آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-09-19, 06:58 AM
| #101 | ||||||||
| مراقبة عامة ومشرفة منتدى الروايات المنقولة  
|  تابع .. نظر إلى رنين هاتفه .. رقم غريب : وعليكم السلام ورحمة الله وبركاته .. معليش بس مين معي .. شلكون تبغاني أقابلك وأنا مااعرفك .. طيب بخصوص إيش .. أبوي!!!!! ... طيب فين ودك نتقابل ... امممم طيب ربع ساعه وأكون عندك نظر إلى باب الشقة لعلها نائمة نزل الدرج بخطوات سريعة مالذي يخفيه ذاك المجهول عن أبيه ,, دخل المطعم جال ببصره اتجاه الطاولات يبحث عن الطاولة المنشودة ليس عليها احد اقترب ليجلس عليها اتى المضيف ليطلب كوب قهوة رفع هاتفه ليتصل : السلام عليكم رفع بصره للرجل الذي اتسعت عيناه وهو يرى القابع أمامه ابتلع ريقه وهو يرد السلام :شفيك مفجوع سلطان بتوتر : لا لا ولا شي وليد : شكلك تعرفني دام هذي نظرتك سلطان : ومن فين بعرفك جلس وليد مواجهاً له يفصل بينهما الطاولة سلطان ليبعد الشبهه عن نفسه : ماعرفتني عليك وفي ايش تبغى تكلمني وليد : اول شي معك المحامي وليد سلطان إذن لم يكن يتوهم هو بذاته لايظنه يعلم بأنه كان شريكا في التخطيط على التخلص منه : تشرفنا وليد ابتسم : لزوم نفطرك قبل نبدأ حديثنا سلطان : لاتكلف على عمرك مفطر بالدوام وليد اقترب بجذعه :صراحه ماني عارف من فين أبدأ من فين أنتهي لكن أبغاك تساعدني سلطان شك للحظه أنه كشفهم : بايش أساعدك وليد: ايش تعرف عن فهد ؟؟ سلطان نظر إليه بقرف وحقد : واااحد نذل وخسييييس الله لايرحمه أبتلع وليد كلامه لايريد أن يفسد مابدأه : امممم وليه؟ سلطان بانفعال: كيف وليه!!!!!!!!!!!! انسان لهف فلوس أبوي وخلاه عالحديده انسان كان سبب بموت أبوي .. انسان واطي تزوج اختي والله اعلم فين ارضها انسان بسبته دخلت في صدمه أمرضتني وليد بهدوء:انت متأكد من الكلام اللي تقوله سلطان : ايه متأكد وليد: وكيف متأكد وانت وقت هالكلام كله كنت مبتعث تلعثم سلطان : صـ صح ماكنت موجود لكن صاحبي كان موجود وليد بحذر : وليه مايكون صاحبك يكذب عليك سلطان : عمااااد مستحيل يكذب وليد : مافيه شي مستحيل ... مو عارف صاحبك بالضبط إيش قالك .. لكن تأكد ياسلطان إنه النذل والخسيس صاحبك .. وانتبه تجيب له طاري اني قابلتك لان هالامر بيضرك ياسلطان ..انت تدري إن أبوك دخل صفقه وخسرها كان ثمنها أختك سلطان : انت ايش جالس تقول وليد : أنا هالمره حذرتك منه لكن مااظمن لك تكون لعبة في يد صاحبك يحرك مثل مايبغى .. كلامه أعماك تشوف الحقيقة على أصولها خذ كلامي ياسلطان بعين الاعتبار صدقني أبوك وفاته ماكانت بسبب فهد .. فتح عينك وشوف الأمور على حقيقتها .. عموما لي لقى معك قريب لأن حديثنا ماانتهى . . . وضع يديه على رأسه وهو ينظر لابنته: انتي عارفه إيش أعطيتيني ياأمل هالأوراق توديني في داهيه أنا أصلا مو عارف كيف جابوها كان راح يرجع ينعاد خسارتي من أول وجديد أمل : كنت عارفه هالفترة إن وراهم حاجه لكن ماقدرت أقولك لين أتأكد حتى إنه كان رافض انه يجيبني عندكم وعماد كمان تغير على سحر أتوقع لانه كان ضامن خسارتك :لاحول ولا قوة إلا بالله توقعت عماد تغير بعد هالسنين أمل : إنت كنت تعرفه ؟؟ أبو علاء : مو هو وسلطان أصحاب من زمان أمل : بس مو فاهمه حاجه أبو علاء : اللي هو أمل : إذا عماد تغير على سحر سلطان العكس تصرفاته معي صايره أحسن من قبل أبو علاء بعد لحظات وهو يفكر: سلطان طيب ومعدنه من معدن أبوه الله يرحمه ..