آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-10-16, 08:23 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  جوهرتي الثمينة / للكاتبة رضاك يارب والجنة مرادي ، مصرية مكتملة
التعديل الأخير تم بواسطة لامارا ; 04-09-18 الساعة 03:37 PM | |||||||||||||
|  |
|
06-10-16, 08:24 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفصل الأول اخذت حبيبة تتذكر كيف كان اللقاء الاول بينها وبين عبد الرحمن ... حبيبة لشخص يجلس بجوارها في المواصلات العامة :احترم نفسك يااستاذ يعني انا حطيت الشنطة بيني وبينك بس واضح ان حضرتك مش محترم ابعد ايدك (بصوت عالي ) الشاب لحبيبة :انتي اللي لازقة فيا ياانسة انتي اللي غلطانة وانا كل ماابعد انتي تقربي حبيبة وقد اصبح صوتها اشبه بالصراخ:انت انسان مش محترم انت معندكش اخوات بنات حرام عليك مش خايف من ربنا ؟ اتاها صوت من الخلف :احترم نفسك انا شايفك وانت مش علي بعضك من اول ماركبت لغاية ماالانسة زعقت لك ..انتو ايه مش بتخافوا من ربنا ؛بدأ الجميع في القاء اللوم علي هذا الشخص عديم الاخلاق اما حبيبة فقد سقطت دموعها ولم تتمالك نفسها من البكاء ..اتت اليها سيدة عجوز كانت تجلس امامها وهدات من روعها وقالت:متزعليش يابنتي منه لله ربنا يهديه ده قليل الادب ولايسوي حبيبة وهي تمسح دموعها :ده بيتهمني اني انا اللي لزقت فيه ده انا حطيت شنطتي بيني وبينه وقلت هيحترم نفسه لكن لقيته بيمدايده من تحت الشنطة مقدرتش استحمل ...حسبي الله ونعم الوكيل في تلك الاثناء نظر اليها نظرة خاطفة غير مقصودة ..اسرع وغض بصره عنها فلا يجوز له ان ينظر الي امرأة لا تحل له ... صورتها لم تذهب من خياله ..قلبه ينبض بشده ..استعاذ بالله من الشيطان الرجيم وحاول جاهدا ان يطرد صورتها من ذهنه والا يشغل باله بها _________________________________________________ بعد نصف ساعة عادت حبيبة الي البيت وعلي وجهها علامات الارهاق والحزن وعيناها متورمتان من البكاء فاطمة :مالك يابنتي ؟ايه اللي حصل :انتي كنتي بتعيطي؟حصل حاجة في الكلية طمنيني ؟ حبيبة :مفيش ياماما بس واحد معندوش اخلاق ضايقني في المواصلات بس الحمد لله اخد نصيبه ..ربنا اكرمني باللي يدافع عني ويجيب لي حقي لا وكمان سلموه للقسم وعملوله محضر فاطمة :لاحول ولا قوة الا بالله ..معلش يابنتي متزعليش نفسك ادخلي ارتاحي شوية علي ماابوكي يرجع من الشغل حبيبة حاضر ياماما دخلت حبيبة الي غرفتها وجدت اختها مي تجلس علي الحاسوب تصمم بعض التصاميم الهندسية الخاصة بعملها مي:حمد لله علي سلامتك ياحبيبة حبيبة بتعب :الله يسلمك يامي مي :مالك يابنتي انتي كنتي بتعيطي ..انفجرت حبيبة في البكاء وقصت علي اختها ماحدث مي :ولا تزعلي نفسك قدر الله ماشاء فعل ..الحمد لله اخد نصيبه في القسم ربنا يرحمنا من الاشكال دي حبيبه :يارب اللهم امين مي :قومي يالا اغسلي وشك وفرفشي وارمي ورا ضهرك ومتفكريش في اللي فات انسي حبيبة بابتسامة خفيفة علي شفتيها :حاضر عشان خاطرك بس قامت حبيبة واغتسلت ثم توضأت وصلت ركعتين ..هدأت واطمئن قلبها وزال همها ..دعت الله ان يهدي شبابا المسلمين وان يحفظ بنات المسلمين <<<<<<<<<<<<<<<<<<<<<<<<<<<<<<<<<<<<<<<<<<<<<<<< << <<<<< انتهت من الدعاء فقامت الي والدتها تساعدها في اعداد الطعام حبيبة في المطبخ لوالدتها :حبيبة قلبي عاملالنا ايه انهارده؟ فاطمة :عملالكو محشي انما ايه بقي وصايا من اللي قلبك يحبه حبيبة :الله عليكي ياست الكل هو ده .... طرق الباب جرت مي كي تفتح ...محمود:السلام عليكم ورحمة الله وبركاته الجميع :وعليكم السلام ورحمة الله وبركاته حبيبة :ازيك يابابا حمد لله علي السلامة محمود:الله يسلمك ياحبيبة ؛ثم وجه كلامه لفاطمة:الله الله ايه الريحة الحلوة دي يالا بسرعة بقي احسن انا واقع من الجوع فاطمة :عقبال ماتغير هدومك هنكون جهزنا السفرة يالا يابنات معايا علي المطبخ بعد قليل جلس الجميع يتناول الطعام في جو عائلي طيب ولم ينسي محمود شكر فاطمة علي الطعام اللذيذ الذي اعدته ..ثم رن الهاتف تررررررررررررررررررررررن مي :اكيد ده محمد انا هارد مي :السلام عليكم ورحمة الله وبركاته محمد :وعليكم السلام ورحمة الله وبركاته ..ازيك يامي وحشتيني مي بخجل :الله يسلمك يامحمد اخبارك محمد :الحمد لله كويس :عمي موجود يامي ؟ مي :حاضر ثانية واحدة..بابا محمد عايزك علي التليفون يتبع......... xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxx | ||||
|
| |
|
06-10-16, 08:24 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني قام محمود ليرد علي الهاتف :السلام عليكم ازيك ياابني محمد وعليكم السلام ورحمة الله وبركاته ..ازيك ياعمي وازي طنط اخبارها ايه واحشني اوي ياعمي محمود :الحمد لله ياابني كلنا بخير ..خير ياابني كنت عايزني في حاجة ؟ محمد :بصراحة ياعمي انا كنت عايز من حضرتك طلب عايز اجي لحضرتك البيت ونحدد ميعاد الفرح احنا خلصنا الشقة وكل حاجة جاهزة لو مفيش عند حرتك مانع طبعا محمود:طيب يابني ربنا يقدم الخير ان شاء الله هاستناك يوم الجمعه بعد صلاة العشاء محمد:اتفقنا ان شاء الله الجمعة شكرا ياعمي سلام عليكم محمود وعليكم السلام ورحمة الله وبركاته كان يجلس علي مكتبه يفكر في الوجة البريء الذي رآه في الظهيرة صورتها لم تذهب من باله ابدا لا يدري مالسبب ولماذا هي بالذات بالرغم من انها كانت نظرة واحدة ولكن صورتها طبعت في عقله عبد الرحمن بتفكير:استغفر الله العظيم ايه اللي انا بعمله ده ازاي اسمح لنفسي افكر في واحدة لاتحل لي اصلا واخذ يستغفر ويستغفر حتي سمع صوت اذان المغرب قام ليصلي في المسجد..وبعد انتهائه من الصلاة ذهب الي البيت كوثر :حمد لله علي سلامتك يابني احضر لك الغدا عبد الرحمن:ياريت ياست الكل وطبع قبلة علي راسها وقال :هاغير هدومي واكل جهزت كوثر السفرة وكانت تحتوي علي كل مالذ وطاب عبد الرحمن:اخبار عبير وعماد ايه ياماما كوثر :الحمد لله لسه مكلماني من شوية وبتسلم عليك ياحبيبي ومبسوطة اوي ...