آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-07-16, 09:37 AM
| #21 | ||||||||
| مراقبة عامة ومشرفة منتدى الروايات المنقولة  
|  البــارت العشرون ليتــنا نســتطيع ان نعود بالزمن للوراء قليلا...هذا ما كانت تفكر به مها ..سيطر عليها شعور بالندم على قرارها بالزواج من حســـن ..هل ستقضى ما تبقى من حياتــها فى تدبير الخطط والحــيل ليقع فى حبــها؟!.بالتأكيد اذا عادت بالزمن للوراء قليللا كانت ستفكر مرار قبل ان تتزوج منه....كانت ايضــا ستفكر اميره قبل ان توافق على سفــر ايمن ..حتـــى مايسه كانت ستغير معاملتها لزوجها ولن تقوم هى بدوره بدلا منـــه ... كانت الساعه الحادية عشر حينما قالت اميره لوالدتها بقلق:-مش عارفه يا ماما مها اتاخرت كده ليه كانت متفقه معايا انها هتعدى تعد معايا وتسلم عليا مايسه ببساطه:-اتصلى بيها شوفيها فين بالفعل امسكت بهاتفها واتصــلت بها...كان حسن يمسك به ..ينتظر مها فى غرفة الكشف ..والقلق وتأنيب الضمير يسيطر عليه ..عندما وجد اسم اميره ...قرر ان لا يرد عليها ..ولكن عندما وجد اصرار منها ..قرر ان يجيبها ... اميره بلهفه:-ايوه يا مها ..مجتيش ليه يا بنتى حسن بارتباك:-انا حسن اميره بتعجب:-ازيك يا حسن ؟هيا مها فين ؟ حسن بارتباك اكثر ..بدأ العرق يتصبب من وجهه:-مها..مها نايمه اميره بتعجب :-نايمه؟! كانت قايله انها هتيجى تسللم عليا حسن :-اصل..اصل هيا قالت انها هتجيلك الصبح عشان كسلت اغلقت اميره الهاتف والقلق يجتاحها..قالت لوالدتها بقلق:-صوته مش مظبوط ..فيه حاجه غلط مايسه بقلق:-ازاى يعنى اميره بحيره:-مش عارفه ..استنى هنزل اروحلهم مايسه:-دلوقتى اميره بانفعال:-يا ماما دول العماره اللى قدامنا فيه ايه ..اسرعت بارتداء اسدالها وصعدت اتجاه منزل مها ...طرقت الباب عدة مرات ..لا يجيبها احد ..اتصلت مره اخرى بحسن وقالت بحده:-حسن انا واقفه عالباب افتحلى حسن بارتباك:-باب ايه اميره بانفعال؟:-قولى انتوا فين ..ومها فين دلوقتى لم يجد مفرا من ان يخبرها ..ولكن بالطبع لم يخبرها بأنه من تسبب فى انفعالها .. ************************************************** **** فى ذلك الوقـــت خرج الدكتور من غرفة الكشف وقال لحسن بانفعال :-مراتك كانت على وشك الاجهاض حسن بلهفه وقد دمعت عيناه:-هيا كويسه هدأ الدكتور قليلا وقال:-الاجنه كويسين ..يا استاذ حسن بس مراتك نفسيتها تعبانه فعلا ..انا ادتها حقنه مهدئه .. حسن بقلق:-انا ..انا ..هيا هتفوق امتى ؟ الدكتور:-ساعه وهتفوق ان شاء الله ..مينفعش تتعرض لأى مجهود لحد ما اول خمس شهور ان شاء الله يعدوا ..ثم اعطاه ورقه وتابع:-ديه مكتوب فيها التعليمات اللى المفروض تتبعها ..ممكن تخلى حد يجى يساعدها فى البيت اخذ منه الورقه ونظر ارضــا..جاءت اميره فى ذلك الوقت وقالت له بلهفه:-مها عامله ايه يا حسن حسن بحزن:-كويسه الحمد لله ..بس محتاجه راحه وكده اميره بلهفه:-طب يلا ندخل نشوفها حسن بأسف:-مش هينفع..الدكتور قال هتفوق بعد ساعه ان شاء الله ..طنط وعمو كويسين اميره:-سبت ماما مع على وبابا تابعت بحزن:-قالى اطمنه بالتليفون ..هتصل دلوقتى اهو مرت الســـاعه ببطئ شديد ..الى ان دخلت اميره ارتمت مها فى احضانها..ضمتها بقوه ..اخذت تبكى وتقول لها:-اميره ..متسافريش خليكى معايا .. اميره وهى تبكى:-ياريت كان ينفع يا حبيبتى..انتى كويسه طيب مها :-الحمد لله ثم تابعت بحيره:-هيا الساعه كام؟ حسن بلهفه:-الساعه واحده ونص هنا انتبهت فقط لوجوده وقالت لاميره :-طب يلا قومى يا اميره بسرعه ..الحقى ناميلك شويه هتسافرى بدرى اميره :-طب يلا قومى معايا نروح عند ماما ..اعدى شويه هناك لحد الشهور الاولى حسن بحده:-لاء طبعا ..احنا مروحين على بيتنا مها :-انا عايزه اروح عند ماما حسن بانفعال:-هنروح يا مها ولو تعبتى ابقى روحى اميره بانفعال:-يا اخى بقولك تعبانه ..لازم ترتاح تجاهلها وذهب ناحية مها وامسك ذراعيها برفق وقال:-يلا قومى يا مها براحه نروح ساروا معا واستقلوا السياره واميره تنظر له بغيظ شديد...نزلت اميره وصعدت منزلهم ..وكذلك مها وحسن ايـــضا... قال لها بهدوء:-بصى يا مها ..اللى فى دماغك ده كله مجرد اوهام ملهاش اساس صدقينى ..وبعدين ما نهال كانت قدامى ..كنت اجوزتها مها بهدوء:-انا عايزه اريح اعصابى شويه ..فعلا عايزه اروح عند ماما نهض وقال بحده:-مفيش مرواح على فكره مها ببرود:-تمام يبقى بقى يو مين تلاته نعيش سوا بس كل واحد فينا فى حاله لحد ما اهدى حسن بتعجب:-يا سلام..كل ده عشان نهال مها بانفعال:-لاء مش عشان نهال عشانى انا عشان التراكمات ..اتعبيت منك بزياده اوى حسن وقد ذهب اليها وقبل رأسها برقه وقال بخبث:-مش هتقدرى على فكره ..ثم تابع خلاص متزعليش مها وقد نهضت من جانبه وهى تتظاهر بالقوه:-لاء هقدر ..بس انا هعديها المره دى.ثم قالت وهى تضع يدها على رأسها :-انا مصلتش العشا لسه حسن :-طب خلاص تعالى ننام دلوقتى وبكره نبقى نصليها مها:-لاء انا هصليها ..ثم نظرت له وقالت:-وانت كمان ..يلا حسن بحيره:-طب هتتوضى ازاى استنى املالك جردل عشان مترفعيش رجلك فعل ذلك ..وتوضئ هو ايضا ...صلوا سويا ..بعدما انتهوا نظر اليها وقال :-انا هتصل بكره بكريم اعتذرله عن الشغل مها :-اه انا كده مش هعرف انزل اشتغل ..ثم نهضت متثاقله وقالت له :-انا جعانه ..هقوم اعمل عشا بقى حسن ببساطه:-اعمليلى فول بطحينه وشوية بيض مها بانفعال:-انتى معندكش دم يابنى ..لسه خارجه من المستشفى وتقولى اعمليلى فول وبيض حسن بحرج:-خلاص متزقيش..عايزه تاكلى ايه مها بزهو:-اطلبلى دليفرى حسن بتعجب:-نعم ياختى..الساعه تلاته بليل ..ما تنامى خفيفه يا مها احسن مها :-خلاص انا هنام جعانه مفيش مشكله ..ثم وضعت يدها على بطنها وقالت :-يا عينى يا ولاد ..هتجوعوا من قبل ما تيجوا للدنيا لم يجد مفرا من ان يقوم بتحضير عشاءا لها ..كما طلبت هى ..تناولوا العشاء سويا .... وذهبوا فى سبات عمــــيق ******************************************** فى صباح اليـــوم التالى ..عادت ساره واحمد اخيرا الى مصـــر ..دخلوا بيت الزوجيــه .. قالت ساره بشوق:-يااااااااه ..كانت رحله حلوه اوى يا حبيبى احمد :-اه كانت حلوه اوى ..انا عايز انام اوى ساره له بملل:-يا عم انت ما بتشبعش نوم احمد بابتسامه:-أورى بقى عليا قاطع كلامهم طرقات الباب..فتحت ساره..وجدت سيده فى اوائل عقدها الخامس..ترتدى اسدالا اسود اللون ..وقالت لها بابتسامه:-انا نبيله جارتكوا تحت..اول ما شوفتكوا جايين من البلكونه قولت اطلع اسلم عليكوا لازم ساره بحرج:-شكرا لذوق حضرتك اتفضلى يا طنط دخلت وقالت لها بابتسامه:-طنط ايه لاء قوليلى يا نبيله ... نظر احمد ارضا ورحب بها ..مدت يدها لتسلم عليه ..تنحنح وردت ساره بدلا منه قائله لها:-معلش مش بيسلم مصت شفتاها وقالت :-وماله ..بس شقتك حلوه اوى يا ..انتى اسمك ايه بقى ساره بحرج:-انا اسمى ساره .. نظرت نبيله لاحمد وقالت:-وحضرتك احمد بحرج:-احمد ..ثم نظر لساره وقال لها :-انا داخل انام يا ساره بقى ساره بلهفه :-طب استنى ادخل احضرلك البيجامه والحمام احمد:-لاء خلاص متتعبيش نفسك اعطى مع استاذه نبيله بقى ساره وهى تنظر لها :-معلش يا طنط اقصد نبيله ..خمس دقايق نبيله بابتسامه:-اتفضلى يا حبيبتى دخلت معه ..اعدت له ملابسه ..ثم قال لها بخبث:-ما تيجى تنامى معايا ساره بخجل:-وطنط نبيله انا خارجه ثم اتجهت الى حيث توجد نبيله وجدتها واقفه تمسك باحد المفارش ..وجدت ساره فالتفت نبيله وقالت لها:-ما شاء الله شقتك حلوه يا عروسه ساره:-ربنا يخلى حضرتك نبيله بابتسامه:-انا عندى بنت قدك كده متجوزه من شهرين بس سافرت مع جوزها الامارات ..و زوجى متوفى و الوحده بتموتنى ساره بشفقه:-الله يرحمه..اعتبرينى بنتك يا طنط نبيله بابتسامه:-مش هتفرجينى الشقه بقى تنحنحت ساره وقالت لها بحرج:-طبعا يا طنط اتفضلى اخذت تتفحص كل ركن فى المنزل بدقه ثم تسأل عن ثمنه ونوعيته وتبدى رأيها به .. قالت نبيله لها :-مش هتعملى غدا بقى ساره بحرج:-احمد هيجبلنا اكل من بره النهارده عشان جايين لسه تعبانين نبيله بتأمل:-بصى يا حبيبتى انتى زى بنتى ..اللى بتعمليه مع جوزك ده اوفر شويه ..ده كده هيتمرع عليكى ساره بفضول:-يعنى ايه نبيله بهدوء:-يعنى براحه شويه كده تحضريله هدومه ليه يعنى ثم مصت شفتاها وقالت:-هوا بيديكى مصروف كام ساره بتركيز :-احنا لسه ملحقناش يدينى مصروف ..بس وانا مخطوبه كان بيدينى فلوس فى الاعياد ومواسم وكده نبيله :-يعنى كام يعنى ساره:-حوالى 200 جنيه مثلا فى كل مناسبه نبيله بزهو:-ده العادى يعنى ..ثم امسكت بملابس ساره وقالت لها :-وكان بيجبلك لبس بقى ولا ايه؟ ساره بتعجب:-لاء مكنش بيجيب هنا رن هاتف نبيله ..نظرت لشاشة الهاتف وقالت لساره:-طب استأذن انا بقى يا عروسه هبقى اكملك كلام بليل ان شاء الله ساره بتعجب :-بليل..اهلا وسهلا بحضرتك يا طنط فى اى وقت تركتها ..واخذت ساره تتأمل كلام تلك المرأه ..ثم اعرضت عنه ..ودخلت الغرفه وباتت فى سبات عميــق ************************************************** أما اميره استيقظت ..ودعت مايسه بحراره وسلمت على والدها ..واستقلت احدى سيارات الاجره فى طريقها الى المـــطار وفى تلك البــلد كان ينتظرها ايـــمن بلهفه هى وعلى .. *************************************** هاتف منزلهم يرن تجاهلوه اول مره مره ثانيه همت نهال من نومها ... ردت ببطئ:-الو المتصل:-وعليكم السلام يا هانم..كل ده نوووووووم عرفت صوته على الفور فتركت الهاتف لوالدتها التى قالت:-سلام عليكم كريم بحرج:-انا صحيتك يا طنط ولا ايه ثريا:-لا يابنى مفيش حاجه كريم :-طب نهال فكرت يا طنط ثريا بحكمه:-اتفضل يابنى انت وممتك بعد بكره ان شاء الله .. كريم بابتسامه:-ماشى يا طنط..ربنا يقدم اللى فيه الخير **************************************** صعدت فتحيــه تطرق باب حسن ...هرول الى الباب فتح لها ...قالت له :-نموسيتك كحلى انت والسنيوره..صحيها يلا الشقه بقالها اسبوع تضرب تقلب جذبها من ذراعها برفق وقال:-تعالى يا ماما براحه بس ..قص لها ما حدث .... فتحيه ببرود:-ما عادى يعنى وبعدين حد قالها تخرج من هدومها وتتنرفز للدرجه دى .. رن هاتف حســـن المحمول ..انه محمود..نظر لها بانفعال وقال :-ماما انا تعبت بقى ..مش هترتاحى الا لما تجهض بجد يعنى فتحيه بخبث:-مين بيتصل حسن:-عمو محمود فتحيه بعجله:-رد بسرعه يلا حسن بخبث :-دلوقتى تغور الشقه صح ؟! اجابه حسن وحدد له يوم الاثنين ليـــأتى الى منزله ... فتحيه بأسف:-لسه هنستنى تلت تيام حسن بتعجب:-مالك يا ماما هوا فيه ايه فتحيه وقد عادت لسجيتها:-لاء مفيش..صحى بقى مراتك عشان تنزل معايا حسن بثبات:-انا هجبلك وحده تنضفلك الشقه يا ماما ..ارتحتى كده فتحيه بحقد:- هتدفع انت فلوسها حسن بابتسامه وذهب ليقبل رأسها:-طبعا يا ماما ..ربنا يخليكى لينا هنا استيقظت مها ودخلت عليهم وقالت بابتسامه:-صباح الخير مصت فتحيه شفتاها وقالت:-الساعه 9 مها بدهشه:-ياه الساعه 9ثم قالت لحسن:-مصلناش الفجر فتحيه بتعجب لحسن:-انت بتصلى حسن بابتسامه :-اه الحمد لله تعجبت فتحيه وصمتت..بينما قال حسن:-الحق انا اروح الشغل بقى مها :-انا هروح النهارده عند ماما يا حسن..هيا عازمانا عالغدا النهارده حسن:-اوكيه .. ارتدى ملابسه وصلى وذهب الى عمله ..بينما قالت فتحيه بلهفه لمها:-مها محمود جاى بعد بعد بكره ان شاء الله مها بفرحه:-بجد يا طنط .. فتحيه بفرحه:-مش عارفه هلبس ايه مها :-لاء تعالى ننزل عندك وندور بقى على حاجه حلوه كده زواج فتحيه ..سيزيل عبئا كبيرا على كاهل مها وحســـن ولعل هذا هو سر فرحة حسن بزواج والدته... *********************************************** أما سهى كانت تجلس فى عيادتها ..حينما دخلت عليها احدى المريضات وتدعى "امانى" بدأت سهى الحديث بابتسامه:-ازيك يا امانى امانى بحزن:-الحمد لله يا دكتور .. سهى :-احكى بقى اللى تحبيه امانى بحزن :-انا عندى 25 سنه متزوجه من وانا عندى 20 سنه ..عن حب من سنتين بس جالى مرض كده .. سهى بتأمل :-حاجه تعيق العلاقه يعنى ؟ امانى :-بالظبط كده ..بس زوجى اتقبل الموضوع وعشنا فتره كويسين وكان بيحاول يخفف عنى ..لحد من سنه بالظبط ابتديت احس ان زوجى الموضوع ده فارق معاه سهى بتأمل:-وبعدين امانى بحزن:-عذرته شويه بصراحه وبعدين سألت الدكتوره بتاعتى قالتلى انه من حقه يتجوز وكده ..من ساعتها وانا ضميرى مأنبنى جدا وعارفه انه محتاج انه يتجوز بس عمره ما هيقولى لانه عارف انى مش هرضى بالوضع ده ابدا سهى بهدوء:-بصى يا امانى ..فيه فى حياتنا قرارات بنبقى مش قادرين ناخدها ..انتى اصبرى وادعى ربنا كتير يا حبيبتى انه يصبرك و وافقى ان يتزوج امانى:-مش هعرف استحمل سهى:-صدقينى لو اطلقتى بردوا وسبتيه يتجوز مش هتقدرى تستحملى حياتك كده ..زوجك بيحبك ..طب عارفه الحديث بتاع السيده ام سلمه زوجة الرسول ؟! امانى بحيره:-لاء معرفوش سهى :-بصى يا ستى السيده ام سلمه كانت من النساء الغيوره وكانت بتغير جدا على رسول الله من باقى ازواجه..فقالت للرسول كده ..الرسول رد عليها وقالها "الغيره سيذهبها الله"دعا لها الموضوع سهل جدا عارفه بعد كده السيده ام سلمه كانت بتقول للرسول ايه كانت بتقوله لما يجى معاد ليلتها "شرفك الله كما شرفتنى واكرمك الله كما اكرمتنى..تنازلت عن ليلتى لاختى عائشه"شوفى ازاى اتغيرت بالدعاء امانى:-بس ده دعاء من النبى عليه الصلاة والسلام .. سهى بثبات:-انتى عارفه الرسول صلى الله عليه وسلم كان ربنا بيستجيب دعاءه ليه ..عشان كان عنده ثقه ان ربنا هيجيب دعاءه عنده يقين بالله ..صدقينى انتى لو عندك يقين بالله ..ربنا هيستجبلك ..منصحكيش بالطلاق استعينى بالله وربنا هيعينك ان شاء الله امانى:-يارب ************************************************** * ومـــــــرت خمــــــسة اشهــــر .... | ||||||||
|  |
|
19-07-16, 02:06 PM
| #22 | ||||||||
| مراقبة عامة ومشرفة منتدى الروايات المنقولة
