آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-10-16, 11:52 PM
| #81 | ||||||||
| مراقبة عامة ومشرفة منتدى الروايات المنقولة  
|  الشرقيه شيخه : اخذي صينية الحلا وانا باخذ الحافظه حقت المعجنات مضاوي لابسه اجلال الصلاه ومغطيه فيه وجهها ومنسفته على ايديها -اف انا هالحين كيف اشيل وذا الجلال قروشني اعدله من جهه يطيح من جهه شيخه : ياربي منك الجلال وش لازمته هالحين قلتلك نمر ماهوب فيه وهذا احنا جينا من بيتكم ودخلنا بيتنا ولالقيناه متقرقشه لهالحين ليه مضاوي : يابنت اخاف انزله يجي اخوك على حظي الشين شيخه سحبت الجلال من فوق مضاوي وبين فستانها المورد الجميل -اقول هاتي بس وشيلي الصينيه خلصيني مضاوي شالت صينية الحلا الي جايه بشكل مستطيل متوسط الحجم وطلعت هي وشيخه من المطبخ متجهات للحوش عشان يروحن لبيت ام مضاوي من الباب الي في الحوش مضاوي خايفه يجي نمر ويشوفها كاشفه من كذا تمشي بسرعه اقرب لركض منها للمشي ودب طخ اصدمت بشي ارفعت نظرها بشويش شافت نمر واقف قدامها معقد حواجبه وواضح انه كان بيدخل مع نفس الباب الي هي طلعت معه مضاوي انخرشت من طوله وعرضه مع انه ماكان ضخم بس هي نتفه انخرعت وقامت ترجف ماتدري وش اتسوي ومن الخرشه ارفعت الصينيه الي في يدها وتوب طخ اقلبتها على وجه نمر وانطلقت لبيتهم صاروخ نمر انصدم من البروده الي اكتسحت وجهه وفي لحظه استوعب الي صارله مسح الحلا الي ترس وجهه ولطخ ملابسه بيده بعصبيه وهو متقرف وفي لحظه فصخ النعال من رجله بسرعه وهو حده متنرفز وحذف مضاوي بس مضاوي قيدها دخلت مع الباب قعد يسب ويشتم ويهاوش وشيخه عنده ميته ضحك على الي شافته ماتوقعت خرشة مضاوي توصل انها ترمي الحلا في وجه نمر علشان مايشوفها نمر التفت على شيخه وانتي وش تضحكين منه ياحيوانه قومي نضفي القرف ذا وهو يشر على الصينيه الطايحه في الارض ومحتوياتها متناثره حولها وكمل والحيوانه ذي انا اوريها والله ماخليها لها واتجه للحمام (تكرمون ) علشان يتسبح شيخه تمشي وراه نمر تكفى لاتزعل ترا الخبله ذي ماتقصد والله ماسوت كذا الامن زود الحياء ماتبيك تشوفها نمر التفت عليها وهو يطبخ غضب نعم نعم اي حياء الي تكلمين عنه قصدك قلت حياء ويالله تقلعي جيبيلي ملابس باتروش والسامجه ذي انا اوريها مضاوي دخلت بيتهم تركض ومرت امها ومرت خالها الجالسات في الصاله يتقهوون وتعدتهم وهي مخبيه وجهها بكفوفها وتبكي نادنها بيعرفن وش فيها بس ماردت وكملت طريقها لغرفتها ودخلت وسكرت الباب وراها بعصبيه واقفلته سندت ظهرها على الباب وقعدت تفكر ودموعها تسيل يافضيحتك يامضاوي الحين نمر بيقول البنت ذي ماهي متربيه وبس تمشي تستعرض عندي اخ انا الهبله وش خلاني اسمع كلام شيخه وانزل اجلالي احسن شي ماعاد اروح لبيتهم وافك عمري ابتعدت عن الباب وراحت اجلست على سريرها بهم شيخه ودت لنمر ملابسه ونظفت الارض واخذت حافظة المعجنات وراحت لبيت عمتها ام مضاوي وهي تشوف شيخه داخله عليهم - مضاوي وش فيها جتنا تبكي ننشدها وش فيك ماترد علينا شيخه ارجعت تضحك بلاكم ماشفتو وش سوت المسكينه اخذت صينية الحلا ويوم اطلعت من باب الحوش لهذا نمر في وجهها اصفقته بالصينيه وهجت ام نمر وام مضاوي ماتن ضحك ام مضاوي بعد ماوقفت ضحك