آخر 10 مشاركات
في غُمرة الوَجد و الجوى «ج١ سلسلة صولة في أتون الجوى»بقلم فاتن نبيه (الكاتـب : فاتن نبيه - )           »          بأمر الحب * مميزة & مكتملة* (الكاتـب : tamima nabil - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          هيا نجدد إيماننا 2024 (الكاتـب : رانو قنديل - )           »          ليلة مع زوجها المنسي (166) للكاتبة : Annie West .. كاملة (الكاتـب : nagwa_ahmed5 - )           »          غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          مواسم العشق والشوق (الكاتـب : samar hemdan - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 21-07-16, 08:48 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 حبيب خيالي \ للكاتبة يارا الحلوة ، مصرية مكتملة





بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
حبيب خيالي
للكاتبة يارا الحلو



قراءة ممتعة للجميع.....






التعديل الأخير تم بواسطة لامارا ; 23-07-16 الساعة 02:22 PM
لامارا غير متواجد حالياً   رد مع اقتباس
قديم 21-07-16, 08:50 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


بسم الله الرحمن الرحيم

السلام عليكم ورحمة الله وبركاته

اترك احساسي في التحكم في كتاباتي , و هذا سر نجاحي.. # يارا_الحلو‎











رابط لتحميل الرواية

https://www.rewity.com/forum/t354804.html#post11460108




التعديل الأخير تم بواسطة فيتامين سي ; 23-07-16 الساعة 03:15 PM
لامارا غير متواجد حالياً   رد مع اقتباس
قديم 21-07-16, 08:53 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي






-١-

دخلت غرفة طفلتها المراهقة لتجدها نائمة في سبات عميق ابتسمت تلقائيا..
و نظرت لوالدها العجوز :
- شايف يا بابا زي الملاك و هي نايمة..
اماء والدها رأسه بأعتراض :
- بس دة ميمنعش انك لازم تخليها تروح لدكتور .
تحولت ملامحها لضيق :
- بابا لو سمحت شروق مش مجنونة .
- و تصرفتها دية تثبت ايه .
- انا رايحة انام يا بابا عن اذنك .
تركته وحيداً ليحرك رأسه معترضاً..ثم اغلق باب غرفتها ليتجهة لفراشه..
ما لبث حتي اغلق الباب لتفتح عيناها فجأة و تنظر اليه لا شئ بعمق..سرحت بنظرها لتكمل نومها في سلام..
في اليوم التالي..
حاولت ربط حذائها و لكن نتيجتها الفشل..
نظرت اليها والدتها بحنان :
- شروق حبيبتي معاكي فلوس .
اماءت رأسها بالايجاب..
نادي الجد بصوت ضعيف بسبب كبر السن :
- نرمين هاتي الدوا من علي المكتب .
- حاضر يا بابا .
و اللتفتت ل"شروق" مبتسمة :
- يلا يا بقي يا شوشو عشان المدرسة .
تفوهت اخيرا شروق لتقول ببرود :
- حاضر عن اذنك .
تركتها و ذهبت لتقف امام خلف باب المنزل منتظرة قدوم الباص..اقتربت "نرمين" من والدها حاملة الدواء بيدها..
- بالشفا يا بابا .
تحولت ملامح الجد لملامح حادة جدية :
- انتِ ازاي تخرجي منك بالشكل دة و لة سرحتي شعرها و حتي رباط الجذمة قعدت في ساعة و معرفتش بردو و القميص خارج من الجيبة حاجة تقرف دية منظر بنت عندها 15 سنة .
- يا بابا مانت قولت 15 سنة يعني كبيرة التفاصيل دية مليش دعوة بيها .
- لا حول لله نرمين انا راجع لشقتي تاني عشان الضغط و المرارة .
ثم قام و هو يتسند علي عصاه حديدة متكئ الظهر..
تأففت نرمين بتزمر و شوحت بيدها بضيق..
كانت تنتظر وصول سيارة المدرسة "الباص" التي تحمل اكثر من 30 طفل و طفلة لم تتأخر كثيرا..
صعدت علي سلالام الباص لتسمع همهمات البنات و ضحكات بعضهم علي منظرها و نظرتها الطبية التي تسمي كعب كوباية و تقويم اسنانها الفضي..
جلست علي مقعدها و اسندت رأسها علي نافذة العربة..
لترتسم علي وجهها ابتسامة واسعة عندما وجدته يقف علي اعتاب منزلها يلوح لها..
لوحت له بسرعة ليبتسم لها و يختفي جسده مع الرياح..
نظرت لمكانه بهيام و قالت بشفتاه سعيدة :
- نجم .
لتأتي فتاة تقف بجانبها ترتدي قميصًا مفتوح اول ثلاث زرائر و تنورة قصيرة تصل لفوق ركبتها بقليل..
رفعت حاجبها بتكبر لتقول :
- انتِ يا زفتة قومي دة مكاني .
عقدت حاجبيها بضيق و قالت بعبوس طفولي :
- لا دة مكاني .
- قومي بالزوق يا شروق .
شعرت بالخوف و لم تقم من علي مقعدها المخصص فجذبتها الفتاة من يدها بقوة ليقوم جسدها النحيل بعنف و تجلس هي..
ضحك عليها المتواجدين من الطلاب..لترجع خصلاتها الذهبية خلف اذنها برقة و كسرة نفس..
سحبت جسدها لتجلس في اخر العربة و تبعد نظرتها من علي عينيها الخضراء و ظلت تمسح دموعها..
ضمت نفسها بقوة ليجلس بعض الطلاب بجانبها يضياقونها بأقبح الكلام..
وصلت اخيراً لفصلها..جلست في اخر الصف كان تركيزها كله نحو "نجم"..
انتشالها صوت المرتفع لمعلمة تناديها بعصبية..قامت بسرعة مع ركبتين مرتعشة و قالت بتربك و تهته لتضحك الطلاب اكثر :
- ا.ا.انا .
- هو في حد غيرك انتِ يا بت طرشة قولي اخر حاجة كنت بقولها ايه .
ابتلعت لعابها لتقول بقلق و آسف :
- مكنتش مركزة .
اقتربت منها المعلمة لتجذبها بعنف من اذنها..
- بقي انا بنبح في صوتي و في الاخر مش مركزة يا حيوانة امشي اطلعب برة و اعرفي انك صفر في اعمال السنة..
كانت تصرخ بين يدها بضعف و صوت منبوح حتي رق قلب بعض الفتايات..
خرجت من الفصل لتضع كفيها الصغيرين علي وجهها و بكت بحرقة..
ظهر "نجم" امامها و ضمها بحنان لتشبت به ببكاء..
- متسبنيش يا نجم متسبنيش انا ضعيفة من غيرك..
قبل رأسها و هو يربت علي ظهرها :
- مش هسيبك يا شروق مش هسيبك و انا كمان ضعيف من غيرك .
لتمر معلمة من جانبها و تسمعها تتحدث مع نفسها لوحدها..



يتبع....




التعديل الأخير تم بواسطة لامارا ; 23-07-16 الساعة 02:23 PM
لامارا غير متواجد حالياً   رد مع اقتباس
قديم 21-07-16, 08:55 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٢-



