابع/ اليوم اتصلت وعزمتنا على زواجها آخر الأسبوع يعني لاكذبت ولاشي..

أم خالد بهدوء /ماشاء الله ربي يتمم لها على خير.. طيب لطيفه ليه زعلت وقلبت الدنيا لما عرفت؟

فاطمه بتنهيده /ذي ياستي اتطلقت من حوالي سنتين ولطيفه الله يهديها لااحكيك ماعتقت البنت من لسانها اللي انتي عارفته، واستلمها بمناسبه ومن غير مناسبه وعلى ليه ماتزوجتي لذحين؟ روحي اشفطي روحي انفخي؟ المهم فضحت البنت وكرهتها في حياتها لدرجة إنها قبل ماتجي تبارك لي في نفاسي اتصلت وسألت اذا لطيفه بتكون موجوده ولا لا علشان لاتقابلها..

هزت رأسها بعدم رضا/لاحول ولاقوة الا بالله العلي العظيم، الله يهديكي يالطيفه الله يهديكي..

،
،
،




Topaz. غير متواجد حالياً  
التوقيع

‏نسأله ألَّا تتُوه الأفئدةُ بعد هُداها ، وألا نضلَّ الطريقَ بعدَ عَناء المشَقَّةِ .


قديم 04-04-20, 09:21 AM   #1842

Topaz.

مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية

 
الصورة الرمزية Topaz.

? العضوٌ??? » 379889
?  التسِجيلٌ » Jul 2016
? مشَارَ?اتْي » 7,035
?  مُ?إني » العِرَاقْ
? الًجنِس »
? دولتي » دولتي Iraq
?  نُقآطِيْ » Topaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond repute
¬» مشروبك   water
¬» قناتك nicklodeon
?? ??? ~
اللهّم خِفَافًا لا لنا ولا علينا ، لا نُؤذِي ولا نُؤذَى ، لا نَجرَحُ ولا نُجرَح ، لا نَهينُ ولا نُهان ، اللهم عبورًا خفيفًا ؛ لا نشقى بأحدٍ ولا يشقى بنا أحد .
افتراضي



(الرياض)


وش اللي صار في بيت عبدالرحمن اليوم يبه!

إلتفتت له بحده/بدر قلك؟

رد بهدوء/مو مهم من اللي قالي المهم هو وش كان يسوي هناك ووش يبي .

رد بعصبيه/ الكلب يبي يردها.

سند بعدم إستيعاب/هي قالت لك هالحكي..شلون يردها وهي ماتحل له! أنت موبقايل إنه مطلقها بالثلاث!

ضرب الطاوله بقوه/عيت تقول وتفهمني شيبي منها وقالت مجنون وماعليك منه لكن حكيه كان واضح يبي يردها وقالها عيان بيان بلا خوف ولامستحى..

سكت للحظات وإتلفت حوله يدور عبدالرحمن وتابع بقهر/قالها إن موبطالع من حياتك لحالي وبيظلون معي لين أسمع الرد اللي أبيه..عديم المرجله والمرؤه خذا عيالها وبيساومها بهم ويبيها ترد له غصب.

طالعه بصمت للحظات قبل مايسأله / وهي تبي ترد له و--

قاطعه بغضب/ جوري ماتبيه ومستحيل ترد له لو على موتها وأنت ماتدري علي وش سوا فيه لأجل يطلقها ويفكها منه.
شرب قهوته وبهدوء/أتركنا من علي وبطولاته الحين وخلنا في المهم ..هالمره الله ستر وكنت موجود ووقفته عند حده لكن وش يضمن لك إنه مايرد يتهجم عليها مره ثانيه في غياب عبدالرحمن!

وقف ورد بغضب/الله لايخليني إن خليته يعيدها هالكلب و--
قاطعه وهو يجلسه مكانه وبهدوء/يبه واللي يعافيك هدي شوي ترى مايستاهل تعصب لأجله.

رد بعصبيه/لاتعيد لي نفس حكيها وشف لي حل ياسند.. جوري ماتبي أخوانها يدرون ويبتلون فيه وهو موبراضي يتنومس ويكف بلاه عنها.

أخذ نفس وبتفكير/إنزين وش رأيك يسافرون الرياض هاليومين لين نفكر لنا في حل.