بصعوبه ونمر وش سوا شيخه : هههههههههههههههااااااا لاتذكريني تكفين لوبس تشوفين الحلا كيف تارس خشته وهو يبعده بيده بقرف شوي ويرجع وماخلى سبه ماسب فيها مضاوي ويتحلف انه ليردها لها ام نمر : ههههههه تحمد ربها انها بنت لوهي ولد كان يمديه صلخ جلده عن ظهره ام مضاوي : ياعزتي لبنيتي من احلوفه بادسها عنه اسبوع ياكود انه ينسى ومازلنا في الشرقيه صالح يتقلب على فراشه ماجاه النوم والباقين كلهم نامو بعد ماتعشو اف جايبهم ينامون ويخلوني الحالي سبحت وتمشيت وطفشت وكل ذا لحالي ارخى سمعه وش ذا الصوت شكل احد قام نوير كانت نايمه وفجأه صحت من النوم راحت لدورة المياه (الله يكرمكم ) ورجعت لسريرها بس حست انها شبعانه نوم خاصه انها نايمه من بعد العشا شافت الساعه وكانت وحده بعد منتصف الليل فكرت اكيد الحين صالح قيده نام فرصه اتمشى على راحتي كانت لابسه بجامه برمودا ضيقه بتيشرت واسع شوي ونازل لنصف الفخذ لبست من فوقها روب حرير بنفس طول البجامه وخلت الروب مفتوح تلثمت بشماغ اخوها سعد وكان شعرها الطويل نازل من تحت الشماغ ويوصل لنصف فخذها لبست شبشب خفيف وطلعت تتمشى على الشاطي صالح فتح شباكه الي كان يطل على الشاطي وشاف نوير تفصخ شبشبها وتدخل برجولها الحافيه للمويه ابتسم ونقز من سريره يس كان لابس بجامه بسروال طويل نزله ولبس شورت طويل فوق الركبه بشوي ولبس معه تيشرت علاقي ناظر راسه بحسره في المرايه اف بس ياحسرتنا يالعسكر حتى الشعر ننحرم منه وبتعزيز لنفسه مسح على راسه بغرور اهو كله فدا للوطن المهم المرجله وغمز لنفسه وبتفكير شكلي استخفيت قمت اهرج عمري اخذ عطره ورش منه بكثافه وراح لنوير نوير تمشي على امتداد الشاطي وتشوت الماء برجليها وحدها مستانسه فجأه حست بحركه وراها انخرعت ياربي سترك التفتت بتشوف من وانصدمت بالي تشوفه وجع ذا وش جابه والابعد متفصخ قليل الادب خمت روبها شدته على جسمها واربطته وبنبرت سخريه الشياب ينامون من بدري انت ورا مانمت والا سرت عليك الاوجاع ماخلتك تنام صالح قرب منها وابتسم بسخريه لاماهي الاوجاع الي مسهرتني فيه شي ثاني مسهرني وغمز لها وهو ياشر بعينه جهة جسمه نوير شافت على وش ياشر وطاح وجهها وحمقت قليل ادب ماتستحي انت واستدارت وراحت تمشي متجاهلته صالح لحقها وصار يمشي جنبها قريب منها نوير حست انها توهقت وماتدري كيف تفلت منه تخاف تروح لغرفتها يلحقها وماتدري وش ناوي عليه هو وعطره ذا الي متروش فيه اف شافت قدامها مجموعة صخور كبيره عدت عليها وجلست ونزلت ارجولها في المويه صالح جاء جلس جنبها وبينه وبينها مسافه ونزل ارجوله في المويه زيها نوير :ممكن تتركني الحالي صالح :لاماهو ممكن والتفت عليها نوير ممكن نتكلم بهدو نوير تقاطعه مابينا كلام وقامت بترجع لشاليه صالح :بينا حياه كامله ماهو بس كلام نوير : هالحياه الي تتكلم عنها بتعيشها الحالك صالح :ماهو على كيفك انتي زوجتي وبتشاركيني حياتي وغصب عنك نوير : كان مجرد اجراء قانوني علشان ابوي يصير محرم لي والحين تقدر تنهيه لانه ماعادله لازمه صالح :ومن قال ان ماله لازمه تدرين اني اقدر اوصل لاهلك خلال اقل من اسبوع قاله وندم لانه ماحب انه يهددها ولاهو من اخلاقه اف كيف زليت زله مثل هذي نوير فتحت عيونها على وسعها