آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-16, 06:55 PM
| #201 | ||||
| كاتبة في قصص من وحي الاعضاء
|  ( الحلقه الثامنه والعشرون) بدأت ديما بالاتصال بجميع الموظفين والسعاه وافراد الأمن ، كما طلب منها. دخل سيف مع مازن الى مكتبه وهو غاضب من مازن ومقاطعته التى جاءت فى غير وقتها سيف: أترزع يازفت ،خير عايز ايه مازن:: ايه ياعم المعامله دى سيف: هو كده وده الى عندى ،هتقول ولا تغور تمشى مازن: خلاص ياعم هنطق،انا عايز أشتغل سيف: نعم ياخويه ،حد قالك عنى مكتب تشغيل ،وبعدين انت ياض مش أبوك وزير يعنى ممكن يشغلك فى اى حته عايزها مازن: انا مش عايز اشتغل مع أبويه ، انا مش عايز حاجه تكون ليها علاقه بيه سيف: ليه يابنى مازن : يوووه ياسيف ، هيسمعنى كلمتين ويقولى من أمتى ،وانت طول عمرك صايع والكلام السخيف ده سف: طب انا مطلوب منى اه مازن: عايز أشتغل معاك سيف: نعم ياخويه ،تشتغل فين ،وانت أش فهمك فى شغلنا مازن: هو انت نسيت انى خرج هندسه زيك ونفس القسم كمان سيف: لأ انت الى نسيت انت كنت بتنجح أزاى مازن: عارف ياسيف انى كنت بنجح بالكوسه عشان أبويه ،بس مايمنعش ان الدراسه ملهاش علاقه بالشغل وان الشغل بينجح بالخبره سيف: وانت بئه عندك خبره مازن: لأ معنديش ،بس ناوى أشتغل معاك وأبتدى من الصفر عشان افهم الشغلانه من الجدور سيف مفكراً: مش عارف يامازن مازن: عشان خاطرى انا هعمل اى حاجه،ممكن أبريلكم الاقلام أو أقعدلكم ع الورق بدل مايطير ،اى حاجه سيف: وكل ده بركات ست مى مازن: الصراحه مانكرش انى فكرت انى أشتغل عشان اعرف أتقدملها،بس بعد كده فكرت بجد انى كبرت ومعرفش اى حاجه فى الدنيا غير الشرب والسرمحه ،لأمتى حياتى هتفضل كده ،لازم يكون فى حاجه صح فى حياتى سيف: هو انت فكرت بجد فى موضوع مى ،مش عارف حاسس انه مش هينفع مازن: ليه بتقول كده سيف : عشان انتوا مختلفين ،وماقصدش فى الطباع ،انا أقصد فى المستوى الى عرفته من ديما ان مى حالتهم الماديه على أدها جدا ،تفتكر دولت هانم وابوك الوزير هيرضى يناسب امام جامع مازن: بص ياسيف ،انا عارف ومتأكد انهم هيعارضوا بس انا مش فارق معايه ،هما اصلا مش موجوديين فى حياتى عشان يبقى من حقهم يوافقوا او مايوافقش ،انت عارف بابا طول النهار فى الوزاره وماما فى أعمالها وجمعياتها ،وانا وسامر آخر حاجه يفكروا فيها ،دانا ساعات بقول انهم افتكرونى سافرت مع سامر من كتر مانا مابيشوفنيش ،لو ماوافقوش انا هتجوز مى غصباًعن عين اى حد سيف : على العموم انا اتمنالك كل خير ياصاحبى ...................... كانت ديما جالسه على مكتبها تعمل عندما شعرت بأحد يقترب من مكتبها ،فرفعت رأسها ووجدت ماجد امامها مباشرة لاتفصله عنها سوا المكتب ماجد : حمد الله ع السلامه ديما: اهلا ،الله يسلمك ماجد: كنتى