لتمر معلمة من جانبها و تسمعها تتحدث مع نفسها لوحدها..
همست لها بصوت منخفض :
- شروق .
انفزع جسدها ليرحل "نجم" من بين ذراعيها بسرعة..تربكت و اعدلت نظرتها الطبية :
- مس دينا ا.ا.ا.انا .
قاطعتها لتقترب منها بحنان و ترفع وجهها بأصابعها الرقيقة..
- انتِ واقفة برا ليه يا حبيبتي تعالي .
أخذتها من يدها كانت تشعر شروق بالرعب منها...
ادخلتها المرحاض الخاص بالمدرسة..
- مالك بقي يا حبيبتي .
قالتلها "دينا" و هي تغسل وجه "شروق" بالماء..
- المس طردتني عشان مكنتش مركزة .
- مس مين .
ابتلعت لعابها لتكمل بتربك و هي تفرك يدها
- مس هاله طردتني و قرصتني من وداني .
تنهدت "دينا" بضيق بسبب علمها بعنف المعلمة "هاله"..نظرت اليه نظرة مطاولة و قالت بحنان :
- طب سيبك منها تعالي معايا نفطر انا عندي حصة فاضية .
كانت "دينا" تعلم ان "شروق" يوجد بها شئ مريب يجعلها بتلك الحالة..
قررت التقرب منها لعلها في يوم تفسر حالتها..
احضرت اطعمةة سريعة..كانت شروق صامته لا تأكل و لة تتكلم و لكن شاردة في النظر..ظهر نجم يقف بعيد عنهم لترتسم ابتسامة علي وجهها و ضحكت ضحكة خفيفة رقيقة..ارعبت "دينا" حتي ان الطعام تعلق في حلقها..لم يكن احد موجود في المكان غيرهما فلمن تضحك..
سألتها بتربك و الفضول يشعلها..
- بتضحكي لمين يا شوشو .
اجابت ببراءة
- لنجم .
و اشارت موضحة :
- اهوة هناك .
نظرت لمكان الذي تشير اليه "شروق" فلم تجد احد..اكملت شروق و هي تعيد النظر اليها..
- انا بحب نجم اوي و هو بيقعد معايا علطول و بيحبني و يهزر معايا انا مش بحب ابقي مع حد غيرو..
ثم اردفت بقهر
- كلكـو اشرار انانين .
تعجبت من كلامها و تناولت الفطور بصمت..و ظلت كلمتها تترد في اذنيها "كلكو اشرار انانين"..
تقدم "نجم" اليها ثم جلس بجانبها...لتلفت اليه "شروق" برأسه مرتسمه ابتسامة واسعة علي ثغرها..
- نجـم .
هبت "دينا" واقفة بقلق..
- يلا علي فصلك يا شروق الحصة خلصت .
نظرت اليها "شروق" بحذر و قامت متجهة لفصلها..
عادت الي البيت و كالعادة والدتها حالياً في عملها..
اتجهت نحو غرفتها و اللقت حقيبتها علي الاريكة..
وقفت امام المراءة و خلعت نظرتها..لتسمع صوته الرجولي يهمس في اذنها حتي شعرت بحرارة انفاسه..
- كدة احلي .
وجدته عبر المراءة يقف خلفها بخطواط بسيطة اللتفتت اليه لتضمه بحرارة و تدفن رأسه عند قفصه الصدري..لف يده حول بحنان حتي انه رفعها اليه نسبيا..
قبل جبهتها بحنان..
صمتت لوهله كأنها تذكرت شئ،فأسرعت في قول :
- شوفتيني انهاردة انا كنت قعدة بجواب مع المس و الكل صقفلي .
- بجد يا حبيبتي شطورة .
ثم اكملت بطريقة طفوليه و هي تفتح كلتا ذراعيها و تهبط علي الارض ثانيا..
- كنت فرحانة اووووي و انهاردة هقعد اذاكر السينس و الدراسات كويس ينفع تذاكر معايا يا نجم .
و اكملت بألحاح :
- بليز يا نجم مبحبش اذاكر لوحدي .
اماء رأسه موافقا..فرفعت سبابتها بصرامة :
- بس اوعي تنام او تروح لصحابك و تسبني .
- حاضر يا حبيبتي هقعد معاكي طول اليوم .
قبلت خده برقة..ثم فجأة شهقت و قالت :
- نسيت اقولك لميس صحبتي ادتني الفستان دة و قالتلي هيبقي شكله حلو عليكي تعرف انا بحب لميس اوي .
اخرجت فستان من حقيبة مميزة..كان فستان اسود يصل لفوق الركبة بقليل انيق جدا..
كان سيتكلم و لكن اوقفته..
- استني انا هدخل الحمام اقيسه بس اوعي تبص .
ضحك برفق ثم قال مازحاً :
- انا مستنيكي اهوة و هعد لغايط 50 بس .
ركضت بمرح نحو المرحاض بسرعة ثم ارتدته كان العد لم يكمل بعد فأخذت مشط الشعر الذي لم تستعمله منذ فترة..
صففت شعرها و مشططه بطريقة انيقه..كانت توجد بعض العوائق في تمشيط شعرها و لكن انتهي الحال بخير..
كان شعرها بني ليس بطويل او بقصير و لكن ناعم جذاب و لكنها لا تعتني به..
خرجت في الوقت المناسب..نظر اليها بعمق كان الفستان الاسود مع بشرتها البيضاء يعطيها الكثير من الاناقة..هذا غير ان جسدها الانوثي الممشوق الجذاب ساعد في زيادة جمالها..
كانت كالحورية الهابطة من السماء
تقدم و تمسك بيدها بحنان ليأخذهم و يقبل بطن كفها برقة..
سارت قشعر في جسدها سريعة و تورد وجهها من شدة الحياء..
استقام في وقفته قائلاً مبتسما ً:
- هو في كدة يا ناس في حد في الجمال دة طيب .
ابتلعت لعابها بخجل قائلة في استعجاب و هي تعض شفتها السفلي :
- انا جميلة! !
اتسعت عينيهِ مصدوماً :
- و انتي اول مرة تعرفي .
اكدت قولها بحركات ملامحها :
- انا مش جميلة .
لف يده اليسري حول خصرها و الاخري امسك بها يدها في وضع رقصان..
- انتي فعلا مش جميلة انتي حاجة اكبر من دية بكتير .
قالت بخجل :
- بحبك يا نجم .
- و نجم بيحبك اكتر .
ضحكت برقة علي اسلوبه ثم افلتت نفسها منه لتشعل موسيقي..
و تعود لموضعها،فأخذ يراقصها و يتمايل معها..
شروق بأسلوب طفولي :
- انا عايزة ابقي معاك علطول هنا ناس وحشة بكرها و بتكرهني انا بحبك انت بس .
اكمل علي كلاما بمرح :
- و لميس .
- توء انت اكتر..هي بتحبني و تساعدني بس شفقة لكن انتـ
نظرت لعينيه موضحة :
- بتحب قلب شروق .
- جبتي الكلام الكبير دة منين .
قالها لتدور مع الايقاع الموسيقي و هي ممسكة بأنمال يده و تستقر ثانيا بين ذراعيه..
- من حبكـ .
قبل انحدار انفها لتغمض عينيها بسعادة و تطوق يدها حوله اكثر لتلصق به..فجأة يعلن رنين الباب بمجهول..
ابتعدت بسرعة عن "نجم" ليختفي..
ركضت نحو باب المنزل و فتحت من دون التعرف علي المجهول..
فتحت الباب لتتفأجئ و تعود لخلف برعب..
كان ينظر إليـها بحدة التي تعودت عليها منذ نشأتها فبادلته نظرة الخوف و....



يتبع.....


لامارا غير متواجد حالياً   رد مع اقتباس
قديم 21-07-16, 08:56 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٣-


