آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-07-16, 02:08 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحب كذبة \ للكاتبة لولو الصياد ، مصرية مكتملة
التعديل الأخير تم بواسطة لامارا ; 05-08-16 الساعة 06:01 PM | |||||||||||||
|  |
|
28-07-16, 10:41 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية https://www.rewity.com/forum/t355363.html#post11492134 المقدمه..... فى احدى محافظات القاهره وبالتحديد محافظه سوهاج فى صعيد مصر حيث يغلب طابع الادب والأخلاق والحفاظ على العادات والتقاليد المتعارف عليها من قديم الازل ولا يمكن تغيرها نهائى يوجد عائله معروفه جدا باصولها العريقه والاخلاق العاليه ولكن مايصعب فيها هو معاملتهم للبنات فالفكره المسيطره عليهم عدم تعليم الاناث سوى الى مرحله الابتدائية وبعدها تجلس فى منزلها بانتظار شاب يتقدم لخطبتها ولكن هذه العائله لها قواعد واحكام لايمكن لاحد تغيرها ابدا مهما كان قوته وكان يترأس تلك العيله وكبيرها هو الحاج جمال الملاح وهو كبير عائلته وله ولدان احدهما مات منذ مايقرب العشرين عام وترك زوجته وابنته لتعيش معه وخصوصا بعد رفض زوجته للزواج وعاشت مع والد زوجها هى وابنتها علا وهى ابنه ابنه رؤوف وهى حاليا فى العشرين من عمرها وهى بطله قصتنا ولديه ابن اخر ويعيش بالقاهره وهو مهندس ويدعى عادل ويمسك اداره شركات الملاح ويروز والده كلما سنحت له الفرصه بذلك ولديه ولد وبنت يدعى الولد ايمن وهو منهدس مثل والده ويمسك اداره شركات الملاح مع والده وفى الثلاثين من عمره وصعب المراس للغايه والابنه تدعى منى وهى فى المرحله الاعدادية وشقيه للغايه ووالدتهم تدعى شمس وسيده منزل وابنه عم زوجها وطيبه للغايه وتحب زوجها واولادها وهم مصدر سعادتها...... الجد جمال الملاح يتصل بولده عادل الملاح ... عادل ....اهلا يا والدى واحشنى جدا ... الجد....وانت اكتر يا ولدى عاوزك تيجى البلد ضروى جوى قريب عادل ...خير يا ولدى .... الجد.....لما تيجى هتعرف وتجيب ولادك ومراتك معاك وتكون هنا يوم الخميس عادل...حاضر يا ابويا ان شاء الله. .. أغلق الجد الهاتف وسرح فى خياله نعم لقد حان الوقت وليس هناك داعى للتاخير أكثر من ذلك ...... .............. قصه الحب كذبه .....لولو الصياد  التعديل الأخير تم بواسطة لامارا ; 05-08-16 الساعة 05:59 PM | ||||
|
| |
|
28-07-16, 10:42 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الفصل الاول .... احيانا نرسم الاحلام الورديه منذ الصغر ونتمنى تحقيقهها عند الكبر ولكن ليست فى جميع الأحيان تمشى الاحلام كما رسمناها بدل تتحطم وتصبح كذبه ويصبح كل شى منهار امام اعيوننا .... علا فتاه بسيطه كانت تتمنى اكمال دراستها وتعليمها وان تتخرج من كليه الطب لتفيد البشريه وتستطيع علاج الكثير من البشر ولكن حلمها الاول قد تحطم نظرا للعادات والتقاليد العقيمه المتمسك بها الجد جمال الملاح فعندما انتهت من مرحله الابتدائيه اجلسها فى المنزل ولم تكمل تعليمها رغم محاولات والدتها المستميته فى اقناع جدها ولكن كالعاده فيكون كلامه هو النهائى ولا يستطيع احد الوقوف امامه ورجحت علا ذلك لوفاه والدها وهى صغيرة فكانت تتمنى لو كان على قيد الحياة ليقف بجانبها ويحقق حلمها ولكن رغم ذلك لم تيأس علا بل كانت تعشق القراءة وقامت بتثقيف نفسها جيدا فى كل شى الشعر والادب واللغه الانجليزيه بل وايضا تعلمت الفرنسية كل هذا عن طريق الانترنت فرغم القيود هذا لم يمنعها من تحقيق واو جزء بسيط من حلمها علا فتاه فى العشرين من عمرها ولكن رجاحه عقلها تجعل من يتحدث معها يظن أنها اكبر من سنها فهى فتاه بسيطه تتحدث اللهجة الصعيديه وايضا اللهجة العاديه ولكن فى عصبيتها لا تتحدث سوى بالصعيديه كان طبيعه علا انها ترتدى العبايات وتضع نظاره على وجهها تخفى جمال عيونها الرصاصى اللون وهى خمريه البشره ولها شعر اسود طويل وناعم مثل الحرير من ينظر لها يعتقد انها ليست جميله نظرا للنظاره الغربيه التى ترتديها واهمالها فى نفسها ولعدم ثقتها فى جمالها فتحاول التخفى من امام البعض وخصوصا ابن عمها ايمن فكان عندما يانى يأتى لا تحاول ان تجعله يراها خوفا من ان يعتقدها قبيحة رغم حبها له منذ الطفوله وهى تعشق ايمن فى صمت وكان تراه عندما ياتى وتختلس النظرات لتشبع روحها وعشقها له .....