تنشج الدموع لتحادث الصمت،بقلم/ اجنحة الوميض،عراقية (مكتملة)

[فيتامين سي]

بسم الله الرحمن الرحيم




♦ ♦ بعـــــــــــــد اسبـــــــــــــووع:. ♦ ♦



حسن ذهب للشركه وقال انهُ مضطر ان يذهب لانهُ استنفذ كل اجازاتهُ (لكن الحقيقة انهُ تعب من الحياة التي يعيشها)

كرار ذهب للمستشفى وقال انهم محتاجينهُ كثيراً فمهنتهُ مهمه ..(وهذا ايضاً كذب لأنهُ احتار كيف يعامل شمس )

عباس مدد اجازتهُ شهر لأنه يريد ان يذهب للخارج ليقضي شهر العسل هناك..


♦ ♦ (شمـــــس) ♦ ♦

جنت نايمه وكعدت على صوته القاسي .
- شمس ....شمس كعدي.
رفعت راسي وكتله
- صباح الخير..
- شرايج اجي ابمكان الدب؟؟
- يا دب؟؟؟
- هذه..
اشر عليه وجنت شابكة الدب متعوده ... استحيت وكمت نزلت من الفراش..
- رايح للشغل؟؟
- أي واريد ريوكــ .
- انشالله..
دخلت للحمام سبحت وبدلت ورحت للمطبخ اللي بجناحنه الخاص وسويتله ريوكــ وكعدت اتانيه وبعد شويه اجه وهوه لابس الجينز الاسود والقميص الابيض كعد على الكرسي وكال.
- ها اكيد طالع حلو..؟؟؟
ميلت اعيوني وباوعت للجاي.
- منو كالك ؟؟
- انتِ ...لوشايفة روحج شلون تباوعيلي جان صدكتيني..
- مغرور.
- طبعاً....حلو واخبل ...وزوجتي تجنن ليش ما انغر.
اكيد متحلم بشي ...انه اجنن من يمته..
تريكــ وكام .
- يلا مع السلامة ....تريدين شي كبل لا اروح؟؟
- لا مشكور الله وياك..
طلع من الغرفة...هاذي هيه حالتي نكعد شويه نسولف وبعدين تتحول السوالف عرايك وينتهي النقاش واحنه متزاعلين...شلون لازم اروح اساعد عمتي بس انه اخاف منها...ياربي شلون راح اعيش وياهه..لأن كرار الجبير راح يبقى يعيش أبيت ابوه اما ضرغام وعلي فلمه يتزوجون راح يعزلون.
نظفت غرفة النوم والمطبخ والصالة والغرفة الاضافية وطلعت لكيت عمتي تنضف بالهول واول ما شافتني كالت:.
- هله والله بالمسعدة...هاج نضفي البيت..
- انشالله عمتي.
نضفت الهول والمطبخ والصاله وغرف البيت كلها صارت الساعة بـــ 11 دخلت لغرفتي اريد اسوي غده لأن هديل بوكت الخطبة علمتني انه وفادية كلشي عن المطبخ بعدني توني انكع بالتمن ولن عمتي تصيح.
- شمييييييييييييييييسة..
- هلا عمتي خير.
- من وجهج ما اشوف الخير....تعاي ساعديني سوي الخضرة..
- عمتي اريد اسوي غدة لكرار.
باوعتلي بغضب وجنها تريد تطكني راشدي
- من يمته كرار يتغده مو ويانه...؟؟
- كليوميه نتغده ابحدنه..
سوت روحها ما تدري هوا كل يوم انه وكرار نتغده بغرفتنه ونتعشه لان كرار يكول.
- عيب متزوج وحدة طول بعرض واتغدة ويه اهلي...وثاني شي غرفتي بيت مو غرفة وبيها مطبخ مؤثث وبعدين انه عندي اخوان وما ارضى مرتي تاكل وياهم.
كطعت تفكيري صرخت عمتي.
- هيييييييي وين صرتي..
- انشالله عمتي..
رحت ساعدتها واصلاً هيه لبست عبايتها وراحد لبيت ام جاسم وكالت.
- انتِ كملي الغدة اعتمد عليج.
سويت الغدة وصليت ورجعت كملته ورحت لغرفتي ..من التعب نمت وانه ما ادري...


♦ ♦ (هــــــــــــديل) ♦ ♦

كعدت الصبح على صوت حسن مثل كل يوم.
- هديل ...هديل يلا شلون يعني اريد ريوكــ وراي شغل..
طفرت من الفراش ورحت سبحت ورحت للمطبخ سويت الريوكــ وصحتله..
تريكـ بدون أي كلمه وبعدين راد يطلع صاح.
- تريدين شي؟؟
- لا سلامتك..
- الباب ما توصليله لو يحتركــ البيت...وياهو يجي لاتفتحين الباب...بس اذا شمس لو خوالي واخوانج...امج ما اريدها تعتب بابنه..
- انشالله..
- يلا مع السلامة..
- الله وياك....الله يحرسك يا عمري.
التفت لي بستغراب...وخله وطلع..
أي عمري احبه شسوي....اطيعة واسويله اللي يريدة منا لمن ينسة اماني...معذور رغم كلشي سواه بيه...تزوجني بس حتى ينقذ اختي وعباس ...وبليلة عرسي اعترف انه يكرهني وبعدة يحب انسانه ميته شهيدة الله يرحمها ...هم راضيه..مصيرة اللي ومصيري اله انشالله..
رحت للمطبخ وبديت اسوي الغدة بحب وبعدين صليت ورحت نمت ووقتت التلفون على الساعة 2:30 ما اتغدة منا لمن يجي حسن بــ 3:00 ...تعودة ما اكل إله لمن ياكل...


♦ ♦ ( فاديـــــه) ♦ ♦


كعدت وانه مزعوجة افرك بأذني ضجت كلش وكعدت ..شفت عباس يضحك..كضيت اذني لكيت بيها وردة..
- ههههههههههههه ها؟؟ شرايج..
- اممممممممممم حلوة بس ضوجتني..
- بعدين ضوجي يلا ورانه روحة سويلي الريوكــ وحضري الجنط..
- من عيوني يا عمري..
- ادري ..


الضهـــــــــــر الساعة بـــ 2:00

♦ ♦ (شمس) ♦ ♦



كرار:. شمس...شمس يلا كعدي بسرعة..
رفعت راسي جان كرار بعده بلهدوم اللي راح بيهن للمستشفة.
شمس:. هله ..يمته رجعت؟؟
كرار:. توني يلا انه رايح اسبح وابدل الكاج محضرة الغدة..
شمس:. انشالله..
رحت للمطبخ وتذكرت اني ما سويت غدة ...وعمتي حتى ما كعدتني على الغدة...ردت اطلع من الغرفة وطلع كرار من الحمام وكال:. وين طالعة؟؟
شمس:. أأأ (شكله وهوا بس يريد شي يتعارك عليه) عمتي ..
كرار:. احجي بسرعة لا تنثولين..
- عمتي كالت نتغدة وياهم وما سويت غدة..
- هااااااااااااااا؟؟؟ لا والله ؟؟؟ وانتِ متغديه؟؟
- لا .
- مكضيتها نوم وامي تسوي غدة...حسابج بعدين هسة روحي صبي الغدة وبعدين يحلها حلال..
ياربي هسة شلون افهمة..طلعت شفت عمتي صابة غدة لواحد وكالتلي بصوت يخوف.
مرت خالي:. صيحي لكرار يتغدة يمي.
شمس:. انشالله عمتي..
دخلت للغرفة وطكيت بكرار كضني من امتوني وكال.
- وين راجعة امشي نتغدة..
- لا ما اشتهي..
- تريدين تكملين نومتج..
صاحت مرت خالي:. أي بس نايمة اليوم كله أكيد ما مسويتلك غدة.
ضحك وكال:. أي يمة اموتتني من الجوع...
سحبني من ايدي وكعدني يمة واكل وانه مدنكة ما اكدر اباوعلة خاف يكلي اكلي وانه من صدكــ انسدت نفسي ..ولا اكدر اباوع لعمتي لأنه راح تذبحني..
عمتي أم كرار:. ها شلونه طبخي؟؟
كرار:. انتي دووووم طبخج يجنن يا عمري ..الله يخليج النه..
ام كرار:. أي بس انه ما دايمة خلي مرتك تعوف النوم وتشوف شغل البيت بعد انه كبرت..
كرار:. انشالله يا غالية..
متت من القهر انه اتعب واشتغل وهوا يكول اكلج حلو لأمه ...ومصدكــ انه مكضيتها نوم ..انه الك.
كمت ردت ارجع للغرفة بس كض ايدي وكال...وهوا يضحك.
كرار:. ماسويتيلي جاي لو هم امي تريدينها تسويلي؟؟.
عصبت وانه ما صدكت بيوم راح اصير بهيجي موقف.

شمس:. أي شرايج عمتي لو تكملين فضلج وتسوين جاي..؟؟
صرخت عمتي بصوت هز البيت.
عمتي:. حقيرة قليلة تربيه...انه خدامه اشتغل عندج...كرار شو مرتك صارت تأمر امك كدامك وانته ساكت..
سحبني كرار وطكني راشدي وشمرني على الكرويته وطلع من البيت..
كعدت مصدومة وفوكــ هذه شالت عمتي الاكل وكبته على راسي...وشب جسمي ناااااار لان الاكل بعدة حار وبيه مركه دجاج بيضة ومركة حمرة عفية قوة ...طاح على راسي وحطيت اديني حتى اميله بأي طريقة واحتركن أديني ووجهي.. ضليت اصرخ وامسج راسي وجسمي ورحت ركض للحمام وفتحت الدوش وخمس دقاسق لمن برد جسمي ..بس رااااااااااسي احس المركة بعدها بيه...كعدت ابجي على السرير..انه صح خطأ اكول لعمتي هذه الحجي بس هيه استغلتني اليوم كله اشتغل ولمن تعبت ونمت ما كعدتني اتغدة وبعدين تخلي بس اكل لكرار وانه بس فالي الرزالة...
باوعت لديني لكيتهن حمر رحت للمراية شفت اخدودي بيهن طبعة حمرة حيل واديني حمممممممر ...شوهتني الله يسامحها...بجيت امي بجيت اهلي بجيت حياتي المعززة اللي جنت عايشتها..آآآآآآآآآآآآآه يا اهلي وينكم تجون تشوفوني شصار بيه....عمري 19 سنه وانه احمل اهموم عجوز..جا بعد عشر سنين شيصر .....الله العالم..



اما هديل استيقضت من النوم وذهبت لتقوم بتحضير السفرة لكنها تفاجأة بوجود حسن بالصاله يتغدا وحده.
هديل:. ليش ما كعدتني حتى احميه الك واصبلك الغدة؟؟
حسن:.(التفتت اللها متفاجأ...) هديل؟؟!!!.. هاا؟؟؟ لا عادي .
جان ناسي انه متزوج اصلاً ومتخيل روحة عايش ابحدة..

خرج كرار من المنزل وهو غضب من تصرف شمس...صحيح ان امهُ اخطئة لأن الاكل كان من عمل شمس فقد اعتاد على طبخها واصبح يميز طبخها لكن ما كان عليها ان تهين امه...سار بسيارته ساعتين وتذكر ان شمس لم تتناول أي شيء منذ الصباح اشترا عصير ولفتين بالكباب ورجع للمنزل قضم قضمة من الاولى ووضعها على الطاولة التي بالصاله وفتح العصير وشرب منه قليلاً لان شمس كانت في الصاله تنظر للتلفاز وكانت تجلس القرفصاء وشعرها منتثر حولها...لم يكن يريد ان يشعرها بأن لها قيمة في داخلهُ لانهُ كان واثق من بغضها له وقد كان يعرف انها غضبه منهُ لذا عندما تجد طعام له وهيه جائعة ستأخذهُ لتغيضه..

♦ ♦ (شمـــــــــــــس) ♦ ♦


بقيت بالصالة كاعدة ومنزله راسي لأن وجهي صاير احمر وبدة يتقشر الجلد بعدين سمعته يتصل بصديقة بالغرفة كمت واخذت اللفات واكلتهم بس استغربت مو فادية كالت هوا ما يحب الكباب ..بس الزلاطة...بس لا متعمد ...لا اصلاً هوا ما عندة لا شفقا ولا ضمير..طلعت الكباب واكلت اللفات والعصير...وشويه اذن الغروب توضيت ودخلت بالغرفة الاضافيه اصلي.
دكــ الباب ودخل وكال.
- انه معزوم لاتسوينلي عشه.
شكله زعلان ..بكيفة...مارديت فرد عليه بغضب.
- انه مو حايط لمن احاجيج تردين.
- انشالله.
- ما تجين إله بالعين الحمرة....يلا مع السلامة.
- الله وياك.
الله يستر ويني ووين الزعل هيه حياتي وياه زفت وبعد ازعل...خلصت صلاة وسويتلي عشه خفيف واكلته وكعدت على التلفزيون وخففت الانارة وغفيت.

