ولأني أغار عليك من قصائد الأخرين أصبحت شاعر / للكاتبة بشاير

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية ولأني أغار عليك من قصائد الأخرين أصبحت شاعر للكاتبة بيشا بنتن لمحمد قراءة ممتعة للجميع........

[لامارا]

بسم الله الرحمن الرحيم

السلام عليكم ورحمة الله وبركاته

طبعا هذي مو اول روايه لي
.. نزلت رواية "أنا مجنونك "
وروايتي الثانيه الغير مكتمله بسبب ظروف "اكملت كتابة روايتي هذه بعنوان

"ولأني اغار على مسامعك من قصائد الاخرين أصبحتُ شاعر"

ان شالله تنال اعجابكم وهالله هالله بالردود الحلوه والتوقعات

[لامارا]

. .

إنتبه لي
ولا تعب متني
من حمول الليالي
شيل حملي
حب زلاتي
قبل لا تحب نبلي
ولا تعزبت السهر
ابغاك أهلي
ولا حزنت
و جيت اببكي
ابك قبلي
إنتبه لي !
"خلف الضيف "
.
.
البارت الاول
صحيت من النوم شفت الساعه كانت5:30
رحت وتوضيت وصليت الفجر ، صحيت خواتي عشان ماتروح عنهم الصلاه ونتجهز للمدرسه .
حنا ثلاث بنات في غرفه وحده رنيم ونوره وانا ،عرفتنا صغيره يادوب ماخذه دولاب الملابس والاسره الثلاث
انا : يلا ياكسولات قومو ورانا دوام
رنيم بكسل : تكفين سمر بعدي عني ابي انام مافيني اداوم اليوم .
نوره : حتى انا مانمت الا متأخر امس .
سمر عصبت : بتقومون ولا انادي خالد
رنيم ونوره قامو بسرعه
رنيم: لا خلاص الا خالد مابي اشوف وجهه "وراحت للحمام اكرمكم الله
رحت سويت فطور لهم وصحيت خالد للجامعه ودخلت غرفة ابوي كان قاعد على سريره ويقراء قران
:صباح الخير يبه
ابوخالد بأبتسامه : صباح النور
سمر : سويت فطور تعال افطر معانا
ابوخالد نزل القرآن : يالله الحين اجي
تجمعنا على الفطور كلنا كان ناقص بس امي .
خالد : يالله خلصو اوصلكم بطريقي لـ مدارسكم .
نوره قامت تلبس عباتها :يالله خلصنا فطور الحين نمشي
رنيم قامت تلبس معاها
ابوخالد : خوذو هذي فسحتكم
رنيم اخذتها : تسلم يبه وطلعو .
ابوخالد : سمر ماعندك دوام
سمر : لا يبه اليوم عندي اوف
قام ابوخالد : يالله انا رايح الدوام .
سمر : بحفظ الله .
___________________
عند البنات مع خالد
نوره : خالد شغل لنا شي نسمعه
خالد : يالله صباح خير الناس تذكر الله وانتي تبين شي اشغله.
رنيم جالسه قدام : وش عندك صاير هادي هالايام فاقدين ازعاجك
خالد عطاها نظره : فاقده التكفيخ شكلك ، بس وش اسوي الجامعه ماخذه كل وقتي.
نوره تمتم : الحمدلله دوم يارب
خالد : ايش ماسمعت .
نوره تسلك :اقول الله يوفقك يارب.
خالد وقف عند المدرسه : يالله دحدري.
نزلو البنات وراح خالد الجامعه
_______________
في بيت ابو خالد
جلست لحـالي فـ البيت نظفته خلصته جلست على سريري اتذكر قبل ظ،ظ¢ سنين كنا متجمعين حول امي وتقولنا قصه وكان عمري ظ¨ ورنيم ظ¦ سنوات ونوره ظ¥سنين وخالد عمره ظ،ظ¢
دخل علينا ابوي وهو معصب وبيده ظرف ابيض ويصارخ على امي : انا تخونيني ياسناء وتطلعين مع غيري حسبي الله عليك
امي رتبكت : لا تتهمني باطل وانت ماعندك دليل .
انا كنت خايفه وماسكه خواتي يبكون
صرخ علي ابوي :انقلعو للغرفه
رحنا بسرعه وحنا مرعوبين سكرنا الباب .
وبعدها سمعنا صراخ امي وابوي يعلى و؛قطع علي هالذكرى الحزينه صوت جوالي كانت الجوهره بنت عمي : هلا جوجو
الجوهره : هلا سموره كيفك .
سمر : تمام الحمدلله انتي شلونك .
الجوهره : تمام الحمدلله ، يوم الخميس عندي جمعة بنات ولازم تجين انتي والبنات.
سمر: ان شالله بكلم ابوي ونجيك .
الجوهره: يالله حبيبتي فمان الله .
سمر : مع السلامه .
سكرت ورحت اسوي غداء باقي كم ساعه ويجون البنات وابوي وخالد .
__/______
عند ابو خالد
دخل الشركه وسلم على ابو احمد اللي يشتغل معه بنفس المكتب من تأسست الشركه .
ابوخالد : شلون العيال عساهم طيبين
ابو احمد : الحمدلله بخير وعافيه
دخل سالم سكرتير المدير : ابوخالد ، طويل العمر طالبك .
ابوخالد وقف : يالله جاي .
راح المكتب طق الباب : تفضل.
ابوخالد دخل : امر طال عمرك.
..: هذي اوراق صفقات مهمه ابيك توصلها لـ ابو راكان بالبيت ومابي احد يعرف انها كانت معك
ابوخالد : ابشر
..: ماطلبتك يابوخالد الا انا عارف بأنك رجال امين .
ابوخالد :تسلم طال عمرك ،تأمر على شي ثاني .
ابوفهد : سلامتك .
طلع ابوخالد واخذ الاوراق وشاف ابو احمد بوجهه
ابواحمد : ويش يبي منك المدير
ابوفهد مسك الملف بيده الثانيه: ولا شي شغل بسيط وطلع
_______________
رجعو البنات وخالد للبيت
رنيم : افف زهقت حرر
نوره جلست على الارض :وانا مثلك مت ياربي
سمر :بدال هالتذمر قولي اللهم اجرنا من حر جهنم واحتسبي الاجر .
نوره وقفت : بقوم اصلي ، ترا جوعانه مره .
سمر قامت : يالله صلو على ما يوصل ابوي واحط الغداء
____________
..:انا متاكد ان معه الاوراق اللي تبيها انت
..: شلون عرفت ؟
..: واضح هو دايم يطلبه المدير عشان يوصل الاوراق المهمه ل ابو راكان .
..:كيف نوصلها طيب .
..: هو اكيد الحين يرجع البيت والعصر يوديها له .
..: انا اقولك كيف ....

______________
وصل ابو خالد البيت .
بعد الغداء
سمر : يبه العصر ابي تروح المكتبه.
ابوخالد: ان شالله صحيني على صلاة العصر
.___________
________ انتهى البارت الاول ___

[لامارا]

. البارت الثاني

.
.
.
‏❥�� .

ان جيت مره حلم
لا تسأل شجابك ؟
القلب تاب الناس
ويموت ما تابك
ويمر هذا العمر
ولا يكبّرني
إلا عن عتابك
وأصغر بوجه الشوق
وأكبر من غيابك !
.
_____________
العصر صحيت ابوي ولبست عبايتي عشان اروح المكتبه .
رنيم : وين تبين تروحين
سمر : المكتبه
رنيم :جيبي لي معك اقلام تحديد
سمر : طيب ابشري.
ركبنا السياره كان الجو هادي قال ابوي : ابي امر بيت ابو راكان انزل عنده اوراق مهمه وبعده نروح المكتبه
سمر : اوك ماعندي مشكله
وصلنا الحي اللي فيه ابو راكان كان كله قصور وفللّ فخمه وجميله وقف ابوي السياره عند الباب ونزل مسكت جوالي اطقطق فيه لين يطلع لمحت رجال لابس ملابس الشرطه ويناظر السياره ، خفت نزلت عيوني وكملت اطقطق بجوالي خمس دقايق طلع ابوي سلم على الرجال ومشينا
سمر : من هذا اللي سلمت عليه .
ابوخالد : هذا راكان ولد مدير الشركه ، تارك كل العز والفلوس ومتعب حاله بالشغل الله يوفقه
سمر : امين
________
راكان
كنت توي جاي من الدوام ولمحت سيارة ابوخالد عند الباب وكان فيها بنت ، ابوخالد رجال طيب ومافي منه له احترامه طلع وسلمت عليه ودخلت البيت : السلام عليكم
ابوراكان : وعليكم السلام .
ام راكان: وعليكم السلام ، هلا يمه .
جلست جنب امي : جوعان مره .
ام راكان وقفت : يخسى الجوع وانا موجوده دقايق اكلك يكون جاهز .
راكان : الله يخليك لنا .
..: اخيراً شفناك راكانوه
ابتسم راكان : هلا بالدوبه رنا.
رنا ترميه بالخداديه : حماار لا تقول دوبه .
ابوراكان : ولد ماتشوفها ذابحه حالها بالرجيم و تقولها دوبه ههههههههه
راكان : ههههههههههههههه ايوا الله
رنا وقفت وهي زعلانه : كمان انت يا بابا زعلانه منكم .
ابو راكان وقف وجلس جنبها : مانقوى على زعل رنا الغاليه
رنا ابتسمت بدلع : وانا اقدر ازعل منك. .
راكان كشر : ياشين الدلع عليك .
رنا تطلع لسانها: غيران
دخلت ام راكان : شفيكم على ولـ قطع عليهم جوال راكان
: الو .. طيب جاي
_____________________
عند المكتبه
ابوخالد : خلصتي اغراضك ؟
سمر : المكتبه مافيها طابعه ولازم اصور الاوراق .
ابوخالد : هاتيها اصورها لك من المكتبه الثانيه .
سمر تعطيه الاوراق : تفضل .
__________
..بأستعجال:هادي شوف نزل من السياره
هادي يشغل السياره : بوقف قريب منه وانت انزل .
..: طيب اسرع قبل يطلع
نزل سالم وتلثم ودخل المكتبه
سالم قرب من ابوخالد : السلام عليكم.
ابوخالد صافحه :وعليكم السلام امر .
سالم : وين الاوراق يابوخالد .
ابو خالد فهم عليه : خلاص وصلت ولا تحاول ابد اني اعطيكم شي يخصه، وبلغ اللي وراك ماراح تحصلون من وراي شي .
سالم قرب منه : اجل تحمل مايجيك "ودخل السكين في بطنه
طاح ابوخالد على الارض وهرب سالم
وصاحب المكتبه اتصل على الاسعاف والشرطه
_______________
سمر " حسيت ابوي طول فالمكتبه دقايق الا وصل الاسعاف حسيت قلبي عورني خفت ابوي صاير له شي نزلت بسرعه ورحت المكتبه اللي فيها ابوي حسيت بدوخه ابوي على الارض ودم والمسعفين حوله قربت ومسكت يده وعيوني مغرقه دموع : يبه يبه قووم
..: لو سمحتي ابعدي عنه حالته خطيره لازم ننقله
سمر بصوت باكي : يعني ابوي بيموت.
نقلوه بالاسعاف والشرطه بكل مكان
اتصلت على خالد
سمر : خالد الحق ابوي بيموت
خالد انفجع : بنت اهدي وش السالفه وينكم فيه
سمر : بمكتبة".. تعال بسرعه
___________
عند راكان
ابوراكان : وش فيك مستعجل
راكان : فيه بلاغ جاني لازم اطلع .
طلعت اتجهت للموقع قربت من الاسعاف انصدمت : ابوخالد
حمد : راكان تعرفه ؟
راكان : ايه يشتغل عند الوالد ، شلون صار كذا
قاله كل السالفه : ومعه بنته ههناك واقفه
راكان : مامسكتو اللي طعنه ؟
حمد ويقلب للاوراق : للحين ماعرفنا شي الا سيارته فورد سوداء
راكان : كملو بحث واي معلومه جديده كلمني على طول .
راح حمد وقربت من البنت : لو سمحتي .
سمر. بصوت مخنوق : نعم .
راكان: انتي بنت ابو خالد .
سمر ببكى : ايه ، ابي اروح له المستشفى تكفى ودوني لـ ابوي
راكان ارتبك من عيونها اللي مليانه دموع : طيب امشي معي .
سمر مشت معه وركبت ورا
راكان اسرع فيها للمستشفى
دخلو بسرعه عند الرسبشن : حمد الـ .. طلع من العمليات ؟
الموظف: بغرفة العمليات ، بالدور الثاني .
__________
عند خالد
بعد اتصال سمر قلب موازينه قلبه يرجف خايف يفقد ابوه، متعلق فيه كثير ، يحس الحياة صارت سوداء.
دخلت رنيم مفجوعه من صوته : خالد وش فيك ليش تصارخ ؟
خالد يرجف : ابـ..وي بالمسـ..ـتشفى "
طلع بسرعه وترك رنيم لحالهـا.
____________
عند سممر " واقفه عند باب غرفة العمليات وتبكي "
راكان رقّ قلبه عليـها
قال يبي يطمنها ويهديها : ان شالله يقوم بالسلامه ادعي له .
سمر وصوتها مخنوق من البكا :ان شالله يـ...قاطعها خالد : سمر ايش فيه ابوي ؟
سمر شافته وانهاارت : ابوي تعبان يمكن يموتت.
خالد اختفى صوته : ايش تقولين .
سمر وهي تضمه : مابي ابوي يروح ويخلينا مثل ماما ، كلنا نحتاجه .
خالد ضمه له اكثر : : ان شالله ماراح يصير له شي .
راكان حس شكله غلط : الله يقومه لكم بالسلامه ، ايش تحتاجونه انا موجود
خالد""يعرف راكان بس علاقته فيه سطحيه " : الله يسلمك ، ماتقصر ياخوي
'"طلع الدكتور""
خالد : طمنا ي دكتور
الدكتورينزل الكمام : الحمدلله نجحت العمليه ، بس راح يكون العناية اليوم وبكره اذا تحسنت حالته نقلناه للجناح.
خالد بفرحه: الله يعطيك العافيه ي دكتوور الحممدلله
سمر مسكت يد خالد وتمتمت بالحمدلله
راكان : الحمدلله على سلامته
خالد : الله يسلمك ، ماقصرت تعبت معانا روح ارتاح .
راكان صافحه : الله يسلك انا رايح بطمن الوالد وبكره بنجي بكره ان شالله
وطلع
عند رنيم نوره ماتو خوف على ابوهم بس ماايدرون ويش يسوون يتصلون على سمر وخالد مايردون .

