آخر 10 مشاركات
انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          أنفاس أحمد *مميزة ومكتملة* (الكاتـب : سامراء النيل - )           »          52 - خداع المرايا - أجاثا كريستي (الكاتـب : فرح - )           »          ربما .. يوما ما * مميزة و مكتملة * (الكاتـب : كاردينيا الغوازي - )           »          رواية البوليس السري - سيلينا دولارو (الكاتـب : ahmad2006771 - )           »          الرواية الثانية بقلمي..أسألك الرحيلا.. *مميزة ومكتملة* (الكاتـب : sweettara - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          [تحميل]ليالي.. الوجه الآخر للعاشق / للكاتبة رحاب ابراهيم ، مصرية ( Pdf ـ docx) (الكاتـب : فيتامين سي - )           »          تحميل مكتبتي للروايات البوليسية العالمية (الكاتـب : ahmad2006771 - )           »          وعانقت الشمس الجليد -ج2 سلسلة زهور الجبل- للرائعة: نرمين نحمدالله [زائرة] *كاملة* (الكاتـب : نرمين نحمدالله - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree57Likes
إضافة رد
 
LinkBack أدوات الموضوع انواع عرض الموضوع
قديم 26-04-16, 10:03 PM   #81

امانى الياسمين

كاتبة في قصص من وحي الاعضاء


? العضوٌ??? » 355112
?  التسِجيلٌ » Oct 2015
? مشَارَ?اتْي » 530
?  نُقآطِيْ » امانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond repute
افتراضي


(الحلقه الحادية عشر )

أبتسمت ديما وظلت صامته طوال الطريق حتى وصلت الى المنزل .....

سيف:وصلنا بسرعه
ديما:اه...لأ ...كويس
سيف:انزلى هطلعك بالشنطه
ديما:مفيش داعى عم صالح هيطلعها ،هى مش تقيله اصلا
سيف:نفسى ياديما اقولك على حاجه وتقولى لى حاضر علطول
ديما بتحدى :واقولك حاضر ليه ان شاء الله
سبف:طب خلاص قولى ماشى ... اوكى ... موافقه ..اى حاجه من الحاجات الحلوه دى .
ديما :لأ
سيف:مكنش فيه فى الاختيارات ..لأ
ديما:انا عندى .. لأ
سيف:أنتى معندكيش غيرها أصلا
ديما :........
سيف:أنزلى ياديما ولا هنفضل أعدين انا عن نفسى معنديش اى مانع معاكى للصبح

ترجلت ديما من السياره ولكنها سمعت احد يناديها التفتت لتجده أحمد زوج شيرين جارتها وصديقتها.

أحمد :ديما
ديما:احمد ازيك ،عامل ايه
أحمد :انتى عامله ايه ،طمنينى عليكى ... البقاءلله
ديما:ونعم بالله

كان سيف ممسك بالشنطه ويشعر بالغيظ الشديد من اهمال ديما له وكلامها مع هذا الشخص

سيف بحنق :مش هنطلع ديما
ديما :آه خلاص مفيش مشكله احمد يطلع الشنطه
احمد :اه طبعا
ديما:احمد البشمهندس سيف الجيار ابن البشمهندس اشرف الى بشتغله معاه وصاحب بابا ،بشمهندس ده الاستاذ احمد

شعر سيف بالغضب الشديد من ديما بسبب تعريفها المفصل له وعلاقته بها وأختصار تعارفها بأحمد دون ذكر علاقتها به

سيف:اهلا استاذ احمد
احمد :اهلا استاذ سيف ،والتفت لديما هما الى كنت أعده عندهم من يوم الوفاه
ديما:اه هما
احمد :احنا متشكرين جدا على رعايتكم لديما فى ظروفها الصعبه
سيف بغيظ شديد :لأ مفيش داعى للشكر ،انا ماشى ديما هتعوزى حاجه
ديما:لأ ميرسى يا بشمهندس تعبتك معايه

لم يرد سيف ودخل وصفق باب السياره خلفه وانطلق مسرعا

احمد :ماله ده
ديما:ها.... مش عارفه ،سيبك منه شيرين ومروان عاملين ايه
احمد :شيرين هتجننى .. حملها الجديد ده قالب معاها بجنان عل الاخر
ديما:وايه الجديد مهى طول عمرها مجنونه
احمد :لأ ده زاد على الآخر ... تعالى احكيلك واحنا فى الاسانسير واعملى حسابك هتيجى على عندنا مش ناقص تتجنن عليه وتقولى شفتها ومجبتهاش .

ديما:وعلى ايه الطيب احسن تعالى نشوف المجنونه دى

صعد احمد وديما الى شقة احمد وشيرين ......

فتحت شيرين الباب
شيرين :ديما .... انتى كنتى فين قلقتينى.. ازاى ماتكلمنيش

ديما بضحك :حبيبتى مش انا كلمتك وطمنتك عليه امبارح وعرفتك انا فين
شيرين :آه ... أفتكرت ... أيوه صح ايه الى وداكى هناك
ديما: ههه ماشى .... بليل نقعد ونحكى عشان انا مستعجله عشان ياسر زمانه جى
شيرين :طيب لو مجتيش بليل هوريكى
ديما :لأ متخافيش هاجى

التفتت ديما الى شقتها ولكن شيرين أستوقفتها
شيرين :ديما وببكاء.... البقاء لله ياحبيبتى
والقت شيرين بنفسها بين ذراعى ديما .
تفاجئت ديما من حركة شيرين فأحتارت تبكى او تضحك على شيرين وتصرفاتها الغريبه
ديما:ونعم بالله .

_______________________________

وصلت ديما الى شقتها ،أول مادخلت ديما الى شقتها شعرت بأنها أصبحت فارغه ،ظلت تبحث بعيونها عن والدها فى كل مكان بالشقه ولكنها لم تجد ،أغرورقت عيناها بالدموع التى لم تستطيع ان تحبسها .
جميله:ست ديما حمدلله على السلامه ... البقيه فى حياتك
ديما :فى حياتك البقيه .... البيت فضى علينا
جميله:يديكى طولت العمر يابنتى
ديما:...... جميله ياسر جاى انهارده هغير هدومى وأجى نعمله الاكل الى بيحبه .
جميله:ماشى يابنتى

دخلت ديما الى غرفتها وأبدلت ملابسها وذهبت الى جميله ليطبخوا جميع الاصناف التى يحبها ياسر ......