رد بفرح/والله انك جبتها.. اي باخذها معي وبعدها نشف له دبره…



كانت مصدومه باللي بتسمعه من ابوها مساعد وهو بيحكيها عن موقف سند يوم مااتهجم عليها خالد في البيت!

هزت رأسها بعدم تصديق وهي بتتمني الأرض تنشق وتبلعها ….

ليه ياربي بس !

موكفايه انه كان موجود وقت الحادث وشهد على ذلها وهوانها على يد خالد، وذحين كمان شهد على خسته ونذالته معاها وكإنه مكتوب عليها إن يكون حاضر في اكثر المواقف المخزيه في حياتها !!

ياترى ايش قاعد يقول عليها ذحين !

وأيش الفكره اللي آخذها عنها و----

انتي زينه ؟

سؤال ابوها قطع عليها أفكارها وخلاها تطالعه بعد إستيعاب للحظات…

طالعها بقلق وهو بينتبه لوجهها الشاحب والمصدوم من كلامه.. بس كان مضطر يحكي لها عن سند ويحاول يلمح لها إنه اتزوجها لإنه هاويها موبلإنه مجبر أو لإنه يبي ينتقم منها أويلعب عليها أو أي شي من الكلام الفاضي اللي في بالها..

ضم كفها بين إيديه واخذ نفس عميق وسألها / تدرين ليه حكيت لك عن اللي صار يومها ؟

هزت رأسها بنفي وهو تابع / لإن أبيكي تعرفين من هو سند.. سند الرجال النشمي والكفو اللي يخاف الله موب سند اللي أتعرض لك في المزرعه وغلط عليكي… موب سند اللي أثرعليه حادث مرته وبنته وحوله لواحد بارد مايعرف غير يأمر وينهي ..
أبيكي تعرفين سند اللي أنتي رديتيه لنفسه.. لسند القديم الطيب والحنون والمتفهم …


طالعته بعدم إستيعاب /أنااا !

إبتسم بحب/إيه أنتي… كلامك معه يوم ماتعرض لك كان مثل الكف اللي صحاه من غفلته وخلاه يسأل نفسه أنا منو ووش قاعد اسوي… كلامك رد له عقله وخلاه يفكر في حياته واولاده اللي قاعدين يضيعون منه بدون مايحس…

حست بإرتباك وخجل من كلامه المبالغ فيه ومالقت رد مناسب تقوله..

أبوسند بحب / تدرين يوم جاء وقال إنه يبي يخطبك قلبي بغى يوقف.. وبعدها حسيت نفسي اسعد واحد في هالدنيا.. قلت خلص يامساعد بنت قلبك رح تصير بنتك عن جد.. بتم معك وبتظل قبال عينك.. بتنتبه لها وتصير مسؤل عنها مثل ماكنت تتمنى…

سكتت للحظات قبل مايتابع بإعتذار / لكن فرحتي فيك نستني كل مرارتك ورفضك للزواج وطاريه..
فرحتي نستنى كل معاناتك ووجعك من زواج انجبرتي تستمري فيه لسنين.. فرحتي نستني كل فرحك واحلامك اللي بنيتبها بعد طلاقك..

بلع ريقه واتنهد بألم / فرحتي خلتني أناني مثل زوجك السابق.. هو حاول يضغط عليكي ويجبرك تردي له عن طريق عيالك، وانا ضغطت عليكي وجبرتك على زواجك من سند عن طريق حبك لي.. يعني انا ماأفرق عنه في شي طلعت مثله نذ---

حطت كفها على فمه ومنعته يكمل كلمته، هزت رأسها برفض/لااا يبه انتا مو زيه.. حتى لو سويت اللي قلت عليه برضك مو زيه… انا كنت بالنسبة ليه مجرد غرض قديم محتفظ بيه.. غرض مومهم ومابيعني له شي بس لازم يظل ملكه..

سكتت وشالت كفها عن فمه ومسكت كفوفه بين كفوفها بقوه وطالعته بحب وهي بتغالب دموعها علشان لاتنزل قدامه/بس أنتا غير… أنتا ربي زرع محبتي في قلبك وحبيتني بدون قيد أوشرط… حبيتني من قبل لاتعاشرني وتعرف خيري من شري… حبيتني بغض النظرعن إننا غرب ومابيربطنا ببعض رباط دم ولانسب.. فكيف بعد كل كذا بتشبه نفسك بيه أو حتى تحط نفسك معاه في نفس الجملة !

