11-12-16, 06:13 PM
| #476 | ||||
| نجم روايتي وكاتبة في قسم قصص من وحي الأعضاء 
|  البارت الخامس عشر ........................ جالس على إحدى الطاولات ينهى حسابات تخص المطعم وبجواره كوب قهوة يتصاعد منه بخار وبقايا طعام بجواره لقد خرج من المشفى وطلب من عماد ان يوصله للبيت ومن حسن حظه ان والدته لم تكن موجوده لقد ذهبت الى فاطمه مبكراً ... والا كانت قد امطرته بالاسئله اخذ حماماً سريعاً وغير ملابسه وعاد للمطعم . كان حديث العمال يصله وهم يقومون بتنظيف المطعم مسح احدهم الطاوله وقال بانبهار :انت كارثه والله ياد ياهشام ازاي قدرت تدخل حسابه وتهكره رفع الاخر راسه واستند على عصا الممسحه وقال :عادي الموضوع مش صعب زى ما انت متخيل سعيد وهو يضع المزهريه على الطاوله :ياعم انت عبقري و الحاجات دى سهله عليك واكمل وهو ينظر له : يعني لو عايز اعرف حساب واحد ممكن تساعدنى ابتسم هشام وهو يكمل تلميع الارضيه :ده لو تحب اجيب لك تليفونه وعنوانه اجيب لك جذبه الحوار وترك ما في يده وجلس يستمع اليهم وفجاه لمعت في راسه فكره فقال لهشام :تقدر ولا ده مجرد كلام اعتدل هشام وهو ينظر لعلي وهو متفاجئ :طبعا ...اكيد اقدر علي وهو يقف امامه ويعيد سؤاله :لو جبت لك اسم واحد تقدر تجيب لي صفحته على الفيس وعنوانه وتليفونه هشام ببساطه :اكيد طبعا سعيد وهو يشير على هشام :ده هكر مفيش حاجه تقف في وشه هشام وهو يضحك :قول ما شاء الله علي وهو يتجه لمكتبه وهو يحمل كوب القهوه:سعيد كمل شغله وانت ياهشام حصلنى على المكتب هشام وهو يسير خلفه باحترام:حاضر دخل هشام الى المكتب وظل ينظر لعلي في انتظار اوامره جلس علي امام الحاسوب قليلا حتى عثر على مبتغاه فقام من خلف الحاسوب واشار لهشام بالجلوس مكانه وقرب منه حاسوبه واشار له على صوره :عايزك تعرف لى عنوان الشخص ده يا هشام ورقم تليفونه لكن أنا مش معايه غير صورته قال ذلك وهو يشير له على صورة ادهم مع ليلى في حفله خطوبتهم هز هشام راسه بحماس وبدا يعمل بسرعه ومهاره شديده وعلي يراقبه وهو يرتشف قهوته... صورتها لا تفارق خياله وهى تبكى وتخبره بما حدث لها ...لم يستطيع الذهاب الا بعد ان اطمئن انها خرجت من المشفى بصحبة والدها واختها ... يريد ان يرتب افكاره ويفكر بشكل صحيح ما الذى سوف يفعله اهم شى انه لن يدعه يقترب منها مهما كلفه الامر ولكن كيف .... وبعد عدة دقائق هشام وهو يشير لعلي :اسمه ادهم ..... نظر الى شاشة الحاسوب وهو يرى صورته ولكنها صوره حديثه له علي وهو ينظر لصورته :عرفت عنوانه هشام :ايوه عنوانه .... اخذ قلم ودون العنوان ووضعه في جيبه وهو ينظر لصورته بتوعد | ||||
|  |
|
11-12-16, 06:14 PM
| #477 | ||||
| نجم روايتي وكاتبة في قسم قصص من وحي الأعضاء