فتحت الباب لتتفأجئ بهِ و تعود لخلف برعب..
كان ينظر إليـها بحدة التي تعودت عليها منذ نشأتها فبادلته نظرة الخوف..
جذبها من ذراعها بعنف لتصرخ بخوف :
- اوعي يا بابا .
كانت تحاول بكل جهدها عدم الخروج من المنزل و لكن لم تقدر فقد امسكها من جذور شعرها و ظل يجرها حتي ادخلها السيارة لم تقدر علي الفرار و لكن استطاعت البكاء و الصياح من آلالـم فقط..
كانت هناك سيدة يظهر علي ملامحها الضيق داخل السيارة..
- لية كدة يا سيد مكنش ليـه..
قاطعها بحدة :
- ما تخرصي بقي انتي كمان .
كانت تنظر اليهم عبر المراءة و تبكي مع شهقات متتالية..
اسندت رأسها علي نافذة السيارة و اغمضت عيناها بأسي..
وصلت لبيت كبير يحاوطه الزرع الاخضر مع بعض الزهور الوردية التي تنعش المكان من رائحتها..
- اخرجي .
نطق بصوته الخشوني،لتخرج من السيارة مرتعشة القدمين..
امسكها من معصم يدها بصرامة و ادخلها البيت..كانت تسير السيدة بجانبه بشموخ..
فتح الخدم الباب..
نظر "سيد" لـزوجته..و قال بصيغة امر :
- ودي شروق اوضتها و شوفي عايزة تطفح ايه و تعالي عشان عايزك .
امسكت بشروق و اوصلتها لغرفة..
قالت بصرامة :
- يلا ادخلي نامي و لو عايزة اكل انزلي .
ردت بترجي و هي تتمسك بها :
- عايزة ماما رجعوني البيت .
دفعتها و قالت بضيق :
- يلا ادخلي .
انحنت برأسها بحزن و دخلت غرفتها بكسرة نفس لتقع علي فراشها و تتمسك بالملائه و تبكي حتي يظهر "نجم" و يركض لها و يضمها اليه بقوة..
نظرت اليه ببكاء و قالت :
- هما بيعملو فيا كدة ليه انا عايزة ابقي لوحدي خدني معاك يا نجم .
صمت و قبل رأسها بطمئنأن محاولاً تهدئتها و ظل يربت علي ظهرها بحنان بالغ..
***
- يعني انت جايب البنت عشان تغيظ نرمين ليه يا اخي البنت مالها بكل القرف دة .
رد عليها بعصبية :
- هو مزاجي كدة يا مني انا عايز احرق دمها و بعدين انتي معاها و لة معايا .
اقتربت منه بهدؤء و ربتت علي ذراعه :
- خلاص يا حبيبي متعصبش نفسك بس انت عارف انا بتخنق من زنها عمالة تعيط و لة تقول بنت في اولي ابتدائي .
- متخفيش و لة انا بطيقها اصلا هحرق بس دمها شوية و ارجعلها الزفتة .
فأبتسمت "مني" بمكر و صمتت..
***
عادت "نرمين" الي البيت لتجد باب المنزل مفتوح دب الخوف في قلبها لفجأة و ركضت مسرعة لغرفة "شروق" لتتفأجئ بعدم وجودها..
ابتلعت لعابها و امسكت بهاتفها المحمول لتتصل علي والدها..
نرمين بصوت قلوق و متوتر :
- ايوة يا بابا هي شروق عندك .
عقد حاجبيه بأستغراب :
- لا ليه هو في ايه ؟
توترت اكثر و اجابت بخوف :
- مش لقياها في البيت و باب البيت كان مفتوح انا قلقانة خايفة لبتاع الغاز يكون جيه و لة الكهربـ..
صمتت قليلاً لتصرخ في سماعة الهاتف :
- سيد الكلب هو الي خدها اكيد .
- طب خلاص يا نرمين خليها مع ابوها .
ردت بأنفعال :
- دة ابن ك** معندهوش رحمة انا متأكدة انه خدها بالعافية اكيد بيعمل كدة عشان يستفزني .
- لا حول و لة قوة الا بالله روحي هاتيها و لو حصل مشاكل اتصلي بيا .
- حاضر يا بابا سلام .
***
دخلت امراءه عجوز غرفة "شروق" الجديدة..كان يظهر عليها ملامح الطيبة...
اقتربت منها لتجدها تنام في وضع جنين..
- شروق يا حبيبتي .
فتحت عيناها فجأة لتنطر حولها تتعرف علي المكان تذكرت ما حدث..
نظرت اليه بدموع :
- ماما مجتش .
اقتربت منها العجوز و احتضنتها بلطف..
- تعالي بس نأكل الاول و نكمل .
اعترضت بحزن
- لاء مش عايزة انا عايزة ماما .
- كلي بس الاول دة انا عاملة كشري يجنن يلا يا بنتي ربنا يهديكي .
نطرت لعيناها و قالت بأستغراب :
- هو انتي مين ؟
- انا دادة كوثر .
ابتسمت لها "شروق" بأرتياح و استجابت لطلبها..اطعمتها "كوثر" و عندما انتهت..
- شاطرة يا حبيبتي بس مقولتليش ايه الفستان الحلو دة .
ابتسمت "شروق" بخجل و لم ترد..و فجأة سمعت صوت صياح والدتها لتهم واقفة في سعادة..
- ماما جت .
***
ارفعت صوتها اكثر و هي تكرر نفس الجملة :
- البت فين يا سيد .
نظرت و اجابها ببرود :
- فوق .
صاحت بصوت مرتفع و هي تركض ناحية الدرج..
- شــروق يا شــروق .
أفلتت "شروق" نفسها من "كوثر" لتنزل علي السلالام راكضة و عندما وجدت والدتها..
ضمتها بشدة مع بكاء..
نظرت "نرمين" لـسيد بضيق :
- فهمني سبب انك تأخد البنت .
اقترب منها سيد و امسك ذراعها بعنف..
- سمعت طراطيف كلام انك عايزة تتجوزي .
رفعت حاجبها بضيق..
- و متجوزش ليه انا لسة حلوة و صغيرة .
اثارت كلماتها غضبه فرجها بقوة..
- يعني ايه تتجوزي .
افلتت نفسها منه..
- انت مالك انت...مأنت متجوز .
- انا راجل و ليا حق..اما انتي ست و عندك بنت مينفعش .
- مش انت الي هتتحكم فيا انت دلوقتي طليقي اوعي كدة كتك القرف .
ثم جذبت شروق و صفعت الباب بعنف..
ركبت بجانب والدتها و هي مذالت مصدومة..
نطقت بتهته و هي تشعر بتربك..
- ماما انتي فعلا عايزة تتجوزي .
اجابتها بحدة :
- اة اية عندك مانع انتي كمان .
هزت رأسها بالنفي و صمتت لكن كان قلبها يتمزق من داخلها..
***
دلفت الي غرفتها و اغلقت الباب اراحت جسدها علي الاريكة..
لتجد نجم قد ظهر..ازاح بعض الشعيرات من علي عينيها ثم اقترب و قبل جبهتها بحنان ليقول..
- انتِ مش هتبطلي عياط .
عبست بوجهها و هي تقول بندم :
- ليه ربنا اداني العيلة دية انا عارفة مين هيبقي جوز ماما سمعتها بتتكلم معاه من يومين بس انا مش عايزها تجوز .
- ليه .
صمتت قليلا لتقول :
- تصدق مش هتفرق..انا مليش دعوة بيها .
اخذ رأسها و اسندها علي قلبه..قرر مساعدتها في الخروج من تلك الحال فقال بأبتسامة :
- تعالي اقولك نلعب لعبة .
ابتعدت بسرعة لتقول بأبتسامة و قد تعالت فرحتها..
- ماشي نلعب ايه .
صمتت قليلاً يفكر ثم اختار لعبة..وافقت مسرعة..
مرت نرمين من غرفتها لتسمع ضحكات "شروق" عقدت حاجبيها و تجاهلت الامر..
- اممم نجم استني كدة .
قامت و اخذت قلم فحم اسود و ورقة..
- انا هرسمك مس دينا علمتني الرسم .
قالتها بحماس و قد لمعت عيناها الفرحة..
رفع احدي حاجبيه و قال بثقة :
- تعرفي ؟!
اماءت رأسها بأبتسامة و قالت :
- اة اقف كدة بقي و اوعي تتحرك .
بدأت برسم عينيه البنيه ذات الحاجبين الكثيفة..استطاعت تحديد و رسم ملامحه بأتقان بالغ..
اخذت ترسم و هي تنظر لملامحه الجذابه..فكان طويل يكبرها بأعوام وسيم الملامح..ملابسه انيقه جذابة دوماً..
انتهت تلك الفاتنة من رسمه..
نظرت اليه و قالت بثقة :
- خلصت بص شكلك بالظبط صح .
قبل خدها و ضمها بقوة..
- صح يا روحي .
تثاوبت بنعاس..
- انا هنام بقي .
- مش هتذاكري .
صمتت لفترة لتفكر و قالت بتأكيد :
- هصحي قبل الفجر اذاكر بس خليك معايا .
وافقها..
أستلقت علي الفراش،لينام بحانبها و يحتضنها لكي تنام بسلام كالعادة في احضانه..
دخلت نرمين غرفتها لتجدها نائمة قبلت شعرها بحنان و قبل ان تذهب وقع نظرها علي رسمة "شروق"...



يتبع....



لامارا غير متواجد حالياً   رد مع اقتباس
قديم 21-07-16, 08:58 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٤-

