آخر 10 مشاركات
326 -العاشق المنتقم -عبير الجديدة -(مكتوبة / كاملة )** (الكاتـب : ورده قايين - )           »          روزان (الكاتـب : نورهان عبدالحميد - )           »          في أروقة القلب، إلى أين تسيرين؟ (الكاتـب : أغاني الشتاء.. - )           »          رواية ميدوسا ابنة الظلام (الكاتـب : نادين لطفي♕ - )           »          شلالات القمر - جانيت غرين - قلوب عبير الجديدة(0) (الكاتـب : Just Faith - )           »          رواية قصاصٌ وخلاص (الكاتـب : اسما زايد - )           »          |~ وَخْزةُ الوَشْم ! *مميزة& مكتملة* (الكاتـب : رُقيّة - )           »          عشق وكبرياء(6)-ج1 من سلسلة أسرار خلف أسوار القصور-بقلم:noor1984* (الكاتـب : noor1984 - )           »          عروس للقبطان - كاى دايفز - ع.ق (الكاتـب : امراة بلا مخالب - )           »          463 - حادثة حب ـ ميلاني ميلبورن ( عدد جديد )(تم تجديد الرابط) (الكاتـب : ^RAYAHEEN^ - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 12-10-15, 07:18 AM   #11

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الجزء العاشر

مرحبااااا ... عودة مع الجزء العاشر واللي احب اسميه ..
"نقطة التحول"
لعدة أسباب .. أهمها ان هالجزء ان شا الله بيكون اطول جزء اكتبه وان شا الله اذا ما خلصت القصة قبل الجزء العشرين راح يكون الجزء العشرين طويل بعد .. بس ها .. أهم شي تشجيعكم ودعمكم لي ... وتوقعاتكم ..
وبسبة توقعاتكم للجزء التاسع تحمست اكتب هالجزء..
ادري تفلسفت عليكم ..
تبغون تعرفون شو استوى امبين البطلين مها ومحمد ؟؟؟؟
اوووووكي
نرد ورا شوي ...
يوم مها بغت تحرك مشاعر محمد .. فتكشخت له ذيج الكشخة السنعة ....
وبعدها محمد وصل ...
ودق جرس الشقة لأنه كان ناسي المفتاح ...
وفتحت له مها الباب ..
يا ترى شو استوى ؟؟؟
.
.
.
محمد كان مصدوم + مصدووووووم + مصدوووووووووووووووووووم ..
ولا إرادياً قال : اسمحيلي اختي والله تحسبتها شقتي ..
مها : ههههههههههههههههههه ... محمد شبلاك ..؟؟
محمد رفع راسه ويلس يتمعن ف ملامح هالبنت .. خخخخخ على طول تذكر ان هاي مها ..
ما ينلام انه ما عرفها .. لانها صج كانت متغيرة .. وظاهرة احلى بمليون مرة حتى عن عرسها ..
محمد يحج راسه بعبط : اه .. شدراني ما عرفتج ..
مها استحت ..
وتموا ساكتين ..
تدرون أشكالهم كانت شرات منو ؟؟؟؟
ممممم تعرفون البشاكير اللي يسوون علاقات ويا راعي الدكان ولا واحد من العمال ؟؟؟ >> خخخخ
عاد هني مها جنها بشكارة ومحمد جنه عامل ياي بالدسة ..
والحمدلله انه محد طاف صوبهم ولا كان بيموت من الضحك عليهم .. ولا جنهم متزوجين وكملوا اسبوعين وشويه اظني >> صح ولا ؟؟ خخخخ
مها حبت تقطع الصمت : اه .. حياك تفضل .. (بفشيلة) البيت بيتك انزين ..
محمد وهو خلااااااااااص هايم : اكيييييييد
ودخل ..
كانوا ساكتين ..
محمد سرحاااااااااااااااااااااا ان .. وهايم فيها ..
ومها مفتشلة..
يلست تفكر في موضوع ترمسه عنه ..
ومادري كيف طرى لها العشا ..
هي صح ؟؟؟
وين العشا ؟؟
مب جنه كان ساير اييب عشا .. ؟؟
مها بحيا : محمد ..
محمد وهو مب حاس في عمره وبكل رومانسيه : عيونــــــــــه ..
مها حست انه متخبل صج خخخخخ ..
مها وفيها ضحكة : ما يبت عشا ..
محمد بعبط : ها ؟؟
مها : هههههههه ما يبت ؟؟؟
محمد يفكر : ها ؟؟ مادري يبت ولا ؟؟ (توه تذكر) اووووووووووووه نسيته عند الباب ..
وقام صوب الباب .. ومها ميتة من الضحك ....
بعد ثواني رد محمد وياه خريطة العشا ...
مها نشت عشان اتيب صحون وقفش ..
مسكها محمد من ايدها وبكل حب : وييين ؟؟
مها وهي مفتشلة عدل : ها .. بسير اييب صحون ..
محمد : لالالالا تمي مكانج .. مايحتاي ..
مها بحيا : مب يوعان ؟؟
محمد : انتي يوعانه ؟؟؟
مها استحت تقوله هي : اه لا موول مول مب يوعانه ...
محمد تنهد بحب : آه حتى انا .. بس خليني اجابلج .. وما بحس بيووووووع موووول ..
مها ف خاطرها : لا بالله تميتي يوعانة يا مهو ...
تموا جي .. ومحمد حس بسخافته .. يعني شو يطالعها ؟؟ وبعديييين ؟؟ ولاشي ؟؟؟
عاد حب يفتح وياها أي موضوع ..
عاد تعالوا تسمعوا ..
محمد بخبث : بس بصراااااحة ..
مها التفتت له ..
محمد : انا تخبلت يوم شفتج ...
مها تطالعه باستغراب >> مب مصدقة ان محمد نفسه اللي يكلمها ..
محمد وهو يضحك ضحكة خبيثة : بس بصراحة ... انتي تخبلييين .. وشكلي من اليوم وساير ما بطالع غيرج ..
مها فجت عيونها بغباء ..
محمد : هههههههه شبلاج .. لالا عادي تيك ات ايزي .. مب انتي حرمتي ..؟؟ يعني عادي امزح وياج ..
مها استحت : ادري بس ......
محمد يقاطعها : لا بس ولا شي .. مها بصراحة .. انا ما كنت متوقع اني بستلطفج ابداً.. وتوقعت ان الطلاق بيكون امر حتمي بيننا ... بس الحين ...
مها وهي مندمجة وياه .. : شو ؟
محمد بكل حب : خليتيني انسى امل وطوايف أمل .. يا مها انتي حرمتي وانتي حبيبتي وانتي روحي وحياتي وكللللل شي بالنسبة لي الحين .. الله لا يحرمني منج ..
مها : ان شا الله ..
محمد : ونسيت اهم شي ..
مها تطالعه باستفهام .. ؟؟
محمد : انتي ام عيالي ان شا الله ........
هني مها نزلت راسها من كثر الحيا ..
يالله .. صج ان الشي مايدوم على حاله مووول .. يعني معقولة بعد الكره .. وبعد فترة بسيطة من الزواج تخليه يحبها ... مها حست بفرحة ما تنوصف .. فرحة لا يمكن أي انس يعبر عنها .. هي شيخة زمانها الحين .. محد يروم لها .. اليوم ملكت اهم شي بالنسبة لها ... ~((محمد))~
غصب عنها نزلت دمعة ..
مالحقت تمسحها .. لأان محمد مسحها عنها ..
محمد بكل حناااان * تراني اشك انه حنون خخخخ* : دموع الفرح صح ؟؟؟
مها تهز راسها بإيجاب ..
محمد يبتسم لها : حتى انا فرحان .. احس بشعور حلو يسري فيني ... بس مخرب عليه شي ...
مها بخوف : واللي هو ؟؟
محمد بخبث : اني ميت من اليوووووووووووووووووووووع ..
مها ضربته على جتفه : يا العيار .. ومن شوي تقول ان شوفتي تكفيك ..
محمد : هههههههههههه يا ماما هاي رمسة .. بس لو ما تبيني آكل بستوي هيكل عظمي ..
مها : ههههههههههههههههه لا كل كل ما فينا ...
محمد : هي جي اباج خخخخخ
يلسوا ياكلون العشا ..
اللي كان عبارة عن شاورما وعصير وسلطة >>> خخخخ وايد عليك ..
على طاري السلطة ..
ميرو شحالها ؟؟؟؟؟
تبون أخبارها ولا خلها تولي خخخخخخ ..
انا بخبركم عن سالفة ميرة النكتة ..
الله يسلمكم ميرة نست محمد .. وحبت واحد من عيال خالاتها .. ما عرفت منو هو .. بس جيه حبته ..
والحين هي في بيت خالتها ويا اختها سلامة .. والفضول ذابحنها عشان تعرف منو ها الولد اللي سلب عقلها
*اسميج نكتة يا ميرو*
ميرة تقرص سلامة : سلووووم حرام عليج ساعديني ..
سلامة : آي يا الحمارة .. اصطلبي احسن لج ..
ميرة : سلوم كل هالوعود وين سارت .. في البيت توعدين وتوعدين واحين تخونين ؟؟ حمارة صج ..
سلامة : ميرو انا ما اقدر اساعدج في خرابيطج انزين .. بعدين انا شدراني فيه ..
ميرة : حمارة سلوم اصلاً ما عندي سالفة اعتمد على ياهل شراتج ..
سلامة : يالله اللي يسمع يقول انا ياهل في الروضة .. ايه ايه الا هو فرق سنة ما يودي ولا اييب ..
ميرة : اكبر منك بيوم افهم منك بسنة ..
سلامة : يااااااااااا رييييييت جان افتكينا منج ومن خفتج يالمستخفة ...
ميرة : سلوم والله بفلعج الحينه ..
سلامة : تخسين وتهبين يا المسطرة .. جي هي سايبة ولا سايبة ؟؟ سمعي انتي عدل .. ان ما اصطلبتي والله لأخبر امي عليج فاهمة ؟؟
ميرة : مالت اللي يقول امي بتصدقج ..
سلامة : قلبو موجودة الله يخليها بقولها تكفخج ..
*أفا عليج يا ذراعي اليمين تامرين أمر أقطعها لو تبين خخخخخخ*
ميرة : اففففف خلااص خلاص انسي السالفة ..
سلامة : كيفج .. يلا جااااو بسير ايلس ويا شوق شويه مب فايجتلج انتي ..
بعد ما سارت عنها ..
ميرة : اخيييييج .. اخت جيه نحسة ؟؟ لا حووووووووول .. بس انا لازم اعرف اسمه .. حشى ما سمعت عن وحدة تحب وما تعرف اسم اللي تحبه ... الا اسأل هندو واعرف عنها كلللل شي ....
وشوي شوي الا تتلصق فيها ..
ميرة : شحالج هند وشخبااارج ..
هند : الحمدلله تمام انتي شحالج وشخبارج وشو مسوية .. ان شا الله تمام ..
ميرة : تمام تمام تمام .... ممم شو رايج نظهر برع ..
هند : لا هناك كل عيال خالاتي برع ..
ميرة : عز الطلب (انتبهت لرمستها ) اه لا عادي نحن بنسير بعيد ..
هند تطالعها باستغراب : اكيد بتسإليني عن حد منهم صح .. ؟؟
ميرة وهي قافطة عدل .. : هي هي .. رمسوني عن حد منهم وابغي اشوف شكله .. يعني ولد حالتي وما اعرف شكله ؟؟
هند : ايواا اوكي ..
ميرة : نشي يلا ..
وسارو هناك ..
الشباب كانوا يلعبون كرة قدم .. فما كانوا حاسين باللي ساير واللي ياي ..
وعاد ميرة تدور على فارس الاحلام .. لين ما آخر شي اشرت ..
ميرة : هذا .. (وهي يالسة تأشر)
هند : هذا يبارا ..
ميرة : ايه بلاج اقولج ولد خالتي ..
هند : شدراني انتي اشرتي عليه ..
ميرة تأشر : هذا هذا جوفي عدل ...
هند : هي هاا مسعود ..
ميرة : هندو مسعود ولد يارت خالو .. بلاج ما تيمعين عدل ...
هند : شدراني انا والله عورتي راسي ..
ميرة تأشر عدل : هذا هذا ..
هند : هييييييييه .. هذا سلطان ولد خالو ..
ميرة بفرحة : اسمه سلطان ..
هند : هيه .. ليش جي شو سامعة عنه ؟؟
ميرة : ها ... مادري نسيت .. يلا استأذنج الحين .. جااااااااااو ..
وهي توها بتطوف الا تطالع حبيب القلب .. انتبهت انه يطالعها .. ابتسمت بهدوء .. وطافت عنه ....
صارووووووووووووخ .. وميرة في بيتهم ..
كانت يالسة في حجرتها ..
ميرة ترمس روحها *مينونة عافانا الله* : وأخيراُ عرفت اسمه ..
مسكت الورقة والقلم واونها عاد بتألف بيت شعر ..

ســـــــــلـــــــــطــــ ــــان يـــــــــا ســــــــــلــــــــطان أحـــــــــــلى من الـــــــســـــبـــــــــ ـــــلان ..

ميرة :هههههههههههههههههههههههه� �هههه سبلان عاد .. لا حشى خلني ادور شي أحسن ..

يــــــا حـــــــبيبي خل القلــــــــب محــــــــــــــــله تــــــرى حـــياتي من غـــــــــيرك سلـــــطة..

*ههههههههههههههههههه اقول ميرو يوم بتكتبين شي شرات الاوادم تعالي خبريني اووكيه ؟؟ خخخخخ فشلتينا بصراحة .. *
-----------------------------
ما سالتوني عن أخبار شما لأاني ما طريتها في البارت التاسع ..

