آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-10-16, 11:31 PM
| #11 | ||||||||
| مراقبة عامة ومشرفة منتدى الروايات المنقولة  
|  ****** الجــزء الخــامــــس ****** عادل : هلا ساره : ااااااا... السلام عليكم عادل : وعليكم السلام .. وصوته كله بحه لانه مسووي انه تعبان حيييل ويالله يتكلم ساره : شلونك عادل : الحمد لله .. انتي فيك شيء ساره : لا مافيني بس مدري اصلن انا وسكتت عادل : ساره اذا فيك شيء علميني ساره : الحين انت اللي ضايق صدرك وتعبان وتبغاني اتكلم لا تخاف مافيني شيء بس انت شلونك الحين عادل : الحمد لله قدر الله وما شاء فعل ما باليد حيله وخويي الله يرحمه وسواء صوته متاثر ويبكي ساره فهاللحظه كانت ضعيفه وهي تسمع صوته يبكي وبدت تاثر معه وبكت : عادل خلاص بلاش دموع خويك ادع له ان الله يغفر له ويرحمه ويسكنه فسيح جناته هذي حال الدنيا وذا يومه عادل : امين ... ساره : طيب انا بستاذن واسفه لو ضايقتك واتمنى انك تنسى اني كلمتك بس كنت ابي اتطمن عليك عادل : ساره ساره : هلا عادل : مشكوره والله انه من قالي فهد انك تبين تكلميني وربي من الصدمه قلت ايه وانا احس اني محتاج احد يقولي لو كلمه وحده مع ان اصحابي مايقصرون بس انتي بصراحه احسك غير والحين خوذي راحتك لا يدخل احد من اهلك عليك وتصير مشكله بسببي ساره : العفو ولو انت عزيز وغالي وماتشوف شر واول ماتقدر تدخل نت طمني عليك عادل : ابشر يالغاليه ومشكوره مره ثانيه ساره : يالله فمان الله عادل : فمان اللي ماتنام عينه وسكرت ساره وعلى طول مسحت الرقم عادل لا اكيد بيحفظ ابوو الرقم ويكتبه فكل مكان حتى فسيارته عشان مايضيع ساره بعد ماسكرت قامت بتكي شوي وراحت تنام وقامت تفكر فيه طبعاً هي بكت لانها مو مصدقه انها كلمته وخانت اخوها وامها قامت تبكي وانقهرت ومن القهر اللي فيها على نفسها دخلت النت وسجلت بمنتدى جديد وكتبت موضوع على طول بقسم النقاش : انا انسانه لاول مره فحياتي اكلم شاب وكلمته قبل شوي فيه شيء يخليني اكلمه وانا ندمانه اخاف يفضحني اخاف يسبب لي مشاكل انا اللي خلاني اتصل فيه شيء ماقدرت احدده احس ابي اتطمن عليه احس فقدته ووووووو......... وكتبت كلام كثير ردت وحده بنت على طول وقالت لها اممم كلامك غريب يبين انك بنفسك تهتمين فيه وانتي خايفه من نهاية هالاهتمام صح ؟ ردت ساره : ايه صح البنت قرت كلامها وماحبت تحرجها مع الناس وراحت وارسلت لها رساله خاصه كتبت فيها : اسفه اختي على الدخول فسطح بيتكم بس تقبليها مني ماكنت ابي حرجك بالموضوع وقلت الكلام اقوله بيني وبينها اول شيء انتي تهتمين فيه وهو يهتم فيك اذا كلامي صحيح فهذا يدل انه معجب فيك وانه يتمنى يكون معك دايم وانتي بعد تحسين ماودك يغيب ابد وانه دايم قريب منك يعني بالعربي الفصيح انتوا تحبون بعض ولا احد منكم اعترف بس اذا انتي الوحيده اللي تهتمين فيه وهو لا فهذا يدل انه انسان لعاب ويضحك عليك فانصيحتي طنشيه وخليه واذا منتي متاكده للحين انتظري لين يتبين لك وبعدين قرري اسفه مره ثانيه فمان الله قرت رسالتها وارتاحت كثير وقامت تتراسل هي وهالبنت اكثر من 6 رسايل لكل وحده وبالاخير ساره اخذت ايميلها والبنت طبعاً اسمها افنان ساره طفت النت بعد ماطلعت من المسن وتعرفت على افنان وراحت تنام بنوم ممكن ماقد نامت هالنومه من يوم ولادتها عادل بعد ماسكر من ساره جلس ساعة كامله يفكر فيها وفي صوتها وعذوبته يفكر باللي سواه هل هو صح او غلط هل وهل وهو يفكر دق جواله ويطالع اللي هو فهد عادل : هلا فهيد فهد : هلا والله هاه وش صار معك عادل : في ايش فهد : بموضوع سوارة حزن عادل : أهاااا كلمتها فهد : وين عادل : جوال فهد : كذاااااااااااااااااااب عادل : ادخل المنتدى وشف رسايلي ورسايلها فهد : طيب ضف وجهك برووح اشووف وارجع اكلمك عادل : طيب انلقع انت ووجهك فهد على طول طلع وفتح النت وعلى طول المنتدى والرسائل الخاصه وقام يقراء الرسائل رساله وراء رساله وهو مو مستوعب دق على عادل فهد : عادل وش اللي مسويه عادل : ماسويت شيء فهد : وشلون خليتها تكلمك ياكلب عادل : كلب في عينك ... وبعدين انت تحديتني وانا سويت اللي تحديتني عليه فهد : والله انك منت بسيط عادل : ايه على شان تعرف انا منو وبعدين انت تقول لك اللي تبي فهد : يالله وش تبي الله يستر من اللي تبيه عادل : جوالاتك الاثنين كلهن فهد : لا والله لا ياشيخ اقول اختار واحد منهن عادل : يالله عشانك صاحبي باختار الاي فون فهد : والله اني عارف ان سعابيلك تصب صب عليه عادل : لا بس لجل كل ماتشوفه معي تنقهر وتتذكرالتحدي فهد : اقول ضف وجهك الجوال باتسر يصير معك ان شاء الله اجيبه خربان ههههههههه عادل : ترى ابيه سليم خله يجي خربان ابفقع وجهك فهد : طيب يالله ضف عادل : هلا بك وسكروا وعادل رجع يفكر وذبحه التفكير ونام وهو يفكر سلمان فتح جواله بعد هالمده الطويله وهو مقرر براسه قرار وراح ينفذه لقى رسايل من شروق ومن زياد دق عليها شروق كانت نايمه او بالاصحى ودها تنام لانو الساعه 3 بالليل يوم شافت الرقم على نقزت من السرير وردت : شروق : هلا سلمان : هلا والله .. كيفك شروق : بخير الحمد لله انت شلونك سلمان : الحمد لله بخيــر ونعمــه شروق : وينك من زمان مقفل جوالك ولا تفتحه سلمان : كانت عندي ضروف شروق : كانت عندك ضروف ولا زعلان علي سلمان : وليش أزعل مافيه شيء يستاهل اني ازعل عشانه شروق : افاااء لا مبين انك زعلان حييل سلمان : لا يابنت الناس مانيب زعلان وبعدين شلون زياد طيب شروق : ايه طيب ليش ما كلمته انت سلمان : لا للحين بس شفت رسايلك قلت خل اكلمها شروق : سلمان لاتزعل على كلامي ذاك اليوم بس سؤالي كان ... سلمان قاطعها : خلاص غيري السالفه وانسيها اووكي شروق : اووكي وانا اسفه سلمان : لا ماحصل شيء قلت لك انسي شروق سكتت وانقهرت من نفسها لانها اعتذرت منه بس ليش ماتدري سلمان : طيب انا بسكر ابكلم زياد تبين شيء شروق : لا سلامتك وانتبه على نفسك بس عندي طلب صغيرون ممكن سلمان : امري شروق : لايدري زياد اني اكلمك جوال اووكي يعني بس يوم العزاء سلمان : طيب ابشري شروق : فمان الله سلمان : فمان الكريم سكروا ودق سلمان على زياد زياد يرد عليه على طول : هلا بالحقيـــر القطووع سلمان وهو يتبسم : هلا بك وشلونك زياد : اووما وشلوني انا بخير الحمد لله انت شلونك سلمان : الحمد لله ماشيه زياد : عظم الله أجرك سلمان : اجرنا واجرك الله يجزاك خير وووقاموا يسولفون تواعدوا بالشاليه وطلعوا كلهم هناك بمكان ثاني شروق متضايقه ماتدري وش اللي حصل فيها هي تحب زياد وزياد تعرفه لعاب يعني يكلم غيرها كثير ولا عليه منها اهم شيء يشوفها وبس وسلمان دايم يهتم فيها بس هي ماتحبه صحيح هو طيب بس برضوا ماتحبه تذكرت زياد مره شرب عندها وكان يبي يتهجم عليها وسلمان مسكه وحطه بدورة المياه وقام يروشه لجل يصحصح واخذ شروق بالغصب ووداها بيتهم مع انها بالطريق خايفه تحسبه ناوي فيها شر وبعدها بيوم دق زياد يتعذر ويقول خلاص وربي ما اشرب ولا عاد اكررها وبهاللحظه طرت فبالها فكرت انوه سلمان يحبها بس هي ماتحبها هي تشوفه طيب وحبوب بس حب لا مو متصوره نفسها مع انسان غير زياد ذبحها التفكير ونامت بمكان ثاني آمجاد ضايق صدرها بالحيل بسبة حبها المخفي تعبت وهي تكتمه في صدرها فتحت دفترها كالعاده وكتبت فيه : ( مرحباً ياحزن طال انتظارك هذه الليله لم اكن اعلم انك تقطن عند احدً غيري فلو لم تكن كذلك لاقبلت علي مسرعاً حزني أعاتبك ام اعاتب ذلك القلب الذي لاطالما انتظرته ولم ياتي ذلك القلب الذي آحببته منذو صغري ولم أستطيع أن أعيش ليلي دونه او اصبح دون رؤية صورته البريئه ( صورة يزيد وهو صغير ) ما اجمل صباحي وانا انام برؤيته واصحى على رؤيته ياحلم قل لحزني عن معناتي في المنام واخبره كيف اصحى دون رؤيته *** ياحزن قله ترى صاحبك ضايق ضاقت بـه الدنيـا وانـت متهني ) سكرت مذكرتها وحطت راسها وهي تفكر بيزيد بعد صلاة الفجر بربع ساعه ملكه كانت نايمه قبل دقايق جتها رساله فتحتها لقت رساله من اللي مزعجها : قلي بعد هالفراق وش اخر اخبارك ماجيتك اسال جروحي وسبت غيابي المشكله اعرفك اكثر من اسرارك واكثر من جروح قلبي ورقة عتابي ماهي غريبه اذوب وانطفي بنارك ولاهي بعيده اشوف الجرح بأحبابي حاولت انسى ولكن ضاعت اعذارك مادام جرح الهوى مكتوب بكتابي ياليت قلبي ولا احبك ولا اختارك خنت المحبه ودمعي جرح أهدابي أكيد من بعد حبي بتذبل أزهارك بس لاتحاول تعرف وش سبة غيابي ( مااعرف شاعرها ) هي قرات الرساله واستغربت ونامت ولاكآنها قرت هالرساله الشخص اللي مزعجها شافها ماردت عليه انقهر وارسل لها رساله على الاقل عبريني لو برساله ترى جد تقهرين الواحد وبرضوا جلس ينتظر ردها ماردت لانها نايمه هو مايدري انها نايمه ارتفع ضغطه وجاء بيكتب لها رساله وتراجع ثم قال يمكن انها نايمه وخلاها وقال اشوف لين الليل ترسل او لا | ||||||||
|  |
|
17-10-16, 11:33 PM
| #12 | ||||||||
| مراقبة عامة ومشرفة منتدى الروايات المنقولة
| ساره صحت تصلي الفجر كعادتها ماتخلي الصلاة يروح وقتها الا مصليتها وبعد ماصلت قالت خل افتح المسن فتحته لقت افنان متصله افنان : ولكمـوـوـوـوـوـوش منوووره يابنت ساره : يسلمـــــــوؤوؤوؤوؤوؤ النور نورك ياعجوز ههههههه ^_^ افنان : هاه شلونك الحين ان شاء الله آحسن ساره : والله الحمد لله احسسن احس مرتاحه يكفي اهلي مادروا ياخوفي يدرون افنان : لاتخافين من الشيء لانك لو خفتي منه راح يصير وبعدين شوفيني انا اكلم واحد لي سنتين ماحصل لي شيء ساره : ايه بس انا مو متعوده وبعدين مابي اكلمه انا بس بتطمن عليه وخلاص بس اخاف يزعجني افنان : والله من كلامك عنه انه انسان طيب حي فـ مااتوقع بيزعجك ساره : ان شاء الله مايزعجنبي افنان : ماعلينا اقولك انتي تدخلين شات ولا منتديات ساره : لا والله ادخل منتديات بس وش رايك تجين للمنتدى وربي جنان افنان : ايه بجي لاني توي تاركه منتدى متهاوشه مع الإداره ساره : طيب هذا الرابط حقه ..................... افنان : طيب انتي وش اسمك فيه ساره : اسمي سوراة حزن افنان : اعوذ بالله وليش اسمك كذا ساره : عادي معجبني افنان : لا انا بسجل باسم فدوتك روحي ساره : سجلي فيه عادي افنان : طيب وسجلت افنان وقامت تلف من قسم لقسم ومن مكان لـ مكان وهي تسولف مع ساره بالمسن تقولها ادخلي منتدى تقول لا موب داخله ساره : انا بطلع اكمل نومتي تبين شيء افنان : لا سلامتك ساره : الله يسسلمك من كل شر وطلعت ساره من المسن وطفت النت وراحت تنام ومن حطت راسها على فراشها وهي تتذكر عادل وش اللي بينهم راح يكون ووش نهاية هالتساؤلات اللي ماتدري هي نفسها وش سببها هل هو حب او اهتمام او شفقه على حالة عادل اللي تكسر خاطر كل من سمعها بعد صلاة الفجر بحوالي ساعه صحت شروق على اتصال متكرر من زياد شروق ونص صوتها نوم : هلا زياد زياد : هلا بك نايمه دبه شروق : اي والله ليش بغيت شيء زياد : لا خلاص دامك نايمه كملي نومتك شروق : لا عادي قول وش عندك زياد : كنت طفشان وابي اروح الشاليه قلت خل اشوفك تقدرين تروحين او لا شروق : والله ياقلبي ماني قادره اروح امي فالبيت وابوي طالع يعني بي وقت يجي ويسال خلها وقت ثاني اووكي زياد : ايه خلاص اصلن من دريت انك نايمه وانا هونت ماعاد ابيك تجين شروق : طيب يالحنون ههههه زياد : ايه حنون غصب عليك يالله روحي كملي نومتك شروق : اووكي فمان الله زياد : فمان الكريم زياد اتصل على ريناد ولقاها صاحيه وهي اول مره اتكلمه من وفاة امه عزته وقال ابي اشوفك قالت خلاص تعال للبيت وخذني انا جاهزه انتظرك قال ترى سلمان بالشاليه قالت عادي واتجه زياد لبيت ريناد وراح لجل ياخذها رجعت شروق تكمل نومتها اشواق اختها اصلن مانامت دقت على السواق وقالت له جهز السياره يجهز السواق السياره وتركب السياره وهي متعطره ومتكشخه كانها رايحه لحفلة زفاف ماناقص الحفله غير الفستان وهي لابسه قميص نوم عادي تقول للسواق للمكان المحدد اللي هي تبيه والسايق يحرك السياره وعلى اوامرها يتجه بعد نص ساعه يدخل حووش كبير فيه ثلاث فلل ويروح لاخر فله ويوقف عندها وتنزل اشواق وتنتظر عند الباب اقل من 4 ثواني وينفتح باب الفله وتدخل داخل عند هالانسان المجهول الهويه اول مادخلت سكرت الباب وراها اشواق : هاااي .. هاه اكيد البيت مافيه احد ولا تكذبين رهف ( صديقتها الجديده ومتعرفه عليها عن طريق الشات ) : لا ياقلبي مافيه الا انا وانتي بس وتاخذها بيدها وتطلع الدرج لغرفتها السواق تحرك واتجه للبيت بعد ماقالت له اشواق انه يجيها العصر بعد فتره وصل