كانت علا تجلس فى غرفتها تقرا روايه عاطفية جالسه عاى سريرها مستمتعه عندما فتح باب غرفتها ودخلت والدتها نعمه .... نعمه ....علا حبيبتى جدك عاوزك تحت .. علا...حاضر يا ماما متعرفيش عاوزنى ليه نعمه ...لا والله يا بتى انا معرفس ايوتها حاجة علا...حاضر .... ارتدت علا حجابها ونزلت الى الطابق السفلي لترى لماذا يريدها جدها...... فى القاهره ...... على مائده الفطور فى منزل عادل الملاح .... كانوا يتناول الفطور عندما تحدث عادل وقطع الصمت عادل ....ابويا عاوزنا نروح البلد يوم الخميس وكلنا وممنوع حد يعترض .... ايمن ...ليه يا بابا خير هو جدو تعبان عادل...لا يا ابنى بس عاوزنا ومعرفش ليه حاولت اساله مرضيش المهم تجهزوا كلكم علشان السفر .. منى ....واو اخيرا وحشتنى اوو طنط نعمه وعلا وجدو وجو الصعيد .... الام ....فعلا الست نعمه وحشتنى والله وعلا كمان مشفتش زيها وطبعا الحج جمال .... ايمن ....بابا متنساس بكره معادنا علشان نروح نخطب سهر .... الام ...انا مش مرتاحه للجوازه دى وخايفه ان جدك يزعل انه معرفش لحد دلوقتى انك هتخطب وتتجوز بدون رايه عادل ...متقلقيش انا هتفاهم معاه لم اروح وبعدين ما انتى عارفه سهر بنت صاحبى سمير الله يرحمه وزى منى بالظبط .. منى ...ربنا يستر ...وبصوت خفيض لا يسمعه احد..دى بنت مغروره وميهمهاش غير فلوس ايمن بس .... ايمن ...طيب انا حددت الميعاد وان شاء الله بكره الساعه 8 ........ توجه عادل وايمن الى الشركة ومنى الى مدرستها وكل فى طريقه ...... فى الصعيد ..... دخلت علا على جدها غرفتها ووجدته يجلس مبتسم الوجه ... علا...نعم يا جدى خير جمال....اجعدى يا علا انا عاوزك فى حاجه مهمه ولازم اخد رايك فيها علا ...خير يا جدى ... الجد....بصى يا بتى انا نش هعيش ليكى طول العمر ولازم جبل ما اموت اطمن عليكى علشان أجده انا جررت انك تتجوزى ابن عمك ايمن وهو جاى يوم الخميس وان شاء الله نكتب الكتاب شعرت علا بسعاده بالغه من كلام جدها بل وكادت ان تطير فرحا من هذا الخبر واحمر وجهها بشده من خجلها وسعادتها... الجد....ها يا بتى راجيك ايه علا..بكسوف....الله تشوفه يا جدى .. الجد....طيب على بركه الله. ....روحى انتى وخلى امك تعملى الجهوه بتاعتى علا....حاضر با جدى .... حكت علا الى والدتها طلب جدها و سعرت الام والابنه بالسعاده البالغه ولكن هل يتحقق الحلم ....ام يكون مجرد كذبه ويكون حبها له كذبه اسميها انا كذبه الحب .... لولو الصياد ....... | ||||
|
| |
|
28-07-16, 10:44 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني...... فى الشركه عند ايمن وصل الى مكتبه وكان يشعر بالسعادة. اخرج هاتفه المحمول واتصل بحبيبته سهر ... سهر ...بصوت ناعس ....الو أيمن. .صباح الخير يا حبيبتي وحشتينى سهر ...وانت كمان يا خبيبتى بتصحينى بدري ليه ايمن ...معلش يا قلبى بس حبيت اقولك انى هاجى بكره اخطبك ... انتفضت سهر من نومها بفرحه ...بجد يا ايمن ... ايمن ..ههههه طبعا يا روح ايمن بكره الساعه 8 ان شاء الله جايين كلنا بلغى والدتك .. سهر ...ماشى يا حبيبي هستناك على نار أيمن. ..بحبك ... سهر ...وانا بموت فيك .... أغلق ايمن هاتفه وهو يشعر بالسعادة فاخيرا يوف يخطب حبيبته سهر التى عشقها من اول نظره منذ خمسه اشهر واعجبه دلعها وجمالها ....ايمن شاب طويل القامه عريض المنكبين خنرى البشره صاحب عيون سوداء كحيله ورموش كثيفه وشعره اسود ناعم كان محط انزار الكثير من النساء ولكن لم تعجبه سوى حبيبته سهر .....افاق ايمن من شروده ليكمل عمله ..... عدى البوم وجاء موعد خطبه ايمن ويهر وذهب الجميع الى منزلها وتمت قراءت الفاتحه وقرروا موعد الخطبة بعد الرجوع من الصعيد ..... جاء موعد الذهاب الى الصعيد وسافرت عائله عادل الملاح فى الطائره وكانت هناك سياره تنتظرهم هناك وفى منزل الحاج جمال الملاح المنزل على قدم وساق الكل يستعد لاستقبال عائله ابنه عادل وعلا تشعر انها تكاد تطير من الفرح والسعاده لانها اخيرا سوف ترى حبيبتها وبل والأكثر انه سوف يكون زوجها وهاهو أخيرا حلمها الثانى سوف يتحقق أخيرا. .... وصلت العائله الى منزل جمال الملاح وكان الجد فى انتظارهم هو ونعمه واختفت علا من امامهم من شده حرجها من ايمن .... عادل ....