دخلت نرمين غرفتها لتجدها نائمة قبلت شعرها بحنان و قبل ان تذهب وقع نظرها علي رسمة "شروق"
اتسعت عيناها و ظهر الضيق علي ملامحها لتصرخ بقوة..
- شــــروق .
انفزعت شروق و قامت بسرعة..
شعرها متناثر علي وجهها بعض العرق يسير علي وجهها بسرعة..نطرت لوالدتها لتجدها ممسكة بالورقة..
ابتلعت لعابها ثم قالت بتربك :
- ا.ا.ا.ايه يا ماما .
صرخت بها و امسكت ذراعها بقوة :
- مين دة هة مين انطقي .
افلتت "شروق" ذراعها بخوف لتقول بشفتاه مرتبكة :
- دة نـ..نـجــم .
- مــيــن .
لم تتكلم و فضلت الصمت ففزعها صوت امها..
- تعرفيه منين .
نظرت اليها بخوف..فخرجت من الغرفة و عيناها تشتعل من الغضب ظنت "شروق" ان الامر قد انتهي لهنا..
و لكن تفاجأت والدتها تقترب ممسكة "بـحزام"
انكمشت بجسدتها في نفسها بخوف..
اغلقت "نرمين" الباب بالمفتاح ثم اقتربت منها و ضربتها بقوة علي ضهرها لتصرخ بألم..ظلت تضربها والدتها بعنف...حتي شعرت انها اكتفت خرجت من الغرفة و أغلقت نور غرفتها..
تمسكت شروق بنفسها و ظلت تبكي بشقهات متقاطعة..
ظهر نجم فجأة و هو بجانبها و احتضنها محاولاً تهدئ روعها ربت علي ظهرها...
شروق بصوت باكي مرتعش :
- هي بتضربني عشانك و متعرفش اني عايشة عشان انت موجود معايا .
- خلاص أهدى متعيطيش .
- و بعدين ديه هي اصلا بتكلم واحد في التليفون بليل هي بتعاملني كدة ليه..علطول بتضربني و في الاخر تقولي انا عايشة ليكي انتي بس .
فجأة انفتح الباب لتقول بصوت ضخم :
- بتكلميه كمان في التليفون هاتي تليفونك .
صمتت لتبكي اكثر قامت مع ركبتين مرتعشة و اخذت هاتفها من علي الطولة لتعطيها اياه..
- اعملي حسابك مفيش مصروف لمدة اسبوع و عارفة لو عرفت انك بتكلميه مش هيحصلك طيب يا شروق .
- ماما متفهميش غلط هو..
- ايوة هو ايه .
صمتت و نظرت للاسفل..فخرجت الام بضيق..
وقفت بحسرة و كسرة نفس لتنظرت ل"نجم" الذي يجلس علي الاريكة..
- انا هذاكر .
هم واقفا و اقترب منها ليقول..
- و انا معاكي اهوة .
جلست علي الكرسي و جلس بجانيها يتابعها..خرجت من حالتها و هي معه..ضحكت و ذاكرت دروسها و استطاعت العودة لطبيعتها...
كان هذا يوم "شروق" المعتاد..تقابل الكثير من العواقب و ينتهي اليوم بالحديث مع عشيقها "نجم"
اما "نرمين" فظلت تشك بتصرفتها..
و في يوم ذهبت لمدرستها بدون الاهتمام بمنظرها كالمعتاد..
في الفصل و تحديداً في حصة الرسم..
كانت تنظر له و هو يجلس بعيد..و ترسمه بدقة و اتقان..
رسمت نفسها بجانبه..
حتي مرت المعلمة بجانبها لتستكشف رسم طلابها..
- شروق .
همت شروق واقفة في تربك..
- ايوة يا مس .
- حلوة اوي..رسمك بيتحسن .
ابتسمت لها مجاملة فقالت..
- بس مين دة..انتي كل مرة بترسميه و بكون نفسي اسألك .
- دة نجم يا مس .
تذكرت "دينا" كلامها فقالت بتربك :
- طب ما تخليه يجي في مرة كدة نفسي اشوفه .
همست لها شروق :
- مينفعش .
- ليه! !
- محدش ينفع يشوفه و لة يتكلم معاه الا انا بس .
شعرت دينا بالرعب و بدأ العرق بالتصبب من وجنتها..
فاردفت شروق..
- علفكرة يا مس محدش يعرف بالموضوع دة الا غيرك .
- ينفع تيجي معايا بعد الحصة .
- بس انا عندي حصة .
- هستأذن من مدرستك .
خرجت المعلمة من الفصل و قلبها يدق بسرعة..نظرت لشروق عبر النافذة الزجاجيه لتجدها تنظر للا شئ و تكمل رسم..حتي نظرت اليه و ارسلت الي الحائط قبلة في الهواء..
كانت بعض الطلاب ينظرون اليها..متأكدين بأنها مجنونة او تصطنع هذه التصرفات لتجذب الناس..
انتهت الحصة ليخرج الطلاب من فصلهم..
اقتربت شروق من نجم..
شروق بسعادة :
- نجم انا فرحانة اوي انك جيت المدرسة .
- انا قولتلك هبقي معاكي علطول .
و اقترب منها و قبل خدها بلطف..
- بحبك .
توردت خديها لتقول باسمة..
- و انا اكتر .
ثم اردفت مسرعة :
- هو لية محدش بيشوفك غيري .
اقترب منها اكثر ليضع كلتا يديه علي خصريها..
- عشان انا بتاعك بس .
- و انا فرحانة بأنك بتاعي بس .
ثم سمعت "دينا" تناديها..
- انا هروح اشوف المس بقي سلام .
اخذ يدها ثم قبلها بلطف قبل ان ترحل لتبتسم له ابتسامة جذابة و تذهب لمعلمتها..
***
- شروق مين نجم الي قولتيلي عليه في الفصل .
همست بصوت منخفض :
- نجم يبقي حبيبي .
- اممم ينفع تحكيلي عنه .
- كان بيقعد معايا من و انا صغيرة يقعد يتكلم معايا و يهزر معايا و مش بيسبني و لما..
- كملي .
اكملت بنبرة حزن و هي ترجع خصلتها خلف اذنها..
- و لما ماما او بابا بيضربوني هو الي بيقعد يمسحلي دموعي و يبقي معايا .
- طب انا عايزة اشوفه .
ردت بحدة خفيفة :
- مينفعش قولنا .
عادت ملامحها لهدوء و قالت باسمة..
- تعرفي انا الي اخترتله اسم نجم .
صمتت "دينا" و قد تأكدت ما في بالها..لتقوم متجهة ناحية مكتب مديرة المدرسة..
***
الساعة السابعة مساءً
كانت "شروق" قد نامت و بحانبها" نجم" الذي يحاوطها بيده و يمر بيده الاخري علي شعرها بحنان..
ضرب رنين الباب لتفتح نرمين و هي تردد...
- حاضر حاضر يالي علي الباب.
فتحت الباب و تجد امامها انسه في منتصف العشرين..
ابتسمت لها "نرمين" مجاملة..
- مين حضرتك؟
- انا دينا..مدرسة شروق محتاجة اتكلم معاكي


يتبع....




لامارا غير متواجد حالياً   رد مع اقتباس
قديم 21-07-16, 09:02 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٥-


