آخر 10 مشاركات
|
| |||||||||||||
| مشاهدة نتائج الإستطلاع: من هو اكثر ثنائي نجح في جذب انتباهكم بقصتهم | |||
| قاصي و تيماء |     | 2,118 | 58.56% |
| مسك و امجد |    | 738 | 20.40% |
| ليث و سوار |    | 761 | 21.04% |
| المصوتون: 3617. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
20-01-17, 07:42 AM
| #11032 | ||||||||
| نجم روايتي 
|  انا جيت مساء السكر على الناس السكر الفصل من اهم واقوى الفصول في الروايه .. من اكتر الفصول اللي استمتعت بيها على الاطلاق  خليني ابدأ بأكثر جزء شدني ولفت انتباهي مع العلم ان الفصل كله حاز على انتباهي وتركيزي الكامل الا ان مشهد الحديث بين تيماء وثريا كان الاكثر من بين الكل انا مبحبش ثريا ابدا .. مشوفتش فيها الام لبنت وحيده والمفروض تكون كل حياتها .. بعد مرور كل الاحداث دي الا ان ثريا اثبتت انها فشلت في دورها كأم حتى انها محاولتش كفايه انها تقوم بالدور ده على اكمل وجه اعتمدت على قوه تيماء من وهي صغيره وقدرتها على التعامل مع كل المواقف واتركنت هي على الرف في دور المستفيد .. كأنها بالظبط بترمي تيماء في عمل قاسي وطوووويل وبالنسبه ليها هي المستفيده من راتبها وكل اللي بتحصل عليها ..وده اللي بيحصل هي استفادت من وجودها من المال اللي بتحصل عليه من سالم اللي الاسم لابنتها اللي انها الحاصله عليه باكمله..استفادت بقرب قاصي من تيماء واعتمدت عليه في كثير من الاحيان.. ثريا فاشله بمعنى الكلمه تجاه بنتها.. انانيتها كانت المسيطرة عليها والمتحكمه في كل شئ لما هربت تيماء زمان مكنتش مهتمه بيها ولا بخوفها عليها من اللي بيحصل لاي طفل وحيد قد خوفها من اللي ممكن يعمله سالم لو عرف بأنها بتحاول توصله وتظهر في الصورة وامام الكل الغبيه كانت فاكرة انها قويه وقادره على حمايتها نفسها ونسيت انها مجرد طفله وحيده في ال 14 من عمرها يعني بتخاف وبتتألم حتى لو انكرت كل ده مفيش اي موقف اثبتت فيه انها تستحق وجود تيماء معاها ..الاصح مفيش اي موقف اثبتت انها ام حقيقيه بتدور على مصلحتها في المقام الاول .. حاولت تبعدها عن قاصي مش عشان انها هتتألم او هيأذيها لا ده عشان سالم هيرفضه ويقطع كل اللي بيمنحه ليهم مكنتش موجوده بجوار تيماء لما فقدت طفلها وفي اسوء حالاتها والاسم انها كانت منتظرة ذهابها عشان تسكن معاها ؟!! لدرجه دي هي جاهله وعديمه التصرف انها تمنحها على الاقل حضن يدواي ويعالج جزء من المها ؟! يثبتلها انها موجوده معاها حتى لو مقدرتش تتصرف وتعبر عن ده بس تلاقي وجودها معاها ومهتمه بيها ..الاانه محصلش ابدا كل مرة كانت بترجع لتيماء كانت عشان مصلحه وانانيه بحته من طرفها..