ماشي بس جي حركات قلت بعرف غلاتها عندكم خخخخخخ

------
شما كانت يالسة ف حجرتها .. وشالة البيت شل ويا هالشلات اللي تسمعها ..
وماشي ... ما عليها من هزاب حد ..
وفجأة دشت عليها امها ..
وعلى طول سكرت كل شي ..
ام شما : يلا شما نشي ..
شما : وييين ؟؟
ام شما : العزبة ..
شما باستغراب : ليش ؟؟
ام شما : عشان تجوفين ربعج الدبش ..
شما : لا والله ؟؟؟
ام شما : نشي نشي .. ابغيج اتين العزا ويايه ..
شما : أي عزا ؟؟
ام شما : يارتنا ام عبدالله .. امها توفت ..
شما : انزين سيري روحج وانا ليش رازة الويه وياج ..
ام شما : بلاج ما تسمعين الرمسة .. نشي بسرعة .. ام عبدالله بتزعل لو ما ييتي ..
شما : يالله الحينه هي ما عندها شغلة غيري .. بتطالع اذا بيي او لاء ..
ام شما بحزم : نشي ولبسي عباتج واترياج تحت .. 5 دقايق وتنزلين فاهمة ؟؟
شما بعصبية : اففففففف .. انزين انزين ...
وتلبست بسرعة .. ونزلت ..
اول ما دخلوا بيت ام عبدالله ..
شما لمحت ويه مب غريب عليها ..
تمت تطالعه باستغراب ..
وطول الوقت في العزا وهي تفكر .. في ويه هالريال ..
هي جايفتنه قبل .. بس وين ؟؟؟
تمت تفكر ..وتفكر ..
وفجأة المصباح ولع .. وتذكرت انه هذاهو نفسه اللي كان يراقبها في امارات مول يوم كانت ظاهرة ويا راشد >> تذكروووون ؟؟؟
تموا جي نص ساعة .. واسترخصوا من الحريم ..
وهم ظاهرين .. الا تشوف شما الريال نفسه بس وياه وحدة ..
هي استنتجت ان هاي اخته بسبة الشبه الفظيع بينهم ..
جافته يأشر عليها ويقول : أنا هاي أبيها ..
هني شما صج استوت طماطة وافتشلت من عمرها ..
يا ترى شو سالفة هالشخص ؟؟ ومنو هو أصلاً ؟؟؟
------------------------------------
مر كم يوم بعد كل هالأحداث ..
محمد تأقلم فيها على مها ..
يعني الحين عادي يقولها يا عمري ويا حبيبتي ترومون خخخخخخ
محمد : أكيد ما ترومين انتي اصلاً تغارين ..
*ويييييييييه عاد اللي يسمع الحينه ملك جمال الخليج .. اقول اسكت والا بتيك ذيج الفلعة اللي من الخاطر .. عاد ساعتها فيك خير ارمس *
محمد : امييييييي متوحشة .. اسكت احسن
*احسن لك .. يلا انثبر مكانك لين ما اييك الدورر *
بعد هالكم يوم الحلوين ...
وفي ليلة شاعرية ...
مها ومحمد قرروا يظهرون أي مكان شاعري .. بعيد عن اجواء الفندق ..
وطبعاً مها ما حصلت أحسن من حديقة "تيفولي"
~::حـــــــديـــــقــــــة تـــيــــــفـــــولــــــ ـــي::~
تقريباً تبعد عن روما 30 كم .. لكن تستاهل الدرب اللي يقطعها الواحد لها ...
لان هناك نحصل الطبيعة الخضراء والمكان الريفي الســــــــاحر والأخاذ ..
وطبيعي اللون الاخضر يعطي الشخص راحة عجيبة جداً .. وينسيه من همومه شوي ..
الحديقة اللي أتكلم عنها .. واللي ما قدرت اوصفها بالكلام .. لانها فوق الوصوف .. تتواجد شمال شرق روما .. المميز فيها قصورها وحدايقها .. ومدرجاتها اللي يعم اللون الاخضر عليها .. والجداول المائية ... اللي تبعث الراحة في نفوس النــــاس ...
بالمسا .. النوافير تزيد جمال فوق الجمال اللي هي عليه .. بفضل الإضاءة المسلطة عليها ..
لكن نافورة تريفي تعتبر النافورة الأكثر تميز بين كل هالنوافير ... اللي تزينت بمنحوتات على شكل عروس البحر ....
جريب من هالنافورة .. مها ومحمد يلسوا ...
نظرات الحب كانت تغمرهم .. مشاعرهم تتجدد يومياً .. بلحظات سعيدة .. تخلينا نتذكر روميو وجولييت أو قيس وليلى >>> في ليييل .. ما في ليلى خخخخخ دعاية بصراحة نكتة .. ولا يوم يرش العطر .. جنه يالس يرش ديودرنت ... خخخخ انا ماروم ايود عمري من كثر الضحك ...
المهم ..
في تصرف غريب لاحظه محمد على الناس .. بس شو هو ؟؟
محمد : مها ..
مها : نعم ....
محمد : اشحقة الناس يفرون بيزاتهم داخل هالنافورة ؟؟
مها : قصدك نافورة تريفي ؟؟ والله مادري ..
محمد : لازم نسألهم ..
مها : تسال منو ؟؟
محمد مسكها من ايدها : نشي بندور لنا حد نساله ..
مشوا شوي .. وحصلوا حرمة بروحها ..
راحوا صوبها ...
عاد الحين اونه محمد بيستعرض خبرته في الانجليزي ..
محمد :hi * يالله تحسبت بتقول جملة مفيدة خخخخ مالت عليك *
الحرمة باستغراب : che cosa ؟؟ "شو ؟؟"
محمد يطالع مها : هاي شبلاها تخربط ..
مها : هههههه ترمس ايطالي ..
محمد : يا ويلي .. وانا شدراني بلغتهم بعد ؟
مها بفخر : أنا أعرف اتكلم شوي ...
محمد يطالعها ويتمعن فيها مما خلاها تستحي : يلا نورينا ..
مها :Buona sera "مساء الخير" *يا ويلي عليج يا مهو خطيرة خخخخ*
الحرمة ابتسمت لها : Benvenuto a voi a Roma "هلا فيكم في روما "
مها : Grazie. Siete troppo gentili "مشكورة .. انتي طيبة وايد "
محمد فاج حلجه جنه بقرة جايفة حريجة : ماشا الله تغردين.. وتقولين انج تعرفين شويه ؟؟
مها : ههههههه لا اله الا الله .. عين الحسووود
محمد : يالله .. يلا يا بنت روما سألتيها ؟
مها : لا اصبر الحين بسألها "تكلم الحرمة " che cosa è il vostro nome "شو اسمج ؟"
الحرمة : Rvai'ela e voi? "رفايئلا وانتي ؟"
مها :il mio nome è maha "اسمي مها "
محمد : ها جاوبت عليج ؟
مها : ههههههههه لا بعدني اتريى ..
رفايلا تأشر على محمد : E questo un amico "هذا ربيعج ؟"
مها ضحكت : Hahaha questo marito :لا هذا ريلي "
رفايلا تضحك في ويه محمد : Capisce che cosa diciamo? " يفهم اللي نقوله ؟ "
مها : no "لا" *ويييييه ها حمار اشدراااه هههههههههههه *
رفايلا : ha ha ha che vedo "هههههههه عشان جي " *قصدها عشان جي ما يرمس ويانا *
مها : s? "هي "
رفايلا : Siete molto bei "انتي حلوة وايد "
مها تبتسم لها : Grazie " شكراً "
رفايلا : da dove provenite? " من وين انتوا "
مها :dagli Emirati Arabi Uniti "من الإمارات العربية المتحدة "
رفايلا طالعتها باستغراب : l'Arabia Saudita? "من السعودية ؟"
مها : Siamo arabi. Proveniamo da Doubai "كلنا نمثل العرب .. وأنا من دبي "
رافايلا بدهشة : Doubai? E una città cos? meravigliosa "دبي ؟؟ هالمدينة روعة وايد "
مها : Grazie "شكراً "
محمد ياه رقاد : شو استوى ياني رقاد .. والله جني شرات الأطرش في الزفة
مها : ههههههههههههههه لا حاشاك .. الحين بسألها
مها تكلم رفايلا : Desidero chiedergli riguardo alla fontana di Trevi di storia "أبغي أسألج عن سالفة نافورة تريفي "
رفايلا: Che cosa? "شو فيها "
مها : Perchè la gente lo è messo all'interno parte di soldi? "ليش الناس يفرون داخلها فلوس ؟ "
رفايلا : Una leggenda dice che chiunque che metta i soldi nella fontana deve rinviare ancora a Roma "في أسطورة تقول ان اللي يفر داخل النافورة فلوس لازم يرد مرة ثانية لروما "
مها : Aha.What dopo? " اها وشو بعد "
رفايلا : Bene, se diceste ho desiderato che la sicurezza e la moneta saranno offerte la sicurezza "يقولون بعد ان اذا تمنيتي امنية وفريتي قطعة فلوس بتتحقق امنيتج "
مها :Uh qualche cosa di bello " آه الله كشخة "
محمد يدزها : شو قالت ؟؟
مها : اصبرررررررررر
محمد يطالعها بنظرة حادة
مها ردت له النظرة بعصبية : ردينا ؟؟؟؟
محمد ضحك لها ببراءة : لالالالالا أفا عليج ما صدقت كل شي يعتدل ..
* خخخخخ .. رياييل من ايون الا بالعين الحمرا *
مها : هههههههههههه عيل اسكت .. وخلني ارمس الحرمة ..
مها بخبث : Fine.If I ha desiderato che il mio marito ama. Il mio desiderio è realizzato? " انزين .. واذا تمنيت ان زوجي يحبني .. بتتحقق امنيتي "
* اسميج مستخفة يننتي الريال وتبين تيننينه زيادة ؟؟؟ خخخخ *
رفايلا باستغراب : Quasi ora li morite " بس هو الحين ميت عليج "
* انتي شعليج يالرزة .. خلهم يحبون بعض زيادة *
رفايلا ترمسني : Se mantengo silenzioso e non permesso voi " انتي اسكتي مالج خص"
*طاعوا طاعوا والله كملـــــــت آخر زمن ايطالية تقولي جي .. ايه ايه بضربج الحين *
رفايلا بعصبية : mantenere silenzioso e non stando richiedendo il padre di Mohamed quarreled con voi " اسكتي انتي ولا بزقر لج بو محمد عشان يتضارب وياج "
*طاعوا طاعوا السبلان تيمعوا علي .. أصلآ منو يكون بو محمد .. وعع ماخاف منه مالت *
بو محمد ظهر من مادري وين : جني سمعت حد يطريني ..
سحبته من الشاشة بسرعة وسويت له delete يلا بررررررررررع
خخخخخخخخ
مها : طاعوا قلبو شو تسوي صج انج ماصخة .. خليني اكمل ..
*افا عليج حياتي خذي راحتج وكملي *
مها : So che ama gli amori ma desidero alla longevità " أدري انه يحبني بس ابغيه يحبني على طول"
رفايلا : Mmmmmmm non sicuro ma io pensa che la sicurezza sia realizzata " ممممممم والله مب متأكدة .. بس أتوقع ان امنيتج بتتحقق"
مها بفرحة : Dalla vostra bocca al dio del cielo O "من حلجج لابواب السما يااااااااا رب " خخخخخخخخ
رفايلا باستغراب : spiacente? "نعم ؟"
مها بقفطة : hahahaha. nessuna cosa " ههههههههه ولا شي "
رفايلا : ah. Vedo " آه .. ايوااا "
محمد بملل : افففففففففففففف لاعت جبدي ..
مها : اه .. يلا ماعلي بقولها باي وبنسير ..
مها تكلم رفايلا : Well, thank you Honey information.Bye "انزين .. مشكورة الغالية ع المعلومات .. مع السلامة"
رفايلا : Arrivederci "مع السلامة"
محمد : حشى ما بغيتي تخلصين ..
مها : ههههههههههه شو اسوي بعد انا مب وايد اوكي فهاللغة ولازم شويه أتدرب ...
محمد : مالي خص لازم تعلميني .. اوكي ..؟؟
مها : اوووووووكي تامر أمر ..
محمد : انزين وشو قالت لج عن سالفة البيزات ..
مها بتردد : هاااا ؟؟؟؟؟؟؟؟
------------------------------
صــــــــــــــــــــــــ ـــــــــدمة ..
اجتاحت بيت عائشة ..
هي نعم ..
عائشة ما انقبلت في البعثة .. صدمة صح ؟؟
الغريب ان نسبة عائشة كانت عالية .. لكن الأاولوية عطوها للي نسبهم أعلى منها ...
حتى ام عائشة زعلت ..
بس عائشة موووول ما حست بالاحباط لأنها ما بتدرس طب برع البلاد ..
بالعكس سارت ويا ابوها على طول عشان تسجل ف جامعة الشارجة ...
وفي الطريج بعد ما سجلت ..
بو عائشة : عائشة ..
عائشة : هلا ..
بو عائشة : زعلتي ؟؟
عائشة تبتسم بانكسار : من شو أزعل ؟؟ عشان سجلت ف جامعة الشارجة ؟
بو عائشة : لاء .. انا اقصد عشان ما قبولج في البعثة ..
عائشة : زعلت شويه .. بس عادي .. وعسى ان تكرهوا شيئاً وهو خير لكم ..
بو عائشة : انا مستعد أسفرج على حسابي لو تبين ...
عائشة بابتسامة خفيفة : لا ماله داعي ابويه .. خلاص انا سجلت ف جامعة الشارجة ..
بو عائشة بشك : أكيد ؟؟؟؟
عائشة : اكيد يا بويه .. ولو اني ما كنت متأكدة ما بتحصلني سجلت ف جامعة الشارجة على طول ..
بو عائشة : تبين الصدق ؟؟؟
عائشة : خير ابويه ..
بو عائشة : انا ما كان ودي افارجج .. ابغيج تكونين ويانا .. انتي شمعة هالبيت وروحه .. وبلياج البيت ما يسوى شي ..
عائشة : فديتك ابويه .. وانا بعد اذا فارجتكم كم يوم احس بغربة .. فكيف اذا فارجتكم سنين ..
بو عائشة بفرحة : الحمدلله على كل حال .. ها .. بعدج ناوية تدخلين طب ؟؟
عائشة : ان شا الله ..
بو عائشة : من الحين أخبرج .. انا مالي خص في امج الريم اذا احتشرت وقالت بنتي ما بتعرس ..
عائشة : هههههههههههههههههه لا يا بويه انا ما أفكر اتزوج ..
بو عائشة : يعني بتطيحين ف جبدي ؟؟
عائشة بحزن : ابوووووووووووووووووووويه .. مب لهالدرجة .. ان شا الله اذا خلصت .. وتقدم لي عقبها أي شخص له مؤهلات تسمح .. بوافق ...
بو عائشة : وحتى لو ما يا .. اذا ما شلتج الأرض .. نشلج بعيوننا ..
عائشة بفرحة : فديتك ابويه ..
--------------------------------------
من زمان ما رمسنا عن سارة اخت محمد .
وما تكلمت عن بو محمد ..
ها ترى ما بتضارب وياه عشان ما تزعلون خخخخخخ ..
حشى مب جاذبية عندك يا بو محمد خبلت البنات .. قاموا يهددني اني ما اضاربك ..
بو محمد :اح اح اح لازم .. انا جذاب وقوامي رشيق ..
*اقول اذلف مالت عليك .. خلني اييب الأوتي عشان أكوي تجاعيدك يا المجعد .. *
المهم .. نرد لمحور حديثنا ..
سارة مثل ما يقولون ما لها حسيب ولا رقيب ..
قبل محمد كان ميودنها .. ومب مخلنها تسوي اللي ف بالها .. بس الحين .. استقوت البنت .. وقامت تظهر كل يوم .. وابوها ما يروم لها .. لأنه لو قالها لا تظهرين بتستخدم سلاحها المعتاد .. اللي هو الصياح ..
وهو عاد اونه حنون وما يروم .. فيخليها تسرح شرات العنوز .....
وف مرة من المرات ...
بو محمد كان في المزرعة يخرف النخل ...
وخطفت صوبه سارة ..
سارة والكشخة من راسها لين ساسها : ابويه انا ظاهرة تبغي شي ..؟؟
بو محمد : وين وين ؟
سارة : بظهر ويا ربيعتي ..
بو محمد بصوت واطي : اللي يسمع يقول مقطعة ام العلاقات الاجتماعية .. الا راس مالج ربيعة وحدة وعرست ..
سارة : خير ابويه ؟؟
بو محمد : لا ما شي ماشي .. بس يا بنتي انا أحس بعمري تعبان شويه .. ماعلي اليوم يلسي وجابليني شويه ..
سارة ورمت : اففف ابوووووووويه حرام عليك .. بعدين انته ما فيك شي .. أصلاً لو فيك شي جان ما جابلت هالنخل أربع وعشرين ساعة ..
بو محمد حرج عليها : سيري سيري مالت عليج وعلى ويهج أصلاً انا كنت امزح وياج ..
سارة : اوكي برايك .. يلا جاااااااااااااااااو ...
وعلى طول بو محمد .. قام وصعد ع النخلة .. اونه عاد يتحسب عمره طرزان .. وشويه .. الا وهو يحج اذنه .. وجيه ما يطيح لكم ذيج الطيحة وهو فوق ..
وشويه ... الا تلحق عليه البشكارة وهو طايح ومغمى عليه ..
والبشكارة تصارخ : باباااااااااااااااااااااا ااااااااااااااااااااااااا ااااااااااااااااااااااااا اااا
----------------------------------------------
نرد لمها ومحمد ....
مها قالت لمحمد عن سالفة هالنافورة ..
ومحمد استانس منها ..
عاد ماشي ما صدق .. يلا قومي وبنسير ..
مها اول شي كانت مترددة .. لكن بعد تشجيع محمد .. تشجعت .. .
وسااروا هناك ...............
عاد اسمعوا امنيات كل واحد منهم ...

