لابد لساقي السم ان يتذوقه / للكاتبة عبير سلطان

[لامارا]

البارت السآدس ~~




‎إغضبْ كما تشاءُ..

‎واجرحْ أحاسيسي كما تشاءُ

‎حطّم أواني الزّهرِ والمرايا

‎هدّدْ بحبِّ امرأةٍ سوايا..

‎فكلُّ ما تفعلهُ سواءُ..
‎كلُّ ما تقولهُ سواءُ..















موضي :

ياخاله صعب والله صعب يمكن ساره توافق بس هاجر صغيره توها !

لطيفه :

نادي ساره بتفاهم معها انا مارجع لحايل الا ومتطمنه عليكم ..


دخلت موضي علئ ساره اللي متعمقه بالنوم .. طفت المكيف وفتحت الستاير عليها

تقلبت ساره بالسرير ناظرت للساعه 11 تو الوقت علئ انها تقوم ~

ساره :

موضي حرااام عليك تصحيني وراي قومه ومذاكره مابي اكل ولا ابي شي ..

موضي بهدوء :

قومي عمتي تبيك بموضوع مهم الله يسامحك بس بتهورك شكلها بتقلب حياتنا فوق تحت

جلست ساره بخوف .. وهي تشوف موضي طالعه من الغرفه .. وش قصدها ذي وش بيصير يعني اكثر من اللي صآر

توضت وصلت اللي فاتها واخذت شاور عشان تروق .. لبست بنطلون جينز فاتح وتي شيرت سكري ناعم .. تركت شعرها بعد ماجففته علئ كتفها .. وطلعت لعمتها


لطيفه بإبتسامه وهي تشوف عيونها المتنفخه من النوم : تعشي وتقهوي يمه بعدها بنسولف

هزت ساره رأسها بإيجاب .. ودخلت للمطبخ تتعشئ

موضي :

عمه اخاف تتضايق وماتذاكر

لطيفه :

خافي علئ نفسك وولدك اللي حارمته من ابوه بغبائك .. ولاتخافين علئ ساره ..

نزلت موضي رأسها باحراج .. وهي تناظر لسعاد الصامته احترام لها ..



اما لطيفه كانت من داخلها تحترق توها تحس انها مقصره 3 سنين انشغلت بحزنها علئ اخوها وزوجته ونست بناته .. كانت تزورهم كل شهر وتجلس عندهم اقل من اسبوع ومتطمنه لأن عمهم عندهم .. لكن من دخل المستشفئ وجلس فيها شهر بدت تخاف علئ مصير بنات اخوها .. الناس مابترحمهم وهم لوحدهم بالغربه .. واكثر شي كاسر قلبها موضي وهاجر ~~



اكلت بسرعه واخذت قهوتها معها ودخلت عندهم وهي تشوف وجيههم جامده ..

ساره :

بسم الله شفيكم !! شصآيررر

موضي :

ساره عمتي تبيني ارجع لحسن

ابتسمت ساره :

جد اخيرا ياعمه تعبنا نقنعها .. اصلا فيصل محتاج ابوه يكون فوق رأسه

موضي :

وانتي بتتزوجين ذياب !!

تغير وجه ساره ومغصها بطنها .. من قالهم بتزوج ذياب ..

ساره :

انا مابتزوج بجلس مع هاجر


لطيفه بعصبيه :

عاجبكم حال هاجر وانتم مخلينها عقبه فحياتكم ليش ماتتزوج هي بعد وتتعالج برا

ضحكت ساره :

عمه وش هالكلام هاجر صغيره ومن بتزوجينها ؟

موضي :

خالد




تصنمت ونظراتها تنتقل بينهم مو مستوعبه و
بقلبها كانت تردد يارب ذا كابوس يارب --




لطيفه :

لازم تتزوج لانها تحتاج محرم معها برا ،. ذياب كلم الدكتور قال تحتاج 6 شهور علاج طبيعي بعد العمليه .. من بيجلس معها هناكك ويتحملها وهي توافق عليه لان هاجر عنيده ومابتوافق تروحون معها ..

موضي :

انا وحسن نروح معها

لطيفه :

عشان تصدمينه تاركته 3 سنين ومن ترجعين بتقولين له بروح مع هاجر برا ؟؟

سعاد بهدوء :

ذا افضل حل .. هاجر تملك علئ خالد وياخذها هناك ويعالجها حرام خلوها تعيش حياتها وتكمل دراستها وترجع تمشي ..
وانتي ياساره تاخذين ذياب وام فيصل ترجع لابو فيصل ..


لطيفه :

انا بروح مع هاجر وخالد وانتم بتزورونها كل فتره مع رجالكم .. لكن حالكم الواقف هذا مايسر اي احد لمتئ بتقفلون عليها البيت وتجلسون حولها وانتم موب نافعينها .. مافي مثل الرجال يابناتي لو عندكم اخو والله مافكرت ازوجها بس ذياب مايقدر يترك شغله 6 شهور وحسن غريب عنها وصعب نعرض عليه هالشي مالنا الا خالد ولد عمها وخالتها وبيكون مملك عليها وامه بناخذها معنا لحايل هناك خواتها واخوانها واحسن لها ..



ناظرت موضي لساره ... وهي خايفه من ردة فعلها

ساره :

طيب بس خذوا رأيها بالاول ..

انصدمت موضي من رد ساره .. لكن ماتدري ليش هالقرار ريحها .. اخيرا بتتطمن علئ خواتها .. ليش قبل مافكرت فيه ،،؟ معقوله بيجي اليوم اللي بتنام وهي مو شايله هم مستقبلهم !!



دخلت ساره غرفتها وهي تحس ببرود داخلي .. شخص حلمت فيه كل عمرها فجأه يصير لأختها ولا هي تتزوج غيره .. هي متأكده ان مافي حل الا كذا .. مستحيل ذياب يوافق على هاجر واكيد عمتي عرضتها عليه ورفض .. لكن خالد بيدق الصدر ويوافق لاطلبته عمتي ..


سحبت جوالها ودقت على هنوف ولقته مقفل .. اففف وينك محتاجتك والله محتاجتك ::



..........

هاجر :

موضي انتي صاحيه شلون اخذ خالد ! ذا خطيب ساره

موضي :

خلاص فسخنا الخطبه وساره بتاخذ ذياب ، ياهاجر مافي قدامك الا حلين ياتتزوجين خالد وتروحين تتعالجين وترجعين تدرسين ولا تروحين مع عمتي لبيتها وتظلين هناك لحد مايلقوا لك حل ..وعمتي بتجبرك تدرسين بكرسيك ماعندها دلع

هاجر :

عادي بجلس عند عمتي ولا آخذ خالد اصلا اكرهه احس تفكيره سطحي ولعاب ..

موضي :

هاجر حرام عليك ريحيني وطمنيني عليك .. صح عمتي مابتقصر معاك بس لما تكونين مع خالد وتعيشين قريبه مني افضل .. انا مابخليك ابد وخالد قلبه طيب بس انتي وساره مو فاهمينه ..فكري عدل وردي لي خبر ..