سحبها لصدره وضمها بقوه واستسلموا لدموعهم اللي اتمردت عليهم وهم بلاحول ولاقوة..

وبعد فتره بعدت جوري عنه وهي بتحاول تتمالك نفسها، اخذت كمشة مناديل ومسحت دموعها وخشمها وهي بتبرر بكاها بعذر واهي / الغبار دخل عيوني وحرقني.. شكل الغرفه من زمان محد دخلها ولانظفها والتراب اتراكم..

مسح عيونه وهو يبتسم على تصريفتها الواضحه وأخذ نفس عميق وبجديه/ شوفي ياجوري أنا مابي أظلمك ولا أجبرك على شي لكن بقلك شي وبعدها أنتي قرري وش تبين وانا بعون الله بكون معك موبعليكي..


هزت رأسها بموافقه خلته يتابع / الرجال اللي يغار على اعراض الناس رجال كفو وينشد الظهر فيه.. رجال الواحد يأمن نفسه معه وهو مغمض عيونه.. وسند رجال صاحب غاريه وناموس فلاتظني إنه اتزوجك لأجل يأذيكي او لغرض في نفسه مثل منتي متخيله و---

قاطعته بتوتر/يبه الله يهديك ايش الكلام ذا مين اللي قال---

قاطعها بحزم / لا تظني إني موبعارف وش تفكرين فيه.. وانا عاذرك اللي صار لك منه واللي سواه فيك موبقليل.. وهو سبق واعترف بغلطه وبعد ندم وتاب عنه.. وخير الخطائين التوابين ..
وانا لإني عاذرك تركتك هالأيام اللي طافت عند أبوي براحتك وماحبيت أضغط عليكي وأجبرك على شوفته وقلت متى ماهديتي بتفكري زين وتحلي امورك معه..
والحين كل اللي أبيه منك هي فرصه … فرصه لأجل تعرفين منو سند الحقيقي اللي أنتي تجهليه.. فرصه يمكن تكون فاتحة خير لكم أنتوا الأثنين… وبعدها إذا شفتي نفسك باقيه على رأيك الأولي أنا تحت أمرك ووش مابغيتي بيكون ولوغصب عالكل وأولهم سند…


فركت جبينها بتوتر وإرتباك من كلام أبوها اللي مااعطاها مجال الرفض ..

اللي قاله كان منطقي وسليم حتى وإن ماجاء على هواها لكن للأمانه ولوكان غيرها في ذا الموقف كان نصحته بنفس الكلام..

طالعته بصمت وهي تفكر ايش ترد عليه بدون ماتكسر نفسه أو تزعله منها وفي نفس الوقت ماتظلم نفسها، اخذت قرارها وصارحته بهدوء/ يبه أنتا مو محتاج تزكيه اوتشهد له بشي.. أنا متأكده إنه رجال على خلق ودين ويكفيني إنه ابنك.. بس انتا عارف إني مو رافضته هو شخصيا لكن رافضه الزواج ككل.. يعني المشكلة فيا انا..

سكتت للحظات واخذت نفس عميق واتوكلت/لكن أبشر ماطلبت شي إن شاء الله بجلس معاه في أقرب فرصه وهنحل كل شي بينا والله يكتب لنا اللي فيه الخير.. أنتا ارتاح ولاتشيل هم ..

ماكان متوقع إنها توافق بذي السرعه ورد بعدم تصديق/تقولينها صادقه !!

إغتصبت إبتسامه وهزت رأسها بموافقه صامته خلته يبوس رأسها بفرح/ والله مارح تندمين وبتقولين أبوي قال.. خل الحين انزل لجدك وعقب لاراحوا اخواني بنحكي على مهل إنزين !

ردت بموافقه/إن شاء الله يبه …

إتنهدت بتعب وتبعته بنظراتها وهو خارج وعلى وجهه إبتسامة عريضه وبيدعي لها بفرحه غامره ..


،
،
،
،
،
،


وقف برا المجلس وهو يرتب شماغه وياقة ثوبه وعدل ساعته وكبكه وقلمه بحرص وبدأ يتنفس بعمق علشان يهدي ضربات قلبه اللي بدأت تتسارع من فرط الأثارة والترقب و----

عريس عريس ماشاء الله …

التفت لعلي اللي لف ذراعه على كتفه وهو بيتابع بإستفزاز/ الظاهرالليله الشوفه الشرعيه يالنسيب !