رنيم بخوف : ياربي ايش اسوي م يردون قلبي بيوقف من الخوف
نوره تبكي : اخاف ابوي صار له شي .
رنيم تضمها : لا ان شالله مافيه شي
نوره : خلينا تصل على عمي ابو يزن
رنيم : انتظري اذا مااتصل خالد نكلم عمي.
سمعو طق الباب
رنيم خافت : يمه من بيجينا الحين .
نوره مسكت يدها : خلينا نشوف يمكن خالد وسمر .
راحو يفتحونه مع بعض : مين ؟
"""
""انتههههى البارت ""

[لامارا]

\\

‏
و ما تقرا
اسولف لك
و انزف لك
و اعزف لك
و لا تقرا
اصير الليل
و اظلّم على شانك
و تختار النهار و تترك المسرى
و تجرحني
و من حبك
اضم الجرح
و اتمناه ما يبرى
و افرح بك
و انا المهزوم في حربك
و قلبي و الدموع و ضحكتي :
اسرى
و اذا شفتك
احس اليوم يتفاخر على بكرا
و اذا شفتك
انا ناسي معك نفسي
شلون بلحظة النسيان هذي تنولد ذكرى!
.
#خلف_الضيف

""البارت الثالـث""

سالـم بخوف : بس نفذنا اللي قلت لنا .
...بعصبيه : انا قلت لك اقتله ؟ قلت خوفه اجرحه موو اقتله.
هادي : ايش نسوي الحين .
...: يل اغبياء الحين الشرطه اكيد تدور عليكم ، اطلعو من الرياض باسرع وقت روحو القصيم اعرف رجال هناك راح يساعدكم.
هادي : احمد عطني مفتاح سيارتك اكيد الحين يدورون عليها .
احمد مد له المفتاح : امششو بسرررعه.
طلعو سالم وهادي متوجهين للقصيم .
______________
عند رنيم ونوره "
راحو يفتحونه مع بعض : مين
..: انا الجوهره افتحو .
نوره بسرعه فتحت لها ودخلت.
الجوهره : السلام عليكم.
نوره ورنيم : وعليكم السلام .
الجوهره شافت نوره وجهها احمر : لاتخافين يانوره ان شالله مافيه شي ،ابوي راح لهم الحين.
رنيم بخوف : ماقالك ايش فيه
الجوهره وهي تجلس : لا هو مايدري اتصل عليه خالد وراح.
رنيم : اجل من جابك هنا.
الجوهره : وليد .
نوره بحزن :احس ابوي فيه شي الموضوع مو سهل .
الجوهره : لاتقولين كذا تفائلي بالخير.
رنيم راحت المطبخ وهي تحس بغصه ، ماتبي نوره تشوفها تبكي وتضعف بهمس : يارب احفظهم .
____________
"بمكان ثاني "
"بمكتب الشرطه"
الساعه ٨:٣٠م
...: ياعسسكري
العسكري : امر ياطويل العمر
راكان وبيده اوراق :ناد لي الضابط تركي بسرعه
العسكري : حاظر
دقايق دخل الضابط
راكان : لقيت ادله عليهم ؟
تركي جلس على الكرسي : لقينا السياره وفيها السكين بس هم مالقيناهم .
راكان : عطني اسمائهم .
تركي : هادي الـ .. و سالم حميد.
راكان ينزل نظاراته : ايش تتوقع غايتهم من ابوخالد .
تركي : يمكن بينهم عداوه ؟
راكان : لا ابوخالد معروف ماله اعداء.
دق جوال راكان .
راكان : هلا يالغالي.
ابوراكان : وينك فيه ؟ ايش صار ل ابوخالد.
راكان : بالدوام ، الحمدلله طلع من العمليه وبس ماصحى للحين.
ابوراكان : عرفت اللي اعتداء عليه ؟
راكان : ايه بس للحين مامسكناهم.
ابوراكان : الله يقويك مع السلامه.
_____________
بالمستشفى
سمر شهقت : خالد نسينا البنات الحين اكيد مشغول بالهم علينا.
خالد : يووه نسيتهم "مسك جواله " يوه متصله رنيم اكثر من عشر مرات
سمر بخوف : ياربي كيف نسيتهم اتصل قول لهم شوي ونجي .
وصل ابووليد : طمنوني على اخوي ايش صار له
خالد يسلم على عمه : الحمدلله ياعمي تطمن حالته مستقره .
ابووليد: كيف صار له كذا.
خالد بحيره : والله ماندري ياعمي ، الشرطه تحقق
سمر : حسبي عليهم اللي سوو فيه كذا.
خالد وقف : عمي انا بروح اودي سمر للبيت البنات لحالهم واجي .
ابووليد بحزن :لا ارتاح انا بجلس عنده ، هذا حمد ي خالد ،هذا وصية امي قبل تموت .
خالد نزل راسه : الله يرحمه ، يلا ياسمر..
سمر توقف : عمي لا اوصيك على ابوي ، اذا صحى كلمنا.
ابو وليد هز راسه، وطلعو .
_______
بالقصيم السساعه ١٠:٢٦م
سالم وهادي وصلو حي شعبي قديم .
دقو الباب
طلع لهم شاب بالعشرين : السلام عليكم.
الشاب :وعليكم السلام ، امر اخوي.
سالم : هذا بيت سامي.
الشاب : اي هذا انا سامي .
هادي: حنا من طرف احمد .
سامي ابتسم : اي حياكم كلمني احمد.
دخلو سالم بهمس :اذا سألك لاتعلمه الصدق قوله له هوشه بسيطه .
هادي : لاتوصي ،فاهم .
دخل سامي معه القهوه : الله حيهم .
هادي : الله يحييك .
___________
وصل خالد البيت مع سمر "
دخلو : السلام عليكم.
البنات طارو بسرعه للباب وضمو خالد وسمر : خوفتونا عليكم ليش م تردون.
خالد يمسح على راس نوره : اعذروني والله نسيت كنت مشغوله با ابوي .
رنيم بعدت عن حضن سمر : ايش صار ل ابوي وينه ماجاء معكم.
سمر دمعت عيونها : هو الحمدلله بخير ، بس تعبان شوي بالمستشفى.
نوره بكت على طول : قلت لكم ابوي فيه شي كنت حاسه .
خالد ضاق صدره دخل ل الصاله وترك البنات انتبه على البنت اللي واقفه وتبكي عرفها على طول وبهمس : الجوهره
الجوهره بكت بزياده وغطت وجهها بكفوفها .
لف خالد عنها : اسف ماكنت ادري انك هنا "وطلع لـ غرفته "
دخلو البنات وجلسو مع بعض وكل وحده تبكي وتقول اللي بقلبها .
__________

✽~ على سبيل الجنون
أبوس صورتك كل
ما اشتقت لك .



الساعه ١٢رجع راكان البيت وهو تعبان دخل لـ غرفته وهو كاره نفسه "
دخل الحمام "اكرمكم الله "
واخذ شور ياحول يبعد عيونها عن تفكيره ، كل تفكيره فيها غزت خياله .
لبس ملابسه وانسدح على سريره ، طلع الصوره اللي تحت مخدته يتأملها ، ممعقوله غيرك يدخل هالقلب ، مسح على الصورهةوحطها على قلبه وبهمس يوجع : مستحيل احد ياخذ مكانك قلبي لك انتي وبس .
وغفى وهو ضام الصوره لقلبه .
_________
بيت ابو خالد
بعد مانامو نوره ورنيم وقفت الجوهره تلبس عباتها : يالله وليد جاء بروح البيت .
سمر وقفت معاها : نامي عندنا اليوم الله يخليك
الجوهره : بكره من الصبح وانا عندكم .
سمر تمشي معاها للباب :طيب ياويلك ماتجين
فتحت الباب وانصدمت انه واقف يبي يدق الباب ، انحرجت سمر وردت الباب عنها ،ضحكت عليها الجوهره :باي ياحلو
_ضحكت وسكرت الباب
_________
بسيارة وليد "

وليد كان ساكت
الجوهره: غريبه ساكت مو من عادتك .
وليد بهمس : مو مني من عيونها.
الجوهره ما سمعته : ايش ؟
وليد وصل البيت : ولا شي ،
انزلي .
دخلو البيت وسلمو علـى امهم
ام وليد : يالجوهره شلونهم بنات عمك .
الجوهره وهي تجلس : والله حالتهم حاله ، وسمر يالله ماسكه نفسها .
ام وليد تنهدت :من راحت امهم وسمر حامله كل اخوانها فوق راسها ، الله يصبرها بس.
جواهر بلقافه : يمه وين راحت امهم ؟
ام وليد سكتت شوي وقالت : الله يرحمها " وقفت راحت لغرفتها " تتحاشى اسألة بناتها .
الجوهره بحيره :ليش لاجبنا طاريها مايقوون لنا الصدق ، الموضوع شكله كبير حاسه انها ماماتت.
وليد : اقول لاتهلوسين من كبرنا قالو لنا ماتت ماشفناها ابد لو كانت عايشه ليه تاركه بناتها وولدها
...:كلام منطقي ياوليد .




" """ انتهـى الباارتت""" ـ
‏بالنهايه حُبك الغالب,وانا المغُلوب على أمري.

[لامارا]

\\

ياعظيمه
أنتِ جنّة قلبي

وحوّاء نعيمه

أنتِ من ربّـي بنات افكاري

وصارن قصايد

أنتِ من عطى لهذا الشعر قيمه

أنتِ غيمة

لأني اتبلّل بدمعي

كل ما أحضن

هدايـــاك القديـمه

* خلف الضيف *

"البارت الرابع "

...:كلام منطقي ياوليد .
الجوهره بصراخ : اليييث ججججيييتت.
اليث يضحك : لاتوني بالطيارهة.
الجوهره تسلم عليه : وحشتننا ي ووادد.
جواهر بسلام بارد : الحمدلله على سلامتك .
اليث مدبدون مايلتفت : الله يسلمك .
وليد يضمه : والله مشتاقين لك ، ليه ماقلتي استقبلك بالمطار .
اليث بأبتسامه ساحره : حبيت اسويها لكم مفاجأه.
الجوهره بفررحح : احلـى مفاجأه ، "بصراخ " يممما تعالـي شووفي من جااء
ام وليد نزلت بسرعه : وشـ.. يمما اللييييث " راحت تركض تضممه" الحمدالله على السلاامه يالغالـي.
اليث ضام امه : الله يسلممك ، والله ماتحملت اكثر اشتقتلك يالغاليه .
ام وليد ببكاء : خلاص يمه ماعاد تروح وتتركني .
اليث يمسح دموع امه : ابشري يالغاليه خلاص ماعاد اروح ببقى عندك واغثك .
ام وليد : والله انت اغلى عيالي.
ولييد شهق : وانا ييممهه ولد البطه السوداء .
ام وليد ضربته على كتفه خفيف : انت بكري واول فرحتي ، بس مشتاقه ل اخوك من شهور ماشفته .
الجوهره بغيره : مو كانك مكلمته امس سكايب .
ام وليد ببسمه : كلكم مثل بعض .
جواهر وقفت : تصبحون على خير . "وطلعت"
الجوهره باستغراب : ايش فيها هذي
وليد يرفع كتوفه : مدري
اليث يغير الموضوع : ايه وينه ابوي ما اشوفه .
الجوهره بحزن :بالمستشفى
الليث بصدمه وخوف : ايش فيه ابوي .
وليد : مافيه شي ، بس عمي بالمستشفى
اليث : ليه طمنوني ؟
وليد قاله السالفه
اليث وقف : الحمدلله على سلامته ، ابي انام عشان من الصبح بروح له
وليد وقف معه : تصبح على خير.
ام وليد والجوهره : نوم العوافي .
________________
اليوم الثانـي
الله اكـبر الله اكبـر
الله اكبر الله اكبر .
اشهد ان لا إله الا الله وان محمد رسول الله .
اشهد ان لا إله الا الله وان محمد رسول الله .
حي علـى الصلاه حي علـى الصلاه .
صحت سمر ووقفت : بسم الله
راحت للحمام تتوضى
طلعت لقت خالد لابس ثوبه : بتروح المسجد .
خالد يلبس جزماته : ايه ، تبون خبز ؟
سمر : الله يتقبل منك ،لا روح قبل تروح عليك الصلاه.
خالد طلع وسمر صلت وراحت تصحي خواتها.
سمر : نوره تبين تداومين ؟.
نوره بدون نفس: لا مالي خلق .
سمر : وانتي رنيم ؟
رنيم بحزن : عندي اختبار نهائي بس ماذاكرت مقدر اروح وكمان ابوي تعبان .
سمر تهديها : خلاص حبيبتي بكلم مدرستك اليوم يعيدونه لك بكره .
رنيم تضمها ببكا: لو ابوي يصير له ايش نسوي حنا مالنا احد
سمر خنقتها العبره : للتخافين ماراح يصير له شي ان شالله الدكتور طمننا عليه
رنيم : ابي ارووح له .
سمر تمسح دموعها : الساعه ظ© نروح كلنا ونشوفه وتطمنين عليه اوك .
رنيم : طيب
نوره طلعت من الغرفه وهي متضايقه
سمر شافتها بس ماعلقت : يلا رنوم نسوي فطور لخالد.


_________________
القصيـم
الساعه 6 الصباح
هادي: سالم قم قم خلنا نروح
سالم بنعاس : شبلاك وش تبي .
هادي : خلنا ندور لنا شقه ونطلع رقم ابي اكلم امي.
سالم : اقول انطق تبينا ننمسك ، هنا أأمن لنا .
"عند سامـي "
سامي وقف: يمه انا رايح الدوام قولي لـ سيف لا يطلع يبقى عند الرجال .
ام سامي : ان شالله ياولدي
رزان بصوت عالي : اصببر سامي وصلني المدرسه
سامي ضربها على راسها : ياحماره اقصري صوتك وجع فيه رجاجيل هنا .
رزان بأسف :اف اسفه.
سامي : يالله امشي .
طلع سامي مع اخته
ام سامي : استودعتكم الله .
___________

السـاعه 9 ببيت ابو خالد
البنات تجهزو عشان يزورون ابوهم .
خالد: يالله امشو.
طلعو كان واقف واقف عند السياره
خالد : السلام عليكم
وليد يسلم عليه : وعليكم السلام ،شلونك
خالد بضيق : الحمدلله ماشي حالي ، يلا خلنا نمشي .
رنيم بهمس ل سمر : ليه ماقال ان وليد بيروح معنا .
سمر نغزتها : اسكتي عيب.
وليد انتبه لعيونها : شلونكم يابنات .
سمر بهدوء : الحمدلله ، انت كيفك.
وليد بابتسامه ساحره : تمام الحمدلله .
ركبو السياره كلهم وليد وخالد قدام والبنات ورا مع بعض .
خالد يسوق: سمر اخذتي الشنطه لـ ابوي .
سمر : ايوه اخذتها .
وصلو المستشفى بسرعه
دخلو عند الاستقبال كلهم قلوبهم مشغوله مع ابوهم وخايفين عليه
دخلو غرفته وكان صاحي "
نوره وسمر ورنيم راحو بسرعه له يبكون "
سمر تبوس يده : الحمدلله على سلامتك يالغاليي
نوره تبوس راسه : يانور عيوني الايحرمنا منك
رنيم تبوس راسه وكتفه : الله يخليك يبه لاتسوي فينا كذا لاتتركنا.
ابوخالد دمعت عينه ومايقدر يتكلم.
خالد قرب منه وعيونه حمراء باس راسه : الحمدلله على سلامتك ي تاج راسي .
كان ابوهم بـ فمه هوز مايقدر يتكلم ويدينه كلها ابر وعلى صدره اسلاك
ابوليد يطمنهم : الحمدلله الدكتور يقول ححالته مستقره واحتمال يومين ويطلع .
البنات وخالد : الحمدلله يارب
سمر سجدت سجود شكر انه للحين معهم وبخير .
قرب وليد من عمه وباس راسه ؛ الحمدلله على سلامتك ياعمي
عمه هز راسه
دخل اليث : سلامم ي حلوين
ابوليد انصدمم : اليث حياك ياولدي " ويضمه " الحمدلله على سلامتك.
اليث يبوس يدين ابوه : الله يسلمك يالغالي .
قرب من عمه وباس راسه : الحمدلله على سلامتك يالغالي وعساها اخر الاوجاع .
سلم اليث على خالد 'فيه عيون مافارقت اليث كلها شوق وخوف '
اليث: شلونكم يا بنات
البنات : الحمدلله بخير .
ابو خالد يطالع بناته وبقلبه خوف عليهم لو غفت عينه عن هالدنيا ، من يبي يهتم فيهم ويبخاف عليهم .
________________
بالمدرسه
رنا متملله من حصة الكيميا: اف ياربي متى نخلص
ريم صديقتها : هانت كلها كم اسبوع ونتخرج .
رنا : ياربي هذا اللي مصبرني اننا بنتخرج.
ريم :خلينا بعد هالحصه نهرب.
رنا اعجبتها الفكره : خلااص تم
المعلمه عصبت :بس هدووء
_________
بالقصيـم بمدرسة رزان
رزان واقفه برا الفصل وهي معصبه جت لها صديقتها منال : خلاص هدي هي الغلطانه
رزان بانفعال : على كيفها تتبلى خلق الله ، اصلا كل الوقت كنت معك .
منال : ماعليك الله بيظهر الحق هي حقيره استغلت انك كنتي بالفصل وقت الفسحه عسان تتبلى عليك .
رزان عصبت اكثر : والله ما اخليها بنت ###
منال عقدت حواجبها : عيب ايش هالالفاظ خليها بعدين بتطلع وبنأدبها .
جت لها الأداريه : رزان حبيبتي انا عارفه انك مستحيل تسوين كذا ، واعرف تربيتك ، "قاطعتها زران
رزان منقهره : مدامك تعرفين اني مستحيل اسوي كذا ليش هـ الاتهام .
ألاداريه : بس لقينا الجوال داخل شنطتك

رزان : بس انا ورب البيت ما ادري عنه والله مادري ليش م تفهمون .
منال تهديها : ماعليك الحقيره هذي بتطيح بشر اعمالها .
الاداريه الثانيه جت : معليش يارزان مضطرين نكلم امك .
رزان بأسف : لاتتصلون عليها اتصلو على اخوي سامي وكمان ابي اطلع .
تعطيها الاداريه الجوال : اكتبي رقمه
رزان كتبته بسرعه واخذته الاداريه : السلام عليكم ، انت ولي اامرالطالبه
سامي : ايوه ، ايش فيه.
الاداريه بشر : اختك سارقه جوال وحده من المدرسسات ، انتو ماعلمت بنتكم وانها ماتمد يدها على شي مو لها.
سامي بعصبيه : انا اعرف تربية اختي واعرف انها لو تشوفه بالارض مستحيل انها تاخذه او تلمسه ،انتو شوفواغراضكم وين تحطونها فيه مو تتهمو بنات الناس .
الاداريه : على العموم اختك مفصوله كل هالاسبوع .
سامي سكر بوجهها وطلع من الجامعه وراح لمدرستها .