مسافره ديما: ايه، يعنى ماجد بخبث: بس غريبه ده البشمهندس سيف كمان كان ف أجازه ،صدفه غريبه ديما:....... ماجد: اصل فى واحد صاحبنا من ايام الجامعه شاف سيف ف السخنه وقالى انه كان معاه واحده ،لما وصفهالى ،أكنه بيوصفك ديما: انا،يخلق م الشبهه أربعين ماجد: بتحصل برضو،نفس الاجازه نفس الشبه نفس المكان ،اممم بتحصل ديما: هو حضرتك عايز ايه بالظبط، عشان انا مش فاضيه ماجد: امممم، يعنى نعمل مع بعض مصلحه بما أنك ليكى فى الجو تعالى نقضى الويك أند مع بعض وصدقينى مش هتندمى لما تشعر ديما بنفسها الاوهى تلقى صفعه مدويه على وجنة ماجد انتفض ماجد من الموقف وأنقض عليها وأمسك بذراعها ماجد: بئه حتة بت زيك ،تييييت ،تمد ايدها عليه انا فى هذه اللحظه كان سيف قد انهى اجتماعه مع مازن ،ووعده انه سييكون معه فى الشركه الجديده ،فتح سيف المكتب وتفاجئ بوجود ماجد ،كان ماجد قريب جدا ًمن مكتب ديما ،وديما وجهها شاحب ،ذهب سيف الى ديما ووضع يديه على كتف ديما اما م نظرات ماجد المذهوله سيف: حبيبتى انتى كويسه ديما بأرتباك ،اه كويسه سيف: ماجد ازيك ،كنت عايز حاجه ماجد : أبدا انا كنت داخل لبشمهندس أشرف وكنت بقول لمدام ديما تشوفهولى لو فاضى سيف : طب أدخله ،أصل ديما مشغوله عندنا أجتماع مهم ،وألتفت الى ديما: الاجتماع جاهز ديما: اه التفت سيف الى ماجد : اه صحيح ياماجد مش تباركلى ،مش انا أتجوزت انا وديما ماجد متفاجئاً: أيه امتى سيف: يعنى من ٣او٤ أيام ،مش بنعد الايام الحلوه مابتتعدش ،والتفت الى ديما : ولا ايه ياحبيبتى ابتسمت ديما أبتسامه باهته: اه طبعا ماجد: الف مبروك ،عن أذنكم سيف : أذنك معاك بعدما دخل ماجد الى مكتب أشرف ،نظر سيف الى ديما سيف: ضايقك ديما: أيه،لأ أبدا سيف: ماتكدبيش عليه ديما: ايه ياسيف ،ياله عشان الاجتماع والناس مستنيه دخلت ديما الى مكتب الاجتماعات وورائها سييف كانت غرفة الاجتماعات تعج بالحاضرين ،مابين سعاه وافراد امن وموظفيين من صغيرهم لكبيره ،عم الصمت فى الغرفه بمجرد دخول سيف وورائه ديما بدأ سيف بالحديث سيف: طبعا انتم كلكم مستغربين انا جمعتكم هنا ليه دلوقتى ،انا بس حبيت أبلغكم انى انا ومدام ديما أتجوزنا الاسبوع الى فات القى سيف قنبلته التى سببت الهمهمات والشهقات فى الغرفه،فبعضهم فرح ،وبعضهم حاقد وآخر غاضب سيف مكملا: ايه ياجماعه ماسمعتش مبروك بدأت جميع العاملين بالمباركه لكل من الزوجين والتمنيات بالزواج السعيد والرزق الصالح سيف: انا طبعا بتأسفلكم اننا ماعملناش فرح ،طبعا عشان انتوا عارفين ان والد ديما لسه متوفى ،بس ان شاء الله هنعمل حفله بمناسبة أفتتاح شركتى وهنحتفل بزواجنا كما ن ، وكلكم معزومين طبعا ،تقدروا تتفضلوا خرج جميع الموظفين من الغرفه وهم متلهفون لحضور الحفل انتبه سيف ان ديما طوال الوقت كانت