البيت ووقت ماجاء بيدخل لقى ابو شروق عند الباب بيدخل بعد ابو شروق : من وين اجي انتا السواق : انا ودي مدام اشواق بيت صديقه ابو شروق والخوف بداء ينتابه : بيت صديقه مين هذا ايش اسم السواق : مافي معلوم هي كلام بس انتا ايجي العصر عشان شيل انا ابو شروق : العصر رايحه لمن بهالوقت وبتجلس عندها للعصر اقول انت تدل البيت السواق : ايوه معلوم ابو شروق : يالله دقيقه بلبق سيارتي واركب معك وودي للبيت السواق : طيب بابا ابو شروق ركب مع السواق وهو في قلبه خايف من اللي بيحصل له لو شاف بنته مع رجال وش راح يسوي ووصلوا للفلل ودخلوا لين وصلوا الفله اللي فيها اشواق ابوشروق : انت متاكد انو هذا بيت هو صديق اشواق السواق : ايوه انا نزل اشواق هنا وهي ادخل انا شوف هي ادخل ابو شروق : طيب دقيقه لاتروح ينزل ابو شروق ويوصل لحد الباب ويطق الباب ويطقه ويطقه محد فتح من كثر الطق البنات كانوا فوق واسمعوا الطق وخافوا وقالوا بنزل نشوف منو بس موب فاتحين الباب ووصلوا عند الباب وقالت رهف منو عند الباب ابو شروق : انا جاي اسال عن بنتي السواق يقول جابه ودخلت مع هالباب اشواق : هذا صوت ابوي الله يستر ... وتفتح الباب شروق وابوها يدف الباب ويدخل داخل ويشوف الوظع عادي وطبيعي رهف هربت واختفت ورى جدار وهي ساكته ماتدري وش السالفه اشواق : يباه وش فيك ابو شروق قام يتلعثم ومايدري وش يقول : هاه لا بس خفت يكووون عندكم احد ولا وبعدين انتي وش مطلعك بهالوقت اشواق : اول شيء انا قلت لامي اني بنام عند صاحبتي لان ابوها وامها مسافرين عزاء وبيجون العصر قالت امي خلاص خليك عندها لانها هي اصلن خايفه بروحها ابو شروق : وانا ماني ابوك يوم ماتقولين لي اشواق : انت لك اسبوع ماجيت البيت اصلن وشلون نقولك وانت ماتدري عنا والحين يوم جيت عند صاحبتي تتهجم علينا فالبيت كذا وتهاوشني بعد وانا ما اخطيت وتبكي وتطلع لدور الثاني وتدخل غرفة رهف وتسكر الباب على نفسها ابو شروق شاف ان وضع البيت هادي ومافيه اي ازعاج وهذا يدل ان البنت صادقه في كلامها طلع وسكر الباب وراه رهف قفلت الباب ورقت للغرفه وقامت تطق الباب على اشواق واشواق يالله يالله افتحت الباب وجلست تبكي بحضن رهف ورهف تراضيها وتواسيها وكانها هي اللي مزعلتها اصلن مو ابوها وقامت تترجاها انها ترضى وتبتسم وهي بحضنها ( وافق شنن طبقه ) في مكان ثاني طلع ابو شروق معصب ومايدري كيف دخل البيت بهالطريقه ذي وظل ساكت طول الوقت لين وصل بيته ودخل غرفته ونام وهو منقهر على نفسه ولى عائلته اللي مايولون له اي اهتمام بمكان بعيد عنهم ملكه صحت من نومها ولقت رسالة اللي مزعجها وطنشت رسالته ورجعت بتنام تقلبت يمين ويسار ماجاها النوم تحس انو فيه شيء يخليها تفكر قامت وارسلت له رساله : لا والله ومنو انت عشان اعبرك شوف وقسم بالله العظيم لو ارسلت رساله ثانيه ولا اتصلت اني لاعطي رقمك لاخواني واخليهم يتفاهمون معك فاهم الشخص المزعج وصلته الرساله وفتحها بلهفه وقراء الكلام اللي فيها وقام يفكر وش يبي يسوي قرر يسوي هالشيء اللي في باله ارسل لها رساله : ههههههههه يمه خوفتيني على العموم شوفي انا انسان مؤدب وعاقل معك ماتعاملت باسلوب الشباب اللي هو اسلوب طايش انا انسان احبك ليش منتي راضيه تقتنعين تبين اقولها لك بطريقه ثانيه تفهمينها ملكه انا احبك افهميني احبك ليش ماتبين تعطيني وجه على العموم لو حابه تعطين رقمي اخوانك عطيهم اياه لان رقمي بدون اسم وراح ارميه الحين بس اعرفي اني احبك وراح ارجع ادورك ولو غيرتي رقمك راح اجيبه لانك ماتدرين من وين اجيبه ارسل لها هالرساله ملكه كانت تصلي الفجر مع ان وقتها طالع من زمان بس اول ماخلصت قالت بشوف الرساله وهي مرتفع ضغطها منه تفتح الرساله وتقراء وتنصدم هذا منو وكيف عرف اسمي وش يبي ومن وين جاب رقمي ومن زود التفكير قامت تبكي وبكاها من القهر اللي فيها لانها خايفه منه وماتدري وش تسوي دقت عليه وتلاقي جواله مقفل ترسل له رسايل امانه اذا فتحت جوالك دق تجلس شوي وترسل له انت منو حرام عليك ومايرد لانه مقفل جواله وتموت من قهرها الحين جد جلست مايقارب ثلاث ساعات وهي تفكر فيه من يكون او من تتوقع اللي راح يسوي هالشيء وتحاول تتذكر فيه احد حاول يتعرض لها من قبل وهي رفضت ومالقت احد يعني باول شيء سبب لها قلق وبالنهايه سبب لها قلق يعني هي ماراح ترتاح الا لين تعرفه زياد وصل لبيت ريناد واخذها بالسياره دار بينهم هالحديث ريناد : هاه زياد وش سويت بالموضوع اللي قلت لك عليه زياد : اي موضوع ريناد : موضوع شروق وتصويرها زياد : ايه والله تو اذكره تعرفين العزاء هو اللي خلاني انساه بس اصبري لي كم يوم وبعدها اجيب لك المقطع ريناد : اهم شيء وجهها يكون واضح زياد : طيب ابشري بس لاتنسين اللي وعدتيني فيه ريناد : انا قلت لك اول مايجيني من عندك خبر التاكيد تلاقي كل شيء جاهز اووكي زياد : اووكي ريناد : وسلمان كيفه زياد : والله سلووم طيب تو جاء من جده ريناد : بالله وش عنده هناك زياد : واحد يعرفه سلمان متوفي هناك ريناد : الله يغفر له من يقرب لهم هو زياد : لا مايقرب لهم خوي ولد عمه ريناد : اها يعني اهم شيء هو بخير زياد : ايه بخير وبعافيه ان شاء الله ريناد : وينه الحين هو زياد : بالشاليه بس شكله بينام ريناد : مالها داعي حنا جايين وهو بينام زياد : لا عادي اذا شافك اكيد مابينام ريناد في نفسها تقول إيه هين اعرفه اذا شافني بيجلس شووي ويقووم كالعاده زياد : وش فيك سكتي استحيتي ولا وش ريناد : هاه وش استحيت منه زياد : ايه اللي ماخذ عقلك يتهنى به ريناد وهي تصرف الوظع : هههههههههه من اللي ماخذ عقلي ياحسره هههههههههههه زياد : افااء ليش انا ماني بعقلك يادبه ريناد : لا بعقلي وش دعوى بس ما اخذته الحين لانك ماخذني كلي هههههههههه زياد : هههههههههه عاشت اللي تعرف تصرف هههههههههه ووصلوا للشاليه ويوم دخلوا كآن سلمان جالس على الكنب ويتفرج على الدي في دي ويوم شاف ريناد تغير وجهه وكانه مايبي يشوفها اصلن وكان يتمنى انه يدري انها بتجي عشان مايجي هو اصلن دخلت ريناد وسلمت عليه مد يده بيسلم عليها بس ريناد قربت وجهها بتسلم على خده بس هو بعدها وهي حست بهالشيء واسكتت زياد حس ان بينهم شيء وحس اكثر ان سلمان مايبي ريناد وقام يغير الجو ويلطفه ويضحك شووي وقام سلمان قال عن اذنكم ان فيني نوم بروح للبيت زياد : اجلس شوي بدري سلمان : والله تعبان حدي زياد : ماتشوف شر ان شاء الله سلمان : يالله عن اذنكم زياد : اذنك معك طلع سلمان وزياد التفت على ريناد : وش فيك ماتكلمتي مع سلمان بينكم شيء ريناد ذكيه وعرفت كيف تصرف الموضوع : لا والله انا مثلك انصدمت مع اني اشوفه من زمان مايجلس كثير اذا شافني معك زياد : وش تقصدين ريناد : مدري بس شكله يتضايق اذا شافني معك زياد سكت وقعد يفكر بالكلام اللي قالته له ريناد | ||||||||
|
| |
|
17-10-16, 11:34 PM
| #13 | ||||||||
| مراقبة عامة ومشرفة منتدى الروايات المنقولة
| ****** الجــزء الســـآدس ****** الساعه 7 ونص ص ماجد قام متاخر وهو متعود يقوم الساعه 7 عشان مايتاخر على دوامه وشكله بيتاخر اليوم يدخل ماجد على غرفة اخته ويلاقيها ناميه ويدخل عل غرفة امه ويلاقيها صاحيه ويسلم عليها ويحب راسها ويستاذن منها ويطلع لدوامه وهو بالطريق يجيه اتصال من عمه ( ابو فارس ) ماجد رد : السلام عليكم ابو فارس : وعليكم السلام يا ماجد شلونك ماجد : بخير الحمد لله انت وشلونك ان شاء الله بخير ابو فارس : الحمد لله نحمد ربنا على كل حال وشلون امك واختك ماجد : كلهم طيبين الحمد لله ابو فارس : الحمد لله ربي يطول لهم باعمارهم ويخليهم لك يارب ماجد : امين ان شاء الله الله يجزاك خير ابو فارس : اي والله يا ولد اخوي انا داق عليك ابيك بموضوع ان شاء الله انه بسيط وماعندي غير الله ثم انت لجل تفزع لي ماجد : ابشر ياعم آمرني ابو فارس : وانا عمك الشركه الي تشتغل فيها يقولون مديرها عنده مؤسسه يعطي قروض وانا انت خابر ابي لي قرض حق الارض اللي ببنيها وماعندي غير الله ثم انت تكلمه لي وتتوسط لي عنده ولا خذها انت وانا اسددك ماجد وهو كان خايف من عمه انه مايسدد : فقال ابشر ياعم بكلمه وارد لك ابو فارس : انت تكلمه على وش ماجد : اكلمه عشان القرض لو يعطيني اياه وانت تسددني ( ماجد قال هالكلام لانه بيدق على عمه بعد العصر ويقول ياعم رفضوا طلبي ويقولون راتبك مايسمح ) ابو فارس : انت ماعندك مانع ماجد : افاء انت عمي وبحسبة الوالد ابو فارس : الله يسلمك والله اني داري انك منت رادني على العموم انا كلمته وخلصت وقلت له انك بتاخذ لي وقال خلاص دامه موضف عندي اعطيه اياه باسمه عشان يحصل له تخفيض وقلت له خلاص انا اخليه يجيك اليوم ويوقع الاوراق ماجد ( توهق مع عمه ) : هاه طيب طيب على خير ( وماكان عنده حل وتوكل على الله سبحانه وراح يوقع الاوراق ) اتفق مع عمه يسدد عمه كل اول شهر ويوم راح للشركه عطاه القرض وكتبوه باسمه وراح عطاه عمه وماجد في نفسه يقول الله يستر من اللي تكتمه بنفسك ياعم بنفس هاليوم صحت امجاد من النومه وكان باب غرفتها يطق وكان طقته قوويه ومو متعوده امها تطق الباب بهالطريقه ( امجاد بالبيت هي وامها بس ابوها خرج للخارج لجل يجاهد وجاهم خبر انه استشهد وام امجاد رافضه الزواج بعده ) صحت مفزوعه من النوم وهي متجهه للباب بسرعه سمعت صوت رجولي يقول امجاد قومي من النوم يا امجاد وهي توها صاحيه وتحاول تتعرف هالصوت ماتدري من صاحب هالصوت وفجاءه وهي تقرب وتستوعب هالصوت صوت يزيد ولد خالي وعلى طول عرفت انه يزيد ماجاء هالوقت وطق باب غرفتي الا امي فيها شيء وتفتح الباب وهي خايفه وبعيونها دموع واول مافتحت الباب وهي تطالع يزيد بعيونها وتطالع يمين ويسار يزيد امي فيها شيء يزيد وهو يبعد عيونه عنها ويناظر فجهه ثانيه : البسي يامجاد امك تعبانه اكلمها وتعبت وودي اوديها المستشفى بس قومي شوفي لها ملابس وانتي البسي امجاد سحبت عليه ومرت من قدامه واتجهت لغرفة امها وتلقى الباب مفتوح وتدخل الغرفه وتلقى امها على الفراش وتروح لامها وهي تبكي امجاد : يمه فيك شيء ام امجاد وهي مبين التعب عليها حيل : لا يابنتي مافيني الا العافيه بس يمكن الضغط مرتفع او السكر مدري والله امجاد وبهاللحظه ذي حست انها راح تفقد شيء ضمت امها وقامت تبكي امها تقومها وتقول لها قومي لاتفضحينا عند ولد خالك قومي البسي عبائتك وامشي للمستشفى معي امجاد تقوم وتطلع من الغرفه وتدور يزيد ماحصلته عرفت انه نزل تحت يقرب السياره لبست عبايتها وجت لامها وطلعت ملابس ولبست امها لان امها مبين انها ماتقدر تتحرك كثير ولبست امها عبايتها الا ويزيد يطق الباب ويقول افتحي الطريق يا امجاد شوي الا تشوف رجالين اثنين لابسين لبس الهلال الاحمر وداخلين من الصدمه ماتدري وش تسووي تمسك يزيد من ذراعه وهي تقوله : يزيد وش السالفه يزيد : اصبري يا امجاد الله يجزاك خير خلي الرجال يعرفون يشتغلون امجاد تسكت وتشوفهم وهم يحطون امهم على السرير وهي مصدومه كانها طفل صغير مغصوب على شيء ومايقدر يسوي شيء يزيد يساعدهم بشيل عمته ام امجاد وينزلها تحت معهم ويوم حطوها بالسياره يزيد وهو يطالع امجاد : امجاد يالله اركبي معي بالسياره بنروح للمستشفى وبالسياره اقولك كل شيء امجاد ركبت وراء وساكته ولا قالت شيء من الصدمه يزيد : اسمعي يابنت عمتي انا بتكلم ولاتقاطعيني قبل شهرين دقيت على امك وكنت بزورها قالت حياك زرتها وجلست عندها يمكن نص ساعه تعبت شوي وقلت بوديك للمستشفى قالت لا مافيني شيء قلت لها مافيك شيء ولا فيك اصلن ماشاورتك قومي بس بؤديك وتحاول فيني اني ما اؤديها واصريت اؤديها لان فيها وجع في جنبها ويوم رحنا للمستشفى على طول رحت لواحد من اخوياي بقسم الاشعه وقلت له قال سو اشعه سويت اشعه وبعدها سويت تحاليل ثم قال يومين وتعال خذهم قلت خلاص وعطوني مسكنات بعد يومين دق علي خويي وقال تعال مرني كنت مداوم وجيته قال لي عمتك عندها فشل كلوي انا انصدمت من الخبر ماكنت ادري اخبر امك او اسكت المهم اخذت الاوراق وقدمتها لدكتور كان عندنا والحين بمستشفى خاص قال لي عندها فشل كلوي وانا عشانك مستعد اعمل لها العمليه بس لازم تلاقي الانسان اللي كلوته مطابقه لها قلت له طيب بنشوف ومشكور طلعت من عنده وكلمت امك وعلمتها وقالت اياني واياك احد من اهلك يدري وتقول اووص اصلن مافيني الا العافيه وان شاء الله اني بطيب وصرت اقولها يا عمه ترى بتتعبين ترى وترى وترى وهي مصره ما اعلم احد ابد ولا افتح هالسالفه ابد هي خايفه انه يجيها شيء لاقدر الله وانتي يصير فيك شيء من بعدها انا من غير ما اشاورها رحت