_________
انتهى البارت
توقعاتكم
هادي وسالم طلعو منها ولا ايش ؟
من هي اللي تناظرالليث بشوق ؟
ابوخالد كيف راح تكون حياته من بعد اللي صار
له ؟
بنات ابو خالد ايش راح يصير لهم ؟
رزان واللي صار لها صدفه ولا مدبر ؟
سامي ايش راح يصير له ؟
جواهر والليث وش سبب البرود اللي بينهم ؟

[لامارا]

\\


السلام عليكم
اعتذر على التاخير اللي حصل
وان شالله بيصير بارتين بالاسبوع ان شالله
واشككر كل من رد وشجعني وصار سبب والدافع اني اككمل روايتي


البارت الخامس

مثل هالوقت كان الصبّح به شمسين

لهذي الارض شمس و شمس بإيديني

على طاري صباح الخير ما تدرين

!! حلمت البارح بـ وجهك

وحشتيني .

*خلف الضيف *

في المستشفى
اذن الظهر والبنات جالسين حول ابوهم ويسولفون عليه
ابوالوليد : خلاص يابناتي تعبتو ابوكم خلوه يرتاح
نوره : والله ياعمي ماشبعنا منه لو نجلس كل العمر نسولف معه
رنيم: اي والله مشتاقين له حيل
ابوخالد فرحان فيهم وهو يسمع سوالفهم عنه
خالد وقف : يالله ويابنات خلوني ارجعكم البيت عشان ابو راكان بيجي يزور ابوي .
سمر وقفت تعدل عباتها : يالله نمشي باست راس ابوها ماتشوف شر يالغالي
والبنات سلمو على ابوهم وطلعو
الليث وقف : انا استاذن الحين وماتشوف شر ياعمي
ابوخالد هز راسه
طلع الليث ووراه ابوه
ابوالوليد : الليث
التفت الليث ل ابوه : هلا يبه
ابوالوليد بنظره غريبه : لايكون اذيتها ؟
الليث فهم عليه : ما سويت شي لها لاكن بتلقى جزاها
ابوالوليد بغضب : والله لاتندم لو نزلت دمعه من عينها
الليث سكت ومشى وخلا ابوه واقف
________
عند مدرسة رزان
ركبت رزان سيارة اخوها : السلام عليكم
سامي : وعليكم السلام ، ايش اللي صار
رزان بصوت فيه بحه : ايش اللي ماصار يتهموني بشي مالي ذنب فيه وانفصل بسبب وحده حقيره ، ليش لانها حاقده علي .
سامي بزعل : ماعليك منهم وانا بنقلك من هالمدرسه لمدرسه احسن منها امسحي دموعك لاتشوفها امي وتتضايق عليك
وصلو البيت
سامي: يالله انزلي انا بروح عندي محاظرات
رزان :طيب ونزلت
______
صحى من النوم وشاف الساعه قريب الوحده ظهراً وقف وشاف خويه نايم طلع من الديوانيه ودخل الحمام وغسل وجهه
وطلع ، شاف الباب انفتح ودخلت بنت ونزلت غطوتها رجع شوي عشان ماتنتبه له انفك شعرها الاسود وعيونها فيها دموع وانفها احمر وقفت عند باب المدخل تفتحه
وهو كان بسرق النظر لها وقلبه يدق بسرعه
: اووف صاروخ والله ماتوقعت هالوجيه عندها اخت كذا
دخلت هي وهو راح يصحي صديقه : ساللم قوم ، وش هالنوم حشى
سالم بصوت ثقيل : همم وش تبي
هادي يهز كتفه :قوم اقولك وش شفت توي
سالم يرفع راسه : نعم وش شفت
هادي يتربع : عندهم اخت صاروخ تقوم القمر وتقعد محله
سالم طالع له بنظرات غريبه : انت ماتستحي على وجهك ، وش سالفتك انت ماعندك خوات الرجال ظافك ببيته عن الشارع وانت تناظر حريمه وش بلاك استح على وجهك
هادي بعصبيه : انت مالك دخل فيني اشوف اللي ابي واسوي اللي ابيه مانت مسؤل عني وخواتي هي وحده ظافه وجهها مع زوجها .
سالم عصب منه ووقف فتح الباب الا طلع بوجهه سيف
سيف معه صينية الفطور : زين انك فتحت الباب وريحتني دخل يالله تفضلو غسلو وتعالو نفطر
هادي اخذ الصينيه منه : عطني اياها عنك
ونزلها على الارض وجلس على الكنب الارضي قديم
سيف : يالله اسرع ياسالم لايبرد الخبز عليك
سالم طلع يغسل والعيال بنتظرونه
/____
في بيت ابو راكان
كانو جالسين كلهم على سفرة الغداء
ابوراكان يكلم راكان : اليوم ابي اروح ازور ابوخالد وابيك تروح معي
راكان : ان شالله يبه
ام راكان وهي تقرب السلطه ل راكان : يمه ياراكان مامسكتو هالمجرمين
راكان : ماعليك يومين ان شالله وهم بالسجن
رنا بحزن : الله يصبر بنات ابوخالد كيف تحملو هالموقف
ام راكان : الله يعينهم ويصبرهم
راكان تذكر سمر وعيونها لما كانت تبكي : الحمدلله *وقف
ام راكان ؛ ماكلت شي راكان يمسح على بطنه بس شبعت الحمدلله .
طلع راكان لغرفته وجلس على سريره الكبير
رفع مخدته واخذ صورتها
راكان يمسح على الصوره بحزن : تفكرين اني ممكن انساك ولا تغيبين عني صورتك للحين انام وهي بحضني
لاسمر ولا غيرها ممكن ياخذ مكانك ياروح راكان
__________________________________________________ _____--
ب مواقف المستشفى
خالد ركب السياره وشاف الليث طلع وراه ونزل من السياره
خالد : الليث وين رايح
الليث : بروح البيت تبي شي ؟
خالد : انا بوصل البنات وارجع للمستشفى
الليث : طيب خلني اوصلهم عنك وانت ابقى عند عمي
خالد يحك رقبته : لاوالله مابي اكلف عليك
الليث دفه بمزح: مابييننا وخواتك خواتي
بالسياره
رنيم تناظر الليث : بنات شوفو كانه صاير احلا من اول
نوره : أي والله صاير يهبل
رنيم تهز نوره : يممه شوفي ضحكتته تهبل
سمر بعصبيه : انتن ماتستحن عيب عليكن
نوره بنص عين : عيب علينا ولااءء
سمر طنشتها
فتح الباب خالد
خالد : بنات انزلو
سمر : ليه ننزل
خالد : الليث بيوصلكم , وانا بقعد عند ابوي
سمر من بين سنونها : خالد عيب مانبي
خالد تجاهل كلامها وفتح بابها وسحب يدها : يالله حبيباتي بيوصلكم وانتبهو لحالكم وقفلو الباب
ركبو البنات السياره ورا
وراح خالد فوق
لف الليث عليهم : اافا من قايل لكم اني سواق
نوره بضحكه : لا حشاك منت سواق
الليث يناظر سمر : اجل وحده منكم تجي قدام ولا ماني ماشي
سمر : النوري روحي قدام
الليث غمز لنوره : معليش الكبيرات يروحون قدام انا صغيره
سمر بحمق تفتح الباب وتنزل
وتركب قدام : يالله امش سيد اسد
الليث بضحكه : هههههههههههههههههه مانسيتي للحين
سمر ابتسسمت : لا شلون ننسى كل العايله تعرف اسمك هذا
االليث : بس انا ماكنت احب احد يقولي اسد احسه يشوه اسمي
نوره : احم احم بنقضيها ذكريات يعني
الليث وهو يحرك السياره : انتي ماتتركين اللقافه وتعقلين , سافرت سنين ورجعت وانتي ماتغيرتي
نوره تجلس بمكانها بكبرياء : ولنن اعقل لين العب مع عيالك واحفادك
الليث والبنات : ههههههههههههههههههههههههه هههههههه
الليث : عزالله تلعبين بباكورتك وتراكضين وراهم

نوره بأدب : الليث شوف انت ولد عمي وخووي من الصغر شرايك تشتري لي ايس كريم
رنيم قرصتها من يدها وبصوت واطي : عيب عليك
نوره تمسح على مكان القرصه : ااي ووجع الليث شوفها تقرصني
الليث بضحكهه : ههههههههههه رنيم خلي نوير على راحتها
نوره بزعل : لاتقوول نوير كم مره قايله لكم ماحبههه
االليث : اسفين سيده نوير اخر مره
نوره سكتت وهي تسوي نفسها زعلانه\
وقف عند سيارة الايس كريم وطلب اربع ايس كريم : واحلى ايس كريم لـ احلى نوره
سمر بصوت هادي : انا لاتطلب لي مابي
الليث التفت عليها : ليش
سمر : مابي مومشتهيه
الليث : براحتك .
وصلهم الليث الببيت
سمر فتحت الباب بتنزل
الليث : سمر
سمر التفتت عليه : هلا
الليث منحرج : عادي تعطيني رقمك
سمر بنيه صافيه : تمام سجل 053.....
الليث : اوك .
نزلت سمر ودخلت البيت
ونزلو عباياتهم
نوره ماسكه بطنها : سممر جوعاااانننهه مررره
سمر وهي تجلس : طيب سوي لك ساندوتش
نوره وهي تتربع على الارض : مافي خخبببزز
رنيم دخلت الصاله : خلونا نطلب من المطعم.
اخذت جوالها سمر واتصلت على المطعم وطلبت غداء لهم

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

بالقصيم

في بيت ام سامي
اذن المغرب ورزان ماصحت للحين وامها مشغول بالها عليها
دخل سامي : السلام عليكم
ام سامي جالسه وعندها قهوه : وعليكم السلام , تعال يمه
سامي جلس جنبها وامه تصب له قهوه: وين رزان
ام سامي : من جت من المدرسه نامت ولا صحت للحين مدري ايش فيها
سامي قال لـ امه السالفه : ياويلي على بنتي انا اشوفها متضايقهه
سامي : انا قلت لها بكره تروحين وتنقلين اوراقها لمدرسه ببريده
ام سامي : أي احسن لها من هـ المدرسه
سامي وقف : على خير
ام سامي : وين يمهه
سامي يتمغط : برووح اننناامم
ام سامي : نوم العافيه يمهه .

__________________________________________________ ___--

كنت مفلله نوم وصحيت لحالي وفتحت باب المدخل متناسيه كل شي
جلست على الدرج الجو بارد وهواء بارد وكل تفكيري بحياتي القادمة وايش ممكن يصير لي فيها
رحت الحوش اتمشى حسيت بأن فيه احد يمشي
التفت بتلقائية وخوف : من ففييهه هناا ؟
ماشفت احد الجو ظلمه لفيت بكمل طريقي
شفت رجال طوويل وعيونه حمرا وممبتسم بسخخريه
صرخخت بقووه :يمممممماااااااهه
سكر فمي بسرعه و....
_______
__________________________--
انتهى البااااارررت الخااممس
توقعاتكم

[لامارا]

\\

" ولأني اغـار على مسامعك من قصـائد الاخريــن "
"البارت الســادس"
*الفصـــل الأول*
"

احضنّـي وامسـك ايدينك بأديني ..

الأرض ماتسأل الغيمــه وش الـطاري ..

" خلـف الضيـفّ "


كنت مفلله نوم وصحيت لحالي وفتحت باب المدخل متناسيه كل شي
جلست على الدرج الجو بارد وهواء بارد وكل تفكيري بحياتي القادمة وايش ممكن يصير لي فيها
رحت الحوش اتمشى حسيت بأن فيه احد يمشي
التفت بتلقائية وخوف : من ففييهه هناا ؟
ماشفت احد الجو ظلمه لفيت بكمل طريقي
شفت رجال طوويل وعيونه حمرا وممبتسم بسخخريه
صرخخت بقووه :يمممممماااااااهه
سكر فمي بسرعه و....