مكنتش بتدور على معرفه اخبارها ولا او حتى التواصل معاها.. اتصالها بيها من جديد لان الزوج الشاب اللي تزوجته زهق من المرأه العجوزة وعايز يشوف حياته ؟!! ما ده الطبيعي بعد زواجه منك وحصولك على الغايه والهدف منه استغلتيه مرة واتنين وتلاته الا انك مش هتقدري تمتلكيه للابد للاسف كانت خطوة خاسره زواجك منه وادي نتائجها اهي .. وطبعا مفيش غير تيماء اللي تشيل الليله وتصالح وتدواي وهي الاكثر احتياجا للمصالحه والمداوة ثريا لا تستحق تيماء لا تستحق حتى اني اقول بنتها لان تيماء خساره فيها حبيت تيماء وهي بتهاجمها بالحقيقه القاسيه على امل انها تعرفها حجم اللي بتعمله وان اخره هتكون وحيده بائسه محتاجه حد يكون معاها وجنبها زي ما كانت طول حياتها.. رغم الم تيماء .. وجعها..احساسها بالخيبه والاحباط من اللي مفروض تكون امها الا انها ابدا مكنتش كده الا انها عرضت مساعدتها ليها كالعاده بس مساعدتها انها تعيش حياتها وتكملها مش انها تيجي تتخانق وتدور ورا زوجها وترمي نفسها في دوامه مالهاش اي 30 لازمه قاصي وتيماء واستمتاع لا نهائي بكل مشاهدهم  ايه الجمال ده .. مكنتش عايزة مشاهدهم تخلص ابدااااااا مازالت تيماء غير طبيعيه في رغبتها الكبيره والقويه في حصولها على طفل اخر بأي طريقه وبمنتهى السرعه فقدانها سليم الصغير وكل اللي حصلها خلاها تعرف ان وجودها بعيد عن الكل الاسلم والافضل ليها.. الا انها مش هتكون خسرانه ومستسلمه زي كل مرة..قررت انها تريد طفل تعويض عن كل اللي فقدته.. رغبتها خليتها تتغاضى وتنسى انها هتفقد اكتر واكتر لو حصلت على اللي عايزاه وسافرت وبعدت زي ما بتقول لنفسها قبل ما تقول لقاصي لانها ساعتها هتكون قربت منه بطريقه لاول مرة تحصل ومش هتقدر على نسيانها وتركه مرة اخرى ابدا هي بتحاول تنفذ طلبها رغم عن انف قاصي نفسه عشان تقدر تهرب منه ومن حبه ومن الوقوع مرة اخرى تحت سحره وخساره كل شئ المرة دي الا اني اعتقد ان وجودهم مع بعض في الوقت ده بالذات هو الفعل الصحيح ليهم هما الاتنين .. لانهم محتاجين بعض ومحتاجين وجودهم مع بعض بغض النظر عن ايلام كل منهم وفتح صفحات الماضي بكل ما فيه قاصي عجبني جدا وهو بيقاوم بكل قوته وجودها واغرائها وكل محاولاتها لجره وسقوطه في الفخ كفتاه برئيه يا عيني =d هو ممكن جدا كان ينهي كل شئ ويستسلم ليها من اول مرة كانت فيها معاه وهو بتطالب بحقها وبتعويضها ويمنحها الطفل واكتر كمان الا انه عارف ومتأكد انه بكده كان هيخسرها والمرة دي بشكل نهائي تيماء نفسها كانت هتحس بالخيبه ومش بعيد بالكره تجاهه لو نفذ طلبها ومنحها كل شئ كأنه بيقولها انا هنفذ طلبك وامنحك اللي عايزاه عشان تسافري وتبعدي عني عشان كده قاوم واستغل الامر لصالحه واستفاد بوجودها معاه وبرغبتها في البقاء معاه عشان يحصل عليها للمرة الاخيره الا ان المرة دي هتكون بالطريقه الصحيحه في الفوز بيها ونسيان كل الم اتعرضت ليه بسببه ومنحها الحب والاهتمام اللي تستحقه منه واللي مخبيه جواه وبعيد عنها رغم كرهه تيماء " الظاهري" ومحاولاتها في الظهور بدور الجامده البارده الفاقده للبهجه والحياه والسعاده بوجودها مع قاصي اخيرا الا انها مازلت متمسكه بحبه وعشقه ليها للنهايه ومهما حصل رغم الالم والفقد والظلم اللي اتعرضت ليه وسقوطها في ظلام ومتاهات قاصي الحكيم الا ان مكانته وعشقها ليه حاجه اساسيه واكيد في حياتها حبيت تمسكها بالقلاده اللي كانت شاهده على اعترافها بحبه بكل صراحه وثقه .. اللي كانت