وصل ياسر بعد منتصف النهار
ديما:ياسر حبيبى وحشتنى اوى
ياسر:وانتى كمان عامله ايه ياحبيبتى
ديما:ببكاء:تعبانه اوى ياياسر انا بقيت لوحدى بابا مات وسبنى ... خلاص بقيت لوحدى
ياسر:ليه ياحبيبتى وانا رحت فين انت هتيجى معايه مش هسيبك هنا لوحدك
ديما متفاجئه :ايه تاخدنى معاك
ياسر:طبعا باحبيبتى مش هسيبك هنا لوحدك
ديما:......
ياسر :تعالى بس .. ندخل وكلم بعدين
دخل ياسر مع ديما وأكلوا

ياسر:يااااه ده انا وحشنى الاكل المصرى بشكل
ديما:بالهنا والشفا ياحبيبى
ياسر :تعالى نقعد فى البلكونه شويه عايز اتكلم معاكى
ديما:ماشى ياحبيبى ،هجيب الشاى وأجى .

ياسر :وحشتنى الأعده فى البلكونه
ديما:ما انت الى بقالك كتير مجتش
ياسر:اعمل ايه الشغل غصبن عنى
ديما:عذراك ياحبيبى
ياسر:اقعدى ديما عايزك
ديما:خير
ياسر:ديما انا كنت بفكر نبيع الشقه دى ،هى كبيره اوى ودلوقتى تجيب مبلغ محترم
ديما:طب وانا يا ياسر
ياسر: انتى تيجى معايه ياحبيبتى
ديما:بس انا مش عايزه اسافر ... مش عايزه اسيب مصر
ياسر:ليكى مين هنا تقعدى عشانه
ديما والدموع تترقرق فى عينها:مليش بس .... برضو مش عايزه اروح هناك فى بلد غريبه وناس غريبه .. صحيح هنا مبقاش ليه حد بس على الاقل فى بلدى مع ناس بفهمهم ويفهمونى
ياسر:يعنى ياحبيبتى هى اللغه مشكله دانتى بتتكلمى فرنساوى وايطالى ده غير الانجليزى ،يعنى اللغه مش عائق خالص
ديما:انا مش مشكلتى اللغه ياياسر .. انا مشكلتى الناس . ... الناس هنا فيهم حاجات مش هلاقيها هناك ،وبعدين انت عارف الكم مره الى شفت فيهم مراتك يعنى ما اتفقناش اوى .
ياسر:يمكن عشان ما اعدتوش مع بعض فتره كبيره
ديما:لأ عشان انا وهى من بيئتين مختلفين فعمرنا ما هنتفق
ياسر :مش عارف اقولك ايه ياديما
ديما:بص ياياسر لو ع الشقه انا موافقه نبيعها .. انت عندك حق الشقه كبيره عليه فأحنا ممكن نبيعها وانا اروح أقعد فى شقتى انا وأدهم الله يرحمه
ياسر:انا ياحبيبتى مش بقولك تيجى معايه عشان ابيع الشقه ،انا عايزك تيجى معايه عشان مش مطمن اسيبك لوحدك
ديما:عارف ياياسر والله ،بس برضو انا عارفه انك محتاج الفلوس عشان المركز الى هتعمله انت وزمايلك
ياسر:بابا قالك
ديما:اه وكمان ياسيدى هديلك نصيبى فى تمن الشقه وهو حد يطول يشارك فى مركز لعمليات زرع القلب ... انت بتزرع حياه جديده جو روح كانت بتموت يعنى شئ عظيم
ياسر:بس ياحبيبتى انا مقبلش اخد فلوسك
ديما:ليه انا مش محتاجهم شقه وعندى وعربيه كمان وعندى فلوسى فى البنك من ميراث ماما وكمان دلوقتى بقيت بشتغل يعنى الحمد لله مش محتاجه حاجه
ياسر:ايوه بس
ديما:مفيش بس...ياسيدى اعتبرنى شريكه وأبقى ادينى نسبه من الارباح
ياسر:خلاص لو كان كده ماشى ... انا كل شهر هحطلك فلوسك فى حسابك .
ديما:تمام ... قوم ياله عشان تنام لحسن الوقت اتأخر وانا وعدت شيرين جارتنا انى هزورها وأقعد معاها شويه
ياسر:ماشى .... انا هنزل البلد بكره أزور قبر بابا واسلم على خالى عشان طيارتى بكره بليل
ديما:بسرعه كده ... كان نفسى اسافر معاك المنصوره بس للأسف المفروض من بكره انزل الشغل ... معلش هبقى اروح آخر الاسبوع
ياسر:ماشى ياحبيبتى تصبحى على خير

ذهب ياسر للنوم وذهبت ديما الى صديقتها ...

_________________

بعدما وصل سيف ديما الى منزلها ظل يستشيط غضبا طوال الطريق ويسأل نفسه .. من هذا ... وبأى صفه سيصعد معها الى شقتها ....

وصل الى شركته وباشر العمل الذى لم ينهيه امس وبعدها اتصل بصديقه مازن وذهب لمقابلته فى مكانهم

مازن :ايه يابوب عامل ايه ... البت ماهى ظبطتك امبارح
سيف:ولا الهو .. دى بت فكسانه
مازن :لا ياراجل دى صاروخ
سيف:الصيط ولا الغنى ياصاحبى
مازن :معقول .... يمكن ... اوعى ليكون العيب فيك
سيف:عيب عليك
مازن :لتكون صديت من كتر الركنه ... مانت بتقول انت ومراتك عايشين زى الاخوات من خمس سنين
سيف:بس ياله .. دانا كنت مقضيها وكل يوم مع واحده
مازن :وكلهم احسن من ماهى
سيف:مش فاهم
مازن :العيب مش فى ماهى ... العيب هنا .واشار الى اعلى رأسه اى دماغه
سيف:برضو مش فاهم
مازن :العيب فى الى مخلياك مش شايف غيرها
سيف:قصدك مين
مازن :ماتستهبلش انت عارف انا قصدى مين
سيف:طب قفل لحسن ماهى جايه

