آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-10-16, 12:49 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحلقة التاسعة اول ما روحت البيت جريييت على ماما احكيلها طبعا ومامتى قالت لبابا وقالها نديله ميعاد يوم الخميس الجاى يووووه انهاردة لسه الاتنين , يارب الايام تعدى بسرعة بقىىى رحت طبعا قولتله وقاللى يااااه لسه هستنى للخميس؟ ايوة بقي الواد واقع واقع اه طبعا مانا لولو المهم الخميس وجه هشام مع مامته وكانت الصدمة بالنسبالى ان بابا رفض لانه لسه طالب بيدرس وان اى كلام دلوقتى هيعتبر لعب عيال وقال انه لما يتخرج ويتعين بالفعل لو لسه حابب يتقدم فهنرحب بيه لو لسه ايه بس يا بابا الله يرضي عليك دى البنات مابتصدق توقع عريس اليومين دول اعمل ايه انا دلوقتى افرض بنت كده ولا كده لفت عليه ووقعته ونسانى عاااااااااا انا عايزة اتجوز ماليث دحوووووة جوزووووووونى لقيت مامت هشام حاولت تتدخل ايوة بقي يا حماتى الكميلة انا شكلى هحبها الست دى وقعدت تشرحله ان هشام بيعتمد على نفسه من وهو صغير وانه عنده شقته المستقلة واننا حتى السنة دى نتخطب والجاية نتجوز يكون هو اتعين وان وعد منها هيا شخصيا انه مش هياثر عليا ولا على دراستى بالعكس هيساعدنى الست بصراحة كلامها كويس جدااااااا يعنى انا كعلياء اقتنعت بس على مييين بابا صمم على رأيه وبابا طلب منه انه يبعد عنى ومايعلقنيش بيه عشان مايعطلنيش عن دراستى وخلى هشام وعده بكده تانى يوم في الكلية شوفته لقيته عمل نفسه ولا كانه يعرفنى اصلا , بس لقيت ياسمين جاية وبتديننى جواب ومشيت فتحت الجواب لقيته مكتوب فيه عزيزتى علياء لقد وعدت والدك بالا اتعرض لك ثانية وانتوى ان افى بذلك العهد فبعد ان تقرئى ذلك الخطاب لن يكون بيننا اى حوار مرة اخرى , فقط اردت ان اخبركى اننى احبك من اعماق قلبى وسانتظرك ولو طال العمر و ارجو ان تنتظرينى انتى ايضا . المخلص لكى دائما وابدا هشام اهئ اهئئئئ هستناك ياخويا وانا هروح فين يعنى يارب السنة دى تطير بقي وماتكونش كبيسة بس ايه جو الافلام القديمة ده!! و عدى الوقت بطئئئئئ ابطء من السلحفاة بس اخيرا جه اليوم اللى اتخرج فيه ورئيس القسم بتاعه قاله يجهز ورقه خلاص عشان التعيين ولقيت بابا بيقوللى انه جاى يتقدملى وهقابله بكررررة مش بعد بكررررة تيرراراراراااااا غريبة جاب رقم بابا منين ده؟ يالا المهم انه جابه وجاى خلااااص ولا هو اكل وبحلقة ايوة بقي وهقابله بكرررة تيرارارارا ومش بعد بكرة تيرارارارارا روقت البيت بقي ترويقة من اللى هيا مايعلاش عليها ابداااا وقعدت عملت ماسكات رغم انى طبعا امورة ومش محتاجة اصلا (اللهم زدنى تواضعا) وانا علياء هانم بجلالة قدرها دخلت المطبخ وعملت شوية حلويات بقي , اه لازم يعرفوا انى شاطرة في المطبخ كمان وخرجت وطبعا كنت محتارة البس اييييه ياربي البس ايييه واستقريت على طقم ماما بتقول طرحته حلوة على وشي والمغرب اذن صليت المغرب ولبست هدومى وقعدت استنى والمفروض ميعادهم بعد المغرب والمغرب اذن وماجوش والعشاء كمان اذنت وبرده مافيش ولا حتى اتصلوا يعتذروا واستنى استنى لقيت ماما بتقوللى شكلهم مش جايين يابنتى ادخلى غيري هدومك هو غير رايه بعد كلللل ده ولا اييييييه؟؟ اه يا حوستى يانى ياماااا دخلت غيرت هدومى وقعدت اتقلب عالسرير رايح جاى وماكنش جايلي نوم خالص يارب ماجاش ليه؟ وصحيت ورحت الكلية واحنا في الاجازة قولت يمكن يروح يخلص ورقه ولا حاجة قعدت ادور عليه مالقيتهوش طب اعمل ايه واجيبه ازاى ومنين يارب انا دلوقتى اييييوة بابا قال اان هشام اتصل بيه يعنى اكيد معاه رقمه انا هروح اخليه يتصل بيه روحت البيت كان بابا لسه ماجاش قولت لماما اكلم بابا اخليه يكلمه قالتلى استهدى بالله يابنتى الدنيا مش هتطير استنى لما يجى ولما جه جيت اقوله قالتلى استنى بس ياكل اللقمة واللى بعدها كان الشاى وانا استنى وبعدها ريح شوية وانا استنى ونام وانا بستنى ايييييه يا ماما كلللللل ده الصبر من عندك يااارب لاا اوعوا تفكروا انى مدلوقة عليه لااااا دانا العرسان عالباب طوابير طوابيييييير بس النفس اللى تقبلسعيدة قوي بالليل بقي قولتله لقيت بابا بيقول وانتى فكرك انى مماتصلتش يابنتى اتطمن انا اتصلت واعتذرلى طبعا عايزين تعرفوا ماجاش ليه؟ يخربيت الفضول ماشى خلااص هقول ماتزقوش بس طلعت عمته عندها اسهال ايه علاقة الاسهال بالحاجات معرفش طب ايه علاقة عمته بالموضوع اساسا برده معرفش ده مش اسهال ده استهباااال عرفتم خلاص؟؟ارتاحتم بقي؟ المهم طلعوا حددوا ميعاد تانى الخميس الللى جاى يعنى استنى تااانى؟؟! انا معرفش مالهم ومال الخميس ما عادى يعنى الاتنين اخوه في الرضاعة وكيوت برده والسبت اجازة ومافيش احلى منه ولا الجمعة ماقولكوش عالجمعة وجمال الجمعة اشمعنى يعنى الخميس؟؟ ولا عشان الاغنية يا ولاد بلدنا يوم الخميس منه له المغنى ده ماكنش عارف يقول يا ولاد بلدنا يوم الجمعة ولا السبت ولا اى يوم تانى من ايام ربنا ولا هو يغنى ويقرفنا بعمايله المهببة يالا لما نشوف اخرتها المهم قولت اعملى باصلك يا بت يا لولو وكلميه اتطمنى على عمته اه هتطمن على عمته قصدكم ايه يعنى؟تكونوش فاكرينى بتلكك عشان اكلمه لاااااا انا بس احب الاصول امال ايه المهم اتصلت وجرس بيرد وماحدش بيرن يووووه قصدى جرس بيرن وماحدش بيرد لا خلاص مش ههتصل تانى هو حر بقي ولا هو هيتنك عليا المعفن اكمنه هيتعين واصلا مش هكلمه تانى ولو حاول يكلمنى مش هرد عليه انا غلطانة اصلا انى بعبره ده بيرن اهو -ايوة السلام عليكم امال انت مابتردش ليه انا بس كنت عايزة اقولك الف سلامة على عمتك -طب براحة الاول وعليكم السلام ثانيا ياستى التليفون كان في الاوضة عما جيت كنتى قفلتى وثالثا الله يسلمك وكويس انك اتصلتى علياء انا محتاج اقابلك ضرورى -انت هتستهبل؟؟ ولا عشان كلمتك خلاص فاكرها بقت سبهللة . انا لولا بس قولت اسال على عمتك المريضة -يا علياء اهدى بس انا مش قصدى حاجة والله انا بس فعلا محتاج اقابلك عشان فيه موضوع مهم جدا لازم اتكلم معاكى فيه ارجوكى يا علياء ارجوكى توافقي -ماينفعش يا هشام واصلا اصلا حتى لو وافقت هنشوف بعض فين يعنى ؟ لالالالا ماينفعش خالص -ياستى نتقابل في الكلية -يا سلااام وانزل الكلية ليه واحنا في الاجازة ان شاء الله؟ -عادى انزلى شوفي النتيجة -مانا كنت لسه هناك انهاردة واكيد ماما مش هتوافق انزل يومين ورا بعض -كنتى في الكلية بتعملى ايه؟ -ها؟؟في نص هدومي انا ؟ كنت بشوف النتيجة اكيد يعنى, هكون كنت بعمل ايه دى حاجة غريبة والله (حد يقطع لسانى الطويييل ده) -نتيجة ايه يابنتى النتيجة مش هتبان دلوقتى خالص لسه بدرى -ها؟؟في نص هدوميفي نص هدومي لا ماهو انا اصلى بحب اتطمن كل شوية كده -طيب ياستى انزلى اتطمنى بكرة كمان وان شاء الله مامتك مش هتعترض ولو عالنتيجة ياستى اجيبهالك انا من الكنترول - كنترول ايه يا دكتور انتي هتعيش الدور عليا ولا ايه هو انت لسه اتعينت ولا نتيجتك طلعت حتى - يا ستي الدكاترة كلهم حبايبي ولعلمك بقى انا جايب نتيجتي ونتيجة كل اصحابى ونتيجة منة صاحبتك كمان (الجذمة مقالتليش يعنى , وانت تجيبلها نتيجتها هي ليه ان شاء الله؟يا سلام ومتعبرنيش انا ؟؟غضبانة جدا تصدق انا مش عايزة اشوف خلقتك اصلا ولا عايزة حاجة من وش اهلك) امسكى اعصابك يا لولوووو وسعادتك تجيب لمنة النتيجة ليه ان شاء الله ؟؟ كانت من بقية اهلك دانت حتى ماعبرتنيش وفكرت تجيبهالى انا - يا حياتي انا مرضيتش اجيبلك النتيجة علشان متبقاش سمعتك وحشة وسط الدكاترة , منة جبنا نتيجتها علشان اخوها انما انتي هقولهم ايه ؟؟حبيبتي وروحي اللي مقدرش استغنى عنها وبموت فيها لما وشها بيحمر كده (ال يعني الواد شايفني وبعدين انا محمرتشمحرجةمحرجة ... مش اوي يعني ...ثبتني ابن اللذينا) مرديتش خالص وبصراحة كنت مبسوطة من كلامه اصله بيجرجرني للرذيلة وانا بيني وبينكم بموووووووووت فيها -ها يا لولا قلتي ايه؟ -متقوليش لولا لو سمحت وبعدين قلت ايه فايه؟ -هتيجي ولا لأ؟ -هتجيبلي النتيجة بجد؟ -اه والله هجيبهالك دلوقتي حالا لوتحبي - انت بتضحك عليا عايز تستدرجني علشان اجي الكلية وخلاص يخويا هتجيبها دلوقتى ازاى والكلية قافلة اصلا -اخوكي؟؟ طيب يا اختى يا حبيبتى انا مش بضحك عليكي ولا حاجة انا هكلملك الدكتور دلوقتي علشان يجهزلي النتيجة بكرة اول مايروح -يجهزهالك يلفها لفة حلوة يعني ولا ايه؟؟ وبعدين هتقولهم انا مين دلوقتي؟ -هقولهم خطيبتي وام ولادي . (الواد طلع مش محترم خطيبته وام عياله ازاااااى؟هار اسوووود) - ولاد مين يا اخويا , انت كده مش بتشوه سمعتي خااااالص. -مستقبلا يعني يا لولو -اهااااااا طويب بس قلتلك متدلعنيش بقى واحترم نفسك وبكرة الساعة 10 هكون فالكلية عشرة ودقيقة ملقتكش همشي تكون هناك من 9 وهنص تستاني .(هعهعهع شوفتوا السيطرة)سعيدة قوي وقفلت السكة فوشه قبل ما يدلعني تاني بقى هو فاكرني ايه بنت من الشارع مش اكمني بديله ميعاد ابقى من اياهم (نحن بنات عائلات محترمات هيهيهيهيهيهيهيييييييييي) المهم بقي رحت انام وحلمت احلام سعييييدة هيييييييح بقي قمت من النوم الساعة 3 الفجر على هاجس فدماغي بيقولي موضوع ايه المهم اللي عايز يشوفني علشانه؟؟ ربنا يستر بقى شكلي كده مش هيجيني نوم تاني النهاردة يا خسارة كان نفسي اكمل اخر حلم . طيب اكلم الزفتة منة دي واشوفها مقالتليش ليه ان زفت الطين جابلها النتيجة البت دي ندلة طول عمرها بكرة بقى ابقى اكلمها هي كمان مانا اكيد مش هتصل بيها الفجر يعنى عيب برده مايصحش وحتى اكون فقت عشان اشرشحلها على رواقة , استلقى وعدك يا منة الشر كله يا ترى ايه الموضوع المهم ؟ اكملكم بقي الحلقة الجاية ان شاء الله | ||||
|  |
|
29-10-16, 12:50 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة العاشر نزلت من بيتنا عشان اروح الكلية وقولت اما اتمشي وكنت عمالة ادندن في السكة بصوتى الملائكى وابقي اسمع حد يعترض عالملائكى دى دانا كروااااان سونة يا سونسون جتلك اهو قبل ميعادي كمان كدهو , جيت مش عارفة ايه بس ايه وقربت عالكلية وببص في الساعة لقيتها لسه 9 ونص ينيلك يا شادية لازم يعني امشي ورا اغانيكى انا لازم اتاخر عليه مش اقل من ساعة هتنيل اروح فين دلوقتي ؟؟ انا هروح البيت اغير الشوز لحسن واجع رجلي يييييييييييييييييه نسيت المفاتيح كده هخبط وماما تفتحلي وتعملي تحقيق خبطت عالباب وماما فتحتلي ايه ده يا لولا انتي لحقتي تروحي وتيجي مش قلتلك متنزليش لسه النتيجة مجتش - انا لسه مروحتش اصلا يا ماما - ليه يا حبيبتي حد ضايقك - لا يا حبيبتي بس الشوز وجعلي رجليا فقلت اجي اغيره الاول - انتي لابسة حاجة جديدة ولا ايه ؟ ايه ده يا لولا مش دي الباليرينة اللي انتي بتحبيها وبتلبسيها علطول من امتى وهي بتوجع رجلك؟ - هاااااا؟؟ مش عارفة والله يا مامتى. يمكن اكون اتخبطت فصباعي وكمان بصراحة انا مكنتش فطرت قبل ما انزل قلت اكل حاجة عالسريع كده (يخربيت الكدب اللى مالوش رجلين ده سامحنى يارب) - يا حبيبتي تعالي وانا اعملك احلى طبق عجة - ماشي يا مامتي (مقولكوش مامتي بقى بتعمل طبق العجة ده في اد ايه بتاخد يجيي ساعة تقولش هتستنى الفرخة تبيض الاول قبل ما تعملها) المهم بعد ما اعدت تلت اربع ساعة لقيت فلتة بيرن (انا كده اتاخرت عليه بما فيه الكفاية حرام بقي اتاخر اكتر من كده ) - خلاص يا ماما بقى كل ده بتعملي ايه الكلية هتقفل انا همشي لما ارجع بقى يارب تكوني خلصتي العجة دي علشان كده كتير. روحت الكلية واول ما دخلت لقيته قاعد على الكافتيريا اول ما شافني جه عليا علطول بس شكله مكنش مريحني خالص (يالهويي انا سقطت ولا ايه؟؟ ولا تكونشي عمته جرالها حاجة وانا اللى كنت بتريق عالاسهال امبارح سامحنى يارب). - ايه يا هشام مالك فيه ايه؟ - مافيش يا علياء تعالى بس اقعدى الاول - ها يا هشام ادينا قعدنا خير ؟ - بصراحة انا مش عارف اقولك ايه - بص يا هشام لو سقطت قوللى عادى يعنى قضاء ربنا ومش هنعترض عليه (ارجوك اكون ماسقطتش دا بابا ممكن يقتلنى قول بقي انططططق) - لالالا مش ده الموضوع خالص دانتى نجحتى بامتياز وكمان طالعة الاولى عالدفعة - اخدت نفس عمييييق يااااااه يا راجل حرام عليك وقفت قلبي امال في ايه بس؟ - بصي با علياء انا هدخل في الموضوع على طول - يااااريت - بصراحة يعنى هو اصل في الحقيقة - ايوة يعنى انجززززز يا عم - حاضر حاضر بصي هو الموضوع معقد في الحقيقة - بص انت من بعد في الحقيقة كتير دى اتاكدت خلاص انك هتكذب قول بقي وخلصنى انا اعصابي مش مستحملة - بصي يا عليا انا هحكيلك الحكاية من الاول ومعلش استحملينى , عمتى جوزها اتوفي من 10 سنين وعمتى ماعندهاش غير بنت في سنك تقريبا فبابا الله يرحمه اتكفل بيهم وكان بياخد باله من طلباتهم وكده ولما اتوفي طبعا كان لازم انا اقوم بالدور ده لان عمتى مالهاش حد غيرنا وخصوصا ان ربنا مارزقهاش باولاد - ايوة جميل وبعدين ؟(انت هتحكيلي قصة حياتك انت وعمتك بقولك انجز يا عم) انا طبعا عمرى ماهعترض على انك تفضل المسئول عنهم لان اللى مالوش خير في اهله مالوش خير في حد ويمكن كلامك ده خلانى احترمك اكتر - لا يا علياء انتى مش فاهمة مش دى المشكلة, اصل عمتى دلوقتى صحتها تعبانة جدا وحاسة يعنى انها قربت يعنى تموت وكده ونفسها تطمن على رحمة بنتها - تطمن؟؟ ااااه وطبعا مش هتطمن غير لما تتجوز اتاريك عمال تقوللى في الواقع ومش عارفة ايه بص يا هشام انا بعفيك من كل حاجة بينا وكان مافيش اى حاجة واتفضل روح اتجوز بنت عمتك وانا هقول لبابا ان مافيش نصيب مع السلامة ومشييت جرى عالبيت قبل مادموعى تنزل قدامه انا لا يمكن ابينله انى ضعيفة انا عندى كرامة وانا اللى غلطانة من الاول لقيته بيجرى ورايا وعمال يندهلى - استنى بس يا عليا انتى فهمتينى غلط انا مش قصدى كده خالص والله , انا بس قولت ان الجواز اساسه المشاركة فحبيت اشاركك في مشاكلى عشان نفكر سوى نا اصلا بحبك انتى ومش عايز غيرك انتى وعمرى مافكرت في رحمة اكتر من انها اختى الصغيرة ارجوكى يا علياء ماتبعديش عنى انا والله حالتى النفسية زفت ومش عارف اكل ولا اشرب ولا حتى انام يا علياء انا بحبك - طب يعنى عايز ايه منى دلوقتى ؟ اهئ اهئئ - يا عبيطة انتى بتعيطى؟؟ - انا عبيطة؟؟ انت لسانك طول اووى - يا سلام مانتى ليل ونهار شغالة شتيمة وبهدله فيا - انا بابتسامة : انا اشتم انت لا - ايوة كده ابتسمى ضحكتك بالدنيا - طب وبعدين هنعمل ايه؟ - مش عارف والله يا علياء انا قولت اقولكم ونفكر سوى - نعم؟؟ تفكر في ايه حضرتك انت مش لسه قايل انك بتحبنى انا وانك مابتحبهاش؟ - ايوة يا عليا ماقولتش حاجة بس انا طبعا ماقدرش ارفض لعمتى طلب خصوصا في حاالتها دى - لا والله؟؟ طب مش فاهمة يعنى عايزنى اعملك ايه؟ ماقولتلك اتفضل روح اتجوزها ياخويا واللى خدته الهانم تاخده مساحة السلالم - يا علياء حرام عليكى انا مش ناقص انا يعنى كنت بفكر نهدى الامور شوية ولو يعنى بعد الشر عمتى اتوفت يبقي الموضوع اتحل واكيد رحمة عمرها ماهتوافق تتجوز واحد غصب عنه - نهدى اللى هو ازاى؟ والميعاد اللى سعادتك مديه لبابا ده؟ ولا هو لعب عيال؟ - بصي احنا ممكن نعمل خطوبة فالبيت على الضيق من غير ما نعزم حد ولما الظروف تتحسن شوية هعملك احلى فرح فالقاعة اللي انتي تختاريها ونعزم الدنيا كلها - (الدنيا كلها , عيل فشار اوي) انا مش عارفة بابا ممكن يوافق على الكلام ده ولا لأ - ملكيش دعوة انتي انا هقنعه بس انتي كأنك متعرفيش اي حاجة ماشي؟ - ماشي انا همشي بقى لحسن اتأخرت - طيب تعالي يلا هوصلك - توصل مين يا عم النحنوح اترزع فمكانك وانا ماشية لوحدي زي ما جيت لوحدي - انتي مفيش فايدة فيكي ولا فلسانك الطويل ده ..بس على قلبي زي العسل - (عيل مهزء اصلا بس هقول ايه) مع السلامة يا هشام وروحت بيتنا بس اقولكم الصراحة موضوع بنت عمته ده مريحنيش يخربيت الوسوسة انا علطول كده عندي هسهس فدماغي المهم بقى يا ولاد بلدنا يوم الخميس هكتب كتابي وابقى عريس تيرارا على بالليل كده افتكرت اني نسيت اكلم منة انا اصلا ندلة اوي بقالي فترة مش بسأل عليها حاولت اكلمها كذا مرة بس موبايلها مقفول وكمان مش بتفتح نت ممكن تكون سافرت تتفسح فالاسكندرية عند خالتها زي ما كانت قايلالي واكيد مش هتبقى فاضيالنا. المهم بقى امتى تيجي يا الخميس, هييييييييييييح.... هلبس ايه.... انا ازاي مفكرتش فالموضوع ده قبل كده؟! اكيد هلبس فستان جديد امور ايه الغباء اللي انا فيه ده - بابا يا بابتي انت فين؟ - عايزة ايه يا علياء عاملة دوشة ليه - عايزة فلوس - ليه؟ - ايه يا عم هو انا مش عروسة ولا ايه؟ - طبعا يا حبيبتي ست العرايس بس العريس جاي يقعد معانا نتكلم شوية ونتفق على شوية حاجات مش جاي يعمل فرح علطول - مليش دعوة بردو عايزة اشتري فستان جديد هات فلوس - عايزة اد ايه مانا عارف مش هخلص منك - كتيييييييييييييييير - امشي يا لولو من وشي - امشي من وشك ولولو؟؟ تيجى ازاى دى عامة ربنا يسامحك مانا لو كنت اشتغلت رقاصة كنت جبت كل الفساتين والعبايات اللي انا عايزاها وجريييت على اوضتى عشان مايعلقنيش في المروحة لاااااا مش جبانة ولا حاجة بس الجو سقعة واخاف اخد لطشة برد من المروحة وانا في وشها كده سمعته بقي وانا خارجة من الصالون بيقول - رقاصة وعبايات اجرى ياختى اجرى ياهبلة يا بنت .. عاجبك كده كنتى هتجلبي الشتيمة لامك ابويا ده ديكتاتور وبخيل أمري الى الله هلبس الفستان اللي كنت شارياه احضر بيه فرح ابن خالي اه صحييح دانا نسيت اكلم البت منة خالص اما اروح اكلمها اشوف مش ناوية تبطل الندلة اللى بتجرى في دمها دى ولا ايه؟؟ اتصلت بمنة وماحدش بيرد مرة واتنين وتلاتة يالهوى ليكون جرالها حاجة لا بعد الشر ان شاء الله مافيش حاجة ممكن تليفونها بايظ ولا حاجة انا هتصل عالبيت وبالفعل اتصلت رد عليها اخوها -السلام عليكم -وعليكم السلام -احم احم لو سمحت ممكن اكلم منة -اقولها مين حضرتك؟ -انا علياء صاحبتها -علياء؟ علياء مين دا فقد الذاكرة ده كمان ولا ايه ؟ - علياء صاحبتها من الكلية حضرتك كنت مرة ذاكرتلنا كيميا - اااه علياء , بس منة مش موجودة لا يا راااااجل بعد كل ده ومش موجودة؟ - اه طيب معلش لما تيجى تبلغها انى كلمتها لانى كلمتها على موبايلها مابتردش - اه ماشي حاضر بس هيا اصلا موبايلها بايظ - طيب هيا كويسة؟ - اه اه كويسة ماتقلقيش هيا بس مش فاضية اليومين دول اول ماتفضي هخليها تكلم ,سلام عليكم قفل في وشي السكة التييييييييت ومش فاضية بتعمل ايه ان شاء الله سيادة السفيرة عزيزة , انا غلطانة اصلا انى كلمتها ولا عبرتها عالم تييييييت لا وقال ايه انا اللى كنت قلقانة عليها المهم عدت الايام وهشام ولا اتصل ولا سأل لتكون عمته ماتت طب وانا مالى ماتموت ده حتى احسن خلينى اعرف اتجوز الواد لالا استغفر الله العظيم ايه اللى انتى بتخرفي وتقوليه ده يا علياء ربنا يشفيها يارب ويهديها وترضى عنى -ماما : بسم الله الرحمن الرحيم مالك يابنتى بتكلمى نفسك ليه - ها؟ لا مافيش يا ماما - مافيش؟ طيب ياختى قومى كده ساعدينى في البيت احسن اليوم هيجرى والضيوف يجوا والبيت لسه ماتروقش - بيت ايه بس يا ماما بدل ماتقوليلي نامى وارتاحى عشان ماتبقيش مرهقة , انا مش فاهمة ليه ماحدش في البيت ده مقتنع انى عروسة يا جماعة انا عروسة عروووووووسة - طب قومى يا عروسة والا الناس هتيجى يقولوا عليكى عروسة جايفة - حاضر حااااضر قايمة اهو وخلصت البيت وخدت دش كده وروقت ولقيت المغرب بيأذن يالهووووى لسه مالبستش وبسرعة بسرررررعة حضرت هدومى وبلبس سمعت صوت الجرس جم جم يا مصيبتى وانا لسه مالبستش - ماما: استهدى بالله يابنتى والبسي على مهلك بلاش سربعة وابوكى هيتكلم معاهم حبة الاول عما تلبسي - سربعة ايه بس الواد جه وانا لسه مالبستش - واد؟ بالذمة دى الفاظ واحدة في كلية يابنتى اعقلى بقي هتفضحينا الناس يقولوا عليكى ايه؟ مش متربية؟؟ - ماتخافيش يا ماما هو عارف وراضي وموافق ومبسوط كمان دانا لما بشتمه بلاقيه منشكح واحسه هيقوللى كماااان بمووت في الشتيمة - ماما: كمان بتشتميه؟ عليه العوض ومنه العوض يا بنت الناس يا متربية بكرة لما تتجوزوا يطلعوا عليكى حى نى , يا بنتى الراجل يحب مراته تدلعه وتبقي رقيقة كده مش تشتمه وتبقي عاملة شبه مرات عبده البواب لا مرات ايه ده انتى عم عبده البوب بذات نفسه ولعلمك الراجل كرامته عنده فوق كل شئ وممكن تلاقيه مرة يطلقك على لسانك الطويل ده ,البسي يابنتى الله يهديكى احسن انا لو اتكلمت اكتر من كده هتشل - بعد الشر عليكى يا ماما يا جميلة انتى , ماتجيبي بوسة - بوسة؟ البسي يا بنت بدل ما اروح اقولهم قالت مش عايزة - لالا وعلى ايه هلبس اهو ولبست وحبة وماما جت ندهتلى وقالت انهم اتفقوا على كل حاجة وقالتلى يالا عشان تخرجيلهم الاقيلكم رجلى اتسمرت في مكانها وناااار طالعة من وشي - ماما: يالا يا ابنتى واقفة مكانك كده ليه؟ - لالالا يا ماما مش قادرة مش ضرورى اطلعله بالله عليكى خلاص - مش ضرورى؟ يا مصيبتى مش ده اللى كنتى بتلبسي صاروخ عشان تطلعيله ؟ انتى اتهبلتى يابنتى ولا ايه - يا ماما مكسوفة مش قادرة قوليله يمشي - ماما : يمشي؟؟ يادى العيبة قومى يابت بدل ما اجرجرك لبره قدامهم - يا باااااى يا ماما لا بصي قوليله يفوت علينا بعدين - ماما: يالا يا اااااااخرة صبرى اخلصى عايزة تقنعينى انك وش كسوف ؟؟ يالااااااا - حاضر حاضر ماتزعقيش بس (انا اتاكدت انهم فعلا لاقينى على بابا المسجد زى ماكانوا بيقولولى زمان ) , طب هاتى ايدك - عايزة ايدى تعملي بيها ايه؟ - هعمل بيها ايه يعنى يا ماما قصدى امسكى ايدى في ايدك وخرجينى - حااضر اتفضلى ياستى يالهوووووى حاسة انى هيغمى عليا ودخلت عليهم ودورت على مامته عشان اسلم عليها مالقتهاش , غريبة لقيت بابا بيقول اتكلموا مع بعض شوية عشان تتعرفوا على بعض وقعد في ركن بعيد شوية عننا - هشام: احم احم ازيك يا انسة علياء - ها؟؟ - بقولك ازيك - ااه الحمد لله - طيب يارب دايما - مبسوطة؟ - ها؟؟ - هههههههه بسألك مبسوطة؟ ياربي اقوله ايه ده !! اكملكم بقي قولتله ايه الحلقة الجاية ان شاء الله | ||||
|
| |
|
29-10-16, 01:15 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الحادية عشر اكيد عايزين تعرفوا قلتلوا ايه طبعا مانطقتش عييييييييب هقوله ايه يعنى انى مبسوطة وهطير من السعادة ولا انى حاسة انى طلعلى جناحات والا انى عايزة اطلع البلكونة واغنى باعلى صوت انا طيييييييييير في السمااااااا بس فضلت ساكتة بقي وعملت مكسوفة بقي وكده - شكلك مكسوفة عالعموم انا مبسوط اوى - ربنا يسعدك دايما يارب - انا وانتى يارب - طب مش ننادى بابا بقي - انتى لحقتى زهقتى منى بالسرعة دى؟ (يالهوووووى لا ماحنا لازم ننادى بابا قبل ماتهور عليك افهم يابنى انا خايفة عليك وعلى سمعتك هو الولد ايه غير سمعة وشوية حاجات فوق بعضيها) - لا مش قصدى انا اقصد يعنى احنا عارفين بعض وخلاص كده يعنى وكده - هههههههه وكده اللى هو ازاى؟ (هيتغابي بقي وشكلى هضربه باللى في رجلى خرجنى من مود الرومانسية خالص جته القرف) - كده كده ( يا واد انا ماسكة نفسي بالعافية ياواد ) - طيب طيب هههههههههه اندهى ياستى باباكى (من اولها كده اوامر ماتندهله انت يا حيلتها ولا انت صغير ؟ جتها نيلة اللى نفسها في عيال) - انا بصوت رقيق: بابا , يا بابا - يالا كان نفسي اقعد معاكى اكتر (اوباااااااا الواد ثبتنى خلاص ارجع يا بابا) لقيت بابا قرب مننا وقال باذن الله نرد عليك كمان اسبوع يابنى وربنا يقدم اللى فيه الخير ومشي قمت لفيت لبابا - اسبووووووع , ليه يعنى ان شاء الله مانا موافقة والواد واقع خالص نستنى ليه كل ده - يابنتى الله يهديكى اعقلى بقي بقيتى عروسة وعلى وش جواز ولسه شعنونة زى مانتى وبعدين يا ام مخ تخين انتى عايزة الواد يقول مدلوقة عليه افهمى بقي انا بعززك - ييييييه انت متأإكد انى بنتك يا حج؟ شوية تقوللى شعنونة ومراتك تهزقنى وتقوللى مجنونة جرى ايه يا جدعان ماترجعونى عند باب المسجد اللى لقيتونى عنده ده - مراتك ؟ ومسجد؟ طب مافيش جواز - لااااااا , جرى ايه يا بابتى الجميل انت دانا بهزر معاك يا راجل انت صدقت ولا ايه دانت حبيبي حبيبي حبيبىىىىى ماتجيب بوسة ابابا - لا ياختى ماليش نفسك - لا ماهو انا هبوسك يعنى هبوسك اموااااه - خلاص خلاص حاسبي ياباى امشي بقي روحى على اوضتك عايز اتكلم مع امك كلمتين - كلمتين ايه بس يا باباتى؟ ها؟ ها؟ - امشي يابتتتت بدل ما اقول مافيش جواز - لااااا وعلى ايه اانا في اوضتى لو احتاجتوا حاجة ابعتولى اى عيل صغير يندهلى ولسه جاية ادخل الاوضة سمعته بيقول غلباوية - سمعتك على فكرة - وهو انا هخاف منك يابت اقفلى الباب اخلصى الراجل ده ماله ياختى قارش ملحتى كده ليه!! المهم انى صليت استخارة وعدى الاسبوع اللى مالوش اى ستين لازمة واتصل هشام ببابا اللى بلغه بالموافقة وهشام حدد معاه يوم الخميس اللى جاى نعمل قراية الفاتحة عالضيق كده وننزل أي يوم نجيب الدبل - قوله يوم الاتنين يا بابا قوله الاتنيييين لقيت بابا بيبصلى وعينه بتطق شرار قمت خدت نفسي من سكات وددخلت اوضتى , اه ماهو العمر مش بعزقة وفعلا بابا حدد معاه يوم الاتنين هعهعهع مش بقولكم مسيطرة يالهوى الخميس؟؟ ده قرب اوى انا يادوب ابدا احضر من دلوقتى , انا اسهل حاجة اعمل قايمة بالحاجات اللى عليا عشان مانساش 1. طبعا اهم حاجة الفستان والكوافير وما ادراكم ما الكوافير على راي ماما بيبقي نصفة ينصف ناس ويخسف ناس 2. الجاتوه وده انا عارفة حلوانى حاجته حلوة واسعاره حلوة 3. الكانزات من اى بتاع جملة وأكد على ماما تجيبلى ميريندا تفاح اخضر من اللى بحبها , عروسة بقي واتأمر براحتى 4. المعازيم هعزم بس قرايبي الاساسيين على اساس انه عالضيق وكده عماتى ال5 واعمامى ال5 وعيالهم وعيال عيالهم اييييييه يا نينة كل ده انتى كنتى شغالة ارنبة ولا ما شاء الله بتخمس عشان الحسد ولا عيالها اللى برده مخلفين قرطة عيال الناس دى ماسمعتش عن تنظيم الاسرة قبل كده ولا ايه دول اقل حد فيهم مخلفله اربع ولا خمس عيال وجدى ونينتى ام ابويا وجدى ونينتى ام امى و3 خالات و4 اخوال وعيالهم يالهووووى اييه كل ده ودول الاساسيين بس دانا كده هضطر اعمله في الاستاد يا حوستى ياما يااانى انا آخد عريسي واخلع ودول اجبللهم كام دستة جاتوه دول اديهم عنوان الحلوانى احسن لياكلونا طب دلوقتى مين هيلف معايا عالمحلات بقي كده يا منة ماتتصليش من يومها ولا تسالى عليا انا اعمل باصلى واتصل ماردتش برده , خلاص هبعتلها رسالة مابترديش ليه بحاول اتصل بيكى من بدرى وحشتينى يا بت , هشام جه اتقدم وخطوبتنا الخميس اللى جاى ان شاء الله عقبالك يا مزغودة مع اللى بالى بالك كلمينى ضرورى اول ماتشوفي رسالتى عايزة احكيلك على كل حاجة بالتفاصييل حبيكى بقي كتييير وجه يوم الاتنين ولبست احلى فستان عندى وجه هشام خدنى انا وماما , احسن برده ان امه ماجتش خلينى انقى براحتى دخلنا محل وكان باين عليه فخم اوى ولقيت دبلة شيك اوى وعجبتنى الراجل قاللى قيسيها بدخلها لقتها واسعة اوى فدخلتها في صباعى الوسطانى لقيتها برده واسعة ليقتلكم هشام واقف يضحك عليا - ايه في ايه؟ - هههههههههه انتى بتلبسي الدبلة في انهى صباع - شاورتله عليه قعد يضحك برده وقاللى والدبلة برده بتتلبس هنا؟ وبعدين انتى مستعجلة اوى كده؟ -على ايه؟ مش فاهمة -هشام بهمس:عالجواز يا حبيبتي ماهو الايد الشمال يعنى جواز على طووول - (اااااه يا قليل الادب يخربيتك انت فهمت ايه بالهوتى انا معرفش وربنا ) فقلت باسلوب ناشف وانا ايش عرفنى كنت اتخطبت قبل كده! - خلاص ياستى انا اسف وقلعهانى ولبسهالى في صباع تانى معرففش انا ايه التقاليع دى ماهو اى صباع والسلام لقيت ماما بتزغدنى وهو بيلبسنى ولكل اللى مايعرفش الزغدة دى حركة بتعملها الام بكوعها تضرب بيها بنتها فيما معناه لمى نفسك وحسابك معايا بعدين عملت ايه انا غلط ؟ لقيته قلعنى الدبلة وقال للراجل لا واسعة ينفع تضيقها؟ قاله لا الدبل الفصوص ماينفعش تضيق - انا: طب مافيش اشكال غير دى؟ - لا والله يا فندم دى الاشكال اللى عندنا قمت قلبت شفتى لفوق شبه الاطفال حتى الدبلة اللى عجبتنى مافيش منهاا مقاسي - هشام : ماتزعليش هنشوف في محلات تانية - بس انا كان نفسي في دى - ماما : يعملك ايه يعنى مانتى اللى ايديكى مقاسات اطفال (الله يسامحك يا ماما اعمل ايه يعنى وكل شوية تقوللى ايدك شبه ايد سعفان بتاع اعلان البلهارسيا , طب اكل واقف على ايدى الاكل ينزل فيهاتتخن ولا اعمل ايه؟) المهم بعد ما لفينا عالمحلات كلها كعب داير لقيت دبلة مقبولة مش واو بس اللى جت على مقاسي بقي وامرى لله وماما كانت فرفرت مننا خالص فهشام قال هيجيب هو الدبلة بتاعته لوحده ويوحنا عشان ماما ياخسارة يعنى يا ماما مش عارفة تشدى حيلك شوية كان نفسي اختار معاه دبلته المهم هشام وصلنا لحد البيت ورفض كل محاولات ماما معاه انه يطلع تانى يوم خدت ماما ونزلنا لفينا على محلات الفساتين كلها اه اخدت ماما اعمل ايه يعنى ماليش غيرها والبت منة مختفية وماعبرتنيش وفي الاخر رسيت على فستان امور وكان فستان سهرة طبعا عشان هنعملها في البيت عالضيق وكان سيمبل خالص لونه بينك واشتريت الاكسسوارات وطرحته واتفقت مع كوافيرة كل قرايبى شكروا فيها وربنا يستر بس قولتلها انى هروح سهرة اه عشان ماتلعبش كتير في وشي وانا مابحبش المكياج التقيل والحمد لله عدت الايام على خير وخلصت كل الحاجات في وقتها والحمد لله وبنت عمتى جت معايا للكوافير عشان ماما تفضل في البيت وروحنا معرفش انا عروسة ايه اللى تروح البيت لوحدها , قولوا عليا موضة قديمة بس آخر معلوماتى ان عريسها بياجر عربية وياخدها من الكوافير المهم روحت لقيت هشام كان وصل وكان ايييه بالبدلة ومتشيك وآخر الاجة قعدت جمبه عالكنبة وبعدين افتكرت فاجاة مامته دانا ماسلمتش عليها فسالته - امال فين مامتك؟ - اصل عمتى تعبت شوية فماقدرتش تسيبها لوحدها (ده اللى هو ازاى يعنى فيه ام تفوت خطوبة ابنها انا الموضوع ده موغوشنى لتكون مش موافقة هيا كمان وهيا هتلاقي فين مرات ابن امورة زيي كده ورقيقة وكيوت خالص ) - ايه سرحتى في ايه؟ - ها؟ لا مافيش - لا بقولك ايه انا عايزك تركزى خاالص معايا وسيبك من اى حاجة تانية انتى فاهمة؟ - لا والله؟ انت من اولها كده بتشتغل عليا سي السيد - امال عايزانى ابقي سيد السيد على حد غيرك؟ - (الواد ده غاوي يثبتنى كسفنى ينيله) لا طبعا محرجة - ايييييوة هيا دى اكتر حاجة بحبها فيكى - ايه دى؟ - وشك لما بيحمر لما تتكسفنى بتبقي امورة اووووووى , انتى اصلا امورة اوى بس بتحلوى اكتر واكتر - خلاص بقي الناس حوالينا - حد ليه عندنا حاجة؟ خطيبتها وبحبها - على فكرة انا لسه مش خطيبتك - نعم؟؟ - اييييه براحة انت لسه مالبستنيش الدبلة - اهااااا بفتكر طب يالا - يالا ايه استنى مش لما يقولوا (وعينى جت على ايده لقيته لابس الدبلة) اما اانت لابس الدبلة ليه؟ - ها؟ اصلى ماقدرتش بصراحة استنى لحد انهاردة انا لابسها اصلا من يوم ماجبتها لقيت ماما بتقول يالا عشان تلبيس الدبل هاتهم يا هشام اوريهم لقرايبها قام هشان قلع دبلته من ايده وحطها في العلبة واداها لماما اللى راحت توريها لقرايبنا معرفش انا مالهم ومال دبلتى وبعد ما ماما لفت على كل المعازيم وورتهم الدبل اخيييرا دبلتى رجعتلى بالسلامة وهشان لبسهالى وانا لبستله دبلته واحب اقولكم ان الدبلة وسعت ! انا صوابعى بتنقرض المهم بقي وزغروطة حلوة رنت في بيتنا , زغروطة حلوة لمت حارتنا ولولولولولولىىىىى وانا عايزة اغنى وارقص يسعدك ايشيك ايشيك المعازيم بدؤا يمشوا حبة حبة لقيت هشام ميل عليا وبيقوللى انتوا اوضتكم مفتوحة عالشارع ولا ايه الناس دى كلها خارجة منييييين؟ - انت جاى تحسد عيلتنا بقي ولا ايه دول قرايبلي وجايين يفرحولى مش انت الا ماشوفت حد من عيلتك خالص - ماهو انتى عارفة اللى فيها - اه عارفة خلاص بقي يبقي اعزم براحتى المهم فضلنا قاعدين شوية لحد ما كل عيلتنا مشيوا وبعدين ماما جابتلنا العشا - امال فين الميريندا بتاعتى يا ماما؟ بصتلى بصة من بتوع الامهات (بتزغرلى يعنى) اللى هيا زى الزغدة بالظبط بتاعة لمى نفسك اتخرست خالص وقعدت انا وهشام ناكل وطبعا بابا قاعد في اخر الصالون على قلبنا(مش بقولكوا نحن بنات عائلات محترمات ماعندناش خروج ولا قعاد من غير محرم ) وبعد ما خلصنا الاكل ماما حبيبتي الامورة جابتلى جاتو والميريندااااا هيييييييح بقي قعدت اكل لقيت ماما بتبصلى برده؟ -اييه؟ - كل يا هشام يا حبيبي مابتاكلش ليه؟ - ربنا يخليكى يا ماما انا خلاص على اخرى (جتك مووووو دى مامتى انا انت هتاخدها منى من اولها) وماما بتزغرلى تانى (ايوة يعنى اعمل ايه مش فاهمة؟) - ماتعزمى على خطيبك يا لولو ولا شكله مكسوف - لا يا ماما والله فعلا مش قادر اصل الاكل كان روعة فكبست معدتى - خلاص يا ماما سيبيه براحته وكملت انا اكل وماما برده بتزغرلى خفت منها احسن تاكلنى بعد ما يمشي فبطلت اكل انا كمان ,ماهى لو تقوللى هيا عايزة ايه بس ! فضلنا قاعدين شوية مع بعض نرغى انا وهشام في اى كلام والسلام وبعدين قام يروح وكانت الساعة بقت 11 بابا قاله خليك شوية ولسه بدرى (حراااام عليك يا بابا بدرى ايه دانا جعانة نوووم سيبه سيييبه) ومشي هشام من هنا وماما مسكتنى من هنا - دى عمايل تعمليها دى؟ خلتينى في نص هدومى -عملت ايه بس يا ماما - مش عارفة عملتى ايه يا حيلة امك - ليه الغلط ده بقي؟ - غلط؟ انتى لسه شفتى حاجة؟ نازلة طفح وسايبة عريسك الا حتى ماعزمتى عليه - مانتى عزمتى عليه وقالك شبعان اعمله ايه يعنى - تعملى ايه؟ لا كتر خيرك يارب فوضت امرى ليك يارب - خلاص ماتزعليش نفسك يا قمرى انتى اللى تقولى عليه يمشي من هنا ورايح شوفي عايزة اعمل ايه وانا اعمله انا عندى اغلى منك يا امى (اتعلموا شغل التثبيت ) - اه يا بكاشة كلى بعقلى حلاوة ماباخدش منك غير الكلام لكن مافيش افعال - طب هاتى بوسة وانتى قمر كده اموااااااااه (افعال ده ولا مش افعال يا متعلمين يا بتوع المدارس؟) انا هروح انام بقي يا ماما احسن ميتة من التعب , تصبحى على خير يا حبي - وانتى من اهل الخير يابنتى ربنا يهديكى يارب - ياااااارب المهم رحت قولت ابص في التليفون يمكن يكون هشام اتصل ولا حاجة لقيت 32 مكالمة من منة يالهوووى كل ده , تلاقيها هتعتذر انها ماجتش اما اشوفها بس الندلة دى بس اكيد مش هككلمها دلوقتى الساعة داخلة على 12 عيب برده اما اصحي بقي اكلمها ان شاء الله تفتكروا منة كانت عايزة ايه؟ وكانت فين طول الفترة اللى فاتت؟ هنعرف بقي الحلقة اللى جايه | ||||
|
| |
|
29-10-16, 01:15 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثانية عشر نمت بقي قتيييلة من كتر التعب بس ربنا ما يوريكم كنت بتنقل من كابوس لكابوس افظظظع لحد ما صحيت الصبح اعوذ بالله من الشيطان الرجيم قمت ابص في الساعة لقيتها 11 الصبح - يا مامااااا , يا مامااا انتى ازاى ماتصحينيش اصلى الفجر - وهو انتى رضيتى تصحى . دانا فضلت اصحى فيكى لما زورى اتنبح وانتى كنتى عمالة تخرفي ولما زهقت سيبتك بقي المهم روحى الحقى وصلى قبل الضهر - ماشي رايحة اهو , استغفر الله العظيم تلاقي الكوابيس دى كلها عشان ماصليتش رحت صليت الفجر ولا الصبح ولا معرفش بقي اسمه ايه وخلصت ورحت فطرت وقعدت اساعد ماما في المطبخ وبابا جه واتغدينا سوى واحنا عالاكل لقيت بابا بيقوللى - امال نتيجتك ماطلعتش ولا ايه يا لولو - لا يا بابا طلعت وجبت امتيااز هعهعهع - بابا: الف مبروك يا حبيبتي وعقبال التخرج اذا كان كده بقي هجيبلك هدية حلوة اوى - ماما : حيلك حيلك واما هيا طلعت يا علياء هانم ماقولتيش ليه؟ ولا مستنية ابوكى يسأل - ها؟ لا اصل يا ماما هيا ماطلعتش رسمى يعنى فكنت مستنية اما تطلع رسمى عشان اتاكد برده - وانتى عرفتيها منين ان شاء الله؟ - منين؟ هيكون منين يعنى من الكلية اكيد - يابنتى مش بتقولى ماطلعتش رسمى - اه اه اصل يعنىفي نص هدومي - بابا: جرى ايه يا ام علياء انتى عاملة تحقيق للبنت ولا ايه , ده بدل ماتقوليلها مبروك - اه ياخويا اطلع انا منها بقي وانت حر انت وبنتك انا عارفة مش هوصل معاكم لحل, مبروك يا لولو (حبيبي يا بابتى انقذتنى ماهو بصراحة انا كنت عمرى ما هكذب وكنت هعترف بكل حاجة من قبل اول الم حتى ترااااااااخ ) خلصنا اكل وشلت مع ماما الاطباق ورحت اغسل المواعين ماما قالتلى - لا اعملى انتى لابوكى الشاى ووديهوله وانا هغسلهم عملت الشاى ورحت لبابا في الصالون لقيته بيقوللى - علياء بنتى انا مربيها كويس اوى وبثق فيها جدا وعارف انها اد الثقة دى ومش هتعمل حاجة غلط تانى صح ولا ايه؟ بصيت في الارض من احراجىمحرجة يا كثووووووووفي - انا بسألك ها؟ - والله يا بابا انا عمرى ما كنت هكذب وكنت هقول الحقيقة - انا قولتلك انى عارف بنتى كويس وعارف انك ماكنتيش هتكذبي بس انتى غلطتى صح؟ - صح, بس هو اللى حصل ان - انا مش عايزاعرف تفاصيل بس عايز اعرف انك عرفتى غلطتك ومش هتكرريها تانى وحتى لما اتخطبتوا يا علياء انا ممكن اتساهل واسمح بمكالمات التليفون بس مش بالليل ومايكونش فيها كلام كده ولا كده وماتطولوش ومافيش اكيد مقابلات من غير محرم انتوا شباب واكيد عايزين تعبروا عن مشاعركم بس خطيبك لسه غريب عنك يا لولو وانا بقولك اهو انا بثق فيكى فخليكى اد الثقة دى -حاضر يا بابا -طب ماتجيبي بوسة وانتى امورة كده انا بابتسامة : احلى بوسة لاحلى بابا اموااااااااه ربنا يخليك ليا يااارب - مببروك يا حبيبتي ربنا يكتبلك اللى فيه الخير ويسعدك يارب - ياااااارب (بصوا سيبكم من كل الكلام الوحش اللى قولته عنه قبل كده , بابا ده احسن اب في العالم كله ) صحييييح البت منة دانا نسيت اكلمها اما اروح اتصل بيها - سلام عليكم - منة بهمس: وعليكم السلام - بقي كده يا ندلة ماتجيش خطوبتى؟ دانا لما اشوفك بس دانا ماكنتش ناوية اكلمك تانى وكنت ناوية اقطع علاقتى بيكى خالص - منة بهمس:حيلك حيلك يا علياء انتى اتخطبتى خلاص؟ - هههههه لا اتخطبت نص نص وبعدين انتى بتتكلمى بشويش كده ليه - بصي يا علياء انا عايزة اقولك حاجة وربنا يسامحنى انى اتاخرت بس انا حاولت اتصل بيكى كتير امبارح وانتى ماردتيش - خير يابنتى قلقتينى - هو مش خير ابدا بصي يا علياء انا مش عارفة اقولك الكلام ده ازاى فهقوله كده وخلاص الملخص ان هشام كاتب كتابه على بنت عمته وشارط على اخويا انى ماقولكيش واخويا عمللى مشاكل كتير في البيت وخلى بابا يمنعنى من الخروج و اخد منى التليفون ومنعنى اكلمك خالص انا اسفة والله يا علياء انا عارفة انى طول عمرى ندلة معاكى بس والله اعرفي انى بتمنالك كل خير وماقدرتش اسكت وخدت التليفون من الدرج من غير ما اخويا يعرف رغم انى عارفة ومتاكدة ان اخويا مش هيعديلي الموضوع ده على خير سامحينى يا علياء علياء؟ علياء؟ يا خبر اسود يا علياء ردى عليا صحيت لقتنى عالسرير وماما وبابا جمبي واضح انى اغمى عليا , بس تعرفوا انا مبسوطة ان ربنا كشفه على حقيقته اصل ده بركة دعا امى دايما تقوللى ربنا يبعد عنك ولاد الحرام بس واضح انى بالدعوة دى مش هتجوز ابدا . اوعوا تفكروا انى زعلانة عليه بالعكس انا زعلانة عليا انا , انا دايما ادعى اللهم دبر لى امرى فانى لا احسن التدبير يمكن الحاجة الوحيدة اللى مزعلانى انى قصرت اوى في حق ربنا من يوم ماعرفته بابا: انتى كويسة يا علياء فقتى يا حبيبتي؟ ماما: شايفة قلة الاكل عملت فيكى يه يابنتى مانتى لو تاكلى كويس (عارفين انتوا هم يضحك وهم يبكى اهو ده بقي الهم اللى يضحك دانا اكتر واحدة باكل في البيت لدرجة ان ماما كل شوية تزعقلى وتقوللى ارحمى نفسك هههههههه بس هنعمل ايه هما الامهات كده تتعبى شوية يقولولك من قلة الاكل ,تنامى كتير وخم من كتر الاكل المهم الموضوع لازم يبقي فيه اكل - بابا لو سمحت ترجع لهشام حاجته وتقوله كل شئ قسمة ونصيب - ماما: هو لعب عيال دانتوا يادوب لسه مخطوبين امبارح, انتوا اتشاكلتوا مع بعض ولا ايه؟ - انا مش قادرة اتكلم بعد اذنك يا بابا لو بتثق فيا زى ماقولت رجعله حاجته - بابا: حاضر يابنتى اللى يريحك - ماما: انت هتعوم على عومها؟ والناس تقول عليها ايه؟ سابت خطيبها في اول يوم خطوبة دا لو صدقوا اصلا انها اللى سايباه - بابا: الناس مابتسكتش كده كده مالناش دعوة بحد - ماما وهيا ماشية من الاوضة: انت حر انت وبنتك ماهو انا ماليش راى ولا هيا بنتك ومش بنتى - بابا: ارتاحتى دلوقتى يا حبيبتى بس لما تهدى عايز اعرف حصل ايه فضلت يومين في السرير وقفلت تليفونى وبابا رجع لهشام حاجته وماما كل شوية تزغطنى شبه البطة وانا استغليت الفرصة بصراحة وبقيت اطلب كل الاكل اللى بحبه اه ماهو الحزن في القلب مش في المعدة بصوا كده من الاخر انا مافيش حاجة تمنعنى عن الاكل وبعد اليومين حالتى كانت اتحسنت عالاقل الصحية بابا جه جمبي وقاللى ها ؟ لسه مش عايزة تحكى؟ حكيتله على كل حاجة من طقطق لسلام عليكم قاللى : انا مش عايزك تبقي زعلانة عشان انتى جوهرة وربنا ظهرلك الحق عشان بيحبك - هو ماقالكش حاجة لما رحت توديله الدبل؟ - مالكيش دعوة بقي موضوع واتقفل مش عايزك تفكرى فيه تانى - طب عايزة التليفون اكلم منة كلمت منة اللى اول ماسمعت صوتى قعدت تعيط فقعدت اهزر معاها ولا كأن فيه حاجة - بس بقي يا بت يا ندلة هو مين اللى المفروض يعيط - علياء انتى خسارة فيا وخسارة فينا كلنا انتى جوهره - هههههههه ابويا برده بيقوللى انى جوهرة بس يابت لياخدوا ضرايب من ابويا - ضرايب ليه؟ - هههههههههه مش عنده جوهرة يعنى غنى - ههههههههههه علياء ؟ - نعم؟ - انتى كويسة بجد؟ - هههههههههه لا كويسة بهزار الا قوليلي يا بت يا مونى مافيش عندك جديد يا اوختى؟ - جديد ايه مش فاهمة؟ - هتستعبطى يابت؟ يا مصطفي يا مصطفي انا بحبك يا مصطفي - هههههههه شوفي انتى في ايه ولا في ايه؟ - انا غلطانة يا جذمة بتطمن على مستقبلك بدل ماهتعنسي هنلاقي منين احنا حد نلزقك ليه؟ - نعم؟ ليه ان شاء الله كنت وحشة ولا وحشة؟ ولا اكمنك ياختى اجنبية شايفة نفسك علينا دا البلدى يوكل - بلدى يا لوكال؟ فلاحة هنعمل ايه - علياء؟ - نعم ! - بحبك - ينيلك انا علياء مش مصطفي ركزى - اقفلى يا علياء اقفلى قفلتينى جتك نيلة - ههههههههه ماشي ياختى سلام - انتى ماصدقتى؟ - يالهوتىى يا بت مش انتى اللى قولتى اقفلى - طب عايزة اقولك حاجة قبل ماتقفلى - خير؟ وماتقوليش بحبك تانى عشان انا straight يعنى بحب الولاد بحب الولااااااااد - ههههههههههه ماشي يا قليلة الادب مصطفي قال لاخويا انه عايز ميعاد من بابا عشان يتقدملى - ااه يا سوسة وساكتة كل ده؟ وهيجى امتى بقي يا وزة - مش عارفة دانا سمعت اخويا بيكلم بابا بالصدفة انتى عارفة ان اخويا مخاصمنى ومابيكلمنيش - طب ياختى كنتى بتلمعى اوكر يعنى؟؟ (اوكرة الباب يعنى بتتصنت من الاخر بلاش جهل ) طب ابقي المرة الجاية لمعيها كويس عايزين نعرف الميعاد - ماشي اول ما اعرف هقولك على طول - قشطااااات يالا بقي عشان دى اخر دقيقة في الرصيد اقفلى يابت وصحيح انا هرمى الخط ده عشان جبت خط جديد هرنلك منه سجليه واوعىىى تفتحى عليا فاهمة؟ - ماشي ياختى فاهمة - اوك بقي يا مزة سلاام - ماشي يا حبي سلام - سلاااااام يا عرورة - رنتلها وكنسلت وكسرت الخط القديم ورميته وقعدت افكر انا هعمل ايه في السنة دى ياربي ده هيتعين خلاص وهيفضل في وشي يارب انت اللى عالم بحالى وغنى عن سؤالى يارب وعدت ايام الاجازة ومنة اتخطبت لمصطفي وطبعا انا ماروحتش لانه صاحبه واكيد هيروح وبالفعل راح هو والهانم مراته ومنة زعلت شوية بس عذرتنى في النهاية بس بقي انا قولت اخد في منة ثواب واشتريتلها هدية كتاب في اداب الخطوبة وحرام منة بنت كويسة اوى ونضيفة من جوه اتفقت مع مصطفي انهم يطيعوا ربنا عشان ربنا يباركلهم في حياتهم ومصطفي كمان وافق هو بصراحة شخص محترم مع ان الواحد بقي يخاف من كلمة محترم دى ماهو اللى اتلسع من الشوربة ينفخ في الزبادى بعيد عنكم وبداية السنة الدراسية بتقرب بتقرررب بتقررب يارب هونها يارب وفعلا بدات وكانت المفاجاة انى مش هشوف هشام بس لا ده كمان المعيد بتاعنا انا ومنة في مادة او لالااااااا كلمونى عن الحظ السعيد الخصهولكم في كلمة واحدة انا هىهىهى (لا هيهيهي دى ضحكة رقيعة مش تبع الكلمة عشان ماتقولوش كده كلمتين) المهم كنت بروح الكلية انا ومنة سوى ونروح سوى وبقينا زى التوام الملتصق ونسيت اقولكم ان مصطفي كمان اتعين في الكلية بس ماكنش بيدينا وحاول هشام انه يكلمنى كتير بس كنت برفض وبصده ولا بديله فرصة وامشي على طول انا ومنة ونخلص سيكشنه ونجررررررى وكنت موصية منة ماتسيبنيش ابداااا وحرام فعلا ماكنتش بتسيبنى ولا لحظة حتى لما كانت واحدة فينا بتحب تروح تروح بقي افهموا انتوا زى ما اكون تعبااااان وارتحت كنا نروح والتانية تقف عالباب جوه اوعوا تفكروا انى خايفة اضعف لاااااااا انا بس خدت قرار انى مش هعصي ربنا تانى (هحاول يعنى ماتركزوش) وماقولكوش بقي انا قربت اكتر من ربنا وحسيت اد اييييه انا بقيت اقوى وانا قريبة منه واصبح بقي عندى وقت فراغ اكتر فبقيت اذاكر بقي وامرى لله ومصطفي خطيب منة بقي يديها ملخصاته وبقت تجيلي البيت كل يوم نذاكر سوى واخوها الحمد لله حن عليها ورجع يكلمها عادى وخلص الترم الاولانى ورحت اجيب النتيجة بس الصراحة كنت قلقانة من مادة الكيميا اللى كان هشام بيديهالنا ليستقصدنى بس اييييه انا معايا ربنا احسن من اى حد وجبت امتياااااااز وانا الاولى فعلا عالقسم اصلى ماقولتلكوش مانا ماتاكدتش من الموضوع ده الترم اللى فات الله يسامحه اللى كان السبب , حتى مابصتش في الشهادة لما خدتها وجبت امتياز لالالااااااااااا انا مش مصدقة نفسي بصراحة والاحلى بقي ان منة كانت التالتة بس بقت التانية يا حلاااااااوة يا ولااااااااد هى هى هىىىىىى وكنت بتنطط انا ومنة لحد ما فقنا لقينا الناس حوالينا وبيبصلنا بصة غريبة جرى ايه يعنى ناس فرحانة الله! ونويت اول ما ارجع البيت ان شاء الله فيه حاجتين هعملهم اولا هصلى ركعتين شكرلله ثانيا هروح اطلب من بابا هدية كبيييييييييييرة كبيرة في الحجم,انا بصراحة احب الهدية تشغل حيز كبير من الفراغ سيبكم بقي من الهبل بتاع حاجة صغيرة وسيمبل الواحد عشان يحس بالهدية لازم يحس بيها كده وهو مش قادر يشيلها المهم جايين نروح انا ومنة لقيتلكم هشام ناططلنا تعرفوا السيرة دى بقت تفور دمى وعايزة اقوله شكلك بيلبش جتتىىىىىى لسه جايين نمشي كالعادة قام قال هما كلمتين عايز اقولهوملك وامشي براحتك بعد كده يا ترى وقفت اسمعه ولا؟ طب لو وقفت هيكون قال ايه؟ ده اللى هنعرفه الحلقة اللى جاية ان شاء الله | ||||
|
| |
|
29-10-16, 01:37 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع الحلقة الثانية عشر اكيد طبعا عمري ما هقف اتكلم معاه ازاي اتكلم مع اكتر حد كسرني؟ واصلا ليه عين؟ هيقول ايه ؟ فاكر يعني انه هيعرف يضحك عليا (بصراحة انا فعلا يتضحك عليا بس مش هديله الفرصة دى) قلتلها يلا بينا يا منة علشان متأخرش أكتر من كده وروحت بيتنا بس قلبي كان مقبوض منه اوي يارب ميدلناش مواد تاني عنيه كانت بتطق شرار واحنا ماشيين المهم الترم الثاني بدأ والحمد لله هشام مش معانا فولا مادة(هى هى هىىىى ولولولىىىى) ودخلت سيكشن مادة فالتانية وعادي جدا , لغاية ما جه سيشكن مادة كيمياء المناعة ولقيتلكم هشام داخل قلت عادي داخل يعنذر عن المعيد اللي هيدينا المادة ان السيكشن هيتلغى ولقيتهولكم بيقول ازيكم يا شباب عملتوا ايه فالترم الاول وفضل يرغي يرغي وفالاخر قال انا هبقى معاكم ان شاء الله فالمادة دي (لقد وقعنا في الفخخخ) وبصلي بعدها كأنه بيقولي مش هتعرفي تخلصي مني بالسرعة دي... فاللحظة دي انا فعليا فكرت اني اسيبله الكلية كلها ....بس ليه هو انا اللي خنته وضحكت عليه دى خيبة ايه دى المفروض هو اللي يتحرج وميبقاش قادر يبص فوشي لكن اقول ايه مكنتش اعرف انه بجح ناس تخاف ماتختشيش صحيح(مافيش ايموشن بيتفففففف) السيكشن 3 ساعات عدوا عليا كأنهم 3 سنين واخيييييييييرا خلص واحنا بنلم الادوات بتاعتنا لقيته بيقول شدوا حيلكم بقى واتجدعنوا دانا طلبت اخد المادة دي بالذات علشان بحب دفعتكم اووى ... وبردو بيقول كده وهو بيبصلى خلى الدفعة كلها لاحظت (منك لله يا بعيد هتفضحني فالكلية) لأ وكمان مكتفاش بكده لا ده واحنا ماشيين وانا طبعا ماشية ببص فالارض علشان عيني متجيش فعينه ندهني وقالي انسة علياء لو سمحتي متمشيش عايزك اعمل ايه دلوقتي ياربي لو استنيت هيقولوا هو عايزها فايه وتبدأ بقى القيل والقال ولو مشيت ومعبرتوش هيقولوا اكتر وكمان مضمنش رد فعله ايه بعد ما احرجه ادام الدفعة كلها استنيت بس قلت لمنة متسبنيش لوحددي لقيته بمنتهى الوقاحة يقولها انسة منة ياريت تتفضلي انا طلبت علياء لوحدها قلتله لو منة مشت انا كمان همشي مفيش حاجة بيننا تخليني اقف اتكلم معاك لوحدي قالي خلاص خليها وبعدين مانا عارف انها حمامة السلام اللي وقعت بيننا منة اتضايقت جدا من كلامه وقالتلي علياء انا لازم امشي شوفي هتيجي معايا ولا لأ ومشت علطول بصوا هيا اصلا الندالة بتجرى في دمها ولا حرام يمكن خافت مصطفي يشوفها ومفضلش فالمعمل غيري انا وهو جيت امشي مسك ايدي ووقفني شديت ايدي من ايده - ياريت يا دكتور متنسالش حدودك انت المعيد وانا طالبة بمجرد ما ينتهي السيكشن يبقى مفيش كلام بينا - متعمليش كده يا علياء اديني فرصة ادافع عن نفسي - تدافع تقول ايه, تقدر تنكر انك كتبت كتابك على بنت عمتك فالوقت اللي كنت بتضحك عليا وعايز تخطبني فالسر - يا علياء حطي نفسك مكاني , عايزاني اعمل ايه يعني ارمي بنت عمتي , انا عمتي بين الحيا والموت , ده غير ان رحمة متعلقة بيا وكانت بتلجأ ليا انا وتكلمني تعيطلي من خوفها على مامتها(لا ياخويا ارمينى انا صحيح هو انا كنت من بقية عيلتك) - انت عايز مني ايه يعني , اقبل اني ابقى رقم اتنين ولا استنى لما تتخلى عن بنت عمتك, لو سمحت يا هشام متحاولش تكلمني تاني لو لسه عندك ذرة كرامة (ده لو يعنى) وسيبته ومشيت وانا مقررة اني عمري ما هكلمه تاني ورحت جرى عالمحاضرة بتاعة نفس الماة كيميا الزفت وطبعا كنت اتاخرت شوية على ميعاد المحاضرة خبطت وجاية ادخل لقيت الدكتور بيقول الهانم رايحة فين ان شاء الله؟ - داخلة المحاضرة يا دكتور - الساعة مع سعادتك كام؟ - معاييش ساعة (لقيت الدفعة كلها بتضحك) - حضرتك متاخرة 10 دقايق اتفضلى اطلعى بره وبعد كده تيجى في ميعادك - معلش والله يا دكتور اصل كتور هشام اخرنى في السيكشن - ماليش انا في الكلام ده ما كل زمايلك اللى معاكى في السيكشن جايين في ميعادهم اتفضلى اطلعى بره (بره بره يعنى بتطردنى من الجنة جتكم القرف عالم استغفر الله ) وفي المحاضرات اللى بعدها كان د\رخامة يشرح وبعدين يسال سؤال وارفع ايدى يخلى كل الناس تجاوب الا انا ومرة ماكنش حد عارف الاجابة غيري عمل نفسه مش شايف وكمل شرح هو (لا بقي ده متعممممممد ماهو مش معقول يكون البعيد اعمى البصر والبصيرة !!) مش قادرة اقولكم الوقت بيمر بطئ ازاي وكل اسبوع يوم التلات ده يعدي كانه شهر لوحده وكل مرة هشام يحاول يكلمني او يتلكك ويجي يقف جمبي وانا بشتغل ويعدل عليا. وبقت اتقل مادة على قلبي مادة الزفت كيميا المناعة مادة هم نظرى وعملى النظرى بيدينا دكتور استغفر الله رخم رخامة السنين والتنين والعملى سي زفت ومن هم لهم يا قلبي لا تحزن جت امتحانات الميدترم وانا مكنتش شايلة همها خالص انا اصلا بقيت شطورة وكنت بلهي نفسي بالدراسة علشان مفكرش فاي حاجة تانية متستاهلش تفكيري امتحنت النظرى وكانت اخر مادة بتاعة د\ رخامة وكان واقف بيراقب هو وواحدة معاه تقريبا امينة المعمل او حاجة كده وكل شوية حد يساله على حاجة في الورقة ويروح يجاوب وجه سؤال ماكنتش فاهمة عايز ايه بالظبط فندهتله وانا كنت في اخر المدرج وهو في النص تقريبا فجه في السكة وهو جاى واحد ساله على حاجة قام مطنشنى خالص وراحله وقال للى معاه شوفي هيا عايزة ايه وده ماله ده كمان! شكله معقد وجاى يطلع عقده عليا المهم وامتحنت العملى بتاع زفت هشام(الواحد هيروح جهنم في صاروخ ) ونتيجة العملى طلعت فالاسبوع اللي بعد الامتحان علطول... كنت مقفلة فكل المواد تقريبا,, الا مادة هشام جبت 5/20 ومنة 4/20 مكنتش مصدقة نفسي وهو قال الدرجات وكان منتظر اني اكلمه واقوله ازاي؟ بس انا مبقاش فارق معايا حاجة فعلا ,, مش قادرة اتخيل هو اد ايه طلع حقير, طبعا منة اتعصبت وفضلت تقوله ازاي يعني يا دكتور انا وعلياء من اوائل الدفعة قالها بكل برود لو بتشككي فالنتيجة روحي اشتكيني لدكتور المادة او حتى لرئيس القسم واتفضلي اطلعي برة وكلمة زيادة مش هتحضريلي سكاشن تاني وانا اللي هشتكيكي واحولك لمجلس تأديب (ابن التيييييييييت) حد يناولنى الشبشب انزل على دماااااغه الحقيييير , لا شبشب ايه ده حتى يوسخه انا اعمل اشاعة واقول انه عامل خلية ارهابية وبيبع مخدرات الاتنييين وهو اصلا بتاع كيميا وليهم في الحاجات دى واخليهم يقبضوا عليه ويكهربوه عشان يعترف على باقي الخلية ويتهبل ويمشي يغنى الكيمى كيمى كااااا فضلت ماسكة نفسي وحضرت السيكشن لاخره وهو طول الوقت مشلش عينه من عليا ونظرته كانت كأنه بيقولي انا مستنيكي تيجي تكلميني وانا هنجحك, بس انا عندي استعداد اسقط ومروحش اكلمه(دا عند امه يا ادهم) خرجت من السيكشن وكأن حد فتح حنفية عيوني, ولا حنفية ايه قولوا شلال لغاية ما مبقتش شايفة ادامي وكنت ماشية مش دارية بنفسي مفوقنيش غير صوت منة وهي بتندهلي بصيت عليها لقيتها مع مصطفى خطيبها ودكتور محمد رخامة جاى وبيقوللى علياء مالك بتعيطى ليه؟؟ طب اهدى بس وانا هتصرف انا عارف انك متفوقة واكيد فيه حاجة غلط برقت بصراحة دكتور رخامة بيقول انه عارف انى متفوقة؟؟ انا باين اغمى عليا تانى وبخرف فوقي يا علياء فووووقى وفاجاة مين طفي النور؟ لا بقي مش كل شوية كده يقطعوا الكهربا الله النور جه هىىىى ببص لقيت في وشي دكتور رخامة . ييييييه انا لسه بحلم ما تروح بقي يخربيت رخامتك لقيته بيتكلم انتى كويسة يا علياء؟؟ يالهوووووووتى دا طلع حقيقة احم احم اها كويسة هو ايه اللى حصل؟ منة: انتى يابنتى فاجاة اغمى عليكى فوقى ماتخافيش د\ محمد رايح ل د\ هشام يشوف النتيجة ويصحح الورق بنفسه صح يا دكتور؟ دكتور ؟ -د\هشام: ها؟ اه طبعا عن اذنكم - مصطفي: استنى يا دكتور انا جاى معاك (وده ماله ده كمان؟) -كده يا منة تسيبينى؟ - معلش والله يا لولو انا رحت اجيب مصطفي هو يتصرف وطلع صاحب د\ محمد فخدنى وروحناله - اوعوا تكونوا حكتوله عن هشام - لا طبعا احنا مجانين ؟ احنا بس قولناله اننا سقطنا ومش عارفين ازاى ولا ليه واصلا لما عرف انك انتى كمان سقطتى استغرب وقال انك مقفلة في النظرى ازاى تشيلى العملى يا موس انتى يا دحييييييحة - اااه اه قلبي قلبييي وانا اقول كل شوية يغمى عليا ليه؟ ماهو من قرك وعنيكى -انا برده يا لولو؟ - لا ياختى امى وحبة ولقينا مصطفي جاى وشااايط بيطلع نار من مناخيره تقولوش تنين منة: فيه ايه يا مصطفي؟ - مصطفى: الحيواااااان الزبالة انا معرفش كنت مصاحب الاشكال دى ازاى ده لا يمكن يكون بنى ادم وربنا كنت هقتله لولا د\ محمد - طب وهو فين ؟ - مصطفي: مين؟ - قصدى د\ رخامة ييه قصدى د\ محمد ؟ - مع الزفت هناك قاللى امشي انت وانا هتصرف يا ترى د\ محمد هيعمل ايه مع هشام؟ يامصيبتى لهشام يكدب ويقوله عليا حاجة يووووه ايه بس ياربي القرف ده افرجها من عندك ياارب ونشوف بقي الحلقة اللى جاية ان شاء الله هيحصل ايه؟ يا ترى هشام هيقول لمحمد حاجة؟ ومحمد هيعرف ينجح منة وعلياء؟ | ||||
|
| |
|
29-10-16, 01:37 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثالثة عشر منة: بس انت غلطان انك سبتهم لوحدهم يا مصطفي افرض اتبلى علينا مصطفي:هشام عارف انك خطيبتى وان د\محمد صاحبى ولو قال حاجة وحشة اكيد هيرد عليه ويعرفه مقامه ويبقي يقول حاجة وانا اخليه اخر يوم في عمره (هيييييييح يالا ما شاء الله ربنا يخليهم لبعض,مافيش حد ينطس في نظره ويحبنى كده دا المرة الوحيدة الحزينة اللى اتخطبت فيها يطلع متجوز عليا من اول يوم يا راجل طب كنت استنى لما اقدم شوية , اوباااااا هو عارف ان منة خطيبته بس انا ماليش حد وممكن يتبلى عليا انا وكمان رخامة هيصدقه ماهو اصلا مش طايقنى وقارش ملحتى معرفش ليه استرها يارب) حبة ولقينا د\ رخامة جاى علينا وباين عليه متعصب خلاص يا جماعة انا حليت الموضوع عن اذنك يا مصطفي ومشي وسابنا انا: هو فيه ايه؟ مصطفي: مش عارف هروح اشوف واستنونى يا منة هرجع هوصلكم انتى وعلياء منة: لا انا هروح مع علياء اوصلها الاول واروح على طول في تاكسي عالسريع يالا مع السلامة مصطفي : منننننننة منة: انت عارف يا مصطفي انه ماينفعش نروح سوى ومتفقين على كده من الاول مصطفي : بس علياء تعبانة سعادتك افرض اغمى عليها تانى ؟ تندهى عالناس من الشارع يساعدوكم لكن انا لا صح؟ انا: لا انا خلاص يا جماعة بقيت كويسة مصطفي بنرفزة : انا ماشي عن اذنك يا علياء سلام عليكم منة: يا مصطفي استنى بس مشي مصطفي ولا عبرها (خليكم شاهدين انا وربنا ماحسدتها دانا حتى قولت ما شاء الله ) مشينا وركبنا تاكسي ومنة طول الطريق بتعيط وانا اهديها واسندها مش عارفة مين رايح يوصل مين منة: شايفة حتى ما اتصلش يسال وصلنا ولا لا حرام عليكى مابقالناش 5 دقايق اكيد مالحقناش نوصل ومنة مستمرة في العياط واحنا متفقين من الاول وبعدين انا يعنى غلطانة في ايه انى بحافظ على نفسي اهو هشام اهو خطبك وكنا فاكرين انه بيموت فيكى وفي الاخرسبتوا بعض(ما علينا سيبكم من منة هيا متضايقة وبتحدف طوب مش قصدها) وبرده عياط عياط عياط وكلام كتير بقي لا داعى انى اعكنن عليكم وقولت للراجل يوديها بيتها هيا الاول يالا صاحبتى برده ولازم استحملها وروح بيتنا اتغديت ونمت بصراحة قعدت اتقلب في السرير كتير عما نمت الله يسامحك يا منة مش كنا نستنى نشوف حصل ايه وهشام قال ايه وصحيت لقيت منة مكلمانى 13 مرة قولت اوبااااااا تلاقي مصطفي قالها عاللى هشام قاله لرخامة اما اتصل اشوف في ايه؟ وبتصل ومنة ردت ولسه هقول السلام عليكم لقيتلكم موشح ووصلة عياط مستمرة اتفتحت في ودنى - شوفتى اهو ما اتصلش اهو وبتصل عليه يا يكنسل يا مايردش ووووو - خلاص اهدى يا منة يا حبيبتي هو بس متضايق شوية ولما يفك ان شاء الله هيكلمك هو - عااااااااا انا عايزاه يرد بقي انا بحبه والله خليه يصالحنى - حاضر حاضر بكرة ان شاء الله هخليه يصالحك - منة ووقفت عياط فاجاة: بجد؟؟ - ايووون ان شاء الله - ربنا يخليكى ليا يا لولو انا بحبك اوى - ههههههههههههه بتحبينى عشان بس هخليه يصالحك يا ندلة ؟؟ - هههههههههههههههه لا طبعا انا بحبك من زمان وانتى عارفة - هعرف منين يعنى كنتى قولتيلي؟ - يا بت بطلى رخامة بقي بحبيكى كتييييير اصلا اصلا - هههههههههه اصلا اصلا دى بتاعتى وعامة وفرى حبك ياختى لمصطفي الله الغنى عنكم وعن حبكم , المهم هموت واعرف ايه اللى حصل وهشام هيزودنا ولا لا - مش عارفة بقي هبقي اسال صاصا لما يصالحنى - صاصا؟؟ طيب ياختى يا بتاعة صاصا اقفلى بقي صدعتينى وخلصتيلي الرصيد - ماشي ماشي سلام يا احلى واحن لولو في الدنيا كلللللللللها - ههههههههه سلاام يا بكاشة مش بقولكم البت منة دى طيبة وعبيطة اوى تانى يوم الكلية كان علينا محاضرة بس اتلغت فقولت اريح بقي يوم في البيت بس ازاااااى؟ منة زهقتنى اتصالات ومصطفي زعلان منى وانتى قولتى هتصالحينى وو فقررت اننا ننزل الكلية وطول السكة كلام عن مصطفي لما كرهته وكرهت منة شخصيا وقررت اقطع علاقتى بيهم اساسا واغير رقم التليفون واعزل من البيت دماغى وررررمتمضروبة في عيني روحنا الكلية وسالت على مصطفي قالوا قاعد في اوضة دكاترة الكيميا في الدور التانى طلعت لقيته قاعد على مكتبه وجمبه دكاترة كتير ومنهم رخامة اللى بصلى بصة غريبة مافهمتلهاش معنى فاتنحنحت وقولت السلام عليكم -معلش يا مصطفي ممكن كلمة بعد اذنك جه مصطفي وبعدين لقي منة واقفة معايا قام باصص الناحية التانية وقال ايوة يا علياء كنتى عايزة ايه؟ منة: بقي كده ؟؟ ماااشي انا مستنياكى هناك اهو يا علياء خلصى وتعالى (هههههههههه لا يا راجل ايه لعب العيال ده استنوا عليا بس وكمان يا منة يا ندلة يعنى تسيبينى واقفة لوحدى معاه وانا اللى جاية اصالحكم على بعض ) وانا بكلم مصطفي د\ رخامة طلع علينا وبص برده بصة غريبة جدا ومشي - مصطفي لو انت خلاص مش عايز منة فياريت تنهى الموضوع مع اهلها - نعم؟ ايه الكلام ده !!هيا اللى قالتلك كده؟ - لا هيا ماقالتش حاجة ماهو انت يا اما تصالحها يا اما تسيبها الموضوع مافيهوش وسط صح ولا ايه؟ - علياء انتى عارفة انى بحبها بس يرضيكى اللى عملته امبارح؟ - انا عن نفسي يرضينى هيا عملت الصح وبتحافظ على نفسها عشان جوزها اللى هو انت لما ربنا يتكبلكم وتتجوزوا ان شاء الله - يا علياء انا فاهم واحترمت ده فيها بس دى ظروف والدين بتاعنا دين يسر مانتوا هتركبوا التاكسي مع سواق غريب - بص يا مصطفي انا مش هتناقش معاك في الموضوع ده انا بس هقولك انتوا اتفقتوا على حاجة في الاول وانت وافقت ماتلومهاش دلوقتى وياريت تصالحها بقي عشان البت فطرت قلبها من العياط من امبارح - مصطفي بخضة: بتعيط ليه؟ مالها ؟؟ قولى وقفتى قلبي - مالها ايه بس؟ انتوا هتجننونى؟ اصل بعيد عنك خطيبها حبيبها زعلان منها ومش بيرد على تليفونه , فقالت تزهقنى انا اتصالات - حبيبها؟ هيا قالتلك كده؟؟ - ههههههههه انت سيبت كل الكلام ومسكت في دى؟ بقولك ايه انت عايز توقعنى في الغلط وانا ماليش دعوة اهى عندك روح اسالها - طب بقولك ايه؟ - ايه؟ - اندهيلها تيجى - اشمعنى؟ - ييييييه اندهيلها وخلاص - حاضر استنى هنا لما اروح اندهلها - منة تعالى خلاص مصطفي صالحك - لا خليه هو يجى يصالحنى هنا انا اصلا اللى زعلانة بقي اروح اصالحه يلف وشه الناحية التانية؟ - لا يا رااااااجل والعياط بتاع امبارح وبحبه يا علياء وزعلان منى يا علياء وهموت يا علياء - امشي من وشي يا علياء وقوليله يجى يصالحنى هنا - صدق اللى قال خيرا تعمل شرق الدلتا دلوقتى امشي من وشك؟ - مصطفي هيا زعلانة منك وبتقول لازم تروح تصالحها عشان هيا جتلك لحد عندك وانت عاملتها وحش - يا سلااااام؟ وامبارح لما تعاملنى كانى غريب عنها وتحسسنى انى ذئب بشرى وهاكلها كان حلو؟ - انتوا بتمثلوا على مين زهقتونى؟ بقولك ايه انا هروح اجيبلك دبلتك واقولها انك مش عايزها ولسه جاية امشي - استنى هنا انتى اتجننتى؟؟ (هعهعهع ضحكات شريرة متقطعة) - خلاص انا جاى اصالحها - لا طبعا وفين كرامتك؟؟ - يا ستى مافيش في الحب كرامة تعالى بس (هههههههههههه ايه رايكم فيا؟؟ استنوا لسسسسسسه ) -لا خليك هنا ثوانى وجاية -رايحة فين استنى مشيت ولا عبرته روحت لمنة - مش راضي وبيقول انه لسه زعلان منك وانك حسستيه انه كان هياكلك وهو اكتر حد بيخاف عليكى في الدنيا بصراحة كلامه قطع قلبي الواد بيقول انه حاسس انك مش بتثقي فيه - يالهوى لا طبعا والله ماقصدش كده خالص انا بحبه اوى وبثق فيه اكتر مابثق في نفسي وانتى ازاى تسكتى؟ ماقولتيش حاجة؟ مادافعتيش عنى؟ - اقوله ايه بس؟ الواد كان هيعيط ومنهار وانتى مصممة ماتروحيش تصالحيه - لا خلاص قومى نصالحه؟ - اقوم ايه يا بت وكرامتك؟ - كرامة ايه بلا قرف بقولك بحبه قوووووومى فزى - افز؟؟ على راي المثل يا داخل بين البصلة وقشرتها اهئ اهئ وخدت منة ومشينا ناحيته وهو اول ماشافها جه جرى عليها والاتنين في نفس الوقت - انا اسف - انا اسفة (وانا عاملة نفسي نااااااايمة وانا عاملة نفسي ناااايمة) - هههههههههه والله انا اللى اسفة انجزوا بقي مش كفاية منزلنى الكلية في يوم اجازة ومنة ومصطفي اتصالحوا وانا اكتشفت انى ينفع اشتغل كيوبيد او مصلحة اجتماعية او اى حاجة كده الله عليا كده وانا امورة بحبنى بحبنى مكسوفة - طب يا عصافير الحب معلش هقطع عليكم رومانسيتكم شوية هو د\ محمد عمل ايه مع هشام يا مصطفي - قاللى انه صحح الورق وانتى قفلتى العملى ومنتى جابت 19 من 20 - منتك؟ ما علينا طب ماقالكش هشام قال ايه ولا كده؟ - لا ماقالش جاله تليفون واستاذن ومشي - يييييييه يعنى برده ماعرفناش ايه اللى حصل - يا ستى المهم انكم اخدتم درجاتكم - اه الحمد لله - طب يالا يا منة مش نمشي بقي؟ - دلوقتى؟ ماتستنى شوية - مصطفي: اه خليكم شوية انتوا لسه جايين - لا بقولكم ايه انهاردة اجازة ماتضيعوش عليا اليوم - خلاص خلاص احنا هنمشي بقي يا مصطفي مش عايز حاجة؟ - عايز سلامتك خلوا بالكم من نفسكم - نفسكم؟ عليا برده ؟ حاضر هخلى بالى من منة - ههههههه لا والله يعلم ربنا انى بعزك وبعدين مش انتى اخت منة يعنى اخت مراتى - مراتك؟ لااااا دانت سابق عصرك واوانك يالا يا مونى احسن ده خلاص عدى - مع السلامة - سلااااااااام وماقولكوش بقي منة طوووووووول السكة قرفتنى برده بمصطفي وبتحب مصطفي (ومصفي يا مصطفي انا بحبك يا مصطفي هسسسس لمنة تسمعنى وتقتلنا كلنا ) المهم عدت الايام وجه يوم التلات استغفر الله العظيم رحمتك يارب روحت الكلية انا ومنة وجه ميعاد السيكشن وكاااانت المفاجأة دخل علينا معيد تانى اسمه علاء ولما زمايلنا سالوا امال فين د\ هشام قال انه سافر بعثة لانجلترا وان هو اللى هيكمل معانا وانا عايزة اغنى وارقص يسعدك اشك اشششششششششششك الحمد لله هم وانزااااااح مش عارفة اوصفلكم شعورى بجد الفرحة ماتتوصفش وكملنا السيكشن ومنه عالمحاضرة ود\ رخامة كان غريب المرة دى تحسوه كان اقل رخامة غريبة يعنى اشمعنى ؟ يييييييه وانا مالى ولا هو اكل وبحلقة انا لازم ادبحلى ارنب لله وافرقه عالفقرا والمساكين مافيش ايموشن بيرقص هنا؟ وتعدى الايام وابشركم بنتيجة الامتحان طلعت الاولى هى هى هىىىىىىىىى ومنة التانية هى هى هىىىىىىى والعيد فرحة مااااااااء انا منشكككككككككككحة صدقوووونى وقابلتلكم مييييييين؟ د\رخامة نفسي اقوله شكلك بيلبش جتتتتتتتتتتتى يا راجل ضيعت فرحتى الله عليا بقول شعر ابتسامةانا؟ لقيته جه وبيقوللى - بعد اذنك ممكن لحظة يا انسة علياء (انسة؟ وده من ايه الاحترام ده) (ما علينا ) -اتفضل ولقيت منة مشت وقفت بعيد شوية مافيييييش فايدة -لو سمحت كنت عايز رقم والدك -والدى انا؟ (يا نهااااااااااار هيشتكى لابويا منى ايه لعب العيال ده!) -ايوة والدك -طب حضرتك عايزه ليه؟ -موضوع شخصي لو سمحت الرقم -حاضر اهو 012....... -شكرا عن اذنك ومشي يا ترى عايز ابويا في ايه ده كمان؟ خير اللهم اجعله خييييير وهنعرف بقي الحلقة الجاية ان شاء الله | ||||
|
| |
|
