المشاركة الأصلية كتبت بواسطة muslema13 (المشاركة 11440049)

مرحبا نيمو
فصلين ولا أروع

انا اسوء شخص في المواعيد

بس راح اكفر عن ذنبي بمداخله غير عن الي فاتت

في صحراء قاحلة
صفراء لا تسمع بها إلا زمجرة رياح عاتية
وقف عمار تحت شجرة يتيمة باسقة
كانت ذات يوما تحمل ثمار سدر ناضجة
يناجي ربه أن يمنحه عواطف دافئة
يهبها جويرية فتكون عروشها على مياه دافقة
فصرخت به السدرة وهي واجفه
ايااااااك!
ليس هذا مطلب الفاتنة
أنها أضعف من أن تتحمل حكايا حب تصمها بعشق الجارية
هي ملكة ترفل بثياب اغتصبت لها ولبستها وهى لرأسها حانية
ليس بها قوة الملوك لتصدر احكام ولو جائرة
هي ملكة تحتاج قوة جيوش ضارية
و لن تجدها إلا على صدرك و يديك تكبلها وهي من قهر باكيه
ساعتها
سيتكسر ضعفها كـ قشرة بيضة واهية
سلقتها نارا حامية
فحولت رقتها إلى قوة جابرة
فلا تحزن أو تيأس
فتلك الجبارة لك ناهشة
لتخرج اسير الحب من بين خشونة ولدت بها ووصمت طباعك انها قاسية


عمار كده دخل مزاجي و مزجني اكتر من كباية الكابتشينو الي بردت
بس سيبك منه خليني بالبنات
جواري؟
لا استحاله
لما يردن أن يكونوا جواري؟
الا يرون الرجال مستعبدين لرغبة الجد!

كما لم ترفضن انتن و امكن الرجال لم يرفضوا وهم بين المطرقة و السنديان
ياسين ترك من يظن انه يعشقها
وحذيفه سيجبر على ساري وهو للامر بقبول
و ها أنت فقط يا جويرية من تبحث عن الاعذار لتكون من الفلول

لما ياجويرية؟
نسييها شويه برضو عيانه و زعلانه حكون انا و نيمو عليها حرام برضو

تعالي يا ست اسيا
قال انتحرتي؟
كخخخخخ
ليه بس هو فيه جارية تنتحر!
حتى الملكات لا ينتحرن إلا عندما يفقدن العرش و يخافن الاسر و انت لم تمتلكي بعد العرش لتنتحري
ولن تقتلي بسهوله
فتاة فاتنه تملك شهادة طب ووظيفه عن قريب و تحررت من زيجة و لن تقبل بزيجة اخرى
الانتحار هنا سيكون مجرد مسكن لالم
لمن؟
لا
ربما هو ذر رماد في العيون
لما؟
لتشوش الرؤيا و يتوقف البحث
من الذي سيتوقف؟
الجد
وياسين؟
تزوج وانتهى الامر و اي تفاعل مع الحدث سيكون وصمة عار عليه وعلى الجد و عائلة زوجته رقيه
قد يأتي حمزة!
وان اتى مالجديد؟ وعمن سيبحث؟
عن طفلة لا يتذكرها
قد يفرح هو ايضا بتحرره منها

لمصلحة من خبر الانتحار؟

لنعد لليلة زفاف ياسين وراقيه
من الراقصة؟
وكيف كتم امر الفضيحة؟
لتكون الراقصة منتحرة كعروس النيل لكن لا تظهر جثة هامدة
ربما امر الانتحار حيلة من والد رقيه فهو اب حنون و رجل اعمال نبيه و سياسي قدير لن تضحك عليه رقيه بعد دموع جارية فاجأته او لم تفاجأه
فما حصل لن تعديه ملكة كـ رقيه
الا ان الملكات امثالها لا يشتكين ولا يطلبن العون الا بعد الانهيار
وهو لا يريد لها اي شرخ فاختفاء الراقصة يعد بحياة مستقرة ولو برياح ساخنه
فلتكن ابنته ملكه بلا جيوش مغايرة
وليقص جناح العاشق ليستقر باقفاص يتمناه غيره بروح طامعة

وجهة نظري فقط
بحب افتري على خلق الله
كخخخخ

نروح للمسترجلة البت مقصوفة الرقبة دي
جينز و هندسة و لا مهتمه بالجدع الي عامل سرمحه و مع كل بنت متسرمحه
وهو خايف لا تروح تنم عليه للجد يديه علقه او يجبره على جوازه تجيب اجله
طب ماهوه ناوي يكمل المشوار كنت تحت اباطه ولا على الرف
مستكبره على ايه ياختي
لا لا موش كده استهدي بالله و اسمعيني كده
انت كـ انثى موش محل اي اهتمام ليه
معليش كلامي زي السم بس اعتبريه دواء مر
ليه بقول كده
لان الستات حوليه زي الفراش بتتحلق حوليه اما لانه دون جوان او لانه ابن النجدي او هي صياعه وبس
والطيور على اشكالها تقع
يعني بين قوسين هو شبعان من الناحية دي فلو كنت مارلين مورو موش حيهتم بالامر
فأنت اثبتي على الي انت فيه
بنت بس زي عشر ولاد
ماشيه بثقه
ناجحه بدراستها
رافعه راس مامتها وجدها
عكسه تمام
متسرمح فاشل
مدلدل راس عيلته و متشعبط بحيلة البت الي انتحرت
انت زعلانه عشان ما جه يعزي
ماجايز مستنيكم تيجو تبوسوا ايده عشان يسامحكم على البلوه دي
حاكم ياختي العيال دول فكرهم عجب

