آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-09-19, 09:16 AM
| #91 | ||||||||
| مراقبة عامة ومشرفة منتدى الروايات المنقولة  
|  مقتبس من جزء غداً أي حقيقة أخرى سوف تكشف ____________________________________ دخل أحد المحلات التجاريه ليقترب بتوجس من المحاسبه : السلام عليكم رفعت بصرها لتنظر إلى الرجل الواقف بكامل أناقته : وعليكم السلام : إنتِ مروه الـ... : عفوا مين معايه : ممكن إذا سمحتِ لي أكلمك بموضوع ضروري استندت على كرسيها : لا .. : الموضوع يخصك ردت بحده : اما اشتري أو تفضل أخرج البطاقة من جيبه وهو يدفعه بأنامله على الطاوله : هذا رقمي ضروري تكلميني اليوم .. إلا إذا حابه الأمر يوصل لأخوكِ وقفت بذعر : مين إنت عشـ عشان تهددني اقتربت احد العاملات منها وهي تنظر للواقف : مروه اشبك : ولا شي تحدث منهي الحديث قبل أن يغادر : بانتظار اتصالك _____________________________ | ||||||||
|  |
|
07-09-19, 03:10 PM
| #92 | ||||||||
| مراقبة عامة ومشرفة منتدى الروايات المنقولة
| الندم وشهو يفيد لاصرت بيدينك ذبيح تابع (29) . . . في كل مره أقف فيها أمام نفسي أجدها غارقه في الماضي حيث الوحده وكيف لي بشريك الحياة يكون مجرد شريك ورق حين اتذكر جملته التي رماها لي دون أن يبالي كيف أن أحتضن طفلا يكون والده فهد الذي كان مجرد صاحب لي لا أكثر لا أعلم هل شعوري حينها مع فهد كانت مجرد شعور فتاة أرادت أن تحب فقط لا لشيء فقط لأن هنالك رجل في حياتها قد لا أقولها في كل مره لنفسي لكن أعلم أني كنت ساذجه بقراري بالاستمرار معه ولكن كانت بالنسبة لي خير ساقه الله لي ومتخوفه من شعوري اتجاه وليد الذي اخشى أن يقودني للهلاك كما في سابق عهدي بابن خالته آه.. شعووور مووجع بداخلي يااارب ألهمني الصواب مر يومان وفي كل مره يحادثني فيها وليد، أشعر برغبة في البكاء شعور أن ترى فرج الله يقترب وأن السعادة قد فتحت أبوابها لك بعد شقاء كان لايعلمه أحد سواك شعور أن ترى الأنس بعد أن كنت تعيش شعور الوحده منفردًا شعور أن تكتشف أن شخصاً ظننته مثلهم يكون هو الظهر الذي تستند عليه لازلت أتذكر كلماته حين أخبرني أن لا أخفي عليه سراً ولكن أخشى أن أعود بذلك لنقطة الصفر أن أعيش البكاء والوحدة والفراااق وما أوجع الفرااق طرقات على الباب أيقظتني من كومة القش التي في رأسي لم أخبركم أن نسرين زارتني خلال اليومين الماضيين حسناً.. اممممم لاتشبه أختها البته أخبرتني عن خلافاتهم ولما الكل مبتعد عن أم فهد إذا لست الوحيدة المتضرره منها عموماً لايهم فهذا لا يعني أنها بتلك السوء : هلا هلا تو مانور البيت نسرين بابتسامه وهي تحمل بيدها عدة أكياس : السلام عليكم حملت عنها الأكياس : وعليكم السلام ورحمة الله وبركاته.. ليه كلفتي على عمرك نسرين : لا كلفه ولا حاجه .. _ غمزت بعينها _ كأن ماشاء الله النفسيه اليوم غير زيزفون : ياختي ماأصدق تجي عالأقل مااقعد بين أربع جدران نسرين : ياختي جايتك بحكاااوي تشيب راسك زيزفون : وكأني ناقصه نسرين : هههههه روحي حطي لنا هالحركات واعملي لنا ديك القهوة اللي تكيف الرأس.. عبال مااوري سعود لعبته زيزفون : أمرك ياستي.. أصلا تحصليه في الغرفة مع الألعاب اللي جبتيها له أمس . … . . : والله شكلك تمزح : هههههههههه ياخي حلفت لك جلست على الأريكة المنفردة وبيدها كوب نسكافيه تنظر إلى التلفاز وأذانها معه : شوف بكره ضروري تفرغ نفسك عشان اللي قلت لك عليه… ههههههههه الله يسعدك دايم ياصاحبي… لالا الحمدلله امورك إن شاء الله من أحسن لأحسن.. اكلمك بعدين… هههههه ماهو ذنبي انك وحداني… يالله سلام نظرت إليه من فوق الكوب الذي ترتشف منه : واحنا مالنا رب تسوي لنا معك ناولته كوبها رفع حاجب لها كم يوم تصرفاتها غريبه رغم أنها ممتعة بالنسبة له لكنها تخيفه فهو يعرف شخصيتها مالذي تغير الآن تناول الكوب من يدها : يعني هالحركات كلها عشان بس اوديك لأهلك رفعت كتفيها دلالة اللامبالاة : لا بعدين أي حركات تتكلم عنها هز رأسها : تعالي جنبي اقتربت لتجلس بقربه وهي تضع رأسها على كتفه وهو لازال مندهشاَ من كمية الطاعة التي أحاطتها وقربها منه همست : هو إنت لساتك زعلان عليا عشان موضوع الحبوب مرر كفه على ذراعها : هالموضوع يخصنا نحنا الاثنين، كونك تاخذي قرارات بدون ماترجعين لي فيها يحق لي أزعل صح زفرت بضيق : هذا لأني كنت خايفه شد على عضدها وهو يقبل رأسها : تخافين وأنا جنبك اكتفت بالصمت تحدث سلطان بهدوء وكأنه يريد بذلك أن يصل الحديث إلى قلبها قبل مسامعها : شيلي