29-10-16, 01:39 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الرابعة عشر روحت البيت اتغديت ونمت شوية صحيت بالليل لقيت بابا بيندهلى تعالى يا لولو عايزك في موضوع - ياعيون لولو - هههههههههه يا بكاشة انا برده - اه طبعا يا حاج عيب عليك دانت اللى في القلب يا معلم - معلم؟ بالذمة دى واحدة دخلت كلية - ايوة بقي نفس الاسطوانة بتاعة ماما (ادخل في الموضوع بقي ادخل عليا بالتقيييييل) - انتى تعرفي حد اسمه د\ محمد رفعت؟ - ايوة يا بابا ده دكتور عندى في الكلية ليه خير؟(استعباط بقي) - مافيش اصله كلمنى - (ايوة يا بابا وبعدين انا كده هتشل) ايوة وعايز ايه؟ - ابدا يابنتى كلمنى على مصنع هو مشرف فيه او حاجة زى كده مش فاكر بالظبط قاللى ايه وكان بيطلب منى يعنى انك تروحى تتدربي هناك - ها؟؟ - مالك يابنتى تنحتى كده ليه؟ - هو خد منى رقمك عشان كده؟ - اه امال فاكراه عايز ايه؟ - ها؟ لا ابدا , كمل حضرتك قولتله ايه؟ - قولتله هفكر وارد عليه - وراي حضرتك ايه؟ - بصراحة انا قبل ما اتكلم معاه اكيد كنت هرفض بس كلامه اقنعنى وقال ان ده خبرة ليكى وانه كمان هيعتبر تدريب صيفي في مجالك وممكن كمان يساعدك في مشروع التخرج وهيرفع من مستواكى في الكيميا وانا طول عمرى اسمعك تشتكى منها وكمان اللى طمنى انه قال انه هياخد باله منك وان منة زميلتك كمان هتروح المصنع , بس انتى عارفة انى عمرى ما هغصبك على حاجة انتى ايه رايك يا بنتى؟ - بصراحة يا بابا هيا منة كانت اقترحت عليا الموضوع بس قولتلها ان حضرتك اكيد هترفض عشان المصنع بره الب وكده حتى لو تدريب عشان عارفة حضرتك كويس بس فعلا كنت حابة اروح معاها - خلاص يابنتى بس برده صلى استخارة وردى عليا احنا مش مستعجلين هو قال التدريب هيبتدى عالاحد اللى جاى ان شاء الله - حاضر يا بابتى يا جميل انت - هههههههههههه يابنتى بطلى بكش بقي - بكش ايه بس دى محبة يا عم - يا عم؟ طب روحى الله يسهلك - ههههههههههه ليه بشحت انا - يابنتى روحى شوفي مامتك بتعمل ايه وساعديها بلاش غلباوية - حاضر حاااضر كملت اليوم عادى بس قبل ما انام صليت استخارة وصحيت الصبح عادى مش حاسة بحاجة فاتكلت على الله وقولت اكلم البت منة افرحها اتصلت بمنة - صباح الخير يا لولو - اسمها السلام عليكم - السلام عليكم - هههههههههه وعليكم السلام عندى ليكى خبر بمليون جنيه - خير؟ - هاجى معاكى التدريب في المصنع - بجد؟ - اه والله - يا حبيبي يا صاصا - نعم نعم ياختى؟ وايه اللى دخل صاصا اقصد مصطفي في الموضوع - ماهو اللى قاللى هيتصرف ويقنع باباكى - ازاى ده رخامة هو اللى كلم بابا - يابت لمى نفسك ده د\محمد ده عسلية كفاية انه صاحب صاصتى - صاصتك وعسلية؟ طب وربنا اقول لمصطفي انك بتعاكسي صاحبه - هههههههههه مش هيصدقك اطلعى منها - دلوقتى اطلع منها ولما تزعلوا مع بعض تجيلي اصالحكم ندلة بصحيح - ههههههههه خلاص بقي يا لولو المهم انك هتكونى معايا استنى صاصا عالويت - طب انا... حطتنى عالويت التييييت - ايوة يا لولو قاللى ان هو قاله هيتصرف فهو اللى حلها - مين قالك ايه عن مين؟ - مالك يابنتى ماتفتحى مخك ده شوية , اصلا د\ محمد اللى كان قايل لمصطفي عالتدريب ليا وليكى عشان احنا الاوائل وكده فكان بيسال مصطفي هنعمل ايه قاله ان باباكى مش موافق وانا مش هروح من غيرك ف د\ محمد اللى انتى مش طايقاه قال لمصطفي هيتصرف بس كده ياستى واهو اتصرف بصراحة انا شايفة انه ذوق جدا - تانى مرة تعاكسيه قدامى ومصطفي الغلبان نايم على ودانه الا صحيح هو مصطفي اصلا موافق انك تروحى المصنع ازاى ؟ - هههههههههه ماهو هيجى معانا يابنتى د\محمد هيشغله معاه , صح كنت عايزة اقولك خبر حلو - خبر حلو ايه خيييير - انا هكتب كتابى الخميس اللى جاى لا اللى بعده - نعم؟؟ والله؟ وسعادتك كنتى مستنية اتصل عشان تقوليلي الكلام ده؟ - لا والله يابنتى هو قال لبابا بس بابا كان رافض تماما فكرة كتب الكتاب الا مع الفرح بس صاصا قعد يقنع فيه لحد امبارح متاخر لما بابا وافق واخيييييييرا وطبعا الوقت كان متاخر فمعرفتش اكلمك وصحيت على مكالمتك الصبح - ممممممم ماشي يا ستى عفونا عنكى ولولولولولىىىى الف مليون مبروك يا حبي - الله يبارك فيكى وعقبالك يارب - هههههههههه لا ياختى انا حرمت وقاعدة على قلبك ومستربعة - ههههههههههههه بكرة يجيلك اللى يوقعك على بوزك وتغيري رايك يا اوختى - بوزك واوختى؟؟ بيئة بيييييئة اتخدع فيكى مصطفي ياعينى - هههههههههههههه عاجباه ياختى - هههههههههه ماشي ياختى ربنا يهنى سعيد بسعيدة او منة بمصطفي المهم هتعملى ايه في القاعة والفستان وكده؟ - هنعمله في المسجد بس بالنوسبة للفستان بقي عايزاكى تفضيلي نفسك عشان ننزل - بالنوسبة؟ ما علينا قشطة هتنزلى امتى ؟ - انهاردة على 5 كده فاضية؟ - لو مليانة افضالك يا وزتى - بغض النظر عن الالش بس ماشي هعدى عليكى - واقعدى بقي قضيها ماسكات وكده , صح والتدريب يابت المفروض تقعدى في البيت عشان وشك مايبقاش مرهق - اها مانا اتفقت مع مصطفي على كده واستاذن د\محمد بس قاله انك انتى لازم تروحى من الاول - يييييييييييه هروح لوحدى؟ - معلش يا لولو والله غصبن عنى انا قولت لمصطفي انه يقوله انا وانتى بس د\محمد قال ان لازم حد يشيل الشغل من المتدربين لان مافيش غيرى انا وانتى - كمان هشيل شغلك؟ ده ايه الصحوبية اللى جاية عليا بخسارة دى - بقي كده يا لولو؟ - ههههههههه لا بهزر ياختى مابتهزرش يا رمضان المهم هقفل بقي ناو عشان ماما بتنده ورنيلي لما تيجى تلبسي مش عايزة حاجة يا عرورة؟ - عرورة؟ لا ياختى شكرا سلام - سلااموز ورحت ساعدت ماما واتغديت ولما منة رنت لبست ونزلنا وعدى الاسبوع في مشاوير لحاجات منة من فستان وكوافير وو وجه يوم الاحد الصبح ماما بتصحينى - يا عليا قومى بقي الساعة بقت 7 - 7؟ يالهوى يا ماما ده المصنع 8 انتى لسه جاية تصحينى؟ - يابنتى وربنا غلبت فيكى والمنبه يرن ومافيش فايدة قمت جررررى خدت دش عالسريع ولبست ونزلت ركبت تاكسي اللى خد منى 30 جنيه عشان المصنع بره البلد ماهو انا اللى استاهل ضرب الجذمة حد قاللى افوت الباص بتاع المصنع مهمومة ومحتارة واخيرا وصلت للمصنع للاسف عما وصلت كانت الساعة بقت 8 ونص لقيت عالبوابة راجل عجوز - انتى رايحة فين يابنتى - انا جاية اتدرب هنا - طب الساعة بقت 8 ونص اجرى قبل ما التفتيش يعدى انا المفروض اخد منك البطاقة اشوفها بس اجرى انتى عشان تلحقي - ربنا يخليك يا عمو - محسوبك عم عبده - ربنا يخليك يا عم عبده وجرييت لجوه يا مصيبتى كل ده مصنع ودخلت من الباب لقيت ناس جوه روحت سالتهم - سلام عليكم لو سمحت انا متدربة جديدة المفروض اروح فين؟ - اطلعى الدور التانى فيه مكتب الباشمهندس محمد اساليه ولسه هقوله شكرا لقيت صوت من ورايا بلف لقيته د\رخامة - اتفضلى ورايا وطلعنا الدور التانى لقيته بيقوللى الساعة كام معاكى؟ وكل ده وهو ماشي ومدينى ضهره - معاييش ساعة - بصي في الموبايل - احم الساعة 9 الا ربع - وميعاد سعادتك الساعة كام - الساعة 8 بس اصل - مافيش بس يا اما تلتزمى يا اما هتتطردى - اتطرد؟ - ايوة تتطردى ده شغل مافيهوش مجال للدلع انتى هنا زيك زى اى حد شغال ونده لواحد اسمه عم احمد - عم احمد دى المتدربة الجديدة فهمها شغلها ولو فيه منها اى تقصير بلغنى - حاضر يا ابنى تعالى ورايا يابنتى بصوا بقي مانا يا اما هقتله يا اما هقتللللله قال دلع قال بدات شغل وكان كل شوية رخامة يعدى يسال عم احمد - ها يا عم احمد عاملة معاك ايه؟ (عاملة دى على اساس ان ماليش اسم) - لا عاااال ومخها نضيف - طب بلغنى لو فيه اى حاجة - ماشي يا ابنى - لا حول ولا قوة الا بالله اللهم طولك يا روح - بتقولى حاجة يابنتى؟ - ها؟ لا مابقولش الا هو د\محمد على طول كده؟ - على طول ايه؟ - يعنى على طول مدى الوش الخشب للناس - ههههههههه محمد؟ ده انا ماشوفتش في طيابته ولا في وشه البشوش - بشوش؟ لا ماهو واضح - ماتزعليش منه يا بنتى هو بس في الشغل مابيعرفش ابوه يحب يفصل الشغل عن الهزار وكملت شغل وعم احمد بصراحة الله يصلحهاله كان بيشرحلى براحة خالص ومش بيتقل عليا في الشغل الظاهر انى صعبت عليه وحبة ولقيته بيقوللى - يالا يا بنتى - ايه هو الشغل خلص؟ - هههههههههه لا خلص ايه الساعة لسه 12 ميعاد الراحة يالا عشان تاكليلك لقمة - مممم طب هو فيه كانتين هنا؟ - ايه؟ - كانتين يعنى حتة اشترى منها اكل او حاجة حلوة او كده لانى نزلت متاخر ومالحقتش اعمل سندوتشات - لا هو احنا عندنا بس اسماعيل اللى هنا بيعمل شاى بس تعالى انا معايا اكل ماتخافيش - لا ربنا يكرمك يارب يا عم احمد شكرا انا لما اروح بقي هبقي اكل - يابنتى انا زى ابوكى انتى محروجة منى ولا ايه تعالى بس وابقي ياستى هاتيلي اكل معاكى بكرة اصلا انا عمتك ام احمد بتعملى اكل بالهبل ولو رجعتلها بحاجة منه تزعقلي شبه العيال - هههههههههه ربنا يخليهالك يارب - يااارب يالا بقي الراحة هتخلص ولسه ماكلناش - ماشي يالا - وخدنى وقعدنى على ترابيزة وقاللى استنى لما اجيب شاى - لالا استنى انا بقي هجيب الشاى - ماشي يابنتى هو هناك اهو وشاورلى عليه وكان زى كشك صغير جوه الاستراحة - رحت اجيب الشاى وقولتله لو سمحت عايزة اتنين شاى - ايه ده؟ هو المصنع بقي بيجيب ناس حلوين كده؟ - احترم نفسك يا اسماعيل وانتى روحى وانا هجيبلك الشاى (ده كان رخامة) - لا شكرا انا هجيب لنفسي بصلى حتة بصة قمت جارية روحت ناحية عم احمد - امال الشاى فين يابنتى؟ لسه جاية انطق لقيته بيقوله الشاى اهو يا عم احمد - تسلم يا هندسة تعبت نفسك - تعبك راحة يا عم احمد وبيبصلى بصة تخوف خالص (وده ماله ده!) ومشي (يادى اليعععع صديت نفسي يا راجل) ولقيت الوواد بتاع كشك الشاى جه قعد معانا وبيقوللى انتى اسمك ايه يا قمر عملت نفسي هندية وماردتش ساكت ليه يا جميل ومالك مابتاكليش حلو ليه؟ لسه هفتح بؤى واديه الموشح التمام لقيت عم احمد بيقوله مالكش دعوة بيها يا اسماعيل وهو انا عملت حاجة يا عم احمد انا بقول نتعرف مش احنا زمايل في مصنع واحد ولا ايه؟ ولقيت رخامة بيقول البريك خلص يالا عالشغل والحمد لله اترحمت من اسماعيل ده كمان وروحت كملت اليوم عادى ورخامة ماجاش تانى الحمد لله وخلص الشغل وخدنى عم احمد عشان نروح الباص لقيت رخامة ماشي ناحية عربيته وركب جريت وقولتله اتفضل حق الشاى وكان في ايدى 5 جنيه بصلى احتقار وقاللى روحى عشان تلحقي الباص وتيجى بكرة في الميعاد ومشي بالعربية وسابنى سيبونى علييييييييييه هاكله بسنانى انا باغلي امووووت واعرف هو ماله ومالى اكنش مرات ابوه وانا مش عارفة مستفاجأة بصوا اشوفكم بقي الحلقة الجاية بس ادعو بس ماكنش قتلته شكلها هتبقي اجازة فل قال يطردنى قال ايش حال ان هو اللى مكلم ابويا عشان اجى اتدرب هنا إلى اللقاء في الحلقة الجاية | ||||
|
| |
|
29-10-16, 01:40 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الخامسة عشر روحت البيت طبعا لقيت منة بتكلمنى رديت - لولوووو ازيك يا بت - سيبي لولو في حالها - ليه بس مالك يا حبي؟ - كده يا منة ؟ دى عملة تعمليها انتى تتجوزى وانا اتدبس في رخامة الله يسامحك - هههههههههههه عمل ايه بس انتى اللى حطاه في دماغك ده ذوق واخلاق - ذوق واخلاق؟؟ النمرة غلط يا عماد, وهكون حطاه في دماغى ليه ياختى ان شاء الله دا هو اللى حاططنى في دماغه زى ما اكون مرات ابوه - هههههههه طب اهدى واحكيلي - حكيتلها طبعا على كلللل حاجة من طقطق لسلام عليكم - لقيتلكم صاحبتنا مقتووووووولة ضحك - اتهدى يا بت بتضحكى على ايه؟؟ - وهيا مستمرة عادى - هقفل وربنا انتى حرة - ههههههههه لا خلاص هههههههههههه - لا والله؟ لا ماهو باين انا غلطانة اصلا انى بكلمك - هههههههههه خلاص خلاص ماتزعليش يا لولو بس روحى بقي بدرى بكرة واهو على راى المثل امشي عدل يحتار عدوك فيك - مثل؟؟ بقيتى بيئة اوى يا منة ياعينى عليك يا مصطفي الواد اتخدع فيكى - نعم نعم ياختى؟؟ ليه ان شاء الله؟ - مش بقول بيئة - كده يا علياء؟؟ - لا طبعا يا حبي انا بهزر - ماشي ماشي عفونا عنكى - ههههههههههه ماشي يا وزة انا هقفل بقي احسن همووووووت وانام - ماشي يا حبيبتي تصبحى على خير وحب وفرحة من القلب - ههههههههههه حيلك حيلك انا مش مصطفي , وانتى من اهل الجنة يا حبي بصراحة مش عارفة هكمل الاسبوع ده ازاى من غير منة ونمت من بدررررى كنت مقتولة من التعب تانى يوم صحيت من بدرى لبست ونزلت علشان الحق الاتوبيس والغريبة بقي لسه بطلع لقيت د/رخامة في وشي (ايه ده! مش معاه عربية ايه اللى جايبه معانا ده!! ياربى حتى الشوية اللى كنت هرتاح منه فيها اللهم لا اعترااااض) طلعت وقولت السلام عليكم ودخلت اقعد لقيت عم احمد قاعد في كرسي واللى جمبه فاضي وواحد تانى قاعد في كرسي برده فضلت متنحة شوية اعمل ايه؟؟ لقيت عم احمد نده للراجل اللى جمبه وقاله تعالى يا حسن اقعد جمبي خلى الانسة علياء تقعد براحتها وراح حسن ده يقعد جمب عم احمد بس عم احمد قاله ادخل انت جوه وبقي هو اللى قاعد ناحيتى (ذووووق عم احمد ده والله حبيبي حبيبي) رحت اقعد بقي وقعدت عالكرسي اللى عالطرف علشان ماحدش يجى يقعد جمبي لقيت دكتور رخامة جاي واقف يكلم حسن واصلا المكان اللى بين الكرسي بتاعى والكرسي اللى جمبه مش واسع ( يخربيتك ده انت شكلك هتطلع متحرش انت كمان ولا ايه وانا اللي كنت فاكراك محترم سبحان الله اللى تفتكره نينجا يطلع ترتر ) وهو بيتكلم لقيته خبط فيا (يالهوييييييييييييي كان عندي شك بقى يقين , عامل نفسه محترم ومتدين وهو ماشي يتحرش ببنات الناس) لقيته رجع لورا ووشه احمر جدا (يوغتي كميلة اتكسفتي يا بيضا ال يعني الواد محترم( - انا متأسف جدا يا انسة... - عادي يا دكتور محصلش حاجة - ازاي يعني محصلش حاجة - ها.؟ (يخربيت البجاحة مش عاجبك كمان اني عملت نفسي مش أخدة بالي( - طبعا حصل ..وكمان الطريقة اللي حضرت قاعدة بيها غير لائقة - (غير لائقة انت فاكر نفسك بتشرح فالمدرج) دكتور انا مسمحلكش انا محترمة جدا ومش هسمح لحد ايا كان يقول عني اني بتصرف بطريقة غير لائقة ...وفعلا حصل بس الغلط كان من حضرتك مش من عندي المفروض تخلي بالك حضرتك مش شايفني قاعدة هنا ؟؟والمفروض.. كمل كلامه كأنه مش سامعني اصلا - ازاي تقعدي على الطرف كده انتي مش شايفة ان المكان ضيق واللي رايح واللي جاي ممكن يخبط فيكي. - يعني حضرتك تخبط فيا وانا اللي اطلع غلطانة كمان - قلت لحضرتك اني اسف ... وكلامي مش معناه ان انتي مش محترمة بالعكس ...كل اللي اقصده انك تخلي بالك من تصرفاتك.. وياريت اول ما نوصل تيجي على مكتبي علشان افهمك شغلك الجديد.. بعد اذنك وسابني ومشي من غير ما ارد عليه ولا اهزقه ... انا متعودتش حد يبهدلني كده وكمان هو اللي غلطان... الحمد لله ان محدش كان سامع غير عم احمد اللي كان متابع الحوار اللي بيبنا هو هزقني صحيح بس بتحضر مش ان بابليك.. اول ما وصلنا المصنع قولت مش هعبره شغل ايه اصلا وجديد ايه هروح اقعد مع عم احمد اكمل الي كنت شغاله فيه امبارح مفيش خمس دقايق لقيته طب علينا زي القضا المستعجل - انا مش قولتلك تجيلي؟ - ورايا شغل بخلصه - سيبي اللي فايدك يا علياء وتعالي معايا(علياء؟؟ اول مرة يعنى يناديلي باسمى اتجرا عليا اوى الراجل ده) واثناء مانا بكلم نفسي لقيته لف ورجع وبيقول - وياريت تجيبي شنطتك واوراقك - (اوراقي ؟؟هو قرر انه يمشيني ولا ايه... احسن والله حتى ارتاح منه هشوفه فالدراسة والاجازة كمان) حاضر يا دكتور مشيت معاه وانا مش عارفة مصيري لقيته رايح مكتبه دخلت وراه وانا متوجسة خيفة(شايفين اللغة العربية الفصحى معلمة انا وربنا ( دخل قعد على المكتب وقالي اتفضلي يا دكتورة )دكتورة!!!!!!! يا سبحان الله من شوية كنت علياء ربنا يستر في اللى جاى) - بصي يا علياء انتي ليكي مستقبل هايل جدا ... حتى لو مدخلتيش الكارير فالجامعة فاي مصنع او شركة كبيرة تتمني يكون عندها حد بالقدرات والاحتمالات المبشرة دي - (قدرات واحتمالات مبشرة؟؟ ايموشن قرفان من الكلام) انا مش شايفة فيا حاجة زيادة عن زمايلي يا دكتور بس عموما شكرا على زوقك - انا مش بجاملك ... انا مش بجامل حد وانتى اكتر حد عارف كده خصوصا اني عنفتك فاكتر من موقف زي النهاردة مثلا... انا بحب المثالية - بمناسبة النهاردة يا دكتور انا حابة اقول لحضرتك - متقوليش حاجة الموضوع خلاص انتهى و انا مش بحب ادي المواقف اكتر من حقها... وبعدين انا اكيد مش جايبك هنا علشان اشكر فقدراتك - اكيد... بس انا برده مافهمتش حضرتك عايز ايه - المفروض انك كنتي تقضي معظم التدريب مع عم احمد تتدربي على الشغل بتاع العمال علشان تبقي جبتي الموضوع من اوله خالص وتبقي زي ما بيقولوا كده شاربة الشغل... بس انا شايف انه حرام لان انتي وكمان منة من الناس اللي قدراتها زي ما قولت عالية جدا وعلشان كده هتتنقلي تشتغلي مع المهندسين الكيميائيين اللي معانا فالمصنع - هتنقل لوحدي؟ - لا طبعا انتي ومنة بس لما تبدأ تشتغل - تمام يا دكتور واتصل بواحدة فالتليفون قالها باشمهندسة جميلة ياريت تيجيلي المكتب قفل معاها وفضل يتكلم شوية عن الالتزام والاخلاص فاي حاجة نعملها ... والشغل ده لازم اعتبره رقم واحد فحياتي لان على اد ما اديله هيديني... وان الاخلاق جزء لا يتجزء من الشخصية واني لازم اراعي تصرفاتي علشان محدش يفهمني غلط او اخلي نفسي موضع شبهات وطبعا خلال الكلام ده كله مسمحليش اعقب عليه خالص الكلمة الاولي والاخيرة ليه وكمان الوسطى ما شاء الله كل اما اجى افتح بؤي يشاورلى بايده يوقفنى ويكمل الحمد لله بشمهندسة جميلة جت... هي بصراحة اسم على مسمى زي القمر انا كبنت تنحت لما شفتها هو بجد في جمال كده ما بالك بقى الولاد بيعملوا ايه لما يشوفوها حبيت اشوف هو هيبصلها ازاي فضول يعني.... لقيته كأنه مش شايفها اصلا مع انها وشها نور اكتر من ما كان وعنيها بتلمع لما بتبصله زي ما عنين فاتن حمامة بتلمع لما بتشوف صالح سليم فالباب المفتوح ... قالها - زي ما عرفتك امبارح يا بشمهندسة دي علياء اللي هتدرب معاكم... ياريت تاخديها توريها المكتب اللي هتشتغل فيه وتعلميها الشغل - انت تؤمر يا محمد - وابتسمتله ابتسامة عريضة اوي كده (سبحان الله مع انها امورة وسنانها كأنها بتعمل اعلان معجون سنان بس بردو محسيتهاش ... ضحكتي احلى) مشيت معاها لغاية ما وصلنا المكتب لقيت 5 مكاتب جمب بعض ليهم باب ازاز من برة مكتب قاعدة عليه بشمهندشة عسولة كده اول ما شفتها حبيتها علطول هي خمرية وقصيرة ورفيعة خالص وتحس وشها اخد وضعية الابتسام علطول, ومكتب لبشمهندسة فرجينيا جميلة الجميلات(جميلة) ومكتب تاني لبشمهندس خالد (توم كروز المصنع ولا توم كروز ايه قولوا براد بيت واحد تقيل كده فنفسه وشايف نفسه اوي بس بصراحة معاه حق الواد يستاهل مووووووووز) وشاورتلي على المكتب اللي تحت التكييف وقالتلي ده هيبقى ليكي انتي وصاحبتك اسمها ايه منى ولا منة مش مهم, والمكتب الاخير ده بتاع بشمهندس يحيي بس ده هتلاقيه غالبا فى الكانتين وفضلت بقى ست جميلة تعلمني الشغل وهي مبسوطة اوي مش عارفة ليه , وفضلت تسألني عن دكتور زفت رخامة وهي فاكرة ان هي اللي بتوقعني فالكلام وانا اللي عمالة اجرجرها وهي بتدلق زي الجردل, المهم طلع دكتور رخامة كان دفعتها وكيوت وطلع صغير عنده 28 سنة بس مش عارفة لحق يعمل ماجستير ودكتوراه امتى اكيد علشان سافر عقبالنا يارب, وطلع كمان كان خاطب البنت اللي كانت التانية فدفعته وكان قصة حبهم حديث المدينة كلها مش الجامعة بس, وهو سافر اول ما اتخرج علطول لانه كان شغال مع دكتور اجنبي اصلا فى مشروع تخرجه , وبعد ما سافر بكام شهر ظبطلها شغل هناك معاه وكان هينزل اجازة يتجوزوا وياخدها ويسافر وبشمهندسة جميلة متعرفش حصل ايه بعد كده, بس انا عارفة انه مش متجوز , هموت بقى واعرف ايه اللي حصل لانها كمان قالتلي انه كان كيوت وبيموت فالهزار والرحلات , شكله اتصدم يا عيني لما قلت لبشمهندسة جميلة انه مش متجوز فرحت اوي الظاهر كده انها كانت بتحبه (بتحبي فيه ايه يا منيلة) فنص الكلام واحنا بنضحك ونقهقه لقينالكم عم براد بيت بيزعق ويقول مش هينفع الشغل كده يا بشمهندس لو حابين تحكوا اتفضلوا روحوا حتة تانية,( الهي تتشك فبطنك يا بعيد هي ناقصاك انت كمان رخامة سايبلى حد من ريحته هنا) إلى اللقاء في الحلقة الجاية | ||||
|
| |
|
29-10-16, 02:08 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السادسة عشر بجد حرااام رخامة هنا ورخامة هناك يا الله فينك يا منة تهونى عليا الايام المنيلة بنيلة دى فقت على صوت بشمهندسة جميلة - سيبك منه وركزى معايا انا المهم يعنى انتى متاكدة انه مش متجوز؟؟ ولا خاطب ولا كده؟ - ها؟؟ (ودى مالها دى كمان ) اه ماهو مش لابس دبلة - يييييييه ماهو ممكن يكون مش لابسها بس متجوز عادى فيه رجالة مابيلبسوهاش - (ياستى وانا مالى انا !!) اه فعلا - طيب طيب خلينا في الشغل بقي - هىهىهى شوفوا الست الخبيثة ! دلوقتى خلينا في الشغل حبة ودخل علينا راجل قصير كده شوية وتختوخ حبة وقال بمرح كده السلام عليكم وكله رد السلام لقيته بيبصلى وبيقول ايه ده مين الوجه الجديد مش تعرفونا ردت عليه بشمهندسة جميلة - دى الاء المتدربة الجيدة معانا (نعم ياختى؟؟ الاء مين دى ان شاء الله ) - الاء؟عاشت الاسامى - بصيت باحتقار لجميلة هانم ورجعت بصيتله وقولتله علياء عليااااااء - لقيتها بتقول بكل استفزاز الاء من علياء مش هتفرق كتير - (حد يسكت الولية دى بدل ما اقوم اجيبها من شعرها ) فعلا مش هتفرق على رايك يا باشمهندسة مديحة - جميلة يا حبيبتي جميلة - (هو فين الجمال ده جتك القرف واحدة بواحدة) اها سورى - سيبك من جميلة دلوقتى هيا كده مابتعرفش تحفظ اسامى (لا والله؟ مابتعرفش تحفيظ غير محمد وبس؟) - عالعموم انا اسمى يحيي - اتشرفت بحضرتك يا باشمهندس - باشمهندس ايه بس قوليلي يا يحيي خلى البساط احمدى وخدى خدى ولقيته بيحدفلى مولتو - لا ربنا يخليك شكرا - لا والله هزعل لو ماخدتيش علشان يبقي بينا عيش وشيكولاتة - هههههههههه ماشي شكرا ولقيتلكم مين داخل علينا بيطلع نار من ودانه؟؟ ايون هو بعينه بغباوته واول ما دخل لقيتلكم مديحة شفشفق قامت وقفت اهلا وسهلا يا محمد ايه النور ده؟ ولاااااا عبرها هعهعهع احسسسسن حسسن هىىىىى وببص عليه لقيته بيبصلى بصة ناااارية حسيتنى هتحرق وقال لو سمحت كل واحد يركز في شغله يخربيت القرف عملت ايه انا دلوقتى ولا هو تلاقيح جتت كل ما حد ينرفزه شوية يجي عليا يهزقنى ؟ ولا عبرته وكملت كلام مع باشمهندس يحيي وقولتله - شكرا يا هندسة يدوم المعروف - ها قولنا ايه؟؟ - هههههههههه اها يحيي تمام تمام - باشمهندس يحيي عايزك تعالى ورايا (اكيد عرفتوا ده مين ) - حاضر يا هندسة وراك اهو وشوية ورجع عمال يبرطم ويقول وده ماله ده كمان انا جيت جمبه ويقلد رخامة في الكلام ويقول خصم 3 ايام لقيت جميلة بتبصلى وبتبرق وبتقوللى - انتى تقربيله؟ - هو مين ده؟ - باشمهندس محمد - لا - متاكدة؟؟ - اه طبعا هو بس دكتور عندنا في الجامعة مش اكتر - اااااه قولتيلي , طيب هو ايه الهبل ده؟ الواحد خايف يتعدى الناس كلها هنا مش طبيعية اللهم طولك يا روح اليوم خلص باعجووووووووبة هااااااااااااااح الحمد لله يارب روحت البيت ونزلت رغى شوية مع البت منة وسالتها - الا صحيح هو د\رخامة متجوز ولا خاطب؟ - هههههههههههه ليه السنارة غمزت؟ - سنارة ايه ياللى تتشكى في بطنك انا بسال بس علشان المهندسة اللى هناك سالتنى - مممممم مش عارفة ممكن ابقي اسال مصطفي - ماشي - استنى اهو عالويت - ياريتنا كنا جيبنا في سيرة ربع جنيه مخروم - اتلمى يابت بدل ما تنضربي - هههههههههههههه ماشي ياختى من لقى احبابه المهم ردى وماتنسيش تساليه عن د\رخامة - ههههههههههه حاضر مع ان ماحدش رخم الا انتى هخلص واكلمك سلام وقفلت برده الندلة قبل حتى ما اقولها انا سلام وبعد ساعة الهانم كلمتنى تانى لا والله؟ دانا كنت قربت انساكى اصلا هههههههههه معلش بقي يا لولو الكلام اخدنا الكلام اخدكم؟؟ بت انتوا لسه ماكتبتوش الكتاب ركزى ههههههههههه والله مابتقول حاجة ده كنا بنتفق عالتفاصيل بتاعة كتب الكتاب وسالته عن د\محمد ها وقالك ايه؟ وتدينى ايه؟ هديكى في وشك ان شاء الله هههههههههه خلاص خلاص هقول ده طلع ياعينى حكايته تقطع القلب كان بيحب واحدة من دفعته وماتت وهو بقي انهار وكده بس بعدها قرب اوى من ربنا مممممممم ياعينى صعب عليكى ياختى؟ بت اقفلى بقي انتى رغاية انهاردة كده ليه؟ يا ساتر اكلة رجلين فراخ هههههههههههه بقي كده؟ ماشي ياختى سلام سلام وخلص اليوم مافيهوش حاجة مميزة وتانى يوم نزلت ركبت الاتوبيس وقعدت ادور بعينى على رخامة مالقيتهوش شكله راح في عربيته ييييييييييييه وانا مالى وماله احسن اصلا هو بس صعب عليا شوية علشان حبيبته ماتت وكده بس اصلا عادى ركزى يا لولو مالكيش دعوة بحد انتى ليكى بشغلك وخلاص ورحت المكتب وركزت في الشغل بغض النظر عن كمية الحقد اللى كانت جاية من مديحة شفشف معرفش عملتلها ايه دى كمان بصراحة ماحلاش اليوم ولا خلى ليه طعم غير يحيي قعد يهزر ويضحك وكان دمه زى العسسل ونزلوا الريست ولقيته بيقوللى خدى خدى وجابلى حبة حلويات بصراحة كنت عايزة انزل علشان ماينفعش نقعد في المكتب لوحدنا فاستاذنته قاللى هتنزلى ليه لو عايزة حاجة من تحت قولى وانا اجيبلك لا بس علشان امشيي رجلى شوية طب استنى حيث كده بقي انزل معاكى مانا مش هقعد انش لوحدى ولقيته عمال يحكيلي عن حياته وعن البنت اللى بيحبها وياخد رايي يقولها ازاى اصله خايف لتكون مابتحبوش وهو مش عايز يخسرها كان سووووو كيوت بجد الله عالحب يا ولااااااااد هيييييييييييح بقي وكالعادة نزلنا لقيت رخامة بنظرته التنينية (جاية من تنين بقي وحارقة وكده ) المهم خلصنا اكل وطلعنا كملنا شغل وجرس المرواح ضرب ضرب يس يس يسسسس وجريت عالحمام بصراحة كنت على اخرى رغم انى بقرف بس ما باليد حيلة ونزلت جرررى لقيت ناس كتير واقفين وناس عمالة تزعق هو انا اتاخرت اوى كده ولا ايه؟ ورحت اشوف فيه ايه لقيتهم بيقولوا ان السواقيين عاملين اضراب وسواق الاتوبيس ماجاش ومش هايجى يا وجعة مربربة سامعاكى ياللى بتقولى انى فقر لاااااااا اطلااااااقا ماسمحلكيش انا افقر منى ماتلاقيش المهم كل حبة عمال اتجمعوا في عربية حد من المهندسين وانا واقفة محتاسة هعمل ايه بس ياربي لقيت يحيي بيقوللى تعالى معايا اوصلك سمعت رخامة بيقولله شكرا ياباشمهندس هيا في طريقي وانا هوصلها لقيت يحيي مشي وانا فاجاة فقت لقيتنى في عربية رخامة معرفش ازاى زى ماكون ركبت وانا مسلوبة الارادة حبة ولقيته بيقوللى على فكرة ماكنش ينفع تركبي مع حد غريب كده على فكرة انا محترمة والله ومعرفش انت ليه اخد غنى فكرة وحشة كده وبعدين لما انت شايفنى مش محترمة ليه تركبنى معاك من اساسه وماقدرتش امسك نفسي اكتر من كده وقعدت اعيط واتشهتف وانا بتكلم وعلى فكرة بقي انا فعلا غلطانة ولو سمحت نزلنى دلوقتى حالا اهدى بس انا مش قصدى قاطعته والله قصدك بقي ولا مش قصدك انا فعلا غلطانة وانت فعلا غريب عنى ولو سمحت نزلنى حالا يابنت الناس اهدى انا اقصد يحيي انا لو سمحت لو مانزلتنيش هنط من العربية وانا مجنونة واعملها لقيته وقف بالعربية وبيعتذرلى فتحت الباب ونزلت ولا عبرته هو فاكر ايه يعنى؟؟ للدرجة دى فاكرنى واحدة مش محترمة انا صحيح غلطانة انى ركبت معاه بس والله انا ماكنتش حاسة بنفسي فعلا انا حاسة انى رخيصة اوى ومشيت قدام شوية لقيته بيجرى ورايا - طب اسمعينى بس - لو سمحت مش عايزة اسمع حاجة واتفضل روح وماتشلش همى - ازاى بس انتى امانة في رقبتى اقول ايه لباباكى اللى وثق فيا وخلاكى تيجى تشتغلى معايا - اااه بابايا لا يا فندم ماتقلقش انا بعفيك من المسئولية وانا هقوله انك عرضت خدماتك وانا اللى اعترضت ومشيت قدام شوية وهو برده ورايا وعدى كذا عربية بس كلها فيها شباب فمارضتش اشاور لحد ماجه واحد يعنى كبير شوية يدى على حاجة وتلاتين كده وشاورتله ووقف حرام ورايحة استاذنه يوصلنى لقيت رخامة سبقنى وقاله شكرا يا استاذ اسفين اننا وقفناك - لو سمحت عدينى ممكن لو سمحت توصلنى - هيا كلمة واحدة ارجعى اركبي معايا - لا مش راكبة وعدينى دلوقتى حالا - مش معديكى وهكلم باباكى ونشوف هيقول ايه - لقيت الراجل بيقوللى سمعى كلام جوزك يابنتى واستهدى بالله ومشي يا ترى علياء هتعمل ايه الحلقة الجاية؟ انتظرونا | ||||