♦ ♦ (حســـــــــن) ♦ ♦


رجعت للبيت بعد الصلاة ولكيت العشه مجهز تعشيت ورحت اتمشه بالحديقة بعدني يا ربي ...ما متعود على هديل ..بس صراحة تدخل الكلب بطيبتها...حسيت واحد يمشي وراي وايد كضت ايدي ...التفتت جانت هديل..ابتسمت وكالت:.
هديل:. اليوم كله متانيتك وهسه تخليني وتروح؟؟
ماكدرت ارد ...شحاجيها...هيه مو تدري شنو مشاعري اتجاهها ..
هديل:. امشي وياك ..لو.؟؟؟
وعافت ايدي ورجعت للبيت مكسورة الخاطر رحت وراها وكضيتها ودرتها الي جانت مدنكة ودموعها على خدها كضيتها من اكتوفها وكتلها.
حسن:. انتِ تعرفين مشاعري كلش زين....تانيني بس فترة وراح كلشي يتغير..
رفعت راسها مثل الطفل ....واخترقت نظرتها فؤادي...خلاص اســـــرتني بت حيدر...


♦ ♦ ( كرار) ♦ ♦


سهرت وي جماعتي وخلاص عيوني ما اكدر افتحهن ودعتهم ورجعت للبيت ..دخلت جانت الغرفة باردة وظلمة فتحت الضوى شفتها اللي حارقة كلبي بحبها ومحطمه كل دفاعاتي وما داريه عن شي بت الذينة...رمشت بعيونها وهيه نايمه من الضوة القوي ...ردت اطفيه بس شي بوجهها وكفني ..اتدنيت منها وصحت.
- شنو هذاااااااااااااا.؟؟

♦ ♦ (شمــــــــــــــــس) ♦ ♦


جنت اتحلم جن انه وكرار نمشي بطريق واحد بس محد يدري بالثاني وفجأة التفت الي وابتسسم وكـــال.
- احبج يا شمس حياتي.
كتله شنو...؟؟؟
اجه ضوة من بعيد وواحد صاح شنو هذااااااااااا
كعدت من الحلم مخترعة وشفت وجه كرار ابوجهي وعيونه كلهن غضب واحواجبة معقودة..كتله وانه نعسانة كلش.
- خير حبيبي شصاير؟؟
بسرعة تحول شكله لواحد مذهول وكال:.
كرار:. ها ؟؟؟شكلتي؟؟
- شكلت ...شصاير؟؟؟
- الضاهر جنتي تتحلمين...ما علي المهم شنو هذه اللي بوجهج؟؟
- شنو بوجهي ..عيون وخشم..
- اكلي تبن مووكت شقا..
سحبني من ايدي ووداني للمرايه وكال وهوا يأشر بأصبعة على وجناتي.
- هذه..
- أأأ...(صاير وجهي احمر والجلد مكشط...)
- أي هذه شنو ..؟؟تحجين لو احجيك بالكتل..
- هاي هيه اللي عندك....بالكتل؟؟؟
- اهوو مالي خلكــ أي شي........ تحجين لو شلون؟؟
- عمتــ...( شكله يعني ..ومنو كال يصدكني أحترم نفسي واسكت احسن).....
- منو؟؟؟ امي؟؟..احجي لا تخبليني؟؟
- اهوو والله مليت منك ومن ...(سكتني راشدي..) ..تطكنـــي.
- تستاهلين ...ما تمشين إله بالكتل...يلا منو اللي شوه وجهج..
- (وانه ابجي) مو اكثر من ما انته شوهت حياتي...(رحت ابجي على الفراش بس هوه لحكني واخذني للصاله وجاب جنطته اللي فيها ادويه وكعد يحط مطهرات ومدري شنو على وجهي ويحجي:.
- ادري امي سوت هذه بس شلون؟؟؟براحتج لا تحجين لصالحج بالنهاية انتِ الخسرانه..... ( قلصت وجهي لمن وصل للمنطقة اللي طكني بيهه بخدي سكت وبعدين كمل) ..اسف..ما سيطرت على نفسي...انه زوجك ولازم تطيعيني وما تعصبيني ولا تعاندني..خووووووش؟؟؟
- خوش.
- يلا خلصنه ...والشفاء انشالله..
- الله يشافيك.
حنون وطيب ...بس دوم يعصب علي والسبب مو جبير...بس احبه.



♦ ♦ بعـــــــــــــــد مضي شهـــــــــــران. ♦ ♦



شمس:. هدول انه من زمان كتلج اخوج يريد يطلقني ؟
هديل:. ادري كالج بلييلة العرس انه بس جم شهر ويطلكج بس ماله داعي تشربين حبوب منع الحمل.
- بلله حملت؟؟
-احسن راح يبقى عايش وياج ابوي ما يخليه يتزوج عليج ولا يطلكج.
- ما اكدر اعيش وي انسان احس بنظراته شفقى ...وبؤس لأني سلبته من حبيبته..
- ومنو كال سلبتيه..مو ابوي ما رضى.
- هاي كبل هسة خالج كاله تريد أي وحدة اختارها؟
- جذابة؟
- سأليه.
- وليش شصاير؟؟
- تمرض وسواله عمليه..
- أي اتذكر ...شوف الــ.. والله لو ما خالي.....حبيبتي هونيها وتهون..
- خليني اولي انه ما نخلقت للسعادة المهم انتِ شلونج وي حسوني؟؟
- لا عيني هذه حسونيي ..
- بشري شلون معاملته وياج ما تغيرت؟؟
- لا صاير احسن بس ماكو كلام رومانسي..وبعدة يغلط بأسمي..
- بعدة..الله يعينج..
- فنج شيكولي مرات؟؟
- شيكول؟
- شموستي اريد جاي..
- هههههههههههههه خرعتيني على بالي اماني.
- لا جنه نساها..
- الله كريم...صدكــ دكيتي علي على مود خبر حلو شنو؟؟
- والله نسيته...بس شتطيني؟؟؟
- على كدة..
- انه ...اممممممممممممم اخوج مو اسمة حسين؟؟
- اييييييييييي..
- راح يسمونه ابو علي..
- شقصدج؟؟
- انه حاااااااااااامل..
- جذاااابه.!!!!!!!!!!!!!
- والله والله..
- كللللللللللللللللللللللوو ووووووووووووووووش والله هذه احسن خبر سمعته بحياتي ..كلتي لحسن؟؟
- بعدني سويت عشه رومانسي حتة اكوله..
- يلا جا مع السلامة ادري اخوي يجي بهيج وكت.
سديت من عدها وشفت كرار واكف وراي وجنت طايرة من الفرح شبكته وكتله.
شمس:. كرار هدوله حااااااااامل..
ما تحرك ولا حجه انتبهت لنفسي ...اهووووووووو انه شسويت.. ردت اميل بس هوه كضني وكال.
كرار:. انشالله يوم النه يا عمري...
انشلت حركتي مو من عوايده هيج يكول..
شمس:. عوفني..
- انتِ اللي شمرتي روحج علي.
- ما جنت واعيه ...من الفرحة تصرفت بدون تفكير..
- وانه اتصرف بتفكير....شمس....انه احبــــج...تدرين؟؟؟
- ...........( يا ربي يحجي صدكــ لو يجذب)..
- شمس كافي جفه والله تعبت...احس روحي شايل جبل على كلبي...كافي ..هاي انه اكولها الج...احبج ..احبج..مناااااااااااااا لمن اموت..
- يومي كبل يومك..
- يا عمري والله....تعبت وانه اخفي حبي....دخلتي لكلبي بعنادج...بطفولتج...بتصرفاتج الغبيه..
- هسه انه غبيه...
- أي غبيه...اكو وحدة تشوفني انه الكمر وما تحبني...وتشلع كلبي وما تدري بيه ...تسهرني الليل وتشيل من عيني النوم وما تحبني..
- احبك والله..
ميلني عنه وكضني من اكتوفي وكال بأندهاش.
- بعد كل معاملتي وياج هاي.... تحبيني؟؟
- احبك ...وبس لا تحرجني اكثر..
- يا عمري والله أموت على اللي يخجلون..


♦ ♦ (حســــن) ♦ ♦



دخلت للبيت بس اريد الفراش ما لي خلكـ أي شي لأن عازميني جماعة ونسيت ما كلت لهديل...دخلت وشفتها نايمة بالصاله والصاله تخبل صايرة..كيك وشموع ..ليش اليوم عيدميلاد منو؟؟..
شلتها ونومتها على الفراش ورحت سبحت وطلعت انشف شعري ...دكــ تلفون هديل مخليته بالصاله..

قلبي يتصل بك...
فتحت الخط وسمعت .
- هدوله باركيلي.....طلع كرار يحبني توه اعترف لي.....هدول ليش ما تردين...بس لا حسن ما فرح بالحفلة والطفل..
- طفل؟؟!!!!
- منو وياي...حسن؟؟
- أي شموسه شنو حفله؟؟؟ وشنو طفل؟؟
- أأأ....حرام اللي تسويها بهديل تحبك وتموت عليك...هيه مو مسويه حفلة؟؟
- جنت معزوم وما كايللها وتوني راجع...شني سالفة الطفل.
- حسن هديل حامل..خاف الله عاملها زين لا تفقدها وذيج الساعة تفقد قلبين بجسد..
- انشالله ما تسمعين غير اللي يفرحج بعد ساعة
- يااااااريت يا عمري والله..
سديت الخط واجتني هديل.
- السلام عليكم...منو دكــ علي.
- ما علينه ...تعاي اهنانه...ليش ما كلتيلي.
سويت روحي غضبان وهيه خطيه خافت واجت وكفت يمي..
شبكتها وتفاجأة وكلت.
- هديل عمري الجديد وحياتي..انه مو كتلج تانيني فترة وانسة...هاي انه نسيت....والله يخليج النه انه والبيبي يا ام كلب الجبير...صح ما جنت احبج ...بس هسة ...صرتي عاالمي اللي اعيشة صرتي كل حياتي يا هدييييييييييييييل...والله..

♦ ♦ ( اليوم التالي) ♦ ♦


ارسل حسن هديل لبيت اهلها واخيراً منذ شهرين لم ترى والدتها ..اما اخوتها وابيها فكانوا يزورونها ...وشمس كان بينهم اتصالات لا نهائيه.
شمس::. وااااااااااااو لو تحسين بيه شلون فرحانه..
هديل:. ما اضن اكثر مني...المهم وانتِ شراح تسوين بحبوب..
شمس:. اسسسسسسسسس لا تسمعج عمتي..خلاص بعد ما اشرب ...اريد بيبي ..
- ههههه واخيراً راح اصير عمه ..
- اهوووووووو بعدني يا اختي ...توني تاركتهن اخذيلج شهرين ثلاثة.
- لالالا يا ربي كون هذه الشهر حتى نكبرهم سوا..
- يااااااااااا رب..
- اللي يسمعنه امس ما يصدكــ هاي احنه نفسنه..
- هههههههههههههههههههه
دخل كرار لغرفتهُ وشاهد شمس وهديل والفرحة تغمرهما ...اول مرة يرى اختهُ منذ ان تزوجت بهذه السعادة...واول مرة يرى زوجتهُ ايضاً بهذه السعادة.
كرار:. الواحد ما يرتاح بغرفته..
هديل:. كرووووور..
ذهبت لهُ واحتضنها وقال:. كبرنه يا ام علي وبعدج كرور ما تستحين؟؟
شمس:. أي وما اسمح تسمين زوجي كرور...ها ؟؟
كرار:. اكول هديل شعندج اهنا يعني الواحد ما يكعد وي مرته ؟؟
خجلت شمس اما هديل التي توجهت للباب بغضب مصطنع.
هديل:. طردة يعني....صدكـ كرار شو راجع على وكت؟؟
كرار:. مشتاق لزوجتي ..عندج مانع؟؟؟
هديل:. لا يا عمي هاي مرتك اشبع بيها..


♦ ♦ ( بعد اسبوع) ♦ ♦

♦ ♦ (كــــــــــرار) ♦ ♦

هذه احله اسبوع عشته بحياتي....فرحاان لأني أكتشفت شمس تحبني ...واحتمال اكثر مما احبها..لالالا مستحيل...هيه اخذت كلبي...وعمري وحياتي...عشنه بهالاسبوع جنها سنه.
جنه انه وشمس وامي كاعدين بالصالة كالت امي.
ام كرار:. شمس يمته ناويه تحملين..
شمس ردت بارتباك..
شمس:. شهر لو شهرين..
التفتت عليها...شبيها خايفة..مشكلتي دكتور وافهم نظرات مثل هاي النظرات.
كرار:. شمدريج ما هسة انتِ حامل.؟؟
شمس:. ها؟؟؟
جنت شاك بالموضوع بس هسة تيقنت كمت ورحت للغرفة ولحكـــتني..دخلت للجناح وبعدين لغرفة النوم تذكرت جانت كبل لا تنام تفتح جرارتها اللي يم الفراش وبعدين تشرب ماي....لا متسحيل تسويها....فتحت الجرارة و........

♦ ♦ (شمس) ♦ ♦


صدمني سؤالة ..انه رايدة افاتحة بالموضوع بس هوا فاجأني...لحكته للغرفة وشفته كاض بيدة حبوب منع الحمل..والغضب واصل لاعلى درجاته..
كرار:. شنو هذه حضرت الممرضة..
شمس:.(طاحت دموعي)...والله ردت اكولك...
كرار:. او ليييييش تسممين حبوب؟؟؟؟ تعرفين شنو وحدة ما تريد تحمل من زوجها؟؟؟ يا مثقفة وبنت اصول...وبدون أذني بعد...احجي دافعي عن نفسج.؟؟؟
ما كدرت احجي ...ما عندي سبب مقنع...شكله ؟؟؟اجتني الحالة اللي يزيد بيها بكائي ويتوقف كلامي..

