آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-10-16, 03:06 AM
| #11 | ||||||||
| مراقبة عامة ومشرفة منتدى الروايات المنقولة  
|  (9) نظر لها بتهكم ، وأجابها ساخرا ً .. - مراتى .. لأ معلش هى فين ، ده انتى شبه واحد صاحبى ..! رفعت ذقنها فى كبرياء متجاهله إهانته القاسية تلك ، ورسمت إبتسامة مصطنعة على شفتيها قائلة .. - تمام .. خليك فاكر اللى انت قولته ، علشان هتندم عليه الف مرة ..! لوى فمه فى سخرية ثم قال .. - لييه ، مارلين مونرو ..! أجابت بثقة ، وهي فى تجاهل تام لإهاناته تلك قائلة .. - لأ تقي ، بس خد بالك انت بتلعب معايا .. اتحمل بقي ! نظر اليها فى شك ، وهو لم يكن يتوقع ردة فعلها بالمرة .. رآها وهى تصعد إلى مكان ما ، وقبل أن تختفى عن ناظريه قال بنبرة عاليه .. - اه صحيح انا ولي لى عاملين حفلة بمناسبة جوازنا ، ياريت متنزليش ولا براحتك ! ابتسمت بخبث فتلك فرصتها لرد الإهانه له الصاع صاعين وقالت .. - اة شور وواصلت طريقها إلى حيث تريد ..وانتظرت تلك الحفلة لتنفيذ مخططها الخبيث *** فى منزل الاء .. كان ادهم قد وصل لتوه ، وتمت قراءة الفاتحة .. وقال ادهم بنبرة فرحة .. - ان شاء الله كتب الكتاب الإسبوع الجاى قهقه مازن على طريقة أدهم المرحة وقال .. - انت متسربع على اية بس ؟؟ ادهم بتأفف : .. - بحبها وبتحبنى ، جوزنا ولمنا بقي ..! اطلق مازن ضحكة عالية وقال .. - انت مش ممكن دمك خفيف جدا ً ادهم بنبرة سعيدة ، وهو يلتفت بنظره اليها قائلا : .. - اهو وشهد شاهد من اهلها ، جوزهانى بقي وحيات عيالك ..! مازن ضاحكا : .. - ماشى يا سيدى ، على بركة الله *** كان جو الحفلة صاخبا ً وتتعالى اصوات الموسيقي فى جميع ارجاء الفيلا والحديقة بينما كانت هي تنظر لنفسها فى المرآة ولأول مرة ترى نفسها بتلك الانوثة الطاغية .. وبعد قليل هبطت هى وكانت ترتدى فستان قصير جدا ، اسود اللون عارى من ظهرها وله فتحة صدر واسعة وفردت شعرها الطويل خلف ظهرها وارتدت كعب عالي عندما هبطت تعلقت الأنظار بها ، نظروا لها فى اشِتهاء .. فهي باتت كحورية هابطة من سماء الأحلام بعينيها التى تشبه عين القطة فى شراستها ، وشفتيها التى طلتها بأحمر الشفاه المثير ظلت تسير امامهم ومع كل نظرةٍ لها تزداد غرورا ً ، حتى وصلت الى إحدى الطاولات الموضوعه بشكل لطيف وضعت قدماً فوق الأخرى فى أنوثة طاغية ، وهنا جاء شاب وسيم قائلا ً وهو يحملق بها فى هيام قائلاً .. - مولاتى الجميلة ، تسمحيلى بالرقصة دى نظرت ليديه الممدودة وامسكت بها قائلة فى غنج : .. - طبعا ، اسمحلك سحبها من يدها على حلبة الرقص ، وضع يديه على خصرها ووضعت هي كلتا يديها على كتفيه وبدأت الرقصة .. * كان هو متأنق كعادته وتلتف حولة الفتيات ، لم يكن قد تزوج من تلك المرأة حقا ، ولكنه اراد اثارة غيرتها .. وجد هاتفة يهتز بإسم شكرى ، استأذن منه وذهب للرد حمزة بإستغراب : .. - شكرى .. خير فى حاجة حصلت ..! شكرى : .. - فى كتير ، انا رايح لعادل المنشاوى دلوقتى ، انا مش هصبر كتير لازم الحقيقة تنكشف دلوقتى حمزة : .. - اشمعنى دلوقتى ، احنا مش اتفقنا نستني شوية ؟؟ شكرى : تقريبا ً كدة عادل شاكك فيك ، وبدأ يشمشم وراك .. احنا هنسهل المهمة عليه ويلبسها وتاخد بثأرك ! حمزة وقد ضيق عينية ، وبنبرة غامضة : .. - تمام ، ساعة وهكون عندك وتكون خلصنا اللى اتفقنا عليه ! اغلق هاتفه واتجه ناحية الحفلة مرة اخرى واتسعت حدقتى عينيه في صدمة بالغة عندما رأى زوجته بين احضان ذلك الرجل وقال فى نفسه ( يعنى انا عامل الحفلة دى علشان اغيظك ، اتغاظ انا ..! ) واتجه اليها وقد بلغ ذروته من الغضب ، وامسك بيديها فى عنف .. نظرت له فى غضب قائلة .. - انت بتعمل اية يا حيوان ..! نظر لها بغضب وعصبية ، ثم حملها بين يديه وصعد بها الى غرفته .. القاها على الفراش بعنف بينما صاحت به فى توجس قائلة .. - ابعد عنى ..!! نظر لها فى شراسة ، ثم قال بنبرة مزمجرة .. - مش انا حيوان ، تمام انا رايح مشوار وجاى .. ولما ارجع هعرفك مين هو الحيوان اللى على حق ! *** - يتبع - | ||||||||
|  |
|
30-10-16, 03:08 AM
| #12 | ||||||||
| مراقبة عامة ومشرفة منتدى الروايات المنقولة
| (10) فى فيلا زاهر دهب ... اتصل شكرى بعبدالعزيز وأخبرة بالخطة وطلب منه المجئ فورا عبدالعزيز بعد ان انهي المكالمة ، تنهد فى راحة وقلق فى الوقت ذاته *** فى منزل الاء ... كان المأون قد انهي مراسم كتب الكتاب وانطلقت الزغاريد فى جميع ارجاء المنزل ذهب ادهم لـ الاء فى حجرتها ، واغلق الباب وقبلها من رأسها قائلا ً فى سعادة .. - مبروك يا اميرتى الاء وقد احمرت ، خجلا ً وخوفا منه : .. - الله يبارك فيك ادهم وهو يحملق بها قائلا ً .. - مش ناوية تقوليها بقي الاء بتوتر : اقول اية ..! ادهم وهو يقبل كلتا يديها فى رقه ، ارتجفت اوصالها لها قائلا بغمزة : .. - يعنى ، مفيش بحبك يا ادهم ! الاء وهي تضربه بيديها الصغيرتين على صدرة العريض قائلة : .. - لا فى .. انت قليل الادب يا ادهم .. ادهم ضاحكا بخبث .. - طالما دلوقتى وبتقولى كدة ، امال لما نتجوز هتقولى اية ..! الاء بدهشة : .. - ادهم !! - عيون ادهم ، قلب ادهم ، كلاوى ادهم ! الاء بضحك ، ورقة وانوثة فى الوقت ذاته .. - بس بقي ! كاد ان يتكلم ولكنه تلقي اتصال ، انهاه ونظر لها قائلا فى هدوء .. - انا ورايا مهمة كبيرة اوى النهاردة ، لو رجعت سليم هعملك فرح .. ولو مرجعتش عيشى حياتك وادعيلى لا اله الا الله .. لم يمهلها فرصة للحديث وتركها ورحل وسط دموعها التى ملئت عينيها ونظرات المعازيم المذهولة ..! *** كانت تجلس على الفراش تبكى خوفا من القادم ، نهضت وحاولت فتح الباب كمحاولة للهروب نجحت فى ذلك ولكنها وجدت امامها رجلين ذو جسد ضخم امسكوا بها وكمموا فمها ووضعوها داخل السيارة وانطلقوا بها *** فى فيلا عادل المنشاوى ... وصل أدهم و حمزة وعبدالعزيز وفريدة فى نفس الوقت ادهم بنبرة حذرة ، وهو يشير اليهم الى النافذة .. - احنا