29-01-23, 06:21 AM
| #1 | ||||
|  رواية / غرور وكبرياء..كامله اليوم جايبه للكم قصه مررررره تهبل اتمنا اشوف ردودكم عائلة ابو فهد {سليمان} ام فهد..{هيا} فهد:عمره32 سنه متزوج من بنت خالته هنوف وعمرها 27سنه وعندهم ولد اسمه سليمان عمره 4 سنوات وبنت اسمها شهد عمرها سنتين وهو يشتغل مه ابوه في الشركه--- لمى:عمرها 27 سنه متزوجه محمد ولد خالتها وعندها بنت عمرها 6سنوات اسمها نجود وولد عمره 4 سنوات واسمه نواف وهي حامل في الشهر الرابع----- فيصل:عمره 26 سنه وعلا قته مع ابوه قويه... وهو يشتغل مع ابوه ----- رغد:عمرها 22 سنه تدرس في الجامعه --- فواز : عمره 21سنه يدرس في الكليه العسكريه وهو شخصيه مرحه--- عنود:عمرها 18 سنه وهي عي ثالث ثانوي علمي ---- ___________________________ عائلة ابو راشد ---{عبد الله} ام راشد --- {منيره} راشد:عمره 30 سنه متزوج بنت خالته عبير وعنده ولدين واحد اسمه عبد الله عمره3 سنوات وولد عمره 8شهور واسمه احمد--- مشعل : عمره22 سنه يشتغل في احد الشركات في منصب مهم------ مشاري :عمره 22 سنه يدرس قانون ----- نجلاء: عمرها 20 سنه تدرس علم نفس وهي البنت الوحيده يعني اكيد مدلعه ---- ************************* اولا ... احب اوضح لكم ان ابو راشد كان مسافر للكويت من يوم عياله صغار.. ولسى راجع للسعوديه من فتره .. عشان كذا كانت علاقته هو واخوه ابوفهد موقويه.. ________________________ فواز :يمه.. يمه ..يمه .. عنود عنود عنود بسم الله وين راحوا يالله --- راح للمطبخ يسال يمكن يلقى احد لقى وحده من الخدم وسئلها الخدامه :ماما روح مستشفى-- فواز وملامح الخوف على وجهه: ليش ماما فيه تعبان الخدامه : لا بابا سليمان فيه تعبان فيصل : السلام عليكم فواز:فيصل وش فيه ابوي فيصل:طاح علينا ووديناه المستشفى بس الحين الحمد الله عدت على خير وانا جاي اجيب له اغراض فواز:بروح معك ******************** وفي بيت ابو راشد كانت الدنيا مقلوبه... مشاري: والله العظيم لو ماطلعتي جوالي ياويلك يانجيل والله تندمين .. نجلاء:كم مره قلت لك مدري عنه انا حتى جوالي مدري وينه.. مشاري:انا عارفك ياسوسه اكيد انك خاشته.... نجلاء:الشرهه على اللي يجلس معك..بروح لغرفتي احسن..... نجلاء:ههههههههههههههههههه� �ه..... مشاري: خير ان شاء ليش الضحك.... نجلاء وهي ميته من الضحك وتاشر على عبدالله .... مشاري:عبيد ماشاء الله عليك لي ساعه ادوره وهو معك... نجلاء: لاوبعد جوالي.... ********************* فهد:ها دكتور طمني عن حال الوالد... الدكتور:الحمدالله حالته الحين مستقره .. اليوم يمكن نقدر نطلعه من الملاحظه وننقله لغرفه عاديه.... فهد:طيب اقدر اشوفه ... الدكتور:اليوم لابس بكره ان شاء الله الزياره مسموحه بس حاولوا ماترهقونه.... ********************* فيصل:خلاص يمه ابوي مافيه الالعافيه.... فواز:يمه وبعدين ترى بصيح.... فيصل:هافهد طمني وشلون صحة ابوي..... فهد:الحمدالله حالته مستقره ..واليوم يمكن يحطونه في غرفه بس الزياره اليوم ممنوعه... فيصل:خلاص اجل يمه قومي اوديك للبيت .... *********************** مشعل:مشاري قم الساعه 7ونص قم لاتتاخر عن الجامعه ... مشاري:يامزعج خلني انوم ماعليك مني ... مشعل :مشاري قم...وداخل قانون بعد.... نجلاء وهي نازله:لاتحاول لوتكسر الباب ماينفع مع هذا شى اذا كان نايم... مشعل :يالله يامشاري ..كيفك ان شاء الله عمرك ماقمت.. مشعل ونجلاء:صباح الخير .. ابوراشد:صباح النور ..وين مشاري مشعل :والله عجزت معه ماقدرت اقعده.... ابوراشد:يا ام راشد اخلصي ماصار فطور... ام راشد:طيب ..طيب.. ************************ في المستشفى ...... ابوفهد:فهد تعال ياوليدي ابيك شوي.. فهد:سم يبه... ابوفهد:فهدعمك داري عني؟ فهد:لا والله نسينا نقوله.. ابوفهد:الله يهديكم المفروض هواول من يدري ذا اخوي موغريب وبيزعل اذا احد قاله غيرنا .... فهد :ماصار الالخير بروح اتصل عليه الحين....... ------ فهد:الو --:الو فهد:السلام عليكم ..من معي راشد:وعليكم السلام..معك راشد فهد:هلا راشد معك فهد ولد عمك.. راشد:هلا فهد كيف الحال... فهد:الحمد الله ..انت بشر... راشد:يسرك الحال... فهد:راشد اذا ماعليك امر عمي عبدالله ابي اكلمه... راشد:لحظه... ابو راشد:هلا ولدي فهد.. فهد:هلافيك عمي بشرني عنك... ابوراشد:بخير ياوليدي انت عساك بخير..وابوك واخوانك.. فهد:بخير ياعم.. بس الوالد لك عليه شوي... ابوراشد :وش فيه اخوي .. راشد:مافيه الاكل خير ان شاء الله بس الوالد تعب شوي ووديناه للمستشفى... ***************** فواز:مسكتك من تكلم .. فهد:والله انك فاضي.. ---- ابو فهد:ها وش سويت ياوليدي عساك كلمته.. فهد:ايه كلمته..وبيجي اليوم ان شاء الله... فواز:مسكتكم وش تقولون...يالله اعترفوا بسرعه... فيصل:وانت وش دخلك فيهم.. وبعد فتره يدخل عليهم ابو راشد....قاموا العيال يسلمون على عمهم .. ابوراشد:ماتشوف شر يابوفهد... ابوفهد:الشر مايجيك..والله ياخوي راح الكثير ومابقى الالقليل ..وودي نرجع مثل اول والواحد مايحس بقيمة اهله الا اذا تعب ... ابوراشد:بعد عمر طويل ..والله يقومك لنا بسلامه.. **************** وفي مكان ثاني ..... فيصل:هابشر كيف حالة الوالد.... الدكتور :الحمد الله في تحسن في حالته ..بس اهم شى راحته النفسيه... فيصل: متى بيطلع من المستشفى.. الدكتور:بعد كم يوم ان شاء الله..