لابد لساقي السم ان يتذوقه / للكاتبة عبير سلطان

[اسطورة !]

صباح الخير ..

ونزلت هالبارت لعيونكم .. حبيت يكون خفيف ولطيف بدون مشاكل واكشن لكن اوعدكم البارت الجاي بيكون اكشن خاصه مع خالد وحريمه .. وكمان ود اللي بتدخل بيت ذياب ال سعد وردة فعل ساره الجنونيه .. وسما اللي بتروح لفرح وتعلمها باللي ينتظرها وتحذرها من ود .. فهميه هل بتغار وتتغير معاملتها لسما اللي اعتبرتها وحده من بناتها خاصه بعد مشاعر جراح الجريئه امامهم .. والكثير الكثير

خليكم بالقرب حبايبي ..
وتذكرو دائما (لو تأملت في حالك لوجدت أن الله أعطاك اشياء دون أن تطلبها فثق ان الله لم يمنع عنك حاجة رغبتها إلا ولك في المنع خيرا تجهله.)

[sarasony]

متى البارت الجديد

[em esoos]

تسلمين. عبير.الورده على الروايه الراءعه والاسلوب الشيق ولكن السؤال هل جراح على علم ببراؤه الذيب ام لا. وليش بدو فرح وينزل راس اخوها ايش السبب اذا كان ابو ذياب بريء وخالد اعتقد حب جود اولا لفلوسها وانا طلعتو من داءقه ماليه اب اشترتو بفلوسها وحبت تواجدو قربها بس ليش خبت عليه مرضها من حقو يزعل منها وهاجى راح تمر باوقات صعبه معاه. اما ساره وذياب مكملين لبعض وعل ما يبدو سامي تعرض للاغتصاب. او التحرس من قبل. حد
امتا البارت نحن بالانتظار ارحو ان تكون مكتمله. وليس. كابعض الروبات لم تكتمل

[فيتامين سي]

البارت الثالث عشر ..//

‏من ايجابيات الظروف السيئة والصعبة انها تعيد ترتيب اماكن الاشخاص وتحط كل شخص في مكانه الحقيقي .


.....:::.....



فتحت عيونها بانزعاج وهي تسمع صوت طرقات خفيفه علئ الباب .. شافته فاتح فمه بتعب ويتنفس منه ومستند علئ بطنه وظهره مكشوف .. جلست بسرعه وهي تستوعب ناظرت للساعه شآفتها 8 الصباح .. اوب اوب كل ذا نوم ؟؟

تمغطت وناظرت للبسها كيف قدرت تنام بهالفستان فتحت باب الغرفه وشافت فهميه معاها صحن كبير فيه اصناف كثيره وريحة البيض وخبز التنور فايحه ..

انحرجت من نظرات فهميه الغريبه ..وطلعت قبل لاتمسكها تحقيق

مرت علئ الصاله وشافتهم مجتمعين حمدت ربها ان عاليه الملقوفه مو معاهم ولا مسكتها تحقيق واحراج ..

طلعت بسرعه لغرفتها واخذت دش دافي .. من زمان مانامت بهالراحه ؟ دايم نومها متقطع وبه كوابيس ..

ابتسمت وهي تحرك يديها علئ رقبتها الموشومه نتيجة جنون جراح امس ..

مشطت شعرها والابتسامه لسئ مرسومه علئ وجهها .. لبست دراعه سكريه ضيقه علئ الجسم وناعمه ..

سمعت صوت نادر : خاله سما

انحرجت وهي عارفه بيمسكها تحقيق ونغزات .. لكن ماهان عليها تطنشه لفت شال عنابي علئ رقبتها وطلعت له ..

نادر : ممكن ادخل

استغربت من جديته .. وناظرت له بإستفهام وعلئ طول طرئ علئ بالها اهلها ..

شاف ملامحها وفهم وين وصل تفكيرها : تطمني الموضوع يخصني انا بس

تنهدت بارتياح ويدها علئ بطنها : مايصير افطر اول .. بعدين تعال شعندك مو مداوم !!

نادر : اخذت اجازه عشان مواعيد ابوي .ويلا عازمك علئ مطعم وبفطرك احلئ فطور

ابتسمت بحماس : جد ؟؟

هز رأسه وطلع ..

سحبت عباتها وشافت راقيه معها منظفات ووراها عاليه معها مبخره وطالعين من غرفتهم ..

ابتسمت لهم ووقفو يتفحصونها بتدقيق .. انحرجت ونزلت رأسها


ضحكت عاليه وسحبت الشال وزغردت : كللللللوييييشششششششششششش

توترت سما وهي شوي وتبكي ياربي من دفاشة هالبنت ..

عصبت راقيه وخبطتها علئ رأسها : وجع بلا قلة حيا

بوزت عاليه وبحماس : شفيكم ترئ احنا خوات مابينا هالشي .. المهم انبسطتي امس ؟

سما : اقول شتسوون مع هالصبح ؟

عاليه : حلو تضييعك للسالفه .. كالعاده ننظف غرفتنا وغرفة الصغار .. تعرفين امي ماتحب تشوفنا مرتاحين

ابتسمت وبعفويه : ليتني صاحيه بدري كان ساعدتكم

راقيه : ماتقصرين دايم تساعدينا وين رايحه ؟

سما وهي تنزل من الدرج : عازمني نادر بروح استأذن من ابوكم

دخلت لغرفته وشافته متسند علئ السرير وفهميه تدلك رجوله بزيت زيتون مقري ..

شافها وابتسم من قلبه : ياهلا والله

انحرجت وهي تشوف فهميه تعقد حواجبها الكثيفه بضيق ..

فهميه : انا رايحه اساعد البنات عايز حاقه ؟

جراح وعيونه على سما : لا سلامتك

طلعت وسكرت الباب ..

اشر لها بيده المصابه انها تجلس بقربه ..

جلست وهي متوتره ..

سحب يدها بيده الثانيه وباس كفها وبهمس : امس احلئ ليالي عمري .. لو عارف ان لي قدر عندك كان من زمان سويت هالحادث ..