طلعت موضي وتركتها .. معقوله بترجع تمشي وتدرس وتدخل طب مثل ماكانت تحلم .. بعد شهرين بتدخل ال17 سنه .. تعبت من حالها ذا .. لازم تصير اقوى وتتخذ قرار يغير حياتها وحياة خواتها .. ودام ساره بتاخذ ذياب ايش اللي مخليها تتردد !!!!!



~~~~~~


منسدحه وملزمتها على بطنها وصوت السديس مالي الغرفه ونوره نايمه بسريرها ..

للحين موب مستوعبه اللي صار لها .. دخلت دورة المياه وهي مستحيه تصحي نوره مثل كل مره .. قرت المعوذات وتركت الباب مفتوح شافت المرايه اللي وسطه فوقها تجليد شكل امها مجلدته عشان ماتوسوس .. حست بشي يتحرك على رجولها .. غمضت عيونها وطلعت تركض للسرير وهي ترجف ..


دمعت عيونها وهي تتذكر سبب اللي صار لها .. معقوله الحرمه ذيك ارسلت لها من جنها بسم الله .. استاهل ليش اتلقف واغلط عليها ..يارب احميني يارب



.........

2 فجرا //

جالسه تتمشئ بالحوش وتذاكر بصوت عالي .. تبي تدخل جو المذاكره بالقوه ..

سمعت صوت رجال يضحك .. واستغربت
من ذا معقوله ذياب .. صوته يفجع خشن حيل

ذياب : ابشري يالغاليه وانا مشتاق لتسس اكثر

قربت لمصدر الصوت شافته واقف عند باب الرجال ويدخن وجواله بيده ..

تحس جسمه يصلح مثل البوديقارد ضخخم بقوه ولاف عمامه حمرا علئ رأسه ..

يوه شكله بدوي من قلب .. حتئ وقت النوم ماينزل ثوبه ..

تأملته وهو يضحك بصوت عالي ..

ماتدري ليش انقهرت .. يعني من خالد لذا كلهم مغازلجيه .. شذا الحظ

قربت كثير وهي تحسه خفض صوته .. صار مايفرق بينهم الا باب الشارع هو برا وهي داخل

ذياب :

ياحبي لتس يلا صلي الوتر وارتاحي من بكرا انا عندتس ..

ودخل بشكل فاجأها ..

ماستوعبت الا هو قدامها هربت لكن يده سحبتها قدامه وهو يضحك :

ذياب : فروح شعندك ..

افف من الظلمه شكله ماعرفني .. بعدت يده وهي معصبه .. وهمست : ا ن ا مو ف ر ح

دفها عنه بقوة .. وصد وهو يستغفرر بصوت عالي ..

انقهرت منه كيف دفها كذا كأنها نجاسه ..

ركضت لداخل وعيونها مليانه دموع .. شافت فرح وهاجر يضحكون ..

هاجر :

ساره تعالي شوفي من رسمت !!

مسحت دموعها قبل لاينتبهون وقربت منهم .. صرخت بحماس : الله من ذا يجنننن

فرح بلكاعه :

قولي ماشاءالله مايحسد المال الا اصحابه

ناظرت لهم وهم يضحكون عليها .. معقوله ذا المتوحش اللي برا .. افف كم مره شافته ولاقد حفظت وجهه ..

ساره بعصبيه :

وعع من حلاته بس اجاملكم

ودخلت وهي متضايقه .. مهما تحاول تبين قوتها وتضحك علئ اهلها صعب تضحك علئ نفسها ..

سحبت البطانيه ونامت بدون شعور ::


.......

للحين واقف مكانه .. يالله شفيني ماركزت اصلا فرح ماتلبس هاللبس .. ذي ساره اكيد ..

يارب اغفر لي عطرها دخل بأنفي ويارب اغفر لها ولا تأثمها ..

لما تذكر صوتها ونعومته .. غصب عنه ابتسم .. اكيد تصرفه ضايقها بس وش يسوي مو متعود علئ هالحركات ..

دخل للدوانيه وهو يدور السجاده عشان يصلي له كم ركعه مثل كل ليله وينآم ..


........


تقلبت علئ سريرها وهي تنفسها بدأ يضيق ..
صحت وهي معرقه .. ناظرت للساعه واخذت علاجها .. ورجعت انسدحت ..

سحبت جوالها وشافت خالد متصل عليها 20 مره .. دقت عليه وبسرعه رد ..

خالد :

وينكك اليووم

جود :

اعذرني حبيبي بس انشغلت بالشركه واموري ..

خالد :

هاه فاتحتي اهلك بموضوعنا

جود :

ايوه فاتحتهم انت تعال بالوقت اللي يناسبك .. مثل ماقلت لك هم يبون الفكه مني .. حسن اول شي رفض لانك قريب زوجته لكن لما هددتهم اني برجع لكندا وافق ..
متئ بنتزوج ؟

خالد :

الحين صعب بعد حداد امي ان شاءالله .. بس مافي عرس وازعاج من بيتك لبيتي

ضحكت وبعدها كحت بقوه ..

جود :

اكيددد من قالك ابي عرس وخرابيط .. المهم من بكرا وظيفتك جاهزه بشركتي .. والراتب بيعجبك والدوام بعد جامعتك يبدأ ابيك تتعلم بسرعه عشان تمسك الشغل كله ..

ابتسم من قلب وهو يحس ابواب السعاده كلها فتحت له ..

خالد :

ابشري والفلوس اللي اعطيتيني اخصميها من الراتب ..

جود :

مابينا حسابات يلا باي

قفل منها وهو مبسوط .. اخيرا بيتوظف وظيفه محترمه ..ماتوقع جود بتحبه بهالسرعه


اما هي قفلت وهي تفكر .. كل اللي تبيه من خالد طفل يكون وريث لها .. ويحيي ذكراها .. وايام سعيده مع شخص حبه غزآ قلبها المجروح


.............


صحت علئ صراخ فيصل ..

وقفت بسرعه .. هاه شفيه ؟؟؟

فيصل :

الباص مشئ من زمان

ساره :


ايشششششششششششششش واختباررررري ليششششش ماصحيتوني

فيصل ببرود :

الكل نايم احمدي ربك اني صحيت كنت ابي الحمام وشفتك نايمه


بسرعه لبست وهي معصبه علئ نفسها شلون نست تحط المنبه .. دقت علئ هنوف ومقفل .. يارببب شفيها معقوله مابتداوم ..

الحين من بيوديها .. شافت عمتها صاحيه ..

لطيفه :

شفيك ؟

ساره :

عمه الباص راح وعندي اختبار بعد نص ساعه شأسوي

لطيفه بإبتسامه :

خطيبك بيوديك قوم يافيصل نادي ذياب يجهز السياره بسرعه ..

فيصل بإستغراب ناظر لعمته .. خطيبها وذياب !!

سحبته ساره لبرا قبل لايفضحها ..

لبست عباتها وهي متوتره .. بتروح لحالها ؟
لكن انحل لغزها وهي تشوف عمتها معاها عباتها .. ابتسمت براحه وخبطت رأسها

ساره : نسيت اصلي لحظه عمه وركضت لغرفتها ..

ضحكت لطيفه علئ فهاوتها وطلعت لذياب .. اللي عاقد حواجبه .. مانام عدل ووراه خط لحايل ..
بس من شاف امه ابتسم وباس رأسها

: صبحك الله بالخير ياتاج رأسي ،، افطرتي ؟

لطيفه :

لا والله ساره ماخلت فيني عقل .. بنوديها ونفطر بعدها

ذياب :

لا لا مايصير وهي بعد لازم تفطر شلون تحل دقايق بجيب لنا فطور واجي

لطيفه :

براحتك يمه ..


جت ساره وهي لابسه عباتها ..

هاه عمه وينه !

لطيفه ببرود وهي تنزل عباتها وتجلس بالحوش علئ الفراش .:

راح يجيب لنا فطور

ساره :

لاااا عمه حرام عليكم اختباري الحينن مو وقت فطور وزحمة الرياض ..

لطيفه :

ارتاحي بس .. الاختبار مو طاير

انقهرت وشوي تبكي .. متئ بتوصل للاختبار علئ كذا !!

بعد نص ساعه رجع بالفطور .. لكن وقفت بسرعه قدامه وهو صد لما عرفها شافت عمتها مبتسمه بخبث كأنها متعمده حطتها بهالموقف ..

ساره بإحراج :

ذياب ممكن توصلني الحين

ذياب بخشونه :

استهدي بالله وافطري .. وبعدها نوصلتس

ساره بسرعه وصوتها بدأ يتغير من الغبنه :

لاااا تكفئ اختباري بينتهي وبرسب .. تكفئ الحين لاهنت

ذياب :

طيب طيب يلا الحقوني .. سامي تعال خذ الفطور

ناظرت لعمتها وهي مبسوطه بهالمحادثه القصيره .. تحس نفسها مخنوقه من كل هالوضع ..يارب يعدي هاليوم علئ خيررر ..

ركبت للسياره وصارت ورا عمتها .. ماقدرت ترفع عيونهآ ..بدت تستغفر باصابعها بصوت منخفض ..تكره لحظات التوتر ذي تفهي وتسوي مصايب بدون مآتحس ..

لطيفه :

ساره متئ تطلعين عشان نرجعك

ساره بسرعه :

لا لا مايحتاج اطلع مع الباص يعطيكم العافيه

ابتسم ذياب من احراجها ورفع عيونه للمرايه وشافها تناظره التقت عيونهم دقيقه .. استغرب انها تناظره وفاتحه عيونها علئ كبرها .. كان خاطره يضحك يصوت عالي واضح انها مو حاسه ..

اما ساره المفهيه .. من التوتر نست حتئ ترمش .. وماصحاها الا صوت جوالها .. ونغمة هنوف تلعلع بالسياره
ارتبشت وسحبت الجوال .. وردت عليها بسرعه :

هلا وينك انتي ! ليش مادخلتي

هنوف :

انتظرك يابنت شفيك ماجيتي بقئ ساعه ويخلص الاختبار

ساره :

يلا جايه الحين

قفلت وهي منزله رأسها .. ناظرت لعباتها
وصرخت بداخلها : لاااااااااااااااااااا نفس العبايه اللي شافها ذياب افف شلون مانتبهت لها .. ياشيني لاتوترت .. وش بيفهمه ذا الحين .. ياربي ليش ماطيح معاه الا بمواقف تفشل ..


وصلوا للجامعه وفتحت باب السياره .. وقفها صوته الخشن

ذياب : لو سمحتي ساره لاعاد تلبسين هالعبايه

انقهرت منه هي متوتره وشايله هم اختبارها .. وهو يتفلسف

ردت بعصبيه :

لو سمحت اخ ذياب لاعاد تتدخل فيني وقفلت باب سيارته بقوة ..

كان بيطلع ويلحقها لكن لطيفه مسكته وهي تضحك عليهم ..

ذياب :

وش اللي يضحك يمه شايفه قلة ادبها


لطيفه :

ههههههههههههههههههههههههه لو ماردت اصلا بتكون مو ساره .. الله يهداك انت شايفها محتاسه مو وقت هالكلام لاصارت فبيتك تكلم معها وسنعها ..

تنهد وهو يحس ان الامر صعب .. هو ماله خلق يربي من جديد يكفيه هم اخوانه .. يبي وحده مناسبه له وعاقله تريحه .. مو وحده تزيد عذابه عذآب ..



دخلت وهي معصبه .. شافت هنوف واقفه تنتظرها .. حضنتها بقوه وهي تناظر لها :


فيك شي تعبانه شفيك ؟؟

هنوف بعدت عنها وهي تغير الموضوع :

يلا بقئ نص ساعه ويخلص الاختبار شوفي بيدخلونا ولا لأ

ساره :

وانتي غبيه ليش تنتظريني اف منك ..

دخلوا الاختبار بعد نقاش وتهزيء لكن الدكتوره كانت تعز ساره فسمحت لهم يدخلون ..


.........




جالس بمكتبه .. وهو مبسوط .. معقوله كل ذا ملك لي .. ابتسم وهو ينادي الهندي اللي يسوي القهوه .. ويطلب منه يصوره كم صوره ..
فباله كان بيوريها ساره عشان تفتخر فيه .. وبقلبه يتمتم الله يخليك لنا ياجود ..

دق جواله ورد :

هلا بأغلئ عمه

ابتسمت لطيفه علئ لسانه المعسول ..

: هلا بك وينك انا عند امك ومالقيتك اجل ماخلصت اختبارات ..

ابتسم : لا عميمه ابشرك خلصت الحمدلله باقي لي اختبار الاسبوع الجاي واتخرج باذن الله .. بس الحين حصلت وظيفه حلوه وجالس بالمكتب ..

لطيفه بفرحه صادقه :

الف الف مبرووك ياقلبي اجل تعال اعزمني علئ غدا ولا قهوه المهم ابي نطلع مع بعض لان عندي موضوع مهم ..

خالد :

من عيوني عمه علئ ال11 خليك جاهزه

قفلت منه وهي مبتسمه .. شكل هاجر بتكون وجه خير عليه مثل مابيكون هو وجه خير عليها .. الله يسعدهم ويوفقهم بحياتهم ..

ناظرت لأم خالد اللي تسولف مع موضي وسعاد .. ومندمجات بالكلام .. يالله تذكرت ايام ماجت امهم وانتخت بهم .. كانوا وجه خير عليها وعلئ اخوانها مع انهم كانوا توهم مكلومين بفقد امهم بدخولهم دخلت الفرحه لبيت آل الذيب ..

متفآئله ان ساره بتكون فرحه لذياب
وهاجر بتكون احن قلب لخالد
وموضي بتقر عينها بزوجها وتملأ بيتها اخوان وخوات لفيصل ..

وبكذا هي ترتاح .. قطع تفكيرها دخول فرح بثوبها الميدي الخفيف ..

فرح حضنت امها بقوه : صبحتس الله بالخير يالغاليه

ابتسمت وهي تدعي بقلبها انها تشوف عيالها هي وسامي وتقر عينها فيهم ..


.....

ضحكت ساره بقوه لدرجه الكل التفت عليها ..

هنوف :

حيوانه هذا حقي افضفض لك ؟

ساره :

ههههههههههههههههههههههههه ههههههههه خبله انتي الحين عشان تهاوشتي مع ورع ام سعيد تحسبينها ارسلت لك واحد من جنها ؟
هههههههههههه يمه انتي نكته قسم بالله نكته اصلا شلون صدقتي هالخرابيط عنها

هنوف ودموعها بدت تنزل ومسكت يد ساره :

قسم بالله شفتهم ياساره دخلوا جسمي والله دخلوه

ناظرت لها ساره بهدوء وبدت تقتنع بكلامها ..لما حكت لها كل شي صار معها

ساره :

طيب اهدي الحين خلينا نمر علئ الكافتيريا ونفطر وبندور حل ..

هنوف :

وش حله بالله ؟

ساره وهي رافعه حاجبها :

بنروح لام سعيد ونطلب منها تطلعه مثل مادخلته

هنوف :

بسم الله ساره انا خايفه شلون تتكلمين كذا براحه ..

ضحكت ساره وهي ترفع كتوفها :

انا اقوئ منهم ترئ .. وانتي عارفه حارتنا مسكونه ياما صادفت مواقف بس مااضعف مثلك .. ماعلينا بنحل كل شي


حضنتها هنوف وهي مبسوطه .. تحس دام معها هالخبله كل شي بينحل $,,,




..............


بمطعم راقي .. جالس وقدامه عمته مصدوم بكل كلمه تقولها ..

لطيفه :

ذا افضل حل والفلوس جاهزه وتحت تصرفكم ابو موضي الله يرحمه عطاني ارض هديه يوم جبت ذياب .. وانا بعتها وجابت سعر ممتاز بتكون من نصيب هاجر لانها الوحيده اللي محتاجتها ..

خالد وهو يحس انه بدأ يصدع .:

بس عمه انا كنت خاطب ساره ؟


لطيفه :

وساره ماتصلح لك ساره لذياب

رفع حاجبه وهو متضايق :

علئ كيفكم يعني ؟ وهي من تبي !!

لطيفه بثقه :

من اول يوم عزا جتني انا وموضي وقالت انها ماتبيك امس خطبتها لذياب ومارفضت .. هاجر بنت عمك ويتيمه وانت براحتك عاد


سكت وماعاد علق .. مصدوم من هالحقائق .. يحس نفسه لعبه بيدهم .. خطبوه لساره وقت ماكان يبيها ولما تعلق فيها اخذوها منه وبيعطونه اختها .. وساره رمته بسرعه ونسته ؟ هي اللي جته وعلقته وربطته فيها .. تنهد وهو يناظر للأكل بانعدام شهيه .. طيب ياساره اوعدك بتندمين .. مو انا اللي ينهان بهالسهوله ...!!

خالد :

موافق ياعمه على بركة الله ..


...................



ناظرت للكافتيريا تقريبا فاضيه .. شافت نظرات ساره على سميه بنت عندها شلل اطفال وتدرس معاهم ومجتهده وشخصيتها قويه جدا ... مضرب مثل هنا بأخلاقها وتدينها وذكائها

هنوف :

تفكرين بهاجر صح ؟

تنهدت ساره وهي تحس بغصه .. :

لأول مره احس اننا قصرنا بحقها كلام عمتي امس صحانا .. احنا ليش مااجبرناها تدرس ؟

هنوف :

انتم ماقصرتوا خاصه موضي تركت بيتها وزوجها عشان تعتني فيها .. بعدين هاجر عندها فوبيا صعب تجبرونها

ساره :

يمكن حل عمتي هو الصحيح .. مستعده ابيع خالد والف من خالد بس اشوفها طبيعيه مثل البنات ..

هزت رأسها هنوف وهي مقتنعه بهالحل .. صح بتفقد ساره بس لما تشوفها سعيده هالشي يكفيها ..~~

هنوف :

مو لاعشتي بالعز والدلع ومع ذاك الوسيم تنسيني

ضحكت ساره :

ذاك متوحش والله دعواتك احس بدخل حرب مو زواج

هنوف :

عارفه انتي غريبه بصراحه شلون اقتنعتي بسرعه ؟

ساره :

ههههههههههههههههههه حتى انا مستغربه من نفسي .. بس تبين الصدق من فهمت خالد كرهته وكرهت قلبي الغبي اللي حبه .. واحس ذياب بينسيني كل شي سواء بكون معاه سعيده او تعيسه .. الحمدلله انا عندي قدرة تأقلم عجيبه لو تقطيني فأي مكان بتقبل وجودي فيه لو شاكه واحد بالميه ان خالد يحبني مستحيل اتركه بس خالد مجبور علي ولاهمه اي شي غير مصلحته .

هنوف :

ايوه انتي قويه بس اخاف تندمين ويبهذلك ذيابوه .. اما خالد انتي عطيتيه الف فرصه وماستغل ولا فرصه .. الله يسعده مع هاجر وتقدر تروضه

ساره :

لا مابندم ان شاءالله .. لاتخوفيني يكفي الرعب اللي عشته بالسياره معاه ..

ضحكت هنوف عليها وهي ناسيه كل همها مع ساره ..

...........


بالصاله الصغيره جالسه موضي هي وفيصل وسامي يتابعون طاش ومندمجين .. دخلت هاجر عليهم ونزل رأسه سامي وطلع

فيصل :

لاحول احرجتي الرجال ليش ماطقيتي الباب

هاجر وهي تنزل عكازاتها :

احلف بس ذا بيتنا وهو اللي مدرعم .. يلا ضف وجهك معآه

فيصل :

ت ح ل م ي ن

موضي وتوها تنتبه لنقاشهم :

فيصل عيب عليك يلا روح ..

راح وهو معصب .. ويسب بصوت خفيف

موضي :

هاه شعندك

هاجر :

انا استخرت وماحس بأي شعور ؟ اكذب عليك لو قلت لك مابي امشي وتعبت اصير عاله عليكم ولا تبون عمتي تتحملني بعد .. بس للحين محتاره ..

موضي :

تراها بس ملكه .. لو رجعتي ماتبيه نطلقك منه

هاجر :

حرام عليك بهالسهوله ؟ توي على هاللقب

ضحكت موضي وردت :

اسمعيني عدل خالد اعرفه زي عمي الله يرحمه .. يعني بيحترمك ويقدرك لكن خرابيط ساره كانت صعبه عليه عشان كذا ماندمجوا بس انتي عاقله وطيبه والله متفائله خير ..


سكتت هاجر وبقلبها : اجل لو تعرفين انه نصاب ويبي يشبك جود عشان يستفيد منها .. اففف يارب ساعدني ()



صبإح الحبب //

وهذا البارت ووصل .. عارفه في لخبطه بمواعيد تنزيل البارتات بس اليوم بعد ماخلصت من قياس وحوسته رجعت عدلتها مثل اول ..

اول حإجه .. انا مبسوووووطه فيكم بشكل كبيرر ردودكم الكثيره اسعدتني والله .. ، اشكر كل من رد علي وشجعني بكلمه وكتب توقع انتقد استفسر .. اشكركم لتواصلكم معاي ، والله حماسكم هو اللي يعطيني دافع اتعب عشان ارضيكم ويارب ارضيكم ..


ثانيا .. الروايه بدت توضح اكثر ، الكوبل الاساسي للقصه بدأ يتحدد .. اوعدكم اعيشكم معاهم بشكل اكبر ونتعمق بحيإتهم بس خليهم يعرسون بالاول هههههههههههه

ثالثا .. اعترف لكم واجهت صعوبه اني اكتب عن اكثر من شخصيه .. براويتي الاولئ اعتمدت علئ بطله وحيده وعطيتها حقها وتعمقت فيها .. لكن هالروايه شي جديد علي ، لكن احاول قد ماقدر ماظلم احد من شخصياتي الرئيسيه وبالبارتات القادمه بركز علئ 4 ابطال .. خطوبتهم ، زواجهم ، حياتهم والاكشن اللي فيها ..


ورابعا .. لاتحرموني من ردودكم اللي ادمنتها والله ، وتوقعآتكم ..

هاجر ماهو قرارها الاخير ؟

مرض جود هل هو خطير ؟

تدخل ساره بقصة هنوف وام سعيد هل يؤذيها ؟

كونوا بخير دوما _ احبكم

[لامارا]

البارت السآبع ..


‏قبل أن تحاسب أحدًا على كونه لم يحبك كما أردت حاسب نفسك لماذا أردت لها كل هذا الحب من الآخرين قبل أن تمنحه أنت لك .





كان واقف يراقب الشغاله وهي تركب الشنط بالسياره وباله معها .. سالفة انها تركب فباص ابد مو عاجبته بس هانت كلها كم شهر وبتصير تحت جنآحه ..

ناظر للباص اللي وقف عند باب البقاله .. ونزلوا منه ثنتين .. عرفها من عباتها اللي فيها الف لون ..

عينه تعلقت فيها وهو ناوي يدخل ويعطيها فرصه تدخل .. لكن رفع حاجبه لما شافها واقفه هي وصاحبتها عند البقاله ..!!!!!



ساره بعناد :

لا الحين بنروح ونهددها ياتطلع اللي فيك ولا بنبلغ عنها ..ويمكن تطلعين توسوسين وهي مالها دخل .. ماراح ارتاح الا اتطمن

هنوف بخوف :

لا لا اخاف تسوي لنا شي .. ماتسمعين القصص اللي عنها انتي ؟

سحبتها ساره وهي معنده .. شافوا البيت اللي حوله زبايل اكرمكم الله .. والجدران عليها رسومات جماجم وسب لصاحبته وقذف .. ناظروا للباب الاسود وقبل لايطقونه فتح بشويش .. سحبت هنوف يد ساره وهي ناويه ترجع لكن ساره ماهتمت وقرت الاذكار ودخلت ..
ناظروا للحوش اللي كله حصئ اسود ..

ساره بصوت هادي :

ام سعيد ام سعيد وينك ؟

طلعت لهم وهي لابسه عصابه سودا وثوب اسود وعليه تطريز ذهبي ..

بصوتها المميز :

ياهلا بساره وهنوف .. حياكم

ناظروا لبعض وهم مستغربين كيف عرفتهم ..؟ وهم ماقد شافوها


شفيكم ؟ تعالوا ادخلوا ؟؟



هنوف بدت تتراجع لورا وهي خايفه .. اما ساره مو هامها ..،.

جآء ولدها الصغير اللي هاوشته هنوف .. وناظر لهنوف بغضب .. وهو يأشر عليها باصابعه بحركات مو مفهومه ..

طلعت هنوف من هالبيت وبسرعه.. شافت واحد قدامها ؟. تعرف هالشخص ايوووه هو ذياب خطيب سآره

ذياب وهو منزل رأسه : وين سارة ؟؟

اشرت للبيت وهي تترجاه يرجع ساره قبل لايصير فيها شي .. انصدم وركض للبيت ودخل الحوش ..






ام سعيد بصوتها الجهوري :

وماشاءالله جآء ذياب بعد ..

انتقلت نظراته بينها وبين ساره اللي لسئ متغطيه
وبرأسه الف سؤال وسؤال ~~





ام سعيد وهي توجه كلامها لساره :

انا اصلا ارسلت< : شنقلط : >بس عشان يخوفها .. وهو مادخلها لكن موجود بغرفتها وخلاص انتهت مهمته وبرجعه محتاجته بأشياء اهم .. بس ذا درس لها ولغيرها عشان مايقربون من ولدي ،،،


سحب ذياب يد ساره بقوه وتوجه للباب لكن قفل بوجههم .. حاول يفتحه وهو يقرأ المعوذات ..

ساره حست انها تورطت .. وقلبها صار يدق بقوه ..ناظرت لحواجبه المعقوده بغضب



اما هو سحبها اكثر له وهو يهمس لها :

قريتي اذكارك ؟

ساره برجفه :

نسيتها نسيتها ..

كان خاطره يضربها او يهزأها .. بس هدأ نفسه وجمع كفيه وبدأ يقرأ الاذكار ويمسح علئ رأسها ..


قربت لهم ام سعيد وهي مبتسمه :

ماراح اضركم لاتخافون انتم ماضريتوني .. بس بقولكم كم حاجه تنفعكم يمكن ولااحتجتوا شي انا جاهزه ..

ناظر لها ذياب وهو معصب :

اتقي الله ياحرمه .. وافتحي هالباب ولا والله باتصال واحد اوديك ورا الشمس .. انتي تعرفين مع من تلعبين ؟؟


ضحكت ام سعيد وهي تناظر له بإعجاب :

محظوظه ياساره بقلبه اللي مالكته من سنين.. ،

اسمعني ياولدي انا بحذرك من ناس يلعبون من تحتك ..ويكيدون لك .. بدوها بسامي وبينهونها بفرح ..

وانتي بحذرك من اقرب الناس لك راح تنصدمين كثيرر




جلس يستغفر بصوت عالي .. اما ساره انصدمت ايش قصدها محظوظه بقلبه ؟ ؟ ومن مين بتنصدم ؟

قربت منهم وفتحت الباب .. وهي تأشر لهم بالخروج وبلحظه اختفت ..

ناظر لساره بعصبيه .. وهو يسحبها وراه .. الف هاجس فباله شقصدها بفرح ؟ يارب استر يارب .. معقوله انا اصدق هالكاهنه ...اغفر لي يارب ..يارب لاتأثمني اني دخلت بيتها والله مدري انها كذا



اما ساره كانت تحس نفسها انها طايره بالسما .. مو من كلام ام سعيد من خوف ذياب عليها اللي وضح بعيونه .. اول مره تحس بهالاهتمام ..


دخلت للحوش وسمعت صوته وراها :

نادي اهلي يطلعون ..

دخلت لقت عمتها حاضنه موضي .. وفرح وسعاد واقفات ..

وقفت قدام عمتها وحضنتها بقوه .. ماتدري ليش تحس مشاعرها غريبه .. ناظرت لفرح وسعاد وودعتهم بهدوء ..

هاجر :

ترئ هنوف بغرفتك تنتظرك !

ضحكت بداخلها علئ خوف هنوف .. طقت الباب وشافتها تقرأ قرآن .. جلست قربها وهي تتأملها .. اول مره تكتشف هالشي بشخصيتها .. مستعده تموت عشان اللي تحبهم ؟.

قفلت هنوف المصحف ..وناظرت لساره ..وحضنوا بعض هنوف تبكي وساره تضحك ..

هنوف وهي تمسح دموعها :

احسس اني مرتاحه والله .. اكيد سمعتك وطلعته سااره كيف اوفيك حقك

دخلوا هاجر وموضي بعد ماودعوا عمتهم ،، وهم شاكين بالوضع ..

حكت لهم ساره كل شي .. ولما وصلت لموقف ذياب بدوا يصفقون بحماس وهم مبسوطين علئ تقليد ساره له اما موضي هزت رأسها استنكار وطلعت وهي تدعي لأختها بالعقل ..

هاجر:

تتوقعين قصدها يحبك ؟

هنوف :

اقولك من قلت له الحق علئ ساره ركض بسرعه واضح الرجال ميت عليها

ومضئ يومهم تحليل لهالحدث ~~



.............


من ركب سيارته ..وتفكيره معها مقهور ان ام سعيد قالت لها حقيقة مشاعره .. تنهد بقهرر ..

فرح :

سامي حط السماعات بسمعك شي

سامي :

ياويلك تسمعيني ذاك ... وبصرخه اييييي

فرح بهمس :

قصر صوتك الحين اخوك يعطينا محاضره عن الاغاني ..

هز رأسه بضحكه ..

سمعهم وابتسم .. ليتهم يعرفون انه مو شكاك وان اهتمامه فيهم وخوفه لأنه يحبهم ..ويموت لو يصير لهم اي شي يضرهم ..


....~~...


دخل للغرفه وهو مرتبك .. مو مصدق انه اليوم صار زوج جود النآهي ..

لاحظ نظرات حسن الناقده لكن ماهتم .. هو استعجل بالخطوبه عشان محتاج اي احد بقربه ..وهي وافقت علئ قراره ..


جلس بهدوء وهو يراقب خطوات حسن اللي طلع وتركه لحاله ..

عدل شماغه وجلسته ..

اما عند جود .. كانت تتصرف بجرأه .. والفرحه مو سايعتها

جواهر :

وين وين نسيتي تتعطرين

سحبت العطر وتعطرت وهي تناظر لنفسها بإعجاب ..

فستان سكري بدون اكمام وبلمعه خفيفه راسم تفاصيل جسدها النحيل .. يوصل لتحت ركبتها ..، اما شعرها اللي يوصل لخصرها مسويته كيرلي ..غمقت الروج الوردي وطلعت ..


سمع صوت كعبها .. وتوجهت نظراته للباب ..


انصدم لما دخلت .. ماتوقعها بهالجمال .. بشرتها برونزيه .. عيونها سودا واسعه وشعرها رمادي فاتح ..

جود :

السلام عليكم

وقف وهو مبتسم ..

عليكم السلام .. قرب وحضن يديها النحيله .. يحس انها قابله للكسر من اي حركه من نحل جسدها ..

ابتسم لها بإعجاب :

عالبركه لنا بعض

ابتسمت وهي تتأمل تفاصيل وجهه ..

جلست وجلس بقربها وهو مبهور فيها ..يعطيها عمر 19سنه علئ نحفها لكنها طويله وطولها يوصل لاكتافه .. مرت علئ باله هاجر ..وقارن بينهم .. فرق كبير بينهم


جود :

ماتوقعت امورنا تتسهل كذا ؟


خالد :

ولا انا .. الحمدلله ..بس بسألك انتي ماتأكلين ؟

ضحكت من سؤاله اللي دايم ينقال لها :

الا آكل .. بس لي برنامج صحي امشي عليه

هز رأسه وهو مو فاهم وبإبتسامه :

بس جسمك حلو ،، وكلك حلوه

انحرجت وضاعت نظراتها فالارض ..مع انها سمعت هالكلمه كثير الا انها منه لها شعور غير .. ذا زوجها وبيكون حبيبها واخوها وسندها ومخزن اسرارها ..


.........~~~......


انسدحت علئ سريرها بطفش .. سعاد وراحت لزوجها وامها عندها جاراتها .. وسامي نايم ..

من رجعت من عند خوالها وهي تحس بطفش .. بيتهم هناك فيه حياه رغم احزانهم ومصايبهم ..

لبست بجامتها البيضا ورفعت شعرها الناعم ..تذكرت قرار امها بتزويج بنات خالها .. ماتدري ليش حسدتهم عالاقل بيستقرون .. بيعيشون بحريه .. صح ساره بتجي لسجن هنا .. بس بيصير اكشن جديد بحياتها

ملت من روتين حياتها .. نفس الاشخاص .. الاماكن .. التفاصيل ..


تنهدت وهي ترفع يديها : يارب يارب اتزوج هالسنه واحد فله واعيش احلئ حياه ..

حطت سماعاتها باذنها .. ورفعت صوت سعد المجرد وبدت تتمايل علئ الموسيقئ وهي تضحك ..



....|~|.....



جالسه تسوي قهوه .. وهي تتذكر نظراته .. حركاته .. صوته .. ماتدري ليش هالاشياء مافارقتها ؟

ليش خالد ماطرئ علئ بالها ؟ ليششش ذياب اقتحم حياتها بسرعه ..ليش كذا هي متقلبه ومشاعرها كل يوم غير ..

دخلت عليها موضي وهي تشوف سرحانها :

قبل شوي كلمني ابو فيصل

ناظرت لها بسرعه :

صدق !! خلاص بترجعين

هزت موضي رأسها بإيجاب ..

ساره : طيب شفيك مو مبسوطه ؟

موضي : مدري احسه زعلان مني حيل .. مجروح كل المكالمه عتب .. وبالاخير قال برجع عشان فيصل وبس

قربت منها وبصدق : ترئ معاه حق .. والله عجزنا عنك واحنا نقولك احنا بخير .. وصدقيني حسن انسان كفو ويستاهل تضحين وتتعبين عشان يرضئ ..


موضي : فيصل حيل مبسوط من علمته وهو كل شوي يجيني هاه متئ نروح متئ يجي ابوي ..هالشي يكفيني والله

ابتسمت لها ساره وطفت علئ القهوه وحطتها بالدله ..

فبالها هي عارفه بالضياع اللي تحسه موضي .. توقعت حسن بيستقبلها بحب وبشوق وانصدمت من بروده وقسوته .. بس ماعليه مع الايام كل شي بينحل ..

طلعت للحوش وهي تحس ان ليل الرياض بدأ يبرد .. جلست بالحوش وهي تسمع اصوات اولاد الحاره .. سبهم وشتمهم وقذفهم لبعض .. افف متئ نطلع من هالحي ..

تذكرت كلام ابوها عن حايل .. وعن حنينه لها ..وتذكرت بيت عمتها الكبير واللي فأرقئ الاحياء .. معقوله بيجي يوم وتتمنئ ترجع تعيش هنا ؟؟


سمعت صوت رسالة علئ جوالها .. فتحته وشافت هنوف مرسله الاذكار لها ضحكت بصوت عالي .. هالبنت نكته .. الله يحفظها لي ()



....

مازن : فهميني متئ بنعيش مثل اي زوجين طبيعيين ؟ بس عاتبتك عتاب بسيط بديتي تبكين ؟


سعاد وهي تشاهق اكره شي عندها احد يزعل منها .. هو معاه حق .. هي هناك قصرت معاه ولا ارسلت له ولا كلمته .. هو اللي كان يتصل ويرسل .. بس توقعت هالشي يكفي ..


تنهد مازن وهو يراقب ملامحها .. حن قلبه وسحبها لحضنه ..

مازن :

انا اسف .. والله اسف .. بس بقولك شي انتي عندي كل شي بحياتي لما رحتي صرت من البيت للدوام ومن الدوام للبيت ... فقدتك واشتقت لك .. كنت امسك نفسي عشان مامسك خط للرياض واجي عندك ..

سعاد :

انا اللي اسفه والله .. دايم اقصر بحقك .. بس اوعدك بتغير '

ابتسم لها وهو مبسوط ان رسالته وصلتها .. نفسه مره يحس انها تحبه .. تفاجأه بشيء يسعده ..بس ماعليه ذي سعادته وبيصبر لآخر عمره عليها ..


..........

بعد 4 شهور ~~


5 فجرا ~*


صحت علئ صوت ضحك هاجر وفرح .. رفعت رأسها وشافتهم يصورونها

وقفت وهي تصرخ عليهم .. مو ناقصه توتر يكفيها انها بالعله نامت .. الحين وش يرجعها تنام ..

وقفت وهي تناظر لنفسها ..صبغت شعرها قبل يومين بني فاتح .. ولها 3 اسابيع من مشغل لمركز .. دلعت نفسها بالمهر اللي جاها ..

اما اللبس وجهازها خلت المهمه علئ فرح وهنوف ..اليوم خطوبتها وزواجها .. واذا راحوا لحايل بيسوون زواج ثاني عائلي ..

للحين مو مستوعبه .. الايام مشت بسرعه موضي حملت من حسن من اول شهر رجعت فيه ومع كذا تحسها مو مرتاحه معاه مثل اول .. واضح بينهم كثير حواجز ..

هاجر بعد اسبوعين خطوبتها ..

وسعاد جابت ولد وسمته ذياب ..


وخالتها من 3 اسابيع طلعت من الحداد ..

اما خالد من طلعت امه وهو من سفره لسفره ويلعب بالفلوس لعب ومايدرون عنه شي ..


قطع تفكيرها دخول موضي :

الحيوانات صحوك ؟ ارجعي نامي الساعه 10 بصحيك عشان الكوافيره


ساره :

ماتوقع بقدر انام .. جوعاااانه

موضي :

ذياب جاب لنا فطور يلا اطلعي اجل كولي معنا ..والبسي شي يدفيك

هزت رأسها .. واسمه خلئ قلبها ينبض بقوه .. توضت وهي ترجف من البرد .. الشتاء دخل بقوه .. فتحت الشباك وهي تناظر للغيم ..

يارب يارب يسر لي امور حياتي ، واسعدني يارب


قفلته وهي تعاطس .. صلت وطلعت ..


شافت فرح ترقص وهاجر تصفق لها .. مرت من عندهم وهي حاقده عليهم .. ليش هي متوتره وترجف وهم مبسوطين كذا !!


طلعت للحوش وهي تناظر لعمتها اللي من شافتها وقفت وسحبتها لحضنها ..

هلا ببنتي هلا بالغاليه بنت الغوالي ..هلا بعروسة الغالي

انحرجت .. وبعدت عن عمتها .. انتقلت نظراتها لسعاد اللي ترضع ولدها ..اما موضي كانت كاتمه ضحكتها علئ شكلها ..

جلست وبدت تفطر .. دخلت فرح ومعها كاميرتها ..

فرح :

يمه يمه تكفين وخري بصورها .. الحين شكلها كذا بعد الزواج من اخوي بتصير شكل ثاني اما بعد الولاده بتنفجر مثل سعاد البرميل هههههههههههههههه


غصت بأكلها .. اما موضي ضحكت وهي تناظر لفرح المرجوجه ..ماخلتهم ينامون كل ليلها ترقص وتنكت ..


لطيفه : والله ان ماهجدتي لانادي لك ذياب

فرح : ذياب مو فاضي لي جالس يستعد لليلة العمر

ناظرت لها ساره بحقد ووقفت : الحمدلله خلصت بنام لاحد يزعجني

فرح بصرخه : اي هين يجيك النوم ههههههه


لطيفه : وجع وجع وسحبت عصاتها وضربتها بها ..


ضحكوا علئ شكلها المتألم ..



فرح : حرام عليك يمه انا بنتك ضناك


لطيفه : بنتي لسانها يبي له قص والله

موضي والوحام تاعبها : انا بقوم انام تكفين فرح اهجدي خلينا نرتاح كم ساعه ..

وقفت سعاد معاها ودخلوا تركوها ..

ناظرت لأمها : لاحول يمه ليششش هالدموع

لطيفه : ليتك مفرحتن قلبي وموافقه علئ تركي .. كان سويناه زواج جماعي بحايل

فرح : وععع اروح من نار ذياب لنار خويه .. لا والله خليني عندك بس

تعبت لطيفه من عنادها .. تقدر تجبرها بس ماتبي هالشي .. كل شي بوقته حلو ..


""""""


ساره : لاااااا غيريه مابي كذااا رسمة حواجبي


الكوافيره بعصبيه : شو فيكي المره التالته اللي تمسحي فيها واعدل لك

هنوف قربت منها : شفيك ليش مسحتيه قسم يجنننن

ساره : لااا مابي قلت لها ابي حاجه ناعمه ناعمه

جتهم موضي وهي مخلصه شعرها ومكياجها صرخت :

الساعه 6 وللحين ماخلصتي ؟ تتدلعين انتي


ساره وتوترها يزيد : مابي اتزوج مابي رجعوني للبيت تكفووون

قربت منهم سعاد : شفيكم ؟

موضي بحنان : ساره حبيبتي مو وقت عنادك يلا تعوذي من ابليس ..وخلي الحرمه تسوي شغلها

غمضت عيونها وهي متوتره .. وسلمت نفسها للكوافيره ..

بعد ساعتين ..


طلعوا الكل قبلها لانها تأخرت حيل .. ومابقئ عندها الا فرح .. كأن هالشي ناقصها الله يهدي هنوف .. مو لازم هي تطق بزواجي .. الله يالزواج اللي بالبيت ..


جتها فرح وبصرخه : واااااو ماشاءالله طالعه خيال

ساره بخوف : صدق

فرح : والله والله .. بس الله يعينك علئ ذياب الليله وهي تغمز لها

ساره : بلا قلة ادب .. وانتي بعد حلوه

لفت فرح جسمها بدلع .. لابسه فستان احمر علئ جسمها وشعرها رافعته بتسريحه بسيطه ..

اما ساره .. كانت لابسة فستان ابيض عليه شك خفيف
‎ مفتوح من الصدر والظهر ، اما جهة البطن شفاف ضيق من فوق ومن تحت واسع والطرحة الطويلة المرمية علئ ظهرها ومكياجها فخم اي شادو درجات الرمادي وكحل فرنسي وبلاشر وردي والروج عنابي وتسريحتها رافعه شعرها كله الا خصل خفيفه من ورا .. كان شكلها مميز جدا بنفس الوقت هادي .. صورتها فرح وهي مبسوطه لها ولذياب .. .. س


بالخيمه اللي نصبوها قدام البيت ..
واقف ببشته الاسود ويسمع صوت طلقات النار من اقرب ناس له .. مازن وتركي ..ابتسم لهم بهدوء وهو يناظر لخالد الهادي .. ياترئ وش يفكر فيه ؟؟

تعوذ من ابليس وهو يفكر فيها .. كيف بيتعامل معاها
كيف شكلها ؟ يتذكرها حلوه وناعمه .. وعيونها عذااابه

قرب منه مازن : الف الف مبروك

سامي بلكاعه : الف مره قلتها خلاص درينا

ضحك ذياب عليه .. وهو مبسوط من زمان هالشعور مازاره .. اشياء كثيره بتتغير بحياته بوجودها .. متحمس لكل شي معاها $^

..

دخلت للبيت وهي مرتبكه .. سمعت صوت هنوف وابتسمت .. جتها عمتها تركض وفتحت غطاها وهي تسمي عليها :

ماشاءالله تبارك الله ماشاءالله
بدت تحصنها وكل شوي تضمها ..

دخلوها للغرفه عشان ترتاح قبل الزفه .. وفرح نزلت كعبها وركضت للصاله ترقص ..

دخلوا عليها خواتها .. حست من عيونهم انهم بكوا لحد ماقالوا بس ..

ابتسمت ووقفت حضنوها مع بعض .. غصب عنها خنقتها العبره ودمعت عيونها ..

هاجر : ماشاءالله تبارك الله قمر قمررر والله ..الف مبروووك ياقلبي

ناظرت لها ساره : وانتي بعد طالعه بهاللوك تجنني


موضي : ساره لاوصيك زوجك اسمعي كلامه .. واصبري والعناد مو حلو فبداية الحياه .. فاهمه

هزت رأسها وهي تحس بتعب .. لانامت ولااكلت ..افف بس

تركتهم موضي وراحت تساعد عمتها .. الصاله مليانه من حريم حارتهم .. واللي اغلبهم اجانب ..

هاجر : ساره تدرين طلع خالد متزوج جود

ساره : احلفييي ؟؟

هاجر : والله ولا حامل منه واللي قهرني موضي عارفه من زمان ولاعلمتني ..


ساره : طيب اذا ماتبينه لاترتطبين فيه وعلاجك انا بروح معاك ،

هاجر : لا مالي حل الا هو ومن يعالجني بطلب الطلاق منه ..

ساره : هاجر انتي كذا تلعبين بالنار !!

وقفت هاجر وهي تعدل فستانها الاسود ..: مابيدي الا هالحل ومستقبلي بيبدأ من بعد طلاقه لي .. لاتخافون علي انا اقدر اتحمل هالشي ..وذي حياتي وانا اللي بقرر كل شي فيها .. انتم كل وحده عندها حياتها الخاصه وماسمح لكم تخربونها عشاني ..

طلعت وتركت ساره .. ماتدري ليش تضايقت ؟ تمنت ان خالد مايكون من نصيب هاجر !! حرااام بتتعذب والمشكله هي ارق وحده فينا .. يارب يجيها احد يخطبها وتنحل هالسالفه يارب ..


جابت لها سعاد فطاير وكوب عصير واجبرتها تأكل ..

وشوي دخلوا عليها هنوف وفرح وهاجر وبدوا يخوفونها .. ويضحكون معها مرت الدقايق بسرعه دخلت عليها عمتها ومعها عقد الزواج ..


وقعت وهي ترجف ومن تركت القلم بدت الزغاريد .. مغصها بطنها تحسها بفيلم .. واليوم الحلقه الاخيره ..

خلاص الحين هي سارة زوجة ذياب السعد ..()



دخلت فرح : يلا يلا الزفه ياقمررر


وقفت وهي مرتبكه .. جوها سعاد وموضي وساعدوها طلعت للصاله اللي تو تنتبه للزينه اللي فيها .. ابتسمت للكاميرا وبدأ صوت هنوف يصدح ::


* حد منكم شاف في الدنيا بدر 
مقبلٍ يمشي و من حوله بشر
من حلاه يزف للناظر ضياه 
ان ظهر للناس و لا ما ظهر
هذا ما هو بدر ليل يختفي 
مع طلوع الصبح و بزوغ الفجر
او بدر يصبح بعد مده هلال 
هذا بدر مكتمل طول الشهر
هي عروس النور في هذا الزمان 
هي ملاكٍ بس في صورة بشر
من غلاها انقول صلوا على الرسول 
يا اللي شفتوها بقلبٍ او نظر
الله يا نور في ها الدنيا نراه 
مستحيل ان نشوفه في بشر
و التقت شمس الظهيره بالقمر 
و في محياها بدى الصبح بضياه
مشرقً و خدودها واحة زهر
و العيون الي كما عين المهاه 
تمتزج فيها البراءة بالسحر
الليله .. الليله محلاها الليله
الليله .. الليله حلوة و جميلة
شعرها ليل كسا الدنيا دجاه 
حالك متحدر كانه نهر
يحسبه قطعة حرير من رآه 
و الحقيقة هو حريرٍ من شعر
و الحسام الي صفا الوجنه كساه 
يبعث اشواق الحواجب للثغر
و الثنايا كالبرد بين الشفاه 
او كحبات الندى و لا المطر
عذبةٍ لو تلمس اطراف الحياه
كل غصن فتح بوردٍ حمر
و العفاف بروحها يسقي بوفاه 
و الوفا في عينها النجلاء سهر
شاعر الوجدان واحلامه سماه 
مبدع و احساسه المرهف شعر
ماخذ من وصفه مبتغاه 
يا عسى الله يوهبه طولة عمر
الله يحفظها و يسعدها معاه
شيخ بطيبة فواده يشتهر
والله يجعل كل دنياهم هناه 
يكتسي بالسعد كله و البشر


‎جلست علئ الكرسي وهي تسمع التصفيق والزغاريد .. تمنت امها معاها ..بهاللحظه .. ناظرت لموضي اللي تتأملها وابتسمت تطمنها ..

‎جت سعاد وهمست لها : ذياب رفض يدخل على الحريم .. وينتظرك بالسياره ..


‎انصدمت منه ومن تفكيره المعقد ليشش ماتنازل عشانها .. مو كافي ان زواجها مو مثل الناس ..

‎جت فرح وهي معصبه لكن نظرات امها سكتتها ..

‎وقفوها وطلعوها للحوش .. بدت موضي تعطيها
‎نصايح وهاجر تشاهق بصوت .. اما فرح معصبه وتراسل ذياب تحاول تقنعه .. لبستها عمتها عباتها ومعها موضي



‎ .. مو قادره تعبر وش بداخلها واكتفت انها تتأملهم بصمت





‎جتها هنوف وحضنتها بقوة

‎ وهمست باذنها : اسحححريه بجمالك
‎الله يهنيك ويسعددك ياأخت روححححي

‎ابتسمت لها وهي تحس ان

‎حياتها من هاللحظه بدت تتغير ()


شافته واقف قدام الباب وحضن امه اللي بكت وهي تدعي له .. شافت فيصل متلطم وشايل شنطتها الصغيره .. عرفت انه يبكي ويخبي دموعه عنها نادته قبل لايروح وجاها يركض وحضنها ..

فيصل : خاله تكفففين لاحتجتي شي كلميني

رفع رأسه وناظر لذياب : وانت حطها بعيونك وياويلك تضايقها ..

ناظر له ذياب باستغراب مايدري ليش يحس ان هالنتفه كارهه ..

ابتسمت ساره وانبسطت من كلام فيصل ..

ركبت السياره بمساعدته .. ولما كانت بتدخل موضي معها صرفها ذياب .. انقهرت منه ومن تحكمه ..

دخل السياره وهو يسلم بصوته الفخم ..


ساره : وعليكم السلآم ..


ذياب : الف مبروك والله يوفقنا ويسعدنا

بهمس ردت : يبارك فيك


وصلوا للفندق .. وساعدها بفستانها وكل شوي يتأفف من ثقله ..


دخلت للجناح الملكي اللي استأجره .. وبطنها ماغصها ..،

وقف قدامها .. ونزل عباتها بهدوء .. انبهر بداخله معقوله ذي سارتي !!

ذياب : ماشاءالله تبارك الله تحصنتي ؟

تذكرت موقفهم فبيت ام سعيد وهزت رأسها ..

قرب منها يبي يحضنها لكن بعدت بسرعه ..

ابتعد بهدوء وهو رافع حاجبه اشر علئ الطاوله : يلا خلينا نأكل جوعااان


ناظرت له وهمست : ببدل لبسي

ذياب وهو يراقب فستانها بجرأه :
مع انه حلو بس براحتك اجل بنتظرك


دخلت للغرفه وقفلتها .. خايفه صعب تنكر خوفها ..كل طرف من جسمها يرجف بقوه .. تحس قلبها بيوقف من الخوف


مسحت مكياجها ونزلت فستانها وتسريحتها بعدها اخذت شاور دافي ولبست بجامه خفيفه .. ناظرت لملامحها المتعبه والنوم بدأ يطغئ عليها تأكدت من قفل الباب وانسدحت علئ السرير ونامت ().


صباحكم ، مساءكم سعاده يارب ""

وهذا البارت وصل .. بصعوبه كتبته والله عندي ظروف بس عشان ماتأخر عليكم اكثر نزلته واتمنئ يعجبكم حبايبي ||

توقعاتكم ..

ذياب وساره كيف بتكون بدايتهم مع بعض ؟؟

هاجر بيتم موضوعها مع خالد ام هناك تدخلات جديده ؟

ودي لكم ~~

[لامارا]

البارت الثآمن ...::



‏وكأنهُ يأوي إلى قلبي ويسكنهُ وكأنه يحمل في أضلاعهِ داري ...














مل من انتظارها وطق الباب .. ماسمع صوتها ..، ناداها بهدوء ومافي رد ؟ خاف صار فيها شي

نزل شماغه بخوف وجلس يلعب بشعره .. فكر وش الحل !!

نزل تحت للرسبشن واخذ منهم مفتاح احتياطي للغرفه .. وبسرعه دخل وفتح الباب ..

تفاجأ !!





نايمه بعمق والبطانيه واصله لساقها ... وهو له اكثر من نص ساعه يوسوس من الخوف عليها ،،

وهي ولآهمها '




انقهر بداخله وحس انها كسرت فرحته .. وفرحة ليلة عمره .. هالليله اللي كان ينتظرها من سنين !! عالاقل معطيته خبر ومحسسته انه مهم !!



قرب وهو ناوي يقلب الدنيا علئ رأسها .. لكن لما شافها متعمقه بالنوم .. رحمها تذكر وصايا امه له .. مهما كان ذي يتيمه وهو لازم يتحملها ..



اخذ فوطته ودخل للحمام يتروش .. توضا وصلئ الوتر .. ناظر للسرير الواسع وبعناد انسدح بقربها ..




......


دخلت لغرفة فيصل وتأكدت انه نآيم .. باسته علئ رأسه وابتسمت ..

مستحيل تنسئ فرحته بحملها اخيرا بيكون له اخوان .. حبيبي ربي يحفظه لي وافرح فيه ..




طلعت من غرفته .. وهي متردده تدخل لغرفتها .. برود حسن جالس يقتلها كل يوم ؟؟ ياخذ واجباته منها ومن يخلص يصد عنها كأنها غريبه عنه .. ماتوقعت فيوم ان حبه لها ينطفي بهالسرعه ..




وقفت قدام مراية الصاله وهي تناظر لنفسها .. فستان اخضر علئ جسمها الممتلئء وفتحه لنصف الساق .. وشعرها الفاتح رافعته بتسريحه ناعمه ..

دخلت بثقه وهي تشوفه منسدح ويقرأ كتاب ..

حس بدخولها من ريحة عطرها تنهد بداخله .. يارب ارحمني من سحرها ..، بس لازم اثقل واعاقبها



ناظر لها وهي تحاول تفك تسريحتها وتتأفف ..ماقدر يقاوم منظرها وقف وراها وحضنها لصدره .. وهمس باذنها : كل يوم تزيدين جمال




ابتسمت من زمان ماسمعت مدح منه .. لفت وعيونها الفاتنه حضنت عيونه ..



موضي : حسن انا اشتقت لك والله ..

نزل رأسه وهو فاهم قصدها ..



رفعت رأسه بيديها الناعمه وباسته علئ جبينه بحب .. وهمست بدلع فطري :

انا مستعده اصبر علئ جفاك شهر شهرين زياده .. بس اوعدني ترجع حسن حبيبي الحنون ..




كان رده لها حضن عميق ترجم كل مشاعره فيه $$






............


دخل وشافها تتنفس بصعوبه .. قرب منها بخوف

جود شفيك !!



اشرت علئ جهاز الاكسجين وبسرعه جابه لها .. حطته وانسدحت ..




ناظر لجبينها المعرق .. عجز يعرف لغز حالتها .. هي تقول له ربو بس مايتوقع ..!!


رفعت الجهاز وهي تبتسم له بحنان .. قرب منها وباس انفها برقه وهمس :

شفيها ام سند

جود : مشتاقه لك

ضحك وقربها لصدره ..


بداخله كان يعرف انه مايحبها لكن يحترمها يقدرها يعزها .. لدرجه يخاف عليها من اي شي .. جود هي جنته .. هي راحته .. هي اللي رفعته فوق ولاقد عايرته بشي .. هي اللي مستحيل يقدر يعيشش من غيرها بعد امه ..4 شهور وهي تدلعه وتعامله بحب ولاقد ضايقته فيوم ..




ناظر لها وهي نايمه براحه .. باس خدها ومسح العرق اللي علئ جبينها وسحب البطانيه وغطاها ..




طلع برا الغرفه .. وراح لغرفة امه لها اسبوعين ساكنه معاه .. جاب لها ممرضه ..وجود دايم تجلس معاها ..





يحب عائلته الصغيره ويتمنئ مافي اي شي يتغير الا للأحسن ..




شافها نايمه وتطمن ..




طلع لمكتبه الصغير اللي في طرف الفيلا .. غرفه صغيره دافئه واثاثها راقي مكتبه تحتوي علئ انواع الكتب وجلسه خشبيه بالمنتصف ومكتب كبير مع كرسي جلد اسود فالزاويه .. جلس وهو عاقد حواجبه وفتح اللاب .. اللي متأكد منه انه كان قد المسؤليه وان جود انصدمت بذكائه .. وانه كسب احترام الكل بالشركه .. واحترام اغلب منافسيه .. بدأ يشتغل علئ اللاب وذي عادته كل ليله .. ماينام الا هو مخلص كل شي ..


......؛؛؛.....


صحت علئ صوت المنبه اللي حاطته عشان تصلي الوتر .. وقفت وتوضت سحبت المصحف وبدت تصلي .. لها 4 شهور تاركه الاغاني والخرابيط من اختفئ اللي عانت منه .. وعدت نفسها تتغير وفعلا هالتغيير ريحها كثير نفسيا .. ووعدت ساره تترك الفرقه وتركز علئ دراستها .. بتترك ايام الاهمال وبتبدأ صفحه جديده




سلمت بعد مادعت لنفسها ولاهلها ولساره .. دخلت عليها نوره وبيدها صحن فوشار ..

نوره : ماشاءالله الله يثبتك

ابتسمت هنوف

نوره : طيب شسمه عادي تتابعين معاي فلم ؟

تثاوبت نوره وبكسل : لا نعسانه بكمل نومتي ..

نوره وهي تسحب بطانيتها ..: تكفين هنوف بلا نذاله فيلم رعب واخاف اتابع لحالي

جلست بسرعه وبحماس : احلفي انه رعب

وركضت قبل نوره للصاله وجلست تتابع

........،،،،،،،،،،،...............



انسدحت علئ سريرها وكل يوم تحس بأمل جديد ..

سحبت الورقه وحطت اكس صغير علئ هاليوم .. يعني باقي لها 14 يوم بالضبط عن موعد سفرتها مع خالد بعد ملكتهم طبعا ..




كل يوم تتأكد ان قرارها صحيح .. يكفي ان عمتها اصرت تجلس معاها هالاسبوعين .. ماتبي تحس انها عاله علئ احد .. بس تمشي بتكمل دراستها وتدخل المجال اللي كانت تحلم فيه .. وقتها بترفع رأسهم وبينسون سنين عجزها ..



تنهدت وخبر زواج خالد ضايقها !! لهدرجه ماتهمه لو بالكذب ..




لازم تقوله قرارها انها تبيه محرم بس وبعدها ينفصلون بهدوء .. واكيد بيوافق بسرعه هم وبينزاح عنه ..



ابتسمت وهي تتخيل نفسها تمشي ، تركض ، ترقص ، تمارس حياتها بجنون مثل اول ..




دخلت فرح عليها وهي رابطه رأسها ..

فرح : اخخخخ مصدعه .. هذا وهو زواج خرابيط

ناظرت لها هاجر بزعل ..



فرح :: اففف ماقصد اللي فهمتيه ، اقصد زواج بسيط ومافي زحمه بس كله ورعان حسبي الله صدعوا برأسي .. اخذت 3 حبات بنادول ولانفع ..

هاجر : مافي حل لك الا النوم ..

فرح وهي تنسدح بجنبها : وانتي الصادقه وبنام عندك لأن سعاد وذيبها ازعجوني ..

....،،،،،،


8 صباحا ...؛؛


فتحت عيونها وناظرت للسقف الفخم الغريب عن سقف غرفتها جلست بسرعه وهي تحاول تتذكر وينها ..

ضربت رأسها والتفت وشافته نايم بجنبها ..


بسرعه وقفت ودخلت للحمام .. افف شسويت امس شلون نمت وتركته .. كله بسبب فرح ماخلتني انام .. ياربي لايكون زعل مني ..



اخذت شاور ولبست دراعه بيج بنقوش ذهبيه ناعمه مخصره على جسمها وميدي .. فتحت شعرها وتبخرت .. ناظرت له وهو منزعج ..



اكتفت بكحل فرنسي وبلاشر وردي وروج لحمي ..

ناظرت لنفسها باعجاب .. دورت عقدها الذهب ذي وصايا عمتها لازم تشوفها فيه خاصه انها هي اللي شرته لها .. لبسته وهي تحسه ثقيل حيل


تعطرت بعطرها المفضل Viktor & Rolf.



.. وطلعت تتمشئ بالجناح ..

اغلب اثاثه كلاسيك ابيض برمادي .. اعجبها بقوه
دخلت للمطبخ التحضيري وهي تحس بجوع .. لقت فواكه وعصاير .. اخذت تفاحه وبدت تاكلها .. ناظرت لنفسها بالمرايه وضحكت .. دراعه وذهب وروج لحمي .. لا صرت حرمه رسمي ..بس بقى اصبغ شعري اشقر



انصدمت لما شافته قدامها .. واضح توه متروش .. ولا لابس بجامه كحليه ..

مر من جنبها وهو حاقد عليها .. وكاشخه الاخت ناقص قهر هو .. كلم الرسبشن وطلب منهم قهوة ..

حست انه زعلان .. وجلست قدامه ..

ساره بهدوء ؛: انا اسفه علئ امس

سكتها بيده .. ودخل للغرفه

حست انها تفشلت .. شفيه معقد ذاا ؟؟ بالطقاق عاد بموت لازعل يعني ..

لبس بنطلون جينز وبالطو كحلي غامق وتعطر بعطره بلاك واخذ نظاراته وطلع لبرا ..


تفاجئت بستايله .. اول مره تشوفه لابس بدله( .. يمه ياحلوه ماشاءالله) قطع تفكيرها صوت جوالها ..


موضي بروقان : صباحيه مباركه ياعروسسس

ابتسمت : هلا هلا بالغاليه

موضي : وينكم ننتظركم عمتي مسويه لكم ذاك الفطور .. كلنا متجمعين وذياب يقول انك نايمه

استغربت ليش كذب عليهم ..


ساره : شوي نجي

موضي : طيب خذوا راحتكم


قفلت منها وهي متوتره وين راح ذا ؟ حتئ جواله ماعرفه
معقوله عادي عنده انا اللي استلم القهوه من الهندي ..


بعد دقايق دخل ومعاه القهوه ..، ناظر لها بتعجب لابسه عباتها وواقفه ؟

ذياب : خير شعندك

ساره : كلمتني موضي تقول عمتي تنتظرنا

جلس علئ الكرسي وهو يشرب قهوته ببرود ..

سكتت وهي تحس مزاجه مو رايق .. معقوله كل هالضيقه عشان نمت امسس

ذياب : رحت الغيت حجر السفر

ناظرت له باستغراب .. توها تدري انهم بيسافرون



كمل بهدوء : كنت متحمس لشهر العسل بس بعد حركتك امس غيرت رأيي .. مو مستعد اتحمل سذاجتك وطفولتك




ساره بإحراج : والله نمت وانا مو حاسه من التعب




ذياب بعصبيه : وليشش ماعطيتيني خبر ؟ طرطور انا عندك بحركتك امس خربتي علئ نفسك اشياء كثيره




بقهر وقفت وردت : والله مو ذنبي اذا تفكيرك تافه وماهمني اصلا




فجأه شافته قدامها ..



مسك يدها بقوه وبصرخه : من اللي تفكيره تافه !! تكلمي


سكتت وهي خايفه منه .. شفيه ذا فجأه تغير افف من لساني ):



استغفر بداخله وهو يشوفها ترجف بسبب صرخته ..



ترك يدها وهمس : كل شي اتقبله منك الا قلة ادبك فاهمه ؟؟ يلا مشينا

........''........





سوت شعرها ظفيرتين وهي تتنهد بطفش شدخلها يصحونها هالوقت عشان تستقبل العرسان ..



طلعت للصاله وشافت الطاوله مليانه وامها جالسه تنتظر ..