طالعه سند بعدم إستيعاب لحركته الغريبة قبل مايبعد ذراعه عن كتفه وببرود/ ماأظن إن معرفتنا بتسمح بذا النوع من الموده ..

ابتعد علي عنه وهو بيرد بأسف مصطنع/ الله يسامحك.. وأنا اللي قلت ادعمك وادخل معاك علشان احنن قلب أختي عليك !

جزعلى أسنانه بقوه / وفر خدماتك للي يحتاجها، انا أعرف شلون احل اموري مع زوجتي ..

هز علي رأسه بعدم رضا/الظاهر إن وقف الحال اللي انت فيه عاجبك! وناوي تحل امورك بالطريقة الصعبة..

وتركه ودخل وسند لحقه وهو بيستعد نفسيا لإستفزاز وسخرية علي اللي هترافقه طول جلستهم سوا ..

بمجرد مافتح الباب سمع أصوات أعمامه واولادهم اللي كان ناسي إنهم بيجتمعوا عند جده كل ليله وفي ذا الوقت، واللي كانوا بيرحبوا بعلي ويسلمواعليه ..

فكر بضيق "يعني ماهيب موجوده ، وكل هالتشخيص راح عالفاضي !"

وسرعان ماإبتسم بسخريه على حالته قبل ساعه وهو يشذب لحيته اللي عذبته وملابسه وإكسسوارته اللي اختارهم بعناية وإهتمام وفي الأخير طفلته لاشافته ولادرت عنه !!


إتنهد ودخل وهو بيسلم بس مالحق يقول السلام عليكم إلا والكل حوله بيسألوه عن اللي صار له !

اتذكر منظر وجهه اللي كان ناسيه واللي خلاه يتغيب عن المجموعة ويعتكف في المزرعه وهو بيتحاشى الجميع علشان يتجنب صدمتهم واسئلتهم اللي انهالت عليه من كل صوب، سلامات.. ماتشوف شر.. خير.. شصاير؟

بصراحه كان عاذرهم ومقدر صدمتهم !

منظر وجهه بزواية شفته المشقوقه وعينه اليمين اللي زين أسفلها كدمة منتفخه بنفسجيه تنشاف من على بعد ميل !

منظر مايسر لاعدو ولا حبيب !

وجهه كان مشوه ومتورم بشكل سيئ مايملك الواحد معاه إلا إنه يتسآل وش صار فيه !

وفي الاخير طمنهم وقلهم إنه حادث بسيط بالسيارة وإن مافي أي شي يقلق ويخوف …

وبعد السلامات المولد إنفض والكل رجع لمكانه، وهو سلم أمره لله وشغل نفسه في الكلام مع وضاح على وجه الخصوص والبقيه بشكل عام بينما إتجاهل جده وابوه وما فتح معهم أي حوار بشكل خاص وإكتفى بالرد عليهم إذا وجهوا له الكلام واتجاهل نظرات جده اللي سلطها عليه بين فتره والثانيه موعقوق اوجحود فيهم، لكن كان مازال مصدوم منهم ومو بقادر يصدق إنه للغدر والخيانه من أقرب الناس ليه !!


انقطع تفكيره لما سأله علي بهمس/ قارورة العطر اللي اتغسلت بها كملت ولاعاد فيها رشه ؟

إلتفت له بغضب مكتوم/ والمطلوب ؟

همس علي بسخرية/ انا بقول كن خف يدك العطر شكله غالي وخسارة تكمله في ليله ، وفوق هذا زكمتنا.. خف يدك..

إبتسم ورد بسخرية مماثله / دام كذا موبخسارة فيك مصنع عطور…

فهم علي قصده الشامت ورد بإستفزاز / أكيد لأجل الورد يتسقي العليق !! هذا العشم فيك يالنسيب..

كور قبضته بقوه وأخذ نفس عميق وهو بيحاول يهدأ ويتجاهل إستفزاز علي وسخريته المستمرة علشان لايلفت إنتباه البقيه لهم ..

