آخر 10 مشاركات
هيا نجدد إيماننا 2024 (الكاتـب : رانو قنديل - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيرة الثلاثمائة يوم *مكتملة * (الكاتـب : ملك علي - )           »          شيوخ لا تعترف بالغزل -ج3 من سلسلة أسياد الغرام- لفاتنة الرومانسية: عبير قائد *مكتملة* (الكاتـب : noor1984 - )           »          إحساس جديد *متميزة و مكتملة* (الكاتـب : سحابه نقيه 1 - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 05-10-16, 12:34 AM   #11

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل التاسع

" لا تتحدث وانت غاضب , تقل اعظم حديث تندم عليه " " لا تعطى وعودا وانت سعيد لانك لا تكون فى حالتك الطبيعية "
هاتان الحكمتان , كثيرا ما نسمعهم ولانركز فى معناهم , خصوصا الاولى لانك اذا غضبت كثيرا من صديق مثلا فستسرجع كل الذكريات السيئة التى بينكما وعقلك الباطن سيخفى كل المودة التى بينكما .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxx*
حينما كانت السيارة تتجه ناحية نهال وقطع تركيزها صوت السيدة التى تحذرها , السيارة كان سائقها يضغط على الفرامل بكل ما اوتى من قوة ولكنه لم يستطع ان يوقفها فى الوقت المناسب فأصطدم الوجه الامامى للسيارة بنهال ففقدت وعيها , نزل الشاب من سيارته ذاهبا للفتاة التى تجمع عليها الناس جميعا , قال له رجل عجوز : مش تخلى باللك يابنى , بدال مبتعرفوش تسوقوا بتجيبوا عربيات ليه .
قال الشاب : هى والله ظهرت فجاة انا وقفت على اخر لحظة , هى وقعت علشان الخبطة بس مجتش جمبها .
قالت سيدة : ايوه انا شفته , الولد ملوش ذنب هى مكنتش مركزة وكمان هى كويس الدم اللى فى وشها ده علشان وقعت وراسها على الارض.
نظر الشاب لنهال وجدها مرمية ارضا وهناك جرح عند جبهتها فهم فى رفعها فقال له رجل من الواقفين : انت رايح فين ولا انت هتستغل ان البنت مش حاسة بحاجة .
نظر له الشاب بغضب : فرصة ايه يا عم انت هشيلها اوديها اقرب مستشفى , لو مش راضى اشيلها شيلها انت .
قال الرجل : يا شيخ روح , هو انا فيا نفس .
ابتسم الشاب بسخرية وحمل نهال للسيارة وركبت معه سيدة ومعها حقيبة نهال وتوجهو للمشفى


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxx
كان يجلس بكرسيه مبتسما عندما استمع لصوت مريم وهى تنادى والدتها , حينها دخلت مريم عليهم وقالت : السلام عليكم .
رد كل من اياد وامل السلام , جلست مريم قائلة : حضرتك جاى ليه ؟
توتر اياد ونظر لوالدة مريم , فتوترت ايضا امل فهى لم تخبر مريم على قدوم العريس لعلمها برفضها ولكنها كأى ام تريد ان تفرح بأبنتها .
قالت امل : دكتور اياد جاى يطلب ايديك يا مريم.
قال اياد : دكتور ايه بس يا امى , قولى اياد .
قالت مريم وهى تنظر لأمها بغضب : وانتى لسة مقلتلوش ردى يا ماما.
ثم نظرت لاياد وقالت بثبات : انا اسفة طلبك مرفوض .
نظر اياد لها بعند وقال : ممكن اعرف ليه .
قالت مريم : يهمك تعرف .
قال اياد : اه اكيد , الواحد لازم يصلح من عيوبه .
قالت مريم : عيبك انك معرفتش تختار صح , بعد اذنك يا ماما انا جاية تعبانة ودخلة انام .
ثم غادرت مريم الغرفة , فنظرت امل لاياد بحرج وقالت : معلش يا بنى , هى والله مكنتش كده .
نظر لها اياد : مش فاهم , يعنى هى رفضانى لشخصى .
قالت له امل وتتلألأ الدموع فى عينيها : لا , هى رافضة الجواز كليا , علشان باباها متوفى من فترة وانا كنت بشتغل والحمد لله مستورة بس فى يوم فى عربية خبطتنى وجريت ملحقتش حتى اشوف نمرها ومن ساعتها وانا بمشى دايما بالعكاز ده علشان رجلى , ومريم هى اللى بتشتغل فى شركة ومحملة نفسها مسئوليتنا انا وبتول و تيجى الساعة اربعة وتنزل من خمسة لتمانية بتقف فى صيدلية عم محمد جارنا , جالها كذا عريس بس هى رافضة علشانا.
قال اياد مشفقا لحال تللك السيدة : متقلقيش يا امى ان شاء الله هقدر اقنعها , ثم وقف واعطاها ورقة ثم قال : حضرتك , الورقة دى فيها عنوانى علشان تسألى عليا . هستأذن انا .
ثم تركهم وغادر البيت وهو يفكر كيف يقنع مريم بزواجه لأنه حقا احبها وهذه من اشار قلبه عليها

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxx
كانت فى غرفتها تعبث بدولابها وملابسها مبعثرة بكل انحاء الغرفة , تأتى بفستان وترتديه وترى نفسها ثم تزفر وتقول " لا هذا لا يناسبى "
ثم ترتدى اخر وتغيره , فعلت ذلك حتى اصبح كل مكان بالغرفة يوجد به ملابس لها فتحت عليها الباب امها ليلى
وصرخت بها : ايه يا تقى ده , الاوضة عاملة زى مقلب الزبالة كده ليه ؟
ردت تقى : يا ماما بوضب هدومى وبشوف هلبس ايه بكرة .
قالت لها ليلى : حوشى العرسان اللى واقفة على الباب , يا بنتى انت رايحة درس تتعلمى , يعنى تلبسى اى حاجة .
قالت تقى : ايه المشكلة يعنى , عايزة البس حاجة حلوة .
قالت ليلى بضيق : نضفى الاوضة دى وذاكرى بقى .
ثم تركتها وعادت بعد نصف ساعة كانت تقى تنهى تنظيف الغرفة قالت تقى : خلصت اهو , متزعقيش بقى .
قالت ليلى بقلق : انا مش جاية علشانك , الساعة دلوقتى بقت 9 واختك لسة مراجعتش.
قالت تقى بقلق : طب هى مقالتش انها هتتاخر .
ردت ليلى : هى كان عندها محاضرة اخيرة خلصتها وقالتلى هتمشى شوية وممكن اتأخر , بس عمرها ما بتتأخر كده .
قالت تقى : طب اتصلتى بيها ؟
ردت ليلى : اه بس مبتردش , انا هنزل ادور عليها .
ردت تقى : ايه يا ماما , لا طبعا عمو و سيف هيزعلوا جدا لما يعرفوا انك نزلتى ومقلتيش , انا هتصل بعمو محمود اقله .
قالت ليلى معترضة : لا بلاش عمك لحسن السكر يعلى عليه , اتصلى بسيف و قوليلوا .
جرت تقى لهاتفها المحمول واتصلت بسيف
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxx*
كان يتمشى بالشارع واحساس الضيق يحاصره من كل جانب , اعترف لنفسه انو سبب من الاسباب ان نهال متكأة عليه فى معظم الاشياء ولا تستطيع التصرف فى مواقف كثيرة زفر فى ضيق وهو يقول لنفسه : بس انا كنت بعمل كده , علشان خايف عليها , دى نهال دى جوهرتى اللى مش عايز حد يبص عليها حتى .
"
رقت عيناى شوقاً .. و لطيبة زرفت عشقاً
فأتيت الى حبيبي .. فأهدأ يا قلب و رفقاً
صلى ع محمد
السلام عليك يا رسول الله
السلام عليك يا حبيبي يا نبى الله "
انتبه لهاتفه الذى يرن منذ قليل وجدها تقى رد عليها : السلام عليكم يا تقى .
ردت تقى : وعليكم السلام , سيف انت فين .؟
رد سيف : انا بتمشى تحت البيت هنا , عايزة حاجة ؟
ردت تقى وصوتها يبدوا عليه القلق : اه , نهال .
انتبه سيف لنبرة صوتها القلقة ووقف مكانه وقال مسرعا : مالها نهال يا تقى ردى !؟!.
قالت تقى وقد غلبها البكاء خوفا على اختها : مرجعتش لحد دلوقتى ومبتردش على الموبايل .
رد سيف بغضب : نعم , يعنى ايه لسه مجتش , وانتى لسة فاكرة تقوليلى دلوقتى .
قالت تقى ببكاء اكثر : مهى كنا بنقول زمانها جاية .
قال سيف : طب اقفلى يا تقى , ومتقلقيش هرجع بيها ان شاء الله .
اغلق مع الخط واخذ يبحث عنها بالشوارع القريبة وهو يتصل بها ولكن لا من مجيب .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxx*

خرجت من غرفة الاسعافات التى بالمشفى وهى تضع يدايها على رأسها وبعض الكدمات على وجهها مغطاة بما يسمى (البلاستر) جلست على كرسى وقالت لها السيدة : عاملة ايه يابنتى دلوقتى ؟
قالت نهال : الحمد لله ياطنط تعبتك معايا , هو انتى اللى جبتينى .
ردت السيدة : لا ده الولد اللى خبطك بس راح يجبليك شنتطك من العربية , انا يابنتى اتأخرت هستأذن انا .
قالت نهال شاكرة : شكرا لحضرتك , جزالكى الله خيرا .
وكان الشاب يبحث بداخل سيارته على الحقيبة وجدها ووجد هاتف مرمى بأرضية السيارة , نظر اليه وجد عدد المكالمات عشرة من ماما وسيف وما لبث ان رن الهاتف بيديه فقرر ان يرد فتح الخط ,
وما ان سمع سيف الخط يفتح حتى قال غاضبا : نهال , انتى فين يا نهال قلقتينا عليكى ؟
رد الفتى : احم احم , انت عايز نهال ؟
نظر سيف للهاتف ليـتأكد من المتصل به ثم رد : انت مين , وفين نهال ؟
رد الشاب : انا اسمى احمد , هى صاحبة الموبايل كنت هخبطها بس جات سليمة وهى كويسة دلوقتى .
رد سيف فى قلق وغضب : ايه طب هى كويسة , وانت مش تفتح وانت بتسوق , قلى فين الستشفى
املاه احمد العنوان , وانطلق سيف سريعا لها
دخل احمد المشفى وجد صاحبة الوجه الملائكى كما اسماها اعطاها الحقيبة وقال : انتى كويسة دلوقتى؟
ردت نهال ناظرة ارضا : اه الحمد لله , شكرا لتوصيلك ليا .
قال احمد : انا اسف انى خبطك بس انتى ظهرت فجأة وانا وقفت فرامل على اخر لحظة .
نظرت لها نهال وقالت : منا عارفة انا اللى مكنتش مركزة ’ شكرا تعبتك معايا , وجدته يبتسم لها فأخفضت رأسها على الفور وما لبثت ان رفعتها ثانيا عندما سمعت صوت اقدام تجرى اتجاها كان هو سيف , اتجه لها و جلس بجانبها عناقها عناقا طويلا وهو لا يتكلم ولكنها عندما وجدت عيناه ملألأتان بالدموع واحدة منها سقطت بالفعل والاخرى تلاحقها , ابعدته عنها وهى تقول : سيف انا كويسة , انا اول مرة اشوف بتعيط .
نظر لها سيف بحب اخوى : علشان حسيتك هتضيعى منى , انتى كويسة , فى حاجة بتوجعك ؟
قالت لها نهال ضاحكة : انا زى القردة اهو , ومستعدة اقوم اسابقك جرى واكسبك كمان.
ضحك سيف لها ثم نظر لهاتان العينان التى تراقبهما فقالت نهال : ده الاستاذ اللى وصلنى يا سيف .
وقف سيف ومد يده يسلم عليه : و اللى خبطها بردوا صح؟
قالت نهال مسرعة : لا هو ملوش ذنب انا اللى غلطانة , هو كتر خيره وصلنى لهنا مع وطنط يا سيف هاه مع طنط .
نظر لها سيف واخذ يضحك كثيرا قال للشاب : جزاك الله خير يا استاذ احمد .
رد احمد بعدم فهم : جزانا واياكم , هستأذن انا تحبوا اوصلكوا .
قال سيف : شكرا ربنا يخليك .
وجه احمد كلامه لنهال : انا اسف تانى يا انسة نهال , وحمد لله على السلامة .
رد سيف مسرعا : الله يسلمك .
غادر الشاب ووقفت نهال وهى تقول لسيف : يالا نمشى .
قال سيف : انتى مركزتيش فى الطريق ليه ؟
قالت نهال بحزن : كنت زعلانة , انا اسفة على الكلام اللى قولتوهولك , انت كنت بتعمل كل حاجة علشانى مش بتتحكم فيا , انا غبية انى قلت كده .
رد سيف : لا مسمحلكيش تشتمى نفسك , اشتمينى ماشى , بس ماتشتميش نفسك , انا كمان غلطان انا بغيرعليكى اوفر ومش متخيل انك تتجوزى , بس خلاص انا موافق على هشام , انا بس كنت متغاط انك وافقتى عليه بس لما عرفتى ان باباه مات , بس ايه المشكة لو عملنا خطوبة هيحصل حاجة يعنى.
قفزت نهال من مكانها واعطته قبلة على وجنته وقالت له : شكرا شكرا شكرا , انا كنت هرفض علشانك.
نظر لها سيف بلوم : ابوس اييدكى بطلى , عشانك وعشان فلان وعلشان فلانة فكرى بنفسك انتى, العريس جاى بكرة , مش عارف مع ان باباه داخل على الاسبوع التانى بس هو بيقول خير البر عاجله.
قالت نهال وهى تسير معه : منا انا مش عايزة خطوبة اصلا , انا عايزة قاعدة فى البيت كده على الضيق هرتاح اكتر .
رن هاتف سيف وكانت ليلى طمأنها على نهال وركبا سيارة اجرة فقال لها : نهال انتى قريتى اذكار الصباح النهاردة .؟
ردت نهال بحزن : لا انا مصحتش على الفجر , قفلت المنبه ونمت بقالى فترة مش بعرف اصحى .
قال لها سيف بصوت حاد : شايفة علشان مقرتيش الاذكار , حصل ايه , بصى انتى حطى موبايلك بعيد عنك فى اخر الاوضة وانا هفضل ارن ارن ارن ارن وانتى عارفانى غلس لحد ما تضطرى تقومى وتردى عليا تقوليلى انا صحيت , وتصليه وتقرأى الاذكار .
ابتسمت له نهال وقالت : يا بخت اللى هتجوزك يا سيف .
عدل سيف من ياقة قميصه وقال : منا عارف , بش مبحبش اشكر فى نفسى كتير
ضحكت نهال فأشار لها ان تخفض صوتها وعادوا للمنزل واطمأنت عليها والدتها .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxx
يتبع





لامارا غير متواجد حالياً   رد مع اقتباس
قديم 05-10-16, 12:38 AM   #12

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل العاشر

الفستان الابيض والطرحة البيضاء هم حلم كل فتاة حتى الصغيرات منذ ولادتهم تحببن ان تمتلكن عرائس برادائها الناصع البياض , وعند اتمامهن الثانية والعشرين فيجب ان تتزوج والا فستدخل فى مرحلة الخطر وسيقال عليها ( فاتها القطر ) اه والف اه على هذا مجتمع الذى يعجل الفتاة بأختيار شريك حياتها , حتى لو لم يكن مناسب ولكن لكى لا يطلق عليها لقب (عانس) .
حسنا كفانا من هذا الحديث الذى يزعج , ودعونا فى بطلتنا نهال فها هى استيقظت من نومها واخذت حمامها واستيقظت مرتاحة فهى استطاعت القيام لصلاة الفجر فكلا من اية وسيف اتصلوا بها وجلست تحضر ماذا سترتدى ثم اتصلت بصديقتها
اجابت اية : نينو , عاملة اية يا حببتى ؟
ردت نهال : الحمد لله , اية انا قلقانة اوى وبطنى بتوجعنى .
ضحكت اية وقالت : ده عادى بس علشان العريس , انا عايزاكى تشرفينى كده وتعملو خطوبة بسرعة , اصلى عايزة اتجوز بقى .
قالت نهال مستفهمة : ايه العلاقة يعنى .؟
ردت اية بضحك: يا بنتى الافراح دى ياما ولاد شافوا بنات واتقدمولهم فيها , عقبالنا يارب .
ضحكت نهال ثم قالت : همك على الجواز على طول .
ردت اية : يوو بقى ده ايه اللى جابه ده , انا هقفل دلوقتى علشان كابتن شهاب جاى ناحيتى سلام.
اغلقت اية , وذهبت نهال لوالدتها , وطرق الباب وجدتها سهير والدة سيف , دخلت سهير قائلة : صباح الخير يا عروسة , انا نازلة اساعد ليلى فى الشقة .
قالت نهال : لا يا طنط , انا بساعدها .
قالت سهير : لا انتى الروسة متعمليش اى حاجة , متتخيليش انا فرحانة قد ايه , ربنا يتممليك على خير يا بنتى ويكون هشام الزوج الصالح ليكى .
ردت نهال : امين يارب .
دخلت سهير وساعدت ليلى فى تنظيف الشقة , دخلت نهال على اختها وجدتها تضع ادواتها فى الحقبة ومغادرة للدرس , نظرت لها وجدتها ترتدى بنطال ضيق من الاسفل وعليه وعليه تيشرت اسود اللون وقصير .
قالت لها نهال : تقى انتى لابسة بنطلون سكينى عليه تيشرت قصير , ده من ايه يا حببتى !
قالت تقى : مالو يعنى ما كل البنات لابسة كده , انتى عايزانى البس زى الجيبات بتاعتك لا طبعا دى لخمة .
ردت نهال بهدوء : انا مقلتش تلبسى جيب , بس انتى طول عمرك لما بتلبسى البنا طيل دى بتلبسى عليها بلوزات طويلة , غيرتى ليه يعنى ؟
ردت تقى : يوو بقى يا نهال انا حرة , انا عايزة البس زى البنات اللى فى سنى , عايزة اعيش سنى .
ردت نهال : وانتى كدة بتعيشى سنك , فى على فكرة بنات كتيرة قدك وبيلبسوا جيبات واسدالات وكمان بيكونوا منقبات .
قالت تقى بغضب: ليه انتى عايزانى اتنقب .
ردت نهال : مقلتش كدة , انا بقول نتقدم لقدام , احسن ما نرجع لورا .
قالت تقى بغضب : نهال , انا اتأخرت على الدرس لما ارجع نبقى نتكلم .
وتركتها وذهبت واخذت نهال تفكر ماذا حدث لأختها غيرها لهذا الحد .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxx

كان فى مكتبه ينظر فى اوراق القضية التى يجب ان يترافع فيها , دق الباب ودخل عليه شاب وقال : السلام عليكم يا اتش .
قال هشام : وعليكم السلام ورحمة الله وبركاته , ازيك يا زياد.
جلس صديقه زياد قائلا : ايه يابنى عامل ايه ؟
قال هشام : الحمد لله , ..... زياد انا رايح اقرأ فاتحة النهاردة .
رد زياد : ايه الندالة دى , ولا قلت .
قال هشام : ما الموضوع جيه فجأة .
رد زياد : عرفتها منين بقى ؟
هشام : بابا الله يرحمه كانت قريبة صاحبه.
رد زياد : طب ربنا يتمملك على خير .
قال هشام : زياد هو انا لازم اخد ماما .
قال زياد متعجبا : هو ده سؤال اكيد لازم وكمان جوزها .
قال هشام بأنفعال : وجوزها ليه بقى ؟
قال ذياد : علشان انت رايح تتقدم انت وعيلتك هاه اسمها عيلتك, ومتعملش مشاكل قدام الناس يا هشام.
رد هشام : طيب ماشى , يالا بينا علشان الحق اجهز نفسى واتصل بماما اقلها .
ذهبا كل منهما واتصل هشام بوالدته التى فرحت كثيرا بأتصاله وجهزت نفسها هى وزوجها للذهاب للخطبة .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxx
انتهت من عملها وواقفة عند المحطة منتظرة حضور اتوبيس النقل العام , اتى ناحيتها ولد صغير وناداها : طنط , طنط .
نظرت له مد يده لها بورقة مطوية وقال : اتفضلى دى بتاعتك .
ردت مريم بحيرة : ليا انا , متأكد .
اومأ الطفل برأسه واعطاها الورقة وجرى بعيد , فتحت مريم الروقة المطوية وكان بها
(( بصى بقى , انا مبحبش اتحايل على حد كتير, بس بردوا انتى غيـــــــــر , انا جاى بكرة تانى عندكوا ومعايا اهلى , استهدى بالله كده علشان بكرة الرؤية الشرعية ان شاء الله , انا محبتش اوصللك الرسالة بنفسى واقف معاكى , علشان محبش اى حد يقول نص كلمة على مراتى , مش هيحصلو كويس ...................... زوجك المستقبلى اياد ... قولى يارب )) .
انهت الرسالة وهى تنظر حولها ولا تجده , ابتسمت وهى تنظر لها وظلت تقرأها ثانيا كلما انتهت منها .
وكان هو يراقبها بعيا وعندما رأى ابتسامتها كأن الشمس اشرقت له بعد ليالى مظلمة كثيرة وتجدد عنده امل الزاوج منها واسرع ليخبر والداه


