آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-10-15, 08:48 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  في الجهه المقابله .. طلعوا البنات نبيلة وفتون ووجدان . فتون: وين جوري ؟ وجدان تطالع السياره الي قريب منهم تهتز وصوت دق على الزجاج : خن نروح نشوفها تلاقينها كسرت السياره مشوا البنات للسياره .. داخل السياره .. جوري تصارخ وتسب وتشتم وتنطنط تبي الباب ينفك : فكك يا حيوووان اقووولك ! وائل لمحهم فتح الباب طلعت جوري بسرعه وهي تنافخ.. فتون وخرت بسرعه لا يصفق فيها .. جوري رايحه للقصر: وولد الكلب ! وجدان طالعت جوري: خير وين تبين وش فيك ؟ فتون خافت يكون اخو جوري نفسن زي اخر مره ,عيونها على السياره: وش نسوي نروح؟ وجدان تتفحص السياره بعيونها: مدري ليش احس ريحة وائل بالسالفه ! نبيله فتحت الباب : مييين ؟ وائل نزل : انسحبت ههههههههههه وجدان ابتسمت : والله اني حاسه ! وائل يعدل شماغه : هلا بنات شخباركم ان شاء الله تمام ؟ وجدان وفتون : تمام حمدلله نبيلة توترت : خن نمشي تاخرنا ! فتون تطالع وائل بتفحص عمرها ما شكت انه بينه وبين جوري شي : يلا من جد تاخرنا ! وجدان : صبر بكلم جوري عصبت وراحت ! وائل : عيل استعيلوا خن نلحق على العزيمه تاخرنا ! فتون بنظرات شك: وانت وش تبي ؟ وائل طالعها : معزوم مثلكم وكلمت عمي ابو عبدالعزيز اني اخذكم وهو حاضر الحين يلا مشينا ! وجدان : طيب بنادي جوري ثواني بس ! وائل حاط يده على الباب: عيل الباقيات لو حابين اركبوا واذا لا انتظروا الجور والوجدان ! فتون بشجاعه مسكت يد نبيلة : لا بنركب وائل دخل السياره : تفضلوا نبيلة بهمس: خيرر انت وش ذا البجاحه ندخل معه لحالنا ! فتون تطالع نبيلة بشجاعه : والله لادخل وانت معي في شي براسي وبطيحه ! نبيلة خافت : اقول اهجدي بس خير ؟ فتون طالعت نبيلة : وش فيك كذا مني على بعضك مو هم خبوا علينا والله لاكسر عينه ! فتون فتحت الباب ودخلت : يلا ادخلي ! نبيلة دخلت وهي تدعي ان الموضوع يعدي على خير فتون انسانه خجولة بس اذا تبي شي تتشجع .. وائل يدور في اليوتيوب : سكري الباب بعدك ! نبيلة : لا كذا مرتاحين ! وائل رفع راسه: سكري المكيف شغال ! فتون : قفلي بس قفلي اخلصي الشيطان ما يجي للثلاثه ! وائل ابتسم فهم قصدها نزل عيونه للشاشه: استغفر الله ! نبيبلة غرقت بملابسها من الحياء قرصت رجل فتون : انطمي! فتون بالم : أي ! نبيلة فتحت الباب بتنزل مسكتها فتون: والله توبه ! نبيلة تطالع نظرت الترجي : اسغفر الله بس ! فتون : أي صح وائل كيفك ؟ وائل يكمل كتابه اختار الاغنيه والحين يحدد بيت ابو سعد: بخير حمدلله انت كيفك ؟ فتون حاطه رجل على رجل: تمام واي صح مبروك خطبتك بجوري ! وائل رفع راسه: الله يبارك فيك وعقبالك ! فتون بالحاح : اميييييييييييييييين ! نبيلة ودها تصارخ من الفشيله طالعت فتونا لي مو هامها شي فتون : بس غريبه الخطبه بالسر ما تكلمتوا هذا واحنى متفقين مع اهل جوري تتزوج يوسف اخوي ! نبيلة انصدمت تطالع فتون :!!!!! وائل كن صاعقه نزلت عليه لف كله عليهن : اشلووووووووون ؟ فتون خافت قلبها يرقع بس تمثل الشجاعه : خير وش فيك ؟ بسم الله ! وائل كل عرق بجسمه نط تكلم بغضب مكتوم: عيدي وش قلتي ! فتون انبسطت " اوريكم يا الانذال " فتون بعدم اهتمام: ابد والله خطبناها لاخوي يوسف وبيجي بعد كم يوم للملكه ردوا لنا خبر قبل امس ! وائل كانت الصدمه عليه مو مصدق لف عدل جلسته الف فكره وفكره براسه " لا مستحيل بس هم معطيني فكره اشلوون جيه يجذبون علي !! شحقه شنو الي حاذهم بس لحظه هم قالوا لها حق الخيار " قلبه دق بعنف الدم بعروقه يفور : وائل الف مبروك اذا صج بس الاقربون اولا بالمعروف ! فتون بغرور : هه ما بينا شي كله بحر وانت مالك صلة قرابه فيهم مجرد صداقه ! وائل استفزه كلامها : المقصد؟ فتون لفت راسها : ولا شي اللبيب بالاشارة يفهموا ! دخلت وجدان وهي تلهث: معليييييييييش تاخرنا عليكم لفت على الجور: يلاااه تاخرنا باقي جودي نمرها يلاه ! دخلت جوري وهي متنرفزه بشكل : ........... وجدان : وائل يلا حرك وش فيك ؟ وائل مسك الدركسون وهو مو مصدق ! *************************** بقصر ال عبد القوي .. سعيد سلم على الرجال وراح لربعه وقف جنب شجاع سعيد يطالع البنت الي قباله يحسها لفتت انتباهه نزل عينه ورجع طالعها يحس شافها بمكان .. التفت شاف رجال حمر ورجال سمارهم خليجي الحاضرين عرب وعجم لفت انتباهه هذال جالس وجنبه اخوه بالرضاعه يطالعون البنت الي قبالهم سمع صوت تكتكه التفت شاف المساعد ياشر للشيخ بحركة خلصنا الشيخ : اعرضها يا ولدي الله يبارك فيك تقفلت الاضاءه وبقت شاشه كبيره.. سعيد : اخس وصيه الفديو وش المسلسل الي حنا فيه يا اردغان ؟ شجاع ماسك ضحكته : وش جوك انت هههه الناس متوتره وانت تستهبل ؟ سعيد يطالع فيصل لابس كلاسك وسعيد زيه : وش ذا الفشله يوم لبست بدله جت عزيمتكم المفاجاه ! شجاع بهمس: ههههه وش دراني بعدين تقبل الله حجتكم سعيد بيرد سكت وعيونه على الشاشه .. انعرضت صورة لرجل في اواخر العشرين لابس زي سعودي ماجد: السلام عليكم ورحمة الله وبركاته اخواني واعزائي .. عمي وابوي كيفكم ان شاء الله طيبين غنج تطالع قلبها يرجف نزلت دموعها اول مره تشوف صورة لابوها راشد رافع كل صورة عنها .. فيصل ضغط على يدها اشتاق لاخوه وابوه بنفس الوقت عبدالله دمعت عيونه اخوه العزيز على قلبه .. راشد كان يطالع ببرود تام .. ماجد تنهد: اليوم جمعتكم لموضع خلفتي انا ما ترك شي للورثه كل واحد واحد غني ولله الحمد والمنه املاكي عباره عن xxxxات وشركات موزعه الxxxx هي 7 مناجم ذهب موزعه في الهند واندنوسيا وامريكا والارجنتين وفي اوز باكستان تتنتج كل وحده ما يقارب 2 مليون اوقيه الى 8 اوقيه و5 مناجم فضه ونحاس وفسفور .. وقطع اراضي موزعه في الخليج العربي وبين اروبا وامريكا الشماليه والجنوبيه وقطعتين ارض في استراليا الحضور : ........................... غنج تطالع ... وشركة ادويه في اليابان وشركه سيارات في اليابان .. وشركه في امريكا ... جميع عقود الشركات مبيوعه للسيد .. غالب يطالع هذي اللحظه الي انتظرها " قلها خلصنا " صقر يطالع" وش هالثرووه الي تركها وراح لمين بايعها " ماجد ضام يدينه لبعض: الشركات بكل انواعها تغذييه وفنادق ومنتجعات مبيوعه ما عدا المشروع الجديد للسيد راشد ماجد غالب الجارح وعقود البيع والشراء بيد الشيخ الي فتح الوصيه غالب وعياله بفجعه يطالعون صقر : انت تاخذ كل ذا ؟ راشد استرخى على الكرسي .. الشيخ بجديه: نكمل الشريط !! صقر سكت غنج تطالع ابوها تطالع "هو صدق انا بنته جاوب يا ماجد انا بنتك ولا لا ريحني " ماجد اخذ نفس : الجزء الثاني من املاكي كتبتها تابعه للمشروع الجديد الي هي المناجم الذهب والفضه والنحاس والفسفور بالاضافه الى مناجم الالماس في سيبيريا وجنوب افريقيا والهند .. هو الممول الرئيسي لهذا المشروع المشروع عباره عن جامعه عالميه توفر فرص عمل وتحد من ابتعاث الطلاب الى الخارج حيث ان الجامعه معترف بها من قبل الخليج والمانيا واليابان امريكا واروبا .. وقد تم تقسيم الشركه وتم التوقيع على صكوك الاداره بالملكيه وتتكون جامعه من هندسه وتنقيب وتصنيع مشتقات البترول من اراضينا وهي بيد السيد قيس بن مرعي بن شمس ال عبد القوي فان لم يكن على قيد الحياة فابنه طارق بن قيس ابن مرعي ابن شمس ال عبد القوي وفرع اخر وهو الفرع الاداري والتصنيع وهو بيد ممثل عائلة الجارح .. فيصل بن غالب بن حسين الجارح فان لم يكن على قيد الحياة فا اخي صقر بن غالب بن حسين الجارح وممثل عائلة ال عبد القوي عبد الله بن عبد الملك بن عبدالله بن شمس ال عبد القوي فان لم يكن على قيد الحياة فاخي سعد بن عبد الملك بن عبدالله بن شمس ال عبد القوي والشؤون الطبيه من تعليم وتطبيق وتدريس وفتح مستشفيات فابيد السيد يوسف شيخ الدين اقراط .. فان لم يتواجد يوسف شيخ الدين اقراط فايقفل المشروع ولا يفتح ابدا وتعود الملكيات المشروطه الى يد الانسه رعد بنت ماجد بنت غالب بن حسين الجارح .. وهذا المقسوم قد تم التوقيع عليه مسبقا فهذا المشروع متعاون بين العائلتين .. هذه هي التريكه وبيدكم المواثيق لا يوجد شي لدي للورثه انما عقود بيع وشراء وموقعه ومبصمه .. ماجد اخذ نفس يطالع الكاميرا اقول كلامي هذا وانا بكل قواي العقليه كتبتها لاني مسافر ولا احد يعلم متى يموت ولا كم يحيى سكت ماجد وناظر يده .. ورفعها طالع الكاميرا بنظره حانيه : راشد انت ولدي وغنج انت بنتي واسمك الفعلي رعد وليس غنج وانا طلبت من الشهود الحاضرين اليوم التواجد وحضروا مشكوروين الله يجزاكم خير يالي حضرتوا والي ما حضر الله يجزاك خير ربما حدث له عارض او فارق الحياه فاللهم اغفر لنا وللمؤمنين وهم الان فضلا لا امرا يوقعون على استلامك الجنسيه وتصحيح اوضاعك حبيبتي اسف اني ما قدرت اقولك هالكلام وجها لوجهه سامحيني طالما انك تشوفين هافديو فانا ميت اكيد الحين فرحلة البحر ما يندرى عنها تنجح ولا تفشل انا راجع للديره الشي الوحيد الي تركته لك .. لك هو المشروع اذا لم يتم كل شي حسب الموقع عليه فلك الحريه الكامله فيه باقفاله او بيعه لك بالشرط بحسب الشرط المذكور مسبقا اذا لم يتم المشروط فلك الحق فيه كامل .. والله ولي التوفيق وقف الشريط وتشغلة الاضاءه الكل وضعية السكووون يستوعبون الي صار | ||||
|  |
|
10-10-15, 09:00 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الشيخ: كل شي قاله ماجد قانوني واوراق بيع وشراء الشرط عندكم في الورق انه يجي يوسف هو 15 يوم وماجد مات بحادث بحري وتم التحقق من جثته قبل 20 سنه وصلي عليها وماجد واضح انه غير مغصوب ولا مضغوط الان يا بنتي تعالي وقعي على تعديل هويتك واصلك .. والشهود فضلا لا امرا عائلة غالب وعائلة ابو سعد كل واحد يطالع الثاني سعيد توتر :يطالع وجهه فيصل وعبدالله التفت شاف وجيه ربعه .. شجاع بهمس: الله يستر لا تصير مشاده بالكلام.. هذال بصوت جهوري كسر الشوشره محادثا الشيخ : وين الورقة الي بنوقع عليها تصحيح وضع غنج انا خالها ! الكل التفت عليه.. الشيخ ابتسم: بطاقتك يا ولدي ؟ هذال مجهزها اخذها مساعده ووصلها للشيخ : تفضل .. الشيخ ابتسم : والنعم والله هذال ببرود: الله ينعم عليك ريال بهمس لقصر: من متى الجايني يقربون لنا ؟ صقر يطالع هذال ما يحبه ابدا :من يوم اعرس عندهم ماجد! ماهر يطالع اخوانه للتوضيح : عيال ال عبد القوي .. سند الكبير عون عبد الملك عبداللطيف مروان ماهر غالب ما عنده اخوان وعياله 21 عزوته موزعهم على الدوله : اخوان من ام وحده :صقر ,ساري , وضاح, عايض. اخوان من ام وحده : شملان , نغيمش ,مشيب فيصل صهيب غامد عدي اخوان من ام وحده :طراد ,كاسر,ماجد, ريان ,عبد الاله ,مشاري اخوان من ام وحده :هاني, علي ,محمد ,رائد ******************* مشيب يده على ذقنه يطالع غنج : والحين يا شيخ ينفع يجي غريب ويقتسم من حلال اخونا ؟ جتمح بسخريه : بدينا ! مشيب طالع جامح ورجع نظره للشيخ: اولا القسم الي قسمه اخوكم هو بيع وتم التوقيع عليه والاستلام ثانيا الوصيه تكون للغير الوارثين ! وان كانت لغير الوارثين ياخذون منها الثلث لا غير وما قام به اخوكم جائز ! نغميش يطالع بحده : هالحين وينه ذا ولد قيس ما شفناه على اساس ان الدولة بتوافق انها تعطيه شي كبير مثل بترولها لشخص غير معروف ! عبد الملك : وليه لا الاوراق تثبت ملكيته ولا يا حرت النائب ؟ النائب عن الملك : بسم الله الرحمن الرحيم ما قد تم الادالال به صحيح ومعتمد من عند الدوله فالسيد قيس بن مرعي بن شمس ال عبد القوي كان احد اهم المستشارين بالدوله في مجال هندسة النفط وهذا ما تم عليه! غالب بهدوء اعصاب بعكس النار الي تشتعل جواه : على كذا الي اعرفه ان ابن قيس باقي طفل وش دراه بالشغل وسواياه طارق بحده يطالع غالب وعيونه تنطق شجاعه : عندي شهايد تثبت الكفاءه وموقعه ومعتمده غير كذا عايلتي مشهورة بذا المجال ! ارتفعت الهمسات : الحين هالطفل هو الي بيمسك المشروع كارثه : أي والله كارثه يقفلون المشروع ازين لهم لين يكبر مشيب: ههههههههههههههههههههههه بعدك بزر وتهايط اقول رح احضر طارق شاف في مشيب بسخربه : اضحك زي ما تبي الي ما يعرف الصقر يشويه ! غنج طالعت مشيب تعرفه زين انسان متكبر ومحقر للناس: مشيب غالب كونك جزء من الحكومه لا يعني ابدا سلطتك على الناس ولا تنسى الاملاك الي عايش فيها هذي لها سيد ورؤساء تحتها وطارق واحد منهم ثمن كلامك مشيب يكره غنج : هه وانت يا بنت ماجد مدري راشد وش مجلسك بي .. قطع عليه راشد بحده : ولا كلمه !! وراها اخوان وعشيره كامله وكلامك ذا بيلعب دور بموقعك بالدوله !! مشيب التفت على راشد : هه خوفتني !! غالب بصوت مرتفع شوي: خلااااص يا مشيب خن نشوف سالفه البترول اول, ونفهم !! يطالع اخوانه بغضب اشروا له " استنى نشوف تاليها .. طالع صقر حواجبه معقوده : ايه اسلموا خن نشوف ونتطمن ! غانم التفت على جهه جالسين فيها اعيان من السفاره الامركيه .. غانم بالانجليزيه محترفه: سيد مارتن هل لك ان تطلع الساده هنا على بعض المعلومات التي تخص ابن اخي ! السيد : احم احم مساؤكم سعيد .. بخصوص السيد طارق بن قيس ال عبد القوي فهموا من احد اهم الطلاب الناشئين كليّة ستانفورد الأمريكية فهي من أفضل الجامعات بالعالم ـ توازي شهرتها جامعات معهد ماساتشوستس للتقنية ايضا وتتصف بأنها واحدة من أهم الجامعات البحثية للنشاط العالي في التجارب و البحوث العلمية العملية، وتأتي متطلبات درجات اختبار sat هنا 25/75 كالعادة و 670/770 درجة للقراءة النقدية، 690/790 لمادة الرياضيات، أما للكتابة فبدرجة 680 من 780،ولا ننسى بان السيد طارق كان والده احد عباقرة هذه الجامعة العظيمه! النظرات تتفحص طارق العبقري . بين تصديق وتعجيز . واعجاب .. مشيب ما عجبه الكلام : اذا كم تبقى لهذا الطفل حتى يتم تخصصه ؟ مارتن مو فاهم ليش نظرة التحقير لطارق: تبقى له عام واحد فهوا من سن 8 وهو طالب بها كما هو متوقع من ابن السيد قيس ! مشيب حرك فمه بعدم رضاء : الله يقويه يخلص سنته ويجي يشتغل معنا ! صقر بهدوء زين اجل كذا اتفقنا ! ليث يطالع مشيب وحده يذبحه ليش محقر من طارق وهو عبقري وتعبان بدراسته ! طارق بجديه: اعتقد ما طلبت رايك ! ولا لك دخل بالوصيه تقدر تسكت لان الوضع ما تم اصلا ! مشيب وقف: وشهووو؟ بزر يسكتني ! طارق بحده :الباب يوسع جمل تقدر تتفضل ! مشيب لف على عبد الملك : تطرد الرجال يا عبد الملك ؟ عبد الملك بطالع بهدوء: انت طولت لسانك ولا احترمت الرجال ! مشيب أي رجال : وهو ما بعد فك الحفاظه من خصره ! عبد الملك بنظرات حارقه: احترم ولدي ووخطيب بنتي !! مشيب بسخريه : ههههههههههههههههههههههههه والله ما زوجته بنتك الا وانت عارف انه له قسم بالتريكه ! سعد بجديه : اذا ما عجبتك الجلسه تقدر تتفضل ورانا توقيع وشغل احترم الموجودين ! عبدالله يطالع بصدمه طارق بيتزوج عندهم طالع ابوه : ؟؟؟؟؟؟؟؟؟؟؟؟؟ مالقى جواب شاف بغنيم حرك عيونه ببعدين : اقول ثمن كلامك بس ثمن اذا بقى عندك احترم للرجال ! ولا اترك المجلس للي ارجل منك ! غالب طالع ولده : اجلس يا مشيب اجلس مابعد خلصنا نلطع جميع ! مشييب طالع اخوانه وجلس وصدره يطلع وينزل من العصبيه .. غالب يطالع عبد الملك: هذب لسان نسيبك! عبد الملك : ولدك سال واخذ جوابه انتهينا ! ليث يطالع طارق الي شكله مولع بعكس العاده قبضت يده تهتز بحضنه " الله يستر طارق متغير ما كانه طارق الاولي " لف على ابوه سعد يطالع الوضع الجو متوتر اخوانه متستعدين لاي حركه والحرس واقفين ويطالعون بشراسه عبدالله خلص توقيع : اعتقد كذا خلصنا اجراء التصحيح ! الشيخ طالع التواقيع .. جامح يطالع بغنج منتظر هاللحظه من زمان : هاه يا شيخ بقى شي ! رائد بسخريه : وقعتوا انها غنج ولا رعد ؟؟ جامح طالعه بطرف عينه وحقره .. فيصل طالع اخوه بحده : خل الكلام للي اكبر منك ! سكت رائد ولف وجهه بهمس لعلي : هذا الي ناقص ولد السوريه يسكتني ! علي يطالع صقر خاف على رائد تطمن وجهه صقر هادي تنهد مهند يطالع الوضع خايف ان تقوم مصيبه على ذا الجزء من الكلام ! صقر بهدوء : صادق ليش ذا التستر والتلاعب معقول الدولة تسمح بهالشي ؟ عامر برزانه : غنج ماعندها الجنسيه السعوديه زي ما اكثر الحاضرين يعرفون ! حمد جالس يسمع متوتر يطالع راشد الي كالعاده بارد لف يطالع ربعه كلهم حاضرين وعمه عزام حاضر عزام تنهد بضيق" اااه يا ماجد شف وش صار بعدك وقعنا على اثبات بنتك والحين بتطلع الحرب على التستر الي يصير " صقر بضكحه : يعني ؟؟؟ عامر يطالع بصقر : يعني البنيه امراتيه يعني خليجنا واحد ! صقر مجابهه لعامر الي واثق من نفسه : ومن متى الامرات تعطي اكثر من جنسيه ممنوع عندها ولا انا غلطان يا ولد الشيخ ........ يا ابن احد حكامها ! عامر يطالع بعيون صقر : اخوك مايد الله يرحمه شو سوى للخليج شو عمل واحترمته الخليج بكبرهااا خبرني شوو ؟ انسان زي ماجد يستحق الاحترام ويستحق التقدير وبنته امانه برقابنا وعهده عندنا اكبرت بعيوناا بعيون الخليج ! صقر: يعني انت الحين تقول ان احنى محنا كفو ولا فينا نخوه لاننا ما عطينا بنت اخوي الي هي رعد مدري غنج الجنسيه السعودية بحكم ان والدها سعودي ! فا نحن ما فينا خير ! عزام بداخله " اخووووووووووووووي يا كبرها عند ربي ياااا كبرها عند ربي " الجو توتر ... الرجال بداخلهم "الله يسستر الله يستر لا يصير تميز عنصري" عزام : انا عزام بن مبارك ال .............. | ||||
|
| |
|
10-10-15, 09:01 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مايد كان ربيعي ومن اعز اصدقائي ومات بمهمه دوبلماسيه للسلام هو عدد من ابطال العرب ! درسنا انا وياه وناصر سوا ومات وبنته بعيد بدولة اجنبيه عاشت اغلب طفولتها بدولة اجنبيه .. صقر يطالع: طيب ؟ غالب يطالع يعرف ولده ذكي خاف ان العصبيه تلعب فيه ويخرب علاقة بلدين ! عزام يطالع صقر بحده : وكانت اول رحله خليجيه لرعد في الامرات وكان حضورها لنا فخر واعتزاز و ولا ننسى الذكرى الطيبه وصارت بوقت زايد الخير الله يرحمه حي وانت تعرف ابونا زايد الله يرحمه اعتقد ان كذا وضحت النقطه الي تبي توصلها ! صقر بتدارك لموقفه : ايه الله يرحمه كان خيرها سابق اعقتد ان كذا وضحت لنا ! غالب بتشجيع للفكره : بالاول والاخير على مقالت عامر خليجنا واحد مشيب طالع غنج : يعني الحين التوقيع الي صار على اساس انه وش سعودية ولا امراتيه ؟ الشيخ : تصحيح وضع مع ان لحظه سكون من الطرفين مجرد احاديث جانبيه هتان يطالع المصيبه الي سواها جت مصيبه اكبر المجلس كله شيوخ وامراء كبار ية بلد ووزراء : وش فيك ساكت ؟ هتان انتفض: بسم الله وش فيك روعتي ؟ سيف يطالع : بسم الله عليك .. والله كانت بتصير مصيبه ربك ستر ! هتان : أي والله تعال خن نجلس عند جامح سيف : طيب يلا .. عند راشد ... جامح جالس يطالع الوضع .. وائل بهمس: حمدلله ما كبرت السالفه غريبه الامراء والشيوخ الي موجودين ما تكلموا وطلبوا توضيح ؟ جامح : لانهم اصحاب ماجد الله يرحمه وعندهم خلفيه عن الموضوع نعم الرجال والله! وائل حرك راسه بتفهم : أي والله نعم الرجال ! مشيب يطالع اخوه .. نغيمش : على حسب كلام الشيخ عزام بن مبارك ال .......... ان الوضع مضبوط طيب ليش التلاعب مره بنت ماجد ومره بنت راشد ! صقر يطالع باهتمام منظر أي زله على راشد رجع ظهره للكنب يطالع الشيخ بصرامه : بسبب وضع دوبلاماسي ومعتمد اتمنى عدم الخوض بهذا الحديث هذا جواب سؤالك وبكذا خلصنا الموضوع الاول.. ونجي لموضوع الملكه .. عبد الملك يطالع هتان وطارق :قربوا هتان قلبه يدق خاايف طارق اخذ نفس .. كانت عيون ابو هتان تطالع ابنه .. ************************** بالخارج الصالونات جالسين يطالعون من النوافذ .. نزل طاقيته وعلى وجهه علامات الرضى التجارب البشريه مشت بطريقه مرضيه طالعه رفيقه: ما بال تلك الابتسامه المزعجه ؟ الدكتور برضى يحرك شعره بالهواء: انظر اليه انه بخير تقريبا تبقى فقط عظمة القص وما فوقها وسيصبح عبدالله بخير ! تنهد بملل: انتم اياها البشر يصعب فهمكم حقا ! الدكتور : لا تعلم كم يبذل علماء البشر من جهد ودراسات ليصلوا الى ما وصلت اليه فاغلب هذه الدراسات تسبب الوفاه فالقلب لا يتحمل سرعة تجديد الخلايا بهذه الفتره القصيره ! تكى على الجدار : حسنا حسنا فل يحيا البشر دعنا نستمع لما يحدث سيتم الان مراسم التزويج الدكتور : عن أي تزويج تتحدث من سيرتبط بمن ؟ رفقيه: ذاك الذي يرتعد خوفا والاخر المهندس الدكتور يطالع : امممممممممممممممممممممممم مم لما يرتعد خوفا ؟ رفيقه: لقد تعرض لضرب ممبرح قبل عدت ايام ! الدكتور : حقا ؟؟ ولماذا ؟؟ رفيقه بملل : لانتهاكه الحرمات كما في ديانتكم ! الدكتور كش جسمه : حتى الاطفال يا الله فل تغفر لنا ! رفيقه يتثاءب : حسنا الان التزم الهدوء ودعنا نستمع لما يحدث الملك ينتظر منا تقريرا ! ************************** في احد الصالونات العاكس لما يحدث عند الرجال شلة غنج جالسين وام سعد وعهود وهاجر وبناتها جوري بحقد: عيال غالب الكلاااب الله ياخذهم ! فتون تطالع: اه صدق الزين ما يكمل ! ام سعد عيونها على عبد الملك وغنج وغالب تطالع بهم نبيلة بسخريه: وش اسم هذاك شايب مدري مشيب مدري مشب هههههههههههههههههههه فتون ولانا : ههههههههههههه غصنه : مو وقت الضحك قولوا حمدلله ان الوضع وقف على كذا ! فتون : يا حركات بعذرهم بيزوجونك عقل عقل ماشاء الله ! غصنه تنهدت ورجعت لدوامت صمتها هاجر ابتسمت على الخفيف تحس غصنه فيها شي .. في الصالون .. الشيخ : وين البنت ابي اسمع موافقتها ؟ ابو سعد داخل قام الشيخ وقامت غنج معه وكذا شخص من عايلة ال عبد القوي كا شهود وعايلة هتان.. القت نظره اخيره على العريسين وكملت طريقها .. غانم بهمس للطارق : يا الورع ملكت وانا توني مملك قبل 4 شهور حشم الوقت ! طارق : العرس بعد 4 سنين ! وانت عرسك السنه ذي ! صقر يطالع غنج لين اختفت .. كان شاك بوضعها بس فطانتها وذكاءها كان يدهشه تعامل معها في مشروع امريكا لعدت شهور.. سعد وقف هو واخوانه : تفضلوا على العشاء . حياكم الله . تعالت الاصوات بالتباريك والمحادثات .. وائل يتمغط وهو يطالع جامح :شف الناس اشلون يهال ويعرسون! جامح: نسيت نفسك تحتك بزرين مدري ثلاثه ! وائل تنهد: تعال فيه شغله ابي اسالك عنها .. عند عبدالله يحس بتعب شديد .. فيصل طالع وجهه مصفر : وش فيك ؟ شجاع لاحظ وجهه عبدالله عند الشيخ يطالع البنتين صغار والولدين صغار يردد للمره الثانيه : هل تقبلين يا بنتي طارق بن قيس بن مرعي ال عبد القوي زوج لك ؟ لانا تطالع طارق بقوة : ايه اقبل ! الشيخ يطالعها بابتسامه : وقعي هنا ! طارق يطالع " اخفس يا البزر وش عندي " تنهد براحه .. ليث نزلت دمعتين مسحهم بسرعه .. ابو سعد شافه : لا يكون تبي تعرس يا ليث اشوف دميعاتك !؟ ليث يمسح بقية الدموع الي نزلت: لا فكنا مابي ابلتلش ! الشيخ : ههههههههه العرس زين بزمن الفتن يا ولدي ! هتان قلبه يدددق الهدوء الي يصطنعه بدا يهتز .. ابو هتان يطالع ولده وعبد الملك يطالعه بحده الشيخ التفت على هتان : ردد معي .. بالجهه المقابله هاجر تبكي من قلب وعهود وفتون ونبيلة يضحكون . عهود: حمدلله والشكر ههههههههههههههههههههههههه ه فتون : الناس تفرح وهاجر تبك بك ههههههههههههههههههههههههه هههه عهود: ههههههههههههههههههههههههه ههههههه وجدان تطالع تنهدت بهم .. وجوري زيها قلبها يدق تتخيل انها بدالهن .. عند الشيخ .. : هل تقبلين يا بنتي ان يكون هتان بن الياس .... ال .... زوج لك ؟ غصنه اخذت نفس وهي تطالع هتان بحده : لا لا اقبل .. التفتوا كلهم بتفاجئ .. كت انتهى البارت البارت الجاي راح يكون طويل ان شاء الله اسفه انه قصير هذا الي قدرت اكتبه تونا راجعين من سفر والاختبارات بدت من الاربعاء اوعدكم ببارت مشوق باذن الله راح تكون البارتات الجديده فيها احداث كثير .. انتظر توقعات حلوه وردود حلوه | ||||
|
| |
|
25-10-15, 10:32 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله اسفه تاخرت عليكم 20 دقيقه نقلت الرواية الي كتبتها من الكمبيروتر المكتبي الى الاب توب بالجوال طلع عيني هههههههههههه اول مره اكتب في المكتبي .. السموحه منكم قراءة ممتعه .. الجزر/الخامس عند الشيخ . : هل تقبيلين يا بنتي ان يكون هتان بن الياس ... ال ... زوج لك على سنه الله ورسوله ؟ غصنه اخذت نفس وهي تطالع بهتان بحده : لا لا اقبل ! التفتوا كلهم عليها هتان جسمه ارتخى كان متوقع انها ترضى بس كلام ابوه هداه تكلم : ليييش؟ الشيخ مسك الورقة الي كتب فيها وشقها لقطع : لا ضرر ولا ضرار مارح يكمل الزواج خشية الاجبار ! سعد قعد يطالع بنته بذهول ؟ سيف وليث: ليش يا غصنه وش يعيبه هتان ؟ اسامه يطالع هتان بحده : ................... لانا تطالع اختها قلبها يدق مسكت يد غصنه وهي ترجف .. غصنه شدت على يد لانا طالعت اخوانها ورجعت طالعت هتان من فوق لتحت: مابي اعرس بطلت توني صغيره! ابو سعد ارتسمت على شفايفه ابتسامه صغيره اعجبته غصنه : اجل على كذا نبارك لطارق ولانا ونقول لغصنه وهتان الله يرزقكم ! ابو هتان اخذ نفس بتفهم: ما يخالف النصيب كلا ياخذ نصيبه . غنج متكيه تطالع هتان : الله يوفقك ويوفقها مافيه شي غصب الحياة قدامكم جد هتان : أي والله الحياة قدامكم لو لكم نصيب ببعض بتتزوجون سعد يطالع حاس فيه شي بنته سكتت فترة قبل العيد والحين صارت قويه فاجاته لف على ابوه .. ابو سعد بحزم : مبروك يا طارق الله الله بلانا ومبروك يا لانا الله الله بطارق هتان يطالع غصنه حس الدنيا تدور فيه مو مصدق انقهرررر.. ابو هتان طالع ولده سعد وقف : تفضلوا على عشاكم ! جد هتان سعود وقف: زاد فضلك ابو سعد : حياكم الله تفضلوا .. قاموا الرجال .. في الجهه المقابله فتون تصفر : ههههههههههههههههه قوووويه قوووووويه نبيلة : انصدم الامير ههههههههههههههههههههههههه ه جوري تطالع بعدم تصديق : من جدها غصنه ولا تستهبل صدق مابه بزارين هههههههههههههه عهود جالسه تمسح على بطنها : والله ما توقعت صدق الساكت ناكت ههههههههههههههههههههههه هاجر تطالع بصدمة ام هتان اصحابهم لزم رحمة سعد الي رفض ولده صديقه: لا حول ولا قوة الا بالله. ام سعد تطالع : يالله اجل يلا خن نروح للحريم داخل جو! دخلت غنج : السلام عليكم التفتوا عليها .. جوري باحتضان لغنج :يالله انك تحي رعد بن ماجد ههههههههههههه غنج ابتسمت ابتسامه صفراء : الله يحيك وجدان حضنت البنتين : مبروووووووووووك حبيبي مبروووك غنج بمجامله : الله يبارك فيكم عهود طلعت مع عمتها ام زوجها فتون طالعت وجهه غنج : وش فيه وجهك كذا مو مبسوطه؟؟ وجدان وخرت : أي حسيت وش فيك؟ جوري : لا يكون علشان مشبب الزباله هذاك ؟ نبيله :ماعليك منه ياكل تبن هالمتخلف بعدين مو اول مره نقابله فتون بتذكر : اممممم والله حسيت ان وجهه مو غريب ! نبيلة تخصرت : يختي يوم رحنى للحفله الي سوتها مزنه لبنتها اسيل وغدير ! فتون : ما اذكر ! غنج طلعت ولحقتها وجدان وجوري .. نبيله : كان واقف عند البوابه الداخليه معه اثنين لابسين نفس ملابس غنيم اخو غنج الزي الرسمي ! فتون : ايييييييه الي قال بنات من انتم ؟ نبيلة تتلفت :ايووه الملقوف هذاك! غنج متضايقه شكلها راحت ترتاح ! فتون: خن نروح لها نغير جوها ! نبيلة :الافضل نوخر عنها مزاجها شين ما تحب التعاطف ونظرات الشفقه بتهداء من نفسها ! فتون : اعجبتني نظرات الشفقه هههههههههههههههههههه نبيلة اخذت شنطتها : يلا امشي جوعانه بنتعشى يلا قووه! فتون حركت راسها : لكن بنروح لغنج اول ! نبيلة : طيب يا عنيده مشينا وبعدين لحظه منهو يوسف ذا يا كذابه فتون فجرت الضحكه :هههههههههههههههههههههههه� �هههههههههههههههههههههههه ههههههههههههههه نبيلة : والله ان داريه انك تكذبين يا مفتنه ههههههههههههههههههههههههه ههههههههههههههههه فتون تحرك حواجبها : حبيبتي تخصص في مجال افقاد العزيمه والثبات مسوي ثقل بعدين انتقم لصديقتي ما فيها شي ! نبيلة سحبتها من كتفها : امشششي بس امشي هههههههههههههههههههههه في جناح غنج .. جوري ووجدان واقفين قبال غرفة التبديل .. جوري : غنننج يلا اطلعي ! وجدان بحنيه : خلاص اتركيها اذا ارتاحت بتجي ! في الجهه المقابله .. غنج مستنده على الباب منكمشه على نفسها جسمها يرجف الغصه بحلقها "اااه ياربي ليش ما احس اني مبسوطه ليش ؟ احس قلبي يوجعني ليش ؟ مو هذا ابوي الي كنت انتظر لو خبر عنه اتمنى حضورة يحبني ويكون لي سند بس ليش احس اني اتالم ؟ نزلت دموعها مسحتهم بسرعه بكفوفها : خلاص وقفي وقفي نزلت اكثر بغزاره .. وقفت قبال 3 جدران مرايا تطالع شكلها : شعره اسود مثل شعرها لون عيونه اسود مو زي عيونها لون عيونه زي راشد انفها سلة سيف صغير وهو لا جلست على الارض: هه وراشد صار اخوي وش ذا المسخره الي انا فيها رواي وراي وين ما اروح ! مسحت دموعها وقفت وفسخت عبايتها راحت للحمام تغسل وجهها حول عيونها احمر وجهها محمر فكت شعرها اخذت مويا من الحنفيه ورشت فيه شعرها على خفيف تنفشه .. طلعت راحت تاخذ ملابس من اماكنها طلعت فستان لنص الساق لبسته بسرعه وراحت للتسريحه التابعه للغرفه طلعت روج لحمي ومحدد محمر وظل عيون وطلعت من شنطتها كريم زي cc محضر مخصوص لها بسبب حساسية بشرتها المفرطه .. بدت بتغطية الحمار الي حول عيونها ودهنت بشرتها .. في خارج الغرفه.. شلتها جالسين فتون دخلت : اوووووووووووووه ما هذا هل انا بقصر السلطان هارون الرشيد ههههههههههههههههه نبيلة اعجبها الجناح : واااه ماشاء الله مررررره جميل فتون تدور حول نفسها شافت النمر صرررخت : بسم الله ! جوري وقفت: بس يااا خبووول ما ياكل الحريم فتون : بس انا بنت مو حرمه جوري راحت للنمر تلاعبه : الي هو يا خلبه ماحد سالك وش حالتك الاجتماعيه ! نبيلة ووجدان : ههههههههههههههههههههههههه ههههه فتون : خرب علي فرحتي هال! جوري تكمل: النمر اسمه كاسر والله صاير كبير مره ماشاء الله ! كاسر قرب منها والتف حولها جوري جلست وحضنته تعضقه نبيلة قربت بخوف منه : كم عمره الحين ؟ جوري : على ما اذكر اخر مره رحنى الهند كانت قبل 3 سنين فتون متلزقه بوجدان : ااه ذكرتيني بادم والله يخرفن ! وجدان : ماشاء الله متخرفنه وبنتفس الوقت متلزقه ! فتون متمسكه فيها : شوفيه كيف بدون سلسله غنج ما تخلي حركاتها تخوف تخليه يسرح ويمرح ! وجدان : خليه يادبك يا الداشره هههههههههههههههههه جوري اشرت لكاسر الحقني مشى وراها يتمخطر ويطالع بفتون .. فتون جلست بحضن وجدان : يخوووف والله يخوووف ! وجدان : هههههههههههههههههههه يطالعك كنه يقول وش تبي ذي ؟ جوري جلست على السرير : تعال اجلس بسرير هارون الرشيد تعال كاسر جلس جنب السرير وطالع بفتون ! جوري : هههههههههههههههههههههه رافعه ضغطه حتى البهايم ما سلموا منك انت وبثارتك عدلي النيه ياخي هههههههههههه فتون : كل تراب انت ونمرك والله يخوف يوسف عنده 4 زيه في بيتنا مخليهم يتمشون بكيفهم ولا عمري شفته هايوسف ! طلعت غنج : عندك اخ اسمه يوسف ؟ من متى ؟ فتون التفت انبهرت : ماشاء الله خمس خمساات الله يحفظك من العين اقري على نفسك لفوا البنات .. وجدان وقفت :وش هالزززين صدق قمر 14 جوري طالعتها من فوق لتحت : ايه الحلاوه دي هو انا احلم ولا ايه ؟ نبيلة تطالع شكلها : غنج تكفين سوي لي الروج زي حقك طالع لذيذ ! غنج تمشي رفعت شعرها عن كتفها بنات رقبتها والاسوره الذهب الي بذراعها مزينه بالماستين قربت منها اخذت المحدد لونت شفايفها ماعدى اجزاء بسيطه من الوسط واخذت الروج الفاتح واضافته ودمجته مع المحدد اعطى اتملاء للشفايف .. غنج ابتسمت: خلصنا جوري واقفه وحطت يدها على راس غنج : اعذيك بكلمات الله التامات من شر ما خلق 3 مرات كررتها فتون : اقروا على انفسكم ! نبيلة : ما عليك متحصنين وجدان : وين بنتنا السنعه ما جت ؟ غنج ابتسمت : قالت انها تحت يلا اخرتكم خن ننزل ! البنات : اوكي ! | ||||
|
| |
|
25-10-15, 10:33 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في الصالونات .. جلسات الحريم مليانه واصوات شوشرتهم ماليه الصالونات كيان جالسه جنب ام سعد تقرب لها وتعاون .. عهود: ابتسمت لها بفخر تحبها : تعالي كيان اجلسي جنبي كيان جلست جنبها : همم امري ؟ عهود: ابد والله تعالي اجلسي جنبي قبل لا ينزلون وتنزل معهم هذيك ! كيان بنرفزه : أي صح .. زمت شفايفها : عسها للي ماني بقايله ! عهود تشرب عصير بهدوء : الدنيا بينا ان شاء الله لا تشيلين بنفسك .. جلست ام خالد جنب ام سعد ام سعد تنهدت "يالله يفكنا من شرها هالمره " ام خالد : احم هلا ام سعد اشلونك ؟ ام سعد : حمدلله طيبين كيفكم انتم ؟ ام خالد باحراج :حمدلله طيبين ماعلينا خلاف والسموحه منكم حق ذاك اليوم ام سعد: ماعليه بزارين وتصير دايم ام خالد : لا والله سامحونا وحقكم علينا واسفين ام سعد تنهدت : ياليت يا ام خالد ما تتكرر ولدي بغى يروح علينا من ورى البنات ! ام خالد بتذكر لمشهد ليث : والله السموحه منكم جلسوا مجموعة حريم جنب ام سعد ام ريان : هلا هلا هاه بشروا سمعنا ان غنج جت وينها ؟ ام خالد: توني بسال عنها وينها ما بينت ؟ ام لمار من طرف خشمها : مارح تجي ولا ايش كيان لفت انتباهها اسم غنج : اف ياربي في كل مكان تنذكر ! ام ريان : يختي مدري كيف صابره انت تطالعين في وجهه ضرتك ياختي مره تشبهه جدتها وتطالعين فيها ام سعد تنهدت : يعني ؟؟ ام ريان : ياختي زوجيها وخليها تطير من عندكم ام سعد تنهدت بهم : هذي حفيدتي ربيت ابوها بيديني ياليت ما ترجعون للموضوع ! ام خالد: اصلا انت ضعيفه ولا كيف يتزوج عليك وحده الا انك خبله ينلعب عليك ! ام سعد حزت بخاطرها : ........................ ام خالد عجبها الوض: حبيبتي نبي الخير لك بس معليش لا تصيرين مسخره ام ريان بتعزيز : صادقه والله يتزوج جميله تقهرك وبعدين اصلا واضح ان البنت مو حاسبه لك حسا.. : ماشاء الله تبارك الله مفتيالت ووتكلمين بلسان غيرك ؟؟ التفت ام ريان : ومين انت وش تب.. سكتت غنج طالعتها من فوق لتحت :انت الي مين في بيتنا وتفتين فيه ؟؟ ام خالد سكتت خافت الشر بعيون غنج ام سعد تطالع غنج: ماعليك منهم حبيبتي دايم كذا ! غنج قربت منها حبت يدها وراسها وجلست على طرف الكنب كيان ماتت من القهر طالعت غنج لابسه فستان عشبي توب ماسك من فوق ونفاش من الخصر لابسه ذهب حلق متوسط شعرها غجري مرجعه جزء منه على وراء وعلى جبينها اكسسوار ذهبي متصل بشعرها واحذيتها كعب ذهبي بنقوش عشبيه .. ومكياجها دخاني خفيف.. عهود طالعت كيان : هه شرفت لا تخافين تهبلين ازين منها ! كيان : كيف ازين منها اذا هي كذا صحباتها كيف ووجع ولا مهلاقا ! عهود زمت شفايفها ما تحب غنج : اسكتي بس ! ام ريان طالعت غنج باعجاب : عسى مو انت غنج ؟؟ غنج طالعتها باحتقار : ايه نعم ومين انت قاعده تبثين سمومك بامي انت ما تخافين الله , تدرين وش حكمه ذا بالاسلام تلعنين واحنى نبي ندخل الجنه برحمة رب العالمين وتجين انت تلعنين خافي الله بنفسك ! ام ريان تقلب وجهها : وش دعوه انصحها غنج بحده : خلك محضر خير وبدون نقاش استاذن !!! سلمت على ام سعد وراحت .. ام ريان طالعت ظهر غنج وهي رايحه من فوق لتحت " احلوت ماشاء الله " ام سعد: يلا استأذن ! غنج وقفت في الدرج برزانه وصحباتها حولها اخذت نفس وابتسمت بثقه: السلام عليكم ورحمة الله وبركاته التفتوا الحريم .. غنج :كيفكم ان شاء الله طيبين كل عام وانتم بخير اشكر لكم تواجدك في بيت جدي وابوي عبدالملك يشرفنا حضوركم . الحريم والبنات باصوات مختلفه : وانت بخير عيدك مبارك نورررت الرياض يا هلا بالغنج يا هلاااااااا غنج ابتسمت بعذوبه : هلا حبايبي اتمنى لكم امسيه سعيده قربوا الحريم والبنات يسلمون عليها .. فتون بهمس لنبيلة : شوفي الرزانه بس هههه نبيلة ابتسمت تسلم : امشي بس .. ام كيان تطالع غنج وصحباتها " الله يستر لا يشوفهم عبدالله وش هالزين مابقى شي للبنات اليوم اااف ياربي " في القسم الرجالي .. في المطبخ الداخلي .. منذر,منيف ,مهند,فيصل ,سعيد عبدالله,شجاع,بسام,اديب, عبدالله دايخ ويحس الم بصدره عيال عمه حوله وفيصل وسعيد فيصل مايقدر يشيل معهم جالس جنب عبدالله عبدالله مستند على الجدار رافع راسه يتنفس بشويش شجاع: الدكتور قال أي ظاهره تبان عليه رجعوه للمستشفى ! سعيد: اجل يلاه بناخذه ! مهند: صبر صبر اسامه بيجي ومعه سطام دخل اسامه طالع وجهه عمه احمر ويتنفس بشويش: وش صار ؟ وخروا اعطوه مساحه مر لعبدالله سوى له فحص سريع : خلونا ندخله داخل نفحصه بالاجهزة شجاع : بس الطبيب يبيه عنده ! مهند: وش عندك كن الطبيب ابوك ! العيال : ههههههههههههههه من جد شجاع بخوف : ياخي مابي افقده واضيع بعده ! عبدالله: هههه وش قاي لين لك رخ مه ! شجاع : اسكككت بس اسسسكت مسوي قراند دايزر ! اسامه : هاتوا النقاله بنشيله ! عبدالله يتنفس بصعوبه مهند : بنشيله حنى ليش نقاله ؟ منيف : أي والله بنشيله ليش نقاله سطام جاء ومعه نقاله : يلا اسدحوه اسامه قرب من عبدالله : علشان عنده عمليه بالقلب وصدره مفكوك بيتضرر اكثر العيال التفوا عليه شالوه بحذر وفيصل يتحسر ما قدر يساعدهم يده اليسرى يا دوب يستخدمها للشاهي يشرب ! حطوه على النقاله وشالوه .. سطام : اسمعوا مجموعه منكم تروح عند عمي تضيف محتاجكم عمي هناك هو وابوي يلا ! منذر : ليه وين الباقين عيال عمنا ؟ سطام :العيال متوزعين فيه الي برى فارشين الحدايق برى مليانه والاحواش مليانه يضيفون غير سكان اهل البيت قايمين بالضيافه !! منذر : أي صح الدنيا زحمه! اسامه وسطام ومهند شالوا عبدالله : هذا غير عند البوابه فارشين ماشاء الله معارفنا واجد ! منذر: خلاص بنطلع اجل انت وفيصل وسعيد اسامه وشجاع وغسان روحوا واحنى نكمل نقص الشباب : طيب .. ملاحظه : توضيح الابناء الشباب .. عيال سند حيدر/43 اشهب/40 متزوج ايوب/35متزوج منذر /33 متزوج ابونيار,باهي , لمار سطام /30 احلام /28متزوجة بسام/26 سراج/25 عيال عون.. محمد /40متزوج هاني / 35 متزوج عهود/ 30 متزوجه مهند ومنذر/ 27 شجاع /25 عيال عبد الملك.. سعد/35 متزوج ابو سيف غنيم /33 متزوج ابويزن , عبدالله /25 عبد اللطيف .. خاطرمتزوج/40 نبراس متزوج/38 ايوب متزوج/35 فراس/33 هاجرو معاذ/30 اديب/27 سادن /25 ارغد واياس /22 عيال مروان .. كنان33 غسان30 عياش27 داغر25 صفوان 22 عيال ماهر كيان/20 عاصم وعصام /16 سنه ****************************** عند البوابه الخارجيه .. سادن ,داغر , صفوان فراس وعاصم,كنان يضيفون الي برى.. سادن شاف 6 رجال سود يدخلون للقصر الي قبالهم .. سادن : صفووان تعال تعال ! صفوان ترك الصينيه وجاء : هلا سادن يطالع القصر: البيت الي قبال بيت عمي عبدالملك اهلهم عندهم عزاء ولا ؟ صفوان : ايه تونا جاين من عندهم قبل ربع ساعه وصلنا عشاهم البيت فيه حريم بس ترا العزاء مخلص امس ! سادن : اها حريم اجل تعال الحقني انت والسلق الي عند البوابه ! صفوان استغرب: خير وش فيه ؟ سادن لمس جيبه سلاحه معه :اقولك الحقني صفوان حس السالفه كايده سادن رفع جواله وهو طالع واشر على 3 من عيال عمه : غنييم الحق يا غنيم نبي طقم بنحاصر بيت ال عمر الي قبالنا ... ايه ايه فيه عبيد بيدخلون بيتهم .. فراس وعاصم وداغر .. فراس : خير وين تبي ؟ داغر : البيت فيه نسوان يا ورع وين تبي ؟ سادن: فيه عبيد دخلوا البيت خن نلحق عليهم داغر : هااه تمززح ؟ سادن :قسم بالله ما امزح داغر : صبر بنادي ربعي سادن: مافيه وقت تراهم مسلحين خن نلحق على النسوان! داغر رفع الاسلكي .. نداء ندااء من f1 الى f002 التوجهه للبوابه الرئيسه ! : علــــــــــــــــــم داغر يركض يلحق عيال عمه واقفين عند الجدار واحد من الرجال السود شافهم انفجع داغر : وووقف مكانك ووقف الرجال الي واقف الجدار نط داخل البيت وترك صديقه معلق على الجدار منتظر الي فوق يسحبه سادن سحب رجله: انززززل يا كككلب انزززل داخل بيت فيه نسوان! الرجال متمسك بقوة :ابتعددد اترك قددمي سادن وداغرشدوه بكل قووتهم الرجال انفلتت يده وتمخش وجهه من السراميك الي بالجدار طاح في الارض جاء رفع جسمه سادن ضربه بكس على وجهه الرجال قام بوحشيه افريقيه.. ضرب سادن ببطنه بكس .. | ||||
|
| |
|
25-10-15, 10:33 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سبحان الله سبحان سبحان الله ***************************** داخل القصر.. ركبوا الاجهزة على عبدالله اسامه يسجل بيانات .. سطام يطالع شجاع: ووين ملفه ؟ شجاع : أي ملف ؟ شجاع : تقريره الطبي خن اشوف وش صار فيه ! شجاع : اها الملف الطبيب عيا لا يعطيني ايااه قال لا سطام: هه خايف لا يطير من عنده المريض وعساك بس خليته الملف عنده والله ان تتصفق ! شجاع فتح شنطته : لا اخذته بالقوة قلت له بيدخل ذمتك واقعد بها انت ومستشفاكم اعطاني نسخه ! سطام فتح الملف طالع الملف انذهل : ماشاء الله وش صاير مو معقول !! اسامه قرب من سطام: شسالفه؟ سطام ناول اسامه اقرا الشباب الي جالسين : شسالفه ؟ اسامه : اوه ماشاء الله تبارك الله بس من جده ولا يستهبل !؟ سطام : نادي رعد ناده فيه شي غريب بهالبيانات! اسامه : قصدك ناقصه ؟ سعيد التفت يطالع فيصل: متى جاء رعد ولا رعد حقهم ؟؟؟؟؟ فيصل مو معه مسرررح اسامه : ايه ناقصه ورقتين تكملت الفحص حق القلب والقفص الصدري ! سطام بسخريه: يبينا نرجع له ! اسامه اعطى سطام الورق : بروح اناديها بعد عشر دقايق .. عند الباب اسامه اعطى غنج طرحه غنج: ؟؟؟ اسامه :علشان اذا دخل احد من العيال وكذا غنج حطتها على راسها : طيب انفتح الباب العيال توجهه انظارهم له.. دخل اسامه ووراه غنج غنج : السلام عليكم الشباب : وعليكم السلام سطام لف ياشر على الورق : غنج طالعي هنا غنج قربت اخذت التقارير رفعت التقارير تقرا بسرررعه عيونها تتحرك بسرعه .. العيال ..................... سعيد غض بصره فاجأته طالعه جمييييله غسان فحصها فحص بعيونه" ماشاء الله محلوووووه وش هالزين " سطام سكت يطالع فررررق فرررق .. متعودين شكلها بنوتي بدون مكياج سطام استحى :هاه شالسواه ؟ غنج قربت تطالع عبدالله : اسامه فحصته ولا باقي ؟ اسامه اعطاها التقرير حقه: تفضلي اخذته قرته بسرعه : حالته تتردى بنسوي له فحص بالدوبلر سطام : من جدك ؟ غنج فكت الطرحه ورفعت فيه شعرها : بسرعه خن نتطمن !! اسامه : بس جسمه ما يتحمل المخدر !! غنج بنات اكتافها وجسمها :الاجهزة الحديثه الي استلمتها احدث من اليم وجوده بالمانيا ! اسامه: ايه شفتها اليابانيه ! طالعت الموجودين : سعيد؟؟ فيصل ؟؟ شجاع وسطام توهم يتذكرون ان غسان وسعيد مو محارمها .. سطام : تفضوا بنسوي العمليه ! شجاع: انا بقعد! سعيد شك البنت تعرفه وتشبه رعد خويهم التاجر والحين حاطه مكياج! سطام: مارح تتحمل راح تستفرغ ! بندخله من المريئ! سعيد وقف ولحقه غسان طلعوا شجاع القى نظره اخيره وطلع .. غسان لمعت بمخه فكره عظيمه .. سعيد يفكر" علي الحرام اني شفتها تشبه رعد يوم لبسناه لبس النسوان ! ويمكن اخوان او يتشابهون !!وش هالعائلة " داخل الغرفه.. غنج تعقمت ولبست رافعه يدينها : راح تبدا العمليه سطام واقف عند المعدات : راح نقلل من كمية المخدر! اسامه وزن الكميه : كذا مضبوطه ! غنج : بسم الله العمليه بسيطه ما يبي لها .. اسامه تاكد لي من الضغط ! اسامه متحمسس: ابشري ! ******************** صالة الرجال الرئيسية وائل يشرب شاهي بالنعناع ويطالع جامح جامح طفش من نظراته : شنو للاحين تفكر ؟ وائل بتفكير: مو قادر انسى حجتيها باقي براسي جامح يطالع الرجال : يمكن تستفزك ! وائل تنهد : هو صج والله حسيتها مو طبيعيه بس ما ادري ما بيني وبينها شي علشان تستفزني ! جامح: وبعدين من صجك باقي تفكر بهالسوالف اذا اهي من نصيبك بتاخذها واذا لا الله يعوضك ! راشد جلس جنبهم : سلام عليكم ورحمة الله ! الرجال الي سمعوه : وعليكم السلام ورحمة الله ! راشد بملل : متى نخلص مليت ! جامح: اهجد بس ما بقى شي راشد طالعهم : شسالفه اشوفكم خواتي تتهامسون ؟ جامح : خواتك بعينك يا منيره تتحلطمين ! وائل: هههههههههههههههه راشد ابتسم : وش بقى الحين ؟ جامح: وش بقى بنتعلل عندهم وبنمشي وش بنسوي يعني ؟ وائل : وبعدين ليش ما قلت لنا عن اختك قلت بنتي يا نصاب ؟ راشد: نسيت وش تقرب لي ! وائل طارت عيونه: يا كذاب ! راشد يطالع عائلة غالب جالسين قباله ما عدا غالب ابوهم . جامح التفت : وش فيك ؟ راشد : وينه هالعقرب ؟ جامح: اها ما عليك منه الله يكفينا شرهم! راشد زفر:امين وائل : كلا على همه سرا وانا على همي سريت ! جامح: اسكت بالله اسكت انت وهمومك المعاقه سبحان الله وافق شنن طبقا لوو تروح تعرس بمكان ثاني ابرك لك ريح الكره الارضيه من انتاجكم ومشاكلكم راشد سند راسه : ههههههههههههههههههههههه أي والله ! وائل : سأرحل وستندمون جامح: يا معود روح زيين مو ترحل بس راشد يكمل: انقلع جامح: ايوووه ههههههههه راشد تنهد: انا وش مجلسني مع الكويتين ! جامح ووائل التفتوا عليه .. راشد طالعهم بعدم اهتمام : خير وش عندكم ؟ جامح: والله لو ما احنى بمجلس رجال كان شفت العلم ! راشد عدل جلسته: يصير خير وائل يطالع جامح: من وين متعر ف عليه هذا ! جامح: كنت بالمباركيه ولقيته يحمل كراتين برتقال راشد : هههههه ظريف ظريف ! وائل : هههههههههههههههههه دخل غسان ولقى ابوه واقف بهمس: يبه تكفى عندي طلب مروان : هلا تم وش تبي غسان: ابي اعرس ! مروان بدهشه: الحين ؟ غسان :بنت ماجد يبه تكفى قبل لا ياخذونها علي ! مروان بتفكير: والله هي مليحه وذات خلق بس ما شفت بوجهك كمية الاعجاب الي الحين غسان ابتسم وبانت اسنانه: هاه وش قلت ؟ مروان غمز لولده: عسى ما شفت لك شوفه هاه ؟ غسان بضحكه: الله الله هاه وش قلت ؟ مروان : تم بس خلنا نشاور اخوها وعمك عبدالملك ! غسان : متى ؟ مروان بعدين مو الحين غسان : لا الحين علشان تحرجه ويوافقون قدام الرجال مروان بتفكير يعرف شخصيه راشد: ما اعتقد بيمشي الوضع راشد ذيب وبيفهمها ! غسان: خن نجرب وش ورانا ! مروان اشر لاخوانه جلسوا قرب راشد بصدر المجلس .. غسان جلس | ||||
|
| |
|
25-10-15, 10:35 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مروان : اشلونك يا راشد عساك طيب؟ راشد طالعه من فوق لتحت : حمدلله طيب وانت ؟ مروان: حمدلله طيب والله اليوم عندنا شغله ونبيها منكم ابو سعد: شسالفه يا مروان مروان ابتسم : والله يا خوي الكبير نبي القرب منكم انت وراشد راشد بانت عليه علامات الصدمه : لحظه وش تقصد بالضبط؟ جامح قلبه انقبض طالع في مروان وش يبي ذا .. المجلس هدءا يسمعون وش بيصير مرون ببشاشه : نبي نخطب غنج لولدنا غسان الرجال حب يكمل دينه راشد قعد يطالع حسسس الغيره شبت بصدرره جامح وجهه حمر حس الدم بعروقه يفور : بيخطب غنج؟؟ ابو سعد: هذي الساعه المباركه بس الموضوع راجع لاخوها هو ولي امرها راشد اخذ نفس واحتدت ملامحه : والله الساعه المباركه جامح انصدم لف طالع راشد : لحظه ياراشد وش الي الساعه المباركه غنج خطيبتي ! الي بالمجلس انصدموا راشد: اهداء يا جامح الشور الاول والاخير لغنج خلاص اكبرت ! صقر يطالع باهتمام : ماشاء الله مخططين على البنت وهي ما تدري ! مشيب: البنت لولد عمها مارح تاخذ من الغرب ! ابو سعد: والله لو تبي من عيال اخواني هي تامر ولا من جامح رجال كريم ومحترم هي تامر بس مسالة ولد عمها ابعد عن وجهي يا ولد غالب ازين لكل انك ما تقدر لي ! راشد بغضب:وش الي لولد عمها ؟!غنج تاخذ الي تبي وتتخير بعد ! طرقا عن الي ما يبي صقر : والله انت اعلم بالاصول ان لها ولد عمها سعيد دخل على الهوشه .. راشد: والله ما تاخذ من عيال عمها لو ما تبي تفهم يا صقر ؟ ! ساري : والله الاقربون اولى بالمعروف !! راشد: أي معروووف تتكلم عنه الرسول ما حبب في زواج الاقارب والبنت ما تتزوج غصب عنها !! جامح يكمل : لا ضرر ولا ضرار ! سعد: لا حول ولا قوة الا بالله مشيب : تاخذ من عيال عمها تتخير وتتدلل اما الغرب ما نبيهم ! ابو سعد: لا فرق بين عربي ولا اعجمي الا بالتقوى ماخذين السالفه لعب انت وياه ولا شسالفه ! شملان : صدقت بس نبيها منا وفينا وبعدين انت يا جامح متزوج من قبل وش لك فيها ؟ جامح كنه اسد انخذت دخل بارضه عدو : غنج بيني وبين راشد اتفاق انها تكون من نصيبي اذا دخلت ال20 ! راشد: والله انت نعم الرجال بس الشور لها لو تبيك والله والي رفع سبع ونزل سبع ما ياخذها غيرك هد الحين تعوذ من ابليس! صقر: يا حبيبي مارح تاخذ الا من عايلتها ! راشد: وليه من حضرتك انا ولي امرها انت وش وضعك !؟ هاه ؟ صقر ما صدق: اقول خن نجيب تحاليل نتاكد من انك اخوها هه قال ولد ماجد راشد: ولده طرقا عنك لا شككني بابوي بعد ؟ هذا الي ناقص ! صقر: يارجال روح والله مابك من ماجد شي! راشد الغضب معميه ويتظاهر بالبرود: والله يا حبيبي مو شغلك ولا طلبنا رايك اشبهه ولا ما اشبهه غنج اختي وبنت ابوي في راسك اهل اهلك خير ورينا وش بتسوي وبعدين وش لك انت هي في عهدتي وانتم متبرين منا انا وابوي وجاين الحين تقولون اهلها وغرب اسسسستح على وجهك بس استح !! رائد بهمس: هلا هلا بالعيال هوووشه ! علي: ما صدقنا سالفه التزاوير تمشي الحين فتحوا سالفة العرس ! صقر تغير لون وجهه : والله متبرين ولا مثبتين تبقى نهاية اسمها الجارح ومارح تاخذ من الغرب ! راشد :من الغرب !! يا كبرها عند ربي وش بيصير لو اخذت من الغرب هاه صقر:حذرناك راشد: يا رجال ابعد عن وجهي بتتبرا منا ووش فرقت انتم الي تلاحقونا موب احنى ! صقر سكت بغيض صدق راشد بكل حرف راشد يكمل: ومنهو ولي امرها هو انا انت مالك شغل تتزوج تقعد تموت تحيا مو شغلك انت واهلك يوم جت الدراهم شفنا وجيهكم هه مسخرره كلاب دراهم !! صقر بكرره: ثمن كلامك يا راشد! راشد بتحدي: انت الي تثمن كلامك قاعد تطعن بالانساب وينه القاضي خله يجي يعطيك من قال الله وقال الرسول جاي تتفلسف اقول خلك بشغلك بس لولا الله ثمن غنج مشروع امريكا كان ما نجح خل عنك الكلام الفاضي وكمل فنجانك وتوكل ! ابو سعد طالع مروان " وش جوك فكيت علينا حرب" : صلوا على النبي وتعوذوا من ابليس راشد طالع صقر بظرات تشابه نظرات صقر .. في الخارج .. هذال واقف يكلم لفت انتباهه اثنين يتساسرون هذال نزل الجوال: ثواني بس هذال راح لراء المجالس لقى غالب وماهر يتكلمون هذال قرب استغرب وش بين غالب وماهر غالب / زي ما وصيتك ! ماهر: اخيرا مابغينا جاء الوقت ! غالب: لك اتعابك لا تشيل هم كل شي بحقه وكلنا مستفيد ماهر: ماعليك .. هذال بصوت جهوري : وش عندكم هنا والناس داخل المجلس تتهاوش ! توتروا .. غالب: وش تقصد؟ هذال : عيالك داخل يتهاوشون مع عيال ال عبد القوي ماهر" عسى ما سمعنا" : وليه ؟ غالب بخطوات سريعه : انا بدخل هذال يطالع ماهر: الله معك ماهر توتر من نظرات هذال : خن ندخل بعد ماهر تحرك خطوة مسكه هذال ورصه في الجدار: قسم بالله لو يجي غنج شي او راشد معها قسم بالله قسم بالله انت وياه هالحقير لادفنكم وخلوا واسطتكم تنفعكم .. ماهر توتر: وش تقصد؟ هذال بهمس كالفحيح: علم جاك لا يتعداك !! دفه بكل قوته على الجدار ومشى! : اوووه ي الاهي اينما اجدك اراك تتعارك ! مالذي يحدث يا اخي ههههههههههه هذال : مشينا بس خن اغسل يدي بعد هالزباله ! ماهر زاد كرهه لغنج .. ************************ | ||||
|
| |
|
25-10-15, 10:35 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بقصر ال عمر .. البيت يعمه الهدوء .. البيت حزين اسيل تقلبت بكسل جنبها غدير تطالع من الدرايش .. غدير بخوف: فيه احد يدخل للبيت ! اسيل : بلا هبل يا خبله الدنيا حرس ! غدير طقت اصبع تسكر الضوء :والله ظل اسود اكثر من واحد اسيل قامت : لا تخوفيني !غدير: دقي على ابوي طيب واعمامي هم في بيت ابو سعد ! غدير تطالع الرجال : البيت فاضي مافيه الا انا وانت ورنيم في غرفتها نايمه والحريم الباقيات في بيت ابو سعد شسوات ؟؟ اسيل اخذت جوالها: بدق على عمي فيصل غدير: عمي فيصل مين والناس نايمين فصول من طلع ما كلمنا دقي على ابوي ! اسيل فتحت الجوال : ما يرررد غدير بخوف اكثر: دقي مره ثانيه " اللهم اكفناهم بما شئت وكيف ما شئت والطف بنا يارب " اسيل تدق على اعمامها : وش ذا الدعاء ؟ غدير: دعاء الخوف اسيل: " اللهم اكفناهم بما شئت وكيف ما شئت والطف بنا يارب " غدير: هاه ووش صار ؟ اسيل بقلق: ما يردون كلهم مشغول ! غدير بتموت من الخوف : خلينا ننادي رنيم نصحيها لا يجون علينا الحين محنا ناقصين ! اسيل : بدق على الشرطه ! غدير طلعت من الغرفه :دقي على الي تبين اخللصي خن نصحي رنيم عند السور الخارجي .. بداغر طلع سلاحه : ارفع يدينك وانبطح على الارض وانت رافع يدينك بسرعه ! الرجال الاسود يطالع يمين يسار بتربص : ............. بداغر بزمجره: ارررفع يدينك طلق رصاصه على الجدار الي وراه الرجال رفع يدينه وانبطح بالارض الرجال بغدره بيتحرك نط عليه سادن معه كالبشات ثبت يدينه وداغر ثبت رجلينه بداغر : مسكنا الاول كم دخلوا ؟ سادن: الي شفتهم كانوا 6 بداغر : بلغت عنهم جاء صفوانه ومعه الكلاب وشجاع وسعيد وكنان ومهند معه يركضون مهند: ووش صااير؟ بداغر: بتسلق الجدار؟ مهند: بعررصي انت ؟ بداغر ثبت ملابسه : اقولك برقى الجدار وبعطيكم حبل محسبني داخل المجال الشرطه على أي اساس ؟ مهند: اجل حنى معك ! داغر تمسك باول حجر سراميك وتسلق: بسم الله كنان: والله كنه بعرصي من جد ههههههههههههههههه داغر يتسلق بسرعه وصل للجدار ورمى لهم الحبل نزل عن الجدار نط منه وثبت الحبل بمجسم النافورةوشده مرتين عند الجدار.. منهد : ثبته يلا بسرعه قبل لا يجيه احد ! كنان: دامك متحمس يلاه قووه اول واحد ! مهند يطالعهم : حسبي الله وكفى العيال : ههههههههههههههههههههههه صفوان قرب الكلاب من الرجال المثبت : شمووه اسكروا بريحته ربعه داخل التفت عليه 12 كلب بوليسي .. العيال : يلا بسرعه النسوان داخل عسى ما دخلوا عليهم .. مهند تمسك بالحبل ورقى الجدار : والله لو اني بغابه ماشاء الله كنان: شده زين وخلك الاضحيه علشان فدا 7 اشخاص ! منهد: ارقى وابشر بالي يقطع الحبل داغر راح للبوابه لقى غرفة الحرس فيها اثنين موتى توتر داغر تلفت يمين يسار الدنيا ظلام سكروا الاضاءه حق الحدايق طلع الاسلكي يكلمهم عن الحادث والي موجود شغل جواله يدور على لوحة التحكم بيفتح البوابه يدخلون الكلاب .. لقى لوحة التحكم .. عليها مفتاح و وبوحة تحكم ثانيه مكتوب عليها كهرب الحدايق والبوابه داغر " اذا فتحتها بفتح القصر كامل وبتروح فيها ارواح ولا المفاتيح الخاصه مقفله ! بالقرب من المكان .. قريب من القصر .. ال6 تقسموا في الحديقه يدورون الحراس و4 دخلوا للقصر .. تشغلت الانوار تلفتوا بخوف وصوت الكلاب استمعت واحد منهم التفت على غرفة التحكم حق الحرس شاف داغر بلبسه الشرطه: انجدوا انفسكم فقد حضرت الشرطه ! الثاني بشجاعه: ومالذي ساتفعله الشرطه هاه انه عصر اثيوبيا ! سنقوم بقتلهم فاخوتنا منتشرين هنا ! الاول حس بتوتر البوابه انفتحت وصت الكلاب دخل الثاني اخذ المسدس واشر على داغر وطلق على كتفه داغر التفت طاح بالارض مسك كتفه :بسررررعه يا عياااال بسررررعه عند البوابه .. دخل صفوان ومعه الكلاب وفكهم في الحديقه توتر صفوان من صوت النار .. راح لغرفة الحرس شاف داغر في الارض وجنبه جثث.. صفووان انفجع : دااااغررررر! داغر مسك رجل صفوان وسحبه على الارض صفوان اختل توازنه وطاح على الارض صفوان : وووش فيك انطلقت رصاصه من الحديقه على المكان الي كان واقف فيه صفوان بلع ريقه : بسسم الله ! داغر : خلك جالس ! داخل القصر ... دخلوا الاربعه للقصر يتلفتون ... في الدور الثاني .. رنيم قامت مفزوعه سمعت صوت الرصاص اسيل: ااااص اااااص فيه حراميه في البيت ! رنيم بفجعه : ايييش من جدك ؟؟ اسيل: والله ما اكذب استمع صوت الطلقه الثانيه ! البنات كتموا صراخهم خااايفين بينجنون .. رنيم :خن نقفل الباب لا يدخلون علينا الجناح ! اسيل :لا والله انزل واذبحهم رنيم: مسكتها يا مجنونه انهبلتي انت ؟؟ اسيل :والله انزل لا يدخلون علينا البيت بنروح لغرفة الاسلحه حق ابوك ! رنيم : بس ابوي ما اعرف وين مخزنه! اسيل :انا لاعرف واعرف الرمز بعد! غدير: لا لا معليييش معليييش ماني نازله بنقعد وبنقفل الباب ! رنيم قامت من سريرها وضغطت زر الامان نزلت ابواب حديديه على الشبابيك والغرف رنيم: الحين مارح يدخل علينا احد ابد !! اسيل : يااا خبله واذا دخل علينا احد هاه شسوااااته ننحبس ونروح خبر كانا يعتدون علينا ويضيع مستقبلي لا عرس ولا رجل مزيون ولا بزارين ولا جامعه \غديرماسكه ضحكتها على اختها الهبله: اعطتها ضربه على راسها : يا خبله هذا الي همك ؟ اسيل تمسح مكان الضربه : ايه هذا المهم اجل تبنيهم هالافارقه يعتدون علينا خيررر ! | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