بس انتبهي هو هدفه الان انه يكسرك
موش عشان هو يكرهك
ابدا
هو بس عايز يكسر عين جدك الي تقارنه بيكي
روحي ياشيخه ينصرك ربنا ناصر الولايا المستضعفين

حمزة
سامع البت الدكتوره تقولك ايه
ابوها العربي المصري المسلم مهتمش يعلمها لغة و قران و علمها ان البكارة لا تتمس ولا تتهان
زي جدك و تفكيره
لا فكر بحلال ولا حرام
المهم يلم شمل العيلة يا حرام
و عشان العيلة تتلم كنت انت الضحية
الي تطلع بره البلد عشان لا يقتلوك
وكمان بنت عمك الي ليك محجوزة اووووبا انتحرت بلا سبب
يعني رضيت بالهم و الهم مرضيش بيك يا دوك
تروح لمين؟
للدكتوره الي متعرفش عنها الا انها عذراء
والي التزمت تعلمها الدين و اللغة
طب افهم حاجة بس
لو فهمتها الدين حتفهمها على المذاهب المعروفه و على مشاعر و عقائد جدك العقيمة
ماهو انت في يوم حترجع و ايدك بأيدها تذبح فريدة مرتين
والبت حتفهم اللغة الي درستهالها و حتقارن باللغة الي تسمعها
يا ترى حتندم انها سابت اندي؟
اه والله انا كان نفسي اشوف حفلة ميلاده و .. يالله خيرها بغيرها

بتاعة بدر دي حتجنني يا نيمو
انت مااااالك وماله حتى لو موتي تحرميه من ذكريات ليه
ايه الحب المالح ده
يعني لما باباكي مات او مامتك نسيتيهم عشان مفيش تصاوير و ذكريات
القلب زي الدكان و كل شخص ليه مكان
ولو حب بنت غيرك و هو موش مضبوط جايز يتوكس الواد و يضيع بالرجلين
و لو محبش الي حتجوزيه اياها و تدبسيه بيها حتتورط هي بالواد و تربيه غصبن عنها مثلا
فوووووقي يا ماما و متدخليش بالاقدار
سيبها على ربنا و كملي جنتك بالدنيا يالله بلاش هبل


نرجع للست جويرية
بتخافي منه من صغرك
وهو يستغل الخوف و يرعبك عشان يضحك
طب سؤال بس كده
كان الخوف ده قبل قرار الجد او قبليه
ايه؟
الجواب مهم؟
اكيد مهم والا مكنتش سألت شايفاني فاضيه موريش غيرك يا هانم!
مهو لو كان قبل كده لكان خوفك استدراج ليه
تقولي انا هوه ضعيفه محتاجة من يحميني
اهوه شوفتي ياقوي يا كبير

ولو كان بعد القرار
كنت حتقولي ايه؟
انا ضعيفه منفعكش ابعد عني دور على حد يستحملك

في الحالة الاولى انت تحبيه و عاجبك قوته و كأن القوة دي ... اقولها ازاي؟
اقعد جنب الرامي حتى ماتصيبك طيش سهامه
وفي الحالة الثانية
انت بتظهري خوف عشان يزهق منك و يظهر قوته لجدكم ويقول خايبة متنفعنيش

وفي كلا الحالتين انت فاكرة نفسك حتهربي من القيد بالحيلة
لكن على مين؟
دا بيحبك
عارفه يعني ايه واحد قوي متسلط ميعرفش ابجدية العشق يهوي في نار الحب؟
دا محتاج يقاوم قلبه موش جدك
دا محتاج مغامرة يقربك منه بكل ضعفك وخوفك ورعشتك ليدفيكي بنار غرامه والا النار حتحرقه


ههههههههههههههههههه
خلصت وربنا يانيمو تعليق متعوب عليه مابين فلسفه و تحليل و طبل بلدي حتى الشعر دخلته فيه

يارب تسامحيني كده
واهي الخاطرة كمان متصممة




https://store2.up-00.com/2016-07/1468737786751.gif

المشاركة الأصلية كتبت بواسطة noor1984 (المشاركة 11405762)

https://upload.rewity.com/upfiles/2DZ27382.gif

الفصل الأول
المحتوى المخفي لايقتبس