صامته وتكتفى فقط بالرد ببعض الكلمات عندما يكون الحديث متوجهه اليها ، كانت مازالت جالسه مكانها على احدى الكراسى على طاولة الاجتماعات ،فاقترب منها سيف وجلس جمبها سيف بهدوء: ديما رفعت ديما رأسها ونظرت الى عيونه بعيون مليئه بالدموع : نعم وضع يديه على وجنتيها: ليه الدموع ياحبيبتى ،انا افتكرت انك هتكونى مبسوطه انهمرت دموع ديما على وجنتيها وبدون تفكير القت نفسها فى أحضان سيف ووضعت رأسها على صدره/: انا بعيط عشان فرحانه ،فرحانه اوى ياسيف وضعت سيف يديه على رأسها وملس على شعرها : طب والى فرحان يعيط ،ايه ياحبيبى بس انا عايز أشوفك بتضحكى وبس أرجعت ديما برأسها الى الوراء حتى تستطيع ان تنظر الى سيف ديما: اسفه ،ماقصدش ابقى نكديه سيف : ماتقوليش اسفه ياحبيبتى ،انا الى أسف المفروض ده يكون م الاول ونعمل اكبر فرح ونعزم كل الناس وً... وضعت ديما ييديها على شفتى سيف : الفرح هنا ياسيف ،واشارت الى قلبها سيف بأبتسامه : وقلبك فرحان ديما: جدا سيف : دما ،انتى احسن حاجه حصلت لى فى حياتى ديما: وانت كمان ياسيف، احلى حاجه حصلت لى فى حياتى سييف: بحبك،بحبك اوى يا احلى حاجه فى عمرى أبتسمت ديما ولم ترد سيف: عارفه انا نفسى فى ايه دلوقتى أبتعدت عنه ديما بسرعه سييف: فى ايه يابنتى ،انا قلت حاجه ،انا نفسى فى محشى ديما بأستغراب: محشى سيف: اه محشى وانتى دماغك راحت فين ،وسكت قليلا كأنه يفكر : فهمت انتى فكرتى فى ايه وانا الى فاكرك مؤدبه ،لا ياختى انا اخاف على نفسى انتى معندكيش اخوات صبيان ولا ايه ديما: لا والله سيف: اه والله ،نفسى اكل محشى ديما: محشى ايه سييف : محشى ورق عنب ،اسمعى فى مطعم هنا جمبنا بيعمل محاشى تحفه قومى نتغدى فيه ديما: تؤ تؤ سيف : تعالى والله تحفه ديما: تؤ تؤ ، انا هعمله سيف: نعم ،انتى تعملى محشى وتلفى وتسبكى ديما: اها سيف : مش مصدق الصراحه ديما: لييه ،مش ست سيف : دانتى ست الستات ديما: ايوه كده اتعدل ،تسمحلى اروح بدرى ساعه بئه اصل جوزى طالب محشى وعايزه اروح احضرله لى سييف: بجد ، هتعملى ليه ديما: اها ،ها هتدينى الاذن سيف : طبعا ،ولو انه عذر غير موجود على لوائح شئون العاملين ،بس من بكره هضيفه،اى موظفه بأمكانها أخذ ساعه أستئذان وذلك لصنع المحشى ،ها ايه رايك فى الدباجه دى دبما: هههههه. ،حلوه طبعا ،هقوم انا سيف : كده حاف ديما: عايز ايه ياسيف سيف : يعنى بوسه كده،حتى ولو أخويه تصبرنى ع الجوع لغاية لما تخلصى أكل ديما : تؤ تؤ سيف : مهو انا لو مسكتك تأكدى انها هتكون مش أخويه خالص ديما: برضو تؤ تؤ دارت ديما حول الطاوله ،ودار سيف ورائها حتى أمسك بها واسندها الى احدى حوائط الغرفه سيف: قلت لك ،لو مسكتك مش هرحمك ديما: عشان خاطرى ياسيف سبنى سيف: تؤ تؤ ديما: وحياتى ياسيف سيف : هسيبك بس على شرط ، تديينى