~"محمد"~يالله يا رب تعطيني الصحة والقوة والعافية ..
أتمنى اني اكون سعيد في حياتي ..
والله يوفقني ويا مها ...
ونرد روما مرة ثانية ...
~"مها"~يالله يزيد حب محمد لي ..
وأعيش وياه في جنه .. كلها حب وحنان
يااااااااااااااااااااااا رب ...
بعد ما خلصوا ...
مسك محمد يد مها بكل حب ...
ومشوا مع بعض ...
اليوم كان يوم حلو بالنسبة لهم ...
كله فرح وحنان ..
لكن السؤال اللي يسدح نفسه ...
هل في أمل بالحب ؟؟؟؟؟؟؟؟؟؟؟؟
يمكن ...
-------------------------
تذكرون سالفة سامية ..
يوم فكرت تخطب عائشة لولد عمها ؟؟ ..
اليوم فعلاً فاتحته بالموضوع ..
شو تتوقعون رايه ..
حمد : نعم نعم نعم ؟؟ سموي انتي صاحية ؟؟ يالسة تخطبيلي كل يوم وحدة ؟؟
سامية : أولاً انا صاحية .. انزين .. ثانياً انا ما جد ييت وكلمتك عن الزواج يا ولد عمي .. هاي اول مرة أفاتحك فيها ..
حمد : سموي لو سمحتي شلي الفكرة من بالج ..
سامية : وانت ليش ما تبا البنت ؟؟ قصورك بعد تتشرط ..
حمد : اففففففففف محد تشرط انزين .. بس انا مابا اتزوج وحدة عمياني ..
سامية : لا عمياني ولا شي .. انت بتروح تخطبها وبتشوف ..
حمد : وان ظهرت خسفة .. بعدين ابتلش فيها ؟؟
سامية : لا والله ؟؟ أولاً انا ما اختار مني والدرب ..
حمد : هي مبين ..
سامية : والله .. أصلاً ربيعتي تطيح الطييييييير من السما ..
حمد : يعني هي احلى منج ؟؟
سامية : ممممم سؤال محرج ..
حمد : عيل انتي احلى ..
سامية : هو اذا تبغي الصراحة هي أحلى .. ماشا الله بيضا والخشم طويل شرات السيف .. وشعرها ليل وطويل ما شا الله عليها .. وعيونها سود تخبل .. وايديها .......
حمد يقاطعها : ايه ايه حشى ما خليتي شي .. انا شو يضمني انج ما تقصين عليه ؟؟
سامية : افااااااااا تشك فيه ؟؟؟ وفي ذوقي ؟؟ افا افا افا ...
حمد : ما أقصد .. بس يعني انا بصراحة وبدون ما تحرجين ..
سامية : انزين ؟؟
حمد : بدون ما تحرجين ؟؟
سامية : قووول الحين ..
حمد : ابصراحة انا ابغي اشوفها قبل ما أخطبها ..
سامية : بسيطة .. يوم بعزم ربيعاتي كلهن بخليك تشوفها ..
حمد : لالالا طبعاً .. ابغي أشوف شعرها .. ابغي اشوفها وهي على طبيعتها .. مب وهي متعدلة .. مافي بنت مب حلوة وهي متعدلة ..
سامية : يعني شوووو ؟؟
حمد بخبث : قوليلها انج تبينها ضروري الحينه .. ويلسيها في الحجرة .. وانا بوايج عليها من الدريشة ..
سامية : ممممممم تصدق فكرة حلوة ..
حمد : اح اح اعجبج ..
سامية : نش نش ييب دفتر التلفونات ..
-------------------
تتوقعون خطة حمد تنجح ؟؟
وعائشة .. هل مساله الزواج بتخليها تغير رايها في مسألة الطب ؟؟؟
شما .. والشخص اللي يبغي يخطبها بدون سابق انذار ؟؟ شو نهايتها وياه ؟؟
ميرة ؟؟ وسلطان زمانها ؟؟ شو الحال وياها ؟؟ وهل بتكون لنا وقفة مع سلطان ؟؟ ولا بنمر وياه مرور الكرام ؟؟
سارة ؟؟ هل بتصطلب بعد ردة محمد ؟
وبومحمد ؟؟ شو استوى به ؟؟ تتوقعونه مات ولا بعده شرات القطو بسبع أرواح ؟؟
امل ؟؟ هل لها بصمة فهالقصة ؟؟؟؟؟
وأخيراً ...
مها & محمد .. هل الاستقرار بيكون في ملعبهم ؟؟ ولا في أمور بتعصف فيهم وبتعكر مجرى حياتهم ؟

كل هذا وأكثر .. مع البنوتة الحلوة خخخخخخخ
قلب دبي ...
تابعوني ..
^_^


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:38 AM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الجزء الحادي عشر

مرررررحبا .. وصلنا في القصة لين ...
فكرة حمد والطريقة اللي بغى يجوف فيها عائشة ..
سامية : نش نش ييب دفتر التلفونات ..
حمد بعبط : والله ؟؟؟
سامية : اقولك ترى بغير رايي ها ..
حمد يركض صوب الدفتر : لالالالالا خلج مكانج .. ولا تغيرين ولاشي .. (يمسك الدفتر ويروح لها) هاج .. يلا ..
سامية : اوكيه بس بليز انطم عشان ما تحس بشي ..
حمد : اوكي يالسبالة ... يلا اتصلي حشى ذليتيني ..
سامية : اففف اوكي اوكي اتريى ........
سامية وهي تدق الأرقام : مثل ما وصيتك .. ولا كلمة ..
حمد : اقول حطي ع السبيكر ..
سامية : لا حووووول .. اتريى ...
ام عائشة : الو ..
سامية : ألو السلام عليج خالو ..
ام عائشة : وعليج السلام والرحمة .. منو ويايه ؟
سامية : وياج سامية ربيعة عائشة ..
ام عائشة :يا حيا الله سامية .. اشحال امج واشحال صحتها ان شا الله بخير ...
سامية : والله الحمدلله بخير .. اقول خالو .. عائشة هني ؟؟
ام عائشة : لحظة بس بزقرها لج ..
(ام عائشة تزقر عائشة )
حمد يقرص سامية : سموي دقي ع السبيكر ..
سامية : آي يالحمار .. لحظة لحظة بس ..
ودقت ع السبيكر ..
وشويه الا وعائشة شلت السماعة ..
عائشة : ألو ..
سامية : هلا والله براعية أحلى الووو ف دبي كلها ...
عائشة : هلا وغلا حبيبتي .. منو .. سامية ؟؟
سامية : هي .. مسرع نسيتيني .. مالت عليج ..
عائشة : افا عليج ما نسيتج ولا شي .. بس كنت ابغي اتأكد ..
سامية : انزين .. ماعلينا .. خبريني .. عندج شي اليوم ؟
عائشة : مثل شو يعني ؟؟
سامية : يعني مشغولة بشي ؟؟
عائشة : مممم يمكن شويه .. ليش ..؟
سامية : اباج تمريني .. لأاني تولهت عليج واباج بسالفة ضرورية ..
عائشة : خير ان شا الله ..
سامية : الخير بويهج .. يوم بحصلج بخبرج كل شي ..
عائشة : انزين انتي ما ترومين تمريني ؟؟
سامية : لاوالله ماروم .. انتي تعالي آخر مرة أنا ييتج ..
عائشة : هههههههه اوكيه مب مشكلة .. بشوف هالكم يوم يوم بفضى بخبر اماية وبييج ..
سامية : على خير ان شا الله ... الا ما خبرتيني .. انتي سجلتي ف اي كليه .. ؟
عائشة : كلية الشارجة ..
سامية : ول .. جيه شو ناوية تدخلين ؟
عائشة : طب ان شا الله ..
هني ظهر صوت ضحكة قوية من تلفون سامية .. وصاحب الصوت ريال ..
عائشة بخوف : سامية حد حذاج ؟
سامية تشل السبيكر وبتوتر : هااا ؟؟ لا هذا اخويه دق ع السبيكر ويلس يضحك عليه ..
عائشة ما عيبها الموقف : اها ..
سامية : انزين اخبرج انا ببند عنج الحينه .. اوكيه ..
عائشة : اوكي برايج ..
سامية :يلا مع السلامة ..
عائشة : مع السلامة ..
وسكرت الخط ..
سامية تصارخ على حمد : ايه انته اشحقه تضحك جيه ؟؟ والله البنت حست بشي ..
حمد : ههههههههههههههههههههه ولاشي هههههههههههه ولاشي..
سامية تعايب عليه : ولاشي ولاشي .. مااااااااااالت عليك والله مالت .. حمود من الحين أخبرك .. اذا ناوي تلعب ع البنية ترى انسى السالفة ..
حمد : لا تخافين انا ما بلعب .. بشوفها .. ان عيبتني باخذها .. وان ما عيبتني خلاص .. دار درى ودار مادرى ..
سامية : اوكي عيل جهز عمرك عقب كم يوم بتينا البنية ..
حمد : يا وييييلي .. تامرين أمر بستقبلها بالبشت هههههههههههه
سامية : سخييييييييييييييييييييييي ف حمووود ..
--------------------------------
اكيد كلكم تبون تعرفون شو استوى ببومحمد .. خخخخ ادري ..
الله يسلمكم بو محمد لحق عليه ياره بو جاسم .. والله ستر .. وكانت الطيحة مب قوية وايد .. بس بومحمد يحتاج للراحة ...
في المستشفى ..
ما وعى بو محمد الا وهو ف مكان غير مألوف بالنسبة له ..
عاد الذكي بدال ما يزقر السستر زقرني أنا ..
بو محمد : قلييييب انا ويني ..
*كم مرة يالشيبة اقولك لا تسألني انا .. يا ربي بتظهر الشعر الأبيض من راسي .. ادريبك تغار مني لاني حلوة وشعري ما فيه ولا شعرة بيضة ... قوم بسرعة وازقر السستر*
بو محمد : وانتي يالحمارة .. ما تدرين اني ماروم انش .. مب المفروض اني الحينه مكسر وماروم اتحرك ؟؟
*اووه صح تعال .. خلاص اتريى لين ما اييك الفرج يلا ببباي *>>>خخخخ نذلة
وتم بو محمد يتريى لين ما ياه ياره بو جاسم ..
بو جاسم : الحمدلله ع السلامة يا بو محمد ..وما تشوف شر ...
بو محمد : الشر ما اييك الغالي ...
بو جاسم : ياخي ليش تكلف نفسك والدكتور موصنك ترتاح ..؟؟
بو محمد : شسوي يا بو جاسم ماروم اهد النخل بدون ما اسقيه واخرفه ..
بو جاسم : الله يهداك .. جيه ما تييب لك مزارع يهتم بنخلك ؟؟
*بلاك يا بوجاسم انت ما تدريبه ؟؟ خخخ يبغي يسوي تجارة .. يشمس الرطب عشان يستوي سح ويبيعه للناس *
بو جاسم : وانا اقووووول بلاهم شركات التمور خسرانين هالأيام ..
*خخخخخ اقول اسكت وكمل رمسة وياه .. مالت عليك .. الحين لو تجرب سحه بييك مغص بييلسك 40 يوم في البيت .. هذا اذا ما يتك غيبوبة بعد خخخخ *
بو محمد : اقول بو جاسم خلها تولي وكمل رمستك ...
بو جاسم : دورك ..
بو محمد : هي صح .. والله مادري .. ان شا الله بطالع شو السالفة .. والله كريم ...
بو جاسم : تعال الدكتور موصنك ترتاح اليوم يعني ماشي ظهرة ..
بو محمد : شووووووو ؟؟ لالالالالا طبعاً .. خبره اني ابغي أظهر .. بنتي روحها في البيت وماروم اودرها ..
بو جاسم ف قلبه : اللي يسمع الحينه الأخ موول مقطع .. البنت روحها مسرحة من زمان ..
بو محمد : الله يخليك روح رمس الدكتور ..
بو جاسم : ان شا الله ...
وفعلاً .. الدكتور طاع يظهره .. ووصاه يرتاح .. بعد تدرون بو محمد فيه قرحة ف المعدة بعد .. وما يستوي يتعرض لأي اجهاد ....



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:39 AM   #13

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

شحال أبطالنا الحلويين ؟؟
والله اخبارهم تمااااااااام التمام ...
اليوم محمد ظهر عشان يتشرى اغراض من السوبر ماركت ... ومها يلست تتابع المسلسل اللي ما تدري بأي لغة يرمسون فيه خخخخخ ..
وشوي الا يرن تلفون محمد لأانه ظهر بدون ما يشله ..
رقم غريب ..
مها : ألو ..
المتصل : (حرمة) hi
مها باستغراب : hello . who is talking ?
الحرمة : محمد اهني ؟؟
مها بصدمة : شووووو ؟ وانتي منو بعد ؟؟
الحرمة : ما يخصج يا خطافة الرياييل ..
وسكرت في ويهها ...
هني .........................
بدى الشك يحاصر مها ..
منو هاي الحمارة اللي رمستني ؟
وبأي حق تقولي خطافة الرياييل ها ؟؟
بعدين محمد الحمار مرمس كم وحدة ؟؟؟
أنا بروايك يا الخايس .. تغازل من ورايه ..
اوووووووووووووكي فالك طيب يا محمد .. ان ما بديت الحرب العالمية الثالثة وياك .. ما كون مها بنت امي وابويه ...
تمت مها متحرقصة فترة طويلة .. لين ما يا محمد ...
وبعد مايا ..
محمد بابتسامة كلها حب : شحاااااااااالك يا قمر ؟؟
مها تهز ريولها بعصبية ... وتطالعه وهي مفولة ع الآخر ..
محمد يطالعها باستغراب : مررررحبا يا جمييييل ... مالك حصل ايييييه ؟؟ >> ويلي ع المصري ..
مها تطالعه والشرار بيظهر من عينها ...
محمد راح صوبها : هلو يا أحلى ملاك فهالدنيا (ويمسك ايدها)
مها بكل قوة تدز ايده : هد ايدي ..
محمد طالعها باستفهام : شو استوى ؟؟
مها وهي حارقة محمد بنظراتها : قبل ما تسألني اسأل عمرك ..
محمد : أسأل عمري ؟؟ ليش جي شو سويت بعد ؟؟
مها وهي تحاول تمسك دموعها : أنا خطافة الرياييل ؟؟؟؟
محمد : سوري ؟؟؟؟
مها وهي مغيضة عليه : لو سمحت لا تستهبل عليه ... انته اشحقه خذتني وانت على علاقة بمليون بنت غيري ..
محمد بصدمة : نعم ؟؟؟؟؟ انا لي علاقة بمليون (يحاول يستوعب رمستها) ايه ايه شو تقولين انتي ..
مها عطته الموبايل .. : اتفضل .. هذا شوووووو ؟؟
محمد يطالع : بعد شو يعني .. هذا رقم ..
مها : محمد لا تيلس تستهبل عليه ..
محمد يقاطعها : انتي اللي لا تيلسين تغلطين وانا ما عندي خبر بشي ..
مها : لا تحاول تبرر .. لو سمحت ردني بيت اهلي .. انا ما اقدر اعيش وياك ..
محمد وهو مصدوم من الخاطر : مها انتي شو تقولين ؟؟؟؟
مها : عرفت بعلاقتك مع أمل .. وسكت وما قلت شي ... بس ان الحين توصلني اهانات بأني خطافة رياييل هاي ما بسكت عنها ..
محمد : انزين وانا شو ذنبي اذا وحدة رمست وسبتج ؟؟
مها : ذنبك انك رمستها .. ذنبك انك تزوجتني .. خلاص طلقني وخذها هي .. عشان ترد لها ..
محمد : مها ارجوووج انا لين الحين ماسك اعصابي ... انتي عن منو ترمسين .. انا سبق وقلت لج اني ما كونت علاقة الا مع أمل ... وأمل متزوجة الحين .. ولا يمكن تكون هي .. يمكن تشابه اسماء ..
مها : هه .. روح العب على وحدة غيري ..
محمد غيظ : شوفي عاد .. لين هني وبس .. مصختيها تراج ..
مها : انا ما بمصخها ولاشي .. قول لي منو هي وخلاص ..
محمد : مها بلاج ما تفهمين .. انا بأي لغة أرمسج .. قلتلج اني ما رمست حد ...
مها : سير سير .. انا ما روم استحملك يا المغازلجي ..
محمد حس بالإهانه صج وصارخ بقوة : جاااااااااااااااااااااااا اب ...
وشوي كان بيرفع ايده عليها .. بس استوعب كل شي ..
مها من صدمتها .. صاحت وركضت صوب الحجرة ..
ومحمد غلق الموبايل وفره ...
محمد : آآآآآآآآه يعني كل ما احس ان الدنيا تضحك لي .. أحصل لي باب ينسد في ويهي ؟؟؟؟
*الله يعينك يا محمد *
-----------------
من جهة ثانية .. وبعد الموقف البايخ اللي استوى لشما ف العزا ..
تمت شما تصيح وهي ف حجرتها .. وكل القهررررر فيها من هالشخص اللي تجرأ وأشر عليها ..
تمت ترمس عمرها شرات الميانين خخخخ
شما : يعني معقولة واحد من الشارع يأشر عليه ويقول يباني ؟؟ حقير ونذل وحماااااااااااااار
(تفكر شوي)
انزين ليش اقول عنه حمااار .. هو ما يا يرقمني ولا شي .. هو أشر عليه ...
آآآآآآآآآآآآآآآآآآآآآآآآآ ه كشــــــــــــــــخة .. يعني هو يا يخطبني ..
لحظة لحظة لحظة ..
هو ما خطبني .. اوووووووووووه بس هو سبق ولحقني مرة من المرات ..
اوهوووو والله لاعت جبدي شو السااااالفة الحينه ؟؟
أنا لازم اعرف اسمه مهمااا استوى ..
هي هي .. مثل ما هو يحاول انا بحاول
*واثقة الاخت يمكن ياي يلعب عليج خخخخ*
----------------------------
من صوب ثاني ..