الأوهام اللي في راسك انا عارف إن بدايتنا ماكانت حلوه لكن اللي متأكد منه إني أبغاكِ ولا أفكر في يوم إني أضرك أمل أدري إنك ماخذه موقف مني ومن بعض تصرفاتي لكن هالشي طبيعي لما أشوفك تتعاملي معي بهالأسلوب كيف تبغينا نخلي حياتنا تستمر إذا كلها نكد في نكد.. تدرين إني حبيتك في هاليومين أكثر ماادري إيش براسك لكن أبغاكِ تكونين جنبي تسمعين لي بدون عناد بدون مناقرة بدون جدال كم لنا مع بعض يا أمل تتوقعين إن هذا حال وأنا ماأعرف عنك أمور كثيره. دايم كتومه دايم مزاجيه أنا تاركك على مزاجك لأني قلت لك أبغاكِ بكل أحوالك وما صارحتك بهالشي إلا لما شفت وضعك هاليومين انا مدري هو إنتي حسبتيها برأسك ولقيتي نفسك إنك غلطانه بحق نفسك وحقي ولا ان هالشي بعض من مزاجيتك ابتعدت عنه وهي تنظر لعيونه بصمت تنهد : لاتظلين ساكته قولي لي إيش بخاطرك ابتسمت ابتسامة بسيطة : اشرب النسكافه مداها بردت زم شفاته حين علم أنها لن تنطق ستفضل صمتها على الحديث كعادتها نظر إلى عينها مباشرة وكأنه يريد أن يتأكد من تغيرها : يعني ناويه ترضيني وتتركي الحبوب أمل بثقة:إدا دا اللي تبغاه ليه لا … . . : ماما اديني جوالك بس شويه أم علاء : والله ابوك حلف عليا مااديك الجوال إنت ليه كدا خفيفه خليه يتأدب سحر اقتربت من أمها وهي ممسكه بذراعها : يعني يهون عليك كدا مسحوب جوالي أم علاء : ايوه يهون لما يصير مافي راسك عقل.. انا بس استنى يخلص هالاسبوع وافتك من جنانك سحر : هههههه والله أدري إنك تحمدي ربك مونستك حتى عبودي مسوي لك جو بالبيت ابتسمت أمها للأسف لاتستطيع أن تشد على ابنتها : نزلي لي البرنامج اللي تقولي عليه خليني أكلم علاء سحر : وي أنا يوم أبغى الجوال ماتديني وعشان علاء استأمنتيه بين يديني أم علاء : خلصيني يابت سحر : اصلا أنا كمان أبغى أكلمه مالت عليه مايعرف يسأل عني أم علاء : كل مااتصل سأل عنكم ولا تبيني كمان احيكه عن مشاكلكم وهو بالغربة سحر : ايوه حكيه عشان يفزع لي أم علاء : والله أوريك شغلك لو ادري انه عرف بالموضوع سحر بابتسامة بلهاء : امزح معك ياأمي. يالله أهوه جالسه اتصل عليه أم علاء : إن شاء الله يرد ظهرت صورته أمام الشاشة ابتسم وهو يرى أمه ام علاء : كيفك ياحبيبي علاء : والله الحمد لله.. كيفك إنتي وكيف البنات أم علاء : بخير الحمد لله.. هيّ شوف سحر عندي بتقول ماتسال عنها وضعت رأسها بجانب رأس أمها وهي تمد بذراعها حامله الهاتف : اهلا اهلا بالقاطع علاء : ههههه ول اشبو خدودك واصله لحلقك سحر نظرت لأمها بزعل : امـــي شوووفيييه علاء : ههههههه امزح معك يالبطة سحر : انا الغلطانه إني اخلي أمي تشوف وجهك علاء : محد قالك تطلعي خشتك قدامي سحر : اديني مرتك الكلام معك ضايع علاء : كم تدفعييين سحر نظرت لأمها : شفتي شفتي ولدك يذلنا أم علاء : أدينا مرتك رفع علاء صوته : سررريه تعــالي كلمي أمي سحر : بطل زواله وروح اديها الجوال بشوف كرشتها فين وصلت غير وجهة الكاميرا للكاميرا الخلفية ليظهر لهم سريه وهي قادمه ترتدي فستان مورد لمنتصف الساق قد انرسم على جسدها وبان بروز بطنها وشعرها المفرود الذي إنتصف فخذها ضحكت سحر بصوت عالي لدرجة أن أم علاء دفعتها بعيداً عنها اقتربت من جديد سحر بقرب والدتها : علاااء يابن اللذين ايش هالحرركااات علاء : هههههه أعجبك افا عليك بس جلست سريه بقربه ابتعدت بخجل حين رأت والدته وسحر على شاشة الهاتف علاء شدها إليه : تعالي كلميهم يبغوا يشوفوا اخبار البيبي تحدثت بخجل وهي تعيد شعرها خلف أذنها : شلونك ياخاله أم علاء ابتسمت برضا وهي تراها بالشكل الذي يرضيها : الحمد لله كيفك يابنتي سريه : يسرك حالي سحر اقتربت من الكاميرا : وي وي وي ايش هالجمال ياسريه سريه ابتسمت بخجل علاء : اذكري الله مالت عليك لايصير بمرتي المزيونه شي وكزته مع خصرته نظر إليها بتكشريه : إيش سويت يامجرمه أم علاء بضيق: ماعندك اجازة لجل تجينا علاء : والله ياأمي صارت لي افلام.. لكن بإذن الله الشهر الجاي بحاول أجي أم علاء : الله يكتب لك اللي فيه الخير ياحبيبي علاء : امين يارب.. لاتحرمينا من هالدعوات أم علاء : ابدا ياحبيبي مانسيتك ربنا يوفقك ويسهل أمرك ويغنيك من فضله ويوسع لك في رزقك ويبارك لك فيه علاء نظر إلى سريه وهي تبتعد : آمين آمين يارب سحر : طيب أسأل عن عبود بالغلط نهرتها والدتها : يالت خليه نايم لاتصحيه علاء : دامه نايم خليه.. سحر : ماشي.. ظل يحادثهم وباله منشغل بسريه ماأن أنهى حديثه معهم حتى ذهب إلى المطبخ ليجدها تضع رأسها على طاولة المطبخ وجسدها يهتز سحب الكرسي الذي بجانبها ليجلس بقربها توقف جسدها حين شعرت بقربه | ||||||||