كرار:. احجي لا تظلين بس تبجين؟؟ احجي لييييييش....؟؟؟؟مع الاسف طلعتي زييييييييف.....انه اوريج كرار الحقيقي..
كض التلفون واتصل..
شراح يسوي...معقوله يتصل بحسن..
كرار:. الو ابو ماهر ...هله بيك...اي قررت انه اروح ابمكانك ...اي خلاص..انته ابقي وي اهلك اللي يحبونك انه طلع بس زيف وتكضية وكت..... بس يمته ؟؟؟؟ اوكي انشالله ..يلا مع السلامة..
كعدت على السرير ابجي...الله يسامحج مرت خالي إله تذكرينه...انه جنت محقة ما اريد احمل منه اذا جان يريد يطلكني ..مايصير اعلق بيننه طفل...بجيت لمن سمعت صوته يكول .
كرار:. لاتصدكين عمرج ...كل الحب اللي جنتي بيه جذب...انتِ تعقلين واحد حب وحدة من 10 سنين تكدر وحدة بخست عملتج تنسيه اياها؟؟؟
كدرت احجي كتله:. انته ما خليتني افهمك السالفة..
كرار:. اسسسسسسس ما عندج عذر...كافي ..ما اريد اسمع صوتج اشمئز منه..
خلاني وطلع..

وقفــــــــــــــة...ترك خلفهُ قلب محطم ..كومة رمال ...عشق ربما سيتحول لحقد..قلب ينبض بقوة...عينان مغرورقتان بالدموع....عندما خرج من الغرفة تحول الصخب و الغضب المحيط بها إلى صمت ..صمتاً قاتل لا يسمع فيه عدا نشيج....لكن ليس نشيجها هيه ...بل نشيج دموعها المنسابة بقوة بدء نشيجها يتجاذب اطراف الحديث مع الصمت...بدئت تنشج الدموع لتحادث الصمت..

صدكــ بعد ما يحبني؟؟...صدكــ راح يسافر؟؟...وبعد ما اشوف كرار؟؟..بعد انتهى كرار من حياتي...صدكــ بعد ماكو كرار بمستقبلي؟؟؟..ما يحبني...يشمئز من صوتي..انه؟؟؟...انه مايطيقني!!!!!!!!...خلاص انتهت قصة حياتي ..صدكــ الحب مرة وحدة وانه حبيت مرة وحدة وجانت كرار...وهوا حب مرة وحدة وجانت....
كرار:. شمس..
انه اتحلم...التفتت على باب الغرفة وجان كرار بالباب...وكفت ومسحت دموعي وكتله.
شمس:. نعم(رديت من ورى خشمي كافي شبعت اهانه انه ما غلطت هو اللي غلط من يوم خطبني)
كرار:. لمن احاجيج تردين بأدب مو من ورى خشمج.
- .........
- المهم طبج مرض يعلج ما رديتي ...اريد انام تعبان ممكن تطلعين برى تبجين...
استغربت على هذه الطلب....يعني كلبك يطيك تنام وانه ابجي...طاحت دموعي غطيت وجهي وتقدمت بخطوات متعثرة حتى اطلع بس عثرت بالزوليه وردت اطيح بس كرار كضني....بسرعة رفعت اعيوني بعيونه...شفت الحزن والارتباك وألم ...شفت نظرة ما فسرتها...طاحت دموعي بسرعة وكتله.
- فدوة اسمعني بس اشرحلك..
- اسسسسسسسسسس(ميلني وراح للفراش) كافي جذب ...دموعج ضميها لوكت الحاجة..راح اسافر 5 شهور وتبقين انتِ اهنانه حتة امي تعذبج ولمن ارجع اطلكج...
طلعت من الغرفة اشهق من البجي...تكرهني عادي ...بس تعذبني على مود حبوب مانع...ما اصدكـ انك تسوي هذا...
كعدت بالصالة وضليت ابجي بهدوء ...يمة وينج تعاي والله محتاجتج ...هذه وكت صعب الكة واحد اشرحله ويفتهمني...فدوة يمة تعاي.
لكيت روحي ابجي بصوت عالي...ضليت اناجي اهلي واحد واحد ..بعدين سمعت باب غرفة النوم ينفتح خفت وكتمت صوتي ما احس غير كرار يسحبني من ايدي ويدخلني ويكول.
- اذا تريدين تبجين ابجي بالغرفة لحد يسمعج خوش..
ما رديت عليه بس كملت بجيي بصمت خلاني كاعدة على كرسي التسريحة ونام....

♦ ♦ (بعد مضي اسبوع) ♦ ♦


بقى الحال كما هو عليه انه وياه ما نتحاجة وكلت لهديل على اللي صار وضاجت وخربت عليها فرحتها....خلصت شغل مرت عمتي مثل كل يوم بــ 11 وبعدين رحت لغرفتي سويت غدة لكرار وخلصت ونمت...صايرة احب النوم ..وما اكل عدل نقص وزني بهالاسبوع....
كعدت من النوم على هزه خفيفة من كرار.
- شمس كعدي صبيلي غد..
- خليني أنام حرام عليك(جنت مو بوعيي).
- خوش نامي..
راح فزيت بسرعة...انه شسويت...لا وبعد راح ما رزلني مثل كل يوم... خليني اكوم اصبله الغدة لا يكلب جدر الاكل على راسي..طلعت من الغرفة سمعت صوت الماي بالحمام يعني توه يسبح حضرت الغدة وكعدت اتانيه يجي...جنت احب اشوفة ياكل..دوم اكعد اباوعله وهوا يتغدة لو يتعشة لان بس بهذه الوكت يكعد وياي واشوف شكله الطبيعي....


♦ ♦ (كرار) ♦ ♦


اليوم اخر يوم باجر راح اسافر لمدة 5 اشهر دخلت للغرفة مثل هذه الاسبوع كله دوم الكاها نايمه اكعدها وتصبلي الغدة...بس هالايام صايرة مو عاجبتني تنام اهواي وما تاكل...يلا يمكن لمن اسافر ترتاح اكثر مني رحت كعدتها وكسرتت خاطري خليتها تنام ورحت اسبح ولمن طلعت لكيتها بالصالة صابة الاكل ومتانيتني...جانت صافنه باوعتلها ....متغيرة اهواااااي ...بس صايرة احله واحله....اخ منج يا شمس والله خبلتيني يابنت ابو علاء...يلة راح اعلمها شلون سوت بيه هاي السالفة ولمن ارجع راح اسمع سببها المقنع لأن هسه اذا شرحتلي بعد ماكو فايدة لازم اروح انه بمكان ماهر..كله مني تسرعة بلحظة غضب...تقدمت ورحت كعدت على السفرة واكلت حتة ماسلمت عليها...بعدين رفعت راسي وشفتها صافنه علي....هههههههه والله ادري تموتين علي بس صبري ...
- ما تاكلين بدل ما تباوعيلي هيجي.
- بالعافيه عليك.
- كولي انج متغديه كبلي.
- لا والله ما اكلت شي من الريوكــ
- وليش حضرتج مسويه اضراب؟؟
- لا بس هيج.
- اكلي.
- ما ريد.
- كتلج اكلي(سويت روحي معصب).
- هيه كوة....لو باقية نايمة احستن لي.
رادت تكوم جريتها وكعدتها وكتلها.
- اذا ما اكلتي اوريج شغلج عدل.
- ها اها اكلنه.
- عفيه صيرة مطيعة..
كعدت تاكل بهدوء...آآآآآآآآآآآآآآه يا شمس حتة وانتِ تاكلين حلوة .
خلصت غدة وطلعت من البيت...هايـــــــــم مثل كل يوم ماعندي شي اسويه....اشتريت جم غرض لمطبخ جناحنه لان راح اسافر واشتريت الها جم ثوب واشياء ثانية لان ادري ماراح تخليها امي تسوي شي...الله يعينج يا شمس بس الي سويتيه مو شويه..انه اموت على الاطفال ويجوز من ورى مانع الحمل اللي شربتيه وانتِ بعدج صغيرة راح تحرمينه من البيبي فترة طويلة...رجعت للبيت حطيت الاغراض ورحت اصلي ولمن رجعت تعشيت وحاولت اجبرها تتعشة ما رضت وبالاخير كعدت تاكل وحست بغثيان وراحت تتقيئ...والله حالة بس لوما وراي شغل جان اخذتها للمستشفة رحلتي تبدي بالعشرة بالليل....خلصت عشة وشربت جاي وكلتلها.
- حظريلي جنطت السفر..
- ها؟؟؟
- اعتقد وصلت المعلومة....وحطيلي اهدوم يكفنلي شهر على الاقل..
- شهر؟؟؟
- راح اسافر 6 شهور.
- 6؟؟
- اكول لاتصيرين ببغاء وتعيدين الحجي..
- هيجي صرت كلش مكروها بس تريد تفتك مني؟؟؟..
كمت ورحت للحمام اسبح وابدل لا احن عليها وشلون بالرحلة طلعت من الحمام ورحت للغرفة لكيتها ترتب اهدومي ودموعها يطيحن بدون صوت مشطت شعري ولبست وكملت وتعطرت واخذت الجنطة وكلتلها.
- مع السلامة...ديري بالج على صحتج..
- ..ان شالله...الله يحرسك...
- يلا تريدين شي...
- لا....مشكور.
بستها على راسها وطلعت من الغرفة وكلبي متكسر على حالتها..



خرج من الغرفة …وشعرت بأن روحها أنتزعت منها …سقطت على الارض تبكي بشدة …ماذا ستفعل بحياتها بعد الان …هاهو خرج من هنا وعندما يأتي سوف يطلقها…انتحبت كثيراً…فتح باب الغرفة بعد نصف ساعة وقفزت لضنها انه كرار لكن..

♦ ♦ (هديل) ♦ ♦


اجتمعت العائلة ابيت اهلي واحنه هم رحنه نودع كرار ….وبعد ما راح رحت لشمس لأن ما شفتهه ويانه …حتى لمن سألت كرار.
هديل:. وين شمس ما ودعتك..
كرار:. ديري بالج عليها هاي الايام ما تاكل شي..

دخلت للغرفة وكمزت شمس خطيه على بالها انه كرار…شبكتها وضلت تبجي وتشكيلي عن كل اللي صار
هديل:. ياعمري والله …صدكي هوه بس مقهور وشوفي اذا ما طلع يموت عليج…وإله واحد يروح ويتغرب على مود مايحب زوجته …خليه يتزوج عليها منو كاضة…
شمس:. يعني ….يحبني….جا ليش يكول اشمئز منها..
هديل:. انتِ بس صبري …بسرعة الايام تعدي..
- ايام الفراق تطول وايام السعادة تعدي بسرعة.

بعد مضي شهر
في بيت الخال محمد

(ايمان ام عباس)

اليوم ابو ضياء جاب مرته وتصالح وياها ومسوي عزيمة بس الاهل
سلمنه عليها وكعدنه نسولف الكل فرحان ويضحك والاخص ام كرار ولا جن ابنها مسافر ...بس شمس متغيرة كلش وحالتها حاله ما تسر الصديق ..تكربت منها وكلت.
ايمان:. شموستي شبيج حالتج كلش متغيرة؟؟؟ .
شمس:. تعبانه كلش.
هديل:. أي خالتي حاجيها والله كرار موصيني عليها اوكلها بس هيه من يوم راح لاتاكل ولا شي.
ايمان:. ليش يا روح خالتج؟؟؟.
شمس:. خالتي...انه كلش تعبا....نـ....هـ...
طاحت بحضي :. يمة شمس كعدي..
ولا حركة
رحنه صحنه لحسن لفيناها بالعبايه ورحنه انه وحسن وهديل وياها.



(حسن)
اصلاً انه مو عاجبتني حالت شمس كلش ..وجنت افكر لأن اليوم الصبح شفتها كلش متغيرة وشويه ورن تلفوني.
-الو عمري خير؟؟
- الحكــ حياتي شمس طاحت.
تركت الكل منصدم ورحت ركض للهول اللي بيه شلتها ودخلت للسيارة وما ادري مني راحت وياي..
دخلت الدكتورة وهديل وبعد ربع ساعة طلعو.
حسن:. ها ؟؟؟خير دكتورة؟؟
الدكتورة:. اكيد سوء تغذيه...وهسة تطلع التحاليل بس لحد يدخل عليها خلوها مرتاحة شويه راحت هديل ورى الدكتورة وما ادري شكد بقيت كاعد كدام الغرفة منا لمن سمعت ام عباس كالت.
ام عباس:. حبيبي حسون يلا امشينه ندخل على اختك.
دخلنه عليها وجانت نايمة..واضح التعب على عيونها من الهالات السود...شويه ودخلت هديل تبجي كمت مفزوع.
حسن:. هدول شبيها اختي؟؟؟طلعت التحاليل.
هديل:. حسن(شبكتني وكملت) شمس حاااااااااااااااااامل.
ضحكت وطكيتها على راسها وكلتلها :. هيجي تخرعيني ..اللي تحمل يبجون عليها؟؟.
هديل:. لا انته ما تدري شنو السالفة.
- علميني وانه ادري.
- لا خلهه سررررررررررررر.
جنت حاس ان اكو سالفة بين اختي وكرار بس حاولت اتغاضى لأن اختي ساكته بس والله لو اشكتلي بالغلط ...انه اعرف شسوي..



