|
| LinkBack | أدوات الموضوع | انواع عرض الموضوع |
18-10-15, 05:52 AM | #21 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت12 السـآعه 2 و 17 وصلوا المستشفى و الخوف مسيطر عليهم , يمشون بخطوات سريعه لغرفتهه , اول ما وصلوا راشد ضم حمد بقوهه و هو يمسح ع ظهره , بعد عنه بقلق و هو يسأله : شصار؟ حمد باستغراب ناظر اماني! راشد بيأس : ما قدرت امنعها, اماني: تكفوون وينه سالم ابي اشوفه حمد مسكها من اكتافها : اهدي ! راشد : الدكتور ما قال شي؟ حمد : من اول ما وصلت وانا واقف هنا , للحين م جا الدكتور ولا اعرف شي راشد زفر بقلة حيله ثم التفت على حمد : خبرت الشباب ؟ رايحين يدورونه! حمد : اي خبرتهم , عبدالرحمن جاي ف الطريق.. اماني تشهق و تبجي بصوت خفيف , التفت عليها راشد و سحبها من يدها و ضمها لصدره و هو يمسح ع ظهرها : خلاص اهدي ربج كريم , ان شاءالله يقوم بالسلامه. شوي الا جا عبدالرحمن , وقف حمد وسلم عليه و رجع قعد , عبدالرحمن قعد جنبهه بملامح ذابله وباين عليها الخوف. فجأة طلع الدكتور و حامل ملف بيده , توجهوا له بخوف و يتقدمهم حمد : شلون صار سالم؟! هو بخير؟ الدكتور بملامح جاده : سوينا له اللازم , بس باين ان الطعنات موب قليله و خصوصا انه وصل المستشفى في وقت متأخر جدا عن وقت الحادثه, (اماني شهقت بخوف) ,, انا ما اقول انه بخير ولكن ممكن انه يتغلب على هذا الشي حسب قوته , و ممكن لآ.. راشد بخوف : شلون يعني! الدكتور: اخوكم و للاسف دخل غيبوبة, و حاليا هو ف العناية المشدده , يعني اذا هو قوي و متمسكك بحياته راح يتغلب ع هذا الشي و يصحى حتى لو بعد فتره , و اذا لآ ... حمد سحب نفسهه و اسند ظهره بالجدار رفع يدينه و هو يشد شعره لوراء و دموعه تجمعت ف عيونه .. راشد بملامح باردهه : شكرا على كل حال , الدكتور : الله يكون بعونكم ..! اماني توجهت لباب الغرفهه ووقفت تناظره من وراء الزجاج , شافتهه نايم و الاجهزه ممليه جسمه , طاحت دمعتها بشكل سريع , مسحتها بسرعهه و غمضت علينها وتكلمت من ورآء الباب: احس فيكك ! احس انك متوجع ,, سآلم تكفى لا تروح و تخليني .! بعدين ما عاد تصير لكلمة توأم اهمية و ما عاد في احد اعصب عليه و يكلمني ببرود , ما ابيك تروح , ما ابي ذكرياتنا اتذكرها لحالي , كل شي كنت تشاركني فيه! غرفتي , سريري , العابي, اشيائي , كنا نلعب مع بعض , كنا ناكل مع بعض , سآلم انت جزء مني و اذا رحت محد راح يقدر يعوضك .. تمسك بحياتك عشانيّ سآلم تكفى! حمد توجه لها و سحبها بحركه سريعه و ضمها بقوه و دموعه تطيح , اماني تعلقت برقبته بقوه وهي تبجي و تتكلم بقهر: حمد مابيه يروح! تكفى قوله اماني تحبك وما تبيك تروح! تكفى خله يحس فيني مثل ما احس فيه! حمد ضمها بقوهه و دموعه تطيح : كل شي صار بسببي..! اماني انتي تحسين فيه و تقدرين تتواصلين وي روحهه! تكفين قولي له حمد يحتاجك .. حمد مسامحك و يبيك تكون بحياته ... اماني فتحت عيونها و الدموع تطيح وحده ورآء الثانيهه , , عبدالرحمن لرآشد : خلاص خبرهم عن وضعه بلا ما يخافون اكثر راشد و هو يمسح ع وجهه : تمام .. مسك تلفونهه و دق على ابوه و ع طول رد : هلا يبه, - ها ي راشد عرفت شي عن اخوك؟ - اي يبه حاليا هو ف المستشفى ال ** , - مستشفى!!!! ليش شفيه! - لقوه مطعون عدة طعنات و دخل غيبوبه حاليآ وضعه مو مستقر. . - لا حول ولا قوة الا بالله !!! يلا احنا جايين مسافة طريق بس - ماشي.. سكر التلفون و تنهد بضيق , ---------------------------------------------------------------- بعد مرور 3 ســآعـآت القصر شبهه فاضي , عآيلة ابو راشد كلهم ف المستشفى , بمـآ فيهم زوجات عيالهم ,, سـآلم وضعهه بدأ يستقر ولكن هذا ما يعني انه أكيد يعيش , كان خوف الفقد مسيطر عليهم , أماني كانت منهارهه جداً , و تهاني مثل الشي , فجر تهديهم و هي اساسا خايفهه , اما ملآك توجهت لمتعب بملامح ذابلهه و وقفت جنبهه و الدموع بعيونها : للحين زعلآن؟ متعب غمض عينه بهدوء و رجع فتحها بدون م يناظرها: ملآك انا مو في حالهه اقدر اتكلم فيها , ممكن تبعدين ؟ ملآك ناظرتهه باسف : تمام .. بعدت عنهه و توجهت لريناد و فجر و تهاني وقعدت جنبهم , تهاني ضامهه ريناد بقوهه و ما وقفت عن البجي ابدا , ريناد بهمس لتهاني: سمعتي الدكتور شقال؟ اذا كان قوي راح يتغلب على وضعه , تهاني تكفين صيري قويه عشان هو بعد يصير قوي , اذا كلكم ضعفتوا م راح يحس بالقوهه ابدا.. اماني وهي تمسح دموعها بشجآعه : يكفي! قامت من عندهم و توجهت لمكتب الدكتور , دقت الباب و دخلت م شافته طلعت و مشت بالممر لقته قدآمها : لو سمحت! الدكتور : نعم اختي بغيتي شي؟ اماني : ممكن ادخل اشوف سـآلم؟ الدكتور: سبق و كلمتكم بهذا الموضوع ! وضعه خطير جداً و ممكن لمسكم له ياثر على صحته! اماني بانكسار: م راح المسهه بس بكلمهه ! ابيه يحس فيني! الدكتور: اسف م اقدر هو ع مسؤوليتي و انا ما بعرضهه للخطر اكثر اماني : دقيقتين بس! وعد! الدكتور بقلة حيله : اوكيه ! دقيقتين مو اكثر!! مشت ورآه لغرفته اعطاها قميص تلبسهه و كمامات و مشى معها لغرفه سآلم..! ملاك لما شافتها من بعيد , ابتسمت ابتسامه جانبية فاقده للامل : كنت ادري انها ما تقدر تتحمل تبقى قاعدهه , ريناد بخوف: اماني! ام راشد لما شافتها شهقت : وين رايحه! اماني بثقه : بدخل عند سالم! ابو راشد للدكتور: يعني ماكو خطر؟ الدكتور: حالته ما استقرت ولكن هي اصرت..! حمد : اماني لا تجازفين ! ارجعي مكانج اماني بتحدي : حمد! يبهه خلاص ! دقيقتين و بطلع ما بنام عنده!! بكلمهه شوي.. اهدوا راشد مسك كتف حمد : تدري انك م بتقدر تمنعها .. لا تطول الموضوع حمد غمض عينه بقهر و رجع مكانهه متعب بملامح ذابلهه : عنيده الدكتور بتهديد : دقيقتين بس! اول ما اطق الباب تطلعين.. مفهوم؟ اماني بهدوء: تمام.. اول ما فتح لها الباب دخلت على طول و الدموع متجمعهه بعيونها , و بدون ما تحس كانت دموعها تنزل وحدهه وراء الثانيهه , قربت اكثر لين وصلت عند سريرهه , عقدت حواجبها بحزن و دموعها تطيح ,شهقت بضيق ووزعت نظراتها على جسمهه المليان اجهزهه , تكلمت بصوت خفيف من وراء الكمامات : سآلم ,, انا هنا , اصحى شوفني ,, تكفى فتح عيونكك! , ( ناظرته ثواني و قعدت ع ركبها بانهيار , اسندت راسها بالسرير جنب يده و هي تبجي : سآلم تكفى لا تخليني .! مابي اكمل الحياه لحآلي , اذا تسمعني حركك يدك! ارمش ! سو اي شي بس لا تسكت..! غمضت عينها بتعب و هي تتكلم بداخلها : ي ربي قومهه بالسلامهه والله ماتحمل افقده ..! هو جزء مني و مابيه يروح..! وقفت قباله بصعوبهه و هي تبجي, مدت يدها برجفهه و هي تناظر الباب , شافت ان محد يشوفها , مدت يدها و مسكت يدهه بهدوء , مسحت ع يدهه و قربت من جبينهه و باسته, مسحت على شعرهه بيدها بنعومهه , مسكت يدهه بقوه : راح تقوم صح؟ ادري فيكك م تروح بهالسهوله..! حست بيده اللي شدت ع يدها , شهقت بخوف و هي تناظر يده!! بلعت ريقها و وجهت نظراتها لعيونه : سـآلم انت تحس فيني!! سمعت دقات الباب , لفت تناظر الدكتور من زجاج الباب , وسع عيونه لما شافها ماسكهه يده !! فتح الباب بسرعهه و ناداها , خافت لما شافها سحبت يدها بسرعه من يد سالم و مشت برجفهه متوجهه للباب , اول ما طلعت قابلها الدكتور بصراخ : انتي مو قلتي م راح تلمسينه! اماني و هي تشيل الكمامات و دموعها تطيح : آسفهه م حسيت لنفسي! الدكتور بعصبيه : لو صار شي هذي راح تكون مسؤوليتكم! حمد بعصبيه: انتي جنيتي ! م تفهمين ان ذا خطر عليه! الدكتور هز راسهه باسف و هو ماآشي اماني بفهاوه انرسمت ع ووجهها ابتسامه استغربها الكل : مسك يدي.. راشد باستغراب: شنو! اماني عرضت ابتسامتها : شد على يدي!! الدكتور لف عليها بصدمه قبل يكمل طريقه و مشى لها بحركه سريعه : شلون يعني! تحركك!! اماني باستغراب من الدكتور: اييه! ريناد وقفت و كتفت يدينها باهتمام , الدكتور و هو يفتح الملف و يسجل ملاحظاته : ممتاز!! يعني تقريبا بدا يستقر وضعه ! راح اجيب الممرضات يتفحصونهه! اماني بفرحه : يعني راح يصحى! الدكتور: ان شاء الله ..! مشى عنهم تركهم متمسكين بامل كبيــر~ ام راشد مو واسعتها الفرحهه كانت محتاجهه هالامل و لو شوي , .. ابو راشد تقدم لريناد بهدوء : ريناد بنتي ممكن شوي؟ ريناد بابتسامه واضحه هزت راسها برضـآ و قامت معه , مشوا ف الممر لين بعدوا عنهم , و رآشد كانت عينه على ابوهه اللي مستغرب حركته! ليش كلم ريناد؟ طلعوآ برآ المستشفى و بدوا يتمشون في الحديقةة , ابو راشد : ي بنيتي ادري انج صبرتي على راشد وايد.. و تحملتي حزنه و مصايبه,, انا ادري انه مقصر في حقج وايد و انا اعتذر عنـ,,, قاطعته بحده: استغفرالله عمي! انت بحسبة ابوي و عيالك و بناتك مثل اخواني و خواتي , و راشد ؟ مجبورة اتحمله كوني زوجته .. ابو راشد : ادري انج متضايقهه بسبب الجناح ال قاعدهه فيه !.. و ما اجذب عليج القصر كله ملتهي بسيرتكم لين جاء خبر سـآلم الله يقومه بالسلامه .. ريناد بابتسامه بارده : ان شاء الله.. ابو راشد بابتسامهه : على العموم انا كلمته و نصحتهه بس مثل منتي شايفه ماكو فايدهه , ريناد بابتسامه : عمي لا تشيل هم اصلا احسن لي جذي , ماخذه راحتي و اشتغل و ممشيه اموري.. ابو راشد وقف قبالها بجديهه : راشد ولدي و اعرفه و عشان تردين له عقله ابيج تتجاهلينه قد ما تقدرين, و يوم انه قال راح يعيش حياته ولا كانه متزوج ,, خله على قد كلآمه , لا تهتمين له ابدا و عامليه مثل ما هو يبي .. حتى استأذان لا تستأذنين منه , انا اعطيج الاذن تروحين لاي مكان تبينه كوني عمج و بحسبه ابوج .. انا واثق انج تقدرين تتدبرين الموضوع و تجيبين راسه! اقهريه قد ما تقدرين لا تعطينه مجال يلعب عليج و يعاملج حسب تقلبات مزاجه . ريناد عرضت ابتسامتها: بالضبط هذا ال راح يصير , بس خايفه انه يسوي لي مشاكل .. ابو راشد بابتسامه : ليش يسوي لج مشاكل و هو زوجج بالاسم و بس؟ ريناد ضحكت ع خفيف: تآمر , م راح يصير الا اللي يعجبك انت و عمتي ام راشد.. ابو راشد بحنيه : الله يصبرج عليه بس! اكثر واحد عنيد ف عيالي.. ريناد : الله يصبره هو ع اللي راح يجيه! ابو راشد ابتسم لها , و رجعوا للجناح اللي فيه سالم اول ما مشوا ف الممر كـآن صوت الصرآخ واصل لعندهم , ريناد نغزها قلبها من الصدمهه و سرعت خطواتها اما اابو راشد كان يهرول لعندهم,, ابو راشد بصراخ مسك وجهه تهاني بين يدينهه : شفيييج ! شصاير ريناد بخوف و برجفهه تطالعهم بحالهه مزريهه و حمد صوتهه طاآلع من الغرفهه وقفت ع الباب و هي تسمع صوته يبجي بصرآخ بشكل مخيف: تكفى لا تموت ! سآمحتكك انا بس لآ تموت و تخليني!! .. تكفى سالم تكفى لاتروح عني! ريناد برجفهه لفت لفجر : ش ششصاير!! فجر ببجي : نبضه تسارعع و احتمال يروح من ايدنا..! حالته رجعت تدهورت بعد ما استقرت .. ريناد انصدمت من كلامها و هي تناظر ام راشد اللي ضامهه اماني بقوهه و تمسح ع راسها ريناد برجفهه مسكت كتف ام ملآك : ي ربي صبرهم .. الدكتور طلع حمد من الغرفهه , و سكر البــآب .. حمد اول ما طلع توجهه لرآشد و ضمه بقوهه و ببجي : كله مني انا!! فجر بدت دموعها تطيح بدوون ما تحس , مـآ تتحمل تشوف حمد بهالحاله , مسحت دموعها بشكل سريع و سرحت تتذكر امس . . . بعد نص ســآعهه , طلع الدكتور بملامح جادهه و كلهم التموا حولهه : قدرنا نرجع نبضه لوضعه الطبيعي تدريجيا ولكن حالته لا زالت غير مستقرهه , ف ياريت م تتعبون نفسكم و تبقون لان ما في فايدهه من وجودكم .. اذا صارت اي تطورات بنخبركم , ابو راشد وهو يحك لحيته : يلآ اماني ريناد اخذوا ام راشد و البنات و ارجعوا البيت , ام راشد سكرت القرآن و باين لمعةة الدموع بعيونها : بقعد هنـآ , بقرآ له آيات و بذكر ربي عسى يشافيه و يعافيهه ,, ابو راشد : اقري له ف البيت , هنا تتعبين نفسج ام راشد : هذا ولدي مثل ما هو ولدك , ما يمديك ترجع قلبك يضل وياه ! ابو راشد : متعب قوم وصل البنات ع المزرعه و خذ معك حمد , روحوا ارتاحو , راشد يبقى معنا هنا اي شي يصير نخبركم .. أماني :م ابي ارجع . حمد سحبها من يدها بحنيه : قومي حتى انا برجع , نسبح و نبدل و نرتاح و اجيبج المغرب .. اماني : وعد.؟ حمد : وعد . . قومي.. كلهم طلعوا من المستشفى , و قلوبهم باقيه مع سالم .. كانوا كلهم يتمنون انهه يقوم بالسلآمهه .. و خايفين عليه حـيل.. اول ما وصلوا القصر استقبلتهم ام عبدالله و ام سيف و ام فهد .. و كـآنوا البنات كلهم ينتظرون خبر ف الصآلهه خصوصا غآدهه .. قلبها ماكلها على سالم .. اماني اول ما دخلت ضمت خالتها ام سيف و بدت تبجي بصوت عآلي. . اما تهاني قعدت وسط البنات و كلما تحاول تهدي نفسها دموعها تطيح من جديد .. ام عبدالله بحزن لريناد : وشلون صار سآلم؟ ريناد بصوت خفيف و غآدهه بتركيز تسمع : اول ما رحنا كان ف غيبوبه بعدين تسارع نبضهه و بغينا نفقدهه بس الحمدالله تدخل الدكتور بسرعه .. حالته للحين مو مستقره غآده امتلت عيونها من الدموع و هي تلوم نفسها الف مرهه .. كان الكل حزين ذيك الليله و يدعون انه يقوم بالسلامه ف اسرع وقت .. بعد مـرور اسبوع - ريناد كالعاده مداومه ع شغلها و ادا ترجع البيت ع طول تروح المستشفى - سـآلم استقرت حالته - تهاني و عبدالرحمن تقربوا لبعض اكثر, كانت كلما تحززن تلاقيه جنبها يهديها و يطمنها - راشد موب عاجبته فكرة شغل ريناد - ملاك و متعب م في تطورات بينهم لان اساسا انشغلوا بسالم - ***************************** في صبــآح يوم جديد , صحت من النوم بنشآط و كالعادهه دخلت تتروش و طلعت ع السريع , تجهزت للشغل و نزلت تحت تفطر , سلمت ع البنات و قعدت اماني بابتسامه مسحت فمها: داآيمه ام فهد : وين ي بنتي؟ اماني : بروح المستشفى ام راشد : ما اكلتي شي! اماني: اساسا مو جوعانهه يلآ مع السلآمهه ,, ام عبدالله و عيونها على اماني و هي تطلع : ان شاء الله يقوم بالسلامه وتستانس هالبنت شوي ام راشد : اي والله .. صايره 24 ساعه عنده , توأم م نقدر نبعدهم عن بعض ام سيف: ليش هي مو عندها جامعه ؟ ام راشد : ايي تمر ع سالم بعدين تروح الجامعه عشان جذي تطلع من وقت .. ملآك : تهاني عطيني صحن الجبن.. تهاني مدتهه لها و هي تناظر ريناد : شلون شغلج؟ ريناد بابتسآمه : تمام! ام راشد : مرتاحه ولا ضغط عليج؟ ريناد : لا بالعكس م اشتغل وايد .. ام عبدالله :الحمدالله!.. ريناد : يلآ عن اذنكم .. تأخرت نور: م اكلتي شي! ريناد بابتسامه : شبعت . غآده : بتخلصين انتي!! اكلي شوي عشان تمتنين! ريناد رفعت يدينها : خلكم مني اهتموا في فجر لازم تاكل عن اثنين ملآك بضحكهه : اي والله! اكلي اكلي فجر بضحكه خفيفه : اكره شي كلما اكل احس اني مو شبعانه! ام راشد : عيل بيطلع دب ..! ملاك : الله!! عشان اشلع خدوده شلع! ام راشد : ولد متعب متى ناوي يشرف؟ ملآك خجلت و نزلت راسها . فجر بابتسامهه : قريب ان شاء الله قريب.. ام راشد : الله يسمع منج و عقبال ريناد .. هنادي و هي تنزل كاس العصير: ريناد ما ظنتي تجيب لكم احفاد ابدا اذا استمرت بهالعناد مع راشد ام راشد : الله يلين قلوبهم ع بعض.. ام سيف: عين و صابتهم ام راشد : اي والله! تهاني بهمس لملآك : لا عين ولا شي ! راشد يتدلع ملاك : اييييييه ------------------------------------------------------------- في المستشفى ,, وصلت جنآحهه بابتسامهه واضححهه ع وجهها , دخلت الغرفهه وقعدت جنبهه , مسكت يدهه و يدها الثانيهه ع شعرهه , باسته ع خدهه بحنيهه , ابتسمت و هي تدقق في ملآمحح وجهه , كان وسيم جداً ,,, فتحت القرآن و بدت تقرأ بصوت جميل جداً ,,مثل كل يوم ,, حست بيدهه اللي تشد على يدها , ابتسمت و هي تتابع القرآءة , كان كل يوم يشد ع يدها لما يحس انها موجودهه ,, خلصت السورة و سكرت القرآن و حطته ع الطاولهه , سحبت يدها من يده و وقفت مدت جسمها عشان تاخذ الماء من الطاوله اللي ع الجهه الثانيه من السرير , اخذت كاس الماء بهدوء و رجعت مكانها , بدون ما تحس طاحت قطرات على وجهه , تنهدت ! و تركت الكاس على الطاولهه اخذت كلينكس و بدت تمسح الماء عن وجهه ,,, لاحظت ملامحهه اللي بدت تميل للانزعاج و حواجبه اللي عقدهم بصعوبهه , رمش بعيونهه اللي ما قدر يفتحها عدة مرآت , ناظرته بفرحهه و هي تشد ع يده : سآلم ! تسمعني! ســآلم ؟ كان يشوف ضباب قداآم عيونهه و م يقدر يفتح عيونه بسهوله , و شي اشبه بالنعاس مسيطر عليه , حاول انه يصدر صوت ولو خفيف : ح .. ح حمد اماني و الدموع تطيح من عيونها بفرح: سآلم تسمعني؟ ررمش بقوهه لين قدر يفتح عيونه بانزعاج من الضوء الساطع , فتحها ببطئ و رجع غمض بتعب و نآم ,, اماني حملت تلفونها بسرعه و دقت ع حمد ,, شوي الا رد حمد : ها اماني صاير شي؟ اماني: ساللم!! حمد بخوف: شفيه!! اماني: صحى! يعني ما صحى بس نطق اسمك!! حمد بابتسامه : قال اسمي!!!! اماني : اييه تعال المستشفى بسرعه .. انه بروح اخبر الدكتور حمد : جاي جاي! اماني طلعت مسرعهه لغرفة الدكتور.. فتحت الباب بابتسامه : صباح الخير الدكتور : صباح النور باين مستانسه ! اماني: ايي سالم نطق !! و فتح عيونه بصعوبهه الدكتور :يعني صحى اماني: ايه بس ماعتقد كان في وعيه الدكتور بابتسامه : شي طبيعي! انادي الممرضه و بجي فورا اماني: تمام و انهه بخبر اهلي.. --------------------------------------------------- في الشــركــه دخلت المكتب بابتســآمهه : صباح الخير, احمد وهو يستند ع الكرسي: صباح النور ي هلآ.. ااء ريناد؟ ريناد: نعم؟ احمد : ينعم بحالج , المدير وليد قالي اول ما توصلين اقولج انه يبيج بمكتبه. ريناد حطت ملفاتها و التابلت ع الطـآوله : تمآم .. بروح اشوفهه , طلعت من المكتب و توجهت لمكتب وليد .. دقت الباب و دخلت .. رينآد : سلآم وليد بابتسامه عريضه: اوه ي هلا و اخيراً جيتي ! ريناد : تفضل؟ وليد : عندي لج خبر كلش مهم ريناد بابتسامه : صج؟ وليد : ايه! عرضنا نماذج من رسوماتج على شركة انسجهه ثانيه و ع طول وافقت ع الشراكهه, كلنا متوقعين معرض هالسنة ينجح نجاح كبير ريناد بفرحهه: ان شاء الله وليد قلص ابتسامتهه و هو يتأملها : ريناد ريناد : هلا وليد : انا,, انا معجب فيج ريناد قلصت ابتسامتها و بخوف: اذا خلص الموضوع برجع مكتبي.. وليد : اسف ادري المفروض ما اقول هالكلام ريناد سحبت ملفـآتها بسرعه و بربكهه و طلعت .. اما وليد تنهد و رمى القلم ع المكتب : خرربتها ! ------------------------------------------------------ في القصر ,, كانوا قاعدين يسولفون و الحريم يتابعون الاخبار , فجأة تهاني جت ركض ع الصالهه و بفرحهه : يمهه سالم صحى!! الحمدالله صحى!! ام راشد حطت يدها ع قلبها: الحمددالله!! غآده بدون ما تحس انصدمت بفرحه : قولي والله!!! جذااابه!!! تهاني : والله صحى!!!! غآده : الحمدالله!! غلآ باستغراب: وانتي ليش وايد متحمسه! غاآده بربكه : ولد عمي ! مو من حقي اتحمس يعني نور بنظرات شك و ابتسامه نذاله: اكيد من حقج ام راشد : يلا بقوم اجهز و بروح عنده ! تهاني: وانه بعد ام عبدالله : جايه معكم .. ام راشد : تهاني انتي ع الجامعه ..! اذا رجعتي تزورينه تهاني: يمه تكفيين!! ام راشد : ع الجامعه يالله! تهاني تنهدت بضيق و طلعت برآ القصر ,, عبدالرحمن كان جآي من بعيد : صباح الخير تهاني: صباح النور عبدالرحمن : شفيج تتأفأفين تهاني :سآلم صحى و امي موب راضيهه توديني عنده الا لين خلصت محاضراتي! عبدالرحمن : الحمدالله ع سلامته .. و عشان جذي متضايقهه ؟ تهاني : والله مالي نفس جامعه عبدالرحمن : ولا يهمج ,,نمر ع ستار بمس باخذلج موكآ ع حسابي و بعدها اوصلج الجامعه شرايج"؟ تهاني بحماس: صج؟ عبدالرحمن بابتسامه عريضه : يلا اركبي.. تهاني ركبت و هي متحمسهه واخيرا احد فكر يغير مزاجها قبل الجامعه | ||||