|
| |
|
07-09-19, 03:11 PM
| #93 | ||||||||
| مراقبة عامة ومشرفة منتدى الروايات المنقولة
| : اشبك شهيقاً تريد به أن تهدأ من نفسها احتضنت كفيها تخفف حدة شعورها بالعجز .. بالغربة :اشتقت لأبوي علاء بتفهم : تبغيني أتصل عليه نظرت إليه بعين دامعة والعبرة تخنقها: أبي شوفته علاء : إن شاء الله ننزل بأقرب وقت ._اكمل مازحاً_ مسحي دموعك قبل ماتتعقد بنوتتي سريه رفعت يدها بيأس منه : ماهمك إلا بنتك قبض على خدها بأنامله : تهميني أكثر من البنوته لكن لازم نراعيها سريه : ايه ايه اضحك علي بكلمتين سحب هاتفه من جيبه : بوريك البناي إيش سوى سريه : وش علاء : بما إنك تغاري علي وكذا قلت أصور لك أول مشروع تنفذ سريه : منهو يغار .. أنــا علاء وهو يكتم ابتسامته: نعم نعم نظرت إلى هاتفه : ورني بس مشروعك علاء : دا مخرج سريه : وش تبي علاء : قولي إنك تغاري علي عبري عن شعورك سريه : بتوريني ولا أقوم علاء : ول ماتنقربين ..-أشار إلى نفسه- أنا جالس أعاني من جفاف عاطفي موحاسه فيني ابتسمت من شكله وهو يدعي الاضطهاد وضعت يدها على خدها وهي تتكئ بكوعها على الطاوله : والمطلوب مني علاء وهو يعدد بأنامله : كلام حلو .. بوسه .. حضن .. لمسه .. همسه احمّر وجهها ضربته من كتفه قبل أن يكمل ضحك حين رأى تعابير وجهها : وأنا صادق سريه : انت ماخذ حقك وبزيادة بعد علاء رفع حاجبه :لا تفتري اتسعت عيناها : لا إنت كذبني بعد علاء : متى حضنتيني متي بوستيني متى ومتى ومتى اقتربت منه بلع ريقه توقع أنها ستنفذ طلبه همست له والفاصل بينهم أنفاسه المضطربة :وريني مشروعك أبعد وجهه عنها وهو يضرب على جبينها : هيَّ عناداً فيك مو موريك سريه رجعت بظهرها للخلف وهي تضحك .. . . اقترب من الباب مسرعا لم يصدق حين أتته الأخبار دخل أحد المحلات التجاريه ليقترب بتوجس من المحاسبه : السلام عليكم رفعت بصرها لتنظر إلى الرجل الواقف بكامل أناقته : وعليكم السلام : إنتِ مروه الـ... : عفوا مين معايه : ممكن إذا سمحتِ لي أكلمك بموضوع ضروري استندت على كرسيها : لا .. : الموضوع يخصك ردت بحده : اما اشتري أو تفضل أخرج البطاقة من جيبه وهو يدفعه بأنامله على الطاوله : هذا رقمي ضروري تكلميني اليوم .. إلا إذا حابه الأمر يوصل لأخوكِ وقفت بذعر : مين إنت عشـ عشان تهددني اقتربت احد العاملات منها وهي تنظر للواقف : مروه اشبك : ولا شي تحدث منهي الحديث قبل أن يغادر : بانتظار اتصالك جلست على كرسيها بانهيار وهي تغطي وجهها بكفيها من فوق النقاب زميلتها : بروح أجيب لك مويه هزت رأسها دون أن تلتفت إليها . . . " بعد عدة أيـــام" :ذحين بفهم مسحبني معك ليش ترى إنت اللي بترجع مرتك مو أنا عماد نظر إليه بضجر : ممكن تمشي وإنت ساكت سحب عماد من يده ليقف : والله براسك شي منت خالي عماد مسح على دقنه المحدد : هذا وجهي إن ماخليته يطيح بأرضه سلطان : أقولك ماكان هذا اتفاقنا عماد بسخريه : سلطان تحسب إني مو منتبه لترددك تحسب إني بمرر له حركته دفعه من كتفه : إنت إيش فيك ترى الموضوع يعنيني أكثر ماهو يعنيك عماد أشار بسبابته لسلطان بنرفزة: اللي يغدرني ماانساها له لو تمر فيني سنيين فاهم ياسلطان لو تمر سنيييين صحصح إنت .. ناسي إيش صار فيـــك .. نــاسي مرضك .. ناسي تعبك .. ناسي وناسي وناسي ونحنا على عمانا ماكنا ندري باللي يجري من تحتنا سلطان : مو ناسي شي كل مافي الموضوع إننا نخسره الأول والتالي , غير كذا ياعماد انسى اني أمشي معك فيه.. زوجتي ماابغاها تعرف إني ورى هالسالفة عماد ابتسم بقرف : هذا اللي همك زوجتك .. وياليت عاد معطيتك وجه .. ماتبغى تواجهه ماتبغى تبرد خاطرك فيه وانت تشوفه مكسور مثل ماكسر أبوك بأفعاله سلطان : اوك انا ابرد خاطري بطريقتي ضحك عماد باستخفاف : شفيك صاير خروف ورى حرمتك تبرد خاطرك بكل بساطه انك تطفره وتسجنه سلطان وهو يكاد أن يجن من صاحبه : احترم نفسك ياعماد .. وبعدين هذا كان اتفاقنا إيش اللي تغير عماد :لقيت هالشي مايكفيني .. مايبرد خاطري لين أذوقه من نفس الكاس سلطان : لاتنسى إنك طلقتها بإرادتك عماد : ولا تنسى إنها كانت سبب بهالطلاق .. عشاان ايش هاااه عشاان ايش ياسلطان عشان تأخذ واحد غيري سلطان احتدت ملامحه :بالطقاق هي واللي أخذته أنا لي في أبو علاء بس.. سامعني ياعماد أبو علاء وبس عماد : إنت راضي عاللعبة الوسخه اللي سووها في أبوك شد سلطان من قبضته على كتف صاحبه : لو راضي ماتلاقيني واقف معك عماد تحدث بقهر : كنت بخير كنت بخير مع سحر قبل مايصير هذا كله_ارتفع صوته _ لكن تجيب لي نسخه إن أبو علاء كان شاهد في زواج اختك المصووون وتجي تقولي لاتدخل بناته بالسالفه لا والله بدخله وبدخل بناااته اللي خرب بيتي من قبل .. أخرب بيته وزياده كمان حتى لو الموضوع يمسني.. خلي المصلحه اللي كان يدورها من ورى هالشهادة تنفعه زفر بضيق وهو يمسح على وجهه مهما كان ..