بعد مضي شهران

(كرار)

آآآآآآآآآآآآآآآآآآه الايام تمشي ببطئ وانه ما احب اترك اهلي واسافر اهواي.....لاتقشمر على نفسك...مو اهلك اللي ماتكدر تفاركهم .....كول شتاقيت لشمس....وشبيها...زوجتي ومن حقي اشتاقلها...يلا اصبر وعلى الله..

دكيت على رقم امي من شريحتي الدوليه ..
-الو السلام عليكم.
- وعليكم السلام ورحمة الله وبركاته...هله والله بحبيبي الغالي ...شلونك يمة كرار؟؟
- بخير يمة مادام اسمع صوتج ....انتم شلونكم؟؟
- الحمد لله عايشين..يمته ترجع يمة؟؟..ليش طولت الغيبة؟؟؟
- يمة بعد 3 شهور واسف عى التقصير ما اتصل بس الشغل اهواي.. اطي محاظرات واخذ محاظرات واسوي عمليات واهواي اشياء....المهم انتم بخير.
- أي يمة ...بشر ما شفتلك وحيدة اهناك؟؟؟
- هههههههه لايمة انه متزوج شنو وحيدة بعد.
- أي زواج متزوج وحدة مغبرة ... اريدك تاخذ وحدة ثانيه.
- لا يا الغالية وحدة كافيه( عرفت ان شمس يم امي ولذا بس تريد تضوجها) شلون ابوي واخواني واخواتي؟؟
- كلهم بخير ويتمنون يحاجونك....اهم شي ماتجيب طاري المغبرة...
- اطيني المغبرة ههههههههههه على كولتج.
- وشدراك هيه يمي؟؟
- لأنج ما تهزئينها من وراها..(امي واعرفها على الرغم من كلشي بس ما تحب تغلط عليها من وراها )
- هاك اخذها.
شويه صمت وبعدين سمعت صوت انفاسها.....كله منج يا شمس بعدتينه ....بددت الصمت انه وإله لو ساكت هيه ابد ما تحجي.
- الو ؟؟
- شلونك كرار؟؟
- الحمد لله انتِ شلونج؟؟
- بخير....
- ها انشالله مرتاحة وناه مو يمج ...(ماجاني رد) ..اكيد راح الكاج سمينه من الراحة لمن ارجع بعد ثبلث شهور...( صمت وبعدين انفاسها بدت تتقطع وبعدين سمعت صووت بجيها....قطعت كلبي...آخ لو هسة ارجع بس تورطت وبعد ما اكدر) شمس ليش تبجين؟؟
- عندي الك خبر.
- كولي اريد اسمع صوتج؟؟
سمعت صوت امي تصيح عليها وتاخذ منها التلفون .
- الو كرار يلا روح للشغل مع السلامة .
- الله وياج.
سدت امي التلفون توهه مشتاقة..بس شمس شنو رادت تكلي...والله طار كلبي من الفرح لمن سمعت الجم كلمة اللي كالتها ...بس الخبر حسيت انه راح يفرحني اكثر....عجيبة يمه اول مرة اشوف ام ما تحب الخير لأبنها..


بعد مضـــــي شهران

(شمس)
صارله شهرين ..ما اتصل....ومحد كاله اني حامل...(مسكت بطنها وقالت)..ياعمري صار عمرج اربع شهور وابوج مايدري بيج...هذه اللي جنت خايفة منه...ماجنت اريد احمل حتى لا يطلكني ويحرمني منج لو تنحرمين منه ...بس الضاهر مو كلشي يصير حسب ما نخططله...بس انه ما تمنيت شي وصار بهالدنيه .. حياتي صارت جحيم وي عمتي وماترحمني كلش وكل ما الها تزيد الشغل علي وماتقدر حملي....بس لو ما ضرغام وعلي جان اسقطت من زمان...كله تخليني اشيل اشياء ثقيله...الله يسامحج عمتي...




شمس في الاشهر الاربعة هديل في شهرها الخامس في البداية وفاديه في شهرها الثالثة...والجميع سعيد عدا شمس ..

فاديه تركت الدراسة على الرغم من اعتراض الجميع لكن كانت حالتها سيئه لذالك قررت ان تؤجل السنه...اما هديل وشمس فلازالتا يذهبان معاً حسن يوصل شمس للمعهد وبعدها يوصل هديل ويذهب هو في طريقة...

كرار زاد حنينه لمكان النشأة ولم يستحمل البعد اكثر ...لذا قرر العودة بأي طريقة لكن لم يكن امامه أي حل ...لذا قرر ان يتروى ويصبر..

بعد مضي شهر

(شمس)
دخلت للمطبخ ولكيت فاديه تعبانه وكاعدة على الكرسي كدام الطاوله كعدت كدامها على واحد من الكراسي وكلت.
- فدووو شبيج كلش متغيرة؟؟.
- شوفي روحج...يا عمي لاتحملين اذا يقضي عليج الطفل.
- هههههههه اشدعوه ..انه اداوم ويصيربيه هيج..انتِ شبيج؟؟
- والله كلش اعاني من الحمل ...وام عباس ماتخليني اسوي شي... انتِ البيبي شلونه...صدكــ علخير؟؟؟ ..
- هههههه مو امس باركتيلي...
- اشتريتيله اهدووم.؟؟
- أي بنطرون وقميص.
- يمة...بنطرون ...هههههههه شكبرة حتى يلبسه..
- عاد ابني وكيفي..
دخلت عمتي وخربت الجو..
عمتي:. روحي كنسي بدل ما تسولفين.
فاديه:. وين تكنس يمة ماتشوفينها لابسه عبايتها وتريد تروح للمعهد....لا وحامل..
عمتي:. هوا شمصخها غير دلعكم...واذا حامل محد حمل كبلها..
كعدت عمتي بالكرسي اللي يمي وكالت.
عمتي:. بيش الساعة؟؟
شمس:. بـــ 7:30 هسه يجي حسن وياخذني.
عمتي:. يعلج رحتي وما رديتي....
رادت تكوم بس كالت(اليوم كرار يجي) كامت ولفت ضهر الكرسي علي وانه كمت دفعته علي ...ولان الكرسي ثقيل حسيته دخل ابطني ....جاني الم حاد ودموعي نزلن ...باوعت للكاع شفت الدم....وغمضت وما ادري شصار بعد


(كرار)

اطيت امي خبر اني راح ارجع ووصلت للعراق الحبيب الصبح ودخلت للبيت وانه ميت تعب سمعت صوتها بالمطبخ ما كدرت ادخل ...بعدني احس بشي تجاها يوكف بيني وبينها دخلت للغرفه ...وشميت عطرها ...كافي انمسح اخر شي يخليني اشيل عليها شي لازم اخليها تشرحلي كل شي ...سبحت ولبست تراك واخذت الخاولي وكعدت انشف شعري وطلعت من جناحنه ورحت للمطبخ...سمعت امي تغلط وفادية تبجي وضرغام يصيح غطيها خليني اشيلها.
دخلت للمطبخ وانصدمت ..
وقفــــــــــــــة...دم على الارض...ومحبوبتهُ بين يدي اخيه وكأنها جثة هامدة....اختهُ تنتحب ووالدتها ولا كأن الذي امامها بشر.


كرار:. شبيهه شمس؟؟
طلع ضرغام من المطبخ وهوا شايلها وخلاني ..
فاديه:. فدوة روح الهم ....يمكن شمس جهضت..
كرار:. شمس....حامل!!!!!!!!!
فادية:. اهئ اهئ...ليش محد كالك؟؟ الله يسامحج يمه ...مو كلتي انج كلتيله....اكو ام تسوي هيج حرام عليج..
الام:. اكلي تبن هيه طكت بالكرسي خبلة...
طلعت ولا جنها مسويه شي..الله يسامحج..
كرار:. من يمته حامل(هذه الخبر اللي رادت تكلي اياه..).
فاديه:. بالخامس...روح ترى هيه حامل بولد يا ابو علي.
يااااااااااااه شكد جنت منتظر هاي اللحضة بس ما اضن راح تكمل..
رحت ركض للشارع وجان ضرغام يريد يحرك وكفته ودخلت امكانه ورحت بأقصى سرعة للمستشفة...سمعتها
تون..(...علي.....حسن....ماما....با� �ا...علااااااااااااء...علياء. ....)
توقف صوتها...ما كالت اسمي...جانت اول اسم تنطقة اسمي...انه صوجي عفتها بوكت (بوقت) جانت محتاجتني بيه طبعاً تنساني...بس لازم اعوضها..صرخت (آآآآآآآآآآآآآآآآآآي بطني) ليت الالم بيه مو بيج؟
وصلت للمستشفة وشلتها ودخلتها لغرفة خاصة ونومتها على السرير واجن لي ممرضتين
- ديرن بالجن عليها هسه اجي .
رحت لغرفتي ولبست البالطو وانه اتصل بالدكتورة وداد.
- الو دكتورة زوجتي بغرفة (...) بسرعة روحيلها وانه هسة اجيلج افهمج.
- اوكي دكتور اتطمن.
لبست ورحت ركض دخلت لكيت الدكتورة وداد تفحصها .
- ها؟؟؟شبيها؟؟.
- قضاء وقدر...اجهضت دكتور كرار...اسفة...لازوم نسويلها عمليه تنضيف و.
- انه اهتم بس صيحي للستاف مالتي.
تعقمت ودخلتها لغرفة العمليات وشويه واجة طاقمي خليت بس الممرضات ...

آآآآآآآآآآآآآآآآآآآآآآآه شكد صعب تسوي عمليه تطلع بيها ابنك ميت من بطن زوجتك اللي تمووووووووووووووووت عليها..
طلعت البيبي وشفته ...صغيرون ...ماكامل بعده ...بس يجنن انه اللي موتك يا عمري....ها؟؟؟شتريد تحاجيني...كول؟؟؟انه السبب..يا علاوي ....الله يسامحني ويسامحج يمة..سمعت الممرضة نور تحاجيني.
- دكتور اطيني البيبي وكمل العمليه..
- انشالله.

خلصت العمليه ...بستها براسها وطلعت الممرضات وودعتها بعيني وطلعت بس اريد اوصل لغرفتي حتى ابجي ما استحمل بعد ... صح انه جراح بس هم عندي مشاعر..هذي زوجتي وهذه ابني اللي ضيعتهم...طلعت شفت كل العائله ...اول واحد اجة بوجهي ابوي رحتله حتى اسلم عليه لاني جنت مسافر.
- شلونك يبى ...
- والك عين تسلم؟؟!! ...كله منك اللي صار ...اكو واحد يسافر ويعوف زوجته وهيه حامل..
- يبى ان..
- اسسسسسسسس ...لا تحجي ما اريد اسمعك صوتك...شلونها شمس ..؟؟
- بخير يبى..
التفتت وانه احاول ابلع دموعي وسلمت على عمامي وبعدين وصلت لهديل..
- شلونج هدول ام جاسم؟؟
- بخير...ها؟؟؟ شرايك باللي صار؟؟
- هديل مو تستلميني انتِ...انتم كلكم ما تحسون بيه على بالكم سهله واحد يسوي عمليه لمرته حتى يطلع ابنه الميت..
- شكلت لروحك لمن عفتها ها؟؟؟
- ما جنج اول وحدة تدري السبب..؟؟؟ها؟؟؟احجي ليش ساكته؟؟
حيدر:. شني السالفة..؟؟
كرار:. حاجيه اذا بيج خير....انه رايح عن اذنكمك تعبان وجنت مسافر...
ردت اروح بس ايد كضتني....التفتت طاحت عيني على حسن.

حسن:. شلونك كرار؟؟؟
شبكته وطاحت دمعتي:. حسن شفت شيصير...شفت ...والله احبها واحب ابني ..بس محد كالي انها حامل ...والله ما ادري.
حسن:. افاااااااا تبجي يا ابو علي؟؟؟هذه درس لختي حتة ما تتصرف من ورى زوجها...يلا الخير باللي صار والله إله بيها حكمة...
كرار:. ماتوقعتك انته اول واحد راح تعذرني..
حسن:. انه اعرف شي واحد ..وهو اختي تحبك ...لا تضيعها..
كرار:. والله هاي اخر مرة اعوفها ...اوعدك...يا ابو جاسم.
حسن:. الله يخليكم لبعض يا رب..
بعدين رحت لغرفتي وكعدت على كرسيي ورخيت جسمي...تعباااااااااان ومحد يحس بيه ..آآآآآآآآآآآآآآه توني جاي من السفر وميت من النعااااااس ...بس شلون تغمض عيوني ..فتحت عيوني على وحدة شبكتني..
- هديل؟؟؟شبيج عورتيني؟؟
- والله اسفة يا كرار ما ادري انك ما تدري لان امي قالت انها قالتلك..
- بس والله العضيم ما كالتلي ...والله سامحت غلطة شمس..
- لا تحسبها غلطة ...لان انته تذكر اول يوم العرس شكلتلها؟؟؟
- شتقصدين؟؟
- انته كتلها عودك تكرهها وبس جم شهر وتطلكها وهيه قررت ما تحمل حتى لمن تطلكــ ما تضيع حياة الطفل ...وهيه من حقها تسوي هيجي...
- ها؟؟(تذكرت ..." - ياريت كدرت اسوي شي ..جان هسه انه ما مكابل وجهج ...على فكرة ما دامج انتِ بديتي العداوى ..ترى انه تزوجتج على مود ابوي ...جم شهر واطلكج..اوكي...ونكوللهم مانكدر نعيش سوا " آآآآآآآآه ياشمس ...ذاكرتج قوييه)

- اخووي وين صرت؟؟
- ها؟؟ ما كو شي ..تذكرت شي...
- المهم ابوي ضايج لانه اتهمك بأنك تدري بحمل مرتك وعايفها ...وهسه يريد يعتذر..
- افا الغالي يعتذر...ما عاش اللي يخليه يعتذر...انه رايحله..