18-10-15, 05:53 AM | #22 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد مرور نص ســآعه ,, في المستشفى كآن ابو راشد واقف عند رآسه و ام راشد و اماني قاعدين على جنب وحمد مسند ظهره بالجدار .. فتح عيونهه ع خفيف و هو يوزع نظرآته المشوشهه عليهم رجع يحاول يتكلم : ح حمد حمد فز بسرعه و تقرب لعندهه مسك يدهه و شد عليها: انا هنا,, سالم على طول طاحت دموعهه , ابو راشد : امشي نطلع خ ياخذون راحتهم ام راشد بدون م تتكلم طلعت مع ابو راشد اما حمد ضل ماسك يد سالم .. سـآلم بصوت ضعيف: سـآمحني حمد ببجي : سامحتكك !! لا عاد تخوفنا عليك!!! سـآلم ببجي: ما تبي تسألني ليش سويت جذي؟ حمد بهدوء : لآ ,, انسى .. سآلم : خفت اموت و انت مو مسامحني ,, الحين ارتحت .. حتى لو بموت اموت مرتاح حمد >: اشش لا تطري الموت !! ارتاح انت انا بخلي امي تجي تشوفك سالم هز راسهه بضعف .. ----------------------------------------------------- سستـآر بككس كان قاعد معها ع طـآولهه و يشربون موكآ ساخنهه ,, حس باليد اللي مسكت كتفهه بقوهه ولاحظ عيون تهاني اللي انرفعت تناظر اللي واقف وراه على طول رفع راسهه يشوفه : أيمن!! أيمن بابتسامه : وبنك من زمان ما تبين!! قام من مكانهه و سلم عليه .. أيمن بهمس: مضبط لك مزهه ها؟ عبدالرحمن بابتسامه عريضه و بصوت مسموع : بنت عمي تهاني. أيمن وهو يناظرها و ما شال عيونهه: تشرفنا تهاني: الشرف لي. أيمن ابتسم لها.. و هي ابتسمت له بربكهه عبدالرحمن وهو يوزع نظراته عليهم : احنا ماشين .. يلا تهاني محاضراتج بتبدي! تهاني بابتسامه : تمام .. حملت اغراضها و مشت ورآء عبدالرحمن .. و لكن وقفتها يد أيمن و هو يهمس لـهآ ,: عيونج حلوهه .. ي ليت تاخذين رقمي و تدقين... تهاني بدون م تلف عليه ابتسمت و اخذت رقمهه و مشت بسرعهه قعدت بالسيارهه بابتسامهه .. عبدالرحمن استغرب منها . . اول ما جوا ما كانت مبتسمه ع طول مثل الحين .. ---------------------------------------------------------- المغرب السـآعه 8 . وصلت البيت بتعب ,, اول ما دخلت كانوا قاعدين يتعشون , ابتسمت لها ام راشد : يلا ودي اغراضج و انزلي تعشي ريناد بابتسامه : تعشيت في المطعم مع اعضاء الشركه . راشد لما لمحها على طول بعد كرسيهه ,, و ددخل المبنى .. توجهت لجناحها بتعب تحس ان رجلينها ما عادت تحملها من التعب .. دخلت جناحها و سكرت الباب ,, مشت للغرفه و لكنها خافت لما شافته واقف قدامها! حطت يدها ع قلبها بخوف : انت شتسوي هنا! راشد بغضب : ليش متاخره؟ ريناد بلعت ريقها: خلصت شغلي و بعدها رحنا اجتماع .. و رحنا تعشينا ف مطعم.. راشد غمض عيونه بقهر و رجع فتحها: و ليش م عندي خبر انج بتتاخرين؟ ريناد بابتسامه ساخره :لأنك زوجي بالاسم بس! راشد انقهر و لكنه ما حب يبين لها , تعداها و ضرب كتفه بكتفها ع خفيف و هو طالع.. ابتسمت بانتصار , و دخلت الحمام.. ------------------------------------------------------------- في جناح تهآني , خلصت عشـآها و قعدت ع السرير , طلعت رقم أيمن , و ترددت تدق ولا لا ,, كانت تقول بداخلها ( ككـآن ظريف يستاهل اني اتعرف عليه م بخسر شي) .. دقت و انتظرت مدهه لين رد ,, - الوو من ؟؟ - ااءنه ت تتهاني - تهااني ي هلا!! م صدقت انج دقييتي !! ي لبى هالصوت - هه - كم عمرج - 19 قريب بدخل 20 .. وانت ؟ - انا 24. . العمر كله - امين وياك - اييه سولفي لي عنج ,, ---------------------------------------------------- عند ملاك ومتعب .. قعدت ع السرير وهي تناظرهه باسف , لما حست انه ما يبي يسولف انسدحت و تغطت , اما هو كان فاتح تلفونه و يطقطق فيه .. بدت تبجي بصوت خفيف و لكنه حس عليها .. كانت تتذكر محمد ,, و تسال نفسها ليش يسوي فيها جذي!! اما متعب فكان يفكر , ملاك شذنبها ّ عادي مثل اي بنت تعرفت ع شخص و تركوا بعض .. علاقهه قديمه جداً .. ماله داعي انه يضايقها و يحسسها بالذنب .. اساسا هي اعترفت له بكل شي و ماا انكرت.. متعب حط تلفونه ع الطاولهه و سحب ملاك لعندهه و ضمها بقوه ,, تعلقت فيه و صارت تشهق و تبجي ,, متعب : انا اسف .. ملآك اكتفت بالبجي الطويل في حظنهه متعب باسها على خدها و هو يمسح ع شعرها الطويل لين نامت بحضنهه.. ------------------------------------------------- في صبــآح يوم جديد .. قعدت من النوم و هي تتحسس حولها , مسكت تلفونها بابتسامهه , فتحت محادثة ايمن كآن راسل لها صباح الخير,, ردت عليه : صباح النور اول ما شاف رسالتها ع طول اتصل و هي ردت - ي لبييييه هذا احلا صباح ف حياتي لاني بسمع صوتج فيه - لا تبالغ - والله !! .. اقول تهاني , ترآ اشتقت اشوفج!! مدري احس قلبي تعلق فيج على طول . . ودي لو اقابل وجهج 24 ساعه ما امل بالله لا ترديني - ماقدر والله - ليش! اذا ع اهلج قولي لهم بروح بيت صديقتي ! 5 دقايق والله!! - تمام بشوف - ي عيييييني ع اللي ماترد لي طلب فديتج - فداك الكون ,, بس 5 دقايق مو اكثر هاّ - حتى لو 10 ثواني اهم شي اشوفج ي مزه - يلآ بسكر بروح افطر - بالعاافيهه ي قلبي.. اول ما سكرت وصلتها محادثه من عبدالرحمن كالعادهه : صباح الخير : صباح النور : تجين الاسطبل؟ : لآ : ليش؟ : اففففف عبدالرحمن خلاص مو لازم اجي! عبدالرحمن استغرب ردة فعلها!! من شافت ايمن و هي متغيره!! اسلوبها حركاتها !! .. ------------------------------------------------- الظهر ,, كانت قاعدهه ف غرفتها , دخل عليها ابوها بابتسامهه , ردت له الابتسامهه و قعد قبالها غلآ و هي رافعه حاجبها : شعندك يبهه؟ ابو سيف: في موضوع ابي اتكلم وياج فيه.. غلآ : آمر ابوسيف: فهدد.. غلآ من سمعت اسمه كتفت يدينها و تنهدت ابو سيف: فهد طلب يدج .. غلآ بصدمه : شلون!!! ابو سيف: اللي سمعتيه و انا موافق عليه.. ولد اخوي و رجال ينشد به الظهر .. انتي فكري .. و اعطيني خبر.. بس لو توافقين راح تسعديني كثير ي بنتي. غلآ : ابي افكر يبهه !!! احتاج افكر ابوسيف: اخذي راحتج بس ي ليت م تطولين .. لان المفروض اقولج من زمان بس صارت سالفة سالم ولد عمج و كلنا اعتفس مزاجنا غلآ ببرود : تمام طلع من عندها و تركها في دوامه تفكير مع نفسها وش ناوي عليه !! شيبي فيني و هو يدري اني احب متعب!! اكيد في باله شي!! ------------------------------------------------- في المستشفى ( قسم الحمل ) كانت الدكتورهه تمرر الجهاز على بطن فجر , و حمد مستانس و مو واسعته الدنيا .. الدكتورهه : هذا البيبي شفتوه؟. فجر: ي قلبيي جعلني اكلك حمد : حبيب ابووه الدكتورهه بابتسامه عريضه : اقولج جنس الجنين ولا ما تبين تعرفين؟ فجر عضت ع شفايفها و ناظرت حمد .. حمد بابتسامه : نبي نعرف. فجر بحماس: احس قلبي بيطلع من مكانه! الدكتوره : فيج بنت حمد بفرحه ضم فجر: بصير عندي بنت!! فجر ضحكت ع حركته : يعطيج العافيه دكتوره الدكتوره : تتربى ف عزكم ان شاءالله فجر: تسلمين .. حمد بهمس لفجر: بنروح نشتري لها ثياب فجر: اهدا شفييييك! باقي وايد حمد : مالج شغل انا متحمس ابي اشتري اغراضها فجر: مثل ما تبي.. ---------------------------------------------- المغرب الساعهه 7 و 30 كـآنت قاعدهه ف مكتب ابوها , اول ما دخل ابتسم لهآ: غلآ . . ؟ غلآ بربكهه : يبهه انا موافقهه .. ابو سيف : ابركها من سااعه!! غلآ بابتسامهه كاذبهه و بهمس لنفسها : نشوف وين بتوصل ي فهد .. ابو سيف على طلع و نزل الديوانيهه , دخل و قعد جنب ابو عبدالله .. وبابتسامه لفهد : صب فنجانن قهوه ع بركة الموافقه فهد بابتسامه صدمه : يعني وافقت ؟ ابو فهد : مبروك ي ولدي فهد : الله يبارك فيك يبه ابو عبدالله : مبروك ي فهد فهد : الله يبارك فيك ي عمي مرآد : واخيرا .. ! مشاري: ماني مصدق هالدلوعه بتتزوج! فهد بمزاح: لا تقول عن مرتي جذي مشاري: اختي قبل م تصير مرتكك راشد وهو يهز راسه باسف: بدوا!! عبدالرحمن : مبروك فهد , عن اذنكم بقوم اطلع فهد : يبارك فيكك عبدالرحمن طلع من الديوانيهه متوجه للمبنى و لكن تفاجا لما شاف تهاني طالعهه , ناداها ولكنها ما سمعته ..! قرر انه يلحقها ..في كلام ضروري يبي يقوله لها.. ركبت مع السايق و عبدالرحمن وراهم .. بعد 5 دقايق تقريبا .. وصلت البحر.. عبدالرحمن باستغراب: هاي شتسوي هنا!! وقف سيارته ع جنب و نزل .. وقف بعيد يراقبها ,, مشت بخطوات بطيئةة .. و وقفت تنتظر ايمن .. ف الجهه الثانيهه كان واقف ايمن مع 3 من ربعهه بابتسامه شيطانيه : المهم اول ما تجي حاوطوها , انا راح اسحبها غصب و نتسلى فيها الليله واحد منهم : في بنت واقفه هناك .. يمكن هي؟؟ ايمن ناظرها من بعيد : اي هي.. انتظروا بروح اتكلم معها شوي و لما اشر لكم تعالوا الشباب : اوكك شافته جاي من بعيد ابتسمت له بربكهه : هلا ايمن : اهلييين والله بالجميلهه تهاني : هاه خلاص شفتني ؟ ايمن : قلتي 5 دقايق لا تزعليني! تهاني: ماقدر اتاخر.. اساسسا ما استأذنت .. ايمن : افف زين بس دقيقتين ع الاقلل..!!! تهاني: ماقدر والله .. عبدالرحمن بصوت ضعيف: هالغبيهه شتسوي وي هالحيوان!! ايمن مسكها من يدها وهو ياشر بدون ما تحس عليه وهي استغربت .. تهاني: فك يدي شهالحركات ما اتفقنا ع جذي ايمن : اسف صارت بدون ما احس .. المهم حاولي تبقين شوي تهاني : لا ماقدر .. ايمن : خلاص مابضغط عليج .. تهاني ابتسمت : شكرأ! لفت عنهه بتمشي و لكن خافت لما شافت 3 شباب محاوطينها.. بدت ترجف و ناظرت ايمن باستغراب : هذول من ؟ ايمن : اعتقد نقدر نتسلى نص ساعهه و بعدها ترجعين! تهاني دفته بخوف لما تقرب: بعد عني نقرب لها واحد منهم و سحب عباتها..! تهاني ببجي: بعدوا عني!! ايمن حط يده ع فمها عشان م يطلع صوتها , بدت تحس بضييق نفس و خوف و ماتدري شتسوي غير انها تدفعهم و تحاول تبعدهم .. مسك يدينها و لزقها فيه , جا واحد منهم و فك اول ازرارين من قميصها .. وهي تبجي ولكن صار شي مو متوقعينه !! جا عبدالرحمن و بدا يضرب فيهم واحد ورآء الثاني..! لين هربوا قبل ما يعرفهم و يسوي لهم سالفه!! مسكها من يدها و قربها لهه ,بدون م تحس ضمتهه بقوهه ايمن : اووه جا البطل عبدالرحمن وهو يلهث: لا اشووفكك تفهم!! ايمن : ترا هي بعدد غلطانه و لو انها مو بنت شوارع م وافقت نلتقي عبدالرحمن تقرب منه و مسكه من قميصهه بقوه: لا اسمعك تتكلم عنها فاهم!!! دفه بقوه لين طاح ع الارض.. مسك يد تهاني و مشى .. ركبت ف السيارهه وهي تشهق بخوف عبدالرحمن مد لها الماء : انتي بخير اكتفت انها تضمهه و تبجي في حضنهه ,, هو مسح عليها بحنيه لين حست باالامان : اهدي خلاص انا موجود!! بعدها عنه و مسك وجهها بين يدينهه و هو يمسح دموعها : اللي صار محد يعرف فيه غيري ! انسي مابي هالموضوع ينفتح .. سمعتي.. لا احد يدري تهاني هزت راسها و الرجفه باينهه عليها : رجعني البيت .. عبدالرحمن : طيب اهدي.. انتهى البارت توقعاتكم ؟ | ||||
24-10-15, 01:31 PM | #23 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قراءة ممتعه بارت 13 في صبــــآح يـوم جديـد . . . طلع من جناحهه بملل , حاط يدينهه في جيبهه و شعرهه اللي متناثر بشكل عشوائي , ازارير قميصهه الاولى مفتوحهه , و يمشى بخطوات بطيئة للصـآله , بثقه واضحه على وجهه ابتسم ببرود : صبـآح الخير ام رآشد بابتسامه : صباح النور , تعال افطر ميل راسه بسخريه : يمه هذي طاولة البنات! بروح افطر مع الشباب .. ام راشد : براحتك بس ترآ كنت متوقعه انك تقعد مع امك و تفطر دامها قاعده لحالها.. راشد بضحكه خفيفه بانت فيها غمازته : يمه لا تجبريني ام راشد : اذا خايف البنات يقعدون ترآ ما يصحون الامتأخرين اليوم اجازه و هم سهرآنين امس.. راشد بقلة حيلهه سحب الكرسي و قعد يفطر .. شوي الا دخلت ريناد بابتسامه , و لما شافت راشد تقلصت ابتسامتها , توجهت لعمتها و باست راسها: صباح الخير ام راشد بابتسامه :صباح النور , اقعدي افطري يلآ ريناد تدور حجهه : كنت اتمنى , بس تأخرت ع شغلي .. بفطر هناك راشد كان معطيها ظهره , حاول يطنش اللي سمعه , .. و كمل اكل.. اما ريناد طلعت بسرعهه و قلبها يرقع , .. نزلت آماني و هي تتمغط : صبآح الخير : صباح النور اماني بتعب : يمه! متى بتروحون تردون سـآلم؟ ام راشد : اليوم بس مو الحين .. بعد ما ياخذون اقواله اماني : ابوي راح؟ ام راشد : اييه للحين ما رد راشد : انا بقوم اروح عندهه ,, اذا صحى متعب خلهه يروح الشركة فوراً .. اماني :تمام .. راشد : دآيمه .. ------------------------------------------------------- في المستشفى ,, كـآن متوتر حيل ووده هالسالفه تخلص فورآ .. قاعد جنبه ابوه و الدكتور , و قدامه شرطي يسجل اقواله,, الشرطي : شسبب الحادثه؟ سآلم بهدوء: كـ كنت اتمشى جنب البحر و حاوطوني اثنين ملثمين طلبوا فلوس.. م اعطيتهم ف طعنوني .. هذي كل القصه الشرطي بشك: متأكد سآلم بثقهه و استغراب: ليش اول مره تصير حادثه مثل هذي بالبلد؟ الشرطي بنفي : لآ طبعا ً ,, متى صارت الحادثه .. يعني كم كانت الساعه؟ سآلم : مادري بالضبط .. بس اتوقع 2 أو 1 بالليل.. الشرطي بتفهم : صحيح .. هذا الوقت يكون البحر فاضي وما فيه احد و ممكن تصير حوادث مثل هذي.. سآلم بايجاب ( يحاول يقنعهم بالسالفه ) : انا صح ما شفت وجوهم ولكن لمحت نمرة سيارتهم ما ركزت ع الرقم بس كـآنت السيارة سعوديه عاد الله اعلم هم سعوديين ولا لا.. لهجتهم ما كانت واضحه لما طلبوا الفلوس.. الشرطي : و غير هذا ؟ سـآلم : مدري ما كنت مركز زين ماذكر بالضبط .. بس كان واحد بطولي و واحد اقصر . .مدري يعني.. الشرطي: وشنو شكل السـيآرهه .؟ سـآلم بربكهه (ماكان متوقع يساله هالسؤال ) : اا.. تيوتا كورولا .. على ما اظن . . لونها اسود الشرطي: في شي حاب تضيفه بعد ؟ سـآلم : لآ .. اساسا ماذكر اشياء وايد الوقت كان ليل..و مو باين شي الشرطي : تمام .. ابو راشد طلع مع الشرطي .. وكأنه في كلآم يبي يقوله الشرطي بجديه : راح نسوي كل اللي بيدنا عشان القضيه .. بس ماعتقد راح نلاقي نتيجه .. دامهم سعوديين ع قولته يعني قدروا يهربون .. و السعوديه ماهي البحرين و حضرتك عارف يعني الله اعلم اذا كنا بنلاقيهم ولا لأ. ابو راشد : قصدك راح تتسكر القضيهه لو مرت مده و ما لقيتوهم؟ الشرطي: بالضبط .. بس ي ليت توعونه اكثر بالمخاطر اللي ممكن تصيده .. و تمنعونهه يطلع لساعات متأخره لحاله .. الله يشفيه و يقومه بالسلامه ابو راشد :تسلم .. دخل على سـآلم بابتسامه : ودك ترجع البيت؟ سآلم : اووف شقد مشتاق للبيت! يبه تكفى خلص الاوراق الحين ابو راشد : بس امك و تهاني قايلين بجون وياي عشان نطلعك سآلم بابتسامه : نسويلهم مفجاأة عادي! ابو راشد بضحكه خفيفه : اللي يريحك .. -------------------------------------------------------------- في المزرعــه .. عند متعب و ملآك .. صحت من النوم بفرحهه و هي تتمغط , حست بالبوسه اللي انطبعت على خدها , عرضت ابتسامتها وهي تناظر عيونه بكسل , مد يده لشعرها و هو يلعب فيه بهدوء: صبآح الحب ملاك بخجل: صباح النور.. متعب بابتسامه هاديه : نطلع نفطر برآ؟ ملآك : بكيفك! متعب : يلآ انا بقوم اتروش و اجهز و بنطرج بالسياره تمام؟ ملآك : تمام متعب قرب منها و باسها ع السريع و دخل الحمام اما هي ما فارقتها الابتسامه العريضهه , ما كانت مصدقه ان علاقتها مع متعب تحسنت . . سحبت قميص الروب و لبسته , دقت على ريناد بفرحهه ----------- عند ريناد كانت قاعدهه ترسم و مندمجهه , فجأة رن فونها رفعته بابتسامهه : هلا.. صباح النور.. تمام و انتي شخبارج .. شفيج مستانسه جذي .. اااء صج؟؟ الله يديم الفرحه ي رب.. اقولج سالم رجع البيت ولا بعده .. اما توج قايمه من النوم !! الحب و ما يسوي .. يلآ تمام وانه بعد بسكر بكمل شغلي .. اكيد .. يلا باي بابتسامهه حطت تلفونها ع الططاوله و رجعت تكمل شغل , دخل وليد بابتسامهه و ظل مده يناظرها و هي ما حست .. اساسا كانت لابسه سمآعات و مشغله ميوزك و الصوت مرتفع . . ابتسم ابتسامه جانبيهه و هو مكتف يدينه , تقرب شوي و بدون م يحس تعثر بالارضيه و ضربت يده بالطاوله, طاح التلفون و طاح عليه كوب الشـآي اللي انسكب ع رجل ريناد و الارض .. و تكسر.. ريناد فزت بخوف و شالت السمآعهه, اختلط زجاج الشاشه مع فتات الكوب اللي تناثر قطعه قطعه .! ريناد شهقت بخوف و لفت عليهه و هو ماسك نفسهه حمد ربه انه ما طاح و تفشل , وقف بثبات وهو يناظر الزجاج المتناثر ريناد ناظرت يده اللي احمرت و يده الثانيه اللي تفركها بألم : فيك شي! وليد وهو يشد ع ملامحه : لا ماكو .. حادث بسيط.. وسع عيونه لما شاف رجلها اللي امتلت شـآي .. : حاسه بشي؟ نكست راسهاو هي تسحب بنطلونها : يحرق شوي.. وليد: انا ااسف والله ما كنت اقصد! مره وحده تعثرت و .. ريناد قاطعته : خلاص ما صار شي . . وليد يناظر مكان رجلها باسف: نروح الدكتور؟ ريناد و هي تعدل ملامحها بربكه :لآ ماله داعي .. بروح البيت بغير بعدها بروح الصيدلية باخذ دواء حروق.. وليد بخوف: لا لا مستحيل .. انتي قعدي الحين بدز السايق يجيبه..! ريناد كانت تحس ان جلدها انشلع من حرارة الشاي , ضلت تهف عليه بدون م تلمسه , تحس بالحراره تلامس احمرار جلدها.. دخل احمد بذهول: شصاير! ريناد بملامح متألمه: ولا شي حادث صغير احمد وزع نظراته ع الزجاج المتناثر: اووف كل هذا و حادث صغير! ريناد و هي تسحب شنطتها: برجع البيت خبر المدير وليد تمام؟ احمد: اكيد .. طلعت و هي تعرج و تحس انها مو في وعيها , الالم مسيطر عليها . وقفت برآ الشركهه بغبنهه , دقت ع السايق و لكـنه م يرد .. وقفت و هي تتأفف , مدت يدها لجبينها وهي تنزلها لخدها , حست للصوت اللي يناديها من بعيد التفتت باستغراب! وليد كان يركض و هو حامل جاكيتهه , وقف قبالها بعتب: انتي من صجج! ترفضين اني اوصلج و بتروحين بروحج! ريناد بهدوء: الحين بجي السايق ماله داعي توصلني مابي اتعبك وليد : لو سمحتي اسمحي لي ؟ لاني انا الغلطان ! ريناد بقلة حيله : تمام .. وليد مشى معها بهدوء للسيـآرهه .. مسكت مقبص الباب اللي ورآء.. وليد باستغراب: بتقعدين ورا؟ ريناد بادلته الاستغراب: و ليش اقعد قدام! وليد انتبه لنفسه و باحراج : انسي أثر على اللي صار ريناد ركبت و قعدت بالنص , و حطت اغراضها جنبها , ضلت تمرر يدها ع مكان الحرق بهدوء , وليد عدل المرآية الامامية بحيث انه يشوفها : يألمج صح! ريناد : شوي.. وليد: شوفي بروح الصيدلية بناخذ كريم حروق .. وبعدها فورا ع المستشفى ريناد : ماله داع,, قاطعها : بدون اي كلمه! خلي ضميري يرتاح ع الاقل.. ريناد تنهدت بضيق و اسندت ظهرها بالمقعد .. ---------------------------------------------------------- في المستشفى عند سـآلم . . كآن قـآعد ع كرسي متحرك و ابوه يدفعه , لين وصلوا السـيآرهه , قعدهه بمساعدة السايق و اخذ الكرسي و حطه بالصندوق , كان فرحـآن كثير , لانه بيرجع البيت .. و فرحآن اكثر لان اخوه حمد سـآمحهه فجاة تذكر غآده ,, ابتسم و حمد ربه ان غاده اجبرته يعترف و ف النهاية كل اموره تصير تمام .. ولآ انه يعيش بتأنيب ضمير طول حياته.. ابو راشد : دق على راشد خبره اننا طلعنا هو كان بجي عندك سالم : دقيت عليه قالي م راح يجي.. صار عنده شغل ضروري ابو راشد : تمام . . ابو راشد: ما يحتاج اوصيك .. من اليوم و رايح لا تتأخر برآ البيت لأكثر من 12 سمعت .. سالم باستغراب: من صجك يبه ابو راشد : شايفني امزح ؟ اعقل ي ولد! سالم: تمام اصلا ما راح اقدر اتحرك زين لفتره .. بعدين بحاول اغير رايك ابوراشد : هالمره انا جاد في كلامي سالم : خلاص خلاص مثل ما تبي.. ---------------------------------------------------------- في كوستـــآ.. كانوا ياكلون بهدوء , ملاك حيل مستانسهه انهم تقربوا لبعض اكثر, متعب مد يده و مسك يدها بهدوء : ملآك ملاك ناظرته بحب: عيونها متعب بابتسامه: متى ناوية تجيبين لي ولد؟ ملاك بخجل: متعب لاتفتح الموضوع هنا متعب عرض ابتسامته: فديت اللي يخجلون انا ملاك بابتسامه: افف خلاص شيل عيونكك متعب: اوكيهه.. ( بدا يوزع نظراته ع المحل , لين طاحت عيونه ع بنت قاعده ف الزاويه , ابتسم ابتسامه جميله) ملاك باستغراب لفت تطالعها و بعصبيه فلصت يدهه: هيه! متعب بضحكه: شنو ملاك: والله اشلع عيونك لو ناظرت بنت ثانيه متعب سحب خدودها: اجل خليني اتأمل ويهج الجميل هذا ملاك بخجل ابتسمت.. ---------------------------------------------------- عند ريناد ووليد .. كانت قاعدهه تنتظره ف السيارهه . الالم خف شوي . ووليد نزل الصيدليةة .. تأخر.. ناظرت الشارع من الدريشهه و هي تلف يمين و يسار.. فجأة وسعت عيونها بصدمه و هي تعقد حواجبها بانكار , بدون ما تحس بدت ترجف و بدت الدموع تتجمع بعيونها بلعت ريقها بصعوبه و هي تحاول تستوعب .. تكلمت بصعوبهه و برجفه : رر رآشـشد! كان يمشي جنب بنت و يضحك معها , ووراهم شباب ثلاثة و بنتين, ربع مع بعض؟ خطواتهم تتلاحق , و يعبرون الشارع قدام عيونها, البنت مو متحجبهه , و ماسكه كتف راشد , و راشد ييسولف مع واحد من الشباب , لف على البنت بابتسامه و هو يواصل كلام معها , فجاة جات سيارة مسرعه كانت شوي و تدعمها , و لكن راشد و بنت من البنات سحبوها بسرعهه , بملامح خوف تعلقت في راشد , سحبها من كتفها ع الجهه الثانيه و واصلوا مشي , طاحت الدمعه لا شعوريا من عيونها .. متأكده انه هو اللي مر قدامها!! معقول يخونها!!.. و بنص الشارع يتمشى مع ربعه بنات و شباب!! رفعت يدها لفمها بصدمه و هي ترجف و حواجبها تنعقد تدرييجيا.. انفتح الباب و دخل وليد باستغراب :ريناد؟ ريناد صحت من شروها و عيونها ع المكان: نعم وليد بخوف: تبجين؟ ريناد مسحت دموعها بسرعه : لآ .. وليد وهو يراقب عيونها الثابتهه ناظر مكان اللي هي تناظر لمح مجموعة الشباب و البنات اللي اختفوا من قدامهم تدريجيا : ليكون يألمج وايد و عشان جذي تبجين ريناد بايجاب: اي .. قصدي لا.. وليد مد لها الكريم ,, :بنروح الدكتور الحين ريناد بدون اي اهتمام ماتكلمت و دموعها لازالت تتجمع بعيونها.. ... عند راشد وصلوا لكــآفيه من الكافيهات و قعدوا راشد بابتسامه: غبيه كنتي بتموتين البنت: محد قالكم ضحكوني بنص الشارع واحد من الربع: اقول حلوه الطلعه مو؟ زمان مو طالعين مع بعض راشد: اييه والله.. : ي زين االعزوبية ي رجل البنت بحزن: وااااااااااي ماتخيل اتزوج و نترك طلعاتنا : تطمني محد بطل ف ويهج : جب انتي راشد : ايه شتشربون؟ : اي شي ع ذوقك .. البنت : اي شي.. راشد بابتسامه بارده : تمام قام من مكانهه و هم كملوا سوالف . .................................................. ........................... في المزرعـــــــهه كانوا البنات قاعدين بالصـآلهه يسولفون , و تهاني مو معهم ابدا شــآردهه و تتذكر امس و هي تلوم نفسها الف مره .. و تحمد ربها ان عبدالرحمن كان يلحقهاو الا كان راحت فيها .. فجأة دخل ابو رآشد و العيون كلها عليه بابتسامه دخل السايق و هو يمشي كرسي سآلم ,, وقفه ع الباب و طلع اماني فزت بفرحه و هي تصرخ : ســـــآآآآلم!! ركضت عنده و هي تضمهه ,, بادلها الفرحه و ضمها بقوهه ,, التفتت ع ابوها و بعتب: كان قلت لنا ابو راشد : حب يسويها مفاجاة اماني و هي تسحب خدوده : احلا مفااجأة سالم وهو يحد ع اسنانه باحراج: خلاص وخري .. بنات عماني وراج تهاني باست خدوده و الدموع بعيونها : نور البيت سالم بابتسامه عريضه: نورج ي سنفوورهه . وين امي؟ اماني: الحين اناديها بنات العم : الحمدالله ع سلامتكك سالم بابتسامه و عيونه ع غاده اللي نزلت راسها بربكه : الله يسلمكم ابو راشد : بتروح غرفتك ؟ راشد: لآ بقعد هنا شوي .. ابو راشد : طيب يلآ انا رايح الشركهه .. اذا تبون شي دقو ع السايق يجيب لكم هنادي: بحفظ الله عمي ابو راشد : يحفظج ي الغاليه طلع ابو راشد تاركنهم في فرحه كبيرهه من رجوع سالم.. غآده بتهرب : بروح المزرعه شوي بتمشى .. تهاني: اي شسمه و انتي طالعه قولي للعامله تحط اكل للآكي.. غآده : تمام .. سالم كان يراقب خطواتها السريعه لبرآ بصمت .. نور: الحمدالله انك رجعت الكل كان خايف عليك! دلال: لو تشوف تهاني شلون تبجي ما تقول هذي هي ال انت تطفشها 24 ساعه .. سالم بضحكه عريضه : فدييتها الحساسهه تهاني: ويع ! من قال اني بجيت عليه!!! هذا احد يبجي ع فراقه ؟ فراقك عيد اصلا سالم : افااااااا.. شفتوا شلون تنكر دارين: حتى يوم يوصل الخبر اول وحده جهزت هي عشان تجيك المستشفى سالم: ادري انا ماتقدر ع فراقي تهاني بعصبيه: يماااااااااااااا شوفي سالم!! سالم : اييه ناديها اعلا مشتاق لها خل تجي بسرعه تهاني : وييييع ّ!! ثقالة دم .. بقوم اتمشى مع غاده احسن لي سالم و البنات ضحكوا بصوت عالي .. نزلوا حمد و فجر بفرححه .. حمد تقرب منه و ضضمه بقوهه : نور البيت فجر:الحمدالله ع سلامتك.. سالم: نوركم . الله يسلمكم حمد بابتسامه : لا عاد تطلع لحالك و تتاخر سمعت سالم و هو يرفع اكتافه : نصايح ابو راشد حمد : ايه و غصبا عنك بتسمعها سالم بابتسامه : خلاص خلاص ما بتأخر حمد ضحك ع خفيف .. هنادي بابتسامه : كم باقيلج ؟ فجر: تقريبا 3 اشهر و كم اسبوع هنادي بابتسامه مصطنعه: تقومين بالسلامه فجر بتطنيش : تسلمين ------------------------------------------------ في المستشفى. طلعت مع وليد و هي تحس انه راسها مشوش.. ماهي مصدقه ان االلي شافته راشد .. مصدومه! وليد كان ملاحظ عليها الحزن .. كان اكبر من انه يصدق ان دموعها ع وجع رجلها.. ع بآب المستشفى .. ريناد بابتسامه ذابله : شكرآ وليد ما قصرت .. وليد : انتي من صجج؟ الغلط غلطي و ال سويته واجبي.. ريناد : تسلم وليد : ريناد .. في شي مضايقج صح! ريناد بنهي: لآ.. ابدا وليد : انا مو بزر تلعبين علي.. بدت دموعها تطيح غصب عنها .. وليد: الشباب اللي كانوا بنهاية الشارع تعرفين احد منهم ؟ مثلا حبيبج او.. ريناد قاطعته بصوت مغبون : زوجي. وليد بصدمه وسع عيونه .. : أنا ..انا اسف ما كان قصدي ريناد هزت راسها بالنفي: موب ذنبك.. وليد بحزن : اوصلج البيت!؟ ريناد و هي تمسح دموعها : لآ شكرآ .. بروح مع السايق وليد يحاول يستوعب : تمام براحتج ريناد اول ما لمحت السايق جاي توجهت له و بملامح ذابله : ع المزرعه اما وليد ضل يناظرها لين مشت .. --------------------- بعد نص سـآعه وصلت المزرعهه , نزلت و ملامحها كانت تعبانه , باين انها مو بخير ابداً.. دخلت القصر وطاحت عينها ع سالم , ابتسمت بذبول : نور البيت سالم بابتسامه عريضه: تسلمين ريناد بادلته الابتسامه ع السريع .. قربت من ام راشد و باستها ع راسها .. مسكت يدها بحنيه : الصبح فاجئونا بموضوع خطبة فهد لغلآ .. ريناد بفرحه : صج! ام راشد :اي والله .. بعد بكرآ الملكه .. الله يتمم لهم ع خير ريناد : أن شاء الله .. وين خالتي ام فهد و ام سيف ؟ ببارك لهم ام راشد : أم فهد طلعت مع البنات قبل شوي يتشرون للملكه و ام سيف بغرفتها ريناد : تمام اجل ابارك لهم بعدين .. يلآ و انهه بروح انام تعبانه سالم : بالعافيه ريناد : يعافيكك --------------- دخلت جناحها بتعب و رمت نفسها ع السرير , ضمت البطانيهه و مشهد راشد ينعادعليها الف مرهه .بدت تبجي بصمت . لين غفت و نآمت.. | ||||
24-10-15, 01:33 PM | #24 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الســآعه 9 و 30 كـآنت كل العايله متجمعهه بالصـآله يبـآركون لفهد و غلآ .. سـآلم عيونهه على غآدهه ,, و عبدالرحمن كل شوي يلف يشوف تهاني .. متعب قآعد جنب ملآك و حمد جنب فجر , و راشد جنب تهاني .. اما ريناد واقفهه ورآ ام راشد .. غلآ قاعدهه عند ابوها و مستحيهه .. و فهد واقف وحاط يدينه بجيوبهه و سرحان بملامح غلآ. . نقدر نقول اجواء عشاق.. هنادي تلفت شوي لريناد و شوي لراشد لما هدأو من سوالفهم ابتسمت بخبث : وآآي غلآ قريب بتقعدين مع فهد مثل هذيل .. ( وهي تاشر لفجر و ملاك ) .. غلآ اعطتها ابتسامة تسليك و هي تناظر متعب بعيون مليانه عتب دارين :الله يزوجكم كلكم قولوا امين هنادي بملامح حزن : كرهت الزواج.. ام عبدالله : بسم الله عليج لا تقولين جذي .. ان شاء الله نشوفج عروس هنادي بابتسامه : يمه اخاف زوجي م يعاملني مثلهم يعني مثلا ادا تجمعت العايله يوقف بعيد عني و كانه ما يعرفني .. ريناد تقلصت ابتسامتها و انحرجت , بلعت ريقها بصعوبه و هي تناظر هنادي راشد كانت عيونه على ريناد اللي باينهه لمعة دموعها , شد على قبضة يده بغضب بس ما حب يتكلم عبدالرحمن بشراسه : هنادي لا تعكرين الاجواء.. تهاني غمضت عينها بقهر ثم رجعت تطالع هنادي: حبيبتي انتي حتى لو زوجج بيوقف قريب منج و يشوف حركاتج البايخه هذي بيبتعد على طول. ابو راشد : هاه هاه اخذتوها فرصه للهواش هنادي باسلوب مستفز : اها يعني اللي حركاتهم بايخه يضلون وحيدين ؟ ( ضحكت بصوت عالي ) .. ملآك تبي تتهاوش و لكن متعب بالقوهه يشد عليها .. ام عبدالله : هي مو قصدها شي ي بنات انتوا تعرفون حركاتها .. تحب تمزح ملاك و هي تشد ع اسنانها و بصوت خفيف: اي مسكيها لا اقوم افقع وجهها هي و مزحها متعب مد يده لفم ملاك و سكتها و بتسليك ضحك لام عبدالله اماني ضحكت على حركة ملاك.. هند فلصت هنادي و بصوت خفيف: البنت بتبجي انتي ما تستحين هنادي بهمس: اللي على راسه بطحه يتحسسها حبيبتي انهه ما ذكرت اسم احد ابو عبدالله : المهم , متى ناوين تسوون الخطوبه؟ فهد : والله مادري فتحت المجال لها هي ال تختار.. غلآ بتسليك : عمي بعده وقت اذا انملكنا نحدد مرآد بهمس لسآلم : ما تحس في شي غريب بين ريناد و راشد؟ ريناد كانت منغبنه و تناظر راشد بنظرات ما تتفسر .. و هو كان يبادلها النظرات.. فجر وهي تدقق برجل ريناد بخوف : ريناد ريناد لفت لها و كانها تسالها نعم؟ فجر: شفيها رجلج! الكل لف يطالع , ريناد بابتسامه تحاول تخفي الموضوع . : ولا شي.. طاح على كوب شاي ف الشغل. راشد باستغراب ناظر مكان الحرق .. فجر: اووف حبيبتي انتبهي مرهه ثانيه .. الله ستر و ما صادج وايد ملاك حست ان ريناد انحرجت لان اكيد صاير موقف. . بسرعه غيرت الموضوع بابتسامه عريضه : عمي ابو راشد هم ريناد ممنوع تشرب الشاي صح؟ ابو راشد بضحكه خفيفه : هههههه ي حلوج بس.. يصير نحط لها هالقانون بس انا ادري القوانين ما تنحط للي مثل ريناد . بنت صبورة و عاقله و منتبهه و فوق كل هذا بريئه قلبي ما يطاوعني سالم بشك : يبه ؟ ترا انا موجود! شقصدك يعني عاقله ؟ الكل ضحك بصوت خفيف .. ابو راشد : يعني انت مينون .. ناظر الكل : ولا انا غلطان اماني بمزح : لا مارضى على توأمي.. تهاني: امبلا مينوون و غبي بعد سالم : مادري منو الغبيه تهاني : محد غيرك سالم : اسكتي بس ! تهاني: جب ملاك بضحكه: وصارت مصيبه متعب مسكها من خدودها : قايلج انتي مصيبه غلآ بقهر شالت عيونها عنهم بسرعه .. حمد بابتسامه : ريناد شصار على معرضج ريناد بابتسامه هاديه: باقي اسبوعين و شوي.. حمد: انا و فجر اول الحاضرين ريناد ابتسمت من قلب: حياكم سالم: وانا بعد .. بس تضبطيني , يعني نقعد لآخر الليل و نكسر القوانين ريناد: هههههههههههههههه ولا يهمك .. و نشرب شاي بعد ام راشد: ي زينكم وانتوا قلوبكم ع بعض .. الله يديم الفرح ع هالعايله ابو راشد: بس هاه نجي و نصور وياج يعني خلاص تصيرين مشهوره ريناد ضحكت لين تقلصت عيونها : اوقع لك بعد ملآك بترجي لمتعب : احنا بعد نروح متعب : اكيد .. ريناد مثل وحده من خواتي و نجاحها يهمني معظمهم التفتوا على راشد منتظرين منه جواب. . ولكنه اكتفى بانه يدخل اصابعه بين شعره و يقلبهه ع ورآ ريناد لما حستهم التفتوا لراشد : اااء انهه بطلع اتمشى شوي .. بشوف لآكي من زمان ما شفته .. ام فهد : لبسي لج شي لا تبردين ريناد ابتسمت ببرود : ان شاء الله طلعت برآ و قلبها يرقع . . كانت مغبوونهه .. تحس انها مكسوورة.. كلهم يحبون زوجاتهم و مهتمين فيهم الا هي . . دخلت عند لآكي وضمته و بدت دموعها تطيح بشكل سريع .. حست بالصوت اللي تكلم ممن ورآها: ريناد لفت عليه و دموعها باينه: هلا! ( انصدمت ) سآلم ..؟ على طول مسحت دموعها ووقفت قباله : فيك شي؟ سالم بابتسامه : انا جاي اسالج هالسؤال.. ريناد : ما فيني سالم: ريناد اعتبريني اخوج الصغير.. قولي لي! ريناد : ادخلك احسن لا تاخذ برد .. سالم بجديه : مابي ادخل .. غمضت عينها بصبر: مو حابه اتكلم بالموضوع سآلم ابتسم : تمام ما بضغط عليج بس لازم تعرفين انج بتجاهلج لراشد و انج تتحملين تبتعدين عنه و تهجرينه .. هذا كافي انه يرده لج . ريناد بابتسامه سخريه و هي تتذكره مع البنت : ايي واضح .. دخلت لآكي و قفلت القفص الكبير : ارجعك ولآ؟ سآلم : لا بقعد شوي ف المزرعه ريناد : طيب.. ------------------------------------------------------------- يوم ثآني الساعه 6 و 50 دخلت مكتبها بابتسامه , تفاجات بالعلبهه اللي ع طاولتها , مسكتها باستغراب .. عقدت حواجبها بتفكير , فكت الغلاف و كانت علبة ايفون 6 تعجبت و لكن ع الاغلب عرفت من منو .. مسكت البطاقه اللي على العلبه و بدت تقرآها ( انا اسف ع اللي صار امس و ما كان قصدي.. و اتمنى انج تقبلينه كتعويض لتلفونج.. ع فكره اخذت لج فضي .. احسه انعم من الذهبي اللي كان عندج .. "وليد" ) ريناد مسكت العلبه بقهر.. و راحت مكتبه ع طول .. دخلت بعصبيه وهو وجه لها نظرات استغراب .. رمته ع الطاوله بقهر : شنو هذا؟ وليد : تلفون . ريناد : وليش جايبه لي؟ ع اساس ما اقدر اشتري غيره؟ وليد بابتسامه : اهدأي! ثاني شي انا ما تصدقت عليج فيه مجرد اني عوضتج عن اللي كسرته!! ريناد : مابيك تعوضني وليد مسكها من يدها قبل تروح , و لما ناظرت يده ع طول تركها :اسف مو قصدي.. ي ريناد افهميني انا مأنبني ضميري!! عادي يعني .. حطي نفسج مكاني بالله م بتشترين واحد ؟ ريناد بهدوء: وليد اعصابي تعبانه .. ممكن ارجع مكتبي وليد مد لها العلبه : ممكن اخذته من يده بملامح بان عليها الهدوء و مشت .. وليد بهمس لنفسه: الله ياخذ اللي مزعلج .. --------------------------------------------------------------------- نختصر الاحداث شوي , بعد مرور يوم كـــآمل .. الساعه 7 بالضبط - ملكة غلآ و فهد – كانوا مفضين المبنى للبنات و المجلس للرجال.. مزينين القصر من برآ بورود ملونهه , و من داخل زينهه و بخور ع الباب , مزهريات فخمهه ع طول المكآن , على يمين الصاله كوشهه حمراء فخمهه و وراها ستاير باللون السكري المايل للذهبي, و الكريستالات ممليتها , على جنب مصحف كبير و قدام الكوشهه انواع الحلا و التوزيعات , غلآ كانت لآبسهه فستان احمر ناعم , و طقم ذهب فخم , رافعهه شعرها بتسريحه جميلهه و مكياج سموكي ناعم و روج احمر فاقع , كانت طالعه جميله جداً .. دلآل اختها لابسهه فستان عنابي قصير مع كعب اسود , و سمر لابسهه جلآبيهه انيقة ججدا باللون السمآوي , و نازله خصلات من شعرها ع كتفها , و لوكها كان ناععم جدا .. ام سيف طالع لوكها شوي اوفر , جلابيه بنفسجيهه و مكياج صارخ شوي , و شعرها ستريت .. هذول كانوا خواتها و امها .. باقي البنات كانوا كل وحده احلا من الثانيه .. ملآك لابسه فستان قصير فوشي و شعرها متناثر بشكل حلو , و مكياج ناعم جداً مع روج لحمي فاتح .. كانت تاخذ العقل.. فجر بسبب بطنها الكبير ما كانت تقدر تلبس شي ع راحتها , ف لبست جلابيهه واسعهه ولكن جميله جدا , ضاغطه من الصدر و بعدين نازله .. اكمامها ثلاث ارباع , تهاني لبست فستان طويل باللون الكحلي , فيه نقشات شعبيه , و شعرها ستريت , طلع ستايلها حلو.. و اماني تقريبا مثل الستايل بس الفستان قصير و اللون يختلف ( اخضر) ,, كانوا البنات حيل مستانسين , مشغلين اغاني و يرقصون , غلآ كانت متوترهه كثيرر , و الخوف باين عليها و لكن تحاول تكسر خوفها بابتسامتها الجميله .. برآ القصر كانوا الرجال يدخلون من المدخل الخارجي للمجلس, طبعا العيال كلهم كانوا لابسين ثوب و شماغ و كاشخين م عدآ فهد لابس فوقهم بشت . راشد سلم ع الرجال و انسحب بسرعهه توجه للمزرعه و دق ع أماني - الو هلا سالم؟ - انا راشد داق من تلفون سالم .. اسمعي نسيت محفظتي و تلفوني بجناحي تروحين تجيبينهم؟ - اووف منك راشد الحين بزفونها ماقدر اطلع.. - شوفي وحده من العاملات - العاملات يشتغلون هنا يوزعون اكل - يالله و الحل؟؟ ربعي جايين و فوني فوق - زين ادخل من مبنانا من الباب الخارجي و روح من المصعد للدور الثالث و ادخل الممر لمبناكم .. ؟ - تمام , يلا باي - مع السلامه راشد رجع تلفون سالم و بسرعه راح ورآ القصر دخل من الباب الخارجي لمبنى البنات , مشى بهدوء و هو يسمع اصوات الحريم , حس بالحرمه اللي داخله المبنى و بهمس : الله يلعن حظي ! وش موقفي لو طلعت وحده من بنات عماني بتقول انا قليل حياء جاي مبناهم! هذا غير انها لابسه و كاشفه! كان صوت الكعب يتقرب .. ناظر الباب اللي ورآه و كانت غرفة ريناد , غمض عيونه و ضرب يده بالجدار بقهر . . لما قرب الصوت اكثر فتح الباب و دخل . اول ما دخل طلعت هي من غرفه نومها متوجهه للباب بتطلع , توها خلصت من تجهيز نفسها .. سمع صوت الباب اللي ينفتح انصدم انها موجوده هنا و هو يقول بداخله ( مو لهالدرجه حظي زفت صح! ). طلعت من الغرفه و طاحت عينها عليه لما لفت , ناظرته باستغراب .. اما هو وزع نظراته عليها من فوق لين تحت .. ما قدر يشيل عيونه ( ي الله جمــيله!! ) .. كانت لابسهه فستان اسود , من الصدر للاكمام دانتيل , و الباقي قماش فخم , كان طالع حلو عليها و رافعه شعرها بشكل عشوائي و مكياج سموكي ناعم و روج لحمي مع بلشر خفيف طآلعه خقه بمعنى الكلمه .. ريناد بصوت ناعم : شتسوي بجناحي؟ راشد وهو ينتبه من سرحانه : كنت بروح جناحي من مبناكم بس وحده من الحريم جت و دخلت على طول .. ممكن تكون كاشفه وما تدري اني ف المبنى! ريناد هزت راسها باستيعاب : وخر بطلع راشد مسكها من يدها بقوه : ريناد ريناد: نعم راشد بثقل: ممكن تجيبين فوني و محفظتي من الغرفة ؟ المكان مليان حريم و بصعوبه بروح وهم بصعوبه بطلع ريناد بتردد: ماشي طلعت من عنده و هي منقهره .. ماودها تساعده ابدا .. ولكن شي غريب صار لها لما ناظرت بعيوونه توجهت للصاله الرئيسيه و هي تسلم ع الحريم , تسحبت ع السريع و دخلت المبنى الثاني, توجهت لجناحهم ,و فتحت الباب بهدوء : الله .. من زمان ما شفت الجناح .. وحشني.. هوآء المكيف البارد و ريحة عطرهه ,, نقطة ضعفيي!! وعت لنفسها و بسرعه اخذت الفون و المحفظه و طلعت برآ , توجهت لمبنآهم , و ع غرفتها ع طول فتحت الباب بهدوء و رن تلفونه , قبل م تمده له شافت الاسم ( شروق) عقدت حواجبها بعصبيه و مدتهه له ناظر الاسم ثم ناظر بوجه ريناد.. اخذه منها و هي طلعت بسرعه . ضرب يده ع الباب بقوه : حظي اليوم تافل علي!!! : الو هلا .. اي تمام ادخلي .. جت وياج وحده من الربع.. اها تمام حياج .. ------------------------------------------------------------ ريناد دخلت الصالهه وقعدت مع البنات ع الكنب قبال الكوشهه , و حاولت انها تنسى اللي شافته قبل شوي , ابتسمت بتسليك و بدت تزف غلآ معهم .. انتهى البارت توقعآتكم .. ريناد بتتحمل تصرفات راشد والا بتصارحه؟ راشد بيحضر معرض ريناد ولا لا؟ العلاقةالزوجية بين غلآ و فهد تنجح ولآ لا؟ رآيكم بتصرفآت وليد بشكل عأم؟ توقعاتكم لعلآقة عبدالرحمن مع تهاني (راح تتطور ولا لا) ؟ | ||||
31-10-15, 07:33 PM | #25 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 14 - ملكة غلآ و فهد – بعد ما انزفت و البنات استانسوا و رقصوا , جاء وقت يدخلون المعرس ..فهد كان يحس بتوتر و بنفس الوقت الفرحه مو واسعته , دخل الصـآله و كـآنوا الحريم متغطيات , ابتسم لما طاحت عينه على غلآ , لاحظ عيونها اللي ترمش بشكل سريع و بخوف .. تقرب بخطوات بطيئه .. و كآنت اخـتــه نور واقفه ع يمين غلآ و غآده ع اليسـآر جنب امه .. وقف جنبها و بابتسامه عريضهه شبك اصابعه باصابعها , شدت على يده بتوتر و تحس ان دقات قلبها اسرعت , ابتسمت بربكهه .. لف عليها و بهمس: مبروك .. غلآ: يبارك فيك. فهد بابتسامه : يعني مو زعلآنه علي غلآ : سكرت الموضوع و ما ابي افتحه من جديد .. نسيت كل شي فهد غمض عيونه و هو مو مصدق .. كان عباله انها للحين تحب متعب .. فرح من كل قلبه انها ما راح تتعبه . . البنات كآنوا يصورون مع المصورة ,, نور كانت مستانسهه ان واحد من اخوانها تزوج و فرحهم ,, باست خدود غلآ : الله يهنيج غلآ: تسلمين حيآتي. في آخر القصر , كـآنت قاعده و متنحه تفكر في راشد , عقلها مخربط . الدموع متجمعه بعيونها , معقول يخونني!! ,, كانت الافكار تروح و تجي ببالها , ناظرت بالمعازيم و هي تتصنع الابتسامه , و على طول طلعت برآ القصر ,, كانت تحس انها مخنوقه .. خيآنة الحبيب حيل توجع .. تحس بلوعه , ودها تبجي ودها تعصب ودها تضرب ودها تسوي ال تبيه بس اهم شي ترتاح .. تمشت ف المزرعه بهدوء , و هي تحس بغصهه , رن تلفونها و بدون م تطالع الاسم ردت : الو؟ : هلآ ريناد. : من؟ : انا .. وليد : نعم تفضل في شي؟ : لآ لآ بس حبيت اتطمن انج مو زعلآنه وماخذه موقف.. : لآ .. ابداً : تبجين؟ : لآ : صوتج مو ع بعضه : وليد بسكر مشغوله بالعرس : اها انتبهي لنفسج . : باي سكرته بسرعهه و هي تتجاهل مكالمته , خطوات بطيئة جداً و الحزن ماخذ مكآنه من مشاعرها , وقفت و هي متنحه ع المسبح من بعيد , نزلت دمعتها بشكل سريع , و هي تتحسس بطنها ,... بخوف شهقت وهي تناظر البنت اللي وقفت قبال راشد بدلع و شعرها متناثر و جنبها البنت الثانيه المتحجبهه , عقدت حواجبها باستنكار و هي تتابع بصمت بابتسامه : وايد استانسنا لهم .. االله لا يفرقهم طالعين كيوت .. : ايي جد , لايقين لبعض راشد بابتسامه : اهم شي م قصروا عليكم بشي؟ : لآ لآ الله يغنيكم و يكثر خيركم .. يلآ حنا ماشين تصبحون ع خير راشد : وانتوا من اهله : بآي رآشد دخل و البنت الثانية مسكتها من كتفها و جرتها . حصه : نسيتي ان الرجال متزوج؟ شروق: م بان عليه وايد مطيح الميانه وياي مثل ايام الجامعه حصه : ولو كان .. ابتعدي عنه تفهمين .. صديقتي و اخاف عليج شروق : هههههههههاي تخافين علي من راشد ؟؟ ترآ صديقي حصه : استغفرالله, لمي شعرج و الحقيني ع السياره تاخرنا شروق: جايه.. اسندت ظهرها بالجدار و هي تشهق .. دموعها تطيح لا ارادياً,, شافته للمره الثانيه واقف معها !! مسحت دموعها لما حست بالخطوات اللي جايه لها, كان باين عليها اثار البجي .. اماني :ريناد انتي هنا! ريناد بابتسامه بارده : اي طلعت اتمشى اماني: عمتي تبي تشوفج انتي و فجر و ملاك ريناد باستغراب : عمتج؟ اماني بابتسامه :اووف سالفه طويله .. هي متزوجه اماراتي و عايشه برآ المهم م علينا و الحين عندها اجازه ف جت عندنا لزواج غلآ و بتقعد اسبوع . ريناد : م حضرت زواج ولآ وحده فينا؟ اماني: لآ . . اقولج توها اخذت اجازه المهم تعالي ريناد : تمام اماني بتردد : و شسمه اذا تجمعت العايله ي ريت تخفين ال بينج و بين راشد من مشاكل. ريناد بانزعاج : شلون يعني؟ اماني بهدوء: يعني.... حاولي تبينين لهاا انكم تحبون بعض. ريناد اكتفت بالسكوت و تبعتها .. ------------------------------------------ ف الصـآله بدوا الناس يمشون و البيت بدآ يختلي ..! اماني بابتسامه وهي ماسكه يد ريناد : عمتي هذي المزيونه زوجة راشد العمه جميلة و هي تحط كاسة الشاي ع الطاوله و تلمها : أوه والله و عيال اخوي عرفوا يختارون مزايين .. ريناد بادلتها الحضن و بعدت بهدوء و بابتسامه خجل : تسلمين جميلة و هي تقعد ريناد جنبها و توججه كلامها لأم راشد : الله يهنيهم فيهم ي رب .. للاسف ما حضرت زواج ولا واحد منهم بس ما بفوت عرس سـآلم اكيد .. ام راشد : م عليج عتب .. اساسا ندري انج مشغولة بالشركة تهاني بحماس: بتظلين عندنا اسبوع صح ؟ جميله بابتسامه هاديه : أقل .. بعد 5 ايام لازم اكون ف دبي. اماني: عمه والله ما ينشبع منج ..!! جميله : اجازه الصيف بنطلع كلنآ سفرة عائلية تهاني :وااييي صج؟ جميله : ايي ليش لآ. غآده من بعيد و هي موسعه عيونها بفرحه : عمه جميله ؟ فتحت ذراعها لها و لمتها بقوه ,: واي فديت عمتي من متى وصلتي جميله : توني قبل جم ساعه تجهزت و ع طول جيت هنا .. فديت بنت اخوي القمر اكيد مشتاقة لي غآده : واييد , امانه عمه طالعه حلوه انه ؟ جميله بضحكه : لو عندي عيال خطبتج .. تجننين ام فهد : ما صدقت ان فهد تزوج و اخيرا فرحنا فيه جميله : الله يتمم لهم على خيرر , لايقين لبعض وايد . ام عبدالله: هند يمه بقى احد من المعازيم؟ هند بابتسامه : لآ يمه.. جميله : هند حبيبتي متى ناوية تجيبين لسيف ولد؟ هند تقلصت ابتسامتها بحزن و هي تحاول تتهرب: ااء سيف داق علي يبيني ضروري بروح اشوفه جميله حست انها تحسست و بهمس لام عبدالله : شفيها بنتج ؟ ام عبدالله بهمس: هند تتعالج عشان تجيب عيال .. ان شاء الله تحمل باسرع وقت .. جميله شهقت : ليش هي عقيم؟ ام عبدالله: الله لا يقوله بس قالوا لها تعالجي يمكن ينجح . جميله :الله يرزقها بالذرية الصالحهه .. سمر جت و حطت وليد بحضن عمتها, و سلمت عليها جميلهه ضمت وليد لحضنهاو هي تلآعبه , , و مو واسعتها الفرحهه ---------------------------------------- في المطعم , عند فهد و غلآ ., فهد كـآن يـآكل بهدوء و غلآ حاطه يدها ع خدهاو تحرك الاكل بالشوكه , انتبه لها و بابتسامه حط يده ع يدها و شد عليها , رفعت راسها بربكه و ناظرته , بادلها النظرات و مد لها الشوكهه , غلآ و هي تناظر الناس: نزلها من يدك ما باكل. فهد : ليش؟ ترآ يفوتج والله ؟ غلآ: مدري موب جوعانه فهد : شاللي شاغل بالج؟ غلآ: ولاشي .. اذا خلصت خ نطلع ؟ فهد : غلآ .. غلآ : نعم فهد : اوعديني تنسين الماضي و نعيش حياة جديده غلآ ابتسمت : وعد . فهد رد لها الابتسامهه و قآم معها. --------------------------------------- في القصر , السـآعه 12 و 30 الكل تجمعوا بالصاله عشان عمتهم , طبعا البنات فكوا تساريحهم و لبسوا عباياتهم عشان يتغطون عن عيال اعمامهم , حمد كان ماسك يد فجر و قاعد قبال عمتهه ع الكنب و فجر قاعده جنبه , و متعب كـآن قاعد جنب ملآك و محوط خصرها بيده , جميلة كانت وايد مستانسهه لهم , لما جاء راشد بعدت عن ريناد و بابتسامه : تعال اقعد هنا جنبي ي روح عمتك .. لما قرب منها و باس راسها ريناد كانت بتوقف و لكن مسكت كتفها تهاني و شدت عليها كانها تقولها لا تقومين , قعد راشد وصار ف الوسط بين جميلة و بين ريناد. ابو راشد : نورت البحرين بوجودج .. كان خبرتيننا انج جاية جميلة : سويتها مفاجأة لغلآ و فهد .. الله يبلغكم ف فيصل و مرآد بعد ابو فهد : امييين ي رب فيصل ببشاشه : ويين توني صغير . مرآد قرصه من يده : تزوج ي كلب خيزوجوني بعدك راشد و متعب ضحكوا عليهم.. سآلم : عمتي زواجي لازم تحضرينه .. مو تسوين فيني مثل اخواني جميله بحنيه : اكييد ( وزعت نظراتها ع متعب وو حمد و راشد ) اساسا كان ودي احضره بس ما قدرت اخذ اجازه , , متعب: عادي اهم شي راحتج حبيبتي انتي جميله بحنية التفتت لفجر: ولد ولا بنت؟ فجر بابتسامه : بنت جميلة : تتربى بعزكم .. عقبال متعب و راشد متعب ناظر ملاك بابتسامهه وهي خجلت, اما حمد فكان كل شوي يهمس باذن فجر ريناد قلصت ابتسامتها و لفت ع الجهه الثانيهه . راشد بتهرب : انا بروح انام .. تعبت وايد اليوم جميلة : بالعافيه ام راشد باحراج و هي حاسه ان جميلة شاكة بتصرفات راشد مع ريناد , : ريناد قومي مع راشد انتي بعد تعبتي وايد اليوم ريناد لفت لعمتها بصدمه !! وراشد بدون م يلف وقف مكانه مصدوم!! ابو راشد ابتسم لريناد و كانه يقولها (روحي قبل م ننفضح) ريناد باستغراب: تصبحون ع خير. جميلة : وانتوا من اهله , ريناد مشت ببطئ لين وصلت لراشد و هي تفكر مو مستوعبه اللي صار؟ مد يده و مسك يدها .. و مشى معها جميلة بابتسامه : لايقين لبعض. ام راشد : ايه .. الله لا يفرقهم اول ما دخلوا الممر فكوا يدين بعض و مشوا كل واحد لحاله , فتح باب الجناح و دخلت و دخل بعدها .. راشد : نامي بالغرفه بنام ع الكنب ريناد : مابي انام هنا. راشد : انتي مينونه ؟ تبين تفضحينا قدام عمتي؟ اصبري هالكم يوم. ريناد و هي عاقده حواجبها بانزعاج : حتى ثياب ما عندي .. راشد : م يمديج تطلعين تجيبين لج ثياب! اذا شافتج رايحه غرفتج بتعرف اننا منفصلين ريناد و هي تحط عيونها بعيوونه : م عاد يهمني راشد مسكها من كتفها بقوه : عمتي م راح تعرف تفهمين! بعد عنها و توجه لدولابه طلع قميص من عنده و رماه لها : البسي ذا ريناد اخذته بانزعاج و دخلت الحمام. اما هو بدل ثيابه بالغرفه بسرعه قبل تطلع , و لبس بيجامه شتويه , شوي الا فتحت الباب و طلعت , كان القميص حيل كبير عليها و من طوله يوصل لنص الفخذ و كانت اكمامه طويله , وواسع عليها , استغربت انه للحين قاعد بالغرفه : ابي انام راشد بملامح انزعاج و بدون اي كلمهه , طلع و سكر الباب .. رمت نفسها ع السرير بضييق و بتعب ف نفس الوقت .. فكرت كثير ,, بخيانة راشد .. بوقاحته .. بكبرياءة اللي ماله داعي .. وايد اشياء لين غفت عيونها و نامت . ------------------------------------------------ في صبــآح يوم جديد .. صحت و هي تتقلب بحضنهه , رمشت بعيونها كثير لين صحت ابتسمت بحنيهه و هي تراقب عيونهه النايمهه و رموشهه الكثيفه اللي منطبقه فوق بعض , باسته ع خدهه بقوه و ع طول فتح عيونه بانزعاج ملآك : قوم بلآ كسـل متعب: حبيبي شغلي بعدين خليني نايم ملاك: متعب قوم ترآنا صاحين متأخرين .. امس نمنا الساعه 2 متعب و هو ينقلب ع صوب الثاني : ملاك رجاءا اتركييني نايم ملاك : الساعه 8 ترآ !! متعب بانزعاج : اففففففف .. مالي مزاج شغل والله ملاك : بكيفك مالي شغل اذا عصب عليك عمي متعب بنرفزه : قمت خلاص ملاك ابتسمت ابتسامه عريضه و هي متوجهه للحمام .. قعد ع السرير بتعب وهو يحس ان الدنيا تدور فيه من النعس . توجه للحمام لمغسله المطبخ و النوم مملي عيونه .. غسل وجهه بماء بارد لين صحصح شوي.. فتح الثلآجه بملل , طلع له بيضتين و كسرهم و بدآ يبهرهم .. مسك الملعقه و خلطهم زين .. طلعت ملاك من الحمام بابتساممه , دخلت المطبخ و لما شافته يحرك البيض تقربت له و هي ساده انفها بقرف : متعب ريحة زفاار من الصبح!! متعب لف عليها باستغراب: كل يوم اسوي لي وقفت ع اليوم يعني؟ ملاك حست بدوخه من الريحهه و هي متقرفه.. حست ان بطنها يمغصها و لوعه قويه .. بسرعه طلعت من المطبخ و هي حاطه يدها ع فمها توجهت للحمام و بدت تستفرغ .. متعب باستغراب ترك البيض و راح عندها بخوف دق الباب : ملاك؟؟ ملاك فيج شي؟ فتحت الباب بهدوء و وجهها تملاه قطرات الماء : ولا شي لوعهه بس متعب : هدي نفسج .. روحي ارتاحي يمكن نزلة برد ملاك : اييه يمكن متعب: انا بفطر بسرعه و بروح الشركه تمام؟ ملاك : تمام --------------------------------------------- عند رآشد و ريناد صحت من النوم ع صوت رنة تلفونها , تقلبت بانزعاج , باستيعاب بطيء فزت و رفعت التلفون تطالع الساعه بصدمه وسعت عيونها وردت ع المكالمه ريناد : الووو هلا يمه ! ام خالد : هاه صحيتج ؟ ريناد : الحمدالله انج اتصلتي تاخرت ع شغلي وايد! ام خالد : شلونج يمه ريناد :الحمدالله تمام وانتي ؟ ام خالد : تمام ريناد : شلون خالد و ابوي؟ ام خالد: كلهم بخير.. اقولج اليوم الساعه 3 الفجر اختج روان ولدت ريناد شهقت بصدمه و صرخت بصوت عالي: امبيييييييييييييه صج!!! وااااااي مبروكك!!! و ليش اخر من يعلم؟ ام خالد : ادري ي يمه امس عندكم عرس و حوسه و اكيد نمتي متاخر و م حبيت ازعجج قلت اخبرج الصبح . ريناد : و هي وينها فيه باي مستشفى؟ شنو جناحها؟ ام خالد : مستشفى --------- -جناح 4 غرفه 6 ريناد : بحاول استأذن من الشركه و اطلع اشوفها. ام خالد : يلآ و انه بعد شوي بكون هناك ريناد : تمام يلا بسكر بروح اجهز ام خالد : يلآ انتبهي لنفسج باي ريناد : باي سكرت و هي تحس ان الفرحه مو واسعتها . . راشد وهو طالع من الحمام و المنشفه ع خصره , طاحت عينهه عليها و هي مستانسهه وشاردهه و خصلات شعرها اللي متناثرهه ع اكتافها , ملامحها الهاديهه , القميص القصير اللي ضايعه فيه؟ .. ابتسم و بسرعه غير ملامحه لملامح جديه ,, دق الباب عشان تنتبه له .. : ببدل؟ ريناد بخجل من منظره : وانه بعد ابي ابدل.. م يمديني اروح الغرفه اجيب ثياب ممكن تنادي وحده من العاملات ؟ راشد باستغراب: اوك راشد رفع تلفونه و دق ع المطبخ : الو.. دزيلي وحده من العاملات ع جناحي .. بسرعه سكر تلفونه و رماه ع السرير , ريناد طلعت من الغرفه و قعدت برآ ف الصاله .. و اما راشد سكر الباب عشان يبدل ثيابه . . بعد دقايق.. طلع من الغرفه و سمعها تكلم العاملهه .. ريناد :شوفي جيبلي شي حلو يعني هادي و ناعم بنفس الوقت ينلبس لمناسبه حلوه .. العامله بابتسامه : حاضر . . ريناد : ااسرعي ما بقى عندي وقت .. لازم اروح الشركه راشد تعداها و طلع من الجناح اما هي ما اعطت اهتمام ا بداً.. ,, نزل تحت بابتسامه .. شاف عمته و امه و ام سيف و كم بنت من بنات اعمامه و خواته قاعدين ع طاولة الفطور,, باس راس امه و عمته : صباح الخير الكل: صباح النور.. جميلة : ع الشغل؟ راشد : اييه جميلة : بالتوفيق راشد: تسلمين ام راشد : يمه ما فطرت؟ راشد: مالي نفس باكل ف الشركه اماني: راشد تقدر توصلني الجامعة؟ راشد ناظر ساعته و بابتسامه: يلا قومي.. وانتي ؟ تهاني و هي تكمل اكل: بروح مع سالم بعدين .. محاضرتي تبدا 10 و نص راشد : يلآ اماني.. اماني : خلني اكل اساسا ريناد للحين م نزلت . راشد ناظر اماني باستغراب , بابتسامه و هي تناظر جميلة: اي مو انت كل يوم توصلها , راشد بتسليك: ها .. اي اي قصدي قومي لا نتأخر ..ريناد م بتفطر اساسا تهاني و هي ماسكه ضحكتها : جت ريناد نور بهمس لغآده : فلم هندي هههههههههههههههههههه غاده : اسكتي لا تفضحينهم تدرين عمتي م راح تسكت لو عرفت انهم مقررين ينفصلون؟ والله تقلب الدنيا .. ريناد بابتسامه : صباح الخيرر.. ( باست راس ام راشد و جميلة ) اماني سحبتها من يدها و بهمس: يالله ع سيارة راشد . ريناد بعدم استيعاب : شنو؟ ام راشد : م بتفطرين؟ ريناد : متأخره م يمديني. . بطلع و بحاول اخذ اذن عشان اروح المستشفى جميلة: خير ي بنيتي فيج شي؟ ريناد بابتسامه عريضه : لا عمتي الحمدالله .. اختي اليوم الفجر ولدت .. جابت بنت الكل: الحمدالله ع سلآمتها.. ريناد :ألله يسلمكم .. اماني: واااي كيوت .. متى فجر تجيب لنا البيبي والله متحمسه ريناد قلصت ابتسامتها ببرود : يلا بلا ما اتاخر.. راشد بجديه : يالله ترا وراي مشوارين م يمديني اتاخر اكثر .. طلعوا ثلآثتهم.. و اول ما طلعوا ريناد باستغراب : شسالفتكم؟ اماني ببراءه: عشان عمتي م تشك في علاقتكم يعني قلت ان راشد كل يوم يوصلج الشغل و... راشد بعصبيه : مو وقت سوالف الحين .. ريناد هزت راسها بانزعاج من الوضع ..