11-03-18, 01:53 AM
| #1 | |||||||||
| عضو موقوف
|  نور ومصطفى السلام عليكم ورحمة الله وبركاته 😘 انا رانيا من مصر في الحقيقة زميلتي ورفيقة دربي MirOo Elbatal عرضت عليا انشر روايتي هنا في المنتدي بتمني تعتبروني اختكم وواحدة منكم هنا وسعيدة بوجودي احم احم يسعدني ويشرفني اعرض ليكم روايتي الاولي ويا رب تعجبكم 🙈❤ ملحوظة: الرواية باللهجة المصرية العامية اذ اني مبحبش اللغة العربية اوي 😁 آحـبُ:* انوه ان الرواية حصرية لمنتدي روايتي فقط ولا احلل نشرها مطلقا وشكرا 😁  هنزلكم 3 فصول لْـۆ عجبتكم هكمل 😘 روابط الفصول المقدمة والفصل الاول ..... المشاركة التالية الفصول 2، 3، 4 ..... بالأسفل الفصول 5 ،6 ، 7 متتاليان التعديل الأخير تم بواسطة كاردينيا الغوازي ; 12-03-18 الساعة 12:54 PM | |||||||||
|
|
11-03-18, 01:55 AM
| #2 | |||||||||
| عضو موقوف
|  $ المقدمه $ " نور 19 سنه نور كانت رافضه مبداء الحب ده اطلاقآ وبتقول ان ده كلام فارغ وتافه وماكناتش بتثق في اي ولد بالمره " مصطفي شاب قمور وجنتل ومرح..... وكان بيدرس في كليه تجاره انجلش وسنو 23 سنه مصطفي كان ابن وحيد للبرماوي صاحب اكبر سلسله فروع محالات اكسسوار وهدايا بنات وبذار للانتيكات والورود والتحف $ البدايه $ "نور كان فرح بنت خالها بعد يومين ةكانت بتحضرلو فخرجت هي وبنت خالتها عشان يشترو الاكسسوار اللي هيلبسوه فالفرح دخلت نور هيا ومريم بنت خالتها عند مصطفي البرماووي -نور-لو سمحت الساعه دي في منها لون أسود -مصطفي بصلها وابتسم- لا دي مش بيجي منها غير لون واحد....بس في تشكيله جيالي بكره هيكون فيها لون اسود وتشكيله اجمد من دي نور ل مريم-اي رائيك نستنا لبكره -مريم-خلاص ماشي مش مشكله شوفي عاوزه ايه تاني ""طول مانور بتكلم مريم مصطفي مشالش عينوو من عليها وكان بينظم ف اكسسوار المحل وبصصلها ومبتسم -نور-طاب لو سمحت في لنسز لونه ازرق -مصطفي بمكر-اي ده مش انتي عيونك ملونه....محتاجه لنسز في ايه -نور بجديه-لا انا عيني مش ملونه في ولا لاء -مصطفي-معلش افتكرت عيونك ملونه...هوا في بس انا واللهي ماشايف انك محتاجه.. انتي كده تمام "نور ظهر عليها التوتر والخجل بسبب كلام مصطفي حستو انو بيعاكسها -نور-لو سمحت لو مافيش قول انا مبحبش الطريقه دي -مصطفي-انا اسف والله ماقصدي حاجه وخلاص خليها بكره بالمره وخدي اللي انتي عاوزاه -نور- خلاص ماشي خليها بكره بالمره وعالفكره انا مابحطش لنسز غير ف المناسبات بس -مصطفي بأبتسامه- لا عادي ياستي ولايهمك "مصطفي حس انه مشدود لي نور بس هوا ماكنش عارف ايه اللي شدو فيها رغم انه بتورد عليه بنات كتيير جميييله انما حس بحاجه غريبه واحساس حلو وغريب تجاه نور ♥ "نور ومريم ماشين وبيتكلمو مريم-مصطفي ده ذي القمر والبنات كلها هتجنن عليه -نور-ياسلاام ليه يعني -مريم- ايه اللي ليه الواد امور وجنتل وعسل كده ودمه خفيف وبتسأليني ليه -نور-بس شكلو صاايع شفتي قالي ايه -مريم-ايواا بقاا ياابختك اتعااكستي من المز