آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-04-16, 09:04 AM
| #91 | |||||||
  
|  ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر ألف مبروك .. لقد سعدت بهذا الخبر | |||||||
|  |
|
29-04-16, 01:39 AM
| #94 | ||||
| كاتبة في قصص من وحي الاعضاء
| ( الحلقه الثالثة عشر) طرقت ديما الباب وعندما لم يأتيها الردفتحت الباب ،تفاجئت ديما بالمنظر ،كان سيف وماريهان متعانقين شهقت ديما غصبا عنها وتراجعت للخلف ،لم تعلم ماذا عليها ان تفعل ماريهان بغضب : أيه ده اهلك معلموكيش تخبطى قبل ماتدخلى على الناس نظرت لها ديما وقالت : انا خبطت ومحدش رد ماريهان: ولما ماحدش أذن لحضرتك بالدخول ،دخلتى ليه ايه قلة الذوق دى ديما بتحدى : والله الى اعرفه انه ده مكتب فى شركه ،يعنى مش أوضة نوم فى شقه يعنى عادى لما ادخل ،الى مش عادى بئه ونظرت بأستهزاء لكليهما ،الى مش عادى هو الى بيحصل هنا كانت ماريهان سترد على ديما ولكن سيف اوقفها، كفايه لحد كده ماريهان: ما انت مش شايف يابيبى غلطانه وبتأوح سيف: قلت خلاص ديما: انا خارجه تقدروا تاخدوا راحتكم ،ونظرت الى سيف : لما تخلص يابشمهندس أبقى نادينى ولو انى متهيألى ان الكلام الى كنت ناوى تقوله ليه ملوش لازمه دلوقتى خرجت ديما من المكتب مسرعه وهى تشعر ان جسدها كله يرتعش بفعل الصدمه ،صحيح انها حاولت تتماسك وترد على ماريهان ولكنها فى الحقيقه شعرت انها لو بقيت بالداخل لاكثر من ذلك ستنهار كانت ماريهان مازالت بالداخل مع سيف سيف: ممكن افهم الى انتى عملتيه دلوقتى ده ماريهان : عملت ايه ،انا ماتشوف البنى آدمه قليلة الذوق دى هى الى عملت ايه سيف: والله هى عندها حق ،انتى عارفه ان الحاجات دى مش مكانها المكتب ماهى بدلال : امال مكانها فين ياسيفو سيف مزمجرا : ماهى روحى ياماهى وانا هجيلك ماريهان : الليله ياسيفو صح سيف: مش عارف ظروفى مارسهان : هستناك بئه ماتبقاش بايخ عشان خاطرى سيف: ماشى ياماهى هشوف،روحى انتى دلوقتى ولو سمحتى وانتى خارجه، ماتتكلميش معاها نص كلمه والا والله هتشوفى منى وش مش هيعجبك ماهى : لأ وعلى ايه هى ولا فى دماغى اصلا ، سلام ياقلبى سيف دون ان يرفع عينه عن الورق الذى فى يديه: سلام خرجت ماهى من خرجت ماهى من المكتب ولكنها قبل ان تنصرف من الشركه ،اعتطت ديما نظرة احتقار وخرجت ديما لنفسها: دى مالها دى ،ربنا يشفى يارب علمت ديما ان سيف لن يطلبها ليتحدث معها فى موضوع فرانكو لانه ليس من الممكن ان يتحدث معها عن غلط لم تفعله خصوصا بعد الوضع الذى وجدته فيه ،ظلت تعمل لساعات وسيف ايضا وفى منتصف النهار فوجئت به يكلمها على هاتفها ويستدعييها للحضور الى مكتبه طرقت ديما الباب ودخلت ديما : نعم سيف بون مقدمات : فرانكو كان بيقولك ايه ديما وهى تضحك بسخريه: شكلك بتحب تسمع وانت مالك كتير سيف بغضب: ديما ،اتعدلى واتكلمى كويس ديما: انا بتكلم كويس يابشمهندس ،وعارفه حدودى كويس والى بيحكمنى فى تعاملى مع الناس أخلاقى الى اتربيت عليها مش خوفى من اى حد حتى لو كان رئيسى فى الشغل سيف : افهم من كده انك عملتى الى فى دماغك ورحتى فهمتيه ديما: رحت فهمته ايه .... اه انى مش ... سيف: ايوه انك مش .... ديما: انا مافهمتوش حاجه ،هو الى فهم لوحده سيف: ياسلام ديما : انا مابكدبش، ومش مصدقنى أسال الست هانم الى كانت بترجم سيف مضيقا عينه: يعنى ايه مش فاهم ديما: يعنى الهانم كانت واخده راحتها اوى معاه ولما سألها قالت له انى مجرد سكرتيرتك وانى كمان متجوزه ، فهمت سيف : ايه ديما: اه والله ما هى عارفه ان مفيش حد بيعرف ايطالى منكم فخدت راحتها ، بس عشان ماظلمهاش هى لو مكنتش قالت له انا كنت هقوله ،عشان ماسمحش لاى حد يدى فكره وحشه عنى حتى لو لبنى ادم مش هشوفه تانى فى حياتى ،زى مانت يهمك صورتك وشكلك انا كمان يهمنى صورتى وشكلى سيف: ............. ديما: أظن كده ان الكلام خلص ، ومفيش داعى يتفتح الموضوع ده تانى خرجت ديما وسط نظرات سيف الذهوله والغاضبه وهو يتوعد بشده لماريهان سيف لنفسه: بس لما اشوفك ياماهى الكلب وربنا لوريكى ......................................... ظلت ديما تعمل فى مكتبها وايضا سيف كان نفس الحال وفجأه رن هاتف سيف معلنا أتصال من والدته سيف : الو ياست الكل رجاء: سيف انت فاضى ياحبيبى سيف وقد استشعر القلق فى صوت والدته : ولو مش فاضى افضالك رجاء: طب عايزاك تجيلى على مستشفى (...) الى جمب البيت سيف وقد انتفض من مكانه: ليه ياماما مين تعبان حضرتك كويسه رجاء ببكاء: انا كويسه يابنى ،كارما بس هى الى تعبانه شويه سيف مسرعا: ماما ثوانى وهكون عندك اغلق سيف هاتفه وأخد جاكيت بدلته وخرج مسرعا من المكتب دون ان يتحدث مع اى حدث واستقل سيارته وذهب