يدري إن سهرتهم مطوله وهيحتاج كل البرود اللي بيملكه علشان يعدي الليله على خير …



،

،

،

،

،

،





خلصت تقرأ وردها وضمت مصحفها لصدرها وبهمس /سبحانك اللهم وبحمدك أشهد إن لا إله إلا أنت أستغفرك وأتوب إليك.. ربنا تقبل منا إنك أنت السميع العليم وتب علينا إنك أنت التواب الرحيم ..

أخذت شهيق طويل وحبسته داخلها لفتره قبل ماتزفره ببطئ وهي بتفكر في كلام ابوها مساعد…

رغم إنها وعدته تقابله إلا إنها في داخلها متخوفه من نتيجة المقابله ذي !

لاااا …

هي دايماً كانت متخوفه من مقابلته.. وحتى وقت ماخطبها كانت برضه خايفه رغم إنها فكرت تشوفه وترفضه لكن ذا كله كان مجرد تفكير في بالها مااتجرأت تنفذه إلا بعد كلامها مع علي اللي شجعها وقدم لها الدعم اللي كانت بحاجته وقتها..

لكن وقت الجد ولما وعيت لنفسها ولقت إنها اتورطت وصارت فعلاً زوجته تركت كل شيء وهربت ببساطه ..

بس بعد ماشافته أمس لا وكمان صرخت فيه بهستيريا ماعاد في أي معنى لقرارها بعدم مقابلته وذا اللي حرصت عليه من يوم ماجات ..

كانت ببتنزل الفجر تتقهوى مع جدها وجدتها وأبوها وبعدها تنسحب بسرعه قبل وصوله ..

عقدت حواجبها وزمت شفايفها بقوه وإعترفت لنفسها إنها فعلاً كانت بتهرب من مواجهته ..

بس خلاص ماعاد في هروب ..

ولاتأجيل ..

تقابله وتسمع اللي عنده بالمقابل وبكذا تكون سوت اللي عليها وزياده ..

تقابله زي ما وعدت ابوها وبالمره تساله على كذا شغله أثارت فضولها وتبغى تعرفها منه ….

وأساساً علي ما يسمح لها بمتابعة إعتصامها اللي أكيد عرف عنه من جدها والأفضل تستفيد من وجوده وتنهي كل شيئ علشان ترجع معاه وإذا كان ذا بيعني تواجدها مع أبوبدر فذا اللي هتسويه ..

لازم تخلص نفسها من ذا الزواج ..

لازم تفك الطوق اللي إلتف حول رقبتها من جديد وقرب يخنقها …

حسمت أمرها وقامت سوت روتينها اليومي في العنايه بشعرها وجمعته في كعكة ضخمه في مؤخرة رقبتها ودهنت وجهها بكريم مرطب وقبل وقبل ماتكحل عيونها جمدت يدها في الهواء لما أتذكرت وجود أبوبدر !

تدري إنه زوجها لكن إذا كان لابد من المواجهه فالأفضل إنها تكون محتشمه وعلى طبيعتها وبدون رتوش !

مارح تتجمل لزوج ماجمعها بيه غير ورقه إن شاء الله هتنفسخ ويبطل صلاحيتها في أقرب وقت وذا اللي نازله علشانه …

أخذت قرارها وإتخلت عن كحلها وإكتفت بمرطب شفايف شفاف المعتاد وبعطرها اللي إتنفسته بعمق، ولبست شرشف صلاتها وأخذت جوالها وكم حبة تمر من الطاوله واكلتهم في طريقها للمطبخ ..


صبحت على ام سالم اللي كانت كعادتها في المطبخ بتجهز القهوه والفطور وجهزت قهوتها بتوتر وهي بتدعي إنها ماتلقاه في وجهها أول ماتدخل ..
كانت محتاجه وقت علشان تأقلم نفسها على فكرة وجودها معاه مو كرهاً فيه أوخوف منه لكن إحترام وتقدير لشخصه !

في النهايه ذا يكون فارسها !

حتى وإن كانت رافضه إرتباطهم أوحتى عاملته بنوع من البرود أو إتخذت منه موقف بسبب وقاحته مع أخوها إلا إن الإحترام والتقدير اللي بتحملها ليه مارح يتبخر بين يوم وليله ..

وحتى بعد طلاقهم هيضل محتل جزء من قلبها وحياتها وذكرياتها ..

هيظل فارسها بلا منازع ..


