فى تعليق ليكى يا نرمين ذكرتى أن جورى و سارى و آسيا ثلاث جوارى بثياب ملكية و الثلاثة اتربوا على أنهن جوارى و مهما حاولن التمرد زى آسيا أو الهروب مع خيالها و كتبها زى جورى لكن فى الآخر لا يملكن حق تقرير مصيرهن و آسيا لما حاولت و هربت أخطئت لانها للاسف اتربت على انها مش من حقها تقرر أو تتخذ قرار فأخطئت .
و رقية ملكة اتربت على انها ملكة و عاشت كملكة و ياسين و بطبيعته تعامل معاها كملكة و من تصرف ياسين معاها و حنانه عرفت سبب حبها له و حب آسيا المجنون له " حنانه و معاملته " سواء مع رقية أو آسيا و منحهن الحرية بحزم مع حنانه الملحوظ .
مارية نوع تانى من الجوارى بس للاسف هى ضحية هنا اختلاف الديانات و الثقافات بس هى محظوظة لأنها تملك الخيار و فى اللى بيساعدها و ممكن تخلع عنها عباءة الجوارى لو هى رغبت .
الحقيقة التربية لها دور كبير جداً فى خلق شخصية الفتاة و كونها تتعامل كجارية أو كملكة بس ما قدرش انكر دور الرجل فى خلق شخصيتها دى و ده فى حد ذاته مستفزنى قاسم النجدى تعامل مع فريدة و بناتها كجوارى و والد رقية تعامل معها كملكة و والد مارية كان سلبى معاها و خلاها تايهة و يمكن جود حمزة معاها يخرجها من التوهان اللى هى فيه .
و عمار بالرغم من خشونته و تخلفه فى التعليم بس يمكن بحبه لجورى ينجح معاها و يخليها تخلع عباءة الجوارى .
تسلم ايدك يا نرمين على الفصل الرائع و التفكير اللى بتاخدينا فيه و اعذرينى على مرورى المتأخر |