هنستخبى ورا الشباك دة ، انا متفق مع شكرى على كل حاجة .. عمروا السلاح انا كلمت ايمن يبعتلنا قوة وزمانهم جايين وتخبأ الجميع خلف النافذة واستمعوا الى التالى كان شكرى يتحدث مع عادل قائلا ً .. - طب انت ليه شاكك فى حمزة ، هو مش المفروض عارف ان زاهر هو اللى قتل ابوه وامه عادل وهو يلتفت اليه قائلا ، وهو يرتشف من فنجان القهوة الخاص به : .. - حمزة مش سهل ، واكيد شك فيا .. تحركاته كلها مش عجبانى .. بس معتقدش انه عارف ان انا اللى قتلت ابوه وامه ..! شكرى متسائلا ، ونظرة الخبث فى عينيه .. - صحيح .. انا لحد دلوقتى وانا مش عارف انت عملت كدة ليه ! عادل .. - نادر ابوه كان دكتور كبير اوى ، كشف مخططنا فى سرقة الأعضاء وحاول يكشفنا بذكاء وسجلنا فيديو صوت وصورة .. فأمرت بقتله شكرى .. - طيب وقتلته هو ومراته ، ايه علاقة حمزة وزاهر بالموضوع ! عادل .. - شوف رغم ان حمزة صغير الا ان من الكبير للصغير فى الداخلية بيهابوه كمان علشان هو ساعدنى كتير فى الأول .. وساعد الداخلية علشان يثقوا فيه ، الا انى ليا عداوه كبيرة من زمان مع زاهر .. فأخترت حمزة علشان ينتقملى منه وفى نفس الوقت ميدورش ورا موضوع موت ابوه وامه ويكون زاهر فى وش المدفع .. بس لما مات ، عرضت عليه يتجوز بنت حفيده عبدالعزيز ، عبدالعزيز ده بقي دماغ ساعد جده كتير ضدى .. فكملت انتقامى ! ، ولا زلت بكمله عندئذ دخل حمزة من النافذة فى غضب قائلا ً .. - يا ابن الكلب لم يتحرك عادل من مكانه ولم يظهر على وجهه اى تعبير ، وظل صامدا .. واشار بيديه للرجل القريب منه .. - برافو يا حمزة ، ابهرتنى حمزة بترقب .. - يعنى انت كنت عارف انى جاى عادل .. - بالظبط كدة ، اصل انا اللى قولت لشكرى يكلمك اصطنع حمزة الصدمة قائلا .. - شكرى ..! عادل ضاحكا فى شماتة .. - كنت فاكر انه هيساعدك ؟؟ واشار الى رجاله باحضار تقي حمزة بصدمة : تقي ..! عادل .. - مفاجأة صح حمزة بثقة وقد اطلق صفيرا ً عال : .. - لا اطلاقا انت اللى هتتفاجئ حالا وفى لحظة انطلقت الرصاصات مصوبه الى حيث هدفها ، نظر عادل بدهشة لرجاله الذين القوا صرعي ارضا ً وتتدفق منهم الدماء من جميع الاتجاهات وسط نظرات تقي المذعورة نظر حمزة لتعبيرات وجهه المتهجم ، وذهب تجاه تقي ودفس رأسها فى احضانة ليطمئنها وقال بعد ان هدئت واختبأت خلفه .. - اكيد دى مش مفاجأتى ليك يا راجل لسه التقيل جاى .. وقال بصوت اجش : .. - شكرى ، طلع اللى معاك اومأ شكرى برأسه ، واخرج من جيب جاكيته تسجيلا صغيرا ، امسك به حمزة ووضعه امام وجهه قائلا .. - فاكر انك ذكى و اخدت شكرى فى صفك ، اشار الى التسجيل قائلا ً .. - وده بقي متسجل عليه كل بلاويك ! جلس عادل ارضا ، يجمع كل تلك الصدمات فى رأسة ، فقد ظن ان حمزة سيكون مكانه الان ، ولكن خالف القدر جميع ظنونه .. يبدو ان السحر انقلب على الساحر ! ، كما تنقض الأفعي على فريستها .. وفى النهاية ينتصر الخير على الشر مهما كان حجم ذكاءه .. نزل حمزة لمستواه وقال فى شماته .. - لأ استنى ، خد التقيلة بقي .. انت تعرف انا مين عادل فى ترقب ، ونبرة مترددة .. - حمزة نادر الأسيوطى حمزة مكملا ً ، وبنبرة واثقة ويعلو شفتيه بسمة ظفر .. - وابن سميه أحمد زاهر دهب ! - يتبع - | ||||||||