عقبال ماافرح بيك انت كمان واطمن عليك قبل مااموت انا نفسي اعرف انت مش عايز تريحني ليه عبد الرحمن بابتسامة :ياست الكل كل شيء باوان ادعيلي انتي بس كوثر :بادعيلك ياحبيبي ربنا يسعدك ويكرمك بالطيبة اللي تراعيك وتسعدك عبد الرحمن:الله ياماما احلي دعوة .....الحمد لله كوثر:ايه ده انت مااكلتش عبد الرحمن:الحمد لله ياماما انا شبعت تسلم ايديكي ..انا نازل عايزة حاجة اجيبها لك وانا راجع كوثر :انت نازل تاني عبد الرحمن:هاجيب شوية حاجات للدار وراجع بسرعة ان شاء الله كوثر :سلامتك ياحبيبي .... ..... ..... كان عبد الرحمن حافظا لكتاب الله ولدية دار تحفيظ صغير للاطفال انشأه منذ عام واحد فقط ويتابع شئونه مع صديق طفولته محمد بعد الانتهاء من شراء احتاجاته ذهب الي الدار وجد عم عبد الحميد يستعد للانصراف اقترب منه وقال :ازيك ياعم عبد الحميد عبد الحميد :ازيك يابني انا كنت لسه بافقل عشان اروح عبد الرحمن :اتفضل انت ياعم عبد الحميد وانا هاقفل لما اخلص عبد الحميد :طيب ياابني اعملك قهوة ؟ عبد الرحمن :لا شكرا اتفضل انت روح ارتاح بعد نصف ساعة انتهي من اعماله وانصرف ..عاد الي بيته ...استبدل ملابسه ووضع راسه علي الوساده واغمض عينيه ..اتت له صورتها مره اخري صورتها التي لم تفارق عقله منذ ان رآها نهض سريعا وذهب الي الحمام توضأ وصلي ركعتين واخذ يستغفر حتي غلبه النوم .................................................. ....... كانت حبيبة تقرأ في كتاب عن وصف الحور العين لم تستطع ان تنام قبل ان تكمله ..انتهت من قراءته وذهبت لتنام تذكرت ماحث له اليوم ..كيف تجرأ عديم الاخلاق علي محاوله لمسها غضبت لتذكرها هذا الشخص ولكن سرعان ماعادت لها ابتسامة رقيقة عندما تذكرت الشاب النبيل الذي اتي لها بحقها ودافع عنها ..دعت له ان يجزيه الله خيرا علي مافعل وذهبت في نوم عميق .. .. .. استيقظت حبيبة قبل الفجر صلت ماتيسر لها من الليل ثم انتظرت اذان الفجر صلت ثم عادت الي النوم استيقظت في التاسعة صباحا ..اغتسلت وارتدت فستان بني فضفاض تزينه نقوش بسيطة ..وارتدت حجابها كان لونه بيج في بني كان طويلا يغطي منطقة الصدر فضاضا لايشف ولا يصف غير ملفت حبيبة لفاطمة:صباح الخير ياماما ياحبيبتي انا نازلة الكليه عايزة مني حاجة فاطمة :لا ياحبيبتي سلامتك ..في رعاية الله ..خدي دول افطري بيهم مع زمايلك انا لسه عاملاهم حالا طبعت حبيبة قبلة علي يد والدتها وقالت:ربنا يخليكي ليا ياامي ركبت حبيبة مواصلات عامة جلست بجوار طفل صغير ..بعد قليل وصلت الي الجامعة والتقت صديقاتها رحبت بها الصديقات قالت نور:يالا يابنات علي المحاضرة احنا اتاخرنا اوي سما :المحاضرة هتتاخر نص ساعة متقلقيش الدكتور لسه موصلش قالت حبيبة :طيب يالا نفطر ..اخرجت الفطائر التي اعدتها والدتها وقالت :مين جعااااان الجميع :اناااااااااااااااااااااا� �اااااااااااااااااااااااا ااااااااااااااااااااااااا ااااااا تناولوا الفطائر في جو مرح ثم ذهبوا الي قاعة المحاضرات <<<<<<<<<<<<<<<<<<<<<<<<<<<<<<<<<<<< عبد الرحمن لمحمد:خلصت الورق اللي طلبته منك امبارح عشان الدار محمد:ايوة خلاص كله تمام عبد الرحمن:طيب والمحفظة لقيتها عايزين واحدة تقدر تتعامل مع السن الصغير محمد :اوباااااااااا..نسيت خالص ياعبد الرحمن عبد الرحمن:طيب وهنعمل ايه؟؟المجموعة اكتملت خلاص محمد بتفكير :انا هاسال مي اكيد تعرف حد من صحباتها عبد الرحمن :ياريت بس بسرعه الله يبارك لك محمد:ماشي ان شاء الله نلاقيها يتبع.... | ||||
|
| |
|
06-10-16, 08:25 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث انتهت حبيبة من يومها الدراسي في الرابعة عصرا وانطلقت الي البيت مسرعة تريد النوم بعد يوم شاق ... حبيبة :السلام عليكم يااهل الدار انا جيت نورت البيت فاطمة ضاحكة :ايه الدوشة اللي انتي عاملاها دي يابنت حبيبة:عادي ياماما ده الطبيعي بتاعي ..فين مي صحيح؟ فاطمة:في اوضتها ياحبيبتي بتكلم محمد حبيبة :ماشي هاروح لها ..عن اذنك ياماما تطرق حبيبة باب الغرفة وتدخل ..تجد مي جالسه تفكر ..مالك يامي؟ مي :مفيش ياحبيبتي سلامتك انا بفكر في طلب محمد عايز محفظة ضروري للدار حبيبة :طيب ماتروحي انتي يامي مي :مش هينفع عندي شغل كتير جدا حبيبة:هما طالبين محفظة لسن كام؟ مي :سن 4و5 سنين حبيبة بتفكير :طيب اي رايك فيا ؟لو ينفع هناخد اذن بابا وكلميه مي بسعادة:ازاي مفكرتش فيكي ؛خلاص تمام شوفي بابا وردي عليا انهارده ضروري علي الغداء حبيبة:بابا بعد اذن حضرتك طبعا ينفع انزل الدار عند محمد اشتغل معاه؟محتاجين محفظة للاطفال محمود:والكلية ياحبيبة؟ حبيبة :لامش هيقصر خالص يابابا ان شاء الله ..الدار هتكون 3 ايام بس وانا هاخلص الكلية 4 العصر والدار بعد المغرب ساعة واحدة بس محمود:ماشي يابنتي مادام هترتاحي خلاص اللي يريحك اتصلت مي بمحمد تخبره بامر حبيبة ..فرح كثيرا ..واغلق معها الهاتف واتصل بعبد الرحمن ليخبره...السلام عليكم عبد الرحمن:وعليكم السلام ورحمة الله وبركاته:ازيك ياحمادة عامل ايه محمد بغضب:حمادة..يابني قلت لك انا مش بحب الدلع ده عبد الرحمن ضاحكا :خلاص خلاص بالراحة طيب ..ازيك يااستاذ محمد ويضحك محمد:تصدق انا غلطان يالا اقفل ومش هاقولك علي اللي عندي عبد الرحمن :خلاص ياعم بهزر معاك هو مفيش حد يهزر معاك ابدا ..كنت عايز ايه؟ محمد:لقيت محفظة ممتازة..عبد الرحمن بفرح :بجد طيب خليها تيجي تقابل الاخت امل بكرة ان شاء الله محمد:طيب علي العموم هي من طرفي اخت مي وماشاء الله بنت اخلاق وخاتمه القرآن وهتفيدنا في الدار ان شاء الله عبد الرحمن بفرح:الحمد لله ربنا يقدر الخير ..اشوفك بليل علي خير يامحمد محمد :ماشي ان شاء الله في اليوم التالي استعدت حبيبة لتذهب الي الدار وكانت مرتبكة فهذا يومها الاول .. ارتدت فستان كحلي به وردات فضية صغيرة فضفاض وجاكيت قصير كحلي وارتدت حجابها وانطلقت الي الدار .....كانت حبيبة فتاة جميلة ..رقيقة وخلوقة ومجتهده..مطيعة لوالديها ..تسعي لرضا ربها كانت فتاة ممتازة بحق... ذهبت الي الدار وجدت محمد ينتظرها القت عليه السلام ..