اذا تمت حالته مستقره.. فيصل :مشكور دكتور تعبناك معنا .. الدكتور:ماسويت الا واجبي ... ****************** مرت اسبوعين على خروج ابوفهد من المستشفى ...... فيصل:ها وشلون الغاليه اليوم... ام فهد:................... فيصل:وش فيك علينا ... ام فهد:مافيني شى .. كم الساعه.. فيصل :الساعه2وربع.. ام فهد وهي تتحلطم على عمرها: ياربيه وين راحت ... فيصل : اشوف الغاليه تتحلطم على عمرها وش تقولين ... ام فهد : والله اختك المفروض من الساعه 12 وهي في البيت ولين الحين ماجت ... فيصل:مين عنود والا رغد.... فيصل:دقيتي عليها ... ام فهد:من الصبح وانا ادق عليها وجوالها مقفل ... ام فهد:ياربيه يابنيتي اكيد فيه شى ولا كان ماتاخرت هالوقت كله.. فيصل: تعوذي من الشيطان ..مافيها الى العافيه بس يمكن عندها محاضره ونست تقولك ..الايمه ابوي يدري... ام فهد:لا ماقلت له خفت عليه ..وشلون نسيت نوف معها في الجامعه بروح ادق عليها... فواز:اعوذ بالله من ذا اللي يصارخ داخل.... ودخل فواز البيت بشوي شوي علشان ماحد يحس فيه...... فيصل وهو معصب :والله ان تندمين يارغد انتي بس تعالي ويصير خير ..... فواز:اعوذ بالله معصب .. انا وش يفكني الحين ..يالله واحد اثنين ثلاثه.. السلام عليكم ..اوه الاخ الاستاذ فيصل على سن ورمح هنا يامرحبا يامرحبا... فيصل يطالع فواز بنظره استحقار من فوق لين تحت... فواز:خير ياخوي سارقين حلالك وحنا ماندري .. فيصل: والله لو تكرمنا بسكوتك يكون احسن..... فواز:لا لا جد وش فيك... فيصل: ومن غيرها الست رغد لين الحين ماشرفت وجوالها مقفل ..بالله قلي وش لون نوصل لها الحين.... فواز:طيب امي وين ... فيصل: راحت تدق على بنت خالتك تسالها عن رغد.. فواز:انا بروح لها .. فيصل :اوف ..لين متى يعني الساعه 3متى بتشرف الاخت فواز فواز.. فواز :طلبتني ياخ فيصل .. فيصل:نعم طلبتك يا استاذ فواز ..ممكن تعطيني رقم السواق ام فهد:فواز متى جيت .... فواز :من نص ساعه.. فيصل : كلمتي نوف وش تقول ..... ام فهد:ايه كلمتها وقالت لي ان رغد من الساعه 11وهي في البيت ودخلت عليها ولقيتها نايمه ورحمتها.. فواز:هههههههههههههههههههه� �هههههه.. فيصل:وهي الاخت ماتعرف تقول انها في البيت .. والا لازم تحرق اعصابنا.. فواز وهو ميت من الضحك:وانتم ماتعرفون تدورون في البيت ... فيصل:اه ..اوف راسي صدع منك انت واختك.. فواز:وانا وش دخلني .. ابوفهد: السلام عليكم ... فواز وفيصل وام فهد: وعليكم السلام.. ابو فهد:تعال ياوليدي ابيك في موضوع .. فيصل:ان شاء الله.. يتبع | ||||
|  |
|
29-01-23, 06:22 AM
| #2 | ||||
|  الجزء الثاني أبو راشد : هلا والله هلا بنور البيت مشاري : احم احم نحن هنا راشد :مشاري أنت ما سمعت باللي يقول إذا حظر الماء بطل التيمم نجلاء :أعوذ بالله من الغيرة طلعت بليس من الجنة مشعل إلا أقول يبه وش إخبار عمي سليمان أبو راشد :الحمد الله أحسن من أول أم راشد :إلا يا أبو راشد وري ما تعزم أخوك نجلاء :إيه يا بابا الله يخليك أبي أتعرف على العنود أكثر أحس أنها حبوبه مشاري وهو يتهزى بنجلاء:أي بابا الله يخليك أبي أتعرف على الشباب أبو راشد : تم مدام شيخه البنات قالت بعزمهم نعزمهم ********************* ابوفهد: ياوليدي انت حاط عينك على احد ..قلي ياوليدي وابشر . فيصل : لا مافيه احد معين ...بس يبه أنا الحين ما استعديت للزواج أبو فهد : بس يا وليدي هاذي بنت عمك ومابيها تروح لغيرك وبعدين ابي علاقتي تقوا مع اخوي .. فيصل :خلاص إلي تشوفه .. أبو فهد :والله يا ولدي ضني فيك ما خاب وانا عارف انك منت رادني. وييقطع عليهم صوت جوال أبو فهد أبو فهد الطيب عند ذكره:الو السلام عليكم أبو راشد : وعليكم السلام ها وش أخبارك اليوم أبو فهد :والله الحمد الله أحسن .. أبو راشد : والله يا وخيي داقن اعزمكم بكرة على العشاء كان ما عندكم شي أبو فهد: إلا وري موب انتم اللي تجوون عندنا أبو راشد :والله مافي فرق عندنا واللي عندك بس ذي المرة أنا والمرة الجايه أتنم . أبو فهد :خلاص اجل بكرة بعد الصلاة العشاء أنا عندكم .. ******************** أم فهد : إلا اجل وين رجلك.. ورى ما جاء معك .. لمى : عنده شغل .. فيصل : هلا والله لمى لمى:هلا فيك ..وشلونك.. فيصل:يسرك الحال ..الاوين القمر ماشوفها.. لمى تأشر لفيصل ... فيصل وهو يلتفت على ورى وشاف نجود. : هلا والله .. هلا بقمرهم .. وشلونك . نجود : أنا طيبه .. ونزل نجود وجلس مع أمه ولمى .. نجود تمسك فيصل مع يده وتسحبه : خالي فصول تعال أبيك شوي .. لمى : نجيد خليه يجلس معنا .. فيصل : ما عليك منها ... يالله نجود .. فواز: الله يافيصل لو تحبني ربع حبك لذا البزر ... فيصل :والله عشنا وشفنا تقارن نفسك فيها.. نجود:خالو يالله.. ************************* نوف : والله ما تدرين يا سارة وش قد مشتا قتله .. ساره :مسكينة يا نوف أنتي تشتاقين وهو نايم في العسل .. نوف :وهذا إلي ذابحني .. ساره : من زمان وأنا أقولك بينيله.. نوف : صعبه أقول له تعال يا فيصل أنا احبك .. ساره : خليك كذا..تقولي صعبه لحد ما تاخذه غيرك .. نوف : فيصل ياخذ غيري .. لا ما تسويها خالتي .. ساره : وليش ما تسويها .. نوف : أقول ساره أكلمك بعدين أمي تبيني .. ************************ نجلاء : يالله عبير بسرعه ايش رايك .. الاحمر والا الوردي .. عبير : والله مدري كلها حلوه .. وانتي ما شاء الله كل شي يطلع عليك حلو .. نجلاء :يالله يا عبير صار لك ساعتين وانتي تقولين نفس الكلام ... عبير :ههههههههه ..