أخذت نفس عميق ودخلت المجلس وهي بتسلم وتصبح عليهم بهدوء سرعان ماتلاشى لما عرفت إنه موموجود ..

إبتسمت براحه وباست روس الموجودين وجلست جنب
أبوها وبدأت في مناكفة جدتها وإشعال غيرتها على جدها كالعاده وكإنه موصاير شيئ فيكفيها إنها تشوف وجوههم اللي بتفيض بحب يخصها علشان ترجع لها روحها المرحه وتعيش لحظتها وتنسى كل الضغط اللي مقبله عليه ..

السلام عليكم ورحمة الله وبركاته

ردوا السلام على علي اللي دخل وصبح عليهم ووقفت باست كفه وناولته قهوته /صباحو قشطه بالعسل

بأس رأسها واخذ منها القهوه ورد بإبتسامه /صباح الروقان ياأميرتي ..

جلس جنبها ومال عليها بهمس/ مستعده للقادم ؟

عقدت حواجبها بعدم فهم / أي قادم ؟

إبتسم وأشر لها برأسه ناحية الباب وقبل ماتلتفت سمعت صوت أبوبدر وهو بيسلم ويصبح عليهم ..

لمحته بطرف عيونها بيجلس جنب جدتها ويبوس كفها /شلونك يالغالية ؟

ردت بحب/بخيرعساك بخير يانظرعيني ..

لمست وجهه بقلق/أوش قالوا لك بالمشفى؟ جابوا لك مراهم ودوا ؟ توجعك حيل يمه !

ربت على كفها بحنان/يمه لاتحاتين مافيني إلا العافيه وصرفوا لي علاج وإن شاء الله كلها يومين وتروح ..

ردت بعتاب/انت وش جاك وماشفت الصبه يمه.. تعبنا وحنا قولكم لاتسرعون يمه سوقوا على مهل وأنتوا مابذنكم ماي.. زين الحين يوم بغيت تروح لولا ستر الرحمن و---

قاطعها الجد بهدوء /يابنت الحلال اللي صار صار والحمدلله على سلامته المهم إنه بخير ومافيه الا العافيه..

ردت بموافقه/ على قولك الحمدلله على كل حال..

والتفتت لجوري بحد /وانتي ياالجوري موبشايفه زوجك ؟ ورا ماتسلمين عليه وتقهوينه ؟

ردت بعدم إستيعاب / هااااا !

ردت بسخريه /من قال ها سمع، قومي يامال العافيه تحركي لايظن إنا زوجناه خبله ..

أبوسند بحب/ هو يصح له مثل الجوري يمه ! هذي وينة البنات ..
الجد بتأكيد/ أي بالله والحمدلله اللي صارت من حظه ونصيبه ..
أخذت نفس عميق ووقفت بهدوء وهي بتحاول تتجاهل اللي صار من لحظات، صبت فنجان قهوه وناولته لأبوبدر وهي بتدعي إنه ماينكب عليه من كثر توترها وبخفوت/ اتفضل …

التفت لها واتأمل نظراتها المصدومه من جدتها وخجلها من جده وأبوه اللي دافعوا عنها..
ولما مشت ناحيته..
شاف فراشه بتطير مو إنسانه بتمشي !
وصوتها الواطي اللي داعب حواسه لما مدت له فنجان القهوه كان بالنسبة له شدو بلابل !

انتبه لرعشة يدها الخفيفه وأخذ منها الفنجان بحرص زايد علشان لايلمسها بدون قصد ويزيد توترها وإرتباكها ورفع نظراته لوجهها المشتعل من كثر إحمراره، ورد بهدوء /تسلمين ..

انسحبت بخفه مثل ماجات وتابعها بنظراته لين جلست جنب علي اللي لف ذراعه على كتفها وهمس لها بشي خلاها تهز رأسها بموافقه وهي بتقبض على شرشف صلاتها بكل قوتها ..

إستغرق في تأملها وعلى وجهه إبتسامة راحه ..


اسبوع بالتمام والكمال مرت عليه من يوم ما شافها فعلياً لأول مره ..

اسبوع مر وهو لازال بيحاول يستوعب حقيقة وجودها في بيته .. وبيحاول يصبر ويطول باله وبتفهم عنادها وتصرفاتها الرافضه للوضع اللي فرض عليها قسراً من قبل أخوها معاذ !