ده -نور-اي الهبل ده انتي فرحانه اوي ياختي دانا كنت متغااااظه جداااا -مريم- لا بس بصرااااحه الواد محترم معرفش قال كده ازاي "نور افتكرت كلام مصطفي فأبتسمت بعدها كسرت ابتسامتها نور بجديه:طاب يلا يلا ياماما عشان متأخرش ومحمد يطربقها فوق دماغي ------------ "مصطفي كان في كليه تجاره في سنه رابعه وكان معاه بنات كتير ف الجامعه زمايلاو بيكلمهم فون وفيس بس كان بيتكلم معاهم صداقه عاديه انما هما كان بيتمنا حد منهم ان يعرف يوقعو ويخليه يحبوه ..."مصطفي دخل الجامعه كان ليه فتره مارحش الكليه ف اول مادخل اصاحبو كلهم جريو عليه واتجمعو حاوليه......اي ياعم فينك مختفي مبتجيش ليه ؟؟ -مصطفي-مش فاضي والله يابرنس ابويا سافر وظغط الشغل كلووو علياا -هشام صاحب مصطفي -لا لا كتر خيرك بصراحه الواد مطحون ف الشغل اصل ليل نهار طالع يشيل في حاجات وينزل ف حاجات ...اش حال يابني مانت قاعد ف مكانك ثابت والزباين والمزز كمان بتجيلك لحد عندك مصطفي-يااعم الحلوو مالك مقولناش حاجه بس في محالات انا اللي بدريهم ومتابعهم وبتنقل من هنا ل هنا ومش راسي علي مكان -هشام-ماشي يااعم ربنا يعينك ويزيدك...المهم البت مي سألت عليك بتقول بكلموو مابيردش وبطل يجي المعهد -مصطفي-فكك منها دي بت تعبانه في مخها بتكلمني كل خمس دقايق هاا يامصطفي مش هنتقابل ها يا مصطفي مش جاي الجامعه انهارده -هشام-ايواا بقاا يابرنس وانتا مين قدك منفض للكل 😉 -مصطفي-المهم في لعب كوره انهارده ولا اليوم مضروب من اوله !! -هشام-لا هنلعب جهز نفسك انتا بس -مصطفي-ماشي ياعمده انا هطلع احضر المحاضره دي وبعدها عالطول نلعب "هشام سلم علي مصطفي......اشطاا تماام -مصطفي-تمام | |||||||||
|
|
|
11-03-18, 01:57 AM
| #3 | |||||||||
| عضو موقوف
| [الحلقه الثانيه] {مصطفي و💓نور} "نور كانت معاها صاحبه اسمها امنيه ف نفس الكليه اللي بيدرس فيها مصطفي... اليوم ده نور كانت رايحه ل امنيه عشان تخرج معاها تجيب باقي طلباتها --------؛؛؛؛؛--- "مصطفي وهشام واصحابهم بيلعبو كوره كان مصطفي بيلعب حلو اوي اليوم ده وزميلاهم كانو بيتفرجو عليهم وبيشجعوهم شباب وبنات "نور دخلت الجامعه ولمحت امنيه من بعيد واقفه بتتفرج ع الماتش -نور- بتنادي .. امنيه يا امنيه "امنيه ماكانتش سامعه من الدوشه -نور-امنييييبييه -امنيه-ايوه تعااالي بسرعه يااانور "نور راحت عند امنيه نور:يلا انجزي يابنتي خلينا نخلص مشوارينا -امنيه-لا وانبي نتفرج ع الماتش الاول -نور-ياسلام ومن امتا بقا ليكي ف الكوره -امنيه-تعالي بس اتفرجي دا مصطفي البرماوي بيلعب النهارده ..لعبو نااار وهوا مز دمااار هههههه -"نور بصت ع مصطفي وهوا وبيلعب نور-الواد ده شغال في المحل اللي هجيب من عندو الحاجه انهرده -امنيه-واااد مين يابت ده ابن البرماوي صاحب المحالات كلها اللي ف شارع نصر الدين "مصطفي هوا وبيلعب لفتت نظره نور وفضل مركز معاها جدآ طول مابيلعب "بعد ماخلصو لعب كان فريق ديشا كسبان ذي العاده .....