02-10-16, 02:04 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  قلب فاضي / للكاتبة أزيس محمد ، مصرية مكتملة
| |||||||||||||
|  |
|
02-10-16, 04:03 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم السلام عليكم ورحمة الله وبركاته المقدمة ابدء اول حلقات روايتى الجديده بشكر الله عز وجل و كل من تابعنى فى روياتى السابقه : ، ( احنا كدا ( 1 ) ، احنا كدا ( 2 ) ، حب فى السر ( ريم وكريم ) ، ملك يمينى ( قمر وعمر ) ، التجربه الصينيه ، حب ميؤس منه ( امال وكمال ) انهارده هبدء اول حلقات قلب قاضى مع تقى و نجوى وقصة كلها مواقف كلنا عشنها من فرح وحزن من انكسار وقوى ومشاعر كتير بنحس بيها بس مش بنحسها غير لما نعيش عكسها الاول انا طولت عليكم ابدء القصه بقى بالاشخاص تقى و نجوى : اخوات تؤم الهام : اختهم اكبر منهم متجوزه ومعاها 3 ولاد وبنت وجوزها فكرى مسافر وسايبها فى مصر وهو بيشتغل فى السعوديه فارس : اخو تقى ونجوى والهام الكبير وهو دكتور بطنى هدى : مرات فارس دكتورة اطفال ابو فارس ( سواق تاكسى ) وام فارس ( رابة منزل ) منير : خطيب نجوى ( معاه باكلريوس تجاره بس بيشتغل مدرس حساب فى مدرسه حكومه بعقد مؤقت ) نبدئ بقى الحلقه xxxxxxxx ( بقلم هند محمد @isis Mohamed ) xxxxxxxx  | ||||
|
| |
|
02-10-16, 04:04 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 1 } ام فارس : اصحى بقى يا نجوى الساعه 7 عشان تلحقى تراجعى قبل الامتحان شويه انتى واختك نجوى : يا ربى على القلق اللى يسمعها يقول انا فى كليت سياسه واقتصاد مش كلية زراعه ولما اتخرج اخرى هشتغل الم الدوده ام فارس : يا نجوى قومى وصحى اختك الوقت بيجرى نجوى : ( بصوت عالى ) صحيت صحيت ابو فارس : ( داخلها المطبخ ) دائما صوتك طالع مبتعرفيش تتكلمى بصوت واطى تسمعى الجيران كده ام فارس : مش بصحى العيال ادخل صحيهم انته ابو فارس : نجوى قامت اهو كل يوم كده نجوى : انا راجعت انا وتقى بليل لزمتو ايه اصحى بدرى ام فارس : يا بت عشان تجيبى تقدير حلو زى اختك اختك بتجيب جيد جدا كل سنه وانتى مقبول نجوى : هتخرج السنادى ولا لا انا وهى هنخلص ونقعد جنبك مفيش شغل اللى جايب جيد جدا زى المقبول مفيش فرق ابو فارس : وحتى لو فى انا معنديش بنات تشتغل البنات للبيت وللجواز نجوى : ماشى يا بابا نبقى نشوف الكلام ده بس اطمن كده كده مفيش شغل انا داخله الحمام ام فارس : ماتخلى نجوى تنزل تشتغل على الاقل تجهز نفسها منير وامه مستعجلين ابو فارس : انا بناتى مش بتشتغل مش هكرر كلامى تانى لما تتجوز وجوزها يقولها انزلى اشتغلى يبقى هما احرار ام فارس : يا باى منك دائما مطلع عينى اقولك يمين تقولى شمال خود حط الليمون على الفول  ( خلصت نجوى الحمام وداخلت تصحى اختها تقى ) نجوى : ( وطت عليها وبتلعب لها فى شعرها ووبتكلمها براحه ) تقى اصحى الساعه 7 ونص تقى : ( قامت مفزوعه ) نجوى : على مهلك لسه بدرى وانتى مذاكر يلا قومى ادخلى الحمام ( لبست نجوى وخرجت عشان تفطر مع مامتها وبابها وكانت تقى خلصت حمام وداخلت تلبس عشان يروحو الامتحان سوى ) ابو فارس : الكلام ليكم انتو الاتنين انا مش عاوز تقدير والسلام انا عاوز حاجه تشرف زى اخوكم كده دكتور نجوى : بابا اخويا دخل الطب احنا كليت زراعه يعنى لو جبنا امتياز مع مرتبة الشرف مش هنبقى زى فارس وبعدين انا مش بحب حد يقرنى بحد ام فارس : لازم تتكلمى ما تعملى زى اختك وتقعدى سكته تقى : ( ساكته ومش بتقول اى حاجه ) نجوى : ( بتدارى وشها وبتتكلم امها ) مش قولنا الكلام ده بيدايق تقى ابو فارس : خلاص خلصنا كلو بقى عشان اوصلكم الجامعه نجوى : حاضر بابا هو منير ينفع ياخودنى نخرج انهاردا بعد الامتحان ابو فارس : واختك نجوى : هنروحها ونخرج احنا او تيجى معانا ابو فارس : لا خلصو امتحان وهكون مستنيكم ارجعو واخر النهار لو هو عاوز يخرجك يبقى يجى ياخدك من بيتك زى الناس المحترمه نجوى : طب ليه ابو فارس : هو كدا واذا كان عجبك نجوى : طب انا اكلت خلصتى يا تقى ؟ تقى : ( هزت براسها ) اه نجوى : طب يلا بينا ( ابو فارس اخد نجوى وتقى ووداهم الجامعه وبعد ما خلصو امتحان فضلو مستنين قدام مبنى الامتحنات شويه ) نجوى : هاااااا انته ايه جابك دلوقتى منير: اطمن عليكى ها عملتو ايه نجوى : انا حليت يعنى تقى : ( شاورة بئديها ) تمام الحمد لله منير: ايه قالت ايه ؟ نجوى : بتقولك تمام الحمد لله اتعلم الاشاره بقى منير : مش عارف والله طب اعمل ايه وبعدين هى ازاى بتفهمنى وهى مش بتسمع نجوى : شفتى الجهل يا تقى بتقرا شفيفك منير : طيب طيب المهم تقى ممكن اخد نجوى على جنب اقولها كلمتين تقوى : ( بلغة الاشاره ) ماشى انا هستناكم هنا نجوى خلصى قبل ما بابا يجى مش عاوزين خناق فى البيت نجوى : ماشى حاضر ( تقى بعدت لاخر السور وقاعدت تحت شجره لوحدها وهى ماسكه شنطتها وفضلت تبص للسما ) منير : وحشتينى اوى اوى نجوى : وانته كمان وحشتنى منير : الحمد لله كده اخر يوم ومش هتذاكرى تانى وانا البيت خلاص رامينا الاساس وهنطلع بالدور الاول خلاص نجوى : منير انا مش هاين عليا الارض اللى انتو بوظتوها دى حرام عليكم منير : بوظنا ايه طب قوليلى انتى حل انا واخويا عاوزين نتجوز نتجوز فين ؟ نجوى : وهو الحل ان نبنى على ارض زراعيه وبعدين انتو مكنتوش تمتلكو غير الارض دى ابوك دلوقتى هيشتغل ايه ؟ منير : زى ابوكى هيورح يشترى تاكسى بالقسط ويشتغل عليه الصبح وانا اخر النهار لما ارجع من المدرسه وارتاح ساعتين انزل اشتغل عليه بدل ما الف على البيوت وقدى دروس نجوى : تاكسى وانته فاكر ان التاكسى بتاع ابويا جايب همو دا يا دوب بيصرف علينا بالعفيه منير : يوووو بقى يا نوجه اهو اعمل ايه اجيب شقه فين ومنين انا يا دوب مدرس فى مدرسه حكومه اخرى 700 جنيه فى الشهر اجيب شقه منين مفيش قدامى انا واخويا غير الارض اللى بنينها نجوى : انا كنت بقول لو نزرعها منير : خلاص بقى اهى اتبنت وطلعه حلوه 3 اوض وصاله وحمام ومطبخ حلوين عاوزك تملهالى عيال نجوى : هملهالك بس ربنا يكرمنا كده ويفتحها فى وشك يا رب يا منير يا ابن قولى صحيح انته امك اسمها ايه ؟ منير : رزقه نجوى : رزقه وابوك رزق ازاى ؟ منير : ولاد عم وهما فى اللفه مخطوبين لبعض نجوى : امممم دا انته بقى امك وابوك وخدين بعض على حب منير : حب اه ههههههههههه انتى متئكده ان اختك مش سمعنا نجوى : كل مره تسئل السؤال ده اه يا منير تقى مش بتسمع ومش بتتكلم لاخر مره بقولهالك اطمن بقى منير : بصراحه صعبانه عليا اوى نجوى : ليه بقى عادى هى مش ناقصها حاجه على فكره منير : ايوه بس يعنى نجوى : بقولك ايه متتكلمش على اختى ومتنساش انها توئمى منير : انا مش عارف سبحان الله واحده مبتتكلمش والتانيه نجوم اف ام نجوى : ههههههههه احمد ربنا مش عجبك ولا ايه ؟ منير : عجبنى يا ستى انا قولت حاجه بس مش بتفكرى تتنقبى زيها كده احسن نجوى : بصراحه فكرت بس جيت احط النقاب على وشى اتخنقت مقدرتش اتنفس كنت هفطس منير : انا نفسى بصراحه تلبسى نقاب زى تقى نجوى : تقى لبسه نقاب اه عشان ربنا بس برضو فى سبب تانى وانها تهرب من نظرات الناس منير : يعنى ايه مش فاهم ؟ نجوى : بص صحيح انا وتقى توئم بس احنا مش شبه بعض تقى احلى منى فا لما حد بيشوف انها بيضه وشعرها ناعم وعنيها خضره يفضلو بقي يمصمصو شفايفهم ويا حرام ربنا يشفيها جالها منين ده وكلام الناس اللى مالوش لازمه ده فا من تانيه اعدادى وهى متنقبه كده ومش بتخلى حد يشوفها منير : انتى بتسرحى بيه ازاى يعنى هى حلوه كده وانتى بالمنظر ده ؟ نجوى : ما تتلم يا منير وهو انا وحشه بس هى ستى بقى منها لله منير: مالها ستك نجوى : اصل انا ابويا زى مانته عارف من نجع حمادى وانا امى من المنصوره فا انا طالعه شبه ستى ام ابويا وتقى بقى شبه ستى ام امى منير : اها قولتيلى وبنات المنصوره دول ايه قمرات نجوى : ما تتلم يا منير فى ايه ؟ منير : خلاص بس ازاى ابوكى اتجوز امك وسكنين فى بنها وهو من نجع حمادى وامك المنصوره ؟ نجوى : نصيب بقى صاحب ابويه فى الجيش كان خالى وهما نزلين اجازه ابويا شاف امى واتجوزو منير : اه قولتيلى نجوى : بابا بيرن الموبيل سلام بقى تعالى بدرى عشان نخرج منير : ماشى هوديكى مكان حلو اوى نجوى : بجد فين ؟ منير : لما نخرج مش هقول دلوقتى نجوى : ماشى سلام يلا يا تقى بابا بيتصل ( مشيت نجوى وتقى مع باباهم عشان يوصلهم البيت ) ام فارس : ها خلصتو نجوى : الحمد لله مش همسك كتب تانى فى حياتى خلاص تقى : دى اجمل حاجه القرايه نجوى : يا ساتر الجو حر اوى انهارده والشباك جايب صهد ام فارس : واحده فيكم تطلع تحط اكل للحاجه اللى فوق وتكنس للفراخ نجوى : يووو يا ماما احنا تعبانين وكمان انا خارجه انا ومنير بليل تقى : رايحين فين ؟ نجوى : مرضيش يقولى مخليها مؤفجئه تقى : ينفع اجى معاكم ؟ نجوى : طبعا تعالى ام فارس : لا يا تقى انتى هتيجى معايا نروح لاختك نجوى : الهام ليه هتروحو ؟ ام فارس : جوزها جاى الاسبوع الجاى وهى عاوزه حد يغسل لها السجاجيد قولتلها هجيب اختك تساعدك تقى : طيب حاضر نجوى : طيب وحاضر ايه لا مش هتروحى وهتيجى معايا والهام تتصرف اهى عندها عيالها 3 قرود وشمبنزى صغير احنا مش هنروح نعملها حاجه ام فارس : الله انتى مالك انا هاخد تقى خليكى انتى نجوى: لا تقى مش هتروح وهى الهام بتيجى تعملنا حاجه فاكره اخر مره لما كنتى تعبانه جات زى الضيفه تشوفك ومشيت وكان فى كام طبق ماهنش عليها تغسلهم احنا مش هنروح نعملها حاجه ام فارس : ابنها كان فى الابتدائيه وكان بيذاكر نجوى : ماما فكك من الكلام ده مش هنروح سليم تقى هتطلعى للحاجه اللى فوق تحطلها اكل ولا اطلع انا تقى : لا انا هطلع بس هغير نجوى : ماشى ام فارس : طب طب نجوى : نعم تانى ام فارس : فارس الجمعه الجايه جاى هو ومراتو مين هيوضبلو الشقه ؟ نجوى : وانا مالى ما هدى تيجى توضب هى انا مالى ام فارس : يا بت انتى قلبك قاسى كده ليه دول اخواتك طالعه لستك نجوى : قلبى قاسى لا مش قاسى بس مش بحب الاستهبال فارس طول الشهر فى القاهره مابيهونش عليه يتصل يطمن علينا وعاوزنا كل شهر نروح نمسح وننظف شقتو فكر مره يقولنا تعالو افسحكم فى القاهره مره ام فارس : هيفسحكم فين ما بنها زى القاهره متفرقش نجوى : ماما ونبى بطلى تحاميلو ولا هو عشان راجل واحنا بنات ام فارس : والله اختك برقبتك يا رتنى ما خلفتك نجوى : انا داخله اجهز عشان خارجه مع نفسك بقى ام فارس : ماشى يا قليلت الادب لما يجى ابوكى هقولو هدى : قولت لمامتك ان تروح تنظف الشقه ؟ فارس : اه الصبح هتاخد تقى وتروح هدى : طب ما تاخد نجوى احسن تقى المره اللى فاتت كسرة الفاظه وتقول مسمعتهاش وهى بتقع فارس : نجوى مش بتعمل حاجه وانتى عارفه وبعدين دى فاظه مش حاجه يعنى هدى : بس كانت غاليا عليا دى من خالى فارس : خلاص بقى يا هدى انا رايح المركذ عاوزه حاجه هدى : لا انا كمان شويه وهروح العياده فارس : ماشى خلى بالك على اللى فى بطنك متنسيش هدى : حاضر منير : ازيك يا ماما ام فارس : اهلا يا منير ليك وحشه منير : انا مكنتش باجى عشان امتحنات نجوى وتقى عشان يذاكرو ام فارس : الحمد لله خلصو الواحد كان شايل الهم والله ياابنى منير: ومين سمعك يا ماما نجوى : احنا لبسنا يلا بينا منير : ( شد نجوى من درعها على جنب ) ايه ده احنا مش اتفقنا انا وانتى وبس تقى جايه معانا ليه ؟ نجوى : وفيها ايه مش بدل ما تفضل ولحدها منير : انامش معايا فلوس تكفى انا وانتى وبس نجوى : انا قولتلها تيجى بلاش تحرجنى قدمها منير : بقولك مش هينفع قوليلها اى حاجه نجوى : هقولها ايه بس تقى : ( فهمت ان منير مش عاوز ياخودها معاهم طلعت الصبوره الصغيره من شنطتها وكتبت عليها ) خلاص يا منير روحو انتم انا هتفرج على التلفزيون نجوى : شفت زعلتها تقى : لا مش زعلت انا اصلا دايخه وتعبانه من المذاكره روحو انتم انا هدخل انام منير: يعنى مش زعلانه ؟ تقى : لا وبعدين انا كتير جيت معاكم روحو انتو المرادى منير : والله انتى كده يا تقى يلا احنا بقى نجوى : طيب سلام مش هتأخر عليكى يا تقى تقى : برحتك ( نجوى خارجت هى ومنير وسابو تقى مع ام فارس ) ام فارس : تقى هتييجى معايا عند اختك ولا هتسمعى كلام نجوى تقى : انا لو روحت معاكى نجوى هتزعل ام فارس : ولو مروحتيش الهام هتزعل تقى : طب خلاص هروح بس متقوليش لنجوى ونرجع بسرعه ام فارس : بس كده ماشى انا هقوم البس على طول ( ام فارس لبست وراحو لالهام ) الهام : وحشانى يا تقى كده برضو كل ده متجيش تقى : انتى مش بتقولى تعالى الهام : انا برضو والله العيال ما مخلينى عارفه اعمل حاجه وانتو عرفين فكرى مسافر وانا اللى مسؤله عن كل حاجه حتى امو تحت تقى : المهم هتغسلى ايه عشان نلحق نخلص الهام : اغسل اغسل ايه مش فهمه ام فارس : ( غامزتلها ) السجاجيد يا الهام مش انتى عاوزه تغسليهم الهام : اه السجاجيد اه بس شويه نشرب شاى ولا حاجه ايه ده دا جرس الباب بيرن افتح يا تامر تامر : حاضر يا ماما تيته ازيك ام فكرى : اهلا يا تامر ام يوسف : ( جارتهم ) خود جيبالك حاجات حلوه انته واخاوتك تامر : شكرا يا طنط ام فارس : اهلا ام فكرى ازايك يا اختى ام فكرى : الحمد لله كده برضو فين وفين لما بتيجى ام فارس : غصب عنى البنات تقى ونجوى كان عندهم امتحنات اخر يوم كان انهاردا ام يوسف : وهى دى تقى ام فارس : اه هى قومى يا تقى اقعدى جانب خالتك تقى : ( وهى مش فهمه فى ايه قامت وقعدت جنبها ) ام يوسف : ما تشيلى يا حببتى اللى على وشك ده وفرجينا كده ام فارس : تقى شيلى النقاب تقى : ( فهمت تقى ان مفيش سجاجيد ولا حاجه وان ام يوسف دى ام عريس وجايه تعاين البضاعه ) لا مش هشيلو الهام : ( قرابت من تقى وراحت شيلاه من على وشها ) الله ماحنا كلنا ستات مع بعض شيلى شيلى تقى : ( اتدايقت جدا بس معرفتش تقول حاجه ) ام يوسف : ما شااء الله اللهم صلى على النبى قمر تقى : ( وهى مركذه فى شفايف ام يوسف وفهمه هى بتقول ايه طلعت الصبوره من شنطتها ) شكرا يا طنط ام يوسف : ايه كتبه ايه ؟ الهام : بتقولك شكرا ام يوسف : انتو مش بتقولو عليها طارشه وخارصه سمعتنى ازاى ام فارس : هى بتقرا الشفايف ام يوسف : اه قولتيلى واسم الله عليها عندها كام سنه الهام : 22 ام يوسف : اه وبتعرف تطبخ بقى وتشوف طلبات البيت ؟ ام فارس : اه دى شاطره والله بتطبخ احلى منى ام فكرى : لا متقوليش كده انتى الخير والبركه ام يوسف : وهى بقى اللى عنها ده من ايه ؟ ام فارس : من عند ربنا هى اتولدة كده مع ان اخواتها زى الفل الهام وفارس ولا نجوى الهام : نجوى دى بقى مش بتبطل كلام تقى : (وهى بتكلم نفسها ) انتى يا ماما جيبانى عشان تفرجينى للست دى وعماله تسئل وكأنها هتشترينى لابنها طب راعى ظروفى ( فضلت ام يوسف تسئل وتتكلم وتقى عماله تشوف هما بيقولو ايه ومش بتعمل اى رد فعل ) نجوى : والله انته رخم كنت جبت تقى معنا تتهوى حرام عليك منير: حرام عليكى انتى دى نطالنا فى كل الخروجات عاوز اكون انا وانتى لوحدنا نجوى : ما هى بتسبنا وبتقعد بعيد بس تبقى معايا منير : يووو بقى نجوى انا وانتى هنورح السينما مش معايا غير 100 جنيه لو تقى معانا يبقى 75 جنيه سينما ولسه الاكل ولو شربنا حاجه والموصلات نجوى : بصراحه ضميرى واجعنى لما باخرج وباسبها منير : بقولك ايه هى ماحدش خطبها قبل كده ؟ نجوى : لا كل ما حد يجى يتقدم يشوفها وتعجبو بس مش بيجى تانى عشان موضوع الكلام ده منير : مع انك بتقولى انها حلوه نجوى : اه والله يا منير منير : معاكى صور ليها ؟ نجوى : لا حتى صور الكرنيهات والحاجات المدرسه هى شيلاهم من ماما منير : ليه ؟ نجوى : بتعقد هى والجيران يدللو على عريس وهى بتدايق من كده منير : امممم طب يلا بينا الفيلم هيبدء فيلم رومانسى بقى خلينى امسك ايدك جوا بقى نجوى : بعينك ابو فارس : السلام عليكم ام فارس : عليكم السلام ابو فارس : نجوى لسه ماجاتش ؟ الساعه 11 ام فارس : زمانها جايه ابو فارس : مالك يا تقى قاعده زعلانه ليه ؟ تقى : اسئل ماما وعمايلها ابو فارس : عملتى ايه ؟ ام فارس : ماخلاص يا تقى وهو انا كفرت ولا كنت كفرت عاوزه افرح بيكى تقى : تفرحى بيه ولا تدورى تفرجى الناس عليا وتخليهم يحرقو دمى انا مش هتجوز فهمه ابو فارس : تانى يا ام فارس تانى اختى البنت لمين المرادى ام فارس : دى عند الهام والله مش لحد والست ام يوسف مقالتش حاجه تقى : يا سلام مش قالت ربنا قداها الحلاوه اوخد منها الكلام الحلو مايكملش مفيش نصيب وفضلت تتنى وتتفرد عليكى ليه بتعملى كده حرام عليكى ابو فارس : خلاص يا تقى ادخلى جوا وانا هشوف امك خلاص تقى : انا هقول لنجوى لما تيجى ام فارس : نجوى لا نجوى لا انا امك يا تقى كده برضو تقى : هى دى اللى بتجبلى حقى ابو فارس : خلاص بقى انا راجع تعبان بدور طول النهار فى الشوارع الجرس بيرن يا تقى روحى افتحى ( فتحت تقى الباب ) نجوى : ( باصت فى عين تقى من ورا النقاب ) ايه ده انتى مدمعه ليه ؟( واخدتها وداخلت على الاوضه ) ابو فارس : اتأخرت ليه يا منير منير : والله يا عمى ابدا روحنا السينما وخلصت على 10 واتعشينا وجينا على طول ابو فارس : لو خارجت تانى مع نجوى 10 بالكتير تكونو فى البيت احنا فى الريف مش فى مصر عشان تسهرو لوش الصبح منير : حاضر يا عمى بعد ازنك ابو فارس : استنى عملت ايه فى البيت اللى بتبنيه منير : عملنا الدور الاول لابويا وامى والدور اتانى ليه ان شاء الله هنرمى السقف قريب ابو فارس : على خيرت الله انا مش عاوز تأخير كفايا خطوبه سنه داخل طالع منير : حاضر يا عمى المهم الجهاز ابو فارس : ربنا يقدرنى واجهزها احسن جهاز منير: ان شاء الله انا ماشى بقى نجوى : ( بصوت على ) ماما تفتكرو نجوى هتعمل ايه فى امها لما عرفت اللى حصل مع تقى ؟ يتبع...... | ||||
|
| |
|
