27-07-16, 08:54 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحلقة التاسعة ادهم وهو ماشي عدي يتطمن علي الولد وهناك شافها واقفه.. ملاكه الجميل.. وقف من بعيد يتأمل ملامحها الحزينه وكان نفسه لو يضمها مره اخيره وهو سرحان في تأملاته سمع صوت من وراه ::تقدر تقولي سيادتك واقف هنا بتعمل ايه؟؟؟ اتفاجئ ادهم بالصوت والتفتله وهنا جه حد واتدخل بينهم كان اللي بيتكلم عم محمود ابو ليلي واتدخل ابو الولد واسمه خالد اترمي علي ادهم وحضنه جامد وجت مراته صفاء اخت ليلي وبتعيط وبتشكر ادهم خالد: انا مديونلك بحياتي كلها سياده المقدم انت لولا اتدخلت كان ابني راح واختلطت الابتسامات والدموع والكل بيشكر ادهم وابو ليلي واقف بيتفرج ومش بينطق اخر شيئ عايزه انه يكون مديون لادهم بحاجه وليلي واقفه بعيد بتحاول تشبع من حبيبها قبل ما يغيب عن عينها تاني وهو بيراقبها وكل اللي بيفكر فيه انه يضمها ولو لمره اخيره خلاص خلص الكلام والمفروض يمشي ويدوب مشي كام خطوه نادي ابو ليلي عليه وقرب منه عم محمود: اوعي تتخيل انك بكده هتنول رضايا ادهم باتسامه حزينه: انا لما اتدخلت انقذ الولد مكنتش اعرف انه له علاقه بيك او اعرف انه حفيدك فاكيد مش مستني منك اي شيئ. بعد اذنك واتمناله يخف بسرعه مشي ادهم وقلبه هيخرج من مكانه واخر شيئ لمحه دموع حبيبته اللي ممنوع حتي يكلمها وتعدي الايام وتحقيقاته مستمره في العصابه اللي اختفت تماما وملهاش اي اثر وادهم عايز يمشي من البلد ويسيب المهمه دي لحد غيره بس بيفتكر وعده لليلي انه مش هيمشي تعدي الايام ووجود ادهم في البلد مضايق ناس كتيره العصابه اللي مختفيه عم محمود اللي بيعد اللحظات علشان ادهم يمشي وواحد تاني كاره وجود ادهم والواحد ده هو ابن عم ليلي حمدي حمدي بيحب ليلي ويستني اليوم اللي يرتبط بيها وهيا مكنتش بتحب فمكنش يفرق معاها انها ترتبط بيه او بغيره لكن دلوقتي الوضع اختلف بقي في حبيب في حياتها وده خلاها ترفض اي حد يحاول يقرب منها حمدي كان يعرف حد من افراد العصابه وهنا رسم خطته اللي هيضرب بيها عصفورين بحجر واحد في يوم ليلي كانت في رحله تبع المدرسه راحو لمنطقه اثريه وقضو اليوم فيها بس في اخر اليوم اختفت ليلي بفصلها كله الكل بيدور عليهم والخبر وصل لاهل البلد والكل طلع يجري علي مكان الرحله ام ليلي كانت هتجنن علي بنتها ومن غير تفكير جريت علي مكان ادهم وخبطت عليه ادهم: افندم ام ليلي: انا مامت ليلي ادهم: لو حضرتك جايه تسمعيني كلمتين زي ابوها فاحب اقولك اني قطعت علاقتي بيها نهائي بعد اذنك ولسه هيقفل الباب ام ليلي: ليلي اختفت واحنا خايفين تكون العصابه خطفتها ارجوك انا محتاجه مساعدتك ادهم: ليلي ايه؟؟ اتخطفت ازاي؟؟؟ محدش من العصابه قرب ناحيه البلد ام ليلي: هيا في رحله بره البلد ارجوك تعال معايا ادهم اتحرك مع ام ليلي وقلبه هيقف من كتر الخوف علي حبيبته وطبعا كان معاه ماكس الكلب بتاعه طلب من مامه ليلي انها تجيب حاجه لليلي كانت لابساها وفيها ريحتها فعدو علي البيت وجابت بلوزه لليلي وصلو للمكان اللي العيال وليلي اختفو فيه والكل اول ما شافو ادهم جريو عليه كل اللي ليه ابن استنجدو بيه ابو ليلي واقف بعيد وكاره الظروف اللي بتوقعه كل شويه بين ايدين ادهم وبتخليه مديون ليه ادهم خرج البلوزه وقربها من ماكس وطلب منه يدور علي ليلي (تأليف shimaaelwady برعايه خطوات هادئه) وفعلا بدا الكلب يتحرك والكل وراه كانو في وسط صحرا فيها اثار فرعونيه جري الكلب لحد ما وصل لمنطقه ووقف علي حرف تحت جبل صغير وفضل يحفر في الارض ويهوهو وقف ادهم مش فاهم ادهم: ماكس ده جبل انت بتحفر هنا ليه انا مش فاهمك هنا اتدخل الحارس بتاع المنطقه الحاوس: اي ده؟؟ في حاجه مش طبيعيه ايه اللي حصل؟؟؟ ادهم: ايه اللي مش طبيعي انطق في ايه الحارس: هنا كان فيه فتحه صغيره بتوصل لمقبره والفتحه ملهاش اثر ادهم: قصدك ايه؟ ان ده كان مدخل لمقبره الحارس: ايوه كانت فتحه صغيره بس لسه بنشتغل فيها علشان يتعمل باب لكن لسه الشغل فيها مخلصش والفتحه اختفت ادهم بدأ يخاف ان حبيبته تكون تحت في المقبره دي وبدا زي المجنون يحاول يحفر بايديه وكذا حد جه يساعده من اللي اولادهم اختفو عملو فتحه صغيره قوي ولما حاولو يكبروها لاحظو انه ممكن يحصل انهيار كبير فوقفو الحفر ادهم: ماكس انا محتاج انك تدخل هنا وتشوف ليلي لازم تشوف ليلي جوه ولا لأ كان بيكلم كلبه والكل مستغرب منه وقالو انه اتجنن بس كلبه فهمه ودخل من الفتحه دي وغاب شويه والكل علي اعصابه لحد ما خرج ادهم: ليلي جوه الكلب بيهوهو ادهم: مش فاهم جوه ولا لأ الكلب وطي دماغه لادهم فحط ايده علي دماغه ادهم: انا مش فاهم..... اتفاجئ ادهم انه راس الكلب مبلوله ولما حط ايده لقي دم ادهم: الدم ده منين؟؟ (تأليف shimaaelwady برعايه خطوات هادئه) وبدا يمشي ايده علي جسم كلبه يتطمن عليه الكلب بعد عنه وراح لام ليلي وشد البلوزه اللي في ايدها وحطها قدام ادهم وهوهو ادهم بخوف: ده دم ليلي؟؟ هنا كان هيتجنن لازم يتصرف هو مش عارف حالتها ايه رجع يحفر تاني وكبر الفتحه شويه بس مش كفايه تدخل حد ووقف مش عارف يعمل ايه الكل كان بيبص لادهم باستغراب هو اكتر واحد خايف مع انه الوحيد اللي المفروض انه مالوش حد وميعرفوش ان قلبه جوه الحارس: اه افتكرت ادهم بلهفه: افتكرت ايه؟؟ الحارس: في مدخل تاني بس صغير ادهم: وده حاجه تتنسي وريهوني الحارس: المدخل عباره عن ممر صغير جدا يدوب ممكن يعدي حد صغير يزحف علي بطنه علشان يدخل ومحدش جربه قبل كده ادهم: وريهولي انت وسيبني انا احكم عليه الكل راح ناحيه المدخل بس فعلا المدخل صغير جدا عايز حد رفيع قوي يعدي فيه عم محمود: حمدي انت جسمك ممكن يعدي حاول كده جت الفرصه لحمدي انه يبقي بطل بس كان خايف حمدي: بس ممكن ما يعدينيش عم محمود: جرب يا ابني قرب حمدي وحاول يدخل ويدوب زحف خطوتين وصرخ علشان يشدوه لبره وفعلا طلعوه حمدي: لا الفتحه ضيقه ومش هقدر وفي صخور نازله هتعورني في ظهري انا اسف كمان مفيش اكسجين ادهم: امال اللي جوه يعملو ايه؟ انا لازم اتصرف حمدي: احنا لازم نستني فريق الانقاذ بمعداتهم ادهم: تستني؟؟؟ وليلي اللي بتنزف جوه دي؟؟؟ والاكسجين اللي بيقل عندهم؟؟ انا مش هستني اكتر من كده الكل حاول يوقف ادهم بس خلاص اخد القرار ابو ليلي واقف ومستغرب هو فعلا بيحب بنته للدرجه دي ولا بيحاول يلعب دور البطل؟؟؟ ادهم اخد كل اللي ممكن يحتاجه كشاف حبل علبه اسعافات وحط الحاجات دي في شنطه وربط نفسه بحبل بحيث لو اتزنق جامد ممكن يشدوه وبدا يدخل من الفتحه الضيقه وفعلا كان في صخور بتقطع في جسمه وهو داخل بس حاليا كل تفكيره كان في ليلي وبس (تأليف shimaaelwady برعايه خطوات هادئه) يا تري ادهم هيعرف يدخل؟ ولا هو كمان هيحتاج حد ينقذه؟؟ ليلي بتنزف فعلا ولا؟؟ ابوها هيحن وهيتقبل ادهم ولا اول ما الموقف يعدي هيرجع لعناده؟ ام ليلي هيكون لها دور؟؟ ده اللي هنعرفه الحلقه الجايه استنوني ShiMoOo | ||||
|  |
|
28-07-16, 09:13 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه العاشره بدا يدخل من الفتحه الضيقه وفعلا كان في صخور بتقطع في جسمه وهو داخل بس حاليا كل تفكيره كان في ليلي وبس فضل يزحف علي بطنه مش هامه اي شيئ غير انه يوصل لليلي وبس واخيرا قرب وسمع صوت العيال وده شجعه يزحف اكتر واكتر لحد ما وصل لفتحه ومنها شاف العيال نزل عندهم وكلهم اتلمو حواليه بس هو كان همه كله حبيبته جري عليها وحاول يفوقها كان في خبطه في دماغها بدا يقنع العيال يخرجو من الفتحه الصغيره لانها هتعديهم بسهوله بس العيال خايفين يتحركو هنا نادي علي ماكس وخلي كل عيل يخرج مع ماكس بحيث يمسك ديل الكلب ويسحف وراه لحد ما يخرجه ويرجع تاني ادهم وماكس خرجوا الاولاد كلهم وجه دور ليلي طبعا مش هيعرف يشيلها لان الفتحه مش هتكفيهم كتب ورقه وعطاها لماكس يخرجها بره وطلب فيها حبل وبطانيه لف ليلي بالبطانيه علشان يحميها من الصخور وربطها بالحبل وطرف الحبل خلي ماكس يخرجه علشان هما يشدوها وهو وراها وفعلا شدوها واحده. واحده لحد ما خرجت بس يدوب هو لسه بيخرج وسمعو صوت لانهيار كبير الكل بص لفوق لقو الصخور بتقع في المكان اللي هما فيه وهتقفل الفتحه طبعا الكل جري بعيد الا ادهم رمي نفسه فوق ليلي بحيث يحميها من الصخور مفكرش للحظه ان حياته ممكن تنتهي كل اللي فكر فيه ليلي وبس يفديها ولو حتي بروحه الصخور غطتهم تماما وبعد ما كل حاجه انتهت الكل وقف ولحظه من الصمت وراها هرج ومرج ساد الكل الكل جريو يشيلو الصخور من فوقهم طبعا ادهم كان بينزف تقريبا من كل مكان وليلي مجرلهاش اي شيئ من البطانيه وجسم ادهم شالو ادهم وليلي والاسعاف نقلتهم المستشفي ادهم بيفوق للحظات ينطق اسم ليلي ويغيب تاني وابو ليلي مستغرب من تصرفاته حاله ادهم كانت حرجه شويه وليلي كانت كدمات مش اكتر مامت ليلي قعدت جنب ادهم لحد ما فاق علي الرغم من رفض ابو ادهم بس هيا اصرت ام ليلي: حمدلله على السلامه يا ابني ادهم بصوت ضعيف: المهم ليلي.... ليلي اخبارها ايه؟؟ ام ليلي: كويسه مفيهاش اي حاجه والبركه فيك انت ادهم: الحمد لله انها بخير ام ليلي: انت حاسس بايه؟؟ ادهم: ما تقلقيش عليا انا كويس ام ليلي: ما اقلقش ازاي بس انت نزفت كتير ادهم: انا متعود علي كده ما تشغليش بالك.. علي فكره انتي مش مضطره ابدا تفضلي جنبي روحي لبنتك واطمني عليها انا بخير ام ليلي: عارفه اني مش مضطره ( مسكت ايده) بس انا عايزه افضل جنبك شويه واتطمن عليك مسكه ايديها كانت حركه بسيطه بس بالنسباله كانت حاجه كبيره جدا اول مره حد يقعد جنبه ويمسك ايده اول مره حد يهتم باحساسه او يسال عليه او يمسك ايده اول مره يحس بالاحساس ده قلبه اول مره يدق بالطريقه دي ممكن حد يشوفه ويعامله كإنسان؟؟؟؟؟ ادهم: انا متشكر ام ليلي: متشكر علي ايه؟؟؟ مين يشكر مين؟؟ ده انا مديونالك بحاجات كتير قوي ادهم: ما انا قلتلك انتي مش مضطره تقعدي جنبي انتي مش مديونالي بحاجه سحب ايده بعيد وفكر نفسه ( انت مش انسان بالنسبالها انت مجرد شيئ انقذ حياه حفيدها وبنتها لكن نظرتها ليك ما اتغيرتش فوق) ام ليلي: انا فعلا مديونالك بحياة حفيدي وبنتي بس مش ده السبب اللي مخليني قاعده جنبك بصلها باستغراب ام ليلي: مستغرب ليه! انا شايفه قدامي انسان مستعد يضحي بحياته علشان خاطر غيره حتي لو حد ميعرفوش.. شايفه انسان مش هامه غير سلامه غيره مش اناني ابدا بيفكر في كل اللي حواليه كنت الاول مستغربه ليلي بتحبك ليه بس لما اتكلمت معاك وشوفتك عرفت ليه بتحبك قوي كده ادهم: محدش بيبصلي كإنسان او شيئ بيحس ام ليلي: الناس ديما بتحكم بالمظاهر نادرا ما حد بيعرف الاول وبعدها يحكم ادهم: فعلا الكل بيحكمو عليا من شكلي وبيقولو مسخ انا فعلا ممكن اكون مسخ بشكلي بس جواي في انسان بيحس وبيتوجع المهم روحي اطمني علي بنتك ام ليلي: انا....... هنا الباب اتفتح وابو ليلي وقف فيه وبيتكلم بغيظ عم محمود: بنتك فاقت وعايزاكي ام ليلي: جايه اهوه ( بصت لادهم) لو محتاج لاي شيئ انا موجوده ادهم: متشكر جدا بس سلمي علي ليلي عم محمود: وتسلم عليها بتاع ايه ده؟ ؟ ام ليلي: يا راجل لولاه كنت زمانك بتاخد عزا بنتك ده بدل ما تشكره ادهم: انا مش مستني شكر منه عم محمود: وانا اصلا مش هشكره دي حركات بيعملها بس ليلي ابعد من نجوم السما فاهم؟ ادهم: انا علي فكره لسه مطلبتش ليلي منك عم محمود اخد مراته وشدها بره وطلع ام ليلي: حرام عليك كده... الواد كان هيموت علشان خاطر بنتك وحالته صعبه عم محمود: محدش طلب منه يتدخل دي حركات بيعملها ام ليلي: حركات؟؟؟ بقي يموت نفسه وفي الاخر تقول حركات حرام عليك يا ابو ليلي طول عمرك راجل حقاني ايه اللي جرالك كده؟ عم محمود: طول عمري بحلم براجل مفيش منه لبنتي كبرتها وحبيتها علشان تتجوز واحد الكل يشاور عليها ويقول شوفو متجوزه مين ويحسدوها عليه مش ده الكل يبصلها ويتصعبو عليها ام ليلي: مش يمكن اللي الكل يحسدها عليه ده ما يعرفش يسعدها؟؟ عم محمود: وده اللي هيسعدها؟ ده؟ ام ليلي: وليه لأ؟ بيحبها وعنده استعداد يموت علشانها؟؟ هيفرشلها الارض ورد تحت رجليها وهيتمنالها الرضي ترضي وهيحط حياته بين ايديها عايز ايه تاني لبنتك؟؟؟ عم محمود:........... ام ليلي: وبعدين كان فين ابن عمها هاه؟؟ خاف يدخل الفتحه مع انه لو حاول كان دخل واول ما حصل الانفجار جري بعيد وخاف علي نفسه لو كان بيحبها زي ما بيقول كان حاول يحميها مش بعد ما كل حاجه خلصت جاي يقعد جنبها... ده راجل تامن علي بنتك معاه وقت ما تحصل حاجه يجري ويسيبها عم محمود: روحي لبنتك واسكتي بقي واياك تجيبي سيرته جوه ام ليلي: قصدك ايه؟ ماهيا هتسأل خرجو ازاي؟ عم محمود: انا قلتلها ان البوليس وفرقهم خرجوها ام ليلي: للدرجه دي؟؟ عم محمود: انا قلتلك اهوه اياك تجيبي سيرته ام ليلي: اقول ايه بس؟ ربنا يهديك دخلت لبنتها واتطمنت عليها وشويه وجم اصحابها وبيتكلمو ويهزروا امل: بس مكنتش اعرف انك مهمه قوي كده عنده؟؟ ليلي: عند مين؟؟ قصدك ايه؟؟ اسماء: هتعمل عبيطه اهوه ليلي: عبيطه؟؟ انا مش فاهمه انتو بتتكلمو علي ايه هنا ليلي بصت لانتيمتها مني مني: قصدهم علي ادهم ليلي: ادهم؟؟ وايه اللي دخل ادهم في الكلام؟ كلهم بيبصولها باستغراب امل: ماهو اللي خرجك ليلي: ادهم خرجني؟؟ ازاي؟؟ اسماء: امال انتي فاكره ايه؟ ده كان هيموت فيها واهو في الاوضة االلي جنبك ليلي: ادهم هنا؟؟ هو اتعور؟؟؟ لسه هتقوم مني مسكتها مني: هو كويس دلوقتي اقعدي ليلي: انا لازم اتطمن عليه هنا ابو ليلي دخل ليلي: انت ازاي تكدب عليا وما تقوليش ان ادهم هو اللي خرجني وانه اتصاب كمان اصحابها كانو مستغربين من رد فعلها عم محمود: وانتي يفرق معاكي في ايه مين خرجك؟؟ ليلي: لا يفرق ويفرق كتير قوي انا لازم اتطمن عليه ولسه هتقوم من مكانها ابوها مسكها عم محمود: مفيش خروح من هنا غير للبيت فاهمه؟ ليلي: لا مش فاهمه ومش عايزه افهم انت جبت القسوه دي كلها منين؟؟ انت عمرك ما كنت قاسي كده عم محمود: انتي بتجبريني بتصرفاتك ليلي: انا بحبه ومهما تمنعني هفضل احبه لازم تعرف اني عمري ما هبطل احبه ابدا سابها وخرج واصحابها مشيو وهيا ما عرفتش تخرج بره الاوضه من ابوها وتاني يوم هتخرج من المستشفي بس قالت لامها انها عايز تشوفه او تلمحه حتي من بعيد وامها قالتلها هتحاول وراحتله وقدام باب اوضته وقفت ولسه هتدخل (تأليف shimaaelwady برعايه خطوات هادئه) فين التوقعات يالا مستنياكم التوقعات تزيد الحلقه تزيد علي طول معادنا بكره الساعه 5 متتاخروش ونكمل بكره ShiMoOo | ||||
|
| |
|
28-07-16, 09:14 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه 11 ليلي قبل ما تخرج من المستشفى عدت علي ادهم ويدوب هتفتح باب اوضته جه ابوها عم محمود: انتي بتعملي ايه هنا؟ ليلي: جايه اشوفه ومش هتمنعني..... بصوا لبعض نظره طويله فيها معاني وكلام كتير ابو ليلي قري في عنين ليلي اصرار وعند ليلي دخلت لادهم ادهم: ليلي!!!! انتي ازاي جيتي هنا؟؟ ليلي: سيبك مني انا المهم انت عامل ايه وحاسس بايه؟؟ ادهم: انا......... قطع ادهم كلامه اول ما شاف ابو ليلي علي باب الاوضه ليلي بصت وراها واتكلمت ليلي: انت ليه عملت كده؟؟؟ مخوفتش علي نفسك؟؟ ادهم بصلها: اخاف علي نفسي؟؟؟؟؟ وانا ايه قيمه حياتي قصاد حياتك... المهم انتي ليلي: ولو كان جرالك حاجه؟؟ مفكرتش فيا ادهم: انا مفكرتش غير فيكي... مفكرتش غير في حياتك انتي بس... المهم انتي تبقي كويسه حتي لو كانت حياتي هيا التمن ليلي: ادهم انا بحبك اكتر من حياتي نفسها ادهم:وانا.... قاطعه ابو ليلي: اعتقد كده اتطمنتي عليه انه كويس قومي يالا ليلي بصت لابوها وبصت لادهم فابتسملها ادهم: قومي روحي انتي مع باباكي ليلي: هشوفك تاني امتي؟؟ عم محمود: مش هتشوفيه تاني قومي علشان ما اتصرفش تصرف مش هيعجبك ليلي: لو سمحت يا بابا... قاطعها ادهم: روحي دلوقتي وسيبي بكره للخالق مشيت ليلي وهيا بتدعي ربها يحمي حبيبها ويجمعهم مع بعض يعدي يوم وري يوم وادهم لسه في المستشفي بس كلف كام ظابط يحققو في الانفجار اللي حصل ادهم كان في المستشفي بس رجالته بيحركهم من مكانه (تأليف shimaaelwady برعايه خطوات هادئه) عرف ان الانفجار ده بفعل فاعل وعرف انه معمول علشان يبعدوا ادهم من طريقهم لان في نفس يوم الانفجار حصل هجوم من العصابه علي البلد واخدوا مونتهم بس المره دي ما اخدوش بنات اخدوا المهم بس كمل ادهم تحقيقاته من مكانه وعرف ان في حد بيساعد العصابه دي من اهل البلد طبعا بعد الحادثه الكل عرف مشاعر ادهم ناحيه ليلي والكل مستغرب من حب ليلي لادهم في مستغرب وفي غيران.. البنات بدؤا يبصوا لادهم بنظره تانيه.. حبه وتضحيته بحياته علشان حبيبته غيرنظره الناس ليه ليلي كانت عايزه تزور ادهم وطبعا اتخانقت مع ابوها جامد واختلفوا كتير وهيا مصره علي موقفها طبعا ابوها بدا الناس يسالوه عن علاقه ليلي بادهم وهو بينكر اي علاقه بس الكل مش مصدق محدش يرمي نفسه للموت علشان خاطر حد عادي ابو ليلي راح لادهم المستشفي ودخل عنده ادهم: اهلا اتفضل عم محمود: ولا اهلا ولا زفت انا جاي اقولك ان سيادتك تخرج من المستشفي دي تمشي من البلد وكفايه لحد كده ادهم: ومهمتي؟؟؟ عم محمود: هو مفيش ظباط غيرك ولا ايه؟ وبعدين انت متصاب يعني مش هاتقدر تعمل حاجه... وبعدين لو بتحب ليلي زي ما بتقول يبقي هتمشي من البلد دي ادهم: امشي؟؟؟؟ عم محمود: ايوه تمشي اولا انت وسخت سمعتها ادهم: انا؟؟ انا معملتش اي شيئ يضر سمعتها عم محمود: انك ترمي نفسك فوقها وتتصاب بالشكل ده وصل للناس فكره غلط ادهم: يعني ايه كان المفروض اسيبها تموت واتفرج ولا اعمل زي ابن عمها واجري عم محمود: مالكش دعوه بابن عمها وشكرا يا سيدي انك انقذت حياتها بس ده ميدكش الحق انك تحلم باكتر من كلمه شكرا وده اخر كلامي سابه ومشي وادهم فضل يسال نفسه السؤال اللي عمره ما لقاله اجابه "" ايه الغلط الللي ارتكبه في حياته بيتعاقب عليه """ وفي يوم وادهم في المستشفي جاله حمدي ابن عم ليلي يزوره حمدي: اهلا بسياده المقدم حمدلله على السلامه ادهم: الله يسلمك انت كنت موجود ساعه الانفجار صح؟؟ حمدي: ااااه ك كنت موجود ليه؟ ادهم: لا عادي بس فاكر اني شفتك مش اكتر انت اللي حاولت تدخل في الفتحه ورجعت حمدي: ماهي كانت ضيقه ااتحشرت فيها ادهم: هيا بس كانت عايزه اصرار مش موجود عندك حمدي: اصرار ولا اظهار بطوله ؟؟؟ حمدي قالها بنبره غريبه خلت ادهم يستغرب ادهم :: بطوله ؟؟؟؟ قصدك ايه؟ ؟ حمدي :: هو في كام معني لاظهار البطوله ؟؟؟ عايز تبان بطل قدامها ادهم: قدام مين؟ ؟ حمدي: قدام ليلي هو في غيرها بس ليلي دي ابعد من نجوم السما ادهم: ليلي قولتلي!! انت قلت ليلي تقربلك ايه؟ حمدي: بنت عمي وهتبقي مراتي قريب ومش هتاخدها مني فاهم مش بعد كل اللي عملته ده تيجي انت وتاخدها علي الجاهز كده ادهم: كل اللي عملته؟؟؟ وايه هو اللي عملته؟ حمدي ارتبك ومعرفش يرد علي طول حمدي: ملكش دعوه انت المهم ابعد عن سكه ليلي بدال ما يجرالك حاجه تاني ادهم: وانت ايه علاقتك باللي جرالي اولاني؟ حمدي بارتباك: ااانا مااااليش علاقه وانا مالي قنبله وانفجرت انا مالي؟؟ ادهم: قنبله؟؟ وانت مين قالك انها قنبله؟ عرفت منين؟؟ انت ايه علاقتك بالانفجار ده؟ حمدي: انا ماليش علاقه بقولك ايه انت مش عارف تقوم بشغلك هتدبسني انا ولا ايه؟ انفجار حصل يبقي لازم يكون فيه سبب ابعد عن ليلي احسنلك (تأليف shimaaelwady برعايه خطوات هادئه) مشي حمدي بس الشك كبر عند ادهم ان له علاقه بالعصابه بس طبعا معندوش دليل احساس مش اكتر احساس صعب يثبته لان ابو ليلي مش هيسكت لو اتهم ابن اخوه حمدي وهو ماشي سال الدكتور عن حاله ادهم وهيخرج امتي فقاله بعد يومين حمدي بلغ العصابه انه فاضل يومين وادهم يرجع تاني ادهم خرج من المستشفي وطلب من مديره انه يبعت حد غيره لانه محتاج اجازه علشان حالته الصحيه وراح يلم حاجته اغلب اهل البلد راحو يسلمو عليه ومعظمهم اهالي العيال اللي هو خرجهم ليلي عرفت ان ادهم ماشي جريت تشوفه وقابلها ابوها وحاول يمنعها بس مقدرش وسابها تروح تشوفه واتطمن ان ادهم خلاص هيمشي ويخلص منه ادهم خلاص قفل شنطته سمع صوتها ليلي: خلاص هتسيبني؟؟ ادهم: ده افضل؟؟ ليلي: افضل لمين ليا ولا ليك؟؟ ادهم: افضل ليكي علاقتنا من الاول ما كانتش راكبه احنا الاتنين ما ننفعش مع بعض ليلي: وايه اللي خلاه ما ينفعش هاه الناس ظط في الناس كلها ادهم: الناس لوحدها متهمنيش ليلي: امال ايه؟ ادهم: ابوكي يا ليلي.. عيلتك مش عايز تخسريهم بسببي واوعي تقولي عادي لانه مش عادي ابدا ومش هرضي بده ابدا ليلي: ابويا مديونلك ولو قاطعها ادهم: لو ايه؟؟؟ طلبت ايدك رد لجميلي ولا ايه.؟ عايزاني الوي دراعه وادخل بيت انا مكروه فيه؟؟ انا اسف بس قررت ما ادخلش اي بيت وجودي مش مرغوب فيه وانتي اكتر واحده عارفه ليه ليلي: وبعدين مش هشوفك تاني؟؟ ادهم: انسيني اعتبريني ذكرى حلوه او حلم وصحيتي منه بعد اذنك سابها واخد شنطته وكلبه وركب عربيته ومشي من غير ما يبص مره واحده وراه لانه لو بص هيرجع (تأليف shimaaelwady برعايه خطوات هادئه) مشي ادهم يا تري هيرجع تاني ولا خلاص؟؟؟ ليلي هتستسلم كده ولا هترجع حبيبها؟؟ ابو ليلي هيرضخ لرغبه بنته ولا هيجبرها تبعد؟؟ كل ده هنعرفه بس الاول احب اسمه ارائكم انتو ShiMoOo | ||||
|
| |
|
28-07-16, 09:16 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه12 مشي ادهم وساب ليلي لوحدها حزينه من الدنيا كلها فضلت في مكانها تعيط وتعيط لحد ما سمعت صوت وراها حمدي: سيبك منه هو ميستاهلكيش ليلي: وانت اللي تستاهلني؟؟ حمدي: انا ابن عمك واولي الناس بيكي ليلي: كان ممكن زمان اوافق بيك يا حمدي قبل ما اعرف يعني ايه حب.. بس دلوقتي اسفه حمدي: يعني ايه اسفه؟؟ ليلي: يعني اسفه مقدرش ابقي مع حد ما بحبوش مقدرش اكون مع راجل غير ادهم حمدي اتعصب: مين ادهم ده؟؟؟ شايفه فيه ايه؟ ده راجل مشوه ليلي: يمكن يكون بالنسبالك راجل مشوه لكن بالنسبالي مشفتش حد في رجولته وحبه وحنيته وقسوته مشفتش حد زيه عنده استعداد يضحي بحياته علشان حد ما يعرفوش.. من الاخر يا حمدي بعد ادهم مفيش رجاله بالنسبالي حمدي: يعني ايه بقي مفيش رجاله؟؟؟ ليلي: ملهاش معاني كتيره شيلني من دماغك ودور علي حد غيري حمدي: حد غيرك هاه؟؟؟ انا مش هتجوز غيرك فاهمه؟؟ بالذوق بالعافيه هتكوني مراتي ليلي: ايه التخاريف اللي بتقولها دي طب ايه رايك لو انت اخر راجل في الكون ده مش هتجوزك هو غصب ولا ايه بعد اذنك سابته ليلي ومشيت وهو اتغاظ جدا وراح لعمه ابو ليلي حمدي: عمي محمود اعتقد ده الوقت المناسب اني اخطب ليلي بقي ولا ايه؟ عم محمود: مش وقته دلوقتي ليلي: لا وقته يا عمي انا من كام سنه وانا مستنيها الاول الثانوية وبعدها الكليه واهي اتخرجت وبعدها قالت لما تشتغل واهي اشتغلت يبقي استني ايه تاني؟؟ عم محمود: يعني انت كنت عايز ايه اخرجها من المدرسه واجوزهالك ولا ايه؟؟؟وبعدين انت ازاي تتكلم معايا بالاسلوب ده؟ حمدي: لايا عمي انا اسف مش قصدي بس يعني نستني ايه تاني؟؟ عم محمود: الراي في للموضوع ده يخص ليلي وحدها حمدي: ايه يخص ليلي وحدها ده الكلمه كلمتك عم محمود: لا مش في دي انا ممكن امنعها من حد لكن عمري ابدا ما اجبرها علي حد مش عيزاه ابدا الراي رايها هيا وبس هنا دخلت ليلي وجايبه الشاي لابوها وحمدي عم محمود: متشكر يا بنتي تسلم ايدك ليلي: العفو يا بابا بعد اذنكم عم محمود: استني يا ليلي محمود جاي طالب ايدك ايه رايك؟ بصت لمحمود بصه غيظ ليلي: سبق وكلمني وقولتله انه زي اخويا عماد ومش قادره اشوفه باي طريقه تانيه عم محمود: يا بنتي ابن عمك اولي بيكي ليلي: انا اسفه يا بابا مش هقدر بعد اذنكم سابتهم ودخلت اوضتها وفضلت تعيط ابو ليلي اعتذر لحمدي وقاله انه عمره ما هيجبر بنته في موضوع الجواز ده بالذات طلع لبنته وقلبه وجعه من عياطتها عم محمود: يابنتي كل ده ليه؟؟؟ ليلي: انت مش عارف ليه؟ عم محمود: يعني انا مش عارف انت حابه فيه ايه؟ يابنتي ده احنا لا نعرفله اصل ولا فصل ولا حتي ايه اللي شوهه كده ولا اهله فين؟؟ ليلي: وتفرق معاك ايه كل الحاجات دي؟؟ طول عمرك تقولي اهم حاجه في اي انسان اخلاقه ومبادؤه ايه اللي شفته غلط من ادهم هاه؟؟ تقدر تقولي عيبه ايه غير شكله وبعدين انا مش شايفاه مشوه ابدا بالعكس انا بحب كل حاجه فيه حتي شكله ده بحبه عم محمود: ليه ليه ده؟؟ ايه اللي فيه زياده عن اي راجل تاني؟ زياده عن حمدي؟؟ ليلي: بجد يا بابا انت عايز تقارن ادهم بحمدي؟؟ اصلا مفيش وجه مقارنه بينهم اصلا ارجوك يا بابا انت مشيت ادهم من البلد وانت انتصرت وكسرت قلب بنتك فكفايه لحد كده وسيبني في حالي بقي سيبني اندب حظي لوحدي عم محمود: يا بنتي انا مش عايز غير سعادتك وبس وانا مبعدوتوش عنك غير لمصلحتك ليلي: سعادتي؟؟ سعادتي كانت هتكون معاه هو وبس... بس انت اخدتها مني ارجوك يا بابا سيبني دلوقتي (تأليف shimaaelwady برعايه خطوات هادئه) سابها وخرج وسمع عياطها وقلب اتوجع علي بنته وبدأ يسال نفسه " اللي عمله ده صح ولا هو فعلا اخد سعاده بنته وحرمها منها؟؟؟؟؟؟ ادهم ممكن فعلا يسعد ليلي ولا هو نزوه في حياتها هتندم عليها في يوم من الايام؟؟" طول عمره بسيب بنته تقرر حياتها وتعمل اللي هيا عايزاه حتي لو غلط كان بيسيبها تغلط وتعرف غلطها بنفسها وتصححه.. عمره ما فرض رايه عليها ابدا... طب ليه ده مش قادر يسبها تاخد قرارها لوحدها؟؟؟ اسئله كتيره ملهاش اجابه قعد لوحده ودماغه هتنفجر من التفكير وفجاه سمع صوت مراته ام ليلي: اللي انت عملته ده كان غلط عم محمود: امال ايه الصح؟ اسلم بنتي لواحد لا ليه اصل ولا فصل ولا كبير وبالشكل ده؟؟ ام ليلي: ما تسلمهالوش بس انت حاولت تعرف اصله او فصله او تعرف اي حاجه عنه؟؟ حاولت تديله فرصه يعرفك نفسه انت واجهته ووقفت ضده من اول لحظه شوفته فيها عم محمود: سبحان الله انا مش قادر احبه او اتقبله اعمل ايه يعني؟ مش قادر ام ليلي: تعمل حساب لبنتك وتاخد في اعتبارك انها بتحبه ومش هتنساه ابدا عم محمود: الزمن بينسي كل شيئ واقفلي الكلام بقي (تأليف shimaaelwady برعايه خطوات هادئه) حمدي طبعا الغل والحقد ماليه وراح لزعيم العصابه الزعيم: اهلا اهلا ايه اللي رماك عندنا وجاي كده في النهار ومش خايف؟؟ حمدي: الظابط ومشي ولسه بكره هيبعتو غيره يعني لو عايز تعمل اي حاجه يبقي تعملها النهارده الزعيم: اممم قولتلي بقي وانت ايه مصلحتك؟؟ او عايز ايه اصل اكيد مش جاي كده لله في لله؟؟؟؟ حمدي: فعلا عندي طلب... ليلي بنت عمي الزعيم: جميله الجميلات مالها محدش قرب منها بناءا علي اتفاقنا نبعد عن بنات عيلتك حمدي: لا مش عايزك تبعد الزعيم: امال عايز ايه بالظبط؟؟؟ حمدي: عايزك تعمل اللي بتعمله مع كل بنت بتجيبها هنا الزعيم: انت عايزنا نغتصبها؟؟؟ انت مجنون يا واد انت ولا ايه؟؟؟ حد عايز اللي هتكون مراته مغتصبه انت اهبل ولا ايه؟؟؟ حمدي: لا مش اهبل بس انا عايز اجيب مناخيرها الارض هيا وابوها... بعد كل ده بترفضني الهانم علشان خاطر المشوه ده.... ايوه عايزكم تغتصوبوها وهيا ساعتها هتيجي تركع تحت رجلي علشان اتجوزها هيا وابوها هيجولي زحف لعندي ويترجوني اتجوزها الزعيم: اممم رفضوك يا امور وانت عايز تنتقم؟؟؟ وماله غالي والطلب رخيص انا افديك الساعه لما انام مع قمر زيها النهارده وحياتك هيتم الموضوع ده ولا تقلق وفعلا في وقت العصر هجمت العصابه علي البلد وجمعوهم في الساحه سرقو اللي سرقوه ونهبو اللي نهبوه كأنهم بيعاقبو اهل البلد انهم جابو ظابط يحميهم الزعيم: اه يا بلد ناكره الخير... انا بحميكم ايه يعني لما ناخد منكم ناكل مش ده تمن حمايتي ليكم عم محمود: يا عم احنا مستغنين عن حمايتك بس فارقنا وبعدين البنات اللي بتاخدهم وتبهدلهم ده تسميه ايه هاه؟؟؟ الزعيم: فرفشتنا يعني عايزنا نترهبن ولا ايه؟؟ وبمناسبة البنات بقي بقالنا كتير ما فرفشناش وعايزين حاجه تعوضنا علي الشهر اللي فات ده كله حاجه كده تفتح النفس طبعا كان بيتكلم وعينه علي ليلي اللي خافت وبترجع لورا (تأليف shimaaelwady برعايه خطوات هادئه) عند ادهم ادهم راح للقسم وسلم كل الاوراق اللي معاه وملف القضيه وتناقش مع الظابط اللي هيستلم مكانه كل شكوكه واراؤه وكل حاجه وصلها المفروض بقي يمشي من البلد بس قبل ما يمشي راح للمنتزه اللي قابل فيه ليلي اول مره وفضل يتمشي فيه يفتكر كل لحظه عدت عليه معاها... يفتكر كل ابتسامه وضحكه والتفاته منها.... مش ندمان ابدا انه حبها كفايه عليه ذكرياته... كفايه انه داق طعم الحب وعاشه فاق ادهم من ذكرياته لقي وقت كتير عدي بص لكلبه اللي قاعد تحت رجليه ادهم: الظاهر انه هنكمل انا وانت لوحدنا يالا لازم نمشي الكلب بيهوهو ادهم: عارف عارف انت كمان مش عايز تمشي نمشي ازاي ونسيب قلبنا هنا بس لازم نمشي قام ووراه كلبه وبيمشي يقدم رجل ويأخر رجل ويدوب ركب عربيته تليفونه رن عند ليلي: مسكو رجاله الزعيم ليلي وشدوها حاول ابوها يتدخل بس ضربوه واخوها كمان اتضرب وحمدي واقف بعيد بيتفرج وشمتان الزعيم: جميله وتستاهلي الكل يتخانق عليكي انتي هتكوني تعويض لكل الحرمان اللي فات ده ليلي: ده بعينك نجوم السما اقربلك مني الزعيم: هههههههههه تصدقي ضحكتيني مد ايده وحطها علي خدها وهيا حاولت تبعد بس مسكوها جامد ورموها قدامه تحت رجليه مسكها من شعرها ووقفها قدامه ويدوب هيقرب راحت ضرباه بالقلم ردلها القلم ووقعها في الارض من قوه قلمه ومسكها تاني وقطعلها بلوزتها وكشف جسمها ليلي صرخت ونادت علي حبيبها الزعيم: نادي عليه يمكن يسمعك ههههههه الكل بيضحك شدها الزعيم من شعرها راحت شدت نفسها بعيد عنه وحاولت تجري مسكوها وضربوها الزعيم: الظاهر انك هتتعبينا بس تستاهلي التعب ليلي تفت علي وشه والحركه دي ضايقته قوي ورفع ايده علشان يضربها تاني......... (تأليف shimaaelwady برعايه خطوات هادئه) نكمل بكره ياتري ليلي هتغتصب ولا حد هيلحقها؟؟؟ حمدي هيتكشف ولا مراده هيتم ويتجوز ليلي؟؟؟؟ ادهم خلاص ساب حبيبته ولا هيرجع؟؟؟ هيرجع في الوقت المناسب ولا بعد فوات الاوان؟؟؟ ارائكم انتم وتعليقاتكم يالا ShiMoOo | ||||
|
| |
|
28-07-16, 09:17 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه 13 الزعيم رفع ايده ويدوب هيضرب ليلي بس اتفاجئ بإيد مسكت ايده وحد زقه بعيد عن ليلي ليلي مستنيه ايده تنزل عليها بس اتفاجئت بيه بيطير بعيد عنها رفعت عينيها تشوف منين شافته واقف بقامته الطويله وقفت واستخبت في حضنه وحست بأمان الدنيا كلها بين ايديه ليلي: كنت عارفه انك هتيجي استووووب فلاش باك ام ليلي صعب عليها بنتها وعياطها وقلبها المكسور وقررت انها لازم تتدخل مسكت تليفون ليلي وقت العصر بعد ما الكل خرج وهيا لوحدها في البيت جابت رقم ادهم ادهم يدوب ركب عربيته تليفونه رن ادهم: الو ام ليلي: الو اهلا يا ابني ادهم باستغراب: افندم مين بيتكلم؟؟؟ ام ليلي: انا مامت ليلي يا ادهم قلبه بيدق وهيخرج من مكانه ام ليلي: الو انت سامعني؟؟ ادهم: ايوه سامع حضرتك اتفضلي ام ليلي: انا عايزه اسالك سؤال واحد بس امانه عليك تجاوبني بصراحه ادهم: اتفضلي وهجاوبك ام ليلي: انت بتحب ليلي بجد ولا بتحب تعلقها بيك وقربها منك وانها اول حد يحبك؟؟؟؟؟ ادهم: انا مش هنكر ان ليلي اول حد يحبني بس اكيد انا مش هحبها لمجرد انها حبتني!!! انا تخطيت الحب من زمان قوي.. الحب حاجه بسيطه بالنسبه لاحساسي ناحيه ليلي انا بعشقها انا بتنفس بيها اصلا ام ليلي: طيب وسيبتها ليه؟؟؟ ادهم: حضرتك اللي بتسالي؟؟ ام ليلي: ايوه بسأل لاني اللي اعرفه اللي بيحب حد مش بيتخلي عنه ويمشي ادهم: انا بتخلي عنها؟؟؟ حضرتك مش عارفه رأي جوزك فيا ولا ايه؟؟ ام ليلي: انا ماليش دعوه برأي حد انا ليا دعوه بتصرفاتك انت واللي انا شيفاه انك اتخليت عن بنتي وسيبتها ومشيت لو بتحبها فعلا زي ما بتقول كنت تحارب علشانها مش تنسحب في اولها كده!!!! ادهم: احارب مين؟؟؟؟ احارب ابوها؟؟ ام ليلي: تحارب اي حد يقف بينكم مهما كان ادهم: انا مقدرش ابعدها عن ابوها وخصوصا انه اهم شخص في حياتها ام ليلي: انت خايف تحارب وخايف انها تلومك وخايف ان احساسها ما يكونش حقيقي ويجي يوم تكتشف فيه ده وعلشان كده بتبعد ادهم: ايوه فعلا خايف تقدري تلوميني؟؟؟ واحد عمره ما داق طعم الحب من اي نوع وفجأه ملاك بتحبه عايزاه يعمل ايه؟؟؟ ام ليلي: يتمسك بالملاك ده ويحاول بقدر الامكان يخليه جنبه ادهم: ولو خسره؟؟؟؟ ام ليلي: يبقي عمل كل اللي يقدر عليه علشان يحافظ عليه وما يندمش ابدا.... انا قلت كل اللي عندي والكوره دلوقتي بقت في ملعبك قفلت التليفون وهو مشاعره في حاله ثوران وحرب انه يرجع لحبيبته وانه يمشي والاخر قرر انه يرجع ويمشي مع التيار ويشوف هيوديه لفين تعالو نرجع ليلي رمت نفسها في حضن ادهم واستكانت بين ايديه وهو قلع قميصه وغطاها بيه الزعيم: سمعت عنك كتير بس السمع حاجه والحقيقه حاجه ادهم: لحد هنا وكفايه نهايتك خلاص الزعيم: نهايتي؟؟؟ ومين اللي هيمنعني انت؟؟؟ وريني ادهم: بس كده انت تأمر ادهم حرك ليلي بعيد ووقف هو يتخانق مع العصابه كان مسيطر تماما والكل عرف ساعتها هما ليه بعتو راجل واحد بس قصاد عصابه كامله ادهم بدأ يسيطر علي الوضع لحد ما الزعيم حس بفشله وخسارته قدام ادهم راح ماسك ليلي وحط سكينه علي رقبتها الزعيم: لحد هنا وكفايه ادهم بصله ووقف اول ما شاف السكينه علي رقبه ليلي الزعيم : استسلم وارمي اللي في ايدك يا اما حبيبه القلب هتدفع التمن استغرب ادهم من كلامه الزعيم :اه عارف انها حبيبتك ارمي اللي في ايدك ادهم رمي اللي في ايده واستسلم وهما بدؤا يضربو فيه وهو بيقع ويقف تاني وعنيه علي حبيبته وبس اللي مستعد يعمل اي شيئ علشان خاطرها ابو ليلي بيتفرج ومستغرب هو في حد بيحب حد كده؟ ؟ واحد من العصابه مسك سكينه ودخلها في صدر ادهم ليلي صرخت بس الزعيم مسكها وقالها الزعيم: طب هو يحبك عادي لكن انتي؟؟؟؟ يالا خد الشر وراح ادهم وقع علي الارض (تأليف shimaaelwady برعايه خطوات هادئه) وليلي بتعيط وتنادي عليه وهو شريط حياته بيمر قصاده وكل اللي فاكره ليلي من اول ابتسامه واول ضحكه وكل حاجه منها الزعيم: اهو الظابط بتاعكم اتفرجو عليه بيموت اما انتي يا حلوه هتكوني ضيفتي تمتعيني شدها من شعرها وهيا بتصرخ هنا ادهم وقف وبص للزعيم نظره عمره ما هينساها ابدا وشد السكينه من صدره ورايح ناحيته الزعيم وكل اللي بيقف في طريقه بيدبحه او يضربه ورجع زي ما كان اله للقتل وبس لحد ما وصل للزعيم اللي كان في حاله ذهول شد ليلي منه وزقها بعيد ومسكه وحط السكينه علي رقبته ولسه هيدبحه الزعيم: استني استني انا ماليش ذنب ادهم: مالكش ذنب؟؟؟؟؟ ضربه بالقلم وكل جمله بيقولها بضربه قلم : ده علشان فكرت فيها : وده علشان ضايقتها ومسك دراعه ولفه وكسره : ودي ايدك اللي اتمدت عليها ويدوب رفع السكينه علشان يدبحه الزعيم: ابن عمها هو اللي قالي انا ماليش دعوه ادهم: انت بتخرف؟؟؟ الزعيم: لا مش بخرف.... حمدي هو اللي قالي يوم الرحله وهو اللي قالنا علي مكانهم وهو اللي زرع المتفجرات علشان نبعدك كان عارف انك اول ما تسمع اي حاجه عن ليلي هتجري ادهم: ودلوقتي هو اللي قالك تغتصبها علي الرغم من انه بيحبها وعايزها مراته؟؟؟؟ انت كداب الزعيم: لا مش كداب هو فعلا طلب مني اغتصبها لانها رفضته وكان عايزها تتذل وتركع تحت رجليه وتتطلب منه يتجوزها هيا وابوها واساله هو اللي طلب مني اساله حمدي: دددددده كدددددداب ما تصدقوش الزعيم: لا مش كداب هو اللي قالي انك مشيت النهارده وان الظابط هيجي بكره هو ديما اللي كان بيختارلي البنات علي حسب عداوته وكرهه لشخص معين هو اللي كان بيقولي كل معلومات البلد الكل بص لحمدي وهو معرفش يتكلم راح جري ادهم: حتي لو هو فعلا اللي قالك ده ما يبرأكش لو عندك رغبه اخيره قولها ويدوب هيدبحه عم محمود: وقف!!!!!!!! ايه الفرق بينك وبينهم لو هتقتل كل اللي يقف قصادك؟؟ انت رجل قانون اقبض عليه وخليه ياخد حسابه ادهم :وحسابه هو الموت عم محمود: بس مش بايدك سيبه للقانون هنا ادهم سابه والبوليس كان وصل وقبضوا عليه ادهم واقف والكل بيبصله السكينه رماها من ايده وقعت ورنت علي الارض ادهم: بلدكم بقت في امان ودوري لحد هنا انتهي (تأليف shimaaelwady برعايه خطوات هادئه) قال الجمله دي ووقع علي الارض ليلي جريت ومسكته ليلي: ادهم علشان خاطري اوعي تسيبني تاني ارجوك اوعي دموعها مغرقه وشها ادهم بابتسامه: هشششش ما تعيطيش عمري ما تمنيت اكتر من كده... اموت بين ايديكي انتي ليلي: ارجوك انا عايزه اعيش معاك ارجوك اوعي تستسلم ادهم: انا وصلت لاخر طريقي ووصلت لكل اللي بتمناه وانتي بقيتي في امان دوري خلص اوعديني تعيش حياتك وتفرحي نيابه عني اوعديني ليلي: ادهم..... ادهم: ارجوكي اوعديني لو بتحبيني اوعديني ليلي: اوعدك ابتسم ادهم وايده وقعت من علي خدها وهيا بتصرخ لاااااااااااااااااااااااا اااااااا (تأليف shimaaelwady برعايه خطوات هادئه) ShiMoOo | ||||
|
| |
|
