آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-03-16, 09:20 AM
| #71 | |||||||||
| نجم روايتي 
|  اخيرا عرفنا الحلم اللي يارا بتخرج منه تصرخ وتقول طلقني بصراحة نرمين انسانة مش سوية يعني متزوجة وعايزة زميل زوجها بس اكيد يحيي مش بيخونها مش عارفة اقرر يعني هو كلن كويس معاها وبعد اما اتعرف عليهم اتغير بانتظار حل الموضوع في الفصول القادمة | |||||||||
|  |
|
28-03-16, 03:09 AM
| #72 | |||||
| كاتبة في قسم قصص من وحي الأعضاء وبمنتدى قلوب أحلام 
| (الفصل العشرون) يحيى مرتبكا:كل حاجة ايه؟؟ يارا: استنيتك انت ال تيجى تقولى كل حاجة لكن للاسف ماحصلش.. ليه خنتنى يا يحيى؟؟؟ يحيى:لا انا ماخنتكيش يا يارا يارا:امال تسمى ال حصل ده ايه؟؟ انك تقبل رسايل حقيرة زى دى من واحدة ومتجوزة كمان يبقى اسمها ايه؟؟ يحيى:انا ماردتش عليها ابدا ولا كنت... قاطعته بحدة:واساسا تسيبها ليه تبعتلك حاجة زى دى؟؟ هى ما اتجرأتش غير لما لقتك سكت قالت يبقى فرحان وراضى وبقت كل مرة تبعت حاجة احقر من ال قبلها يحيى:صدقينى انا اتصدمت من ال كنت بشوفه ومكنتش عارف اعمل ايه؟؟ يارا:وماجيتش قولتلى ليه ؟؟ كنا فكرنا سوا فى حل؟ يحيى:كنت خايف اخسرك يارا:وانت كده مش هتخسرنى؟؟ يحيى:لا يا يارا عشان خاطرى بلاش تقولى كده انا مقدرش اعيش من غيرك يارا:يحيى.. انا قولتلك من اول ماشوفتها انها مش مظبوطة .. وهى اتعدت كلمتى بمراحل... قولتلك تبعد عنهم ومع ذلك عرفت انك اجتمعت معاهم تانى بعد كلامنا يبقى ده معناه ايه؟؟ غير انك راضى عن ال هى بتعمله ده لو ما اتماديتش كمان معاها والحكاية اتعدت مرحلة الرسايل انتفض يحيى قائلا:لا يا يارا والله ابدا ومن يوم ماوعدتك وانا ببعد عن اى حاجة تجمعنى بنادر لكن قابلتهم صدفة وانا بجيب طلبات البيت والزفتى كانت معاه ومقدرتش اتحاشى وجودهم.. يارا:طيب وبعدين لما بعتتلك الرسايل دى ماقولتش لجوزها ليه؟؟ يحيى:انا كنت ناوى فعلا اعمل كده لغاية ماعرفت ان هو كمان بيخونها يارا:بجد؟؟ ماشاء الله على دى عيلة قعدتنى معاها انا وولادك..وبعدين ؟؟صعبت عليك واتعاطفت معاها؟؟ وال قولت ده رد فعل لل هو بيعمله ؟؟ يحيى بحيرة:حاجة زى كده يارا محتدة:انت عايز تجننى؟؟ هو لو واحدة محترمة لما تعرف ان جوزها بيخونها هنروح تخونه؟؟ وال هتسيبه؟؟ يحيى:يارا قولتلك انى معرفتش اتصرف وكنت خايف اقولك يارا:اوك وادينى عرفت هتعمل ايه؟؟ يحيى:مش عارف قوليلى انتى ؟؟ يارا متنهدة:اولا تبعت لجوزها الحقارة بتاعتها حتى من اكونت غريب لو مش عايز تظهر فى الصورة ثانيا...اخذت نفسا طويلا واخرجته ثم... تنزلنى مصر يحيى بارتياع:لا يا يارا ماتسيبنيش .. يارا: يحيى انا بقالى معاك سنة هنا شوفت منك ال ماشوفتوش فى 3 سنين ال فاتوا... بقيت غريب عليا ومعنتش قادرة استحمل اكتر بجد يحيى:طيب استنى حتى ال كام شهر دول وننزل اجازة سوا يارا:حاضر عشان خاطر الولاد بس هصبر لحد الاجازة بتاعتك بس ده اخر كلام عندى وعلى فكرة انا ال هبعت القرف بتاع ال بتاعة دى بايدى عشان ماتضحكش عليا تانى يحيى:انا ماضحكتش عليكى صدقينى انا مكنتش عارف اتصرف ازاى يارا:واديك عرفت هنبعت الرسايل لجوزها وبعديت تعملها بلوك... وصدقنى دى آخر فرصة هديهالك وبالفعل جلست يارا لتصنع حساب وهمى وتنقل اليه الرسايل والصور ثم بعثته لنادر وتركت له حرية التصرف مع زوجته اما يحيى... ظل يحاول اقناع يارا بأنه لم يفعل شيئا خاطئا ولكنها لم تقتنع... وكيف تقتنع والحلم مازال يطاردها ... ويؤكد لها انه اخطأ بشكل او بآخر.. وذات يوم.... \\يارا \\يارا يارا:ايوة يا يحيى فيه ايه؟؟ غريبة جاى بدرى يعنى يحيى:مش هتصدقى مين كلمنى النهاردة... يارا:مين؟؟ يحيى:على صاحبى فاكراه؟؟ يارا:على؟؟ امممم اه افتكرته ال مراته اسمها عالية؟؟ يحيى:ايوة صح..كلمنى وقالى انهم اتنقلوا هنا بقالهم اسبوع تقريبا لا وكمان الصدفة انهم ساكنين على بعد شارعين مننا يارا بسعادة:سبحان الله.. فعلا صدفة غريبة..بس كويس على الاقل ناس عارفينهم ومحترمين وقريب والعيال يلاقوا حد يلعب معاهم يحيى:ايوة انا فرحت اوى اول ماعرفت قولت تتسلى مع مراته والعيال يتصاحبوا على اولاده يارا:هم كان عندهم بنتين وولد تقريبا جابوا حاجة تانية؟؟ يحيى:اه جابوا ولد كمان ماشاء الله يارا:ماشاء الله ربنا يحميهم ويخليهم..طيب يا يحيى مش الواجب برضه نعزمهم عندنا؟؟ يحيى:عمرك اطول من عمرى.. فعلا انا نويت على كده اول ماشوفتهم..بس قولت اشوفك هتقولى ايه؟ يارا:معنديش اى مانع ..شوف كده فاضيين امتى وقولى بس وانا اعملهم كل ال بيحبوه يحيى:خلاص ان شاء الله هبقى اكلمه واحدد معاه معاد.. وشوفى انتى عايزة ايه وانا اجيبهولك يارا:اوك ماشى طيب مش اخدت رقم مراته عشان اكلمها؟؟ يحيى:بصراحة لا ماجاش فى بالى ..عموما ابقى اكلمه هنا واخليه يديكى مراته تعرفى منها كل ال انتى عايزاه يارا:اوك فكرة حلوة.. وبالفعل كلمه فى اليوم التالى وتواصلت مع عالية وهى سعيدة..فهى تحبها وترتاح معها كثيرا.. اتفقا على ان الزيارة فى نهاية الاسبوع اى بعد ثلاثة ايام.. وبدأت يارا فى التحضيرات..تريد ان تحضر لهم كل مايحبونه كانت سعيدة لانها ستقابل من هى قريبة الى قلبها..فبرغم انها لم ترها الا ثلاث او اربع مرات على فترات متباعدة الا انها احبتها وارتاحت لها بشدة.. فالاخلاق واحدة والطباع قريبة والاطفال سوف يمرحون معا... وكانت الزيارة.... وعاد الوصال وتبادلتا ارقام الهواتف والحسابات الالكترونية...واتفقا على الوصال دائما والتقابل كلما سنح الوقت... وفى يوم كانوا جميعا فى احد المولات مع اقتراب العيد وبعد معاناة فى شراء ثياب الاطفال ...استاذنت النساء حتى يقوما بشراء بعض الاغراض تاركين الاطفال فى الملاهى والرجال جالسين يراقبونهم... و.... --مش تحاسبى انتى ايه مابتشوفيش؟؟ ايه البلاوى دى؟؟-- نظرت يارا الى المرأة التى اصطدمت بها عالية لتجد....... | |||||
|
| |
|
28-03-16, 10:38 AM
| #73 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| ياترى ماذا حصل لنرمين بعد ان اكتشف نادر خيانتها .. هل طلقها واصبحت حره ودايره على حل شعرها ... يعني اصبحت مصيبه متنقله او الموضوع عادي عندهم هو يلعب وهي تلعب وكل واحد ساكت عن الثاني واضح ان عائلة علي مختلفه عن عائلة نادر هل السيده التي اصطدمت بعاليه هي نرمين ؟؟ | |||||||
|
| |
|
30-03-16, 02:54 AM
| #74 | |||||
| كاتبة في قسم قصص من وحي الأعضاء وبمنتدى قلوب أحلام