وبعد ماكسبو اصحاب مصطفي اتلمو حاوليه وحضنوه من الفرحه...اما مصطفي كان فرحان جدآ ف بص ع نور وقرب منها -مصطفي بأبتسامه-معاكي ازازه مايه اشرب اصل فصلت من اللعب واللهي " امنيه ادت لمصطفي ازازه فشرب وغسل منها وشه وايدو وابتسم ل نور وادلها الازازه -نور-انت بتشتغل ف المحل اللي ف شارع نصر الدين -مصطفي بأبتسامه-اه انا بس هوا بتاعي مش شغال فيه -نور-اه ماشي انا كنت جايه انهارده عشان اشوف الحاجه اللي قولتلك عليها -مصطفي-تمام وانا جهزتهلك ...انا نص ساعه واكون ف المحل عالفكره -نور-اوكي ماشي.........ومسكت امنيه صاحبتها...... يلا يا امنيه "جه هشام صاحب مصطفي قرب منو هشام بفرحه:طبعا انهارده ناوي تقضي اليوم معانا مافيش شغل -مصطفي-لا طبعا وانا صايع ذيك وهوا فيه اهم من الشغل انا رايح دلوقتي سلام -هشام-انت مالكش كلمه ياض كنت قايلي من شويه ان انهارده هناخدها خمسه سياحه وبعربيتك عشان كسبنا الماتش -مصطفي-لا لا انا مش فاكر ان قولت حاجه ذي كده اصلآ يلا سلام ......ومشي -هشام-هي بقت كده يعني... ماشي سلام ياصاحبي ""مصطفي سبق نور ع المحل وكان بيتكلم في الفون -مصطفي-لا ياعم مش رايح افراح فاضي انا ...ابقا قولو اي حاجه بقا ...تعبان او مسافر مع ابوه ..اتصرف "فجاءه وهوا مصطفي بيتكلم دخلت نور هي وامنيه صحبتها -مصطفي طاب خلاص سلام سلام دلوقتي ..واتعدل وهوا قاعد ع الكرسي -امنيه بأبتسامه: الله ينور يا كابتن قطعتهم انهارده -مصطفي مبتسم- اه بيتهيألي انتي معايا ف الجامعه مش كده -امنيه-اه بس لسه صغننه ف اوله "مصطفي لسه هيتكلم قامت نور قطعت كلامو -نور-طيب بس عشان الوقت هيتأخر الحاجه جت ولا ايه ؟؟ -مصطفي..سحب مجموعات ساعات مصطفي: ←دي احدث مجموعه عندي لسه واصله الصبح "نور بتتفرج هي وامنيه واختارو ساعه -نور- اها ماشي هاخود دي -مصطفي-تمام ...وخدها منها وحطهلها هي والنسز في علبه هدايا ولفهلها وادهلها مصطفي- تؤمري ب اي حاجه تانيه -نور-شكرآ بس انا مش عاوزه اغلفها انا مش ههديهم لحد -مصطفي- لا دي الشنط الجديده لي فروعنا "وطبعآ هوا كان لافف اللفه دي مخصوص لي نور -نور-اها شكرآ .........ودفعت الحساب "مصطفي خد الحاجه من نور مصطفي:ثانيه بس ....وفتح العلبه برفنها وادهالها -امنيه-انتا طبعآ انهارده اكيد هتكون في الفرح -مصطفي-فرح مين بالظبط ؟ -امنيه-فرح يوسف صاحبك ..ماهو يوسف انهارده فرحو علي ملك صحبتي وبنت خال نور ف نفس الوقت دول كل زمايلنا ف الجامعه رايحين -مصطفي-اه اه يوسف اللي معانا في الجامعه ..اكيد طبعآ رايح دا يوسف ده اخوياا -امنيه بأبتسامه: اوووكشن نتقابل في الفرح يامان... وسلمت علي مصطفي " طبعا بعد ماخرجت نور وامنيه مصطفي كان فرحان اوووي...قام اتصل علي هشام صاحبه -مصطفي-ايوه ياااض بقولك هوا الفرح بتاع انهارده ده في قاعه ايه ؟.... طيب اشطاا.....ابقا تعال عدي عليا عشان اخدك معايا في العربيه ...لا طبعاا رايح دانا كنت بهرج معااك ...ماشي يامعلم متتأخرش هاا ...