مشي ومشت خلفه حتي وصل الي غرفة صغيرة قال :ادخلي لمدام امل وهي هتفهمك كل حاجة تركها وطرقت هي الباب.. امل :ادخل حبيبة:السلام عليكم انا حبيبة امل بانتباه :وعليكم السلام ورحمة الله وبركاته ..اهلا وسهلا يابنتي محمد كلمني وقالي هتكوني معانا ..ان شاء الله تكوني مبسوطة معانا في الشغل حبيبة بابتسامة :ان شاء الله استلمت حبيبه عملها بعد توجيهات من امل لها ماذا ستفعل وكيف ستتعامل مع الاطفال كانت حبيبة تحب الاطفال كثيرا ولذلك ارتادت كلية رياض الاطفال وكان حلم حياتها ان تكون معلمة للاطفال .......... بعد ساعة انتهت من عملها واستأذنت من مدام امل لكي ترحل ..خرجت مسرعة ولم تنتبه امامها اصطدمت باحد وسقطت حقيبتها والاوراق التي في يدها .. هو :انا اسف جدا ياانسة كان معايا تليفون ومخدتش بالي من حضرتك التقط اشيائها سريعا ثم وقف ..اعطاها اياها ..التقت العيون .. عبد الرحمن في نفسه :هي هي حبيبة بداخلها :هو ياربي علي الاحراج تاني مرة اتعرض لموقف بايخ ..وقالت مسرعة :انا اللي اسفة مخدتش بالي من حضرتك ..شكرته وانصرفت مسرعة ودقات قلبها تعلو وتعلو تكاد تصرخ من هول المفاجأة ظل واقفا يحدق بيديه غير مصدق مارأي منذ قليل وقال:هي ايوة هي بس ايه اللي جابها هنا وصلت حبيبة الي المنزل ومازالت ضربات قلبها تعلو وتعلو وتقول في نفسها :اهدي اهدي ياحبيبة ثم علا صوتها قليلا خلاص بقي دخلت عليها مي وقالت بدهشة :خلاص ايه ..انتي بتكلمي نفسك؟ حبيبة بارتباك:لا لا مفيش اصل كنت باجري علي السلم فبقول لنفسي يهدي خلاص يعني وصلت وارتحت ثم تابعت محاولة تغيير الموضوع:ماما فين ؟؟هاروح اشوفها ... لم يستطع النوم في تلك الليلة توضأ وصلي ركعتين ودي الله ان يهدي قلبه حاول ان ينام قليلا فنام وراي حلما غريبا ... رأي الفتاة التي رآها في الدار تجري في حديقة وتمسكبيديها طفلة صغيرة تلهو معها والطفلة تضحك ثم جاء عبد الرحمن من بعيد جرت الطفلة اليه وقالت :بتابا حبيبي ارتمت في حضنه واخذت تداعب وجنته بيدها الصغيرة وتقول بابا اهو بابتي انا .... استيقظ علي صوت المؤذن ..تعلو وجهه ابتسامة ..استغرب كثيرا وتمني لو لم يكن حلما توضأ ثم ذهب كي يصلي في المسجد وجد والده في الاسفل ..اقبل عليه وقبل يده وقال :ازيك ياوالدي انا كنت لسه هاصحي حضرتك للصلاة فريد:انا صحيت من بدري والدتك صحتني عبد الرحمن :طيب يالا بينا ,,,,,,,,,,,, في الجانب الاخر ..قامت حبيبة لتصلي ثم رددت اذكار الصباح وقرأت وردها اليومي من القرآن ..ثم اخذت كتابها لتذاكر لامتحان اليوم .. انتهت من المذاكرة واستعدت للنزول ..وجدت فاطمة تجهز الفطور قبلتها وقالت :صباح الخير ياماما دعواتك انا نازلة عشان متاخرش فاطمة :ربنا يوفقك يابنتي يارب ويكون سهل عليكي وتجيبي اعلي تقدير حبيبة :يارب ياست الكل يالا سلام عليكم فاطمة :وعليكم السلام ورحمة الله وبركاته علي الفطار فاطمة لمحمود:انا هاعزم اسلام ومراته علي الغدا انهارده ياحاج محمود :ماشي .... اتي اسلام وريهام ومريم الصغيرة وانهالت القبلات علي مريومة والتي كان كلامها مثل الشهد مريم:ددو موووووووود بيبي (جدو محمود حبيبي) محمود:ياحبيبة جدو ايه الطعامة والحلاوة دي..قبلها علي خدها واعطاها حلوي مريم بفرح:طااااااااااااااااااا� �اطا ((شوكولاته يعني)) ضحك الجميع علي طريقتها وكلامهاوروحها المرحه طرق الباب ..كانت حبيبة ..اول ماشاهدتها مريم اسرعت اليها قائلة :بييييييييييبة رفعتها حبيبة لاعلي وقالت :روح قلب بيبة وحشتيني ..قبلتها واخذتها لتلعب معها بعد قليل اجتمعت الاسرة لتناول الغداء ... قال اسلام :عملتي ايه في امتحانك انهارده ياحبيبة حبيبة:الحمد لله كان كويس هانت كلها اسبوعين وخلاص ..ثم وجهت الكلام الي ريهام:اخبار صحتك ايه دلوقت ياريهام ريهام :الحمد لله ياحبيبة بخير فاطمة :ربنا يتم شفاكي علي خير يابنتي .... انتهي الجميع من تناول الطعام وقال محمود:ان شاء الله يااسلام عايزك بكرة بعد صلاة العشاء محمد جاي يحدد ميعاد الفرح اسلام ناظرا الي مي :حاضر يابابا الف مبروك يامي ربنا يتمم لك بخير الجميع لمي :الف مبروك يامي ربنا يسعدك عقبالك ياحبيبة مي بكسوف :الله يبارك فيكم ... في اليوم التالي حضر محمد واتفقوا ان يكون ميعاد الفرح بعد شهر ..حتي تستطيع مي ان تنتهي من تجهيزات الشقة الاخيرة بعد قليل انصرف الجميع الي الداخل وتركوا مي ومحمد عل انفراد محمد لمي :وحشتيني ياحبيبتي يتبع....... | ||||
|
| |
|
06-10-16, 08:25 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع مي بكسوف:وانت كمان محمد:مش مصدق نفسي شهر واحد وهتكوني معايا انا وانتي وبس مي احمر وجهها ونظرت الي الارض :..... محمد :مش بتردي عليا ليه مي بكسوف:انا معاك اهو محمد:طيب قولي حاجة مي :حاجة ايه؟ محمد بتنهيدة وقد يأس :ولا حاجة ياحبيبتي روحي نامي عشان بكرة ورانا مشوار طويل وشوفي هتجيبي اي الاول مي :ماشي ياحبيبي محمد:قولي تاني كده مسمعتش يا ايه مي بكسوف:تصبح علي خير يامحمد وتركته وانصرفت مسرعه محمد وهو يضحك:ماشي ياقلبي محمد كلها شهر واحد بس ؛صبرني يارب ....... في اليوم التالي ذهبت مي مع محمد لشراء بعض الاشياء ..حجزوا قاعة الافراح ..مكونة من طابقين منفصلين طابق للرجال واخر للنساء اتفقوا مع فرقة خاصة للاخوات ..احضروا السجاد وبعض التحف واصرت مي الا ياتي محمد معها لاختيار الفستان محمد:ايه المشكله لما نخارو سوا مي مش هينفع خليها بكرة احسن تكون حبيبة معايا محمد بطريقة طفولية:مليش دعوة انا عايز اشوف الفستان مي بضحكة:ياحبيبي هتشوفة بس يوم الفرح عشان يكون مفاجأة محمد بابتسامة:ايوة انا عايز اسمع الكلمة دي علطول انا اسمي حبيبي ضحكت مي علي طريقته وقالت :حاضر ياحبيبي محمد:طيب يالا نروح بقي احسن اتهور واقولك يالا علي بيتنا وبناقص الفرح مي :هههههههههههههههههههه ........ وصلوا الي المنزل ..واصرت فاطمة ان يجلس محمد للغداء ..وافق بعد اصرارها واجتمع مع الاسرة لتناول الغداء ..... في المساء ظلت حبيبة تذاكر فلديها امتحان في الغد فهي تريد تحقيق اهدافها وان تصبح معلمة للاطفال تعيش معهم ..تضحك وتلعب ..