ذهب كرار لوالدها وقبل رئسه وبعدها اجبرهم كرار بأن يذهبو لاعمالهم ولم يبقى عدا فاديه وهديل وحسن وزوجة العم احمد واصر حسن ان يأخذ كرار الذي بقى ويعود بهم للبيت....فبقيت هديل وحسن مع شمس الراقده في الغرفة ما بعد العمليه ...ولن انسى ان اقول لكم ان كرار قد اوكل العناية بشمس للدكتورة "وداد"
٭♥٭
٭♥٭♥٭♥٭


مر اسبوع وشمس راقدة في السرير بسبب سوء التغذيه والاجهاض وكان كرار ينهي اعمالهُ ويبقى معها في الغرفة ذاتها حتى نقل لهُ سرير وكان ينام به بقرب شمس ...ام الاهل فكل يوم يأتون حتى ام ضياء جاءت مرة اما ام كرار فلم تأتي ابداً واعزا الجميع السبب وراء ذلك في انها لاتستطيع ان ترى عملتها ..

٭♥٭
٭♥٭♥٭♥٭



(شمس)
فتحت عيوني وانه اشعر بتعب وبغثيان.....لا ارادياً مديت ايدي لبطني....اكو شي فقدته....احس نفسي خفيفة...بس اكو جرح ابطني تحسسته من ورى الجرجف...حاولت اكوم حتى اشوف شنو السبب هذه الجرح...بس ايد رجعتني ..
- الحمد لله على سلامتج عمري.
- كـــ....ـــــرار؟؟!!!
- عيونه وحياته وكلبه وكلشي بدنيته.....طلبي شتريدين ؟؟؟
- ليش طولت؟؟
- والله ما جان الامر بيدي كلشي طلع خارج سيطرتي....سامحيني...يا بعد عمري (اخذت ادينهه بديني وتوسلتلها) فدوة سامحيني يا نو دربي..
- اسامحك؟؟؟!!!!!!!!!!!!!
ميلت ايديني من ايده وكضيت بطني .....وتذكرت..
- وين ابني؟؟؟؟
باوعتله ونزل عيونه وبعدين رفعهن و وراد يكض اديني بس انه ضليت اجر بقميصة واصرخ وعيوني تصب دمووووع.
- وين علي؟؟؟وين ابني ...مووتوووووووووووو انته وامك ارتاحو ...خلاص اللي جنتو خايفين اربطكم بيه مات...يلا خلي امك تلبس احمر ....يلا انته سوي احتفال...يلا فرحو هلهلووو...اريد عليييييييي ابنيييييي...روح لمك خليها تحني ادينها...
سكتني راشدي قوي خلاني افقد الوعي..

كعدت بعد ساعة ولكيت الغرفة ضلمه بس اكو ضوه بقرب راسي وكرار يقرى قرءان يمي....والله مشتاقتله ...بس كافي وصلت عندي حد الاشباع...حتى بالمستشفة ما سلمت منه...لازم اتطلكــ...اصلاً ماله داعي اكوله..هوا مقرر هذه الشي من البدايه...لازم افاتحة...بس خليني اسمع صوته لأخر مرة...

٭♥٭
٭♥٭♥٭♥٭



(كرار)
بعد الراشدي نامت لأنها تعبانه كلش كضيت القرءان وكعدت اقرى يم راسها وبعد ساعة حسيت بحركتها مرتبكة كلت (صدق الله العلي العضيم) وسديت القرءان وحطيته ابمكانه ودرت عليها.
- ها؟؟ هسه شلونج؟؟
- (مسحت دموعها وكالت) يمته ارجع للبيت؟؟
- اليوم اذا تحبين؟
- يلا اطلع خليني ابدل واتصل على حسن ياخذني.
- (تفاجأت ليش حسن؟؟) وشعليه حسن؟؟
- كافي بعد انه وياك ما اعيش لو اخرشي بحياتي..
- (انه صرتي تموتين مني ...ما اصدكج..) لو بالمستشفه لو ابيتنه؟؟اختاري؟؟
- ابيت اخوي.
- (كلت خليني اكسر الشر واتماشه وياها..) منو يعتني بيج ابيت حسن؟؟
- عاد ابيتك الكه عنايه؟؟
- (استحيت..ايجوز اهناك اخوها وهديل ماعندهم غيرها...بس ابيتي امي تتمنى الموت ولا شوفت شمس....واخواني صعب يساعدونها..) هديل بطنها واصله الخشمها وما اريدج تتعبينها.
- انته مالك شغل انه اهتم بنفسي.
- ابقي بس جم يوم وبعدين انه ادبرها..
- حسن...أأ اقصد كرار؟
- (والله جرحتني ...ما مره غلطت بأسمي من يوم اتزوجنه) عيونه ..
- انه ...طلكني؟؟؟
- ها؟؟؟
- ...............
- (صدمتني قيدت حركتي...علكت كلبي وهسه تكلي بكل برود طلكني....رديت بدون وعي) بعدين..
طلعت من الغرفة وبسرعة تناسيت الموضوع.
دكيت على ابوي..
- السلام عليكم شلونك يبى؟؟
- بخير يا كرار الطيب عند ذكره.
- خير انشالله؟
- انشالله ...البيت خلص تكدر تجي بيه انته وزوجتك....يلا مو مستعجل عليه حتى اخواتك رتبو اغراضك واغراض شمس وكلشي بس ناقصكم ...والمفتاح عند الممرضة .
- (لو متصل بيه كبل ساعة ايجوز اطير من الفرح بس هسه ..ما اعتقد) انشالله يا الغالي هسه نروحله لان والله تعبنه من المستشفة.
- انته الله يرضى عليك اسبوع وما تطلع بس تجي تسبح وترجع للمستشفه....بس شكلك ما فرحان بالبيت..
- افا لا والله فرحان ....يلا يا ابو كرار تأمر بشيي؟
- لا يا كرار الله وياك ..باجر نزوركم بالبيت الجديد وسلملي على شمس.
- يوصل والله وياك.
غسلت وجهي واخذت مفاتيحي ورحت لغرفة شمس وسويت روحي ولا مهتم بيها....

٭♥٭
٭♥٭♥٭♥٭




(شمس)
ما اكدر افاركة (افارقه) بس لازم ...من صدكــ يكرهني ليش اربطه بيه كوه لو عندة ذرة حب الي جان ما كال بعدين..اكيد يستحي من اهله شيكلهم طلكتها وهيه بالمستشفى يعني ما كدرت اتاني شويه...
اندكــ الباب مسحت دموعي وسويت روحي نايمه اجاني صوته..
- شمس ادري بيج ما نايمه يلا بدلي وامشينه هسه ما عندي وكت..
- وين؟؟
- انه متانيج برى .
طلع من الغرفة وتحطم اخر امل انه يكلي اريدج وما اطلكج...كمت بهدوء وانه كاضة العمليه ...بعدني ما مصدكة اللي يصير رحت غسلت وبدلت الفستان اللي لكيته يمي امبين من هديل ولبست العباية وطلعت لكيته كاعد وحاط راسة بين ادينه...قطع كلبي بس يستاهل لانه لحد هسه يعذبني كتله وانه اتصنع البرود.
- خلصت.
- يلا..
باوعلي بنظرت تمنيت اروح اشوف وجهي بالمرايه ...واعرف نظرات شفقى لو اعجاب بس بسرعة اخذ ايدي ومشه...دخلني للسيارة بهدوء وركب بالسدر وقاد السيارة بهدوء مو مثل كل مره ..اكيد خايف على عمليتي مو علي..التفتت عليه وضليت اباوع له ...شكد تغير بالست شهور....تغير حيل وصار احله من كبل بهوااااااااااي...ياربي ليش يصير بيه هيج...ليش افقد اللي احبهم ...انا لله وانا اليه راجعون....التفت علي وابتسم.
- ها؟؟ شلوني محلووو مو؟؟
- لا صاير مو حلو.
- أي واضح باوعي بالمرايه وشوفي روحج شلون تباوعيلي.
- جنت ادعي عليك..
- هههههههههههههههههههههههها ااااااااااااااااي
فاجأني جنت امتانيته يشتمني يطكني مو يضحك
- ادعي براحتج أنتِ الخسرانه ....
- ما كو شي اخسره ..كلشي خسرته ...انا لله وانا اليه راجعون.
وكف السيارة ابمكان غريب بس حلو كله بيوت متباعده وراقيه نزلني وقفل السياره ودكــ الباب طلعت ممرضة امبينه من اهدومها دخلني واخذ المفتاح من الممرضة وكاللها.
- مشكورة مها باجر تعاي الصبح.
- انشالله دكتور..الحمد لله على سلامتج شمس.
- الله يسلمج.
لبست جنطتها وطلعت من البيت.
التفتت عليه قفل الباب ودار عليه يضحك
- منو هاي واحنه وين ؟؟؟
- هذا بيتنه الجديد وهاي ممرضة تدير بالها عليج بغيابي الصبح لمدة اسبوع على ما شويه ترتاحين.
- ومنو كال اريد بيت ابحدي وياك؟؟
- خايفة؟؟؟
- ومنين اخاف؟؟
- سمعي انتِ ما تطيقين امي وانه مالي خلكــ العرايك..وهسه نعسان صارلي اسبوع ما نايم تصبحين على خير..
خلاني وصعد فوكــ ...اسبوع ما نايم ...بس لا جان سهران على مودي..او ليش ؟؟؟...اكيد يحبني واله مو جان يريدني اتعذب وي امه...ياربي شنو هالدوامه اللي انه بيها..التفتت حوالي نفسي البيت يجنن...صاله جبيرة...
دخلت للمطبخ مطبخ عائله يجنن..دخلت للهول روووووعة والحديقة تهبل صعدت فوكــ ثلاث غرف وحده فارغة ووحدة باينه للضيوف والثالثة...لكيت كرار شامر اهدومه بكل صفحة ونايم...لميت الهدوم وصفطتهن وباوعتله جان نايم بعمق..ضليت امشي بهدوء كسر خاطري...تعثرت بــالحذاء صرخت خفت على بطني كضيتها بس ما طحت وما احس إله واحد شايلني.التفتت عليه.
- كرار!!!!!!!!!!!..
- أي ...شسوين ..يعني ما ارتاح ..
- ياهو كعدك؟؟
- شوفي عمليتج بعدها ....ومو زين تتعثرين هسه.
- لو حاط حذائك ابمكان زين جان ما تعثرت.
- ما علي من الحذاء هسه والله والله والله نعساااااااااااااان ...خليني انام وانه مرتاح.
- نام ياهو كاضك ..بس نزلني؟؟
- وشلون ارتاح وانتي كاعدة تفترين بالبيت ابحدج؟
- كتلك وديني لبيت اخوي حـــ..
نزلني وكال

[فيتامين سي]

التفتت عليه قفل الباب ودار عليه يضحك
- منو هاي واحنه وين ؟؟؟
- هذا بيتنه الجديد وهاي ممرضة تدير بالها عليج بغيابي الصبح لمدة اسبوع على ما شويه ترتاحين.
- ومنو كال اريد بيت ابحدي وياك؟؟
- خايفة؟؟؟
- ومنين اخاف؟؟
- سمعي انتِ ما تطيقين امي وانه مالي خلكــ العرايك..وهسه نعسان صارلي اسبوع ما نايم تصبحين على خير..
خلاني وصعد فوكــ ...اسبوع ما نايم ...بس لا جان سهران على مودي..او ليش ؟؟؟...اكيد يحبني واله مو جان يريدني اتعذب وي امه...ياربي شنو هالدوامه اللي انه بيها..التفتت حوالي نفسي البيت يجنن...صاله جبيرة...
دخلت للمطبخ مطبخ عائله يجنن..دخلت للهول روووووعة والحديقة تهبل صعدت فوكــ ثلاث غرف وحده فارغة ووحدة باينه للضيوف والثالثة...لكيت كرار شامر اهدومه بكل صفحة ونايم...لميت الهدوم وصفطتهن وباوعتله جان نايم بعمق..ضليت امشي بهدوء كسر خاطري...تعثرت بــالحذاء صرخت خفت على بطني كضيتها بس ما طحت وما احس إله واحد شايلني.التفتت عليه.
- كرار!!!!!!!!!!!..
- أي ...شسوين ..يعني ما ارتاح ..
- ياهو كعدك؟؟
- شوفي عمليتج بعدها ....ومو زين تتعثرين هسه.
- لو حاط حذائك ابمكان زين جان ما تعثرت.
- ما علي من الحذاء هسه والله والله والله نعساااااااااااااان ...خليني انام وانه مرتاح.
- نام ياهو كاضك ..بس نزلني؟؟
- وشلون ارتاح وانتي كاعدة تفترين بالبيت ابحدج؟
- كتلك وديني لبيت اخوي حـــ..
نزلني وكال بصوت صارم وغضبان.
- امشي كدامي نامي وتغطي بسرعة ترى مالي خلكج كلش.
- أ..
- يلا وريني نامي بسرعة.
خفت والله شكله يكتلني لو مسويه الف عمليه نمت وتغطيت...بعدين نام هوا...