| ................ انهى الاتصال بمكتبه يبلغهم انه لن يحضر اليوم واى اوراق مهمه فعليهم احضارها للبيت اتجه الى غرفتهم فوجد زينه تخرج منها بهدوء وتغلق الباب بحرص سالها :نامت ؟ زينه بحزن :ايوه لكن رفضت تاكل بالعافيه شربت اللبن عاصم بقلق :بتعيط ؟ هزت راسها بحزن نفيا :لا ساكته بس شكلها مش طبيعى واردفت بضيق:بابا اعمل محضر عدم تعرض خليه يبعد عننا أنا ما صدقت انها بقت كويسه وبتمارس حياتها عادى إيه اللى رجعه تانى وعايز منها إيه رد عاصم بضيق :تعهد إيه وهو مش موجود اصلا الكلب النهارده رحت بيته ومعايا عماد بعد ما وصلتكم عرفت انه سافر الفجر اتسعت عيناها بقلق :سافر ولا مستخبي؟ عاصم بغضب :المخبر اللى بيراقبه قال انه سافر بالليل زينه بقلق:يعنى كان موجود في المطعم وطبعا عشان ينفى وجوده وما يقربش منه عماد... سافر عاصم وهو يهز راسه بغيظ:ايوه زينه بقلق على اختها :طيب ممكن يكون سافر امبارح ويرجع بكره ويظهر لها تانى عاصم وهو يطمئنها :ما تقلقيش اول مايوصل هنعرف لانه متراقب انتى خليكى جنبها يا زينه وما تفتحيش معاها الموضوع حاولى تنسيها ال حصل زينه بهدوء :حاضر ............... بعد عدة ايام مغمضه عينيها تستمع للقران بهدوء وسكينه انتشرت في كل ذره فيها كل آية كانت ترددها كانت تنشر بداخلها راحه ونور يضيئ الظلام الذى بداخلها ويطرد كل ذره يأس لم تخرج الفترة السابقة من المنزل لقد زارتها مدربتها سناء ولكن اعتذرت لها انها لن تستطيع التدريب لانها متعبه ولكنها اصرت وجلست لتتحدث معها ... طلبت منها هذه الفتره ان تصفي عقلها من اي شئ وطلبت منها ان تؤدى تمارين الاسترخاء ...ولم تتركها بل كانت تحضر وتقوم معها بتلك التمارين لتهدىء اعصابها تلك التمارين ساعدتها كثيرا في تصفيه عقلها وترتيب افكارها ابتسمت وهى تتذكر انضمام زينه لهم في تمارين الاسترخاء كانت تقول أنا عروسه ومحتاجه اصفي افكاري بعد تلك التمارين عادت للتدريب مع عماد وسناء تذكرت ماقاله لها عماد وهو يضع امامها كيس الملاكمه قال : كل ضربه للكيس تخيلى انها له عايز ضربات قويه وسريعه ... تنهدت وابتسمت بشرود انهت حفظ وردها اليومي واخرجت السماعات من اذنيها شعرت بخطوات رشيقه تقتحم الغرفه وصوتها العذب:تعبت النهارده في السوق ليلى بتعجب:انتى كنتي في السوق مش قلتى خارجه تتمشي انتي وبابا زينه وهى تضع في حجر اختها حقيبه كبيره مكتوب عليها اسم محل معروف خرجت أنا وبابا عشان نختار فستان لاخت العروسه ليلى وهى تضع يدها على جبهتها :نسيت موضوع الفستان ده ومدت يدها تحتضن كف اختها وبدون تفكير:مش عارفه حياتي هتكون ازاى بعد ما تتجوزي حاسه انى هضيع بدونك عضت على شفتيها وهى تشعر بالندم على نطق تلك الكلمات لا تريد ان تضايقها او تبعث بداخلها القلق عليها... "ولكن ماذا افعل ..... منذ الآن اشعر بالفراغ والحزن بداخلي الم شديد وحيرة كيف ستكون حياتي بدونها ...