هبت "نرمين" واقفة لتصيح بعصبية :
- بنتي مش مجنونة قولت .
اسرعت "دينا" مقاطعتها :
- طب وضحيلي الي فيها انا بقولك اخويا دكتور نفساني و هو يقول فيها ايه دية بنوتة صغيرة لازم نعالجها قبل ما يكبر المرض فيها .
- مرض ايه انتي مجنونة دية واحدة قلة التربية متربتش و بتكلم واحد والله لقطم رقبتها .
- لا حضرتك الي محتاجة دكتور بقي البنت في المدرسة بتخاف تكلم بنت زيها عشان تكلم واحد..حضرتك مش واثقة في بنتك .
لتجيب بنفاذ صبر :
- المطلوب .
ابتسمت لـنجاح مطلبها و قالت بهدوء :
- انا هاخد شروق بكرة الساعة 9 نروح لاخويا .
- ماشي .
وافقت علي مضض و لكن و هي تشتعل من داخلها..
***
في اليوم الثاني الساعة التاسعة و النصف تحديداً في غرفة احدي العيادات..
تستلقي "شروق" علي "شزلونچ" تنظر لطبيب نظرات مريبة خائفة لدرجة التهته في الكلام و تصبب العرق من جبينها..
الطبيب مبتسماً :
- شروق صح..
تمتمت بصوت خافض :
- صح .
- دينا حكتلي عن نجم ينفع تحكيلي عنه بتوضيح .
عبست بوجهها بضيق :
- هي قالتلك انا قولتها متقولش لحد .
صمت محاولاً تفكير في حيلة ذكية ابتسم بممر ثم قال مبتسماً :
- امممم لا هي مقالتليش انا الي كنت بسألها عن شروق حبيبتي .
استطاع جذبها إليه مع كلمات بسيطة رقيقة..
- مش هتقوليلي بقي..طب تحبي اسألك انا .
رمشت برومشها ايجاباً لطلبه..
- شوفتي نجم من امتي ؟!
- امممم من زمان .
- لا حددي .
- من و انا صغيرة كنت بشوفه زمان بس بيبقي بعيد .
وضحت اكثر قائلة :
-واقف بعيد بس بيبتسملي و قبل ما يحصل انفصال بابا و ماما كان بدء يقرب مني و يقعد معايا كنت لما ببقي مضايقة من ضرب بابا ليا او لماما كان بيجي جمبي و يقعد يحضني و يطبطب عليا و يواسيني .
قاطعها و قد عالت علامات الدهشة علي ملامحه :
- هو بابا و ماما انفصلو امتي .
- و انا عندي 4 سنين او 5 سنين مش عارفة .
اندهش اكثر و زاد اشتياقه لمعرفه المزيد و لكن قاطعته قائله بتربك :
- هو حد هيسمع الكلام دة .
- لا متخفيش .
- يعني مفيش كاميرات و لة مسجل صوتي في القلم الي انت مسكه .
ضحك بلطف ثم قال مبتسماً :
- متخفيش قولتلك بس احكيلي مين نجم اكتر بيجيلك امتي .
- اول ما محدش بيكلمني او لما ببقي لوحدي ممكن يبقي حوليا ناس بس بردو وحيدة .
اللتفتت إليه باسمة :
- بيقعد يكلمني و لو بعيط بيهديني بس هو بيختفي لو حد جيه و كلمني او جيه فجأة .
علق علي الكلمة و رددها و كأنه صدي صوتها :
- بيختفي لو حد جيه! !
- نجم دلوقتي هو كل حياتي .
ابتسم ابتسامة صفراء كاذبة..
- طب يا انسه شروق خلاص كدة انهاردة .
- ايه دة هو انا جيالك تاني .
- اة هنحدد ميعاد .
- ماشي .
تقوم و يرتفع "كم" البلوزة..فينظر الطبيب ليدها بأستغراب و ينظر لها متعجباً :
- ايه ده ؟
اجابت بأبتسامة خافتة و الخجل احتلها :
- ماما ضربتني .
- لية ؟!
- نجم!! بتزعقلي عشان بكلم واحد الي هو نجم .
اماء برأسه فقامت "شروق" و خرجت لتتجه ناحيه "دينا" مبتسمة..
- خلاص يلا يا حبيبتي .
خرج "الطبيب" من مكتبه لينادي علي دينا..
- دينا عن اذنك دقيقة .
اقتربت منه بقلق فقال :
- انا عايز بعد بكرة ابوها و امها الساعة 11 .
اجابت بسخريه :
- منفصلين يا حج عادل مينفعش يجو مع بعض .
- عارف بس لازم اشوفهم قولي لكل واحد لوحده .
- طيب ربنا يستر احتمال هيرفضوا .
- طب حولي كدة يا حبيبتي .
- طيب سلام يا دولة .
ثم تركتهُ و اخذت يد شروق ليقف ناظراً لشروق بقلق ثم يدخل لمكتبه ثانياً..
***
امسكت بمعلقتها لتناول الشوربة الساخنة فتسمع صوت والدتها :
- عملتي مع الدكتور ايه .
- عادي يعني .
- اقصد قولتيلي ايه .
اخذت رشفة من الشوربة و تركت المعلقة لتقول بهدوء :
- كل حاجة كان بيسألني عليها كنت برد عليه .
ضربت بيدها علي الطاولة لتفزع جثة "شروق" الصغيرة و تشهق اثر الخوف..
- بت انتي فاهمة قصدي اكيد كنتي بتقوليلي عليا صح .
ارتعشت من الخوف و هزت رأسها بالنفيان لتصرخ "نرمين" بضجر :
- امال هو عايزني ليه يا موكوسة انتي السبب في كل حاجة واقفة في حياتي انتي غلطة عمري عايزة صحابي و تلاميذي يقولوا راحت لدكتور المجانين يا فضحتك يا نرمين لو حد شافك دكتورة جامعة تروح لدكتور المجانين و بسبب مين بنتها .
يخفق قلب شروق بقوة لتدخل غرفتها باكية راجية من الله الوقوف جانبها في محنتها..
وقفت امام النافذة تنظر لـالوان السماء في المساء وجدت نجم يظهر بحانبها فأسندت رأسها علي صدره لتبكي و تمسح دموعها بسرعة..
فيهدئها بمسحة لطيفة علي شعرها..
- انا بكرها يا نجم بكرها..
قبل رأسها بحنان ليضمها اكثر فتسكن من روعها و تبتعد عنه كأنها قد اخذت مسكن للالم القلب..
نظرت لسماء و قالت بسكون مخيف :
- انت ليه مش طبيعي ؟
- مش طبيعي ازاي .
- ازاي بتيجي في الوقت الي بحتاجه .
- حاجة بتناديني .
- انا مش عارفة انت ايه بس المهم انك جمبي و دة الي مطمني .
طوق كلتا ذراعيه حولها..
- هفضل لأخر العمر جنبك .
صمتت بتفكير و قد احتلت السعادة قلبها و لكن مذال السؤال يدور حول عقلها..
***
- ايه يا نرمين ما تروحي تشوفي الدكتور انا من زمان و انا بقولك بنتك فيها حاجة انطوائها مش طبيعي..
- بنتي مش مجنونة يا بابا .
- محدش قال مجنونة بس اكيد فيها حاجة .
- طول عمرها جيبالي العار هارسود لو فيها حاجة مركزي بين الناس..
ليعلق والدها بصدمة :
- مركزك يا نرمين دة الي همك..هي دية بنتك بردو صح .
- انت عارف انا دكتورة في جامعة و قربت اترقي كمان تخيل في الاخر بنتي تبقي مجنونة علفكرة انا عارفة من زمان و هي مش طبيعية بس لازم اقنع نفسي انها مفيهاش حاجة..مفيش حاجة هتوقفني عن تكملة حلمي .
صمت بصدمة من كلام ابنته..
- خلي شروق تقعد معايا الكام يوم دول يا نرمين .
- خدها .
- اشمعني ابوها بترفضي..
- لازم احرقله قلبه هو مش بيطقها اساساً و كمان انا عمري ما هحسسه احساس الانتصار .
فصرخ والدها :
- انتي متأكدة انك ام..شروق هتعيش معايا يا نرمين .
لتجيب ببرود :
- اصلا انا هتجوز و مينفعش تبقي معايا .
اغلق السماعة بقوة و هو يشعر بضيق رهيب..ظل بسبب و يلعن في ابنته نرمين الذي اتخذ منها قلبها و تم تبديله بحجر...
في اليوم التالي
كانت شروق في بيت جدها..
وضع الفطور علي الطاولة و هو يدندن احدي الاغاني "لـعبد الحليم"..
نظرت اليه باسمة :
- صوتك حلو يا جدو .
- انتي احلي يا حبيبة جدو .
جلس بجانبها علي الكرسي :
- انتي بقي عاملة اية .
- الحمدلله...جدو انا شبعت .
- خلصي طبقك يا شروق .
جلست علي مضض لتكمل طعامها..فتح الجد التلفاز ليشرد في السمع الي الاخبار..
فيهظر نجم امامها يجلس علي الكرسي المقابلها..فتبتسم قائلة:
- وحشتني اوي .
يلتفت اليه الجد فجأة برعب..
فيجيب "نجم" باسماً :
- و انتي اكتر يا حبيبتي .
ثم اخذ يدها و قبلها..
- صحيح مش انا احتمال اعيش مع جدو .
اصطنع الجد الاندماج في التلفاز..
ظلت تتحدث شروق مع نجم و تضحك..كان ينظر اليها الجد متخوفاً..
ابتسمت بلطف و قالت ببراءه :
- هتقعد معايا هنا كمان صح .
حتي صرخ الجد برعب :
- شروق .
نظرت اليه "شروق" ليختفي نجم..
- ايه يا جدو .
فيقول بلهفة و خوف محاول اخفاءه :
- تصدقي انتي بنت حلال امك مضايقة انك مشيتي من البيت دية عيزاكي .
لتبتسم شروق بسعادة :
- بجد طب انا هرجع ليها بقي هي اصلاً وحشاني .
اماء الجد لها بالايجاب و هو يشعر بشعور مختلف مخيف من ناحية شروق..
***
كان يجلس الطبيب الخاص بحاله شروق..اخذ يسترجع الكلام و يأخذ بعض الكتب و يتصفح في صفحتها القديمة..
لم تتواجد حالتها فأي من تلك الكتب..
وصل لاخر كتاب و ظل يقلب حتي توقف في صفحة معينة كانت تلك اقرب حاله..
ابتلع الطبيب لعابه بقلق و اخذ يكتب بعض الملحظات..استعداداً ليوم غد..
في اليوم التالي
- انا ليا ميعاد مع دكتور ايمن انا ابقي والده شروق .
- اة اة اتفضلي دة مستنيكي .
فتحت لها باب المكتب لتجد زوجها "سيد" اتسعت عيناها بغضب :
- ايه دة ايه الي جابوه هنا .
حاول ايمن تخفيف حدتها :
- مش وقته مشاكل و زعيق عن اذنك اتفضلي اقعدي .
ذهبت و جلست علي المرسي المقابل لـسيد..
تنهد ايمن و تلامس اطراف اصابعه اليمني بأطراف اصابعه اليسري علي شكل دائرة غير مكتملة :
- انا لازم اعرف سبب طلاقكو و كل تفاصيل حياتكو من ساعة ما جبته شروق..
اجابت نيرمين مسرعة :
- متفقناش .
- قولت بالتفاصيل .
قالها الطبيب بحدة خفيفة..
فينظر اليه سيد ببرود :
- بص يا اخينا انا مليش اي دعوة بـشروق انا ابوها في البطاقة بس..انا مبحبش الخلفة البنات انا اتجوزت نيرمين و هي لسة في ثانوي .
فتكمل نرمين بضيق :
- و انا مكنتش بحبه و كنت مجبرة علي جوازه و خلفت شروق و كان سيد الكلب..
ليقاطعها سيد بضجر :
- ما تلمي نفسك .
تجاهلت كلامه و اكملت :
- كان بيضربني كل يوم علي علقة و كان ساعات بيضرب شروق لو عيطت و هي لسة في اللفة انا اتخنقت..
قاطعها سيد :
- راحت الهانم طنشت البيت و قعدت تشوف شكلها و دراسة و قرف..
لتقول نيرمين بضيق :
- لاقيت نفسي في الدراسة و اجتهدت حقي .
ثم تقول بثقه و هي تعود بالخلف في ظهرها و تضع رجل علي اختها :
- و رفعت قضية خلع..و فعلاً انفصالنا بعديها لاقيت بردو الي معاوقني في حياتي غلطة عمري..
ثم تتنهد بضيق :
- شروق .
كان ينصت اليهم الطبيب و مع كل جملة و كلمة و حرف يتأكد بما في عقله..
زفر الطبيب و اعاد بظره لخلف و هو ينظر اليهما ثم وجهه كلامه لـسيد :
- يعني انت زعلان عشان الي ربطك في حياتك و شايل اسمك بنت الي هي شروق .
اماء سيد برأسه ايجاباً..
فيلتفت لنرمين :
- و انتي زعلانة ان عندك بنت من طليقك السابق و حاسة انها موقفة حياتك و انها ذكري نكد .
- اة .
فيتماسك ايمن بأعصابه و يقول بهدوء :
- كل واحد فكر في نفسه و في مصلحته و سيبته البنت لوحدها لدرجة ان..
ظهر القلق علي "نرمين" :
- مالها شروق .
اخذ نفس عميق و قال :-
- شروق الي حصلها.....