:: سلــــــــطــــــان::
*جهاتي الأربعة*
~((.. جنوب واشمال .. شرق وغرب توهمني
جــهاتـي اربــع وانـــت الخامـــسة .. مــحال !
توهتـــني فــــــي غـــرامك ليتـــــك تفهـــمــني
بعثرتني ليت أفهم وين أنــا وويــــن الــــرحال
جنوب وشـمال .. حــبك ســلب قلبــي وعـــيني
شرق وغـــرب تبكـيك العيـن تـرى الــبعد طـال
يا ليت أقدر أوضــح لك بعــض أمري وحــنيني
يا ليت تـدري عن جهاتـي الأربعـة وهـي تنهال
يا كيف اقوى وحــبك شــوق يقتلــني ويحــييني
يا كيف اقوى فراقـك لا غـدا لي مـصدر الآمال
أنا قلبي تعلــق بــك قــبل مـــا تنظــرك عــينـي
وعيني ضمتك صوة تعذرت بوصفها الأمثال..))~
::مع جزيل الشكر للأخت الغالية نبض دبي::

آه منك يا سلطان زماني .. فديتك وفديت روحك وفديت كل شي فيك ...
شو هالعيون الآسرة اللي جذبتني فيها ؟
معقولة أحبك من اول نظرة ...
اخ منك ومن جمالك يا حياتي ...
انا شقايل كنت ف يوم من الأيام شلقة وطالعت محمد اخو سارو وما طالعتك انته ؟؟
*ايه ايييه مب تغلطين على محمد ترى بعطيج ذاك الكف الغااااوي .. اللي يخليج ترقدين 100 سنه *
ميرة : سوري قليييب والله مادري .. بس صج انا سلطان زماني خلاني اسيرة حبه ..
*هي مبين .. خخخخ اشك انه يدري عنج*
ميرة : عااادي .. بيدري .. مرده يدري يا حللللوة ..
*هي ادري اني حلوة بدون ما ترمسين *
ميرة : مشكلة الثقة بالنفس والله .. تدرين انا عمـ ....
يقطع رمستها رنة التلفون ...
ميرة شلت السماعة : ألووو
سامية : ويعوووو ان شا الله يالنحسة يا الزفته يالخايسة يالحمارة يا اللي كل ألفاظ الدنيا ما توفي القهر اللي فيه عليج..
ميرة : بل بل بل .. حشى حشى مب حقد عليج سمووووي .. افا انا ربيعتج تسميني جييييه ؟؟
سامية : ربيعتي قالت اونه .. مالت عليج يالربيعة يالقاطعة شحقه ما تتصلين ها؟ ؟؟
ميرة : وانتي شحقة من تتصلين ..؟؟
سامية : طاعوا الحماااااارة .. لا انا اكبر وانتي لازم تسإلين عني ..
ميرة : يالله اللي يسمع الا هو فرق كم شهر وترمسين بعد ؟؟؟
سامية : اكبر منك بيوم افهم منك بسنة ..
ميرة : دامج افهم مني خلاص انا مينونة انتي اللي لازم تسإلين ..
سامية : حشى حشى محد يروم ع لسانج يا ام لسانين اخ عليج ...
ميرة : هههههههه طالعة علييييج ..
سامية : سخيفة هههه .. تعالي شحالج وشو اخبارج وشو مسوية ..
ميرة : آآآآه والله زينة ومرتااااااااااااااااااااا احة ..
سامية : يالله يالله .. كله عشان سلطان ؟
ميرة : هههه فديته سلوطة *هااااع ؟؟!!*
سامية : والله انج ماصخة .. تعالي على طاري سلوطة ماخبرتج ..
ميرة : هااا ؟؟
سامية : هون ان شا الله .. خخخ ..
ميرة : نحسة .. قولي شو مستوي ..
سامية : قررت أعزم عويش بيتنا عشان حمد يجوفها ؟؟
ميرة : اووووووووووووووووووونه ؟؟؟؟؟
سامية : ههه والله .. وهي وعدتني انها بتحاول فهالكم يوم ..
ميرة : والله زين زين ان شا الله بيتخبل عليها وبيقول هاي وينها عني من زمااااااااان ..
سامية : ههههههههه ان شاااا الله الله يسمع منج ..
ميرة : تعالي بسألج سؤال ..
سامية : تفضلي ..
ميرة : اشحقه ماخطبتيني حق حمد ولد عمج ؟؟
سامية : شووووو .. ما عندي سالفة عشان بعد ما تاخذينه تحبين واحد غيره ..
ميرة : وييييييييييه انا اصلاً ما افكر ولا بفكر الا بسلوطي مالت ..
سامية : خخخخخ .. يالله الحينه يا خوفي يعرس وانتي قاصة على عمرج ويا هالسلطة ..
ميرة : انزين انزيييييين انا براويج يا حمارة ..
سامية : خخخخخ الله كريم .. لين ما تجوفيني بتنسين .. خخخ يالله انا بسكر الحينه ورايه اشغال واعمال مب فاضية حق تبولات وفتوشات اوه قصدي سلطات خخخخ
ميرة : سخيفة سموي خخخخخ .. يالله برايج ورايه قصيده أألفها حق سلوطتي ..
سامية : الله يشفيج بس خخخ .. يلا مع السلامة ..
ميرة : مع السلامة .....



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:41 AM   #14

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

من جهة ثانية ..
أمل كانت يالسة تدقدق فهال
أرقام وهي مغيظة عدل ..
أمل والنار بتحرق قلبها : ها اشبلاه ما يرد ؟؟ انا ما صدقت احصل رقمه .. شكلها حرمته الخايسة سكرته .. وهو شبلاه جيه ضعفت شخصيته فجأة ...
(يلست شويه تفكر)
ليكون حبها ؟؟ لالالالالا ماظني .. محمد كان متعلق فيه بشكل فظيييييييع .. يعني لو الموت ما يهدني .. صح قليب ؟؟
*لا والله اشدراج انتي يمكن حبها ومات فيها وانتي على عماها خخخخ *
أمل : ويييييه اللي يقول احين مهو تنحب .. بس جيه جمال ع الفاضي .. مافيها اي شي يجذب ..
*وييييييه اللي يسمع الحين .. انتي لا جمال ولا جاذبية يا حسرة .. بس الشي الوحيد اللي مستغربة منه .. هو ان كيف محمد فكر يحبج*
أمل : لازم انا حلوة وكل شي فيّ حلو ..
*وعععع اذا انتي حلوة عيل كل بنات العالم ملكات جمال ذلفي بس ذلفي*
أمل : اففففف ما عندي سالفة ارمسج انا بعد .. خلني اتصل في سلوم الجلب اجوفه شو يسوي ...
ويلست تدقدق فهالأرقام ...
ثواني .. الا وسالم يرد ..
سالم : الووو ..
امل : وعلة ان شا الله وينك ؟؟ حشى ما صار عزا انت يالس فيه ..
سالم : حياتي شو اسوي يعني .. يدتي متوفيه مب أي حد ..
أمل : ويعني ؟؟ شو استوى مثلاً ..؟؟ خلاص تراها ماتت اظني الدود بعد كلوها خلاص ..
سالم : اموول لا تيلسين ترمسين هالرمسة ...
امل : افففف انزين متى بترد ؟؟
سالم بفرحة : ليش اشتقتيلي ؟؟
أمل : وعععع اشتقت لك انت ؟؟ ماشي شغلة ؟؟ من زينك ولا من زين طلتك البهية ..
سالم باحباط : عيل ليش متصلة من الأساس ها ؟
أمل : مب عشان سواد عيونك .. ابغي بيزات .. من اسبوع وانا اتريى البيزات توصلني ..
سالم : ما عندي ..
امل : اييييه اييييه شو ما عندك انا حرمتك .. غصب عنك تعطيني ..
سالم : اظني انا عاطنج من اسبوعين بس 5000 درهم .. وها نص معاشي .. بسج ..
أمل : سلووووم مالك خص تسالني وين راحت الفلوس .. طرش لي باقي المعاش وبس ..
سالم : وان ما طرشت ؟ شو بتسوين يعني ؟؟
أمل غيظت : سلووووووووووم .. عندك ساعة بس .. وان ما وصلتلي الفلوس يا ويلك يا الهرم فاهم ؟؟
سالم : ايه ايه ...
أمل سكرت ف ويهه ...
أمل : ويعة ان شااااا الله مالت ع هالأشكال ... حشى انا شو اللي خلاني آخذ ويه الفقر هذا .. افففف شكله ما بيطرش الفلوس .. خلني اتصل في خوليو حبيب قللللللبي .... واتمصلح عليه شويه ...
ويلست تدقدق فهالأرقام .
خالد : ألوو ..
امل : هلا بالطش والرش .. هلا والله بحياتي ..
خالد في قلبه : وقتج الحينه انتي بعد ؟ اففففففف ..
خالد : هلا ومرحبا بعمري ورووحي .. هلا بالغالية أمووولة هلا والله ..
أمل : اشحالك حياتي ؟
خالد : والله تمااااام انتي شحالج ؟
أمل : آه والله حالتي صعبة ..
خالد : افااا لييش ؟؟
أمل : مشتاقتلك خوليووو وااااايد ..
خالد : اشتاقتلج العافية حياتي.. ها حبيبتي .. بغيتي شي ؟؟
أمل : حياتي انا محتاية مبلغ ..
خالد : أمسات طرشتلج الفين درهم ..
أمل : افاااااا وهالألفين وايد عليه ؟؟
خالد : افا افا افا .. منووو هالحمار اللي قااال ؟؟ انتي ولا مليار درهم يسواج ...
أمل : فديتك والله .. هاا وين بنتلاقى اليوم ؟
خالد وف خاطره يخنقها : حياتي انا مشغووووول واااايد .. الله يخليج بكلمج بعدين
أمل : اوكيه مب مشكلة .. الله يخليك كلمني ف اقرب وقت ......
خالد : تااااااااااامرين أمر حياتي .. باجر بكون فاضي .. بتين تسهرين ويايه ف الشقة ؟؟
أمل : مممم اوكي مب مشكلة بجوف الاوضاع وبخبرك بكل شي ...
خالد : هالله هالله باللبس الغاوي والفنان باجر ..
امل : هههههههههههههههههاي تااااامر امر يا عمري انته .. ولو ماطلبت يا بعد عمري ...
خالد : امووواااااح *اعععع لاعت جبدي* جيروووووووو
أمل : اوروفواااااار حبي ...
بعد ما سكرت ..
أمل : آه منك يا خوليو عذبتني ... وها سلوم الحمار دواه عندي كملت نص ساعة وماياب الفلوس انا براويه ...
----------------------------
من جهة ثانية .. عند البلابل اللي ما اكتملت سعادتهم ..
مها كانت يالسة ف الحجرة وهلكااانة من كثر الصياح ..
كانت متكورة على وحدة من زوايا الحجرة المظلمة ..
وتصيييييح بكل ألم .. كانت تصيح وانينها واصل لمحمد اللي يالس محتار ف الصالة ..
لازم يتفاهم وياها .. بس كيف بيقدر يراضيها ؟؟؟؟
مشى شوي شوي صوب الحجرة ..
صوت انين مها كان يعلى بالنسبة له ...
دخل بكل هدوء .. ودخلت معاه اشعة بسيطة من اضاءة الصالة ...
هني مها وطت صوتها ... وتمت سااااااااكتة ما تنطق بولا كلمة ... بس كانت تشهق ..
مشى محمد صوبها..
تم فترة واقف جدامها ..
عمره ما تعود يعتذر لحد .. العادة اذا هو زعل سارة هي اللي تراضيه .. حتى ابوه ...
يعني هل معقولة بيضغط على نفسه وبيراضيها ..
حس ف لحظة ان قلبه ملك لهالدلوعة الحساسة ..
ف نفس الوقت ياله فضول .. هل معقولة سالفة البنية صجيه ...
تنهد وسار يلس على مستوى مها ..
محمد بكل حنان : مها ..
مها تمت مغطية ويهها وماردت عليه ..
محمد يتقرب منها : مها الله يخليج ردي عليه ..
مها ماردت ..
محمد حط ايده على جتفها : مايستوي جيه انا ماعرف شو السالفة .. معقولة تعاقبيني وانا ماعرف شو مستوي حتى ؟؟؟
مها دزت ايد محمد ورفعت راسها وعيونها منتفخة من كثر الصياح : انا ابغي اعرف ليش خذتني ؟؟ اوكي مجبور ؟؟ خلاص ياخي ردني عند اهلي بدال ما تعذبني ...
محمد بحزن : انا ادري ان هالكلام مب من قلبج ..
مها بكل الم : قلبي ؟؟ وانا شو اللي تعبني فهالدينا غير قلبي ؟؟؟ مب قلبي اللي فكر فيك ف يوم ؟؟ مب قلبي اللي حبك ؟؟؟؟ لكن شو اللي جنيته اليوم ؟؟؟؟؟ الكره والحقد و كل شي ...
محمد يقاطعها : مها الله يخليج لا تعذبيني ..
مها ودمعة نزلت من عينها : أنا أعذبك ؟؟؟؟؟؟ مستحيل .. لاني حتى لو عذبتك مليون مرة .. ما بيوصل تعذيبي لتعذيبك لي .. انا شو سويت لك ؟؟ (تصيح بقوة) شو سويت ؟؟
محمد مسكها من جتفها : ليش مصيرنا نتعذب مع ناس ما يهمهم الا فشل علاقتنا ؟؟ مب نحن اللي قدرنا بعد فترة من الكره ان نحب بعض ..
مها : انت ما تحبني ...
محمد ضغط على جتفها : انا احبج ...
مها بألم : انت ما تحبني ..
محمد بقوة : احبج .. ولو ماكنت احبج ما كنت بفكر ارضيج في يوم .. مشكلتي اني حبيتج .. مشكلتي اني قمت ما أركز ف شي بسبة حبج .. هذا يزاي ؟؟؟ هذا يزاي .. ( محمد هد مها ويلس يمسح دموعه)
مها حست بصدق كلام محمد وطالعته بكل هدوء : وانا بعد أحبك .. أحس بسعادة مالها مثيل وانت حذالي ..
تموا جي ساكتين .. لين ما محمد رفع راسه ..
تقرب من مها .. ومها طالعته بكل حنان ...
لا إرادياً .. حضنها بقوة .. وتموا يصيحون ....
لحظات مرت عليهم وهم فهالوضع يصيحون ..
لين ما هدوا بالأخير ..
محمد : حبيبتي ..
مها رفعت راسها شويه تطالعه ..
محمد : انا آسف على كل اللي سويته فيج بس والله العظيم اني انا مارمست حد غير أمل ..
مها بحزن : عيل منو هي ؟؟
محمد : يمكن غلطانه بالرقم حياتي .. صدقيني ...
مها : محمد والله انا آسفة على غيرتي .. بس لا تلومني لأني احبك ..
محمد يقاطعها : ماله داعي تقولين هالرمسة .. انا بعد آسف .. أحياناً ما أحس بعمري وانا اضرب او اسوي اي شي ...
مها : اوعدني انك ما تعيدها ..
محمد يبتسم لها : اوعدج يا بعد عمري ..
مها بكل فرح : وانا اوعدك اني ما راح اسويلك مشاكل مرة ثانية ...


