آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          294 - لماذا تهربين؟ - كارول مورتيمر (الكاتـب : بلا عنوان - )           »          ثمن الكبرياء (107) للكاتبة: Michelle Reid...... كاملة (الكاتـب : فراشه وردى - )           »          1041 - ميراث خطر - ستيفاني هوارد - د.ن (الكاتـب : سنو وايت - )           »          البجعة الورقية (129) للكاتبة: Leylah Attar *كاملة & تم إضافة الرابط* (الكاتـب : Andalus - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree41Likes
إضافة رد
 
LinkBack أدوات الموضوع انواع عرض الموضوع
قديم 19-02-17, 09:34 PM   #1481

منال سالم

كاتبة في قسم قصص من وحي الأعضاء ومنتدى قلوب أحلام

 
الصورة الرمزية منال سالم

? العضوٌ??? » 358950
?  التسِجيلٌ » Dec 2015
? مشَارَ?اتْي » 1,488
?  مُ?إني » بورسعيد - مصر
? الًجنِس »
? دولتي » دولتي Egypt
?  نُقآطِيْ » منال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond repute
¬» مشروبك   water
¬» قناتك max
?? ??? ~
وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً
?? ??? ~
My Mms ~
افتراضي الفصل الثاني والعشرون



الفصـــل الثاني والعشــــرون :

في غرفة الوسائط المتعددة ،،،

أفاقت ليلة من حـــالة الصدمة التي إنتابتها سريعاً ، وإعتدلت في جلستها على المقعد ، وتشنج كتفيها وهي تتسائل بضيق :
-حضرتك بتعمل ايه هنا ؟

ابتسم لها أيمن وهو يغلق باب الغرفة مجيباً إياها :
-أنا شغال Part-timer ( دوام جزئي ) هنا

عقدت ما بين حاجبيها ، وهتفت مندهشة :
-مش فهماك بصراحة !

لوح بيده في الهواء وهو يفسر لها بهدوء :
-يعني لما الإدارة هنا بتحتاجني بأجي
-مممم...

ثم إزدادت إبتسامته الواثقة إتساعاً وهو يضيف :
-عامة هي فرصــة حلوة إني أشوفك تاني في نفس اليوم

عبست بوجهها أكثر متمتمة بهمس :
-بالنسبالي لأ !

قطب جبينه وهو يســـألها مستفهماً :
-بتقولي حاجة ؟

نظرت له بحدة ، ثم أجابته بنفاذ صبر :
-عاوزة أنجز الصور بتوعنا

حك أيمن جبينه بإصبعيه ، وتحرك نحوها قائلاً :
-بس دول قدامهم وقت

زفرت من الضيق وهي تتسائل بـ :
-أد ايه يعني ؟

فرك طرف ذقنه بكفه ليجيبها بغموض :
-ممم.. يعني نقول ساعة اتنين !

إتسعت مقلتيها في صدمة واضحة ، وهتفت بسخرية :
-اييييه ؟ ليه هاتحمضهم وتطبعهم !

ابتسم لها قائلاً :
-مش كده ، بس هاعمل فلترة للصور وآآ...

قاطعته بصوت شبه منفعل :
-لألألألأ .. أنا مش فاضية للحوار ده كله ، انت نزلهم زي ما هما وخلاص

استغرب أيمن من حدتها في التعامل معه ، فحاول أن يكون هادئاً بقدر المستطاع وهو يتابع بجدية :
-مش هاينفع ، كده يبقى آآ....

قاطعته مجدداً بصوت محتد وهي تشير بإصبعها :
-شوف يا كابتن أنا already ( تقريباً ) متأخرة ، ومش عاوزة أضيع وقت أكتر من كده

اقترب منها أيمن ، ورمقها بنظرات شبه معاتبة قائلاً :
-كابتن ! لحقتي تنسي اسمي يا مس ليلة ، شوفتي أنا فاكر اسمك ازاي !