وهو يقبل يد والده...وحستنى اوى يا ابوى جمال....وانت كمان يا ولدى منى ...وهى تحتضن جدها ...جدو حبيبى وحشتينى الجد....هههههه وانتى كمان يا جلب جدك ايمن وهو يقبل يده ....اخبارك ايه يا جدى وحشنى الجد. ...الحمد لله يا ولدى بخير طول ما انت بخير والده ايمن ...ازيك يا حج يارب تكون بخير الجد ...الحمد لله يا بنتى نعمه ...نوتوا وشرفتوا .. الجميع. ..ده نورك ... تبادلوا السلام ودخلوا الى المنزل ولكن منى بحثت على علا وتوجهت لها مباشرة ووالده ايمن توجهت مع نعمه الى المطبخ لمتابعه الخدم ....وجلس الجد والابن والحفيد وحدهم ... الجد......وحشتونى جوى وكويس انكم جيتوا عادل...خير يا بوى الجد...خير ان شاء الله مستعجل ليه ... عادل....لا ولا حاجه ... الجد...بصى يا ولدى انت عارف طبعا ان اخوك له النص فى كل حاجه وطبعا انا وانت سيبنا ورثه لابنته وكل حاجه باسمها وانا مش عاوز فلوي العيله ولابنتنا تخرج بره ودى طبعا التقاليد عادل ....يعنى ايه يا بوى .... الجد ...وهو ينظر الى ايمن الصامت..يعنى ولدك ايمن هيتجوز علا بنت اخوك الله يرحمه ايمن ...ايه ...... ياترى هيحصل ايه هنعرف الفصل الجاى .....لولو الصياد | ||||
|
| |
|
28-07-16, 10:46 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث.... أيمن. ....ايه ..... الجد...فى ايه يا ولدى مالك اتفاجئت اكده ليه عادل. ..لا يا ابوى مفيش حاجه بس الجد...بس ايه ايمن ....بابا عاوز يقولك انى خطبت امبارح بنت واحد صحبه لانى بحبها ... الجد...وهو ينظر الى ابنه بغضب ...كيف تعمل اجده وانا معرفش ولا خلاص جلت ابويا كبر وعجز ومعدش له اى لازمه يا عادل عادل...بتوتر ...لا والله يا بوى انا افتكرت انك هتفرح الجد...على العموم مفيش مشكل ايمن ..ازاى يعنى يا جدى بقولك انا خطبت وانت عاوز تجوزنى بنت همى ازاى مفيش مشكله لا فى طبعا انا بحب سهر ومش عاوز اسيبها الجد...ومين جالك تسيبها ايمن....ازاى مش فاهم حضرتك. . الجد ..تتجوز بت عمك ووتتجوز اللى انت عاوزها الشرع محلل اربعه انا نفسى اتجوزت اتنين جدتك والحاجه هنيه وهى اللى نقجتلى جدتك لانها مكنتش بتخلف ايمن ...بس انا مش عاوز اتجوز اتنين عادل ...اهدى يا ايمن ... الجد. ...انا مش باخد رايك يا ولدى انا بامرك انك تتجوزها وبكره المأذون هيجى بعد صلاه الجمعه وهيكتب الكتاب .. أيمن. ..يعنى ايه امر واقع الجد..قام من مكانه وبصوت جهورى ....انا جلت كلمتى هتجوزها يا ايمن والموضوع خلص لو موافجتش هتتحرم من كل حاجه أيمن. ..بتلوى ايدى يا جدى .... الجد...موجه كلامه الى عادل ...فهم والدك يا عادل وتركهم وخرج ... أيمن. ..عجبك يابابا عادل. ..مفيش مفر يا ايمن لازم تتجوزها وانت فهم سهر وهى اكيد هتوافق ايمن ..بحسره ..ليه كده هو انا طفل ... عادل. ..معلش يابنى زتركه وخرج ... كان ايمن شارد في كلام جده عندما رن هاتفه وكان المتصل سهر ايمن ..الو وكان صوته حزين سهر ...ايوه يا حبيبى وصلت ايمن ...اه وصلنا سهر ...مالك يا حبيبى ايمن ...مفيش يا سهر انا كويس سهر ...لا فى احكيلى .... حكى لها ايمن ما حدث وتهديد جده له بحرمانه من كل شىء سهر ....وبعدين ايمن ...ولا قبلين انا مش عاوز حاجه وهبتدى من الصفر معاكى مستحيل اخليكى تبعدى عنى خصوصا انى واثق انك مش هتقبلى انى اتجوز واحده تانيه سهر. ..اهدى يا ايمن ومين قالك انى مس موافقه انا موافقه اهم حاجه متسبش لها حقك وتفضل فى مكانك ايمن. ..ايه موافقه ...وكان مصدوم فام يكن ذلك الرد المتوقع منها ابدا .... سهر ...ايوه وبعدين هنتجوز وبعدين نشوف طريقه نخلص بيها منها تزهقها لحد ماهى تطلب الطلاق وجدك مش هيكون له حجه ايمن ..بتفكير.....ماشى يا سهر علشان خاطرك انتى بس لانى عاوزك دايما سعيده سهر ...ماشى يا حبيبى اغلق ايمن الهاتف وهو يفكر في كلام سهر وانه سوف يجعاها هى من تطلب الطلاق وجده وقتها لن يلومه وايضا لن يكون هناك ضرر طالما سوف يتزوج حبيبته قطع تفكيره دخول الجد... الجد....ها يا ايمن ايمن....انا موافق يا جدى انى اتجوز بنت عمى .... الجد....راجل يا ولدى فعلا ربنا ما يحرمنى منك دى علا دى زينه البنات وبكره تعرف ... ايمن فى نفسه انا مالى لنفسها مش ليا انا ولا تفرق معايا اصلا كلها كام شهر وهى اللى هتقولك ياريتنى ما اتجوزته ..... لولو الصياد .....الحب كذبه..... | ||||
