آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-06-16, 06:58 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  دمـــوع الندم، بقلم/ هيبة ملك،سعودية (مكتملة )
التعديل الأخير تم بواسطة فيتامين سي ; 09-06-16 الساعة 07:19 AM | |||||||||||||||||
|  |
|
17-10-16, 11:08 PM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمة الله وبركاته أسعد الله صبآحكم ومسآئكم روآية ...][ دمـــوع الندم ][... روآيتي الثآنيه والآولى التي آقوم بنشرهـآ فروآيتي السآبقه لم تكن مرضيه لي لنشــرها وبمــآ آنها الآولى لي بالنشر فالآكيد سوف تجدون الكثيــــر من الأخطاء فيها فأتمنى منكم تقبلهـــا ويهمُنـــي أنتقــآدكم وطرحكم وبووحكم بما تقرؤنه هنــآ الروآيه هي وآقع عشته أنا وعآيشته مع أُناس قريبين مني فهي تحكي عن حيآتي وحيآة أُناس آخرين أتمنى من القراء ان يفهموا أن ماكُتب هنا ليعلموا مابه العالم الخآرجي من مساؤي أتمنى لكم الآستمتآع ... آخوكم ... ۩♥هيبـ.ملك.ـة♥۩ التعديل الأخير تم بواسطة فيتامين سي ; 25-10-16 الساعة 12:00 AM | ||||||||
|
| |
|
17-10-16, 11:11 PM
| #3 | ||||||||
| مراقبة عامة ومشرفة منتدى الروايات المنقولة
| الرواية بما فيها من خواطر وأبيات شعريه جميعها من تآليفي ولآ أحلل نقلها بدون ذكر أسم الكآتب الدمعه اللي تجرح القلب تجريح دمعة يتيمه مالقت من يواسيها ****** الجزء الاول ****** في مدينة الرياض عآصمتنا الحبيبه يوم الاثنين الساعه ٦ وربع .... : مآمممي يسعد صبآحك يآحلى آم فالدنيا ام ماجد : هلآ بسوارة قلبي وروحي ساره : يابعد عمري والله كيفك هالصباح ياجعل الصباح يبتسم لك ام ماجد : الحمد لله هآه ان شاء الله ذآكرتي امتحانك ساره : يس مامي ادعي لي تكفين ام ماجد : الله يوفقك ويسعدك ويرزقك النجاح ساره : امممين يآرب يالله عن اذنك مامي تآخرت النقل هذا وقته يجي الحين ماجد : من هو اللي وقته يجي الحين ساره تطنشه وتروح برى البيت عشان النقل جاء ام ماجد : انتبهي على نفسك , هلا بوليدي ماجد ماجد وهو يحب راس امه : هلا بالغاليه وتاج الراس ام ماجد : هلا بك يانظر عيني وسندي ماجد : شلونك يالغاليه ان شاء الله بخير ام ماجد : الحمد لله بنعمه وعافيه ماجد : الحمد لله طيب يالغاليه اعذريني اليوم متآخر مقدر افطر معك تامريني بشي ام ماجد : طيب اشرب لو حليب تكفى وانا امك ماجد : بآخذ كوبي لسياره معي ام ماجد : الله يستر عليك ويسعدك وين ماتلقي وجهك ماجد : آمممين يارب ( يحب رآسها ويطلع ) بعرفكم على هالعائله ام ماجد > انسانه كبيره بالسن الله ما رزقها هي وابو ماجد بغير ماجد وساره وابو ماجد متوفي له سبع سنوات أثر خطاء طبي في مستشفى حكومي ماجد > عمره ٢٥ انسان هادي جدآ وشايل هم امه واخته من عمره ١٨ يشتغل مراسل بشركه مامعه غير ثانويه عامه ساره > عمرها ٢١ قليل في حقها ملكة جمال انسانه هاديه تحب الشعر والخواطر تدرس بكلية العلوم الصحيه ....... في مكان آخر في مدينة الرياض وفي الناحيه الشماليه الخادمه ماريا : ماما شروق يالله قوم ماما أشواق خلاص في قوم شروق : يووووه أقول ضفي وجهك وسكري الباب لاسكره على رقبتك الخدامه ماريا (وهي تتلعثم) : باب سكر على ظهر انت مافي قوم ابد (وهي تحط رجلها) شروق : اسسستغفري ياكلبه وتدعي بعد الحيوانه (تقوم وتروح تأخذ لها شور سريع وتلبس وتنزل عشان تفطر) أشواق قايمه لها ربع ساعه وخلصت أغراضها ونازله مع الدرج وهي تقول : ماريا قولي لسايق يجهز السياره (وهي تشوف ابوها يفطر تجي تحب راسه وتجلس) صباح الخير يبه ابو شروق : صباح النور (ويسكتون مايصير اي نقاش ابد) شروق وهي نازله من فوق تنادي اختها بصراااااخ : أشششششواق ليش سارقه ساعتي ابو شروق : وجع قصري صوتك شروق (وهي مرتبكه) : اااا..اسفه يبه (تجلس جنب أختها اشواق وتسكت) اشواق ماسكه ضحكتها وخايفه ابوها يهاوشها تجي الخدامه ماريا وتقولهم السياره جاهزه يقومن يحبن راس ابوهن ويطلعن بهدوء وطبعآ بالسياره تستمر المشاده . ابو شروق > تاجر وصاحب شركات ومؤسسات ومايشوف بناته وزوجته بغير وقت الطعام ام شروق > لاهيه بزياراتها وطلعاتها بس حنونه وطيبه شروق > عمرها ٢٢ تدرس بكلية العلوم الصحيه للبنات مع ساره ، شروق ذات جمال لاتقارن بغيرها من البنات أشواق > عمرها ١٧ ثالث ثانوي وآحلى من شروق بكثير ومدلعه وتمييل للبنات (هناك شخصيات كثيره بالروايه ولكن سوف نتعرف عليهم لآحقا) السسساعه ٨ ونص صباحآ في أحد افخم مباني الشركات وفي الدور الاول الدور المخصص لصاحب الشركه ابو شروق : اقول يا أيمن (السكرتير) انا ماني فاضي اجتماعات وطلبات مزاجي متعكر بالحيل ايمن : ابششر طال عمرك (وهو طالع متوجه لمكتبه) ابو شروق : اقول ايمن وش صار على مشروع المستشفى ايمن : تو خلصنا طال عمرك الاوراق من الإماره تعرف مستشفى يقولون لازم موافقة امير المنطقه ابو شروق : حلو طيب خلهم يبدون لازم انهيه قبل المده المتوقعه ايمن : ابشر طال عمرك (ويطلع) ابو شروق يرفع تليفونه ويتصل شوي ويرد .... (صوت انثوي ناعم) : هلا بحبيب ائلبي ابو شروق : هلا بك كيفك .... : منيحه انتا كيفك وكيف صحتك ابو شروق : الحمد لله انا طيب الحمد لله .... : هآه حبيبي مابدك تجي أشتئت لك كتير ابو شروق : والله يا نجوى انا ودي امشي اليوم قبل بكرى بس اوراق مشروع المستشفى ماخلصتها للحين نجوى : طيب اي موظف عنك بيخلصها ابو شروق : صعبه هالمشروع يانجوى لازم اقوم بهالمشروع بنفسي نجوى : الله يكون بعونك ابو شروق : طيب وش رايك انتي و أمجد تجون لرياض نجوى : والله مو عارفه بس تدري بشوف امجد أنا مستعده امشي لك لو اليوم بس شو اللي جاء على بالك من شان نجي عندك ابو شروق : والله يانجوى ضايق صدري وأحس النفس تعبانه نجوى : سلامتك شو فيك يالغالي ابو شروق : لا مافيني شيء بس تعب عمل والله نجوى : خلاص يالغالي بإذن الله اقرب رحله وانا حاجزه فيها انا وأمجد ابو شروق : خلاص انا بحجز لكم وانا بخلي ايمن يرسل لكم رساله خلاص نجوى : خلاص اللي بدك إياه ابو شروق : طيب انا ابسكر الحين تبين شي نجوى : سلامتك وانتبه على نفسك ابو شروق : الله يسلمك سلمي على امجد نجوى : ابشر بيوصل ابو شروق : مع السسلامه نجوى : مع السسسسلامه (نجوى > زوجة ابو شروق من زمان متزوجها بالسر هي لبنانيه عندهم ولد اسمه امجد عمره ١٧ أمجد > أنسسان بمعنى الكلمه يموت بأمه , وطبعه الهدوء) في مكان اخر في وسط الرياض بعد الاختبار وفي إحدى طاولات الطعام ساره و أمجاد و ملكه و نوف ( امجاد > ٢٠ حلوه وتحب ولد خالها بس هو مايدري عنها ملكه > ٢١ جمالها عادي بس عندها لسان يخلي اللي حولها يقتنع باللي تبيه نوف > ٢١ متزوجه من ولد عمها البنت جمالها طاغي بس مو أحلى من ساره وهي اقرب وحده من البنات لساره واسرارهم عند بعض ) امجاد : تدرون بنات الاسئله يقولون اصلن متسربه نوف : نصابات بس ينصبون وحنا ناكلها امجاد : لا والله شروق بنت خالتي تقول اصلن معي تو تقولي الحيوانه ساره : يا ذا الشروق اللي بكل شي طالعه لنا حتى بأحلامنا ملكه(وهي تقاطع ساره): يوووه ذا الرقم ناشب لي من امس يدق علي آزعجني امجاد : هاتيه انا اوريه اخليه مايدق ابد ملكه : لا حيوان عادي امجاد (وهي تآخذ الجوال من يد ملكه) : ماعليك اصبرري .... وترد .... : الووووه امجاد : خير وش تبي .... : الخير بصصوتك من انتي عطيني صاحبة الجوال امجاد : لا وما شاء الله حافظ صوتها .... : لا والله بس صوتك شين وهي صوتها حلو امجاد : محد طلب رايك .... : ادري هذي خصوصيه بالرأي سواى عجبك او لا عادي امجاد : اخصصص يابو خصوصيه اقول ضف وجهك يالطعس .... : طعس ولا مو طعس انا مابيك ولادورتك فعطيني صاحبة الجوال امجاد انقهرت وسكرت الجوال بوجهه و رمت الجوال على ملكه ملكه : قايله لك يرفع الظغط نوف : لازم تجيبينها على نفسك امجاد : لا والله قهرني بارد ولا عليه من احد ساره : اكيد بيصير بارد اجل تبينه يهاوش وهو داق عشان تردون هههههه امجاد : خلاص غيروا الموضوع ساره : اقول بنات شكل البنت بتسطر اقرب وحده لها نوف : انا لاتلمسيني ترى فيصل بيلعن خيرك ( فيصل زوجها ) ساره : إيه إيه يحق له دامك زوجته نوف : اقول وش لك بزوجي تتغزلين فيه (وهي تغزها بعينها) ساره وهي ميته ضحك : ههههههههه وش فيك مانمزح يعني نوف : لا بزوجي لاتمزحين ملكه : ههههههههههههههههه (وكل البنات اللي بالطاولات اللي قريبه منهن يطالعون باستغراب) ساره : هيه فضحتينا وش هالضحكه ملكه وهي يالله تتكلم من الضحك : هذا اللي مزعجني مرسل رساله لأمجاد ساره تأخذ الجوال من يدها وتقراه بصوت عالي : قولي للعنز اللي ردت علي والله لو صوتها أحلى شوي كان فكرت اكلمها واضحك بس الله يهديها عكرت مزاجي الله يعين زوجها عليها < تتكلم وهي ميته ضحك أمجاد ارتفع ضغطها وسكتت نوف : الحمد لله سخيف ساره : بدت ام الحكم والثقل والامثال نوف : اقول اووص خليك فمنتدياتك وأشعارك ساره : الله لايحرمني منها يآرب اصلن انا ما ارتاح ..(جوالها دق) الله يستر اخوي ماجد (ترد عليه) هلا مجوودي ماجد : مجودي فعينك هلا بك ساره : ههههههه اي والله فعيني شلونك ماجد : بخير هآه شلون اختبارك اليوم ساره : لا ابششرك حلووو بالحيل ماجد : طيب دامه زين انا بعزمك ع فطور بس دقي ع النقل وقولي له ساره : واااااو من جد يالله خلاص بدق ماجد : يالله انا عند باب الكلية ساره : يالله ثواني وطالعه (وتسكر وتقوم وهي تكلم البنات وتقولهم عازمني ماجد على فطور) امجاد : يالله مشينا بس بلبس عبايتي (وتقوم بتلبس عبايتها) ساره وهي تضحك : جت اللي ماتستحي ههههههه امجاد : الحين بدال ماتقولين حياك تقولين كذا(وتسوي نفسها زعلانه) ساره : أقول لاتحتكين باخوي ترى بسطرك خخخخخخ ملكه : اقول جوجو تصدقين اخوه خقق والله امجاد : والله .. خلاص بخاويكم صدق صدق تكفين يالله ساره : سلامات وخري بس (وتطلع وهي تشر لهن بيدها يعني فمان الله) نوف : الله يستر عليهم يارب البنات : امممين نوف : تدرون تراها متعلقه بامها واخوها حيل امجاد : إيه مبين عليها كذا نوف : تدرون يوم أغمى على امها عشان السكر والله كان ضايق صدرها وتبكي تقول لو راحت امي ادري ان ماجد بيروح فيها والله يوم يوديها كانت عيونه تدمع ومايبيها تفضحه وصابر عشاني واخوي اعرفه مايتكلم او يفضفض امجاد : الله يخليهم لبعض يارب البنات : امين يارب آنتظروا البآآرت الجآي | ||||||||
|
| |
|
17-10-16, 11:14 PM
| #4 | ||||||||