توردت وجنتيها قليلاً وهو ينطق بإسمها على شفتيه ، وحاولت أن تخفي إرتباكها بالصياح بحدة :
-هو احنا جايين نتعرف ؟ ده شغل ، ولولا الحظ مكونتش شوفتني

أشــــار لها أيمن بكفيه قائلاً بحذر :
-تمام .. تمام .. مافيش داعي للنرفزة ، انا هاعمل كل حاجة وتقدري تمشي

هزت رأسها نافية وهي تلوي شفتيها لتجيبه بإصرار :
-لأ ، هاستنى لحد ما أشوف الصور

مط فمـــه في حيرة ، ثم أخــذ نفساً عميقاً وزفره على مهل ، وتابع بصوته الرخيم :
-طيب ، أنا هحاول أخلص بدري
-طب يالا
-أوكي .. ممكن بس آآ..
ثم أشـــار لها بعينيه ، فقد كانت ليلة تســـد عليه المدخل إلى الحاسوب ، فضيقت عينيها أكثر لتسأله بإستغراب :
-ممكن ايه ؟

ضغط على شفتيه قائلاً بصوت آجش :
-حضرتك ممكن تديني Space ( مساحة ) أقعد فيها ، لأني مش عارف أعدي

إزدادت حمرة وجنتيها ، وتحركت بالمقعد للخلف وهي تقول بحرج :
-احم .. أها .. اتفضل

نظر لها بإمتنان قائلاً بإيجاز :
-شكراً

فتح أيمن جهـــاز الحاسوب ، وقــام بإيصـــال " ذاكرة الكاميرا " عن طريق الوصــلة الخاصة بها ، ثم نقل الصور التي إلتقطها بمهارة وحرفية إلى ملف خــاص بالجهاز ..

إستدار هو برأســـه ناحيتها ليتأمل وجهها عن كثب .. فرمقها بنظرات إعجاب لهيئتها المنمقة رغم بساطتها ، ثم أدرك أنه قد خرج عن سياق مهامه الوظيفية ، وكذلك خشي أن توبخه بحدة إن رأته ينظر لها بتفحص .. فهتف بجمود :
-حضرتك بصي على الصور ، وقوليلي رأيك في اللي يتحط ، وأنا هافلترهم براحتي بعد كده

لم تنظر ليلة نحوه ، واجابته بإقتضاب :
-اوكي

تفقدت هي الصور الفوتغرافية على عجـــالة ، خاصة وأنها كانت تشعر بالحرج الشديد بسبب قرب مقعدها من مقعده وإحتمالية تلامس ذراعيهما إذا ما مــال هو عليها- أو حدث العكس - دون قصــد ..
جاهدت لتبقى دون أي إرتباك بادي عليها ، ثم تنحنحت بخفوت وهي تتشدق بـ :
-تمام ، مافيش حاجة وحشة

ابتسم لها بغرور وهو يجيبها بنبرة متفاخرة :
-ده شغلي يا مس ليلة

وظل محدقاً بها لعلها تنظر إليه ، لكنها لم تلتفت ولو لثانية ، وظلت أنظارها مسلطة على شاشة الحاسوب ..
وفجـــأة هبت واقفة من مقعدها لتقول بجدية :
-أوكي يا مستر ، أنا مش هاعطلك أكتر من كده

نهض أيمن هو الأخــر ليردف قائلاً بإستغراب أعجب :
-ولا عطلة ولا حاجة ، بالعكس آآ...

لم تمهله هي الفرصــة لإتمـــام جملته ، حيث قاطعته ببرود :
-سلامو عليكم

هز كتفيه في تعجب من حالها الغريب ، ورد عليها بهدوئه المعتاد :
-وعليكم السلام !

وتابعها بأنظاره إلى أن أغلقت الباب خلفها ، فوضع يده على رأســـه ، وفركها وهو يحدث نفسه مبتسماً :
-حقيقي نرفوزة وروحها في مناخيرها بس يجي منها !