سما : جراح لاتحكي كذا الله يطول بعمرك ..


ابتسم والود وده لو يخبيها فقلبه .. : شعندك ماخذه عباتك

ابتسمت : بروح مع نادر عازمني ويمكن بعدها امر اهلي بعد اذنك طبعا

جراح : بس لاتطولين ؟ ابيك ماتفارقين عيني

سما بحرج : الليله ليلة فهميه لاني امس اخذت ليلتها

جراح : لاتخافين مابظلمها بس اللي فالقلب ماقدر عليه
انا عاشق ومانلام

ابتسمت وهي تحس انها مالكه الدنيا .. ماقدرت تناظر لعيونه الجريئه ووقفت بسرعه ..

جراح : لحظه قبل لاتروحين لازم تعطيني حاجه

سما باستغراب : ايش ؟

اشر علئ خده .. فهمته وارتاحت وباسته لكن كعادته سحبها وباسها هو $$


طلعت من الغرفه وشافتهم متجمعين حول امهم .. خافت ان فهميه تكرهاا ووقفت قدامها وباست رأسها باحترام .. ولبست عباتها وطلعت ..

دخلت للسياره وهي تشوف نادر عاقد حواجبه : اسفه طولت عليك ؟

بطيبة قلب : فداك وقتي المهم اخبارك ؟

فهمت قصده : مرتاحه ومو مرتاحه

تكلم وعينه علئ الطريق : ابي افهم متئ ترتاحين نهائيا ؟ ابوي وطلع يعشقك لو تشوفين حالته بالمستشفئ كل دقيقه يوصيني عليك ويسأل عنك .. اول مره اشوفه كذا .. وانتي تبادلينه هالشعور والحمدلله تجاوزتو كل العقبات

سما : انا خايفه فهميه تزعل مني

نادر : ماتوقع بتزعل ؟

سما : فهميه وبناتها شي مهم فحياتي .. لو خسرتهم بضيع

نادر : البنات متعلقين فيك .. وخالتي فهميه حرمه متدينه وتخاف الله يمكن بتغار بس مابتتدخل بينك وبين بناتها ..

سما بابتسامه : الله يريحك يانادر مثل ماتريحني دايم

نادر : الله الله كثري من هالدعوات ترئ محتاجها ..


...،،،...



طلعت من دورة المياه وهي ترجف من البرد ... نزلت عكازها وهي تفكر فين راح من الصباح ؟

تذكرت انها امس من قالت له انها بتنام وتعبانه طلع وتركها ونام بالصاله ..

توقعت يناقشها يعاتبها يتفاهم معاها او باأسوأ الحالات يهاوشها .. لكن انصدمت ببروده

ضحكت بداخلها .. شكله حتئ هو يبي الفكه منها وارتاح من تصرفها ..

انسدحت وهي تلعب بشعرها الرطب .. وسحبت جوالها ودقت علئ موضي : مرحباااا

موضي بفرحه من صوتها : هلا هلا بريحة هلي

هاجر بروقان : موضي جوعانه ومستحيه افطر هنا ابيك تسوين لي اكل

موضي : من عيوني احلئ فطور هاه طمنيني

ارتبكت .. وسكتت

موضي فهمت انها انحرجت لان في شي صار وبراحه : الحمدلله الله يهنيكم ويسعدكم يلا انتظرك بضبط قهوة بعد وكل شي تحبينه .. ساره وفرح من صباح الله وهن يحوسن بالمطبخ

هاجر : هههههههههههههه ساره المجنونه متئ رجعت
من الفندق

وقفت موضي بصعوبه : الساعه 6 الفجر خرعتنا الله يهداها ..

هاجر : ههههههههههههههههههههههههه ياقلبي هي .. يلا اجل باي ..

ابتسمت موضي وسجدت شكر لله .. الحمدلله يارب الحمدلله ..

دخلت ساره وهي تمص اصبعها من النوتيلا : هاه متئ بتجي العروس

موضي : شوي ياقلبي طلعت جوعانه ومستحيه من خالد

فرح : والله انها خبله ليش استحي لو اني منها ادق بالخمسه بعد .

دق جوال ساره وابتسمت وهي تصرخ : هلا حبيبي

ناظرتها فرح بحماس وهي تحط اذنها علئ الجوال ..

تركتهم موضي ودخلت المطبخ ..

ساره : احلف ذياب احلف

ذياب بضحكه : والله ياقلب ذياب

ساره : يعني بنسافر شهر عسل

ذياب : هههههههههههههههه ايوه لكن بعد اسبوعين باذن الله لازم اخلص اشغالي واوصي الموظفين عليها واضبط اموري اول ..

ساره وهي تدف فرح اللي ناشبه لها : مدري شأقول والله انك اسعدتني

ذياب : ذي رضاوتك حبيبتي .. يلا استأذن جاء خويي

قفلت منه ورمت الجوال وهي تسوي حالها تطير وبحماس : اخخخ يافرح احب اخوك احبببه لاكان مروق ورومنسي

فرح بضحكه : واذا صفقك كف تحبينه ؟

ساره : حيوانه خايسه لازم تخربين هاللحظات علي ..اي عادي احبه بكل لحظاته

فرح بحزن : ساره ابي اتزوج

ساره : تركي ينتظرك اتركي العناد وخذيه

فرح : يعععععع لا اجل بعنس احسن لي ..


...،،،....،،.

دخل للجناح اللي حاجزه بالفندق وهو يكلمها : جود حياتي لاتنسين علاجك من تفطرين خذيه ..

جود بغيره : دخلت الفندق

خالد وهو يناظر لهاجر اللي كاشخه وعباتها بيدها : ايوه دخلت .. يلا تبين شي

جود : سلامتك حبيبي

قفل الجوال وجلس جنبها : طلبتي فطور

ناظرت له باستغراب ؟

ابتسم وريح رأسه وسحب التلفون وطلب فطور ..