كعدت الصبح ما لكيت احد طلعت برا لكيت الممرضة كاعدة بالصاله .
- صباح الخير مها .
- هله صباح النور...شلونج اليوم؟؟
- الحمد لله ....اسويلج ريوكــ؟؟
- لا انه ممرضة واعتني باللي تاكلينه وتشربينه ...طلب مني كرار اعتني بيج كلش زين.
- هههههههه انه مو بيبي ...وبعدين انتِ بس تراقبيني وتنصحيني ما تطبخن.
- لا هذي وضيفتي صدكي.
- براحتج...يلا ترا انه دلوعة ارييييييييييييد..
- لا حبيبتي ما تريدين شي انه مسويه الج غذاء صحي ..
- يعني شلون؟؟
- بكيفي ..
- بس لا هذه اللي ...
- اييييييي يلا وريني شلون تاكلين..
- ماااااااريد فدوة ما احبه.
اجاني جواب من وراي.
كرار:. مو لازم تحبينه..
شمس:. لازم بكيفي انه مو مريضة...اجهضت وخلص الامر.
كرار:. من رخصتج خليني وياها.
مها :. انشالله ....بعد اروح مو ؟؟
كرار:. أي انه بعد ما اطلع تعاي باجر.
مها :. يلا مع السلامة...مو تعاندين شمس ..
شمس:. الله وياج.
يحجون عني جني طفله ...بس كرار شمرجعه ..ليش بيش الساعة..بـــ 11:30..اوووووووووو شمنومني لهالوكت؟؟
كرار:. ها؟؟ وين صرتي؟
- بعدني اهنانه..
- يلا اكلي ..
- ما اشتهي ...انت شمرجعك على وكت؟؟
- باين زعجتج ....ميخالف استحمليني...يلا اكلي من امس ما ماكله..
- كتلك ما اشتهي..
كمت بس كضني ورجعني لمكاني وعيونه شرار.
- كتلج اكلي ولا تعانديني....تدرين انتِ موتتي ابني؟؟
- انه؟؟؟؟
- أي ...عبالج انتِ جهضتي من صدمت الكرسي ببطنج؟؟
- أي؟؟؟
- لا عيوني ...بيج سوء تغذيه والطفل مات من سوء التغذيه....ميت كبل لا تنطكين بالكرسي بيومين..
رجعت خطوات ليورى....صحيح ...انه فقدت حركته كبلها بيومين بس ما ادري ليش....طاحت دموعي وكلت..
- يعني انه موتت ابني....انه ...(دموعي تطيح بغزارة )


وقفــــــــــه.....عيناه تائهتان في وجهها المبتل....تلتهم الطعام بعدم شهيه...فقط تريد ان تعوض ابنها...انشل تفكيرها وعادت خطوات للماضي....حاول ايقافها عن العبث بالطعام لكنها منعتهُ..
نوو نوو نوو


(كرار)

تعبت من لومها اللي لو لأمي....كلتلها السبب الحقيقي....ماجانت تاكل الطفل تغذه منها وبعدين مات لان هيه اصلاً ماتاكل حتى تغذي نفسها..
ظلت تاكل ببدون شهيه وتبجي والاكل صار بكل مكان...كضيت ادينها ميلتهن وكالت.
- هدني خليني اكل ..(كضت بطنهه وكملت) اريد ابني ياكل يتغذه...اي حبيبي اكل انه اكل ..ما راح امتوتك ...(التفتت الي وكالت بستغراب) كرار ..ابني مايتحرك؟؟
- حبيبتي اهدي..
- انه مو حبيبتك....بس ترجع من السفر تطلكني وتخلي ابني اللي ...ابني هوا الذكرة الوحيدة من حبي كرار..محد ياخذه مني ...لازم اكل حتى احتفض بهاي الذكرة للأبد منه...
اخذتهه الحضني وضليت امسد شعرها وهي تحجي كل اللي جنت اريدها تحجيه...
- احبه والله احبه...بس هوا كال يريد يطلكني ..شربت مانع بس بعدين كاللي احبج وتركته وانه مقررة اكوله عن كلشي بس امه الشريرة ماخلت الي فرصة زعلته ...بس تدري همزين زعلته؟؟؟...(رفعت راسها اللي وعيونها كله ادموع واجزم انها ماجانت تشوفني ولا تدري منو انه).
- ليش ؟؟
- حتى يعترف بالحقيقة ..انه ما حبني بس لاني كسرت خاطرة وحتى يونس اهله..
- وبرئيج هذه سبب قوي واحد يربط حياة كامله بيه؟؟
- أي لانه جان يريد يتونس وبعدين يتزوج حبيبته مثل ما يكول رواء.....بس هسه انه حامل وبس يرجع راح يطلكني وارجع لاخوي وانه اربي ابني لوحدي ...وما اخليه يحتاج لأحد ابد...
- واليش ما تشوفين هوا صدكــ يريد يطلكج؟؟
- راد وان ما راد مالي غرض بيه...اهم شي عندي اني ما اريده ابد ....ما اصدكــ بواحد يحب اثنين بالعالم..
- واذا كالج انه حبج انتِ وبس ...ورواء جانت مجرد بنت خاله.
- بعد ما يفيد...اكو واحد اخذ حب كرار مني ..
ميلتها عني وباوعتلها عدل ...بعدهي تهلوس ..
- منو هذه؟؟
- اللي ابطني شوف ...(باوعت لبطنها وكالت ) بس بطني زغرانه...احس بوجع بيها..
- وين وريني؟؟
- ميل ...تريد تاخذ ابني مني.
رحت جبت ابرة مهدء وحقنتها ونامت اخذتها للغرفة ورحت اسويلي شي اكله..ميت من الجوع من البارحة ما ماكل شي...تريد تخبلني والله ما ادري شسوي...دكيت على هديل وكلتلها على كل شي وكالت:.
هديل:. شرايك لو تخليها عندي اكيد راح ترتاح وانته ارتاح ودام بشغلك وكلما شتاقيت تعال البيت بيتك.
- والله الضاهر راح اسوي اللي تريدينه ... لأن والله بعد ما عندي قوه بعد والله يحلها.
- الله يصبرك يا اخوي.
- يلا لو كعدت اجيبها مع السلامة.
رحت للغرفة لكيتها بعدهي نايمة نمت وغفييييت ونسيت اهلي يريدون يجون العصر..

سبووونج سبووونج سبووونج


(شمــــس)

كعدت على صوت تلفون يرن وصوت جرس الباب باوعت للتلفون لكيت مكتوب ..ابوي...جان يتصل خالي حيدر بــ كرار رديت:. الو.؟؟
- هله والله بهالصوت..احنه بالباب ليش ماتفتحون؟؟
- اسفة خالي جايه بس شويه جنت نايمة.
- جا وين كرار مو كناله نجي العصر؟؟
- مدري هسه اجي اسفه خليناك بالباب.
- يلا ما عليه يا بنتي.
سديت التلفون ولكيت كراركاعد يباوعلي.
- هذه ابوك..خالي حيدر...(شبي يباوع ..)...هسه همه بالباب...(ما يرد ..خليني اروح افتح الباب احسلي..كمت وكلت) رايحة افتح الباب..
- لا اوكفي ...انه رايح..
- بكيفك.!!!
راح وشكله مستغرب..صدكــ انه موجنت اتغدة شجابني اهنانه...يلا غسلت وجهي ونزلت قابلوني خوالي بالاحضان اما حسن فكان سلام خاص...هذه العزيز والغالي بس هديل ميلتني وشبكتني وبعدين فاديه اما الولد بس سلام من بعيد ومرت خالي محمد ام ضياء شبكتني بس مو ذيج الحنيه اما ام كرار ولا تحركت من مكانها باوعت لكرار هز راسه دنكت عليها وبستها براسها باوعتلي بستغراب ودنكت مستحيه باوعت لكرار ابتسم...رحت لمرت خالي احمد شبكتني من كل كلبها....وبعدين كالت هديل:.
هديل:. طلبتج من كرار تروحين ويانه وواقف.
شمس:. حلفي؟؟
هديل: والله حتى سأليه.
شمس:. والله ونااااااااااسه والله اثق بيج ماله داعي اسأل..
هديل:. اييييي واضح؟؟
فاديه :. شنو الواضح بس لا الحب ؟؟...بلله باوعيلي شمس ...اي صدكــ واضح الحب بعيونج....ما جنت ادري انج تحبين اخوي هالكثر..
الكل ضحك لانهم سكتو فجأة على صوت فاديه العالي ...دنكت مستحيه بس رفعت راسي الفضول اخذني لكرار ردت اشوف وجهت نظرة...لكيته ضايج حيل ....خلاص لكيت الحل ...حتى من حبي ينزعج ..طيب كرار..
شمس:. عمي ابو كرار...
حيدر:. أمري..


فراشة فراشة فراشة


(كرار)

جنت اسمع الحجي بين هديل وشمس وضجت لان حسيت بفرحت شمس ابيت اخوها يعني ما كو امل كلش...دنكت وحسيت الم براسي صكني من قلة النوم حتى وانه نايم ما نايم...وعيت من تفكيري على صوت شمس.
شمس:. خالي ابو كرار.
حيدر:. آمري..
شمس:. اريد اتطلكــ..
الكل:.؟؟؟؟؟؟؟؟؟؟؟؟!!!!!!!!!!!!!!!!
فتحت حلكي..من كل عقلها....براحتها بعد ما اكدر اسويلها شي اذا هيه كرهتني..ما اكدر اعيش بحب من طرف واحد.
حيدر:. ليش شصاير؟؟
شمس:. خالي انه وكرار...ما نكمل بعض...ما متوافقين...وما عندي غير هذه الحجي ..لا تنسه انك اجبرتنه بالزواج..
حيدر:. انتم لو مصرين بأنكم ما تريدون تتزوجون جان ما اجبرتكم..
شمس:. يعني هسه احنه الغلطانين..
ما كدرت اسمع الباقي شمس مو بحالتها الطبيعيه وخاف تهين ابوي وهذه اللي ما راح اغفره الها.
كرار:. شمس كافي...اسف يبى..انه المذنب ...انه جنت احبها انه اللي ردت اتزوجها بأي طريقة ..وهيه كالتلي من البداية ماتريدني...بس انه جلبت بيها عنوة وهسه كدام الكل ...شمس ..انتِ...
حيدر:. لا تكمل تندم.
كرار:. مو اكثر من اللي ندمان عليه..واسف لضياع ايام من عمرج بسببي...بس خلاص بعد ما تشوفيني..
طلعت من الغرفة ورحت بدلت ونزلت الهم لكيت الكل على حركته اطيت المفاتيح مالات البيت لبوي وكتله..
- انه من اليوم راح ارجع لبيتنه لان هذه البيت بأسم شمس وكل الاوراق بغرفتها وهسه وراي شغل ....من رخصتكم ..لانكم صرتو ضيوف شمس..




(حسن)



لحد هسه مصدوم ...جنت اشعر بشمس شلون حزنانه بغياب كرار وادري بيها تحبه بس ليش طلبت الطلاكــ ؟؟؟؟ الكل كام ورى كرار ....انه ما الومك يا كرار بس انته ما تدري بيها مريضه بعدهي؟؟ ..... كل العائله كامت وطلعو من البيت ورى ما طلع كرار بقيت بس انه وشمس وهديل ..شويه سمعت هديل تكول لشمس.
هديل:. شسويتي بخوي؟؟؟ انتِ ماتعرفين شكد يحبج؟؟
شمس( ودموعهه ينزلن):. لو يحبني ما طلكني بس كلتله ..
هديل :. يعني تفشلينه كدام العائله كلها وتريدينه يكول لا اريدها...ومو كلتي جبرتنه ومدري شني....اريد أسألج انتِ سألتيه هذه السؤال كبل لا تكولينه كدام الكل؟
شمس:. أي وكالي بعدين..
هديل:. والله خسرتيه بغبائج...عن اذنك حبيبي راح اصعد انام ضهري ضل يعورني.
حسن:. اصعدج؟؟
هديل:. لا ...انه اندل طريقي..الدور والباقي على ناس ..
صعدت فوكــ وضليت صافن على شمس.
شمس:. ها؟؟؟ حسن احجي؟؟
- شحجي مثلاً وانتِ حتى ما كلتيلي شي بسرعة فشلتيني ...لازم اول تكوليلي انج ما تريدينه حتى انه اطرح الموضوع ....بس الله يرضى عليج...عندي شغله هسه انه رايح اروح ساعة وارجع ابقي يم هديل خاف تحتاجين شي بس كعديها خوش ...يلا صعدي فوكـ .
- الله وياك....بس المفاتيح؟؟
- اكو واحد يم الباب احتياط وواحد عندي ولو رجعت نتفاهم.
- انشالله .
جنت مواعد سالم صديقي على شغلة ضروريه وطلعت من البيت حته اروحله واعتذر ونأجلها لوقت ثاني.
فراشة فراشة فراشة


(شمس)