....................................

في فيلا سرحــــان عليوه ،،،

دفـــع آيـــاز الأجرة للسائق الذي أوقف سيارته أمـــام البوابة الخارجية للفيلا ، ثم توجــه للداخل بخطوات مرهــقة ..
كما كان يبدو على وجهه التعب والإنهـــاك ..
وما إن رأته وردة وهو مقبل عليها بحالته تلك حتى انتفضت من مكانها فزعة ، وصاحت بقلق :
-يا حوستي ، سي إزاز ؟ مالك ياخويا ؟

نفخ من الضيق ، ثم أشـــار بكفه قائلاً :
-بليز فلاور ، Leave me alone ( دعيني لشأني )

فغرت فمها في حيرة متسائلة بفضول :
-ليفة !!! هو إنت عاوز تستحمى ؟

زفر بإنزعــــاج بائن قائلاً :
-أووف، لأ أنا مش ناقصك

تنهدت وردة بحرارة ، ثم أسبلت عينيها ، ورمقتها بنظرات عاشقة ، وهتفت بنزق :
-ماتقولي على اللي تعبك وأنا أريحك

لـوى فمه قائلاً بسخط :
-No, thanks ( لا .. شكراً )

هتفت بحمـــاس بادي في كل تفصيلة من وجهها :
-طب أنا عندي اللي يهدي بالك ويهديلك العاصي

تنهد بإنهـــاك قائلاً :
-فلاور ، نتكلم بعدين

أسبلت عينيها بغرابة لتقول بتلهف :
-يا سي إزاز ، أصــل انت حليوة وألاجــة ، وتلاقي حد عينه الله أكبر تفلق الحجر رشقك عين من إياهم .. !

عقد حاجبيه في عدم فهم وتسائل بنفاذ صبر :
-What ؟

لوت ثغرها لتجيبه بجدية :
-العالم السّـــو مش سايبن حد في حاله ، أنا هاقولك على الوصفة اللي تحميك من عينهم السودة

سألها آيـــاز بنبرة مستفهمة وهو محدق بها :
-وصفة ؟ ده حاجة تبع الأكل ؟

لوحت بيدها أمام وجهه موضحة بإهتمام :
-أكل ايه بس يا سي إزاز ، ده حجاب بيعمله الشيخ مبروك ، حاجة تكفيك شر المستخبي ، وتصد عنك آذاهم

بدى على وجهه الإندهاش ، فسألها بفضول :
-آذى ! مين دول ؟

أمسكت بياقة عباءتها البسيطة وهزتها في الهواء وهي تهتف بخوف :
-حابس حابس يجعل كلامنا خفيف عليهم !

ثم مــالت بجسدها للأمـــام قليلاً ، وهمست بحذر :
-دول أسيادنا اللي تحت الأرض ، حوش يا اللي بتحوش !

رد عليه ببرود وهو يرفع حاجبه للأعلى :
-عفاريت يعني

ضربت على فمها بكف يدها وهي تتوسله بذعــر :
-شششش .. لأحسن يؤذوك

إمتعض وجـــهه أكثر ، وزاد عبوساً ، ثم صـــاح بضيق :
-فلاور .. وسعي ، أنا مش ناقص stupidity ( غباء ) على أخر اليوم

حاولت هي أن تتلفظ ما قاله ، فقالت بتلعثم :
-سـ..آآ... هــــاه

أشـــار لها بيده وهو يتحرك مبتعداً :
-روحي لحالك

تنهدت بعمق وهي محدقة بنظرات عاشقة ، ثم غمغمت مع نفسها قائلة :
-حالي هو إنت يا سي إزاز ، ياخواتي ليه حجاب الشيخ مبروك مجبش نتيجة معاك ، لأحسن يكون ضحك عليا واستغلني ولطش المعلوم ! نهاره طين !!!!

...............................