فرح بطفش : شدخلني تصحوني دام كل شي جاهز



سعاد : ماتبين تسلمين عليهم ؟


فرح : امس شايفتهم وسلمت حلا هو !



هزت لطيفه رأسها وهي شايله هم .. صوت ذياب ماعجبها .. يارب وفقهم واسعدهم يارب


فرح : يماااااه يماااااه وين بيسافر ذياب ؟


لطيفه : مدري عنه




فرح : اكيد بيوديها اوروبا ذي ست الحسن والدلال مو مثلنا انا بقوم اتقهوى واتمشى بالحوش شكلها بتمطر ..

اخذت كوب حليب ولبست جاكيتها الصوف ..وحطت السماعات وطلعت برا ..


يازين الجو .. تنفست برآحه


دق جوالها ولما شافت انها ود انبسطت .. من زمان عن هالخبله


فرح : ياهلااااا والله


ود : اشتقت لك متى ترجعون


فرح : هاليومين ان شاءالله ليش شعندك ؟


ود : لا بس بسير عليك


ارتبكت فرح .. لو عرفو اهلها عن علاقتها بود بيسوون لها قضيه ..


ود : شفيك ؟؟ ذياب وبيروح شهر عسل وش خايفه منه


فرح : لا مو خايفه حيآك اي وقت


ود : اجل من ترجعين ارسلي لي


فرح : طيب


قفلت ود منها وسحبت جوالها الثاني وارسلت ..

( قريب بتتم المهمه )




فتح جواله وابتسم وهو مروق .. والله بنزل رأسك للأرض ياذياب ..::




.....؛؛؛؛....



وصلوا لبيت اهلها .. بس ليله وحده تحس انها اشتاقت له اشتاقت لهالحي الكئيب .. اشتاقت لكل شي هنآ

فتح باب السياره وطلع ..

طلعت وراه وهي تحس بالمطر ينزل ..



كأن الرياض حالفه ماتخليها تزعل بهالوقت .. ابتسمت وهي ودها تصارخ مثل كل مره ينزل فيها .. بس تذكرت الوحش اللي معها وسكتت ..

طق الباب وطلع له سامي ..



سلم عليه وبارك له .. نزلت ساره نقابها ومدت يدها لسامي المنحرج .. رفع رأسه وشاف نظرات ذياب الراضيه وسلم عليها

سامي : الف مبروك .. الله يهنيكم




ساره : يبارك فيك ..ودخلت داخل ومن شافتها عمتها بدت تزغرد هي وسعاد .. انحرجت وسلمت عليهم .. دورت خواتها بعيونها اشرت لها فرح انهم بغرفتها .. استأذنت وراحت لهم



موضي بفرحه : هلا هلا بأحلى عروس .. حضنتها بقوه




وهاجر كانت عيونها مليانه دموع .. مشاعرها مضطربه .. اول مره بتفارق ساره وبتبعد عنها


جلست معاهم 10 دقايق وكل ماسألتها موضي عن تفاصيل ليلتهم تغير الموضوع ..



موضي بعصبيه : ساره لاتهبلين فيني ؟ صار شي امس



ساره : اففففف لازم يصير يعني !!



قربت منها موضي : مو لازم بس الرجال طبيعي مستعد لهالامور لايكون صديتيه



نزلت رأسها بإحراج وسمعت ضحكة هاجر ..



موضي : اسكتي انتي خلينا نشوف اختك وش هببت ..!



ساره : مدري هو كان يتتظرني ابدل ملابسي وانا نمت بدون مااحس والله وقفلت الغرفه علي



موضي : لااااااا وزعل ؟



ساره بتوتر : اي والغى السفر تخيلي ؟؟


موضي : تستاهلين مو وجه سفر انتي .. ماحد بيعدلك غيره كفو ياولد عمتي



ساره : الحين انا اختك مو هو ..الله يسامحك بس



وطلعت للصاله وهي متضايقه بس من شافت ابتسامة عمتها رسمت على وجهها احلى ابتسامه ..


اشرت لها فرح تجلس بقربه .. افف ناقصه توتر هي



استجابت وجلست بقربه ..اما هو نظراته مافارقتها من طلعت من غرفتها ..حس فيها انها متضايقه .. كان نفسه يسألها يتطمن .. بس كل مايتذكر موقفها يقسى قلبه ..




همس لها : ابتسمي وحسسيهم انك عروس يكفيني انا اني مو حاس بهالشي ..


ابتسمت للكل وسكتت ..


لطيفه كانت تناظر لهم وهي مبسوطه .. اما فرح كانت حاسه بالحرب اللي بينهم . .. ومتحمسه للاكشن اللي بيكون فبيتهم ..!!..


افطرت بهدوء وهي تحس جسمها حار من نظراته .. كان نفسها تدفه بعيد عنها ..


وهو كانت مستمتع بكل حركه تسويها ..



لطيفه : متى طيارتكم ؟





ناظرت له بسرعه ..وهي تنتظر رده





ذياب ببرود : اجلنا السفر طلع عندي شغل بالشركه ..



سكتوا كلهم .. وهم مستغربين




فرح بتغيير لجوهم : يلا بجيب القهوه لكم اجل



هز رأسه ذياب : ابي بس فنجان وبروح اخلص اشغالي ..


تقهوى وهي قربه .. يحس بشعور جميل لهدوئها الخارجي .. مسك يدها وحس برجفتها





ذياب : شفيك ؟ تعبانه







هزت رأسها بالرفض وصوته الحنون كان مغري لها انها تبكي بحضنه .. ماتدري ليش جاتها هالفكره ..، يمكن هواشهم الصباح .. وعتاب موضي لها .. واحساسها بالتقصير كل هالاشياء تجمعت عليها


ذياب : طيب انا بطلع توصين شي ؟



ساره وهي تلعب بعقدها : لا سلامتك




ذياب : طيب ناظري لي


انصدمت من طلبه وسط اهله .. رفعت رأسها وناظرت له ..

همس بصوت مليان مشاعر هزها من داخل : يلا وصليني للباب ..



وقف ومسك يدها .. كان منظرهم بعد هالمحادثه مثل اي عاشقين يسرقون الوقت عشان يعيشون لحظات مع بعضهم ..





فرح تأكدت انه اخوها ذايب وهايم .. اما ساره واضح انها تحت تأثيره





ولطيفه توها تحس بالراحه صح موضوع السفر ضايقها بس ماعليه العمرر قدامهم ..





وقفت عند الباب والمطر ينزل خفيف ..




سحب يدها وحضنها بيده وبصوت خشن : مابي اشوفك متضايقه





ساره بعفويه : انا امس خربت كل شي بغباائي مستحيل اسامح نفسي اني زعلتك






ماحست بنفسها الا وهي بحضنه .. يالله بسرعه تحققت امنيتها ..







من جلست قربه وهو يحاول يقاوم سحرها .. لكن بعد عفويتها ذي انهزم كبريائه ..

باس اذنها وهمس : لو فاتتنا ليلة امس معنا كل ليالي العمر لاتشيلين هم ..


رجفت من مشاعرها .. وبعدت عنه ووجها احمر ..




ناظر لها وابتسم .. خاطره بهاللحظه يرجعون للفندق ويقولها كل مشاعره .. للأسف هو ضعيف قدام حبه لهآ


ساره بربكه : يلا بدخل وانت انتبه لنفسك



ذياب : من عيوني




وطلع وقفل الباب ورآه .. تنهدت براحه وجلست تهفهف علئ وجهها .. يالله وش هالذياب وش هالانسان كيف يقلب مودها بسرعه



ابتسمت وهي مروقه .. دخلت وشافتهم كلهم مبتسمين لها ..






ساره بعفويه : ياحلو الحياه




ماحست الا بضحكهم المتواصل .. ماهتمت وجلست تتقهوئ وهي منحرجه من نغزاتهم ...



.....،،،،،،،....


دخل عليهم وهو يشوف امه جالسه وجود جالسه عندها وتسولف معاها ..



ابتسم وسلم ..




وقفت وهي لابسه شورت بيج وبلوزه قطن ذهبيه وشعرها رافعته بشكل عشوائي .. دايم ستايلها الجريء يعجبه




باست خده بقوه ودخلت بحضنه .. وهي تهمس :




اشتقت لك حبيبي من صحيت ماشفتك




باس رأسها اللي يوصل لاكتافه وتنهد : والله الشغل اتعبني




جود وهي تفكر : طيب شرايك تاخذ اجازه من استلمت الشركه وانت تكرف




خالد : لا الاجازه اذا ولدتي وحط يده علئ بطنها .. اخبار حبيبي اليوم




ابتسمت وهي تتأمله .. ورجعت جلست عند عمتها




جا حضن امه وباس رأسها : اخبار الغاليه اليوم

فردوس : الحمدلله جود مو مقصره معاي .. من اليوم تسمع قصصي عنك الله يسعدكم يارب

انحرجت جود من نظراته التفحصيه لها .. ووقفت بربكه : بحط لك الغدا

هز رأسه... ومن راحت حط رأسه علئ رجول امه



فردوس كانت حاسه فيه ..انه يهرب بالشغل عن اشياء كثير .. بنفس الوقت حبت جود وطيبتها وحبها لولدها اكثر من كل شي ..



فردوس : شفيك حبيبي

خالد : مدري يمه اخاف اظلم بنت الناس معاي

فردوس : لا يمه انتبه تظلمها بشي .. واذا رفضت انك تتزوج هاجر لاتتزوجها .. انت بعد يحق لك تعيش حياتك بدون مشاكل

خالد : المشكله انها وافقت ولا متحمسه للشي ذا !!

فردوس : جود قلبها طيب وتحب الخير الله يولدها بالسلامه

ردد بقلبه آمين ..،


وهو للحين مو فاهمها، متأكد انها تحبه وتموت فيه بنفس الوقت غريب تنازلها عن حقها انه يكون لها وحدهآ ..

قطع تفكيره وهو يشوفها تجر عربة الاكل .. وقف يساعدها وهو يتأملها ..



احيان كثير يحس انها طفله واكتفت بس بقربه .. مو طماعه ولاتبي اكثر .. مع ان عندها كل المقومات اللي تخليه لها وحدها بس ..:: وهو اكتفئ فيها ومن تزوج ماقد غازل ابد ،،؟




اما هي كانت مشاعرها مضطربه قدامه .. كل يوم هالقلب يخونها ويتعلق فيه اكثر .. $$



....،،،،،.......

حآيل ||





صحئ من النوم وهو ماله خلق لشي ..،. سمع صوت التلفزيون ووقف وهو يستغفر .. اكيد امه كالعاده تتابع المسلسلات التركيه ومتأثره ..





تمغط بكسل وهو يناظر بالمرايه لشكله المبهذل ..




عوارض وشعره واصل لأسفل رقبته .. تفاحة آدم البارزه بعنقه .. جسمه مايل للنحف .. سماره ملفت لأن عيونه عسليه .. انفه فيه كسره بالمنتصف .. وله غمازه وحده



بشكل عام يعرف انه جذاب .. ويعرف انه انسان يحب الحياه ووفي وصادق وكثير له احباب واصحاب .. ويعرف انه يحبها ايوه يحبها من كانوا صغار



كان يجيهم بالدس عشان يتهاوش معها .. يستمتع بصراخها وجنونها .. فرحه .. ونبض قلبه






آه بس متئ تكوني لي والله والله لأسعدك ..()





صلئ وطلع للصاله المرتبه .. كنب بنفسحي غامق ساده وخداديات بجميع الالوان .. وسجاده سودا شاشة البلازما تغطي نصف الجدار الابيض .. وشغالة امه وامه جالسين يبكون علئ المسلسل ..




هز رأسه وهو كاتم الضحكه ..


ام تركي :

تعال يمه شوف الكلبه شسوت ببنت رجلها حسبي الله

تركي بعصبيه خفيفه :


سرياتي روحي جهزي فطوري بسرعه



امه : خلها شوي لحد ماينتهي المسلسل



تركي : يمه الله يهداك دلعك ذا بيخربها وتهرب مثل غيرها بعد ماتسرقنا



قامت سرياتي وهي معصبه وتتحلطم بالهنديه ..~



جلس بجنب امه عالارض قدام الشاشه ..



سحب يدها وباسها : شخبارك اليوم



ام تركي وعيونها علئ المسلسل : بخير بخير



ابتسم .. وبعد مافطر طلع من البيت متوجه للنادي من زمان ماجاهم ..



وقف بنص الشارع وهو يشوف عمال البلديه يشتغلون بهالبرد .. نزل للمطعم وشرئ لهم فطاير وعصاير ومن شافوه عرفوه .. ركضوا له واخذوا اللي بيده وهم يدعون له ..

ابتسم وكمل طريقه .. كان حاس بضيقه خفيفه .. يحس في شي بيصير سحب جواله ودق علئ امه يتطمن عليها .. مايضمن الشغالات ابد لكن للأسف اثناء انشغاله بالجوال مانتبه للشاحنه اللي اعترضت طريقه ..


|| ظلاااام .. وجه فرح .. وجه امه ... وبعدها غمض عيونه براحهـ ||




,,,,,,,,....,,,,,,,,,,






دق جوالها وناظرت لساره اللي حاضنه هاجر وهم جالسين ..



فرح بصرخه : زوجك يدق



انتفضت ساره وبعصبيه : انتي ماتعرفين الهدوء ؟



فرح بضحكه شريره : كهكهكهكهكهكهكه الحمدلله فجعتك



ردت وهي تسمع صوت ذياب المتوتر : فرحححح اطلعي برا بسرعه



وقفت بسرعه وركضت للحوش وهي تشوفه متبلل من المطر وواقف عند الشجره



فرح بخوف : ذ ي ا ب شفيه



ذياب : تركي تركي مسوي حادث ومدري عنه شي ابيك تقولين لهم يتجهزون بنمشي لحايل



فرح : الحيين ؟



ذياب : فرحح بلا غباء بسرعه قولي لامي وسعاد وساره

هزت رأسها وهي خايفه .. اول مره تشوف ضعف ذياب لا ثاني مره بعد اختفاء سامي




بعد نص ساعه جهزوا .. وركبوا السياره بعد وداع ساخن لهاجر وموضي ..




مسحت ساره دموعها من تحت نقابها .. وهي تناظر لذياب اللي يسوق وهو معصب ..



ذياب بصرخه وهو يهز جواله : شفيهم مايردون الكلاب شفيهم



ام ذياب وهي تبكي : تطمن يمه تطمن ان شاءالله مافيه الا كل خير



اما فرح كانت سرحانه وحاطه رأسها علئ الشباك ..



تحاول تتذكر هالتركي ؟ اللي كانت تكرهه بطفولتها .. وكرهته اكثر لما خطبها


التفتت علئ سعاد اللي تشاهق
وساره الصامته .. وامها اللي تدعي بصوت عالي .. وسامي اللي يخبي دموعه ..



همست من قلب : يارب احفظه يارب ولاتفجعنا بأحد غالي .. يارب تعبنا فقد وحزن يارب تمم فرحتنا بقومته بالسلامه




....،،،،،،،.........




جالسه تصارخخخ بقوه والكل تجمع عليها .. وخواتها يحاولون يهدونها ..


وقف مازن عندها : ياعمه اهدي ان شاءالله بيقوم بالسلامه

ام تركي والمغذي بيدها بعد انهيارها : ابي ولدي ابي وحيدي جيبوه لي جيبووه


دخلوا بناتها الاربع المتزوجات من اولاد عمومتهم
وكملوا بكاء ونياح معها ..


تنهد مازن .. وشاف رقم ذياب

لاحول ليشش انا دايم اطيح بهالمواقف .. خطف سامي انا بلغته .. والحين ببلغه بحالة تركي ؟

يارب رحمتك يارب ..


فتح الجوال وهو يسمع صراخ ذياب : مازن تكفئ طمني تكفئ انا ماصدق غيرك


مازن : والله مدري يابو سعد للحين بغرفة العمليات له ساعتين تقريبا ماحد طلع


ذياب بهدوء : يعني مامات ؟




مازن : لا لا الحمدلله اصلا اللي انقذه يقول انه كان واعي


تنهد ذياب وقفل الجوال وهو شبه مطمئن .. شغل اذاعة القرآن عشان يهدي روحه المفجوعه ..


كل تحركاته وتفاصيله كانت تحت انظارها ، هي اللي جالسه بالمقعد الخلفي وراه بالضبط ، ماتدري ليش كان ودها تخفف عليه .. تحضنه .. تمسك يده





بصوت واطي قربت رأسها من رأسه ..







ساره : ذياب صل على النبي .. وباذن الله صاحبك بيقوم بأحسن حال ..

هز رأسه برضا .. وهو يصلي على النبي ويستغفر بصوت عالي ..




ضربتها فرح على يدها




رفعت حاجبها لفرح اللي تغمز لها وتسوي حركات هبله ..



قربت من فرح وهمست : ادعي لخطيبك يقوم بالسلامه واتركي خبالك




سكتت فرح وهي مصدومه شعرفها ذي انه خطبني ..



رجعت ساره رأسها ورا .. والنعاس غلب عليها ..~~~



بعد 6 ساعات وصلوا على اذان العشاء ..


نزلوا للبيت وبسرعه راح للمستشفى وهو رافض ياخذ اي احد معآه ..


تأففت امه من عناده .. كان نفسها تروح تتطمن وتوقف مع ام تركي رغم العداوه اللي بينهم


فرح : يمه شتبين فيهم .. خليهم يولون



سعاد : عيب هالكلام ؟ ذولا عمامك ياغبيه



فرح : الله يالعمام اللي دايم يتشمتون فيها




ناظرت لهم ساره وهي تعبانه ..


سعاد : اتركي هالكلام ووصلي ساره لغرفتها انا بروح مع مازن اكيد تعبان الحين ومحتاجني



فرح وهي توقف بحماس : والله ودخلتي هالسجن ياسوير الله يعينك يلا يلا قدامي



مشوا للجناح المخصص لساره .. والشغالات وراهم بالشنط الكثيره


فتحت فرح الباب وهي تزغرد ..



فرح :: برجلك اليمين ياوليه



هزت ساره رأسها وانصدمت من فخامة الجناح ..،



ساره : واوو



فرح بابتسامه وهي تأشر بيدينها وتعلك : ذا ذوق زوجك تراه ماشاءالله مبدع بالديكورات لو انه مكمل دراسته متأكده انه بيكون مهندس اد الدنيا




بدايه الجناح كانت مدخل ابيض والجدران كلها مرايا بين اللونين الابيض والاسود بعدها يفتح على صالتين صاله تفتح على مجلس كبير والوانه بين التفاحي والبيج وبجنبه دورة مياه ..




وبعدها مدخل يودي للمطبخ واللي ديكوره وتصميمه فرنسي بين اللونين الخشبي والسكري واللي كان فيه جدار زجاج يفتح على حوش صغير وسطه جلسة فخمه ومظلله وكله مزوع بشكل يفتح النفس ..



والصاله الثانيه اللي كانت تحتوي على كنب باللون الاورنج وخداديات باللون الابيض تفتح على 3 غرف نوم .. ومكتب مغلق ..



انبهرت ساره بكبر الجناح



ساره بعفويه : ذا بيت مو جناح



ضحكت فرح وهي تسحبها لغرفتها




دخلت وهي تشوف الشغالات يرتبون ملابسها واغراضها تحت اشراف ام حافظ .. اللي ابتسمت لها بحب انتقلت نظراتها للغرفه الواسعه اللي تتوقع انها كبر بيتهم كله


‎سرير يحتل وسط الغرفه باللون البني الغامق .. ومفارش باللون الاصفر الهادئ .. وبجنب السرير جلسه مريحه..كنبات باللون الاصفر المخضر وطاولة باللون البني وفوقها انيه فخمه..وسجاد تركي مربع الشكل باللون البني الترابي..وستائر من الدانيل باللون الاصفر الكريمي..ودولاب بجانب الغرفة باللون البني الفاخر.
...


‎لفت تبي تعلق لكن ماشافت احد بالغرفه غيرها .. نقزت بسعاده وطلعت جوالها وهي تصور الغرفه وترسله لقروب (جنتي) واللي كان فيه 3 اشخاص هم هنوف وموضي وهاجر ..




‎اخذت بجامه حرير بلونها المفضل الرمادي .. ودخلت التواليت اللي وقف انفاسها من جماله .. جلست بالجاكوزي وهي تحمد ربها انها عرفت كيف تستخدمه من جلسات العنايه اللي كانت قبل زواجها .. بعد نص ساعه طلعت بعد ماروقت وارتاحت .. توضت وصلت العشا والوتر .. مغصها بطنها من الجوع .. وتأففت وهي تنسدح علئ السرير المغري .. افف شلون اتطمن علئ ذياب الحين ؟ وشلون انزل اتعشئ معقوله نسوني .. دقايق وسمعت صوته



‎وقفت وناطرت لوجهها الباهت .. سحبت الكحل والروج وتعدلت بسرعه ..، حمدت ربها انها جففت شعرها



‎طلعت من الغرفه بعد ماتعطرت وشافته منسدح علئ الكنب الاورنج ..



‎ساره : ذياب طمني



‎تنهد وهو مغمض : للحين بغرفة العمليات الله يستر ..انا ماقدرت اتحمل ودخت هناك يمكن من الجوع والارق وجابني مازن .. بتعشئ وانام عشان ارجع له بالمستشفئ




‎جلست بقربه وهي تسحب يده اللي حاضن فيها رأسه ..



‎ساره : تعال ارتاح بالغرفه وانا بجيب عشاك



‎ذياب بخشونه : ابي اخذ دش اول يلا خليهم يستعجلون


‎طلعت من الجناح وهي تناظر لغرف فرح وسامي
‎شافت فرح تأكل شيبس ومنسدحه علئ الاريكه الخضراء وتناظر للفيلم الهندي



‎ساره : فرحححح وديني للمطبخ



‎نقزت فرح ويدها علئ خصرها وفمها مليان اكل : هلا هلا وطالعه ببجامه وتتمشين براحه وتتمخطرين ؟ والنصايح والوعظ بس لي والله وطلعت خروف يااخوي
‎من اول يوم
..



ساره بضيقه : اخوك تعبان وانا بعد تكفين بلا هبل



ناظرت لها فرح ودققت بملامحها الذابله : طيب ادخلي لجناحك ان شافك سامي وعرف ذياب بيذبحك انا بوصل لكم عشاكم ياأحلئ عرسان


دخلت للجناح وهي مصدعه .. الله يعيني علئ فرح بس


اما فرح فركضت لأمها اللي كانت تصلي الوتر وتدعي لولدها الثالث "تركي " كانت تبي تشكي لها من التفرقه والظلم اللي فالبيت لكن لما شافتها تبكي وتدعي طلعت وهي طفشانه واخذت العشا ووصلته لهم ..



ورجعت لغرفتها وقفلتها .. ناظرت لثوبها الواسع ونزلته وبقت ببنطلون البجامه اللي من الف لون وبدي اسود خفيف ..فكت شعرها اللي كانت رابطته بألف ربطه وتركته علئ اكتافها



فتحت ثلاجتها وطلعت لها سنكرس وبيبسي .. ورجعت لبست نظارتها وانسدحت تتابع وهي كل شوي تقط بوسات للبطل اللي تموت علئ تمثيله ...


...،،،،،،....



4 فجرا ..



صحئ علئ صوت جواله .. فتح عيونه وشاف ساره نايمه بقربه .. سحب الجوال وهو يناظر لرقم مازن



وقف وهو متوتر ..









وفتح جواله : هاه ؟




شتقووووووووول !!!!!!!!!!

/////

صبحكم / ماساكم الله بكل خير ..،


والبارت الثآمن وصل .. اعترف لكم حبيت هالبارت .. واتمنئ انكم حبيتوهـ

توقعآتكم ..

السلام اللي بين سارهـ وذياب هل يدوم ؟؟

فرح وش ينتظرهآ من اكشن ؟؟

تركي هل ينجو ؟؟

جود وخالد وهاجر هل من عواصف ستغير حياتهم ؟؟

واخيرآ ... اتمنئ ماتبخلوا علي بردودكم احببببببكم هوايه ()

[اسطورة !]

البارت التاسع ..،


‏"يا رب دلّ انظارنا للتفاصيل الجميلة مهما
صغرت.



3 مساء ..


جالسه تراقب دلة القهوة العربيه وهي تحت النار تحتاجها هالوقت عشان تروق . ..،

متضايقه من وضعها له اسبوع مختفي مايجي الا آخر الليل ينام ساعتين ويرجع للمستشفئ لصاحبه ..

ماصار بينهم كلام ولاشي .. ملت من هالبرود بينهم ماكأنهم عرسان جدد
طفت علئ القهوه واخذت الحلا اللي سوته وطلعت بالحديقه الصغيره ..

الجو بارد بقوه سحبت معطفها الفرو الاحمر وهي تراقب الغيوم ..

اخذت جوالها الايفون ودخلت تويتر وبدت تطقطق فيه مع هنوف مابقت هاموره ماتهاوشوا معاها ..


........،،،...


تنهد وهو يناظر له بحنان .. هذا اخوه وصاحبه مو مصدق انه عايش وتعدئ مرحلة الخطر .. لكن للحين ماصحئ من الغيبوبه

دخلت ام تركي وهي ممنونه لذياب .. ماحد وقف معاها ومع ولدها غيره ندمت انها منعت ولدها من فرح .. تنتظره يصحئ وهي بتخطب له بنفسها ..مستحيل تكسر بقلبه


ام تركي ومعها شغالتها اللي نظراتها المعجبه مافارقت ذياب .: ياوليدي جايبه لك ذاك المرقوق ادري بك مااكلت شي من جيت الفجر


ابتسم احترام لها .. ،. واخذ الصحن من يدها وسم وبدأ يأكل .. مر علئ طيفه سارته .. يدري انه قصر بحقها وكثيررررر بس ان شاءالله بتعذرهـ


انتبهت لنظرات شغالتها ورفستها بعصاتها وهمست : عسئ عينك للبط ياللي ماتستحين ..

ورجعت ناظرت لفرحتها بحزن .. هي مؤمنه انها باختبار وبتصبر عشان الاجر .. عندها امل وثقه بالله انه بيرده لها وتقر عينها فيه ..



....،،،،،.......،،



دخلت علئ امها اللي عندها جارتها " ام غضيان "

فرح وهي تمط شفايفها بكره : سلاممممم

ام غضيان تهلل وجهها وهي تتمنئ اللي فبالها يتحقق ..

: ياهلا ياهلا حياتس الله يانور عيني

جلست فرح وهي تناظر لأمها اللي نزلتها غصب ..


ام ذياب : قومي قهوي الضيفه

فرح وهي تنافخ : طططططيب

قهوتها ورجعت جلست

ام غضيان : هاه يابنتي ماغيرتي رأيتس ؟ والله ودي فيتس لولدي


فرح بعصبيه وهي ملت من هالموضوع : والله لو مايبقئ بالارض غير ولدك الاحول ماآخذه


ام ذياب وقفت وهي تسحبها وتطلعها برا وبهمس : هين يافرح والله لأخلي ذياب يربيتس

ورجعت لضيفتها وهي منحرجه ..

قامت ام غضيان وهي متضايقه وطلعت رغم اصرار ام ذياب عليها بالجلوس ..


صرخت : فرحح تعالي والله ماأخليها لتس يالعوبه

دخل ذياب وشماغه مرمي على كتفه بإهمال .. ناظر لأمه اللي واقفه على دربزاين الدرج وتصارخ

ذياب : شعندك يمه

ام ذياب تهلل وجهها بشوفته وانبسطت : هلا هلا بعصابة رأسي

باس رأسها ويدينها وابتسم : من مزعل الغاليه

ماحبت تعلمه وهي تشوفه بهالتعب : لا بس كنت انادي فرح وماترد

عقد حواجبه : شفيها ذي انا بنزلها الحين لك

امه : لا خلاص روح لزوجتك انت وارتاح

هز رأسه وصعد لجناحه وكل ماقرب تزيد دقات قلبه مشتاق لها بشكل مو طبيعي اليوم بيعوضها كل شي


فتح الجناح واستغرب من الهدوء اللي فيه .. على طول راح للحديقه ومثل ماتوقع لقاها تتقهوى فيها


ساره وهي مصدومه من المنشن اللي تعدى 200 طلع واحد من الهوامير مرتوت لها .. نزلت جوالها بربكه وهي تشم ريحة عطره

رفعت رأسها وشافته وهو تعبان .. يالله بكل حالاته جميل ووسيم بشكل خطير .. ثوب كحلي غامق ولاف شماغه علئ كتفه باهمال .. وقفت وهي تناظر له

ابتسم لشكلها العفوي بنطلون بيج ومعطف فرو احمر وشعرها منزلته على اكتافها

قرب وحضن يديها : ليش طالعه بهالبرد

ساره : احب البرد

ذياب : وانا احبك طيب

ابتسمت وكلمته فرحتها بقوه .. تلخبطت مشاعرها واحتارت ايش ترد على تصريحه

راقب انفعالاتها وهو مبسوط .. ذي حلم حياته وحبه وصارت حلاله ..

ذياب بصوت مبحوح : باخذ دش واجي اتقهوى معاك بس داخل

هزت رأسها وهي تراقبه .. سحبت جوالها وطلعت من تويتر بسرعه ... اخذت قهوتها والحلا ودخلت للصاله الجانبيه تنتظره ..



...،،،،،......




طلعت من الحمام وشافت جواهر قدامها

بعصبيه : انتي ليش ماعلمتيه عن مرضك وخطورة حملك ؟




جلست على الكنب وهي تتنفس ببطء ..

جود : خلاص مالي خلق نصايح

جواهر : انا خايفه عليك ولازم زوجك يعرف مرضك اصلا غريبه ماعرف للحين وانتي من اي مجهود تتعبين

جود : انا قلت له معاي ربو .. خليني بس اولد بالسلامه بعدها بعلمه

جواهر : الدكتور ايش قالك

جود : قال لي حملك يعتبر انتحار وانتي حالة قلبك مو مستقره

تأففت جواهر من عناد صديقتها ..

اما جود كانت يدها تمسح علئ بطنها وبقلبها تستودعه ..اللي يهمها تولده وهو بخير وغيره مايهم ..


.......،،،


طلع من مكتبه وهو مصدع .. اليوم كسب اهم مناقصه وبيفتح فرع لشركتهم في دبي

تذكر امه اللي جالسه عند هاجر من يومين ..


مرت على طيفه وقارنها بجود .. غصب عنه تفكيره ينجذب لزوجته وحلآله ..ماتوقع لو بلحظه انه يتعلق فيها وتكسب احترامه ..

مايدري الزمن وش مخبي له .. مستحيل يجرح هاجر وهي توها طفله بعينه وماشافت من الدنيا شي ..

مستحيل ياخذها بذنب ساره المتهوره .. هز رأسه وهو راضي بتفكيره من تزوج جود ومسك الشغل حس انه كبر 20 سنه ترك اللعب والمغازل وكل عينه على الثروة اللي قدام عينه ..يحس انه بسباق مع الزمن يايكون او لايكون

هذا هو خالد آخر همه جنس حواء ...()


وقف عند بابهم وابتسم .. شاف اولاد الحاره متجمعين عليه ويصارخون بانبهار من وضعه الجديد وشكل سيارته نزل وهو يعدل شماغه ويوزع عليهم فلوس راقبهم وهم يركضون للبقاله بفرحه ..





....،،،،،....



منسدحه بكسل وتناظر لخالتها وموضي اللي يتقهوون والدفايه قدامهم .. الجو بارد اليوم ومالها مزاج تتحرك
سمعت فيصل يرحب بخالد .. جلست بسرعه وقلبها ينبض بسرعه .. حاولت تتمسك ببرودها الخارجي ماقدرت ..

كل ماقرب ارتباطهم كل ماتحمست اكثر ..

ناظرت لها موضي بابتسامه .. وهي تراقب انفعالاتها من سمعت صوته


خالد وهو ورا الباب : سلام يابنات العم

موضي والحمل متعبها حيل : عليكم السلام حياك خالد
اقلط ..

خالد : والله مستعجل بس حبيت امر واتطمن عليكم

ام خالد وقفت بصعوبه وطلعت له وبهمس : سلم على هاجر لاتكسر بخاطرها

هز رأسه كأنها تشوفه وبهدوء : اخبارك هاجر

رفعت رأسها .. شافت فيصل المبتسم وكأنه مكتشف شي خطير

هاجر بحيا :ب ب بخير

خالد : عسى دوم يارب

باس رأس امه ويدينها وطلع وهو متضايق من هالحمل الجديد عليه ..

سحبت عكازها ووقفت بهدوء .. دخلت غرفتها وقفلت الباب .. تحس انها استغلاليه متأكده ان خالد مايبيها وانه انجبر عليها وهي بتوافق عشان علاجها وتستغله كمحرم لها بالغربه .. ناظرت لملامحها على المرايه بشره بيضا صافيه .. عيون واسعه عسليه وشعرها خشن وكثير يوصل لظهرها .. جسمها نحيف لكن معالمها الانثويه بارزه كأنها بنت ال25 سنه مو 16

ابتسمت وهي تحمد ربها اللي اخذ منها نعمه وعوضها بنعم كثيره .. وهمست لنفسها : اوعدك ياخالد مابكون ثقل عليك ولاعلى غيرك اوعدك ..



..،،،..

جالسه بارتباك تنتظره ..، ماتدري ليش تطلع غبيه قدامه
كل دقيقه تغير وضع جلستها .. تأففت وهي تحسه طول .. كل هذا يتحمم ..


لفت رأسها وشافته قدامها .. بعفويه نطقت : بسم الله فجعتني

ضحك بصوته الخشن وجلس بقربها على نفس الكنب ..

بعدت بشويش وهي تحس انها بتختنق من الحيا ..

راقب حركتها ورفع حاجبه .. سحبها بيده وصار وجهها مقابل وجهه ..

غمضت عيونها وهي تحس بشعور غريب ..

مرر شفايفه على تقاسيمها الحاده وهمس : اشتقت لك انتي اللي حرمتيني منك عاد تحملي

ضاع الكلام منها ووقفت بخوف ..: بروح اعدل القهوه

ابتسم ومسك يدها وجلسها بحضنه ..: ابيك انتي بس مافي مجال للهروب

$$$$$''


...،،،،..

انصدمت من كلام امها الجارح ..

فرح بزعل : افا يمه كل هالعذاريب فيني ؟

ام ذياب بغضب : اي كلها تعبت منك كل يوم اقول بتعقل لكن عقلك يرجع اصغر

دمعت عيونها اول مره امها تقسى عليها : كل ذا عشان غضيان وامه

ام ذياب : لا والله مو ذي اول سوالفك اللي ماتعجبني .. كلك على بعضك يبي لك تربيه من جديد وعقاب لك مافي روحه للمخيم مع ذياب بتجلسين معاي ..

فرح بضيقه : من زين البر عاد بروح انام احسسسن لي .. عيشة تقصر العمر

مشت وراحت لغرفتها وهي مكتومه .. ماتدري ليش من داخلها مو عاجبها اي شي .. وفوق كذا ينتقدون تصرفاتها كأنها وسط زنزانه .. رمت لبسها واخذت اقرب بجامه .. سمعت صوت المطر وتنهدت بتعب .. النوم افضل حل ..()


......،،،،..

فتحت عيونها وحست انها غفت علئ شي قاسي ..

ناظرت عاليمين شافته محاوطها بيديه ورأسها علئ صدره العاري ..، تلون وجهها وهي تتذكر ايش صار

وقفت بهدوء وهي خايفه يصحئ .. سحبت لبسها ودخلت للحمام .. اخذت دش دافي يالله برد الشمال مو طبيعي .. طلعت وهي تشوفه لسئ نايم تنهدت براحه .. لبست بنطلون عنابي سكيني وبلوزه سوداء بزخارف ذهبيه ناعمه .. رفعت شعرها فوق وانتبهت للعلامات اللي برقبتها .. ابتسمت بخجل .. ورجعت نزلته اكتفت بروج عنابي وماسكرا .. تعطرت وسحبت جلالها معاها ..


نزلت للدور الارضي بعد ماطفشت وهي تنتظر فرح تفتح لها .. شكلها نايمه الخبله ..

لقت خالتها جالسه وقبالها شاشة البلازما وصوت السديس يصدح فالصاله كلها ..

سلمت بخجل .. وجلست قربها

تهلل وجه لطيفه وهي تشوفها .. سحبت يدينها وهمست : هاه بشري يمه

فهت ساره ونظرات خالتها زادتها توتر وخجل نزلت رأسها بسرعه وسحبت يدينها لحضنها ..،

ابتتسمت لطيفه براحه ورددت : يالله يارب اشوف عيالكم بهالبيت

سمعت صوت الجرس .. اخيرا جاء من بينقذها من تحقيق خالتها وقفت بتفتح .. لكن شافت الشغاله الفلبينيه تركض قبلها ..

دخلت سعاد وهي شايله ذياب الصغير .. ابتسمت ساره وسلمت عليها واخذته منها .. ماتحب الاطفال بس هذا غير ينوكل اكل من لطافته ..

سعاد : شخبار عروستنا

ساره : بخير الحمدلله انتي شخبارك

سعاد : والله ذياب تعبني ..

لطيفه : قلت لك خوذي ام حافظ تساعدك

سعاد : لا يمه ابي اتعود علئ المسؤوليه ..

لطيفه : ماشاءالله عليتس ياسعاد ليت معطيه نص عقلتس لفرح

ضحكت ساره وهي مشتاقه لهالفرح ..،،


دخل سامي مستعجل ..شاف ساره ورجع بسرعه

لطيفه بصوت عالي : ادخل سامي ذي مثل اختك

دخل وهو منحرج : سلام عليكم

الكل : عليكم السلآم ..

جلس قدامهم وهو مستحي ومرتبك ..

ضحكت ساره بداخلها عليه وبجرأه : اخبارك سامي

سامي : بخير انتي شخبارك عساك مرتاحه عندنا

ردت بسرعه : الحمدلله يارب بس فاقده خواتي وفصول

ابتسمت لطيفه وهي تشوف سامي مرتبك ..

وقفت ساره واخذت دلة القهوه وبدت تقهويهم ..

نزل ذياب وبصوت خشن : سلام .. ماشاءالله مجتمعين

وقف سامي وهو خايف من عصبية ذياب .. لكن ذياب جلسه وابتسم له : هاه جهزت شنطتك ترى بنجلس 3 ايام وقول لفرح بعد تتجهز

لطيفه : لا فرح بتجلس معاي

ذياب : ليش يمه ؟ والله ودي كلكم تخاووني حتى انتي ام ذياب

سعاد : حنا بنروح عمره بكرا

هز رأسه ورفع حاجبه بغضب لما شاف لبس ساره ..


قرب منها وهمس : هاللبس مابيك تعيدينه قدام سامي وقدام اهلي

انقهرت منه .. خير شدخله بلبسي ،، سكتت وهي تفكر وين بيروحون وليش ماعطاها خبر !


من سمعوا صوت الاذان مسك يد سامي وراحوا للمسجد .. وقفت لطيفه وهي تصارخ على ميري تشيل القهوه ..وتبخر البيت


راقبت سعاد تلعب ذياب وكل دقيقه تفتح جوالها وتبتسم ..

معجبه بهدوءها وحياها ..، واللي تعرفه ان مازن مات عشان يتزوجها

صعدت لجناحها .. وتوضت وصلت العشا

وقفت قدام المرايه .. اذا نزلت لبسها عطته فرصه يتحكم فيها ؟ بس صعب تلبس كذا قدام سامي هي نسته اصلا ..

سحبت اول دراعه قدامها .. وراحت لفرح .. طقت مره مرتين وانفتح الباب ..

واقفه بنص عين مفتوحه وشعرها طاير ونصه على وجهها ..

فرح وهي تحك رقبتها وبعربجيه : خيييير ؟؟؟؟؟

ساره وتحاول تتدلع : تفشانا مراااا

فرح وتسوي نفسها بترجع : وعععع وعععع تكفين لاتتدلعين مرة ثانيه

ساره وهي تدفها وتدخل غرفتها : وش هالنومه الخايسه !

فرح وهي تجلس على السرير : شسوي تهاوشت مع امي وسحبتها نومه

ساره وهي تبتسم : اكيد غلطتي بشي

فرح بضيقه : اخخ ياساره والله مخنوقه مخنوقه وسعاد ماقد فهمتني قبل لاتتزوج كيف بعد ماتزوجت

مسكت يدها : انا عندك لا للطفش والملل .. بعدين انتي مدلعه ترى خدم وفلوس وسفريات وطفشانه ؟ احمدي ربك بس

فرح : مو فاهمتني انا ابي حريه شويه .. ماعندي علاقات الا صديقتين ومن تجي الاجازه يسافرون واهلهم معقدين مثلنا مايروحن ويجن على كيفهن .. وبنات عمامي ماطيقهم ولايطيقوني .. وسعاد مثل الجدار مافيها فايده يومي يمر كله نوم وهوشات مع سامي وتهزيء من امي وذياب

ساره بضحكه : حرام عليكك سعاد عسل والله

فرح : اي عسسسل واحبها بس ماقد حست فيني وجت طلعتني معها اصلا هي بس فبيتها تطفش كأنها عجوز ..


ساره : المهم ذا مو عذر .. انتي مو فاهمه نفسك اذا طفشانه جربي تنمي هواياتك .. سوي شغله .. خذي دورات .. تابعي افلام ادخلي مواقع تواصل

فرح وهي توقف وتفتح الدرج اللي تحت البلازما :

شوفي ذولا كل افلام شاروخان ورانبير كابور ومواقع التواصل كلها ادخل فيها .. بس انا ابي اوادم ليت كان عندي 6 خوات وكلهم اصغر مني

سمعوا صوت ذياب .. ودخلت فرح لدورة المياه هرب من تحقيقاته ..

وقفت ساره وشافته بيدخل جناحهم ..ناظر لها وشاف لبسها وابتسم بداخله .. الحمدلله انها فهمته بدون اي نقاش ..، مد يده لها ومسكتها بحرج ودخلوا جناحهم ..


....،،،،


صحئ علئ صوت تنفسها .. فتح الابجوره اللي بجنبه

خالد بخوف وهي يشوف وجهها ازرق : جود جووود شفيك ؟؟

حرك جسمها وشافه مثل الثلج .. نزل فمه لفمها وسوئ لها تنفس صناعي

لسئ فاقده الوعي وتنفسها سريع ..


وقف وهو مرتبك سحب اول قميص قدامه ولبسه علئ الشورت اخذ عباتها وشالها لأقرب مستشفئ ...


بعد دقايق طلع الدكتور وهو معصب ..


الدكتور : ليششش مهملين صحتها وماتحضرش مواعيدها .. وكمان حامل والبها بالوضع ده ؟؟

خالد : ماني فاهم شي يادكتور ؟ هي معاها ربو بس

الدكتور هز رأسه بعصبيه وهو يأشر علئ مكتبه ...


جلس خالد وهو مرتبك

الدكتور بهدوء : يابني زوجتك مصابه بمرض الشريان التاجي واللي من اعراضه الذبحه الصدريه .

خالد : ايش هالمرض اول مره اسمع فيه

الدكتور : المرض دا خطير ويحتاج اهتمام ورعايه .. لو وصل لمراحل متأخره يؤدي للوفاه

طلع من عند الدكتور وهو مخنوق .. سمع اذان الفجر وسحب نفسه للمسجد .. من زمان ماصلئ في المساجد

طلع وهو مرتآح .. يارب سامحنا علئ تقصيرنا



ماوده يقابلها .. ليش ضحكت عليه ؟ وليش حملت ؟ وليش سلمته كل فلوسها



ركب سيارته وكلم زوجة ابوها واخذها عندها .. وطلع من غير لايشوفها ..

لبس لبسه واتجه للشركه بقلب قاسي ، ماكأن زوجته طايحه بالمستشفى


....،،،،

تنهدت وهي تراقب الباب كل شوي .. اكيد الدكتور علمه بكل شي .. من سوء حظها جابها للمستشفى اللي كانت تعالج فيه والدكتور اللي كشف حالتها قبل 6 سنوات

سبحان الله مكتوب انه يعرف من غيرها .. كانت تنتظر بس تولد بعدها تعلمه بكل شي .. لكن الذبحه اللي جتها عطلت كل تخطيطاتها

ام حسن بحنان : يابنتي ليش ماعلمتينا بمرضك

جود : مابيكم تشيلون همي ياخاله

ام حسن : انتي بنتي شلون ماشيل همك ..

مسحت دموعها من حنان خالتها ..تمنت امها بهاللحظه .. اللي تعرفه عندها خوات واخوان بالمغرب لكن القدر ابعدهم عن بعض ..

جود : خاله لو صار لي شي لاسمح الله .. حلليني وسامحيني

ام حسن وهي كاتمه عبرتها : بسم الله عليك .. عمرك طويل يابنتي ..وبتولدين وتربين ولدك وتزوجينه ان شاءالله

جود : يارب ياخاله يارب .. بس ابي اولد ويكون لي ذكر بهالدنيا لارحت ..

...،،،..

ال5 فجرا ؛؛


ركبت السياره وهي تشوف سامي جالس قدامها ..

انبسطت انها اقنعت خالتها ان فرح تروح معاها ..،

فرح وهي تصفق ومتحمسه : اول مره انبسط لطلعات البر حاسه بيصير اكشششن مع سوير

ضربتها على رأسها : هيه ناديني باسمي بلا قلة ادب

سامي وهو مبسوط بساره اللي غصبته يمون عليها :

شرايكم نشغل شيله

فرح :اي اي بسرعه قبل لايركب الوحش

ضربتها ساره وبدلع : الا زوجي عاددد

فرح وهي تكش عليها : مالت عليك وعليه

شافته يوصي السواق على البيت .. ناظرته باعجاب هيبه هيبه ثوب اسود وعمامه اماراتيه فوق رأسه وفروه صوف بني غامق على اكتافه ..وبيده مسباح ذهبي

ركب السياره وانتشرت ريحة عطره ..

ذياب : هاه جاهزين ؟ المهم لبسكم ثقيل

سامي : كل شي جاهز ماعليك

ذياب : بسم الله اجل

فرح بهمس : شفيك فهيتي يالمخفه

ساره : اخوك مززززيون

ضحكت فرح بصوتها العالي ..

فرح : ذياب زوجتك دايخه .. اي لاتقرصين

طاح وجه ساره وهي تشوف ابتسامة ذياب ..

حقدت على فرح الخبله ..

سحب جواله وارسل لها ..




::: وانا من ليلتين دايخ عليك :::





فتحت الرساله وتلون وجهها .. انتبهت لفرح اللي تسحب الجوال منها

ذياب وعينه عليهم ..

فرح بشهقه : ارحمو العزابيه هنا

ضحك ذياب بقوه عليها : ابي افهم متى تمسكين لسانك هاه ..

سكتت فرح وهي مصدومه انه ضحك وماهزأها ..

همست لساره : ياحماره خرفنتي الوحش

هزت ساره كتوفها بدلع وانتبهت لنظراته اللي تخترقها من مراية السياره ..

انحرجت وسكتت ..

ابتسم وهو مروق .. مجرد وجودها حوله يبسطه ويفرحه .. كيف لو كان وجودها قوي .. اجل دايخه علي آه ياساره لو تدرين شكثر احبك ..))


وصلوا للمخيم الكبير .. واللي كان عليه لوحه.


:، مخيمات السعد ..:



فرح : احسن شي ان المخيم فاضي ومافيه احد من عمامي

ذياب : فرح ! انزلي واكرمينا بسكاتك

نزلوا ودخلت ساره للمخيم ..

كان 6 خيام 3 للحريم و3 للرجال وغرف متنقله للنوم ومطبخ ودورة مياه .. انبهرت بجماله وفخامته كل شي موجود فيه بلازما واي فاي كهرباء ..

شافت غرفه من خشب فيها دجاج وحمام ..

فرح وهي رافعه شعرها .. وحاطه سماعاتها ومنطربه : هبه تعالي نضبط لنا قهوه

هزت ساره رأسها وهي تصور سنابات لموضي وهاجر وهنوف ..



خلصوا القهوه وحطوها بدله .. طلعت ساره وهي لابسه جاكيت صوف ابيض يوصل لتحت ركبتها مع بنطلون سكيني اسود لامع ..ورافعه شعرها بوني تيل

شافت ذياب يسوي قهوه على الحطب ..

فرح : لو قايل لنا ماتعبنا وسوينا

ذياب : تبيني اتقهوى قهوتكم الخايسه واترك قهوتي السنعه ..

فرح : ساره انصحك لاتتقهوين معاه ..

غمزت لها ساره وجلست قربه ..ابتسم وصب لها فنجال .. ريحة قهوته كافيه انها تروقها ..

ابتسمت له وهي تتنفس من الهواء البارد اللي يلفحهم ..

السماء كانت ملبده بالغيوم ومنظر البر شي خيالي ..

ساره : دايم تجون هنا

ذياب : انا اسبوعيا اجي كل ويكند

ساره بحماس : المكان خيال والله حبيته

فرح : وش حبيتي فيه حديقتنا احسن منه .. تراب وسماء بس

ذياب : انتي مايعجبك شي الله يعين تركي عليك

لهنا وبسسسس .. كانت حاسه ان هدوئه معها وراه سبب

وقفت بسرعه : اسمع ذياب لو مايبقى غيره ماخذته خويك الشايب

ابتسم ذياب من سطحية تفكيرها : واذا قلت بتاخذينه

فرح : والله لافضحكم وركضت داخل قبل لايلحقها ..

سحبت يده ساره وهي تترجاه بنظراته يهدأ

عقد حواجبه .. ليت فرح تفهمه .. تعب كل يوم ينتظر الاسوأ .. تعب يراقبها .. يخاف عليها .. يكفيه هم سامي

ساره : ذياب

صرخ : ساره لاتتدخلين بيني وبين اهلي

استغربت من عصبيته .. ووقفت بتروح لفرح

ذياب : اجلسي هنا

ساره بقهر : مابي اجلس بكيفي

غصب عنه ضحك على ملامحها ..

انقهرت اكثر .. توه ارتاح لما فرغ عصبيته فيني شدخلني انا بينهم ..

لكن ماحبت تكبر الموضوع .. وجمال الجو اجبرها تجلس .. فتح فروته وهو يأشر لها تجلس قربه ..

تلون وجهها وهي تدور بعيونها على سامي ..

قاطعها صوته الخشن : سامي نايم ماعليك .. تعالي بسس


دخلت معاه بالفروه .. حست بشفايفه تلمس منابت شعرها .. انحرجت غصب عنها

ذياب : شرايك كل واحد يحكي للثاني عن شخصيته ..

رفعت رأسها وناظرت له : اوك


نزلت رأسها وهي تفكر وش تقول ..

ذياب : انا ببدأ

إحم .. انا انسان طموح .. اهلي اولى اولوياتي بعدها شغلي ..

منظم .. هادي وقليل اعصب

فلتت ضحكه منها غصب ..

ناظرها وهو مبتسم : تدرين انا ماعصب الا على فرح لانها تعاندني .. بس والله احبها كثير الخبله

حست بشعور غريب .. يمكن غيره ؟ بس منعت نفسها عنه ذي اخته شفيني انا !!

ذياب وعينه فعينها : وانتي يلا تكلمي

ساره بهدوء : انا انسانه متهوره .. عاطفيه .. احيانا اتصرف تصرفات غبيه بدون مااحس .. لساني يفلت بسرعه بس قلبي طيب

ضحك بقوه ..وهو يسحب يدها ويبوسها : احب هالجانب فيك

رفعت حاجبها : اي جانب

غمز لها : التهور .. ان شاءالله بتعيشيني اياه

قطع اندماجهم دخول فرح .. ناظرها ذياب بحنان : هاه وش رجعك

فرح وهي تراقبهم بقهر : هيه انا بصير مكانها

استغربت ساره منها وتمسكت فيد ذياب وهي تأشر لها : لاااا

وقفت فرح : ذياب ايي اجلس بجنبك بردانه .. اما زوجتك ذي شف لبسها ماتحتاج هالحضن

انصدم ذياب من كلامها .. لكن ابتسم وهو يأشر لها : تعالي

بعدت ساره وهي مقهوره كيف ابعدها عشانه .. جلست فرح مكانها وهي تناظر لها بضحكه ..

اما ساره كانت مقهوره والدمعه خانقتها .. افف شفيني ؟ سحبت اكسجين وتنهدت وهي تناظر للنار اللي قدامها ..


ذياب كان مستمتع باللي يصير قدامه .. قرب فرح لرأسه وباس جبينها بحب ..


فرح تلعب بحواجبها وتقهر ساره .. اللي وجهها احمر وهي تتظاهر بالبرود

وقفت ساره ومشت .. انقهرت انه ماناداها ولااهتم ..
افف من حركات فرح الطفوليه ..

شافت السما رماديه .. والمطر فجأه صار ينزل ..

وقف ذياب وسحب فروته ودخل داخل الخيمه .. جتها فرح وهي تنط والضحكه ماليه وجهها الصغير

: شرايك فيني

نزلت ساره جزمتها ولحقتها فيها .. ودها تقتلها هاللحظه خربت عليهم اعترافاتهم النذله

طلع سامي منزعج من صوت ضحكاتهم شافهم يتلاحقون والمطر ينزل بغزاره .. زلقت ساره قدامه ودخل وجهها بالطين .. ماقدر يمسك نفسه وضحك بصوت عالي شاركته فرح الضحكه ..

طلع ذياب وشاف ساره منسدحه عالارض المبلله واخوانه يضحكون .. عقد حواجبه وبصرخه : شصاررر ؟؟

سكتوا بسرعه .. اما ساره شهقت ببكاء .. انصدموا كلهم من صياحها العالي

قربوا منها ونظرات ذياب ابعدتهم بسرعه ..

نزل لمستواها .. ورفعها بسرعه

حطت رأسها على صدره وهي منحرجه من بكاءها الغير مفهوم ..ماتدري ليش تتصرف بهالغباء قدامه

ناظر سامي لفرح الخايفه وكمل ضحك على الموقف بكبره .. ساره ذي نكته

ناظرت له فرح : اخاف توجعت

سامي وبصوت مليان ضحك : لا لا ههههههه بس انحرجت شكلها اخخ يابطني ضحكت ضحك من زمان ماضحكته

فرح : هههههههههههههههههههه الله يخليني لك انا سبب هالموقف كله .. بس الله يستر من عصبيه ذياب


...

جلسها بالغرفه المتنقله .. شغل الدفايه وسحب اول لبس قدامه من شنطتها .: ارفعي يديك بساعدك

ساره ولسى تشاهق بشويش : لا لا انا بتحمم كلي تبللت من الطين

ذياب : خليني اساعدك

ساره : تكفى ذياب خليني بحالي

رفع حاجبه وهو مستغرب من تقلباتها المزاجيه .. هز رأسه وطلع لاخوانه

وقفت بصعوبه وهي تناظر لوجهها الطين نصه دخل بفمها دخلت للحمام وتروشت بمويه دافيه ..طلعت وهي تتألم من الطيحه تحس عظامها تكسرت .. لبست بجامة صوف سودا .. مشطت شعرها بصعوبه ورفعته ولبست قبعه صوف حمرا وانسدحت بالسرير وهي ترجف ..

دق جوالها وبسرعه ردت وهي مبتسمه : هلا هلا بفصيل


فيصل : خاله مشتاق لك

لاول مره يقول لها خاله .. دمعت بسرعه .. تو فهمت سبب بكاءها ..، لسى ماتأقلمت على غياب اهلها لسى تحس بالغربه ..

فيصل : خاله

ساره : وانا اكثثثثر والله والله اخباركم

هاجر وهي تسحب الجوال : سوير وجع لاحس ولاخبر بس تصورين سناب

ابتسمت وحكت لها كل شي صار من اول ليله لها هنا ..


قفلت من هاجر وهي مرتاحه .. تحس هاجر مبسوطه ومتحمسه لرحلة علاجها .. غصب عنها تذكرته ..،

تنهدت وهي نادمه على غبائها ذيك الايام ..فتحت تويتر وشافت المنشن 2000 انصدمت كل ذا عشان هامور رتوت لها ..؟؟

دخل ذياب عليها .. ارتبكت وهي تشوف نظراته على جوالها

قرب منها وسحبه بسهوله .. حاولت تاخذه لكن وقف وهو يفتحه ..


ذياب بهدوء : ايش هذا ؟؟؟



...،،،،.....


قفل من ود وهو معصب .. ماصارت هالفرح متئ بيتسهل موضوعها ..

وقف وهو يشوف زوجاته يدخلون عليه

فهميه والذهب مالي رقبتها ويديها : اهلين بحبيب البي فين كنت اليومين دول ؟

جراح : كنت ارتاح منكم ومن همكم

فهميه : بس بناتك عاوزينك

بصرخه سكتها ...،. ناظر للثانيه بهدوء ..

جراح : وانتي وش عندك ؟

سما ببرود : انا ماعندي شي بس انت ناديتني

رفع حاجبه بقهر من برودها : يعني ماشتقتي لي

سما : ولافقدتك اصلا

شهقت فهميه وهي خايفه عليها .. سما صغيره وتعتبرها من بناتها

جراح ابتسم : وين العيال

سما : نادر نايم وسامر طالع مع خواله

هز رأسه وببرود : هاه مافي حمل ؟

ارتبكت بسرعه وفهميه انقذتها : علئ ايه مستعجل

جراح : ممكن تتركينا شوي

طلعت فهميه وعيونها علئ سما .. وقلبها معها

جراح : تعالي بجنبي


سما : كذا مرتاحه

جراح وقف بعصببه وسحبها قدامه ووانفاسه تلفح وجهها : اسمعيني صبرت عليك كثير لكن خلاص

دخل بسرعه عليهم : اوه ابوي هنا هلا هلا

وقف وباس رأسه وغمز لخالته ..


جراح : هلا نادر

طلعت سما بسرعه وهي بداخلها ممنونه لولد اختها اللي انقذها ..


...،،


سلام عليكم ...


هذا البارت ووصل .. اتمنئ اعجبكم خاصه الشخصيات الجديده

اعتذر مره ثانيه علئ تأخيري لكن من تحسنت ظروفي رجعت اكتب .. اشكر كل من سأل وفقدني وتطمن علي اسأل الله ان لايريكم مكروه ... احبكم كثيرر

لاتبخلون علي بتوقعاتكم

[اسطورة !]

البارت العآشر ..،،


‏لو زاد الخصام بينّنا ! والله انك في عيوني مثل ما انت ! في جيتك في غيبتك تبقى هنا 💙

طلعت من الغرفه واتجهت لجناحها الخآص .. شافتهم بوجهها مثل ماتوقعت .. فهيمه وبناتها الست
ابتسمت لهم وهي تطمنهم ان هالليله عدت على خير ..
راقيه 18 سنه
عاليه 16 سنه
ساميه 15 سنه
آيه 10 سنوات
آمنه 8 سنوات
امينه 4 سنوات
راقيه قربت منها : هاه مافي اصابات مثل آخر مره
وعاليه بيدها شيبس وعلى فمها اثار البلع : شرايكم بهالمناسبه نتعشى عشا ثاني ترى الليل طويل
كلهم ناظروا لها بصدمه هالبنت ماتفكر الا فبطنها
ضحكت سما عليها وجلست على الكنب بجنب فهيمه ..
فهيمه بزعل : يابنتي ماتتهدي بقى ..الكلمه ترديها له عشره ماحدش خسران غيرك
تنهدت وهي تبوس فهيمه على رأسها ..مستحيل تنسى افضالها عليها هي اللي وقفت معها من جت لهالبيت .. رموها اهلها واخذو الثمن .. من يقدر يرد جراح السامر واملاكه
كان عذرهم ماحد يربي عيال اختها غيرها لكن كانت تدري ان ماهمهم غير الفلوس ..

دخل نادر بسرعه
وبعصبيه : ابي افهم متى تتقبلين ابوي ؟
انصدمت من كلامه .. هو اكثر شخص فاهمها واكثر شخص صاحت بحضنه ..والحين يلومها !
اشرت فهيمه لبناتها وطلعوا ..

كمل بهدوء لما شاف دموعها : خاله حبيبتي انتي مجبوره تتقبلينه .. ذا زوجك لمتى افك الهوشات بينكم .. 3 سنوات ماكفتك تقتنعين بحياتك

سما وشعرها الناعم على وجهها : مستحيل اتقبل.. وضعي .. ابوك دفن حياتي بزواجي منه .. ماقدر اسامحه ولا اسامح اهلي
نادر : للحين حاقده عليهم
سما : ولآخر يوم فعمري ..
نادر : والله احترت معاك ومع ابوي .. احيان يكسر خاطري
ضحكت سما : وانا صرت المجرمه ..
نادر : لا انا المجرم بينكم ..
وطلع متضايق .. يتمنئ خالته تستقر وترتاح تعب من عنادها هي وابوه

اما هي دخلت سريرها وانسدحت .. تذكرت يوم وفاة اختها وبناتها الثلاث .. كان موتهم فاجعه للكل .. يومها كان نادر وسامر الصغير نايمين عندهم ..
مامرت 9 شهور علئ وفاة اختها .. الا جت امها عندها وقالت لها ان جراح يبي يخطبها عشان سامر اللي متعلق فيها واللي كان مايتعدئ عمر السنتين

رفضت وبكت كيف تاخذ زوج اختها ؟ وفوقها تذكر معاناة اختها معاه انسان بارد بلا احساس ومشاعر ..الموت انقذ اختها منه ....!! لكن هي كانت الضحيه الجديده ..
وقفت بوجه امها وابوها .. لكن هددوها انهم بيغضبون عليها .. طالبوها تضحي عشان اخوانها الاربع الصغار بما انها كانت اكبرهم ..
وقف نادر معها ضد قرار ابوه .. لكن زوجوها وامها اللي وقعت عنها وبكذا صارت زوجته ودفع مهرها 100 الف وبيت لاهلها .. ووظيفه لابوها ..
3 سنوات معاه جسد بدون روح .. خذلوها اقرب الناس لها ... صفعتها الدنيا .. شافت الشماته بعيون صاحباتها طلعت اشاعات عنها .. واجهت كل هالاشياء وحدها .. ولليوم هذا تحارب عشان تاخذ حريتها وتتطلق منه ..

دخل جراح عليها وهو مقهور .. لمتئ تتكبر عليه تزوج 6 مرات وكلهم كانوا خدم تحت رجوله مل من ال5 ومابقئ الا فهيمه عشان بناته وعشانها تخدمه من قلب ..
لكن سما شي ثاني .. يحب يشوفها .. يحب عنادها خجلها غضبها حقدها .. بس لو تحمل منه ويرتاح قلبه انها مستحيل تنفصل عنه ..

انسدح بقربها شافها تمثل النوم .. ابتسم .. لو الحياه كتبت انها تكون اول زوجاته وان الفرق العمري يكون بسيط بينهم مو فوق ال20 سنه ..لو انه مايحمل احقاد بقلبه وعقد نفسيه .. لو ولو ولو
~~~~~~.......~~~~~~