شاهده على منحه ليها بنفسه وتلبيسها اياه كدليل على انها اصبحت تخص قاصي الحكيم ومن ممتلكاته الخاصه جدا حبيت شعور قاصي بالسعاده والامل في انه هيقدر يوصل ليها من تاني وانها بتساعده بطريقه او بأخرى رغم انكارها الشديد وتمسكها بالواجهه البارده بس ياترى قاصي هيفضل يقاوم لامتى ؟!! ياترى هيتاخذ مسار جديد في خطته ويهاجم ولا هيفضل الانتظار اكتر هيقدر يصد محاولاتها ورغبتها في التقرب منه لوقت كبير؟! مع انها جاهله في الاغراء والتقرب منه الا ان محاولاتها بتجيب النتيجه المطلوبه وهو رجل في الاخر لا ورجل عاشق ومشتاق وعنده لوعه =d كان يتعامل مع الجميع بطريقة ..... تفرضها عليه عوامل كثيرة ..... الا هي ..... كان يترك نفسه معها على سجيته , و كأنه عاد الى بيته , ليأخذ راحته و يرتدي منامته المريحة .... و تيماء كانت هي منامته المريحة المهترئة .... التي يظهر أمامها بشخصه الحقيقي , بكل مساوئه و عقده .... و ظلام روحه .. مش هقول غير الله ... عشقت الجزء ده زي ما عشقت مشاهدهم طول الفصل :heeheeh: ذهابه وزيارته لعمرو كانت رائعه جدا كنت مشتاقه ليه ولوجودهم مع بعض اوووي .. كالعاده قاصي هو المهتم بعمرو ووالده عمرو .. متخلاش عنها وكانت مسئوليته وهتفضل كده على طول ..لان عمرو ابنه وطفله الصغير رغم كل حاجه بتقول عكس كده .. ده صح على فكرة وانا معاه في اهتمامه بيهم واظهاره انه موجود لعمرو عشان يمنحه الامان وانه معاه ولن يتخلى عنه ابدا .. عمرو جزء من قاصي وجزء مهم مش هيقدر يتخلى عنه ابدا .. الا اني احترمت انه ترك الامور على وضعها واكتفى بالمراقبه من بعيد والتدخل في الوقت المناسب للانقاذ .. الوقت ده وقته لتيمائه ومحاولته للحصول عليها ..هي تستحق انه يكون حر ليها هي فقط ويمنحها وقته واهتمامه وحبه وكل شئ بيملكه بس ياترى راجح الكلب المعفن هيكسب في محاولاته لانتقام من ريماس والحصول على عمرو ؟!! ماضي ريماس مش في صالحها خاصه اذا كان الحقير ده هو العارف بكل شئ يخصها وقادر على استغلاله في مصلحته ممكن قاصي يعمل ايه في الامر ؟!! وهل ريماس هتفضل على موقفها وتكون قويه وصامده امام راجح ؟! ولا هو فقد اهتمامه بيها وشاف انها مش هتنفعه او تفيده في اي شئ امجد ومسك وتطورات خطيره شكلها هتقلب نكد في الاخر  مسك اتغيرت وبصوره كبيره كمان .. اصبحت مرحه .. عفويه .. متقبله امجد ووجوده في حياتها بشكل قوي .. والاكثر تقديرها ليه واعتذارها اول ما حسيت انه يستحق تنازلها وتقديم الاعتذار لا ومنحه التعويض المناسب كمان انا من البدايه وانا بحب علاقه مسك وقاصي وقربهم من بعض ومنحهم الاحتياج والمساعده اللي كل واحد فيهم محتاجها مسك بالنسبه لقاصي زي ليث وسليم .. بيلجأ ليهم وقت ضياعه واحتياجه لشخص يكون متقبله وعارفه بكل ما فيه من عقد وكلاكيع الا انه راضي انه يكون بجواره ووجوده مع تيماء والحاله الغريبه الرهيبه اللي بينهم كانت محتاجه تدخل طرف تالت يكون قريب من الاتنين ومفيش افضل من مسك تكون حمامه السلام بينهم ويارب متقلبش لغراب ويهد كل حاجه طبيعي ان امجد يحس بالغيره او