يوم وصلها معنى كلامه فزت واقفه تهددني ماشي وانا مستعده اروح معك لابوي وخله يذبحني كلي افداه قالته وراحت تركض لشاليه وهي تبكي بحرقه على حالها وعلى ذكرى اهلها الي انحرمت من شوفتهم صالح فز هو الثاني ولحقها نوير انتظري نوير انا اسف ماكان هذا قصدي نوير ماعاد تسمع الاصوت نحيبها وذكرايات اهلها تحاصرها من كل جانب دخلت غرفتها بسرعه وقفلتها وراها صالح وقف عند الباب وطق عليه باصابعه نوير افتحي نوير بس اسمعيني نوير لارد جمع قبضت يده وظربها في الجدار بقهر انا الغبي كيف افتح معها موضوع مثل كذا اف نوير رمت نفسها على السرير وقامت تبكي بقهر وشوق لاهلها لحد ماغلبها النوم وهي باقي تشاهق من كثر البكى صالح راح دخل غرفته وسكر النور انسدح على سريره يحاول ينام لاكن افكاره اخذته للي صار بينه وبين نوير اناشلون تصرفت معها كذا وش خلاني اهددها او حتى اجيب طاري اهلها شكلي جرحتها بكلامي كثير بس بعد هي اجرحتني واستفزتني انا مدري ليه ماني مالي عينها مع اني اشوف نظرات الاعجاب في كل مكان اتواجد فيه ويكون فيه بنات واولهم بنات مدرستها كل ماجيت اخذها من المدرسه مايبقى بنت الى وتمر من عند سيارتي ويبحلقت فيني عيني عينك انقلب على الجهه الثانيه وكأن افكاره استجابت لحركته واقلبت الموجه هي بعد وبدي يفكر في جسم نوير الي اول مره يشوفه من غير عبايه اه ياعليها جسم فخم فخم الخصر الحاله حكايه والا الردف الي ماعرفتله وصف من جماله غير الشعر الحرير طول عمري اسمع عن الشعر الطويل وجماله بس اني اشوفه هذي لحالها فتنه اه ياصالح شكلك طيرت كل شي من بين ايدينك بس هين يانوير ان ماجبت راسك ماكون صالح الظاهر الخطه السابقه فاشله بس مع التخطيط الجديد بيمشي كل شي زي مابي ومع خطته الجديده ارتاح باله ونام | ||||||||
|  |
|
16-10-16, 01:10 AM
| #82 | ||||||||
  
| السلام عليكم،مراحب فيتامين مشكورة على النقل وشكرا نبض على هالرواية الجميلة للاسف حاولت اقرا الرواية من المنتدى بس في خلل كل ماافتح صفحة انطردت باعلانات تجارية فقريت الرواية من منتدى اخر ورجعت احاول ادش عشان اعلق عالرواية مثل ماوعدت صيتة جذبني اسمها لرواية بنت صعبة وراح تعاني لان صعب الرجل ينقاد واتوقع نهايتها بيد وليد نوير مو كل شيء جمال الملح والقبلة هي الي تجذب واتوقع نوير تملكها والله يوفقها مع صالح ويارب تلقى اهلها نايفة داخله حرب مع ام ابراهيم وبناتها والله يعينها سارة اتوقع رد فعلها طبيعي انها توقف مع اخوها ضد صيته مو معناها انها صارت تكره صيته لا بالعكس لانها تحب صيته فتبيها تكون زوجة اخوها مر ومضاوي اتوقع هي الي راح تنسيه صيته الرواية جميلة ومميزة اتمنى تشوفون الخلل بعض الروايات اقراها بمنتديات اخرى بس في روايات اتابعها حصرية بهالمنتدى ماقدر اعلق او اقرا تقبلن مروري لكن مني كل التقدير والاخترام | ||||||||
|
| |
|
16-10-16, 02:05 AM
| #83 | ||||||||
| مراقبة عامة ومشرفة منتدى الروايات المنقولة
| هلا وغلا أم سوار طولتي الغيبه ووحشتينا أم سوار بما أنك رديتي على الروايه إن شاء الله أنحلت مشكلتك وظهرت عندك بارتات الروايه ماأحد اشتكى من الروايه ماتظهر قبلك لو مازالت المشكله عندك ارسلي لرغد وأشرحي لها مشكلتك وطمنيني إذا تحسن الوضع عندك ومشكوره على المشاركه المميزه لا خلا ولا عدم منك يارب | ||||||||
