آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-07-16, 08:59 AM
| #21 | ||||||||
| مراقبة عامة ومشرفة منتدى الروايات المنقولة  
|  الحلقة الاخيرة حبيبى انا ملكك وحدك استقيظت سلمى صباحا لم تجد جاسر بجوارها وجدته يقف فى شرفة الغرفة شاردا يدخن سيجارته وقفت خلفه ونزعت منه السيجارة:حد يشرب سجاير الصبح كده التف اليها مبتسما:صباح الخير يا حبيبتى سلمى:صباح الخير يا عمرى ايه مالك فى ايه جاسر:لا يا حبيبتى مفيش حاجة انا كويس سلمى:لالا حبيبى وانا عارفاه فى حاجة مزعلاك صح جاسر:سلمى مفيش صدقينى انا كويس سلمى:طيب وغلاوتى عندك مالك بقى جاسربنفاذ صبر:يووه يا سلمى خلاص قلت مفيش حاجة انتفضت من صوته وعصبيته:طيب خلاص انا اسفة تركته وذهبت لتستحم وتتوضا وهو يلوم نفسه على عصبيته معها امسك بهاتفه واجرى اتصالا بهاشم ليعرف منه اخر الاخبار جاسر:ايوه يا هاشم ايه الكلام اللى فى الجرايد ده هاشم:والله يا جاسر مش عارف اقولك ايه ....جارتها قالت انكم كنتم متجوزين عرفى وفى نفس الوقت على علاقة بهانى يعنى فضيحة من كله مسح جاسر على شعره بعصبية شديدة:يعنى ايه حتة بت زى دى هتفضحنا كده هاشم:والله يا جاسر انا مش عارف حتى فريد قالى نروح نقولها كلمتين ولا نديها فلوس وتشهد بالحق بس انا خفت جاسر:لالالا اوعى يا هاشم احنا معملناش حاجة غلط ولا بندارى على نفسنا ..... هاشم:جاسر انا عايز اقولك على حاجة جاسر:فى ايه ياهاشم هاشم:اصل بصراحة طلبينك فى النيابة انت وسلمى جاسر:ايه وسلمى مالها تدخل نيابة واقسام ليه هاشم:للاسف النيابة عرفت انكم كنتم متطلقين بسبب حكاية جودى وانك اتجوزتها عرفى وبعد كده رجعتوا لبعض تانى عشان كده عايزين سلمى وانت تجيوا عشان يحققوا معاكم جاسر:لاحول ولا قوة الابالله طيب يا هاشم طيب ربنا يسهل انهى الاتصال نظر اليها وهى ترتدى الاسدال وتقف لتصلى وراى عيونها الدامعة ظل ينظر اليها حتى انتهت قامت لتضع سجادة الصلاة ولم تنظر اليه جاسر:طيب مش غلط اللى يعيط فى الحمام سلمى:ومين قالك انى عيطت وقف امامها :العيون الحلوة اللى بقت حمرا من كتر العياط سلمى:لا مفيش حاجة انا عنيا بس تعبانة شوية رفع وجهها اليه:هتكدبى عليا ياسلمى.........انا عارف انى زعلتك .......بس انتى متعرفيش انا تعبان ازاى سلمى:وانا كنت عايزة افرحك مش ازعلك منى جاسر:عارف ياحبيبتى عارف .....سلمى انا وانتى مطلوبين للتحقيق فى قضية جودى سلمى:ايه ......