| مراقبة عامة ومشرفة منتدى الروايات المنقولة
| البــارت الثـــآني بالسياره ساره اول ماركبت : سسلام خيو ماجد : وعليكم السلام بدري كان جلستي شوي ساره : وش اسوي والله البنات يسولفون ويالله قدرت اقوم منهن ماجد : وش يسولفون فيه يامكياج يا جوال او ساعه جديده ساره : لا حرام عليك مو لهدرجه ماجد : ههههههههههه ساره : إلا وش الطاري عازمني اليوم ماجد : والله شوفي إذا قصدك اني بخيل خلاص يمدي نروح للبيت ترى ساره : إيه بخيل وماعمرك عزمتني وإذا عزمتني تمن علي فيها ماجد(وهو يطالع فيها) : اجل بخيل طيب ساره : لا امزح وش دعوى انت اخوي الغالي ماجد : لا خلاص راح الفطور ساره : لا عاد تراي جوعانه والله حيل ماجد : خلاص لاتشغلينا بفطرك وش وبوفيه مفتوح ساره : فيه بوفيه مفتوح ماجد : إيه بنت فقر ماتعرف شي ساره : عدال ياللي عايش مع الوليد اقول علمني منو اللي مسلفك ههههههه ماجد : حيوانه بفطرها وتعايرني ساره : انت بديت ماجد : طيب خلاص اسف ساره : ماراح اقبله ماجد : ليش ساره : بكيفي ماجد : اقول ضفي وجهك بس ساره : طيب انت قلت لأمي ماجد : إيه قالت بتروح لجارتنا ام سلمان ساره : اهاااا ياحليلها والله طيبه حيل ماجد : إي والله وعندها عيال كبار ماتزوجوا ساره (وهي مستحيه) : لاوالله تتطنز اقول وين مطعمك تراي جوعانه ماجد : ههههههههه هذا هو بس خليني اوقف سيارتي زين بجهه ثانيه وبمكان بعيد عنهم شروق وزياد بالسياره (زياد > عمره 25 سنه تعرف على شروق باحد المحلات المخصصه للجلسات العائليه مع وحده من صاحبتها ومن ذاك اليوم وهي تطلع معه ومو حاسبه حساب للنهايه) شروق : زياد تكفى علشان خاطري مابي مثل ذيك الليله يجي معك صاحبك سلمان زياد : انا قايل لك ياقلبي سلمان ما منه خوف وبعدين انتي رافضه تجيبين احد معك شروق : انت تدري اني بعد صاحبتي ريناد ما اثق باحد فـ من وين اجي معي وحده زياد : طيب وانا صعبه اخلي سلمان يجلس برى الشاليه لحاله شروق : وانا زياد : انتي بالحفظ والصون ماراح يجيك منه شيء شروق ( سكتت وهي كارهه الكلام بهالموضوع لانها دايم تتكلم ومافي اي فايده ) ( سلمان > صاحب زياد عمره 26 وهو وياه يطاردون خلف شهواتهم بس ريناد > عمرها 22 انسانه فقيره وماتمشي غير بالفلوس يعني اجيب لك البنت اللي تبي ولي نفس المبلغ المدفوع لها وتهاوشت مع شروق لان شروق خطفت منها زياد وشروق ماتدري انهم متواصلين مع بعض للحين واصلن ريناد تنتظر الفرصه اللي تنتقم من شروق) زياد وهو متوجه للشاليه يدق جواله ويطالع الرقم ويرد على المتصل زياد : هلا والله بالطيب ريناد : هلا بك وش فيك عندك احد زياد : اي والله معي حبيبة قلبي شروق ورايحين لشاليه انت هناك ريناد : ياكرهي لها وانت للحين معها ياخي خلاص ارمها انا اشوف لك غيرها زياد : لا والله يا سلمان مقدر وبعدين ياخي انت هالموسسة بالذات معجبتني وبعدين انت لك مصلحه من وجودها تحت ادارتنا ( الموسسه يقصد فيها شروق ) ريناد : طيب شف ابي منك شيء ممكن تسوويه زياد : وشو امرني ياسلمان ريناد : ابيك تصورها وهي ترقص تكفى زياد : طيب وش المقابل على هالخدمه ريناد : اممممممممم شوف فيه مشغل فيه ثنتين مغربيات تعرفت عليهن وتوهن جديدات بعزمهن على حفله وانت وسلمان تجون زياد : يالبييييييييييييه بس حنا ريناد : ايه انا وهالبنتين وانتوا بس زياد : تم بس ما اتوقع يمدي اليوم ريناد : ليش زياد : اليوم كله مشغول وبعدين خلاص مالك الى تجيك العلوم الطيبه اللي تبيها خلاص سلوووم ريناد : طيب باي زياد : باي بعد ماسكر زياد شروق : سلمان بالشاليه او لا زياد : هاه سلمان لا لا يقول طالع يمكن مايجي شروق : الحمد لله احسسن عشان ناخذ راحتنا زياد : اي وانتي الصادقه ( وهو قاعد يفكر كيف يصور شروق ) دخلوا الشاليه ولقوا سيارة سلمان فيه بوسط الشاليه شروق : هذي سيارة سلمان وانت تقول مو فيه زياد : لا اكيد جاء شروق : مايمدي استانست (وضاق صدرها) دخلوا الشاليه و زياد قال لشروق انتظري يمكن سلمان يكون بوضع محرج خلي ادخل واقوله شروق : انت تو قايل له اني جايه معك يعني عارف زياد : ميخالف ياقلبي اصبري اشوفه وارجع راح زياد داخل لعند سلمان علشان مايفضحه وتدري انه مو هو اللي متصل شروق دخلت ووقفت عند الباب الداخلي تنتظر زياد يقولها ادخلي كان سلمان نايم وشروق انتبهت ان زياد يصحيه وتسمعه يقول له : رح نم بالغرفه الثانيه ولا تنزل انا معي شروق وانت نايم هنا قم سلمان(وهو نصه نووم) : هااااااااااه طيب طيب وانت هالشروق اللي كل يوم جايبه معك والله تجيبها معك اكثر من ماتجيب معك بكت دخانك شروق ( انصدمت بس مو من كلام سلمان هي انصدمت من كلام زياد يوم يقول انا معي شروق ) : ياووووويلي من كان يكلم قبل شووي (وبداء الخوف يدخلها من كل مكان وخصوصا شروق ذكيه حييل وماتفوت عليها كلمه بالساهل) زياد : شوشو شوووشووووو قلبي وش فيك شروق : هاه لا ولا شيء قاعده افكر بشغله زياد : اللي ماخذ عقلك يتهنى فيه شروق وهي تصرف الموضوع : الا تعال وش مجهز لي لعيد ميلادي ترى مابقى عليه غير ثلاث شهور زياد : صرااحه للحين ماسويت شيء بس اصبري بخليها مفاجاه شروق : طيب ننتظر بسيارة فيصل زوج نوف وهو تو ماخذها من الكلية فيصل(وهو باين انه متضايق) : هاه شلون اختبارك نوف : انت وش فيك متضااايق فيصل : مافيني شيء نوف : فيصل علي انا قل وش فيك فيصل : امي نوف وهي متخرعه : وش فيها خالتي ( طبعا خالتها لانها ام زوجها بس ) فيصل : تطلبك الحل هالصباح توفت نوف وهي تبكي : ياووووووويلي ياوووووووويلي (وقاعده تضرب بيدينها جسمها) فيصل : يابنت الحلال خلاص كافي والله مافيني اسوق تكفيني اسكتي نوف وهي اصلن خلاص ماتسمع لها صوت بس تبكي ولا على بالها احد يقولها اسكتي فيصل : إنا لله وإنا إليه راجعون وصلوا لبيت ابو فيصل ( طبعا ابو فيصل بعد متوفي من زمان) نزلوا وعلى طول راحت نوف لعند خوات فيصل كانن 2 اللي ماتزوجن ( شيماء > عمرها 17 بثالث ثانوي مع اشواق والبنت هاااديه وحبوبه بس إذا عصبت وخر عنها اسماء > 15 بثالث متوسط البنت زاحفه وماوراها غير الوناسه والضحك واخر همها الدراسه مارسبت الا مره وحده بس ) ( طبعا فيصل له اخو عمره 25 واللي هو ....... زياد ) فيصل نزل وهو متضايق ومعصب على اخوه لانه يدق عليه مايرد : هالكلب وينه مايشوف جواله قام وطلع جواله ودق على خوي زياد اللي هوسلمان فيصل دق مره ومارد ودق مره ثانيه وفي نفسه لو مارد بيطنشه رد سلمان وهو نصه نوم : هلااااااا فيصل : هلا سلمان انت نايم سلمان وهو يتعرف الصوت وعرفه : هلا فيصل لا صحيت سم فيصل : زياد وينه سلمان : اااااااا زياد اخوك نايم بالشاليه تبيني اصحيه فيصل : اي ياليت تصحيه وتقوله يجي للبيت ضروري سلمان : ابشر ( سلمان يسمع صوت فيصل وكان عارف انه يبكي وقام بسرعه وراح للصاله ) فيصل : مع السسلامه .. وسكر سلمان يدخل على زياد وهو يركض سلمان : زياد دق على فيصل اخوك زياد : فيصل وش فيه سلمان : مدري بصصراحه يكلمني وهو يبكي زياد : وشووووووووووووووو ( وعلى طووول يدق على فيصل اخوه ) اول مارد فيصل : فيصل وش فيه فيصل : مافي شيء تعال البيت انا ابيك زياد : فيصل صووتك وش فيه لا تقولي بعدين قلي الحين فيصل وهو يبكي بصوت مسموع حتى سلمان وشروق قدروا يسمعونه : امي يا زياد امي زياد : امممممممممممي وش فيها قل يافيصل فيصل : اممممممممي ماتت يا زياد ماتت زياد : وشو وشلون ماتت امي شلون ماتت وقام يصرخ على الجوال شللللللللون ماتت سلمان انصدم وسكت ولا قدر ينطق بكلمه وحده شروق قامت تبكي من الصدمه لانها تعرف ان زياد مقصر بحق امه ودايم تسمع امه تترجاه وهو يكلمها ويقول يمه بعدين بعدين ويطنشها زياد يسكر التليفون : امي ماااتت ماتت وقام يبكي وطاح على الارض وهو يبكي أنتهى الجزء الآول توقعآآتكم ورآيكم بالشخصيات يهمني | ||||||||
|
| |
|
17-10-16, 11:16 PM
| #5 | ||||||||
| مراقبة عامة ومشرفة منتدى الروايات المنقولة
| ****** الجـــزء الثــــآني ****** زياد يسكر التليفون : امي ماااتت ماتت وقام يبكي وطاح على الارض وهو يبكي سلمان(وكان الوحيد المتماسك بينهم للحين) : خلاص يازياد قم اوديك للبيت وادع لها بالرحمه ترى البكاء مايفيد شروق تقوم زياد وهي تبكي وكان يالله يقوم ركبوا السياره سلمان يسوق وزياد جنبه وشروق وراء سلمان : شروق تكفين كلمي سواقكم عشان يجي لل.... مول عشان اقرب للبيت زياد شروق : طيب (وتدق على السواق وتسكر) زياد كانت حالته يرثاء لها وكان يكسر خاطر اي انسان يشوفه ... يبكي ويقول ااااه يايماه بس هذا اللي كانوا يفهمونه . في مكان اخر ساره وماجد خلصوا فطورهم وراحوا البيت ساره اول مادخلت على طول فتحت اللاب وعلى طول دخلت منتديات تغاريد منتداها اللي دايم تدخله ودخلت لقت موضوع جديد بقسم المنتدى العام كان منزله عضو جديد مسجل له ٧ ايام العضو مسجل بآسم الجرح القديم كان منزل موضوع بأسم تبقى أنت وما معك ذكريات قديمه يقول في موضوعه ((( أبتدي صباحي كعادتي اتذكرك فتسقط دموعي فاعجز عن مواساتها فأبحث عن أيدي حانيه فاجد بجواري مخالب الزمن تمزق مابقى من حياتي الجميله فأنهض واقف أمام مرايتي المعتاده فاجد بقايا توحي بإنه كائن حي ولكن قربت نهايته كانه يتيم بعد وفاة والده تجلت سعادته وهو كان في امس الحاجه إلى اب يراعي حياته فاعود إلى فراشي كسيرآ فهذا صباحي كل يوم اكسر جزء من حياتي وارجع إلى فراشي ... عذرآ حزني فقد كنت انت الوحيد الذي يفقده الناس بي عندما يرؤن ابتسامتي فانت اصبحت ونيسي في وحدتي ومحبوبي في جلستي وجليسي في ضيقتي فهنيآ لي بك في حياتي .... أشره عليك ياحزن يومـّـك تغيـّب ما أشره على ناس(ن) تقفي وتنسى .... ** قلمي ** ))) ساره وبداء عليها التأثر وردت عليه : أكثرت من شيلة هموم الناس على أكتافي واكثرت من عشق السراب اللي اشوفه أخي الجرح القديم راق لي طرحك دمت بسعاده يارب نزلت الرد وسكرت المنتدى ورأحت لفراشها وحطت راسها لجل تنام بس ماجاها النوم وهي تتذكر ابوها وتتذكر مشاكل امها مع عمانها بعد وفاة ابوها وكيف كانوا عمانها موافقين كلهم يزوجونها لواحد من عيالهم وهي ماتبي ولا واحد منهم ولو ماوقف ماجد بوجههم كان زوجوها وقامت تبكي شوي وهي تقول : الله يرحمك يايبه والله يخليك لنا يا ماجد ويعطيك طولة العمر وتنام وهي دمعتها مامسحتها. (الجرح القديم > اسمه عادل عمره ٢٤ موظف بشركه انسان راعي منتديات ودخل المنتدى بدعوه من صاحبه وصاحبه مشرف باحد الاقسام .. انسان جماله عادي بس يملك قلب