خليني اقول يحس بالاحباط والخيبه لانه رغم كل اللي حصل ومر بينهم الا انه مقدرش يوصل لمكانه قاصي عندها ويكون الشخص اللي تلجأ ليه في اشد اوقاتها احتياجا وتكون على طبيعتها من كل شئ معاه عكسه هو اللي بتكون منغلقه على نفسها وكل كلامها وقربها منه بحساب لا اعتقد ان امجد يفكر فيهم بطريقه متهوره وسيئه .. مسك غبيه لو مش هتعرف وتحس ان امجد بيغير من قاصي مش لانه رجل وطبيعي يغير لا عشان هو قريب منها وهي قريبه منه وعلى طبيعتها ووجها الحقيقي بيكون مع قاصي .. امجد طبيعي يحس بالغيظ واليأس لما ميلاقيش تعويض او مقابل على حبه اللي عبر بيه بالكلامات والافعال وبكل شيء الا انه لحد الان محصلش على مقابل مش هيرضيه ويحسسه بالانتصار والغرور لا هو منتظر وبشده مقابل او دليل يعرفه انه بدأ يوصل لقلبها ويحصل على ثقتها الكامله في انها تمحنه ثقتها فيه قبل قلبها نظر اليها أمجد صامتا ...... و بدا مجفلا من اعتذارها المفاجىء ,,,, فقالت مجددا بتأكيد أكبر ( أنا آسفة ...... ربما قلتها بالفعل و هذا لا يصح , ..... سأحاول أن أنتبه الى كلماتي من الآن ..... أنت محق في غضبك .... لكن يا امجد الوضع يختلف .... ربما التصقت في لساني منذ الأيام التي كان يجلس فيها جواري و انا أعاني من أقسى وجعٍ يمكن لك أن تتخيله .... هي مجرد مكانة مميزة , و ليست صفة عاطفية أبدا ......لكنني لن أنطقها مجددا , هل هذا يرضيك ؟!! ) ظل أمجد ينظر اليها طويلا ثم قال أخيرا بصوت غريب ( لا يا مسك ...... لست راضيا ....... ) ارتفع حاجبيها و قالت بدهشة ( لقد اعتذرت .... ووعدتك الا أكررها !!! .......... ) ضحك أمجد ضحكة لم تفهمها .... ثم قال أخيرا ( بالتوفيق في مقابلتك اليوم ...... أنا قد أسهر لدى أمي الليلة , أرجو الا يضايقك هذا ..... ) ردت مسك بخفوت ( بالطبع لا يضايقني ...... يكفي أنك لبيت لي طلبي في شقة مستقلة ...... لذا من المنطقي أن تبقى معها كما تريد و كما تحتاج هي ...... ) أومأ أمجد برأسه دون أن يرد ..... ثم خرج من الغرفة صامتا .... انا مش مرتاحه ... رد فعل امجد غامضه ومش مريحه ابدا  كمان طلبه للبقاء في منزل والدته بدون ما يطلب وجودها مش شئ طبيعي ابدا خاصه انه كان مهتم ومصمم على وجودها معاه في اي مناسبه عائليه لان ده بيخليها تحس وتشعر انها اصبحت منه ومن اسرته ياترى معامله امجد هتتغير ؟! ياترى هيقدر يبعد عن مسك ؟! الا اني متأكده انه مش هيقدر يجرحها ..بس مش بعده وتغيره معاها جرح ليها ؟! ليث وسوار اللي بدأت بالفعل في كرهها وعدم تحملها اكتر من كده  كل فصل بتتخطى الحدود وبتسمح لغضبها ولرغبتها في الانكار ورفض حقيقه حبها وعشقها التام لليث في انه تجرحه وتهينه والافظع بتسمح انه يضيع من بين ايدها رغم اعترافها لنفسها انه بتحب ليث ورغبتها في انها تكون معاه بكل انانيه وبدون مراعاه شعور انه متزوج وفي امراه اخرى بتشاركها الرجل اللي بتحبه الا انها غبيه وبقوة كمان .. غبيه لانها رفضت تمنح حبها ولو مش بالكلام للرجل اللي مشفتش منه غير حب وعشق واهتمام وتعويض عن كل شئ حصل ليها غبيه لانها