رفع رأسه ورجع ناظر لها .. فستان عنابي ضيق علئ جسمها وشعرها البني رافعته بوني تيل ويوصل لظهرها .. ومنزله قصتها علئ جبهتها .. والذهب يعكس بياض عنقها .. بلع ريقه ووقف بتوتر : اسمعي ترئ جود بتسافر معنا

رفعت رأسها وببرود يعكس الصدمه اللي فداخلها : احسن شي .. الله يحييها

انقهر من برودها ؟ وش قطعة الثلج ذي !!

قطع نظرات التحدي بينهم صوت الباب ووصول الفطور ..


بعد نص ساعه

وقفت سيارته عند باب البيت وبجديه : اسمعيني ياهاجر انا زوجك الحين ويعلم الله اني مستحيل اجبرك على شي مني .. لكن اللي ابيه الاحترام وحفظ اسرار حياتنا بس

هزت رأسها بقهر ونزلت ..

فتحت الباب وسمعت صوت التلفزيون وصوت اغاني وتصفيق ؟ في احد يرقص هالصباح

فتحت الباب الخشبي وشافت ساره تهز وفرح تصفق وهنوف ونوره لابسات ثياب رجال ومتلطمات بالشماغ ..

هاجر : ههههههههههههههههههههههههه ههههههههههههههه

التفتو عليها وبصراخ ودراما حضنوها ..

ابتسمت ودمعت عيونها .، كيف بتفقدهم ذولا ؟

جتها موضي ومعاها عمتها لطيفه واخذوها للغرفه وبدو تحقيق .. اضطرت تسكت وتمثل انها منحرجه .. وبعد اخذ وعطا ولستة نصايح طلعوها .. ناظرت للصاله اللي مفروش بنصها سفرة طويله .. فيها مالذ وطاب

هاجر : والله جوعانه

فرح : حتى حنا الرقص هد حيلنا يلا نبلع ..

بعد مافطرو سحبتها ساره .. ودخلتها الغرفه

جلست هاجر بتعب على سريرها .. وجلست ساره مقابل لها

ساره بهدوء : ماصار شي صح ؟

هزت رأسها موافقه ..

وكملت : تخيلي يبي ياخذ جود معنا ؟

شهقت ساره : الكلب النذل اي ذا خالد انسان بلا مشاعر

ابتسمت هاجر : مو ذا اللي كنتي تحبينه

ساره : اي حب كنت غبيه احبه عشان وسامته وعشان كنت مقتنعه انه بيكون زوجي .. بس ذياب غير انا ياهاجر اصير قدامه غير .. اصير مخفه وخفيفه

هاجر : ههههههههههه الله يسعدكم بس شسوي ؟!

ساره : اسمعيني عدل .. اول فتره خليك مهتمه بنفسك بصحتك بعلاجك اللي هناك .. اطلعي انبسطي تعرفي على السعوديات هناك اكيد بتلقين كثير .. وخالد وجود خليهم يولون لاتنشغلين فيهم .. لاطلبك حقه مع اني ماتوقع انه بيهتم اصلا عطيه ولاتردينه .. اذا تبينه يحبك استخدمي سحرك وانوثتك ودلعك .، واذا ماهمك ومصره على طلاقك منه بعد العلاج .. اعتبريه اخ وصديق لك وهو بهالنقطه مابيخذلك ابدا .. اما جود التبن ..


قطع كلامها دخول فرح وهي تمط شفايفها الصغيره : عبله عنتر يبيك برا

وقفت ساره ورتبت شكلها بنطلون سكيني عنابي وبلوزه سودا صوف ..

ساره : اما جود حاولي تهبلين فيها

هاجر : لا حرام البنت تعبانه

ساره : وانتي تعبانه وكلكم رايحين علاج

فرح بعفويه : الله يعين خالد عليكم

شافت نظراتهم لها وهربت ..

ساره : اسمعيني عدل ترى جود مو هينه ..

هاجر ببرود : ماهموني انا بتعالج وبس ..

طلعت ساره للحوش وشافته متسند على الشجره .. وعاقد حواجبه

ناظرت له بابتسامه : هلا حبيبي

ذياب بهدوء وهو يأشر للشجره : ايش هذا

قربت ساره وشافت حرفها وحرف خالد وكلام حب وعشق .. اوف شلون نسيت خرابيطي ذي

ساره بارتباك : هذا زمان لما كنت صغيره

ذياب : اها !!


ساره وهي تمسك يده : شفيك حبيبي بتزعل عشان هالشي

ذياب ببرود : لا مازعلت ولاشي .. المهم كنت ابي اخذك عشان نسوي لك جواز

ساره بحماس : اوك دقايق واجيك

شافها تدخل .. ورجعت عيونه على الشجره شاف التاريخ المكتوب قبل سنه !! معقوله كان بينهم شي
اكييد بينهم شي ولا ليش ترفضني ؟ تنهد بضيقه وهو يستغفر ويبعد الوساوس عنه ..


..،،،...،،

بعد 3 ساعات فضفضه ونقاش


سما وهي تنزل كوب القهوه : يعني متأكد بتوافق ؟؟

نادر : هالمره متأكد اقولك لما طحت عليهم بسبب حادث ابوي هي اللي اعتنت فيني ..

سما بحماس : اخيرا بشوفك معرس اخيرااا والله يافرحتي فيك

نادر : ابيك تفاتحين ابوي بالموضوع ..

سما : ليش ماتعلمه انت

نادر باحراج : ابوي يدري اني معجب بها قد سمع تعليقات عاليه الخبله ومابي يفشلني بكلامه

ضحكت وسحبت يدينه : ابشر من عيوني بكلمه وبنخطب هالسميه لك ..

ابتسم ووقف : يلا اوديك لخوالي اجل ..

لبست نقابها وطلعت معآه ..

سما : وقف عند هالبقاله اول

وقف ونزل معاها .. اشترت حلويات وشيبسات لاخوانها وللبنات ..

وصلت لبيت اهلها .. شافت ابوها يتجهز للصلاه ..وقفته وباست رأسه وسمعت صوت امام مسجدهم .. راح هو ونادر

دخلت للحوش وشافت عبدالله يتوضى

سلمت عليه ودخلت وهي تشم ريحة طبخ .. غريبه امها تطبخ هالحزه !!