الى المشفى شاهدت ديما سيف وهو يخرج مسرعا ديما لنفسها: وده ماله راخر واخد فى وشه وخارج ، أكيد رايح للبت الملزقه بتاعته لم تعير ديما اهتماما لسيف وظلت تستكمل عملها ولكن بعدها خرج أشرف وعلى وجه علامات القلق ديما: فى حاجه يافندم اشرف : اه ياديما ،كارما بنت سيف تعبت ونقلوها المستشفى ديما: ايه ، عشان كده البشمهندس..... اشرف : اه يابنتى رجاء كلمتنى ،كانت متوقعه انه ينسى يبلغنى من لهفته ،بصى يادييما ا نا مضطر امشى دلوقتى ولو فى اى مواعيد معلش الغيها وفى ورق جوا رتبيه وشيليه ،معلش يابنتى هتاقل عليكى ديما: ماتقولش كده يا اونكل روح حضرتك وماتشلش هم ،وانا بعد أذنك هكلمك عشان اطمن على كارما اشرف: ماشى يابنتى ،ادعيلها تركها اشرف وخرج من المكتب ،كانت ديما حزينه على حال كارما فهى أحبتها بصرف النظر عن تصرفات والدها ودعت اللله ان يشفيها . .................................. وصل سيف الى المشفى فوجد والدته جالسه تبكى فى الممر سيف: ماما رجاء: سيف انت جيت ياحبيبى سيف: ايه الى حصل رجاء: مفيش يابنى هى كانت بتلعب مع زينه حفيدة منى صحبتى وكانوا بسجروا فى الجنينه ،فجأه لقيت زينه جايه تعيط وتقولى الحقى كارما نايمه مابتردش،رحت لقيتها ياحبة عينى واقعه على الارض لا بتصد ولا بترد شيلناها وجبناها على هنا ومن ساعتها والدكتور معاها جوا ،كان بيكشف واحد شويه وجه واحد تانى ودخل ومن ساعتها محدش بيخرج ولا بيطمنا حاول سيف طمأنة والدته وتخفيف شعورها بالذنب : هما دلوقتى يطمنونا ، أكيد ضعف هى تلاقيها لعبت كتير وهى مش متعوده على كده خرج الطبيبان من غرفة كارما وهما يتحدثوا ،ذهب اليهم سيف ليطمئن على حال ابنته سيف: انا سيف الجيار والد كارما ،ممكن تطمنى على حالتها من فضلك الطبيب الاول : اه اهلا وسهلا د. عماد هيطمنك ،عن أذنكم د/ عماد: انا دكتور عماد اخصائى امراض القلب والاوعيه الدمويه سيف : اهلا وسهلا بس هو مفيش هنا دكتور اطفال عماد : مهو دكتور محمود الى مشى دكتور اطفال بس لما لاقه الحاله تخصصى فأستدعانى سيف: مانا مش فاهم ايه علاقة حضرتك بحالة بنتى عماد: هو حضرتك ماتعرفش ان بنتك عندها مشاكل فى القلب سيف: ايه كارما ..... وجالها امتى المشاكل دى عماد: يافندم بنتك عندها ثقب فى القلب حاجه كده زى العيب الخلقى بتتولد بيه يعنى مش بيجيلها سيف: ايه ازاى عماد: هى المفروض ليها متابعه وادويه بأنتظام بتمشى عليها ،بس من الواضح انها لا بتاخد ادويه وكمان بتعمل مجهود ماينفعش للى فى حالتها تعمل وده خلا الحاله اصعب سيف: انا ..... انا.... معنديش فكره بالى بتقوله ده خالص عماد: على العموم مش مهم الى فات ، البنت هتكون تحت الملاحظه لمدة ٢٤ساعه وبعدها فى تحاليل واشعه هتتعمل وبعدها نشوف الاجراء الى هيتعمل عشان احتمال كبير يبقى فيه تدخل جراحى سيف: ايه للدرجه دى الحاله سيئه عماد : مش عايزين نسبق الاحداث ، أستئذنك انا ولو احتجت حاجه كلمنى كانت رجاء تستمع للكلام مع سيف وعبراتها تنسدل على وجنتيها على حال الطفله المسكيينه التى لا يشعر بها احد من والديها شعر سيف ان قدميه لم تعد تحمله فتهاوى على اقرب كرسى وجلس عليه ووضع وجهه بين كفيه وصل اشرف الى المشفى وتوجه الى حيث تجلس رجاء وسيف ،علم من رجاء حال حفيدتهم لان سيف كان لايقوى على الحديث وفور علمه بما صاب حفيدته ،التفت الى سيف اشرف بعصبيه: انت أب انت ، ازاى تبقى بنتك تعبانه وانت ماتعرفش نظر له سيف ولم يرد اشرف : عايش دور المظلوم ،كل واحد فيكم سواء انت او مامتها شفتم حياتكم وسبتم الغلبانه للمربيات تمرمط فيها رجاء : خلاص يا اشرف مش وقت الكلام ده سيف : سبيه ياماما بابا عنده حق فى كل الى بيقوله اشرف: طبعا عندى حق ،انا مش عارف انت كنت عايزه وميت اوى على الخلفه ليه عشان تجيب طفل تعزبوه معاكم وتمرمطوا معاكم ،ماصونتوش النعمه الى غيركم بيحفى عشان يطول ضفرها رجاء: بالله عليك خلاص يا اشرف ، ندعيلها احسن من الكلام الى مامنوش فايده نظر سيف لوالده وهو يستشعر ان كل كلمه منه تخترق قلبه ،لم يمتلك ان يرد عليه فهو يعلم انه محق فى كل كلمه ،قام وترك المكان وامسك هاتفه واتصل بريهام وبعد عدة محاولات ردت عليه ريهام: ايوه ياسيف خيررر سيف وبدون اى مقدمات: انتى كنتى تعرفى ان بنتك مولوده وعندها ثقب فى القلب ريهام بأرتباك ؛ لأ .......... ايوه كنت اعرف سييف : ومقلتليش ليه ياهانم ولا كنتى خايفه علييه م الصدمه ريهام : ايه المشكله ولاد كتير بتتولد عندها العيب ده والدكتور بتاع الاطفال قالى انها بسيطه وممكن يلم لوحده فى سن ست سنين سيف بسخريه : يلم ..... حتى لو كده مش فى ياهانم ادويه بتتاخد بأنتظام عشان حالتها تتحسن ريهام: ماهى بتاخد داده عزيزه كانت عارفه