ـــــــــــــــــــــــــ ـــــــــــــــــــــــــ ــــــــــــــــــ
كنت جالس على لابتوبي ومنسجمم ..
سمعت الصراخ وقفت بسرعه خفت على رزان
رحت ارركض طلعت حصلت المدخل مفتوح
بصرااخ : رززاااااننن ووييييننكك
رزان تركض وهي تبكي
سيف بخوف : صار لك شي وش ففييك؟
رزان تذكرت اللي صار : طلعت لي قطووه بالحوش
سيف بعصبيه : كل هالصراخ عشان قطوه , اصلا ايش اللي طلعك للحوش بالوقت المتاخر ههاه؟
رزان وهي تمسح دموعها : طلعت اغير جوو .
سيف مسك يدها : يالله ادخلي نامي .
دخلت رزان بهدواء وراحت لغرفتها
سيف دخل الديوانيه
شاف سالم وهادي نايمين وطلع
ـــــــــــــــــــــــــ ـــــــــــــــــــــــــ ــــــــــــــ
_بغرفة بنات ابو خالد _
صحت سمر على صوت جوالها
قامت سمر تفتح جوالها مستغربه من مرسلها بـ ها الوقت
رسالة من رقم غريب " السلام عليكم "
استغربت ماعرفت الرقم طنشت الرسالة
وقامت للحمام " اكرم الله القارئ"
غلست وجهها وتتوضاء طلعت ودخلت الغرفه
شافت جوالها ضوءه شغال قربت شافت رساله من الرقم
سمر باستغراب : من الفاضي هذا استغفرالله " فتحت الجوال"
" سمر ."
سمر ردت "هلا منو ؟"
"...: معليش ارسلت بوقت غلط انا اليث "
"سمر رفعت حاجبها مستغربه : حصل خير ,تبي شي ؟"
"اليث توههق : لا سلامتك بس كنت بشوف محتاجين شي وتحفظين رقمي عندك "
"ابتسمت سمر : يعطيك العافيه مو محتاجين شي, مع السلامه "
قفلت جوالها وراحت تصلي الوتر وتقراء قران وصتها ام الوليد من خمس سنين ماتركتها
جالسه على السجاده وتفكر كيف عاشو حياتهم بعد غياب امهم عنهم
كيف اهتمت ب نوره ورنيم
كيف الحياة تبدلت بعد ماكانت طفله اكبر احلامها لعبه
وصارت مسؤله عن بيت واخوانها , ولا احد ساعدها الا زوجة عمها ام وليد
كانت دايم تهتم فيهم وتسالها اذا محتاجه شي
تذكرت حنية امها وطيبتها اختفى كل شي ماعاد فيه ام تهتم فيها ولا تسألها اذا تبي شي فيه شي مزعلها
مسحت دموعها وقامت تصحي خواتها قبل يأذن الفجر
سمر تصحي نوره : نوره نووري نوني قومي يالله شوي ويأذن
نوره بنعاس : خليني بس شوي
سمر بحنان : يالله ي قلبي قومي بسك نوم
نوره قامت وراحت تصحي رنيم
سمر: رنومهه يالله قومي .
رنيم تبعدها عنها : بعددي خليييني انااام
سمر تسحب بطانيتها : يالله قومي وش هالنوم اللي عليك
رنيم تسحب بطانيتها : بعددي ياززفته خليني انام
نوره طلعت من الحمام : خليها هذي كيس نوم مستحيل تقوم الا اذا شبعت نوم
سمر ترجع تسحب بطانيتها : تقوم تصلي وترجع تنام ماحد يمسكها .
رنيم قامت وشعرها طاير وبجامتها معفسه : اف انا بطلب من ابوي يحط لي غرفة لحالي عشان ارتاح منكم .
سمر ونوره ماتو ضحك عليها وهي عصبت ورمت عليهم مخدتها
طلعت سمر لغرفة خالد تصحي
دقت الباب : ادخلي سمور
سمر طلت وهي مبتسمه : ايش دراك اني سمر
خالد ضحك : لانك المؤدبه الوحيده اللي تدق الباب اما الباقين مداهمات
سمر : يالله قوم صل ووراك دوام
خالد تنهد : ماراح اداوم
سمر : للييه كذا تضيع عليك المحاضرات .
خالد وقف : بروح لـ ابوي يمكن محتاج شي.
سمر مسكت يده : روح الجامعه اول واذا جيت نروح كلنا مستقبلك ي اخوي لاتضيعه
خالد ناظرها : طيب يصير خير .
طلعت سمر وخالد راح يتجهز عشان يروح يصلي
في بيت ابو الوليد
كانو الجوهره وجواهر يتجهزون
الجوهره : تتوقعين بنات عمي بيداومون اليوم ؟
جواهر وهي تعدل شعرها : ماظن يداومون وخصوصا سمر .
الجوهره : الله يعينهم اللي صار مو شويه .
جواهر : أي والله شرايك نروح لهم اليوم .
الجوهره بحماس : ياليت والله ودي اروح لهم .
الجوهره تذكرت شي : تعالي انتي وش بينك وبين اليث يوم جاء سلامك كان بارد ؟
جواهر ناظرتها بطرف عين : من قالك ؟ عادي هذا سلامي من زمان كذا .
الجوهره : ماني مصدقتك .!
جواهر ببرود : والله مانيب جالسه اقنعك عشان تصدقين.
وطلعت وخلتها .
الجوهره : والله ما اخليك لين اعرف وش وراك
ونزلت وراها
كانو كل اهلهم جالسين على الفطور ماعدا ابوالوليد مارجع من المستشفى.
الجوهره : صباح الخير ي حلوين .
الكل : صباح النور .
الجوهره : يمه نبي نروح لبنات عمي اليوم .
ام الوليد بحنانها المعتاد : أي والله بنياتي مشتاقه لهم من زمان ماشفتهم .
جواهربفرح : اجل برسلهم اننا بنجيهم
الجوههره : من يودينا طيب ؟
الوليد : انا مشغول انا ماقدر اوديكم لا تعتمدون علي .
ام الوليد : ايش عندك من الشغل تنزلنا بطريقك وتروح .
الوليد :ماقدر والله يايمه .
اليث بهدوء : خلاص انا اوديكم بعد المغرب .
الجوهره بسرعه : لا ننبي العصر .
اليث : سيارتي تطلع العصر وعلى ما اجي يكون اذن المغرب .
ام الوليد : على خير ان شالله يالله قومن تجهزن تروحن لدواماتكن
اليث قام لغرفته يكمل نومه والوليد والبنات طلعو لدواماتهم .
في بيت ابو رااكان
نزلت رنا متجهزه : يالله ماما انا طالعه للمدرسه
ام راكان : انتبهي لنفسك واقرائي اذكارك
رنا تبوس راسها : ان شالله يالغاليه " وطلعت "
راكان نزل بعدها وابوه جالس بالصاله
رااكان :صباح الخير
ابوركان وامه : صباح النور
ابو راكان : راكان وش صار على اللي تعرضو ل ابو خالد
راكان: طلعو برا الرياض بس للحين ماحددنا موقعهم
ابوركان ابتسم :ان شالله تمسكونهم قريب وياخذون اقصى عقاب .
راكان : لاتوصي يالغالي
ابوراكان وقف: يالله انا طالع الشركه
وطلع .
ام راكان جلست جنب ولدها : يمه ماودك ادور لك عروس .
راكان ابتسم : اصبري يايمه مابي اتزوج هالوقت .
ام راكان : بس يمه وش اللي ناقصك عشان ماتتزوج هالحين .
راكان : والله هالوقت ماودي اتزوج بس ان شالله اذا حسيت نفسي مستعد بقولك
ام راكان : الله يهديك بس
وقف راكان : يالله انا طالع لدوامي .
ام راكان : الله معك وانتبه ل الطريق
" بالقصــــــــــيم "
في بيت ام سامي
تحديدا غرفة رزان
تتذكر اي شصار لها الفجر
" ..: ان تكلمتي ذبحتك ااوش
رزان هزت راسها بخوف
بعد يده بشويش ومسح على خدها : ماكنت ادري عن عند سيف وسامي اخت مززه .
هي كانت ترجف : بعد عنني ي حقيير
...: لالالا مايصير كذا اهدي ي مزه
قرب وجهه منها وهي دفته بقوه وبسرعه راحت تركض وهي تبكي داخل بيتهم وقابلت سيف "
رزان بقلبها : الحمدلله الله ستر علي .
دخلت امها : رزان صليتي .
رزان : أي يالغاليه صليت .
طلعت ام سامي تشوف سامي
ام سامي دخلت غرفة عيالها : سامي يمه تعال افطر .
سامي ابتسم : بروح اشوف العيال اذا قاعدين ولالا
ام سامي : طيب
بالدوانيه
سالم وهادي

سالم : انا بكلم امي قلبي شاغلني عليها
هادي : مجنون منين تتصل عليها تبي الشرطه تمسكنا
سالم عصب: انت شايف وضعنا احمد ماعاد سأل عنا واهلي ما ادري عنهم
هادي : منين بتتصل عليهم ؟ وشلون ؟.
سالم : باخذ جوال سامي نكلم منه ونهرب من هنا
هادي :طيب
دخل سامي : السلام عليكم
سالم وهادي :وعليكم السلام .
ساالم : اقول سامي ابي اتصل من جوالك جوالي مابه رصيد .
سامي : ابشر يالغالي _مد له الجوال _ تفضل
اخذ سالم الجوال وطلع يكلم امه
سالم : هلا يمه انا سالم
ام سالم بصياح : انت ويينننك وين مختفي نتصل عليك ليش سوويت كذا
سالم بضيق : يمه ما اقدر ارجع واللي سويته عشان الفلوس عشان أأمن لكم حياة تدرين بحالنا والفلوس اعمتني .
ام سالم بحرقه: سوود الله ووججههك ياسالم مثل ماسودت وجهي بين الناس الله لايرددك .
سالم : تككفين يممه اهدي .
ام سالم قاطعته: ماعاد لك ام ي سالم قلبي غضبان عليك , وش ذنب بنتك ,مثل مايتمتها من امها تبي تحرمها من ابوها , حسبي الله عليك حسبي الله عليك
سالم تضايق وسكر من امه كل هموم الدنيا فوق راسه
دخل الدوانيه وعطا سامي الجوال : مشكور ماقصرت .
سامي ابتسم : العفو ولو , انا طالع للجامعه , اذا تبون شي كلمو سيف.
هادي : ان شالله ماقصرت
طلع سامي
هادي لاحظ وجه سالم :ايش صار عليك ؟ فيهم شي اهلك؟
سالم : لا مافيهم شي , قوم خلنا نطلع .
هادي قام واخذ اغراضه واغراض سالم وطلعو من بيت سامي .
بمكتب راكان
دخل تركيي بسرعه : ابشرك راكان قدرنا نحدد موقعه ؟
راكان وقف بسرعه : شلون ووينهم الحين ؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
انتهى البارت توقعاتكم

رزان اللي صار معاها ممكن يأثر عليها بعدين او فتره وتعدي ؟
سمر واليث ممكن يكون يكون بينهم شي بالمستقبل؟
جواهر واليث ايش اللي بينهم وهل الجوهره تقدر تعرفه بعدين ؟
سيف وسر ابتساماته الغامضه ؟ وهل له دور بالروايه ؟
سامي وايش راح يصير له من فعايل احمد صديقه ؟
وسالم وهادي هل راح يقبضون عليهم ؟
راكان وايش السبب اللي يخليه يأجل فكرة الزواج؟
وايش سر ام خالد ؟
وابو خالد وايش راح يصير له

؟

[لامارا]

"ولأنـي غار على مسامعك من قصائد الاخرين اصبحت شاعر "

"البــــارت الســأدس "
*الفصــل الثــاني *

"
حبيبي للفرح فيك أنت كم معنـى ..
معك ضيقـة حـروفي وإنشراحتهـا ..

.

دخـل فصل الربيع بأيدي اليمنـى ..
بعـد ما نامت أيدك وسـط راحتـها ..!
" خلـف الضـيفّ "


تركي يفتح الاوراق : قبل نص ساعه سالم الـ.... متصل على امه وحنا مراقبين كل ارقام اقاربههم
راكان : وين مكانهم ؟
تركي : بالقصيم بحي الـ......
راكان اخذ مفتاحه : بروح البيت ابدل ونطلع للقصيم انا وانت وكم عسكري .
تركي : يالله انا بعد بروح وبكلم العساكر ونتقابل .
طلعو بسرعه
ـــــــــــــــــــــــــ ـــــــــــــــــــــــــ ـــــــــــــــــــ
دخل راكان البيت بسرعه
ام راكان من شافته طلعت وراه
ام راكان فتحت باب غرفته : ويش فييك يمه داخل مستعجل؟
راكان وهو يطلع ملابسه : عندي مهمه مستعجله ببدل واطلع
دخل غرفة التبديل , وخلص وطلع وحط الفرد بالشنطه اللي بيده

ام راكان حطت يدها على قلبها : يممه انتبه لنفسسك ولا تسرعه مستودعتك الله
راكان باس راسها : لاتخافين يمه ان شالله ببكره انا هنا .
وطلع بعد اتصال تركي عليه
وطلعو بسياره وحده

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ
ببيت ابوخالد
سمر : ترا اليوم اخر يوم تغيبون فيه من بكره تداومون فاهمين .
رنيم حطت يدها على خصرها : ياسلام وابي باقي ماطلع ؟
سمر : ابوي بكره بالكثير يطلع وانتم غبتو كثير وطوفتو دروس مهمه خلاص مابقى على نهاية الترم .
نوره جالسه على جوالها وحاطه سمعاتها
رنيم :بس مابي اداوم قبل ما اشوف ابوي بيننا ومتعافي .
سمر بعصبيه : انتهى النقاش بكره بتداومين وابوي الحمدلله صحته كويسه .
نووره نزلت سماعاتها : اامي ساره تبي تتجينا هي والبنات المغرب
رنيم بفرحه : يوو اشتقتلها والله , من زمان ماجتنا
سمر تقومهم :يالله خلونا ننظف البيت عشان يمدينا نروح ل ابوي ونرجع قبل يجون.
البنات قامو : يالله .

الوليد جالس مع عادل
الوليد : الله ياخذه الدكتور الززفتت
عادل : روقنا ياشيخ خلاص بقى شهر ونخلص ونتوظف .
الوليد ناظره بطرف عين : واثق انك بتحصل وظيفة من تتخرج .
عادل بأبتسامه ساخر : فيتامين وااوو يححل مشاكلنا كلها
الوليد طنشه : قوم اطلب لنا قهوه
عادل رفس رجله على الخفيف : اشتغل عندك انا
وصل نواف : فضحتونا بكل مكان تتضاربون كأنكم بزران
الوليد وعادل بنفس الوقت : وش دخلك انت .
نوااف بفجعه : بسم الله الرحمن الرحيم
عادل بشر : شايف جني انت تكلم
الوليد يزيد معه : أي شايف جني انت ووجهك
نواف جلس : الحمدلله والشكر على نعمة العقل
عادل : خير شايفنا ناقصين عقل ؟
الوليد يقول لنواف : قوم جيب لنا قهوه ي ابو عقل .
نواف يناظر بنص عين : والله لو انكم تستاهلون اجيب لكم بس ماتستاهلون اضيع فليساتي عليكم .
الوليد وقف : مانبي منك ي البخيل الحين اجيب لي ولعادل .
نواف : توكم متضاربين وحالتكم حاله والحين تجيب له قهوه الله يالدنيا
عادل طنشه والوليد راح يجيب قهوه لهم

"في مدرسة رنا "
كانت جالسه مع صديقاتها ويسولفون بالفسحه
رنا :بنات تتجمعون بكره عندي شرايكم
ساره :انا بقول ل امي وارد لك خبر
ريم : وانا بعد بقول لـ امي واشوف .
رنا برجاء : تكفوون حاولو نبي نغير جو قبل تجي الاختبارات
البنات : ان شالله
ساره : بنات تعرفون رنيم حمد الـ..
ريم : ايه اللي بثالث
ساره : عليك نور , يقولون ابوها تعرض لـ طعن وبالمستشفى
رنا : اعوذبالله كيف دريتي .
ساره : هم يصيرون جيرانا وابوي قالنا له يومين بالمستشفى
ريم بأسف : ياحرام الله يعينهم
ساره تغير الموضوع : اخ عندها اخو صارووووخ
رنا دفتها : شوفو وش همها ذي .
ريم تحمست : كيف شكله اوصفيه
ساره بحالميه : طويل وابيض وعيـو.... طرررااخخخ
ضربتها رنا على راسها : انتي ما تتركين حركاتك ذي بس تقزين
ساره تمسح على راسها : وجع يالدفشششه , كيفيي يأختي , عاجبني
رنا بلامبالاه : ارحمينا اللي يسمعك يقول يشبه بورااك , واخرتها يطلع عادي
ساره بحمق : وووش بووررااك عنده , اطلقق مننه
ريم ماتت ضحك عليهن : خلاص بنات نروح بيت ساره ونشوفه
ساره : ياويل اللي توطوط عن باب بيتنا فاهمات
رنا بعناد : تشوفين اذا ماجيت بيتكم بكره
ريم حست انهم ممكن يتضاربن الحين : خلاااص بنات تهاوشتو على موضوع تافه .

رن الجرس ورجعو البنات لفصل
بعد اربع ساعات
الساعه 12:30م
في القصيم
في حي الـ.....
في سيارة تركي "اف جي "
راكان يكلم : أي ارسل لي الموقع على الواتس
عبدالله : طيب دقايق ويوصلك
راكان :طيب انتظرك وسكر منه
راكان لابس بنطلون اسود وتشيرت اسود وشعره الاسود مرجعه على ورا كان شكله مره خقق
وتركي لابس بنطلون بني وتشيرت ابيض ولابس كاب بيج
راكان يكلم تركي: وقف خلنا نكلم الشباب نتفق على كل شي
تركي : طيب واشر لـ الشباب يوفقون
كانت ثلاث سيارات
نزلو
راكان فتح جواله كان واصله الكولكشن من عبدالله : اسمعو شباب هذا الموقع تتوزعون بكل مكان بدون ماحد يحس فيككم الين نوصل لسالم وهادي
رامي : طيب واذا ماشفناهم نداهم البيت؟
راكان : اذا عطيتكم الاشاره نداهم البيت .
تركي : طيب خلونا نراقب البيت لين نشوف سالم وهادي
الشباب : يالله توكلنا على الله
راكان : استودعتكم الله
رامي وحامد بسياره
وراكان وتركي بسياره

°°°°°°°°°°°°°°°°°°°°°°°°° °°°°°°°°°°°°°°°°°°°)
في بيت ام سامي
جالسه بالصاله وتسوي محشي خضار
صالتها شعبيه وجلسه ارضيه
ام سامي تنادي :رزان يارزان رززززان وججع
دخلت رزان وهي لابسه برموده ورديه وحاطه السماعات بأذانها : سمي يمه
ام سامي بعصبيه : من ساعه انادييك ليش م تردين
رزان : سوري مام كنت حاطه سماعاتي ماسمعتك
ام سامي بتأنيب : لو تتركين هالسماعات وتريحين اذانك كان انتي بخير ولا اربع وعشرين ساعه مشغلتهن على عالاغاني وذنوب على الفاضي
رزان : يممه ما اسمع اغاني بس مشغله شيلات
ام سامي : لو فيك خير تساعديني بدال هالهذره الفاضيه بس مافيك خير
رزان تضايقت ورراحت تغسل يدينها عشان تساعد امها
رزان جلست تساعده :يمه ليشم انجيب شغاله تساعدنا
ام سامي : من كثر فلوسنا , ولا الشركات اللي عندنا خلينا نلقى فلوس نسدد اجار البيت , هذا اللي فالحه فيه بس طلبات
رزان : يمه ماتسوا علي هالتهزيئه لو مداومه احس لي
ام سامي : ليش هو المدرسه سسمحو لك تداومين ؟ مو فصلوك من يومين
رزان : كلمتني منال امس تقول البنت اللي سرقت الجوال اعترفت عليها صديقتها لانهم تزاعلو
ام سامي : أي الحمدلله الله طلع الحق وطاحت بينهن
رزان وهي تشيل القدر : أي الحمدلله , بروح اشغل النار عليه قبل يجي سامي ومايلقى غداء
ام سامي تقوم: أي يمه الله يعطيك العافيه
ابتسمت رزان " قلب امها مثل قلب الطفل تهاوشها من هنا وتنسى من هنا تحبها وتحب حتى هواشها وكل شي فيها عوضتها عن فقدها لـ ابوها وكل شي "
دخلت مطبخهم الصغير كان بلاط ووالدولاب مهتري من السنين اللي مرت عليه
حطت القدر على النار وغسلت باقي المواعين عن امها ورتبت المطبخ

"
حبيبتي .. محبوبك بـ : غيبتك ضاق
وانتي جميلة بس جداً بلا ذوق
ماهو ضروري اني اقول مشتاق
عيوني الثنتين .. ماتشرح الشوق !