28-07-16, 09:18 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه 14 حلقه امبارح الكل كان عايز يعرف الاخيرة ولا لأ كميه الكومنتات كانت مهوله واسفه بس اللي بيقري القصه ويستخسر يكتب كومنت وظهر امبارح بحب اقولك ان كل يوم هتنزل القصه لو عدد اليكات مش قد عدد الكومنتات فمش هتنزل اليوم اللي وراه انتو هتحددوا كل يوم هتنزل ولا لأ ومحدش يزعل بس اللي عنده استعداد يقري الحلقه كامله ومعندوش استعداد يكتب ولو كلمه شكر فمش عايزاه يقرالي واسفه لحبايبي اللي بيتابعوني وبيقدروني اعذروني بس حلقه امبارح ضايقتني بكميه الناس اللي اول مره تظهر بكره هتنزل لو الليكات قد الكومنتات غير كده لا اكتب ولو حرف ادهم واقف والكل بيبصله السكينه رماها من ايده وقعت ورنت علي الارض ادهم: بلدكم بقت في امان ودوري لحد هنا انتهي قال الجمله دي ووقع علي الارض ليلي جريت ومسكته ليلي: ادهم علشان خاطري اوعي تسيبني تاني ارجوك اوعي دموعها مغرقه وشها ادهم بابتسامه: هشششش ما تعيطيش عمري ما تمنيت اكتر من كده... اموت بين ايديكي انتي ليلي: ارجوك انا عايزه اعيش معاك ارجوك اوعي تستسلم ادهم: انا وصلت لاخر طريقي ووصلت لكل اللي بتمناه وانتي بقيتي في امان دوري خلص اوعديني تعيش حياتك وتفرحي نيابه عني اوعديني ليلي: ادهم..... ادهم: ارجوكي اوعديني لو بتحبيني اوعديني ليلي: اوعدك ابتسم ادهم وايده وقعت من علي خدها وهيا بتصرخ لاااااااااااااااااااااااا اااااااا الاسعاف وصل واخدوه للمستشفي وكانت حالته حرجه جدا ليلي في المستشفي بتعيط في صمت والكل مستغرب من موقفها بس من ساعه الحادثه بتاعتها وهما شاكين ان في حاجه بس كانو فاكرين انه من ناحيته هو بس لكن دلوقتي الكل اتاكد ان العلاقه بينهم متبادله ابو ليلي الكل بيبصله والف سؤال وسؤال في عنيهم ادهم فضل تلات ايام غايب عن الدنيا وليلي المره دي رفضت نهائي انها تسيبه ولو لحظه وحتي مع ضغط ابوها بس ما قدرش يحركها من جنبه عرف ابوها انه خسر معركته مع بنته وان حبها انتصر عليه واضطر يستسلم قدام اصرارها ادهم في المستشفي بيفتح عنيه ليلي جريت عليه ليلي: اخيرا فتحت عنيك رنت الجرس للمرضه علشان تيجي وتطلب الدكتور ادهم حاول يتكلم بس مقدرش ليلي: هششش متحاولش تقول اي شيئ كل حاجه كويسه المهم انت بس تقوملي بالسلامه وانا مش هبعد عنك تاني ابدا ادهم بيبصلها باستغراب ليلي: ما تستغربش بابا استسلم قدام حبي لبك ومش هيقدر يبعدني تاني عنك ادهم غمض عنيه بتعب وهنا دخل الدكتور الدكتور: الف سلامه عليك يا بطل الحمد لله انت احسن حاليا وكام يوم وهتسترد صحتك بإذن الله المهم بس ترتاح حاليا ومتحاولش تقوم باي مجهود يوم وري يوم بيعدي وادهم فعلا صحته بتتحسن وليلي مش بتفارقه ابدا ابدا والكل بيجي يزوره وهيا بتقابلهم وكأنها مسؤله عنه حتي ابوها لما بيجي بيبص لادهم بنظرات غضب وتحميل المسؤليه ادهم مش بيتكلم مع ليلي في اي شيئ مهم لحد ما استرد صحته وبقي يقدر يقف لوحده (تأليف shimaaelwady برعايه خطوات هادئه) ادهم: كفايه لحد كده انا عايز اخرج من هنا الدكتور: تخرج ازاي انت لسه تعبان؟ ادهم: لا مش لدرجه اني افضل في المستشفي ليلي: مستعجل ليه يا ادهم علي الخروج خليك ك.... قاطعها ادهم: لا مش هقدر اقعد اكتر من كده النهارده هخرج وده اخر كلام الدكتور: براحتك طالما علي مسؤليتك سابهم الدكتور وخرج ليلي: انت مستعجل ليه علي الخروج؟؟ ادهم: انتي عارفه اني بكره المستشفيات مش هقدر اقعد اكتر من كده ليلي: طيب وهتروح فين لما تخرج؟؟ ادهم: هسافر مصر ليلي: ايه؟؟؟ هتسافر وتسيبني ادهم: اسيبك؟؟؟؟؟ ده علي اساس ايه؟ هو انتي معايا علشان اسيبك؟؟؟ ليلي: انا مفارقتكش دقيقه من ساعت ما دخلت المستشفي ادهم: ده علشان بس احساس ابوكي يالجميل مش علشان تقبل علاقتنا ليلي: انا ما يفرقش معايا السبب انا يهمني اني معاك وبس الا اذا انت غيرت رايك وخلاص معدتش عايزني؟؟ ادهم :معدتش عايزك؟؟؟ في فرق يا ليلي بين الواقع وبين اللي انا عايزه ليلي: بابا مش هيرفض جوازنا دلوقتي ادهم: مش هيرفض لانه مجبر مش لانه موافق البلد كلها عرفت بعلاقتنا وده في حد ذاته هيجبر ابوكي يوافق ليلي: وده المفروض يبسطك مش يضايقك ادهم: يبسطني؟ ان ابوكي يوافق غصب عنه يبسطني؟؟ ليلي: اني هكون مراتك ده اللي يبسطك ادهم: مش بالطريقه دي ليلي: هيا دي الطريقه لو عايزني يبقي تقبلها مش عايزني يبقي لو سمحت بلاش تتلكك وقولها صريحه ادهم: اتلكك؟؟ انا بعشقك يا ليلي ليلي: يبقي توافق وتفضل معايا وتيجي تتطلبني من ابويا ادهم: وبعد ما اطلبك؟؟ ليلي قربت منه وحطت ايديها حوالين رقبته ليلي: تتجوزني ونعيش انا وانت مع بعض ومحدش يقدر يفرقنا تاني ادهم: وبعد ما نتجوز وتفوقي من الوهم ده وتلاقي نفسك متجوزه واحد.. قاطعته ليلي بانها حطت ايدها علي شفايفه ليلي: متكملش انا عارفه انا عايزه ايه وبحبك وعمري ما هبطل احبك ادهم: اتمني ده يا ليلي ليلي: بكره الايام تثبتلك خرج ادهم من المستشفي واتقابل مع ابو ليلي عم محمود: حمدالله على السلامه ادهم: الله يسلمك عم محمود: نويت علي ايه؟ ؟ ادهم: في ايه بالظبط؟ عم محمود: انت اكيد فاهم انا بتكلم عن ايه؟ ولا انت عايزني اترجاك ولا ايه بالظبط؟ ادهم: لا العفو يا عمي شوف حضرتك عايز تعمل ايه وانا تحت امرك عم محمود: اعتقد سبق وقلتلك ما تقوليش يا عمي صح ولا ايه؟ ادهم بصله باستغراب ووجع وسكت شويه ادهم: اسف نسيت طب اقول لحضرتك ايه؟ علشان ابقي فاهم بس؟ عم محمود: قولي....... قولي حج محمود ادهم: حاضر يا حج محمود المهم انا هسافر اكمل علاجي واول ما استرد صحتي هرجع ونتكلم في التفاصيل ساعتها عم محمود: ولو مرجعتش؟ ادهم: وايه اللي هيخليني مش ارجع؟ عم محمود: وانا اعرف منين ولا اعرفك انت منين؟ ايه اللي يضمنك؟ ادهم: حضرتك عايز ضمان ايه؟ عم محمود: تعمل خطوبه قبل ما تسافر وتلبس دبل وتعلن علاقتكم دي ادهم: وهو ده اللي هيضمنلك اني ارجع؟ عم محمود: ده اللي هيحفظ لبنتي كرامتها لو ما رجعتش تبقي انت ندل واتخليت عنها والكل ساعتها هيلومك انت ومش هيجيبو سيره ليلي ادهم: حاضر اللي يريحك هنفذه عم محمود: هاتلي بقي حد يضمنك ادهم: يعني ايه حد يضمني؟ عم محمود: حد كبير اقدر اتكلم معاه لو انت اختفيت او قليت مع بنتي حد كبير ادهم: ولو معنديش؟؟ عم محمود: هو انت بتستفزني ولا عايز توصل لايه؟ ادهم: لا ولا بستفزك ولا حاجه حاضر هجبلك حد كبير بكره ان شاءالله اخر النهار هنكون عندك بعد اذنك بقي دلوقتي مشي ادهم وهو. محتار وخايف واحساسيس كتير متلخبطه جواه كلم مديره وكلم ابوه اللي اتبناه صبري وطلب منهم يجو عنده وشرحلهم الموقف والاتنين رحبوا جدا بالفكره (تأليف shimaaelwady برعايه خطوات هادئه) وراحوله واتفاجأ ادهم ان ساره مرات صبري جايه مع جوزها دي عمرها ما تقبلته ازاي جايه وليه كمان؟؟ ابنهم جه معاهم لانه عمره ما اتاخر عن ادهم وراحو كلهم لبيت ليلي ادهم كان تعبان وبايت عليه التعب بس علشان خاطر ليلي مستعد لاي شيئ ادهم راح ومعاه مديره مدير المخابرات ومعاه صبري ابوه بالتبني ومعاه اخوه وساره اللي استغرب جدا من مجيها معاهم هيا جت معاهم لانها بدأت تحب ادهم وتستجدعه وفي نفس الوقت فضول انها تشوف شكل البنت ايه اللي وافقت عليه ولما شافت الاستغراب باين قوي عليه ساره: ايه مستغرب ليه هو انت مش زي مصطفي ابني ولا ايه؟ متستغربش انت تستاهل اكتر من كده ادهم رد بابتسامه عرفان بالجميل راحو كلهم عند ليلي واستقبلهم اهل ليلي اللي كانوا كلهم متجمعين طبعا الكل اتصاب بحاله من الذهول لما شافوا جمال ليلي وده ضايق ابوها لانه مستخسرها في ادهم وضايق ادهم لانه كان مستكترها علي نفسه ساره: ماشاءالله ده ايه الجمال ده؟ كل ده يطلع منك يا ادهم؟ (تأليف shimaaelwady برعايه خطوات هادئه) وبعد الترحاب والسلامات والتعارف بدأ الكلام الجد اول ما صبري اتكلم صبري: طبعا احنا جايين هنا علشان نطلب ايد بنتنا ليلي لابننا المقدم ادهم عم محمود: اهلا بيكم بس انا عندي كام شرط الاول صبري: كام شرط؟؟؟ هو الجواز فيه شروط؟؟ ادهم: بعد اذن حضرتك ( وبص لابو ليلي) اتفضل قول شروطك انا سامعك عم محمود: اولا تجيبلها بيت هنا صبري ومديره: ازاي يعني؟ هو شغله في القاهره وحياته كلها هناك ادهم قاطعهم: لو سمحتو سيبوه يكمل كلامه للاخر صبري: بس يا ادهم الكلام باين من اوله ادهم: معلش لو سمحت اسمع كلامه وشروطه للاخر،، اتفضل يا حج محمود كمل عم محمود: ثانيا هيدفعلها مقدم 100 الف وزيهم شبكه ( الكل بيسمع بذهول) ليلي قاطعت ابوها: بابا لو سمحت ايه اللي بتقوله ده؟ ماما قولي حاجه عم محمود: ده اللي عندي ام ليلي : ايه يا ابو ليلي اللي انت بتقوله ده من امتي احنا بنتكلم كده ولا بنهتم بالماديات كده؟ محمود: من ساعت ما هو دخل حياتها وقلبها فوقاني تحتاني وخلي بنتي معندهاش عقل نهائي ليلي: بابا لو سمحت... قاطعها ادهم ادهم: حضرتك خلصت كده ولا في حاجه تانيه؟ عم محمود: لا لسه فاضل اهم شرط ادهم: اللي هو؟؟ عم محمود: ليلي هتتجوز هنا وتقعد هنا في البيت اللي انت هتجيبه مش هتسافر معاك القاهره المدير: لا ده كده كتير قوي عايز ترفض ارفض لكن تحط شروط تعجيزيه بالشكل ده؟ انت واخد بالك ان المسافه بين القاهره وهنا اكتر من 6 ساعات المفروض يعمل ايه يعني؟ ادهم: في شروط تانيه؟ عم محمود: لا مفيش....... اه نسيت اقول مفيش مؤخر ساره: وليه بقي؟؟ مش حاطط عليه مؤخر مليون جنيه مثلا؟؟ ادهم: علشان يسيبلي الباب مفتوح سارة: باب ايه؟ ادهم: متشغليش بالك انتي عم محمود: دي شروطي مصطفي: دي مش شروط دي تطفيش ليلي: ادهم انت مش مجبر توافق علي الشروط دي ومتخافش من اي شيئ انا معاك ادهم ابتسم بمرار: طيب انا موافق علي شروطك دي بس موضوع انها ما تسافرش معايا ده صعب يعني ملوش حل بالنسبالي انا ما ينفعش اسيب شغلي او اغير مجالي والمسافه اكبر من اني اقدر اروح واجي؟؟؟ عم محمود: ده اللي عندي قولته لكن تعمل ايه بقي؟ دي عندك انت تسافر وتيجي كل يوم؟ تيجي يوم او يومين في الاسبوع؟ تسيب شغلك؟ دي بقي عندك انت المدير: يعني يسافر ويجي ازاي كل يوم؟ اليوم 24 ساعه منهم 12 يروحو طريق يشتغل امتي وينام امتي ويشوف مراته امته؟؟؟؟؟ عم محمود: مش مشكلتي؟؟ صبري: امال مشكله مين؟ قول كلام معقول علشان نقدر ننفذه عم محمود: اللي عندي قولته ساره: علي فكره دي حياه بنتك اللي انت بتلعب بيها دي هو انت لما تبعدها عن جوزها ده شيئ كويس ليلي: بابا ارجوك بلاش اخر شرط ده علشان خاطري ارجوك عم محمود: علشان خاطرك انا قاعد القعده دي لكن اكتر من كده اسف دي شروطي عاجبك علي كده عاجبك مش عاجبك حياتك وانت حر فيها لكن اللي عندي قولته ادهم كل ده ساكت وبيتفرج عليهم كلهم كان تعبان لدرجه انه حتي مش قادر يتكلم صبري: لا طبعا كلامك ما يعجبش حد وفرصه سعيده ان احنا اتعرفنا عليكم يالا يا ادهم ادهم هنا فاق من شروده واخيرا اتكلم (تأليف shimaaelwady برعايه خطوات هادئه) ونكمل بكره ياتري الجوازه هتم ولا؟ يا تري ادهم هيوافق علي الشروط التعجيزيه دي ولا ايه ؟ ابو ادهم خلاص كده وافق ولا؟ استنوني هتعرفو ShiMoOo | ||||
|
| |
|
28-07-16, 09:19 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه ال 15 حلقه امبارح عليها 374 لايك و 334 كومنت ومع اني قولت مش هنزلها غير لما الليكات يبقوا قد الكومنتات بس طبعا مقدرش ازعل اللي قدروني دول كلهم وعلشان خاطرهم بس هنزلها بس لو عدد الليكات قل النهارده عن 300 فمعلش هتقف لحد ما اخلص الامتحانات حلقه النهارده طوووووويله جدا فوروني بقي تقديركم هيكون ازاي؟ واياك الاقي حد بيقول قصيره بعدين صح انا مش عايزه حد يتحايل عليا علشان انزلها انا بتكلم مع اللي بيقري ويستخسر لايك حتي لكن حبايبي اللي بيتابعوني انا عارفاهم ومقدراهم كلهم ادهم فاق من شروده واخيرا اتكلم ادهم: مع احترامي لحضراتكم كلكم انا موافق علي كل شروطه الكل اتصدم بكلامه حتي ليلي اللي حست بوجعه وانه مجبر علشان خاطرها ساره: ولما انت مش هتسمع لكلام حد فينا جايبنا ليه؟ ادهم: مش حكايه مش هسمع.. الحكايه وما فيها ان حضرته مجبر يوافق علي الجوازه دي لاسباب كتير مش وقتها حاليا وهو اب بيحب بنته وخايف عليها وشايف ان انا مش جدير بيها ويمكن يكون عنده حق صبري: انت اي واحده بتفهم تتمناك ادهم: متشكر لحضرتك بس الكل بيحكم بالظاهر وانا وانت عارفين الظواهر بتودي لفين (بص لساره) حضرتك احتجتي لكام سنه علشان بس تتقبلي انك تتكلمي معايا علي الرغم اني كنت مجرد عيل مش ممكن يكون غلط في حياته فاكيد حضرتك لازم تتفهمي موفقه هو محتاج وقت يتعرف عليا اكتر ويتغلب علي الظاهر ويشوفني انا كإنسان وانا بديلوه الوقت ده ولو كل اللي مطلوب اني اسفر 12 ساعه في اليوم هسافرهم وهعمل اكتر من كده كمان هو محتاج يحس بامان ويطمن علي بنته وانا هعمل كل اللي اقدر عليه علشان احسسه ان بنته في امان معايا ليلي: ادهم... قاطعها ادهم: انا مكمل معاكي لحد ما انتي تكتفي مني ليلي: انا عمري ما حكتفي منك ادهم: يبقي انا هعمل اي شيئ علشان افضل معاكي قروا الفاتحه كلهم هنا خلص الاتفاق واتفقوا علي ان الفرح هيتحدد اول ما ادهم يلاقي بيت ويجهزه خلصت القعده والكل روح ليلي: انا مش هسامحك علي اللي انت بتعمله فيا ده عم محمود: مش عايز مسامحتك بكره هتشكريني وتضربي نفسك لما تفوقي من وهمك ده وتشوفي الامور علي حقيقتها ليلي: انت بكره اللي هتندم لما تشوف ادهم زي ما انا شايفاه سابته ومشيت وادهم سافر يكمل علاجه وساب لابو ليلي مهمه انه يلاقي بيت مناسب لبنته (تأليف shimaaelwady برعايه خطوات هادئه) اشتري ابو ليلي ارض في اخر البلد حواليها جنينه كبيره وبدأ يبني فيها ادهم كل اللي بيعمله انه بيبعتله الفلوس اللي بيطلبها.. عدي حوالي شهرين كان البيت اتبني بس لسه تشطيبه ادهم نزل البلد يشوف ليلي لانها وحشته جدا خبط علي باب بيتهم وفتحله باباها ادهم: السلام عليكم ازي حضرتك عم محمود: وعليكم السلام... جاي تشوف البيت يالا اوريهولك ادهم: لو مش يضايقك ياريت اشوف صاحبه البيت الاول؟؟ عم محمود: يضايقني وانت عارف كده كويس بس اعمل ايه ما باليد حيله!!!! ادهم: لو سمحت يا عم محمود اديني فرصه... قاطعه عم محمود: سبق وقولتلك ما تقوليش عمي ولا ايه؟ ادهم: بجد؟ ؟ حاضر مش هقولك عم محمود اتفضل نشوف البيت عم محمود: استني ثواني اغير هدومي قفل الباب وساب ادهم بره مستنيه ادهم وقف وسند علي الحيطه وحاسس انه بياخد خطوه غلط في حياته بس بيحبها يعمل ايه بقي؟ يستحمل ابوها شويه لحد ما يبقوا مع بعض وساعتها محدش هيقدر يفرق بينهم عم محمود لبس وخارج شافته ليلي ليلي: انت خارج يا بابا رايح فين؟ عم محمود: رايح بيتك ابتسمت ليلي: بيتي!!! بس النهارده مفيش عمال هتروح ليه؟ احنا مستنين ادهم يجي نحدد الالوان والحاجات دي ابوها مطنش ليلي: بابا هتروح ليه؟ عم محمود: هوري ادهم البيت ليلي: ادهم جه وطلعت تجري رجعت تاني: محدش في اوضه الانتريه هو اتصل بيك وقال جاي ولا ايه؟ هنا جت امها :مين ده اللي جاي؟ ليلي: بابا بيقول هيروح يوري البيت لادهم وانا بساله هو فين مش بيرد ام ليلي: ما ترد يا راجل علي البنت خطيبها فين؟ عم محمود: خطيبها؟ ام ليلي: ايوه خطيبها، مش خلاص قرينا فتحتهم ولا ايه تبقي خطيبته ليلي: بابا فين ادهم؟ عم محمود: بره في الشارع ليلي: انت سايبه بره بصتله بغيظ وجريت علي بره تشوف حبيبها اللي غايب بقاله اكتر من شهرين ام ليلي: بقي تسيب الراجل في الشارع يا اخي ده حتي كده عيب فين كرمك يا ابو ليلي انت من امتي كده؟ عم محمود: مش عايزه في بيتي انا حر ام ليلي: ايه؟ ده خطيب بنتك وبكره يبقي جوزها امال لما يتجوزوا هتعمل ايه هتقفل بابك في وش بنتك كمان؟؟ عم محمود: ومين قال انهم هيتجوزوا؟؟ ام ليلي: انت بتقول ايه؟ امال بتشتري ارض وبتبني بيت لمين هو لعب عيال ولا ايه؟ ولا هننصب علي الواد وبتاخد فلوسه ولا ايه؟ عم محمود: انتي اتجننتي يا وليه انتي ولا ايه؟ وانا من امتي بنصب علي حد هاه؟ ام ليلي: امال انت بتقول ايه؟ عم محمود: بقول يمكن بنتك تفوق من وهمها ده وترجع لعقلها ام ليلي: تفوق ايه؟ والله لو في حد محتاج يفوق يبقي انت يا ابو ليلي مش بنتك تفوق وتشوف الراجل في ادبه واخلاقه وحبه لبنتك وانه بيتمنالها بس الرضي عم محمود: يا شيخه اسكتي بس هو كان عمره يحلم بواحده زي بنتك تبصله ولا تعبره المهم هطلع اشوفهم بنتك بره لوحدها معاه ام ليلي: خطيبها هيا حره سابها وخرج ليلي خرجت تجري بره واول ما شافته واقف ساند ظهره علي الحيطه وباصص للارض وحاطط رجل علي رجل وهو واقف فكرت ليلي جواها قد ايه هيا بتعشقه وبتحبه وقد ايه واحشها لمحها ادهم ورفع راسه وبصلها وابتسم ابتسامه خفيفه جريت عليه ورمت نفسها في حضنه واتعلقت في رقبته ليلي: وحشتني وحشتني وحشتني ادهم شايلها لانها متعلقه في رقبته ادهم: وانتي كمان بس لاحظي ان احنا في الشارع واي حد ممكن يعدي وابوكي كمان ممكن يخرج ليلي وقفت علي رجليها وبعدت عنه خطوه وكشرت ليلي: ابوكي ابوكي الناس وبعدين لامتي؟ مش وحشاك ادهم: واحشاني طبعا وفوق ما تتخيلي اما لامتي فده لحد ما تبقى مراتي ولازم اعمل اعتبار للناس ولابوكي طالما حاجه غلط بتحصل ليلي: غلط؟ اني ارمي نفسي في حضنك ده غلط؟؟ ادهم: في الشارع اه،، لو ابوكي خرج مش هخلص منه وانتي عارفه انه بيتلكك اما الناس فطبعا هيتكلمو وانا مش هقبل حد يتكلم عليكي وعلشان كده مش عايز ادي فرصه للكلام فهمتي؟ ليلي: بحبك وبحب خوفك عليا ايوه بتخنق منه بس بحبه ابتسمت وقربت تاني ووقفت قصاده بصلها نظره طويله ادهم: انتي بتقيسي قوه تحملي يعني ولا ايه؟ ليلي: ازاي؟ ادهم: ماهو ما ينفعش تقفي قصادي وتبصيلي كده انا مش تمثال حضرتك ليلي: بجد هو انت ممكن تتحرك اصلا؟؟ انا حاسه اني مهما اعمل عمري ما هخترق جدارك ده اللي انت محاوط نفسك بيه ادهم: ليه بتقولي كده؟ ليلي انتي اخترقتي جداري ده من اول مره عيني جت في عينك الباقي كله بقي كان حلاوه روح قبل ما اسلم وارفع الرايه البيضا ليلي بابتسامه: هو انت استسلمت خلاص؟ ادهم: انتي مش واخده بالك يعني؟ ليلي انا تخطيت الحب من زمان وحاليا انا بعشقك مسك ادهم ايديها الاتنين واتقابلت العيون في حوار صامت للعشاق صمت ابلغ من اي كلام ممكن يتقال ليلي: اوعي تسيبني ابدا او تزهق من ابويا فاتسيبني ادهم: ما تخافيش لو سيبتك يا ليلي في يوم من الأيام فده هيكون بناء علي طلبك وبس وابوكي عمره ما هيقدر مهما يعمل يبعدني عنك متخافيش ليلي: وعد؟ ادهم: وعد هنا خرج ابوها عم محمود: لاحظو ان حضراتكم في الشارع ليلي: وده غلط مين؟ عم محمود بصلها بغيظ عم محمود: ادخلي جوه وانت يالا علشان تلحق تشوف البيت قبل ما الدنيا تليل ليلي: انا جايه معاكم عم محمود: تيجي تعملي ايه؟ ليلي: مش بيتي ده ولا ايه؟ وبعدين في حاجات عايزه اتفق معاه عليها.. يالا بينا راحو البيت اتفرجو عليه واتفقوا علي كل حاجه وخططوا لكل حاجه (تأليف shimaaelwady برعايه خطوات هادئه) ادهم محسش ابدا ان البيت ده بيته بس ليلي فرحانه بيه وده اللي يهمه بس محبش البيت ابدا واتخنق منه بدأت ليلي تفرجه علي البيت حته حته هو استمتع بكلامها وحماسها واحلامها الجميله وتخطيطها لكل حاجه وعجبه ذوقها في الالوان اللي بتقترحها اما ابوها فكان علي اخره منهم وحس انه لو فضل اكتر من كده معاهم يتفرج علي بنته وهيا طايره بيه كده ممكن يتشل او يجراله حاجه فقعد بره وسابهم مع بعض يخططوا لبيتهم ليلي: ايه ساكت ليه؟ في حاجه مش عجباك؟ ادهم: لا يا جميل بس بستمتع بحماسك وطريقه كلامك ليلي قربت منه بدلع ليلي: طريقه كلامي بس اللي عجباك؟؟ ادهم: حاليا اه ليلي ضربته علي صدره: رخم كشرت ولسه هتبعد راح شاددها عليه وحط ايديه حواليها ادهم: انتي عارفه ان كل همسه فيكي عجباني فبتسألي ليه؟ ليلي: بحب اسمعك... بحبك لما تتغزل فيا ادهم: اتغزل فيكي؟؟ امم وبتحبي ايه كمان؟ ليلي: بحبك انت اغنيهالك ادهم: غنيهالي ليلي: لعلمك انت بحبك انت.. واداري عنك لحد امتي... انت انت بحبك انت ( اغنيه قديمه لسميره سعيد) ادهم: سكتي ليه؟ ليلي: متبقاش طماع هو كده كفايه عايزه اسمعك انت بقي... بتوحشني كلك علي بعضك مش صوتك بس وبتتقل عليا وتطنشني ادهم: لا يا قلبي ولا تقل ولا تطنيش الحكايه وما فيها اني بحاول اقلل الاحتكاك بيني وبين ابوكي علي قد ما اقدر لكن بعد ما نتجوز ليلي: ايوه بعد ما نتجوز ايه بقي؟ ادهم: برضه هفضل اتجنب ابوكي زقته وراحت بعيد عنه ليلي: انت بجد بجد رخم... فصلتني يالا نروح ادهم ابتسم وقربلها ووقف وراها وضمها حط ايديه حواليها ودفن راسه في شعرها واخد نفس طويل ادهم: اه لو تعرفي انا بحبك قد ايه؟ ليلي: سندت عليه بجسمها وضمت ايديه بايديها ليلي: بتحبني قد ايه؟ ادهم لفها ليه ومسك وشها بايديه الاتنين واختلطت انفاسهم ببعض ادهم: بحبك لدرجه اني فقدت اي قدره او سيطره علي عقلي وبقيت ماشي وري قلبي وبس... بحبك لدرجه بتوجع قوي.... بحبك بطريقه محدش وصلها قبل كده... انتي عامله زي الهوا اللي بتنفسه ولو اتمنع عني دقايق روحي تنتهي.... بحبك لدرجه ان بعدك عني معناه نهايتي فهمتي... ياتري قدرت ولو شويه اوصلك جزء من احساسي ناحيتك ليلي مقدرتش تنطق او تتحرك او ترد باي كلمه ادهم: ليلي قولي اي حاجه... فاجئتك بحبي ليكي ولا ايه؟ قولي اي حاجه ليلي اخيرا صوتها طلع ليلي: معنديش غير رد واحد اتمني يكون رد يرضيك قربت منه قوي وحطت شفايفها علي شفايفه وغابوا الاتنين في دنيا تانيه محدش فيهم عرف هما فضلوا قد ايه كده ولا عدي وقت قد ايه فاقوا علي صوت ابوها بينادي عم محمود: ليلي.... انتو فين وبتعملوا ايه؟ الدنيا ليلت بعدوا عن بعض انفاسهم مقطوعه ومحدش فيهم قادر يرد او حتي عارف يسيطر علي اعصابه اخيرا ادهم طلع بره ادهم: نازلين حالا خرجت ليلي ومسكت ايده ونزلو الاتنين ايديهم مشبكه في بعض عم محمود: الدنيا ليلت ولا ايه؟ يالا نمشي ليلي: حاضر يالا... ادهم هتيجي معانا البيت نتعشي ونسهر مع بعض اوك؟؟ ادهم: لا معلش اعذريني ورايا كام حاجه كده لازم اعملهم الليله وقت تاني ليلي: كل حاجه تتأجل وتعالا النهارده معايا ادهم: لو ينفع مكنتش اتأخرت ليلي: ادهم بقي عم محمود: ما قالك مش فاضي بطلي لك بقي ادهم بص ليلي وكأنه بيقولها عرفتي ليه مش هينفع اجي قضي ادهم يومين في البلد رفض فيها اي عزومه اتوجهتله سواء من بيت ليلي او اي حد خرج هو و ليلي اتغدوا مع بعض بره بعد الحاح شديد من ليلي وامها علشان ابوها يوافق عدت الايام والبيت اخيرا بقي جاهز بس ناقص العفش ليلي اصرت انها تسافر بنفسها تجيب عفشها وطبعا ابوها وامها سافروا معاها وصلوا اخيرا القاهره والمفروض ادهم هيستناهم وصلو وادهم قابلهم ليلي كانت طايره بحبيبها اللي كان واحشها جدا وهو كالعاده كابت مشاعره اتقاءا لغضب ابوها اخد شنطهم وحطهم في العربيه ليلي: عربيه مين دي؟ كل مره بشوفك بعربيه شكل انت عندك كام عربيه بالظبط؟ ادهم: عربيه واحده بس هيا دي... التانين كانوا تبع الشغل لكن دي عربيتي ليلي: امممم ادهم: امممم ايه؟ وحشه ولا ايه؟ ليلي: لا طبعا حد يقول علي دي وحشه!!! بس لايقه عليك... جيب فور باي فور لايقين علي بعض ظابط طويل عر يض ليه هيبه كده وعربيه عاليه ضخمه الكل يوسعلها في الطريق لايقين علي بعض ادهم ابتسم ومامتها كمان لكن ابوها كان هيولع (تأليف shimaaelwady برعايه خطوات هادئه) عم محمود: هنركب في اليوم اللي مش باينله اخر ولا هنفضل كده كتير؟؟؟ ادهم: لا طبعا اتفضل حضرتك ادهم فتحله الباب اللي قدام بحيث يقعد جنبه عم محمود: لا خليها هيا تقعد جنبك لاحسن الضغط عالي عليا ادهم بابتسامه : براحتك ركب وري جنب مراته وليلي طبعا كانت طايره وفضلت طول الطريق رغي رغي رغي ادهم بيسمعها مبتسم زي سيمفونية جميله وصلهم ادهم لبيت عم ليلي اللي ساكن في القاهره واصر عمها انه لازم يدخل الاول فعلا دخل معاهم بس اتفاجئ ان شقه عم ليلي صغيره جدا واستغرب هما ازاي هيفضلوا عنده طلب من ابوها انه يتكلم معاه بره للحظه قبل ما يمشي فطلعوا بره وليلي خافت ان ابوها يزعل ادهم فخلت مامتها تتطلع معاهم ادهم: الشقه صغيره جدا فازاي هتقعدوا فيها كلكم؟؟ عم محمود: اعتقد ده شيئ ميخصكش ام ليلي: ميخصهوش ازاي يعني؟ مش خطيبته دي اللي خايف علي راحتها؟ عم محمود: خلاص يا ستي علشان راحه خطيبته وراحته اروح احجزلكم في فندق خمس نجوم ايه راي سيادتك؟؟ ادهم: لو سمحت شقتي موجوده وواسعه عم محمود: اممم قولتلي شقتك؟؟؟ وحضرتك عايزني اجيب خطيبتك تعيش معاك في شقتك صح؟ عايز الناس تاكل وشي صح؟ ادهم: لا طبعا مش قصدي كده اولا محدش يقدر يتكلم ثانيا حضرتك ووالدتها هتكونو موجودين وبعدين انا هسيب الشقه لحضراتكم الفتره دي مش قضيه يعني عم محمود: متشكر علي عرضك الكريم ده ادهم: انا مش بعزم انا بتكلم بمنطقيه وبعدين المفروض انكم هتشتروا جهاز ليلي تقدر تقولي الحاجات اللي هتشتروها هتحطوها فين؟ ام ليلي: والله يا ابني عندك حق عم محمود: قصدك ايه بقي؟ ام ليلي: قصدي ان شقه اخوك شايلاه بالعافيه هو ومراته وعياله واحنا تلاته وكمان هنشتري عفش البنت.. ادهم بيتكلم صح عم محمود: يعني انتي عايزه تروحي شقته؟ ام ليلي: ايوه طبعا نروح وبعدين كلها اسبوعين ويتجوزا بإذن الله عم محمود: خلاص انتو حرين ليلي طبعا كانت واقفه بتسمع واول ما سمعت موافقه ابوها فضلت تتنطط اخدهم ادهم وراح بيهم شقته المنطقه كانت في حي راقي جدا عجبهم كلهم العماره فخمه من بره دخلو وطلعوا الاسانسير ووقفوا قدام الشقه واول ما ادهم فتح الباب اتفاجؤا كلهم (تأليف shimaaelwady برعايه خطوات هادئه) ياتري ايه اللي فاجئهم؟؟ ايه اللي مستني ادهم وليلي؟ ونكمل بكره استنوني هيتم خلاص الفرح ولا؟ هتشتري ليلي عفشها بسهوله هيا وادهم ولا حد هيقف في وشهم؟ ShiMoOo — | ||||
|
| |
|