يتبع....


لامارا غير متواجد حالياً   رد مع اقتباس
قديم 21-07-16, 09:05 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٦-

ظهر القلق علي "نرمين" :
- مالها شروق .
اخذ نفس عميق و قال :-
- شروق الي حصلها حاله المفروض عادية بس هي اطورت عندها بس لسة انا مش محدد..
كان سيد غير مهتم بالموضوع نهائياً اما نرمين فبدأ عليها الخوف و التربك..
اكمل الطبيب و هو ينظر لعينهما :
- في البلاد الاوربية الطفل بيتخيل صديق ليه و هو صغير و بيخليه رفيقة و يرسمه زي ما عملت شروق و يبقي معاه ديماً لغايط لما الرفيق دة بيختفي عشان الطفل بيحتك بالناس اكتر فبيختفي خلاص العلماء معترفوش بأن دة مرض او حاجة تجذب الانتباه بس للاسف الحاله موجودة..
بس شروق الي حصلها اكبر من كدة..شروق الضغط النفسي منكم خليت رفقيها معاها و كمان تطورت علاقتهم من رفيق لـحبيب..بقي شروق عندها حبيب خيالي..حبيب مش موجود حبيب الي هيطلعها من حياتها منكو عشان ترتاح معاه مشكلة شروق انها اتعلقت بيه يعني عمرها ما تصدق انه مش موجود..بس بردو في الاول و الاخير ان اتفهمت الموضوع من جلسة واحدة لازم اتعرف عليها اكتر و نتكلم اكتر .
هم سيد واقفاً و قال ساخراً :
- ايه الهبل الي انت بتقوله ده عمتا تولع انا مش عارف ايه فايدتي غير اني عديت كام نجمة في السجادة سلام يا مجانين .
قال جملته ثم خرج مودعاً ايهما ساخراً..فجأة بكت نرمين بشراهة و ظلت تحاول مسح دموع الندم..
تفوه الطبيب متعجباً :
- مستغرب منك بتقولي انها عائق حياتك و انها غلطة حياتك و بتعيطي دلوقتي .
- عشان انا ام في الاول و الاخر و كمان ابقي انا السبب انا خايفة عليها اوي .
- ادعيلها و ان شاء الله خير .
قامت و خرجت متكئة الرأس..
في بيت شروق
رن باب الجرس ذهبت راكضة لتفتح و وجدت لميس 'صديقتها'..
شروق باسمة :
- وحشتيني .
عانقتها بقوة لتقول لميس مرحبة :
- و انتي كمان يا بطتي .
ثم قرصتها من خدها برفق..
جلسَ علي الاريكة لتقول لميس :
- مجتيش المدرسة لية بقالك كام يوم مش بتيجي .
- هقولك بس متقوليش لحد .
- قولي .
- مس دينا ودتني لدكتور نفساني .
اتسعت عين لميس قائلة بتعجب :
- نعم ليه .
قصت ما حدث بالتفصيل فتعجبت لميس و عبست بوجهها :
- غريبة حكايتك يا شروق .
صمتت و لوت شفتها..ليأتي اتصال للميس اتصال...
لميس :
- عن اذنك يا شروق اخويا بيتصل بيا و لازم اروح .
اماءت بأبتسامة :
- ماشي بس تعالي تاني .
عضت لميس علي شفتها السفلي و قالت ساخرة :
- لا من ناحية جايه تاني فأنا هاجي كتير..
ثم اكملت مسرعة :
- يلا سلام .
ركضت علي الدرج بسرعة..لتتجه شروق ناحية النافذة لتنتظرها..
وجدت شاب طويل القامة ذي عين رماديه و لحية خفيفة جذابة..
كان ينظر اليها بغرابه..حتي بدأت
شروق بالخوف فضمت نفسها و اعادت خطوة لوراء..لكنه لم يحمل نظره عنها..كان ينظر اليها متأملاً..
قاطعه مجيئ لميس لتمسك بيده و يذهبَ و لكنها وجدته يلتفت اليها برأسه و يشوح بيده...
اخفق قلبها من الخوف و اغلقت النافذة مسرعة..
لفجأة تشعر بيد تطوق خصرها و تقبل رقبتها..
- نجم .
- عيونه .
اللتفتت اليه و مررت يدها علي لحيته..اخذ يدها و قبل باطن كفها..ثم جلسَ سوياً..
- انا عايزة اروح معاك .
- معايا فين .
- انا عايزة ابقي معاك مش عايزة اسيبك و لة ابعد عنك .
- انا هبقي معاكي علطول اهوة متخفيش .
- مش بحب حد هنا انا بحبك انت بس .
تشبتت بهِ و استلقت علي صدره لتذهب في نوم عميق..
جاءت نرمين و دلفت لمنزلها لتجد شروق نائمة علي وسادة الاريكة..
قبلت جبهتها ثم زفرت بحزن ليأتي اليها اتصال..
نرمين باسمة :
- ايوة يا وليد .
- ازيك يا حبيبتي عاملة ايه .
جلست علي المرسي و قالت بحزن :
- مخنوقة اوي يا وليد .
- ليه بس .
- بنتي و مشاكل كدة فكك فكك .
- طب مفكرتيش في موضوعنا عايزة احدد ميعاد الفرح بقي .
- ينفع نأجل شويه انا تعبانة الايام ديه و مش فاضية .
ليصرخ وليد بضيق :
- نأجل تاني يا نرمين عشان بنتك بردو صح .
- اعمل ايه يعني .
- اهي بنتك ديه هي السبب في كل حاجة..حاجة تقرف والله سلام نكدتي عليا .
اغلق معاها لتلقي هاتفها بضيق..فتستيقظ شروق..
نرمين بصراخ :
- روحي اتخمدي في اوضتك روحـي .
ركضت لغرفتها بسرعة و اغلقت الباب.
انكمشت في نفسها ليظهر نجم و يضمها لتنام بسلام بعيداً عن الضجة و المشاكل..
و استمر الحال تأكد ايمن من تحليله لحاله شروق انه صحيح..لكن علاجه لن يعجب احد..
ذهب في يوم لبيت شروق و طرق الباب بخفة،ليسمع صوت نرمين..
- حاضر حاضر يالي بتخبط .
فتحت الباب لتجد الطبيب ايمن امامها..
ابتسمت ابتسامة صفراء..
- اتفضل يا دكتور .
دخل بكل شموخ و جلس علي اقرب اريكة..
نرمين بتوتر :
- ايه في حاجة يا دكتور .
- شروق فين .
- تلاقيها دلوقتي نايمة..كل حياتها نوم .
- احسن بردو .
ابتلعت لعابها بقلق :
- قلقتني في ايه .
- الي انا قولته صح فعلا مفيش نجم..نجم مش موجود .
- يعني الي بتكلمه ده مش انسان .
- بقولك مش موجود انا كنت معتقد انه جني بس طلع لاء نجم هو عبارة عن كائن خيالي في زهن شروق .
ما ان يقولها فـيسمع صيحة مفزعة من غرفة شروق فيهب واقفاً...
ركض كلا منهم لغرفتها ليجدَ شروق تصرخ و تضع يدها علي اذنها و تصيح..
اقترب منها الطبيب محاولاً تهدئتها..فتنظر اليه بحده و تصرخ :
- انت يا كداب متلمسنيش .
يبتعد خطواط الي الوراء..فتبكي مع صيحات فجأة يظهر اليها نجم في اكثر من مكان..ركضت في كل ناحيه محاولة اللحاق به فيختفي ظلت تضرب علي الطاولة بهستيريه حتي كسرت كوب غرست بعض صغيرات الزجاج في يدها لتنزف دماء بشراهة..
كانت نرمين مندهشة من تصرفتها و تنظر اليها بخوف..اما ايمن فكان يحاول الاقتراب منها و لكن كلما.اقترب تصرخ اكثر..
ظلت تصيح و مع نزيف دماء يدها يغشي عليها..
***
في احدي العيادات..
تستفيق شروق فتجد والدتها و الطبيب الخاص بحالتها..
نرمين بخوف :
- و الحل ايه ديه كدة ممكن تجنن فعلاً انت شوفت حصل ايه لما عرفت انه موجود .
- هو في حل بس عمره ما هيعجبك .
- لا قول .
ابتلع لعابه و قال بهدوء و رزانة :
- شروق لازم تروح مصحة


يتبع.....