قابل آيــــاز خالته السيدة ســـوزان أثناء صعوده على الدرج ، فســألته الأخيرة بإهتمام واضح :
-إيه الأخبار معاك يا حبيبي ؟

رد عليها بتعب وهو يحاول الإبتسام :
-good

حدقت هي فيه بنظرات متفرسة ، ثم أردفت قائلة بإهتمام :
-مش باين عليك

أخـــذ آياز نفساً عميقاً ، وأجابها بحزن :
-بصراحة مكونتش أتوقع الوضع في مصر بالشكل ده

ردت عليه خالته بصوت هاديء وهي تربت على ذراعه :
-كان لازم تجرب عشان تصدقنا يا آياز !
-اها

أكملت حديثها قائلة بجدية :
-لو مش عاوز تكمل ، سيب الشغل فوراً ، واشتغل مع عمك سرحان، هو هيفرح بده أوي

هز رأســـه نافياً وهو يرمش بعينيه :
-لأ ، أنا مش من النوع اللي بأستسلم بسهولة
-ربنا معاك
-Thanks

ابتسمت له سوزان قائلة :
-طب إرتــاح إنت ، وهابعتلك وردة بالغدى

هتف آيـــاز بتوسل وهو يكمل صعوده على الدرج :
-لأ ، بليز بلاش فلاور ، أنا هرتاح من غير حاجة

إزدادت ابتسامتها المشرقة وضوحاً مضيفة :
-دي بنت لذيذة

رد عليها بجدية :
-هي حلوة وكيوت وnice بس أنا مش آآ...

في نفس التوقيت كانت وردة في طريقها للمطبخ حينما استمعت مصادفة إلى حديثه الأخير عنها ، فرقص قلبها طرباً لكلماته ، وتسارعت دقاته فرحة ، وتهللت أساريرها وهي تحدث نفسها بسعادة :
-هـــــاه ، سي إزاز بيقول عني حلوة ، بركاتك يا شيخ مبروووك ، ده أني لازم أروحله أتشكرله بنفسي ، الحجاب اشتغل يا ناس

ثم أسرعت بالركض في إتجاه المطبخ .. بينما تابعت سوزان حديثها بنبرة هادئة :
-أوكي يا حبيبي ، أنا موجودة لو عوزت حاجة
-تمام

أخرجت وردة الحجاب من أحــد الأدراج ، ثم قبلته بعمق ، وضمته بكفيها إلى صدرها ، وأغمضت عينيها ، وتنهدت بحرارة لتتمتم مع نفسها بـ :
-هـــــاح .. ميتا ( إمتى ) تيجي البلد وتطلبني من أهلي يا سي إزاز ، ونتجوز ونجيب أورطــة عيال من عينتك دي يا قمر !
...................................

في المســــاء ،،،،

اشتعل موقع " الواتســــاب " برســـائل المعلمات حــول ما دار اليوم والضغوط الشديدة في أول أيــام الدراسة ، وتشعب الحوار الرئيسي إلى حوارات خاصة ثنائية عن بعض المواقف الشخصية .....

عقدت عاليا ساقيها معاً ، وتنهدت بتعب وهي تعيد وضع الوســـادة خلف رأسها، ثم طبعت على لوحة المفاتيح الخاصة بهاتفها المحمول بعض الكلمات الخاصة بحوارها التالي ..
-عاليا : (( لا بجد أوفــر ))
-ريمان : (( أنا كنت هاتفرس ، ده زي ما يكونوا قاصدين يغيظوني ))
-عاليا : (( متكبريش الموضوع ، هما مش يستهلوا منك تضيعي وقتك في التفكير ))
-ريمان : (( مضايقة يا عاليا ، انتي مش شوفتي شكلهم سوا ))
-عاليا : (( ما إنتي عارفة رانيا ، هاتجيبه من برا ، هو ده طبعها ، بتريل على أي واحد ))
-ريمان : (( حلوة الكلمة دي ))
-عاليا : (( فكك إنتي منها ، وركزي في شغلك ، بكرة يومك ))
-ريمان : (( أيوه ، أنا متفائلة خير ))
-عاليا : (( إنتي جايلك حبة اطفال سكر أصلاً ، كلهم ممتازين وشاطرين ))
-ريمان : (( طبعاً ، دول معروفين من السنة اللي فاتت ))

..............................