لايفكر أن يضر أمل مهما كانت حجم مصيبته إلا أنه لا يريد أن يخلط الحابل بالنابل تائه مع صديقه يعلم أن صديقه مجروح ويعلم حجم القهر الذي بداخله لا أعلم مالذي كان بينهم قبل انفصالهم هناك أمور كثيره لا يفهمها كل مايعرفه أنه عاد من بعثته لظرف طارئ ليجد خبر موت أبيه واختفاء اخته من أبيه وزواجها وتعب والدته يبكمه وحين قرر دفن الماضي والزواج والاستقرار يكتشف أن أبو زوجته هو يد في هذه المصيبة التي وقعت عليه كالصاعقة هزه عماد من يده :ياهوووه فين سرحت جالس أكلم نفسي التفت سلطان إليه بهدوء وهو ينظر إلى عيني صاحبه : اسمعني إنت ادخل خذ مرتك وولدك وصدقني اللي براسك راح أريحه بس لاتستعجل ولا تأخذ الأمور لمجرى بدل مايبرد خاطرنا بيضرنا ابتعد عماد عنه خطوه : شف عاد الشر علي اللي واقف معك بالطقاق سوي اللي تبغاه ماعاد هي فارقه معي قهري لاتحسب على اختك بس قهري عليك ولى تعبك قهري على ابوك اللي مات بقهره ..وانت بكل برودة خاطر جالس تراعي لي مشاعر بنت من ابوها ذبح أبوك سلطان : شكلنا نسينا ان ابوي كان على معرفة بأبو علاء يعني لو أبو علاء فعلا غلطان تقدر تقول لي شلون يزوجني بنته عماد : حسستني عمر القـــاتل مامشي على جنازة القتيــل سلطان بحيرة: مدري ياعماد مدري فيه شي مو مريحني بهالسالفة عماد : أنا مدري لو إنك مخلف منها إيش بتسوي .. خليني اروح اخذها واشوف سالفتك بعدين سلطان : طيب أستناك بالسيارة عماد :مو داخل معي سلطان : لا ماني دخل عشان لو خربتها مع أبو علاء أجحد معرفتك بكبرها ضحك عماد : الله يصبرني عليك ياناكر المعروف سلطان بجدية: خل الأمور تمشي مثل مانبي عماد : ماشي ماشي . . . وضع يده بقرب فمه وهو غارق في التفكير حجم الحقائق والأوراق التي كشفت خلال هذه الأيام شي يشيب له الرأس جلست بقربه وهي ترى سرحانه منذ أن أتى انقطع تواصله عنها وهاهو يأتي بعقل سارح أخذتها الهواجس والأفكار يمنة ويسره تناول فنجان القهوة من يدها : تسلمي نظرت إليه وهو لم ينتبه حتى على أناقتها لأجله ولا حتى تغيرها .. شعرها .. ثيابها .. تألقها همست : يسلمك وليد : فين وليد زيزفون : إنت حتى ماسألت عن أخباري لما جيت وليد مسح على جبينه وكأنه بذلك يخفي توتره : معليش سامحيني طحت بأشغال لين ماني عارف فين أرضي شد من قبضته على يدها وهو يغتصب ابتسامته : طميني عنك ابتسمت ابتسامه مائلة ماكان ليسأل لو لم أنبهه : الحمدلله وليد : ماقلتي لي فين سعود زيزفون : في غرفة التلفزيون وليد : بسألك حاجه لم تفهم بعد ما به : قلت لي فهد الله يرحمه خبرك إن أم سعود توفت انعقدت حاجباها : ايش جاب هالسالفه دحين .. وليد جيبها من الآخر إنت من يوم بطلت تتصل فيني وأنا عارفه إن فيك شي وليد نظر إليها وهو يرتشف من فنجانه ما أن انتهى حتى وضع الفنجان في الصينية : تبغين الصراحة زيزفون هزت رأسها دون أن تنطق :أتوقع فهد كذب عليك بوفاة أم سعود تصلبت ملامحها وعروقها وكل شيء حولها للحظه هزت رأسها وكأنها تنفض ماقاله من رأسها وضعت أناملها على شفاهها وعيناها امتلئت بالدموع تحدث بهدوء دون أن ينظر أكثر إلى عينيها عليها أن تعلم على ماذا هي مقبله : أم سعود ماماتت وكل اللي صار فيني وفيك بسبب فهد _ابتلع ريقه _ حتى زواجي منك كان لفهد يد فيها حركت يدها في الهواء بمعنى ما الذي تهذي به سحب نفس يتجرع الهواء بصعوبة لحظات صمت وهو ينظر للفراغ وعيناها لازالت عالقة فيه تحدثت بضعف وكأنها تستنكر حروفها : لاتقول سعود راح يروح لها .. وليد ترى مالها حق تطالب فيه ثلاث سنوات فينها عنه ؟؟؟ شد من قبضته وهو يسمع إليها وصوتها الذي على مشارف البكاء :ماكان من صالحها إن سعود يكون معاها هزته من يده بعنف : إنت إيــش جالس تقوووول .. كيف كيف مو من صالحها هذا ولدها تفهم إيش يعني ولدها شكلها وحده تكذب وليد : تأكدت قبل مااجي أقولك هالكلام ارتفع صوتها : وليه تنبش من وراي ليه تدور على أمه وأنا أمه _ شهقه خرجت من حنجرتها _ والله مااسامحك لو أخدوووه مني ياوليد والله مااسامحك وليد إلتفت إليها وهو يمسك بعضديها : كنتي عارفه إني عارف إن فهد وراه شي .. لكن إنت ماكنتِ راضيه تصدقيني بكل مره تكذبيني بكل مره تدافعين عنه هذا أنا أكتشف إن خالتي تقولي فهد بأيامه الأخيره يقولها ولدي لايروح بعيد عنك ياأمي اقنعتني أتزوجك عشان يكون ولدها عندها وعشان ماتاخذي ورث سعود ضحكت باستخفاف : ترى كلها أرض اللي لقيناها باسمه ولا ناسي وليد : فهد تاجر يازيزفون حتى هالشي ماكنتِ بتعرفيها عنه _نظر إليها بنظره جعلتها تشعر بغباءها _ وماهو تاجر عادي امكن أوهمك وأوهم أهله إنه يشتغل بشركه لكن الحقيقه إنه كان من شركاء الشركة بهتت ملامحها : وليد إنت تمزح معي ولا إيش هرجتك بالضبط جاي تمقلبني وليد : أم سعود تكون بنت شريكه تقولي لي كان يحبها هههههه الدنيا مصالح ..مصالح يازيزفون .. توقعتك ذكيه لكن طلع فهد داهيه انكسرت ملامحها همست بقهر : لهالدرجه أنا أنا ولا شي ولاشي بالنسبة له انتحبت بالبكاء تحدث بسخرية : أتوقع والله أعلم إنه بيجازيك على كرمك في رعاية ولده لقيته مسجل بيت باسمك زيزفون بقرف : أي بيت وأي زفت قدام العيشه اللي عايشتها مع أهله ومن بعدها معك وليد : ماأذيتك بشي لاتخلطين المواضيع ببعضها زيزفون : ليه سوى فيني كدا بس أبغاه يجاوبني وليد : إنت اللي رضيتِ بوضعك .. رضيتِ تكون مجرد لعبه بيده زيزفون : رجعني لأهلي ماعاد فيه شي أخسره فووق اللي خسرته وليد : خسارتي لهديل بسببه زيزفون بفزع : نعــــم!!!!! وليد وهو يكتم غيضه : وخالتي كان لها يد بالموضوع هزت رأسها بعدم فهم : دقيقه دقيقه .. ترى كانوا يقولوا عني إني ساحرتك وليد أطلق الآه من صدره وهو يعتصر رأسه بكفيه شعرت وكأن النفس انقطع من أنينه شدت من قبضتها على فخذه وكأنها تؤازره لاتعلم هل تواسيه أم تواسي حالها : كان بيلهيني عنها عشان اقتنع إني أخذك هل نحن ضحايا مجرم قد لفه التراب من كل صوب وضعت يدها خلف ظهره تعلم حجم حبه لهديل من حديث نسرين لها تحدث بألم : أم سعود مجرد ضحية مثلي ومثلك ومثل ناس الله أعلم بحالهم اللحين . . . . :أشوف عاجبك الجلسه ببيت أهلك سحر بمزح : والله ماهي سيئة عماد وليس له خلق للحديث : ماشي البسي والحقيني السيارة ترى سلطان معي رفعت حاجب : جايني بعد هالفترة عشان تجيب معك أحد عماد : تبغين تمشين امشي ولا اجلسي تحدثت بجدية : عماااد إذا تبغى تعيد اللي فات خليني أحسن مسح على وجهه وهو يستغفر : اسف يابنت الحلال حمل ابنه وهو ينهي الحديث : انتظرك عند الباب الرسمي ودعت والديها بعد أن ارتدت عباءتها فتحت الباب لتجده واقفاً بجانب الباب تحرك دون أن يحادثها خيبة أمل اجتاحتها توقعت البعد يعيده إلى صوابه ولكن الكتاب بان من عنوانه همست له : غريبه سلطان معك عماد : بيتعشى عندنا انعقدت حاجباها : وي لهالدرجه ماوحشتك مسلمني شغل من أول يوم تجاهلها وهو يفتح باب المعاون وجلس وبحجره عبدالله ركبت خلفه وهي تلقي السلام بصوت مسموع سلطان: حي الله أم عبدالله .. كيفك سحر بصوت متزن : الحمد لله نظر إلى عبدالله جر خده ليبدأ عبدالله ببكاءه الذي ملئ ارجاء السيارة عماد بطفش : الله يسامحك ياشيخ كأني ناقص إزعاج ابتلعت غصتها بينما سلطان ألقى نظره عليه بمعنى (هدي الوضع) عماد نظر إليه وهو متجاهل نظرته : عشاك عندنا اليوم اتسعت عينا سلطان : أقوول مع نفسك حرمتي تستناني عالعشاء عماد : وخير يعني ماهي قادره تتعشى لوحدها تنحنح سلطان شعر أن وليد سيفسد الوضع بتصرفاته الهوجاء فتحت الباب لتنزل فتح بابه ليخرج ووهو حامل عبدالله : خير فين نازله أرخت صوتها حتى لا يسمعها سلطان : انت شايف اسلوبك عماد :اركبي السيارة خلصيني امتلئت محاجرها بالدموع وهي تنظر إليه وهي صامته عماد بغضب : ماتسمعين إيش أقول اقترب منها ليمسك بيدها ويدفعها داخل السيارة ويغلق الباب بعنف عاد للأمام ليركب وهو يأمر سلطان : ايش تنتظر حرك تحرك سلطان وهو صامت ماعدا وضوح صوت سحر وهي تحاول أن تخفي بكاءها . , , . _________________________ بكذا نختم بقية الجزء ولعله أقصر من القصير ولكن لنا لقاء بإذن الله في الجزء الثلاثون يوم الثــلاثاء إذا ربي أحيانى على خير دمتم بخير | ||||||||
|
| |
|
08-09-19, 01:51 AM
| #94 | ||||||||
| مراقبة عامة ومشرفة منتدى الروايات المنقولة