بوسه على خدى هنا ديما: لأ طبعا سيف : طب خلاص انا هاخد انا البوسه بتاعتى واكيد مش هتكون فى خدك خالص ديما : طب خلاص ،بس ابعد شويه سيف : ولو غدرتى ديما: خلاص ياسيف ،ابعد بئه ابتعد سييف قليلا فقط حتى يستطيع الامساك بها اذا هربت اقتربت ديما من سيف ووضعت قبله خجوله على احدى وجنتيه أمسك سيف ديما من احدى ذراعيها قبل ان تهرب وقال : على فين ايه الكروته دى ديما وقد احمرت خجلاً: ماخلاص بئه ياسيف ،سبنى سيف : يابنتى انتى مضحوك عليكى ،انا هعرفك البوس بيبقى ازاى ديما: والله ياسيف ان ماسبتنى ،مش هعملك محشى سيف: لأ كده انا مضطر اسيبك ترك سيف ديما ،وابتعدت مسرعه كانت ديما تضع يديها على مقبض الباب عندما ناداها سيف سيف: ديما التفتت ديما: نعم سيف : بحبك دييما بخجل : وانا كمان وفتحت الباب وخرجت مسرعه من الغرفه .............. التعديل الأخير تم بواسطة rontii ; 13-05-16 الساعة 07:11 PM | ||||
|  |
|
13-05-16, 07:25 PM
| #202 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| طبعا ماجد له حق يفتكرها كده و كده عشان مكنش فيه اعلان للجواز دلوقتي سيف هيخرس المل بعد اعلانة الجواز مازن مسخرة هيبري اقلام و يعد علي الورق و الله يتعب طيب لو عايزين حد مع مازن يبري اقلام ابعتولي انا مهندسة برضو و في بري الاقلام جباااااااار | ||||||||
|
| |
|
14-05-16, 09:03 PM
| #206 | ||||
| كاتبة في قصص من وحي الاعضاء
| (الحلقه التاسعه والعشرون ) سيف: ديما التفتت ديما: نعم سيف/: بحبك ديما بخجل : وانا كمان جرت ديما من امام سيف مسرعه قبل ان يستطيع ان يستوعب ما قالته ، وعندما أستوعب ماقالته جرى مسرعا خلفها ولكنها كانت ركبت المصعد ونزلت ،أرتسمت على وجه سيف أبتسامه وقرر ان يهاتفها أتصل سيف على ديما ولكنها لم ترد كما كان يتوقع فهو أصبح يعرفها جيدا ويعرف طبعها الخجول رغم انها كثيرا تحاول ان تظهر تحديها وجرائتها ولكن كما أخبرها والدها انها مجرد قشره تخفى به مايعتمر بداخلها وصلت ديما الى سييارتها وهى تلهث رغم انها لم تنزل الدرج بل استقلت المصعد ولكن لم يكن ذلك السبب ،السبب انها أستطاعت ان تنطق بمشاعرها التى حاولت أخفائها ،رن هاتفها وأبتسمت عندما وجدت أسم سيف على هاتفها ولكنها لم تقوى حتى على مواجهته ولو حتى عبر الأثير ، بعدها تلقت رساله على تطبيق الواتس آب الخاص بها مضمونها ( بحبك. اناأسعد راجل فى الدنيا انهارده . ) وبعدها بقليل جاءت رساله اخرى ( وحشتينى اوى ،هموت وأشوفك وأبوس خدودك الى أكيد أحمروا من الكسوف) وبعدها بقليل رساله آخرى ( أوعى تسرحى وتفكرى فيه وتحرقى المحشى ) وعند هذه الرساله قررت ان ترد ( ماتخافش) أبتسم سيف عندما وصلته رسالتها ذهبت ديما الى السوبر ماركت وأشترت كل أحتياجتها ثم ذهبت الى المنزل وهى