آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-03-16, 07:23 PM
| #1 | |||||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية  
|  شكراً يا مـامـا // إليكِ يا *إيماني* :: من بناتك!  [table1="width:1200px;background-image:url('https://upload.rewity.com/upfiles/PeY43598.jpg');"] | [/table1] [table1="width:1200px;background-image:url('https://upload.rewity.com/upfiles/PeY43598.jpg');"] | [/table1][table1="width:1200px;background-image:url('https://upload.rewity.com/upfiles/PeY43598.jpg');"] صباحكم // مساؤكم رشة حنيّة ولمسة دفا.. وحضن أم! وعلى سيرة الأم وحضن الأم وحنان الأم... وحاجات كتيييييييييير توصف الأم،، كل عام وكل أم بخير وسعادة .gif "Eh S(7)") كل عام وأمهات الماضي معنا بأرواحهن الطيبة وذكرياتنا النقية عنهن، كل عام وأمهات الحاضر معنا بحنانهن الذي لا يعوّض وربنا يديمكن بيننا، كل عام وأمهات القلوب بخير، أمهات العطاء دون إنجاب واللواتي لم يحتجن لصلة دم أو قرابة ليستحقين أن يصبحن "أم" بكل جدارة، كل عام وأمهات المستقبل يستعدين لمسئولية كبيرة بحنان دافق لا ينضب بإذن الله تعالى  خلاص كده؟ أظن احنا كده عيّدنا على كل أم ممكن نقابلها هههههههههههههه ومع ذلك تبقت واحدة... واحدة فقط!  هي أم، وليست لفتاة ولا اثنتين وإنما الكثييييييييييير... أم ربما لم تلد سوى ثلاثة أبناء لكنها بطريقة ما أصبحت أم لخمسة وعشرة وعشرين!  أم لا بالدم ولا بآلام الولادة... إنما هي أم بالحنان، بالدفء، بالإخلاص، وبكل صفة حميدة يمكنكم أن تجدوها. من الآخر كده هي واحدة فضلت تقول لكل كاتبة وكل عضوة تقابلها في المنتدى: "ده أنتِ بنتي!" لحد ما فعلياً تبنّت نُص بنات المنتدى والنُص التاني اخواتها هههههههههههههههههه أظن كده عرفتم بأتكلم عن مين  أينعممممم هي بذاتها إيموووووز أم بنات المنتدى كلهم هههههههههه بُصي أمزززززة،، والكلام على بلاطة كده... رانو الله يمسيها بالخير هي مَنْ بدأت الحملة الفظيعة الشنيعة دي، حبّت يا ستّي تفاجئك... وطبعاً مفيش مفاجأة من غيييييييييير لمّة  ولأننا زي ما أنتِ عارفانا حشورات كعادتنا فـ مور ونور وأنا حشرنا أنوفنا في الموضوع  والخطة فضلت توسع، توسع، توســــــــــــــــــــــ ـــــــع!!!!! لحد ما فرقعت مننا عالآخر ههههههههههههههههه اجتمع مَنْ يطلقن على أنفسهن بناتك واتلم الشامي عالمغربي من كاتبات ربما لا يعرفن عن بعضهن شيئاً، لكن ما يربطهن ببعض هو حبّك وأمومتك...  وكان بودّنا كمان نجمع بناتك القراء وبناتك المدققات والمصممات.... بس الحقيقة ورشتي مش واخدة تراخيص بالحمولة التقيلة دي هههههههههههه وبعدين وقتها كان كل المنتدى هيعرف.. ما هو أصل في الآخر كله بناتك  المهم بقينا أسرة في بعضينا هدفها إنها تعملك فجأة... وتخرعك هههههههههههه مننا اللي ربنا منحه موهبة فولاذية وأصابع سحرية ينسج بها الكلام الموزون المقفّى إياااااه، أكيد فهماني طبعاً وعارفة أنا بأتكلم عن مين...  *** ومنهم اللي ربنا ألهمه بدماغ ألماظات خرافييييية قدر يخطّ بها قصة قصيرة من الآخر كده هتفطسك من الضحك، لا وكمان فيها مفاجأة لن تخطر على بالك... يا ترى مييييين بقى؟؟؟  ... ... في المشاركات التالية عشان التشويق  *** ومنهم اللي على قدّ حالاته، حيالله بيدقق ويصمم... نو بيج ديل هههههههههههههه ودي مش محتاجة كلام.. معاك مشرفتين قمرات الحمد لله ربنا رازقهم بفتات موهبة كده في التصميم يقدروا يشوفوا بيها حالهم ههههههههههه بس المهم كووووووووووووووول ده في السرية التامة السرية التامة السرررررررررررية التامة  أينعم أنا عارفة إنك شكّيتِ فينا من أول يوم أصلاً، وكل يوم والتاني ألاقيكِ بتسأليني الموضوع أبو نقط اللي فوق ده إيه طبعاً اقلب عبحميد العبيط وأسألك: "ده ......!" "أيوا يا بريئة" كان ردّك المتواضع وأنا كالعادة ردّي هو ده  والآآآآآآآآآآآآآآآن حانت اللحظة التاريخية الفظيعة اللي نفصح فيها عن السررررررررررية التامة هههههههههههههه ونفاجئك ونخرعك ونسعدك ونضحكك ونتشقلب كمان لو عايزة المهم تتبسطي وتفرحي وقلبك يزقطط ^_______^  كلمتين بس جد كده قبل ما نبدأ، مننا كلنا على ما أعتقد: (كل سنة وأنتِ بألف خير يا أجمل وأحلى وأحنّ قلب حسيناه وأعظم إنسانة قابلناها) ربنا يحفظك لينا ويديمك بيننا ويقدرنا دايماً على إسعادك وبجد أنتِ كنتِ ولازلتِ وستظلين نعم الأم، ونعم الأخت، ونعم الصديقة!  فلنبدأ المفاجأة!!!!!!! [/table1]  | |||||||||||||
|  |
|
21-03-16, 07:53 PM
| #2 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] [/table1] | التعديل الأخير تم بواسطة Andalus ; 21-03-16 الساعة 08:43 PM | ||||||||||||
|
| |
|
21-03-16, 08:26 PM
| #3 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] [/table1] | التعديل الأخير تم بواسطة Andalus ; 21-03-16 الساعة 08:43 PM | ||||||||||||
|
| |
|
21-03-16, 08:40 PM
| #4 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] | [/table1] يتبع ♥ | ||||||||||||
|
| |
|
21-03-16, 08:45 PM
| #5 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] | [/table1]           يتبع ♥ | ||||||||||||
|
| |
|
21-03-16, 08:48 PM
| #6 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] | [/table1]            يتبع ♥ التعديل الأخير تم بواسطة Andalus ; 21-03-16 الساعة 11:24 PM | ||||||||||||
|
| |
|
21-03-16, 09:09 PM
| #7 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] | [/table1]والآآآآآن كلمات الثلاثي المرح اللي خطط ودبّر للحوار ده كله   أما كلمة مور << في القصة يا حليوة ^^ قاعدين ننزل عالجاهز اتعبي أنتِ مرة وروحي افطسي من الضحك شويتين ههههههههههه يتبع ♥ | ||||||||||||
|
| |
|
21-03-16, 10:28 PM
| #8 | |||||||||||||
| نجم روايتي ومترجمة ومشرفة سابقة،مصممة،مدققة ومحررة لغوية في منتديات قلوب أحلام والروايات الرومانسية المترجمة وموسوعة القسم الطبي وقنبلة المعلومات وكاتب في فلفل حار ولؤلؤة الروايات الرومانسية