| مساء الخير على زيزو ومتابعينها زيزو أبغى مروه في كلمة راس جيبيها لي هالمروه هي اللي عندها حل كل الألغاز وهي اللي راح تكشف كل الأسرار وما أستبعد إنها شريكه مع فهد في المصايب اللي صارت لسلطان وعماد أو على الأقل تعرف إن فهد هو السبب الغريب كيف تترك ابنها تربيه وحده غيرها اللي فهمته إن مروه كانت زوجة عماد وطلقها وبعدها تزوجت فهد وفهد دنجوان عصره تزوج مروه وبعدها زيزو والظاهر ماحب ولا وحده منهن زواجه منهن لمصلحه وتحقيق أهداف خاصه به واستغل ثقة شركاه ونكبهم وورط أبو علاء المسكين هالحين اللي فهمته من كلام عماد مع سلطان إنهم ما كانوا ناوين على أذية أبو علاء وما عندهم شيء ضده قبل الزواج لكن بعد الزواج وصلتهم معلومات جعلتهم يخططون للإنتقام من أبو علاء سلطان مسكين ماتبغى أمل تعرف خلاص أمل مسكت أول الخيط وحطتك ىحت المراقبه وبتفضل وراك لما تجيب قرارك وحاليا تتمسكن حتى تتمكن عماد وسحر حقيقي عماد أحقد من بعير و ماهو قادر يخبي كرهه وسحر تقهر أبوها بيعزها وهي تذل نفسها من هانت عليه نفسه كانت على الناس أهون فرحت لما نزلت من السياره وقلت أخيرا حست على دمها بلى حب بلى وجع قلب إلا هي ماصدقت رجعت وسمعت كلامه غبيه علاء وبدأ يغير سريه لكن محتاج صبر وطولة بال وقريب إن شاء الله مع إصرار علاء على تغييرها راح نشوف سريه جديده مانعرفها ههههههههههه تسلم يمينك زيزو بارت رااااائع لا خلا ولا عدم منك يارب منتظرين باقي الأحداث | ||||||||
|
| |
|
10-09-19, 09:50 AM
| #96 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته أعتذر عن انزال الجزء لانشغالي هاليومين راح ينزل الجزء خلال الأيام القادمة بإذن الله نستودعكم الله الذي لا تضيع ودائعه زيزو الجابري | ||||||||
|
| |
|
11-09-19, 11:37 PM
| #98 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 22 ( الأعضاء 9 والزوار 13) فيتامين سي*, زاهيره, •.نســــــناس الليـــل, زهرة٢٠١٨, الصلاة نور, ذكريات الأمس, فاطمة تتريت, Laila1405, هضاب 12 قراءة ممتعة لكم ...... وردود ممتعة لنا ....... ولكاتبتنا الغاليه ......... | ||||||||
|
| |
|
20-09-19, 02:31 AM
| #100 | ||||||||
| مراقبة عامة ومشرفة منتدى الروايات المنقولة
| الندم وشهو يفيد لاصرت بيدينك ذبيح (30) . . . ## الندم وشهو يفيد لاصرت بيدينك ذبيح والعشق ماعاد يبيح منهو أرديته جريح والصدق غرك غرورك والكبر أعمى البصير ماهو إنت اللي عشقته ولاهو إنت اللي هويت الحبيب اللي عشقته صار في قبره دفين لين صرت بلا شعور وصرت إنت بلا ضمير . . . بين صفحات الماضي حيث لا أحد سوى ثلاثتهم ضرب على طاولته بكل قوة .. رفع سبابته وهو يشير بيده إليهم :أنا مو حذرتكم مو نبهتكم .. هه هذي النتيجة وتبغوني أتنازل عن حقي ماشاء الله عليكم ... قدامكم أسبوع واحـــد بس لو نصيبي مارجع راح اجرجركم انت واياه وتحملوا نتيجة تهوركم اخفض رأسه ليستند على كفيه والتعب بدأ يتسلل إليه يعلم حجم الخسارة لكن ظن للحظة أنه سيتنازل نظر إليه صاحبه ثم إلتفت إلى ذلك الغاضب : يافهد بس أسبوع قليل إنت عارف حجم الخسارة غير المديونية اللي طاحت فيها الشركة استند على كرسيه وهو ينظر إليهم باشمئزاز : كل واحد يتحمل قراراته .. وأنا ماكنت موافق ولا حتى مضيت على شي _تقدم بجذعه على طاولته_ يعني حقي يرجع لي عاد بالطيب بالغصب مشكلتكم نظرا إلى بعضهم بحيرة وضع يده على فخذ صاحبه : هدي ياأبو سلطان الأمور بتنحل إن شاء الله أبو سلطان بتعب : كيف بتنحل قول لي كيف تكتف بكلتا يده وهو ينظر إلى نقاشهم بملل أبوعلاء وليس بأحسن من صاحبه فخسارتهم واحده لكن أبو سلطان ارتكب خطأ فادح حين تحمل أي خسارة ضد فهد نظر إلى صمتهم وللحظة لمعت في ذهنه فكرة شيطانية :تبغاني أمشي الموضوع زوجني بنتك إلتفت كلاهما إليه بفزع أبو سلطان : لاتدخل بنتي في هالموضوع يافهد.. وبعدين إنت عارف إنها مطلقه فهد ببرود : فين المشكلة أبو سلطان وكل مافيه يتهوى : بنتي ماهي لعبة يافهد أدري إن بينك وبين عماد خلاف بس ماتوصل إنك تأخذ بنتي حجه تقهره فيها ولا حتى تستغل وضعي إنك تاخذها نظر إليهم بنظره فارغة وبشبح إبتسامة تسللت إلى شفاهه : براحتكم قدامكم أسبوع إنكم توفوني حقي تقدرون تتفضلون تقدم أبو علاء وهو يرفع صاحبه معه ليستند عليه همس له : ماعليك فيه بندبرها إن شاء الله هز رأسه أبو سلطان والهم أثقله .. . . . . بعد عدة أيام :أبويا اشبك فيه حاجه مضايقك ضغطك هاليومين مو مطمني نظر إلى هاتفه الذي يرن : أعطيني جوالي : ابشر احضرت الهاتف وجلست بقربه : هلا .. وعليكم السلام ورحمة الله وبركاته ... الحمد لله على كل حال ... إيش صار معك ... لاحول ولا قوة إلا بالله _وضع يده على جبينه بتعب _ احناا نبغى نفتك من هاللي مايستحي يجونا ثانين يشتكون طيب ماطلبت منهم مهله ... يالله تفرجها من عندك ... فينك إنت ... طيب خليني أقابلك ... مافيني شي يابن الحلال ... طيب طيب تأملت ملامح أبيها المتعب : إيش صاير أبو سلطان : الشركة احتمال تفلس اتسعت عيناها : ليـــه أبو سلطان زفر بضيق : شريكنا يطالب بنصيبه مروه : قصدك أبو علاء أبوسلطان : فهد مروه ارتفع حاجبها : ليه ايش اللي تغير أبو سلطان : دخلنا في مناقصة وخسرناها ..