وفحصت وطلعت كلوتي ما تطابق كلوتها رحت لآبوي وعلمته بالسالفه وهاوشني وقال ليش ماقلت لي من اول ماصارت السالفه قلت هي مالها ثلاث اسابيع وانا احاول فيها ورافضه تقتنع قال ابوي مشينا للمستشفى قلت له ليش قال انا بشوف هل كلوتها تطابق كلوتي او لا قلت يالله رحنا للمستشفى وفحص ابوي وبعد كم يوم طلعت النتيجه وبهالوقت كله امك مادرت ان ابوي عرف طلعت نتائج ابوي ايجابيه يعني الكلوه متطابقه ابوي على طول راح لامك وكلمها وحاول يقنعها وهي من هنا وابوي من هنا لهم اسبوعين او اكثر شوي ابوي اخر شيء امس قالها اذا ما وافقتي بعلم امجاد وبقولها عشان تقنعك واليوم الصباح كلمتني وانا طالع لدوام وصوتها تعبانه وتقول والله مقدر اتحرك ادق على امجاد ماترد علي نايمه ودقيت عليك وعلى طول انا جيت وفتحت الباب من مفتاح قاصه انا على بابكم من يوم تعبت عمتي والحين حنا رايحين المستشفى وابوي سبقنا هناك وعلم امي وخواتي وبيجون بالمستشفى امجاد بهاللحظه ماهي قادره تستوعب اي شيء سكتت ولا انطقت بي شيء وهي بهاللحظه لآول مره تتمنى لها أخت لجل ترتمي بحظنها او لها اخو لجل ياخذها بحظنه ويواسيها تمنت اي وحده من البنات جنبها مو يزيد لانها ماتبي غير انسان يحسسها انه فيه احد متهم فيها امها الوحيده والله يستر لايجيها شيء وقامت تبكي بصمت يزيد شاف سكوتها وحس بدموعها وقالها : يابنت عمتي ترى امك محتاجتك تقولين لها كم كلمه وتبينين لها ان العمليه خفيفه ووالله يابنت عمتي ان العمليه بسيطه باذن الله والدكتور اللي بيسويها خويي ويقول باذن الله نجاحها 90% يعني مامن خوف بس قوي نفسك وترى الواحد ماياخذ غير نصيبه بهالدنيا امجاد كانه الطمانينه دخلت قلبها شوي بس بداخلها خوف ماتدري من وين جاي ومن وين مصدره وصلوا المستشفى ولقت عمها وزوجته وبنات عمها وخالتها ام شروق واول ماشافتها خالتها ام شروق اخذتها بحظنها وعمها جاء لعندها وهو يقول هاه وش فيك كانك بزر تراها بسيطه العمليه لاتخافين وبنات عمها الثنتين ( ابرار و مضاوي ) كلهن جالسات معها دخلوا لقسم انتظار النساء وجلست تقراء قران وتدعي ربها يرأف بحال امها وسندها الوحيد بهالدنيا جاء يزيد وقال لاخته ابرار قولي لهم ترى الدكتور يقول ساعتين او ثلاث ساعات بالكثير وهي طالعه ان شاء الله وترى بروح اجيب فطور واجيبه لكم زين ابرار : طيب خلاص طلع يزيد وراح يجيب فطور بعد ساعتين ونص طلع الدكتور وحصل يزيد واقف عند باب غرفة العمليات الداخلي وقاله الف مبروك العمليه نجحت بس الاثنين يبي لهم وقت عشان البنج وانت عارف والزياره العصر ان شاء الله يزيد : الله يبارك فيك ابشر يادكتور جزاك الله خير والله اني مستحي منك من اللي تسويه ومعروفك ماراح انساه الدكتور : وش دعوى يايزيد انت اخ وهذا واجب بعد مايحتاج تشكرني عليه والله يقومهم بالسلامه يزيد : امين والله يسلمك من كل شر يارب الدكتور : فمان الله يزيد : فمان الكريم يزيد راح لقسم الانتظار اللي فيه االبنات ونادى ابرار اخته ابرار : هلا يزيد : فيه احد عندكم ولا بس امجاد ابرار : بس امجاد وعمتي ام شروق يزيد : طيب بنات عمتي شروق واشوق وينهم ابرار : تقول عمتي ماحبت تخوفهم يزيد : طيب ( وهو يعلي صوته ) يماه انتي والبنات الف مبروك ترى العمليه نجحت وابشركم طيبين الكل : الحمد لله الحمد لله امجاد : طيب انا بزور امي ابرار : يزيد امجاد بتزو امها عادي يزيد : لا يابنت عمتي للحين ماراح مفعول البنج عنهم وبعدين الزياره العصر ان شاء الله امجاد وهي تآشر لأبرار يعني تكفين قولي له ابرار : يزيد تكفى بس شوي بنشوفها ونمشي يزيد : والله يا ابرار الدكتور مانع عنهم وبعدين ماراح نستفيد شيء حنا نروح نريح والعصر نجيهم ان شاء الله ابرار : وهي تاشر لامجاد يعني خلاص انثبري : خلاص يالله خل نمشي اجل امجاد انقهرت بس سكتت لانها مستحيه من يزيد ويزيد مسك ابرار وقالها قولي لامجاد اننا بنروح لبيتنا وهي بتجلس عندنا ماراح تجلس بروحها بس هي تبي البيت اكيد عشان تاخذ لها لبس تبي نمر البيت او لا ابرار راحت لامجاد : شوفي يزيد يقول ترى بنروح لبيتنا وانتي بتجين عندنا امجاد : لا ابي البيت تكفين ابرار : خبله انتي ومن قالك ان يزيد بيوافق هو اصلن قالي قولي لها هي تبي البيت عشان تاخذ لها شيء من هناك او لا يعني مايشاورك هههههههههه امجاد : وتضحكين بعد مبسوطه طيب قولي له ايه ابي اغراض ابرار : خلاص طيب ... راحت وقالت ليزيد يزيد : طيب اقول عمه ( ويعني عمته ام شروق ) خاوينا للبيت نتغداء جميع ) ام شروق : والله وانا عمتك مالي نفس بروح اريح عشان اجي العصر ان شاء الله يزيد : على خير ان شاء الله اتجهوا لبيت ام امجاد واخذوا الاغراض واتجهوا لبيت ابو يزيد وفي بيت ابو يزيد رقوا البنات فوق لغرفتهم عشان ينامون ويريحون شوي مضاوي : اقول أمجاد نامي فسريري انا بنام عند امي زين امجاد : لا عادي انا انام على الارض وش فيها مضاوي : وش اللي وش فيها اقول وخري بس نامي هنا وانا بنام عند امي وبعدين تعالي انتي مستحيه من بنات خالك يادبه امجاد : لا والله موب حياء بس فشله اجي واخذ مكانك مضاوي : لا ماعليك موب فشله بعدين اجي لبيتكم وانام بفراشك هههههههههه امجاد : هههههههههههههههههههه طلعت مضاوي وراحت لغرفة امها لجل تنام وامجاد حطت رآسها والنوم موب راضي يجيها تفكر في امها العصر الكل صحى من نومته وغالبيتهم صاحين من الظهر ساره صحت الساعه 1 الظهر صلت ولقت امها تسوي الغداء ساعدتها دخل ماجد البيت وطلع لغرفته على طول من غير مايشعر فيه احد ام ماجد : اقول ساره كلمي اخوك اليوم تاخر ولا كلمني ساره : طيب .. وهي تتصل على اخوها شووي ويرد عليها ماجد : هلا ساره : هلا باخوي الغالي الطيب الحبيب الـ.. يقاطعها ماجد : هاه وش تبين ساره حست انه فيه شيء لانه بالعاده يضحك ويخليها تخلص : ماجد وينك ماجد : بغرفتي فوق ساره : متى جيت ماجد : لي نص ساعه انتم تغدوا انا مابي غداء بنام ساره : طيب خلاص مع السلامه وسكروا وساره ساكته ام ماجد : هاه وش قال ساره : يقول بغرفته ومايبي غداء بينام ام ماجد : تضحكين علي ساره : لا والله ما اضحك عليك يمه ام ماجد : اكيد ولدي فيه شيء بروح له اشوف وش فيه لا تجين زين ساره : طيب ابشري ام ماجد تطلع الدرج وتروح لغرفة ولدها وتطق الباب : يماه ماجد افتح الباب وانا امك ماجد من سمع صوت امه قام وفتح الباب : هلا يمه ( وهو يحب راسها ) ام ماجد : وش فيك انت تعبان ماجد : لا والله مافيني شيء بس ودي انام مانمت زين امس ام ماجد : ماهي بالعاده تدخل وماتمر تسلم علي اكيد بك شيء اعرفك قل وش فيك ماجد : يا يمه الله يجزاك خير اقول مافيني شيء ريحي بالك انا .... تقاطعه ام ماجد : اقول خل عنك هالخرابيط وقلي وش فيك والله ان تقولي وش اللي مضيق صدرك لهدرجه ماجد يدري انه مايقدر يكذب على امه بس لو قالها اللي فخاطره امه يمكن يجيها شيء ويمكن صدق عمه يسدد عادي ام ماجد : هاه بتقول لي ولا شلون ماجد : يا يمه السالفه ومافيها متهاوش مع مديري اليوم قالي خلص اوراق ورحت بخلصها ماقدرت حاولت يمين ويسار وقام يتكلم وتكلمت عليه وخصم علي خمس ايام ام ماجد : وبس ماجد : بس هذي السالفه ام ماجد : اول شيء انا ماني مصدقه هالسالفه وادري انك كاذب علي فيها وثاني شيء انزل اتغداء والله لازعل عليك لو مانزلت تقوم من عنده وهو يحاول يقولها مايبي وهي ماردت عليه قام ونزل تحت عشان يتغداء ساره : ايووه قام الدلوع مسوي مريض مايبي ياكل ام ماجد : اقول اسكتي ولا كلمه تغدي وان كانك شبعانه قومي نامي ( ام ماجد تغير اسلوبها لانها حاسه ان ماجد فيه شيء مضيق صدره بالحيل ) ساره انصدمت من اسلوب امها بس اعرفت انه مزحها بهالوقت ماله داعي : اسفه يمه ..... وسكتت ماجد جلس عند الصحن وقام بس يمد يده لصحن وياخذ خفيف ويحطه بفمه وهو ماله نفس بس عشان امه وامه حاسه بهالشيء وجالسه تطالع فيه وما اكلت شيء ساره تشوف الوظع ماهو طبيعي قام ماجد بعد خمس دقايق وقال الحمد لله عن اذنكم بنام ساره : بالعافيه ونوم العوافي ام ماجد تطالعه ولا قالت شيء ابد في نفسها بالعافيه والله يعينك على اللي فخاطرك ويصبرك ساره : يمه وش فيه ماجد ام ماجد : والله مدري بس متضايق وسالته يقول متهاوش مع مديره ساره : الله يعينه اجل ام ماجد : وانتي مصدقه انه متهاوش مع مديره ولدي واعرفه اللي مضايقه اكبر من هالشيء والله يستر ساره : طيب وشو ام ماجد : وانا وش عرفني ساره وام ماجد كلهم سكتوا وقاموا يفكرون وش فيه ماجد | ||||||||
|
| |
|
17-10-16, 11:35 PM
| #14 | ||||||||
| مراقبة عامة ومشرفة منتدى الروايات المنقولة
| شروق تو صحت من نومها ولقت اتصال من سلمان على طول وهي بفراشها دقت عليه سلمان : هلا والله بهالصوت شروق انصدمت من هالاسلوب الله يستر بس : هلا بك سلمان سلمان : توك صاحيه دبه شروق : اي والله تو صحيت ماغسلت وجهي للحين ههههههههههه سلمان : وع ماغسلتيه وجالسه تكلميني قومي غسليه شروق : وجهي زين سواء غسلته او لا يجنن سلمان : بهذي صدقتي ههههههههههه شروق : وش اخبارك سلمان : الحمد لله تمام .. المهم اقولك شروق : وشو سلمان : اليوم طلعت من الشاليه واتجهت لشقة وحده من خالاتي بشمال الرياض هذي العماره كبيره فيها شقق عوائل يمكن يجي لها 4 شقق وكلها تمليك شروق : طيب وش السالفه وش دخلني لايصير بتشتريها سلمان : طيب خليني اخلص كلامي وانتي قولي اللي تقولينه شروق : طيب سوري سلمان : المهم خالتي ساكنه بالدور الاول جارهم اللي بنفس الدور متزوج وعنده ولد شروق ساكته وتسمع وماتدري وش النهايه سلمان : خالتي تقول ان هذا جارنا يجي احيانا لشقه لحاله وينام فيها واصلن زوجته ماتجي غير بالسنه مره مرتين وهي لبنانيه ويوم سمعتها تقول كذا قلت وش اسمه قالت خالتي جارنا قلت ايه قالت اسمه .......... وطبعاً عرفتي صاحب الاسم شروق سمعت اسم ابوها وسكتت سلمان : هذا الحين نص السالفه جبناها ان ابوك متزوج لبنانيه وعنده ولد ومكان سكنهم ومتى يجون عادي نعرف شروق : طيب وش اسوي انا سلمان : لا ماتسوين شيء انا عندي فكره ماتخطر على بال بشر شروق : وشيء سلمان : انا اروح لخالتي واقولها عن السالفه وهي تساعدني اني اتعرف على الولد بحسبة اني اؤديه يتمشى ويشوف الاماكن حقت الشباب وبكذا اعرف اخذ منه المعلومه اللي ابيها شروق : طيب حلو رح قل لها سلمان : هههههه قلت لها وخلصت وقالت انا عازمتها اليوم العصر ووافقت وبقول لها والحين مابقى غير ساعه ونص وياذن العصر شروق : تدري سلمان : وشو شروق : احس اني متحمسه ودي اشوفه سلمان : لا والله تبينا ننفضح اصبري خليني اوطد علاقتي فيه وبعدين اؤريك وش ابسوي شروق : يالله وخر ابقوم اصحصح عشان انتظرك ترد لي خبر وش سويت سلمان : طيب يالله فمان الله شروق : فمان الكريم اشواق صحت من النوم ولقت الغرفه اللي هي فيها فاضيه نزلت تحت لقت رهف جالسه على التفلزيون رهف : صح النوومه ياقميل اشواق : صح بدنك متى صحيتي انتي رهف : والله قبل ساعه حبيت اصحي قبلك عشان اخليهم يجهوزن لنا غداء وبعدين الحمد لله اني صحيت لان عمي جاء دخل البيت بيتطمن علي لو مالقاني صاحيه كان جاء لغرفتي ولقاك عندي وتصير مشكله اشواق : الحمد لله انه مادخل رهف : تعالي اجلسي وانا بقولهم يجهزون الغداء لاني ماتغديت بس شربت لي قهوه اشواق : اجل اصبري خلي الغداء بعد صلاة العصر انا ابي قهوه رهف : بس قهوه ثواني واسويها لك من يدي بعد اشواق وهي تبتسم : ثآنكس ... وتاخذ الريموت وتلفلف بالقنوات من قناة لقناة ملكه صحت من نومتها على طق الباب من اخوها فتحت الباب : هاه وش تبي اخوها : اصحي بنروح لبيت جدتي بعد نص ساعه ابوي يقول مع اذان العصر بنمشي زين ملكه : طيب يالله بروح اتجهز سكرت الباب وراحت تاخذ لها شور وتصلي الظهر وتتكشخ وتنزل تحت لجل تتغداء قبل تطلع قالت خل اشوف الجوال فتحه ذاك المزعج او لا ولقته مسكره للحين وتقارير الرساله قيد التسليم يعني للحين مسكره نزلت تحت وخلت جوالها فوق وراحت تتغداء مع اخوانها لانهم توهم صاحين بعد امجاد صحت من النوم الساعه 2ونص تصحيها ابرار امجاد : هاه ابرار خليني شوي تكفين ابرار : لا قومي تغدي عشان تصحصحين ومابقى وقت على صلاة العصر لجل نروح للزياره امجاد : خلاص طيب بقوم الحين بس اطلعي ابرار : لا قوومي امجاد : والله انك غثيثه صدق ابرار : صدق يعني فيه احد قايل لك مافيه غيرها ام لسانين مضاوي امجاد : ايه هي قالت لي روحي قوميها لعانه ابرار انقهرت من اختها طبعا امجاد تكذب بس لجل تروح عنها ابرار ابرار : مضاوي ياحيوانه قومي مضاوي من الصراخ نقزت من الخوف : هاه وش فيه ابرار : قوومي