28-07-16, 09:32 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحلقه الثانيه ليلي بصت حواليها الارض كلها قزاز وهيا عريانه وحافيه كمان ومعرفتش تعمل ايه؟ ؟ ورجلها بتنزف اكتر واكتر وبتوجعها اكتر فكملت عياطها فضلت مكانها شويه بردانه تعبانه موجوعه ادهم خرج يتنفس بره ورجع بسرعه لانه عايز يمشي قبل ما يفكر ويضعف لازم يضحي علشان حبيبته حتي ولو علي حساب سعادته هو رجع البيت وطلع يكمل شنطته دخل اوضه النوم واستغرب انه ملقيش ليلي ولا لمحها تحت وهو بيقفل شنطته سمع صوت عياطها في الحمام فضل واقف مكانه مش عارف يتجاهلها ولا علي الاقل يطمن عليها خبط علي الباب ادهم: ليلي انتي كويسه؟؟؟ ليلي بعياط: وانت يهمك؟ ولا انا افرق معاك اصلا؟؟؟ امشي وروح وسيبني ادهم سمعها بتعيط اكتر وبتتأوه ادهم: طمنيني عليكي انتي كويسه؟ ليلي: قلتلك ملكش دعوه بيه ادهم: وقلتي اني جوزك لحد ما امشي وانا لسه ما مشيتش فردي عليا ليلي بتعيط ومش بترد ادهم: ليلي انا هدخل........ ليلي ردي هدخل ليلي ::: ______ ادهم بيفتح الباب لقاه مقفول من جوه ادهم: ليلي افتحي الباب ليلي :________ ادهم: افتحي الباب يا اما هكسره ليلي: اكسره لو تقدر انا مش هقدر افتحه ادهم بدأ يخبط الباب بكتفه بس الباب جامد وجديد ومتين ادهم: ليلي افتحي الباب ليلي: ماهو انا لو هقدر اقوم كنت فتحته من بدري ادهم: ليلي ايه اللي حصل عندك وليه مش قادره تفتحي الباب ليلي: في قزاز في الارض وانا حافيه ادهم: طيب استني هنادي لاي حد يكسر معايا الباب ليلي: ادهم انا عريانه ادهم سكت ووقف يفكر للحظه راح لبره وجاب مسدسه وحط فيه كاتم للصوت ادهم: ليلي انتي فين بالظبط؟ ليلي: قاعده علي حرف البانيو ادهم: طيب ممكن تدخلي جواه ليلي: ليه؟ ادهم: مش وقت ليه ادخلي واسمعي الكلام دخلت ليلي وقالتله خلاص ادهم بمسدسه كسر الباب برصاصتين وخبطه برجله وقع الباب كله ادهم دخل لقي كل حاجه متكسره القزايز والمرايات كل حاجه ينفع تتكسر مكسوره ادهم: ايه اللي حصل هنا؟ ؟ ليلي: حصل اللي حصل لمح ادهم الدم في الارض ادهم: ايه الدم ده انتي اتعورتي؟؟؟ جري ناحيتها ليلي كانت قاعده وضامه ركبها بايديها فجسمها متغطي ادهم: متعوره فين وريني ليلي: رجلي..... لا متلمسهاش استني ادهم: استني ايه؟ ليلي: انا عريانه وقف شويه مش مستوعب يعني ايه وهيا قصدها ايه؟ ادهم: ايوه يعني ايه؟ ليلي: يعني عايزه حاجه اغطي نفسي بيها ادهم: اه لحظه جاب اقرب فوطه قابلته في وشه وعطاهلها ليلي: ادهم دي صغيره قوي ادهم: ليلي انجزي وريني رجلك ساعدها تقف وقعدها علي حرف البانيو مسك الدش وفتحه وغسل رجلها براحه جاب علبه السعافات وضمدلها الجرح كان منتهي الرقه والحنيه وكان متاثر جدا بالمها وهيا عماله تبصله وتقول لنفسها استحاله يكون مبيحبهاش كل حاجه فيه بتنطق نيابه عنه انه بيعشقها فكرت ممكن تكون دي اللحظه المناسبه ادهم خلص وبصلها ادهم: الجرح مش كبير قوي هيلم علي طول ما تقلقيش ليلي: بس بيوجع قوي،، رجلي كلها بتوجعني ادهم: معلش.. استحملي.. قرص مسكن وهتبقي اخر تمام ليلي: انا بردانه ادهم: تعالي ادفي علي السرير قرب منها ووطي عليها وشالها وهيا اديها اتلفت حوالين رقبته ضمته قوي وخبت وشها في رقبته نفسها كان في رقبته جننه كل اجراس الانذار ضربت حطها علي السرير براحه وهيا فضلت ماسكه رقبته جامد حاول يرفع دماغه علشان يبعد مقدرش ادهم مسك ايديها علشان يفكهم من حوالين رقبته ادهم: ليلي ارجوكي ليلي اخدت نفس طويل قوي ليلي: انت اللي ارجوك استني اشبع من رحيتك شويه ( حطت ايديها علي وشه) احفر تفاصيلك جوايا.... عايزه اشبع منك قبل ما تسيبني...... ينفع تخليني اشبع منك قبل ما تمشي ينفع ادهم مش عارف يرد ولا يفكر ولا يتكلم انفاسها القريبه نظرتها المليانه رغبه وحب حركات ايديها شعرها المبلول جسمها اللي شبه عريان واهم من كل ده حبه هو ليها لازم يبعد والا مش هيبعد تاني ابدا حاول يبعد مسك ايديها وبعدهم عنه ووقف هيا مسكت ايده واتقابلت العيون في نظره طويله ابلغ من اي كلام هنا ادهم انهارت كل مقاومته ولقي نفسه فجأه بينقض علي ليلي بقسوه ناعمه بحنيه عنيفه كل ذره في كيانه محتاجه لليلي واخيرا التقي الحبيبان في الجنه عاشوا لحظات او دقائق اويمكن تكون ساعات وهما غرقانين في بحر الشوق اخيرا بقوا مع بعض من غير قيود من غير تفكير في بكره كل المهم انهم مع بعض وبس اخيرا ليلي بقت مراته شرعا وعرفا وبكل المعاني بقت مراته ليلي نايمه علي صدره وبتلعب بايديها ادهم: ليلي ارجوكي كفايه ليلي بدلع: كفايه ايه؟ ادهم مسك ايدها ثبتها علي صدره ادهم: كفايه دي ليلي: ودي مضايقاك في ايه؟ ادهم: مش حكايه مضايقاني حكايه ان انتي مش هتقدري تتحملي النتيجه ليلي: مين قال اني مش هقدر انا اقدر اتحمل اي حاجه اتعدلت وسندت عليه وبصتله وهيا فوقه ليلي: بطل تحكم نيابه عني وتاخد قرارات تخصني نيابه عني فاهم ادهم سكت وغمض عنيه ليلي: ادهم متفكرش كتير وتتعب نفسك ادهم: وبعدين اللي حصل بينا دلوقتي كان قاطعته: اوعي تقول كان غلط... اللي حصل ده كان المفروض يحصل يوم فرحنا بس بدال ما تعيشني ملكه قتلتني ادهم: انا اسف بس مكنش بايدي ليلي نامت علي صدره ليلي: امال بايد مين؟؟ انت اللي جرحتني وبايدك انت ادهم: حقك عليا ده مش هيحصل تاني ابدا قام قعد وقعدها معاه ادهم: اوعدك اني مش هسمح لاي حد يتدخل بينا تاني ايه رايك؟ ومش هخبي عنك حاجه تاني مهما كانت ليلي: وانا كمان اوعدك اني مش هسمح لاي حد يدخل بينا اتفقنا ولا اخبي عنك اي حاجه مهما كانت ادهم: اتفقنا ليلي: ممكن اطلب منك طلب؟ ادهم: شاوري احلامك اوامر ابتسمت: تعال انا وانت نركب العربيه ونروح اي مكان دلوقتي ادهم: وابوكي ليلي: انت لسه واعدني ادهم: وعدتك ان محدش يدخل بينا اه لكن وعدته هو كمان اني مش هاخدك وهسافر ليلي: ايوه وعدته اني مش هروح معاك القاهره لكن ما وعدتوش ان احنا نروح شهر عسل ادهم ابتسم ادهم: يالا بينا قام وقف ويدوب هيخطي ليلي: سيادتك مش ناسي حاجه؟؟؟ بصلها: ايه؟ ؟ ليلي: انا شيلني وهاتلي حاجه الاول اتغطي بيها الاول بص حواليه لقي الفوطه الصغيره ليلي: ما تفكرش تديهالي تاني ادهم: عندك حق ملهاش لازمه (وراح شايلها زي ما هيا) انتي اللي جبتيه لنفسك نسيبهم مع بعض بقي عرسان جهزوا وركبوا العربيه واتحركوا ليلي: هتوديني فين؟ ؟ ادهم: انتي عايزه تروحي فين؟ ليلي: اي مكان فيه بحر انت وذوقك بقي ادهم: فيه الساحل او شرم اختاري ليلي: شرم بس انت قلت ان بعد الفرح هتبقي مفلس ادهم: مش لدرجه اني معرفش اخليكي تقضي شهر العسل ما تقلقيش وبعدين هيا الفلوس لازمتها ايه لو مش هتبسطنا ليلي: علي فكره صح بابا حطلي فلوس المهر باسمي في البنك انا ممكن اسحبهم و ادهم: وايه؟؟؟ ترجعيهملي؟؟؟ ليلي: مثلا ادهم: انتي عبيطه ولا هبله فلوس ايه اللي ترجعيها دي مهرك انا هزودهملك مش اخدهم فضل سايق فتره طويله وقعدوا في استراحة شويه... ليلي فعلا بقت عروسه وادهم بقي عريس ورايحين يقضوا شهر العسل طول الطريق هزار وضحك زي اي اتنين بيحبوا بعض ووعود لبكره ليلي نامت اخيرا وهو كل شويه يبصلها علشان يصدق انها فعلا جنبه ومعاه وهو سايق تليفونه رن واول ما رد عم محمود بصوت مجنون: بنتي فين؟ ادهم: اهدي بس ووطي صوتك عم محمود: اهدي؟؟؟ اهدي ازاي؟ انت عملت ايه في بنتي انطق بنتي فين؟ ادهم: حضرتك ممكن بس توطي صوتك شويه علشان اعرف اتكلم مع حضرتك عم محمود: اوطي صوتي؟؟ ده انا لو شفتك هقتلك علي اللي انت عملته في بنتي ادهم: ايه اللي عملته في بنتك هاه؟؟ عم محمود: ايه اللي عملته؟ انت بتسأل؟ اغتصبتها صح؟ ادهم اتفاجئ جدا بكلام عم محمود ادهم: ايه اغتصبتها؟؟؟؟ ايه اللي انت بتقوله ده؟ ؟ عم محمود: حاولت تنام معاها وهيا رفضت ومسكتها بالعافيه وجريت منك ودخلت الحمام وقفلت علي نفسها وطبعا ده جننك صح؟ رحت زي المجنون خلعت الباب من مكانه ودخلت عليها كسرت الدنيا كلها وعورتها او هيا اتعورت من جنونك ده ورحت شايلها وطلعت بيها علي السرير واغتصبتها والدليل دمها اللي في الحمام واللي في الفوطه جنب السرير اخدت شرفها واغتصبتها كل ده ليه هاه؟ اتجرحت لما رفضتك ولا ايه؟ ؟ لاخر مره هسالك بنتي فين؟ ادهم مصعوق من اللي بيسمعه للدرجه دي هو شايفه وحش بالطريقه دي؟ ؟ للدرجه دي معندوش اي ثقه فيه نهائي عم محمود: رد عليا بنتي فين؟ ادهم: بما انك اصدرت حكمك عليا اني وحش ومش ناوي تغير الفكره دي يبقي بنتك زي ما انت قلت اغتصبتها ولما هددتني انها هتسبني الامور خرجت عن سيطرتي وقتلتها ورايح ادفنها ايه رأيك؟ ؟ قال جملته وقفل السكه وقفل تليفونه خالص نكمل بكره توقعاتكم ادهم ناوي علي ايه؟ ليلي هتعمل ايه؟ عم محمود هيعمل ايه؟ وروني ابداعاتكم انطلقوا زي ما انتو طماعين انا كمان طماعه عايزه 500 لايك و 500 كومنت الاقي ولا ايه ShiMoOo | ||||
|  |
|
28-07-16, 09:33 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الثالثه زعلانه لانكم معملتوليش اللي انا عيزاه امبارح فين 500 لايك وال 500 كومنت لا زعلتوني ادهم قال لعم محمود انه قتل ليلي وقفل السكه وقفل تليفونه وقف علي جنب ونزل بره العربيه كان حاسس انه مخنوق وان العربيه بتضيق عليه فنزل يشم هوا مش عارف يعمل ايه لحماه علشان يثبتله انه بيحب بنته وانه كل همه سعادتها ليلي صحيت لما العربيه وقفت واستغربت انهم واقفين وادهم مش جنبها اتلفتت حواليها ولقيته بره قاعد علي الرصيف وحاطط راسه بين ركبه نزلت وراحتله قعدت جنبه حست ان في حاجه مضايقاه ليلي: حبيب قلبي في ايه مالك؟ ايه اللي مضايقك كده؟ ادهم: متشغليش بالك انتي ليلي: ولو مش هشغل بالي بيك اشغله بمين؟؟ وبعدين هو احنا مش لسه واعدين بعض ان احنا ما نسمحش لحد يدخل بينا ولا نخبي حاجه عن بعض ايه رجعت في وعدك ولا ايه؟ ادهم: لا ما رجعتش بس حاليا مش عايز اتكلم ليلي راحت قدامه ونكست علي ركبها بين رجليه وقربت قوي ومسكت وشه بايديها ليلي: طول ما انا جنبك مش عايزه اشوفك كده مهموم او حزين او مخنوق بالشكل ده انا جنبك يبقي ما تبعدنيش عنك ادهم: انا مش ببعدك ليلي: امال انت بتعمل ايه؟ لما همومك تحتفظ بيها لنفسك يبقي ده ايه؟ ادهم: اتخانقت مع ابوكي ليلي: ابويا تاني؟؟؟ احنا مش قلنا محدش يدخل بينا؟؟؟ ادهم: اتصل بيسالني انتي فين؟ ليلي: وايه اللي يضايق في كده اكيد لازم يتصل؟؟؟؟ ادهم: هو ما سألش بس هو بيتهمني اني اتحولت لوحش كسر عليكي باب الحمام وكسرت الدنيا كلها وجرجرتك من شعرك واغتصبتك ليلي: ايه اغتصبتني؟؟؟؟ وتغتصبني ليه ماهو عارف ان انا بحبك وهسلمك نفسي طول ما انا بحبك ادهم: فوقتي لنفسك ليلي: وبعدين قولتله ايه؟ ؟ ادهم ابتسم وسكت ليلي: ادهم انت قلتله ايه بالظبط؟؟؟؟ ادهم: قولتله فعلا اني اغتصبتك وانتي هددتيني انك هتسيبيني فقتلتك وحاليا رايح اخبي جثتك ليلي فتحت بوقها وتنحت: قولتله ايه؟؟؟ انت اتجننت صح؟؟؟ ادهم: جنون بجنون بقي؟؟ كان المفروض اقوله ايه؟ هو ما ادانيش فرصه اصلا اتكلم هو كان بيوجه اتهامات وبس.... ليلي ابوكي شايفني وحش عارفه يعني ايه وحش... مش قادر يحس ولو لحظه اني بحبك ليلي: معلش انت عارف انه هياخد وقت لحد ما يتقبلك ادهم: يعني المفروض اعمل ايه هاه؟؟؟ ليلي: تعمل اللي انت قلت هتعمله تحاول توريه قد ايه انت بتحبني مش تقوله قتلتني هو شاف بابا الحمام مكسور والقزاز في كل حته والدم اتجنن عايزه يعمل ايه؟ ادهم: يتهمني اني اغتصبتك؟؟؟ ليلي: معلش حقك عليا انا بس علشان خاطري انا استحمله شويه علشاني انا ادهم: علشانك انتي مستعد لاي شيئ ليلي: وده اللي عايزاه منك ممكن بقي تديني تليفونك علشان انا مجبتش موبيلي ادهم عطاها تليفونه واول ما رنت رد عم محمود: والله لقتلك انت فاهم ادهم سمع صوته العالي من بعيد وضحك بسخريه ليلي: ممكن تهدي شويه عم محمود: ليلي انتي فين هاه؟ عمل فيكي ايه المجنون ده؟ ردي عليا انتي فين وانا هجيلك اجيبك ليلي: اولا انا كويسه جدا ثانيا ادهم معملش معايا اي حاجه قاطعها ابوها: الدم في الحمام وجنب السرير وتقوليلي معملش حاجه انتي بتحميه ليه؟ ؟ خايفه منه ليه؟ ؟ ليلي: انا مش خايفه منه انا بحبه لاعمري خفت منه ولا عمري هخاف الحمام أنا اللي كسرت الدنيا لما قالي انه خلاص هيسيبني ويسافر مكنتش عارفه اوقفه ازاي او اقوله ايه؟ ولا قدرت اغريه مع اني عملت كل اللي اقدر عليه بس انت كنت مبرمجه انه لازم يبعد كسرت الدنيا واتعورت ومعرفتش اخرج لحد ما ادهم رجع وكسر الباب علشان يعرف يطلعني من الحمام اما بقي الدم في السرير ده نتيجه حب مش اغتصاب فاهم وادهم كان حنين جدا ورقيق جدا معايا فاهمني ولا لأ؟؟؟ ادهم بيحبني وعمل زي اي راجل ما بيعمل مع مراته وبعدين انا فضلت اغريه لحد ما قرب مني وحاليا احنا رايحين نقضي شهر العسل فياريت تكون مبسوط علشاني لاني حاليا في قمه سعادتي وقبل ما اقفل احب اقولك اني مش هخليه يفتح التليفون تاني هكلمك كل كام يوم سلام عم محمود: ليلي استني ليلي قفلت المكالمه وقفلت التليفون وادته لادهم ليلي: ممكن بقي تخليه مقفول وتقوم توديني لشرم زي ما قلتلي ونبدا بقي شهر العسل ولا ايه؟ ؟ ادهم: يالا بينا بدا شهر عسلهم نزلوا في قريه في شرم وشكلها كان فخم جدا ليلي: ادهم شكلها غالي قوي ادهم: مفيش حاجه تغلي عليكي يا قمر وبعدين هو احنا هنقضي كام شهر عسل هاه؟؟ اجمل حاجه عجبتهم في المكان ان كل واحد في حاله واغلبيه النزلاء في الفندق اجانب فمبيدققوش علي حد او شكل حد ادهم محسس ابدا انه مشوه او حد شاور عليه او حد بيبصله بطريقه غريبه ليلي كمان جوزها كان بيتعاكس منها لدرجه ان في بنات طلبوا انهم يشاركوها فيه وردحتلهم ادهم: اول مره اعرف انك بتعرفي تردحي كده ليلي: امال عايزني اسكتلهم ولا ايه دول قلايل الادب ادهم: طب خلاص اهدي بقي وسيبك منهم الايام كانت جميله وحلوه وبتجري بسرعه في مره قبل ما يناموا ليلي: ادهم انا عايزه اشرب ويسكي ادهم: نعم؟؟؟ تشربي ايه؟؟؟ انتي اتجننتي يابت انتي ولا ايه؟ ويسكي ايه اللي تشربيه؟ ليلي: اجرب فيها ايه يعني؟ ؟ ادهم: ايه اللي فيها ايه دي؟ بطلي هبل ليلي: ما الكل هنا بيشرب ادهم: والكل هنا بيناموا مع بعض عادي من غير جواز وبيبدلوا شركائهم مع بعض وفيهم كتير شاذ يبقي ايه نعمل زيهم؟؟؟؟ ليلي: ادهم ادهم: اقفلي الموضوع ونامي تصبحي علي خير ليلي اتضايقت من ادهم لانه رفض من غير ما ياخد ويدي معاها وهيا الموضوع كبر في دماغها تاني يوم ادهم جاله تليفون علي الفندق يخص شغله ومطلوب منه حاجه في الشغل سريعه استأذن من ليلي يخلص شغله بسرعه ويرجعلها ويعوضها عن الوقت اللي قضاه بره رجع ادهم اخر اليوم بالليل ودخل اوضته بس مالقاش ليلي خرج دورعلي البسين وعلي الشط ملقهاش راح المطعم برضه مفيش سال الاستقبال عليها قالوا انها مخرجتش بره الفندق دور عليها في كل حته ملقهاش ما فاضلش غير الديسكو بس هو مستعبد انها تروح تسهر هناك لوحدها دخل الديسكو واول ما دخل شافها علي المسرح واقفه ومتحزمه وبترقص والكل بيسقف وواقفين حواليها رجاله كتير حواليها مش مستوعب اللي هو شايفه راحلها وقف قدامها وهيا واقفت قدامه بتضحك ليلي: تعال ارقص معايا مردش عليها فك الحزام من علي وسطها وبيشدها ينزلها واحد: سيبها ترقص ادهم: ابعد من قدامي حاليا لان انا عفاريت الدنيا كلها بتتنطط قدامي ابعد الراجل بعد ماكان ناوي يتخانق شيئ جواه خوفه من ادهم وحس انه مش من النوع اللي بيتكلم بس ادهم اخد ليلي علي اوضتهم وهيا كذا مره كانت بتقع وهو بيشدها راح شايلها علي كتفه دخلوا الاوضه ونزلها علي السرير بصلها لقاها مغمضه عنيها ادهم: انتي ملحقتيش تنامي فمتستعبطيش ليلي :______ ادهم: ليلي ليلي: ______ ادهم خاف للحظه يكون جرالها حاجه قرب منها وحاول يفوقها ليلي: يوووه سيبني بقي ادهم شم ريحه بوقها فهم ادهم: سيادتك سكرانه غيرلها هدومها وقعد جنبها تاني يوم الصبح صحيت فضلت تتلفت حواليها لحد ما شافت ادهم في البلكونه واقف سرحان حاولت تقوم بس ما قدرتش ليلي: اه دماغي.... ادهم ادهم حس بيها بس طنشها ليلي: ادهم انا مش بنادي عليك ادهم: عايزه ايه؟ ؟ ليلي: انت بتكلمني كده ليه؟ ؟ ادهم: سيادتك عايزاني اكلمك ازي؟؟ وقف يكلمها وهو مشبك ايديه علي صدره ليلي: مالك في ايه؟ ادهم: سيادتك مش عارفه في ايه؟؟ اه صح ماهو سيادتك كنت سكرانه هتعرفي في ايه ازاي؟ ؟ ليلي: هو كاس واحد كنت عايزه اجرب ادهم: عايزه تجربي تجربي وانا موجود معاكي مش انتي لوحدك انتي مجنونه افرضنا حد عمل فيكي حاجه ولا اي حد استغل انك سكرانه كنتي هتعملي ايه هاه؟ ؟ ليلي: مش للدرجه دي؟ اكيد مش هعمل حاجه غلط ادهم: اه وايه اللي اكده؟؟ اول مره تشربي ومتعرفيش رد فعل جسمك هيبقي ايه وبعدين الاكيد بتاعك ده خلاكي امبارح كنتي علي المسرح متحزمه وبترقصي وكل الرجاله حواليكي بيرقصوا معاكي ولو اتاخرت شويه مش بعيد كنت اجيبك من اوضه واحد فيهم ليلي: انت بتقول ايه؟ ادهم: بقول اللي حصل امبارح ليلي: استحاله انت اكيد بتضحك عليا علشان تبينلي اني غلطانه خلاص مش هعملها تاني ادهم: لا والنبي اعمليها!!! ابقي اطلعي اسالي الجرسونات بره وهما يقولولك ولا علي ايه مش بعيد تلاقي صورك ورقصك نزل علي الفيس ولا اليوتيوب ليلي: انت اللي غلطان؟؟ ادهم: أ. انا اللي غلطان؟؟؟؟ ليلي: انت موافقتش ادهم: ولما انا موافقتش بتعملي ليه حاجه مش موافق عليها وبعدين لما الموضوع مهم قوي كده كنت هخليكي تجربي بس مش بالطريقه دي بعد اذنك ادهم سابها ومشي وهيا مش مصدقه انها ممكن فعلا تكون عملت كده وفعلا سالت العمال قالو انها فعلا رقصت وكذا حد من الرجاله حاول يكلمها حاولت طول النهار تصالح جوزها اللي كان هيتجن منها بس هيحاسبها علي حاجه عملتها مش في وعيها كل ما تكلمه يرفض يسمعها لحد اخر الليل ليلي: ادهم علشاني خاطري بقي كفايه كان عندي فضول اجرب وانت قلت لا ادهم: لو كنت عارف ان الموضوع مهم قوي كنت هخليكي تجربي بس هنا في اوضتنا وانتي معايا يبقي حتي لو سكرتي مفيش حاجه غلط تحصل مش تسكري وانتي لوحدك وسط رجاله محدش فيهم هيتردد لحظه ياخدك اوضته فكري للحظه لو ده حصل كنتي هتعملي ايه ؟؟ لو صحيتي لقيتي نفسك نايمه في حضن واحد غريب حتي متعرفيش اسمه؟؟ كنتي هتعملي ايه؟ ؟ والمفروض ساعتها انا اعمل ايه؟ ؟ انا دماغي هتجنن من كتر التفكير لو ده حصل اعمل ايه؟ ؟ ليلي: والحمد لله محصلش ادهم: ولو حصل؟؟؟؟ ليلي: محصلش ومش عايزه افكر في حاجه محصلتش لاني خلاص استوعبت الدرس وعرفت غلطي فين انا اسفه وهفضل اتاسفلك لحد ما ترضي خلاص بقي ما تزعلش مني حقك عليا ادهم: تصبحي علي خير عايز انام سابها ادهم ومرضيش يسامحها ونام صحي تاني يوم لقي نفسه في شقته في القاهره لوحده مش فاهم هو ايه اللي جابه هنا وليلي فين؟ تليفونه بيرن ويرن ادهم: الو ايوه؟ المدير: ايوه يا ادهم تعال بسرعه عايزك في مهمه بسرعه ونكمل بكره ارائكم تعليقاتكم تخيلاتكم تحليلاتكم معقوله كل اللي فات ده حلم ولا ايه؟؟ فين ليلي وحبها وفين ابوها؟؟؟ ShiMoOo | ||||
|
| |
|
28-07-16, 09:35 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الرابعه صحي تاني يوم لقي نفسه في شقته في القاهره لوحده مش فاهم هو ايه اللي جابه هنا وليلي فين؟ تليفونه بيرن ويرن ادهم: الو ايوه؟ المدير: ايوه يا ادهم تعال بسرعه عايزك في مهمه بسرعه ادهم: ربع ساعه واكون عندك قام من سريره كل حاجه في مكانها مش فاهم اي شيئ ليلي فين وايه اللي بيحصل؟؟؟؟ لبس هدومه ونزل راح شغله المدير: اتفضل يا سيادة المقدم ادهم: اؤمرني المدير: الامر لله وحده يا ابني. عايزك في مهمه جديده ادهم: حدد الزمان والمكان والمطلوب مني المدير: مش تسأل الاول طبيعه المهمة ايه؟ مش يمكن ما تعجبكش؟؟ ادهم: وانا من امتي بتفرق معايا طبيعه المهمه؟ مهما كانت موافق عليها المدير: شوف يا سيدي. في بلد صغيره بعيده شويتين وهاديه جدا بس المشكله ان في عصابه جديده استولت علي البلد ايه ده؟؟؟ ايه اللي بيحصل ده؟ ؟ هو الزمان بيتعاد تاني ولا ايه؟ ؟ المدير: سياده المقدم حضرتك سامعني ولا ايه؟ ادهم: ايوه سامع بس حضرتك كلفتني بالمهمه دي قبل كده؟ المدير: يعني ايه كلفتك بيها قبل كده؟؟ ركز معايا ادهم :وطبعا البوليس مش عارف مكانهم هما بينزلوا يضربو ضربتهم ويختفو تماما. ده غير انهم مسلحين ومحدش بيعرف هيهجمو امتي المدير: فعلا انت مين قالك وعرفت ازاي؟؟ ادهم: متشغلش بال حضرتك انا تقريبا عارف كل حاجه عن المهمه دي واوعدك اني مش هخيب ظنك كل الكلام بيتعاد تاني خرج من عند مديره مش فاهم حاجه راكب عربيته بص لايده دبلته مش في ايده معقول معقول كل اللي فات ده كان حلم هو لسه هيروح البلد ليلي حلم؟؟ حبها حلم؟؟ جوازه منها حلم؟؟ ايوه طبعا لازم يكون حلم هو كان نفسه يبقي حقيقه نسي انه مشوه مسخ عمر ما في واحده جميله زي ليلي اللي في خياله ممكن تحبه؟؟ كان نفسه يعيش زي اي بني ادم ولما معرفش يعيش في الحقيقة عاش في عالم الاحلام وصل البلد ونزل لقاهم مستنينه وفضل يتلفت حواليه يدور علي حبيبه احلامه بس ملقهاش نفس الكلام نفس النقد فيه كل حاجه زي ماهيا بس فين ليلي اوعي تكون مش موجوده قاعد مش مركز بيفكر هيعمل ايه لو ليلي بالذات ملهاش وجود؟؟؟ هيفضل عمره كله لوحده من غير حب؟؟؟ لا لا اهي ظهرت اهي قلبه بيدق بسرعه حاسس انه عايز يقوم من مكانه ياخدها في حضنه مش عارف يتصرف او يتكلم او حتي يتنفس بصت ناحيته وعادي مجتش ولا كلمته تاني يوم الصبح مستنيها تيجي تخبط وتقوله يفطر بس مجتش كل يوم بيستناها بيقعد فوق الكرفان علشان يشوفها رايحه شغلها كل يوم بيستناها تكلمه بس ما بتكلموش مش عارف يعمل ايه طيب يروح هو يكلمها!؟ يتصرف ازاي؟؟؟ ازاي يخليها تحبه؟؟؟ وهيا ممكن تبص لواحد زيه ازاي؟؟؟ قرر انه لازم يكلمها لازم يعمل المستحيل علشان يوصلها استناها اخر النهار وهيا خارجه من شغلها ادهم: سلام عليكم ليلي: وعليكم السلام افندم حضرتك عايز تسالني في حاجه؟؟؟ ادهم: مش عارف يقول ايه؟ كل اللي بيفكر فيه شفايفها وهيا بتتكلم امبارح بس كانت في حضنه شفايفها كانت من حقه دلوقتي ازاي يقف قدامها متكتف كده؟؟؟ ليلي: حضرتك عايز حاجه؟؟ ادهم: كنت عايز اسالك عن العصابه؟ هو انتي تقدري تديني اي معلومات تفيدني او اي خيط امشي وراه ليلي: اعتقد اللي يفيدك اكتر اي بنت من اللي اتعرضوا للاغتصاب لكن انا مش هفيدك كتير ليلي قربت منه ومسكت ايده ليلي: اتمني بجد انك تقدر تعمل فرق في بلدنا وتخلصنا من الكابوس ده ادهم قلبه هيقف من مسكه ايديها مش عارف يرد دماغه هتنفجر من التفكير بس امل جديد انها مش خايفه منه... مسكت ايده يبقي يمكن تحبه بيقنع نفسه باي امل لازم يكون في امل؟؟؟ بتعدي الايام وكل حاجه بتتعاد بس من غير قصه الحب ومن غير مصادماته وخناقاته مع ابوها بالعكس كان راجل محترم جدا متفهم جدا بيتكلم مع ادهم بمنتهي الاحترام موقف الولد الصغير حصل حادثه ليلي حصلت بس المره دي كان تقدير اهل ليلي لا يوصف كانو شايلين ادهم علي راسهم واهل البلد كلهم بيحبوه جدا لا هو مش عايز حب اهل البلد هو عايز ليلي وبس حمدي كان موجود وكان خطيب ليلي ادهم كان بيحاول يثبت انه له علاقه بالعصابه بس معرفش يمكن لانه ملوش علاقه بالعصابه ليلي مبسوطه مع خطيبها واخيرا جت المواجهه الاخيره والعصابه هجمت وفعلا مسكوا ليلي وهنا ادهم اتدخل كل حاجه بتعيد نفسها زعيم العصابه كان متلتم ومغطي وشه واخيرا لما رجالته كلهم انتهوا مسك ليلي وضربها بالسكينه في بطنها ورماها في الارض ادهم بيصرخ لااااااااا في حلمه هو اللي اضرب مش هيا جري عليها وشالها من الارض حاطط ايده علي بطنها بيحاول يوقف النزيف بس النزيف اكتر من انه يقدر يوقفه عمال يصرخ حد يطلب الاسعاف ادهم: ليلي ارجوكي ارجوكي اوعي تموتي علشان خاطري انا ارجوكي ليلي: انت عملت اللي عليك متزعلش عليا ادهم: لا ارجوكي خليكي معايا ارجوكي ليلي: ب تت كلم كاني حب ي ب تك يا بختها حب يب تك ادهم: انتي فعلا حبيبتي انتي وبس،،، حبيبتي في احلامي،، واتمنيتك حقيقة ارجوكي ليلي: ابتسمت وقلبها وقف بين ايديه خلاص حياته انتهت..... اي امل انتهي..... قام زي المجنون للزعيم يضرب فيه ويضرب ويضرب عايز يقتله اخيرا شد الغطا من علي وشه واتفاجئ ان زعيم العصابه هو ابوه ادهم رجع لورا خايف مخضوض ادهم: انت؟؟؟ ابوه: ايوه انا امال كنت فاكر مين؟؟؟ ادهم: وقتلتها ليه؟؟؟ ابوه: علشان اوجعك ادهم: لا حرام عليك لأ لأ لأ لأ لاااااااااااااااااااااااا ا ونكمل بكره استنوني مامت ادهم فين واخواته؟؟؟ ابوه هيتاعقب ولا ادهم هيبرأه من كل التهم؟ ايه اللي هيحصل؟؟ حلم ادهم انتهي هل هيقابل حب حقيقي ولا مش مسموح للمشوه يحب؟؟ هل هو هيحب فعلا ولا خلاص هيكتفي بحلمه؟؟ استنوني هتعرفو عايزه اعرف ارائكم معلش ومحدش يزعل مني بس لو حلقه النهارده معدتش ال 500 لايك مش هتنزل بانتظام انا مكتوب عندي ان فوق ال 2000 بيشوفوها لما يدوب منهم 400 يتفاعلو الباقي فين وحبايبي اللي متابعيني عارفه ومتاكده انهم مش هيزعلوا مني الباقي بقي اللي بيدخل يقري ويخرج وما يقدرش حد مش عايزاه يقرالي اصلا ShiMoOo | ||||
|
| |
|
28-07-16, 09:37 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الخامسة قام زي المجنون للزعيم يضرب فيه ويضرب ويضرب عايز يقتله اخيرا شد الغطا من علي وشه واتفاجئ ان زعيم العصابه هو ابوه ادهم رجع لورا خايف مخضوض ادهم: انت؟؟؟ ابوه: ايوه انا امال كنت فاكر مين؟؟؟ ادهم: وقتلتها ليه؟؟؟ ابوه: علشان اوجعك ادهم: لا حرام عليك لأ لأ لأ لأ لاااااااااااااااااااااااا ا ادهم. ادهم. ادهم. ادهم ادهم: لألأ لأ لأ ::حبيبي اصحي مالك في ايه؟ ادهم: لأ ارجوك لأ لأ ::: ادهم حبيبي اصحي مالك ادهم صحي ادهم زي المجنون بينهج وبيتلفت حواليه ليلي: مالك اهدي ده مجرد كابوس ليلي قدامه اهي ماسكه وشه بايديها ادهم مش فاهم هو دلوقتي بيحلم ولا اللي فات حلم؟؟ فين الحلم وفين الحقيقة؟؟ بس مش مهم المهم ان حاليا ليلي بين ايديه ادهم: انتي كويسه فيكي اي حاجه هاه؟؟ بطنك وريني بطنك ليلي: ادهم انا كويسه ادهم بصوت عالي: وريني بطنك رفعت قميص نومها ورته بطنها ليلي: اهي ادهم حط ايده علي بطنها مفيش دم ادهم: مفيش دم انتي كويسه صح انتي كويسه؟ ؟ فضل يردد انتي كويسه وهو واخدها في حضنه وبيبوس في كل حته في وشها زي ما يكون خايف انه يطلع بيحلم فيلحق يشبع منها قبل ما تختفي تاني اخيرا بدا يهدي الكابوس انتهي ليلي: ادهم مالك؟ ادهم: هو انا صاحي دلوقتي ولا نايم وبحلم انك مراتي وانك حاليا في حضني؟؟؟ ليلي: انا اهو في حضنك؟؟؟ اللي فات كان كابوس يا حبيبي حاول بقي ترتاح شويه كل ده علشان زعلتني ادهم: انا مقدرش ازعلك اصلا ليلي: انا بحبك قوي اخدت راسه علي صدرها وضمته جامد قوي ليلي: ودلوقتي نام في حضني واهدي واوعي تخاف انا جنبك وعمرك ما هتخسرني ما تخافش ابدا حاول ادهم ما ينامش لانه خايف يصحي ما يلاقيش ليلي جنبه او تتطلع وهم بس النوم غلبه ونام صحي من نومه وملقاش ليلي جنبه ادهم: ليلي ___ ليلي طلعت ليلي من الحمام ليلي: انا اهوه مالك صوتك عالي كده ليه؟ اول ما شافها اخد نفس بصوت عالي ونام تاني علي السرير لما اطمن انها موجوده وانه مش حلم ليلي جت جنبه ليلي: مالك في ايه؟ نفس الكابوس تاني؟ ادهم: متشغليش بالك المهم انك جنبي وانك بخير _____ اصلا الكابوس ده ما بيفارقنيش بس المره دي باضافات جديده المهم ما علينا سيبك من الموضوع ده قومي نفطر ونخرج مش جعانه؟؟ ليلي: جعانه طبعا بس مش للاكل ادهم ضحك وهيا ونسيبهم مع بعض خرجوا وفطروا بس ادهم كان مختلف بيضحك كتير منطلق كده ليلي: احكيلي بقي ادهم: احكيلك ايه؟ ليلي: الكابوس ولا ده كان حجه بس علشان تشوف بطني ادهم ضحك بصوته كله ودي كانت اول مره ليلي تشوفه بيضحك كده او يمكن تكون دي اول مره ادهم يضحك كده ادهم: اولا انا مش محتاج اتحجج وبعدين انا لو هتحجج علشان اشوف حاجه مش هتبقي بطنك يا هطلع لفوق شويه يا هنزل لتحت شويه مش هاجي في النص كده ليلي: ايه اللي انت بتقوله ده انت قليل الادب علي فكره كانت بتتكلم بهزار طبعا ادهم: وان مكنتش هقل ادبي معاكي هقله مع مين هاه؟ لو مضايقه انا ممكن اقل ادبي مع واحدة تانيه عادي يعني ليلي: ن____عم. ده انا اقتلك بص بس لواحده تانيه وشوف انا هعمل فيك وفيها ايه ادهم: لا يا قمر انا اصلا مكتفي بالقمر اللي معايا ما تقلقيش ليلي: المهم بقي احكيلي ادهم: احكيلك ايه؟ ليلي: تاني هنعيد تاني ادهم: سيبك انتي المهم اكلتي خلاص؟ تعالي نتمشي شويه خرجوا بيتمشوا وادهم واخدها في حضنه ومنطلق جدا ومختلف جدا كان الاول بيهتم بالناس وشكله ايه وما ينفعش ياخدها في حضنه او يقرب منها لكن دلوقتي بيعمل كل ده ليلي: انت النهارده مختلف ادهم: مختلف للاسوأ ولا الاحسن؟؟ ليلي: للاحسن طبعاً،،،، حساك كده مشرإب ادهم: مش ايه؟ ليلي: ههههههه قصدي منفتح منطلق كده يعني ادهم: اممممم شوفي يا ستي الحكايه ومافيها ان الحياه اقصر من ان الواحد يعمل حساب لكل واحد او انه ميعش كل لحظه بلحظتها بس فأنا قررت اعيش كل لحظه معاكي استمتع بيها ليلي: والقرار ده بعد كابوس امبارح،،،، مش هتقولي بقي الكابوس ده كان ايه؟ ادهم: انتي ليه شاغله بالك بالموضوع ده؟ سيبك بقي وبعدين ايه الفضول ده كله؟ حلم وخلاص ليلي: ماشي يا ادهم طول اليوم وليلي كل شويه تسأله وهو برضه مش عايز يقولها مش عايز يفتكر الحلم او اي حاجه فيه بس هيا فاكره انه بيرخم عليها وخلاص اخر الليل وهما مع بعض في السرير فجأه ليلي حطت ايديها علي شفايف ادهم تمنعه يبوسها ادهم: في ايه مالك؟ ليلي: عايزه اعرف حلمت بايه؟ ادهم: تاني انتي ما بتمليش؟ ليلي بعدت عنه شويه ليلي: انت مش عايز تقولي ليه يعني؟ ادهم: هو ده اصلا وقته يعني؟ ليلي سكتت وما ردتش ادهم: ولا انتي قصدك يعني اني مش هنام معاكي غير لما تعرفي؟؟؟ امممم قام ادهم وقف وبيلبس هدومه وده جنن ليلي لانها متخيلتش رد فعله ده ابدا ليلي: انت رايح فين؟ ادهم:رايح مطرح ما رايح نامي انتي ليلي: ادهم ادهم مردش عليها وسابلها الاوضه كلها وخرج يتمشي علي البحر ساعات بيحس بحب ليلي وساعات بيحس انه مجرد تجربه جديده بالنسبالها او حاجه بتتسلي بيها وبكره تزهق ساعات كتير بيحس انها ما بتفهموش او ما بتحسش بيه ليلي في الاوضه رايحه جايه بتفكر تروحله ولا تطنشه... هيا عايزه تعرف كل حاجه تخصه الصغيره قبل الكبيره مش جريمه يعني "لا بس انا غلطانه اني بساومه علي النوم معايا زودتها شويه ايوه حقه انه ينام معايا وقت ما بيحب ما ينفعش احطله شروط " راحت ليلي تدور عليه لحد ما شافته قاعد علي الشط ليلي: بقي القعده لوحدك احلي من القعده معايا؟؟؟؟ ادهم :________ ليلي: فاكر لما كنا بنسرق الحظات علشان حتي نلمح بعض؟؟ ادهم: فاكر بس ساعتها مكنتيش بتشرطي عليا كان اهم حاجه عندك اني تشوفيني مش دلوقتي انتي في حضني وبتفكري ازاي تلوي دراعي... انا اه بحبك بس ما بيتلويش دراعي وموضوع النوم معاكي اه حلو وفوق الرائع وبعشقه بس مش ده اللي هيلوي دراعي نهائي مش دي دخلتي ابدا ليلي: انا مش قصدي كده ابدا وعلي فكرة انا كنت واخده الموضوع بهزار انت قلبته جد زي حاجات كتيره ابقي بهزر فيها ومره واحده الاقيك قفشت ادهم: اولا ده مش هزار ما ينفعش ابقي معاكي ومره واحده الاقيكي خرجتي بره الموضوع خالص وبعدها تقولي مش هكمل غير لما تعملي كذا او كذا ثانيا انا يا ستي راجل معقد وما ليش في الهزار وانتي عارفه كده كويس لاعمري هزرت مع حد ولا حد هزر معايا فمبفرقش بين الهزار والجد ليلي: طيب علي العموم يا سيدي حقك عليا ما تزعلش مني مش ههزر بالطريقه دي تاني ومش هخرج بره الموضوع تاني خلاص بقي مش بحبك تزعل او تضايق مني قعدت وراه واخدته في حضنها وهيا بتكلمه ليلي: حقك علي قلبي ادهم: خلاص ليلي: مش باين عليك انه خلاص ادهم: لا عادي بس مخنوق شويه ليلي: ينفع افضل معاك ولا عايز تبقي لوحدك قامت وقعدت قدامه ادهم: انا عمري كله لوحدي خليكي طبعا شدها قعدها علي رجليه وفضلوا قادين ساكتين باصين للبحر وهو ضاممها في حضنه ادهم: هو انتي ليه مصره تعرفي حلمت بايه؟ ليلي: لانك امبارح قمت زي المجنون خايف قوي قوي وبعدين النهارده كنت مختلف قوي وبعدين احنا اتفقنا نتشارك في كل حاجه ادهم: انا مش قصدي اني اخبي عليكي بس مش عايز افتكره وانتي كل شويه مصره تفكريني بيه ليلي: انا اسفه مفكرتش كده خلاص انساه وبعدشويه وهما ساكتين ليلي نايمه علي صدر ادهم وظهرها ليه وهو ضامهها ووشهم للبحر خبي وشه في رقبتها واخد نفس طويل ادهم: حلمت يا ليلي اني صحيت من نومي في شقتي وما لقتكيش جنبي ورحت الشغل لقيت مديري بيكلفني بالمهمه بتاعت بلدكم نفس الكلام كله بيتعاد وبعدها اكتشفت ان مهمتي لبلدكم كانت حلم وانتي حلم وحبنا حلم ورحت بلدكم ليلي: ووقعت في حبك من تاني ادهم: لأ..... كنتي مخطوبه لحمدي وبتحبيه وقعدت في بلدكم حاولت اقرب منك بس ما عرفتش كل حاجه حصلت عدتها الا حبك وفي الاخر لما قابلت رئيس العصابه معرفتش انقذك منه ليلي: اغتصبني؟؟؟؟ ادهم: لا بس قتلك... ضربك بالسكينه في بطنك وموتي بين ايديا ليلي: علشان كده قمت تصرخ وشفت بطني ادهم: كنت عايش كل لجظه كانها حقيقه حسيت بكل لحظه في الحلم ده وفي الاخر رئيس العصابه طلع ابويا وقالي انه قتلك علشان انا بحبك..... علشان يضمن اني افضل حزين لاخر لحظه في عمري لانه عارف ان موتك معناه موتي انا ليلي لفتله وضمته ليلي: ادهم حبيبي بصلي.... محدش هيقدر يبعدني عنك ابدا ابدا انا في حضنك وهفضل علي طول في حضنك عدي الليل وعدي شهر العسل ورجعوا بلدهم تاني يوم سهرانين واخر الليل ادهم ساب ليلي وقام الحمام ولما خرج بيلبس ليلي: سيادتك رايح فين؟ ادهم: رايح شغلي ليلي: انت مش واخد بالك الساعه كام؟ ادهم: الساعه 4 انتي بقي مش واخده بالك ان قدامي 6 ساعات علشان اوصل يعني هوصل علي 10 وهكون متأخر حوالي ساعتين ليلي: امممم بس انا مش عايزاك تروح خليك ما لحقتش اشبع منك شهر العسل عدي بسرعه قوي قامت وحضنته ومتشعبطه في رقبته ليلي: خليك النهارده وروح بكره ادهم: حبيبه قلبي انا اجازتي خلصت من اسبوع فات ومش هينفع اتاخر اكتر من كده وبعدين انتي عارفه ان انا لو بايدي مش هتحرك اصلا من جنبك بس لازم اشتغل ليلي: طيب هترجع امتي؟ ادهم: والله ما اعرف انا عندي راحه ساعتين الظهر بس ممكن ما اخدهمش واخرج بدري اخر النهار بس حتي لو خلصت بدري واتحركت هوصل هنا الفجر هطلع تاني امتي؟ ليلي: انا مقدرش يعدي يوم ما اشوفكش فيه ماليش دعوه اتصرف هتوحشني ادهم: سيبها للظروف يدوب كده الحق اتحرك سلام فضلت متشعبطه فيه وهو مش عارف يسيبها ولا عايز يسيبها بس لازم يروح شغله فضل طول النهار في شغله وكان هيموت وينام ولو حتي ساعه بس مفيش وقت اخيرا خلص بدري علي الساعه 6 استأذن مديره يمشي وطبعا لان مديره عارف الشروط اللي عليه وافق يمشيه بدري وقاله انه لازم يشوف حل للموضوع ده لان كده مش هينفع راح شقته وقال يريح شويه واتصل بليلي ليلي: لا زعلانه زعلانه كتير كمان ادهم: ليه بس وانا اقدر علي زعلك ليلي: ما افتكرتنيش النهار كله ولا عبرتني ادهم: قلبي انتي بس ما فضيتش لحظه ويدوب داخل البيت حالا ليلي: ايه ده كمان روحت البيت :؟؟؟؟ يعني انا طول النهار هموت عليك وبعد الدقايق علشان تخلص وتيجي وانت خلصت ورحت بيتك وانا اخبط دماغي في الحيط ولا في اي اعتبار لمشاعري ولا انك واحشني ولا اني هموت واخدك في حضني لا سعلانه ادهم: سعلانه؟؟؟؟ طيب انا هموت وانام حتي ساعه ليلي: فكر كده للحظه تنام ساعه وتيجي هنا متأخر ولا تيجي هتوصل هنا علي 12 وتبقي في حضني الليل كله وهدلعك اخر دلع ادهم: هتدلعيني؟؟ ليلي: هدلعك بس انت تعال ادهم: المشكله هوصل مش هيبقي فيا نفس اتنفس اصلا ليلي: خلاص يا ادهم براحتك.... يالا سلا م ادهم: ليلي استن___-_- قفلت السكه وعرف ادهم انها زعلت "عقله : نام انت محتاج تنام قلبه: وتسيبها زعلانه تقدر؟؟؟ عقله: هيا المفروض تقدر تعبك وكان المفروض تقولك ريح النهارده قلبه: هيا بتحبك وانت واحشها هو انت محدش يحبك تشتكي ولما حد يتعلق بيك برضه تشتكي؟؟؟ مش تحمد ربنا عليها وعلي حبها ليك؟؟؟ عقله: طيب هتروح وهتوصل نص الليل تقعد ساعتين وما تضحكش علي نفسك انك هتنام هترجع امتي وبكره مش هينفع تتأخر علشان الاجتماع اللي وراك قلبه: انت لسه هتفكر وتضيع وقت قوم روح لحبيبتك وما تنساش انها لسه عروسه ومحتاجه جوزها يدلعها انت وافقت علي شروط ابوها وهيا قالتلك متوافقش يبقي مش ذنبها قوم طبعا ادهم قام ووصل علي اخره فضل الساعتين في حضنها هيا واحشاه وهو واحشها وما نامش طبعا وعلي الساعه 3 قام علشان يلبس ليلي: انت هتسوق ازاي وانت ما نمتش ادهم: سيبيها علي الله... وبعدين انا بطبق باليومين مش اول مره يعني ليلي: طيب ما تروحش ادهم: تاني؟؟؟ مش هينفع وفضل ادهم رايح جاي يطبق باليومين ويريح يوم وطبعا ولا عارف يبسط ليلي او يرضيها ولا عارف يدي شغله حقه ومهما يعمل ليلي زعلانه وعايزاه يفضل اكتر وشغله كل يوم يتخانق مع مديره جتله مهمه يسافر فيها بره مصر وطبعا ليلي كانت هتجنن انه كمان هيسافر سافر وفضل شهر غايب ورجع واخد اسبوع اجازه ليلي كانت طايره بيه خلصت الاجازه ورجع نفس الوضع القديم بيسافر ويرجع وكل ما يتقابل مع ابوها بيتخانق معاه عدي كذا شهر ليلي حاليا كل يوم بتتخانق مع ادهم ومديره بيتخانق معاه وابوها مش سايبه في حاله اخر مره اتقابلو فيها كان يدوب ادهم داخل من السفر ام ليلي: حمدلله علي السلامه يا حبيبي ادهم: الله يسلمك يا ست الكل ام ليلي: انت هتخلص كده يا ابني ريح وتعال خميس وجمعه كفايه ليلي: وانا اقعد طول الاسبوع لوحدي عايزاني اتجنن صح؟ ادهم: سلامتك من الجنان يا قمر راح واخدها في حضنه عم محمود: اضحك عليها بقي بحضن وكلمتين ادهم:اهلا ازي حضرتك ما اخدتش بالي من حضرتك عم محمود: وانت تاخد بالك ليه اصلا؟ .... هو انتو ما بتخلفوش ليه؟ ولا انت معيوب ولا ايه؟ ام ليلي: ايه اللي انت بتقوله ده يا حج؟ عم محمود: ايه اللي بقوله بقالهم اكتر من 7 شهور متجوزين ادهم: لا اطمن انا مش معيوب بس اللي اعرفه انه علشان يحصل حمل اصلا لازم يكون في استقرار واحنا ابعد ما يكون عنه عم محمود: اه انت عايز تقول ان انا السبب ادهم: طبعا حضرتك السبب عم محمود: وليه متبقاش انت معيوب ما انت كل شويه بتتصاب اصابه شكل في شغلك ما ممكن اصابه منهم خلتك مش راجل ادهم: افندم؟؟ مش راجل؟؟؟ انا مش هرد عليك ليلي: ممكن تسكتو انتو الاتنين بقي بابا كفايه لو سمحت عم محمود: ايوه طبعا ما انتي لازم تبقي في صفه خلاص بقيتي مراتي لكن ما عدتيش بنتي ادهم: انا تعبان وعايز ارتاح بعد اذنكم عم محمود: علي فكره انا لسه ما خلصتش كلامي معاك ادهم: اتفضل قول حضرتك عايز ايه؟ عم محمود: تروح تعمل تحاليل ادهم: انت بتتكلم بجد؟ ؟ ام ليلي: بس بقي يا حج انت زودتها قوي انت مالكش دخل بالموضوع ده هما حرين مع بعض عم محمود: ما اطمنش يعني علي بنتي ومستقبلها ادهم: وده اللي هيطمنك عليها حاضر هروح بكره اعمل التحاليل عم محمود: يبقي ما تنامش معاها النهارده كلهم بصولو وتنحوا انه زودها عم محمود: بتبصولي كده ليه؟؟؟ التحاليل علشان تتعمل لازم يكون مانمش معاها 3 ايام هو مسافر من يومين والنهارده التالت وبكره يعمل التحاليل وبعدها هما حرين ايه غلطت انا ادهم: لا العفو وهو حضرتك تغلط برضه؟؟؟ بعد اذنكم انا طالع انام وما تصحينيش سابهم وطلع ليلي: انت هتفضل لحد امتي تعامله كده؟ ابوها: انا عملت ايه؟ انا عايز اطمن عليكي غلطت ليلي: اسلوبك نفسه انا وهو كان ممكن نتفق ونروح نكشف مع بعض بس مش كده ابوها: وياخدك في حضنه ويضحك عليكي بكلمتين ويخلص الموضوع على كده ليلي: انا بجد مش عارفه اقولك ايه؟ ابو ليلي اصر تاني يوم يروح مع ادهم وهو هيعمل التحاليل وكملو خناقهم مع بعض ادهم عمل التحاليل وروح ابو ليلي وسافر من غير ما يرجع البيت وطبعا ليلي مقدرتش تلومه طلعت بعدها نتيجه التحاليل وابوها اللي راح بنفسه يستلمها واتفاجئ لما شاف النتيجه با تري ايه النتيجه؟؟ ابوها مش هيبسيهم في حالهم؟ ليلي هتفضل سلبيه كده كتير؟ ؟ ادهم هيستحمل لحد امتي؟ ShiMoOo ونكمل بكره | ||||
|
| |
|
28-07-16, 09:57 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السادسة ابو ليلي جاب تحاليل ادهم واتفاجئ انها سليمه جدا عرضها علي كذا دكتور وكلهم اكدولو ان التحاليل سليمه وانه ممكن يخلف عادي طبعا ادي التحاليل لبنته ومرضيش يتواجه مع ادهم نهائي عدي كام شهر وجه شهر رمضان وده اول رمضان يعدي عليهم عم محمود عازم العيله كلها عنده اول يوم ادهم اخد اجازه اول يوم علشان يقضيه مع مراته وطبعا ليلي عايزه تروح لابوها علشان تقابل العيله كلها ويفطروا مع بعض ليلي: ادهم هنفطر النهارده عند بابا ادهم: ده مين قال كده؟ ليلي: بابا عازم العيله كلها وقالنا ادهم: قالك انتي ما قاليش انا ليلي: وانا ايه وانت ايه؟ ادهم: انتي بنته لكن انا واحد مش بيطيقه ابدا ليلي: لا متقلش كده،، المهم نفطر هناك ادهم: عايزه تروحي انتي روحي افطري مع عيلتك واتبسطي ليلي: ده اول رمضان لينا يبقي نفطر مع بعض ادهم: طيب خليكي هنا ونفطر مع بعض ليلي: ادهم احلي حاجه في رمضان اللمه والعيله والكل يتجمع ادهم: وعلشان كده بقولك روحي افطري معاهم فضلت ترغي في الموضوع ده كتير وهو رافض يروح مامت ليلي كلمتها تاكد عليها فقالتلها ان ادهم مش عايز يجي وانها لو هو مجاش هيا كمان مش هتيجي مامت ليلي كلمت ادهم وفضلت تترجاه يجي يقضي معاهم اول يوم وطبعا تحت الحاحها وافق يروح راح علي الاذان بالظبط وقعدوا يفطروا الكل متجمع بيهزر وبيضحك وادهم في النص حاسس انه غريب عن الناس دي نظرات ابوها ليه خلته يندم انه وافق يجي خلصوا فطار وقاموا وقعدوا الرجاله كلها مع بعض ادهم الكل بيحترمه جدا وبيتكلم معاه بحساب الا حماه طبعا ومن ضمن الحوار اللي كانوا بيتكلموا فيه عم محمود: يا اخي في ناس كده بارده ما بتحسش نهائي اخوه: فعلا في ناس بتبقي الواح بعيد عنك عم محمود: الواحد من دول يبقي عارف انه مش مرحب بيه وان محدش طايقه وبرضه يجي ويقعد وياكل ويشرب ولا كأن البيت بيته ومع ان محدش عزمه بس تقول ايه برود اخوه: الدنيا يا ما فيها المهم عملت ايه في الموضوع اللي قلتلك عليه كملوا هما حوارهم وادهم قاعد حاسس ان كل كلمه كانت موجه ليه وكان نفسه يضرب نفسه انه سمع كلام مراته وجه استأذن وقام علشان يمشي طبعا ليلي طلعتله لقته ماشي فخرجت وراه ليلي: انت رايح فين السهره لسه طويله؟! ادهم: انا همشي خليكي براحتك ليلي: مالك في ايه؟ ادهم: وانتي بيهمك مالي ولا بفرق معاكي اصلا؟؟ ليلي: ادهم في ايه؟ مين اللي ضايقك؟ ادهم: ياتري مين ممكن يكون ضايقني؟؟ ما تشغليش بالك وادخلي سلام ليلي: ادهم قولي الاول اتخانقتو ليه؟ ادهم: نفسي تحسي بيا مره وتعملي حساب لمشاعري... قولتلك مليون مره مش عايز اكون في مكان وجودي فيه مش مرغوب واخدت عهد علي نفسي اني مش هقعد في بيت اهله رافضيني وانتي مصره ديما تحطيني في الوضع ده ليلي: مين قال ان وجودك مش مرغوب فيه انت بيتهيألك ادهم: فعلا بيتهيألي ان ابوكي بيكرهني وبيتهيالي انه مش طايقني تصدقي انا اصلا بتبلي عليه ليلي: يوه يا ادهم بقي انا ما صدقت اخدت يوم اجازه وبعدين شويه وهنصوم تاني يبقي تفضل معايا ادهم: طيب قولي لنفسك.... يالا بيتنا ونسهر مع بعض ليلي: مش علشان انت مجربتش احساس العيله ولمتها يبقي تحرمني انا منها ادهم اتصدم بكلامها ادهم: ايه اللي بتقوليه ده؟ احرمك من عيلتك؟؟؟ لا يا ستي ولا احرمك ولا تحرميني سلام ليلي: ادهم استني مش قصدي ادهم استني لو سمحت ادهم ادهم سابها وخرج ومردش عليها وهيا حست ان التعبير خانها مكنش قصدها ابدا تجرحه كده وتعايره بموضوع العيله شويه وقررت تحصله علي البيت وتسهر معاه راحت البيت لقته فاضي اتصلت بادهم رد عليها وقالها انه سافر لان وراه شغل وطبعا ده كان كلام مش اكتر حاولت تصالحه بس رفض يسمعها اخد اسبوعين من غير ما ينزل واخيرا نزل ليلي: اخيرا افتكرت ان ليك حد هنا؟ ادهم: انا قلت اسيبك تشبعي عزومات انتي وعيلتك وبعدها ابقي اجي بدال ما احرمك من العيله ولا ايه؟ ليلي: انا مكنش قصدي انا التعبير خاني مش اكتر اسفه ادهم: ولا خانك ولا حاجه انا فعلا ما اعرفش جو العيله ولا العزومات ولا ليا فيه وانا صغير كنت بعيد عن جو العيله تماما حتي اكلي كان لوحدي ومكنش مسموحلي اشاركهم اكلهم ولما روحت لعيلتي اللي اتبنتني برضه مكنش مسموحلي اشاركهم ففعلا ما اعرفش جو العيله بس عمري ما فكرت احرمك منه ابدا انا اصلا متمرمط وطالع عيني في السفر رايح جاي علشان ما تبعديش لحظه عن عيلتك يبقي ما تجيش في الاخر تقولي بحرمك منهم ليلي: مكنش قصدي وبعدين انت ايه اللي زعلك وخلاك مشيت ادهم: ما سالتيش ابوكي ليه؟ ليلي: سالته وقال انه مكلمكش ادهم: هو فعلا ما كلمنيش هو بس كان بيرمي الكلام والحدق يفهم كان بيتكلم عن الناس البارده اللي تدخل بيت وهيا عارفه ان وجودها مش مرغوب فيها وتاكل وتشرب ليلي: ممكن ما يكونش قصده عليك ادهم: احنا هنضحك علي بعض ولا ايه؟ المهم اقفلي الكلام بقي سابها وطلع اوضته المسافات بتبعد بينهم والحواجز بتتحط بينهم ومحدش فيهم قادر يعمل حاجه خلص رمضان وجه العيد وطبعا ليلي مع اهلها والمره دي ادهم رفض نهائي يروح معاها راح بس الصبح سلم علي حماته وعيد عليها ومشي وليلي قضت يومها مع عيلتها واخر النهار روحت ولامت ادهم انه مكنش موجود معاها بتعدي الايام والفجوه بتوسع اكتر واكتر وابو ليلي بيبعد بينهم اكتر واكتر الحب اختفي كانه مكنش موجود اصلا وفضلت بس المشاكل والخناق ولوم وبس لحد في مره ليلي كانت عندها حفله كبيره في شغلها وهيا كانت المسؤله عن تنظيمها شغلت جزء كبير جدا من وقتها كانت كل شويه تاكد علي ادهم انه لازم يكون جنبها في الحفله دي لانها مهمه بالنسبالها جدا وادهم في كل مره بياكدلها ان مفيش حاجة ممكن تأخره عنها ابدا ادهم في اليوم اللي قبل الحفله استأذن بدري وطبعا اخد اليوم اللي وراه اجازه علشان يقدر يقضيه مع مراته راكب عربيته وسايق رايح لمراته كان تعبان جدا فكر كذا مره يقف يريح شويه وبعدها يقول لا كل ما يوصل بدري احسن محدش يضمن الطريق لانه لازم يكون موجود واخيرا التعب اتمكن منه ونام للحظات وهو سايق وطبعا اللحظات دي كانت كفيله بانها تقلب عربيته ادهم يدوب غمض عنيه اتفاجئ بعربيه نقل قدامه وبزماره عاليه حاول يفادي العربيه بس لانه سايق بسرعه جدا العربيه اتقلبت منه واتدحرجت كذا مره علي الطريق قبل ما تستقر صاحب العربية النقل وقف بسرعه وراح خرجه بره العربيه ادهم كان بيقاوم انه يفضل فايق وعمال يردد اسم ليلي وانه لازم يروح وما يتاخرش صاحب العربيه طلب الاسعاف ونقلوه لاقرب نقطه اسعاف يسعفوه وبعدها يحولوه لاقرب مستشفي فاق ادهم وهو في المستشفي بص حواليه لقي النهار طلع قام بسرعه بس الدكتور مسكه الدكتور: انت فاكر نفسك رايح فين؟ ادهم: انا لازم امشي حالا الدكتور: انت هتخش العمليات حالا لانك عندك نزيف داخلي ادهم: انا كويس ولازم امشي الدكتور: حاليا بس خلال فتره بسيطه جدا هتبدا تنزف وهتوصل لمرحله صعب ساعتها انقاذك ادهم: مش مهم انا لازم امشي الدكتور: وانا قولتلك لا ادهم: انت ملكش حق تققر نيابه عني همشي علي مسؤليتي الدكتور: براحتك بس البوليس اللي بره ده هتعمل في ايه؟ ادهم: هتصرف وفعلا ادهم خرج علي مسؤليته وقابل بتوع البوليس وقال ان هو اللي غلطان وهو مسؤل لانه نام وقابل السواق واعتذرله ولسه هيمشي لقي سواق النقل مستغرب السواق: هما سمحولك تخرج؟ ادهم: انا سمحت لنفسي... ممكن اسالك انت كنت رايح فين السواق كان رايح نفس بلد ليلي وادهم طلب منه يوصله في طريقه السواق وافق بس طول الطريق خايف علي ادهم وحاسس انه هينهار في اي لحظه علامات الالم كانت باينه في كل ملامحه في كل مطب العربيه بتاخده السواق: اتمني انها تستاهل ادهم: مين هيا؟ السواق: اللي انتي هتموت نفسك عليها؟؟؟ ليلي اعتقد كنت بتردد في اسمها وانا بسحبك من العربيه ادهم: دي مراتي وكان عندها اليوم مهم وانا وعدتها اني هكون موجود بس للاسف بقينا الظهر اهوه وانا مقدرتش اكون معاها السواق: بس دي ظروف خارجه عن ارادتك وهيا اكيد هتقدر ادهم: اكيد طبعا بس كنت حابب اكون معاها وانفذ وعدي ليها مش اكتر وبعدين مش عايزاها تتخض لو حد قالها اني عملت حادثه سكت ادهم بعدها والسواق كمان سابه يرتاح شويه قبل ما يوصل ليلي استنت ادهم طول اليوم وبتتصل بيه بس تليفونه مقفول لانه اتكسر في الحادثه طول اليوم ابوها بيقنعها ان ادهم مش بيحبها وانه بس مصدق انه لقي واحده بتحبه مش اكتر وكل اللي بيعمله ده حركات يضحك عليها بيها ليلي بتحاول ما تفكرش في كلام ابوها بس الزن الكتير بياثر طبعا الحفله خلصت وادهم ما ظهرش ولا حتي اتصل بيها وابوها في كل لحظه بياكدلها انه لو بيحبها كان ساب الدنيا كلها علشان يجيلها اخيرا علي العصر كده ادهم وصل السواق صحاه وقاله انه وصل البلد وصفله ادهم البيت ووصله وجاه ينزل مقدرش يتحرك السواق نزله وسنده وعرض علي ادهم يوصله المستشفي بس رفض وخاف علي شعور ليلي لو دخل وحد مسنده اصر يدخل لوحده واول ما دخل كانت ليلي قاعده هيا وابوها مستنياه ويدوب خطي خطوتين ليلي وقفت وبصتله ليلي: هو طلب وحيد طلبته منك واترجيتك تكون موجود ووعدتني وخليت بوعدك ادهم: اكيد كان خارج ارادتي والا كنت هاجي ليلي: ماهو طبعا لازم يكون خارج ارادتك لان انا مش في اولوياتك شغلك اهم مني مليون مره انا اطلع ايه جنب مسؤليات ظابط المخابرات اللي امن البلد في ايده؟؟؟؟ ايوه انت شغلك مهم بس انا انانيه وعايزه اكون انا رقم واحد في حياه جوزي وللاسف ده مش بيحصل ادهم: ليلي عمر ما شغلي جه قبلك ابدا انتي فعلا ليكي الاولويه ليلي: تصدق صح ماهو باين ادهم: طيب اعرفي الاول ايه اخرني عم محمود: تسمع ايه؟ حجه جديده وسبب جديد واهو اي كلام تضحك عليها بيه ادهم: انا عمري ما ضحكت عليها بكلام وبعدين لو سمحت ما تدخلش بينا عم محمود: مش هتدخل.... انا مستنيكي بره اخد شنطه في ايده وخرج ادهم: ايه الشنطه دي؟ ومستنيكي ليه؟ ليلي: علشان انا تعبت استناك تعبت والنهارده انت جبت اخرها ادهم: تعبتي؟؟؟؟ انتي اللي تعبتي؟؟؟؟ ده علي اساس ان ده بمزاجي مش ابوكي اللي فرض علينا الوضع ده؟ ؟ ليلي: وانت وافقت ادهم: ودلوقتي بتلوميني اني وافقت علي شروط ابوكي!؟؟؟ ادهم كان خلاص هيوقع من طوله ومش قادر يتنفس بس مرضيش يضعف قدامها ليلي: كان ممكن تشوف اي حل تاني بس المهم انت النهارده اتخليت عني كنت محتجالك وملقيتكش ادهم: النهارده بس مكنتش جنبك وانتي كام مره محسيتيش بيا وماوقفتيش جنبي ههههه ده انتي دلوقتي مش حاسه بيا امشي ياليلي براحتك مش همنعك وقف ادهم علي جنب لحد ماهيا خرجت ومشيت وهو وقع علي الارض ليلي مشيت بتعيط وابوها بيقنعها انها عملت الصح وان الخطوه دي كان لازم تاخدها من زمان وانها مش المفروض تندم وبعدين هو شويه وهيجيلها يبوس ايديها ويترجاها ترجع وساعتها تبقي ترجعله بس يكون عرف قيمتها ادهم واقع في الارض وشريط حياته كلها بيمر قدامه وحس انها خلاص النهايه وفجأه شاف ظل فوقه ونكمل بكره استنوني ليلي هترجع ولا لأ؟ ادهم هيسامحها ولا كده كفايه؟ عم محمود موقفه ايه لما يعرف الحقيقه؟ ليلي تستاهل حب ادهم ولا؟؟ ShiMoOo | ||||
|
| |
|
28-07-16, 09:59 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السابعه قبل الحلقه في كتير منكم بيقولي موتي ابو ليلي اؤو ليلي اب من وجهه نظره مش بيحب ادهم اسلوبه غلط بس في امهات وابهات كتير بيبقوا حمي بجد وبعدين ليه دور اهل ادهم هيظهروا فاصبروا عليا ليلي بتحب ادهم بانانيه شويه وده غلط والاحداث هتوضحلكم كل حاجه اسيبكم مع الحلقات لو عجبتكم لايك وكومنت ليلي مشيت بتعيط وابوها بيقنعها انها عملت الصح وان الخطوه دي كان لازم تاخدها من زمان وانها مش المفروض تندم وبعدين هو شويه وهيجيلها يبوس ايديها ويترجاها ترجع وساعتها تبقي ترجعله بس يكون عرف قيمتها ادهم واقع في الارض وشريط حياته كلها بيمر قدامه وحس انها خلاص النهايه وفجأه شاف ظل فوقه لقي ادهم ناسي ادويته اللي اخدها من المستشفي فرجع علشان يديهاله اول ما وصل لقي الباب مفتوح ويدوب وقف قدامه لمح ادهم علي الارض بينزف من بقه طلب الاسعاف بسرعه وجم اخدوه علي المستشفي ودخل العمليات علي طول بسبب النزيف الداخلي ليلي طول الليل بتستني تليفون من ادهم يحايلها او يكلمها او يقولها اي حاجه بس استنت واستنت واستنت والصبح قررت انها تروح تلم هدومها واول ما وصلت بيتها الجيران اتلموا عليها يطمنو علي ادهم منها حد من الجيران: صباح الخير يا ليلي طمنينا جوزك عمل ايه دلوقتي قلقنا عليه ؟؟ ليلي: جوزي؟؟؟؟ ليه هو ماله؟؟؟ حد تاني: بعد ما مشيتي الاسعاف جت واخدوه ليلي: اخدوه؟؟ اخدوه فين؟ هو ماله؟ حد: هو انتي معرفتيش؟؟؟ احنا ما نعرفش بس شفناه والاسعاف شايلينوه ليلي بصت لابوها اللي جه معاها بصه لوم وعتاب عمره ما هينساها وجريت علي المستشفي وطبعا ابوها اللي وداها وصلت وعرفت انه لسه مخرجش من العمليات ومعرفتش اي حاجه عنه كل اللي عرفته كان من السواق اللي كان قاعد مستنيه يطمن عليه حكالها السواق كل حاجه من اول الحادثه لحد ما وصله لباب بيته السواق: طول الوقت كان كل همه انه يجي لمراته علشان يكون معاها ليلي فضلت تعيط وتعيط ليلي: لو جراله حاجه عمري ما هسامح نفسي ولا هاسمحك ابدا عم محمود: وانا اعرف منين انه كان عامل حادثه؟؟ ليلي: كان لازم التمسله عذر لانه عمره ما اتاخر عليا ابدا بمزاجه عم محمود: ولما انتي عارفه كده سمعتيني ليه؟ الا اذا كنتي انتي مش واثقه فيه يبقي ما ترميش غلطك عليا ليلي: فعلا عندك حق ده كان غلطي اني سمعتك او اديتك فرصه تتدخل في حياتي بس من هنا ورايح مش هسمحلك تدخل بينا تاني ابدا ادهم خرج من العمليات وكانت حالته حرجه بس الوقت كفيل بعلاج كل الجروح بدا يتحسن بس رافض يتكلم نهائي مع ليلي ما بيردش عليها نهائي ومهما تعمل بيبعدها عنه اخيرا خرج من المستشفي وليلي معاه في اوضه نومهم بيحاول يقلع هدومه فقربت تساعده فرفض ادهم: طول عمري لوحدي وحتي لما بتصاب ببقي برضه لوحدي فمش محتاج مساعدتك ليلي: ادهم ارجوك سامحني ادهم: اسامحك علي ايه بالظبط؟ علي عدم احساسك بيا نهائي ولا علي بعدك عني ولا علي تفضيلك كل لحظه ومناسبه انك تقضيها مع عيلتك وتسيبيني لوحدي ولا علي انانيتك في كل لحظه ولا عدم احساسك بوجعي وانا بنزف ولا انك مديتينيش فرصه حتي اقولك انا اتاخرت ليه ليلي ردها كان عياط متواصل ادهم: اي حد بيبقي راجع من سفر بيخلوه ياخد نفسه الاول وبعدها بيتكلمو لكن انتي ما استنيتيش حتي ادخل من الباب كاني عدو مستنياه مش جوزك اللي كل يوم والتاني بيسافر 6 ساعات رايح وزيهم راجع علشان بس يقضي ساعه او ساعتين معاكي ليلي: ارجوك سامحني..... سامحني علي كل حاجه وانا اوعدك اني هغير كل حاجه كل حاجه هتتغير ادهم: وانا حاليا معنديش استعداد لاي شيئ ارجوكي انتي سيبيني لوحدي علشان ارتاح ليلي: ارتاح بس خليني جنبك ادهم: لو هتصري انك تفضلي هنا هسيب البيت كله وامشي فما تجبرينيش اعمل ده ليلي: ادهم انا قاطعها: خلاص يبقي امشي انا ليلي: لا استني همشي مشيت ليلي وكل يوم تجيله وهو يمشيها تاني لحد ما اتحسن ليلي: كفايه بقي كده ادهم: كفايه ايه؟ ليلي: كفايه بعد ادهم: انا مسافر النهارده ليلي: هاجي معاك ادهم: لا يا ليلي اسف بس محتاج فتره لوحدي ليلي: وانا مش عايزه الفتره دي ادهم: مش بقولك انانيه كل اللي بتفكري فيه نفسك وبس وانتي عايزه ايه ليلي: لو حبي ليك انانيه يبقي ايوه انانيه ادهم: لا مش الحب يا ليلي انانيه في مشاعرك اللي انتي عايزاه مهم لكن اللي غيرك عايزه مايهمكيش ليلي: انا عايزه افضل معاك ادهم: وانا محتاج فتره لوحدي وربنا يسهل ليلي: فتره قد ايه؟ ادهم: الله اعلم بعد اذنك سابها ومشي وهيا فضلت تراجع كل اخطائها وكل حاجه عملتها ___________-________-_________-_______ في مكان تاني بعيد قاعده حنان في جنينه سرحانه ومحستش بجوزها وهو داخل حسين: حنان حنان: انت جيت من امتي؟ حسين: بقالي كتير واقف وبكلمك ومش بتردي سرحانه في ايه كده؟ ولا اقولك ما ترديش اكيد سرحانه فيه حنان: انت عايز ايه مني دلوقتي؟؟؟ حسين: عايزك انتي ترجعيلي عايز مراتي حنان: وانا عايزه ابني تقدر ترجعهولي؟؟؟ حسين: تاني ابنك؟ حنان مردتش عليه وسكتت حسين: المهم النهارده السنويه بتاعت آيه بنتنا هتروحي معايا نزورها ولا لأ حنان: هروح راحو الاتنين وفضلو واقفين علي قبر بنتهم اللي ماتت صغيره بعد صراع طويل مع المرض ومهما ابوها حاول يعالجها الي ان فلوسه كلها مانفعتوش وما ساعدتوش واقف ودمعه نزلت من عينه حنان: ايه ده؟ هو انت بتحس زي باقي البشر حسين: دي بنتي حبيبتي. عايزاني ايه؟ حنان: ماهو كان ابنك برضه؟ حسين: لا مش ابني حنان: ابنك حسين: تاني ابني؟؟؟؟ حنان: تاني؟؟؟؟ تاني وتالت والف ومليون انت بعدتني عن ابني وانا مش هسامحك ابدا حسين: انتي اللي مش هتسامحيني؟؟؟؟ انتي؟؟؟ طيب وخيانتك ليا وابنك ده؟ ده تسميهم ايه؟ ؟ ادهم مش ابني حنان: انا عمري ما خنتك وادهم ابنك حسين: مش عايز اسمع اسمه ولما تحلفيلي ميت سنه مش هصدقك انتي حملتي فيه وانا مسافر يبقي ابني ازاي هاه؟ ؟ ولا انتي شايفاني عبيط حنان: انا حملت فيه بعد رجوعك من السفر وهو اتولد بدري عن معاده حسين: الدكتور قال انه مولود كامل وفي معاده حنان: وانا قولتلك ان عمري ما خنتك ابدا حسين: وابن عمك اللي جه وانا مسافر وبات في بيتي وانا مش موجود كان بيعمل ايه؟ ؟ حنان: وانا قلتلك مليون مره انه وصل بالليل من البلد ووقع علي السلم وهو داخل البيت جايب الحاجات اللي اهلي باعتنهالي ولما وقع رجله اتجزعت ومقدرش يتحرك وطلبتله الدكتور كشف عليه وقال ما يتحركش وتاني يوم الصبح اخواته وصلو بدري وخدوه البلد حسين: وانتي متخيله اني مصدق الحوار ده كله وبعدين احمد قالي انكم سهرتو مع بعض حنان: احمد كان عيل صغير حسين: احمد وكان عيل صغير والخدم كانوا اجازه ليه اليوم ده؟ وقميص النوم اللي كنتي لابساه ومعاد الولاده نفسه حنان: انا مديتهمش اجازه هيا الظروف جت كده ان في كذا حاجه حصلت ومكنتش لابسه قميص نوم لما قابلت ابن عمي مهما اقولك انت اخدت القرار حسين: الخدم كل ظروفهم اتفقت انهم ياخدوا يوم اجازه حنان: معرفش يا حسين صدقني حسين: انا مش مصدقك وبعدين احمد شافك خارجه من اوضته اخر الليل بقميص نوم وزعقتيله ودخلتيه اوضته وقولتيله ما يطلعش منها ابدا حنان: انا اخر الليل روحت عنده علشان اديله الدوا بتاعه لانه كان تعبان جدا وكنت برضه بهدومي وبعدين انت عارف ان احمد بيكدب كتير من صغره كان بيعمل العمله ويلزقها لاخوه وما تقولش انك مكنتش عارف انه بيكذب حسين: هيتهمك ليه بحاجه زي دي انتي امه ممكن يكدب مع ادهم لكن معاكي كان صغير وكان لسه مفيش ادهم اصلا حنان: هو كداب بطبعه ما اعرفش بس هو كداب وبعدين انت تصدق مين؟ ؟ انا حبيبتك حسين: انتي وجعي حنان: انت وجعتنا كلنا بايدك وحرمت ابنك منك وحرمتني منه حسين: قولتلك ما تقوليش ابني حنان: هفضل اقول لحد ما اموت انه ابنك وانت هتعرف الحقيقة في يوم وساعتها حتي الندم مش هينفعك حسين: مش هندم ابدا حنان: هو انت مش واخد بالك من اللي انت فيه حسين: ايه اللي لنا فيه؟؟؟ انا احسن من الناس كلها حنان: انت عمرك ما عشت يوم مبسوط حتي لما كنت بتعذبه ماكنتش مبسوط وبعدها مرض بنتك و سفرك بيها من بلد لبلد وحتي ابنك الكبير اللي انت علي طول بتفضله طلع ما بيخلفش يعني عمر ما هيكون عندك حفيد يورث امبراطوريتك دي كلها كل ده ذنب عيل صغير بدال ما تحضنه عذبته حسين: ولو الزمن رجع تاني هعيد كل ده سابها ومشي وهيا دعوه جوه قلبها ان ابني ربنا يعوضه عن كل حاجه ________-_________-_________-_________-____ ادهم الايام بتعدي وحاسس ان في حاجز بينه وبين حبيبته ولا قادر يتجاهله ولا قادر يتخطاه ويروحلها وليلي بتحاول تقرب منه اكتر واكتر وبتحاول ترجع لليلي اللي هو حبها وعشقها ليلي اللي كان اهم حاجه عندها راحته وسعادته وبدأت تراجع في كل حاجه حصلت وفعلا حست بنفسها قد ايه كانت انانيه في كل حاجه وندمت وقررت انها تغير كل حاجه اخيرا ادهم الشوق والحنين لنصه التاني اتغلب علي الحاجز وقرر يسافرلها فاخد اجازه يومين وسافر ووصل اخر الليل فكر انه يدخل يريح لحد ما يطلع النهار وبعدها يتصل بليلي تيجي من بيت ابوها مكنش يعرف ان ليلي طول الوقت في بيتها مستنياه يدخل من الباب دخل لقي كل حاجه مكانها هو فعلا محسش البيت ده قوي بس برضه عاش فيه لحظات جميله مع حبيبته طلع علي فوق وفتح باب اوضه النوم واتفاجئ لما لقاها نايمه فضل واقف يتامل فيها،،، عمره ما هيجي يوم يتعود فيه علي وجود الملاك ده في حياته ليلي اجمل من انها تكون حقيقه موجودة في حياته مكنش عا رف يعمل ايه يصحيها ولا يدخل جنبها وينام ولا ايه بالظبط؟ وفي نفس الوقت خايف انها تتفاجئ بوجوده غير هدومه وراح جنبها ونادي عليها براحه ادهم بهمس: ليلي..... ليلي انا جيت ليلي فتحت عينيها مش مصدقه انها سامعه صوته لفت وشها براحه ولقته جنبها ليلي: اخيرا يا ادهم اخيرا رمت نفسها في حضنه لانها كانت حاسه انها محرومه من كل حاجه وفجأه ملكت كل حاجه ليلي: وحشتني وحشتني وحشتني ادهم: ولما انا بوحشك بتبعديني ليه عنك؟؟؟ سؤاله مكنش سؤال كان عتاب بين احباب ليلي: مش هبعدك تاني ابدا ابدا استوعبت الدرس كويس ادهم: ده مكنش درس انا ما بعدتش علشان اديكي درس انا بعدت علشان انتي بعدتني انتي جرحتيني ليلي: اسفه يا اغلي من روحي ده مش هيتكرر تاني ابدا من هنا ورايح مش هضغط عليك تاني ومش هطلب حاجه فوق طاقتك وهسمعك انت وبس ادهم: وحشتيني ليلي: ولما وحشتك ليه بتتكلم لحد دلوقتي ادهم ابتسم واتكلم معاها بلغه تانيه هيا وهو مفتقدينها جدا طلع النهار وابو ليلي راحلها زي كل يوم بيحاول ياخدها بيته وهيا بترفض دخل البيت ونادي عليها بس ماردتش استغرب لانه كل يوم بيلاقيها محضره الفطار ومستنياه يفطروا مع بعض طلع علي فوق يشوفها نايمه ولا ايه واول ما فتح الباب اتفاجئ بانها نايمه في حضن حد كان هيجري يشدها لان وش اللي نايم معاها مش باين عم محمود: ليلي ليلي؟؟؟ هيا وصلت لكده ؟؟؟ انتي يابت اصحي قومي بدال ما اقتلك وانتي كده انتي واللي معاكي ده فزي ليلي وادهم صحيوا علي صوت ابوها بيزعق ادهم دخل راسه تحت المخده وساب ليلي لابوها واخد قرار انها لو سمحتله يدخل بينهم هيمشي بس المره دي من غير رجعه ليلي: في ايه يا بابا صباح الخير صوتك عالي ليه؟؟ عم محمود: في ايه؟؟؟ يابرودك يابت فزي قومي من السرير ليلي مش عارفه ابوها متنرفز كده ليه ليلي: اهدي بس انت وقولي في ايه؟ عم محمود: قومي من السرير حالا ليلي: في ايه؟ مش هينفع اقوم قدامك فهمت عم محمود: هيا وصلت انك تجيبي راجل البيت ويابجاحتك بتتكلمي كده عادي انتي عايزه القتل انتي واللي جنبك ده؟ ليلي تنحت لتفكير ابوها ومردتش وادهم خرج من تحت المخده ادهم: راجل غريب؟؟؟؟؟ هيا وصلت انك بتفكر ان بنتك جايبه راجل غريب البيت ونايمه معاه؟؟؟ عم محمود: هو انت؟؟؟؟ ادهم: ومش عارف ازاي فكرت انه ممكن يكون مش انا؟؟؟ ولا انت تعرف عن بنتك انها ممكن تنام مع راجل غريب؟؟ عم محمود: اخرس ادهم: اخرس؟؟؟ مش انا اللي من دقيقه كنت بتهمها انها نايمه مع راجل غريب عم محمود: ماتخيلتش ان سيادتك رجعت واتفاجئت بوجودك مش اكتر ادهم: امم واديك عرفت انه انا اتفضل بره بقي لو سمحت عم محمود: افندم؟ ادهم: واحد ومراته نايمين في سريرهم حضرتك واقف ليه؟ ولا عايز تتفرج؟ ليلي اتكسفت من كلام ادهم وابوها معرفش يرد فخرج ادهم وهو خارج: ماتنساش تقفل الباب تحت كويس وراك وهو خارج رزع الباب وراه ليلي: انت مجنون ادهم: انا برضه؟ المهم سيبك انتي كنا بنقول ايه؟ ليلي: كنا نايمين ما بنقولش ادهم: وقبل ما نام نكمل كلامنا قبل النوم ليلي: ادهم استني ادهم: استني ايه؟ مالك ليلي: بابا تلاقيه زعل ادهم تنح: بابا؟؟؟ وقف وقام وسابها ليلي: ادهم استني في ايه؟ ادهم بيلبس هدومه ومردش وداخل الحمام ليلي: في ايه؟ ادهم: مفيش هدخل الحمام ليلي: مكنتش عايز الحمام من دقيقه ادهم: ده من دقيقه سابها ودخل وهيا قامت ولبست واتصلت بابوها ليلي: بابا متزعلش من ادهم عم محمود: وانتي بيهمك زعلي وبعدين ادهم عندك يبيقي طظ في ايه حاجه تانيه هو كفايه ليلي: لا طبعا ما تقولش كده طب بقولك ايه ارجع نفطر احنا التلاته مع بعض وحاول انت وادهم تفتحوا صفحه جديده مع بعض ارجوك يابابا لو مش هتحبه حب حبي انا ليه علشان خاطري عم محمود: ولو جوزك قلب وشه ولا قال كلمه كده ولا كده؟ ليلي: بابا مش جوزي اللي بيقول كلام كده ولا كده تعال وانا هجهز الفطار لحد ما ترجع نزلت ليلي تجهز الفطار وادهم خرج من حمامه ملقهاش في الاوضه لبس هدومه ونزل لقاها في المطبخ والفطار بدا يجهز وفهم ان دي تعويض ليه انهم يفطروا هما الاتنين مع بعض ابتسم وجه من وراها ضمها ليلي: يارب تكون جعان ادهم: ميت من الجوع طيب خد الاكل علي السفره وانا هكمل الباقي ادهم بيساعدها في حط الاكل علي السفره واستغرب انها عامله كميات كبيره وفجأه جرس الباب ضرب ليلي: بابا وصل افتحله يا ادهم ادهم: بابا؟؟ الفطار ده علشان بابا؟؟ ليلي: ده علشانا كلنا افتحله يالا ادهم واقف مش عارف ينطق ولا يتحرك بس حاسس انه هينفجر من الغيظ ليلي جريت تفتح هيا ليلي: انت معاك مفتاح يابابا ادخل علي طول عم محمود: اه علشان جوزك يقولي تاني عايز اتفرج صح؟؟ ادهم: الكلام ده كان في اوضه النوم مش هنا اتفضل ده بيتك قعدوا كلهم يفطروا بس التوتر مالي الجو ابو ليلي بدا يتكلم هو بنته في مواضيع ادهم ميعرفش يشارك فيها عم محمود: ايه رايك بمناسبة رجوع جوزك نطلع كلنا بكره رحله عند البير ونقضي اليوم ونشوي ونتبسط بقالنا كتير قوي معملناش كده ليلي فرحت جدا بالفكره ليلي: فكره تحفه ايه رأيك يا ادهم؟ ادهم مش مركز اصلا معاهم ليلي: اده___ م ادهم يا ابني رحت فين؟ ادهم: هاه سوري بتقولي ايه؟ ليلي: بقولك ايه رايك؟ ادهم: رايي في ايه؟ عم محمود: هو اصلا مش معانا ولا مهتم بينا اصلا ولا بوجودنا ليلي: في الرحله؟؟ بابا اقترح نروح كلنا عند بير الجبل ونقضي اليوم هناك ونشوي وكده هيبقي يوم جميل ادهم سكت وبصلها مفيش اي شيئ اتغير ابوها بس بيغير اسلوبه وبيتدخل بطريقته بس بدال ما يبعدهم بالخناق بيبعدهم بطريقه مختلفه ليلي: هاه يا ادهم؟ ارجوك ادهم: ترجوني ايه؟ فين اصلا بير الجبل ده عم محمود: في المكان اللي ليلي كانت فيه مع رحله المدرسه ادهم: ساعت ما اتحبست والصخور وقعت علينا وكنا هنموت احنا الاتنين؟؟ ليلي: هو ده بس يا ادهم المكان جميل وخساره ا نك ما تشوفوش تعالي شوفه معايا واوعدك هنتبسط كتير ادهم: ربنا يسهل بعد اذنكم ويدوب هيمشي عم محمود: هو محدش علمك انها تبقي قله ذوق لما يكون حد ضيف بياكل معاك وتقوم انت الاول وتسيبه ادهم وصل لقمه غضبه وليلي حست ان الوضع هيتازم اكتر ادهم: اولا لأ محدش علمني ثانيا مكنتش اعرف ان سيادتك ضيف ولو حضرتك ضيف يبقي تعامل علي هذا الاساس بعد اذنك سابهم ومشي صمت شويه عم محمود: شايفه قله ذوقه وطريقه رده انا ممكن ارد عليه ووقفه عند حده بس انا ساكت علشانك انتي ليلي: انا اسفه يابابا اعذره المكان له ذكريات وحشه معاه و بعدين انت برضه اسلوبك معاه؟؟ عم محمود: اسلوبي انا؟ وتصرفاته هو ايه ما بتشوفيش انا اهوه بحاول معاه وهو اللي رافض بمد ايدي وهو بيرفضها اعملوه ايه بقي؟ ليلي: خلاص جهز انت للرحله وانا هقنعه وهنيجي ان شاءالله ابوها مشي وهيا استنت جوزها لحد مارجع كانت في المطبخ ودخل عندها ماكس ليلي: اهلا بيك جعان؟ اتفضل اكلك اهوه ياتري صاحبك فين بقي؟ طلعت لقته في اوضه النوم بيغير هدومه ليلي: اخيرا جيت هو انت راجع بعد الغيبه دي كلها علشان تبقي بعيد كده؟؟؟ ادهم: ومرجعتش برضه علشان اول يوم افطر مع ابوكي وتاني يوم اقضيه مع عيلتك؟؟؟ ليلي: ادهم ارجوك بابا بيحاول حاول انت كمان ادهم: هو فعلا بيحاول بس بيحاول يبعدنا الهدف واحد والطريقه اختلفت ليلي: لا بقي لا يا ادهم لو في حد غلطان النهارده يبقي انت مش هو ادهم: انا؟؟؟ غلطان في ايه بقي؟ ليلي: طردك ليه الصبح وبعدين في الفطار اسلوبك برضه مش حلو وهو كان عنده حق وبعدها بتقوله اتعامل علي اساس انك ضيف لا طبعا بابا عمره ما هيكون ضيف في بيتي ادهم: امممم طيب يا ستي حقك علي راسي انتي وابوكي بس زي ما ابوكي قالي محدش علمني الذوق بس يا ستي امبارح بس كنتي بتوعديني ان محدش هيدخل بينا والصبح الاقي ابوكي بيفطر معانا وبيجهزلنا رحله ليلي: ده مش تدخل وانا عند وعدي بس هو بيحاول يقرب منك ارجوك ارجوك يا حبيبي تعال نبدأ كلنا صفحة جديده مع بعض النهارده الصبح انا طلبت من بابا يرجع وهو علشاني مستعد يبدأ معاك صفحه جديده يبقي انت كمان علشاني ابدا معاه نفسي انتو الاتنين تبقوا كويسين مع بعض علشان خاطري انا،، بكره خلي اليوم بتاعي كلنا هنقضي اليوم مع بعض وبابا فاتح ايديه ليك واهو بيقولك ادخل العيله،، انت دلوقتي اللي رافض ادهم: انا مش رافض بس انتي اللي مش فاهمه حاجه ليلي: علشان خاطري خلي بكره بتاعي واوعدك اننا هننبسط كتير مع بعض وهتشوف عيلتي بشكل تاني وتقرب من بابا اكتر ادهم: حاضر يا ليلي هقضي معاكي بكره بس النتيجه هتبقي عليكي انتي ليلي: اتفقنا واوعدك انه هيكون يوم ما يتنسيش ادهم: ربنا يستر وجه يوم الرحله واتحركو كلهم وبدؤا رحلتهم ياتري ايه اللي هيحصل ؟ هيبدؤا صفحة جديده ولا هيقفلو القديمة ؟ استنوني هتعرفو حلقه طووووووويله جدا نشوف بقي عدد الليكات والكومنتات هيبقي قد ايه؟ متراهنه مع عمرو ان الحلقه هتعدي ال 500 لايك هكسب ولا هخسر؟؟ لو خسرت مش هتنزل بكره ولو كسبت هتبقي حلقه طووووووويله زي دي ShiMoOo | ||||
|
| |
|
28-07-16, 10:00 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثامنة بدا يوم الرحله الكل صحي بدري وجهز نفسه كانو المفروض هيروحو كلهم مع بعض في ميكروباص ووصلوا قدام بيت ادهم ادهم: متقوليش ان احنا هنركب معاهم؟ ليلي: ايوه طبعا الكل مع بعض هتبقي لذيذه الكل بيهزر ويضحك ويغني يالا هنتاخر عليهم ادهم: انا عايز اروح بعربيتي ليلي: ادهم بقي يالا، يعني الكل مع بعض اشمعني انت؟ ادهم: لان انا غيرهم وانتي عارفه كده بيخبطوا عليهم وينادوا ليلي: ادهم علشان خاطري ادهم: وماكس؟؟؟؟ ليلي: الكل بيحبه ومحدش هيعترض علي وجوده ولو اعترضوا ابقي ساعتها خد عربيتك اتفقنا! يالا بقي خرجوا وادهم متحفز العيله: اخيرا طلعتو يالا بقي عايزين نلحق اليوم من اوله ليلي: طيب وماكس ولا ناخد عربيتنا اخو ليلي: ماكس هنا جنبي... ماكس تعال الكلب نط وركب وليلي ركبت ويدوب ادهم هيركب جنبها عم محمود: ماتيجي جنبي هنا قدام علشان افرجك علي الطريق انت اول مره تروح ادهم بص لليلي وهيا بصتله وكأنها بتقوله روح قرب منه شويه ادهم ركب جنبه وحالة صمت سيطرت عليهم ووري عند ليلي ضحك وغني وهزار وادهم سامعهم بس كانهم في عالم تاني عالم بعيد عنه عالم عمره ما هيبقي جزء منه وصلو ونزلوا وحطوا حاجتهم وادهم واقف بعيد عنهم ليلي راحتله وقربت منه ليلي: هاه مالك واقف بعيد ليه ما تقرب ادهم: _______ ليلي: حاول تندمج معاهم وصدقني هتحبهم كلهم ادهم: ليلي انا قاطعه ابوها عم محمود: خلوا بالكم ان احنا معانا عيال صغيره بلاش القرب ده قوي كده لانهم بيتفرجوا وبعدين ليلي روحي ساعدي اخواتك وجهزوا الفطار يالا جعانين اخد بنته بلطافه ومشي ادهم كان عارف ان اليوم ده هيقضيه لوحده.. يوم هيأكدله انه لوحده وانه هيفضل لوحده.. هو جه بس علشان مايندمش علي القرار اللي هياخده وانه يبقي عمل كل اللي يقدر عليه وان مفيش حاجة في ايده فطروا ولعبوا وانتشروا وكل ما ليلي تقرب من ادهم حد بيشدها تاني بعيد سواء بقصد او من غير قصد وابوليلي بعيد عن ادهم بس بيوجه الكل من بعيد لبعيد المحصله ان ادهم يفضل بعيد عن ليلي ماكس كان هو الوحيد اللي بيشارك ادهم اخده وراحو يتمشوا وراح ناحيه المكان اللي اتحبسوا فيه وقعد هناك يتامل كل اللي فات ليلي جاتله ليلي: قاعد هنا ليه؟ ادهم: عادي ليلي: مش قاعد معانا ليه؟ ادهم: ماليش مكان معاكم ليلي: تاني يا ادهم؟ علي فكره بقي الكل بيحاول يقرب منك انت اللي بتبعد ادهم: يمكن اخو ليلي: ليلي ادهم يالا الغدا جاهز انتي روحتي تنادي عليه ولا جيتي تقعدي جنبه يالا الكل مستني اخر النهار بيلموا حاجتهم علشان يروحوا وجه الميكروباص ياخدهم وبرضه ادهم ركب قدام جنب حماه ونفس الصمت لحد ماعم محمود قطع الصمت ده عم محمود: عمرك ما هتكون جزء منهم ابدا... انا اهوه بعدت عنك خالص بس برضه معرفتش تقرب منهم، فهمت بقي ان مش انا السبب في بعدكم عن بعض، ادهم مردش عليه بس من جواه عرف ان فعلا هو معرفش يندمج معاهم وصلوا قدام بيت العيله والكل نزل واخوات ليلي البنات: ليلي احنا كلنا هنبات هنا عند بابا ونسهر مع بعض تعالي بقالنا كتير قوي ما اتجمعناش ليلي مترده: لا اسهروا بقي انتو وبعدين علشان ادهم عم محمود: ماله ادهم؟ خليه يجي هو كمان واسهروا كلكم مع بعض ولا انت عندك اعتراض؟ ادهم: لا براحتها عايزه تسهر مع اخواتها براحتها بس انا اعذروني عايز اريح شويه ليلي: يعني هتنام شويه وبعدها تيجي تاخدني ايه رايك؟ ادهم: براحتك روحي اسهري مع اخواتك ليلي: وتيجي اخر الليل تاخدني او اخويا يوصلني او بابا ادهم: ربنا يسهل سلام مشي ادهم ووصل بيته او بالاصح بيت ليلي فضل شويه يفكر وفي الاخر اخد قراره كلبه كان معاه فقعد قدامه ادهم: ماكس انت عارف انك اغلي حاجه ملكتها في حياتي وانك انت اكتر حد بثق فيه وعلشان كده عايزك تفضل مع ليلي تحميها وتخلي بالك منها اتفقنا يا صاحبي كلبه كانه فاهمه لانه وهو ماشي محاولش يروح وراه وقف وبصله وكانه بيوعده ان حبيبته في امان طول ماهو عايش ولا ممكن حد يقدر يمسها اخر الليل ليلي رجعت بيتها ولقت ماكس مستنيها ليلي: صاحبك فين يا جميل الكلب هوهو ليلي: كالعاده مش بفهمك طلعت اوضه نومها لقتها فاضيه وقلبها اتقبض شافت علي مخدتها رساله راحت وقرتها " رحلتك النهارده اللي اصريتي عليها اكدتلي اني عمري ما هبقي جزء من العيله دي ولا عمري هقدر اندمج معاهم سامحيني اني مشيت بالطريقه دي بس مكنش قدامي اي حل تاني لاني تعبت، تعبت من كل حاجه، تعبت اجدف في مركب غرقانه، تعبت احافظ علي مشاعر من ناحيه واحده تعبت منك في لحظه بتقوليلي وحشتك وماتبعدش عني واللحظه اللي بعدها تختاري كل الحاجات اللي تبعدنا عن بعض تختار تفطري مع ابوكي بدل ما نبقي لوحدنا تختاري يوم كامل مع عيلتك بدل ما تقضيه معايا تختاري تسهري مع اخواتك بدال ما تسهري معايا وعلي الرغم ان ابوكي وعيلتك واخواتك ممكن تشوفيهم بسهوله بعد ما اسافر بس برضه بتفضليهم عني قولتلك اجازتي يومين واختارتي تقضيهم بعيد عني وبعدها تقوليلي بحبك اي حب ده اللي بتتكلمي عنه وليه انا مش حاسه ابدا؟؟؟؟ ورايا شغل واتضطريت اسافر اتمني اشوفك قريب ادهم " قرت الرساله ومسكت تليفونها واتصلت بيه بس تليفونه مقفول كل مره توعد نفسها انها هتصلح كل حاجه بس بتتعك اكتر مش عارفه ازاي توفق بين عيلتها وبينه؟ مش عارفه ازاي ترضي كل الاطراف؟ ترضي ابوها وجوزها واخواتها واصحابها؟ ازاي توفق بينهم كلهم؟؟ بتعدي الايام وادهم لو كلمها بيرد عليها بالعافيه والاجابه علي قد السؤال لحد ما في مره ادهم كان ماسك مهمه جديده وخلصها وقبض علي المجرم بس المجرم وعد ادهم انه هيخليه يندم وهو في في اجتماع مع مديره دخل ظابط عليهم وبلغهم ان المجرم ده هرب وانهم مش لاقينه ادهم: هرب؟؟ هرب امتي؟ ؟ الظابط: من الصبح ادهم: ومحدش بلغني ليه؟ انتو اتجننتو؟؟ المدير: اهدي يا ادهم انا كلفت ناس كتير يدوروا عليه وهيا مسأله وقت مش اكتر ادهم: وقت؟؟؟ انت مش فاهم ادهم مسك تليفونه واتصل بمراته ادهم: ليلي انتي فين؟ ليلي: وانت كمان واحشتني ادهم بصوت عالي: مش وقته انتي فين؟ ليلي: انا في البيت مالك؟ ادهم: اطلعي بره البيت حالا وروحي عند اي حد من الجيران وخدي ماكس معاكي ليلي: في ايه انت بتخوفني؟؟ ادهم: اطلعي بره البيت حالا اتحركي بسرعه ليلي: _________ ادهم: ليلي ردي عليا؟؟؟؟؟ ليلي ليلي بهمس: ادهم في حد بره الاوضه ادهم: ليلي في الحمام هتلاقي مسدسي انتي عارفه مكانه استخدميه بسرعه ليلي: لاااااااااااااااااااااااا اااااااا ليلي صرخت بصوتها كله وبعدها الخط اتقفل ادهم بقي عامل زي المجنون متكتف مش عارف يعمل ايه وزمايله حواليه المدير: ادهم دقايق والبوليس هيبقي عندها هما في طريقهم انا بلغتهم ادهم: كان لازم تقولولي بدري سابهم وجري واتصل علي ابوها ادهم: روح لليلي بسرعه عم محمود: ايه ده؟ انت بتتكلم كده ليه؟ ادهم: روح لبنتك بسرعه في حد دخل عليها قوم واجري الحقها بسرعه اتحرك قفل السكه وسايق زي المجنون بس الطريق طويل وطويل قوي كمان قدامه ساعات علشان يوصل وعلشان تكمل موبيله فصل شحن ومعهوش شاحن حس بالعجز بالضعف بقله الحيله حس بالخوف الخوف اللي من يوم ماخرج من بيت ابوه وعد نفسه انه مش هيخاف تاني بس النهارده خلف وعده واحساس الخوف ماليه خوف علي حلم بيضيع خوف علي بيت بيتهد خوف علي وهم بيتبدد خوف علي حبيبته اخيرا وصل بيته طلع يجري ودخل بس البيت فاضي مفيش حد صمت يشبه صمت الاموات وسكوت دخل اوضه نومه متبهدله ومتكسره وفي دم في الارض هو شاف الدم وقع علي الارض رجليه مش شايلاه مش قادر يتحرك او يفكر او ينطق ممكن يكون خسرها ؟؟؟؟؟؟ انطلقوا انتو ممكن يكون خسرها ؟؟ ممكن تكون دي النهايه ؟؟ توقعاتكم شكرا لكل حبايبي اللي كسبوني الرهان ShiMoOo | ||||
|
| |
|
28-07-16, 11:24 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة التاسعة سوري لكل حبايبي علي التأخير بس المشكله اللي حصلت بقي المهم في كتير تعليقات بيقولولي انتي بتطولي في الاحداث القصه لسه فيها احداث كتير ولا امتو خلاص عايزينها تخلص؟؟؟ ادهم واقع في الارض لما شاف الدم وهيتجنن سمع صوت بينادي عليه طلع اخو ليلي: ادهم تعال معايا ادهم: ليلي جرالها حاجه؟؟؟ اخوها: ليلي بخير تعال بس ادهم مش قادر يقف وكأنه عجز فجأه سنده اخوها ووقفه واخده ومشي راحو مكان غريب اول مره ادهم يشوفه ادهم: انت جايبني فين؟ انا عايز اشوف ليلي اخوها: ليلي هنا تعال اخده ودخلو وشاف ليلي واول ما شافها جريت عليه وضمها كانت هيموت من الخوف بس اخيرا روحه رجعتله... اي حاجه تانيه في داهيه المهم انها كويسه بعدها شويه وبصلها وكانه عايز يتأكد انها بخير ادهم: انتي كويسه صح؟؟؟ مفيكيش حاجه؟؟ ليلي بتعيط: انا كويسه ادهم: طيب خلاص ما تعيطيش بقي ليلي: ادهم......... ادهم: في ايه مالك؟ ما تقلقيش من اي حاجه اهم حاجه انتي بخير في داهيه اي حاجه تانيه ليلي بتعيط برضه هنا خرج حد من اوضه لابس بلطو : فين صاحبه لازم يجي والا هيفوت الاوان ادهم: مين ده وفي ايه وايه المكان ده؟ ليلي: _______ عم محمود: دي عياده بيطريه ماكس...،، ادهم: ماكس ماله؟؟؟؟ قلبه بيدق بسرعه وعقله بيشتغل اسرع يبقي اكيد الدم بتاع ماكس بص ناحية الدكتور اللي خرج ادهم: هو فين؟ الدكتور: ادخله دخل ادهم لقاه نايم علي الترابيزة وشاش كتير حواليه قرب منه والكلب اول ما حس بيه رفع دماغه وبصله ونزلها تاني الدكتور: انا اسف بس الرصاصه استقرت في قلبه ادهم: انا ممكن اسفره مصر وهناك قاطعه الدكتور: مش هتلحق كويس انك لحقته اصلا ودعه ادهم قرب من كلبه وضمه ادهم: نفذت وعدك وحميتها صح!!! انت عارف انك كل حاجه بالنسبالي انت كنت اقرب صاحب ليا وعمري ما هنساك ابدا كلبه عمل صوت انين وغمض عنيه للمره الاخيره كلبه كان مستنيه يودعه ادهم حس بيه وعرف ان رفيقه وصاحبه مات دموعه نزلت غصب عنه حاول يمنعها بس معرفش شال صاحبه واخده وحطه في عربيته ليلي حاولت تكلمه او توقفه بس مسمعهاش كانت هتروح معاه بس ابوها مسكها عم محمود: سيبيه لوحده شويه ادهم اخده للمكان اللي كانو بيقعدوا فيه ديما لما كان في مهمته في المكان اللي كان بيستني ليلي فيه وكلبه بيجيبهاله لحد عنده وصل وحفر ودفن كلبه وقعد جنبه يودعه بصمت اخيرا حس بالشمس سخنت استغرب هو النهار طلع امتي اصلا؟!؟!؟! روح بيته ولقي عيله ليلي كلها مستنياه واول ما دخل الكل بيتكلم هو سامعهم بس مش مميز اي كلام بيقولوه ولا فاهمهم ادهم: انا اسف لازم اغير هدومي بعد اذنكم ليلي كانت هتتطلع وراه بس رفض طلع اوضته لقاها نضيفه ومترتبه دخل استحمي وطلع وقف قدام المرايه يبص لصورته واخيرا اتحرك يلبس هدومه ولقي نفسه بيلم كل حاجه تخصه وبيحضر شنطته اخيرا خلص معدش ليه اي شيئ في الاوضه دي شال شنطه وخرج ونزل والكل وقف اول ما شافه ومستغرب من الشنط اللي في ايديه حطهم وراح ناحيه عم محمود ووقف قدامه ادهم: انا جيت البلد دي علشان احميها وبس وحاولت ابعد بس كل ما ببعد كانت هيا بتقرب اكتر ولما انت عرفت ورفضت انا بعدت نهائي عنها ومهما تحاول تقرب كنت ببعدها وانت اللي جيتلي وانت اللي طلبت مني اقرب غير كده كنت همشي من البلد ومش هرجعها تاني ابدا ( بص لامها) انتي وهو اللي طلبتو مني افضل واستني في يوم فرحي جيت وقولتلي اني انتصرت ومكنتش فاهم انتصرت في ايه؟ مكنتش عارف ان انت اعلنتها حرب بينا وانت ما اخدتش بالك اني مستسلم طول الوقت كنت مستسلم بس انت مصر تحاربني مش عارف ليه؟ المهم طالما انت مش راضي باستسلامي فانا بقولهالك صريحه انت انتصرت انت انتصرت عم محمود: انتصرت في ايه؟؟؟ وايه التخاريف اللي بتقولها دي؟؟؟ ادهم: انتصرت في انك تبعدنا عن بعض؟؟ انتصرت في انك تعرفني انا ايه؟؟ انتصرت في انك تفهمني ان انا عمري ما هبقي زي باقي الناس وان ممكن في يوم من الايام يبقي عندي عيله؟ انتصرت في انك تفهمني ان الحب رفاهيه انا مش حملها؟؟ انتصرت في انك تفوقني من الوهم ان انا انسان انا مجرد مسخ بيتطلب منه مهمات بينفذها وبس مش من حقه اي شيئ تاني؟ عم محمود: كل ده علشان كلب؟؟؟ ده في الاول وفي الاخر مجرد كلب ادهم: لولا الكلب ده كان زمانك دلوقتي بيعزوك في بنتك وبعدين هو ممكن كان بالنسبالك انت مجرد كلب لكن بالنسبالي انا كان العيله الوحيده اللي بمتلكها كان الكائن الوحيد اللي حبني من غير شروط او طلبات او اي شيئ حبني بإخلاص... حبني لدرجه انه ضحي بحياته علشان عارف ان ليلي تهمني لا مكنش مجرد كلب ماكس معايا من عشر سنين هو اللي كان ديما بيفكرني اني بني ادم مش وحش كل ما بفقد ادميتي كان هو بيرجعهالي مكنش ابدا مجرد كلب راح وقف قدام ليلي ومسح دموعها ادهم: دموعك اغلي من انك تبكيها علي مجرد كلب ليلي: ادهم انا ؛ ادهم: هششش ما تتكلميش خلاص المهم انتي بخير وزي ما بيقولو قضي اخف من قضي انا مش عارف اصلا كنت هعمل ايه لو انتي جرالك حاجه!!! بس في حاجه اخيره عايز اقولهالك ليلي بصتله ادهم: انتي طالق......... طالق.......... طالق ليلي: انت بتقول ايه؟ انت؟ مش عارفه تتكلم ولا تنطق عم محمود: انت بتطلقها علشان الكلب ادهم: لا طبعا بطلقها علشانك انت مش قولتلك انت انتصرت عم محمود: علشاني؟؟؟ وانا امتي قولتلك طلقها ادهم: ههههه غريبه امتي؟؟؟ استني افتكر اه في يوم فرحنا وامتي تاني؟؟؟؟! اممم في كل يوم وفي كل لحظه بتحاربني فيها عم محمود: اه انت عايز تكره بنتي فيا وتقول ان انا السبب ادهم بزعيق: ارحمني بقي انا مش عايز اي حاجه منكم ارحموني بقي وبعدين ايوه انت السبب اسالك سؤال حسيت بايه لما اتصلت بيك وقولتلك الحق بنتك هاه حسيت بايه؟ رد عليا عم محمود: بالخوف حسيت ان قلبي هيقف ونفسي الزمن يقف والحقها قبل ما حاجه تمسها ادهم: وصلتلها في وقت قد ايه؟ عم محمود :_____ ادهم: رد عليا عم محمود: دقايق ادهم: تخيل احساسك ده انا عشته طول الطريق تخيله للحظه كده انا فضلت 6 ساعات سايق مش عارف اصلا اتنفس ولا عارف اتلم علي اعصابي سايق زي المجنون فايوه انت السبب بين شغلي وشقتي خمس دقايق وممكن اخدها في دقيقتين بس انت خليتها ساعات انت اصريت تبعدني عنها وانا اهوه بسلملك بنتك وبنسحب عايز ايه تاني مني؟ ويدوب هيمشي ليلي: وانا؟؟؟ ادهم: طالما مقدرش احميكي يبقي ما ينفعش افضل؟!!!! اسف بس خلاص كده معدش عندي حاجه تاني اقدر اقدمهالك مش هقدر اسوق الطريق ده تاني سبق وقولتلك انك لو هتختاري انا هنسحب ودلوقتي لا انا هقدر اندمج مع عيلتك ولا اقدر اخدك منهم يبقي الحل اني انسحب بعد اذنكم سابهم ومشي الكل مذهول والكل ساكت محدش عارف يتكلم ولا حد عارف اصلا يقول ايه لحد ما اخيرا ام ليلي اتكلمت ام ليلي: الحمد لله انه مشي ليلي: ايه؟؟ الحمدلله؟؟؟ انتي بتقولي ايه؟ ام ليلي: ايوه الحمدلله لان انتي متستاهليش واحد زيه؟؟ متستاهليش حد يحبك ويصونك ويخاف عليكي من الهوا؟؟ انتي ماتستاهليهوش لا انتي ولا ابوكي كنتي تستاهلي واحد زي حمدي عنده استعداد يبيع شرفك لو ضايقتيه بصت لجوزها كنت عايز واحد يبجح فيك لو اتكلمت لكن واحد يحترمك ويقدرك ما ينفعش كخه وحش الواد ده عنده اخلاق ماينفعش تكون وسط ناس زيكم طول الوقت عماله تضغطي عليه وتسفريه رايح جاي ولا تقدري تعبه ولا سفره ولا اي شيئ تعال دلوقتي يجيلك وبعدها انتي تسيبه ماشوفتش واحده بترضي الكل علي حساب جوزها الا انتي ليلي: مكنتش عايزه حد يزعل ام ليلي: طظ في الكل كان المهم ترضي جوزك مش ترضي الكل الا جوزك اهو طلقك ومشي يالا روحي لابوكي خليه يشوفلك عريس يليق بيكي ليلي بتعيط ام ليلي: بتعيطي ليه دلوقتي؟؟؟ مش فاهمه انا مش كل ما كان بيجي اجازه كنتي بتهربي وتنطي عندنا وتباتي معانا وهو يمشي تيجي تقعدي لوحدك هنا وقال ايه تستنيه وهو يجي وانتي تفتكري كل الزيارات واحده غيرك كان جوزها يجي تقفل بابها عليها وتمنع اي حد يجي عندها جوزك عارفه ان ابوكي مش طايقه يبقي ماتخليهمش كل شويه يتصدموا ببعض ابعديهم عن بعض ليلي: كنت عيزاهم يحبوا بعض ام ليلي: بتحطي النار جنب البنزين وتقوليلهم اوعي تولعوا في بعض يالا مش هيفيد الكلام اهو ارتاح منك ومن ابوكي بس يا خساره خسر صاحبه وخلاص سابتهم ومشيت ادهم ركب عربيته ومشي وساق ووقف فجأه وسط الصحرا وفضل يعيط ويعيط كان محتاج انه يصرخ بعلو صوته كله وفعلا صرخ بصوته كله اااااااااااااااااااهههههه ه يعيط علي صاحبه وعلي حاله وعلي حبيبته وعلي كل حاجه عدت في حياته عمره ما انهار كده بس خلاص مش قادر الحمل تقل قوي ومش قادر عليه _____،،،،________،،،،_______،،،،،،_� �،،،،،،________ حنان نايمه وقامت مره واحده مفزوعه تعيط وقامت تجري مش عارفه رايحه فين عايزه تتنفس هتتخنق مش قادره ابنها احمد شافها طالعه تجري جري وراها بينادي عليها خرجت الجنينه وقعدت في الارض تعيط وتندب احمد: في ايه؟ ايه اللي حصل؟ امه: __________ احمد: بابا جراله حاجه؟ ردي عليا امه: لا وبتعيط وتعيط احمد: بتعيطي علشانه صح؟؟؟؟ عمرك ما حبيتي غيره؟؟ عمرك ما اهتميتي بحد غيره؟؟ عمرك ما فكرتي في حد غيره؟؟؟ قعد قدامها علي الارض ومسك ايديها احمد: انا برضه ابنك علي فكره ومحتاجلك انا كمان عايزك ولا انتي اخدتي عهد علي نفسك طول ما انتي مش ام ليه مش هتيبقي ام لحد تاني؟ ؟ حنان: كنت بتستمتع بعذابه،،،،، كنت بتعمل كل حاجه وتتهمه بيها انت السبب في كل حاجه بتستمع بالشر من صغرك انت كبرت الشك في قلب ابوك انت بكدبك عملت كل ده انت كسرت قلبي وقلب ابوك وطردت اخوك من البيت وحرمته من العيله والدفا ونسيت انه اخوك الصغير وبدل ما تحميه كنت بتأذيه مش هسامحك انت او ابوك ابدا ابدا ابعد عني وايوه طول ما انا مش امه مش هكون ام لحد تاني ابعد احمد: من صغري ما حبتينيش وكاني مش ابنك وبعدها اول ما بقيتي حامل في ادهم فرحه الدنيا كانت في عنيكي وحسيت انه مش هيكونلي مكان في البيت ده لو هو اتولد فكان لازم احمي نفسي سابها ومشي وهيا نامت في الارض تعيط وابنها نايم زيها في الارض يعيط بينهم وبين بعض مسافات طويله بس عمر ما المسافات مهما كبرت بتمنع قلب ام انه يحس بابنها ياتري خلصت حكايتنا لهنا ولا فيها باقي؟؟ الحب الكبير انتهي ولا؟؟؟ ليلي هتفضل ضعيفه ولا هتفوق وترجع حبيبها تاني؟ ادهم هيوافق يرجع ولا خلاص اكتفي؟؟ توقعاتكم ShiMoOo — | ||||
|
| |
|
28-07-16, 11:27 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة العاشرة في ناس بيقولو ان احنا سارقين منهم دي طب انا لسه بالفها اصلا يبقي ازاي سارقينها حاجه تجنن معلش طلب صغير عايزاكم تتفاعلو علي اللي تقدروا عليه في البيدج اليومين دول علشان هما بيعملولنا ريبورتات علشان يقفلو صفحتنا فكل اللي يقري القصه قبل ما يقفل يمر كده علي البوستات ويوزع حبه لايكات وعلي فكره الليوبيقولولي ان انا بحب الليكات وبس ده مش صح انا بحبكم تتفاعلو معايا تناقشوني بشوف ارائكم مش اكتر في ناس بيقولو كمان ان شخصيتي وحشه من جوا... هو انا فعلا انتو شايفني وحشه من جوه؟؟؟؟ المهم اسيبكم مع القصه ادهم مشي ودفن نفسه في شغله ومبيحاولش يفكر في اي شيئ ليلي بتقضي كل ايامها عياط وبس لحد مافي يوم امها دخلت عليها ام ليلي: انا نفسي اعرف انتي بتعيطي ليه؟؟؟ ماهو ده كان متوقع ليلي: انتي بتقولي ايه؟؟؟ امها: بقول اللي يشوفك كده يقول بتحبيه؟؟ ليلي: ماما؟ انا بعشق ادهم امها: ماهو مش بالكلام... هو بيحبك كان بيخاف علي زعلك.. كان بيستحمل غلاسه ابوكي... كان بيسافر ويسوق قد ايه علشان يشوفك.... صرف تحويشه عمره علشان يعملك البيت اللي بتتمنيه.... كان بيقضي كل المناسبات لوحده علشان ما يبعدكيش عن عيلتك،،،،، قوليلي بقي انتي حاجه واحده اتنازلتي عنها علشانه ولا حاجه عملتيها ليه؟؟ ليلي: انا _____ انا _______ انا حاولت تدور علي اي حاجه تقولها بس ملقتش امها: انتي ايه؟؟؟؟ اقولك انا ::: انتي طلباتك مكنتش بتنتهي وتدبيسك ليه كل شويه في حاجه مبيحبهاش مكنش بينتهي وتوريطك ليه كل شويه في مشكله ه ده اللي كنتي بتقديمهوله عارفه ان ابوكي لما يعزمك قصده انتي بس وتقنعيه يجي علشان ابوكي يسممه بكلمتين عارفه ان يوم رحله مع العيله مش هيبسطه وتضغطي عليه يجي وبدال ما تستغلي اليوم في حضنه تقضيه وسط عيلتك مهو عيلتك موجوده مش هتطير لا وتكمليها بانك تيجي تكملي سهر هنا مش تروحي بقي تعوضيه حب ايه ده؟؟؟ انتي معندكيش اي فكره عن الحب ليلي: يعني اعمل ايه ازعل بابا وارضيه؟؟؟ امها: لو من الاول وقفتي ابوكي مكنش هيدخل لكن انتي سمحتيله يعمل كل ده مره ولا مره ابوكي متعلق بيكي من صغرك زياده عن اللزوم ومش قادر يقتنع انك كبرتي واتجوزتي وبيحاول يمشي حياتك زي ماهو عايز كان لازم بقي تقفي وتقولي انا كبرت كان لازم تحمي بيتك مش تهديه كده ليلي: طب انا بحب ادهم اعمل ايه؟ امها: انتي لسه بتسالي تعملي ايه؟ مفيش فايده فيكي طول ما انتي عايزه حد يقولك تعملي ايه يبقي مفيش فايده ولسه هتخرج ليلي: طيب وبابا؟؟؟؟ امها: حددي انتي عايزه ايه واعمليه وشوفي مين هتقفي جنبه ومين هتوقفيه حددي اولوياتك الاول خدي قرار وخليكي قويه ونفذيه ليلي راحت بيتها وجهزت شنطتها واستعدت تروح لجوزها طلبت تاكسي يوصلها المحطه عم محمود: انتي فاكره نفسك رايحه فين؟؟؟ ليلي: رايحه لجوزي عم محمود: جوزك اللي طلقك ومشي واللي علي طول كان بيسيبك بالشهر والاتنين لوحدك ليلي: انت عارف كان بيسيبني ليه؟ وعلشان كده انا هروحله ومش هتقدر المره دي تمنعني عم محمود: بس قاطعته: مابسش انا رايحه سلام عم محمود: خلاص هاجي معاكي اوصلك ليلي استغربت ان ابوها محاولش يمنعها الظاهر ان امها كان عندها حق كان لازم تقف وتقول لابوها انها كبرت بدال ما كانت بتمشي ورا كلامه ليلي: دي مش اول مره اسافر لوحدي انا اخدت اربع سنين الكليه بسافر لوحدي عم محمود: ايوه بس ده وضع مختلف افترضي انه رفضك هتروحي فين؟؟؟ ليلي: بص في عنيا وقولي ان ادهم ممكن يقفل بابه في وشي ويسيبني بره عم محمود: ماشي مش هيعملها هيدخلك ويسيب البيت هو هتعملي ايه؟ ليلي: هتصرف ما تشغلش بالك انت عم محمود: ما اشغلش بالي ازاي؟ ؟ انتي بنتي الصغيره ليلي: وهيا دي المشكله انا معدتش صغيره.... بابا انا بحبك وبحبك قوي كمان ويمكن اكون بحبك اكتر من اي حد في الكون كله ومش هحب حد اكتر منك ابدا ولا حتي ادهم بس انا بحبه وهو جوزي وعايزه اعيش معاه والحياه من غيره ملهاش طعم ولا معني ارجوك ولو عايزني افضل هنا وما اروحش مش هروح بس ساعتها ما تقولش ابدا انك بتحبني وانك عايز سعادتي لانك عارف ومتاكد ان سعادتي معاه عم محمود: طيب اوصلك وارجع ليلي : ارجوك سيبني اخطط حياتي لوحدي سيبني اعيش بقي عم محمود: خليه اول حاجه يعملها يردك ليه ليلي: طيب هو قالي طالق 3 مرات عم محمود: ولو قالها مليون مره تتحسب مره لانها كانت في وقت واحد هو كده طلقك مره وعادي يردك وصلها لحد المحطة وسلم عليها ومشي وحس بقلبه بيمشي معاها ودعالها من قلبه انها تعيش مبسوطه رجع بيته ومراته اول ما شافته ام ليلي: بنتك كبرت وسابت ايدك ودورك لحد هنا خلص سيبها بقي تبني بيتها عم محمود: بس لسه صغيره ام ليلي: هتفضل علي طول بنتك الصغيره بس حاليا هيا كبرت وبقي ليها بيت وانت بيتها هديته سيبها بقي في بيتها الجديد سيبها تعمره وتملاه حب وسعاده وجوزها بقي سيبه ياخد نصيبه من السعاده اللي اتحرم منها ليلي طول الطريق خايفه من رد فعل جوزها اخيرا وصلت الصبح بدري متردده خايفه وبتدعي انها تلاقي جوزها في البيت وصلت قدام العماره ونزلت واول ما البواب شافها جري عليها وسلم عليها ونزلها الشنط وقالها ان ادهم نزل بدري الشغل طلعها شقتها وفتحلها وطلبت منه مايقولش لادهم لما يرجع انها موجوده لانها عايزه تفاجئه دخلت فضت شنطها وحطت لمستها في كل حاجه غيرت ملامح البيت كله وساعدها البواب ومراته اوضه نومها غيرتها وفرشت مفرش ليله دخلتها وجابت ورد كتير وقررت انها تعوض يوم فرحها اللي معاشتهوش وكملت جنانها ولبست فستان فرحها واستنت جوزها يجي ادهم راجع البيت بيقدم رجل ويأخر رجل بيكره دخوله البيت وبيكره وحدته واهو بيقضي ايام وخلاص دخل العماره والبواب اول ما شافها بيبصله ومبتسم ادهم: في حاجه يا عم فتحي البواب: سلامتك يا باشا ادهم: عايز حاجه؟؟؟ البواب: لا يا ابني سلامتك ادهم استغرب وطلع لشقته واول ما فتح الباب قلبه دق بسرعه كل حاجه متغيره.... ورد في كل مكان..... شمع منور...... ريحه الشقه كل حاجه مختلفه قلبه بيدق هيخرج من مكانه وعقله هينفجر وبيحذره وبيقوله ما تفتحش باب اوضه النوم اهرب بسرعه واقف ماسك الاكره ولا قادر يفتحها ولا قادر يهرب ومش عارف ياخد قرار ايه هياخدها في حضنه ولا هيطردها من حياته؟؟؟ اخيرا فتح الباب واتفاجئ لما لقاها بفستان فرحها اي كلام كان هيقوله طار واختفي هو اصلا نسي هو بيتكلم ازاي صمت سيطر علي الموقف ليلي اخيرا نطقت وقالت"" اهلا "" ليلي قربت منه ومدت ايدها ليه ليلي: سبق ووعدتك وفشلت اني احقق وعدي وعلشان كده انا اهوه قدامك بفستان فرحي وهعتبر كل اللي فات كابوس وهبدا من جديد عارفه ان انا جرحتك كتير وانك خسرت كتير وبقولك اسفه من كل قلبي اسفه ورجعالك راجعه وناويه افضل هنا في حضنك هفضل معاك علي طول ومش هقعد في مكان انت مش فيه راجعه وناويه اعوض كل لحظه عدت مننا كل لحظه عشناها بعيد عن بعض راجعه وماده ايدي ليك اهوه وهحاول اصلح كل اخطائي هتسمحلي ادخل حياتك من تاني؟؟ ادهم: انتي ما خرجتيش منها اصلا علشان تدخليها تاني مسك ايدها وشدها ليه وعاشو ليله فرحهم اللي فاتت منهم قبل كده ليلة كانت مختلفه عن كل اللي فات ليله ليها طعم تاني ليله كان فيها شوق ولهفه وحب وعتاب ووعود وحياه جديده بدات وصفحه جديده اتفتحت ليلي: سامحتني؟؟ ادهم: سامحتك؟؟؟ سامحتك من اول اهلا ضحكت ليلي: انا بحبك قوي يا ادهم وعارفه اني مش بعمل اللي يوضح ده وعارفه اني مقصره معاك في كل حاجه ويمكن علشان كده بقولها كتير بس انا والله بحبك نفسي تصدقني ادهم: انا مصدقك وعارف انك بتحبيني بطريقك ليلي: طيب طلقتني ليه ومشيت ليه ما اخدتنيش معاك ؟؟؟؟؟؟ ادهم: طلقتك لانه مش هقدر احميكي وانتي بعيد اما ما اخدتكيش ليه فلإن ده مش من حقي... مش من حقي اقولك سيبي اهلك وعيلتك وشغلك ودنيتك كلها وتعالي معايا نعيش هنا لكن مش همنعك لو ده قرارك ليلي: ادهم انا مستعده اسيب الدنيا كلها طالما هكون معاك وهنا سكتت شهرزاد عن الكلام المباح طلع النهار وادهم فتح عنيه لقاها في حضنه اخيرا حلمه اتحقق وليلي بقت في بيته ده بيته اللي تعب لحد ما اشتراه وفرشه وحلم فيه ان حبيبته تشاركه مش التاني ابدا قام براحه من جنبها وطلع بره اتصل بمديره وبلغه انه اجازه كام يوم ولسه مديره هيعترض فقاله ان ليلي معاه فسكت لانه فهم ده معناه ايه لادهم دخل وحضرلها فطار احتفالا بوجودها معاه وهو في ا لمطبخ تليفونه رن فرد عم محمود: صباح الخير اخباركم ايه وليلي عامله ايه وهي فين وعملت معاها ايه؟؟؟ ادهم: انا لو بحقق مع حد بساله سؤال سؤال وبديله فرصة يجاوب مش عشرين سؤال وري بعض كده عم محمود: عملت ايه معاها؟؟؟؟ ادهم: تاني عملت ايه؟ ؟ قتلتها عم محمود: انا ما بهزرش،،، ردتها ولا زعلتها ولا ايه بالظبط؟ هيا مكلمتنيش ادهم: انت متخيل ان انا ممكن اقفل بابي في وش ليلي؟؟؟ عم محمود: امال طلقتها ليه؟ وما تقولش علشان كلبك ايوه هو كان مهم بس حتي انا كمان كنت بحب الكلب ده وكنت بتطمن علي بنتي وهيا بايته لوحدها في البيت وهو موجود ادهم: عارف انك كنت بتحبه ولا مطلقتهاش علشانه بس اكتفيت من السفر وتعبت ومعنديش ادني استعداد اسوق الطريق ده تاني بالشكل ده عم محمود: يعني انت هتمنعها تيجي تزورنا ولا ايه؟ ادهم: لا طبعا وقت ما هيا تحب تنزل هنزلها عم محمود: طيب ينفع اكلمها ادهم: هيا نايمه دلوقتي اصحيهالك! عم محمود: وانت ايه اللي مصحيك ومش نايم جنبها ليه انتو لسه زعلانين؟ ولا تلاقيك نازل الشغل ولا تقلان عليها؟ ادهم: حضرتك تخطيت الرقم القياسي في الاتهامات عندك مقدره غريبه علي اختراع اتهامات.. لا يا عم انا ولا تقلان ولا نازل الشغل يدوب لسه صاحي ولسه يدوب قايم من جنبها تحب احكيلك ليلتنا بالتفصيل؟؟ عم محمود: لا متشكر انت علي فكره ردودك مستفزه ادهم: ده لان اسئلتك مستفزه اكتر عم محمود ؛ قول لليلي تكلمني ادهم: من عنيا اي طلبات تانيه؟ عم محمود: لا شكرا سلام قفل وادهم ابتسم منه وكمل تجهيز فطاره ليلي صحيت ملقتوش جنبها زعلت لانها افتكرته سابها ونزل شغله وبعدين سمعت صوت بره فخرجت لقته في المطبخ ليلي: بتعمل ايه؟ ادهم: انتي شايفه ايه؟مش جعانه؟؟ ليلي: انا جعانه بس مش للاكل عايزه اشبع منك انت الاول ليلي بتتكلم وهيا واقفه وراه حضناه ادهم: ماهو انا بغذيكي علشان متهنجيش مني بس ليلي: هههه بقي كده؟ وانا من امتي هنجت معاكاعتقد مش انا اللي كنت بهنج!! ادهم: حبيبتي قبل كده كنت انا اللي بهنج من ام الطريق ده لكن حاليا الوضع اختلف وقاعدلك اهوه لحد ما تزهقي ليلي: وان مزهقتش؟؟ ادهم: تليفون منك تلات دقايق هتلاقيني جنبك وبعدين الوقت بقي في ايدينا ادهم جهز الاكل وبصلها ادهم: انتي لابسه ايه؟ ليلي: فانلتك عندك اعتراض؟ ادهم: لا معنديش اصلا شكلها حلو عليكي بس ليه؟ وبعدين ما تلبسي واحده نظيفه ليه ملبوسه؟؟ ليلي: لا طبعا مش عايزه واحده نظيفه عايزه واحده انت كنت لابسها ادهم: وليه بقي؟؟ ليلي مسكتها وشمتها ليلي: علشان ريحتك فيها بحس وانا لابسه هدومك ان انت حواليا كده وبعدين كل ما كنت بتسافر كنت بلبس هدومك علي طول ادهم شدها لحضنه وضمها ليه ادهم: انتي مش محتاجه لهدومي لان انا كلي اهو جنبك ليلي: مش هتبعد تاني؟ ادهم: انتي اللي بتبعدي مش انا المهم نسيبهم بقي يحطوا بصمتهم في كل حته في شقتهم الايام كانت اجمل واروع ما يكون وكأنهم عايشين في حلم جميل حتي لما ادهم بيروح الشغل عقبال ما ليلي تصحي بيكون رجع وينزل تاني وعقبال ما تخلص شغل بيتها بيرجع يخرجوا او يتفسحوا او حتي يقضوا وقتهم في البيت مفيش حد يضايقهم بس طبعا الحياه ما بتفضلش علي طول وردي ______#________#________#________#______ حنان كانت في الجنينه بتهتم بالورود بتاعتها وبتغني وتدندن حسين: بقالك فتره مبسوطه كده خير؟ حنان: وانت متضايق ان انا مبسوطه؟ حسين: لا طبعا بس مستغرب حنان: لا عادي بس حاجه جوايا مخلياني مبسوطه مش عارفه ايه بس مبسوطه حسين بيبصلها باستغراب حنان: بتبصلي كده ليه؟ حسين: انتي كلمتي ادهم؟ حنان: ادهم؟؟ لا مكلمنيش ياريت يكلمني بس اخر مره وعدني انه مش هيتصل بيا تاني حسين: يعني هو فعلا كان بيكلمك؟ حنان: مكنتش برد عليه وبعدين كان بيتصل من ارقام ما بتظهرش فمكنتش بعرف انه هو غير لما يتكلم ومكنتش برد حسين: كان بيقولك ايه؟ حنان: عايز تعرف اخباره؟؟ حسين: لا طبعا اعمل بيها ايه؟ تلاقيه فاشل صايع ملوش لازمه حنان: هاه حسين: ايه هاه دي؟؟ معناها ايه؟ حنان: لو كان ابوه فاشل كان هيطلع زي ابوه لكن ابوه بدا من الصفر وعمل لنفسه اسم ومستقبل يبقي اكيد ابنه هيبقي زيه؟ حسين: برضه مش ابني فاشل ناجح مش ابني حنان: انت خايف انه يطلع ابنك من اللي انت عملته فيه حسين: مش ابني واقفلي الموضوع ده وياريت بلاش تكلميه بدال ما ادور عليه واعرف مكانه واهدله كل حياته من اول وجديد حنان: حرام عليك انت ايه؟ حجر؟ وبعدين اخر مره كلمني كانت تقريبا من سنتين ولما مردتش عليه وعدني انه مش هيتصل تاني واهو وفي بوعده _________#___________#___________#______ ليلي موضوع الحمل شاغلها جدا ومنغص عليها عيشتها وبتفكر كتير في الموضوع ده وادهم بيقولها سيبيها علي ربنا وقت ما يريد لحد ما جابت اخرها ليلي: ادهم ارجوك ادهم: بترجوني ايه ياقمر انتي تشاوري بس ليلي: عايزه اروح لدكتور ادهم: انتي تعبانه؟ ننزل دلوقتي ليلي: لا ما تخافش انا مش تعبانه انا علشان تأخير الحمل ادهم: تاني يا ليلي؟ ليلي: احنا بقالنا تقريبا سنتين اهو ادهم: ما تحسيبيش الفتره الاولي احنا اتجوزنا من يوم ما جيتي هنا ليلي: انا بقالي يجي 9 شهور هنا وبعدين بيقولو نستني 6 شهور اكتر من كده نتطمن وانا عايزه اتطمن ارجوك ادهم: ليه احنا مبسوطين كده ليه بتدوري علي حاجه تشغلي نفسك بيها ليلي: انا عايزه اخلف منك عايزه عيال كتير عايزه اكبر عيلتنا انت مش عايز؟ ادهم: عايز طبعا بس لو ربك مش رايد هتعملي ايه؟ ليلي: مش عايزه اسبق الاحداث ادهم: مش عارف ليه مش مطمن بس حاضر هشوف حد كويس نروح عنده اتفقنا اجابتها كانت بوسه طويله جدااااااا ادهم سال ابوه صبري علي دكتور كويس يروحوله وفعلا شافلها دكتور كويس وراحوله كشفوا عنده وعملها تحاليل واشاعات كتير جدا حتي ادهم عاد التحاليل بتاعته تاني طلعت النتيجه و الاتنين قدام الدكتور علشان يقولهم النتيجه الدكتور: احنا عملنا تحاليل واشاعات كتير علشان قبل ما اتكلم اكون متاكد من كلامي ليلي: ارجوك اتكلم علي طول من غير مقدمات الدكتور: انا اسف ونكمل بكره توقعاتكم ليلي هتخلف ولا هتتحرم من نعمه الاطفال؟ ادهم رد فعله ايه وحلمه بالعيله خلاص هينتهي كده؟ ابو ادهم هيسيبه في حاله ولا هيتدخل في حياته تاني؟ ابوليلي هيعمل ايه؟ | ||||
|
| |
|
28-07-16, 11:28 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه 11 سوري علي التاخير بس الحلقه اتمسحت واتضطريت اكتبهم تاني رجاء خاص بلاش فرانكو ابوس ايديكم اكتبوا انجليزي معاكم عادي لكن فرانكو ده لا طلعت النتيجه و الاتنين قدام الدكتور علشان يقولهم النتيجه الدكتور: احنا عملنا تحاليل واشاعات كتير علشان قبل ما اتكلم اكون متاكد من كلامي ليلي: ارجوك اتكلم علي طول من غير مقدمات الدكتور: انا اسف بس حضرتك عندك عيب خلقي في الرحم وده هيمنع الخلفه وبعدين حتي لو حصل حمل واستمر لحد الخامس او السادس وهينزل انا اسف يا ابني بس ساعات ربنا بيختارلنا الصالح لانه حتي لو حصل حمل واستمر لحد السادس مثلا برضه هينزل ده غير انه ممكن يضر بحياتها ليلي: انت متاكد؟ الدكتور: علشان كده كنت بعيد كل حاجه علشان قبل ما اتكلم اكون متاكد من كلامي الدكتور فضل يتكلم كتير بس ليلي كانت في عالم تاني مغيبه لانها حست ان كل عالمها بينهار قدامها ادهم اخدها وروحوا وطول الطريق ساكتين ودموعها بتهدد بالانهيار في اي لحظه وصلوا البيت وهيا دخلت اوضه النوم وقعدت علي السرير وادهم جنبها مش عارف يقولها ايه او يواسيها ازاي؟ ؟ مره واحده قامت وقفت ليلي: انا هاخد شاور محتاجه اخد شاور دخلت وقفت تحت الدش وفجأه بدات تعيط وتعيط وانهارت من العياط ادهم سمعها ودخلها قعد جنبها في الارض واخدها في حضنه وسابها تعيط لان مفيش اي كلام ممكن يتقال ويخفف عنها هيا محتاجه تعيط شويه وقام وقف وقفل الميه وشالها لبسها هدومها وحطها في السرير ادهم بحنيه: ليلي انا مش هقولك ما تزعليش او ما تعيطيش بس كل اللي هقولهولك خدي وقتك وازعلي بس عايزك تعرفي حاجه مهمه ان موضوع الخلفه ده مش فارق معايا نهائي ايوه كان هيبقي حاجه حلوه بس مجتش خلاص انا بحبك انتي وعايزك انتي وده المهم انتي حبيبتي وعيلتي الصغيره ومش عايز حاجه تانيه من الدنيا غيرك فاهماني ولو عايزه احنا ممكن نتبني المهم ارتاحي دلوقتي او لو تحبي ممكن تنزلي البلد ليلي: لا يا ادهم مش عايزه انزل كل واحد هيسالني مخلفتيش ليه ولسه واسئلتهم مش هتخلص مش عايزه اسافر عايزه افضل هنا في حضنك خليني هنا ادهم: طبعا ارتاحي شويه نامت في حضنه وهو استني لحد ما نامت وقام من جنبها وطلع بره اتصل بابوها ادهم: ازي حضرتك عم محمود: اهلا ليلي اخبارها ايه؟ ادهم: الحمد لله المهم ممكن تيجي عندنا حضرتك ومامت ليلي شويه عم محمود: طيب ما تيجو انتو واهو ليلي تشوف العيله كلها ادهم: لا معلش مش هينفع ممكن تيجي انتي عم محمود: في ايه ليلي مالها؟ انت عملت فيها ايه وهيا جرالها ايه انطق ادهم: ديما انا ببقي المتهم رقم واحد بالنسبالك المهم هيا كويسه هيا محتجالك هتيجي اهلا وسهلا مش هتيجي براحتك كمل كلامه وقفل السكه وابوها روح بيته قال لمراته واتحرك علي المحطه الصبح بدري اتصل بادهم عم محمود :! احنا في الحطه هتجيلنا ولا ناخد تاكسي ادهم: لا هجيلك انا في الشارع اصلا خمس دقايق واكون عندك ادهم وصلهم وسبلم عليهم واخدهم علي البيت عم محمود: في ايه بنتي مالها وعملت فيها ايه؟ ادهم: معملتش فيها حاجه هيا لس تعبانه نفسيا اما من ايه فهيا حره تقولكم ولا لأ عم محمود: وهو في غيرك ما اكيد انت منكد عليها وسودت عيشتها وكابتها ادهم داس فرامل وبص لعم محمود ادهم: بقالك 3 سنين تعرفني امتي شفت مني حاجه وحشه علشان كل شويه باتهام شكل امتي بقي هتفهم اني بحب بنتك واكتر واحد في الدنيا دي كلها تهمه سعادتها؟؟؟ ابو ليلي سكت وماردش عليه ام ليلي: سيبك منه يا ادهم المهم هيا مالها يا حبيبي فيها ايه؟ ادهم: مخنوقه بس شويه فقلت اكلمكم تيجوا وتحاولو تخرجوها من المود اللي فيه وصلو البيت وادهم دخل يصحيها ويدوب دخل وقعد جنبها لقي ابوها فوق راسه ادهم: مفيش فايده فيك عم محمود: انت لسه داخل بهدومك عايز ايه وبعدين بقالي اكتر من 9 شهور مشفتهاش ليلي حست بيهم فتحت عنيها واول ما شافت ابوها رمت نفسها في حضنه وقعدت تعيط امها دخلت لقتها بتعيط في حضن ابوها عم محمود: في ايه بس يا ليلي اكيد هو زعلك مش بتعيطي كده غير علشانه ليلي: لا يا بابا المره دي انا اللي مزعلاه مش هو هنا ادهم قام شدها من حضن ابوها ومسكها ادهم: مين قال ان انا زعلان منك انا مش زعلان ولو زعلان هيبقي علي زعلك انتي مش علي حاجه تانيه ليلي:: كان نفسي اعملك عيله صغيره ادهم: انتي عيلتي الصغيره ومش عايز غير كده انتي وبس كفايا عم محمود: انتو مش ملاحظين ان احنا عملين زي الاطرش في الزفه ما تشركونا معاكم ادهم: هسيبكم انا واروح شغلي وانتو خليكم براحتكم حكت ليلي لابوها وامها كل اللي حصل وابوها قالها ان كلام كبير زي ده محتاج كذا راي مش راي واحد بس ليلي اقنعت جوزها انها تشوف دكاتره تانين وهو قدام اصرارها وافق وهو مع ابوها: كنت فاكرك هتيجي تهديها وتخليها تقتنع بمصيرها مش هتجرجرها من امل لامل ومن صدمه لصدمه استعد بقي لكسر قلبها كل شويه كل دكتور بيعمل فحوصات وتحاليل ويقولها نفس الكلام وكل يوم بتنهار اكتر واكتر عم محمود: في دكتور بيقولو عليه قاطعه: مفيش دكاتره تاني خلاص عم محمود: بس ده ادهم: ما بسش قولت خلاص يبقي خلاص مش هنروح لدكاتره تاني واقفل الكلام بقي ابو ليلي وامها قعدوا معاهم شويه ومشيوا ادهم بيحاول بكل طريقه يشغل وقت ليلي بفسح بخروج بلعب باجازات ده غير انه شافلها شغل يسيلي وقتها بس طبعا بيلاحظ نظرتها لكل عيل صغير او واحده حامل نظره وجع والم وحرمان فاتت سنه ليلي رفضت تنزل فيها البلد نهائي وكل كام شهر بيجي ابوها يزورها ونظرته لادهم اتغيرت تماما لانه شاف منه الحب والاخلاص واهتمامه الشديد بانه يسعد مراته وجه العيد الكبير وابو ليلي اصر انهم يجوا يعيدوا معاهم واجبر ادهم انه يشترك معاهم في الاضحيه سافروا ليهم البلد واستغرب ادهم من استقبال ابو ليلي ليه وجه يوم العيد الصبح الكل صلي العيد واتفاجئ ادهم بانهم بيدبحوا في جنينه البيت وعم محمود هو اللي بيدبح وبيساعدوا اخواته واجواز بناته الاتنين صفاء ومني واسماؤهم عمر وزكريا ادهم واقف وري مراته وحاضنها وايديه حواليها وهيا سانده عليه ابتسامتها مرسومه علي شفايفها بس لكن جواها حزين ومكسور ودي اكتر حاجه بتوجع ادهم وابوها عم محمود بصلهم وندم جواه جامد ندم علي كل لحظه زعل ادهم فيها او حاول يبعده عن بنته وفكر لو كان نجح وبعدهم عن بعض او جوزها واحد تاني واكتشف انها ما بتخلفش وراح اتجوز عليها او طلقها وساب بنته وحيده هنا كان عمل ايه ساعتها ولا حال بنته كان هيكون ايه عينه دمعت ونسي هو بيعمل ايه ونسي انه ربط العجل والمفروض هيدبحه سرحانه خلي الحبل اترخي والعجل كان هيقوم ولو قام محدش هيقدر يوقفه تاني وفعلا العجل هاج وزق عم محمود وقعه ويدوب هيقف ادهم كان واقف فوقه وشد الحبل تاني وسيطر علي الموقف ادهم: هتفضل تتفرج كتير قوم ادبحه عم محمود: انت اللي هتدبح السنادي ادهم: انا مدبحتش قبل كده انا مش هقدر امسكه كتير يالا بسرعه عم محمود مسك الحبل منه والكل ساعده عطي ادهم السكينه عم محمود ؛؟ مش بيفرق كتير عن دبح البني ادمين ادهم: حضرتك بتهزر اتفضل ادبح عطي ادهم السكينه واصر عم محمود: سمي وكبر وانوي انها اضحيه اتوكل يالا ادهم اتردد وبص لليلي شاورتله وطمنته يدبح ومامتها كمان شجعته مسك السكينه وكبر ودبح والغريبه انه دبحه اسرع من عم محمود الخبير يمكن لانه خبير في التعامل بالسكاكين عم محمود: وتقولي معرفش ادهم: انا قلت ما دبحتش قبل كده ماقلتش معرفش عم محمود وراه ازاي يسلخ وادهم اتعلم بسرعه وكان اسرع واحد فيهم ده كان اول عيد لادهم يقضيه وسط عيله بجد ودي كانت اول مره ادهم يعيش يوم عيد بجد دخلت مرات اخو ليلي معاها عيل صغير يدوب بيخطي ماسكه ايديه الاتنين وهو بيخطي ليلي بصتله نظره حرمان طويله لاحظها ابوها وجوزها ادهم ساب السكينه وقام وشد مراته ادهم: بقولك هو اللي جعان هنا يعمل ايه؟ ليلي: يجي معايا اعمله تصبيره ادهم: طيب بعد اذنكم سابهم ومشي خطوه يدوب عم محمود: اتفضل يا ابني البيت بيتك ادهم كان ماشي واول ما سمع كلمه ابني وقف للحظه وبص لعم محمود وبعدها مشي اخد مراته وفضل يدلع فيها اتغدوا كلهم مع بعض وبعدها ايتاذنوا يمشوا ليلي: يالا يا جماعه احنا هنمشي بقي ام ليلي: ما تخليكم يا ليلي قضوا باقي اليوم ليلي: لا يا ماما عايزين نريح شويه عم محمود: طيب خدي جوزك واطلعوا فوق براحتكم ليلي: لا معلش خلينا نروح بيتنا وممكن بالليل نيجي عم محمود: ادهم ادهم: افندم عم محمود: كنت عايز اقولك ادهم: تقول ايه اتفضل عم محمود: يعني قصدي ليلي: في ايه يا بابا اتكلم علي طول عم محمود: قصدي انك تقولي عمي اوبابا بلاش حضرتك دي ادهم اتصدم بكلامه وافتكر ابوه وصبري وعم محمود نفسه لما كلهم قالوه احنا ما يشرفناش تقول الكلمه دي ادهم: اسف بس مش هقدر ليلي هستناكي بره عم محمود: ليلي سامحيني يا بنتي علي كل مره حاولت ابعدكم فيها عن بعض بس والله كان خوف عليكي كنت خايف ما يكونش بيحبك كنت خايف يجرحك وبغبائي كنت انا اللي بجرحك قوليله يا ليلي يسامحني ليلي: اولا انا مش زعلانه منك وادهم مش من النوع اللي بيشيل في قلبه كره لحد هو محتاجوبس وقت يتعود فيه علي الوضع ده روحوا الاتنين البيت وادهم سابها وخرج شويه ليلي حست ان ادهم موجوع وفكرت في كل الفترة اللي فاتت لقت انها اهملت ادهم ومشاعره هو طول الوقت بيدلع فيها ويحاول يخرجها من حالتها وهيا علي طول بتندب حظها وشاغله نفسها بموضوع الخلفه وبس فقامت لبست فستان جديد كان ادهم جابه وهيا ما لبستوش واتشيكت وحطت ميك اب واستعدتله ادهم رجع واستغرب الجو ادهم: خير ده بمناسبه ايه؟ ليلي: عيد بقي كل سنه وانت طيب ادهم: كل سنه وانتي معايا وحبيبتي ديما رقصوا واتبسطوا وسهروا مع بعض اخر الليل كل واحد نايم بس مش نايم ليلي: ادهم انت نايم ليلي: لا يا ليلي ليلي: ممكن اسالك سؤال ادهم: طبعا ليلي: هو انت ليه رفضت طلب بابا؟ بتكرهه وماتخافش مش هزعل منك ادهم: هههههه لا يا ليلي اقولك علي سر؟ عارفه ابويا علي الرغم من كل اللي عمله ده الي اني معرفتش اكرهه فما بالك ابوكي اللي كل اللي عمله انه خايف علي بنته وعايز يطمن عليها؟؟؟ اذا كان انا كنت خايف عليكي مني ومكنتش مطمنلي وكنت خايف معرفش اسعدك ليلي: طيب انت زعلان منه؟ ادهم: مش حكايه زعلان بس انا مش مستعد لحاجه زي دي عارفه يا ليلي احساس اليتيم اللي تاخديه من الشارع وتدوقيه طعم العيله والحب والدفا وبعدها ترميه تاني في الشارع وتخليه يرجع للحرمان والبرد تاني وتاخديه تاني وترميه تاني بيوصل لمرحله انه بيقول قسره الشارع ولا جنت البيت فانا برضه بقولك قسوه ابوكي ولا جنته ليلي: بس هو عايزك تسامحه ادهم: قوليله ان انا مش زعلان بس اكتر من كده معلش مش هقدر خلصت اجازتهم وماشيين بس ابو ليلي انفرد بادهم عم محمود: ادهم انا عايزك تسامحني علي ادهم قاطعه: سبق وقولت لليلي اني مش زعلان منك علشان اسامحك وبعدين انا عاذرك علي كل حاجه حصلت خلاص سيب الوقت يعدل كل حاجه عم محمود: ولما خلاص امال رافض تقولي عمي او بابا ليه؟ ادهم: اسف بس بابا مش هقدر ولا عمي كمان انت حاسس بتانيب ضمير علشان بس بنتك ما بتخلفش وانا معاها انت مكنتش مصدق اني بحبها ومهما يحصل عمري ما هبعد عنها بس احب اقولك ان لو الوضع معكوس مكنتش هتخليها لحظه واحده علي ذمتي عم محمود: لا ياابني انا بس شوفتك علي حقيقتك زي ما ليلي شايفاك ادهم: طيب خلاص سيب الايام بينا بعد اذنك اخد ادهم مراته وسافر والايام معتدله بينهم ابو ليلي اتعزم في فرح واحد صاحبه في بني سويف في قريه صغيره وعزمه واصر انه يجيب ليلي وجوزها لانه ما شفهاش من وهيا عيله عم محمود اصر علي ادهم يجي وما عطالوش فرصه يرفض نهائي راحو يوم الحنه والكل قابلهم بحب وترحيب اتبسط الكل يوم الحنه وعلي الفجر ادهم معرفش ينام فخرج يتمشي في الغيطان ومراته حصلته فضلوا يتمشوا هما الاتنين مع بعض ليلي: ياه لو الواحد يعيش في مكان زي ده من غير هموم ولا شغل ولا اي حاجه ادهم: وانتي ايه الهموم اللي عندك ليلي: متشغلش بالك انت ادهم: موضوع الخلفه صح وبعدين يا ليلي قولتلك لو عايزه نتبني عيل صغير ونربيه ليلي:لا مش عايزه اتبني انا عايزه اربي ابنك انت ايه رايك يا ادهم لو تتجوز وتخلف؟ ادهم: هههه خفه يا بت بطلي هزار بقي ليلي: انا مش بهزر علي فكره تتجوز وتخلف وبعدها اربي انا ابنك ادهم: اتجوز واخلف وبعدها ايه نقتلها ولا نديها استماره 6 ولا ايه بالظبط؟ ليلي: ههه حلوه نقتلها دي!!! لا احنا بس نديها قرشين وتولد وتقبض وتمشي ادهم: لا طبعا بغض النظر ان الجواز المشروط ده حرام وان تأجير الرحم اللي بتتكلمي عنه ده حرام انا مش عايز اتجوز واحده تانيه ليلي: ليه في رجاله كتير بعد ما بيتجوزوا بيبقي نفسهم يغيروا ولو مره انا اهو بديلك الفرصه دي ادهم: ده مين ضحك عليكي وقالك كده؟ انا مش عايز واحده تانيه غيرك فاقفلي الموضوع ده وبعدين مين قالك علي الفكره المتخلفه دي اوعي يكون ابوكي ده انا بدات احبه ليلي: لا شفتها في فيلم هندي ادهم: هندي؟ ؟ ليهم حق يتريقوا ويقولو فيلم هندي ليلي: والله كان فيلم لذيذ كانوا اتنين بيحبوا بعض جدا ومراته جابتله واحده حلوه واتفقت معاها تخلف وتديهم البيبي وتمشي ادهم: وهيا وافقت وخلفت ومشيت ده ايه الفيلم الهابط ده ليلي: لا مش كده المشكله بقي ان البنت حبت الراجل واتمسكت بالبيبي ولما مراته طلبت منها البيبي قالتلها انها مستعده تديها البيبي بشرط تديها جوزها ادهم: وانتي بعد كل ده برضه عايزه تجيبي واحده بينا شرفي يا ليلي لو هخلف هيبقي منك مش عايز عيال من واحده غيرك اتفقنا وهما ماشيين ادهم مره واحده وقف ليلي: في ايه مالك؟ ادهم: المكان ده مش غريب عليا حاسس اني جيت هنا قبل كده ليلي: جيت شغل يعني ولا ايه؟ ادهم ماشي لحد ما وصل لعشه صغيره ووقف قدامها ادهم: لا مش شغل ما جيتش وانا كبير بس جيت هنا مش عارف ويدوب بيتكلموا الباب اتفتح وخرجت ست كبيره ادهم: احنا اسفين لو قلقناكي الست: لا يا ابني يا اهلا بيكم ليلي: جوزي بيشبه علي المكان بس حاسس انه جه هنا قبل كده الست: انا حساك برضه مش غريب عليا انت اسمك ايه ادهم: اسمي ادهم الست: ادهم ايه ادهم: ادهم صبري الست: اه لا ما اعرفكش انا اسمي امينه اتفضلو بقي نفطر مع بعض ادهم: لا مش هينفع احنا ضيوف هنا ولو الناس فاقوا مش لاقونا هيقلقوا علينا ومش بعيد يكونوا بيدورا علينا يالا فرصه تانيه سابوها ومشي قضوا الفرح ومشيوا وادهم الست دي هتجننه احساسه شديد انه يعرفها حاول يجمع عنها معلومات بس برضه ما وصلش لحاجه المهم الايام بتعدي والحياة ماشيه بروتين وفي مره ليلي تعبانه جدا بترجع وتعبانه ادهم لما تعبها استمر اخدها للمستشفي حجزوها وكشفوا عليها وعملولها تحاليل الدكتور دخل عليهم ادهم: خير يا دكتور في ايه؟ الدكتور : خير مبروك المدام حامل الاتنين اتصدموا وفضلوا شويه مش مستوعبين كلامه ليلي: حضرتك متأكد الدكتور: طبعا الحمل واضح ادهم: طيب معلش ممكن تجهزوها هايز انقلها لمستشفي الدكتور صبري الدكتور: خير ليه احنا المستشفي هنا مجهزه ومستواها قاطعه ادهم: دكتور صبري يبقي والدي مش حكايه رعايه الدكتور: اه طبعا تحت امرك سابهم الدكتور وراح يجهز نقلها ليلي: انت ليه بتعمل كده؟ ليه مش عايزني افرح؟؟ ادهم: انا مش عايزك تفرحي؟؟؟؟ انا مش عايزك تتصدمي او تعيشي في وهم وتفوقي منه وبعد ما تفرحي ويحصل اجهاض او يوصل للخامس ووتتعلقي بيه وينزل ده ساعتها هتفرحي ولا ايه؟ ليلي: مش عايزه افكر في بكره ادهم: لا يا ليلي وانا مش عايز افرح انا وانتي بوهم وبكره الاقي نفسي لوحدي ليلي: متبقاش اناني ادهم: لو في حد اناني يبقي انتي ديما ما بتفكريش غير في اللي انتي عايزاه وبس علي العموم الدكاتره اللي هتحدد مش احنا اقفلي بقي الكلام دلوقتي ادهم سابها وراح يعملها ورق النقل واتصل بصبري ابوه بالتبني يبلغه الوضع ويستدعيله دكتور اسامه عبد الكريم اللي راحوله اول واحد نقلوها للمستشفي وطبعا اتعملها كشف شامل كل شيئ وتحاليل واشاعات كتيره وجه وقت المواجهه ادهم وليلي وصبري كمان معاهم ومستنين رايي الدكتور اسامه صبري: هاه يا دكتور طمنا الوضع ايه؟ الدكتور: والله كان نفسي اطمنكم بس الوضع ما تغيرش وزي ما سبق وقولتلكم ان حتي لو حصل حمل مش هيكمل الرحم بتاعك من النوع المعادي يعني هيعتبر الجنين جسم غريب وهيهاجمه وهيقتله ده غير ان جسمك كله هيرفض الوضع ده واهو باين من اوله جسمك تعبان ترجيع مستمر دوخه والوضع ده هيسوء اكتر وبالتالي صحتك هتدهور ولو انا عندي اي امل ان الحمل يكمل كنت هقولك نخاطر واهو هنغديكي بالمحاليل بس للاسف ليلي: ولو طلبت اننا نكمل الحمل ونشوف هنوصل لايه؟ الدكتور: المشكلة ان صحتك هتتدهور جامد وساعتها مع اجهاض في الشهر الخامس او السادس مش هيكون عندك القوه الكافيه انك تواجهي الوضع ده ولو اي شيئ حصل غلط حياتك هتبقي التمن عارفه ابسطهالك علي الاخر انتي عندك جهاز شغال بموتور والجهاز فيه مشكله والموتور شغال والمفروض انه بيريح ويشتغل لكن انتي في مشكله والموتور شغال علي طول فوق طاقته وانتي بتحملي زياده عليه ايه اللي هيحصل بالعاميه كده الموتور هيتحرق والجهاز كله هينفجر او هيولع الجهاز ده جسمك والموتور هو قلبك فهمتي بقي ان المخاطره عاليه ليلي: ولو انا مستعده اخد المخاطره دي؟ ادهم: بتخاطري بحياتك؟؟؟ علشان ايه؟ ؟ حمل احتمال اه واحتمال لا الدكتور: جوزك عنده حق انا ممكن اخاطر بس ده لو المخاطره بالجنين نفسه مش بحياتك انتي احتمال ان الحمل يكمل نسبته ما تتعداش ال 4% ولو النسبه دي ما تخطتش ال 50 % ما بنصحش بالحمل فما بالك ب 4% والمخاطرة بحياتك لا طبعا ليلي: يعني المفروض نعمل ايه؟ صبري: يعني يا ليلي المفروض نعملك اجهاض ليلي: يعني اقتل ابني بايدي الدكتور: يا بنتي هو لسه ما بقاش ابنك ده يدوب خمس اسابيع حتي لسه مفيهوش نبض وعلشان كده لازم نعجل بموضوع الاجهاض قبل ما يبقي روح لان ساعتها مش هينفع هيبقي فعلا بنقتله ادهم: طيب خلاص هنستني ايه حدد المعاد بتاع العملية ليلي: لا يا ادهم لا ادهم: لا ايه؟ وهنستني ايه؟ تتعلقي بيه؟ وتصعبي الموضوع الدكتور: سياده المقدم احنا قدامنا حوالي 3 اسابيع اديها وقتها وخليها تاخد قرارها براحه ادهم: احنا لسه عارفين الموضوع ده النهارده يعني ملحقتش يبقي دلوقتي اسهل من بعدين ليلي: عمره ما هيبقي سهل يا ادهم ابدا ادهم: طالما مش هيبقي سهل يبقي دلوقتي ليلي: لا يا ادهم لا صبري: خدها البيت النهارده وخليها ترتاح واتناقشوا في الموضوع براحه ادهم اخدها وروحوا وطول الطريق ساكتين اخر الليل كل واحد نايم بس مش نايم ليلي: انا مش هقدر انزله يا ادهم ادهم: وانا مش هقدر اسيبك تروحي مني ليلي: نجرب ادهم: التجربه دي بتبقي في حاجه عادي لو خسرتيها لكن انتي مش عادي ابدا اني اخسرك ليلي: حتي لو مت مش يمكن ينقذوا البيبي هنا ادهم قام واتعدل ادهم: نعم يا اختي بتقولي ايه؟ ينقذوا ايه؟ انتي بتهرجي صح؟ ليلي: ليه هيبقي معاك حته مني ادهم: انتي مش طبيعيه ابدا... اقفلي بقي الكلام ليلي: لا يا ادهم مش هقفل الكلام هتربي ابني وهتكبره و قاطعها: وايه؟ هحبه مثلا؟ هحب الشيئ اللي قتلك وحرمني منك؟؟ انتي متخيله ان انا ممكن اتقبله اصلا؟؟؟ ليلي: انت بتقول ايه؟ مش هتحب ابنك؟ ادهم: اه يا ليلي مش هحبه وهكرهه ليلي: ناقص تقولي هتعمل فيه زي ما ابوك عمل فيك ادهم سكت شويه ادهم: انتي عارفه اني دلوقتي بس بدات اعذره واديله مبرر للي عمله فيا لان انا ممكن اعمل اكتر بكتير من اللي هو عمله لو ده حصل انا ممكن اخنقه بايديا دي ليلي: انت بتقول ايه؟ ادهم: اللي سمعتيه ويمكن ربنا يكون عمل كده علشان يخيني احط عذر لابويا لاني كنت مقتنع ان عمر ما في اب بيكره ابنه لكن دلوقتي عرفت ان في اسباب تخلي الاب يكره ابنه ويقتله كمان ليلي: ايه اللي انت بتقوله ده؟ ادهم: اللي انتي سمعتيه.... انا مخنوق وهطلع بره في الهوا بعد اذنك سابها ومشي وهيا فضلت تفكر هل ممكن تنزل البيبي بعد كل ده؟؟؟ مش ممكن تكون دي فرصه وربنا بعتهالها يبقي ازاي تضيعها؟؟ بتعدي الايام وهيا كل يوم بتتعب عن اليوم اللي قبله وادهم تقريبا معظم الوقت معاها بس من غير كلام هما الاتنين بيتجنبوا بعض لحد ما ادهم فاض بيه ادهم: اعملي حسابك اني هاخدك بكره تعملي العمليه سواء برضاكي او غصب عنك ليلي: لا يا ادهم انت مش هتجبرني؟ ادهم: جربيني ووريني هتمنعيني ازاي؟ هو خرج وهيا اتصلت بابوها وطلبت يجيلها وطبعا ابوها مش بيتاخر وصل تاني يوم الصبح بعد ما ادهم نزل شغله ليلي حكتله علي الوضع كله وطلبت من ابوها انه يقف جنبها عم محمود: جوزك المره دي عنده حق انتي بتخاطري بحياتك ليلي: ولو ده فرصه ربنا ادهالي علشان ابقي ام وانا رحت ضيعتها كده يبقي ايه؟ بابا انت راجل مؤمن وعارف ان لو عمري انتهي يبقي مفيش حاجه هتمده بس لو دي فرصتي وانا ضيعتها مني هعمل ايه؟ انا لازم اتمسك بيه لاخر لحظه وانت لازم تحميني من ادهم لانه يقدر يجبرني عم محمود: لا يا ليلي ولو جرالك حاجه اسامح انا نفسي ازاي ولا حتي ابص في عين جوزك ازاي؟ انتي بنتي حبيبتي ازاي اساعدك تموتي نفسك؟ ليلي: انا بحاول اكمل حياتي وانت طول عمرك بتقف جنبي في الصح وفي الغلط يبقي ما تتخلاش عني عم محمود: انا مش بتخلي عنك بس المره دي لا ليلي: طيب خلاص هاتلي ضمان ان انا لو احتفظت بيه هموت او لو نزلته هعيش عم محمود: الموت والحيا مفيهوش ضمانات ربنا بس اللي يعرف الغيب ليلي: بس انت قلت المفيد مفيش ضمانات يبقي اجرب ولا استسلم؟؟؟ عم محمود: بس ربنا قال ولا تلقوا بايديكم الي التهلكه ليلي: ايوه بس قال اعقلها وتوكل وانا هتوكل عليه واللي هو رايده هيكون لو دي نهايه عمري يبقي هينتهي حتي لو نزلته ولو كاتبلي اخلف هبقي اسعد انسانه في الدنيا وبعدين يا بابا لو نزلته عمري ما هعرف طعم السعاده عم محمود: حب ادهم ليكي هيسعدك ليلي: مش هسامحه اصلا لو اجهضني وقتل ابني مش هعرف اعيش معاه تاني يعني حياتي انتهت من كل النواحي واخيرا ابوها اقتنع بوجهه نظرها عم محمود : المشكله دلوقتي ان لا انا ولا انت نقدر نوقف ادهم لو اصر يوديكي المستشفي ليلي : لا هعمل زيك عم محمود ؛ ازاي؟؟؟ ليلي : بنفس الطريقة اللي كنت هتخليه يطلقني بيها يوم فرحي ...... هجرحه زيك انا عارفه كل جروحه وعارفه نقاط ضعفه المشكلة بس انا محتجاله ومش عيزاه يسيبني عم محمود: يبقي تنسي الهبل ده ليلي: لا مش هقدر عم محمود: ولو خسرتيه؟ انا اجرحه حاجه لكن جرحك انتي هيبقي حاجه تانيه ممكن ما يسامحكيش ليلي: لا هيسامحني ادهم بيحبني عم محمود: انتي حره بس خلي بالك ان انتي بتهدي بيتك بايدك ادهم رجع من شغله بدري واتفاجئ بعم محمود ومكنش متفائل دخل لمراته علشان ياخدها المستشفي ليلي: ادهم انا اخدت قراري مش هعمل اجهاض ادهم: كنت اتمني انك تقتنعي بنفسك بس طالما انتي مش هماكي حياتك قاطعته: حياتي هماني بس لو مش هخاطر بيها علشان حاجه زي دي يبقي لازمتها ايه! ادهم: انا معنديش استعداد اخسرك ولو هتخليني اشيلك غصب وادخلك لحد اوضه العمليات مش هتردد ليلي: لا يا ادهم مش من حقك ادهم: لا حقي يا ليلي حقي اني احافظ علي حياتك افتكرت كلام ابوها ومكنش قدامها غير الطريقة دي ليلي: وانا بسحب منك الحق ده ادهم: يعني ايه مش فاهم؟؟ ليلي: يعني لو هختار بينك وبين البيبي هختار البيبي مش انت ادهم باندهاش: انتي بتقولي ايه؟ بطلي تخريف وانتي ضامنه انه هيكمل ليلي: هيكمل او مش هيكمل ده قراري انا معنديش استعداد اعيش عمري كده ومتشكره ليك انك فضلت جنبي لما انا مخلفتش بس انا مش هقدر اكمل انا زهقت من عيشتي معاك وكنت هحط حد لحياتنا مع بعض لاني كنت مليت بس بعدها اكتشفت موضوع عدم الخلفه ده وساعتها بابا اقنعني اني افضل معاك لان محدش تاني هيرضي يرتبط بيا فاضطريت استحمل العيشه معاك بس زهقت ودلوقتي جاتلي فرصه اني اخلف ومبقاش بور يبقي اضيعها علشان افضل معاك انت؟؟ انهي منطق ده ادهم: ليلي فوقي وشوفي انتي بتقولي ايه ليلي: انا فايقه كويس قوي بس انت اللي محتاج تفوق... انا مش هكمل عمري كله مع واحد مشوه واهو جاتلي الفرصه اني اخلص منك ومن سجنك فحتي لو هخسر حياتي فده ارحملي من اني اعيش عمري كله مع واحد مشوه زيك ادهم: ليلي انتي عارفه انتي بتعملي ايه؟ مش لازم تعملي كده علشان تخليني اوافق ليلي: انا بوضح الامور مش اكتر ادهم: لا انت بتحبيني وانا واثق من حبك ليلي: كنت بحبك او كنت فاكره نفسي بحبك بس خلاص الزهوه راحت والغمامه انزاحت وبقيت شايفاك زي ما الكل شايفك معدتش قادره استحمل كميه الجروح اللي في جسمك وفي وشك دي مش قادره ادهم: بس كفايه... كفايه يا ليلي ما تتكلميش اكتر من كده.... شوفي عايزه تعملي ايه انتي حره ليلي: هحتفظ بالبيبي ومن هنا ورايح انت مالكش دخل بيا او بيه ادهم: مش هتسيبي البيت وتمشي ليلي: محتاجه الشقه دي علشان ابقي قريبه من المستشفي لان الموضوع مش سهل الا لو انت عايز تطلقني وتطردني دي حاجه ترجعلك ادهم: لا يا ليلي ولا هطردك ولا هطلقك الا لو انتي عايزه ليلي: مش وقته الطلاق دلوقتي وبعدين لو مت خلاص لو عشت بقي ساعتها نبقي نشوف هنعمل ايه؟ ادهم: علشان كده جبتي ابوكي!!!! طيب بما ان وجودي بيضايقك وشكلي مضايقك قوي كده يبقي اسيبلك البيت ترتاحي فيه مع ابوكي بعد اذنك سابها وخرج... خرج من الشقه ومن حياتها كلها عم محمود: اعتقد يا ليلي انك المره دي خسرتي ادهم نهائي ليلي: لا هيرجع قعدت في الارض وفضلت تعيط ليلي: لازم يرجع لاني مقدرش اعيش من غيره عم محمود: انتي مش بس جرحتيه انتي هنتيه فهمتيه انك مشمئزه من شكله هنتي رجولته وده مش شيئ ممكن ينساه او يسامحك عليه ادهم خرج وهو مش مصدق كلامها هو عارف ومتاكد انها بتقول كده علشان تمنعه ياخدها غصب بس كون انها مستعده تجرحه بالشكل ده علشان شيئ لسه في علم الغيب ده واجعه الجزء الوحيد اللي صح في كلامها انها فعلا اختارت ابنها وما اختارتوش هو امال ليه هو مستعد يبيع الدنيا كلها علشانها ؟؟؟ نكمل بكره ادهم خلاص هسيب ليلي ؟ ليلي هتكمل لوحدها ؟؟ حياتها هتنتهي والبيبي هيجي ؟ ادهم هيتقبل ابنه ولا الزمن هيعيد نفسه تاني؟ توقعاتكم ShiMoOo | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