الشاعر : خلف الضيف
"
في بيت ابو الوليد
البنات توهم راجعين من الجامعه تعبانين دخلو وسلمو على امهم وراحو غرفتهم
جواهر وهي تنزل عبايتها : اف قرفت الجامعه ليتتني م تخرجت من الثانوي ارحم لياا
الجوهره : أي والله بس يالله نخلص التحضيري الزفت كله يهون
جواهر بقهر : بس ودي اعرف اللي حط التحضيري وين كان عقله ولا تخرج وخلاص
الجوهره تضحك عليها : هدي ي بنتي خلاص مابقى اقل من شهر ونخلص
جواهر : الله يصبرني لين اخلص هالشهر احسه بيصير سنه .
الجوهره اخذذت ملابسها ودخخلت للحمام تاخذ لها شور
غرفتهن كبيره فييها سريرين وتسريحتين ودولابين
لان جواهر ماتحب تتشارك مع الجوهره ودايم يتهاوشون على كل شي فقسمو الغرفه كل وحده لها جزء ماتختلط فيه مع الثانيه
دق جوال جواهر
جواهر تناظر جوالها اللي يدق : افف ياربي منه متى بيختفي عن حياتتتي
انقطع الخط : اف احسن ليته مم يدق
رجع يدق مره الثانيه
جواهرردت و شوي وتصيح : ياخخي انت ماعندك قلب اتتركني فـ حالي خلااص اللي تبيه وصار فاارق
..: بس كل شي تغغيير جواهر والله كل شي تغير
جواهر ببكاء : ابعععد عن حياتتي الله يخليييك ااابععععدد.
..: مااققدر انا والله ...سكرت الجوال وصاحت
جواهر وهي تشاهق : حسبي الله عليك ونعم الوكيل حسبي الله ونعم الوكيل
دفنت وججها بمخدتها وبقت تبكي لين نامت .
طلعت الجوهره من الحمام وكانت جواهر نايمه
الجوهره تصحيها: جواهر قومي تسبحي وتغدي .. جواهر .. جواهر
جواهر بأنزعاج : مابي خليني انام
الجواهر انتبهت على وجهها كان احمر وواضح انها كانت تبكي
الجوهره وهي تجلس على طرف السرير وتمسح وجه جواهر: جوجو مانسيتي ؟
جواهر نص وعي وصوت واطي : مانسـ..يت كل شي كان بسبب ا.. رجعت غفت
قامت الجوهره وغطتها كويس وطلعت من الغرفه
قابلت امها
ام الوليد :وين جواهر
الجوهره : نامت يمه .
ام الوليد : بس م تغدت .
الجوهره: تقوم العصر وتتغداء .
ام الوليد : طيب على راحتها .
°°°°°°°°°°°°°°°°°°°°°°°°° °°°°°°°°°°°°°°°°°°°°°°°°° °°)

في بيت ابو خالد
البنات كانو متجهزين عشان يزورون ابوهم
سمر تتفقد الاغراض : بنات اكيد مانسيتو شي
رنيم : أي
سمر تذكرت : بغيت انسى جوالي
راحت غرفتهم تجيبه
كانت غرفتهن متوسطه فيها ثلاث اسره متلازمات لان الغرفه يالله تكفي الدولاب والتسريحه لون جدارها ابيض والغرفه بنفسجي بأبيض

دق جوالها وردت بسرعه : هلا خالد انت جيت ولالا
..: ليتني خالد
سمر بعدت الجوال عن اذنها شافت الاسم وتفشلت
سمر بفشله : معليش حسبتك خالد
..: لا عادي حصل خير , شلونك
سمر : الحمدلله انت كيفك
الليث بقلبه يوم سمعت صوتك انا اكيد بخيـر : الحمدلله تمام وشلون عمي
سمر حسته طولها : الحمدلله ابوي بخير يالله تبي شي اكيد خالد على وصول .
الليث بأسف : ابد سلامتك اتصلت بشوف اذا محتاجين شي .
سمر أبتسمت : لا الحمدلله خالد مو مقصر معنا بشي .. مع السلامه
الليث : انتبهيلك
نوره تنادي وهي بالصاله: سممممر يالله تعااالي
سمر ماسمعته زين : ايش
الليث توهق : اقول الله يحفظكم
سمر ضحكت :مع السلامه
نوره دخلت الغرفه : خالد تحت وانتي فاضيه تكلمين
سمر تحط طرحتها على شعرها : معليش مكالمه مفاجاءه
نوره ميلت فمها : الله يستر من هالمكالمات والرسائل المفاجاءه
سمر عطتها نظره : ايش قصصدك
نوره خافت : ماقصد شي يلا امشي
نزلو البنات لخالد
__________________________________

"بالاستراحه "

عن الليث كان سرحان وصوتها للحين بأذانها
الليث بصوت عالي : يااااااربببي احححححبببههاا
دخل نواف : من اللي تحبها ياللي ماتسحي على وجهك
الليث يمثل : وماقدر اعيش بدونها تكفى يبه زوجني اياها
نواف بهبال بنزل عقاله : ياقليل الحياء من وين تعرفها _ويضربه بالعقال _
الليث يمسك رجوله : تكفى يايبه لا تضربني هي اللي رقمتني ولا انا بريئ ما اعرف هالحركات
نواف يمسك اذنه : من بنت هذي , طلعت معاها ؟ تكلم ؟ انت حامل
الليث من سمع كلمت ماتتت ضحكك : هههههههههههه أي يبه بالشهر الثاني
نواف من قال الشهر الثاني مات ضححك : ههههههههههههههههههههههههه ههههههههههههههههههههههههه هالله يقطع بليسسك ههههههههههههههههههههه
دخل عادل وشافهم يضحونن
عادل وبيده الغداء : بسم الله الرحمن الرحيم
نواف ياشر على الليث وهو يضحك : ههههههههههههه اللـ..ههههههه ـيث ههههه حأأمـ..هههههه ..ــل
عادل مافهم عليه : من الحامل
الليث وقف من نوبة الضحك: شباب ابي سيارة احد فيكم
نواف بخبث : اول علمنا من تحبها هذي
الليث ابتسم : احبك انت .
نواف : اجل احلم اعطيك
الليث ناظر عادل : عدوول يازينك عطني سيارتك
عادل ناظره شوي يفكر : بشرط ماتطول وانت جاي تجيب لي معك دخان
الليث باس راسه :تسلم ماني مطول ساعه بالكثير واجي _واخذ المفتاح _
عادل : طيب والغداء
الليث يرفع يده : بالعافيه عليكم

**ملاحظظه : اصدقاء الوليد كمان اصدقاء الليث لانهم من قبل درسو الثانوي مع بعض وما انقطعو عن بعض **

°°°°°°°°°°°°°°°°°°°°°°°°° °°°°°°°°°°°°°°°°°°°°°°°°° °°°°°°°°)
*عند ابو رااكان بالشركه *
جالس يفكر بكلام ابو خالد وكيف يسوي له اللي يبي
*اه يابو خالد مدري كيف اسوي لك اللي تبي اخاف اني اضرك الله يستر من الجاي *
دق الباب وقطع عليه حبل افكاره : تفضل
دخل ابو احمد: السلام عليككم
ابوراكان : وعليكم السلام
ابواحمد قدم الملفات لـ ابو راكان : تفضل ي طويل العمر
ابوراكان اخذ الملفات : تقدر تطلع ي ابواحمد
ابواحمد بتررد : ياطويل العمر ابوخالد بأي مستشفى ؟
ابوراكان ناظر له بتعجب : انت للحين ما زرته ؟
ابواحمد انحرج : اءء أي بزوره بس مافضيت
ابوراكان بناظر الاوراق : بمستشفى الـ"......."
طلع ابواحمد
راح لمكتبه
وابوراكان كمل اشغاله .
°°°°°°°°°°°°°°°°°°°°°°°°° °°°°°°°°°°°°°°°°°°°°°°°°° °°°°)


في سيارة خالد
سمر: شسويت بالجامعه
خالد وهو يسوق : شكلي بعتذر هالترم
سممر انفجعتت : ايشش تعتذر مابقى شي وتتخرج ي خبل
خالد ناظره بطرف عينه : نعمم خبل ؟ سلامات
سمر تفشلت : همزح والله بس جد خلاص مابقى شي
نوره بالوسط : انت خبل صادقه سمر
خالد ضرب راسها بخفه : والله ماخبل الا انتي وياها ولا شرايك رنوم
رنيم سرحانه
خالد بصراخخ : رنننيييييم
رنيم انفجعتت : خخيير فجعتني
خالد : الخير فوجهك وين وصلتي
رنيم انحرجت : ولا مكان معاكم.
سمر بنغزه : أي واضحح انك معانا .
نوره : خلودي شغل لنا شي نسمعه
خالد : سبحان الله الحين صرت خلودي وقبل شوي الخبل
نوره تحوس شعره : تدري فيني احووبك بس تقهرني ببعض حركاتك .
خالد يبعد يدها : مانيب اصغر بزرانك يلا شتبين اشغل لك.
نوره بحماس : عبدالكريم الحربي ياوجدي ويابري حالـي
رنيم : لاوالله شغل محمد العبدالله توٌلم للجفا
خالد : اقول ارسو على راي ؟
رنيم : محمد العبدالله وبعدها عبدالكريم الحربي تمام ؟
نوره بأعتراض: لااا لااا انا طلبت قبلهاا
خالد ينهي النقاش : خلاااص انا بشغل على مزااجي

أنت اوول حبييييب
وانتت ااخخر حبييب
والله بعد عيوونك على الدنيا السلااام.

نوره بتحلطم : الله على هالذوق
خالد يرفع حاجبه : عسى بس ما اعجبك
نوره : اككيد ما اعجبني
خالد بضحكه : احححسن خير وبركه
رنيم : خلود غيرها بالله
سمر بأعتراض : لا انا احبها لا تغيرها
دق جوال خالد وقصر المسجل
رد :هلا بأبوخالد
الليث : على طول سميت ولدي
خالد بضحكه : عندك اعتراض ي ابوخالد
الليث : وهل يسمح لنا بالاعتراض ي ابو الليث
خالد بغرور : طبعا لا
الليث : اعوذبالله من هالغرور اللي عليك
خالد بضحكه : طالع عليك ي عممي
الليث تذكر : أي اانت وينك ؟
خالد : رايح اودي البنات لـ ابوي
الليث : وانا رايح لـ عمي بأشوف ابوي واتطمن على عمي .
خالد : حياك الله ي ابو خالد .
الليث بضحك :ههههههههه الله يبقيك ي ابو الليث .
خالد : يالله انا وصلت للمستشفى اشوفك هناك
الليث : انا قريب يالله مع السلامهه
وقف خالد عند باب المستشفى
خخالد : يالله اسبقوني وانا بوقف السياره بالمواقف
نزلو البنات ودخلو المستشفى
°°°°°°°°°°°°°°°°°°°°°°°°° °°°°°°°°°°°°°°°°°°°)
بالقصيم السااعه
2: 00م
كان راكان وتركي يراقبون البيت
ورامي وحامد بأخر الشارع يراقبون الرايحه والجاي
دخلت سياره جيب حامد من شاف السياره لحقها
ويمشي وراها

سامي استغرب السياره اللي تمشي وراه بس طنش ووقف عند باب بيته
بسيارة تركي

تركي : راكان شوف هذي سيارة الرجال
راكان : شافه وهو ينزل ويفتح باب بيته ويدخل
تركي : اسمع انا اعرف واحد هنا من المباحث بكلمه يمكن يكونون مسلحين
راكان : طيب كلمه بس بسرعه نبي نخلص قبل العصر
تركي مسك جواله ودق الجوال : الو .. هلا فييك ... تمام الحمدلله , انت طمني عنك .. والله مهو قطاعه بس اشغال .. على هالخشم .. بس اسمع انا بالقصيم ... عندنا مهمه .... أي نبي دعم يمكن نحتاجك ولا شي
.. ابشر ما اروح الا وانت شايفني .... ههههههه تبشر ي الغالي وسكر تركي .
راكان : هاه ايش قال
تركي : يبي يجي الحين بس قلت له اذا احتجناك , هو الحين مداوم
راكان : حححلو حلوو , ساعات ونمسك الزفت سالم والزفت هادي وتنتهي هالمهمه .
تركي بتفكير : ماظن احسهاا بتطول نبي نعرف وش وراهم ومن ارسلهم ووكل شي ؟
راكان : أي ماعليك كل هالامور بنشوف شغلها .
°°°°°°°°°°°°°°°°°°°°°°°°° °°°°°°°°°)




ببيت ام سامي
رزان بغرفتها كانت غرفتها صغيره فيها دولاب صغير وسرير ومرايه معلقه على الجدار بدون اطارات وكلها ابيض ببيج
كانت تكلم منال
منال: أي كملي وش صار معك
رزان : تخيللي كان راح يذبحني الله ستر ان سيف كان صاحي
منال بخووف : ايش قالك لما مسكك
رزان شوي وتصيح : تخيللي قالـ ... قاطعها صوت امها
ام سامي : رزااااااااانن
رزان : منول اكلمك بعدين امي تبيني
منال : اوك
سكرت رزان وراحت لـ أمها سمي يمه
ام سامي : حطي الغداء سامي جاء
رزان : ابشري وراحت للمطبخ
دخلت المطبخ وجهزت الغداء
طلعت من المطبخ
رزان بتسأل : يمه سامي ضيوفه عنده ولا راحو ؟
ام سامي : أسأليه الحين يدخل
دخل سامي : السسسلام عليكم
الكل : وعليكم السلام
رزان : سامي ضيوفك هنا ولالا
سامي وهو يجلس : لا شكلهم رايحين لـ مكان مالقيتهم ؟
ام سامي : خلاص خلي لهم وهاتي الغداء
قامت رزان تحط الغداء لـ سامي وامها

°°°°°°°°°°°°°°°°°°°°°°°°° °°°°°°°)


عند سالم ووهادي
كانو رايحين حديقة عامه وجالسين يتغدون
سالم : تهقى سامي فقدنا وقال ل احمد
هادي بلا مبالاه : مدري بس ماعليك منه هنا ماحد يقدر يوصل لنا
سالم : بس اخاف ننمسك , احمد انقطع عنا اكيد الرجال مات
هادي : الله يستر ودي اتصل عليه
سالم يتلفت : خلنا ندور لنا واحد نتصل من جواله
هاادي شاف رجال واقف مع ولاده
قام بسرعه له : السلام عليكم
الرجال : وعليكم السلام
هادي : يأ خوي انا مقطوع هنا وجوالي طافي ممكن جوالك طافي
الرجال ابتسم ومد جواله : تفضل
هادي اخذ الجوال واتصل على احمد
احمد : الو
هادي قاصر صوته : احمد انا هادي
احمد فز بسرعه : نعم وش تبي متصل
هادي : وش نعم , نبي نرجع الرياض
احمد ببرود : ارجعو انا ماني رابطكم
هادي بتنرفز : كيف نرجع والشرطه ولا تخليت عنا
احمد : حقكم بيوصلكم عند سامي تلقونه وغيره ولاتوروني وجيهكم اوك؟
هادي بعصبيه : وين نروحح الحين .
احمد يرص على اسنانه: انا مالي دخخل وين تذلفون المبلغ ووصلكم وغير تفتح فمك بكلمه تموووت تفهم ؟
هادي سكر بوجهه ورجع الجوال لـ الرجال : يعطيك العافيه اخوي .
رجع هادي لسالم وقاله ايش قال سالم .
سالم حط يده على راسه : طيب خلنا ناخذ الفلوس ونشرد
هادي يووقف : يالله امش
رجعو هادي وسالم لبيت سامي.