جيده بالكلام بس يالله قومي صحصحي مضاوي وللحين مو مستوعبه شيء : ايه وش فيه طيب ابرار : بس كذا لعانه مافيه شيء قومي يالله عشان نتغداء مضاوي : الحين وش فيك انتي كل يوم ما اتغداء وش صار اليوم وش تغير ابرار : اللي تغير انك تتكلمين عند امجاد وتسوين نفسك بريئه يالله قومي مضاوي : من اللي تتكلم عند امجاد ابرار : الله واكبر يالبريئه اقول قوومي مضاوي : على وش تصارخين تراي ماقلت شيء ابرار حست ان امجاد ضحكت عليها راحت لها ولقتها جالسه تبي تصحصح ومضاوي من الصراخ طار النوم وقامت تصحصح ابرار : انتي تكذبين امجاد صح امجاد : اكذب في ايش ( مسويه ما ادري وش تتكلمين عنه ) ابرار : تستهبلين ياحيوانه امجاد : يؤيؤ حيوانه مره وحده وش السالفه انا ترى اتكلم وانا نايمه مدري عن نفسي ابرار : اجل تتكلمين هاه اقول قومي واوريك عند امي والله اجننك امجاد : لاتكفين الا امك وربي استحي منها ابرار تطلع وهي مسويه زعلانه امجاد : ابرار امانه معك تراها امانه وتقوم امجاد تصحصح ابو شروق جاء من الشركه الساعه 3 الظهر وقالت له نجوى اني بروح لجارتنا عازمتني قال لها خلاص اوكي وقالت له نجوى ترى امجد بيجلس هنا عندك اذا بتطلعون انت وياه روحوا عادي ابو شروق : خلاص انا بنام والساعه 4 وربع اقوم ونطلع انا وياه نجوى : خلاص اووكي فيصل ونوف وشيماء واسماء كانت حياتهم طبيعيه وعايشينها عادي يطلعون احيانا بالليل واحيانا يتعشون برى فيصل قال لخواته ونوف حنا بنسافر ترى بعد اسبوع لأبها نوف : والله جد وناسه شيماء : ليش ماقلت من اول عشان نتجهز فيصل : وش تتجهزون يميدكم بيومين خالصين اسماء : لا والله على الاقل نشتري لنا كم لبس لزوم السفر فيصل : اقول بلاش فقر انتي وياها وش لبس مالبس احمدوا ربكم بسفركم وعلى حسابي شيماء : خلاص نشتري على حسابنا انت وش تبي ههههههههههه اسماء : احسنتي اختي رد طيب وممتاز نوف ميته من الضحك على خوات فيصل مجننينه لابعد الحدود فيصل : لا والله تتريقين دوروا احد يسفركم وانتي لاتموتين وانتي تضحكين نوف : والله قام يحط علي انا حط على خواتك ولا ماتقدر عليهن جيت لي انا اسماء : لا تعرفين حنا من زمان نعرف بعض عشان كذا مايقدر يقولنا شيء شيماء : ايه نعرفه من ايام الصبا هههههههههههه نوف : يمه منهن استخفن وش جاكم انتم شيماء : مدري عن هالخبله خلتني خبله مثلها اسماء : لا والله صرت خبله انا وبعدين من قالك تقلديني هههههههههه فيصل : والله اني خبل يوم اجلس مع حريم خبلات انا طالع وابتزوج وبسكن انا وزوجتي فبيت لحالنا وانتوا خيسوا هنا شيماء : اقول ترى خابرين لك وحده تجنن نوف وتظربها بقوه على كتفها : اقول انتي وش يخصكم ياحبها لتخريب البيوت فيصل وهو يتكلم من بعيد عشان ماتقول شيء نوف : بالله امانه معك يا شيوم اذا هي موافقه علميني اروح لاهلها اسماء وهي تبعد عن نوف : عني انا انها موافقه بس تقول بشرط تطلق زوجتك الاولى اسماء اخذت جوالها وحطت رجلها نوف تطالع ومنقهره منهم وتقوم تلحق اسماء فيصل بهاللحظه اللي قامت نوف تلحق اسماء خاف على نفسه وحط رجله الساعه 4 نجوى راحت لجارتها خالة سلمان وجلست معها قالت خالة سلمان : اقول نجوى وراه ولدك امجد مايجي ويجلس عند ولد اختي سلمان بالمجلس تراه لحاله نجوى : والله اذكر بيطلع مع ابوه يتمشون برى خالة سلمان : كلميه يمكن يآجلونها للمغرب لان سلمان ماعنده شيء وجالس هنا مابيه يطفش نجوى : طيب بكلم ابوه وتتصل على ابو شروق شوي ويرد وهو فيه نوم ابو شروق : هلا نجوى : هاه نايم حبيبي للحين ابو شروق : اي والله سمي بغيتي شيء نجوى : لا والله بس جارتنا تقول انوه ولد اختها عندها اسمه سلمان وتقول خلي امجد ولدك يجي يجلس معه ابو شروق : والله بكيفه هو يبي يجي نجوى : لا اذا ماعندك مانع تخلي الطلعه بعد المغرب وهو قله يجي هنا ابو شروق : خلاص احسن بعد عشان انام نجوى : خلاص ونوم العوافي ابو شروق : الله يعافيك يالله فمان الله نجوى : فمان الكريم وسكروا ابو شروق نادا امجد وقاله رح لبيت جارتنا فيه واحد من العيال عندها يقول خله يجي يجلس معي امجد : طيب ومتى نطلع انا وانت ابو شروق : بعد المغرب ان اشاء الله امجد : خلاص .. باي وطلع رايح لشقة جارهم انتهى الجزء السادس واسف البارت الاخير قصير شووي اعذروني بس لاني مسافر ويالله اجمع بعض الاجزاء على بعضها توقعاتكم كالعاده تهمني ..؟ | ||||||||
|
| |
|
24-10-16, 02:46 PM
| #15 | ||||||||
| مراقبة عامة ومشرفة منتدى الروايات المنقولة
| ****** الجـــزء الســـــابع ****** وعند نجوى وخالة سلمان خالة سلمان اول ماسكرت نجوى من ابو شروق : هاه وش قال نجوى : ماقال شيء يقول خلاص اخليه الحين يجي خالة سلمان : اهااا اوووكي خليني اكلم سلمان عشان يرتب المجلس يمكن حوسه نجوى : لا عادي خليه مابدك تتعبيه خالة سلمان : لا عادي وهي تتصل شوي ويرد سلمان سلمان : هلا خاله خالته : هلا سلووم سلمان : هاه وش قالت خالته : ترى ولد جارنا بيجي وابخلي الخدامه تسوي لك قهوه وشاهي سلمان : خلاص ثانكس خالتووه خالته : ههههه ياهلا وتسكر من عنده وهي تضحك وتقول لـ نجوى : هالشباب ياحليلهم بس يستهبلون يقول ماعنده اخت اقنعه يزوجني <--- الكذبه جاهزه عند الحريم نجوى : اذا بده من لبنان يستاهل انا بشوف له خالة سلمان : لا لاتخربين عيالنا علينا مانبي لهم غير سعوديات ياخذون لبنانيات وبعدها يعنسن بناتنا لا لا خلينا من الزواج الحين نجوى : هاه وش عندك خالة سلمان : وش صار على ابو امجد ماعلم زوجته الاولى للحين نجوى : لا والله لسى وشكله مابده يعلم احد خالة سلمان : ليش نجوى وهي ماتبي تقول لها كل شيء : والله مدري عنه يقول عندي مشاكل مع اهلي خلي الموضوع كذا وانتي وولدك لك حق كاتبه ومخلص يعني ماراح يضيع لكم شيء فهمتي خالة سلمان : اهااا الله يعينك اجل نجوى : آمين ان شاء الله وقاموا يسولفون ويضحكون نخليهم ونروح لـ سلمان وأمجد امجد تو يدخل عند سلمان سلمان قام يطالعه لين وصل لحد عنده وهو مفهي يقارن جماله بجمال شروق اخته ويشوف فيهم شبه بس وين هالشبه مايدري هو بالعيون او تقاسيم الوجه سلمان : يالله حيه امجد : أهلين فيك سلمان : وشلونك طيب امجد : الحمد لله بخير انت وششلونك سلمان : الحمد لله يارب عايشين بنعمه امجد : الحمد لله سلمان : اي والله هاه كيف جو السعوديه لايصير ماجاز لك ابد امجد : والله جوها ماهو شين مع انه حرارته قويه شويه بس يالله لها حلاوتها سلمان : ايه الحمد لله انك مرتاح .. وشلون ابوك ليش ماجاء معك يتقهوى امجد : الحمد لله بخير بس هو لسى جاي من الشركه وتعبان ويقول بينام سلمان : اهاا الله يكون بعونه يارب .... وقاموا يسولفون مع بعض وسالفة وراها سالفه لين ماسلمان قدر انه يخلي امجد يضحك وينبسط معه وتواعدو يطلعون يتعشون برى بكرى وامجد موافق بس يقول لازم ابوي يوافق امجد طلع لبيتهم وراح هو وابوه يتمشون ويعلم ابوه وش سواء فبيت جارتهم وش سولفوا فيه وش يضحكون عليه وابو شروق كانه مرتاح مبدئياً من هالولد اللي اسمه سلمان سلمان اول ماطلع منه امجد طلع جواله بيدق على شروق لقاها داقه اكثر من 13 مكالمه دق على شروق شروق على طول ردت : هلا سلمان : هلا حي هالصوت شروق : هلا بك وينك ماترد لك ساعه وانا ادق عليك سلمان : جوالي كنت ناسيه بالسياره اسف شروق : لا خلاص عادي طيب وش صار سلمان : بشنو شروق : بموضوع اخوي سلمان : اهاا لا ماشفته عياء ابوك يقول لا بنطلع انا وياه يتمشون شروق : يوووه ومن اليوم مطنشني على ايش اجل مالت بس سلمان :اووما كل ذا لي طيب على العموم انا جلست معه وسولفت وانبسطنا وتواعدنا نتعشاء برى بكرى شروق : هاه احلف امانه صدق والله تتكلم جد سلمان : انا اكذب على كل البشر الى عليك انتي ماقدر اكذب عليك شروق : يعني بتجلس معه مره ثانيه سلمان : ايه شروق : تكفى سلمان بطلب منك طلب سلمان : انتي تامريني امر مو تطلبين يالغاليه شروق : ابي صوره له وصوره تكون حلوه صوره بجوالك سلمان : ابشري ماطلبتي شيء يالغاليه مستعد اسوي اي شيء لجل ارضيك واسعدك شروق : ثآنكس مآتقصر يالغالي سلمان هنا بغى يتشقق يوم قالت له يالغالي سكت ويفكر بصوتها وهي تقول له يالغالي شروق : الوو سلمان تسمعني سلمان : هاه ايه اسمعك جوالي ذا غبي يرفع الضغط شروق : انت مالك شهر وزياده شاريه ما اسرع مايخرب سلمان : عادي من كثر مايطيح ههههههههههه المهم بكرى ان شاء الله اصوره واجيب لك الصوره شروق : الله لايحرمني منك سلمان : من انا شروق : ايه سلمان : امين ولا منك شروق : سلمان سلمان : لبيه شروق : اسفه ادري اني حيوانه بس والله انك عزيز وغالي سلمان : يكفيني يا شروق انك بخير ومبسوطه بس والباقي مايهمني شروق : تسسسلم سلمان : طيب انا استاذن بسكر واروح للبيت تبين شيء شروق : لا ابد سلامتك سلمان : يالله مع السلامه شروق : مع السلامه وسكروا شروق تفكر بسلمان واضح انه يحبها حيل وهي مو قادره تعطيه وجه ومو عارفه وش تسوي وهي تفكر امها تطق الباب عليها تفتح الباب : هلا يمه ام شروق : هلا وين اختك ماجت للحين شروق : ماجت من وين ام شروق : من بيت صديقتها شروق : اصلن تو ادري ان اشواق عند صديقتها ام شروق : المهم البسي عابيتك وامشي معي شروق : وين ام شروق : خالتك تعبت اليوم وودوها للمستشفى وسوت عمليه وبنروح نزورها شروق : يماه بسم الله عليها متى هالكلام ام شروق : الصباح اليوم وسوو لها عملية زراعة كلى والكليه تبرع فيها خالك ابو يزيد شروق : ومن متى خالتي فيها فشل كلوي ام شروق : والله مدري انا اليوم كلمني يزيد وعلمني ويوم سالة امجاد بالمستشفى قالت ان اللي قالها يزيد يعني اللي يدري غير يزيد ويمكن اخوي ابو يزيد شروق : بسم الله عليها يالله بلبس عبايتي وطالعه ام شروق : يالله انتظرك تحت السواق مجهز السياره من ساعه اصلن امجاد راحت لامها بالمستشفى وتحمدت لآمها على السلامه وطلعت لخاله واللي كانت غرفته جنب غرفت امها دخلت وسلمت على خالها وتحمدت له بالسلامه يزيد يوم شافها بتدخل طلع وقال بروح اسلم على عمتي وراح لعمته يزيد : الحمد لله على السلامه ام امجاد : الله يسلمك يزيد : هاه شفتي اقولك ماراح يصير الا كل خير وانتي لا وخايفه ومدري وش ام امجاد : الحمد لله على كل حال يزيد : اي والله الحمد لله على كل حال ام شروق وشروق تو وصلوا لغرفة ام امجاد : السلام عليكم ام امجاد ويزيد : وعليكم السلام ورحمة الله وبركاته ام شروق : الحمد لله على السلامه ام امجاد : الله يسلمك من كل شر يزيد : انا استاذن بروح لأبوي ام يزيد : خذ راحتك طلع يزيد وشروق تاخذ راحتها شروق : الحمد لله على السلامه خاله ام امجاد : الله يسلمك من كل شر .. وين اختك ما اشوفها ام شروق : عندها خويتها فالبيت وماقدرت تجي وتقول بتزورك بكرى ان شاء الله ام امجاد : الله يحفظهم لك ان شاء الله ام شروق : امين وانتي وين امجاد توقعت القاها عندك امجاد وهي توها داخله وتسمع خالتها : هذي انا ياخاله لهدرجه مهتمه فيني اجل زوجيني شروق : هههههههه ايه انتي تبينها من الله ام شروق : والله ياهنيه اللي بياخذ امجاد شروق : وانا يمه ليش لهدرجه تكرهيني امجاد : لا ماتكرهك بس تعرف ان امه داعيه عليه ههههههههه ام شروق : ههههههه لا ماعليك منها تحب العياره ام امجاد : اقول يابنتي ياشروق الله يزوجك ابن الحلال اللي يسعدك ويوفقك شروق وهي تسوي نفسها حالمه وتفكر : آآآه امين ياخاله كل اللي بالغرفه ضحكوا عليها امجاد : هيه لهدرجه ميته على هالدعاء خلاص كل يوم بقوله لك شروق : لا منك انتي لا تكفين لاتدعين مابي اخسر زوجي ام شروق : هذا وهو ما جاء هههههههههههه امجاد : ايه تشوفين ياخاله تدافع عنه وهي ماشافته شروق وهي تقصر صوتها وتكلم امجاد : لا اعرفه اصلن اباخذ يزيد .. هي تبي تقهرها لانها حاسه انها من زمان تحبه بس ماتكلمت ابد ورافضه هالموضوع امجاد وهي منصدمه : هاه من ليش تاخذينه وش فيه وش تبين فيه شروق تضحك بصوت عالي ام شروق : وش فيك يا امجاد وش قالت لك هالملقوفه شروق تكلمت قبل لاتفضح نفسها وهي ماتدري : اقولها باخلي زوجك ياخذني الثانيه عليك هههههههههههه ام شروق وام امجاد : ههههههههههههههههههههههههه هههههههههه شوي الا داخله ابرار ( وابرار وامجاد وشروق اذا جلسوا جميع بس يضحكون ) ام شروق وام امجاد ابطونهم تقطعت من الضحك ام شروق : يابنات حرام عليكم خلاص ام امجاد تعبانه وانتم بس تضحكون خلاص اطلعوا ابرار : ههههههههه تدرين عمه انا ابوصيك على كليت ابوي اللي عطاك اياها ام شروق : هاه ليش ابرار : ابوي كان يحبها بالحيل وامس يصيح يقول مقدر على فراقها احبها امجاد : هههههههه اجل