|
| |
|
28-07-16, 10:51 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع ..... كان التحضير الى كتب الكتاب على قدم وساق وتم اعداد الذبائح وعزيمه اهل القريه وكانت سعاده علا عارمه تطير فرحا انها أخيرا سوف تجتمع بحبيبها وتسافر معه اليوم الى عشهم الزوجى وتكون حبيبته ارتدت علا عبائه من اللون الابيض مطرزه بشكل جميل ووضعت القليل من الكياج وكان الكل سعيدا والبنات حولها يتراقصون في سعاده ووالدتها تقوم بتقديم الشربات والطعام وهى تنظر لابنتها فى فخر وحب وتحمد ربها انها اطمئت عليها وتزوج تا من شخص طالما حلمت ان يكون من نصيب ابنتها ...عند الجد قام بصلاه الجمعه وتوجهوا الى المنزل وتم عقد القران وتقبل ايمن التهانى من الجميع وكان يرسم ابتسامه على وجهه حتى لا يثير الشكوك والكل من حوله سعيد ماعادا هو كان حزين للغايه ولكن هذه هى الوسيله الوحيده حتى لا يحرم من الميراث وأيضا ما يحاول ان يصبر نفسه به انه سوف يتزوج حبيبته سهر ....انتهى عقد قران علا وايمن وتم تجهيز كل شىء للنزول الى القاهره وكان هناك وداع يغلبه الدموع بين علا وامها وفرحه الجد التى لا توصف بجمع احفاده ركب الجميع الى السياره وكانت علا غيرت ملابسها وازالت المكياج ورجعت الى طبيعتها عندما نظر لها ايمن شعر بالحزن اهى تلك الفتاه التى تزوجها انها غير جميله هناك فرق شاسع بينها وبين حبيبتي سهر كانت عاا خجوله تنظر ارضا وضربات قلبها سريعه بل كانت تشعر بالخوف ان يكون ايمن يسمعها ....وصلوا إلى القاهره وكل منهم فى تفكيره الخاص وعندموا وصلوا الفيلا وجدوا تلك الحيه الشريره سهر بانتظارهم وكانت ترتدى فستان اسود قصير يصل الى ركبتها وتضع مكياج صارخ وتترك شعرها منسدل ...استغربت علا من تلك الفتاه وكان استغرابها اكبر عندما اقتربت من زوجها ... سهر ....ايمن حبيبى حمد الله بالسلامة. .. ايمن ...الله يسلمك كانت نظرات علا مصوبه عليهم وكادت ان تشعر بالاختناق ويكاد عقلها يتوقف ... علا...بصوت مهزوز وهى تنظر الى منى وعمها وايمن وزوجه عمها وسهر .....مين دى ... سهر. ..وهى تقترب منها ...انا سهر خطيبه ايمن ومراته مستقبلا علا....ايه ....الكلام ده صح يا عمى ايمن ...ايوه فى مانع وعلى فكرة جدى عارف وموافق علا....بس انا مش موافقه وهرجع الصعيد حالا..وتوجهت الى الباب لتخرج عندما سمعت صوت ايمن الصارخ بغضب أيمن. ..استنى عندك هى وكاله من غير بواب علا...افندم يا ايمن بيه ايمن ...تطلعى فوق وباب البيت متعتبيهوش ابدا وممنوع الخروج نهائى بدون اذنى انتى فاهمه علا وهى تكاد تختنق...اى اوامر تانيه ايمن ...لا ...ونظر الى سهر يله يا حبيبتي نخرج ... نظرت اها سهر نظره المنتصر وخرجت معه ولكن فى هذا الوقت تحطمت احلام علا وتكسرت امامها واصبح حبها الى ايمن واعتقادها انه يحبها مجرد كذبة. .. عادل....انا اسف يا بنتى بس جدك هو السبب وهو اللى وافق انه يتجوزكم انتم الاتنين زوجته....معلش يا علا ده امر ربنا يا بنتى وانتى زى منى بالظبط متزعليش علا....ولا يهمكم كفايه انتم عليا بس ليا طلب ممكن عادل. ...اتفضلى يا بنتى .. علا...عاوزه اوضه لوحدى وياريت كمان ماما متعرفش حاجه زوجه عادل....انتى تؤمرى يا حبيبتى .منى خدى علا على الاوضه اللى جنبك .... نوجهت علا ومنى الى غرفتها وكانت جميله الى الغايه ووجدت حقيبتها بها منى ....محتاجه حاجه يا علا علا...لا شكرا يا حبيبتي انا هنام لانى تعبانه من السفر منى ....اوك تصبحى على خير ... خرجت منى وتركت علا فى حزنها التى ارتمت على سريرها وبكت بشده وشعرت وكان خنجر غرس في قلبها وضاعت امالها ولكن مسحت دموعها وقررت الا تكون ضعيفه ابدا وليفعل مايشاء ......