آخر 10 مشاركات
وريف الجوري (الكاتـب : Adella rose - )           »          لا تتحديني (165) للكاتبة: Angela Bissell(ج2 من سلسلة فينسينتي)كاملة+رابط (الكاتـب : Gege86 - )           »          Caitlin Crews - My Bought Virgin Wife (الكاتـب : silvertulip21 - )           »          رافاييل (50) للكاتبة: ساندرا مارتون (الجزء الأول من سلسلة الأخوة أورسيني) .. كاملة.. (الكاتـب : Gege86 - )           »          Kay Thorpe A MAN OF MEANS (الكاتـب : رومنسيات - )           »          Anna DePalo - His Black Sheep Bride (الكاتـب : soul-of-life - )           »          بين الماضي والحب *مميزة و مكتملة* (الكاتـب : lossil - )           »          دين العذراء (158) للكاتبة : Abby Green .. كاملة مع الروابط (الكاتـب : nagwa_ahmed5 - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          541 - ربيع صقلية - سالي وينتورث - ق.ع.د.ن ( تصوير جديد ) (الكاتـب : Gege86 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 02-10-16, 04:23 PM   #21

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




الحلقه { 19 }



منير: لا طبعا هيجو معانا
ابو فارس : لا يابنى خد مراتك وربنا يسعدكم انا مش هسيب بيتى
ام فارس : اه ولا انا
منير : طب والحل ؟
نجوى : هو شغل حلو اوى بجد وفرصه حلوه بس طب تعالو معانا عشان خطرى
ام فارس : مقدرش اسيب بيتى اللى عشت فيه وكمان اختك الهام هنسبها لوحدها هنا يبقى احنا وتقى وفارس وهى لوحدها
ابو فارس : بصى يا بنتى روحى مع منير شوفو حالكم ومستقبلكم ومتشغليش بالك بينا
نجوى : طب وحضرتك انته بتغسل مرتين فى الاسبوع مين هيجيبك ويوديك ومكان شغلى اللى مع سلمى من هنا للبلد عند سلمى ربع ساعه لاكن لو نزلت القاهره مش اقل من ساعه ونص ساعتين
منير : بصى هو فى حل ايه رئيكم كده كده جمعه وسبت اجازه عمى بيغسل السبت تروحى معاه تغسلو وتروحى على سلمى تجيبى منها الحاجه وبعد كده نروح انا وانتى القاهره السبت بليل نقعد هناك حد واتنين وانتى تسافرى الثلاثاء تروحى مع عمى وتروحى لسلمى وترجعى الاربعاء الصبح ويوم الخميس انا ارجع من الشغل نيجى سوى نقضى جمعه وسبت
نجوى : وانته هتقعد هناك لوحدك يوم الثلاثاء ؟
منير : هيكولنى العو يعنى طب هنعمل ايه ؟
ام فارس : وهتفضلو رايحين جايين يا بنى ايه الشحطاته دى ؟
منير: ولا شحطاته ولا حاجه وبعدين من القاهره لبنها ساعه ونص لو حبيتى تروحى من مدينة نصر لحد 6 اكتوبر ممكن تاخدى ساعتين بسبب الزحمه
نجوى : هو حل حلو بس التاكسى هنعمل فيه ايه ؟
ابو فارس : مش انتى عاوزه تجيبى عربيه نقل تعالو نبيع التاكسى وبفلوسو جيبى واحده
نجوى : ايوه يا بابا بس يعنى العربيه دى هتكون بتعتى اروح واجى بيها لاكن التاكسى بتاعنا كلنا
ابو فارس : لا التاكسى ده بتاعى انا وانا حر اديه للى انا عاوزو ، منير تاخد التاكسى شوفلو بيعه خودو يوم الجمعه روحو سوق العربيات وشوفو حاجه كده نقل لنجوى
منير : وهو ياعمى ينفع نجوى تسوق عربيه نقل ؟
نجوى : ايه مانا بعرف اسوق ولا انته بقى تتكسف مراتك تركب عربيه نقل ؟
منير : لا انا مقصدش دانتى تسوقى مدرعه ههههههههه انا مش بتكلم على كده انا بتكلم فى المرور يعنى يقبلو يعملو رخصه لست بعربيه نقل ؟
ابو فارس : اه طبعا دا فى ستات بتسوق تاكسيات وكمان لورى ومكربصات مش هرخصو لنجوى عربيه نقل
نجوى : لا وبعدين انا عاوزه العربيه اللى زى دى بص منها نقل ومنها عربيه عاديه الصندوق بتاعها صغير والكبينه بتاعتها زى العربيه

نجوى : اوك يلا بقى نقوم ننام عشان هنسافر بكرا
منير : هتروحو فين ؟
نجوى : ماما وبابا عاوزين يروحو لتقى
منير : اه ماشى انا كمان وحشتنى والله خلاص نروح بكرا كلنا
ابو فارس : طب مش هتعملو عشا ولا نسيتو ؟
نجوى : ماما بجد انا مش قادره
ام فارس : خلاص هقوم انا



( وتانى يوم الصبح )

ام منير : قومى قومى نايمه على ودانك
سومه : فى ايه يا ماما
ام منير : قومى عندك غسيل
سومه : غسيل غسيل ايه ؟
ام منير: وهو انتى فكره عملتك اللى انتى عملتيها دى انا هعديهالك كده لا انا هعمل فيكى زى ما الحكومه بتعمل فى المساجين
سومه : مش فهمه هتعملى ايه ؟
ام منير: 1 هتمسحى الشقه كل يوم وكل الاوض
2 هتغسلى اى هدوم وغيرات بتاعتى انا وابوكى واخواتك
3 مفيش عيش هنجيبو من باره هنجيب دقيق وهتخبزى فى البيت
4 وبعد ده كلو هتطبخى وبعد ما ناكل تغسلى المواعين
5 الصحيان كل يوم من 6 الصبح والنوم من 9 دانتى هتشوفى ايام سودا معايا
سومه : ليه ياعنى انا كنت عملت ايه ؟
ام منير : بت متخلنيش امسكك احلقلك شعرك ظالبطه ؟
سومه : لا شعرى لا وانبى
ام منير: طب قومى حضرى الفطار عشان ابوكى عشان تلحقى انا وانتى نروح السوق ولما نرجع تغسلى وتطبخى وبعد ما تخلصى تمسحى الشقه
احمد انته صحيت
احمد : اه يا ماما فى حاجه ؟
ام منير: ادخل فوكلى الكمبيوتر ده وداخلو اوضتى انا وابوك
احمد : ليه ؟
ام منير: اختك ليل نهار تتكتك فيه مش بتساعدنى فى شغل البيت انا بقى هعلمك الادب
احمد : حاضر ( داخل احمد وفك الكمبيوتر وداخلو اوضت امو وابوه )
سومه : انتى بتعمليه فيه دا حرام ؟
ام منير : ( واطت عليها وبصوت واطى ) وانتى اللى عملتيه ده مش حرام انا بقى هكفرلك الحرام اللى انتى عملتيه ماشى
قومى يا جازمه اعملى الفطار لاخوكى وابوكى
سومه : طب هدخل الحمام الاول
ام منير: لا هتفضلى مزنوقه انتى اخر واحده هتدخلى الحمام اخوكى داخل وبعد كده ابوكى وبعدهم انا وانتى فى الاخر انجرى يا بت روحى اسلقى البيض
سومه : ( وهى مقهوره ) حاضر
( وشويه ساعه كده كانو كلهم قعدين بيفطرو منير فتح الباب ودخل )
ام منير: ايه ده انته جاى بدرى كده ليه ؟
منير: جاى اقولكم خبر حلو
ابو منير : خير ؟
ام منير : نجوى حامل ؟
منير: لا انا لقيت شغل فى القاهره الحمد لله
ابو منير: الحمد لله بس يابنى هتفضل رايح جاى ؟
منير: لا صاحب الشغل جابلى شقه ايجار هروح انا ونجوى هناك
ابو منير: ربنا معاك يابنى
ام منير : وشغل ايه ده ؟
منير: شركه بتاعت اتصالات بمرتب حلو الحمد لله وكمان جابلى شقه ب 500 جنيه فى الشهر
ام منير : الحمد لله مبروك يابنى
احمد : بس جابلك شقه ب 500 بس دى تلاقيها فى مكان مش حلو
منير : اى مكان يا احمد مش مهم هو قالى فى شارع اسمو مصر والسودان بس فى شارع جانبى والمنطقه هناك حلوه اوى وحياويه
احمد : ربنا يباركلك فيها يا اخويا
منير: شكرا يا حبيبى انا هروح يوم السبت اخر النهار عشان امضى العقد واخد الشقه ويوم الحد هروح الشغل
ام منير: ومش هتجلنا بقى ؟
منير : كل يوم خميس اخر النهار هكون عندك
ام منير : اه زى اخوك راح وقال عدولى
منير : لا انا لما بقول كلمه خلاص
ابو منير: ربنا معاك يابنى
ام منير: قومى اعملى فطار لاخوكى
سومه : حاضر
منير: ايه ده انتى سخنه يا سومه حاضر بتقولى حاضر
ام منير : اه دى باقت مؤدبه
ابومنير : ربنا يهديها
منير : طيب خليكى كولى انا نازل
ام منير: نازل ليه ؟
منير : الشغل يا ماما سلام بقى
هدى : هاااا مش ممكن ايه المفجئه الحلوه دى
ام فارس : وحشتونا ومش بتيجو قولنا نيجى احنا
هدى : شرفتونا والله اتفضلو اتفضل يا عمى انتو جيتو لوحدكم ؟
ابو فارس : لا دا منير هو ونجوى وهما جايين هنا للشغل بتعهم قولنا نيجى نقعد معاكم يوم
هدى : نورت يا عمى انته وماما دى تقى هتفرح اوى
ام فارس : هاتى الواد وحشنى
هدى : اتفضلى روح لتيته
ام فارس : هى تقى فين ؟
هدى : فى المطبخ كنا بنفطر انا داخلت البس وهى بتروق شويت حاجات ؟
ابو فارس : طب قوليلها ان احنا جينا
هدى : حاضر يا عمى تشرب ايه ؟
ابو فارس : لا يا بنتى ولا حاجه
هدى : هعملك نعناع
ام فارس : خودى يا هدى شويت حاجات حطيهم فى الثلاجه والشنطه دى لامك
هدى : كلفتو نفسكم ليه بس
ام فارس : حاجه بسيطه هو انتى كنتى نازله ولا ايه ؟
هدى : اه كنت بلبس بس مش هتئخر 4 العصر هكون هنا
ام فارس : تروحى وتيجى بالسلامه
تقى : ( تقى خارجت من المطبخ ) ماما وبابا ( جريت عليهم وفضلت تبوس وتحضن فيهم )
ابو فارس : وحشتينى اوى
تقى : وانتى كمان اوى يا بابا واحشنى اوى اوى
هدى : طب اسبكم بقى ماشى سلام انا عملت النعناع لحضرتك والشاى ليكى يا ماما انا عارفه انك بتحبى الشاي اتفضلى
ام فارس : لحقتى ؟
هدى : مانا دائما غاليه مايه وحطها فى الترمس عشان هيثم وكمان الوقت
انا نازله بقى سلام
ام فارس : مع السلامه
هدى : ( داخلت عند امها ) ماما ماما اصحى
ام هدى : فى ايه يا قلق ؟
هدى : ام فارس وابو فارس جم من البلد فوقى كده وادخلى سلمى عليهم
ام هدى : وايه جابهم ؟
هدى : عادى عشان تقى وكمان يشوفو الواد وبعدين بصراحه جايبين حاجات قد كده معاهم وكمان اكل كتير
ام هدى : طيب انا معنديش تمرين هبقى اروح اقعد معاهم ؟
هدى : اشمعنى يعنى مفيش تمرين انهاردا ؟
ام هدى : فى ماتش للزمالك انهاردا فا الكبتن لغى التمرين
هدى : اه طيب سلام انامش هتأخر باى
ام هدى : باى
انام شويه وبعد كده ادخل لهم
سليمان : السكان بتشتكى منك يا نجوى
نجوى : ليه ؟
سليمان : مابقتيش تيجى زى الاول 3 ايام بس فى الاسبوع
نجوى : طب خود الخبر ده انا قريب اوى مش هشتغل فى الشقق تانى كفايا اوى الحاجات دى وخلاص
سيده : طب ليه ؟
منير: الحمد لله انا لقيت شغل بمرتب حلو وكمان الفراخ والحاجات دى كفايا اوى
سيده : والله يا استاذ منير دى نجوى من ساعت ما جات واشتغلت والسكان شقاقهم بتنور كده بتشف وترف
منير : لا هو كده حلو اوى
نجوى : بقولك ايه هو انا لو جبتلك حد يشتغل فى الشقق بدالى ترضى ؟
سليمان : دانتى تبقى عملتى فيه جميل
نجوى : ماشى هشوف كده
منير : انتى بتفكرى فى ايه ؟
نجوى : بصراحه بفكر افتح مكتب يشغل البنات بشكل قانونى
منير : وهتلاقى بنات ؟
نجوى : هشوف لسه بفكر
سليمان : انوى بس وربنا هيكرمك ولو عاوزه فلوس من 1000 ل 100000
منير: ماشيه معاك يا عم
سليمان : هههه واما بنعمة ربك فاحدث
المهم مش هتطلعى دى مدام شيرين طلباكى بالاسم
منير : ما قولتلك خلاص بقى يلا خود الحاجه ووزعها عشان لسه ورانا مشوار
سليمان : طيب معايا يا سيده
سيده : ماشى



( بعد ما سليمان وسيده وزعو الحاجه على السكان ونزلو )

سليمان : الحساب يا نجوى ودى الطلبات
نجوى : اوك هو ايه معقول الطلبات دى لسكان العماره دى بس ؟
سيده : لا طبعا دول بياخدو لقريبهم لما بيلاقو الحاجه حلوه اللى تجيب لاختها واللى تجيب لامها كده يعنى
سليمان : دا غير السكان فى كام عماره كده ان اعرفهم بيطلبو برضو حاجات
نجوى : اه فهمت
طب ماشى يلا بقى يا منير اه صح معايا حوالى 100 كيلو ذبده بلدى عاوز ؟
سليمان : اه طبعا
نجوى : بس دى غاليا خلى بالك
سليمان : هاتيها انتى بس
نجوى : ماشى
منير : يلا
سلام يا سليمان



( وهما رايحين عند فارس البيت )

منير : تعرفى احلى حاجه فيكى ايه ؟
نجوى : ايه ؟
منير: انك بتسمعى الكلام اقولك مفيش شغل يبقى مفيش شغل
نجوى : حبيبى انا مقدرش اقولك لا بس انا كنت بنزل اشتغل كده عشان بابا والبيت
منير : ان شاء الله المشروع بتاعك يكبر ويكبر وكمان المكتب اللى قولتى عليه فكره حلوه بس هتجيبى بنات منين ؟
نجوى : فى بنات كتير ظروفها وحشه لو وفرتلها الشغل فى اى مكان محترم هتشتغل
منير : لا مش كل الناس بتفكر كده
نجوى : والله انا لسه بفكر وبرضو الحاجات اللى بربيها وابعها حلوه وبتجبلى فلوس حلوه
هو لسه كتير الطريق مالو كده
منير : خروج الموظافين بقى
تيجى نقعد على الكرنيش شويه ؟
منير: تقى وحشانى وكمان الجو حر
منير : هركبك مركب يلا بينا بمناسبت الشغل الجديد
نجوى : ماشى
منير : يلا يا موزتى
نجوى : ايه ده عيب الكلمه دى
منير : لا مش عيب فى القاهره بيقولها عادى
نجوى : بجد ههههه ماشى



( ام فارس وام هدى فى المطبخ بيحضرو الغدا )

ام فارس : ها ياختى لسه ربنا مكرمش احنا داخلين على 45 يوم اهو
ام هدى : لسه والله ما برضو مش اى حد هيجى نرميلو بنتنا
ام فارس : اه طبعا بس يعنى محدش كلمك عليها خالص ؟
ام هدى : لا فى لمحولى بس مش مستوى
ام فارس : المهم يبقى ابن حلال
ام هدى : لا مكنوش ولاد حلال واخلاقهم زفت
ام فارس : لا نبعد عن دول البت غلبانه
ام هدى : مانا بقول كده نهدى كده ونقول يا رب وان شاء الله ربنا يكرمها
ام فارس : يا رب ياختى
اشوفك فى بيت عدلك يا تقى يا بنتى يا رب
ام هدى : يا رب ياختى يا رب وادعى ونبى للزمالك يكسب انهارده
ام فارس : الزمالك اه هيكسب ان شاء الله
ابو فارس : مرات اخوكى بتدايقك ؟
تقى : لا خالص بتعاملنى كويس
ابو فارس : بتعملى حاجه فى البيت ؟ بتتعبى قولى يا تقى متخفش ؟
تقى : لا والله يا بابا انا على طول مش بعمل حاجه بس من كام يوم كده لقيت نفسى زهقانه قمت وضبت الشقه وعملت الاكل
اهو بتسلى وفى الاخر دا بيت اخويا زى بيتى
ابو فارس : ربنا يخليكو لبعض
لو حد دايقك او حاجه لمى حاجتك وارجعى البيت قولى لاخوكى يرجعك
تقى : حاضر هى نجوى مش هتيجى ؟
ابو فارس : زمانها جايه خودى الواد انا تعبت
تقى : ماشى حات اقوم اعملك حاجه تشربها ؟
ابو فارس : لا يا بنتى انا بس عاوز ارتاح شويه
تقى : الاوضه بتعتى اها اتفضل ارتاح فيها
ابو فارس : طيب داخل
ام حمزه : تانى يا حمزه تانى هتقول موضوع ننزل مصر انا هنا مرتاحه
حمزه : بس انا مش مرتاح عشان خطرى نرجع
ام حمزه : يابنى مفيش شغل هناك
حمزه : هفتح شركه انا وبابا ونشتغل
وكمان الشريك الامراتى معانا اللى هنا هيشاركنا وهنشتغل
ام حمزه : دا اخر كلام عندك؟
حمزه : امممممم ها بقى قولتى ايه يا مامتى
ام حمزه : مامتى ههههه اه يا بكاش انته بتضحك عليا على طول
خلاص نرجع بس بشرط
حمزه : اوامر يا مامتى
ام حمزه : نسيب الشقه هنا والشركه كمان وبدل ما نفتح شركه جديده فى مصر لا نفتح فرع تانى للشركه
حمزه : فكره جمده اخر 3 حاجات
اوك اتفقنا
انا هروح احجز التذاكر
ام حمزه : وانا هكلم خالتك عشان تروح تنظف الشقه بتاعتنا زمانها مردومه تراب
بس الاول انته قولت لابوك ؟
حمزه : اه طبعا



( وبليل على الساعه 10 رجع فارس من الشغل )

فارس : ايه ده ايه المفجئه الحلوه دى
نجوى : مردناش نقولك عشان تبقى فجئه حلوه
فارس : اه منك انتى طب قولى كنت جيت بدرى
ابو فارس : احنا جاين نشوف هيثم مش انته
فارس : اه طبعا ما راحت عليا ماشى يا عم هيثم
مالك يا ماما ؟
ام هدى : مفيش ضغطى عالى
منير: ههههههههه
فارس : مالك فى ايه ؟
هدى : عادى يا ماما مزعله نفسك ليه ؟
ام هدى :انتو تسكتو خالص بزات انته
منير: مانا مكنتش اعرف متزعليش منى
فارس : لا يا منير انته كده عملت حاجه كبيره
ام فارس : ولا كبيره ولا حاجه كل ده عشان داخل فى الزمالك 3 اجوان وهو قال هيياااااا بس
ام هدى : الزمالك معملو عمل عشان كده بيخسر انا متاكده
نجوى : اه صح انتى تروحى مع ام منير وروحو فكو العمالين انتى بتاع الزمالك وهى بتاع منير ومحمود هههههههههه
منير: هو انتى مش بتسترى كل ما احكيلك على حاجه ؟
هدى : عادى بقى يا منير احنا اخوات فى بعض
فارس : وانته مين عملك عمل يا منير ؟
منير : ههههههه نجوى
عملالى عمل انى احبها واموت فيها صح يا نوجى ؟
نجوى : امممم صح يا مونى
هدى : طب ما يا نجوى تعملى عمل لفارس ربنا يكرمك هههههه
فارس : زاريفه
تقى : انا عملالكو بقى كريم كرامل هيعجبكم اوى
ام هدى : انا عاوزه قهوه ساده
تقى : بصى الماتش اللى جاى قوليلى وانا هدعلهم
ام هدى : ان شاء الله
فارس : احنا نتعشا الاول وبعد كده نروح ناكل الكريم كرامل


( وبعد ما اتعشو واتكلمو وضحكو كل واحد راح لبيتو )



( وبعداسبوع ظبط حمزه شغلو ونزلو على مصر )

ام حمزه : ها هتعمل ايه انهاردا ؟
حمزه : هروح وزارة الاستثمار عشان اجرئات فتح الفرع الجديد فى مصروكمان اشوف مكان مناسب نعملو للشركه
ابو حمزه : لا انا هروح اشوف مكان روح انته الوزاره
حمزه : حاضر
ام حمزه : طب انا هنزل بقى اشترى حاجات للبيت وكمان اشوف كام حاجه كده عاوزه اجدد اشتراك النادى
ابو حمزه : المهم موبيلك ميتقفلش وكمان تسوقى على مهلك اه احنا مش فى دبى احنا فى مصر ها
ام حمزه : عارفه
وانته يا حموزه خلى بالك من نفسك
حمزه : حاضر يا ماما بعد ازنكم بقى ( وسابهم ونزل )
ام حمزه : ربنا يخليك لينا يا رب
ابو حمزه : هو مكلمكيش تانى فى موضوع البنت اللى كان عاوز يتقدملها ؟
ام حمزه : لا شكلو صرف نظر
ابو حمزه : حمزه كبر ولازم نجوزو بدل ما واحده كده ولا كده تضحك عليه
ام حمزه : انته عاوز واحده تاخدو منى ؟
ابو حمزه : انتى امو لاكن هى هتبقى مراتو
ام حمزه : طيب هشوفلو واحده بس خلى بالك ابنى لازم يسكن معايا
ابو حمزه : قولى يا رب
ام حمزه : يا رب
ام هدى : يا بنتى تعالى اقلعى النقاب ده وتعالى النادى
تقى : لا مش هقلعو
ام هدى :طب هتفضلى لوحدك فى البيت ؟
تقى : طب اعمل ايه افرج نفسى للى رايح واللى جاى عشان اخرج واتفسح لا انا هتفرج على التلفزيون لما تروحى المول خودينى معاكى انا حبيتو
ام هدى : ماشى مش هتئخر على 2 هاجى سلام
تقى : هو هيثم فين ؟ بقالو كتير مش بشوفو ؟
ام هدى : دا فى تركيا عشان شغلو هيجى اخر الشهر
تقى : اوك
ام هدى : سلام
نجوى : اول يوم لينا فى الشقه بكره انا خايفه اوى
منير : ليه دانا فرحان
نجوى : هسيب ماما وبابا
منير: اه وانا وانتى بس نادى حد يحوشك
نجوى : والله انته رايق
المهم فرشتها ازاى ؟
منير: لا ما الشقه مفروشه
نجوى : مفروشه ؟
ازاى يعنى شقه فى مصر والسودان وكمان مفروشه وب 500 جنيه بس ؟
منير : امممم لقته صح ؟
نجوى : اه طبعا
بص انا هقوم اروح مع بابا المستشفى عشان لسه هروح لسلمى
منير: مش انا صحيح لقيت بيعه للتاكسى
نجوى : انا دماغى فيها كذا حاجه دلوقتى روح قول لبابا
منير: ماشى
الكبتن : انتى بقيتى هايله يا بوسى بجد بس لازم شوايت دايت
ام هدى : ان شاء الله يا كبتن
الكبتن : التمرين بعد بكرا ان شاء الله
ام هدى : ان شاء الله
( وسابها الكبتن )
ام هدى : اروح الف التراك مرتين وبعد كده اروح اشرب نسكافيه عشان احرق شويه





( فضلت تلف التراك وبعد كده راحت تشرب النسكافيه )

ام هدى : هااااااااااا مين كنزى ؟
ام حمزه : هااااااا بوسى مش ممكن
ام هدى : ازيك وحشانى انتى جيتى من دبى امته ؟
ام حمزه : من يومين بس وحشانى انتى جيتى من تركيا امته ؟
ام هدى : بقالى شهرين
حموزه اخبارو ايه اتجوز ولا لسه ؟
ام حمزه : لا والله بدورلو هى هدى اتجوزت ؟
ام هدى : الحمد لله ومعها دلوقتى هيثم
ام حمزه : ما شاء الله
حمزه بقى عاوز يتجوز بس انا بقى نفسى كده انقيلو واحده هديه وكلمها قليل ومتربيه ومتدينه واهم حاجه تبقى قمر زى حموزه
ام هدى : كلمها قليل بس طلبك عندى
شوفى دى
ام حمزه : ما شاء الله دى حلوه اوى دى اسمها ايه ؟
ام هدى : دى تقى اخت فارس جوز هدى
بس ايه نسمه وست بيت تجنن وكمان مش بتتكلم خالص
ام حمزه : اه حلوه دى ومتعلمه ؟
ام هدى : اه لسه متخرجه السنادى من كليت الزراعه واليومين دول قاعده عند بنتى عشان بتاخد بالها من هيثم
ام حمزه : تصدقى ارتحتلها بسى هى متدينه بتصلى ؟
ام هدى : دى منقبه
ام حمزه : متزمته يعنى ؟
ام هدى : لالالا خالص دى كمان بتتفرج على التلفزيون وكمان خودى الكبيره بقى
ام حمزه : ايه ؟
ام هدى : زمالكاويها زى حموزه
ام حمزه : بجد طب كويس
ام هدى : بس فيها عيب صغير
ام حمزه : ايه ؟
ام هدى : هى هى مش بتتكلم ومش بتسمع
ام حمزه : "




"
"
" تفتكرو رأى ام حمزه هيبقى ايه ؟



يتبع........






لامارا غير متواجد حالياً   رد مع اقتباس
قديم 02-10-16, 04:24 PM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 20 }


ام هدى : بس فيها عيب صغير
ام حمزه : ايه ؟
ام هدى : هى هى مش بتتكلم ومش بتسمع
ام حمزه : اخص عليكى يا بوسى عاوزه حموزه يتجوز واحده زى دى حموزه يتكلم معها ازاى ولا يفهمها ازاى ؟
ام هدى : لا ما هى عادى بتتكلم وبتفهمو كل حاجه بصى هى لما حد بيكلمها بتبص على شفيفو بتقرا الشفايف ولما بترد بتروح متكلمها بااشاره او بتكتب على الموبيل انا نفسى بقعد بالساعات اتكلم معاها بتكتب على الموبيل
ام حمزه : اه بس برضى يعنى لما تكون بتتكلم احسن وكمان ممكن عيالهم يبقو زيها
ام هدى : لا دى هى اخواتها كويسين جدا دى ليها اخت توئم مقولكيش لسنها ده فرقله تقولى كلمه ترد 1000 مبتسكوتش ولا فارس هدى تعمل كده ولا كده يتفتح فيها وليهم اخت كبيره كمان متجوزه وليها ما شاء الله 4 عيال وزى الفل
وهنروح بعيد ليه عندك هيثم الحمد لله اول ما يسمع صوتى يبقى هيتجنن ويفضل يعمل برجلو وايدو
وبعدين دى مثقفه وبتقرى قصص ومتدينه بصى ده الفيس بتعها شايفه كلو قرءان وادعيه ازاى وكمان قصص وحاجات مسليه والله انا باقيت ادخل اقراء زيها
ام حمزه : طب هو انا انفع اشوفها ؟
ام هدى : بس كده تعالى معايا دلوقتى
ام حمزه : لا مش هقدر انهاردا عشان لسه هعمل الاكل ، اقولك بكره هجيلك مش انتى لسه فى مدينة نصر
ام هدى : اه وهى فى الشقه اللى قدامى فى شقة هدى
ام حمزه : خلاص اتفقنا
بس يعنى بدل هى حلوه كده ومتحمسلها متجوزيها هيثم اخوكى
ام هدى : مانتى عارفه هيثم هو ده بتاع جواز دا طول السنه من هنا لتركيا وكمان الوقت الفاضى من البولنج للاسكواش هو مش فى دماغو الجواز
ام حمزه : اممم طيب بصى انا هعمل استخاره وبكرا هجيلك اشوفها ولو عجبتنى هقول لحموزه
ام هدى : ماشى وانا عشان ماخلهاش تاخد بالها مش هقولها انك جايه تشوفيها كأنك جايه من غير ما اعرف طبيتى فجئه يعنى
ام حمزه : ماشى اتفقنا هاتى موبيلك بقى عشان نتكلم
ام هدى : ماشى
الهام : مبروك يا نوجى الشقه الجديده
نجوى : الله يبارك فيكى عقبال شقة كركر كده
الهام : انتى عاوزه تكبرينى ولا ايه
نجوى : انتى اختنا الكبيره يعنى غصب عننا كلنا انتى الكبيره
الهام : ربنا يكملك بعقلك ايه العقل ده ؟
نجوى : المهم انا جيالك بيتك دلوقتى عشان اوصيكى وانا فى القاهره خليكى مع ماما وبابا انتى عشان اكون مطمنه عليهم
الهام : لا انا مش هروح كفايا اللى ماما عملتو
نجوى : يعنى هى عملت معاكى كده لوحدك ما طلعتلى انانيه وعاوزه اسيطر عليها وكل حاجه وحشه قالتها ورغم كده هى هتفضل امنا
يا الهام هى عاوزه تفرح بتقى وتجوزها
الهام : الله وهو مين بس مش عاوز يجوزها ويفرح بيها
طب اقولك فكرى امبارح كلمنى على واحد صحبو هناك كان عاوز ابعتلو صورتها ولما قولتلو مش معايا وصحبو ده عرف انها منقبه كان هيجى يخطبها بس اول ما عرف موضوع الكلام ده قالو مافيش نصيب
يعنى انا كمان وفكرى نفسنا نفرح بيها برضو
نجوى : كل حاجه بوقتها محدش يعرف ربنا شايل ايه بكرا ودى فى الاخر ماما هتزعلى من امك مش تكبرى عقلك
الهام : ماشى يا نجوى خلاص هبقى اروحلهم كل يوم حاضر
نجوى : والعيال كمان لو حتى عندهم مذاكره ولا حاجه اهو تعالو ذاكرو ههناك بدل ما يفضلو لوحدهم وانا كل خميس هاجى هقعد خميس وجمعه وسبت وكمان يوم الثلاثاء ماشى
الهام : يابنتى دانت تتهدى كده فى الموصلات ؟
نجوى : لا مانا هشترى عربيه نقل عشان كمان الحاجات اللى باجبها وابعها
الهام : وهتجيبى فلوسها منين ؟
نجوى : هبيع التاكسى واشوف حاجه كدا
الهام : التاكسى طب وفلوس التاكسى هتكفى العربيه النقل
نجوى : اهو بقى يا الهام انا لسه بفكر
تامر : هو انا ممكن اقول حاجه يا خالتو ؟
نجوى : طبعا يا حبيبى قول
تامر : العربيه النقل مش هتنفعك اوى المفروض انك تجيبى العربيه اللى بيبقى فيها ثلاجه عشان الاكل اللى بتبعيه بيبقى بارد ومن الحر ممكن يبوظ
الهام : اه صح
نجوى : بس اللى انته بتقول عليها دى غاليا اوى وكمان معرفش بتتباع فين
تامر : اسئلى عمو منير
نجوى : ماشى المهم وانا فى القاهره تخلو بالكم من تيته وجدو فهمين ؟
تامر : انا هروح اسئل عليهم كل يوم ولو جدو عاز حاجه هروح اشتريهالو
نجوى : شطوره يا تموره
انا الحق انزل بقى عشان ورايا كام حاجه كده ولسه هروح عند سلمى
الهام : انتى هتسفرى امته ؟
نجوى : بكرا على 8 كده بليل
الهام : خلاص هاجى اسلم عليكى
نجوى : ماشى يا حببتى سلام



( بعد ما ام هدى رجعت من النادى اخدت تقى يتغدو فى المول ويشترو شويت حاجات )