لامارا غير متواجد حالياً   رد مع اقتباس
قديم 21-07-16, 09:07 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٧-


ابتلع لعابه و قال بهدوء و رزانة :
- شروق لازم تروح مصحة .
صرخت نرمين غاضبة :
- نعم بنتي تروح مصحة لا مستحيل هات حل غيره .
- يا مدام نرمين احنا هنوديها مكان عشان تتفاعل فيه مع ناس و هنحاول نطلعها من وحدتها..هيبقي في نشاطات و ممكن تكمل دراستها عادي و هتلاقي صحاب و ناس كتير و انتي تقدري تروحليها بس المفروض يحصل انها تختلط بناس و احنا هنعرف ازاي .
- لا انا لسة مصرة علي قراري لا يعني لا..انت مش فاهم لما حد يسألني بنتك فين اقوله في مصحة شكلي هيبقي عامل ازاي وقتها .
زفر متضايقاً :
- قوليلهم في سفرية بس لازم البنت تتعالج قبل ما تجنن فعلا احنا الي هنخفي نجم من حياتها و هنعوضها عن الاهتمام الي فقدته معاكي .
قال هذه الجملة و هو متأكد انها ستخجل من نفسها..
صمتت و نظرت اليه بضيق..
فأستكمل ايمن باسماً :
- هتخرج من المستشفي علي المصحة .
كانت تتابعهم شروق و قد اغروقت عيناها بالدموع خرج كلا منهما لتبكي فيظهر نجم نظرت اليه باكية :
- يعني ايه انت مش موجود فهمني .
نجم و هو يأخذ يدها و يقبلها :
- هما كادبين .
- ايوة صح هما كادبين انت قولتلي مش هتسبني خالص .
- اكيد .
ثم قبل جبهتها لتضمه فيختفي بين يدها..ارتعشت و قالت خائفة :
- نجم انت روحت فين .
ظهر لها في اكثر من مكان لتنظر في كل الاتجهات و تصرخ و تضع يدها علي اذنها...
دخل الاطباء محاولين تهدئتها و لكن انتهي الامر بجرعة مهدئ..
في مكان اخر
- بقولك مجنونة ونبي ما انا عارفة بتحبها علي ايه .
- مجنونة مش مجنونة انا بحبها و هتخلص الثانوية و هكتب كتابي عليها انا محافظ عليها السنين ديه كلها عشان تبقي بتاعتي في الاخر .
- تصدق انت الي مجنون اوعي يابني انا عندي مرارة واحدة..
خرجت فتاة من غرفته..ليخرج شفته السفلي باستعجاب و يبتسم و هو يتمتم :
- شروق .
***
و جاء يوم خروج شروق من المشفي بعد قضاءها في المشفي اربعة ايام..
زادت الهلات السوداء اسفل عينيها و صفار وجهها..كان شعرها "منفوش" و مدرج حتي كاد ان يخفي وجهها..كان تسير بينهم بكسل اصبحت مخيفة بقبح..شفتها الوردية تحولت لشفتين رمادية زرقاء..
كان الطبيب ايمن ممسك بيدها و هي تمشي بخطواط بسيطة بجانبه حتي دخلت عربة و جلست بجانبها والدتها مرتدية ثوب اسود و نظارة حامية من الشمس و تحمل في يدها حقائب سفر الخاصة بشروق..
شروق بحدة :
- انا عايزة ارجع البيت .
ايمن :
- هنروح بس مكان الاول و بعدين نروح البيت .
رفعت حاجبها لتقول بنظرة مخيفة :
- رايحة المصحة صح انت فاكرني مجنونة دة انا هوديكو في ستين داهيه .
ايمن بقلق :
- اهدي يا شروق نكلم بعدين .
صرخت بزعر :
- انت تخرس خالص طلعوني انا عايزة ارجع البيت .
نرمين بخوف :
- حبيبتي متخفيش انا هبقي اجيلك .
نظرت اليه بحدة و قالت ساخرة :
- لو البية جوزك وافق إنتو كلاب كلكو .
اشار ايمن لنرمين بأن تصمت و لا تعلق علي كلامها و سبها..
شروق بقلق مفاجأء :
- فين جدو انتي لبسة اسود لية .
صمت كلا منهم و اخذت نرمين منديل قد ابتل من عرق يدها و مسحت به انفها الوردي برقة..
لتصرخ شروق :
- جدو فين ردوا عليا .
ايمن بهدوء :
- جدو راح لمكان احسن من هنا .
وضعت يدها علي وجهها و بكت :
- و مخدنيش معاه ليه .
ثم صمتت و نظرت الي والدتها :
- امتي مات .
نرمين بألم :
- لسة جاية من جنازته قعد يوصيني عليكي كتير اوي قبل ما يموت .
نظرت اليه دامعة و قالت بسخرية :
- منا شيفاكي بتنفذي الوصية كويس .
وصلوا اخيراً توقفت السيارة امام بوابة عملاقة..
جذب السائق الحقائب..تحولت ملامح شروق من ضجر الي خوف انكمشت في نفسها و عادت بخطواط للوراء فأمسكها ايمن بطمئنينة..
- مش عايزة ادخل المصحة الله يخليك .
قالتها باكية كانت كالقطة المنكمشة التي ابتلت من مياه المطر..
ايمن بهدوء :
- متخفيش يا شروق هتلاقي هنا صحابك .
- هو انتو عايزين تبعدوا عني نجم ليه .
- عشان انتي لازم تعرفي ان نجم مش موجود .
قاطعته مسرعة :
- لا لا ممكن يبقي موجود بس انتو مش شايفنو .
هز رأسه يميناً و يساراً ثم غير مسار الحديث :
- طب بصي تعالي ندخل نشوف في ايه جوة و بعدين نكمل كلامنا يلا نسلم علي مامي الاول .
ذهبت اليها بخطواط بسيطة و عانقت والدتها بادلتها والدتها العناق بحنان و بدموع..
اعتدلت الام و نظرت لطبيب :
- هي هتقدر تخرج امتي .
- لما تتعافي علي حسب استجبها بس ان شاء الله مش هيزيد عن 4 سنين .
اماءت رأسها متفهمة ثم ربتت علي ظهر طفلتها..تركتها شروق و تمسكت بأصباع ايمن..
ايمن الرجل الذي علي اطراف الخمسينات احتل الشعر الابيض اكثرية شعيراته السوداء يده الذي ظهر عليها العجز و لكن مذال بجسد ممشوق قوي يمشي بشموخ و تكبر واثق بمركزه بين الناس..
دخلت بصحبته لتنبهر بـمكان شبه خيالي..
كان هناك مبني كبير يبدو انه تراث قديم و لكن مذال يظهر عليه الاناقة..كان هناك بعض الفتايات تمشي بصحبه فتايات اخري..
و بعض الصبيان الذي هم في سن البلوغ يجلسون في مكان مخصص يتثامرون و يضحكون..
و هناك بعض الاطفال يركضون حول بعضهم و تتابع بين كل طفل و طفلة شابة تتابعهم خوفاً من حدوث اي حوادث او اضطرابات..
فجأة استفاقت علي صوت انوثي قاطع تأملها للمكان..
- هة عجبك المكان .
اللتفتت اليها شروق بفزع..فوضع ايمن يده علي رأسها :
- د/اسماء الي هتابع حالتك و ديه الانسة الجميلة شروق .
تبسمت شروق بخجل..فقالت اسماء باسمة :
- قولتلي عليها امبارح تعالي يا شروق اوريكي اوضتك يلا ودعي د/ايمن بقي .
تركت يد ايمن متخوفة ثم تمسكت باليد الناجية الاخري اسماء
اسماء الطبيبة البدينة و لكن تمتلك وجهة بشوش ابيض و غمازتين..ذي شعر اسود كالفحم تعقده "بـتوكة" صغيرة..
كانت ترتدي بلطو ابيض مجسم علي جسدها بسبب السمنة..
سارت شروق برفقتها بجانب غرف..حتي توقفَ امام غرفة..
اسماء باسمة :
- و ديه ياستي اوضتك بصي حلوة ازاي و فيها حمام خاص بيكي و الجاردين تحت و في مكتبة و اوضة رسم في الدور الي فوق .
اماءت رأسها فقالت اسماء :
- اسيبك ترتاحي و تنامي بقي و لة تحبي تاكلي .
- لا مش جعانة .
- طب يلا خدي شاور و نامي عشان بليل نكمل جولتنا .
هزت رأسها بالايجاب..فخرجت الطبيبة لتنكمش في نفسها و تستلقي علي الفراش نظرت للنافذة المطلة علي السماء الزرقاء الصافية التي تضايقها سلاسل اشاعة الشمس اندماج اللونين يعطي لها سحر بالشرود و التأمل في ابداع الله..
لتجد نجم يأتي اليها باسماً..
شروق بسعادة :
- كويس انك معايا..
اكملت كلامها بنبرة ساخرة :
- المجانين دول جابوني هنا عشان يفرقونا ميعرفوش انك جوايا .
نجم و هو يداعب بأنماله وجهها :
- فعلا مجانين .
***
في مكان مليئ بالاجهزة الاكترونية او ما تسمي بالـ"كومبيوتر"..
ينظر الكثير من الاطباء لبعضهم و هم ينظرون لشروق و هي تتكلم مع لا شئ..
ظهر الرعب علي ملامحهم و تأكدوا انهم في استعداد لدخول معركة قوية..