كانت ماهى ترتدى فستان أبيض مخطط بالاسود ضيق جدا وقصير جدا

ماهى بدلال :سيفو حبيبى miss you يابيبى
سيف:أزيك ياماهى
تميل عليه لتقبله على وجنتيه
ماهى :سيفو دقنك شوكتنى ... انت عارف انى مش بحب الدقن دى عشان بشرتى حساسه
سيف:لأ ماتعرفيش مش انا قررت اطلق لحيتى
ماهى :أيه
سيف :اه مش هتشوف موس تانى
ماهى :بجد ... مش مشكله هتبقى الدقن عليك تحفه
سيف:والله ... ولنفسه بصوت واطى ... دانتى واقعه
ماهى :لسه عايز تقعد ولا نروح نكمل عندى فى البيت
سيف:لا والله يا ماهى مش هينفع مازن عايزنى فى موضوع مهم
مازن :انا .. موضوع ايه
سيف:ايوه يازفت الموضوع الى كنا اتكلمنا فيه وقلت لى هتحكيلى بليل
مازن ببلاهه:موضوع ايه دانت لسه جاى
سيف :معلش ياماهى مازن لما بيشرب بيقلب حمار
مازن :حمار الله يسامحك ياعم .... انا رايح للواد احمد عشان احتمال نطلع اسكندريه كمان شويه
سيف بغيظ :مش بقولك بيقلب حمار
ماهى :انت بتتهرب منى ياسيف
سيف:انا لا ابدا بس الحكايه تعبان ومودى مقريف فخليها يوم تانى اكون فريش
ماهى :كنت قول كده .. ملهاش لازمه التمثيليه البايخه دى .. وبعدين لما تفكر تعمل فيلم اعمله مع واحد عدل .. مش واحد حمار
سيف:صح .... اختيار غلط معلش هدور على حد تانى
ماهى :انت بتهزر ... انا ماشيه
سيف:خلاص ياماهى ماتزعليش هعوضهالك وحياتك
ماهى وقد لانت :اوك حبيبى ... اطلبى حاجه وبعدها رقصنى
سيف:ان كان على كده ... اوكى .

_______________

صباح يوم جديد فى شركة الجيار

وصلت ديما الى عملها فى وقتها بعدما ودعت اخوها الذى كان مسافرا المنصوره وبعدها سيرجع الى عمله مره اخرى فى امريكا ...

وصل اشرف الجيار بعد ديما بقليل

اشرف:صباح الخير ياديما
ديما:صباح النور يابشمهندش
اشرف:ايوه كده نورى مكتبك ...بصى فى شغل كتير عايز يترتب تعالى معايه

ذهبت ديما مع اشرف الى مكتبه وظلوا يعملوا لساعات حتى تم انجاز جميع العمل المتراكم

اشرف :كده تمام ... انجزنا
ديما:الحمد لله
اشرف:انا مش عارف سيف اتاخر ليه انا مأكد عليه عشان الاجتماع كمان ساعه
ديما :اه يافندم ملف الاجتماع ده حضرتك قلت لى خليه الاخر .... ايه حكايته
اشرف:بصى ياستى دى قطعة ارض رجل اعمال عايزه يعمل عليها مشروع قريه سياحيه بس على الطراز الايطالى
ديما:واااو حلو اوى
اشرف:هيبقى مشروع كبير وانا عايز اعمل فيه شغل كويس عشان كده أستعنت بأفضل مهندسين مدنيين ومعمارييين فى ايطاليا عشان يقدروا يحطونا على الطريق السليم ويقولوا لنا على افكارهم واحنا هنفذ ها ده بجانب انى هبعت برضو وفد مهندسين من شركتنا ايطاليا يلفوا هناك ويجيبولنا افكار ونحاول بعد كده نوصل لأحسن الافكار وونفذها

ديما:هايل يافندم ... بأذن الله هتكون قريه تحفه
اشرف:ان شاء الله ...اجتماعنا انهارده هيكون مع 3 مهندسين ايطاليين 2 منهم مهندسين مدنين وواحد معمارى .. المشكله بئه فى المهندس العمارى
ديما:ليه
اشرف:المهندسين ال2 الاولنين بيعرفوا يتكلموا انجليزى فهيكون سهل التعامل معاهم لكن المهندس العمارى مابيتكلمش غير لغته وهنا يجى دورك
ديما:قصد حضرتك اكون المترجم
اشرف:بالظبط كده .... انا عارف انك بتتكلمى ايطالى ولا ايه
ديما :متتقلقش يافندم خالص انا هاخد الملف واقراه وهكون مع حضرتك فى الاجتماع
اشرف:ماشى ... بس سيف يوصل بس .. روح انتى ياديما

التفتت ديما لتذهب ولكنها تذكرت شئ

ديما:بشمهندس اشرف
اشرف:خير ياديما
ديما:كنت قاصده حضرتك فى خدمه
اشرف:أؤمرينى
ديما:ياسر عايز يبيع شقتنا بتاعت بابا الله يرحمه وانا عارفه ان حضرتك تعرف ناس كتير فممكن تكلم لى حد يعرضها لى للبيع
اشرف متفاجئا:ازى يعنى يبيع الشقه .. طب وانتى
ديما:انا عندى شقتى الى كنت متجوزه فيها هى بعد عمارتنا بعمارتين يعنى هكون فى نفس المكان
اشرف:ايوه بس ليه يخرجك من بيت باباكى
ديما:هو محتاج فلوس داخل مشروع كبير بيفتح مركز لزراعة القلب هو وكام دكتور زمايله فمحتاج فلوس
اشرف:ان كنتى مقتنعه ماشى هكلملك مكتب xxxxى اعرفه فى المعادى واقولك
ديما:ميرسى يافندم

دخل سيف مكتب والده ووجد ديما معه
سيف بأقتضاب:صباح الخير يابابا ..... ديما
اشرف:صباح النور ياسيف كل ده تأخير
ديما:صباح النور .... عن أذنكم