سعيده ،فهى لأ ول مره تشعر بأنها أمراه مسئول عن زوج ،وتقوم بواجباتها الزوجيه ،ودعت ربها ان ييسر لها حياتها وصلت ديما الى الفيلا فوجدت السيده رجاء وكارما بحديقة الفيلا ديما: السلام عليكم رجاء: وعليكم السلام ياحبيبتى ،راجعه لوحدك ليه فين سيف ديما: لأ مانا راجعه بدرى رجاء: ليه ياحبيبتى ،تعبانه ولا حاجه ديما: لأ ياطنط أطمنى ،كل الحكايه ان .... ان احم. يعنى سيف طلب محشى فجيت عشان الحق اعمله رجاء بضحك: هههههه واللله سيف ده بيدلع ،طب ماكلمتنيش ليه اقول لهدى تعمله ديما: لأ مانا الى هعمله رجاء : انتى ديما: ايه ياجماعه ،هو انا مش ست ،والله بعرف اعمل كل حاجه رجاء: ياحبيبتى ماقصدش، دانتى ست الستات كلهم ،بس انا عامله على تعبك ديما: مفيش تعب ولا حاجه ياطنط، انا اصلا بحب الطبخ رجاء: طب انا عايزه أدوق ديما: ياخبر ياطنط ،بس كده ،طب ايه رأيك انا هعمل فى المطبخ الى هنا وناكل كلنا سوا رجاء: لا ياستى ،اتغدوا انتوا بس انا هستنى طبقى ديما: طب ليه رجاء: ياحبيبتى أشرف ممنوع من المسبك ،ولو شاف المحشى مش هيمسك نفسه وانا مقدرش أكل من غيره ديما : ربنا يخليكوا لبعض ياطنط رجاء: ويخليكوا لبعض انتى وسيف ويديم عليكم فرحتكم ويبعد عنكم كل شر ابتسمت ديما بخجل رجاء: عارفه ياديما انا حاسه انك بنتى الى مخلفتهاش ،وكان نفسى فيها وربنا عوضنى بيها ديما: ربنا يعلم ياطنط انا كمان بحبك اوى ازاى رجاء: طب مابلاش طنط دى ابتسمت دييما: حاضر ياماما ابتسمت رجاء وقامت واحتضنت ديما بشده وهى تردد الحمد لله الحمد لله كارما: ديما انتى مش هتلعبى معايه ديما : طمنينى الاول انتى أكلتى وأخدتى علاجك كارما: خلصت طبقى كله حتى أسألى نانا ديما: اممم ،لو كان كده ماشى بس مش هنلعب ،انتى هتطلعى تساعدينى نعمل الاكل لبابى كارما بفرح: بجد ديما: طبعا ،ياله ياقمر،عن أذنك ياماما كارما هتعمل الأكل لباباها وانا هساعدها ابتسمت رجاء: ماشى ، وانا مستنيه ياكوكى صعدت ديما مع كارما الى جناحهم التى لم تمكث فيه سوا يوم واحد فقط ،ولكنها شعرت ان دهر مر منذ آخر مره كانت هنا فيها ،وانها الآن أمرأه مختلفه بهويه ومشاعر مختلفه بدأت ديما فى أعداد الطعام لسيف وهى سعيده وتساعدها كارما وسط تشجيع ديما المستمر لها حتى لو كانت ماتفعله تعيده ديما مره أخرى دون ان تشعرها بذلك ولكن شعرت ان ذلك رفع من نفسيتها وخصوصا بعد علمها ان الطبيب منع عنها اى مجهود ولو بسيط بعد آخر انتكاسه لها ،فهل يمكن لطفل ان يحرم من الشئ الوحيد الذى يسعده فى الحياه وهو ان يلعب مثله مثل أى طفل ،تذكرت ديما أمراً هاماً وهو اخوها ياسر كيف غفلت عن انه طبيب متخصص بأمراض القلب فقررت ان تهاتفه وتحكى له عن حالة كارما ،انتبهت ديما ان كارما تناديها كارما: دودى ، ايه مش بكلمك انتى مش بتردى عليه ليه ديما: معلش ياروحى سرحت شويه،كنتى بتقولى ايه كارما: كنت بقول هنعمل حاجه تانى ديما : لأ ياروحى ،روحى لهدى خليها تغيرلك هدومك عشان لما بابى يجيى تبقى نضيفه وحلوه كارما: اوك ذهبت كارما الى غرفتها ، ودخلت ديما الى الحمام استحمت وخرجت من الحمام وقفت امام دولابها واحتارت ،ماذا تلبس فهى تريد ان تصبح اليوم جميله وبسيطه فى آن واحد ، وقع أختيارها على فستان بسيط من اللون الأبيض به ورود وردية اللون وورود آخرى صفراء اللون وقصير فوق الركبه ضيق من عند الصدر الى الخصر لينزل متسع الى مافوق الركبه بحملات على شكل ضفيره انيقه من عند الكتفيين ،رفعت شعرها فى ذيل حصان وأسدلت غرتها على جبهتها وخصلتين اما أذنيها ،أرتدت قرطين من الذهب صغيرين و زينة رقبتها كانت السلسله التى اهداها اليها أدهم والتى لم تخلعها يوماً من رقبتها يوماً منذ ان ألبسها أيها ،ذكرى أدهم جلبت الحزن لعيونها ولكنها نفضت الحزن عن وجههها فهى اليوم تريد ان تشعربطعم السعاده التى نسيت طعمها من سنين ، أكملت زينتها وجلست تنتظر سيف وعندما تأخر الوقت قررت ان تكلم أخيها حتى تسأله عن ديما هاتفت ديما أخوها وبعد الجرس التالت رد عليها ياسر: ديما ،حبيبتى ازيك ديما: ياسر انا كويسه ياحبيبى ،انت عامل ايه وابنك ومراتك عاملين ايه ياسر : احنا بخير ،طمنينى عامله ايه مع جوزك ،طارق كلمنى وقالى انه قابلكم فى السخنه وبيشكر فى جوزك جدا ديما: اه ياحبيبى الحمد لله ،سيف حنين اوى وكويس اوى معايه ماتقلقش عليه ياسر: انا عارف انى مقصر معاكى ياحبيبتى ، بس غصباً عنى ،اول فرصه هاخد أجازه واجيلك مصر عشان اتعرف بجوزك ديما: تنور ياحبيبى ،وانا مش زعلانه منك انا مقدره والله ،بس ليه عندك طلب ياسر: أؤمرينى ياحبيبتى ديما: بص ، هو مش ليه الطلب ده ، ده لبنت سيف انا كنت حكتلك انه كان متجوز وعنده بنت ،البنت دى من فتره أكتشفوا انها عندها مشاكل فى القلب والى اعرفه ان حالتها متأخره والمفروض تعمل عمليه ،فقلت لو انت ممكن تساعدنى ،يعنى لو أفضل اننا نسافرها وتكون انت المسئول عن عمليتها ياسر: طبعا ياحبيبتى ،بس انا عايز اعرف الحاله بالظبط،بصى احسن حاجه ابعتيلى التقارير بتاعتها ديما: للأسف انا معرفش هى فين،وانا مش عايزه اقول لسيف انى كلمتك عليها الا لما يكون فيه امل حقيقى عشان مبقاش علقتهم ع الفاضى ياسر: طب انا هقولك ،هما أكيد الدكتور الى بيعالجها عنده نسخه من التقارير دى ديما: ايوه بس انا مش امها فأكيد مش هيرضى يدهالى ياسر: ايوه فاهم ،انا قصدى تكلمى ضياء ،وهو هيعرف يتصرف ديما : ايوه صح،ضياء ازاى كانت تايهه عن بالى ياسر : اول ماتجبيهم،كلمينى علطول وابعتيهملى وانا هبلغك هنعمل ايه خلاص ماشى ياحبيبى ،ربنا يخليك ليه ياسر : لا اله الا الله ديما: محمد رسول الله .............. ................. دخل