على الجانب الأخـــــر ، سردت ليلة لســـارة موقفها الغريب مع المصور أيمن ، فكتبت لها الأخيرة ,,,,,
-ســارة : (( ماتحطيش في بالك ، كله عادي ))
-ليلة : (( أنا خايفة بس يفكرني بت من إياهم ، من اللي بيتمحكوا في أي واحد والسلام ))
-سارة : (( ليه إن شاء الله ؟ موقف وعدى ، انسيه ، وبعدين هاتشوفيه تاني فين ؟ هو خلاص يوم في الكي جي وانتهى ))
-ليلة : (( على رأيك ! ))

..............................

في إحدى المناطق الصحراوية المخصصة لسباقات السيارات ،،،

جلس رامي على مقدمة سيارته ، ورفع العلبة المعدنية للمشروب البارد على فمه ليرتشف منها القليل قبل أن يكمل حديثه الجاد مع آيــاز بـ :
-ما أنا من الأول قايلك ، شغل الحضانات ده أخره تنضيف ودادة

لوى آيـــاز فمه ، وعقد ساعديه أمــــام صدره وهو مستند على مقدمة السيارة إلى جواره ، وظل محدقاً في الفراغ أمامه مجيباً إياه بـفتور :
-افتكرت إنك بتشتغلني !

لكزه رامي في كتفه بخفة ، وبرر قائلاً
-أنا حذرتك ، وإنت مصدقتنيش

تنهـــد بإحباط ليضيف بعد أن أرخى مرفقيه ، ودس كفيه في جيبي بنطاله :
-حاسس إن المحصلة في النهاية زيرو !
-معلش

أخرج آيــاز كفيه من جيبه ، ثم فرك وجهه بتعب ، وهتف قائلاً بتقزز :
-إنت .. إنت لو تشوف شكل الولد وهو بيمسح فيا إيده الملزقة ولا الحاجات الخضرا الغريبة اللي نازلة من مناخيره

نهره رامي قائلاً بإشمئزاز :
-كفاية يا عم ، مش عاوز أشوف ولا أتخيل !

نفخ آيـــاز ، وتابع قائلاً بتأفف :
-ده مشهد تعذيبي نفسي بحت من تنفيذ حتت أطفال مش واصلين لركبتك !

أضــــاف رامي قائلاً بمزاح :
-ماهو الطفل عبارة عن كائن طفيلي لزج يعيش ويتعايش على الأخرين
-ده الوصف السليم ليه

ربت رامي على كتف آياز قائلاً :
-الله يعينك ، هما المدرسات بيتهبلوا من قليل

استدار آياز برأســه لينظر إلى ابن خالته قائلاً بسخط :
-أنا محتاج أتعقم كل يوم قبل وبعد السكول

ابتسم له رامي وهو يرد عليه مازحاً :
-خلي في جيبك ديتول ..أو أقولك هات فينيك بيجيب نتيجة حلوة !

احتقنت عينيه بغيظ وهو يوبخه :
-انت هتهزر

تعالت ضحكات رامي وحاول أن يسيطر على نفسه ، ولكنه فشل ، ثم تابع قائلاً بصوت متقطع :
-مش قــــادر ، أصلي متخيلك ، ههههههه

نفخ آيــاز من الضيق ، واعتدل في وقفته ، ثم حذره وهو يرمقه بنظرات قوية :
-خلاص يا رامي ، خف عليا

أومــأ رامي برأسه موافقاً ، وأضاف قائلاً بضحك :
-ماشي ! هههههههههه لأ .. مش ممكن ، كائن أخضر لزج بيلزق فيك

عبس آيـــاز بوجهه ، ثم تحرك للأمـــام قائلاً بعصبية :
-هامشي !