زينه لم تكن أختي فقط زينه صديقتى وأختي وابنتي ولكن مع اقتراب زواجها اشعر بشعور طفل سوف ياخذوه بعيدا عن امه ...طفل سوف يكون بعيدا عن حنانها وعطفها وخوفها عليه " نظرت زينة الى اختها وهى تشعر بالم يعتصر قلبها فهي من قبل حديثها وهى تشعر بقلق شديد عليها خائفه بشده انها سوف تتركها وتذهب... من سوف يعتني بها و يساعدها ويفهم متطلباتها من سوف تنام بجواره عندما تكون قلقه او داهمها ارق يمنعها من النوم احتضنت اختها بحنان وهمست قائله : أنا اعمل إيه بدونك يا ليلى في حياتي مين هيساعدني ويحل كل مشكله معايا ويحس بيا ويفهمني حتى قبل ما اتكلم ....تنهدت وقالت وهي تغالب دموعها :عارفه أنا اكتر حاجه وجعاني وخايفه منها إني ابعد عنك حاسه إني ما اقدرش اواجه العالم الجديد اللى أنا داخله فيه بدونك احتضنتها ليلى وبصوت مرهق :هتقدرى ولو تعبتي او واجهتك اى مشكله هاكون معاكي من قبل حتى ما تطلبي هتلاقيني جنبك واضافت والدموع تتساقط على كتف اختها الكبرى : وحتى لو بعدت اوعي تبعدي عني اوتتخلي عني ليلى بتاكيد وهي تتشبث بزينة :اوعدك مش هابعد عنك ابداً واردفت لتغير مجرى الحوار وهى تبتسم :نستيني الفستان ضحكت زينة وهى تمسح دموعها كالاطفال واسرعت لتمسك الحقيبه وتخرج منها الفستان ووضعته في يد اختها فرفعت يدها ومررت اصابعها على قماش الفستان :حرير...لونه إيه ؟ زينه وهى تنظر للفستان رمادى فاتح وفيه شغل على الايدين والصدروبحزم رقيق في الوسط جبتلك طرحه بينك فاتح و ...... استمرت تحكى لها ما احضرته لها وليلى تستمع لها وهى تدعي لها بداخلها بالتوفيق في حياتها القادمه .................. خارج غرفة الفتاتين وبالتحديد في غرفة المعيشة نظرت لزوجها بضيق وقالت :هو اي حاجه تحصل لها لازم يكون ادهم هو اللى عملها مفيش غيره عاصم بحده :ايوه مفيش غيره المجنون ابن اختك... في الاول الحادثه وضربه لها والكاميرات فضحته واكدت ال قالته ودلوقتي راجع يراقب البيت ويمشي وراها لحد المطعم ويحاول يأذيها ...ليه ؟؟ ده اتجن رسمى ردت بضيق :يراقب البيت ليه شايفه حرامى يراقب البيت ...اكيد جاى يشوفنى انت ناسى انى خالته وعادى ييجى يشوفنى عاصم بحدة اكبر:ابن اختك ياهانم بيراقب البيت عشان يشوف ليلى مش عشانك وطبعاً مش عادى انه ييجى هنا.... البيت ده اتحرم عليه خلاص ولو فكر ييجي هنا هاقطع له رجله فاهمه صاحت نجوى بغضب وردت بدون تفكير: ده كله عشان بنتك تحرمنى من اختى وابنها خليها تروح عند جدتها مدام انت خايف عليها بالشكل ده امسك ذراعها بقسوه وقال بصوت كالفحيح :انتى اتجنيتى عايزانى اخرج بنتى من بيتها عشان اهلك والله اتجنيتى واهلك يا هانم ما يسووش شعره في بنتى واستطر قائلاً بعنف وهو يغرس اصابعه اكثر في ذراعها :ده بيت ليلى قبل ما يكون بيتك سامعه وبنتى مش هتروح حته انا كفيل ببنتى وحمايتها واللى مش عاجبه الباب يفوت جمل ولو عرفت ان المجنون ده خطى عتبة البيت في عدم وجودى هيكون اخر يوم في عمره وحسابي معاكي هيكون عسير وياريت تبلغيه انه لو راجل يواجهنى بدل ما هو ماشى ورا ليلى الجبان ...