ام هدى : تقى قوليلى بصراحه انا مش هقولك انا زى ماما اعتبرينى صحبتك
تقى : ( باصتلها باهتمام )
ام هدى : هو انتى لو اتجوزتى هتقدرى تفتحى بيت ؟
هتقدرى تتفهمى مع جوزك ؟
تقى : تقصدى الكلام يعنى ؟
ام هدى : اه هتقدرى تفهميه ؟
تقى : مانا بفهم حضرتك وبفهم اى حد تانى
ام هدى : اه مانا عارفه انا اقصد ااااااااا انتى متقدريش تتكلمى حولتى تتكلمى يطلع صوتك بكلام
تقى : زمان وانا صغيره كنت بحاول اتكلم بس مكنتش بقدر
ام هدى : اممممممم طب مالك زعلتى ليه
المهم يلا عشان الحق اشتريلك هديت نجاحك المره اللى فاتت مكنش معايا فلوس المرادى الشنطه عمرانه هههههههه
تقى : شكرا ربنا يخليكى كفايا انك بتخرجينى
ام هدى : بس انا مش قولت ان احنا اصحاب خلاصى العصير ويلا بينا
نجوى : تمام يا سلمى كده الحساب مظبوط ؟
سلمى : اه الحمد لله
نجوى : جبتى الذبده ؟
سلمى : اه فى التلاجه
نجوى : و 100 كيلو فى الثلاجه ؟
سلمى : لا طبعا انا قسمتهم كل 25 كيلو فى طبق وكل شويه ادخل شويه الثلاجه
نجوى : امممم تعرفى الواد تامر ابن الهام بقولى المفروض اشترى عربيه اللى فيها ثلاجه عشان الحاجات متبظش فى الطريق
محمود : والله الواد ده بيفهم اه صح
نجوى : طب دى اجبها منين ولا بكام ؟
محمود : بصى انا هسئلك انا ليه واحد صاحبى بيشتغل فى العربيات وانتى بقى اختصار للوقت روحى قدمى على الرخصه
نجوى : ماشى اه صحيح انته مش بتروح البلد ليه دى ماما زعلانه منكم اوى
محمود : الشغل انا برجع مهدود وسلمى ليل نهار باره بتلف على الناس
سلمى : مش لازم اتابعهم عشان نعمل حاجه نضيفه ولا ايه يا نجوى
نجوى : صح طب ايدك معايا بقى انته وهى وحطولى الحاجه فى التاكسى انا جبتو معايا باره
سلمى : الله ومنير بيشتغل على ايه ؟
نجوى : لا مش انا بقولك لقى شغل تانى اتملعن على التاكسى
محمود : هقولو
نجوى : مبخفش
ويلا بقى ومتنساش موضوع العربيه ده
ام فارس : ايه يا بنتى اللى انتى جايبه ده كلو
نجوى : شغل يا ماما الحمد لله
ام فارس : الحمد لله وايه دول كمان
نجوى : بصى ده ميزان هنوزن 5 كيلو ذبده ونحطها فى طبق من طبقان الفل ده ونعملها بالسلوفان ده عشان نبعها على طول للسكان بدل ما نوزن هناك لا نبيع على طول
ام فارس : ماشى بس الطبقان دى صغيره ؟
نجوى : لا دى جايبها للبيض اقولك خودى انتى رصى البيض كل 10 بيضات فى طبق واعمليهم فى اسلوفان
ام فارس : ماشى هاتى
( فضلت ام فارس ونجوى يلفو الحاجه وبعد كده داخل منير )
منير : ايه يا نوجى كل ده بتعملى ايه ؟
نجوى : خلاص خلصنا
منير: انا نمت وصحيت وانتى لسه يلا بقى
نجوى : حاضر هكتب على الحاجه وخلاص
منير : طيب انا داخل
ام فارس : روحى شوفى هو عاوز ايه ؟
نجوى : هيعوز ايه اخلص الحاجه الاول 5كيلو السعر 60 جنيه
ام فارس : ايه كتير
نجوى : لا مش كتير دانا مغلفاها
البيظ بقى العدد 10 ب 700 قرش
ام فارس : 7 جنيه ليه كتير
نجوى : كتير ايه مش لازم اطلع بمكسب وكمان لسه سليمان هياخد نسبه وكمان سلمى البيض واقق عليا ب 4 جنيه ال 3 الجنيه اللى انا مذوداهم واحد ليه وواحد لسلمى وواحد لسليمان
ام فارس : انتى ادرى بشغلك يا نجوى
نجوى : انا كده خلاصت هروح بقى اخد دوش والم الشنطه
ام فارس : هتوحشينى يا نجوى
نجوى : وانتى كمان يا ماما بس انا هروح واجلكم كل شويه
اسيبك بقى اه حطى الذبده فى الثلاجه عشان الحر هيسيحها كده
ام فارس : حاضر روحى انتى
فارس : حلوه الحاجات دى بس كتير اوى يا ماما
ام هدى : تقى دى بنتى مش كتير ولا حاجه
هدى : وايه اللى فى الكيس ده
ام هدى : دا مكياج تتصور يا فارس تقى مش عندها مكياج خالص جتلها شويت حاجات كده تبقى بتاعتها
فارس : بس انا ماحبش اختى تحط مكياج
ام هدى : الله مش فى البيت وكمان هى محدش بيشوفها
فارس : عاوزه تحطى مكياج يا تقى ؟
تقى : عادى يا فارس مش فى البيت ؟
فارس : ماشى فى البيت باره البيت لا
ام هدى : شوف كمان البنطلون الاسكين ده هياكل منها تقى حته ؟
فارس : اسكين ؟
ام هدى : اه وبص البادى ده عليه تحفه صح ؟
فارس : لا غلطانه انتى كنتى جبتلها بدلت رقص احسن
تقى متلبسيش الحاجات دى
هدى : الله يا فارس فيها ايه مانا بالبس كده فى البيت عادى
البسى يا تقى وروشى عيشى سنك
ام هدى : اخوكى ده عقد ملكيش داعوه بيه
تقى : فارس البسهم ولا لا لو قولت لا مش هلبس
فارس : ماشى ابسى بس هنا فى البيت باره الشقه لا
ام هدى : ماتقولو انتو بتقولو ايه انا مش فهمه حاجه ؟
هدى : بصى يا ماما بيتهيقلى كده بتستئذنو تلبسهم ولا لا صح يا فارس ؟
فارس : برافو عليكى
ام هدى : اممم وقولتلها ايه بقى يا سى السيد عبد التواب
فارس : قولتلها تلبسهم فى البيت بس باره لا
ام هدى : ماشى
انا داخله انام بقى تصبحو على خير
هدى : طب اتعشى مانا دى تقى طبخالنا انهاردا مكرونه بالبشامل تجنن وانا بسويه والله كنت هدخل الفرن اكولها من ريحتها
تقى : هههههه الحمد لله انته عجبتك وطعمها بقى احلى من ريحتها
فارس : انتى كل اكلك حلو
ام هدى : انا شبعانه دلوقتى ابقو خلولى حته اكولها بكرا
تصبحو على خير




( وثانى يوم راحت نجوى لسليمان اديتو الحاجه وقالتلو بيعها وهتجيلو يوم تانى تاخد منو الحساب وراحت هى ومنير على بيتهم )

منير: اتفضلى يا سندريلا
نجوى : ههههههه خرابى على الدلع
منير: انا ليه غيرك ادلعو يا نوجتى
اخيرا بقى لينا بيت بتعنا لوحدى
تعرفى انا حاسس ان انهاردا اول يوم جواز ليه انا وانتى
نجوى : اومال ال 50 يوم جواز اللى فاتو دول كانو ايه ههههههه
منير : لا دول كانو جواز بس كنت دائما بكون عامل حساب حد يسمعنا او يشوفنا
لاكن دلوقتى انا بقى فى بيتى انا وانتى وبس
نجوى : يا حبيبى يا منير انا بحبك اوى
منير : وانا بموت فيكى
تعالى بقى افرجك على الشقه
زى مانتى شايفه دى الانتريه وهنا السفره
نجوى : واضح على فكره
منير: وده الحمام شايفه فى بانيو كبير
نجوى : اممممم حلو اوى
منير : المطبخ بقى بصى هو صغير بس حلو يعنى
نجوى : اه بس انا لازم اجيب ديب فليزر التلاجه دى صغيره
منير: ومالو نجيب يا روحى
تعالى بقى اوريكى احلى اوضه
نجوى : امممم اللى هى فين ؟
منير : تعالى
ها ايه رئيك
نجوى : حلوه اوى الاوضه بس يا منير كل الشقه دى بالعفش ده ب 500 جنيه بس ؟ ازاى ؟
منير: والله الراجل قالى هشغلك بمرتب حلو وكمان شقه ب 500 جنيه ومفروشه اقولو لا
وافضل اسئلو ليه ؟
نجوى : اصلها غريبه يعنى
منير: اممم فعلا
نجوى : بقولك ايه هو الراجل ده انته واثق فيه ؟
منير: لا انا معرفوش اصلا بس هو قالى انو شغال فى شركه وطلب منى الورق ادتلو الورق بعد كام يوم اتصل بيه وعملولى مقبله واستلمت الشغل
والشقه دى
نجوى : غريبه
اقوم بقى احط الحاجه فى الدولاب
لا بقولك ايه تعالو نفتش الشقه دى حته حته انا قلبى مش مطمن
منير : ليه يا قلق ؟
نجوى : ليكون الراجل ده بيكون يتاجر فى المخدرات ومخبى المخدرات هنا وسكنا فيها عشان قدام الحكومه تبقى الحاجه دى بتاعتنا وحنا اللى نلبسها
منير : ايه انتى هتخوفينى ليه ؟
نجوى : بص تعالى نفتش ونشوف كده لحسن نروح فى داهيه شقه زى دى فى القاهره وفى مصر والسودان ب 500 جنيه لا الموضوع فى ان

( فضلو يدورو يدورو والحمد لله ملقوش حاجه )

منير : مفيش حاجه يا نجوى
نجوى : الواحد كده ينام وهو مرتاح
منير: طب تعالى اقولك كلمه
نجوى : ايه ههههههه
منير: هقولك بس
نجوى : لا انا جعانا هروح اعمل الغدا
منير : ماشى نخليها بعد الغدا انا هتفرج على التلفزيون بقى
ام هدى : ما تقومى يا تقى تلبسى الحاجات اللى جبناها امبارح عشان نشوف المقاس
تقى : مانا قستهم امبارح وحلوين اوى مظبوطين خالص
ام هدى : اخص عليكى مش تورينى هاتى هيثم وروحى البسيهم
تقى : لسه هغير
ام هدى : اه انتى وراكى ايه يلا بس وكمان عاوزه امكيجك كده واعملك شعرك
انا فاضيه انهاردا
تقى : حاضر هقوم

( قامت تقى لبست البنطلون الاسود الاسكين والبادى الهاف بادى الروز الكات )

ام هدى : الله ايه القمر ده موزه طلقه يا تقى
تقى : ههههههههه انا حلوه ؟
ام هدى : بقولك طلقه بتفكرينى بنفسى وانا قبل ما اتجوز ابو هدى الله يرحمو
انتى معندكيش جزمه بكعب ؟
تقى : لا عندى
ام هدى : طب ما تلبسيه عشان اشياكه تكمل
تقى : هلبس كعب فى البيت ؟
ام هدى : اه طبعا يلا روحى البسى وانا هدخل امكيجك
تقى : وليه ده كلو
ام هدى : احنا فضيين نعمل حاجه مفيده
تقى : حاجه مفيده نحط مكياج ؟
ام هدى : اومال نعمل ايه ؟
تقى : لا ممكن نصلى نقرا قرءان مثلا ننضف الشقه نطبخ
نحمى الواد
ام هدى : نحمى الواد قدامى يا تقى قدامى




( داخلو هما الاتنين وعملت شعرها تسريحه شيك بس سنبل اوى وبسيطه وكمان المكياج كان خفيف وهادى )

ام هدى : ها ايه ؟
تقى : حلو اوى بجد انا كده بقيت حلوه اوى
ام هدى : انتى زى القمر اصلا
ايه ده دا الباب عندى بيرن هروح افتح
( ام هدى فتحت الباب )
ام هدى : اهلا كنزى تعالى انا هنا عند هدى
ام حمزه : هى البنت هنا
ام هدى : ( حضنتها بسرعه وكلمتها فى ودنها ) انا مقولتش انك جايه اعملى نفسك انك جايه تزورينى من غير ماتبينى
ام حمزه : اه ماشى
ام هدى : اتفضلى متتكسفيش دى تقى اخت جوز هدى
ام حمزه : ما شاء الله ازيك يا تقى ؟
تقى : ( حركت راسها وابتسامه جميله على وشها )
ام هدى : تعالى يا تقى اقعدى دى كنزى صحبتى وحببتى من زمان اوى
تقى : ( قعدت تقى على كرسى قصاد الكنبه اللى قعد عليها ام هدى وحمزه )
ام حمزه : انتى بتدرسى يا تقى ؟
تقى : ( هزت راسها ومسكت الموبيل وكاتبة عليه وراحت قاعده على الكرسى اللى جنب ام حمزه ) لا انا اتخراجة السنادى
ام حمزه : طب كويس
ام هدى : تشربى ايه يا كنزى ؟
ام حمزه : اى حاجه بس من ايد تقى
تقى : ( شاورت على عنيها )
ام حمزه : قالت ايه ؟
ام هدى : بتقولك من عينى
ام حمزه : تعرفى تعملى قهوه ؟
تقى : ( كتبت على الموبيل ) اه عوزاها نوعها ايه ؟
ام حمزه : ما شاء الله دى بتكتب بسرعه اوى
انا عاوزها مظبوطه
تقى : حاضر
( وقامت تقى تعمل القهوه )
ام هدى : ها ايه رئيك
ام حمزه : حلوه اوى يا بوسى وكمان روحها حلوه كده وابتسامتها جميله وشكلها شطره
ام هدى : دوقى المكرونه دى هى اللى عملاها شيلالك حته تدوقيها
ام حمزه : واو حلوه اوى
بس انتى مش قولتى انها منقبه دى لبسه عريان
ام هدى : وهى المنقبه دى يعنى النقاب قافش فى وشها فى البيت بتخلعو وتلبس عادى وبعدين انا ملبسها كده عشان اوريكى بزمتك مش طلقه ؟
ام حمزه : بصراحه اه طلقه
ام هدى : يعنى موفقه عليها ؟
ام حمزه : اشرب قهوتها الاول
( داخلت تقى ومعاها القهوه )
ام حمزه : اممممم حلوه القهوه
تقى : اسبكم بقى وهشوف هيثم
ام هدى : ماشى روحى
ام حمزه : بصى انا لازم اخلى حمزه يشوفها
ام هدى : ماشى هتيه يشوفها
ام حمزه : لا طبعا احنا نتقابل باره احسن ونقعدهم مع بعض
ام هدى : ماشى انا شويه كده هاخودها وانزل المول هاتى حمزه ونتقابل هناك ماشى ؟
ام حمزه : ماشى
ام هدى : بس موضوع الاعاقه اللى عندها دا ايه اخبارو معاكى ؟
ام حمزه : بصى هو جه من عند ربنا احسن ما ترغى وتصدع حموزه وهو يا حبيبى مش متعود على الرغى
ام هدى : طيب انا هنزل انا وهى على 7 كده
ام حمزه : اوك هنروحلكم على هناك
سلام بقى دلوقتى



( بعد ما مشيت ام حمزه )

ام هدى : ها عجبتك ام حمزه ؟
تقى : شكلها طيبه اوى
ام هدى : اه دى صحبتى من زمان
تعرفى قالتلى انها حبتك اوى
تقى : هههههه طب الحمد لله
ام هدى : انا راحه المول على 7 كده تيجى معايا ؟
تقى : اه يا ريت
ام هدى : ماشى ابقى البسى انا هروح ارتاح شويه جوا
تقى : وانا هحضر الغدا
ام حمزه : يعنى ايه مش عاوز تيجى معايا بقولك هشترى حاجات وعاوزاك تشيل معايا
حمزه : ماما انا راجع تعبان روحى انتى وخودى عربيه من اللى هناك حطى فيها الحاجه
ام حمزه : يعنى ابقى مخلفه راجل طويل عريض واسيبو واخد عربيه
يلا قوم معايا
حمزه : ماما انا مدايق لو سمحتى سبينى
ام حمزه : انا قولت قوم يعنى قوم يلا



تفتكرو هيحصل ايه فى المول ؟


يتبع.......




التعديل الأخير تم بواسطة لامارا ; 08-10-16 الساعة 09:49 AM
لامارا غير متواجد حالياً   رد مع اقتباس
قديم 02-10-16, 04:24 PM   #23

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 21 }



ام حمزه : يعنى ابقى مخلفه راجل طويل عريض واسيبو واخد عربيه
يلا قوم معايا
حمزه : ماما انا مدايق لو سمحتى سبينى
ام حمزه : انا قولت قوم يعنى قوم يلا حمزه كدا ماما هتزعل
حمزه : ماما انا كبير فهمه انا بقيت راجل موضوع ماما تزعل وانك تحرمينى من المصرف وتحرمينى من الشكولاته اللى انا بحبها دى خلاص انا كبرت عليها
ام حمزه : كبرت انك تسمع كلامى وانك ترضينى دانا امك الوحيده كده تزعلنى طيب يا حمزه انا زعلت وخساره فيك العروسه اللى انا كنت جيبهالك خليك بقى مع اللى مش باين منها غير عينيها دى
حمزه : استنى طيب فهمينى
ام حمزه : ( خارجت من الاوضه وحمزه وراها ) خليك لوحدك بقى
حمزه : طب مانا مكنتش فاهم طيب عروسة ايه ولا مين
ابو حمزه : فى ايه صوتكم عالى ليه ؟
حمزه : يا بابا ماما بتعملنى بطريقه بجد بتدايقنى وزعلانه منى ومش عارف ليه ؟
ام حمزه : طب احكم انته انا جيبالو عروسه قمر شيك وانيقه وحلوه بجد وقولت اخدو اوريهالو من غير ما اقولو والله لو عجبتو نروح نتقدملها
حمزه : انتى قولتيلى كده من الاول
انتى قولتيلى تعالى معايا المول عاوزه تشترى حاجات مش قولتى فى عروسه
ام حمزه : مانا خفت اقولك تقولى لا عشان انا كبير ومينفعش انتى تجبيلى العروسه
انا قولت اخدك اوريهالك ولو عجبتك اوك
وكمان جبتلك صورتها من بوسى
ابو حمزه : طب ما قولتليش انا ليه مش المفروض انا اعرف هو ابنك لوحدك
ام حمزه : انا قولت يعنى مستعجلش خودو شوفو الصوره
حمزه : دى حلوه اوى بس انا عاوز واحد على الاقل محجبه
ام حمزه : دى بقى منقبه كمان
ابو حمزه : ومادام منقبه متصوره بشعرها واللبس المحزق ده ليه ؟
ام حمزه : دى بوسى هى اللى مصورها عشان اورى الصوره لحمزه
حمزه : هى حلوه هى اسمها ايه ؟
ام حمزه : تقى
حمزه : ( باستغراب ) تقى
ام حمزه : اه اسمها حلو صح
حمزه : طب هى دارسه ايه وعندها كام سنه ؟
ام حمزه : 22 سنه ولسه متخرجه السنادى من كلية الزراعه
حمزه : الزراعه ؟
ام حمزه : بس يعنى هى فيها حاجه كده بس مش مهم
ابو حمزه : فيها ايه ؟ ما البنت شكلها حلوه اهو ؟
ام حمزه : لا ما هى حلوه وما شاء الله نبيها وبتفهم بـــــــس
ابو حمزه : ايه يا كنزى هتفضلى تبسبسى كتير
ام حمزه : اصلها مش بتتكلم ومش بتسمع بس بتفهم والله وكمان بتكتب على التليفون بسرعه اوى
حمزه : مش بتتكلم ومش بتسمع واسمها تقى وكمان من كلية زراعه ( باص لبابه )
ابو حمزه : تفتكر هى ؟
حمزه : تفتكر انته ؟
ام حمزه : هو ايه اللى تفتكر مش فهمه
ابو حمزه : قوم البس وروح مع امك وشوف كده يمكن
حمزه : طب انتى يا ماما مش معترضه على انها مش بتتكلم او بتسمع ؟
ام حمزه : بص يا حموزه انا فى الاول كنت يعنى رفضه بس لما فكرت وشوفتها ولقتها بتفهم وبتتكلم على الموبيل بتكتب عليه يعنى وفقت وبعدين دى حاجه بتاعت ربنا والمهم انكم تفهمو بعض وهى تاخد بالها منك
ابو حمزه : ها قولت ايه ؟
حمزه : انا هقوم البس
ام هدى : هااا ايه ده كنزى ازيك ايه الموفجئه الحلوه دى
ام حمزه : اخبارك ايه وحشانى
ام هدى : الحمد لله ازيك يا حمزه اخبارك ايه ؟
حمزه : الحمد لله تمام ( وعينو على تقى )
( مد ايدو يسلم على تقى ) ازي حضرتك
تقى : ( كانت شايله هيثم فا ممدتش ادها تسلم عليه ) { معقول حمزه هو مش مسافر ايه رجعو }
حمزه : ( اتكسف ورجع ايدو تانى )
ام حمزه : ايك يا تقى فكرانى ؟
تقى : ( هزت رايها ) اه
ام هدى : طب تعالو نقعد مع بعض ولا انتو مستنين حد ؟
ام حمزه : لا داانا كنت داخله اجيب حاجات للبيت اكل وحاجات كدا وقولت اخد حموزه اقصد حمزه معايا
ام هدى : طب والله انا كمان كنت عاوزه اجيب حاجات انا جاياه معاكى
تقى انا راحه مع كنزى السوبر مركت خليكى مع حمزه وهاتى هيثم ( واخدت الشنطه اللى فيها الولد )
تقى : ( مسكت الموبيل بسرعه ) لا متسبنيش معاها انا معرفوش
ام هدى : هههه دى مكسوفه منك يا حمزه لالا اقعدى اقعدى دا حمزه مش غريب ( واخدت الولد وكنزى ومشيو وسابوهم
حمزه : ( وهو بيبصلها ومش باين منها حاجه ) هو انتى تقى بتاعت الفيس ؟
تقى : ( كتبتلو على الموبيل ) ايه بتاعت الفيس د ما تحترم نفسك يا حموزه انته
حمزه : حموزه يبقى انتى تقى اخت نوجى صح ؟
تقى : ملكش داعوه
حمزه : مليش داعوه اممممم
تقى بجد انا اسف
تقى : اسف على ايه ؟
حمزه : انتى عارفه بجد انا مكنتش اقصد بس انا اتفاجئة
تقى : طيب عاوز منى ايه دلوقتى ؟
حمزه : عاوز اتقدملك
تقى : ايه تتقدملى من غير ما تعرفنى ؟
حمزه : مش مهم المهم ان انتى اللى كنت بحلم بيها
تقى : طب مش عاوز تشوفنى ؟
حمزه : لا مش مهم كفايا انك تبقى معايا
تقى : وطب والمشكله اللى عندى الكلام يعنى ؟
حمزه : مانا وانتى بنتكلم اهو وكمان هروح اتعلم الاشاره عشان افهمك اكتر
ولا لا انا كفايا ابص فى عينك اعرف اللى فى قلبك على طول
تقى : انته بتتكلم بجد ولا بتأفلم عليا هو معقول مره واحده تشوفنى فى الفرح تيجى انهارده تقولى كده
وبعدين مامتك وباباك مش هيرضو
حمزه : لا بقى ماما وبابا موفقين
اذا كان هى اللى فكره ان هى جيبالى عروسه ووخدانى معاها اشوفها وعلى فكره هى وطنط بوسى متفقين على كده
تقى : كمان طنط بوسى امممممممم
يعنى هى قبله بظروفى ؟
حمزه : اه
تقى : طيب
حمزه : طيب ايه مش فاهم ؟
تقى : ولا انا فهمه ههههههه
حمزه : تتجوزينى ؟
تقى : انته اول واحد يقولى كده ههه
حمزه :بجد انا مرتحلك اوى ومش عارف نفسى فى طلب كده بس خايف تزعليى
تقى : ايه ؟
حمزه : عاوز اشوفك ولو مره وحده بس
تقى : بس يعنى احنا فى مول وكمان حرام انا منقبه
حمزه : طب خلاص مش هغصب عليكى
بس تسمحيلى عشان نتعرف على بعض اكتر نتكلم على الفيس عقبال بس ما نشوف هنخطبك امته من باباكى ؟
تقى : ماشى
حمزه : صحيح ممكن تقولى انى بئفور بس بجد انا حاسس انى بحبك اوى
تقى : ( اتكسفت ودايرت وشها الناحيه التانيه )
حمزه : لا بصيلى عشان تعرفى بقول ايه تقى تقى ( هازها ) تقى تقى
ايه ده هى مش بتتحرك ليه تقى
تقى دى مالها حببتى مالك
حد يلحقنى يا جماعه
( الناس اتلمت والستات اللى كانو موجودين اتلمت )
؟ 1 : هى مالها ؟
حمزه : مش عارف قولتلها بحبك اوى ودت راسها الناحيه التانيه ولقتها كده مش عارف
؟ 2 : طب ودى شك كده عشان هى شكلها اغمى عليها
يا انسه يا انسه اصحى حد معاه برفان ؟
حمزه : اه انا معايا اتفضلى
ها فاقت ولا لسه اكلم ماما
؟1: تكلم ماما ما تنشف يااا
حمزه : نعم حضرتك ايه ياا دى
؟2 : الحمد لله فاقت ايه مالك ؟ انتى كويسه ؟
حمزه : ابص ولا هفضل مديكم ظهرى كده
؟ 1 : استنى بس شويه
ها يا انسه فى حاجه نوديكى للدكتور ؟
تقى : مسكت الموبيل وغطت وشها بسرعه ) لا شكرا انا كويسه
؟ 2 : متر هتلها قهوه لو سمحت
لازم تشربى قهوه عشان تصحصحى ؟
؟1: هى مش بترد ليه ؟
حمزه : ( لف وشاور لهم على فمه وودنو عشان يفهمو انها مش بتتكلم )
؟ 1 : اه فهمنا طب تمام
انت كويسه ؟
تقى : اه الحمد لله
( الستات رجعو تانى مكانهم )
حمزه : مالك حصلك ايه ؟
تقى : انا اول مره حد يقولى الكلمه اللى انته قولتهالى دى
حمزه : لا خلى بالك هقولهاك كتير اوى
ام هدى : طب هو حمزه عندو شقه ؟
ام حمزه : اه طبعا الشقه بتاعتنا هو اصلا الاوضه بتعتو كبيره هجبلو اوضت نوم وخلاص مانتى عارفه الشقه حلوه ازاى
ام هدى : اه ما شاء الله الشقه حلوه وكبيره
ام حمزه : وانا مقدرش ابعد عن ابنى دا هو اللى طلعت بيه من الدنيا
بس خايفه من امها وابوها ميرضوش
ام هدى : لا متقلقيش دى ام فارس طيبه اوى وابوها كمان راجل بقى مش قادر اقولك
ام حمزه : واحنا مش عاوزين حاجه لو من غير شنطة هدومها كمان بس المهم تقبل تعيش معايا فى الشقه
ام هدى : لا فى دى انا معاكى وهسعدك ما تيجى نروح للولاد بقى انا تعبت من المشى
ام حمزه : عجزتى يا بوسى بقيتى جده
ام هدى : ههههههه بكرا ياختى انتى كمان تبقى كده
ام حمزه : يا رب اشيل ابن حموزه دانا هكلو بوس كده مش هنزلو من على ايدى ابدا
ام هدى : شكلك هتبقى حمى اعوزو بالله
ام حمزه : انا لا والله بس المهم انها تريح حمزه وكمان متاخدوش منى




( نجوى قاعده على الكنبه ومنير نايم على رجلها وهما بيتفرجو على التلفزيون )

منير : مبسوطه يا نوجى ؟
نجوى : الحمد لله مبسوطه انى معاك يا حبيبى
منير : ربنا يقدرنى واسعدك دايما يا عمرى
نجوى : انته بقى مبسوط ؟
منير : طبعا هو انا كنت بحلم بأكتر من كده
نجوى : ما تيجى نروح عند فارس
منير : فارس يا بت خليكى حسيسه انا وانتى ولاول مره لوحدنا والدنيا ليل والقمر طالع وفى الاخر تقوليلى نروح لفارس
نجوى : اصل انا مش متعوده افضل لوحدى كده
منير : ( قام من على رجليها ) لوحدك اومال انا ايه قفص جوافه ؟
نجوى : لا يا حبيبى بس يعنى
منير: من انهاردا تاخدى بقى نكون لوحدنا ويكون لينا حياتنا الخاصه ماشى ؟
نجوى : ماشى حاضر
منير: وسعى بقى انام تانى
نجوى : انته هتفضل نايم كده كتير ؟
منير : ( مسك اديها وهو نايم ) حلم عمرى انى اتجوز واحده احبها اللى هى انتى طبعا واقعد انا وهى نتفرج على التلفزيون وانا انام على رجليها وهى تلعبلى فى شهرى
العبى فى شعرى يا نوجى
نجوى : هههههه حاضر يا عيون نوجى يا قلب نوجى
ام هدى : ايه ده انتو شكلكو اندمجتو اوى مع بعض شفتى يا كنزى
ام حمزه : الحمد لله ها يا حموزه ايه الاخبار
حمزه : اسمى حمزه مش زفت
ام حمزه : اه سورى
ام هدى : الله فيها ايه هو حموزه وحش
شوفى يا تقى حمزه بيزعل لما مامتو بتدلعو
تقى : عادى هى مامتك ولازم تدالعك
كنزى : كتبت ايه ؟
ام هدى :بتقول انتى امو ولازم تدلعيه
ام حمزه : شفت اهو تقى موفقه
تقى : طنط مش يلا بقى عشان فارس زمانو رجع الساعه 11.30
ام هدى : ماشى يلا بينا
حمزه : طب استنو شويه
ام هدى : معلش اخوها اصلو عصبى وبيخاف عليها
( ام هدى اخدت تقى ومشيو )
ام حمزه : ها ايه الاخبار عرفت تتفاهم معاها ؟
حمزه : اه يا ماما دى كيوت اوى وطيوبه اوى
ام حمزه : خلاص هقول لابوك ونروح نخطبها
حمزه : ماما تعرفى ان دى البنت اللى كلمتك عليها اللى وريتك صورتها فى الفرح بتاع منير
ام حمزه : معقول هى هى ؟
حمزه : اه والله انا هتجنن صدفه غريبه
ام حمزه : سبحان الله عشان ربنا كاتبكو لبعض اصل الجواز ده نصيب
قوم بقى ويلا نروح
ام هدى : فارس حضرنفسك قريب هتبقى خالو
فارس : خالو طب مانا خالو انتى ناسيه ولاد الهام ؟
هدى : هى نجوى حامل
ام هدى : لا مش نجوى دى عروسه قمر تانيه
تقى : بس بقى ( واتكسفت وداخلت اوضتها )
فارس : هى تقى حامل ؟
ام هدى : لا طبعا بس هتبقى ان شاء الله فى واحد كده متقدملها
هدى : هههه بجد مين ؟
ام هدى : فكره كنزى صحبتى فى النادى ؟
هدى : هههههه لا متقوليش حموزه ؟
ام هدى : يا قرده لسه فكراه ؟
هدى : طبعا دانا يا ما ضربتو فى النادى زمان
عارف يا فارس كنت اشوفو واقف جنب البسين اجرى عليه واروح زقه ههههههههه يطلع من البسين يعيط لامو ههههههههه
ولا يا عينى يكون قاعد وبياكل اكل انا والعيال نخطف الاكل منو ونطلع نجرى هههههه
فارس : ههههههه وهو كان يعمل ايه ؟
هدى : يعيط ويجرى على امو يقولها الولاد اخدو منى الاكل وجريو
فارس : هههههه لا ماينفعش ده انا عاوز اجوز اختى راجل دا زى هيثم
ام هدى : وهو هيثم مش راجل ولا ايه ؟
فارس : لا يا ماما راجل انا مقولتش حاجه بس طرى كده انا عاوز واحد ناشف زى منير كده
ام هدى : متجبليش سيرتو الاهلاوى الرخم ده
فارس : طب هو بيشتغل ايه حموزه ده ؟
ام هدى : رجل اعمال فاتح شركه هو وبابه هو اصلا مدير طخطيطى بيعمل المشروعات وبيخطط وكده
فارس : اممممم وشكلو ايه ده ؟
هدى : لا دا قمر وهو صغير كان امور كانت امو مطولالو شعرو كده وكان بيلبس شوية بدل كان عسل ؟
فارس : ههههه عسل شكلك هتطلقى انهارده
هدى : كده برضو يا فارس اخص عليك دانا بحبك
فارس : طب اتلمى ايه قمر وعسل دى
ام هدى : فانبير
فارس : انا