إتجاهل رفضها العلني لزواجهم واللي إستخدمت فيه كل الوسائل المتاحه لها ..

رفضت واقع إنه صار زوجها ..

أستقرت في بيت جده ..

وإتجاهلت وجوده بالمعنى الحرفي للكلمة..

وهو طوال الأيام اللي مرت على وجودها في بيتهم اتحمل كل ذا منها ومافكر يشوفها أو حتى يضغط عليها أحتراماً لرغبتها ..

كل ذا وهو بيصبر نفسه وعايش على ذكرى ضمها لصدره ونومها في أحضانه ذاك اليوم اللي إنحفرت كل تفاصيله في ذاكرته…

لكن كل شوقه ولهفته وحنينه لها واللي حاول يتحكم فيهم بكل قوته طول الأيام اللي فاتت إنفجروا مره وحده وعاثوا فساد في داخله مع أول لمحه لوجهها أول مادخل ..

ومع ذلك إتمسك بهدوئه بكل قوته وحاول يتعامل مع الكل بشكل طبيعي وكل شي كان ماشي بسلاسه لين اتكلمت جدته وخلتها تجيه بنفسها !

لكن الحين وهو شايفها قدامه وبذا القرب ، مو بقادر يتحمل جفاها وبعدها أكثر، وداخله إحساس بيلح عليه بإصرار إنه يسوي مثل ماسوت فيه امس ويمسكها من إيديها ويطلع معاها ويأخذها بعيد عن كل العيون اللي بتراقبهم بإهتمام وفضول !!



إنتهى البارت



‏نستودعك اللهم أمور يومنا هذا فأرنا فيه ما يسرنا وابعد عنا ما يضرنا واكتب لنا اللهم كل خير وابعد عنا كل شر ويسر لنا دربنا وأمرنا يا كريم… واللهم احفظ بلادنا و بلاد المسلمين…

اسعد الله صباحكم بكل خير


Topaz. غير متواجد حالياً  
التوقيع

‏نسأله ألَّا تتُوه الأفئدةُ بعد هُداها ، وألا نضلَّ الطريقَ بعدَ عَناء المشَقَّةِ .


قديم 05-04-20, 08:54 PM   #1843

كل الاحلام

? العضوٌ??? » 448665
?  التسِجيلٌ » Jul 2019
? مشَارَ?اتْي » 232
?  نُقآطِيْ » كل الاحلام is on a distinguished road
افتراضي

شـكــ وبارك الله فيك ـــرا لك ... لك مني أجمل تحية . ولك منى ومن كل قارئة كل الحب

كل الاحلام غير متواجد حالياً  
قديم 06-04-20, 11:41 PM   #1844

شهاب من قبس الحياة

? العضوٌ??? » 462820
?  التسِجيلٌ » Mar 2020
? مشَارَ?اتْي » 136
?  نُقآطِيْ » شهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond reputeشهاب من قبس الحياة has a reputation beyond repute
افتراضي

السلام عليكم عاد القلم المبدع وعادت صاحبة الكلمات الاروع نبدا التحليل
علي نجم البارت الفكاهي اللي لازم يتخد خطوات اكثر جدية من اجل سعادة الجوري الخبلة
سند لو اراد الفوز بقلب جوري يجب عليه الابتعاد بها عن العائلة كاملة عن كل اللي بيؤثروا في حياة الجوري وقراراتها ياخدها في شاليه على البحر ويبدا الشغل المزبوط اما الجوري فتبيلها صدمة عاطفية من سند علشان تفيق من الجنون اللي هي فيه
وفي اقتراح معقولة بعد غياب 3 سنوات مايكون فيه بارتين او ثلاثة هدية اعتذار عن التاخير لمتابعينك الاوفياء اللي موافقة تايدني في تعليق وشكرا مرة ثانية لعودة الكاتبة


شهاب من قبس الحياة غير متواجد حالياً  
قديم 07-04-20, 12:36 AM   #1845

زهرورة
عضو ذهبي

? العضوٌ??? » 292265
?  التسِجيلٌ » Mar 2013
? مشَارَ?اتْي » 2,283
? الًجنِس »
? دولتي » دولتي Egypt
?  نُقآطِيْ » زهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond reputeزهرورة has a reputation beyond repute
¬» مشروبك   ice-lemon
¬» قناتك mbc
?? ??? ~
My Mms ~
افتراضي