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxx
بعدما انهت حديثها مع صديقتها وجدته قادم اتجاها جاء اليها شهاب وقال : مستر احمد هيعمل اجتماع حالا وقالى ابلغك .
قالت اية متعجبة من لهجته العادية انه لا يسخر منها , ربما سقط شيئا ما على رأسه , او ربما سقط من اعلى بنايته .
افاقها من تصوراتها صوته : بشمهندسة اية ..... اية .
نظرت له وقال بتوتر : اسفة كنت . ثم تخيلته شخصا كرتونيا وهو يسقط من على بناية عالية فضحكت ضحكة هادئة .
سرح شهاب فى ضحكتها ثم قال شهاب بضحك : هو شكلى بيضحك .
قالت اية : اسفة مش قصدى .
قال شهاب : يعنى بتضحكى اهو زينا .
اختفت ابتسامتها وقالت : حد قاللك انى من المريخ مثلا .
ضحك شهاب . وفى هذه اللحظة جاء سيف يحمل بعض الملفات وقال بحدة : الاجتماع ابتدى على فكرة اتفضلوا بسرعة , ثم نظر لاية نظرات نارية لم تفهم سببها .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxx

انهت درسها ورأت صديقتها سارة التى لم تكلمها طوال الدرس وغادرت بمفردها , حزنت تقى لهذه المعاملة الجافة ولكنها تذكرت موعدها , وهى تنزل خلعت نظارتها الطبية ووضعتها بحقيبتها , وجدته اسفل المبنى منتظرها اتجه اليها وقال : ازيك يا تقى , عاملة ايه ؟
ردت تقى : الحمد لله , وانت ؟
رد على : اهو ماشية .
ثم اخذا يسيرا معا قال على بعد ان تفحها من رأسها حتى اخمص قدميها واطلق صفيراا عاليا : ايه القمر ده , انتى اتغيرتى اوى .
خجلت تقى ولكن قالت فرحة : بجد عجبتك .
غمز لها قائلا : انتى بتعجينى دايما بس احسن حاجة انك قلعتى النضارة الكعب كوباية دى مستفزة .
اخرجت تقى من حقيبتها النظارة قائلة : لا انا قلعاها دلوقتى بس هى معايا , ماما مش راضية ملبسهاش.
اخذ على منها النظارة وكسرها نصفين ثم قال ببساطة : كدة , انتى مضطرة تقلعيها علشان هى اتكسرت منك عادى جداا .
نظرت له تقى بتعجب ثم قال لها على : بتبصيلى كده ليه عارف ان عنيا حلوة
خجلت تقى ونظرت امامها ووصلوا قبل منزلها بشارع قال لها على : هسيبك هنا بقى .
قالت تقى : خلاص ماشى .
نظر لها على وقال وهويصيب وتر حساس بقلبها : انا عايز اقللك انى بحبك .
قال هذه الكلمات ثم غادر مبتسما ابتسامته الساخرة فهذه عاشر , لا بل الاثنى عشر مرة التى يقولها لفتاة .
اما تقى فأعتلت وجنتاها الحمرة وارتفعت حرارة قلبها اكثر غادرت مسرعة لبيتها


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxx*

ارتدى بدلته السوداء واخذ امه وزوج امه على مضض وتوجهوا لبيت نهال ومعهم علبه كعكة من محل مشهور, فتح لهم محمود وكان الاستقبال التقليدى جلسوا وحضرت نهال
وتحدثوا عن الشبكة والمهر وهذه الاشياء المادية . قال هشام : بس انا هستأذنكوا هنعمل خطوبةعلى الضيق .
نظر محمود لنهال وجدتها أومات رأسها لها فقال : ده كمان كان طلب نهال , وعلشان سامح الله يرحمه .
وحددوا الخطبه يوم الخميس فى بيت العروس وختم الحديث زوج امه خالد بقول : طب نقرأ الفاتحة بقى .
قرأ الجميع الفاتحة وباركوا للعروسين , توجه سيف لنهال وقبل جبينها قائلا : مبروك يا احلى عروسة .
ردت نهال سعيدة : الله يبارك فيك يا حبيبى , عقبالك.
لا يعرف عندما قالت نهال هذه الكلمات لماذا تذكرها ....... اية...ولماذا غضب عندما شاهدها تضحك مع شهاب .!!!
اما هشام توجه لنهال قائلا : مبروك يا عروسة .
ردت نهال على استيحاء : الله يبارك فيك .
قال هشام بحدة : هو انتى ازاى تقبلى ان سيف يبوس رأسك كده.
قالت نهال : سيف ابن عمى واخويا فى الرضاعة .
قال هشام : اه , جهزى نفسك بقى للخطوبة .
ابتسمت نهال خجلا .
وانقضى اليوم بما يحمله .......................فماذا تخبئ لك الايام يا نهال ؟؟؟


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxx

اشرقت الشمس من جديد وبعثت بأشعتها الذهبية الامل فى نفوس الجميع استيقظت من نومها صباحا على يد اختها الصغيرة توقظها وهى تقول : اصحى يا ميمو بقى يالا علشان نجهز للعريس .
استيقظت مريم وتذكرت امس عندما جاءتها الرسالة وعندما رجعت للمنزل وقصت على امها ماحصل فأخذت امل تبكى وهى تقول انها تريد ان تفرح بها وان قد سألت عن اياد وسمعت كل خيرا , فشعرت مريم بالطمأنينة وايضا لا شك الفرح واستمعت لكلام امها وستقابل اياد فصلت استخارتها ونامت.
قالت بتول : يالا بفى علشان نعمل ماسك .
قالت مريم بضحك : ماسك ايه ده .
قالت بتول :ده ماسك زبادى ماما قالت بينور الوش كده وبيحليه , علشان تبقى زى القمر قدام عمو اياد . يالا علشان نعملو .
قالت مريم وهى تضحك : نعملوا, وانتى هتعمليه ليه بقى ؟.
قالت بتول : علشان انا اخت العروسة , يالا قومى بلاش كسل النهاردة الجمعة وانتى اجازة .
فامت مريم من مكانها واخذت حماما ساخنا وقامت بعمل هذا الماسك لها ولاختها وايضا والدتها وقضت يومها سعيدة جدا فهى لم تشعر بهذه السعادة الحقيقة منذ امد بعـيـــــــــــــــــــــ ـــــــــــــــــــــــــ ــد


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxx*
يتبع



لامارا غير متواجد حالياً   رد مع اقتباس
قديم 05-10-16, 12:38 AM   #13

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الفصل الحادى عشر




" انا ابنة لامرأة لم تراقبنى يوما , بل علمتنى كيف استشعر مراقبة الله لى .."
قرأت تقى هذه الكلمات على موقع التواصل الاجتماعى (الفيس) وكانت صديقتها سارة هى من كتبتها على صفحتها الشخصية , لا تعرف ماهذا الشعور الذى اجتاحها كليا اهو الحزن لانها ليست تلك الفتاة ام الندم لانها لم تعد تكلم صديقتها منذ الطفولة ام الغضب من امها لانها لم تعلمها كيفية استشعار مراقبة الله لنا , بدأ ضميرها فى تأنيبها كثيراا لمحادثتها لعلى ولكنها تذكرت انه يحبها , كأن قلبها اسكت ضميرها عن الندم , وكانت دمعة سريعة سقطت من عينيها , وجدت هاتفها يرن , مسحت دموعها واجابت بصوت حزين : السلام عليكم .
رد المتصل وكان على : وعليكم السلام , ازيك يا تقى ؟
ردت تقى : الحمد لله تمام , وانت ؟
رد على : تمام , مال صوتك؟
ردت تقى : لامفيش حاجة . مضغوطة شوية الامتحانات قربت .
قال على بلا مبالاة : يا شيخة , عادى مكلو هيعدى , احم تقى فكرتى فى كلامى .!
ردت تقى بعدم فهم : كلام ايه ؟
قال على : اللى قلته امباح , انى بحبك .
شعرت تقى بالخجل وصمتت .
قال على : طب ايه , مفيش اى حاجة كده !
قالت تقى بخجل : حاجة ايه !
قال على : طب انتى مش حاسة من ناحيتى بحاجة ؟
قالت تقى بخجل : يعنى انا معرفكش كويس , وكمان ايه اخر الموضوع ده يعنى؟
قال على بلغته التقليدية : اكيد هتقدملك , بس على الاقل لما ندخل الجامعة , علشان اهللك يوافقوا عليا .
صمتت تقى , فتابع على : يا تقي ردى عليا , انا بحبك اوى ومقدرش اعيش من غيرك , انتى بقيتى كل حاجة ليا , ردى عليا ارجوكى .
قالت تقى بخجل : ممممممم طب ماشى .
قال على : ماشى ايه , هو انا بقللك تاكلى معايا , انا عايزمنك كلمة بحبك يا على .
صمتت تقى كثيرا فتابع على بعد ان تقمص الحزن : خلاص يا تقى , انتى مبتحبنيش , انا اسف , انسى كل حاجة قلتها ليكى .
حزنت تقى لحزنة فقالت بسرعة وقلبها يخفق : انا ....ب ...بحبك .
ثم اغلقت الهاتف فورا وقفزت على سريرها فرحة , اما هو فأخذ يضحك فرحا بأنجازه الجديد واتصل بصديقته يارة يخبرها بهذه المفاجأة .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*
كانت الساعة العاشرة صباحا وكانت ذاهبة لصديقتها نهال لـتأخذ منها المحاضرات كانت تكلم نهال فى الهاتف قالت نهال : انتى فين يا اية ؟
قالت اية : يابنتى اهو تحت شارعك , بصى فوريرة واكون عندك علشان تحكيلى بالتفصيل اللى حصل ومشت مسرعة ناحية مدخل العمارة , فى نفس الوقت كان سيف ينزل السلالام مسرعا ليشترى الفطور للجميع وهو يسرع واية تسرع عند مدخل باب العبناية اصطدما بعضهم البعض
, لقوة بنيان سيف اوشكت اية على السقوط ولكنها امسكت بباب البناية احرج سيف وتحول لونه للأحمر وقال بدون ان ينظر لها : يقول اسف اسف والله مشفتكيش .
ردت اية التى طغى ايضا اللون الوردى على وجهها : لا انا اللى اسفة انا كنت جاى بسرعة من غير ما ابص .
نظر سيف لها ثم نظر ارضا ثانيا : ازيك يا بشمهندسة ؟
ردت ايه فى خجل : الحمد له تمام .
قال سيف وهو يتنحى جانبا ليفسح لها المجال لتمر : اتفضلى , واسف تانى .
شكرته اية فى خجل ثم صعدت مسرعة .
ام هو فذهب لأحضارالفطوروهو يفكر بها وتذكر وجهها المحمر خجلا ثم تذكر انها لا تحل له فأخذ يستغفر الله وتابع مسيره

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*
دق جرس الباب فتحت نهال مسرعة وجدتها اية تعانقا طويلا ثم ادخلتها وجلسا بغرفتهما وقصت لها نهال ما حدث ثم تابعت نهال : وحشتينى اوى اوى يا ايوو.
ردت اية : وانتى اكتر يا نينو والله , الف مليوووووووون مبروك , ربنا يتممللك على خير يا كوكى .
قالت نهال : الله يبارك فيكى عقباللك .
صمتت اية ثم قالت : عارفة يا نهال انى بشتغل فى نفس الشركة اللى بيشتغل فيها قريبك .
قالت نهال : قريبى مين ظ
قالت اية وقد احمر وجهها ثانية : ابن عمك سيف .
صرخت نهال فرحة وقالت : بجد , قولى والله .
قالت اية : في اية يا بنتى !
قالت نهال : بجد طب ماقلوتيش ليه يا رخمه , قبل كده .
ثم تذكرت نهال موقف مشاجرةاية مع سائق الاجرة وتذكرت سيف عندما قال لأية (: يا انسة , نصيحة متكونيش حامية مع الناس كده , مرة هيكون واحد كويس ومش هيرد , اللى بعديها هيقل ادبه و ممكن زى النهاردة كده ويمد ايديه .) ثم رجعت للواقع وفهمت اخيرا وقالت : بت يا اية , اوعى يكون سيف هو اللى دافع عنك لما كان شهاب ده هيضربك .
ردت ايه وهى ناظرة ارضا : اه , ثم نظرت لها : هو انا مقلتلكيش .
قالت نهال بفرح : لا ياختى مقلتيش , انتى قلتى واحد من الشركة , اوو بس انا فرحانة اوى .
قالت اية : ليه ياعنى .
قالت نهال : لا مفيش متاخديش فى باللك ,, المهم زمان سيييييف جاب الفطار وماما بتحضره يالا علشان ناكل قبل الصلاة وافهمك المحاضرات .
قالت اية لتخرج من الموضوع : طيب , انتى مش بتقولى خطوبتك الخميس الجاى واحنا اول امتحان اصلا السبت , اي رأيك ننزل على الساعة اربعة كدن نشترى الفستان مع بعض انا وانتى وطنط وتقى , علشان نخلص من همه وميشغلكيش عن المذاكرة .
اطرقت نهال ثم قالت : والله فكرة جامدة , تعالى نفطر ونقول لماما.
اخبروا والدتها التى وافقت سريعا واخبرتهم ان سهير ايضا ستذهب معهم

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*
فى المساء كان مرتدى بدلته السوداء التى اشتراها خصيصا لهذه المناسبة وكان مع والدته ووالده بالسيارة قالت والدته اسماء : ربنا يتمملك على خير يابنى , انا واثقة فى زوقك .
قال اياد : بابا ماما , انا عايز بس اقولكوا حاجة , يعنى احم احم مريم بيتها على قدهم يعنى وحالتهم كويسة والله بس يعنى على قدهم .
نظر له والده بغضب ولوم : بقى كده يا اياد , احنا ربيناك على كده بردوا , احنا من امتى بنبص على الحجات دى المهم الاخلاق .
قال اياد بحماس : اخلاقها ممفيش زيها يا بابا , بجد محترمة اوى وخجولة كده ومامتها اصلا ست سكرة واختها بتول بردوا عسولة اوى هتحبيهم اوى يا ماما .
قالت اسماء بحماس مشابه : انا متأكده من كده ياحبيبى , اخيرا جى اليوم اللى نخطبللك فيه .
قال اياد : بابا انا عايز كتبالكتاب مع الخطوبة , انا عارفة ومش هتراجع عن قرار خطبتى ليها ابدا , بجد هى دى البنت الى شفت فيها زوجتى وام اولادى اللى هتعرف تربى اطفالنا تربية صح , نفسى اقللها كل ده , بس لازم نكتب الاول .
قال والده عادل بفخر وسعاد كبيرة : عشت وشفتك بتحب يا واد يا اياد , بس نا فخور بيك , هى دى المقاييس الحقيقة اللى لازم كل واحد يختار بيها زوجته .
وتابعوا طريقهم لبيت العروس
( (ما أجمل هذه المواصفات , التى يبنى عليها الانسان شريك حياته التى لا تضم المال , الجاه , المصلحة ....ان اتبع كل انسان هذه المواصفات ستصلح الحياة , حتما ستصلح الحياة )) .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
كانوا فى احد الاسواق التجارية الكبيرة يتمشون بحثا عن الفساتن المناسب قالت سهير : هى تقى مجتش ليه يا ليلى ؟
ردت ليلى : قالت عندها مذاكرة ومش هتقدر تيجى .
قالت اية : يا نهال انا رجلى ورمت حرام عليكى انا تعبت , انتى شفتى كام فستان وكلهم حلوين.
ردت نهال : لا انا معجبنيش اى حاجة منهم مليش دعوة .
قالت ليلى : نهال انتى مش راضية تجيبى فستان منفوش ليه , فى عروسة متلبسش فستان منفوش .
ردت نهال : اصل الخطوبة يا لولا فى البيت , لو كانت بره , كان ممكن , بس كده شكلها simple اكتر .
قالت سهير : طب ماكده البنات اللى فى الخطوبة هيكونوا لابسين فساتين كده بردوا , مش هيبقى شكللك مميز .
قالت اية بمزاح : لا يا طنط متخافيش , انا عارفة انى ممكن اغطى على نهال بطلعتى الجميلة , لا مش ممكن ده اكيد , بس اانا هختار اوحش حاجة عندى علشان مالفتش النظر ليا وكله بقى يبصوا على نهال بس , مع انى بردوا هلفت النظر, ده شئ مفروغ منه .
ضحك الجميع من كلامها فقالت نهال : نعم يا حببتى , ابقى قابلينى لو حد بصللك بصة كده .
قالت اية منكافة صديقتها : لا يا حببتى كلوا هيقول ايه الجمال ده !
ردت نهال ضاحكة : الحق يقال كله هيقول ايه يا جمال ده .
ضحكت المرأتان عليهما من جديد قالت ليلى : انتوا مش هتعقلوا ابدا نفسى اشوفكوا , هاديين كده .
قالت اية وهى تمثل البكاء : كده يا طنط , مكنش العشم , وانا اللى قلت هتظبتينى مع اى عريس دانا زى بنتك .
قالت سهير ضاحكة : انتي والله يا اية عسل بجد , حبيتك اوى ودمك سكررر بجد .
قالت اية مصطنعة الخجل : اخجلتم تواضعنا يا طنط بجد , ثم غمزت لها وقالت : بس انتى اللى عسل بردوا اتارى عمو محمود مبيبصش كده ولا كده زى معظم الرجالة , مهو شايفك زى مانتى مبتكبريش زى القمر يا طنط .
ضحكت سهير وقالت : وهو يقدر بردوا .
تابعوا المسير حتى وجدوا مايبحثوا عنه (فستان ذهبى اللون فى اسود , ضيق من فوق ولونه اسود وينزل على اوسع بلون ذهبى وشريطة ذهبية اللون على شكل فيونكة عند الحد الفاصل بين اللونين وطرحة ذهبية ايضا كان غاية فى الاناقة والبساطة ).
حضر محمود بسيارته واوصل اية لبيتها ثم رجع مع الباقية .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx
كانت انتهت من ارتداء ملابسها وكانت عبارة عن فستان تنورته سوداء اللون وقميصه فضى اللون مع طرحة وردية كانت ايضا فى غاية الجمال ولم تضع اى ماسحيق تجميل فهى لم ولن تحبها ابدا نظرت لها والدتها امل وقالت : بسم الله ما شاء الله عليكى يا مريوم , زى القمر.
نظرت مريم لنفسها وقالت : بجد حلو يا ماما , ثم ذهبت وقبلت يديها وقالت : تسلم ايديكى وشكرا على الفستان بجد حلو اوى .
قالت امل: يعنى مهى الفلوس دى اصلا يا حببتى انتى اللى بتدهانى , دى فلوسك انتى اشكرى نفسك عليها مش انا .
جائت بتول وهى تجرى وترتدى قستان احمر اللون قالت: عمو محمد وطنط جيهان يا مريم بيقول ان العريس جيه , ايه ده انتى حلوة اوى النهاردة .
قبلتها مريم وقالت : انتى احلى يا حببتى .
دق الجرس فتح عم مريم محمد وادخل الضيوف للصالون بعد الترحبيات المعتادة اتت امل وسلمت وقالت : منورنا والله يا جماعة .
ردت اسماء : بنور اصحاب البيت , وحضرتكوا عاملين ايه .
ردت جيهان زوجة عم مريم : كويسين الحمد لله .
قال عادل والد اياد : احنا جايين يا استاذ محمد نطلب ايد بنتكم مريم لاياد ابنى على سنة الله ورسوله.
رد محمد فى سرور: واحنا يشرفنا ده يا استاذ عادل , احنا سألنا على دكتور اياد وسمعنا احسن كلام ولله .
رد اياد : ربنا يخليك يا عمى .
جائت بتول مسرعة وسلمت عليهم جميعا قال اياد : عاملة ايه يا بتول ؟
ردت بتول : انا كويسة الحمد لله يا عمو .
قال اياد : لا تقيلة عليا عمو دى اقولى اياد بس .
قالت بتول بأرتياح : طب كويس وانا كمان كانتت تقيلة عليا يا اياد.
ضحك الجميع عليها فقال اسماء : امال عروستنا الحلوة فين .
قالت اسماء : ثوانى هروح اناديها .
وذهبت ونادتها ودخلوا عندما رأها لم يستتطع ان ينزل عيناه من عليها كأنها ملاك نزل من السماء على ارض الواقع .
قالت اسماء : بسم الله ما شاء الله , زى القمر,تعالى يا حببتى سلمى عليا .
ذهبت مريم لتسلم عليها , وجلست وهى خجلة قال عادل : ما شاء الله , دايما اختيارك صح يا اياد . ثم نظر لزوجته بحب وتابع : طالع لأبوك .
خجلت اسماء ونظرت لهم مريم بحب وهى تفكر " انه يكن لها المشاعر حتى الان ما اروع هذا الحب " ثم انتبهت لمن ينظر لهاا فخجلت ونظرت ارضا .
رأت اسماء ابنها الذى يغمز لها وقالت : طب احنا نسيب العرسان لوحدهم شوية .
خرج الجميع لغرفة المعيشة المجاورة الا بتول .
نظر لها اياد فقال : منورة يا بتول .
نظرت له بتول : بنورك يا اياد.
ضحكت مريم لرؤيتها اياد وهو يحاول ان يبعد بتول .
قال اياد : بتول انا عايز ماية ممكن .
ذهبت بتول لتحضر المياة
فقال اياد بسرعة : اخيرا , ثم نظر لمريم : ازيك يا مريم .
خجلت مريم فقال اياد : لا مش وقته كسوف خااالص على فكرة , اختك ممكن تطب علينا فى اى وقت .
ضحكت مريم وكادت تتكلم لكن جاءت بتول مسرعة واعطتت اياد المياه وجلست ثانيا مبتسمة .
نظر لها اياد فى غيظ فضحكت مريم كثيرا .
نظرت لها بتول قائلة : بتضحكى على ايه يا مريم.
قال اياد بعد ان اخرج هاتفهه المحمول وقال لبتول : بتول , فكرة اللعبة اللى على موبايلى اللى لعبتهاليك وانت فى المستشقى .
نظرت له بتول بفرحة : هاه هاتها العبها .
قال اياد بأسف : كان نفسى بسى هى صوتها عالى وانا مصدع.
قالت له بتول : طب هاتها وانا هلعبها بره .
ضحك اياد بانتصار واعطاها الموبايل فخرجت سريعة .
نظر اياد لمريم قائلا : اختك دى سكرر.
ضحكت مريم , فقال اياد : تحبى تعرفى عنى ايه ؟
ردت مريم : كل حاجة .
ابتسم اياد وقال : انتى عارفة انى دكتور , اكيد , عندى 28 سنة بشتغل فى مستشفى.... وفاتح عيادة مع زمايلى , تحبى تعرفى ايه كمان ؟
قالت مريم : منتظم فى الصلاة .
قال اياد : انا مش هقول , علشان ده كله كلام , هتشوفى بنفسك . ثم تابع بمزاح : نحن رجال افعال لا اقوال .
ضحكت مريم وقالت : ه انت دمك خفيف دايما كده .
رد اياد : اه عندك عروسة ؟
نظرت له مريم بغيظ فتابع : ايه ايه انا كنت بهزر , انا مملاش عينى الا واحدة بس ويارب توافق عليا .
خجلت مريم وقالت : لو حصل نصيب , هتخلينى اسيب الشغل .
قال اياد: انا مش ممانع انك تشتغلى ولو انى محبش انك تتعبى فى الشغل بس زى مانتى عايزة , بس مش خليكى تقفى فى الصيدلية .
نظرت له مريم بحدة وقالت : ليه بقى ؟
قال اياد : المعاد متأخر , وكفاية شغل واحد اصلا , وكام فى ولاد كتير بيحبوا يستظرفوا.
قالت مريم بحرج : انا مراعية خوفك عليا , بس انا محتاجة الفلوس دى .
قال اياد : انتى شغللك فى الشركة ليكى مرتبك اعملى بيه اللى انتى عايزاه , بس انتى ومامتك واختك مسئولين منى فى كل حاجة .
نظرت له مريم بغضب : ليه ياعنى هتصرف علينا , احنا مش محتاجين فلوس من حد .
قال اياد بهدؤء : شكللك عصبية , انا مش هصرف عليكى شفقة , انتى هتبقى مراتى يعنى مسئولة منى انا , وانا هبقى راجللك انتى , اما مامتك دى بقت والدتى خلاص واختك نفس الكلام واكيد مش هبخل على امى واختى فى حاجة .
نظرت له مريم بحب وقالت: موافقة على كل حاجة , بس انا ماما وبتول مسئول منى انا على فكرة .
قال اياد: مشاى يا ستى , بس انا مبحبش مراتى ترفع صوتها عليا على فكرة .
خجلت مريم وغادرت مسرعة لغرفتها , جاء الجميع وجلسوا وتحدثوا فى امور شتى ثم قالت اسماء: ما تروحى حضرتك تشوفى رأى العروسة .
اؤمائت امل وذهبت مسرعة للغرفة وقالت لمريم : هاه يا مريم عايزين يعرفوا رأيك .
قالت مريم : دلوقتى , مستعجلين كده ليه ؟
ردت امل : ده اياد اللى مستعجل .
نظرت مريم بخجل للأسفل فقالت امل : يعنى اقول ايه , موافقة .؟
اومائت مريم فخرجت امل مسرعة تزف اليهم الخبر السعيد , تعالت اصوات الزغاريط فى البيت وتعالت معها دقات قلب مريم
جائت لها بتول مسرعة وقالت : مريم . يالا عايزين يتفقوا على حجات كده كتير وبيندوكى .
حضرت مريم وجلست وتلكموا فى المهر والشقة وهذه الامور فقال اياد : بعد اذنكوا , انا عايزكتب الكتاب مع الخطوبة الاسبوع الجاى.
نظر الاكل لبعضه فقالت امل : وماللك مستعجل كده ليه يابنى ؟
رد ايااد: انا مصدقت لقيتها , ومش شايف اى سبب يمنع كده .
فنظر محمد الى مريم بعدما قال : انا معنديش مانع , رائيك ايه يا مريم ؟
رفعت مريم رأسها وقالت : انا موافقة ............ بس بشرط.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxx*
يتبع