02-10-16, 04:04 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 2 } ابو فارس : ربنا يقدرنى واجهزها احسن جهاز منير: ان شاء الله انا ماشى بقى نجوى : ( بصوت على ) ماما انتى روحتى تانى انتى وتقى تفرجيها للناس ؟ ام فارس : انا لا دا انا روحت لأختك عشان نغسل السجاجيد وهى حمات الهام جات ومعاها جارتها انا مالى ؟ نجوى : وانا مش قولت تقى متروحش تعمل حاجه لحد ؟ حرام عليكى البت طول الاسبوع اللى فات بتذاكر ناقصه تغسل سجاجيد وبعدين انا عبيطه السجاجيد دى حجه عشان تسحبيها هناك وتفرجيها لام العريس ابو فارس : خلاص يا نجوى محصلش حاجه ما الناس كلها بتعمل كدا عشان تستر بنتها ام فارس : اه قولها انته بقى ابوكى موفقنى فى الى عمتلو نجوى : وانتى عملتى ايه ؟ ام فارس : انى وديت اختك لام العريس تشوفها نجوى : اعترفت بعضمة لسانها مقولتش حاجه انا يعنى مش سجاجيد ام فارس : هو انا هخاف منك اه عشان ام العريس تشوفها فيها ايه ؟ نجوى : فيها ان اللى عاوز يتجوز واحده يروح هو ويطلب منها الجواز ولو هى وفقت يبقى هو يروح يتقدم لابوها مش بيعت امو تتفرج ابو فارس : عادى يا نجوى الناس بتعمل كده نجوى : وبيحصل ايه فى الاخر ما بيطلقو وبيحصل مشاكل وبعدين انتى عارفه لو كان حصل ناصيب وتقى اتجوزت العريس وحصل خناقه ولا خلاف كانت امو قالت ايه لتقى ساعتها ام فارس : ايه يا ام العريف ؟ نجوى : اتريقى اتريقى كانت هتقولها انها مكنتش لقيه حد يتجوزها وامك اللى هى انتى كنتى دايره بيها تفرجيها للناس يمكن حد يرضى يتجوزها ام فارس : يا بت انتى بتجيبى الكلام ده منين انتى نيتك وحشه كده ليه ؟ نجوى : انا مش نيتى وحشه بس انا مشكلتى انى دائما بصه لبكره مش بصه تحت رجلى زيكم بابا ارجوك قول لماما متعملش كده تانى ابو فارس : طيب يا نجوى خلاص واعملو العشا بقى انا راجع تعبان نجوى : انا هدخل اغير هدومى ام فارس : طب تعالى سعدينى نجوى : لا اعملى لوحدك ( دخلت نجوى على تقى لقتها لسه زعلانه وبتعيط ) نجوى : ما خلاص بقى يا تقى بطلى نكد كان حصل ايه يعنى تقى : الست دى هنتنى اوى يا نجوى انا مش عارفه انا بيحصلى ليه كده نجوى : طب مش انتى بتقولى انها جارت الهام ؟ تقى : اه الست ام يوسف اللى هى فى اول بيت نجوى : عرفتها بقولك ايه انا هنتقملك منها ولا تحملى هم تقى : هتعملى ايه ؟ نجوى : ملكيش داعوه بقى وحياتك لارقدها فى السرير شهر قومى يلا عشان نتعشى تقى : مليش نفس نجوى : انا هفتح نفسك يلا يا موزتى قومى عشان لما بابا وماما ينامو احكيلك روحنا فين انا و منير وعملنا ايه ام فارس : مالك مش بتاكل ليه ؟ ابو فارس : تعبان الكلى تعبانى نجوى : من المايه طول النهار مش بتشرب صح ابو فارس : والله بانسى يا بنتى هعمل ايه بس تقى : خلى ازازه جنبك وكل شويه اشرب ابو فارس : حاضر ان شاء الله نجوى ابقى اغليلى شويت بقدونس برتاح عليه نجوى : حاضر يا بابا ماتكولش بقى الجبنه دى كلها ملح كل اى حاجه تانيه ابو فارس : انا خلاص كلت هقوم انام بقى وانتى هتيلى البقدونس نجوى : هقوم اعملو مش فى عندك يا ماما ؟ ام فارس : اه فى جواه ( قام ابو فارس ودخل اوضتو ونجوى كمان داخلت المطبخ تغلى كبايت بقدونس لابوها ) ام فارس : كده برضو تقولى لاختك وتخليها تبهدلنى تقى : عشان متعمليش فيه كده تانى ام فارس : عاوزه اشوفك عروسه تقى : انا مش هتجوز ومتجبيش سيرة الموضوع ده تانى ام فارس : ماشى يا تقى خلاص متزعليش نجوى : بابا انته نمت ابو فارس : لا لسه عملتى ؟ نجوى : اه اتفضل بس سخن لسه ابو فارس : طب اقفلى الباب وتعالى نجوى : ( قفلت الباب وقعدت جنبو على السرير ) نعم يا بابا ابو فارس : كلامك مع امك مش عاجبنى انتى غلطى فيها مينفعش تعلى صوتك عليها كده نجوى : بابا انا مش بحب حد يزعل تقى واللى ماما بتعملو ده مش هيخلى تقى تتجوز ده نصيب ممكن وهى فى بيتها معززه مكرمه تتجوز مش لازم نلف ونفرج الناس علينا ابو فارس : اختك عندها ظروف صعبه مش اى حد هيرضى بيها نجوى : هى مش ناقصها حاجه والكلام والسمع ده حاجه ملهاش لزمه ماما لما بتعيا مين بيشيل البيت مش تقى والحاجات اللى فوق السطوح مين بينظف ويراعيها مش تقى دا حتى عيال الهام مين بيقعد بيهم اول ما الهام بتولد مش تقى هى مش ناقصها حاجه ابو فارس : انتى عشان عايشه معها بتقولى كده لاكن اللى بعيد هيعرف منين نجوى : ماشى يا بابا بس هى كانت مدايقه ممكن نروح نزور الناس بس مايكونش الهدف الاساسى ان نعرضها للجواز ابو فارس : ماشى كلامك صح بس كل الناس على كده متزعليش امك منك روحى صلحيه الا زعل الام يا نجوى نجوى : حاضر هروح اصالحها بس كان فى مشوار الصبح كده تلت ساعه بالكتير وهرجع ممكن اروح ؟ ابو فارس : فين ؟ نجوى : هروح اجيب حاجات ليه انا وتقى من الصيدليه ابوفارس : ماشى روحى بس صلحى امك الاول نجوى : حاضر يخليك ليه يا رب خود بقى اشرب برد البقدونس نجوى : مالك يا ام نوجى زعلانه ليه ؟ ام فارس : لا ابدا بنتى بس مطوله لسنها عليا معرفتش اربيها نجوى : مانتى اللى غلطانه لو تديها قلمين على وشها كده وترزعيها شبشبين مش هتعمل كده لازم قلبك حنين تقى : هههههه نجوى : خلاص بقى يا ام نوجه ساعت شيطان وانا كنت مدايقه هاتى بوسه ام فارس : اوعى كده ولا تحطى ايدك عليا نجوى : حقك عليا متزعليش هزغزغك والله ام فارس : هههه يوه منك يا بكاشه انتى نجوى : خلاص صافى يا لبن ؟ ام فارس : بشرط نجوى : خير قولى امفارس : تروح انتى واختك تنظفى شقت اخوكم نجوى : بصى يا ماما انا هروح ماشى بس المرادى لاكن لو هدى نطقت حرف اقسم بالله شايفه ايدى دى هلبسها فى وشها قشطه ؟ ام فارس : قشطه نجوى : يلا يا تقى عشان ننام ونصحى بدرى ام فارس : كمان ساعه هاجى اشوفك متكلميش منير فى المحمول وتفضلى ترغى وتنامى متئخر نجوى : هكمو شويه صغيرين ام فارس : ماشى انا مش قارده عليكى المهم تيجى بكره انتى واختك نجوى : قولنا طيب حاضر ابو فارس : نجوى صلحتك ؟ ام فارس : اه عملت الشويه بتوعها وقال ايه بتصلحنى ربنا يهديها ابو فارس : بس بجد هى عندها حق اللى عاوز يتجوز واحده يجى هو ويخطبها مش يبعت امو تتفرج الاول ام فارس : مانته مخلى تقى ليل نهار فى البيت مين هيشوفها ولو خراجنا بنروح عند امك البلد او عند امى محدش بيشوفها ابو فارس: نصبها هيجلها متستعجليش يعنى انا وانتى مين يصدق ان احنا نتقابل ام فارس : اها على رئيك بس نفسى اطمن على نجوى وتقى فى بيت اجوزهم وارتاح ابو فارس : ادعلهم انتى بس قولى يا رب ام فارس : يا رب عاملت ايه فى الفلوس اللى قولتلك عليها ابو فارس : ايراد انهارده 300 جنيه خودى 250 ام فارس : ودول هيكفو ايه حاجات المطبخ ولا المليات ولا هدوم العروسه ولا ابو فارس : هاتى المعقول كل يوم هديكى اللى ربنا يقدرنى عليه وبعدين لسه الخشب اللى هنجيبو المطبخ والصالون واوضت الاطفال انا مش عارفه هجيب منين ده كلو ام فارس : مش شايل حاجه انته يعنى ؟ ابو فارس : على ايدك التعليم العيال اخد كل حاجه وخصوصا فارس كل الفلوس اللى كنت محوشها راحت على فارس الكليه وكمان جوازو شقتو هنا وشقتو اللى فى مصر والمهر والشبكه خد كل اللى ورايا واللى قدامى ام فارس : لومنير زى فكرى كده اتجوز الهام كان شقتو جاهزه يادوب جبنلها هدمها وكام حاجه فى المطبخ وخلاص ابو فارس : فكرى عشان مراتو الاولى طلقها شقتو كانت جهزه وكمان فكرى كان مستعجل ولما شاف الهام طيبه وكويسه استعجل ومطلبش حاجه والله الهام صعبانه عليا ام فارس : ليه قى ماهى زى الفل ولو على تامر اهو عايش مع اخواتو والهام بتعملو زى عيالها مش بتفرق بينهم ابو فارس : عارف بس يعنى طول السنه لوحدها وجوزها مابيجيش غير كل سنه ام فارس : يا خويا احسن وهى مبسوطه كده بلا وجع دماغ اهو بيبعتلها الفلوس اللى هى عوزها وبعدين هى مرتاحه كده ابو فارس : طيب الحمد لله نجوى : يبنى بقولك نامت خلاص وحتى لو صحيه ايه المشكله منير : عشان تكونى على رحتك معايا وبعدين انا عاوز اتجوزك بقى مش قادر نجوى : اعمل الشقه طيب بسرعه وبعدين نتجوز وبعدين مستعجل على ايه ما خلينا نستمتع بالخطوبه شويه منير : انا بتعذب وانتى تقوليلى نستمتع انا مش عارف امسك اديكى نجوى : يا ربى على اللى انته فيه هو ليه كل الناس كده انا مختلفه منير : مش فاهم يعنى ايه ؟ نجوى : مثلا كل الامهات بتبقى هتموت عشان بنتها يخلصو الجامعه ولما يخلصو هيموتو عشان يجوزوهم ولما يجوزوهم هيموتو عشان يخلفو ولما يخلفو اول طفل يلا بقى جبيلو اخ حلو كده ولما نجيب اخ حلو يلا بقى 2 بس هاتى واحد ولا اتنين كمان عشان ميفضلوش لوحدهم ولما نجيب عيال قد كده نشيل هم التعليم والمدارس منير : يخرب بيت عقلك بموت فيكى يا نوجه انتى تنفعى محلله نفسيه ههههههههههه نجوى : اوك يا مونى انا هنام بقى عشان هروح انظف شقت فارس بكره منير : عقبال ما تنظفى شقتنا يا رب نجوى : انا وانته قول امين مانته ان شاء الله هتنظف معايا منير : لا طبعا انا الراجل مش بعمل حاجه نجوى : لو نظفت معايه هديك حاجات حلوه منير: بجد ماشى بس حلوه حلوه ؟ نجوى : اممممم منير : انا على كده اجيب معايا انسولين ههههههههه نجوى : هههههههه والسرنجه عليا تصبح على خير بقى منير : وانتى من اهل الخير ( وتانى يوم الصبح خارجت نجوى ونص ساعه ورجعت ) ابو فارس : ايه فين الحاجات اللى قولتى هتجبيها ؟ نجوى : ملقتش اللى انا عاوزه هبقى اروح وقت تانى فطرت ؟ ابو فارس : لا لسه اه نجوى : لسه تعبان ؟ طب ارتاح انهارده بلاش تنزل تشتغل ابو فارس : محتاجين فلوس يا نجوى نجوى : مفرقتش من يوم ارتاح بس وانزل بكره ام فارس : مالكم فى ايه ؟ نجوى : مفيش بس بابا تعبان شويه متخلهوش ينزل انهارده الشغل انتى كنتى فين ؟ ام فارس : بعمل الحاجات اللى فى السطوح نجوى : تيجى نروح المستشفى ؟ ابو فارس : لا انا هرتاح انهارده ولو تعبت يبقى فارس يشوفنى بدل ما نكشف باره نجوى : بس فارس دكتور بطنى مش كلى ابو فارس : متدوشنيش بقى يا نجوى روحى اعملى فطار مع امك ( جرس التليفون الارضى رن ) ام فارس : الو الهام : صباح الخير يا ماما ام فارس : صباح النور خير بتتكلمى بدرى كده ليه ؟ الهام : هو بابا عندك ولا نزل ؟ ام فارس : لا ابوكى هنا تعبان الكلى رجعت تتعبو تانى نجوى قالتلو مينزلش الشغل انهارده الهام : يعنى ميقدرش يجيلى ؟ ام فارس : ليه مالك حد من العيال تعبان ؟ الهام : لا مش انا دى ام يوسف يا عينى هى اللى بتموت وعاوزين حد ينقلها المستشفى ام فارس : يا لهوى ليه مالها ماكانت كويسه امبارح الهام : حد الصبح رن جرس الباب هى قامت تفتح لقت علبه على السلم راحت تشوف فيها ايه راحت متزحلقها 6 سلالم ورا بعض شكلها رجليها اتكسرت ام فارس : وهى ايه وقعها كده الهام : السلم حد دلق عليه زيت وهى كانت حفيه يا دوب بتوطى تجيب العلبه اتكومت على وشها ام فارس : والعلبه دى كانت فيها ايه ؟ الهام : والله ما عارفه المهم بابا مش هيقدر يجى ؟ ام فارس : تقدر تروح يا ابو فارس ؟ ابو فارس : انا تعبان مش قادر ام فارس : ابوكى جنبى وسامعنى بس بيقولك مش قادر الهام : طيب يا ماما هقولهم هما يتسرفو بقى سلام هكلمك تانى نجوى : مالها ؟ ام فارس : مانتى سامعه الست شكلها رجليها اتكسرت نجوى : اممممم طيب انا هدخل اصحى تقى الشاى بيغلى ها ادخلى شوفيه نجوى : تقى اصحى شوفى انا عملت ايه ؟ تقى : ايه نجوى : اختلك بطارك زى ما ام يوسف كسرتلك خطرك انا كسرت رجلها تقى : ازاى عملتى ايه ؟ ام فارس : هى البت دى مالها ؟ ابو فارس : مش عارف شكلها مش طبيعى ام فارس :ربنا يهديها انا حضرت الفطار هنفطر ونروح على الشقه ابو فارس : ماشى انا هقوم البس بقى انا الحمد لله ام فارس : طب ماتريح انهارده ابو فارس : احنا فى عرض 100 جنيه لسه عندنا مصريف كتير ( دخل ابو فارس يلبس وتقى صحيت من النوم وراحو كلهم يفطرو ) ابو فارس : مالك يا تقى فرحانه كده ليه ؟ تقى : عادى مش عاوزنى افرح ؟ ابو فارس : لا طبعا عاوزك تفرحى بس انتى بتبصى لنجوى كده بصات فى حاجه ؟ نجوى : هيكون فى ايه يا ابو نوجه بس مفيش وبعدين مش قولنا نرتاح انهارده ؟ ابو فارس : لازم اشتغل عشان جهازك لسه كتير اوى عليه نجوى : وانتو مستعجلين ليه لسه بدرى اوى دا لسه مش اقل من سنه ونص عقبال ما يبنو الدور التانى والتالت والرابع وكمان يوضبوهم لسه بدرى ارتاح انته بس ابو فارس : لا كتير هو يبنى الدور ويوضبو والدورين التانين يبقى يبنوهم بعدين نجوى : وانا اتجوز والشقه تتبهدل بقى اسمنت ورمل لا لما البيت يتبنى ابقى اتجوز وبعدين انا لسه 22 سنه لسه بدرى ابو فارس : ( لقى نجوى عندها حق ) طيب يا نجوى انا هرتاح انهارده نجوى : طب بابا حبيبى هات مفتاح التاكسى نروح بيه عند فارس بدل ما نمشى ابو فارس : ماشى خودى بس تسوقى براحه نجوى : عيونى ام فارس : تسوق ايه فى بنت تسوق تاكسى نجوى : الله وفيها ايه مش جوا البلد وكمان دا كام شارع مش هنمشى فى الشوارع الرئسيه ام فارس : بس انتى بنت نجوى : عادى يا ماما بنت ولا واد فى مساواه دلوقتى وبعدين بابا موافق وبعدين انا اتعلمت السواقه ليه يعنى ابو فارس : ياريتك كنتى واد كنتى هتكونى راجل 100 100 نجوى : الرجوله مواقف يا حاج وانا راجل ابو فارس : ههههههههه طيب قومو بقى عشان تيجو بدرى ام فارس : طب ما بدل معانا التاكسى ما تيجى نطمن على ام يوسف نجوى : عاوزه تروحى يا تقى ؟ تقى : لو انتى عاوزه يا نوجه نجوى :ومالو نروح نشوفها دا حتى زيارت المريض واجب شرعى ام فارس : الف سلام ياختى مالك ؟ ام يوسف : الصبح الجرس رن بفتح لقيت علبه على اول السلم اول ما خطيت خطوه لقيت نفسى بتدئلج على السلم نجوى : طب العلبه دى بتاعت مين ؟ ام يوسف : مش عارفه يوسف : العلبه اها وفضيه عزيزه : والله انا لو شفت اللى عمل كده هكسر عضمو نجوى : معلش معلش هو كده نصيب وحصلك ايه يا طنط يوسف : الحمد لله كسر بس فى الرجل نجوى : بس الحمد لله انو مش كسر فى الحوض ولا العمود الفقرى عزيزه : بعد الشر على ماما يا رب هو انتى اللى كنتى سايقه التاكسى ؟ نجوى : اه بابا اصلو معلمنى اسوق فا لما بنروح مشوار باخدو بدل ما نركب موصلات يوسف : هى دى اختك تقى صح ؟ نجوى : اممممم يوسف : ازيك تقى : ( هزت براسها ) عزيزه : ما تشيلى النقاب ده مفيش حد غريب ويوسف زى اخوكى تقى : لا انا مينفعش حد يشوفنى نجوى : بتقولكم مينفعش حد يشوفها على العموم سلمتك يا طنط ام يوسف : الله يسلمك نجوى : لا يا ماما ورانا حاجات كتير ام فارس : ماشى سلامتك ياختى هجيلك تانى ام يوسف : ابقى هاتى تقى معاكى نجوى شكلها مستعجله دائما ام فارس : ان شاء الله يلا يا بنات ( مشيو التلاته وسابوهم يتكلمو سوى ) يوسف : بجد يا ماما هى هديه اوى ما نتكل على الله ونخطبها وانتى بتقولى انها حلوه ام يوسف : دى وشها نحس لسه شيفها امبارح ورجلى اتكسرت الصبح دى نحس عزيزه : صح يا ماما ما هى كده الجواز ده بيبان من اولو وكمان اختها نجوى دى متفرعنه كده لا دى متنفعكش يوسف : بس بجد عنيها حلوه اوى عزيزه : وانته شوفت عنيها من تحت النقاب ازاى ؟ يوسف : انا خبره مش خيبه زيك انا هقوم بقى عوزين حاجه عزيزه : لا ام فارس : يلا يا بنات شيلو السجاجيد وامسحو الارض ونزلو الستاير واغسلوهم عشان نلحق نركبهم و نجوى : وايه انته بتهزرى لا طبعا مش هنعمل كده ليه هو انا لقيه صحتى ام فارس : اومال هتنظفو ازاى ؟ نجوى : من فوق الوش كده بالمكنسه والستاير هنفضها وخلاص ام فارس : مينفعش لازم نجوى : ماما دا اخرى انا وتقى ادخلى انتى اطبخى وانا هروق وانظف ولو معجبش الدكتوره تعمل هى مش خدمين امها احنا ام فارس : يا بت عيب دا اخوكم نجوى : اخونا اه طب بس برضو يلا ادخولى تعالى نغير جوا يا تقى ( وتقى ونجوى بيغيرو هدمهم ) تقى : شفتى يوسف ؟ كان عمال يبصلى اوى نجوى : اه خت بالى بس مش حلو تقى : هو انا حلوه يا نجوى ؟ نجوى : تعالى كده بصى فى المرايه شايفه ايه ؟ تقى : مش عارفه نجوى : انتى جميله اوى واحلى منى كمان بس فيكى عيب صغير تقى : الكلام ؟ نجوى : لا انك ضعيفه اقل حاجه تزعلى لازم تبقى قويه ومفتريه محدش يكسرك تقى : بتصعب عليا نفسى نجوى : وانتى لوحدك اه وانتى قدام الناس لازم تبقى جمده محدش يكسر عينك ام فارس : ( من باره الاوضه ) ايه يا بنات انتو نمتو ؟ نجوى: هنتكلم بعدين المهم ماما بتنده اعملى اللى اقولك عليه واوعى تسمعى كلمها وتمسحى فهمه تقى : حاضر ( ام فارس داخلت المطبخ وتقى ونجوى نفضو وعملو بالمكنسه ونفضو الستاير كل ده فى 3 ساعات ) ام فارس : يعنى لو كنتو مسحتو من تحت السجاد كان حصل ايه ؟ نجوى : كان ضهرنا اتكسر من شيلها وفرشها وهو كده حلو ام فارس : تقى يا حببتى اطلعى لمعى النجف تقى : ( بتبص لنجوى وكئنها بتقلها اعمل ولا لا ) ام فارس : هتفضلى تبصى لنجوى كتير خلى عندك شخصيه تقى : لا مش هعملها كده حلو ام فارس : عشان خاطر امك تقى : لا كده حلو نجوى : ماما حلو كده ام فارس : عشان هدى متتكلمش نجوى : لو اتكمت انا هرد عليها ملكمش داعوه ام فارس : ماشى بس لو اخوكى زعقلك متتكلميش نجوى : ماشى يلا بقى هندخل نلبس عشان بابا نجوى : بابا احنا رجعنا بابا مالك ؟ ابو فارس : تعبان اوى يا نجوى اه ام فارس : طب قوم روح اكشف ابو فارس : لا هستنى فارس يوم الجمعه نجوى : وهو انته هتفضل كده انهارده الاربعاء لا قوم نروح للدكتور انا هوديك ابو فارس : لما ابنى يجى الراجل نجوى : يادى الراجل ولا مش راجل قوم يا بابا انته تعبان قوم وانا هكلم منير واخوه احمد يجولنا لو لازم يكون معنا رجاله ام فارس : قوم يا اخويا روح اكشف لحسن انته شكلك تعبان اوى نجوى : قوم يا بابا ( نجوى اخدت بابها وراحو المستشفى وكانت معاهم تقى وام فارس ومنير راحلهم على المستشفى ) منير : ها يا دكتور خير مالو الدكتور : فشل كلوى لازم نعمل غسيل كلى ابو فارس : بس انا باخود لها دواى الدكتور : الدوا مش جايب نتيجه نجوى : طيب نغسل كلى فين ؟ الدكتور : هنا فى المستشفى بس هو مكلف المره ب 400 جنيه منير : ياه 400 ابو فارس : طب واللى مايقدرش يا دكتور انا سواق تاكسى على باب الله رزق كل يوم بيوم الدكتور : ممكن تعمل علاج على نفقة الدوله او لو انته تبع تأمين صحى نجوى : انا اخويا دكتور التأمين بتاع اخويا يفيدنا ؟ الدكتور : اه ممكن يضيفو على التأمين عندو ويغسل على حساب التأمين نجوى : طب وكده ندفع كام ؟ الدكتور : 200 جنيه فى المره ابو فارس : وانا المفروض اغسل كام مره يا دكتور ؟ الدكتور : مرتين فى الاسبوع ام فارس : يعنى 400 جنيه فى الاسبوع ابو فارس : لا يا دكتور شوف اى علاج غير ده انا مش معايا ده كلو الدكتور : خلاص نعمل عمليه زرع كلى نجوى : طب والعمليه دى تتكلف كام الدكتور : لا مش كتير حوالى 15 الف جنيه بس فى مشكله المتبرع نجوى : ياخد منى تقى : او منى انا ابو فارس : لا طبعا انا عندى اموت ولا احد يشكوكو شكه واحده الدكتور : مفيش حل غير الاتنين دول ابو فارس : انا الحمد لله بقيت كويس همشى على الدوى وخلاص الدكتور : انته كويس عشان واخد مسكن اول ما المسكن هيروح هتتعب تانى اتفضلو الروشته الدوا ده تمشى عليه لحد ما تشوف هتعملو ايه ( رواحو كلهم ومنير روح على بيتو وهما كلهم بيفكرو ومش عارفين يعملو ايه نجوى قامت تكلم فارس وتشوف ممكن يقدر يعمل ايه وكاننت تقى معاها فى الاوضه ) فارس : طب انا فعلا ضايفو على البطاقه العلاجيه بس 400 جنيه فى الاسبوع كتير اوى نجوى : طب هنعمل ايه اتصرف يا فارس بابا تعبان اوى فارس : اتسرف اعمل ايه نجوى : والله ماعرفش انته اخونا الراجل شوف كده فارس : طيب طيب انا هشوف كده وهاجيلكم يوم الجمعه نجوى : طيب يا فارس مستنينك تقى : ها قالك ايه ؟ نجوى : قال هيتسرف لما نشوف هيعمل ايه تقى : انا خايفه يكون ربنا بينتقم مننا فى بابا اللى انتى عملتيه فى ام يوسف نجوى : لا طبعا بابا تعبان من زمان والعيا ذاد عليه عادى ام منير : طب وبعدين هيجيبو الفلوس منين ؟ منير : مش عارف يا ماما ربنا معاهم ام منير : لا انا كده اخاف منير : تخافى من ايه ؟ ام منير : هى الساعه كام ؟ منير : 8 ام منير : طيب انا هقوم البس وتعالى نلبس ونلحق حالنا منير : مش فاهم احمد : حال ايه يا ماما ام منير : انا هقوم البس ( قامت ام منير تلبس واخدة منير وراحت لنجوى البيت ) ام منير : الف سلامه على ابو فارس ام فارس : الله يسلمك ياختى خطوه عزيزه ام منير : طب وهتعملو ايه فى الفلوس دى كلها ام فارس : العمل عمل ربنا هنعمل ايه بس يحلها من عندو ام منير : انا كان ليه طلب كده ياختى متزعليش بس معلش نجوى : خير يا ماما فى ايه ؟ ام منير : " " " " تفتكرو ام منير عاوزه ايه ؟ يتبع..... | ||||