وقامت من مكانها وافرغت حقيبتها فى الدولاب وهى حزينه واخرجت بيجامه ورديه اللون وارتدتها وتركت شعرها الاسود الناعم ونامت من شدت تعبها وما مر عليها في هذا اليوم. ... فى المطعم كان ايمن ويهر يتناولون العشاء ... سهر ....حبيبى انت مالك من ساعه ما خرجنا وانت مضايق ايمن ..ولا حاجه بس مش حابب الوضع اللى انا فيه ... سهر ...ولا يهمك بكره كل حاجه تبقى كويسه ... انتهى العشاء وقام ايمن بتوصيل سهر الى منزلها وكان ما يضايقه ان علا سوف تشاركه غرفته ولكن استغرابه الشديد انه وحيدا فتوجه الى غرفه منى أخته ليسال عنها أيمن. ...منى فين علا منى ....علا فى الاوضه اللى جنبى هي اللى طلبت كده أيمن. ..طيب....وخرج شاردا من الواضح ان لديها كرامة وعزه نفس وذهب الى غرفته وابدل ملابسه ونام..... مر حوالى شهر وكان علا تتجنب ايمن نهائيا بل لاتكاد تراه ابدا فهى تشعر بالعذاب فى رؤيته وفى ذلك الوقت كان حماتها ومنى هما مصدر سعادتها وايضا قام ايمن بتحضير نفسه للزفاف على سهر وكان لا يفصله عنه سوى يومين وفى ذلك الوقت قررت علا قرار ..... كانت علا تنتظر ايمن ان يرجع من عمله وكانت تجلس فى الصالون بانتظاره وعندما فتح الباب ....ندهت له ... علا ....ايمن... استغرب ايمن انها تنتظره فلابد ان هناك شيء مهم. .. ايمن ..وهو يقترب منها خير .... علا...ممكن تدخل نتكلم شويه ... دخل ايمن وجلس على كرسى وهى امامه ... علا....انا هدخل فى الموضوع على طول انا اولا عاوزه اشتغل فى شركه السياحه بتاعتنا كا مترجمه .. ايمن ...هههههه وهترجمى ازاى وانت مش متعلمه ... علا...انا بعرف انجليزى وفرنساوى كويس جدا ... استغرب ايمن جدا وحدثها بالفرنسية وكانت ترد عليه بطلاقه شعر أيمن بالاعجاب الشديد بها ... ايمن ...ماشى موافق... علا...طلب تانى ... ايمن ....اتفضلى .... علا....انا مش عاوزه حد يعرف انى مراتك ولا اى مخلوب انت هتتجوز واظن ان ده حقى حفاظا على كرامتى ... ايمن ..وده ليه ان شاء الله علا...ارجوك كفايه انا تعبت وبحاول انسى موضوع جوازنا وهتعامل معاك كاخ او ابن عم وبس وان شاء الله انت تتجوز وتعيش سعيد واحنا بعد كام شهر نطلق علشان بس جدى وماما. .. ايمن ...اوك حاجه تانيه ... علا ...لا شكرا بس هنزل الشغل امتى ايمن ...من بكره هتروحى مع بابا علا ...شكرا وتوجهت الى الباب وتركته وذهبت الى غرفت منى .... منى ....اهلا بالجميل علا...تمام....وحكت لها ماحدث... منى ...متخافيش ها جربتى العدسات الطبيه ... علا..اهتمام هلبسها بكره والهدوم ... منى ....تمام انا كنت هزعل اوى بدل لف امبارح لما خرجنا انك مش تلبسى الهدوم وتقوليلى عبايات انتى خاليا مترجمه يا موزه ... علا....ههههههههه ربنا يخليكى يله اسيبك بئه تذاكرى واروح انا انام ... كانت علا تشعر برهبه العمل فغدا هو اول يوم لها وتتمنى ان يوفقها الله وتستطيع تحقيق شىء وليساعدها الله ان تتحمل ما ياتى بعد زواج أيمن من تلك الفتاه ..... لولو الصياد ....تفاعل وانزل اللى بعده ..... | ||||
|
| |
|
28-07-16, 10:53 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس ... بالرغم من ان حياه علا تغيرت بين يوم وليلة الى انها تعتبر نفسها اتعس واحده فى الدنيا رغم ان سوف تعمل ابتداء من الغد الى ان قلبها منكسر بشده بل تكاد تحترق وتموت من زواج حبيبها وزوجها من تلك الساحرة الشريرة سهر وما يؤلمها اكثر انها كانت تعتقد ان لها مكان في قلب ايمن ولكن وجدت انها ليس لها مكان في حياته او قلبه حاولت علا النوم ولكن كلما حاولت ذلك تتذكر ايمن وتتالم ويجافيها النوم الى دقت الساعه السابعه قامت ارتدت ملابسها المكونة من بدله باللون الاسود واسفلها قميص زهرى وطرح تتناسب معها ووضعت القليل من المكياج وقد استغنت ايضا لاول مره فى حياتها عن النظاره وارتدت العدسات اللاصقه وأوضحت عيونها الملونه الرائعة الجمال وارتدت حذاء باللون الاسود عالى الكعب وشنطه باللون الاسود ....والقت على نفسها نظره اخيره ونزلت الى الاسفل لتذهب مع عمها الى العمل ..... كان أيمن ووالده ووالدته ومنى يتناولون الفطار عندما نزلت علا... الام....ماشاء الله ايه القمر ده منى ....اشطه يا موزه العم .....صباح الخير يا حبيبتي القمر طلع بالنهار ولا ايه علا ....