خرجت ديما من المكتب وجلس سيف على الكرسى
سيف:معلش يابابا راحت عليه نومه
اشرف: م السهر يا استاذ
سيف:بابا لو هتبتدى .. انا همشى
اشرف:اقعد ماتعملش زى العيال وتتقمص انت عارف فى اجتماع مهم انا كنت لسه ببلغ ديما
سيف:وديما تحضر بمناسبة ايه
اشرف:انت ناسى ان مستر فرانكو مابيتكلمش انجليزى ديما هترجم
سيف:هى بتعرف ايطالى
اشرف:وفرنساوى كمان .. المهم انا كلمت ماجد السيوفى يجى يشتغل معانا فى المشروع ده
سيف:ايه ماجد ... طب ليه
اشرف :يابنى المشروع كبير وانا محتاج خبرات وماجد مهندس شاطر
سيف:ايوه انا منكرش انه مهندس شاطر بس لعبى يابابا وبيهرج كتير ومعندوش limitوده بيبوظ الشغل
اشرف:دى مهمتك ... امسك لجامه وازبطه .مش كان صحبك يا اخى
سيف:ماشى هتعوزنى فى حاجه تانى
اشرف:اه كلم ناصر الحسينى بتاع مكتب xxxxات المعادى وشوف ديما فاضيه امتى وروح فرجوا على الشقه خليها يشوفلها مشترى
سيف:ايه .... ليه هتبيع الشقه وتروح فين
اشرف:اخوها عايز يبعها وهى بتقول عندها شقتها الى كانت متحوزه فيها
سيف:طب وليه اخوها عايز يبعها
اشرف:ملناش دعوه كل واحد حر فى حياتى
سيف:ماشى يابابا انا خارج

خرج سيف من مكتب ابيه وذهب الى مكتبه دون ان يعير ديما حتى نظره ،تعجبت ديما من تصرفه فهو تاره حنون وتاره مجنون .

بعد ساعه فى قاعة الاجتماعات وصل المهندسين الثلاثه الى الشركه كان ثلاث رجال ايطاليون رائعون بكل ما للكلمه من معنى فثلاثتهم يمتازون بالوسامه والجاذبيه والطول

اشرف:تفضلوا
جلس مستر ريكاردو ومستر أليسيو فى منتصف ترابيزة الاجتماعات وجلس على يمينهم سيف واشرف وعلى يسارهم مستر فرانكو وديما

بدأمستر ريكاردو وأليسيو بالتحدث مع اشرف وسيف وطرح الافكار وكانت ديما تسجل كل الملاحظات والافكار المطروحه وظلوا يتحدثوا بالانجليزيه ومستر فرانكو لايشاركهم الحوار بل كان منشغل تماما بديما فظل طوال الاجتماع يراقبها

مستر فرانكو :مرحبا
ديما:مرحبا
فرانكو:جيد تتحدثين الايطاليه
ديما:نعم
فرانكو:هل انتى مصريه
ديما:نعم
فرانكو:لم اكن اعلم ان النساء المصريات جميلات هكذا
ضحكت ديما بخفوت:شكرا لك
فرانكو :هل تسمحى لى ان اخبرك بأن لديك اجمل عيون رأيتها فى حياتى
ديما وقد احمرت خجلا:شكرا

كان سيف يراقب فرانكو وهو يتحدث مع ديما بصوت منخفض ومن الواضح انه معجب بها فهو لم يرفع عينه من عليها منذ بداية الاجتماع ومن الواضح انه بدأ فى مغازلتها فأستشاط غيظا ولم يستطيع ان يمسك نفسه

سيف:مدام ديما...ممكن تترجمى لنا مستر فرانكو بيقول ايه اظن دى مهمتك
ديما بارتباك :هو... اصل
سيف بصوت عالى:اصل ايه يامدام مش المفروض انك جايه ترجمى كلامه وتسجلى الملاحظات شايفك لا بترجمى وحتى مش مركزه معانا عشان تكتبى الملاحظات

ديما:اسفه
سيف:نرجع مره اخرى لحديثنا ..... وياريت تركزى معانا وقولى للمستر يأجل كلامه الخاص بعد الاجتماع
ديما:مستر فرانكو من فضلك ارجو الامتناع عن توجيه كلام لى خارج موضوع الاجتماع
فرانكو بتسليه .:أها مديرك غاضب حسنا جميلتى سنتحدث لاحقا
ديما:تقدر تبدأ مستر سيف

أستئنف سيف الاجتماع من جديد وظل يرمق فرانكو طوال الوقت بنظرات حانقه والاخر يرمقه بنظرات متسليه ... ... .....

noor elhuda likes this.


التعديل الأخير تم بواسطة rontii ; 27-04-16 الساعة 12:27 AM
امانى الياسمين غير متواجد حالياً   رد مع اقتباس
قديم 27-04-16, 12:45 AM   #82

rontii

مشرفة وكاتبة في منتدى قصص من وحي الأعضاء ومحررة واعدة بعمود الأعضاء

alkap ~
 
الصورة الرمزية rontii

? العضوٌ??? » 289729
?  التسِجيلٌ » Feb 2013
? مشَارَ?اتْي » 20,876
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » rontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond repute
?? ??? ~
ﻻ إله إلا أنت سبحانك إني كنت من الظالمين
افتراضي

اه لو لعبت يا زهر وواتبدلت الاحوال
و عندك المستر الايطالي و ناصر جاي في الطريق و سيف هيطلع نار من ودانة و هتبقي مسخرة
كان قبلهم فيه ادهم و احمد زي ما سيف فاكر هنههههههههه
سيف هيتربي من اول و جديدوصايع و بيرقص مع ماهي و اللي زييها و عاملي غيران علي ديما


rontii غير متواجد حالياً  
التوقيع














رد مع اقتباس
قديم 27-04-16, 01:08 AM   #83

ام وزوجه

نجم روايتي

alkap ~
? العضوٌ??? » 117937
?  التسِجيلٌ » May 2010
? مشَارَ?اتْي » 1,614
? مزاجي » مزاجي
?  نُقآطِيْ » ام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond reputeام وزوجه has a reputation beyond repute
?? ??? ~
My Mms ~
افتراضي

سيف متقلب مش راضى يعترف حتى لنفسه
انها ماثرة فيه وبدا يحبها
احسن خليه يشعلل من فرانكو وناصر المهندس اللعبى
وخلى الست ماهى تنفعه حتى اسمها ما لو ش طعم زيها


ام وزوجه غير متواجد حالياً  
التوقيع
اعتذر ان تاخرى فى الردود
وعن اى أخطاء إمﻷئية لانى
اتصل عن طريق الهاتف
رد مع اقتباس
قديم 27-04-16, 07:48 AM   #84

um soso

مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي

alkap ~
 
الصورة الرمزية um soso

? العضوٌ??? » 90020
?  التسِجيلٌ » May 2009
? مشَارَ?اتْي » 33,769
?  مُ?إني » العراق
? الًجنِس »
? دولتي » دولتي Iraq
?  نُقآطِيْ » um soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond repute
افتراضي

لايزال سيف يتخبط
والان بدأ ينتبه ان هناك منافسين
احمد والايطالي ولا نعلم من سيأتي


um soso غير متواجد حالياً  
التوقيع
روايتي الاولى وبياض ثوبك يشهدُ

https://www.rewity.com/forum/t406572.html#post13143524

روايتي الثانيه والروح اذا جرحت
https://www.rewity.com/forum/t450008.html





رد مع اقتباس
قديم 27-04-16, 12:45 PM   #85

شموخي ثمن صمتي

? العضوٌ??? » 179150
?  التسِجيلٌ » May 2011
? مشَارَ?اتْي » 2,118
?  نُقآطِيْ » شموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond repute
افتراضي

شـكــ وبارك الله فيك ـــرا لك ... لك مني أجمل تحية .