|
| |
|
17-10-16, 02:56 PM
| #84 | ||||||||
| مراقبة عامة ومشرفة منتدى الروايات المنقولة
| الرياض وتحديدا الفهد مول ( طبعا مافيه مول بهالاسم في الرياض واذا وجد فيما بعد ماله علاقه هو واصحابه في روايتي ) في غرفة الاجتماعات في القسم الخاص بمكتب فهد - استاذ فهد مول الرعد (الرعد مول ليس له وجود في ارض الواقع وان وجد مول بنفس الاسم فليس له والالاصحابه اي علاقه في روايتي جميع الشخصيات في الروايه خياليه وليس لها وجود ) الرعد مول منافس قوي ولازم نطور انفسنا والا بنخسر زباينا فهد : التطوير مسؤليتنا كلنا انا من غيركم ماقدر اسوي شي وانا جمعت معلومات عن الماركات الي يبحثون عنها الزباين باستمرار وتوصلت لثمان ماركات تقريبا مطلوبه بكثره وماهي متوفره عندنا احد التجار الشباب انا مستعد اغير نشاطي واخذ الماركه الخاصه بالملابس الرجاليه شاب اخر من تجار المول وانا باخذ ماركة المكياج بدو التجار يتشاورون في الماركات المطروحه من يقدر يغير نشاطه ومن ممكن ياخذ وكالت ماركه مع استمرار نشاطه الحالي ويفتح محلين اراء واقتراحات كثيره انطرحت من ظمنها تطوير قسم المطاعم وملاهي الاطفال فهد : بنسبه لماركة الحلي والاكسسوار الي جميعكم رفضتوها انا راح اخذ وكالتها صحيح ان اسعار هالماركه مرتفعه بس فروعها في الرياض جدا قليله وحسب معلوماتي مالهم الاوكيل واحد في الرياض وانا راح اسعى اني اكون الثاني انتهى الاجتماع وبدت قاعة الاجتماعات تفضى لحد مابقى الا فهد الحاله مازال جالس في كرسيه على راس الطاوله الظخمه الممتده امامه وبدا يسترخي في جلسته ويفكر في حياته اول مارجعت من مكه اوصلتني اخبار المول الجديد الي بدا يسحب التجار من عندي واحد ورا الثاني بحثت وجمعت الي اقدر عليه من معلومات واكتشفت ان المول لولد رجل اعمال له ثقله في السوق وهالمول هديته لولده بعد تخرجه من الجامعه اما انا مازلت ادرس والمول حقي مازال عليه قروض كبيره ولازم احفر في الصخر باظافيري علشان انجح وانهي كل الألتزامات الي علي اه صرت من الجامعه للمول للبيت ماعاد القى وقت لاي شي حتى اهلي ماعاد اشوفهم غير دقايق معدوده وبيت خالي كملي مادخلته من بعد هوشتي مع صيته ماعاد شفتها اه منك ياصيته واه من ذكراك اف العب على نفسي انا متى نسيتها علشان ارجع اتذكرها | ||||||||
|
| |
|
17-10-16, 02:57 PM
| #85 | ||||||||
| مراقبة عامة ومشرفة منتدى الروايات المنقولة
| ليلة اجتماع العاشقين النايفه الليله عروس ومن مثلها شمس الشموس سنبدا من حيث انتهى الزفاف لايعنينا الحفل البهيج المقام على اعلى مستويات الفرح والسعاده ثم الفخامه في الخارج كل مايعنينا عينين عاشقتين تتوقد لهفه لمن ضنت سابقا انها لن تراه في حرم اهدابها ابدا اخيرا حانت لحظة العشق المقدسه وهذا هو علي يصل اليهاعريساً بعد خمسةً وعشرين عاما من السير على بساطها الاحمر دخل علي لنايفه الحاله بعد مااجبر الي زفوه انهم يتوقفون عند اعتاب بيته هو والنايفه وطلب من جوزاء وام وليد انهن يطلعن هن وكل الي معهن من البيت قبل يدخل لنايفه لانه يبي يدخل لها الحاله مشتاق لها حده ومايبي اي شاهد على