| (الفصل الحادى والعشرون) --يارا؟؟ ازيك عاش من شافك؟؟ يارا:الحمد لله يانرمين بخير رأت يارا نظرة الاحتقار التى رمتها بها عالية وتعجبت ..هل شعرت عالية بالنفور منها كما حدث معها من قبل؟؟ ابتعدت عالية عنهم قليلا وتشاغلت بالنظر الى واجهة المحل المجاور.. وظلت نرمين تلقى بكلام على مسامع يارا وتلمح تلميحات ويارا تتظاهر باللامبالاة ..واخيرا استأذنت نرمين:طب مش هنشوفك قريب؟؟ ده انتى واحشانى مووت .. ده حتى نادر لسه سائلنى عليكى قريب يارا:وجوزك يسأل عنى بتاع ايه؟؟ اذا كنتوا عندكوا عادى..فاحنا عندنا حراام بعد اذنك ذهبت الى عالية التى تقف على مقربة منهم واخذتها وغادرت وهى تحاول التظاهر بالقوة وان ما قالته نرمين لا يؤثر بها ولم تقتنع به.. ولكن النار اشتعلت داخلها مرة اخرى بمجرد رؤيتها لتلك الحقيرة.. وتذكرت ماحدث من قبل.. نعم هى تعلم ان يحيى لم يخونها.. لا ..لا تعلم...بل هى واثقة انه لم يخونها ..لا تعلم من اين اتت تلك الثقة بداخلها ولكن... شعور قوى بداخلها يؤكد لها انه برئ مما حدث وانه خطأه الوحيد عدم اخبارها من البداية --يارا..روحتى فين؟؟-- انتبهت يارا على صوت عالية التى تحاول لفت نظرها منذ فترة وهى غارقة بتأملاتها.. يارا:معلش ياعالية سرحت شوية عالية:انتى تعرفى نرمين منين؟؟ يارا:قابلتها مرة فى مول...اشمعنى؟؟ عالية:ابدا..بس هى مش مظبوطة فابعدى عنها خالص ضحكت يارا حتى دمعت عيناها وعالية تنظر اليها كما تنظر الى المجانين.. عالية:ايه يابنتى انا قولت ايه يضحك كده؟؟ يارا:لا ابدا اصل ده كان انطباعى عنها المرة الوحيدة ال شوفتها فيها..وقولت ليحيى نفس الكلام ده بس.....انتى عرفتى منين؟ظ انتى شوفتيها قبل كده؟؟ عالية:اه للاسف.. كانت معانا فى البلد ال كنا فيها من كام سنة وهم نقلوا هنا من سنتين بس مانتى عارفة اجوازنا بيشتغلوا تبع نفس الشركة يارا:امم وبعدين؟؟ حاسة ان الحكاية مانتهتش على كده.. عالية :فعلا .. قابلتها مرة وبعدها قولت لعلى مش عايزة اعرفهم تانى لانهم مش كويسين.. وبعد فترة فوجئت انها بتشاغل على وتبعتله رسايل وكلام سافل وصور .. وكنت هتجنن لدرجة انى طلبت الطلاق منه وشكيت فيه مع ان هو ال جه قالى ال حصل.. بس الحمد لله عقلى رجعلى وماخربتش حياتى وعرفت من ناس عارفينهم ان هم الاتنين حالتهم صعبة يارا:حالتهم صعبة ازاى يعنى؟؟ عالية:يعنى هو بيخونها مع كل ماهو مؤنث ... وهى دايرة تخطف الرجالة المتجوزين من مراتتهم.. وفيه ال بيقع فى حبالها وفيه ال بيقول لجوزها بس ماشاء الله الاتنين زبالة يعنى فمش بيأثر فيه ال بيعرفه عنها يارا:لا حول ولا قوة الا بالله... ايه الناس الغريبة دى؟؟ فعلا ال يعيش ياما يشوف عموما انا حصل معايا زى ماحصل معاكى برضه.. بس ربنا سترها الحمد لله عالية:ربنا يهديهم والله مش عارفة عيالهم دول مصيرهم ايه بين اب وام بالشكل ده يارا:ربنا يعافينا ويسترها مع الولاد هم مالهمش ذنب فى حاجة... ياللا بقى نخلص ال احنا عايزينه احسن نلاقى الرجالة مسيبين علينا العيال وبعدما الانتهاء من احضار جميع الاغراض توجهتا لمكان ازواجهم واطفالهم ليصدموا ب..... عالية بغضب:هى الست دى مش هتحل عن سمانا بقى؟؟ والله اروح اجيبها من شعرها يارا ضاحكة:ياستى اهدى.. المسكينة بتحاول محاولة اخيرة سيبك منها هى متخيلة انها كده بتغيظنا عالية:طب ماهى غايظانا فعلا يارا:ايوة لكن المفروض مايبانش علينا حاجة عشان ماتفرحش فينا وتفتكر انها نجحت فى ال هى عايزاه عالية:طيب ياست العاقلين روحى اتشعلقى فى دراع جوزك وانا هروع اتشعلق فى دراع جوزى ونطلع لها لسانا يارا ضاحكة:والله انتى مشكلة... يابنتى طز فيها ..ماتعبريهاش خالص واتعاملى كأنها مش موجودة ال زى دى لو حست انك متضايقة هتسوق فيها اتجهتا الى زوجاهما وهما تضحكان بشدة ويحيى وعلى ينظران اليهما بدهشة... نرمين:اهم جم اهو... كنت لسه بقول لعلى ويحيى انى قابلتكم وشكلكم ناويين تخلصوا على الفلوس كلها عالية:اسمهم دكتور على دكتور يحيى على فكرة... وكمان فيها فيه نخلص على الفلوس بتاعتهم...هو فيه اغلى مننا عندهم يخلص عليها؟؟؟ واقتربت من نرمين هامسة فى اذنيها ::وكله ليهم وعشان خاطرهم ههههه ياللا ياجماعة السهرة لسه طويلة وال ايه يايويو؟ ابتسمت يارا وهى ترى نرمين تموت كمدا وحسرة ...اكيد ياحبى ياللا سارتا مع اطفالهم والرجال خلفهم يدفعون عربة التسوق وهم يكتمون ضحكاتهم من الغيظ المرتسم على وجه نرمين على:يحيى هو انا ليه حاسس ان ليلتنا سودة؟؟ يحيى:وانا كمان حاسس بيها سودة منقطة بابيض ياعلى على هاتفا باستنكار:انت بتهزر يايحيى؟؟ يحيى:طب اقولك ايه بس؟؟ مانا خايف اكون ال شايفه ده مجرد قناع هيطلع علينا فى البيت على:وانا كمان خايف من كده.. يحيى:انت مش عارف الزفتة دى كانت هتهد حياتى كلها ..يارا كانت مصممة تنزل مصر بالولاد وتسيبنى على:تنزل بس؟؟ انا بقى عالية كانت مصممة على الطلاق وشكت ان فيه حاجة بينى وبينها يحيى مفكرا:الحقيقة ان يارا ماقالتش انها شاكة فيا..بس كانت غريبة اوى ..كنت حاسس انها بعيدة اوى عنى وانها عايزة تبعد اكتر ويمكن لو كنت وافقت ونزلتها مصر كانت طلبت الطلاق هناك على:ربنا يسترها يايحيى.. ويبعد عننا امثال نرمين وجوزها دول يحيى:انا مكنتش متخيل ان فيه ناس كده..انا اتصدمت جامد لما عرفت الحياة الغريبة ال هم عايشينها..ياللا ربنا يعافينا وصلا الى السيارات وكل منهما متوجس خيفة من رد فعل زوجته... وصلوا كل الى منزلهم والهدوء هو رد الفعل لدى زوجاتهم... ادخلت اطفالها الفراش بعد اغتسالهم ثم اغتسلت وذهبت الى حجرتها لتجد يحيى ينتظرها على احر من الجمر يارا:مالك يايحيى واقف كده ليه فى نص الاوضه؟؟ انا افتكرتك نمت يحيى:مستنيكى يارا:ليه فيه حاجة؟؟ يحيى:يارا انتى بتمثلى عليا وال بجد مش متضايقة؟؟ لم تتظاهر بعد فهمها لكلامه فأجابته::مش دى ال تضايقنى وانت لو عارفنى كويس كنت هتعرف انى لو شكيت فيك ولو ثانية واحدة مكنتش هفضل على ذمتك ..انا ال زعلنى منك انك ماقولتليش مش اكتر واحنا قفلنا الموضوع ده من زمان يحيى:بجد يايارا؟؟ يارا:بجد ياحبيبى ...بص انا يمكن ابان ضعيفة وممكن ينضحك عليا ..لكن فى نفس الوقت مش هبلة واعرف اوى ال قدامى ده اخره ايه؟؟ وانا عارفة ومتأكدة كمان انك مستحيل تعمل حاجة حرام كفاية كلام بقى فى الموضوع المقرف ده..وتعال ياللا افرجك على الحاجات ال جبتها يحيى غامزا اياها:اممم وياترى جبتيلى حاجة وال ؟؟؟ يارا بخجل:مش جبتلك حاجة اقترب منها واحاطها بذراعيه ملصقا ظهرها بصدره :متأكدة؟؟ يارا بدلال:يحيى..انت مش عندك شغل بكرة؟؟ يحيى:امممم فاكرة نفسك هتهربى؟؟ ضحكت يارا برقة اطاحت بالباقى من تعقله... فحملها مسرعا وهو يهتف:انا بقول نخلى الحاجة لبكرة مش فاضيين دلوقتى و..... | |||||