الل...... ترك ذراعها فجاءة ونظر لها نظرة ناريه واتجه الى حجرة مكتبه اتسعت عيناها بعد سماعها ما قاله من سب غير تلك التهديدات التى لن تطال ادهم فقط بل سوف تطالها ايضا زفرت بعصبيه وغضب وهى تتذكر ماقالته لها اختها لقد اخبرتها ناديه ان عماد وعاصم قاموا بزيارتهم وكانوا غاضبين ويتوعدوا له وعندما اخبرتهم ان ادهم مسافر وليس له علاقه بهم زاد غضبهم و حدث مشاده بينهم وبين زوجها عبد العزيز الذى هدد بطلب الشرطه لهم وبحمايه ابنه منهم نظرت لغرفة الفتيات بكره شديد "ياريته خلص عليكى وارتحنا من قرفك امتى ارتاح منك كل ما اقول خلاص هانت القى حاجه بتحصل وبتثبت وجودك واخرتها العمى اللى خلاكى مقيده بينا وبالبيت وطبعا مفيش حد ممكن يرتبط بواحده عميه تكون له هم على قلبه ويتحمل مسئوليتها " رن هاتفها ورات اسم اختها امسكت هاتفها واتجهت اللى غرفتها لتتحدث معها بحريه ................ وضعت يدها على قلبها خائفه لم تكن خائفه من اصواتهم المرتفعه ولكن كانت خائفه ان تكون قد سمعت ما قالته والدتها لقد اصرت عليها ان تدخل وترتدى الفستان وما ان دخلت حتى بدات اصواتهم في الارتفاع جلست تتحدث معها من خلف الباب لكى لا تسمع خرجت ليلى وهى ترتدى الفستان ولكن بدون غلق السحاب وشعرها منسدل الى اخر ظهرها متسائله :زينه هو بابا كان بيزعق زينه وهى تحاول الا تكذب :انتى سامعه زعيق أنا مش سامعه حاجه هزت راسها فتحرك شعرها معه برقه :لا مش سامعه وهزت كتفيها :مش عارفه ليه حسيت انى سمعت صوت بابا اتجهت لها زينه وهى تغلق سحاب الفستان وقالت حتى تلهيها :إيه الجمال ده الفستان بالزبط عليكى ابتسمت بخجل ولفت حول نفسها:صحيح مزبوط عليا زينه بتاكيد وحماس:مزبوط بس ده مخليكي ملكة جمال ................ | ||||
|
| |
|
11-12-16, 06:15 PM
| #478 | ||||
| نجم روايتي وكاتبة في قسم قصص من وحي الأعضاء
| بعد يومين جالسه تتناول الغذاء مع والديها نظر والدها لذلك الطبق الصغير الذى وضعت فيه بعض من المشهيات من ليمون وفلفل حار واندهش وهى تاكلهم بنهم وسعاده :تاليا واشار الى الطبق:من امتى بتحبى مخلل اللمون والفلفل طول عمرك بينك وبينه عداوه اجابت وهى تاكل نصف ليمونة بتلذذ شديد:مش عارفه لكن الفتره دى حابه اكله بشكل كبيرلدرجة ان عماد جاب لى برطمان كبير وابتسمت وعى تضيف:امبارح قمت في نص الليل ادور على لمون مخلل وشافنى عماد قاعده على الارض حاضنه البرطمان وباكل منه في المطبخ قعد يضحك عليا اتسعت عيناها وسقطت ملعقتها في الطبق وهى تستمع لابنتها وهى تحكى مع والدها شعرت بقبضه في قلبها ونظرت الى ابنتها وتذكرت تلك الاعراض التى كانت تصاحبها عندما تتحدث معها في الصباح عن تلك الدوخه والغثيان ولكن مع حديثها الان تاكدت شكوكها "حامل ...