لامارا غير متواجد حالياً   رد مع اقتباس
قديم 05-10-16, 12:38 AM   #14

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الفصل الثانى عشر



هل اذا جاء احد ما اليك لتستأمنه على حياتك , هل ستوافق وبكل سهولة , ويريد الموافقة بسرعة ........
هذا ما فكرت به مريم انا لن اؤمنه على حياتى اذا لم اطمئن على حال دينه معه .
عندما سألها عمها محمد عن رأيها
رفعت رأسها قائلة : موافقة ..........بس بشرط .
نظر الكل اليها فى حيرة وتعجب اسرع اياد يقول : اؤمرى .
نظرت اليهم جميعا ثم اطرقت وجهها وقالت : ........ انا عايزة مهرين .
نظر الكل الى بعضه بعضا متعجبا وكانت نظراتهم تحمل الغضب , الحيرة , الاستنكار .
نظر عادل الى زوجته اسماء نظرة تعبر عن استياءه لهذا الشرط .
اما اياد فنظر ارضا ثم رفع رأسه اليها يقول : ممكن تقوليلى ايه المهرين دول ؟!
نظرت له مريم وقالت : احمم , المهر الاول اللى هو العادى ده وده ميهمنيش , ثم تابعت : انت طالما جيت تتجوزنى , يبقى بصيت على قلبى وعرفته كويس , و يس قلب القراءن , ومهرى انك تحفظها .
نظر الجميع اليها فى دهشة ثم تتابعت الابتسامات اما اياد فحلق معها بعيدا حيث النجوم ثم افاق بسرعة وقال بحب : ربنا يخليكى ليا يا كل ما ليا , مفيش اغلى من القراءن مهر ليكى , انا موافق احنا الخطوبة الخميس الجاى , هحفظها بأذن الله الاسبوع ده واسمعها يوم كتب الكتاب فى الجامع ماشى .
اومائت مريم فى خجل وسعادة كبيرة فلقد وافق على شرطها واعجب به نعم اياد هو الرجل الذى اريده زوجا هو رجلى انا .
اردفت اسماء : ما شاء الله عليكى يا بنتى , متتخيليش عليتى من نظرى قد ايه , انتى شبه اياد كتير على فكرة .
قال عادل : يالا يا جماعة نقرا الفاتحة .
قرأ الجميع الفاتحة ثم تعالت اصوات الزغاريط فى البيت ثانية ...
وانقضى اليوم بسعادة كبيرة لقلوب اقترب موعد خطبتها بعضها فى غاية السعادة والاخر يشوبه بعض القلق.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx
االله اكبر الله اكبر
اشهد ان لا اله الا الله
اشهد ان لا اله الا الله
...... استيقظت نهال على رنة اية توقظها لصلاة الفجر , رددت مع الاذان ثم توضت وصلت الفجر ورددت اذكار الصباح , وجائت لتنام لم تستطع النوم فجلست على الكمبيوتر وفتحت اموقع التواصل الاجتماعى , ثم قرأت على احد الصفح ((كان خالد بن الوليد رضي الله عنه وأرضاه
إذا أمسك المصف بكى وقال : والله ما شغلني عنك الا الجهاد.
فما أجمل والله عذر الرجال وأنتم ما عذركم عند ربكم )) . ثم رأت ايضا مكتوب
(( قَالَ الرَّسُول صلى الله عليه وسلم : يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا )) .
اخذت تفكر اهى هاجرة للقرأن ماذا يشغلها عنه , صفحة واحدة كل يوم كفيلة بأن تجعلنى غير هاجرة للقرأن.
هاتفت صديقتها اية فلم ترد فأخذت تتصل بها مرارا وتكرارا حتى فتتحت عليها اية وقالت بصوت ناعس : ايه يا زفته سيبنى انام قبل الشغل .
ردت نهال : قومى يا ايقة وفوقيلى كده .
ردت اية : يا نهال حرام عليكى انا صليت الفجر ,وعايز الحق انام .
قالت نهال: اية احنا بنهجر القرأن , طب احنا ايه اللى بيشغلنا عنه , بصى احنا هنعملنا ورد يومى .
افاقت اية وقالت لنهال : بس ده صعب يا اية احنا مشغولين اوى , وانا جربتها قبل كده ومنفعتش قريت يوم وبعدد كده بكسل .
قالت نهال : انتى كنتى مخصصة ورد اد ايه ؟
قالت اية : ربع جزء .
قالت نهال : ربع جزء , ما اكيد لازم تكلسى , احنا نبدأ بصفحة واحدة لمدة اسبوع , وكل ما نكسل هنقول دى صفحة واحدة بس , فمش هنكسل ده انا قريت على النت ان .......ثم قصت لها ما قرأت وانهت كلامها قائلة : هاه ايه رأيك ؟
ردت اية بسعادة : اكييد موافقة , ربنا يخليكى ليا يا احلى صاحبة فى الدنيا .
ما اجمل هذه الصداقة فهى مبنية على حب الله , فكما قرأت قديما
" اختر قرينك واصطفيه تفاخرا .........ان القرين الى المقارن ينسب "

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxx*
فى بيت اياد كان يجلس عادل مع زوجته يستحوا الشاى
قال عادل : بس عارفة يا سمسم , انا اول لما مريم قالت مهرين , انا قلت البنت دى طمعانة فى الواد , بس ظنى الحمد لله مكنش فى محله , بجد شكلها اخلاق , ربنا يباركلهم .
ردت اسماء : اه والله البنت عسل ومامتها ست طيبة اوى ناس تتحب يعنى واياد فرحان بيها اوى . , النهاردة من الفجر وانا سمعاةبيحفظ فى سورة يس.
دعا كلا الوالدين لابنهما بحياة جميلة مليئة بطاعة الرحمن .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx
استيقظت من نومها اخذت تذاكر كثيرا وهى قلقة لقروب موعد الامتحانات , دخلت عليها اختها بكوب من العصير قائلة : اتفضلى يا حببتى , عاملة ايه فى المذاكرة ؟ .
ردت تقى وهى تأخذ العصير : تعابنة اوى وزهقانة يا نهال .
ردت نهال : معلش يا حببتى , كلنا كنا كده , هانت تخلصى الامتحانات واخرجك فى كل حتة ., تقى هى فين نضارتك مش لابساها بقاللك فترة بس انا قلت يمكن بس علشان قراية فتحتى مرضتيش تلبسيها .
قالت تقى بتوتر: لا ما اصلها اتكسرت منى من غير ماقصد .
قالت نهال : طب ماقلتيش ليه علشان نجيب واحدة تانية .
قالت تقى : لا ما انا مش عايزة انا عايزة اجيب عدسات .
قالت نهال : عدسات , على الاقل مش دلوقتى لما تخلصى امتحانتك الاول , انا هخلى ماما تجبلك واحدة .
قالت تقى باستسلام : ماشى بش خليهاا صغيرة .
قالت نهال : حاضر.
ثم امسكت هاتف تقى قائلة : معلش يا تقى , هعمل مكالمة , اصل رصيدى خلص النهاردة .
اسرعت تقى واخذت الهاتف فنظرت لها نهال بتعجي فقالت تقى : اصل انا كمان مش معايا ررصيد.
قالت نهال: طيب كان ممكن تقولى وخلاص , مالك , متغيرة بقالك فترة , ومبقتيش تحكيلى ولا انا ولا ماما على اى حاجة ؟
قالت تقى : لا انا عادية بس هو ضغط المذاكرة بس , متشغليش باللك , انا شوية وهنزل ورايا درس .
قالت نهال بغير اقتناع : ماشى ربنا معاكى , طيب انا كمان رايحة اذاكر .
ثم تركتها وغادرت .
انتهت تقى من مذاكرتها , ارتدت ملابسها وغادرت لدرسها , وبعد ان ذهبت اكتشفت ان المدرس لغى الدرس لظرف ما , فنزلت ثانية وجدت على الذى اتى ناحيتها وقال لها : ازيك يا حببتى , عاملة ايه ؟
صمتت تقى وهى تنظر له بخجل , فقال على : ايوه حببتى اكيد , انا عديت على هنا بالصدفة , انتى نزلتى من الدرس بدرى ليه ؟
ردت تقى : اصلوا اتلغى .
قال على بفرحة : طب كويس دى جتلنا على الطبطاب , قشطة كده , انا كنت عايز نخرج .
قالت تقى : لا نخرج ايه , مينفعش .
قال لها على بملل : مينفعش ليه بقى .
قالت تقى : اخرج معاك بصفتك ايه ؟
قال على : بصفتى حبيبك وقريب خطيبك , هاه ايه تانى .
صمتت تقى بخجل فقال على : يالا بس , فى مطعم اكل رووعة , تعالى نروحه .
مشت تقى بجانبه كالمغيبة لاحظت يداه التى تقترب من يداها فابعدت يداها , ثم فعلها مرة اخرى واحتضن بيداه يداها ونظر اليها قائلا : عادى متبقيش معقدة , انتى حببتى انا , وفى حكم خطبتى . انصاعت له وهى تشعر بسعادة كبيرة فهناك من احبها ودق قلبها له .
حسنا كما قلنا قبلا الموضوع بدأ بكأنك اختى ثم صديقتى فحبيبتى فخطيبتى وقريبا جدا كزوجتى ثم بوووووووووووووووووم طليقتى

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx
فى عملها انتهت وذهبت للمدير لتأخذ اجازة ليوم خطبة صديقتها ثم امتحاناتها ووعدته انها سترسل له كل الاعمال والتصاميم على ايميل الشركة فخرجت من عنده وجدت شهاب امامها فقال لها : ازيك يا بشمهندسة ؟
ردت ايه : الحمد لله ...........وانت ؟
فرح شهاب لسؤالها : انا الحمد لله تمام اوى .
نظرت له اية لكى يفسح لها المجال فقال : اه اسف , بس ممكن سؤال ؟
قالت اية : اتفضل .
قال شهاب : انتى مرتبطة ؟
ردت اية بغضب : ازاى تسمح لنفسك تسأل سؤال زى ده , انت فاكر كل الناس بيفكروا زيك .
قال شهاب بسرعة : لا لا انتى فهمت ايه , انا مش قصدى حاجة , انا قصدى مخطوبة ؟
رفعت له ايه يديها وقالت : انت شايف ايه ؟
فنظر اليها بفرح ثم قال : بجد الحمد لله , طب احم احم تتجوزينى ؟؟
نظرت له اية بتوتر واحمر وجهها خجلا وتركته هاربة بعيدا وشاهد هذا الموقف سيف الذى كاد الشرار يتتطاير من عيناه وهو يفكر ماذا قال لها شهاب حتى تحمر خجلا هكذا .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx
مر الاسبوع وكل من مريم ونهال تجهزان نفسيهما , اما اياد فكان يحفظ سورة يس ليلا ونهارا وهو يكاد يطير فرحااا .
اما هشام فكان مشغولا فى عمله ولم يغل الامر تفكيره كثيرا , سيف يكاد ينفجر ليعرف ماذا حدث بين اية وشهاب
اية تفكر فى عرض شهاب للزاوج منها ,
وفى يوم الخميس كانت نهال فى غاية التوتر وكانت صديقته اية معها منذ الصباح تساعدها بكل شئ وهى من وضعت لها القليل من مستحضرات التجميل وهما معا قبلا من زينا الشقة بكوشة صغيرة وبلاليين بيضاء فى كل مكان , ارتدت فستانها الذهبى وكانت فى غاية الاناقة والجمال بدأ الحضور يتوافد وارتفعت اصوات الاناشيد الدينية الجميلة الذى اختارها سيف مع نهال معا
أفراح أفراح أفراح أفراح وورود
والقلب بيرقص للعرسان والفرحة ما ليها حدود
والدنيا تقول ياسلام
ع الفرح مع الاسلام
افراحنا جميلة وطاهرة حلال والناس للدين بتعود

ودى آية من الرحمن
ازاى خلق الانسان
من نقطة مية جعله عينين وكمان شفتين ولسان
لو يرجع قبل سنين
نلاقيه كان لسة جنين
شوف كبر ازاى وبقى عريس سبحان ربى المعبود

عروستنا الطاهرة كمان
اهى نعمة من المنان
عاشت ع الفطرة سنين وسنين يرويها نبع القرآن
معتصمة بحبل الله
ولا يمكن يوم تنساه
دا القلب خلاص عمران بالنور وبيحفظ اغلى عهود
دا كمان ربنا سواه
وحفظ قلبه وهداه
فى طريق الحق وعيشة النور والصحبة الصالحة معاه
يجعلهم احلى شباب
يجمعهم أسمى كتاب
دا القلب خلاص عمران بالنور وبيحفظ اغلى عهود
جاء هشام ببدلته السوداء الانيقة وحضر القليل من اهله وصديق واحد فقط , جلس بجانب نهال على الكوشة وقال لها : مبروووك يا احلى عروسة .
ردت نهال فى خجل : الله يبارك فيك يا هشام .
قال هشام : يااااه , اول مرة تقول اسمى , بس انا اول مرة احبوا كده .
صمتت نهال وشعرت ان الجو حار جدا جاءت اليها ايه بفستانها البنفسجى وعناقتها وقالت لها : زى القمر يا نهال مبروك يا حببتى ,
قالت نهال معرفة اية بهشام : هشام دى اقررب صاحبة ليا , اية .
نظر لها هشام وابتسم وقال : اتشرفنا .
قالت اية مبتسمة : مبرروك , خلى باللك من نهال , مش هتلاقى زيها ابدا .
قال هشام : اكييد , عن اذنكوا ثوانى , ثم ابتعد .
جلست اية بجانب صديقتها تقول : نهال اقللك على حاجة ممكن تقتلينى فيها .
قالت نهال بفضول : اية فى ايه ؟
قالت اية : شهاب طلب ايدى ثم جرت بعيدة لتغيظ نهال .
قامت نهال من كرسيها وهى تمشى بسرعة وراء صديقتها وتقول : يا اية , انتى يا ندلة ,ثم اصطدمت بسيف
قال سيف : ايه يا بنتى فى عروسة تجرى كده فى يوم خطوبتها , بس زى القمر , يا خسارة كله بسبب امك بو مكنتش رضعتنى , منكتش سبتك ابدا .
ردت نهال ضاحكة : شكرا يا سوفتى , انتى احلى , ولابس قميص بنفسجى , انت مطقم مع اية ولا ايه؟
قال سيف بحرج : هههههه ظريفة اوى .
قالت نهال : بس , دى ممكن تلحقتى قريب .
قال سيف بأستفهام : تلحقك ازاى يعنى ؟
قالت نهال وهى تنظر له : اصل شهاب زميلكوا اتقدملها , الا بالحق , انت مقلتليش ليه انها بتشتغل معاك .
صمت سيف كأن احد اوقع عليه دلوا به ماءا مثلجاااا وقال بخوف : وهى , ردها ايه ؟
قالت نهال بعد ان شاهدت رد فعله : ما هو انت اللى مش متنحرر , هى مش عارفة لسة انا كنت بجرى ورائها علشان اعرف .
نظر سيف لمكان اية وجدها تقف مع شاب صغير فقال : ومين ده اللى واقفة معاه .
قالت نهال بضحك : وكمان بتغير , ده اخوها يوسف , ملهاش غيره , هشام بيندهلى انا رايحة .
ثم تركته وذهبت لتتلقى التهانى من جديد من اهلها وامها التى كانت فى غاية السعادة .
اما سيف فوجد اية تركت يوسف فاتجه ناحيته واصطدم به قاصدا ثم قال : اسف .
قال يوسف : لا ولا يهمك .
قال سيف معرفا نفسى : سيف و ابن عم نهال .
مد يوسف يده وقال : يويف اخو اية صاحبة نهال .
قال سيف : شكلك صغير.
قال يوسف : انا فى 3 ثانوى , عايز ادخل طب كان حلم ماما الله يرحمها .
ثم تكلموا حتى نادت تقى على سيف ليحضر وكانت مرتدية فستان فضى اللون كان ايضا جميلا عليها , نظر لها يوسف فابتسم لها فهو يعرفها منذ الصغر فكانا يلعبا معا كثيرا عندما تتقابل اختاهما و فابتسمت لها ايضا ثم ذهبت لامها
انقضى هذا اليوم فى هذا المنزل بسعادة على الجميع واخذ هشام رقم هاتف نهال ليتصل بها
اما منذ ساعات فكانت عروسة اخرى تلقى النظرة الاخيرة على نفسها قبل توجهها للجامع وكتب كتابها وهى متشوقة لمعرفة المفاجأة التى اخبرها اياد عنها منذ يومــــــــــــــــــــــ ــــــــــين .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx

يتبع


لامارا غير متواجد حالياً   رد مع اقتباس
قديم 05-10-16, 12:39 AM   #15

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل الثالث عشر




السعادة الحقيقة هى التى تنبع من القلب ولا تكون كاملة الا برضا الله , حقا البعـــــــــــــــــد عن ربنا كـــــأبة
والقرب منه سعــــــــــــــــادة
ها هى انتهت مريم من وضع اللمسات الاخيرة لها , دخلت عليها بتول ورأتها كانت ترتدى فستان لونه روز ضيق من الصدر و تغطيه بطرحة من نفس اللون وواسع من الاسفل جرت عليها بتول فاحتضنتها مريم وهى تقول لها : توته , ايه القمر ده , جميل الفستان عليكى .
قالت بتول : بجد , شكرا , انتى احلى يا مريومة بجد الفستان حلو اوى , هتعجبى اياد اوى.
قالت مريم بخجل : طب اسكتى بقى .
دخلت عليها والدتها تقول : يالا يا مريم , ما شاء الله عليكى يا بنتى ,(( قل اعوذ برب الفلق * من شر ما خلق * ومن شر غاسق اذا وقب * ومن شر النفاثات فى العقد * ومن شر حاسد اذا حسد )) .
ضحكت مريم وقالت : ايه يا ماما , مش هتحسد يعنى .
امل لفرحة : طب يلا بس اياد بره دلوقتى والعربيات تحت .
خرجت مريم وراء امل نظر لها اياد بحب ثم نظر لاتجاه اخر وقال : بسم الله الحافظ , يالا نكتب بقى , علشان انا هطق .
نزل الجميع على اصوات الزغاريط وذهبوا للجامع الذى سيقام به كتب الكتاب وجلس الجميع بمكانه , جلس اياد ببدلته السوادء الانيقة وامسك الميكروفون وقال : عن اذنكم هدوء ثوانى .
هدأ الجميع ونظر له حتى مريم نظرت له , اما هو ترك الميكروفون وبدأ يقول ايات القرأن ( بسم الله الرحمن الرحيم : يـــــس , والقراءن الحكيم , انك لمن المرسلين,......................) اخذ يرتلـّها وكان صوته فى غاية العذوبة , انتهى من ترتيلها ونظر لمريم وقال : سمعتها حلو .
اومائت مريم فى خجل فقال اياد : طب يلا يا شيخنا بقى , انا استنيت كتير .
ضحك الجميع حتى الشيخ وبدأوا فى عقد القران حتى انتهى الشيخ بقول : كلنا نردد بارك الله لكما , وبارك عليكما , وجمع بينكما فى خير .
ردد الجميع الدعاء ثم قاموا من ماكنهم , كانت امل تبكى فرحا لرؤيتها ابنتها تتوج على عرش زوجها
قام اياد وقال لمريم : مبرووووك يا مراتى , ثم قبل جبينها , اما هى ارتعشت فرائص جسدها على اثر تللك القبلة , ثم ضم يديها بيديه وقال : متتوتريش كده , انا جوزك , مش يالا بقى .
مريم : على فين .
رد اياد : على القاعة .
غادر الجميع واستقل اياد سيارته مع مريم لأول مرة بمفردهما وتوجها للقاعة المقام بها الخطوبة
دخلوا وجلس الجميع بمكانه قالت مريم لاياد : مكنش ليه لازمة على فكرة , كان كفاية فى الجامع .
قال اياد : لا لا , مامتك لازم تفرح بيكى وكمان انا لسة ملبتسكيش الشبكة , حلو النشيد ده .
استمعت مريم للنشيد وكان اجمل فرحة وقالت : اه انا بحبوا اوى .
جاء اقارب العروسين ليسلموا عليهم وجاءت ابنة عم مريم تقول : مبرووك يا , مريم , مع انى حاسة انك اتدبستى , كله سلق بيض كده .
مريم بثبات : لا انا كمان مرتاحة لفكرة كتب الكتاب , ولسة بدرى على الجواز , بقلك يا ايمان نادى صحبتى اللى هناك دى معلش.
ايمان بغيظ : من عنيا , حاضر .
اما اياد نظر لمريم وقال بحب : ثوانى يا حببتى وجاى .
مريم : ماشى .
ذهب اياد لصديقه اسلام سلم عليه كثيرا قال اسلام : وقعتى فى القفص يا بيضة .
ضحك اياد وقال : لا يا خويا لسة موقعتش اوى يعنى بقللك , جهزت الحاجة .
اسلام : ايوه يا عم الرومانسى , انت اتغيرت اوى , عمرك مكنت كده .
اياد : يا عم مرااتى , حلالى , مكنش كدة ليه .
ابتسم له اسلام ثم غادروا القاعة و عند مريم جاءت صديقتها مرام قائلة : الف مبرووك يا قمر.
ردت : الله يبارك فيكى , عقباللك , بقللك ايه اخبار الشركة .
قالت مرام : بطلى استفزاز بقى , هو فين خطيبك , او جوزك .
مريم : مش عارفة .
انطفأت الانوار فجأه ما عدا بعض الانوار الهادئه وتساقطت البالونات من كل مكان , كان الجميع مندهش ثم سمعوا صوتا عذبا ينشد
هى دى اللى اخترتها اللى دينها مهرها ,
اللى روحها فرضها , اللى حافظه ربها ,
ثم وجدوا اياد يدخل ويمشى اتجاه مريم ويكمل الانشودة كأنه يحكى الواقع بينهما

" يوم ما جيت دقيت على بابها , لقيتها لابسة حجابها .......................... كنتى فين دانا ياما دعيت بحورية تكون من الجنة "
" يوم ما جيت دقيت على بابها , لقيتها لابسة حجابها .......................... كنتى فين دانا ياما دعيت بحورية تكون من الجنة "
لقيتها هى اللى لايقالى بس المهر هو الغالى ............................لقيتها هى اللى لايقالى بس المهر هو الغالى
ايات القـــراءن الهادى ايات القــراءن الهادى عشانه اخترها .
يا عمي انا شاري اديني حلالي فـ قلبي هحطها ..................................يا عمي هشورها ده هي شروطها تعيش على شرعها .
يا عمي انا شاري اديني حلالي فـ قلبي هحطها ..................................يا عمي هشورها ده هي شروطها تعيش على شرعها .
لقيتها هى اللى لايقالى بس المهر هو الغالى ............................لقيتها هى اللى لايقالى بس المهر هو الغالى
ايات القـــراءن الهادى ايات القــراءن الهادى عشانه اخترها .
يا عمي هشورها ده هي شروطها تعيش على شرعها
قالتلي ده بيتنا يازين فرشتنا السنة والقرآن ...............................والحب حياتنا يبعد عنا شيء اسمه الشيطان
قالتلي ده بيتنا يازين فرشتنا السنة والقرآن ...............................والحب حياتنا يبعد عنا شيء اسمه الشيطان
لقيتها هى اللى لايقالى بس المهر هو الغالى ............................لقيتها هى اللى لايقالى بس المهر هو الغالى

ايات القـــراءن الهادى ايات القــراءن الهادى عشانه اخترهــــــــــــــــــــ ــــا .
انهى انشدوته وكان الكل سعيدا , نظر اياد لمريم وقال بحب : اول ما قلتيلى على مهرك , افتكرت الانشودة دى , وانا بحبها جدا ,عمرى ما كنت اتخيل اعمل الحركة دى لحد ابدا ابدا , بس بدال مفيش حاجة تغضب ربنا وانا متأكد انها هتفرحك , قلت لازم اقللك الكلام ده كله .
ردت مريم وكانت اعينها تترقرق بها الدموع : بجد احلى يوم فى حياتى , اللى سمعتلى فيه سورة يس , وقلتلى فى الانشودة , جزاك الله خير على المفاجأة دى ,
اما نظرات الجميع , ما بين حب , فرحة وسعادة ولا مانع من بعض الحقد من بعض الفتيات
قالت ايمان لوالدتها جيهان بحقد : ايه يا ماما ده , انتى مش قلتيلى انو متدين وكده .
قالت جيهان : وايه المشكله , انتى نظرتك للمتدين غلط يا ايمان انتى فاكرة واحد يقللك حراام , ممنوع . المتدين ده يابنتى اللى يبان على وشه حتى السماحة , حتى النصيحة بتكون بهدوء , الدين المعاملة يا ايمان .
قالت ايمان : يا بختها , مريم بيه , وكمان غنى , يعنى مريم تتجوز الولد الغنى ده وانا قاعدة كده .
قالت جيهان بحزن : مانتى لو هتفضلى تفكرى بالطريقة دى , مش هتتجوزى اللى انتى عايزاه .
ثم تركتها وغادرت وهى تدعو لها بالهداية لتتابع الحضور , البس اياد لمريم الشبكة , وتعالت الزغاريط ثانيا وقدم الطعام وانقضت الخطوبة , واياد ومريم مرتاحى البال لانهم قضوا خطوبتهم بدون ان يغضبوا الله .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx*

استيقظت فجرا بصعوبة وصلت وقرأت الاذكار كانت ستنام بدون قراءة الورد , لكنها تذكرت انه صفحة , لن يأخذ اى وقت , وفعلا لم يأخد وقتا
استافقت وحضرت الفطور , وايقظت اهلها ليفطروا قالت ليلى : هشام متصلش بيكى يا نهال ؟
قالت نهال : لا , متصلش , ليه ؟
ليلى بتعجب : اصل كل العرسان بيتصلوا ببعض بعد الخطوبة .
نهال : عادى يا ماما , اتلاقيه لسه نايم اصلا , انا داخلة اذاكر بقى .
دخلت غرفتها لتذاكر نظرت لدبلتها التى تزين يديها وهى تفكر لماذا لما يتصل, قطع تفكيرها رنة هاتفها اخذته سريعا وردت : السلام عليكم .
وكان هشام : وعليكم السلام يا نهال , عاملة ايه ؟
نهال بفرح : الحمد لله , وانت ؟
هشام : الحمد لله , بتعملى ايه ؟
نهال : مفيش بذاكر علشان الامتحانات بعد بكرة .
هشام : اه ربنا معاكى , صليتى الفجر ؟
نهال بفرحة لسؤاله : اه صحيت صليته الحمد لله .
هشام : طب تمام , انا هروح الشغل دلوقتى , عايزة حاجة ؟
نهال : شكرا .
هشام : طب سلام .
نهال بأحباط : سلام .
قالت لنفسها : ياريتك متصلت احسن , ولا كأنى بكلم صحبتى انا . ثم ضحكت على نفسها وتابعت مذاكرتها .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx*
فى منتصف النهار بعد ان انهت درسها ,قابلتها بالشارع يارة التى سلمت عليها بحراراة وقالت : وحشتينى يا تقى , عاملة ايه .
ردت تقى بتعجب :كويسة .
قالت يارة بحقد لتشفى غلها : فضلتى تقولى اختى مبتعملش كده , واختى مبتعملش كده , وعيب , وحرام , واللى انتى بتعملى ده مش عيب .
ردت تقى بتوتر : هو ايه ده .
يارة : على , علوة , مش عارفاه ولا ايه , ولا هو حلال ليكى وحرام لينا .
توترت تقى ورأت يارة هذه النظرة بعينيها وشفت غليلها , اقتربت منها وقالت : عادى , انا بس كنت متغاظة منك , بس خلاص بقينا كلنا ولاد بطة واحدة , انا هخرج مع سامى صاحبى ومعانا على , طبعا هاتيجى .
تقى : هو مش كان ميدو ؟
يارة بضحك : لا منا فكست لميدو , طبعا هاتيجى .
تقى : بس الامتحانات قربت والمذاكرة كتيرة .
يارة : دى اخر خروجة قبل الامتحانات , قشطة , ها قشطة !
تفى باستسلام : طيب
جاء على ناحيتهم وقال : ازيكوا با بناتيت يا حلوين .
تقى : كويسة .
امسك يدي تقي وقال ليارة وهو يغمز لها سرا : احنا ماشيين يا يارة , سلام بقى .
غادروا وتمتت يارة : يا ابن الايه يا على , دانت وقعت البت خالص , كويس اهو حاجة جديدة نتسلى بيها .
اما على وتقى قالت تقى : انت عارف يارة منين ؟
توتر على وقال : ايه , اصلى باخد درس معاها فعرفها وكمان هى صاحبة صاحبى , ها قالتليك على الخروجة يا حببتى ؟
تقى : اه , قالتلى , هنروح فين ؟
رد على : نادى انامشترك فيه , بكرة ماشى , هتعرفى تصرفى مع اللى فى البيت ؟
تقى : اه هحاول , اصل كلو كان مشغول بخطوبة اختى , كانت امبارح .
على : بجد مبروك , عقبالنا يا حببتى . ثم رفع يديها , وقبلها قبلة ارتعشت على اثرها ونفضت يديها وتركت يديه وقالت بغضب: انت اللى عملتوا ده ؟
على : انا اسف بس عادى يعنى , انا بحاول اعبر عن حبى ليكى بس , انتى متتخيليش بحبك قد ايه .
تقى بعد ان هدءت لكلاماته : طيب , بس متعملش كده تانى .
على : بس عارف لو كان حد عكسك كده ولا كده فى الخطوبة , كنت دبحته ودبحتك .
ابتسمت تقى وقالت : بتغير عليا .
على : طبعا , ها مش هتقولليى حاجة حلوة زى اللى انا بقلهولك ده ولا انتى انانية .
تقى بخجل : ااحم , بعدين , احنا وصلنا سلام بقى .
تركته وذهبت ثم هو وجد رسالة جديدة على هاتفه تقول : انا بحبك اوى اوى اوى .
ضحك على وقال : دلوقتى على الموبايل , بكرة على الحقيقة .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*
رن الهاتف فقام من على مكتبه الصغير ورد قال : الو
المتصل : السلام عليكم, بيت الانسة اية ؟
يوسف : اه , انا اخوها , مين معايا .
المتصل : انا شهاب احمد زميلها فى الشغل , ممكن اكلم والدك .
يوسف بتعجب : هو مسافرر , خيير .
شهاب : احم , حضرتك انا كنت قلت للانسة اية انى عايز اتقدملها , بس هى مبقتش بتيجى , فا كنت حابب اعرف الرد, انا مش معايا نمرتها علشان اتصل اسألها .
يوسف : امال حضرتك جبت النمرة منين ؟
شهاب : من السكرتارية هنا .
يوسف : طب ابقى اتصل بكرة ممكن تكون هى قررت .
شهاب : طب ماشى .
اغلق الهاتف ونادى على اخته : يا اية , اية تعالى .
جاءت اية من المطبخ وقالت : ايه يا يوسف , مين اللى كان بيتكلم ؟
يوسف بغضب : ده شهاب زميلك , اية انتى جايلك عريس ومتقليش , للدرجادى معتبرانى نكرة فى البيت , ولا علشان اصغر منك , بصى يا اية انا صحيح لسة فى الثانوية , بس انا راجل البيت ومسئول عنك بأرادتك وغصبن عنك .
لمعت عيناه بالدموع وقالت : والله يا يوسف , محبتش اشغللك , وانا اصلا كنت لماارجع الشغل هرفضه , علشان انا مستحيل اتجوز واسيبك , انا اسفة انى مقلتلكش , انت راجل وسيد الرجالة , بس انا مكنتش بفكر فى الموضوع اصلا , وكمان ازاى شهاب ده يتصل هنا .
قام يوسف واحتضنها قائلا : خلاص متعيطيش انا اسف وكمان ترفضى ايه علشانى , انتى لو متقبلاه انا معنديش اى مانع على فكرة , هو بكرة هيتصل تانى وانا هبلغه ردك , فكرى واستخيرى ربنا ماشى .
اومائت اية وقالت : ماشى , ادخل ذاكر , وانا عملالك صنية مكرونة باشميل هتاكل صوبعك وراها.
ضحك يوسف : يارب بس ميجليش تلبك معوى , يالا بسرعة علشان عندى درس .
اية : فوريرة . ثم جرت للمطبخ لتعد الطعام لاخيها الذى هو كل حياتها

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx*

مساءا كان يجلس يلاعب والده الشطرنج , جائت والدته وقالت : اتفضلوا الشاى .
ثم جلست جانبهم , قال محمود : تسلم ايديكى يا ام سيف .
قالت سهير : الله يسلمك يا حودة .
ضحك سيف وقال : اودامى كده , طب راعو شعور انى سنجل وسطيكوا .
ضحك الجميع واردفت سهير: نهال امبارح كانت زى القمر .
محمود : طبعا , طالعة لابوها الله يرحمه , كنت بتغاظ منو علشان ابيضانى كده ومسمسم .
ضحك الجميع ثانيا قالت سهير : ولا صاحبتها اية , واحنا بنجيب الفستان , كنت هموت من الضحك , دمها شربات بجد .
محمود : اه , دمها خفيف اوى , شبه نهال .
قالت سهير لسيف : ايه رأيك فيها يا سيف .؟
قال سيف بتوتر : رأيى ازاى يعنى .
ضحكت سهير وقالت لتغيظه : اصلها عجبانى وانا عندى ليها عريس , ابن دلال صحبتى .
نظر لها سيف بغيظ : ما شاء الله العرسان عليها كتيير , بردوا زميلنا فى الشركة متقدملها .
سهير : هى معاك فى الشركة ؟
سيف : اه معايا.
سهير بغيظ: يابنى بطل استفزاز بقى , انت مستنيها لما تضيع من ايديك , ناقص تجبلها عريس بنفسك , متقولوا حاجة يا محمود .
رد محمود : يابنى البنت متتعايبش ؟
رد سيف : يا بابا , انا مستنى ترقية فى شغلى , علشان اتقدملها مرتاح .
ردت سهير بفرحة : يعنى انت بتفكر فيها , صح , قول قول ؟
سيف باستسلام : ايوه يا ماما , انا معجب بيها بصراحة , وكنت مستنى الترقية وكان نفسى اشترى عربية .
قال محمود : خلاص سيبك انت من الترقية , انت شغللك كويس ومرتبك حلو وعندك شقة , احنا نتقدملها بدل ماتضيع منك يابنى .
قال سيف : تضييع منى , لا طبعا , مستحيـــــــــل حد ياخدها منى .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*

يتبع



لامارا غير متواجد حالياً   رد مع اقتباس
قديم 05-10-16, 12:39 AM   #16

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الفصل الرابع عشر

الله اكبر الله اكبر
اشهد ان لا اله الا الله
اشهد ان لا اله الا الله


استيقظ على اذان الفجر ردد الاذان ثم قام وتوضأ وصلى وشعر براحة كبيرة فانه مساء امس قد صلى صلاة الاستخارة , وجد نفسه مرتاحا لفكرة الزواج منها اخذ يقرأ ورده اليومى ويردد اذكار الصباح ثم ارتدى ملابسه ونزل الى نهال , طرق الباب فتحت له ليلى قائلة : ازيك يا سيف , اتفشل يابنى .
دخل سيف قائلا : الحمد لله يا طنط , هى فين نهال ؟
ردت ليلى : نهال بتلبس جواه , النهاردة اول امتحان عندها , كنت عايزها فى حاجة ؟
اطرق سيف وقال : اه اصلى يعنى , احم كنت عايزة اخطب .
اطلقت ليلى زغروطة فأسرع سيف يقول : ايه يا طنط , احنا الصبح .
قالت ليلى : من فرحتى يابنى , وكمان بلاش طنط دى مبحبهاش , قولى زى مابتقولى لولا .
ضحك سيف وقال : ماشى يا لولا .
جائت نهال من غرفتها سريعة وقالت : انا سمعت زغروطة صح , ايه هتخطب تانى ؟
قالت ليلى سريعا : سيف هيخطب يا نهال .
قفزت نهال من مكانها وقالت : بجد , اكيد اية .
ليلى بتعجب : اية صحبتك يا نهال .
اومائت نهال وقالت : اه صحبتى , ياه اخيرا يا شيخ دانت زهقتنى .
قال سيف : طب يا نهال , انتوا هتتقابلو النهاردة صح؟
نهال : اه , اول امتحان .
سيف : طب هو انا هستنى كتير على حكاية الامتحانات دى ولا ايه ؟
نهال مسرعة : لا , احنا امتحانا الجاى لسة يوم الاربع , انا ممكن اتفق معاها على الاتنين .
سيف : ايوه كده يا نينو , خلى الواحد يستفاد منك فى حاجة .
نهال : بجد يا سيف مش هتلاقى زيها , كفاية انها نسخة منى .
سيف بهيام : اكيد مش هلاقى زيها , نهال , شهاب متقدملها متعرفيش ردها .
نهال : هى كانت مش مواقفة علشان اخوها , انا عارفة انها مفكرتش فى الموضوع كتير , انا كده هتأخر سلام بقى .
سيف : طيب , انا نازل لشغلى انا كمان .
نزل كل منهما لوجهته , وذهبت للكلية وقابلت صديقتها و دخلوا للامتحان .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx

بعد الامتحان خرجت كلتاهما قالت نهال : الحمد لله , الامتحان كان سهل .
اية بضحك : اه اول مرة دكتور شادى ينصفنا .
ضحكت الفتاتان قالت نهال : ايه , عملتى ايه مش شهاب .
قصت لها اية ما حدث امس فقالت نهال : بجد , طب ردك ايه ؟
اية : مش عارفة , مش حاساه خالص , يعنى هو كويس وممكن اى بنت تتمناه , بس انا عايز واحد تانى كنت بحلم بشخصيته من وانا صغيرة .
نهال بفرح : طيب انا عندى فارس احلامك ده ياختى .
اية : قصدك ايه يا بت يا نهال ؟
نهال : سيف متقدمللك .
صمتت اية ثم ظهرت على شفتاها ابتسامة كبيرة وقالت : بجد , يعنى تصرفاته الغريبة دى علشان كان بيغير .
اومائت نهال وقالت : اول مرة اشوف واحدة جايلها عريس , تفرح كدة والابتسامة من الودن للودن , فين الحياء يا حاجة انتى .
ضحكت اية وقالت : حياء بنت اختى , يا بنتى هو حد لاقى , عريس يا بوى .
ضحكت نهال : طب ماهو شهاب كان عريس يا بوى بردوا , ليه مكنتيش فرحانة كده .
خجلت اية : انتى مالك انتى .
نهال : طيب قولى لأخوكى يوم الاتنين بقى هنجيلكوا , حاولى تتصلى بباكى .
ايه بحزن : هحاول بقى
ثم غادروا معا لبيتهما


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*

جائت من عملها متعبة لما تستطع ان تصلى العصر , نامت واستيقظت على رنة هاتفها
فتحت الخط : السلام عليكم .
اياد : وعليكم السلام ورحمة الله وبركاته , ازيك يا مريوم .
مريم : الحمد لله وانت .
اياد : الحمد لله , صوتك نايم .
مريم : اه اصلى جيت من برة تعبانه , فنمت .
اياد : صليتي العصر ؟
مريم : ﻷ ..
اياد بحده : ليـه ؟ !!
مريم : معلش والله جيـت من بره تعبـانة نمت ..
اياد بغضب : طيب مـاشي براحتك ..
واتفضلي روحـي صلي العصـر والمغرب قبـل العشا
كمـان ما تروح عليكي ..
ثم اغلق الهاتف , اغلقت مريم وهى حزينة من نفسها لعدم صلاتها , وايضا لغضب اياد منها , اسرعت و قامت للصلاة .
انتظرت ليلا ان يكلمها لم يتصل وهى عاندت ولم تتصل ,
فى اليوم التالى صباحا قصت لوالدتها ما حدث فعاتبتها وطلبت منها ان تتصل به ذهبت لعملها وانهته وايضا لم يتصل بها ,
اتصلت به لم يرد , عادت لمنزلها ووقفت مع والدتها بالمطبخ
امل : ما اتصلش برضوا ؟!
مريم : ﻷ لسه وبرن ما بيردش معقول كل
دا في الطريق , هو قالى ان ورديته الصبح , يعنى دلوقتى المفورض يكون فى البيت .
_
بعـد ساعتين رن هاتفها وجدته اياد ..
مريم " بلهفه " : وصلت بالسﻼمة ..
اياد : اه وصلت ..
مريم : وصلت إمتـى ؟ !
اياد : من 4 ساعات كـدا ..
مريم بغضب : إيـه ده وصلت من بدري
وما كلمتنيش ..!!
اياد : معلش اصلي جيت مـن بره تعبان نمت ..
"فهمت مريم ان قصده يعاتبها ع تأخيرها للصﻼة امبـارح فا بيرد بنفس ردها "
مريم : " بحزن " يعنى طيب ما سمعتش رناتي .. !!
اياد : ﻷ طبعـا سمعت بس طنشت ..
مريم " بحزن : " طنشت رناتي ..
اياد : زي ما انتي امبـارح طنشتي نداء ربنا ..
مريم بدموع حبيسة : أنا اسفه ..
اياد بحب : اﻷسف دا مش ليا أنا ..
كله اﻻ فرض ربنا ..
يﻼ روحي صلي ركعتين لله واستغفـري ربنا ''
وتعالي نكمل كﻼمنا عشان وحشتينى أوى ..
مريم بفرحة : حاضر .. وربنا يخليك ليا يا رب .
اغلقت الهاتف وسمعت كلامه ثم اتصلت به ليكملو حديثهم .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*

اخبرت اية اخيها برفضها لشهاب وبأن سيف يطلب يديها ويريد الحضور مع اهله يوم الاثنين , فرح يوسف لرؤيته لمعان عينا اخته .
حين اتصال شهاب اعتذر له يوسف بلباقة .
جاء يوم الاثنين ببطأ شديد على سيف وسرعة كبيرة لاية
كانت فى غرفتها تنظر لنفسها وهى تدور بفستانها الرمادى اللون وكانت عليه طرحة وردية جميلة .
دخل عليها اخوها فصحك قائلا : وانا قلت هدخل الاقيكى قاعدة على جنب ووشك محمر .
وقفت خجلة وقالت : لا اصل كان فى دبانة مش عارفة اهشها , فقلت اطيرها بس .
ضحك يوسف وقال : دبانة اه ماشى .
اية متسائله : هو بابا لسه مجاش , اتصل شوفه فين .
يوسف بحزن : اتصل بيا بيقولى , جالو شغل فجأة , واتصل قال مش هيقدر يجى .
اطرقت اية وادمعت عيناه وقالت : كنت متأكدة , ان اصلا استغربت انه قال هيجى .
مسح يوسف دموعها : خلاص بقى متزعليش , انا مش مكفى , الباب بيخبط العريس جى , رايح اشوفه .
فتح لهم دخل الجميع وجلسوا بدأ يوسف الكلام : انا اسف يا عمو, بس بابا اتشغل مقدرش يجى .
نظر محمود لنهال وقال : لا عادى يابنى , دى مشاغل .
قالت سهير : نهال قالتلى انك فى الثانوية , انت قد تقى ؟
قال يوسف : اه فى ثانوية بس انا تجريبى دخلت متأخرسنتين , انا اكبر من تقى بسنتين .
قالت ليلى : طب فين ايه يا يوسف ؟
نهال : هناديها انا يا ماما .
دخلت عليها الغرفة تغنى يا دبلة الخطوبة عقبالنا كلنا ونبنى طوبة طوبة فى عش حبنا , ياختى بطة , يالا يا قمر .
ضحكت اية : بجد حلوة .
نهال : اه زى القمر , يالا بقى .
خرجا وتوجها ناحية الجلوس ودخلوا رفع سيف رأسه وجدها ابتسم لها وقالت سهير : بسم الله ما شاء الله يا اية .
سلمت عليهم ثم جلست قالت سهير : اول ما شفتك اتمنتيك عروسة لسيف , و هو كمان على فكرة .
قال محمود : منسيبهم قاعدين شوية يا جماعة .
قام الجميع ماعدا نهال .
بادر سيف : ايه يا نهال ؟
نهال بغيظ : ايه يا سيف , انا مبسبش صحبتى ابدا .
ضحكت اية وقالت : ولا انا اسيب صحبتى على فكرة .
ابتسم سيف وقال : يا سلام على الاختين الحلوين هناء وشرين , نهال خلى عندك احمر وقومى , لما جى هشام شقتينى قعدتلكوا كده .
ضحكت نهال : لا صراحة ,طيب استأذنكوا اناا.
غادرت نهال وتبقى سيف واية
بادر سيف قائلا : ازيك يا اية ؟
ردت اية بخجل :الحمد لله .
سيف : طبعا نهال حكتللك على كل حاجة عنى من وانا لسة فى بطن امى صح ؟
ضحكت اية : اه .
سيف :فى حاجة تحبى تعرفيها تانى ؟
اية : مفيش حاجة فى بالى , لم افتكر ابقى اقول .
تنحنح سيف : هو انتى عايشة مع يوسف بس .
اية بحزن : اه بابا مسافر وبيبعتلنا فلوس كل شهر, وماما الله يرحمها .
سيف بحزن : الله يرحمها , بس كده انا ضمنت انك بتعرفى تطبخى ولا ايه ؟
اندفعت اية : انااحسن طباخة فى العيلة اصلا .
ضحك سيف : خلاص , قريب هعرف بنفسى .
خجلت اية وابتسمت , فجائت نهال مسرعة : بتضحكوا على ايه , قلتلها ايه يا سيف ؟
ضحك سيف : انتى ايه اللى جابك يا لازقة.
ضحكت نهال : منا بقلدك , انت اول مشفتنى بابتسم بس مع هشام نطيت علينا .
ضحك سيف واية ثم فالت نهال: وانتى يا اية ايه دور الكسوف ده , فين عريس يا بوى والحركات دى .
خجلت اية وقذفت نهال بمخدة وتوترت : انتى بايخة اوى على فكرة .
ابتسم سيف وقال : انتوا ناقر ونقير كده , وكمان يا نهال ملكيش دعوة , حاجة تخصنى انا واية .
ضجكت اية واخرجت لسانها لنهال .
نهال بمزاح : انتى عارفة اللى بيطلع لسانه بيبقى ايه ؟
بادر سيف : قطة , فى قطط كتير بطلع لسانها ,ا اطلعى انتى منها شكلك بقى وحش .
اغتاظت نهال : يا سبحان الله , حلة ولقت غطاها .
ضحك الجميع وانقضى اليوم بسعادة


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx
مرت ايام الامتحانات بهدوء , لم تكلم تقى على كثيرا لكى لا تنشغل عن امتحانتها وتحقيق هدفها , انتهت امتحانات نهال واية وقاموا بخطبة صغيرة لسيف واية حضرها الاقارب والمقربون فقط , كانت اية فى غاية الجمال , اياد ومريم كانت حياتهم هادئة لا تشوبها المشاكل ماعدا بعض المشاكل التقليدية , نهال سئمت من عدم اهتمام هشام بها وملل العلاقة بينهما , انهت تقى امتحانتها على خير .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx*

وكان وقت الصيف , يوم الزيارة الاسبوعية الخميس , كان جالس وامامه نهال ووالدتها
قالت ليلى : هقوم اعملكوا حاجة تشربوها .
قامت ليلى وتبقى نهال وهشام
هشام : نهال , متتعبنيش بقى , واسمعى الكلام .
نهال بانفعال : لا طبعا مش هسمع الكلام , انت عايزنى اتجوز فى شقة من غير ما تجدد وتبيض .
هشام بانفعال : يا بنت الناس , دى شقتى جبتها من فترة , وبابا اقترح اننا نأجرها ونستفاد من قعدتها دى , البياض لسة كويس , انتى عايزة مصاريف وخلاص .
نهال :لا مش عايزة مصاريف , بس انا زى اى بنت مقبلش اعيش مترح حد, انا فى بالى الوان عايزة اخترها بنفسى .
هشام : خلاص ماشى يا نهال , نبيض الشقة , بشرط احنا لسا جايبن انا وبابا تلاجة جديد عندنا , نطلعقها شقتنا , ما هو كدة كدة ملهاش لازمة فى شقة باباا الفاضية .
غضبت نهال : نعم , لا طبعا , انا عايزة حاجة جديدة , عايز ارفح زى اى عروسة وانا بفتح الكرتونة بنفسى .
غضب هشام : انتى عايزة مصاريف وخلاص , وكمان صوتك ده ميعلاش عليا , لما تحترمينى ابقى كلمينى .
ثم تركها وقام متوجها للباب رأته ليلى وقالت : رايح فين يابنى , انا عملتلك شاى .
هشام : اسف يا طنط , اشربه مرة تانية .
ثم غادر الشقة , اسرعت ليلى لابنتها تقول : اتخنقتى انتى وهشام , مالو متنرفز كدة ليه ؟
لم ترد نهال ودخلت غرفتها تبكـــــــى .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx
يتبع


لامارا غير متواجد حالياً   رد مع اقتباس
قديم 05-10-16, 12:40 AM   #17

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الفصل الخامس عشر

" من وجد الله ماذا فقد؟! .... ومن فقد الله ماذا وجد !؟ "
ما اجملها حكمة ..... وكم من الامل الذى تعطينا اياه .
كانت بغرفتها صباحا تتفحص هاتفها المحمول حائرة هل تتصل به ام لا ..... انه لم يتصل بها منذ الامتحانات ....ربما حدث له شئ ......... حسنا انه دائما ما يتصل ...... سأتصل انا .
عقدت عزمها على الاتصال به , امسكت هاتفها وضغطت على ارقام هاتفه التى تحفظها بكل حواسها , اتصلت به وكان يكلم فتاة اخرى
عندما وجد اسمها يرن ضحك ثم انتظر حتى اتصلت به ثانيا واغلق مع الفتاة الاخرى
رد قائلا : ايوه يا تقى .
تقى : مشغول مع مين كل ده ؟
على بملل : مكنتش فاضي , كنت بكلم واحدة صحبتى .
تقى بغضب : صحبتك مين دى بقى ؟
على :صحبتى رولا , منتى مش فاضيالى بقى , فبسلى نفسى .
تقى بغضب : لا والله , انا كمان اكلم اى واحد ومتقوليش اى حاجة بسلى نفسى .
على بغضب : كنت كسرت رجلك قبل ما تعمليها .
تقى بغضب حقيقى : ليه ياعنى هو حلال ليك وحرام ليا .
على بعدما احس بغضبها قال ببصوت هادئ : انا بقول كدة بس علشان زعلان منك , بس رولا دى مش اكتر من جارتى يعنى .
هدأت تقى وقالت : وزعلان منى ليه ؟
قلب على الموازين قائلا : علشان بقالنا اكتر من شهر مش بنتكلم , وكل ما اكلمك تقولى انا هقفل علشان اذاكر .
حزنت تقى : معلش يا حبيبى انا اسفة بس انا حلمى ادخل طب , ومكنتش عايزة اضيع وقتى .
اصطنع على الحزن : يعنى انا بضيع وقتك .
تقى : مش قصدى , بس انا كنت بذاكر وكده .
على : خلاص اناهسامحك لو نزلتى نتفسح النهاردة.
تقى : مش عارفة هقول لماما ايه ؟
على : قوليلها اى حاجة وخلاص .
تقى : خلاص ماشى .
على : على واحدة الضهر كده هقابللك فى الشارع اللى جمب بيتكوا , ونقضى اليوم مع بعض.
تقى : حاضر.
على : سلام يا روحى.
اغلق معها وذهبت تقى لليلى : ماما , انا عايزة اخرج مع صحبتى النهاردة .
ليلى : صحبتك مين دى ؟
توترت تقى : متعرفهاش , اسمها اسمها يارة .
ليلى : وهتروحوا فين ؟
تقى : هناكل برة وبعد كده هنروح المول الجديد .
ليلى : طب متاخدى نهال معاكى , شكلها متخانقة مع هشام , خديها تفك على نفسها شوية .
ليلى بتوتر: يا ماما مينفعش , يارة متعرفش نهال ومش هتبققى براحتها , وكمان نهال كئيبة دلوقتى هتكأبها علينا.
ليلى : طيب بس خلى معاكى التليفون واوعى تتأخرى .
تقى : شكرا يا ماما .
دخلت غرفتها لتختار ما سترتديه اختارت فستان روز وعليه جاكت من الجينز واخذت تجهز نفسها .
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
استيقظت من نومها واخذت حمامها وجلست بغرفتها تقرأ القراءن , دخلت عليها ليلى
ليلى : نهال , عايزة اكلمك .
نهال : صدق الله العظيم , نعم يا ماما ؟
ليلى : ماللك انتى و هشام ؟
نهال بحزن : مفيش عادى يا ماما .
ليلى : هتخبى على امك حببتك .
نهال بحزن , قصت عليها ما حدث وانهته قائلة : يا ماما , هو مش من حقى اجيب حاجتى بنفسى .
ليلى : بصى يا حببتى , هو غلطان وانتى كمان غلطانة .
نهال بانفعال : انا يا ماما , ليه ؟
ليلى : كلو بهدوء يا حببتى و كنتى لما تلاقيه اتعصب قفلى على الموضوع , وافتحيه بعدين براحة , هو بيشتغل ولازم تحسسيه انك قلبك على فلوسه , مش كله انا عايزة وعايزة وعايزة , مرة فمرة يا حببتى .
نهال : يعنى اعيش على حاجت قديمة ؟
ليلى : انا مقلتش كده , الراجل زى الطفل الصغير , لاوم تاخديه على قد عقلو ا , ولما تحسيه رايق اطلبى اللى انتى عايزة , ماشى , ابقى صالحيه بقى .
نهال : حاضر يا ماما , ربنا يخليكى ليا وميحرمنيش منك ابدا.
ثم عانقتها وجلست تفكر كيف تقنعه بما تريد .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*

استيقظت صباحا وذهبت لعملها وقابلت سيف عند بوابة الشركة , بارد هو باالسلام : ازيك يا اية ؟
اية : الحمد لله , وانتى ؟
سيف مبتسما : زى الفل الحمد لله ,يالا على مكتبك عدل , واوعى اشوفك قلعاة دبلتك , ولا واقفة مع حد , والكلام يبقى بحدود و...
قاطعته اية : ولو احتاجت اى حاجة اتصل بيك على طول , انت عارف يا سيف دى المرة الكام اللى قلتلي الكلام ده ؟
سيف وهو يضحك: المهم تكونى انتى عارفة , يالا سلام دلوقتى .
وغادر كل منهما لوجهته , دخلت اية غرفة مكتبها وجدت زميلتها بالمكتب المجاور لم تحضر بعد , قامت ببدأ عملها ثم لاحظت ظل شخص امامها .
رفعت رأسها وجدت شهاب فقالت بتعجب : خير , المدير عايزنى فى حاجة ؟.
شهاب : لا بس انا جيت عايز اسئللك انتى رفضتينى ليه ؟
اية : انا اسفة , بس ده نصيب .
لمح شهاب الدبلة بيدها فقال مصدوما : انتى اتخطبتى ؟؟
اية : اه , ولو سمحت الوقفة دى مش حلوة .
شهاب بغضب : يبقى اكيد رفضتينى علشان خاطر واحد تانى , وعاملة فيها بقى سبع رجالة فى بعض , منتى ليك فى كلام الحب اهو .
وقفت اية وقالت بغضب : انت اصلا انسان قليل الادب , اطلع برة المكتب حالا .
علا صوتهما حتى سمعة سيف وبعض زملائهم , اسرع سيف اليهم
وكانت وقتها شهاب يقول بغضب: ومين بقى المحروس اللى اتخطبتيله ؟
جاء سيف من خلفه والشرر يتطاير من عينيه : انا , يا شهاب , عندك مانع ؟
ضحك شهاب ساخرا : يااه , تصدقوا ولا باين عليكوا , انت عاملى فيها شيخ وحرام وعيب , وهى عملالى سبع رجالة وشوية تعمل مكسوفة و فى الاخر انتو الاتنين بتقرطسوناا كلنا , لا شغة حبيبة بصحيح .
بلغ سيف من الغضب مبلغه صرخ به : انت عيل متربتش اصلا وانا هاربيك .
ثم كور يداه واعطى شهاب ضربه اوقعته ارضا , نظر شهاب حوله وجد الكثير من الموظفين يشاهدونه
فقام سريعا وقال : والله لاوريك يا ابن ال.....
ثم اعطى لسيف ضربة مؤلمة , اما سيف فقد جن جنونه لسماعه لاباه المسكين يشتم وهوببيته وبسببه هو هم بضربه .
بكت اية وقالت وهى تقف امامه : يا سيف اهدى بقى الله يخليك .
قال لها سيف بغضب : ملكيش دعوة انتى . ابعدها عن طريقه .
واخذا يضربا بعضهما حتى منعهما عن بعضم بعض زملائهم .
دخل رجل فى الخمسين من عمره فجأة وقال بغضب : ايه اللى بيحصل ده , ايه شغل البلطجية ده !
التزم الكل مكانه فتابع المدير: كل واحد يروح لشغله , وانتو التلاته ورايا على المكتب .
اتجه كلا لمكانه وهم يتغامزون فيمن بينهم
ودخل شهاب وسيف واية وراء المدير بغرفته
قال المدير بغضب : ممكن اعرف ايه اللى حصل ده , ازاى شركة محترمة كده يحصل فيها كده .
قال شهاب سريعا : هو اللى بدأ يا مستر احمد .
قال سيف بغضب : منت اللى قليت ادبك .
قال المدير بغضب : اسكت يا سيف لما اسمعه .
قال شهاب : انا كنت بكلم اية عادى وعرفت انهم اصلا متصاحبين وعاملين فيها بس قال الله وقال الرسول , و ده يسوء لسمعة الشركة .
غضب سيف : انت لو محترمتش نفسك , انا هأدبك تانى .
انهارت اية فى البكاء . قال المدير بغضب : اسكتو كلكم , وانتى يا اية , انا كنت بعزك جدا , كنت شايفك طالبة مثالية , يحصل ده كلكوا بسببك .
انهارت اكثر اية وهى تقص له كل ما حدث .
قال سيف : انا البشمهندسة اية خطببتى , وانا عارف انى انفعلت جامد , بس انا مسمحش لأى حد يتكلم عنها نص كلمة , وحتى لو كان ده هيسبب رفدى.
حسم المدير قراره وقال : انا مش هرفدكوا علشان انتوا للاسف احسن ناس عندى , بس ده انذار ولازم تتعاقبوا , البشمهندسة والبشمهندس
( مشيرا الى اية وشهاب ) خصم اسبوعين , اما انت يا سيف , فكنت ناويللك على ترقية , اتلغت , يالا كل واحد على شغله .
خرج ثلاثتهم وعلى وجه شهاب ابتسامة ساخرة وتركهم , اما اية فكانت ما زالت تبكى
غضب سيف قائلا : بطلى عياط بقى.
صمتت اية وهى تكتم شهقاتها خوفا من غضب سيف .
هدأ سيف وقال : روحى على مكتبك يا اية وبعد ما نخلص هروحك ماشى .
اية : بس .
سيف بأنفعال : مفيش بس
ثم تركها وذهب وذهبت هى لمكتبها تلاحقها نظرات زميلاتها منهم من تشفق عليها , ومنهن من تغير منها , ومنهم من تنظر لها بأحتقار

