05-08-16, 03:01 PM | #1 | |||||||||||
| الحياة مليئه بالمعجزات بسم الله الرحمن الرحيم ,,, وعليكم السلام ورحمة الله وبركاته انا الكاتبه جنى بديت بروايتي الاولى واللي هي (يامعطي عمري عمر احبك) وكانت كبدايه فاشله للاسف واغلاط فيها بتنفاداها بهذي الروايه اتمنى تبدون رايكم فيه . . مقتطفات للتشويق احد مستشفيات الرياض **** كانت واقف بصدمه صعقها الخبر مو مصدقه دموعها مو راضيه تطلع من عيونها والرجفه ماسكتها وكان احد كاب عليها مويه بارده جلست على الكرسي اللي بالسيب والصدمه متملكتها دمعت عينها بدون ماتحرك رمش وبنفسها "انا يتيمه" الممرضه بحزن : الله يكون بعونك اخذت نفس عميق دموعها بدت تتدفق مثل الطفل شهقت بالم وكان احد نزع لها روحها منها نزلت راسها لحضنها واستسلمت لدموعها بالانهمار كل اللي بالسيب رافت قلبوهم عليها شكلها يقطع القلب........... فصول الرواية المقدمه .......... اعلاه الفصل الاول .. بنفس الصفحه التعديل الأخير تم بواسطة um soso ; 07-08-16 الساعة 11:11 AM | |||||||||||
07-08-16, 04:11 AM | #2 | |||||||||||
| البارت الاول (1) بممر المستشفى كانت جالسه على كرسي الانتظار والدموع عاقله بعيونها مو قادره تنزل قلبها بدا بالخفقان وتوتر يتملكها ردت بصوت مرتجف : يعني بيموت الدكتور نزل عيونه بحزن على حالتها رتب على كتفها : لا تفاولين ابوك يبيله اهتمام مايصلح كل يوم بالمستشفى انتي عندك احد يقرب لك بطلتنا "شوق " ردت بغصه : اي عمي محمد بس منقطعه علاقاتنا من زمان الدكتور ابتسم : اي عرفته هو جا اخر مره انا بتفاهم معه شوق قامت بلهفه : عادي ادخل عليه الممرضه كانت عند الباب : 5 دقايق شوق دخلت غرفه ابوها كانت موحشه من برودتها ارتجفت مع خطواتها الهاديه الدمعه تجمدت بعينها من الحزن على ابوها جلست على حافه السرير شافت ابوها نايم براحه مسكت يده وبعبره : يبه الله يخليك.. لاتروح وتتركني .. مقدر انا..بدونك مالي هدف بالحياه " بدت دموعها تتساقط على يده ابوها بالم وضعف حست بابوها يحرك اصبعه " : قمت!! يبه رد علي ابوها بالم فتح عينه والكلام بالموت يطلع منه : ممااا ءء ءء فزت شوق بفرحه واخذت غرشه مويه وفتحتها لابوها وشرب منها بعد ثواني هدا الجو وبصوت متقطع : لليهه ءءكل هذي ءءالدموع شوق مسحتها بفرحه : يبه انت تسمعني صح الله يخليك لاتخليني لحالي بهدنيا بدونك مقدر اعيش والله بموت معك ابو شوق : مو بيدي وانا ابوكءء قطع عليهم الممرضه وهي داخله تبي تغير المغذي : اسفه بس انا قلت 5 دقايق المريض مايقدر يتكلم شوق قامت وهي تبلع الالم والحزن والهم اللي نزل عليهم فجاه وبعيون راجيه : يبه الله يخليك يبه لاتروح عني _ ببيت عم شوق "ابو احمد" ابو احمد : اقولك مصيبه على راسي المشكله اخووي يقول هي امانه عندك ام احمد بكره : من الحين يا انا بالبيت يا هي ابو احمد بعصبيه : اسكتي بس توه مادري بيموت ذا ولا شقصته من زمان لايتصل ولا له حس والحين يبيني ارعي بنته (امحق اخو). نجود : لو اموت ماتعيش معنا ذي الكريهه تحلمون ندى قامت بضيقه : اول مره اشوف اخو يدعي على اخوه بالموت الصراحه عائله مريضه "ومشت ". نجود : والله يبه مو ناقصين ولدك ذا الصايع يجي يسوي فيها شي وتصير على راسنا من الحين اقولك لاتاخذها . ابو احمد : لا تتدخلين نجود سكتت بقهر _ بآفخم بيوت الرياض (بيت ابو معاذ*العم سعود*) على طاوله الطعام يتعشون "ام معاذ وابو معاذ ومعاذ روى وجوري ".. ام معاذ وهي تحط لمعاذ من الاكل : هاه ماغيرت رايك بموضوع المربيه معاذ ببرود : صامل ام معاذ : المشكله ان راسك يابس محد معجبك معاذ ابتسم على جنب : انا قلت مربيه يعني تهتم بجوري مو بنفسها ابو معاذ : جبها عندنا ليه الشقاء روى باستهبال : منجد وااله انا احسن مربيه جوري ضحكت : محد يعلمني الاشياء الوصخه روى بسرعه