و ركبت السيارة -------------------------------------------------- السـآعه 10 و 15 صحت من نومهآ بتعب مررت يدها على شعرها بشكل سريع , ع طول حملت فونها و دخلت الواتس اب , كانت في رسايل كثيره من فهد , فتحتها و قراتهم كلهم .. معظمهم رسايل غزل و شعر ,, ابتسمت ع خفيف .. و دقت عليه و ع طول رد.. فهد بفرحه : صباح الخخير لاحلى عروسه بالدنيا غلآ: صباح النور .. فهد : بخلص شغلي ف الشركة و بطلع و بمرج .. بنطلع و جذي غلآ بابتسامه : تمام .. اجل بقوم اتروش و اجهز فهد : تمام يلآ مع السلامه غلآ : مع السلامه سكرت و رمت التلفون ع الطاوله , توجهت للدولاب و طلعت لها بدلهه ناعمه , و دخلت تتروش.. كانت جد تبي تتغير .. تبي تنسى متعب .. تبي تعيش حياتها .. يكفي انها قضت نص عمرها تحبهه و في النهايةة صار من نصيب غيرها. . ----------------------------------------------------------- عند رينــآد في الشركهه دقت الباب بهدوء , و دخلت بربكهه ,, وقفت قباله بتردد , رفع عيونه من الملف و ناظرها بابتسامه ترك الملف من يده : ريناد ؟ صباح الخير ريناد بابتسامه :صباح النور وليد : تفضلي في شي؟ ريناد بتردد : اي . . . يعني حاولت اخلص الملف بسرعه و شسمه يعني يصير اخذ بريك ساعه ؟ اختي ولدت و يعني .. . ادري اني متأخره اليوم .. و متأخره وايد بس .. كان امس .. ضحك ضحكهه خفيفه تلتها ابتسامه جميله : خلاص اهدي شفيج مرتبكه .. اادري امس عندكم عرس و مشغوله وايد و سهرانه .. و مبروك ع المولود الجديد يتربى ف عزهم .. تقدرين تسجلين خروج و تطلعين من الحين .. ريناد بفرحه : صج ؟؟ وليد : اي صج .. ريناد :شكرررااا!! وليد بضحكه : العفو ريناد بعدم تصديق و بفرحه كبيرةة طلعت من غرفته و راحت مكتبها سحبت شنطتها و فونها و طلعت ع السريع .. ----------------------------------------------- عند فجر و حمد ..ّ كـآنوا طالعين يتمشون , الجو كان حلو . مغيم و الشمس خفيفهه و الهواء البارد . . حمد بابتسامه : فجر حبيبي فجر التفت عليه و هي تاكل شعر بنات : عيونها حمد : تسلم عيونج .. شنو بنسميها؟ فجر بدلع : عندك وقت وايد تفكر باقي 3 اشهر و كم اسبوع حمد : بس انا فكرت من زمان .. شرايج في ( ديم ؟ ) فجر بابتسامه : حلو حمد : ادري ذوقي حلو فجر ضربته ع كتفه بخفيف: بدينا بالغرور حمد باسها ع خدها : مغرور ع الكل الا عليج فديتج. فجر و هي تشابك اصابعها باصابعهه : احبك. حمد : وانا اكثر ي قلبي .. يلا خنروح نشتري اغراض للبيبي فجر: انت م بترتاح الا اذا شريت السوق كله حمد : بنتي و كيفي .. عندج اعتراض مدام فجر؟ فجر بابتسامه هاديه : لآ حمد : اجل اسكتي و تعالي فجر ضحكت ع خفيف و هي تمشي معه ----------------------------------------------------- عند ملآك نزلت تحت و هي لآمه شعرهــآ .. و حاطه شال خفيف .. دخلت الصاآله لقت جميلة و ام راشد و ام فهد قاعدين يسولفون ابتسمت و هي تسلم عليهم : صباح الخير الكل: صباح النور ام راشد و هي تأشر للعاملهه : حطي فطور لمدام ملاك العامله: حاضر ملاك بابتسامه : ي ليت تجيبين الفطور هنا. .ما بفطر لحالي جميلة : اي اساسا م شبعت منج قعدي يمي.. ملاك بابتسامه عريضه قعدت جنب العمة جميلهه , و هي تسمع سواليفهم .. شوي الا جات العامله و حطت صينية قدام ملاك .. ملاك مررت عيونها بانزعاج ع الصحون .. طاحت عينها ع صحن البيض ع طول حست معدتها تقلب .. حطت يدها ع فمها و ركضت ع المغسله بحمام الصاله . . استفرغت لين طلعت كل اللي ف معدتها .. ام راشد خافت عليها و لحقتها .. وقفت ع باب الحمام بخوف: بنيتي ملاك فيج شي؟ طلعت و هي تجفف وجهها من الماء : ماكو .. من اليوم الصبح و معدتي تقلب ع ريحة زفار البيض .. بطني يمغصني و راسي يدور ام راشد بابتسامه : من الصبح؟ ملاك باستغراب: اي. طلعت معها للصاله و هم يمشون : خليهم يشيلونه مابي اكل .. ام راشد نادت العامله تشيلهه .. و اخذت ملاك ع الكنب و قعدتها جميلة: شفيج مرضانه؟ ملاك برجفه : لآ .. مدري صايره تلوع جبدي لما اشم ريحة البيض .. على طول تقلب معدتي.. ام فهد ناظرت ام راشد بابتسامه و كانها فهمت القصه.. ام راشد : حبيبتي ملاك قومي اجهزي و لبسي عباتج بنروح المستشفى وياج ملاك بابتسامه : مافيني شي والله .. ام فهد : ي ملاك ما فهمتي؟ احتمال انتي حامل .. قومي روحي المستشفى و سوي تحاليل. ملاكك تقلصت ابتسامتها بصدمهه ,, ثم رجعت تبتسم بارتباك : ي ي يعني احتمماالل اننهه حاامل؟ جميله بضحكه خفيفه : اي ملاك بخجل ركضت ع جناحها .. عشان تجهز للمستشفى جميله بحنيه : ي حليلها بس .. ام فهد : عقبال ريناد جميلة بجدية لأم راشد : ليش ريناد للحين م حملت ؟ ليكون مثل هند؟ ام فهد : لا تسمعج ام عبدالله ام راشد تتصنع الابتسامه : ريناد حملت قبل بس سقطت .. جميله شهقت و هي تحط يدها ع فمها بصدمه : شلون! ام راشد : طاحت ف المسبح و سقطت بصراحه زعلنا بس بعد اهم شي سلامتها .. جميلة : ي قلبي عليها الله يعوضها خير. ام راشد : والله لو ريناد تحمل تعوضني بفرح كل السنين اللي مرت ام فهد و هي تمسح ع كتفها: ربج كريم.. | ||||
31-10-15, 07:50 PM | #26 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في المستشفى: كـآنت شايلة البيبي بحضنها و تناظرها بحنية . كل شوي تبوس خدودها , و حاطه صبعها بين اصابع يدها الصغيره و الدموع متجمعه بعيونها و تبتسم ,, ناظرتها روان و تحس انها كاسره خاطرههآ ,, : ريناد ريناد و عيونها ع البيبي : هلا روان بابتسامه : قلتي بتختارين اسمها؟ ريناد : من صجج؟ روان: ايه .. طبعا اوثق بذوقج وايد. ريناد و هي ترفع راسها لا تطيح دموعها: امم.. ليـآن او رزان .. إثنينهم حلوين إياد بابتسامه دخل الغرفه : اوه ريناد عندنا.. شلونج؟ ريناد : تمام وانت كيفك؟ إياد: بخير الحمدالله .. شفتي كتكوتتنا ريناد عرضت ابتسامتها : تجنن يبيلها اكل روان : إياد .. ريناد اقترحت اسمين ليآن و رزان . . شرايك إياد : اممم ليآن احلا! روان : بس رزان بعد حلو و قريب لاسمي ريناد : خلاص انه اللي احكم .. سموها ليـآن يناسبها اكثر بدت تصيح بحضن ريناد , ريناد ع طول ناظرتها ببراءه : جعلني اكل هالوجهه الصغير .. يمه بسم الله عليها حطتها بحضن روان و قعدت ع الكرسي قبالها .. روان : نعسانه , من امس مو نايمه ,, ريناد: الله يعينج .. إياد واقف ع يمين روان و يمسح على شعر بنته ريناد انتبهت لتلفونها اللي رن , و ردت بشكل سريع : ألو .. هلا يمه حبيبتي .. اي من زمان عندها شوي و برجع البيت .. و انتي شلونج؟ .. م مداني اجي من وقت كان عندي شغل.. المهم باجر بمر عليج عشان نجي عندها اوك؟ تمامم .. يلآ انتبهي لنفسج.. باي روان:امي وايد مستانسه عباالها اول حفيده لها..مو كأنهه رند عندها ولد ريناد بضحكه : ي حليلها بس... اي يلا ما بتعبج اكثر . . ارتاحي زين ؟ و خلي هالدلوعه عنج .. ( باست خدودها بشكل سريع ) .. برجع البيت بكمل شغل الشركه . . روان :تمام , انتبهي لنفسج.. ريناد : وانتي بعد .. طلعت من عندها و هي تحس انها تركت قلبها هناك . لدقيقه حست بالامومه حست بالعاطفة القوية اللي اجتاحتها لما لامست اليد الناعمه الصغيره .. تتخيل لو عندها ولدها,, ابتسمت بانكسار و هي تمشي.. ---------------------------------------- الســـآعه 8 المغرب.. كانوا متجمعين بالصاله قبل العشاء, الشبباب معظمهم بالصاله الثانيه و البنات و بعض الشباب و الحريم و الرجال بالصالة الرئيسيه.. ابو فهد بابتسامه لجميله : ان شاء الله عجبتج المزرعه بعد التعديلات جميله : اي تجنن .. بس ي ليت لو تحوطون المسبح بسور .. ابو راشد : حلآته المسبح جذي .. ام راشد غيرت الموضوع بسرعه : اييه اليوم في خبر حلو .. م تبون تسمعونه ابو راشد: قولي لعل و عسى يرحيني من هم الشغل .. ريناد : لا تقولين خطبتوا لسالم!! سالم و هو يعرج : من بؤءك لباب السماء ي رب ريناد ضحكت ع خفيف: ان شاء الله ام راشد : لا خل يكمل دراسته اول حمد : وضاع الخبر الحلو على سالفة سالم ام راشد : خلاص بقول ( عيونها ع ملاك و بابتسامه ) متعب بصير أبو متعب وسع عيونه بصدمه و تنح لدقايق : ششنو.؟ ملاك بخجل: يعني انه حامل جميلة : ي حليلكم ي عيال اخوي.. ريناد تقلصت ابتسامتها و لكن رجعت ابتسمت عشان محد يحس فيها :مبروك ححياتي! ملاك : يبارك فيج متعب باستغراب: انتي من صجج؟(ضحك ع خفيف )يعني في بطنج بيبي؟ انا بصير ابو؟ جميلة : هههههههههههههههه جن الولد حمد وهو يغمز له : مبروك ملاك ضحكت :شفييك مو مصدق.. اي بجينا بيبي.. البنات بدوا يباركون لهم و الشباب مثل الشي].. متعب قام من مكانه و ضم ملاك بقوه .. و حط يده من وراء كتفها : زوجتي المزهه بتجيب مز والله يخرفن بناتكم كلكم راشد و هو يضم متعب: مبروك متعبب بهمس في اذنه : اجبر بخاطر ريناد بعد عنه بسرعه و عيونه على ابتسامتها الذابله .. صد عنها و لكنه رجع ناظرها لما قالت : بروح اكمل شغلي ابو راشد : تعشي ي بنيتي اسمني شوي صايرة نحيفه كلش ريناد بابتسامه انكسار : مو جاي ع بالي اذا جعت بروح اكل .. جميله حست انها تضايقت .. مشت و هي تحس انها شوي و تنفجر من البجي .. دخلت جناحهم و قعدت ع الكنب بشهيق.. ضمت ركبها عند صدرها و حطت راسها و بجت بصوت خفيف.. ------------ بعد سـآعه ع طـآولة العشاء عند الشبــآب سيف: مبروك أجل .. بصير عندك ولد. متعب بابتسامه جانبية جميلة : ايوهه الحمدالله.. وانت شصار ع موضوعك؟ سيف: ابد مرتي تتعالج .. وان شاء الله تطلع نتيجة متعب : ان شاء الله سالم : عقبالي مراد : بالاول خيصير ع قبال راشد . .بعدين عقبالك سالم : اسكت انت .. خايف اني بجيب بنت مزه تخرفن عيالكم واحد واحد ؟ حمد: ههاي حبيبي والله بنتي انا ال بتخرفن عيالكم .. سالم : ترا مو شرط عشانك اجمل واحد يعني بنتك اجمل وحده.؟ عادي يمكن زوجتي احلا من زوجتك و تطلع بنتي عليها. حمد : كل تبن .. كمل دراستك بعدين فكر تتكلم عن الزواج سالم : ترآ هانت باقي سنة و نص بس! راشد ضحك ع هبلهم و بانت غمازته , كان شكله وسيم جداً : رفع كاس الماء يشرب ثم ناظر بساعته : بقوم انام.. اليوم تعبت وايد .. تصبحون ع خير الكل : وانت من اهله .. اول ما مشى .. متعب بهمس لنفسه : والله متعبك عنادك ي راشد و متعبها معاك -------------------------------------------------------------- دخل الجناح بهدوء , لقاها نايمه ع الكنب وهي قاعده , و حولها الكلينكس المتناثر عرف انها كانت تبكي .. قعد ع الطاوله اللي قباالها و كان جدا قريب منها , ظل مده يتأمل ملامحها .. تكلم بصوت خفيف ( ليش م اقدر اصارحج؟ ليش انتي متحملتني؟ ليش تحبين تكسرين كبرييائي؟ ..) صمت لدقايق و هو يتامملها اول ما حس انها تتحرك وقف بسرعهه , حمد ربه انها رجعت نامت.. حط يدينه ع خصره بتفكير .. ( ي الله ي ريناد ليش م حصلتي الا هالمكان تبجين فيه ؟ ) بقلة حيلة مد يدينهه و حملها و مثل اي طفلهه , ضمت رقبته بدون ما تحس و اسندت راسها ع صدره , ابتسم ع شكلها و ملامحها البريئة , نزلها ع السرير بهدوء و غطـآها , , ابتسم ابتسامه عريضه و طلع من الغرفه .. انسدح ع الكنب لين غفت عيونه ونام. نختصر الأحداث بعد مرور اسبوع و 4 أيأم.. - يوم معرض شركة -------- لبست فستان ابيض ناعم و طويل , اكمامه ثلاث ارباع , و فيه لمعه من الرقبةة لين الخصر و بعدين نازل بنعومهه , عند الخصر فيه حزام ذهبي , و كانت لابسهه اكسسوارات ذهبيهه , و شال اسود و شنطه ذهبيه صغيره مع كعب ذهبي عالي, , وججها كان ناعم ,, بلشر خفيف و روج لحمي داكن شوي , و فوق عيونها لمعة بالذهبي و ايلاينر , طالعه تخخقق .. مرت ع السكرتيره بارتباك: شكلي حلو؟ السكرتيره (لبنانية) : بتجنني مدام .. بسم الله ما شاء الله شو طالعه حلوه ريناد بابتسامه : شكراا .. تعدتها و دخلت مكتب وليد بهدوء: سلآم وليد لما طاحت عينه عليها تنح دقايق وهو يقول ف نفسه : ماشاااء الله خبلتنننني!! انتبه لنفسهه و بجديه : ها خلصتي؟؟ نروح المعرض؟ ريناد بابتسامه : اي .. استاذ احمد ينتظرنا تحت مع الاستاذة لانا وليد : اها يعني باقي بس اناا ؟ يلا مشينا كانت تمشي وراه بتوتر .. حاسه بخوف .. خايفه تصاميمها ما تنجح و رسوماتها ما تعجب الناس .. كان القلق مسيطر عليها بشكل كبير.. ------------------------- في المزرعهه .. اماني بصراخ : تهاني و وجع بسرعه اخرتينا!! تهاني: شوي بلبس الكعب و بلحقكم.. اماني طلعت برآ و ركبت في سيارة حمد .. حمد: وينها فيه هذي؟ اماني: جاية الحين حمد : سالم راح مع متعب و ملاك؟ اماني: لآ راح لحاله .. تهاني ركبت و هي تلهث: دايما مستعجليين فجر بهدوء: برايكم راشد راح يحضر؟ اماني : ماتوقع .. تهاني : مدري ممكن يغير رايه و يجي. .. ف النهايه هو الخسرآن حمد : يلا اخلصوا من الهرجه .. اماني: شغل لنا شي نسمعه حمد فر المسجله و شغل اغنية ( عليها عيون ) ---------------------------------- بعد نص ساآعه .. وصلوا المعرض , كانت مرتبكه و ترجف .. اول ما دخلوا توجهوا لزاويتهم كانوا التيشيرتات معروضين بشكل جميل جداً ريناد : برآيكم ننجح؟ وليد : م يبيلها سؤال اكيد اي. ريناد : ان شاء الله احمد : انا بلف ع المعرض شوي و برجع ريناد من بعيد لمحت رند ماسكه يد عمر و أمجد زوجها يمشي جنبها و ع يمينها خالد .. شهقت بفرحهه انتبه عليها وليد و ظل يراقبها من بعيد.. قربت عند خالد و ضمته بقوه , باست خدودد رند و نزلت عند عمر سحبت خدودهه : واااي احلا حضوور !! نورتوا.. خالد بابتسامه : شلونج ريناد بارتباك : الحمدالله.. بس خايفه شوي يعني تعرف اول معرض لي خالد مسك يدها : اهدي ي قزمه م في شي يخوف . . بينجح ادري انا رند : حبيبتي ريناد روان م قدرت تجي تعرفين توها ولدت و حالتها ما تسمح. ريناد بابتسامه : ايييه .. م عليها عتب.. رند : حنا بنلف شوي مع عمر و بنرجع لج اوكيه؟ ريناد بايجاب: اوكيه اخذي راحتج مسكت يد خالد بحماس: تعال بعرفك ع مديري مشى معها وهو يضحك ع هبلها و حماسها ريناد : هذا خالد اخوي.. خالد هذا وليد مدير قسمنا.. خالد: تشرفنا وليد: الشرف لي. خالد :ريناد بدوا الناس يجون انا بفر ع المكان و باخذ نظره و راجع لج .. قبل يصير زحمه ريناد بابتسامه عريضهه : تمام ------------------------------------------------------- عند راشد كان صاف قبال البحر و موقف سيارتهه وشارد .. ذكريات – افكار تروح و تجي – اشياء كثيرهه رن تلفونهه وكانت امه ع طول رد : الو هلا يمه .. ام راشد :وينك فيه راشد: عند البحر ليش؟ ام راشد: يمه مو رايح معرض زوجتك؟ راشد: مو جاي ع بالي ام راشد : ي يمه البنت وايد انظلمت معاك و حست بالنقص .. حسسها لو يوم واحد انك جنبها.. هذا ابسط شي تقدر تسويه .. صدقني بتسعدها وايد .. اكسر عنادك و روح . لا تحطها بموقف محرج .. اخوانك كلهم رايحين عشانها عشان يجبرون بخاطرها .. وانت اقرب الناس لها بعيد عنها؟ راشد: يمه ماله داعي اروح .. بعدين انا ما حب هالاشياء ام راشد : ااذا مو عشان ريناد عشاني ! حسسها انك موجود حولها.. لو 5 دقايق بس راشد و هو يفرك وجهه : خلاص خلاص بروح ... بس موب مطول هناك ام راشد: الله يسعدك مثل ما اسعدتني و بتسعد هالمسكينه راشد : خلاص يمه .. امري لله . مع السسلامه ام راشد : مع السلامه بعد ســـآعة بدوا الناس يتجمعون و صار المعرض زححمه ..!! ريناد و احمد كانوا يردون ع الصحــآفة و لانا تعرض انواع التيشيرتات للناس. . اول ما خلصوا من الصحافه ريناد ابتعدت عن معرضهم و قفت مع فجر و تهاني و اماني و ملاك .. سالم بصوت مرتفع عشان تسمع ريناد : مو هذا راشد؟ ريناد فز قلبها لما سمعت اسمه و لفت بسرعهه . طاحت عينها عليهه و وقفت مصنمهه .. فجر بهمس لملاك : الحمدالله جااا ملاك : اييه !! و اخيرا كسر عناده لما طاحت عينه عليها سمى عليها من عيونهه ..! مشى وهو متنح ع شكلها.. تقرب لهم و وقف معهم : بالتوفيق ريناد بربكه: يوفقنا و يوفقك تهاني: اييه و شلون اقتنعت تجي؟ راشد بتطنيش: وين حمد و متعب؟ سالم: يفرون بالمكان.. راشد حط يدينه ف جيوبهه : اها و ليد تقرب عند ريناد و كلهم ناظروه : ريناد تصوير للصحافة؟ ريناد بتوتر: شكلي حلو؟ ملاك: اييه تجننينن!! ريناد مشت معه لين مكانهم و وقفت تصور بعفويه.. راشد كان يناظرهم بعصبيه.. حس ان وليد وايد يحاول يتقرب لها.. سالم بهمس مسموع لراشد : خايف تخسرها؟ راشد : بلا كلام ماله معنى . . انا بلف ع القاعه بشوف باقي المعارض سالم ضحك بسخريه : باين عليك الغيرة! ريناد رجعت لهم بفرحهه و لكن تقلصت ابتسامتها لما ما لقت راشد ,, ولكنها ابتسمت ببرود : انباعت كل القطع باقي بس 7 .. سالم: لا تخافين بينشرون كلهم ع نهاية المعرض ريناد: ان شاء الله .. ريناد بعدت عن المعرض و قامت تتمشى في القاعهه الكبيرهه الملياننهه ناس ,, وايد شافت معارض عجبوها .. معارض فساتين و اقمشهه .. وقفت عند معرض فخم و باين متعوب عليه و فجأة طفت الكهربـآء. كـآانت تخاف من الظلام بشككل ..!!! بدت تنتفس بشكل سريع و بخوف : شصاير!!!.. المشكله انها بعيده عن اهلها و معرضهم و الناس اللي تعرفهم يعني لحآلها ف الظلام و مجرد ناس واقفين حولها . . م تعرفهم ولا يعرفونها بدت تحس بالخوف اكثر.. بدوا تسمع صياح االاطفال اللي ملأ المكــآن! فلآشات التلفونات بدت تشتغل بس ابدا م فيها فايده تضوي مسافه قليله م تتعدى نص متر..! القاعه كبيرهه!! .. .. عند معرضهم راشد و هو يمشي و مشغل فلاش التلفونن بانزعاج ,. وصل عند مكانهم و بدا يناظر حوله شاف زوجات اخوته و خواته واقفين عند المعرض و على يمينهم وليد و احمد .. : وين ريناد؟ اماني : مدري قالت بتلف ع المعرضّ وليد سمعه يسال عن ريناد و تقرب له : ريناد فيها شي؟ راشد : مدري! الحين تلقونها ترجف مكانها!! تخاف من الظلام هي ! سالم اول ما وصل عندهم طفى فلاش التلفون : اوووف وجعوا راسنا الجهال بصياحهم!! وليد شصاير؟؟ ليش جذي وليد : مدري انا! حالي حال المعارض الباقيه القاعه مو حقتنا ! وليد ابتعد بمسافة و دق ع المسؤول .. وليد : شصاير؟ شلون جذي طفت الكهرباء؟ المسؤول :مدري صار عطل كهرباء اشتغلت فوق طاقتها . اعتقد شوط . . الحين بنحاول نرجعها اهدأ وليد : لاحووول!! سكر التلفون بقهر .. : وينج ريناد!! ريناد واقفهه بهدوء م تسمع اي صوت حولها غير صياح الاطفال اللي يختفي تدريجياً .. اكيد قام يطلعون من القاعه!! مشت بهدوء .. و فتحت تلفونها شغلت الفلاش ع الاقل عشان تشوف وين تمشي .. كانت بتدق ع خالد او رند ,, ولكن مشوا من زمان .. دقت على راشد .. راشد مشغل فلاش تلفونهه و يدورها .. بس ابدا م في فايدهه .. راشد لما شاف اتصالها بسرعه رد : الو ريناد؟ ريناد ببجي: راشد وينك! راشد: انا ادورج انتي وينج بالضبط! ريناد : مادري مو باين شي حولي..! راشد تكفى تعال ..آنه خايفه راشد: اهديي..! اذكري ربج ..