|
| |
|
30-10-16, 03:09 AM
| #13 | ||||||||
| مراقبة عامة ومشرفة منتدى الروايات المنقولة
| (11) اتسعت عينى عادل فى صدمة الجمت لسانه ، وجعلته عاجز عن النطق فاردف حمزة قائلا ً .. - وابن عمة تقي عبدالعزيز أحمد زاهر دهب ، اللى هي مراتى ! نظر له عادل قائلا ً .. - انت عملت ده كله ازاى ، وازاى عرفت تضحك عليا انا !؟ حمزة وقد جلس ووضع قدما فوق الاخرى قائلا .. - بس كده انا هحكيلك كل حاجة دلوقتى ، انت فاكر ان انت اذكى واحد فى العالم ! flash back ... عندما كان ادهم فى الشركة اتصل بجده " زاهر دهب " حمزة بنبرة غامضة .. - زى ما توقعت ، نفس اللى قولته حصل زاهر .. تمام خليك معاهم وفهمهم انك مصدقهم ونفذ اللى اتفقنا عليه ، وخليك فاهم ان هما ميعرفوش ان امك حفيدتى حمزة مؤكدا ً .. لا متخافش انا هسويهم علي نار هادية ، وساعتها بس هاخد بتارى وارتاح زاهر .. خليك معاهم واحدة واحدة وخد بالك عادل مش سهل ابدا ً ، وكمان عايزك تظهر بقي يا حبيبى عايز اهلك يعرفوك بدل ما هما خايفين منك كدة !! اطلق حمزة ضحكة خفيفة ثم قال .. - لا متخافش مسيرهم فى يوم يعرفوا ! _____________________________________________ عندما كان يجلس على مكتبة ، ويرتشف فنجان القهوة الخاص به .. واستمع الى اهتزاز هاتفه ورقم ما غير مدون لديه يتصل به .. رد بنبرة عادية قائلا ً .. - مين معايا ..!؟ شكرى .. انا شكرى محامى جدك حمزة بإستغراب .. - هو قالك ، المفروض ان أنا وهو بس اللى نعرف الموضوع دة ! شكرى .. للأسف دى كانت وصيته ليا .. البقاء لله حمزة بصدمة ، وقد ترقرقت الدموع فى عينيه .. - ايييييه ! شكرى .. معلش شد حيلك ، انا معاك انا وظابط تانى .. كمل اللى بتعمله جدك وصانى بكل حاجة متقلقش حمزة .. - تمام ، وانا هبلغك بالتطورات .. _____________________________________________ مرة اخرى عندما اخبره عادل بأمر تقي بمكان الملجأ و نظر لهاتفه .. وظل يكتب رسالة لشخص ما وضغط على زر إرسال ، وفى تلك اللحظة رن هاتفه بوصول رساله جديدة كانت الرساله موجهه الى شكرى وكان محتواها " انا دلوقتى عادل بعتلى رسالة بعنوان ملجأ تقي وطلب منى اتجوزها ، مش هينفع ارفض ، وانت ابقي طمن خالى ، وفهمة الوضع لحد ما نقدر ننتقم فى الوقت المناسب " _____________________________________________ back ... حمزة .. ودلوقتى انت فهمت كل حاجة ، مش معقول هسيبك كدة تتفرج وتمشى ، ده حتى روتانا سينما بتسيب علامة فى بيتك ..! وهنا ظهر ادهم والعساكر خلفه قائلا .. - والله ووقعت يا واطى ، خدوه على البوكس ..! ونظر لحمزة قائلا ً .. - كنت قولتلى ان المهمة سهلة كدة ، زمان البت اللى سايبها ميته من الرعب عليا .. كان