صعدت فوكــ ودخلت لغرفتي....كلشي اهنانه لكرار....عطوراته ....اهدومه ...كتبا...ادواته الطبيه...يااااااااه مستحيل اعيش من دونه...بس هوا كال احبها ...ياربي انه صدكـ مريضة بعدني ..ليش طلبت الطلاكــ انه والله احبه...وهو كال انه يحبني والبيت اشتراه اليه..مايصير اهدم كل شي...راح اعتذر الحمد لله ان عمي وكفاه ..
رحت كضيت تلفوني اريد ادكـ عليه وسمعت هديل تصرخ..شمرت التلفون ورحت ركض..
دخلت لغرفة الضيوف.
- هدول عمري شبيج؟؟
جانت متغطيه وتصيح .
- آآآآآآآآآآآآآآآآآآآآآآآآآ آآآآآآآآآآآآآخ بطنيييييييييييييييييي.
- خلاص اطيني تلفونج ادكـ على حسن.
اخذت التلفون وشفت الصادرة جان واحد عمري وواحد حياتي....بس عمري اول واحد يعني اخر رقم متصله بيه ...رنيت واجاني الجواب.
- هدول مالي خلكــ بعدين كلميني..
كرار.....انصدمت ...بس صراخ هديل نبهني ونبه كرار.
- حسن شبيها هديل؟؟
- انه شمس وهديل بطنها تعورها.
- وين حسن؟؟
- طلع وكال ساعة واجي ..واسمك بالصادرة ودكيت.
- انه بالطريق لبسيها عبايتهاواتصلي بحسن وكوليله اوكي عمري.
- أأ.....ءءءءءءء ...انشالله..
ياربي نسه توا شصاير..
سديته من كرار ودكيت على الرقم الثاني وجان حياتي طلع حسن.
- هدول حياتي توني واصل للرجال...
- حسن انه شمس هديل بطنها تعورها وصحت لكرار وراح يجي ياخذنه للمستشفة وكال انته لازم تعرف.
- طبعاً لازم اعرف وليش ما دكيتي علي من الاول..
- (حز بنفسي جوابه واخذت على خاطري اكيد يلومني...) ما اعرف شمسمـــ...
- كافي اعذار جاي ..
خسرت الكل بسبب حالتي السيئه...بس خلاص محد راح يشوفني ...بس خلي هدول تكوم بسلامة...رد حسن احزني...اخوي وعضيدي..هديل اختي اللي تساعدني خطوة بخطوة...زوجي وحياتي...خوالي... خلاص ما الي لزوم بالحياة المن عايشة اصلاً..ما عذرو حالتي النفسيه ...توني فاقدة طفلي...بس معذورين ...انه اصلاً ما لازم ابقى عايشة ...لازم اموت وي اهلي...دخل كرار للغرفة وصرخ بوجهي.
- وين جنتي حضرتج ...صارلي ساعة ادكــ بالباب؟؟
- ياهو فتحه الك؟؟؟!!!!!!!!!!
دخل حسن من وراه وعيونه كلهن غضب ما حسيت إله براشدي حار على خدي ...ما صرخت ..كرار اللي صرخ ..
كرار:. مالك حق تطكها.
حسن:. لازم اوكفها عند حدها...تريدين تموتين هديل يا اختي الغاليه وكل هلي..؟؟؟
شمس(بعدني مصدومه من اللي يصير):. انه اموت هديل!!!!!!!!!!!!!
كرار:. مو وكت كلام اخذ زوجتك وانه جاي وراك..
شال حسن هديل نزل جوا ...وانه كاضة خدي ومستغربه ...شني انه شنو سويت ...؟؟ليش اموت هديل..انه احبها هيه واخوي ...؟؟
كرار:. شمس شبيج؟؟
شمس:. ولا شي (نزلت دموعي حارة على خدي وتبعتها شهقه لا اراديه مسحتها حيل وخدشت خدي وكلت)ما ابجي ...روح لهديل وطمني عليها.
اقترب مني وكال:. شمسي شبيج ...انتِ تحسين بشي...عورتي خدج...شوفي صار احمر..
شمس:. كرار روح اختك تعبانه روحلها.
كرار:. انه رايح ...وانتِ ما تروحين؟؟
- لا خلني اهنانه.
- وياهو يبات وياج؟؟
- الله كريم...طمني عليها.
- انشالله ديري بالج على نفسج.
- انشالله.
طلع من الغرفة وما كضيت روحي انهاريت بالبجي...خلااااااااااااص حسن راح مثل ما كرار راح...انه اموت هديل..ورى ساعة من البجي رن التلفون واجاني صوت حسن.
- شمس ...هديل جابت ...بالشهر السادس.
- الحمد لله بس..
- مات...كله منـ....
سديت التلفون ورحت للمطبخ...خلاص بعد ما اكدر اعيش ...مات طفلي وانه السبب ...مات من الجوع ...وهسه طفل اخوي ...وهم انه السبب...ما اريد اموت طفل فاديه بعد...بس انه ما اريد انتحر...انه اهووواي تعذبت بالدنيه ليش انتحر وادخل للنار ...خليني اكمل حياتي والله كريم ....يا ربي اغفرلي ذنوبي يا الله ساااامحني انا عبدك الفقير اتضرع اليك...ياربي من لي سواك ...ارحمني يا الله...الحمد لله على كل حال..
نزلت من الدرج بصعوبه لأن الجوع موتني لازم احط ابطني شي كبل لا اموت من الجوع ...وهنوب حتى روحي ما سلمت مني ...

سبووونج سبووونج سبووونج

(كرار)


دكتورة وداد:. اسفة دكتور كرار بس هديل نصحتىه كلتلهه ما تتحرك اهواي لان عدها توسع...وما يصير تتحرك خاصة وهيه في شهرها السادس ...واحتمال تجيببالسابع لكنهه ما كالت لحد منكم حتى ينتبه عليها....بس الله اله بيها حكمه ...وهسه هيه ما بيها شي وديرو بالكم بالطفل الجاي ...وانه هم راح اكول لزوجها..هذه هوا مو؟؟؟ ..
التفتت لكيت حسن جايلي يركض..
كرار:. خير حسن شصاير؟؟؟؟
حسن:. روح لشمس كتله مات ابني كله مني لاني ما سألت هديل شكالتلها الدكتورة ...بس شمس ما سمعت بس كله منــ...وعلى بالها كله منها ...لانها سدت الخط ابوجهي...
رحت ركض كبل لا يكمل جملته لأن ادري شمس حالتها ما تسمحلها احد يتهمها بشي وانه توني كايلله انها السبب في موت ابنا..
وصلت للبيت ولكيت الباب مفتوح..انا ما سديته وراي..دخلت للبيت سكون....هدوء بس شويه وسمعت نحيب شمس بالمطبخ..دخلت جانت دايرة وانه اشوف بس ضهرها ...تبجي وتكول..
- انكصي ...هسه حتى بالسجينه وما تنكصين..يا ربي ..اهئ اهئ..
تقدمت بخطوة ثابته وصرخت بيها.
- شمس اوكفي لا تسوين شي..
التفتت وطارت دموعها والسجينه بعدها بيدها..
- كرار!!!!!!!!!!
- عيونه وحياته...ليش شمس ..والله احبج ليش تريدين تعوفيني...والله بعد ما احب غيرج واعيش حياتي كلها بين صورج واعتزل العالم كله.....شمس ...فدوه انه ما حبيت احد كبلج الحب اللي كبلج جان وهم وحب طفولة ...وابنا اللي راح ...يجون غيرة عشرة...بس ...بس كافي تعذبيني....لا تموتين.
- منو كال راح اموت؟؟؟!!!!!!!!
- هاي السجينه...
- هاي؟؟!!(رفعتها وباوعتله بتعجب) اريد اكص بيها البرتقاله..(رجعت دموعي وكملت لاني بعدني ما مصدكه باللي يصير) بس البرتقاله ما تنكص ...
- وليش تبجين؟؟
- لأني اموووووت عليك..
- يا عمري والله ....تعاليلي..
- بس حسن يكـ..
- حسن راد يكولج ..كله منه مات الطفل لانه ما سأل هديل شكالتلها الدكتورة ....ها ...هسه ما عندج مشكله ....نرجع لبعض..
- أي..
- وبعد ما كو زعل وفراق؟؟
- أي..
- كله ثقة وتفاهم..
- اييييييييييييييي.
- تحبيني؟؟
- اييييييييي...ها!!..
- هههههههههههه يلا تعاي..




بعــــــــد مرور عام.


يمكن ان اقول انتهت الحقبة السيئة التي مرت بها شمس ولم يتبقى لروايتي إلا القليل ...هديل انهت تعليمها ولم تقدم على وضيفة لأنها تريد ان تلزم بيتها ...فاديه اجلت سنه والان هي مرحلى اخيرة لغة عربيه ...اما شمس فأنهت المعهد ولم تقدم على شيء فقد كان معدلها امتياز وتستطيع التقديم على جامعة لكن نفسيتها متعبه فلم تقدم على شيء ولم يسألها احد لماذا ..




(حســـن)
هدولتي حامل في الشهر الثامن وماتتحرك من مكانها امها صارت زينه من يوم فقدت هديل ابننه حزنت ام كرار وحست بالالم اللي شمس حست بيه واعتذرت وصارت خوش ام وخوش عمه وهيه كل يوم تجي ساعة لو ثنين يم هديل ..وانه جبت ممرضة على عرف كرار ترعاها بغيابي ...بس هيه ما راضيه تريد تحوس بالبيت وتنظف وتاكل...
لبست اهدومي وكبل لا اطلع بستها براسها وردت اروح .
- حسن ..
- قلب حسن...شتريدين ..امري بس؟؟
- ولا شي بس والله مليت ماله داعي ابقى بالفراش الطفل كبر و..
- اسسسسسسسسسس ولا كلمه والله تعبت من كثر ما سمع هالحجي هذه...ما بقى بس شهر استحملي على مود خاطري لو ما اللي خاطر.
- كل الخاطر الك ...الله وياك ..
- يا بعد عمري ...توصين على شي؟؟
- سلامتك يا روح شمس..
- اختي لو بتي؟؟
- الثنين ..
- هههههه يلا مع الحب والجمال..
- ههههه مع السلامة..

فتحت الباب للممرضة ووصيتها مثل كل يوم وحسيت بيها بس تريد تلطشني بأقرب حايط ...حقها ملت نفس الحجي كل يوم
رحت للشغل ولكيت يوسف بطريقي.
- السلام على ابو الشباب..
- هلا والله بابو شمس ....بس عن اذنك طالع.
- خير توك جاي.؟؟عسى ما شر؟؟
- زوجتي تطلكــ ولازم اروح ....
- هههههههههه والله وغلبتني ..الله وياك طمني..
- انشالله يوم لزوجتك.
- انشالله .
يوسف اتزوج وراي بسبع اشهر ومرته هسه راح تجيب لأن انه هدولتي سقطت البيبي الاول..الله يكوم مرته بالسلامة.




( عباس)



- فدووووووو كعدي ..
- اهوووووووو ما اكدر انام ؟؟
- أي.... شوفي ابنج ما اللي خلكه اريد انام هم انه..
- او ليش ما تروح للشغل؟؟
- محد يسويلي ريوكــ
- لا والله ....يلا كايمه...
- أي بسرعة..
كامت وخلت فاضل يمي لاعبته وبعدين رحت حطيته بكاروكة ورحت اسبح وبعدها تريكت ورحت للشغل ....حياتي ويه فاديه هاديه وحلوة ...وفاضل زاد حياتينا جمال واهلي طايرين بيه..




(كـــرار)



انه حياتي رتيبه ...وعاديه الله ما قاسم لي ارتاح ....افتكينه من كل المشاكل ورجعنه لمشكلة الحمل ...شمس ما صار عدها شي وانه ما الومها وقابل بكل شي بس كون ابقى وياها وهيه بين فترة وثانيه تكول اكيد انته حزنان وضايج لان ما عندك اطفال ..بس انتظر الله كريم ..ولازم تضوجني.
- صباح الخير..
- صباااااح النوور والسرور يا عمري..
- من يمته كاعد ؟؟
- كبل شويه ...
- يلا انه رايحة اسويلك ريوكــ .
- يلا وانه رايح ابدل.
بدلت ونزلت للصاله لكيتها محضرة كلشي بس الجاي بعدة..شويه وجابت الجاي تريكت وشفتها ما تاكل.
- خير حياتي شو ما تاكلين ؟؟
- ما اشتهي...
- براحتج بس لو اشتهيتي اكلي لا تبقين جوعانه..
- انشالله ...
- شموسه حياتي شرايج لو نروح لبيت اهلي لو لبيت حسن لو.......
- مليت من مكابل وجهي ؟؟؟
- هههههههه الله يرضى عليج اكو واحد يمل من الشمس؟؟
- أي انته...طبعاً محد بالبيت لا ولد ولا شي بس وجهي لو المستشفى...حقك والله..
- يعني انتي مليتي من وجهي ؟؟
- لا..
- ليش؟؟؟ انتِ ما تشوفين بس وجهي ليش ما تملين منه.؟؟
- مدري..
- يعني اكلج ليش؟؟
- أي والله.
- لانج تحبيني اهووووواااااي...وما تملين من وجهي...وانه امووووت عليج وما امل ...بس احسج ضايجة ومتغيرة كلت نرفه شويه ...لو ...
- فدوة والله ما الي خلكــ أي شي...تعبانه واريد انام ..
- براحتج هسة انه رايح وارتاحي...
اخذت جنطتي وبستها براسها ورحت وصلتني للباب وسدته وراي...بس شكلها ما عاجبني ...بعدين افحصها واشوف شبيها..