ذياب بعصبيه : علئ ماعتقد اني سألتك وانتظر جواب ؟؟
نزلت رأسها وسكتت ..
رفع ذقنها وحط عيونه بعيونها : تكلمي
ساره : هذا تويتر للتسليه بس والطقطقه
عقد حواجبه بغضب : اها ماشاءالله ؟ تشوفين لايق لك هالشي وانتي حرمه متزوجه ..
ساره : الحساب ذا قبل لانتزوج
بصرخه : وليش داخلته اجل ؟؟ بسرعه الحين الغيه .. انا رجال شكبري ماقد دخلت هالبرنامج
ساره :ليش الغيه ذياب والله يغير جو
تأفف بداخله : ساره احمدي ربك اني للحين هادي .. بتلغينه ولا اكسر هالجوال فوق رأسك
سحبت الجوال منه وحذفته قدامه ..: الالغاء لازم من لاب توب
ذياب : لاعاد اشوفك تدخلين هالبرامج ؟ ولعلمك بهاللحظه طحتي من عيني وطلع معصب وتركها ..

حطت يدها علئ قلبها وهي خايفه .. افف الحمدلله ماضربني ولاكسر رأسي .. اذا تويتر طحت من عينه اجل لو يدري بماضيي مع خالد وش بيسوي !!
رجفت خوف من الايام الجايه .. للحين مافهمت شخصية ذياب ولاوثقت بمكانتها عنده ..()