( وفى الفجر )

هدى : فارس الواد بيعيط قوم شوفو
فارس : قومى انتى انا عاوز انام
هدى : لا مش قادره
طب بص انا سامعه التلفزيون شغال قوم اديه لتقى
فارس : يووو بقى سبينى انام
هدى: خلاص خليه يعيط انا مش هقوم
فارس : هى جوازه سوده يا رتنى ما اتجوزت ( وقام شال الواد وراح يديه لتقى )





( داخل عليها لقها صحيه وماسكه الموبيل وبتضحك )

فارس : انتى بتتكلمى مع مين الساعه 4 الفجر ؟
تقى : ( ارتبكت وحطت الموبيل تحت المخده الانتريه ) مفيش
فارس : ( حط الولد على الكنبه واخد منها الموبيل بالعفيه ) مانتى بتتكلمى اهو ازاى تخلى حد يقولك بحبك وانتو لسه متختبطوش ؟
تقى : ( وهى خايفه ) هو هيجى يخطبنى ؟
فارس : لما يجى يخطبك ابقى كلميه فهمه انا هديكى الموبيل لاكن اوعى تتكلمى فيه معاه فهمه ؟
تقى : فهمه
فارس : خودى الواد خليه معاكى
تقى : حاضر
فارس : انتى قبلتى حمزه ده ؟
تقى : اه انهارده فى المول كان معاه امو وكمان طنط ام هدى
فارس : وانتى رئيك ايه ؟ عاوزه ؟
تقى : اللى تقول عليه انته وبابا
فارس : لما نشوف متكلمهوش تانى غير لما يتقدم عشان يعرف انك متربيه ومش بتاعت فيس فهمه دا عشانك عشان تغلى فى عينو
تقى : حاضر يا فارس ربنا يخليك ليا انا عارفه انك خايف عليا
فارس : طب كويس انك فهمه كده
ايه ده دا الاداان بيدن تيجى نصلى سوى ؟
تقى : ماشى



( وبعد كام ساعه )

ام هدى : الو ازيك يا ام فارس ؟
ام فارس : الحمد لله ازيك انتى وهدى وهيثم الصغير وهيثم الكبير وفارس وتقى
ام هدى : الحمد لله جيبالك خبر حلو ؟
ام فارس : خير ؟
ام هدى : جه عريس لتقى وامو موفقه وابوه موافق
ام فارس : بجد ؟
ام هدى : والله وكمان ايه الحمد لله هما مش ناقصهم حاجه الشقه جهزه من مجاميعو عاوزنها بالشنطه بتاعتها ومن غير شنطها كمان ؟
الو الو ام فارس نجات انتى روحتى فين الو
هو التليفون فصل ولا ايه ؟
ابو فارس: مالك يا ام فارس ام فارس
نجات مالك




( قام جاب برفان وفوقها )

ام فارس : ( اول ما فتحت عنيها ) لوووووووووووولى
ابو فارس : فى ايه مالك انتى مجنونه
ام فارس : البت جالها عريس الحمد لله
ابو فارس : بت بت مين ؟
ام فارس : هو فى كام بت تقى جالها عريس التليفون فين ؟
الو ام هدى معلش اغمى عليا من الفرحه قوليلى اسمو ايه وبيشتغل ايه ؟
ام هدى : اسمو حمزه وهو بيشتغل رجل اعمال
بس امو عندها شرط كده عشان الجوازه تتم
ام فارس : شرط شرط ايه ؟
ام هدى : انهم يتجوزو عندهم فى الشقه
ام فارس : ومالو يتجوزو فى الشقه المهم يتجوزو
ام هدى : خلاص انا هكلمها دلوقتى وهتفق معاها
ام فارس : ماشى بس يجو يخطبوها هنا فى البيت بتعنا
ام هدى : الله وبيت فارس ما هو بيتكم برضو
ام فارس : لا عشان يجو ويعرفو اصلنا وكده دا فى الاول والاخر دا بيت ابوها
ام هدى : ماشى هقولهم
نجوى : ايه ده انته اللى عامل الفطار
منير: اممم مش صبحيتنا انهارده
نجوى : هههههههه صبحيتنا
منير : اول مره احس انى جامد اوى كده وفرحان اوى كده
نجوى : يعنى سعيد معايا يا منير ؟
منير : لسه عند شك ؟
نجوى : هههههههه يا حبيبى بس شاطر عرفت تقلى بيض حلو اهو
منير : نجوى نفسى فى بابى
نجوى : ان شاء الله يا حبيبى ربنا يكرمنا قول يا رب
منير : انا بقول يعنى نروح لدكتور
نجوى : طب ليه مستعجل ؟
منير : نفسى اسمع كلمت بابا
نجوى : خلاص ماشى نروح
ام هدى : الو يا ام فارس
ام فارس : ايوه يا ختى عملتى ايه ؟
ام هدى : خلاص انا كلمتهم وهما موفقين ويوم الخميس هيجو عندكم انا هجبهم واجى
ام فارس : تعيشى يا رب كده ليه ربنا يكرمك يا رب انا مش عارفه اعملك ايه ولا اشكرك ازاى
ام هدى : تقى دى بنتى ربنا عالم انا حبتها قد ايه
ام فارس : بس انتى تعرفى يعنى الناس دى ؟ هما كويسين ؟
ام هدى : اه دا من زمان كنا اصحاب فى النادى
ام فارس: طب ماشى يوم الخميس هنستناكم
ام هدى : ماشى سلام مؤقتا
ابو فارس : ها تعرفهم ؟
ام فارس : اه بتقولك كانو اصحاب فى النادى وبعدين ان شاء الله يكون كويس احنا مش عملنا حاجه وحشه فى حد
ابو فارس : يا رب انته دارى بحالى والغنى عن سؤالى
ابو حمزه : بس انتى سئلتى ابوها بيشتغل ايه ؟
ام حمزه : اه طبعا بص هو كان سواق تاكسى وعندو تاكسى بتاعو بس هو لما تعب الكلى تعابتو جوز بنتو وبنتو اللى هى توئم تقى اخدو التاكسى واشتغلو عليه
ابو حمزه : يعنى ناس على قدهم
حمزه : بس يا بابا البنت كويسه
ابو حمزه : لما نشوف نروح ونشوف
حمزه : طب انا نازل بقى
ابو حمزه : اعمل حسابك من اول الاسبوع هنبدئ فى الشركه
حمزه : هى اتفرشة خلاص ؟
ابو حمزه : اه
حمزه : ماشى سلام انا
نجوى : بقولك ايه يا سيده متعرفيش دكتور كويس اروحلو ؟
سيده : دكتور امرض نساء يعنى ؟
نجوى : اه انا متجوزه داخله على 3 شهور ولسه
سيده : اه اعرف بس دكتوره
نجوى : حلو اوى هى فين عشان اروحلها ؟
سيده : ما عندنا فى العماره اللى قدمنا دى وهى فوق دلوقتى
نجوى : بجد طب ما نطلع لها
سيده : ماشى تعالى
الدكتوره : انتى متجوزه امته ؟
نجوى : من 3 شهور
الدكتوره : حصل حمل او اجهاض قبل كده ؟
نجوى : لا
الدكتوره : طب قومى اكشف عليكى




( بعد الكشف )

الدكتور : انتى طبيعيه جدا قلقانه من ايه ؟
نجوى : لا مش قلقانه بس جوزى هو مستعجل
الدكتوره : لا انتى من الكشف المبدئى انتى مفكيش حاجه بس لو تحبى تطمنى اكتر ممكن نعمل تحليل بس انا بفضل نستنى شويه
نجوى : خلاص يا دكتوره متشكره اوى
الدكتوره : العفو
سيده : ها قالتلك ايه ؟
نجوى : ماقلتش حاجه كلو طبيعى بتقولى انى مستعجله
سيده : اصبرى ربنا كريم خودى انا لمتلك الحساب كده تمام ؟
نجوى : ماشى تمام هو سليمان فين ؟
سيده : اتخانقة معاه الصبح حلف عليا مش شغال انهارده
نجوى : ههههههههههه انتى وجوزك اعوزو بالله
انا هروح بقى سلام
نجوى : تقى كل ده يحصل ومتقوليليش ؟
تقى : الكلام اصلو مينفعش فى التليفون لازم كنتى تيجيلى
نجوى : مبروك يا تقى ربنا يتمملك بخير
تقى : يا رب يا تقى خلاص هانت انهاردا الاتنين فاضل التلات والاربع وهما هيجو الخميس
نجوى : بتحبيه ؟
تقى : بصراحه اه دا حلو اوى وجميل اوى وطيب اوى
يا رب خلى يوم الخميس يجى بسرعه بقى


( وبعد شويه روحت نجوى الشقه وهى بتفتح الباب لقت منير نازل من فوق )

نجوى : ايه ده انته كنت فين ؟
منير :.........

"




"
"
"
تفتكرو منير ايه طلعو فوق الدور اللى ساكن فيه وكان نازل منين ؟


ينبع.......




لامارا غير متواجد حالياً   رد مع اقتباس
قديم 02-10-16, 04:24 PM   #24

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الحلقه { 22 }


( وبعد شويه روحت نجوى الشقه وهى بتفتح الباب لقت منير نازل من فوق )

نجوى : ايه ده انته كنت فين ؟
منير : انتى جيتى امته ؟
نجوى : لسه جايه كنت فين ؟
منير : فوق السطوح جيت من الشغل ملقتكيش قولت اطلع فوق السطح اشوف الدنيا من فوق شكلها ايه ؟
نجوى : امممم هو هى العماره دى كام دور
منير : 15 تعالى افرجك
نجوى : تفرجنى وانا هطلع 13 دور لا يا عم هو انا فيه رجلين
وبعدين من فوق السطوح تشوف الدنيا
منير : اه اومال منين يا فلحه ؟
نجوى : مره فارس اخدنى انا وتقى ودانا البرج وشفنا القاهره من فوق مش تقولى فوق السطح ، المهم انا يا دوب ادخل اسخن الاكل ونتغدى وننزل عشان فى كام مشوار نروحو سوى
منير : مشوار ايه انا مش عاوز اخرج ؟
نجوى : تقى هتتخطب يوم الخميس
منير : هههههه لا مش ممكن مين العريس ؟
نجوى : حموزه هههههه
منير : لا وكتاب الله
نجوى :وكتاب الله ، انا فرحانه اوى اوى هنزل بقى اشترلها فستان وكام حاجه كدا
منير : بس مش هما كانو مش بيكلمو بعض ايه حصل
نجوى : هحكيلك
سومه : عاااااااااا أعتاقينى بقى حرام عليكى
ام منير : ادخلى يا جزمه صبنى الحمام بلاطه بلاطه يلا
سومه : مانا مصبناه امبارح واول امبارح
ام منير : انا بحب النظافه يلا
سومه : طب بجد انا تعبانه خليها بكرا
ام منير : يالا يا سومه عشان وراكى مكوى
سومه : عاااااااا كمان مكوى كمان كده كتير
ام منير : كترت علتك من جنابك
يلا يا سومه يلا
سومه : طيب حاضر قايمه

( بعد ما سومه داخلت تصبن الحمام )

ام منير : ( وهى بتكلم نفسها ) انتى اللى جبتيه لنفسك كنت مخليكى مش بتمدى ايدك فى حاجه انا هربيكى
سومه : يا رب خدنى بقى وريحنى من اللى انا فيه
ام منير : بتقول ايه يا بت بتتكلمى فى الحمام يالا خليكى تتلبسى احسن
سومه : انا لو فى سجن ابو غريب كان عملونى احسن من كده
ام منير : وانا بقى سجناكى فى سجن رزقه اتكلمى بقى يا روح امك ويلا بقى عشان تطلعى تظغطى البط
سومه : انتى مش قولتى مكوى ؟
ام منير: بعد المكوى تظغطى البط
سومه : عاااااااااا
هدى : دبارها من عندك يا رب
ام هدى : ايه مالك ؟
هدى : دلوقتى ان شاء الله لو تقى اتجوزت مين هيقعد بهيثم
ام هدى : وهى تقى كانت هتقعد بيه العمر كلو وبعدين ادعلها ربنا يتمم لها على خير
هدى : ربنا يتتمم لها على خير والله انا بحبها وبتمنلها الفرح
بس الواد هعمل فيه ايه ؟
ام هدى : يا بت انتى مقزماها ليه ابقى وديه لتقى الصبح وانتى راحه الشغل انتى ناسيه ان كنزى ساكنه فى عباس العقاد وحنا مدينة نصر يعنى 10 دقايق ماشى كل يوم الصبح ابقى ادهولها او سبيه معايا اخدو النادى يشم هوا واهو 3شهور يعنى كبر
هدى : وهو انا كل يوم هروح اوديه واجيبو ؟
ام هدى : لما تتجوز تقى ابقى هتيه وانا هتصرف ملكيش داعوه
هدى : ماما انتى ليه عاوزه تجوزى تقى ومهتميه اوى يعنى لا انا شكه فيكى
ام هدى : ليه يعنى هو الواحد مينفعش يعمل خير وبعدين البنت تستاهل كل خير
طب ياريت خالك هيثم هو اللى كان اتجوزها كان احسن بس بصراحه خساره فيه
هدى : انتى قلبتى على هيثم ليه ؟
ام هدى : اليومين دول متغير كل ما اقول تعالى نتحاسب ونشوف الحساب يرميلى شويت فلوس ويقولى انا وانتى واحد ويسبنى وينزل
هدى : عادى يا ماما هو انتى محتاجه فلوس الحمد لله بابا ساب لينا اللى يكفينا وذياده
ام هدى : الله يرحمك يا سمير بس بردو دا ميراثى من ابويا ولازم اخد حقى
بت يا هدى لو جرالى حاجه لازم تاخدى ميراثك من خالك فهمه ولا لا
هدى : انتى عوزانى اقف قدام هيثم عشان الفلوس دى اخر حاجه بفكر فيها
ام هدى : خلى جوزك الفانبير هو اللى يقف قدامو
هدى : هههه حرام عليكى فارس فانبير دا كيوت اوى
ام هدى : كيوت دا بيئه هو واختو الساحره الشريره دى ناقصها مقشه وتطير فى البيت
هدى : نجوى ههههههه لا فى دى عندك حق
ايه ده حد بيرن الجرس فى شقتى صح ؟
ام هدى : اه استنى هشوف مين


(باصة من العين السحريه )

دى الساحره الشريره ايه جابها تانى
هدى : طب افتحى
اهلا يا نوجى ازيك يا منير
نجوى : الحمد لله
منير: الحمد لله هى تقى فين ؟
هدى : جوه هجيب المفتاح ثوانى
ام هدى : انا عرفت انكو جيتو القاهره
منير : اه الحمد لله لقيت شغل هنا
ام هدى : فين ؟
منير : شركت اتصالات
ام هدى : اللى هى انهى واحده فى التلاته ؟
منير : لا مش محمول اللى هى الارضى فى الشركه نفسها
نجوى : الارضى ؟ انته مقولتليش كده
ام هدى : معقول طب مبروك
اشتغلت فيها ازاى دى اكيد وسطه كبيره
منير : اه واحد من المديرين اللى هناك هو اللى ساعدنى
هدى : انا جبت المفتاح تعالو عندى
ايه ده دا هى تقى فين ؟
نجوى : ممكن تكون فى الاوضه دى قفله عليها الباب
طب استنو نكلمها واتس تفتح

( نجوى كتبتلها على الواتس تقى افتحى انا جيت قامت تقى وفتحت الباب اول ما فتحتو قفلتو على طول عشان كانت بشعرها )

منير: ايه مالها قفلت كده ليه ؟
هدى : اكيد مش لبسه النقاب
ام هدى : انا مش عارفه مستحمله ازاى فى الحر ده دا انا هفطس
نجوى : انا كمان حولت البسو مقدرتش هى اكيد اخدت عليه
اها فتحت
تقى : معلش اصلى مكنتش اعرف ان منير جه
نجوى : مش مهم يا حببتى يلا البسى عشان نروح نجيب شويت حاجات
ام هدى : هتجيبو ايه ؟
نجوى : عاوزه اجبلها فستان عشان الخطوبه وكام حاجه كده عشان ان شاء الله لما تتجوز
ام هدى : طب ما انا فاضيه اجى معاكم ؟
نجوى : ماشى تعالى
تقى : ( بالاشاره ) وانتى معاكى فلوس ؟
نجوى : اه الحمد لله
ام هدى : انا هدخل البس
نجوى : ماشى هنستناكى
منير خليك هدخل اقول لتقى حاجه
منير : ماشى انا هلعب مع الواد شويه
هدى : بجد طب خود شيلو انته بقى اقولك خودوه معاكم يتهوى
منير : ماشى ناخدو هدى هو مالو مش تحس انو محول شويه ؟
هدى : ههههه طالع لابوه هقوم اعملك ليمون
منير : نسكافيه احسن
هدى : ماشى
تقى : اخوكى ده رخم اوى
نجوى : ما هو لما كنت مخطوبه لمنير كان كده برضو يعنى مش فكره
تقى : بس بصراحه انا لسه بكلمو بجد مش قادره اسمع كلام فارس
نجوى : وبتقولو ايه بقى ؟
تقى : بنتعرف على بعض بيكلمنى عنو وهو صغير بصى وهو صغير بعتلى صورتو
نجوى : يا عسل دا كان امور اوى
تقى : وهو لسه امور لحد دلوقتى
نجوى انا نفسى اخرج معاه
نجوى : طب هو فاضى دلوقتى ؟
تقى : اه فاضى ما هو كان بيكلمنى
نجوى : خلاص قوليلو يقابلنا فى المول اللى جنبنا ده
تقى : يا حببتى يا نوجى يا حببتى
بس فارس وطنط ام هدى دى اللى جايه معانا
نجوى : لا سيبى طنط دى عليا انا
تقى : ماشى انا لبست هقولو اهو



( وشويه ونزلو راحو المول وقالو نشرب حاجه فى الكافيه اللى فى الدور الاول وطبعا تقى متفقه مع حمزه انهم يتقبلو فى الكافيه )

منير : ايه ده حموزه
حمزه : حمزه مش حموزه حرام بقى
منير : خلاص خلاص مش تعيطى ههه
حمزه : لسه سخيف زى مانته
ازيك يا تقى
تقى : ( هزت راسها ) كويسه
ام هدى : انته عرفت منين ان احنا هنا يا حمزه ؟
حمزه : انا دا انا جاى اشرب كبتشينو
ام هدى : كبتشينو امممممم
نجوى : طب مفيش ازايك يا نجوى ؟
حمزه : ازيك يا نجوى
نجوى : الحمد لله
بقولك ايه يا طنط ما تيجى نلف على المحلات كده
ام هدى : ماشى يلا
يلا يامينر ؟
منير : هنتهوى عنك يا حموزه ظاااابط
( وسابو تقى وحمزه لوحدهم )
تقى : ( كتبتلو على الموبيل ) هو انته ليه بتزعل لما حد يقولك حموزه ؟
حمزه : عشان انا راجل فى راجل يتقلو كده ؟
تقى : اه عادى مش بندلعك ؟
حمزه : اه بس مش قدام الناس وبعدين مش اى حد يقولى كده
تقى : بس مامتك ومنير بيقلولك كده عشان بيحبوك
حمزه : طب وانتى ؟
تقى : انا ايه ؟
حمزه : بتحبينى ؟
تقى : معرفش انته شايف ايه ؟
حمزه : انا مش شايف انا حاسس
تقى : طب حاسس ايه ؟
حمزه : حاسس بمصيبه جايالى هههههههه
تقى : انته رخم على فكره
حمزه : كده برضو زعلان كده حمزه زعل
تقى : هههههههههه
حمزه : تعرفى ان صوت ضحكتك حلو ؟
تقى : هو انا لما بضحك بيطلع صوت ؟
حمزه : اه انتى محدش قالك قبل كده ولا ايه ؟
تقى : لا اول مره اعرف
انا كده اتكسفت منك
حمزه : حرام عليكى مش كفايه ليل نهار منزله الستاير نفسى اشوف القمر بقى
تقى : فى الحلال يا اخويه
حمزه : اخوكى ماشى خلينا مستنين الحلال
قوليلى بقى انتى عيد ميلادك امتى ؟
تقى : انا 4 فبراير
حمزه : ياه دا لسه كتير اوى احنا لسه فى 19 سبتمر
وانته عيد ميلادك امته ؟
حمزه : 1 يونيه
تقى : انته برج الجوزاء
حمزه : انتى بتعرفى فى الابراج دى ماما هتفرح بيكى اوى
تقى : اه انا اصلى بحب اقرا القصص والحاجات اللى فيها علم نفس وابراج وبقراء كمان فى التاريخ
حمزه : واو انتى مثقفه بقى
تقى : ههههههه
حمزه : عسل يا ربى عسل
تقى : ممكن اطلب منك طلب ؟
حمزه : طبعا
تقى : "
"
"
"
حمزه : ايه عاوزه ايه ؟
تقى : مكسوفه اقول
حمزه : لا قولى عاوزه ايه ؟
تقى : عاوزه البرفان اللى كان معاك المره اللى فاتت ؟
حمزه : اللى لما اغمى عليكى الستات فوقوكى بيه ؟
تقى : اه عاوزه اخدو منك
حمزه : ( فتح الشنطه بتعتو وطلعو ) اتفضلى بس عاوزه ليه ؟
تقى : ملكش داعوه
حمزه : امممم انا عارف على فكره
طب ممكن بقى البرفان بتاعك ؟
تقى : ( فتحت الشنطه وادتهولو )
حمزه : انتى مش حطه منو دلوقتى صح ؟
تقى : لا فى البيت بس عشان حرام رحتى تبان فى الشارع الشيخ فى التلفزيون قال كده
حمزه : انتى تجنانى انا هتجوزك بسرعه هنروح يوم الخميس نخطبك وهتفق مع باباكى نتجوز على طول
تقى : بس هنتجوز فين انته عندك شقه ؟
حمزه : اه مع ماما وبابا ولا مش عاوزه
تحبى شقه لوحدنا ؟
تقى : لا اى حاجه انا بحب اللمه احسن نكون مع مامتك
حمزه : المهم تحبى ماما وبابا والاهم بقى انك تحبينى انا
تقى : انا بحب مامتك والله دى هى عسوله اوى واكيد زى ما بتدلعك هى كمان هتدلعنى
حمزه : طب انا حموزه انتى بيدلعوكى يقلولك ايه ؟
تقى : لا انا ماليش اسم دلع بس ماما ساعات تدلعنى تقولى تقتقه
حمزه : ههههههه حلو اوى تقتقه ده
ام هدى : دا حلو اوى الطقم ده
نجوى : بس لما تلبس النقاب هيبقى وحش اوى مش لايق
ام هدى : بقولك ايه انا جاتلى فكره هو مش الهدف انها تغطى وشها ؟
نجوى : اه
ام هدى : خلاص بصى احنا نجبلها نقاب بس قصير زى بتوع الشام بيبقى قصير وكمان ملون يعنى حسب اللبس
نجوى : وده ينفع ؟
ام هدى : اه بصى احنا نجبلها الطقم ده وكمان النقاب الابيض اللى كانت لبساه يوم فرحك هيبقى حلو
والكام يوم دول ننزل نجيبلها كام حاجه كده ما مش معقول لما تتجوز تفضل كده
نجوى : عندك حق ماشى زى ما تقولى
هو الطقم ده بكام
ام هدى :مكتوب 420
نجوى : يستاهل ماشى هنخدو
منير : انا هفضل شايل الواد وماشى رواكم كده ؟
نجوى : الله فى ايه يا منير مالك طب هنعمل ايه مش بنشترى
منير : طب يلا
ام هدى : انته عصبى كده ليه ؟
نجوى : ادى اخرت الجواز
ام هدى : انا سمير جوزى عمرو ما شخط فيه
منير : انا مش بشخط فيها انا بقولها يلا
ام هدى : طيب خلصنا اهو
نجوى : خودى حضرتك حسبى عقبال ما اشوف جزمه
ام هدى : وانتى عارفه المقاس ؟
نجوى : اه طبعا احنا زى بعض
( وبعد ما اشترو كل حاجه )
منير: انا جيت يا حموزه
حمزه : اهلا يا مونى
تقى : انتو جيتو بسرعه كده ليه ؟
نجوى : جينا بسرعه احنا بقالنا ساعه ونص بنلف
حمزه : اصل مخلصناش كلمنا جيتو بسرعه
منير : بس عن تجربه انته هتفضل تحس ان الكلام مش راضى يخلص لحد ما تتجوز وبعد ما تتجوز انته حتى لو فى كلام مش هتتكلم
نجوى : بقى كده متسمعش كلامو يا حمزه دا فى البيت رغاى مش بيبطل رغى
حمزه : وانا مش عاوز اتكلم كفايه ابص فى عنين تقى وبس
منير : طول عمرك رومانسى
ام هدى : طب مش يلا بقى الساعه 11
منير : اه يلا عشان انتى بكرا عندك سفر
نجوى : اه صح تقى انتى هتيجى معايا
تقى : طب وهيثم ؟
ام هدى : خودوه معاكم ما هو كده كده مش بيرضع وهو يوم الخميس هنجلكم
تقى : تعرفو انا اتعودت عليه اوى
منير: بجد طب خودى شيليه شويه
تقى : لا خليه معاك انا بكتب
ام هدى : طب يلا بينا
حمزه : طب هنتكلم على الفيس ؟
تقى : ما انا قولتلك فارس قالى ايه ؟
حمزه : ماشى خلاص هستحمل الكام يوم دول مع السلامه



( وبعد ما روحو )

منير : ممكن اعرف ايه اللى عملتيه ده؟
نجوى : ايه عملت ايه ؟
منير : بصى يا نجوى انا مش بتكلم على حاجه بس انتى متتعبيش وتروحى وتيجى وتتفحتى شغل وفى الاخر تجيبى لتقى حاجات بقد كده
نجوى : انته عارف كويس ان حمزه واهلو ناس مستوى ولازم تقى تكون لابسه كويس وبعدين انا مجبتش حاجه غاليا انته شايف الاسعار بنفسك
منير : واشمعنى انتى اللى تجيبى اخوكى فين انته اللى بتدفعى كل حاجه
حتى علاج باباكى انتى اللى بتدفعيه هو بقالو كتير مداكيش حاجه
نجوى : هو مش معاها وانته عارف الظروف
منير : عارف بس مش كل حاجه عليكى
نجوى : لو انته مكانى هتعمل ايه طيب
كنت اسيب تقى تقابلهم بايه ؟
وابابا اسيبو ومادفعش وهو يجيب منين ؟
ومصروف البيت ماما وبابا ياكلو منين ولا يسرفو منين
لو انته مكانى هتعمل ايه ؟
منير: يوووو بقى الاسطوانه المشروخه بتعتك ( وسابها وداخل البلكونه )
نجوى : طب يا ربى اعمل ايه مانا لازم اجبلها لبس شيك وحلو بدل ما بعد الجواز يعيروها
انا داخله اتخمد
تقى : تصبح على خير بقى انا عاوزه انام عشان هسافر بكرا
حمزه : خلاص نامى بس هتعملى ايه بالبرفان بتاعى ؟
تقى : مالكش داعوه
حمزه : بس انا عارف وهعمل زى مانتى هتعملى
تقى : طب انا هعمل ايه ؟
حمزه : هترشى فى الهوى وعلى المخده بتعتك البرفان عشان تحسى انى جنبك صح ؟
تقى : ملكش داعوه
حمزه : بس انا مش هعمل كده انا هرش على المخده وهخودها فى حضنى
تقى : انته مش مؤدب انا هنام

( وقفلت موبايلها وراحت جابت البرفان وراشتو فى الاوضه وعلى المخده واخدت المخده فى حضنهاونامت
زى بالظبط نفس اللى عملو حمزه)

فارس : ايه البرفان ده حلو اوى
هدى : اه دا تلاقى حد من الجيران
فارس : اه دا تلاقى حد رايق
هدى : اه اكيد مش عندو عيل صغير خايف منو يتحرك كده او كده لحسن يصحى ههههههه
فارس : انتى بتقولى فيها دا انا بنام على جنب واحد بخاف اتقلب لحسن يصحى
هدى : طب نام بقى انا تعبانه
فارس : تصبحى على خير
هد : وانته من اهل الخير



( وبعد شويه داخل منير عند نجوى )

منير : نمتى ؟
نجوى : بنام لسه
منير : انا اسف متزعليش بس مش هاين عليا تعبك يروح لغيرك
نجوى : غيرى دول اهلى اختى وابويا وامى
منير : خلاص انا كنت متنرفز معلش حقك عليا
نجوى : بقيت تتنرفز عليا كتير اوى
منير : معلش مراتى حببتى بقى بتدلع عليكى
نجوى : ماشى اتدلع تصبح على خير
منير : هو انتى هتسفرى بكرا وهترجعى فى نفس اليوم ولا الاربع ؟
نجوى : لا انا هستنى هناك لحد يوم الخطوبه اللى هو الخميس عشان انضف الشقه ونشوف هنعمل اكل ولا ايه
منير : هتسبينى ده كلو لوحدى ؟
نجوى : معلش مش انته كده كده الخميس اخر النهار هتيجى ؟
منير : اه
نجوى : خلاص مفرقتش
منير : ماشى تعالى فى حضنى بقى عشان هتوحشينى
نجوى : ايوه بقى هو ده مونى حبيبى



( وتانى يوم الصبح راحت نجوى عند فارس اخدت تقى وهيثم وكل الحاجات بتاعتهم ورجعت البلد )

ام فارس : وحشتينى يا تقى
ابو فارس : وانا كمان وحشتينى وواحشنى الصرصار الصغير ده
تقى : متقولش عليه صرصار ده حبيبى
نجوى : يلا يا بابا هنتاخر على المستشفى
ابو فارس : اه طيب يلا بينا خودى يا ام فارس لما ارجع اخدو منك
ام فارس : ماشى هشلهولك فى الامانات ههههههه



( وبعد ما نجوى وابو فارس مشيو )

ام فارس : تقى احكيلى بقى عن العريس حلو كده ؟
تقى : اه قمر بصى شكلو
ام فارس : اه انا بيتهيقلى شفتو قبل كده ؟
تقى : هو جه فرح نوجى ومنير
ام فارس : اه يبقى ممكن اكون اتخايلت بيه بس مش فكرا شكلو ابن ناس اوى
تقى : اه امو كانت شغاله فى وزارة الخارجيه بس لما خلفتو اخدت اجازه بدون مرتب وقعدت بيه لحد دلوقتى
وابوه راجل اعمال وهو بيشتغل فى المشروعات وحاجات كده
ام فارس : ربنا يتمملك على خير يا رب
ابو فارس : اه يعنى الناس دول نعمل معاهم ايه ؟
ولا نطلب منه شبكه كام طب ابو منير كنا نعرف مقدرتو لاكن الناس دى لو طلبنا حاجه قليله هيقولو ان احنا على قدنا ولو طلبنا كتير هيقولو طمعنين انا محتار يا نجوى
نجوى : بص يا بابا مش مهم الشبكه ولا المؤخر المهم يحب تقى ويحافظ عليها
ابو فارس : اه طبعا بس برضو الحاجات دى مهمه
نجوى : بسيطه انته تقولو زى ما ابو هدى قالك فاكر قالك ايه ؟
ابو فارس : اه طبعا ؟
نجوى : بس انته تقولو كده وهو بقى هيقول اللى عندو وهى ورزقها بقى
ابو فارس : ربنا يخليلك دماغك دى يا نجوى بت بميت راجل
نجوى : لا ياابو نوجى انا بنوته فرفوره دلوعت باباها ههههههههه
ابو فارس : ههههه ضحكتينى وانا بغسل ههههه
نجوى : اضحك كده وفرفش وظقطط وخدين منها ايه
ابو فارس : ولا حاجه كل واحد واعمالو يا بنتى
سلمى : محمود عندى خبر حلو ليك ؟
محمود : خير ؟
سلمى : انا حامل
محمود : بجد ؟ طب الحمد لله مبروك عرفتى منين ؟
سلمى : شاكيت روحت عملت تحليل ولسه راجعه
محمود : طب اعملى حسابك يوم الخميس نروح بنها عشان نقولهم ونفرحهم
سلمى : حاضر انا هروح بقى الم الحاجه من البيوت عشان نجوى زمانها جايه
محمود : لحسن يكون غلط عليكى ؟
سلمى : لا متخفش انا لسه فى الشهر التانى
محمود : ربنا يكملك على خير الحمد لله انا كده اروح البلد وراسى مرفوعه اثبت روجلتى
سلمى : دانته سيد الرجاله كلهم يا مودى



( وبعد ما رجعت نجوى من المستشفى راحت لسلمى واخدت منها الحاجه وادتها ناصبها من المكسب ورجعت نفضة البيت هى وتقى والهام ويوم الاربعاء كملو تنظيف البيت وجه يوم الخميس واهل حمزه جم البيت )

ابو فارس : انتو نورتونا وشرفتونا
ابو حمزه : انا هدخل فى الموضوع على احنا جايين نطلب ايد تقى لحمزه واكيد مدام بوسى كانت قيلالكم ايه طلبتكم ؟
ابو فارس : طلبات ايه بس احنا ملناش طلبات
ابو حمزه : يعنى المهر الشبكه العفش المؤخر
ابو فارس : بص اعتبر ان تقى بنتك وحمزه ابنى واللى انته شايفو مناسب لبنتك اعملو وهاتو
ابو حمزه : انته بتحرجنى بزوقك طب شبكه ب 50000 كويس ؟
ابو فارس : انا قولتلك دى بنتك انا عن نفسى مش عاوز حاجه
وبعدين حمزه اهم حاجه عندى انو يخلو بالو منها ويحافظ عليها
ام حمزه : بس هو كان فى طلب ان هما يتجوزو معانا فى نفس الشقه
ابو فارس : ومالو تقى بنتك تقعد معاكم
ام فارس : ما هى زى بنتك برضو ولا ايه ؟
ام حمزه : ربنا عالم انا حبيت تقى قد ايه ؟
فارس : ( وهو بيوشوش هدى ) هو مالو كتيان فى نفسو كده ليه ؟
هدى : مش عريس وبعدين هو طول عمرو كده
فارس : شكلو سيس
هدى : هههههه
منير: خلاص بقى نقول مبروك زغرطى يا نجوى
نجوى : لووووووولى لووووووولى......