|
| |
|
29-10-16, 02:09 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السابعة عشر - عاجبك كده؟ اهو مشي - لقيته بيبصلى بابتسامة ومنشكح اوى - بتضحك على ايه يا دكتور(قولتله يا دكتور بقي يمكن يرجع لوقاره ) - قاللى يالا بس - يالا فين؟ - يالا اركبي اوصلك - فضلت ساكتة - يابنتى يالا انتى باباكى موصينى عليكى يعنى انتى امانة في رقبتى وانتى اساسا فهمتى غلط انا لو كان عندى شك 1% في اخلاقك ماكنتش جبتك تشتغلى معايا ولا سمحتلك تركبي العربية من اساسه - على فكرة بقي انا فعلاً عمري ما اركب لوحدي عربية واحد غريب ده مبدأ عندي، ومعرفش اصلا ازاى وافقت اركب معاك حاسة كانى كنت منومة مغنطيسيا ومافقتش غير عالموشح الاخلاقي بتاع حضرتك - وانا معترفة بغلطتى اينعم حضرتك دكتوري ومسئول عني بس بردو حضرتك راجل وكمان صغير فالسن وماكنش يصح اركب معاك تحت اي ظرف من الظروف وانا اللى غلطانة علشان سمحت لحد يشكك في اخلاقى - برده رجعنا لنفس الحوار؟ قولتلك انا مابشككش في اخلاقك وانتى ركبتى معايا علشان كنتى مضطرة وانا اعتقد يعنى احسن الحلول ولا كنتى عايزة تركبي مع يحيي؟؟ ولا الراجل اللى وقفتيه وانتى معلوماتك عنه صفر علشان بس كنت بنصحك وخايف عليكى (ارتبكت بصراحة انا ايه اللى كنت ههببه ده؟ الراجل ليه حق يقول اكتر من كده) - بس على فكرة بقي انا اصلا كنت هاخد رقم العربية واكلم ماما اقولها عالرقم - ايوة وبعدين؟ بماغك الناشفة دى افرض خطفك وقتلك ؟ مامتك هتعمل ايه بالرقم ؟ ولا افرضي اساسا انها مش عربيته وسارقها - لا ماعتقدش ده شكله راجل محترم وقعد يضحححححححححك ويكركر - خير؟ حضرتك بتضحك علي ايه؟ - بضحك عليكى بصراحة هههههههههههههه - والله؟ وانا بضحك اوى كده؟ - هههههههههههههه بصراحة اه حلوة شكله راجل محترم دى وهما المجرمين بيبقي شكلهم ايه؟ شكلك غاوية افلام عربي قديمة - يا سلام! ماهوو حضرتك بردى غريب عنى ومعلوماتى عنك صفر برده - هههههههههه طيب يا ستى عايزة تعرفي ايه عنى - ولا حاجة انا هعوز اعرف ايه يعنى هو انا هناسبك ؟؟! - هههههههههههههه ماشي الراجل ده هيجننى هيجننىىىىىىىى وقضينا باقي الطريق في صمت وفضلت افكر في كل كلمة قالها فاجاة لقيته وقف وبيقوللى - انزلى يالا وصلنا - ها؟ ببص حواليا لقيتنى قدام عمارتنا (ايه ده؟ وهو عرف بيتنا منين؟ يا مصيبتى مش معقول اكون مسطولة لدرجة انه سالنى وجاوبت وانا مش حاسة ) - ايه عايزة تروخى حتة تانية ولا ايه؟ - ها؟ لا بس اصل هو انت يعنى اقصد حضرتك ازاى وكل ده طبعا وانا مذبهلة ومفنجلة عويناتى - اها قصدك بيتكم يعنى ابدا اختى ساكنة في العمارة اللى قدامكم دى وكنت بشوفك على طول - اهااااااااااا طويب ونزلت وانا مازلت مذبهلة بلهاء وسمعته وهو عمال يضحك (مستفز الراجل ده لاقصي حد) وطلعت البيت وقررت في نفسي قرار لا مصنع بعد اليوم بلا قلة قيمة وتهزيق بقي وطبعا كلمت منة وقعدنا نلوكلوك وحاولت تخلينى ارجع في رايي بس انا مصممة منة استسلمت خلاص وقالتلى - خلاص ماتزعليش حيث كده بقي تعالى ننزل نكمل باقي حاجتى - ههههههههه شوفوا البت المستغلة ماشي يا اوختى عونيا يا قمرى - تسلملى عنيكى يارب عقبال ما اتعبلك - ههههههههههه لا ياختى تبت الى الله انا مايهونش عليا اتعبك ابدا فناوية اريحك للابد - ههههههههه بس يا هبلة والله بكرة تقعى وتقولى منة قالت - يا باااى عليكى اقفلى يا منة بدل ما اقفل علي ايدك واعملك عاهة مستديمة وانتى عروسة على وش جواز ليرجع الواد في رايه ويرجعك تقعدى في ارابيزنا - ماتقووليش عليه واد - هههههههههههههه بالذمة سيبتى كل الكلام ومسكتى في واد يا حونينة ماشي ياختى الاستاذ الدكتور رئيس القسم سعادة البيه مصطفي باشا حلو كده؟ - هههههههههههههه طب اقفلي بقي علشان بيتصل - ندلة طوووول عمرك , سلام وقفلت بسرعة قبل ماتقفل هيا في وشي ماهو مش كل مرة بقي هاهاهاهاااااا ضحكات شريرة متقطعة روحت كالعادة نمت واحب اقولكم ان انا غير كل الناس الناس تروح تنام علشان تريح دماغها من التفكير انا بقي اول مابنام دماغى تشتغل وتجيلي كل الافكار اللى في الدنيا يا غبية يا عليااااااااااااء (ده انا بصوت بعد ماصحيت من النوم) كنت صممت اركب وره زيه زى اى تاكسي ونزلت رميتله الفلوس في وشه وجريت عالبيت يخربيت ام الغباء ومخى اللى مابيشتغلش غير وانا نايمة ده ياباااااااااى عارفين احساس اللى يتشاكل وبعدها يفتكر كلام اجمد؟ عااااااااااااااااااااا انا عايزة اعادة ماليش دعووووة حرام حرام حرام اهئ اهئ اهئئئئئئئئئئئئئ انتحر يعنى وارمى نفسي يعنى من فوق السرير ولا اعمل ايه انا؟؟ ورجعنا من تانى لمشاوير منة علشان نجيب شوية حاجات بس كنت على اد فرحتى بمنة الا ان كلام رخامة بيرن في ودانى هو انا وحشة اوى كده؟ بس فعلا انا عملت حاجات كتير غلط بس والله يعنى مثلا يحيي اتحرجت احرجه لما كان بيكلمنى وبعدين كان بيحكيلي عن حبيبته وكده وانا حتى نصحته يتقدملها على طول يعنى عمل خير اهو يييييييييه يارب سامحنى يارب بس هو اصلا حتى لو كان عايز ينصحنى يعنى ده بالذمة اسلوب ؟ ده حتى الكلمة الطيبة صدقة - يا لولو يا علاااااا انتى يابنتى - ها؟؟ ايه يابت حخضتنينى - خضيتك ايه بس بقالى ساعة بنده روحتى فين؟ - روحت مشوار وجاية - هىهىهى خفيفة يا بت ها ايه رايك الفستان الاولانى احلى اكيد؟ - اه يابنتى وبطلى وسوسة بقي - ههههههههههههه الله خايفة اوى اطلع مش حلوة - لا ماتخافيش هتبقي احلى عروسة ان شاء الله واصلا يابنتى مصطفي مش هيشوفك غير بعد كتب الكتاب يعنى هيكون اتدبس سعادتك وهنقوله البضاعة لا ترد ولا تستبدل - بقي كده؟ انا بضاعة يا جذمة - ههههههههههههه خلاص خلاص اهدى يا عم الحاج - حاج في عينك وفضلنا نناكف في بعض شوية وكملنا مشاوير وبعدين روحنا وكالعادة زى كل يوم روحت مقتولة من التعب نمت - واخيرا جه الخميس وطبعا استاذنت بابا وروحت لمنة من بدرى اللى كانت ملبوخة على عينها ومتوترة حاولت اهديها واهزر وكده - يالا بقي يابنتى افطرى - لالالا انا مش قادرة حاسة انى هرجع - يا فضيحتى؟؟ وانا اقول استعجلتوا على كتب الكتاب ليه؟ اتاريكم عايزين تداروا عالفضيحة انطقي يا بت انتى في الشهر الكام؟ انطقى ردى ردى هاااااااا؟ طبعا مش قادرة تردى اوشي ورى من الناس فين - هههههههههههههه يابت اتهدى بقي قتلتينى ضحك - طب يالا بقي انا ميتة من الجوع انتى بخيلة ولا ايه؟ - هههههههههه قولى كده بقي انتى جاية تخلصى عالاكل اللى في بيتنا مش جاية تساعدينى - اه بصراحة طنط مامتك عليها طبق شكشوكة لا يعلى عليه - هههههههههههه ماشي ياختى بالهنا - الله يهنيكى وكلى بقي وانتى ساكتة مش عارفة اركز - ههههههههههه تركزى؟ محسسانى انك بتعملى عملية - برده نازلة لوك لوك مش عارفة اكل منك - هههههههههه بت ماتيجى تاكلينى احسن دانتى قضيتى على طبق البيض كله - بس بقي وانا اقول نفسي اتصدت ليه يا ستير يارب انا قايمة والحمد لله منة فكت شوية وقعدنا نهزر ونضحك مع طنط مامتها اللى كانت عسلية بصراحة وقعدت تحكيلنا عن ايام فرحها انتوا عارفين يا بنات عمكم عبده (اللى هو بابا منة ) لما شافنى بقي وعجبته وفضل ورايا فترة وبعدين لما جه يتقدم وحبة وبابا الله يرحمه قال لماما اندهى حورية وماما تقوللى هتدخلى انتى بالشربات ولا هتفضحينا وتدلقيه؟ قولتلها بقلب جامد لا عيب عليكى دانا حورية على واحدة ونص ودخلت بالصينية وقدمت للى قاعدين بالدور بابا وبعدين عبده وببص لماما بقي اللى هو شايفة بنتك؟ قمت متكعبلة دالقة العصير عليه وعلى امه وابوه وغرقت نفسي كان حتة يوم ولا يوم كتب الكتاب الماذون بيكتب اسمى من البطاقة حبيبة لقيتلكم عبده وقف ويقولهم لا مش دى العروسة انا عايز حورية انتوا لخبطتوا البطايق ولا ايه وابويا يسكت فيه عشان يفهمه وهو مش مدى فرصة لحد فكرتونى بالذى مضي يا ولاد - ايوة بقي يا طنط يا رومانسية انتى , انا ماكنتش اعرف ان الناس بتتجوز عن حب زمان كنت مفكرة بقي الجو بتاع العريس مايشوفش العروسة غير بعد الدخلة والجو ده - هههههههههههه هو فيه زى حب زمان ؟ - وعلى كده لسه بتحبوا بعض اوى كده زى زمان؟ - طبعا يابنتى هو بس الحب الاول بيبقي شديد كده وطايش حب شباب بقي بس بعد الجواز وبعد فترة يبدا الطيش يروح لكن الحب مايقلش ابدا يابنتى يمكن بس يتحول لنوع تانى من الالفة والطيش يتبدل باحاسيس تانية زى الراحة والامان يعنى ماترتاحيش غير معاه وجمبه مهما كان بينكم مشاكل وتحسي ان ليكى سند وحماية وضهر وامان تحسي انك لقيتى نصك التانى ولو يوم روحتى عند اهلك تبقي مش طايقة وهتموتى وترجعى بيتك على راي المثل القط مايحبش غير خناقه يوه يا ولاد الوقت خدنا هقوم احضرلكم الاكل عشان تنزلوا الكوافير - هييييييييح تصدقي يا بت يا منة امك حببتنى في الجواز - هههههههههههههه امى برده؟ انتى اصلا شكلك بتحبي على نفسك اما نشوف السرحان الكتير ده وراه ايه يا جميل افضالك بس وانا هوصل لقرارك - قرارى؟ بالذمة انتى عروسة انتى ؟ - هههههههههه اه عروسة ونص عالعموم خير ربنا يارب يرزقك الزوج الصالح اللى يعوضك خير بس برده هعرف ولقينا طنط بتنده علشان نروح نتغدى واتغدينا ونزلنا الكوافير وبعدين فضلت مع منة لحد قبل ماتخلص بحاجة بسيطة وروحت جرى البس انا كمان ورجعتلها بسرعة ومنة عملت حركة حلوة اوى بسطتنى منها خلت باباها يجى ياخدها مش مصطفي ولبست كاب عالفستان علشان مافيش راجل يشوفها بالمكياج غيره اول ما يكتب الكتاب وطبعا القاعة منفصلة ودى بسطتنى من مصطفي وحسيت اد ايه هو راجل وروحنا واتكتب الكتاب وطلع علشان ياخدها وقبل جبينها (الحتة دى بالذات كان لازم فيها فصحى علشان تحسوا بمعناها امال اقول باس راسها ؟ماتنفعش خالص ضيعت رومانسية اللقطة ) وانا روحت اسلم عليها قبل ما تمشي وعنيا دمعت حسيت انها بنتى اللى بسلمها لجوزها, يمكن مانعرفش بعض من زمان بس الحب مش بعدد السنين ابدا فيه ناس كده اللى ربنا بيحبهم فيحبب فيهم خلقه اهى منة دى من النوع ده وطبعا كانت هتعيط الهبلة قولتلها بطلى يابت المكياج هيسيح ومصطفي يرجع في كلامه وقولنا البضاعة لا ترد ولا تستبدل ضحكت وضربتنى ضربة خفيفة وبعدين شدتنى لحضنها قولتلها يالا بقي بيتك بيتك هش يابت روحى لجوزك ولبستها الكاب ونزلوا وانا وراها لحد ماركبت العربية مع جوزها وفضلت واقفة لحد ما العربية مشيت يا خبررر انا نسيت ارن لبابا يجى ياخدنى كلمته بسرعة وطلعت القاعة تانى وقفت مع طنط مامت منة بتسلم عالناس نفر نفرررر وبابا رنلى سلمت على طنط ونزلت جرررررى عالسلم لقيته لسه ماجاش ولقيت صوت من ورايا مابتجيش المصنع ليه؟ اتخضيت حتة خضة ولفيت لقيته د\رخامة ولابس بدلة الظاهر انه كان في الفرح ايه الغباء ده ماهو صاحب مصطفي اكيد كان في الفرح!! غباء مستحكم بعيد عنكم - ماردتيش يعنى مابتجيش المصنع ليه؟ وواقفة لوحدك في الشارع متاخر ليه؟ - حضرتك جاى تكمل موشح التهزيق؟ انا مستنية بابا رنلى فنزلت فكرته تحت ولمحت بابا بالعربية وانا بتكلم - اهو جه اهو وماشية بسرعة سمعته بيقول اسف الله اعلم بقي هو قال كده فعلا ولا تخاريف وبابا جه عليا - كده يا بابا انت مش رنتلى من بدرى ؟ - اه والله يا حبيبتى كنت خلاص داخل عالقاعة لقيت عسكرى مرور واقف وبياخد الرخص من الناس وده اللى عطلنى - ازي حضرتك يا حج - الله يسلمك يابنى - انا د\محمد دكتور علياء في الكلية اللى كنت كلمتك سبتهم ورحت قعدت في العربية بس بصراحة الفضول كان هيموتنى كنت عايزة اعرف بيقولوا ايه؟ ياترى قالوا ايه ده اللى هنعرفه الحلقة اللى جاية | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