أتوقع سوى هالشي امكن لأنه جاهل بخسارتي أنا وأبوه .. هذا إذا عماد ماوصله حقده إنه يلفق كلام ويغسل دماغ سلطان علي أمل : صراحه مو عارفه إيش أقول لأن شكل السالفة كبيرة أبو علاء : دام السالفة وصلت إنه يخسرني ماوراي ودوني معناه السالفة وراها واحد مايخاف الله ولا سلطان أعرفه ماسوى هالشي عبث ابتسمت لأبيها وهي تقف: المهم دام الموضوع وصل ليدك أنا دحين أقدر أنام مرتااااااحه ... بس بما إني ارتحت راح اسوي لك فطووور عليه الكلام ضحك أبو علاء وهو يحمد الله بداخله أن سخر له ابنته قبل أن يقع الفأس في الرأس : امك لو درت إني جيتك بتقوم علي الدنيا عشان ماجبتها معي ابتسمت بحب : انشان المره الجايه فطوركم وغداكم وعشاكم عندي :هههههههه عشان يقضبنا الباب سلطان أمل بحماس : لا عاااش ولا كاااان من يطردكم من بيتي أبو علاء : الله الله هذي هي بنتي ما أن ذهبت أمل من أمامه .. حتى تصاببت عليه المخاوف من أن يصل الامر إلى انفصال بناته نظر إلى الفراغ بحيرة عليه أن يحادث سلطان لعل خطأه من البداية أنه لم يخبر سلطان بالظروف التي مر بها هو و أبيه أثناء غيابه عنهم . . . شد من قبضته على يدها : صدقيني موصاير إلا الشي اللي يرضيك .. هي أم والحق لابد يرجع لأصحابه مسحت دموعها برجاء: وليد والله راح تاخذه مني صدقني وليد : راح يزورك .. أمه ماهي سيئه لجل تمنعه عنك زيزفون بنبرة باكية : وليد تكفى خلاص ارجع مانبغى نروح وليد : زيزفون الله يرحم أهلك أنا ماصدقت أقنعتك تقولين لي أرجع .. والله يازيزفون أسوي لك اللي تبغيه بس اوقفي معي هالمره بس خليني أخلص من هالموضوع واشوف إيش نهاية سالفة فهد نبغى نرتاح تعبنا ياعيني تعبنا حبست عبرتها وهي تحتضن سعود في حجرها وليد: ترى الولد بدأ يتضايق خليه يجلس ورى زيزفون : طيب ايش رايك تشوفه بس وناخده معانا وليد: لا زيزفون: ولييييييييد وليد ابتسم : نعم ياعين وروح وليد دفعته من كتفه : والله مو وقتك وليد: حتى الواحد حرام يتغزل زيزفون :انا فين وانت فين وليد: الواحد مايقدر يختلي بمرته .. خلينا نتنفس رفعت حاجبها : لا والله ايش قصدك .. وليد : مااقصد شي زيزفون :ادري ادري تبغى تفتك من سعود وليد : بس خلينا ننزله راح اتفاهم معك انرعبت : خلاص اسفه وليد: مانقبل اعتذار زيزفون تنرفزت : ايش تقبل ان شاء الله وليد: عشاء على حسابك زيزفون : اصرف عليك وأنا مدري وليد: قولي انك بخيلة وخلاص زيزفون : حتنفرش على كلامك دا وليد: ضرب الحبيب زي ايش زيزفون امالت شفاهها : احد خبرك إنك مزاجي وليد: هههههههههههه نعم نعم مين بالضبط المزاجي ابتسمت لضحكته : ضحكتك حلوه على فكرة وليد نظر لها بطرف عينه : يقال إنك مدحتيني اتسعت ابتسامتها من خلف النقاب : احمد ربك هو انت تحصل أحد يمدحك . . . للجزء بقية بإذن الله واعذرونا على قصر الجزئية لضيق وقتي في اطالته وأحاول جاهده في أن أسرق من وقتي حتى لا انقطع عن اتمامه خصوصا مع بداية الدراسة اسأل الله لي ولكم التوفيق _^ دمتم بود ارجع وأقولكم اعذروني على شح الكتابة لاني جالسه اعصر مخي حتى أكتب الأحداث بروية حتى أوصل لكل نقطة بوضوح .. فالله يعين عالوجبات الخفيفة اللي أقدمها لكم هالفترة سامحوني واسمحوا لي عالرجيم القاسي في جزئياتي ه مضغوطه جدا هالفترة لاسباب من ضمنها الدراسه وهالسنة سنة تخرجي بإذن الله فلا تنسونا من دعواتكم | ||||||||
|  |
|
| أدوات الموضوع | |
| انواع عرض الموضوع | |
|
|
.png)
العرض العادي