ماكان موافق عليها مروه : الله يهديك ليه تغامروا طيب أبو سلطان : ماكنا نحسب الوضع بيكون ضدنا مروه : طيب والحل أبو سلطان : اعطانا مهلة أسبوع ولازم بعد يومين نوفيه مروه : عشان كدا وضعك هالأيام مو تمام اكتفى بهز رأسه مروه : طيب ليه ماطلبتو يمدد المهله أبو سلطان : كنت شايل همه وتو أبو علاء يقول لي أحد المساهمين راح يشتكي لو ماتم تعويضه مروه وضعت يدها على رأسها بحيرة وهي تنظر إلى والدها : يعني لو غطينا حق فهد شلون نغطي حق غيره وخلقه فهد المبلغ اللي له كبير ماقدرنا نجمع نصه مروه : بس هو شريك لكم يعني المفروض يراعيكم ابتسم أبو علاء ابتسامه ساخرة حين تذكر طلبه : يراعينا بأنه يطلبك مني مقابل هالشي تصلبت للحظة تستوعب ماقاله : إيـــش أبو سلطان : اللي سمعيته ولو يحلم ماحققت له طلبه مروه : إيش مستفيد من هالطلب أبو سلطان : يحرق دم عماد مروه : ماني فاهمه هو طالبني بدل حقه ولا عشان عماد، أنا أدري إنهم مايطيقوا بعض وبينهم حزازيات بس يقهره فيني كيف دي أبو سلطان : ماعليك من هالامور إن شاء الله تنحل مروة :ليه فيه حلول ثانيه أبو سلطان : لا .. لكن نحاول ندبرها .. ارتاحي أنا خارج أقابل أبو علاء تحدثت بقلق : بس صحتك ماتساعد أخاف يصير لك حاجه أبو علاء : مافيني إلا العافية .. افاقها من سرحانها اهتزاز هاتفها المحمول سحبت الهاتف من جيب تنورتها الجينز نظرت إلى المتصل : افففف اجابت وهي تتحدث بضيق : إدا مابطلت تصرفاتك السخيفه ترى راح اكلم أبوي عنك تفهم ولا لا ياخي خلااااص خلااااص مابيني وبينك حاجه افهم ياادمي افهم :صح الحقير فهد خاطبك تصلبت ملامحها للحظه : انت ايش عرفك عماد: ماشاء الله ومبسوطه حضرتك مروه تأففت بضجر : ترى بأول الأمر واخره مالك صلاح فيني تفهم ولا لا عماد رفع صوته : مراح يصير لك خير لو وافقتي عليه مالقي هالكلب غيرك لجل يخطبك مروه ابتسمت بسخرية : ومين إنت عشان تقرر عني عماد : ليكون حضرتك تاركتيني عشان تاخذيه مروه : والله عاد دا مشكلة تفكيرك المريض كالعادة مو شي جديد تفسر الأمور بمزاجك .. فهد باخده مو لجل شي بس لجل تفهم إنك ماتعني لي شي عماد صرخ : مرووووووووه مروه : لااشوفك تتصل على رقمي مره ثانيه ..سلام أغلقت الخط قبل أن ينطق بحرف آخر ينغص به حياتها . . . بعد يومين ابتسم وهو ينظر إلى انكسار أبو سلطان :مافي مبروك أبو سلطان : ترا رضيت بالملكة بس لأنها هي من قرارت نفسها وافقت ولا والله تحلم فيها فهد اتسعت ابتسامته : خير وبركه .. عموما ناديها لي أبو سلطان : ايش تبغى فيها فهد :زوجتي وأبغى أشوفها أبو سلطان : تشوفها يوم الزواج فهد ضحك : ومين قال فيه زواج وقف أبو سلطان بتعب : مو هذا اللي اتفقنا عليه فهد : مااتفقت معك على حاجه .. إن كان ودك ياأبو سلطان تنرزع بالسجون خلها عندك أجل ابتلع أبو سلطان ريقه : بس كيف تبغاني أخبرها .. إنت كل شي عندك على مزاجك أبعد طرف عمامته خلف كتفه : كلمها تجي صدقني مراح تشيل هم روحتها لأنها بتقول لك راضيه بهالروحه زي مارضت بإني أتزوجها ابتعد أبو سلطان بيأس خارجا من المجلس بينما فهد توسط المجلس بكل ثقه وهو يسكب لنفسه فنجاناً من القهوة تسلل إلى أذنه همساً بالسلام رفع جذعه ليلقي نظرة تقييم لها لاتشبه أبيها هي هالة من الجمال رغم بساطة ثيابها وشعرها المنسدل على جانبيها لم تكن تنظر إليه بل عانقت عيناها أرضية المجلس اقتربت منه مدت يدها لتسلم عليه سحبها من يدها يجذبها إليه همس بابتسامة وكأنه للحظة يتأكد: مروه اومأت برأسها سحبها معه ليجلسا على الأريكة : كيفك مروه وهي ترى أنامله تداعب أناملها : الحمد لله : أول شي مبروك علينا _انتظر منها رد لكنها اكتفت بالصمت _ الشي الثاني مراح يكون فيه زواج يعني راح تروحي معايه اللحين فراح اعطيك وقت تجهزي أغراضك مروه : بس أبويا محتاج رعاية صعب أتركه هالفترة رفع حاجب فهد: شرايك اتزوج أبوك كمان .. أظن عنده حرمته مايحتاج تجلسين عضت على شفاهها تكتم عبرتها فهد : الامر الثالث أنا خاطب زواجي منك راح يظل سر بيني وبين أهلك بس لو طلعت منك حركه ولا أي تصرف يوصل فيها الموضوع لأهلي صدقيني راح تندمين وأول المتضررين أبوك مروه تحدثت بهدوء وهي تغتصب الحروف تخرج من حلقها : بعيدا إن بينك أو بين أبويا شي أو حتى بينك وبين