ادويته وكمان كانت بتوديها عند دكتور بتابع عنده كل شهر سيف: وانت معندكيش خلفيه ان داده عزيزه مشيت من عندنا من سنتين يعنى بنتك من سنتين مش بتاخد ادويه ريهام: مهى اكيد فهمت النانى الجديده ع النظام سيف: وانتى مافكرتيش تتاكدى ان كانت عملت كده ولا لأ ريهام: انا عايزه اعرف انت ليه فتحت الموضوع ده دلوقتى سيف : عشان بنتك ياهانم تعبانه وفى المستشفى وحالتها خطيره وانا الى اسمى ابوها اول مره اعرف بحالة بنتى ريهام: ايه ،مالها كارما طمنى سيف: صدقينى لو اطمنت هطمنك ريهام : انا هحجز اول طياره وجايه سيف: بس قبلها ياهانم كلمى داده عزيزه واعرفى تقارير وروشتات بنتك فين ومين الدكتور الى كان بيتابعها وهاتى الورق معاكى ، ولو مش فاضيه زى عادتك أبعتيه ف الفاكس ريهام: هجيب الورق وأجى بكره ياسيف سيف: ولما تيجى ياريهام وبنتى تفوق لينا كلام تانى مع بعض اغلق سيف الهاتف دون ان ينتظر ردها رجعت ديما الى المنزل وتحدثت مع اشرف الذى اعلمها بحالة كارما فحزنت جدا على حالتها وأستئذنت فى زيارتها غدا صباحا وخصوصا ان غدا يوافق الجمعه اجازة الشركه نامت ديما وهى حزينه على حال الطفله المسكينه التى دخلت قلبها ببرائتها وطيبة قلبها الجميل .................................... ذهبت ديما الى المشفى فى اليوم التالى وهى متردده ولكنها ظلت تردد فى نفسها انها ستطمئن عليها فقط وتذهب وجدت ديما سيف جالس على الكرسى ومرجعاً رأسها على الحائط مسندا عليه ومغمضأ عيونه ،ظنت ديما انه نائم لكن بمجرد ان اقتربت منه فتح عينه ونظر لها سيف: ديما ديما: آ ز،،ازيك يابشمهندس ،سلامة كارما سيف: الله يسلمك ياديما ديما: هى فين طنط وانكل سيف: نزلوا تحت فى الكافيتريا بيشربوا حاجه ، زمانهم طالعين تعالى أقعدى ديما: انت أكلت حاجه سيف: انا ..... مليش نفس اغمض سيف عينه واسند رأسه مره اخرى على الحائط ذهبت ديما الى الكافيتريا ووجدت رجاء واشرف وسلمت عليهم بعدها اشترت قهوه وكرواسون لسيف وصعدت مره اخرى له فوجدته مازال على حاله ديما: سيف سيف وهو مغمض عينه : هممممم ديما: جبتلك قهوه سيف: مش عايز ياديما ديما: لأ ما انت هتشربها انا جبتها وجبتلك كرواسو .... ها هتشربهم ولا تروحوا عليه الفلوس ،ومش هينفع اشرب القهوه عشان بتاعتك مظبوطه وانا بحبها ساده،وكمان انت بتشربها فى كوبايه سيف مبتسماً: انتى بترديهالى ديما: اممم ، ومفش داعى اعيدلك كلامك يومها عشان اكيد انت فاكره ولا احب اعيده سيف فتح عيونه وانزل رأسه: هاتى ياديما ، هشربها وهاكل عشان عارف انك مش هتسبينى ديما: ايوه كده سيف: انتى عارفه ان دى من المرات القليله اوى الى تقولى لى فيها سيف حاف من غير بشمهندس ارتبكت ديما وامسكت خصله من شعرها ووضعتها خلف أذنها: انا ..... مقولتش .... اسفه خرجت منى منغير ما اخد بالى سيف: هو انا بقولك عشان تعتذرى ، يابنتى دانا اسمى بيحلو لما بيطلع من بؤك ديما وقد احمرت خجلا: على فكره انت مش طبيعى ، يعنى الظروف الى انت فيها وبرضو بت... ت سيف مكملا: بعاكس ديما:........... خرج الطبيب من غرفة كارما ،فذهب سيف اليه الطبيب: الحمد لله هى فاقت تقدروا تشوفوها ، بس حضرتك والمدام بس ونظر بأتجاه ديما سيف : يعنى هى بقيت كويسه الدكتور: اه احسن من الاول ، بس مش اكتر من اتنين فى الاوضه ، اه بالمناسبه جبت التقارير سيف: اه مامتها زمانها جايه بيهم نظر الطبيب الى ديما نظره بمعنى من هذه لم يرد سيف ولا ديما الطبيب : طيب زى ما اتفقنا مش اكتر من اتنين فى الاوضه وياريت بلاش تجهدوها بالكلام وممكن بليل لو الحاله مستقره تروح على بكره بليل سيف : شكرا يادكتور ذهب الطبيب بعدما اعطى تعليمات صارمه للمرضه وخرج سيف: هتخشى معايا ديما: لأ شوف طنط رجاء وانا ادخل فى الاخر سيف : زى ماتحبى دخل اشرف ورجاء وبعدها دخل سيف ومعه ديما كانت كارما نائمه على السرير ووجهها شاحب وبان على ملامحها الاعياء كارما : بصوت ضعيف دودى انا مبسوطه انك جيتى سيف : كده ياكارما ومش مبسوطه ببابى كارما : لا طبعا مبسوطه يابابى ديما: الف سلامه عليكى ياكوكى كارما: انا خلاص بقيت كويسه ،عشان بابى وعدنى انه يخرجنى ويفسحنى وانتى تيجى معانا سيف قبل ان ترد ديما: طبعا ياحبيبتى بس قومى بس انتى بالسلامه ونعمل كل الى انت عايزاه ، ياله ياديما عشان الدكتور منبهنا بلاش تعملى مجهود كتير فلازم تنامى ياله كارما : طب عشان خاطرى يابابى سيب ديما معايه لحد ما اروح فى النوم سيف: لأ مش هينفع عشان الدكتور قال ترتاحى كارما: اوعدك مش هتكلم هى بس تقعد جمبى وانا هنام نظر سيف الى ديما فأومأت له برأسها فتركهمها وخرج ظلت ديما مع كارما ممسكه بأيديه وبعدها امسكت بالمصحف وظلت تقرأ القرآن وتملس على شعرها وصلت ريهام الى