تاليا حامل لكن امتى وازاى ...ازاى تبقى حامل وهى بتاخد الحبوب هزت راسها تنفى ماتفكر فيه ونظرت لها وهى ترسم ابتسامه على شفتيها وقامت من المائده :أنا اعمل شاى تشربوا معايا همت تاليا ان تقوم:لا خليكى ياماما أنا اعملك الشاى سعاد وهى تجلسها:كملى اكلك أنا خلصت واتجهت الى المطبخ والتفتت خلفها وجدتهم يتحدثون اتجهت بهدوء الى غرفتها ودلفت اليها دارت عينها في المكان تبحث عن حقيبة ابنتها وجدتها على طاوله الزينه اخذتها وجلست على الفراش وفتحتها وافرغت محتوياتها على الفراش وجلست تبحث وبعد ثوانى عضت شفتيها بغضب شديد :ازاى ماجابتش الحبوب معاها شكلها بطلت تاخدها واردفت بحنق :لا اكيد هو الزفت عرف ومنعها أنا عرفاها بتخاف منه وبتسمع كلامه في كل حاجه لكن أنا مش اسكت واوريه ...لكن في الاول لازم اعرف هو عرف ولا لا وهى بتاخدها ولا بطلت من نفسها جمعت اشيائها في الحقيبه مره اخرى وارجعتها مكانها وخرجت من الغرفه وهى تخطط لما سوف تفعله .................. | ||||
|
| |
|
11-12-16, 06:16 PM
| #479 | ||||
| نجم روايتي وكاتبة في قسم قصص من وحي الأعضاء
| في المساء خرج من الحمام بعدما اخذ حمام ينعشه من ارهاق وتعب اليوم اخذ عطر من عطوره ويتعطر بها واتجه الى فراشه استلقى عليه يفكر فيما فعله الايام الماضيه بعد رؤيته لها في المشفى بعدما عرف عنوانه ذهب هناك وعرف من حارس البنايه التى يقيم فيها انه سافر من عده ايام ...لم يصدقه واستمر يراقب البنايه ولكن تاكد انه مسافرعندما تحدث مع عماد واخبره الاخير انه ذهب لمنزله وعرف انه مسافر. هو متاكد انه سوف يحضر الزفاف وسوف يحاول الاقتراب منها ولكن لن يدعه يقترب منها مهما حدث سوف يراقبها طوال الزفاف ولن يدعها تغيب عن عينيه تنهد وهو يفكر فيها يريد ان يطمئن عليها يريد ان يعرف هل هى بخير ...هل عادت لممارسة تدريباتها آم توقفت ...هل مازالت خائفه ام تغلبت على خوفها ...لكن كيف يعرف امسك هاتفه ينظر لرقم عماد يريد ان يتحدث معه ولكنه متردد يعرف انه ما ان يسمع صوته سوف يساله هل هى بخير هل عادت للتدريب وممارسه حياتها هل لا زالت خائفه اسئله عديده بداخله يريد ان يساله اياها ولكنه لا يستطيع عض شفته بضيق والقى هاتفه جانبا وهو يهمس لنفسه اصبراليومين دول لحد الفرح وهتشوفها هناك وتطمن عليها .................. | ||||
|
| |
|
11-12-16, 06:17 PM
| #480 | ||||
| نجم روايتي وكاتبة في قسم قصص من وحي الأعضاء