ليه واحنا مالنا جاسر:يظهران جارتها اللى كانت طلبتنى قبل كده عايزة فلوس راحت للنيابة وقالت انى كنت متجوزها عرفى وكانت على علاقة بهانى بنفس الوقت وانا وانتى اطلقنا بسببها سلمى:طيب وانت ايه اللى يخوفك جاسر:انا مش خايف بس الكلام ده هيضر بينا كلنا والورقة صحيح اتقطعت بس الخوف من كلام هانى ليصدق على الكلام ده سلمى:حبيبى بايدك الحل ناسيه ليه جاسرباندهاش:قصدك ايه سلمى:قصدى الفيديو اللى انت صورته لجودى وهانى واعترفت فيه ان هانى عمل كده عشان انا وانت نتطلق ضرب جاسر على جبينه:صحيح انا ازاى كنت ناسى الشريط ده سلمى:عشان مضغوط بس ومتعصب مش عارف تفكر كويس جاسر:حبيبتى انا عارف ان احنا ملحقناش ناخد اجازتنا براحتنا بس لازم ننزل عشان تحقيقات النيابة سلمى:خلاص يا حبيبى ولا يهمك بس انت توعدنى نيجى تانى جاسر:طبعا باذن الله هناخد اجازة طويلة انا وانتى بس نخلص من الموضوع ده والدنيا تمشى على خير بدات التحقيقات مع جاسر وسلمى وعرض محامى جاسر شريط الفيديو الذى تم تصويره لجودى تعترف انها لم تتزوج من جاسر ولكن كان باتفاق مع هانى حتى ينفصل جاسر وسلمى خرج جاسر من مكتب النائب العام مع سلمى وهانى يقف امامهم اقتربت سلمى من جاسر خائفة ضمها بيده وهانى ينظر اليهم شمتان فيا يا جاسر جاسر:تفتكر ايه اللى ممكن اعمله معاك يا هانى بعد اللى انت عملته فيا ...انا مش شمتان فيك بس عايز اقولك ان ده عقاب ربنا على كل اللى انت وابوك عملتوه من فلوس حرام لغل وكره تقدر تقولى كسبت ايه ولا حاجة .......غير انك ممكن تقضى بقية عمرك فى السجن وضيعت شبابك .......توب لربنا يا هانى واطلب منه الرحمة والمغفرة على كل اللى عملته ........استغفره كتير يا هانى يمكن يقبل توبتك بعد مدة حكم على هانى بالسجن مدة عشرون عاما ولم يستطيع حامد الاحتمال اكثر من ذلك فتوفى بالسكتة القلبية وترك زوجته وابنته وحيدتان ولكن فاروق لم يتركهم واخذهم للعيش معه فى منزله اما جاسر وسلمى مر على زواجهم حوالى عام كامل كانا ينعمان بالحب والمودة بينهم وكان سعيدا بها وهو يرى حبها له ولامه واخواته كان يجلس فى مكتبه وجد هاشم يدخل عليه بفرحة:جاسر باركلى يا جاسر باركلى جاسر باندهاش:مبروك بس على ايه هاشم:دعاء حامل يا جاسر قام جاسر من مكتبه يحتضن اخيه بفرحة شديدة:الف الف مبروك يا حبيبى .....عرفت امتى هاشم:لسه دلوقتى حالا جبتها من عند الدكتورروحتها البيت وجيت عليك على طول جاسر:اخير ا هيبقى عندنا عيال فى البيت هاشم:عقبالك انت كمان ايه مش ناوى جاسر:هو بايدى ده بايد ربنا يا هاشم هاشم:عندك حق بقالنا مدة عند الدكاترة وعلاج وغيره لحد ربنا مااراد جاسر:ربنا يبارلك فيه ودعاء تقوم بالسلامة ان شاء الله هاشم:يارب .....بقولك ايه انا جازة النهاردة ممكن جاسر:بقى كده ماشى يا سيدى عشان خاطر عتريس بس ياابو عتريس هاشم:طيب سلام يا عم عتريس تركه وغادر وهو يدعو الله ان ينعم عليه بالخلف الصالح فرح الجميع بخبر حمل دعاء واجتمع البيت حولها بهيرة:مبروك يابنتى ربنا يكملك على خير دعاء:الله يبارك فيكى ياماما سلمى:مبروك يا دودو ربنا يقومك بالسلامة يا حبيبتى دعاء:الله يبارك فيكى يا سمسم عقبالك ان شاء الله بهيرة:يارب وتبقوا انتوا الاتنين حوامل