قفز رامي من على السيارة ، ولحق بإبن خالته ، وأمسك بذراعه متوسلاً :
-استنى يا إيزو .. هاسكت والله !

زفـــر آياز مجدداً ، وجاب بعينيه المكان ليتأمل ساحة السباق ..
في حين عض رامي على شفتيه ، وتردد في الإستفسار منه عن عاليا التي تشغل تفكيره مؤخراً ، فهو لا يحب أن يفصح عما يخصه ..
ولكنه حسم أمره بالسؤال عنها ، لذا أخذ نفساً عميقاً ، وأخرجه على عجالة ، وتنحنح قائلاً بخفوت :
-احم .. آآ.. أنا كنت عاوز أسألك عن حاجة كده

إلتفت آيـــاز نحوه ، وسلط نظراته الغامضة عليه متسائلاً بـ :
-حاجة ايه ؟

ابتسم رامي ببلاهة ليردف قائلاً :
-الأبلوات معاك اخبارهم ايه ؟
-مش فاهمك

أوضح رامي أكثر سؤاله الغامض بـ :
-الميس ، المدرسة يعني !

هز آيـــاز كتفيه في عدم مبالاة ، واجابه بفتور :
-عادي

ســأله رامي بفضــــول أكثر وهو يرمقه بنظرات مترقبة :
-طب اتعرفت على حد فيهم ؟
-مش أوي ، هما أصلاً مش الاستايل بتاعي
-تمام

أدرك رامي أنه لن يتمكن من معرفة ما يريد ما لم يســأله مباشرة ، لذا سأله بنزق :
-طب ..آآ.. طب شوفت مدرسة هناك اسمها عاليا ؟!

أجابه آيـــاز باستغراب بائن على وجهه :
-عاليا !
-اها

ثم عـــاود سؤاله بفضول :
-بتســأل ليه ؟

تحاشى رامي النظر إليه حتى لا يفتضح أمره ، ثم رد عليه مدعياً عدم المبالاة :
-عادي يعني ، أصلها معرفة لحد عندي في المعرض

غمز له آيـــاز بنظرات ذات مغزى قائلاً :
-مممم .. عليا ؟!

رسم رامي على وجهه علامات عدم الإكتراث ، ودافع بنبرة شبه فاترة :
-لا عليا ولا عليك ، ده السؤال لله يعني ، مش حاجة ، فمتخدش في بالك !

أجابه آيـــاز بهدوء رغم عدم إقتناعه بما قاله الأخير :
-بص هو اللي اعرفه ان في واحدة اسمها رانيا ، بس راغية بشكل رهيب !

هتف رامي بتهلف وقد لمعت عينيه :
-لأ هي اسمها عاليا مش رانيا

هز آيـــاز كتفيه في حيرة قائلاً :
-مش عارف بصراحة ، ممكن أكون شوفتها بس معرفش اسمها

أراد رامي أن ينهي الحوار سريعاً حتى لا يشك ابن خالته فيه ، لذا اتجه نحو سيارته ، وقال ببرود :
-بأقولك ايه ، كبر دماغك !

ثم وقف إلى جوار باب السيارة ، وتسائل بحماس :
-هاتركب معايا في الـ Race ( السباق ) اللي جاي

أجابه آياز بجدية :
-No ( لأ ) ، ماليش مزاج ، أنا مش في المود
-اوكي ، براحتك ادعيلي
-معاك ربنا !

ثم ركب هو داخل سيارته ، وربط حزام الأمـــان ، وأمسك بقبضتيه بالمقود ، وتنفس بعمق محدثاً نفسه بـ :
-يا مسهل ، يا ريت كل حاجة تكون زي سباق العربيات ، كان الواحد وصل للي عاوزه بسرعة ، بدل ماهو دايس فرامل على طول .. !
..............................