...،،،،،.....

صحاها فيصل بازعاجه مع عيال جيرانهم .. تمغطت بكسل وشافت الساعه 5 الفجر .. لاحول شمصحيهم الورعان هالوقت ..
سحبت عكازها ودخلت لدورة المياه .. توضت وصلت الفجر .. لبست بجامه ثقيله ..وتوجهت للمطبخ .. لقت موضي تسوي حليب بقرفه ..
هاجر : صباح الخير ليش نمتي هنا ؟
موضي التفت لها : لازم اليوم نروح للسوق ونجهز لك لاتنسين وراك سفر
هزت رأسها ومغصها بطنها .. سحبت كرسي وجلست عليه ..
عطتها موضي كوب الحليب .. وجلست بجنبها : وش تفكرين فيه !!
هاجر بهدوء : تتوقعين غلطت بقراري !
موضي : لا ماتوقع .. تدرين ان زوجة خالد فيها مرض قلب واحتمال ماتعيش كثير ..
هاجر بصدمه : اما ؟؟ لاحول ولاقوة الا بالله كيف عرفتي !!
موضي تنهدت : حسن وخالتي كل امس عندها وخالد ماهو داري عنها .. دق عليه حسن وتهاوش معاه

هاجر بتفكير : خالد مثل عمي سند .. جاف بمشاعره
ابتسمت موضي ومسكت يدها تشجعها : بس ماتدرين يمكن قرار زواجكم خيره لكم ..
هاجر : خيره لي اني ارجع امشي بس
موضي : هاجر لو طلب منك حقوقه ياويلك تردينه !
نزلت رأسها وبهمس : احس اني غامرت ياموضي ..ودي اغير رأيي بس كل ماشوفك انتي وخالتي جالسات عندي تعتنون فيني اصر علئ قراري ..
دخل فيصل وهو رافع ثوبه ووسطه تراب سحب كوب الحليب وشربه ومد لسانه لهاجر اللي متقرفه من شكله ..
موضي بشهقه : فصيل ووجع ليشششش كذا ؟؟؟ امشي قدامي بسرعه اروشك
فيصل : لايمه تكفين بكمل لعب تكفين ..
سحبته موضي غصب عنه ودخلته الحمام وسط صراخه ..
ابتسمت هاجر .. تذكرت ايامهم قبل جمعاتهم هوشاتهم وهبل ساره وهنوف ..كل شي تغير وكل وحده صار لها حياتها الخاصه وهي بعد اسبوع بتكون مثلهم .. حطت رأسها علئ طاولة المطبخ ودموعها خانقتها .. مشتاقه لامها وابوها وحنانهم .. تتمناهم بهاللحظه معاها .. الله يرحمكم قد ماشتاق لكم

...،،،،....

صحت من النوم وهي تتمغص .. لا يارب ماجتني مو وقتها توها قبل عرسي نزلت علي ؟؟
راحت لدورة المياه وطلعت متضايقه .. يالله شتسوي الحين وهم بالبر .. من بعد نقاشهم ماشافته ..
حطت شال علئ رقبتها وطلعت تدور شي تأكله .. شافته قدام الحطب ويضبط القهوه وفرح وسامي جالسين عنده ..
انحرجت لما شافتهم انتبهوا لها
فرح : حماتك بتحبك تعاالي افطري
سلمت وجلست بين سامي وفرح .. اخخ الاكل يشهي سمت وبدت تأكل ..

كان يراقبها بنظراته ..، مقهور من امس ومصدوم .. توقع تركض وراه وتراضيه ..
راقب وجهها الاصفر وقلبه اوجعه .. وده يتطمن عليها بس ماتستاهل ..
خلصت فطورها وغمزت لفرح تلحقها ..
دخلوا للخيمه الثانيه
ساره : فرح انقذيني جتني هذيك وماجبت معاي شي
فرح : يوه غريبه اجل ماغسلتي قبل عرسك !!
ساره : اي بس شسوي جتني مره ثانيه
فرح : لايكون من طيحتك ؟
ساره ويدها على بطنها : لا ماتوقع بسرعه وهاتي بنادول معاك
هزت فرح رأسها وركضت لشنطتها ..
فرح : احمدي ربك انها علي
ابتسمت لها ساره بامتنان ورجعت للغرفه .. بدلت لبسها بشي اثقل ورفعت شعرها بشكل عشوائي ..واكتفت بروج زهر خفيف
طلعت تدوره بعيونها شافته لحاله .. ماتدري ليش رجولها جرتها عنده .. جلست بقربه بهدوء
كان فاتح جواله ومن شم ريحتها ارتبك .. حضورها دايم تأثيره طاغي ..
تظاهر انه مو مهتم .. لكن تفاجأ لما دخلت معاه بفروته مثل امس ..
ظل ساكت وسمع همسها : ذياب انا اسفه
ابتسم بداخله .. لكن حب يعلمها ان اللي صار قوي فحقه .. وقف وترك الفروه كلها لها ودخل ينام بالخيمه
انصدمت من قسوته .. هي ضاغطه على نفسها عشانه وهو ولاهمه .. لفت الفروه ومغصها يزيد .. تحتاج موضي وعلاجاتها هالوقت ..
شافها للحين بمكانها غمض عيونه ونام بسرعه ..
..،،،،....

دخلت الفله بمساعدة حسن وخالتها .. شافت سيارته قدام الباب ! بداخلها شي انكسر توقعت ان خالد بدأ يتقبلها لكن شكله ماصدق يلقى عذر عشان يجفاها
حسن بعصبيه : والكلب ذا ليش ماستقبلنا عالاقل
ام حسن اشرت له بعينها عشان يسكت ..

جت الشغاله تركض وساعدتهم وجلسوها على الكنب ..
جود بابتسامه باهته : والله اقدر امشي لاتدلعوني وتبلشون فيني
حسن : لاحتجتوا شي اتصلوا علي باس رأسها وطلع ..
جود : خاله ليتك رايحه لبيتك والله ماودي اتعبك
ام حسن وهي ترمي عباتها : لاتعب ولاشي بيني وبينك ودي اغير جو عندك
ابتسمت لها جود وطلعت لغرفتها بمساعده شغالتها .. شافته نايم على بطنه وشعره البني مبعثر .. اشتاقت له رغم الوجع اللي طعنها فيه ..
حس فيها خالد واستمر بتمثيل النوم .. مقهور انها لعبت عليه وتزوجته بس عشان يكون لها طفل وبعدها بتتركهم لوحدهم .. توقع ان جود صادقه معاه لكن طلع ضحية تخطيط يالله ليش دايم يكون طرف بتخطيطات جنس حواء !!

....،،،،..

صحت على ازعاج البنات .. شافته نايم غريبه الساعه 7 ونص وماراح لشغله .. انسحبت من السرير بهدوء .. لكن يده الضخمه رجعتها
جراح بابتسامه : يسعد لي هالصباح
سما وهي تنافخ : اترك يدي ترى هالغزل مو لايق عليك يالشايب
ابتسم وبخبث : تبيني اثبت لك اني شباب !
صرخت بسرعه : اتركني تكفى
شاف دموعها وتركها وهو يتأفف .. وقف وبصرخه : خلااااص صبرت بما فيه الكفايه !! والله ثم والله لو منعتيني من حقي لاسحب البيت من اهلك واشردهم مثل قبل
ابتسمت ببرود : مايهموني
انصدم من ردها .. انقهر ليشششش قدامها يضعف ويصير شخص ثاني !! وين جراح اللي يده تسبق كلامه
مرتين بس ضربها وفبداية زواجهم وبعدها ندم وعرف ان هالانسانه تمسه تمس قلبه ..
دخلت دورة المياه وجلست تبكي .. تتمنى تموت ولاتستمر معاه ..ليش مو راضي يفهم انها ماتشوفه الا زوج ربا اختها
وقفت وهي تتنفس بسرعه .. ناظرت لشكلها بالمرايه ..
سمراء وشعرها ناعم يوصل لرقبتها الطويله انف صغير وعيون واسعه سودا شفايفها حاده وصغيره .. اكثر شي يجذب فيها عيونها وطول رقبتها .. مافي مقارنه بينها وبين اختها ربا اللي كانت اجمل بنات القريه ..
سما النازي ..21 سنه

تكره الدراسه بشكل مو طبيعي وماكملت الثانويه ..تحب الطبخ والخياطه مثل كل بنات قريتها النائيه لها 3 سنوات بحايل ولاقدرت تتأقلم مع الحضاره هنا وتكون علاقات ..
ابتسمت لما تذكرت فهيمه وبناتها .. توضت بسرعه وطلعت شافته منسدح استغربت وبهدوء : مابتروح لدوامك
صد عنها ولارد .. بقلبها قالت : احسسسسسن
صلت الفجر ولبست دراعة سودا بتطريزات خضراء . دعجت عيونها بالكحل وحطت مرطب .. من طلعت من جناحها شافت غرف البنات مفتوحه والضحك جاي منها .. دخلت وهي تشوف عاليه رابطه خصرها وترقص مصري وخواتها يصفقون لها ضحكت بسرعه وشاركتهم التصفيق .. سمعوا صرخة راقيه وهي تناديهم يفطرون .. نزلوا وشافو السفره الممتده على الارض وفوقها اصناف كثيره
سما : وين امكم
راقيه : مصدعه افطرت الفجر ونامت
لفت لعاليه اللي تأكل بسرعه وبشراهه : هيه وين الريجيم اللي اتفقنا عليه
عاليه وهي تحرك كرشتها : الرجال يحبون المربربه مثلي
ضحكت سما على كلامها .. عاليه وزنها 90 والكل بهالبيت متفق يساعدونها تنزل لكن هالبنت عنيده ومن تشوف الاكل تنسى نفسها ..
آمنه بصراخ : هيه شربتي حليبي ليششش
آيه : انتي ماصبيتي لي مثلهم واخذت حقك تستاهلين وبدت الهوشه بالايادي بينهم مثل كل مره ..
بسرعه وقفت سما وسحبت آمنه لحضنها وعطتها حليبها ..
واخيرا هدا الجو بينهم ..

راقيه : شرايك نسير عند عمتي سعيده
سما :فشله نروح ويدينا فاضيه
راقيه بسرعه : افا عليك من الفجر سويت ذيك الكيكه بس حطيتها بثلاجة امي عشان بعض الناس
كحت عاليه وهي عارفه انها المقصوده ..
ابتسمت سما وهمست لراقيه : كل هالسنع عشانه
انحرجت ونزلت رأسها ..

سحبت جوالها ودقت على امها وبجفا : سلام عليكم يمه برسل السواق يجيب لي سامر
امها بسرعه وبنبرة تمسكن : وارسلي معاه فلوس ترانا محتاجين

تنهدت سما وبهدوء : محتاجين ليش وعبدالله اخوي توه متوظف وابوي موظف ؟
امها بعصبيه : بتذليني عشان طلبتك والله ثم والله
قاطعتها : طيب طيب بس جهزوا سامر
امها بفرحه : الله يسعدك وقفلت بوجهها ..

وقفت سما وهي متضايقه .. نفسها مره تدق على امها وتحس انها تهتم فيها ؟؟ ماقد سألتها اخبارك مرتاحه محتاجه شي .. دايم تطلب منها مره فلوس ومره اكل ومره لبس ولعبه لفلان وايباد لعلان و و و
مع انهم مو محتاجين .. بيتهم دورين والدور العلوي شقتين مأجرينها وابوها واخوها رواتبهم طيبه .. لكن تعودو انها تنفذ طلباتهم مثل ماعودتهم " ربا" قبلها ..
وقفت ودخلت المطبخ شافت راقيه محتاسه .. سما بحب : روحي اكشخي وانا بجهز القهوه وكل شي
باستها راقيه على خدها وطلعت تركض ..
بعد دقايق سمعت صوته : ماما
ابتسمت بفرحه وفتحت يديها له .. ذا طفلها وحبيبها
نادر بخطوات مستعجله حضنها بقوه ودفن رأسه برقبتها ..