ميرسى وكانت تسمع الى المجاملات وتنتظر كلمه واحده تشجعها من زوجها ولكن الغريب انه لم ينظر لها ولم يرفع عينه من طبقه وكانها شخص لا يعنيه وليس لها علاقة به ..... وقف ايمن وقال دون ان ينظر بإتجاه علا ايمن....بابا انا هروح الشغل وهبات انهارده فى الفندق لان بكره الفرح زى ما انت عارف وهظبط نفسى من هناك الاب ...اوك يا ابنى ... ذهب ايمن بعدم ما حطم قلب وحياه علا لمره اخرى بتجاهله لها وتحدثه امامها عن زفافه ..... انتهى الفطور وذهبت علا مع عمها الى الشركه وتعرفت على بعض اصدقاء العمل واللهم منهم هو امير ...فتى فى التاسعه والعشرين من العمر مترجم مثل علا ولكنه يجيد الايطاليه والإسبانية فتى مرح للغايه غير مرتبط وغنى لجى والده شركه ولكنه يفضل الاعتماد على نفسه كان يمازح علا وحاول بالفعل ان يخرجها من حزنها وكانوا لهم نفس المكتب ولكن استدعاهم عمها واخبرهم بسفرهم هما الاثنين الى شرم الشيخ مع فوج سياحى لمده اسبوع فرحت علا لذلك كثيرا لانها سوف تكون بعيده عن المنزل ولن ترى تلك الفتاع مع حبيبها ايمن وهذا ايضا مافكر به عمها وقرره وكان ميعاد السفر اليوم فذهبت علا مسرعه الى الفيلا لتحضير حقييتها للسفر وونزلت الاسفل ودعت زوجه عمها ومنى واتحهت ثاتيه الى الشركه لتسافر هى وامير الى شرم الشيخ ولكنها فوجئت بوجود ايمن فى مكتب عمها... علا...عمو انا خلاص جه..... قطع كلامها صدمتها لوجود ايمن ....فدخلت ووقفت متوتره وهو ينظر لها ياستغراب شديد... أيمن بصوت هامس لوالده مين دى ... الاب....دى علا مراتك ... نظر له ايمن بصدمه ... الاب ...جبتى شنطتك يا حبيبتى. .. علا...وهى تتحنب النظر الى ايمن...ايوه يا عمى جهزت كب حاجه هو امير لسه موصلش ... الاب...لا لسه. .. ايمن يسال والده فى ايه... عادل....علا مسافره مع ايمن شرم الشيخ علشان فوج سياحى ... ايمن ..بضيق ..اشمعنا امير يعنى ... عادل...عادى علشان علا لسه جديده ..فى الوقت ده دخل امير ... امير ...اهلا ايمن بيه ....ها يا لولو جاهزه ... علا...ايوه من زمان ... امير ...طيب يا عادل بيه نطير احنا بئه ... عادل...اتفضلوا ....خرجت علا وامير من المكتب وكان ايمن فﻻ حاله ضيق شديده من طريقه امير فى التحدث الى علا وأيضا ماذا حدث لها تغيرت جدا ما احلى عيونها.... ايمن...بابا هو مفيش غير علا فى الشركه علشان تروح معاه عادل. ..بص يا ايمن انا مراعاة لشعور علا سفرتها انت ناسى انك هتتجوز بكره أيمن. ..بس ... عادل...خلاص يا ايمن اظن انت قلت ملكش اى علاقة بيها يبقى خلاص ..... ايمن...طيب انا عاوز حجز شهر العسل في شرم الشيخ. . عادل...باستغراب ...اشمعنا شرم الشيخ. .. ايمن...انا حر لو سمحت احجزلى هناك .... عادل....اوك .... ايمن...اما نشوف اخرتها ...... لولو الصياد ....تفاعل وانزل اللى بعده ..... | ||||
|
| |
|
28-07-16, 10:56 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس... توجه أيمن الى شركته وكان طوال الطريق صوره علا أمامه وكان يشعر بالغضب وحاول تبرير ذلك انها زوجته وبطبيعته كرجل شرقى ان يغار على اهل بيته من اى احد وفكر لهذا طلبت عدم معرفة احد انها زوجته وصل الى الشركه وتوجه الى مكتبه وكان شارد الذهن عندما قطع عليه صوته هاتفه المحمول شروده وكانت سهر سهر ...هاى حبيبى وحشتنى أيمن. ..هاى يا حبيبتي انتى فين سهر ...انا بعمل بروفه اخيره على الفستان ها حجزت لشهر العسل ايمن..ها اه حجزت فى شرم الشيخ سهر بصوت عالى نسبيا ..شرم الشيخ ايه يا ايمن انا حفظاها زى اسمى انا قلتلك باريس ايمن ...شرم كويسه وبعدين انتى عارفه انه اسبوع علشان شغلى سهر ..لا طبعا ده مره واحده فى العمر ايمن ...يعنى انتى عاوزه ايه سهر ..بدلع ...بليز يا حبيبى بارس أيمن. .مضطر. ..حاضر يا سهر هحجز باريس.. سهر ...حبيبى اوك انا هقفل بئه لانى مشغوله باى أغلق ايمن مع سهر واتصل بوالده وغير الحجز الى باريس وهو يشعر بضيق شديد فكان يريد معرفه ما تفعله علا فى شرم. .. كانت علا وامير فى السياره يتبادلون الحديث وشعرت علا بمرحه الشديد وكلامه الذى لا يمل من اى شخص الى ان فجائها بسؤال امير ...لولو انتى مرتبطه.. علا..بارتباك هااا لا امير..