مع بعض انتوا الاتنين والدة دعاء كانت جالسة معهم اخذت دعاء وصعدت الى شقتها اتملى عليها نصائحها التى ملت منها دعاء يا ماما حاضر هاخد بالى من نفسى ومش هنزل كتير ومش هشيل حاجة تقيلة والدتها:اه وخدى بالك من البت اللى اسمها سلمى دى دعاء:سلمى مالها فى ايه والدتها:يا حبيبتى تلاقيها غيرانة منك عشان لسه محملتش دعاء:ايه يا ماما سلمى لاطبعا ثم انا بقالى مدة كبيرة بدور على الحمل وهى لسه بقالها سنة بس هتغير منى ليه بقى والدتها:ماهو كده الغيرة تعمى القلب خدى بالك لتاذيكى ولا تاذى اللى فى بطنك عشان تفضلى كده وانتى وهاشم من غير خلف وهى تخلف وتبقى الكل فى الكل دعاء:لالا يا ماما دى بتحبنى اوى والدتها:اسمعى كلام امك .....وخدى بالك من نفسم ومن اللى فى بطنك الناس بقت وحشة اوى يا بنتى سيطر على دعاء حديث والدتها ان من الممكن ان تاذيها سلمى وتاذى جنينها غيرة منها كانت تخاف ان تقابلها عندما يجتمع الكل وخصوصا باقتراب زفاف حنين وسالى الذى اصرت الاختان ان يقام الزفاف سويا كانت سلمى تخرج معهم ويجهزون احتياجاتهم للزواج زيوما عادوا وكانت دعاء تجلس مع بهيرة ووالدتها القوا عليهم السلام ودخلت حنين وسالى بالاكياس الى غرفهم وظلت سلمى معهم ناهد والدة دعاء:مش عيب يدخلوا كده بالحاجة واحنا قاعدين هو احنا هناخد منها حاجة ولا ايه بهيرة:ايه يا ناهد فى ايه جايين تعبانين من المشاوير ثم يعنى دى حاجات خاصة بيهم مينفعش حد يشوفها ناهد:ليه هنحسدهم ولا ايه سلمى:لايا طنط ماما متقصدش طبعا ثم يعنى ممكن يتحرجوا يوراها لحد وكده .......عن اذنكم اطلع اغير هدومى قبل جاسر ما يرجع من الشغل وضعت يدها على بطن دعاء:ازى عتريس ياام عتريس وقف ناهد تنزع يدها :ابعدى انتى عايزة تسقطيها صدمت سلمى وبهيرة من موقف ناهد :لايا طنط انا مقصدش والله انا بهزر معاها على طول كده عادى يعنى ناهد:لايا حبيبتى مش عادى انتى غيرانة منها بقالك سنة متجوزة ومفيش حمل تبقى غيرانة ولاايه بهيرة:عيب الكلام ده يا ناهد دعاء وسلمى اخوات ملوش لازمة الكلام ده ناهد:لايا بهيرة بنتى تعبت لحد ما ربنا رزقها بالحمل تيجى الست سلمى وعايزة تسقطها كان هاشم يدخل فى نفس اللحظة واستمع الى الجملة الاخيرة هو فى ايه ناهد:تعالى .....تعالى يا هاشم شوف الست سلمى عايزة تسقط دعاء بعد ما تعبتم لحد ربنا ما بعت الحمل ده هاشم:ايه تسقطها يعنى ايه بكت سلمى بحرقة:والله ياهاشم انا معملتش حاجة انا بهزر معاها عادى اسال ماما واسال دعاء بهيرة:انتى عايزة تولعى البيت يا ناهد ناهد:لايا حبيبتى انا خايفة على بنتى هاشم:كلنا خايفين عليها وسلمى ودعاء اخوات يعنى مستحيل تاذيها ولا ايه يا دعاء دعاء:يا ماما خلاص بقى فى ايه لده كله ماانا كويسة اهوو ناهد:اسكتى انتى دى غيرانة منك عشان مخلفتش لحد دلوقتى .....