| [table1="width:1200px;background-image:url('https://upload.rewity.com/upfiles/PeY43598.jpg');"] | [/table1] كلمتي أنا بقى مممم،، وكمان مممممم هههههههههه شوفي كده بداية أنا هأرغي.. بأقولها واضحة وصريحة، هأرغي وهأرغي كتيييييير أوي فلو وراكِ أي حاجة اعمليها وبعدين تعالي اقري كلامي، ماشي؟؟ خلاص خلصتِ؟ مممم أنا ليه اخترت أكون خاتمة الكلام؟؟ ليس لأني أكثر أو أقل شأناً ممن سبقوني إطلاقاً، ربما لأن لدي اعتراف خاص أقوم به! ربما الكثير منكم لا يعلمون، بل سأغامر وأقول معظمكم لا يعلمون إلا القلة القليلين إنه تجمعني بإيمو صلة قرابة لا هي عمتي ولا هي خالتي وإنما هي أختي التي ولدتها جدتي صديقتي المقربة ذات صلة الدماء قطعة مني كما أنا قطعة منها هي أمي ♥ كما أنا ابنتها.. أختها وصديقتها التي هي بنفسها ولدتها قطعة منها وهي قطعة مني ♥ حدوتة تسجيلنا للمنتدى غريبة بشكل رهيييييييب، أنا سجّلت على المنتدى لأجلها، أفتكر إنها كانت جمّعت مجموعة كبيرة من سلسلة عبير وكان ناقصها رواية (عاشت له) فحبيت أسعدها وجبتها ليها من العم جوجل كالمعتاد... لا أعلم هل كان حظاً لنا أم قدرنا أنني فتحت رابط منتدى روايتي من ضمن العديد من المنتديات، وسجّلت عشان الرواية وبالفعل نزلتها... وبعدين هسسسسس  نسيت المنتدى وهي نسيته وعدنا لحياتنا الروتينية العادية، ثم بعد فترة لقيتها بتقولي إنها عايزة روايات أخرى لا تجدها، طبعاً بدل ما أفتح منتدى تاني كسّلت أعيد تسجيل بمنتدى آخر عشان رواية، وافتكرت منتدى كده اسمه (روايتي) كنت سجلت فيه سابقاً ونسيت الباسوورد وهكذا ههههههههههههه فتحته لها على الوضع الافتراضي وشيلت الكلام من نافوخي، وسيبت الـ ماما بقى تلفّ هي براحتها، وطبعاً مامتي الداهية ذات الطبيعة النهمة للقراءة لم تسكت، شافت كل خرم وعرفت إن فيه قلوب أحلام ووحي الأعضاء ومترجم وبدأت تقرأ وجرّتني معاها للرزيلة هههههههه وأنا بصراحة بأحبها وبدأنا نتابع سوا  المهم يعني لفترة كده وبعدها هي انشغلت خصوصاً مع أخي الصغير وكان لسه صغنوني وقتها وأنا لعب معايا الزهر وبدأت أتعرف على الناس الطيبة اللي هنا وأحبهم وأحكي طبعاً لمامتي عن كل حاجة وانتهى الموضوع وأصبح المنتدى جزء لا يتجزأ من حياتي... وبعدين أخدت إشراف قلوب أحلام، ولقيت واحدة اسمها جست فيث عايزة تكتب رواية وساعدتها واتكلمنا مع بعض وضحكنا وهزّرنا وحكتلي عنها وحكيتلها عنّي... ووقتها اتعرفت على أمي من أول وجديد.. ووقعت بغرامها من أول وجديد! طبعاً وقتها مكنتش أعرف إنها ماما أو أي حاجة وعرفت بعدها بفترة، تقريباً بعد الرواية التانية أو حاجة كده، أكيد مش فاكرة أوي بس المهم، قامت القيامة بقى في البيت وطبعاً قمصت منها وبتخدعيني يا ماما وجو الدراما ده ههههههههههههه وسألتها: "طب مقلتيش ليه من الأول حتى أكون عرفّتك الأول على حد وكده؟" قالتلي: "مكنتش عايزة حد يتابعني ككاتبة عشان أنا والدة أندلس، كنت عايزة يتابعوني عشان قلم جست فيث يستحق المتابعة". "طيب وبعدين؟؟" قالتلي: "ولا حاجة! احنا كده كده منفصلين في شغلنا وحاجتنا، في البيت تعامليني كـ ماما وفي المنتدى كـ جست فيث وكده كده محدش ليه دعوة بينا!". وفعلاً ده اللي حصل، لدرجة تعاملنا في نقل الفصول كان بالرسائل الخاصة رغم إنه كان أسهل آخدها بفلاشة ونخلص هههههههههه ومتتصوروش قد إيه حصل خناقات ما بيني وبين جست فيث وبعدها ألاقيني مضطرة أنا وهي نتحاصر في المطبخ عشان نجهز الغدا سوى وتبقى مش طايقاااااني وأووووف كل شوية وحاجات كده وأنا كمان هههههههههههههه صدقوني يعني غريب