شالته وحطته على طاولة المطبخ .. شافت امينه تراقبهم بغيره ابتسمت وفتحت يديها وجت تركض حطتها بجنبه
سما بروقان : تبون كاكاو
صرخوا مع بعض : اييييوه
ابتسمت وعطتهم كاكاو ونزلتهم ودخلتهم الصاله وشغلت التلفزيون لهم وحطت سبيستون وطلعت تكمل شغلها ..ً

دخل عليها وهو يدندن بصوته العذب : ‏احببك ومال للحُب تأويل ولاشفت منك إلا المضرّه
‏و تمونين ياريم المكاحيل على القلب خيره شره ::
سما وهي رافعه حاجبها : اوه اوه شعندنا مروقين
نادر بابتسامه : انا كل وقتي مروق مو مثل بعض الناس
ابتسمت وفهمت انه يقصد اللي صار امس ..
نادر بهمس : الليله لازم اقولك حاجه
تركت اللي بيدها والتفتت له بانتباه : شصايرررر ؟؟!
نادر : لاتخافين شي عادي يلا انا طالع للمستشفئ ..

سما : طيب افطر ؟
نادر : لا بأفطر هناك
راقبته وهو طالع .. نادر السامر 24 سنه ممرض ويحب شغله كثير ..

ماحبت تفكر باللي يبي منها ..
طلعت لغرفته وشافته نايم .. اول مره ينام هالكثر .. بخوف قربت منه وحطت يدها علئ جبينه .. الحمدلله ماعليه حراره
سما : ابو نادر
بسرعه فز : ها شصاير فيكم شي
سما : لا لا بس بستأذن منك بنروح انا البنات لاختك
هز رأسه : روحو ورجع نام ..
شافها للحين جالسه بجنبه
فتح عيونه وبتعب : هاه تبين شي ثاني ؟؟ اهلك محتاجين شي
انحرجت من نبرته الاستهزائيه ..
بس طنشته وبقلبها : ليش اهتم فيه نام صحئ بكيفه عاد
وقفت واخذ عباتها وطلعت ..
وصت الشغاله على الصغار امينه وسامر وطلعت هي وراقيه وآيه والباقي رجعو ينامون ..

...''...

طفشت وهم للحين نايمين ؟؟وقفت وراحت لفرح ..
ساره بطفش : فرح قوميي طفشت لحالي
فرح وهي تتمغط : كل الليل صاحيين ترى تحسبينا مثلك
ساره انسدحت بجنبها : الظهر بياذن وانتم للحين خاملين
سمعت صوت سامي ووقفت بسرعه ..
دخل سامي : جوعان ابي غدا
وقفت ساره ودخلت للمطبخ ..دخل سامي معها
اخذت بصل وطماط وطلعت الدجاج الجاهز ومتبل ..
قاطعها سامي بحماس : بتسوين كبسه
هزت رأسها : روح صحي اخوك
سامي : اخوي !! شكلكم صج متزاعلين
ساره : لا لا من قال
طلع وهو يضحك ..
ركبت الغدا وجلست سرحانه .. شلون اراضيه جوالي من الموقف قفلته .. عشان اوضح له انه هو كل اهتماماتي .. هففف بس

دخل سامي عليه وبهدوء : ذياب قوم بقى 5 دقايق عن الاذان
تمغط وناظر له : الله يسامحكم سهرتوني امس ..
قوم اذن وانا بتوضى والحقك ..

دورها بعيونه وماشاف احد قدامه .. معقوله رجعت نامت معنا ؟؟
توضى وصلئ هو وسامي ..
سامي بلكاعه : ذياب عادي اقولك شي
ذياب بانتباه : اكيد عادي
سامي : بصراحه ياحظك بساره
ذياب ؟؟؟؟؟
ابتسم له سامي وكمل : عفويه واحس قلبها طيب .. من قلت لها جوعان ركضت تسوي غدا
رفع حاجبه ذياب مستغرب : يعني هي صاحيه الحين
سامي : ايوه بالمطبخ روح راضيها
ابتسم ذياب على كلام اخوه .. تقريبا ذا اول موضوع يتناقشون فيه ..شكل ساره سحرت الكل مو بس سحرته هو ..،
وقف وراح للمطبخ شافها واقفه قدام الفرن وسرحانه .. وجهها اصفر وشعرها رافعته بإهمال ..
تنحنح وجذب انتباهها ..
ساره : تبي اسوي لك شي قبل الغدا ؟
بدون تعابير : لا شكرا
وطلع تاركها محتاره وش تتصرف معآه ..!!!
خلصت الغدا وحطته بصحن ورتبت شكله ..حمدت ربها ان موضي علمتها الطبخ ..
بطنها مغصها لكن ضغطت على نفسها وشالت الصحن ودخلت للخيمه شافت سامي متحمس ومعاه شطه وبيبسي .. ابتسمت على شكله
رفعت عينها وشافت ذياب يتابع مباراه ومتجاهلها
وقفت وهي منحرجه : ذياب تعال تغدى
ببرود : مالي نفس
ناظر له سامي وبقهر : والله ماتغدى لحالي توك تقول جوعان
ابتسم لاخوه وجلس يتغدى معاه .. ماقالها اجلسي معنا ولاناظر لها ..
طلعت وهي تشوف فرح قدامها : الله انتي سويتي الغدا
هزت رأسها ودخلت للغرفه ..
سحبت البطانيه وتغطت وفتحت جوالها .. ودقت على موضي بدون تفكير ..
موضي : اهلين ساره شخبارك
ساره : موضي شلون اراضي ذياب ؟؟
موضي : بهالسرعه زعلتيه علميني شصار
علمتها كل شي
موضي بهدوء : ذياب يبي وحده نفس تفكيره وعقليته .. ماشاءالله ماقد سمعنا انه غازل ولا له علاقه بالبنات ولا سافر ودشر الرجال كل حياته من شغله للمسجد للبيت .. ساره لاتصدمينه بشخصيتك واعكسي تربيتنا لك ..
ساره بزعل : شقصدك يعني .. انا مو متربيه
موضي : لا والله متربيه بس مشكلتك متهوره وعليك تصرفات تقهر .. ترى ذا زوجك مابيتحمل عيوبك وزلاتك ويعدلها مثل ماكنت اسوي ..
ساره بخنقه : طيب شلون اراضيه
موضي : روحي اعتذري منه وبوسي رأسه ودلعيه فالليل
وجهها حمر من جرأة اختها : هاه
ضحكت موضي عليها وهي تناظر لهاجر اللي منزله رأسها وهي مبتسمه بحرج ..
موضي : لاتسون حالكن صغار انا بعمر هاجر تزوجت ويازيني ..
ابتسمت ساره : طيب طيب باي
احتارت تروح تراضيه ولاتسحب وتنام .. اخخ جوعانه شسوي.
وبدون ماتحس كعادتها غطت بالنوم ()

...،،،،،.....

موضي بضحكه : ياحليلها ساره شكل ذياب هجدها
هاجر : اي والله غريبه ساره تهتم بزعل احد ..
موضي : ماعليها خوف دام ذياب زوجها الله يخليهم لبعض
هاجر : هنوف ونوره بيروحون معنا
موضي : والله هالناس اكثر من اهل دايم يوقفون معنا من حياة امي الله يرحمها ..
هزت هاجر رأسها ووقفت بصعوبه : بنام ولااذن العصر رحنا للسوق ..
دخلت غرفتها وناظرت للكرسي المتحرك اللي طلعته عشان تروح فيه للمولات وتجهز نفسها للسفر ..
تنهدت بعدها ابتسمت : كلها كم شهر وافارقك وان شاءالله فراق ابدي ..
دلكت رجولها .. صايره تتعب كثير من العكازات ..انسدحت وسحبت رسمة عيونه ..
مررت اصابعها الصغيره عليها ..
تذكرت كلام موضي عن زوجته .. لو صار لزوجته شي ماتوقع بيوافق ينفصل عني بسهوله !! الله يستر بس ويحفظها له وللي فبطنهم .. شافتها بالعزا وجذبتها بنحفها وجاذبيتها الخطيره .. حكت لها موضي عن زواجها الاول من شايب غني والورث اللي حصلته منه بعد ماترملت ..، هالشي خلاها تكتشف ان خالد ابدا مو بسيط ويعرف كيف يصطاد اللي يبه ..بس هي مابتكون مثل ساره ولاجود هي اللي بتصطاده وتستفيد منه بعدها تتركه قبل لايتركها ..
..،،،،،....
دق حسن عليها ردت بحيا : هلا عيني
حسن وهو يتنهد : متى ترجعين لبيتك اشتتتتقت لك يالبطه
عصبت : انا مو بطه
ضحك بصوته العالي وبهمس : والله الحمل زادك حلا ياأحلى ماشافت عيني
ابتسمت بخجل : حبيبي تغديت
حسن : تغديت بس ناقصني شي
بسرعه : ايششش آمر انت ،؟
حسن : ابيك بقربي حرام عليك مفروض تعوضيني عن السنتين
بدلع فطري : حبيبي بس اليوم بنزل للسوق معها واجهزها بعدها بجيك ومابفارقك لحظه
....،،،،.....،،
ال1 فجرا
واقفه تنتظرهـ .. وتنتظر موضوعه المهم .. افف اخيرا شرف
سما بعصبيه : وينك سهرتني مفروض من 10 اشاخر
نادر بضحكه : يالدجاجه
سما : بسرعه علمني ؟؟
نادر : طيب اهدي وخليني آكل شي اول
حطت يدها على خصرها وهي معصبه لكن شافت شكله التعبان وحن قلبها ..
وقفت للمطبخ وسخنت العشا وحطته قدامه .. اكل وخلص وجلس بجنبها ..
نادر : خاله ابوي يخطط على شي خطير
سما بتركيز : ايشششش !!!!
نادر بربكه : بيتزوج حفيدة الذيب
بصرخه : ايش انجن ابوك !!
قرب منها : قصري صوتك .. والله ذا اللي قاله لعمي ..
سما بخوف : شلون ياخذ حفيدة اللي ذبح ابوه !!؟
نادر : يقول يبي يسوي صلح بينهم ويحرج ذياب اخوها ويجيب كل القبايل ويطلب يدها ،،
سما : وش هدفه ؟؟ لايكون يبي ينتقم فيها
نادر : اي للأسف ،، يبي ياخذها اسبوع ويطلقها بفضيحه كبيره
سما بضحكه : ومن قاله انهم بيوافقون عليه ؟؟
نادر : مدري ياخاله والله مدري !!!

من طلع من عندها وهي سرحانه .. تحس بنغزات فصدرها !! شي كاتمها معقوله تغار عليه ؟؟
لا لا ياسما شتبين فهالشايب .. بتتطلقين وتتزوجين احسن منه هالشعور عشان كبريائي بينجرح لو تزوج علي ..
تنهدت بهم .. من احسن منه سواء وسامه ولا فلوس .. وقفت بتعب وهي تتثاوب .. الليله هو عند فهيمه .. لازم تدور حل للمصيبه اللي بتصير ؟؟!

طلع من عند فهيمه وهو مشتاق يشوفها من الصباح ماشافها .. وقف قدام باب غرفتها وقلبه يدق طبول كأنه مراهق مو رجال بنصف الاربعين ..
فتح الباب شافها جالسه تفكر ..
استغرب قليل تسهر ..تنحنح وانتبهت له ..
جلس بقربها وبهدوء : شفيك وجهك مخطوف ؟
سما بعصبيه : صدق ببتتزوج من الذيب ؟
ابتسم وهو شايف عصبيتها : اي صدق
وقفت وواجهته : مااسمح لك تدمر حياة احد غيري ؟ انت شلون تفكر ؟؟ ناسي ان عندك بنات
سكت وهو مركز على شفايفها ..
ارتبكت من نظراته الوقحه وكملت : بعدين من قالك البنت بتوافق عليك وانت رجل بالدنيا ورجل بالقبر
ضحك بصوت عالي وسحبها من يده وجلسها فحضنه وهمس باذنها : لاتخافين بتزوجها اسبوعين واطلقها ..
حاولت تفلت نفسها منه وهي تصارخ : اكررهك انت شيطان والله شيطاننن
تركها وهو معصب من لسانها : سما لاتخليني اتعامل معاك مثل البهايم
سما وعيونها مليانه دموع : علمني شلون بتقنعهم يوافقون

ابتسم : بحط اخوها بموقف محرج وانا اتفقت مع عمامها الكبار ووافقو بقى اجيب كل مشايخ القبيله .. وبقولهم ان ذا بداية الصلح بين السامر والذيب
برجفه : والبنت شلون توافق
بشر ابتسم : ذي حلها عند ود
بصرخه اشمئزاز : ود ؟؟؟؟!!!!!

.....،،،،،....

صحت وبطنها يوجعها .. تذكرت انها على فطورها الصباح
ناظرت للساعه شافتها 2 الليل وانصدمت كل ذا نوم وماحد فقدني ؟؟!
بدلت لبسها ببنطلون عنابي وجاكيت رمادي .. رفعت شعرها بوني تيل .. تعطرت وطلعت تدورهم
شافتهم متجمعين ويضحكون ..
سلمت وفرح وقفت وحضنتها : الحمدلله حسبتك مابتقومين ابد
ساره بصوت مبحوح : ليش ماحد صحاني
فرح بضحكه : والله مفروض زوجك اللي يصحيك بس شكله يبي الفكه منك ولافقدك
مدت لسانها لفرح بطفوليه ورفعت عيونها وشافته يناظر لها بنظرات غريبه ..
انحرجت ونزلت عيونها ..،

عذاها سامي فنجال القهوه : انا فيدتك بصراحه من جيتي لنا بديت ارتاح من فرح وسماجتها
شهقت فرح وضحكت ساره بهدوء .. بطنها زاد مغصه تحس انها بردانه ..

وقفت وهي ناويه ترجع لسريرها .. مالها نفس حتى تأكل ..
دخلت لكن يده الخشنه وقفتها ...$$

مساء الخير ..
انتهى البارت العاشر اتمنى يعجبكم ~ هالبارت اهداء لنجود وللمتابعين الوفيين والمتابعين بصمت ..
توقعاتكم حبايبي 💓

[nz111]

شـكــ وبارك الله فيك ـــرا لك ... لك مني أجمل تحية .

[عبيركك]

الروايه حلو شكرا لامار على اختيارك

[اسطورة !]

البارت الحادي عشر ..،

سحبها لصدره وحضنها بقوه .. اشتاق لها كان بيعذبها لكن ماحد تعذب غيره

رفع شعرها وهمس لها : يلا تعالي تعشي وبطلي دلع

إنبسطت اخيرا حن علي وحس ..ابتسمت وطلعت تتعشى معآه

ذياب بصوته المبحوح : الجو بارد صح

ساره : بقوه برد

قرب منها وعض خدها : يعني لازم ندفي بعض

شرقت بالاكل وكحت ..

وش ذا الاحراج كيف بتفهمه وضعها ..

عطاها كوب المويه : حبيبتي شوي شوي ليش عجله حتئ فالأكل

ساره : خلاص شبعت

ابتسم : يلا نروح للغرفه اجل ..

ساره : لا لا خلينا هنا نسولف

ذياب : هنا فرح وسامي كل دقيقه بيطبون علينا .. ابي اخذ راحتي معاك

نزلت رأسها وهي محتاره شلون تعلمه ؟؟ ليتها سألت موضي .. اصلا بهالايام تكره اي احد يقرب منها .. بس ليش لما باسها ماتقرفت ..

ذياب : سارتي شفيك ؟

ساره بربكه سحبت يده السمراء الخشنه : ذياب انا ماقدر انام معاك

ذياب باستغراب : ليش ؟؟ للحين زعلانه ابشري براضيك بس بطريقتي

حطت اصبعها علئ شفايفه : تكفئ لاتحرجني .. ماقدر لان شسمه

باس اصبعها وبعده وسحب رأسها لحضنه : خلاص مو لازم ننام

ناظرت له وهو عاقد حواجبه ويفكر .. باست خده وهمست باذنه : انا ماقدر اصلي وركضت لخيمة فرح باحراج وهي تسمع ضحكته ..


شافت فرح مندمجه علئ جوالهها

ساره : هيه

رفعت رأسها : خير شعندك ؟

ساره : طحت بموقف محرج

قربت فرح منها بحماس : ايششش تكلمي

ساره : عيب سوالف حريم

سحبت المخده وضربتها : انقلعي لزوجك اجل من جيتو للبر وانتي تاركته لحاله

ساره وهي تسحب البطانيه : لا ابي انام هنا

فرح بصراخ : ذيااااب خذ حرمتك من عندي


...،،،،....

5 فجرا ..::



عجزت تنام .. من عرفت انها ود ؟؟

مو ناويه هالانسانه تتركها بحآلها .. وصل خبثها وفسادها لزوجها ،،

جلست وهي تعيد الكلمه زوجها ؟؟

لأول مره تنطق هالكلمه .. حست بشعور غريب ..

نزلت جلال الصلاه وهي تستغفر ..

لبست دراعه خضراء ورفعت شعرها القصير وتعطرت وطلعت وهي ناويه تروح لبيت اهلها وتقابل ابوها .. هو الوحيد اللي بيعلمها كل شي

شافته بوجهها وابتسمت له .. باس رأسها وتمغط : والله ياخاله بهالبرد الواحد بالعله يصحئ نفسي اخذ اجازه بالشتاء واداوم بس بالصيف

ضحكت عليه وطقت باب البنات وهي تناديهم يصحون للصلاه ..

نزلت تحت وشافت فهيمه بالمطبخ وعاليه تأكل ايسكريم

نادر بشهقه : هيييه عفيه معده من تصحين ايسكريم ؟ انتي ماتوفرين شي بهالبيت الا تبلعينه

طنشته ولفت رأسها لأمها : يمه امس ام سمعه عصبت لانك ماجيتي معنا للتحفيظ

فهيمه : انا كلمتها امس واعتزرت منها وخلاص مافيش مشكله واليوم حاروح ان شاءالله

باس نادر رأسها وهو يناظر للبيض اللي تسويه : احلئ صباح والله يبدأ بريحة طبخك

دخلوا البنات وبصوت واحد : صباح الخير

طلعت لغرفتها وسحبت جوالها ودقت علئ عبدالله : سلام ياخوي

عبدالله : هلا هلا بالقاطعه

انحرجت هي فعلا قاطعتهم وقليل تواصلهم وتزورهم .. مع ان اخوانها مالهم ذنب ..

سما : والله ادري اني قاطعه عشان كذا تعال خذني لكم

عبدالله : ثواني واكون قدام بابكم توي مخلص استلامي

قفلت وهي مبتسمه .. لازم تصلح علاقتها باخوانها لو ضبط اللي فرأسها وانفصلت عن جراح ماحد بيوقف معها ويسندها غيرهم ..

سحبت عباتها وهي تفكر تستأذن منه او تتجاهله .. تعرف عصبيته لكن بعد علاقته مع ود ماله حق يفتح فمه ..

طلعت وفعلا شافت عبدالله ببدلته العسكريه قدامها .. سلمت عليه ودخلت السياره ..


دخلت البيت وشافت الحوش كله تراب تنهدت .. فتحت الباب وشافت اخوانها يتصارعون بالصاله والاثاث مرمي فكل مكان ..

سلمت ووقفوا يناظرون لها ..

سما بابتسامه : احمد محمد تعالو

ركضو وحضنوها وهم منحرجين من اشكالهم

سما : وين حمود

احمد : بالمطبخ يحاول يسوي لنا شي نأكله

عبدالله بعصبيه : وانتم للحين مواصلين ؟


نزلو رأسهم بخوف ..

سما : ماعليه عبود خليهم هالمره عشاني .. نزلت عباتها وهي تشوف البلازما المكسوره

احمد وهو يراقب نظراتها : ذي محمد كسرها

محمد بصرخه : كذااب انتتت

سما : خلاص خلاص اهدو وين أمي ؟؟


احمد : امي عند جيراننا من الساعه 1

ناظرت للساعه 6 ؟؟ للحين معقوله ماتركت عاداتها القديمه ..!!

تنهدت وهي تستغفر .. ودخلت للمطبخ شافت حمود بجسمه النحيف راكب علئ سطل ويغسل المواعين والاندومي علئ النار

هزت رأسها باستنكار ،،؟؟ ليش ابوي للحين ساكت عن اهمالها .. قبل كنت انا اسد فراغها بس الحين كل شي تغير

سحبت حمود واللي عمره 10 سنوات ونزلته ..

ناظر لها حمود وضحك بقوه وحضنها .. يالله كيف جفت اهلها بسبب غلطة امها وابوها .. هم ضحايا مثلها ..

طلعته برا وطفت على الاندومي ورمته بالزباله ... وبدت تسوي الفطور .. طلعت الجبن والقشطه والمربى والزيتون وسوت اومليت وحليب ..

طلعت بالصينيه وهي تشوفهم منسدحين على كنب الصاله ..

عبدالله :19 سنه

احمد : 16 سنه

محمد : 14 سنه

حمود : 10 سنوات


ناظرو لها وتجمعو حولها
احمد بعفويه : من زمان امي ماسوت لنا اكل ياليتك ترجعين عندنا

ابتسمت وهي خاطرها تبكي .. اي اهمال وتسيب ذا .. شلون تتركهم بهالساعات وهم بمرحلة مراهقة ..

شافتهم كيف يأكلون بشراهه ..

عبدالله قام بعد ماشبع : الله يعطيك العافيه بروح انام وراي دوريه فاليل

بعد ماخلصو اكل راحو ينامون .. سحبت المكناسه وكنست البيت وغسلت المواعين ..ورتبت المطبخ .. سمعت صوت ابوها وطلعت ..


ابو عبدالله من شافها ابتسم بفرحه وفتح يدينه لها مثل الايام القديمه : هلا هلا بسكر البيت

ركضت وحضنته وغصب عنها بكت .. تكذب لو قالت انها ماشتاقت له ..

حطت له الفطور وسوت له القهوه مثل مايحبها ..

نزل فنجاله وهو يتأملها بحزن : سما للحين زعلانه مني

نزلت رأسها بصمت ..

ابوها : ادري غلطت بس امتس الله يهداها هي اللي فرت بمخي واقنعتني والله يابوتس اني ندمان والود ودي انتس للحين فبيتي معززه ومكرمه

سمعو صوت مفتاح البيت ودخلت امها ومن شافتها ابتسمت وسلمت عليها

سما بهدوء : يمه اللي يهديك ليش تاركه اخواني كل هالوقت

ابوها : والله تعبت منها امك يوميا مشاكل معها عشان تنثبر فالبيت ولاتطيع .. حتى الضرب جربته ولانفع

ام عبدالله بعصبيه :انتي جايه تخريين ييتي ؟؟ وانا اقول شعندها جايه اذا خايفه على اخوانتس قدمي لهم شغاله فلوس رجلتس شكثرها ووقفت ودخلت غرفتها وقفلتها ..



ابو عبدالله : اتركيها يبه ذي خلاص حياتها خوياتها وعشيراتها وحش ونميمه اخر همها هالبيت .. وانا والله تعبت اصرف للمطاعم وتعبت من اهمالها لي ولهالبيت


سما : ماعليه يبه ماعليه

ابو عبدالله : بشريني عنتس يبه عساتس مرتاحه ..

هزت رأسها بإيجاب ..وكملت : يبه ابيك بموضوع مهم

ابوعبدالله : سمي يبه شتبين

سما : ابي اعرف سالفة الذيب مع السامر

...،،،،......،،،..


جلست على السرير بتعب وعيونها على هنوف ونوره اللي يرتبون شناطها .. باقي 3 ايام على كتب الكتاب واقلاعهم لالمانيا لرحلة العلاج ..


هنوف وهي ساحبه قميص نوم وتتمخطر فيه

انصدمت هاجر وبصرخه : ذا من شراه

نوره ببرائه : انا شريته صدقيني تحتاجينه

هاجر بزعل : انتم وعدتوني تشترون لي لبس طلعات وبجايم بس ..

هنوف : عادي يابنت دلعي نفسك مو لازم عشانه

نوره : لو لبستيه بترجعين لنا حامل

دخلت موضي وسمعت كلامهم الاخير : ههههههههههههههههههههههه ياليت والله

هاجر بحيا : ممكن تطلعون برا خلاص يعطيكم العافيه

نوره بتمثيل ويدها على قلبها : اخخ جرحتي قلبي وقلب وخيتي وحنا لنا اسبوع معسكرين بمولات الرياض وبالاخير تجحدينا ؟؟

هنوف : يلا ياوخيتي مشينا لاأمنا مالنا جلسه بهالبيت

موضي : انثبرو بس .. سويت لكم صينية دجاج ويلا خلونا نتعشئ

سبقوها هنوف ونوره للمطبخ وهم يتهاوشون من تدخله اول ..


جلست بجنب هاجر : هجور حبيبتي للحين تقدرين تغيرين رأيك ترى !!

هاجر : ابي ساره اشتقت لها

موضي : بهاليومين بيجون ان شاءالله .. يلا قومي نتعشى

...،،،،..،،


دخلت للمكتب وشافته منهمك على الاوراق ..
وقفت قدامه : خالد اشتقت لك

تجاهلها وكمل شغله ..

جود : خالد ممكن نتناقش مايصير كذا ؟؟

جود : خالدددد مو ذنبي اني ابي اعيش حياتي مو ذنبي اني حبيتك ؟؟ انا جالسه احتضر وفبطني طفلك .. كل اللي اطلبه منك تكون هالشهور سعيده لي ولك .. ابي اعيش معاك ذكريات حلوه واوثقها لطفلنا عشان ماينساني

رفع رأسه وناظر لدموعها والتعب اللي فوجهها ..
مد يده لها ومسكتها وجلسها فحضنه ..

شهقت وبدت تبكي .. تحس بخنقه من تجاهلها ماتوقعت فيوم بتضعف اتجاه رجل بالشكل ذا .. تكذب على نفسها اذا تجاهلت دقات قلبها من تشوفه .. زعله منها موت بطيء

خالد : انا اسف قسيت عليك بس والله ماانلام .. انتي فكرتي بنفسك بس طيب لاسمح الله وصار لك شي انا كيف بكمل حياتي

بصوتها المخنوق بدموعها : انت بتكمل مع هاجر

تنهد : يمكن مااحبها ولااتقبلها يمكن من نرجع من المانيا اطلقها ؟

تلاقت عيونه بعيونه وبهمس : خالد انا احبك ..

حضنها بقوه وقلبه يدق بسرعه .. وبدون تفكير : باخذك معاي المانيا واعالجك ..

جود بابتسامه : وديت تقاريري مستشفيات كثير كلهم نفس الكلام

خالد بإصرار : ماعليه بنحاول ماراح نخسر شي &&


...،،،،......


ابو عبدالله : اسمعي يابوك بقولك كل شي الذيب كان رجال فقير بس ماحد يرتاح له وراعي لسان وقذف ومشاكل وسامر كان ولد حموله وناس اغنياء كلهم كانو بالعسكريه وتعرفوا على بعض هناك .. الكل نصح سامر يبعد عنه لانه راعي خرابيط لكن نادر عنيد صداقتهم استمرت 13 سنه وتزوجو بسنة وحده الذيب جاه ولدين وبعدها اخر شي جته بنت وسامر ربي مارزقه غير بجراح .. فيوم تهاوشو وماحد يدري وش السبب وتقاطعو شهور .. كان سامر يطرد اي احد يسأله عنه وكرهه كره كبير .. وسحب منه كل شي عطاه من حلال وتجاره .. بعدها سامر كره زوجته وكثرت مشاكله معها بعد ماكان يعشقها وتزوج عليها 3 وجلس معاهن سنين ولاحملن منه وكثرت السوالف والاشاعات ..،. ومره بليالي الشتاء البارده سمعنا صوت رصاص فبيته وكنا بالمسجد سمعنا صراخ حريم ودخلنا وشفنا الذيب ماسك سلاح وعيونه دموع ويحلف انه ماذبحه وانه هو ذبح نفسه .. وسامر كان مرمي بدمه .. انسجن الذيب وكان ينكر انه قتله .. ولما زاروه قرايبنا صدمهم واتهم زوجة سامر انها السبب بكل شي ولما هاوشوه وهددوه قال لهم ان جراح ولده من مزنه اللي هي زوجة سامر ..

سما : ايشش ؟؟

نزل رأسه : اي والله وهالشي هو اللي حطم عائلة السامر وبعدو عن جراح وجفوه وعاملوه مثل عيال الحرام .. وخواله كرهوه وعذبوا بأمه لحد ماماتت حزن وهم .. وهي نفسها كانت تضرب جراح وتقوله ليتك ماجيت للدنيا ليتك مت وماحد تقبله غير عمه الكبير اللي هو ابو سعيده وسعد .. ولليوم هذا ماحد يدري هو الذيب صادق ولا عشان يقهرهم مثل ماقهروه .. استغفرالله بس الله يستر علينا ..