( تقى داخله هى والهام بالشربات )

ام هدى: قدمى لحماتك الاول
ام حمزه : ايه يا بوسى امها مش حماتها
قمر يا ناس ربنا يحفظك
الهام : وحماكى بقى
ابو حمزه : هو انا مش شايف حاجه بس اتمنى اشوف دا بعد ازنك يا ابو فارس
ابو فارس : ومالو مانته زى ابوها وكمان العريس شارعا لازم يشوف عرستو
تقى شيلى النقاب
الهام : ( شالتو من على وشها وهى ماسكه الشربات بعد ما شالت النقاب اتكسفت وشها بقى احماااااااااار )
ابو حمزه : اه لا عرفت تنقى يا حمزه
ام حمزه : مش قولتلكم قمر
ام هدى : وقفه كده ليه قدمى لعريسك
تقى : ( راحت نحيت حمزه ولسه بتمد اديها بالصنيه حمزه راح مد ايدو يمسك كاس الشربات راحت الصنيه واقعه عليه بكل الى فيها )
منير : هااااااا خير خير دلق الشربات خير
نجوى : معلش انته اللى مديت ايدك مش تخلى بالك
حمزه : سورى والله انا مش عارف ايدى خبطت ازاى معلش
تقى : ( اتكسفت وداخلت اوضتها )
هدى : معلش انا برضو يوم خطوبتى وقعت الشربات كده هههههه
ابو حمزه : انتو يا بختكم ادلق عليكم شربات انا اتدالق على قهوه وكانت كمان من غير وش
فكره يا كنزى هههههه
ام حمزه : هههههه اه فكره هو ده يوم يتنسى
ابو حمزه : وانت يا ابو فارس اتدالق عليك ايه ؟
ابو فارس : لا انا الحمد لله متدالقش عليا حاجه عشان ام فارس كانت حطت الصنيه على التربيظه ومشيت مشفتهاش غير فى الدلخه
حمزه : طب يا عمى بمناسبة الشربات اللى انا غرقت بيه ده مش نحدد معاد الدخله بقى
فارس : بشرباتك كده ؟
حمزه : اه بشرباتى عشان سخن سخن كده
ابو فارس : والله لو كل حاجه جهزه خلاص
نخليها اول الشهر
حمزه : اول الشهر لسه 20 يوم كتير
ابو حمزه : كتير ايه لا حلو عقبال ما ننزل نشترى الشبكه واوضت النوم وكمان
فى حاجه كده عاوز اطلبها هى مش لازم بس عشان نكون كلنا مطمنين
ابو فارس : خير حاجات ايه ؟




تفتكرو ايه الحاجه اللى عاوزه ابو حمزه ؟

يتبع....


لامارا غير متواجد حالياً   رد مع اقتباس
قديم 02-10-16, 04:25 PM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 23 }



حمزه : اول الشهر لسه 20 يوم كتير
ابو حمزه : كتير ايه لا حلو عقبال ما ننزل نشترى الشبكه واوضت النوم وكمان
فى حاجه كده عاوز اطلبها هى مش لازم بس عشان نكون كلنا مطمنين
ابو فارس : خير حاجات ايه ؟
ابو حمزه : يعنى انا بقول نعمل تحليل ونشوف اخبار الولاد ايه عشان بس نكون مطمنين اولادهم يعنى صحتهم هتبقى عامله ازاى ؟
فارس : بس يعنى حضرتك قلقان ليه انا الحمد لله ابنى كويس واولاد الهام كمان حضرتك شايفهم من بدرى اهم 4 وكلهم كويسين
حمزه : لا يا بابا انا مش عاوز كده خليها على ربنا
ابو حمزه : ما كلو يابنى على ربنا طبعا بس برضو وبعدين زى ما هنعمل تحليل لتقى هتعمل انته كمان افرض انته فيك حاجه لا كل واحد يبقى على نور
وبعدين كل الاجانب باره بيعملو التحاليل دى قبل الجواز عادى
ام هدى : هو فعلا باره بيعملو تحليل بس
ام حمزه : بلاش احسن خلينا كده وخلاص وبعدين زى ما حمزه قال خليها على ربنا
ابو حمزه : طب انا خايف بس الولاد ولادهم يبقى فيهم حاجه دا قصدى فا نبقى عرفين من الاول حتى نبقى متبعين مع دكتور
ام فارس : متأخذنيش يعنى طب ما افرض التحاليل قالت كده او كده ولا قدر الله الولاد هيبقى فيهم حاجه طب ما كده الجوزه مش هتكمل
والبت ياعينى ساعتها هتتقهر
حمزه : انا مش ممكن اسيب تقى حتى لو فى حاجه
فارس : خلاص عادى نعمل التحاليل مفيش مشكله
ابو حمزه : وعقبال ما التحليل تظهر ننزل نشترى الشبكه والاوضه اللى تقى تنقيها وكمان المهر اللى انته تقول عليه
والمؤخر نقول 50 الف كويس ؟
ابو فارس : اللى تشوفو انا من الاول قولتك دى بنتك
ابو حمزه : خلاص بكرا الجمعه الولاد يروحو يشترو الشبكه ويوم السبت نعمل التحليل اتفقنا يا دكتور فارس ؟
فارس : اتفقنا بس كمان حمزه يعمل تحليل زيو زى تقى
حمزه : وانا موافق مع انى مش شايف له لزمه بس اللى تقولو عليه
ابو حمزه : خلاص نقرا الفتحه
ام حمزه : استنى احنا نسينا حاجه مهمه
ام فارس : ايه تانى نسيتوه ؟
ام حمزه : الفرح هنعملو فين انا عاوزه فرح كبير اوى وكمان الفستان هنجيبو منين
تحبو من مصر ولا نبعت نجيبون باره ؟
ام هدى : انا اعرف محل بيبيع فساتين فرح حلوه اوى فى القاهره
ام فارس : اه نجيبو من هنا احسن حتى تقى هى اللى تنقيه
ابو حمزه : خلاص انتو بقى شوفو الحاجات دى انتو الستات بتفهمو فى الفساتين والحاجات دى
ما تنادو العروسه عشان نقرا الفتحه
الهام : انا هدخل اجبها تلقيها مكسوفه عشان دالقت عليك الشربات
حمزه : عادى تدلق برحتها انا عندى غير تقى
نجوى : شايف يا منير اتعلم الحب
علمو وانبى يا حمزه
منير: انا اتعلم من حمزه يا بنتى انا اللى مديلو الدروس دى اساسا ايام الجامعه
الهام : ادخلى مكسوفه كده ليه ؟
ابو فارس : يلا بسم الله نقرا الفتحه

( بعد ما قرأواالفتحه الهام ونجوى قامو يعملو العشا )

حمزه : عمى هو انا ممكن بعد ما نشترى الشبكه بكرا اخد تقى ونتفسح شويه ؟
ابو فارس : ماشى بس متتاخروش 9 باثانيا تكون فى البيت
حمزه : حاضر زى ما تقول حضرتك
ام حمزه : خلاص اعملو حسابكم بكرا تتغدو عندنا وبعد الغدا ننزل نشترى الشبكه وبعد ما نشتريها حمزه ياخد تقى ويخرجو
فارس : طب ما نستنى التحاليل الاول
ابو حمزه : يا فارس التحليل دى عشان نعمل حسبنا مش عشان نشوف الجوازه هتكمل ولا لا فاهمنى عشان نبقى من الاول نتابع مع دكتور ؟
فارس : فهمت حضرتك
ام فارس : طب نقوم نتعشا بقى
ام حمزه : تعابتو نفسكم ليه بس ؟
ام فارس : احنا هيجلنا اعز منكم عشان نتعبلو
ها يا بنات جهزتو العشا
نجوى : اه طبعا اتفضلو
حمزه : ممكن يا عمو اقعد جنب تقى ؟
ابو فارس : ماشى يا حمزه
حمزه : شكرا حضرتك
ام فارس : بصو بقى انا مش بعرف اعزم دا بيتكم كلوانتو بقى
ابو حمزه : يسلم اديكى الاكل حلو اوى
ام فارس : لا دى تسلم ايد تقى هى اللى طبخت
ام حمزه : واو الاكل حلو اوى
وانتى يا نجوى مطبختيش مع تقى ؟
نجوى : هو بصى انا مش بعرف اطبخ اوى فا انا بوضب اقطع انضف والطبخ بقى باسيبو على تقى
ام حمزه : انا كده اطمن عليك يا حمزه الاكل تحفه
ابو حمزه : تقى لما تتجوزى حمزه انتى تعملى الاكل انتى بقى متدخليش المطبخ تانى يا كنزى
ام حمزه : كده برضو ماشى خليكم شهدين
ام هدى : احسن تعالى انا وانتى نروح النادى وخليك دور على حد يعملك اكل بقى
ابو حمزه : لا انا ادمنت اكل تقى خلاص
ام فارس : ما تاكل يا حمزه خود قولى بتحب الصدر ولا الورك ؟
حمزه : لا انا بحب صدر حضرتك
ام فارس : ( باستغراب ) ايه ؟




( وبعد الاكل وشويت كلم روتينى كده كل واحد روح بيتو )

فارس : انا كنت هفطس من الضحك لما قال بحب صدر حضرتك
هدى : اول مره اقدر امسك نفسى من الضحك هههه
بس هو طيب اوى
فارس : اه هو طيب بس مش عارف مش جامد كده انا حاسس لو شخط فيه او اديتو قلم ممكن يقضل يعيط
ام هدى : متربى كل حاجه يقول حضرتك وكمان بيستاذن
فارس : امممم بس يعنى يا ماما مش اوى كده
ام هدى : بص هو لايق اوى على تقى ربنا يتتمم لهم بخير
فارس : يا رب
ام فارس : ايه يا نجوى انتى لسه مع تقى ادخلى لجوزك سيباه ينام لوحودو
نجوى : لا منير راح عند امو قالى هيبات هناك
ام فارس : ليه ؟ طيب انتى زعلتيه ؟
نجوى : لا هو عاوز يروح لامه عادى وهيبات هناك
قوليلى بقى هننزل نجيب هدوم العروسه امتى ؟
ام فارس : اى وقت بس انا مش معايا فلوس
نجوى : انا معايا الحمد لله وبعدين الحمد لله مفيش جهاز هنجيبو الشقه عندهم مش ناقصها حاجه ام هدى قالتلى
احنا نجيب لبس واكسسوار مكياج وكده
ايه تانى يا تقى نسينو ؟
تقى : مش عارفه؟
الهام : ونجيب ملايات سرير ومفارش وكام لاحاف فايبر كده ووو بطاطين
ام فارس : بس دول هيتكلفو كتير اوى
الهام متحملوش هم انا هقول لفكرى
نجوى : لما انا اموت تبقى تقولى لفكرى الحمد لله انا شغلى الحمد لله وهجيب لتقى كل حاجه عوزاها
تقى : ربنا يخليكى ليه يا رب
الهام : انتى بعتى التاكسى ولا لسه ؟
تقى : هو المفروض ابيعو بس زى مانتى شايفه انا راحه جايه بيه وكمان بوادى بابا بيه المستشفى
الهام : انتى بتسفرى بيه ازاى وبتمشى فى الشارع مفيش حد بيوقفك من المرور؟
نجوى : هو حد داريان
هو انتى عيالك فين ؟
الهام : محمد وكركر نامو وائل وتامر راحو البيت يلعبو وهينامو هناك
المهم تعالو نكتب اللى قولنا عليه ده عشان مننساش حاجه
منير : مبروك يا محمود اخيرا هبقى عمو
محمود : الحمد لله ربك لما يريد
ام منير: عقبالك يا منير ها مفيش حاجه جايه فى السكه ؟
منير : لا لسه هى راحت كاشفت بس الدكتوره طمنتها
سلمى : متقلقش كل حاجه بوقتها شفت انا بقالى سنه و3 شهور اهو متجوزه والحمد لله لوحدى اهو حامل
محمود : لوحدك ايه اومال انا كنت بعمل ايه الفتره اللى فاتت دى
سلمى : هههههه مقصدش والله
ابو منير: فكرتو هتسموه ايه
سلمى: لو ولد نسميه رزق ولو بنت هنسميها رزقه على اسمك يا ماما
ام منير: انتى مالك المرادى كده بتجرى ناعم مالك ؟
سلمى : مالى بس وحشانى بس
منير: مالك يا سومه انتى نايمه على نفسك كده ليه ؟
سومه : صاحيه بدرى ومهدوده طول النهار ماما ممكن انام؟
ام منير: بعد ما نلم العشا وتغسلى الطبقان وتشطبى المطبخ ادخلى نامى
سلمى : لالا ادخلى انتى انا هعمل
ام منير: لا دانتى تتحسدى
سومه : ادخل يا ماما ؟
منير : ايه التربيه والادب ده هو فى ايه يا سومه ؟
سومه : مالى مانا كويسه اهو
ابو منير : لا اصل امك بتعودهاعلى شغل البيت عشان لو اتجوزت ولا حاجه احسن
ام منير: ماشى ادخلى نامى بس6 تكونى بتحضرى الفطار لابوكى واخواتك
سومه : حاضر
سلمى : اتعشيتو اشيل بقى ؟
منير : انا اه الحمد لله
ام منير : مش اكلتك يعنى ؟
منير : اصل انا متعشى عند ماما فى البيت اصل تقى اتخطبت انهاردا
ام منير: بجد مبروك واتخطبت لمين ؟
منير: لواحد كده متعرفهوش هو كان صاحبى ايام الجامعه
ام منير : وبيشتغل ايه ده بقى ؟
منير : رجل اعمال
ام منير : وانته يا موكوس رايح تجيب لتقى عريس رجل اعمال طب هاتو لاختك على الاقل اختك مش ناقصها حاجه
سلمى : وهى تقى ناقصها ايه يا ماما ؟
ام منير: ربنا يشفى كل مريض اظن كلامى مفهوم
منير: اناماجبتش عريس لتقى دا هو شافها فى الفرح وعجبتو وبالصدفه امو تبقى صحبة حمات فارس فى النادى وهى اللى عرفت تقى بامو
ابو منير: ربنا يتمم لها على خير كل واحد ربنا كاتبلو نصيبو
سلمى : هتتغدو ايه بكرا انا هعمل كل حاجه هريح سومه وحضرتك بكرا
منير: لا انا متعملوش حسابى انا نازل القاهره الصبح
ام منير: الله ليه ؟
منير: هيشترو الشبكه وكمان عزمنا على الغدا عندهم فى البيت
ام منير: بسرعه كده يشترو الشبكه
منير : هما مستواهم حلو الحمدلله
ام منير : كتنا نيله فى حظنا الهباب
منير: انا هشرب الشاى فى البلكونه
محمود : خدنى معاك الجو هنا كتمه


محمود : مالك يا منير مدايق ليه ؟
منير : مش مدايق بس قرفت
محمود : من ايه ؟
منير: نجوى تتعب وتشقى وتفضل راحه جايه وفى الاخر تصرف كل ده على ابوهاواختها
محمود : اممممم طب ما هتعمل ايه هما ظروفهم وحشه
منير : انا مش عاوز نجوى تشتغل انا الحمد لله ربنا كرمنى بالشغل ده عاوز اريحها بس هى مش هترضى تبطل شغل
محمود : تعرف انا كمان مش عاوز سلمى تشتغل من ساعت مامسكت قرش فى اديها وهى بقت تروح تشترى لبس وموبيل جديد وحاجات كده ومكياج وجزم وشنط
واقولها لزمتو ايه تقولى انا شرياهم بفلوسى
منير : ما تيجى نبوظ لهم المشروع ده
محمود : هنعمل ايه ؟
منير : انا اقولك نعم ايه من غير ما يكون لينا دخل
ابو حمزه : كان لزمتو ايه نعزمهم عندنا بكرا طب كنتى قولى يوم السبت ولا الحد عشان تلحقى تعملى اكل
ام حمزه : انا هطلب الاكل بالتليفون ومش هعمل حاجه
حمزه : بس اكل تقى حلو اوى صح ؟
ابو حمزه : هو حلو بس انا حاسس انك متعلق بيها اوى متدلقش كده البنات بتحب الراجل الخشن
حمزه : لالا دى تقى دى قمرايا ورقيقه خشن ايه بس
ام حمزه : ادخل على اوضتك طيب اغسل سنانك قبل ما تنام اوعى تنسى واقفل الشباك
حمزه : ما تقومى تجبيلى كوباية لبن ؟
ام حمزه : عينيه يا حبيبى اجبلك
حمزه : لالا انا بهزر انا مش قادر تصبحو على خير
ابو حمزه : مفكرتش هتجيب شبكه بكام ؟
حمزه : اللى تقى تختارو
ام حمزه : طب افرض اختارت حاجه غاليا ؟
حمزه : لو طلبت القمر هطلع اجيبو
ابو حمزه : ابنك ادبس يا كنزى ههههههه




( وتانى يوم ام هدى اخدتة هدى وفارس والهام وولادها فى عربيتها ومنير اخد نجوى وتقى وام فارس وابو فارس فى التاكسى ومشيو ورا بعض لحد بيت حمزه )


ام حمزه : ها ايه رئيكم فى الشقه ؟
ام فارس : الله اكبر ما شاء الله ربنا يباركلك فيها
ام حمزه : حلوه الشقه يا تقى ؟
تقى : اه حلوه اوى
ام حمزه : تعالو بقى افرجكم اوضة حمزه
ها ايه رئيكم
الهام : حلوه اوى جميله
نجوى : مالك يا تقى ؟
تقى : مفيش بس فرحانه انتى فى اوضت حمزه
نجوى : امممم
ام حمزه : هى قالت ايه ؟
نجوى : مصدعه من الطريق
ام حمزه : معايا مسكن حلو اوى هدهولك بعد الغدا
( وبعد ما فرجتهم على الشقه كلها )
ابو حمزه : ها عجبتكو الشقه ؟
ام فارس : حلوه ما شاء الله
حمزه : المهم عجبتك يا تقى ؟
تقى : اه
ابو حموزه : هى على طول مكسوفه كده ؟
ام هدى : هى هديه وعكس نجوى خالص
نجوى : يادى نجوى دى مش عارفه انتى مش بتحبينى ليه دانا عسل
ام هدى : لا بحبك بس يعنى تهدى شويه
منير : لا انا عاوزها مجنونه كده ماليش فى الهدوء انا
نجوى : حبيبى يا رافع معنوياتى
ام حمزه : طب نتغدا بقى عشان نلحق ننزل نجيب الشبكه
ام فارس : زى ما تحبو
ابو فارس : انا والله ما قادر اعزرونى انا
ابو حمزه : الله لا انا كده مش هاكل
ابو فارس : لا اصلى والله تقلت فى الفطار
ابو حمزه : اهو حاجه خفيفه كده وكمان عشان تدوق اكل كنزى ونشوف بقى اكل كنزى ولا اكل تقى


( بعد ما اتغدو نزل حمزه وتقى وام حمزه وام فارس وام هدى والهام ونجوى عشان يشترو الشبكه وفارس وهدى فضلو مع ابو فارس وابو حمزه وولاد الهام )



حمزه : ها اختارى ؟
تقى : ( مسكت الموبيل ) لا اختار انته
حمزه : اختار انا هو انا اللى هلبسها
نجوى : يا بنتى اختارى بقى باقلنا نص ساعه
تقى : مش عارفه كلهم حلوين
حمزه : خلاص لفهوملنا كلهم
تقى : لالا طب دى حلوه
ام حمزه : دى ب 30 الف لا اختارى حاجه اغلى شويه
تقى : لا دى حلوه وكمان على قد ايدى الاسوره مظبوطه والخاتم كمان وصغيره ورقيقه
ام فارس : خلاص هى اختارت دى
ام حمزه : بس ابو حمزه قال الشبكه ب 50 ودى ب 30 بس
ام هدى : الله مش هى دى اللى عجباها
ام حمزه : لا اقولك نشترى بالباقى ودهب سنجل قولتو ايه ؟
ام فارس : دهب ايه مش فهمه ؟
ام هدى: دهب سنجل يعنى لوحدو غوايش حلقان خواتم كده
نجوى : هى فكره
تقى : لا كتير بجد كفايا دى بس
حمزه : ليه بس يا حببتى انا عاوز اجبلك كل حاجه نفسك فيها
تقى : لا الحمد لله دى وبس
ام حمزه : انتى دماغك نشفه اوى
طب اختارو الدبل
الجوهرجى : اتفضلو دى احدث حاجه نزلت
تقى : دى حلوه اوى
وكمان مقاسى
حمزه : ودى كمان
الجوهرجى : تحبو تشوفو المحابس ؟
ام حمزه : اه طبعا هو فى دبل من غير محبس
الهام : ( بصوت واطى وهى بتكلم نجوى ومحدش واخد بالو ) مالك يا نجوى ؟
نجوى : لا ابدا مافيش ؟
الهام: معلش اهى اختك برضو وفرحها يفرحنا الحمد لله
نجوى : مش فهمه تقصدى ايه ؟
الهام : حسه كده انك زعلانه ان شبكت تقى يعنى اغلى من شبكتك
نجوى : اممممم فعلا غيرانه يبقى تقى شبكتها احلى من شبكتى شفتى الزمن
الهام : انتى مكنتيش كده دى اختك
نجوى : تصدقى وتأمنى بالله مش انتى اختى الكبيره ؟
الهام : لا اله الا الله
نجوى : انك هبله
ابو حمزه : ايه ده انتو جيتو
ام حمزه : اه شوف جينا نوريلكم الشبكه
ابو حمزه : ما شاء الله اتفرج يا ابو فارس
ابو فارس : ما شاء الله يعيش ويجبلها شوف يا فارس
فارس : امممم حلوه
هدى : لا بجد تحفه
منير: الزوق ده مش زوق حمزه صح ؟
ام حمزه : اه ليه وحشه ؟
منير : بالعكس دى شيك ورقيقه اصل حمزه بيحب الحاجات الكلها فصوص
نجوى : وانته عرفت منين ؟ كنت روحت اشتاريت معاه شبكه قبل كده ؟
منير : دى قوة ملحظه بصى فى المادليا بتاعت مفاتيحو بصى دبابيس كرفتاتو هتعرفى
نجوى : اه لا انا ما اختش بالى
ابو حمزه : دانته صاحبو اوى بقى
منير: اه يا عمى دا 4 سنين رايح جاى معها دا لما كان بيحب يدخل الحمام كنت بقفلو على الباب ههههههه
ام حمزه : انته هتقولى دانته كنت بتاكل السندوتشات بتعتو ويرجعلى البيت جعان يا حبيبى
منير : عادى باكل مع صاحبى
فارس : هى تقى فين دلوقتى
ام حمزه : حمزه اخدها وخرجو هو قال لباباك امبارح
فارس : اه مانا عارف بس راحو فين ؟
ام حمزه : لا مش عارفه
ام فارس : خليه يخرجه ويفرحها ربنايسعدهم يارب
ام حمزه : يا رب
تقى : هو احنا فين يا حمزه
حمزه : مش فاهم ؟
تقى : المطعم ده فين ؟
حمزه : اه المكان يعنى فى المقطم
تقى : اممم حلو اوى
حمزه : انتى احلى
تقى : بس مش اللى هناك دى القلعه ؟
حمزه : اه ما المطعم ده بيبص على القلعه والمسجد اللى انتى شيفه ده مسجد محمد على
تقى : نفسى اروح اتفرج على القلعه
حمزه : بس كده اوديكى
انتى مخرجتيش فى القاهره قبل كده ؟
تقى : لا خرجت فارس ودانا البرج وحديقة الحيوان ومره ودانا الهرم
حمزه : انا هوديكى بقى اماكن عمرك ما روحتيها قبل كده
تقى : ماشى
حمزه : بتحبينى ؟
تقى : بس بقى متقوليش كده بتكسف
حمزه : من ايه بس
دانا وانتى خلاص كلها كام يوم التحليل تطلع ونتجوز على طول
تقى : تحليل
تحليل ايه ؟
حمزه : هو فارس ماقلكيش حاجه ؟
تقى : لا
حمزه : تحليل عشان نشوف اولادنا هيبقو ايه نطمن على صحتهم يعنى
تفى : طب ليه لا بلاش انا خايفه
حمزه : ليه بس خايفه من ايه ؟
تقى : ما لو الولاد طلعو عيانين انته هتسبنى
حمزه : انا مش ممكن اسيبك
وبعدين انا كمان هعمل تحليل ممكن اطلع مباخلفش انتى هتسبينى ؟
تقى : انا مش هسيبك بس انته اللى هتسبنى
حمزه : مستحيل اسيبك ابدا
تقى : توعدنى ؟
حمزه : طبعا اوعدك
تقى : طب هتلى عصير بقى عشان عطشانه
حمزه : عيونى



(وشويه ورجعو تقى وحمزه البيت شربو شاى وفارس اخد تقى وام هدى وهدى وروحو ونجوى اخدت ابوها وامها والهام والعيال فى شقتها وتانى يوم تقى ونجوى وفارس وحمزه راحو عملو تحاليل وبعد ما خلصو التحاليل تقى وحمزه راحو يتفرجو على اوضت النوم ونجوى اخدت ابوها والهام والعيال وسافرو عشان ابو فارس يغسل وبعد كده وتروح الهام والعيال وبعد ما ابو فارس غسل جابتو القاهره ورجعت تانى )

ام فارس : خسيتى يا نجوى ايه ده يا بنتى
نجوى : فين خسيت ده مانا حلوه ومودل اهو
ابو فارس : تعابتك يا نجوى راحه جايه معايا
نجوى : متقولش كده يا بابا هو كل ده حمزه وتقى مروحوش ؟
ام فارس : كلمى تقى كده شوفيها
نجوى : التليفون مفقول
هكلم حمزه
الو ازيك يا حمزه
حمزه : الحمد لله
نجوى : روحتو ولا لسه ؟
حمزه : احنا مروحين اهو الحمد لله اشتارينا اوضت نوم حلوه اوى بكرا هتيجى البيت
نجوى : طب مبروك ما تيجى طيب اتغدا عندنا
حمزه : والله كان نفسى بس عندى شغل هروح تقى عند فارس عشان هيثم بيعيط وهروح على الشركه
نجوى : طيب ماشى قول لتقى التليفون بتعها مقفول
حمزه : اه مانا عارف قفلتو عشان الدوشه
نجوى : هاااااا بقى كده
حمزه : عاوز استفرد بيها شويه
نجوى : ماشى يا عم حمزه تمام خليك فاكرها سلام
حمزه : سلام
ابو فارس : متعرفيش التحاليل هتظهر امتى ؟
نجوى : قريب بيتهيقى على بكرا او بعد بكرا
ام فارس : بسرعه كده ؟
نجوى : حمزه دافع مستعجل نفوز يا ماما نفوز
ابو فارس : طب ربنا يكملها على خير
انا هدخل انام
نجوى : طيب يا بابا انا كمان هروح الشغل ساعه كده ساعتين وجايه
ام فارس : هو منير فين مش انهارده السبت اجازه ؟
نجوى : هو المفروض بس هو قالى انو رايح الشغل
انا هنزل بقى ومش هتئخر لو عوزتو حاجه كلمونى فى الموبيل ماشى





( وفات يومين وطلعت التحاليل فارس وتقى وحمزه وابو حمزه وام حمزه راحو يستلمو التحاليل )



تفتكرو نتيجة التاحليل هتبقى ايه ؟


يتبع....