تغوص في عالمهم الخاص دون التفكير في مشاكل الحياة تقتصر حياتهم حول لعبه وحلوي وابتسامة ..براءة لايشوبها شائبة من هموم الحياة ظلت ساهرة طوال الليل حتي الساعة الثالثة ذهبت للتوضأ وصلت من الليل ماتيسر لها ثم عادت لتذاكر حتي اذان الفجر صلت وذهبت لتنام ساعات قليلة قبل موعد اختبارها استيقظت بعد ساعتين وذهبت الي الامتحان انتهت بعد ساعة ونصف وعادت الي البيت نامت قليلا حتي تستطيع ان تذهب الي الدار بعد صلاة المغرب فاطمة:مي صحي اختك تتغدي مي :حاضر ياماما استيقظت حبيبة وصلت العصر وتناولت غدائها وانتظرت موعد الدار .. بعد ساعة حبيبة :السلام عليكم ازيك ياامي امل :ازيك ياحبيبتي اخبارك ايه حبيبة:الحمد لله..المجموعة وصلت ؟ امل ايوة يابنتي كلهم وصلوا حبيبة :طيب عن اذن حضرتك امل :اتفضلي يابنتي ذهبت حبيبة الي صغارها وبدأت الحلقة كانت تردد الايات وهم ورائها كان صوتها نديا يمس القلب خاشعا ..في تلك اللحظة كان عبد الرحمن ذاهبا الي مدام امل يتحدث معها في امر هام ؛وفجأة سمع صوت التلاوة سال عن مصدر الصوت امل :دي حبيبة المحفظة الجديدة الله يبارك فيها الاطفال حبوها اوي ومجتهدة معاهم في الحفظ ماشاء الله عبد الرحمن باهتمام :ماشاء الله ربنا يجعل عملها في ميزان حسناتها انهي الاوراق المطلوبة وقال :هاستأذن حضرتك ياامي مش عايزة حاجة امل :لا ياابني في رعاية الله .. كانت امل سيدة كبيرة في سن والدة عبد الرحمن ..كانت مجتهده في عملها ..لديها همة عالية في تعليم الاطفال تعاليم الدين الصحيحة ..احبت حبيبة لانها وجدت فيها روح العطاء وتمنت لها كل الخير ..علي الجانب الاخر كان يفكر بها لايدري السبب ..كلما طرد صورتها من عقله وجدها امام عينه دعي الله ان ينساها تنهد قائلا :يااااااارب ذهب لصلاة العشاء وجدها تخرج من البابا امامه غض بصره عنها سريعا واخذ يدعو الله الا يتعلق قلبه بها وتسائل لماذا هي ؟ ... عاد الي البيت وجد كوثر تجلس في شرفة المنزل تشرب الشاي اقبل عليها وقبل يدها وقال :ست الكل عاملة ايه وقاعدة لوحدها ليه؟ كوثر :مفيش ياحبيبي الهوا هنا حلو اوي ..نظرت اليه وقالت :مالك بقالك يومين حالك مش عاجبني ايه اللي مدايقك؟ عبد الرحمن: مفيش ياامي انا كويس الحمد لله طول مانتي راضية عني انا بخير كوثر :بس انت مش راضي تريحني عبد الرحمن :ليه بس ياست الكل قولي لي عايزة ايه وانا انفذ علطول كوثر نفسي افرح بيكقبل مااموت ياحبيبي ريح قلبي عبد الرحمن :ربنا يبارك في عمركياامي ادعيلي الاقي نصي التناي وايدي علي ايدك كوثر :البنات كتير بس انت اختار ...ثم اكملت :اية رايك في بنت استاذ رشاد؟ عبد الرحمن :ليه بس كده ياامي انا زعلتك في ايه كوثر :مالها زي الفل دي البنت قمر عبد الرحمن :ياامي دي مش محجبة وانتي عارفة انا ليا مواصفات معينة في شريكة حياتي وممكن تقولي كده اني لقيتها بس هستني الفرصة المناسبة عشان اعرفك عليها ادعي لي بس ياامي كوثر بفرح:بجد ياعبد الرحمن ..طيب هي مين ..انا اعرفها ؟ عبد الرحمن :براحة عليا ياامي هي مجرد واحدة قريبة صحبي شوفتها مرتين او تلاته تقريبا اخت مي مرات محمد صاحبي بس انا لسه محتاج اعرف عنها كل حاجة ومستني بس فرح محمد وهاكلمه علطول كوثر:ربنا يوفقك ياابني ويجعلها من نصيبك ... في اليوم التالي ذهبت مي وحبيبة لاختيار فستان الزفاف.. اختارت فستان رقيق مطعم بالورود وفصوص البيرة اللامعة..كان عاري الكتفين بحمالة واحده حول الرقبة علي شكل وردات متشابكة مي لحبيبة:حلو اوي ده بس مفتوح خالص حبيبة :ممكن نسأل لو ينفع يتقفل هيكون حلو اوي سالت مي الفتاة المسئولة قالت:اه طبعا ممكن يتقفل ياعروسة ؛انتي هتكوني بحجاب مي :لا من غير حجاب الفرح منفصل الفتاة :طيب حضرتك مممكن تلبسيه كده هيبقي شيك اوي مي :لا انا اتكسف البسه كده الفتاة :مفيش مشكله يتقفل ان شاء الله .... غادرت كل من مي ومعها حبيبة وعادوا الي البيت بعد يوم مرهق وذهبوا الي النوم ,,,,,, في الصباح ارتدت مي اسدالها الاسود كالمعتاد وذهبت لشراء بعض الاشياء وتاخرت قليلا ..عندما عادت وجدت فاطمة قلقة قالت:كنتي فين كل ده يامي كده قلقتيني عليكي مي :معلش ياماما المواصلات هي اللي اخرتني فاطمة :طيب صحي اختك بقي دي اتاخرت في النوم اوي انهارده مي :حاضر دخلت مي الي الغرفة تفاجأت بحبيبة نائمة علي المكتب وممسكة كتاب في يدها نامت وهي تذاكر من شده التعب فهمي مشغولة في دراستها بالاضافة الي ترتيبات زواج اختها وعملها في الدار ايقظتها بصوت منخفض :حبيبة قومي ياحبيبتي لو تعبانة نامي شوية ارتاحي فيهم حبيبة :لا انا كويسة خلاص صحيت اهو توضات وصلت العصر ثم عادت الي مذاكرتها مرة اخري .... بعد اسبوعين انتهت من الاختبارات اخيرا ودعت صديقاتها وعادت الي البيت وذهبت في نوم عمييييييييييييق تبقي علي موعد الزفاف اسبوعا واحدا ..كانت مي تزداد توترا كلما اقترب الموعد ..كانت تعد لمفاجأة للجميع واولهم محمد ... استمرت حبيبة في الذهاب الي الدار يوميا فالصيف قد بدأ وكذلك العطلة الدراسية فاصبح الدار يوميما بدل 3 ايام كانت سعيدة جدا بهذا العمل..اما عبد الرحمن فانشغل كثيرا عن الدار في الفترة الاخيرة لسفر والدة المفاجيء فتولي هو امر الشركة .... مر الاسبوع سريعا وجاء موعد الزفاف خرجت مي من الكوافير ترتدي كاب ابيض من الرأس حتي القدم تفاجأ الجميع ماعدا حبيبة التي علمت في صباح اليوم عندما كانت تجهز فستان اختها ورات معه الكاب فرحت كثيرا لها قالت مي بفرحة :انا لبست النقاب انهارده....... يتبع......... | ||||
|
| |
|