طليقي شدها من معصبها : هالواطي لاتذكرينه قدامي سقطت دمعه من عينها : مايعني لي حاجه .. أنا بس بفهمك إنك دحين إنت زوجي ولك حق علي بعيدا عن هالتفاهات اللي بتسووها فهد : هالتفاهات اللي بنظرك كلفتني ملايين مروه : ودامك خاطب ليه أخدتني فهد : لكل فعل ردة فعل .. راح أمرك بعد ساعة بالضبط خليك جاهزة ..... دخل على أبو سلطان المكتب بهجومية : إنت كيف تزوج هالخسيس بنتك أبو سلطان نظر إليه : في شي اسمه تدق الباب قبل ماتدخل قطب جبينه : شقصدك بهالحكي أبو سلطان : زيك زي باقي الموظفين عماد : اووه حتى علي غيرك أبو سلطان : محد تغير ياعماد شف اسلوبك بعدين تعال قول مين تغير وبنتي على ذمة غيرك لاعاد تجيب اسمها على لسانك عماد : وسلطان يدري أبو سلطان تجدث بهدوء عكس الهموم التي تكابلت على ظهره: لا عماد: ماشاء الله تاركين المويه تجري من تحت رجليه إن ماخليته يجي ويذبح هالفهد مااكون عماد أبو سلطان شعر أن الدنيا سودت في عينيه حتى سقط من كرسيه اقترب مسرعاً عماد ليرفعه بفزع : عمي عمي ركض مسرعا للخارج يطلب المساعدة انتشر خبر وفاة أبو سلطان بسكتة قلبية صدمة سلطان وهو في الغربة ألجمته وكان لعماد اليد الأكبر في أن يسرد سبب وفاته كما تهواها نفسه . . . نرجع لأرض الواقع دخلت الشقه التفتت إليه : إنت بأي حق تتصرف معايه هالتصرف قدام سلطان عماد : روحي من وجهي وخذي عبدالله معك سحر : إنت ليه كدا متغير فهمني بس فهمني غلطت عليك بحاجه ولا ايش عماد وضع يده على جبينه : اووووووه ماتفهمين إنتِ نزعت الطرحة عن رأسها وهي تضعه على الأريكة : مو متحركه لين افهم ايش غيرك . . . :أووووه جالسه تنتظريني اقتربت منه :يعني يرضيك تاركني هالوقت كلو لوحدي بالبيت سلطان ابتسم وهو يحتضن كتفيها : لا والله مايرضيني بس أبشري بالعوض أمل بدلع: عوضي إني أزور أهلي وللمرة الألف يمكن أقولها لك ولا اهتميت إنك توديني سلطان : احنا ماصدقنا اختك ترجع لزوجها .. وبعدين ياروحي تعرفي إني مشغول هالأيام رفعت حاجب : ماشاء الله مشغول سلطان ابتسم : تكذبيني أمل : ماأكذبك لكن لو إنك تبغى توديني وديتني وتركت أشغالك لكن شكلي ما أهمك سلطان : معك حق وأبشري لكن موه الايام تغيرت ملامح وجهها للضيق: براحتك .. تبغى أغرف لك العشاء سلطان : ياليت ميييييت جووووع اغتصبت الابتسامة : ماشي بدل ملابسك وتلقى أكلك جاهز سلطان سحب خدها : يسعدلي هالابتسامه وراعيتها .. ماأن دخلت المطبخ حتى اتصلت بأبيها : هلا ببنتي القاطعه : كيفك طمني عليك وكيف أمي سامحني ماجيتكم هالفترة سلطان مره انشغل : ولا يهمك يابنتي أهم شي بيتك وزوجك : أبويا في موضوع بكلمك فيه : خير يابنتي : ماينفع احكيك عالجوال تقدر تجيني بكره : بس تعرفي مداوم الصباح : الموضوع ضروري وماينفع أأجله :خلاص بحاول أجيك على 9 : تمام .. ماشي أستاذنك دحين بجهز لسلطان العشاء : ربي معك يابنتي . . . همست : موداخله مزاجي إن فهد له علاقة بالسحر التفت إليها وهو ينظر إلى بريق عينيها : السالفه كلها مو داخله مزاجي :بدون ماتزعل مني أنا ماأصدق خالتي وود إن فهد له علاقة بهالموضوع وليد: رجعتِ تدافعي عنه زيزفون بهدوء : فهد مايشبهم ياوليد لاتصرفات ولا اخلاق .. سنة وعليها كانت كفيلة تبين لي معادنهم امكن اشوف انه غلط بحقي بس انسان واضح معي مااظن توصل فيه انه يسحر ويلف ويدور .. هالحكي مايسويها الا الحريم مااظن فيه رجال يلجأ لهالأمور وهو انسان صريح لو كان فعلا يبغى هالشي كان جاك لحد عندك وقالك أنا حاس اني وضعي مايطمن وابغى اهلي تحت ظلك وشكلهم خافوا من ردة فعلك رموا بلاهم في ميت مابيده حيل ولا قوة لجل يدافع عن نفسه وليد تنهد: عجزان اسوي شي يازيزفون النار شابه في صدري مو عارف كيف اتصرف مع خالتي جد جد محرروووق قلبي منها ذبحتني بتصرفها زيزفون : منت أحسن من حالي ياوليد وليد : أنا لازم أجمع ام سعود بأخوها لكن ماني عارف كيف اقنعها خايفه من أخوها يسوي فيها شي لانها مو ضامنه عماد دامه صاحبه يكون رامي سبب وفاة أبوها عليها زيزفون : ليه بدل ماتقنعها توضح لسلطان الموضوع بدون علم صاحبه وليد نظر لها للحظه :تصدقين مافكرت فيها زيزفون : بس لاتوضح له قبل ماتكون عارف الموضوع كيف وصل له بالضبط عشان ماتظلم كمان صاحبه . . . :من فين جبتي هالأوراق :لقيتها بخزنة سلطان : إنتِ متأكدة سمعت طرقات الباب تحدثت بارتباك:معقوله سلطان مو دحين يرجع قبل ساعه طلع من البيت . . لم ينتهي الجزء لكن حصل ظرف ماتسنى لي أضع بقية الجزء | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