الف حمدلله على سلامتك💞💞..البارت لزيز مسكين سند محتاج كل طاقته عشان يقنع ام دماغ ناشفة الي اتعقدت من الرجالة كلهم بسبب المعفن خالد ..هي ماجربت الحب وشكلها وقعت بس خايفة ومرعوبة انه يذلها زي ماعمل خالد الي كان بينتقد كل شي فيها ومو عاجباه وده خلا ثقتها بنفسها صفر وحاسة ان سند مش حتكون كافيه ليه زي مازرع خالد جواها ..خالد ياترى ايه ردة فعله حتكون على جوازها مااعتقد انه حيسكت بالرغم انه مابيحبها بس ماحيحب لها الخير ..متشوقين للبارتات الجاية ياريت زي ماقالت الاخت تعوضينا بفصلين حلوين زيك احنا مشتاقين موووت ..ربنا يوفقك ويسعدك ..وربنا يرفع البلاء عن الكل ودمتي بخير 😍😍

زهرورة غير متواجد حالياً  
قديم 07-04-20, 01:13 PM   #1846

زهرة الصفا

? العضوٌ??? » 442223
?  التسِجيلٌ » Mar 2019
? مشَارَ?اتْي » 54
?  نُقآطِيْ » زهرة الصفا is on a distinguished road
افتراضي زهرة الصفا

السلام عليكم ورحمة وبركاته
روووواية ررووووعة والحمد لله على سلامتك خياله
لك مني أجمل تحية 😍😍❤


زهرة الصفا غير متواجد حالياً  
قديم 08-04-20, 06:23 PM   #1847

modyblue

نجم روايتي

alkap ~
 
الصورة الرمزية modyblue

? العضوٌ??? » 321414
?  التسِجيلٌ » Jun 2014
? مشَارَ?اتْي » 19,073
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

يالله عوداحمد حمدلله علي سلامتك خياله اشنقنا لك كتييير ربنا يحفظك وجارى العود للمتابعه
شكرا من القلب
وكل عام وانتم بخير


modyblue غير متواجد حالياً  
التوقيع
[imgr]https://scontent.cdninstagram.com/t51.2885-15/e35/13381174_1031484333594500_1155395635_n.jpg?ig_cach e_key=MTI3NDU2NTI5NjAzNjMwNzM2OQ%3D%3D.2[/imgr]

قديم 09-04-20, 09:14 AM   #1848

wraith

? العضوٌ??? » 372934
?  التسِجيلٌ » May 2016
? مشَارَ?اتْي » 1,359
?  نُقآطِيْ » wraith is on a distinguished road

Choukraaaaaaaaaan

wraith غير متواجد حالياً  
قديم 09-04-20, 12:21 PM   #1849

وراقة

? العضوٌ??? » 461728
?  التسِجيلٌ » Jan 2020
? مشَارَ?اتْي » 136
?  نُقآطِيْ » وراقة is on a distinguished road
افتراضي

كل التقدير للعزيزة خيالة
أتمنى تكونين ومن تحبين بكل خير
المتعة اللي نحس فيها واحنا نقرأ سردك وحبكته المتمكنة تصبرنا على الانتظار ، يعطيك العافية

اشتقنا وإن شاء الله الله يقويك ويكون ملتقانا قريب


وراقة غير متواجد حالياً  
قديم 10-04-20, 09:06 PM   #1850

أمومه الحلو
 
الصورة الرمزية أمومه الحلو

? العضوٌ??? » 392006
?  التسِجيلٌ » Jan 2017
? مشَارَ?اتْي » 528
?  نُقآطِيْ » أمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond reputeأمومه الحلو has a reputation beyond repute
افتراضي

قدنا متشوووووقه خيرااااات للبارت الجاي
حاسه كله قنابل
بحر جو

شكلك محضره لنا طبخه دسمه خياله

يالله سهل ولادته على خير 😼😌😂

يالله خلال هذا الإسبوع ياقادر ياكريم


أمومه الحلو غير متواجد حالياً  
التوقيع
,,(^_^* Just smile
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:08 PM



Powered by vBulletin®
Copyright ©2000 - 2024, vBulletin Solutions, Inc.