28-07-16, 09:20 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه ال 16 قبل الاخيرة اخدهم ادهم وراح بيهم شقته المنطقه كانت في حي راقي جدا عجبهم كلهم العماره فخمه من بره دخلو وطلعوا الاسانسير ووقفوا قدام الشقه واول ما ادهم فتح الباب اتفاجؤا كلهم اتفاجؤا لما لقوا الشقه فخمه جدا ليلي: واو دي شقتك يا ادهم؟ ادهم: عجبتك؟؟؟ ليلي: عجبتني!! انت بتهزر دي تحفه زي الشقق اللي بشوفها في التليفزيون وبس طبعا اتفرجت علي الشقه كلها واكتر حاجه عجبتها اوضه النوم الرئيسيه بحمامها الخاص والجاكوزي فيه والمطبخ لانه كان امريكان مفتوح علي الصاله وعجبها البار اللي فيه ادهم: كان نفسي تعيشي معايا هنا... عم محمود: متنساش اتفاقنا ادهم: مش ناسيه عم محمود: ما انت مليونير اهوه علشان كده مفرقش معاك المهر والشبكه ادهم: ولا مليونير ولا حاجه عم محمود: عربيه موديل السنه وشقه في منطقه راقيه جدا وعفش بالمنظر ده والبيت اللي بتبنيه وتقولي مش مليونير ادهم: ايوه مش مليونير بس مش معدم اولا الشقه اخدتها من اكتر من 8 سنين كانت الاسعار غير دلوقتي وبعدين انا راتبي عالي وكل مهمه بطلعها ليها حساب خاص وكل اصابه عليها تعويض والاهم ان انا مش من النوع اللي بصرف او ليا اهتمامات ماديه والسنه اللي فات جددت الشقه والعفش وساعدتني ساره في الموضوع ده واشتريت العربيه لان الفلوس موجوده وملهاش لازمه... اما البيت والمهر والشبكه والفرش فاعتقد ان بعد الفرح هبقي جبت اخري خلاص عم محمود: هتفلس يعني ولا ايه؟ ادهم: مش هفلس بس لان شغلي موجود بس قصدي علي الحساب في البنك ليلي: طب احنا ممكن نشتري المهم بس ونوفر ادهم: لا يا حبيبتي مش قصدي كده اشتري كل اللي نفسك فيه الفلوس رايحه وجايه ما تقلقيش انتي المهم اتفضلو في كذا اوضه نوم اللي تعجبكو اتفضلو فيها ليلي: انا هاخد الاوضه دي تعال معايا شدته من دراعه توريه الاوضه اللي عجبتها ادهم: دي اكتر اوضه عجبتك؟ ليلي: اههه... اينعم عايزه اغير الوانها الغامقة دي بس هيا اكتر حاجه عجباني ادهم: دي اوضتي ليلي: اوضتك! طب خلاص اسيبهالك ادهم: لا يا قمر هو انا اطول انك تنامي في اوضتي وبعدين اصلا انا هسيب الشقه كلها فنامي انتي هنا ليلي: ليه؟ خليك معانا ادهم: بجد اخليني؟؟ انتي عايزاني انا وابوكي في بيت واحد؟؟ عم محمود: ابوها هياكلك يعني ولا ايه؟ اتفاجؤا الاتنين بيه ادهم: لا طبعا مش القضيه بس حضرتك اللي اعترضت علي وجودي انا وليلي في بيت واحد ام ليلي: لا يا حبيبي سيبك من الكلام ده انت متخرجش من بيتك خليك معانا ادهم: لا معلش عم محمود: اترجوه شويه وهو يوافق ادهم: انا مش عايز حد يترجاني.. بس مش عايز مشاكل مش اكتر عم محمود: وانا بقي بسبب لسيادتك مشاكل صح؟ ادهم: انا مش عارف اقول لحضرتك ايه؟ ام ليلي: متقولش حاجه ومتخرجش من بيتك واللي ليه عندنا حاجه يجي ياخدها ليلي: ايوه يا ادهم خليك وبعدين محسسني انك قاعد طول النهار في البيت؟؟ ادهم: خلاص براحتكم المهم هسيبكم ترتاحو وانا هرجع شغلي عم محمود: استني قبل ما تنزل اللي عايز يشرب شاي هنا يلاقي ولا ينزل يشتري؟؟ ادهم: المطبخ فيه كل حاجه.. تعالي يا ليلي اوريكي مكان كل حاجه ليلي بابتسامه: يالا بينا اخدها المطبخ وعرفها علي اماكن الحاجات الأساسية (تأليف shimaaelwady برعايه خطوات هادئه) ادهم: مالك بتبصيلي كده ليه؟ ليلي: عاجبني المطبخ واستيله ذوقك ولا ذوقك مامتك ادهم: مامتي؟؟! ليلي: قصدي ساره مش تعتبر مامتك ولا ايه؟ ادهم: لا ما تعتبرش المهم اغلب عفش الشقه ذوقي هيا ساعدتني في شرا الحاجه مش اكتر وشويه ديكورات كده ادي الشاي والسكر والغلايه والميه ايه تاني؟ ليلي: نسكافيه اهم حاجه النسكافيه ادهم: اشمعني؟؟ ليلي: انا مدمنه نسكافيه ادهم: امم قولتيلي وايه كمان؟؟ ليلي: اممم الشيكولاته بعشقها يعني بص في اي وقت عايز تصالحني تطلب حاجه ارشيني علي طول بشكولاته كادبوري هتلاقيني بقولك شبيك لبيك ادهم: طيب كويس انك قولتيلي... ادي يا ستي النسكافيه اهوه ليلي: عندك لبن بقي؟ ادهم: ايه محل البقاله اللي انا واقف فيه ده؟ لا يا ستي معنديش لبن اتفطمت من بدري ليلي: خفه انا بشرب النسكاف باللبن ادهم: النسكاف؟؟؟ حاضر اجيبلك لبن حاجه تانيه عايزاها ليلي: لا يا حبيبي سلامتك قربت ليلي عليه وهو مسك ايديها ادهم: وحشتيني ليلي: يااااااااه اخيرا افتكرت ادهم: مش انتي اللي دخلتينا محل البقاله اعملك ايه يعني؟ ليلي: طب خلاص خرجنا من محل البقاله خلينا في المهم... انت كمان وحشتني قوي شدها عليه ويدوب هيضمها عم محمود: فين الشاي؟ ادهم: جاهز ثواني ليلي حطت الشاي لابوها وادهم بصلها وهز اكتافه وكأنه بيقولها مش بايدي وراح على شغله ابوي ليلي رفض ان ليلي تنام في اوضه ادهم نهائي ادهم كان بيقضي النهار كله في شغله ويرجع اخر الليل وينزل بدري جدا ليلي وابوها وامها بيشتروا جهازها وادهم بينزل معاهم في الحاجات المطلوب منه وجوده فيها عم محمود لاحظ ان ادهم ليه هيبه بين الناس وانه محترم جدا من اللي حواليه ادهم اي شيئ بيعجب ليلي بيشتريه حتي لو غالي وفي الاجهزه اللي كان بيجيبها عم محمود: انت مش ملاحظ انك بتشتري بزياده ادهم: ايه اللي بشتريه بزياده؟ عم محمود: الشاشات دي ما كفايه واحده كفايه الكبيره دي ادهم: واحده في الصاله والتانيه لاوضه النوم عم محمود: والتكيفات؟ ادهم: الجو في الصيف حر جدا في بلدكم وبعدين كل الاجهزه دي لراحه ليلي ولا ايه؟ عم محمود: براحتك انت حر (تأليف shimaaelwady برعايه خطوات هادئه) خلصوا شري العفش وكل حاجه تقريبا وفي يوم بالليل الكل نايم ليلي صحيت وطلعت تشرب قابلت ادهم يدوب راجع ليلي بصوت نعسان: اخيرا جيت؟؟؟ راحت ناحيته واستكانت في حضنه نايمه علي نفسها خالص ادهم: انتي هتنامي ولا ايه؟ ليلي: انا نايمه اصلا ادهم: طيب ادخلي كملي نومك ليلي: لا عايزه افضل معاك شويه... تعال نقعد شويه في البلكونه ادهم: ولو ابوكي صحي؟ ليلي: سيبك من ابويا بقي كلها بكره وهسافر ادهم: تعالي طلعوا البلكونه وفضلو يتكلمو ويتكلمو في اي حاجه وفي كل حاجه وسكتو الاتنين مره واحده وبصوا لبعض واتقابلت العيون المشتاقه في نظره طويله وغابوا الاتنين مع بعض في لحظات لاتنسي ليلي همست لادهم: بحبك قوي ومحتاجالك قوي جنبي وانت علي طول بعيد ادهم: انا مش بعيد ابدا بس مش عارف قرب حاسس اني متكتف ومتراقب في كل حركة ابوكي واقفلي ومستنيلي اي غلطه ليلي: هانت خلاص ادهم: بجد هانت؟؟؟ ليلي: اكيد بعد ما نتجوز محدش هيدخل بينا تاني ادهم: والشرط اللي ابوكي حاطه انك ما تسافريش معايا هنتصرف فيه ازاي؟ ليلي: هنطنشه ومش هيمنعني ساعتها اجي معاك وبعدين مالوش حكم عليا بعد ما اتجوزك ادهم: اتمني ده يحصل لاني مش عارف اصلا ساعتها هعمل ايه وهبعد عنك ازاي؟ ليلي: متبعدش خليك جنبي ديما ادهم: ولما تزهقي؟ ليلي: عمرك سمعت عن حد زهق من روحه؟؟ ادهم: وانا روحك؟؟- ليلي: عندك شك في ده؟ انت روحي وقلبي وحياتي كلها.. انت اهم حاجه في حياتي فاهم؟ انا من غيرك ولا حاجه وبيك انت كل حاجه ضمها ادهم لصدره قعدوا جنب بعض وادهم قلع جاكته ولبسهولها وفضلو لحد الصبح مع بعض ونامو كده اتفاجئ ادهم بايد علي كتفه بتصحيه (تأليف shimaaelwady برعايه خطوات هادئه) اصحوا اصحوا انتو الاتنين يالا صحي ادهم وبص لقاها ام ليلي ام ليلي: اصحوا بقي قبل ما ابوها يطلع ويعمل مشكله ادهم: صحيت خلاص اهوه ام ليلي: صحي البت دي ادهم: ليلي ليلي اصحي بقي ام ليلي: يا بنتي اصحي بقي ابوكي جاي ليلي: يوه بقي سيبوني انام... اه رقبتي ام ليلي: بقولك ايه؟ شيلها دخلها اوضتها بسرعه وانا هدخل لابوها لحد ما تدخلها ماشي (تأليف shimaaelwady برعايه خطوات هادئه) بصلها ادهم باستغراب ام ليلي: انت لسه هتبصلي اتحرك ولا مش تقدر تشيلها؟ ابتسمتله وهيا داخله ام ليلي: متطولش عندها واخرج علي طول جاوبها بابتسامه وفعلا شالها ودخلها علي سريرها غطاها ويدوب هيمشي اتشعبطت في رقبته ليلي: خليك جنبي ادهم: انتي مصره تودينا في داهيه صح؟ ليلي: انت رخم ادهم: رخم اه بس عايز اتجوز مش عايز مشاكل قبل الفرح سيبي رقبتي بقي ليلي: طب بوسني وانا اسيبك ادهم: أ..... ابوسك باسها ادهم علي خدها بوسه خطف كده ليلي: بجد!!! ده بجد ولا بتهزر؟؟ ادهم: بهزر اوعي بقي ليلي: طب اطلع بره انا غلطانالك اصلا... انا غلطانه اني احب واحد زيك ادهم وقف بسرعه: قصدك ايه بواحد زي؟؟ ليلي استوعبت كلامها وان ادهم حساس جدا ليلي: مش قصدي اللي في بالك ده انا بهزر علي فكره مش قصدي حاجه يا ادهم ادهم: ما علينا انا نازل شغلي ليلي جريت ومسكته من ايده: مش قصدي حاجه انا بحبك وانت عارف ده كويس انا بس اتضايقت انك عامل حساب قوي لبابا وخايف منه كده ادهم: خايف منه؟؟ مين قالك اني خايف منه؟ انا مبخفش من اي حد علي وجه الارض نهائي فاهمه؟ مبخافش.... لكن في فرق اني اخاف منه او اخاف علي حاجه بين ايديا حلم جميل او وهم خايف اصحي منه علي كابوس حياتي انتي يا ليلي في ايد ابوكي لسه مش في ايدي وده اللي مخلينا عامله حساب مش اكتر خايف علي زعله علشانك مش عايزك تزعلي منه او يزعل منك بسببي... مش عايز ابدا في يوم من الايام تختلفوا بسببي فاهمه؟ انا اتحرمت من العيله وده احساس ما اتمنهوش لعدوي فما بالك بحبيبتي فهمتي بقي انا خايف من ايه؟ خايف انك تضيعي مني مش اكتر ليلي: انا مش هضيع منك ابدا محدش يقدر يبعدني عنك ولو هختار قاطعها ادهم: ولو في يوم اتحطيت في موقف انك تختاري بيني وبين عيلتك هنسحب من حياتك وهختار انا نيابه عنك العيله ليلي: ادهم ارجوك ادهم: ارجوكي انتي افهميني وقدري موقفي انا اتاخرت علي شغلي بعد اذنك مسكته: طيب علشان خاطري متمشيش زعلان ادهم: انا مش زعلان يا ليلي ومش هزعل منك بس بجد انا اتاخرت خرج ادهم وما اخدش باله ان ابوها سمع الحوار ده كله بينهم عدت الايام واخيرا جه اليوم الموعود ونكمل بكره استنوني في الحلقه الاخيره توقعاتكم بقي ابدعوا وقولولي متوقعين النهايه ايه؟ اوعدكم اني زي ما عودتكم هخالف كل التوقعات ولو حد اتوقع صح ليه مفاجأة عندي انطلقوا كل سنه وانتو طيبين ShiMoOo | ||||
|
| |
|
28-07-16, 09:27 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة ال 17 والاخيره اخيرا جه يوم الفرح كل حاجه جاهزه ومظبوطه كل شيء في مكانه الناس ما بين فرحان ومستخسر ومستغرب ليلي طايره من الفرحة هيا وامها واخوتها ابوها مش عارف يعمل ايه مش عارف ولا قادر يتقبل ادهم وحاسس انه بيتخلي عن بنته وحاسس انه شايفها قدامه بنت خمس سنين بفيونكات وبياخدها بيسلمها لوحش مخيف ضخم... كابوس بيطبق علي صدره كل يوم بيسلم بنته لوحش خوف مبهم ماليه مش عارف يتخلص منه ادهم مرعوب احاسيس كتيره متلخبطه جواه مش عارف ان كانت الخطوه دي صح ولا غلط اه هو بيحب ليلي جدا بس كلمه ابوه عماله ترن في عقله "" انت عمر ما حد هيحبك ابدا وهتفضل مشوه من جواك ومن براك """ كان نفسه اي حد يكون جنبه حد يمسك ايده ويطمنه ويقوله كل حاجه هتبقي كويسه بس هو لوحده زي ما طول عمره لوحده اتصل علي تليفون امه يسمع صوتها امه: الو مين معايا ادهم: انا امه: ________ ادهم: ارجوكي انا محتاجك النهارده قوي امه :_______ ادهم: النهارده فرحي علي اجمل بنت في الكون ده كله..... مش عارف ان كان جوازي منها صح ولا غلط؟؟؟؟ مش عارف اتصرف ازاي؟ خايف اكون اناني وادخلها في وحدتي وبدال ما هيا تخرجني من عذابي ادخلها انا في عذاب ما تعرفش تخرج منه ارجوكي ردي عليا قوليلي اي كلمه قولي اي حاجه كوني لمره واحده امي ارجوكي دمعه متمرده نزلت من عينه غصب عنه كان عندي امل انك تردي النهارده عليا مش عارف ليه بس تخيلت انك......... دي كانت اخر مره اكلمك فيها اوعدك انك مش هتسمعي صوتي تاني ابدا اوعدك قفل السكه وغمض عنيه وقرر انه يمشي الطريق لاخره وزي ما يحصل يحصل لانه مهما يحصل عمره ما هيكون اسوأ من اللي عدي بيه قبل كده اتكتب الكتاب خلاص وبعد كتب الكتاب ادهم اتفاجئ بعم ليلي جايله عم ليلي: مبروك وربنا يتملكم علي خير ادهم: الله يبارك فيك عم ليلي: انا عندي طلب خاص منك ادهم: اتفضل عم ليلي: حمدي ابني ارجوك ادهم: حمدي؟؟؟ حضرتك عارف ان حمدي هربان من ساعه الحادثه عم ليلي: ايوه عارف ادهم: امال حضرتك عايز ايه؟؟ مش فاهم عم ليلي: انت اللي كنت ماسك القضيه وفي ايدك كل حاجه ادهم: مش فاهم برضه حضرتك قصدك ايه؟ عم محمود: انت هنا واحنا بندور عليك هتتاخر ادهم: لحظه بس عم محمود: لحظه ايه؟ في ايه هنا؟ ادهم: كنا بنتكلم عن حمدي ولسه عايز افهم ايه المطلوب مني؟؟ عم محمود لاخوه: وهو ده وقت الكلام عن حمدي برضه؟؟؟ عم ليلي: ايوه وقته ماهو لو كان ابنك؟؟ عم محمود: وهو مكانش ابني واكتر وكنت هجوزه بنتي عم ليلي: ومجوزتوش ليه بنتك هاه؟ لو كنت جوزتهاله مكنش حاجه حصلت لكن فضلت رابطه جنبك ادهم واقف بينهم ساكت وباصص للارض عم محمود: انا مربطوش جنبي انا كلامي كان واضح قولتله لما تخلص كليتها وهيا تقرر بنفسها ما وعدتوش ابدا ادهم: اعتقد فعلا ان ده مش وقته عم ليلي: انت اخدت منه ليلي متاخدش حريته كمان ادهم: انا ما اخدتش ليلي منه لانها مكانتش معاه اصلا وحريته مش انا برضه اللي باخدها هو اختار طريقه بنفسه عم ليلي: ليلي كانت ليه من وهما عيال صغيره اما طريقه هو اختاره غلط ادهم: حضرتك عايز ايه مني بالظبط؟ ؟ عم ليلي: ميكونش ليه علاقه بالقضيه ادهم: وحضرتك رايك ايه؟؟ عم محمود: ده ابن اخويا عايز يكون رايي ايه عيل وغلط ادهم: وحضراتكم متخيلين اني لو شيلته من القضيه هيرجع البلد ويعيش عادي فيها عم ليلي: مش هيرجع البلد هخليه يسافر اي مكان بره مصر بس ميبقاش مطارد من القانون ادهم بيبص لحماه عم محمود: متبصليش انا قلتلك انه ابن اخويا لو تقدر تعمل حاجه اعملها وسيبه لضميره ادهم: حاضر هعمل اللي اقدر عليه مشيوا وراحو لليلي واول ما ادهم شافها اتصدم من جمالها وسال نفسه سؤال قديم ينفع مسخ مع ملاك بالشكل ده؟ ؟ راحو القاعة وادهم ساكت تماما مش بينطق ليلي: ادهم حبيبي مالك ساكت كده ليه؟ ادهم: ماليش متشغليش بالك ليلي: طيب في ايه؟ مش عجباك ولا ايه؟ ادهم: مش عجباني؟؟؟؟ مش هرد عليكي اصلا (تأليف shimaaelwady برعايه خطوات هادئه) قامو رقصوا سلو مع بعض علي اغنيه برتاح لرامي صبري برتاح وبطمن وانا فحضنك اخاف من ايه لقيت فيك اللي كان نفسى حبيبي في ليلة اني الاقيه ونسيت حياتي ودنيتى قبلك مبحسبهاش عشان الدنيا من غيرك في عيني حقيقي ولا تتعاش وياك لقيت للدنيا معنى جديد وحبك كل ليلة يزيد وجنبك كل يوم يوم عيد وياك بتضحكلي الحياة وياك صالحت الدنيا بيك ومعاك ومن قلبي بقول بهواك برتاح وبطمن وانا فحضنك اخاف من ايه لقيت فيك اللي كان نفسى حبيبي في ليلة اني الاقيه ونسيت حياتي ودنيتى قبلك مبحسبهاش عشان الدنيا من غيرك في عيني حقيقي ولا تتعاش وياك لقيت للدنيا معنى جديد وحبك كل ليلة يزيد وجنبك كل يوم يوم عيد وياك بتضحكلي الحياة وياك صالحت الدنيا بيك ومعاك ومن قلبي بقول بهواك طلبوا من ادهم يهدي اغنيه لليلي اهدالها اغنيه سامو زين مش قادر ابعد عنك مش قادر ابعد عنك تاني حبيبي اه يا حبيبي لو حتى ثواني عايش فيك وانتا بعيد عني حقيقي ايوة حقيقي وعينيك واحشاني يا حبيبي انتا اللي ليا من كل الدنيا ديه يا حبيب قلبي وعينيا انا كلي فيك برتاح وانتا في حضني قرب مني وخدني دي عينيك دايما تقلي انا كلي ليك دايما حوليا وجوا عينيا حبيبي ايوة حبيبي دايما على بالي ساكن احلامي وكل كلامي حقيقي ايوة حقيقي صورتك قدامي ..... وليلي هديته اغنيه اليسا علي بالي حبيبي ع بالي حبيبي ع بالي حبيبي على بالي حبيبي اغمرك ما تركك اسرق ما ارجعك احبسك ما طلعك من قلبي ولا يوم اخطفلك نظرات ضحكاتك حركاتك علقهم بغرفتي نيمهم على فرشتي احلمهم بغفوتي تا يحلي بعيني النوم ع بالي حبيبي ليله البسلك الابيض وصير ملكك والدنيا تشهد وجيب منك انت طفلك انت مثلك انت ع بالي حبيبي عيش حتى عمر او اكتر وحبي يكبر كل ما نكبر وشــيب لمى تشيب عمري يغيب لمى تغيب ع بالي حبيبي ع بالي تكملني واسمك تحملني بقلبك تخبيني من الدنيا تحميني وتمحي من سنيني كل لحظه عشتها بلاك ع بالي تجرحني لحتى تصالحني بلمسه حنونه بغمره مجنونه وما غمض عيوني الا انا وياك ع بالي حبيبي ليليه البسلك الابيض وصير ملكك والدنيا تشهد وجيب منك انت طفلك انت مثلك انت ع بالي حبيبي عيش حتى عمر او اكتر وحبي يكبر كل ما نكبر وشــيب لمى تشيب عمري يغيب لمى تغيب ع بالي حبيبي وطول الفرح ليلي بترقص وبتتنطط مع صاحبتها وادهم بيراقب كل الوشوش حواليه وبيقري شفايفهم ( هو كظابط اتعلم يقري حركه الشفايف) ويراقب ابو ليلي وكل واحد بيباركله بيرميه بكلمه بيراقب اصحابه مستغربين من ليلي بيراقب صبري وساره ومصطفي مين دول اصلا؟؟ دول مجرد ناس صعب عليهم دول مش اهله بيراقب ويراقب ويراقب بيراقب ليلي من بعيد ورده جميله وتخيل نفسه بيرقص معاها تخيل نفسه راجل طبيعي وسيم عيلته حواليه شاف امه وابوه واخته واخوه حواليه بيرقصوا معاه شاف اصحاب كتير حواليه شاف ناس بتحسده علي ليلي بس فاق لقي نفسه لوحده بعيد حس انه وحيد وحيد جدا حس انه غلط اكبر غلطه حس انه غريب عن كل اللي حواليه ده وسال نفسه هو بيعمل ايه هنا؟؟ ؟ ادهم ادهم ادهم ادهم: هاه ليلي: انت فين؟ اللي واخد عقلك تعال يالا ادهم: ليلي كفايه ارجوكي كفايه كده يالا بينا ليلي: لا يا ادهم لسه بدري خلينا ادهم: ارجوكي حسي بيا، انتي عملتي الفرح اهوه اللي كان نفسك فيه كفايه بقي يالا ليلي: اللي كان نفسي فيه؟؟؟ وانت مكنتش عايز فرح ادهم: فرح؟؟؟ علشان الناس تتفرج عليا؟؟؟ ارجوكي كفايه كده يالا ليلي: ادهم في ايه مالك؟ ؟ ادهم: مالي؟؟؟ انتي بجد مش عارفه مالي؟؟ ليلي: ادهم في ايه؟ ؟ ادهم: في ايه؟ ؟ تحبي اقولك كل واحد بيقول ايه؟ بصي يا ستي الراجل اللي هناك ده بيقول ازاي القمر ده تتجوز ده الستات اللي هناك دول كل واحده بتتصعب عليكي وعلي بختك المايل البنات اللي هناك فرحانين علشان طول عمرك حاطه راسك في السما ومش عاجبك حد وبيقولو صومتي صومتي وفطرتي علي ده اما بقي كل واحد بيبارك لابوكي بيواسيه علي حظ بنته تحبي اقولك زياده ولا كفايه ليلي قربت منه ومسكت وشه بايديها ليلي: انت شاغل بالك بكل الناس دي ليه؟ هاه بصلي انا وبس.... انا بقيت مراتك ومحدش من كل دول يقدر يبعدنا عن بعض ابدا... بحبك انت وبس بحب كل مافيك ( حظت ايدها علي جرح وشه) حتي ده بحبه فيك... انا ما يهمنيش كل الناس دي واصريت اني اعمل فرح علشان تعيشه معايا وما تحسش ابدا انك اقل من اي حد لو اعرف انك هتقعد تراقب الناس كده مكنتش عملته... ادهم انا بحبك انت وبس بحبك زي ما انت كده اوعي تعمل لاي حد اعتبار اوعي تسمح لحد يدخل بينا ادهم: طيب ارجوكي كفايه كده ليلي: كفايه يالا بينا علي بيتنا روحو بيتهم ومعاهم الناس بيزفوهم مامت ليلي وابوها دخلوا معاها البيت ليلي ومامتها دخلو اوضه النوم اللي اتفاجؤا ان ادهم فارشها كلها ورد مامت ليلي: يا بختك بيه ربنا يسعدك... حافظي عليه يا ليلي ده هيحطك جوه عنيه ليلي: عارفه... انا كمان بحبه قوي (تأليف shimaaelwady برعايه خطوات هادئه) بره بقي كان ابو ليلي مع ادهم كانت دماغه بتسترجع الحوار اللي سمعه بين ادهم وليلي وبيفكر ازاي يستغل اللي سمعه ده لصالحه عم محمود: اعتقد كده انتصرت ادهم: انتصرت؟؟؟ انتصرت في ايه بالظبط؟ ؟ عم محمود: اخدت بنتي مني؟؟؟ ادهم: بس انا مش عايز اخد بنتك منك انا بحبها وبس وكل اللي نفسي فيه انك تسمحلي قاطعه: اسمحلك ايه؟ ؟ انك تدخل عيلتي وبيتي وتبقي زي عيل من عيالي صح؟؟ ادهم قلبه بيوجعه: وليه لأ؟ عم محمود: مش عايز يا اخي هو بالعافيه ارجوك ارجوك رجعلي بنتي ارجوك ادهم: انت بتترجي ايه بالظبط؟ ؟ عم محمود: انت اثبت انها بتحبك انت اكتر مني ادهم: انا مش عايز اثبت حاجه انا عايز اعيش معاها وبس عم محمود: بكره بعد ما اللمعه تروح واللهفه تروح وتروح الغشاوه اللي علي عنيها وتشوفك زي ما الكل بيشوفك هتعمل ايه؟ ؟ ادهم: مش عايز افكر في بكره عم محمود: طبعا مش عايز تفكر فيه لانك اناني مصدقت لقيتها ومسكت فيها ومبتفكرش غير في نفسك وبس ادهم: لا ده مش صح عم محمود: لا صح لو كنت بتحبها كنت بعدت عنها كنت فكرت في بكره اول ما ليلي تفوق هتبعد عنك وهتتحسب عليها جوازه وبس ومش بعيد الناس يقولو غلطت معاه علشان كده اتجوزته انت مش هتخسر حاجه لكن هيا هتخسر كتير هتخسر حياتها سعادتها عيلتها ده اللي انت عايزه صح انها تبقي زيك؟؟؟ ادهم: لأ لا انا عمري ما فكرت كده ابدا عم محمود: امال فكرت في ايه؟ الحياه هتبقي وردي وهيا هتفضل عاميه وانا افتحلك بابي؟؟؟ ادهم بص للارض لان ده تفكيره انه هيبقي هو وليلي عيله صغيره وممكن تكبر وتعوضه عم محمود: لا فوق من اوهامك دي.... ليلي لو استمرت معاك هطردها من بيتي وهقفل بابي في وشها هتبري منها ادهم: لأ انت بتحبها عم محمود: وهيا فضلتك عليا وعندها استعداد تخسرني علشانك يبقي هبقي عليها ليه علشان كده بترجاك ترجعلي بنتي وبعدين اهوه انا واخويا بنتخانق مع بعض بسببك ومن يوم ما ليلي اتخطبتلك مدخلش بيتي العيله هتتفرق بسببك ادهم: لا مش بسببي انا مليش علاقه باللي حصل عم محمود: ليلي كانت موافقه علي حمدي ومرفضتوش غير بعد ظهورك انت في حياتها يبقي ده تسميه ايه؟ ودلوقتي بقي ليلي كمان هتخرج بره العيله يا ترجعهالي يا تاخدها الليله وتمشي من البلد دي ومترجعوش تاني ابدا وانا هنسي اني خلفتها في يوم من الايام ادهم: لا كله الا ده اوعي تطردها عم محمود: انا مش عايزك في حياتها يبقي تختار يا ترجعهالي يا تاخدها وتمشي؟؟؟؟؟ ادهم سكت اخيرا فاق من الحلم كان عارف انه هيفوق بس هو ملحقش يعيش الحلم اصلا عم محمود: قولت ايه؟ ؟ ؟ ادهم: عايزني اعمل ايه؟ ؟ اطلقها دلوقتي وتاخدها معاك؟؟؟ عم محمود: لا طبعا انت عايز تفضحني ولا ايه؟ ادهم: امال عايز ايه؟؟ عم محمود: يومين كده وتسافر بحجه شغلك وشهرين ولا حاجه وتبعتلها ورقتها وهيا مش هتعرف توصلك وشويه وهتنساك مهرك وشبكتك هرجعهملك والبيت ده هعوضك عن تمنه علشان متبقاش خسرت حاجه ادهم : هههههه شبكتي ومهري؟؟؟ هو ده اللي انا هخسره انت بتحكم عليا ارجع السجن تاني اكمل فيه حياتي وتقولي شبكتي ومهري شبكتي ومهري دول بتوع ليلي اعتبره تعويض عن الجوازه اللي اتحسبت علي بنتك مش عايز حاجه.... عم محمود: انا اسف بس مش قادر... شوف واحده غير ليلي... دي بنتي.... شوف واحده زيك وعيش معاها بس بلاش بنتي انا اسف بس اتمنالك ان ربنا يعوضك طلعت مامت ليلي ام ليلي: يالا يا ابو ليلي خلينا نسيب العرسان وحدهم عم محمود: يالا بينا ام ليلي: خلي بالك من ليلي يا ادهم ابتسم ادهم ليها مشيوا وهو فضل مكانه مش عارف يتحرك وليلي مستنياه يطلع عندها ولما انتظارها طال نزلت عنده كانت قلعت فستانها ولابسه روب ابيض طويل لقته قاعد في الظلمه ليلي: حبيبي مالك؟؟؟ استنيتك كتير مش هتبطل التقل ده بقي ولا ايه؟ ؟ ادهم: ______ ليلي: انت عايزني انا اترجاك ولا ايه؟ تعالي فوق بقي يالا بتشده من ايده بس هو فضل قاعد مكانه ليلي: ادهم في ايه؟ مالك؟ ادهم: _______ ليلي: حبيبي في ايه؟ ؟ ادهم: في اني زهقت!!! زهقت من كل حاجه!!! زهقت منك ومن ابوكي ومن كل حد فاكر نفسه احسن مني ليلي: ادهم في ايه مالك؟ ؟ ادهم: جوازي منك كان اكبر غلطه في حياتي انتي فاهمه؟ ؟ جوازي منك غلط ليلي :: انت بتقول كده ليه؟ في ايه؟؟؟ ادهم: في اني زهقت.... مش عايز جروح تانيه كفايه لحد كده ليلي: ادهم انا بحبك ادهم: وانا مش عايز حبك ده مش عايزه... ليلي: ادهم ارجوك ادهم: ترجوني ايه؟ انا اللي برجوكي ابعدي عني ابوس ايدك ابعدي عني بقي هو بالعافيه ولا ايه؟ ؟ انا _ مش _ عايزك فهمتي ولا اقول تاني؟ ؟ مش عايزك من يوم ما شفتك وانا كل ما ابعدك عني بترجعي تاني وبحاول اقنع نفسي اني افضل معاكي بس برجع وابعد وانتي تقربي لحد امتي مش عارف؟؟؟ ايه ما بتحسيش ابعدي عني بقي كفايه كده مش قادر هتخنق كنت فاكر اني هتجوز والحياه هتبقي عادي بس لا هتخنق مش قادر استحمل لعلمك يومين وهسافر لوحدي ومش هتشوفي وشي تاني وبعدين هبعتلك ورقتك واطلقك ليلي: ادهم.... ادهم: فهمتي؟ خلاص فوقي بقي انتهي كله انتهي......... بعد اذنك سابها ومشي وهيا واقفه مذهوله بقي هيا دي ليله العمر؟ هيا دي الليله اللي بتحلم بيها من زمان؟ هو ده ادهم اللي حبته وعشقته؟؟ هيا صاحيه ولا ده كابوس وهتصحي منه؟؟ حياتها انتهت من قبل ما تبدأ اخيرا استوعبت ان ده بجد واخيرا قعدت في الارض تعيط وتندب حظها وهنا تكون خلصت حكايتنا اتمني انها تكون عجبتكم استنوني في الجزء التاني من المشوه مش عايزه شتايم فاهمين؟؟؟؟ تعليقاتكم وتوقعاتكم استنوني وهتعرفو ليه ابوه طرده وليه امه ساكته؟؟ وعلاقته بليلي انتهت ولا الحياه هتديلهم فرصه تانيه؟؟ العداوه هتستمر ولا هتنتهي؟؟؟ كل ده هتعرفوه هتنزل قريب استنوني بصو هيا هتقف بس فتره اخلص فيها الباقي لانه بيبقي ضغط اني اكتبها يوم بيوم وظروفي مش مضمونه فعلشان كده هخلصها وانزلها كل واحد يكتب تاريخ اجازه نص السنه او هيخلص امتحانات امتي علشان احدد هنزلها امتي بالظبط؟ ؟ علي حسب الاغلبيه هتنزل بكره الساعه 5 هقولكم معاد نزولها اتفقنا اكتبوا تنزل امتي وبلاش تقولو بكره اكتبو تاريخ نهايه الامتحانات قريبا استنوني ShiMoOo | ||||
|
| |
|