| البارت الحادى والعشرون الكثير منا يتجاهـــل ما يزعجه ..محاولة فى الحصول على حياه هادئه ..ولكن البعض يواجهون ما يزعجهم ويحاولون ايجاد الحلول رغبة فى تحقيق نفس الهدف ايضا ...مها كانت ..نضع تحت تلك الكلمه "كانت"مائة خط ..من النــوع الاول ..تجاهلت اولا سخافات حسن وحاولت ان تتعايش معها وتتعامل معها كأمر واقع ..ولكن سرعان ما علمت ان التــجاهل نهايته بائسه ولن يجعلهــا بأى حال من الاحوال ان تحصل على تلك الحياه التى طالما تمنت ان تعيشها ... عندما كانت تفتح مصحفها الخاص بها وتقرأ تلك الايه ..{مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ} [النساء: 79]...كانت تشعر ان تلك الكلمات تخترقها من الداخل ... ترسخت بداخلها فكرة ان ذنوبها هى التى تحول بينها وبين الوصول الى الهدوء النفسى والحياه المستقره...حاولت طوال الخمسة اشهر ان تنتصر على نفسها ..استطاعت فى تلك المده القليله تغير الكثيــر والكثيـــر.... كلماكانت تنظر الى بطنها المنتفخ امامها ...تبتسم وتشعر بالقوه وتزداد عزيمتها فى التغير... كانت تصعد سلم منزل سهى بخطوات متثاقله ...طرقت الباب..فتحت لها سهى بعد بضع ثوانى وابتسمت عندما رأتها بثوبها الجديد ..تلك العباءه السوداء التى كانت ترتديها..وخمارا اسود ايضا..ابرز بياض بشرتها ..احتضنتها وقالت لها بفرحه:-زى القمر والله يا يا مها ..الف مبروك حبيبتى مها بفرحه وقد دخلت وجلست ..قالت لها:_ايه رئيك بقى فى المفأجاه ديه . سهى بابتسامه :-زى القمر والله ...عملتيها ازاى ديه وحسن وافق ازاى ؟ مها :-لا ديه حكايه طويله اوى سهى بعتاب:-وانتى يا هانم ولا بتسألى ولا بتعبرى ..كل ده يا مها تلت شهور منشوفش بعض مها بصدق:-والله غصب عنى يا سهى ..ثم قالت لها بابتسامه:-انتى لو تعرفى اللى حصل فى الفتره ديه هتفرحيلى اوى سهى بمرح:-هعديهالك المره دى ..بس استنى بقى حمزه وسيف يجبولنا المنيو عشان نتكلم على رواقه بقى ... ************************************************** وفى منــزل ساره ..كانت تجلس مع زوجها ..وكالعاده يتشاجــــران ..والسبب واحـــد ... وهو تلك المرأه "نبيله".كان تأثيرها بالغ فى تلك الفتره على ساره ..انصاعت لهاولكلماتها وكانت تنفذ ما تقول واحتلت جزءا كبيرا فى حياتها مع احمــــد ... حتى اسرار الفـــراش لم تسلم من حديثهم معا ...كانت اول ما اهملته صــلاتها ..ومن ثم اهملت كل شئ بعدهـــا... كانوا يجلسون سويا على طاولة الطعام عندما قال احمد لها بانفعال:-انا زهقت يا ساره بجد من كل حاجه ..انا خلاص ..انا حاسس انى اجوزتك انتى واستاذه نبيله بقالنا خمس شهور من ساعة ما رجعنا من العمره فى ام الموال ده ..نصحى الصبح ..تنزلىتعدى تحت ارجع من الشغل يدوب ناكل وتطلع هيا تعد معاكى ..وياريتها اعده عدله ..كلها نميمه وغيبه وذنوب قاطعته ساره بانفعال:-انا مسمحلكش تكلم عنها كده ..هيا عشان بتنصحنى تبقى وحشه ..انت اللى ..قاطعها وقال لها:-انا ايه ..انا ايه يا ساره ..نهض من مقعده ولكم الطاوله بيده فى قوه وقال لها :-انتى اللى اتغيرتى ..فين اول ما تجوزنا ..اهملتينى واهملتى بيتك مبتفكريش فى اى حاجه غير انك تنكدى علينا وبس ...البيت بقى مقلب زباله نص الشهر بناكل دليفرى قاطعته فى قوه:-قول كده انت اصلك مبتفكرش فى حاجه غير الفلوس ..هوا انا مش مسمحولى ارتاح شويه ..يعنى ..الرجاله كلها كده ..زى ما نبيله بتقول فعلا قاطعها بشده وهو يزفر:-لاء انتى بجد دماغك بقت تعبانه خلاص .. ساره بقوه:-انا اللى دماغى تعبانه ولا انت اصلا اللى انانى ومبتفكرش الا فى نفسك ..كل يوم زعيق وقرف ..ثم تابعت وهى تنظر له بقوه :-هيا ديه الرجوله يعنى احمد :-حسبى على كلامك يا ساره ..واعرفى انتى بتقولى ايه ساره ببرود:-انا عارفه كويس انا بقول ايه..انت اللى محتاج تراجع نفسك..وتيجى وتعتذرلى على ام التوتر اللى انت عملهولى ده نظر اليها بثبات وقال لها ببرود:-انا رايح اعد عند ماما يا ساره وسايبلك البيت باللى فيه اشبعى بيه .. ساره ببرود:-ونا مقولتلكش امشى لم يجيبها ودخل الى غرفتهم ..انتقى حقيبه صغيره وجمع بها بعض اغراضه ...كانت تقف تنظر اليه ببرود ...حتىا نتهى من جمع اغراضه واتجه ناحية الباب وقفت وقالت له بشده:-مش هتمشى يا احمد نظر لها ببرود وازاحها بيده ..ثم فتح الباب ورحــــل... جلست هي تحترق بداخلها ..زفرت بشده ..اتجهت الى هاتفها المحمول ..اتصلت بنبيله وقصت لها ما حــــدث ... نبيله وهى تضحك:-مالك يا سوسو متكبريش الموضوع ..هيرجعلك تانى ..هيروح فين طيب ساره بقلق:-انا حاسه انى زودتها شويه نبيله بسخريه:-يا بت ميهميكيش ما الرجاله ياما بتتنرفز ثم انتى اللى جوزك عصبى زياده ..ثم قالت لها :-بقولك ايه فيه فيلم جاى جديد النهارده بعد ساعتين ما تنزلى نسهر نتفرج عليه ساره :-لاء ماليش مزاج ثم قالت:-انا بفكر اروح اعتذرله نبيله ببرود:-روحى بس متلوميش بعد كده الا نفسك لما يركب عليكى ويدلدل بقى .. ساره بملل:-انا تعبت اوى يا نبيله بجد نبيله:-طب تيجى ننزل النادى ساره :-ما انا لازم اتصل اقوله نبيله بسخريه:-انتى غلبانه اوى يا ساره ...هوا لسه فيه حد بيستأذن قبل ما ينزل ساره :-طب انا هقفل دبوقتى يا نبيله وهكلمك تانى نبيله:-مستنياكى... اغلقت الهاتف .. اخذت تحدث نفسها كثيرا؟! من المخظئ هى أم هو؟ فكرت فى ان تتصل ..تذكرت كلام نبيله وكلام شيطانها ..قررت الا تتصل به ..وفعلت كا تفعله فى كل مشاجره دخلت الى غرفتها وارتمت على فراشها ونامت ..والساعه لم تتجاوز الثالثه ظهرا بعـــد... ************************************************** * قالت سهى :-احكى بقى يا ستى .. مها بفرحه:-بصى ..اول حاجه بصراحه اكتشفت انها هيا اكبر حاجه واقفه بينى وبين حسن ..هيا الكدب ..اكتشفت انى بكدب فى حجات ممكن تكون صغيره بس بتجر معاها حجات كبيره اوى وأول حاجه صارحته بيها هيا انى بروحلك .. سهى باعجاب:-برافو عليكى يا مها انك عرفتى تاخدى الخطوه ديه . مها :-انتهزت فرصة انه لما عرفت انى الحمد لله حامل فى ولدين وبنت عند الدكتور ..مش قادره اقولك كان فرحان قد ايه ..اول مره اعتقد كنت اشوفه بالسعاده ديه ..اول ما روحنا قولتله انى روحتلك كذا مره وانك صاحبة اميره وحد محترم جدا وكده ... سهى بانتباه:-اه مها بفرحه وهى تضحك:-ومقولكيش بقى ..طنط فتحيه اتجوزت الحمد لله ..كانت موزه موزه يعنى سهى وهى تضحك :-كملى من غير غيبه يا هانم مها بفرحه:-والله مش بغتاب بس فعلا انا حسيتها من كتر ما كانت طايره انها صغرت بتاع عشريه سنه ..انا اللى نقتلها بدله حلوه اوى لونها ابيض وجبتهلها هديه ..فرحت بيها جدا سهى :-سكنت فين بقى مها بفرحه :-سكنت فى مصرلجديده بعيد عننا خالص حسن بيروحلها لما بيحب بس انا بروحلها كل اسبوع بس وبساعدها بقى فى حجات بسيطه او حتى لو فى يوم نفضنا الشقه او كده بيبقى عادى وبيبقى يوم واحد وده حاليا مبيحصلش عشان الحمل الحمد لله ... سهى باعجاب:-برافوا عليكى يا مها ..انتى خلاص بقيتى خبره اهو .. مها وهى تتظاهر بالتفاخر :-ما انا عارفه ما انا عارفه يا سهى ..قوليلى بقى انتى ايه اخباراتك سهى بفرحه:-سيف وحمزه خدوا بطولة فى السباحه الاسبوع اللى فات وبكره ان شاء الله عندهم تكريم فى المعهد بتاع القران ..فرحانه بيهم جدا ..وانا كمان اترقيت فى المستشفى يا ستى مها :-الف مبروك حبيبتى ...هوا انا مقولتلكيش سهى بمرح:-لاء مقولتيش ياختى مها بفرحه:-حسن دلوقتى هوا اللى بيصحينى اصلى الفجر ..ولو كسلت اصلى السنه بيخلينى اصليها ..وبقينا بنصوم الحمد لله سوا اتنين وخميس سهى :-سبحان الله ..يهدى من يشاء فعلا ما شاء الله مها بصدق:-لما بنتوكل على ربنا يا سهى كل حاجه بتبقى اسهل مما نتخيل احنا ...اهم حاجه طبعا الدعاء والصدقه ..وانك تعرفى مفاتيح الشخصيه اللى قدامك ..الراجل التعامل معاه سهل جدا بس لما انتى تكونى ذكيه ..انتى عارفه انا كنت ببقى اعده على النت وهوا اعد جمبى واكتب ازاى اتعامل مع الزوج كذا وكذا واطبق فى ساعتها وانا اعده بس صراحه اكتر طريقه عجبتنى لم بعد اقوله انا نفسى تكون انت الامام بتاعى وديما استناه فى الصلوات اللى بيبقى موجود فيها ونصلى جماعه كمان بخليه اعد واعد افتح فيديوهات دينيه عن الصلاه او ااى حاجه تانيه واعمل انى عايزه اركز فيها لوحدى وهوا بيبقى الفضول هيموته عشان يعرف انا بعمل ايه فاعلى الصوت شويه ويبقى بيسمع معايا وبقى هوا اللى بيفتحها هنا قالت لها سهى :-لاء لاء يا مها انتى اعملى كتاب بقى مها بصدق:-والله مش كتاب ولا حاجه ..انا اكتشفت ان الموضوع سهل جدا ثم دق هاتفها المحمول نظرت وجدته حسن ..اجابته وقالت له:-ازيك يا حبيبى حسن برقه:-الحمد لله ..انتى عامله ايه انتى و الولاد مها بابتسامه:-بيسلموا عليك وبيقولولك عايزين شكولاته وايس كريم حسن :-انتى مبتشبعيش ..خلصتى على مرتبى مها وهى تتصنع الحزن:-خلاص سيبهم يجوعوا بقى حسن بمرح:-طب يلا ياختى قومى روحى على بيتك بقى انا فى الطريق اهو مها :-ماشى انا هقوم اهو اغلقت معه وقالت لاميره:-معلش يا اميره ..يوم تانى هجيلك ونعد ما بعض من اول اليوم واكملك بقى لما سافرنا الشهراللى فات الغردقه وجالى عريـــس سهى وهى تضحك:-عريس ايه ببطنك ديه مها بمرح:-والله مبهزرش ...كانت بطنى مكبرتش اوى كده ..وكنت ببقى لابسه واسع ومبتبنش ثم اطلقت ضحكه وقالت :-المهم ان حسن اتنحرر شويه ... استأذنت ورحلت فى اتجاه منزلها....... ************************************************** ******* أما اميره كانت منبهره بتلك الحياه المرفهه فى تــــلك البـــلد ...عمــل ايمن كان يدير عليهم مبلغا وفيرا كل شهـــر ..عاشت فى مستوى اجتماعى ومادى مرتفع ..أما هو كان لا يبخل عنها بشئ ...احساسه بالذنب كان يدفعه لذلك قبل حبه لها ..اختفت سمر فى تلك الفتره من حيــاته ولكن ذكرياته معها واخر لقاء بينهم ودموعها وهى تطلب منه الزواج منها لم تختفى من ذاكرته بعــد... كانت اميره تقضى معظم يومها فى التسوق فى تلك المحلات الضخمه الموجوده بالبلد ..والجلوس على الانترنت ..اهملت ايضا منزلها و ايمـــن وعلى كثيرا ..لم تعد تكترث بأى شئ سوى احدث صيحات الموضه .... كانت تجلس كعادتها اما تلك الشاشه الصغيره ..وعلى ملقى أمام التلفاز .. التقطت هاتفها المحمول ..اتصلت بأيمن اميره بلهفه:-حبيبى شوفت حتة جزمه تحفه بجد ..بس مفيش منها غير قطعه واحده ابعتلى فلوس حالا عشان عايزه احجزها ايمن بعتاب:-يا اميره ما انتى لسه شاريه الاسبوع اللى فات .. اميره:-معلش بقى ايمن باستسلام :-طيب يا ستى ..على كويس ؟! اميره وقد نظرت اتجاه على ..وجدته ملقى على الارض ..هرعت اليه بلهفه ..وضعت يدها عليه وجدت حرارته مرتفعه ..قالت لايمن وهى تصرخ:-على سخن اوى يا ايمن تعالى بسرعه ايمن وهو يصرخ بها:-خايكى انتى فى ام النت والقرف لحد ما الواد هيضيع ..انا جاى حالا وهجيب دكتور معايا اغلق الهاتف و زفر فى ضيق متجه ناحية منزلــه فى لهفه على وحيده على ... ******************************************** باقى يومان فقط على عقد قران كريم ونـــهال...يملأها التوتر والارتباك والفرح ...احبته فى تلك الفتره القليله كثيرا..احبت فيه تدينه ومرحه وتفاؤله وغيرته وثقافته ...غير فيها الكثير ..بعلاقته بها حثها عالقرب من الله ..وهو ايضــا كان فرح جدا ..ينتظر ذلك اليوم بشده .. كان يتصل بها .. كريـــم بمرح:-ازيك يا خطبتى نهال بمرح مماثل:-ازيك يا خطيبى ... كريم بثبات :-جهزتى نفسك خلاص ..مفيش الا يومين وتقع فى ايديا خلى بالك نهال وهى تضحك:-يا بنى انتى بتخوفنى ولا بطمنى كريم وهو يضحك:-بخوفك طبعا ..صليتى الفجر ولا قفلتى عليا ونمتى نهال:-لاء قومت وصليته ..اشتريت البدله ؟ كريم :-اه اشتريتها ..بقولك ايه اقفلى عشان معايا وايتنج نهال بانتباه:-مين اللى بيرنلك كريم بملل:-واحد صاحبى نهال :-اسمه ايه؟ كريم بنفاذ صبر:-انتى تعرفى يعنى كل صحابى يا نهال..اقفلى بالله عليكى بدل ما تقلب بخناقه بقى نهال بانفعال:-انت تمسك موبيلى براحتك وتقلب فيه براحتك وتعرف انا بكلم مين وانا لما اسأل ابقى غيوره و وحشه كريم بانفعال:-يا نهال بلاش هبل بقى .. نهال:-انا هبله ..طب اقفل بقى لو سمحت كريم :مع السلامه اغلقت معه الهاتـــف ..واتصلت بمـــها ... مها:-سلام عليكم يا عروسه نهال بحزن:-عروسة ايه بقى و بتاع ايه ..شوفتى عمل ايه ثم بدأت تقص عليها ما حدث مها وهى تضحك:-يا بت انتى مش هتبطلى غيره عالواد بقى ..ولا عشان عينيه زرقه يعنى نهال ::-بحاول والله بس مبعرفش امسك نفسى ببقى عايزه اعرف بيكلم مين وبيقابل مين وبيعمل ايه مها :-يا بنتى مش كده ..هتطفشيه بطريقتك ديه نهال:-طب اعمل ايه مها:-اتصلى صلحيه يلا يا اوختى نهال :-هستناه لو متصلش هتصل انا اغلقت مها معها بينما نظر اليها حسن وقال لها بغيظ:-قولتيلى بقى مين اللى عينيه زرق مها بزهو :-بطل غيره بقى انت كمان ..طالع لبنت خالتك فعلا ..تابعت وهى تضحك:-عايزه ابدل انا وهيا بقى حسن بغيظ:-نعم ياختى ؟!ثم تابع بزهو :-ماهى بردوا نهال بيضه واموره وقاطعته فى غيظ وقالت له:-ما تلم نفسك يا حسن حسن وهو يضحك:-ما تقومى تعمللنا حاجه حلوه كده ..انا جعان مها :-الا نفسى فى مره تقولى يلا يا حبيبتى ناكل بره ..تقوم تحضرلى كده غدا ..الاقيك داخل عليا بهدوم جديده كده ولا حاجه مش كل اما تشوف وشى تقولى انا جعان حسن بابتسامه:-انا مش اول امبارح جبتلك موز وانا جاى وعملتلك شاى كمان مها وهى تضحك:-لا بجد ..الله عليك .. اتجه اليها وجلس بجانبها و وضع يده على بطنها وقال لها:-العيال دول ضايقوكى النهارده ولا ايه ؟ نظرت اليه فى رقه وقالت له:-لاء مضايقونيش ولا حاجه حسن بخبث:-طب ما تنيميهم بقى يا مها ... مها وهى تضحك:-يا سلام ...ثم ربطت على بطنها برقه وقالت :-ناموا يا ولاد ابوكوا مش عايز دوشه حسن وهو يجذبها الى غرفتهم:-لاء ابوكوا عايز حاجه تانيه ********************************************* فضل ان يسير الى منزل والدته على اقدامه..كان يريد ان يأخذ اكبر قدر من الوقت ليفكر به فى ما وصل اليه مع ساره ...فكر فى ان ينتقل معها الى بيت اخر ...ربما تبعد عن تلك المرأه..كان ينظر الى هاتفه كثيرا..ينتظرها ..لم يتوقع منها هذا...اصبح على بعد امتار قليله من منزله ...نظر بجانبه الى ذلك المسجد الذى طالما تعود ان يتحدث مع شيخه الذى كان يحفظه القران منذ ان كان صغيرا...دخل المســجد ..صلى ودعى الله ان يهدى له زوجته وان يرفع عنهم اى شر ..ثم اتجه الى الشيخ عثمان...وقال له بحزن:-ازيك يا شيخ الشيخ عثمان:-الحمد لله يابنى..مالك مضايق ليه كده احمد بحيره:-مش عارفه اختيارى لزوجتى كان غلط من الاول ولا انا اللى بقيت عصبى ولا هيا اللى غلطانه ولا ايه ..مضايق ومهموم اوى علطول ..عمرى ما كنت اتخيل ان هيا ديه تبقى حياتى الشيخ عثمان:-بتستغفر يا احمد كتير زى زمان ولا بطلت؟ احمد بأسف:-مش زى الاول..مفيش حاجه بقت زى الاول الشيخ عثمان بهدوء:-بص يابنى روح فضفض مع ربك ...هوا اللى حاسس بيك صدقنى ..استغفر كتير وربنا يهدى زوجتك ويصلحلك حالك .. احمد باطمئنان:-حاضر يا شيخ واتجه الى القبله ..وهم فى الصلاه ..بكى كثيرا فى سجوده ودعى الله ان يكتب له الخيـــر... ****************************** | ||||||||
|
| |
|
19-07-16, 02:07 PM
| #23 | ||||||||
| مراقبة عامة ومشرفة منتدى الروايات المنقولة
| البــارت الثانى والعشرون راحـــة الانسان فى سجوده..حقا صدق رسول الله صلى الله عليه وسلم حينما قال ""أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ فَأَكْثِرُوا الدُّعَاءَ"نشــعر بأن الارض تحتضن قلوبــنا..نهمس بأمنياتنا فتصــعد الى السمــاء...دعونا ندعو ان يرزقنـــا الله فرحــة القــرب منه..تلك الفرحه تجعلنــا نملك الدنيا وما فيها.. هــذا ما فعله احمد ..بكى كثيرا..دعى الله ان يسخر له قلب ساره..وان يبعد عنهم شر تلك المــرأه..هداه تفكيــره الايتركها وحدها فريسه لتلك النبيله..وقرر الرجوع اليها... وصل الى البيت..ادار المفتاح ودخل ..طرق الغرفه ..ثم دخل اليها..وجدها نائمه ...جلس بجانبها واخذ يمسح بيده وجنتاها..استيقظت اثر ذلك..نهضت وقالت له بقلق:-انا كنت خايفه لا متجيش احمد بحنان وهو يمسك بيدها:-ممكن تقومى تتوضى عشان عايز اصلى معاكى ساره بابتسامه:-حاضر ونهضت الى الحمام ..توضأت وارتدت اسدالها ..صلوا سويا ..دعا هو وامنت هي على دعاءه...ثم امسك بيدها واخذ يسبح عليها :-سبحان الله الحمد لله الله اكبر ساره بصدق:-ربنا يباركلى فيك لم يجيبها وانتهى من تسبيحه على يدها وهى تنظر له بابتسامه ..وما ان فرغ من ذلك حتى نظر اليها وقال بهدوء يخالطه الحنان:-عارفه انتى بقالك قد ايه مدعتليش الدعوه ديه ساره بحزن:-عارفه احمد بابتسامه:-انا مش عايز اشوفك زعلانه يا ساره..عايزك تتغيرى بجد..ترجعى زى ما كنتى ...ساره انا بحبك وانتى عارفه كده كويس وعارفه ان اللى اتغير فى حياتنا دخول نبيله عليها ..قوليلى انتى بدأتى من امتى تهملى صلاتك ..تهملى بيتك ..متعمليش حاجه غير انك تستجيبى لنبيله وبس ساره بحزن:-انا عارفه انى اتغيرت وحاسه بده..بس انا فجأه حاسه ان لقيتنى كده ..مش عارفه ليه بقيت كده وبقيت علطول زعلانه ومضايقه احمد بصدق وابتسامه:-بقيتى كده عشان بعدتى عن ربنا ياساره قربيله هتقربلنا كل حاجه حلوه والله وجدت الدموع طريقها الى عيناها ..بكت ..ما ان راها تبكى حتى مسح دموعها برفق وقال لها:-بالله عليكى يا ساره اوعدينى انك هتتغيرى بجد ... ************************************************** ***** وقف الدكتور ينظــر لأيمن بعصبيه وهو يقول له :-حضرتك لسه فاكر تندهلى عشان الولد ..طالما مش قد الخلفه بتخلفوها ليه ايمن بقلق و حرج :-هوا عنده ايه يا دكتور؟! الدكتور بهدوء بعدما لاحظ قلقه:-ابنك اتلحق فى اخر لحظه قبل ما يقع تحت مضاعفات السخونيه انا كتبتله على شوية ادويه لازم ينتظم عليها ويجيلى الاسبوع الجاى ان شاء الله ايمن بامتنان:-شكرا يا دكتور مش عارفين من غيرك كنا هنعمل ايه الدكتور :-متقولش كده عشان حرام ..من غير ربنا كلنا مش عارفين كنا هنعمل ايه..حافظ على ابنك كل هذا واميره تقف باحراج شديد..تخشى ما سوف يفعله ايمن بعد خروج ذلك الدكتور .. خرج الدكتور ونظر لها ايمن بغضب وقال وهو يصرخ بوجهها:-عجبك كده يا هانم..انا هشيلك الزفت اللى انتى اعده عليه 24 ساعه ده انا هوريكى يا اميره ..