طيب ويشعر بالحزن دائمآ .. وراعي بنات من الدرجه الآولى ) ( طبعآ صاحب عادل اسمه فهد وبداية تسجيل عادل بالمنتدى دار بينهم هالحوار ) فهد وهو يكلم اخوياه اللي جالسين : تصدقون يا شباب فيه وحده بالمنتدى ( من سمعوا وحده كلهم التفتوا ) حاولت اتعرف عليها بس ماقدرت وماتعطي اي احد وجه عادل : طيب وإذا جبت راسها فهد : اتحداك قدام الشباب كلهم ان كانك جبت راسها لك اللي تبيه عادل : اشهدوا عليه الشباب : خلاص تم عادل : عطني اسم المنتدى فهد عطاه اسم المنتدى وقاله : لك ٦ شهور خلاص عادل : خلاص بس وش نكها فهد : نكها سوارة حزن عادل وهو يفكر باسمها : اسمها حزين ليش فهد : مدري بس صراحه البنت محد قدر يجيب راسها عادل : اممم طيب انا اوريك ولجل كذا سجل عادل لجل راس ساره ولجل يخليها تحبه ابو شروق وهو بمكتبه يجيه اتصال على الخط الخاص ويرد : هلا نجوى : هلا بك كيفك وكيف صحتك ابو شروق : الحمد لله دامني سمعت صوتك انا بخير الحمد لله نجوى : الحمد لله تسلم توقعتك طالع لبيتك ابو شروق : لا لسى بطلع بعد شوي ليش بغيتي شيء نجوى : سلامتك بس حبيت اقولك امجد صحي من نومه وموافق يجي معي ومشتاق لك كثير ابو شروق : الحمد لله والعصر ان شاء الله أخلي السكرتير ايمن يخلص حجز كل شيء وادق اعلمك نجوى : خلاص انا بانتظار اتصالك ابو شروق : اوكي انتبهي على حالك نجوى : اوكي وانت بعد ابو شروق : ان شاء الله فمان الله نجوى : فمان الكريم ..... الساعه ٣ ونص العصر ابطال روايتنا كلهم نايمين ماعدا فيصل ونوف وزياد و شيماء واسماء وكل واحد حالته اردى من الثاني صلو عليها العصر وارجعوا للبيت واستقبلوا المعزين شيماء واسماء كانوا بحاله مايعلم بها غير رب العالمين كانت الام والاب والصديقه كانت تحس بهم قبل يتكلمن وتدري وش في خواطرهن بدون يقولن البنات كانن بنوبة صياح من قو الصدمه عليهن اسماء كانت يغمى عليها وتصحى وترجع تبكي عندهم نوف وام نوف وثنتين من خوات نوف وكان ابو نوف اللي هو عمهم قاعد مع العيال زياد وفيصل كان زياد جالس ماهو قادر يوقف كانوا المعزين يسلمون عليه وهو جالس كان جنبه صاحبه سلمان وكان معه من وقت الصلاة عليها فيصل كان في داخله حزن وهم الحزن على فراق الغاليه والهم كان همه على اخوه وخواته كيف بيتعامل معهم كان باين على شكله الضيقه بعد صلاة المغرب بحوالي نص ساعه تدق ملكه على نوف ونوف ماترد دقت ثانيه كانت بالعزاء وعطتها مشغول وارسلت لها رساله كاتبه فيها ( ام فيصل ماتت اليوم الصبح ) قرت المسج وانصدمت ملكه ماتت وعلى طول تدق على ساره بالجهه الثانيه ساره للحين نايمه دق جوالها وطنشته حطته صامت ودقت ملكه مره ثانيه وترد ساره وهي كلها نوم : هاااااه وش تبين ملكه وصوتها متضايقه : ساره انتي نايمه للحين ساره وهي مخترعه : هاه إيه وش فيك ملكه ملكه : ليش نوف ماكلمتك ساره : نوف لا ماكلمتني وش السالفه نوف فيها شيء ملكه : لا بس ام زوجها توفت اليوم الصباح ساره : لاحول ولاقوة إلا بالله وانتي من قالك ملكه : دقيت على نوف وعطتني مشغول وارسلت لي رساله ساره : الله يرحمها شكل نوف تعبانه اعرفها هالخبر بيصدمها وبتشيل هم بنات عمها الله يعينها ملكه : اممممين ان شاء الله طيب يالله اخليك ولاتدقين بس ارسلي عشان مافيها ترد ساره : ان شاء الله فمان الله (ومن سكرت على طول دقت على نوف) من جهه ثانيه نوف كانت عند البنات واول مادقت ساره على طول قامت عنهن وردت لانها محتاجه احد يشيل شوي من اللي فخاطرها نوف وبصوت كله بكاء : هلا ساره ضاق صدرها يوم سمعت صوتها تبكي ودمعت عيونها : هلا نوف عظم الله اجرك نوف وهي متقطعه صياح : اجرنا واجرك الله يجزاك خير وتكمل صياحها بصوت مسموع ساره : نوف حبيبتي خلاص ادعي لها بالرحمه ربك ارحم بعبده من عباده كلهم وادعي ان الله يثبتها عند السؤال والدنيا هذي كلن مكتوب له يومه قبل يولد خلاص تكفين ادعي لها وبعدين ترى الناس اللي عندك ضعيفين مثل فيصل وأهله خليك قويه وقولي لهم كم كلمه تخفف عليهم زين انا بسكر ماودي اطول عليك بس تكفين إذا تضايقتي حيل دقي علي ترى موب نايمه زين يالله فمان الله نوف تسكر وهي ماتقدر تنطق بكلمه ساره بدت تبكي بدرجه هي ماتوقعت انها بتتأثر كذا وقامت تصلي وتدعي لها بعد ماخلصت قالت في نفسها خل اشيك على المنتدى ولقته راد على مواضيعها وكذا موضوع لكذا لاعضاء ثانين ومايرد إلى على المواظيع الحزينه ولقته منزل موضوعين واحد خاطره حزينه وثانيه قصيده حزينه قرتها واعجبتها الابيات وردت عليه ثم راحت كتبت بالتوقيع الله يرحمك ويسكنك فسيح جناته الله يثبتك عند السؤال وسكرت المنتدى ونزلت تحت عند امها واخوها ماجد لإنهم جالسين يتقهوون المغرب اكيد ساره : السلام عليكم الكل : وعليكم السلام ماجد : هاه تو انا وامي نحش فيتس هههههه ام ماجد : وش فيتس ضايقن صدرتس ساره : ام فيصل زوج نوف ماتت اليوم الصباح ام ماجد : لاحول ولا قوة إلا بالله الله يرحمها ماجد : اي والله يرحمها ويسكنها فسيح جناته صلوا عليها صح ساره : ايه العصر اكيد لانها بالعزاء الحين ماجد : طيب ليش ماقلتي لي لجل اروح اصلي عليها واعزي فيصل ساره : والله تو ادري قبل نص ساعه ام ماجد : ماتدرين وش سبب وفاتها ساره : لا والله مدري .. بس تدرون الكل : وشو ساره : ياحرام نوف اكيد بتعيش مع خوات فيصل واخوه ماجد : اكيد اجل بتسكن لحالها وتخلي بنات عمها وولد عمها لحالهم المفروض هي تقول له خل نسكن مو هو يطلب منها ساره : اكيد نوف بتسكن بس مو المشكله هنا ماجد : اجل ساره : نوف دايم تقول بنات عمي دلوعات زياده صح حبوبات وطيوبات بس فيهن دلع والله يستر من دلعهن وبعدين دايم تقول اخو فيصل دايم يتهاوش مع امه وامه اغلب الاوقات زعلانه عليه ولا على باله احد يسهر ومتى مابغى يجي يجي لو بعد اسبوع ماجد : الله يهديه ان شاء الله يرجع له عقله وينتبه لخواته ام ماجد وهي متأثره : الله يرحمه ويغفر له ماجد وساره عرفوا ان امهم قصدها ابوهم وقالوا امين | ||||||||
|
| |
|
17-10-16, 11:19 PM
| #6 | ||||||||
| مراقبة عامة ومشرفة منتدى الروايات المنقولة
| بمكان ثاني عادل كان صاحي من صلاة العصر وكان جالس بمكتب ابوه وكان مكتب xxxxي وكان مشغل النت وتوه فاتح المنتدى ويشوف توقيعها معدل ويقراء كلامها ويتوقع ان الميت يصير لها راح ونزل رسالة زوار لها كاتب : مسساء الخير اختي سوارة حزن عظم الله اجرك والله يغفر له ويرحمه ويسكنه فسيح جناته ادعوا له هو اكثر شيء محتاجه الدعاء والدنيا تاخذ الطيبين منا دايم *_* وكتب قصيده بقسم الشعر ومنزلها بعنوان ( القلب يحزن والمدامع غزيره ) القلب يحزن والمدامع غزيره في جوفي نارا من لهبها تبكيت والدار ظلما كانت أمي تنيره يايمه وينك من دونك خلا البيت والدار ظلما كانت أمي تنيره يايمه وينك من دونك خلا البيت قلبي تفطرعلى الفرقاء المريره أمنت بالله وباأقداره ترضيت الموت حق وكلن له مصيره وموت النبي قبلك يايمه تعزيت هذاجلالك وريحك في عبيره كل يوم أشمه ولاشفته تهنيت صوتك يايمه يامحلا أثيره حنانك يمه يخليني تدفيت يايمه منهو أجيله وأستشيره يعدلني لاشفت الصواب وتنحيت يايمه كلن يناظرلي بحيره من يوم رحتي وأنا اللي ماتواسيت ياكم تعلم من معاني غزيره يامنهل التعليم منك تربيت ياكم تعلم من معاني غزيره يامنهل التعليم منك تربيت كم قصةقلتي وللماضي نسيره ولاجيت عندك سواليفك تسليت اااه يايمه لنظراتي الإخيره مليت كفي تراب ثم حثيت أبشري يمه بدعوات كثيره كل ماذكرتك ولرحمن صليت الله يرحمك يا يمــــآه ويسكنك فسيح جنآتك * القصيده لشاعر سعد الطلحه في وفاة امه الله يغفر لها ونزل هالموضوع عادل وراح لتوقيعه وسواء تعديل وكتب ( صدقآ يا موت فأنا في انتظارك فلقد سئمت هذه الحياة ......... الكئيبه ) وطلع من المنتدى وفتح شات وقام يدردش في مكان ثاااني وبعيد عن جو الحزن أمجاد للحين ماعرفت انه ام فيصل ماتت كانت كعادتها جالسه وتكتب في دفتر مذكراتها اللي تعودت انها تكتب فيه من قبل خمس سنوات وكاتبه فيه كل شيء يخصها ويخص الانسان اللي تحبه بهاللحظه جالسه تكتب ( لا آرى سواك في حياتي فا انا صدقآ لا يعجبني سواك يعجبني عطرك فانا اقتنيت واحدا مثله لكي اعطر به اي حاجياتي لا احب سواك ولا ارغب بغيرك فانت حبي العفيف الذي لم افصح عنه في حياتي لآي كائن انت الوحيد الذي اتخيله في منامي فاسامرك واخبرك بمايضايقني فهل تسمعني ام لا اتعبني بعدك عني واتعبتني هواجيس رؤيتك اللهم الهمني الصبر لكي اراه بين يدي وملكي لوحدي ) سكرت دفترها ونزلت تحت لقت جوالها فيه اربع مكالمات ورساله المكالمات اكيد من ملكه والرساله بعد كاتبه لها فيها امجاد ام فيصل زوج نوف ماتت اليوم الصبح ارسلي رساله وعزيها تراها حيل متضايقه وبكرى كلميها امجاد صعقها هالخبر وبدت تبكي من غير شعور مع انها اول مره تحس باحساس فقدان شخص وهالانسانه ماتعني لها شيء بس احساسها صعقها لانها تخاف تفقد احد من اهلها قامت تستغفر وتدعي ربها يغفر لها ويثبتها عند السؤال ارسلت رساله لنوف تعزيها ولا ردت نوف عليها من جهه ثانيه شروق الساعه 8 بالليل كانت تدق على زياد مايرد عليها ولا كثرت اتصال اتصلت على جوال سلمان سلمان : هلا شروق : عظم الله اجركم سلمان : الله يجزاك خير ان شاء الله شروق : سلمان كيفه زياد الحين ان شاء الله طيب سلمان : الله يعينه تعبان وللحين مو راضي ياكل شيء وحالته حاله هو واخوه فيصل شروق : سلمان عادي اكلمه او لا سلمان : لا صعبه والله لو اقوله راح يطردني واتوقع يسكر في وجهك شروق : انا دقيت عليه مارد سلمان : جواله بسيارتي اصلن مخليه انا معي لانه مو بحاجته شروق: اها على خير طيب سلم عليه وقله شروق تقول عظم الله اجرك في مصيبتك وتكفى انتبه على نفسك سلمان : ابششري يووصل شروق : فمان الله سلمان : مع السسلامه شروق سكرت وهي متضايقه وتتذكر حالة زياد اول ما عرف ان امه ماتت وهي عندها امها وابوها ولا كانهم عايشين لا ابو يدري عنهم ولا ام تجي واتداريهم وتبكي على حالها وحياتها اللي ضيعتها بالحرام وتتخيل لو الموت جاها هي ماجاء ام زياد وتجلس تفكر لين ما جت الساعه 10 بالليل يوم شافت الوقت متاخر قالت خل اروح اشوف اشواق وش تسوي الحين وتروح يوم وصلت لغرفة اشواق تسمع الاغاني لاخر صووت والغرفه ازعاج تدخل عليها وتقول : هيييييه سكررررررررررررريه وتسكره هي بنفسها اشواق : خير وش تبين شروق : وش هالاسلوب اخت وجايه عند اختها فيها شيء اشواق : اقول ساعتك اللي تبينها اليوم