06-10-16, 08:36 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ঔღঔ ঔღঔ ঔღঔ الفصل الخامس ঔღঔ ঔღঔ ঔღঔ وقف الجميع في دهشة ينظرون الي مي ذات الرداء الابيض انها حقا رائعة فاطمة اخذتها في حضنها :الف مبروك يامي واحلي حاجة عملتيها يابنتي ربنا يسعدك يارب محمد غير مصدق مايري :بجد مفاجأة ولا بالاحلام ماتتخيليش يامي انتي عندي ازاي وبجد عليتي اوي اوي اكتر من الاول بعد الحركة دي محمود وحبيبة :الف مبروك يامي ربنا يسعدك ويثبتك ويهنيكي انطلق الجميع الي قاعة الزفاف والتي كانت مكونة من طابقين الاول للرجال والثاني للنساء صعدت مي الي الاعلي برفقة حبيبة وفاطمة ومحمد ذهب الي القاعة المخصصة للرجال وتبعه محمود واسلام ثم عبد الرحمن كانت الفتيات ترتدين زيا موحدا فستان باللون الروز وحجاب نفس اللون يصطفون اما بعضهن حاملات اطواقا من الزهور ومان جائت مي حتي قامو بترديد هذة الكلمات بسم الله وفرحنا يلالي وبيه هنبتدي بسم الله وعروسنا الغالي هنقرب عليه يانجمة ياقمرة عيشي معانا السهرة خلي فرحنا ذكري للي يجيه خلس شموعنا قايدة للقمر والوردة وياحجة انهاردة ظغرطي ولالي ظغرطي ولااااااااااااااااااااااا ااالي كانت مي سعيدة جدا فهي كالملكة تحيط بها الفتيات وقد تالقن في زينتهن وبجوارها حبيبة وريهام يرقصون فرحا بالعروس وكانت فاطمة تبكي في خفية سعيدة لابنتها وحزينة لبعدها مر اليوم سريعا جدا وكان االجميع سعداء ....واستعدت مي للانصراف اتي محمد كي ياخذ عروسته وماان راته حتي انفجرت في البكاء لا انا عايزة ماما ياماما لو سمحتي تعالي معايا متسيبينيش اهيء اهيء اهيء "تبكي كطفله صغيرة" ضحك الجميع واولهم محمد ونظر اليها قائلا :متخفيش ياحبيبتي انا مش هاكلك في عروسه زي القمر بردو تعيط كدة يوم فرحها يالا ياحبيبتي يالا ربنا يهديكي انصرفت معه وهي مازالت تبكي محمد :وصلنا الحمد لله نزل من السيارة وفتح الباب وقال لها اتفضلي يامولاتي ضحكت علي كلمته وطريقته فقد كان منحيا قليلا ويشير بيديه قال :ايوة كدة اضحكي دة ضحكتك ديه بالدنيا كلها دخلت واغلق الباب خلعت الكاب من وجهها وتركته علي كتفيها وظلت في مكانها قال لها :ادخلي ياحبيبتي غيري هدومك عشان نتعشي دخلت الي الغرفة واغلقت بالمفتاح زجدت قميصا ابيض علي السرير يكاد يكون اشبه بشبكه صياد اخذته ونظرت اليه ضاحكة وقالت ايه دة ياماما بس وضعته في الولاب واخرجت قميص ابيض طويلا من الستان وعليه روب ابيض مطعم بوردات من الدانتيل شكله بسيط ومريح لها الي حد ما ارتدت اسدال الصلاة وخرجت من الحجرة بعد نصف ساعة وجدت محمد يضع الشموع الحمراء علي السفرة وجهز العشاء والعصير ايضا نظرت اليه بحب :وقالت:ليه تعبت نفسك انا كنت هاجهز الاكل قال لا انا او انتي مش هاتفرق وبعدين اتعودي انا لام اساعد انا مقدرش اكون قاعد في البيت ومساعدكيش ياحبيبتي مش عايز اتعبك ابتسمت وقالت شكرا ياحبيبي تناولا العشاء وشربا العصير ثم قامت لتحمل الاطباق ساعدها محمد وحمل معها الاطباق الي المطبخ وقال لها يالا بينا نصلي ركعتين توضأ ثم ذهب لتبديل ملابسه وانتظرته هي في الخارج صلي بها ركعتين خفيفتين ثم وضع يده علي راسها قائلا : (اللهم اني اسألك من خيرها وخير ما جلبت عليه وأعوذ بك من شرها وشر ما جُلبت عليه) ثم تابع قائلا :مي حبيبتي انتي هديه من ربنا ليا وعايزين نتفق علي حاجات من بداية حياتنا احنا الاتنين الباب مقفول علينا ملناش تالت اي حاجة مضايقاكي مني تقوليلي مش تقولي لحد تاني وانا كذلك اي حاجة مضايقاني منك هاقولك علي طول ماشي ؟ مي :ماشي محمد مش يالا بينا مي بخضة :يالا علي فين محمد يغمز لها بعينيه :احكي لي حدوته اصلي عايز انام قام الاثنان وذهبا الي النوم قامت علي صوت المنبه انها الرابعة والنصف فجرا قامت واغتسلت واستعدت الصلاة الفجر وايقظت محمد الذ ماان رآها حتي قال ياصباح الورد الحمد لله مطلعش حلم مي وقد احمر وجهها خجلا:يالا يامحمد عشان الفجر خلاص هيأذن قام واغتسل وتوضأثم انصرف الي المسجد كي يصلي الفجر صلت مي ورددت اذكار الصباح ثم اتجهت الي المطبخ اعدت كوبا من البن واحضرت تمرا ووضعته علي صينية وانتظرت زوجها عاد من الصلاة :ابتسم قائلا :لسه صاحية ياحبيبتي قالت :مستنياك ياحبيبي واعطت له التمر واللبن اكلا سويا ثم عادا الي النوم مرة اخري استيقظت مي بع ساعتين اعدت الفطار واخذته الي الداخل ايقظت محمد برفق استيقظ ونظر اليها قائلا :صباح الورد ايه دة كله كل دة عشاني خدي بالك انا كدة هاخد ع الدلع انتي حرة بقي ابتسمت له قائلة انا عينيا ليك ياحبيبي قال مبتسما تسلم لي عينيكي تناولا الافطار واستعدا لاستقبال الاهل جاءت فاطمة وحبيبة ليباركا للعروسين فاطمة لمحمد :الف مبروك ياابني مش هوصيك علي مي :محمد ناظرا لمي : في عينيا ياامي فاطمة لمي :وانتي يامي مش هوصيكي علي جوزك :مي:طبعا ياماما من غير ماتقولي ياحبيبتي دخلت حبيبة الي المطبخ ووضعت مااحضروا في الثلاجة وجهزت الطعام الذي احضرته فاطمة علي طاولة المطبخ وقالت لمي :مي تعالي لحظة بصي حبيبتي الغدا ماما عملته خلاص انا حطيته هنا وابقي سخنيه براحتك بقي مي ماشي ياحبيبتي عقبالك مانفرح بيكي قريب انتي كمان حبيبة بخجل :يارب انصرفت حبيبة وفاطمة وتركا العروسين في عشهما الصغير وفي المساء بعد اذان المغرب كانت حبيبة في الدار تجلس مع الاطفال في الفصل جاء اليها احد الطفال يبكي اسمه انس قالت له :مالك ياانس بتعيط لي حبيبي ومسحت دموعه بيدها انس رجلي فيها واوا واتخبطت جامد في الكرسي وفي دم كتير وااااااااااااااااااوااااا اااااااااااااااااااااا وزاد البكاء حملته وخرجت الي مدام امل لم تجدها في مكتبها حملته مرة اخري وخرجت من المكتب اصطدمت به انه عبد الرحمن قالت بسرعة:انا اسفه جدا مش شفت حضرتك نظر لانس ثم قال في حاجة ياانسه اساعدك فيها قالت محتاجين بيتادين وقطن ولزق ومش لاقيه مدام امل انس اتعور جامد في رجليه والدم مش بيقف حمله علي يديه ودخل الي مكتبه دخلت حبيبة وتركت الباب مفتوحا اجل انس علي المكتب وفتح درج مكتبه اخرج منه قطن وبيتادين وشاش طبي ولاصق طهر له الجرح ووضع الشاش والازق واعطاه شيكولاته قائلا :دي بقي عشانك يابطل وسلامتك الف سلامه شكرته حبيبه قائله جزا اللك خيرا عن اذنك ااخذت انس واعدت الي الفصل وجدت مدام امل تجلس مع الاطفال قالت :كنتي فين ياحبيبة لقيت الفصل لوحده وانتي مش موجودة معاهم قالت لها اصل انس اتعور ودورت علي حضرتك مش لقيتك فلقيت الاستاذ "ولم تعرف اسمه" الحمد لله قدر يساعد انس امل قالت :مين قصدك عبد الرحمن هو هنا ؟دة بقي صاحب الدار .ربنا يجعل ثوابها في ميزان حسناته حبيبه :اللهم امين بعد اسبوعين ظهرت نتيجة الاختبارات حبيبة بصوت عالي ماما بابا انا نجحــــــــــــــــــــــ ــــــــــــــــــــــــت ...... يتبع........ | ||||