|
| |
|
30-03-16, 11:35 PM
| #75 | |||||
| كاتبة في قسم قصص من وحي الأعضاء وبمنتدى قلوب أحلام
| (الفصل الثانى والعشرون) بعد فترة.... يحيى:يارا؟؟ يارا:نعم.. يحيى:عايز اقولك حاجة وخايف تزعلى يارا:ههههه لا ماتخافش فيه ايه؟؟ يحيى بتردد:مش هينفع ننزل اجازة الصيف ده يارا بدهشة:وهو ده ال هيزعلنى؟؟ اساسا انا كنت هقولك خليها للسنة ال جايه..بس ليه؟؟ يحيى:المدير هينزل اجازة الصيف ده ومعتمد انى هكون هنا ومقدرتش اقوله حاجة لانه بقاله سنتين مانزلش انتى بجد مش متضايقة؟؟ يعنى لو عايزة تنزلى انتى والولاد و... قاطعته يارا غاضبة:يعنى انت مستغنى عننا بقى؟؟ يحيى :لا والله ابدا..بس عشان كنتى عايزة تنزلى من فترة وانا قولتلك استنى للصيف ودلوقتى بقولك مش هينفع وانا عارف انهم وحشوكى عشان كده بقولك لو عايزة تنزلى تشوفيهم...لكن لو مش عايزة اكيد انا هبقى مرتاح اكتر انا مش بحبك تبعدى عنى ابدا يارا مازحة:ايه ده؟؟ مين ده ال بيتكلم؟؟ لا لا اكيد مش يحيى يحيى عابسا:وليه بقى؟؟ هو انا قولتلك عايز ابقى لوحدى؟؟ انا فى كل مكان بروحه باخدك معايا يارا:بهزر معاك يا يح يح يحيى:يح يح؟؟ وده من ايه ان شاء الله يارا:بدلعك ياحبيبى يحيى:لا ياستى مش عايز دلع كفاية بس تقولى اسمى من شفايفك ال زى الفراولة دول وانا ا.... يارا بدلال:ا ا ا ايه؟؟ يايحيى يحيى:اكلك زى الفراولة...يافراولة انتى يافراولة يارا ضاحكة:هههههه كلامك بلدى اوى يايحيى يحيى غامزا:وهو فيه احسن من البلدى...يعنى القشطة ال قدامى دى كلها مش بلدى برضه؟؟ واضح ان طنط مديحة متوصية بالسمنة البلدى على الاخر عشان تطلعى قشطة كده يارا ضاحكة:فكرتنى برواية كنت قريتها البطل كان بيقول فيها اكيد طنط .... كانت بتاكل عسل على طول عشان تجيب العسل دى يحيى:طب ماتيجى اقولك رواية كده ... يارا:امممم بتاعة مين؟؟ اخذها بين ذراعيه هامسا:دى بتاعتى انا وانتى وبس وضاع كلاهما فى شوق لم يتوقف الا عند ساعات الفجر الاولى.... افاقت يارا بعد فترة لشعورها بالعطش...نظرت فى الهاتف لتجد الوقت تعدى العاشرة صباحا.. يارا ::يحيى ..يحيى.... قوم يحيى مفزوع:ايه فيه ايه؟؟ يارا:راحت علينا نومة الساعة بقت 11 يحيى:ياشيخة خضتينى..مانا بعت رسالة لعلى امبارح عشان يعرفهم انى مش رايح الشغل النهاردة يارا:طيب مش تقولى ده انا اتخضيت اوى يحيى:مانا كنت عاملهالك مفاجأة....تعالى بقى اما اقولك .... يارا ضاحكة:تقولى ايه انت ماشبعتش كلام؟؟؟ الولاد قربوا يصحوا ولازم اقوم احضرلهم الفطار يحيى:كده يا يارا؟؟ بتفضلى عيالك عليا؟؟ يارا:يعنى هم عيالى انا لوحدى؟؟ ياللا قوم بدام انت واخد اجازة النهاردة خلينا نقضى يوم حلو مع بعض يحيى غامزا:طب مانا بقولك تعالى مش راضية..هو فيه احلى من الكلام؟؟ يارا ضاحكة:معدش ينفع ياحبيبى الولاد صوتهم بدأ يطلع اهو... قوم ياللا استحمى على مااحضر الفطار واعمل برنامج لليوم بتاعنا... ايه رأيك؟؟ يحيى:ماشى حبيبتى... فيه مكان عايزة تروحيه؟؟ يارا:لا احنا مش هنخرج من البيت النهاردة البرنامج كله داخلى يحيى:اموت انا فى الداخلى ده يارا ضاحكة:ياراجل هو كل تفكيرك شمال كده؟؟؟ انا قصدى جوه البيت بس يحيى:وماله الشمال؟؟زى الفل ... بقولك ايه ماتتصلى بعالية تاخد العيال النهاردة ونقضى يوم داخلى انا وانتى بس يارا بصرامة مصطنعة:يحيى.... ياللا... يحيى متذمرا::طيب خلاص هقوم اهو خرجت ضاحكة لتذهب لاطفالها وتجدهم استيقظوا وجالسين امام الحاسب.... يارا:صباح الخير ياحبايب ماما جاسر وجهاد:صباح النور يا ماما يارا:حبايب ماما ينفع نصحى على الكمبيوتر كده على طول؟؟ غسلتوا وشكوا؟؟ جاسر وجهاد:ايوة ياماما يارا:ماشى حبايبى انا رايحة اعمل الفطار روحوا شوفوا بابا خلص صلاة حمام وال لسه جهاد:هو بابا هنا؟؟ جاسر: هييه هيييه يارا ضاحكة:ايوة هنا وهنلعب مع بعض طول اليوم ايه رأيكوا؟؟ جاسر وجهاد:ماما حلوة هيييييه ذهبت يارا الى المطبخ ضاحكة تعد الافطار بسعادة.... وبعد الافطار استمر اللعب والمزاح مع الاطفال طوال اليوم يتخلله الوجبات ...وفى نهاية اليوم جلسوا جميعا يشاهدون فيلم كارتون بين الفشار واللب... كان يوما رائعا...تمتعت به يارا اكثر منهم جميعا....شعرت انهم اسرة حقيقة كسرت الروتين اليومى بيوم سيتذكرونه طويلا حتى يتكرر مرة اخرى.... ومرت الايام واكملوا عام ونصف بعيدا عن عائلتهم.... والحياة تأخذهم بين شد وجذب....حتى................. | |||||
|
| |
|
02-04-16, 01:55 PM
| #78 | ||||||
| كاتبة في قسم قصص من وحي الأعضاء وبمنتدى قلوب أحلام
| اقتباس:
واتمنى اكون عند حسن ظنكم دائما | ||||||
|
| |
|
02-04-16, 01:58 PM
| #80 | |||||
| كاتبة في قسم قصص من وحي الأعضاء وبمنتدى قلوب أحلام
| (الفصل الثالث والعشرون) يارا:يحيى انت بتحبنى؟؟ يحيى بملل:هو انتى معندكيش غير السؤال ده؟؟ بطلى هيافة بقى اكبرى شوية..ركزى مع عيالك وسيبينى فى حالى خنقتينى يارا بصدمة:يحيى ..انت بتقول ايه؟؟ يحيى:ال سمعتيه... انا اتخنقت منك ومن لزقتك فيا على طول ..مخليانى مش قادر اتنفس ..كابسة على نفسى وكل شوية بتحبنى ؟؟ بتحبنى؟؟ هى حدوتة ماخلاص يارا بانهيار:انت انت يحيى:ايوة تهتهى بقى... اكبرى بقى واعقلى شوية.. فيه حاجات فى الحياة اكبر من بتحبنى والكلام العبيط ده وبعدين احنا متجوزين خلاص يعنى لا احنا اتنين حبيبه رايحين جايين مع بعض ولا احنا لسه مخطوبين هنعيش الدور... ركى مع عيالك بقى وحلى عن دماغى يارا:يحيى انت ازاى تكلمنى كده؟؟ انت ازاى اتغيرت بالطريقة دى؟؟ يحيى بحدة:يارا انا زهقت بقى... كل شوية حب وهبل وانهيار ..انتى مش لسه صغيرة على الكلام ده... وانا ماتغيرتش ولا حاجة انتى ال بتحبى تعيشى فى الدور نظرت اليه بصدمة وهى تحاول استيعاب مايحدث ثم........ --يارا ....يارا.... اصحى حبيبتى مالك فيه ايه؟؟؟ يارا-- استيقظت يارا مفزوعة وهى تحمد الله انه كان حلما وليس حقيقة... لقد شعرت بالخوف الشديد لما يحدث و.... يحيى:يارا مالك فيه ايه؟؟ وشك اصفر كده ليه؟؟ يارا وهى ترتجف:حلم وحش اوى يايحيى..كابوس ضمها اليه بشدة وهو يمسح على شعرها مهدئا.... خلاص ياحبيبتى مااتخافيش انا معاكى اهو يارا بضعف:يحيى؟؟ مش هتسيبنى صح؟؟ يحيى:واسيبك ليه بس حبيبتى؟؟ يارا:يعنى لو طلبت منك فى يوم اننا ننفصل هتوافق؟؟ يحيى:ايه لازمته الكلام ده بس؟؟ يارا بالحاح:رد عليا يا يحيى... هتوافق تسيبنى وتبعد عنى؟؟ يحيى:لو كنتى كارهانى ومش عايزانى هوافق مش هعيشك معايا غصب عنك... انما لو كان وقت زعل وهيروح فى حاله اكيد مش هوافق...هسيبك تهدى وبعدين نتكلم يارا:يبقى انت مش بتحبنى يحيى:ليه بس بتقولى كده؟؟امال عايزانى اخليكى تعيشى معايا غصب عنك؟؟ يارا:ايوة لو بتحبنى عمرك ماهتتخلى عنى...حتى لو قولتلك انى بكرهك...تحاول ترجعنى ليك تانى وتعمل اى حاجة عشانى مش تاخد كرامتك حجة وتقول هى مش عايزانى ومع السلامة وتسيبنى بسهولة كده يحيى مبتسما:تفكيرك غريب اوى يا يارا يارا:مش غريب ولا حاجة...قولى كده ازاى اعيش معاك مطمنة وانا لو طلبت منك تطلقنى هتتخلى عنى بمنتهى السهولة؟؟ حتى لو انا ال طلبت لازم تحارب الدنيا كلها عشان ترجعنى ليك تانى حتى لو هتحاربنى انا نفسى عشان ارجعلك لو انت فعلا بتحبنى هتعرف ترجعنى ليك تانى ... هتقدر تخلينى بعد مااقولك مش عايزاك..ارجع اقع فى حبك تانى وارجع اثق فيك تانى.. يحيى:طب ايه لازمته الكلام ده دلوقتى؟؟ ربنا مايجيب زعل ولا بعد ابدا يارا بخوف وهى تندس بين ذراعيه:يارب يا يحيى...انا مقدرش ابعد عنك ابدا.. واكيد لو فى يوم بعدت يبقى غصب عنى يحيى بقلق:يارا انتى مالك فيه ايه؟؟ بتخوفينى بكلامك ده يارا:مفيش ياحبيبى بس انا خايفة اوى ...بشوف احلام وحشة اوى اليومين دول وحاسة انى مش مرتاحة يحيى:طيب انا عندى خبر هيخليكى تفرحى اوى يارا:خير؟؟ يحيى:هنحج السنة دى ان شاء الله ..ايه رأيك؟؟ يارا بفرح:بجد يايحيى؟؟ يحيى ضاحكا:بجد ياروح يحيى يارا بقلق:طيب والولاد هيستحملوا مجهود الحج؟؟ يحيى:لا يارا طبعا الولاد هنسيبهم مع على مش هينفع ناخدهم.. اساسا الحملات بتاعة الحج مش بتوافق على وجود اطفال وكمان هتبقى بهدلة للولاد اوى واخاف يتنقلهم اى مرض بعد الشر يارا:عندك حق بس.... هسيبهم ازاى؟ظ انا مقدرش ابعد عنهم يحيى بحنان:معلش ياحبيبتى هو اسبوع بالكتير بس نبقى مطمنين عليهم وكمان عشان نعرف نتمتع بالحج يارا:ماشى يا يحيى طيب هتقول لعلى؟؟ وال اقول انا لعالية؟؟ يحيى:على هو ال عرض عليا اصلا اول لما عرف انى ناوى على الحج السنة دى ... يارا:طيب كويس.. وهم مش هيحجوا؟؟ يحيى:هم ماشاء الله حجوا كذا مرة انتى عارفة هم هنا من زمان يارا:ايوة صح انا فاكرة ان عالية كانت قالتى حاجة زى كده..بس تصدق كويس ان هم موجودين.. انا هبقى مطمنة على جاسر وجهاد معاهم .. يحيى:وانا كمان ... ياللا بقى هو فاضل اقل من شهرين على الحج حضرى نفسك وشوفى هتعوزى ايه عشان مش عايزين نتلخبط وقتها...وكمان عايزين نجيب لبس العيد للولاد على ناوى يفسحهم كويس وياخوفى مايرضوش يرجعوا معانا بعدها يارا مبتسمه:المهم يبقوا كويسين ربنا يحفظهم... ومر الوقت سريعا وهى تذهب مع عالية لشراء الاشياء التى تحتاجها للحج وللاطفال... وكانت عالية خير معين لها وجاء وقت وداع الاطفال والذهاب... كانت تبكى وهى تحتضنهم ويحيى يحاول ان يهدئ من روعها :يارا حبيبتى خلاص بقى عشان الولاد مايعيطوش حاولت يارا التماسك وهى تتركهم مع عالية وتوصيها بهم عالية:اخص عليكى يايويو بتوصينى على عيالى؟؟ يارا:لا ياحبيبتى مش قصدى بس انا عارفة ان الحمل عليكى تقيل و... قاطعتها عالية:كده يا يارا؟؟ والله هزعل منك... يعنى انتى لو فى مكانى مش هتعملى كده؟؟ بطلى هبل بقى وركزى فى العبادة ومش تنسينى فى دعائك يارا:اكيد ياحبيبتى ربنا يخليكى ليا يارب عالية:ويخليكى ليا حبيبتى... تروحى وتيجى بألف سلامة واخيرا غادرت يارا ودموعها تنهمر رغما عنها..لقد شعرت انها تركت جزء منها عندما تركت اطفالها رغم علمها انهم فى يد امينة...واخذت تدعو الله ان يحفظهم.. كانت سعيدة للغاية وهى تؤدى مشاعر الحج وتدعو لكل احبائها بل ومن لم تعرفهم ايضا.... وخصت بالدعاء اطفالها وزوجها.... كانت تشعر انها فى عالم آخر ..عالم جميل لا تريد العودة منه سبحان من انزل السكينة على قلبها كما انزلها على قلب ام موسى من قبل.... رغم شعورها بالصبر والسكينة بعية عن اطفالها الا انها وكل ليلة قبل النوم كانت تبكى وهى ترى صورهم على الهاتف وتدعو لهم بصمت... تعرفت على نساء من محتلف الجنسيات... من سوريا وفلسطين والسعودية والجزائر وتونس وفرنسا والسودان... سبحان من وحد البشر بمختلف الوانهم والسنتهم تحت كلمة لا اله الا الله محمد رسول الله.... سبحان من جمع البشر بمختلف الوانهم والسنتهم حول بيته الحرام.... مشاعر لا توصف بالكلمات انتابتها وهى تقف امام الكعبة الشريفة..... دعت الله ان يرزق جميع المسلمين بزيارة بيته الحرام وان يذوقوا حلاوة اللقاء.... انتهى وقت الحج كالحلم.... وعادت الى اطفالها مشتاقة ... يارا:يحيى... يحيى:نعم ياحاجة يارا؟؟ يارا ضاحكة:حاجة؟؟ ماشى ماشى... يحيى ضاحكا:مش انتى خلاص بيقتى حاجة؟؟ بس احلى حاجة والله.. ماتيجى اقولك حاجة بقالى كتير ماقولتلكيش يارا ضاحكة:وبعدين ياحاج؟؟ ده شكل واحد لسه راجع من الحج ؟؟ يحيى:وهو انا بقول حاجة حرام؟ ثم غامزا بعينيه.. الحاج مشتاق للحاجة ياحاجة ضمته يارا وهى تضحك ثم قالت..حبيبى انا عايزك اشكرك يحيى مازحا:طب هو انا لسه عملت حاجة يارا متذمرة:يحيى.. احترم نفسك يحيى ضاحكا:بتقلبى 180 درجة فى نفس ذات اللحظة... خلاص خلاص نتكلم جد..بتشكرينى على ايه بقى؟ يارا بحب:عشان حققتلى اغلى امنية على قلبى وخلتنى احج يحيى:طيب وانتى مش تحققيلى امنيتى بقى؟؟ يارا بتساؤل:ايه هى؟؟ يحيى محركا حواجبه بطريقة مضحكة:الحاجة ياحاجة ضحكت يارا بشدة وهى تقول له:شوية ياحاج... العيال لسه صاحيين نهض يحيى بهمة ونشاط مغادرا... يارا بدهشة:رايح فين يايحيى؟؟ يحيى بجدية:رايح انيهم ولاد ال .... دول عشان عايزك فى موضوع مهم ضحكت يارا وهى تمسك بذراعه:طب استنى بس ..الولاد زمانهم جعانين تعالى اعملهم سندوتشات عشان يتعشوا ويناموا واحنا كمان نتعشى..انا جعانة اوى يحيى:ايوة والواد على جايبلنا حمام ..بيفهم والله الواد ده يارا ضاحكة:تصدق انك قليل الادب انت وصاحبك ده يحيى:اتلمى ياولية هتضيعى الحجة من اولها ..ياللا روحى جهزى بقى عشان الحاج جعان على الاخر ثم غمزها بعينيه فخرجت وهى تضحك ... حضرت الطعام لاطفالها وجلسوا جميعا يتناولون العشاء وهى تشبع عينيها منهم..لقد اشتاقت لهم كثيرا كانت تريد النوم معهم ... ولكنها خشيت ان يقطع يحيى رأسها.... فى اليوم التالى... عاد يحيى الى العمل وجلست هى تقرأ كعادتها...حتى قاطعها رنين الهاتف | |||||
|
| |
|
| أدوات الموضوع | |
| انواع عرض الموضوع | |
|
|
4Likes
العرض العادي