لامارا غير متواجد حالياً   رد مع اقتباس
قديم 02-10-16, 04:26 PM   #26

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 24 }



( وفات يومين وطلعت التحاليل فارس وتقى وحمزه وابو حمزه وام حمزه راحو يستلمو التحاليل )


تقى : هى نجوى مش قالت جايه هى أتاخرت ليه ؟
فارس : زمانها جايه انا هروح اجيب التحليل
تقى : طيب
ابو حمزه : انا جاى معاك
حمزه : انتى خايفه ليه ؟
تقى : عشان انته هتسبنى
حمزه : مقدرش اسيبك متقوليش كده انا مقدرش اعيش من غيرك
ام حمزه : هى مالها ؟
حمزه : مفيش يا ماما بس قلقانه من نتيجة التحليل
ام حمزه : ليه بس استبشرى خير وسبيها على الله
تقى : هو انا ممكن اقول حاجه ومتزعليش ؟
ام حمزه : ازعل منك يا تقى لا طبعا
تقى : هى مش اسمها سبيها على الله هى اسمها سبيها لله
لان الله ليس عليه حاجه ولاكن لما نقول سبيها لله كده احنا بنتوكل على الله
ام حمزه : يعنى نقول ايه ؟
تقى : قولى سبيها لله
ام حمزه : ماشى سيبيها لله بس هو مين قالك كده انا طول عمرى اقولها سيبيها على الله
تقى : واحده صحبتى اسمها ايمان صلاح عوض
ام حمزه : ماشى يا تقتقه منك نستفيد
حمزه : دا بابا جه هو وفارس
ها طمنونا
فارس : الحمد لله مفيش اى حاجه
تقى : يعنى ولادى مش هيطلعو عيانين زيى ؟
فارس : انتى مش عيانه ومتقوليش كده
ابو حمزه : ما تفهمونا فى ايه انا مش فاهم انتو بتقولو ايه ؟
فارس : ابدا بتقولى ولادى مش هيبقو عيانين زيى فا بقولها انتى مش عيانه
حمزه : يعنى هى تحاليلها تمام ؟
ابو فارس : زى الفل الحمد لله
حمزه : طب انا ؟
فارس : زى الحصان
حمزه : حلو اوى جوزونا بقى
فارس : طب لسه بدرى 15 يوم اهدى كده
ابو حمزه : لسه هنشترى الفستان ولسه البدله بتعتك ونحجز القاعه ونعزم الناس
ام حمزه : وكمان شهر العسل تحبى تسفرى فين يا تقى ؟
تقى : اللى حمزه يقول عليه
فارس : اللى حمزه يقول عليه لا انا مش بحب كده خليكى مفتريه شويه زى نجوى
حمزه : ههههههه لا تقى قمر بلاش نجوى وانبى هههههههه
تقى : دى اختى على فكره محبش حد يتريق عليها
ابو حمزه : بص بقى يا فارس احنا كده اطمنا الحمد لله انا هاخد حمزه الشركه نخلص شويت شغل ونجيلك بيتك عشان نتفق على المهم
فارس : تشرفنى خلاص وانا هحاول اجى بدرى
يلا يا تقى نمشى بقى
ام حمزه : هتوحشينى لحد بليل
تقى : وحضرتك كمان

( فارس اخد تقى ومشى وابو حمزه اخد ام حمزه وحمزه ومشي اول ما فارس وصل تقى البيت كلم نجوى يشفها ماجاتش ليه )

فارس : الو ايوه يا نجوى انتى فين ؟
نجوى : معلش يا فارس عندى شغل كتير فى حاجه التحليل اخبارو ايه ؟
فارس : لا الحمد لله تمام تحليل تقى وحمزه كويسين جدا
نجوى : طب الحمد لله طمنتى انتو فين دلوقتى ؟
فارس : فى شقتى روحت تقى بس هنزل تانى اروح المركز بس هاجى على 7 كده بس هاتى ماما وبابا معاكى على هنا عندى عشان اهل حمزه هيجو ويتفقو بقى على كل حاجه
نجوى : حاضر ماشى
فارس : انتى بتنهجى ليه ؟
نجوى : لا ابدا كنت بس بطلع سلم بوصل طلبات زى ما قولتلك
فارس : مش البواب اللى حكتيلى عنو ده هو اللى بيوزع ؟
نجوى : اه انا قولت اسعدو يعنى
على العموم هاجيلك على 5 او 6 عشان نعمل حاجه ناكلها او نشربها مع الناس
فارس : ماشى انا هنزل بقى سلام
نجوى : سلام

سيده : خلاصتى يا نجوى السجاجيد ؟
نجوى : اه قربت بس سيده اوعى حد يعرف ان رجعت اشتغل تانى
سيده : متخفيش سرك فى بير هتطلعى لمدام هاله ؟
نجوى : اه اخلص بس الكام سجاده دول واطلع لها انتى قولتيلى السجاده بكام ؟
سيده : ب 20
نجوى : 20 × 5 = 100 طب تمام مفيش سجاجيد تانى ؟
سيده : بكرا هقول للسكان لو حد عاوز يغسل اصل مش كل يوم السكان بيطلبو يعنى
نجوى: ماشى انا فضلى دى وواحده كمان وهطلع لمدام هاله
منير: مساء الخير
ام فارس : مساء النور حمد الله على السلامه
منير : الله يسلمك هى نجوى فين ؟
ام فارس : راحت تشوف الحساب الحاجات اللى بتبعها دى وجايه بس أتأخرت
منير : طيب انا هدخل اغير
ام فارس : اعملك الغدا ؟
منير : الساعه 3 زمان نجوى جايه انا هدخل ارتاح شويه عقبال ما تيجى
ام فارس : ماشى
منير : ( داخل الوضه وسابهم )
ابو فارس : هو مالو ؟
ام فارس : مش عارفه متغير صح ؟
ابو فارس : اه مش عاويدو
محمود : مش ترايحى نفسك شويه
سلمى : وهو انا عملت ايه دانا بلف على الستات فى البيوت مش بعمل حاجه
محمود : اه انتى تلفى وترقبى وتاخدى الحاجه انتى وامك تدبحيها وتنضفيها وست نجوى يا دوب تروح تبعهم وهى تاخد قد كده وانتى ترميلك الفتافيت
سلمى : ازاى يعنى انا ونجوى شركه النص بالنص وبعدين ما هى كمان بتروح وبتيجى وبتكشف على الحاجه وبتشيل قد كده
محمود : والله انتى طيبه وبيضحك عليكى انتى حره انا قولت انصحك لوجه الله
انا اتغاديت وداخل انام شويه
سلمى : ماشى يا مودى ادخل نام
( وهى بتكلم نفسها ) عبيطه انا دا كلام امك اكيد قالتلك وقع بينى وبين نجوى عشان اسبلها الشغل والمشروع يبوظ
بس ده بعيد عن شنبك يا رزقه
نجوى : انا جيت نورت البيت ها لبستو ؟
ام فارس : اه لبسنا وابوكى بيصلى المغرب قرب يخلص
نجوى : ماشى هدخل الحمام اخد دوش بسرعه والبس وننزل
ام فارس : طب مش هتاكلى ؟
نجوى : لو تعمليلى اى حاجه فى السريع كده اكولها ابقى متشكره
ام فارس : متشكره وايه الادب ده من ايه ؟
نجوى : اتعاديت من حموزه ههههههههه انا دخاله بقى عشان انجز




( داخلت نجوى تجيب لبس من الدولاب )

منير : لسه جايه دلوقتى 5 ونص
نجوى : اه لسه داخله هاخد دوش بسرعه عشان هنروح عند فارس قوم البس يلا
منير : اقوم البس ؟ انتى قولتيلى انك راحه عند فارس ؟
وبعدين انتى كنتى فين من 9 الصبح
نجوى : عند سليمان مش انا قولتلك ؟
منير : انتى رجعتى تشتغلى فى البيوت تانى يا نجوى ؟
نجوى : لا طبعا
منير : اومال من 9 لحد 5 ونص بتعملى ايه عند سليمان ؟
نجوى : مش وقت الكلام ده يلا عشان اهل حمزه هيجو عند فارس قوم البس عقبال ما اخد دوش والبس
منير : ( قام من على السرير ومسكها من دراعها ) انا لما اكلمك تقفى وتكلمينى فهمه ولا لا ؟
نجوى : اه ايه يا منير فى ايه ؟
منير : فى ان انا قولتلك متشتغليش فى البيوت تانى ورغم كده اشتغلتى صح ولا لا
نجوى : انته عارف الظروف كنت اعمل ايه ؟
منير : ماشى يا نجوى اعمل كل اللى انتى عوزاه انا مش هحسبك بس لما تقى تتجاوز لينا كلام تانى
روحى اشتغالى خدامه فى البيوت وجهزى اختك وعلجى ابوكى بكرا اختك تتجوز ومش هتعرفك
وابوكى بكرا يموت واخواتك ينسو مين اللى كان بيصرف عليه
نجوى : خدامه فى البيوت ؟
شكرا شكرا يا منير بعد ما تقى تتجوز انااللى عاوزه اتكلم معاك
المهم دلوقتى هتيجى معانا ولا لا
منير : لا مش هاجى
نجوى : ماشى برحتك




( داخلت نجوى الحمام اخدى دوش ولبست لقت ام فارس عملالها اكل )


نجوى : ايه يا ماما بقولك اعمليلى حاجه فى السريع تعمليلى ملوخيه ورز وبفتيك ؟
ام فارس : مش يا بنتى تاكلى تسندى قلبك انتى كده هتهفتى
ابو فارس : كلىِ يا نجوى انتى خسيتى اوى دا البنطاون يا بنتى هيقع منك
نجوى : احنا كدا هنتأخر ولسه هنروح نعمل اكل عند فارس ست الدكتوره وامها مش عملين حاجه اهل حمزه نقدمهلهم
ام فارس : طب تقى معملتش حاجه ؟
نجوى : تقى ماسكه الموبيل بتتشات مع حمزه الحب يا اوختشى بقى ههههههههه
ام فارس : اوختشى هههههه انتى يا بت بتتكلمى كده ليه ؟
نجوى : احنا مش فى القاهره هنا البنات الكول اللى بيعملو فيها بيئه بيتكلمو كده
بصى انا هعمل الاكل ساندوتش وخلاص

( نجوى اخدت نص رغيف حطت فيه بوفتيكه وشويت روز ومعلقتين ملوخيه واخدت منهم كام قطمه )

ابو فارس : ايه يا بت العك ده الاكل على بعضو كده ؟
نجوى : عادى يا بابا مانا كده كده هكلو واحده واحده وهينزل المعده على بعضو انا هدخل اجيب الشنطه امسك الساندوتش
ابو فارس : يا مجنونه ربنا يهديكى يا نجوى من الوش اللى عندك
منير : منزلتيش لسه
نجوى : جايه اخد الشنطه
اه صح انته جارحتنى اوى بكلمت خدامه فى البيوت
بس الخدامه دى اللى قبلت بشبكه صينى
قبلت تتجوز من غير فرح وكمان من غير فستان
انا ماشيه
نجوى : يلا وقفين ليه ؟
ام فارس : منير مش جاى معانا ؟
نجوى : لا بيقول ظهرو قافش عليه
ابو فارس : هو فى حاجه انتو متخنقين ؟
نجوى : لا طبعا فين الساندوتش؟
ابو فارس : اهو خودى
نجوى : طب يلا عشان الطريق بيبقى زحمه
ام هدى : اتفضلو تعالو
ام فارس : انتى هنا مروحتيش النادى يعنى
ام هدى : فى ماتش انهاردا الاهلى والزمالك الدورى ربنا يستر ايدى على قلبى
ابو فارس : متخفيش ان شاء الله الاهلى هيكسب
ام هدى : ايه لا الزمالك ان شاء الله هو انته اهلاوى ولا ايه ؟
ابو فارس : اه ليه هو انتى زملكاويه ؟
ام هدى : انا زمالكاويه وافتخر
ابو فارس : اها وانا اقول برضو ماشى هنشوف مين الى هيكسب
هو المتش الساعه كام ؟
ام هدى : 7
ابو فارس : اه يعنى كمان ساعه طيب
ام فارس : ياختى اهلى ايه وزمالك ايه قومى اعملى حاجه معانا الناس زمانهم جايين
ام هدى : لا انا الزمالك هيلعب لازم افضل ادعى ربنا كده عشان يكسب مفيش حاجه تشغلنى
نجوى : ماما كبرى يلا عشان نلحق
ام فارس : طب هنعمل ايه ؟
نجوى : خودى انا جبت دول هما جايين على 8 احنا نعمل مكرونه وكفته مشويه وسلطه والفواكه تعملها سلطه برضو ولا ايه ؟
ام فارس : اللى شيفاه يا نجوى انا معرفش
نجوى : اصلا المفروض كان فارس يقولنا من بدرى
تقى : اعمل معاكم ايه ؟
نجوى : لا ادخلى انتى البسى وروقى نفسك انا وماما هنعمل كل حاجه كفايا عليكى الواد
تقى : هو نايم قولى بس اعمل ايه ؟
نجوى : خودى اعملى سلطة الفواكه طيب
( نجوى وام فارس عملو الاكل بسرعه وحضروه واول ما خلصو لقو اهل حمزه جم )
ام هدى : تعالى يا كنزى الماتش ابتدى
ام حمزه : بجد وكام كام ؟
ام هدى : لسه صفر صفر
ابو حمزه : نفسى اعرف بتستفيدو ايه من الكوره دى غير وجع الدماغ
حمزه : لا يا بابا بس الواحد لما بيشجع فريقو كده ويكسب بيحس بالافتخار
هى تقى فين ؟
ابو فارس : كانت هنا دوقتى جايه هتروح فين
ابو حمزه : هو فارس ومنير ومدام هدى فين ؟
نجوى : منير ظهرو قافش شويه فا مش جاى فارس وهدى فى الطريق
تشربو ايه عقبال ما يجو
ابو حمزه : لو ممكن قهوه مظبوط
نجوى : حاضر وانتو تشربو ايه ؟
ام حمزه : لا انا مش عاوزه
حمزه : ولا انا
ايوه شوط بقى شوط شوط
ابو فارس : ههههههه طلعت باره الحمد لله
حمزه : هو انته اهلاوى يا عمى ؟
ابو فارس : اه طبعا
حمزه : وفارس ؟
ام هدى : ما تتعبش نفسك العيله دى كلها اهلويه معادا تقى هى بس اللى زمالكاويه
ابو فارس : مين دى لا طبعا تقى اهلاويه
ابو حمزه : ههههههه وانتى يا نجوى بتشجعى ايه ؟
نجوى : اتفضل القهوه الاول
بص انا بشجع المنتخب المصرى طبعا لما المنتخب بيلعب كنت اطلع الاعلام انا وتقى وعيال الهام وكنا بقى نخربها اول ما بنكسب
لاكن فى المتشات العاديه انا بشجع اللعبه الحلوه
ام هدى : انتى معندكيش انتماء
ام حمزه : اهى العروسه جات
قولى بقى يا تقى انتى اهلاويه ولا زمالكاويه ؟
تقى : زمالكاويه طبعا زى حمزه
حمزه : ايوه كده شطره شايف ياعمى
ابو فارس : هنكسبكو برضو
حمزه : ادعى بقى يا تقى نكسب ادعى
تقى : يا رب الزمالك يكسب يا رب
نجوى : انا اصلا مش مقتنعه بالكوره دى ايه حاجه مدوره و 22 راجل عمالين يشوطو فيها وكمان مش بتدخل مش ممتعه
ابو حمزه : انا كمان رئيى من رئيك على فكره
نجوى : دا فارس وهدى جم اهو
فارس : أتأخرت معلش والله اسف
ابو حمزه : لا ولا يهمك
حمزه : جوووووون الله اكبر جوان
ام حمزه : ايوه يا تقى ادعى تانى ادعى
ابو فارس : تقى اوعى فهمه اوعى تدعى
فارس : دا جون اوف سيت على فكره
ام هدى : اتلكك بقى ما هو حلو اهو دا جون صروخ
ابو حمزه : هو الماتش ده فاضلو قد ايه ؟
ام هدى : الشوط الاول فاضل 8 دقايق
هدى : هو حضرتك مالكش فى الكوره ؟
ابو حمزه : لا والله مش فى دماغى حمزه وكنزى هما اللى بيحبوها
ام فارس : انا ونجوى والهام وتقى برضو مش بنحب الكوره
ابو حمزه : اومال ما تقى بتحب الزمالك اهو
ام فارس : انا مش عارفه ايه جرالها
نجوى : انا حضرت العشا تتفضلو دلوقتى ؟
ام هدى : لا استنى فى الاستراحه
نجوى : ماشى
هدى : فى حاجه اعملها يا نجوى ؟
نجوى : لا انا عملت كل حاجه اقولك تعالى نغرف عقبال ما الشوت يخلص

( وشويه والاستراحه جات واكلو والشوت التانى بادئ )

فارس : هو فى ايه 1 صفر الزمالك هو اللى كسبان لا فى حاجه
ابو فارس : عندك حق
ام هدى : الحمد لله
تقى ادعى وانبى تانى ادعى انا اتفائلت بيكى
تقى : ( رافعت اديها تدعى ) يا رب جون كمان يا رب ( وبعد 5 دقائق )
حمزه : جووووووون
ام هدى : الله اكبر الحمد لله احمدك يا رب
حمزه : تقى دعائها مستجاب الحمد لله
فارس : تعرفى لو داعيتى تانى هشيلك فى وشك
تقى : ( بخوف ) خلاص اخر مره
حمزه : ادعى تانى ادعى
تقى : لا
ام هدى : المتش خلص الحمد لله 2 صفر انا فى قمة السعاده
فارس : اه يلا من نفسكم اخدتو الدورى مره عندنا منه كتير
ام هدى : النفسنه بقى اهرى كده اهرى
ابو فارس : لا بجد حظ الجونين حظ واخطاء من الدفاع
كنزى : لا الجون الاول كان فى نص الشبكه والتانى كان فى الزاويه اخطاء ايه بقى
فارس : الاول كان تسلل اصلا
حمزه : لا مش تسلل دى حجج
ابو حمزه : مش كل متش تقفلو بخناقه خلاص
لازم اى ماتش فرقه من الاتنين تكسب وخلاص نهدى كده ومبروك للكسبان
مش هما يكسبو واحنا نتخانق
ام فارس : عندك حق والله كورت ايه اصلا طب هما كسبو احنا استفدنا ايه ؟
ام هدى : استفدنا ان الواحد يمشى فى الشارع كده وراسو مرفوعه
نجوى : هههههه انا امشى فى الشارع وراسى مرفوعه لما البرصه تعلى
او سعر الجنيه يبقى اعلى من الدولار
او لما نقضى على البطاله والاميه
او
ام هدى : فى ايه انتى قلبتى منى الشازلى ليه لا روقى كده انا عاوزه اروح احتفل فى النادى
فارس : تروحى فين الساعه 9 ونص
ام هدى : خلاص خليها بكرا بقى
ابو حمزه : نتكلم فى المهم ممكن
ابو فارس : ماشى يا ابو حمزه نتكلم فى المهم
نجوى : جبتلكم فروت سلاط
ام هدى : اه هاتى نحلى اخادنا الداورى
فارس : الحرمان بقى
ابو فارس : خلاص يابنى معذورين دا ياما كانو بيحلمو بيه باقلهم 12 سنه ماخدهوش
حمزه: لو سمحت يا عمى انا مابحبش حد يتكلم كده على النادى بتاعى
ام حمزه : بكره تشوفو الزمالك هيحقق اعلى البطولات
فارس : هههههه بدعاء تقى ان شاء الله
ابو حمزه : ابو فارس خليك معايا
المؤخر فكرت عاوز كام ؟
ابو فارس : انا قولتلك دى بنتك وانته حر
ابو حمزه : نخليه 100 الف ؟
ابو فارس : زى ما تحب والله ما هقول حاجه
حمزه : حتى لو 10 جنيه انا كدا كده مش هدفع مؤخر اصلا
فارس : ليه ان شاء الله ؟
حمزه : عشان مش هطلقها هتفضل مراتى لحد اخر يوم فى عمرى
ام فارس : ان شاء الله تفضلو كده على طول
ابو حمزه : الفرح بقى انا هعملهم فرح اجمل فرح ممكن يتعمل
ام حمزه : الفستان بقى ننزل بكرا نجيبو
ام فارس : طب يعنى الفستان مين هيجيبو ؟ احنا وا انتو ؟
ام حمزه : زى ما تحبو هو فى فرق بنا ؟
حمزه : انا اللى هجبلها الفستان طبعا
ام هدى : خلاص بكرا انزل انا وانتى يا كنزى وانتى يا ام فارس ونجوى نشترى الفستان
ام فارس : ماشى انا مش ورايا حاجه
تقى : طب وهيثم ؟
ام هدى : ناخدو معانا
ابو حمزه : طيب بما ان الشقه مش هتجهزو فا انا مش هكتب قايمه بقى ولا تحبو ايه ؟
فارس : زى ما حضرتك شايف
ابو فارس : لا قايمة ايه ملهاش لزمه
ابو حمزه : خلاص اتفقنا
الفرح نقول اول خميس الشهر الجاى ؟
ابو فارس : على خيرة الله
منير : ها اتفقتو على ايه ؟
نجوى : الفرح اول خميس الشهر الجاى يعنى كمان 13 يوم تقريبا
منير : اه طيب كويس
نجوى : عملت ايه وانا باره ؟
منير : نزلت اتمشيت شوايه وجيت
نجوى : مشوفتش بيعه للتاكسى ؟
منير : كان فى واحد عاوز يشتريه بس مكلمنيش تانى
نجوى : انته بترد على قد السؤال كده ليه ؟
منير : لا عادى انتى راحه لسليمان بكرا ؟
نجوى : اه هروح
منير : طيب بس هقولك حاجه عشان متحرجيش نفسك ال 200 جنيه ولا ال 300 اللى بتكسابيهم فى اليوم من الخدمة فى البيوت مش هيجيبو حاجه لتقى فى مستوى حمزه واهلو
الطقم ابو 420 جنيه بالنسبه لكنزى ام حمزه طقم تقليد مش اصلى مش مركه
الحاجات اللى هتجبيها لتقى لو مش مركات واصلى متجبيهاش عشان شكلكو هيبقى وحش اوى
نجوى : هو ده اللى ربنا قدارك عليه ؟
منير : انا عندى شغل الصبح تصبحى على خير
نجوى : وانته من اهل الخير
هدى : هنام فين دلوقتى امك وابوك نامو فى اوضتنا ؟
فارس : ادخلى نامى انتى مع امك وانا هنام على الكنبه او اقولك ادخلى نامى مع تقى
هدى : ماشى انا هدخل عند ماما ما تيجى معايا
فارس : لا انا هنام هنا
هدى : ماشى هات الواد
فارس : خودى
حمزه : الليله اسعد ليله فى عمرى
تقى : ليه ؟
حمزه : عشان ابتدى العد التنازلى ونتجوز هتفضلى بقى العمر كلو معايا
تقى : بتحبنى ؟
حمزه : اكتر من روحى
تقى : انا كمان بحبك اوى
حمزه: انا عامللك مفجئه
تقى : ايه ؟
حمزه: لا مش هقول لك دلوقتى بعد الفرح هقولك
تقى : اشمعنى ؟
حمزه : ما هى دى المفجئه
تقى : ماشى وانا هستنى تفاجئنى
بقولك ايه اجيب الفستان بديل طويل ولا من غير ديل ؟
حمزه : لا من غير عشان لما نرقص سوى مندوس عليه ؟
تقى : نرقص ؟ لا طبعا انا معرفش
حمزه : بس انا بعرف
تقى : ايوه بس يعنى
حمزه : بس يعنى ايه ؟
تقى : لا ولا حاجه بقولك ايه ايه رئيك فى فرحنا اشيل النقاب ؟
حمزه : لا طبعا انا مش عاوز حد يشوفك ؟
تقى : اومال لما اتصور هطلع فى الصور بالنقاب ؟
حمزه : بصى الاستديو بيبق فى ست بتصور المنقبات دى هتصورك من غير نقاب
فى الفرح بقى انا مسمحش حد يشوفك انتى ليه لوحدى وبس
تقى : حاضر يا حبيبى اللى تقول عليه



( وتانى يوم راحو ينقو الفستان ونجوى مراحتش معاهم )

نجوى : سليمان قولت ايه ؟
سليمان : المبلغ ده كبير اوى 30 الف لا كتير
نجوى : هردهوملك صدقنى وهمضيلك وصل امانه
سليمان : طب هتعملى ايه بالفلوس دى ؟
نجوى : انا اختى بتتجوز ومحتاجين فلوس
عقبال بس ما ابيع التاكسى وهسددلك الفلوس
سيدا : خلاص بقى يا سليمان قوم اديها الفلوس
سليمان : ماشى يا نجوى بس تمضيلى وصل امانه ؟
نجوى : ماشى بس هات الفلوس
نجوى : الله حلو اوى اوى الفستان
ام فارس : ماجتيش الصبح ليه يا نجوى جايلنا 6
نجوى : معلش عقبال ما خلصت الشغل
تقى : اول ما شوفت الفستان عجبى اوى ام حمزه كمان لما انا قستو جابتهولى على طول
ام هدى : وكمان شوفى يا نجوى الجزمه حلوه اوى
ام فارس : ولا الطرحه شوفى كمان النقاب هجيب خرز واترزو عشان يبقى شبه الفستان
ام هدى : تعرفى يا نجات ؟
ام فارس : اه دانا زمان كنت بترظ وبخيط كمان
ام هدى : واو بجد برافو
مالك يا نجوى سكته كده ليه ؟
نجوى : دايخه شويه بس لا تمام مش هننزل بقى نشترى الحاجه اللى نقصانا
ام هدى : عاوزين تشترو ايه ؟
نجوى : لبس وقمصان نوم فارش حلو كده عشان الدخله لبس للبيت بس يكون مركات
ام هدى : انا اعرف محلات حلوه اوى بس المركات غاليا
نجوى : مش مهم انا معايا فلوس
ام هدى : ماشى انا هروح البس وننزل
تقى : اجى معاكم انقى عشان خطرى ؟
نجوى : طبعا يا عروسه يلا قومى البسى
تقى : نجوى انا كنت عاوزه اطب منك حاجه بينى وبينك
نجوى : ماشى خير




(ويوم ورا يوم بيعدى والكل مهتم بتقى ونجوى كانت تجيب كل حاجه تعجب تقى وغير كده كانت راحه جايه مع بابها على المستشفى ورغم كل الارهاق ده محدش فكر من فارس او الهام يشيل مع نجوى شويه لحد ما جه يوم الفرح )

نجوى : كمان مش هتيجى الفرح ؟
منير : هاجى بس بليل انا هروح الشغل ولما اخلص هاجلكم على القاعه
نجوى : ماشى مامتك جايه ؟
منير : محمود هيجبهم بليل كلهم جايين
نجوى : طيب انا هروح عشان هروح الكوافير مع تقى مش عاوز تقولى حاجه ؟
منير : لا
نجوى : طب ممكن لما تيجى الفرح بليل متبينش ان احنا زعلانين من بعض ؟
منير : زعلانين من بعض
هو انتى زعلانه منى ؟ انا عملتلك ايه ؟
نجوى : انته مش قولت بعد الفرح هنتكلم بعد الفرح بقى سلام
ام حمزه : صباح الخير يا حبيب ماما صاحى بدرى وقاعد على النت برضو
حمزه: براجع يا ماما عشان منظرى مايبقاش وحش قدام تقى
ام حمزه : حبيبى مانته ذاكرت كتير والحمد لله بتعرف
حمزه : يعنى تقى هتقدر انا ليه خبيت عليها ؟
ام حمزه : طبعا وبعدين يوم ورا يوم هتبقى احسن
حمزه : طب اشوف الفيديو ده اخر واحد
ام حمزه : طب تعالى اتفرج معاك
حمزه : دى تقى بتكلمنى على الفيس
تقى : صباح الخير ؟
حمزه : صباح النور يا عروستى عامله ايه ؟
تقى : الحمد لله مستنيه نجوى عشان نروح الكوافير
انته بقى بتعمل ايه ؟
حمزه : بظبط عشان المفجئه
تقى : يادى المفجئه طب قولى هى ايه ؟
حمزه : لا هقولك بليل
تقى : ماشى هستنى بليل انا كمان عملالك مفجئه
حمزه : بجد؟
تقى : اه بس هقولهالك فى الفرح





يا ترى ايه هى مفجئة تقى لحمزه وايه هى مفجئة حمزه لتقى ؟



يتبع......


لامارا غير متواجد حالياً   رد مع اقتباس
قديم 02-10-16, 04:26 PM   #27

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



احلقه { 25 }



ام فارس : الحمد لله عشت وشوفت تقى عروسه الحمد لله
ام هدى : ومش اى عروسه دى قمر الله اكبر فى عينى
هدى : لا بجد يا تقى الله اكبر فى عين كل الناس
الهام : ( وهى قاعده جنب نجوى تحت الاستشوار هما الاتنين )
نجوى : مالك يا نجوى ساكته ليه ؟
نجوى : لا ابدا مصدعه شويه
الهام : معلش اهى اختنا برضو وكل واحد بياخد نصيبو متزعليش
نجوى : مزعلش ؟ وانا ايه هيزعلنى ؟
الهام : شكلك زعلانه اوى ليه كده انا عارف ليه زعلانه بس اهو بقى اديكى اتجوزتى وخلاص احمدى ربنا
نجوى : لا بجد مش فهمه ؟
انتى فكرانى غيرانه من تقى ؟
الهام : لا مش غيرانه بس اكيد من جواكى يعنى بتقولى اشمعنى تقى حمزه يعملها فرح ويجيبلها فستان وشقه بسم الله ما شاء الله وانتى لا
نجوى : انتى شيفانى كده على العموم ربنا عالم باللى جوايا
بس لو انا هقول كده اكيد انتى كمان هتقولى
اشمعنى حمزه ليل نهار مع تقى وانا اتجوزت وجوزى سابنى ورمالى ابنو وسافر
اشمعنى تقى جوزها نايم جنبها وانا جوزى الله اعلم مين نايم جنبو دلوقتى
الهام : انتى قليلة الادب
نجوى : انا قايمه من جنبك اصلا
ام فارس : فى ايه يا نجوى مالك ؟
نجوى : مفيش
ام هدى : لا بجد شكلك قمتى كده فى ايه فى حاجه مدايقكى ؟
نجوى : انا مش قولت مفيش انا اعصابى بس تعبانه هبقى كويسه دلوقتى
هدى : نجوى انتى وشك اصفر كده ليه ؟ شكلك حامل
نجوى : حامل ؟ تفتكرى ؟
هدى : اه انا لما كنت حمل فى الاول مكنتش طيقه دبان وشى وكنت مصفره زيك كده
انتى بتكلى كويس ؟
ام فارس : لا مش بتاكل وكمان امبارح رجاعة
نجوى : انا تلاقى بس عندى برد فى المعده مش اكتر حمل ايه بس
هدى : طب بصى فى معمل تحليل قريب روحى اعملى تحليل اجى معاكى ؟
نجوى : اه تعالى يمكن اكون حامل يا ريت
ام فارس : يا رب تكونى حامل
هدى : تعالى نروح هنيجى على طول يا جماعه




( راحت هدى و نجوى المعمل وعملو تحليل الدم بتاع الحمل وفضلو مستنين ومعاهم هيثم الصغير )

نجوى : يا رب اكون حامل يا رب
هدى : نفسك تبقى ام يا نوجى هههههههه
نجوى : اه يا ريت
هدى : بصى انا عارفه انى مش صحبتك اوى والعلاقه بينى وبينك يعنى بس والله انا بحبك ما تيجى نبقى اصحاب ؟
نجوى : ماشى انا عن نفسى موفقه
هدى : احكيلى بقى مالك ؟
نجوى : مالى يا هدى بس مانا كويسه
هدى : لا انتى بقالك فتره متغيره وكمان انهارده شكلك متعصب قمتى كده من جنب الهام وانتى شكلك مش مظبوط
نجوى : اقولك ايه بس تخيلى دى فكرانى غيرانه من تقى بعد كل اللى بعملو ده وانا غيرانه
هدى : غيرانه ليه ان شاء الله ؟
نجوى : عشان تقى هيتعملها فرح وفستان وشقه وانا ماجاليش ده لما اتجوزت
هدى : ههههه ايه النفسيات دى طب هى ليه تفكر كدا
نجوى : ما دا اللى عصبنى خلانى قولتلها زى مانتى هتغيرى منها ان حمزه هيفضل مع تقى وانتى جوزك سايبك راحت قالتلى انى قليلت الادب
هدى : دى اختك الكبيره برضو يا نجوى مش المفروض تردى عليها اسمعى من هنا وخرجى من هنا
نجوى : هو ان عشان راحه جايه وبضحك وبهزر ابقى خلاص
انا برضو عندى مشاكل ربنا عالم انا ومنير تقريبا مش بنكلم بعض
هدى : ليه هو انتو لحقتو 5 شهور جواز
نجوى : اهو بقى التانى عشان ربنا ادالو وظيفه ومرتب بيتنطط عليا
هدى : ليه يعنى فى ايه ؟
نجوى : مالوش لازمه الكلام بس انا اللى واجعنى انى فرحانه لتقى وراحه جايه معاها وجبتلها كل اللى هى نفسها فى ورغم كده الهام تقول كده
هدى : الحق يتقال دى ماما قالتلى انك اشتارتلها كل حاجه مركات حتى المكياج
بس تعرفى حاجه تشرف عشان ام حمزه دى اصلا كل حاجه عندها اصلى
نجوى : ما عشان كده انا اشتارتلها كل حاجه مركه
هدى : بس انتى جبتى الفلوس دى منين ؟
نجوى : استلفتهم من الراجل اللى شغاله معاه اللى بيوزعلى الطيور والحاجات اللى بابعها
هدى : امممم طيب
المفروض التحليل طلع ماتيجى نستلمو
نجوى : تعالى
ام فارس : ها طمنونى ؟
هدى : عيب دانا دكتوره المدام حامل فى الاسبوع السادس
تقى : ( قامت من على الكرسى بتعها وحضنت نجوى جامد وراحت مدامعه )
نجوى : ايه ده فى عروسه تدمع كده
ام حمزه : لا دا فال مش حلو متعيطيش
تقى : فرحانه عشان نجوى حامل مبروك يا نجوى يا حببتى مبروك
ام حمزه : الله انتى كمان هتعيطى يا ام فارس ؟
ام فارس : الحمد لله بنتى حامل والتانيه بتتجوز الحمد لله يا رب لما اكلم ابوكى افرحو
نجوى : بس قوليلو مايقولش لمنير او لحد عشان هعملهالو مفجئه
ام فارس : حاضر احمدك يا رب
الهام : مبروك يا نجوى متزعليش منى والله ماقصد ازعلك والله
نجوى : قبل ما تطلعى الكلمه فكرى فيها شوفيها هتوجع ولا لا
هدى : خلاص بقى انهارده الفرح مفيش مكان لزعل انا هروح اكوى شعرى حد ياخد الواد ده
تامر : هاتيه يا طنط انا اخد بالى منه
ام حمزه : لا طبعا هتيه انا انته صغير
ام هدى : طول عمرك بتحبى الاطفال الله يكون فى عونك يا ابن حمزه
ام حمزه : امتى اشوفو يا رب ارزقهم بالزريه الصالحه يا رب
حمزه : انته جاى دوقتى يا ندل كده برضو
منير : مش لما جيت من لشغل قولى اعملك ايه ؟
حمزه : ولا حاجه انا بس عوزك تنقلى خبرتك فى الجواز
منير : خبرتى اللى هى ايه ؟
حمزه : اه يعنى اول ما اتجوز اعمل ايه ؟
منير: هو انته جاى دلوقتى تسئل تعمل ايه ؟
حمزه : قظر انا مش قصدى اللى انته فهمتو
انا اقصد يعنى اقولها ايه اعبرلها عن حبى ازاى ؟
منير: لا الحاجات دى بتبقى تبع التساهيل وكل واحد بقى وحسب مايعرف يقول
حمزه : جبت التايها
فارس : الكرفاته يا عريس
حمزه : شكرا يا فارس
فارس : العفو عاوزك بقى تخلى بالك من تقى دى اخر العنقود ها خلى بالك
منير : اخر العقود اومال نجوى ايه ؟
فارس : لا نجوى اتولدت الاول وبعد كده تقى
منير : شوف ازاى وانا كنت فاكر ان اكمنهم توئم يبقو الاتنين قد بعض
منير : لا ما هما قد بعض بس نجوى هى اللى اتولدت الاول
حمزه : اوعدك انى احطها فى عينى ومش هزعلها ابدا ابدا
فارس : يا رب تصدق فى كلامك
يلا البس بقى لحسن خلاص الساعه 7