يتبع.....


لامارا غير متواجد حالياً   رد مع اقتباس
قديم 21-07-16, 09:09 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



-٨-


مر نهار اليوم و هم المساء بظلمته الساحقة..
تسمع اضطراب الامواج و هي علي وشك الاستيقاظ تصارع التكاسل..حركت جفونها لتجد نفسها في غرفة المصحة..
اعتدلت جالسة و اسندت رأسها علي الفراش..
حتي سمعت طرقات الباب..
- ادخل .
دخلت الطبيبة اسماء بوجهها البشوش..
- كل دة نوم .
ابتسمت شروق بخجل و قالت :
- هي الساعة كـامـ .
- الساعة 10 بليل تعالي نلحق نقعد معاهم تحت .
اسرعت شروق بالإجاب :
- لا انا مش هنزل .
- لية بس تعالي انتي سامعة العيال يضحكو تعالي نلعب تحت .
شروق بوعب و هي تضم نفسها بيدها :
- انتو هتعملولي صعقات كهربيا و هدخلوني اوضة الفيران لا مش هنزل .
ضحكت اسماء برفق و قالت و هي تتحس شعرها :
- لا يا حبيبتي مين قالك كدة .
شروق بصوت مرتعش :
- في الافلام بتعملو كدة .
- لا لا يا بيبي مفيش الكلام دة احنا هنزل نتعرف علي البنات و تاكلي د/ايمن قالي انك بتعرفي ترسمي تعالي دة في نشاطات رسم .
ابتلعت لعابها ثم اماءت رأسها موافقة...
اسماء و هي تداعب خدها :
- تعالي الاول تروحي تاخدي دش مع الممرضة نسرين الي هتبقي مسؤلة عنك اغلب الوقت .
جاءت ممرضة رشيقة محجبة سمراء البشرة و لكن جذابة..
اخذت شروق و اتجهَ لمرحاض لتأخذ شروق حمام ساخن يرخي اعصابها..
انتهت من الحمام و اخذت نسرين فستان وردي رقيق كـشروق...
- الله دة ليا .
- اة ايه رأيك .
- حلو..
ثم اكملت بحماس :
- حلو اوي كمان .
ارتدته مسرعة و صففت شعرها بتسريحة مميزة اخذت بعض الاكسسورات لزينة..
كانت شروق ايه من الجمال في هذه الحالة..
نسرين :
- بصي بقي تحبي نتغدي ايه الاول .
- بانية نفسي اكل بانية .
- طيب يا حبيبتي هنطلبلك انتي تؤمري تحبي نتمشي في الجاردين شوية .
اماءت رأسها بحماس..و بالفعل تجولت في الحديقة و قد فتحت بعض المواضيع حتي....
ممرضة اخري :
- نسرين يا نسرين تعالي .
نسرين لـشروق :
- عن اذنك يا حبيبتي شوية .
ذهبت نيسرين لتقف شروق امام شجرة..حتي يظهر هيكل نجم..اقتربت منه فعانقها بقوة..
شروق بسعادة :
- اخيراً جيت .
- انتي الي واقفة معاهم .
- معلش يا حبيبي انا مش هقف معاهم كتير تاني .
فجأة قاطعهم صوت فتاة :
- انتي شروق صح بتاعت حالة نجم .
كان نجم قد اختفي..فرددت شروق بأستغراب :
- حالة نجم!! اة انا .
- انا همسة و ديه وفاء .
تملكها الخجل فقالت باسمة و قد تورد خديها :
- اهلاً .
- تعالي قعدي .
جلست شروق برقة فنظرت همسة للاعلي :
- النجوم بتلمع انهاردة .
- اممم فعلا عندك حق .
شردت لفجأة و ظلت تتأمل النجوم تحركت شفتايها متمة..شعرت الفتاتين انها الان تتحدث مع نجم..
فـزجرتها احدهما :
- شروق .
فزعت شروق و قالت بهدوء :
- كنتو بتقولو حاجة .
- لا انتي حالتك متأخرة اوي .
قالتها وفاء بسخرية..فـضحكت شروق بخجل..
همسة باسمة :
- ما تحكيلنا بقي مين نجم .
اخذت نفس طويل و قالت باسمة :
- نجم هو حياتي..الحاجة الوحيدة الي عايشة عشانها انا فاشلة في كل حاجة و مش معايا هدف الا اني ابقي مع نجم .
وفاء معترضة :
- نجم مش موجود .
غضبت شروق :
- لا موجود و انا حاسة بيه .
- لا مش دليل .
ردت بحدة :
- مانتي بتتنفسي اكسوچين و عمرك ما شوفتيه .
صمتت كلاهما فقاطعتهم همسة :
- بصي يا شوشو تعالي نروح نلعب و سيبك من الموضوع دة .
شروق مبسمة :
- علفكرة انا بعرف اللعب كورة .
وفاء بسعادة :
- و انا كمان المدربة كانت بتيجي و تدربنا .
شروق متخوفة :
- هو هنا المكان بيحصل فيه ايه .
همسة بضحك :
- و لة اي حاجة دة المكان هنا حلو..
- اة فعلاً المكان هنا لذيذ و ممتع .
تستطاعت تلك الكلمات بأرتياح نفسية شروق..
مر اسبوع و بدأت بالتأقلم نوعاً ما..ظهور نجم اصبح خفيفاً بسبب تقرب همسة و وفاء من شروق..
و في يوم استيقظت في الصباح و بعدما اغتسلت جيدا و اهتمت بشكلها الجذاب خرجت لتجد باقة ورد وردية اللون ملقاه علي الارض حملتها من الارض و لم تجد اي تعريف لصحاب الورد..
تجاهلته و وضعته علي فراشها..لتنزل و تبدأ حياتها..
شروق منادية بصوت عالٍ :
- وفاء وفاء .
ظلت تنادي حتي انصدمت بجسد احد رفعت نظرها لتجده نجم..
شروق بسعادة :
- نجم هو انت الي جبتلي الورد .
- ورد !! ازاي .
- اومال مين بس سيبك تعالي ندور علي وفاء و همسة .
- سيبك منهم تعالي نقعد نتكلم مش انا وحشتك .
عانقته من رقبته :
- جداً يا بيبي .
- خلاص خلينا مع بعض .
جلسَ علي كرسي خشبي..ظل يتسامرون و يتحدثون حتي جاءت نسرين جلست بجانبها..
شروق بغضب :
- مشي بسببك اهوة .
نسرين بهدوء :
- مين دة قصدك نجم .
- اة نجم .
نسرين مداعبة :
- طب سيبك تعالي دة البنات كلهم فوق في اوضة التدريب عشان هنعمل مسرحية و انتي وخدة دور البطلة .
قفزت شروق من الفرحة :
- بجد انا البطلة .
نسرين بحماس :
- اة يلا نلحق بقي دول بيدورو عليكي .
تصارعت السعادة و احتازت المركز الاول في قلب شروق لم تشارك من قبل بأي نشاطات بسبب انطوائها الزايد و لكن حالياً تخلي عنها الانطوائي كما تخلي بعض البشر..
شاركت شروق بجهد و اللتزام كانت تلهي نفسها بالمساء بالتدريب..
حتي اصبح نادراً ما يأتي نجم..
جاء يوم العرض المسرحي ارتدت شروق اجمل فستان كانت كالفراشة بينهم..استطاعت التمثيل باتقان و الرقص في احدي المشاهد..
اعجب بها المتواجدين بشدة لتزداد الثقة بقلبها و بعد انتهاء العرض صعدت لغرفتها فوجدت باقة ورد اخري علي فراشها و لكن في هذه المره متواجد كارت،فتحته مسرعة و...



لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:26 PM



Powered by vBulletin®
Copyright ©2000 - 2024, vBulletin Solutions, Inc.