بكره جوزك يتجوز عليكى ويرميكى كان جاسر يقف خلفهم ويستمع الى حديثهم كاملا طيب وهاشم متجوزش على بنتك ليه ياام دعاء نظر اليه الجميع بارتباك نظر هو الى سلمى وراى احمرار عيونها من الدموع اقترب منها وضمها بذراعيه:على فكرة حتى لو مخلفتش مش هيفرق معايا ده انا معايا ست بالدنيا كلها ....ويا تقعدى فى البيت ده باحترامك يا مع الف سلامة ناهد:انتى بتطردنى يا جاسر جاسر:بغضب:اسمى باشمهندس جاسر مش جاسر بس ناهد:شوفتى ابنك يا بهيرة شوفتى يا دعاء .....هاشم اخوك طردنى من بيتك هاشم :ده مش بيتى لوحدى ده بيتنا كلنا وكلام اخويا الكبير يمشى على رقبتى دعاء:يعنى ايه هتتطردها يا هاشم هاشم"هى اللى بدات دعاء:لو خرجت انا همشى معاها بهيرة:اهدى يا دعاء تمشى فين سلمى:دعاء اهدى مينفعش دعاء:اه طبعا تعملى العملة وتتطلعى انتى الملاك البرئ مش كده جاسر:اتكلمى كويس يا دعاء ...بس انا مش هتكلم معاكى ليكى راجل هو يكلمك ......عن اذنكم التفت ناهد لتخرج اوقفتها دعاء:ماما استنى هاشم:دعاء لو خرجتى من الباب ده ورقتك هتحصلك بهيرة:ايه يا هاشم فى ايه هاشم:هو ده اللى عندى ناهد:خليكى يا حبيبتى واناما محدش يقدر يمنعنى عنك .....بس خلى بالك من نفسك لحد يحاول ياذيكى دخلت سلمى شقتها ودخلت غرفة نومها تبكى بشدة اقترب منها جاسر:ممكن اعرف بتعيطى ليه دلوقتى والله محدش يستاهل دموعك دى سلمى:والله يا جاسر انا معملتش حاجة ولا كنت اقصد طيب بتعايرنى ليه .....بس الحمل ده بايد ربنا جاسر:طبعا بايد ربنا وانا وانتى كشفنا ومفيش حد فينا عنده حاجة تمنع الحمل يبقى بتعيطى ليه بس سلمى:حاسة بالظلم اوى مع انى معملتش حاجة والله جلس بجوارها يضمها بقوة:عشان خاطرة بلاش دموعك دى انا بحبك اوى وقلبى بيوجعنى لو شفت دموعك .....عشان خاطرى خلاص بقى .....ثم يعنى خرجتى يعنى مفيش غدا سلمى:انت نسيت مش قولتلى هتجيب غدا وانت جاى ضرب على جبهته:"اوبااا نسيت يا سوسو والله ......طيب اقولك البسى وتعالى نتغدى بره سلمى:لا مليش مزاج جاسر:عشان خاطرى تزعلينى كده سلمى:حبيبى مقصدش والله.....بس مضايقة ومليش مزاج اخرج جذبها من يدها لتقف امام دولابها:لا بسرعة البسى انا ميت من الجوع بدل مااكلك انتى........وانسى اى حاجة تزعلك يا سلمى واللى بس يزعلك بكلمة .....سيبيه عليا القت بنفسها بين ذراعيه:حبيبى ربنا يخليك ليا انا مليش غيرك انت جاسر:وانا بحبك اوى ونفسى اسعدك ياسلمى سلمى:المهم انك معايا .....مفيش حاجة تسوى بعد كده جاء موعد زفاف حنين وسالى اقيم الحفل فى احد القاعات الجميلة البسيطة دقت الزفة طبولها وامسكت الاختين واحدة بيد جاسر والاخرى بيد هاشم ونزلوا سويا لعمرو وفريد ينتظرونهم وامسك كل واحد منهم بعروسه ظل جاسر ينظر اليهم بفرحة حتى اقتربت منه سلمى تمسك بذراعه:اليوم ده مش بيفكرك بحاجة ضمها اليه بحب:باحلى يوم فى عمرى يا عمرى العرايس الحلوين المقططين التف سويا ليجدوا ادهم خلفهم جاسر:حبيبى ياادهم فينك ياابنى ادهم:انا اهوو مبروك يا جاسر......