شموخي ثمن صمتي غير متواجد حالياً  
التوقيع
[SIGPIC][/SIGPIC]
رد مع اقتباس
قديم 27-04-16, 07:33 PM   #86

امانى الياسمين

كاتبة في قصص من وحي الاعضاء


? العضوٌ??? » 355112
?  التسِجيلٌ » Oct 2015
? مشَارَ?اتْي » 530
?  نُقآطِيْ » امانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond reputeامانى الياسمين has a reputation beyond repute
افتراضي

(الحلقه الثانية عشر )

دام الاجتماع لساعات طويله عرض فيها المهندسين افكارهم وتناقشوا فيها مع اشرف وسيف ،كان فرانكو لا يشارك فى هذه المناقشات لجهله باللغه الانجلييزيه اما ديما فكانت تسجل ملاحظتها والافكار التى تم الموافقه عليها من الطرفين

كان سيف يرمق فرانكو مابين كل لحظه واخرى ويجده مازال نظره مركز على ديما التى كانت منهمكه فى تسجيل الافكار ولم تنتبه لنظرات اياً منهم ...........

طلب المهندسين استراحه حتى يعرضوا ما تم الموافقه عليه من افكار مع فرانكو حتى تكون الموافقه جماعيه لذلك تم أيقاف الاجتماع لنصف ساعه

جلس المهندسين الثلاثه على كراسى موضوعه فى غرفة الاجتماعات بعيدا عن طاولة الاجتماعات وطلب لهم اشرف القهوه والمياه المعدنيه وبدأوا اجتماعهم مع بعضهم

وجد سيف ديما مازالت تعمل على طاولة الاجتماعات ،فاقترب منها

سيف: ديما
ديما ولم ترفع عينها عن الورق : ممممم
سيف : ديما سيبى الى فى ايدك وكلمينى
ديما وقد تركت مافى يدها : نعم
سيف: كان بيقولك ايه
ديما: مين
سيف: ديما ماتستهبليش انتى عارفه انا بتكلم عن مين
ديما: اه فرانكو
سيف: ياصلاة النبى هو بئه اسمه فرانكو حاف ،وانا بشمهندس صح
ديما: هو فى ايه
سيف بغيظ: انت شايفاهم
ديما: بعدم فهم : هما مين دول
سيف: تعرفى تعديهم
ديما: هما ايه الى هعدهم
سيف : العفاريت ياديما ،العفاريت الى بتتنطط ادام وشى والى هطلعهم عليكى لو مقلتليش هو كان بيقولك ايه
ديما: انا مش عارفه انت عايز تعرف ليه دى حاجه ملهاش علاقه بالشغل
سيف: مانا عارف انها ملهاش علاقه بالزفت ،ايه بينك وبينه يخلى فى كلام تانى غير الشغل مابينكم
ديما: نعم انا مسمحلكش ،تلميحاتك مش مقبوله
سيف : وتلميحاته هو مقبوله
دسما: انا مش عارفه فى ايه ، الراجل كان بيسألنى ان كنت بتكلم ايطالى وانا فهمته انى المترجمه بتاعته
سيف : لا والله اهبل انا عشان اصدق الى بتقوليه ،انتى مش واخده بالك كان بيبصلك ازاى
ديما: يبص ،مش فاهمه بيبص ازاى
سيف: بيعاكس ياهانم ،فاهمه يعنى ايه بيعاكس وياريت بيعاكس بأحترام
ديما: انا مش شفتش انه كان بيعاكس ،وحتى لو انا اعرف أصد اى حد يعاكسنى كويس اوى او حتى يفكر يتعدى حدوده معايه
سيف: والله ماشفتش واحده بتقف واحد عند حدوده انا شايفك ضحكتك واصله من الودن للودن
ديما: لتانى مره يابشمهندس انامسمحلكش ومسمحش لأى حد يعلق على سلوكى
سيف:بس تسمحيله هو بس
ديما: لأ انت زودتها اوى ، انت مالك اصلا بتصرفاتى انت مش واصى عليه ولا ليك دعوه بيه
سيف: لأ ليه
ديما: بصفتك مين ان شاء الله
سيف: بصفتى ،آه ه ه ،بصفتى رئيسك فى الشغل وده اجتماع شغل ومسمحش للموظفين عندى يتمرقعوا وقت الشغل
ديما وقد زاد غضبها: يتمرقعوا ، انا بتمرقع
سيف: اه
ديما: طيب لعلمك بئه انا شغاله مع انكل اشرف مش معاك يعنى انت ملكش دعوه بيه ولو انا بشتغل معاك يبقى هستقيل وعن أذنك
خرجت ديما من غرفة الاجتماعات وهى غاضبه من كلام سيف

لاحظ أشرف الجدال بين سيف وأشرف فذهب اليه

اشرف :فيه حاجه يا سيف
سيف : لأ ،مفيش
اشرف : انت شديت انت وديما
سيف وقد خلل صوابعه فى شعره : لأ يابابا
اشرف : خف على ديما ياسيف
سيف : وانا عملت لها حاجه انت مش شايف هى بتعمل ايه
اشرف : عملت ايه
سيف: معملتش يابابا ،شوف حضرتك هما خلصوا ولا لأ خلينا نخلص الزفت ده ويغوروا من هنا
اشرف : طب روح نادى ديما
سيف : اوك

خرج سيف ينادى ديما فوجدها مشغوله بتسجيل الملاحظات على جهاز الكمبيوتر

سيف: ديما
ديما: خيرررر
سيف: الاجتماع هيبدأ
ديما: اتفضل حضرتك وانا جايه وراك
سيف: مش بقولك مابتعرفيش تقولى حاضر