قصة لهفته واشتياقه كانت جالسه تنتظره بلهفه وشوق جاهدة انها تخفيها عن عيون الكل ومع كل اجتهادها اقسمت كل العيون من حولها على انها مغرمه دخل علي وشافها جالسه قدامه بخجل وعيونها مركزتها على الورد الي ماسكته بين ايديها الثنتين بدت ترفع نظرها له بشويش لحد ماعلقت نظراتهم في بعض قامت واقفه بحركه بطيئه وكان مفاصلها اصيبت بصداء فجأه حتى وأن كان الصداء ليس من خواص المفاصل البشريه ولاكن هذا ماشعرت به على كل حال تشعر انها استغرقت زمنا طويلا في عملية الوقوف وهاهي تقف منتصبه الأن تشعر بوجود شي ثقيل بين يديها لم تعد قادره على حمله اذن لاباس فل تدع له حرية السقوط الى الأسفل اصبحت يديها حره بعد سقوط ماكانت تحمله فماكان منها الى ان جعلتها تتدلى على جانبيها كالاموات متى ماكان موتهم بواسطة مشنقه حسنا وماذا بعد لأي شي قامت ذرات الهواء بتمدد حتى تظاعف حجمها وبدت تزحف الى حنجرتها زحفاً من شدة الزحام علي وقف يتأمل كل شي فيها خجلها صدمتها وقوفها الزاحف نحو الأعلى سقوط مسكتها كل شي فيها يستحق مساحه بحجم السماء من الافتتان والتأمل النايفه بدت شفايفها ترجف وعيونها بدت تشتعل من اطرافها بحراره موجعه ارفعت راسها فوق ببطء وسكرت عيونها بشويش وسالت دمعه حاره ارجعت تفتحها بشويش وكأنها بتتأكد انه مازال موجود علي استغرب انفعالاتها وفي نفس الوقت حده مشتاق لها تقدم خطوه ناحيتها لاكن النايفه ارفعت يدها في وجهه بمعنى وقف مكانك وتكلمت كأنما جمراً شارف على الأنطفاء بدا لتو حديثه مع المطر - انتظرتك تحت السدره خمسه وعشرين سنه بس انت ماجيت ابي اعرف شي واحد انت نسيت الموعد وبشهقه زفتها دمعه سالت على خدها بحراره ولاماعاد تعنيك مواعيدي علي مايدري يفرح لانها تحبه وعاشت كل السنين الي راحت وهي تنتظره ولايبكي قهر على انه انحرم منها طول هالسنين ولايختفي خجل انه ماوقف في وجه الكل علشانها والايصرخ ندم على انه تخلى عنها عند اول عثره واجهته في طريقها - سامحيني يالنايفه سامحيني انهزمت من اول جوله بس صدقيني طول هالسنين مانسيتك ولانقص حبك في قلبي الا كل ماله يزيد النايفه جسمها كله يرجف ودموعها كل مالها تزيد وهي ترفع وجها لسماء وكانها تدور زيادة اكسجين غمضت بحسره ورجعت تناظر في علي - تكذب انت تزوجت وحبيت وجبت اعيال وعشت حياتك طول بعرض لوكنت تحبني صدق كان اكتفيت بذكرياتي وبطيفي زي منا اكتفيت بذكراياتك وطيفك علي حزن على حال النايفه ماتوقع انها تحبه لهادرجه ندم حيل انه ماحبها بنفس المقدار الي حبته فيه تحسف انه عاش مع غيرها لحظه وحده وشلون عيشة خمسه وعشرين سنه ياكبر قلبك يالنايفه ياليتني دريت بحبك ذيك الايام ياليت - ماكنت ادري انك تحبيني كنت اظنه اعجاب وبينتهي بعد كم يوم وماكنت متاكد الكلام الي قاله عمي من عنده هو والاانتي موافقه عليه بس الي اقدر اقوله ان قلبي كان طول هالفتره لك انتي وبمحاوله انه يبعد جرم الفراق عن نفسه - ثم اذا كنت انا تزوجت انتي بعد تزوجتي وبدل المره ثنتين النايفه وبدت تحمق وتنقهر من كلامه وبشبه صراخ تمزق من شدت الضيق لاتقارن نفسك في انت تزوجت برضاك وبدت تشرله باصبعها السبابه ويدها وجسمها كله يرجف انت موبس تزوجت برضاك انت اجبرت العائله كلها انها ترضى بزواجك