(شمس)


انه سعيدة بس الحمل قالقني خاف بعد ما احمل ومليت حياة الوحدة...بس صارلي جم يوم تعبانه دكيت على ام كرار اللي صارت تموت علي وانه احبها اهواااااااااااي وكتلها تعبانه وربع ساعة واندكـ الباب..دخلتها وشبكتني وكالت:.
ام كرار:. خير بنيتي شتحسين؟؟
- لعبانه روحي و...يمكن حامل..
- شمتانيه كلللللللللووووووووووووووو ش ..
- مو وكته عمتي اول خلينه نفحص...ولو انه متأكدة..
- كايله لكرار؟؟
- لا عمتي اريد اسويها مفاجأة خلينه نروح للدكتورة وداد وبعدين امر عليه.
- خوش فكرة...يلا بدلي..
- اوكي كعدي ريحي روحج وانه هسه اجيلج..
- اووكفي لا تركضين.
- اوووووو عمتي من هسه بدينه.
- واذا منو عاجبج اخلي كرار يردج للبيت مالنه.
- والله ياريت ..مليت من الوحدة...بس كرار ما يريد يضايق على اخوانه ..
- المهم روحي هسه وبعدين نتفاهم..
بدلت ورحنه للمستفى.
الدكتورة وداد:. مبروك يا عمري ...حامل بالشهر الثاني...
ام كرار:. انه ابشر كرار..
وداد:. امممممممم كيفج..
شمس:. لا فدوه انه بس هوا ما عنده عمليه..
وداد:. لا ء هسه هوا بغرفته روحيله ..

رحت لغرفة كرار وقبل لا ادخل سمعت صوت ناعم ودلوع اعرفة كلش زين..( أي كلش تعبانه..)
ورد عليها صوت كرار يكوللها بهدوء ورقة (ما بقى شي ...هيه جم يوم و....)
دخلت وكتله..
شمس:. ليش جم يوم خلها هسة مو احسن..
التفتلي بأستغراب اما رواء فما رفعت راسها.
كرار:. شمس؟؟؟؟؟؟!!!!!!!!!!!
شمس:. أي ...الله جابني حتى اكتشفك..
ابتسم وقال وهو يقترب مني:. شمس خليني افهمج..
خليته وطلعت من الغرفة احس بضيق ...ما اكدر اخذ اوكسجين طلعت من المستشفى ووكفت يم الشجر اخذ هوى وكضني من ايدي وكال.
كرار:. امشي جوا خليني افهمج..
- لاء ...كافي ...انه ما اصلحلك...عوفني بحالي ..الله يخليك خليلي كرامتي الباقية..
- بس انتِ فهمتي الموضوع غلط..
- واذا فهمته صح ننفصل؟؟؟
- اذا تشوفين هذا هو الحل ...براحتج...
- وتتخلى ...عن ........عني؟؟؟
- انا ما اريد اعوفج لو بملايين الدنيه.
- بس انه ما مريحتك و...
- انه راضي ..رواء حامل...
- يمته تزوجت حتى حامل؟؟
- من فترة ..تزوجت ابن عمها فارس.
- اوليش ما كلتولي؟؟
- جنتي........جنتي تعبانه وما حبينه نضايقج.
- جنت ...تعبانه؟؟ ...قصدك بيه حاله نفسيه ...مخبله مو صح..(جنت احجي بصرخ والناس تباوع متعجبه..)
- شمس.
- كول انه مريضة نفسياً...مو صح؟؟
- أي انتي مريضة نفسياً..
- الله يسامحك ...شلك بيه بعد ...زوجه مزعجة ومخبله طلكني وروح لوحدة صاحيه...لو شرايك تطلكني وتتزوج رواء بس خلي...
راشدي كالمعتاد يستخدمه حتى يسكت لساني ....وما يسمع الحقيقة اللي يحاول يخفيها..
- كافي لعبتي نفسي من الدنيا الله يشيل اليوم اللي شفتج بيه....من شفتج ما شفت السعادة...
- انا؟؟؟؟ انشالله تشوف السعادة ...انه رايحة لبيت اخوي واريد ورقة الطلاكـ توصلني..(وقبل لا اروح قال)
- انتِ شجابج للمستشفى اصلاً؟؟؟
- ما يحتا ج لأن ما راح يغير شي من اللي كلته انه..
خليته ورحت لبيت اخوي بسيارة اجرة..اول ما دخلت ستقبلتني هديل بالاحضان...كعادتها وكالت.
- اووووه شمس لا تصيرين مثل اخوج خليني افرح بحملج..
- لا يطيح وهم اتهم نفسي.
- شمس امي كالت انج حامل ...وجانت ضايجة ليش؟؟؟
- وعديني انج ما تضوجين ويصيرلج شي..
- شمس احجي لا توتريني...
- ولا شي مهم ...بس ...(دخل حسن وكال)
- بس هيه تريد تبقى ترعاج جم يوم وكرار ما يرضى...(باوعلي بنظرات يقولي بيها موصح..؟؟)
شمس:. أي..
هديل:. لا شمس لا تخافين علي عندي من يرعاني ...اخوي خطية منو اله؟؟؟ فدوة هوا هالايام ضايج واحسه مو مثل كبل...انتي اهواي متغيرة عليه...وعلينا كلنا متى ترجعين شمس اللي نعرفها....
حسن:. كرار بالديوان يريدج ..
شمس:. ها؟؟؟ شيريد بعد؟؟
هديل:. ها شمس شصاير...روحي لزوجك ...ما اريد مساعدة بضرر كرار...شمس انتِ حامل وزوجك هو اللي قادر على رعايتج...انتِ تعبتي في الفترة الاخيرة لأنج تفكرين بالحمل ...وهسه حملتي وماكو شي يزعجك ابد..إلا اذا جان كرار مقصر بشي عليج..كرار مقصر يا شمس؟؟؟
شمس:. انه مضوجته وما اريد اضوجه اكثر...انه خربت حياته كلها من يوم دخلتها ...اريد اطلع مثل ما دخلت..
هديل:. صعب يا شمس ..هيه مو لعبه تدخلين يمته ما تريدين...هاذي مشاعر ...هاذي احاسيس...انتِ تكدرين تطلعينه من حياتج؟؟؟....
شمس:. مستحيل........ولا افكر انساه...هو احسن شي صارلي...حتى لوو...
حسن:. كافي حجي...روحي لرجلج بالديوان وانه راح اودي هديل للغرفة تعبت كلش ..وانتِ ادرى بحالتها...شمس..انه ما اتضايكـ منج لو احطج على راسي ..انتِ اخر ذكرى لهلي ..واخر شي اتمنه افقدة....خوش.. وما اعوفج لو اخر شي اكضة بحياتي ...بس اللي اريدة قرار منج ..ونهائي..يا تبقين وياه للأبد وبدون حركات اطفال...يا ...
شمس:. خلاص لا تكمل ...
حسن:. بقت يمج بعد..
دخل هوا وهديل لغرفتهم جوا لأن مو زين على هديل تصعد فوق وانا طلعت ورحت للديوان وبعدني بعباتي الاسلاميه بس الملفع على اكتافي وشعري انفتح .
شفته كاعد وعينه على صورة ابوي بالديوان حسن مكبرها ماخذها من الجنطة اللي بقت عندي من علياء وبيها صورنا...الحمد لله اني اخذت الجنطة ومحتوياتها...كعدت بعيدة عنه وكلت.
- السلام عليكم..
- وعليكم السلام ...شلونج شمس ..(كربت منها وكامت)
- الحمد لله ..بس موجني توني جنت يمك..
- وانه اعتقد عمري ما شفتج...هاي اول مرة اشوفج ...بيها شي؟؟
- لاء..وهذا دليل على اني ما جنت شي بحياتك اصلاً لهذا السبب انته ما تشوفني..
- ليش تفسرين الامور دومج بنفسج.؟؟؟ ليش ما تكولين من الحب والمعزة اللي في كلبي الج ...افتقدج بسرعة والساعة تصير سنه...ليش ما تكولين انج يمي بس مو يمي..
- وشلون تصير؟؟
- يعني انتِ ما مهتمه بيه والاهتمام هوا اللي يخلي الواحد يحس بأن الثاني يمة ..
- هسه شتريد(ياربي بس لا جاي يطلكني...انه مدري شبيه ..والله تعبانه حيل واريد واحد يمسد شعري ويطبطب علي...ما اريد قسوة كاااااافي اللي ضكته..)
- اريد اوصل لنهاية الطريق وياج..
- ها؟؟(فتحت عيوني على وسعهم...) شنو يعني..؟
- وانتِ شفهمتي من حجيي؟؟
- الطلاكـ ؟؟؟
- مو هذا اللي تريدينه؟؟؟
- يعني اذا كتلك انتحر تنتحر؟؟
- أي انتحر ...وطلبج هذا اكبر انتحار...
- وانه اكولك ..لا تطلكني..
- انتِ شتريدين مني يا بنت الناس...انه شأجرمت بحقج؟؟
- ولا شي...اسفة..سوي اللي تريده(طاحت دموعي كاعدة اخربط بالحجي ومدري شكول ..وين هديل تلم حجيي... خليته ودرت اريد اطلع من الديوان... سحبني ودارني اله وكال...)
- شمس انتِ ...
غمضت عيوني ..خلاص وصلت لنهاية الطريق...وانه الغبيه اللي ما اعرف شلون احجي...بس راح احتفض بالبيبي ذكرى للأبد..
- فتحي عيونج..
- ها؟؟(فتحت عيوني بدهشه..)
- شبيج غمضتي.؟؟
- هيجي ..عوف ايدي..
- على بالج اطلكج؟؟؟
- اوليش لاء؟؟
- يمته تريدين تكوليلي؟؟
- على شنو؟؟
- على اللي ابطنج؟؟
- كيفي..
- لاء مو كيفج....ويلا امشي للبيت وسالفة الزعل والطلاكـ انسيها..
- اروح للبيت (يعني صدكــ ما يحبني بس يريد الطفل...) ما اروح وطلكني..
- موصوجج صوجي انه متزوج طفله غبيه ....شوفي يا شمس ...احبج أي ..واموت عليج والله ايييييييي بس ما اتنازل اكثر من هيجي...كافي تعبت وحولتي حياتي لجحيم...طلاكـ ما كو ..ويا تروحين وياي للبيت هسه يا تبقين معلكه للأبد وابني اخذه منج اول ما تجيبينه..
طلع من الديوان....لحكته وكتله..
- اذا انه طفلة انت اكبر طفل ..
التفت والغضب وصل لأعلى درجة..
- ليش ؟؟
- لأنك ما تفهمني..
- وشلون افهمج يا حضرت المدام..
- انه تعبانه....والله تعبانه ومدري شسوي...حتى حجيي ما اثمنه لمن احجيي....انه..
- أي ..
- محتاجتك ..دووووووووووووم وللأبد واحبك اليوم وباجر وكل حياتي......ولازم تعتني بيه والطفل الجديد لأني طفلة...
اقترب مني وشمرت روحي عليه وحسيت ان كل معاناتي انتهت وراح اغلق عليها الباب للأبد...
(طاحت بأحضاني وسحبت كل مشاكلها وحفضتهم داخلي واقسمت اني راح انسيها كل احزانها حتى تبدي حياة جديدة بقيادة السعادة)





النهــــــــــــــااااااا ااااااااايه

2011\9\23 ص 5:15 الجمعة




بكت كثيراً


بكت اهلها ...بكت حزنها وبؤس حياتها


بكت من المجتمع الضالم


بكت من اقرب الناس لها


لكن آن لمأساتها ان تقف في طريق وتتركها لتقودها السعادة لنهاية الطريق..


هذه شمس بطلة روايتي...قد تضنون انها خياليه


لكن انا اقول لكم ان حياتها كلها واقعيه


اقتبستها من عدة شخصيات على مسرح الواقع


لتقوم بتجسيدهم بطلتي شمس..... اتمنا ان تأخذو منها العبر


اهــــــــدي روايتي هذه لكــــــــــل من قرئها


ولكــــــــــل من قال انهُ سيقرئها


ولكل من عبر والقى نظرة عليها


ولكل من تمنى ان يقرئها ...


كتبت هذه القصة لمـــــدة اربعين يوماً...كنت سعيدة وانا اكتب ...وبعدما انهيتها
قرئتها من جديد لأصحح الاخطاء وتشوقت ان اقرء النهاية على الرغم من اني انا من كتبها
لذا فأتمنى ان يكون شعوري تجاه قصتي نفس شعوركم تجاهها
لكم ودي واحترامي...وتقديري





مع تحياتي


أجنحــــــــــة الوميض

[فيتامين سي]

[em esoos]

روووعه الروايه. وتستاهل القراءه. بجد. الاسلوب كلش زين واللهجه العراقيه. تخبل
تقبلي مروري. ام السوس.
تشكر الناقله. الورده. فيتامين. سي

[Loleabd]

السلام عليكم ورحمة الله وبركاته

[ورود المحبه]

تسلم ايدك عزيزتي وتسلم أيد ناقلها

[ندى تدى]

تسلم ايدك حبيبتي ووفقك الله