المشفى فأستقبلها سيف ببرود وأخذ منها الاوراق وأشار لها على غرفة كارما وتركها وذهب الى الطبيب ليريه التقارير دخلت ريهام الى الغرفه فوجدت ابنتها نائمه على السرير وبجانبها فتاه جميله تقرأ القرآن ريهام: انتى مين انتفضت ديما من مكانها : آنا كارما: مامى التفتت ريهام الى ابنتها: حبيبتى عامله ايه ذهبت ريهام الى ابنتها وقبلتها ،والتفتت الى ديما ريهام بأستحقار : انتى آخر اصدارات سيف ديما: نعم ،مش فاهمه ريهام : يعنى انتى ،ونظرت لها من فوق لتحت ... انتى آخر ولا بلاش أدام البنت، من فضلك اخرجى عايزه اكون مع بنتى لوحدنا علمت ديما انها ريهام زوجة سيف ،كانت ستخرج ولكن كارما كان وكأنها تهتف بعيونها لا تتركينى ولكنها اضطريت ان تخرج لانها لا تحتمل ان تكون مع هذه الانسانه فى غرفه واحده خرجت ديما من الغرفه فوجدت رجاء فقط واشرف فسلمت عليهم ونزلت الى الخارج دخل سيف الى الغرفه فوجد ريهام مع ابنته وديما ليست موجوده. سيف: امال فين ديما ريهام ببرود : مشيت سيف : فجأه كده ريهام ؛ اه ، طمنى الدكتور قالك ايه سيف : ملحقتوش ،كلمته وقالى هيشوفهم بكره الصبح ريهام : طب كويس ، ياله تعالى وصلنى عشان انا عايز انام تعبانه موووت سيف : مش هتباتى مع بنتك وتريحى ماما دى بايته هنا من امبارح ريهام: انا لا يمكن ابات هنا فى المستشفى ، انا هكون عندها الصبح بدرى وأنطى تبقى تروح ترتاح تعجب سيف من لا مبالة ريهام وقال فى نفسه ان حسابها زاد ، ولكنه قرر ان يطمئن اولا على ابنته وبعدها سيكون حسابها عسير خرجت ريهام من الغرفه وسلمت على اشرف ورجاء ببرود وودعتهم سيف: هروحها الفيلا وبعدين هاجى تانى رجاء: ماشى يابنى ظلت ديما تحاول مع السياره ولكنها أبت ان تدور ، وبعدها ابلغها عامل الامن انها تركت انوار السياره مضاءه مما ادى الى فراغ البطاريه زفرت ديما فى غضب ولملمت أشيائها ونزلت من السياره وقررت ان تطلب احدى سيارات الاجره رأى سيف ديما وهى خارجه من سيارتها فأسرع اليها سيف : ديما فى مشكله ديما: اه البطاريه فضيت ،نسيت نور الكشاف والع سيف: طب تعالى اوصلك ديما: لأ انا هاخد تاكسى سيف: ديما الحته هنا شبه مقطوعه هتقفى ساعه عقبال ماحد يرضى يوصلك علمت ديما ان سيف محقا ،فوافقت ديما: اوكى ، معلش هتعبك سيف: لأ ده انجاز يعنى سيف واوكيه فى يوم واحد ،والله هعيط منك نظرت له ديما شزرا ولم ترد سيف: خلاص انتى هتاكلينى ،تعالى فوجئت ديما بوجود ريهام معه فى السياره ركبت ريهام فى المقعد الامامى وديما فى المقعد الخلفى ريهام: احنا شاكرين تعبك يامدام ديما معانا ،مش مدام برضو ولا انا غلطانه ديما : لأ مش غلطانه ريهام : اه واشكري لنا جوزك انه سمحلك انك تزورى بنت مديرك خصوصا ان انهارده اجازه ، ولا انتى مش قايله له انك نازله ديما: .......... ريهام : وهو وافق انك تيجى عند كارما ولا قلتى له انك رايحه عند واحده صحبتك لم ترد ديما على كلام ريهام لانها تعلم انها تستفزها ،وايضا لانها ذكرتها بأدهم وحياتها معه سيف: ريهام ،مدام ديما جوزها متوفى ريهام: اه عشان كده سيف: عشان كده ايه ريهام: طريقه قديمه وبايخه ديما: ممكن افهم تقصدى حضرتك ايه ريهام: يعنى عشان تلفتى نظر سيف ليكى فتبينى انك مهتمه ببنته عشان يحس اد ايه انتى حنينه ديما وقد استشاطت غضبا: نعم ،مين ده الى الفت نظره ريهام: امال عايزه تفهمينى ان اهتمامك بكارما لوجه الله سيف بغضب : اخرسى يا ريهام ديما : لا وتخرس ليه يابشمهندس خليها تكمل بس احب ابلغ حضرتك ياهانم انى واحده مفيش لا فى دماغها ولا فى عقلها غير جوزها وبس ولو هفكر فى راجل هيكون جوز حضرتك آ خر راجل ممكن افكر فيه كانت ريهام ستهم بالرد عليها ولكن سيف اوقف السياره سيف : وصلنا ريهام هوصل دييما وهطلع على المستشفى ريهام بسخريه : اشوفك بكره ياسيف بس اوعى تروح عليك نومه فهمت ديما ماذا قصدت ريهام ولكنها أبت ان ترد تحركت ديما من المقعد الخلفى الى المقعد الامامى دون اى كلمه بعدما سار سيف قليلا بالسياره سيف: ديما ،ريهام دى ديما مقاطعه : لو سمحت يابشمهندس مش عايزه اسمع كلمه انا الصراحه اكتفيت اوى وسمعت كتير اوى منك ومن الملزقه بتاعتك الى كانت فى المكتب وأخرهم تختم بالمدام فأظن كده كفايه اوى مش عايز اسمع اى كلمه تانى سيف: صدقينى ديما انا هعرف شغلى معاها لما اشوفها بكره ديما : والله اى حاجه هتعملها مش هتفرق معايه خالص ، صدقنى يابشمهندس مفيش اى حاجه تقدر تمحى الاهانه الى اتوجهت لى سيف: انا اسف ديما صدقينى بجد اسف ديما: وانا كمان اسفه ، حسابك تقل اوى يابشمهندس معدش ينفع اسف يمحيه نظر سيف الى ديما ولم ينطق ببنت شفه الى ان أوصلها الى منزلها وانطلق فى طريقه ................ التعديل الأخير تم بواسطة rontii ; 29-04-16 الساعة 09:56 PM | ||||