( وبعد شويه راح حمزه للكوافير اخد تقى وراحو عشان يتصورو صور الفرح)

المصوره : مبروك يا عريس مبروك يا عروسه
حمزه : الله يبارك فيكى حضرتك
المصوره : هههههه شيلى النقاب عشان الصور بقى
حمزه : ( شال بأيدو النقاب وهو بيبص فى عيون تقى اللى كلهم كسوف ) ايه ده يا ربى اجمل عيون فى الدنيا
تقى : ( اتكسفت ) هههههه
المصوره : ايه يا عروسه لا منتكسفش بقى عشان الصور تكون حلوه دى اجمل صور فى حياتكم


( وفعلا اتصورو والصور طلعت تحفه )

المصوره : الله اكبر بجد اجمل عروسه اصورها انتى حلوه اوى فى الصور يا عروسه
حمزه : طبعا هو فى احلى من تقتقه
المصوره : ربع ساعه والصور هتكون موجوده اللى هتوزعوها على المعازيم
حمزه : طب هو مينفعش حد غيرنا اصل احنا لازم نروح عشان الزفه
المصوره : اه طبعا اى حد
حمزه : اوك انا هقول لمنير
نزلى النقاب بقى
المصوره : فى مرايه اها اظبطى فيها لو تحبى





( خارج تقى وحمزه من عند المصوره )

حمزه : منير ممكن تستنى بس تستلم الصور من الاستديو عشان نوزعها على المعازيم
منير : ماشى يا صاحبى انته تأمر
نجوى : وانا هستنى مع منير
تقى : لا تعالى معايا متسبنيش انهاردا ابدا
نجوى : هجيلك على طول
منير: لا روحى انتى مع تقى وانا هاجلكم
نجوى : طيب ماشى



( وهما راكبين العرابيه وريحين على القاعه حمزه وتقى ونجوى ورا على الكنبه وابو حمزه وام حمزه قدام )

تقى : نجوى انا فرحانه اوى اوى حاسه انى مش وقفه على الارض انا طايره من السعاده
نجوى : ههههه يا حبيبتى ربنا يسعدك يا رب كمان وكمان انا كمان فرحانه عشانك اوى
تقى : انا متشكره اوى على كل اللى عملتيه معايا
نجوى : بس يا عبيطه متشكره على ايه طب تصدقى انا انهاردا فرحانه اكتر ما كنت فرحانا فى فرحى
تقى : ما هو فرحك برضو صح
نجوى : صح




( ابتدى الفرح والزفه والكل فرحان وشويه منير وصل بالصور )


نجوى : ورينى كده يا مونى الله دى حلوه اوى
منير: اول مره اشوف تقى بجد حلوه اوى
احلى منك بكتير
نجوى : مش قولتلك دى قمر الله اكبر
بس انا ليه حسه انك بتتريق ؟
منير: لا عادى انا هروح اشوف ماما واخواتى قعدين هناك
روحى انتى شوفى البوفيه ولا خدمى على المعازيم ( وسابها ومشى )
نجوى : ( وهى بتكلم نفسها ) اخدم على المعازيم ماشى يا بن رزقه مانته ربنا اداك انته الفقر للى زيك احسن
الهام : ها جبتى الصور ؟
نجوى : اه شوفى ؟
الهام : الله دى حلوه اوى تعالى نوزعهم بقى
نجوى : نوزع ايه مش احنا اللى بنوزعها
الهام : اومال ايه ؟
نجوى : لا دى الصور بتبقى مع تقى وحمزه شويه هما هيروح يسلمو على المعازيم ومعاهم دفتر وكل واحد من المعازيم يكتبلهم كلمه فى الدفتر ده وهما يديلو صوره فهمتى ؟
الهام : يا سلام انا اول مره اشوف كده
نجوى : ام حمزه يا ستى هى صاحبت الفكره شوفى كمان ورا كل صوره مكتوب اسم حمزه وتقى وتاريخ جوازهم وكمان داعوه السنه الجايه لحضور عيد جوازهم الاول
الهام : اهى دى الحموات اللى عاوزه تفرح بعيالها مش الارشنات ام فكرى وام منير بلا نيله
نجوى : لا بصرحه ام حمزه كويسه وطيبه مش زى ام قويق دى
الهام : ههههههه حلوه اوى ام قويق دى يا بت يا نجوى يخرب بيت عسلك
نجوى : طب يلا ياختى نروح نشوف تقى لازم نبقى جنبها
الهام : روحى انتى وانا هشوف ماما
نجوى : ماشى
ام فكرى : شفتى ياختى الفرح متكلف
ام منير: اه شايفه ايه المكان ده انا عمرى ما كنت افكر ادخلو وكمان على النيل وكشافات طالعه نزله والبلالين ايه دا كلو
ام فكرى : فشخره ومصريف فاضيه
سومه : دا بيقولو صافينار هترقص وكمان جايبين حماقى وتامر عاشور
ام منير : ههههه ليه دا كلو
ام فكرى : على اساس العروسه يعنى سمعه حاجه
ام منير : على رئيك
سومه : ماما اروح اقف مع البنات عشان خطرى
ام منير: لا
سومه : منير عاوزه اروح اقف جنب تقى واتصور معاها
منير : طب تعالى
ام منير: تروح فى ايدك وتجبها فى ايدك ماشى ؟
منير : ماشى
ام فكرى : شايفه فستانها حلو اوى
ام منير: الله يرحم الجلابيه اللى نجوى اتجوزت بيها
ام فكرى : ادى الحلق اللى بلا ودان
ام حمزه : مبروك يا حبيبى انا فرحانه اوى
حمزه : الله يبارك فيكى يا ماما بس والله منظرى وحش عماله تبوسى فيه خلاص وانبى
ام حمزه : فرحانه بيك يا حموزه
حمزه : ابوس ايدك انا راجل اعمال محترم لو حد سمعك هتفضح بحموزه دى خلى حموزه فى البيت
ام حمزه : ماشى يا حبيبى هات بوسه
حمزه : هار اسود
ام حمزه ههههههههه دا تامر جه




( ابتدى تامر عاشور يغانى وتقى وحمزه نزلو يرقصو على الاغنيه دى )

وانا من غيرك الدنيا لما اتخيلها بلاقينى صعب اكملها
وانا لو قدرت اعيش بعدك دانا اموت ولا انى اعملها
وانا من غيرك احلامى مش عايز احلمها تبقى الحياة زى عدمها
كلمة حبيبى استحرمها مع حد تانى غيرك اقولها
بس وانا معاك انا نفسى عمرى ما يخلص جوايا
كلام ما بيتقلش لكن يتحس
لو فى حاجة مش حلوة فى عينى كفاية اشوفك بس
عشان تحلى فى عينى لما انت تبصلها




( تقى كانت بترقص حلو اوى على الاغنيه بين ايدين حمزه وحتى فى الاغانى اللى فيه حركه كانت بتتحرك حركات صحيح هاديه بس ليقه اوى على المزيكا )




هدى : ايه دا يا فارس هى ازاى كده بترقص ؟
فارس : مش عارف ؟
هدى : هى سامعه المزيكا
فارس : اكيد لا
هدى : طب ازاى ؟
ام هدى: ايه ده ؟
ام حمزه : انتى مش قولتى انها مش بتسمع ؟
ام هدى : اه والله دى مش بتسمع خالص
ام حمزه : اومال ازاى بترقص كده
ابو حمزه : فين بترقص دى يادوب بتتحرك بس
ام حمزه : ولو بس الحركه ليقه اوى على المزيكا ؟ ليكون من الفرحه ربنا شفاها ؟
ام هدى : تفتكرى ؟
ام فارس : البت حلوه اوى ياابو فارس
ابو فارس : الحمد لله انا كده مطمن عليها
ام فارس : انته قولت لمنير او لحد ان نجوى حامل ؟
ابو فارس : لا مش انتى قولتى ماقولش لحد
ام فارس : انا شايفه ان منير ونجوى بنهم حاجه انا بفكر اروح اقولو يمكن يتصلحو
ابو فارس : لا خلى نجوى هى اللى تقولو
ام فارس : طب هو احنا بعد الفرح هنروح فين ؟
ابو فارس : هنروح عند فارس هنروح فين يعنى متفكريش سقفى زى الناس ما بتسقف افرحى بالبت مش كنتى هتموتى وتجوزيها اها اتجوزت
ام فارس : الحمد لله





( وبعد ما الفرح خلص )

حمزه : مبروك يا عروستى
تقى : ( مكسوفه وباصه فى الارض )
حمزه : نشيل بقى النقاب عشان اشوف القمر
تقى : ( لسه مكسوفه وبتحاول تدور على الموبيل بعنيها )
حمزه : بتدورى على ايه ؟
تقى : ( شورتلو باديها زى ما تكون عاوزه تعمل مكالمه ) الموبيل
حمزه : ليه الموبيل مش عاوزه تعرفى المفجئه بتعتى طب الاول ؟
تقى : اه
حمزه : انا باقيت اعرف اتكلم بالاشاره يعنى من انهارده مش هتحتاجى الموبيل تانى عشان تتكلمى معايا
تقى : مش ممكن اتعلمت ازاى ؟
حمزه : من اليوت يوب فى دروس كتير اتعلمت منه حلوه المفجئه ؟
تقى : حلوه اوى
حمزه : قوليلى انتى بقى المفجئه قولتيلى فى الفرح ومقولتيش
تقى : المفجئه ان انا اتمرنت انى ارقص على الاغانى وانى هرقص معاك زى ما كنت بتتمنى
حمزه : طب اتمرنتى ازاى
تقى : من نجوى هى اللى علمتنى وكمان كانت واقفه جنبى كنت كل ما يجيبو اغنيه ابص عليها واشوف اتحرك بسرعه ولا براحه
والحركات بقى كنت باحساسى
حمزه : يا حساس انته ههههههههه
نجوى : انته لسه قافش فك بقى جيبالك خبر حلو
منير : ايه
نجوى : ايه
طب دلعنى كده قولى ايه الخبر يا نوجى
منير: انت عاوزه ايه وخبر ايه اللى حلو ؟
نجوى : انا حامل
منير : حامل
( تليفون منير رن )
نجوى : مين بيكلمك دلوقتى ؟
منير : لا مش مهم دا حد من الشغل
نجوى : يعنى مسمعتش منك مبروك
منير : مبروك بس ناويه بقى تعملى ايه فى الشغل
نجوى : ماتقلقش انا مرتبه كل حاجه
منير: وهتسددى فلوس سليمان ازاى ؟
نجوى : فى ايه يا منير انته مش طبيعى بقالك فتره مالك
منير: انا انا
نجوى : اه انته ايه ؟
منير : ولا حاجه ماتيجى ندخل نرتاح شويه
نجوى : طب قولى فى ايه ؟
منير: مفيش حاجه
نجوى : اقطع دراعى من هنا ان فى حاجه
منير : قولت مفيش انا داخل انام ( وسابها ودخل )
نجوى : لا انته عامل علمله اه بس هيكون عمل ايه ؟





تفتكرو منير عمل ايه ؟


يتبع........



لامارا غير متواجد حالياً   رد مع اقتباس
قديم 02-10-16, 04:26 PM   #28

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 26 }



نجوى : اقطع دراعى من هنا ان فى حاجه
منير : قولت مفيش انا داخل انام ( وسابها ودخل )
نجوى : لا انته عامل علمله اه بس هيكون عمل ايه ؟
( وهى بتكلم نفسها ) معلش اخليها عليا انهارده فرح تقى بلاش اقلبو نكد ادخل اصالحو وخلاص خلينى انا الاحسن
( داخلت نجوى لمنير وهو قاعد متوتر ومدايق )
نجوى : لو شغلى مدايقك مش هشتغل تانى فى البيوت خلاص مش هعمل كده تانى بس لو سامحت متنكدش عليا فى احلى يوم فى حياتى
منير: احلى يوم اومال يوم جوزنا كان ايه ؟
نجوى : لا يا حبى يوم جوزنا كان اسعد يوم فى حياتى عشان انته مصدر السعاده عندى
منير : بجد بتحبينى ؟
نجوى : لسه بتسأل دانته مش بس حبيبى انته كل حاجه عندى
قولى بقى انته مش واخد بالك ولا ايه يعنى مقولتش حاجه ايه رئيك
منير : على ايه ؟
نجوى : شعرى قصيتو حلو ؟
منير : جميل
نجوى : لا بقى فى حاجه قول يا حبيبى مالك هتخبى عليا
منير : مفيش متزعليش منى انى قولتلك حاجه جرحتك بس انا فعلا مدايق شويه
نجوى : طب من ايه ؟ احكيلى حبيبى مش انا سترك وغطاك
منير : ( وهو بيحاول يغير الموضوع ) هتعملى ايه فى فلوس سليمان ؟
نجوى : هبيع التاكسى وبفلوسو هسدد الفلوس والباقى هدفعو مقدم للعربيه اللى هشتريها
منير : والاقساط هتدفعيها منين ؟
نجوى : من الشغل الحاجات اللى بابعها
منير : طب ما البنك عاوز ضمان عندك ضمان ؟
نجوى : اه طبعا مرتبك
منير : لا ملكيش داعوه بمرتبى فهمه ولا لا
نجوى : لا مش فهمه بس ماشى زى ما انته عاوز ممكن اعملو على مرتب فارس او حتى بضمان البيت اللى فى البلد
كنت فكرك هتقف جنبى
منير : هو انتى بجد حامل ؟
نجوى : انته مش مصدق ولا ايه ؟ هو فى ايه يا منير لا بجد فى حاجه ؟
منير : اصل انا بفكر اسيب الشغل
نجوى : ليه مش انته كنت فرحان بييه وكنت بتقولى المرتب حلو وكمان الشغل مش متعب
منير : مش مرتاح بس لو سبت الشغل هنسيب الشقه هنا كمان
نجوى : بص يا منير انا مش لسه هعرفك انهارده انته عامل عمله ايه هى الله اعلم بس مسيرى هعرف
منير : انتى هتفضلى ضربه البوز وال 111 دول ؟
نجوى : مانته السبب من الصبح عماله ادالعك واقول يا بت مش مهم وانته مصدر الوش الخشب خلاص نضرب ال111 وانته اللى جبتو لنفسك بقى
منير : خلاص متزعليش يا نوجى يا حببتى يا ام ابنى الجاى
نجوى : ايوه كده اتعدل
منير : ماشى هتعدل بس فى حاجه كده محتار فيها ومش مقتنع الصراحه
نجوى : حاجة ايه ؟
منير : مش تقى منقبه وحمزه قالها لا محدش يشوفك فى الفرح يبقى ازاى وزع صور تقى فى الفرح بوشها ؟
نجوى : لا ما هى الصور الى وزعوها على الناس مكنتش بوشها انته ماشفتش الصور ؟
منير :لا شفتها كلهم كلهم كانت بوشها
نجوى : لا بص انا اخت صوره بص
اها هى دى اللى وزعوها وكمان معموله كرتون انمى يعنى ؟
منير : انا مشفتش الصور دى ؟
نجوى : مش هما كانو اكتر من صوره كبيره وفى ظرف كده طخين شويه ؟
منير: اه دانا بحسبو صور زى الصور الكبيره فا مفتحتهمش ؟
نجوى : لا دول كانو الصور دى حلوه
منير : اه شكلها جديد انها كرتون
يا ترى حمزه بيعمل ايه دلوقتى
ام حمزه : ايه ده انته باره اوضتك ليه ؟
حمزه : كنت بغير البدله
ام حمزه : طب مغايرتش فى الحمام بتاع اوضتك ليه ؟
حمزه : بصراحه اتكسفت ههههه
وكمان عشان لو تقى عاوزه الحمام ماتتكسفش
ام حمزه : ماشى خود بقى انا كنت هدخلكم العشا ملحقتوش تاكلو حاجه فى الفرح
حمزه : ماما منظرى ايه وانا داخل بالصنيه كده لا مش حلوه
ام حمزه : هحطهالك على التربيظه العجل طيب
حمزه : اه يا ريت
هو بابا فين ؟
ام حمزه : نام
حمزه : اممممم طيب
ام حمزه : عملت ايه لما عرفت انك اتعلمت الاشاره ؟
حمزه : فرحت اوى وفضلت تتكلم معايا شويه بس هى مكسوفه اوى يا ماما اعمل ايه ؟
ام حمزه : لاعبها قولها نكته حلوه واحده واحده هتاخدو على بعض
حمزه : ماشى
ام حمزه : خود بقى الاكل وادخل

( حمزه اخد الاكل وداخل عند تقى )

حمزه : اتاخرت عليكى ؟
تقى : لا
حمزه : ماما خافت تكونى عاوزه تاكلى فا جابت لنا اكل
تقى : "
"
"
حمزه : ( وقف قدمها ومد ايدو يمسك اديها ) تعالى جنبى هنا ناكل سوى فى الفرح ماكلناش
تقى : ( سحبت اديه وهى مكسوفه ) انا مش عاوزه اكل شبعانه
هو الموبيل بتاعى فين ؟
حمزه : معايا اجبهولك ؟
تقى : عاوزه اكلم نجوى
حمزه : حاضر بس ليه ؟ انا معاكى اهو يا عمرى عاوزه ايه ؟
تقى : مش عاوزه
حمزه : تشربى مايه ولا عصير
تقى : اى حاجه
حمزه : انا هشرب عصير اشربى زيى اتفضلى
تقى : عصير ايه ده ؟
حمزه : ( شرب بق ) تفاح بتحبيه ؟
تقى : اه اوى
حمزه : بتحبى التفاح اكتر ولا انا اكتر ؟
تقى : هههههه
حمزه : اكيد انا صح ؟
تقى : اه
حمزه : تاكلى تورته بالشكولاته ؟
تقى : اى حاجه
حمزه : التورته شكلها حلوه اوى
تيجى نقطعها سوى فى الفرح اتكسفتى تقطعيها معايا يا وحشه وسبتنى انا اعملها هاتى ايدك بقى نقطعها سوى ( مسك ايد تقى والسكينه و اقطع التورته واخد القطعه وحطها فى طبق وشوكه ) امممم حلو اوى افتحى بؤك هم يا جمل
تقى : حلوه اوى
حمزه : خودى بقى الشوكه اكلنى انا
تقى : ( اخدت الشوكه واكلتو )
حمزه : اممممم حلوه اوى بس انتى احلى وعنيكى احلى واحلى
بصى بقى انا اخد حته بالشوكه وناكلها احنا الاتنين يلا
تقى : لا
حمزه : هاااااااااا لا انتى يوم دوخلتنا وتقولى لا اومال لما نعدى 40 يوم هتقولى ايه
يلا ناكل الحنا الاتنين
تقى : لا
حمزه : تعرفى لو مأكلناش احنا الاتنين انا هعمل ايه ؟
تقى : بس بقى يا حمزه ( وقامت من جنبو )
حمزه : ( حط الطبق على الترابيظه وقام وراها ) بحبك اوى
تقى : وانا كمان
حمزه : اااااا ايه ؟
تقى : هههههه
ابو حمزه : كنزى انتى بتعملى ايه عندك انتى بتلمعى اوكر ؟
ام حمزه : هششششششش ( وادخلت بيه للاوضه بتاعتهم )
انا بس خايفه على حمزه اول مره يتجوز وخايفه عليه
ابو حمزه : طب وواقفه ورا الباب ليه ما تدخلى نامى وسطهم عشان تطمنى على ابنك
ام حمزه : مابخودش منك غير تريقه
ابو حمزه : يا مفتريه كل اللى بعملو ده وفى الاخر مش بتاخدى منى غير تريقه
ام حمزه : ربنا يخليك لينا يا حبيبى قولى صحيح عملت ايه فى التاشيرات انا نسيت اسألك
ابو حمزه : البسبور اهو يا ستى فيه التأشره والتذاكر كمان بكرا الطياره الساعه 4 العصر لدبى
ام حمزه : يا رب يبقى شهر عسل سعيد يا رب يهنيك يا حمزه يابنى يا حبيبى



( وتانى يوم الصبح )

حمزه : ( صحى من النوم الساعه 9 وفضل يبص على تقى لحد ما هى صحيت لوحدها الساعه 10 )
صباح الخير يا برنسس
تقى : صباح النور حلوه اوى برنسس دى
انته صاحى من بدرى ؟
حمزه : اه من 9 وقاعد مستنى حبيبتى تصحى
تقى : طب ليه مصحتنيش ؟
حمزه : كنت هصحيكى بس لقيت ملاك نايم قولت اتفرج شويه
تقى : ههههههه هتفضل تكسفنى كده
حمزه : اكسفك ايه بس انا لسه قولت حاجه
ابو حمزه : يا كنزى انتى عليكى بيضه هتفضلى راحه جايه كده فى ايه ؟
ام حمزه : الساعه 11 وحمزه لسه مصحيش انا قلقانه عليه
ابو حمزه : ما ممكن يكون صحى بس ماقمش وبعدين ده عريس يعنى مش هيقوم بدرى على طول
ام حمزه : اهو ده بقى اللى انا خايفه منه ان تقى تاخدو منى
ابو حمزه : بقولك ايه صلى على النبى كده ووحدى الله وقومى اعمليلى فطار الساعه 11
ام حمزه : هو مش انهارده الجمعه ؟
ابو حمزه : اه ليه ؟
ام حمزه : ما تنزل تصلى وتريحنى وسبنى فى حالى
ولا اقولك انا هروح اصحى حموزه عشان ينزل يصلى معاك
ابو حمزه : استنى هنا اوعى تصحيه سبيه برحتو
ام حمزه : حبيب ماما اهو صحى
حبيبى عامل ايه احكيلى عملت ايه ؟
حمزه : صباح الخير يا ماما الاول
ام حمزه : صباح النور يا حبيبى قولى فيك حاجه ؟
حمزه : لا انا كويس مالك يا ماما قلقانه كده ليه
ابو حمزه : مانته الحيله مانته عارف امك
ام حمزه : يعنى مش عاوزنى اقلق عليك اول مره تتأخر فى النوم كدا
ابو حمزه : الله مش عريس
حمزه : قول لها يا بابا هو الفطار فين ؟
ام حمزه : هحضرهولك ثوانى
ابو حمزه : اه ابنك ثوانى انا تقوليلى انزل صلى
ام حمزه : الله مش ابنى حبيبى ربنا يخلهولى يا رب
حمزه : ويخليكى ليه اعملى الفطار بقى عشان الحق افطر انا وتقى
ام حمزه : يعنى مش هتفطر معانا ؟
حمزه : لا انا وهى بسرعه بقى هاخد دوش تكونى انتى خلصتى ماشى
بابا فين البسبور ؟
ابو حمزه : جوا هجبهولك
حمزه : اوك انا داخل ( وسابهم وداخل الحمام )
ام حمزه : شفت بدئنا
ابو حمزه : امممممم فعلا
نجوى : ( صحيت من النوم بتدور على منير ) منير منير هاتلى اشرب عطشانه
( فتحت عنيها ) ايه ده هو راح فين ؟
( قامت تدور عليه فى الشقه ملقتهوش داخلت المطبخ تشرب ) دا راح فين ده يمكن يكون نزل يجيب فطار
اكلم البت تقى ولا لا تلاقيها نايمه يا حبيبتى ربنا يهنيكى يا رب
( وهى بتشرب سمعت صوت منير من شباك المطبخ )
ايه ده مش ده منير دا بيتخانق ده ولا ايه ؟

( قربت من الشباك وفضلت تسمع بس الكلام مش واضح وشويه رجع منير وراح رازع الباب )

نجوى : انته كنت فين
منير : ( بنرفزه ) وانتى مال اهلك
نجوى : انته ازاى تقولى كده ؟
منير: نجوى غورى من وشى لو سمحتى انا متعصب
نجوى : طب فى ايه ؟

( جرس الباب رن )

منير: استنى متفتحيش ؟
نجوى : ليه ؟
منير: هو انا كلمتى مش بتتسمع ليه قولت متفتحيش وادخلى جوا ه
نجوى : وطى صوتك يا منير شويه
( وفجئه باب الشقه اتفتح )
نجوى : هاااااا ايه ده انتى مين يا ست انتى
منير: انا مش قولتلك "
"
"
صابرين : انا عاوزه حل دلوقتى
نجوى : انتى مين وازاى تفتحى الباب علينا كده
صابرين : هتقولها ان مين ولا اقولها انا ؟
نجوى : هههه ايه اللى انتى بتقوله ده انتى مين انتى
صابرين : انا
منير: صابرين اطلعى دلوقتى
نجوى : لا انا افهم بقى هو فى ايه وانتى مين ؟
صابرين : انا مراتو انا اللى شغلتو وادتلو الشقه دى عشان يعيش فيها هو ومراتو وولادو الغلابه لاكن لما جيتى انتى ولقيت مفيش ولاد ومفيش حاجه لا بقى زيى زيك
زى مانتى مراتو فى النور انا كمان لازم اكون فى النور
منير : نجوى اهدى وانا هفهمك كل حاجه انا
نجوى : اتجوزت عليا ليه
منير : افهم طيب
نجوى : افهم ايه ؟ طب ولو فهمت ايه هعزرك هتبرر اللى عملتو ده بأيه ؟
صابرين : بصى انا موفقه انو يجمع بينى وبينك بس قدام الناس انتى يوم وانا يوم حق ربنا
نجوى : حق ربنا ( راح نحيت الباب وقفلتو ) حق ربنا انا هخدو دلوقتى يا ولاد 60 × 70 ( قربت من منير عشان تضربو مسك اديها الاتنين وقعدها على الكنبه )
منير : انا مقدر اللى حسه بيه عارف انتى حسه انى خنتك بس والله ما خنتك اهدى
نجوى : سبنى منك لله ربنا ينتقم منك ومنها
ومين اللى متجوزها دى قد امك
صابرين : لا الزمى ادبك انتى متعرفيش انا مين ؟
نجوى : انتى مين يا حيزبون يا خطافة الرجاله
سبنى يا زفت انته اجيبها من شعرها سبنى
منير : اهدى عشان اللى فى بطنك ارجوكى
نجوى : اللى فى بطنى
طب سبنى وسع ايدك جمده
منير : قدينى سبتك اهدى
انا هعملك كل اللى انتى عوزاه
نجوى : اللى عوزاه طلق الزقته دى
صيرين : ميقدرش يطلقنى
منير : ليه ؟ كتبه عليه شيكات ولا مداينه ؟
صابرين : بالظبط دا غير انى المديره بتعتو فى الشركه يعنى لو طلقنى انا هرفدو
منير : انا هجمع بنكم انتو الاتنين ومش هتحسو بأى نقص
نجوى : طب ااااا ( وفضلت تعيط )
صابرين : انا عارفه ان موقفك صعب بس كنتى لازم تعرفى انو متجوزنى
نجوى : ارتحتى لما عرفتينى ارتحتى انا هسبهولك خالص خوديه
منير: انتى رايحه فين ؟
نجوى : راحه لاختى عندك مانع ؟
منير : طب اهدى ونتكلم
نجوى : خلاص مش وقتو لما ارجع ( وداخلت الاوضه لبست ونزلت وسابت صابرين ومنير )
منير : مرتاحه للى حصل
صابرين : اه لان كان من الاول هى كانت لازم تعرف انا اديتك كل حاجه وطلبت منك بس تقول لاهلك حتى دى رافضها
منير : بس احنا اتفقنا ان جوزنا يكون فى السر فى الشركه اشمعنى عاوزه تعرفى اهلى ؟
صابرين : الشغل حاجه وحياتنا الشخصيه حاجه
منير: انا بيتى انا ونجوى اتخرب حرام عليكى دى حامل
صابرين : هتزعل شويه وخلاص هتقبل بالامر الواقع
فارس : ايه دا مالك ؟
نجوى : مالى مافيش منمتش بس كويس وارهاق طول الفتره اللى فاتت ها لبستو عشان نروح لتقى
ابو فارس : هننزل نصلى ونروحلها
ام فارس : مش الهام كان فضلت معانا بدل ما تسافر كده
هدى : والله قولتلها والشقه عند ماما فاضيه هى بقى قالت تسافر مع حماتها واهل منير
ام فارس : مالك يا نجوى ماسكه بطنك ليه ؟
نجوى : عندى مغص
هدى : عادى فى اول الحمل بيبقى كده انتى فطرتى ؟
نجوى : اه اكلت ( اكلت صدمت عمرى اعمل ايه يا ربى اطلق ولا ارضى بالوضع ده عشان اللى فى بطنى ولا اعمل ايه )هدى هدخل ارتاح فى الاوضه شويه
هدى : ادخلى يا نجوى انتى بتستاذنى دا بيتك



( داخلت نجوى الاوضه ترتاح )

الو ازيك يا عمى
ابو منير: اهلا يا نجوى خير فى حاجه
نجوى : كنت عوزاك تكلم منير وتقولو عملت فى نجوى كده ليه
ابو منير : ليه هو عمل ايه ؟
نجوى : أسألو بس يمكن يقولك
ابو منير : انا نازل الصلى لما اجى هبقى اكلمو حاضر
نجوى : ماشى يا عمى مع السلامه



( وشويه والصلى خلصت وابو فارس وام فارس وكلهم راحو عند تقى )

فارس : مبروك يا حمزه
حمزه : الله يبارك فيك
هدى : انتو هتسفرو امته ؟
حمزه : الطياره الساعه 4 يعنى هننزل 2ونص كده
نجوى : طب ممكن ندخل نشوف تقى ؟
ام حمزه : اه طبعا انتى مالك يا نجوى ؟
نجوى : ابدا كويسه بس الحمل شكلو بادئها معايا غباوه
ام حمزه : معلش اومال عاوزه تبقى ام بالساهل
تعالو ادخلو لتقى
دى تقى جات اها
ام فارس : يا حببتى مبروك يا حببتى
تقى : وحشتينى يا ماما
ام فارس : وانتى كمان
تقى : نجوى حبيبتى
نجوى : ( حاضنتها وفجئه انفجرت من العياط ) وحشتينى اوى
تقى : مالك فى ايه ؟
ام هدى : ايه يا نجوى
نجوى : مفيش مفيش
ابو فارس : وحدى الله يا بنتى مالك مانتى كنتى كويسه
ابو حمزه : لا اكيد فى حاجه
حمزه : هو منير ماجاش ليه ؟
فارس : اه صح هو فين يا نجوى ؟
نجوى : فى البيت
ام فارس : هى تلاقى بس من الفرحه بتقى مش قادره تمسك نفسها
هدى : اه والحمل كمان انا لما كنت حامل كنت من اقل حاجه ادمع
ام حمزه : اه وانا كمان لسه فكره لما كنت حامل فى حمزه والله معلش يومين وهتبقى كويسه
نجوى : انا كويسه مفيش حاجه بس تقى كانت وحشانى
ام هدى : ايوه كده روقى متقلبهاش نكد
تقى حضرتى الشنطه الى هتسفرى بيها ؟
تقى : لا لسه
ام هدى : طب ما تقومى يلا حضريها يا دوب
حمزه : اه عشان منتأخرش
تقى : نجوى تعالى معايا نحضر الشنطه سوى
نجوى : حاضر
تقى : هدى يلا
فارس : بتقولك يلا يا هدى معاها
ام فارس : طب انا مش عاوزه امك؟
تقى : ههههههه حبيبتى يا ماما تعالى
( داخلو مع تقى نجوى وهدى وام فارس يحضرو الشنطه )
ام فارس : اسمعى كلام حمزه عشان يحبك اوعى تزعليه
تقى : حاضر
هدى : ربنا ما يجيب زعل
نجوى انتى لسه عندك مغص ؟
نجوى : اه شويه
هدى : ( قربت منها وبصوت واطى ) انت متخنقه انتى ومنير ؟
نجوى : بعدين بعدين هقولك
ام حمزه : فى حاجه ؟
هدى : لا ابدا ها يا تقى هتاخدى حاجه تانيه ؟
تقى : اه المكياج كمان
هدى : اه صح
ام حمزه : انتى قمر من غير مكياج