لا تصيحين حولج ناس وايد م في شي يخوف ريناد : م اشوف احد حولي! راشد : اساسا الناس بدت تطلع.. خلاص انا بمشي و انتي امشي.. اوصفيلي ششتشوفين! ريناد وهي تشهق : مدري في اماكن..! قبالي زاوية القاعه اعتقد اني ف نهايتها..! راشد : انا اساسا مدري ويني!! مضيع ما شوف شي ريناد : راشد احس شي يلمسني! راشد : اششش اهديي تتخلييلين !! م في شي..! ريناد و هي تشهق بخوف و بصوت راجف : راشد والله احس شي يلمسني! راشد : شلون يع....... صرخت بقوه صرخه انسمعت بكل القاعه!! راشد سمعها من برآ التلفون نغزه قلبه اكيد صار فيها شي صرخ بصوت عالي: رينااااد!! وليد من بعيد وسع عيونه بخوف :!! ملاك بخوف: هذا صوت ريناد! فجر مسكتها من يدها: انتي اقعدي مكانج وين رايحه!!! تبين نضيعج بعد! وليد بخوف م تمالك نفسه و مشى باتجاه صوت الصرخه! وهو يمشي ببطئ اشتغلت الكهرباء فجأة.. رمش بعيونه كثير بسبب الضوء القوي. . بسرعه ناظر حوله و شافها طايحه ع الارض تقرب لها بخوف : رينااادّ!! رفع راسها على رجله و هو يضرب وجهها ع خفيف: ريناد! تسمعيني!! ريناد! وليد مشى بخطوات سريعهه لما لمح راشد قاعد و بحضنهه بنت .. راشد : ريناد افتحي عيونج! وليد وصل له بخووف وهو موسع عيونه : ريناد؟ راشد : عندك شي ريحته قوية؟ وليد فتش بجيوبهه و طلع زجاجة عطر صغيرهه و مدها له حطها عند انفها و هو يضرب وجهها ع خفيف.. صحت و هي ترمش بخوف , و لا اراديا طاحت دموعها بخوف .. ضمت راشد بقوهه وهي تشهق: لآ تخليني! راشد و هو يمسح ع ظهرها: خلاص اهدي .. اشتغلت الكهرباء شوفي .. م في شي يخوف. انا موجود ..! وليد بنظرات اسف اخذ عطره و انسحب .. كان يحس بحزن كبير. . . عجز يفسره ريناد وهي تشهق و دموعها تطيح: خل نطلع ..! راشد مسك يدها و مشى معها لين المعرض .. اخذت شنطتها بتعب .. وليد :شلونها؟ راشد بتطنيش: تمام.. ملاك : ريناد فيج شي؟ ريناد هزت راسها بالنفي.. راشد بابتسامه: خافت هذا كل الموضوع تهاني : نرجع البيت؟ سآلم: يلآ.. طلعوا مع الناس اللي بقوا داخل.. وليد ضرب يده بالطاولة بقوة.و بقهر برآ المعرض قابلوا حمد و متعب .. متعب على طول مسك يد ملاك : فيج شي؟ ملاك : لا . . اساسا ماتحركت من مكاني.. تهاني: نرجع مع راشد؟ فجر بابتسامه : ارجعوا معنا .. خلوهم لحالهم يمكن تتحسن امورهم! اماني بابتسامه : شفتو شلون خاف عليها! اكيد يحبها! حمد : شصار؟ فجر و هي تركب السيارة : بعد ما طفت الكهرباء راشد جا ركض و هو يسال عن ريناد طبعا حنا م ندري وينها ..! هي قالت بروح اشوف المعارض.. المهم القاعه بدت تختلي..!! و م سمعنا الا صرخة ريناد .. بعد كم دقيقة اشتغلت الكهرباء.. و رجع راشد و هو ماسك يدها.. اوووه تقول المنقذ فارس الاحلام حمد ضحك : هههههههههههههههههههههههه يحبها م عليكم تهاني: كننت ادري اصلا .. اماني : بس كان شكلهم كيوت صح! بغض النظر عن رجفه ريناد و خوفها فجر: يجننون!! -------------------------------------------------- في سيارة راشد.. وقف جنب البقالة و نزل .. كانت تحس انها غبيه .. بس بنفس الوقت م تنلام . . الوضع كان يخوف رجع بسرعه و ركب ومد لها علبة ماء .. : اشربي ريناد بهدوء : اسفه سويت فلم هندي راشد مسك يدها : اشش.. خفت عليج وايد ريناد سحبت يدها و اخذت الماء تشرب .. انتهى البارت توقعاتكم؟؟ | ||||
15-11-15, 02:04 AM | #27 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 15 في سيارة راشد.. وقف جنب البقالة و نزل .. كانت تحس انها غبيه .. بس بنفس الوقت م تنلام . . الوضع كان يخوف رجع بسرعه و ركب ومد لها علبة ماء .. : اشربي ريناد بهدوء : اسفه سويت فلم هندي راشد مسك يدها : اشش.. خفت عليج وايد ريناد سحبت يدها و اخذت الماء تشرب .. بعد نص ســآعه تقريبــآ وصلوا المزرعـة ,, سحبت شنطتها و فتحت الباب و لكن قبل م تنزل مسك كتفها و شدها له.. صارت قبال وجهه بالضبط و عيونها بعيونهه ,, نزلت عيونهاا و وجها احمر و تحس انها تلخبطت ... قرب منها و ع طول سحبت نفسها و نزلت .. اما هو بقهر طفى سيارته و نزل.. دخلت القصر بتعب و هي تحط شنطتها ع الكنب .. استقبلتها ام راشد و ام فهد و جميلة بعض البنات اللي قاعدين بالصاله و نظرات اماني و تهاني و فجر و ملاك عليها و بابتسامهه واضحه .. قعدت بينهم بتوتر.. جميلة: هاه وشلون المعرض؟ ريناد بهدوء: تمام يعني... ام راشد: يقولون طفت الكهرباء؟ ريناد بربكه: اي بس الحمدالله ع الاخير مو من البداية.. ملاك: معرضهم حلوو يخبل حتى اني خذيت منه تشيرتين لي و لمتعب و في بعد كم معرض يجننون.. ريناد: تتتهنين ي قلبي فجر: يلاا استأذنكم ببقوم انام تعبت اليوم.. غلآ: تصبحين ع خير. . الكل: نوم العوافي فجر و هي ماشيه: تسلمون شوي الا دخل راشد بابتسامه وهو يسكر الباب العريض: هاه متجمعين؟ جميله :تعال اقعد معنا تراني ما شبعت منك .. راشد بابتسامه عريضهه : وانا اقدر ارفض طلبات اجمل عمة بالعالم؟ قرب منها و باس راسها و قعد جنبها . . كان بين دقيقة و دقيقة يناظر ريناد اللي لاحظت نظراته الغريبهه.... ريناد بتعب: بروح انام تصبحون ع خير الكل: وانتي من اهله.. ريناد اخذت شنطتها بابتسامهه و هي رايحهه الغرفه.. فجر بهمس لتهاني: ابدا مو قليل ال صار فيها.. الله يعوضها تتهاني: ايي .. ان شاء الله ّ !! ي ليت لو تتصالح مع راشد فجر: ي ليييت والله جميلة وهي تتاكد ان ريناد راحت وبهمس : راشد يمه متى ناوي تصير ابو و تفرحنا؟ راشد و هو يفرك يدينهه بهدوء: انا .. يعني ريناد و انا.. ما نبي عيال الحين جميلة باستغراب: بس الاحظ حسرة ريناد لما نجيب طاري العيال؟ راشد بربكه : تتوهمين عمتي .. هي قايلة لي انها ماتبي جميلة بشك : ليكون البنت م تجيب عيال من بعد ما سقطت؟ راشد بصدمه : لا لا بسم الله عليها!! كل السالفه انها ماتبي الحين.. جميلة بهمس : وانت شدراك؟ ترا ي كثر اللي سقطوا و بعدها ما جابوا عيال ؟ راشد بصدمه : عمتي .. كل السالفه انها تحس ان ما عندها مسؤولية .. جميلة : اها .. المهم حاول تقنعها ي ولدي.. ابي اشوف عيالك قبل م الله ياخذ امانته راشد و هو يبوس يدها: بعد عمر طويل .. ام راشد و هي تناظرهم بابتسامه : شاركونا سوالفكم ؟ راشد ضحكك ضحكهه خفيفة بانت فيها غمازته بشكل جميل: ماكو يمه اصلا بقوم انام.. جميلة و ام راشد: تصبح ع خير نور و هي تناظر راشد بابتسامهه و سرحان ضرربتها اماني ع كتفها : خاقه؟ نور بتوتر لفت عليها : هيه بلا كلام فاضي اماني بجديه : امزح شفيج تغير لونج نور: بقوم انام. اماني: تصبحين ع خير.. نور: و انتي من اهله.. ------------------------------------------------- دخل جناحهه بهدووء .. سكر الباب و فتح باب مكتبهه .. سكر المكيف و سكر الباب و توجهه لغرفتهه... بدل ثيابهه و لبس شورت و بلوزهه كت خفيفهه .. لف عليها بهدوء و هو يتأمل ملامحها الهاديهه و شكلها الطفولي و الدب اللي بحضنها و البطانيه اللي كاشفهه جسمها.. بابتسامه هادئه رفع البطانيهه و غطــآها و راح ع الصوب الثاني من السرير. انسدح جنبها بدون ما تحس عليه. بابتسامه مد يده لشعرها و بعد الخصلات الطايحه ع وججها.. باس خدها بحركهه سريعهه و بقى وقت طويل يتاأمل وجهها البريئ.. و كلام عمتهه يدور ف راسهه .. لين غفت عيونهه و نام. ----------------------------------------- في صــبــآح يــوم جديـد صحى من نومــهه بابتسامــه .. رمش عددة رمشات و مسك تلفونهه , على طول دخل الواتس و فتح محادثتها , بابتسامهه طقطق ع الفونن و كتب لها رسـآله : بـآقي اسبوع و نتزوج و تصيرين تنامين بحظني .. * بوسه* .. وصلتها الرســآله و على طول فتحت فونها .. ابتسمت على هبالهه و كتبت له : خبل , اليوم نطلع نشوف الفستان اوكيه؟ فهد برسـآله صوتيه : اكيد , ي لبيهه بس متى اشوفج بفستان اببيض! غلآ و هي تعض شفايفها بخجل ردت عليه : قريب. . . ترك تلفونهه ع الطـآولهه و دخل الحمام يتروش . ----------------------------------------- عند متعب و ملآآك .. صحت من نومها و هي تحس بيدهه اللي يمررها ع بطنها ببطئ.. ابتسمت بكسل و هي تحط يدها ع يده .. مسك يدها و رفعها عندهه و باسها.. ابتسم بحنية : تتوقعين ولد ولا بنت؟ ملاك بتفكير: مادري.. باس خدها: كل شي يجي من الله حلو بس انا ابي ولد ملاك: ان شاء الله.. متعب: يلا قومي ننزل نفطر.. و نشوف اخبار عصافير الحب؟ ملاك بابتسامه عريضه: من قلب ابيهم يتصالحون متعب بملامح جادهه : وين الشوزات الكعب؟ ملاك باستغراب: في الرف ليش؟ متعب : بخلي العامله تشيلهم كلهم .. لين تولدين بعدين يصير خير ملاك بضحكهه : مو لهالدرجه ؟ متعب: من حقي اخاف عليج و على ولدي ! ملاك بنرفزه : بس احب الكعب!! متعب : صيري مثل ريناد راضيه بطولها و هي اقصر منج بعد . . وتلبس فلات ! ملاك : احب الكعب شسوي!! بس الاشهر الاولى زين! متعب : لآ يعني لا .. اليوم نطلع و اشتري لج 100 شوز فلات . ملآك بقلة حيله :اصلا عادي! متعب وهو يقوم من السرير: يلا سرعي جوعان اانا! ملآك بكسل: قمت ----------------------------------------------------- عند راشد و ريناد صحى على صوت منبه التلفون , سكره بتعب و هو يصحى ببطئ , طاحت عيونهه عليها و هي ترفع اكمام قميصها . . تقربت للتسريحهه و قعدت تتعطر.. ابتسم بكسل و دخل الحمام .. غسل وجهه و اسنانهه و طلع لقاها مو ف الغرفه صلى الصبح قضاء.. و لملم سجادتهه و طلع من الغرفهه .. شافها قاعدهه ف الصاله ع الكنب و تحاول تحط مناكيرر بيدها اليمين بصعوبه و بتركيز .. بصوت منزعج و بقهر: اففففففففف !!.. مسكت الآسيتون و مسحت ظفرها.. تقرب لها بابتسامه عريضهه و قعد قبالها ,, مسك يدها وسط استغرابها , و تربع و حطها على فخذهه ..اما هي انرسمت ع وجهها ابتسامه جميله.. راشد : وشلون يحطونه ذا؟ ريناد بضحكه : بالفرشاة اللي بالغطـآ . . مسك صبعها الصغير و رفعهه , و بدا يصبغهه بدقهه . . ريناد كانت تضحك على شكلهه .. لمـآ خلص ناظرها بابتسامه : هاه شلون ؟ ريناد : حلو .. مرتب راشد : اسويلج ريولج بعد؟ ريناد ضحكت : لآ. . راشد: بتطلعين؟ ريناد : ايه.. بروح عند روان بيت ابوي.. بزورها راشد : بروحج؟ نطري بلبس و بجي وياج.. ريناد فرحت لانهه جاي معها .. و عشان اهلها م يشكون ف علاقتهم المنقطعهه .. ------------------------------------------------------------------ بعد سـآعه فــي بيت ابو خـــآلد .. على طـآولة الفطور. كان ابو خالد و ام خالد ع اطرف الطاولة و خالد على يمين امهه و روان على يسارها و جنبها إياد .. ام خالد : رجعت للبيت حيويته بعد ما ولدتي .. والله انه كان ما ينطاق خالد : افا يمه ؟ و انا ؟ ابو خالد بجديه : انت لا تزوجت بعدين ينور البيت لانك بتقعد فيه مو الحين 23 ساعة برآ البيت و ساعه هنا ؟ لا و يقضيها ف النوم بعد .. روان : ههههههههههههههههههههههههه هههه , جد خالد تزوج ترا قربت تدخل ال30 !! خالد و هو يطالع امه : انا من زمان مقرر اتزوج و حاط البنت ف ببالي بس امي مو مقتنعه تخطبها لي! ابو خالد: و من بنته ؟ ام خالد :لو هي بتوافق ع طول بخطبها لك .. ولكن ادري عايلتهم ما يزوجونها لواحد غريب خالد: اماني بنت ابو راشد روان وسعت عيونها: انت من صجك؟ خالد ببرود : ليش فيها شي؟ ابو خالد:انت عارف ان عايلة آل ---- ما يزوجون بناتهم من برا العايله ف شيل البنت من راسك إياد : زين سألوهم يعني جربوا خالد بابتسامه : يبه ماكو فيها شي لو حاولنا؟ انا حاط عيني ع البنت و ما افكر بغيرها. روان: خالد؟ انت تدري انك تطلب شي مستحيل .. خالد بجديه : يمه اذا ما بتكلمين امها بخلي ريناد تكلمها؟ روان :لا تورطها بسوالف هي بزود مو ناقصه! إبو خالد: جنهه صوت الجرس؟ خالد : بقوم افتح الباب. إياد: صوت ليـآن؟ صحت! روان بكسل : بقوم اشوفها.. ... خالد فتح الباب و لما طاحت عينه ع راشد و ريناد ابتسم : يالله حيهم..!! وينكم عننا من زمان؟ ( وهو يضم راشد ) : نورتوا.. ام خالد اول ما شافتهم استانست : ولاد حلال تونا ذكرناكم .. هلا يمهه شخبارج؟ ريناد وهي تبوس يد امها: تمام شلونج انتي؟ باست راس ابووها : يبه شخبارك ؟ ابو خالد : احنا تمام ي بنيتي .. وينج زمان عنج ريناد : يبه تعرف شغل و ما افضى كثير راشد وهو يسلم على اياد : كيفك؟ اياد : تمام راشد بابتسامه :مبروك ع ما رزقكم الله .. تتربى بعزكم اياد : تسلم .. ام خالد : اقعدوا افطروا راشد: فطرنا ف البيت .. بنقعد ف الصاله كملوا فطوركم انتوا .. شوي الا جت روان بابتسامه و هي حاملة البيبي: رينااد؟ حببيبتي شخبارج ؟ ريناد بابتسامه : تمام حياتي انتي! شلونهاا هالكتكوتته روان وهي تمدها لها: تمام , توها صحت .. ريناد بوناسهه اخذتها بحضنها :كملي فطورج انتي خليها عندي روان : اوكيهه ما بطول.. ريناد: اخذي راحتج! راشد كان يراقب نظرات ريناد البريئهه و هي شايلهه ليـآن بحضنها, يراقب ابتسامتها العريضهه و هي تمسح ع وججها بصبعها ., قعدت و قعد جنبها و بصوت هادي : ما شاء الله .. ريناد بابتسامه حطت عيونها بعيونه : تبي تحملها؟ راشد بربكهه : لا انا .. ماحب احمل اطفال صغار ريناد باستغراب: ليش؟ راشد بتنهيده : مادري احسهم صغار كلش . اخاف احملهم و يصيدهم شي ريناد ضحكت لين بانت سنونها: مو من صجك؟! راشد : لا تتمسخرين ريناد حطتها بحضنهه : امسكها بمسكها معك م بجيها شي راشد اول ما حس بجسمها الخفيف و ملامحها الصغيره ابتسم: بسم الله عليها ريناد : كيوت مو راشد و هو يبوس خدها الناعم: تجنن ام خالد و هي تناظرهم من بعيد : لايق لهم يصير عندهم ولد ابو خالد: الله يرزقهم ان شاء الله روان بابتسامهه رفعت تلفونها و صورتهم . .. خالد: انا شبعت الحمدالله بقوم اقعد معهم .. ريناد : اخذها ؟ راشد: ايه. ريناد حملتها بحضنهاو هي تلاعبها : اغغغ .. تدنن.. اكلللج انتي و عيونج .. قلبيي عليج راشد كان يناظرها بصمت و بابتسامه هاديهه انرسمت ع وجهه .. خالد جاء و قعد جنب راشد : و شلون شغلك ؟ و الاهل ؟ راشد: الحمدالله كل شي بخير خالد بابتسامه , وهمس لراشد: احم.. راشد انا ودي افاتحك بموضوع .. راشد : سم خالد : انا... يعني مادري شلون اقولك بس.. طالب القرب منك. راشد باستغراب: شلون ؟ خالد: ودي اطلب يد اختتك اماني ع سنة الله و رسوله.. ي ليت تخبر ابوك و ترد لي خبر راشد بقلة حيلة: بس ي خالد انت عارف ان ابوي و عماني م يزوجون بناتنا لاحد من برآ العايله. خالد : انا عارف.. بس قلت اجرب حظي.. راشد وهو يطمنه : راح اخبر الوالد ..انت رجال ينشد بك الظهر و مافيك عيب .. واختي ما بتلاقي احسن منك .. بس تعرف اذا رفض ما باليد حيلة خالد بابتسامه : ع الاقل بكون حاولت. راشد بادله الابتسامه : اييه .. الله يطرح اللي فيه خير ----------------------------------------------- | ||||
20-11-15, 08:07 AM | #28 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تكملة البارت الســآآعــه 7 المغـــرب... القصر كــآن شبهه هادئ , الشباب ف الديوآنيهه و البنات ممتجمعين بالصالهه .. كــآنت سرحــآنه تفكر . . اشياء و احداث مرت فيها تحس انها بدت تلاحظ التغير اللي قاعدهه تعيشهه .. ابتسمت بدون ما تحس ,, التفتت لها تهاني و ضربت كتفها ع خفيف " تفكرين في راشد؟ " عدلت قعدتها و ناظرت تهاني بصمت بدون م تقول اي كلمهه .. دلآل : ي بنات مليييت و الله شرايكم نروح الستي؟ نور: واع ملييت من هالستي.. كل ما مليتوا قلتوا نروحه اماني: عندج اقتراح ثاني؟؟ نور بحيرهه : الملاهي؟ دلال: ملاهي هالحزه ؟ م نبي دارين: الستي احسن ع الاقل بنتسوق.. يبيلي كم شغله تهاني: و انهه بعد .. بنفرفر فيهه و بنستانس هنادي: قوموا اجهزوا و خبروا السايق بلا ما يتأخر الوقت و يكنسلون طلعتنا ملاك: جاية معكم بشتري شووزات فلات نور: ههههههههههههههههههههههه متعب حارمج من الكعب اماني: ايه احسن لج .. مب زين الكعب ايام الحمل فجر: انه ما بطلع اساسا فيني نوم ..! نور: متعبج البيبي ها فجر: صاير ثقيييل نور: ف السادس صح؟ فجر: اييه .. باين على بطني كبر؟ اماني بحماس: ايييه شكلهه دب غآده بكسل : ريناد جايه ولآ؟ ريناد بابتسامه هاديهه: مدري بسأل راشد الكل لف عليها بصدمهه! تهاني رفعت حاجبها باستغراب : من متى تاخذين اذنه؟ اماني و هي تعض شفايفها : تصالحتوا؟ ريناد قلصت ابتسامتها: لآ.. يعني.. مدري بس غاده : خلاص لا تحرجونها!! يلا سأليه بسرعهه ريناد بابتسامه سحبت فونها و راحت برآ القصرر.. ملاك كانت تهمس لفجر: قولتج تصالحوا؟ فجر: ان شاء الله! .. برآ القصرر ------------------------- كــان قاعد ف الديوانيهه مع الشباب , بيدهه فنجان قهوه وباليد الثانية سبحهه يقلب فيها , اول ما دق تلفونهه ناظر الاسم من بعيد .. اول ما شاف اسمها نزل الفنجان و لف السبحة على اصابعهه و رد ع التلفون : - هلا - هلا راشد ,, امم يصير تجي برآ ابيك شوي. - اوك ثواني بس.. انتي ف المزرعه؟ - اي ورآ الديوانيهه. - جاي سكرت تلفونها و بدت تتمشى بخطوات بطيئهه و هاديهه و هي تحس بالتوتر اللي اجتاحها في هاللحظات القصيره .. سمعت صوت باب الديوانيه اللي تفتح و صوت الخطوآت الهادية اللي يقرب لها تدريجيا .. تنهدت بتوتر و ابتسمت ابتساممهه خفيفةة .. اول ما شاف الجسم الصغير اللي قدامهه تقرب بابتسامهه ظاهره وقف قبالها و وجهه يملاه التساؤل : شفيج؟ صاير شي؟ ريناد بصوت ناعم : البنات بيطلعون الستي .. و ... يعني, اذا ما في مانع .. يعني ودي اروح معهم راشد بتفكير : خواتي رايحين معهم؟ ريناد بايجاب : ايه كلهم بروحون م عدآ فجر و غلآ راشد حط يدينه ف جيبهه و ناظرها بتفكيرر .. بللت شفايفها و هي رآفعه راسها تتناظره ببراءة منتظرهه منه جواب . راشد: تمام .. بس لآ تتأخرون ريناد بابتسامهه عريضهه و فرحهه : صج؟ راشد ابتسم و مد يدهه لمحفظتهه و طلع بطـآقته و مدها لها ,: اي صج ريناد نزلت عيونها ع البطاقهه و قلصت ابتسامتها بهدوء : عندي بطاقتي. راشد: استخدمي هذي.. ريناد بدون اعترآض سحبت البطآقة و مشت بهدوء.. ---------------------------------------------- في الديــوآنية .. سـآلم كان منسدح ع رجل حمد و على جنبه فهد , فجأة رن تلفونهه و سحبهه من بعيد .. كـآن رقم غريب رد على طول .. سـآلم : ألو؟ : هلا ي الحبيب .. سالم : من معاي؟ : هه .. شكلك بعد ما انطعنت نسيتني؟ سالم بعصبيهه ميز الصوت .. سحب نفسهه من الديوانيهه و طلع .. رآِشد بابتسامهه دخل محفظته ف جيبهه و مشى .. ولكن وقفهه الصوت اللي يتكلم بعصبيهه .. تسند بالجدار وهو يسمع بتركيز! سـآلم :اقسم بالله ي حيوان لو ما تتركني ف حالي اروح الشرطه الحين و اخبر عنك!! : ههههههااي ي حبيبي والله ما تسويها .. نسيت انك كنت معنا؟ سالم: انا؟ بالكثير بنسجن ست شهور و غرامة 10 آلاف دينار .. لكن انت ؟؟ برايك راح تقدر تدفعها ؟ هه !! : انتبه لكلامك. سآلم: شتبي داق؟ : فلوسّ سالم :لوتموت ما اعطيك ولا دينار سكر التلفون بعصبيهه.. و رجع الديوانيهه تارك و راه شخص مصدوووم من اللي سمعه!!! -------------------------------------------------------------- بعد مرور ســآعهه .. في المجمع عند البنات, نورر و هي تقعد ع كرسي من كرآسي مقهى كوستـآ : اقعدوا والله طاحت رجلي ملاك : يلآ تكفووون في محل ابي اخذكم لهه غآده : تعبت بقعد مع نور.! تهاني: اففف والله تعب , طلبوا لي كوفي دارين : بروح اشتري شكولاته و اجي نور: ملاك شفتي اماني؟ ملاك : لآآ مدري وينها من دخلنا اخر محل و هي مو معنا ريناد : انهه بروح اتسوق كم شغلهه و بجي البنات: تمام ريناد تركت اكياسها الصغيرهه جنب الطــآولهه و مشت .. انرسمت ع شفتها ابتسامهه هاديهه لما لمحت اسم المحل .. دخلت و هي تناظر العطورات الكثيرره .. مررت يدها ع حافة الرف .. مسكت زجاجهه صغيرهه و شمتها .. كانت ريحتها عاديهه .. وصلت عند البائع و بحماس : شنو احلا عطر رجالي عندك؟ الرجال ببابتسامهه : اممم عندي وايد عطور حلوه .. شنو تفضلين الريحهه القوية ولا الهاديهه..؟ ريناد : ابي شي رجولي فخم ناعم .. و ريحته حلوهه عاد الباقي ع ذوقك مسك علبهه فخمهه و مررها لها .. ( بلو شانيل ),, رشت منهه ع رسغ يدها .. و غمضت عينها بانسجام و ابتسمت .. بابتسامهه : بغيت هذا . . حطهه ف كيس مرتب و دفعت له ع السريع و مشت وهي طالعهه طاحت عينهاا على خـآلد اخوها من بعيد و قباله بنت متوسطة الطول . . نحيفهه , معطيتها ظهرها.. باستغراب عقدت حواجبها و تقربت ببطئ وقفت و بصوت هآمس : آماني؟؟!!! صــــــــــــــــــــــــ ـــــــــــــــــــــــــ ــــــــــــــــــــدمممم ه!!! بعدت سريع قبل م يشوفونها و رجعت للبنات..!! كان باين عليها انها شايفهه شي .. كانت تفكر بخوف : اخوي خالد و اماني؟؟!!!!! ي ترا شاللي بينهم؟!! هنادي لاحظت سرحـآانها و بصوت ضعيف: ريناد شفيج مرتبكة؟ ريناد بابتسامة تسليك : أبد ولآشي .. هنادي بهمس لنور : الله اعلم ششايفه. نور : والله قاهرتني هالريناد ي ليت راشد يطلقها و يفكنا هنادي باستغراب و ابتسامة شك : ليش!! .. ( صمت قصير تلته ضحكهه متقطعه ) . . تحبين راشد! نور بحقد و هي تناظر ريناد : اسكتي هنادي بابتسامة نذالة : اوووف بانت علآمات االحب!! نور بعصبية : والله لو ما تسكتين ادق ع السايق يمر ياخذني فهمتي! الرجال متزوج و مالي فيه .. انسي ال قلته وبلاكلام فاضي!! احذرج! هنادي و هي تبلل شفايفها و تربت ع كتفها بهدوء : حبيبتي انا قادرة اسوي ال تبينهه .. اخليهم يتطلقون .. بس شبتستفيدين انتي عارفة راشد م راح يفكر فيج! نور بدت ملامحها ترجع تدريجيا للصمت و الهدوء : يكفيني اشوف ما حولهه احد مرتبط فيه. هنادي هزت راسها بمعنى ( الله يشفيج ) و لفت تطالع البنات . . --------------------------- الســآعه 11 و 30. ف الديــوآنية .. كــآنوا بعض الشباب يلعبون سوني .. ســآلم نايم و تحتهه الخدادياات المتناثرهه متعب ماسك فونهه و يكلم ملاك مشاري منسدح يسولف مع فهد و سيف راشد بتركيز و استغفال مد يدهه بهدوء لتلفون سـآلم كـآن عليه قفل " بصمة " بدون محد يحس عليه مسك يد سـآلم و فتح القفل .. سحب التلفون و فتح سجل المكالمات " اخر مكـآلمة " سجل الرقم عندهه , قفل التلفون و رجعه مكانه بابتسامه هاديهه ناظر الشباب : يلآ تصبحون ع خير الكل : و انت من اهله متعب : بدري راشد وهو يميل رقبته : والله تعبـآااان ,, !! م فيني اقعد ولا ثانية متعب بضحكهه خفيفه : نوم العوافي راشد بادله الابتسامه : يعافيك طلع من الديوانيهه و براسه الف شغلهه يسويها و لكن ابد مو الحين .. اذا جاء وقتها .. دخل القصر بتعب و هو متوجهه لجناحهم.. خطواته كانت ثقيله جداً .. دخل الجناح و قفل الباب .. توجهه للصاله و شافها قاعدهه هناك تتابع فلم ابتسم بدون م يحس لنفسه : ها رجعتوا؟ ريناد بادلته الابتسامة : ايهه .. راشد وهو يقعد ع الكنب جنبها: تعشيتي؟ ريناد : شربت كوفي بس .. مالي مزاج اكل شي راشد مد يده لشعرهه و رفعه لوراء ,, ريناد كانت تحس بتوتر خفيف , طفت التلفزيون بهدوء و بصوت انثوي ناعم: بقوم أنام قبل م تقوم راشد سحبها من يدها .. و ثبتها قريب منه بدت ملامح الخوف تبان عليها , كانت قريبه منه لدرجه انها تحس بانفاسه ميلت جسمها لوراء شوي.. اما هو ف كان يقرب اكثر بحركة سريعهه سدحها ع الكنب و عيونهه بعيونها قلبها كان يدق بشكل مو طبيعي! و تتنفس بشكل سريع عقدت حواجبها وسط صمت عجيب ! كآنت تفكر ,, ي ترا بيعد عني الحين و بيستغفر ربه مثل قبل ولا لا!!! ريناد لا ترتجين منه شي! مثل كل مرهه تستلمين له ف الاخير يحسسج انج وحده من اللي ف النادي الليلي موب زوجته! بدون اي كلمةة ,, و مجرد سوالف نظرات .. كان حاس ف شنو تفكر بنفس الوقت كان يقول بنفسه " ي ريناد انا ما عدت مثل قبل اقدر اسيطر ع نفسي و ابتعد .. انا انجبرت اقرب لج ..انا احبج!! ايه اعترف اني حبيتج! " بشكل سريع باسها و هي على طول غمضت عينها و مو مصدقهه اللي يسويه !! ...... ------------------------------------------------------------------ في جناح ابو راشد و ام راشد .. كانت قاعدهه ع الكنب و هو قاعد قبالها.. حاسه ان في شي يبي يقوله .. ام راشد بهدوء: شفيك ساكت ع اساس في مووضوع تبي تقوله لي؟ ابو راشد بتفكير : اماني. ام راشد باستغراب: شففيها اماني؟ ابو راشد بجديه : خـآلد اخو ريناد طالب يدها مني. ام راشد بابتسامه : يالله خير.. خالد رجال و ما عليه تقصير.. و اماني بنت ذكية و يناسبون بعض ابو راشد بعدم اقتناع : نسيتي اننا ما نزوج بناتنا لرجال من برا العايله ام راشد : و خالد من برآ العايله يعني؟ واحد منا و فينا ابو راشد وهو يهز راسه بالنفي : دام البنت بدوا يتقدمون لها انا لازم اخبرها ان مشاري ولد عمها طالبها مني قبل فتره ام راشد بصدمه : وليش م قلت لنا ابو راشد : انا قلت البنت بعدها صغيره و ما عندها مسؤولية للزواج . بس الحين دام الخطابين بدوا يجونا انا بزوج البنت و بستر عليها.. مو حلوه بحقنا نرفض كل مره . ام راشد : اسمع مني ي ابو راشد .. خالد مو جاي من هنا و الطريق اكيد معجب ببنتك و يبيها بالحلال.. اقول لا تتسرع و فكر زين! خلك من قرارتكم اللي مالها داعي و فكر بسعادة بنتك و بس ابو راشد و هو يحك راسهه بتعب : انا بقوم انام و بكرآ يصير خير ام راشد هزت راسها برضا . . و غرقت في تفكير عميييق على سالفة اماني -------------------------------------------------------------- انتهى البارت و لي موعد معكم بكرآآ اسفه لاني م حطيته لكم يوم الثلثاء بس تعرفون تجيكم ظروف فجأة | ||||
28-11-15, 10:15 AM | #29 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 16 في صبــآح يوم جديد .. الساعه 7 و 30 ..! صحت من النوم و هي حـآسه نفسها في حلم ,, ثبتت البطانيهه ع جسمها و هي تصحى من مكـآنها ,, التفت عليها بملامح ناعسهه و بابتسامهه جميلة انرسمت على وجهه : صبـآح الخير..♥ ريناد بربكهه و بابتسامه هاديهه : صباح النور. سحبت الروب الخفيف من على الكرسي , و لبستهه.. رفعت شعرها و ميلته ع الصوب الثاني , ررفعت البطـآنيهه بهدوء و نزلت من السرير. . راشد : يلآ تروشي ع السريع عشان ننزل نفطر. ريناد بفرحهه و بملامح بريئهه : اوكك راشد و هويمد يدهه لشعره : نعيمـآ مقدما ريناد : ينعم عليكك..! دخلت الحممام و الفرحهه مو واسعتها , ابتسمت ابتسامهه عريضه لين بانت سنونها .. كـآنت تحس بسعادهه ما تنوصف لأنهه بدأ يعاملها باهتمام و احسن بكثير من قبل. . . ---------------------------------------------------------- على طــآولة الفطــور ..َ كــآنوا البنات و الحريم كلهم متواجدين .. بالاحرى كلهم صاحين من وقت عشان كل واحد بروح على دوامه و مدرسته .. أماني كانت مبستمهه و تفكر في خاآلد اللي قالها امس انه تقدم لها رسمي و طلب يدها من اخوها .. حاسه بفرحهه كبيره و منتظره لحظةة اللي يناديها ابوها او راشد و ياخذ موافقتها .. غلآ ضربت كتفها ع خفيف و بهمس : شفيج مفهيه! أماني بضحكه خفيفه : ولآ شي! تهاني بتعب : يمآآ مابي اروح الجامعه اليوم ! تكفون والله تعبانه سهرت للصبح اطالع فلم! اماني باستغراب : انتي من صجج والله لو يسمعج ابوي يذبحج ! احد يسهر للصبح وعليه دوام!! مجنونه انتي نور بابتسامه :عادي ليش مستغربين هذي تهاني و دقاتها.. دلآل: زين اقولكم خذتوا فساتين لزواج غلآ باقي بس اسبوع؟ تهاني و هي تضرب جبهتها : اووه راح عن بالي.. اليوم بروح البوتيك باخذ لي شي حلو اماني: وقت بتروحين قولي لي انه بعد ما خذيت .. هنادي :الحمدلله اخذت و خلصت باقي لي بس اكسسوارات .. نور: بعدين باخذ رايكم بفستان شريته و ما عجبني دلآل : انه ابي شي مميز يعني زواج اختي لازم اكون سبشل..! دارين : خفي علينا ! ف النهايه يخرب المكياج و تبجبجين غلآ بضحكه : ههههههههههاي تذكرون يوم يخرب مكياجها بزواج راشد؟؟! نور: ايييييه قام تبجي من صجها المجنونهه ! دلآل: الوضع كان يبجي ترآ!! هنادي: اقول اكلوا وانتوا ساكتين نور: اقولكم شفتــوا يــ.... صــــــــــــــــــــــــ ـــــــــــــــــــــــــ ـــــــــــــدمهه..! طاحت عينها ع اليدين اللي متشابكين ببعض و الابتسامه المرسومهه على وجهه ريناد و راشد .. عقدت حواجبها باستغراب و البنات لاحظوا صمتها و انقطاع كلامها المفاجئ على طول لفوا ع مكان اللي تطالع!! تهاني رفعت حاجبها بابتسامهه استغراب : اووه؟ عصافير الحب؟؟! جميلة لفت عليهم بابتسامه : تعالوا افطروا.. راشد و هو يناظر ريناد بابتسامه : بنفطر برآ .. نور بانت عليها ملامح مالها تفسير و لمعة عيونها الواضحهه : انا شبعت الحمدالله يلآ ي بنات .. دارين: نطري بكمل العصير ولاحقتج راشد : بالعافيهه .. الكل: يعافيك . اماني غمزت لريناد بمعنى شصار؟ ريناد رفعت كتوفها و بنظرات : حتى انه بنفسي مو مستوعبه! ضحكت اماني و لفت ع راشد : توصلني الجامعه ولآ اخلي السايق.؟ راشد بمزح : سوري حضرة اماني..! اليوم الطلعهه خاصه م نقدر نستضيف احدّ اماني بمزح : يجيب الله ذاك اللي يدلعني و يطلعني و انتوا خلللللكم! راشد بابتسامه : اذا جا يصير خير.. شد على يد ريناد و سحبها لهه بلطـآفه : يلآ؟ ريناد بابتسامه هادئة مشت معهه .. و طلعوا برآ القصر.. ام راشد بسعادهه : لايقين لبعض مو.؟؟ جميلة : ليش حسيتكم مصدومين لما شفتوهم مع بعض...؟ تهاني بربكه: لآ بس لان راشد مو من عادته ينزل ع الفطور .. نادرا يعني.. جميلة بضحكهه : اييه !!.. المهم طيارتي بعد يومين ..! غلآ : اووف عمهه يعني م بتحضرين زواجي؟ جميلة و هي تمسك يدها : ي حبيبتي كان ودي! .. بس هذا اقرب حجز و انسب لي تعرفين الشغل تراكم ع هالاجازه ال اخذتها .. يعني مو بيدي ي قلبي اماني : والله ما شبعنا منج!! جميلة : ي بعد قلبي انتي .. ام راشد : عاد لا تقاطعيننا و تعالي ف اقرب وقت .. جميلة : ان شاء الله! ---------------------------------------------------------------- عند ملآك و متعب .. صحى من نومه بتعب و هو يتمغط , قام من السرير متوجه للحمام , , غسل وجهه و فرش اسنانهه و طلع ع السريع متوجهه للصالهه .. شافها قاعدهه تتابع مسلسل تقرب منها و قعد جنبها بابتسـآمهه : مبكرهه اليوم؟ ملاك بادلته الابتسامه : شسوي شبعت نوم .. متعب صمت لثواني و هو يراقب المجلات و الكتب المتناثره ع الطاولهه : اوهه ؟ من متى تقرين؟! ملاك بربكهه لفت عليه و بصوت هادئ: من لما حملت... متعب بادلها الهدوء: تقرين عن الحمل و الولاده؟ ملاك بحزن : متعب السالفه مو هينه والله يبيلها مسؤولية ووحده فاهمه مو مثلي .. احس اني بصير افشل أم بالعالم..! متعب مد سبابتهه لفمها و بصوت رجولي حاد : اشش لآ تقولين جذي .. أنتي اعظم أم بالنسبةة لي! يكفي انج تحملين ولدي ف بطنج! ملاك ابتسمت بالغصب و باينهه عليها ملامح الخوف.. رن منبهه تلفون متعب على طول حملهه و ابتسم ابتسامه عريضهه : بآجر عيد ميلاد راشد! ملاك وسعت عيونها: صج؟ متعب : ايه انا حاط لي تنبيه قبل بيوم عشان م يقول اني نسيت ..! ريناد م قالت شي عن الموضوع؟ ملاك كتفت يدينها بتفكير: لآ! متعب بتساؤل: غريبه .. المفروض تهتم ولو بشي بسيط صح ؟ يعني اول عيد ميلاد يحتفلون فيه مع بعض.. ملاك بشك : لو انه نسيت عيد ميلادك شتبسوي فيني؟ متعب بتفكير : تبين الصراحه بزعل منج! يعني مو معقول زوجتي لهالدرجه مو مهتمه فيني! ملاك : لازم اذكر ريناد يمكن ناسيه! بلا ما تخترب علاقتهم من جديد على شي تافه متعب: ايه دقي عليها بعدين.. قومي نفطر.. ملاك : يلآ.. ------------------------------------------------------------------ بعد ســآعهه تقريبآ في سيــآرة رآآشد... رآشد يسوق , و ريناد تناظر الدريشهه و شاردهه . . بهدوء مسك يدها و شبك اصابعهه باصابعها .. .. ..! صحت من شرودها و ناظرتههه بشكل سريع .. مستغربه حركته راشد بابتسامه : متى يخلص دوامج ..؟ ريناد بهدوء: الساعه 2 راشد هز راسه بايجاب .. و عم صمت طويل تلآه تساؤل ذكي من راشد ( طريقته عشان يعرف اذا تعرف ان بكرآ عيد ميلاده ولا لا ) .. راشد بنبره رجوليهه : عندج شي بكرآ بعد الدوام؟ ريناد بابتسامهه: لآ.. راشد: اها يعني بتكونين فاضيهه ؟ ريناد بلدت ملامحها : ايهه ,, يمكن امر بيت اهلي اشوف روان.. راشد بتلميح: اها .. ريناد بابتسامه : بتجي وياي؟ راشد بملامح اقرب للعصبيه: لآ . ريناد لفت ع الدريشهه بهدوء : تمام. راشد غمض عيونه بقهر .. و سرع ف السياقهه..! ------------------------------------------------------------------------ العصر الساعه 5 ..ـ المزرعـــــــــه كـــآن القصر شبهه هادئ ,, البنات طالعين يتسوقون لحفلة زواج غلآ . . والشباب ف الدوامات .. نزلت من جناحها بهدوء متوجهه للصالهه اللي ممليها صوت التلفزيون العالي و قاعدين فيها الحريم .. بابتسامهه مروقهه مست عليهم و طلعت بحمـآس .. كـآنت لابسهه بنطلون بيج مع بوت طويل اسود و قميص ابيض اكمامه ثلاث ارباع , و شيلةة قطنيهه مع قبعهه بيج , طـألع شكلها كيوت و خوقاقي.. مشت بهدوء لورآء القصر و بابتسامهه فتحت قفص لآكي , ضمتهه بقوهه و هي تبعده عنها : وحشتني ي زفت ! شدت الحبل و طلعتهه برآ القفص , و مشت معهه بهرولهه متوجهين للاسطبل.. فجآة رن تلفونها و رفعت السمـآعه فوراً . . . استغربت الاسم اللي دق و ردت .. ريناد باستغراب :الو هلا! وليد : اهلين .. شلونج ؟ ريناد بنبرهه غريبه : تمام ..! وليد : دوم ان شاء الله .. بسألج بكرآ تقدرين تداومين لين الساعه 3... يعني عشان تحضرين الاجتماع .. ريناد بتساؤل: بس الاجتماع المفروض بعد بكرآ..! وليد : هم اصروا انهم يسوونهه قبل .. م عندهم وقت اكثر!! ريناد : بس ... وليد بمقاطعهه : ريناد عشاني ع الاقل.. ريناد بقلة حيلة و بتنهيده مسموعهه : تمام!! وليد : شكرآ .. ريناد : العفو وليد : يلآ مع السلامه .. انتبهي لنفسج ريناد : الله يسلمك. قطعت الخط و بدون اي مقدمات :افففففففففف كل شي يصير عكس اللي ابي!! سحبت لآكي و كملت طريقها .. بانزعـــآج ------------------------------------------------------------- في شركة ال ------------- تحديداً في مكتب رآشد . . مكتب فخم جدا وواسع . . . الكنبات مريحهه و الطاولة الزجاجية العريضهه , الملفات المتناثرهه و اللاب توب المفتوح .. الاوراق المصفوفة .. كل شي كان يوحي بالتعب و الشغل و الجد.. فتح الباب و خطى خطوات بطيئه جداً .. يدينهه ف جيوبهه و ابتسامه جانبية جميلة .. شعره المتناثرر على جبهته الحنطيه اعطاه وســآمه زود.. تقرب و قعد ع الكرسي ال مقابل المكتب بتعب .. راشد رفع راسهه و لا اراديا ابتسم ابتسامه جانبية هاديةة , ترك القلم و اسند ظهره بالكرسي و مدد يدينه يتمغط : شعندك جاي مكتبي؟ متعب : ولآ شي جاي ابارك لك دخولك ال 30 ي الشايب راشد قلص ابتسامتهه : تسلم .. اول من يبارك لي.. متعب باستغراب : و ريناد ؟ راشد رفع كتوفه بلا مبالاه : م اعتقد انها تدري او مهتمه .. م علينا شلون شغلك؟ متعب: تمام .. باين كارفنكك ابوي صح؟؟ محد قالك صير اول ولد و اخذ ادارة الشركهه!! راشد ابتسم لين بانت سنونه و ضحك بدون نفس : كل تبن بس متعب وهو يقلب ف القلم : انا لازم اقول لابوي ان بكرآ يعطيك اجازه .. احلا هدية عيد ميلاد ولآ؟ راشد دفهه على خفيف : تمسخر تمسخر متعب ضحكك بصوت خافت : اقول .. انت من جدك ريناد م تدري او حتى م بينت لك انها مهتمه ولو شوي ! راشد : يعني انا اللي بموت على اهتمامها؟! متعب و هو يهز راسه بنفي : بتتحلل مو بس بتموت .. راشد انت تحبها .. واي انسان يتمنى من حبيبه ان يشاركهه كل لحظات حياته الحلوه و المره! راشد تنهد : او يمكن هي تدري .. بس تتجاهل ! عشان اللي سويته فيها قبل؟ متعب : لآ ماتوقع .. ياخي انا عندي فكره ..! نزل صورة انستا او سنابهه و اكتب فيها شي يذكرها! راشد ابتسم بهدوء ثم مسك تلفونهه .. صور متعب و كتب : اول من يبارك لي دخولي ال 30 .. و ارسل السنابه متعب : هاه صورت؟ راشد و هو يسكر فونه : ايييه.. متعب : اكيد بتشوفها.. ساعه ساعتين و شيكك المشاهدات. .يلآ انا بقوم ارجع مكتبي اكمل الملفات راشد بابتسامهه عفويه: تمام --------------------------------------------------------- في الـــمزرعــةة . . . ~ مشى بمشاعر توتر ,, و ملامح فاضحهه , , متردد .. والخوف يجتاحهه .. وقف ع باب الاسطبل و بملامح شبهه حزينهه لمحها تمسح ع وجهه الخيل ,, بصوت جهوري وخطوات بطيئه : ريناد ..؟ التفتت له بربكه : هلآ .. ااء سالم ؟ ( ابتسمت بوناسه ) اشتقت للخيول؟ سالم بدون نفس نكس راسهه و صار يقلب الحصى برجلهه : لآ.. لف ظهرهه بتراجعع تآرك ورآه ملامح مستغربهه من وضعهه و حالته ريناد باستغراب: سالم شفيكك؟ سالم لف بابتسامهه : ولا شي.. انا... ( تنهد ) .. اذا صار وقته تعرفين كل شب ريناد قبل يمشي: م بضغط عليكك.. بس انت قلتها من قبل و اعيدها لكك.. انت مثل اخوي الصغير .. وقت تحس ان ما في احد حولكك بتلاقيني موجودهه.. اذا حسيت ان م عندك احد ترتاح تفضفض لهه راح اكون البئر اللي ترمي فيهه حزنكك و تنسى.. سالم بابتسامهه جانبيهه : مو نـآسي .. انتي الوحيدهه اللي احس اني اقدر اوثق فيها ,, لانج الانسانهه الصبورة اللي تتحملين تخبين في قلبج بدون م تحتاجين سند يحمل الثقل وياج.. وقت احتاج اخبرجج بجيج على طول.. ريناد ردت له الابتسامهه : ع راحتكك حط يدينهه ف جيوبهه و طلع من الاسطبل بهدوء .. تنهد بقهررو مشى ---------------------------------------------------------- المغرب في المجلس .. البنات كـــآنوا مجتمعين و يسولفون عن عيد ميلآد رآشد . . اماني: زين شلون يعني احس انه بيكشفنا! لان احنا ف كل سنهه نسوي له عيد ميلاد. . . راح يكون شي غريب نحسسه اننا نسينا ريناد بابتسامه : احسسن , عشان بكرآ اول ما يدخل القصر يتفاجئ .. اساسا م بينت له اني ادري بشي. . تهاني و هي تضرب كتفها : ي انه عليج افكااار!! هنادي باستفزاز : صحح . كنا كل سنه نسويله عيد ميلاد .. وكان يتجاهل ع فكرهه ,, تذكرون كان كل سنه بيوم ميلاده يطلع مع رنيم لين اخر الليل و يرجع الساعه 1 .. يلقانا كلنا نايمين و الكيكك بالثلاجهه و الصبح اماني تهاوشه ههههههههههههههههههههههههه دلال : ايييه تذكرون يوم مرت عمي ابو راشد تزعل عليه و تقوله انت طول وقتك مع مرتك م تعطينا ويهه .. ريناد قلصت ابتسامتها بقهر و غمضت عيونها لثواني. . ملاك تداركت الموضوع و بانزعاج : رنيم انتهت .. الحين راشد مع ريناد ( وهي تحد ع اسنانها ) و بكرآ ريناد ناوية تفاجئهه و هذا المهم .. اماني: زين الهدايا وين نحطهم؟ .. يعني عشان اول ما يدخل .. تهاني: يمين الكييككهه .. ! عشان البوفيه يكون ع اليسار ,, ريناد بابتسامه مصطنعه : حلو فجر : انه بضبط الديجيه و الاغاني .. غاده : نعتمد عليج فجر: ولايهمج.. غلآ : ريناد متى قالوا لج توصل الكيكهه ؟ ريناد ضربت يدها ع جبهتها : نسيت اقولكم .. الكيكهه بتوصل الساعهه 2 و شوي الظهر .. و عندي اجتماع لين الساعه 3 تقدرون تعدلون المكان بدوني صح ؟ البنات : اكيد نور كــآنت سرحآآنهه في عــآلم ثاني .. تفكر او بالاحرى تخطط .. ابتسمت ابتسامهه جانبيهه بدون ما تحس .. ( الله يستررر ) ..! ------------------------------------------------ يوم ثــــــــــــــــــــآني نختصــر احداث اليوم وصولاً للســآعهه 3 و 10 الظهر... بعد م خلصوا الاجتماع ,, بقت هي ع الطاولهه تلم اوراقها .. وهو لما شاف الكل طلع وقف قبالها وثبت يده ع الكرسي بصمت. . و بصوت جهوري ينتابهه الفضول : انا اسف اذا انجبرتي تقعدين ساعهه اضافيه .. انا حسيت ان عندج شي مهم اليوم و م يتأجل .. بس م في اليد حيلة .. ريناد ارنسمت ع وجهها ابتسامهه صغيره : لآ لآ ابد .. عادي .. عندي تجهيز لعيد ميلاد راشد .. ( سكتت لوهلهه ) اساسا البنات بيهتمون بكل شي . وليد تقصلت ابتسامته : اها. . م بتدخل اكثر .. كل عام و هو بخير .. ريناد وسعت ابتسامتها: و انت بخير و صحهه وسلآمه.. وليد : تسلمين.. ريناد : الله يسلمك.. يلآ بعد اذنكك .. وليد ابتسم و ابتعد عن طريقهاو هي طلعت ع السريع.. اول مآ طلعت دق عليها راشد .. ! ع طول ردت و هي تمشي بهرولهه للسياره .. ريناد : الو هلا راشد .. اي اي طلعت الحين راجعهه البيت ,, ( وقفت و بابتسامهه ) اييه بجهز و بروح بيت اهلي بشوف روان زمان عنها .. تمام .. اوكك .. يلا باي .. بضحكهه عفويه ( بنشوف شلون تنصدم لما تشوف زوجتكك اللي مفكر انها مهملتك مجهزتلك مفاجاة مثل هذي ) ------------------------------------------------------- المغرب الســآعه 7 .. نزل من سـيـآرتهه بتعب .. تنهد بضيق .. حمل ملفاتهه بهدوء .. وهو يغمض عينه بقهر .. ( لو كانت رنيم معي كان الحين طالعين لين اخر الليل . . . الله يرحمج و يغمد روحج الجنهه .. جد قام اشتاقلج !! ) حط يدهه ف جيبهه و توجهه لبوابة القصر .. وقف وهو يحس ان الدنيا ضاايقهه فيه .. بلل شفايفهه ع السريع و دخل . . . وسع عيونهه بصدمـــــــــــه .. ابتسم ابتسامهه عريضهه لما شاف ريناد واقفهه بابتسامهه و تصفق معهم .. و يغنون لهه " Happy birth day to you Rashid .. Happy birth day to you البنات و الحريم متجمعين ع جوانب الصالهه . . . الكيكهه كانت ف الوسط , على شكل هديهه بيضاءو عليها شرايط بالازرقق و ستيكس فيهم نجوم زرقاء تلمع .. و عليها شموع برقم 30 .. مثبتهه ع طاولهه متوسطهه عليها شيفون ازرق.. على يمين الصالهه بوفيهه منظم بشكل جميل جداً .. و ع اليسار طـآولةة مليانهه هدايـــآ .. عرض ابتسامتهه اكثر لما شاف ريناد تتقرب لهه بهدوء .. كانت لابسهه فستان اسود طويل .. ماسك من الكتف و جاي بطريقهه مايلهه ع الصدر .. بدون اكمام .. طويل و فيها فتحهه نازله من الفخذ لين اخر شي .. و كعب اسود منقوش بالذهبي ع الطرف, , وحزامم ذهبي ناعم عند البطن .. و اكسسوارات ذهبيه ناعمهه .. شعرها مموج و جاي على جنب .. مكياج سموكي هاديي .. و روج عنابي غامق .. مع بلشر يميل للبني .. و مناكير اسود طالع شكلها خوقاااقيي قربت منه و بصوت ناعم : كل عام وانت بخير.. و عقبال 1000 سنة ..! بدون اي كلمهه ضمها بقوهه و البنات بدوا يصارخون و يصفقونن . . صوت الاغاني الجميلهه و الاضواء الرومانسيه اعطى المكان رونق ! بعدت عنهه و مسكت يدهه بقوهه .. و سحبتهه بحماس : تعال اقطع الكيككهه! راشد بضحكهه عفويهه مشى معها .. و لما وصل لامهه باس راسها وضمها . ام راشد بابتسامه : ي جعلك تشوف عيالك و عيال عيالك .. عرض ابتسامتهه لين بانت غمازتهه و قرب لعمتهه و هو يبوس يدها .. باست خدهه بابتسامه : كل عام و انت بخير حبيبي راشد : بعد قلبي عمتي ريناد مدت له السكين بابتسامه :يلآ.. اخذها منها و بكل ثقهه , قرب لقالب الكيك و طفى الشموع .. و تعالت اصوات التصفيقق والضحك .. قطع الكيككهه بالنص و ابتسآمهه عريضهه انرسمت على وجهه .. بعد عن الطاولة .. و اماني وقفت مكانهه و صارت توزع قطع الكيك ع البنات . . . ام راشد بصوت عالي: يلا ي جماعهه ع العشاء.. تفضلوا ع البوفيه راشد بهمس لريناد: طالعهه حلوه .. ريناد قلب وجهها احمر و بابتسامه هادئه :شكرا راشد و هو يناظر بعيونها: شكرا على كل شي.. ريناد بصوت ناعم و هي تناظر فيه ببراءه : العفو ولو .. هذا واجبي دقايق و انفتح باب القصر .. الكل التفت باستغراب لانهم مو عازمين احد و الشباب محد منهم بيدخل .. يتعشون بالمجلس! ابتسمت هنادي لما لمحت ظل البنات اللي تدخل القصر .. ريناد وسعت عيونها بصدمهه لما شافتها. . راشد وهو يزحزح عيونهه عن شكل ريناد المصدوم ناظر الباب .. باستغراب و صدمه : شروق! دخلت وفي يدها كيس صغير مربوط بشريطهه حمراء .. بابتسامهه تقربت لراشد ووقفت قبالهه : كل عام و انت بخير.. تأخرت صح؟ راشد بصدمهه : وانتي بصحه و سلامهه .. لآ ابد تونا قطعنا الكيك ام راشد لاحظت نظرات ريناد للبنت و ملامحها اللي تغيرت .. تقربت عندهم و بابتسامهه : شروق؟ شروق و سعت عيونها بتعجب و ضمت ام راشد : خالتي !! شخبارج شلونج ام راشد : تمام و انتي .. وينج زمان عنج!! شروق: تعرفين الشغل و الحالهه.. م اتفرغ وايد .. بس طبعا اليوم فرغت نفسي راشد .. قصدي انتوا ناس غاليين و حبيت اكون متواجدهه بهالمناسبه ام راشد مسكت يدها و اخذتها معها : تفضلي ع البوفيه البنات كلهم يتعشون .. شروق من بعيد لوحت بيدها لهنادي .. هنادي ضحكت ع خفيف لنور : حلوهه المفاجاة مو؟ نور صفقت ع خفيف: برآفو .. بس ما شفتي مفاجأتي .. أكبر من جذي.. هنادي : بنشوف... ريناد بعدت بهدوء عن راشد اما هو حس انها حطت بخاطرها مسك ذراعها بقوهه و رجعها عليه لين صدرهه لامس ظهرها .. راشد بهمس: ريناد أنا ... ريناد بعدت يده بقرف و بدون ما تلف عليه : لاآ تلمسني..! مشت عنهه و قعدت ع الكنب بتفكير .. ملامحها اقرب للعصبيهه و يدها مادتها لشفايفها و غارقهه بواقع مر .. اما راشد استاذن امه وخالاته و طلع للمجلس مع الشباب ------------------------------------------------------- عند الشبــآب بالمجلس. . كآنوا يتعشون .. و مادين لهم سفرهه طويلهه .. مشاري كان قاعد جنب سالم و متعب و ابو راشد و على يساره ابوه مشاري بمزح لابو راشد : ي عمي م خبرت بنتك عن الموضوع؟ ابو راشد : ابشر ي ولدي اليوم اخبرها .. متعب كان يسولف مع ســآلم .. و فجأة رن تلفون سالم .. اول ما لمح الرقم ترك الملقعهه بشكل سرريع و سحب فونهه و استأذن و طلع .. رد على طول و بعصبييه : " خييييييير " : شوف يا سالم .. توصل لنا المبلغ ال نبيه ولا ما بنتركك بحالك تفهم سالم بعصبيه : اروح اخبر عنك و انسجن و ادفع المبلغ عشان اطلع ولا اعطيك اياه ! : احسن لك تتأدب ف الكلام وتفكر مصلحتك ف وين! سالم : ابتعد عني ولا عاد تدق ! : لو م دفعته هاليومين ,, بصير شي م يعجبك سالم سكر التلفون و رماه بعصبيهه ع الارض.. غمض عينهه و استنشق الهوا بقهر .. انحنى و سحب تلفونهه و خلاه بجيبهه و مشى .. | ||||
28-11-15, 10:15 AM | #30 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| --------------------------------------------------- بعد ســآعه تقريبا .. بدأ الجو يهدأ .. و البنات بعضهم راحو ناموا .. و الباقين قعدوا ع الكنب .. ريناد بدلت فستانها و لبست تنورهه انيقهه مع قميص .. و شــآل .. عشان عمها و اخوانه و عيالهم بيتجمعون ف الصاله تقريبا كــآن الكل موجود .. ريناد قاعده قبال الطاولهه اللي فيها الهدايا و جنبها نور و تهاني . . . اماني بحماس: يلآ راشد افتح الهدايا راشد بابتسامه : من وين ابدأ.. اماني: بهديتي انهه !! ع اليسار بوكس ذهبي.. راشد ابتسم ابتسامهه عريضهه و مسك العلبهه .. فتحها بهدوء و كانت " ســآعة رولكس " اماني : عجبتك؟ راشد و هو يناظرها بدقهه : ذوقج حلو .. تهاني: هديتي طيب!! البوكس الازرق الصغير .. راشد اخذها ع طول.. كانت مغلفه بشكل جميل .. اول ما فتحها لقى اسوارة رجاليه من ماركة ارماني.. رفعها للكل : حلوه .. طلع عندكم ذووق ي خواتي!! تهاني : اعجبك ي رويشد و بدأ يفتح الهدايا وحده و رآ الثانيهه ..! اغلبها كانت ساعات و اسوارات وعطور . كــآن باقي كيس و علبهه .. راشد : منو نشوفها قبل؟ ملاك بحماس: برأيي العلبهه عشان هدية ريناد اخر شي.. راشد بابتسامه ناظرهم .. اماني: اييه تكفى راشد اخذ العلبهه و كانت ملصووقه فوقها ورقهه بشكل جميل. . بصوت ضاحك : هذي فوقها بطاقةة !! اماني : اقراها تكفى ! تهاني: م يحتاج يقرااها تلقين مكتوب كل عام و انت بخير و خرابيط اماني: زين انتي شعليج انه فضوليه راشد و هو يهديهم : تمام بقرأها " احم.." رفع صوته اكثر : " عندمـآ انظر اليك .. ارى في وجهك الدنيا و في ضحكتك العافيه و في همسك الاحلام السعيده التي لطالما احببتها .. و كما احببتها فانا احبكك .. "انسـآنه مجهوله " .. ؟؟؟ تهاني وهي تصفق باستغراب: اووهه معجبات و حركات؟؟ ريناد قلبت ملامحها بعصبيهه وهي تبين لهم انها مو مهتمهه... نور بهمس لهنادي :حلوه المفاجئة؟ هنادي بضحكهه : الله عليج ســآلم كان ملاحظ حزن ريناد .. و كان متأكد ان فيها شي راشد و هو يسحب الكيس : آخر هديه ملاك : يلااا خنشوف متعب: شفيج وايد متحمسه ملاك: هههههههههههه لا تسال راشد : يلآ... مسك الكيس و طلع منهه لوحهه مقاسها متوسط .. و بابتسامهه قلبها لهم : رآسمتني!!!! غلآ بتصفيق: برافو والله ابدعتي ريناد بلا مبالاه : شكرا غاده : تجنن ما شاء الله .. ريناد :من ذوقج... راشد باستغراب : انتظروا بعد فيه.. طلع علبهه متوسطهه : و عطر .. و مد يده للكيس و طلع علبهه ثانيه: و هذي.. ساعه !! شكرآ .. ريناد بملل: العفو .. ســآلم اشر بحاجبهه لريناد بما معناه " ابي اكلمج " رييناد تكلمت و هي تتناظر بعيونهه: آنه بقوم اشوف لآكي و برجع .. زمان عنه ملاك بهمس مسكت يدها: فيج شي ابتسسمت ابتسامه مصطنعهه : لآ.. طلعت بخطوات هادئة و بطيئهه برآ القصر متوجهه للاسطبل اما سالم قام بابتسامه : استانسنا وايد اليوم .. و عقبال 1000سنةة ي راشد.. يلآ انا بقوم امر ربعي و ارجع .. بنسولف شوي ابو راشد بحده : انا قايل طلعهه ف الليل ماكو . سالم : يبه والله بروح عند ربعي راشد بضحكهه : اسمح له عشان اليوم عيد ميلادي ابو راشد بتنهيدهه : انتبه لنفسك سالم بهدوء: تممام . . . في الاسطبــل .. فتحت الباب الكبير و دخلت .. بابتسامهه مدت يدها و صارت تمسح ع الخيول , سحبت كرسي و قعدت .. دقايق الا سالم جاي .. بملامح ما تدل ع الخيرر ابداً .. تنهدد بضيق و سحب كرسي وقعد . ريناد بحزن و صوت هادئ: شفيك ؟ سالم بدت عينهه تدمع .. على طول رفع راسهه و غمض عيونهه .. و بصوت راجف: ريناد . .انا لاول مرهه بتكلم مع احد و بقوله كل شي مضايقني .. بتتحملين ولآ . . يعني ابيج تخبين بقلبج مابي احد يدري ريناد بخوف: سالم شفيك .. أهدأ , اسمعكك و اوثق فيني م راح يطلع مني شي لاحد .. سالم ببجي: ي ريناد انا ابتليت ف هالدنيا ..! ضاقت بي..! مادري شسوي ولا شنو اسوي .. انا بقولج سالفتي و ابيج تنصحيني .. انا بسوي اي شي تقولينهه انتي بنت فاهمه و عاقلهه .. ريناد بصوت هادئ و بانصات : قول .. سالم بصعوبهه : انا كنت اتاجر ف .... ريناد عقدت حواجبها بخوف : ف شنو! سالم : م... مخدرات ريناد شهقت بقوهه ووسعت عيونها : سـآلم!!! سالم بتدارك للموضوع : ريناد لا تتخلين عني ساعديني! انا ما اوثق ف احد غيرج.. انا تركت هالشغل من زمان و ندمان ع كل شي سويته!! ريناد و هي تهز راسها بانكار: سالم انت بخير و ربي رازق من رزقه تروح ورا الحرام ليش؟ سالم بدت الدموع تطيح من عيونه : حتى . . . الطعنات كــآنت منهم لاني قلت بترك الشغل.. والحين مأذيني يبوني اسلم لهم فلوس! ريناد بابتسامهه انكسار: مو مستوعبه!! سالم !! انت مو من صجك سالم بهدوء :انا ابيج تنصحيني مو تعاتبيني.. انا غلطت و خلصت و ندمت.. ريناد مسحت دموعها بهدوءو سكتت فترهه .. تمالكت اعصابها و بصوت جاد : سلم نفسك.. يعني كل شخص لازم يتعاقب ع عمايله صح.. يعني انت كذبت و قلت انهم سعوديين و م تعرفهم . . . لازم تصحح اغلاطك و تاخذ جزاك عشان تقدر تعيش براحه .. سالم بجد : انا مستعد اسلم نفسي الحين .. بس ابي انهي هالعذاب ريناد بجد : لآ.. مو الحين ! انتظر لين بعد زواج فهد .. انت تدري العايلهه كلها فرحانهه لهم .. لآ تخرب الجو و تجيب لهم هم كبير م يتحملونه . صباحية الزواج لازم تكون مسلم نفسك ..! سالم بابتسامهه هاديه: تمام ..ريناد.. هالكلام م ابيه يوصل لراشد ولا لاي احد .. ريناد بقهر: من زين علاقتي مع راشد عشان اروح اقوله؟ سالم : ياخي انتوا.. مدري شقول عنكم بس حظكم زفت ريناد : انا تعبت ي سالم تعبت .. تحملت كثيرر و م عاد اقدر اتحمل شيء زيادهه سالم بمزح : قومي نتمشى برآ المزرعه . تغيرين جو ريناد برضا : يلآ -------------------------------------------------------------- ف القصر.. ام راشد : يلآ يمه قوموا ناموا وراكم شغل حمد: يلآ فجر .. فجر بانزعاج: اووف مالي حيل اوقف ع رجلي تعبانهه .. حمد : احملج؟ فجر بضحكه و هي تقوم : تستعبط ؟! حمد : والله من صجي.. اجل وش فايده عضلاتي فجر مسكت ذراعهه و قامت بالقوهه : تصبحون ع خير الكل: وانتوا من اهله اماني: جنهه صوت مطر برآ؟ ملاك: ايييه .. يالله خير راشد : ريناد برآ؟؟ بروح اشوفها ام راشد: يلا روح شوفها و تعالوا ناموا .. البنت تعبت اليوم راشد وهو ياخذ المظله: تمام ---------------------------------------------------------------- ريناد و سالم كانوا متخبين تحت شجرهه .. سالم بضحكهه : ريناد المطر قوي .. صرت اتتبلل ريناد بتقزز : وعع ثيابي قام تلصق فيني .. سالم : شوفي بعد لل 3 و نرركض ع القصر ماشي؟ ريناد تنهدت بتحدي: تمام . . . ! سالم : يلآ 1 - 2 - 3 ريناد لمتت نفسها و ركضت بسسرعهه .. بدون م تطالع قدامها .. المطر كان حيل قوي.. زادت في سرعتها , و بدون م تحس صدمت بالجسم المعظل اللي قدامها .. مسكها من كتوفها و ثبتها .. باستغراب رفعت راسها وناظرتها..! شهقت باستغراب: راشد! لف على يمينهه و شاف سالم اللي واقف يلهث .. رييناد ناظرت سالم باستغراب و رجعت نناظرت راشد.. راشد بعصبيه : شنو هذا ؟ ريناد بربكه : كــآن .. يعني سالم مشى لهه ببطئ من ثيابه المبلله : كنا انا و ريناد نسولف شوي و طلعنا من الاسطبل و طاح مطر.. قام نركض عشان م نتبلل اكثر راشد بدون وعي ناظرهم : شنو يعني نركض عشان م نتبلل .. و ع اساس انت مع ربعك ؟ اثاريكك تطلع عشان تلتقي بزوجتي!! ريناد وسعت عيونها باحرج: مموو ججذي! سالم بعصبيه : راشد احترم نفسك! .. راشد بشك: دام سوالف و عادي ليش م سولفتوا قدامنا او مثلا قلتوا بنروح الاسطبل نسولف ؟ ولا متأثرين حركات العشق الممنوع!! ريناد بدون وعي صفعتهه : احترم نفسك راشد .. م اسمحلك تغلط علي سمعت!! انه مو جايبني من الشارع بتتحكم باعصابي و بمشاعري و فوق كل هذا بتهينني و بتطلع علي كلام! راشد زادت عصبيتههه !! مسك يدها بقوهه : مو انتي ال تصفعيني .. عاجبج تضبيط اخوي يعني؟ سالم قرب اكثر و بعصبيهه : راشد!! تكلم معنا زين! حنا ما غلطنا بشي!! راشد : و بعدين شهالسوالف الخطيره اللي بينك و بين زوجتي؟؟ سـآلم بلع ريقهه و تكلم بصوت هادي: م في شي ي راشد كلها سوالف عن الحفله لا تطول الموضوع .. راشد فك ريناد و مسك سالم من قميصهه : اسمعني زين .. زوجتي م تقرب منها ولا تسولف معها .. ! فاهم ولاآ لآ ريناد بصراخ : راشد انه تعبت منك و من تصرفاتك وقت تبيني و وقت تغار علي ووقت تكرهني و وقت تجيب صديقاتك عشان بس تلعب بمشاعري.. تعبت تفهم يعني شنو احس اني بموت ؟ انهه اكرهك ! اطلع من حياتي ..طلقني لحظهه صمت طويلهه .. و صدمهه لراشد و سالم .. سالم بصوت هادئ: ريناد اهدي .. انتي تتكلمين بدون وعي ريناد ببجي : انهه تعبت ي سالم محد حاس فيني..! يشوفني معكك او مع مديري يشك فيني مع ان ما بيننا شي .. وهو عيني عينكك يجيب صديقته ع عيد ميلاده و يطلع معها اذا تزاعلنا و ضحك و مزح ! انت شنو ؟ ما تخاف ربكك ..! راشد غمض عينه بقهر و هو يفك سالم: تكلمي زين ريناد بملامح حزينهه: الحمدالله ان ولدي مـآت وما جاء ع الدنيا! اقلها ولدي ما تربى عند ابو مثلك .. كنت حزينه لاني فقدته بس الحين فرحانه لان ما جاء و صار شيء يربطنا ببعض و يلزمني اني ابقى معك . .راشد انه حزنت كثير و مو مستعده اتحمل اكثر. . ابيك تطلقني سالم: ريناد هدي اعصابج شفيج . . ! راشد : انت روح مالك شغل بيننا.. سالم: انا رايح. بس يكون ف علمك وحق لا اله الا هو ان ما بيني و بين ريناد شي من اللي ف بالك .. راشد غمض عيونهه بقهر .. و بدات عصبيته تزيد.. ســآلم انسحب بحزن على حال ريناد و ال صار لها بسببه..! راشد مسك يد ريناد بهدوء : لازم نتكلم و نحل الموضوع ريناد: م بيني و بينك كلام .. من بكرآ بروح بيت اهلي و ابي اوراقي توصلني.. صرت قذر بالشكل اللي ما يسمح لي ابقى معك ولا دقيقه.. تشك فيني اجل؟! ي حسافهه اهتمامي فيك! راشد وقف بصمت .. اما هي مشت من قدامه و هي تبجي ----------------------------------------------------- سالم دخل القصر ..و ع طول ع جناحهه .. سكر الباب بقوه و بقهر .. سالم بدا يتنفس بشكل سريع .. و يحس ان اعصابهه فلتت وده يقتل راشد .. : ع الاقل م تهورت و قطيت كلمه تبين اني احبها او افكر فيها! خلص البــــــــــــــــــــــ ــآرت توقعاااااااااتكم | ||||
أدوات الموضوع | |
انواع عرض الموضوع | |
|
|