جداً العيشة بالطريقة دي بس في نفس الوقت مفيش أحلى منها، لما مامتي وسندي في الدنيا دي تشاركني كمان متعة (روايتي) وإحساس الأمان اللي فيه زي ما شاركتني كل حاجة من صغري ♥ طبعاً كله اتكلم عن Just Faith الكاتبة، الإنسانة، المشرفة، الست الطيوبة اللي بتساعد الكُل... إلخ! لأنهم يعرفوكِ كده وبس.. مش زي ما أنا عارفاكِ! عُذراً... ربما أنتم قريبون منها، ربما تظن واحدة بينكم أنها كاتمة أسرارها والأخرى أنها أقرب المقربين، والثالثة أنها ابنتها... لكنكِ تعلمين أنني كل هؤلاء مجتمعين وأكثر. أنتِ بالنسبة لهم الكاتبة التي أبدعت بصياغة حروفها وروعة كلماتها ونسجها للأحلام الوردية المفتقدة أما بالنسبة لي... الست الجميلة اللي لما بتزعل من أي حاجة مهما كانت ألاقيها بتحكيلي وتفضفضلي. بالنسبة لهم إنسانة رائعة موهوبة ومُحبة للخير ومساعدة لكل الناس... وكفى! لكنهم لا يعرفونكِ كما أعرفكِ لا يفهمونكِ كما أفهمكِ وبالتأكيد لا يعشقونكِ بقدري! بالنسبة لي... أنتِ أمي أمٌ حقيقية، لا مجازية أمٌ واقعية، لا خيالية أمٌ مثالية، حتى بعيوبها مثالية ماما الحنونة اللي بأجري لحضنها مع خوفي من أي حاجة وبتستقبلني حتى لو كنت بأهرب من نحلة تسللت صدفة من الشباك،، ماما المكّارة اللي تجري عليّا وتقولي: "نرمين اصحي، الساعة بقت 8 والسكشن فاتك" أقوم جري أنا بقى عشان أكتشف إنها 6 الصبح،، ماما المستفززززة لأبعد الحدود وهي بتناقشني في حاجة ومصممة على رأيها وفجأة لما أزنقها في الكلام تلعب كارت (أنا أمك يا بنت! هتعاندي أمك!!)،،  ماما الألاااااااشة.. مبدعة الألش الرخيص والضحكات الصفرا  ماما صاحبة أكبر رصيد في اصطياد الناموس بصاعق الكهربا، والدقة الاستثنائية في التصويب بالشبشب،، ماما صاحبة أطيب قلب وأجمل ابتسامة وأحلى نضارة كعب كوباية شفتها ههههههههههههه بُصي، أنا حالياً بأكتب الكلام ده وأنتِ قاعدة على نفس الكرسي اللي بتقعدي عليه كل يوم، قدام نفس الشاشة وقلوب أحلام مفتوح في ناحية وملف الفصل الجديد على الناحية التانية بأختلس النظرات وأنتِ مش حاسة بحاجة،، أفتكر السنة دي بالذات واجهتنا أمور كتير ومشاكل كتير، ومفيش حاجة اتحلت لسه.. لكن معرفتي إنك معايا فيها وإني معاكِ فيها مخلياني أقول: خلي اللي يحصل يحصل مادام احنا مع بعض مش فارقة! أقصد،، اللي عايزة أقوله يعني.... مممم... فاكرة من أسبوعين تقريباً أو أكتر كنت لبست هدومي ورايحة الجامعة وعمالة ألفّ حوالين نفسي أقول أنا ناسية إيه وأنتِ راقدة على سريري وبتراقبيني بس.... وفجأة نطقتيها.. نطقتيها ووقعت وراها على السرير مش عارفة أعمل إيه، قلتيها بعفوية وتلقائية خلت قلبي يوجعني! "بأحبك". وقتها قلتيها، وبعدها أفسدتِ اللحظة الرومانتيكية وأنتِ بتقولي: "الله! ينفع الموقف ده في رواية". ههههههههههههه وطبعاً أنا رحت سكعتك قرصة في خدودك بينما من جوايا كنت عايزة أسكعك مليون بوسة تضيع معاهم أنفاسي لكن قلبي شلّني واكتفيت بالبوسة المعتادة على جبينك و(ادعيلي) اللي دايماً بأقولها لحد ما بقت عادة مأقدرش أبطلها، بينما من جوايا خارجة من الباب وأنا اللي بأدعيلك ♥ وقتها قلبي شلّني، لكن اليوم لساني مش هيشلّ صوابعي النهاردة هأقولهالك وبأعلى حرف، هي كلمتي الوحيدة