ابنك لو مهتمتيش بيه واتعدلتى هتشوفى منى وش تانى خااالص.. اميره بغضب:-فيه ايه ..كل ده عشان تعب شويه ..ما الحمد لله هوا كويس اهو لم ينظر اليها واتجه الى الغرفه واخذ من كرتونه صغيره ..ثم اتجه ناحية الاب توب وفصل اسلاكه كلها و وضعه فى تلك الكرتونه ..واخذ هاتفها المحمول من يدها فى عنف تابع:-وعلى فكره احنا نازلين مصر يا اميره قريب اوى ان شاء الله اميره وقد جلست وبدأت فى البكاء ..قالت بصوت متقطع:-هوا مش ابنى يعنى زى ما هوا ابنك ..والله ده انا مبسهاش عنه خالص ..ديه كانت مره بس يا ايمن صدقنى ايمن وقد عاد اليها ربت على كتفها برفق:-قومى خلاص بطلى عياط بقى انا مش ناقص قامت واحتضنته وقالت له:-متزعلش بقى ..متبقاش رخم ايمن وهو يبتسم:-مش زعلان خلاص..سبينى امشى بقى عشان خدت اذن منهم وراجع تانى خرج واغلق الباب وهو يزفر بشده ...واخذ يفكر جديا فى الرجوع لمصر ********************************************** عزمت على الا تتصل به حتى يتصل هو ..ترى ان غيرتها عليه بهذا الشكل حق مكتسب لها..عندما استيقظت ..امسكت بهاتفها..لم يتصل بها بعد ..قررت ان تبعث له برساله عبر الهاتف .. أما هو كان نائم فى فراشه عندما سمه رنين هاتفه معلنا عن وصول رساله ..فرد ذراعيه وفرك عينه وامسك به ..وجد اسمها ..انتفض من فراشه وفرأ الرساله:-فيه حد يتخانق مع خطيبته قبل الفرح بيوم..احضر الحنه وانا مكشره يعنى .. ابتسم لرسالتها وتمتم:-مجنونه ..ثم ضغط على احد الازار واتصل بها .. اجابته وقالت :-ايوه كريم بابتسامه:-وعليكم السلام ..انتى بعتى رساله بالغلط ليا ولا ايه؟. نهال بغيظ:-لاء بعتهالك انت ..كده يا كريم متتصلش بيا يوم كامل كريم وهو يضحك:-كامل واحمد نهال بعصبيه:-بطل الالش ده بقى كريم بابتسامه:-ما لو يصبر القاتل عالمقتول كان اتقتل لوحده نهال بحيره:-يعنى ايه كريم :-مالكيش دعوه .. نهال :-بطل غلاسه بقى كريم :-طب قومى افتحى الدولاب بتاعك كده نهال ببلاهه:-فيه ايه؟ كريم :-قومى وخلاص قامت الى خزانتها وفتحتها..وجدت بها فستان زفاف كانت تريد شرائه ولكنه كان محجوزا من قبل اناس اخرين.. نهال بفرحه:-الله يا كريم ..ربنا يخليك ليا كريم :-دلوقتى نسيتى كل حاجه ..هه؟ نهال بفرحه:-بجد فرحتنى اوى خلاص انا صالحتك كريم بمرح:-وانا صالحتك يا بت انتى ..المهم قوليلى ..احنا فرحنا بكره ان شاء الله صح ؟ نهال بقلق:-اه ..بيقولوا كريم بمرح :-طب استلقى وعدك بقى .. *********************************************** أما مها استيقظت وهى توكز حسن بشده وتقول له وهى تتأوه بشده:-حسن ..حسن نهض وانتفض وقال لها بقلق:-فيه ايه..بتولدى ولا ايه مها وهى تصرخ:-مش عارفه ضهرى مموتنى الحقنى مش قاااااااااادره حسن بحيره :-طب الساعه كام ..الساعه 12 ..النهارده..النهارده السبت الدكتوره قافله ..طب اعمل ايه مها -هات التليفون اتصل بالدكتوره بسرعه اسألها .. فعل هذا ..طلبت الدكتوره ان تتحدث هى الى مها .. اغلقت مها الهاتف والقت به بعيدا وقالت لحسن:-بتقولى طبيعى ..اللى انا فيه ده حسن بلهفه:-طب قالتلك اجبلك دول ولا حاجه ..طب انتى كويسه دلوقتى مها وهى تضحك:-مالك يا حسن فيه ايه ..هوا انا هولد ولا هموت حسن بلهفه:-بس متقوليش كده ..وجدت الدموع طريقها الى عينيه ..فقالت له وهى تربت على كتفه:-متقلقش انا كويسه الحمد لله ..بس ودينى لماما احسن حسن :-طيب ماشى ..اتصلى بيها شوفيها هناك ولا لاء مها :-اااااااااااه افتكرت ديه سافرت لخالتى فى المنيا .. حسن بفرحه:-احسن..عشان ما اعدش لوحدى مها بمرح:-يا غتت ..يلا روح حضرلى الفطار بقى .. حسن بمرح:-كل سنه وانتى طيبه فطار ايه وبتاع ايه الساعه هتبقى واحده اهيه مها وكأنها تذكرت شئ:-ياااااه احنا مصلناش الفجر حسن :-انا صحيت صليته بس انتى مقدرتيش تصحى هنا رن هاتف حسن المحمول ..رد عليه .. حسن:-سلام عليكم المتصل وكان"سمير"احد زملاء عمله :-عليكم السلام يا سيدى ..اتفضل يا حاج تعالى الشغل حسن بتعجب:-يا عم هتبصلى فى الاجازه ..ما انا من ساعة ما اشتغلت مااخدتش اجازه خالص سمير :-يا عم المدير مكلفك بمأموريه لاسكندريه بعد بكره ان شاء الله حسن بغضب:-ازاى يعنى انا اجازه..ثم ان مراتى حامل وفى اى وقت معرضه انها تولد سمير:-اتصل انت بيه اتصرف معاه بقى اغلق الهاتف وهو يزفر..قالت له مها:-عايزينك ولا ايه؟ شرح لها ما حدث...قالت بقلق:-خلاص مش مهم هبقى اروح اعد عند ماما..ايه ده بس ديه هتيجى بعد اسبوع ..خلاص انا هخليها تيجى قبلها حسن بأسف:-ربنا يستر .. ************************************************** ***** أما سهى كانت تجلس فى عيادتها ..تمسك بكتاب ما ..وتقرأه... لِعُيونِ عَبلَة كم تثورُ عُيُوننا .. وتقوم أسيافُ لها وخَنَاجِرُ وبِطَلعَةٍ منها تُصُولُ قَصائِدٌ .. وتُغِيرُ أقلَامُ لها وضَمَائِرُ وتُدَبَّجُ الأشعار عند خِيَامِهَا .. وقلوبُنَا قبل الجُفُونِ مَوَاطِرُ أمَّا إذا انتَهَكَ اليهودُ خِيَامَهَا .. فالشِّعر أخرسُ والعُيونُ حَوَاسِرُ خرجت من ذلك العالم الموضوعه فيه على صوت طرقات الباب..اذنت بالدخول كانت تنبه لدخول احدى المريضــــات...وتدعى "وسام" وسام بابتسامه:-ازيك يا دكتور عامله ايه؟ سهى:-الحمد لله يا وسام انتى ايه اخبارك حبيبتى وسام:-الحمد لله تمام ..ثم تابعت بفرحه:-انا جايه افرحك معايا..بدل ما انا بجيلك فى الهم بس ضحكت سهى برقه وقالت لها :-اشجينى يا هانم.. وسام:-الحمد لله زوجى اتغير جامد ..الحمد لله بطل ام العصبيه اللى هوا فيها ديه سهى :-طبقتى اللى قولناه ؟! وسام بفرحه:-طبقته بالحرف ...بدأت اسيبه يقول اللى هو عاوزة حتي لو انا شايفه كل كلامه غلط ويزعق ويعمل اللى هو عاوزة وانا في سري استعيذ من الشيطان وادعي ربنا يهديه وبعد مايخلص كل اللى عنده اخده في حضنى اه والله اخده في حضنى وابوسه لحد مايهدي خالص ولااعاتبه ولا اقوله كنت بتقول ايه واقوم اعمل حاجه نشربها واتكلم عادي جدا ولا افكر فى الكلام اللى قاله ومديش فرصه للزعل انه يبات بينا لانه لما بيبات بيتنح .. سهى بضحك:-برافوا عليكى ..حلوه اخده فى حضنى ديه ..بس كده المشكله مش بتتحل وسام :-لاء ما بعدها لو هو فتح الموضوع نتكلم بكل هدوء او انه انكشه واحاول اعاتبه بضحك ودلع ..وبيجى يصالحنى فى الاخر سهى بصدق:-ربنا ما يجبش بينكوا مشاكل يارب .... ************************************************** ***** ساره استيقظت الثانيه ظهرا على رنة هاتف نبيله ..ردت عليه وقالت والنعاس يغلب على صوتها :-الو نبيله :-ايوه يا ساره ..ايه يا بنتى ما تنزلى شويه انتبهت ساره لصوتها وقالت لها :-هقوم اهو ..لسه صاحيه اصلى نبيله بفضول:-قوليلى ..جوزك جه ولا بات عند امه ساره بهدوء:-لاء جه الحمد لله نبيله بأسف:-اه..ده معندوش كرامه ساره بغضب:-متقوليش كده يا نبيله ..وليه متقوليش انه بيحبنى نبيله :-خلاص خلاص متتعصبيش اوى كده ..مش هتنزلى ؟! ساره بصدق:-متزعليش يا نبيله..بس والله ورايا حجات كتيره اوى عايزه انفض الشقه لسه نبيله:-انا هطلعلك ...قاطعتها ساره بسرعه:-طب انا هخلص تنضيف وانزلك ************************************************** وصل ايمن مره اخرى الى مقر عمله ..ويتمنى ان يمكث فيه طيلة اليوم حتى لا يعود الى ذلك البيــت ...فكر كثيــرا فى سمــر ..وبين كل ساعه والاخرى يمسك بهاتفه ويحاول الاتصال بها ويعود فى اللحظات الاخيره ...حتى عقد العزم على ان يتصل به ..ضغط بعض الازرار ...وجد هاتفها مغلقا ..تعجب كثيرا ..ثم انهمك فى عمله مره اخــرى .... أما فى الناحيه الاخرى اخذت اميره هاتفها المحمول الاخر واستطاعت الدخول على الانترنت من خــلاله ..وعلى نائم بين احضانها ...و الطعـــام يحترق على جهاز الطـــهى... ************************************************** ***** تناولت مها وجبة الغداء مع حســـن وتحسنت قليلا بعد ذلك ....ثم اتجهت اليه وقالت له بملل :-حسن انا زهقانه حسن بنبره مماثله :-وانا كمان بردوا مها :-ما تيجى نخرج شويه حسن :-تعالى ننزل نكمل لبس هنادى مها بحيره :-هنادى مين حسن:-بنتك مها بمرح:-نعم يا اخويا ..الا صحيح احنا هنسمى ان شاء الله العيال ايه حسن :-مش عارف ثم نظر الى الساعه المعلقه على الحائط وقال لها :-يلا بسرعه طيب قومى البسى استجابت له وخرجوا فى اتجاه احدى محلات ملابس الاطفـــال.... *********************************************** | ||||||||
|
| |
|
19-07-16, 02:08 PM
| #24 | ||||||||
| مراقبة عامة ومشرفة منتدى الروايات المنقولة
| البــارت الثانى والعشرون ج2 كـــلا منا بداخله رغبـــات واهواء ..منا من يستطيع ان يسيطر على شهواته واهوائه ..ومنا من تسيطر شهوته عليه ..وحينذاك تنقلب حياته الى جحيم..اميره و ايمن كلاهما سيطرت عليهم شهواتهم ..ايمن سيطرت عليه شهوة حب النساء ..واميره سيطرت عليها شهوة المال..وتحققت الايه التى قال فيها الله تعالى {زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ} . كانت الساعه السابعه مساءا عندما جاء ايمن الى المنزل مره اخرى ...لم يجد صوتا لعلى او اميره.. طرق باب الغرفه ثم دخل وجدها مستغرقه هى وعلى فى النوم ..مسح يده على على برفق ..يستشعر حرارته ..اطمئن ثم وكز اميره برفق وقال لها:-اميره قومى انا جيت فردت ذراعيها وقالت بصوت يغلبه النعاس:-حاضر هقوم اهو ايمن :-احنا هناكل ايه النهارده هنا نهضت على فراشها وقالت بدلال:-حبيبى والله عملت اكل بس اتحرق ومخدتش بالى عشان كنت مشغوله بعلى معلش .. زفر ولم يرد عليها واتجه الى هاتف المنزل ليطلب احدى الوجبات السريعه له ولهــا بالطبــع.. ************************************************** * أما مها وحســن اخذوا ينتقون الملابس المختلفه لأولادهم ..كانت فرحه جدا وهو ايضا ..تمنت لو استمرت حيــاتها على تلك الوتيره ..ولكن ترى ستستمر تلك الحياه كما تأمل هى؟! *********************************************** انقضت ليلة الحنــــه بالامس الخاصه بنهال..كانت مميزه حقا ..كل شئ فيها كان يدعو للفرحه.. حتى جاء اليوم الموعود وهو زفافها على كـــريم ... اتصــل بها .. كريم بفرحه:-ازيك يا عرووووووووستى نهال بفرحه مماثله:-الحمد لله ..ازيك انت يا عريسى كريم بخبث:-هيا الساعه كام نهال :-الساعه واحده ..انا نازله اهو عند الكوافير كريم :-يووووووه لسه بدرى اوى ...بقولك ايه اوعى تخليها تكترلك المكياج نهال بمرح:-طب هكتره بالعند فيك كريم بحزم:-على فكره انا مبهزرش نهال بتعجب:-مالك يابنى انت قلبت كده ليه ..ما اكيد يعنى مش هكتر الميك اب كريم بمرح:-ايون كده ..مش هنعرف نمشى كلمتنا ولا ايه ************************************ استيقظت مها قبــل حسن ..احضرت له وجبة غداء مميزه ..ارتدت فستانا احمر اللون قصيــرا..واسدلت شعرها الاسود على خصرها ..وجعلت الاضاءه خافته...ثم طرقت باب الغرفه التى ينام بها بقوه ..فزع ..ونهض ليفتح الباب..وجد تلك المنضده المرصوص عليها اشهى انواع الطعام ..وتلك الشموع المحاطه بها ..و فى ظل هذا لم يجدها ..فنادى لها وهو يضحك:-يا مها ..انتى فين ..ايه الجو الرمانتيكى ده خرجت له ..فنظر اليها باعجاب واطلق صفيرا وقال لها:-اوووووووه انا كده هسورء منك على فكره .. مها برقه :-عجبك الجو بقى ولا لاء اقتـــرب منها و نظر بداخل عيناها وقال لها :-الا عجبنـــى ... *************************************** أما ساره قامت بالامس بحملة تنضيف لشقتها..اعادت لها رونقها ...لم تجيب اتصال نبيله ولم تنزل لها ..بعدما انتهت من باقى اعمال منزلها ..كان التعب قد سيطر عليها تماما ..وطلبت هى واحمد احدى الوجبات السريعه ..استيقظ اليوم احمد قبــلها فهو يوم اجازته ..فرح كثيرا بما فعلته فى المنزل من اجله وقرر ان يكافأها على ذلك ..فاتصل وحجز لهم تذكرتين فى احدى الفنادق الموجوده بالمدن الســاحليه...ثم احضر لها ايضا وجبة غداء مميزه ..واتجه اليها وايقظهـــا بلطف ..وطبع قبله على جبينها وقال لها:-قومى يا بطتى ابتسمت واستيقظت اثر قبلته وقالت له:-صباح الخير يا حبيبى احمد بمرح:-صباح ايه بقى وبتاع ايه الساعه 3 كل سنه وانتى طيبه ساره بتعجب:-انا مش عارفه بقيت بنام كتير كده ليه سكت احمد قليلا ..ثم اقترب من اذنها وهمس لها ببضع كلمات ...انتفضت هى من الفرحه وقالت له:-تصدق صح..يعنى انا ممكن اكون حامل يا احمد احمد بفرحه:-وليه لاء ساره بفرحه:-احنا لازم نتاكد ... *********************************************** أما اميره لم تستيقظ مثل باقى ابطالنا ظهرا ..وانما استيقظت مبكرا ...بسبب مرض على ...شعرها لم تصففه منذ ايام ..فاستغرق تصفيفه اليوم وقتا طويلا قبل ان يستيقظ ايمن.. ايمن باقتضاب:-على بقى كويس اميره :-يا ايمن خلاص بقى ايه اللى حصل لكل ده ..ادينى صحيت بدرى اهو ..وبعدين ده ابنى زى ما هوا ابنك يعنى مش هكره يعنى ايمن ببرود:-اياك بس تستمرى على كده كان يمسك بهاتفه ..مره اخرى يحاول الاتصال بسمر..ولكن هاتفها مغلق منذ امس ... شعرت بالريبه اتجاه ذلك ..انتظرت دخوله الى الحمام..وامسكت بهاتفه ..علمت بالطبع انه يحاول الاتصال برقم ما ..قارنته بذاك الرقم الذى اتصل بها فى مصر .. احتقن وجهها ..اختنقت وشعرت انها لا تستطيع التنفس بصوره طبيعيه ..خرج هو من الحمام وجدها بتلك الصوره ..اسرع اليها وقال لها بقلق:-مالك يا بنتى فيه حاجه ولا ايه لم تجيبه وهرعت الى غرفتها...اغلقت الباب واخذت تبكى بشده وتنتحب ...سئمت منه ومن كـــل حياتها ..تيقنت من انه مازال يفكر بها ..فى تلك الاثناء يطرق هو باب الغرفه بقلق ويصرخ بها:-انتى يا بنتى فيه ايه اللى حصل لكل ده مسحت وجهها وخرجت له ونظرت بجمود لام عينيه وقالت له :-انت قولت هننزل مصر امتى ؟ ايمن بتعجب:-انا كنت بقول كده وخلاص..بس طبعا مش هنزل اميره ببرود:-لاء هننزل ايمن بتعجب:-ليه يعنى ..فجأه كده..هوا ايه اللى حصل لكل ده اميره ببرود:-انا عايزه ننــزل مصر ..ثم سكتت برهه:-عشان ولادة مها كمان ايمن :-ربنا يسهل...ومازالت عــلامات الاستفهام ترتسم على وجهه ******************************************* حـــل المساء ..ارتدت مــها فستانا وردى اللون وطرحه تغطى منطقة الصــدر..وارتدى حســن بدله سوداء انيقه وارتدى رابطة عنق وردية اللون ايضا... نظرت له مها بتعجب وقالت له:-انت نسيت تحلق دقنك يا حاج نظر لوجهه فى المراه ثم اتجه اليها وقال لها:-انا حاسس ان شكلى كده حلو ..ايه رئيك؟ مها بفرحه:-انت زى القمر فى اى حاجه حبيبى ..وبالدقن بقى شكلك احلى والله بعــد ذلك نزلوا واستقلوا السياره فى اتجاه احدى المساجد الكبرى المقام فيها عقد قران كريــم ونــهال..... خــرجت نهال من الكوافيــر ...تمشى بجانب كريم ..قال لها بمرح:-ناق بتاع ربع ساعه ان شاء الله وامسكها يا فوزيه نهال بمرح:-مش هتمسكها بردوا استقلوا السيـــاره....تم عقد قرانهما ..وســط ابتسامات الجميع وتهنئتهم..كانت تجــلس مها فى الصفوف الاماميه ..فرحه جدا لنهــال..ولذلك التغير الذى طرأ عليها بعد خطبتها لكريـــم.. كالحدود التى اقامتها مع حســن..وملابســها المحتشمه ايضا...ثم تذكرت فى اسى ليلة عرسها ..وكمية الذنوب التى حصدتها فى ذلــك اليوم ...استغفرت ربـــها ..ثم عادت وابتسمت مره اخرى ....ونظرت لحسن وقالت:-حسن ..انتى مسافر بكره ان شاء الله حسن بأسف:-للاسف اه...بس ان شاء الله هحاول انجز بسرعه وادبس حد تانى فى السفريه ديه طمئنته واوصته بالا يقلق عليــها.... ******************************************** كانوا يتناولون وجبة العشــاء سويا...حينما قالت له بفرحه:-انا فرحانه اوى يا احمد ..احلى حاجه ان موضوع الحمل جه فجأه احمد:-ربنا بيفرحنا يا ساره ..الحمد لله هنا طرق الباب ..نهض احمد يفتح الباب...وجدها نبيله التى كانت تقف فى ضجر وغضب شديد .. ونظرت له ولم تنتظر حتى يأذن لها احمد بالدخول ..ودخلت وقالت لساره فى غضب :-كده يا ساره يوم كامل متعبرنيش نهضت ساره وتنحنت فى حرج ..فرد احمد بدلا منها بحزم وثبات على نبيله :-انا مش موافق ان مراتى تنزل كل يوم يا استاذه نبيله عندك..