مبروك يا سلمى جاسر:الله يبارك فيك ياادهم عقبالك ادهم:يارب ......انا نفسى مفتوحة على الجواز بس الاقى عروسة معندكيش عروسة لاخوكى يا سلمى سلمى:ندورلك ياادهم ادهم:طيب ادخل ادور انا يمكن الاقى موزة حلوة كده ضحك الاثنان ودخلا القاعة والجميع فى حالة من السعادة انتهى الحفل وعاد الجميع الى البيت رفع صوت اذان الفجر قامت سلمى لتصلى حاولت مع جاسر ان يقوم ولكنه كان متعبا للغاية من تجهيزات الزفاف تركته وقامت توضات وصلت وماان انتهت حتى سمعت صوت صراخ وقفت لتتاكدكان صوت دعاء تصرخ بشدة صعدت سلمى بسرعة فتح لهاهاشم وهو متوتر للغاية ايه يا هاشم:دعاء بتصرخ ليه هاشم:مش عارف ياسلمى تعبانة اوى وحصلها نزيف ولسه بدرى على الولادة سلمى:طيب اطلب الاسعاف بسرعة هاشم:طلبته وهما على وصول ذهبت لغرفة دعاء وجدتها تصرخ وتبكى من الالم جلست بجوارها:حبيبتى اهدى خلاص دعاء:هموت يا سلمى ......هموت سلمى:لالايا حبيبتى خيران شاء الله...... قامت بسرعة وضعت تحت قدميها وسادة عالية وجلست بجوارها تقرا لها بعض ايات من القراءن حتى وصلت الاسعاف حملوها وهى تصرخ وتبكى وهاشم يبكى بجوارها وانضمت اليهم بهيرة ذهبت معهم الى المشفى استقيظ جاسر على صوت الصراخ بحث عن سلمى لم يجدها بجواره قام سريعا وجده تدخل مسرعة :جاسر تعالى معايا بسرعة جاسر:اجى معاكى فين فى ايه وايه الصريخ ده سلمى:دعاء حصلها نزيف والاسعاف خدتها جاسر:يا ساتر يارب .....طيب ثوانى هالبس واروحلهم سلمى:هاجى معاك جاسر:بلاش يا سلمى امها اكيد هتيجى سلمى:مليش دعوة بحد انا هعمل الواجب وخلاص وصلت دعاء الى المشفى ودخلت غرفة العمليات وحضر جاسر وسلمى وظلوا مع هاشم وبهيرة وجاءت اليه ناهد ايضا خرج الطبيب :يا جماعة المدام نزفت كتير ومحتاجة نقل دم والكمية اللى هنا ....مش كافية جاسر:طيب فصليتها ايه يا دكتور الطبيب:فصليتها......ومش موجودة حاليا سلمى:انا نفس الفصيلة يا دكتور الطبيب بسرعة:طيب حضرتك بتشتكى من حاجة لان مفيش وقت لتحاليل سلمى:لالا انا الحمد لله كويسة يا دكتور الطبيب:طيب اتفضلى معايا امسكت بجاسرودخلت الى الغرفة لاخذ الدم وبعد فترة انتهوا وتم نقل الدم الى دعاء حاولت سلمى ان تقف ولكنها اغشى عليها فجاة انتفض جاسر وحملها الى السريرواخذ الطبيب يفحصها التف الى جاسر كان المفروض تعرفونى انها حامل يااستاذ نظراليه جاسر:مين اللى حامل الطبيب:المدام......حامل جاسر:سلمى.....سلمى حامل الطبيب:اه طبعا فى شهرين .......هو انت متعرفش ولا ايه ضحك جاسر بشدة:والله حامل الطبيب:لااله الا الله .......حامل شهرين اقبل عليه جاسر يقبله:ربنا يخليك.....