( وبعد ما حضرو الشنطه حمزه وتقى لبسو ونزلو كلهم وصالوهم المطار وكل واحد روح بيتو )

منير : كنت خايف متجيش تانى
نجوى : انا جايه افهم ليه عملت كده ؟
عرفتها منين انا عاوزه اعرف كل حاجه
منير : طب اوعدينى انك متسبنيش
نجوى : انا تعبانه قول انا مش قادره قول بقى
منير : انا لما كنت بشتغل على التاكسى هى ركبت معايا اتكلمت معاها ولما عرفت انها شغاله مديرة قولتلها انى متجوز وعندى عيال وساكن مع حمايا وعندى مشاكل مع مراتى
قولت اضحك عليها عشان يمكن اصعب عليها وتشغلنى
وفعلا قالتلى هات الورق بتاعك وانا اشغلك
ادتها الورق وكام يوم قالتلى فى مقبله بس قبل المقبله عاوزه اتكلم معاك , روحت وقبلتها :
صابرين : انا سهل اوى اشغلك بس يعنى
منير : بس ايه مش فاهم حضرتك
صابرين : عارف يا منير انا عندى كام سنه ؟
منير : لا
صابرين : انا 40 سنه عندى شقه وعندى فلوس وعربيه ومديره زى مانته عارف بس للاسف انا مش متجوزه
منير : ربنا يرزوقك بابن الحلال
صابرين : برضو مش عاوز تفهمنى
انا هكلمك بشكل واضح
ايه رئيك فى شغل مضمون ومرتب 4000 جنيه ومعاش لما تكبر وتامينات
وكمان شقه تعيش فيها انته ومراتك وكل ده بمقابل بسيط اوى
منير : ايه بقى هو المقابل ؟
صابرين : تتجوزنى
منير : ايه اتجوز حضرتك
انا 27 سنه
صابرين : مش مشكله مش هتحس بالفرق وبعدين انا مش عوزه منك حاجه غير ساعه او ساعتين فى اليوم
وكمان مش لازم حد فى الشغل يعرف
ومراتك وعيالك مش مشكله برضو يعرفو
نجوى : وطبعا وافقت واتجوزتها طب ليه انا عمرى ما طلبت منك حاجه
منير : كنت عاوز اريحك
نجوى : تريحتى تتجوز عليا تخونى تبعنى
منير : انا مابعتكيش
نجوى : انته بعت نفسك بعت كرمتك
كنت بتسخر منى انى بشتغل فى البيوت انته عملت انيل من اللى انا عملتو
انته كدبت وخونت وبعت عشرت سنين كل ده بمرتب وشقه
طب ماحنا كنا عيشين فى شقه وكنا عايشين
منير: انا كنت بلف طول النهار بالتاكسى وكنت يا دوب باجيب 300 جنيه وكنت بدى ابوكى الايراد
نجوى : طيب انته دلوقتى هتعمل ايه ؟
منير : هنعيش سوى
نجوى انتى حامل عشان ابننا
نجوى : اه اه الحقنى يا منير بطنى بتتقطع انا بنزف الحقنى



( منير اخد نجوى على اقرب مستشفى واتصل ب فارس وفارس جابهم كلهم المستشفى )

ام فارس : مالها يا منير ما هى كانت كويسه
منير : مش عارف كنت بكلمها وحست انها بتنزف جبتها وجيت على هنا
فارس : هى من الصبح وهى مش طبيعيه انتو اتخانقتو
منير : لا وهنتخانق ليه

( خارج الدكتور من عند نجوى )

ابو فارس : خير يا دكتور طمنى ؟
الدكتور : للاسف فقدنا الجانين
ام فارس : يالهوى ملحقتيش تفرحى بيه يا بنتى
ام هدى : معلش هما لسه صغيرين يعوضوه مره تانيه
هدى : طب ندخل نشوفها
الدكتور : اه اتفضلوبس هى تعبانه وواخده حقنت بنج
( داخلو كلهم ووقفو حولين نجوى )
منير : نجوى سمعانى يا حبيبتى
( موبيل منير رن )
منير : بعد ازنكم هرد باره
( فارس شك فيه خرج وراه من غير ما ياخد بالو )
منير : عاوزه ايه منى تانى
صابرين : بسئل على نجوى انا شفتكم وانتو نزلين
منير : البابى نزل ارتحتى مش عاوز اسمع صوتك انهارده خالص
صابرين : انا مراتك زيى زيها
منير : متخلنيش اتهور عليكى واطلاقك واهد المعبد على الكل ( وقفل منير المكلمه بيلف لقى فارس فى وشو )
فارس : اتجوزت على اختى ( بالبكس فى وشو )
تقى : الله الشقه حلوه اوى اوى اوى
حمزه : انتى الاحلى يا جميل
تقى : ههههه بص بقى عوزاك تفسحنى فى كل مكان وكمان تودينى برج الخليفه
حمزه : ماشى وكمان هوديكى جزيرة النخله
تقى : يا حبيبى يا حمزه انا بحبك اوى
حمزه : انا اللى بحبك اوى اوى
تعالى افرجك على الشقه
تقى : انا عاوزه اشوف الاوضه بتعتك
حمزه : البيت كلو يا برنسس اتفضلى
صابرين : هااااااااا انته ايه فى وشك ده
منير : فارس اخو نجوى خادنى على خوانه
صابرين : طلق نجوى وهديك المؤخر بتعها ولو على العيال انا هجبلك
منير : مقدرش اطلقها
صابرين : ليه مش خلاص اللى كان ربطك بيها نزل
منير: انا اللى بينى وبين نجوى مش طفل
انا عملت قرد عشان اتجوزها
صابرين : طيب يا منير اختار
تخسر شغل وشقه وشيك ماضى عليه ب 100 الف جنيه ممكن يتقدم للنيابه
او تطلق نجوى وتكسب ده كلو
ها هتختار ايه ؟
منير :........




"
"
"


تفتكرو منير هيختار ايه ؟


يتبع.....




لامارا غير متواجد حالياً   رد مع اقتباس
قديم 02-10-16, 04:27 PM   #29

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 27 }


صابرين : طيب يا منير اختار
تخسر شغل وشقه وشيك ماضى عليه ب 100 الف جنيه ممكن يتقدم للنيابه
او تطلق نجوى وتكسب ده كلو
ها هتختار ايه ؟
منير : انتى بتهددينى ؟ عاوزه تحبسينى ؟ ماشى احبسينى هاخد كام سنه يعنى ؟ 5 سنين 10 سنين مش فارق معايا
صابرين : وانا ميهونش عليا اسجنك بس انا عوزاك ليه
منير: وانتى اول ما قولتى عاوزه تتجوزينى كنتى قولتى ساعه او ساعتين ليه بقى طمعانه فى اكتر من كدا
صابرين : طب اعمل ايه انا مش عارفه ارضيك ازاى ،اقولك اعدل بينى وبنها مش عاوز اقولك سبها وانا هعملك اللى انته عاوزو مش عجبك اعمل ايه ؟
منير : انتى خربتى بيتى وموتى ابنى اللى كنت بحلم بيه
صابرين : انا ماليش داعوه بابنك شوف هى اللى تلقيها سقطت نفسها وجايه تلبسهانى انا ، هى مش طول النهار من هنا لهنا واخوها ومرات اخوها داكاتره اكيد أدوها حاجه تنزل الحمل عشان انته تطلقنى
منير : صابرين لو سمحت طيب سبينى انا عاوز افضل لوحدى
صابرين : منير طب متسبنيش انا مصدقت انى اتجوزتك ماصدقت الاقى حد جنبى مش عاوزه ارجع لوحدى تانى
منير : طب سبينى لوحدى شويه ( تليفون منير رن ) ايه دا ابويا بيتصل
صابرين : طب رد
منير : السلام عليكم
ابو منير : عليكم السلام يا منير ازيك يابنى وازى نجوى دلوقتى بقت كويسه ؟
منير : نجوى انته عرفت منين انها تعبانه ؟
ابو منير : هى كلمتنى الصبح قبل الصلى وقالتلى اكلمك بس مكانش معايا رصيد شحنت دلوقتى وقولت اكلمك
هى مالها يا منير انتو متخنقين ولا ايه ؟
منير : مش عارف اقولك ايه بابا هكلمك تانى بس شويه
ابو منير : انته كده قلقتنى فى ايه ؟ قولى ؟
منير : هى كانت حامل وولاسف حصل اجهاض
ابو منير: لا حول ولا قوة إلا بالله
معلش يابنى انتو لسه صغيرين تعوضوه ان شاء الله
منير : ان شاء الله
ابو منير: طب هى فين دلوقتى ؟
منير : فى المستشفى تعبانه اوى يا بابا ( وراح مفتوح عياط )
ابو منير : لا اجمد كده دا حكم ربنا وهى ان شاء الله تبقى كويسه
منير : يا رب يا بابا ادعلها تقوم بالسلامه انا مقدرش اعيش من غيرها دانا عايش على شانها
ابو منير : ربنا يعفو عنها ويشفيها ان شاء الله طب مين عندك ابو نجوى عندك ؟
منير : لا انا فى الشقه لوحدى
ابو منير : طب ليه يابنى سايبها ؟
منير : انا جيت اجبلها حاجات وهروحلها تانى
ابو منير: طب يابنى هكلمك تانى ان شاء الله
منير : طيب يا بابا ماشى
صابرين : للدرجادى بتحبها ؟ بتعيط عليها ؟
منير : انا هقوم اخد حاجات محتاجاها وهروحلها المستشفى
صابرين : انته ودتها مستشفى ايه ؟
منير : دار الشفاء
صابرين : منير انا بحبك ومش عاوزه اسيبك
منير : مش وقت الكلام ده لو سمحتى ( وسابها فى الشقه وخد الحاجه اللى نجوى محتجاها ومشى )
ام منير: يعنى كانت حامل طب ماقلتش ليه ماحنا كنا عندها امبارح
ابو منير : يمكن تكون نسيت ولا حاجه
ام منير : طبعا ما هى لازم تنسى ما هى راحه جايه راحه جايه زى المكوك
مشفتش امبارح فى الفرح وطبعا طول الفتره اللى فاتت متهدتش فا لازم تسقط
منك لله يا مضروبه فى قلبك يا نجوى يا بنت نجات
ابو منير : يا شيخه اتقى الله دى تعبانه فى المستشفى دا بدل ما تدعلها ان ربنا يشفيها
سلمى : وهى راحه جايه ليه مش فرح اختها ما لازم كانت تعمل كده
ام منير : مانتى لازم تقولى كده ماهى خيرها عليكى كسره عينك
سلمى : ماعاش ولا كان اللى يكسر عينى هو اللى يقول كلمت حق تقولى عليه كده
محمود يلا نروحلها
محمود : ماشى نروحلهم هو منير يا بابا ماقلكش هى فى مستشفى ايه ؟
ابو منير : لا والله انا مخى اتقلب لما قالى سقطت
سومه : طب كلمو تانى وشوفو ونروحلهم
ام منير: تروحى فين يا مخفيه ادخلى يا بت ادخلى اغسلى الابيض المنقوع فى البنيو
سومه : حاضر يا ماما
احمد : {البت دى ورها سر }
ام منير: المهم شوفو المخفيه دى فى انهى مستشفى
سلمى : انا بكلم نجوى موبيلها كان بيدى جرس دلوقتى اتقفل
ابو منير: وانا بكلم منير مش بيرد ، دا قفلو كمان
لا انا كده قلقت
سومه : طب ماتجربو كلموه فى البيت يمكن الشبكه وقعه او التليفون فصل
سلمى : صح تليفون البيت نجوى كانت مدياهونى



( قامت سلمى وقعدت جنب التليفون الارضى تطلب الرقم )

ام منير: وهو لازم التليفون ده متتكلمى من الموبيل بتاعك
سلمى : الدقيقه للارضى 35 قرش لاكن من ارضى لارضى 3قروش
ام منير : لا يا بت مدبره وموفره
سلمى : ( فى سرها) { اللهم يطولك يا روح }
جرس ومحدش بيرود
ام منير : اتصلى تانى يمكن يكون هنا ولا هنا وملحقش يرد
سلمى : جرس لسه
"
"
الو
صابرين : ايوه مين معايا
سلمى : هو مش ده منزل منير رزق ؟
صابرين : ايوه هو مين حضرتك ؟
سلمى : انا سلمى مرات اخو منير انتى مين ؟
صابرين : انا صابرين مرات منير
سلمى : نعم ؟ مرات مين ؟
صابرين : مرات منير
انا مراتو التانيه
سلمى : مراتو التانيه ازاى هو منير اتجوز على نجوى ؟
ام منير: يا لهوى انتى بتقولى ايه ؟
سلمى : انتى مراتو ازاى ؟
صابرين : زى اى حد بيتجوز ايه المشكله
سلمى : طب طب انتى متعرفيش نجوى فى مستشفى ايه ؟
صابرين : اه اعرف مستشفى دار الشفاء
سلمى : طيب شكرا ( وقفلت وهى مصدومه )
ام منير : مرات مين ولا مين اللى اتجوز ؟
سلمى : الست اللى ردت عليا بتقول انها مرات منير التانيه ؟
ابو منير : بس كده بانت ابنك اتجوز على نجوى لما عرفت سقطت
سلمى : يا حببتى يا نجوى لا لازم نروحها
محمود : هى قالتلك فى مستشفى ايه ؟
سلمى : دار الشفاء
ابو منير: انا هدخل البس ونروحلها
ام منير: رجلى على رجلك
سومه : طب وانا اجى معاكم
ام منير: انتى تترزعى هنا تغسلى الابيض وتطلعى تنشوريه فى السطح وتظغطى البط وتنزلى تصبنى الحيطان وتمسحى الشقه وتطلعى تلمى الغسيل وطبقيه وحطيه فى الدولاب وتحضرى العشا عقبال ما نرجع واوعى ارجع الاقى حاجه من اللى قولتها ومتعملتش هخلى يومك اسود
حمزه : مالك مكلدمه كده ليه ؟
تقى : عماله اكلم نجوى موبيلها مقفول وهدى وفارس وحتى طنط ام هدى
حمزه : طب ماتكلمى باباكى او مامتك
تقى : معندهمش فيس او واتس الموبيلات بتاعتهم قديمه وبابعت لهم رسايل مش بيردو برضو
حمزه : طب استنى اكلمهم انا
"
"
موبيل باباكى مقفول
تقى : طب جرب ماما
حمزه : ومامتك كمان
تقى : انا قلقانه اوى عليهم
حمزه : تلاقيهم نايمين او حاجه الموبيل فاصل ومش واخدين بالهم
تقى : طب نجوى كمان دى عمرها ما بتقفل الموبيل وعلى طول بتكلمنى
حمزه : وحاشتك ؟
تقى : اه اوى
حمزه : طب لو انا اللى بعدة عنك هوحشك كده ؟
تقى : اه طبعا هتوحشنى اوى اوى
حمزه : طب تعرفى بقى انك بتوحشينى وانتى قدام عينى ؟
تقى : يا سلام ؟
حمزه : اه والله وبعدين انتى دلوقتى وحشانى
تقى : ههه وانته كمان
حمزه : انتى كمان ايه ؟
تقى : انته كمان وحشتنى
حمزه : طب تعالى بقى اقولك كلمه فى ودنك
تقى : هههههه



( تليفون حمزه رن )

حمزه : دى ماما
تقى : طب رد عليها ؟
حمزه : لا انتى اهم تعالى بس هقولك حاجه تعالى
ابو حمزه : مالك ؟
ام حمزه : حمزه مش بيرد
ابو حمزه : هو مش اول ما وصل كلمك وطمنك بتكلميه ليه تانى
ام حمزه : الله بطمن عليه دى اول مره يسبنى ويبعد عنى يارتنى كنت سافرت معه
ابو حمزه : تسفرى معه فى شهر العسل يا شيخه اعتقيه بقى
ام حمزه : انا قلقانه عليه اوى انا بفكر بجد اسافرلو
ابو حمزه : بقولك ايه ما ترجعى الشغل
ام حمزه : طبعا مانته عاوز تخلص منى بس انا مش هرجع وهفضل كدا اخد بالى من ابنى
ابو حمزه : طب مش المفروض نتعشا الساعه 9
ام حمزه : انا ماليش نفس
ابو حمزه : طب تيجى ننزل نتمشى ؟
ام حمزه : انا عاوزه اكلم حمزه ماليش داعوه
ابو حمزه : خلاص انته هتعيطى انا هكلمو
"
"
"
الو ايوه يا حمزه مش بترد على امك ليه ؟
حمزه : يا بابا دى كل نص ساعه بتكلمنى وتطمن عليا
ابو حمزه : طب خود كلمها
ام حمزه : الو كان لازم ابوك يكلمك عشان ترد
حمزه : لا يا ماما بس اصل الموبيل ماكنش معايا
ام حمزه : لا خلى الموبيل جنبك عشان كل شويه اطمن عليك
حمزه : ماما طب ممكن بلاش كل نص ساعه تكلمينى خليها كل ساعه
ام حمزه : زهقت منى ؟
حمزه :لا والله بس يعنى
ام حمزه : خلاص يا حمزه شكرا انا خلفتك وكبرتك وربيتك وفى الاخر جوزتك عشان تزهق تكلمنى شكرا خليك مع الزفته بتعتك ( وفقلت فى وشو )
ابو حمزه : لزمتها ايه الزفته بتعتك دى طب هى مالها
ام حمزه : بيحبها اكتر منى
ابو حمزه : اكيد لا بس هو عريس فرحان بيها وانتى مزوداها كلميه كل ساعتين مش كل نص ساعه
ام حمزه : استغفر الله
انا عارفه ان تقى ملهاش داعوه خلاص انا مش هكلمو خالص وهشوف هو هيكلمنى ولا لا
ابو حمزه : انتى كده صح وتقى حولى تحبيها زى بنتك بلاش حبك لحمزه يخلى بينك وبينها حاجه
ام حمزه : والله انا بحبها بس
ابو حمزه : بس ايه يا حببتى بس
ام حمزه : حمزه وحشنى
ام منير: السلام عليكم
ام فارس : انتى جيتى شوفتى عملت ابنك المهببه
ام منير : اشوفو بس اشوفو هو فين ؟
ابو فارس : هو جه جاب الحاجات دى ومش عارف راح فين ؟
ام هدى : صحيح انا ماليش داعوه بس ليه يعمل كده دى نجوى مش مخليه عاوز حاجه
ابو منير: محمود روح شوفو فين وانته يا حمد دورو عليه
احمد : حاضر يلا يا محمود
سلمى : هى نايمه ليه ؟
ام فارس : واخده بنج ونايمه من ساعت ما جينا ادعلها يا سلمى
ام منير: ومتعرفيش مين اللى اتجوزها منير ؟
ام فارس : انا معرفش حاجه دا فارس سمعنا صوتو هو ومنير بيتخنقو باره جرينا نشوف فى ايه لقنا فارس بيقولو انته تتجوز على اختى
هدى عشان تسلك منير من ايدو خادتو ومشيت ومن ساعتها معرفش فين
ام منير : هو فارس ضرب منير ؟
ام فارس: انا مش عارفه انا لقتهم بيضربو فى بعض انا قاعده تايها مش عارفه راسى من رجلى
امبارح كنت فى فرح بنتى
وانهارده بنتى التانيه بين ادين ربنا
ام منير: معلش اصبرى بس اعرف هى مين واتجوزها ليه
ابو منير : انته شرفت يا بيه
منير: بابا انا
ابو فارس : انا لو بنتى جرالها حاجه هوديك فى داهيه
ابو منير: مين دى اللى اتجوزتها ؟
منير: انتو لحقتو قولتولو
ام منير: مش هما اللى قالولنا يا مفضوح
مراتك هى اللى قالت سلمى كلمتكم فى الشقه فى التليفون نشوفكم فى انهى مستشفى قالت لنا انها مراتك واسمها صابرين
ابو منير: اتجوزت تانى ليه ؟
منير : بابا انا اضحك عليا
ام منير: حبيب امك اه اضحك عليك لتكون يا واد ساقتك حاجه اصفره
واخدت اعز ما تملك فانته خفت من الفضيحه واتجوزتها صح
منير: انا حر محدش له داعوه بيه
محمود : لا مش حر لما مراتك يحصلها اجهاض بسببك لازم نعرف ايه حصل
ام منير: يومك اسود لتكون ضربتها ؟
ام فارس : ايه ضربها دانا اروح فيك فى داهيه
منير: والله ابدا انا مقدرش امد ايدى على نجوى والله ابدا طب اهدو بس وانا هحكلكم على كل حاجه
سلمى : دى بدئة تفوق
منير: ( قرب منها ) نجوى فوقى يا حبيبتى انا جنبك
ام هدى : انا هروح اشوف الدكتور
ام فارس : اه روحى ياختى ربنا يكرمك
نجوى : ماما انتى فين
ام فارس : انا جنبك اهو
ابو فارس : قوليلى يا نجوى منير عملك ايه ضربك عشان كده سقطى ؟
نجوى : لا اتجوز عليا
منير : انا اسف غلط ومكنتش اعرف ان ممكن يحصل كده والله
نجوى : اطلع باه بقى مش عاوزه اشوفك تانى
سلمى : طب اهدى بس عشان النرفزه وحشه عليكى
نجوى : سبونى فى حالى بقى واطلعو باره
سلمى : معلش اعزروها يلا نطلع ونسبها ترتاح
ام منير: كده برضو داحنا جايين نطمن عليكى
نجوى : روحى شوفى مرات ابنك الجديده هى دى اللى هطلع عليكى القديم والجديد
ابومنير: كده برضو يا نجوى طب اعملى حساب ليه
نجوى : اطلعو باره بدل ما هقوم امسح بيكم المستشفى
( الدكتور داخل )
الدكتور : اهدى يا مدام اهدى
نجوى : طلع الزباله دول باره
( وشاورت على منير ) وكمان الصفيحة الزباله دى من هنا اطلعو باره
الدكتور : طب اهدى
كلو يطلع باره لو سمحتم
ام منير: طالعين يا دكتور شكرا يا متربيه
نجوى : متربيه اكتير من بنتك اللى دايره على حل شعرها مع يوسف لولايا انا كان زمانها مفضوحه فى البلد كلها
ام منير: اخرصى انا بنتى
نجوى : بنتك ولا صور بنتك يا ام الصايعه الموبيل بتاعى فين اوريكى صور بنتك الزباله
ابو منير : انتى بتقولى ايه يا نجوى
الدكتور : ( قدر يسبت ايدين نجوى وادها مهدى ونامت )
ام فارس : هى مالها ؟ نامت تانى ليه ؟
الدكتور : انا ادتها منوم
ابو منير : ايه اللى نجوى قالتو ده يا رزقه ؟
ام منير: يا خويا دى قللت الادب وعماله تقول اى كلام تعالى نمشى من هنا



( منير اخد ابوه وامو واخواتو وروحو على شقتو )
منير: اتفضلو
ام منير : ايه اللى حصل يا منير احكلنا ؟
منير : ( وشو فى الارض وساكت )
ابو منير : ما ترد اتجوزت ليه على نجوى ؟
منير : غلطه
محمود : خلاص طلقها وقول كلمتين لنجوى وخلاص وهى بتحبك هتسمحك
منير: مقدرش كاتب على نفسى شيك ب 100 الف جنيه
دا غير الشغل هترفد منه وكمان الشقه دى شقتها
ام منير : لا افهم فى ايه ؟
وهى فين المدام اصلا
سلمى : حرام عليك اللى حصل لنجوى ده
منير : سلمى انا فيه اللى مكفينى مش ناقص
احمد : انته ليك عين بتزعق دانته خربت بيتك وكنت السبب فى اجهاض مراتك
منير : انا السبب
ام منير : وانته هتفضل تعيط كده ما تحكلنا حصل ايه ؟
هدى : اهدى بقى كفايا نرفزه
فارس : انا اللى واجعنى اوى انو كان مش لاقى يتجوز نجوى دا استلف عشان يشترى اوضت النوم دا اتجوزها شحاته من ابوه واخواتو رضيت تتجوز من غير اى حاجه وفى الاخر يروح يتجوز عليها
وهى ياعينى طول اليوم بتتقطعه قدامنا ومحدش حاسس بيها
هدى : الله يكون فى عونها
خود حط الثلج ده على ايدك عشان متورمش
فارس : ( اخد كيس الثلج ) لولا انك قومتينى من عليه والله كنت هموتو
هدى : هو انا اللى قومتك دا كان فى بتاع 20 راجل بيشلوك من فوقيه دانته كنت حاجه متوحشه
فارس : مكنتش دريان انا بعمل ايه منظر نجوى وهى نايمه ومش دريانه كان صعب اوى
اول مره احس انى بحبها اوى كده اول مره احس انى اختى موجوعه
ولماعرفت انو سبب الوجع ده محستش بنفسى غير ووشو كلو دم
هدى : طب يلا نرجعلهم ابوك لوحدو
فارس : انا لو شوفتو هناك هموتو
هدى : لا امسك اعصابك هيثم محتاجلك وانا كمان انا ماليش حدغيرك
فارس : طب قومى نروحهم
ام منير: اشتارتك يا موكوس ؟
منير : 40 سنه دى اصغر منى ب 7 سنين
ابو منير : طب ليه ترضى بكده ؟
منير: انا لقتها مش عاوزه حاجه كل اللى محتاجه ساعه او ساعتين فى اليوم
وانا قولت نجوى بتبقى على طول مع اهلها فا لما تكون معاهم هروحلها لاكن هى لما عرفت انى مش مخلف وان بحب نجوى غيرت كل اللى كانت بتقولو
ام منير: طبعا ما هى ركبت ودلدلت رجليها كمان
هى فين ؟
منير: فوق
محمود : انا مش فاهم يعنى هى عندها شقتين ؟
منير : لا دى شقتها كانت مجهزاها عشان تتجوز فيها بس لما متجوزتش قفلتها
وهى عايشه فوق فى شقت ابوها وامها
ابومنير: يعنى ابوها وامها فوق ؟
منير: لا دول ماتو وهى عايشه لوحدها
ام منير: اطلع نادلها يا موكوس يابن الموكوسه
منير: ماما انتو تمشو دلوقت وانا هحل كل حاجه انا هتسرف
ابو منير: ومتسرفتش ليه قبل ما المصيبه تكبر
منير : ملحقتش
( جرس الباب رن )
ام منير: مالك اتفزعة ليه ؟ دى تلاقيه الهانم ،هانم ايه قول امه الحجه قوم ياحمد افتح
( احمد فتح الباب )
صابرين : السلام عليكم
ازيك يا ماما
ام منير: ماما ايه يا ابله داالفرق بينى وبينك7 سنين
صابرين : اه بس برضو فى عليا واجب احترام ولامش عوزانى احترمك
ابو منير : قومى يلا نمشى
ام منير: نمشى مش نستنى لما نشوف
صابرين : تمشى ليه يا بابا بس طب حتى اشربو حاجه قولى اعملك ايه تشربو
ابو منير : معلش عشان سابين اخت منير لوحدها
قومى يلا يا محمود
ام منير: (وهى على الباب بصوت على )
من همو اتجوز قد امو




( وبعد ما كلهم مشيو )


منير: انتى ايه نزلك ؟
صابرين : قولت اشفكم محتاجين حاجه
منير : انا عاوز حل دلوقتى
انا عدل بينك وبين نجوى مش هقدر انا بحب نجوى
صابرين : طب انته عاوز ايه ؟
منير: كل واحد فينا يروح لحالو انا هطلقك وبلاش أذيه انا هسيب الشقه بس بلاش ترفدين من الشغل والشيك نقطعو
صابرين : طب نرجع زى الاول نقضى ساعه او اتنين فى اليوم ،او او وقت ما تكون فاضى بس متسبنيش
منير : انتى اللى فضحتى سرنا انا كنت بعمل كده لاكن انتى اللى عرفتى الكل
نجوى مش ممكن تقبل بوجودك فى حياتى
صابرين : طب سبنى اتكلم معاها انا هقدر اقنعاها
منير : مستحيل تقبل وانتى خيرتينى انتى او نجوى وانا اخترت نجوى
صابرين : وانا هسجنك لو مابقتش معايا مش هسيبك ليها
وانته ونصيبك بقى
فارس : انته تعبان يا بابا ؟
ابو فارس : انا ماختش الانسولين انهارده غير الصبح
فارس : طب مقولتش ليه هروح اجبلك اكل واجبلك جرعه انته بتاخد كام ؟
ابو فارس : 20
فارس : حاضر
هدى خليكى معاهم
ام فارس : يا رب انته عالم بينا يا رب
ابو منير: بت يا سومه انتى فين ؟
سومه : نعم بابا انا هنا
احمد : ( مسكها من شعرها ) انتى عملتى ايه ؟
ابو منير: سبها انا بكلمها ابعد انته
سومه : انا معملتش حاجه
ام منير: خلاص يا رزق صغيره وغلطة معلش وانا علمتها الادب
محمود : والله لولا بابا انا كنت دفنتك صحيه
ابومنير: عملتى ايه يا بنت مع يوسف ؟
سومه : والله ما عملت حاجه
ابو منير: قولى بالزوق بدل ما هتشوفى منى وش تانى
سومه : (وهى بتعيط ) انا اسفه هو ضحك عليا
ام منير: والله يا رزق محصلش اللى فى دماغك دا كلام عيال على الزفت النت ده وانا حرمتها منه خلاص وسحبت منها الموبيل والكمبيوتر كمان
ابو منير: اسكتى انتى
انطقى يا زفته حصل ايه ومخبياه ؟
سومه : والله ما حصل حاجه ولا عمرى قبلتو ولا مره كلو كان على النت والله وهو كان قايلى انو هيتجوزنى والله
محمود : وانتى بقى عملتى معاه ايه وصور ايه اللى قالت عليها نجوى
ام منير : خلاص بقى يا محمود
ابو منير: اسكتى انتى بدل ما هدبحها دلوقتى قدامك
انطقى يا بت صور ايه ؟
سومه : صورى
احمد : بت اوعى تكونى اتصورتى نصيبه يكون اللى فى دماغى ده صح ؟
ابو منير: قولت محدش يمد ايدو عليها
قولى صور ايه اللى بعتهالو؟
سومه : ( وهى عنيها على الكل وهتموت من الخوف ) انا اسفه والله هو ضحك عليا انا كنت فكراه بيحبنى والله
ابو منير: اتعرفتى عليه ازاى ده ؟
سومه : انا اعرف انو صاحب منير فا مره قبلنى فى الشارع واخد منى الفيس ورقم تليفونى واتكلمنا شات كتابه بس والله
انا بعد فتره اكتشفت انو كان بيكلمنى عشان يعرف الاكونت بتاع تقى وهو طلب منى اصورلو تقى واديلو الصوره انا مكنتش فهمه انو بيستغلنى عشان يوصل لتقى
فا لما تقى رفضت تكلمو فضل يكلمنى انا والله بس انا كنت فكراه بيحبنى
ابو منير : لمسك يا سومه ؟
سومه : لا والله
ابو منير : طب ادخلى اوضتك لحد ما اشوف هعمل فيكى ايه
محمود : انته لسه هتشوف دى لازم تتضرب
احمد : تضرب دى لازم تدبح الليلادى
ام منير : اللى هيقرب منها والله هصوت والم الناس وفضيحه بفضيحه بقى
ابو منير : سلمى خودى الزفته دى على جوا ومش عاوز اسمع صوت
سلمى : حاضر يا عمى




( سلمى اخدتها وداخلت الاوضه بيها )


محمود : بابا سبنا نضربها دى قللت الادب
ابو منير : البنات متضربش لوهى غلطة فا احنا السبب
كل واحد منكم كمان غلطان وانا كمان غلطان
محمود : ليه عملنا ايه
ابو منير : انا طول النهار فى الشغل وارجع افضل من الجامع للبيت او قدام التلفزيون عمرى ما كلمتها ولا فهمتها الصح من الغلط
وانته يا محمود من الشغل لمراتك او مع اصحابك او نايم فكرت تشوف اختك عاوزه ايه
محمود : ما الناس كلها بتعمل كده وبعدين هتكون عاوزه ايه مش تاكل وتشرب وبتلبس
احمد : ومعاها موبيل زينا وكمبيوتر فى اوضتها بتعها لوحدها يعنى مش ناقصها حاجه
ابو منير: ناقصها حد يسأل عليها يصاحبها ياخد ويدى معاها بدل ما تتكلم مع الغرب على الفيس لا كان المفروض تكونو انتو اخوتها اصحبها
وانتى يا رزقه المفروض كنتى تصحبيها تشوفى بتكلم مين وبتعمل ايه دى هى بنت واحده
ام منير : انا كنت كل ما ابص عليها القيها بتلعب اللعبه بتاعت الحيونات دى والزرع وان مش بفهم فى النت ده اصلا
ابو منير : من انهارده عينك عليها تتكلمى معاها تشوفى لو عاوزه تخرج ورجلك على رجلها ولو ليها صحبه تيجى قدام عينك
اى حد عندو بنت ولا واد صغير ولا اخ ولا اخت لازم يصحبو
ويعرف سرو ايه مش يسيبو كدا
ولما يغلط الكل يعلقلو المشنقه
كلامى غلط لو غلط قولو ؟



ها ايه رئيكم فى كلام ابو منير كلامو صح ولاغلط ؟


يتبع.......