هيا عندها اهتمامات و زوج وبيت محتاجين اهتمام اكتر من انكوا تنزلوا تتفرجوا على فيلم سوا قالت نبيله وهى تتظاهر بالضعف موجهه بصرها ناحية ساره :-كده يا ساره عشان انا يعنى اللى جوزى مات وولادى سبونى ..انا ماشيه ومش هتشوفى وشى تانى نهضت ساره من مكانها وامسكت بيدها وقالت لها بلطف:-متزعليش يا نبيله انتى عارفه ان احمد ما يقصدش ..ثم نظرت لاحمد قائله:-معلش يا احمد هنزل اعد معاها شويه احمد بقوه:-مفيش نزول يا ساره ساره بانفعال:-فيه ايه يا احمد ربع ساعه وطالعه .. لم ينتظر اكثر جذبها من ذراعها الى الداخل ..نزلت نبيله اخيرا اغلق الباب .. نظرت له فى غضب:-انت كمان بتزعقيلى قدامها يا احمد احمد وقد استعاد هدوءه:-بصى يا ساره ..احنا لازم نعزل من هنا فى اسرع وقت ولو حتى شقه ايجار جديد ساره بتعجب:-ايجار واحنا معانا شقه تمليك ..ده جنان رسمى نظر لها فى غضب ..كظم غيظه بصعوبه ..وقال لها فى ثبات:-احترمى زوجك وانتى بتكلمى معاه وتركها ودخل الى الحمام يتوضأ مستجيبا للرسول صلى الله عليه وسلم حينما قال "الغضب من الشيطان ، والشيطان من النار ، والماء يطفي النار ، فإذا غضب أحدكم فليغتسل " ... بينما دخــلت هى الى غرفة النوم ..وجدت تذاكر الرحله التى حجزها احمد ملقاه على احدى المقاعد ..التقطها وتفحصتها ..خرجت مره اخرى ودته قد بدأ فى الصــلاه ..فعزمت على ان تعتذر له .... ************************************************ وصل كــريم ونــهال الى منزلهم ..اغلق الباب ونظر لها بخبث ومرح وقال لها:-عروووستى اخيرا نهال وهى تبتعد عنه:-انا جعانه جدا على فكره ثم اتجهت الى الطاوله المملوءه بالطعام ..وجلست بمحاذاتها وبدأت فى الطعام بفستان زفافها... نظر اليها بتعجب وقال لها:-طب غيرى ام الفستان الاول .. نهال وهى تاكل:-مش قادره اصلى جعانه فعلا يا كريــم .. مضـــت ساعه كامله ..اخذ كريم فيها حماما ..وبدل ملابسه ..وخرج من الحمام ليجدها مازالت تأكل ...نظر لها بتعجب وقال لها:-فيه ايه يا نهال ..انتى بقالك قد ايه مكلتيش نهال :-بص الحمد لله انا خلصت اهو ..بس عايزه اشرب بقى حاجه عشان اهضم كريم :-طب ما تقومى تغيرى عقبال ما طيب اصبلنا حاجه نشربها نهال بقلق:-طيب ماشى فعلت ذلك وارتدت بيجامه بيضاء ..بكمام طويله ..نظر لها كريم بتعجب وقال لها :-مالك يا نهال فى الليله ديه فيه ايه نهال متجاهله كلامه:-حضرت العصير؟ كريم :-حضرته ..خدى يا نهال ...واعطاه لها ... رشفته ..ببطئ شديد ..ما ان وضعت الكوب حتى امسك بيدها ..يلا بقى يا حبيبتى ندخل ننام نهال :-طب بص ..بص بس ..استنى شويه كده ..لم ينتظر اكثر وحملها الى غرفة النوم ..وسكتت شهرزاد عن الكلام المباح... ********************************************** استغرقت مها وحسن فى النوم ...أما اميره نامت بجانب ايمن ..تفكر فى مصيرها المجهول ...ساره اعتذرت لأحمد ..ونامت تلك الليله مرتاحة البــــال.... | ||||||||
|
| |
|
19-07-16, 02:10 PM
| #25 | ||||||||
| مراقبة عامة ومشرفة منتدى الروايات المنقولة
| البـــارت الثالث والعشرون كنــــت اشتهى تناول المكرونه الجاهزه"الاندومى"بشده..وعند ما نمت ..حلمت بأنى اشتريت احد الاكياس..ولــكنى فضلت فى الحلم ان اوفرها الى وقت العصــر ..من ثم انتهى الحلم ولم استمتع بتناولها..عندما استيقظت وجدت انى لو لم افكر فى توفيرها خوفا من ان تنتهى قبل موعد الغداء مع اسرتى...لكنت تناولتها واستمتعت بطعمها قبل ان ينتهى الحـــلم.. "متخفــش من الخوف خاف بس من خوفك"مقوله قرأتها منذ بضعة ايام...معبره عن طبيعة وفطرة الناس..وهى الخوف من الغد فيفقدوا متعه اليوم... هذا ما كان يهدد حيــاة مها ...كانت دائما تخاف من مستقبل حياتها مع حسن ...استسمر فى المحافظه على بيتها و زوجها؟!...دعوا الاحداث تكشف لنا هـــذا بوضوح اكـــثر.... فى صباح اليـــوم التالى ...استيقظت مها قبـــل حسن..احضرت له حقيبة سفره ...ومن ثم ايقظته بلطف وهى تقول:-حسن..قوم يا حبيبى الباص هيفوتك حسن وهو يفرك عيناه :-حاضر هقوم اهو اخــيرا ارتدى مــلابسه ...واتجه ناحية الباب ..يمسك بحقيبة السفر ..أما هى عيناها تمتلأ بالدموع ...مسح دموعها بكفيه ...وقال لها برقه:-يا مها خلاص ده هما يومين والله لو مكنش شغل مهم لكنت اعدت معاكى مها وهى تبكى:-انا خايفه لاولد وماما واميره وانت مش هنا حسن وقد جلس على مقعد بجانب الباب :-خلاص انا مش هسافر ..انا هعد معاكى مها وهى تضحك وتدفعه ليقف:-قوم انا مش قادره ..طب خدنى معاك لبابا حسن بصدق:-طيب حبيبتى وفعلا انتقلت لتجلس مع ذلك الرجـــل الذى لا تعرف عنه شيئا قــــط غير اسمه الذى يتبع اسمها فى بطاقتها.... ************************************************** فى منزل اخر يحيط به الهــدوء كانت تقف نهال امام السفره..نظرت الى ما فعلته برضا و استحسان..نظرت الى المراه المعلقه على باب المنزل ..تحسست شعرها الاشقر..مصت شفتاها لتوزع قلم الشفاه الاحمر عليها...ثم اتجهت اخيرا الى باب الغرفه ..واخذت توكز كريم بغلظه وهى تقول:-اصحى بقى يابنى ..كل ده نوم احمر وجهها بشده عندما وجدته لا يجيبها ولا يتحرك له ساكنا ..دمعت عيناها واستمرت تصرخ به وهى تقول:-كريم مالك؟! كريـــم اتجهت بيدها المرتعشه الى الهاتف ..وما ان فعلت هذا حتى وجدت ضحكاته تعلو بشــده...نظرت اليه بغضب وقالت :-انت بتهزر يا كريم نهض من فراشه وانقض عليها وامسك بها ومازال يضحك وهو يقول:-ما انا مكنتش اعرف انك بتموتى فيا كده نهال بغضب:-ده هزار ده تظاهر بالحزن والغضب واكمل:-انتى بتزعقيلى يا بت انتى لم تستطع ان توقف ضحكاتها وقالت:-يا غلس..بوظت الجو الشاعرى اللى كنت عملهولك ثم جذبته لخارج الغرفه..اطلق صفيرا عندما شاهد تلك الشموع المتناثره على الارضيه..والطعام المرصوص على الطاوله...قال لها:-ايه الاكل الجامد ده يا نونا نهال بغيظ:-تصدق انى هضربك..بقى انا عامله فى نفسى كل ده وفى الاخر تقولى ايه الاكل الجامد ده ..همك على بطنك علطول كده ضحك مره اخر ى واتجه اليها وطبع قبله على جبينها وقال برقه:-انت مش محتاج حد يقولك حاجه يا باشــا... ************************************************ حتى الغفوه لم تحظ بها اميره تلك الليله...بالطبع نهضت قبله من على فراشها واتجهت الى مطبخها ..الاوانى متناثره فى كل مكان...تلك الثلاجه البيضاء اصبحت اشبه باللون الرمادى ..بقايا الطعام ملقاه على الارضــ..احضرت كوب من القهوه ..ثم خرجت سريعا الى غرفة المعيشه وجلست على مقعد خالى من اى قذاره عليــه.. امسكت بهاتفها...اتصلت بســـمر..وجدته مغلقا ايضا...تأففت ثم قامت بالاتصال بمــها... مها :-السلام عليكم اميره بلهفه:-وحشتينى جدا اوى بجد يا مها مها بعتاب:-يا سلام..انتى بقالك اسبوع مبتعبرنيش يا اميره واكلمك يا مشغول يا مقفول اميره بحزن:-على كان تعبان اوى والله يا مها وايمن ثم توقفت عن الحديث وبدأت فى البكاء مها بلهفه:-مالك يا اميره ..مالك يا حبيبتى قصت لها اميره ما حــدث كله منذ ان كانت فى مصر بمفردها الى الان... مها بحزن:-ياه كل ده يا ايمن يطلع منك اميره:-انا عارفه انى غلط لما انشغلت بالنت والشوبينج عنه بس انا قفلت منه خـــلاص انا حاساه بيحبها مها بقوه:-لا يمكن يكون بيحبها يا اميره..والا مكنش سبها من الاول اميره:-وانا ايش عرفنى انه سبها اصلا..انا عايزه انزل مصر مها :-وتسبيه هناك لوحده؟! اميره:-هزن عشان ننزل سوا ..وانتى عامله ايه مها وقد شعرت بالم ضعيف فى ظهرها:-كويسه الحمد لله انا عند بابا اميره بتعجب:-ليه مها:-ماما مسافره عند خالتوا وحسن سافر ..الدكتوره قالتلى احتمال اولد فى اى وقت فقولت اروح اعد عند بابا اميره بصدق:-ربنا معاكى حبيبتى .. مها:-يارب..هتعملى ايه؟ اميره:-هــدخل اصحيه اهو ... *********************************** ساره كانت مشغوله بتحضير حقائب السفر غدا الى الغردقه...انتهت من تحضيرها...علمت من بواب العماره سفر نبيله الى اختها فى الصعيد بضعة ايام...ارتاحت قليلا ..احمد كان يمسك مصحفه ويتلوا منه ايات من سورة يــس.... اتجهت له وجلست بجانبه وامسكت بمصحفها ..وبدأت تقرأ هى وهو سويا ... انتهوا من ذلك..قبلها على جبينها ..وقال لها :-مبسوطه؟ ساره بصدق:-طبعا مبسوطه عشان معاك احمد بزهو:-طبعا طبعا ما انا عارف نفسى مؤثر جدا ساره وهى تضحك:-امشى من هنا يلا ... احمد بخبث:-طب ما تيجى نمشى سوا ثم حملــها بين يديه الى غـــرفتهم.... ******************************************* ذهبت مبكرا الى عيادتها...دخلت اولى المريضات حبيبه..امرأه فى اوائل الثلاثينات ذو بشره سمراء وعينان عسليتان ..بدأت معها الحديث بابتسامه وقالت لها:-اسمك حلو اوى ..انا لو كان ربنا رزقنى ببنت كنت هسميها حبيبه حبيبه بصدق:-ربنا يرزق حضرتك باللى نفسك فيه... سهى:-يارب...قوليلى بقى اللى مخلى وشك الحلو ده زعلان كده حبيبه بتساؤل:-معلش يا دكتور حضرتك بتدى ادويه؟ سهى ببساطه:-انا مش بدى ادويه غير فى حالات صعبه اوى وبتبقى مهدئات بسيطه وجرعات قليله جدا ..لكن انا من رأيي ان العلاج النفسى اساسه الكلام..والادويه بتبقى مجرد وسائل بتخليكى تهربى من الواقع بس وده انا مبفضلوش غير فى حالات معينه حبيبه باطمئنان:-بصى يا دكتور سهى:-بصيت اهو حبيبه:-انا مشكلتى زى مشكلة معظم الستات دلوقتى ..انى لقيت زوجى بيكلم واحده قريبتى من بعيد شويه بنوته عندها عشرين سنه اكتشفت الكلام ده امبارح بس ...حاسه انى مش عارفه اتصرف ..مضروبه على دماغى ..معرفش عمل كده ليه ..كل اللى عملته انى فتحت المحادثات اللى بينهم كلها من الهيستورى .. سهى :-فهمتك ..بصى يا حبيبه ركزى معايا ...طبعا انك تسيبى البيت والكلام ده تنسيه خالص ..انتى تروحى ..تستنيه لما يجى من الشغل ..ااوعي وانتي بتعاتبية نهائيا تبينيلة انة عمل كدة تقصير منك لان تقوليلة مفيش مبرر للخيانة عمر ما حد بيصلح غلط بغلط وان كمان هو مقصر معاكي ومتقولليش هو مبيقصرش معاكي كل انسان بيقصر في حق التاني بس بدرجات... الاهم بقا تراجعي نفسك بينك وبين نفسك اية اللي خلي جوزك يعمل كدة فكرى هل انتي انشغلتي باولادك زيادة ؟ هل انتي اهملتية وافهمي من المحادثات كويس اوي اية اللي مفتقدة فيكي.... حبيبه:-وبعدين؟ سهى ببساطه:-هتعاتبيه براحه جدا وبهدوء قوليلة انا قاعدة طول النهار عمر ما لجأت للوسائل الرخيصة دية اني اكلم راجل غيرك النت عندي ليل ونهار والموبايل متاح قدامي كان سهل اوي اني اعمل كدة وانت في اوقات كتير بتنشغل عني ملجاتش للوسيلة دية اسهل حاجة في الدنيا ان الست تقدر تتعرف علي راجل وخصوصا جوزها بيتشغل كتير عنها بس لا ادبي ولا تربيتي ولا اخلاقي ولا انا حتي رخيصة اني ارخص نفسي واقلل شأنى قدام ربنا اني اعمل كدة.... ***************************************** عنــــدما دخلت مها الى شقة والدها كان مستغرقا فى النوم...لم توقظه ودخلت بعدما تحدثت مع اميره فى الهاتف الى فراشها..واستلقت عليه.. استيقظت اثر الم قوى فى ظهرها ... اخذت تصرخ وتنادى على ابيها...لم تجد منه ردا... سارت بخطوات بطيئه وهى تمسك ببطنها ..وصــلت اخيرا الى غرفته ..قتحتها ودخلت عليها ..كانت تبكى وتقول:-بابا الحقنى يا بابا .. نهض فزعا وصرخ بوجهها:-حد يصحى حد كده مها بعصبيه:-بولد يا بابا ... شكرى بعصبيه:-امك فين مها وقد جلست ارضا وبدأت تصرخ اكثر:-ماما عند خالتو شكرى وقد نهض وامسك بها ..اجلسها على احدى المقاعد وقال:-اه صح ...ديه مسافره..طب انا اعمل ايه اعمل ايه مها بصوت متقطع:-خدنى الم..س..تشف..ى ارتدى مــلابسه بسرعه..واخذها الى المســتشفى.. اخبره الدكتور بأنها ستضع الان اجنـــتها... *************************************** دخـــلت اميــره الى ايــمن..ايقظته بعدما صلت ودعت الله ان يهديها لصراطه المستقــيم... "ايمن ..قوم يلا ...العصر هيأذن وانت مصلتش الضهر ..يلا" ايمن ببطئ:-حاضر هقوم نهض متثاقلا...سار باتجاه الحمام..بادرته قائله:ايمن نظر لها..تابعت:-فكرت فى نزولى انا وانت لمصر ايمن بلامبالاه:-عايزه تنزلى هنزلك انا اعد هنا اميره :-انا مش هنزل انا وعلى بس ..على محتاجنا احنا الاتنين ايمن بسخريه:-لما تبقى تعملى دورك ..ابقى تعالى كلمينى اميره بحزن:-انت ايه يا اخى..كل ده عشان غلطه ..خلاص ادينى اتعلمت ..ورايحه اروق الشقه دلوقتى ايمن ومازال كلامه يشوبه السخريه:-شقه؟!قولى الزريبه اميره بغضب:-الحل ايه يعنى دلوقتى ايمن وهو يصرخ بها:-وكمان بتزعقى ..يا برودك يا شيخه اميره بقوه:-انا مبزعقش انا اتخنقت ايمن وقد اقترب منها وامسك بذراعها :-وطى صوتك يا اميره بقولك اميره وقد علا صوتها اكثر :-انت بتمد ايدك عليا يا ايمن ..انت فاكر انك كده راجل يعنى ايمن وقد فقد صوابه:-انا راجل غصب عنك اميره وهى تصرخ به:-لاء مش راجل هنــــا ..هوى ايمن بصفعه قويه على وجهها ...وقعت على اثرها على الفراش .... وضعت يدها على وجنتها...نظرت له فى ضعف ...وبدأت فى البكاء ... أما هو لا يعرف كيف فعل هذا؟!..جلس بجانبها ..وضع يده على كتفها..ازاحتها بقوه ..قال لها بأسف:-انا اسف يا اميره والله ما عارف انا عملت كده ازاى كــانت تبكى بشده..خرج هو وجد باقى الشقه مرتبا تماما..وعلى السفره موضوع تورته صغير ..مكتوب عليها"كل سنه وانت طيب يا حبيبى"...تذكر ان اليوم هو عيد زواجهم... الارض نظيفه ..على نائم فى فراشه...اخرج سيجارا من جيبه وبدأ فى التـــدخــين... ************************************ اتصــل شكرى بمايسه .. "انتى يا هانم سايبه بنتك اللى بتولد واعده هناك مع اختك ترغى" مايسه بهلع:-بتولد..ديه فى السابع... شكرى:-بنتك ولدت ياختى وجوزها كمان مش موجود ..ابن اخوكى المحترم مايسه بقلق:-انا جايه ..بكره الصبح..مش هعرف لاسف اجى بليل كده اغلق معها وهو يزفر ..رن هاتفه مره اخرى ...كان حســن ... حسن بقلق:-عمو بتصل بمها مش بترد شكرى بملل:-ولدت يا اخويا حسن بفرحه:-هيا عامله ايه دلوقتى شكرى :-احسن منك يا اخويا..انا واقف على رجلى بقالى قد كده وحضرتك مرتاح حسن متجاهلا سخافته:-جابت ايه يا عمو شكرى:-جابت شكرى ومايسه وابتسام حسن بتعجب :-مين دول شكرى :-ولادك انا عايز اسميهم كده حسن وهو يضحك:-مين ابتسام ديه شكرى :-ابتسام ديه امى يا حبيبى..و ولادك هيتسموا كده باذن الله .... ************************************** | ||||||||
|
| |
|
19-07-16, 02:11 PM
| #26 | ||||||||
| مراقبة عامة ومشرفة منتدى الروايات المنقولة