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:42 AM   #15

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

*وأخيراً *
-----------------------------------------

نرد لسامية ..
تلفون بيتهم يرن ..
سامية : الووو ..
عائشة : هلا وغلا .. شحالج سامية ؟؟
سامية: والله تمام .. منو انتي ؟
عائشة : افاا .. انا عائشة ..
سامية : هلااااا عويش شحالج ..
عائشة : والله تمام .. اخبرج ..
سامية : هلا ..
عائشة : انا اليوم فاضية .. عادي ايي بيتكم ..
سامية بفرحة : اكيييد واخيراً فضيتي .. من زمان اترياج اتيين .. متى بتين ؟؟
عائشة : جيه شغلة ساعة ونص وانا ياية ..
سامية : اوكيه ..
عائشة : يلا مع السلامة ..
سامية : مع السلامة ...
-------
ومنو يقول ..
تتصل سامية لحمد عشان ايي يجوف عائشة ...
وسبحان الله .. عائشة يت قبل حمد ..
وسامية انقهرت من برود اعصاب حمد ...
تموا جيه يالسين .. لين ما لمحت سامية حمد من دريشة ميلس الحريم يأشر لها ..
فهي تجهز كل شي ..
من جهة حمد ..
فهو يلس يتأمل عائشة ..
حسها حلوة صج .. بس ما عرف ليش ما انجذب لها ..
يمكن لانه حاط ف باله انه ما يبغي يتزوج الحين ...
او يمكن لأسباب ثانية خاصة ..
*ها ها من ورانا يا الحمار اسباب خاصة بعد *
حمد : مشكلة رزة الفيس بعد ..
* يالله اللي يقول ما اعرف انا شو السالفة .. *
حمد : اشك انج تعرفين ..
*والله اعرف *
حمد : مالت ما يغلبج شي يا ام لسانين ..
*ويه فديييييتني وفديت لساني اللي يقطر عسل *
حمد : مداح نفسه يباله ....
*بوسة .. بس وعععع منك انته وععع .. تعال خبرني يا ويه النحس بلاك مستوي شمبانزي ومتعلق صوب الدريشة*
حمد : ذلفي عني لااااااا .. مشكلة الاستهبال والله ..
*خخخخ .. يلا كمل *
وبعد ما سرت أنا ..
من بعد ما لمحت سامية حمد .. غمزت لحمد .. وبدت ف تنفيذ الخطة ...
سامية بخبث : اقول عويييش ..
عائشة : هلا ..
سامية : مممم .. ما قصيتي شعرج ؟؟
عائشة باستغراب : لاء ..
سامية : عيل خبروني انج قصيتيه ...
عائشة : لا والله هو شرات قبل .. ما قصيته ..
سامية : طول ولا بعده ؟؟
عائشة : اكيد طول .. مب وايد يعني ..
سامية : انزين فصخي شيلتج راويني اياه ..
عائشة باستغراب : ليش يعني ؟..؟
سامية : فضووووول عويييش ..
عائشة : الحين انتي زقرتيني عشان تجوفين شعري ؟؟
سامية : ها .. لا لا لا منو قال .. انا كنت مشتاقتلج وابغي اجوفج ..
عائشة : اها ..
سامية : يلا عاااادة فصخي شيلتج ابغي اجوف شعرج ..
عائشة : انزين ..
وفجــــــــــــــــأة ..
جمدت عائشة ..
سامية باستغراب : عويش شبلاج ..
عائشة تمت ساكتة ..
سامية : عوااااااااااااااااااااااا ش ..
وشوي شوي بدت تصيح ..
----------------
يا ترى شو السبب اللي خلى عائشة تصيح ؟؟
وحمد ؟؟ هل بياخذها ؟ وشو الأسباب الخاصة اللي خلته يتردد فهالمسألة ؟؟؟
ابطالنا الحلوين ؟؟ مها ومحمد .. شو تحسون بيستوي بهم ؟؟
ميرة وسلطان ؟؟؟؟؟ هل بيكون هالحب له أي داعي ؟؟
بو محمد ؟؟ سارة ؟ سامية ؟ شما والحبيب المجهول ؟؟
ومع كل هذا .. تتوقعون شي ثاني ؟؟؟؟
بتعرفون كل شي ان شا الله في الأجزاء الياية ...
اهم شي توقعاتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:45 AM   #16

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

الجزء الثاني عشر
مرحبااا .. شحالكم وشخباركم .. ان شا الله بخير ؟؟؟
تفضلوا البارت واسمحولي ع التأخير ..

وصلنا في القصة عند ...
"جمود عائشة"
تتوقعون شو سر جمود عائشة الغريب ؟؟؟؟؟
سامية زاغت : عوووويش شبلاج والله وقفتي قلبي شحقه تصيحين ..
عائشة تصيح بقوة ..
سامية : عاشة .. عاشة .. ردي عليه انزين خلني اعرف شو السالفة ..
عائشة تطالعها بخوف وتأشر على الدريشة .. اوه اقصد الشمبانزي المتعلق ع الدريشة خخخ ..
سامية من فشلتها نشت وغطت الدريشة بالستارة...
عائشة تشهق : وتبيني افصخ شيلتي بعد ؟؟
سامية : عويش والله سوري .. ما كنت ادري ان حد يطالعج من الدريشة...
عائشة بدون وعي : انا بسير بيتنا احسن لي من هالاهانة ..
ونشت عائشة وهي مفولة ع الآخر .. ودموعها اربع اربع حليلها ..
سامية من زود الفشيلة ما رامت تودعها .. تمت ف ميلس الحريم ويلست وهي حاطه ايدها ع راسها ..
شوي .. وحمد اييها ..
حمد بمرح : ربيعتج الصياحة سارت ها ..
سامية ما صدت عليه ..
حمد : تيك ات ايزي يا ماما عادي شحقه مكبره السالفة ..
سامية رفعت راسها وطالعته بانتقام : هي عادي .. صدقك انا شحقه مكبره السالفة .. بس اللي بيستوي اني خسرت ربيعتي للأبد ...
حمد : لا حووول .. انتوا البنات والحقد ربع .. الحين عشان هالسالفة بتحقد عليج وبتودردج ؟؟
سامية : لا اللي يقول انتوا ما تسوون جيه يالاولاد مااالت ومااالت وماااالت ..
حمد : ههههههههههه حشى حشى .. شحقه عادي انزين .. شو يعني لو واحد طالعها من الدريشة ؟؟
سامية : قصدك شو يعني لو شمبانزي طالعها من الدريشة ..
حمد : شمبانزي ف عينج .. انا حمد .. حمد والعااالم..
سامية : يا ريتك كنت شمبانزي .. ياااا ريت .. ع الأقل كنت ما بخسر ربيعتي ..
حمد : ماااااالت .. المهم .. يعني شو الحينه ..
سامية نشت من مكانها : انا لازم اعتذر منها ..
حمد : شو .. تعتذرين خخخ .. ليش جيه شو مستوي ..
سامية : حمووود لا تيلس تستهبل عليه ترى والله لازوجك بشكارتنا ..
حمد : سيري لااا .. ماشي شغلة آخذ سيلانية ..
سامية : ههههههههه اتخيل .. بعدين بتزقرك همد همد ..
حمد : ذلفي ذلفي لااااا ...
---------------------
من جهة ثانية ..
شما كانت سايرة بيت يارتهم عند ربيعتها شيخة ..
وكانت شالة وياها صينية تشيز كيك من اللي يحبه قلبكم لها .. لانها موصتنها عليه ..
وهي تمشي حليلها ف حال سبيلها ..
وهالمرة كانت غاضة البصر >> خخخ يعني دوم مركبة دوربينات ..
المهم .. وهي طايفة ..
لمحها واحد .. وسيم وحليله خخخ ..
اشقر وعيونه زرقا >> خخخ اوروبي .. لا اتمصخر ..
وتم يراقبها وهي ما عندها خبر ولا جان استوت طماطة ..
وهي تمشي الا وتسمع واحد يزقر بصوووت عااالي ..
سالم سااااالم .. سااااااااااااااالم ..
عاد شما والفضول .. صدت صوب مصدر الصوت ..
الا وتجوف الريال نفسه يطالعها ..
اوووويه طلع اسمه سااااالم .. ياااي .. خخخ ..
وتلاقت عيونهم .. سالم سوى طاف للي كان يزقره ومشى صوب شما ..
شما من الزياغ ركضت صوب بيتهم ..
عاد حليلها مادرت انها خلت سالم يعرفها اكثر ..
هو يعرف راعي البيت .. وما بيغلبه انه يتعرف على اللي ف البيت .. خصوصاً الغزال اللي سحرته ..
وآخر شي .. شو نهاية صحن التشيز كيك ..؟؟؟ خخخ
*اقول شميم عطيني اياه انا وفريق العمل بناكله*
شما : سكتي سكتي انا قلبي بيطيح ف بطني وانتي تفكرين ف الاكل ..
*عااادي .. هو لا جافني ولا شي .. انا مالي خص .. يلا هاتي الصينية *
شما : ماشي شغلة اعطيج انتي .. (تزقر الخدامة) سارينا .. سارينااااااا .. ودي الصينية بيت شيخة ..
*مااااااااااااااااااااااا� �االت يا النحسة *
شما : طالعه عليج .. هههههههه
*ما يضحك هيهيهيهيهي*
----------------------
شحال ابطالنا الحلويييين .. اللي يخبلون من حلاتهم >> باين خخخ ..
مها ومحمد ..
قرروا اليوم يبدون ف رحلة التسوق .. وتدرون عاد .. خرابيط الحريم يوم يتسوقن ..
بصراحة ما قول الا الله يعينكم يا الرياييل على مشاويرنا اللي ترفع الضغط خخخخ ..
هذا بالنسبة الكم يرفع الضغط ..
بس محمد كان مستاااانس من هالتسوق لأنه اول مرة يحس باهميته ..
*خخخخ وحليله .. ما كانوا يعطونه ويه قبل*
محمد : انتي جب يا النحسة .. اصلاً تغارين ..
*وععع ماشي شغلة اغار منك يا الكريه .. ماعلي انا بسكت الحين .. حسابك بعدييين *
محمد : بلاج انتي عليه وعلي ابويه فديته ..
*احبكم .. هههههههههههه شو اسوي الحب مصيبة *
بو محمد من مادري وين : حبج برص قولي آمين ..
* يالمجعد اذلف احسن لك *
محمد : اقول اثنيناتكم اذلفوا احسن ..
خخخخ ..
نرد لمشوار مها ومحمد …
بدوا رحلتهم بالسيرة لشارع ناسيونالي .. اللي كانت فيه محلات تجارية حلوة .. وخذوا منه كم صوغة لأهلهم من بعيد ..
أما ف شارع (via condotti) ساروا محلات حلوة وشافوا أشياء روعة ..
دخلوا أرماني وخذت نظارات وكم حزام حقها وحق محمد .. اللي فرح انها اهتمت فيه .. وتذكرت سارة وباقي ربيعاتها .. حتى ميرة اشترت لها على الرغم من الموقف اللي استوى امبينهم ..
وما نسوا يدشون فالنتينو وفيرساتشي وميسوني .. اللي كانت بضاعتهم أحلى بمليون مرة من الموجود ف باقي الدول ... يا حسرة هم يشترون الغرض ويجدم عندهم عقب يوصلنا ..
المهم .. بالنسبة لمها فمحل غوتشي كان المحل المفضل الها .. وصوب الشنط الحلوة والمميزة .. وما نست حد من الشنط حتى انا حسبتني خخخ .. وبعدين دشوا باتسيتوني واشتروا بدل للرياييل .. ومحمد تخبل على ذوق مها .. وسلمها الخيط والمخيط ف اختيار البدل .. ..
وطبعاً نحن الحريم ما نستغنى عن بولغري ..اللي كان ف شارع كوندوتي واللي المجوهرات فيه مشكلة فخامة مالها مثيل .. ومها .. تمت تختار المجوهرات لنفسها .. واللي يجوفها يقول هاي اكيد تتزهب حق عرسها .. محمد على الرغم انه كان يكره يدور ويا سارة ف أماكن بيع الذهب او الأسواق عامة .. الا انه مع مها حس ان وجوده مهم .. في كل شي تستشيره .. وتغمز له اذا كان اختياره حلو .. حتى لو ما كان حلو كانت تجامله بكلمة تعطيه الثقة بنفسه .. وبجذي محمد كان يتحمس أكثر لروحة السوق ...
* اسميك ينقص عليك بسرعة خخخ*