نظرت له ديما بغضب ولم ترد

فى غرفة الاجتماعات بعد أستئناف الاجتماع بعد الاستراحه ، جاء دور فرانكو ليتحدث وديما تترجم

فرانكو:ان افكاركم مميزه سنيور اشرف وتتميز بالبساطه وأيضا بالجمال
ترجمت ديما
اشرف : أسأليه ان كان ليه اى تعليق على اى حاجه من الانشاءات
ترجمت ديما
فرانكو : لي بالطبع بعض الملاحظات ولكن لن اخبركم بها الان ،لاحقا
ترجمت ديما
سيف : ليه بعدين ان شاء الله
ترجمت ديما
فرانكو:اريد ان اعيد ترتيب افكارى ،هل لهذا ونظر الى سيف بأستهزاء اى مانع فى ذلك

وقف سيف غاضبا: بيقول ايه ده ،واقسم بالله ياديما لو ماقلتى لهيكون ليه تصرف معاكى ياديما مش هيعجبك
ديما: هو فى ايه ،هو مقالش غير انه محتاج وقت يرتب افكاره
سيف: ياسلام ،امال كان بيبص لى كده ليه
ديما: لأ اسمحلى انت مريض ، اظن كده الاجتماع انتهى وهما هيحددوا ميعاد تانى للاجتماع النهائى ،ونظرت باتجاه أشرف : متهيألى مهمتى كده تنتهى ولا محتاجنى فى حاجه تانى يا بشمهندس اشرف
اشرف : لا يابنتى روحى انتى

نظرت ديما الى سيف بتحدى وخرجت
نظر فرانكو الى سيف وتحدث مع زملائه وخرج من الباب
سيف بغضب : رايح فين ده
اشرف: وانت مالك وماله
سيف : لأ طبعا مالى ،خارج وراها طبعا وسع كده يابابا لو سمحت

خرج فرانكو وراء ديما ووجدها تجلس على مكتبها

فرانكو : مرحبا مره أخرى ايها الجميله
ديما وقد تفاجئت : مرحبا سنيور
فرانكو وقد جلس على حافة مكتبها ومد رجليه بتسليه: اوه سنيوره ليس هناك داعى للرسميات نادينى فرانك فقط
ديما بأرتباك : آه. ،، لا أعلم

خرج سيف ووجد ديما تتحدث مع فرانك وهو يجلس على مكتبها وقريب منها جدا فأستشاط غضبا

سيف بصوت عالى : ديما
ديما: نعم
سيف : بيعمل ايه البيه هنا
ديما بأرتباك: هو ،اصله
نظر فرانكو الى سيف وقال لديما: ما مشكلته هذا
ديما : سنيور فرانك من فضلك
فرانك: لقد اخبرتك ديما انها فرانك فقط

أزداد غضب سيف وذهب الى فرانك وأمسكه من ياقة قميصه
سيف: انا عايز افهم انت بتقول اييه
حاولت ديما ان تنبعد يد سيف عن فرانكو

ديما: شيل أيديك مايصحش كده انت اتجننت خالص
سيف؛مش هسيبه الا لما يقولى كان بيقول ايه
ديما: سيبه ياسيف هو مش هيعرف يفهمك

كان فرانكو ينظر الى سيف بنظرات تسليه

نظر فرانكو لسيف وقال له بأنجليزيه ركيكه : مامشكلتك انت
سييف: ما انت بتتكلم انجليزى اهو امال عامل فيها عبيط ليه جوا
نظر له فرانكو بعدم فهم : ..........
سيف: ماترد
ديما: مش هيفهمك هما كام كلمه انجليزى بس الى عرفهم ، سيبه بئه انا مش عارفه اه الى حصل لك انهارده

تركه سيف على مضض عندما وجد أبيه والمهندسين الايطاليين خارجين من الغرفه

فرانكو وهو ييعدل ثيابها: سنلتقى مره اخرى جميلتى ، الى اللقاء

مد يديه الى ديما لييسلم عليها ومال عليها ليقبلها على وجنتيها ، وصل سيف الى قمة غضبه فدفعه بعيدا حتى أوقعه ارضا

نظر سيف الى ريكاردو واخبره بالانجليزيه : أخبره انه من غير المسموح لأى احد ان يقبل نسائنا

ترجم ريكاردو لفرانكو ماقاله سيف

رد فرانكو على ريكاردو بشئ جعل ديما تشهق بصوت عالى

نظر سيف الى ريكاردو : ماذا قال

رييكاردو: انه يقول انه لم يكن يعلم انها أمرأتك
ديما : مبسوط حضرتك بالى فهمه

نظر لها سيف بسخريه : اه مبسوط
وتركها ودخل الى مكتب أبيه

ظلت ديما تغلى ولم تستطيع ان تركز فى عملها
ديما لنفسها : لأ والله ماهسكت ،انا هفضل أهرى وانكت فى نفسى كده لأ انا هدخل له

طرقت ديما باب سيف
سيف: أدخل
دخلت ديما الى مكتب سيف
سيف : نعم
عقدت ديما يديها حول صدرها

ديما: ممكن افهم ايه الى انت قلته بره ده
سيف : انا مقلتش حاجه هو الى فهم لوحده
ديما: وانت ماحاولتش تصححله
سيف : يهمك اوى فكرته عنك
ديما : ماتغيرش الموضوع ، انت عارف انه مايهمنيش فى حاجه بس ماتوصلش انه يقول عليه كده
سيف: قال ايه ،اه انك أمرأتى
ديما: انت فاهم الكلمه دى معناها ايه
سيف وهو يضيييق عينه: لآ مش فاهم فهمينى مش انتى المترجمه
ديما: يعنى عشيق.......
سيف مكملا: عشيقتى يعنى وايه يعنى
ديما: انت مش هامك ،مهو طبعا هو انا اهمك فى ايه ولا سمعتى تهمك فى ايه

لف سيف حول مكتبه ووقف أمامها

سيف: غلطانه ديما ، أكيد انتى تهمينى
ديما: لدرجة انك تخليهم يفتكروا انى ......
سيف: عشيقتى ، أمرأتى اى حاجه بس عشان أحميكى منه
ديما : من ميين
سسيف : من فرانكو ياديما ، انتى ماشفتيش كان بيبصلك ازاى
ديما: قلت لك قبل كده انا اقدر أحمى نفسى كويس