| لقد غاب في سفر لمده اسبوع في مهمه تخص الشركه وترك كل شى لأبيه وعمر وعلي دخل غرفته بارهاق وتعب بعد رحلة السفر المرهقه التي وجدها فرصه ليبتعد عن كل الضغط المواكب للتحضيرات الخاصه بالعرس كان كل ما يتمناه في هذه اللحظة اخذ حمام دافئ ليزيل به هذا الارهاق واتجه الى خزانة ملابسه ليخرج منها بعض الملابس المريحة وما ان فتحها حتى صدم لم يجد بداخلها شيء...اين ذهبت ملابسه واشيائه اغمض عينيه يفكر ...تذكر ان والدته اخبرته قبل سفره انها سوف تنقل جميع أشياؤه لشقته اغلق الخزانه وخرج من غرفته واتجه الى الدور العلوى الذى سوف يقيم فيه دخل لشقته التى تغيرت تماما من ديكورات واثاث والوان حوائط حتى الصور المعلقه تغيرت هى والتحف بالكامل لقد قام ابيه واخيه وعلي وحمزة بمجهود كبير في تغيير كل شى حتى لميس اخته اشتركت معهم هى ووالدته في اختيار اثاث البيت اما هو فكان مجرد متفرج يشاهد ما يحدث بصمت لايعلق على شئ بل على العكس كل تغيير كانوا يقومون به يضغط على اعصابه اكثر ويشعره انه مجبر ومسير وانه يساق الى شئ بقوه الدفع كل من حوله يدفعه الى اتمام ذلك الزواج اللعين من اجلها هى ...من اجل سمعتها ...من اجل عائلتها كل شى من اجلها هى اما هو فلا احد يهتم ان يساله ماذا يريد اتجه الى غرفة نومه الجديده واتسعت عيناه عندما فوجئ ان طاوله الزينة موزع عليها عطور وادوات تجميل وتاخذ حيز كبيرمن الطاوله بحث بعينيه على اشياؤه فوجدها في ركن قصي من الطاوله اشتعل غضبا والقى حقيبته على الفراش واتجه الى خزانة الملابس ليخرج له ثياباً ولكن ما ان فتح خزانه الملابس حتى صفعته رائحه عطر نسائى نظر الى الملابس في الحزانه فوجد ملابسها وقمصان نومها قد تم تعليقها بشكل مرتب و تم ترتيب ملابسها في الرفوف بعنايه وضع يديه في خصره بغضب "هذا احتلال لقد احتلت خزانتى وكل شيء في الغرفه كل شيء قاسمتني فيه غرفتي أشيائي حياتي لقد صارت جزء منها .......كيف الفرار من كل هذا ومن ذلك الحصار الذى يضيقونه حولي " :انت هنا بتعمل إيه ما ينفعش تكون هنا روح اوضتك القديمه وتعالى هنا بعد يومين ياعريس التفت لوالدته التي كانت تضحك له بحب وعينيه الرماديه تشتعل غضبا وهو يشير للخزانه : ايه الحاجات دى ؟ نظرت الى حيث يشير بدهشه :دى حاجات عروستك عاصم بغيظ:مين حطها هنا نهاد وهى تحاول ان تفهمه :أنا ومامتها حطيناها وده مكانها الطبيعى انها تكون هنا ولا عندك مانع بحده شديده منافيه لهدوءه المعتاد :عندى مانع انتوا اصلا مخلين عندى مانع او راي وانا زي الدبيحه مسحوب وماليش راى في حاجه كل حاجه عشان خاطر الهانم وابوها ...غيروا الاوضه والشقه وحياتى اصلا أنا ماليش راى كرسى في البيت بتحركوه على راحتكم واردف بسخريه :لا نسيت تبقوا تسالوا بابا الكرسى المره الجايه هتوديه فين انهى انفجاره وخرج مثل العاصفه من المكان همت ان تساله عن سبب عصبيته ... ولكن صوت الباب الذى صفقه خلفه جعلها تدرك انه خرج وتركها في حاله من الدهشه والتساؤل كيف سيتعامل مع عروسه؟ ............ | ||||
|
| |
 |
| أدوات الموضوع | |
| انواع عرض الموضوع | |
|
|
178Likes
العرض العادي