وشحال اخت محمد .. سارة ..
تبون تعرفون آخر أخبارها ..
طبعاً هي بعدها على نفس الموال .. ظهرات بدون والي ولا حسيب ..
وماخذه راحتها زيادة بعد يلسة ابوها في الحجرة وانه ما يظهر منها ..
حتى ما فكرت تسأله عن حاله ..
وهي ظاهرة من البيت ..
بكشختها وزينتها .. كل شباب الفريج كانوا يعرفونها .. والمصيبة ان هالشباب معظمهم ربع محمد .. طبعاً محد عق اللوم على محمد .. لأنهم يدرون ان من بعد سفره اخته تصيعت .. وحليلهم لذمتهم ما فكروا يتعرضون لها او يغازلونها .. وهالشي كان صج مأزمنها .. خخخ ماصخة وحدة ..
بس في شخص واحد .. اللي هو جاسم ولد بو جاسم ..
*بو جاسم هو نفسه اللي ودى الطرزان بو محمد المستشفى *
المهم .. هذا الشخص الوحيد اللي تعرض لها .. لأان محمد مش ربيعه .. وثاني شي لانه لعاااب عود .. وهمه الوحيد انه يلعب ع البنات ..
تتوقعون شو الموقف اللي بيستوي امبينهم ..
تعالوا طالعوا المهزلة ..
ظهرت سارة كاااشخة ع الآخر ..
العباة مرصصة .. ولابسة سكارف شفاااف .. وراسها منتفخ شرات القنبلة
*اونه الحين موضة جيه .. مالت ع الموضة اذا كانت جيه ..*
وحاطة ميك اب فول على ويهها .. ولابسة نظارة شمسية .. والعطر شال المكان شل ..
فما لوم اي واحد لو فكر يطالعها ..
مدام هي روحها تزقر تعالوا غازلوني .. هل على الشباب لوووم ؟؟
*ها مب تصدقون عماركم .. انا بس اقصد اذا كانن البنات شرات سارة*
تقرب جاسم بسيارته منها ..
سارة طالعته بدلع : نعم ؟؟
جاسم : تتعرف يالحلو ؟؟
سارة بضحكة مصطنعة : ههههه .. ليش يعني ..
جاسم :
~(( ازدحــم في صدري الــشوق العظـيم والــهوى في قــلبي ابــعد من مــداي فيني اكــبر غــرام من الــعاشقين والامــل يســبق من الفــرحة رجــأي ))~
سارة : ههههههههههههههههه .. ماشا الله شاعر بعد ..
جاسم يتنهد : واللي يشوف هالجماااال كله ما يستقوى يألف قصيدة ف ثواني ؟؟
*يالله ع الخريط الميمع خخخ*
سارة : ثانكس ..
جاسم : تفضلي اركبي..
سارة بدلع : ليش يعني ؟؟
جاسم : نتعرف ..
سارة بخبث : بس ؟؟؟
*طاعوا الخايسة*
جاسم : وان شا الله نتفق ..
سارة بدون وعي .: اوكي ...
وركبت السيارة ..
ومشى فيها جاسم ...
جاسم : اسمج سارة صح؟؟
سارة : هي صح .. وانت شو اسمك ؟؟
جاسم : اسمي جاسم ..
سارة : عاشت الأسامي ..
جاسم : عاشت أيامج .. خبريني .. شو تحبين .. وشو تكرهين .. يعني عشان نتعرف زيادة ..
سارة : ممم .. انا احب كل شي .. بس الشي الوحيد اللي اكرهه الحشرة ..
جاسم : هههههههههه .. حتى انا ماداني الحشرة ..
سارة: يعني في رابط مشترك ..
جاسم : هيييه .. انزين .. وين تبيني اوديج ..
سارة : المول ..
جاسم : أي مول ..
سارة : مول الامارات ..
جاسم يفكر . اكيد اسوم وميثو وعليو هناك وان جافوني بيفضحوني ..
جاسم : لالا اليوم زحمة وايد ..
سارة : ممم اوكي شو رايك نسير برجمان ..
جاسم : لااا مب حلو ..
سارة : انزين ميركاتو ..
جاسم : لااااء كل ربعي هناك ..
سارة : انزين تاون سنتر ..
جاسم : لاء مب حلو وايد فاضي
*احلف انته بس خخخ *
سارة بحيرة : انزين السيتي ..
جاسم : مستحيييل ..
سارة : والله احترت .. انزين نسير الواحة ..
جاسم : احترقت الله يرحمها ..
سارة : وحليييلها الله يرحمها ..
*خخخخخخ*
جاسم : وين الحين تبين تسيرين ؟؟
سارة : لقيتها .. وافي ..
جاسم : اوكيه ..
وطول الدرب .. جاسم وسارة تموا يرمسون .. كل واحد يخرط ع الثاني .. خخخ .. لين ما وصلوا ..
على طول ساروا يتعشون ف مطعم بيليتشي..
وهناك بدوا بالصياعة وحركات قلة الأدب ..
*الله يهديهم بس .. *
-----------------------
تعالوا .. من زمان ما رمسنا عن سلطان .. خخخ ..
تبون تعرفون عنه شي... ميرة ما تعرفه ؟؟؟
انا بخبركم بس لا تخبرون ميرو خخخ ..
سلطان يحب ..
هي نعم يحب ..
بس ما يحب ميرة ..
سلطان يحب بنت عمه مريم .. وكل اهل ابوه يدرون بهالشي ...
ويمكن الخبر ما وصل لأهل امه عشان جيه ميرو ما عرفت ..
وحليلج يا ميرو نحسة .. اقولكم يا أعضاء اذا تبون تعرسون خل ميرو تحبكم .. وعقدتكم بتنفج على طول خخخخ ..
على كل الحب اللي يحبه سلطان لمريم .. بس كانت في حلقة مفقودة في السالفة ..
اللي هي ظهراتهم بالدسة ..
ومحد كان يدري عنهم ..
وف مطعم من مطاعم دبي ..
خخ شو السالفة اليوم يبت طاري الاكل كم مرة خخخ يوعانه بصراحة .. بخلص البارت وبسير آكل خخخ ..
المهم ..
وف مطعم الدار ..
كانت يلستهم الغرامية ..
طبعاً هذيل الاثنين حالتهم مشابهة لحال السبالين جاسم وسارة ..
سلطان : أحبج..
مريم تطالعه بحب : وانا بعد احبك .. احبك يا سلطاااان احبك ..
سلطان : تصدقين .. اليوم اللي يمر عليه من دونج .. احسه كئيب ومظلم ..
مريم : حتى انا حبيبي ..
سلطان : تدرين .. امسات اهل امي كلهم كانوا متيمعين .. سمعت امي ترمسني عن وحدة منهن اونه هالبنت حلوة تعال اخطبها ..
مريم بصدمة : شوووووووووووووووووووووووو وووو ؟؟؟
سلطان : ههههههههههه حبيبتي لا تخافين .. انا اذا بتزوج ما بتزوج غيرج انتي .. انتي عمري وانتي حياتي وانتي كل شي ف دنيتي ..
مريم وهي معصبة : واشحقه امك تيلس تخطب لك ؟؟ ماتدري يعني ..؟؟
سلطان : حبيبتي انتي تدرين بعد .. امي تبغي جنتها تكون وحدة من بنات خواتها .. وابويه يباج انتي لانج بنت اخوه ..
مريم بدلع : وانته منو تبا ؟؟
سلطان : بعد ها يباله كلام ؟؟ اثنين ما يختلفون عليه .. اكييييد انتي يا حياتي ..
مريم : فديتك والله ..
سلطان تنهد : آآآآآآآه من الحب ..
وما يصد حليله الا ويجوف ريل خالته وميرو وسلامة ..
ماشي ..
سلطان تلثم : نشي نشي بيجكونا ..
مريم تصد باستغراب : منووووووو ؟؟
سلطان : بسرعة تغشي يلا بسرعة ..
مريم : سلطااااان .. بعدني ما تعشيييت
سلطان : لا حوووول انتي همج بطنج ؟؟ اقولج بيزخونا .. تدرين شو يعني بيزخونا يعني ماشي ظهرات مرة ثانية ..
مريم : شووووه ؟؟ لالالالا .. نش نش بسرعة ..
ودفعوا الحساب وظهروا ..
ولاجنه شي استوى ..
و ميرو حليلها ولا عندها خبر ........
اخ لو تدرين بنحاسة حظج خخخخ ...

من جهة ثانية ..
وف بيت بو محمد ..
رن التلفون ...
ترررررررن تررررن ترررررن ترررررن خخخخ ..
ميري : الووو ..
بوجاسم : الو وين بابا ؟
ميري : ماكو سلام أليكم بابا ؟؟
*خطيرة بعد خخخ*
بو جاسم : اوهووو خلصيني وينه بابا زفت مالج ..
ميري : جييين لا تسوي جنجال هق آنا ترى يسمك تراق * يصمك طراق خخخ*
بو جاسم : طاعوا الحمارة .. بسرررعة يلا عطيني اياه ولا بييج وبسحبج من كشتج بسرررعة ..
ميري : جيييين ..
وسارت ميري احتشرت على بومحمد .. واللي يالله يالله قدر يتحرك من مكانه ..
تم يرمس بو جاسم شويه .. وعلامات ويهه تتغير ..
تبدلت علامات التعب لغضب شدييييد ..
يا ترى شو قال له ؟؟؟
بعد ما سكر عن بو جاسم ..
ولاول مرة ..
بومحمد يتريى سارة ترد من ظهرتها ..
كانت الساعة حوالي 10 ونص ..
طبعاً بو محمد كان مصدوم من تأخير سارة لهالوقت ..
وتم يترياها ..
شو السالفة ؟؟
استوت الساعة 11
12 ..
13 خخخ اوه اقصد وحدة ..
وينها سويرة ..؟؟
بو محمد غيظ زيادة .. وهو خلاص وده يخنق سارة لو جافها ..
الساعة قربت تستوي 2 ..
سكر الليتات ويلس يتريى ويا ربعه الينون خخخ ..
وع الساعة 2 ونص .. شرفت الآنسة ..
ويا ريتها ما شرفت ..
من وصلت صوب الصالة ..
فتح بومحمد الليت ...
كان مصدوم من شكل سارة ..
يعني 100% مغازلجيه ..
تفاجأت سارة بوجود أبوها ف الصالة .. ونظرات الخوف بدت تحاصرها ..
لا إرادياً ..صفع بو محمد سارة صفعة قوية ..
من أثرها صرخت سارة وطاحت ع الأرض ..
--------------------
تتوقعون ؟؟
شو الرمسة اللي قالها بو جاسم لبو محمد وخلته يغيظ ؟؟؟
وشو نهاية علاقة جاسم بسارة ؟ ظنكم في امل انهم يتزوجوون ؟؟
سلطان ؟ ومريم ؟ وميرة النحسة خخ .. شو موقفها لو عرفت بحب سلطان لها ؟ هل بتسوي شرات اللي سوته ف مها ؟؟
ومها ومحمد ؟؟ عمر مليء بالأفراح تتوقعون .. ؟؟
حمد ؟ وسامية ؟ وعائشة .. ؟؟؟ أمل ؟
وسالم ؟؟ هل ذكركم بحد فهالقصة ؟؟
تتوقعون شي ثاني ؟؟
تابعوووني ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:50 AM   #17

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

الجزء الثالث عشر

مرحبا .. شحالكم وشخبااركم .. ..
تفضلوا الجزء 13 .. واتمنى انه يعيبكم ..
---------------
اكيد كلكم توقعتوا سر الصفعة ..
كله بسبة اتصال بو جاسم ...
بس تتوقعون شو موقف سارة ؟؟؟
سارة تطالع ابوها بصدمة : ابوويه ..
بو محمد يطالعها بشر .. ويلس يتقرب منها ..
سارة بخوف : ابوويه انا ما سويت شي .. ما يحق لك تمد ايدك عليه وانا ما سويت شي ؟؟؟؟
بو محمد بعصبية : جاااااااااااااااااااااااا ااااااااااب .. *شوي شوي على احبالك الصوتية خخخ*
وصفعة ثانية ف ويهها ..
سارة من هول الصدمة قامت تصيح ...
ونشت بسرعة وركضت صوب حجرتها ..
من كثر غيظ بو محمد .. يلس يسبها .. عقب سار صوب حجرتها ويلس يصارخ ..
بو محمد : من اليوم وساااير .. ماشي ظهرة من البيت فاهمة ؟؟؟ انا بنتي تسوي جييييه ؟؟ انا ربيتج عشان تستوين صايعة .. والله لو اني مربي بنت من الشارع جان ما سوت فيه شي .. يا حيواااانة .. يا حقييييرة .. اشحقه تنزلين راسنا جيه ؟؟ (يتنفس بصعوبة) تبين محمد يسويج شاوارما ؟؟ هاااا ؟؟ يا الجلبة ؟؟؟
سارة ما ينسمع شي فيها الا صياحها ..
بو محمد : من اليوم وساير .. هالتلفون بشله ... سميني باسمي ان ركبته لج ... وظهرة حتى للكلية ماشي .. فاهمة ؟؟ فاهمة يا حمارة .. يا حيوانه ؟؟ ان ما خليتج تندمييييييييين .. ما اكون بو محمد .. بتجوفين يا حقيرة ..
سارة .. بينها وبين نفسها .. تمت تصيييييييييييييييح بحرارة ع اللي يالس يستوي ..
معقولة ابوها ييلس يغلط عليها جيه ...
هي ما تحس نفسها غلطانة *لا والله حلفي بس ؟؟*
روحها تعلقت بجاسم .. ومستحيل تتخلى عنه .. مستحيييييييل ......
يعني شو العمل آخر شي ؟؟؟
خله ابويه .. اهم شي جاسم .. آه منه والله ..
*وععععع .. ما عندج ذوق بصراحة ..*
سارة : جب انتي يالسوسة ..
*جب جبج يا حمارة يزايه ارمس عنج يالصايعة يا الضايعة ..*
سارة : افففف افففف سكتي سكتي ... خليني ف مصيبتي ..
*ذلفي ذلفي ... يا ويه النعجة خخخ *
---------------
من صوب ثانـــــي ..
سامية : افففف .. معقولة عويش زعلت صج مني ؟؟ انزين انا ما كنت اقصد والله .. صح قليب ؟
*لا حووول وانا ف كل سالفة مدخليني ؟؟ اقول ذلفي عني بسير موصيني اتضارب خخخ جااو*
سامية : ما منج فايدة والله .. انا لازم اسأل عائشة اذا زعلت ولا لاء ..
وحليييلي قلبي طيب ومحد يروم لي ... *يالله *
وسارت تدقدق فهالارقام ..
تم التلفون يرن ..
ام عائشة : الوو ..
سامية : الو مرحبا ..
ام عائشة : هلا مرحبتين ...
سامية : شحالج خالو ؟؟
ام عائشة : والله الحمدلله بخير وسهالة .. منو الشيخة ؟؟
سامية : انا سامية خالو ربيعة عائشة ..
ام عائشة تغيرت نبرة صوتها : هلا ومرحبا ..
سامية حست ان في إن في السالفة : هلا فيج .. اقول خالو عائشة وينها ؟؟
ام عائشة : عائشة مش هني ..
سامية : اها .. انزين وين بقدر احصلها ؟؟
ام عائشة غيظت : وانا شدراني ؟؟
سامية زاغت خخخ : اوكي اوكي مع السلامة ..
حمد دش وهو ميت من الضحك ..: هههههههههه بلاج... جيه منو مرمسة ؟
سامية : مالك خص انته يالرزة ..
حمد : خخخخ احساااسي يقول انج اتصلتي ف عويش ربيعتج ..
سامية تطالعه بعبط : ها ؟؟ عويش اسمها ؟؟ ماشا الله ماشا الله .. انزين وبعد ؟؟
حمد : ايه ايه انا ما عندي هالسوالف .. انتي تزقرينها عويش .. وانا قلتها جيه يعني لا يروح فكرج بعيد يا حلوة ..
سامية : انزين بسألك بصراحة ..
حمد : هاا ..
سامية : هون ..
حمد : هون ياخذج يا ربي .. قولي ..
سامية : حمار .. انت بصراحة شو رايك ف عويش ؟
حمد : الصج الصج ؟؟
سامية : هي ..
حمد : هي بصراحة حلوة .. مب بس حلوة .. الا قمر ميلس ..
سامية بفرحة : يعني حبيتها ؟؟
حمد : ممم بصراحة ما احس بشعور تجاهها ..
سامية : انزين ..
حمد : ما انكر اني يوم جفتها جذبتني .. بس يعني ما حطيت ف بالي اني ممكن اتزوجها ..
سامية تطالعه بنص عين : حمد .. ؟
حمد : هلا ..
سامية : انت تحب ؟؟
حمد : شوووووووووووووووووووووووو وووووووووووووووووووو وووو ؟؟
سامية : اعترف احسن لك ..
حمد توتر .: ها .. وشو اللي خلاج تجزمين يعني ؟؟
سامية : كل هالوصف اللي توصفه لعويش .. وما تحبها ؟ يعني شو معناته ؟؟
حمد بتوتر : ها ؟؟
--------------------------
من جهة ثانية ..
شيخة يارة شما .. تذكرونها ؟؟
اتصلت ف شما .. عشان تتشكر لها ع الحلاوة الروعة اللي سوتها ..
*أدري ادري .. لاني انا اساس نجاحها . ماتدرين ؟؟ انا اللي سويت تركيبة خاصة تحلي الجيز كيك خخخ*
المهم ...
شيخة : مشكووورة شميم ع الحلاوة الرووووعة ..البيت بكبره تخبل ع الحلاوة ..
شما احمرت : ههههههههه بالعافية ...
شيخة : تعالي .. اشحقه ما ييتي تجوفين صور عرس نجلا بنت عمي ..
شما افتشلت : ها .. لا والله ما رمت .. بس جفت رياييل ف الفريج واستحيت اظهر ..
شيخة : ايووااا .. يعني شو بيسوون فيج ؟؟ عادي يعني تغشي..
شما : هههههههههه ماعلي حصل خير .. كل واحد يصلح سيارته .. خخخ ..
شيخة : ويا ويهج ههههههههه ..
شما : احلى عنج ..
شيخة : يالله مشكلة الثقة بعد ..
شما : خخخخ ... (نور الليت عندها) تعالي .. منو ف الفريج كان عندهم عزا ؟
شيخة : البيت اللي مجابلنا ..
شما : هييي .. عندهم ولد اسمه سالم ؟؟
شيخة باستغراب : سالم ؟؟؟ ممممممممم .. لا ماحيد انه عندهم ولد اسمه سالم .. ليش يعني ؟
شما تورطت : ها .. لا ماشي كنت ابغي اسالج عشان اخويه راشد ..
شيخة : جيه اشبلاه اخوج ..
شما تورطت بالقوو : ها .. لا بس هو رمس عن واحد اسمه سالم .. من فترة متعرف عليه .. ف جي يا على بالي السؤال وسألت ..
شيخة تحاول تتذكر : مممم سالم .. سالم ؟؟ سالم !!! ... (تذكرت) هيييييييييي .. سالم .. عرفته ..
شما بفرحة : انزين .. هو ولد منو ؟؟
شيخة : والله ماعرف بس اظني يدته اللي توفت .. يعني هو واحد من احفاد اليدة .. يمكن يارتنا تستوي خالته .
شما : اهااا .. انزين وبعد ..
شيخة على نياتها : معرس اظني ..
شما بصدمة : اونه ؟؟؟
شيخة : بلاج بسم الله ... هي معرّس ..
شما : ها .. لا بس يعني استغربت يعني كيف راشد اخويه يرابع واحد معرس ؟؟
شيخة : الله يخليج .. مطيح ف بيت امه .. (توطي صوتها) وبيني وبينج .. انا سمعت انه متلعوز ف زواجه .. ماخذ له علة ولا كل العلل .. اظني اسمها امل ..
شما حست بغيرة وف قلبها : انــــا اسمي احـــلـــــى ..
شيخة : بلاج صخيتي فجأة ؟؟
شما : ها .. لا ماشي .. اسمعج ..
شيخة : انزين ... ويقولج انه ناوي يطلقها لانها خايسة .. لا بعد اونه ويهها ما يتشاهد .. *وباقي الحش اللي تعرفون انه لو كملت 100 سنه ما بروم اكتبه كله خخخ*
وبعد ما خلصت حش .. وريحت قلب شميم ..
شيخة : يالله عيل امي كلتني .. انا بسكر عنج الحينه ..
شما : اوكي ..
شيخة : يالله مع السلامة ...
شما : مع السلامة ..
شما فرت السماعة .. وطاحت ع السرير ..
وتنهدت بكل قــــــــــوة :
~((حبيبي انا كلي ابيك و ان شرهت بيوم روحي تبيك))~
*حبج برص قولي آمين خخخخ*