سدت فم جوري وهي تغمز : بلا كذب معاذ عصب : ماشاء الله امحق مربيه الشرهه على اللي يعتمد عليك روى ضربت ظهره بثقل : انت القدوه معاذ كان من زمان مرح ودايم يضحك بس انقلب حاله من بعد مافقدحبيبته وزوجته .. معاذ ناظر اخته بنظره محد قدر يفسرها بعدها لف لبنته : جوجو شفيك ماتاكلين جوري بدلع : مابي مربيه معاذ ابتسم : وليه جوري : نفس ذيك كانت تضربيني مابي ابي اجي عند جدي معاذ لف لامه : يمه عاد هالمره انتهبي ام معاذ قاطعته وبصوتها الحنون: ماعليك بدور لك احسن مربيه وش تبي بعد معاذ : يمه اقواك مايهمني الشكل اهم شي تهتم بجوري مو تهتم بنفسها ابو معاذ ضحك : الله يرزقنا حب هالجوري معاذ ابتسم قام وهو يعفس شعر بنته : يلا انا طالع عندي كم شغله جوري بعصبيه وهي تعدل شعرها : اوف بابا اوف معاذ نزل لمستواها وباس خدها بقوه : يالله انتبهي لانفسك جوري بدورها ضمت ابوها : وانت بعد معاذ ابعد عنها وناظر روى : الله الله والادب روى كشرت وجهه : رح يامغرور معاذ سحب على كلمتها الاخيره ومشى طالع.. _ بعد مرور اسبوع بالرياض مستشفى**** كانت واقف بصدمه صعقها الخبر مو مصدقه دموعها مو راضيه تطلع من عيونها والرجفه ماسكتها وكان احد كاب عليها مويه بارده جلست على الكرسي اللي بالسيب والصدمه متملكتها دمعت عينها بدون ماتحرك رمش وبنفسها "انا يتيمه" الممرضه بحزن : الله يكون بعونك شوق اخذت نفس عميق دموعها بدت تتدفق مثل الطفل شهقت بالم وكان احد نزع لها روحها منها نزلت راسها لحضنها واستسلمت لدموعها بالانهمار كل اللي بالسيب رافت قلبوهم عليها شكلها يقطع القلب _ يادقه العود وليلي الهادي ياعيونه السود ، وياحبي لحالي _ الممرضه : عطيني اسم احد من معارفك عشان الجنازه شوق مو قادره تتكلم وهي بين دموعها صرخت ببحه : مالي احد غير ابوي مالي الدكتور طلع من غرفه العمليات :انا اعرف عمها خلاص تقدرين تشوفين شغلك الممرضه هزت راسها ومشت الدكتور راح لغرفته ودق على ابو احمد ابو احمد : هلا الدكتور : انت ابو احمد اخو المريض سعد ابو احمد بكره : اي انا اخوه الدكتور باسف : حبيت اخبرك ان اخوك توفى قبل دقايق ابو احمد اخذ نفسه : الله يرحمه الدكتور بجديه : بس لفظ باخر كلماته او بالاحرى وصيته بورقه ابو احمد بخوف : واللي هي؟ الدكتور : وصيته كانت "انا بروح وامانتي لك هي شوق لاتتركها ياخوي".. ابو احمد مسك نفسه : شفيه ذا تراني مب ملجا الدكتور : انا وصلت وصيته وبنته عندنا بالمستشفى بانتظارك تاخذها ابو احمد قفل بوجه الدكتور ام احمد بلقافه: هاه وش قال ابو احمد وبان عليه الحزن : ان لله وانا الله راجعون ام احمد : وانت شحقه متضايق لايكون رحمت بنته ابو احمد : يامره خافي الله ذا اخوي قطعه مني ماتبين احزن على موته ام احمد بحقد : لو انه اخوك كان عطاك حقك من الوكاله والبيت والورث والا ندى قطعت على امها : يمه خلاص يكفي يكفي عمي مات وانتي تعددين اغلاطه اذكريه بالحسنى الله يهديك بس ام احمد : انتي انطمي لاتعلين صوتك علي انا امك ندى قامت وهي ترمي الوساده وراحت لغرفتها : مريضين مدري متى بفتك منكم نجود ضحكت بغرور : يمه صدق حاولت اخالفك بس كلامك صحيح خل الفلوس تنفعه ابو احمد بهدوء : بس هو وصاني على شوق قالي هي امانه عندك نجود شهقتت: ااايش يعني بتجي عندنا لااا يع يبه والله بموت لو بتجي عندنا بذبحها ام احمد : ماعليك يمه اصلا مانتي شايفه وجهها انا بسنعها ابو احمد قام : شوق بتجي وبتجلس بالبيت لحد يتجرا عليها تعرفون شلون امانه لو صار لي شي على ذمتي طلع من بيته وهو متوجهه للمستشفى بعد دقايق قليله وصل ابو احمد ونزل من سيارته اخر مره زار اخوه يمكن قبل شهرين وهذي هي المره الثانيه جاي يدعي له بالرحمه المره الاولى دخل المستشفى واخوه حي بس هالمره ميت صحيح ابو احمد يكره اخوه بس قلب الانسان رهيف شوق