|
| |
|
29-04-16, 04:24 PM
| #98 | ||||
| نجم روايتي  
| ياه يا ديما استحملتي الاتنين ف يوم واحد وريهام ديه للحظة فكرتها قلقت عل بنتها بس مفيش دم وجايه تنفخ عل ديما الغلبانه وكوكى ياسر حيعمل لك العمليه صغيرة ياعيني وسيف ده مش ممكن سيف وحريمه ياريت يبعتدوا عن ديما ابوه فاض به خلاص البنت فعلا غلبانه ابوها وامها لاهييين كل ف حياته | ||||
|
| |
|
29-04-16, 07:50 PM
| #99 | ||||
| كاتبة في قصص من وحي الاعضاء
| (الحلقه الرابعه عشر) صعدت ديما الى شقتها ودخلت الى غرفتها والقت بجسدها على السرير ،كانت تحاول ان تمنع دموعها التى ظلت حبيسه لأيام ولكنها أبت ان تطاوعها فتساقطت دموعها على وجنتيها ،ظلت تبكى لساعات وساعات وكأن كل أحزانها أجتمعوا سويا الان يطالبون بحقهم من الدموع ،تذكرت والدتها وتذكرت أدهم وكيف دائما كان يطمئنها دائما ويخبرها انه معها ،بالفعل عندما كان بجانبها كانت لاتخشى شئ او أحد فهو كان دائما يحميها من اى أحد حتى والدته التى كانت لاتحبها وذلك لغيرتها الدائمه من والدتها التى كانت مفضله عنها فى كل شئ فى التعليم وفى حب من حولها ، حتى فى حب الرجال ،فقد كانت خالتها تحب مصطفى والدها وكانت تتمنى ان يتزوجها وعندما تقدم لخطبة ماجده والدتها ،كان ذلك بمثابة النهايه لعلاقتهما ، بعدها تزوجت خالتها وسافرت الى القاهره ولم تراها الا فى يوم وفاة والدتها وبعدها عندما جاءت الى مصر ،وهنا قابلت أدهم وتقرب منها وحاولت خالتها ان تتقرب مره اخرى الى والدها ولكنه رفض لانه مازال يعيش على ذكرى والدتها ،زاد ذلك من غضب خالتها عليها لذلك حاولت بشتى الطرق أبعاد ديما عن أدهم ولكنها لم تفلح أبدا لشدة تمسك أدهم بديما ،كم كبر فى نظرها عندما تحدى والدته واخته من اجلها واعلن للعالم انها حب حياته وانه مستحيل ان يتخلى عنها ، ولكن فى النهايه تدخل القدر ليفرقهما أسوء تفرقه ليرحل عنها حتى قبل ان تكون زوجته فعليا ،نعم فهم تزوجوا ولكن موعد الزفاف كان فى أيام عذرها الشرعى لذلك لم يتم الزواج وبعد ثلاث ايام من الزفاف وقبل انتهاء موعد عذرها لقى حتفه ،لم يعلم أحد انها مازالت بكر سوا صديقتها المقربه مى التى كانت معها فى المنصوره فهى الصديقه الوحييده لها . ٠٠٠٠٠٠٠٠٠٠٠٠٠٠٠٠٠٠٠٠٠٠٠٠ انطلق سيف بسيارته مسرعا ولكنه لم يعود الى المشفى مثلما كان مقرر بل قرر ان يذهب الى زوجته ،هو كان ينوى ان يؤجل حسابه معها ولكن ما فعلته مع ديما عجل بذلك الحساب دخل سيف الى الفييلا وصعد الى الغرفه التى تمكث فيها وفتح الباب دون ان يطرقه ريهام بفزع:ايه ده يابنى أدم حد يخش على الناس كده ،فزعتنى سيف: مش لما يكون الى فى الاوضه ناس مش حيوانات ريهام: مين دول الى حيوانات ياسيف سيف : حيوانات ياريهام عارفاهم ،الكائنات دى الى لا بتفهم ولا بتحس زيك كده بالظبط ريهام: انا حيوانه ياسيف سيف: لأ مش حيوانه ، يمكن الحيوان بيحس عنك ياشيخه ،بيحب ولاده ويدافع عنهم عنك ياشيخه لكنى انتى مش عارف أصنفك الصراحه تكونى تحت اى صنف لا منك بنى آدمه ولا منك حيوانه ،انتى اقل من الحيوانه ريهام: سيف كلمه كمان ورحمة بابى لاندمك على اليوم التى اتولدت فيه وانت عارف انى ممكن اقدر أذييك بتليفون صغير وأدمرك سيف: هو انتى لسه هتدمرينى ، مانتى دمرتينى وخلاص ، وانتى فكرك رقدة بنتى الى فى المستفى دى مش تدميير ولا حياتى الى مش عارف أعيشها بسببك ولا الحرام الى خلتنى الجأ له عشان مش لاقى مراتى جمبى ،كل ده ومادمرتنيش لأ ياريهام انتى دمرتينى ودمرتينى جامد اوى ريهام: خلاص خلصت ولا لسه دور المظلوم ده عايز تعيشه شويه فوق ياسيف انا اكتر واحده فى الدنيا دى فاهماك وعارفاك فبلاش تمثيل ، سيف: انا بمثل ياريهام ريهام: اه بتمثل بس ممثل فاشل ، تقدر تقولى الثوره دى عشان ايه واوعى تقولى بنتى انت ماتحركتش غير لما قلت كلمتين للسنكوحه بتاعتك ، شكلها كده مش مديقك ريق حلو عشان كده محموق عشانها لكن اول ماتطولها هتبقى عندك زيها زى غيرها ماتفرقش عنهم ، سيف ياحبيبى حياتك الى مكنتش عجباك ديه انت كنت مقضيها بالطول والعرض ومافكرتش فى يوم تطلقنى عارف ليه سيف: ليه ياريهام نورينى ريهام: عشان كنت بتستفاد منى ، عشان كنت مستفيد من اسم عيلتى وعلاقات بابايه ،عشان كده كنت عايش وساكت وراضى سيف : لأ ياريهام غلطانه انا كنت ساكت عشان كنت بحبك ،كنت مستنى فى يوم من الايام تفوقى لنفسك ونرجع زى زمان بس للاسف كنت غلطان كنت بوهم نفسى لحد ماسمعتك بودنى عرفت ساعتها ان مفيش امل ضحكت ريهام بسخريه: بتحبنى ،بتحبنى ازاى ياسيف وانت كل يوم مع واحده شكل سيف: امال كنت عايزانى اعمل ايه ، انا راجل ياهانم ليه احتياجاتى ومراتى