شافت المجلس مليان حريم .. وامها معاهم انحرجت وسلمت عليهم ماتحملت جو الحش والنميمه طلعت للمطبخ وشافت شغالة جيرانهم تطبخ

دخلت امها وهي تلف الشيله : وش معاك بالكيس

سما : ذي حلويات لاخواني

سحبت الكيس منها واشرت للشغاله تحطها لهم وطلعت وتركتها ..

استغفرت وهي تمسك اعصابها .. دخلت على اخوانها وشافتهم نايمين والغرفه مقلوبه فوق تحت ..

حطت الحلويات تحت سرير احمد .. وطلعت

لبست عباتها بعد ماصلت الظهر وطلعت تنتظر نادر .. دخل عبدالله وباستغراب : بهالسرعه بتروحين ؟

سما : اخوانك نايمين توقعت القاهم صاحيين واجلس معاهم .. بجيهم فالليل احسن

عبدالله : كل شي فهالبيت مقلوب فوق تحت ياليت تزوجيني عالاقل القى من يطبخ لي لقمه ومن يغسل ملابسي

كسر خاطرها : ابشر بزوجك عاليه

كشر بوجهه : وع ذيك البرميل !!
ليش مو راقيه

ابتسمت : راقيه محجوزه لولد عمتها اما عاليه تراها احلى بنات جراح شقرا وبيضا بس السمنه خربتها وماعليك مايجي العرس الا وهي عود

نزل رأسه باحراج : متأكده سما !!

هزت رأسها : والله متأكده بس الزواج بعد سنه افضل ..
عالاقل تكون داخل ال20 ومجمع لك كم فلس

باس رأسها ودخل وهو متطمن .. سمع اصوات ضحكات صديقات امه واستغفر بداخله ..()

...،،،.....

الكل راح معها للمطار .. خواتها وازواجهم وفيصل ونوره وهنوف وامهم .. عمتها وفرح وسامي .. وخالتها ام خالد الكل جاء يودعها

ناظرت لموضي اللي متسنده على حسن وتبكي ..

خالد : الله يهداك ام فيصل هاجر بعيوني

ناظرت لجود اللي راميه الشيله على وجهها بإهمال وعباتها الف لون .. ومعاها ام حسن واختها

قربت فرح من ساره : شكل خالد ماله شخصيه شوفي عباة زوجته استغفرالله ولا اللثمه بس مغطيه فمها

ساره : لانها ماهمته

هنوف : بس زوجته عرضه ياخي انا بنت وتفشلت منها ..، شلون هو والقهر ان اخوها حسن شلون طلعت منهم وحده كذا

هاجر : استغفرالله .. عباتها مو دليل على صلاحها او العكس . شفيكم بنات نسيتوني واهتميتو فيها

ابتسمت ساره ومسكت يديها : هاجر مثل ماوصيتك خليك قويه .. يوميا بكلمك فيديو انا وفرح

هنوف : وانا كل صبح بتوقيتكم بدق واغني لك بصوتي العذب ابد ماراح تفقديننا

دمعت عيونها وتجمعو كلهم وسوو دائره صغيره

ساره .. هاجر .. فرح .. نوره .. هنوف


ناظر لهم ذياب وشد عرق برقبته همس لأمه : وش يسوون هالخبلات نادي ساره وفرح قبل لامردغهم هنا

لطيفه : تعوذ من ابليس خليهم براحتهم ياولدي ..

طنش كلام امه وصرخ : ساره فرح

رفعو روسهم .. وتفرقو بعد ماتواعدو انهم ماينسون بعض ويتواصلون دايم ..

قربت ساره منه وشافت نظراته نار .. دفت فرح عشان تنتبه له

فرح بهمس : يمه يخرع .. وشهقت : هيييه يالخبله عدلي نقابك واصل لخشمك مالومه لاعصب

توترت ساره وراحت لدورة المياه وضبطت نقابها ..طلعت وشافته قدامها

ذياب : وش هالمسخره ذي !! وبعدين ابي افهم ليش ماتعرفين تضبطين عباتك

سكتت وهي متنرفره منه .. مره يروق وش حلاته والف مره ينفس ويعصب من اتفه شي .. تجاهلته ومشت وخلته

سحبها ورجعها قدامه : ساره لاتعصبين فيني

ساره : ذياب ترى تعبت منك تعبت كل ماقلت خلاص فهمته وبديت ارتاح تتصرف تصرفات غريبه .. مزاجك المتقلب ذا مليت منه .. شفيها لاعديت هالموقف وقلت ذي بتودع اختها ومابتشوفها 6 شهور ماله داعي ادقق علئ تصرفاتها ترئ انا بشر مو آله ..

ومشت وتركته مصدوم ومنحرج بنفس الوقت ..من شاف حرفها وحرف خالد ومزاجه متعكر

جلست بجنب موضي وفيصل ..

سمعو نداء الطياره وودعتهم هاجر وهي تشاهق ..

خالد حضن امه وباس يديها ووصئ عمته فيها ..

لطيفه : بوصلها لبيت اخوها هم ينتظرونها ماعليك ..

دمعت عيونه ورجع حضنها وهي مو عارفته ..

ومشئ ويد جود ماسكه يده .. وهاجر وراهم


هنوف : شف شف شلون ماسكته زيتونه !!

فرح : ههههههههههههه جبتيها قسم يمه يانحفها

ساره : الله يعين هاجر ويرجعها وهي تمشي ذا المهم ..

حسن بحنان : ام فيصل الله يهداك اختك مع زوجها وبتتعالج وترجع لكم وهي تمشي

موضي : بس 6 شهور كثيره

حسن : اذا ولدتي وعد اخذك

تنهدت بتعب ومشت معاه ..وفيصل وراهم

...،،،...


بعد يومين ~~

المانيا -- هامبورغ

6 صباحا ..