فزت وهي تشوف عمها وببحه : وش جابك ابو احمد : جاي اعزيك الله يرحمه ويصبرك شوق بالم : بعد ماتحققت امنيتك الحين جاي تعزي ابو احمد نزل راسه : تحققت بس اخوي اضاف شرط عليها شوق انقهرت من حقارته ودزته ابو احمد مسكها من ذراعها وتلها له بقوه شوق صرخت بالم : ابعد ايييدك انت مب عم الا حيوان ابعد يدكككك ابو احمد عصب من شوق وجراتها مع الكبار لف عليها وعطاها كف وبعصبيه : اياني وياك اشوفك موطوطه ببيتي سامعهه شوق مسكت خدها وتتكتم بكاها اللي بيفضحها صرخت باقوى ماعندها : اللله ياخذككك _ معاذ كان طالع من قسم الطوارى وجوري ماسكه يده : بابا متى يفكون البقس هذا معاذ ضحك : الجبس مو البقس جوري ابتسمت من زمان عن ضحكت ابوها : طيب انت زعلان عشان طحت معاذ قعد حواجبه : اي زعلان كم مره قلت لك لا تلعبين مع روى الخبله بتكسرك اذا لعبتي معها جوري بغرور : مينن قال انا قويه بس ثنيناتهم وقفوا وهم يشوفون بنت طايحه على الارض وتصيح والكل يمر من جنبها ومو معبرها جوري برطمت : حرام ليه تصيح معاذ : والله مدري تبين تروحين تسالينها جوري قربت : ليه تصيحين شوق رفعت راسها بهدوء ورجعت على ورا وغمضت عينها وبدت تهمس لروحها : يتيمه يتيم يتي يت ي... جوري لف لابوها باستغراب : شفيها معاذ مسك يدها ورفعها وهو يزمها : عيب يابابا تتدخلين شوق قامت باعتدال كانت متحجبه بس حجابها معفوس وخدها محمر من كف عمها ناظرت فيهم بس ماركزت بالملامح مععاذ مشى وجوري متعلقه فيه وتناظر بشوق شوق شافت البنت ودمعت عينها وبهمس : ليتني مكانها ليتني ماكبرت وبقيت بحضنك يبه ليتني .. طلعت جوالها من شنطتها ماتدري وين تروح اصلا ماعندها احد غير ابوها وصديقتها منيره بعدها بدقايق قررت تدق على منيره منيره : هلا بالقاطعه اللي شوق ردت وصوتها رايح من التعب والصياح : ابي اشوفك منيره استغربت : شوقو شفيك صوتك مايبشر بخير شوق ببحه : ابوي توفى يامنيره منيره انصدمت : الله يرحمه شلون بعدين انتي وين شوق خلاص شوي وتفقد وعيها : بمستشفى********* منيره قفلت من شوق وطارت لمشعل منيره بصراخ : مشيعيلل قم ودني بسرعه مشعل : معصي "يعني تخسين" منيره بعصبيه : مشعلوه ماستهبل بسسسرعه مشعل : وش تبين اكيد سوق منيره : لا صديقتي شوق ابوها توفى بروح اشوفها بتقوم ولا شلون ط مشعل فز : شوق ناغيرها حقتنا منيره : اي بسرعه _ انتهى...... راااايييكممم (( التعديل الأخير تم بواسطة um soso ; 08-08-16 الساعة 09:40 AM | |||||||||||
07-08-16, 11:08 AM | #3 | |||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| السلام عليكم ورحمة الله وبركاته اهلا بك بيننا وان شاء الله تجدين كل مايرضيك عزيزتي وجدت روايتك بالمكان الغلط في قسم الروايات المكتمله بسلاسل .. انا سانقلها للقسم العام لتحضى بالمتابعه بالتوفيق وارجو منكِ التفضل هنا لمعرفة قوانين القسم https://www.rewity.com/forum/t285382.html كما ارجو منك الاطلاع على موضوع تعدد العضويات فهو مهم جدا https://www.rewity.com/forum/t291277.html | |||||||
08-08-16, 04:15 AM | #4 | ||||||||||||
نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اعجبتني الروايه ياجنى موفق بإذن الله ... لك مني أجمل تحية . بنتظار البارت الثاني شـكــ وبارك الله فيك ـــرا لك ... لك مني أجمل تحية . | ||||||||||||
08-08-16, 09:50 AM | #5 | |||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| بدايه مشوقه العم تركها رغم وصية اخوه هي شوق مو ورثت من ابوها .. ولا الفلوس كلها راحت على العلاج ؟؟ الان شوق وحيده وصديقتها ستأتي لها ماذا ينتظرها بالانتظار | |||||||
مواقع النشر (المفضلة) |
الكلمات الدلالية (Tags) |
تسويق, حماس, روايات, روايه, روايهحب, عشق |
أدوات الموضوع | |
انواع عرض الموضوع | |
|
|