حرمانى اعمل ايه ريهام : ها ، طب ماكنت اتجوزت بدل ماتلجأ للحرام ده حتى يا اخى كان انضف سيف: صدقينى مش هتفهمى ،انا عمرى ماحبييت ولا واحده من الى كنت بكون معاهم انا حبيتك انتى ، كنتى مستنيكى انتى عشان ترجعى ساعتها عمرى ما كنت هبص لضفر ست ، بس للاسف كنت حمار ريهام: الكلام ده ممنوش فايده دلوقتى سيف: صح ملوش فايده الكلام ، الوقت اتأخر ومعدش ينفع حاجه تتصلح ، ولا انا بقيت بحبك او بمعنى اصح اكتشفت ان ده مكنش حب هسميه تعلق اعمى باول ست احس بناحيتها بحاجه ،..... ريهام احنا لازم تنطلق ريهام : لأ ياسيف قولت لأ سيف : ليه يابنت الحلال لا انتى بتطيقينى ولا بقيت طايقك يبقى عذاب وخلاص ريهام: انا قلت الى عندى واظن انك وعدتنى يوم ماسافرت سيف: حقيقى مابقتش فاهمك بس لازم تفهمى انى هتجوز ريهام: لو اتجوزت ياسيف ،انا هاخد كارما سيف: ايه ، طب ليه ريهام : هو كده وانا قلت الى عندى واتفضل اخرج عشان تعبانه وعايزه انام سيف: الصراحه ياريهام انا مش عارف انا كنت ازاى غبى واعمى كده عن حقيقتك طول السنين دى خرج سيف من غرفة ريهام وهو فى قمة غضبه ،وانطلق ذاهبا الى ابنته فى المشفى لانها الشئ الوحيد المفيد والجميل فى علاقته مع ريهام وعاهد نفسه انه سيحميهاو لن يترك احد يؤذيها ................................ نامت ديما ولم تشعر بنفسها من كثرة البكاء واستيقظت على رنين هاتفها ووجدت ان صديقتها مى هى المتصله ديما: الو مى : السلام عليكم ازيك ياديما ديما: وعليكم السلام ازيك مى وحشتينى اوى مى: مالك ياديما صوتك مش عجابنى خالص فى ايه ديما: مفيش ياحبيبتى بس مخنوقه شويه مى: طب والى يقولك على خبر ممكن يفرحك ديما: ياريت قولى مى: انا هنا فى مصر ديما: بجد مش ممكن مى ؛ اه والله انا هنا ،بابا تعبان شويه وجاى يعمل تحاليل واشعه هنا ديما: سلامته انكل حسن ،طمنينى عليه مى: مفيش العادى ،انتى عارفه المشاكل بتاعت الكلى ديما: طب ايه مش هشوفك مى: عيب عليكى ،انا جايلك طبعا ،الحاج قالى اروح أبات معاكى عشان هو هيبات انهارده فى المستشفى ديما: بجد انا فرحانه اوى ،انتى ماتعرفيش انا محتاجلك ازاى مى: ديما ماتقلقنيش عليكى ديما: اطمنى ياحبيبتى وبعدين مش انتى جايه ،هستناكى ونرغى للصبح مى: ماشى ياحبيبتى فى رعاية الله اغلقت ديما الهاتف مع صديقتها وكانت سعيده جدا لانها اخيرا ستجد صديقتها التى تعلم عنها كل اسرارها جاءت مى الى صديقتها ( مى فتاه زات ملامح جميله بيضاء بعيون عسليه ومحجبه دائما ترتدى ملابس محتشمه ) مى: وحشتينى اوى اوى ياديما ديما: وانتى كمان وحشتينى اوى يامى ،تعالى نقعد فى اوضتى عقبال ماجميله تحضر الغدا مى : ماشى ياله تعالى مى: مالك ياستى قولى لى وماتقولليش مفيش حاجه ،عشان انا عارفه انه فيه تنهدت ديما: انا بقيت لوحدى يامى مى: اخص عليكى مش انا اختك روحت فين انا ديما: ربنا يعلم انتى اكتر من اختى ،بس انا عايزه حد يكون قريب منى اشكيله واحكيله يدبرنى لما اكون محتاره مى: ياسلام هو فيه اقرب منه ديما: مين مى: ربنا ،ربنا ياديما .... هو الى قال ( نحن اقرب اليه من حبل الوريد) يعنى اقرب حد ليكى ،لو كل الناس اتخلت عنك هو مستحيل يتخلى عنك ،ممكن البنى آدم الى بتستشريه يضللك ،لكن جربى كده تصلى استخاره وترمى حمولك عليه وانتى هتشوفى هيوديكى للطريق الصح ديما: ونعم بالله مى: بس قولى الاول انت لسه محافظه ع الصلاه ولا قطعتى ديما: لا والله بصلى وبقرأ ورد قرآن كمان مى: خلاص يبقى ماتخفيش من اى حاجه ،واوعى تانى تقولى انك لوحدك انتى معاكى الى اعظم م البشر ديما ابتسمت مى: ممكن اعرف سبب الابتسامه دى ايه ديما: اصلك الوحيده الى مش بتعقدنى وتقولى ماينفعش انى اصلى وانا مش ملتزمه ومش لابسه حجاب ويعنى لبسى فيه تجاوز مى: طبعا ده الى مفروض يتعمل انك تلتزمى وتلبسى الحجاب وتغيرى اسلوب لبسك ، بس لو انتى معملتيش كده مش معناه انى اقفلها فى وشك واقولك ماينفعش تصلى وانتى مش ملتزمه ساعتها الشيطان هيلعب فى دماغك ويقولك بدل ما تغيرى لبسك كله وتخنقى نفسك بالحجاب بطلى تصلى مدام كده كده صلاتك مش مقبوله ديما: انا بحاول التزم بس ........ مى: انا واثقه ان قريب جدا الصلاه بتاعتك هتخليكى تلتزمى وتتتحجبى ،بس ياريت تعجلى لان العمر مش مضمون ،واحنا فى اختبار لو سقطنا مفيهوش ملحق ديما : ادعيلى يامى مى: بدعيلك ياحبيبتى ، هممم ياله قولى ايه الى مضايقك تانى لسه فيه حاجه مخبياها ديما ضحكت: امال انا بموت فيكى ليه عشان الوحيده الى فهمانى مى: ممممم طب ياله قرى واعترفى ديما: هحكيلك كل حاجه قصت ديما على مى كل شئ عن علاقتها بسيف وعن ابنته وزوجته وحتى عن طلبه الغريب منها بالزواج مى: ديما اسألك سؤال ديما: اسألى مى: انت حبتى سيف دسما: لأ طبعا انتى اتجننتى ، انا عمرى ماهحب غير ادهم وبس ، وبعدين انا حكيتلك عن حياته وانه متجوز وعنده بنت ده غير علاقته بالى اسمها ماهى دى مى: والله انا مسألتكيش انتى ليه مابتحبهوش ،انا بسأل سؤال تجاوبى بأه او لأ ديما: مش فاهمه مى: يعنى انتى حبتيه او بمعنى اصح بدأتى تميلى ليه ،بس بتحاولى تعددى الاسباب لنفسك عشان ماتحبيهوش ديما: لأ طبعا ،مى انا مش هحب ولا فى قلبى غير ادهم مى: ادهم مات ياديما ديما: مات بالنسبالكم بس بالنسبالى ادهم جوا فى قلبى وعمر ماحد هياخد مكانه مى: ديما حبيبتى ، انتى لازم تعيشى حياتك ماينفعش توقفيها عشان ادهم مات ديما: ياسلام ماتقولى لنفسك الكلام ده ،مانتى من يوم ماسبتى خطيبك وانتى ما ارتبطيش بحد مى: عشان مش لاقيه حد مناسب ،مش عشان انا اتعقدت انا مش عايزه اتسرع واتخطب تانى ويحصل زى المره الى فاتت ديما: مهو انتى مواصفاتك صعبه اوى الصراحه مى: مين قالك كده ، عشان عايزه واحد ملتزم ديما: اه مى: انا مش عايز واحد ملتزم انا عايزه واحد معتدل ،وياسلام لو ربنا يهديه ويكون على ايدى واخد انا الثواب ديما: يعنى انتى مستعده تتجوزى واحد تكون حياته هلس ومليانه اخطاء مى : ومين فينا معصوم م الخطأ ،انتى عارفه ابله هناء اختى لما جت تتجوز حسين جوزها كان فلاتى وبتاع ستات وكل يوم مع واحده وفجأه خطب ابله هناء بقيت تصحيه ع الفجر وتعلمه قراية القرآن ويحفظ ويقول ازكار وتعالى شوفيه دلوقتى لما واحده تيجى تسلم عليه ويقولها اسف مابسلمش بعد مكان مش سايب بنت فى حالها ، سبحان الهادى ...... المهم سيبك منى خلينا فيكى ديما: انا ..... مش عارفه مى:خلاص سبيها على الى خلقك ،وحاولى على اد ماتقدرى ماتحتكيش بيه ديما: يارب مى: كان فيه كلام على اكل ولا ايه ديما: هههه .... تعالى يامفجوعه نشوف جميله عملت لنا ايه ظلت ديما ومى يتحدثوا سويا طوال الليل وصلوا الفجر وبعدها ناموا قليلا واستيقظوا ذهبت ديما الى عملها ومى الى المشفى وبعدها ستعود الى منزلها ............................... مر اليوم فى العمل عادى وذلك لتغيب سيف عن العمل ،حضر فقط اشرف واطمئنت منه على حال كارما واعلمته ان السمسار تحدث معها وسأتى ليشاهد الشقه اليوم فى المشفى سيف: يعنى يادكتورتقدر تروح الطبب: اه بس ياريت بلاش مجهود وتراعوا حالتها النفسيه سيف: طب والتدخل الجراحى الطبيب: ما اكدبش على حضرتك هو ضرورى ،بس البنت ضعيفه جدا ومش هتستحمل عمليه دلوقتى فأنا افضل نأجلها شويه لحد ما تكون اقوى ،بس كله يعتمد برضو على حالتها النفسيه سيف: انا متشكر اوى يادكتور واوعدك انى هاخد بالى منها ، وهتابع مع حضرتك اول بأول الطبيب: وانا تحت امرك يابشمهندس خرج سيف من حجرة الطبيب وذهب حيث والدته وريهام رجاء: طمنى يابنى سيف: الحمد لله هى بقيت احسن ونقدر ناخدها دلوقتى ونمشى بس لازم ناخد بالنا من صحتها وحالتها النفسيه رجاء: طب الحمد لله ريهام: اوك ،الحمد لله انى اطمنت عليها ،انا هسافر انا طيارتى كمان ساعتين رجاء : يهوووه يابنتى ،انتى هتمشى طب اقعدى مع بنتك يومين ريهام: مش هينفع يا أنطى انا عندى شغل كتير اوى متعطل ،هبقى اكلمك فى الفون ياسيف وتطمنى سيف: ماشى ياريهام روحى ماتعطليش نفسك ذهبت ريهام من المستشفى رجاء: واللله يابنى انا ماشفت كده فى حياتى سيف : سيبك منها دلوقتى خلينا نركز مع كارما ،هى الاهم رجاء : على قولك يابنى ،ياله ناخدها من هنا ونمشى اصطحب سيف ابنته ووالدته ورجعوا الى منزلهم ليقضى اليوم مع ابنته ........................ جاء السمسار مع الشارى الى شقة ديما واعجب بها واتفقوا على السعر ووعدتهم انها سترد عليهم بعد ان تعلم اخيها ،اتصلت ديما بأخيها واعلمته بالسعر ووافق عليه واتفق معها ان يأتى اخر الاسبوع لوقع العقد تغيب سيف طوال الاسبوع عن العمل وذلك ليتفرغ لابنته فكان يطعمها بيده ويخرجوا سويا ولكنها كانت دائمة السؤال عن ديما مر الاسبوع طويلا على ديما ، اعترفت فى نفسها انها افتقدت سيف والمناوشات بينهم ولكن سرعان مانفضت هذه الفكره عن رأسها ..................... وصل اخيها الى مصر ووقع العقد ووعده الشارى بوضع باقى المبلغ عند التسجيل فقام ياسر بعمل توكيل لديما لأ كمال الاجراءات ، اكملت ديما مع الشارى الاجراءات وحولت باقى المبلغ الى ياسر فى حسابها ترك لها الشارى مهله اسبوع لتنهى حزم امتعتها ومتعلقتها وبالفعل قامت بحزم اغراضها وكانت كل يوم ترسل جميله لتضعهم لها فى امكانهم ،فهى حتى الان لم تقوى على دخول شقتها علمت شيرين صديقتها بأمر انتقالها وحزنت كثيرا ، ولكنها وعدتها بالزياره دائما وذلك لان البيت لايبعد سوا بمسافة منزلين فقط من منزلهم ................ رجع سيف الى العمل فى اليوم الذى كان مقرر لديما ان تنتقل فيه الى المنزل الجديد دخل سيف الشركه وكانت ديما تعمل على مكتبها سيف : احم صباح الخير ديما رفعت ديما رأسها وشعرت انها لاتقوى على الرد هل من الممكن ان ماتشعر به الان هو أشتياق ،نهرت نفسها لهذه الفكره ديما بجمود: صباح النور يابشمهندس اقترب سيف من مكتبها سيف: رجعنا تانى لبشمهندس، ديما انتى لسه زعلانه منى ديما: انت ماعملتش حاجه تزعل يابشمهندس عشان ازعل منك سيف وقف امام مكتبها ووضع يديه على يديها التى كانت تكتب بها على الكمبيوتر سيف: بجد ياديما انا آسف على كلام ريهام ،وكمان كلام ماهى نفضت ديما يديها ووقفت ديما : خلاص يابشمهندس ،من فضلك ماتفتحش الموضوع ده تانى انا مصدقت نسيت سيف: انتى بتكدبى ياديما لو كنتى نسيتى مكنتيش عملتينى كده،بس عل العموم انا هسيبك براحتك ومش هطغط عليكى ديما: ياريت دخل سيف الى والده وجلس معه قليلا وعلم منه ان شقة ديما بيعت وانها اليوم ستنتقل الى شقة زواجه القديم خرج سيف من مكتب ابيه سيف: ديما دييما : نعم سيف: ممكن اطلب منك طلب بس وحياة كارما ماترفضيش ديما: ممممم طالما حلفتنى بكارما ،هحاول مقولش لأ لو كان فى ايدى سيف: ممكن انهارده اوصلك لما تتنقلى من شقتك للبيت الجديد ديما : ليه سيف: من غير ليه ، ارجوكى ماتقوليش لأ ديما: نظرة له نظره طويله ،......... موافقه سيف بفرح: بجد ، انا مش مصدق ديما : ده بس عشان حلفتنى بكارما سيف: المهم انك وافقتى هعدى عليكى على ٨بليل حلو كده ديما: تمام حلو اوى سيف بأمتنان : شكرا ديما احتارت ديما لما يشكرها فهى من يجب ان تشكره فاللله وحده يعلم انها كانت تحمل هم دخولها الى الشقه لاول مره بمفردها خصوصا بعدما أبلغتها جميله انها ستترك العمل وستعود الى بلدتها رجعت ديما من العمل وجمعت باقى اشيائها وجلست تنتظر سيف دق جرس الباب فى تمام الساعه الثامنه وكان هو ديما: ادخل سيف: لو جاهزه ياله ديما: انا جاهزه سيف: معاكى حاجه غير الشنطه دى ديما: لأ جميله وديت كل حاجه على هناك سيف: انتى مارحتيش خالص ديما: آنا لا .... انا كنت مشغوله سيف : تمام ... ياله بينا ديما : هقول لشيرين جارتى انى ماشيه رنت ديما الجرس شيرين: كنت هزعل لو مشيتى من غير ماتقولى لى ديما: وانا اقدر ،فين مروان واحمد شيرين : طب خشى نظرت ديما الى سيف ديما: مش هينفع سيف: انا ممكن استناكى فى العربيه وخليكى براحتك شيرين : هو انت مين ديما : ده بشمهندس سيف الى حكيتلك عنه ابن صاحب بابا شييرين : اه افتكرته ،اهلا وسهلا طب اتفضل يابشمهندس سيف: معلش انا هسبكم براحتكم ،هستنى تحت ديما: لأ ياله انا نازله شيرين : مروان يامروان تعالى سلم على ديما احتضن مروان الصغير ديما مروان: هتوحشينى ،اوعى ماتجيش زى ماوعدتينى ديما : ازاى ، ماتخفش بس اسمع كلام مامى عشان ما ازعلش منك مروان: حاضر ديما: لما يجى احمد سلمى لى عليه شيرين: كان نفسى يكون موجود ويتعرف على البشمهندس دسيما؛ ماتخفيش هما اتعرفوا احمد شاف البشمهندس يوم ماكنت جايه من عندهم ربط سيف بين الاسم والشخص الذى قابله وعلم ان احمد ماهو الازوج شيرين جارة ديما التى تقطن معها فى نفس الدور ديما : سرحت فى ايه سيف: ها ،اصلك عندك طريقه غريبه مع الاطفال بتخليهم يحبوكى ديما: عشان انا بحبهم لانهم عالم بيور مافيهوش كدب ولا خداع سيف: عندك حق وصل سيف وديما الى شقتها ،لم تعترض ديما على عرض سيف بالصعود معها ،كانت صامته وتشعر انها فى حلم ،لا انها فى كابوس ..... هذا هو مدخل العماره .... وهذه هى الدرجات ..... وهاهو باب شقتها..... جميعهم يشهدوا على اجمل ليالى عمرها سيف : ديما ... ايه مش هطلعى المفتاح ديما: آيه ... ها اه اهو أعطت ديما المفتاح لسيف وفتح باب الشقه ووضع الشنطه وافسح لها الطريق لتمر سيف: ديما ،مش هتخشى دخلت ديما كالمنومه اغلق سيف الباب ، كانت ديما تنظر الى كل جزء بالشقه وهى مكانها لم تتحرك منه ...... التفتت ديما الى سيف بعيون ممتلئه بالدموع وبصوت مخنوق : سيف انا مش هقدر أقعد هنا ووقعت فى الارض مغشى عليها................ التعديل الأخير تم بواسطة rontii ; 29-04-16 الساعة 09:58 PM | ||||
|
| |
|
29-04-16, 11:43 PM
| #100 | ||||
| نجم روايتي
| السلام عليكم ورحمة الله وبركاته شكرا عل الفصل الجميل غريبة جدا ريهام ديه هي لا عايزة تسيبه ولا عايزة تلم العيلة وطريقتها مستفزة هي عندها حق سيف عمره ماحبها وكان بيضيع وينحرف ويتهمها انها السبب ديما موقفك صعب جدا كويس انك جبتي سيف معك واخيرا مي ممكن تصلح مازن صاحب سيف اهو ده قمة ف الفساد شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
| أدوات الموضوع | |
| انواع عرض الموضوع | |
|
|
57Likes
.png)
.png)
العرض العادي