بيت علئ النظام الامريكي مكون من غرفتين نوم وصالون ومطبخ تحضيري ..ومحاط بحديقة جميله



خالد بتعب : جود اقولك قسم امس بس وديتها للمستشفئ

جود بقهر وهي تأكل اظافرها المطليه باللون الاسود : ماصار بينكم شي !؟ لاني اخذت علاجي ونمت بدون مااحس

خالد بعصبيه : خلاص عاد واذا صار تراها زوجتي مثل ماانتي زوجتك فاهمه ولاعاد تتدخلين بهالشي

وطلع وتركها وهي تبكي ويدها علئ قلبها ..

دخل للغرفه اللي فيها هاجر

شافها ترتب اوراق فحوصاتها .. وقف قبالها : انتظرك بالسياره

هزت رأسها ومن طلع ابتسمت علئ غيرة جود .. المسكينه شكلها تموت فيه .. امس راحو لموعدهم الاول بالمستشفئ والحمدلله تحتاج عمليه بسيطه ونسبة نجاحها عاليه لكن الصعوبه بعدها .. في العلاج الطبيعي ومدئ استجابتها ..

كلام الدكتور شجعها ..حمدت ربها انها شاطره فاللغه الانجليزيه وتفاهمت معاه قدام خالد الفاهي واللي مو فاهم ولا كلمه ..


لبست عباتها وتنقبت وشافت جود قدامها

جود بعصبيه : لا تفكرين لو لحظه انك تملكينه خالد لي وبس

تجاهلتها ومشت قدامها ..


ركبت السياره ودقايق جتهم جود

زفر خالد بعصبيه ...،


توقعته يهاوشها لانها مو لابسه حجاب لكن انصدمت لما شافته يهاوشها عشانها مو لابسه ثقيل ..

كرهته بداخلها .. ، وراقبتهم وهي متقرفه من دلع جود وهو يلبسها الجاكيت ويبوس رأسها

لكن تعترف انهم ثنائي جميل ولايق علئ بعض كثير ..

جود بدلع : خلودي بطني يعورني بسوي فحص سونار

خالد وشفايفه تطبع علئ جبينها قبله دافئه : ابشري بس البسي معطف وغطي شعرك بشال مارضئ تطلعين كذا

ابتسمت وهي متأكده ان هاجر احترقت من حركاتهم ودخلت وسحبت شال ولفته بعشوائيه وركبت معاهم ..

خالد وبخاطره يضحك .، بين يوم وليله من شخص كاره للزواج والاستقرار لشخص عنده زوجتين وكل وحده اهبل من الثانيه ..،ناظر لهاجر وشاف عيونها مبهوره بالمناظر .. وهو مو اقل منها لكن يحمد ربه ان المستشفئ قريب ولابيضيع ويتفشل قدام حريمه ()



وصلو للمستشفئ ونزلت هاجر وعكازتها تساعدها .. شافته متجاهلها وعينه علئ جود .. هي متأكده انها اجمل من جود مليون مره لكن القلب ومايهوئ


جود بلغتها الانجليزيه المتقنه :

هاي .. هل تحجز لي موعدا لدئ دكتور النساء والولاده


كملت هاجر طريقها وتركتهم عند الاستقبال .. شافت بنت سعوديه متحجبه ..

قربت منها البنت : مرحبا انتي عربيه ؟

هاجر بفرحه : اي وانتي سعوديه صح

البنت : ايوه تعالي اعرفك علئ امي ..

نست نفسها وخالد وليش جايه وعاشت جو مع هالعائله الصغيره ..

ريماس || 18 سنه مصابه بسرطان في الرئه ومستقره فألمانيا منذ 5 شهور ورحلة علاجها مستمره للمجهول ..،،

مسحت دموعها هاجر بعد ماسمعت معاناة ريماس .. يالله فعلا الواحد لما يشوف مصيبة غيره تهون عليه مصيبته ..

دق جوالها ورفعته وردت سمعت صراخه : وييييينك انتي وين ذلفتي

تنهدت وبهدوء : انا عند قسم الاورام جالسه عند عائله سعوديه

خالد بعصبيه بعد ماتعب وهو يدورها .. المصيبه ان رقمها مايعرفه ودق علئ موضي واخذه منها ..:

: ثاني مره ماتروحين علئ كيفك يامدام

شافته قبالها قفل الجوال واشر لها تجي ..

ريماس : ماشاءالله ذا اخوك قلت لك مستحيل امك سعوديه

ام ريماس بطيبه : شكله كان يدورك وجهه اصفر

هزت رأسها وتركتهم بعد مااخذت رقم ريماس ..

هاجر ببرود : شفيك تو موعدي ماجاء حبيت اتعرف علئ هالبنت

خالد : انا طرطور عندك !! ادخل ذيك موعدها القئ الثانيه ضايعه

هاجر وشعور الغربه متعبها : شسوي اذا مانتبهت لي ونسيتني ولا تنتظرني امشي وراك ووراها مثل الخروف

ناظرها وسكت ..

هاجر بربكه : يلا نروح للموعد

وصلها ودخل معها وهو يسمع نقاشها مع الدكتور ولا هو فاهم اي شي ..تذكر عتابها اللطيف للاسف هو يتعمد يتجاهلها لكن كل حواسه مركزه عليها هي بس من اول ليله لهم ..


..،،،...

[فيتامين سي]

حايل ..()

صحت بتعب ناظرت للساعه شافتها 6 المغرب .. اف كانت تتوقع انها قيلوله لكن سحبتها من الزكمه

تذكرت مشوارها ..،

توضت وصلت اللي فاتها نزلت وهي تشوف المجلس مليان كالعاده من تعب جراح ..

دخلت للمطبخ وشافت عاليه تسرق كيك من الثلاجه

ابتسمت وبصوت واطي : شتسووووين

شهقت عاليه ويدها علئ قلبها : فجعتيني ياتبن !!

ضحكت سما وحطت فطاير بصحنها وبدت تأكل وتناظر لعاليه

بيضا عيونها عسليه وخدودها حمرا شعرها فاتح وخشن يوصل لظهرها .. شفايفها صغيره وخشمها صغير هالبنت لو تنحف تطلع فتنه بس غبيه ومخربه نفسها ..