شوفيها على الطاوله ذي خوذيها واطلعي لاتسوين الاخت اللي بسال عن اختي شروق تسمع كلام اختها وهي مصدومه صحيح مايسولفون كثير بس مو لدرجه انها تقول كذا شروق : اشوق ليش تقولين هالكلام اشواق : وش تبيني اقول ترى جد ماني رايقه لحد وجوي كله زففففففففففففت ومتضضضايقه حدي اذا روقت جيت وتبسمت في وجهك قامت وشغلت المسجل وطنشت اختها شروق في نفسها تقوم وتكفخها لين ماتبرد حرتها بس موب فاضيه هواش وصياح على هالوقت طلعت وهي كاتمه قهرها قامت تتلفت تدور شيء تسوويه قالت مالي الا التلفزيون وشغلت هالتلفزيون وقامت كل ثانيتين في قناة لين طفشت ووقامت وجلست على اللاب توب وفتحت المسن حقها وشافت كذا واحد متصل بس مو رايقه لاي احد اليوم ( طبعا ايميلها عادي فيه شباب لانها تقول اسولف بس ولا تدري عن العاقبه ) وعلى طول تدخل على مسن بنت خالتها امجاد امجــآد : ولكمـوووو شروق : يسلموووو امجاد : يسلمك ربي من كل شر يارب دبه تعالي وينك مختفيه ماتجيين ولا تتصلين شروق : وش اسوي انتي عارفه ماعندي شيء غير نوووم وبعدين هالخبله اللي عندي بس ازعاج وصياح على راسي امجاد : اشواق ياحبي لها والله حبووبه بس ماتعرفين لها انتي ووجهتس ههههههه شروق : اقول جوجو والله ماني فاضيه لك ولا لها امجاد : وش فيك شروق : ولا شيء بس سولفي ولا قولي نكته امجاد : اممممممم من وين لي طيب عندي شيء ثاني شروق : وشو امجاد : تعالي سجلي في المنتدى اللي قلت لك عليه شروق : اقول ضفي وجهك قالت منتديات وخري بس كل اللي فيه حراميه يسرقون من بعض ويقولون اتمنى يعجبكم تراي تعبت وانا اكتب امجاد : بكيفك عمرك ماسجلتي خليك بشات الطرمان <-- تقصد الشات الكتابي هههههههه شروق : والله انك رايقه امجاد : طيب شوشو شروق : هاه امجاد : وجعاه .. شوفي بكرى الصباح بمرك ونطلع الفيصليه شروق : ليش امجاد : بس والله عازمتك على فطور ولا ماتبين شروق : الا والله خليني اغير جو احس ملييييييت والله امجاد : خلاص اوكي تم بكرى الصباح موعدنا طيب شروق : طيب وتسكر امجاد المسن وتروح تحط راسها وتفكر بولد خالها اللي مادرى عن هواء دارها شروق : فتحت اليوتيوب وقامت تشغل قصيده وراء قصيده وكله من الحزن اللي فيها وبمكان ثاني عادل فتح المنتدى وماحصل ساره داخله وجلس ينتظرها لانه يعرف انها تدخل بالليل ساره كانت فاتحه المسن وتسولف وطلعت منه وفتحت المنتدى ولقت رده على الموضوع وقرت القصيده اللي منزلها وتآثرت منها كثير وقرات توقيعه وتعجبت كيف فيه انسان يتمنى موته ولقت رسالته وردت عليه : مسساء النور اخوي الجرح القديم الله يجزاك خير .. وآمين ان شاء الله .... المتوفيه حرمه مو رجال ... وانت صادق ما تاخذ غير الطيبين الله يرحم اموات المسلمين ثم ارسلتها له قراها وارسل لها : هلا بك اختي تسسلمين ... وآمين ان شاء الله سوارة حزن : اخوي ممكن سؤال الجرح القديم : تفضلي سوارة حزن : ليش تتمنى الموت وحاطه توقيع لك الجرح القديم : كلن تمنى في حياته اماني ** وانا اتمنى امنيه اني اموت سوارة حزن : لا شكلك انت جد تبي الموت الجرح القديم : والله لو الموت مو من رب العالمين كان رحت ادوره بكل مكان بس عارف انه ماراح يجيني الى بيومي سوراة حزن : طيب ليش ماتحاول تلون حياتك بلون ابيض مو كل شيء اسود يعني انا ملاحظه مواضيعك كله حزن في حزن يعني ارحم حالك شوي اذا فيه احد متوفي من اقاربك الله يغفر له ويرحمه بس مو تتعب حالك كذا انا ابوي متوفي من فترة طويله صحيح اني احزن عليه كثير بس مو مثلك انا اسفه اخوي بس والله اتكلم معك لاني اعتبرك مثل اخوي وماودي انك تضايق الجرح القديم : لا عادي اختي بس يالغلا انا حياتي ماهي علشان موت مخلوق بس انا اول شيء امي ماتت وانا اساساً كنت خاطب بنت خالي واول ما ماتت امي وخالي يلغي الخطبه واجيه اكلمه واقوله انا ابي البنتوالبنت راضيه بي ورفض يقول انا موافق عشان امك بس وكان هالكلام قبل سنه وبعد هالسالفه بحوالي 4شهور يصير حادث علي وكان معي اعز اخوياي كان اخو بالنسبه لي مات بالحادث وكنت انا السبب وبصراحه ماني قادر اعيش باقل من سنه فقدت امي وبعدها بنت خالي وبعدها صديقي انا جد ماعاد به شيء يلون حياتي حياتي لونها كذا معجبني ولا ابي اغيره سوارة حزن : الله يعينك بصراحه يمكن لو انسان غيرك جاته هالمصايب كان صابه شيء الجرح القديم : والله انا صارت لي اشياء وللحين فيني اشياء بس مو كل شيء ينقال وانا اخوك سوارة حزن : على العموم تشرفت بالكلام معك وان بغيت شيء بالمنتدى ابشر انا مستعده الجرح القديم ( وهو يدري انها محترفه بالفوتشوب ) : اي الله لايهينك انا ابي اعرف للفوتشوب كيف فيه دروس تنزل بهالمنتدى سوارة حزن : ايه فيه بقسم الكمبيوتر والفوتشوب الجرح القديم : على خير جزاك الله خير سوارة حزن : ماسوينا شيء اخوي حنا بالخدمه فمان الله الجرح القديم : فمان الكريم آنتهى الجزء الثآآني الرآي العام لكم للجزئين السابقين الشخصيات ( مع انه متبقي فيه كذا شخصيه ) توقعاتكم ... | ||||||||
|
| |
|
17-10-16, 11:21 PM
| #7 | ||||||||
| مراقبة عامة ومشرفة منتدى الروايات المنقولة
| ****** الجزء الثآلث ****** وصلت نجوى وولدها أمجد لرياض واستقبلهم ابوشروق (طبعا هو ابو شروق مو ابو امجد لان امجد محد يعرفه لحد الحين) بالمطار أمجد اول ماشاف ابوه ركض له (بنقل لكم الكلام بالعاميه السعوديه وانتوا افهموا انه يتكلم لبناني هو وامه) : سسسلام عليكم (وهو يحب راس ابوه) ابو شروق : وعليكم السلام نجوى : السلام عليكم ابو شروق : وعليكم السلام حياكم الله تو تنور السعوديه بكبرها امجد : ليش يبه هي كانت ظلمه ابو شروق : وانت للحين تستخف دمك نجوى : الله يبارك فيك وتراه ذبحني فالطياره بس يستهبل ابو شروق : دامه ولدي خليه يستهبل امجد : الله يخلينا لك ولا يحرمك منا نجوى وابو شروق يضحكون على ولدهم ويركبون السياره وهم يضحكون ويسولفون واللي يشوفهم يقول ابو شروق ذا مايقصر مع عايلته كلها وهو اكبر واحد مقصر بينهم اخذهم ووداهم لشقه فخمه شاريها من زمان لهم كل ما جوا لسعوديه جلسوا فيها بعد ثلاث ايام انتهت ايام العزاء زياد حالته احسسن من اول بكثير بس للحين باينه ملامح الحزن عليه كان الكل فبيت ابوفيصل حالتهم تكسر الخاطر اسماء ماكانت تاكل اول يومين واغمى عليها ووداها فيصل للمستشفى وعطوها مغذي وقالوا لازم تاكل عدل وشيماء ماهي قادره تتكلم من الصياح هم توقعوا انو من الصدمه اللي جتها مو قادره تتكلم بس هي كانت ساكته من الخوف على الايام الجايه فيصل ونوف كانوا بغرفه الضيوف جالسين نوف : فيصل تكفى عشان خاطري اكل من الصباح مااكلت شيء فيصل : نوف خلاص وقفي زن على راسي مانيب بزر اعرف إذا انا ابي أكل او لا اكرميني بسكوتك نوف ساكته ولا قالت شي قامت وخلت الصحن فيصل مسكها مع يدها بيجلسها سحبت يدها وكملت طريقها لداخل البيت فيصل سكت وماقدر غير ينزل راسه وبس ساره بالثلاث ايام الماضيه حصلت لها اشياء اهمها صارت كل ماتدخل تلاقي رساله خاصه من عادل وكل رسايله كانت عن الفوتشوب وكيف انزل فرشات وكيف اركب صوت ووو.... وصار يرد على كل مواضيعها ويشوف ذوقها بالمقالات الحزينه ويجيب لها لجل تتعلق بقلمه وذوقه باحد المواضيع صار بينهم هذا النقاش كانوا يتكلمون عن الشعور بالحزن عادل : راق لي موضوعك وبصرآحه انا اشوف اصدق شعور هو الشعور بالحزن لإنه نابع من قلب حزين يعني صعبه شخص سعيد يصطنع الحزن ساره : أمممم أحيانآ الصدق لايفيد سواء صدق في مشاعر او شعور ولكن مالذي نستفيده من هذا الشعور عادل : لا نستفيد كثير انا استفدت اني بحزني اللي انتشلني لوحدي ماخلاني أشكي للمخاليق حزني فاصرت اكبته داخلي وبصصراحه اتلذذ بكبته وحرقه في قلبي فلا احد يعلم عني شيئآ فانا احترق من داخلي حزنآ وهذا يريحني كثيراً ساره قرت كلامه وانكسر خاطرها ماكانت تتوقع في انسان بداخله هالكم الهائل من الحزن (طبعآ هالكلام كله قبل ينتهي العزاء) بعد العزاء راحت ساره تزور نوف مره ثانيه بعد ماراحت هي وامها ثاني يوم بالعزاء ساره : وش اخبارك نوف وهي متضايقه : الحمد لله على كل حال ساره : نوف فيك شيء غير وفاة ام فيصل مضايقك صح نوف : لا مافيني ساره : نوف انا اعرفك وهي تقرب منها وتحظنها وتقولها : تكلمي وش فيك نوف قامت تبكي ومو قادره تتكلم ساره سكتت وقامت تواسيها ولا حبت تظغط عليها شوي طلعوا عند اسماء وشيماء خمس دقايق وطلعت بمكان ثاني شروق دقت على زياد ورد عليها وهي اللي لها يومين تدق وترسل شروق : السلام عليكم زياد : وعليكم السلام شروق : شلونك زياد زياد : احس الدنيا ضايقه فيني ياشروق شروق : استغفر ربك وتعوذ من ابليس وادع لها بالرحمه تراها محتاجه الدعاء زياد : كانت محتاجتني جبنها وانا اللي قصرت بحقها انا اللي كنت اطنشها وكم يوم ويوم وهي تزعل علي شروق : ادري وكلنا مقصرين بحق والدينا انت بس تعوذ من ابليس زياد : شروق بسسكر تبين شيء قبل اسكر شروق : سلامتك بس تكفى تذكرني تراي والله يضيق صدري وانت مو معي زياد : ابشري يالله مع السلامه شروق : مع السلامه وفمان الكريم تسكر شروق وهي ضايقه فيها الدنيا وكان اللي ميت زياد مو امه تتصل في سلمان من الضيقه ماعندها غيره تتكلم معه لان محد يعرف عن اللي بينها وبين زياد غير سلمان و ريناد وعلاقتها مع ريناد انقطعت من زمان وتتصل على سلمان تسولف معه وتوخر الطفش اللي فيها وتنسى ولو شوي من الضيقه اللي فيها كان سلمان يحب شروق بس ساكت ولا يتكلم بس كان يهتم فيها على خفيف وشروق ماكانت تلاحظ هالاهتمام وهو كان دايم يبعد عنها المشاكل بي طريقه كان دايم يهدد ريناد لو تكلمت لـ زياد بي شيء انه يروح لـ زياد ويسمعه التسجيل اللي مسجله على ريناد يوم تترجاه انه يعطيها وجه وقال لو ماسكرتي علمت زياد قالت زياد وربي ماخذته حق فلوس انت ابيك لي وربي صادقه عشان كذا ماكان يبي اي شيء يضرها بجهه ثانيه من الرياض امجد : يبااه ابو شروق : هلا امجد : ودي اقولك شيء واخاف تزعل مني بصصرآحه ابو شروق : لا قول ماراح ازعل لاني لو زعلت على كل البشر ما ازعل عليك امجد : يبااه ابي اتعرف على خواتي مو معقوله اني.... ابو شروق يقاطعه : انا ماقلت لك انسى هالسالفه انا اللي احدد متى تجي وتتعرف عليهم ويتعرفون عليك امجد : يباه مو معقوله عمري 17 وماعرف خواتي ولا عمري شفتهم ابو شروق : امجد غير السالفه ولا وريتك الشغل صحيح امجد : خلاص ماراح اغيرها لاني ماراح اتكلم اصلن ويسسكت ويشغل التلفزيون ويتفرج عليه وهو معصب نجوى وهي تو جايه من المطبخ وتكلم ابو شروق بصوت خفيف : وش فيه امجد ابو شروق : يعني كالعاده يبي خواته نجوى : يؤيؤيؤ ماشفته بلبنان اشغلني دايم يسالني ويقول ليش ابوي مايبيني اتعرف على خواتي ابو شروق : ولايصير قلتي له نجوى : لا وش دعوى عاد ماتكلمت 18 سنه اتكلم الحين ابو شروق : والله انك اصيله يانجوى الله لا يحرمني منك ياارب نجوى : ولا منك امجد كان يتسمع كلام امه وابوه وهم على بالهم مايسمع وانصدم من اللي سمعه لانه فهم انه فيه سالفه ومو اي سالفة سالفة من 18 سنه يعني قبل يطلع على الدنيا ؟؟؟؟؟؟؟ امجاد كانت جالسه بالصاله ويرن تليفون البيت وترد الوووو .... : السلام عليكم امجاد : وعليكم السلام .... : وشلونكم امجاد انصدمت تعرف هالصوت زين هالصوت صوت يزيد اللي ماتبي من البشر غيره احد ( يزيد ولد خالها ممرض عمره 27 سنه ) يزيد : الوووو امجاد : هاه هلا يزيد : انا يزيد اقدر اكلم عمتي امجاد : إيه إيه دقيقه وتجلس تتسمع صوته وانفاسه وسحبت على امها وعلى يزيد طوول يزيد وهو ينتظر وكان على باله السلك مفصول قال الووو امجاد كانت غبيه وردت عليه هلا يزيد استغرب انها على طول ردت : عمتي بتطول لاني اكلم من جوالي مو من الثابت امجاد وبعد كملت غباها : ايه صح بناديها لك <--- وكانها صارت اغبى وحده بين البشر يزيد استغرب ويقول في نفسه يعني من اليوم جالسه تتسمع وش عندها امجاد على طول راحت لامها ونادتها وسحبتها سحب معها قبل يسكر يزيد ويوم وصلت لتليفون قالت لها يمااه يزيد ولد خالي يبيك على الخط ام امجاد : طيب فكيني من اليووم ساحبتني واخرتها يزيد طبعا امجاد عند السماعه حاطه راسها وامها توخر راسها لجل ماتسمع وماقدرت تسمع وهي ماتسمع غير امها تقول هلا بوليدي ... انا بخير انت شلوونك ... ايه توها قايمه من النوم ... والله جوالي بغرفتي ... خلاص برقى له وانت دق عشان اصير بغرفتي مابي ناس هنا تسمع ... طيب الله يصلحك ويسعدك .... مع السسلامه وتسكر التليفون وتدف امجاد عنها : انتي وش فيك مشفوحه تراه ولد خالك امجاد : يماااه وش بينكم اول مره ادري انك تسولفين مع يزيد بالجوال ام امجاد ( وهي تستلعن ) : مابيننا شيء بس هو ولدي ويبيني اخطب له امجاد : وشوووووووووو تخطبين له ومن تخطبين له ام امجاد ( وتستمر اللعانه ) : والله اكيد من عندي اغلى من بنات خالتك اكيد بنعطيه شروق امجاد : لا يمه ماتصلح له ام امجاد : وليش ماتصلح له امجاد : لا اقصد يعني هي بتكمل دراستها ام امجاد : اكيد امجاد : ايه متاكده هي تقول للبنات لو احد تقدم لي ماراح اوافق لاني ابي اكمل دراستي ام امجاد : اصلن حنا كلمنا امها وامها موافقه وتقول اليوم بقولها وبنقولها لو تبين تكملين دراسه كمليها وانتي فبيت زوجك امجاد انقهرت وبغت تصيح وبين على وجهها انها انقهرت ام امجاد : يالله انا بقوم بس قبل اقوم شوفي وامجاد تطالعها بنص عين من القهر ام امجاد : ياويلي وش فيك تراي امزح ماراح يخطب بس يبيني بسالفه ثانيه وهو اصلن مايبي الزواج الحين امجاد وهي كانها ماهي مصدقه : هاه يماه انتي صادقه ام امجاد وهي توخرها عن حضنها : وخري بس وانتي وش دخلك هو يتزوج او لا وبعدين لا ماوراه زواج وفكيني وتدفها وتطلع فووق وهي تضحك وتلاقي يزيد يدق ترد عليه : هلا بوليدي يزيد : هلا عمه وش فيك من اليوم ادق ماتردين ام امجاد : عندي بنت خبله مافكتني بس تسال وش عندك علميني ليش ماتبيني اسمع يزيد : ههههههههههههه الله يصلحها ويستر عليها ام امجاد وهي تستلعن عليه بعد وتقيس نبضه لبنتها : وانت ماتبي ادعي الرحمن انه يستر عليك يزيد : الا ادعي عادي انا مستور من زمان الحمد لله ام امجاد : ايه انا داريه بس اقصد الستر اللي انت خابره يزيد : والله ياعمه توني وانتي عارفه السبب ولاتقولين ودي وودي افرح فيك اصبري وربك يسرها ام امجاد : والله براحتك بس ان كانك نويت انت ابخص باللي يبونك يزيد : طيب ابششري المهم ........( بعدين راح نعرف وش يدور بينهم ) آنتهى البـآآآرت الآول من الجزء الثـــآلث تتوقعون وش مخبي ابو شروق أمجد متى راح يتعرف على خواته يزيد وش بينه وبين عمته ام امجاد ...؟ توقعاتكم تهمني | ||||||||
|
| |
|
17-10-16, 11:23 PM
| #8 | ||||||||
| مراقبة عامة ومشرفة منتدى الروايات المنقولة
| في مكان ثاني ساره فتحت المسن اول ماوصلت بيتهم ومالقت احد متصل ودخلت المنتدى ولقت رساله من الجرح القديم كاتب فيها السسسلام عليكم ،،، أدري بتقوولين والله ان هالانسان غثيث تحمليني كم يوم وبعدها بفكك مني المهم انا بطلب منك شيء بس لاتفهميني غلط انا ابي ايميلك لاني عجزت افهم عن طريق الرسائل حقت المنتدى واول ما افهم هالفوتشوب انا راح احذفك لو تبين واوعدك وعد ما اضايقك بشيء بس صدقيني غبي بالفوتشوب اتمنى توافقين واسف لو ضايقتك فمان الله ... استغربت ساره من طلبه وكتبت له : وعليكم السسلام ،،، ههههههههههه وش دعوى آخ وعزيز بالنسبه لطلبك اسفه اتمنى تعذرني انا ما اضيف رجال بايميلي وانت والله عزيز مابي ارد لك طلب بس هالطلب صعبه اوافق عليه اعذرني اخوي فمــآن الكريم ... وسكرت الرسائل ودخلت على الاقسام وصارت تلف من قسم لقسم ثاني وتنزل رد هنا وهناك وبعد 10 دقائق لقت فيه رساله من الجرح القديم : هلا بك أختي ,,, لا معذوره واسف على طلبي اساسا ماكنت بطلبه بس يالله ملزومين نخطي بهالدينا اعذريني على الطلب فمان الله قراتها وتقول لا يصيير زعل بس ارسلت له : هلا بك خيوو لا عادي لاتعتذر ولايصير زعلت ترى جد مابي احد يزعل علي بهالمنتدى وخصوصآ الناس الغالين مثلك اتمنى ماتزعل فمان الله جلست ربع ساعه فالمنتدى تنتظره يرد وماجاها رد راحت تشوف هو موجود بالمنتدى او لا لقته طالع قامت وطفت النت وجلست بغرفتها وهي تفكر بهالانسان اللي دخل هالمنتدى وغير المنتدى وغير المواضيع وصارت اغلب مواضيعهم حزينه بسبته وهو صار يرد على كل موواضيعها وكل ردوده حزينه هالانسان من وفاة امه وصاحبه وخاله يرفض يزوجه معقوله هالانسان صادق وليش يكذب ويتبلى روحه وعمره اكيد انه صادق وتنااام وهي تفكر بـ عادل او تفكر بحياته فقط مو فيه عادل طلع لخوياه كانوا مجتمعين وكان اولهم فهد اللي تحداه بعد ماسلم عليهم كلهم وجلس ساله فهد : هاه وش صار معك على البنيه عادل : والله توني مالي اسبوعين وابششرك بيننا رسائل خاصه ورسائل زوار فهد : طيب عادي كل الشباب اللي بالمنتدى والبنات يسولفون بالرسائل الخاصه والزوار مو بس انت انا تحديتك على انك تجيب راسها عادل : يابن الحلال اصبر مو معطيني 6شهور خلاص انتظر وتشوف فهد : طيب ننتظر وش وورانا عادل : بصراحه البنت شاده على نفسها لجل ماتتعرف ولا تكلم احد برى المنتدى تركي ( واحد من اللي جالسين وكان قريب حيل من عادل ) : طيب عادل خلها دامك تشوف انها ماتكلم عندك غيرها كثير ماهي واقفه عليها عادل وهو يطالع فيه ويقوله بصوت خفيف عشانه جنبه ومايبي احد يسمعه : والله اني كنت بخليها بس يوم عرفتها ياخي احس ودي اتعرف عليها جد تركي : لا ياشيخ لاتقول تحبها بعد لجل انا اصدق واصير وسيط روحي عادل : اقول وخر بس قال وش قال احبها ايه احبها ومووت (ويضحك بصووت عالي) نرجع لنوف واهل بيت ابو فيصل فيصل : زياد ترى بسكن انا ونوف عندكم بالبيت اول شيء عشان اصير جنب خواتي وبعدين لجل نوف تراعيهم شوي زياد : بس يافيصل اخاف نوف ماودها فيصل : لا عاد هي بنت عمهم وانت تعرفها طيبه حييل زياد : الله يجزاها خير فيصل : حنا بناخذ غرفة الضيوف اللي فوق الكبيره ماودنا ناخذ غرفة امي وابوي الله يغفر لهم ويرحمهم وانت بغرفتك زياد : لا انا باخذ الغرفه اللي بالحوش عشان نوف تاخذ راحتها بالبيت فيصل : لا مالها داعي زياد : فيصل انا ماني صغير لجل اجلس فالبيت او انت تقول اخاف نظلمه ولا حطيناه بالحوش وظلمناه لا تخاف اذا حسيت انك بتظلمني او تظلم خواتي وطيت رقبتك فيصل : ايه زين خواتي وراهم رجال غيري زياد : خلاص انا بقول لشيماء تكلم الخدامه تنظف الغرفه اللي تحت وانا بنزل اغراضي بعدين فيصل : لا خلهم انا اكلم الخدامه هن ضايقتن صدورهن زياد : طيب وبوسط البيت نوف مع شيماء واسماء شيماء : تدرين نوف امي قبل تموت بـ ليله الله يغفر لها كانت تقول لي انا واسماء الله يحميكن ويحرسكن بعد ماعيني تغيب كانها تحس ان عينها بتغيب نوف : الله يغفر لها ويرحمها ان شاء الله شيماء : امين ... أسماء وين وصلتي اسماء : تصدقين اشتقت لأمي مع انها دايمن تهاوشني بس والله اشتقت لها يازينها ويازين هواشها دايم تقولي اذا شافتني على التليفون اكلم فيه صديقتي تجي وتقول سكري جعل ربي يسكر عنك باب الفتن يالله سكريه نوف : خلاص تكفون والله خالتي الله يرحمها طيبه ادعوا لها بس شيماء : امممين ... يااه شلون بنعيش من دونتس يا يماه الله يرحمك ويسكنك فسيح جناته ويجمعنا معك بجناة النعيم نوف واسماء : امممممين الا فيصل تو دخل عليهم فيصل : السسلام عليكم البنات كلهن : وعليكم السسلام ورحمة الله وبركاته فيصل : نوف ترى كلمت زياد عن الموضوع اللي امس كلمتك عنه وهو قال انه بياخذ الغرفه اللي بالحوش نوف : لا مالها داعي عادي انا اجلس بالغرفه حقتي وش وراي فيصل : زياد رافض يقول عادي انا اباخذ راحتي بالغرفه اللي برى شيماء : نوف زياد صادق احسسن له وبعدين هو ماراح ياخذ شقه برى هو بيجلس بالحوش نوف : دامها رغبته هو خلاص ما اقدر اقول شيء اسماء : والله اني احس فيصل بيقول شيلوا الاغراض مع الخدامه شيماء : اووووووص وجع مثل اللي تقول قل لنا نشيل اسماء : لا والله موب قصدي بس متاكده انه بيقولها شيماء : لا ياشيخه وانتي وش حضرتك يوم تثقين لهدرجه فيصل : وجججججججججع ازعجتونا خلاص لاتشيلون اي شيء انا اشيلها زين نوف : ههههههههههههه الله يعطيك العافيه البنات ضحكوا على كلام فيصل ونوف فيصل : لا والله مبسوطه انتي وياهم تضحكين معهم الشرهه ماهلي عليكم الشرهه علي انا يوم اني اعدكم كبار واجي اسولف معكم مالت عليكم البنات ماتوا من الضحك حتى انهم ماقدروا ينادونه من الضحك فيصل طلع مرتفع ضغطه ونزل وهو بيدخل قسم الرجال صدم زياد زياد : ماتششوف فيصل : هالبنات يرفعون الضغط ويخلون الواحد عمى مايشوف زياد : هههههههههههه وش مسويات لك فيصل : تضحك وانت ماتدري وش السالفه اجل بطلت اقولك فيصل يتجهه للحوش رايح لبرى البيت زياد : يابن الحلال تعال خلاص ماراح اضحك بس قلي فيصل : انت اعرف تمسك ضحكتك زين وبعدين تعال علمني وطلع فيصل مع الباب وركب سيارته وتوجهه لشقتهم القديمه لجل