| البــــارت الرابع والعشرون فـــرحت كثيرا عندما رأت اجنتها بعينها..دخـــل عليــها شكرى وهو يتأفف ...قال لها بملل:-تليفونك عمال يرن ..زن زن زن ... مها بفرحه:-مين رن يا بابا شكرى :-واحده اسمها سهى والتانيه اسمها ساره وحماتك وجوزها وحاجه تقرف مها بفرحه وهى تنظر لاولادها:-ايه رئيك فيهم يابابا..زى العسل مش كده شكرى وقد بدأت الابتسامه ترتسم على شفتاه:-حلوين اوى اوى وخصوصا مايسه مها بتعجب:-مايسه مين شكرى:-نفس اسئلة جوزك الذكيه..هسميها كده ثم اشار ناحية الذكر وناداه بشكرى والاخرى بابتسام مها وهى تضحك بشده:-ايه الاسامى ديه ...انا اسمى ولادى كده شكرى بجديه:-مالهم الاسامى ديه يعنى مها وهى تحاول التوقف عن الضحك :-حلوين يا بابا بس انا عايزه اسامى تانيه محدداها انا وحسن ..تذكرت انه ليس معها ..فتابعت بحزن:-كان نفسى يكون معايا دلوقتى .. هنا دفع باب الغرفه ...ارتسمت الابتسامه على شفتيها عندما وجدت حسن يدخل اليها ويضمها بشده الى ان شعرت بالوجع اثر ضمته تلك ..فضحكت وقالت له بفرحه:-يابنى وجعتنى ...الحمد لله انك جيت كنت محتاجاك جمبى اوى حسن بفرحه مماثله :-الف مبروك يا احلى ماما فى الدنيا فى كلها ..ثم اتجه الى ذلك السرير المقسم الى ثلاثة اقسام كل رضيع فى قسم..نظر اليهم بتأمل .. بادرته مها :-مش هتشيلهم ولا ايه حسن :-اشيل ايه يا حاجه انا مابشيلش غير وهما اربع شهور كده ولا حاجه مها وهى تتظاهر بالحزن:-وانا مين هيساعدنى كده ان شاء الله بقى اتجه اليها وقبلها قبله رقيقه وتابع:-انا اساعدك فى اى حاجه يا سعادة البيه الا انى اشيلهم مها وهى تضحك:-طيب يا اخويا طرق الباب مره اخرى ...اذن شكرى بالدخول...كانت سهى... دخلت سهى بفرحه واتجهت الى مها واحتضنتها هى الاخرى وقالت:-الف مبروك يا حبيبتى ربنا يباركلك فيهم يارب مها بفرحه :-الله يخليكى يا سهى سهى بمرح:-الولاده سهله ولا صعبه يا مها مها وهى تضحك:-صعبه جدا يا ساره.. هنا لاحظت سهى انها لم تلقى السلام على احد سوى مها..فنظرت الى حسن ..تفاجأت بلحيته وعلامة الصلاه فى جبينه ...غضت بصرها مسرعه ومن ثم القت الســلام على شكـــرى ايضــا..... رن هاتف مها ...اجابته كانت ساره... مها :-السلام عليكم ساره بفرحه:-عليكم السلام يا مامى مها مها :-بقيت مامايا ساره اخيرا عقبالك يارب ما تقومى بالسلامه ساره معتذره:-معلش يا مها مش هعرف اجى المستشفى والله بس اكيد هجيلك فى البيت ان شاء الله لما ارجع من السفر مها:-بطلى هبل ياساره انتى زى اميره بالظبط والله ...ثم تذكرت انهم لم يخبروا اميره بعد... ************************************ أما اميره كانت قد خرجت من غرفتها عندما سمعت باب المنزل قد اغلق ...توقف عقلها عن التفكير..كيف يجرؤ ويتطاول عليها بهذا الشــكل ؟!...ولكن اين تذهب؟..لا تعرف احد فى هذا البــلد قــط...رأت ان افضل حل ان تتصل به وتأمره بأن ينزلها الى مصر كما قال لـــها...فهذا افضل حل من وجهة نظرها للحفـــاظ على ما تبقى من كـــرامتها... قبل ان تتجه الى الهاتف نظرت الى وجهها فى المراه ...تحسست وجنتها..دمعت عيناها مره اخرى...ولكن استجمعت قواها واتصـــلت به... اجابها هو بسرعه وقال بلهفه:-اميره اميره بحزم:-تعالى دلوقتى ... مرت نصف ساعه تقريبا حتى دق الباب..فتحت له ..دون ان تنظر اليه... دخل واغلق الباب وراءه... اميره بحزم:-انا عايزه انزل مصر زى ما انت قولت الصبح ايمن معتذرا:-اميره انا فعلا مكنش قصدى اضربك ..بس انتى اللى .. قاطعته بقسوه لم تعرف من اين اوتيت بها:-انا ايه ؟انا ايه ما تكلم انا اللى روحت عرفت عليك واحد وبفكر فيه لحد دلوقتى؟!انا اللى مديت ايديا عليك ؟انفجرت الدموع من عيناها وتابعت وهى تشير باصبع يدها المرتجف فى حزم:-انت هطلقنى ..فاهم يعنى ايه..وهتحجزلى وهنزل مصر يا ايمن..مش لوحدى انا وعلى ..وابقى روحلها ..روحلها يا اخى ..انا حاولت معاك بس من الواضح انى فشلت ايمن بتعجب:-واحدة مين؟!ثم تابع بارتباك:-انتى بتألفى قصص وتصدقيها... اميره وقد استدارات حتى لا تنظر اليه:-وكمان بتكدب..يا برودك يا اخى .. تحرك و وقف امامها:-اميره الكلام اللى فى دماغ ده والله اوهام .. اميره بقوه وحزم:-ماشى انا موافقه ان ديه اوهام ثم التقطت هاتفها من على المنضده ونظرت له فى ام عينه:-شايف النمره ديه ..شايفاها كويس مش بتفكرك بحد؟!تحب اقولك مين ..ديه نمره لواحده اسمها سمر مش متجوزه ..هيا ديه اللى خليتك متحضرش ولاد ابنك لانك كنت عندها.. تابعت وقد تحركت الدموع فى عيناها:-كنت فى شقتها ..طب تحب اقولك العنوان ... ايمن بارتباك وهو ينظر ارضا:-انتى عرفتى الكلام ده منين؟ اميره بقوه :-مش مشكلتك عرفته منين ..ولا عايزه منك تبرير ..عارف ليه ..عشان خيانتك ليا ديه ملهاش اى مبرر قاطعها فى قوه واكمل:-لاء ليها..وانتى لما كان شعرك مبيتسرحش باليومين والتلاته وهدومك اللى مبتتغيرش والشقه اللى الشارع كان انضف منها وابننا اللى مكنتيش مهتمه بيه ..طب والنت والكمبيوتر ..كل ده كان لازم يخلينى اضعف اميره فى غضب:-وانا كمان كانت قدامى حجات كتير اوى ممكن تخلينى اضعف بس مضعفتش يا ايمن لانى اولا بخاف من ربنا ثانيا كنت بحبك..حاولت كتير انسى اللى عملته وانا فى مصر بس لما عرفت انك بتحاول تتصل بيها تانى ..حسيت ان كل حاجه ضاعت منى تانى تابعت وهى تبكى:-حاولت اتغير تانى ونضفت الشقه ونيمت على وكنت عايزه احتفل معاك بعيد جوازنا بس فوجئت انك مع كل ده بتمد ايدك عليــا هنا اتجه اليها وقبلها ..ابعدته عنها ..قال لها بتوسل:-يا اميره افتكرى اى حاجه حلوه بينا ..بالله عليكى بقى خلاص..والله ما هعمل حاجه تزعلك تانى قاطعته فى قوه:-طب جرب كده ترمى الفاظه اللى جمبك ديه ...هتلاقيها اكسرت ..صح؟!..حاول كده تلمها تانى ؟!مش هترجع زى الاول يا ايمن..تابعت بهدوء:-انا محتاجه اخد فتره واهدى ايمن :-طب خلاص اعدى هنا وانا هعد فى اى فندق بس متنزليش يا اميره اميره بحزم:-انا هنزل يا ايمن متحاولش بقى كفايه انا تعبانه بجد ... ايمن بحزم:-وانا مش هنزلك اميره :-يعنى ايه؟! ايمن بحزم:-يعنى مش هحجزلك يا اميره ومش هتنزلى اميره بقوه وقد التقطت هاتفها:-لاء وفر فلوسك انت انا هكلم ماما وهخليها تحجزلى هيا وهنزل ان شاء الله شعر بالارتباك قليلا وهو يراها تتصل فعلا بوالدتها... اميره:-ازيك يا ماما مايسه بفرحه:-باركى لاختك يا اميره ولدت النهارده العصر اميره بدهشه:-معقوله؟!ده انا كنت بكلمها بعد الضهر كده ..بس الف مبروك يا ماما مايسه:-وانتى يا حبيبتى عامله ايه؟مش محتاجه حاجه اميره بارتباك:-انا..انا ..لاء كنت بتصل اطن عليكوا بس يا ماما هتصل بمها وهباركلها ان شاء الله اغلقت معها الهاتف...نظر لها بانتصار والابتسامه العريضه مرتسمه على شفتاه... اما هى كانت شتعل غيظا..لم تريد ان تعكر فرحة والدتها ..ومع ذلك فهى مضطره ان تبقى معه وتعطيه حقوقه كامله حتى تستطيع ان تعود مره اخـــرى الى مصــر... ************************************************* فى اليـــوم التالى سافرت ساره واحمد الى الغـــردقه...وقررت سهى ان تأخذ سيف وحمزه لقضاء نزهه ايضا الى نفس المدينه ... *************************************** مر يومان ..كانت تجلس نهال بمفردها ..تتحدث مع ثريا فى الهاتف...علمت بولادة مها ..فرحت كثيرا...حددت موعد مع كــريم لزيارتهم فى المساء مع ثريا وفتحيه ومحمود...بدأت تشعر بالروتين فى حياتها الزوجيه بعد استئناف كريم عمله مره اخرى..كانت تستيقظ فى الصباح ترتب شقتها وتطهو طعام الغداء ...الخ..اصبحت حياتها ممله ...بدأت فكرة النزول والعمل تراودها كثيرا ... فى المســـاء ..انتظرت حضور كريم ...سلمت عليه واثناء تناولهم الغداء .. قالت له بدلال:-حبيبى انا وانا بقلب كده النهارده فى النت لقيت شركه محتاجه محاسبين جداد ..عايزه اقدم..ايه رئيك؟! كريم بحزم:-لاء طبعا نهال بتعجب:-ليه يعنى كريم بهدوء:-عشان انا مراتى متنزلش وتحتك برجاله وموصلات وقرف انتى مش عارفه الشارع فيه ايه نهال بغضب:-ما تحبسنى فى قفص احسن كريم موضحا:-مش قصدى يا نهال كده لكن انا خايف عليكى ومش راضيلك البهدله ثم تابع بمرح:-غلطان انا كده يا باشا يعنى عشان محبلكش البهدله نهال:-انا مبهزرش يا كريم انا ملانه جدا وانت مش حاسس بيا رن هاتف نهال..كانت ثريا تستعجلها بالاستعداد للنزول للذهاب لمها وحسن... كريم بمرح:-الحمد لله انقذتنى .. نهال بجديه:-على فكره الموضوع لسه مخلصش يا استاذ ... ************************************************** * قرر ايمن ان يحجز غرفه له فى فندق مجاور لمنزله هو واميره...بعد مرور اليومان..لم يجد تحسن منها ... اميره :-متحجزش حاجه ايمن بحزن:-وانا مش قارد اعد كده وانتى مش عايزه تعدى معايا اميره ببساطه:-ما تنزلنى احسن طالما مضايق اوى كده اتجه اليها واقترب منها وتابع:-انا مقدرش ابعد عندك..انتى ليه مش قادره تصدقى ده قاومته بصعوبه واستدارت وفضلت الصمت .. انتهز هو الفرصه و وقف امامها مره اخرى واقترب منها اكثر فاكثر ...همس لها برقه:-نسيتى كل حاجه حلوه ما بينا فى لحظه كده ..حرام عليكى يا اميره بقى خـــلاص .. دمعت عيناها وقالت برقه وهدوء:-توعدنى ان ديه تبقى اخر مره يا ايمن تمد ايدك عليا ايمن بلطف:-اوعدك انى عمرى ما هزعلك تانى ... وسكتت شهرزاد عن الكـــلام المباح.... ************************************************ كانت مها ترتدى عباءه فضفاضه زهرية اللون وطرحه بنيه طويــله...استقبل حسن الضيوف ...جلسوا فى الصالون ...فتحيه بجانب زوجها محمود ...ونهال وكريم وثريا فى جانب اخر.... مصت فتحيه شفتاها وقالت موجهه كلامها لمها:-هى ديه الاسماء بقى مها بابتسامه:-مالهم يا طنط .. فتحيه باقتضاب:-ملهمش ياختى ربنا يخليهملك ..بس لفت نظرى ان البنتين طالعين سمر زيك مها بحرج وارتباك:-ماما قالتلى ان الاولاد كلهم وهما صغيرين بيبقوا كده حسن بمرح:-هيا مها سمره يا ماما ...ديه زى القمر ثم طبع قبله على جبينها فتحيه لمها :-يعنى انا مبفهمش نهال محاوله معالجة الموقف:-يا خالتو ده العيال زى القمر وخصوصا الواد معز ده ..هخطبه لبنتى ان شاء الله ضحك الجميع وتابعت ثريا بمرح:-البت كارما وكنزى دول يتاكلوا اكل والله ..ربنا يخليهملكوا يارب انقضت السهره ..لم تخلوا من سخافات فتحيه..ولكن كل العيون الفرحه الاخرى بالصغار وفرحة حسن بهم ..انست مها كــــل شئ... ************************************************* مــــر عام كامل ..على ولادة مها ... كــانت تسير هى وحسن واطفالهم الثـــلاث فى احدى شوارع القاهره المزدحمه بالناس ..ينتقون ملابس والعاب للصغار... كانت تحمل كارما بيد وتمسك حقيبة الصغار باليد الاخر ..وحسن يحمل معز وكنزى .. مها بمرح:-احنا ايه اللى خلينا نتلحس فى مخنا وناخدهم يا حسن معانا ... حسن وهو يضحك:-افكارك يا ام العريف ثم قلد نبرة صوتها:-ناخدهم يا حسن فيها ايه ما كل الناس ماشيه بالعيال ثم تابع وهو يضحك:-مشيتى بالعيال ياختى مها وهى توكزه بيدها برفق:-طب خلى بالك منهم بقى سقطت منها الحقيبه ..قال لها:-استنى هجيبها اعطاها كنزى ..ومن ثم التقط الحقيبه واعتدل مره اخرى ليصطدم بشابه ..قال مبادرا:-انا اسف معلش الشابه :-ولا يهم حضرتك ..وفجأه نظرت اليه وقالت بدهشه:-حســـن حسن وكأن الزمن قد عاد به للوراء:-علــــياء !! ************************** | ||||||||
|
| |
|
19-07-16, 02:13 PM
| #27 | ||||||||
| مراقبة عامة ومشرفة منتدى الروايات المنقولة
| البــارت الخامس و العشرون تجمـــدت العيون...عاد حسن وتلك العلياء الى الزمن بالوراء..مرت بضع ثوانــى..ومازالو ينظران لبعضهم البعض ..أما مها بالطبع لاحظت انها ليست مجرد شابه اصطدمت به .. قالت عليـــاء متلعثمه لحسن :-دول ولادك يا حسن! حسن بتلعثم وارتباك واخيرا لاحظ ان مها تقف بجانبه:-اه ولادى ..تابع موضحا بارتباك:-توأم... اشار الى مها وقال لعلياء :-مها ...مراتى مـــدت علياء يدها لمهــا وقالــت لها بهدوء :-تشرفنا حتى مها اصابتها الدهشه وردت:-شكرا وانا كمان...اتشرفت بيكى استأذنت عليــاء وقالت بأدب موجهه كلامها لحسن:-انا ماشيه ..مع الســلامه كـــانت رشيقه ..ترتدى بنطالا فضفاضا اسود اللون ..ومعطف طويل اسود ايضا..وطرحه بيضاء صغيره...وجهها كان يخلو من مساحيق التجميل ...عيونها السوداء تبدى حزنـــا مهما حاولـــت اخفاءه....يظهر بوضوح .... نظرت مها لحسن بتساؤل بعدما رحلت ..قائله:-مين علياء ديه يا حسن لم يجيبها ...كررت السؤال مره اخرى..مره اخرى لا يجيبها وكأنه رحل فى عالم اخر مها بعصبيه:-حسن..مين ديه حسن وقد عاد لوعيه قائلا بارتباك:-ديه..ديه ...كانت زميلتى فى الكليه ثم نظر الى الارض وانتفض وقال :-ايه ده موبيلها وقع مها بعصبيه :-مين قالك انه تليفونها التقطه مسرعا متجاهلا مها ..وهرول وهو يحمل الصغيرين اليـــها يعطيــها الهـــاتف... أما مها فبقت بمفردها تقف تنتظره ولا تعلم ما الذى يحدث.... *************************************** وفى اليـــوم التالى.... كانت نهـــال تمسك بهاتفها المحمول فرحه ..اتصلت بكريم .. مرت لحظات قليله حتى اجابها ... نهال بفرحه:-حبيبى ازيك كريم بتعجب:-غريبه ديه..مالك يا نهال انتى سخنه ولا ايه نهال بمرح:-انا قولت اتواضع واقولك حبيبى .. كريم بمرح:-الله يكرم اصلك ..عايزه ايه عشان مش فاضى الصيدليه زحمة نهال بفرحه:-انا حاسه انى حامل كريم وقد نهض من مقعده وتابع بفرحه:-بجد نهال :-قول بس يارب..وهاتلى اختبار حمل وانت جاي بقى كريم :-انا جاى حالا ... ساعه تقريبا مرت حتى وصل كريم اليها..احتضنها وقال لها بفرحه وهو يعطيها الاختبار..:-ادخلى يلا بقى ..لحد ما اغير هدومى ...ثم رفع يده للسماء:-يارب سمعنى خبر حلو بدل ملابسه ..بينما دخلت هى الى الحمام ... مر وقت ليس بالقليل ..خرجت من الحمام وقالت بخيبة امل وعيناها ممتلئه بالدموع :-سلبى..مفيش حمل ولا حاجه لم يستطيع هو ايضا ان يخفى خيبة امله وقال لها وهو يواسيها بصعوبه :-خلاص يا نهال مفيش نصيب يا بنتى نهال وهى تبكى:-احنا بقالنا سنه متجوزين ..ومحصلش حمل من اول الجواز ..احنا لازم نروح النهارده ونكشف كريم مطمئنا:-خلاص زى ما انتى عايزه ... ***************************************** مـــرت تلك السنه هادئه نوعا ما على اميره وايمن ...اصبح على عمره عامين تقريبا ... كانت اميره تقف فى المطبخ..تطهو الطعام ..بطنها منتفخ قليلا ..كانت حامل فى شهرها الثانى..نزلت هى وايمن الى مصر مره فى تلك السنه وقاموا فيها بزيارة مها وحسن وتهنئتها بصغارها....ايمن فى عمله ...على يجلس فى غرفة المعيشه تحيط به العابه . رن هاتفها المحمول ... اميره:-سلام عليكم المتصل وكانت سهى :-عليكم السلام اميره :-عامله ايه ..معرفتش اكلمك امبارح زى ما اتفقنا ..اتشغلت جامد والله سهى بحزن:-الحقينى يا اميره اميره بقلق:-مالك يا سهى انا اول مره اشوفك كده سهى :-فاكره مصطفى زميلى فى المستشفى اللى كلمتك عنه ده اميره:-اللى كان عايز يتقدملك ده ؟! سهى :-ايوه ..راح قابل خالو واتفقوا سوا وكده عالحاجات الاساسيه واكتر حاجه كانت مفرحانى ان حمزه وسيف كانوا مرحبين بالموضوع جدا ...دلوقتى بقى وليد ده عرف من امه ..وبعد ما كانت حماتى موافقه ..زن على ودانها ..والعيال ومش العيال ..لحد ما اتصلت بيا قالتلى انها مش موافقه وانى لو مصممه اكمل فى الجوازه ديه يبقى اسيبلهم العيال اميره متأثره لصديقتها:-حسبى الله ونعم الوكيل بيمسكوكى من ايدك اللى بتوجعك ..عارفين انك لا يمكن طبعا تستغنى عن الولاد سهى بحزن :-انا فوضت امرى لربنا ..ده الانسان الوحيد اللى فكرت فيه بعد لؤى الله يرحمه ..يلا مفيش نصيب اميره بغضب:-يا سلام وهتستسلمى بسهوله كده ..انتى عمرك ما كنتى باليأس ده يا سهى ..افتكرى كلامك ليا لازم تروحى واعدى ما حماتك وتقنعيها ... سهى :-ربنا يسهل يا اميره.... ******************************************** لم تنم مها تلك الليله بالطبع ...كانت تفكر فى كل شئ....كل شــئ حدث..بالامس "فلاش باك " وصل اليـــها ..كانت تمرقه بنظرات ناريه ...قالت له بغيره واضحه:-مين بقى الهانم..ومالها استغربت انهم ولادك كده حسن بارتباك:-يا مها .. ديه زميلتى فى الكليه مها :-يا سلام ..ومالها ازبهلت كده ليه يعنى حسن بحده:-يا مها العيال معانا نبقى نلكم بعدين ..هتقفى تتخانقى فى الشارع كده يعنى .. مها وهى ترفع معز كارما اكثر على كتفها :-ماشى يا حسن بالطبع لم يتسوقوا كثيرا ..كان صامتا طوال الوقت وكأنه عاد لزمن اخر ..وهى ايضا كانت فى حيره شديده من امرها .. استقلوا السياره وعادوا الى البيت ..وكعادة كل الاطفال ..بمجرد ان تتحرك السيارات يستغرقون فى نوم عميق ... اغتسلوا وصلوا العشاء سويا ..وجلست معه وقالت له بهدوء:-يلا انا هقوم احضر العشا عشان ناكل حسن بهدوء:-لاء مش جعان اوى حاولت ان تخرجه من الموقف وتابعت وهى تضحك :-طب يعنى جعان يعنى ..هناكل سوا بقى حسن بملل:-يوه يا مها مش جعان بقى ..انا عايز انام مها بملل:-على راحتك .. دخل الى الغرفه واول ما فعله امسك بهاتفه ..كانت فى طريقها الى الغرفه من الحمام...سمعته يتحدث مع صديقه هـــانى...تعرفه جيدا ..جاء يبارك لهما قدوم الصغار وايضا جاء لهم فى اول زواجهما... حسن:-مش هتصدق يابنى شوفت مين النهارده هانى بمرح:-نانسى عجرم؟! حسن بجديه وبصوت منخفض :-علياء هانى متعجبا:-يا سلام ..علياء وديه رجعت مالسفر امتى ديه ... حسن هائما:-انا اول ما شفتها مش عارف ايه اللى حصلى .. هانى مقلدا نبرة صوته:-يا حلاوه يا ولاد ..امسك نفسك ياض عشان مراتك حسن بجديه:-انت اهبل يابنى ..انا بحب مها ..بس عارف كده لم تنتظر هى اكثر واقتحمت الغرفه ..بدا طبيعيا تماما واكمل مع صديقه:-اول لما اجى بكره الصبح ان شاء الله هجبلكوا اوراق الميزانيه .. اغلق مع صديقه..ونظر اليها قائلا:-انتى مش هتاكلى مها ببرود:-ماليش نفس ... عادت الى الواقع مره اخرى ..