عاليه : شعندك تراقبيني لايكون تتوحمين علي انا غير خواتي ترئ كلهن سمر انا الوحيده المزيونه حددي اهدافك واختاري عاد تبين ولدك ابيض ولا اسمر

دخلت راقيه وجلست علئ الكرسي : افف تعبت تعبت ليش امي ماتجيب لنا شغاله وتريحنا وانتي ياقطو المطابخ وين اختفيتي وخليتيني اكرف لحالي

عاليه : خلاص ارتاحي انا بروح اقهويهم

راقيه : شفيك سما شكلك تعبانه

عطست وبصوت مبحوح : شكلي اخذت برد

راقيه : تبين اسوي لك حليب بزنجبيل

: لا لا بروح لاهلي اصلا ابوك عنده رجال صح !

راقيه : ايوه ياقلبي عليه من اذن العصر والدوانيه زحمه

هزت رأسها وارسلت لعبدالله يجيها .. مشوارها ذا لازم ماحد يعرف عنه ..

لبست فستان من الفساتين اللي عطتها راقيه ابيض بقصه عند الصدر وبدون اكمام .. اخذت شال اسود مموج بألوان وثبتته عند كتفها .. نزلت شعرها وحطت روج وردي .. وكثفت الماسكرا

سحبت شنطتها ودقت علئ جراح

كان بوسط موظفيه وجيرانه واهله اللي كانو اعدائه وبعد ثروته غصب عنهم صارو اصحابه

سمع نغمة جواله وشاف اسمها

سمآي / يتصل بك ..

ابتسم ووقف بصعوبه وطلع لبرا

جراح : هلا حبيبتي

سما : الحين بروح لاهلي مثل ماقلت لك

جراح : بس فهميه تقول انك مزكمه وتعبانه خليها بكرا

سما : لا لا مافيني شي الحين تكفئ جراح

جراح : طيب طيب بس انتبهي لحالك وراسليني خلاص ..

طلعت وشافت عبدالله مروق : اوه شعندنا

عبدالله : الهلال فاز ومروق

سما : في مباراه العصر بعد

عبدالله : اي فيه مباريات آسيا . المهم وين تبين

سما بهدوء : بيت ذياب السعد

ناظرها عبدالله : متأكده ؟ وش عندك هناك لو يدري جراح

سما : ماعليك انت وديني وبعدها اعلمك

....،،

ساره وهي واقفه تسقي الزرع اللي بالحديقه .. من يومين وذياب متجاهلها ؟! مفروض هي تزعل مو هو لكن شكله تدلع واخذ فوق حجمه ..، لازم تثقل وتعلمه ان زعلها مو هين

شافته يدخل المطبخ وهو منزعج .. شرب كوب مويه وطلع ..،

كشرت بقهر .. فعلا الرجال حقيرين !! ولا حس فيني ولا اهتم

تحت فرح كانت بالمطبخ ومتحمسه تطبق الحلا اللي تعلمته

ام حافظ : يابنتي خليه انا اكمله

فرح : لا لا ممكن تطلعين وتاخذين ميري وجاردين معاك ابي اتفنن براحتي ياخي ..،

طلعو وتركوها ..

شغلت شيلات ورفعت الصوت ..

دخل سامي ببدلة الهلال : هاه ماخلص حلاك

فرح : لا ماخلص ممكن تنقلع برا

ناظرها بانتقاد وطلع ..

لابسه تي شيرت الهلال وبنطلون جينز فاتح وشعرها رافعته ببنس وعلئ خدها طحين ..

سمعت صوت الجرس : يووه اكيد سعاد وعلتها الحين يخربون سهرتنا

ناظرت للبسها امها مو هنا وذياب ياويله يتكلم وزوجته تتمشئ بهاللبس علئ كيفها ..

دخلت سما وهي منحرجه : ممكن تنادي لي فرح

ركض سامي للمطبخ وهو مستغرب : فرح فرحح

فرح بعصبيه : هيييه شفيكم انتم كل شوي داخل علي احد ان ماطلعت والله والله ماتسهر معاي انا وسوير

سامي : في وحده برا تبيك

تركت كل اللي بيدها : هاه من !؟

سامي : شدراني متنقبه الحرمه ودخلتها ام حافظ المجلس

طلعت وشافت ام حافظ تقفل المجلس .. يعني هالنتفه صادق

ركضت فوق وهي تطق علئ ساره ..

طلعت لها ساره ومعها فوشار وزمزمية شاي ولابسه فستان اورنج ومعطف ابيض : هاه جيت جيت خلصتي حلاك

فرح : بسرعععه انزلي في وحده تبيني بغير هالحوسه واجيك

ساره : شدخلني انا اكيد من صديقاتك

فرح : تكفين سوير عيب نترك البنت لحالها

وافقت ساره ونزلت وهي تشيك علئ لبسها ..

فتحت المجلس وشافت الضيفه ..

ماتدري ليش انجذبت لها وحسن انها تعرفها

ابتسمت وسلمت عليها وجلست ..

اما سما انفتنت بااناقة هالفرح .. شياكتها ولا بشرتها ونعومتها ولاريحة عطرها .. معقوله ذي كانت بتصير جارتي !؟ والله جراح بيسحب علي وعلئ طوايف اهلي

ساره : دقايق وتجي فرح

سما : هاه اجل انتي من

استغربت ساره : انا زوجة اخوها وبنت خالها ..،

تنهدت سما براحه .. اجل ذي زوجة ذياب ماشاءالله ..

دخلت فرح وهي لابسه تنوره سكيني بيج وبلوزه بنيه وشعرها منزلته براحه ..

وقفت سما وسلمت عليها .. وبعد المجاملات بدت موضوعها ..،

سما : انا زوجة جراح السامر .. اذا ماتعرفونه هو ولد قتيل جدكم

ناظرو لبعض ساره وفرح ..

سما : وبنت خالتي ود .. انا جيت احذركم منها هي كانت بتكيد لك يافرح وتزوجك من جراح

ساره : وش هالخرابيط ؟!