خالي الحين ضايقن صدره شروق : هههههههههه لا الحين بيحب خالتي وبقووه ابرار : ههههههه اذا على كذا ليتني ماخذتها انا هههههههههه استغفر الله البنات : ههههههههههههههههههههه ام شروق : استغفروا وتضحكون بعد ام امجاد : خليهم ماعليك منهم هم يحبون الضحك لو على حساب صحتهم شروق : اقول عن اذنك خاله بنروح نشوف خالي يمه مشينا وخلينا نرجع بعد شوي ام شروق : اي والله يالله عن اذنكم ام امجاد : اذنك معك امجاد : شروق ترى اذنك مو معك مع ابرار ههههههههه ابرار : لا وع مابيها شكلك ماتغسلينها هههههههههههههه شروق : اقول مع نفسك انتي وياها وتطلع وتخليهم يضحكون عليها بمكان ثاني والساعه 7 المغرب ساره فتحت النت وكانت متعوده تلاقي رسايل من عادل بس الحين مافيه شيء من اربع ايام وهي ماشافت شيء فتحت على مدونتها وكتبت : (( أشعر بشعور غريب فقد اعتدت في تلك المده القصيره ان ارى رسائله وان اتلذذ بحروفه انا لا احبه نعم لا احبه ولكن ارى به شيءً من حياتي ارى به روحي الحزينه ارى حياتي بين سطوره مسطره ومزخرفه بحروفه تعجبني كلماته تعجبني اقلامه تعجبني دموعه فهي كآنها دموعي التي لا احب سواها فهو بتلك المده القصيره استطاع بحزنه ان يسيطر على تفكيري والسبب لا اعلم ولكن لا اقول سوى الله يقومك بالسسلامه يالغلا *_* *** تعثرت حياتك في متاهات الايام وانا تعثرت في متاهات حياتك (قلمي) )) سكرت المنتدى وهي ضايقه بالحيل وماقدرت تكتم الضيقه اللي فيها ودقت على اعز صاحباتها نوف بعد ثلاث رنات ترد نوف : هلا والله بهالصووووووووت ساره : هلا بك يالغاليه كيفك نوف : بخير الحمد لله انتي شلونك وشلون امك ساره : الحمد لله بخير وامي بخير انتي شلونك وشلون اللي بالبيت معك نوف : ساره فيك شيء ساره : لا مافيني شيء بس مشتاقه لك نوف : سوير انا اعرفك لاتقولين مافيني شيء وش فيك ساره : لا بس كنت افكر بآبوي شوي واشتقت اسمع صوتك نوف : يابعد قلبي الله يغفر له ويرحمه الله يسلمك كان قلتي لي من اول كل يوم اتصل عشان ماتتضايقين ساره : لا والله انا ابي الفكه منك وانتي بتنشبين لي نوف : الا تعالي على طاري بنشب لك حنا بنروح لستي سنتر بخلي فيصل ينزلني انا و البنات خواته وش رايك تجين هناك ساره : متى بتروحون نوف : والله مدري بس ان شاء الله بعد العشاء ساره : امممم حلو اصلن نفسي اطلع احس مكتومه بالبيت نوف : خلاص علميني وش يصير معك ساره : اووكي اجل اخليك الحين ووعدنا العشاء ان شاء الله اعلمك نوف : اووكي على خير فمان الله ساره : فمان الكريم ساره سكرت وراحت تقول لامها انها تبي تروح مع البنات نزلت ساره تحت ولقت امها جالسه مع ماجد اللي تو نزل من غرفته ساره : السلام عليكم الكل : وعليكم السسلام ساره : شلوونك خيوووو ماجد : انا طيب ليش انتي شايفه فيني شيء ساره : لا بس احب اتطمن عليك ههههههه ولا ودك تتغلى ماجد : قلبي مايطاوعني هههههههههههه ساره : طيب يمه بعد اذنك انتي وماجد نوف عازمتني بستي سنتر وودي اروح لها هي وخوات فيصل ام ماجد : انا ماعندي مانع بس شوفي ماجد اخوك ماجد : لا انا مانيب موافق ساره : ليش ماجد : بكيفي انا رجال البيت وبكيفي اخليك تروحين او لا ساره : ايه دامها عندك ابشرك متاكده اني بروح وهالشيء مافيه شك ماجد : لا لاتخليني احلف انك ماتروحين ساره : يطاوعك قلبك ماجد : ايه بكذا يطاوعني ساره : لا وش دعوى تكفى بروح وش له تقول لا ماجد : وش تعطيني واخليك تروحين ساره : آمممممم اجيب لك عشاء من برى ماجد : تجيبين لي انا وآمي ساره : ايه اووكي اجيب لكم ماجد : خلاص بؤديك عادي ساره : ثآنكس .. وعلى طول راحت تتجهز وراحت تدق على نوف دقت على نوف ونوف ردت ساره : الووه نوف : شوي شوي فقعتي طبلة اذني ساره : طيب اقولك ترى بجي هناك نوف : طيب اووكي بس وش رايك اكلم ملكه وامجاد ساره : خلاص كلمي ملكه وانا بكلم امجاد واكلمك بعدها نوف : طيب سكروا .. نوف دقت على ملكه شوووي وترد ملكه ملكه : اهلين نوويفه نوف : انا اكره ادق عليك على اساس هالكلمه ملكه : هههههههه طيب ياست الحسن والدلال آمري يآست نوف نوف : ايه خليك مؤدبه هههههههههههههههه ملكه : ههههههههههههههه نوف : المهم دبه انا وشيماء واسماء خوات فيصل وساره بنروح سيتي سنتر وش رايك تجين معنا ساره بتكلم امجاد ملكه : وااااوء قهر نوف : ليش قهر ملكه : انا طالعه بيت جدتي وراح نتعشاء هناك يعني ما اقدر نوف : بالله والله قهر ماتقدرين تحاولين يمين يسار ملكه : لا والله مقدر مره ثانيه اووكي نوف : اووكي على خير ملكه : على خير ان شاء الله نوف : فمان الله ملكه : فمان الكريم وبالجهه الثانيه دقت ساره على امجاد ساره : اهلين جوجو امجاد كانت عند امها : هلا والله سوير ساره : هههههه سوير فعينك شلونك امجاد : انا منيحه انتي كيفك ساره : الحمد لله يارب ... اقوول فاضيه اليووم امجاد : ليش وش عندك ساره : بنطلع انا ونوف وخوات فيصل رجل نوف ويمكن ملكه لسيتي سنتر امجاد : لا والله يالغلا انا مو معكم ساره : ليش وش عندك دبه امجاد : والله امي سوت عملية اليوم وللحين ماطلعت من المستشفى ساره : سلامات وش فيها امجاد : الله يسلمك مافيها الا العافيه بس عندها فشل كلوي وتبرع لها خالي بكليه من كلياته ساره : الله يشافيها ويعافيها يارب والله تو ادري ماعليش ياقلبي مازرت امك بالمستشفى امجاد : لا وش دعوه اصلن هي مادخلت الا اليوم الظهر وبعدين عارفه اللي بقلبك يالغاليه ساره : الله يقومها بالسلامه يارب ويعطيها طولة العمر امجاد : مشكوره وياك وامك يارب ومن يعز عليك ساره : طيب اخليك وطمنيني عن امك بكرى وتراء بكرى ان شاء الله بنزورها امجاد : ابشري من عيوني ساره : تسلم عيونك يالله فمان الله امجاد : فمان الكريم تسكر ساره وتتصل على نوف وتقولها عن ام امجاد ويتفقون بكرى يروحون يزورونها وقالت ساره كلمي ملكه عشان بكرى تجي معنا قالت اووكي وكلمتها ووافقت انتهى الجزء السـآبع | ||||||||
|
| |
|
24-10-16, 02:49 PM
| #16 | ||||||||
| مراقبة عامة ومشرفة منتدى الروايات المنقولة
| ****** الجــــزء الثـــــآمن ****** بعد مرور ثلاث اسابيع بدت الدراسه من جديد واشياء كثيره صارت عادل رجع للمنتدى له يومين وكل هاليومين جالس بالرسائل الخاصه مع ساره وباقي المنتدى نزل فيه موضوع واحد يشكر اللي تحمدو له بالسلامه ودعوا له نوف وفيصل وخواته سافروا للطائف وجلسوا فيها أسبوع ورجعوا عشان الدراسه زياد له ثلاث اسابيع بس يكلم شروق وهو يترجاها انه يشوفها وهي ترفض والسبب انها شافت الفرق بينه وبين سلمان سلمان طلع مع امجد وراحوا يتعشون ويوم خلصوا من العشاء مروا استديو تصوير وقاله بنصور صور تذكاريه نحتفظ فيها وصور صوره هو وياه جميع وصوره له لحاله وصوره لـ امجد لحاله ومواعدها يجيبها لها بس عشان شروق جالسه مع امجاد عند امها ببيتها هالشيء هو اللي اخر الصور ريناد كل يوم تقول لـ زياد انت مواعدني بمقطع فيديو وزياد مابيده حيله لان شروق مطنشته ماجد اخذ من عمه دفعه أولى للقسط اللي اخذه من الشركه لعمه اول ايام الدراسه الساعه 7 ص ساره افطرت وخلصت فطورها وتنتظر النقل يجي ياخذها تتصل فيها ملكه ملكه : هلا سوير ساره : هلا والله ملكه : وينك مشيتي او باقي ساره : لا ليش وش الطاري ملكه : ابيك بموضوع اذا دخلتي تكفين لاتروحين للبنات اول ماتدخلين اتصلي علي تراي بطلع الحين اووكي ساره : وش السالفه علميني ملكه : اخوي يناديني هناك اقولك كل شيء وسكرت التليفون ساره : غريبه وش فيها الله يستر وتنتظر عشر دقائق ويجيها النقل وتروح معه بعد ساعه الا ربع وصلت للكليه وكل هالساعه الا ربع وملكه تدق كل شوي لين وصلت اول ماوصلت دقت ساره عليها وهي تتصل تشوفها عند الباب تنتظرها ملكه : هلا ساره ( وهي تسلم عليها ) ساره : هلا والله ملكه : شلونك ساره : زفت اقلقتيني وش فيك ملكه : تعالي نجلس ويتجهون للكراسي وساره تطالع ملكه وخايفه انها تنصدم بشيء ماتبيه يصير وهي خايفه من هالايام تحس انها بتجيها صدمه بس من وين ماتدري ملكه وهي اول ماجلست على الكراسي : شوفي ساره السالفه ومافيها ساره : ايوه ملكه : تذكرين واحد كان مزعجني زمان وكلمته مره امجاد وتهاوشت معه ساره : ايه اذكره وش فيه ملكه : رجع يدق من جديد ساره وهي عصبت حدها : الحمد لله سخيفه واخرتها كذا اقول انقعلي بس وقامت بتمشي وتمسكها ملكه : طيب اسمعيني وش بقولك ساره : هاه وش بتقولين اكيد بتقولين ازعجني ومدري وش اسوي وش رايك ملكه حست بخاطرها : خلاص براحتك وقامت تمشي ساره وهي تلحقها وحست انها جد ازعلت : ملووكه انتظري انتي مواضيعك بايخه مسببه لي قلق واخرتها رجع يدق ملكه : طيب انتي ماخليتيني اكمل كلامي لين النهايه ساره : طيب تعالي اجلسي وكملي كلامك ملكه : لا موب مكمله كلامي وانسي السالفه ساره : ويييييييييييييه ياكرهي لك اذا صرت تتغلين خلاص كملي والله تقولين يالله عاد حلفت ملكه : بس ماتقاطعيني ساره : ما اقاطعك ملكه : شوفي هو كان يتصل زمان ومسبب لي ازعاج وماكنت ارد عليه وبعد فتره من ازعاجه رديت عليه وقمت اهدده وصار يستهبل علي ويضحك وكنت اطنشه وبعد فتره رديت عليه وقلت له ياخي لا عاد تدق ولا وربي اذا دقيت اني لاعطي رقمك لاخواني قال شوفي اذا علمتي اخوانك وش بيسون لي رقمي وبدون اسم يعني ماراح يسؤون شيء فيني وبعدين انتبهي تقولين لاخوانك لان اخوانك راح يسببون لك مشاكل مالك غنى عنها فهمتي يا ملكه وسكر التليفون في وجهي ساره : اوووما طلع يعرفك كيف يعرفك ملكه : مدري وانا من ذاك اليوم شايله همه وفكرت اغير رقمي بس ذكرت انه قايل لو غيرتي رقمك بجيبه من واحد من اخوانك وهو مايدري ساره : طيب علمتي اخوانك ملكه : وش اقولهم اخاف اقولهم ثم يعرفونه تصير مشكله ساره : ويمكن بجد مايقدرون يعرفونه رقمه بدون اسم ملكه : ايه والمشكله انه رجع يدق من رقم ثاني يوم رديت قالي والله ياملكه ماقدرت انساك تكفين عطيني فرصه وربي اني ماقدرت انساك سكرت التليفون في وجهه وقفلته امس كله ونمت والله يالله جاني النوم ويوم صحيت وفتحت الجوال لقيته مرسل لي رسايل كثيره ساره : طيب وش بتسوين ملكه : وانا ليش مكلمتك ابي اعرف وش اسوي ساره : مدري صراحه بس اهم شيء لا تكلمينه ولا تفكرين فاهمه ملكه : ايه اكيد ماراح اكلمه بس للحين خايفه مدري وش اسوي ساره : اذا تبين رأيي خليه ولا عليك منه ملكه : يالخبله انا ماعلي منه بس خايفه يسبب لي قلق .. ساره لو انتي بمكاني وش بتسوين ساره : آممممم يمكن اقول لأخوي ملكه : ايه بس بتصير مشكله اذا عرفه اكيد ساره بعد تفكير شوي : والله مدري طنشيه واخرتها بيمل ان شاء الله ويتركك ملكه : يوووه وربي صدعت بسبته ساره : اقول قوومي نرووح للبنات بس وبعدين يحلها ربك يقومون ويروحون للبنات نوف وامجاد ووحده ثالثه ساره وملكه يعرفونها بمكان بعيد زياد يكلم ريناد ريناد : شوف زياد انا ضاق صدري منك كل ما كلمتك علشان شروق تقول اصبري اصبري زياد : ريناد خلاص انا اللي فيني مكفيني لا تزودينيها علي ريناد : طيب انا وش ذنبي تهاوشني زياد : انا ما اهاوشك انا مرتفع ضغطي ريناد : من شنو مرتفع زياد : شروق ادق عليها احيانا تصرفني واحيانا الاقي جوالها انتظار وترد علي تقول انا اكلم بنت خالتي وشكلها تكذب علي ريناد : لا اكيد تكلم غيرك لانها لو ما تكلم غيرك كان عادي ترد عليك اسالني اعرفها كثير زياد : طييب ليش وش جاها كانت حلوه معي وش اللي غيرها ريناد : والله مدري بس شكل احد دخل بينكم واخذها بسهوله زياد : ريناد تكفين لاترفعين ضغطي زياده ريناد : طيب خلاص بسكت زياد : تدرين انا بسكر احس ارتفع ضغطي بروح انام تبين شيء ريناد : سلامتك انتبه على نفسك زياد : ان شاء الله .. وسكر التليفون اشواق وهي جالسه باخر الصف دخلت شيماء وسلمت على بعض البنات وطنشت اشواق وجلست باحد الكراسي بالصف الثاني اشواق ارتفع ضغطها وجت من جنبها وكان معها علبة مويه وقربت منها وهي متجهه لباب الفصل وسوت انها بغت تطيح وانثرت الماء على ملابس شيماء ووجها شيماء :يووووووووه ياحيوانه وتقووم وهي تناظر ملابسها وشكلها اشواق : يويو اسفه ما كان قصدي شيماء : علي انا .. وتسحب شعر اشواق وتضربها بيدها الثانيه ويتضاربون وبعض البنات يحاولون يفكونهم وتدخل وحده من المعلمات بعد ما سمعت الآزعاج وتفكهم وتسحب اشواق وشيماء للاداره عند الإداره كانت المديره مره طيبه وكانت تاخذ وتعطي مع الطالبات وكانت تعرف الطالبات كلهن المديره : الحين حنا باول ايام الدراسه وتتشاجرون ماسرع تصير مشكله اشواق ( وهي تتصنع البكاء ) : والله يا ابله انا صحيح اخطيت ونثرت الماء عليها بس وربي مو قصدي شيماء : ابله والله انا عرفها من زمان هي كذا حركاتها من زمان ( وهي ماسكه عبرتها ) المديره : حتى ولو يا شيماء صحيح ان اشواق اخطات بس الخطاء هنا يرجع عليك لانك عالجتي الخطاء بخطاء ثاني شيماء ساكته ولا قالت شيء المديره هنا تكمل كلامها : الحين روحوا للفصل ولا عاد تكررونها ولا ترى فيه عقاب مايصلح لكم شيماء واشواق : ابشري ويطلعن من غرفة المديره نرجع للكليه بعد ماوصلوا ساره و ملكه ملكه كان باين عليها التفكير وما انتبهت للبنت اللي جالسه ساره سلمت عليهن وحده وحده وهي تطالع شروق اللي مو من عادتها تجلس معاهن ساره : هلا شروق وش اخبارك وش علومك شروق : هلا بك ساره انا بخير الحمد لله ملكه : هاه شروق وش اخبارك ( وتسلم عليها ، واظح انها منصدمه انها جالسه معهم ) شروق : هلا بك بخير الحمد انتي شلوونك ملكه : بخير الحمد لله شروق وهي تاخذ اغراضها : طيب انا برووح عن اذنكم البنات : وين اجلسي ساره : تو جينا حنا ولا مفرقين الجماعات امجاد وهي تضحك : ما شاء الله ساره بدت تعرف نفسها هههههههههههههه شروق وهي تضحك خفيف : لا والله بس قلت اسلم عليكم وبروح اسلم على بعض البنات ساره : اووكي الله يستر عليك شروق راحت والبنات قاموا يسولفون ملكه : انتي ( تعني امجاد ) غريبه وش جاب بنت خالتك اليوم بالعاده ماتجلس معنا ولا تطالع فينا امجاد : حرام عليكم وربي وربي انها حبوبه بس تراها تمر بمشاكل متعبتها كثير تحسبونها مغروره عليكم لا انتم تذكرون صديقتها ريناد اللي زمان من خلتها وهي مرتاحه بس مو قادره تستقر هالايام طالعه لها مشكله جديده ملكه و نوف : وشيء ساره : هيه انتي وياها وش هاللقافه عيب عليكم لا لاتقولين شيء مايحق لك تتكلمين نوف : اي والله صح ملكه : طيب كان خليتيها تقول وبعدها قولي لها لا امجاد وهي تضحك : هههههههههههههههههه شوفوا اهم شيء تعرف السالفه خخخخخخخخخخخ وقاموا البنات وهم يضحكون على ملكه وكلهم راحوا يتمشون شووي قبل المحاضره يزيد كان عند عمته يزورها وكانت خالته ام شروق جايه بالطريق زي ماعرف من خالته ام امجاد كان يسوولف ويضحك وقالها ياعمه انا جايك اليووم بزورك وابي منك خدمه ام امجاد : ايه قل ماهي لله الزياره هاه وش تبي يزيد وهو يتبسم : صارت ماهي لله الحين حطيتيها كذا طيب المهم انا بصراحه ناوي اتزوج وابيتس تدورين لي بالسر وحده بنت حلال واذا لقيتيها انا اروح لااهلي واقولهم ام امجاد تضايقت شوي لانها توقعت انه في راسه امجاد بنتها وهي تعرف امجاد تحبه وصارت تفكر وش بتسوي امجاد اذا عرفت ام امجاد : والله ياولدي البنات كثار وكلهن طيبات ان شاء الله انت علمني اذا براسك وحده وانا اقولك تصلح لك او لا يزيد : لا انا ابيك انتي تختارين لي وحده تشوفينها تصلح لي ام امجاد : والله ابشر بدور لك والله يكتب اللي فيه الخير ( سكتت وهي متضايقه تفكر بحل لبنتها تبعدها عن يزيد ولا تتضايق ) يزيد كان يطالع وجه عمته متغير وبان عليها الضيقه قال : عمه فيك شيء ام امجاد ماسمعته وظلت تفكر | ||||||||
|
| |
|
24-10-16, 02:51 PM
| #17 | ||||||||
| مراقبة عامة ومشرفة منتدى الروايات المنقولة
| تكملة الجزء الثامن يزيد عرف انها تفكر فالموضوع اللي براسه قال : ياعممه ( وحط يده على راسها وانتبهت له ) ام امجاد : هاه سم بغيت شيء يزيد : ههههههههههههههههههههه ايه بغيت شيء وش فيك وين رحتي انتي ام امجاد : ادور لك بنت الحلال اللي تبيها يزيد : عمه علي انا تراي اعرفك زين واعرف اللي في نفسك ام امجاد : هاه لا مافي نفسي شيء بس ادور لك وانا عمتك يزيد : طيب انا بشاورك بوحده ام امجاد وهي متضايقه للحين : هاه من هي يزيد : امجاد بنتك ام امجاد وهي تطالعه مستغربه هالكلام : امجاد بنتي يزيد : ايه امجاد ام امجاد : انت صادق تبيها ولا عشاني بس يزيد : والله شوفي انا ابيها ايه بس برضوا انتي احد الاسباب ام امجاد : والله مدري وش اقول لك مير مناي يوم اشوفكم لبعض من وانتوا صغار بس شاور اهلك يزيد : لا ياعمه شاوري امجاد اول وعلميني وش تقول اذا موافقه قلت لاهلي يجون زين ام امجاد وهي تدري ان بنتها بتوافق : خلاص ان شاء الله يزيد غير السالفه وقام يسولف لها عن دوامه وعن المشاكل اللي تحصل لهم فالمستشفى دايم وهي تسمعه لين ماوصلت خالته ام شرووق جلس له ربع ساعه وطلع يستاذن واكيد ام امجاد على طول قالت لام شروق سلمان كان طالع من بيتهم ورايح لبيت خالته وهو بالطريق يتصل على شروق بعد اكثر من رنه ترد شروق وهي اللي صارت ترد على اغلب الاتصالات من سلمان لانها اول ماكانت ترد عليه وكانت تكرهه ليش ماتدري بس تحسه يكرهها اما سلمان كان يحبها وكان يكره يشوفها مع زياد لجل هذا كانت تتوقع منه هالنظره شروق : هلا والله وغلا سلمان : هلا بك وشلوونك شروق : بخير ياجعلك بخير انت شلوونك سمان : دووم يااارب انا بخير الحمد لله دامك انتي بخير شروق : تسسلم والله هاه كيفه هالصباح ويااك سلمان : صباحي حلو دامني سامع صوتك فيه اكيد انه حلو شروق ضحكت ضحكه خفيفه لانها استحت وماتدري وش ترد عليه سلمان : وش فيك سكتي شروق : وش تبيني اقول سلمان : لاتقوولين شيء يالثرثاره المهم اسمعي شروق : اممما ثرثاره ليش ازعجتك سلمان : لا بس ازعجتي واحد اعرفه هههههههه شروق : اللي انت تعرفه هو الثرثار هههههه سلمان : طيب شوفي انا طالع لبيت خالتي ولدها عنده موعد بالمستشفى شروق : مايشوف شر ان شاء الله سلمان : مايجيك الشر بؤديه واذا خلصت كلمتك عشان اعطيك الصوره شروق : طيب وين نتقابل سلمان هنا ماكان وده يشوفها لانه هو اصلن يعرفها بس كانت فكرته غير واللي مقرره من زمان غير سلمان : لا لا انا ممكن مايمديني اشوفك بس تدرين شلون فيه جنب بيتكم سوبر ماركت بشتري اغراض لك اشياء خفيفه وباحط الصوره بظرف وسطها وابقول بيجي سواق ويسال عن اغراض باسم سلمان وياخذها منه اووكي شروق استغربت منه يعني غريبه ولد مايبي يشوف له بنت بالعاده يمووت الواحد اذا عرف ان البنت وافقت تشوفه شروق : خلاص براحتك سلمان : اووكي انا وصلت لبيت خالتي اذا خلصت علمتك شروق : اووكي خذ راحتك سلمان : فمان الله شروق : فمان الله شروق وقت ماسكرت وهي تشووف من اليووم زياد انتظار ردت عليه شروق : هلا والله حي هالصووت زياد : هلا بك يالغاليه وينك ماتدرين شروق : هههههه طيب شفني انا بخير ولا لا زياد : هذا صوتك يقول مافيه ازين منك وينك ماتردين لك وقت شروق : والله خالتي طاحت علينا تعبانه حيل وكنت مشغوله عند بنت خالتي لاني عندهم وانت تعرف اذا انا عندي ناس ما اقدر اكلمك زياد : طيب ارسلي لي رساله شروق : بنت خالتي تشوف رقمك تقول منو اقولها ما اعرفه ومقفله الجوال برمز قفل عشان ماتقراء الرسايل اللي انت ترسلها زياد : وعادي تخليني كل هالمده افكر واشيل همك شروق : يعني خايف علي زياد : اكيد اخاف عليك مو انتي قلبي وحياتي ودنيتي وكل ناسي شروق : الله يسسلمك يابعد الدنيا ومافيها وجلسوووا يسولفون ويتغزلون في بعض ولا هم دارين باللي حولهم ابو شروق كان في شركته وحاجز لزوجته نجوى وولده امجد وهم بالمطار ابو شروق : اقول يا امجد دير بالك على امك زين امجد : ولو هذي الغاليه نجوى : حبيب قلبي امجد طول عمره وهو قريب مني ومايخليني ابو شروق : اكيد امجد رجال وان شاء الله بيدير باله على امه امجد : ان شاء بدير بالي على امي وعلى خواتي امه وابوه يطالعون فيه بصدمه ابو شروق : امجد خذ الاغراض وامش لاترفع لي ضغطي امجد : سلامتك يبه نجوى : يالله فمان الله ودير بالك على حالك ابو شروق: ان شاء الله وانتوا بعد واذا وصلتوا لاتنسين تخبريني نجوى : ان شاء الله ابو شروق يسلم عليهم ويشوفهم لين ابعدوا عنه بعيد مشى وراح لشركته فالطريق يجيه اتصال ويطالع الى هو ام شروق ويقول في نفسه الله يستر وش تبي ذي ابو شروق : هلا ام شروق : هلا بك شلونك ابو شروق : بخير هاه وش تبين ام شروق : انا عندي سفره لـدبي وابي مبلغ عشان بجيب من هناك بضاعه وناقصه علي فلوس ابو شروق : انا معطيك الشهر اللي مضى ثلاث مئة الف مو معقوله خلصت ام شروق : لا ماخلصت بس ناقصه علي 250 الف ابو شروق : اللهم طولك ياروح ام شروق : اللهم طولك ياروح اقول يالغالي لاتنسى الاتفاق اللي بيننا والشروط ( تقول هالكلام وهي تضحك ) وابو شروق من حر مافيه ضحك خفيف وقال : بس مو لهدرجه اتفاقنا يا يالغاليه ( وهو يقلدها بضحكه خفيفه ) ام شروق : والله عاد حلالي ومحتاجه منه مبلغ ومن حقي اخذه ابو شروق : حقك منتهي تراه من زمان وانا اعطيك من حق مو من حقكك ام شروق : يعني شلون ابو شروق : لا شلون ولا هم يحزنون الحين اكلمهم يخلونها بحسابك وسافري باللي مايردك ام شروق : استغفر الله ( وهي تسكر في وجهه ) ابو شروق شافها سكرت في وجهه وضحك وقال : مصيرك في يوم تتمنين الاتصال مني طبعاً هم على هالحاله يمكن لهم اكثر من 14 سنه يتكلمون عند بناتهم ويضحكون وماكانوا مبينين انهم متزاعلين بس بعد ماطال زعلهم بان عليهم والكل عرف بس الكل مايعرف وش السبب وش هالشروط اللي طلعت من جديد وكيف صار حلالها وليش يعطيها وليش ماطلقها انتهى الجزء الثآمن توقعآتكم وش بين ابو شروق وام شروق تتوقعون جد يزيد بيآخذ امجاد او بيصير بينهم شيء | ||||||||
|
| |
|
24-10-16, 02:54 PM
| #18 | ||||||||
| مراقبة عامة ومشرفة منتدى الروايات المنقولة
| ****** الجــــزء التــآســـع ****** ماجد كان في الشركه ومعه اوراق بيطلع يوديها للبعض الدوائر الحكوميه ( ماجد مراسل للدوائر الحكوميه وبعض الشركات ) ( سعد صاحب ماجد كان مراسل للبنوك فقط ) سعد : اقول ماجد انت طالع طالع تكفى ابيك تمر البنك تنزل فيه هالمبلغ لاني والله سيارتي خربانه وبروح اصلحها ماجد : بس ذا كاش واخاف اتوهق فيه وبعدين مايوافقون لازم انت لانك المفوض الوحيد للبنك سعد : لا ماعليك البنك الاهلي فيه ولد خالي ابرسلك له وهو يضبط كل شيء ماجد : خلاص ابشر هاتها بس هي كم سعد : الله يجزاك خير هي 180 الف ريال و خذ هذا رقم ولد خالي اذا وصلت للبنك دق عليه وقله وهو يطلع لك برى ويخلص لك كل شيء بسرعه ماجد : طيب ( ياخذ الفلوس وياخذ رقم الجوال ويروح ) ماجد طلع وركب بالسياره وشغلها واتجه للبنك لجل يرتاح من المبلغ اللي معه لا يتوهق فيه وهو بالطريق جته رساله على جواله فتحها لقاها من الحنوووون ( طبعاً الحنون اخته ساره ) كاتبه فيها : عندما ابتسم لا اذكر سواك ووالدتي فانتم من احببتهم في هذه الدنيا فهنيئاً لي بكم ادعو الله ان يحميكم من كل شر . ابتسم لاخته اللي متعوده تكتب له رساله او رسالتين كل اسبوع ويفرح فيها بيسوي رد لها وكتب لها : اعلم يقيناً انني اسعد الناس بكونكي اختي ولكن وان حكم القدر علينا بالرحيل فاسال الله ان يكون يومي قبل يومك . وارسلها وهو تو واقف عند الإشاره وهو يبتسم ويرفع راسه على صووت فرامل قووي ومايدري الا بالسياره اللي صدمته من الخلف وكانت تسير بسرعه جنونيه وتقذف بسيارة ماجد بعيد عن موقف الإشاره وترتطم بعمود إناره بجوار الطريق ويتجمهر كل من كان بالقرب من الحادث على السياره تاتي سيارة الاسعاف بعد مايقارب ربع ساعه وتنقل ماجد للمستشفى في مكان اخر ساره وصلتها رسالة ماجد اخوها ونغزها قلبها وتاثرت من كلامه وارسلت له رساله ان شاء الله يومي قبل يومك تكفى استغفر ربك عشاني وارسلتها تنتظر رد ماوصلها شيء قالت اكيد مشغول والتهت مع البنات وهي متضايقه ولا تدري وش السالفه الجوال كان طايح وسط السياره حصله عسكري المرور واخذ الجوال وشاف اول المكالمات الصادره لاقه مكتوب اسمه سعد ... ولاق نفس الاسم بالوارده واتصل فيه سعد شاف اسم ماجد يتصل ورد : هلا مجوود العسكري : السلام عليكم سعد استغرب الصوت :وعليكم السلام العسكري : انت تعرف صاحب الجوال سعد : الله الله اعرفه خويي العسكري : هو خويك سعد : يابن الحلال ايه خويي انت لاقي الجوال طايح العسكري : لا والله انا عسكري فالمرور خويك صار عليه حادث وهو طيب ان شاء الله بس نقلناه عشان فحوصات ومافحوصات وقلت اكلم احد ياخذ اغراضه رح لمستشفى ..... سعد : الله يستر يالله يالله مع السلامه في مكان ثاني سلمان كان توه طالع من المستشفى هو وخالته وولد خالته وشافوا ماجد وهم ينزلونه من السياره يشوفونه ويقوولوون الله يعين اهله الله يرحم بحاله يااارب وكان مبين عليه ان حالته خطيره وصل سعد للمستشفى ولقى العسكري هناك وراح بيتطمن على ماجد وقالوا له بالعناية المركزه ممنوع احد يدخل عنده لين نتطمن عليه ونشووف وضعه وش يصير فيها سعد جاه العسكري : اقول اخوي هذي اغراضه اللي بالسياره الضروريه سعد : مشكور الله يجزاك خير وهو ياخذ الاغراض العسكري : فمان الله والله يشافيه ياارب ويعافيه سعد : الله يجزاك خير ( وهو يطالع بالكيس ويدور الفلوس مالقاها ) ياعسكري العسكري : سم سعد : فيه فلوس بالسياره العسكري : كم سعد : فيه حول 180 الف ريال العسكري : اجل دقيقه ( ويرفع جواله ويدق على زميله كان عند الحادث ) هلا بك اقوول بالله شف لي بالسياره يقولون فيه فلووس يالله انتظرك على الخط ... ايه .. هاه .. بالله .. اكيد .. متاكد طيب طيب لا احد يحرك السياره دقايق بس ) العسكري : مافيه فلووس سعد : يابن الحلال اقوولك انا معطيه اياه بيدي 180 الف بيودعها بالبنك العسكري : يمكن اودعها سعد : لا الشركه بينها وبين البنك نفسه نص ساعه وانا معطيه اياه قبل اقل من نص ساعه يروح لولد خالي هناك هو يودعها العسكري : طيب تاكد من ولد خالك سعد يتصل على ولد خاله ويكلمه ويقوله لا ماجاني للحين وسكر التليفون سعد : ما اودعها شلون يعني الفلوس راحت العسكري : لا ان شاء الله حنا بناخذ البصمات ونشووف والله يفرجها لكم سعد : طيب باقدم بلاغ سرقه العسكري مشينا للموقع الحادث ونبلغ بالطريق سعد وهو بالطريق اخذ جوال ماجد ودور بالاسماء ولقى مكتوب عمي ابو فارس ويتصل ابو فارس : هلا بولد اخوي سعد : السلام عليكم ابو فارس : وعليكم السلام من انت سعد : ابو فارس انا سعد زميل ماجد فالدوام ابو فارس : ايه حياك الله سم سعد : ابو فارس والله مدري وش اقول لك بس مالي الا الله ثم انت ابو فارس : الله يستر سم ماجد فيه شيء سعد : ماجد صار عليه حادث قبل نص ساعه وهو بمستشفى ..... وان شاء الله انه طيب بس مدري من اعلم وانت خابر ماله اخوان وقلت مالي الى عمه هو يعلم امه واخته ابو فارس : اسالك بالله فيه شيء سعد : لا والله اني ما ادري بس تو جيته قالوا بنسوي له تحاليل ونشوف فيه شيء او لا وانا طلعت اخلص بعض اوراق المرور وارجع له ابو فارس : خلاص انا بروح هناك الله يستر سعد : امين وجواله معي اذا قابلتك بالمستشفى اعطيك اياه ان شاء الله ابو فارس : ان شاء الله فمان الله .. وسكر وعلى طول راح للمستشفى ابو فارس وهو طول الوقت فالسياره رايح للمستشفى مايفكر غير بثنتين اول شيء ام ماجد واخته ساره كيف بيخبرهم اكيد بينصدمون والثانيه لو حصل شيء لا قدر الله لماجد ام ماجد وساره وش بيحصلهم وهم مالهم غير الله ثم ماجد وصل المستشفى وحاول يدخل ومنعوه بعض الممرضين وحراس الامن وبالقوه دخله مدير القسم بعد ما شاف حالته سمح لهم يدخلونه ابو فارس دخل وشاف ولد اخوه مرمي بالعناية وحالته تكسر الخاطر واللي مايعرفه يرحمه ويقول هذا زين ان عاش سال الدكتور قاله الدكتور شف الولد حالته للحين ماهي طبيعيه ووعيه 4 من 15 ابو فارس : والله يادكتور ما افهم شيء من اللي تقوله الدكتور : شف وانا اخوك الوعي عند الانسان الطبيعي 15 الشخص السكران اللي ماهو بوعيه نهائياً وعيه الطبي 14 او 13 بس فما بالك بوعي ولد اخوك 4 ..؟ ابو فارس : يعني شلوون الدكتور : اسمع حنا ماقد جتنا حالات وعيها 4 الا وهذا بمشيئة الله سبحانه يتوفون وانا اقولك هالكلام عشان تدعون له وانا اشوفك رجال مؤمن وعاقل يعني لازم ابلغ احد من ذويه عن حالته والباقين عادي نخبي عليهم حالته بس لازم واحد يكون على علم بكل شيء ابو فارس : يعني وش تقصد بيموت الدكتور : لا انا ما اعلم الغيب بس باذن الله بيعيش بس ان عاش نتوقع انه راح تكون فيه اعاقه ذهنيه خفيفه يعني ماراح يكون انسان عاقل ابو فارس : يالله يارب لطفك يالله يارب لطفك ابو فارس مسك راسه وقام يدعي من الخوف والربكه مايدري وش يسوي تذكر واحد من اخوياه يشتغل هنا بالمستشفى اتصل فيه وعلمه عن حالة ماجد ولد اخوه وقاله تكفى نبي نجيب شيخ يقراء عليه ان شاء الله ربك يطرح في تلاوته ودعاءه الشفاء قاله خوييه خلاص ابشر انت هاته وانا اكلمهم ابو فارس اتصل على الشيخ والشيخ ماقصر جاء الساعه 11 ص دخل الشيخ على غرفة ماجد واول ما شافه دمعت عيونه على حالت ماجد بنفس الوقت ابو فارس راح لبيت ماجد عند امه واخته بيبلغهم وهو بالطريق اتصل على ولده فارس وقال رح لعمك وخذه للمستشفى وقاله كل شيء بنفس الوقت وبمكان ثاني العسكري اللي عند الحادث كتب كل شيء وقدم سعد بلاغ عن سرقه وارصدوا الحالات اللي عندهم وجوا حقين البصمات ياخذون البصمات من السياره ابو فارس وصل لبيت ماجد وطق الباب وجت ام ماجد بتفتح الباب ام ماجد : منو ابو فارس : السلام عليكم يا ام ماجد ام ماجد : وعليكم السلام ابو فارس : انا ابو فارس عم العيال ابدخل ابيكم في موضوع الله لايهينك ام ماجد : طيب دقيقه ( تغطت وفتحت الباب ودخل ابو فارس وهو معطيها ظهره ) ابو فارس : شلونكم طيبين ام ماجد وكانت خايفه انه يبي شيء من ماجد ولا جاي يبي مشاكل : الحمد لله عايشين بهالدنيا ابو فارس : بنطول بالوحش يا ام ماجد ام ماجد : حياك البيت بيتك وانت تدل المجلس ابو فارس : الله يرفع قدرك لا تسووين شيء انا ماني مطول بس ابيك فموضوع وبقوله فالمجلس مشى قدامه واتجه للمجلس ام ماجد تعرف ابو فارس زين طيب ونعم فيه بس احياناً اخوه يحرضه على ماجد ( وهذا الكلام قبل لايكبر ماجد ويعرف عمانه زين ) بس هي ماتدري وش يبي وتقول في نفسها الله يستر وتمشي لين وصلت المجلس ووقفت عند الباب ولقته جالس بطرف المجلس بعيد عن الباب ام ماجد : ابسوي لك قهوه واجي ابو فارس : لا لا تعالي استريحي ابيك فموضوع قبل لاتجي ساره ام ماجد جلست جنب الباب : تفضل ابو فارس : والله يا ام ماجد مدري وش اقولك بس ولدك ماجد ام ماجد وهي كانت تحسبه جاي يتشكى من ماجد : وش فيه ولدي ماجد يا ابو فارس اتوقع انه ماقصر معكم وفزع لك كم مره ابو فارس وعيونه بدت تدمع لانه حس انه ظالم لعيال اخوه ولمرت اخوه ام ماجد استغربت هالدموع وخافت تكون دموعه كذب لجل يضحك عليها ابو فارس : والله ونعم فماجد وفيك وفاخته ام ماجد : اجل وش السالفه لا يصير ولدي ماجد فيه شيء ابو فارس : لا مافيه الا العافيه هو كلمني وقال انا صار علي حادث وهو طيب ام ماجد قامت واقفه وبدت تبكي بصوت قووي شووي : ولدي وش فيه تكفى يابو فارس ولدي وش فيه ابو فارس : مافيه الا العافيه قلت لك ام ماجد : لا والله انت تكذب علي تاخذني على عقلي انت من دخلت وانت متضايق امانه ولدي حي ابو فارس : واللي يقطعني من عيالي ويحرمني شوفتهم ان كاني ابكذب عليك ولدك والله حي ومافيه ان شاء الله الا العافيه هو منوم بالمستشفى وانا جاي اخذك انتي وساره تشوفونه ام ماجد وهي تصيح : يالله مشينا ابو فارس : لا يا ام ماجد اخبرك عاقله ومؤمنه بالله اصبري خل بنتك تجي ونمشي جميع ام ماجد قامت تصيح ابو فارس قام يقول : يا ام ماجد انتم اهلي واللي مضى مضى وانتي مؤمنه اصبري وادعي له وربك بيقومه بالسلامه ليش خايفه عليه وبعدين ماجد ما شاء الله يصلي ويصوم ويعبد ربه على اكمل وجه..... ...... : السلام عليكم ابو فارس : وعليكم السلام هلا ببنتي ساره ساره تناظر امها وهي تصيح وصوتها مسموع وتطالع عمها اللي وقف وعيونه واظح عليها البكاء واقفه منصدمه عارفه من هالاشكال والدموع فيه مصيبه بس منو لا يكون ماجد اخوي الا ماجد انا ادق عليه مايرد ساره : يمه ماجد فيه شيء ام ماجد تصيح وتحضن بنتها وتكمل صياح ساره توخر امها بشويش وهي بدت تصيح وصووتها مو مسموع : يماه عمي تكفوون قولوا لي ان ماجد مافيه شيء تكفون وهي تصيح ويجي عمها يسحبها من امها ويقووول لها : يابنتي اخوك مافيه الا العافيه ( وهو ياخذها بيقربها لحظنه ) وهي توخر عنه وهي مو قادره تسكت او تسمع نفسها من الصياح وتمسك امها وتصيح : يماه ماجد وينه وينه يماه لاتقولين ماجد مات يماه تكفين لا تقولين مات تكفين ابو فارس وهو خلاص ماقدر يتحمل الموقف وبداء يبكي : يابنتي مافيه الا العافيه ان شاء الله هو مسوي حادث خفيف وانا باخذكم تشوفونه وتتطمنون عليه ساره شافت عمها يبكي وجاء في بالها ان ماجد مات لان عمها مو معقوله بيبكي وهو رجال عشانه طيب وماقدرت تمسك نفسها طرررررررراخ .... طاحت على الارض مغمى عليها | ||||||||
|
| |
|
24-10-16, 02:56 PM
| #19 | ||||||||
| مراقبة عامة ومشرفة منتدى الروايات المنقولة
| يحاولون يصحونها وتروح امها ركض تجيب ماء من المطبخ وياخذ الماء عمها ويرش على وجهها ويسمي بالله ويذكر ربه ثواني الا هي صاحيه وتطالعهم وترجع تبكي يالله بالله يقومونها ويركبون السياره ويتجهون للمستشفى بالطريق حالتهم ام ماجد تبكي وقلبها تقطع من البكاء بس البكاء داخلي لانها عارفه بعد ماجد بيضيعون وكانت تدعي ان الله يرفق بحاله ويقومه لاخته بالسلامه وكان كل دعائها يارب ياغفور قوم ولدي بالسلامه وخذني بداله اخته مالها الا انت ثم هو يارب خذني بداله ياارب تكفى قومه بالسلامه ساره كانت حالتها ماهي بعيده عن امها بس كانت تبكي بصوت مسموع حتى ان لو واحد وقف جنب السياره عرف ان اللي بالسياره تبكي كانت تبكي وفي داخلها تعرف لو ماجد جد ميت امها بيصيبها شيء فكانت تبكي وكل وقتها يارب يومي قبل يومهم الاثنين يارب يومي قبل يومهم الاثنين يارب الطف بحالته يارب الطف بحالته يارب خذني وخله يعيش يارب خذني وخله يعيش ابو فارس كان هو اهدى واحد بالسياره مع هذا كان يبكي ويمسح بغترته كيف وماجد كان يفزع له جد ولا يرد لعمه طلب مو مثل اخوه اللي ياما كلمه وطرده بس ابو فارس ماعرف يصلح الامور وخلاها على ماهي عليه وصلوا للمستشفى ويوم وصلوا لقسم العنايه المركزه قالهم ابو فارس انه ممنوعه الزياره عنه لانه تو صاير له الحادث يعني يمكن يفتحونها العصر بس انتوا شوفوه من ورى دريشه الغرفه اللي مسموح انهم يطالعون منها ساره وام ماجد قاموا يطالعون بس مايشوفون شيء فيه رجال مطوع قاعد يقراء على ماجد وهو يقراء طق الدريشه ابو فارس ويوم التفت المطوع وشاف الحريم وخر شوي عشان يشوفون هذ ي اللحظه وهي ثواني هي اكثر من ساعه لان ساره وام ماجد ووقت ما التفت المطوع وشافوه يبكي وهم حاسين ان حالته مايعلم فيها غير رب العالميين ويوم وخر المطوع وهم قلوبهم متوقفه عن النبض ويطالعون اللي قدامهم كانت مجرد اجهزه واسلاك في الصدر واليدين والانف والفم والراس ابيض من الشاش حقت الجروح ووحده من اليدين مجبسه والوجه منتفخ بالحيل يعني هالانسان ماكانوا يتوقعون ولا واحد بالميه انه ماجد ابد فجاه ..... طططرررررررررررراااااااااا خ على الارض ساره طاحت وام ماجد مسكت يد بنتها وهي ماتدري الممرضات يركضون ويشيلونها وام ماجد تقوم تبكي بصراخ ماتدري تلحق بنتها اللي تو طاحت ولا تطالع فبقايا ولدها اللي ماتعرفه وهي تشوفه قامت تصيح وجلست بكرسي من التعب جنب غرفة ماجد ابو فارس قالها : ام ماجد اجلسي هنا ساره اغمى عليها وبتقوم الحين انا بروح معها انتي اجلسي معها ام ماجد تطالعه وهي تبكي وفي نفسها ماتدري وش تقول بس الحمد لله على كل حال الحمد لله على كل حال ابو فارس يوصل لغرفة ساره وبعض الاجهزه عندها والدكتور يقيس نبضها وضغطها بعد عشر دقائق عند ام ماجد يوصل فارس وعمه حمد ( عم ماجد ذا عقيم وماله عيال ) فارس : السلام عليكم خاله حمد : السلام عليكم يا ام ماجد ام ماجد تطالع فيهم وتبكي ولا ردت حتى السلام فارس يطالع من الدريشه وقام يبكي لانه من الناس اللي يحبهم ماجد ومايبي يشوفه بهالحال وكانت علاقته اغلبها بالسر عشان مايزعل ابوه وعمه وهو ماكان يدري ان ابوه مكلم ماجد عشان القرض وماجد طيب ماتكلم عند فارس عن ابوه بداء يبكي كانه طفل حمد : وش فيك تبكي خلك رجال وبعدين اللي يشوفك يقول اخويا انت وياه فارس طالع عمه وعيونه حمر وهو يبكي ووالله لو ماهو عمه اخو ابوه كان راح فيها حتى عمه حمد شاف نظراته وصد عنه وراح يكلم ام ماجد : انتي من جابك هنا وساره وينها ( مع انه يدري معلمه فارس بس بيشوف وينهم ) ام ماجد وهي يالله بترد وهي تبكي فارس رد عنها : ابوي جابهم والحين ادق عليه واساله ام ماجد تطالع فيه وهي تعرف عن علاقته مع ماجد وبدت تبكي لانه كم مره يكلمها بالتليفون تصحي ماجد ويسلم عليها هالولد غير عن عائلة ابوه كلهم فارس يدق على ابوه وابوه يقوله كل شيء ويسكر منه فارس يعلم عمه وعمه حمد قال انا بروح اشوف بنت اخوي واجيكم ابعد العم حمد عن غرفة ماجد فارس بهاللحظه زاد بكاءه وقال لام ماجد : ادعي له يا خاله ربك بيقومه بالسلامه باذن الله ام ماجد وهي تبكي : آمين الله يسمع منك ياولدي ام ماجد قامت من كرسيها فارس : وين ياخاله ام ماجد وهي تبكي : بروح لقسم النساء هذه الغرفه جنبكم بصلي لي ركعتين وادعي ربي يقومه بالسلامه فارس قام يبكي وبكاءه غير لانه يعرف ماجد متعلق باهله واهله متعلقين فيه قام يدعي له : يارب قوم ماجد بالسلامه يارب قوومه مال