لازم يعنى ! حمزة بضحك وهو يوجه نظره لشكرى قائلا .. - هو ده يا باشا ، انا مليش دعوة .. تكلمت تقي فى ذلك الوقت بصدمة وبكاء .. - انا مش فاهمة حاجة ، هو انا ليه حياتى كدة .. ونظرت للجثث التى امامها قائلة .. - كلها دم وقتل وقسوة .. انا معملتش حاجة فى حياتى لدة كله اقترب منها حمزة ومسح دموعها قائلا ً : .. - انا مش عايزك تفهمى حاجة غير انى بحبك وبموت فيكى وكل اللى شفتيه ده ، انسيه انا هنا علشان اعوضك ..! - يتبع - | ||||||||
|
| |
|
30-10-16, 03:12 AM
| #14 | ||||||||
| مراقبة عامة ومشرفة منتدى الروايات المنقولة
| 12 ابتعدت عنه ، ثم قالت وهي تصيح به فى غضب .. - لا انا مش عايزاك ، طلقنى .. انا مش بمزاجك .. تقسى عليا واسامحك ! لا انا مش عايزاك فى حياتى وكمان اتجوزت عليا انا مش عايز... قطع شكرى ذلك الحوار الحاد ، متجاهلا ما يفعلون قائلا ً ادخل يا عبدالعزيز انت ومدام فريدة نظرت فريدة وعبدالعزيز لتقي بشوق شديد ، فهمت تقي انهم والديها ، احتضنتهم فى مشهد مؤثر لفراق دام سنوات .. وهنا اكمل شكرى .. - ودى بقي كانت وصية زاهر ليا ..! ، واخرج من يديه cd .. وذهب تجاه جهاز اللاب توب ووضعها به وظهر زاهر دهب على الشاشة وبدأ حديثة قائلا .. - لما تشوفونى دلوقتى ، هتكون الحقيقة كلها وضحت ، والكل سامعنى دلوقتى بما فيهم حفيدتى تقي .. اسمعينى ، انا عايز اقولك انى اسف ، ولو قولتها من هنا لبكرة مش هوفيكى حقك ، يمكن اكون غلطت لما اخدتك بذنب انتى معملتيهوش ، لكن انا متاكد اكتر انى لما اموت عبدالعزيز مش هيسيبك هو وحمزة وفريدة ، ودلوقتى برضو اكيد عادل فى السجن او في حبل المشنقة .. وانا برغم قسوتى على الكل الا انى كنت بخاف عليكم وبحبكم ويمكن اكتر انى راجل دقة قديمة وعشت فى زمن غير زمانكم فـ تفكيرى غير تفكيركم ، المهم دلوقتى انكم تدعولى بالرحمة .. وانتهى الفيديو ، وبكت تقي فى احضان والدتها كثيرا بينما قال ادهم فى مرح .. - طيب يا جماعه انا هروح للى سايبها فى البيت مستنيه خبر موتى ، والله يخربيت دى مهمة على اليوم اللى شوفتك فيه يا شكرى ! وتركهم وذهب مع العساكر وقد قهقه الجميع من حديثه ، فبالرغم من رجولته الواضحة الا انه يمتلك روح الدعابة وحنون ايضا .. *** كانت تبكى على سريرها وتدعو الله ان ينجيه فلقد احبته بصدق ، وعشقت مرحه ورجولته التى تشعرها بأنوثتها ايضا .. وفجأة وجدت الباب يفتح ويدخل منه ادهم .. لم تصدق عينيها ، نهضت من على السرير فى سرعة واحتضنته بلهفه وقد بللت قميصة دموعها بينما نظر هو لها وقال .. - للدرجادى بتحبينى ..! قالت فى حب ولهفة .. - ايوة بحبك وبموت فيك ، وكنت هموت من الرعب عليك .. كلماتها الرقيقة عصفت بكيانه ، اقترب منها فى شغف .. وطبع قبلة عميقه على شفتيها ، انتفضت اثر فعلته ولكن عندما شعرت بتمسكه بها استسلمت له ، وبعد قليل تركها بعد ان ترك اثرا على شفتيها .. نظرت هي ارضا وقد احمرت وجنتيها خجلا ً ، هبط هو لمستواها وطبع