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*
انتهت من ارتداء ملابسها , جلست مع امها منتظرة اياد جائت بتول مرتدية ملابس الخروج وقالت : انا جاهزة .
قالت امل : جاهزة ليه يا بتول ؟
بتول : مش اياد يخرج مع مريم ينقوا حبة عفش , انا عايزة اخرج معاهم .
امل : بتول اسمه عمو اياد .
مريم بضحك : لا يا ماما , اياد بيستتقل عمو دى اصلا .
بتول : شفتى بقى , يالا يا مريم اتصلى باياد شوفى اتأخر كده ليه ؟
امل : يا بنتى قعدى بقى مفيش نزول .
تظاهرت بتول بالبكاء , اسرعت مريم : لا خلاص يا زنانة بقى , متيجى يا ماما بقى انتى كمان .
امل : لا يا حببتى , نقى انتى اللى عايزاه , انا رجلى مش قادرة .
مريم : خلاص ماشى , يالا يا بتول اياد بيتصل .
نزلت كلتاهما , ركبت مريم اولا , قال اياد : ازيك يا مريوم وحشتنيى .
قالت مريم بخجل:وانت كمان , اياد انا عندى ليك مفاجأة , بس غمض عينك .
ضحك اياد : لا هتستفردى بيا ,انتى معندكيش اخوات ولاد .
ضحكت مريم بخجل : انتى اللى نيتك وحشة , يالا بقى .
اغمض اياد عيناه شم فتحهما بعدما قالت له مريم ذلك , قال : ايوه فين المفاجأة , مش شايف هدايا ولا حاجة.
مريم : بص وراك .
نظر اياد خلفه وجد بتول جالسة وتضحك : مفاجأة مش كدة .
نظر لها اياد بغيظ ثم نظر لمريم : هى مفاجأة فعلا , ثم تمتم : ماشى يا مريم , بتول دى لازقة .
قالت بتول : بتقول حاجة يا ايود .
اياد وهو يدير الحرك : لا بكح , كح كح .
ضحكت مريم كثيرا عليه
ثم انطلقوا لاحدى المولات لشراء مستلزمات الشقة

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
كان بمكتبه غاضبا من نهال دخل صديقه ذياد قائلا : صباح الخير .
هشام بضيق : صباح النور .
ذياد : ماللك قالب وشك ليه ؟
هشام : متخانق مع نهال .
ذياد ضاحكا : بدأنا , دى اخره الجواز , هاه اشجينى ؟
هشام بضيق : مش راضية نحط تلاجتنا الى بابا لسة جايبها مكملتش سنة فى شقتنا.
نظر له ذياد وكبرت حلقتاه عيناه ثم دخل فى نوبة ضحك .
قال هشام بانفعال : ذياد و عايز تضحك , اضحك برره , مش نقصاك .
زياد بضحك : اصللك بتهظر , دى لو كانت وافقت كنت استغربت , يعنى ابوك الله يرحمه كان جيبها ده حتى فال وحش ليكوا .
هشام : ذياد يالا ورينى عرض كتافك .
هدأ ذياد : يابنتى خطبتك دى لما شفتها فى الخطوبة , باين عليها طيبة اوى , ومحدش فى مكانها هيقبل , اهدا كده وصالها ببوكيه ورد حلو كده .
هشام : يابنى , اناحاسس انها مصرفة , مفيش تدبير للفلوس خالص .
ذياد : لا يا حببيى فيه بس مش فى الحجات ديه .
رن هاتف هشام معلنا قدوم رسالة فتحها وقرأها بصوت عالى ( انا اسفة انى عليت صوتى عليك وانى نرفزتك , المسامح كريم )
قال ذياد : والله انت معندك دم , مش عارف مستحملاك على ايه دى , دى هى نسمة كدة تتحط على الجرح يطيب .
هشام وتشوبه الغيره : لا والله , تحب اخطبهاللك .
ضحك ذياد : يا عمم بنحررك شوية , خطيبتك دى نعمة اوعى تفرط فيها , انا ماشى ورايا معاد سلام
تركه وذهب .
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
قبل قليل من الوقت انتهت من ارتداء مابسها ونزلت لمقابلته , اطلق صفيرا عاليا وتمتم يخربيت جماللك كده يا شيخة
قال على وهو ممسك يداها : وحشتينى اوى بقالى شهر مبشوفكيش.
قالت تقى : وانت كمان وحشتنى .
على : بس ايه الجمال ده , انتى بتحلو على الامتحانات ولا ايه ؟
تقى : بجد عجبتك .
على بنظرة نتفحصة : الا عجبتينى , بصى عربيتى الجديدة .
نظرت تقى لسيارة سوداء من النوع بورش على الجانب الاخرمن الشارع وقالت : انت بتعرف تسوق ؟
على : اكيد , لسة مطلع الرخصة الاسبوع اللى فات , عدى انتى لحد ما اشترى سجاير .
تقى : مابلاش سجاير .
على : لا عادى .وتركها وذهب
وهى تعبر الشارع اتت سيارة سريعة وكادت ان تصدمها وصرخت تقى واغمضت عيناها ولكن شداها على اليه وتابعت السيارة سرعتها .
اما على فقد شد تقى اليه , فاصبحت بين يداه , فتحت عيناه تشعر بتلاحق انفساه بوجهها ويفصل بين وجهيهما ليس اكثر من خمس سنتيمترات
اقترب على من وجهها اكثر , افاقت تقى , وفكت حصار يديه وابتعدت عنه وهى متوترة .
زفر على فى ضيق وتمتم : بخربيت فقرى .
قال على : اسف يا تقى , انا كنت خايف عليكى بس , ومقصدش .
توترت تقى : طب .... طب انا عايز امشى .
قال على : ليه محصلش حاجة انتى كويسة اهو , العربية فلتت , دى جزاتى علشان انقذتك يعنى , تضيعى عليا اليوم .
تقى : طب خلاص يا على يالا نروح النادى .
ركبا معا .......( حقا الخطوة تدفع خطوة , وباب دخول الشيطان مفتوح على مصرعيه , اللهم احفظ بنات وشباب المسلمين )

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx
انتهى سيف واية من عملها واخذ سيف سيارة اجرة ولم يتكلم كلاهما اى شئ لكنه لمح فى عيناها دموع تحاول كبتها , اوصلها لبيتها ثم ذهب لبيته
, ما ان صعد بيته لم يقدر على عدم الاتصال للأطمئنان عليها , اتصل بها : ازيك يا اية.
اية بصوت حزين : الحمد لله , وانت ؟
سيف : الحمد لله , ماللك ؟
اية ما ان سمعت كلامه حتى بكت .
.سيف : يابنتى اهدى تعبتينى , انتى عنيكى دول شلالات ماية !
اية خفت بكائها وقالت : انا اسفة , انى سبب المشكلة بس هو اللى جاللى والله و انا قلتلوا يطلع برا و هو...
قاطعها سيف : انا مش عايز اعرف , بس بعد كده لو كلمك اى كلمة مترديش , ولوحصل حاجة تعالى قولليى يا اية , ينفع ؟
اية :اه , انا اسفة على ترقيتك يا سيف .
سيف بضحك : كله فداكى , بس كويس انا قلت هترفد بعد اللى حصل , بش شفتى خطيبك عضلات بقى وكدة وجامد انا صح ؟
اية بضحكة رقيقة : اه , تسد فى الخناقات .
سحر سيف بضحكتها وقال : طيب يالا بقى , الواحد مش عايز يغضب ربنا على المسا .
اية برقة غير مقصودة : مش فاهمة , انا زعلتك فى حاجة .
ضحك سيف: لا لو مقفلتيش دلوقتى , ربنا هو اللى هيزعل منى , سلام
اغلق معها وتنهد مرتاحا لقدرته على ادخال السرور قلبها من جديد وتوقفها عن البكاء.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx
طرق باب الشقة , فتحت له ليلى , تعجبت مجيئه وكان بيديه بوكيه من الورد .
قال هشام : انا اسف يا طنط , جيت من غير معاد , بس كان ليا كوباية شاى , جيت اشربها .
ضحكت ليلى وقالت : اتفضل يابنى , هناديللك نهال , وعمك محمود كان عايز يشوفك هناديه كمان .
دخل هشام للصالون وجلس ثم دخلت نهال , وقف هشام وقدم لها الورود قائلا : انا كمان اسف , وشقتك هتجيبى فيها اللى انتى عايزاه .
فرحت نهال وشكرته كثيرا واخذت منه الورود واخذت تستنشق الورود وهى فرحة فهذه اول مرة تشعر من هشام ببعض الحب .
قال هشام : لو عارف انك هتفرحى كده , كنت جبتوا من زمان .
جلسا وجائت ليلى : ايوة كده , متخلوش الشيطان يدخل بينكم كده تانى .
قال هشام بحب لا يعرف كيف جائه فجأة : امين يارب , ولا انا ازعلها و هى تزعلنى .
جاء محمود وجلس معهم اخذوا يتحدثون فى شتى امور الحياة , وكانت ليلة سعيدة
كانت نهال فى غاية فرحها واخذت تنظر للورود كل حين وحين .
اما هشام فلايعرف ماذا حدث له ,ولكنه شعر بدقات قلبه عندما رأها , اخذ يسأل نفسه
" احقا انا احبها...................."

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx


يتبع


لامارا غير متواجد حالياً   رد مع اقتباس
قديم 05-10-16, 12:40 AM   #18

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل السادس عشر


عندما يتحقق هدفك فان شعور السعادة الذى يتملكك لا يوصف , اسع الى هدفك بوسيلة مناسبة , وان كانت الوسيلة صعبة فأجعل الوسيلة هى هدفك حتى تحققها , وبعد ان تحققها انتقل الى الهدف ثانيا بوسيلة اكبر, واجعل هدفك نصب عينيك , كلما تصحو وتنام تراه , اجعله واقع لك , وثق ثقة تامة بالله انه سيساعدك على تحقيقه.......
هذا ما فعلته نهال , حلمها ان تصبح مهندسة معمارية وسعت لتحقيقه وجعلته واقع حياتها ....

استيقظت من نومها على رنة صديقتها اية فتحت عليها : ايه يا اية انا نايمة , هكلمك لما اصحى .
اية : نهال النتيجة ظهرت .
اتفضت نهال من مكانها وقالت بتوتر: طب وعملنا ايه ؟
اية : مش عارفة دى مى اتصلت قالتلى انها ظهرت , تعالى نروح نجبها ؟
نهال : طب منجيبها من موقع الجامعة و خلاص .
اية : الموقع مشغول وممل اوى و وانا مش قادرة استحمل يالا, هلبس واعدى عليكى بسرعة .
نهال : طيب ماشى سلام .
اغلقت معها وارتدت ملابسها بسرعة وذهبت مع صديقتهاااااا


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*
اما نحن فنسمع صوت نحيب فذهبنا لنتفقد الوضع فكانت تقى على سريرها ضامة ساقيها لها وتبكى بشدة , هاتفها يعلن عن اتصال , لكنها لا ترد عليه حتى اذا ما جائت رسالة فتحتها وكانت من على ( تقى مبترديش عليا ليه , طمنينى عليكى يا حببتى ) اغلقت الهاتف تماما ورمته بعيدا واخذت تحدث نفسها
" ماذا حدث لى , ماذا حدث لتقى , اعلم جيدا انا ما افعله ليس بالامر الصحيح , من هذا العلى الذى جاء ليغير لى مجرى واسلوب حياتى , ولكنى احبه "
حسمت امرها واتصلت به رد سريعا : تقى , مبترديش ليه ؟
تقى : على احنا لازم نتقابل دلوقتى .
على : خلاص نتقابل فى النادى.
تقى بغضب : انا لا عايزة نادى ولا زفت , قابلنى فى ........
واغلقت بوجهه , اغلق على بتعجب ,
قال له سامى صديقه : ايه يا عم , هى قلبت عليك ولا ايه ؟
رد على بحيرة : مش عارف ملها , محنا كنا كويسين , دى شكلها ناوية تنكد , وانا مش طايق .
سامى بضحك : طب متفكك منها , ولا انت حبتها.
على بضحك : يا عم حبيتها , هى بت ايييه صااااااااروخ , انا بحب سذاجتها جدا , الواحد ممكن يخليها خاتم فى صباعه بكلمتين حلوين .
سامى : ايوه يا عم , الدنيا ماشية معاك اهو , هى ملهاش اخت ؟
على : لا ليها بس مخطوبة , بقللك ايه انا نازل لحسن تقلب عليا , وانا مش ناقص نكد .
نزل سريعا ليرى لماذا تريده هـــــى


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*
كانت تجلس بغرفتها تعرض ملابسها التى اشترتها لوالدتها قائلة : ها يا ماما حلوين , دانا لفيت لف بجد لحد مهلكت .
قالت امل مبتسمة : اه يا حببتى جمال تتهانى فيهم , معلش يابنتى مش بقدر الف معاكى علشان رجلى .
مريم بحنان وهى تقبل يدى والدتها : يا ماما ,ربنا يخليكى على كل اللى بتعمليه معانا , مش محتاجة غير وجودك جمبنا .
قبلتها امل بحنان الام , دخلت عليهم بتول مسرعة : ماما ماما , طنط اسماء بتتصل , عايزة تكلمك .
ذهبت امل للهاتف وردت : السلام عليكم يا مدام اسماء عاملة ايه ؟
اسماء : الحمد لله , بس بلاش مدام دى احنا خلاص بقينا اهل وكمان اصحاب قوليلى يا اسماء بس وانا هقلك يا امل .
ضحكت امل : خلاص يا اسماء ماشى ..
اسماء : طيب احنا عازمينكوا بكرة على الغدا , احنا مشفناش بعض من ايام الخطوبة , وكمان بنتى رجعت من السفر مع جوزها وعايز تتعرف عليكوا .
امل : حمد لله على سلامتها , بس ملوش لزوم التعب ده .
اسماء : لا ازاى , مستنينكوا بكرة ان شاء الله .
ثم اغلقت معها , اسرعت مريم : هاه يا ماما , فيه ايه ؟
امل : دى حماتك عزمانا على الغدا بكره , وبنتها جات من السفر .
مريم بقلق : يووو فرد جديد , انا خايفة لحسن معجبهاش .
امل بحكمة : لازم تكونى واثقة فى نفسك يا مريم , عاملى الناس كلها بما يرضى الله ,اسعى ان يكون ليكى بيت فى الجنة , مش بيت فى كل قلب .
مريم بتفكير : اه صح .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx
" ايه كل ده , وانا قلت احنا العباقرة الوحيدين اللى فكرنا نيجى اسهل "
قالت اية هذه الكلمات وهى ترى امامها حشود من الطلاب امام النتيجة .
ضحكت نهال وقالت : احنا مستحيل ندخل كده .
اية : اه طب هنعمل ايه , متتدخلى يا نهال بالله عليكى ؟
نهال : نعم , دى مجزرة , ادخلى انتى .
اية : بجد , علشان اخرج على المستشفى على طول .
جاء اليهما زميلهما قائلا : السلام عليكم يا بنات , جبتوا النتيجة ؟
نظرت اية ارضا وقالت : لا مش عارفيين خالص .
قال الشاب : اكيد , مش عارف البنات اللى جوه دول دخلوا ازاى كده , انا ممكن اجبهلكوا .
نظرت نهال لايه واسرعت اية : لو مش هنتعبك ياريت .
قال الشاب : لا ولا تعب ولا حاجة , انتو اية , ونهال ايه ؟
اعطتته نهال اسمائهم كاملة , فذهب , قالت نهال : ياه اخيرا , ربنا يكرمه يارب دنيا واخرة .
ضجكت اية : ايه شغل الشحاته ده ’ بس انا عارفاه ده ولد دحيح وشاطر اسمه كان خالد اه .
نهال : يارب يارب خير .
جاء اليهما خالد ومعه ورقتين اعطاهما لهما , فتحتهما نهال واية على الفور . هتفتت نهال فرحة : امتياز ,امتياز الحمد لله يارب , اللهم لك الحمد حمدا كثيرا.
قالت اية : مبروووووووووك يا بت يا نهال , انا جبت جيد جدا .
نهال بفرحة : الله يبارك فيكى يا حببتى , مبروك ليكى انتى كمان .
اية : الله يبارك فيكى .
خالد : مبرووك ليكوا .
نهال بخجل : الله يبارك فيك , وانت عملت ايه يا بشمهندس ؟
خالد :الحمد لله امتياز .
نهال : مبروك.
خالد : الله يبارك فيكى , على فكرة يا بشمهندسة بعد فترة كده , فى مجلس الجامعة وهيحددوا فيه كام واحد هيتعين معيد , وانا على حسب ماعرف انك الاربع سنين الاخيرة كلو امتياز .
نهال بفرح : بجد يعنى ممكن اتعين.
خالد : اه طبعا ممكن , بعد اذنكم.
تركهم وذهب قالت اية فرحة : ايوه بقى يا نهال هتتعيينى وتلاقى شغل فى ثوانى وانا قعدت ادور قد كده
نهال بفرحة : يا رب يجد نفسى اوى اتعين .
اية : ان شاء الله , انتى تعبتى كتير وربنا هيجازيكى خير .
نهال : اخ انا مقلتش لهشام انى نازلة , تفتكرى ممكن يزعل .
اية : وانا كمان مقلتش لسيف تفتكرى هيزعل .
نهال : سيف ده اكيد هيزعل استلقى وعدك .
اتصلت اية بسيف لم يجب وذهبتا لمنزلهما سعيدتين


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx*
دخل الى المطعم الذى يتقابلوا به وجدها جالسة فذهب عندها وجلس : فى ايه , جايبانى على ملا وشى ليه ؟
تقى : على احنا غلط ومينفعش اللى بينا ده .
على بضيق : يعنى ايه مينفعش ؟
تقى : يعنى انا مش عارفة انام طول الليل علشان موقف امبارح , ده حرام وعيب .
على : دى حاجة خارجة عن ارادتنا يا تقى , انا اسف قلتهاليك مليوون مرة , اغنيهاليك .
تقى بغضب : انت بتهظر , طيب مش احنا بنحب بعض , متيجى تخطبنى .
على بغضب مماثل : اخطب ايه يابنتى دانا لسة معرفتش نتيجة الثانوية العامة , تقوليلى اخطبنى .
تقى بغضب : قصدك ايه من الكلام ده , يعنى كل اللى بينا كدب ؟
علىبصوت هادئ : لا طبعا يا حببتى ,انا قلتلك ادخل الجامعة الاول وبعد كده اخطبك , واحنا متفقين على كده صح ؟
تقى : بس انا مش مرتاحة كده .
على بغضب زائف : قولى بقى انك عايزة تسيبنى يا تقى , نسيتى كل الحب اللى حبتهوليك .
تقى بلين : طيب بص انا موافقة نكمل بس بحدوود يا على .
على بابتسامة خبيثة : طبعا , ممكن بقى نطلب حاجة ناكلها .؟
تقى بابتسامة : اوك .
" بسهولة سيطر على قلبها من جديد "