سيف الى الفيلا وصعد الى جناحه ،وقرر ان يطرق الباب اولا حتى لا تجفل ديما ولكن صوت همهمات اوقفه فأستند برأسه على الباب وسمع ديما وهى تتحدث لأحدهم ديما: ماشى ياحبيبى ،ربنا يخليك ليه محمد رسول الله شعر ان هناك نيران تشتعل بداخله ،ففتح الباب بكل قوته وهو غاضب ،فالتفت ديما والهاتف على أذنها وقابلته بأبتسامه هادئه ديما: حمد لله ع السلامه سيف بغضب : كنتى بتكلمى مين ديما بأستغراب : ده ياسر أخويه،ليه فى حاجه لانت ملامح سيف وشعر انه ظلمها ،وحاول تصحيح خطأه سيف: ماسمعكيش بتقولى حبيبى لحد غيرى ،حتى لو كان أخوكى أبتسمت ديما لانها شعرت ان سبب ثورة سيف هى الغيره ديما بأبتسامه: حاضر أغلق سيف الباب بهدوء وهو يشعر بضألته امام نفسه ،فهى صدقته وهو شك فيها حاول سيف تصفية الجو سيف: وحشتينى ديما بأرتباك: اه ،... الأ كل جاهز سيف وقد أقترب منها ووضع يديه الاثنين على ذراعيها ونظر اليها: القمر ده بتاعى انا خجلت ديما وأطرقت برأسها الى الاسفل ،فمد سيف يديه الى اسفل ذقنها ورفع رأسها وقال : ماتهربيش بعينكى من عنيه ،ماتحرمنيش منهم عضت ديما على شفتيها ،فثارته هذه الحركه وأقترب منها أكثروهو يهمس لها بحبك ياديما شعرت ديما انها مستسلمه وكأن أرادتها سلبت منها ، وأنتظرته. وفجأه فتحت كارما الباب بقوه مما جعلهم ينتفضوا أثنتيهم كارما بصياح: بابى انت جيت سيف : والله حرام ،وربنا انا حد بصصلى فى البوسه دى ضحكت ديما: ههههههههه سيف: بتضحكى ، انتى موصياهم عليه ولا ايه هزت ديما كتفيها وتركته وسارت بأتجاه المطبخ كارما: انت زعلان من يابابى سيف بغيظ: لا ياحبيبتى ، انا هطق بس كارما: هههه ،هطق زى البوب كورن سيف: اهو كده بالظبط ، هو انتى مانمتيش ليه لغاية دلوقتى ليه ياكوكى ،الى أدك ناموا وسايبين الكبار فى حالهم كارما: انا ساعدت كارما فى الاكل ، وهاكل معاكم سيف وهو يضغط على اسنانه: واللله كارما: ايوه ،انا هروح اجيب معاها الاطباق سيف : وانا هروح اغير هدومى ،عقبال ما احلى بنتين فى حياتى يحضرولى الاكل ابتسمت ابنته بملامحها الطفوليه البريئه والجميله ،ورد لها الابتسامه وكانت من قلبه فهو سعيد لسعادة ابنته التى السبب الرئيسى فيها وجود ديما بها انتهت ديما من وضع الطعام على الطاوله امام التلفاز ،خرج سيف من الغرفه بعدما ارتدى برمودا ،من اللون الاسود وتى شيرت أصفر به خطوط سوداء ،جلس سيف على الاريكه بجانبه كارما وبجانبهم ديما شرع سيف فى البدء بتناول الطعام ولكنه تفاجئ بأن الطعام لذيذ جدا ،بل أطعم ماذاقه يوماً سيف : اللله ياديما ،ايه الجمال ده ديما بخجل : بجد عجبك سيف : ده تحفه كارما: انا الى عملته مع ديما يابابى سيف : عشان كده ،جميل اوى ياحبيبة بابى أكملوا طعامهم ،وبعدها ديما أخذت الاطباق الى المطبخ ،وغسلت