كانت تجهز الغرفه لكارما ومعز وكنزى ليلعبوا بها ... لم تكن تريد ان تلح عليه فى معرفة من تكون علياء تلك ..فعرفت من من ستصل الى المعلومات الاكيده... امسكت بالهاتف وهى تقف فى المطبخ تقلى بيضتين ..وهى تتصل بفتحيه.. فتحيه :-ازيك يا مها مها بهدوء:-الحمد لله ..نزلنا امبارح انا وحسن عشان نشترى لبس للعيال فتحيه بامتعاض:-وطبعا كلفتيه دم قلبه مها وكأنها تعودت على اسلوب فتحيه:-لاء يا طنط والله ما اشتريناش اصلا بس ايه حسن امبارح اتبسطت اوى فتحيه بفضول:-ليه مها وتبدو طبيعيه تماما:-قابل واحده زميلته فى الجامعه امبارح ..اسمها اسمها علياء تقريبا فتحيه بدهشه:-علياء مها بقلق:ايه فيه ايه فتحيه بتلقائيه:-اصل علياء ديه خطيبته قبلك وكان هيموت ويجوزها مها بغضب لعدم مراعاة فتحية لشعورها:-هيموت؟!..ومجوزهاش ليه يعنى ..وبعدين انا اول مره اعرف ان حسن كان خاطب فتحيه وقد تلذذت بتلك النبره الغاضبه منها:-انا موافقتش على الخطوبه اصلا ..كان مشروع خطوبه اقصد مها بتساؤل وغضب:-ليه موافقتيش فتحيه ببرود:-عليا انا ما انا كنت عارفه انك معجبه بيه من وانتوا عيال قد كده ..وكمان اهلها عدمانين ومعهمش حاجه وكانوا هيدبسونا فى الجوازه كلها مها بحزن:-لكن انا طبعا مش كده فتحيه وهى تضحك:-عفارم عليكى بتفهمى والله... اغلقت معها ...لكوا ان تتخيلوا شعورها فى تلك اللحظه ..ودت ان يكون معها الان كى تنفجر فيه ..راودتها افكار عديده..لماذا لم اسأله يوما"لما تزوجتنى؟!"...... وفى جانب اخر... كان يجلس هو فى مكتبه بصحبة بعض زمايله...كان يجلس امامه هانى ... حسن بجديه :-انا مش عاربف انا حصلى ايه..عارف اول لما شوفتها حسيت كان الزمن رجع بيا تانى ..ايام الورد بقى والشقاوه ..هيا زى ما هيا اول حاجه قالتهالى لما روحت اديها تليفونها انت اتغيرت اوى ..كان مستغربه زبيبة الصلاه والدقن والولاد ومها كمان ..انا كمان لقيتها لابسها اتغير خالص مفيش نقطة مكياج فوشها على حسب ما شوفت يعنى هانى بمرح:-حيلك حيلك ...انت كمان مركزتش حسن :-يا بنى انا طبعا مبصتش عليها وركزت اولا خوف من ربنا ثانيا .. قاطعه هانى بمرح:-من مراتك ..ثم اطلق ضحكه ضحك حسن ايضا ...من داخله تمنى ان ينسى انه شاهدها..ولكن جانب اخر فى قلبه يتمنى لو يراها مره اخرى صدفه ايــضا.... **************************************** كانـــت نهله والدة كريم تتحدث مع صديقتها التى كانت تجلس معها... نهله بحزن:-الواد الحيله بقاله سنه متجوز ..ولا عيل ولا تيل وكمان مكنوش عايزين يروحوا يكشفوا صديقتها :-لحد دلوقتى ..اتاخروا كده ليه ... نهله :-مش عارفه ..بس رايحين النهارده ..زمانهم هناك ..ثم تابعت بشوق :-نفسى افرح بولاده اوى وكريم كمان ده بيموت فى الاطفــال ده انا سمعت ان ابن خالة مراته خلف تلاته توأم بسم الله ما شاء الله .. صديقتها :-ماشاء الله ************************************** خرجت من عنــــد الدكتور وهى قلقه بشـــده ..وهو ايضـــا..طلب منهم بعض التحاليل ..اقترح ان يجروها فى معمل التحاليل المجاور..فعلوا هذا ..واخبروا بأن النتيجه سوف تكون غدا ..دعونا ندعو لهم بأن يرزقهم الله الذريه الصالحه... ******************************* وصـــل حسن الى المنزل ..استقبلته ببرود..كانت كارما تحبو حتى وصلت الى قدم ابيها ..ابتسم لها وحملها بين يديه ..وقال لها وهو يداعبها:-انتى يا بت بتحلوى كده كل يوم عن اللى قبله ... ما ان وجدتها كنزى على يد ابيها حتى ظلت تحبو هى ايضا وتبكى لكى يحملها هى الاخرى ...حملها ايضا ..واخيرا جاء دور معز ..فضحك حسن وهو ينظر لمها :-لاء كده انا هاخدهم واقع ...لاحظ انها لا تضحك ولا تشاركه اى شئ .. انزل كارما وكنزى و وضعهم بجانب معز ... وضعت لهم طعام الغداء..والصغار يلعبون من حولهم ... مها بصعوبه وحزن:-حسن..مقولتليش يعنى ان علياء ديه كانت خطيبتك ... اندهش وارتبك فى نفس الوقت وقال لها:-مين قالك؟! مها بحزن:-طنط فتحيه ..كنت بكلمها وبحكيلها نك شوفت زميلتك قالتلى انك كنت هتموت وتجوزها بس هيا اللى موافقتش حسن بانفعال:--هيا قالتلك كده مها ببرود:-لاء مش كده بس قالتلى انك تقريبا اتجوزتنى عشان كنت عارف انى بالعربى مدلوقه عليك من زمان ....دمعت عيناها وتابعت:-وكمان ان اهل البنت مكانوش جاهزين عشان يجوزوها وكده شعر بالحرج امامها ...تألم كثيرا وهو يراها تبكى وتسرد له ما قالته فتحيه ...اقترب منها وضمها وقال لها برقه:-يا عبيطه انا بحبك ..علياء كانت اه قصه فى حياتى بس انتهت ومن فتره كبيره كمان ..اعذرينى انى اتبدلت لما شوفتها بس ده كان طبيعى .... قاطعته قائله وهى مازالت تبكى:-يعنى ..يعنى ..انت مش ندمان انك اتجوزتنى ؟! ضحك حسن وقبلها وقال لها:-وانا اقدر يا سعادة البيه ... ضمته بقوه ...و وكزته برقه وهى تهمس له فى اذنه"انا مقدرش اعيش من غيرك يا حسن"... ****************************************** أمــا عليـــاء عادت الى منزلها ..فى ذلك الشارع الضيق ..كانت تسير مبتسمه رغم علمــها بأنه تزوج ...تذكرت ابتسامته ..وشكله الجذاب بعد اللحيه..استغفرت ربها على انها دققت به النظر الى ذلك الحـــد... دخـــلت الى المنزل استقبلتها والدتها ..امرأه فى اواخر الاربعينات ..."نـــاديه" ناديه لابنتها بتعجب:-مالك مبتسمه كده ليه علياء بفرحه:-مش هتصدقى شوفت مين النهارده يا ماما ناديه بفضول :-مين؟ علياء :-حسن . ناديه بغضب:-بتاع الجامعه؟ علياء موضحه:-اه ..قابلته فى شارع-----------ثم تابعت بحزن:-كان ماشى هوا ومراته وولاده ناديه بعصبيه:-هوا ده اللى انتى عايشه على ذكراه ياختى لحد دلوقتى ..عندك 27 سنه وبترفضى اى حد يتقدملك عشانه ..هوا بقى شاف حياته وعاش واتجوز وخلف ..وكمان ولاده ليه هوا اجوز من قد ايه ده علياء موضحه :-تلاته توأم ناديه باقتضاب:-انسى الموضوع ده يا علياء ده واحد متجوز علياء بصدق:-لا يمكن طبعا الموضوع يتطور معايا لاكتر من تفكير..وهينتهى ناديه :-الشركه اتصلت بيكى علياء بفرحه:-بجد؟! ناديه بفرحه:-اه والله ..واونى العنوان ده اعطتها ورقه ..:-فرع الشركه اللى هتقابلى فيه المدير بتاعك ... تمتمت علياء"الحمــــد لله" ********************************************** أما ســـاره واحمد ...وضعت ساره مولودتها "ليـــلى"..وسط فرحه من المحيطين بها كلهم حتــى نبيله فرحت لها ...لم تخلوا حياتهم من تدخلات نبيله بالطبع ..ولكنها قلت عن الاول ولكن ليس بكثير... كانت تجلس ساره فى غرفة المعيشه ونبيله امامها تحمل ليلى..يشاهدوا احدى المسرحيات..واحمد فى عمـــله... نبيله وهى تتحس شعر ليلى:-بت يا ساره قومى هاتيلى مكنة الحلاقه بتاعت جوزك ساره بتساؤل:-ليه نبيله:-بنتك شعرها خفيف اوى وناحل نحلقه من دلوقتى عشان يتقل شويه ساره بقلق:-لاء احمد ممكن يزعق بقى وانا مش ناقصه نبيله بعصبيه:-انتى هتفضلى طول عمرك خايبه كده ..البت هتطلع قرعه ..قرب السنه وشعرها خفيف اوى ..قومى قومى نهضت ساره على مضض ..واعطتها المكنه بخوف قائله:-بس براحه يا نبيله عليها انا خايفه شعرها يطلع خشن نبيله وهى تضحك :-بس يا هبله خشن ايه وبتاع ايه ده انا عملاها فى ولاد بنتى كلهم بدأت بالفعل تحرك المكينه على رأس الصغيره ..واثناء ذلك بكت ليلى وحركت رأسها ببلاهه فأخذت الماكينه جزءا صغيرا من شعر حاجبها الايمن.... ساره بخوف وهى تفصل الكهرباء عن الماكينه .:-يا نبيله البت حاجبها كان هيطير نبيله باطمئنان:-متقلقيش ..هيطلع تانى هيروح فين يعنى هنـــا طرق الباب..ومن ثم دخــل احمد ..ليتفاجئ بمـــنظر ابنته .... ********************************* | ||||||||
|
| |
|
19-07-16, 02:14 PM
| #28 | ||||||||
| مراقبة عامة ومشرفة منتدى الروايات المنقولة
| البــارت الخامس والعشرون ج2 البعض منا لا يقدر ما بيده من نعم ...حتى تزول منه وتختفى..وحينها يندم فى وقت لا ينفع النـــدم...ليت ســاره تعلم هذا... وتتيقن من انها تعرض نفســها لخســارة زوج تتمناه كثير من النــساء ... دخـــل عليهم ..قال بنبره عاديه:-سلام عليكم ارتبكت ساره..وردت:-وعليكم الســلام نظر الى نبيله وجدها تحمــل ليلى ...تفاجئ بمنظر ابنته .. اسكتته الصدمه برهه من الزمن. حتــى هرول يمسك بها ...نظر الى ساره بانفعال وصريخ:-مين اللى عمل كده فى البنت يا هانم نبيله ببرود:-انا يا استاذ احمد .. ساره بارتباك:-حبيبى اصل نبيله قالتلى ان ..ما كادت تكمل كلامها .. قاطعها ونهرها بشده :-نبيله قالتلى ونبيله عدتلى ..انتى مفكيش مخ يا هانم ولا دماغ ساره بعصبيه:-انت بتكلمينى كده ..البنت فعلا شعرها كان خفيف نبيله ببرود وهى تنهض من مكانها :-انا نازله بقى يا جماعه..ديه مسائل عائليه اوقفها احمد بصوته الجهورى الصارخ وهى امام الباب:-انتى يا ست انتى ..مراتى وبنتى مالكيش دعوه بيهم تانى ..انا خلاص قرفت ساره وهى تصرخ به:-انا اللى سمحتلها انها تعمل كده .. احمد بعصبيه وقد احتقن الدم فى وجهه:-عشان غبيه ...شايفه البنت وشها اتشوه ازاى بحجبها اللى اتشال منه حته نبيله بمنتهى الهدوء:-يا استاذ احمد انا نازله عشان ورايا حجات تحت كتير ..ومتزعلش اوى كده يعنى ..هيطلع تانى وتابعت بابتسامه:-وهتدعيلى احمد بغضب وعصبيه:-يا شيخه ادعيلك ايه..ده انا هدعى عليكى نبيله بغضب لساره:-عجبك اللى جوزك بيعمله ده يا ساره ..انا مش داخلالك بيت تانى ساره وقد هرولت ورائها عندما وجدتها تفتح البــاب:-يا نبيله تعالى متزعليش لم ترد عليها وتركتها وذهبت ... أما ساره دخلت الى احمد الذى اخذ يهدئ روع ابنته التى كانت تصرخ من سماع تلك الاصوات ... وقالت له بغضب:-انت ازاى تحرجينى قدامها بالشكل ده كان يتمتم بما تيسر له من القران ..حتى يهدء ... رأته يفعل ذلـــك .. انتظرته بعينين غاضبتين ..انتهى اخيرا انفجرت فيه قائله :-انت ازاى تحرجينى بالشكل ده قدامها..شايف زعلت ازاى ...يعنى كان كل هم الست انها تفيدنا..انا مش فاهمه انت ليه حططها فى دماغك بالشكل ده ..سيطر عليها الشيطان اكثر فقالت له :-امال فين احترام الغير والمثل اللى انت بتعد تكلم بيها ...بلا خيبه صرخ بها وهو يتجه الى غرفة النوم:-لاء انتى خلاص كده فوتى على الاخر ..انا بجد مبقتش مستحمل العيشه بالطريقه ديه..مره ادخل الاقيها بتبوس البنت من بوقها وانبه عليكى مره واتنين وتلاته ..يا ساره انتى معاكى بنت ..لازم تحافظى عليها ..لكن مين يسمع بتسمعى الكلام من هنا واشار الى اذنه ..وتابع:-وتخرجيه من الناحيه التانيه . .ثم توجه اليها واقترب منها كثيرا حتى اصبحت عينه امام عينها وامسك ذراعيها وقال لها بحزم :-انتى لو متعدلتيش هيبقى ليا تصرف تانى خالص ..انتى متعرفيهوش يا ساره ساره وقد ارتعدت لما تراه منه ...قالت وهى تحاول الا تفقد قوتها :-انتى بتهددنى احمد بلا مبالاه وهو يتجه الى الحمام:-احسبيها زى ما تحسبيها مش فارق معايا ... ************************************* فى اليـــوم التالى... كانت امــيره تجلس فى الغرفه مع على ...تلاعبه وتغنى له تاره بعض اغانى الاطفال..وتاره اخرى تقرأ له بعض السور القصيره ... دخــل ايمن عليهم ... قالت له مبتسمه:-ازيك يا حبيبى ايمن بابتسامه ايضا..ولكن بدا عليه الارهاق الشــديد:-الحمد لله ..كان يوم متعب جدا اميره بتأثر:-معلش يا حبيبى ..هوا اول يوم فى الجرد عندكوا ديما بيبقى كده ايمن :-انا عندى خبر حلو اميره بفضول :-خيــر.. ايمن:-هخدك انتى وعلى ونروح ______ النهارده بليل ان شاء الله اميره بتعجب:-ديه بعيده اوى ايمن وهو يضحك:-بعيده ايه يا اميره ..ديه عالحدود ...بالعربيه يعنى زى اسكندريه فى مصر كده من عندنا فى القاهره اميره وهى تضحك:-لا بجد...ثم تابعت بفرحه:-انا كنت زهقانه جدا ايمن بزهو:-عشان تعرفى بس انتى مش مجوزه اى حد وخلاصــ... ******************************************* استيقظـــت نهال تلك الليله مبكرا ...كان متلهفه على نتيجة التحاليل ..اخبرها كريم انه سيذهب هو وهى الى الدكتور مساءا بالتحاليل لكى يخبرهم بالنتـــيجه ...تمنت لو ان الساعات اصبحت ثوانى حتى تطمئن ...لم تكن تتخيل يوما ما ان تشتاق الى الامومه الى ذلك الحد ..ولكنها الفـــطره... وكـــريم ايضا كان يجلس فى الصيــدليه ..يكلم الزبائن بأعين تائهه ...وفـــكر مشغول للغــايـــه... *********************************************** استيقظت مها فى ذلك اليوم على بكاء كــارما ..ومن ثم معز فكنــزى ..حملت البنتين وامســكت بيد معز الذى كان يتعلم المشى حديــثا .. اجلستهم على الارض ..وافترشت لهم لعبهم ...وذهبت هى الى الحمام تغتسل وتصلى ..لتبدأ مهام يــوم جديد... اول ما فعلته اتصلت بأميره ومايسه..اطمئنت عليهم ..ثم اتصلت بســاره.. مها بمرح :-سلام عليكم يا حماة ابنى ساره بهدوء:-وعليكم السلام ..ازيك يا مها مها بتساؤل:-فيه ايه تانى ..اتخانقتوا تانى ؟. ساره بحزن:-مش فارقه ..خلاص انا زهقت اصلا ..كل يوم خناقه شكل ..امبارح اتخانق معايا خناقه قد كده وكل ده عشان نبيله حلقت لليلى شعرها مها بتعجب :-نعم !!! ساره بانفعال:-مالك انتى كمان ..ما كل الستات الكبيره بتعمل كده للعيال الصغيره ..والب ت شعرها خفيف اوى ..مش يمكن يتقل مها بانفعال:-كله كلام فاضى حماتى كانت عايزه تعمل كده فى كارما وكنزى ورفضت تماما وخليت حسن يقولها لاء ..اولا ممكن يطلع الشعر خشن ولو مطلعش بردوا مش هيطلع تقيل ..والله اعلم طبعا بس انتى حتى المفروض كنتى تستأذنى منه ..هيا مش بنتك لوحدك ساره بانفعال:-وانا يعنى كنت حرقتها بالنار انا عايزه مصلحتها مها وقد استعادت هدوءها :-طب روقى خلاص ..انتوا كنتوا وصلتوا لايه امبارح ساره:-مفيش..انا غلط معاه بالكلام ..راح سابنى ونام فى اوضه تانيه ولما صحيت كان راح الشغل مها :-طب مش هتصالحيه ؟ ساره بحيره:-مش عارفه ..انا اتصلت وصالحت نبيله اللى هزقها ديه مها بانفعال:-انتى بتستهبلى بتصالحيها قبل جوزك ..الست ديه مش هترتاح الا لما تخرب عليكى وترجعى تقولى ياريت اللى جرى ما كان .. ساره بحزن:-طب اعمل ايه ؟ مها ببساطه :-اتصلى صالحيه...وابعدى الست ديه عن حياتكوا بأى طريقه بقى ************************************ ارتدت تنوره طويله سوادء..وبـــلوزه مزرقشه باللون البنفسجى والاسود..وطرحه طويله ..كانت رقيقه ..وهى تمسك باوراقها وتسير فى تـــلك الشركه ..تائهه لا تعلم الى اين تذهب بالظبط...اصطدمت بشخص ما فوقع ما بيدها ارضا ... الشاب بانفعال:-مش تفتحى علياء معتذره:-انا اسفه ..معلش مخدتش بالى لاحظ ارتباكها فابتسم وقال لها :-انتى ..انتى قاطعته وهى تقول:-المفروض انى جايه اشتغل ..بس لما بعتولى قالولى روحى لمحاسب اسمه فارس احمد محمد ..وعماله ادور عليه قال لها متسائلا:-انتى علياء عبد الرحمن ؟! عليــاء بابتسامه:-حضرتك استاذ فارس فارس :-اه انا ..معلش اول تعارفنا خناق كده مد يده يسلم عليـــها ... نظرت ارضا وقالت بهدوء:-معلش مش بسلم ... فارس بحرج:-ولا يهمك ..طب تعالى نروح المكتب وانا هفهمك شغلك هيبقى ايه هنا بالظبط ... ذهبـــوا سويــا ..وابتدت تخطو اولى خطواتها... ******************************************** خـــرجت اليوم مبكرا من عملهــا فى المستشفى ..لم تكن تريد ان تلتقى به ..قررت ان تتصل بوالدة ارملها ..ربمـــا تنجح تلك المحــاوله... اتصلت بها ... سهى:السلام عليكم اجابها صوت رجولى كان وليــد:-عليكم السلام ورحمة الله وبركاته...ازيك يا سهى سهى باقتضاب:-الحمد لله ..طنط موجوده وليد :-اه موجوده ..نفسها تشوف العيال اللى متشفهمش خالص سهى ببرود:-على فكره كانوا لسه عندكوا اول امبارح ومكنتش حضرتك موجود ..عموما انا هتصل بيهم دلوقتى يروحوا يشوفوا طنط ويسلموا عليها وليد بفضول:ولسه مصممه عالجواز؟ سهى ببرود:-ميخصكش فى حاجه على فكره ثم تابعت :-ولو سمحت اقفل دلوقتى عشان الحق اتصل بالولاد يجوا لطنط .. وليد:-مش كنتى عايزاها سهى :-لما تبقى لوحدها ابقى اكلمها ... اغلقــــت واتصـــلت بأولادها و اخبرتهم بأن جدتهم تريد ان تراهم ... أما هى فذهبت الى مكان طالما ارتاحت به وشعرت فيه بالسكينه والهدوء ..