°°°°°°°°°°°°°°°°°°°°°°°°° °°°°°°°


في مواقف المستشفى
خالد شاف الليث وهو يوقف : ي هلااا
الليث يعدل شعره : هلابك
وصله خالد وسلم عليه : شلونك
الليث : الحمدلله انت كيف حالك
خالد يمشي : الحمدلله تمام , يالله ندخل
الليث يمشي معه : يالله
الليث لابس ثوب ابيض ونظارات شمسيه من ارماني
وخالد لابس ثوب ابيض وشماغ .
خالد :بشرنا خلاص منت راجع كندا
الليث : أي خلصت الحمدلله _وبغرور _وبجلس على قلوبكم واغثكم
خالد يضحكك : ههههههههههه احلى مغثه والله
ودخلو المستشفى

داخل المستشفى
البنات وصلو عند ابوهم
نورهه بصوت عالي: سلاااااممم ي اححلىى اببوو بالدنننياا
ابوخالد ضحك عليها : وعليكم السسلام ي احلى بنت
قربت منه تبوس راسه
رنيم دخلت بعدها هي وسمر: ياسلامم بس هي احلى بنت وانا ؟
ابوخالد بفرحه : والله كلكم احلى بنات
سمر تضحك على ابوها : توههقت يبه , عادي قول نوره الغاليه
ابوخالد بضحكه : تبين الصدق , كلكم غلاكم مثل بعض بس النوري له مكان بقلبي كبير
رنيم بزعل وهي تجلس على الكنب : أي وحنا مالنا مكان
ابوخالد : كل وحده لها مكان بقلبي غير عن الثانيه
سمر وهي تصب لـ ابوها مويه : ماعليك منهن يبه نعرف غلانا عندك اشرب مويه نشفن ريقك هذولي.
ابوخالد ياخذ منها الماء : ههههههههههه الله يحفظكم ي بنياتي
دخل خالد
وبعده الليث وهو يتنحنح : ياوولد
تغطو البنات ودخل الليث
الليث يسلم على عمه : السلام عليكم _ يبوس راسه _ شلونك ياعمي عساك طيب
ابوخالد : الحمدلله بصحه وعافيه , انت شلونك وشلون دراستك
الليث : الحمدلله بخخير ي عمي, الا ابوي ماشوفه عندك
ابوخالد : أي طلع من ساعه للبيت قلت له يروح يريح ششوي
خالد قرب من ابوه : شلونك يبه , ماودك تقوم ونطلع من هنا
ابوخالد بضحكه : وانت الصادق ودي اهج من المستشفى مليت
خالد يوقف : بروح أسأل الدكتور متى تطلع وارجع لكم
طلع خالد وبقى الليث
ابوخالد يناظر سمر : ي بنتي قهوي ولد عمك
سمر انحرجت : سم يبه
صبت سمر القهوه وهي متوتره ومدتها لـ الليث
لمس اصبعها على طول تركت الفنجان وانننكب عليييهه
الليث وقف بسرعه : ااحح
سمر بفشيللهه وهي تمد له المنديل : ااسفه اسسفه م اقصصد
ابوخالد بعصبيه : وش سويتي ي سمررر احرقتيه
سمر شوي وتبكي : والله لا يبه م اقصد طاح من بالغلط
الليث يمسح القهوه عنه وهو مبتسم : حصل خير ياعممي جت سلامات
ابوخالد : ادخل الحمام وامسح ثوبك يمكن يروح عنه
دخل الليث الحمام
ونوره ورنيم ذابحهن الضحك على شكل سمر والليث
نوره : ههههههههههههه ياويـ...لـ..ي بموووتت ههههههههه
رنييم : ههههههههههههههههه اخخ احرقتـ..ـيهه ههههههههههه
سمر تسكتهن : ااص وقص فضحتنا
ابوخالد يفتعل العصبيه : بس خلااص عيب عليكم
الليث يسمعهن ويضحك وبهمس : كلي فداء
دخل خالد : سلـ..._شاف الفنجال طايح والبنات يضحكن وسمر واقفه عند ابوها _ شفيكم
رنيم بضحك : اختك كبت القهوه على الليث واحترق
خالد بفجعه : نوره انتي كبيتيها عليه ؟
نوره تناظره بطرف عين : وش شايفني ي سيد خويلد ورع اكب القهوه , هذي سمّير .
خالد حاط يده على فمه وماسك ضحكته : من كثر طفاقتك توقعته انتي
طلع الليث من الحمام وححاله مبهدل والقهوه مبقعه على ثوبه وكله ماء
خالد اول ماشافه : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههه ماتعرفف تغسل ثوبكك انت
الليث بضجر : اقول انطم والله لو انت بمكاني تصيح .
سمر تحس ودها تموت من الفشيله
ابوخالد : اعذرنا ي الليث البنت ماتقصد
الليث بأبتسامه صفراء : لا ياعمي عادي حصل خير
خالد يجلسه : اجلس لما تنشف الله يفشل العدوو .
____________________________
بالقصييــم الساعه 3:50

وصل هادي وسالم البيت
وطق الباب
طلع لهم سامي : ي هلاا وين رحتو
هادي : طلعنا مشوار ورجعنا
سالم : سامي كلمك احمد ؟
سامي : أي قالي لكم فلوس عنده وحولها لـحسابي , ادخلو داخل عن الشمس
...: ارفععوو يديينككم وسلمموو حالكمم ....


*انههى البارت السادس *


"اترك لكم حرية التوقعات "..
دمتم بود احبتتي ..

[لامارا]

السلام عليكم ورحمة الله وبركاته

"البارت السابع "

ي بنت قلبي ي الله قومي من النوم
في شوفتك : نعمة عظيمه وراحه ..

**

عليك صارت مذبحة شمس وغيوم
كل يبي يبدأ بـ (وجهك ) صباحة !


*خلف الضيف *

..: ارفععوو يدينكم وسلموو حالكمم
هادي بحركه سريعه طلع سكين وحطه على رقبة سامي : أي ووااحد يقررب راح اقتله
راكان ماسك الفرد ويصرخ عليه : نزل السكين كل المكان محاصر
سالم يهز هادي: اتركه ماله ذنب
سامي يحس الدنيا صارت سودا بعينه السكين على رقبته وهو مو فاهم شي : اتتركككني ي هاادي , وش فييكم *يحاول يفك يده ويبعد السكين *
هادي ثبته بقوه : لو تحركت راح تمووت تففهمم .
تركي يقرب شوي شوي وانتبه له سالم بصراخ : لو تقرب راح يمووت ههذا تفههم * وهو يأشر على سامي *

اطلق راكان رصاصه قريبه من رجل سالم : فكووه احسن لكم وسلمو حالكم
حامد غمز ل تركي وتبادلو الاماكن
تركي مسك جواله وارسل رساله لصديقه (تعال شارع ... حي .. بسرعه وهات معك رجال)
هادي وهو ماسك سامي ويرجع على ورا ويبعد عن الباب
هادي يشد على سامي وسامي يحاول يفك نفسه : لو واحد يقرب بذبحه
راكان بعصبيه : ماكفاك ابوخالد وذبحته , تبي ترتكب جرايم اكثر
هادي مبتسم : أي اذبحه كأنه خاروف بعد , وابو خالد ماجاه شي وادري انه عايش
سامي ماعاد يقدر يتحمل بصوت متقطع : فكني ياححقيرر فكنني الله لايوفقك ولا يوفق احمد معك

ـــــــــــــــــــــــــ ـــــــــــــــــــــــــ ـــــــــــــــــــــــــ ــــ


ام سامي من سمعت الصوت لبست عباتها وطلعت ل الشارع وطلعت معاها رزان ومن شافت ولدها والشرطه بكت : ياوووويييللي على وللدددي , وش تسوون بهه
راكان قرب من ام سامي : ارجعي بيتك ياخاله هذا مسلح ويمكن يقتله
ام سامي بصياح : وين ارجعع وهذا بيذبح ولدي , يالخسيس قددر انك جالس ببيته واكرمك , ولا الكلب مايبين بعينه شي .
هادي : أيه مايبين بيعني شي والحين ترحمي على ولدك ي عجوز
قرب السكين اكثر لرقبة سامي وبداء ينزل الدم
وهادي مبتسم ومستمتع : تبين ازيد ويموت ؟
راكان بحركه سريعه مسك سالم وكتفه وطيحه على الارض : اذا تبي سلامة صديقك اتركك الرجال
هادي بضحكه شر: ههههههههههههههههههههه خذوه لكم مابيهه

ـــــــــــــــــــــــــ ـــــــــــــــــــــــــ ـــــــــــــــــ

وصل صديق الضابط تركي
اول ماشاف اللي صاير بالشارع انصدم
ركككض ل ام ساممي : يييمممهه شصااايررر
ام سامي ضمت ولدها : سيفف يبون يذبحون اخووكك تكفى ياسيف رجعه لي
رزان قربت لـ امها وهي تبكي : تكفى ياسيف فكوه
سيف شاف تركي وراكان وشاف هادي ككيف ماسك اخووه
صررخخخ : سااااااااااااااامممي
تركي قرب من سييف : سيف تعرف هذا ؟
سيف بعصبيه : هذا اخووي سامي ي ترككي
رامي اختفى من المكان بعد ما اشرله راكان
راكان : وش تستفيد الحين لو مات
هادي مبتسم وهو يشوف الدم ينزل على يدينه : استمتع وانا اذبحه
راكان : بس بـ تستمتع اكثر اذا دخلت السجن ان شالله
هادي مبتسم : هذا اذا قدرتو تمسكوني
سيف موجهه سلاحه على هادي : اذا صار له شي والله العظيم ل تندم على كل يوم في عممرك ياحقيير
سامي صار من كثر الضغط والجرح ارتخت اعصابه وطاح بثقله على هادي
ام سامي من شافت ولدها طاحت واغمى عليها رزان تمسكها وهي تصيح : يممه يممه اصححي

_____________________________________-
في المستشفى

اذن العصر

دخل الدكتور : السلام عليكم
الكل : وعليكم السلامم
الدكتور : أي شلونك يابو خالد عساك طيب
ابوخالد يعدل جلسته : الحمدلله يادكتور , متى اطلع ؟
الدكتور : مسرع مليت مننا يابو خالد , ان شالله بكره بكتب لك خروج
ابوخالد : ان شالله
الدكتور يناظر سمر اللي واقفه عند راس ابوها : انتبهي يابنتي على ابوكك ولازم علاج ياخذه بوقته
سمر : ان شالله يادكتور
الدكتور وهو يطلع : يالله معافى ان شالله وطلع

دخل ابوالوليد : السلام عليكم
الجميع : وعليكم السلام
سمر قربت تبوس راس عمها : كيفك يا عمي ماعاد نشوفك
ابوالوليد يغلي سممر حيل : والله يابنتي اشغال ومرافق هنا مع ابوك
ابوخالد بأمتنان : أي والله يابنتي ابوالوليد ماتركني ابد الله يجزاه الجنه
ابوالووليد : الله يخليك لنا يابو خالد .
قربت نوره من عمها وهي تمد له القهوه
ورنيم تقدم التمر: تفضل ياعمي
ابوالوليد ياخذ التمر : زاد فضلك ي بنيتي
خالد وقف : يالله بنات اوصلكم البيت
سمر وهي توقف : يالله , انتبه لنفسك يبه
ابوخالد : ان شالله يابوي انتي
طلعو البنات وخالد
الليث وقف :وانا استاذن بروح اغير ثوبي .
ابوخالد وابوالوليد : اذنك معك
طلع وشاف خالد عند المصعد
خالد بضحكه: تكفى لاتوقف بجنبي تفشلني
الليث يدفه : اقول كل تبن بس انا اللي اقولك لاتفشلني
خالد يبعد عنه : خلك بعيد بنسوي حالنا مانعرف بعض طيب
البنات ماسكات حالهن
نوره راحت توقف بجنب الليث بميانه : ماعليك ي ولد عمي من هالخبل يعنني متفشل , انا اوقف بجنبك واساندك
الليث يتفاخر : كفو والله يالنوري , امشي معي خلي هالخبول لحالهم
خالد يطير عيونه عليهم : انا خبل يا كلب ؟ طيب طيب وانتي ي نوري روحي معه ماراح تركبين سياراتي الحين كل الناس عرفوك وبتفشل ان ركبتي سيارتي
نوره مطنشته : من زين سيارتك بروح مع الليث اكيد سيارته ازين منك

ففتح المصعد وركبو كلهم ونزلو عند المواقف
نوره مشت مع الليث لسيارته
وانصدمت يوم شافتها ددسن 2015
نوره بصدمه : هذي سيارتتكك ؟
الليث كاتم ضحكته : أي شرايك احلا من سيارة اخوك
نوره وهي تمشي : اقول ياشيخ ليتني مامشيت معك من زين سيارتك وين عقلك يوم اخذتها
الليث يمثل انه عصب : سلامات لاتغلطين على سيارتي يا القزمه
نوره ركضت لسيارة اخوها قبل يمشي قربت وطقت القزاز : افتح خويلد
خالد فتح القزاز : نعم وش تبين مامعي ريال اعطيك دوري غيري
نوره تضربه على كتفه : اقول بس افتح لي
فتح الباب لها
خالد وهويضحك : هاه اعجبتك سيارة الليث؟
نوره بحمق : وويع من زينهاا تخيل ددسن سيارته ويع
سمر تضحك عليها : تستاهلين خلي اللقافه تنفعك
رنيم مرجعه راسها ورا : خالد امش بالله تعبانه .
خالد وهو يحرك : سلامتك ماتشوفين شر
سمر لفت عليها : فيك شي ؟ اعطيك بندول ؟
رنيم ويدها على بطنها ويد على راسها : لا بس مغص بسيط شوي ويروح .
سمر : على راحتك
عند راكان
ـــــــــــــــــــــــــ ـــــــــــــــــــــــــ ـــــــ

هادي نزل السكين بسرعه وهو يبي يدف سامي ويهرب
حس بشي على راسه
رامي وهو موجه المسدس على راسه من ورا :مو بهالسرعه ياهادي
كتفه وكلبش يدينه
ركض راكان ومسك هادي ووججه له لكمه في بطنه
هادي بألم : ااهه
راكان : هذي عشان ابوخالد
وعطاه لكمه ثانيه : وهذي عشان الناس اللي بكوه بسببكم
وعطاه الثالثه : وهذي عشان تقديرا لتعبي
هادي صار يطلع فمه دم ومسكه حامد : خلاص يكفي كذا خلنا ناخذهم ونمشي
سيف اول مافك اخوه راح يركض له وحط راسه بحضنه يضرب وجهه : ساامي ساامي اصحى سامي تكفى قووم
سامي فتح عينه وهو خلاص موحاس بشي: سيف امي ورزان امانه عندك تكفى لايصير لهم شي وانتبه عليهم
سيف يهزه : سامي قووم بننتبه لهم مع بعض قومم رزان تبينا قووم تككفى
صرخ على الشرطه اللي جو معه : بسسسسسسسسسسسررعه اتتتصللو على الاسعاااف وش جالسين تسسون تناظرونا