ايوه كده علا...هههههههه ليه امير ...عادى مجرد سؤال وظل يمازجها طوال الطريق الى ان وصلوا الى شرم الشيخ وتناولوا الطعام وقرروا ان يتقابلوا غدا للذهاب لمقابله الفوج. ... جاء الصباح وكل فى مكانه ايمن يتجهز لزفافه وعلا فى عملها وتشعر بالمتعه رغم الحزن بداخلها الذى تداريه بشده كان فرح ايمن كبير للغايه وعلى درجه عاليه جدا من الرقى وبه ارقى الشخصيات العامة والمجلات وكان رائع بكل ما فى الكلمه من معنى انتهى الزفاف وسافروا الى باريس مدينة العشاق رات علا صور شهر وايمن فى المجلات وشعرت بغضه فى حلقها ودموعها ابت النزول وقلبها يكاد ان يتمزق عدى اسبوع على علا فى العمل والمتعه بمشاهده ما حولها ورفقه امير الرائعة وفى باريس كان العريسان يقضون اجمل لياليهم وهاهم يعودون اليوم الى مصر ولكن علا وامير ظلوا لاسبوع اخر لاعجاب الفوج بشرم وتمدديد اقامتهم وصل ايمن الى المنزل وكان الجميع يرحب بهم بشده ولكن عيون ايمن كانت تبحث عن شى اخر ... طلعت سهر الى غرفتهم بينما ظلﻻهو مع والدته واخته... ايمن...فين علا الام....لسه فى شرم هتقعد كمان اسبوع ايمن...بعصبيه اسبوع كمان ليه ان شاء الله الام...والله يا ابنى ما اعرف اسال والدك... منى ...علا كل يوم بتكلمنى ومبسوطه اووى ايمن...بتكلمك ازاى منى....من موبايلها اصلها اشترت واحد وبنرغى كل يوم سوا ايمن ..ادينى الرقم ...اعطت منى رقم هاتف علا الى ايمن الذى دخل الى مكتب والده وأغلق عليه واتصل بها ... كان علا فى غرفتها تشاهد التلفاز الى ان سمعت صوت هاتفها واعتقدت انه امير وردت دون ان ارى المتصل .. علا...ايوه يا امير ... ايمن...لا مش امير يا هانم انا جوزك علا...بصدمه وهى تنظر الى شاشة الهاتف لتعلم تنه رثم غير مسجل لديها علا...اهلا ايمن حمدالله بالسلامه ايمن...الله يسلمك سيادتك راجعه امتى ... علا...معرفش بس امير بيقول يوم الخميس تقريبا ايمن ..بضيق ...وهو سى امير بس اللى يعرف وانتى ايه زى البقره يسحبك مش تعرفى شغلك هيخلص امتى علا...شكرا ليك ياذوق على كلامك بس اظن حاجه متخصكش اظن انك قلت اننا ملناش دعوه ببعض وانا حره وياريت تخليك فى مراتك وبس غير كده ملكش فيه واغلقت الخط .... الجمت الصدمه ايمن فكيف تتحدث معه هكذا وايضا اغلقت فى وجهه فمن الواضح ان القطه اصبح لديها مخالب ........ لولو الصياد. ...يا ترى هيحصل ايه ... | ||||
|
| |
|
28-07-16, 11:38 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع .... اغلقت علا الهاتف فى وجه ايمن وهى تتنفس بقوه من شدة غضبها نتيجه لاسلوبه الغير متحضر وكلام الغير محترم معها ولماذا يتحدث معها من الأساس فهو اخر شخص في العالم كانت تنتظر اتصال منه وهى لا تتكر انها تشعر بالغرابه لاتصاله بها ولكنها اوقفت التفكير ونزلت من الغرفه لمتابعه عملها ... مر الاسبوع بدون احداث جديدة ...الى ان جاء يوم ذهبت علا الى المنزل وتشعر بالالم والخوف من مواجهه تلك الساحرة الشريره سهر وصلت الى المنزل وكانت منى ووالده اينن فى استقبالها... الام....اهلا يا حبيبتى وحشتنى والله علا. ..ربنا يخليكى يا طنط والله انتى اكتر منى....وحشانى يا لولو علا ..وهى تحتضنها انتى اكتر يا منمون ... الام...والله البيت كان مضلم من غيرك .... دخلت سعر فى الكلام وهى تنزل من سلالم الفيلا....ليه يا طنط ده على اساس انها لمبه ولا ايه ....وكانت تتحدث باستهزاء .... الام....لا يا سهر بس علا زى منى بالظبط فكانت وحشانى سهر...يعنى ايه بتكرهينى انا وبتحبى دى وكانت تشاور على علا وعلامات الاشمئزاز واضحه على وجهها علا...بغضب ...ايه دى ان شاء الله نا تحترمى نفسك سهر...انتى نسيتى نفسك ازاى تكلمينى كده... علا....بصى يا بنت الناس اتقى شرى احسن ... الام....أهدى يا علا ومترديش يا بنتى سهر. ..ليه مجنونه انا متردش عليا... علا...ما تحترمى نفسك هو لا كبير ولا صغير مالى عينك فعلا قليله أدب سهر....انا قليله ادب يا جربوعه انتى ... اقتربت منها علا بقوه وسرعه وصفغتها على وجهها بشده فهى لا تتحمل الاهانه من احد وخصوصا تلك المراه فكم ابغضها بشده ..... صفعتها علا بشده على وجهها كانت الصدمه تلجم الجميع وحاله من الهدوء تسيطر عليهم قطعها صوت اايمن الغاضب أيمن. ....