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*

اخبرت نهال والدتها بنجاحها واحتمالية تعينها معيدة ,فرحت كثيرا وباركت لها واسرعت نهال لتزف الخبر لهشام
اتصلت به قالت نهال : ازيك يا هشام عامل ايه ؟
قال هشام : الحمد لله , وانتى ؟
نهال : الحمد لله , هشام انا جبت النتيجة ونجحت بامتياز .
هشام بحدة : روحتى من غير ما تقوليلى ؟
نهال : معلش انا اتلبخت يا هشام وكنت قلقانة خالص , انا عارفة انى غلطانة .
هشام بلين : خلاص محصلش حاجة .
نهال : طب ايه , مفيش مبروووك .
هشام بابتسامة : مبرووووك يا نهال يارب من نجاح لتانى .
نهال بفرحة : الله يبارك فيك , وفى احتمال انى اتعين موعيدة .
صمت هشام ثم قال : طب كويس . نهال حددى مع مامتك معاد علشان نجيب بقيت العفش ؟
نهال : خلاص ماشى
اغلق معها , فكرت نهال لماذا لم يفرح لقرار احتمال تعيينها , ثم تناست الامر واخذت تتخيل شكلها وهى معيدة
وتسرح بأحلامها بعــــــــــــــــــيدا حيث التعيين والزوووواج


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx
بعد ان انهى عمله رأى انها اتصلت به , فاتصل بها فورا .
ردت اية: السلام عليكم يا سيف .
سيف بأنفعال : وعليكم السلام يا اية , مجتيش النهاردة الشغل ليه , اتصلت بيكى مرفوع من الخدمة , عرفت من اخوكى انك رحتى الجامعة .
اية بتوتر: مهو انا كنت جاية بس صحبتى قالتلى ان النتيجة طلعت , مقدرتش اصبر فرحت شفتها مع نهال .
سيف بغضب : ومقلتليش يا اية , ناسية الطرطور اللى اسمه خطيبك .
اية : ممكن تهدى , علشان اعرف اتكلم .
صمت سيف ثم قال : هديت , عايزة تقولى ايه ؟
اية :انا فعلا كنت قلقانة , فنزلت مع نهال على طول , وكمان لازم تعذرنى انا مش متعودا انى اقول تحركاتى لحد غير يوسف .
سيف : خلاص يا اية ماشى , المهم عملتى ايه ؟
اية بفرحة : جبت جيد جدا .
سيف : مبروووك يا بشمهندسة , انا كمان عندى خبر حلو ,المدير اخيرا رقانى بقيت المدير المالى للشركة .
اية بفرحة : بجد مبرروك . دانت معزتك عنده كبيرة بقى .
سيف : اه , الحمد لله , ونهال عملت ايه ؟
اية بفرحة : جابت امتياز , وخالد قال انو احتمال كبير تتعين معيدة .
سيف بحدة : وخالد مين ده ان شاء الله .
اية : يعنى هو ده اللى همك يا سيف , بقللك جابت امتياز .
سيف : ماشى الف الف مبرووك , بس بردوا مين خالد ده ؟
اية بضيق : ده واحد زميلنا جابلنا النتيجة كتر خيره , علشان الدنيا كانت زحمة اوى .
سيف : وانتوا بقى وقفتوا معاه .
اية : ده زميلنا يا سيف ومحصلش حاجة , انت بتأفور كده ليه ؟
سيف : انا بأفور , منتى لو كنتى قلتيلى , كنت رحت جبتهولكوا بدل من الغريب .
اية : يا سيف خلاص بقى .
سيف : ماشى يا اية , سلام .
اية : يا سيف اصبر بس . متزعلش اسفة .
سيف : خلاص يا اية بجد , بس انا مبحبش اكون اخر من يعلم .
اية : خلاص حاضر , انا داخلة احضر الاكل عايز حاجة ؟
سيف : لا ربنا يخليكى , سلام .
اغلقا مع بعض . وذهبت اية لتحضر الطعام وهى تفكر كيف تجعل سيف يقلل من غيرته .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx
مر اليوم وحضرت مريم نفسها واشترت هدية و مر اياد ليأخذهم معه
وصلوا للبيت وكانت فيلا ضخمة بحديقة جميلة.
وبعد السلامات جلسوا , دخلت اخت اياد ريهام وسلملت عليهم وقالت : معلش مقدرتش انزل على كتب الكتاب , كان عماد عنده شغل كتير , وانتو اصلا كل حاجة جت فجأة اوى .
نظرت مريم لوالدتها فأسرع اياد قائلا : انا اللى استعجلت يا ريهام , معلش تبقى تحضرى الفرح ان شاء الله .
تمتت ريهام وهى تنظر لمريم من رأسها لاخمص قدميها : ان شاء الله .
ذهبت لوالدتها بالمطبخ قائلة : ايه يا ماما ده , شكلها مش من مستوانا خالص , هو اياد ملقاش غير دى .
قالت اسماء بضيق : مالها دى يا ريهام , مش انسانة زينا , هو احنا من امتى بنبص على الفروق دى .
ريها بسأم : بس دى شكلها لوكل اوى , لبسها واسع ومبهدل , ومامتها كده لابسة عباية , ده عماد جوزى لما يشوفهم هيقول ايه ؟
دخل اياد وسمع الجملة الاخيرة وقال بغضب : مريم مراتى وعجبانى يا ريهام , ومامتها ست متتخيرش عن امى , وعماد جوزك ميخصوش حاجة زى دى , اللى برة دول عيلتى انا ومسمحلكيش تتكلمى عليهم كده .
ريهام بتوتر: مش قصدى يا اياد فى ايه , خلاص .
ثم تركته وهى تتمتم " هى سحراله دى ولا ايه "
.على طاولة الطعام كان الجميع يجلس وعماد ينظر لهم بتعجب
قال عادل : نورتونا والله يا مدام امل .
امل : بنورك يا استاذ عادل , تعبتوا نفسكوا والله .
اقال اياد : ولا تعب ولا حاجة يا امى .
قالت مريم بخجل : تسلم ايديكى يا طنط , الاكل جميل .
قالت اسماء : الله يسلمك يا حببتى , بس هو انتى بتاكلى حاجة .
مريم : اه باكل اهو طبعا .
قالت ريهام : وياترى بتعرفى تتطبخ يا مريم بقى , ولا هتخلى اياد يقضيها دليفرى .
نظر لها اياد بغضب , صمتت مريم وقالت بتول : اه يا طنط , دى مريم بتعمل اكل عمر ما حد يعرف يعمل زيه .
ضحك الجميع عليها قال عماد : وانتو ناوين الفرح امتى يا اياد ؟
قال اياد : بعد خمس شهور ان شاء الله , احنا بنشطب الشقة اهو وهانت .
قالت ريهام بأستنكار : ايه ده يا اياد هتسكنوا فى شقة , مش جايب فيلا ليه , شقة دى مش من مستوانا , دانا و عماد لفينا لحد منلاقى فلتنا.
نظرت لها مريم بضيق , قال اياد : ملهاش لازمة , هى شقة تكفينا وخلاص ,
ثم نظر لمريم وقال بمرح : حتى لو عشة مع مريم موافق .
ضحك الجميع وخجلت مريم وقال عماد بتفحصا خجلها : بتعرف تختار يا ابن عمى .
نظر له كلا من اياد وريهام بضيق وخجلت مريم كثيرا .

ومضى اليوم
((وبعد مرورر خمس اشهر ))

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx*
يتبع


ملاحظة : الكلام فى اول البارت مقتبس من دكتور التنمية البشرية د\ احمد عمارة


لامارا غير متواجد حالياً   رد مع اقتباس
قديم 05-10-16, 12:50 AM   #19

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل السابع عشر

الحياة تمر على كل انسان بطريقة مختلفة .... فهى تمر على بعضهم عبثا ........ وتمر على الاخرين بفائدة ..........
لقد علمونا ان الساعة ستون دقيقة....
وان الدقيقة ستون ثانية .....
ولم يعلمونا ان الثانية فى ذكر الله ......تساوى الدنيا وما فيها ...
مرت خمسة اشهر تحمل اجازة نهاية العام كاملة , و ظهرت نتيجة وتنسيق تقى و ودخلت كلية طب الاسنان التى تحلم بها , اما كل من العروسين نهال ومريم فكل منهما كانت تجهز لانهاء شقتهما لتصبح على اكمل وجه , نهال تعينت معيدة بالجامعة , و اياد كان يساعد مريم , ويحضر معها الاثاث , وكان مشغولا ايضا فى عمله .
اما هشام فكان لا يهتم بهذه الاشياء , حينما تتطلب منه نهال ان يخرجا معا ومع والدتهما لشراء بعض الاشياء يتحجج انه مشغول لهذه التفاهات .
سيف واية كانت حياتهما روتينية لا تخلو من غيرة سيف الزائدة , او من اهمال اية المتكرر . وبقى على العرسين اسبوع
و عند صباح اول يوم دراسى للعام الجديد ...
استيقظت نهال فى نشاط وارتدت ملابسها بسرعة خائفة ان تتأخر وجهزت حقيبتها واستعدت للذهاب :
ماما ماما , انا نازلة .
اتت ليلى وقبلتها ودعت لها : ربنا يوفقك يا حبتتى , ويبعد عنك ولاد الحرام , وتبقى اشطر دكتورة فى الدنيا .
نهال بتوتر : انا خايفة اوى يا ماما , انا اصلا على رأى سيف بتوتر لما اى ولد يكلمنى , بس لو طالب عندى بيسألنى فى حاجة هعمل ايه ؟
ليلى : اهدى يا بنتى مش كده , انتى لازم تكونى واثقة فى نفسك , هيقولوا عليكى معيدة خايبانة .
ضحكت نهال وقالت : طيب انا هنزل علشان متأخرش , انا سلمت على تقى , كانت لسة هتلبس ابقى شوفيها بقى , سلام .
اسرعت نهال وهى تعدو الطريق خائفة ان تتأخر فى اول يوم لها .
اما ليلى طرقت الباب على تقى قائلة : يالا يا تقى , مش اول يوم تتأخرى يا بنتى .
خرجت تقى من الحجرة مرتدية بنطال ضيق اسود اللون وعليه بلوزة بيضاء وطرحة روز قصيرة .
نظرت لها ليلى وقالت : ايه اللى انتى لابساه ده يا تقى , ادخلى غيريه .
تقى : ليه يا ماما , مفهوش حاجة بقى .
ليلى بغضب : لا البنطلون ضيق ووالبلوزة قصيرة , مش كفاية لبستى العدسات وقلعتى النضارة .
تقى بانفعال : لا يا ماما , انا عجبنى سلام علشان اتأخرت .
وتركتها وفتحت باب الشقة وجدت سيف امامها , فزعت وصرخت صرخة عالية .
قال سيف مزاحا : ايه يا بنتى شفتى عفريت .
قالت تقى : خضتنى يا سيف .
سيف : سلامتك من الخضة يا ختى , يالا انا هوصللك .
تقى بتوتر : توصلنى فين .
سيف : للجامعة اكيد , انا وصلت نهال اول يوم ليها , وهوصللك .
تقى بتوتر وقد تذكرت انها مواعدة على ان يوصلها الى الجامعة كما يريد : لا ملهاش لازمة علشان متتأخرش على شغللك .
سيف : لا هوصللك قلت . ثم لاحظ ملابسها فتفصحها من رأسها لاخمص قدميها وقال بغضب : وده ايه ده ان شاء الله .؟
نظرت ليلى لتقى وابتسمت بنصر .
قال سيف بغضب موجها كلامه لليلى : انتى ازاى يا طنط هتنزليها كده .
قالت ليلى : انا زعقتلها بس هى مش راضية .
قالت تقى بتوتر : انا مش عيلة يا سيف , هو ايه اللى زعقتلها وكده , انا حرة , انا لازم اعيش سنى بقى .
سيف بأنفعال : لا عيلة , وطول عمرك فى نظرى عيلة , وهتسمعى الكلام , وانتى ايه اللى جددد بقى خلاكى لازم تعيشى سنك بلبسك ده ؟
تقى بصوت منخفض : مفيش حجاة جددت انا بلبس كده دايما .
انفعل سيف وقال : نعم دايما . ثم كظم غيظه وقال : تقى , انتى كده هتتأخرى , دقيقة تكونى غيرتى اللى لابساه ده , انا مستنيكى .
دبدبت تقى قدميها على الارض معلنة غضبها لكنها رضخت لكلامه فهو وعمها هما المسئولان عليها منذ وفاة ولادها , ذهبت وارتدت سروال واسع ,( ما يسمى بسروال علاء الدين ) على نفس البلوزة .
اما سيف فقال لليلى : تقى ايه اللى غيرها يا طنط ؟
ليلى : علمى علمك يابنى , معرفش مالها .
جائت تقى وقفت بغضب وهى تقول : حلو كدة .
نظر لها سيف وابتسم قائلا ليغيظها : اه , ماشى حالو , يلا قدامى .
نظرت له تقى بغضب واسرعت امامه وبعثت برسالة لعلى تخبره انها لن تذهب معه .
اوقفا سيارة اجرة واوصلها ثم نزل معها عند باب الجامعة
مزح معها : اول واخر مرة اوصلك بتاكسى بيتى هيتخرب كده .
ضحكت تقى وقالت : مش انت الى اصريت .
قال سيف بجدية : تقى انا مبفرضش عليكى حاجة , بس انتى لو نزلتى كده الجامعة كلها هتتفرج عليكى , شوفى كمية الذنوب اللى هتاخديها سواء لما الولاد يبصوا عليكى , او حتى البنات اللى غيريك يعجبهم شكللك او ستاي لبسك ويحبوا يقلدوكى و كل مرة هيلبسوا زيك , هتاخدى انتى ذنب زيهم بالظبط علشان شجعتيهم على كده , غير كده انتى ترضى تقفى بين ايدين ربنا وتصلى كده .
سرحت تقى بكلامه وعند قوله عن صلاتها دمعت عيناها وقالت : انا بقيت مش منتظمة فى الصلاة , بصلى فرض وعشرة لا .
نظر لها سيف محاولا ان يعرف ماذا اصابها لتبتعد عن ربها بهذا الشكل وقال : احنا لينا كلام مع بعض كتير , يالا ادخلى دلوقتى , اتوضى وصلى فى مسجد الجامعة , واختارى اصحابك قبل ما تصحبيهم .ثم تابع سيف وصاياه فقالت تقى فى ضيق : خلاص يا سيف انا زهقت , انا همشى بقى .
اومأ سيف لها ان تغادر فغادرت سريعا , اما هو فتمتم لها بالدعاء.


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx
اما نهال عندما وصلت , ذهبت لعميد الجامعة وكانت قد وصلت باكرا ,اخذت جدول محاضرتها ,وجلست تقرأ القراءن حتى تهدأ من روعها
حان الوقت ودخلت اول محاضرتها عرفت الطلاب بنفسها ولم تعرف من اين جائت لها هذه الجرأه , اخذت تشرح بكل سلاسة , وتناست توترها تمام .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx
دخلت تقى الجامعة و هى غاضبة , جائت يارة وسلمت عليها وقالت : عاملة ايه يا بت , من ساعة اخر خروجة مشفتكيش.
قالت تقى : الحمد لله , تمام , انتى فى كلية ايه .
يارة : كلية تجارة , وانتى ؟
تقى : اسنان .
يارة : بجد دحيحة دحيحة , طيب بقللك هو مين الموز اللى وصللك ده بره ده , انتى فكستى للواد على ولا ايه ؟
نظرت لها تقى باستنكار : موز , الكلمة دى مقرفة اوى على فكرة .
قالت يارة وهى تكتم غيظها : مقرفة , ما عالينا , مين هو بقى ؟
قالت تقى: ده ابن عمى .
يارة : هو انتو مأنتمين , بس شاكلو كبير .
قالت تقى : مأنتمين ايه يا بنتى , اخويا فى الرضاعة .
يارة بفررح : طب متعرفينى عليه , دانا زى اختك ؟
قالت تقى وهى تضحك : لا هو مش من النوع ده خالص , وكمان خاطب ريحى نفسك .
انقلب وجه يارة وقالت : خاطب , بس شاكله عسول اوى .
قالت تقى : اه هو عسول , بس كل شوية متلبسيش ده , واعملى كده , ده ادانى كمية نصايح , جووه اقديم اوى .
يارة بأعجاب : يا شيخة , كتك نيلة , هو حد لاقى , انا همشى علشان الحق الشلة بتاندينى .
قالت تقى : وانا اتأخرت اوى يالا سلام .
وغادرت لمحاضرتها سريعا...


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx
ذهب سيف لعمله متأخرا وبدأ فى العمل , حتى اتى معاد الاستراحة , اتت له اية قائلة بأنفعال: سيف العميل الجديد كان طالب design عملتها وبعتها زى ما مستر احمد قال , بس بعتهالنا تانى قال التكلفة كده هتكتر , وانا طالبها بتكلفة اقل , انا مش عارف اعمل ايه بقى انا تعبت .
قال سيف مهدئا ايها : طب اهدى كده , وقعدى فهمينى كل حاجة .
جلست اية وشرحت له الوضع , فكر سيف وقدم لها الحل ان تغير فى التصميم بعضالاشياء الزائدة لتقل التكلفة .
قالت اية : بس انا خايفة التصميم يبوز كده .
قال سيف : متقلقيش مش هيبوظ.
قالت اية : طيب سيف , انا نازلة اجيب فستان لفرح نهال النهاردة .
رد سيف : نازلة لوحدك.
اية : لا مع منى صحبتى اللى فى المكتب .
سيف : خلاص ماشى , اية , طب واحنا مش هنشترى لينا احنا كمان , ولا انتى استحليتى الخطوبة .
اية بضحك : اه استحليتها .
قال سيف جادا : انا بتكلم بجد , احنا مش هنتجوز احنا بقالنا 6 شهور مخطوبين .
قالت اية : يا سيف لسة بدرى , وكمان انا مينفعش اتجوز واسيب يوسف , انا اللى بطبخله , والللى بقعد معاه وهو بيذاكر , هسيب ده كله لمين .
قال سيف منفعلا بصوت مننخفض : كله يوسف والشغل والبيت , يوسف والشغل و البيت , وانا اتفلق , هو انا بقى هستنى سبع سنين لحد ما يوسف يتخرج ولا ايه ؟
قالت اية بغضب : معرفش يا سيف , بس انا مش هسيب اخويا بطوله فى البيت , وكمان انا بشتغل عشانه اصلا وعشانا يعنى مش بلعب .
قال سيف بغضب : قلتلك سيبى الشغل .
اية بعند : لا انا بحب شغلى .
قال سيف بغضب : خلاص متسبهوش , بس متهتميش بشغلك على حسابى انا .
وتركها وغادر , جلست اية تفكر فى غضب وجدت امامها شهاب يضحك ويقول : زى العسل وانتو بتتخانقوا .
قالت اية بغصب : هى نقصاك .وتركته وذهبت لمكتبها , وهو يضحك عاليا كضحكة الاشرار فى الافلام.