الا وهو ذلك المسجد الذى كانت تحــفظ به القران منذ نعومة اظافـــرها.... ************************************************** * اخبرهـــا بمهامها الوظيفيه ومواعيد الحضور والانصراف والمرتبات ...الخ.. كان لها مكتب من احد عشر مكتب موجودين فى غرفه تكتظ بالنساء فى مثل عمــرها... تعرفت على بعض منهم ..حتـــى اقترب موعد اذان العصر واقترب موعد انصرافها ... خـــرجت وقفـــت تنتظر مكروباصا تستقله الى منزلهـــا... كان هو خارج من الشـــركه الى سيــــارته ..نظر ..وجدهـــا هــى ... مره اخرى يجمع القـــدر بينهم ..التفتت هى ايضا له.. قال لها بصوت مبحوح من الصــدمه:-علياء .. علياء بتعجب:-انت تانى ! ..انت كنت فى الشركه ديه ! واشارت خلفها الى ذلك المبنى الضخم... حسن :-انا بشتغل هنا.. عليــاء بتعجب:-انا لسه مستلمه النهارده اول يوم صمـــت من هول صدمته ..وهى ايضــا كانت بنفس الحــاله... جاء المكروباص الذى كانت تنتظره ..قالت بهدوء:-عن اذنك ... مره اخرى انقلب كيــانك يا حســـن ....وانشغل فؤادك يا عليــاء... ******************************************** حــل المساء اخيــرا..الذى كانت تنتظره نهال بفارغ الصبـر.. دخــلت هى وكــريم الى عيــادة الدكتــور.. أمسك الدكتــور ورق التحاليل ..تفحصه بدقه ..وسط عيون كريم ونهال القلقه ... انتهى الكشـــف ..خرجت تبكى بشده ..وهو يضمها ودموعه تتساقط ايضا فى هدوء وحزن... علموا ان احتمالية انجاب نهال تكاد تكون منعـــدمه .. استقلوا السياره ..لم يتحرك بها وقال لها وهو يواسيها:-نهال مفيش حاجه بعيده عن ربنا يا حبيبتى قالت بصوت متقطع وهى تبكى :-انا كان نفسى اكون ام اوى ..ثم نظرت اليه واكملت:-ا انا ..ب..حب..ك وك..ان نفس..ى يبقى عنــدى اولاد منك تألم لها وامسك يدها بحنو وقبلها وتابع:-انا بحبك انتى بس ..مش عايز ولاد انتى كفايه علــيا... رن هاتفه المحمول ..نظر وجدها والدته ..هى ايضا متلهفه على نتيجة التحاليل ... لم يجيبها .. نظرت نهال بحزن دفين وقالت له بيأس:-ديه ممتك صح؟! هز رأسه فى أسى وقال:-اه... ****************************************** أما اميره فكانت تستعد للذهاب الى تلك المدينه الموجوده فى البلد المقيمه بها هى وايمن..تركوا ايمن عند جارتها يلهو مع ابنائها ... وقرروا ان يقضوا تلك الليله بمفردهما ..ويعودوا فى الصباح الى منزلهم مره اخرى ... استقلوا سيارتهم ..مرت ساعه ونصف تقريبا ..بقى ساعه واحده للوصول الى تلك البــلد.. كان الطريق تحيط به الصحراء الخاليه من الجانــبين... قال ايمن بتعب:-اميره عايز انام اوى اميره وهى تبتسم وتنظر فى الجهه الاخرى:-وقت هزارك يا اخويا ..وعمال تقولى قريبه قريبه ايمن وهو يتثائب:-انا مبهزرش ثم فرك عيناه وقال:-بصى انا هركن على اى جمب انام نصايه بس ونكمل اميره بتعجب وهى تنظر اليه:-نعم!! ايمن :-مش قادر هما نص ساعه بس..ريحى انتى كمان معايا اميره بعصبيه:-يا ايمن الطريق كله صحرا ..لاء متنامش حد يطلع علينا بقى ايمن وقد بدأ يركــن سيارته جانبا ..حتى غاصت عجلات الســياره فى الرمال الموجوده فى جانب الطــريــق.... **************************************** عاد حسن الى المنزل ...استقبلته مها بقبله رقيقه على وجنته ..ضمها هو ايــضا ... كان الصغار نائمين ...والشــقه مرتبه تماما والاضاءه خافته ... قالت له باسمه:-ازيك يا حبيبى حسن بابتسامه :-الحمـــد لله ..العيال نايمين مها وهى تغمز له :-اه نايمين .. ارتبك لانها فهمت كــلامه بشكل خاطئ تماما..قال لها بمرح :-لاء انتى فهمتينى غلط خالص ..ده انا ميت مالتعب وعاوز انام .... ******** | ||||||||
|
| |
|
19-07-16, 02:16 PM
| #29 | ||||||||
| مراقبة عامة ومشرفة منتدى الروايات المنقولة
| البــارت السادس والعشرون لا شئ اصعب على المرأه من علمها بضعف احتمال كونها اما...لنا ان نتخيل كم الضعف الذى شعــرت به نهال بعد خروجها من عيادة الدكتـــور..ظلوا صامتين طوال الطريق وما ان دخــلوا الى البيت حتى ذهبت الى الحمام وتوضأت وخرجت ارتمت على سجادة الصلاه سجدت فاحتضنت الارض وقصت لله كل شئ... امسكت بمصحف قد غطاه التراب..وفتحته ..سورة الشـــورى..بدأت بالتلاوه .. "لِلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ أو يزوجهم ذكراناً وإناثاًويجعل من يشاء عقيماً"... ما ان وصلت لتلك الايــه ..حتى بدأت فى بكاء شــديد .. سمع نحيبها ..كريم الذى كان يجلس فى غرفه مجاوره ..شارد بفكره عن الواقع ..ودموعه تسيل فى صمـــت... شعر بالقلق الشديد ..جرى نحوها ..ضمها بقوه وقال لها بصدق:-يا عبيطه انا ماليش غيرك ده قضاء ربنا الحمد لله ...لازم نرضى يا نهال ..يعنى ممكن كان يبقى عندنا عيال يقرفونا فى حياتنا ويكونوا سبب همنا وحزننا ..لسه الامل موجود نهال وهى تبكى:-وممتك ؟هتعمل ايه كريم وهو يحاول التظاهر بالمرح تابع وهو يضحك:-وانتى مالك ..امى انا ولا امك انتى ثم قومى اعمليلىاكل انا جعان..ثم استطرد وهو يحاول رسم الابتسامه على شفتيه:-فاكره يوم فرحنا كلتى اكل قد ايه يا نهال .. لم تستطع ان تمنع نفسها من الابتســامه وانقضت الليله بما فيها من حزن والم ... ********************************************** أما حسن دخـــل بيته فى السادسه مساءا ..كانت الاضاءه خافته ..والصغار نائمين استقبلته مها على الباب ..احتضنته وطبعت قبله على وجنته... ابتسم وقال لها:-ازيك عامله ايه يا ام العيال ثم تابع متسائلا:-هما العيال نايمين؟ مها وهى تغمز له:-نايمين اه .. حسن بارتباك لانها فهمت كلامه بشكل خاطئ تماما..تابع وهو يحاول ان يبدو مرحا على قدر الامكان :-لاء انتى فهمتينى غلط خالص ..انا ميت مالتعب وعاوز انام مها وقد احمرت وجنتها من الاحراج ..نظرت باتجاه المطبخ وقالت:-طب انا هحضر الاكل اهو بسرعه.. ذهبت سريعا من امامه ...أما هو فرك شعره الاسود الناعم براحته وتمتم:-ايه اللى انا هببته ده .. وعلى طاولة الطعام ..كان صامتا وكأنه فى عالم اخر.. مها بمرح:-شوفت كنزى النهارده قالت حسن ..كانت مسخره وهى بتقولها حسن بصدق:-وحشونى ولاد الايه ..ألبيت من غيرهم فاضى كده مها وهى توكزه:-تصدق انك رخم ..بعد كده هصحيهم فى الوقت ده وتبقى تتحايل عليا انيمهم .. حسن وهو يضحك:-ايوه يا عم الواثق مها :-عارف انا نفسى اروح بحر اوى واعد قدامه كده ابص بس وجمبى عصير مانجا وشوية عصافير كده بتطير والدنيا تبقى هاديه ومفيش شمس حسن بتلقائيه وهو يشير الى كوب الماء الموضوع امام مها :-علياء ناولينى كوباية الميه مها بغضب وتعجب :-نعم!! حسن بتلقائيه:-فيه ايه يا بنتى ..هاتى الميه مها بغضب:-انت قولت علياء حسن بتعجب:-انا قولت كده مها بحده:-ايوه قولت كده ..انت لسه بتفكر فيها ..نهضت من مقعدها وتابعت متسائله بحده:-انت شوفتها تانى؟! حسن بارتباك وقد نهض ونظر فى الناحيه الاخرى:-هشوفها فين يعنى ..مجرد لغبطه يا مها مها بسخريه :-بالبساطه ديه ؟! حسن وقد اتجه اليها وبدأ يضع يده على كتفها ليضمها..ابعدتها بقوه وتحركت باتجاه غرفتهم... سار ورائها ...تابعت بانفعال:-انت شكلك مش مظبوط من اول ما دخلت اصلا ..لإيه حاجه غلط حسن بارتباك :-يا مها متبقاش دماغك صغيره بقى ..كل ده عشان اسمها مها :-لاء يا استاذ عشان معنى كده انك لسه بتفكر فيها اصلا تابعت بحزن:-بص ..انت لو ندمان اوى كده انك اجوزتنى ...صدقينى عادى بس قاطعها بحده:-مها بطلى هبل بقى ..والله مش هتتكرر تانى وتابع بأسف:-انا اسف مها بحزن:-مفيش حاجه ..روح كمل اكلك ..انا هنام انا اتجهت ناحية الفراش...اتجه نحوها وامسكها بلطف ..واقترب منها اكثر ..ابعدتهبلطف وقالت له :-معلش يا حسن ..انا عارفه انك تعبان وانا كمان تعبانه ومحتاجه انام ابتعد عنها وقال لها :-طب مش زعلانه مها :-لاء حسن بمرح:-حتى لو زعلانه اتفلقى عادى جدا يعنى .. ضحكـــت ولا اخفيكم سرا ..لم تتذوق طعم النوم تلك الليله و لا لثانيه واحده حتــى... ********************************************** عـــلياء وصــلت بيتها ومعالم الدهشه بكل اشكالها ترتسم على وجهها...لماذا يجمعنى القدر بك ؟!.. سألتها نادديه بفضول:-مالك يا بت عامله كده علياء وكأنها فى عالم اخر:-شفته ناديه:-مين ده علياء :-حسن ناديه بحده:-يوه احنا مش هنخلص من البنى ادم ده بقى ..انتى لازم تسيبى الشغل علياء بحده:-اسيبه ازاى يعنى يا ماما ..طب والاقساط اللى علينا ديه كلها ..معاش بابا يدوب بيكفى الايجار ..انا ما صدقت لاقيت شغل محترم وفى مجالى ناديه:-يا بنتى ده باب للشيطان وده راجل مجوز علياء بانفعال:-وانا مش ههرب من الشيطان انا هواجهوا ... هل ستحققى الانتصارعليـــه يا عليــاء ؟!.... ************************************************** **** أما ساره كانت تتحدث مع نبيله فى الهاتف... ساره بحزن:-يا نبيله معبرنيش خالص ..سمعت كلامك وقولت اسيبه لحد ما يجى يصالحنى زى كل مره بس مجاش نبيله وهى تضحك:-يا عبيطه ما انتى ما تعديش زى عبده البواب وعايزاه يصالحك ساره بحيره:-طب اعمل ايه يعنى نبيله :-انزلى اشتريلك كده حاجه شفتشى ..تزغلل عينه لحد ما يجى يصالحك ساره بحيره:-طب وليلى هسيبها ازاى نبيله:-هاتيها تعد معايا و روحى وتعالى ده لسه ناقصله ساعه عقبال ما يجى من الشغل ..مش هيعرف انك سايباها لى ساره:-طب خلى بالك منها يا نبيله بالله عليكى .. نبيله:-ديه فى عينيا .. عشر دقائق مرت كانت ساره قد انتهت من ارتداء ملابسها وتركت ليلى بالفعل مع نبيله ونزلت متوجهه لاقرب مول فى حيهم ... لســوء حظها ..سمح لاحمد بالخروج مبكرا فى ذلك اليوم من عمله ..توجه الى شقته ..طرق الباب ..لم تفتح له ..ادار المفتاح ..لم يجد لها اثرا ولا ليلى .. قام بالاتصال بها ..ولكن من عجلتها سهوت وتركته ... رجح انها عند نبيله ..نزل والشرر يتطاير من عينيه يطرق الباب .. وفى شقة نبيله كانت هى فى الحمام ..وليلى يحملها ابن اخيها ..صبى عمره احد عشر سنه ..ولكن يبدو اكبر قليلا..كان مجردها من الجزء السفلى من ملابسها .. طرق الباب ..اذنت له نبيله بفتحه ..اتجه ناحية الباب ..ليفتح .. رأى احمد ابنته بتلك الهيئه ..حتى صرخ به قائلا :-انت بتعمل فى البت ايه .. الصبى ببجاحه:-يا عم كنت بغيرلها ...فيه ايه التقطها احمد واقتحم المنزل وهو يصــرخ :-ساااااااااااااااااااااره خرجت نبيله وقالت له ببرود:-ساره مش هنا ..نزلت وسابت البنت معايا ... فى تلك الاثناء دخلت ساره ..نظر لها والشرر يتطاير من عيناه ..ثم امسكها من ذراعيها بقوه بيد واليد الاخرى تحمل ليلى ... سحبها بقوه الى منزلها وما ان دخلوا ..حتى قالت له بارتباك:-والله يا احمد كنت .. قاطعها بحده:-اخرسى خالص واتجه الى غرفتهم فتح الخزانه واخذ حقيبه كبيره الى حد ما ... قالت له بقلق :-انت رايح فين ؟ احمد بحزم:-مش انا اللى رايح ..انتى اللى رايحه ساره بتعجب:-انت بتطردنى يا احمد تجاهلها واخذ ينتقى ملابسا لها ويضعها فى تلك الحقيبه ..نظر لها بعدما انتهى وقال بحزم :-فيه حاجه تانيه عايزاها من هنا ساره بحزن وقد اقتربت منه قليلا:-عايزاك انت .. ابعدها بقوه وامسك يدها وسحبها الى الخارج واستقل هو وهى احدى سيارات الاجره ..ومازال متشبثا بابنته ... وصلو الى منزل والدتها ...فتح لها الباب وانزلها ... همت تلتقط منه ليلى ...نظر لها بقوه:-امشى دلوقتى ..البنت معايا انا .. ساره بانفعالأ:-انت هتاخد منى بنتى احمد ببرود:-اه هاخدها يا ساره ..اغلق الباب ونظر الى سائق السياره واذن له بالتحرك .. صعدت هى بخيبة امل تجرها ورائها الى والدتها ..التى فتحت لها واندهشت من الشنطه التى تحملها بيديها ..وقال بقلق:-انتوا اتخانقتوا تانى !! ارتمت ساره فى احضانها وبدأت بالبكاء ..سردت لها ماحدث .. ************************************************** ** الســـواد القاتم هو ســيد الموقف الان ...لاشئ ينير الطريق غير مصابيح السيارات..عندما غاصت عجلات الســياره فى الرمال ... صرخت اميره بأيمن وقالت :-انت السبب ..ابقى ورينى هطلعها ازاى بقى من الرمله ايمن بانفعال:-اميره اسكتى خلينى اهدى واعرف اوقف اى عربيه هم بالنزول من السياره .. تمتمت بتشاؤم:-ابقى ورينى مين اللى هيقفلك .. اخذ يشاور بيـــده..لا توجد سياره واحد تريد الوقوف له .. دخـــل مره اخرى الى السياره قائلا بيأس:-مفيش حد راضى يقف اميره بخوف:-وهنعمل ايه ايمن بهدوء :-متقلقيش ثم تابع بمرح :-ادينا هنام وقت اطول اميره بانفعال:-انت بارد هنــا نظرت امامها على بعد وجدت رجـــلان من العرب يرتدون الزى السعودى تقريبــا ...اسرع ايمن يقول لها بمرح:-شفتى يا بومه ...ادى ناس جيلنا اهيه اميره وقد تشبثت بذراعه :-ايمن الحقنا..دول هيعملوا ايه دول .. ايمن وهو يضحك وقد نزل من السياره... و وقف بجانبها ينتظر الرجلان ..سلم عليــهم .. قال احدهم :-السلام عليكم ..نراك تبغى مساعده ايمن بامتنان:-يبقى كتر خيركم لو نحاول نفك الغرسه بتاعتها ديه نزلت اميره بالطبع ...محاولتهم باءت بالفشــل .. قال الرجل الاخر :-تبغى نجركم ؟معنا حبال هنا ردت اميره بسرعه :-لاء شكرا نظر لها ايمن بغضب:-متشكرين يا رجاله الف شــكر دخل السياره وقال لها بانفعال:-انتى بتكلمى قبلى يا هانم طرطور انا قاعد؟ اميره وقد بدأت بالبكاء:-انت عارف انى بخاف من الضلمه وبعدين يعملوا فينا حاجه ايمن بغضب:-ليه جمبك سوسن ياختى ..اتنيلى بقى قوليلى هنجيب حد تانى يعرض العرض ده منين مــــرت ساعه كامله حتى جاء رجلا اخيرا ...سحبهم الى تلك البلده ..وذهبوا الى احد الفنادق واستغرقوا فى النــــوم ************************************************** **** يوم جــــــــــديد ... دخل هو الى الشركه ..كان يبحث عنها بقلبه ..ولا يعرف انها فى الغرفه التى تجاور غرفته ... كانت تمسك باوراق فى يدها حين قالت لها اسماء ..:-انتى رايحه فين علياء :-رايحه اودى الورق ده لاستاذ فارس ذهبت باتجاه مكتبه ..استاذنت ودخلت ..وجدت شخصا يجلس عنده ..كان موظفا شابا ايضا .. نظر لها فارس وقال لها :-استنينى خمس دقايق بالظبط علياء مستجيبه:-ماشى ذهبت الى كرســى فى زارويه وجلست عليه ..اخذت تتأرجح بالكرسى ...وفجأه ارتطم الكرسى بقوه بالارض .ارتطمت هى معه .. و وقعت فاظه من الخشب فـــوق رأسها ايضــا... فزع فارس الذى كان قد انهى المقابله مع ذلك الموظف ..واتجه نحوها سريعا ..وجدها فقدت الوعى اثر تلك الصدمه ... ارتبك كثيرا ...تردد فى ان يحملها ..نادى الى انسه فريده ..شابه تعمل فى السكرتريه.. جاءت حمـــلتها هى وبعض صديقتها حتى اجلسوها على كرسى مكتبه وهم يلتقطون انفاسهم من التــعب... فارس وهو يصرخ:-حد معاه برفيوم يا جماعه بسرعه فريده بارتباك:-ثوانى اروح اجيبه من الشنطه بضع لحظات ..جاءت به ..اخذت تمرره على انفها... عادت الى وعيها..قالت ببلاهه:-انا فين؟نظرت اليه ..تذكرت ما حدث .. حاولت ان تنهض ..نهضت بصعوبه ..وتابعت قائلة لهم:-انا اسفه يا جماعه معرفش ايه اللى حصل كانت فريده ومن معها يضحكون سرا.. لاحظت ذلك فنظرت لفارس قائله بتعجب:-هما بيضحكوا ليه فارس وهو ينظر فى جهة اخرى بحرج :-اعدلى هدومك يا انسه معلش صرخت قائله وقد وضعت يدها على وجنتها :-يالهوى ...نظرت الى الجيب الذى كانت ترتديه وجدته شُق من النصف بخـــط طويــل الى حد ما اظهر ساقيها والشــورت القصير الاسود الذى كانت ترتديه ... جـــرت بسرعه وهى تمسك بتنورتها الى الحمام ... قال لفريده ومن معها :-انتوا مستنين ايه ..اتفضلوا على مكاتبكم يلا ما ان خــرجوا حتى اغلق الباب ...ولم يستطيع ان يكتم ضحكاته اكــثر من ذلــك ..وهو يتخيل هيئتها ... أما هى جرت الى الحمام ..اخذت تبكى جاءت ورائها اسماء بعدما علمت بالامر .. احتضنتها وقالت لها بمرح:-يا بنتى خلاص محصلش حاجه لكل ده يعنى علياء وهى تبكى :-ازاى منظرى كان زباله قدام استاذ فارس اصلا وفريده واللى معاها عمالين يضحكوا ثم استطردت:-اعمل ايه فى الجيبه دلوقتى هلبس ايه اسماء:-انا جبتلك الجيبه بتاعتى اللى بجيبها عشان اصلى بيها عشان البنطلون البسيها وخلاص علياء وهى تمسح دموعها:-طيب هاتيها .. ارتدتها ..وذهبت مسرعه الى مكتبها وهى تحاول ان تبدو طبيعيه كما نصحتها اسماء... زميله اخرى تدعى حنان قالت لها بلهجه امره :-روحى يا عاليه لفارس بيه هاتى منه ورق الميزانيه اللى باقى عشان نقفل بقى ... علياء بتوتر:-لاء اى حد يروح حنان كانت اعلى منها درجتين ..