الموجهة ليكِ، ومفيش غيرها يوصفني.. ولا غيرها يوصفك، مفيش غيرها يشبهني أو يشبهك، مفيش غيرها جوايا أو جواكِ! "أحبكِ". أحبكِ، قدّ حبك ليا ولاخواتي. أحبكِ، من وأنا في بطنك. أحبكِ، وأنا بأموت وقت الولادة وبدعاكِ ربنا أحياني. أحبكِ، وأنتِ بتقنعيني إني مش بنتك عشان لون شعري والنمش الأوروبي اللي مغرقني. أحبكِ، وأنتِ بتسرحيلي شعري ومبتزهقيش من الضفيرة السنبلة الطويلة. أحبكِ، كل ليلة وأنا ماشية أتسحب على أطراف رجليّا عشان أدفس ودني عند قلبك وأسمعه بينبض فأنام وأنا مرتاحة. أحبكِ، مع أول وآخر قلم أتضربه وحضنك الحنون ليّا بعده. أحبكِ، مع أول حادثة "بسكلتة" حصلتلي، وعن بوستك وقتها اللي خففت عليّا الألم وخلتني أرسم ابتسامة شجاعة عشان شفت بعيونكِ أنتِ الألم ومحبتش أزوده ببكائي. أحبكِ، وأنا بأكبر وأنتِ بتعلميني الصح من الغلط. أحبكِ، بحضنك ليّا ليلة الامتحان وأنتِ بترقيني عشان أبقى مرتاحة، وفرحتك بنجاحي. أحبكِ، مع أول صيام وأول فطار، وأول صلاة وأول حاجات كتير شاركتيهم معايا ولسه هتشاركيهم بإذن الله. أحبكِ، بعد ما كبرت وبعد ما فهمت قد إيه كُنّا حمل تقيل عليكِ وقد إيه أنتِ ملكيش غيري وأنا ماليش غيري. أحبكِ، مع أول مرة يحصل العكس، وتلجأي أنتِ ليّا وتبكي في حضني أنا،، وقتها اتأكدت إني بأحتاجك... لكنك أنتِ كمان بتحتاجيني. أحبكِ، بعدد كوبايات الشاي اللي عملتهالك.. والمفروض ده يثبتلك قد إيه أنا بأحبك! لأنه تقريباً عملتلك بتاع 100000 ماج شاي كبير ههههههههههه أحبكِ، بضحكة صافية وابتسامة رضا.. زي إمبارح لما اتلمينا سوى على سُفرة واحدة وهزرنا وضحكنا مع المكرونا بشاميل المتيييينة بتاعتك. عن حضنك الحنين، عن قلبك الطيب، عن مواصفات كتيييييييييير مهما حكيت عنها مش هأقدر أقدّرها صح، وأحلام بنيتها في خيالي، وماغبتيش عن ولا حلم فيهم، دايماً الجزء الأساسي والأكبر في كل أمنية. *** كنتِ سألتيني مرة، فخورة بيّا يا نرمين؟ أفتكر إني وقتها هزّرت معاكِ، ما هو أصلي لو كنت اتكلمت كنتِ هتبكي، ولو بكيتِ هأبكي وراكِ،، مأفتكرش في مرة، على مدار حياتي كلها.. حسيت إني مش فخورة بيكِ أو خذلتيني في يوم! دايماً مامتي مصدر فخري، ومصدر حسد كل أصحابي، وإن كنت عُمري ما قلتها قبل كده، فهأقولها دلوقتي وافضلي فاكراها،، أنتِ مامتي اللي أفتخر بكل خلية من خلاياي إني بنتها، أفتخر بماما الكاتبة اللي شيّبت الكل وراها في الروايات وألاقيها تيجي تقولّي عايزة رأيك الصريح، ولما أنتقدها تقولي طب أحسّن من نفسي إزاي؟ أفتخر بماما المشرفة... الجنرال زي ما كله بيقولك، ماما الأستاذة ورئيسة القسم اللي أجبرتني أعلمها كل حاجة لأنها لا تخجل من جهلها ببرنامج أو متصفح ولكنها عايزة تتعلم وكل ما تتاح ليها الفرصة تستزيد من العلم أكتر.. أفتخر بماما اللي عمرها ما حضرت حفل تكريم ليّا بس عارفة لو كانت موجودة كانت هتكون أكتر واحدة مقطعة إيديها تصفيق بجد فخورة بيكِ جداً يا مامتي، فخورة بيكِ كماما اللي ربّت عيال زي الفلّ رغم كل اللي عدّى عليها، ماما اللي حكتلي كل حاجة واجهتها، واستغربت.. إزاي هي عظيمة كده؟ إزاي شافت كل المحن دي وقدرت تبقى كده؟! وكمان فخورة بمامتي المتقمصة جست فيث، صحيح أنا عُمري ما بأشكر في جست فيث ههههههههه يعني بيننا وبين بعض بأبهدل جست فيث وهي تشتم في أندلس بس مامتي تختلف.. فخورة بيكِ لأبعد الحدود وعشان كده متوقفيش، متوقفيش حب، متوقفيش حنان، متوقفيش عطاء، متوقفيش نجاح، متوقفيش عظمة، متوقفيش كتابة، متوقفيش منتدى، متوقفيش عن أي حاجة تسعدك مهما كانت تافهة ومهما كانت عظيمة ♥ وأنا لو في يوم من الأيام ربنا رزقني وكُنت زيّك ولو حتى عُشرك، هأحمده وأشكر فضله كل يوم على ده زي ما بأحمد وأشكره كل لحظة على نعمة وجودك... لما رانو بعتتلي تقولي عايزين نعمل حاجة لإيمو، فرحت بيها، لقيتها فرصة أقولك كل اللي مش بنعرف نقوله وجهاً لوجه، وأظن أنا كده براءة من هدية عيد الأم السنة دي صح؟؟ أنا مفلسة أصلاً ههههههههههههههه بس متقلقيش كلمت الغضنفر والحنش على اللي شوفتيه وعجبك وهما كمان مفلسين يعني من الآخر كده شعار... "حنفي أنا عايز فلوس... دوّر على حد يدينا"  *** أظن من كل رسايل عيد الأم اللي كتبتها، من أول شخبطات بأحبك يا ماما والقلب الأحمر والوردة والشجرة... لحد رسايل الخط المنمق وأبيات الشعر الرفيعة، دي أقرب رسالة لقلبي وأكثرهم صدقاً وشفافية، يمكن لأنه بقالنا فترة بنتخانق كتير، ويمكن لأنه لسه متخانقين حالاً، والكلام ده أجبر نفسه على الخروج من وسط غضبي وقهري وندمي وحاجات كتير كده ما أنا أصلي نسيت أقولك... الرسالة دي اتكتبت على أيام مختلفة وأمزجة مختلفة،، جزء كبييييير من الرسالة دي اتكتب وأنتِ لسه مسمعاني كلمتين من اللي هُمّا فقمصت أنا كمان وردّيت بكلمتين من اللي هُما.. وخرجتِ أنتِ من هنا ورحت جارية أنا أكتب الكلام ده من هنا... يمكن عشان كده حاساه خارج من أصدق ما يكون، وطبعاً بغض النظر إني أول ما هأسيب ملف الوورد هأروح أصالحك... لازم أقولك بأحبك، حتى وأنا متضايقة منك.. بأحبك ♥ طبعاً أنا عادي معايا أكمل كلام لأنه مادام أنتِ عنوان الموضوع، بأقلب أنا لقلم سحري عمره ما يخلص... كيبورد عمره ما يخرب، لاب عمره ما يفصل ههههههههههههههه اختاري اللي يعجبك لكن بأقول لازم أختم كلامي وأجري أساعدك في عمايل المحشي وإلا هتقابليني بموشح (أنا بأعمل كل حاجة لوحدييييييييي، مفيش حد بيساعدنيييييييييي) هههههههههههههههه وعشان أفكرك الكلام ده من يومين ^^ *** كل عيد أم وأنتِ معي، كل عام وأنتِ لنا وبنا تعيشين كما نعيش بكِ، بل كل (يوم) وأنتِ أمنا، حفظك الله لنا، وأدامكِ فوق رءوسنا، وجعلنا أمناً لكِ كما أنتِ أمن لنا، حضن، قلب، وحنى دُمتِ لنا ♥ وبالسير على نهج بقية الكلمات.... كلمة موجهة من Andalus "أحبكِ".  | ||||||||||||
|
| |
|
21-03-16, 11:22 PM
| #9 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب  
|  انا خرست قلبي هيوقف بجد نرمين يا بنت عدلي او اقول يا بنت شررررررررررررررررررريف طول عمري اقول لها كده يالهووووووووووووووووووووو ووز | ||||||||||
|
| |
|
21-03-16, 11:24 PM
| #10 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| انا مش لاقية كلمة ارد بيها عليكم كلكم بكتوني انتم والحمرا لم اتخيل يوم ان ده علشاني او انه ممكن يكون ليا بيوم بناتي طول عمركم بناتي انا قلبي وقف ولساني وقف | ||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض العادي