في منزل مــــا ،،،

جلس غالبية العائلة على الأريكة الواسعة في غرفة المعيشة ، وأمسك الجــد بالمصحف الشريف ليقرأ فيه ، وتفقد الزوج الرسائل الإلكترونية على هاتفه ، في حين أشــارت الأستاذة حنان بيدها لابنها الأصغر قائلة بهدوء :
-خلص الهوم ورك بسرعة

رد عليها الصغير ببراءة :
-اوكي يا مامي

ثم ابتسمت لإبنتها الكبرى وهي تربت على ظهرها :
-برافو عليكي ، كده صح ، كملي ده كمان
-حاضر

إلتفتت حنان إلى والدها الرجل الوقــور ، وتابعت قائلة :
-ها ، ايه رأيك يا بابا ؟

أجابها والدها بنبرة متريثة :
-والله أخوكي المفروض اللي يقول رأيه في الموضوع ده

هزت رأسها موافقة إياه وهي تضيف :
-عندك حق يا بابا ، بس أنا بأخد رأي حضرتك الأول

تابع هو قائلاً بجدية :
-ممم .. والله لو البنت مناسبة ، مافيش مانع عندي !

هتفت حنان بحماس :
-هي محترمة وأخلاق وبنت ناس ومن أصل طيب !

أشــار لها بإصبعه مكملاً بصوته الآجش :
-الرك في النهاية على أخوكي

-ده صحيح ، وأما يرجع بكرة من السفر إن شاء الله هافتحه ، واللي فيه الخير يقدمه ربنا

سألها والدها بإهتمام :
-إن شاء الله ، هي اسمها ايه البنت دي ؟

ردت عليه بهدوء وهي تبتسم له :
-سارة يا بابا ، اسمها سارة .................................!!!
...............................

..................................

noor elhuda likes this.

منال سالم غير متواجد حالياً  
التوقيع
[rainbow]وفوق كل ذي علم عليم[/rainbow]
ign]






رد مع اقتباس
قديم 19-02-17, 09:36 PM   #1482

Nada Shokri

? العضوٌ??? » 393407
?  التسِجيلٌ » Feb 2017
? مشَارَ?اتْي » 1
?  نُقآطِيْ » Nada Shokri is on a distinguished road
افتراضي

ان شاء الله بتكون حلوة 😍

Nada Shokri غير متواجد حالياً   رد مع اقتباس
قديم 19-02-17, 09:42 PM   #1483

منال سالم

كاتبة في قسم قصص من وحي الأعضاء ومنتدى قلوب أحلام

 
الصورة الرمزية منال سالم

? العضوٌ??? » 358950
?  التسِجيلٌ » Dec 2015
? مشَارَ?اتْي » 1,488
?  مُ?إني » بورسعيد - مصر
? الًجنِس »
? دولتي » دولتي Egypt
?  نُقآطِيْ » منال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond reputeمنال سالم has a reputation beyond repute
¬» مشروبك   water
¬» قناتك max
?? ??? ~
وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً
?? ??? ~
My Mms ~
افتراضي

تم إضــــافة الفصول الناقصة في أحداث الرواية (( 20 ، 21 ، 22 ))

إن شـــاء الله تنال إعجابكم


منال سالم غير متواجد حالياً  
التوقيع
[rainbow]وفوق كل ذي علم عليم[/rainbow]
ign]






رد مع اقتباس
قديم 19-02-17, 10:01 PM   #1484

8989

? العضوٌ??? » 393410
?  التسِجيلٌ » Feb 2017
? مشَارَ?اتْي » 5
?  نُقآطِيْ » 8989 is on a distinguished road
افتراضي

حححححلللللللووووووو

8989 غير متواجد حالياً   رد مع اقتباس
قديم 19-02-17, 10:03 PM   #1485

وسام فوزي

? العضوٌ??? » 393409
?  التسِجيلٌ » Feb 2017
? مشَارَ?اتْي » 1
?  نُقآطِيْ » وسام فوزي is on a distinguished road
افتراضي