سما : يعني سعيده مو اخته ؟

ابو عبدالله : لا ماعنده اخوان .. يابنتي ترى جراح عانى كثير بس انه رجع وبنى نفسه بنفسه .. لو واحد غيره صاع ودشر .. لليوم هذا نظرات الناس له مشككه بأصله وبشرف امه .. حاولي تحتوينه وتصيرين له الزوجه والام والاخت

سما بضحكه : يبه جراح عنده فهميه وتزوج شكثر مو محتاجني

ابو عبدالله : فهميه فرضها عمه عليه كانت يتيمه وامها تشتغل عندهم .. وتزوجها رضا لعمه واختك امك الله يهداها هي اللي عرضته عليه هديه .. وزوجاته الباقي مادامو معه كم شهر وكلهم اجنبيات .. انتي الوحيده اللي خطبك و5 مرات يروح ويرجع يخطبك لحد ماتم النصيب وبعدها ماتزوج غيرك واكتفى فيك مع ام بناته ..

تنهدت وهي متضايقه .. ماتدري تلومه انه بينتقم ولاتعذره .. بس اللي تعرفه ان احفاد الذيب مالهم دخل ولاذنب ..

وقفت وباست رأس ابوها وودعته وهي توعده انها بتزورهم كل يومين ..

ركبت السياره مع السايق وداخلها احاسيس مختلفه لجراح القاسي .. هي بس اهلها اجبروها تتزوجه كرهت الحياه كلها .. كيف هو ؟؟

سحبت جوالها الايفون وبدون شعور دقت عليه ..

كان بالشركه ورأسه مصدع من صحى ..نزل شماغه ودلك رأسه بشويش .. اللي عرفه من فهميه انها راحت لاهلها من الصباح ..ولاعطته اعتبار ولا استأذنت .. تعب من هالعنيده

دق جواله ورفعه .. اوووه سما ؟؟ اول مره فحياتها تتصل عليه ..

رد بسرعه وهو خايف صاير لها شي

بصوتها الهادي اسكنت كل مخاوفه : سلام جراح

جراح ؟؟ من متى تناديه كذا وبهالنعومه .. وقف وهو مرتبك وفتح ازارير ثوبه وعينه على الجدار الزجاجي اللي يطل على صالة موظفيه ..

جراح : سما فيك شي ؟

بارتباك خفيف : لا لا بس كنت حابه اخبرك اني رحت لأهلي مع اني اتوقع ان الخبر وصلك من الاستخبارات اللي فالبيت

ضحك بصوته العالي ورد : من طلعتي وصلني .. مفروض ياقلبي قبل لاتروحين تستأذنين مو لارجعتي

سما : اعذرني كان بالي مشغول على اهلي ..

جراح : عقبال ماينشغل علي ويفك الحصار عني مثل مانفك عن اهلك

فهمت كلامه وسكتت .. ظلت انفاسها توصله لحد ماشاف السكرتير يطق الباب ..

جراح : حياتي انا مشغول الحين انتبهي لنفسك ..
وقفل ..


كانت قبل تكره حنانه .. الحين صارت تحبه حياتي قلبي حبي دام يرددها عليها ولاقد اثرت فيها .. بس بهاللحظه اثرو فيها وبشكل كبير ..،

ابتسمت وحبت تفاجئه بشركته .. تدري انه بيعصب وبينهبل بس ماراح تنزل بترسل السواق له ..

طلبت من السايق يوقف عند ستار بكس واخذت قهوته اللي يحبها (كاراميل ماكياتو)
ودقت على نادر تشاوره شتسوي بعد لكن من سمعت ضحكته ندمت انها شاورته الخبل

نادر وهو يحاول يكتم ضحكته : ههههههههههههههههههههههههه ههههههههههههه اخخ مو قادر ياخاله علئ هالحب .. شرايك تاخذين ورد احمر مع اصفر حب وغيره وترسليهم مع القهوه

سما : بلا سخافه كل اللي طلبته منك عباره حلوه اكتبها علئ كوب القهوه

نادر : اكتبي اكتب لك بالمقلوب ليدوم الحب في القلوب
ههههههههههههه

قفلت بوجهه وهي تسبه .. ماتدري من فين تجيب عباره حلوه دخلت قوقل وبحثت كل شي احبك اموت فيك ؟؟ مستحيل تكتب هالاشياء لقت عباره واعجبتها

مرت علئ محل الورد واخذت ورده بيضاء ومعها كرت حلو وكتبتها وحطتها مع كيس القهوه بشكل مرتب ..

وصلها السايق لمكتبه وركب السياره

بحماس : اخذها بابا ؟

راجو : يس مدام

ابتسمت وهي تدعي انها ماتهورت وكل شي يضبط ..

اما في مكتبه .. الكيس قدامه وخايف !!

من عرف انه منها مثل ماقال له السايق معقوله تبي الطلاق بعد ؟ مايتذكر انه سوئ شي بس حركته مع ود بنت خالتها اكيد بتزعلها .. لكن هو صارحها انه مابينه وبينها شي غير سالفة فرح وانه يبيها تقنعها توافق بطريقتها ..هو مايشوف غيرها ولايحب غيرها .. بعد تردد فتح الكيس شاف كوب قهوته وورده بيضا مربوطه بكرت .. شرب القهوه بتلذذ ووقف وفتح الكرت وسم بالله ..


‏<. الأمان اللي أحسّه معاك خايفه أكتبه ذكرى. ! >

قرآه مره مرتين ثلاث ..!!
تذكر هالشعور الحلو حس فيه مرتين مره لما ربي رزقه بسنده وفرحته نادر .. وهذي الثانيه

يحس انه طاير بالسما يحس ان عمره بالعشرينات .. وقلبه قلب عاشق واخيرا رضت عنه معشوقته .. طلع من الباب وبيده الورده شاف انظار موظفيه المستغربه بفرحه قال لهم : هالشهر في زياده رواتب لكم 50٪‏

الكل صارخ بفرحه وطلع وهو يسمع دعواتهم له ..


ركب سيارته وانطلق لبيته وهو مبسوط ..،، مسك جواله وهو محتار وش يكتب لها فتح الواتس وكتب احبك اموت فيك .. انتي اغلئ شي فحياتي وانا حبيبك وامانك لكل العمر دقايق وجايك ....

شافها فتحتهم وجالسه تكتب له

ابتسم وكل حواسه ركزت مع محادثتها وللأسف انه مانتبه للسياره اللي قدامه

..،،،،....،،

صحت من النوم وهي تشوفه يرتب شنطته

ساره بصوت مبحوح من النوم : ذياب شفيك

ذياب وهو مبتسم : يلا بنروح للبيت بشوف تركي بعدها نمشي للرياض عشان زواج اختك

تمغطت بكسل وبدلع : ابي انام شوي طيب

ترك شنطته وقرب منها ووقفت من السرير بسرعه وهي ترتب شعرها : يلا الحين بجهز وركضت للحمام

ضحك بسرعه .. وطلع لفرح اللي يشوفها رابطه رأسها ومعصبه وسامي يرتب لها شنطتها

ذياب : فرح شفيك ؟

من نبرة حنانه دمعت .. استغرب ومسك وجهها بحنان

مسحت دموعها : هيه لاتصير حنون وتأثر علئ مشاعري

ابتسم وبجديه : شفيك طيب

: ضرسي يعورني

سامي : ذا ضرس العقل يارب عاد تعقلين

فرح : رتب شنطتي وانت ساكت

سامي : وش هالذل اللي عشان شاحن

فتح شنطته وعطاها بنادول : خذيه وحطيه تحت ضرسك الحين بنوصل لأمي وبتحط لك اعشاب ومدري ايش

هزت رأسها بإيجاب ..وبقلبها كانت تقول : ياحلوك ياذياب لاكنت حنون وهادي

طلعت ساره وبطنها ماغصها بقوه .. البرد لعب فيها لعب ..

ساره : طيب خلونا نفطر جوعانه

فرح : انا واخواني الذيابه افطرنا وخلصنا وانتي ياكيس النوم توك تصحين

وجهت انظارها لذياب اللي يراقبها ومرتكي علئ سيارته ..

فرح : هيه لاتأثرين علئ اخوي بنظراتك ذي
وقومي لفي لك خبز وجبن تسد جوعك

ابتسم ذياب لها وهو يغمز لها .. تأففت وركضت للمطبخ لفت لها خبز واخذت عصير طبيعي .. وركضت للسياره

ذياب : هاه خلصتوا ؟

فرح سامي : ايوه

ذياب : وساره ؟

بفمها الاكل ولاقدرت ترد الا بهمهمه .. ابتسم وتوكل علئ الله وشغل السياره منطلق لحآيل ..

خلصت اكل وحطت رأسها علئ الشباك ويدها علئ بطنها ..

من وصلو استقبلتهم ريحة البخور والقهوه وخبز الصاج والحليب والدهن ..

ابتسمت بحماس وهي تحمد ربها ان ام زوجها عمتها لطيفه ..

حضنتها وناظرت لها بشك : ليش وجهك اصفر ؟

ناظرت لذياب اللي جالس يتقهوئ ..وعينه عليها يراقب شفايفها

استحت ونزلت رأسها ..

: عمه بتروش واجي افطر معاك

لطيفه : طيب انتظرك

تنهدت براحه وصعدت لجناحها .. شافته يلمع والبخور بكل غرفه .. ابتسمت ودخلت للحمام ورمت كل ملابسها وفتحت المويه الدافيه وهي مروقه وتغني ..


ناظر لأمه وضحك : ادري انك شاكه اننا متهاوشين

لطيفه : طمني طيب ؟

حط رأسه علئ حضنها : الحمدلله يمه مبسوطين ومرتاحين

باست رأسها ودمعت : الحمدلله الحمدلله الله يبلغني فعيالكم يمه

من قلب : امين يمه امييين

نزلت فرح وهي رافعه شعرها ولابسه تنوره ميدي سكري وبلوزه بيضا وشرابات ملونه ..

بعدت رأس ذياب : روح لزوجتك وخل امي لي

ابتسم : وانتي الصادقه بروح لزوجك ازوره ..

كانت بترد لكن قرصة امها سكتتها ..لاحول وصلنا 2016 وللحين ذولا يغصبون البنت علئ الزواج من ولد عمها ..تتمنئ اي احد سنع يخطبها عشان توافق لكن ماحد خطبها غير غضيان ..

وقف ذياب وطلع للمستشفئ ..

لطيفه : قولي لي شصار ؟

بدت تحكي لأمها وهي متحمسه ..

فرح : تدرين يمه من حركاتهم ونظراتهم تمنيت اني متزوجه

ضربتها علئ رأسها : عيب يابنت استحي

فرح : يمه الحب مو حرام هذا انتي تحبين ابوي الله يرحمه وكل ماجبنا طاريه دمعتي

لطيفه : اي احبه الله يرحمه بس حلو الحيا للبنت

فرح : والله عجزت افهمكم كل شوي تطرون لي تركي واذا قلت حلو العرس عصبتو

دخل سامي وحضن امه : يمه انا القعده خلي الفلبينيه تولي

بعدت لطيفه رأس فرح وحضنت حبيبها ..

فرح : وتلوموني لاجاني جفاف مشاعر متئ يجي زوجي ويحضني بس

ضحك سامي : زوجك مكسر بالمستشفئ

عصبت وبصرخه : لاحد يقول عن ذاك الشايب زوجي ؟؟ ماتفهمون انتم

سامي بخوف : اسف خلاص

لطيفه : وجع انقلعي عن وجهي يلا وصوتس لاسمعه يرتفع

صعدت لغرفتها وهي معصبه ..

سامي : يمه انا زعلتها ؟

لطيفه بحنان : لا يمه ذي عوبه ولاتستحي

سامي : يمه لاتغصبونها تاخذه

لطيفه : اختك عنيده وخبله تحمد ربها انه خطبها اصلا ماعلينا انت بشرني عساك انبسطت

بحماس : حييل انبسطت خاصه انها امطرت مرتين ..

ابتسمت له بحنان : الله يجعلك دوم مبسوط روح نام ورانا سفره للرياض يمه ..

هز رأسه بايجاب وراح لغرفته لكن ماقدر الا يمر عليها ويعتذر منها بس مافتحت له الباب ..

طلعت ساره وهي تشوفه واقف يطق الباب ..

ساره : سامي شفيك

سامي ببرائه : ابي اعتذر من فرح

بقلبها اعجبت فيه وبأخلاقه تذكرت هوشاتها مع فيصل واللي ماقد اعتذر منها ولافكر يتأسف ..مع ذل اشتاقت له ولدفاشته بقوه ()

نزلت لخالتها وهي مستعده للتحقيق .. دورته بعيونها ولاحصلته ..

لطيفه : راح لتركي

سوت نفسها مو مهتمه : خاله بطني ذبحني

وقفت لطيفه بسرعه : لايكون جتس الدوره

ساره بخوف : اي

صرخت عليها : وذا لبسك ؟ قومي البسي شرابات صوف ولفي شعرتس وانا بسوي لتس كوب اعشاب مع خبزه بسمن بسرعه قومي

وقفت وركضت لجناحها ولبست اللي قالته لها ونزلت وهي تشوف عمتها تفتت الخبز وتصب فوقه سمن .. تذكر الاكله ذي كانت امها تسويها بنفاس موضي .. جلست بهدوء وشربت الاعشاب بالقوه خوف من تعصبب عمتها ..



..،،،،...،،


ابتسمت وهي منسدحه بسريرها .. كتبت ومسحت كتبت ومسحت ماعرفت وش تكتب حطت فيس قلب بالاخير ..

ركضت لخزانتها بعد ماتروشت ..لبست قميص نوم شرته قبل 4 شهور وبإجبار من عاليه وراقيه لونه سكري ويوصل للركبه .. انحرجت ماقد شافها كذا

لبسته وانصدمت من شكلها ..لفت جسمها وهي تضحك والله وطلعت حلوه ..جففت شعرها بالاستشوار ..

وحطت روج وردي وحددت عيونها بالكحل العربي ..تدهنت ورشت عطرها وجلست علئ السرير وهي منحرجه .. شفيني تهورت ؟

معقوله كل هاللي اسويه شفقه عليه .. قصته اثرت فيني ؟ ولا حب بقلبي كان مدفون وجته فرصه يظهر للعلن ..

سحبت دراعتها وهي تفكر تغير رأيها .. لكن لازم تبدأ حياتها صح .. اليوم صلحت نصف الغلط مع اهلها وبتصلح النصف الثاني والاهم وبتحمل منه وتعيش مقتنعه بنصيبها زوجة وحبيبه لجراح السآمر ..'



......

طلع من المستشفئ وشاف الاسعاف وقف يراقب بصمت .. تو مناوبته خلصت ووده بنومه طويله .. ناظر للرجال اللي جابوه .. وصراخ الممرضات الفلبينيات
مايدري ليش القضول خلاه يوقف قدامه ،،

لا لا

ذا مو ابوي .. صد وهو ناوي يهرب لكن الممرض مسك بطاقة المريض وصرخ : جراح السامر العمر 42 سنه
جلس علئ الارض وهو يبكي بانهيار .. الكل استغرب

صرخ بصوت جرح احباله الصوتيه : هذا ابوي ابوي حاولو يوقفونه لكن ماقدرو واغمئ عليه ..

بعد دقايق صحئ وشافها واقفه تراقبه ..رفع رأسه وبتعب : سميه ابوي طمنيني عنه

بهدوء : الحمدلله بس كسر بيده
انت ارتاح الحين ..

وقف وبصعوبه سجد شكر .. تأثرت من منظره وتذكرت اهلها اللي توفو بحادث سياره .. حطت يدها علئ صدرها تهدي الالم اللي يمر فيه

رفع رأسه وناظر لها .. نزلت رأسها باحراج من نظراته وطلعت بسرعه ..

ابتسم .. اخيرا اهتمت فيه .. من توظف هنا وهو يلاحقها يبيها بالحلال .. وكان ينتظر الفرصه المناسبه

طلع مسرع وتوجه لغرفة ابوه شاف عمه سعد وحضنه وهو يبكي ماقدر يمنع نفسه وبكئ معاه .. ابوه رجل عصامي رجل حنون دايم يحسه صديق له حتئ اعجابه بسميه صارحه فيه ووقف معاه .. يارب تحفظه لي يااارب ..،،

جو الموظفين واللي يتعدون ال30 موظف وتوجهو له وهم خايفين : طمنا عنه

ابتسم وطمنهم : الحمدلله

اللي سجد واللي حضن الثاني واللي حضنه .. مشاعر كثيره ودعوات صادقه ومخلصه لهالانسان المحبوب ..


من بعيد كانت تشوف تعامله وانفعالاته .. مرت بنت عمها من عندها ودفتها : شوي شوي عليه

ارتبكت وبحرج : ريم وجع فجعتيني

ضحكت : والله وطيحك ولد السامر


..
بعد ساعه


رفع رأسه وشاف ولده حاضن يده وعمه يقرأ عليه ..

جراح بتعب : شصار

نادر وهو يسلم عليه بحراره : الحمدلله يبه الحمدلله

دخلو الموظفين بباقات الورد وتحمدو له بالسلامه ..ومرت ساعات النهار وهو محاط بمحبيه وولده وعمه .. كان ناقصه شي حتئ بهاللحظات كان محتاجها يبي يعرف وش كان ردها علئ مشاعره ..

بهمس لنادر : جوالي وينه


نادر : لقوه متكسر

تنهد : علمت اهلك

نادر ويده علئ رأسه : لااا والله نسيت بروح اعلمهم

هز رأسه وبتعب نام وهو يسمع اصواتهم ...،



...،،،،....


بعصبيه : قلت لكم مابي فستان مابييي انا بكتب كتابي وبروح للمطار

موضي : ماتفهمين انتي اقولك خالد يقول بكرا كتب الكتاب وتجلسون ليله بالفندق بعدها تطيرون

هاجر بخوف : مابي مابي

خالتها : هاجر لاتزعليني منك ؟

وقفت وهي معصبه ودخلت غرفتها تبكي .. ليش مايفهمون ماتبيه يبلش فيها متأكده ان هالطلب مو منه وانه بس تنفيذ لاوامر امه ..

ناظرت للفستان اللي جابه لها .. اييض مع طرحه ناعمه .. وباقة ورد

ليش ماله شخصيه ليش مايعرف يقول لا ؟؟


موضي : تعبت ياخاله منها والله تعبت

ام خالد : من تعبتي من انتي ؟

تنهدت موضي وعرفت ان حالة النسيان صابتها ..

ندمت انها طلبت من خالتها تكلم خالد وتقنعه بهالشي .. كان ودها تحسس هاجر انها عروس وتشوفها بالثوب الابيض ..

حطت يدها علئ بطنها ووقفت تدور فيصل .. لقته منسدح قدام التلفزيون .. وقفته بصعوبه وودته لغرفته ..

سحبت جلال الصلاه وصلت الوتر وهي تبكي .. يارب اسعد اختي يارب اجعل هالزواج فال خير وسعاده لها يارب .. يارب بشرني بحمل ساره يارب بكت من قلب وكملت يارب ارحم امي وابوي يارب ارحمهم واغفر لهم ..

...،،،.....،،،..

اصابعه علئ بطنها المكشوف وبهمس حنون : جود مالك بطن

ضحكت : توي علئ البطن

ابتسم ولزقها فيه ..

جود : حبيبي انا وافقت اسافر معاك ومع هاجر للعلاج ..




...،،،،....،


دخل وشاف خواته يتهاوشن علئ الريموت

شافته فهيمه وركضت له بخوف : مالك ياضنايا ؟؟

بكئ والكل وقف بخوف .. اول مره يشوفون نادر خفيف الدم بهالحال ..؟؟

فهيمه جلست وبدت تولول بإنتحاب .. والبنات تجمعو حوله

نادر : لا ياخاله تعوذي من ابليس .. ابوي بخير والله بخير بس ذي دموع الفرح

عاليه : ابوي ليشش شصار له ؟؟

نادر بتعب : حادث لكن الحمدلله طلع منه بكسر يد بس

بدو يبكون ويشاركون امهم حزنها ..

صعد لغرفتها وهو خايف عليها .. مسح دموعه وطق الباب

فتحت عيونها لما سمعت صوت الباب .. ناظرت لنفسها وتذكرت انها كانت تنتظره .. بدلت لبسها بسرعه وفتحت الباب

شافته واقف مرتبك : شفيك نادر !!

ابتسم ودخل وبهدوء : ابوي قبل ساعتين صار عليه حادث لكن الحمدلله طلع منه بمعجزه

ناظر لها وشافها ترجف قرب وحضنها : هدي واذكري الله

سما بدموع : انا احبه نادر انا احبه انا احببببه لايموت نادر لايموت


..


دخل جناحه وهو تعبان بعد ماوصل تركي لبيته ..

شافها منسدحه عالكنب وبيدها الريموت

وقفت وناظرت لحالته

تمغط وهو نعسان : شكلنا بنمشي بكرا الفجر تعبان وودي انام

ساره : بس

ذياب : قلت لك تعبان ؟

ودخل للغرفه وانسدح ..

شافها واقفه فوق رأسه

ساره : ذياب ماقلت شي انا ليش تعصب بسرعه

ذياب بمزاج متعكر : ماني معصب ومالي خلق دلعك هالوقت ابي انام وارتاح اطلعي واتركيني

طلعت وهي متضايقه ..شفيه ذا كل يوم بمزاج .. تعبت من تقلباته احيانا احس اني اقرب انسانه له واحيان يتصرف كأني مااعني له شي ..
سحبت كوب الحليب وراحت لغرفة فرح .. طقت مره مرتين وفتحت لها الباب

شافت خشمها احمر ومعصبه اكثر من اخوها .. مدري عمتي وش مرضعتهم ؟؟

فرح : لاحول ترئ ذياب زوجك مو انا

ساره بتمثيل تبي تمقلبها : ذياب ضربني وكسر ظهري بالضرب انا تعبت تعبت منه

شهقت لطيفه اللي كانت وراهم ..

ناظرو لها ساره وفرح بخوف ..

وانفتح باب الجناح وطلع يدورها ماهان عليه ينام وهي زعلانه لكن تفاجأ بصراخ امه عليه ()


صباح الخير ..

توقعاتكم حبايبي ومن افضل شخصيه بين ابطال روايتي ..وايش كثر ثنائي يعجبكم

[nz111]

شـكــ وبارك الله فيك ـــرا لك ... لك مني أجمل تحية .

[اسطورة !]

البارت الثآني عشر ~~
‏
المتُفائل ليس أعمَى ولا واهماً يعيشُ في الأحلامَ وإنما هو واقعيٌ يدرِك أن الحياة بقدَر ما بها من المشُكلات يوجد إلى جوارها الحلُول.

-_-_-_-_ -_-_-_-

لطيفه بعصبيه : ذي آخر توصياتي لك والله لاكسر يدك قبل لاتنمد على هاليتيمه مرة ثانيه .. فاهم

ساره بخوف مسكت يد عمتها : عمه والله والله كنت امقلب فرح عشان توافق تدخلني عندها وذياب ماله دخل


دفتها لطيفه بعصبيه : تدافعين عنه وهو ضاربك ؟؟ لهدرجه مسبب لك رعب

ذياب كان فاتح فمه بصدمه ..

اما فرح للحين على عيونها النوم ومو مستوعبه شي من اللي يصير قدامها ..

سحبتها عمتها ونزلتها تحت وهي تحلف انها تمزح ..

لكن لطيفه كانت شاكه من شكلها لما رجعت من البر والحين تأكدت .. اجل يضربها وفبيتي ؟؟ انا اللي جمعتهم انا السبب واستاهل

سحب شماغه والصداع زاد معاه شاف فرح مفهيه : ذياب انت ضربت ساره ؟

بصرخه : بسسسس انقلعي عن وجهي

دخلت لغرفتها وهي تتحلطم .. شدخلني يحط الحره فيني ؟ لا لا لازم اتزوج واترك البيت بأقرب وقت ..



نزل وشاف ساره واقفه بحيره وامه صاده عنها ..

ناظرت له وهو معصب .. من رجع من البر مانام ولاارتاح .. ووراهم خط سفر بكرا ؟ وبالاخير تمقلبه كذا. انا استاهل والله استاهل وخل لساني ينفعني .. مشت بشويش وصارت قدامه قبل لاتنطق آسفه حست بيده وصوت الكف القوي اللي انطبع على خدها ..

سمعت شهقة عمتها وهواشها .. قرب لاذنها : عشان ثاني مره تحاسبين على كل حرف قبل لايطلع

وطلع وتركها ..

قربت منها لطيفه وهي تحس ان ضغطها ارتفع ..

لطيفه : ساره يابنتي عورك ؟ من متئ يضربك ليششش سكتي عنه وين شخصيتك القويه ؟ وين ساره اللي اعرفها

ساره بصرخه : عمه ابعدي عني .. انتي سبب هالشي اقولك قسسسم بالله كنت امزححح مع فرح وانتي قلبتي كل شي فوق رأسي انا غبيه واستاهل هالكف

وركضت للجناح وهي مكتومه .. توها عروس وتنضرب وبدون سبب يستاهل ؟؟! وش دخلها اذا عمتها صدقت مزحها

جلست لطيفه علئ الكنب وصرخت علئ ام حافظ تعطيها علاج الضغط .. معقوله ساره كانت تمزح وانا .. الله يهديه ليش يضربها اذا انا الغلطانه


سحبت جوالها ودقت عليه ومن ثالث رنه رد : يمه ذياب ارجع وين رحت

ذياب : انا موجود بس بنام بالدوانيه ..

لطيفه : ساره مالها ذنب انا تسر

قاطعها بهدوء : ماعليه ماصار شي انا تعبان ورانا سفر بكرا .. وقفل

كانت تبي تحمي ساره لكن ماتوقعت حرصها يأذيها .. من خطبت ساره وعدت نفسها توقف معها ضد ولدها لو احتاجت .. تصير لها الام والاب وماتتركها تعاني الوحده والغربه مثل ماعانت هي فحياتها ..





بغرفتها وهي منسدحه والجوال باذنها
سمعت صوت ضحكتها المزعجه

هنوف : ههههههههههههههههههههه امااا ضربك كف طيب ماقالك اطلعي برا الباب يوسع جمل

ساره بعصبيه : مو وقت سخافتك !!

هنوف : انتتي غلطتي وتستاهلين ..

ساره بشهقه بكاء : دايم عندكم انا الغلطانه دايم .. قلت بكلمك انتي احسن من خواتي عشان مايقلبون كل شي ضدي .. طلعتي اخس منهم

سحبت نوره الجوال : ساره اسمعيني ماعليك منها انتي ماغلطتي كنتي تمزحين .. وهو ماغلط ولافهم الموضوع .. صح مفروض يهدأ ولايضربك بس يمكن انقهر وهو طبعه عصبي .. حتئ عمتك ماغلطت الا انها تحبك وهالموقف مفروض يفرحك .. من يحصل له عمه كذا

مسحت دموعها : طيب شسوي الحين ازعل ولاارضئ ؟

ضحت هنوف بقوه وخبطتها نوره وشالت السبيكر :

عامليه ببرود اتوقع هو بعد بيعاملك كذا .. واذا اعتذر سامحيه بس مو بسرعه .. انه يضربك ذا شي كبير ياساره لاعديتيه له بيتمادئ فهمتي ؟؟

هزت رأسها وقفلت منهم وهي مرتاحه شوي .. ناظرت لخدها اهب ياكبر يده ..

وقفت قدام شباك غرفتها وشافت سيارته موجوده .. اجل شكله بيرجع ينام هنا .. خليني انام بالغرفه الثانيه واقفل علئ نفسي .. جهزت شنطة السفر وضبطت اغراضها واخذت بجامه حمراء بخطوط بيضاء ودخلت الغرفه وقفلتها ..

حطت رأسها ونامت بدون تفكير ..~~..



..،،،،....،،

1 فجرا ..--




ماقدرت تنام وهي مازارته امس ..اف منه رفض احد يزوره عشان اصحابه وموظفيه رايحين جايين ..ولانه بيطلع بكرا يعني مايحتاج يتعنون له حسب كلامه اللي وصله لهم نادر ..

وقفت بعد ماكانت منسدحه .. فتحت خزانته وطلعت شماغه وبجنون شمته .. ضحكت علئ حالتها الهستيريه .. مشتاقه له بجنون .. تبي تعترف له مثل ماعترفت لنادر .. لازم مشاعرها توصله ..


رن جوالها والتفتت بسرعه .. سحبته وطلع رقم غريب

رفعت حاجبها مستغربه .. من اللي يدق هالوقت

وقف الرنين ووصلتها رساله .. فتحتها


~~انا زوجك جراح ادري انك صاحيه ~~


ابتسمت وانتظرت اتصاله الثاني .. وبسرعه ردت

: الو جراح

جراح بصوت مبحوح من كثر النوم : عيون وقلب جراح



لا كذا كثير عليها .. سكتت بإحراج .. ماتعودت علئ هالشي ابد .. دايم كانت متحفظه علئ مشاعرها ..
ماتدري كيف توصل له انها اشتاقت وانها تبيه يحضنها هالوقت .. تتمنئ لو تملك الجرأه وتتغزل فيه وتروي عطشها وعطشه ..

تنهد وهو يجلس علئ السرير : سما سما سمآي البعيده عن عيني والقريبه من قلبي

دمعت عيونها .. وبرجفه : هلا اخبارك طمني ليش ماخليتني اقصد خليتنا نشوفك ونتطمن ليشش

ضحك : توي صرت بخير واخباري تمام بس احتاجك

سكتت وبداخلها رددت : وانا احتاجك

جراح : الحين سارق جوال الرجال وبالاخير مافي ولا كلمه حلوه لاتخليني اندم ..