سيف : وليه توصليه انه يخليكى تحاولى تحمى نفسك ، انا حميتك
ديما : لأ اسمحلى انت كنت بتحمى رجولتك لكن مش بتحمينى

عاد سيف الى مكانه مره أخرى

سيف بهدوء : أحسبيها زى ماتحسبيها ديما
ديما: اوكى يابشمهندس ، انا هخرج بس اول حاجه هعرفها لفرانكو لما اشوفه المره الجايه انه فهم غلط
سيف: جربى تعملى كده ديما وهتشوفى منى رد فعل مش هيعجبك
ديما: أنت بتهددنى يابشمهندس ، أوكى وانا مابتهددش وهتشوف

خرجت ديما من الغرفه وصفقت الباب خلفها

غضب سيف من تحدى ديييما له

أمسك سيف بهاتفه واتصل بماريهان
سيف : الو مارييهان ، انا جايلك بليل ......

ظلت ديما طوال اليوم تواصل عملها ولكنها كانت تشعر بالغضب الشديد وتنفست الصعداء أخيرا عندما انتهى وقت عملها فلملمت أشيائها وخرجت من الشركه

بعدما انتهى سيف من عمله ذهب الى منزله ولعب مع ابنته قليلا
كارما: بابى انت عارف نانا رجاء قالت لى ان صحبتها نانا منى هتيجى وتجيب بنوته صغيره اسمها زينه تلعب معايا
سيف: بجد طب كويس ،انا عايزك تنبسطى اوى واوعدك فى اخر الاسبوع هنخرج انا وانتى خروجه حلوه اوى
كارما: وناخد دودى معانا
سيف:: ايه ناخد مين
كارما : ديما يابابى
سيف : هنشوف ياحبيبتى انا هطلع اريح شويه فى أوضتى عشان خارج بليل ،قولى لنانا محدش يصحينى
كارما : اوك يابابى

فى الليل بشقة ماريهان

ماريهان وهى تحضر كأس لسيف : انا مبسوطه اوى يابيبى انك صدقت فى وعدك وجيت
سيف: اكيد سيف الجيار مايرجعش فى كلمته
ماريهان: طبعا ياحياتى

أمسك سيف بصوره لماريهان كانت موضوعه على طاوله

سيف: حلوه الصوره دى كانت فين
ماريهان: اه دى فى اليونان
سيف: انتى سافرتى اليونان
ماريهان: يوووه ياببيى انا سافرت كتير اوى ،انا كل لما أطلق أقفش من طليقى مبلغ وأسافر بره
سيف: سافرتى فين غير اليونان
ماريهان: سافرت اليونان وامريكا وفرنسا وايطاليا واسبانيا ودبى وعمان وقطر
سيف: سافرتى ايطالييا
ماريهان: اه مرتين
سيف: على كده بتتكلمى أيطالى كويس
ماريهان: اه
سيف: بجد بتعرفى
ماريهان: اه متفاجئ ليه
سيف : لأ مش متفاجئ انا فرحان فرحان اوى
ماريهان: كل ده عشان الايطالى ،واقتربت منه بخبث .... قولى يابيبى الايطالى هيفيدنا فى ايه فى الى احنا هنعمله
سيف : أستنى بس ياماريهان : قولى لى انا عايز منك خدمه
ماهى : أؤمرنى يابيبى
سيف: احنا عندنا وفد مهندسين ايطالين عشان مشروع القريه الجديده وكنت محتاجك تكونى المترجمه ،يوم واحد مش اكتر من ٣ساعات يعنى بالكتير وهديكى الى انت عايزاه
ماريهان : شور يابيبى دى حاجه بسيطه جدا قولى ع الميعاد وانا هكون موجوده
سيف : ماشى والى انت عايزاه
ماريهان وهى تعض على شفتيها بحركه مثيره : عاوزك انت ،تعالى بئه

دخل سيف وماريهان الى غرفتها ..............
مر يومين استمر فيهم العمل ،لم يتحدث فيهم ديما وسيف الى ببعض كلمات قليله ،الى ان جاء يوم الاجتماع الثانى للمهندسين الايطالين وعلمت ديما ان سيف أتى بفتاه لتقوم بدور المترجم ، حاول اشرف ان يفهمها بطريقه لبقه ان ذلك لتخفيف العبء عليها نظرا لانها تقوم بدور المترجم وتدوين الملاحظات ، لم تقتنع ديما ولكنها لم تملك الا ان توافق

دخلت ماريهان الشركه بجيب أسود قصير للغايه وقميص ذهبى ضيق جدا وتركت شعرها الاشقر المصبوغ منسدلا على ظهرها

ماريهان : هاى ،هو مستر سيف جوا
ديما : ايوه اقوله مين
ماريهان : لأ مفيش داعى انا هدخله
ديما: لأ حضرتك ماينفعش ، انتى قولى اسمك وانا ابلغه

كانت ماريهان تهم بالرد على ديما لكن خروج سيف من غرفتها منعها

سيف : ايه ده ماريهان ، انتى جيتى
ماريهان واقتربت منه وقبلته على وجنتيه امام نظرات ديما المتفاجئه : انا مواعيد مظبوطه جدا زى كل حاجه فيه ولا ايه
سيف وقد ارتبك من جرأة ماهى وتقبلها له امام ديما: آ ه ه أكيد ، ياله عشان الاجتماع هيبدأ

ذهب سيف مع ماريهان وتبعتهم ديما

وصلوا الى غرفة الاجتماعات وكان هناك اشرف والثلاث مهندسين دخلوا وجلسوا مثل المره السابقه ولكن بدل مكان ديما جلست ماريهان وجلست ديما امام ريكاردو وألييسيو

نظر فرانكو الى ديما واومئ له برأسه فردت عليه بنفس الحركه ثم أعلمته ماريهان بالايطاليه انها ستكون مترجمته الجديده ،فأبتسم ولم يعلق

بدأ الاجتماع وأستمروا فى تبادل وجهات النظر والاراء والافكار وكانت ماريهان تترجم افكار فرانكو

بعد انتهاء الاجتماع خرجت ديما الى مكتبها ،بعدها خرج المهندسين الثلاثه ومنهم فرانكو الذى ذهب اليها

فرانكو : انه غيور
ديما: من تقصد
فرانكو : رجلك
ديما : لقد فهمت غلط سنيور انا لست بأمرأته وهو ليس رجلى