|
| |
|
06-10-16, 08:37 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| &&&& الفصل السادس &&&& استيقظ من نومه علي صوت انين وبكاء قام مفزوعا :مالك يامي فيكي ايه؟ مي ببكاء :تعبانة شوية محمد :طيب تحبي نروح لدكتورة تشوفك مي :لا شوية وهاكون كويسه انا بس محتاجة مسكن من الصيدلايه لو ينفع محمد :حاضر ياحبيبتي اكتبي لي اسمه وهانزل اجيبه حالا مي :ربنا يخليك ليا ياحبيبي بعد نصف ساعة عاد ومعه حبوب مسكنه قال لها اتفضلي ياحبيبتي اخذت الدواء وحاولت ان تنام قليلا بعد قليل عاد محمد اليها وجدها ترتجف احضر غطاء اخر ووضعه عليها وجلس بجوارها يقرأ عليها المعوذات ويدعو الله ان يذهب مابها من بأس اطمئن عليها وانصرف الي عمله ثم عاد بعد قليل بعد 3 ساعات استيقظت وجدته بجوارها يمسك بيدها ويقبلها نظرت اليه وابتسمت قائله :انت منزلتش شغلك ؟ قال لا ياحبيبتي نزلت ورجعت بدري كنت قلقان عليكي اوي ؛كنتي بتتالمي جامد وانتي نايمة مي بكسوف :معلش حبيبي قلقتك انا الحمد لله دلوقت احسن المسكن ريحني كتير محمد:الحمد لله طيب ياحبيبتي انا نازل صلي الظهر عايزة حاجة اجيبهالك وانا جاي مي :لا ياحبيبي سلامتك ترجع لي بالف سلامة قبلها علي خدها وقال لها :هتوحشيني ياحبيبتي مع السلامة قامت من السرير وغسلت وجهها وابدلت ملابسها ارتدت بيجامه قطنية رقيقة برمودا وبادي نصف كم بحمال علي الرقبة ويربط من الخلف علي شكل فيونكة ذهبت الي المطبخ لتجهز الطعام صنعت فراخ بانيه وسلطة وبطاطس محمرة وصنعت سلطة فواكه للتحليه وضعتها في الثلاجة وضعت بعض المساحيق الخفيفة ورفعت شعرها الي اعلي وتركت خصلة رفيعة تنزل علي خدها واستخدمت عطرها المفضل ويسبر فزوجها يعشقه عاد بعد نصف ساعة وجدها في المطبخ تضع لمساتها الاخيرة احتضنها من الخلف هامسا في اذتها :وحشتيني التفتت اليه :وانت كمان ياحبيبي ها تتغدي الاكل جاهز قال :ماشي بس هناكل سوا جلسا يتناولان الطعام في الشرفة كان محمد قد اعدها مسبقا لكي تكون ملالئمة لزوجته حتي لايراهم احد كانت الشرفة عاليه يحيط بها اطار حديدي مغلف بالقماش وايضا مظله عريضة تغطي المكان كله انتهيا من الطعام ذهبنت الي المطبخ واحضرت سلطه الفواكه واعطتها اليها فال تسلم ايديكي ياحبيبتي ربنا يخليكي ليا مي :ابتسمت له انا عيوني ليك ربنا يقدرني واسعدك ياحبيبي نظر اليها ثم قال :والله في حياتي ماشفت زي الطيبة ديا ان ابقي جمبك بس دة كفاية عليا حنيتك بتحنن الدنيا عليا يازوجتي انتي الدنيا دي بالنسبه ليا النشيد هنا يابنات اللي عايز يسمعه https://soundcloud.com/badael/yazawjaty نظرت له وعيناها مليئة بالحب :ربنا ميحرمنيش منك ابدا ياحبيبي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,, جلس وحيدا في مكتبه يفكر بها هلي يطلب منها رقم والدها ؟...........لا لايجوز ان يقف ليتكلم معها ماذا يفعل؟؟؟ ساتصل بمحمد اطلب منه ان يحدث والدها ثم اخذ الرقم منه نعم هذا هو الحل قطع تفكيرة طرق الباب ادخل فريد :ابني حبيبي قاعد لوحده ليه عبد الرحمن قام اليه وحضنه :حمد لله علي سلامتك يابابا وصلت امتي ؟ من نص ساعة وفضلت مستني تيجي تسلم بس انت في عالم تاني خالص تنهد قائلا :ادعيلي يابابا في خطوة مقبل عليها ومحتاج التوفيق ربنا يقدر لك الخير ياابني ولو محتاج تتكلم انا موجود ان شاء الله ياوالدي ارتاح بس من تعب السغر وان شاء الله نتكلم بليل ان شاء الله .................................................. .................................................. ............................................... ذهب الي الدار وجدها امامه تصعد درجات السلم زادت نبضات قلبه مره اخري انتظر قليلا حتي هدأ ثم صعد الي الدار وجد مدام امل القي عليها السلام ودخل الي مكتبه بعد قليل اتت اليه قائلة :الحق ياابني حبيبة اغمي عليها اطلب الاسعاف بسرعة حضرت سيارة الاسعاف وحملت حبيبة الي المشفي ذهبت معها مدام امل واغلق عبد الرحمن الدار ولحق بهم بعد قليل واتصل علي محمد اخبره جاءت الطبيبة علقت بعض المحاليل وافاقت حبيبة كان وجهها شاحب اعطتها حقنه ونامت مرة اخري امل:خير يابنتي مالها فيها ايه الطبيبة : ضغطها منخفض جدا وعندها هبوط وارهاق من قله النوم وواضح انها بتبذل مجهود جامد هتحتاج راحة لمدة اسبوع وهتكون كويسه ان شاء الله جاءت احدي الممرضات لتتابع الحالة ثم انصرفت حضر عبد الرحمن ومعه محمد وفاطمة تبكي :بنتي حبيبتي جرالك ايه امل :اطمني ياحبيبتي شويه ارهاق هي نايمة دلوقت وهتفوق كمان ساعة انا زميلتها في الدار والحمد لله لحقناها بسرعة نظرت اليها والدموع تسيل علي خدها ربنا يشفيكي ياحبيبتي حضر محمود واسلام وريهام بعد نصف ساعة ليطمئنوا عليها وبعد قليل استيقظت وجدت الجميع حولها قالت لهم :انا بخير متقلقوش عليا شوية تعب بسيط خالص انا تمام نظرت لها فاطمة وقالت بعتاب :شوفتي انا قلت لك مسمعتيش كلامي ماخدتيش راحة خالص من ايام امتحاناتك ومش بتنامي كويس وكله جه علي صحتك حبيبة :الحمد لله ياامي انا بخير والله متعيطيش جاءت الطبيبة وقالت انها تستطيع الخروج الان والعودة الي بيتها مع الراحة والنوم جيدا لمدة اسبوع وكتبت لها علي فيتامينات والزمتها بتناولها في الميعاد المحدد كان جالسا في الخارج مع محمد قلبه يعتصر الما لما حدث لها ثم قال فجأة:محمد انا عارف ان الوقت مش مناسب بس انا طالب منك خدمة محمد :ايه يابني خضيتني خير خدمة ايه؟ انا عايز اطلب ايد الانسه حبيبه ضحك محمد حتي دمعت عيناه قائلا :طب بالله عليك ده وقته واكمل الضحك عبد الرحمن بغضب :تصدق انا غلطان اني اتكلمت معاك وهو بالانصراف جذبه محمد من يدة ليجلسه :طاقعد بس اهدي حقك عليا انا مش قصدي والله بي انت فاجأتني عبد الرحمن وقد اعتدل في جلسته :يعني هتكلم والدها ؟ محمد :ان شاء الله بس علي الاقل نستني لغاية ماتبقي كويسه عبد الرحمن :ماشي بس اوعي تنساني محمد :ده انت شكلك وقعت بس واقعة تستاهل بصراحة ربنا يجعلها من نصيبك عبد الرحمن رافعا يديه :يااااارب محمد :لا يابني دة انت حالتك صعبة اوي ع العموم سيب الموضوع دة عليا وانا هاخلي مي تكلمها وتشوف رايها ايه عبد الرحمن بفرح :بجد يامحمد ياريت طيب هترد عليا امتي محمد :لالالالالالا دة انت فعلا حالتك صعبه روح ياحبيبي نام شويه كدة واهدي وانسي الموضوع خالص متفكرش فيه لحد ماارد عليك عاد الي البيت وجد كوثر تجلس امام التلفاز تتابع الاخبار السلام عليكم ياامي وقبل يدها وعليكم السلام ورحمه الله وبركاته ازيك ياحبيبي اتاخرت كده ليه مفيش ياامي بس حصل شويه حاجات في الدار كدة والحمد لله عدت علي خير باقولك ياامي كنت عايز اكلمك في موضوع خير ياحبيبي قول انا عايز اتجوز كوثر بدموع :يالف نهار ابيض يالف نهار مبروك يااااااااااااااه ياعبد الرحمن اخيرا يابني هي مين بقي واسمها ايه وعرفتها منين عبد الرحمن :هاقولك كل حاجة ياامي عارفة محمد صاحبي طبعا دي تبقي اخت زوجته اسمها حبيبة كوثر :اخت مي معقولة ؟دي بنت زي القمر ادب واخلاق زين مااخترت يابنتي ثم بكت وقالت تعرف ياابني انا يوم فرح مي شفتها ودعيت تكون من نصيبك دخلت قلبي من اول ماشفتها ولا امها ست سكرة عبد الرحمن بجد ياامي دعيتي لي ؟طيب انا عايزك تدعي لي تاني ربنا يوفقني وييسر لي امري بالخير كوثر ربنا يوفقك يااااااااااااااااااااارب ويقدر لك الخير عبد الرحمن:يااااااااااااااااا� �ااااارب اللهم امين ؛....... بابا فين ياماما محتاج اتكلم معاه شويه في المكتب بيراجع شويه اوراق ومستنيك طيب عن اذنك ياامي دخل الي والده وتحدث معه واخبره عن رغبته في الزواج وفرح والده كثيرا ودعا له بالتوفيق ثم تحول مسار الحديث حول الشركة والعمل ثم صعد الي غرفته لينام وراي نفس الحلم مرة اخري .................................................. .................................................. ...... دخلت عليها تبكي :اختي حبيبتي فيكي ايه قوليلي حبيبة الحمد لله انا كويسه شوية اجهاد بسيط وخلاص انا كويسه اهو ابتسامة مي ببكاء كالاطفال:وازاي محدش يعرفني وتخبوا عليا لولا انا حسيت ان في حاجة واصريت ان محمد يجيبني وقالي واحنا تحت ليه تخبوا عليا مش انا اختك حبيبة :والله يامي انا الحمد لله بخير والموضوع مكنش مستاهل انا طلعت علطول قلنا بلاش نخضك ونجيبك المشوار ع الفاضي مي :الحمد لله ياحبيبتي ربنا يطمنا عليكي ثم غمزت لها قائلة عندي ليكي خبر حلو حبيبة خير يامي مي جايلك عريس حبيبة مين؟ عريس ؟ انتي اشتغلتي خاطبة وانا معرفش واخذت تضحك مي :كدة طيب مش هاقولك بقي اي حاجة ويالا سلام انا مروحة حبيبة استني بس خلاص انا اسفة كملي ياستي مي عايزة تعرفي بجد حبيبة قولي بقي مي عبد الرحمن صاحب محمد وصاحب الدار اللي انتي بتشتغلي فيها حبيبة وظهرت ابتسامة علي وجهها طيب وانتي عرفتي ازاي ؟يعني هو طلب من محمد يشوف له عروسه؟ مي لا طلبك بالاسم ومحمد قالي انو هيتجنن عليكي حبيبة :علي العموم انا هاصلي استخارة وربنا ييسر مي :طيب انتي رايك ايه فيه انا شايفة انو انسان كويس ومحمد بيشكر فيه جدا وبيقولي انهم اكتر من الاخوات حبيبة :ان شاء الله خير ربنا ييسر مي :هو طلب من محمد يكلم بابا يمهد الموضوع يعني وبعد كده هيحدد ميعاد ويتقدم رسمي حبيبة وقد احمرت وجنتاها : خلاص اللي تشوفة بس انا هاصلي استخارة الاول وبعجين ارد عليكي مي ماشي ياحبيبتي ربنا يقدر لك الخير....... يتبع...... | ||||
|
| |
|
06-10-16, 08:37 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ঔღঔ ঔღঔ ঔღঔ الفصـــــــــــــــــل الســـــــــــــــابعঔღঔ ঔღঔ ঔღঔ مر الاسبوع سريعا وعاد النشاط تدريجيا الي حبيبة مرة اخري وفي يوم الجمعة استيقظت حبيبة علي صوت فاطمة فاطمة :يالا ياحبيبة اصحي ياحبيبتي انهارده عندنا ضيوف مهمين وعايزين نخلص البيت بسرعة حبيبة بكسل :صباح الخير ياماما انا صحيت خلاص اهو قامت من السرير وغسلت وجهها ثم توضأت وصلت الضحي وذهبت الي فاطمة في المطبخ فاطمة بصي ياحبيبة انتي روحي ع الصالون نضفي هناك وخلصي وتعالي حبيبة باستغراب :هو مين اللي جاي ياماما فاطمة بابتسامة :عريس ياقلب ماما جاي يشوفك انهارده هو ابوكي مش قالك ؟ حبيبة :لا ! انا معرفش غير منك دلوقت طيب متعرفيش مين ؟ فاطمة : دة علي اب الحج احمد عز الدين صاحب ابوكي من زماااان اوي وطلب ايدك من وانتي في سنة تالتة بس ابوكي اجل الموضوع شوية لغاية ماتخلصي حبيبة وقد شعرت بالاختناق :طيب ياماما عن اذنك هاروح اوضب الصالون فاطمة :بسرعة ياحبيبة وتعالي ساعديني في الاكل ذهبت الي الهاتف واتصلت علي مي مي :السلام عليكم حبيبة :وعليكم السلام ورحمة الله وبركاته ازيك يامي مي :الحمد لله ازيك انتي ياعروسة :انتي عرفتي ؟كدة يامي متقولليش ؟ :انا لسه عارفة من ساعة واحدة بس :طيب وموضوعنا انا صليت استخارة وشفت رؤية غريبة شفت اني قاعدة في مكان زي حديقة واسعة وفي بنوته بلعب معاها ولقيت عبد الرحمن جاي من بعيد علينا وهي جريت عليه وتقولو بابا حبيبي :مش عارفة اقولك ايه ياحبيبة علي العموم انتي ممكن تقولي لبابا :بس انا كدة هاحرجه .....................