سما : والله ثم والله اني صادقه يابنات .. وانا جيت وانا ماعرفكم بس ماحبيت ان هالفرح تنحط بموقفي وتتزوج بالقوه .. انا مدري هم وش مخططين لكن اللي اعرفه ان جراح يبي يتزوج من فرح اسبوع ويطلقها عشان يثأر لنفسه

فرح باستهزاء : ومن قالك اني بوافق ؟؟!
بعدين وش يثأر مو جدي انقص وخلاص .. وش يبي زوجك بعد

تنهدت سما وفتحت لهم قلبها .. ماتدري ليش ارتاحت لهم وحبتهم .. ونست انها ببيت اعداء زوجها ..

اقتنعو بكلامها بسرعه ..

فرح : واشوف ليش ود تترجاني تجي ؟ طلع ذياب صادق لما حذرني منها

ساره باندفاع : سما تحبين زوجك

فرح : ساررره

ابتسمت سما : متزوجه لي 3 سنوات وماحبيته غير من 3 ايام ..

فرح : واو مثل الروايات يعني كنتو اصدقاء وكذا

سما : ههههههههههههه لا كنا اعداء كنت اكرهه ماطيقه . بس جراح ضحية ظروف ونبذ ام واهل .. وغير كذا جراح انسان ناجح ومحبوب .. والاهم انه يحبني

ساره : تصدقين سما ارتحت لك

فرح : اخخ حتئ انا بس شكلي بقهرك واوافق اخذ هالجراح

سما : عشان اقتلك

ساره : ههههههههههههههههههههههههه هههه

سولفو ونسو الوقت لحد ماصارت الساعه 11

فرح : فشله ماعشيناك ؟ انتظري الحين بيخلص العشا

سما وهي تلبس عباتها : لا لا اصلا تأخرت ان شاءالله مره ثانيه المهم بنات لاوصيكم لاتعلمون ذياب .. خلو جراح يصالحه عشان نتواصل ونسير علئ بعض واعرفكم علئ البنات انا حبيتكم والماضي مالنا دخل فيه

فرح بحماس : اي اي والله تحمست اشوفهم من كثر ماحكيتي لنا

ساره : اكيد مابنعلمه خليه يخطب وينرفض .. وبعدها بيطيح وجهه ويتم الصلح غصبا عنه ..،

ابتسمت سما وودعتهم .. وهي تتمنئ ان عاليه وراقيه معاها ..

الساعه 1/ وصلت للبيت بعد ماتعشت مع اخوانها بمطعم وكل الوقت الرسايل بينها وبين جراح متواصله ..

ابتسمت وهي تتذكر آخر رساله له ..

( رجعت برأيي ليتني ماسويت حادث عشان ماانشغل عنك بهالضيوف وتكونين قدام عيني كل دقيقه .. والله اشتقت لك ..، من ترجعين دبري لك عذر وادخلي عندي بالغرفه ابيك بحاجه صغيره $)


فتحت الباب وشافت فهميه قدامها ..

عقدت حواجبها بخوف : شصاير

فهميه : آمنه ياحبة عيني عيانه وعايزه انام عندها .. وانتي خليكي عند ابو نادر ..

سما وداخلها يتشقق من الفرح : هاه طيب انا بجلس عندها تطمني انتي

فهميه : لا هي عايزاني اهي ليله وبتعدي ان شاءالله ..

وطلعت وتركتها ..

ناظرت للغرفه وشافت النور مقفل .. اخر رساله بينهم قبل نص ساعه .. معقوله بهالسرعه نام

حبت تفاجئه الليله .. ركضت لغرفتها واخذت قميص نوم اسود يوصل لنص الفخذ وعليه روب طويل .. ناظرت لنفسها بالمرايه باحراج .. ولاعمره شافها بهاللبس ..


تعطرت ولبست جاكيت طويل عشان لو احد صادفها .. تطمنت ان الكل نايم ودخلت غرفته وقلبها يدق بجنون ..

شافته نايم علئ بطنه ..،

ونزلت الجاكيت وقربت منه .. باست كتفه العاري وصحئ بسرعه وباستغراب : سما ؟؟ شتسوين هنا

ابتسمت : جيت عشان الحاجه

ضحك وسحبها تحت حضنه .. : ناويه تقتليني انتي

سما ويدها تمر علئ شعره الكثيف : لا ناويه اعوض ساعات عمري اللي قضيتها بعيد عن حضنك

رفع رأسه ونظراته تمر علئ جسدها وتنهد : حرام عليك والله حرام لما كنت بصحتي وعافيتي ماسويتي كذا

ابتسمت بااحراج وحطت رأسه علئ صدرها : عادي حبيبي العمر قدامنا

رفع رأسه وكان بيعلق ويتكلم لكن سكتته بشفايفها الناعمه بحركه شلت كل تفكيره ومقاومته


...،،،،....،،،.

فرح بصرخه : نععععم تبيني اخذ تركي ليش

ساره : ياخبله شدرانا يمكن اخوك يوافق لما ينحرج قدام الرجال ماسمعتي سما شتقول ان كل مشايخ القبايل بتجي لا ويمكن سمو امير المنطقه عشان هالصلح يتم

فرح بخوف : يعني والحل

ساره : الحل تكونين مخطوبه لتركي وانتهينا فهمتي ؟؟

فرح : مافي حل غيره .. مابي هالتركي مابيه

ساره والفشار بيدها : براحتك والله اجل خلي جراح يتزوجك ويطلقك بعد اسبوع بعدها صدق بتعنسين

فرح : ساره ذياب مابيوافق اعرفه

ساره : ادررري بس مابي ذياب ينحرج فهمتي

فرح : اففف منك بروح انام احسن

ساره : تعالي تو مابدت سهرتنا وسامي المسكين راح يجيب لنا عصيرات

تجاهلتها فرح وصعدت لجناحها ..

تنهدت ساره وناظرت لجوالها الساعه 1 وذياب للحين مارجع ..

شافت سامي وبيده صينية عليها 4 علب بيبسي

ابتسمت له وجلس وهو متحمس : اسمعي انا ابي اتابع رعب خلي الرومنسيه لك ولفرح لحالكن .. الا صح وينها فريح

ساره : ذلفت بتنام

سامي : امااا غريبه

سمعو صوت الباب وحمدت ربها ان لبسها ساتر ولابيقتلها بنظراته ..