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:51 AM   #18

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

وشحال عصافيرنا ؟؟
عيبتكم جولة السوق ؟؟
طبعاً بقولكم بصراحة هم خموا روما .. واظني سمعتوا عن موجة القحط اللي اجتاحت روما خخخخ كله بسبتهم ... *اشاعة حلوة خخخ*
المهم .. بعد كم يوم من التسوق والخربطان .. توه محمد تذكر انه مارمس اهله من زمان .. طبعاً مها كانت على شكل شبه يومي تتصل ف امها مب شرات بعض الناس خخخ مافيهم خير ..
محمد : جب انتي ياللي مقطططططعة صلة بالارحام ..
*لا حول يعني شو سالفتك انته ؟؟ انا ما صدقت اتصالح ويا ابوك .. اتي لي انته ؟ اذلف اذلف ...*
محمد : لا حووول ..
وتم يدقدق فهالأرقام ..
مها كانت ف المطبخ تسوي عصير .. وبعد ما خلصت يت ويا صينية العصير ..
ويه محمد كان باين عليه الخوف ..
مها جافته .. حطت الصينية ع الطاولة وسارت له ..
مها : شو فيك حبيبي ؟؟
محمد وهو يدقدق ارقام التلفون : مادري شو السالفة .. تليفون البيت مقطوع ..
مها : بسم الله .. يمكن الخدامة فصلت واير التلفون ..
محمد : ماظن .. لان الواير فوق .. وما تروم تفصله ..
مها : يمكن مقطوع عشان الفاتورة ..
محمد بحيرة : مادري .. بس قبل عرسنا انا دفعت الفاتورة .. وما مداهم يقطعون بعدنا ما كملنا شهر ..
مها بخوف : رد اتصل مرة ثانية ..
محمد طالعها ورد يدقدق ارقام التلفون ..
بعد كم محاولة ..
محمد : مقطوع .. والله ان قلبي مب متطمن ..
مها : لا ان شا الله مافيهم شي .. انزين اتصلت لسارة ؟
محمد : موبايلها مغلق ..
مها تفكر : انزين .. انا بتصل في امي وبخبرها تجوفهم ..
محمد : لالالا .. نحن لازم نرد البلاد .. انا اخاف يكون مستوي شي ..
مها بخيبة امل : حبيبي ما بقى شي ع السفر .. وما ظني بتحصل حجز بسرعة .. مافيها شي انا بسأل امي ..
محمد بعدم اقتناع : واذا ظهر فيهم شي ؟؟
مها : تفاءلوا بالخير تجدوه ..
محمد : انزين اتصلي ..
وسارت مها واتصلت ..
تم التلفون يرن ...
ريتا : الو ..
مها : الو ريتا .. ؟
ريتا : مينو ؟
مها : انا مها وين ماما ..
ريتا : ماما مهااا كيف هالك .. *جيف حالج *
مها : انا زينة .. وينها ماما ؟؟
ريتا : ماما مو هني ..
مها : وين سارت ..
ريتا : مايدري والله ..
(حد يسحب السماعة عن الخدامة)
............ : ألو ؟؟
مها باستغراب : الو ؟؟
منصور : مها ؟
مها : نعم ؟ منو ؟
منصور : معقولة يا مها نسيتيني ؟؟
مها توترت وخصوصاً ان محمد حذاها : منو ؟ ما عرفتج ؟
منصور بألم : اها ريلج هني ..
مها وهي متوتررررة من الخااااطر : هييي شحالج نورة وشخبارج ..؟؟
منصور بحزن : لهالدرجة ما تبين تزقريني باسمي ؟؟ ع الأقل قولي شحالك يا ولد عمي ؟؟
مها : انزين بغيتي شي ؟؟
منصور ف خاطره : ابغيج يا بنت عمي .. ابغيج ..
منصور : سلامتج .. انتي بغيتي شي ؟؟
مها : هي الله يخليج قولي لأمي تسأل عن اهل ريلي .. مايردون ع التلفون ..
منصور غيظ : لا تقولين ريلي ..
مها زاغت : بخليج الحين .. يلا مع السلامة ...
وسكرت مها التلفون ..
منصور بحسرة : يعني معقولة بعد كل هالعمر مها تكون لواحد غيري؟؟
مب انا اللي حبيتها ؟
مب انا اللي فكرت بمستقبلها ؟؟
مب انا اللي قلت بترياها سنيييين لوتبا عشان نتزوج ؟؟
ها يزاي ؟؟
تتزوج واحد ما تعرفه .. عناداً فيني انا ؟؟
الله يسامحج يا مها .. الله يسااااامحج ...
*ياترى من هو الظالم .. ومنو المظلوم ؟؟؟*


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:53 AM   #19

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

نرد للاراجوزين >> حلوة خخخ جمع اراجوز ..
مريم وسلطان ...
طبعاً مريم لعنت ابو أسلاف سلطان على الحركة اللي سواها ف مطعم الدار خخخ ..
تعالوا تطمشوا ..
مريم : جب جب اصلاً انته خايس وحمار وحقير ..
سلطان : مريوووم اكسري الشر لا اكفخج الحين ..
مريم : بشو اكسره ..؟؟ ههههاي تتسخف ويا ويهك ؟؟
سلطان : مريوووم تراني بقطعج الحينه خلني ساكت عن بلاويج يالدبة ..
مريم : اقول انته يالهرم شحقه كل يوم تعزمني مكان ومعور راسك هاا ؟؟
سلطان بحب : لاني احبج يا حمارة .. وانتي ما تفهمين يا غبية ..
مريم باجرام : انا غبية ؟؟
سلطان : واحلى غبية والله ..
مريم : حبيبي والله فديتك ..
سلطان : آه يا مريوم يوم عن يوم احبج زياااااااادة ...
مريم : انا بعد .. بس مادري ..
سلطان : شو ماتدرين؟
مريم : آآه انا اشك فيك اصلاً ..
سلطان باستغراب : تشكين فيني ؟؟ ليش جيه شو سويت انا ؟؟
مريم بحزن : يعني ليش تخشيت ذيج المرة يوم جفت ريل خالتك وبناته ف المطعم ؟؟
سلطان : يا حبيبتي ..ويا حياتي .. انتي ليش مب طايعة تفهمين ؟؟ تراني اقولج .. اذا زخونا .. بالمشمش تجوفيني او اجوفج ..
مريم : انزين ريح عمرك وتعال اخطبني ..
سلطان : حلفي انتي بس ؟؟
مريم : والله .. بعد شو .. عيل نتم جيه والناس ترمس علينا ..
سلطان : يالله الحين اللي يسمع يقول انج مقططططعة تخافين من رمستهم ..
مريم : صح اني ما خاف بس انا بعد ما حب حد يغلط على سمعتي ..
سلطان : انزين انا ما قلت شي .. بس موضوع الزواج أجليه شويه ..
مريم : انزين شحقه ؟؟ تبى بيزات ؟؟ بعطيك معاشي كله وبنيمع المهر ..
سلطان : طاعوا هاي .. ايه الزواج مب بس مهر يا حلوة .. الزواج مصاريف .. وعرس وحاله ... بعدين يوم بتيبين عيال منو بيصرف عليهم ؟؟
مريم : انا وانته ..
سلطان : لا والله .. انتي الحين عندج معاش وما يكفيج .. بيكفيج انتي وعيالج ؟؟
مريم : عادي بيود عمري ..
سلطان : وانتي بدال ما ترمسين وايد .. تتحسبين كم معاشج ؟؟ الا هو 5000 اللي يسمع الحين وزيرة ترمس .. اقول هالـ5000 ما توكل عيش حتى ..
مريم : يعني شو العمل ؟؟
سلطان : لا عمل ولاشغل .. احسن شي انج تغضين النظر عن مسألة الزواج الحينه .. وكل شي ف وقته حلو ..
مريم : متى عاد .. يوم امك بتخطبلك بنت اختها ..؟؟
سلطان : افففف .. تدرين عاد .. جب احسن لج لاني لو يلست مليون سنة اشرح لج ما بتفهمين ...
مريم : افففف انزيييييييين ..
*خخخ حريم ما ايون الا بالعين الحمرا *
---------------------
ســــــــــــــــــــــــ ـالـــــــــــــــم ..
من هو سالم خخخ .. هل تعرفونه ؟؟ انه الروبوت العجيب خخخخ ..
اكيد معظمكم توقعتوا ان سالم هو ريل امل ..
والصدفة العجيبة بتقولكم هي نعم ..
سالم هو ريل امل ..
سالم .. هو ربيع محمد الروح بالرووح ..
سالم .. هو اللي سلب امل من محمد ..
سالم .. اللي مثل ما خان ربيعه .. تخونه حرمته الحين ..
سالم .. هو نفسه اللي حب شما ...
في حجرة منطوية عن باقي الحجر ..
او بالأحرى .. حجرة اشبه بملحق منعزل عن باقي افراد العايلة ..
سالم يلس هناك ..
لين يومكم معظم افراد العايلة زعلانين منه لانه خذ امل ..
وما يخفى عليكم هو كيف تزوج امل ..
طبعاً غصب عن اهله .. وسكنها بعيد عنهم .. وآخرتها شووو ؟؟؟
ولاشي .. نهاية متوقعة ..
سالم .. بعد ما جاف شما واغرم فيها .. تتوقعونه ينسى امل ؟؟؟
مسك دفتره ..
ويلس يشخبط ويكتب كم شعر حافظنه ..
وف باله بس .. شما ..... طبعاً هو لين الحين ما يعرف اسمها ..

~(( حبيبة سالم))~

~((اكبر من الشوق فيني حياتي انتي و سنيني ولي غابت الشمس عني احس نورج يدفيني))~

~(( حبيبة سالم))~

~((بعيونج اشوف احساس ماشفته بعين الناس و اشوف الحب له معنى ذوقه حلو ويرويني))~

~(( حبيبة سالم))~

~((شفــتج وظــاع الكــلام...ظيــعتي حتــى الغــزل...إعــذريني واللــه جمــالج .. ماخــلى فيــني عقــل..))~


ترك الدفتر وحطه ع ينب ويلس يفكر ....
معقولة احب وحدة حتى مجرد اسمها ما عرفه ؟؟
يمكن لانها ما عطتني ويه فحبيتها ..
آه منها ومن عيونها اللي تسحر القلب والعين ..
وشوي الا وينسحب الدفتر اللي كتب فيه ..
عليا اخته هي اللي سحبته ..