28-07-16, 09:31 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المشوه الجزء الثاني ((1)) خلصت حكايتنا علي الحوار بين ادهم وليلي ليلي: حبيبي مالك؟؟؟ استنيتك كتير مش هتبطل التقل ده بقي ولا ايه؟ ؟ ادهم: ______ ليلي: انت عايزني انا اترجاك ولا ايه؟ تعال فوق بقي يالا بتشده من ايده بس هو فضل قاعد مكانه ليلي: ادهم في ايه؟ مالك؟ ادهم: _______ ليلي: حبيبي في ايه؟ ؟ ادهم: في اني زهقت!!! زهقت من كل حاجه!!! زهقت منك ومن ابوكي ومن كل حد فاكر نفسه احسن مني ليلي: ادهم في ايه مالك؟ ؟ ادهم: جوازي منك كان اكبر غلطه في حياتي انتي فاهمه؟ ؟ جوازي منك غلط ليلي :: انت بتقول كده ليه؟ في ايه؟؟؟ ادهم: في اني زهقت.... مش عايز جروح تانيه كفايه لحد كده ليلي: ادهم انا بحبك ادهم: وانا مش عايز حبك ده مش عايزه... ليلي: ادهم ارجوك ادهم: ترجوني ايه؟ انا اللي برجوكي ابعدي عني ابوس ايدك ابعدي عني بقي هو بالعافيه ولا ايه؟ ؟ انا _ مش _ عايزك فهمتي ولا اقول تاني؟ ؟ مش عايزك من يوم ما شفتك وانا كل ما ابعدك عني بترجعي تاني وبحاول اقنع نفسي اني افضل معاكي بس برجع وابعد وانتي تقربي لحد امتي مش عارف؟؟؟ ايه ما بتحسيش ابعدي عني بقي كفايه كده مش قادر هتخنق كنت فاكر اني هتجوز والحياه هتبقي عادي بس لا هتخنق مش قادر استحمل لعلمك يومين وهسافر لوحدي ومش هتشوفي وشي تاني وبعدين هبعتلك ورقتك واطلقك ليلي: ادهم.... ادهم: فهمتي؟ خلاص فوقي بقي انتهي كله انتهي......... بعد اذنك سابها ومشي وهيا واقفه مذهوله بقي هيا دي ليله العمر؟ هيا دي الليله اللي بتحلم بيها من زمان؟ هو ده ادهم اللي حبته وعشقته؟؟ هيا صاحيه ولا ده كابوس وهتصحي منه؟؟ حياتها انتهت من قبل ما تبدأ اخيرا استوعبت ان ده بجد واخيرا قعدت في الارض تعيط وتندب حظها طلع النهار وهيا مكانها بتعيط وهو بره في الجنينه دماغه عاجزه عن التفكير اخيرا لقي النهار نور وقام يدخل علشان يقلع بدله الفرح ويدوب دخل لقي ليلي نايمه في الارض مكانها والدموع اثارها علي وشها ليلي حست بيه وهو لسه هيدخل فعملت نفسها نايمه كانت عايزه تشوفه بيحبها وهيشيلها من مكانها ولا فعلا هيا متفرقش معاه وهيسيبها ويكمل طريقه مستنيه مغمضه عنيها وبتدعي انه يقرب لانها رافضه تصدق انه فعلا ما بيحبهاش ادهم واقف وحرب جواه يقرب يشيلها ولا يسيبها ويكمل طريقه عقله: سيبها واطلع كفايه بقي جروح انت ايه ما بتتعبش قلبه: بس دي ملهاش علاقه ما ينفعش نسيبها نايمه كده في البرد ده علي الارض كده وبعدين انت جرحتها في اسعد ليله في حياتها يبقي اقل حاجه انك تحطها في سريرها علي الاقل قلبه: اه تحطها في سريرها وتفضل جنبها حبتين صح؟؟؟ والبقيه تاتي قلبه: لا نحطها في السرير ونمشي علي طول عقله: بلاش سيبها وهيا لما تصحي تلاقي نفسها كده هتصدق انك ما بتحبهاش فعلا قلبه: معاملتك بعد كده هتخليها تصدق بس دلوقتي ممكن تاخد برد ولا تتعب واخيرا قفل باب العقل وراح يشيلها لانه ما استحملش منظرها علي الارض كده شالها وطلع بيها فوق وحطها علي السرير وغطاها وراح الحمام يغير هدومه وقف تحت الدش يتخيل الليله دي كانت هتبقي ايه واتحولت لايه؟ ؟ ليلي بسمه امل جواها وفكرت ممكن يكون حاجه اثرت عليه؟؟ ممكن يكون خايف من الارتباط؟؟ او خايف من المسؤليه؟ او حتي خايف من الليله نفسها؟؟ هيا مستعده لاي سبب غير انه فعلا يكون مش بيحبها غير هدومه وسابها ونزل حتي من غير ما يبص ناحيتها بعد ما هو نزل اتصلت بامامتها وفضلت تعيطلها وحكتلها كل اللي حصل معاها وبعد ما خلصت كلامها مامتها: بصي يا ليلي اللي انا اعرفه وحسيته ان ادهم بيحبك وبيموت فيكي كمان.. بصي علي العصر كده هجيلك عايزه بس اتأكد من حاجه الاول وانتي ناميلك شويه وريحي يالا سلام دلوقتي قفلت وراحت لجوزها ام ليلي: كلمت ليلي عم محمود: وايه اخبارها؟ حالتها ايه؟ ؟ ام ليلي: كويسه وطايره من الفرح وبتقول انها قضت احلي ليله في عمرها عم محمود: ايه طايره ومبسوطه؟؟؟؟ ام ليلي: ايوه انت مستغرب ليه؟ ؟ عم محمود: سيبيني في حالي دلوقتي ام ليلي: اسيبك ليه؟ ؟ انت عملت ايه امبارح لادهم وقولتله ايه؟ عم محمود: مالكيش دعوه.... قلت اللي قلته بقي اهو مجبش نتيجه ام ليلي: يعني انت فعلا قلتله حاجه وكلمته!! يعني انت السبب؟؟ عم محمود: السبب في ايه بالظبط؟ ام ليلي: السبب في تعاسه بنتك وانك دمرت احلامها في اول ليله في حياتها وبدال ما تعيش فرحه ليله العمر خلتها تعيش اتعس ليله في حياتها وخليت جوزها بيقولها انه هيطلقها عم محمود: انتي مش لسه قايله انها طايره ومبسوطه؟؟ ام ليلي: كنت بضحك عليك علشان اعرف انت قولت ايه لادهم... ادي اللي قولته جاب نتيجه وبنتك هتتطلق افرح بقي عم محمود: هو في حد بيفرح لتعاسه عياله ام ليلي: ايوه انت.... انت مش عايزها تفرح عم محمود: انا اكتر حد في الدنيا دي كلها بيحبها وبيخاف عليها ام ليلي: وعلشان كده انت اكتر واحد بتتعسها وتدمر في حياتها... هيا اختارت سيبها بقي عم محمود: اختارت غلط ام ليلي: بالنسبالك انت لكن بالنسبالها هيا صح وصح قوي كمان سيبها بقي تعيش مع اللي اختارته بطل كل ما تبني طوبه تهدها عم محمود: عايزاني اقف اتفرج من بعيد؟؟ ام ليلي: ايوه اقف اتفرج من بعيد ولو لقيتها بتغرق ابقي ساعتها اتدخل لكن انت مش واخد بالك ان انت اللي بتغرقها وكل ما تحاول تتطلع تنزلها تاني كفايه بقي سابته ومشيت لتانيب ضميره بس برضه مصر ان ادهم وحش راحت ام ليلي لبنتها اخر النهار قابلت ادهم وسلمت عليه وطلعت لبنتها لقيتها نايمه في السرير عينيها منفخه من العياط ومتبهدله من اثار الميك اب وشكلها كله غلط في غلط ام ليلي: بقي دي خلقه اي راجل يفضل معاها؟ ليلي: عايزاني اعمل ايه يعني؟ ام ليلي: تقومي وتلبسي وتبقي عروسه بجد ودي صباحيتها انتي مبتشوفيش البنات بيبقوا عاملين ايه في صباحياتهم؟؟؟ ليلي: لا بشوف بس البنات دول بيبقوا مع اجوازهم مش ناويين يطلقوا ام ليلي: هو طلقك رمي عليكي اليمين؟؟؟ ليلي: لأ ام ليلي: يعني انت حاليا مراته ليلي: عايزه تقولي ايه؟ ؟ ام ليلي: عايزه اقول متبقيش هبله وقومي رجعي جوزك لحضنك هو مش هيجي من نفسه هو مقتنع حاليا انه بيعمل الصح ابوكي برمجله دماغه ليلي: بابا تاني؟ ام ليلي: سيبنا من ابوكي دلوقتي خلينا في جوزك ليلي: اعمل ايه هو مش بيكلمني خالص ام ليلي: ومش هيكلمك طول ما انتي قاعده تندبي حظك كده ليلي: اعمل ايه؟ ام ليلي: تقومي تحضري اكل وتدخليه معاكي في كل حاجه اندهيلوه كل شويه واطلبي من اي حاجه وقولي اي حجه حاجه عاليه مثلا مش طايلاها حاجه يفتحها اي حجه ليلي: طيب ماهو هيعرف ان انا بتحجج ام ليلي: ويعرف ايه يعني.... بس مش هيقولك لا هيقاومك شويه بس في الاخر هيستسلم هو بيحبك ما تنسيش ده.. هو فاكر نفسه قوي انتي بقي اثبتيله العكس البسي واغريه بكل طريقه تقدري بيها من بعيد لبعيد بحركاتك بنظراتك بلبسك جننيه ومن غير ما تلمسيه يا بت انا اللي هقولك يعني ليلي: ولو عملت كل ده وفضل زي ماهو؟؟؟ ام ليلي: استحاله مفيش راجل بيقاوم اغراء الستات كتير ما بالك لما تبقي حلوه وما بالك بقي لما تبقي حبيبته ومراته كمان!!! اخلقي الظروف اللي تخليه ديما جنبك واوعي تخليه يمشي من غير ما يلمسك لانه لو مشي مش هيرجع وهينفذ اللي قاله لكن يا ليلي لو لمسك مش هيقدر يبعد عن حضنك ابدا فاهماني؟ ؟ ليلي: فاهماكي ادعيلي يا ماما؟؟؟ ام ليلي: قومي بقي كده البسي وخليكي قمر 14 زي ما بيقولو قامت اخدت شاور وطلعت ام ليلي: البسي ده قميص نوم عريان لونه اسود ليلي: انا مقدرش البس ده ام ليلي: وليه بقي ان شاءالله؟؟؟ ليلي: كنت ناويه البسه لما اخد عليه شويه انا اتكسف منه ام ليلي: تتكسفي؟؟؟ طيب خلاص سيبيه بقي يمشي ويبعتلك ورقتك شدت ليلي القميص من ايد امها ولبسته ام ليلي: هسيبك انا بقي وابقي طمنيني بس ما تتوقعيش انه هيستسلم علي طول هو راجل اه بس ظروفه وعيشته وشغله هيخلوه يقاوم كتير مش هيستسلم بسهوله فخلي نفسك طويل ليلي: حاضر مشيت امها وليلي لبست روب خفيف قصير فوق القميص زادها اغراء ونزلت تحضر الاكل اللي مامتها جيباه واكتشفت انها جعانه جدا ادهم شافها نازله استغرب من شكلها ومعرفش يفسر ده بايه ليلي في المطبخ بتنادي علي ادهم وهو راحلها ليلي: ممكن لو سمحت تناولني الاطباق اللي فوق دي مش طيلاها ادهم: الحاجات اللي هتستخدميها خليها قريبه منك ليلي: ليه بقي؟ جوزي طويل ربنا يخليهولي ادهم بصلها جابلها الاطباق وحطها قدامها ادهم: انا مش هعيد اللي قلته امبارح ولا انتي محتاجه اني اعيده؟؟؟ ليلي: لا طبعا بس انت قولت هتفضل كام يوم وتسافر... في الكام يوم دول انت جوزي ومش هطلب منك حاجه غير ان احنا علي الاقل نتعامل بشكل متحضر وناكل مع بعض ادهم: ولازمتها ايه؟ ؟ ليلي: انا مبعرفش اكل لوحدي وعايزه اي حد يشاركني وبعدين احنا مش اعداء ولا ايه؟ ؟ ادهم: لا مش اعداء بس ما تصعبيش الامور وتعقديها ليلي قربت منه ووقفت قصاده وهو حاول يرجع لوري بس كان وراه المطبخ ليلي: اعقدها لمين؟؟؟ ليا ولا ليك؟ ؟ ادهم: تعقيديها وخلاص بعد اذنك ولسه هيخرج ليلي: اعتقد ان انا قلت ان احنا هناكل مع بعض ادهم: وانا قلت خلينا بعيد احسن ليلي: بقولك ايه انت جيت بلدنا وشقلبت حياتي كلها ومره تقول بتحبني ومره تقول فارضه نفسي عليك مره تطردني ومره ترمي نفسك عليا علشان تحميني مره تزعلني ومره تموت علشاني واتجوزتني ودلوقتي عايز تطلقني بس حاليا انا مراتك وليا حقوق عليك ( كل ده بتقوله ورا بعض بسرعه ومش بتاخد نفسها وعلت صوتها) يبقي اقل حقوقي انك تتفضل تقعد وتاكل معايا فاهم ولا لأ؟ ادهم تنح ليها هو مش مستوعب تلات اربع اللي قالته بس حس انه لو مشي ممكن تقتله او تحاول علي الاقل ادهم: حاضر هاكل معاكي بس خدي نفسك ليلي لاحظت انها كاتمه نفسها فعلا فاخدت نفس طويل ليلي: كويس انك اتقيت شري ادهم: والله انا خفت من رد فعلك لو قلت لا بس انا عايز اقولك ان ده مش هيغير حاجه من وضعنا ليلي: وانا مقولتش اني عايزه اغير وضعنا ولا ايه؟ ؟ اكلو مع بعض في قعده ماليها التوتر والترقب واغلبها كان صمت عدي اول يوم وتاني يوم ليلي محاولاتها مستمره وادهم واقف قدامها ما بيستسلمش ولا بيحن وهيا بتخترع مليون حجه وحجه تشغله بيها كل ما بتقرب هو بيبعد وكل شويه تلبس حاجه مجنونه اكتر ومره تعمل حاجه حلوه ومره تعمل نسكافيه وكل شويه تقربله بحجه شكل وهو بيشاركها بس وهو بعيد برضه وبالليل بيسبها لوحدها ويخرج يتمشي هو وكلبه لحد الفجر ويرجع ينام في اي مكان المهم بعيد عنها هو كمان خايف يستسلم لها ومش عارف رد فعلها ده ايه؟ هو مش فارق معاها واهو زي ما تيجي تيجي؟؟ ولا هيا بتحاول تغريه بس هيا ما بتحاولش تلمسه ابدا؟؟؟ ولا هيا بتعمل ايه؟ وبما انه جديد في عالم الحب فمش عارف يعمل ايه ولا فاهم اي حاجه من اللي بتحصل ولا عارف حتي يتصرف ازاي؟ ؟ خلاص اخد القرار انه ينهي بقي المسرحيه اللي شغاله بينهم دي لازم يسافر بقي قبل ما يتورط اكتر وما يعرفش يبعد راح يجهز شنطته فليلي دخلت عليه ليلي: انت بتعمل ايه؟ ادهم: انتي شايفه ايه؟ ليلي: بتجهز شنطتك ليه؟ ؟ ادهم: علشان كفايه كده بقي الكام يوم خلصوا ليلي: ادهم انت بتتكلم بجد هتمشي؟؟ ادهم: وانتي كنتي فاكراني بهزر؟؟؟؟ ليلي: انت بجد عايز تسيبني؟ ؟ ادهم فكر لا مش عايز اسيبك ابدا ونفسي اغرق في حضنك وما اخرجش منه ابدا بس طبعا كان رده غير كده ادهم: انا سبق واتكلمت في الموضوع ده دموعها نزلت بصمت وقعدت علي السرير بصمت وبصت للارض تبكي بصمت هو طبعا شاف دموعها ومش قادر يقاوم اكتر من كده لازم يخرج بسرعه والا هيضعف ادهم: انا ورايا مشوار هروحه وارجع اكمل شنطتي وامشي سابها ومشي وهيا حست خلاص انها خسرته بجد طب تعمل ايه؟؟ ولو اترجته ممكن يفضل؟؟ مش عارفه تفكر عدي وقت مش عارفه قد ايه فقامت تاخد شاور يمكن تقدر تفكر احسن اخدت الشاور وهيا يدوب خرجت من تحت الدش وقفت قدام المرايه حاسه انها شايفه واحده غريبه عنها مش هيا دي صورتها وفي لحظه غيظ خبطت كل حاجه قدامها وقعت قزايز البرفان كسرتها والمرايه كسرتها وكل حاجه بتطولها بتكسرها زي المجنونه ووقفت تعيط ويدوب هتخطي داست علي القزاز اتعورت في رجلها قعدت علي حرف البانيو تعيط وتعيط بصت حواليها الارض كلها قزاز وهيا عريانه وحافيه كمان ومعرفتش تعمل ايه؟ ؟ ورجلها بتنزف اكتر واكتر وبتوجعها اكتر فكملت عياطها ياتري ادهم هيمشي فعلا ولا هيحن؟؟؟ ولو مشي هيرجع تاني ولا ليلي هتروحله وتسترده؟؟؟ ابو ليلي هيفضل مشاكس ولا هيهدي؟؟؟ تابعوني هتعرفوا قولو انتو توقعاتكم انطلقوا مش هقولكم بقي علي الكومنتات المتابع الصامت مش عايزاك تقرالي لاني هاخد حبايبي بذنبك مش عايزه الاقي 2000 شافو البوست منهم 200 بس عملوا لايك ورجاء اللي يعمل لايك يكتب كومنت تقدير والحلقات اهي طووووويله جدا متخلونيش اقصها ShiMoOo — | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