يخلص اوراقها ويجيب احد يشيل اغراضها لبيت اهله زياد وقف عند الباب الداخلي وقام ينادي اسماء اسماء : يووووووه وش تبي تو مفتكين من فصووول وجاي انت نوف : شوفي الحيوانه تسب اخوانها الكبار اسماء وهي تحط رجلها عشان شيماء مسكت شنطه بلاستيكيه بترميها عليها نوف : هههههههههههههه اختك ذي خبله خخخخخخخخخخ شيماء : عادي متعووده عليها ههههههههه بمكان ثاني أمجاد اخذت شروق وراحوا للرياض غاليري يتمشون وقامت تسولف شروق شروق : اقول جوجو امجاد : هاه وهي تطالع الساعات شروق : وشلون يزيد ولد خالي امجاد طاحت من يدها ساعه كانت تشوفها : وينه يزيد < وتلفت تدوره شروق : خبله والله انك خبله اقوولك شلووونه يالعجووز امجاد وهي تتلعثم : احسبك شفتيه شروق : ايه مبين حيييييييييل امجاد : اليوم كلم امي ومادري وش عندهم بينهم اسرار شروق : اوووما من متى امجاد : والله مدري بس كلمنا اليوم وامي قالت له دق على جوالي بروح لغرفتي شروق : هههههههههههههههههه وش عندها خالتي امجاد : جد لا تضحكين والله انهم بينهم سر و ...... شروق : و وش ليش سكتي امجاد : هذاك ابووك شروق تدوره : وينه امجاد : شوفي الولد ذاك السعودي اللي جنبه شوفيه شروق قامت تشوف وتقرب تبي تتاكد وامجاد تمشي جنبها ويمروون يشوفون ابو شروق ومعه امجد و نجوى ابو شروق ما انتبه لهم بس امجد انتبه لشروق وهي واقفه تطالع فيهم من قريب وقام يطالعها امجاد تداركت الوظع وسحبتها بعيد : وش فيك بتفضحينا شروق : من ذولا اللي مع ابوي امجاد : مدري بس شروق : انا لازم اعرف عشان اكون على علم مو اسكت واوسوس فـ ابوي امجاد : وش بتسوين شروق : انا اقولك شوفي تغطي زين ولايعرفك ابوي ودخلي شنطتك وسط عباتك وانا بعد بسووي مثلك وبنتبعهم ونشوف وين يروحون ووش يسوون امجاد : لا موب رايحه شروق : خلاص انا برووح وخري عن وجهي امجاد : تعالي خلاص برووح < تعدل عباتها وتمشي مع شروق ويوصلون لحدهم وكاننا نشوف الفساتين والملابس نجوى : طيب شو رايك بهاد ابو شروق : عادي شوفي احسن منه امجاد : تسمعين وش تقول هذي لبنانيه طلعت شرووق : اووص لا احد يسمعك واسكتي ابو شروق : امجد تعال هنا لاتبعد وش تبي ترى بنات السعوديه مايعطونك وجه هههههه امجد : لا بس بيعرفوا انك ابوي بيعطوني وجه هههههههه شروق وامجاد انصدموووووووا شروق وقفت تطالع ابوها وامجد بصدمه أشروق بصوت وأظح : ابووي ماسمعها غير امجد اللي استغرب من هالبنت وش اللي تبيه امجاد تسحبها وشروق يالله تشيل نفسها : امششي يالله والله لو طولنا لننفضح شروق الصدمه بلعت لسانها ركبوا السياره وقالت امجاد لسواق روح لبيتنا بالطريق امجاد : شروق شروق ساكته وماردت عليها وكانها ماسمعتها امجاد درت انها بتتكلم وهالكلام مو بوقته وسكتت وصلوا البيت قالت شروق بروح البيت ورفضت امجاد قالت لا بتجلسين عندي وجلست شروق وهي ساكته وتفكر باللي شافته ووش راح تسووي أمجاد : شروق منو اللي مع ابوك تتوقعين زوجته الثانيه ماخذها بالسر شروق : ليش لايكون راح تفكيرك ان ابوي يحب الحرام يا امجاد انا متاكده ان الولد اللي مع ابوي هو اخوي بس ليش ابوي خاش الموضوع عنا من زمان امجاد : اسالي ابوك مو تساليني انا شروق رجعت لصمتها وقامت تفكر امجاد احترمت هالسكوت وسكتت مع بنت خالتها في مكان ثاني بعيد عن التوقعات كلها عند ملكه ملكه كانت جالسه على لاب توب اخوها تقراء رواية بشروهـ أني أبرحل ( من أجمل الروايات اللي قريتها ) يدق جوالها وكالعاده الانسان اللي مزعجها من الطفش اللي فيها ردت عليه ..... : الووووه مسساء الخير ملكه : ماظنتي بهالمساء خير وانت مو راضي تخليني ..... : والله يابنت الناس انا قلت لك انا انسسان فاضي ماعندي احد وماعندي شيء واكيد مالي الى اني ادق عليك قلبي مايبي غيرك ملكه : الله واكبر وقلبك كيف مايبي غيري وهو مايعرفني ولاتقولي صوتك وصوتك ..... : انتي ماعطيتيني فرصه أبين لك اللي بقلبي لك بس انتي مانتي راضيه ملكه : يالله معك دقيقه تقول لي انت منو ومن وين جايب رقمي ووش تبي مني ..... : كل هالاسئله ماراح اجاوب عليها بجا....... وسكرت الخط في وجهه ملكه : انا فاضيه لهالاشكال وربي يغثون يرجع ويدق من جديد وتعطيه سايلنت شوووي ويرجع يدق ثانيه ترد عليه : شوف بتقول انت منو او لا ؟ ..... : قايل لك ماني مجاوب الـ.... وسكرت في وجهه من جديد ويرجع يدق وتقفل الجوال بوجهه وتقفله نهائياً بالطرف الآخر الشخص اللي مزعج ملكه : آآآآآآآهـ يا ملكه مصيرك تدقين وانا اللي ما ارد عليك والايام بيننا عــآدل يفتح المنتدى ويلاقي الرساله اللي ارسلتها ساره قبل يطلع وماقراها يفتحها ويقراها ويرد عليها الجرح القديم : هلآآآآ بك لا عادي يالغلا وتسسلمين على المجامله الحلوـوهـ وعادي ما زعلت بالعكس حقك دبه وبعدين مافيه شيء ينزعل منه صح او لا *_^ فمـآـآن الله ^_^ وارسل لها هالرساله وراح يدور مواضيع لجل ينزلها ولقى موضوع رااائع ونزله وراح لقسم الفوتشوب ساره كانت نايمه صحت من نوومها ووصلاة المغرب لانها نامت باخر العصر وفتحت النت ودخلت المنتدى لانها موب رايقه للمسن وتلاقي رسالة الجرح القديم وتقراها وترتاح لانه مازعل وتطلع ماردت عليه وراحت تشوف المواضيع الجديده ولقته منزل موضوع جديد بدأت تقراء الموضوع وكان الموضوع عن الحزن والموت كان فيه من الكلام الكثير اللي اعجب ساره : لماذا عندما نشعر بضيقه والحزن نتمنى الموت لماذا عندما يصيبنا مكروه او مصيبه تصيبنا نتمنى الموت هل الموت هو الحل الوحيد في الجانب السيء من حياتنا هل وهل وهل والـ هاءات تكثر هنا ولكن لانستطيع الاجابه بانفسانا ولكن يستطيع من حولنا ان يجاوبوا بالنيابتي عننا ونحن نستطيع الاجابه بالنيابه عن حياتهم ..... أعلم أنك تقرؤون الموضوع وفي مخيلاتكم كيف لي ان اجلب هذا الموضوع وانا اعيش بغمه من حزني لكن ليس مايعجبنا مجبورين ان نسايره او نناقشه ولكن نكتفي بقرآته ونتمعن به ولا نفعل شيء أخر سوى أن نرجع لنقطة الصفر من حيث بدأنا أخوكم الجــرح القــديم ساره قرأت الموضوع وكان الموضوع أعجبها برمته وبكل ماتكلم به من نقاط مع انه يتعارض مع صحتها بنفسه ولكن كلامه وموضوعه شدها وبقوه لانها ماتحمله في جوفها هو الحزن والشعور بالوحده في بعض الآحيان ردت عليه : يمتاز البعض بصياغة الحرف وتنسيقه وتوضيفه كما يشاء كان حزيناً ام سعيداً وظفت حروفك بطريقتك وتميزت بأبداعك .... أخي الجرح القديم نتمنى الموت أحيانا لاننا نشعر بالوحده فعندما نحزن لانجد من يشاركنا شعورنا وحزننا ومن يقتفي اثار الحزن لكي يسلبها مننا بطريقه لانعلم عنها لهذا نبحث عن من يسلبنا حياتنا الا وهو الموت اخي راق لي طرحك وتميزت بابداعك صدقاً قلمك يمتاز بانصياعه لك دمت متالقاً أختك سوارة حزن نزلت الرد وطلعت وراحت لقسم الفوتشوب لانها عارفه انها بتلاقيه هناك لقته منزل طلب تصميم توقيع له وكاتب اتمنى اللي يصممه يكتب هالابيات فيه واكون شاكر له البارحه مابين يمكن وياليت ** وابليس يتركني ويرجع عليه فكرت لو طول غيابك ولا جيت ** يعني كذا روحه ومن غير جيه خانتني الدمعه وطاحت وصديت ** ملعون ابو التفكير يذبح خويه ( الابيات لا اعلم من كاتبها ) شافت طلب عادل وقامت على طول بتسوي له التوقيع وهي جالسه تصممه جاها اخوها ماجد وطق الباب ساره : منو ماجد : انا جدك الرابع ساره : ياجدي الرابع ادخل عادي ماجد وهو يفتح الباب : السلام عليكم ساره : وعليكم السلام <- وهي جالسه على اللاب ماقامت ماجد : ساره يالله البسي ساره : وين ماجد : امي تقول من بدت الإجازه ماطلعنا وانا عازمكم بنطلع للحديقه نجلس فيها لين الساعه 9:30 ونمشي بعدها لمطعم ساره : طيب بس البس وانزل ماجد : طيب ماني طالع لين ماتطفين اللاب ساره : لا خلاص بسكره الحين بس بخلص اللي بيدي ماجد : وش قلت لك يالله سكريه ساره ( تستحي من اخوها حيل ) : طيب ... سكرته وقامت قالت له يالله اطلع بلبس ماجد : طيب يالله خمس دقايق وبنمشي ترى ساره : يالله اطلع ماجد طلع وساره قامت تلبس وهي ناويه تكمل التوقيع اذا رجعت من الحديقه انتهى الجزء الثـــآلث وكالعــآدهـ التوقعات ..... تسعدني دمتم بخير | ||||||||
|
| |
|
17-10-16, 11:27 PM
| #9 | ||||||||
| مراقبة عامة ومشرفة منتدى الروايات المنقولة
| ****** الجــزء الـــرآبـــع ****** بعد صلاة العشاء دق سلمان على شروق لانها اليوم كله مادقت شروق شافت الرقم وقامت بترد بعيد عن امجاد لجل امجاد ماتشك بشيء : هلا بشـآير سلمان : منو بشاير انا شروق : ههههههه وش فيتس مخترعه سلمان : عندك احد شروق : اي والله انا فبيت خالتي وعندي بنت خالتو جوجو سلمان : يعني انتي بخير شروق : ايه ليش فيه شيء سلمان : لا بس اليوم مادقيتي وقلت خل ادق اتطمن عليها دامك بخير الحمد لله انا اسكر عشان ما احرجك شروق : لا عادي ومشكووره على اهتمامك دبه بس لمن افضي اكلمك سلمان : اوكي باي شروق : باي سكروا ورجعت شروق لـ أمجاد قالت امجاد : وش فيك قمتي شروق : تعرفيني دبه ما احب اتكلم وعندي اي احد امجاد : بس مافيه الا انا ولا خايفه مني شروق : لا تعودت على هالشيء امجاد : اهاااا طيب وش رآيك ندخل شات طفشانه بنستهبل عندك موقع او لا شروق : الا اكتبي بقوقل ..... اول رابط يجيك هذا هو ... وتجيها رساله على جوالها تفتحها لقتها من عند سلمان كاتب لها اسف احرجتك بس كنت متوقع انك فاضيه كنت ابي اسولف معك بس شكلي احرجتك على العموم اعذريني قرتها وردت عليه : اسفه سلوم بس والله عندي بنت خالتي وماقدرت اتكلم معك تدري فيه شيء بقوله لك احس مضايقني سلمان : سلامات وش فيك شروق : الله يسلمك لا مافيني شيء بس موضوع عرفته اليوم واحس ودي اتكلم مع احد ومالي غيرك اتكلم وياه زياد يالله اسمع صوته باليوم مره سلمان : خوفتيني عليك الله يسلمك وش دعووى يالغاليه عيوني لك لو بغيتيها فداك خلاص انا بانتظار اتصالك ... تدرين مشتاق لصصوتك ^_^ شروق : ثآنكس ع آهتمامك وفداك الكون تسسسسسلم ^_^ ( شروق بهاللحظه حست بـ سلمان يهتم فيها وهو كذا طريقة تعامله معها من عرفها بس هي تو تنتبه لـ هالاتمام ) شيماء واسماء جالسات بغرفتهن ونوف جالسه مع فيصل وزياد جالس مع العمال اللي جابهم فيصل لجل يرتبون الغرفه اللي بالحوش وينظفونها شيماء واسماء جالسات يسولفون عن وحده من البنات مع شيماء بالمدرسه ( هالبنت اشواق ) اشواق مضايقه شيماء بالمدرسه الا بالقوه تتعرف عليها واشواق معروف عنها انها بويه وشيماء متضايقه منها قوه لانها كانت تبي تقول