سالم يطالع عليا بإجرام : ايه انتي شو هالفضول شو تطالعين ؟؟
عليا : ها ها يالمغازلجي .. منو حبيبة سالم ..
سالم : وانتي شو يخصج .. ثاني شي انا مش مغازلجي فاهمة ؟؟
عليا : يالله عادة .. منو حبيبتك اعترف .. ؟؟
سالم : وحدة ..
عليا : ادري انها وحدة يعني واحد مثلاً ؟؟؟
سالم : هيهيهيهي .. انا اقصد امل حرمتي ..
عليا : وعععع ما عندك سالفة بصراحة ..
سالم : كيفي ..
عليا : جيه انته مب ناوي تطلقها .. ؟؟
سالم : مب الحينه ..
عليا : ايه لا تيلس تلعب ترى امي بتروغك برع البيت ..
سالم : انا صج ناوي اطلقها النحسة .. كفاية اني ندمت ع اليوم اللي عصيت اهلي فيه عشانها ..
عليا : اهم شي ان الله هداك ..
سالم : الحمدلله .. تدرين .. انا قلبي يحرقني على شي ثاني ... على ربيعي محمد..
عليا : هي والله مسكين حطمته .. انقطعت علاقتكم صح ؟؟
سالم : للأسف هي .. تصدقين انه اكثر شخص اندم ع فراقه طول حياتي ..؟؟
عليا : مسكييين .. الله يعينكم والله .. احسه متعذب صج ..
سالم : شو يبا بها هالزبالة ؟؟ زين انه ما خذهأ ..
عليا : كل هالسب وتقول ان الاشعار لها ؟؟
سالم : هههههههههه تبين الصج .. انا كاتبنها لوحدة ما عرف حتى اسمها ..
عليا : لا والله ... ؟؟
سالم : والله .. بس اعرف وين بيتهم ..
عليا : وين ؟؟
سالم : البيت اللي ف راس الفريج ..
عليا : ههههههههههه احلف بس انته ؟؟
سالم : والله .. هي نفسها اللي أشرت عليها ذاك اليوم ..
عليا :هييييي .. ابببي يعني انته جااااد ..
سالم : اكيد جاد ..
عليا : ههههههههههه والله انك نكتة يا سالم ..
سالم : دخيلج عليو طلبتج ..
عليا : آمر .. تدلل ..
سالم : اباج تتعرفين ع البنية وتعرفين كل شي عنها..
عليا : فالك طيب يا خوي .. بس بشرط ..
سالم : شو ؟؟
عليا : طلق امل اول ..
سالم :شوووووووووو ؟؟؟؟
------------------
يا ترى هل سالم مستعد يطلق امل عشان شما ؟؟ وهل ممكن محمد يرد ربيعه شرات قبل ؟؟
وسارة ؟؟ هل بتصطلب ؟؟ وبتودر هالخرابيط عنها ؟
سامية وحمد ؟؟ تتوقعون حمد يفصح عن مشاعره لسامية اووو ؟؟؟؟
وشما؟؟ هل حبت سالم ريل امل ؟؟؟
محمد ومها ؟؟ معقولة بيردون قبل ؟؟ وشو سالفة التليفون المقطوع ؟؟ تتوقعون شو بيستوي بهم لو ردوا دبي ؟؟؟
وسلطان ومريم ؟؟
ميرة ؟ بومحمد ؟ عائشة ؟
شو الحال عليهم ؟؟
كل ها الأحداث واكثر ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-10-15, 07:58 AM   #20

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,484
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

الجزء الرابع عشر

هلا والله .. شحالكم .. وشخباركم .. ؟؟
وصلنا ف قصتنا عند سالم وطلب اخته عليا انه يطلق امل ..
عليا تطالعه باجرام : سلوووم تراك وايد متناقص .. انته قلت ما تباها .. شحقه ما تطلقها ؟؟
سالم : انا ابغي اعلقها الجلبة ... ابغي اعذبها شرات ما عذبتني ..
عليا : لا والله ؟؟؟
سالم : هي والله .. عيل تبيني اعطيها اللي تباه .. ؟؟ تخسي الا هي ..
عليا : يعني هي تبا تتطلق ؟؟
سالم : هي بعد شو .. انا متأكد اذا طلقتها بتسير عند ضحية ثانية ..
عليا : متأكد انها انسانة ؟؟ انا اشك فهالشي ...
سالم : هاي شيطان في جسد انسان .. شو تبغين من وحدة عايشة في بيئة مريضة نفسياً تكون ؟؟؟
عليا : ومادامك تدري بها .. شحقه خذتها ؟؟
سالم : انا ما عرفت بشي عنها الا بعد ما خذتها .. انتي أصلاً لو جفتي كيف خذتها .. يعني في اهل ف هالدنيا يخلون بنتهم تاخذ اي واحد بدون ما يسألون عنه ؟؟
عليا : كلنا نصحناك بس انته ماطعت ..
سالم : هي خدعتني .. مادري كيف خلتني احبها ..
عليا : معقولة اثنينة يحبونها ف وقت واحد ؟؟
سالم : ربج بعد .. والله لو كنت ادري انها قاصة على محمد بعد جان ما عطيتها ويه ..
عليا : تراك كنت تدري ان محمد خطبها ..
سالم : تراها الحمارة قالتلي ان محمد بياخذها عشان يغيظني .. وبعد ما تزوجنا اعترفت بجذبها ..
عليا : يعني ابغي اعرف شي واااااحد لا غييير ...
سالم : شووو ؟؟
عليا : يعني هي عادية جداً جداً .. وما فيها جمال ذاك الزود ... اشحقه حبيتها ..
سالم : الحب ما يعرف جمال ولا شي .. انا حبيتها من قلبي ...
عليا : بس بصراحة ربيعك محمد عنده حظ ..
سالم : ليش يعني ؟؟
عليا : اول مرة لانه ما خذ امل النحسة .. وثاني مرة لانه خذ وحدة قمر .. جمال ودلال وأخلاق ..
سالم : اونة ؟؟
عليا : جفت ؟؟
سالم :وشقايل عرفتيها ؟؟
عليا : ترى وصلتنا بطاقة عرسها من اهل العروس .. اللي هي البنية .. وانا عرفت من اسم ربيعك ..
سالم : الله يهنيهم ان شا الله ...
عليا : آميييين ويهنيك انته ويا اللي تحبها ..
سالم يتنهد : آآآآآآه آمييييييييييييييييييييييي يييييييييييييييييييي ييييي يييييييييييييين
--------------------
الخبر الغير ســــــــــار ..
ام مها اتصلت ف مها وخبرتها ان بو محمد تعبان وايد ومرقد ف المستشفى .. فمن رمسة ام مها .. قرر محمد يحجز على طول عشان يردون البلاد .. وعلى حظهم حصلوا حجز الفليل ...
----------------------
وف صوب ثاني ...
كان في اتصال بين ميرو وسامية ..
ميرة : وشحقه ماتسإلين عن حالي .. والله اني تعبااانة وايد ..
سامية : سلامات وما تجوفين شر .. شو اسوي مشاغل الدنيا لهتني عنج ..
ميرة : مالت ع الربع اذا كلهم شراتج .. انزين اسإليني شو فيه حشى ..
سامية : شوووو فيييييج ؟؟
ميرة : آه ميته من نار الحب .. ماجفت سلطان من فترة ..
سامية : سيري بيت خالتج وجوفيه ..
ميرة : ومنو قال اني ما سرت .. سرت مرة ومرتين وثلااااث .. بس ما حصلته ..
سامية : هههههههههههه يمكن شرد ..
ميرة : طاعوا الجلبة .. شحقه تفاولين هااااا ؟؟ اففف منج ترفعين الضغط ..
سامية : عيل شو تبيني اقولج ؟؟ عله ياخذج ان شا الله ويحبج ..
ميرة : آآآآآآآآه هي جيه .. هاي الدعاوي اللي لو انحطت ع اليرح يبرى ..
سامية : ذلفي ذلفي .. اخاف آخر شي انتي اللي تخطبين له ..
ميرة : هي هي هي ما يضحك .. تعالي .. شو استوى ف سالفة عائشة وحمد ؟؟
سامية : وييييييييه السالفة غبرت وانتي بعدج ؟؟
ميرة : اوووووووووونه .. وتوج تخبريني يالحيوانة ؟؟
سامية : سكتي عاد ولا تذكريني .. انتي لو تدرين شو استوى ؟؟
ميرة بفضول : شووووو ..
سامية : افففف عائشة كشفت كلللل السالفة .. لا بعد يلست تصيح وتمت تغلط وظهرت من البيت ..
ميرة : ابببببي .. وما حاولتي ترمسينها .؟
سامية : امبلا اتصلت مرة وشكلها مخبرة امها .. حتى امها رمستني باسلوب مب حلو ..
ميرة : تستاهلين .. مرة ثانية يوم بتخططين خططي عدل يالفاشلة ..
سامية : افففف ماعلي ماعلي يا كونان .. يصير خير ..
ميرة : وشو العمل بتمين مقاطعتنها ؟؟
سامية : شو اسوي يعني .. البنية ما تباني شحقه اتلزق فيها ؟؟
ميرة : مب زين تخسرين ربيعتج عشان شي ما يسوى ..
سامية : شو اسوي يعني الله راايد ..
ميرة : افاااا ما توقعتها منج ما تصونين العشرة ..
سامية : ايه ايه .. نسيتي عمرج حبيبتي .. ع الأقل انا خليت واحد يجوفها .. ما سويت فتنه بين ربيعتي وريلها ... نسينا ما كلينا ميرو ؟؟؟
ميرة بندم : سامية حرام عليج كفاية اني لين يومج اتعذب بسبة هالسالفة ..
سامية : ميرو انتي آخر وحدة تنصحني .. لانج انتي سويتي شي افظع عن جيه ..
ميرة : بس انا ندمت وانتي لاء ..
سامية : ومنو قال اني ما ندمت .. بس عائشة مب راضية تعطيني اي مجال .. يعني شو اسوي ؟؟
ميرة : خلاص انا برمسها .. وبجوف شو سالفتها ..
سامية : اوكي .. وردي عليه الله يخليج ..
ميرة : اوكي فالج طيب .. يلا مع السلامة ..
سامية : مع السلامة ..
----------------------------
العصر .. مها ومحمد ظهروا يكملون الناقص من الصوغة .. وع المغرب جهزوا شنطهم عشان السفر ..
ساروا مطار ليوناردو دافنشي .. اونهم عاد مبجرين ويايين من وقت .. بس اكتشفوا انه حجزهم مب فهالمطار .. فاضطروا انهم يسيرون المطار الرئيسي لروما .. وهناك قصوا التذاكر .. وركبوا الطيارة ..
طبعاً تعرفون الملل ف الطيارة كيف .. وعاد تخيلوا انكم بتمون مدة طويلة ف الطيارة .. بصراحة انا اكره اليلسة ف الطيارة فترة طويلة لان اليلسة باختصااار .. ارررف خخخ ..
مها ومحمد تموا يسولفون سوالف عشوائية ..
.....
محمد : تعالي نتذكر ..
مها : ههههههههههه شو ؟؟
محمد : اي شي .. يعني ذكرياتنا طول حياتنا ..
مها : اوووكيه ..
محمد : ذكريات الطفولة ؟؟
مها تفكر : مممممم ..
هي تذكرت ...
اذكر يوم كنت صغيرة اني سرت العب في الحوض اللي ف مزرعتنا ..
ولا بعد ما سرت ألعب في حوض السباحة .. سرت صوب حوض السمج خخخ ..
وحطيت هناك تاير سيارة جديم كان عندنا .. وركبت فوقه .. منو يقول .. خخ تزحلقت من التاير .. وغرقت
محمد بصدمة : ومنو ظهرج من الحوض ؟؟
مها ارتبكت : واحد من عيال عمي ..
محمد رافع حاجب واحد : كم كان عمرج ؟؟
مها : ممم جيه خمس سنين ..
محمد : وولد عمج كم كان عمره ؟؟
مها طالعته بغباء : مادري بس اكبر عني بسنتين مادري ثلاث سنين ..
محمد : ممم يعني قدي ؟؟
مها : هي جنه ..
محمد باستهزاء : وشحقه ما تزوجتي منقذج ..
مها تطالعه بعصبية : بدينا ؟؟؟
محمد : ههههههههههههههههههههههه خلاص خلاص ولا تزعلين ..
مها : اتحسب بعد .. انزين انته ما عندك ذكريات ؟
محمد : منو انا ؟؟
مها : هي ..
محمد يفكر : انا ماذكر شو تغديت بارحة تبيني اتذكر سوالفي وانا صغير ؟؟
مها : لا والله ؟؟؟؟

محمد : ههههههههههههههههههههههههه هههه .. لا بصراحة الموقف اللي ما انساه طول حياتي يوم كنت صغير اني ركبت فوق البيت انا وسارو .. وتمينا نتضارب وهي قالتلي اني انا خواف .. جان أقولها .. أنا شجااع خخخ .. وتمينا نعاند بعض وعناداً فيها نقزت من فوق البيت .. وانا اصارخ انا جووووونغر.. خخخ ... عاد هناك اغمى عليه وجبسوا ريولي .. تمت ريولي ع الجبس جي 3 شهور .. واندبغت من الخاطر خخخ ..
مها : هههههههههههههههههه .. يعني كله بسبة ساروو ..
محمد : نحسة .. دومها مطيحتني ف مشاكل .. اذكر مرة بعد ابويه كان يالس ورا الباب الزجاجي .. وفتحة الباب كانت صغيرة .. عاد انا وسارو لازم عناد اثنيناتنا نطوف من هالفتحة .. وتمينا ندز بعض .. لين ما انكسر الباب .. وطاح الزجاج على راس ابويه خخخ ..
* يستاهل بو محمد خخخخ*
مها : وحليييييله عميييي .. وشو استوى به ..؟؟
محمد : ماشي .. اندبغت كالعادة .. وخاطوا راس ابويه .. بس ..
مها : هههههههههههه وحليلك يعني اندبغت من الخاطر..
محمد : خخخخخخخخ هي والله ..
مها : يعني انته كنت شيطاااان يوم صغير ..
محمد ببراءة : وحليييلي أصلاً انا كنت عسل بس الناس ظالميني ..
مها : ههههههههههه باين باين ...
محمد : لا تبين الصج .. انا يتني شطانة غير طبيعية بعد الحادث اللي استوى لي ..
مها : اي حادث ؟
محمد : مرة كنت راكب السيكل وواقف جدام ربيعي سالم (تذكره وحس بالم) المهم .. وكنت أقلد بنات الفريج يوم يستريلن .. ويوم يبت طاري سوسن المصرية طاح تاير السيكل الجدامي .. فانجلبت على ويهي ..
مها تطالعه بصدمه : ابببي .. بس تدري .. دواااك وتستاهل شحقه تعايب ع الناس ؟؟
محمد : خخخخ شو نسوي ايام المراهقة لازم نعلق ع البنات ..
مها : هههههههههه .. وان شا الله ما استوى بك شي ؟؟
محمد : لا ماشي لثتي انتفخت وبالعلاج خفت عليه .. وخشمي كبر خخخ ..
مها : هههههههههههه على طاري الخشم .. انا بعد ياني نزيف ف خشمي .. ولد عمي كان مسرع بالسيكل .. ويقولي قومي قووووومي .. بس انا ما طعت .. وعاد ما رام يدق ع البريك ودعمني ..
محمد : اف اف ... اكيد عورج وايد صح ؟؟
مها :خخخخ تبا الصج اذكر انه عورني .. حتى اني طرت من مكاني .. وخشمي ينزف من الخاطر ...
محمد : وحليلج .. وشو استوى عقب ؟؟
مها : ماشي .. ابويه هزب منصــ.... (انتبهت لنفسها) اه .. ولد عمي .. وكنت شبه مغمى عليه .. يعني ماذكر شو استوى مول .. بس اذكر ان ابويه كان يركض فيني ويصارخ ..
محمد : هيييي ..
مها : حتى أثر الضربة لين الحين موجود (تأشر على خشمها) تجوف هالانحناء ؟؟ ها كله من الضربة ..
محمد بفضول: اجوفه .. ادقه .. (ويرص عليه بالقوو)
مها تصارخ : آآآآآآآآآآآآآآآآآي ..
الكل يلتفت لها ..
مها بعد ما تداركت الموقف .. شغلت نفسها بشي ثاني ..
عقب ما حست ان الناس صدوا عنهم ..
مها بإجرام : حمار .. استانست الحين ؟؟
محمد بخبث :هههههههههههههههههههه تستاهلين ..
مها : ويا ويهك ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 07:58 AM



Powered by vBulletin®
Copyright ©2000 - 2024, vBulletin Solutions, Inc.