طيب وش اسوي لك البسي اللي تبين.. نجلاء : خلاص راح البس الوردي.. **************************** أبو راشد : يا حيالله من جانا تو ما أنور البيت .. أبو فهد : الله يحيك البيت منور بهله .. أبو راشد : والله العيال كبروا اجل من يصدق إن فيصل ومشعل ذولي هم نفسهم اللي كانوا يتطاقون وهم صغار .. ابوفهد: ايه والله 15 سنه مهيب سهله .. أبو راشد: ايه والله صدقت ... *************************** فواز : إلا أقول يا مشاري ما تشوف اليوم فيصل كاشخ كأنه معرس ... فيصل: اصلاً أنا من يومي كشخه .. فواز : لا بس اليوم غير .. مشاري : ها فيصل اعترف وش عندك ... مشعل : ما أردى منك إلا هو .. وش عليكم منه .. فيصل : ايه والله الله يخليك فكني منهم .. مشعل : لا عاد مشاري ولقى له خوي الله يعينا .. فواز : أقول مشاري كنا انسبينا .. مشاري : يا شيخ روح هاذولي لو يطيرون ما قونا .. مشعل : الله يعين شكلهم انقلبوا علينا . ************************ رغد : يا الله شوفي وشلون تتكلم .. مغروره بشكل . لمى : هههه حرام عليك رغد : ولي قاهرني أنا وهي في بيت واحد بنكون.. لمى : والله شكلها حبوبه .. ياحظ اخوي فيها والله تهبل ... رغد : اووف فيصل وهضمناه لكن هو ونجلاء أعوذ بالله .. لمى : وجع هذا وهو أخوك ..والله فيصل مافيه مثله .. أم راشد : إلا وشلونك يا لمى مع الحمل عسى ما أتعبك .. لمى : الحمد لله أحس انه أهون من حملي بنواف .. العنود : وش ناويه تسمينه .. أم فهد : بدري تو الناس خليها تولد أول بالسلامه .. لمى : والله إذا بنت بسميها نجلاء لعل وعسى تصير مثل نجلاء تهبل.. وإذا ولد أكيد فيصل على اخوي .. نجلاء : مشكوره حبيبتي إذا أمها لمى أكيد بتصير حلوه .. الهنوف تهمس لخالتها : والله يا خالتي نجلاء تستاهل عسى يكون فيه نصيب . ام فهد : إن شاء الله .. يارب الله يسمع منك.. ******************************* ابوفهد : والله ما ادري وشلون افاتحك بالموضوع .. ابو راشد : تفضل . أبو فهد :والله يا ابو راشد أنا ما اعرف للمقدمات ..وبقول لك الموضوع على طول ..ابي اخطب نجلاء لولدي فيصل .. ها وش قلت .. ابو راشد : والله فيصل رجال ينشد به الظهر ..بس لازم نشاور نجلاء .. ابو فهد :خذ راحتك ..والله يكتب اللي فيه خير .. فواز : فيصل .. فيصل .. فيصل .... فيصل : خير وش فيك تصارخ .. فجرت أذني .. مشاري :واضح من الصبح وهو ينادي .. الي ماخذ عقلك .. فواز : أنا قايل الرجال اليوم مو طبيعي .. وش فيك . فهد : أنت وش فيك عليه .. خله في حاله لا يقلب عليك وأنت تعرف فيصل إذا قلب .. راشد : اجل تخوف يا فيصل .. فيصل : وش دعوه .. واحد يقول تخوف والثاني يقول إلي ما خذ عقلك والثالث يقول أنت مو طبيعي إلا أقول كيف الحال .. أبو فهد :يالله مشينا يا عيال .. أبو راشد : وين تو الناس .. أبو فهد : والله مجلسك ما ينمل بس تعرف بكره جمعه وأنا ما أحب السهر .. فهد : تامر شي ياعمي .. أبو راشد : سلامتك .. مشعل : أجل اجلسوا يا عيال تو الناس بدري .. فيصل : لا وش نجلس يالله مشينا . فواز : أنا أقول مو طبيعي بس انتم ما تصدقون ... يؤ يؤ أبوي راح من أروح معه .. فيصل : تعال معي فسيارتي .. فواز : أح اح ... فيصل : يالله في أمان الله .. راشد : في أمان الكريم .. ***************************** نجلاء : والله بنات عمي ينحبون .. ويدخلون القلب على طول .. عبير : ايه والله ام راشد : أنا أعجبتني رغد .. نجلاء :--------------- عبير : ايه مره حلوه باين أنا رزه وتحب الكشخه .... **************************** فيصل :ألحين ما تقولي وش ذا التعليقات السخيفه ... فواز : أنا ... وش قلت ما قلت شي .. فيصل : فواز .. فواز : وش تبي يا أخ فيصل ... فيضل : فواز انزل بسرعه .. فواز :---------------- فيصل : انزل بسرعه .. فواز : مهبول أنت انزل في نص الشارع حرام عليك ياخي ما تسوى كلمه قلناها خلاص أنت طبيعي اليوم وأنت ماكشخت ولا أنت معرس وش تبي بعد ... فيصل: فواز الحين عرفت انزل.. فواز : خلاص خلاص يا جعل نجلاء توافق تتزوجك .. فيصل في نفسه اسم يبشرببدايه حلوه .. فواز : وين سرحان يا أبو الشباب ... فيصل : أقول ممكن تقدر تمسك لسانك لين نروح البيت .. فواز : أحاول بس ما أوعدك .. فيصل :ههههههههههه فواز : إذا قلت إن محد يقدر يفهمك لا احد يلومني .. ****************************** أبو راشد : السلام عليكم .. وش أخبار ضيوفكم ... أم راشد : وعليكم السلام .. ما عليهم والله... أبو راشد : إلا أقول يا أم راشد .. .. أم راشد : خير إن شاء الله .. أبو راشد : خير ..اليوم أبو فهد فتح معي موضوع .. كان يبي نجلاء لفيصل ..وش قلتي . أم راشد : والله أنت تعرف فيصل أكثر مني وأهله ناس أجاويد .. أبو راشد : والله فيصل رجال والنعم فيه ... أم راشد :بس مدري عن نجلاء.. ابو راشد:شاوريها وشفي وش تقول ...والله يكتب اللي فيه الخير.. ام راشد:ان شاء الله. وش تتوقعون راح تكون ردة فعل نجلاء..بتوافق يمكن ويمكن لا | ||||
|
| |
|
29-01-23, 06:24 AM
| #3 | ||||