تركي ساعد رزان وشال امها وحطها بسيارته
وراح لسيف : قوم خلنا ناخذهم المستشفى قبل يصير له شي
وبسرعه سيف شال اخوه وركض ل السياره وحط اخوه مع امه وراح مع تركي وترك رزان لحالها
رزان واقفه وبعيونها دموع وهي مقهوره من هادي ععلى اللي صار بأخوها
قربت منه وكان راكان ورامي ماسكينه قربت وصفقته كف بقوهه : هذا ارد فيه اعتباري ياحقيرر تفوو علييك وااطي
راكان ورامي ابتسمو على شجاعتها

هادي مبتسم بتعب : حتى الكف منك حلو
راكان بسرعه ضربهه في بطنه : وهذا عشان تعرف مع مين تتكلم .
رجعت رزان تشوف المكان وشافت حامد والشرطي اللي معه ماسكين سالم قربت منه وضربته ككف : هذا عشان تقدرون الناس اللي تضفكم يازباله

راكان اخذ هادي وسالم وحطوهم بسياره حامد ورامي للان تركي اخذ سيارته
رزان بقيت تناظر للمكان مابقى الا هي وراكان والشرطيين
جلست على الارض تبكي : ياربي وش سوينا بحياتنا عشان يصير معانا كذا ااهه ياربي اهه
راكان قرب منها : خلاص اختي اهدي ان شالله
رزان وقفت وبعدت عنه : اابعععدد عني , انتم مو حامين الوطن مو انتم المفروض تحمون اخوي من اللي صار له _وبصراخ _ انتتو خليتوه لين قتله هالحقير ليـــــــش .
راكان توتر من صراخها : خلاااص اهددي ,هذا اللي ربي كاتبه .
رزان بدت تستوعب انها كانت تصارخ على الضابط بصوت متقطع : اسفه اسفه ومشت لبيتهم ودخلت وقفلت الباب
راكان تنهد وهو يمسح على راسه : اهه الحمدلله على كل حال
قرب من الرجال اللي جو مع سيف : انتو خليكم عند البيت تحسبا لا يصير للبنت شي .
الشرطي الاول : ان شالله .
¬¬____________________________________________
دخلو المستشفى ودخلو سامي غرفة العمليات وامه دخلوها غرفة العنايه
سيف واقف عند غرفة العمليات وتركي معه
تركي : خلااص سيف اهداء
سيف بصراخ : ككييف اهدا والمجرمين كانو في بيتي , وطعنو اخوي وامي بالعنايه ؟ كيف تبيني اهداء
تركي انحرج كل الناس تطلعهم مسكه وجلسه : يارجال هذا اللي الله كتبه
وقف سيف كأنه مقروص : يووه نسيتهاا
تركي استغرب : شففيكك
سيف يمسح على شعره : نسيت رزان لحالها بالبيت اخاف يصير لها شي , كيف بروح لها ياربي _ مسك جواله _ بتصل على الجيران
تركي ينزل جواله : خلاص انا اروح اجيبها لك هنا
سيف يطالعه شوي وهو ساكت وبعدين تكلم : طيب روح
تركي استغرب نظرته : اذا ماودك ما اروح واتصل على جيرانكم احسن
سيف خجل من نفسه ان شك فيه : تركي لاتفهمني غلط بـ..
قاطعه تركي : ماني فاهمك غلط خلاص
سيف حط يده على كتف تركي : روح تكفى ما ارتاح لين اشوفها قدامي .
طلع تركي وتوجه لبيت اهل سيف
راكان واقف عند البيت ويتصل على تركي
تركي وهو يركب السياره : هلا
راكان : مو كأنك سحبت علي وتركتني بالشارع
تركي كتم ضحكته : يووه نسيتك وين حامد ورامي
راكان وهو يوقف : ياشيخ مشو الرياض من ساعه قلت لهم يروحون
تركي : انا ماشي الحين جايك وبناخذ اخت سيف ونوصلها
راكان تذكرها : ياشيخ بنت رجال ماشالله عليها , ماينخاف عليها
تركي استغرب : غريبه تمدح وش مسويه .
راكان قاله السالفه
تركي بأعجاب: ماشالله عليها قويه
راكان : اقول انت وين وصلت
تركي : بالشارع الثاني وصلت وسكر منه
راكان قرب من السياره : زين انك وصلت
تركي نزل من السياره ودق باب بيتهم

ـــــــــــــــــــــــــ ـــــــــــــــــــــــــ ـــــــــــــــــــــــــ ــ

دخلت البيت وانا منهاره بقووه مدري وين اروح البيت موحش
دخلت غرفتي ونزلت عباتي وتوضي وصليت ركعتين يمكن ااهداء
اتصلت على سيف كم مره مايرد
خايفه تصير حياتي موحشه ومايبقى لنا .
سمعت الباب يدق لبست عباتي وانا كل خوف الدنيا تجمع بقلبي
طلعت من باب المدخل والطقم ماوقف.
قربت للباب وكلي خوف : مين ؟
..: انا تركي .
رزان قلبي يدق بقوه : تركي مين ؟
تركي : الضابط تركي .
رزان : ايش تبي ؟
تركي : سيف طلب مني اوصلك للمستشفى .
رزان بخوف : لا انا مابي اروح معك , ليش مو سيف جاء ياخذني
تركي يطمنها : والله هو وصاني اجيبك ومعي الضابط راكان , وسيف مايقدر يترك امك واخوك محتاجين له
رزان رجعت شوي عن الباب وفتحت جوالها واتصلت على سيف
رزان بصوت يرجف: الو
سيف اول ماتكلم : رزان تعالي مع تركي انا قلت له .
رزان بصوت مخنوق : بس مابي اروح معه
سيف متضايق : رزان الله يخليك لاتطولينها , انا خايف عليك ولا اقدر اجي اخذك , تكفين تعالي معه لاتطولينها وانتي مو لحالك , يالله مع السلامه
قفل الخط بدون مايسمع ردها لانه عارف انها بتطول لين يقنعها
رزان وقفت لحظات تناظر الشاشه بعد ما قفل الخط سيف
قربت من الباب ولبست نقابها وعدلت عبايتها وتشجعت وهي تفتحه
تركي كان واقف عن الباب ويكلم : ان شالله , يالله مع السلامه
راكان راح يركب عشان مايحرجها
تركي عطاها ظهره وهو يحط جواله بجيب بنطلونه : يالله اركبي السياره .
قربت من سيارة تركي وركبت ورا السواق وهي ترجف * ياربي احس قلبي مقبوض وخايفه ياربي سيف وش يحس فيه وهو يخليني اجي مع زميله , اف يارببي ساعدنني *
ركب تركي السياره وشغل السياره ومشى بأقصى سرعه
راكان التفت لتركي : تركي هد السرعه تبي تموتنا انت .
تركي ابتسم له وهو يهدي سرعته : ههههه لا الله يطول بعمرك .
بعد وقت قصير وصلو للمستشفى
دخلت رزان وهي تتصل على سيف : سيف انا وصلت
سيف : تعالي لـ.. الطابق الثاني .
سيف اول ماشاف رزان ضمها لصدره .
رزان وهي ضامته : سيف شلون امي وسامي
سيف ضل ساكت وعيونه مغرقه
بعدت عنه رزان : سييف وين اممي تكللم
سيف بعد عنها ومارد
رزان وعيونها بدت تغرق دموع : سييف اقولك وين اممي
سيف التفت لها ووجهه احمر وهو يمسك يدينها : امي عطتك عممرهاا
رزان بصراخ : اييشش تتقققوول انت اممي مافففيها شي , قبل شووي كانت جالسه معي وتسولف , سيف لاتتفاول عليها سيف الله يخليك قولي هي بأي غرفه .
سيف جلسها على الكرسي: امي ماتت يارزان
رزان ببكا وعدم تصديق : سيف لاتسوي لي مقالب بايخه اعرف حركاتك انا , ادري تستهبل _وبشهقه _ الله يخليك ابي اشوف امي تككفى سيف تكفى
سيف تقطع قلبه مو مصدقته حتى هو مو مصدق ان امه راحت بسكته قلبيه بعد عنها ودموعه تنزل
رزان قربت من سيف : سيف من بقى لنا سيـ... اغمى عليهاا
سيف على طول لف عليها وهي على الارض
سيف شالها وركض فيها ل الطوارى

تركي كان واقف بعيد وشاف كل الموقف قدامه , تخيل لو امه والموقف اللي حصل لهم حصله *الله يحفظك يمه*

ياليتني قد مت قبل نهارنا
هذا فما قد كان في حسباني
أن يأتي يومٌ محزنٌ وأرى به
أمي تودعني بلا إستئذان
مهلاً أيا أمي إلى أين الرحيل
في العمر متسع إلى الأزماني
قالت صغيري لم يعد فالعمر قدر
مثل الذي قد فات آن أواني
هَيا بني إلى جناحك ضمني
أُنظر إلى قسماتِ وجهي العاني
من هذه الدنيا ومن أزماتها
من ما رأيت بها من الأحزان
في حينها ألقت بوجهيَ نظرةٌ
ورأت دموعَ العينِ في جرياني
قالت بني لما الدموع أو البكاء
دعني أغادركم وبطمإناني
كفكف دموعك يابني وقبلت
رأسي وقالت حينها بحناني
لاتنسى أمك من دعائك إنها
تحتاجه أرجوك لاتنساني
واقبل لدفني يابني وصيتي
قبل جبيني واحتضن جثماني
وامسح دموعك وادعو ربك دائماً
أن نلتقي في جنة الرضوان


ـــــــــــــــــــــــــ ـــــــــــــــــــــــــ ـــــــــــــ

كانو بنات ابو خالد متجمعين ومرتبين السفره عشان ام الوليد والجوهره وجواهر بيجون
المجلس متوسط الحجم بجلسه ارضيه لونها بنفسجي والفرش بني والصبغه بيضا
سمر كانت لابسه تنوره سودء ميدي وبلوزه ساده ماسكه لونها عنابي ولابسه عقدطويل ومجادله شعرها البني فرنسي وكحل فرنسي وروج وردي فاتح
ورنيم لابسه جلابيه ميد ناعمه بيج على عقد طويل وحاطه كحل داخل العين مسكره وروج عنابي وشعرها رافعته كعكع بس
نوره كانت لابسه ليقن بني على بدي ابيض وكردقيان مشجر بالبني والاخضر وحاطه روج كشمري وكحل فرنسي خفيف ومسكره وشعره لفوق كتوفها مسويته ويفي من قدام ومن ورا ستريت
خالد كان واقف عند البنات غرفتهم
خالد : ابفهم كل هالتزين عشان بنات عمي ارحمو حالكم من هالمكياج عادي قابلوهم بملابس البيت
نوره وهي تعدل شعرها : وش عرفك انت تبي مثلك
عرس ثوب , عشاء ثوب , حفله ثوب دوام ثوب , طلعه عاديه ثوب , عزاء ثوب بـ..
قاطعها خالد : بس بس اللهم لاحسد خلاص كملي تزين ماراح اكلمك مره ثانيه والله
طلع خالد ل الصاله وطلعت وراه سمر : خالد تبي تطلع
خالد وهو يحط جواله بجيبه : ادري تبون الفكه مني بطلع الحين
سمر ابتسمت : لاوالله مو قصدي كذا بس اسأل
ابتسم لها وهو يمشي للباب : أي بطلع الحين مواعد الشباب بالاستراحه وبعدها بروح لـ ابوي .
سمر : انتبه لنفسك طيب .
خالد وهو يطلع : مع السلامه
سمر وهي تسكر الباب : مع السلامه
دخلت رنيم وهي تبخر المجلس : يالله بنات كلمتني الجوهره تقوول وصلو روحي افتحي الباب نوره
سمر عدلت بلوزتها : انا استقبلهم
طق الباب
وفتحت سمر الباب : يالله حي من جانا تفضلو
الجوهره وهي تسلم عليها :ياخي وحشتيني مره
سمر وهي تضحك : وانتي وحشتيني اكثر
جواهر تبعدها : ياهوو بعدي ابي اسلم خلي لنا مجال
بعدت الجوهره وهي تسلم على نوره : ياهلا وياغلا * وتبوسه قوه على خده *\
نوره وهي تبعدها : اخخ ياكلبه كسرتي خدي
الجوهره وهي تشد خدها بقوه : ياخي خدكك كأنه قطننه ودي اقطعه لك
نوره دفت يدها وهي تفرك خدها : والله لأذبحك ياكلبه وججهي ابييهه
ام الوليد وهي تسلم على سمر: شلونك يمه عساك طيبه
سمر بخجل : الحمدلله يمه كلنا بخيرر انتي طمنيني عنك
ام الوليد تناظرها بأعجاب : وش هالزين ماشالله ماخذه من امك كل شي
سمر ابتسمت : الله يرحمها , تفضلو تفضلي يايمه
دخلو كلهم للمجلس
ودق الباب مره ثانيه
رجعت سمر تفتح : اكيد هذا خالد اعرف حركاته كل يوم ناسي المفتاح
سمر وهي تفتح : مماتترك عادتك كل يوم ناسي المفتاح
..فهى على شكلها : احم بس امي نست هالكيس بالسياره
سمر قلب وجهها احمر وبعدت عن وجه الباب : اسفه حسبتك خالد اخوي
الليث عطى الباب ظهره : معليش اسف ودخل الكيس وطلع وقلبه يرقص ساممري
سمر قفلت الباب بسرعه ووججهها اححمر *يممماا فشلله احس بموووت اووف كيف غبائي اطلع قدام الباب انا بعد , ياربي الحين يقول ذي ماتستحي اخخ ياويلي لو درا خالد بس ياربي كل يوم يصير احلى من اول , سلامات وش افككر فيه انا * وقفت زين وعدلت لبسها
..: سمروش تسوين هنا ؟
سمر بأرتباك واضح : هـ هاه لا ما اسوي شي , انتي تبين شي ؟
الجوهره مبتسمه : لا بس جيت عشان هذا , كيف جاء هنا ؟ *وتأشر على الكيس *
سمر توههقت : هاه ؟ مـ مدري قصدي تو جاء
الجوهره بأستعباط : اها جاء يمشي على رجوله ودخل_ وقربت للكيس_ , اهنيك ياكيس طلعت عندك رجول ماشالله
سمر نقهرت منها : كولي تبن زين
وراححت للمجلس عند البنات وام الوليد
وجلست عن البنات وتقهوي ام الوليد : حيا الله ام الوليد اللي ماعاد زارتنا ولا سألت على بناتها
ام الوليد بتعذر : والله انشغلت شوي وتعرفين ضروف يابنيتي اعذريني
رنيم : لاوالله ياخالتي مانعذرك وزعلانين منك بالمره .
ام الوليد ابتسمت لها : وشلون ارضيك ي قلبي .
رنيم ابتسمت بشر : تخليني احط لك مكياج واسوي شعر كذا برضى
البنات ماتو ضحكك
جواهر بضحكه : لا مو لهدرجه رنيم عاد هههههههههههههههههه
ام الوليد شهقت : ياويلي بعد هالعمر اتمكيج , لا والله لو تموتين ادري هذي امنيتك من زمان
رنيم حمقت : تكفين خالتي والله ما اكثر لك تعرفيني
ام الوليد : ابد والله مافي اختاري شي غيره اما مكياج لا اعذريني يابنيتي
نوره وقفت : انا عندي فكره , تنامين عندنا اليوم كذا نرضى
سمر ابتسمت : أي كذا نرضى , ماعندك عذر عمو جالس عند ابوي
نوره جلست جنب ام الوليد : تكفين يمه وافقيي تكفييين
ام الوليد ماهان عليها تكسر بخاطر نوره : خلاص على امركم بننام هنا اليوم .
نوره ضمت ام الوليدد : يسسسس عففييه امي مشتاقه لك كثير ترا بنام بحضنك اليوم
ام الوليد وهي تحضنها : ابشري يمه
جت الجوهره تبعد نوره عن امها : اقول ابعدي بس بتسرقين امي منا ياسراقه
نوره ترفس الجوهره : اقول انقلعي بس مو امك لحالك يالله بس
ام الوليد : الجوهره اعقلي عن النوري اليوم كلي لها وبنام عندها بعد وانتو ترجعون البيت
جواهر وقفت : نعم نعم نعم , الله ما ارجع *وهي تجلس عن سمر * حتى انا ابي انام عند سمورتي .
الجوهره حطت يدينها على خصرها : ياااسلاام عيني عينك , انا مين انام عنده
رنيم ناظرتها بطرف عين : في كأئن هنا مسحوب عليه
الجوهره وهي تمد يدها ل رنيم : تعالي تعالي عندي نسوي احزاب عن بعض
الكل ضحك على الجوهره ورنيم : ههههههههههههههههههههههههه هه