الي انت اخترته ورجعت تشر على صدرها هي وتتكلم بصعوبه وكان صوتها بدا ينفذ انا انا انغصبت تعرف كيف انغصبت ورغم الغصب مارضيت مارضيت احد يلمس قلبي اويقرب منه غيرك مارضيت احد يحتل روحي ويسكن جسمي غيرك رغم هجرك رغم بعدك احتفظت فيني كلي لك وغطت وجهها بكل ايديها ونهارت على الارض تبكي علي انصدم صدمة عمره رمى البشت الي صار يحسه جبل متعلق باكتافه على الارض وركض لنايفه رفعها له وضمها لصدره بكل قوته وهي تتشبث فيه وكانها خايفه تفقده مره ثانيه وهي تنتحب علي يضمها ويمسح على ظهرها ودموعه بدت سيل على كتفها بس يابعد قلبي بس تكفين لاتبكين انسي كل الي طاف وخلينا نعيش اليوم وبكره وبس كل شي صار زمان انتهى الحين انتي لي وانا لك ومستحيل اتخلى عنك لانك روحي الي اسكنت بين اظلوعي انتي قلبي وحياتي وكل دنياي النايفه ماعاد عندها شي تقوله اوماعاد لها قدره في الكلام اوتبي تلتحم بحضنه وتشاركه جسمه وروحه اكتفت من الكلام تعبت من العتب وماتبي الا انها تغرق في حظنه للأبد | ||||||||
|
| |
|
18-10-16, 12:05 PM
| #87 | ||||||||
| السلام عليكم،يا هلا بفيتامين لبى قلبك على الرد مشكورة حبيبتي الحمدلله مازالت المشكله موجودة لكن قدرت احلها صرت مرات انطرد ومرات لا نرجع للرواية بارت جميل نبض تسلم اناملك عزيزتي فهد يا فهد كل شيء بالبداية صعب وعشان شيء يكون ناجح لازم ينتعب عليه واظن هذا خيره انك ماتلقى وقت عشان تبعد عن صيته وتنساها واتمنى اعرف من من البنات راح تحل قلبك بدالها النايفة ماتوقعت تنفجر بس هذا من قهرها ومن غبنته من عمه تصرف تصرف سريع بدون تفكير وندم عليه قد شعر راسه اتمنى لنايفة وعلي التوفيق والبعد عن ام ابراهيم تقبلن مروري لكن مني كل التقدير والاحترام | ||||||||
|
| |
|
20-10-16, 12:55 AM
| #89 | ||||||||
| مراقبة عامة ومشرفة منتدى الروايات المنقولة
| في حفر الباطن في بيت متواضع وعائله متوسطة الدخل او اقل من ذالك قليلا في صالة البيت المفروشه بفرش مشجر رخيص مع مخاد مصفوفه على الجدار بعنايه ورغم عناية الصف كان قدم هذه المخاد واضحا للعيان هذا الفقر لايعنينا فتلك الفتاه الجالسه امام خالها وزوجته تقهويهم وتتقهوا معهم موعوده بثراء فاحش ابوعبد الله :يالجازي ابوك كلمني يقول انه موجود في الحفر من البارح وكلها ساعه حولها ويجي ياخذك الجازي : خالي تكفى لاتخليه ياخذني انا معرفه مابيه ولابي اروح معه لاي مكان ابو عبد الله :افا هذا ابوتس ومايجوز تقولين مابيه ولابي شوفته الجازي : ياسلام وابوي توه هالحين اكتشف ان عنده بنت صار عمري ظ¢ظ¢ سنه ماعمره دورني ولانشد عني هالحين بس صار ابوي ام عبد الله : منول انتي عند امك هالحين امك الله يرحمها الها شهر متوفيه وتراه من اول ماتوفت امك وهو ناون يجي ياخذك بس حنا عيينا قلنا خلها لين تهدا نفسيتها وبعده يصير خير وهالحين ماعاد لنا حجه الجازي : ماهوب عذر اني كنت عند امي يعني لاصرت عند امي ماينشد عني والايزورني ابو عبد الله : اسمعي يالجازي قطاعة ابوتس لتس سببها امك ياما حاول يرجعها لعصمته وهي عيت ياما جابلك مصروفك وهي ارمته في وجهه حتى انه فتح احساب في البنك وحط فيه مبلغ كبير لك وجاب بطاقة الصراف لامك وقال كل شهر بنزل لك الي يغنيك