| نجلاء : خلاص مها حبيبتي أكلمك بعدين .. ماما تبيني . مها : خلاص طيب بس لا تنسين تكلمين علي أبي اعرف وش صار يالتفصيل .. نجلاء : طيب .. يالله باي .. أم راشد : عساك أستانستي مع بنات عمك .. نجلاء : إيه والله مره أستانست .. ------------------------ فواز : ها وش أخبار العروس .. فيصل : أنت خلهم يوافقون بعدين قل عروس .. العنود : والله أنها حبوبه وطيوبه وعساها توافق لأني حبيتها يا بختك يا فيصل فيها . رغد : أعوذ بالله لا تذكريني فيها هالمغروره .. فواز : وليش مغروره .. فيصل : أنت ما تلاحظ انك داخل عرض .. من اللي المفروض يسأل أنا ولا انت .. رغد : أعوذ بالله على ايش شايفه نفسها ما ادري .. العنود : الصراحه يا رغد يحق لها تشوف نفسها .. فواز:تخفين تاكل عليك الجو...ها تغارين منها. رغد : أنا هذا الناقص..انا وش جلسني معكم أقوم أحسن لي .. ------------------------- أم راشد : ها يا بنيتي وش قلتي .. نجلاء : طيب بابا ايش رايه .. أم راشد :والله أبوك فرحان ويقول فيصل رجال ينشد به الظهر .. بس القرار الأول والأخير لك .. نجلاء : والله محتاره ... أنتي وش رايك .. أم راشد : والله أنا مرتاحه لها ... وبعدين ما شاء الله أمه تنحط على الجرح يبرئ .. نجلاء : -------------- أم راشد : لا تستعجلين .. فكري . وقامت أم راشد علشان تطلع .... نجلاء : ماما .. أم راشد :نعم .. نجلاء : الشور شوركم .. اللي تشوفينه أنتي وبابا سووه .. أم راشد : لا تستعجلين خذي وقتك هذا زواج .. ----------------------- بعد يومين ..... فيصل : السلام عليكم .. أم فهد وفهد وفواز : وعليكم السلام .. فهد : عالبركه مبروك .. مبروك .. فيصل : الله يبارك فيك .. بس على أيش .. فواز : مبروك منك المال ومنها العيال .. أم فهد : عمك اليوم الصبح كلم على أبوك وقال له أنهم وافقوا .. ----------------------- مشاري : ألحين فهمت ليش فيصل مكشخ ذاك اليوم لا وفواز يقول كنك معرس أثره معرس صدق .. أبو راشد : وين يا نجلاء .. نجلاء : بروح لغرفتي .. مشاري : أيوه على اللي تستحي والله حركات .. أبو راشد : ألحين ورى ما تترك اختك في حالها .. على فكره يا عيال ترى العشاء يوم الخميس عند أخوي سليمان وكلنا بنروح .. مشعل : أنا منيب رايح عندي شغل .. أبو راشد : مافيه شي أسمه منيب رايح أنا قلت كلنا بنروح .. مشعل : بس يب...... أبو راشد يقطع عليه: أنا قلت كلنا يعني كلنا .. ما أبي كلام زياده .. ---------------------- أم محمد : على البركه خطبة فيصل .. لمى : الله يبارك فيك .. نوف وهي مصدومه : فيصل .. خطب .. لمى : إيه خطب نجلاء بنت عمي عبد الله .. نوف : بنت عمك عبدالله ..غريبه؟ لمى :ليه هي بنت عمه.. بعدين علاقة أبوي وعمي صارت أقوا بكثير عن أول من ارجعوا لرياض .. الهنوف : بس ما شاء الله عرف عمي من يختار الله يوفقهم .. أم محمد : أي والله فيصل يستاهل .. نوف : أنا بروح أبارك لرغد .. -------------------------- مشعل : هلا والله وغلا .. بعمري وروحي وقلبي و حياتي كلها .. غدير : هلا بك .. هلا حبيبي .. يا الله ما تدري يا مشعل قد أيش مشتاقتلك .. مشعل : وأنا أكثر .. بس معليش حياتي أنا ما أقدر أجي يوم الخميس .. غدير : ليه يا عمري أنا أنتظر يوم الخميس بفارغ الصبر وأنت بكل سهوله جاي تقولي ( وتقلد صوته ) ما أقدر أجي .. مشعل : ههههه طيب يا حياتي أنا وش أسوي والله عندي ظروف ما أقدر أجي .. غدير: بس أنا مشتاقتلك .. مشعل : وأنا بعد مشتاق لك .. بس أوعدك أني راح أعوضك .. غدير بدلع : وعد ... مشعل : وعد يا أحلى وأغلى غدير .. ------------------------- نوف : هلا والله رغد .. كيف الحال . رغد : الحمد الله .. أنتي وش أخبارك . نوف : الحد الله .. إلا صدق اللي سمعته .. رغد : وإيش هو اللي سمعتيه .. نوف : أن فيصل خطب بنت عمك .. رغد من غير نفس : إيه صدق .. نوف : وليه تقولينها من غير نفس .. رغد : لأني بصراحه ما أحبها يا الله يا نوف لو تشوفينها .. مغروره بشكل .. فيصل : من هذي اللي مغروره .. رغد وهي مرتبكه : لا هذي وحده معنا في الجامعه .. فيصل : الحين أنتي ورى ما تتركين عنك الكلام الفاضي وتقومين وتساعدين أمي لأن بكره بيجي عمي وعياله .. رغد : تبيني أنا رغد بنت سليمان أنزل للمطبخ .. والشغالات وش يسوون .. فيصل : رغد بنت سليمان بكره راح يجي من يتزوجها وتدخل للمطبخ .. رغد : أنا اللي يتزوجني يا إما يجيب لي طباخ ولا ما أبيه .. ليه أنت ناوي تخلي نجلاء تدخل للمطبخ .. فيصل : إيه تدخل وليه ما تدخل .. رغد : كيفك خل زوجتك المطبخ لكن أنا لا .........سوري حبيبتي تأخرت عليك .. -------------------------- يوم العزيمه في بيت أبو راشد ...... مشعل : يله يا نجلاء بسرعه الساعه 8 تأخرنا . مشاري : هي بالعاده اخر من يخلص فما بالك وهي عروس .. أم راشد : أنا بروح أناديها ... واسكتوا لا تسمعكم تراها ياله وافقت .. نجلاء وهي نازله مع الدرج : أعوذ بالله مزعجين هذاني جيت .. مشاري يصفر : الله يا نجلاء وش هالكشخه .. الصراحه يا بخت فيصل فيك .. مشعل : ما شاء الله يا نجلاء تهبلين .. نجلاء : مشكورين لا داعي لا داعي .. مشاري : يا لله ياليتنا ما قلنا شئ بلش شغل الغرور .. أم راشد : يا لله عن الكلام الفاضي ... أبوكم برى يستنانا .. ------------------------ فيصل : فواز قوم جيب الدخون .. فواز : شوي ... شوي ..... فيصل بصوت حاد : فواز .. فواز : طيب .. طيب .. ---------- أم فهد : إلى أقول يا الهنوف قلتي لمك تجي .. الهنوف : إيه قلت لها راح تجي هي ونوف مع لمى ومحمد .. .. .. تبين شي خالتي بروح لشهد .. أم فهد : لا سلامتك هذي العنود نزلت .. فواز : العنود .. روحي جيبي الدخون .. العنود : أمشي على طول بعدين يمين تلقى المطبخ قل لهم يعطونك إياه ويجيبون لي مويه .. فواز: وليه أنتي ما تروحين تجيبينه .. العنود : بعدين تتوصخ ملابسي .. أم فهد : أنا بروح أجيبه .. فواز : الله يا أم فهد وش ذا الكشخه .. الظاهر أنك وفيصل تحزبون اليوم العرس .. وهو الثاني هناك متكشخ .. فيصل : فواز وين الدخون .. فواز : العنود وين الدخون .. العنود : يمه وين الدخون .. فيصل: وأنت يا أخي الواحد ما يقدر يعتمد عليك في شي .. العنود :إيه والله انك صادق .. فيصل : ولا عاد أنتي الثانيه.. فواز : إلا أقول يا أخ فيصل وش جاك على ذا الكشخه اليوم ..