ضحك فرانكو : ولكنه قال
قاطعته ديما: انه مخطئ
خرج سيف مع ماريهان التى ظلت تتحدث معه فى غرفة الاجتماعات وعطلته عن اللحاق بفرانكو الذى لاحظ انه خرج وراء ديما ، وكما توقع وجده يتحدث معها

علم سيف ان ديما أخبرته انه كان مخطئ فى اعتقاده انها امرأته

سيف : ماريهان معاكى عربيتك ولا ابعت حد يوصلك
ماريهان : أخص عليك يابيبى عايزنى أمشى بسرعه كده
سيف : انا هبقى اجيلك ياماريهان ، ده مكان شغل
ماريهان : انا عايزه بس اشوف مكتبك

نظر سيف بأتجاه ديما التى كانت مندمجه فى الحديث مع فرانكو ونظر لها بغيظ

سيف : مدام ديما لما تخلصى مع الاستاذ ياريت تدخلى لى عشان عايزك
ديما من غير ان تنظر بأتجاهه : حاضر

سحب سيف ماريهان من ذراعها ودخل الى غرفته صافقا الباب خلفه

انتهت ديما من الحديث مع فرانكو بعدما أفهمته انها غير متاحه لأى نوع من العلاقات وهو تفهم وجهة نظرها وأحترمها وطلب منها ان يكون صديقها ، ذهب فرانكو وعلمت ديما انها الان امامها معركه مع سيف

فى غرفة المكتب الخاصه بسيف

ماريهان : اللله ياببيى مكتبك ذوقه وااااو
سيف : شكرا
ماريهان : بقولك ايه، ماتشغلنى معاكى
سيف: نعم هو انت عشان ترجمتيلك كلمتين خلاص ، انتى مش بتاعت شغل ياماهى مش هنضحك على بعض
ماريهان : ليه بتقول كده ، على فكره انا اشتغلت ٣سنين فى شركة أفرست وأسال ماجد
سيف : انت كنتى بتشتغلى فى شركة ابو ماجد
ماريهان: اه ،بس لما صفوا الشركه أعدت ومن ساعتها مش لاقيه مكان مناسب ،ها قلت ايه موافق
سيف بتفكير : اوكى بس مش هيكون هنا ،انا بوضب شركتى الجديده اوعدك هتكون انتى سكرتيرتى ،ها مبسوطه ياستى
ماريهان جريت عليه وتعلقته برقبته : ميرسى اوى يابيبى

أقتربت ماريهان من سيف وقبلته

طرقت ديما الباب ولكن لم يرد أحد فأخدت نفس وقررت ان تفتح الباب وتدخل ولكن عندما دخلت تفاجئت ب.................

noor elhuda likes this.


التعديل الأخير تم بواسطة rontii ; 27-04-16 الساعة 10:21 PM
امانى الياسمين غير متواجد حالياً   رد مع اقتباس
قديم 27-04-16, 10:41 PM   #87

rontii

مشرفة وكاتبة في منتدى قصص من وحي الأعضاء ومحررة واعدة بعمود الأعضاء

alkap ~
 
الصورة الرمزية rontii

? العضوٌ??? » 289729
?  التسِجيلٌ » Feb 2013
? مشَارَ?اتْي » 20,876
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » rontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond reputerontii has a reputation beyond repute
?? ??? ~
ﻻ إله إلا أنت سبحانك إني كنت من الظالمين
افتراضي

اهو سيف ده مثال للراجل الخاين بس غيور علي حبه
يعني ملشي يتسرمح مع بوز الاخس ماريهان و شرب و صياعة و عشان ديما كلمت الراجل كلمتين قلب الدنيا
يالا اشرب بقي ز هتتنفخ بعد ما تتقفش علي ايد ديما بعون الله


rontii غير متواجد حالياً  
التوقيع














رد مع اقتباس
قديم 28-04-16, 12:20 AM   #88

modyblue

نجم روايتي

alkap ~
 
الصورة الرمزية modyblue

? العضوٌ??? » 321414
?  التسِجيلٌ » Jun 2014
? مشَارَ?اتْي » 19,073
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

ههه ده سيف اتظبط حيلاحقها منين والا منين وايه قلت التربيه ال هو فيها ويزعق لها عل الايطالي مش باقول انه عنده فصام واخوها ياسر ده مصدق يسيبها الغربه غيرته ف انتظارك الفصول بتحلو

modyblue غير متواجد حالياً   رد مع اقتباس
قديم 28-04-16, 06:52 AM   #89

شموخي ثمن صمتي

? العضوٌ??? » 179150
?  التسِجيلٌ » May 2011
? مشَارَ?اتْي » 2,118
?  نُقآطِيْ » شموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond repute
افتراضي

شـكــ وبارك الله فيك ـــرا لك ... لك مني أجمل تحية .

شموخي ثمن صمتي غير متواجد حالياً  
التوقيع
[SIGPIC][/SIGPIC]
رد مع اقتباس
قديم 28-04-16, 08:40 AM   #90

um soso

مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي

alkap ~
 
الصورة الرمزية um soso

? العضوٌ??? » 90020
?  التسِجيلٌ » May 2009
? مشَارَ?اتْي » 33,769
?  مُ?إني » العراق
? الًجنِس »
? دولتي » دولتي Iraq
?  نُقآطِيْ » um soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond reputeum soso has a reputation beyond repute
افتراضي

هو سيف طبيعي ؟؟
صياعه وشرب وعلاقات محرمه ابن الحاج
ويجي عند ديما ويقفل

نترك كل شيء
لو فرضنا ديما تريد ان تبدأ حياة جديده ونست الماضي وتقدم لها واحد مثل سيف هل من الممكن ان تقبل به ؟؟

الان مريهان ستعمل معه ومع انفلاتها وتساهل سيف ستحدث مصايب وديما ستكون شاهده
يعني حساب سيف كل يوم يثقل بالسيئات


um soso غير متواجد حالياً  
التوقيع
روايتي الاولى وبياض ثوبك يشهدُ

https://www.rewity.com/forum/t406572.html#post13143524

روايتي الثانيه والروح اذا جرحت
https://www.rewity.com/forum/t450008.html





رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:48 PM



Powered by vBulletin®
Copyright ©2000 - 2024, vBulletin Solutions, Inc.