غمزت لها اسماء . علياء برجاء:-معلش يا ريسه ممكن حد غيرى يروح حنا ن:-ليه يعنى ..هوا بيعض هنا طرق الباب ..اذنت حنان بالدخول ..كان فارس ..الذى اتى بالاوراق المطلوبه ... حنان وقد نهضت:-فارس بيه انا كنت لسه هبعت عاليه عشان تاخدهم احمرت وجنتى علياء اكثر ..شعر فارس بذلك ..ولكنه كان يتلذذ بذلك الخجل الذى انعدم من الفتيات الان ... فنظر لحنان وقال بفضول وهو يبتسم:-ومجتش ليه ؟ حنان بحيره:-معرفش والله مكنتش راضيه ليه ... علياء بتوتر وارتباكوهى تنظر ارضا تابعت بصوت متقطع :-كنت ..كنت ...لسه قاطعها قائلا بمرح:-خلاص خلاص ..سماح المره ديه .. وتركهـــم وغادر الى مكتبه ... ************************************************* وفى الغرفه الاخرى كان حسن فى عالم اخر ...لا يعرف ماذا حدث له بعدما رآها .. جاء له هانى فقال له متسائلا:-انت يا عم ..بقالك ساعه فى الورقتين دول ..فارس بيستعجلك خلص حسن بهيام:-شوفتها تانى هانى متعحبا:-علياء ! حسن بهدوء:-بتشتغل هنا ..وعمال ماسك نفسى مش عايز اتحرك عشان مقبلهاش هانى ومازال متعجبا:-اه ..هوا ده اللى مخليك مسهم كده حسن بحزن:-امبارح مها اتخانقت معايا .. قص عليه ما حدث ... هانى باسف:-يا حسن فوق بقى ..انت عندك تلت عيال حسن بحيره:-طب اصالحها ازاى .. هانى بمرح:-هاتلها ورد يا ابراهيم ..كل الستات بتموت فى الورد ابتسم حسن وهمّ ينظر فى الورق الذى بين يديه بــتركيز ..حتى ينهيه سريعا... ************************************************** كانت تقوم بمهام المنزل حيــــنما رن الهاتف.. مها:-الســـلام عليكم مايسه بحزن:-ازيك يا مها مها متسائله:-مال صوتك يا ماما مايسه :-ابوكى ضغطه وطى جامد وراقد فى السرير كل شويه يعلى ويوطى مها بلهفه:-طب استنى انا جايلالك مايسه:-والولاد مش هتعرفى تنزلى بيهم لوحدك مها بقلق :-ان شاء الله اعرف ..اقفلى بس اجهزهم واجيلك حملت كنزى وكارما..واخذت بواب العماره وجعلته يحمل معز ..حتى وصــلت الى بيت والدها ..واطمأنت عليه .. كانــت قد سهوت ان تتصل بحســن ..اتـــصلت به تخبره بأنها عند والدها ... لم يــرد عليها ... كان فى تلك الاثناء عند احدى محــلات الورد ينتقى لها باقه ورود من اللون البنفسجى ..لانها طالما عشقت هذا اللــون... استقل سيارته ولم ينظر فى هاتفه واتــجه الى منزلهم ... طرق الباب ..توتر عندما لم يجد اى اصواتا لاولاده ..ادار المفتاح ودخــل ولم يجدها ... اول ما خطر على باله انها قد ذهــبت الى والدها بسبب ما اقترفه بالامـــس... ******************************************* أما ساره ايقظتــها أمها وهى تخبــرها بان تعيد وضع ملابسها فى تلك الحقيبه لان والدها سوف يأخذها الى احمـــد ...وبالطبع تذمرت ساره كثــيرا وابت ان تذهب اليه... ***************************** استيقظت نهال وهى تتمنى بداخلها بشده ان يكون ما عاشته بالامس حلما بل كابوسا وانتــهى ..ولكنه الواقع الذى يجب ان تتعايشى معه يا نهال...لم تجد كريم بجانبها ..اتصلت به فعلمت انه عند والدتــه... ************************************** اميره اعتذرت ليمن عما بدر منها ...واخذوا جوله ممتعه فى تلك البلد ..وبدءوا بالتحرك ناحــية بلــدهم .... ************************ | ||||||||
|
| |
|
19-07-16, 02:18 PM
| #30 | ||||||||
| مراقبة عامة ومشرفة منتدى الروايات المنقولة
| البارت السابعه والعشر ون صــراع بين المنطق والحــب سيطر عليــك يا كريـــم ...فلأيهما ستميل الى المنطق الذى يملى عليك بأنه تتزوج من اخـرى ...تنجب لك ...من يحمل اسمك ويرث تلك الثروه التى تركها والدك لك...أم ستميل لذاك الحب الذى ملأ قلبــك اتجاه زوجتــك...كان يعرف موقف والدته من قبل ان يذهب اليها ... كان يقود السياره فى تلك الاثناء ..نفض رأسه من تلك الافكار..ها قد وصلت الى منزل والدتك ... طرق الباب بخفه...فتحت له امرأه عجوز ..ترتدى جلبابا رث اسود اللون ..شعرها الابيض مشدود للخلف ..لها ابتسامه ابرزت تجاعيد وجهها المنهــك..قالت له:-ادخل يابنى والدتك مستنياك جوه دخــل اليها ...ضمته كعادتها ..بكى بشده وكأنه كان ينتظر تلك اللحظه ليخرج اى طاقه سلبيه تجمعت بداخله ...اندهشت من بكائه وقالت له بريبه وقلق:-انت طلع فيك حاجه يا كريم ... كريم وقد نظر ارضا وتابع فى اسى:-مش أنا نهله وقد فهمت قصده:-الطب اتطور وممكن تسافر بره وممكن تروح هنا لاستشارى كبير وكما...قاطعها وقال بيأس:-مفيش فايده ..للاسف النسبه ضعيف جدا جدا لو حصل هيبقى معجزه نهله بهدوء:-معلش ده نصيب يابنى وده نصيبها هيا .. كريم بتساؤل:-قصدك ايه؟ نهله بحزم:-يعنى انت هتتجوز انت متقدرش تعيش فى الدنيا لوحدك واللى عندنا كله هيروح لمين ....قاطعها وقال بقوه وانفعال:-ايه اللى بتقوليه ده نهله بثقه وثبات:-بقول اللى انت عايز تقوله كريـــم وقد دمعت عيناه:-انا مش عايزه اتجوز ..مين اللى قالك كده نهله بسخريه وابتسامة نصر:-لاء عايز يا كريم انا عارفاك اكتر من نفسك ..لو مكنتش عايز كنت قولت العيب منك انت تقول ان فيه علاج... تكدب عشانها..اوعى تخدع نفسك كريم بانفعال وقد نهض من محله واتجه للباب :-انا قايم يا ماما انا غلطان انى حكيتلك حاجه ...اغلق الباب و وقف ورائه برهه لايصـــدق ما يحدث له.. رن هاتفه فى تلك الاثناء وكانت هـــى "نهـــال"... اجابها ومسح دموعه وقال بهدوء:-ايوه يا نهال .. نهال بهدوء مماثل:-انت عند طنط ... كريم باسى:-خرجت دلوقتى نهال وقد دمعت عيناها :-عملت ايه ؟؟ كريم :-نهال مش عارف اسمعك كويس مفيش شبكه اقفلى هكلمك لما اركب فى العربيه نهال بلهفه:-اوعى تنسى تكلمنى كريم بتظاهر:-مش سامع مش سامع ....سلام اغلقت معه و وضعت رأسها فى وسادتها كى تكتم صوت صراخها ونحيبها ... رن هاتفها فى تلك الاثناء .. نظرت لشاشة الهاتف بارتباك ...امسكته ثم القته جانبا ..جمعت قواها وقررت ان تجيب... كانت والدته .. نهله مرحبه:-ازيك يا حبيبتى نهال بتعجب:-ازيك يا طنط ...وحشانى نهله بمرح:-يا بكاشه ولا بتعبرينى نهال بفرحه لتقبلها الوضع:-ابدا يا طنط طب ما تيجى تتعشى معانا نهله بجديه:-انا عرفت نتيجة التحاليل..بس ايه ولا يهمك ...الحجات ديه نصيب وربنا هيرزقكوا ان شاء الله ... نهال بفرحه:-يارب يا طنط ..ربنا يخليكى انتهت المكالمه ..ابتسمت نهال برضا ..وابتسمت نهله نفس الابتسامه ولكن بانتصــار... ************************************************* كان يمشى خطوات سريعه اتجاه منزل والد مها ...الورد البنفسجية اللون تتناثر منه بشكل عشوائى على ارضية الشارع ..صعد اخيرا الى البيت ..طرقه بلهفه ..فتحت له مها .. نظرت الى باقة الورد التى كان يمسك بها ...ابتسمت له وقالت :-الورد ده ليا حسن بلهفه:-انتى مسبتيش البيت ..صح مها بابتسامه :-لاء مسبتهوش .... حسن باطمئنان:-امال انتى هنا ليه ...وقعتى قلبى مها وهى تشير له بالدخول:-طب ادخل ادخل الاول شـــرحت له ما بأبيها..دخـــل يطمئن عليــه ومن ثـــم ذهبوا الاثنان بأطفالهما الى منزلهما... ادارت هى المفتاح ودخــلت الى غرفتها وضعت حقيبتها وانتقلت وهى تحمــل كارما النائمه وتضعها فى فراشها ...ومعز وكنزى يحبون على الارض ورائها... نظــرت له برقــه وقالت:-ثوانى يا حسن والاكل هيكون جاهز ..ادخل غير هدومك اقترب منها وقبلها وتابع برقه وانكسار:-مها...انا اسف مها بابتسامه صادقه :-مش زعلانه وبلاش نتكلم فى الموضوع ده تانى يا حسن حسن :-طب خلاص ..بس انا كنت عايزه اقولك ان علياء كانت مجرد... قاطعته مها بحزم:-بص بلاش تقول اسمها تانى ..ثم تابعت بسخريه وقد التفتت الى الجهه الاخرى:-انا عارفه طبعا انها مجرد واحده كانت ...كانت ..لمعت عيناها بالدموع وهى تكمل:-خطيبتك أو حبي... قاطعها فى قوه:-مها خلاص كفايه ...اوعدك ان تصرفى ده مش هيتكرر تانى والله العظيم مها وقد مسحت دموعها والتفتت له:-وانا كمان نفسى فى ده اوى ...يلا بقى عشان ناكل انا جعانه جدا واتجهت الى المطبخ ... أما هو وقف ينظر اليها ثم دخل الى غرفته وهم بخلع ملابسه . ********************************** مش رايحه يا بابا ...ريح نفسك ... قالتها ساره وهى فى قمة الغضب ... والدها بقوه:-هتروحى يا ساره يعنى هتروحى انا مش هقعدك هنا وانتى غلطانه ساره وهى تبكى :-انت بتطردنى يا بابا هنا تدخلت والدتها وقالت لزوجها:-فيه ايه يا سمير مش معقول كده ..البنت منهاره سيبها تعد هنا شويه حتى والدها بحزم:-كونها هتعد هنا ...ده معناه ان هوا اللى غلطان ..والراجل من ساعة ما اتجوزها مشوفتش منه حاجه وحشه ابدا ..بنتك هيا اللى مدرلعه الواد كلمنى وحكالى كل حاجه ...طول النهار اعدالى مع جارتها وكل حاجه بتحكيهلها حتى البت رمياها و وزنها اقل من الطبيعى ..وجه نظره لساره التى وقفت تنظر ارضا وتابع :-طالما مش قد الجواز و المسئوليه ...كنتى بتجوزى ليه ..ولا هوا قرف وخلاص ...يلا عشان هتنزلى حالا .. ساره وهى تبكى :-يا بابا لاء ..هروح ازاى انا مش هعتذر ..مهما حصل انا مغلطش فيها ايه لما افك نفسى بكلمتين مع جارتى يعنى ...بالله عليك يا بابا مش عايزه اروح هنا فتح والدها الباب ونزل وقال لها بلهجه امره:-انا مستنيكى تحـــت .. انصاعت له ونزلت وراءه..... مرت نصف ساعه تقريبا..دقت ساره الباب بمفردها وهى تحمل حقيبتها ..و والدها رحل الى منزله وتركها ...تواجهه بمفردها ... فتح لها الباب ونظر لها ببرود ثم لفت نظره الحقيبه الكبيره التى تحملها ...حملها منها وقال:-طالعه بيها لوحدك ؟ ساره ببرود وقد دخلت :-لاء بابا طلعهالى ثم تابعت بقوه:-على فكره اوعى تفتكر انى جيت بمزاجى انا جيت عشان بس بابا صمم ...اه وعلى فكره كمان ..وانا طالبه الطلاق ..طلقنى ..انا مش عايزاك احمد بسخريه وهو يبتسم ويلاعب صغيرته :-امشى يا بت انتى من هنا بدل ما ارزعك كف على وشك ساره بانفعال:-ايه البرود اللى انت فيه ده بقولك مش عايزاك احمد ببرود:-ومين قالك انى عايزك ..اصلا انا بدور على عروسه ساره بغضب :-عروسة ايه ؟ احمد بابتسامه:-وانتى مالك ..واتجه بعدما وضع صغيرته فى فراشها ...الى غرفتهم واخذ غطاءا و وساده و أوضعهم فى غرفه اخرى .. خرج الى الصاله وقال لها بنفس الابتسامه :-شوفتى يا سوسو..اهو انتى هتنامى فى حته لوحدك وانا فى حته لوحدى اهو .... نظرت له بغيظ وقالت بغضب طفولى :-احسن بردوا ..... ****************************************** "احنا هنا النهارده عشان كل واحده فيكوا تسأل نفسها بصراحه ...هيا فعلا صدقت وامنت" بالايه اللى ربنا قال فيها [مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ] ...صدق الله العظيم....صدقتى بيها ...طيب كام مره فى اليوم لسانك بيغتاب وبيشتم وبيهتك اعراض وبيرمى تهم وبيظلم ؟!...فى اعده مع حماتك ولا اخواتك ..انتى عدادك على فكره بيعد وكل كلمه بتقوليها بتتحسبلك ...كام مره كل واحده فينا نكدت على جوزها ونامت وهيا مزعلاه؟ ...طب كام مره زعقتى لامك؟.اخر مره اتصلتى بيها ؟ بتصلى رحمك ؟ ...كنتى قدوه لاولادك ؟ طب بلاش كل ده ...كلنا طبعا عارفين ان ربنا نزل القران علينا ...كلنا مؤمنين بيه ...طب كام فى الميه من اوامره انتى بتحققيها ؟ طب ونواهيه مبتعمليهاش ؟ ... نظرت الى الورق الملقى على الطاوله الموجوده امامها ....وتابعت ..رمضان اللى فات انا عملت ايه وانا بختم ...استخدمت التفسير وانا بقرء وحاولت افهم كل كلمه بقرأها وجمعت فى الورق ده اوامر القران ونواهيه ...الورق ده هيتوزع على كل واحده فيكوا ...وكل واحده تراجع حسابتها بجد ... كانت تلك جزئيه من الخطبه التى القتها دكتور سهى فى ندوه نسائيه فى النادى المشتركه بــه ... بينما كان يتدرب حمزه وسيف سباحه على مسافة امتار من القاعه .... ************************************************** **** عادت اميره وايمن من رحلتهم ...دخلوا منزلهم وهى تضم على ...وتقبله .. ايمن بضحك:-هارتيه بوس..طب شوفيه ابوه شويه اميره وهى توكزه بخفه :-وابوه مشبعش ايمن بضحك:-هوا الحقيقه ابوه جعان اميره بحب:-من عونيا الجوز يا حبيبى ..تابعت وهى تناوله على :-خد الواد بس عقبال ما اغير ذهبت الى المطبخ وهى لم تبدل ملابسها بعـــد ...اعدت قليل من المكرونه وقطع الدجاج المقليه بالصوص الفرنسى ..اتجهت الى الطاوله وهى تحمـــل علىّ على يديها وتاكل هى باليد الاخرى ... قالت بهـــدوء:-ايمن انا الحمل تعبنى اوى ومش قادره على علىّ وشغل البيت سوا فلو تجيبلى واحده تنضفلى الشقه كل اسبوع مثلا قاطعها فى حزم:-انسى اميره بيأس:-ايمن احنا صحيح جايين هنا عشان نحوش مبلغ لولادنا بس بردوا احنا عايزين نعيش هنا مرتاحين ايمن ببرود:-وانتى مش مرتاحه ما انتى زى الفل اهو بتاكلى وبتشربى وبتتفسحى ما كل الستات معاها عيل واتنين وعايشه وحامده ربنا اميره بانفعال:-وانا حمداه بس انا حملى متعب وجه وعلى صغير وانا هنا نفسى اتجه بقى بردوا لحياتى انا مبشوفش حد وشلت النت وبكلم اهلى موب ايمن وقد هم بالقيام:-انسى يا اميره انا داخل انام عشان تعبان ..اهلك لما بتحبى تشوفيهم بنروح السيبر ...ركزى فى بيتك وبطلى دلع اميره بخيبة امل وقد القت الملعقه على الطبق الموضوع امامها :-اووف بقى .... اخذت تتذكر تلك الحياه المرفهه التى كانت تحياها قبل شهور قليله ..وكيف انها استغلت تلك النعمه بشكل خاطئ ...فزالت عنها تماما .... ************************************** ننتقل الى علياء ...عندما ذهبت الى منزلها كانت فى عالم اخــر تفكر فى ذاك الموقف ... ماذا يقول الان عنها؟! ...كيف تجلس على المقعد بتلك الطريقه الهوجاء؟! .... دخلت والدتها عليها ...نظرت الى تلك التنوره الملقاه على الفراش ... ناديه بتساؤل:-ديه جيبه جديده يا عاليه علياء ببلاهه :-ها ...لاء ...ديه بتاعت واحده زميلتى ناديه بحيره :-مالك يا بت مسهمه كده ليه ..وايه اللى جبها هنا ؟ شرحت لهـــا ما حـــدث ... اطلقت ناديه ضحكه مدويه ... علياء بانفعال :-يا ماما انتى بتضحكى ناديه وهى تمسح دموعها من اثر الضحك:-امال اعمل ايه طيب ...طب يلا عشان الاكل جاهز ... ************************************** كانت الساعه قد قاربت التاسعه مساءا عندما قالت مها لحسن بهدوء:-حبيبى انا هنزل اروح اطمن على بابا واشترى من السوبر ماركت بامبرز واكل للعيال حسن وقد امسك بساعته :-يا مها الوقت اتاخر جامد مها وهى تضحك :-يا عم بقولك ماما والسوبر ماركت كلهم فى نفس المربع يعنى ...قدامنا حسن بقلق:/-طيب نص ساعه ..ولا اقولك انا هنزل معاكى ... مها برفض:-بالله عليك اعد مع العيال شويه..ارتاح انا حسن بضحك :-بقى كده بقى ..طيب انا هقول لكارما واخليها توريكى شغلك بقى ارتدت ملابسها وذهبت ... مرت ساعه تقريبا ...اتصل بهاتفها المحمول ...وجده فى المنزل ...لكم الكرسى بكفيه ... قرر الاتصال بوالدتها ... حسن مرحب:-ازى حضرتك يا طنط عمو عامل ايه ؟ مايسه :-الحمد لله يابنى حسن بقلق:-مها ايه لسه عندكوا ؟ مايسه بتعجب:-عندنا ايه يابنى ..ديه اعدت عشر دقايق وقالت رايحه سوبر ماركت ..تابعت بقلق:-مجتش لسه ؟ حسن كاذبا:-لاء يا طنط جت اهيه وصلت ..بس دخلت الحمام .. مايسه باطمئنان :-ماشى يابنى حمد الله على سلامتها ...تصبحوا على خير حسن بقلق :-وانتى من اهله ... احمر وجهه بشده ..دقات قلبه استطع ان اسمعها الان ...كارما وكنزى يبكون ...ومعز القى بزجاجة المياه على ملابسه ...وضع يده على رأسه ...امسك بهاتفه واتصل بفتحيه ... حسن بقلق:-ماما ..مها جتلك ؟ فتحيه بتعجب :-لاء ..مجتش ..فيه ايه ؟! حسن برجاء:-بالله عليكى تعالى بسرعه اعدى مع العيال هنزل ادور عليها بقالها ساعه ونص بره فتحيه بعتاب:-وانت لو راجل كنت سبتها تنزل دلوقتى ...خليها كده تمشى كلمتها عليك حسن بانفعال :-احنا فى ايه ولا فى ايه اغلق معها وجلس ينتظر قدومها قبل قدوم فتحيـــه ..وهو يتمتم :-راحت فين ديه ؟ ربنا يستر ************************************* الساعه العاشره والنص الان ..ومعظم ابطالنا قد استغرقوا فى النوم ...ولكن "اين انتى يا مها ؟!" | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