مصدق أنك معرس .. فيصل : تصدق عاد إنك فاضي وأنا إلي مصدق عمري جالس ساعه أتجادل معك .. وأنتي الثانيه قومي جيبي الدخون .. العنود:طيب ماري..ماري . فيصل:خير ان شاء الله انا قلت انتي ماقلت ماري ..روحي جبيه بسررررعه. العنود : أووف ... طيب .. فيصل : وأنت ألحقني به في المجلس .. فواز : وهو لازم يعني .. استناه وخذه معك اشتغل عندك انا.. فيصل وهو يصرخ : فواز والله العظيم إذا ما لحقتني به ..والله إن تندم .. وطلع وهو معصب .... أم راشد : هلا فيصل .. فيصل من غير نفس : هلا فيك .. أم راشد : وشلونك .. وشلون الوالد .. فيصل : بخير أنتم وشلونكم .. وراح وخلاهم قبل ما يسمع الرد .. عبير : وش رايك يا نجلاء في زوج المستقبل.. نجلاء : حلو...... بس يخوف يمه عصبي .. عبير : ههههههه ليه كل ذا .. نجلاء : أنتي ما شفتي وشلون كان يتوعد أخوه .. ووشلون سلم على أمي .. عبير : مو شرط .. يمكن أخوه مسوي شي نرفزه .. نجلاء : ------------- عبير : الله يوفقك .. نجلاء : امين يا رب .. --------------------------- فيصل في غرفته فوق السرير يا الله أنا وش ألي بلاني في هالزواج وخلاني أتسرع في الموافقه .. حتى قبل ما اسأل عن البنت وأعرف أخلاقها وطبايعها بس أمي مستحيل توافق عليها إلا إذا كانت أخلاقها زينه بس رغد تقول مغروره وأكيد بعد بتكون دلوعه لأنها البنت الوحيده عند عمي .. العنود .. احم .. احم .. فيصل : هههههه بسم الله متى دخلتي .. العنود : من زمان ... وش تفكر فيه .. فيصل : أم .....أم...... فيك .. العنود : ههههه طيب أبوي يبيك تحت ... فيصل : إن شاء الله .. بس وش يبي ؟ العنود:عادي مايبي شى ..بس هو مايعجبه المكان الا اذا انت فيه.. فيصل :اكيد فيه مكان يحلى بدوني.. العنود:مشكلتك الثقه العمياء يافيصل وتركض قبل لاتسمع رده.. ----------------------- أم راشد : وش فيك تعوذي من الشيطان .. نجلاء : هونت ما أبي أتزوج .. ما أبي فيصل .. أم راشد : ليه .. نجلاء : ------------- أم راشد : ما تبينه ليه .. الرجال ما فيه شي يعيبه .. نجلاء : ما أدري أحس أنه إنسان عصبي ولا يعرف يتعامل مع أحد وهمه نفسه وبس .. أم راشد : كل ذا صار فيه وش دراك أنتي عنه .. وأنتي عمرك ما جلستي معه .. وبعدين اللي يسمع كلامك يقول .. أنه بيقومك بكف وبينومك بكف .. نجلاء : ماما بس هو عصبي مره .. أم راشد : وإذا كان عصبي يعني .. بعدين شوفي وشلون خواته يحبونه .. نجلاء : وش عرفك .. أم راشد : شوفي لمى من كثر ما تحبه بتسمي ولدها عليه .. وأبوك يمدح فيه وإخوانك .. وبعدين حنا ما وافقنا عليه إلا وحنا عارفين الولد زين .. نجلاء : بس أنا خايفه .. أم راشد : شي طبيعي تخافين لأنه شي جديد عليك .. وكل بنت مثلك في الأول تكون خايفه ومتردده .. ---------------------------- الهنوف : إلا أقول يا رغد وش راح تلبسين في ملكت فيصل ... رغد : بلبس الأحمر .. لمى : لا حرام تلبسين الأحمر .. ألبسي الأسود.. العنود : ليش من اللي بيجي .. لمى : بس حنا وأم عبير وخواتها .. الهنوف : يعني ما راح يجي أحد أجل أبلبس حق العيد .. العنود وهي معقده حواجبها : طيب وأنا وش ألبس .. لمى : وش تلبسين؟! البسي الفستان الجديد. --------------------------- وليد : هلا والله يا بو الشباب .. فيصل من غير نفس : هلا بك .. وليد : وليه تقولها من غير نفس ... فيصل : يا أخي الملكه بكره ... وليد : وإذا الملكه بكره .. أنا اعرف إن اللي بيملك يكون فرحان ومبسوط مهوب مكشر ... فيصل : يا أخي أحس عمري مبتلش بذا الزواج .. وليد : طيب وش ناوي تسوي .. فيصل : والله ما ادري بس أحس ودي افركش الزواج .. وليد : صاحي أنت .. هذي بنت عمك وش بقولون الناس .. فيصل : وإذا بمن عمي أعذب عمري عشانها .. وليد:وبعدين لا تنسى أبوك .. فيصل:هذا اللي ذابحني مابي ازعله... وليد : أقول تعوذ من الشيطان .. ويا الله قم بس عن الكلام اللي لا يودي ولا يجيب .. ----------------------------- ساره : نوف حبيبتي يكفي دموع .. نوف :ساره اليوم ملكته .. تعرفين وشلون اليوم ملكته .. ساره : أنا قايله من الأول لك أنتي اللي ما ........... نوف تقاطع ساره : أنا اللي ما صارحته بحبي مليت وأنا أسمعها منك .. ساره : الله وأكبر .. اللي خلق فيصل ما خلق غيره .. نوف : فيصل غير ما فيه مثله ... ساره : بتروحين اليوم .. نوف : أكيد لا .. ساره : ليه.... نوف : لان الملكه في بيت عمهم .. ساره : اها ... نوف :والله لو تشوفين نجلاء هذي وع مقرفه بشكل .. ساره : هههههههه وش عرفك أنتي ... نوف : شفتها في بيت خالتي مره وبعدين هي معنا في الجامعه .. ساره : والله هي معنا في الجامعه .. نوف : إيه والله وهذا اللي ذابحني .. ساره : ولا يهمك ما عاش اللي يذبحك .. وأنا اعرف وشلون أنتقم لك منها ... ياترى ساره وش راح تسوي ؟ وهل الملكه بتعدي على خير؟ وش توقعاتكم | ||||
|
| |
|
29-01-23, 06:25 AM