وقفت وهي مرتبكه .. ويدها تهوي علئ وجهها ..

جراح بملل : يلا خلاص بقفل

سما : لا

جراح : ايش لا ؟

سما : جراح والله اشتقت لك

ابتسم وبجرأه : اخخ لو انك قدامي بهاللحظه ..مابي الا شفايفك الصغيره بس


ضحك وهو يسمع صوت انفاسها ..: ادري بتقولين قليل ادب بس عادي انا زوجك وحبيبك ولازم اعلمك بكل شي افكر فيه صح يالحب

ابتسمت : هممم

جراح : خلاص بقفل قبل لايعصب الرجال .. يلا توصين شي

سما : انتبه لنفسك ..الله يحفظك

قفلت وهي مبسوطه .. صح جريء ووقح .. بس تحبببببببببببه وتموت فيه


اتجهت للخزانه وهي تدور لبس حلو .. كل لبسها دراعات تنهدت وتذكرت راقيه

طقت الباب علئ غرفة البنات الكبار .. وفتحته وشافتهم متجمعين ويتابعون فيلم ..

سما : غريبه شعندكم سهرانين ؟

عاليه : ابوي مو هنا وامي دايخه ونايمه يعني مافي احد يهاوشنا

ابتسمت واشرت لراقيه تلحقها ..

راقيه : خير شعندك

باحراج تكلمت : بصراحه ابي منك فستان ناعم

ابتسمت راقيه لها : بس كذا من عيوني

غابت عنها دقايق ورجعت ومعها 5 فساتين

سما : ليش كل ذولا

راقيه : خذيهم كلهم واكشخي عند ابوي وغمزت لها وتركتها ..

رجعت للغرفه ووزعتهم علئ السرير .. احتارت وش تلبس كلهم عاريات بس في واحد حلو وله اكمام وفتحه لنص الساق .. لبسته وطلع علئ مقاسها بالضبط رسم تفاصيل جسدها الناعمه ..لونه كحلي واكمامه واسعه وفتحة الصدر واسعه وضيق علئ الجسم .. ابتسمت ونزلت شعرها بتخلي عاليه تسوي لها حركه فيه ..نزلت اللبس ورفعتهم وهي فرحانه فيهم .. كأنها طفله صغيره تجهز لبسها قبل ليلة العيد ..



...،،،....،،،،..

6 فجرآ ..


حايل ../


صباح جديد .. سماء ملبده بالغيوم وارض رطبه بعد هطول الامطار في ساعات الليل المتأخره ..

سمعت صوت المنبه وجلست علئ السرير وهي تحك شعرها .. صرخت بحماس وهي تتذكر ان اليوم بيطلع زوجها .. ولازم تستقبله عدل

سحبت ملابسها الداخليه وركضت لدورة المياه .. اخذت دش ساخن وتوضت عشان تصلي الفجر اللي فاتتها وماسمعت صوت الاذان كالعاده ..


طلعت من الحمام .. ودورت بجامه ثقيله ولبستها ..جففت شعرها وسمعت صراخ البنات وضحكهم .. ناظرت للحوش وشافت سامر وامينه وامنه يلعبون بالسياكل .. يالله كيف طالعين بهالبرد

دهنت يديها ووجها ونزلت بعد ماصلت .. شافت عاليه وراقيه ينظفون غرفة الضيوف اللي تحت .. استغربت من بيجيهم ؟

شافت فهميه معها المكناسه وتصارخ علئ عاليه تستعجل بالشغل

سما : صباح الخير

عاليه : تعالي ساعدينا بس

سما : افطروا الصغار

راقيه : من بعد صلاة الفجر فطرناهم كالعاده ..

هزت رأسها وطلعت تدخلهم لكن طنشوها ..

تأففت وسحبت سامر غصب لبسته جاكيت ثقيل وغطت يديه بالقفازات وخلته يكمل لعبه ..

دخلت للمطبخ وشافت نادر يفطر وهو واقف ..

سما برجه : بووو

ناظر لها ببرود : اوه اوه غريبه صاحيين واحنا مروقين

ابتسمت علئ جنب وجلسته علئ الكرسي : علئ ايش مستعجل تو الوقت

نادر : ابوي من الفجر يدق يبيني اطلعه علئ قولته خاس بالمستشفئ ..

دخلت فهميه : هو انتا ماروحتش ؟

وقف وباس رأس سما وهو يغمز بخبث وطلع ..

انحرجت وفهمت حركته .. تحس بمغص فبطنها ..

ناظرت لها فهميه : بعد ماتأكلي عايزاك تختاري لي لبس حلو ومأنتك

سما بفهاوه : ليش ؟ من بيجي

ضحكت فهميه : حبيب الئلب حيجي ولازم ادلعه حبتين وطلعت ..

علامات استفهام فوق رأسها .. اوووه تو فهمت قصدها .. يعني حبيب الئلب حيجلس عندها مثل كل مره يتعب فيها !!؟.

تذكرت انها هي اللي تنازلت عن حقها ذا .. ومستحيل تحرج فهميه بعد هالعمر .. احتارت تلبس وتكشخ ولا تطلع بلبسها المعتاد

دخلت راقيه وبشهقه : بسرعه البسي امي راحت تلبس

نزلت رأسها ..

دخلت عاليه : هاه تبين مساعده شعر مكياج توي حطيت لأمي كحل ورفعت الشعرتين البيض اللي برأسها هههههههههههههههه


راقيه : بنت عيب

عاليه وهي تأكل زيتون : ياحظ ابوي بس ماشاءالله

وقفت وتركتهم مستغربين ..

عاليه بصوت هادي : انتي متأكده انها بتكشخ لابوي من متئ سما تهتم راح ولاجاء ولامرض ؟

راقيه : امشي نلبسها بس لو بالغصب ..

دخلوا عليها وشافوها بالفستان الكحلي .. صفرت عاليه باعجاب وبدت تغني وهي تهز جسمها بحرفيه رغم الشحوم اللي ماليته :

‎كل البنات بتحبك كل البنات حلوين ..
‎طبعا ياسيدي يا بختك وانت اللى زيك مين ..
‎ .يمكن عاجبهم تقلك لما العيون تضحكلك ..
‎طب ما احنا اهو بنشبهلك بس احنا موش عاجبين ..
‎جايز لخفة دمك ولا عشان مش همك
‎لما البنات تندهلك واقفين شمال ويمين ..

‎ضحكت سما وباحراج : ممكن تتنازلين وتمكيجيني

‎عاليه : من عينيا ياست الكل


‎بعد دقايق ناظرت لنفسها باعجاب ... من زمان ماكشخت كحل فرنسي وماسكرا كثيفه لرموشها اعطتهم شكل خيال .. روج عنابي غامق وبلاشر وردي .. حلق لولو فضي وشعرها طايح علئ وجهها الدائري .. ابتسمت لهم بإمتنان وسمعوا صوت السيارات كأنهم بزفه
‎وصوت اطلاق نار ..

‎ركضو للشباك وشافو 3 سيارات


‎و3 شباب معاهم نادر يطلقون الرصاص .. راقبته ينزل من السياره بصعوبه وبمساعدة اخوها وابوها .. ابتسمت ودمعت عيونها .. الحمدلله انه بخير الحمدلله

‎ولاانتبهت لنظرات عاليه المفهيه فيها همست لراقيه


‎طلعتي صادقه
:

‎ضربتها راقيه وطلعو يستقبلون ابوهم وشمعة بيتهم ..


‎التفتت ولاشافتهم مسحت دموعها ورشت العطر علئ يديها ورقبتها .. ونزلت بعد مالبست كعب رغم طولها المثالي ..

‎شافت سامر وامينه وامنه خايفين من صوت السلاح .. حضنتهم ودخلتهم غرفتهم وبدلت لهم لبسهم ولبست سامر ثوب ابيض وغتره مع بالطو اسود ثقيل ..

‎سما : يلا انزل للدوانينه وسلم علئ ابوك

‎ركض وهو مبسوط بالغتره ..

‎امنه : وانا مابي ذا ابي ثوب عرس

‎ضحكت عليها وبالعله اقنعتها تنزل بلبسها اللي اختارته لها ..

‎ناظرت للمرايه وهمست : اليوم يومك ياسما


‎نزلت وشافت البخور بكل مكان وريحة القهوه وفهميه مع الشغاله بالمطبخ .. من متئ عندهم شغاله

‎راقيه بهمس : امي استأجرتها

‎ابتسمت يالله راقيه ونادر ذولا اكثر اثنين فاهمينها ويعرفون اللي بداخلها قبل لاتتكلم ..

‎دخل نادر قربت منه : متئ يدخل ابوك .. شافته يناظرها وساكت

‎سما : هيه اكلمك مو قت سرحانك

‎نادر : اوه ياخاله والله انك حلوه الله يعين ابوي بس

‎انحرجت منه ودخلت للمطبخ شافت فهميه بدراعتها البيضا كأنها عروس ورابطه شعرها بربطه سكريه كبيره علئ شكل ورده .. وحلق ذهب طويل مع عقد كبير وروج احمر وكحل عربي .. ابتسمت لها

‎فهميه : الله الله ايه الحلاوه دي يابت

‎سما : عشان لو بيجون ضيوف

‎ناظرت لها فهميه وضحكت علئ تصريفتها وطلعت مع صحن الحلويات .. ناظرت للطاوله لقيمات .. كيك ..بان كيك .. سوفليه ..زلابيا ..وحلويات كثير متنوعه .. متئ امداهم يسوون كل هذا وانا وين كنت ؟؟
!!



‎طلعت وهي تشوف البنات كاشخين بفساتين ناعمه مع معاطف ثقيله .. ابتسمت وجلست بجنبهم ..

‎دخل نادر ومعاه ابوه وقفوا كلهم وسلمو عليه اما فهميه فحضنته وباست يديه وخدوده ورأسه وهي تبكي وتتحمد له بالسلامه .. وقفت وهي منحرجه .. ودها تهرب من هاللقاء .. لكن عينه التقت فعينها

‎جراح : تعالي سلمي

‎ناظرت لنادر اللي يبادلها بنظرات تشجيعيه ..

‎وقفت قدامه وصافحته بخجل .. مستحيل تحضنه قدامهم لكن ماعطاها فرصه وسحب جسمها بيده المتعافيه وصار رأسها علئ ذقنه الخشن ..

‎همست بحيا : الحمدلله علئ السلامه .. حاولت تبعد عنه لكن ظل ماسكها دقيقه توقعتها 60 دقيقه من الخجل .. ابتعدت عنه وهي منحرجه ووقفت بجنب عاليه اللي كانت كاتمه ضحكتها ..


‎نادر بابتسامه : بدخل ابوي عشان يتروش ويرتاح شوي قبل لايجونه الضيوف ..

‎فهميه بعجله : انا حأدخله وبساعده فكل حاقه ..



‎لاول مره تغار من فهميه ؟؟ اصلا ليش تنزله تحت ليشش
‎ليش مو هي اللي تجلس معاه وتساعده .. شافت نادر يتأملها بصمت .. يالله مو وقته يكشف مشاعري الغبيه

‎رفعت حاجبها له : شرايك نتحلى

‎عاليه : وانا معاكم

‎نادر : لاحول وش هالنشبه اجل ماتفقنا مافي حلويات ؟؟

‎عاليه بدلع : بس هالمره ندوري بسس هالمره

‎ضحك نادر وجلس. : يلا ضيفوني اجل حسسوني اني محظوظ بهالبيت اللي مليان حريم ..

‎ركضوا كلهم اللي جابت له قهوه واللي تعطيه حلا واللي توكله بيدها .. ابتسم وهو يحمد ربه على خواته اللي يفتخر فيهم .. جمال .. دين .. ذكاء دراسي .. ادب واحترام


..،،،،.....،،،،.




‎ صحت من النوم وفتحت الباب وهي تمشي بشويش
‎ماتبي تصحيه لكن تفاجئت لما شافت السرير مرتب وعلى شكله بالامس ..

‎تروشت وصلت الفجر وهي تفكر شتسوي معاه .. قطع تفكيرها دخوله .. تجاهلها كأنها مو موجوده ..


‎لبست لبس ثقيل واخذت عباتها .. ونادت الشغاله تنزل شنطتها .. شافت فرح تسحب شنطتها الصغيره

‎ساره : بس ذي معاك

‎فرح بقفلة اخلاق : اخذت بجامتين مع فستان الزواج ..


‎نزلو وشافو لطيفه تستغفر وقدامها الفطور وسامي يفطر بهدوء ..

‎سلمت ساره وجلست وهي منحرجه انها صرخت امس على عمتها ..

‎افطرت بدون نفس .. ورفعت رأسها لسامي النعسان ..،

‎ابتسمت وتغير مزاجها لما تذكرت انها بعد كم ساعه بتشوف فيصل وهاجر وموضي وهنوف ونوره ..،،

‎فرح : الحمدلله والشكر زوجة اخوي مو صاحيه مره تكشر مره تضحك

‎لطيفه : فرحححح

‎فرح : يمه ترى ذا بيت مو معسكر

‎تنهدت لطيفه وهي تستغفر ..

‎نزل وهو لابس بنطلون اسود وبلوفر رمادي فاتح ومعاه شنطة صغيره بنيه يسحبها وراه ..

‎ذياب وهو عاقد حواجبه : يلا مشينا

‎لطيفه : ياولدي مافطرت

‎طلع وهو يقول : مالي نفسس

‎توجهت الانظار لساره .. وسكتت وهي خايفه تواجهه ويضربها مره ثانيه ..


‎ركبو السياره وصوت القران هدى النفوس ..
‎فتحت جوالها وهي تفكر ترسل له ولا لأ ..

‎همست لها فرح : امس صدق تهاوشتهم ولا اتحلم كنت ؟



‎طنشتها وهي تفكر وش ترسل مايهون عليها يمسك خط وبطنه فاضي ..،
‎شافت ملامحه بمراية السياره كيف عاقد حواجبه ومعصب وتراجعت .. ردة فعله تجاهها صارت ترعبها .. الافضل تسكت لحد ماتفكر بعدين مع خواتها بحل ..


‎فرح : ذياب وقف عند البقاله ..

‎وقف ونزل سامي يجيب لهم اللي يبون ..

‎بعد دقايق جاهم سامي يركض وهو مخنوق .. نزل ذياب وهو يشوفه يرجف ..

‎ذياب : شفيك تكلم ؟؟ احد ضايقك احد زعلك

‎سامي برجفه : شفته شفته

‎فهمه ذياب وركض يدوره .. طلعت لطيفه من السياره وهي خايفه على سامي اللي يبكي ويشاهق ..

‎رجع ذياب وهو معصب : تعال معاي وريني من هالكلب

‎سامي بخوف : لا لا مابي

‎لطيفه : ذياب خلاص يلا نمشي

‎كل هذا قدام انظار ساره المستغربه ..،

‎ساره : فرح شفيه سامي

‎تفاجئت وهي تشوف فرح تنزل رأسها وتبكي ..

‎دخل سامي وركب قدام بعد ماغسل وجهه بعلبة مويه غطى رأسه

‎ بالكاب وسكت .. وبعدها دخلو لطيفه وذياب ..

‎سمعت بكاء عمتها .. وشافت عيون ذياب الحمرا ؟؟

‎يالله شفيهم .... شصاير لسامي ،؟؟؟



...،،،،،.....


‎صحى من النوم وغطى صدره العاري باللحاف شافها تناظر له :صباح الخير حبيبي

‎ابتسم ووبحه من النوم : صباح الورد

‎باس طرف شفايفها وقام وهو يتمغط ..

‎جود : جهزت لك لبسك انزل افطر معنا انا وعمتي

‎خالد : من عيوني

‎نزلت بشويش .. ورتبت شعرها الفوضوي وتعطرت وتوجهت لطاولة الطعام ..ماشافت عمتها ودخلت تدورها بغرفتها لقتها نايمه .. تركتها ترتاح وطلعت تنتظره

‎اليوم زواجه وللحين ماتحس بأي مشاعر غيره .. المهم انه معاها واختار يسافر وياخذها معاه .. هالشي يكفيها لو تتعالج وتضمن انها تعيش بفضل الله بتمنع اي احد يشاركها فيه لكن هالامل اختفى عندها من زمان .. لذا بترضى بالقليل القليل جدا منه ..


‎طلع من الحمام وشعره الاشقر مبلل .. ناظر لنفسه وضحك على شكله تذكر نظرات موظفيه اول مادخل الشركه والاشاعات اللي طلعت ان امه امريكيه .. ابتسم وهو يتذكر انه الليله عريس .. من قده ()




..،،،....،،،



‎وصلو وشافت خالد واقف عند بابهم ويسولف مع العمال .. استغربت كانت بتنزل لكن استغربت لما قال ذياب : انزلو الا ساره


‎شافتهم ينزلون ويسلمون على خالد

‎ذياب : تعالي قدام بسرعه

‎نزلت وركبت قدام

‎شافت خالد يتوجه لهم وهو لابس ثوب كحلي بدون شماغ وشعره واصل لاكتافه ..

‎ذياب قبل لايفتح الباب بشبه صرخه : غطي عيونك اكلتي الرجال وانتي تناظرينه


‎بلمت وهي تشوفهم يسلمون على بعض .. حست نفسها بهاللحظه رخيصه .. من كان يصدق ان هالشخص كان حبيبها ؟؟ يالله شلون حبيته نزلت عيونها وهي تتنهد .. لو يدري ذياب بيقتلني بمكاني ..


‎ركب وشغل السياره .. تخيلت انه بيوديها البر ويذبحها ..

‎ساره : وين رايحين

‎ذياب : مو شغلك

‎ساره : ذياب انا اسفه خلاصص قلت ماقصد

‎ذياب بدون لايلتفت عليها : اصه

‎سكتت .. وكتمت دموعها اي تعذيب هذا ..،

‎فر الحاره ولما شاف خالد ركب سيارته وقف قدام البيت : انزلي

‎ناظرت له وهي مستغربه ،،؟ معقوله عرف بشي ،!!!!

‎ساره : ذياب

‎ذياب : انزلييييييييييي


‎نزلت وسكرت الباب بأقوى ماعندها .. ودخلت وهي تنافخ ..

‎شافت موضي تغسل الحوش بمساعده وحده من حريم الجيران

‎موضي : هلا هلا

‎ركضت وحضنتها بقوه ..

‎ساره : اشتقت لكم

‎موضي : وحنا بعد يلا روحي لهاجر واقنعيها
‎تلبس ثوب الزواج وتتمكيج

‎ساره بحماس : من عينيا ياأم كرش

‎دخل فيصل بعجله : يمه بشتري طراطيع

‎ساره بصرخه : فصولللل حبيبي

‎ناظرها وهو فرحان وركض يسلم عليها قرصت خدوده ورجعت باسته : والله يالنتفه اشتتتقت لككك

‎انحرج ونزل رأسه وهو مبتسم ..

‎ضحكت وقالت له روح لسامي وركض وهو مبسوط


‎دخلت وشافت هنوف وقمزت وحضنتها

‎هنوف وهي تمسح دموعها : ماتوقعت ببكي عشانك ياتبن

‎ساره : ايوه لأني غير فاهمه
..
‎مسكت يدها ودخلو غرفة هاجر ..

‎شافت هاجر معصبه وفرح تشد شعرها : تروحين يعني تروحين للمشغل

‎هاجر : اي شعري ياحيوانه

‎فرح : ذا ليفة مو شعر هههههه

‎رفعت رأسها وشافت ساره وسكتت ..

‎ركضت وحضنتها : احلى عروس قبل المكياج شلون بعده

‎هاجر : ساره انقذيني من حماتك الخبله

‎ضحكت ساره وهي ناسيه همها واقنعت هاجر كعادتها وراحو للمشغل ..

‎بعد ساعات ..

‎هاجر بارتباك : شكلي حلو متأكدين

‎نوره وهي تتثاوب : اي اي قسم تجننين الليله ليلة دخلتك ترى

‎فرح : ههههههههههههه شدخل ذي بذي ؟

‎نوره : مدري بس شكلي تحمست المهم تبين اي شرح اي حاجه انا جاهزه

‎خبطتها هنوف وهي تمثل العصبيه : من وراي عندك معلومات

‎ساره : اسكتو ياقلق

‎سكتو وناظرو لساره الواقفه بفستان احمر ضيق من فوق ونافش من تحت يوصل للركبه ..

‎فرح بتصفير : حركات حركات لازم اخوي يشوفك

‎ساره وهي ترجع تضبط كحلها : اكيد بيشوفني حبيب قلبي

‎صفقت هنوف بحماس : طيب مممكن ترسلين لي فيديو اذا شافك

‎ساره باحراج : هنوف ياخبله انقلعي عني

‎هنوف : الله يالدنيا نسيتيني الحين


‎سمعو صوت موضي تناديهم وهي معصبه وطلعو يساعدوها ..

‎ساره : هاجر شفيك ترجفين

‎هاجر : اخاف خالد يطالبني بشي

‎ساره : خبله انتي ذا زوجك اكيد بيطالبك

‎هاجر : احلفي ومن اللي نام اول ليله وسحب على زوجه هاه

‎ضحكت ساره : اي ذي اول ليله بعدها انا صرت اطالبه
‎هههههههههههههههه

‎ابتسمت هاجر : الحمدلله انك مبسوطه

‎ساره : مع اننا نمر بمشكله وكبيره بعد بس لازم امشي الحياه وبيني وبينك انا احبه واموت فيه

‎هاجر : الله يهنيكم

‎ساره : هاجر املكي قلب خالد وبتعيشين مبسوطه


‎دخلت لطيفه وزغردت بصوت عالي وهي تقرأ عليهم : ماشاءالله ماشاءالله الله يحفظكم


‎وقفت ساره وسحبت يدها وباستها : عمه انا اسفه لازعلتك

‎لطيفه : بشنو زعلتيني انا الله يهداني تسرعت

‎ساره : الليله بروح معاه بس اخاف مايرد علي ؟

‎لطيفه بابتسامه : الله يكملك بعقلك اذا مارد انا بضبط الموضوع ..

‎انزفت هاجر بصوت هنوف العذب .. كانت رافضه الاحتفال لان عمها توه متوفي لكن اقنعوها انهم بس بيزفونها بالطبل ..


‎اشرقت بالنور مابيـن الحضــور
‎............................كنها شمس وكواكب بينها
‎من كثر ماربنـا واهبهــا نـــــور
‎..............................يذكر الله من يناظر زينها
‎الله اكبـر ماعلـى هاجر قصـور
‎.........................كيف ولا والحسن كله يزينها
‎فيها كل الزين واحساس وشعور
‎...........................كم تمنى الورد لمس ايدينها
‎يوم زفوها على نسـل الصـقــور
‎............................طرزت الافراح كل سنينها
‎والنجـوم تــزف افـراح وزهـــور
‎..............................والهنا اقبل تعنى لعينها










‎فستانها لؤلؤي ضيق من جهة الصدر ومن تحت واسع بفتحة صدر كبيره .. شعرها البني كيرلي وتاج ورد ناعم على رأسها

‎كانت مثل الملاك ببساطتها ونعومتها .. ابتسمت وهي تشوف دموع ساره وموضي ..

‎وجلست على الكوشه بهدوء ورفعت عكازها واخذته فرح منها وابتدأ التصوير .. رغم انها توقعت انها تعاني من الفوبيا وتنحرج من هالاجواء لكن انصدمت بالبرود اللي داخلها .. يمكن لان مافي احد غريب بس اهلها وعمتها وجيرانهم اهل هنوف ..

‎موضي قربت لها : خالد بيدخل

‎هزت رأسها بهدوء بدون اي خوف ..

‎ناظرت لخالتها ام خالد اللي كانت مو عارفه شي بهاللحظات ..

‎دخل بثوبه الابيض وبشته الاسود الملكي .. هيبته خلت فرح تشهق ناظرت لها هنوف ودفتها : شفيك يالخبله

‎فرح : يمه مزيووون ماشاءالله

‎هنوف : وهاجر مزيونه متحمسه لعيالهم كيف بيطلعون

‎ابتسمت ساره وهي تسمع كلامهم ..وغضت النظر عنه مثل ماامرها ذياب ....دخلت للمطبخ وسحبت جوالها .. دقت مره مرتين ولارد .. تنهدت بطفش سمعت الزغاريد اكيد بيطلعون العرسان طلعت وشافت هاجر تدورها .. عدلت عباتها وحضنتها وهي تدعي لها ان ربي يسعدها ويهنيها ..

‎طلعو وقلوب موضي وساره معاهم ..


..،،،،...


‎وقفت وهي تودع آخر الضيوف .. يالله من الظهر والناس رايحه جايه عشان سلامة جراح


‎تمغطت بكسل وشافته قدامها واقف بمساعدة نادر .. من الصباح ذا ثاني لقاء لهم .. انحرجت وهي تشوف جرأة نظراته لها ..


‎جراح همس باذن نادر اللي ابتسم

‎نادر : خاله امسكيه ووديه للغرفه انا وراي مشوار


‎ابتسمت وهزت رأسها ..

‎مسكت يده الخشنه وهي تحمد ربها ان البنات وامهم يحوسون بالمطبخ .. دخلته الغرفه وحطته على السرير وهو ساكت ..

‎ناظرت له وشافته يتألم من ظهره

‎سما : يوجعك شي اخذت علاجك


‎جراح : اي يوجعني بس قفلي الغرفه


‎سما : هاه ليشش

‎جراح : ابيك تدهنين ظهري

‎قفلت الباب .. ورجعت له

‎سما : وين علاجاتك ؟

‎مد يده لها .. وهو مرتكي على المخده وبابتسامه : انتي علاجي

‎حمر وجهها .. وبلمت لكن ماحست الا بيده تسحبها له ..



‎باس اذنها : ماتبين تسلمين علي زي الناس يعني

‎حاولت تناظر له لكن ماقدرت .. وين قوتها اللي كانت تواجهه فيها ..

‎نزلت شفايفه لرقبتها رجفت وبعدت : الحين فهيمه بتطق الباب

‎جراح وهو يدخلها فحضنه وخشممه على خشمها :واذا ؟


‎سما بحيا : جراح خلا

‎قفل فمها بشفايفه وماعطاها اي فرصه للاعتراض


$$$$$$



....،،،،،،.........



‎ركبت السياره وهي خايفه انه يعصب انها دخلت امه بينهم .. شتسوي اذا دقت عليه الف مره ولارد ..ومن دقت امه رد ولما امرته ياخذ زوجته اعترض فالبدايه بعدين وافق ..

‎شافته ساكت .. ومدت يدها بجرأه ومسكت يده

‎دعت بقلبها انه مايسحب يده وفعلا ماسحبها .. تنهدت براحه وظلت ماسكتها لحد ماوصلو للفندق ..


‎حجز لهم جناح ملكي ودخلها قبله ونزل بدون مايشوفها

‎قفلت الباب وسحبت شنطتها نزلت عباتها وضبطت شكلها ناظرت للفستان اللي معطيها عمر اصغر .. ابتسمت وهي تنفخ خدودها

‎تعطرت وغرقت نفسها بالعطر ..

‎تذكرت وصايا موضي لها لما علمتها بالسالفه .. لازم تعاتبه علئ الكف بنفس الوقت تعتذر منه علئ الموقف

‎سمعت صوت الباب ..

‎شافته ينزل شماغه ويجلس على الاريكه ويسحب الريموت ..

‎لازم تتجرأ وتراضيه .. يلا ياساره يلاااا

‎بقلبها عدت ل10 وطلعت بعدها ووقفت قدامه ..

‎ناظر لها وتنهد .. وقت اغرائها الحين .. ماينكر ان دقات قلبه ارتفعت .. وان شكلها سحره اول مره تطلع له بهاللوك الجريء وده يأكلها اكل .. بس مسك نفسه ومثل العصبيه ..

‎ذياب : ممكن تبعدين ابي اتابع

‎جلست بحضنه ..ويدها تلعب بشعره

‎باست خده : انا اسفه خلاصصص ذياب

‎داخ من عطرها وجرأتها وبتوتر : خلاص ايش كل يوم تصدميني بهبالك ياساره متى


‎قاطعته باصابعها النحيله وثبتتهم على شفايفه ..

‎مدت بوزها وبدلع انثوي : انا اسفه وترى كفك للحين يعورني مابسامحك عليك بسهوله اعترف اني هبله وغبيه وكل شي بس احبك

‎بعد اصابعها ومرر يده على خدها : عورتك ؟

‎ساره وهي منحرجه ماتوقعته يرضى بهالسهوله : لا خلاص ...

‎حاولت تقوم لكن ثبتها بيديه وهو مبتسم بخبث ..



$$$$$$$


..،،،،،....،،

‎نزلت ثوبها وتروشت وبصعوبه مسحت المكياج مع انه خفيف .. لكن مو متعوده عليه .. جففت شعرها ولبست بجامه سودا

‎شافته يدخل ووقف فجأه .. تدري انها صدمته بلبسها واللون اللي اختارته بس احسن عشان يعرف حدوده وهو بالنسبه لها ايش ..

‎خالد وهو رافع حاجبه :ليش نزلتي فستانك ماشفته عدل

‎تجاهلته والعكاز بيدها جلست على السرير تدلك رجولها ..

‎خالد بهدوء : على مااعتقد اني جالس اتكلم هنا ؟


‎هاجر :تعبانه بنام ورانا سفر بكرا

‎حطت رأسها وهي ترجف خايفه من ردة فعله .. هي الحين بمواجهة الاسد
‎ولوحدهم

....،،،،.....