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx*
انهت عملها بالشركة , وكانت قد اتفقت ان يمر عليها اياد ليشتروا اثاث الصالة وهو اخر ما تبقى لشراءه , وجدت السيارة وبها امه بجانبه واخته بالخلف تعجبت لحضورها
سلمت عليهم صم ججلست بجانب ريهام بالخلف قالت اسماء : هنعدى على مامتك يا مريم دلوقتى.
قالت مريم : هى مكنتش قادرة تيجى يا طنط .
قالت اسماء : لا اتصلت اقنعتها , بتول عند جارتها , وهى هتيجى معانا .
مروا واحضروا امل وذهبوا لاحدى المجامع التجارية وكان يشاهدون الاثاث , كانت مريم واقفة امام (انتريه ) . وقد اعجبها كثيرا .
اتى اياد بجانبه وقال : ايه عجبك ؟
اومأت مريم رأسها وهى تتخيله بشقتها .
قال اياد : نشتريه ؟
نظرت مريم للسعر وجدت انه غالى الثمن قالت : لا لا ده غالى اوى , تعالى نشوف واحد تانى .
قال اياد: لا مش اوى , وكمان مش عجبك هنشتريه .
قالت مريم : اياد بجد هزعل , تعالى ندور على حاجة تانى .
اياد بتصميم : لا انا اللى هزعل لو مجبنهوش, انا كمان عجبنى .
ثم تركها ليذهب ليدفع ثمنه .
جائت بقربها ريهام الت شاهدت الموقف وقالت : انتريه مكنتيش تحلمى بيه بحياتك .
نظرت لها مريم بضيق ولم ترد .
قالت ريهام بانفعال : متردى عليا , هو انا هوا .
قالت مريم : عايزنى ارد اقول ايه .!!
قالت ريهام : لا مترديش , مش عارفة اياد بقى زوقه وحش كده ليه .
وتركتها وغادرت , نظرت لها مريم و تجاهلت امرها وذهبت لترى والدتها اياه .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx*
انهت نهال محاضرتها و وجدت هشام منتظرها بالجامعة . توجهت له وقالت : ازيك , انت بتعمل ايه هنا ؟
هشام بهدوء ك خلصت وعديت عليكى , يالا علشان نشترى الغسالة , مش هى دى اللى باقية ؟
قالت نهال بتعجب : اه هى اللى باقية , وكام حاجة صغيرة يعنى , بس غريبة انت مبتجيش معايا وانا بشترى اشمعنى جاى دلوقتى ؟
قال هشام بغضب : يعنى مجيش مش نافع , اجى مش نافع , انتى ميعجبكيش العجب .
قالت نهال : فى ايه لكل ده يعنى , مكنش سؤال .
قال هشام : طيب يالا خلصينى .
قالت نهال وهى تمشى جواره : طيب يالا نعدى على ماما الاول .
قال بغضب : وه انا كنت اتجوزتك انتى وامك , هو ايه اللى ماما ماما .
قال نهال بغضب : يا هشام اصلا مينفعش امشى معاك علشان انت متحليليش , وكمان كفاية زعيق على الفاضى , انا بقيت معيدة هنا يعنى لو شافن اى طالب من طلابى شكلى مش حلو .
نظر لها هشام بغيظ : طلابى , وبرستيجيك يضيع , وكلام فاضى , نهال انا سايب شغلى وجاى معاكى , متنكديش عليا , مش ناقص .
مشت نهال بغيظ جانبه وهى تقول : كتر خيرك .
ذهبا معا ومعها ليلى واحضرا ما يريدان , وكانت نهال تتقى غضبه دائما .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
انهت محاضرتها واخذت جدولها وكانت تغادر اصتدمت باحد ما واوقعت اوراقها . انحنى الشاب واعطاهم اليها قائلا : اتفضلى , وبعد كده يا انسة.. , ثم رأها فعرفها على التو فهى حب طفولته الذى نمى بداخله , ولكنه يخفيه على الناس جميعا قال متعجبا : تقى ؟!!.
نظرت له تقى بتعجب وقالت : يوسف ؟؟


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxx
يتبع



لامارا غير متواجد حالياً   رد مع اقتباس
قديم 05-10-16, 12:50 AM   #20

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل الثامن عشر

الزواج قرار مصيرى , لا نقرره بين يوم وليلة , بل نعيد التفكير مرارا وتكرارا فيه , واذا فكرنا فى التراجع , يجب الا يردعنا الوقت او اى عامل اخر , لم تفكر نهال فى ذللك , ولكنها فكرت فى هشام كثيرا وهى تجلس بغرفتها محتضنة وسادتها وتسيل دموعها فى هدوء وهى تفكر بهشام
اهى اخطات الاختيار , انها لا تستطيع ان تتكيف مع عيوبه كما قالت قبلا , اذا ستحاول معالجتها , ولكن كيف , فكرت بالتراجع عن امر الزاوج كليا , ولكن بقى اقل من يومين على زواجها , ماذا سيحدث لوالدتها اذا علمت , التحضيرات التى قامت بها , النقود التى دفعتها والدتها وعمها من اجلها , قطع تفكيرها رنة هاتفها وجدته هو الذى دخل على حياتها فجأة , ودق قلبها حبا له , ولكنه دق اكثر تعبا من معاملته ..ولكن هل يحبها هو كما تحبه ...
لم ترد عليه ,اتصل ثانيا وثالثا ردت بهدوء يعكس ما بقلبها من حيرة والم : ايوه يا هشام .
رد هشام بحيرة : وعليكم السلام , مبترديش ليه ؟
نهال بحزن : معلش تعبانة مش قاردة اتكلم .
هشام بانفعال : يبقى تردى تقوليلى , بس متخلنيش اقلق عليكى كده .
نهال بتعجب : انت بجد قلقت .
هشام بتعجب : اه , مقلقلش ليه , خطبتى مبتردش عليا .
نهال بتلقائية : هشام , هوانت بتحبنى ..
صمت هشام , وادركت نهال ما قالته وقالت متوترة: انا اسفة , انا مش عارفة مالى , بس , بس , .... هشام انا بفكر نسيب بعض .
صدم هشام وقال بصوت حزين : قبل فرحنا بيومين عايزة تسبينى .
سالت دموع نهال واجهشت فى البكاء وهى تقول : انا حاسة انى اخترت غلط , انت بتتعصب على اقل حاجة , وانا مش قادرة استحمل , معاملتك ليا غريبة سعات بحسك كويس معايا وسعات بحس انك مغصوب عليا اصلا , مش بحب معاملتك لوالدتك , تدينك قل بعض ما اتخطبنا , كل ده وحجات كتير محيرانى منك جدا .
صمت هشام وهو يستمع لكلامها ويفكر استتركه احقا ستتركه لقد تركته امه قبلا وابيه , انه لا يقدس الحياة الزوجية , ولكن لابد منها , أسيعيش وحيدا
قال هشام بصوت حزين وقلب مجروح : ممكن فعلا تكون فيا كل الحجات دى , بس استحملينى متسبنيش , صلحى عيوبى , طب فكرى فى كل حد حوليكى , متبقيش انانية ,فكرى فى مامتك وفرحتها اللى هتتكسر لما كل حاجة تتلغى , فكرى فى عمك والمصاريف اللى صارفها , ............................ بعد صمت طويل قال : فكرى فيا انا , لو محبتكيش مكنتش هتجوزك ولا ايه .!
صمتت نهال ودق قلبها بسرعة اكبر هذا اعتراف بحبها , حسنا انه اعتراف غير صريح , لكنه اعترف , انا ايضا احبه , توردت وجنتاها وقالت بخجل : طب والحل ؟
قال هشام : الحل اننا ندخل نصلى ركعتين كده , وننسى كل حاجة وحشة , و اى عيب فى حد فينا مش عاجب التانى , يقوله ماشى .
ردت نهال : ماشى .
قال هشام : طيب يلا هقفل انا , متتعبيش شغللك , انا عايزك قمر فى الفرح ان شاء الله .
خجلت نهال واغلقت معه وذهبت لتصلى داعية الله ان يهدى لها خطيبها ....


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx
كان فى غرفته ممسكا بيده كتاب يقرأه بعينه ولكن تركيزه كله متجها لها تذكرمن اربع ايام عندما قابلها فى الجامعة . رجع بذاكرته
"وكانت تغادر اصتدمت باحد ما واوقعت اوراقها . انحنى الشاب واعطاهم اليها قائلا : اتفضلى , وبعد كده يا انسة.. , ثم رأها فعرفها على التو فهى حب طفولته الذى نمى بداخله , ولكنه يخفيه على الناس جميعا قال متعجبا : تقى ؟!!.
نظرت له تقى بتعجب وقالت : يوسف ؟؟
قال يوسف : انتى دخلتى كلية ايه ؟
قالت تقى : اسنان , وانت بتعمل ايه هنا ؟
قال يوسف بفرح :انا دخلت اسنان بردوا , مجبتش مجموع طب .
قالت تقى بضحكة رقيقة : زمايل يعنى طيب مصلحة ليا , لو عوزت تشرحلى حاجة , انت طول عمرك دحيح .
سرح يوسف فى ضحكتها ثم افاق وقال متوترا وهو يعيطها الاوراق : اتفضلى ورقك .
تقى : شكرا . سلام انا دلوقتى . اشوفك بعدين . "
رجع للواقع , كم يتمنى فى وقته هذا ان لا تفهم تقى اى شئ حتى يشرحه لها , كم يفرح لرؤيتها سعيدة .......


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxx
مر اليومين فى سرعة البرق ,وجاء يوم العرس لا معذرة العرسيــــن ........
كانت عند مصففة الشعر تضع لها اللمسات النهائية , بعد ان انتهت نظرت لنفسها بالمرآة , كانت فى غاية البساطة والجمال ترتدى فستان زفافها الابيض وطرحة بيضاء جميلة وتضع القليل من مستحضرت التجميل كما طلب منها اياد , نظرت لوالدتها وحماتها التى ما ان رائتها حتى اطلقت زغروطة عالية واخذتها امل فى حضنها الذى طال وطالت مع دموع الاثنتين , قالت اسماء : لا ده كده المكياج هيبوظ خالص .
ضحكت المصففة وقالت : هى الانسة حطت حاجة خالص , متخافيش.
اسماء بمزاح : يالا يا امل خلاص مبقتش بنتك لوحدى , سيبينى اسلم عليها انا .
ابتعدت امل وسلمت عليها اسماء وقالت بفرحة : زى القمر مبرروك يا مرات ابنى يا حببتى.
قالت مريم : ربنا يخليكى يا طنط , انتى احلى .
قالت اسماء : ريهام , مش هتسلمى على عروسة اخوكى .
ريهام : اه طبعا . ثم سلمت عليها ببرود .
قالت بتول : مريومة انتى هتعجبى ايوده اوى .
سمعوا ابواق السيارت تهتف معلنة قدوم العريس الذى سيتوج امرأة على عرشه .
دخل اياد , ورأئها , ابتسم لها ابتسامة جذابة اظهرت نغزتيه . قابلته مريم بأبتسامة خجلة , توجه لها وقال : بصى احنا مش هنتكلم دلوقتى , لينا بيت نتكلم فيه .خجلت مريم , ابتسم لها ثانيا واخذها بيديه , وخرجا مع بعض , على اصوات الزغاريط , متوجهيين للقاعة بأحد النوادى .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx
على الجانب الاخر نفس الاحداث بأختلاف الشخصيات ..
عروسة اخرى عند مصففة الشعر ايضا تنتظر مجئ عريسها فى توتر ملحوظ وهى تقضم اظافرها .
ضربتها اية على يديها قائلة : يا بت اهدى بقى , ضوافرك باظت , يا خسارة الباديكير .
ضحكت نهال وقالت : يا بختك منتى مش حاسة بحاجة , انا اللى خلانى افكر اتجوز اصلا منا قاعدة فى بيت امى كويسة .
ضحك الجميع , قالت سهير بضحك : ايه يا ليلى . انتى منصحتيش بنتك ولا ايه .
ضحكت ليلى وقالت : امبارح قاعدين ساعتين قاعدة بكلم فيها , وبنصحها , شوية تسمع , وشوية تبرق, اخرتها مشيت وسابتنى .
ضحك الجميع وخجلت نهال.
قالت سعاد والدة هشام : ياختى النهاردة كسوف بكرة تتعود .
قالت تقى : سيبك انتى يا ماما , نهال شكلها عسول اوى .
وابتسمت نهال وقالت : ربنا يخليكى يا توتا , هو هشام اتأخر كده ليه ؟.
اية : كلمت سيف بيقول جايين اهو, سيف بيرن اتلاقيهم بره , انا طالعاله بقى لحسن يزعقلى .
خرجت اية لسيف وكان معه يوسف وكانت ترتدى فستان ازرق اللون , واسع وعليه طرحة فضية من نفس لون نقشة الفيونكة .
قالت : ازيكم .
اطلق يوسف صفيرا وقال : زى القمر يا بت يا اية .
قال له سيف مازحا : لا انا كده اغير .
نظرت له اية وقالت : انت جبت جرافته لون الفستان بتاعى , عرفت منين لونه .
ضحك سيف وقال : منا قلت انى اتعصبت عليكى حبيتين تلاته , وده فرح اختى مش عايز اكون زعلان من خطبتى , فقلت اصالحك مع الواد يوسف , انا عارف البنات بتحب الحجات اللى ملهاش لازمة دى .
نظرت له ايه بغيظ : مكنتش تعملها بدال ملهاش لازمة .
قال سيف : لا عادى اتنازلت وعملتها , ولا ايه يا يوسف .
لم يرد يوسف كان سرحانا بها كانت ترتدى فستان لونه بطيخى , تضايق لانه ضيق قليلا من منطقة الصدر, كانت رقيقة جدا , جائت اليهم وقالت : يالا يا سيف , اركبو العربيات , نهال وهشام طالعين , انتو هتوصلوها انتو صح .
قال سيف : اه , تقى ادخلى طولى الطرحة شوية .
قالت تقى بسأم : ليه يا سيف ماله , مهو حلو اهو .
نظر لها سيف نظرة محذرة فقالت اية لتهدى الامر : تعالى يا تقى معايا اظبطلك الطرحة , يوسف ابقى اركب انت مع عمو محمود.
واخذتها بعيدا ,فرح يوسف لما فعله سيف فانه لا يقدر ان يرى احد ينظر لها اى نظرة , وفرح كثيرا , ستجمعهم نفس السيارة .
اما هشام عندما رأى نهال انبهر بها كأنه اول مرة يراها فيها كانت مختلفة كثيرا عما سبق . خجلها وتوترها ذادها جمالا
مد يد لها وقال : انتى احلى حاجة فى حياتى , يالا بينا.
نظرت نهال ليده بتوتر وقالت : احنا هنكتب كتابنا كمان شوية , بلاش نغضب ربنا دلوقتى .
نظر ليداه فى غيظ ولكنه قال انها من ستحافظ عليه , ابتسم لها وتجواراه حتى ذهبوا للقاعة ..


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxx*
فى احدى النوادى الشهيرة , دخلنا قليلا وجدنا قاعتين متجوارتين , علي كل منهما لافتة صغيرة
الاولى (( هشام & نهال ))...................... الثانية (( اياد & مريم ))
القاعتين يخرج منهما اصوات الدفة والاناشيد الاسلامية وبعض الزغاريط .
دعونا ندخل للقاعة الثانية على احدى الطاولات كان يجلس بجانب زوجته ينظر للعروسين بحسد
قالت ريهام : شايف يا عماد فستانها , باين عليه رخيص اوى .
قال عماد : بس رقيييق اوى , اخوكى ده ناصح عرف ينقى , البت زى القمر .
قالت ريهام بغضب : متلم نفسك يا عماد , دانا حتى جمبك , قمر ايه دى معصعصة كده , اصاحبى كلهم بيقولوى ازاى اخوكى نزل مستواه لواحدة زى دى .
نظر لها عماد : مش كل حاجة مستوايات وفلوس يا ريهام , بصى عليهم كده مبسطوين اد ايه , وبصى علينا واحنا من نفس المستوى الاجتماعى وشايفانا ازاى .
نظرت له ريهام قائلة : انا رايحة يا عماد لاصحابى , لم عنيك شوية , هو انا مش مكفياك .
ضحك عماد قائلا : لا بعد الشر يا حياتى , دانتى تكفى وذيادة .
.اما عند العروسين قال اياد متضايقا : كان نفسى اوى اعمل فرح اسلامى , بس القاعة التانية كانت محجوزة .
قالت مريم : معلش . محصلش حاجة وكمان احنا قاعدين اهو , هو اه الفرح ممل حبيتين تلاتة اربعة , بعد مانت منعت اى رقص بس كده احسن .
ضحك اياد وقال: اكيد , انتى عايزانى اخذ ذنوب الناس دى كلها ليه , وكمان متخافيش دلوقتى البوفيه يفتح , ومش هتلاقى حد قاعد ملان ابداا.
ضحكا معا , تحت نظرات الحقد لعماد وايمان ابنة عم مريم وبعض الاصدقاء , ونظرات الحب والفرح للكثير الكثير .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx
خرجنا تاركين العروسين يضحكا ودخلنا القاعة المجاورة , حسنا لا يوجد اختلاف ايضا , كأنى اعيد نفس الكلام , لا يوجد اى رقص ولكن الزغاريط والاقارب مجتمعة يتصورون معا قد منح المكان حيوية اكثر , غير ممل , كان الكل سعيد حتـــــــــــــــى هشام كان حقا سعيد
ينظر لنهال بحب كم يعشق انه يستطيع ان يقنعها برأيه بسهولة , انها طيبة جدا جدا حسنا هذا كل ما يريده هو , زوجة طيبة غير لئيمة تسمع الكلام , وتتبع قلبها اكثر .
اخذو الكثير الكثير من الصور وتم عقد قرانهما اخيرا و دوى الدعاء ارجاء المكان بارك الله لكما وبارك عليكما وجمع بينكما فى خير .
قلبها يدق كثيرا وهى تزيل عقد زواجهما بأمضائها , اهو فرحا ام خوفا ام مـــــــــاذا
اما تقى كانت تقف وحيدة جاء جانبها فتى لم تعرفه لابد انه من اقارب اعريس تحدث معها قائلة : انا محمد , وانتى؟
ردت تقى : ليه ؟
قال محمد : ليه ايه .
قالت تقى : عايز تعرف ليه ؟
ضحك محمد وقال : عادى يعنى نتعرف ,, واقفة لوحدك , وانا كمان , شكلك زى القمر و, وانا كمان فيه توافق .
نظرت له ماهذا المتعجرف , قبل ان تتحدث حضر بصوته الغاضب : روحى اقفى جمب اختك متسبهاش لوحدها .
لا تعرف لما انصاعت لامره , وذهبت ربما لتتخلص من ذلك المغرور .
صافحه بيدبه بقوه وقال : انا يوسف , هاه , ابقى افتكر اسمى كويس .
وتركه وغادر .


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx*
خرج اياد ومريم اولا متجهين لبيتهما معلنان بدأ حياتهما الزوجية , وما ان تحركت سيارتهما , حتى تلاهما خروج هشام ونهال متوجهين لبيتهما
مع خجل نهال وتورترها الدائم
فى بيت نهال دخلت وقالت بسم الله , وهى خجلة ,جلست , نظر لها هشام فى خبث : متيجى افرجك الشقة .
قالت له نهال بتوتر : لا منا شفتها , وكمان انا جعانة اووى , وكمان يالا نصلى مش هتصلى بيا ولا ايه ؟
ضحك هشام وقال : لا هنصلى , وهناكل كمان , احنا ورانا ايه , طب ادخلى غيرى الفستان والبسى الاسدال واتوضى .
قالت نهال : لا انا نفسى اصلى بفستانى كده , وعاملة حسابى ومتوضية , هغسل وشى بس .
قال هشام : ومالو , انا هدخل اتوضى .
دخل يتوضأ وصلى بها ركعتا السنة الذى وصانا بهم الرسول عليه الصلاة والسلام
انتهوا , نظر لها وقال : حاجة تانى .
قالت بتوتر: اطلع برة ثوانى اغير و ناكل بعد كده .
خرج , وانتظرها , بعد ربع ساعة خرجت له باسدال الصلاة .
نظر لها كان وجهها ملائكى ولكن ما هذا قال لها وهو مغتاظا : لا والله .
نظرت لملابسها بحرج وقالت : الجو برد , يالا ناكل .
وضعت الطعام واكلا معا , كانت تحاول ان تبطأ على قدر استطاعتها , اما هو اكل سريعا وانتظرها حتى انتهت .
قال لها : فيه حاجة تانى ناقصة , كفاية شعرك لللى لسة مش عارف لونه
نظرت له نهال بخجل يصاحبه التوتر : اه , لسه ..
سحبها من يديها قائلا بمزاح : لا مفيش حاجة تانى , تعالى بقى اقللك سر .
ندعونا نتركهما الان ..........


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx
كانت تجلس تنظر للشقة وتتتصور فى كل ارجائها , قال اياد : يا مريم , انا زهقت , بقاللك ساعة بتتصورى فى كل حتة فى الشقة.
ضحكت مريم وهى تصوره وتقول : الله متسبنى براحتى .
قال اياد بمزاح : طب انا عايز انام .
ضحكت مريم : قوم نام .
قال اياد : طب يالا نصلى الاول بعد كده ننام احنا الاتنين يالا .
توضأ كل منهما وكان امامها كانت تنظر له بحب شديد , صوته يهز قلبها هزا , انتهوا , وضع يديه على رأسها
وقال : ((اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه)) .
كانت اعينها تدمع فخرا به هو زوجها وحبيبها .
نظر لها وقال : ايه لازمة الدموع دى دلوقتى , مش وقته نكد خالص ثم غمز لها .
ابتسمت فى خجل وقالت : انا بحبك على فكرة .
قفز اياد فرحا وقال : يا صلاة النبى قلتيها , دانتى مرمطينى يا شيخة , عملت فيها روميو , وعنترة .علشان خاطرك .
قالت مريم : طب يلا برة علشان عايزة انام .
ضحك اياد وقال : برة . يعنى بحبك بعديها برة , ده حتى عيب فى حقى .
حملها وهى تضحك خجلا وتوجه بها لحجرة نومهما
وقد كان ما كان ....


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxxxx*
يتبع



لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:32 AM



Powered by vBulletin®
Copyright ©2000 - 2024, vBulletin Solutions, Inc.