قبلة على وجنتيها قائلا ً .. - احبك يا احمر .. قالت فى غنج .. - وانا بحبك اكتر يا قليل الادب ..! قهقه على طريقتها ، وقال .. - ده انتى الحياة معاكى هتكون عسل .. ويلا علشان نخرج لأخوكى اللى هيموتنى ده .. *** أخذها حمزة من يد فريدة قائلا ً .. - معلش بقي هاخد مراتى علشان نقضي شهر العسل اللى بقاله كتير ده ضحكت فريدة قائلة .. - ربنا يسعدكوا يا حبايبى ، وانا كدة اتطمنت علي تقى نظرت له تقي فى استهجان ، وهي تقف مكتفة الايدى .. اقترب منها وسحبها من يديها خارج المكان متجها الى سيارته .. اوقفته قائلة فى غضب .. - انا مش رايحه معاك فى حته ، سامعنى ! نظر لها وقد رفع احدى حاجبيه فى نفاذ صبر ، واقترب من تلك الشرسة قائلا ً .. - اسمعي بقي .. يا تركبى بالزوق ، يا تركبى بالعافية .. وانا معنديش مشكلة انى اشيلك هيلا بيلا وارزعك فى العربية ! اجابته فى سخرية : .. - وانت بقي كل حاجة عندك بتبقي غصب عنى ..! - يتبع - | ||||||||
|
| |
|
30-10-16, 03:15 AM
| #15 | ||||||||
| مراقبة عامة ومشرفة منتدى الروايات المنقولة
| (13) لم ينتظر كثيرا فحملها بين يديه ، ووضعها فى السيارة .. برغم من ركلها له ، ومحاولاتها المستميتة فى الافلات من بين قبضته الفولاذية .. وانطلق بها نحو الفيلا الخاصة بهم .. *** اتفق ادهم مع مازن على موعد الفرح ، على الاسبوع القادم واتصل بالجميع و دعاهم بما فيهم شكرى وحمزة وعبدالعزيز .. *** وصل الى الفيلا وترجل من السيارة ليجدها تنظر امامها فى ضيق ، فتح الباب وقال بصوت اجش .. - انزلى يلا نظرت له بعصبية ، وأردفت بتأفف .. - انت فاكرنى اية ، شوال بطاطس بتشيله و تحطه مكان ما انت عايز ..! زفر فى ضيق قائلا : .. - بطلى شغل العيال ده وانزلى نظرت له بغضب شديد وترجلت من السيارة وصفعت الباب خلفها بقوة واتجهت الى باب الفيلا ذهب هو خلفها وأخرج مفتاحه وفتح الباب ودخلت وهو خلفها .. صعدت لغرفتها وأغلقت الباب خلفها وشرعت فى تغيير ملابسها ، وبعد ان انتهت .. تدثرت جيدا واستعدت للنوم .. وفجأة وجدته يفتح الباب وكان عارى الصدر أفترب من الفراش وتدثر بجانبها .. نهضت قائلة فى ضيق : .. - انت بتعمل اية ..! حمزة ولازال فى الفراش وقال بنبرة عادية .. - اية هنام ..! هتفت تقي قائلة : .. - واشمعنى هنا ما أوض الفيلا كتير .. حمزة بإستفزاز : .. - انا عاجبنى هنا تقي بنرفزه : .. - طيب انا اللى هنام فى أى أوضة تانية وذهبت لتجد جميع الغرف موصدة حاولت فتحها ولكنها لم تستطيع ، ذهبت اليه فى عصبيه وجدته يغط فى نوم عميق .. استفزها برودة ، فأمسكت بكوب المياه الموجود على طاولة بجانب الفراش و سكبته فى وجهه دفعه واحدة .. استيقظ بفزع وهو يقول .. - بغرق بغرق ..! لم تستطع تمالك نفسها .. فأطلقت قهقهه عاليه أثر ردة فعله المضحكة بينما نظر هو لها وصر على اسنانة فى ضيق قائلا .. - يا بنت المجنونة ..! نظرت له ، وقالت : .. - أحسن .. تجاهلها ، ومسح وجهه وعاد للنوم مجددا .. من شدة تعبه لم تجد مفر فهى ايضا تحتاج للنوم .. فنامت بجانبه *** فى صباح اليوم التالى ... استيقظت تقى ، ولم تجده بجانبها .. نهضت لتجده ترك لها ورقه يخبرها انه ذهب للشركة واخبرها بميعاد عودته .. ابتسمت بخبث ، فهى سوف تنتقم منه على طريقتها الخاصة ..! - يتبع - | ||||||||