مش عارفه اعمل ايه وبدأت في البكاء :اهدي ياحبيبة بصي حبيبتي انتي قابلي الناس عادي جدا وبعد مايمشوا ارفضي وقولي لبابا انك مش مرتاحة وبابا يوصل الرفض بشكل لطيف من غير مايحرج حد :الله المستعان انا هاصلي استخارة وربنا ييسر :روقي ياجميل بقي وانا هاخلص اللي ورايا وهاجيلك :ماشي مع السلامة يامي :سلام ياحبيبتي .................................................. .................................................. .................................................. ................................... اسلام :مريومة بس بقي بابا عايز ينام مريومة :تؤ انا عايزة كولولاته وسبسي اوقتي بابا اسلام :طيب حبيبني بابا ينام حبه نونو وبع كدة يجيب لمريومة ماشي مريم :بكاااااااااااااااااااااا� �اااااااااااااااااااااااا ااااااااااااااااااااااااا ااااااااااااء <وما ادراكم بقي سرينة الاسعاف بالضبطاحلى ابتسامة > ريهام ياريهام ريهام نعم ياحبيبي في ايه :خدي مريم معاكي عايز انام ساعة بس عندي مشوار بليل ومحتاج ارتاح ساعة بس :حاضر ياحبيبي تعالي ياقلب ماما وحملتها وقبلت خدها واحضرت لها علكة كانت معها :شوفي ماما جابت لمريومة ايه مريم هدأت قليلا ونظرت للعلكة وقالت بفرح :بانة هييييييييييييي بانة انطلقت مريم تلعب بالدم جلست علي الارض واخذت تضرب الدمية وتقول :انتي وحسة عملتي يع كخ كخ كخ وتضربها مرة اخري راتها ريهام انجرت من الضحك وقالت :بتعملي ايه يامريم لي كدة:اضب ددة هي كخ عملت يع يع :هههههههههههههههههه طيب وريني كده لعبت معها قليلا ثم ذهبت الي اسلام لتوقظه لصلاة الجمعة ثم بدأت في تجهيز الغداء .................................................. .................................................. .................................................. ........................ وفي المساء حضر اسلام ومي استعدادا لقدوم الضيوف كانت حبيبة في غرفتها حزينة تدعو الله ان يمر اليوم بسلام وان ييسر لها الخير حيث كان مي :ايه ياحبيبة مالك فكي شوية يابنتي وبعدين مفيش غير الاسود ملبستيش ليه الفستان الموف بيكون عليكي تحفة :لا دة جميل اوي انا اصلا مش عايزة اطلع لولا خايفة علي زعل بابا واحراجه :طيب علي الاقل البسي الطرحة الروز عشان خاطري او البسي الرمادي في سيلفر هتبقي حلوة اوي حبيبة باستسلام حاضر كانت ترتدي فستان اسود به نقوش فضيه والحجاب رمادي به وردات سيلفر بعدد قليل ..............يالا ياحبيبة تعالي خرجت حبيبة وضربات قلبها تزيد وتزيد وصلت الي الصالون ووجها يعلوه حمرة الخجل فاطمة ..تعالي ياحبيبة سلمي علي طنط كريمة حبيبة سلمت علي كريمة والقت السلام علي علي وجلست بجوار فاطمة فاطمة ..نورتونا ياجماعة والله علي ..دة نورك ياطنط كان الجميع يتحدث ماعدا هي كانت تنظر الي الارض وتجلس فس صمت استأذن اسلام ثم تبعه محمود فقالت فاطمة تعالي يكريمة افرجك علي الشقة من زمان مجيتش تشوفيه وتركتهم نظرت اليها حبيبة نظرة تستعطفها الا تتركهم ولكن لامفر علي :ازيك يانسة حبيبة حبيبة:الحمد لله علي:انا عرفت كل حاجة عنك من والدك وحابب كمان تعرفي عني كل حاجة انا اسمي علي احمد عز الدين مهندس ديكور وعندي مكتب صغير سني 29 في حاجة تاني تحبي تعرفيها ؟ حبيبة :حضرتك حافظ قرآن ؟ علي :الصراحة مش كتير يعني ظروف الشغل واخداني شوية حبيبة :طييب والصلوات المفروضة بتصليها في المسجد ؟ علي :مش دايما لكن الحمد لله محافظ علي وقت الصلوات اما في البيت او المكتب حبيبة:طيب عن اذنك هنادي عليهم علي:طيب ممكن اعرف رايك؟ حبيبة :ان شاء الله اصلي استخارة ووالدي هيبلغ حضرتك عن اذنك جاء الجميع مرة اخري واستاذنت حبيبة الي حجرتها كانت تنتظرها مي بالداخل مي :ايه طمنيني ايه اللي حصل حبيبة :مش مرتاحة خالص يامي ومش هو ده اللي عايزاة دة مش بيصلي في المسجد وكمان منزلش عينه من عليا من ساعة ماخلت مش مريح خالص مي :خلاص عرفي بابا بعد ماينزلوا وهو هيتصرف ونشوف بقي هنعمل ايه في موضوع عبد الرحمن حبيبة بخضه :هو عرف ان في حد اتقدم مي :مش عارفة محمد هيقول ولا لا علي العموم هاعرف لما اروح هما كانوا مع بعض انهارده واكيد هعرف..... يتبع....... | ||||
|
| |
|
06-10-16, 08:38 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ღ ღ ღ ღالفـــــــــــــــــــــ� �ــــصل الــــثــــــــــــــــــ ـــامنღ ღ ღ ღ الجزء الاول استعد عبد الرحمن للذهاب الي الشركة باكرا نزل الي الاسفل وجد والدته مستيقظة وتتابع مع الخادمة اصناف الطعام عبد الرحمن :انا خارج ياامي عايزة مني حاجة وقبل يدها الام:لا ياحبيبي ترجع بالسلامة بس متتأخرش لان اختك رجعت من شهر العسل ومعزومة عندنا انهاردة هي وجوزها عبد الرحمن بفرح :بجد ياماما دي وحشتني اوي ان شاء الله مش هاتاخر اشوف وشك بخير ياامي سلام عليكم الام :وعليكم السلام ورحمة الله وبركاته في حفظ الله ياابني .................................................. .................................................. .......................... مي :السلام عليكم محمد :وعليكم السلام ورحمة الله وبركاته حبيبتي عاملة ايه دلوقت مي :الحمد لله احسن البرد خف شويه محمد :طيب ياحبيبتي ارتاحي انهارده وانا هاجيب اكل جاهز وانا راجع مش هاتاخر ان شاء الله مي ان شاء الله ياحبيبي ترجع بالسلامة ثم قالت :محمد انت قلت حاجة لعبد الرحمن علي موضوع العريس يعني ؟ محمد :لا يامي انا اصلا مكسوف منه جدا لاني اتاخرت في الكلام مع والدك ومش عارف اقوله ايه مي :متقلش حاجة خالص لان حبيبة هترفض العريس واحتمال يعني يكون في امل لعبد الرحمن فياريت مش تقوله خالص ولو سألك قول انك لسه هاتكلمه ماشي حبيبي محمد:ماشي ياحبيبتي متنسيش تاخدي الدوا وارتاحي شوية مي :ماشي ياحبيبي في رعاية الله سلام عليكم محمد وعليكم السلام ورحمة الله وبركاته ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,, بابا ممكن اتكلم معاك شوية محمود:تعالي يابنتي انا كنت لسه هاجيلك اوضتك عشان نتكلم ها ايه رايك في علي ؟اظن شاب ميتعيبش حبيبة :بصراحة يابا انا من قبل مايجي البيت وانا قلبي مقبوض بس صليت استخارة وقلت هاقعد معاة واشوف يمكن يحصل القبول قاطعها قائلا :الولد من امبارح كلمني اربع مرات ومعجب بيكي جدا وعايز الرد انهارده والقرار في ايدك يابنتي دة جواز وحياة تانية وانتي اللي هتختاري شريك حياتك قولي اللي انتي عايزاه وانا معاك حبيبة : مش نافع يابابا هو غيري خالص وكمان قلبي مقبوض من بعد ماصليت الاستخارة مش عايزاة يابابا (قالتها بكسوف وعينها في الارض) محمود :مفيش مشكله يابنتي مادام انتي مش مرتاحة وربنا يكرمك بابن الحلال اللي يسعدك يارب قامت واحتضنته قائله :ربنا يخليك ليا يابابا محمود :انا اهم حاجة عندي سعادتك وراحتك ده اللي يهمني :ربنا يخليك لينا يابابا ويبارك لنا في عمرك..... يتبع...... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