| #4 | ||||
| الجزء الرابع وفي يوم الملكه فيصل ينزل على أهله و هو لابس الثوب الأبيض والغتره البيضا والبشت الأسود كان شكله يجنن روعه وسيم بكل ما في الكلمه من معنى وش وسيم وسيم شويه في حقه .. جميل جميل ..ووقف في نص الدرج ..... فيصل : ها يا الغالي وش رايك في ولدك .. أبو فهد : شهادتي فيك مجروحه .. كامل والكامل وجهه .. فهد : توك تقول شهاتك مجروحه .. فواز : إلا أقول فيصل .. فيصل : لا تقول تكفى .. أم فهد : بسم الله عليك يا فيصل وش ذا الزين .. فواز : أما وش ذا الزين اللي مدري وش أسمه في عين أمه غزال .. لمى : غزال غصب عنك .. فيصل : إلا أقول لمى وين نجود .. لمى : فوق عند العنود .. فيصل : بتروح صح .. فواز : بصفتها ايش تروح .. فيصل وهو مطير عيونه في لمى : وهي صدق مهيب رايحه .. لمى : مهبوله أنا ما أخليها تحظر ملكتك .. كان وش يفكني من لسانك .. أم فهد : مهوب وش يفكك من اللسان فيصل إلا وش يفكك من لسان نجود .. لمى : إيه والله انك صادقه مشورتني من محل لمحل ما أبي ذا الفستان وأبي ذا .. كله عشان ملكت فيصل .. فيصل : هههههههههههه وتلوموني بعد ليه أحبها .. أبو فهد : يله ما ودكم نمشي لا نتأخر على الناس .... فواز : لا تو الناس .. فهد وهو يناظر فواز ويضحك : إيه والله فواز صادق تو الناس وش يودينا الحين .. فيصل بعفويه : وبن تو الناس يا أخي الساعه 8 ونص .. فهد بخبث : لاحق لاحق يا أخي .. فواز : أنا أبي افهم وش مستعجل عليه .. لمى : بيروح يعرس يا أخي غاير.. الكل : ههههههههههههههه.. ****************** وفي بيت أبو راشد وفي غرفة نجلاء بالتحديد نجلاء كانت واقفه عند المرايه أطالع شكلها .. وكانت راضيه عن شكلها " طبعاً راضيه عن شكلها .. لأنها لابسه فستان أحمر ولا أروع كان مخصر على جسمها وقصير من قدام "تحت الركبه بشوي .. وطويل من ورى وطبعاً الفستان كان مبين طولها وحلاوة جسمها .. وطبعا الأحمر مزود على بياضها بياض .. ومكياجها فيه نعومه غير طبيعيه مبين جمال عيونها وشعرها كانت مسيحته ومسويه فيه حركه من قدام .. يعني باختصار روعه روعه .. فجأه يطق الباب على نجلاء .. نجلاء : أدخل .. العنود : هلا نجلاء هلا والله بمرت أخوي .. نجلاء ووجهها أحمر من الخجل : هلا حبيبتي .. العنود : معليش نجلاء ما أقدر ما أقدر كان لازم أكون أنا أول من يشوفك عشان كذا رقيت فوق .. نجلاء : لا عادي أنتي بنت عمي مو غريبه .. إلا وش أخبارك .. العنود : تمام .. إلا وش ذا الزين ما شاء الله .. نجلاء : مشكوره حبيبتي عيونك الحلوه .. العنود : نجلاء .. نجلاء : هلا .. العنود : الصراحه شكلك جنان .. نجلاء بحيا : خلاص العنود والله أحرجتيني .. العنود : هههههه طيب .. يله ننزل لأن كلهم تحت .... أم راشد : يا لله يا نجلاء ما صار ذا لبس ..الكوافير صار لها نص ساعه رايحه .. نجلاء : ------------- العنود : يا لله يا نجلاء .. نجلاء : طيب شوي .. أم راشد : وش شوي قومي بس .. نجلاء : طيب .. يله .. ***************** وفي بيت أبو راشد بعد ما تمت الملكه على خير...... أبو راشد : ألف مبروك يا أخوي .. أبو فهد : الله يبارك فيك .. أبو راشد : مبروك يا فيصل .. فيصل : الله يبارك فيك يا عمي .. فواز : فيصل تصدق ما يليق عليك .. فيصل بهمس : وشو.. فواز : أنك تكون معرس .. فيصل : فواز كيف الحال .. فواز : لا والله صدق ما أتخيل شكلك معرس .. لا والله وأبو بعد ... لا والله أبو يمكن أتخيلك لا معرس لا .. فيصل : وش معنا أبو تتخيل .. ومعرس لا .. فواز : لأنك تحب البزران .. وما تعرف تتعامل مع الحريم .. فيصل : ومنك نستفيد .. اخو على الفاضي أنت تعلمني .. فهد : والله يا فيصل ما يعرف يجننك إلا فواز .. أبو راشد : اشركونا في حديثكم يا عيال .. فيصل وهو منحرج : لابد سلامتك يا عمي بس يباركون لي .. فواز وفهد وهم يناظرون فيصل : ههههههههههههههه **************** أم راشد : يله يا نجلاء بسرعه الرجال يستنى .. نجلاء : ما أبي .. وشلون ما أقدر .. عبير : هههههههههههه أم راشد : وش ما تقدرين بعد قومي يله قبل ما يجي راشد .. نجلاء : ما اقدر والله ماما ما اقدر .. عبير : عادي يا نجلاء كلنا مرينا فيه .. نجلاء : لا ما اقدر رجال ما اعرفه يشوفني .. أم راشد : لا بالله منتيب صاحيه إذا ما شافك رجلك من يشوفك.. عبير : الصراحه يا نجلاء صدمت يني هذا وأنتي نجلاء اللي ما يهمك احد.. أم راشد : أقول قومي وتعوذي من الشيطان .. نجلاء : طيب أبي أحد يدخل معي .. أم راشد : أنا معك .. وبعدين خواته بيكونون معك .. نجلاء : يا الله وبعد خواته ما أبي .. أم راشد : حتى خواته يا نجلاء ما تبين تشوفينهم توك مسلمه عليهم .. عبير: يا لله يا نجلاء ما صارت.. نجلاء:طيب ..