شافت حرصه عليها وهلعه من انها تأذي نفسها وتسمح لنفسها انها تدخل في دوامه انتقام وثأر ممكن ينقلب عليه ويخليها تتهور وتخسر نفسها غبيه لانها بتصد وبترفض كل محاولات ليث في التقرب منها ومحاوله انه يكون زوج طبيعي ويحلم بتكوين اسره مع المراه الوحيده اللي اختارها تكون ليه .. والاغبي انها بتصد وترفض كل محاولاته بطريقه جارحه وهتوصله في يوما انها يكرهها ويكره كل شئ عمله ليها محبيتش كل حاجه صدرت عنها الفصل ده .. متقبلتش تفكيرها ورغبتها في الانتقام لمجرد انها تردله الضربه والاذلال من وجهه نظرها كل ده لانه سيطر عليها وخلاها تبادله حبه وتظهر مشاعرها صريحه وواضحه .. الا انها جبانه ورفضت بل ومنعت انه يحس او حتى يتمسك بأمل انه هيقدر يوصلها ويحصل على قلبها مهما عمل سوار غبيه لانها بترفض بكل قوتها تحمل طفله ؟! على اساس انه مش هيكون طفلها وقطعه منها ؟! على اساس انه هيحصل على الطفل وقت ولادته ويرميها هي ؟! على اساس ان رغبته انها تكون ام اطفاله الوحيده مش هتمنحها الدليل الكافي على تمسكه بيها ومحاوله اثبات انها ليه وهتفضل ليه للنهايه سوار غبيه لانها جرحت ليث وللاسف مش اول مرة تجرحه .. اعتقد انها هتستمر في جرحه لدرجه انها هتمنحه الفرصه انه يخلص ويبعد عنها وتركها وحيده في غبائها ورغبتها في الوقوف بمفردها وعدم وجود اي شخص معاها وبجوارها حديثها مع دليله مش عارفه دي حاجه حلوة ولا سيئه ؟! هل هي بتدافع عن زوجها ولا بتمنحه لغيرها بكل بساطه لمجرد الانتقام منه ؟! كلامها ومعرفتها بكل اللي بيدور مع الحقيره دي لا وعرضها المساعده في التقرب والحصول على مبتغاها اللي هو الزواج من ليث ؟! هل ده لعبه منها عشان تعرفها مكانها الحقيقي وانها مش مجرد امراه تافهه جاهله بكل اللي بيحصل معاها ؟! اتمنى ده لانها لو كانت بتخطط انها تنتقم من ليث وترمي المرأه الحقيره المستغله دي في طريقه .. ساعتها هتبقى هي اللي حقيره ولا تستحق رجل زي ليث الهلالي ولا تستحق حبه اللي كان عايش عشانه ولا تستحق حبي ولا اعجابي ليها من البدايه اصلا هي سمحت لنفسها ولرغبتها في الانتقام ورمي كل شئ بيعرفها ان حياتها مع ليث وانها تستحق الحب والحياه مرة اخرى ورا ضهرها التفتت اليه سوار تقول بحدة ( شئت أم ابيت !!! ....... تماما كما تريد فرض طفلك علي ؟!!!! ...... ما الذي دهاك لتكون شخصا لا يطاق الى تلك الدرجة ؟!!!! ..... ) صمتت سوار فجأة و هي ترى ملامحه التى تصلبت و عيناه التي تغيرت فجأة ...... فشعرت بالتوتر جراء تلك القسوة التي بدت بهما .... و للمرة الأولى , تشعر بأنها لا ترى حبه لها في عينيه ( لا أريد أطفال ...... و أرغمتني على هذا ....... ) فصرخت دون تفكير ( يمكنك الزواج مجددا كي تحصل عليه .. لا أهتم ) ارتفع حاجب ليث و قد شحبت ملامحه للحظات .... يبادلها النظر بطريقة غريبة لم تفهمها لتالت او رابع مرة او يمكن يكون اكتر من كده الا اني لاحظت ان سوار الغبيه بتجرح ليث وبتعلم على قلبه العاشق ليها بكل قسوه وعنف وعدم رحمه ابدا .. كأنها بتعاقبه على انه حبها واحتفظ بحبه ليها