لآمها الله يغفر لها والحين ماعندها احد تتكلم معه وتكلمت مع اسماء مع ان اسماء صغيره بس وش تسوي مالها غيرها شيماء : والله قهرتني وعجزت افك عمري منها اسماء : شوفي بصصرآحه طنشيها ولا تكلمينها شيماء : والله اني ماقدرت بس يالله بحاول اسماء : طيب وش رايك تكلمين نوف شيماء : سلامات لا والله ما اكلمها اسماء : بصراحه انا اشوف هي اللي بتفكك منها لو امي عايشه ماراح تسوي شيء بس بتقولك لاتكلمينها شيماء : امممممم مادري بس اخاف من نوف تعلم فيصل اسماء : لا ماتعلمه قولي لها لاتعلمين فيصل شيماء : يعني رايك كذا اسماء : ايه توكلي على الله وقولي لها شيماء سكتت وجلست تفكر باللي تقوله لها اختها اسماء طق زياد الباب وقال لـ خواته افحتي انا زياد دخل زياد وسلم على خواته وقاموا يسولفون ويضحكون وكان زياد محتاج يسولف مع خواته لجل يغير جوه شوي وعشان كذا بداء يرتاح نسبياً وكان اول مره يجلس مع خواته من تسع شهور وقعد يضحك معاهن وبالنسبه لشيماء واسماء كانوا في بداية الامر منصدمات ماتوقعوا ان زياد يجلس ويضحك معهم بس كانه الوظع اسعدهم كثير وقاموا يسولفون عادي في مكان أخر وفي جهه ثآنيه شروق بعد ما شافت ان امجاد اندمجت بالشات قامت وطلعت عن الغرفه ودقت على سلمان شووي ويرد سلمان : هلا والله شروق : هلا بك هآه طولت عليك سلمان : لا عادي خوذي راحتك دبه شروق : لا مشكور سلمان : ايوه قولي لي وش السالفه تراي من اليوم قاعد افكر فيها شروق : آممممم السالفه ومافيها ... وتقوله اللي شافته بالسوق سلمان انصدم بالبدايه ثم قال : طيب يمكن ابوك يعرفها علاقه عابره يعني اسف بس ممكن تكون خويه له بس شروق : اقولك لبنانيه وغير كذا ولدها ينادي ابوي يباه يعني ابوه صح سلمان : طيب انا عندي لك رأي وش رأيك اشوف ابوك لي يوم واراقبه وين يروح واعلمك وبكذا نعرف منو ذولا شروق : مدري خلني افكر وارد لك خبر سلمان : اووكي طيب ماعلينا وش اخبار النتائج طلعت او لا شروق : والله طلعت مادتين وباقي 3 والحمد لله نجحت فيهن كلهن سلمان : مبرووك يالغاليه وعقبال التخرج شروق : الله يبارك فيك سلمان : طيب انا مابي احرجك او اسبب لك ازعاج على العموم الحمد لله تطمنت عليك وبس هذا يكفيني شروق : سلمان عندي سؤال تسمح لي ؟ سلمان : تفضلي ؟ شروق : زاد فضلك .. آممممم أنت ليش مهتم فيني لهدرجه مع انك عارف اني احب زياد ؟ سلمان تضايق من سؤالها سكت شوي وقت ما جاء يتكلم تكلمت هي وقالت : سلمان لا تزعل بس نفسي اعرف وو قاطعها سلمان وقالها : لا ماراح ازعل وانا اسف لو اهتمامي ضايقك بس اللي بقوولك .... قاطعته وجت بتتكلم قالها خليني اخلص كلامي سلمان : اللي بقولك انو انا اعتبرك شيء غالي وثمين بالنسبه لي من اول ماشفتك وانا افكر اني احافظ عليك لو مالي دخل بي سالفه بس ممكن انا تدخلاتي زايده عن حدها انا اسف ... وسكر التليفون ودقت عليه شروق لقت جواله مقفل قامت تدق وتدق وهو مقفل وبدت تفكر وش تسووي توهقت ومالقت لها اي حل قامت وراحت تجلس عند أمجاد وجلست وهي ساكته وامجاد اصلن داخله جو بالشات بمكــآن ثـآني ساره وماجد وامهم تعشوا باحد المطاعم الهادئه ورجعوا البيت جلسوا يسولفون شوي مع بعض ساره استاذنت ورقت فوق ماجد كمل سواليفه مع امه ام ماجد : اقول ياوليدي ماجد : سمي يماه ام ماجد : ترى الدينا تركض وانا ما اشوفك ناوي تخطب ماجد : يا يماه الله يجزاك الجنه تووني على العرس اصبري اذا ابي الزواج اجي اقولك ام ماجد : بس ياولدي الاعمار بيد الله وانا اخاف تجيني منيتي وانا ماشفت عيالك ماجد : الله يطول لنا بعمرك ان شاء الله تشوفين عيالي ويزعجونك وتقعدين تدعين عليهم بعد هههههههههههه ام ماجد : لا والله الله يرزقك بالذريه الصالحه ويرزقك بالذريه اللي تعينك على دينك ودنياك ماجد : آمين يارب طيب يالغاليه انتي روحي نامي انا استاذنك بروح لخوياي ساعه ان شاء الله وبرجع ام ماجد : روح والله يستر عليك دنيا وآخره ماجد : آمين الله يجزاك الخير ... يالله فمان الله ام ماجد : فمان اللي ماتنام عينه الله يحفظك ويرعاك طلع ماجد وراح لخويآه ساره كانت فوق على طول دخلت برنامج الفوتشوب وقامت تكمل التوقيع ونص ساعه ساعه الا ربع وخالص التوقيع تدخل المنتدى وهي متحمسه ماتدري ليش اصلن هي نفسها تعطيه توقيع وتكون هي مصممته دخلت وعلى طول راحت لموضوع اسمه طلبات التوقيع ولقت طلبه بس لقت فيه ثلاث عيال وبنت كل واحد مصمم له توقيع وكل واحد احلى من الثاني حست بقهر على اللي صار معها وهي تعبانه من اليوم بس قررت انها ماتعطيه اياه قدامهم راحت وارسلته له برساله خاصه وقالت له ممكن محد يعرف انه انا اللي مصممته لك وارسلت له هالرساله وصارت تدور من قسم لـ قسم ثاني وهي تنتظر رده فجآه تلاقيه راد على الموضوع اللي بطلبات التوقيع وكانه مطنش الرساله لقته كاتب بـ رده تسسلمون حبايبي الله لايحرمكم من من تحبون وان شاء الله هالايادي اللي صممت ماتمسها النار لا هي ولا راعي اليدين شاكر لكل من حاول ان يصمم لي ولم ينتهي او لم يستطع راحت ردت على الموضوع وكتبت تستاهل اخوي انت طيب واللي اهدوك تواقيع طيبين وكريمين والتصاميم كلها روووعه تسسلم اناملكم قراء ردها وبغى يطنشها بس شاف باسلوبها انها معصبه وراح ارسل لها رساله بعد ماشاف رسالتها وقرائها كتب لها : كح كح <--- يبي يصير ثقيل اول شيء كيفك دبه <--- بداء يمون الولد وثاني شيء تسسسلمين وتسسسلم يدينك على هالتوقيع الروووووعه وربي انه اروع توقيع وصلني للحين يكفيني انه منك وبعدين ليش معصبه بردك اللي بالموضوع قبل شوي لاتقولين لاعادي اصلن اسلوبك واضح انك مو معصبه الا تبين تظربيني انا مارديت لاني كنت اسولف مع العضو .... هو مضاف عندي بالمسن ويشرح لي ثم قالي رح شف التوقيع اللي نزلته لك واستحيت اطنشه بس اتمنى تعذريني وبعدين شوفي لاتزعلين بحط توقيعك بس ماراح احط اي توقيع ثاني اسف قرت رسالته وفرحت وارضاء غرورها شووي قامت ارسلت له : لا عادي ماحصل الا كل خير واصلن انا مازعلت بس توقعتك مطنشني كذا ومشكور على هالمجامله قراء رسالتها وفهم قصدها انها تتغلى وطرت في باله فكره بس بيسويها بعدين طلع لقســـم الشعر والنثر ونزل موضوع عن مسابقة الشعر والتصويت راح يكون للاعضاء بعد أذن إداراة المنتدى والجوائز راح تكون لثلاثة الآوائل الاول > 2000 ريال الثاني > 1000 ريال الثالث > 500 ريال والمسابقه هي ان كل شخص ينزل قصيده هنا بهالموضوع وبعد ما ينزلون الاعضاء القصايد يرشحون فقط 10 اعضاء ومن بعدها يصير تصويت على هالـ 10 أعضاء ويختارون الاول والثاني والثالث المسابقه مستمره لمدة شهر لجل بعض الاعضاء ياخذ راحته ويختار قصيده رائعه طبعاً تفاعلوا الاعضاء والكل نزل اسمه بالموضوع لجل يشارك ومن ضمنهم ساره | ||||||||
|
| |
|
17-10-16, 11:29 PM
| #10 | ||||||||
| مراقبة عامة ومشرفة منتدى الروايات المنقولة
| بمكان ثآآني ملكه فتحت جوالها ولقت 26 موجود من نفس الرقم واربع رسائل كاتب 1- لهدرجه ماتبين تسمعين صوتي شكله شين هههههههه 2- تصدقين وحشني صوووتك *_* 3- على العموم انا اسف لو ضايقتك 4- اوعدك وعد ماراح ازعجك نهائياً بس صدقيني وربي مادقيت الا وانا انسان وحيد وطفشان ماعندي شيء قرات رسايله وقالت في نفسها فكه ماصدقت افـتـك منه نوف كانت جالسه مع فيصل وكانوا يسولفون بكل شيء نوف تسولف له عن خواته وهمومهن اللي ممكن مايتكلمون لـ أي احد عنه او زياد اللي مايندرى وش بيصير عليه الله يهديه وكانت كل سواليفهم عن همومهم اللي جايه بس هم استعجلوا بالتفكير فيها نوف : والله يافيصل الله يستر زياد اخوك الحين ماراح يرد لحد اعتبار اول امك الله يرحمها ماسكته نوعاً ما والحين وش بيسوون خواتك بعد امك فيصل : خواتي باذن الله ماراح يضيعون نوف : الله يصلحهن ويستر عليهن فيصل : آمين .. وبعدين تكفين شوفيهن اذا تحسين محتاجات شيء ومستحيات يقولن لي قولي لي انتي نوف : لا خواتك ان شاء الله ماهن مستحيات منك فيصل : والله آن شاء الله مايستحن نوف : ههههههههههه فيصل : وش فيك تضحك نوف : اضحك عليك يوم تقول ان شاء الله مايستحن فيصل : الحمد لله والشكر لهدرجه خبله نوف : ايه خبله بس خبله فيك <-- مسوويه بتخليه يذوب فيصل فهم قصدها : اهم شيء انك خبله وبس عاد فيني فثوبي الخبال خبال نوف : اقول سلامات صدقت نفسك اشوفك اتبسم فيصل : لا لاتخافين ثقتي في نفسي ماتقدرين تزعزعينها لاني واثق انك تحبيني نوف : ايه هين يالثقه تراها ثقه عمياء ذي فيصل : عشان كذا قالوا عنها ثقه هههههههههههه نوف : اقوول وخر بس انا بروح اقوم اشوف البنات فيصل : ايه انقهرت وبتهرب لخواتي مردك لي وتذكري نوف : ههههههههههه لاتحلم اصلن بنام اليوم عند البنات قايلتن لي تعالي نامي الليله عندنا وانا قلت لهن اووكي تم فيصل : اقوول خليها تجي الساعه 12 وماجيتي شوفي وش اسوي لك نوف : ايه ان شاء الله فيصل : طيب يانويفه نوف وهي طالعه ورايحه لخواته : نويفه ياحليل اسمي من فمك فيصل وهو يرفع صوته : ماهوب زين الدلع عليك ههههههههههههههه نوف وهي تضحك تدخل الغرفه حقت بنات عمها اللي هن خوات فيصل وتدخل وهي تضحك وتقول اخوكم ذا ....... شيماء واسماء طلعوا في وجهها يركضون وهم يقولون زياد فيه زياد فيه طبعاً مايمديها زياد شافها ( طبعاً هو كم مره يشوفها بالصدف اللي زي كذا ) وصد عنها على طول وهي كالعاده من الفشيله تروح ركض لاي كان بس هالمره لانها سكنت عندهم راحت لغرفتها تركض دخلت وكان فيصل بالحمام ( اعزكم الله ) قال : منو اللي دخل نوف وهي ووجها رايح احمر من الفشيله : انا يعني من بيكون فيصل : قايل لك مردك لي فاهمه بس مو مصدفتني نوف : والله انك رايق اسكت بس فيصل حس انها متضايقه وطلع بسرعه من الحمام : وش فيك نوف : مافيني شيء فيصل : وجهك قالب الوان وش صاير علميني نوف : دخلت على البنات وانا اضحك عليك يوم تهددني وتريق علي الا طلع زياد جالس معهم والبنات كلهم قاموا علي زياد فيه زياد فيه وانا ماسمعت الا اخر شيء فيصل : ههههههههههههههههههههههه طيب عادي نوف : لا حرام عليك وش عادي كل ما اجي لبيتكم الاقي نفسي ناطه في خشته مره المطبخ مره الصاله مره مجلس الرجال كاني بزر في كل مكان تلاقيني فيصل : هههههههههههه ازين ليش تتريقين علي .. ويمد لسانه عليها ويطلع بيروح لغرفة خواته عشان زياد هناك ويلاقي شيماء طالعه من الغرفه فيصل : وين رايحه شيماء : لزوجتك الهبله اللي داخله مبسوطه خخخخخخخخخخ فيصل : هههههههههههه زياد للحين هنا