طيب يا لله ***************** راشد : يله يا فيصل تفضل في المجلس .. فيصل: إن شاء الله.. فواز : أقول راشد.. ما ينفع أنا .. مشاري : إلا ينفع قم أنا وياك .. فيصل : خير إن شاء الله أنت وياه .. أنا اللي متزوج وإلا انتم .. فواز : و إذا انت اللي متزوج ... أنا بدخل أشوف بنت عمي ما فيها شي .. أبو فهد يعطي فواز نظره عشان يسكت .. راشد : أنا قلت فيصل ما قلت مشاري وفواز .. فيصل تفضل في المجلس .. فيصل : إن شاء الله .. **************** نجلاء : ماما تكفين لا تطلعين خليك معي ... أم راشد : طيب أكيد بكون جنبك .. نجلاء تتنهد : وين بنات عمي .. أم راشد : لمى عيت قالت بيحرجونك خلاص شافوك وسلمو ا عليك يكفي . فيصل:السلام عليكم .. أم راشد : وعليكم السلام .. فيصل سلم على أم راشد .. أم راشد : على البركه يا وليدي الله يوفقكم .. فيصل : الله يبارك فيك .. فيصل يقرب يبي يسلم على نجلاء لكن ما قدر انبهر بجمال نجلاء ونعومتها لمى قالت له إنها حلوه بس ماكان متوقعها كذا جلس فتره يتأملها ونجلاء خلاص بتموت من الحياء لكن انتبه فيصل لوجود أم راشد فيصل يسلم على نجلاء وهو منحرج من أم راشد : مبروك يا نجلاء .. نجلاء بهمس : الله يب ا رك .. فيك .. راشد : ألف مبروك .. فيصل ونجلاء : الله يبارك فيك .. راشد : هاه فيصل لا أوصيك على نجلاء .. فيصل : نجلاء في عيوني .. راشد : يله يمه خلينا نترك فيصل هو وحرمته شوي .. نجلاء : لا ماما خلك معي .. أم راشد وراشد يطلعون وبعدهم يدخل مشاري .. فيصل : لحووول ... نجلاء تبتسم على كلمة فيصل .. مشاري : يؤ .. شكلي خربت عليكم .... بس هذا اللي أبيه .. فيصل : تدري أنك فواز نبر 2 مشاري : هههههه ودك اطلع .. فيصل : تسوي خير .. مشاري : أبي اجلس مع أختي .. فيصل : وأنا أبي اجلس مع زوجتي .. مشاري : نجلاء لا أوصيك على فيصل حطيه بعيونك .. فيصل وهو يبتسم : المفروض تقول هالجمله لي .. مشاري : فيصل وش رايك في وجه اللي جنبك .. طماطه ها .. فيصل : احلى من القمر .. مشاري : يؤ .. يؤ يؤ صاروا ثنين يدلعونك الله يعينا على الغرور .. وأحلى من القمر بعد ..(مشاري وهو طالع) أقول أنا بطلع لا أسمع شي يقهر أكثر ... فيصل : هههههههههههههههه ... فيصل:نجلاء وش أخبارك ... نجلاء: بخير فيصل: نجلاء ما كنت أبالغ لما قلت لمشاري انك أحلى من القمر... نجلاء:............... فيصل : نجلاء .. نجلاء : نعم .. فيصل : إلا صدق الكلام اللي قاله مشاري .. نجلاء : أي كلام .. فيصل:----------- نجلاء : فيصل .. فيصل : لبيه .. نجلاء : أي كلام .. فيصل في نفسه والله حرام اللي تسويه يا فيصل احد يسال وحده في ليلة ملكتها أنتي مغروره فيصل : خلاص أنسي .. نجلاء : ......أوف .. فيصل : نعم وش قلتي .. نجلاء : ما قلت شي .. فيصل : أها ما قلتي شي .. نجلاء والعبره خانقتها : والله ما قلت شي .. فيصل : الاوف هذي لي .. يناظر فيصل عيون نجلاء اللي مليانه دموع .. فيصل : نجلاء ناظريني .. نجلاء : --------------- ويرفع فيصل بيده راس نجلاء .. وماتقدر نجلاء تمسك نفسها وتجلس نجلاء تبكي .. فيصل : ليه كل ذا .. نجلاء : --------------- فيصل : طيب اسف إذا كنت زعلتك .. نجلاء : ---------------- فيصل : شكلك تبيني أطلع .. وقام فيصل عشان يطلع .. نجلاء بصوت مخنوق : فيصل .. فيصل : عيون فيصل .. نجلاء : والله يا فيصل الاوف هذي ما قصدتك فيها .. فيصل : أنا عارف بس كنت أمزح معك .. يله امسحي دموعك ما أبي أطلع وأنتي زعلانه .. نجلاء تمسح دموعها وتبتسم .. فيصل : نجلاء أبي رقم جوالك .. نجلاء : ********055 .. فيصل : يله فمان الله .. نجلاء : فمان الكريم .. **************** الهنوف وهي راجعه من الملكه ترمي العبايه على السرير وبعصبيه.. الهنوف: فهد لو سمحت اخر مره .. أقولك مابي أروح بيت اهلك.. فهد: وأنا .. أقول بتروحين لأني قلت لامي انك بتجين.. الهنوف: وأنا علشان كذا أقولك مانيب رايحه ..ليش تعطيها الموافقه بدون ما تقول لي .. يمكن أكون مرتبطه.. فهد: بس أنت مو مرتبطه.. الهنوف : من قال أنا بكره بروح للمشغل... فهد:لاما فيه روحه للمشغل.. الهنوف:أحسن فهد:أحسنين ..بروح أنا وسليمان وأنتي كيفك.. اصلا أنا الغبي اللي أناقشك... وأنا عارف انك لازم تعانديني بسبب وبدون سبب ************************* وفي اليوم الثاني الساعه فيصل كان متردد ...يدق على نجلاء أو لا فيصل :أدق عليها أولا استنا كم يوم أخاف تقول وش ذا ما صدق خبر ...بدق وكيفها هي اصلا زوجتي .. دق عليها لكن طولت ما ردت عليه بس توه بيقطع الخط الانجلاء ترد .. نجلاء كانت ما تدري من اللي متصل .. فيصل: هلا والله نجلاء نجلاء وهي مصدومه: هلا فيك فيصل : كيف الحال.. نجلاء : تمام بخير.. أنت ك يفك.. فيصل:الحمد الله بخير.. نجلاء:--------- فيصل:-------- فيصل : الاوش أخبار الاجامعه معك.. نجلاء: ماشي الحال.. فيصل: في أي مستوى أنت في الجامعه... نجلاء:المستوى الثاني.. فيصل: اها .. وش تخصصك.. نجلاء: علم نفس.. فيصل: حلو.. نجلاء:------- فيصل: نجلاء.. نجلاء:هلا فيصل: أحس أني اكلم نفسي ..أو أني جالس أسوي مقابله مع احد.. تكلمي افتحي موضوع.. نجلاء: وش أقول .. فيصل:يا لله يوم الملكه كنتي تجنين .. نجلاء: شكرا هذا من ذوقك.. فيصل: إلا نجلاء... وش رايك فيني نجلاء: هاه فيصل: أقول وش رايك فيني.. نجلاء:--------- فيصل: أبي رد.. نجلاء:هاه .. امممممممممم .. مدري فيصل: وشلون ما تدرين هذا رايك ويهمني... نجلاء: والله مادري... فيصل: على العموم تامرين شى ..؟ نجلاء: سلامتك.. نجلاء بعد ما سكرت الخط يا لله أنا وش سويت شكله زعل مني وش أسوي هو سؤاله غبي.. وش كان يتوقع مني أقول .. أول مكالمه ويسألني في رايي فيه يا لله........... وفي المقابل فيصل بعد ماصك السماعه وش فيها هذي يوم الملكه تتأفف بعدين تصيح.. والحين اسألها عن رايها فيني ما ترد .. وبعدين تتكرم وتقولي مدري.. يا لله يمكن تكون مغصوبه علي ...