الصحون ورتبت المكان وكان سيف وكارما يشاهدون احدى برامج الكرتون على التلفاز خرجت ديما من الغرفه فوجدت كارما نائمه على ركبتى ابيها وسيف مسندا راسه على ظهر الاريكه ونائم ،حملت ديما كارما بهدوء ونقلتها الى غرفتها ، ودخلت الى جناحهم واغلقت الباب بهدوء واحتارت ماذا تفعل هل توقظ سيف ام تتركه ولكنها لو تركته سوف تتشنج رقبته ،لذلك قررت ان توقظه هزت ديما سيف بهدوء من كتفه : سيف ،سيف فتح سيف عينيه ببطء ،وابتسم عندما وجد ديما أمامه سيف: حبيبى ،أسف راحت عليه نومه ديما: انا وديت كارما أوضتها ، ياله قوم نام مكانك سيف : هنام فين ديما: على ،على سيف : هنام ع السريروانتى جمبى ديما: ايه، لأ مش هينفع سيف : أنا وعدتك انى مش هقرب لك الا لما تطلبى منى ده ،بس عشان خاطرى ماتحرمنيش انى احس بيكى جمبى ديما: اصل ،يعنى ،مش عارفه سيف : مفيش اصل انا تعبان وعايز انام اهون عليكى انام هنا ع الكنبه ديما: لأ نام ع الكنبه التانيه هناك سيف : لأ هنام انا وانتى ع السرير يأما هنام هنا على الكنبه ديما:....... استغل سيف صمت ديما ، وقال: ياله خشى غيرى هدومك وانا هستناكى فى السرير أذعنت ديما الى طلب سيف واختارت بيجامه محتشمه من دولابها ودخلت الحمام وبدلت ثيابها وخرجت ،وجدت سيف منتظره فى السرير وساند ظهره على احد الوسائد اقتربت ديما بخجل من سيف ،صحيح انها نامت عندما كانوا فى السفر بجواره ولكن المره السابقه كان غافلا عما يحدث لكن هذه المره الامر مختلف صعدت ديما الى السرير فابتسم سيف وحرك الوساده من أسفل ظهره ونام على الوساده ،نامت ديما فى الجهه الاخرى من السرير سيف: ديما ديما: نعم سيف: ممكن تنامى فى حضنى ،اوعدك مش اكترمن كده لفت ديما اليه ونظرت له ونظر له وللحظات شعرت بنفسها تقترب منه وتنام بين أحضانه كما طلب منها........... | ||||
|
| |
|
14-05-16, 10:07 PM
| #208 | ||||
 
| ها وماذا بعد سيف مش حيهمد الا لما يوصل للي هو عاوزه. ربنا يستر على ديما هو بيتعامل علي أنها كانت متجوزه. وهي بتتعامل معه ومش عارفه توصله الحقيقة. الفصل جميل بس حاسة إن غيره سيف حتنيل الدنيا لما يعرف إنها كلمت ضياء. سلمت أناملك. | ||||
|
| |
|
15-05-16, 12:38 PM
| #209 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| سيف رجه رجل محترم و ماشي زي الالف يبقي الموضوع مكنش صياعهه لانه صايع لان ياعني كان عندو حرمان عاطفي اهو بقالو فترة مستكفي بديما مع انه ملمسهاش و يارب يفضل محترم حتي النهاية المحشي طلع جامد بس معرفناش نوع المحشي كرنب و ﻻ ورق عنب و ﻻ بتنجان عشان تفرق في العمايل برضو ههههههه بانتظار اخر التطورات بين المجنون سيف و الهبلة ديما | ||||||||
|
| |
|
| أدوات الموضوع | |
| انواع عرض الموضوع | |
|
|
57Likes
.png)
العرض العادي