وازود ورمت البطاقه في وجهه وعيت تاخذ منه شي وكل ماشافته تتعوذ منه ومن جيته وتترجاه انه ماعاد يزوركم ولاينشد عنكم لين الرجال طقت كبده وتركم وترا ماقلتلك هالكلام الى ابيك تسامحين اميمتك وتعفين عنها وتعذرين ابوتس ترا الي شافه من امك ماهوب اقليل الجازي وهي تبكي مسامحتها ياخالي مسامحتها لاكن ابوي مقدر اسامحه وش ماسوت امي ماهو عذر انه يتركني كل هالسنين من غير ماينشد عني ابو عبدالله : الكلام ماعاد يفيد ابوتس وصل وابيجي ياخذك في اي دقيقه مير قومي جهزي نفسك ترا لاانا والاانتي نقدر نرده لاياخذتس ام عبد الله : يالجازي الكلام ماعاد منه فود قومي جهزي اغراضك بطيب وخليه ياخذتس ونفسه راضيتن عليتس احسن من انه يغصبتس ثم يقلب عليتس لاتنسين ان عنده مره واعيال وماتدرين كيف بيقابلونك فاكسبي ابوتس في صفتس تراتس بتحتاجينه ومحد يقدر يرد عنتس غيره الجازي بدت تقتنع بكلام خالها وزوجته فعلا وش ماسوت ماراح تقدر تاقف في وجه ابوها ومهما سوت في النهايه بياخذها بطيب والابغصيب فخلوني امشي برضاي احسن انتبهت من افكارها على صوت زوجت خالها تحثها على انها تقوم ترتب شنطتها وفعلا استجابت لها الجازي وقامت بهم وحزن وخوف من الحياه الي تنتظرها في بيت ابوها راحت الجازي لغرفتها هي وبنات خالها الصغار ادخلت الغرفه الصغيره وافتحت الدولاب المتواضع الموجود في احد اركان الغرفه اسحبت شنطة السفر متوسطة الحجم من فوق الدولاب وبدت ترتب اغراضها فيها يادوب كم تنوره على كم بلوزه والكثير من قمصان الروز بمختلف الالوان وفستان سهره وحيد فصلته قبل سنتين في زواج احد ابناء خوالها خلصت من ترتيب شنطتها ولبست تنوره جنز وبلوزه قطن باكمام طويله مشطت شعرها وربطته ذيل حصان حطت روج زهر فاتح رشت رشه من عطرها الرخيص الذي لاتملك غيره وبكذا اصبحت جاهزه لسفر مع والدها الى الرياض ارض الرمال والجمال والحر والكرم والغبار والاحساس والطيبه شفتو كيف رياضنا غير ياهل جده (وحده تحارش ) اما في الرياض وفي قصر ال سويلم ليلى مديرة عمالة القصر ليلى : مدام ام يزن جناح الأنسه الجازي صار جاهز اي اوامر ثانيه حضرتك ام يزن : اتصلي بمصممة الازياء وقولي لها ابيها تجهز مجموعه من تصاميمها الجاهزه وتجي للقصر اول مانطلبها ليلي : حاضر مدام فيه سؤال لو سمحتي ام يزن : خير شعندك بعد ليلى : بنسبه للانسه الجديده كيف بدك يكون تعامل الخدم معها ام يزن فهمت تلميح ليلى واعتدلت في جلستها اسمعي ليلى الجازي بنت عبد الكريم يعني زيها زي وعد ويارا وزي مايتعاملو الخدم مع وعد ويارا راح يتعاملو معها صحيح انها مو بنتي بس عبد الكريم تزوج امها قبل يتزوجني ولمى تزوجته كان له سنه مطلق امها يعني لاامها ضرتني بشي والاانا ضريتها بشي وفي النهايه البنت بنت عبد الكريم ومن حقها تعيش زي ماكل اعياله عايشين مفهوم ليلى : مفهوم مدام | ||||||||
|
| |
|
20-10-16, 12:56 AM
| #90 | ||||||||
| مراقبة عامة ومشرفة منتدى الروايات المنقولة