يا جماعة انا مش عارفة اقرأ القصة مش لقياها اصلا حد يقولي اعمل ايه

وسام فوزي غير متواجد حالياً   رد مع اقتباس
قديم 19-02-17, 10:30 PM   #1486

Fatma Abd Elaziz

? العضوٌ??? » 392545
?  التسِجيلٌ » Feb 2017
? مشَارَ?اتْي » 123
?  نُقآطِيْ » Fatma Abd Elaziz is on a distinguished road
افتراضي

بالتوفيق ومن نجاح إلى نجاح

Fatma Abd Elaziz غير متواجد حالياً   رد مع اقتباس
قديم 19-02-17, 10:42 PM   #1487

za in

? العضوٌ??? » 393416
?  التسِجيلٌ » Feb 2017
? مشَارَ?اتْي » 12
?  نُقآطِيْ » za in is on a distinguished road
Icon15

واااو اخيرا لقيت الرواية ... دايما بشوف اسمها ع الفيس بوك عندك بس مش لاقيها
ثانك يو منال على كتاباتك الروعة


za in غير متواجد حالياً   رد مع اقتباس
قديم 19-02-17, 10:47 PM   #1488

اموواج
alkap ~
 
الصورة الرمزية اموواج

? العضوٌ??? » 95782
?  التسِجيلٌ » Jul 2009
? مشَارَ?اتْي » 524
? الًجنِس »
? مزاجي » مزاجي
?  نُقآطِيْ » اموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond reputeاموواج has a reputation beyond repute
?? ??? ~
My Mms ~
افتراضي

شـكــ وبارك الله فيك ـــرا لك ... لك مني أجمل تحية .

اموواج غير متواجد حالياً  
التوقيع
رد مع اقتباس
قديم 19-02-17, 11:04 PM   #1489

قمر الليالى44

مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب

alkap ~
 
الصورة الرمزية قمر الليالى44

? العضوٌ??? » 159818
?  التسِجيلٌ » Feb 2011
? مشَارَ?اتْي » 18,208
?  مُ?إني » فى القلب
? الًجنِس »
? دولتي » دولتي Palestine
? مزاجي » مزاجي
?  نُقآطِيْ » قمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond reputeقمر الليالى44 has a reputation beyond repute
¬» مشروبك   fanta
?? ??? ~
ياقارئا خطي لاتبكي على موتي فاليوم أنا معك وغداً في التراب فإن عشت فإني معك وإن مت فللذكرى وياماراً على قبري بالأمس كنت معك واليوم في قبري أموت ويبقى كل ماكتبته ذكرى فيا ليت كل من قرأ خطي دعا لي
?? ??? ~
My Mms ~
افتراضي

السلام عليكم ورحمة الله وبركاته
يسلموووووووو يا منال على تنزيل الفصول الممتعة والمضحكة
وجرب ايز التعامل مع الاطفال الاشقياء هههههه
ليلة ومقابلتها للمصور ايمن
رامى وسؤاله لاياز عن عاليا
حنان ستخطب لاخوها سارة
والاب موافق
يعطيكى العافيو يا منال
وبانتظار القادم


قمر الليالى44 غير متواجد حالياً  
التوقيع





رد مع اقتباس
قديم 19-02-17, 11:20 PM   #1490

ساءر في ربى الزمن
 
الصورة الرمزية ساءر في ربى الزمن

? العضوٌ??? » 354980
?  التسِجيلٌ » Oct 2015
? مشَارَ?اتْي » 546
?  نُقآطِيْ » ساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond reputeساءر في ربى الزمن has a reputation beyond repute
افتراضي

من ساره ومن حنان وخوها

ساءر في ربى الزمن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:21 AM



Powered by vBulletin®
Copyright ©2000 - 2024, vBulletin Solutions, Inc.