طيب هيا هتفوق امتى الطبيب:انا هركب لها محاليل وان شاء الله هتبقى كويسة ظل جاسر بجوارها الى ان افاقت :حمد لله على السلامة يا حبيبتى سلمى:انا فين يا جاسر جاسر:احنا لسه فى المستشفى يا حبيبتى سلمى:طيب ايه اللى حصل اقترب منها يقبل كفها بحب:اللى حصل ان حبيبتى حامل سلمى:ايه بجد يا جاسر جاسر:بجد يا عمر جاسر اول مااخدوا منك الدم ......اغمى عليكى والدكتور كشف عليكى وقالى مبروك المدام حامل شهرين .....شوفنى بقى قامت تحنضنه بقوة :حبيبى انا فرحانة اوى يااااه يا جاسر شفت ربنا جاسر:قادر على كل شئ يا حبيبتى سلمى:طيب تعالى نروح نطمئن على دعاء جاسرتقومى فين ممنوع الحركة دلوقتى استريحى شوية هطئمن واجى اطمئنك اوعى تقومى حاضر يا حبيبى خرج جاسر اليهم :ايه يا جماعة ايه الاخبار دلوقتى هاشم:الحمدلله ولدت والبيبى بخير الحمد لله جاسر:الف مبروك يا هاشم يتربى فى عزك بهيرة:فين سلمى يا جاسر جاسر:سلمى تعبانة شوية ياماما بهيرة:ليه يابنى لما اخدوا منها الدم جاسر:ما هو نقل الدم عرفنا ان سلمى حامل بهيرة:ايه .....حامل جاسر:ايوه ياماما حامل شهرين بهيرة:حبيبى الف مبروك .......اناهروح اطمئن عليها احتضن هاشم جاسر:الف مبروك يا جاسر الف مبروك جاسر:الله يبارك فيك ياابو .......هو انت سميته ايه ابتسم هاشم:سميته جاسر احتضنه بقوة:الف مبروك يا ابو جاسر استردت دعاء صحتها وذهبت لسلمى تعتذر لها عما حدث منها ومن ناهد فيما مضى اجرت سلمى الكشف للتاكد من الحمل وعلمت انها حامل بتوام مما زاد سعادة جاسر فهو ايضا كان توما لجنا شقيقته وضعت سلمى اطفالها وسط فرحة من الجميع ورزقهم الله بامجد وهاشم بناء على رغبة جاسر التى لم تعصيها سلمى ابدا انجبت ايضا حنين وسالى بنتان وعاشا الجميع سعادة وفرحة خصوصا جاسر وسلمى كانا يعيشان سعادة بابناهما وينتظرون مولودا اخر وقف جاسر خلفها يحيطها بيده وعلى بطنها وهما ينظرون الى اطفالهم مع ابناء هاشم وحنين وسالى يلعبون سويا انا بحبك اوى يا سلمى وبحمد ربنا انك معايا يا عمرى سلمى:وانا مش بحبك اصلا جاسر:نعم ......ازاى يعنى سلمى:انا بموت فيك مش بحبك بس جذبها الى الداخل:طيب بماان العيال مشغولين مع بعض تعالى نحب فى بعض شوية سلمى:جاسر بس بقى العيال جاسر:عيال مين وبتاع مين سيبك منهم وخليكى معايا انا وبس سلمى:وانا معاك وملكك انت وبس جاسر:ربنا ما يحرمنى منك يااحلى واغلى حاجة حاجة فى حياتى النهـــــــــــــــــــــ ــــــــــــاية | ||||||||
|  |
|
27-10-17, 03:34 AM
| #29 | ||||
| مبدعه انتي اتقنتي كل حروف القصه بتشويق واحداث عايه بالروعه والجذب فرسمتي الشخصيات بحرفنه وعيشتينا معهم بكل احاسيسهم وادخلتينا معهم فشعرنا كم هي الروايه مترابطه بكل احداثها الرائعه وابطالنا المميزون جميعهم بصراحه من اروع ماقرات تسلم الانامل المبدعه موفقه يارب | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