جلس بعد ماسلم .. وعينه عليها

من صارحته بالمطار وهو منحرج منها .. ماتوقع انه مزاجي للدرجه اللي تضايقها .. وهي دايم تفاجئه بالافضل حتئ لما ضربها هي جته .. تنهد وقرب لها وسط انشغال سامي بالمتابعه

همس باذنها : انا اسف

تجاهلته وهي تحت تأثير ريحة عطره الثقيله ..

سحب يدها وباسها بشويش ..

دفته وهي تناظر له بعصبيه ويدها تأشر علئ سامي ..

ابتسم ويده التفت علئ خصرها بلعانه .. حاولت تقاومه ماقدرت ..

ذياب بروقان : بتروحين معاي فوق ولا والله ابوسك ولاعلي من سامي ولاغيره

وقفت وهي متضايقه وصعدت لجناحها ..

ابتسم وناظر لسامي المندمج ..، لازم يفاتحه بموضوع الدكتور النفسي بس مو وقته

وقف ولحقها ..

بدلت لبسها وسحبت بطانيتها بتقفل الغرفه قبل لايدخل لكن للأسف سبقها وناظرها بخبث : له له بتطرديني

وقفت قدامه بهدوء وهي تحس نفسها مو طايقته ..تكره شعور انها لعبه بيده متئ مابغاها ضحك عليها بكلمتين


ساره : نعم وش عندك

ذياب وهو ماسك يديها : حياتي ادري اني غلطت واني غبي واني جرحتك بس قسم اغاررر غليك اغار احد يشوفك او يلمحك الود ودي لو اخبيك بقلبي لي وحدي

ساره : ذياب ،؟؟ انا مو تحت رحمة مزاجك والحين ممكن تتركني اكمل سهرتي

ذياب بعصبيه : نععم ببتتركيني عشان فيلم ؟ صاحيه انتي

ضحكت وباستهزاء : شف كيف بسرعه تعصب ؟ ومن اي سبب

ذياب : ساره ممكن نجلس ونتفاهم زي الناس

ساره : مابي اتفاهم معاك ولااتكلم ولااقول شي .. ممكن

ذياب : لا

جلست علئ السرير بضعف قدام عناده ..

ناظر لدموعها وانصدم للهدرجه متضايقه منه

ساره بتعب : تكفئ ذياب اذا في ذرة معزة فقلبك لي اتركني ..

دخل الحمام وتركها .. طلعت وهي تمسح دموعها وتبتسم لازم تربيه من اول وجديد .. مو ساره اللي تضعف من كلمتين .. نزلت لسامي وهي تشوفه منسدح ونايم .. تأففت وطفت التلفزيون ورتبت الحوسه وصحته عشان ينام بغرفته ودخلت للغرفه الثانيه وقفلتها ونامت بعد ماراسلت هاجر ..()


..،،،...


المانيا ..::


دخلت للمطبخ التحضيري وشافته واقف ويشرب قهوه .. ناظرت للبسها المرقع وانحرجت بنطلون اورنج فاقع وتي شيرت اخضر توقعت الكل نايم هالوقت ..


فتحت الثلاجه وسحبت تفاحه واكلتها .. تظاهرت انها متجاهلته

خالد : هاجر

رفعت رأسها وناظرت له

خالد : ممكن نصير اصحاب وماتهربين لاشفتيني وتتعاملين معاي بميانه

هاجر : ايوه ممكن

قرب منها وحاوطها بيديه وعينه فعينها ..

تأملت ملامحه ووسامته الخطيره .. ذكرت نفسها بوضعها وتنحنحت ..

: ممكن تبعد ياصديقي ؟!

خالد : هههههههههههههههههههه طيب صديقك خاطره بشي

هاجر ببرائه : ايش !!

خالد بابتسامه برزت غمازته : يحضنك

..،،،....

[فيتامين سي]

والبارت ذا لعيونكم ..، رغم التعب اللي جاني لازم هالزكمه تمسكني بداية الصيف ونهايته الحمدلله علئ كل حال ..

اجلت زيارة ود لبيت ذياب لحد مايتصالحون الحبايب عشان يزيد الاكشن هههههههههه
لو اطلب منكم تختارون شخصيتين بهالروايه قريبه من قلبكم ..، وشخصيه موجوده بواقعكم ..، وشخصيه تتمنون انها تتواجد اتحفوني بتعليقاتكم

حابه اعترف لكم اعتراف صغير ..، من انزل بارت جديد احدث منتدئ غرام فوق ال50 مره يوميا عشان اشوف في تعليقات جديده .. ومن اقرأ اي تعليق لكم .. السعاده تمسكني يوم كامل وانبسط والله من قلب .. ربي مارزقني بخوات لكن انتم خواتي وحبيباتي وافقدككم وافرح بتواصلكم وتعليقاتكم .. ربي يسعدكم جميعآ

[عبيركك]

بجد الروايه حلوه كتير واسلوب الكاتبه حلو وسهل

[deegoo]

الروااية حلووووة لكن وين الباقي هل لسى حتنزل الكاابة .. تحياتي ♡

[em esoos]

على مايبدو ام السياره جود لها دور هههههه طالما نظراتها ما تبشر بخير وترسم
ذيان شخصيه قويه. وله مكانه شكله ببن اهله بس ما اعرف ايش صار لسامي يعنيه
هو نعوم او حد عمله شي هههه
تسلم الناقله الورده

[em esoos]

ضعنا يا فيتامين سي. وين التكمله شكل الجو اخذتو. سما وجراح ربي يسع
ك عبير. نزلي التكمله خااي نشوف. اخرتها مع خالد. هههههههههههههههههه. لازم عاليه تضعف حبتين. عشان عبد
الله ما يبان. سنفور جنبها. عالكوشه
ايش السبب اللي مخلي فرح ترفض تركي ازا. ذياب يعتمد عليه وشايفو. رجال كفو