اهله غيره يارب اشفه انت الشافي يارب اشفه انت الشافي حمد وصل عند غرفة ساره حمد يفتح الباب ويدخل : السلام عليكم الدكتور والممرضات وابو فارس : وعليكم السلام الدكتور : سم ابو فارس : هذا اخووي الدكتور : اهااا حمد : وش فيه معصب هو ( وهو يكلم اخوه ويعني الدكتور < الدكتور سعودي ) الدكتور : اخوي احترم المستشفى واحترم راحة المريضه ولا تفضل برى جاي تسولف شوف اخوك جالس ويدعي وانت جاي تسولف حمد : طيب لايطق فيك عرق وانت تفحص بنت اختي ابو فارس : ماعليش يادكتور انا اخذه برى ويسحبه لين وصله لبرى الغرفه ابو فارس : اسمع ياحمد حنا بالمستشفى والنفوس تعبانه خل كلامك لك ولا ترى بيصير تصرف ثاني ويطنشه ويدخل حمد : الحمد لله والشكر وش فيهم معصبين الولد بالمستشفى وش نسوي له والبنت بعد يعني نسكت بعد دعاء وبندعي لهم والله حاله دخل الغرفه وسكت ويطالع الدكتور اللي الدكتور حقد عليه وهو حقد على الدكتور الدكتور يقول للممرضه عطيني الابره الممرضه ( سعوديه ) : ابشر .. وتعطيه اياه الدكتور قال للممرضه ارفعي طرف البلووزه من هنا ( لجل بيضرب الابره ) حمد قام يطالب : تعال تعال فيه حرمه انت وش تبي تضرب البنت ابره وتتكشف على محارمنا ابو فارس يمسكه : يابن الحلال خله يقوم بعمله الدكتور ماحب يطول السالفه ولا يتناقش معه مد الابره على الممرضه السعوديه وقالها اضربيه هنا اووكي قالت الممرضه اووكي طلع الدكتور ينتظرهم يخلصون عشان بعد الابره شووي وان شاء الله تصحى البنت طلع حمد ولقى الدكتور جالس وبيده كاس ماء حمد : ماتخاف من ربك الدكتور : لا اخاف من ربي وهالشيء حلال لاتحرمه وبعدين البنت في غيبوبه وانا اقوم بواجبي مانيب جالس اتكشف على محارم الناس حمد : لا تتكشف وتطالع فيها ولا كان محارمها واقفين جنبك وهو يقرب من الدكتور ويمسكه مع البالطو حقه ويقوله : لا تتكشف على ... الدكتور وخر يده بطريقه قويه وقام واقف : شف يدك وخرها منت كفو تمسك البالطو وبعدين تراي محترمك لان عندكم مريضه وهالشيء اللي مخليني اسكت فرجاءً وخر يدك وابعد عن وجهي لا اخليك تندم فاهم حمد وهو يمسك بالطو الدكتور من جديد ويقووله :لا ي..... الدكتور مسك يده ولفها على جسم حمد وحطه على الجدار وسحبه لين وقفه عند الباب وينادي ابو فارس يوم طلع ابو فارس دفه على ابو فارس وقال خذ اخوك ولا ترى بنادي الامن يطلعونه برى ويبداء يتهجم حمد على الدكتور بيضربه والدكتور واقف يطالع فيه وابو فارس ماسكه الممرضات طلعوا وبعض الامن جاء وحمد قام يتهدد ابي المدير المدير وينه هذا ماهو دكتور هذا يتكشف على عوراتنا والله لاقدم فيك شكوى وين المدير نادوا لي المدير الدكتور : اخوي الله يجزاك خير انا المدير واذا بتشتكي فيه قسم شكاوي تابع لي انا وانا اللي استلم الشكاوي اذا ماودك تقدمها لي فيه قسم لمركز الشرطه هنا مو بعيد رح على رجولك وقدم الشكوى ويطالع وحده من الممرضات : ريهام ابقي عند المريضه وعطيها الحين مهدي عشان اذا صحت ماترجع تتعب من جديد ويطالع بابو فارس : والله يقوم بنتكم وولدكم بالسلامه وانا بغرفتي اذا بغيت شيء مرني انا بخدمتك اخوي ابو فارس : ابشر الله يجزاك خير ( ابو فارس ماسك اخوه هو وواحد من الامن ) الدكتور يقول للامن : خلوه الرجال عشان اهله اكيد تعبان ... تراك مسامح والله يشافي اهلك الدكتور قام يمشي بثقه وخلاه بعصبيته وحقده ولا هو قادر يسوي شيء بعد ربع ساعه صحت ساره واول ماصحت بدت تبكي وفصلت اللي بيدينها وطلعت من الغرفه حاولت الممرضه تمنعها بس ماقدرت قالها عمها خلاص خليها تحت مسؤليتي وراح عمها معها لين وصلوا لغرفة ماجد ولقوا فارس وام ماجد ماهي فيه ساره قامت تطالع اخوها وهي تبكي ولا كان فيه احد مو من محارمها هنا ابو فارس يسال فارس : وين ام ماجد فارس وهو باين عليه التعب : باستراحة النساء تصلي ابو فارس : ساره وانا عمك خلاص روحي اجلسي عند امك وادعي له ساره عمي تكفى ابي اجلس شووي اشوفه تكفى وهي ما التفتت له ابو فارس سكت وطالع بولده : فارس وانا ابوك خذ وجب اكل خفيف لنا ساره وامها اكيد ما اكلوا شيء فارس : انا معي فلوس ابشر .. وراح يجيب لهم الشيخ طلع من غرفة ماجد وعيونه حمراء وهو كان جاي اصلن بس نص ساعه ويورح بس من شاف حالته قام يقراء ومادرى الا جالس ساعه ونص الشيخ : الله يقومه بالسلامه يا ابو فارس وان شاء الله يفرحون اهله وكل اللي يحبونه بسلامته وانا ان شاء الله بجيه العصر والعشاء باذن الله ابو فارس : الله يجزاك خير ياشيخ بنتعبك معنا الشيخ : لا تعب ولا شيء الله يشافيه فمان الله ابو فارس : فمان الله الشيخ يبعد وصووت الجهاز بداء يصوت باجراس عاليه ثواني والممرضات والدكاتره كلهم بالغرفه الكل واقف عند الغرفه ام ماجد بدت تبكي وبصوت مسموع من الكل لانها حست بتفقد ولدها ساره في حضن امها وتبكي وهي تطالع اخوها ابو فارس بداء القلق والخوف عليه العم حمد وقف ولاول مره يحس بنوع من القلق على ابن اخوه ثواني ويسكرون الستاره عن ماجد ومن فالغرفه ام ماجد تقولهم يفتحونها مافي احد يلبي نداها آنتهى الجزء التآسع توقعآتكم واعذروني الآجزاء قليله نوعاً ما لاني ما احب اطولها عليكم ولا احب اخذ شيء من حق الروايه لاتنسوون التوقعات .. والتقييم يعني لو مافيها آمر هههههههههههه | ||||||||
|
| |
|
24-10-16, 02:58 PM
| #20 | ||||||||
| مراقبة عامة ومشرفة منتدى الروايات المنقولة
| ****** الجــــــزء العــــآشـــــر ****** خارج الغرفه الكل مايعرف وش يصير بعد اكثر من ربع ساعه يوصل فارس ومعه الاغراض ويشوف الناس حالتهم حاله فارس : يبه وش السالفه ابو فارس يعلم ولده وهو يبكي فارس انصدم وقام يطالع الغرفه ويحاول يشوف منها لو شووي لو يشوف شيء خفيف يطمن قلبه الى فجاءه يطلع الدكتور ومعه كذا ممرض ويجلس عنده ممرضات ثنتين الدكتور يقابلهم بوجه يائس نوعاً ما ابو فارس : هاه دكتور وش فيه طمنا تكفى الدكتور : لا الحمد لله مافيه الا العافيه بس ادعوو له هو محتاج دعائكم فارس : دكتور وش فيه تو وش اللي حصل الدكتور : ماحصل شيء انخفضت عنده دقات القلب وسوينا له صعق كهربائي ورجعت زي ماكانت وغير هذا يبي له الدعاء وجلستكم هنا مالها اي فائده روحوا لبيوتكم والساعه 5 العصر تعالوا شوفوه ام ماجد : انا ماني رايحه ابد من هنا الا وولدي معي ساره : وانا مانيب رايحه ابو فارس : خلاص يادكتور جزاك الله خير ماقصرت الدكتور : الله يقومه لكم بالسلامه يا امي ( يعني ام ماجد ) ابو فارس : يا ام ماجد سمعتي الدكتور ساره : وانت سمعت امي وسمعتني العم حمد : قصري صوتك يابنت عيب عليك ابو فارس : حمد خلاص انت اللي اسكت .. اقول وانا عمك يا ساره اخوك يبي له الدعاء مو تجلسون هنا يعني روحوا لبيتكم وصلوا فالبيت وادعوا ان الله يقومه بالسلامه ومنها تريحيون شوي وبعد العصر انا بنفسي امركم اصلي العصر بالمسجد اللي عندكم واؤديكم وش تبون بعد ام ماجد : وولدي يا ابو فارس ابو فارس : يا ام ماجد ولدك وكلي امره لله سبحانه وتعالى وادعي له انتي لو جلستي هنا راح يستفيد من جلستك والله لاجلس لين يقوم بالسلامه بس ماراح يستفيد ابد يعني بس بنتعب اعمارنا يا ام ماجد توكلي على الله وروحوا مع فارس والعصر انا بمركم وادعي له ام ماجد : ان شاء الله قامت وقبل تطلع قامت تطالع ولدها من برى الغرفه وهي تبكي وساره قامت معها بدون اي كلمه ولا نقاش وتطالع وتبكي وحالتها ماهي بعيده عن حالة امها فارس قام معاهم يؤديهم وابو فارس اخذ حمد وطلعوا من المستشفى خارج المستشفى وبعيد عن الهم والحزن سلمان نزل الاغراض في السوبر ماركت وطلب من شروق ماتفتح الظرف غير بغرفتها ولحالها وشروق وافقت على طلبه وصلت للبيت ودخلت غرفتها وقالت للخدم ماابي غداء اووكي وعلى طول فتحت الظرف ولقت فيه صورة امجد كانت الصوره اكثر من روعه جلست اكثر من نص ساعه وهي تطالع الصوره مو مصدقه انو بعد 22 سنه عندها اخو يايبه ليش لهدرجه ماتبينا نعرفه او نشوفه وليش كل هالسنوات مخبي علينا يبه حرام عليك.... ....... ياموت تكفى خذني واترك الغالي يعيش لو راح ياموت ترى والله الموت بفراقه ساره في بيتهم هي وامها وحالتهم ماتسر لا صديق ولاعدو ساره قامت تصلي وتدعي ربها ان الله يقوومه بالسسلامه كان باقي على صلاة العصر حوالي ساعتين وزياده وكانت الدقيقه تمر عليهم ساعه ام ماجد كانت تقراء قران وتبكي وكان كل همها ان الله ينجي ولدها ويخليه لاخته ويمد بعمره بالطاعه ........ عادل دخل المنتدى وما شاف ساره متواجده وجلس شووي وطلع كان جالس عنده صاحبه تركي وهو اقرب الناس له تركي : وش فيك عادل : مافيني شيء ليش وش انت شايف يالرادار تركي : لا اله الا الله اذكر ربك وبعدين شفتك فتحت الاب وسكرته بالعاده اذا فتحته انا اللي اسكره بالغصب ههههههههههههه عادل : لا بس دخلت ومالقيت فيه رسائل وطلعت تركي : على طاري الرسائل وش صار على البنت اللي معك بالمنتدى عادل : والله ياتركي هالبنت بصراحه حبوبه حيل وطيبه ولا لها بهالسوالف تركي : طيب حرام عليك خلها يمكن تاخذ اثمها عادل : انا مابي منها شيء والله عالم اني ارتحت لها وابي اتقرب منها ولا ابي اضرها بي شيء وبعدين لو شفت انها خلاص ماتبي بخليها تركي : والله اني مدري عنك انت احيانا تخربها واحياناً احسك اطيب احد عادل : يالكلب ( اعزكم الله ) الحين انا احياناً اصير اطيب واحد يعني احيانا اصير خبيث تركي : والله اغلب الاوقات تصير نجس خخخخخخخخخخخخ عادل : لا والله ياترووك هالبنت ذي انا اشو..... ....... : السلام عليكم تركي وعادل : وعليكم السسلام حي الله الذيب ....... : الله يبقيكم ( يرمي شماغه ويجلس وزقارته بيده وباين عليه الضيقه ) تركي وهو يكلم عادل بصوت خفيف : وش فيه عادل : والله مدري شكل صايره له مصيبه عادل : وش فيك كنك متضايق ....... : خلها على ربك تذكرون خويي اللي بالشركه اللي اسمه ماجد عادل وتركي : الله الله اللي تغدء معنا هنا مره سعد : ايه نعم صار عليه حادث اليوم قبل الظهر والحين بالعناية المركزه عادل وتركي : الله يقومه بالسسلامه ويشـــآفيه يآآآرب سعد : والمصيبه كان معه بالسياره 180 الف ريال سرقت من السياره تركي : يعني بيغرمونه اياها اذا عاش سعد : اي والله بس اذا مات يمكن انا اللي اكلها عادل : ليش تاكلها سعد : لان انا اللي مفروض اني اوديها البنك مو هو والاداره على بالهم اني موديها للبنك وانا عطيتها لماجد وقلت له رح لولد عمي فلان عادل : الله يعينك ويقوومه بالسسلامه ياااارب سعد : آمين يااااارب ...... أمجاد وصلت لبيتهم وسلمت على أمها وخالتها ام شروق وقالت عن اذنكم بروح لغرفتي بغير لبسي وانزل لكم قالت أمها : ايه غيري لبسك وتكشخي امجاد : ليش اكشخ ام شروق : فيه ناس ناوين يجون اليوم يقولون بيكملون دينهم ... إلى انتي تعرفينهم ( وهي تبي تشوف ردة فعل امجاد ) ام امجاد : لا ما اعرفهم بس جارتنا ام ناصر تقول انهم عيال اخوها وطيبين واللي يبيها يشتغل بالمستشفى امجاد منصدمه ولا تدري وش السالفه معقوله جد احد جاء يخطبها امجاد بسرعه وبدون تردد : لا يامه مابي اتزوج ابي اكمل دراستي توي على العرس ام شروق : صدقيني وانا خالتك الولد ماينتفوت لو بيدي اخذته لبنتي شروق امجاد : خوذيه يمديك انا مابيه وهي تقوم وتطلع غرفتها ام شروق وهي تكلم ام امجاد : حرام بناديها اعلمها ام امجاد : ماعليتس منها اعرفها بنتي تجي بعد شووي ونقوولها ولا نناديها ونعلمها ام شروق : يعني هذا رايك ام امجاد : الله الله وماعليك منها ام شروق : على خير اجل امجاد وصلت لغرفتها وسكرت الباب وقامت تبكي ماتدري وش تسووي تحب ولد خالها وهو ماتدري وش شعوره والحين جاء واحد بيخطبها وبعدين من بيجي ومن ومن وهو متى بيحس ويجي يتقدم وبدت بنوبة بكاء سببها جفاء قلب فتحت المذكره وكالعاده ( لا استطيع التعبير عن ما يجول في خاطري ولا استطيع البوح عن مابداخلي من افكار ولكن استطيع ان ابين للجميع انني احبك ولكن ما يقلقني هو الشعور الذي تحمله في قلبك لي هل شعور يفي بغرض الزواج ام شعور للقرابه فقط انت لا تعلم انني احبك انني اعشقك انني لا ازال اتنفسك واشعر بالطمآنينه حينما افكر بك فانت من ااتمن عليه حياتي في غيابي في منامي انت من يملك احلامي انت من يستحق ان اقول له هنيئاً لك بي لن اقبل بغيرك مهما كان الثمن ) قفلت الدفتر وكملت بكاها اللي توقفت بسببه عن الكتابه الضيقه اللي بصدرها كتمتها اتصلت على شروق وماردت عليها اتصلت على ملكه ولا ردت عليها قالت مالي الا نوف وساره نوف عند زوجها اكيد بدق ساره اتصلت على ساره | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