علا ...... التفت علا ناحيه الباب ووجدت أيمن يقترب منها فى خطوات سريعه وينظر لها تاره وإلى سهر تاره الى ان وقف أمامها ورفع يده عاليا وصفعها بقوه على وجهها وقعت على اثر تلك الصفعه ارضا ...... سهر وهى تقف وتمثل البكاء لكى تستعطف ايمن .... سهر....شفت يا حبيبي المتوحشة دى عملت فيا ايه ضربتنى اهىء اهىء ... ايمن ...وهو يحتضنها معلش يا حبيبتي اطلعى انتى فوق ... نظرت سهر الى علا الواقعه ارضا ودموعها تنزل دون صوت نظره المنتصر شعرت حينها علا باذلال رهيب واهانه ليس لها مثيل. ...طلعت سهر غرفتها.... الام...انتىىازاى اعمل كده يا أيمن ايمن.....وهى ازاى تمد ايدها على مراتى منى ...سهر هى اللى غلطت ... ايمن...ده ميدهاش حق تضربها .... قامت علا من مكانها ووقفت امامه .... علا...تحب تضرب تاني يا ايمن بيه اخب تجرحنى وتزلنى كمان تحب إتهان اكتر من كده تحب تزلنى كمان واعطته وجهها اضرب كمان يا ايمن بيه اضرب انت تضربنى ومراتك تقول على جربوعه عادى ورد فعلى انها تشتمنى غلط بجد حرام وجرت مسرعه الى غرفتها وتبكى بشده ..... حكت منى ووالده ايمن نا حدث اليه وهو يستمع اليهم ويلعن نفسه لتسرعه ولكنه ذهب من أمامهم مسرعا الى الاعلى .... يا ترى هيحصل ايه.....لولو الصياد | ||||
|
| |
|
28-07-16, 11:39 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن ... سمع ايمن كلام والدته واخته وانتفض مسرعا يطلع سلالم المنزل سريعا وخطوات واسعه وتوجه مسرعا الى غرفته هو و سهر وفتح الباب بقوه انتفضت على اثره يهر بشدة. .. سهر ..بانزعاج....ايه يا ايمن مش تخبط خضتنى جدا الل ايمن ..اغلق باب الغرفه وتوجه لها وامسك كتفيها وضغط عليهم بقوه... سهر....في ايه يا ايمن بتوجعنى حاسب ... ايمن....انا عتوز اوجعك علشان بعد كده تحترمى كل الناس الموجوده في البيت ده ومتتطاوليش على حد ابدا سواء كنت موجود او لا سهر ..هى مامتك والزفته اللى تحت ومنى قالولك ايه اكيد سخنوك عليا ... صفعها على وجهها بشده ايمن...امى تتكلمى عنها باحترام والزفته دى اسمها علا وزيك زيها .. سهر ..بصوت عالى ...انت عاوز تقارن الفلاحه دى بيا انا ... ايمن وهو يصفعها مجددا...اتملمى عنها باحترام قلتلك دى اولا واخيرا بنت عمى وتيجى معايا دلوقتى كده زى الشاطره انتى فاهمه ولا تحبى يكون ليا رد فعل تانى خافت سهر من رد فعل ايمن وذهبت معه الى غرفه علا ... بكت علا كثيرا واخيرا غيرت ملابسها وارتدت بيجامه كت باللون الاسود وتركت شعرها منفرد على ظهرها وحلست على كرسى بالغرفة تنعى حظها وتعاستها وكانت دموعها تسيل على خدودها عندما سمعت طرق على الباب وتوقعت ان تكون منى فم س حت دموعها وقالت.. علا...ادخل دخل ايمن وامامه سهر ... انصدمت علا لرؤيتهم وخصوصا وهى بتلك الحاله نظر ابمن الى علا كانت رائعة الجمال بشعرها الايود الطويل وجسدها الممشوق نعم جميله وسرح فى جمالها الى ان اخرجه من خياله صوت علا... علا...نعم خير فى حاجة تانى ...وكانت تحاول ان تكون قويه وخصوصا امام ايمن وتلك الساحره الشريره حتى لا تمنحها فرصه ان تجعلها تكون فى موقف المنتصر ثانيا ... أيمن. ..سهر جايه تعتذر منك على اللى حصل. .. علا...بصدمه...ها ... سهر ...بصوت خفيض ...انا اسفه .... ايمن ...ايوه كده روحى انتى الاوضه وانا هحصلك ..خرجت سهر وهى تزفر من شدة ضيقها وتركت الباب مفتوح ولكن نا اثار استغراب علا هو اغلاقه للباب... أيمن. ..علا انا اسف .... علا........ ايمن وهو يقترب منها ...انا مكنتش اعرف حاجه من اللى حصلت بعتذر عن ان ضربتك وحاول لمس وجهها مكان الصفعه فنفضت علا يده بشده وتوجهت الى الباب وفتحته على مصرعيه ... علا....اتفضل بره يا ايمن بيه لو سمحت مراتك مستنياك... ايمن ....ماسى يا علا بس لسه كلامنا مخلصش وتركها وخرج اغلقت علا الباب وقلبها يجق بشده فكانت تخاف من رد فعله جدا وكانت تحاول تمثيل القوه ومن الواضح انها نجحت فى ذلك ..... افاقت علا على صوت هاتفها يعلن عن وصول رساله .... فتحت الرساله وكانت من ايمن ..... ........... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