لامارا غير متواجد حالياً   رد مع اقتباس
قديم 02-10-16, 04:28 PM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الحلقه { 28 }


ابو منير : من انهارده عينك عليها تتكلمى معاها تشوفى لو عاوزه تخرج ورجلك على رجلها ولو ليها صحبه تيجى قدام عينك
اى حد عندو بنت ولا واد صغير ولا اخ ولا اخت لازم يصحبو
ويعرف سرو ايه مش يسيبو كدا
ولما يغلط الكل يعلقلو المشنقه
كلامى غلط لو غلط قولو ؟
ام منير : لا كل كلامك صح بس سايقه عليكم النبى محدش يعمل فى البت حاجه دانا علمتها الادب وانتو شيفين انا عملت فيها ايه
اوعى حد يضربها لحسن تتخبط كده ولا كده ويجرالها حاجه اللى حصل حصل
محمود : يعنى هنسبها كده من غير عقاب
ابو منير : تعالو معايا






( داخل ابو منير وماسك فى ايدو الحزام ووراه ام منير واحمد ومحمود سلمى اول ما شافت الحزام فى ايه ابو منير سابتها وجريت وقفت بعيد)

ابو منير : تعالى يا بت هنا بتستخبى ورا المكتب يعنى مش هعرف اجيبك
سومه : انا اسفه والله مش هعمل كده عمرى والله ما هعمل كده تانى
محمود : وانتى بتفكرى انك هتعيشى عشان تعملى كده تانى دانتى هتموتى دلوقتى
سومه : ماما الحقينى والله انا اتربية خلاص مش هكلم حد تانى بس ونبى يا بابا بلاش تموتنى انا لسه صغيره
ابو منير: من انهارده تروحى المدرسه فى ايدى الصبح وامك تجيبك وانتى مروحه
سومه : حاضر
ابو منير : مفيش لعب مفيش اصحابى مفيش مكلمات فى التليفونات
سومه : حاضر
ابو منير: مفيش لبس محزق حتى فى البيت تلبسى واسع وطويل
سومه : حاضر
ابو منير: احمد هى المدارس بدءة صح؟
احمد : ايوه يا بابا
ابو منير : وانتى فى ثالثه ثانوي تجبلى السنادى مش اقل من 95%
سومه : ازاى انا جايبه السنه اللى فاتت 70
ابو منير : مش شغلى تجيبى 95 مفهوم والدورس تيجى هنا فى البيت مفيش دروس عند حد
سومه : حاضر
ابو منير :احمد تنزل تجيب خط تليفون جديد
احمد : حاضر وكمان تليفون مش بيدخل على النت
محمود : وكمان مفيش كمبيوتر لحد ما تخلصى الثانويه
سومه : حاضر اللى تقولو عليه بس بلاش ضرب
ابو منير : وانتى حضرى اوضت الصالون عشان الدروس تطلع من المدرسه تجبيها وتيجى لاتروح هنا ولا هنا
ام منير : حاضر انا ورايا ايه حاضر هروح اجبها
ابو منير : يلا كل واحد على اوضتو مستنين ايه ؟



( خرجو كلهم من الاوضه وسومه خارجت من ورا المكتب المستخبيه وراه )
سومه : منك لله يا نجوى فضحتينى
الحمد لله انهم مموتونيش الحمد لله
نجوى : ماما انتى فين
ام فارس : انا هنا يا حبيبتى
فارس : ( قام جرى عليهم ) انتى كويسه احنا كلنا حوليكى
نجوى : عاوزه اشرب
فارس : مش هينفع عشان البنج غلط
نجوى : شويه صغيرين طيب
هدى : شويه مش هيحصل حاجه يا فارس
فارس : طب قومى اسندى عليا
نجوى : ( قامت وشربت ) كنت عطشانه اوى
ام فارس : سلمتك من العطش يا حببتى
نجوى : ( فضلت تبص على كل واحد موجود فى الاوضه وفى عيونهم نظرت العطف والحزن عليها ) انتو بتبصولى كده ليه ؟ عادى كنت حامل وحصل اجهاض عادى بتحصل وبعدين ممكن احمل تانى
ام هدى : ان شاء الله يا حبيبتى تحملى وتجيبى عيل واتنين وتلاته
نجوى : تقى اتكلمت ؟
ام فارس : تقى ايه خلينا فيكى انتى بس انتى كويسه ؟
نجوى : كويسه متخفيش
فارس : ارتاحى طيب عشان نزفتى كتير
نجوى : مانا مرتاحه اهو كلمو تقى بس اطمنو عليها
وكمان بابا المفروض يروح يغسل بكرا
ابو فارس : يابنتى ارتاحى حتى وانتى تعبان بتفكرى فينا
نجوى : انا ماليش حد غيركم عشان افكر فيه
فارس : ( وهو مدايق من نوم نجوى كده وصعبانه عليه ) بت يا نجوى انتى شكلك مش تعبانه ولا حاجه قومى كده انا مش متعود عليكى نايمه كده قومى
نجوى : ههه ايدك جمده
ام فارس : اختك براحه عليها
فارس : سلامتك انا بس عملت كده عشان اشوف ابتسمتك الحلوه دى ( وباسها فى خدها )
هدى : الله الله يا سى فارس ايه الحنيه دى مش بشوف منها حاجه يعنى
فارس : بس يا بت هش من هنا
هدى : اهش ماشى عشان نجوى بس هاهش شايفه اخوكى
نجوى : شايفه انا برضو وش الحنيه ده مش اخده عليه ، ايه اللى فى ايدك ده يا فارس ؟
فارس : دا من اثار الضرب
دانا مسكت منير ضربتو علقه
ابو فارس : دا كان هيموت فى ايدك لو كان جرالو حاجه كنت هتعمل ايه ؟
نجوى : احسن خليه يحس ان ورايا راجل
المهم دلوقتى روحو ارتاحو وبكرا روح يا بابا اغسل عشان متتعبش
ابو فارس : لا مش مهم بكرا
نجوى : لا مهم انا هبقى كويسه
يلا بقى اناعاوزه انام روحو وارتاحو وتعالولى بكرا
فارس : طب حد يبات معاكى
نجوى : انتو كلكم تعبانين يلا بقى قومى يا ماما وانته يا بابا
ام هدى : طب انا هفضل معاكى
نجوى : لا تعالى بكرا ولو سمحت حد يكلم تقى اكيد قلقانه
ام فارس : انا مش هقدر اسيبك روحو انتو انا مش همشى
فارس : طب خلاص احنا نروح وخلى ماما
ابو فارس : طب هستنى معاكم
نجوى : لا كفايا ماما روح انته شكلك تعبان اوى
فارس : يلا يا بابا عشان بكرا هنروح نغسل
نجوى : هتروحو هنا ولا فى بنها ؟
فارس : لا هنا اى مستشفى
نجوى : طيب
هدى : خلى بالك من نفسك هجيلك بكرا
نجوى : ان شاء الله



( مشى فارس وابوه وام هدى وهدى على البيت وام فارس فضلت مع نجوى ومن تعب اليوم نامت على الكرسى وهى قاعده )


سلمى : الحمد لله انا كنت حطه ايدى على قلبى كنت خايفه اوى على سومه
محمود : صح انتى هتقوليلى دا حتى ابويا اول ما داخل بالحزام سبتى البت وجريتى
سلمى : الله افرض ضربها وجات ضربه فى بطنى الواد حصلو حاجه هفرح بيها انا؟
محمود : كان نفسى امسكها انزل فيها ضرب لحد ما يبان لها اصحاب
سلمى : ما خلاص يا محمود حصل خير دا كلام عيال وهى برضو معندهاش خبره وهو ضحك عليها
محمود : معندهاش خبره ما بتشوفش التلفزيون مابتدخلش على النت وتشوف البلاوى اللى بتحصل متعرفش الصح ايه والغلط ايه الحرام من الحلال ؟
سلمى : برضو لسه صغيره دى 18 سنه انته عشان شايفها راحه جايه قدامك كدا
محمود : لو قبلت يوسف فى يوم فى الشارع ارفع عينى فيه ازاى
سلمى : عادى ولا كأنك تعرف وبعدين عادى كل حد بيغلط المهم ميستمرش فى الغلط
محمود : بجد انا لولا ابويه كنت كسرتها
سلمى : ياخويا بقى كل واحد بيغلط
خلينا فى بلوت منير هنعمل ايه دلوقتى ؟
محمود : اللى بيشيل قربه مخرومه بتخر على دماغو
سلمى : انا خايفه نجوى تطلق من منير والمشروع اللى بينى وبينها يبوظ
محمود : احسن
سلمى : احسن ؟ لا نجوى عقله اكيد هتفصل بين الشغل واللى حصل مع منير




( وبعد ما فارس وكلهم مشيو داخل منير كانت ام فارس راحه فى النوم )

منير : نجوى نجوى
نجوى : ( فتحت عنيها ) انته ايه جابك ؟
منير : انا هنا من بدرى استنيت فارس لما مشي وجتلك
نجوى : جايلى ليه روح لمراتك اللى خنتنى معاها
منير : لا انا مخنتكيش ومقدرش اخونك انا هسبها خلاص
نجوى : انته ايه فى وشك ده ؟
منير : فارس ضربنى
نجوى : احسن عشان وجعتنى
منير : انا اسف متزعليش
نجوى متسبنيش انا بحبك
نجوى : مش هقدر استمر معاك وهى تشاركنى فيك
منير : هطلقها بس اشوف موضوع الشيك ده هى ممكن تسجنى
نجوى : طب عاوزنى اعمل ايه ؟
منير :اصبرى معايا والله انا بحبك بحبك اوى
نجوى : ماشى هصبر بس لو مابقتش ليه لوحدى انا مش هكمل
منير : ماشى وانا اوعدك انى اكون ليكى لوحدك



( وتانى يوم )

حمزه : يووووو التليفون ده
الو
ام حمزه : صباح الخير يا حبيبى
حمزه : صباح النور يا ماما
بقولك ايه هى الساعه كام ؟
ام حمزه : 7
حمزه : 7 يعنى عندى انا9 وانا فى شهر العسل مش حرام عليكى تصحينى بدرى كده ؟
ام حمزه : انا متصله اقولك صباح الخير كده برضو يا حموزه ؟
حمزه : يا ماما كنت نايم
ام حمزه : خلاص نام انا غلطانه
حمزه : الو الو يووو بقى زعلت
يا حببتى ملاك نايم ربنا يخليكى ليه

( مسك الموبيل تانى )

الو ايوه يا مامتى
ام حمزه : عاوز ايه روح نام
حمزه : لا صحيت خلاص متزعليش
ام حمزه : لا ماما زعلانه
حمزه : اسف بقى حقك عليا يا ام حموزه متزعليش اول ما اجى اضربينى عشان زعلتك
ام حمزه : ماشى مش زعلانه بس لما تجيلى
قولى فطرت ؟
حمزه : لا لسه انا كنت نايم
ام حمزه : وتقى كمان لسه نايمه ؟
حمزه : اه طبعا
ام حمزه : طب مش المفروض تقوم تحضرلك الفطار بدل ما هى نايمه كده صحيه كده هتهفت يا حبيبى
حمزه : حاضر يا ماما هصحيها
ام حمزه : واشرب لبن اوعى تشرب شاى او حاجه تانيه الصبح فاهم
حمزه : حاضر يا ماما هشرب لبن
ام حمزه : ماشى يا حبيبى لو كمان ساعه متصالتش بيه انا هكلمك ماشى ؟
حمزه : ماشى يا ماما
سلميلى على بابا مع السلامة

( قرب من تقى ولعب لها فى شعرها )

تقى : ( صحتيت من النوم افتكرت نجوى ) كنت بحسبك نجوى هى دائما تصحينى كده
حمزه : يادى نجوى انا كده هغير منها انتى بتفكرى فيها كتير اوى
تقى : صباح الخير الاول يا حبيبى
حمزه : صباح النور يا نور عيونى
تقى : انا مش عاوزه اقوم دلوقتى عاوزه انام تانى
حمزه : طب تعالى فى حضنى ونرجع ننام تانى
تقى : حبيبى انته
ام فارس : ( صحيت من النوم ولقت نجوى و منير مسكين ادين بعض ونايمين ومنير نايم جنبها على الكرسى فا قامت وخرجت باره الاوضه من غير ما حد يحس بيها ولقت فارس جاب ابوه وجاى )
ايه انتو جيتو دلوقتى ليه ؟
ابو فارس : جايين نطمن على نجوى انتى قمتى من جنبها ليه ؟
ام فارس : صحيت من النوم لقيت منير جنبها والاتنين نايمين قولت اسبهم يمكن ربنا يصالحهم على بعض
ابو فارس : امين يا رب ولون عملتو السودا دى مش لازم نعديهالو بسهوله
فارس : ايه ده انتو موفقين ان نجوى تعيش عادى مع منير وهو متجوز ؟
ابو فارس : اومال انته عاوز ايه ؟
فارس : لازم يطلقها
ام فارس : يطلق مين احنا نجوز واحده التانيه تطلق لا هى تصبر وتعيش وخلاص احنا معندناش طلاق
فارس : يا ماما دا اتجوز عليها
ام فارس : ومالو اهو راجل وحقو 4 بس متطلقش
دى مكملتش 5 شهور جواز
ابو فارس : خراب البيوت مش بالساهل يا فارس
فارس : ايوه يا بابا بس فين كرامتها وهى عايشه معاه وهو متجوز غيرها
ام فارس : بقولك ايه الكلام بتاعك ده متقولش منو حاجه لاختك بلاش بيتها يتخرب
فارس : انتو حرين يلا يا بابا عشان نروح نغسل اديك اطمنت على نجوى
ام فارس : هى هدى وامها فين ؟
فارس : هدى عندها مستشفى وام هدى شويه وجايه
ام فارس : طيب روح انته وابوك وانا هستنا نجوى لما تصحى

( وشويه وداخل الدكتور يشوف نجوى وكانت صحيت ومعاها منير وامها وام هدى وهيثم الصغير )

الدكتور : لا تمام تقدرى تخرجى انهارده
نجوى : طب يا دكتور انا اقدر اخلف تانى ؟
الدكتور : طبعا ان شاء الله هكتبلك على شويت ادويه تمشى عليهم وهتكونى كويسه ان شاء الله
وياريت تتبعى مع دكتور
منير: اكيد يا دكتور هنتابع
المهم تقوم بالسلامه
الدكتور : ان شاء الله ممكن بس حد ينزل الحسابات وانا هكتب اذن الخروج
منير : حاضر انا هنزل

( نزل منير ودفع الحساب وطلع تانى لقى فارس وابو فارس فى الاوضه مع نجوى )

منير : السلام عليكم
ابو فارس : عليكم السلام كنت فين ؟
منير : بدفع الحساب
فارس : طب يلا عشان نروح هتروحى عندى يا نجوى
منير : وتروح عندك ليه ملهاش بيت ؟
فارس : هو انته عاوز تضرب تانى ايه ادمنت الضرب ؟
بقى كيف عندك كل 12 ساعه علقه ؟
منير: فارس انا مقدر انك زعلان على نجوى بس دى مراتى وانا بقى مش هسمح انك تاخودها هى هتروح بيتى انا
ام فارس : خلاص يا فارس بقى دول فى الاخر مسيرهم لبعض وهو ان شاء الله هيقدر يصلح الغلطه دى ويطلق التانيه
صح يا منير ؟
منير: اه ان شاء الله
فارس : انتى عاوزه تروحى معاه يا نجوى ؟
نجوى : هو وعدنى انو هيطلقها
ابو فارس : خلاص يا فارس بقى
فارس : انتو حرين بس ودينى وما اعبد يا منير لو زعلتها تانى او عملت فيها حاجه هبيتك فى القصر العينى فاهم ؟
منير : فاهم
ابو فارس : يلا عشان نسافر بيتنا
نجوى : بس انته تعبان يا بابا
ابو فارس : لا انا كويس
نجوى : طب مفتاح التاكسى فين ؟
منير : اهو اتفضل يا عمى
نجوى : ممكن تروح توصلو
منير: اه طبعا
ابو فارس : تعالى روحى بيتك وبعد كدا تروحنا يا منير
فارس : طب ما تيجو البيت عندى
ابو فارس : لايابنى كفايا كده احنا تقلنا عليك
فارس: متقولوش كده
ام فارس : طب على الاقل ناخد حاجاتنا اللى عند فارس
نجوى : طب خلاص نروح عندى انا اطلع وروحو عند فارس خودو الحاجات بتعتكم وبعد كدا سفرو ولونى كنت عوزاكم معايا
ابو فارس : لا خليكى لوحدك شوفى هتقدرى على العيشه دى ولا لا عشان يبقى قرارك انتى




( نجوى بعد ما روحت داخلت وهى شكلها مجهد اوى ترتاح على السرير وشويه قامت تدور على الموبيل بتعها عشان تكلم تقى
لقت الموبيل بتفتحو لقت تقى الموبيل بتعها مقفلو وشويه لقت جرس الباب بيرن )

نجوى : مين باره ؟
صابرين : انا افتحى يا نجوى
نجوى : ( فتحت الباب ) عاوزه ايه ؟
صابرين : عاوزه اتكلم معاكى
نجوى : مفيش بينى وبنك كلام ومنير اللى بينى وبينك خلاص كام يوم وهيطلاقك
صابرين : طب قدينى فرصه اسماعينى
نجوى : انا راجعه تعبانه ومش عاوزه اسمع حاجه
صابرين : لو سماحتى انا بستسمحك
نجوى : ماشى اضيع من وقتى معاكى ادخلى


( داخلت صابرين والاتنين قاعدو على كرسيين قدام بعض )

نجوى : اتفضلى قولى
صابرين : انا مش عارف اقولك ايه انا عارفه انك حسه انى خطفت منك منير بس هو ضحك عليا
نجوى : ههههه ضحك عليكى مش عيب واحده فى سنك تقول كده ؟
صابرين : ما دى المشكله سنى انا عندى 40 سنه عندى كل حاجه ومش ناقصنى حاجه ورغم كده متجوزتش
ومش عارفه ليه ؟
نجوى : ممكن تلخصى عشان انا تعبانه ولسه خارجه من المستشفى
صابرين : حاضر , انا "
"
"
"
نجوى : اقوم اعمل اتنين شاى
قولى عاوزه تقولى ايه
صابرين : انا محتاجه راجل جنبى ، انا عرفت ان منير بيحبك بس انا لما اتجوزتو مكنتش اعرف كده
انا اول ما اتعرفت عليه هو قالى انو متجوز ومخلف 2 وعايش فى اوضه عند ابوكى وان فى بنكم خلافات عشان الشغل والفلوس
انا قولت اشغلو و وااااااااا
نجوى : واتجوزو واكسب فيه ثواب ؟
صابرين : لا
نجوى : انتى بتعيطى ليه دلوقتى انتى فكره كده انك بتضحكى عليا عشان تصعبى عليا واسيبهولك لا مش هسيب جوزى
صابرين : وانا مش هقولك سيبيه بس انا من حقى انا كمان يكون عندى راجل يحمينى
نجوى : وانتى شايفه منير ده حامى الحمى ادنا اخويا طحنو
وبعدين انتى بتقولى انك كنتى فكره انو مخلف واصغر منك طب اتجوزتيه ليه اشمعنى هو
صابرين : اديكى قولتى صغير ومخلف
نجوى : لا معلش مش فهمه دى عيوب على فكره مش مميزت بالنسبالك
صابرين : انا هكلمك بصراحه بس متقطعنيش ممكن ؟
نجوى : ممكن قولى
صابرين : انا من 22 سنه
نجوى : وانتى هتفضلى تحكيلى من 22 سنه دانا كنت برضع وقتها منير ساعتها كان بيعملها لسه على نفسو اساسا
صابرين : بالظبط كنتم اطفال من وانتم اطفال انا كنت بحلم انى اكون عروسه والبس الفستان الابيض ويتعملى فرح وافرح ويكون عندى ولاد
نجوى : وهو انتى لما اتجوزتى منير لبستى الفستان الابيض واتعملك فرح ؟
صابرين : لا
بس اسماعينى طيب
نجوى : ادينى سكت اتفضلى
صابرين : سنه وراه سنه وانا بحلم بالجواز بس محدش كان بيتقدملى ولو حد اتقدم كان بيمشى ليه معرفش
يمكن عشان الفلوس والازمه اللى موجوده فى البلد طب ما بنات غيرى بتتجوز اشمعنى انا
انا وقتها بدأت الشغل انا اكبر اخواتى وعشان الحمد لله كان مرتبى حلو كنت بساعد ابويا فى جواز اخواتى واقول اهو اخواتى وانا الكبيره جوزتهم الحمد لله
كنت بفرح اوى لما اجوز حد منهم كنت امسك الفستان واحطو عليا هو والطرحه واقول يا رب وهما فى الكوشه كده اتخيل نفسى مكانهم واقول يا رب اكتبلى يوم اتجوز يا رب
ولما اتجوزو بقى وخلاص مرتبى اهو كنت بشيلو لحد ما صاحب الشقه دى قرر يبعها انا كان معايا فلوس قولت اشتريها يمكن حد يطمع فى الشقه ويجيلى حد يتجوزنى اشتارتها بس ماجاليش حد برضو ولما كان برضو يجيلى حد ماكناش بنكمل
وسنه ورا سنه ابويا وامى ماتو وبقيت لوحدى
واخواتى كل ما اروحلهم بيوتها اللى انا جهزتهالهم بقو يخافو احسدهم اكمنهم يعنى متجوزين ومخلفين وانا لا
المهم قولت اجهز الشقه دى يمكن يجيلى حد وجهزتها العفش دا كلو جديد زى مانتى شايفه
بس برضو ماجاش حد
نجوى : ( قامت جابتلها المناديل ) اتفضلى
صابرين : شكرا
بس بقى استسلمت للامر الواقع اشتارت عربيه وباقيت من الشغل للبيت حتى فى الاجازه مكنتش بروح فى مكان بفضل فى البيت عشان خايفه من كلام الناس
انا فى الاول والاخر بنت والشارع كلو عارفنى
لحد ما عربيتى باظت وودتها التوكيل وكنت باخد تاكسى وفى يوم قابلت منير
لما لقيتو غلبان وعندو عيال قولت انا اعرض عليه يتجوزنى ويكون جنبى
واهو يجيب عيالو ومراتو دى تقعد فى الشقه وهو يبقى يجيلى كل ما يكون فاضى
لما قولتلو المرتب 4الف جنيه والشركه اللى هيشتغل فيها هو عجبو العرض بس قولتلو فى شرط انو يتجوزنى
فى الاول رفض عشان انا اكبر منه بس لما قولتلو الشغل قصاد الجواز وافق
نجوى : طب اشمعنى انا برضو مش فهمه ؟ ايه الميزه انو متجوز غيرك ومخلف ؟
صابرين : عشان انا كبيره ممكن مقدرش اجبلو عيال
لاكن لو هو مخلف من غير خلاص هيعمل ايه بعيالى انا
نجوى : طب اتجوزى واحد من سنك
صابرين : الرجاله اللى فى سنى عوزين بنات صغيره
عاوزين واحده زى ما بتقولو روشه وانا مش روشه ولا اعرف اكون روشه
ابويا كان مربينى على حاضر ونعم وكلام ربنا انا عمرى فى حياتى ما لبست جازمه بكعب امى كانت تقولى عيب
عيب كل حاجه حتى الضحكه عيب اضحك بصوت عالى
عيب اكلم ولاد عمى او خالى او حد من اقريبنا
عيب احط احمر واخضر
اكتشفت بعد فوات السنين انا ليه متجوزتش عشان انا راجل لابس لبس ست الادب والاحترام اللى انا فيه كان غلط
نجوى : عمرو الادب ما كان سبب فى اللى انتى بتقولى عليه ده ؟
صابرين : لما كان بيتقدمل حد كنت برفض اكلمو لوحدى كنت بخاف يكون حرام
كنت برفض حتى اقولو حبيبى او الكلام ده مكنتش حتى بعرف ادلع متعوتش على كده
عنست وانا مفياش عيب
نجوى انا حاكتلك كل حاجه ارجوكى سبيلى منير انا مش هاخد من وقتو كتير بس خلينى معاكم اعتبرينى زى امك
نجوى : انا مش عارفه اقولك ايه ؟
صابرين : انا هطلع لو احتاجتى حاجه اطلعيلى انا لوحدى
نجوى : حاضر
صابرين : السلام عليكم
تقى : حلو الاكل ؟
حمزه : تحفه يا حياتى اول مره اكول مكرونه حلوه كده
تقى : بالهنا هتفسحنى فين بقى انهارده ؟
حمزه : انتى عاوزه تروحى فين ؟
تقى : اللى تقول عليه انا من ايدك دى لايدك دى
حمزه : يا حياتى انتى
سيبى الموبيل ده بقى
تقى : نجوى لسه قفله انا بجد قلقانه عليها اوى
حمزه : تلقيها مع منير ولا بتشتغل
بجد المشروع بتعها ده عجبنى اوى بس محتاج توسيع
تقى : عشان مش معاها فلوس لو معاها فلوس هتقدر تشتغل احسن
حمزه : اناممكن اساعدها
تقى : ياريت يا حمزه
حمزه : لما نرجع مصر هتكلم معاها ونشوف ممكن نعمل ايه
تقى : شكرا يا حبيبى
حمزه : ربنا يخليكى ليه
ابو منير: بتعملى ايه ؟
سومه : بجهز اللبس عشان هروح المدرسه بكرا زى ما حضتك قولت
ابو منير : طب خودى اخوكى جابلك التليفون ده وخط كمان
سومه : ايه ده دا مفهوش اغانى
احمد : انتى يا بت لسه بتتكلمى انتى تخرصى احمدى ربنا اوى انك عندك تليفون اصلا
ابو منير: انتى عندك الكتب ولا لا ؟
سومه : لا
ابو منير: احمد انزل شوف الكتب اللى هى محتاجاها وهتهالها لما نشوف اخرتها
احمد : حاضر
ام منير : ايه ده انتو رايحين فين ؟
محمود : هنمشى بقى سلمى وراها حاجات
ام منير : طب يا خويا بالسلامه
ايه ده انته ايه جابك ؟
منير : جيت اشوفكم عاملين ايه ؟
ايه مش بتردو ليه ؟
ابو منير : زى مانته شايف هنعمل ايه ؟
ام منير: المخفيه عامله ايه دلوقتى ؟
منير: انهى واحده مانتى كلهم عندك مخافى ؟
ام منير : نجوى
منير : طلعت من المستشفى ورجعت على البيت
ام منير: بص دى لا تدخلى بيت ولا لسنها يجى على لسانى تانى فاهم ولا لا
منير : ( قاعد على الكنبه وحط ايدو على راسو ) حاضر فاهم
ابو منير : ايه قاعد كده ليه ؟
منير : مفيش انا وراط نفسى ومش عارف اتصرف
لا عارف ارجع ولا قادر اكمل
ام منير: عشان انته من الاول مشيك غلط
ابو منير : لو الست اللى انته اتجوزتها دى كويسه حاول اعدل
ولو بقى مش قادر سيب واحده من الاتنين
منير : طب اسيب مين
حببتى ولا اللى ملهاش حد فى الدنيا
ابومنير : اعقلها وشوف واتوكل على الله
ام منير: اعقلها يطلق الحيزابون دى طبعا
منير : هتجسنى
ام منير: خلاص خليك معاهم هما الاتنين
منير : نجوى مش هتقبل
اعمل ايه انا مش عارف

منير : انتى نايمه ؟
نجوى : مستنياك هطلقها ؟
منير : مش هقدر هخسر كل حاجه
نجوى : خلاص انا هروح اعيش عند ابويا وانت لما تعوزنى تعالى
منير : طب بتعيطى ليه دلوقتى ؟
نجوى : عشان انا مش هقدر استحمل اكون عارفه انك معاها وانا لوحدى
منير : طب والحل ؟
نجوى : طلقنى هى محتجالك اكتر
منير : مش هقدر
نجوى : لا هتقدر هنتعب شويه بس صدقنى كده احسن ليك وليه
منير : انتى تقدرى تكونى لغيرى ؟
نجوى : طب مانته قدرت تكون لغيرى
منير : غصب عنى
نجوى : تعالى نسيب بعض احسن وانته عيش معاها على فكره هى ست كويسه وطيبه
بس هى اللى ظروفها وحشه
منير : انتى اتكلمتى معاها ؟
نجوى : اه بجد صعبانه عليه
منير : طب نعيش سوى
نجوى : مش هقدر انا لميت هدومى وحجاتى خلاص هى كلمه هتقولها وخلاص
منير : كلمه
بس صعبه اوى
نجوى : معلش يلا انا همشى وانته انزل طلقنى
منير : طب ممكن اخر طلب ؟
نجوى : ايه ؟
منير : نفسى ادخل حضنك وحشنى بجد
نجوى : انته كمان حضنك وحشنى اوى
( قربو الاتنين من بعض وحضنو بعض )
نجوى : ( وهى حضناه ) قول بقى قول
منير : مش قادر
نجوى : لا لازم تقدر قول يلا يا نجوى انتى طالق
منير : لا انتى حبيبتى
نجوى : وانته كمان حبيبى ( خرجت من حضنو واخدت مفتاح التاكسى ومسكت شنطتها وراحت نحيت الباب )
منير : انتى طالق
نجوى : هستنى ورقتى اشوف وشك بخير ( وقفلت الباب )
صابرين : انتى راحه فين ؟
نجوى : اطلقنا وسبتهولك انتى احق بيه منى ( وسابتها ونزلت )
صابرين : ( فتحت الباب وداخلت لقت منير قاعد وعمال يعيط اخدتو فى حضنها ) متزعلش انا معاك وهعوضك عنها
منير : مفيش حد هيقدر يعوضنى عنها ابعد عنى
صابرين : حاضر بس والله انا بحبك


ام فارس : انتى ايه جابك وانتى تعبانه ؟
نجوى : اطلقت
ام فارس : يا مصبتى ؟ ليه يا بنتى خربتى بيتك ليه ؟
نجوى : كده احسن
ابو فارس : يعنى مش ندمانه ؟
نجوى : هو اللى ندمان عليا انا مش ندمانه
انا هقدر اعيش من غيرو لاكن هو مش هيقدر يعيش من غيرى






ايه رئيكم فى موقف نجوى ويا ترى هيحصل ايه بعد كدا مع منير ؟


يتبع........




لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:11 PM



Powered by vBulletin®
Copyright ©2000 - 2024, vBulletin Solutions, Inc.