اوك يلا سلام "نور كانت واخده شاور وخارجه من الحمام وبتجهز اللبس والحاجه اللي رايحه بيهم الفرح قامت فتحت الشنطه اللي فيها الساعه والنسز...لقيت فيها الفلوس اللي دفعتها لمصطفي ولقيت كارت مكتوب عليه ارقام المحالات بتاعتهم وارقام مصطفي الخاصه "نور اتفجاءت وفضلت سرحانه وبتفكر ..قام الباب خبط -نور-مييين ؟ -امنيه-انا يا نور افتحي "نور فتحت الباب ل امنيه -امنيه-ايه ياابنتي انتي لسه مجهزتيش......وبعدين فين الناس اللي هنا -نور بتوهان-ماما ومحمد اخويا عند بيت خالو عشان هيسبقونا علي القاعه -امنيه-ومالك بتتكلمي وانتي مسهمه كده -نور بربكه-انا لاا مافيش حاجه -امنيه-طيب اخلصي يلا عشان نظبط الميك اب مع بعض انا عارفه انك خايبه ومبتعرفيش تحطي ميك اب "ودخلت امنيه الاوضه بتظبط نفسها قدام المرايه -نور-امنيه بصي كده بفتح الشنطه لقيت فيها الحاجه والفلوس اللي دفعتها وكرت فيه ارقام المحل -امنيه بصت وهي مستغربه -امنيه-ممكن يكون نسي وحطلك الفلوس بالغلط والكرت عااادي ببكون داعيا للمحل وكده ..انتي هاتي الفلوس وانا هديهملو لما اشوفه في الفرح انهارده -نور-خلاص ماشي....انا هدخل اجهز -امنيه حست ان مصطفي معجب ب نور وان هوا قاصد يحطلها الفلوس ويهادي نور بالحاجه...فضل وشها متغير وعلامات الحقد بانت عليها -نور-امنيه تعالي ظبطيني بس ميك اب هاادي هااا امنيه:حاضر جايلك ياموووزه. "امنيه دخلت ل نور وفضلت تحطلها ميك اب كتير وافورتلها اوووي وفضلت تلغبطلها ف وشهاا "نور اول ماشافت نفسها ف المرايه -نور بصدمه-مين دي يعععع اي الارف ده يابنتي انا كده عامله ذي الباليتشو دا مش بعيد ياخدوني فقره الساحر -امنيه-لااا طبعآ انتي كده قمر وشويه رجاجوه بس وهتبقي مزه اخر حاجه -نور-لا لا انا مابحبش العك ده انا هروح اغسل وشي وابقا اظبط نفسي خفيف خفيف كده "امنيه اتغاظت جدا عشان نور اجمل منها ف كانت عاوزه تبوظلها شكلها ب أي طريقه | |||||||||
|
|
|
11-03-18, 01:58 AM
| #4 | |||||||||
| عضو موقوف
| (الحلقه التالته){مصطفي و💓نور} "مصطفي وهشام وطارق صاحبهم نزلو من العربيه ودخلو الفرح -طارق-يارب اعرف اشقطلي مزه من ام الفرح ده رد -هشام-وانا يارب اعرف الحقلي حته جاتوه من ام الفرح ده 😁 -مصطفي بغيظ-هتفضلو طول عمركو عرر ومعفنيين دي اقصي طموحاتكو -طارق-احنا غلابه ع قدنا مش ذيك يابن الاكابر....انا نفسي اعلقلي مزه وهوا نفسه في حته جاتوه ايييييه كفرناا يااعم "مصطفي جه يرد قام لمح نور من بعيد وهي كانت ذي القمر والفستان هياكل منها حته.. ..وكانت ماسكه الفستان ومش عارفه تمشي من الجزمه اللي كعبها عالي ...فضل مصطفي باصص عليها وسرحان ف جمالها -هشام-اييييه يابني اتصمرت مكانك ليه -مصطفي- هه انا موقفتش انتو اللي وقفتو -طارق-انتو هتتعازمو مين اللي وقف ومين موقفش يلاا -مريم-نادت ع نور:نور تعالي....بقولك ايه انا كنت محضره مفاجأه كده ل ملك كان في رقصه معينه هنرقص عليها ..هيكون اربع بنات واربع شباب الرقصه هتبقا مع ملك والعريس تطلعي معانا؟؟ -نور-ياسلام وانتي جايه تقولي دلوقتي ..هطلع اعمل ايه انا مش هعرف -مريم-ياستي عادي اعملي ذي ماحنا هنعمل وخلاص -نور-اوكيه ماشي يلا بقا عشان نسلم علي المعازيم "دخلو العرسان واول مادخلو رقصو (سلو) ومصطفي واصحابو كانو واقفين قدام المسرح ونور واصحابهم كانو قصادهم ع طول ع المسرح "الاغنيه كانت جميله اووي ورومانسيه اوي فضلت نور تسقف براحه وتغني بصوت هادي مع الاغنيه وتميل ع مريم بنت خالتها وهي بتغني "ومصطفي كان طول الرقصه باصص عليها....وهي اول ماشافتو اتكسفت وبطلت غني "مصطفي كان واقف وعمال يهرج مع اصحابو ... قامت امنيه راحتلو -امنيه- هاي مصطفي بقولك "مصطفي بيحاول يسمعها ايه ؟ مش سامعك والله -امنيه بقولك .... "مصطفي"بص ع الشاشات شاف نور واقفه هي وتلت بنات جمب العروسه وبينادو في المايك عاوزين اربع شباب يرقصو الرقصه دي مع العرسان فين اصحاب العريس "قام مصطفي ساب امنيه وجري ع المسرح وقف جمب العريس ونور كانت جمب العروسه يعني قصادو بالظبط ف شغلوو اغنيه خليجيه وهما وبيرقصو كانت نور مكسوفه جدآ وطول الرقصه وشها ف الارض ومصطفي شويه يبص ف الارض وشويه علي نور ..لحد ماخلصت الرقصه قامت نور نزلت جري من علي البست "ومصطفي ابتسم وكان فرحان اوي ونزل من ع المسرح قام طارق قرب منو -طارق بفرحه-ايه يا جدع ده.. البت الفورتيكه دي جااامده اووي ..انا خلاص لقيت فتاه احلامي 😁 -مصطفي-علي ايه يعني في بنت عجبتك هنا ؟؟ -طارق-عجبتني بس دي دوختني... البت اللي كانت قدامك ع طول دي بت من الاخر اقسم بالله 😍 "مصطفي وشه اتغير ف لحظه -مصطفي بغضب-احترم نفسك يابني انت وماتتكلمش ع بنات الناس كده -طارق-احترم نفسي ازاي بعني انتا بتغلط فيا -مصطفي-اه بغلط فيك ولو زوتها هضربك كمان -طارق-لا وعلي ايه انا هاخودها من قصيرها وامشي كفاايه لحد هنا ياصاحبي جه هشام -في ايه يا جماعه صلو عالنبي -مصطفي-مافيش حاجه خلاص -هشام-طارق استنا رايح فين -مصطفي-خلاص سيبو يااعم خليه يحترم نفسو شويه | |||||||||
|
|
|
11-03-18, 01:59 AM
| #5 | |||||||||
| عضو موقوف
| [الحلقه الرابعه]{مصطفي و💓نور} "نور اول ماروحت البيت كانت هالكانه ..دخلت البيت هي ومامتها واخوها وكانت ماسكها ال (Shoz) في ايدها..."اول مادخلت اوضتها طلعت الكرت اللي عليه ارقام مصطفي ....وبحثت في الفيس بوك علي صفحتو من طريق الرقم اللي ع الكرت فضلت نور تقلب في الصفحه وتتفرج علي صورو هي ومبتسمه ولقيت اخر بوست منزله من ساعه مكتوب فيه اجمل يوم كان في حياتي انهرده يارب حققلي ما اتمنا❣ "لحد ما مامتها نادت عليها -مامت نور- يا نور نووور -نور-ايوه يا ماما -مامت نور-تعالي اتعشي انا حضرت العشا -نور-لا انا علي اخري وعاوزه انام -مامت نور-يعني ايه هتنامي من غير عشا -نور- اااه انا ماليش نفس -مامت نور- براحتك بقا بس لما تجيلك انميه تعملك هبوط حاد ابقي اعرفي ان النوم اهم من الاكل "نور قفلت باب الاوضه عليها وفضلت متردده تبعت الرساله لي مصطفي عشان تقولو علي الفلوس 🤔 "بعد مافكرت شويه بعتتلو مسج علي الفيس بوك -نور-السلام عليكم.. حضرتك انا كنت عندك الصبح في المحل وخت منك حاجات وانت نسيت وحطتالي الفلوس في شنطه الهدايا -مصطفي كان نايم وماسك الفون وبيلعب فيه "اول ماشاف الرساله قام اتعدل وابتسم -مصطفي-مين حضرتك عشان مش واخد بالي ؟؟ "نور اديقات اي ده هوا مش فاكرني 😏 -نور-انا صاحبه امنيه اللي معاك في المعهد -مصطفي-ط منا عارف -نور-طيب حضرتك نسيت وحطتلي الفلوس في الشنطه -مصطفي-بلاش حضرتك دي انا مابحبش الالقاب -نور-خلاص ماشي بس انا عاوزه ابعت الفلوس ...انا بعتلك امنيه صحبتي في الفرح وانت ماختش بالك منها -مصطفي-فلوس ايه اللي بتتكلمي عليها انا محطتش حاجه -نور-لا الفلوس اللي دفعتهالك لقيتها في الشطنه -مصطفي-وايه المشكله ...انتي اول مره تدخلي المحل ماينفعش من اول مره اخود منك الفلوس كده -نور-ياسلاااام طاب قول كلام منطقي يعني خصم مثلآ مش مدفعش خاااالص -مصطفي-معلش بقا عديها -نور-لا اعديها ازاي انا هبعتلك الفلوس مع امنيه -مصطفي-وانا مش هاخودهم منها ..عوزاني اخودهم تعالي انتي ادهملي ..اللي اديتو حاجه يرجعها غير كده معرفش "نور بتكتب هي ومبتسمه..خلاص ماشي لما اعدي من جمب المحل هديهملك -مصطفي-اشطا بس ياريت قريب والنبي عشان محتاجهم مش عارف اجيب الدوا بتاعي -نور-ايه يعني انت عندك مرض لقدر الله -مصطفي-هههه مرض ايه يابنتي انا بتريق علي كلامك... وبعدين احنا بقالنا عشر دقايق بنتكلم ومعرفتش عنك اي حاجه غير اسمك نور- وعرفت اسمي ازاي -مصطفي-صحبتك نادتك باسمك اكتر من مره -نور-اهاا طيب -مصطفي طيب ايه ؟؟ -نور-ولا حاجه -مصطفي- ولا حاجه ازاي مش هتعرفيني علي نفسك -نور-واعرفك ليه يعني -مصطفي-حابب اتعرف بيكي اوي والله ومتخفيش وعد قدام ربنا عمري مأذيكي بالعكس "احرجت من الكلام بس كانت فرحانه ومعرفتش ترد ب ايه -مصطفي-سكتي ليه؟ -نور-مش عارفه بس انا عمري ماكلمت اي حد مش بثق في حد نهااائي -مصطفي-والله انا مش ذي اي حد واطمني مش هكلمك غير رسايل ولما انتي تبعتي مسج الاول يعني وقت متحبي -نور-ماشي انا هضيفك عندي بس عشان لو نزلت شغل جديد تبعتهولي الاول ..وعشان اعرف اتواصل معاك عشان اديلك الفلوس -مصطفي-اشطا 😁 مصطفي-ها بقا كلميني عن نفسك بتدرسي ايه وعندك كام سنه عاوز اعرف كل حاجه عنك -نور-انا 19 سنه خت ثانويه عامه وقعدت ف البيت ومكملتش لظروف خاصه -مصطفي-امممم قعدتي في البيت ط متمشتيش ليه -نور-ايه دا خفه من اولها كده شكلي هعمل بلوك -مصطفي-هههه انا بحب ارخم ع ناس معينه كده غاليه عندي | |||||||||
|
|
|
11-03-18, 02:12 AM
| #7 | ||||
| مشرفة منتدى قصص من وحي الأعضاء 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) اشراف وحي الاعضاء | ||||
|
|
|
11-03-18, 08:39 PM
| #9 | ||||||||||
| عضو موقوف
| اقتباس:
| ||||||||||
|
|
 |
| مواقع النشر (المفضلة) |
| الكلمات الدلالية (Tags) |
| نور،مصطفي |
| أدوات الموضوع | |
| انواع عرض الموضوع | |
|
|
العرض العادي