| الحرس الوطني بيت ابووليد الجرس معلق يدق ام وليد بسم الله الرحمن الرحيم ماصار لنا نصف ساعه موقفين من الي جاينا بالسرعه ذي حلا : ابروح اشوف راحت حلا تفتح الباب وام وليد اجلست في الصاله على صوت ام ابراهيم ايلعلع ام ابراهيم : وين امك وين الخاينه وين حلا وهي تركض وراها خاله ليش تقولين كذا ام وليد فزت واقفه على دخلت ام ابراهيم لصاله ياخسارت الخوه ياسلمى ياخساره هاذي اخرتها تتفقين مع اخوتس علي ام وليد : تعوذي من ابليس يام ابراهيم وتعالي سلمي واقعدي وخليني افهمتس بهداوه ام ابراهيم :الله لايسلمتس والايسلم اخوتس معتس انا يتزوج علي ترضينها ياسلمى ترضين ولابعد يكذب ويقول ابوي يبغاني في شغل يخص المزرعه ولولا اني ازعجت ام مصعب باتصالاتي والاكان لهالحين على عماي الكذوب المروح تقوله وهي تصارخ بعصبيه والشرر يتطاير من عيونها واخرتها يدق علي يقول انا تزوجت وانتي ان بغيتي بيتك وعيالك ياهلا ويامسهلا وانتي الغاليه الي مامثلتس احد وكان بتروحين لاهلك بناتي مايطلعون معك خطوه ولاعاد لك رجعه بعد طلعتك الكلب الحيوان بعد كل الي سواه يباني اقعد في بيته والاكنه سواء شي ام وليد صدع راسها توها واصله من الجنوب منهد حيلها من الطريق وذي البلشه زادت عليها صرخت عليها تبيها تسكت بس خلاص انا وش دخلني في ذا كله لاخطبتله ولازوجته ولالي دخل في سالفته كلها ام ابراهيم بصراخ اقوى من الي قبله وشلون مالك دخل وانتي رايحتن تدبكين على عرسه ولاحتى هان عليتس تعلميني وش يدبر من وراي ام وليد : يابنت الحلال صدقيني مادريت عن شي لين وصلت بيت ابوي في الجنوب جاء ابووليد قال انا بروح لاهل الجنوب تروحين معي قلت وش عندك هناك قال اذا ماتبين اهلتس كيفتس قلت الاابيهم ليه مابيهم قال خلاص اجهزي بنمشي وجهزت انا وبناتي ومشينا وحنا ماندري وش القصه يوم وصلنا هناك للعالم متجمعين والدنيا مقلوبه قلت وش فيه قالو بكره عرس النايفه وعلي فلا تدخليني في شي مالي فيه لاقليل ولاكثير ام ابراهيم : اها طابخها مع رجالتس ياعساهم بلماحي هم الاثنين سلمى : تهبين ويهبيتس الله لاتدعين عليهم الله يحفظهم ويخليهم لي ام ابراهيم : ايه طبعا تدعين لهم الي يده فالمى ماهوب مثل الي يده في النار وارجعت لبيتها مثل ماجت اعصار من الصراخ لاينتهي ام ابراهيم بعد مارجعت لبيتها عاصبه راسها بربطه وجالسه هي وبناتها في الصاله مناير :والحل يمه وش بتسوين هالحين ام ابراهيم : مدري وش اسوي لو رحت لخوالك اخذكم مني والاالطلاق ماهمني بلعكس الساعه المباركه الي اتطلق منه فيها مناير وانوار بدن يبكن لايمه تكفين لاتروحين لخوالي لاتنسين ابوي ماكان عنده نيه يتزوج وهالزواج كله من تحت راس جدي واهل ابوي كلهم هم اصلن يبغونك تروحين لخوالي عشان ابوي يطلقك ام ابراهيم : اصلا انا لايعه كبدي من هالزواج من اسنين ومامصبرني الاانتن والاكان طالبه الطلاق من زمان بس هين يابو ابراهيم انا بصبر واسكت هالمره ونشوف اخرتها البنات مع بعض يعني بتقعدين يمه ام ابراهيم : ايه ابقعد علشانكم بس انتن كبرتن وان شاء الله تتزوجن قريب وساعتها اول شي اسويه اهو اني اتطلق من ابوكم ولولا خوفي انه يزوجكن من اعيال اخوانه والاكان تطلقت من هالساعه ذي مناير : لايمه تكفين لاتطلبين الطلاق والله ان ابوي ليقشنا انا وانوار للجنوب ويزوجنا هناك انوار وهي تبكي وتشاهق ايه يمه والله ابوي يسويها والاهمه شي | ||||||||
|
| |
|
| أدوات الموضوع | |
| انواع عرض الموضوع | |
|
|
415Likes
.png)
.png)
العرض العادي