|
| |
|
30-10-16, 03:17 AM
| #16 | ||||||||
| مراقبة عامة ومشرفة منتدى الروايات المنقولة
| (14) والاخيره دقت الساعة بميعاد عودته .. فتحت الراديو الصغير على موسيقي شرقيه .. وارتدت فستان احمر قصير ، وضيق .. وبدأت بالرقص ، فتح الباب .. واستمع لصوت الموسيقي .. ذهب ليجدها تتمايل بأنوثه على نغمات شرقية ، أثارته حركاتها وفتنته .. بينما تصنعت هى عدم رؤيته ، وأكملت بحركات جسدها اللين وهى تعرف أثر ذلك عليه .. تصبب هو عرقا ، لم يتمالك نفسه وذهب اليها والصقها بالحائط واختطف شفتيها فى قبلة عميقة تنم عن ما بداخلة من مشاعر متأججه .. ابعدته عنها قائلة .. - ابعد عنى ، وروح لمراتك ..! نظر لجسدها البض ، وشرع فى خلع قميصة قائلا .. - مرات مين .. انا مش متجوز غيرك ، كنت بغيظك بس نظرت له ، وقالت فى غنج .. - يا خبيث ! كان قد خلع قميصة ، وقربها إليه ، وأقبض على خصرها بقبضته الفولاذية .. واستمر فى تقبيلها واستسلمت له كليا ً *** بعد مرور سنوات ... كان ادهم يقف خلف الاء وهو يمسك بخصرها داخل المطبخ ، قربها اليه أكثر وكاد ان يقبلها ولكنه توقف عندما وجد طفلته ضئيلة الحجم تمسك بخصرها وتقول .. - الله الله يا بابى ، اية اللى بتعمله ده .. ووضعت يديها على فمها قائلة فى صدمة : .. - انت طلعت قليل الأدب يا دومه !! نظر ادهم لـ الاء وقال وهو يضحك .. - انتى عديتى بنتك ولا أية .. ووجه نظره لها قائلا ً .. - يلا يا شذى امشى علشان عايز أبوس مامى ..! اطلقت الاء ضحكة عالية ، بينما قالت شذى .. - نأة ادهم : .. - يا بت أمشى الاء : .. - نأة ادهم ضاحكاً : .. - نأة تنؤك يا شيخه ، قطعتيلى اللحظة الرومانسية ! قالت شذى مشيرة بيدها لأبيها .. - بابى انزل ، انت طويل اوووى هبط ادهم لمستواها قائلا ً .. - عايزة اية ..! شذى بهمس : .. - متشتمنيش تانى ، علشان مش اقول لمامى انك بتاخدنى معاك اتفرج على المجرمين ! الاء بمرح وهى تمسكهم من التيشرت بطريقه مسرحية : .. - خونه ..! ، بتقولوا ايه من ورايا ؟؟ قالت شذي فى براءة : .. - ابدا يا مامى بابا كان بيقولى انه عاوز يودينا بحر بس عاملك مفاجأة .. مش كدة يا بابى ادهم وهو ينظر لها في ذهول وهو يضحك .. - كده يا سوسه ! *** كانت تقي تسير برفقة حمزة على رمال الشاطى وبينهم طفلة لم تتعدى السنتين ترتدى مايوه و حملها حمزة ودار بها فى سعادة عدة مرات ، واحتضن تقي قائلا ً .. - بحبك يا قطتى الشرسة ..! - تمت - | ||||||||
|
| |
|
04-01-17, 07:08 AM
| #19 | ||||
| شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .  | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