|
| |
|
02-10-16, 04:05 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 3 } ام منير : انا كان ليه طلب كده يااختى متزعليش بس معلش نجوى : خير يا ماما فى ايه ؟ ام منير : اصل والله مكسوفه اصل اختى اللى عايشه فى مصر جايه بكرا وكانت عاوزه تشوف شبكة منير اصلها محضرتش الخطوبه نجوى : شبكتى ؟ طب ماشى تيجى تشرفنا وتشوفها ام منير : لا اصل اختى هتجلنا اخر النهار وهتمشى على طول مش بتقعد اصلها بتشتغل فى مصر مش قاعده هنا هى وجوزها ام فارس : ماشى ومالو قومى يا نجوى هاتى شبكتك من جوا ام منير : هوريها الشبكه واجبهالكم تانى يوم بس كده ولا اتنين ام فارس : براحتك ياختى حاجت ابنك برضو نجوى : طب اصل الشبكه انا كنت شيلاها ومش هعرف اجبها ام منير : ليه لا متحرجنيش مع اختى ولا انتى مش مأمنانى على الشبكه اللى ابنى جايبها نجوى : ( بارتباك ) طب هقول لمنير الاول وكمان بابا ولا ايه يا ماما تقى : ( بلغة الاشاره ) اوعى تديهالها لحسن حد يعرف ام منير : ايه بتقولى ايه يا تقى ؟ ام فارس : انا ماختش بالى عاوزه حاجه يا تقى ؟ تقى : ( حركت راسها وهى بتبص على نجوى بقلق ) لا نجوى : طب انا هروح اقول لمنير هو جوا مع بابا ( داخلت على بابها ومنير ) نجوى : منير عوزاك فى حاجه منير : ( قام من جنب ابو فارس ) نعم يا نوجه ؟ نجوى : مصيبه امك عاوزه الشبكه توريها لخالتك منير : ايه ليه ؟ لا اوعى تديها حاجه نجوى : طب اعمل ايه تعالى اتصرف منير : ( داخل الصاله لامه ) فى ايه يا ماما عاوزه الشبكه ليه ؟ ام منير : خالتك جايه يوم الجمعه هوريهالها عشان محضرتش خطوبتك منير : وهو ده وقتو ام منير : الله اختى وجايه تشوفنى انته مالك قومى يا نجوى هاتى الشبكه يلا نجوى : ( وهى بتبص لمنير ) اجبها يا منير ؟ منير : مش لازم يا ماما وريها الصور وخلاص ام منير : انته عاوز خالتك تاكل وشى كل واحد من ولادها جايب شبكه اللهم صلى على النبى قد كده وانا ايه ابنى ميجبش لخطبتو هو يومين تلاته وهنرجعلك الشبكه تانى يلا يا نجوى نجوى : حاضر ( راحت نجوى جابت علبة الشبكه ) اتفضلى ام منير : شكرا يا نجوى يومين تلاته وهنرجعها ابو فارس : ( قام وهى بتاخد الشبكه وبتحطها فى شنطتها ) لا طلعى الشبكه وعديها ليكون ناقص منها حاجه منير: عمى هينقص ايه بس لالا ام منير: واحد يا ابو فارس دااحنا بيت واحد ام فارس : ومالو طلعى بس العلبه وتممى على الدهب ام منير : ( طلعت العلبه وعدتها ولقتها كمله ) لا تمام كلو كامل ابو فارس : لا فى كمان الدبله اقلعى الدبله يا يا نجوى عشان توريهلهم بالمره منير: لالا يا عمى الدبله لا ماينفعش تقلعها ابو فارس : ( مسك ايد نجوى وخلع الدبله من اديها ) خودى يا ام منير وخليهم عندك ولما تحبى تجبيها برحتك نجوى : ( دموعها نزلت وكانت اول مره دموعها تنزل قدام حد ) منير: متزعليش نجوى : اول مره اقلع الدبله منير: هاتى الدبله يا ماما ابو فارس : لا يابنى خليهم معاكم لما نشوف هنعمل ايه ام فارس : اه صح كلامك يا ابو فارس منوره يا ام منير تشربى حاجه شاى ولا قهوه ام منير: ماحنا شربنا شاى اهو احنا نقوم بقى يا دوب احضر العشا لابو منير محدش بيعمل حاجه فى البيت غيرى ام فارس : ليه اومال مرات محمود ولا بنتك سومه فين ام منير: قطعو الاتنين زى قلتهم خصوصا مرات محمود منها لله انا بحلم ابنى البيت وتروح ويبقى ليها شقه لوحدها احسن من اللى شايفه ده وسوما طول النهار على المدعوق اللى اسمو الكمبيوتر ده نستئزن بقى يلا يا منير منير: ماما هاتى الدبله ماما هاتيها ( اخد الدبله ولبسها لنجوى ) لما اموت ابقى اقلعيها فهمه ابو فارس : بعد الشر عنك يابنى ام منير: بتفول على نفسك ليه بعد الشر وانتى بتعيطى ليه خلاص متزعليش نجوى : ( داخلت اوضتها ووراها تقى ) ام منير : يلا نمشى بقى ابوك هيزعق ( وبعد ما مشيو ) ام فارس : منها لله ايه الوليه دى ابو فارس : والله لولا ان انا متئكد من ان منير بيحب البت ومتمسك بيها كنت بواظت الجوازه ام فارس : ومنير مالوهى امو اللى معندهاش دم دا بدل ما تقف جنبنا فى اللى احنا فيه ابو فارس : بقولك ايه انا مش هغسل ولا حاجه همشى على الدوى وهشرب مايه كتير وخلاص احنا مش حمل مصريف ولما نستر البنات نبقى نشوف ام فارس : بقولك ايه انا هقولك على حاجه بس متزعقش ويا اه يا لا ابو فارس : قولى عاوزه ايه ؟ ام فارس : نصيبك فى بيت ابوك وكمان الارض اللى فى البلد اللى فى نجع حمادى مش ان الاوان انك تاخد ميراثك من اخوك ابو فارس : يعنى اعمل ايه ابيع الارض ولا البيت ام فارس : قول لاخوك يشترى واهو يجبولنا قرشين ابو فارس : امرى لله حاضر هكلمو ام فارس مش هنسكت على حقنا تانى انا هقوم اشوف البنات ابو فارس : وانا هقوم ارتاح شويه تقى : خلاص معلش نجوى : انا من ساعت ما لبستها من سنه ونص مقلعتش الدبله تقى : خلاص اديك لبستيها تانى معلش نجوى : طب انا بعيط عشان الدبله ومنير انتى بتعيطى ليه ؟ تقى : انتى اختى لما تعيطى لازم اعيط كمان نجوى : يا حببتى ربنا ما يحرمنى منك ابدا وربنا يستر ومحدش يعرف حاجه تقى : وهو ده اللى خيفه منه بس يا رب محدش يعرف نجوى : بس اكيد منير هيتصرف صح ( داخلت عليهم ام فارس ) ام فارس : منير يتصرف فى ايه ؟ نجوى : ايه ولا حاجه يا ماما بابا عامل ايه دلوقتى ؟ ام فارس : محروق دمو منها لله ام منير يجيكى ويحط عليكى يا رزقه يا بنت بت يا نجوى هى امها اسمها ايه ؟ نجوى : وانا ايه عرفنى انا هروح اشوف بابا منير : لسه بتسئلى انتى عملتى ايه داانتى صغرتينى وخلتينى قد كده ابو منير : لا غلطانه دا بدل ما نقف جنبهم احمد : وكمان عمى ابو فارس ماعهوش راجل فى البيت تقى ونجوى بس المفروض نكون معاه مش نروح ناخد الشبكه ام منير : ولما يروحو بقى يبيعو الشبكه عشان يصرفو الفلوس على ابو فارس نعمل ايه ساعتها ؟ ابو منير : لا ابو فارس مايعملش كده وبعدين دا ابنو دكتور وكمان جوز بنتو مسافر وربنا فاتحها عليه وكمان غير ده كلو عندو ارض فى الصعيد هيسيبو كل ده وهيبيعو الشبكه منير : وكمان اخدت الدبله من نجوى وخلتها تعيط ام منير : انا لا دا ابوها هو اللى قلعلها الدبله وادهانى انا مقولتش على الدبله منير : بس لما قلعهلها اختيها وشلتيها ام منير : بحافظلك على فلوسك يا اهبل مش كفايا لما روحت اشتارتها ماختش حد معاك خت البرنسيسه واختها وروحتو جبتوها دا حتى الفتوره ضاعت منك احمد : ماما الشبكه دى لازم ترجع ابو منير : انا هروح وارجعها ام منير : طب استنو بس يومين كده اختى جايه تتفرج عليها منير : اه صحيح ايه موضوع اختك ده وليه جايه اصلا سومه : ايه خالتى جايه ليه ؟ ام منير: الله اختى وجايه تشوفنى انتو مالكم هدى : طب وبعدين يا فارس هتعمل ايه ؟ فارس : مش عارف انا بفكر ابيع التاكسى ونحط فلوسو فى البنك وبفلوسو يغسل هدى : والتاكسى هيجيب كام والفوايد كل 3 شهور هتبقى كام يعنى لالا حل مش حلو هو ممكن نخلى حد يشتغلى على التاكسى فارس : برضو فكرة فى كده بس السواق دى مين هيتبعو وانا هنا انا تعبت وذاكرت وفى الاخر اطلع دكتور وده يبقى حالى ابويا يعيا مقدرش اعلجو هدى : طب ما تقبل العرض بتاع المستشفى الخاص اللى فى اكتوبر فارس : انا كل الحلول عماله تدور فى دماغى ومش عارف اعمل ايه انا مرتبى كلو على بعضو 1500 جنيه احنا بس مصرونا 1300 جنيه اكل وشورب وموصلات هدى : طب ايه رئيك نبيع شقتنا اللى فى البلد كده كده احنا مش بنقعد فيها فارس : ولما نسافر نقعد فين ؟ هدى : احنا بنسافر يومين نبقى نقعد عند مامتك فارس : هو حل بس خساره انا دفعت فيها كتير اوى ولينا ذكريات كتير فيها هدى : ابوك اهم فارس : عندك حق وابويا ياما تعب عشانى هدى : قوم اتعشا بقى وربنا هيفرجها صحيح شوف فارس : ايه ؟ هدى : صور ابننا شوف السونار فارس : يا حبيبى امته بقى هشيلك دا شكلو شقى اوى هدى : طالع لابوه فارس : ههههه انا دانا غلبــــــــــــــان هدى : طب قوم يلا ساعدنى فى المطبخ فارس : ماشى يا ام عتريس هدى : لالالا انا هسميه هيثم فارس : هيثم اشمعنى ؟ هدى : على اسم خالى فارس : يادى خالك اللى مجننك ( تانى يوم ) منير : ها ايه الاخبار عملتى ايه ؟ نجوى : ولا حاجه عادى صحيت الصبح انا وتقى عمانا الحاجه اللى فوق السطوح ونزلنا فطرنا وعملنا الغدا واتغدينا وقدينى قاعده منير : هى تقى جنبك ؟ نجوى : لا تقى فوق السطوح مع ماما انا لوحدى وبابا نايم المهم حد عرف حاجه عن الشبكه ؟ منير : لا الحمد لله انا خايف حد يعرف شكلى هيبقى وحش اوى قدام ابوكى واخوكى نجوى : طب كنا نعمل ايه يعنى ما ابويا عاوز شبكه ب 10الف جنيه انته كنت هتجيب منين منير : انا عمرى ما هنسى اللى انتى عملتيه عشانو واول ما ربنا يدينى والله ال10 الاف جنيه هجبلك دهب ب 20 الف جنيه نجوى : انا مش عاوزه دهب يا منير انا عوزاك انته انا حبى ليك هو نقطة ضعفى بجد منير : يا حببتى ربنا هيسترها ان شاء الله نجوى : بس قولى بجد هى خالتك جايه بكرا ؟ منير : والله ما عارف اهى امى بتقول جايه نجوى : وبنت خالتك نانسى طبعا جايه ؟ منير : احتمال نجوى : يومك هيبقى مالوش الوان لو عرفت انك انته وهى اتكلمتو لوحدكم ماشى ملكش داعوه بيها منير : حاضر اقولك انا هاجلكم اقضى اليوم معاكى واخدك انتى وتقى نخرج نجوى : يا ريت ينفع فارس جاى بكرا ومراتو كمان منير : انتى ليه بتكرهى مراتو مع انها كويسه نجوى : انته مش بتشوف بتعمل ايه طول ما هى قاعده اف الحر اف الناموس المايه طعمها مش حلو فى حيونات فى الشارع ايه يعنى بجد حركات بتحرق الدم منير : عشان هما فى القاهره مفيش الكلام ده نجوى : تكونش القاهره دى اسطنبول وانا معرفش لا طبعا طب انته عارف انا لما فارس كان خاطب هدى وروحنا نشوفهم فى بيتهم اول ما روحنا القاهره زحمه موت والعربيات والدخان والزباله يا منير مش قادره اقولك ولا بقى العمارات اللى مبنيه كده فى كل حته وكل عماره لون عامله زى بيض شم النسيم ولا الشحاتين بقى طول ماحنا فى العربيه عيال صغيره تشحت منير : خلاص منك لله قفلتينى انتى كده بتشوهى سمعت مصر على فكره هههههههههه نجوى : ههههههه ليه هو انا خالد يوسف ولا ايه هههههههههههه منير : انا كنت نفسى اعيش فى القاهره نجوى : بص ربنا كاتبلنا هنعيش فين وهيحصل ايه خليها على ربنا منير : ونعما بالله قوليلى عملو ايه فى الفلوس وعلاج عمى ؟ نجوى : لسه مستنين فارس منير : مممممم طيب نجوى : انا هقوم بقى اروق البيت عشان البرنسيسه لما تيجى متتريقش منير : تعرفى انا كان نفسى يبقى فيكى حاجه موجوده فى تقى ومش فيكى ؟ نجوى : ايه هى بقى منير : انك تحترمى الناس نجوى : طب اقفل اقفل يا محترم ام فارس : مالك يا اخويا عينك مدمعه ليه ؟ ابو فارس : ( وعينو فى الارض ) مافيش ام فارس : انته مش كنت بتكلم عربى اخوك قاللك ايه هيشترى منك ؟ ابو فارس : ( دموعو نزلت ) خلاص متجبيش سيرت الموضوع ده تانى انسى الارض والبيت ام فارس : طب ليه حصل ايه ؟ ابو فارس : هقولك بس العيال ميعرفوش حاجه ام فارس : ماشى قول ( وقتها كانت خارجت نجوى عشان تروق الشقه وكان باب الاوضه موارب ووقفت تسمعهام ) ابو فارس : اخويا بيقولى الارض متتبعش ومحدش هيشترى ارض ابونا قولتلو اشتريها انته انا تعبان ومحتاج فلوس عشان كمان اجوز البنات قالى لو مش قادر تجوز البنات هاتهم وولادى اوله بيهم هيجوزهم ولادو ام فارس : طب تقى ماشى لاكن نجوى مخطوبه ابو فارس : تقى ايه اللى ماشى يا وليه انته اضربتى فى دماغك تتجوز مين وهى تعرفهم اصلا وكمان تقى متنفعش تتجوز فى الصعيد حرام ارميها الرميه دى ام فارس : راميت ايه بس دا هيبقى ابن عمها ابو فارس : بس الجوازه هتبقى تخليص حق ترضى انك تجوزى البت تخليص حق ام فارس : تخليص حق فين احنا عرفين ناخد حق ولا باطل من اخوك ابو فارس : لا مش عاوز حاجه بس محدش يقرب من تقى ولا نجوى طب لو نجوى ماشى تعرف تسلك لاكن تقى انا مش عاوز حاجه وربنا مش هيسبنا ام فارس : ربنا يحلها من عندو ( ام فارس بتفتح الباب ) ابو فارس : ايه ده انتى سمعتى ايه ؟ نجوى : انا مقصدتش اتصنت بس بجد عمى ده طلع واطى ابو فارس : بت عيب نجوى : بقولك ايه يا بابا هو الارض والبيت دول يجيبو كام ؟ ابو فارس : يعنى تقريب 30 الف نجوى : فى داهيه مش عوزين من وشو حاجه اسمحلى بس انزل اشتغل والتاكسى نشوف حد يشتغل عليه وربنا يكرمان ابو فارس : وهتشتغلى ايه بس لا انا مش موافق نجوى : انته مش بتثق فيا ؟ ابو فارس : انا خايف عليكى مش عاوزك تتمرمتى نجوى : متخفش عليا ارجوك قدينى فرصه انزل ادور على شغل ابو فارس : طب لما يجى اخوكى ونشوف هنعمل ايه بكرا ام فارس : قدامى ياختى نشوف البيت نقصو ايه بلا شغل بلا هم ابو فارس : يا رب حلها من عندك ( وتانى يوم ) الهام : تامر يلا حط الطبليه جايبه الفطار تامر : حاضر الهام : وائل تعالى محمد وانتى يا كركر يلا عشان نفطر يلا اقعدو مالك يا تامر فى حاجه تامر : خايف اقولك تضربينى الهام : انا مش بضربك غير لو عملت حاجه غلط او سقط فى المدرسه عمالت ايه ؟ تامر : لا انا معملتش بس الهام : ايه مالك ؟ وائل : اصل ولاد عمتى قالولو تامر : شششششش اسكوت الهام : قالولو ايه قول مالكم متخفش مش هعملك حاجه تامر : قالولى انك مش امى وكمان مش المفروض اقولك ماما الهام : اممم طب وانته مش شايفنى ماما تامر : مش عارف اه انا بحبك بس بحب ماما اكتر الهام : خلاص لو مش عاوز تقولى ماما برحتك بس انته هتفضل ابنى حبيبى زى وائل ومحمد وكركر هتفضل اخوهم الكبير تامر : طب هما قالولى كده ليه ؟ وائل : انا هقولك عشان هما غيرانين مننا عشان بابا بيجبنا حاجات كتير وابوهم مش بيجيب حاجه وماما بتحبك وامو هى مش بتحبو الهام : ولاه انته بتقول ايه اوعى تقول كده تانى وائل : مش انا اللى بقول دى تيته تحت هى قالتلى كده الهام : استغفر الله على حرقة الدم بصو بقى انتو كلكم اخوات وانته كبير اخواتك وابوك شقيان ومسافر عشان يجبلكم اللى انتو عوزينو وانا بقى بحبك زى اخواتك مش انا اللى مربياك وانا اللى بذاكرلك ولما بتعيا مين بيسهر جنبك ولما بتعوز تشوف امك مين بيوديك ؟ تامر : حضرتك الهام : طب ايه متخليش حد يدخل بينا وينكد علينا خليك عاقل كده تعرف ابوك قالى الاجازه اللى جايه هيجبلكم تليفونات من الجديده وائل : بجد الهام : اه والله وكمان هيجيب لاب توب لتامر وائل : انا بقى العب على الكبير لوحدى الهام : انته ومحمد وكوكو وتامر كلكم تلعبو سوى تامر : وانا هلعبك باللاب كمان انته اخويا ام فارس : حمد الله على السلام كدا برضو شهر بحالو فارس : غصب عنى يا ماما هعمل ايه بس المستشفى والشغل ام فارس : وحشانى يا هدى انتى باقتى فى الكام دلوقتى ؟ هدى : السابع وايه بقى على اخرى مش قادره ام فارس : هانت كلها شهرين ابو فارس : صحيح الهام جيبالى 3 احفاد بس ابن فارس حاجه تانيه نجوى : فكرتو هتسموه ايه ؟ هدى : هيثم ابو فارس : هيثم لا مش حلو ام فارس : سموه مصطفى على اسم ابوك يا فارس هدى : هيبقى مصطفى فارس مصطفى لا مش حلو نجوى : وهيثم هو اللى حلو ان شاء الله فارس : اهو كلو اسماء وخلاص ويا ماما نكتبو هيثم ونندهلو مصطفى مفيهاش حاجه ام فارس : اه ابو فارس : قومى اعملى الغدا يا نجوى انتى واختك نجوى : حاضر تحبى الفراخ محمره ولا مسلوقه يا هدى هدى : هى فراخ بلدى ؟ ام فارس : اه انا اللى مربياها فوق السطوح هدى : لا انا مش بحب دى فارس : مجبتوش فراخ عاديه ليه انتو مش عارفين ام فارس : يعنى الخير يبقى عندنا ونشترى من باره هدى : اصلى مش بحبها ام فارس : طب معلش كولى المرادى والمره اللى جايه ابقى اجبلك فراخ بيضه نجوى : لا لا انا فى بوفتيك لحمه هحمرهولك هدى : اه يا ريت فى عندكم مايونيز ؟ نجوى : لا مش بيتباع عندنا بس ممكن اعملك سلطه تقى : انا هعملها سلطة طحينه بتحبيها ؟ هدى : ايه ؟ فارس : هتعملك سلطة طحينه بتحبيها هدى : اه بحبها اوى بس متحطيش فيها ثوم تقى : حاضر هدى : ( وهى مستغربه وبصوت واطى ) هى فهمتنى ازاى بسرعه كده فارس : بتبص على الشفايف هدى : اممممممم ربنا يستر فارس : ( بصوت واطى برضو ) فى ايه ؟ هدى : خايفه البابى يطلع زى تقى فارس : ربنا يستر وبعدبن انا ساليم وانتى سليمه هدى : طب خلاص عشان هى بتبص علينا وبعدين هى مش قاعده فى البيت مغطيه وشها ليه شكلها كئيب اوى فارس : هى حره بقى كبرى دماغك انا هروح اصلى الجمعه مع بابا وانتى شوفى هتعملى ايه سومه : ماماانتى مش ملحظه حاجه ؟ ام منير : ملحظه ايه على خالتك اللى ماجاتش لا ما هى مش جايه دى حجه عشان اخود الشبكه سومه: لا مانا فهمه حوار خالتى ده انا بتكلم على الدهب شكلو كده غريب ام منير : ازاى يعنى ؟ سومه : بصى الدهب مش مدغوم مفهوش دمغه ام منير : بجد ورينى كده هااااااا اه ايه ده سومه : ليكون ده مش دهب ام منير : لا انا ميضحكش عليا اقولك تعالى نروح للجوهرجى اللى فى اول البلد ونكشف عليه قبل ما منير وابوكى يجو من الصلى روحى البسى بسرعه ( وبعد الصلاه وكلهم قعدين يتغدو ) فارس : المحشى حلو اوى يا ماما تسلم اديكى ام فارس : دى تقى اللى عملاه انا عملت الملوخيه هدى : تسلم اديكى يا تقى حلو اوى تقى : ( فرحت ان المحشى عاجبهم ) شكرا هدى : قالت شكرا صح ؟ فارس : اه هدى : بدئة اعرف كلامك واحده واحده هتعلم نجوى : انتى بس محتاجه تمرين اتكلمى معاها كتير هتفهمى الكلام دا سهل اوى هدى : بحاول والله تسلم اديكى البوفتيك حلو اوى نجوى : زى اللى بتعملوه فى القاهره هدى : اه ما كل الاكل ده بنعملو هناك اصلا مفرقش حاجه ابو فارس : الارض تعباكى يا هدى تاخدى تسندى ظهرك ؟ هدى : لا يا عمى مرتاحه متشكره ام فارس : طب خودى جربى الدبوس ده كوليه هدى : لا مش بحب الفراخ دى والله بقرف منها فارس : دى افيد من الفراخ البيضه مفيها هرمونات ام فارس : لا والله دانا بئكلها من اكلنا هرمونات ايه ؟ فارس : مانا بقولها انها احسن هدى : اصل انا واخده على التانيه فارس : هى الهام فين مش بتيجى ام فارس : بتيجى بس العيال بقى لخمنها فارس : هروحلها شويه كده وحشانى هدى : خدنى معاك فارس : طبعا هروح من غيرك يعنى ( وفجئه ) ام منير : افتحو الباب يا حرميه يا نور افتحو الحمد لله ربنا كشافكو فى اولها افتحو نجوى : صوت ام منير ؟ فارس : فى ايه بتخبط كده ليه دى ؟ ( فاتح الباب فارس ) فارس : ايه فى ايه ؟ ام منير : لسه بتسئل مانته تلاقيك رئيس العصابه ماللى عايشين فى مصر كلهم حراميه وبيسرقو الكحل من العين ام فارس : فى ايه ياختى واطى صوتك فى ايه ؟ ام منير : عاوزه شبكة ابنى يا حراميه ابو فراس : مانتى اختيها قصاد ابنك ام منير : انته هتسطعبط يا راجل انته ؟ فارس : بقولك ايه انتى ست كبيره ومش عاوز اهزقك احترمى نفسك ام منير : ليكو عين يا حرميه يا شحتين انا عاوزه دهب ابنى نجوى : سومه اعملى حاجه خودى ماما وامشى ومنير هيقولكم على كل حاجه سومه : انتى ليكى عين كده برضو تاخدى الدهب تبعيه وتجيبى بدالو دهب صينى دانتى طلعتى نصابه ام منير : ابو فارس احنا مش عاوزين الجوازه دى هات دهب ابنى وكل واحد يروح لحالو نجوى : انتى بتقولى ايه انا ومنير بنحب بعض محدش يتدخل بنا وبعدين الدهب ده بتاعى انا حره فارس : فى حاجه غلط الدهب ده هو الشبكه اللى فى الصور بدلوها ازاى ؟ ام منير : انته بتسئلنى انا مانته عايش فى مصر تلاقيك اخت الدهب وبدلتو فارس : اخد ايه يا ست متخلنيش اخرج عن شعورى نجوى : الو منير انته فين ؟ منير: انا راجع من الجامع فى ايه ؟ نجوى : امك عندنا تعالى عرفو كل حاجه عن الشبكه منير: ايه طب انا جاى ام منير : ( بصوت عالى وهى بترزع فى الباب ) دهب ابنى فين يا حرميه يا ناور والله لافضحكم فى البلد كلها ام فارس : فى ايه يا رزقه ما تتلمى ولا احنا عشان سكتين ام منير : ليكى عين يا بتاعت الفراخ يا وليها يا معفنه نجوى : اقسم بالله لولا انى عامله حساب للى واقفين انا كنت مسحت بيكى السلم سومه : سلم مين يا بت طب تعالى بقى ( جريت عليها تمسكها من شعرها ) نجوى : ( راحت لها وقعتها على ظهره وبالاقلام ) انتى تضربينى انا يا صايعه يا بتاعت الفيس بوك يا بت دانتى فتهاحها مركذ شباب ام منير : اخراسى وسيبى البت يا صايعه نجوى : انا برضوى اللى صايعه شوفى بنتك ادخلى على الفيس بتعها وشوفى الكلام اللى كتباه سومه : انا هوريكى يا اخت الخرسه انته نجوى : ايه لعبتى فى عداد عمرك تعالى بقى ( فضلت تعض وتضرب فيها ومحدش بيحاول يحوش غير ام منير من كتر الصويت والزعيق الجيران اتلمت ) ام منير : يا مفتريه سبيها نجوى : موتها على ايدى ( دخل منير وهو بيجرى ) منير: نجوى خلاص انا جيت سبيها خلاص سومه : ضربتنى وهزقت ماما نجوى : لا والله يا منير اه انا ضربتها بس امك لا انا معملش كده هدى : انتو ازاى هتنسبو الناس البيئه دول ام منير : احنا بيئه يا رقاصه ايه يا بت البنطلون اللى لبساه ده فارس : منير متخلنيش اتهور انته عرفنى مجنون منير: ماما قدامى انتى وسومه يلا ام منير: لما نشوف الدهب راح فين ؟ منير: هو ايه كلمتى مش بتتسمع قولت قدامى ام منير: بتخن صوتك طب والله لهقول لابوك تعالى يا سومه ( اوخدت سومه ومشيت ) ابو فارس : منير فى ايه والدهب ازاى مغشوش منير : عمى انا بعتزر انا اسف ام فارس : اسف احنا اتفضحنا وسط الجيران منير : انا اسف فارس : لو سامحت كلو واحد يروح بيتو ابو فارس : لا محدش يمشى لما نعرف فى ايه ماترد يا منير احنا سرقناك اخدنا الدهب بتاعك ؟ منير : لا يا عمى الشبكه اصلا مش دهب دى دهب صينى ام فارس : ضحكت علينا وعلى البت وجبتاها دهب صينى نجوى : لا انا كنت عارفه وقت ماشتارينا الشبكه منير مكنش معاه فلوس وحضرتك كنت مصمم تجيب شبكه 10 الف جنيه وهو ماكنش معاه فا انا قولتلو نجيب دهب صينى ونقوللكم ان الفتوره ضاعة وخلاص ومحدش هيعرف منير : والله يا عمى انا ناوى اجبلها شبكه دهب بس ظروفى فارس : سمعين يعنى هو اللى غشنا وضحك علينا وضحك على نجوى نجوى : انا محدش ضحك عليا فارس : ( بالقلم على وشها ) اخرسى وخشى جوا منير: لا متضربهاش فارس : ملكش داعوه انته ابو فارس : اقلعى الدبله يا بت هدى : خلاص يا عمى فارس : اخرسى انتى كمان وادخلى جوا خودى تقى وادخلى جوا هدى : حاضر فارس : ( مسك اديها واخد الدبله غصب عنها ) خود وانتى ادخلى هاتى الحاجه اللى جبهالك نجوى : لا بابا ابو فارس : اعملى اللى اخوكى بيقولو نجوى : لا منير: انا اسف انا ماليش داعوه باللى امى عملتو ام فارس : الناس شهدين احنا غلطنه فيها ؟: لا دى هى اللى صوتها كان قد كده ؟ 1 : عادكم العيب انته يا منير انته وامك العيب راكبكم من راسكم لحد رجليكم منير: طب انا اسف فارس انا بعتزر فارس : وانا مش قابل اعتزارك انتى لسه وقفه ادخلى لمى الهاديه والحاجه اللى جبهالك نجوى : ( واقفه وعماله تعيط ) فارس : طب خليكى ( داخل لقى دبدبوم وارنوب اخدهام وطلع باره ) دول بتوعك صح خود وشويه وهجبلك باقى الحاجه ومش عاوز اشوف وشك تانى منير : فارس محصلش حاجه فارس : اطلع باره ( منير خارج والجيران كل واحد راح لبيتو ونجوى فضلت فى اوضتها هى وتقى ) منير : شفتى عملتى ايه ؟ ام منير : دى ناس قليلت الادب انته ربنا رحمك منها انا هجوزك بنت خالتك منير : انتو ايه مفيش احساس مفيش تفكير هو ابويا فين فارس : بتعيطى عملتى كده ليه ؟ نجوى : " " " " تفتكرو نجوى هترد تقول ايه ؟ يتبع..... | ||||
|
| |
|
02-10-16, 04:05 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 4 } فارس : بتعيطى عملتى كده ليه ؟ نجوى : انا معملتش حاجه ومتعليش صوتك عليا فارس : انتى ليكى عين تتكلمى يا بت ( وقرب منها عشان يضربها تقى راحت حضنها وخلتها نحيت الحيطه وهى اللى قدامو ) فارس : اوعى يا تقى بدل ما هضربك انتى وهى ابو فارس : بس متمدش ايدك على اخواتك كنت بخلفك واكبرك عشان تضربهم ولا عشان تحميهم فارس : بابا انته شايف دى ضحكت علينا كلنا ام فارس : اكسر رقبتها يا فارس القدره الكلبه دى ابو فارس : اوعى تمد ايدك خلاص اللى حصل حصل وكل واحد راح لحالو احنا مغلطناش فيهم هما اللى ضحكو علينا ام فارس : دا بدل ما تأدبها انته وتكسر رقبتها تقى : محدش يقرب منها لو هتضربها اضربنى انا انا اللى قولتلها الفكره بتاعت الشبكه الصينى دى فارس : انتى طب ليه ؟ تقى : عشان هما بيحبو بعض وانتو واهل منير الجواز عندكم صفقه شبكه ب 10 الف جنيه ليه كفايا انهم بيحبو بعض ام فارس : انتى مالك انتى تدخالى فى اللى ملكيش فيه ليه الفلوس دى عشان يغالى اختك فى عينو وعين اهلو تقى : ( وهى لسه مخبيها نجوى وراها ) وهما افتكرو انهم دافعو فلوس وبدل ما نجوى تغلى فى عنيهم جم وهزقونا كانت الفلوس فرقة فى ايه ؟ فارس : انا لما جيت اتجوز هدى دافعت قد كده مهر وشبكه وده اى حد بيعمل كده ليه ترخصى نفسك نجوى : انا مرخصتش نفسى انا غليت حبى انا ومنير بنحب بعض ومش عشان الفلوس ولاكن عشان بعض ام فارس : طب ياختى خلى الحب بقى ينفعم اديكى لا طولتى سما ولا طولتى ارض والجوازه باضت نجوى : بابا ارجوك متبوظش الجوازه انا بحب منير الله يخليك ابو فارس : لو تقبلى تكملى مع واحد ام جات قالت علينا حرميه وناور خلاص روحى اتجوزيه هدى : وهو مالو بس امو هى الى مش كويسه فارس : اسكوتى انتى ملكيش داعوه ابو فارس : ( مسك جانبو والالم رجعلو تانى ) فارس خلاص الكل غلط بس متمدش ايدك على اخواتك انته اخوهم فارس : حاضر يابا ، مالك انته تعبان ولا ايه ؟ ابو فارس : اه الوجع رجعلى تانى فارس : طب ادخل ارتاح هو الدوى الدكتور كتبهولك فين ؟ ام فارس : فى الاوضه جوا ( فارس اخد ابوه وداخلو الاوضه ونيمو على السرير وام فارس كانت معاهم ) هدى : خلاص بطلو عياط انتو الاتنين نجوى : انا بحبو اوى يا هدى هدى : طب خلاص وقت الزعل كده شويه وهيروق فارس بس يهدا وانا هكلمو تعالو نشوف الاكل اللى ادالق على الارض ده حرام نسيبو كده نجوى : خايفه من فارس هدى : متخفيش طب خليكى تعالى سعدينى يا تقى انا مش هقدر اوطى تقى : ( هزت راسها ) ماشى ( وخرجو تقى وهدى ينضفو الاكل اللى اتدلق ) ابو منير : نهارك اسود انتى ازاى تعملى كده ام منير : مانا كنت فكره انهم بدلو الدهب ابو منير : وهو مفيش رجاله فى البيت انا مش مالى عينك يعنى انا فى بيت ربنا بصلى الجمعه انا وعيالك الرجاله وانتى تروحتى تهزقى الراجل ام منير : الله هى سيره ولا ايه مكنتش اعرف ان ابنك شارى الشبكه صينى مكنتش اعرف منير : بابا اتصرف انا مش هسيب نجوى والله العظيم لو الجواز باظت هروح اقتل نجوى واموت نفسى ابو منير : بس ياهبل اتكلم كلام رجاله ايه تروح تقتلها وتموت نفسك انته راجل انته ولا زى ما بيقولو فرفور منير: بابا انا بحبها طب ايه مش هنروح يلا قاعد ليه ؟ ابو منير : استنى بليل لما يهدو شويه احمد : صح يا منير استنى وان شاء الله خير سومه : خير ايه انا اضربت دى غلطة فيه منير: بت اخرسى بدل ما هقوم افطسك انتى السبب ام منير : اه مقدرش على الحمار هتتشطر على البردعه دى قالت على اختك صيعه وفاتحه الفيس بوك بتعها مركذ شباب منير : ماما وانتى اللى قولتيه برضو مش قليل دانتى فرجتى عليهم امة لا اله الا الله دا الاكل كان مدروق فى الارض وقولتلهم يا حرميه يا ناور ابو منير : نروح للناس بأى وش دلوقتى منك لله ( وبعد شويه بعد ما الكل اعصابو هدية ) فارس : متزعليش منى انا كنت متعصب ( واخدها فى حضنو وباس راسها ) نجوى : انا مش زعلانه منك بس فارس : خلاص بقى قومى يلا اعملى شاى عندى صداع وعشان كمان نتكلم فى موضوع بابا نجوى : طب ومنير فارس : انسيه فهمه خلاص دبلتو وحاجتو خادهم تقبلى على كرمتك وكرامت بابا تتجوزى واحد امو شتامتنا ؟ نجوى : لا بس فارس : خلاص بقى نجوى : فارس افهمنى فارس : خلاص بقى قولت بكرا ربنا يكرمك بحد احسن منه قومى بقى نشوف بابا نجوى : حاضر هعلق على الشاى واجلكم ابو فارس : اخر مره اقولهالك اخواتك البنات اوعى تيجى عليهم اشخط زعق زى مانته عاوز لاكن تضربهم لا فاهم فارس : حاضر يا بابا اول واخر مره وبعدين انا ضربت نجوى وهى نجوى دى بنت طب تقى بنت ماشى بس نجوى هدى : الله ما نجوى كمان بنت وست البنات كمان ام فارس : عين والله احنا اخدنا عين اتحسدنا فارس : على ايه بس هنتحسد ؟ ام فارس : اه انته ما شاء الله دكتور قد الدنيا واخواتك الحمد لله خلصو تعلمهم من غير ما يسقطو ولا سنه واختك الهام جوزها ما شاء الله وابوك معاه تاكسى رايح جاى ، منتحسدش ليه بقى هدى : والله ممكن يا فارس الناس بقة وحشه نجوى : الشاى خود فارس : اسمها خود نجوى : اه خود ابو فارس : بطلى دلع يا نجوى خلاص مش صالحك نجوى : ضربنى جامد اوى يا بابا فارس : خلاص خودى حقك منى اضربينى يا ستى نجوى : متهونش عليا انته اخويا شفت انا بحبك وانته لا فارس : والله بحبكم انتو التلاته انا ليه اخوات غيركو انتى والهام وتقى هدى : خلاص بقى يا نوجه نجوى : عشان خاطرك انتى بس يا هدى خود الشاى بقى فارس : برضو خود هاتى ياختى نجوى : اتفضل يا بابا اتفضلى يا ماما اتفضلى يا هدى ام فارس : وانتى واختك نجوى : اهو هنخمس فيها المايه مكفتش ابو فارس : لا خودو انا مش هشرب شاى انا ممنوع منه تقى : طب اقوم اعملك حاجه تانيه ؟ ابو فارس : لا يا بنتى اقعدى خلونا نتكلم فى المهم بقى فارس : بابا انا فكرت ان التاكسى نديه لحد يشتغل عليه وكمان الشقه بتعتى هنا هبعها ابو فارس : ليه خساره فارس : غسيل الكلى مكلف حتى لو على التأمين بتاعى مش اقل من 1600 جنيه فى الشهر دا غير الادويه والمصريف انا فكرت ابيع الشقه ونحط فلوسها فى البنك وبفلوسها نغسل ام فارس : وانتى يا هدى رئيك ايه دى شقتك هدى : انا اللى قولتلو فكرة الشقه اصلا عمى ولا مجرد شقه عمى طبعا وبعدين انا كده كده عايشه فى الشقه فى القاهره وباجى هنا يومين تلاته مش مهم هبقى نبات عندكم نجوى : انا كنت عاوزه انزل اشتغل فارس : هتشتفلى ايه ؟هو فى شغل دا انا اللى اسمى دكتور مش لقى فرص شغل وشغال ربنا عالم وطالع عينى وهدى اهو لولا العياده بتاعت ابوها مكنتش اشتغلت ولا لقت مكان تشتغل فيه هدى : والله ما فى شغل هتتبهدلى على الفاضى نجوى : طب وهى فلوس الشقه دى هتكفى ايه ولا ايه علاج بابا ولا مصاريف البيت ام فارس : مصاريف البيت مقدور عليها انا همشى على قدى وهو اى لقمه والسلام بس مصريف جهازك انتى هنعمل فيها ايه ؟ فارس : انا قولت الجوازه فركش مفيش جواز انسو منير ده نجوى : فارس انا فارس : هنتخانق تانى ابو فارس : خلاص بقى يا نجوى اسكوتى ام فارس : المهم طيب المفروض ابوك يغسل يوم الحد اللى هو بعد بكرا هتعملو ايه انا معايا اهو 400 جنيه فارس : خلى الفلوس معاكى عقبال ما اعمل الورق ونشوف حد يشتغل على التاكسى المشكله ان بكرا السبت اجازه يعنى لازم استنى يوم الحد ابو فارس : هو لازم اغسل يابنى مينفعش نمشى على الدوى وخلاص فارس : ممكن بس هتتعب هدى : وكمان هتمشى على نظام اكل معين يعنى ممنوع الملح وممنوع اى حاجه مسبكه وممنوع الشاى والقهوه وحاجات تانيه كتر ولازم تشرب مايه كتير ابو فارس : طيب الواحد بس سنه او اتنين لما نشوف حالنا فارس : لا يا بابا مش هتستحمل وجع الكلى صعب ابو فارس : ومالو يا بنى اتحمل الهام : يا عيال تعالو ابوكم اتكلم وجاى بعد بكرا تامر : بجد وجايب اللاب معاه الهام : اه طبعا بسرعه بقى تعالو ننظف الشقى سوى بسرعه عشان نلحق واد يا محمد روح قول لخالتك تقى و نجوى يجو يساعدونا محمد : كلميهم فى التليفون انا لسه هروح الهام : صح التليفون اسرع معلش فرحتى ان ابوكم جاى طيرت عقلى الموبيل فين الو ايوه يا نجوى ازايك نجوى : انا عن نفسى زى الزفت الهام : ليه مالك ؟ نجوى : النفسيه محبطه وتقريبا انا ومنير فركشنا الهام : هااااا ليه تلاقيكى قليتى ادبك عليه مانتى لسانك طويل نجوى : لا مش انا والله دى امو الهام : شتامتى امو نجوى : الهام دماغ امى مش ناقصه انتى متصله ليه اصلا بقولك ايه خودى فارس عاوز يكلمك الهام : الو حبيب اختك واحشنى فارس : وانتى كمان ازيك وازاى العيال محمد ووائل وكركر الهام : الحمد لله وهدى عامله ايه فارس : الحمد لله شويه كده وهجيلك الهام : تجيلى ماشى تنور هستناك وهات نجوى وتقى معاك فارس : حاضر ماشى الهام : ماشى سلام يادى الحوسه تامر خود انزل حات بيبسى ولا اقولك هات سفن اب عشان هما مش بيحبو الحاجات الملونه تامر : هو خالو فارس جاى ؟ الهام : اه تامر : طب ما المفروض نقدملهم كمان حاجه حلوه جنب الحاجه السقعه الهام : انا مش عامله حاجه لا كيكه ولا حلويات والشقه مش متوضبه تامر : هاتى فلوس وانا هتصرف الهام : هتعمل ايه ؟ تامر : انا هتصرف هاتى 30 جنيه الهام : ماشى خود لما اشوف بقى ابنى الكبير هيتصرف ازاى محمد وائل انته جيب المكنسه واعمل الصالون وانته ادخل رتب الانتريه بسرعه وبعد ما تخلصو ادخلو البسو وائل : وانتى هتعملى ايه ؟ الهام : اشوف المطبخ والبس اختك والبس انا كمان يلا بسرعه زمانهم جايين فارس : يلا قومى نروح لالهام نجوى : لا انا مش هروح فارس : طب يلا يا تقى تقى : لا هقعد مع نجوى فارس : هتفضلى مسيطره عليها لحد امته كده حرام عليكى لغيه شخصيتها نجوى : انا وانا مالى لو عاوزه تروحى روحى يا تقى انا مش عاوزه اروح تقى : مش هسيبك لوحدك وبعدين انا كنت عند الهام من يومين روحو انتو ام فارس : روحو انتو وخلاص فارس : هى قالتلى اجبكم معايا نجوى : وانا مش هروح ابو فارس : خلاص يابنى روح انته ومراتك وخود امك معاك وخود مفتاح التاكسى سوقو بدل ما تمشو فارس : ماشى يا بابا طب ما تيجى معانا ابو فارس : لا انا تعبان مش قادر هدخل انام فارس : طيب ارتاح ( فارس اخد هدى وامو ومشيو وابو فارس داخل يرتاح وساب نجوى وتقى لوحدهم ) نجوى : تقى انا هدخل اكلم منير خلى بالك لو حد جه ادخلى قوليلى ماشى او خبطى على الباب تقى : ماشى بس هتقوليلو ايه ؟ نجوى : اهو اى حاجه واشوفو هو كمان عمل ايه مع امو اشوفها ممسوكه تخابر يا رب واشوف اختو ممسوكه اداب قولى امين تقى : هههههه امين الهام : اتفضلو نورتونى فارس : وحشانى الهام : انته اكتر هدى : كركر كبرت اوى ما شاء الله الهام : سناتين اهو عقباللك ها بنت ولا واد هدى : هيثم ان شاء الله الهام : ان شاء الله هدى : هتيها اشيلها شويه فارس : بس حسبى على بطنك ام فارس : انا هشيلها اهو لعبيها وانا شيلاها جنبك محمد : وحشتنى يا خالو فارس : وانته كمان يا حبيب خالو وائل : خالو انا لما اكبر هبقى دكتور زيك فارس : يا رب تبقى دكتور بس مش زيى الهام : بعد ازنك جايلكم تانى ( داخلت الهام المطبخ ) الهام : ايه ده يا تامر جايب ايه ؟ تامر : كيك بالشكولاته كل واحد اتنين وكمان ملتو الهام : دى حاجات عيال يا تامر كده برضو تامر : انتى لو كنتى عملتى كيكه مش هتبقى حلوه زى كده وكمان فيها كريمه بصى احنا نفكها من الورق بتاعتها ونقدمها مع الحاجه السقعه وخلاص الهام : لا عيب دى الكيكه دى تامر : جربى بس انا ام واحد صحبى بتعمل كده وهو اللى قالى الهام : مش عاوزين مرات خالك تاكل وشنا تامر : لا متخفيش جربى بس الهام : طب اعمل معايا افتحهم تامر : حوطى فى كل طبقى 2 كيك وكمان 3 مولتو انا جايب كتير الهام : اتفضلو هدى : تسلم اديكى تعبتى نفسك ليه ؟ الهام : لا تعب ولا حاجه انا جيبالك سفن يا فارس عشان انته مش بتحب الملون فارس : ربنا يخليكى ليه هدى :احلى حاجه المولتو بموت فيه فارس : والكيك ده كمان حلو اوى الهام : بالهنى معلش بقى مكنتش عامله حسابى معملتش فى البيت هدى : لا انا بحب الكيك اللى بره ده والمولتو احلى حاجه الهام : هى تقى ونجوى ماجوش ليه ؟ فارس : تقى مع نجوى ونجوى قالت مش هاجى وطبعا تقى انتى عارفه ملهاش شخصيه ام فارس : متقولش على اختك كده لا ليها شخصيه بس هى عشان توئم مش بيسيبو بعض هدى : اه فعلا يا فارس ممكن عشان كده دائما مع بعض طب انته عارف انا ماما بتقولى التوائم دول بيبقى صحيح اتنين بس بيبقو روح واحده لو وحد حصلو حاجه التانى يحس بيها اروحهم زى بعض يعنى ام فارس : اه والله امك عندها حق فارس : طب تقى روحها ماشى بتحس لاكن نجوى دى مش عندها احساس اصلا منير : والله روحى فيكى ومقدرش اعيش من غيرك نجوى : طب اعمل ايه فارس ودماغو جزمه مش عاوز يكمل الجوازه منير: والله لو حصلت اهرب انا وانتى ونتجوز لنعملها انا مقدرش اعيش من غيرك نجوى : ولا انا كمان هقدر طب اعمل ايه دلوقتى ؟ منير : بصى احنا نصبر كده يومين يكونو هديو وبعد كده اجيب ابويا ونجلكم نجوى : ماشى بس امك واختك واللى عملوه منير : امى ست كبيره ولو على اختى انا هروح دلوقتى افطسهالك لو عاوزه نجوى : لا يا منير اوعى تعمل كده اخويا لما ضربنى الصبح انا زعلت منو اوى ابويا قالو انته تحمى اخواتك مش تضربهام منير: اول ما شوفتو بيضربك والله كان هاين عليا اعمل اى حاجه ومتحسيش بوجع يا قلبى نجوى : بتحبنى اوى بجد؟ منير : اكتر ما بحب منير نفسو نجوى : انا كمان بحبك اوى ( داخلت تقى على نجوى ) تقى : بابا تعبان اوى نجوى : منير بابا تعبان هكلمك تانى سلام ( جاريو على ابو فارس ) نجوى : مالك يا بابا ابو فارس : سكاكين فى جنبى مش قادر اتحملها اهااااااااااااا نجوى : طب خود المسكن ابو فارس : هاتى هاتى نجوى : ( اخدت موبيلها ) الو فارس بابا تعبان تعالى بسرعه فارس : طيب انا جاى اديلو المسكن نجوى : اديتو فارس : طيب انا جاى ( فارس اخد ابوه على المستشفى وادولو مسكن والدكتور قالو لازم يغسل بكرا وتانى يوم اخدو وراحو المستشفى غسلو ورجعو البيت ) فارس : ارتاح يا بابا نام ابو فارس : انا تعبان اوى ام فارس : سلامتك يا اخويا يارتنى كنت انا ابو فارس : بعد الشر عنك هدى : كده مرتاح يا عمى اجبلك مخده تانى ورا ظهرك ابو فارس : لا يا بنتى كده حلو نجوى : طب اجبلك تاكل ؟ فارس : مش دلوقتى شويه المهم الاكل خفيف مفهوش دهون نجوى : حاضر والله ما مش حطه سمنه خالص والمكرونه حمرتها بزيت الزيتون وعملتها شوربه فارس : انا هروح اشوف حد يشترى الشقه وحد يشتغل على التاكسى ابو فارس : ماشى يا بنى بس سيب الشقه خساره فارس : مفيش حاجه خساره فيك يا بابا تقى بطلى عياط بابا هيبقى كويس متخفيش تقى : سلمتك يا بابا خود كليتى انا مش هتوجع ولا حاجه فارس : وهو لو اتنقلو كليه يعنى هيرتاح ما هى مشكله برضو تقى : بس مش هيتوجع كده انا خايفه اوى ومش قادره اعمل حاجه فارس : ( اخادها فى حضنو ) انا معاكم متخفوش ( نزل فارس يدور على سمسار وسواق والحمد لله لقى سواق والسمسار قالو استنى عليا كام يوم عقبال ما يدور ) فارس : بابا السواق هيجى الصبح يستلم العربيه وهيجبها تبات تحت البيت ابو فارس : طب وهياخد كام ؟ فارس : هو قالى هياخد على 30%من الايراد ابو فارس : كتير يابنى فارس : اللى لقيتو بقى يا بابا دا شاب كويس خريج حقوق ومش لاقى شغل ومعاه رخصه ابو فارس : ولقيتو فين ده ؟ فارس : على القهوه تعبت من اللف قولت اشر قهوه بسئل القهوجى على سواق لقيتو بيقولى انا سواق خت واديت معاه واتفقت واهو عقبال ما نشوف بس هنعمل الورق وكده بتاع التأمين ابو فارس : ماشى يابنى اعمل اللى شايفو صح فارس : انا لازم انزل القاهره دلوقتى وان شاء الله هجلكم بكرا او بعدو ام فارس : طيب يابنى بس انا خايفه على ابوك فارس : لالا اطمنى ان شاء الله هيبقى كويس يلا يا هدى اه نجوى يوم التلات لازم يروح يغسل لو انا ماجتش روحى انتى انتى مكانى يا نجوى نجوى : متخفش انا معاهم هدى : ماشى يلا اشوف وشكم بخير ( مشيو وسابوهم فى البيت ) ( نجوى وتقى فى اوضتهم عملين يتكلمو ) تقى : هنعمل ايه يا نجوى نجوى : انا بكرا هنزل ادور على شغل تقى : هتشتغلى ايه وبكام ؟ نجوى : هو انا هشتغل هنا فى بنها انا هنزل القاهره انا بسمع انها مليانا شريكات وناس طالبه تشتغل تقى : طب هيكون المرتب كام يعنى نجوى : مش مهم حتى لو صغير بس على الاقل يجيب مصروف البيت تقى : طب انا اعمل ايه انا مقدرش اشتغل ولا حد هيرضى يشغلنى نجوى : ربنا مش هيسبنا ( وتانى يوم الصبح ) اسلام : انا السواق يا حج الدكتور اتفق معايا امباح ودى صورة البطاقه زى ما الدكتور اتفق معايا ابو فارس : ماشى يابنى تقى هاتى المفتاح من جوا ( داخلت تقى جابت المفتاح وهى لابسه النقاب ومش باين منها حاجه ) ابو فارس : خود يابنى اعتبرو التاكسى بتاعك خلى بالك منو اسلام : حاضر يا حج ان شاء الله 10 بليل هجبهولك وهجبلك الايراد ( السواق اخد المفتاح ومشى ) ابو فارس : انتى برضو لبستى نجوى : بابا سبنى اجرب عشان خطرى ابو فارس : يابنتى مش هتلاقى شغل هتتبهدلى وخلاص نجوى : سبنى اجرب عشان خطرى ام فارس : يعنى مفيش سمعان كلام ابوكى قال حاجه اسمعى الكلام نجوى : ماما انا هنزل اشتغل يعنى هنزل ابو فارس : ماشى يا نجوى روحى وابقى قبلينى لو لقيتى شغل ( نزلت نجوى واخدت مكروباص ونزلت بيه على القاهره وكل ما تسئل حد على شغل يقولها انتى خريجة ايه ؟ تقولو زراعه يضحك ويقولها لا معلش مفيش شغل فضلت ماشيه وتسئل وتسئل لحد ما فى الاخر تعبت وفى الاخر راحت تسئل البوابين يمكن عياده او اى شركه تكون محتاجه سكرتيره ) نجوى : السلام عليكم سليمان : عليكم السلام فى حاجه يا انسه نجوى : انا بدور على شغل مفيش حد هنا عاوز سكرتيره او شغل على الكمبيوتر انا بعرف اكتب على الكمبيوتر حلو وكمان بدخل على النت سليمان : لا والله احنا هنا كلو شقق سكنيه نجوى : انا من الصبح وانا بدور على شغل ومش لقيه سليمان : طب ماتروحى تدورى فى العاشر من رمضان فى المصانع اللى هناك نجوى : والمرتبات هناك حلوه ؟ سليمان : اه فى حدود 1000 جنيه نجوى : 1000 جنيه فى الشهر ؟ سليمان : اومال فى اليوم نجوى : لا انا عاوزه حاجه مرتبها كبير سليمان : كام يعنى ؟ نجوى : انا عاوزه اشتغل شغل يجلبى فى الاسبوع 400 جنيه سليمان : اممممممم انتى منين ؟ نجوى : من بنها سليمان : اممممممممم انتى متجوزه ؟ نجوى : لا بتسئل ليه ؟ سليمان : طب انا ليكى عندك شغل ممكن يجبلك فى اليوم 300 جنيه ومش هتشتغلى كتير 6 ساعات بالكتير نجوى : بجد 300 جنيه فى اليوم سليمان : اه بس يعنى الشغلانه دى محتاجه صحه نجوى : صحه ايه يا راجل انته انته هتشغلنى ايه ؟ تفتكرو سليمان هيشغلها ايه ؟ يتبع..... | ||||
|
| |
|
02-10-16, 04:06 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 5 } نجوى : بجد 300 جنيه فى اليوم سليمان : اه بس يعنى الشغلانه دى محتاجه صحه نجوى : صحه ايه يا راجل انته انته هتشغلنى ايه ؟ سليمان : الله مش انتى عاوزه فلوس لازم تتنازلى شويه وانتى بتقولى انك بنت يبقى تمام والطلب عليكى كتير نجوى : ( الدم غلى فى نفوخها مسكتو من جلبيتو بأديها الاتنين ) انته بتقول ايه يا راجل انته اتنازل ايه دانته يومك اسود سليمان : ايه ده سبينى يا بت انتى بدل مهندهلك العسكرى نجوى : عسكرى مين يا واطى انته طلعت منهم يا واطى عاوز تشغلنى فى الدعاره يا راجل يا معفن سليمان : انتى فهمتى ايه والله ابدا دانا راجل بتاع ربنا والله ما اقصد كده سبينى وانا افهمك نجوى : اسيبك دانا هطلع عينك داناهحطك على حماره واركبهالك بالعكس و هجبلك العيال من البلد يزفوك ويقولو من ده بكرا بقرشين سليمان : استنى بس افهمينى وسيبى الجلبيه انا بواب محترم نجوى : محترم يا واطى يا بتاع الشقق المشبوها دانا هصوت والم عليك الناس سليمان : انتى باين عليكى مجنونه نجوى : هوانته لسه شوفت جنان انته فاكرنى ايه من البنات الفرافير لا دانا من بنها انا اقتلك واتاويك واقول مشفتوش انا نزلت فى اول محطه سليمان : استهدى يالله انتى بترجراكى فيه هوانا علبة بيرسول اهدى نجوى : بيرسول دانته زباله سليمان : اسماعينى انا كنت هشغلك فى البيوت والله نجوى : كمان بيوت يعنى مش بيت واحد دانا يومك اسود سليمان :اهدى بقى ( اتلمت الناس ) ؟ : فى ايه يا انسه مالك بتضريه ليه ؟ نجوى : الراجل المفترى الواطى بسئلو على شغل يقولى عاوز يشغلنى فى قلت الادب سليمان : لا والله انا ستات كتير بتطلب منى بنات نجوى : نهارك مطين كمان ستات مش رجاله انته تيجى معايا على القسم اى النقطه فين ؟: ما تسمعيه الاول هيقولك ايه ما يمكن قاصدو شاريف وسبيه حرام عليكى دا قد ابوكى نجوى : انا ابويا راجل محترم سليمان : سبينى بقى انتى زى الخفاش بيمسك ما بيطلعش غير بالطبل البلدى اوعى كده نجوى : اهو سبتك اتكلم انطق سليمان : انا فى ستات بتطلب بنات تنظفلها الشقه مره او مرتين فى الاسبوع وهتديكى فى المره 100 جنيه بس هو ده اللى اقصدو نجوى : وايه داخل انى بنت او مش بنتى هتفرق ايه ؟ سليمان : عشان وانتى جايه مش هتجيبى ابنك ولا بنتك على ايدك او جوزك يجي معاكى لاكن وانتى بنت هتكونى جايه بطولك مفيش حاجه تشغلك نجوى : طب وليه قولت محتاج صحتى تبقى حلوه انطق سليمان : عشان المسح والتنفيض والحاجات دى محتاجه صحه والله ده قصدى دانا مخلف وعندى بنات انا برضو اعمل كده فى بنات الناس نجوى : طب خلاص ابقى وضح كلامك بعد كده كنت هموتك فى ايدى ؟ : انتى شرانيه اوى انتى بنت ولا خوط الصعيد نجوى : قولنا خلاص انا ماشيه سليمان : طب والشغل مش عاوزه تشتغلى نجوى : بقى اتعلم ده كلو وادخل الكليه 4 سنين وفى الاخر اشتغل خدامه ليه دانا اروح انتحر احسن امشى من وشى ( ومشيت نجوى وهى كلها خيبة امل من اللى شافتو طول النهار ) سيده : ( مرات سليمان ) فى ايه يا سليمان انا فى السوق قالولى انك اتخانقت مع بت كده فى ايه ؟ سليمان : بلاوى بتعلى صوتها عليا روحت بالكف على وشها وكنت هجرجرها على القسم بس صعبت عليا لقتها غلبانه سيده : يعنى انته اللى ضربتاها ؟ سليمان : دانا مسحت بيها الرصيف كنت ماسكها من قفاها كده وبرجرج فيها زى علبت البيرسول سيده : بس انا قالولى فى السوق انك انتى اللى اضربت سليمان : انتى هتفضلى ترغى يا وليه انجرى اعملى كبايت شاى مصدع سيده : حاضر متزعقش خود طلبات السكان وده الحساب كل شقه بالحساب بتعها سليمان : طيب خودى حطيلى mb3 فى الشاحن هيفصل سيده : حاضر ام فارس : رجعتى حمدالله على السلامه ها لقيتى شغل ؟ نجوى : اه طبعا شغل كتير الحمد لله بس لسه هفكر كده واشوف العروض اللى تناسبنى وتناسب قدراتى ماهو انا مش هشتغل اى شغل والسلام لازم يكون حاجه كده تناسبنى ام فارس : هههههه اه طيب ياختى ادخلى غيرى وتعالى عشان نروح عند اختك نجوى : ليه تانى نروح ليه ؟ ام فارس : فكرى جه من السفر من ساعه هنروح نسلم عليه نجوى : حرام عليكم مش هتبطلو العاده الرخمه دى الراجل غايب عن مراتو وعيالو سناتين واول ما يجو تروحو تكبسو على نفسو خليها بكرا نروحلو ام فارس : ليه مش هتروحى الشغل بكرا ؟ نجوى : ( بحيره ) الشغل لا ما لسه انا مستلمتش بقولك لسه هفكر انا هروح ادخل اشوف بابا وتقى نجوى : بابا ها اخبارك ايه ؟ ابو فارس : اهو يا بنتى نايم هعمل ايه خلاص مابقاش فى ايدى حاجه نايم زى قلتى نجوى : بابا متقولش كده دانته الخير البركه دانته اهم واحد فى البيت ده ربنا يخليك لينا ولو على التعب ده عادى يومين تلاته وترجع زى الفل تانى ابو فارس : تفتكرى ؟ نجوى : اه طبعا بس انته متستسلمش للوجع قوم واتمشى او حتى قوم اتفرج على اتلفزيون ابو فارس : لا انا مش بحب التلفزيون انا هشغل الرديو ازاعة القرءان قوليلى صحيح لقيتى شغل ؟ نجوى : اه لقيت كتير بس لسه بفكر ابو فارس : طيب يا بنتى ربنا يحميكى اشتغلى زى مانتى عاوزه بس قبل ما تختارى تشتغلى ايه اسئلى نفسك سؤالين لو الجواب ريحك اشتغلى لو مريحكيش اوعى يا نجوى نجوى : سؤالين ايه يا بابا ؟ ابو فارس : السؤال الاول : ربنا راضى على الشغل ده الشغل ده حلال ولا حرام والسؤال التانى : المرتب قد التعب ولا لا متشتغليش وتمرمتى نفسك على مملاليم والعكس اوعى تاخدى حاجه اكتر من تعبك فهمانى يا نجوى ؟ نجوى : فهماك يا بابا دا موبيلك بيرن مكتوب عربى دا عمو ابو فارس : طب متروديش نجوى : وماردش ليه كاسر عينينا بحاجه لا هرد استنى انته الو ازيك يا عمى عربى : مين بيرد مش ده تليفون مصطفى عبد الرحيم ؟ نجوى : اه يا عمو انا نجوى بس بابا نايم شويه عربى : اه طيب وهو عامل ايه دلوقتى ؟ نجوى : والله الحمد لله تمام عربى : طب خودى ابن عمك عاوز يكلمك انتى واختك نجوى : هاااااا ( حطت اديها على التليفون ) بابا دا بيدينى ابن عمى اعمل ايه ؟ ابو فارس : قولتلك متروديش نجوى : الو السلام عليكم سراج : اهلا ازيك يا بنت عمى نجوى : الحمد لله ازيك مين انته عشان عمى مش قالى سراج : انا سراج نجوى : اه اهلا يا سراج ازيك وازاى كل اللى عندك سراج : الحمد لله يوم الجمعه ان شاء الله هنجلكم ونشوفكم وكمان معايا ربيع اخويا هى تقى فين ربيع كان عاوز يكلمها نجوى : تقى وتكلمها وانته نسيت تقى ولا ايه ؟ سراج : لا بس يعنى هى لسه زى ما هى مخفتش لسه ؟ نجوى : سراج التليفون هيفصل سلام معلش ( وقفلت فى وشو ) ابو فارس : قولتلك متروديش نجوى : بابا دول جايين يوم الجمعه وكمان تقريبا بيلمح على خطوبه من تقى وتقريبا انا دا بيتنحنح فى التليفون ام فارس : ( كانت واقفه جنب الباب وسمعة المكلمه ) ومالو ربنا يدينى العمر واشوفك فى بيتك انتى واختك يا رب نجوى : ماما انا عندى اموت اتعدم على الكرسى الكهربائى الامريكانى بس اتجوز غير منير لا معلش وكمان تقى تتجوز ربيع لا اهو ده اللى مش هسمح بيه ام فارس : ( داخلت الاوضه وقفلت الباب ) يا بت اختك محدش هيتجوزها اهو تبقى فى حمى راجل نجوى : انا الراجل بتاع اختى ومش هسمح بالجوازه دى لازم اللى يتجوزها يكون بيحبها وهى كمان تكون بتحبو ام فارس : الله ما يمكن تحب ربيع نجوى : تحب ربيع دا مش ربيع دا الخريف وانتى الصدقه بابا حبيبى اوعى توافق ارجوك ابو فارس : متخفيش ام فارس : يعنى هتفضلو فى البيت هتعنسو جنبى ؟ نجوى : انتى الكلام معاكى بقى مينفعش انا هطلع لتقى مش هى فوق السطوح ؟ ام فارس : اه فوق ( نجوى اخدت فى وشها وطلعت على طول فوق السطوح ) ام فارس : شايف البت وقلت ادبها دى لازم تروح فى الصعيد عشان تتربى ابو فارس : بالعكس انا مطمن عليها وعلى تقى على شان نجوى معها فكرى : اخيرا داخلت الشقه الهام : نورت البيت فكرى : دا نوركم البت كانت وحشانى اوى فكره بابا يا كركر الهام : اول ما اتولدت سافرت والسنه اللى فاتت منزلتش فكرى : معلش قولت اوفر سنه تامر : جبتلى اللاب توب؟ فكرى : اه طبعا بص هات الشنطه دى تامر : دى تقيله اوى فكرى : انشف انته راجل تامر : حاضر انا ناشف اهو ( فتح فكرى الشنطه ) فكرى : خود عشانك انته واخواتك العبو كلكم تامر : حاضر وكمان التليفون ده ليك وده وائل وائل : حبيبى يا بابا فكرى : وده لمحمد انتى بقى جبتلك عروسه الهام : كمان كركر فكرى : اه دانا جايب لها شويت فساتين حلوه اوى دى هى بنوته واحده انتى بقى خودى جبتلك تليفون كمان الهام : ربنا يخليك ليه مانا بتاعى حلو فكرى : يا ستى بقالو كتير معاكى الهام : يخليك ليه بس هو ليه مش فى علبه هو مستعمل ؟ فكرى : لا لو فى العليه هدفع عليه جمارك لاكن انا مخبيهم فى الهدوم الحمد لله مشفهومش فى المطار تامر : ايه ده يعنى مهربهم ؟ فكرى : اه شفت نصاحت ابوك خودى كمان واحد لنجوى وواحد لتقى الهام : ايه ده كلو يا فكرى كتير اوى حرام عليك فكرى : ولا كتير ولا حاجه مش اجبلهم حاجه كده عليها القيمه وبعدين اخواتك اخواتى الهام : تعشلينا يا رب تقى : طب وهتعملى ايه ؟ نجوى : مش عارفه انا مالقتش شغل خالص غير اللى جبهولى البواب اللى انا ضربتو ده تقى : لا يا نجوى تشتغلى فى البيوت بعد ده كلو لا نجوى : بس دا قالى ممكن اكسب 300 جنيه فى 6 ساعات تقى : لا برضو وبعدين 300 جنيه فى اليوم يعنى فى الشهر 30 × 300 = 9000 جنيه ليه بقى مكنش حد غلب نجوى : ما انا برضو بفكر فى كده كتير اوى تقى : لا دورى على اى شغل تانى ولو مفيش خلاص نصبر وربنا مش هيسبنا وكمان فارس هيتصرف نجوى : فارس ياختى بلا نيله طب انا واثقه انو مش هيعرف يعمل حاجه تقى : طب قومى انا هبيت الفراخ والارانب وانتى اقفلى على المعزيتين خلينا ننزل انا تعبت نجوى : استنى فى موضوع تانى حصل مصيبه تقى : هو ايه النصايب ورا بعضها فى ايه تانى ؟ نجوى : عمك عربى وولادو سيراج وربيع جايين الجمعه الجايه عشان يشفونا انا وانتى وتقريبا كده نيتهم جواز تقى : ايه جواز انا لا نجوى اعملى حاجه انا مش ممكن اتجوز سيراج ده نجوى : سيراج انتى مش هتتجوزى سيراج انتى المفروض تتجوى ربيع تقى : لا انا اموت احسن نجوى : متخفيش طول مانا معاكى متخفيش تعالى لما نقوم نقفل على الحاجه وانتى اشغلى ماما عشان عاوزه اكلم منير تقى : ماشى هدى : ها عملت ايه ؟ فارس : خلصت الورق الحمد لله من يوم الثلاثاء هيغسل تبع التأمين عندى المره ب 300 جنيه هدى : طب ليه ؟ مش المفروض ارخص فارس : غيرو الاسعار يا ستى عشان انا لسه مخلصتش الدكتوراه لسه دكتور ممارس هدى : امممم طب ما كده مشكله 600 جنيه فى الاسبوع يعنى 2400 فى الشهر فارس : فلوس التاكسى على مرتبى انا وانتى على فلوس الشقه لو بعنها وحطينا فلوسها فى البنك برضو مش هيكفو حاجه اعمل ايه بس هدى : طب هو انته اللى هتعمل كل حاجه اخواتك فين ؟ فارس : اخواتى مين يا هدى الهام متجوزه ومعاها عيالها هنطلب من جوزها ؟ وتقى زى مانتى عارفه مش هتنفع تشتغل نجوى بقى حتى لو لقت شغل هتشتغل ايه ؟ هدى : اهو اى حاجه انا بفكر اعلى الفزيتا بتاعت العياده اعملها 50 جنيه فارس : اه وانتى بقى اللى تشتغلى وتعلجى ابويا لا طبعا انا مش موافق هدى : طب هنعمل ايه ؟ فارس : اسكوتى بقى سبينى افكر ولسه مصريف الولاده والبابى اللى جاى انا خلاص مش عارف اعمل ايه هدى : طيب فكر انا هروح اقعد عند ماما جوا فارس : هى جات امته ؟ هدى : الصبح هتقعد فى الشقه اللى قدمنا على طول مش هتسافر تانى فارس : ( وهو بيكلم نفسو ) انا كنت ناقص امك كمان هدى : ايه مالك فارس : مالى مانا كويس روحى شوفى امك هدى : طب مش هتيجى تسلم عليها ؟ فارس : شويه مش دلوقتى قوليلى خالك جوا ؟ هدى : اه فارس : طيب روحى دلوقتى انتى هدى : طيب منير : لا طبعا اخر الزمن تكونى خدامه لا اوعى تروحى نجوى : طب اعمل ايه يا منير فارس مش هيعمل حاجه منير : هو الراجل يتصرف ولو حكمت انا هنزل اشتغل انتى لا نجوى : بتغير عليا يا منير ؟ منير : طبعا انا اللى يرمشلك بس كده اخنقو اقطعو حتت نجوى : هههههه حبيبى انته منير : عاوز اشوفك نجوى : وانا كمان منير : طب هشوف كده وهجيلك نجوى : طب ابويا وفارس منير : متخفيش محدش هيشوفنى نجوى : طيب مستنياك فوق السطوح اول ما تيجى اطلع منير : اول ما اجيلك هرنلك رنه وهقفل ماشى نجوى : ماشى ( نزلت نجوى من فوق السطوح ) نجوى : ايه ده ريحين فين ؟ ابو فارس : هروح اسلم على جوز اختك تقى : تعالى معانا نجوى : لا انا تعبانه مش هقدر روحو انتو ولو احتاجتو حاجه كلمونى على الموبيل تقى : طيب اسند عليا يا بابا ابو فارس : انا كويس متخافوش ام فارس : اسند علينا بس ( ابو فارس راح عند فكرى والهام يسلمو على فكرى وهما فى الطريق يوسف : ( وهو عينو على تقى ) اهلا ازيك يا عمى ابو فارس : اهلا يا يوسف مش يوسف برضو ؟ يوسف : اه يا عمى ازيك انا سمعت انك تعبان ام فارس : الحمد لله قدر ولطف الحمد لله يوسف : طب تحبو تروحو فين انا اوصلكم ابو فارس : احنا ريحين عند الهام بنتى جوزها جه من السفر هنروح نسلم عليه يوسف : اه طيب احتاجت اى حاجه يا عمى انا تحت امرك ابو يوسف : انته زى فارس لو عوزت حاجه هقولك ام فارس : سلملى على امك يا يوسف هروح ازورها قريب يوسف : تنورى يا خالتى ( ومد ايدو يسلم على ام فارس) ام فارس : بعد ازنك ( ومشيو وسابوه ) يوسف : فضل ماشى فى الشارع يفكر ) ايه ده عنيها بالجمال ده اومال هى كلها على بعدها ايه دى اكيد قمر اه لو اقدر اشوفها بس هشوفها ازاى وحتى لو شوفتها امى مش راضيه بيها عشان خارسه وايه يعنى احسن انا مش بحب الدواشه ( وفجئه وهو ماشى خبط فى سومه اخت منير ) سومه : اه مش تفتح يوسف : اسف والله ماختش بالى قومى سومه : يوسف ازايك يوسف : تمام الحمد لله انتى سومه اخت منير صح ؟ سومه : اه انا يوسف : كبرتى يا سومه انتى فى سنه كام دلوقتى ؟ سومه : راحه تالته ثانوى يوسف : امممم سلميلى على منير انا صحبو اوى على فكره سومه : اه مانا عارفه حاضر هقولو يوسف ( وهو بيفكر فى سيرو ) منير خاطب نجوى اخت تقى اكيد سومه معاها صور لتقى بقولك ايه انتى عندك فيس وواتس ؟ سومه : ( بفرحه ) اه طبعا عندى يوسف : طب حلو ادينى رقمك و الاكونت بتاعك نتشات ولا مش بتحبى ؟ سومه : لا طبعا خودو ( بعد ما سومه اخدت الاكون ورقم يوسف ) سومه : اول ما اروح البيت هعملك اد يوسف : ( بضحكة اعجاب ) ماشى يا قمر هنتكل ماشى سومه : ماشى باى يوسف : باى اخيرا هعرف اشوفها منير : فى حد هنا ؟ نجوى : لا كلهم خرجو ادخل بس هتمشى على طول بدل السطوح منير : وحشتينى اوى ( وداخلو قعدو فى الصالون ) نجوى : انته كمان وحشتنى انا بقالى يومين مشوفتكش حسه انهم سناتين انته مش قولتلى جاى على طول اتاخرت كده ليه ؟ منير : معلش يا قلبى كنت بجبلك الورده دى نجوى : ههههههههه وحشتنى رومنسيتك دى بتعرف تظبطنى منير : عقبال ما اظبطك التظبيطه الكبيره نجوى : هههههه بس قلت ادب منير: انا مش اقصد قلت ادب انتى اللى نيتك وحشه ههههههه نجوى : منير ايه منير : ايه يا بت وحشتينى نجوى : وانته كمان منير : امته بقى نتجوز نجوى : نتجوز ( بحزن ) تعرف ان عمى جاى يوم الجمعه هو وعيالو سراج وربيع منير : عمك وجاى ليه ؟ نجوى : راجل واطى ومعندوش دم ابويا بيقولو عاوز حقو فى الارض والبيت يقولو هات البنات اجوزهم للعيال منير: بنات مين يا نجوى ؟ نجوى : انا وتقى عمى عاوز يجوزنا لعيالو منير: دانا اهد الدنيا دانا اخد فيه اعدام هو وعيالو طب تقى ماشى انتى لا نجوى : لا ولا تقى كمان الا تقى محدش يقربلها انابقولك اهو يا منير اختى مقدرش ابعد عنها ولما نتجوز هتيجى تعيش معانا منير : يا سلام ومالو تيجى انا معنديش مانع المهم انك تكونى معايا نجوى ما تجيبى بوسه نجوى : عيب يا منير اتلم منير : احنا لوحدنا محدش شايفنا نجوى : ربنا شايفنا منير : ربنا عالم انى بحبك واحده بس نجوى : بس يا منير بطل بقى منير : ايه ده فى حد فتح الباب فى الصاله ؟ فارس : ماما انتى فين ؟ منير: اخوكى اروح فين نجوى : يا لهوى يا لهوى اخويا فارس : نجوى بابا انتو فين ؟ نجوى : استخبى ورا الكنبه منير : ( نط منير ورا الكنبه ) فارس : انتى فى الصالون وقفله عليكى ليه ؟ نجوى : ايه ؟ فارس : مالك شوفتى عفريت ؟ نجوى : انته جيت دلوقتى ليه ؟ فارس : جيت اجيب لبابا الورق واشوف السواق عمل ايه فى التاكسى مالك يا نجوى ؟ منير : ( من التراب اللى ورا الكنبه عتس ) فارس : ايه ده ؟ نجوى : بص دا دا دا فارس : هو فى حد معاكى ( جرى راح نحيت الكنبه شاف منير قاعد مستخبى ) تفتكرو هيحصل ايه ؟ يتبع..... | ||||
|
| |
|
02-10-16, 04:06 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 6 } فارس : ايه ده ؟ نجوى : بص دا دا دا فارس : هو فى حد معاكى ( جرى راح نحيت الكنبه شاف منير قاعد مستخبى ) انته ايه جابك هنا وكمان مستخبى ؟ نجوى : افهم بس يا فارس فارس : ( واطى جابو من هدومو ) قوم فهمنى بتعمل ايه هنا منير : والله ما بعمل حاجه انا جيت اسئل على عمى فارس : عمك عبيط انا نجوى : سيبو يا فارس محصلش حاجه دا لسه داخل والله ماكملش دقئقتين فارس : انتى بتنطقى دانتى اخر يوم فى حياتك انهاردا منير : لا اضربنى انا موتنى انا هى لا اوعى تلمسها فارس : لا راجل طب ايه رئيك بقى انى هضربك انته خود بقى ( وبالبكس فى عينو ) نجوى : سيبو بقى حرام عليك قوم من عليه سيبو فارس : ماشى قوم والله لو قربت من اخوتى تانى هوريك منير : فارس انا خطيبها ومش هسيبها فارس : ماتخلنيش اتجنن قولتلك مفيش خطوبه فركش خلاص والجمعه اللى جايه كتب كتبها على ابن عمها نجوى : ايه لا انا مش موفقه انته عرفت منين اصلا ؟ فارس : ماما من شوايه كلمتنى انا مكنتش موافق بس بعد ما شوفتك هنا انا موافق وهتتجوزى سراج يا نجوى منير : لو ده حصل انا هقتل لك سراج ده ايه رأيك فارس : ياريت تعمل كده هو يموت وانته تتعدم ونخلص منكم انتو الجوز منير انا هسيبك تمشى بس تعرف لو قربت من نجوى تانى هعمل فيك ايه ؟ منير : ( وهو متوتر ) ايه ؟ فارس : انا مش هقولك انا هفجئك يلا امشى منير : همشى بس متعملش حاجه فى نجوى فارس : قولت امشى ( مشى منير وهو خايف على نجوى هو خرج من الشقه صحيح بس فضل واقف على السلم عشان لو نجوى اضربت يقدر يلحقها ) فارس : نجوى انا وعدة بابا انى مش همد ايدى عليكم نجوى : ( بخوف ) طب اهدى كده ونتكلم بالعقل هو لسه جاى والله ومحصلش حاجه معملناش حاجه فارس : اخر مره تشوفيه فهمه ؟ نجوى : يا فارس فارس : شششششششششش هى كلمه خلاص خلصنا بابا فين يا هانم ؟ نجوى : عند الهام عشان فكرى جه من السفر فارس : ماشى يا نجوى ماشى نجوى : طب انته رايح فين ؟ فارس : مالكيش داعوه ( فتح الباب ) ايه ده انته واقف كده ليه ؟ منير : خفت تعمل فيها حاجه فارس : طب انزل قدامى ( مشى فارس هو ومنير فارس راح لالهام وفارس روح على البيت ) فكرى : واحشنى يا فارس فارس : وانته كمان حمدالله على السلامه فكرى :دى حاجه بسيطه ليك وللدكتوره فارس : متشكر اوى يا فكرى بس مش كل مره كل ما ترجع كده لابجد كتير فكرى : انته اخويا انا معنديش اخوات رجاله انته اخويا ام فارس : دا حتى بص جاب لاخواتك تليفونات بتدخل على النت فارس : لا كتير بجد يا فكرى فكرى : الله انتو اخواتى انا معنديش غير نعمه اختى بس انتو بقى اخواتى خصوصا تقى ونجوى هى نجوى فين ؟ فارس : فى البيت انا لسه جاى من هناك ابو فارس : مالك شكلك مدايق فارس : لا ابدا انا جبتلك الورق فى البيت بتاع التأمين الهام : طب كويس فارس : السواق عامل ايه صحيح ابو فارس : اهو اخد التاكسى من الساعه 9 ولحد دلوقتى ماجاش ولا اتصل فكرى : بس كده يا عمى السواق هيبهدل التاكسى شوف حد مضمون ابو فارس : مين بس يابنى هقول لمين فكرى : خطيب نجوى هو مش كان بيدور على شغل ابو فارس : لا ما هو شغال مدرس حساب فى المدرسه الاعدادى فكرى : مدرس طب بعد المدرسه فارس : اصلا احنا فركشنا الخطوبه خلاص فكرى : ليه ؟ سومه : انته جيت دافعت النت ولا لا منير : بس امشى من وشى مش طايقك سومه : طب دافعت ولا لسه ؟ منير : لسه مدفعتش ام منير : الله اومال كنت فين مش قولت هتروح تدفع النت منير : كنت فى داهيه اسكتو بقى محمود : مالك لسه موضوع نجوى احمد : بص اهدى بس ويومين تلاته نروحلهم انا سمعت ان جوز اختهم رجع نروح نكلمهم عندو منير : اخوها مش موافق بعد اللى امك عملتو ام منير: يادى اللى انا عملتو وكنت عملت لسى فارس ده كمان ايه ؟ منير : انتى مش قولتى عليه رئيس العصابه وقولتى على هدى مراتو رقاصه سلمى ( مرات محمود ) : لا يا ماما غلطانه دى حتى هدى شيك اوى ومحترمه اوى سومه : وهو انتى عرفتى منين بقى يا ست سلمى سلمى : اولا من الفيس بتعها الصور اللى حطها كلها حلوه ومحترمه ولبسها كمان حلو سومه : وهو فى واحده محترمه برضو تحط صورها على الفيس ؟ سلمى : ليه يا سومه وهو انتى مش حطه صورك على الفيس ؟ سومه : هاااااااا انا لا طبعا انا بس بحطهم على الانستجرام منير: نعم ياختى انستجرام ؟ احمد : بت تدخلى تشيليهم فهمه ولالا سومه : لا متقلقوش الانستجرام امان محدش يقدر ياخد الصور كوبى امان ام منير: ناصحه شاطره يا سومه زى امك احمد : اه ناصحه ولما حد ياخد الصور دى شوت اسكرين يا هانم يبقى الوضع ايه ؟ منير : هيبقى الوضع ايه دا هيبقى كل الاوضاع الصور دى تتشال انتى فهمه ولا لا سومه : ماشى هاشلهم حاضر بس كده حد يقوم طيب يدفع الاشتراك عشان الحق اشيلهم منير : هو ابويا فين ؟ ام منير : راح يصلى العشاء فى الجامع طب انا رايح استناه قصاد الجامع محمود : انا جاى معاك تعالى يا احمد سومه : طب النت مين هيدفعو منير: هاجى اخنقك بس يا جزمه ( بعد شويه رجعو من عند الهام وراحو على البيت ) فارس : فهمتى يا نجوى هتحسبى ازاى ؟ نجوى : اه فهمت فارس : ودول 300 جنيه خليهم معاك يا بابا ( جرس الباب رن ) نجوى : انا هفتح فارس : لا يا ست هانم ادخلى جوا دا تلاقيه السواق خودى اختك وادخولى وانا جايلكم ام فارس : هو فى ايه مالك فارس : هقولكم بعد ما السواق يمشى ( نجوى داخلت هى وتقى وام فارس فى الاوضه وفارس فتح الباب ) اسلام السواق : اتفضل يا حج ايراد اليوم 200 جنيه وانا متفق مع الدكتور على %30 يبقى الحساب 140 جنيه اتفضل يا حج ابو فارس : طول اليوم ب 200 جنيه بس ؟ اسلام : مش جبت بنزين ؟ ابو فارس : وهو البنزين عليا انا لوحدى انته نصو وانا نصو اسلام : لا عاوزنى اقسم البنزين يبقى انته 50% وانا 50% من الايراد فارس : بس كده كتير يا اسلام وبعدين انا حاكتلك ظروفنا اسلام : ماشى يا دكتور بس انا زى برضو ما قولتلك انا اصلا خريج حقوق وبشتغل عشان اكون نفسى عشان مش لاقى شغل فارس : ايوه بس التاكسى بتاعنا اسلام : خلاص خود المفاتيح وشغلو انته ابو فارس : استنى يابنى بس الكلام اخد وعطى اسلام : يا حج مانته شايف بيكلمنى ازاى ابو فارس : معلش زى اخوك خلاص رضى 140 جنيه هتيجى بكرا ؟ اسلام : ان شاء الله ابو فارس : ماشى يابنى اسلام : سلام يا حج ( ومشى اسلام وقفل الباب وراه ) ابو فارس : ايه يا فارس كل حاجه كده عصبى كده ماينفعش فارس : انته مش شايفو بيتكلم ازاى ؟ ابو فارس : ما هو كمان عاوز فلوس هو هيشتغل ببلاش وكل السوقين على كده اهدى بس كده انته ايه مدايقك من ساعة ما جيت ؟ فارس : انا جيت هنا لقيت منير مع نجوى مع بعض فى الصالون ابو فارس : ايه وده ايه داخلو الشقه من غير ما يكون حد موجود فارس : دا اللى حارق دمى ولولا حضرتك قولتلى مامدش ايدى على نجوى او حد من اخواتى كنت كسرت عضمها ( فارس وابو فارس داخلو على نجوى وتقى وام فارس الاوضه ) ابو فارس : منير داخلتيه الشقه ليه وحنا مش موجودين يا نجوى ؟ نجوى : بابا والله ما حصل حاجه كنا بنتكلم بس والله ام فارس : انا قولتلك البت دى لازم تتربى نجوى : انا معملتش حاجه غلط ابو فارس : ولما تداخليه واحنا مش موجودين ده مش غلط ؟ نجوى : ( بعيون فى الارض ) غلط بس كان واحشنى بقالى يومين ماشوفتهوش فارس : يا بت متعصبينيش نجوى : الله وانته تتعصب ليه مش خطيبى انته لما كنت خاطب هدى مش كنت كل يوم بتروحلها القاهره فارس : ده مش خطيبك احنا فساخنا الخطوبه نجوى : وانا اللى هتجوز وانا متمسكه بمنير ابو فارس : وانا هجوزك ابن عمك سراج وقرايت فتحتك يوم الجمعه انتى واختك على سراج وربيع تقى : لا انا لا انا مش عاوزه اتجوز ربيع ام فارس : اسكوتى انتى ما صدقنا حد يرضى بيكى تقى : ( زعلت وقعدة على السرير باصه فى الارض ) ابو فارس : ليه كده بس ام فارس : الحمد لله انك وفقت خلينا نخلص منهم بقى فارس : انا هجلكم يوم الجمعه انا وهدى عشان نقرا الفتحه نجوى : وانا مش هقبل ورونى بقى هتجوونى ازاى غصب عنى فارس : طب هتشوفى ( وسابهم ومشى رجع على القاهره ) ابو منير : انهارده الحد يوم الجمعه نروحلهم منير : خلاص يا بابا اللى تشوفو محمود : يلا نروح بقى الوقت اتأخر منير : بابا ماما لازم تروح تعتزرلهم هى وسومه ابو منير : مطمعهمش فينا اه امك غلطانه بس برضو كفايا قاعدة رجاله فى بعض لو خدنا امك هتولع اكتر انته عارف امك احمد : وبعدين ما نجوى مسكت البت سومه وضربتها كده نبقى خاصين امى شتامتهم ونجوى ضربت سومه واحده بوحده محمود : وبعدين مش بتشوف امك بتعملى ايه مع سلمى ولا عملت ايه مع ام سلمى انته مكبر الموضوع ليه منير : خايف نجوى تضيع منى ابو منير : ما تنشف يا منير فى ايه راجل انته ولا ماره منير: راجل يا بابا بس انا وهى بنحب بعض احمد : ايه ده صحيح مش واخد بالى هو ايه فى وشك ده ؟ منير: دا دى حساسيه ( وتانى يوم الصبح ) ام فارس : انتى راحه فين يا نجوى على صبحية ربنا كده ؟ نجوى : راحه الشغل ام فارس : ابوكى يعرف ؟ نجوى : اوعى من وشى بقى ( وسابتها ومشيت ) ام فارس : الحق يا ابو فارس نجوى مشيت راحت الشغل ابو فارس : شغل ايه تعالى نشوف تقى بت يا تقى اصحى تقى تقى : ( وهى مفزوعه قامت من النوم ) ايه فى ايه ؟ ام فارس : اختك راحت فين ؟ تقى : معرفش هى كانت نايمه جانبى محستش بيها لما قامت ابو فارس : يعنى متعرفيش راحت فين هى قالت راحت الشغل تقى : طب يبقى راحت الشغل ام فارس : شغل ايه بقى ده اللى بيتنزلو الساعه 8 الصبح تقى : معرفش هى محكتليش حاجه ام فارس : من امته دانتو سركم مع بعض بت قولى اختك هتشتغل ايه ؟ تقى : معرفش انا معرفش ابو فارس : طيب ماشى لما ترجعى يا نجوى سليمان : هاااا انتى ايه جابك يا مهبوشه انتى نجوى : قاصر انا خولقى دايق هنا فى شغل ولا لا سليمان : اه فى طبعا بس فين البطاقه بتعتك الاول نجوى : ليه ان شاء الله ؟ سليمان : عشان لو طلعتى حرميه يكون معايا البطاقه نجوى : انته اسمك ايه ؟ سليمان : سليمان نجوى : طا بص يا سليمان كل عيش معايا ها والبطاقه اها سليمان : ماشى خليها معايا بقى نجوى : لا طبعا ( ونتشتها من ايدو ) لعلمك انا خريجة جامعه لولا انا فى ظروف كده بمر بيها خلتنى انزل اشتغل سليمان : ظروف ايه بقى ؟ نجوى : انته هتحكى معايا اخلص فين الشغل والاول هاخد كام ؟ سليمان : انتى بتعرفى تعملى ايه الاول ؟ نجوى : زى ايه ؟ سليمان : يعنى بتعرفى تمسحى تتبخى تقعدى مع عيال تاخدى بالك من ست كبيره تغسلى سجاجيد ؟ نجوى : هشتغل كل دول ؟ سليمان : لا حاجه واحده من دول نجوى : بجد طب اغلى حاجه فى دول ايه ؟ سليمان : المسح والتنفيض طبعا ويا سلام بقى لو تعرفى تطبخى كمان نجوى : اه بعرف سليمان : بس اهم حاجتين الامانه والنظافه نجوى : لا متقلقش هتدينى كام بقى سليمان : متقطعيش برزقك بس ورايا ( سليمان اخد نجوى وطلعو على الدور الرابع) سليمان : صباح الخير يا مدام مدام شيرين : صباح النور يا سليمان سليمان : انا جبتلك بنت شاطره اوى هتخليلك البيت زى الفل وكمان بتعرف تطبخ شيرين : ( باصتلها من فوق لتحت باستغرب ) ماشى يا سليمان ادخلى يا اسمك ايه ؟ نجوى : اسمى نجوى شيرين : ادخلى طيب سليمان : انا تحت يا مدام لو حصل حاجه اندهيلى وانتى بسرعه المدام مش بتحب اللكوعيه نجوى : حاضر انا ساريعه على فكره ( نزل سليمان وساب نجوى مع شيرين ) شيرين : بصى يا نجوى انا مش هتعبك السجاجيد تتعمل بالمكنسه وكمان حوالين داير كده بالشرشوبه والسقف بالزعافه ده لكل الاوض وكمان المطبخ عاوزه فله ماشى وهديكى اللى انتى عاوزه نجوى : حاضر امسح من تحت السجاد ؟ شيرين : لا حولين داير كده نجوى : ( دانتى لقته ) حاضر شيرين : المكنسه اها بتعرفى تستخدميها ؟ نجوى : اه طبعا هو حضرتك فكرانى جهله انا خريجة كليت زراعه شيرين : بجد طب كويس نجوى : على فكره يا مدام انا عندى فى البيت مكنسه زى دى وتلفزيون بلازمه ومايكروويف كمان شيرين : هههههه هو انا قولت حاجه يا بنتى والله انا بس لولا انى تعبانه وعامله عمليه فى ظهرى كنت عملت كل ده نجوى : لا سلمتك بصى انا هظبطلك كل حاجه ارتاحى انتى بس هو فى شباب فى البيت ؟ شيرين : لا ابنى فى الجيش اطمنى بنتى وجوزى بس اللى جوا انتى اشتغلى هنا عقبال ما بيصحو نجوى : حاضر ( نجوى فضلت تشتغل وعملت كل اللى شيرين قالتلها عليه فى اقل من 3 ساعات على الساعه 12 وراحت شيرين نادت لسيلمان وحاسبتو ونزل هو ونجوى ) سليمان : خودى 100 جنيه نجوى : وانته واخد كام ؟ سليمان : انتى التلتين وانا التلت نجوى : نعم انا اتعب ويطلع عينى وانته تاخد التلت لا طبعا سيلمان : ده حقى نجوى: كتك كسر حؤوك هى ادتك 150 جنيه انته خود 30 وانا هاخد 120 وهو كده اخرى سيلمان : يا ساتر خودى ربنا يكون فى عون اللى هتكونى من نصيبو دا امو داعيه عليه قوليلى تعبانه ولا لا نجوى : انا بصراحه جعانه سليمان : طب بصى انا هجبلك سندوتشات فول وطعميه تكليهم ونطلع لمدام ايفون نجوى : ماشى اكون ارتحت شويه بس انا لازم اروح قبل 5 يعنى 6 بالكتير اكون فى البيت سليمان : انتى وشاطرتك بقى قوليلى انتى رقم تليفونك كام نجوى : عاوزه ليه ؟ سليمان : عشان لو فى شغل اقولك متجيش على الفاضى نجوى : لا مانا مفهمه ابويها وامى انى شغاله فى شركه ولازم اجيلك وتشغلنى كل يوم بس انا بكرا مش جايه هروح مع ابويا المستشفى سليمان : بجد دانتى لقته هاتى تليفونك وانا هروح اجيب السنداوتشات ( وبعد كام ساعه رواحت نجوى البيت ) ابو فارس : كنتى فين يا بت نجوى : فى الشغل انا قولت لماما ابو فارس : وقفله الموبيل ليه برن عليكى مقفول نجوى : لا اهو مفتوح والله ايه ده دا انا نسيت اركب فيه الخط ام فارس : واحيات امك يا بت ؟ نجوى : امبارح اخت التليفون بتاع فكرى حطيت فيه الخط ونسيت الصبح اخت ده ونسيت انو مفهوش خط والله ابو فارس : مافيش شغل فهمه متنزليش تانى نجوى : لا مينفعش دا بص 250 جنيه يوم واحد شوف ابو فارس : ودا شغل ايه اللى بيكسب كل ده نجوى : شركه فى مصر بتحاسب كده ابو فارس : اه يعنى بتشتغل ايه الشركه دى ؟ نجوى : بتاعت تسويق باخد المنتجات واسوقها وانا بعت حاجات كتير اوى انهارده ودى العموله ما هما بيحسبو بالعموله ابو فارس : وسوقتى حاجات ايه بقى ؟ نجوى : اجهزه كهربئيه و اجهزة رياضه ابو فارس : اوعى تكونى بتجدبى نجوى : لا مش بجدب هى تقى فين ؟ ام فارس : فوق السطوح نجوى : طب خود الفلوس يا بابا ابو فارس : خلى فلوسك معاكى لو عوزتها هبقى اخودها نجوى : طب هتسبنى اروح الشغل تانى ولا لا ابو فارس : لما نشوف يوم الجمعه هيحصل ايه نجوى : يووووو بقى انا هطلع لتقى تقى : ( جريت عليها وحضنتها ) ها عملتى ايه سليمان ده عمل معاكى ايه ؟ نجوى : تعالى نقعد مش قادره اقف الحمد لله سليمان ده طيب اوى وغلبان وجبان اوى اول ما اشخط فيه يخاف بصى 250 جنيه تقى : دول النهارده ؟ نجوى : اه اشتغلت فى شقتين صحيح طلع عينى بس الحمد لله الستات بتعملنى كويس لا محترمين الصراحه تقى : طب يعنى انا مش فهمه دى فلوس كتير ازاى 2 ستات يدفعو المبلغ ده كل يوم نجوى : مانا كنت مش فهمهه بس سليمان فهمنى دلوقتى دول ستات كبيره فى السن مش بيقدرو ينضفو ويشيلو وكده فا ايه يجيبو واحده مره او مرتين فى الشهر وكل مره 100 او 150 يعنى فى الشهر مش اكتر من 300 جنيه ينظفو البيت وخلاص تقى : ايه ده مرتين بس فى الشهر ينظفوالشقه دى الشقق تتملى تراب نجوى : طول الوقت قفلين الشبابيك وفتحين التكييف وكمان كل واحد فيهم فى اوضتو وبيكلو فى مكان واحد فا الشقق مش بتتوسخ تقى : طيب المهم انتى مش جعانه ؟ نجوى : كنت جعانه بس بابا سد نفسى بيقولى مش هينزلنى اشتغل لحد ما نشوف هنعمل ايه يوم الجمعه تقى : هههههههههه تعرفى انا عرفت انهم بيضحكو علينا نجوى : بجد ازاى ؟ تقى : عملت نفسى نايمه وبابا وماما بيتكلمو فى الصاله قمت من غير ما يحسو ولقت بابا بيقول لماما ان هو بيهددنا بس عشان نسمع الكلام لاكن مش هيجوزنا او حاجه نجوى : بجد يا حببتى يا تقى تعالى فى حضنى يا قلبى انتى ام منير: بت يا سومه بتعملى ايه ؟ سومه : بكلم اصحابى ام منير : هو اخوكى دفع النت ؟ سومه : اه ام منير: بتكلمى مين ؟ سومه : قولتلك اصحابى ام منير: انتى ضايفه رجاله فى النت زى ما نجوى قالتلك ؟ سومه : لا عادى يا ماما صداقه ام منير : طب خلى بالك سومه : طيب تشربى نسكافيه ؟ ام منير: اعملى منير: وحشتينى اوى اوى اوى نجوى : وانته كمان اوى اوى اوى منير : عملتى ايه انهارده ؟ نجوى : نزلت الشغل ورجعت تقى حطتلى الغدا اكلتو ودلوقتى بكلمك منير: طب انا مش قولتلك متروحيش الشغل طبعا الشغل اللى جابهولك البواب ؟ نجوى : اه عندك حل او شغل غيرو منير : حببتى انا مش ممانع انك تشتغلى بس خدامه فى البيوت لا نجوى : هو انا عملت حاجه وبعدين مانا بنظف الشقه بتاعتنا وكمان شقت فارس بس الفرق انى فى بيوت الناس باخد فلوس على تعبى لاكن هنا او عند فارس كلمة شكرا مش بتتقالى وكمان بيتريقو على العمايل منير : انا مش موافق يا نوجه متروحيش تانى نجوى : ما بابا قالى انو مش هيشغلنى عقبال ما نشوف هنعمل ايه يوم الجمعه منير : انا وبابا واخوتى احمد ومحمود هنجلكم الجمعه نجوى : يعنى ما اخفش مش هتسبنى ؟ منير : انا مش هسيبك غير وانا مايت طول مانا عايش مش هسيبك نجوى : اوعدنى انك تفضل تحبنى اوى كده طول العمر منير : اوعدك افضل احبك لحد ما نجيب عيال ونجوزهم وبرضو هفضل احبك نجوى : وهتجبلى ورد منير : طبعا انا اديكى ورد وانتى ادينى حاجات تانيه نجوى : هههههه بقولك ايه السواق جه هروح اشوفو مع ابويا عشان مفيش راجل مع بابا منير : وانتى بقى الراجل ؟ نجوى : اه طبعا منير: ماشى يا كبتنى هكلمك تانى نجوى : اه صحيح شوفلى باقة نت حلوه كده عشان الموبيل منير : موبيل ايه ؟ نجوى : بعدين انا هقولك سلام ابو فارس : ايه ده يابنى ؟ اسلام : 70 جنيه الايراد انهاردا 100 وانا ليه 30 يبقى حسابك 70 نجوى : 70 جنيه و100 جنيه ايراد ليه اسلام : ما احنا فى اجازه محدش بيخرج نجوى : ليه محدش بيروح شغلو اسلام : والله انا طول النهار فى الشارع ودى الفلوس انا هجيب منين نجوى : طب قشطه اوى الكلام ده هات المفاتيح شكرا اوى ابو فارس : انته بتقولى ايه ؟ نجوى : بقول اللى حضرتك سمعتو دا كده البنزين اكتر من الايراد اسلام : والله انا كلامى مع الرجاله ابو فارس : ما كلمها صح برضو يا اسلام اسلام : طب تمام اتفضل المفتاح وانا ماشى نجوى : انته بتهددنا ؟ ابو فارس : خلاص يابنى متبقاش عصبى اسلام : لا بجد يا حج حلو اوى كده المفتاح اهو سلام انا مش جاى بكرا ( وقام ومشى ) نجوى : فى ستين داهيه ام فارس : انتى ايه كده طفشتى الواد نجوى : انا عندى سواق تانى احلى منو ابن الراجل اللى بشتغل عندو وايه زى ابوه بالظبط لما اروحلو يوم الاربعاء هتفق معاه ابو فارس : انا قولت مفيش شغل لحد يوم الجمعه نجوى : طب وحياتى وحيات نوجى حببتك ابو فارس : بس يا بت نجوى : يرضيك يا ابو نوجى بنتك تغيب كده دا شغل حلو ومضمون ابو فارس : طب ويوم الجمعه نجوى : لما يجي يوم الجمعه يحلها ربنا سومه : الساعه 2 انا عاوزه انام يوسف : تعرفى الكلام معاكى حلو اوى انتى جميله وروحك حلوه سومه : وايه كمان يوسف : وزى القمر سومه : انته اول واحد يقولى كده يوسف : انتى كنتى عاوزه غيرى يقولك كده وبعدين انتى بتكلمى شباب كتير ؟ سومه : انا لا طبعا يوسف : طب انا عاوز اشوفك سومه : لا مقدرش اخرج يوسف : لا طب حتى صوره سومه : لا انا مش ببعت صورى لحد لو عاوز تشوف صورى اعملى فولو على الانستجرام يوسف : هو انتى مش حطه صور انتى واصحابك سومه : اه طبعا يوسف : اكيد نجوى وتقى اصحابك صح سومه : اه طبعا بس احنا متخنقين تقريبا الجوازه باظت يوسف : انتى شوفتى تقى قبل كده ؟ سومه : اه كتير يوسف : معاكى صور ليها ؟ سومه : اه طبعا يوسف : طب ابعتيلى صوره انتى وتقى عشان اشوف انتى احلى ولا تقى ولونى واثق انك احلى منها بكتيرررررررررر سومه :اه طبعا انا احلى منها بس انا مش معايا صور لوشها كلو بالنقاب يوسف : بجد امممم طيب متعرفيش تصوريهالى ؟ سومه : ليه ؟ يوسف : لا عادى اصلى مش بحب البنات اللى لبسين نقاب سومه : احاول اصورهالك يوسف : هى عندها فيس ؟ سومه : اه عندها يوسف : طب الاكونت بتعها اسمو ايه ؟ سومه : ههههههههه تفتكر مسميه الاكونت بتعها ايه ؟ يوسف : ايه تقى مصطفى اكيد ؟ سومه : لا فكر كده يوسف : لا مش عارف تفتكرو اسم تقى على الفيس ايه ؟ يتبع...... | ||||
|
| |
|
02-10-16, 04:17 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 7 } سومه : مسمياه قلب فاضى يوسف : قلب فاضى يعنى ايه ؟ سومه : قلت ادب بتقول للناس يعنى انها سنجل ومش مرطبته عشان حد يحن عليها ويتقدم لها فهمت ؟ يوسف : ياه كل ده فهمتيه من الاسم ؟ سومه : اه ما هى بااينه اصلا انته مسمعتش اغنية قلب فاضى بتاعت محمد منير ؟ يوسف : لا انا مش بسمع منير بس قوليلى هى تقى بتسمع اغانى ؟ سومه : اه دى بتموت فى منير وكمان عمرو دياب يوسف : ازاى يعنى مش هى مش بتسمع ازاى بتعرف الاغانى ؟ سومه : بتدخل على النت وتقرا كلمات الاغانى بس يوسف : اها من الكلام بس يعنى فهمت هى تقى دى بقى صاحبتك اوى ؟ سومه : بص هى تقى دى كانت صاحبتى بس اختلافنا فى حاجه فا مابقتش صاحبتى يوسف : اختلافتو فى ايه ؟ سومه : حاجه تفها انا بلعب المزرعه السعيده وهى لا اكتر من مره اتحايل عليها اقولها العبيها تقولى لا انا الشويه اللى هقعدهم على النت هفضل اأكل البقر بتتريق عليها يوسف : ليه هى مش عندها نت فى البيت ؟ سومه : لا دا عند اختها الهام لما بتروح تقعد على الكمبيوتر هناك بتاع تامر يوسف : اه تمام فهمت سومه : طب قولى بقى انتى بتسمع مين ؟ يوسف : سعد الصغير ( وتانى يوم راحت نجوى المستشفى مع بابها وغسلو ورجعو البيت ) ام فارس : هنعمل ايه فى التاكسى ابو فارس : اهو هندور على حد تانى نجوى : مش انا قولتلكم استنو انا اعرف واحد ابن صاحب الشغل اللى بشتغل عندو ابو فارس : ازاى يعنى ابن صاحب الشركه هيشتغل سواق انتى فكرانى داقق عصافير ؟ نجوى : ايه ؟ شركه اه لا ما هو شريكو يعنى متشغلش بالك انا هتصرف مش انته بتثق فيه ؟ ابو فارس : انا واثق ام فارس : بس انا مش واثقه يا بت انتى فكره نفسك دكر دانى بنت فهمه يعنى ايه بنت ؟ نجوى : امممم فهمه انا بنت ومفيش فرق بينى وبين الراجل غير شويت فرق فى القوه والعضلات ( موبيل نجوى رن ) طب دا تليفون هروح ارد ( وخارجة وداخلت اوضتها تتكلم ) الو ايوه يا سليمان فى حاجه ؟ سليمان : بكرا تيجى بدرى عندنا شغل كتير نجوى : فى كام شقه ؟ سليمان : 2 كمان فى عيادة دكتور نجوى : ودى هعمل فيها ايه ؟ سليمان : بالشرشوبه كده الارض وتعملى الشبابيك بس نجوى : دكتور طب العياده دى فين ؟ سليمان : فى العماره اللى بشتغل فيها يعنى هتكون فين ؟ نجوى : عياد اطفال ؟ سليمان : لا دى عيون نجوى : قشطه هجيلك 9 بالدقيقه هكون فى وشك سليمان : ماشى سلام تقى : هتروحى تانى انا خايفه عليكى نجوى : متخفيش المهم روحى شوفى ماما واشغليها عشان اكلم منير تقى : لا اطلعى اعملى الحاجه اللى فوق اضمن وانا هنا هشغلها بدل ما تسمعك من ورا الباب نجوى : صح عندك حق انا هطلع تقى : طب خودى الاكل اللى فى المطبخ وانتى طالعه حطيه للفراخ والمعزه كيتى وبوتى كمان حطلهم اكل وبيتيهم عشان عاوزه انام بدرى ما هطلع لهم انا تانى نجوى : ماشى ابو فارس : اه يابنى لسه من شويه راجع فارس : طب واسلام هو اللى وداك ولا روحت وجيت ازاى ؟ ابو فارس : اسلام ههه دا جابلى امبارح 100 جنيه واخد منهم 30 ويقولى ده الايراد فارس : ايه طب ما اختش منو المفتاح ليه وقولتلو شكرا ؟ ابو فارس : هو انا لحقت اتكلم اختك قامت بالواجب وراحت متخنقه معاه ومشتو فارس : والله عندها حق دا بيستهبل 70 جنيه ؟ طب وعملتو ايه بقى روحتو ازاى المستشفى ؟ ابو فارس : ما نجوى بتعرف تسوق انته ناسى ولا ايه فارس : انا نفسى اعرف هى نجوى دى مش بتعرف تعمل ايه ؟ منير : وحشتينى يا نوجى هموت واوشفك نجوى : وانا كمان نفسى اشوفك انا هروح القاهره بكرا ممكن لما ارجع على 5 كده العصر نتقابل نرغى ساعه منير : تانى يا نجوى هتروحى تانى الشغل ده ؟ نجوى : التاكسى مش شغال وابويا لازم يروح يغسل السبت الجاى هيغسل مرتين فى الاسبوع ب 600 جنيه هنجبهم منين منير : من التاكسى واخوكى نجوى : اخويا هيجيب منين دا شغال فى مستشفى حكومه واخر النهار مركذ كده الالفزيتا ب 10 جنيه للغلابه منير : اه يعنى انتى اللى هتشيلى الليله طب مش مهم فارس التاكسى مش شغال ؟ نجوى : التاكسى السواق انا اتخنقت معاه ودئلجتو من على السلم منير : ليه يا مفتريه سلمى : بتعملى ايه يا سومه ؟ سومه : بكلم اصحابى فى حاجه ؟ سلمى : لا اصلك مركذه اوى وعنيكى كده مش طبيعيه ؟ ام منير: فى ايه يا سلمى ما تلمى ثعابينك ياختى مالك بالبت سلمى : فى ايه يا ماما انا بتكلم عادى اصل انا ملحظه ام منير : ملحظه ايه سومه زى كل البنات اللى بتقعد على النت مش كفايه ليل نهار فى البيت لا بتروح ولا بتيجى ولو خارجة رجلى على رجلها انا مربيه بنتى كويس سلمى : انا مقولتش حاجه انا كنت هقول ام منير : قالك الال وتعب السر يا ماخفيه ملكيش داعوه فهمه ولا لا سلمى : ماشى يا ماما لما يجى محمود ام منير: يبقى يورينى لما يجى هيعمل ايه سلمى : انا داخله اوضتى ( وداخلت اوضتها ) ام منير: مش كفايه قاعده وصبرى سنه بحاله مجبتيش للواد صرصار سومه : خلاص بقى يا ماما متكبريش الموضوع ام منير: اسكوتى انتى لازم اكسر نفسها عشان تتلم سومه : طب انا هدخل انام عاوزه حاجه ؟ ام منير : تنامى الساعه 7 سومه : هعمل ايه بس مفيش حاجه اعملها هدخل انام احسن ام منير : طيب ادخلى نعمه ( اخت فكرى ) : كتر خيرك يا فكرى حلوه اوى فكرى : خودى كمان ده لكريم موبيل وده بقى لساره عروسه زى كركر ام فكرى : ايه كركر كركر ما تقولى كاريمان وحش كركر ده فكرى : بندلعها يا ماما فيها ايه ؟ ام فكرى : لا دلع البنات وحش نعمه : المهم ملقتش عقد حلو لجوزى يا فكرى بدل الشغل هنا فكرى : انا قولتلو اكتر من حاجه وهو يقول مش عاوز يسافر ويسيب العيال نعمه : طب بس دورلو واانا هفضل ازن عليه فكرى : طيب ماشى هدورلو ماما انا هاخد الهام و العيال يومين كده نسافر افسحهم نعمه : هتروحو فين ؟ فكرى : اى مكان بقالى سناتين مخرجتهمش نعمه : ومالو روح مش عيالك ام فكرى : طب وهتخودنا معاك ؟ فكرى : انا قاعد شهر يومين مع العيال وهبقى ارجع ويومين كده نسافر كلنا ام فكرى : طيب برحتك فكرى : ماشى انا طالع بقى تصبحو على خير ( وطلع فكرى وساب امو واختو ) نعمه : ممكن متقوليش لفكرى ياخودنا معاه تانى احنا كده بنفرض نفسنا عليه ام فكرى : يعنى لو روحنا معاه فيها ايه هو غايب عنى بقالو سناتين هو مش ابنى نعمه : الهام هى اللى عاوزه يبقى ليها انا فهمه دماغها شوفى امها وابوها واخواتها اول ما فكرى جه جم واخدو هدايه قد كده وجاى يضحك عليا بموبيل للواد وجلبيتين انا وجوزى وعروسه للبت ام فكرى : اه ما الهام كسره عينو عشان بتربيلو تامر نعمه : كنا فكرنها طيبه وكويسه عرفت تضحك على الواد رايح جاى يقولها ماما ماما ام فكرى : اه عندك حق تامر : لا اسكندريه وحشه وزحمه تعالو نروح شارم فكرى : لا غاليه اوى يا تامر واحنا 6 هندفع كتير الهام : بص نروح مرسى مطروح حلوه ورخيصه وكمان نأجر شقه بلاش فندق عشان نعمل اكل برحتنا فكرى : اه بس بعيده اوى الهام : مش مهم نروح بالاتوبيس تامر : انا كنت عاوز اروح شارم او الغردقه فكرى : انا مقدرش اوديكم كده اتجدعن انته وذاكر واشتغل ولما تكبر ابقى روح انته شارم محمد : هى مطروح دى فيها بحر ؟ الهام : اه بس هنروح لوحدنا ما ناخد عيال نعمه وامك معانا فكرى : لا انا عاوز انا وانتى والعيال مش هناخد حد وائل :طب ناخد خالتو تقى معنا عشان خاطرى فكرى : لا نروح لوحدنا ولما نرجع كام يوم ونروح كلنا وائل : بس المره التانيه ناخد خالتو تقى فكرى : ونجوى كمان وائل : لا نجوى لا الهام : عيب يا وائل ليه كده وائل : عشان رخمه وكل ما نلعب لعبه هى تكسبنا خالتو تقى بتخسر فكرى : يا انتهازى انته ام فارس : تقى تقى ( قربت منها وهزتها ) تقى انتى نايمه نامى يا حببتى نوم العافيه يا رب ( خارجت ام فارس من الاوضه وكانت تقى عامله نفسها نايمه اول ما خرجت ام فارس من الاوضه قامت وقعدة على السرير ) تقى : انا هفضل قاعده كده مش عارفه اعمل حاجه انا لازم اتصرف بس هعمل ايه محدش هيرضى يشغلنى انا حمل تقيل اوى على بابا اعمل ايه يا ربى طب ما اتجوز ربيع واهو جوازه والسلام بس ربيع ده وحش اوى وكمان انا معرفوش ما يمكن يكون حلو انا بقالى اكتر من 10 سنين مشفتهوش وكمان هو ابن عمى اكيد هيحافظ عليا انا عمرى ما هتجوز وربيع فرصه مش هتتكرر يا رب انا عمرى ما داعيتك وسبتنى اكتبلى الخير يا رب يا رب انا ضعيفه اوى اكرمنى يا رب لو ربيع خير ليه جوزهونى يا رب ولو شر وتعب ليه ابعدو عنى يا رب ام هدى : طب وخلاص كده فارس هو اللى هيصرف على ابوه ؟ هدى : طب يعمل ايه ما هو ابنو الوحيد ام هدى : ما اختو البت اللى اسمها نجوى دى تشتغل هدى : دى دارسه زراعه هتشتغل ايه انتى شايفه الارض الزراعيه مترميه ام هدى : مش عايشين فى بنها ودى بلد ارياف وزراعه ؟ هدى : بيتهيقلك دى كلها مبانى دلوقتى ومحلات وزى القاهره مبقاش فيها زراعه زى الاول ام هدى : اومال الارض الزراعيه راحت فين ؟ هدى : بنو عليها كل واحد عندو ارض بنى عليها بيت وجوز عيالو فيه ام هدى : اومال احنا كمان كام سنه هنزرع فين ؟ هدى : انا مالى دلوقتى هنزرع فين انا فى مشكلتى انا وفارس هنعمل ايه يا ماما ام هدى : بقولك ايه انا جايه اقعد معاكى عشان اتسلى هتفضلى تندبى هقوم انا مش عاوزه وجع دماغ هدى : ماما انتى امى اقفى جنبنا ام هدى : عوزانى اعمل ايه هدى : عاوزه اعمل لفارس اوضه فى العياده بتاعت بابا واكون انا وهو ام هدى : اه عشان ياخد العياده منك لا طبعا مش موفقه هدى : طب انا لما اولد كده كده العياده هتتقفل فتره هو بقى يشتغل فيها ام هدى : لا انتى اللى هتنزلى تشتغلى هدى : طب والبابى مين هيقعد بيه ام هدى : خلى فارس يجيب اختو تقعد بالبابى هدى : مين نجوى لا نجوى لا ام هدى : خلاص خلى التانيه اللى هى تقى هدى : وهى هترضى ؟ ام هدى : وهتقول لا ليه قولى لفارس بس انتى ( وتانى يوم نجوى راحت الشغل عند سليمان وخلاصت كل الشغل اللى مطلوب منها ورجعة بنها وقابلت منير ) منير : مش حرام عليكى اجمل ادين لاجمل بنوته تبوش من المايه والصابون نجوى : عادى بقى يا منير شوف 300 جنيه فى 7 ساعات شغل بس منير : ولا فلوس الدنيا تسوى تعبك نجوى : طب اعمل ايه بابا هيغسل يوم السبت ولازم يكون معانا 300 جنيه دا غير مصاريف البيت منير : اه لو فى ايدى حاجه اعملها بس انا مش عارف اعمل ايه نجوى : بقولك انا هعرض عليك عرض التاكسى بتعنا محتاج حد يشتغل عليه ايه رئيك تاخدو انته اخرج من المدرسه اشتغل عليه واهو اللى ربنا يرزوقنا بيه منير : مدرسه انتى معرفتيش المصيبه اللى حصلت ؟ نجوى : قول يا منير المصيبه انا بقالى اسبوع بسمع مصايب قول يا حبيبى منير : وازير التعليم الجديد اصدر قرار بمنع اى حد يدارس او يشتغل فى المدارس الحكوميه مش تربوى نجوى : تربوى يعنى ايه ؟ منير : يعنى مش خريج تربيه او على الاقل معاه دبلومه تربيه نجوى : وده ايه يعنى مش فهمه منير : يعنى انا اترفت من المدرسه وباقيت صايع نجوى : والعقد اللى انته شغال بيه ؟ منير : ملغى لانى مش تربوى نجوى : طب احسن اقولك انا كل يوم هجبلك التاكسى ونروح القاهره تشتغل هناك ونرجع سوى منير : هى فكره بس ابوكى واخوكى هيرضو نجوى : انا قولت لبابا ان هدى التاكسى لواحد ابن الراجل اللى بشتغل معاه انا هدهولك من وراه وخلاص منير : بس اخوكى لو عرف هينفخنى نجوى : انته بتخاف منو ولا ايه ؟ منير : لا انا بحترمو بس نجوى : طيب عملتلى ايه فى الباقه منير : انا مش موافق انك تدخلى النت نجوى : ليه ؟ منير : هتكلمى مين ؟ نجوى : تقى وانته وكمان انا بفكر اعمل شغل لحسابى انا وتقى على النت منير : ازاى ؟ نجوى : هحكيلك انا انهارده وانا بنظف الشقه لوحده وبعد ما خلاصت داخلت المطبخ لقيت ايه بقى ؟ تفتكرو نجوى لقت ايه فى المطبخ ؟ يتبع..... | ||||