لعشر سنين كامله واكتر كمان الغبيه دي بتبعده عنها خطوة ورا خطوة .. بتقضي على حبه وتخليه يحس بالالم والاحباط واليأس في الوصول ليها .. هتوصل لمرحله تقضي فيها على حبه وتخليه يقضي عليه في فتره قليله جدا بعد ما كان محافظ ومتمسك بيه لسنين وسنين سوار لو خسرت ليث يبقى تستاهل وتستحق كل اللي هيجرالها من بعده ابتسم ليث ابتسامة صادقة هزت قلبها وهو يقول برقة ( أي وقتٍ أقضيه معكِ يسرني يا مليحة ......... ) ابتسمت سوار ابتسامة مختصرة ..... متوجعة ...... بينما ارتفعت أصابعه الى خصلات شعرها الرطب ... يرفعها مستمتعا بثقله وهو يهمس لها بشغفٍ ملامسا شفتيها .... ( ذلك الستار الطويل ..... كيف له أن يجف ؟!! ....... ) كانت تظنه يتسائل بجدية .. الا أن شفتاه انتقلتا الى شعرها فأخذ يقبله وهو ينعم بعطره الندي على وجهه ثم همس بنعومة ( حين رأيته للمرة الأولى خلعتِ قلبي به .... لم أظنه بمثل هذا الكمال مطلقا ) وربنا خساره فيها ليث وكلام ليث وحب ليث وغزل ليث ناس مش وش نعمه ابداااااااااا :7R_001: المشهد الرئيسي والمنتظر من اول فصل في الروايه اصلا  ميسرة تستحق كل شئ سيء ومحزن ووحش .. ببساطه الجزاء من جنس العمل .. وهي اعمالها سودا ومظلمه ونيله على دماغها ودماغ اللي جابوها دي امراه سلمت نفسها وايمانها للسحر والاعمال والشغوده والعياذ بالله سمحت للحقد والكره انهم يسيطروا عليها لدرجه انها ذهبت وراهم لطريق الكره والاعمال وكل حاجه سودا اذت ناس برئيه مالهاش اي ذنب .. خاضت في اعراض وشرف ناس والاهم شرف زوجها ومرغت بيه الارض .. استغلت ضعف ورعب الناس منها لصالحها وخليتهم يخونوا الامانه فكرت نفسها الذكيه الا ان كان فيه الاذكي منها .. فكرت نفسها هتنجو بعد كل الاعمال المؤذيه والتمسك بالسحر والاعمال السودا على انها هتحقق كل اللي عايزاه ومنتظراه الا ان ربنا اكبر من كل شئ وكله جه على دماغها نسيم قالت الحقيقه لليث وعرف المراه اللي التمسلها العذر بدل المرة 50 وحافظ عليها وعلى حقوقها تجاهه حتى لو غصب عنه الا انها للاسف كانت اول من اساءت ليه وطعنته في ضهره الا انه انتقم لسوار قبل ما ينتقم لنفسه .. فضيحتها امام الكل واذلالها بالطريقه المهينه دي تحت انظار عائلتها كلهم واولهم سوار الرافعي ضربه قاضيه ليها ولجنونها ولسوادها وكل حاجه بتملكها .. سقوطها تحت رجلين سوار وعدم قدرتها على المقاومه والنهوض .. ضرب ليث ليها واهانتها وطلاقها منها .. كل ده كان كسر ليها ولشكوتها وهزيمتها قدام سوار الرافعي بكده رجع حق سوار امام عائله الهلالي كلهم .. بكده رجعت كرامه وشرف سوار الرافعي .. بكده انتهوا من ميسرة ووجودها الفقر حواليهم .. بكده ليث بقى رجل حر وزوج لامراه واحده فقط اذن دي حاجه تفرح ولا تزعل ؟! مش عارفه الصراحه بس اللي متأكده منه ان اللي عمله ليث هيفرق جدا مع سوار ويعرفها انه السبب في رجوع حقها وانتصارها على كل من اهانها بكلمه وسمح لنفسه انه يشك فيها وفي سمعتها .. ليث ردلها اعتبارها بطريقه تليق بيها تليق بسوار الرافعي ياترى كل ده مش يخليه يستحق انها تعترف