___________________________________________


صحت رزان , طالعت من السقف ابيض يعني انا بغرفتي الحين وكل اللي حصل حلم اكيد امي الحين جالسه تسوي لنا الفطور عشان بنروح المدرسه , اووف الحمدلله كابوس وعدا الحمدلله *
رفعت راسها وشافت المغذي بيدها طالعت بالغرفه
انا بالمستشفى الحين , يعني اممي ماتت صدق يعني انا صرت وحيده انا وسيف وسامي ؟
رززان بصراخ وهي تجلس : يممماااا تعااااالليي , يمما ادري انهم يكذبون انتي للحين عايشه يمممااه
دخللت الممرضه بسرعه وحاولت تهديها
الممرضه وهي تمسك يدينها : خلاص رزان اهدي , اللي صار مقدر ومكتوب اهدي حبيبتي
رزان تدفها : ايش تقولين اننتي اكيد تكذبين اصلا امي مافيها شي
الممرضه ماقدرت عليها ونادت الدكتور
دخل الدكتور وكانت الطرحه طايحه عن شعرها ووجهها كله دموع
لف ظهره الدكتتور بسرعه وعصب : ليش ماتقولين لي انها كاشفه , كم مره اقولك لاتناديني قبل ماتتغطى المريضه
الممرضه بتوبتر : اسفه بس ماقدرت اسيطر عليها وهي تبكي ومنهاره
الدكتور معصب : ولوو مافي وحده ترضى على ان رجال غريب يدخل عليها وهي كاشفه , روحي نادي دكتوره هدى تشوفها وطلع وهو معصب

رزان منهاره نفسيا وجسديا انسدحت على السرير وهي تبكي : يمه يقولون رحتي وتركتينا يمه صح يكذبون ادري الحين تدخلين وتقولين مافيني شي وهم كذابين
الممرضه المشرفه على حالتها تأثرت مره وبكت
دخل سيف ووجه صاير اسود من الهم
سيف : رزان شلونك
رزان جلست ووجهها كله دموع : سيف ابي امي
سيف جلس على السرير وهو يواسيها ويواسي نفسه: مايجوز يارزان تعترضين على قضاء الله
رزان تمسح دموعها : طيب سامي وش صار فيه , لاتقولي مات تكفى
سيف قلبه اوجعه من نبرة صوتها : بالعنايه المشدده , ويبون ينقلونه بأخلاء طبي ل الرياض .
رزان بهم : اهه ياقلببي عليك يمهه رحتي وتركتينا وسامي بين الحياة والموت ياربي شصار فينا ؟
سيف بعتب : رزان مايجوز الاعتراض على الاقدار ,* وبتردد*بـ.. بكره بيدفنون امي
رزان نزلت دموعها على وججهها : الله يرحمها , ابي اشوفها اخر مره تكفى .
سيف وهو يوقف : بكره تشوفينها
رزان وقفت معه وهي تحاول تفك المغذي: سيف ابـ..
سيف بسرعه مسك يدها : تبين تذبحين نفسك انتتي ؟ وش فيكك
رزان بأنهيار : ابببيي اممممييي ابييهااا ماتفهم .
سيف ناداء الممرضه عشان تعطيها ابره
وجتهها الدكتوره هدى وعاينتها
الدكتوره : اختك منهاره مره لازم تراعي حالتها النفسيه
سيف : ان شالله , بس متى اقدر اطلعها للبيت
الدكتوره : بكره الصبح ان شالله
سيف طلعت الدكتوره وطلع بعدها وجاه تركي وراكان
تركي : عظم الله اجرك ياسيف
سيف بحزن : اجرنا واجرك تسلم
راكان : عظم الله اجرك والله يقوم اخوك بالسلامه
سيف : اجرنا واجرك , اللهم امين
دق جوال راكان وابعد عنهم
ام راكان : السلام عليكم
راكان : وعليكم السلام ياهلا
ام راكان بخوف : وينك يمه متى تجي ,تأخرت ؟
راكان : ان شالله يمه شوي ونمشي للرياض بس صاحب تركي توفت امه وتأخرنا
ام راكان بحزن عليه : ياقلبي عليهم , وش مسوين عيالها الحين
راكان يتذكر رزان : والله بنتها انهارت وولدها بالعنايه المشدده الله يستر عليهم .
ام راكان : يالطططييف يالله , الله ييسر حالهم , انتبه لنفسك يمه واذا مشيت عطني خبر .
راكان : ان شالله يالغاليه مع السلامه
وسكر من امه .
ورجع لعند تركي وسيف
راكان : سيف انا تكفلت بنقل اخوك ل الرياض وان شالله بكره الصبح يخذونه بأخلا طبي , جهز حالك وتعال مع اختك ل الرياض
تركي طق الصدر : وشقتك جاهزه مني

سيف بأمتنان : ماقصرت يا راكان وجزاك الله خير وياتركي لا تتكلف بالشقه انا واختي ندبر حالنا

تركي : لاوالله , تجي ان شالله وتلقى كل شي جاهز ولا كلافه ولااقبل اعذار حنا اخوان
سيف : يعطيك العافيه , حنى بس يخلص العزاء نجي ل الرياض
الشباب : على خير ان شالله
تركي يسلم عليه : يالله حنى نبي نمشي الرياض
سيف : توصلون بالسلامه ان شالله

ـــــــــــــــــــــــــ ـــــــــــــــــــــــــ ـــــــــــــ

عند البنات كانت سهرتهم مرتبه مع ام الوليد وبناتها
دق جوال ام الوليد وردت
ام الوليد : هلا
الليث : هلا يمه يالله اطلعو انا عند الباب
ام الوليد تناظر البنات : حنا نبي ننام عند البنات اليوم
الليث بأستغراب : لييه ؟ ليش ماقلتو لنا
ام الوليد بضحكه : والله النوري رافضه ومقفله الباب تقول ماتروحين وتبينا ننام عندها
الليث بحمق :النوري ذي يبي لها تصفيق
اام الوليد تناظر النوري : تراب يصفقك الليث
قامت النوري واخذت الجوال من ام الوليد : اقول ترا انت اللي يبي له تصفيق ياعيب الشوم عليك
الليث انفجع : بسم الله الرحمن الرحيم انتي منين طلعتي ياجنيه ؟
نوره : نعم نعم نعم الجنيه من ي اسد ؟
الليث يسوي حاله خايف : بنت الجيران مو انتي احم .
نوره شافت حالها : احم احم , أي عاد امي بتنام عندنا اليوم وياويلك توطوط عند باب بيتنا ماراح تروح .
الليث يتطنز : انننينيننيين , انقلعي يالله ياسراقه
نوره :يممما الغيره ذبحتك يالله مع السلامه
الليث يسكر منها وهو يضحك.
الجوهره بضحكه : ككفوو والله خوفتي الاسد
نوره رافعه خشمها : شقالولك الجوهره , انا نورهه ياحبيبتي .
ضربتها الجوهره بالمخده : وجع ان شالله بس شايفه حالها
ام الوليد توقف : انا والله مافيني على السهر بروح انام ,ولاتطولن بالسهر
نوره وقفت معاها : بروح انام عندك
البنات : ان شالله
رراحن
بقت الجوهره ورنيم وجواهر وسمر
سمر وهي تحط راسها بحضن جواهر : ايوه هاتو علومكم
الجوهره : اووه فاتك احداث بالجامعه
سمر : اما وش صار ؟
جواهر : تعرفين البندري اللي كانت معانا بالثانوي
سمر : ايه اذكرها
جواهر بحماس : تهاوشت مع افنان الـ.. صديقتك
سممر نقزت : اممماا كذاابه شلون صار كذا وافنان ماقالت لي
جواهر : تعرفين افنان شايفه حالها ودلوعه والبندري بويه ف زيت وماء مايتجمعون على طول حرب
سمر بخيبه : قهر ليتني كنت موجوده
رنيم ماسكه جوالها وتطقطق فيه : بنات ترا بكرا ابوي بيطلع واكيد بيسوون عشاء وكذا ف من الحين لازم نروح السوق
الجوهره : ااي صاادقه الحين يعزمون كل الناس
سمر وهي تعدل شعرها : يجون خوالك لو عزموهم
الجوهره تهز راسه : اككيد مايطوفون مناسبه لا موت ولا حياة
جواهر ضربتها بالمخده :وجع تفألي بالخير
سمر وقفت : يالله خلونا نبدل وننام بكره اكيد بتصير زحمه بالبيت عشان ابوي
قامت الجوهر ورنيم وطلعو
وجت بتطلع سمر وامسكتها جواهر
سمر التفت عليها : وش فيك
جواهر سكتت شوي وبعدين قالت : خايفه من الليث تعرفينه هو مستحيل يسكت عن اللي صار
سمر فكرت شوي : طيب هو لمح لك بشي
جواهربحزن : لا بس خايفه
سمر تمسح على شعرها : توكلي على الله وصدقيني ماراح يصير شي ان شالله
جواهر : ان شالله , يالله ننام
سمر ابتسمت : يالله
ـــــــــــــــــــــــــ ـــــــــــــــــــــــــ ــــــــــــــــــــــــ
بسيارة تركي
الساعه 12:39
راكان : الله يعينه سيف اللي صار له مو شويه
تركي : أي والله , وتدري ان اهله مايدرون بشغله ؟
راكان متفاجاء : كيف مايدرون , ودراسته وكيف ؟
تركي وهو يسوق : لما كان يدرس اهله يحسبونه داشر وبس مسافر ولا يدرون عنه يجيهم بالاسبوع مره كان مايبي احد يعرف عشان لايتعرض لمشاكل او يجي اهله شي ولما تخرج تخرج من الرياض ورجع لهم وصار دوامه في منطقته وصار يروح ويجي ماحد يدري من اهله حتى اخوه سامي
راكان : غريب هالرجال بس تصدق ارتحت له
تركي :تراه حبيب والله بس كتوم ماتقدرتأخذ من فمه كلام .
راكان : الله يعينه
تركي : وش صار عشان بـ...
قاطعه راكان : ماصار شي من اختفت مالقيت لها اثر من سنه متختفيه
تركي : ولا قدر توصل ل شي
راكان بقهر : الله حسيبها , صرت ما انام الا لـ شفت صورتها ولا اصبح الاعليها
تركي يواسيه : الله كريم يا اخوي الله كريم


كثر ما قلت أبي أنساك : ما أنساك
أطاوع ذاكرة ..... عيّت تطاوعني !! .
أحبك ، شوف ( أحبك ) كيف تتهجّاك
اضيّع صوتي و هي غصب تجمعني
.
أشوفك في عيون الناس و أتحاشاك
دخيل الحزن ..... فيهم لا تطالعني
.
و إذا ضر البكا عيني : عسى تفداك
نظر ما يلمحك ..... ماهو بـ نافعني
.
حبيبي .. ما بقى بي صوت ما ناداك
و أنا هالحين صمت شلون تسمعني !
.
اذا أنت آخذت قلبي من بعد فرقاك
أجل شأسم اللي بهالصدر يوجعني ؟

"خلف الضيف"

°°°°°°°°°°°°°°°°°°°°°°°°° °°°°°°°°°°°°°°°


طلعت الشمس على سيف وهو باقي مانام , كل ليله وهو يفكر بأهله وامه اللي فارقتهم بلحظة سريعه
مرت ساعات ونقلو سامي بأخلا طبي
وسيف يكلم تركي : تكفى ياتركي كل يوم زوره بس ايزين اوراقنا ونجي ان شالله
تركي :افا اتوصي حريص اخوك بعيوني , يالله تأمر بشي
سيف : سلامتك ياخوي
قفل سيف ودخل غرفة اخته : تجهزتي
رزان تحاول تتماسك : أي خلصت
سيف يمسك يدها : الحين بنروح لمغسلة الاموات وتغسلينها ,
_وبألم وصوت مبحوح قال_
انتبهي عليها يارزان واذا حطيتي الماء على جسدها برفق لاتوجعينها
, تدرين فيها من الله خلقها رقيقه وناعمه حتى بزعلها ,
تكفين يارزان لاغسلتيها برفق عليها لا توجعنها
امي هذي نظر عيني
ردت رزان : واذا دفنتها ياسيف تكفى لا تثقل من التراب عليها ,
يمكن تكون صاحيه وتطلع من قبرها
خبر وفاتها جاب لنا الصدمه
وتعب سامي زاد فينا وجعها .
ركبت السياره ودموعها على خدودها
وصلو ونزلت وهي ترجف
دخلت وشافت امها مجهزينها المغسلات عشان يبدون
قربت منها وهي ترجف
رزان وهي تمسح على وجهه امها وكان ابيض وهي مبتسمه كأنها نايمه : يمه تكفين قومي , ادري انك عايشه , يمه الله يخليك قومي .
المغسّله : يالله اختي نبي نبداء بغسلها
قربت رزان وهي تاخذ طشت الماء وتصب الماء بشويش وتسولف على امها : يمه سيف وصاني عليك , قالي اخف عليك وانا اصب الماء , يمه تدرين اخوي سامي بخير , يمه قومي سولفي علي , _وببكا_ هاوشيني اضربيني قوميني عن جوالي صحيني غصب عشان اصلي الفجر , يمه والله راضيه كل شي اسويه بس قومي
_قربت من راس امها وباسته _ الله يرحمك يالغاليه .
خلصو غسيل امها وكفنوها وشالوها للمقبره
رزان ركبت السياره وهي تصيح
سيف : خلاص يارزان بوصلك البيت الحين العزاء فيه وانا بروح ادفنها
رزان ماوقفت بكا
وصلها البيت
ورجع سيف عشان يدفن امه
شالها على كتفه ومشى فيها وصل اللقبر
ونزلوها
نزل عندهها وهو كاتم العبرات في صدره :يمه لاتخافين من الظلام انتي من صغرنا حفظتينا سورة الملك
يمه وصتني رزان عليك ما اثقل التراب عليك , يمه انا كل يوم بزورك عشان ماتستوحشين بالقبر , يمه انا ابي احفر قبري جنبك عشان لا اخذني الله عندك اصير جارك بالقبر يمه استودعتك الله من الدود لاياكل جسدك , وباس راسها_ الله يرحمك يالغاليه
طلع وتم الدفن
جلس عند القبر : عظم الله اجري فيك ييالغاليه عظم الله اجري فيك ياجنتي
وقفوه الرجال وعزوه
..: عظم الله اجرك ي اخوي عظم الله اجرك بجنتك
سيف : اجررنا واجرك يابوفارس
ابوفارس يواسيه : هذا طريقنا ياسيف , وامك سبقتنا بموتها , ترحم عليها وادع لها وتصدق عنها
الميت اذا انقطع عمله صار امله بعياله واهله يتصدقون عنه
سيف يمسح وجه : الله يرحمها ان شالله

طلع من المقبره ووصل للبيت وكانت الديوانيه كلها رجال يعزونه جيرانه وخواله وعمامه
خاله زايد بصوت مخنوق : عظم الله اجرك ياسيف عظم الله اجرنا في امك
سيف مخنوق والدمعات بعيونه : اجرنا واجرك يا خالي
ـــــــــــــــــــــــــ ـــــــــــــــــــــــــ ـــــــ

رزان ماكان حالها احسن من حال سيف
كانو عندها خالاتها وعماتها بس تحس روحها وحيده
ساره عمتها : خلاص يارزان اهدي هذا اللي الله كاتبه , وكلنا على هذا الطريق
ضمت عمتها وهي تصيح : اهه قلبي محروق ياعمه ابيها من بقى لنا الحين
ساره تهديها : بقى لك سيف وسامي الله يقومه بالسلامه .
رزان تحاول تتماسك : بقوم ارتاح بغرفتي
وقفت وراحت لغرفتها
دخلت وحده عليها
..بصوت مبحوح: رزااننن





انتهى الباااارررت

توقعاتكم