|
| |
|
02-10-16, 04:18 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه { 8 } نجوى : تقى وانته وكمان انا بفكر اعمل شغل لحسابى انا وتقى على النت منير : ازاى ؟ نجوى : هحكيلك انا انهارده وانا بنظف الشقه لوحده وبعد ما خلاصت داخلت المطبخ لقيت ايه بقى ؟ مدام هاله : معلش يا نجوى نضفى الفراخ دى وكمان حطى البيض فى التلاجه بس اغسليه الاول نجوى : ايه دا يا مدام دى فراخ بلدى ؟ هاله : اه اصل انا جوزى مش بياكل غيرها مش بيحب التانيه الولاد بقى بيحبو الفراخ البيضه نجوى : بس دى زفره اوى لا مش بلدى دى دى اقولك دى بلدى مزارع هاله : هو فى حاجه اسمها بلدى مزارع هو البلدى انواع ؟ نجوى : اه طبعا المزارع بتجيب الفراخ البلدى وتربيها فى المزرعه ويدوهم هرمونات ويئكلوهم علف فا بتبقى زفره كده لاكن البلدى اللى بتتربى فى البيت بتبقى احلى هاله : طب وانا هجيب فراخ من البيوت منين ؟ نجوى : يا سلام اجبلك انا وكمان لو عاوزه بيض وارانب هاله : انتى ناقص تقولى اجبلك بط ووز نجوى : لو عاوزه اجبلك وكمان لبن معيز حلو اوى اصلى هاله : وحلو ده ؟ نجوى : احلى لبن خصوصا للى عندهم سكر عشان مفهوش دهون هاله : اه صح وانتى عرفتى منين ؟ نجوى : انا خريجت زراعه ودارسه الحاجات دى فى الكليه هاله : طب اقولك تجبيلى فرختين اجربهم ؟ نجوى : من عنيه هاله : وكمان كيلو لبن اجربو وعندك بيض بلدى ؟ نجوى : اه طبعا هاله : خلاص هتيلى 20 بيضه نجوى : حاضر هاله : كام بقى كل دول ؟ نجوى : اااااااااا ن فراخ واااااااا 20 بيضه واااااا كيلو لبن طب بصى 90 جنيه هاله : ليه الفراخ الكيلو بكام ؟ نجوى : فى السوق الكيلو ب 27 والفراخ عندنا كبيره 2 كيلو واكتر يعنى هاله : ( حسبتها بسرعه لقت ان 90 جنيه اقل من السعر الحقيقى ) طب حلو اوى 90 ماشى بس تجبيلى الفراخ نظيفه ومغسوله نجوى : طبعا هاله : طيب خلصى بقى دول قبل ما تمشى نجوى : حاضر نجوى : بس وهجبهمله يوم الحد اللى جاى واخت فلوسهم كمان 40 جنيه منير : انتى مش قولتى 90 نجوى : لا مانا جبت كرتين شحن للموبيل انا و تقى عشان نعمل المشورع اللى بقولك عليه على النت وانته معانا كمان يلا يا عم منير : مشروع ايه يا مهبوشه على رئي سليمان ههههههههه نجوى : الله هو انا عشان بحكيلك هتمسكها يا مهبوشه افهم بس مشروع نوصل فراخ وارانب وبط ووز وحمام بيتى متنظفه لحد البيت وكمان بيض بلدى انته عارف البيض البلدى فى القاهره بكام فى القاهره ؟ منير: لا معرفش نجوى: 65 قرش الوحده لو انا بعتها 5 فى طبق ومتكيسه الطبق ب 3 جنيه وحش ؟ منير : لا حلو بس انتى كده هتبيعى البيضه ب 60 قرش مش 65 نجوى : ما ده العرض بقى وبعدين احنا الحمد لله الفراخ عندنا بتجيب بيض كتير التلاجه عندنا مليانه من كترو بعملو كريم كرامل ومسكات على وشى وشعرى منير : انا طب انا هشتغل ايه انا معاكم وتقى هتشتغل ايه ؟ نجوى : انته كل ده مفهمتش انته مدرس ازاى العيال فى الفصل كانو بينجحو ؟ منير : العيال ادينى فى الشارع لا فصل ولا نيله نجوى : تقى هى اللى هتربى الحاجات دى فوق السطوح عندنا وكمان انته هتوصل الحاجات دى من الالدرات اللى هتجلنا على النت وكمان هنعمل اعلان فى الفيس اى حد عاوز يروح مشوار او يودى عيالو المدرسه ويجبهم انته توديه تعرف الست اللى روحتلها انهارده احفادها بيدفعولهم فى الباص طول السنه 4000 جنبه لكل عيل 1000 جنيه نجوى : انا بقى فكرت لو انته تروح تاخد العيال وتروحهم بالتاكسى وكل شهر تاخد 500 جنيه منير : هتمرمت يا نوجى كده نجوى : وايه يعنى لما نتعب واحنا صغيرين ونرتاح لما نكبر ها قولت ايه ؟ منير : هى فكره نجرب نجوى : قولى بقى اعمل باقه ايه للنت تقى : ايوه بس انا اخاف ابوظ شغلك نجوى : تبوظى ايه بس لا متخفيش بس احنا الحاجات اللى فوق السطوح دى مش هتكفى لو ربنا كرمنا احنا المفروض نكبر شويه تقى : طب نعمل ايه ؟ انا بفكر نعمل اكتر من عشه هنا وكمان ندارى الاوضه دى نعملها سقف عشان الغربان ماتخطفش الفراخ والبيض تقى : طب والمعيز ؟ نجوى : فكرتينى لازم نشترى معزه او اتنين كمان عشان اللبن تقى : طب وهنجيب فلوس منين ؟ نجوى : انا فكرت ابيع الحلق والخاتم بتوعى تقى : طب وماما نجوى : بقولك ايه اكبرى بقى مش كل حاجه ماما احنا كبرنا وفى القانون احنا كاملين الاهليه مسؤلين عن نفسنا تقى : طيب انا هعمل اللى تقولى عليه نجوى : شاطره ايه ده سيلمان بيتصل ؟ الو سليمان : ربنا كشفك يا ضلاليه يا ام زمه كوتش بتعملى شغل من ورايه نجوى : فى ايه يا سليمان مالك حصل ايه ؟ سليمان : بقى تقولى لمدام هاله ان هتجيبلها طيور وبيض ولبن بس ماتقوليش لسليمان قدينى عرفت نجوى : وعرفت منين بقى ان شاء الله سليمان : ما مدام هاله صحبت مدام ايفون ومدام ايفون انتيمت مدام شيرين ومدام شيرين دى بقى مش بيتبل فى بقها فوله نجوى : امممم طب ايه عاوز ايه ؟ سليمان : نسبتى نجوى : قشطه هاتلى زباين وخود نسبتك سليمان : ازاى ؟ نجوى : هاتلى طلبات وانته ليك 10% سليمان : ايه 10 لا 30 نجوى : اخرك 20% قولت ايه ؟ سليمان : ديل نجوى : هههههه ديل بواب من لبنان ده ولا ايه سلام يا سليمان سليمان : انا هلف على السكان وبكرا هقولك على الطلبات تجبيها معاكى نجوى : لا بلاش بكرا انا هجيلك يوم الحد سليمان : لا بكرا الخميس لازم تيجى نجوى : فى شغل يعنى ؟ سليمان : اه طبعا نجوى : قشطه جيالك يا سولم سلام تقى : نجوى انا مش عاوزه ادخل موبيلى نت نجوى : ليه ؟ عشان تكونى اون لين دائما ونكلم بعض وكمان زى ما قولتلك الاعلانات اللى هنعملها تقى : اخاف حد يعكسنى على النت نجوى : انتى اللى يفكر يعكسك هزقى امو واشتميه فهمه تقى : طيب امرى لله مش انا فكرت فى ربيع ؟ نجوى : اه ووصلتى لئيه ؟ تقى : انا بفكر اتجوزو دى فرصه نجوى : بت قومى من وشى وانتى باقيتى زى ماما كده انتى بتحبيه ؟ تقى : يمكن احبو نجوى : ولو محبتهوش هتعيشى طول عمرك تاعيسه معاه بعدين انتى حره عشان مترجعيش تقولى انتى وماما انى ممشياكى انتى حره انا هنزل اشوف ماما وبابا ( وعدى اليوم وتانى يوم راحت القاهره وكان معاها منير ، منير فضل يشتغل طول اليوم فى القاهره ونجوى بعد ما خلاصت روحو سوى ونجوى اخدت التاكسى منه على اول البلد وروحت ) نجوى : اتفضل يا حج ايراد اليوم 250 جنيه من 8 الصبح لحد 5 حلو كده ؟ ابو فارس : ماشاء الله الفلوس دى اوعى تكونى انتى اللى جيباها من فلوسك ؟ نجوى : لا والله بص اهو فلوسى اها 300 جنيه اكتر من التاكسى يا عـــــــــــــام ابو فارس : يا عام ما تقوليلى يا درش احسن ؟ نجوى : اقولك لو عاوز انا من ايدك دى لايدك دى ام فارس : يا بت بلاش تتكلمى كده انتى بنت نجوى : طب مانا بتكلم كأنى بنت اومال شيفانى ايه ؟ ام فارس : بت متحوله مشروع ايه اللى هتعمليه انتى واختك ؟ نجوى : هى قالتلك ؟ ام فارس : اه هى قالتلى وانتى لا اكونشى عدوتك يا بت هو انا مرات ابوكى نجوى : اه انتى مرات ابويا ام فارس : قطع لسانك ابو فارس : عيب يا نجوى دى امك نجوى : عيب ايه والله هى مرات ابويا ابو فارس : يا بنتى انا بقول انى مربيكى كويس عيب كده دى امك نجوى : ماشى يا بابا ما هى امى بس مرات ابويا برضو ام فارس : قليلت الادب يارتنى ما خلفتك نجوى : هههههههههه طب افهمى بس افهمى مش انته يا بابا ابويا ؟ ابو فارس : اه للاسف نجوى : وانتى يا ماما متجوزا مين ؟ ام فارس : متجوزه مين متجوزه ابوكى ؟ نجوى : طيب يعنى هى مراتك يبقى انتى مرات ابويا ابو فارس : هههههههههه انتى مصيبه ( كل ده وتقى قاعده وسطهم وشايفه اختها نجوى هى اللى بتتكلم وتهزر وتروح وتيجى وهى ولا حاجه ) نجوى : مالك يا تقى ؟ تقى : مفيش هتكلى ؟ نجوى : اه تقى : هروح اعملك اكل ( ووقامت تقى وسابتهم وداخلت المطبخ ) نجوى : هى مالها ؟ شكلك مزعلها ؟ ام فارس : لا والله ما كلمتها ابو فارس : تلاقيها بتفكر فى بكرا نجوى : امممم طيب فارس : تقى تقعد بالبابى تفتكرى هتعرف ؟ هدى : نجرب واهو بدل ما تفضل قعده فى البلد وكمان نشيل مصاريف من على باباك فارس : هى فكره بس اخاف هى ترفض وكمان انا بحب اكون على رحتى فى البيت هدى : وهى هتعملنا ايه دى حتى تقى هديه وجميله والله انا اكتر واحده بحبها من اخواتك فارس : خلاص لما تولدى نشوف لسه بدرى هدى : انا انهارده اول يوم فى الثامن فارس : الحمد لله ربنا يكملها على خير مش بابا لقى حد يشتغل على التاكسى هدى : بجد ؟ فارس : وكمان نجوى اشتغلت فى شركه بتسوق حاجات وبابا وماما بيقولولى الحمد لله شغلها حلو اوى وبيكسب هدى : يعنى كده الحمد لله ربنا سترها ومش محتاجين مننا حاجه فارس : اه بس برضو لازم ادفع حتى لو اسبوع من الغسيل هدى : 600 جنيه اعمل اللى شايفو صح فارس : يخليكى ليه يا رب هدى : صحيح انا عاوزه حاجه كده بس متتريقش فارس : اكيد حاجه من حاجات امك اللى تفقع قولى هدى : ماما عاوزه تجيب نت فى البيت وكمان تشترك فى قنوات osn بس انا معرفش اشترك ازاى ؟ فارس : امك دى مش هترتاح غير لو روحت وشلت المراره هى بتعمل كده ليه فيه مش حرام عليها دانا زى ابنها هدى : معلش هى واخده على مستوى معين هنعمل ايه و ااااااا واااااااااا وواااااااا فارس : ايه قولى هدى : عاوزه تشترك فى نادى الزمالك فارس : هى امك زمالكويه ؟ هدى : اه فارس : اه انا عرفت هى بتعمل كده ليه عشان انا اهلاوى بطلعو عليا هدى : خلاص يا فارس متزعلش خالى بقى فارس : مالو خالك ؟ هدى : عاوز يشترك فى صاله للبولنج فا عاوزك تروح معاه فارس : بولنج اممم ما هو كده سبحان الله اصل البشر 3 انواع ناس معندهاش احساس بالناس وناس كل تفكرهم فى غيرهم وناس محتاره بينهم زيى كده ( وتانى يوم الصبح راح فارس البلد ) ام فارس : طب مانا قولتلك هدى اهلها مش زينا دول ناس بيفكرو فى الرياضه والموضه واللبس فارس : هدى ملهاش دعوه امها هى اللى ست دماغها ضربه دى عاوزه تركب نت فى البيت عشان تلعب كاندى كراش والمزرعه وايه تقولى اصل الانستجرام مش عارفه فى كام متبعنها محسسانى انها يسرا ابو فارس : ههههههههه ضحكتنى يا فارس معلش زى امك استحملها ام فارس : يا عينى عليكى يا نجات اخر مره روحتى الكوافير كان فى فرح اختك من 10 سنين ابو فارس : وتروحى الكوافير ليه دانتى زى القمر وبعدين دول بناتك كبرو بقو عرايس فارس : اه صح هو التؤمتان فين ؟ ابو فارس : مش سامع الدق فارس : هو الدق ده عندنا ؟ ام فارس : اه اختك هتعمل مشروع فراخ وبيض فوق السطوح فارس : بنت المجنونه ام فارس : اخرس يا جازمه انا مجنونه فارس : انا اسف والله يا ماما خقك عليا ايدك ابوسها وراسك كمان انا اسف مقصدش واالله ام فارس : لا زعلانه فارس : اعزورينى والله دا ام هدى مخليانى الف حولين نفسى لا ومش هى دا كمان اخوها خال هدى جاى الاسبوع الجاى من تركيا وهيعيش مع ام هدى فى نفس الشقه ابو فارس : خالها مين هيثم ؟ فارس : شفت اللى ابنك فيه ام فارس : هههههههه احسن عشان روحت واتجوزت هدى وانا مكنتش موفقه فارس : انا هطلع اسوف البنات ابو فارس : طب ما تتأخرش عمك زمانو جاى وكمان بليل منير جاى هو وابوه واخواتو عوزين نقرس عليهم بس بالعقل وكمان خلاص يا فارس اختك بتحبو وهو كويس فارس : حاضر سومه : بعدين معاك بقى انته ليه بتكلمنى كده ؟ يوسف : اعملك ايه قولتلك هتيلى صور لتقى وانتى ولا هنا سومه : مش بقولك مش بنروح عندهم اعمل ايه انا طا يوسف : خسارة حبى ليكى يا سومه وانا اللى فاكر لما اطلب منك حاجه هتعمليها سومه : طب اصورهالك هتستفيد ايه لما تشوفها يوسف : انى اعرف انا غالى عندك ولا لا سومه : يعنى انا مهم انك تكون غالى عندى ؟ يوسف : اه طبعا هو انتى حسه نحيتى ايه ؟ سومه : انا لا عادى يوسف : ماشى بس لو جبتيلى الصوره هعاملك موفجئه سومه : ايه ؟ يوسف : لا حاجه بقى كده متخطرش على بالك سومه : طيب انا هصورهالك انهارده يوسف : لما اشوف الهام : الله يا فكرى البحر حلو اوى فكرى : اه الهوا جميل انا محروم منه فى السعوديه الهام : حر ؟ فكرى : موت مفيش هوا كلو تكيفات الهام : بس يعنى انا فى حاجه كده المرادى مش فهماهم الحمد لله المرادى نازل معاك فلوس كتير فكرى : هههههههه الحمد لله ربنا كرمنى بواحد غنى اوى مخلف 10 عيال واتفق معايا ادى ولادو دروس فى البيت الهام : دروس ايه انجليزى ؟ فكرى : كل المواد الهام : وانته تعرف ؟ فكرى : خت الكتب قارتها فهمت اللى فيها باقيت اذاكرلهم اخرج من المدرسه اروحلو البيت اكل وشورب بقولك 10 عيال الهام : وكل دول من ست واحده ؟ فكرى : لا 4 الهام : فكرى اوعى تفكر تتجوز عليا فكرى : لا متخفيش عمرى ما هعملها طول مانتى مريحانى الهام : يخليك ليا فكرى : تنزلى البحر ؟ الهام : بجد ترضى ؟ فكرى : اه ما كل الناس هنا بينزلو جات عليكى يلا يلا دا المايه شكله حلوه شوفى العيال فى المايه فرحانين ازاى الهام : اه يلا نروحلهم خود انته شيل كركر ( فارس طلع السطوع لقى نجوى متشعلقه بتمسمر السقف وتقى بتنولها الخشب من تحت ) فارس : الله ينور يا اسطى نجوى : انته جيت ونبى ما ناقصه تريقتك ايدك معايا عشان اخلص الاوضه اعملها سقف فارس : لا انا دكتور ماليش فى حاجات الصنايعيه نجوى : ماشى يا فارس برحتك انا هدق ما اصل خلاص الرجاله ماتت فى 73 والباقى مات فى 25يناير فارس : ما تتلمى يا بت انتى مش شيفانى راجل ؟ نجوى : طب ايدك معايا يا سى الراجل ورينى فارس : ماشى يا نجوى فين الشاكوش تقى : اتفضل فارس : ( اخد الشاكوش وعمل مع نجوى الاوضه ) ها راجل ولا مش راجل نجوى : كان لازم استفزك عشان تساعدنى فارس : ايه ده هو ده كان استفزاز ؟ انا افتكرتو قلت ادب نجوى : هههههههه لا استفزاز تقى : ههههههههه كل مره تضحك عليك فارس : عشان انا طيب وقلبى مش خبيث زيك يا نجوى نجوى : طب يلا اعمل معانا بقى عشان نكمل فارس : ايه تانى نجوى : العشش ربنا يخليك الطوب تقيل علينا احنا بنات انته اخونا الراجل فارس : طب عاوزه ايه اعمل ايه ؟ نجوى : بص الطوب ده حرف l بين الحيطه دى ودى فارس : ماشى فهمتك ( فضل فارس يساعد نجوى وتقى وعملو الاوضه جهزوها وعلى الساعه 12 ) فارس : كده تمام ؟ نجوى : تعشلنا يا رب اخونا حببنا فارس : انا نازل بقى اصلى الجمعه مع بابا بس هستحمى كلى تراب نجوى : فى الشامبو بتاعى انا وتقى حلو استخدمو والجل شاور برضو لوعاوز فارس : ماشى مش نازلين ؟ نجوى : لا نزلين بس هنعمل كام حاجه كده ( نزل فارس اخد شور وغير هدمو من اللبس اللى لسه موجود فى البيت وراح يصلى هو وابوه وهما فى الجامع قابلو منير وابوه واخواتو بعد ما خلصو الصلى راحو على البيت معاهم ) ابو فارس : احنا مش عاوزين خراب البيوت يا رزق بس اللى ابنك عملو وكمان الحجه ام محمود ميتسكتش عليه ابو منير : والله انا هزقتو على موضوع الشبكه الصينى دى متزعلش دى نجوى تتاقل بالاماظ بس معلش ابنك وغلط وام محمود اهو انته عارف جنان الستات معلش امسحها فيه احنا شاريين نجوى محمود : امى انته عارفها يا عمى والله دى كل يوم هى وسلمى تتخانق معاها هى كده هنعمل ايه ؟ فارس : انا تقولى انته رئيس العصابه ومراتى الدكتوره بنت اشهر دكتور اطفال فى مصر الله يرحمك يا عمى تقول عليه رقاصه احمد : معلش ست كبيره منير : انا اعتزرتلك يا فارس بقى معلش ابو فارس : طب لو نسينا الشتيمه والاهانه الشبكه اللى ابنك ضحك علينا فيها دى مصيرها ايه ؟ ابو منير : شبكة نجوى عليا هجبهالها انته عاوزها بكام ؟ ابو فارس : انا متفق على 10 الف جنيه مع منير ابو منير : انا هجبهالها دين فى رقبتى قبل الدخله هجبلها الشبكه ( جرس الباب رن عم نجوى جه ومعاه ولادو ) ابو فارس : ( قام يفتح الباب ) فارس : ( بأستفازاز ) دا عمى اظاهر جه لما عرف ان منير فسخنا الخطوبه معاه جه عشان يخطب نجوى لسراج ابنو منير : ( بدون تفكير ) نعم اصلا نجوى متنفعش تتجوزغيرى فارس : ليه بقى ؟ منير : عشان نجوى حامل منى انا وهى متجوزين عرفى ابو فارس : ( داخل الاوضه ومعاه عربى وعيالو ربيع وسراج ) اتفضل يا عربى نورت ايه يا فارس مالك ؟ فارس : " " " تفتكرو فارس هيعمل ايه ؟ يتبع...... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