بحبها وتعرف انها محظوظه بحصولها على رجل زي ليث الهلالي؟! هل هتكون مصممه على الاستمرار في الانتقام منه وجرحه مرة اخرى ولا هتكتفي خاصه انها اصبحت زوجه وحيده وخاصه بيه هل هتنسى الحقيره دليله واتفاقها اللي الله اعلم بمضمونه ؟! بس على فكرة .. ميسرة لسه منتهتش ... واحده زي دي بحقدها الكبير وبكميه الكره الغير طبيعيه الموجوده تجاهها ناحيه شخص واحد اللي هي سوار الرافعي .. مش هتعدي اللي حصلها مرور الكرام ابداااااا مش هتسمح ليها انها تفوز عليها وهترجع تنتقم وترد الضربه والمرة دي هتكون ضربه قاضيه ومدويه على الاخر .. انا متأكده من ده الفصل في منتهى الروعه يا تيمو ... مكنتش عايزاه يخلص ابدا الروايه بتصبح مشوقه ومثيره اكثر واكثر مفيش لحظه ملل واحده ابداااااااااا ... متشوقه جدا للقادم خاصه ان بقيه الابطال هتظهر وتاخد دورها اخييييييرا  تسلمي يا مبدعه يا حبي انتي .. في انتظارك دائما  | ||||||||
|  |
|
21-01-17, 01:55 AM
| #11038 | ||||
| عضو موقوف
| لو لم تكن خلفي.. لما أحسست بطيقك يدفعني بدفء فأمشي بخطى صامدة..واثقة من أنني أستند على صدر صلب يقوّم اعوجاجي.. لو لم تكن خلفي.. ماكنت سأقف منتظرة اقترابك لتحتضن ظلّي..دون ان تدوسه بقدميك حتى لا تجرح احساسي بك.. لو لم تكن خلفي.. ماكنت سأرفع رأسي عاليا وأشير إليك أمامهم لأقول لهم : ها هو سيد زماني ومالكي.. لو لم تكن خلفي.. ماعشقت المستقبل الذي يبحث عنّا بين الأنقاض كي يهدينا السعادة.. لو لم تكن خلفي.. كنت سأقودك رغما عنك..وأجعلك تتعثّر بطرف ثوبي كي أذوب في رجولتك..وأجتث جذور الماضي من خطوط يديك.. فكن خلفي..كن ظلّي..كن كل الوجود..كي أكون نبضا لهذا الوجود.. كن معي..أو ضدّي..فأنت وضدّك أحلى ألوان الجنون.. كن كما تريد..لأنك لي ومنّي..ولكن..... كن خلفي.. لتشعر بأنك ستفقدني كلما سارعت خطواتي..فتعود تلاحقني كطفل يتوق للعب مع أسراب الطيور.. كن طفلا لأكون طيرا يحميك..وطوق ياسمين يعطّر عنقك.. كن شيئا..أو لاتكون..فقد أحببتك وبجنون.. | ||||
|
| |
|
21-01-17, 02:02 AM
| #11039 | ||||
| لا تزال حتى تلك اللحظة تتذكر أول مشاعر أنثوية انتابتها في حياتها كلها ... هل يمكن لأي شابة ان تتذكر اللحظة الأولى التي تحولت بها الى أنثى !! .... تشك في ذلك .... لكنها تتذكر تلك اللحظة حية حتى اليوم .... وهو يديرها اليه , فرفعت اليه عينيها الفيروزيتين المغروقتين بالبكاء .... لتتسمر عيناه عليهما ... و معصمها بيده ....... | ||||
| |
|
21-01-17, 02:11 AM
| #11040 | ||||
| وقف قاصي بجوار وجه الفرس ... ينظر اليها بعينين مظلمتين ... عاقدا حاجبيه ... و يده تربت على أنفها بحنان ... ليهمس لها بخشونة ( اهدئي الآن ...... أنا أيضا لم أحب ذلك ..... لكنه يقربني اليكِ ..... ارتاحي ...... ) ظل يربت على أعلى أنفها الحريري الأسود و هي تميل اليه ... فهمس لها ( جميلة أنتِ ....... كبريائك و بهائك يخطفان قلبي .... ) | ||||
|
| |
|
| أدوات الموضوع | |
| انواع عرض الموضوع | |
|
|
999Likes
.png)
العرض العادي