شيماء : ايه ... وهي تطول صووتها زياد اسماء غيروا السالفه ترى فيصل جاء وفيصل يدخل وهو يضحك زياد مسوي يغير السالفه كانه في شيء نقوله : واقولك والمنتخب السعودي للحين يدور مدرب مالقوا اسماء وهي مسويه داخله جو ههههههه : بالله طيب وش المنتخب اللي عنده مدرب زين وناخذه منهم فيصل : هههههههههههه وانت خبل مالقيت الا ذي تسولف بالكوره ماتعرف تصرف زياد : ههههههههههه وش اسووي خبله ماتعرف تقول كلمه زينه هههههههههههههههههه اسماء : لا والله جالسه بينكم وكل واحد يسب من جهه خبله خبله شوفوا وجيهكم انت وياه يا تيمون وبومبا فيصل : ياشين البزارين مايعرفون الا افلام كرتون اسماء جت بترد عليه بس دق التليفون وردت : الوووو .... : هلا أسووووم اسماء : هلا والله بغدوو ( غاده صاحبتها ) فيصل وزياد جالسين يشوفون اختهم ويتبسمون غاده : How are you doing اسماء : I'm fine How are you فيصل وزياد قاموا يضحكون ويقولون لبعض بزارين طافين بالانجليزي طبعا هم معرفتهم ضعيفه واسماء شافت هالشيء وتبي تستلعن عليهم وماتبيهم يفهمون شيء غاده : I'm fine اسماء : Do you want to attend the marriage sister Abeer ( تبين تحضرين زواج اخت عبير ) غاده : Definite spirit of his ( أكيد بروح له ) And you ( وانتي ) اسماء : Yes غاده : OK I closed the phone Now ( طيب انا بسكر التليفون الحين ) اسماء : OK baaaaay ( اوكي باي ) غاده : baaaay ( باي ) اسماء سكرت التليفون وفيصل وزياد يصفقون ويصفرون ويسالون اختهم من وين لها هالانجليزي اسماء تمد بوزها وتقول : الحمد لله انو محد يعرف انكم اخواني ولا كان فضحتوني زياد مسكها وقام يضربها بمخده كان مستند عليها وفيصل يقول ايه اضربها اجل حنا فضيحه واسماء تقطعت من الضحك بمكـــان ثاني شيماء قالت لـ نوف سالفة اشواق وقالت خلاص عطيني رقم بيتهم قالت ليش قالت بس عطيني اياه شيماء : طيب بعطيك بس مابي مشاكل ولا ابي فيصل يدري نوف : ولا يهمك محد راح يدري ولا فيه مشاكل شيماء : مشكوووووره نوف نوف : لا عادي بس اهم شيء لا تقولين لها شيء ولاتكلمينها واذا كلمتك هي او دقت هاتي جوالك او التليفون وانا اوريك فيها شيماء : طيب وقاموا يسولفون عن العطله والصيفيه ومدري شنو وانتوا اعرف بسواليف البنات هههههههههههه دارت الايام وراح على هالوضع اكثر من اسبوعين واشياء كثيره صارت عادل كان يتراسل يومياً مع ساره من اجل الفوتشوب وبعض الاحيان يسولفون باليوم تصير بينهم اكثر من 10 رسايل كحد ادنى وصاروا يتكلمون باريحيه مع بعض عادل بداء بالمسابقة وانتهى اكثر من 16 عضو وعضوه بتجميع القصايد وطبعاً في ثلاثة اعضاء معه هم لجنة التحكيم يعني كل واحد يرسل 13 اسم عضو وهو يختار منهم اكثر 10 متكررين وبعد مابداء التصويت بيومين وباقي اربع ايام على نهاية التصويت مادخل عادل قالت ساره اكيد انه انشغل ومن بكرى بعد مادخل واللي بعده برضوا وبعد ثالث يوم دخل عادل بنك خويه فهد ونزل موضوع : السلام عليكم ورحمة الله وبركاته قال تعالى ( وبشر الصابرين الذين إذا أصابتهم مصيبة قالوا إنا لله وإنا إليه راجعون ) اخواني أخواتي قبل ثلاث ايام أخونا الجرح القديم كان عائداً من القصيم ومعه أحد أصحابه ووقع عليهم حادث مروري أخونا الجرح القديم فالعناية المركزه من وقت الحادث وامس طلع لغرفة التنويم والحمد لله طيب اسال الله ان يشافيه ويعافيه ويرده لإهله سالماً معافى وبالنسبه لصاحبه اللي معه بالسياره فلقد توفي رحمة الله عليه واسال الله ان يسكنه فسيح جناته وان يلهم اهله الصبر والسلوان وبالنسبه للمسابقه بعد نهاية الوقت المحدد لتصويت راح نوقفه ونشوف الثلاثه الآوائل ونحتفظ باسمائهم ويتم تسليمهم المبلغ باذن الله بعد رجوع اخونا الجرح القديم الاعضاء قاموا يقرون الخبر واللي انصدم واللي ماقدر يكب كلمتين على بعض لانهم ماعرفوا هالانسان الا بطيبته وروحه الحلوه صحيح انه اغلب وقته مايدخل مع الاعضاء بسواليفهم ونقاشهم بس لو دخل يدخل باسلوب هاديء ويطلع ماعلينا من الاعضاء كلهم اهم شيء ساره ماقراته للحين ووش راح يكون وضعها لو قراته هي بتتاثر او لا شروق لها اسبوعين تدق على سلمان مقفل جواله وكانت تسال عنه زياد زياد يقول والله مدري عنه انا ادق عليه مقفل وكل مارحت لبيتهم يقولي اخوه هو طيب بس جواله خربان وسافر بدون جواله وانا ادري كذاب بس مدري وش فيه شروق كانت عارفه بعد انه يكذب بس خافت عليه ولا تدري وش تسووي وقالت خل اصبر لين يرجع واشوف وش فيه وسلمان مقفل جواله من القهر اللي حس فيه وطنش العالم كلهم وقايل لأهله اي واحد يسال عني قولوا سافر مع ولد خاله لجده واحد من اخوياء ولد خالي صاير عليه حادث وهو اصلن ببيتهم ملكه الانسان اللي كان يزعجها ماعاد دق وملكه مرتاحه بالحيل هي مامسحت بعض رسايله عشانها حلوه بس حفظتها بالمسووده بدون رقمه شيماء اشواق ارسلت لها رساله وقالت انا اسفه وماكان لها داعي بنت عمك تكلم امي ولا راح ادق باي شيماء سالت نوف قالت نوف ماقلت شيء بس دقيت على امها وقلت لها اللي قلته واشواق ذي ماراح يجيها شيء بس امها راح تخليها ماتدق ابد شيماء : ايه هي خلاص ارسلت تقول موب داقه ابد هههههههههه نوف : ازين خخخخخخخخخخخخخخ ابو شروق نجوى زوجته الثانيه وولدها امجد للحين موجودين ماراحو وشروق ماتدري وش تسوي بموضوع ابوها وابوها ماعرف انه شروق درت اصلن وكان مرتاح باله اشواق جتها امها مره وقالت لها انتي تعرفين بنت اسمها شيماء قالت اشواق ايه قالت امها لاتمشين معها ولاتكلمينها هالبنت دقت بنت عمها وقالت البنت امها ميته وابوها ميت وماعندها غير اخوانها ولو بنتكم رجعت تدق على بنتنا او تكلمها بالمدرسه بعلم اخوانها ان بنتكم ( وخافت نوف تقول لام شروق انها بويه قالت تميل للبنات وشيماء متضايقه ) وتراها تسبك عندهم وانتي انتبهي على نفسك ولا ترى بؤريك الشغل اشواق اسكتت وانقهرت من شيماء وقالت لها طيب وهي حاقده عليها امجاد وولد خالها للحين ماتدري وش بينه وبين امها وامجاد صايره تشوف رقم يزيد دايم بالمستلمه و الصادره ووش السالفه ماتدري ووبطنها مغصها لانها اذا خافت من شيء بطنها يمغصها الساعه الحين 1 ونص بالليل دخلت ساره النت وفتحت المسن وسواليف وضحك مع البنات وبعد ربع ساعه دخلت المنتدى ولقت رساله توجيهيه من إداراة المنتدى لكل اعضاء المنتدى لموضوع الجرح القديم دخلت وقرات الموضوع وانصدمت من الكلام المكتوب كيف حادث ومات وبالعناية وادعوا له تلخبطت الامرو عندها مع انها قاريته بس كانها ماتشوف غير حادثه بس كيف بالمستشفى ياويلي فيه شيء ولا مافيه وتروح على طول وتكتب رد اخوي تكفى طمني عليه فيه شيء او لا امانه لاتكذب وجت بتضغط اضافة رد وخافت انه ينكشف امر اهتمامها فيه اللي هي مو عارفه سر الاهتمام ذا سكتت وراحت على طول لفهد وارسلت له رساله خاصه السلام عليكم اخوي كيف حالك اسفه بس ماكان ودي اسالك قدام الاعضاء تكفى طمني عليه وشلونه وفيه شيء او لا امانه لاتخبي شيء عني تكفى ارسلت له هالرساله وهي كانت تبكي بقلبها ودموعها لحد الحين في محجر عيونها كانت خايفه وليش ماتدري بس الخوف اللي فيها خلاها تنتظر الرد سبع دقايق وكانها سبع ساعات جاها الرد كاتب فيه ( طبعاً اللي كاتب الرد هو نفسه عادل داخل من نك خويه فهد وقاله اليوم كله لي ماراح اسوي شيء واتفقوا ) وعليكم السلام انا الحمد لله بس مانيب مرتاح وصاحبي بالمشفى هو طيب ان شاء الله بس عنده كسر فيده اليسار ورجله فيها شعر وكدمات بالوجه والظهر ويقول الدكتور مايتحرك الا بعد اسبوعين وجلسته هنا كلها اسبوعين بالمشفى وضايق صدره بالحيل وبصراحه جالس يبكي بس لانه فقد خويه اللي بالسياره وللمعلوميه ذا ثاني واحد من اخوياه يموت والله اليوم كله عجزنا نسكته بس متاثر حيل ربك يعينه ان شاء الله على طول اكتبت له طيب والا متى بتخلونه كذا متاثر تكفى ودي اتطمن عليه خذ اللاب وكونكت ورح له تكفى علشاني قراء كلامها وضحك ثم كتب كيف تبيني اروح له الحين صعبه مقدر اللي مرافق واحد ثاني مقدر اطلعه وبعدين صعبه يكتب اقولك يده اليسرى مكسوره واكيد ماهو رايق لاي احد يكلمه اسف اختي بس اتكلم جد ماراح يقبل دامه ماقبل من اخته ارسل لها هالكلام وقرأته وانقهرت كثير وتعبت من التفكير وماتدري وش تسووي تفكر وتبكي تفكر وتبكي وبالاخير قالت اقوله وامري لله اهم شيء اتطمن عليه ارسلت له اسفه اخوي بس انت تعرف المرافق اللي معه قراء كلامها واستغرب من هالسؤال ورد عليها ايه صاحبي ليش هالسؤال ردت عليه ممكن تعطيني رقمه بكلم الجرح القديم ضروري تكفى عادل قراء كلامها وانصدم ماتوقع انها بتقول هالكلام وبهالسهوله ارسل لها اسف اختي سوارة انتي عزيزه وغاليه بس مقدر اسوي شيء دون اذنه وبعدين هو ما اذكر يكلم بنات يعني بي وقت اعطيك رقمه بيزعل قرت كلامه وانقهرت ارسلت له اسفه بس ماراح يزعل بقوله اني جبته بس ماراح اقول من وين قراء كلامها وضحك ثم ارسل لها مافيه غيري لاني انا الوحيد اللي معي رقمه بهالمنتدى قرت كلامه وانقهرت ثم كتبت له طيب وش الحل ؟ انا ابيه ضروري ارسل لها طيب شوفي بكلم صاحبه واخليه يعطيني اياه واقوله اذا وافق بقولك قرت كلامه وخلته ما ارسلت تبي تشوف وش رده بعد ربع ساعه ارسل لها رساله ؟؟؟؟؟ بصرآحه غريبه انتي وغريب هو على العموم انا قلت له وقال عادي وقلت له ترى بتدق الحين اكيد عادي قال ايه على العموم هذا رقم صاحبه ********05 ( طبعاً كاتب رقمه هو ) وانتي ارسلي لي اخر ثلاث ارقام من جوالك عشان اعطيه صاحبي وهو يخلي عادل يرد عليك اخذت ساره الرقم وعلى طول ارسلت له رساله طيب مشكور هذا اخر ثلاث ارقام من جوالي 776 ممكن طلب لاحد يدري عن اللي دار بيني وبينك ممكن قراء كلامها وارسل لها اووكي ابشري ودقي بعد ربع ساعه يمدي كلمته وقلت له بعد ربع ساعه ساره في تردد تدق او لا خوفها من ربها ونظرة الناس لها امها اخوها وشلون يتقبل الوضع لو دروا عنها انها كلمت واحد فالنهايه ابليس قدر يقنعها دقت ساره على عادل وهي مرتبكه وخايفه ولأول مره تتصل فشخص غريب وهي تبي تتكلم معه وصايره تعرق والجو عندها حر مع ان المكيف شغال بس من خوفها صارت تحس بالحر بعد ثلاث رنات رد صوت رجولي باين عليه التعب ( طبعاً مصطنع ) آنتهى الجــزء الـــرآبـــع توقعــآتكم وآرآكم ولاتنسووون تراء هالروايه واقعيه وليست من نسج الخيــآل ( ماعدا بعض التفآصيل وبعض الأشياء والشخصيات ) | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