وش مغصوبه بعد أنا شكل الجوع مسوي عمايله .. فيصل : يا ربيه جوعان .. بنزل أدور لي شي اكله .. رغد عند باب المطبخ .. رغد : بوووووووووو .. فيصل وهو يرجع على ورى : بسم الله روعتيني .. رغد : هههههه تبي تاكل معي .. فيصل : إيه والله مره جوعان .. تعالي ناكل في الصاله .. رغد : غريبه ما نمت لين الحين .. مهيب عادتك .. فيصل : ما قمت إلا متأخر .. فيصل : وأنتي ورى ما نمتي .. رغد : كنت أبي أنوم بس حسيت أني جوعانه قلت بنزل أدور لي شي اكله . وسادت لحظات صمت بينهم .. رغد :بلهجة استهزاء : إلا وش رايك في نجلاء .. فيصل وهو رافع حواجبه : وأنتي ليش تسألين .. رغد : لأني الصراحه ما أرتحت لها .. أحس أنها مغروره ودلوعه .. فيصل : عن إذنك بروح أنوم .. فيصل وهو في غرفته .. وهو معصب : أنا بكره لازم أكلم فهد .. **************** أبو فهد : إلا أقول يا أم فهد ورى ما نعجل بالعرس ودي أشوف عيال فيصل قبل ما أموت .. أم فهد : أم فهد بعد عمر طويل .. الشور شوركم انت شاور أخوك وشف وش بيقول .. فيصل : صباح الخير .. أبو فهد : صباح النور والسرور .. أم فهد : صباح النور يا وليدي أقول لهم يجيبون لك الفطور .. فيصل : لا ما أبي إلا قهوه راسي مصدع .. أم فهد : سلامتك يا وليدي .. أبو فهد : عسى ما شر .. فيصل : الشر ما يجيك بس يمكن لأني ما نمت زين أمس .. العنود : أكيد جالس تفكر في نجلاء .. رغد : وهذي تستاهل أحد ما ينوم علشانها .. فيصل : رغد لو سمحتي عن الغلط وراعي أني جالس معكم واللي تتكلمين عنها زوجتي .. رغد : ما صارت كلمه قلناها .. ويقطع عليها صوت جوال فيصل.. فيصل: يا لله يا فهد لاتصدع براسي شوي وأنا جايك .. خلاص .. فيصل : مع السلامه .. أم فهد : طيب أقعد استنا القهوه .. فيصل وهو طالع : خلاص هونت ما عاد أبي شي .. *************** غدير : صباح الخير .. مشعل : صباح النور والورد والفل والياسمين .. غدير : وشلونك اليوم .. مشعل : أكيد تمام دامني أصبحت على أحلى صوت .. غدير تسوي نفسها زعلانه : وأنا يعني .. ما فيه وشلونك .. مشعل : طيب .. من عيوني .. ما طلبتي ... وشلونك يا عيوني وروحي أنتي .. غدير : الحمد الله .. مشعل : غدير .. غدير : لبيه مشعل : أحبك .. أحبك .. يا غدير .. غدير : وأنا أكثر .. مشعل راح في عالم ثاني يفكر في غدير .. مشعل في نفسه : مسكينه يا غدير .. غدير : مشعل .. مشعل : عيون وروح وقلب مشعل .. غدير : حبيبي أنا مشغوله ألحين أكلمك بعدين .. مشعل : يعني مليتي مني .. طيب يله روحي باي .. غدير : لا عيوني .. لا تقول كذا .. بس والله صدق عندي شغل .. مشعل : ههههههههههههه والله أنك مخفه ههههههههههههه روحي روحي أنا بس أمزح معك .. غدير : ههههههههههه طيب يله مع السلامه .. مشعل : مع السلامه .. **************** ساره : يله يا نوف محاضرتنا بعد ربع ساعه ياله نلحق نوصل .. نوف : مالي خلق منيب داخله المحاضره .. رغد : هاي صبايا وش أخباركم .. ساره : شكلكم بتفلونها أنا منيب داخله للمحاضره .. رغد : ساره شفتي البلوتوث اللي فيه البنات والشباب مع بعض اللي أرسلته لنوف .. ساره : من زمان أدور بلوتوث كذا صراحه يهبل .. نوف : إلا أقول رغد مو كن هاذيك نجلاء بنت عمك .. رغد : زوجة فيصل أخوي .. وين ؟؟ .. نوف : اللي شنطتها بيضه .. ساره : هذي هي ما شاء الله زين وكشخه .. نوف : ما شافت الحلا .. رغد: يله عن أذنكم بنات .. ساره: أسفه.. نوف ما قصدت نوف: مشكوره ..تمدحينها قدامي يجي منك أكثر.. ساره: وربي ما قصدت وأنا أوريك فيها.. نوف: وش بتسوين يعني.. ساره :معك رقمها.. نوف: مهبوله أنتي..لا وش جاب رقمها لي .. ساره: أبي رقمها حاولي تكفين... نوف: أحاول ..بس ماوعدك.. ****************** وفي بيت أبو راشد أم راشد : أبو راشد وش رايك نطلع نغير جو حنا والعيال .. أبو راشد : على راحتكم وين تبون تروحون ؟؟ .. للمزرعه .. أم راشد : إيه والله من زمان ما طلعنا لها .. التلفون يرن .. أبو راشد : هلا والله أبو فهد وش أخبارك .. أبو فهد : الحمد لله بخير وش أخبارك .. وش أخبار عروستنا .. أبو راشد : والله الحمد لله .. أبو فهد : داقن أشاورك يا أبو راشد وش رايك نعجل العرس نخليه الشهر الجاي .. أبو راشد : الشور شورك هذي والله الساعه المباركه .. أبو فهد : الله يتمم على خير .. أبو راشد : إلا أبو فهد ورى ما تطلعون معنا للمزرعه .. نقعد فيها لين الجمعه .. أبو فهد : أنا والله ما عندي مانع أبشاور الأهل وأرد لك .. أم راشد: خير إن شاء الله وش يبي أبو فهد.. ابوفهد:كان يقول انه يبي يقدم العرس .. بيخليه الشهر الجاي أم راشد وهي مرتاعه: هو الشهر الجاي.. عسى ما وافقت بس .. ابو فهد: ايه وافقت .. اخوي يدق يطلبني وارده ... *************** فيصل : فهد أنا ما أبي نجلاء .. فهد وهو بدا يتنرفز من كلام فيصل : الحين يوم ملكت عليها جاي تقول ما أبيها هو لعب بزارين .. فيصل : ما أبيها تعرف وش معنا ما أبيها .. وبعدين ما هيئة نفسي أني أتزوج .. فهد : وينك عن هالكلام يوم أبوي يشاورك .. فيصل : الصراحه أبوي كان تعبان وأنا ما أبي أزعله .. يتب ع أتمنى الجزء أعجبكم | ||||
|
| |
|
29-01-23, 06:28 AM
| #5 | ||||
| الجزء الخامس فيصل : أنا ما أبي نجلاء.. فهد وهو بدا يتنرفز من كلام فيصل : اوالله بدري ..لحين يوم ملكت عليها جاي تقول ما أبيها لعب بزارين هو .. فيصل : ما أبيها تعرف وش معنا ما أبيها .. وبعدين ما هيئة نفسي أني أتزوج .. فهد : وينك عن هالكلام يوم أبوي يشاورك .. فيصل : الصراحه أبوي كان تعبان وأنا ما أبي ازعله .. فهد : شف يا فيصل راح تتزوجها يعني راح تتزوجها .. فيصل : ماراح اتزوجها فهد: انت عارف وش تقول ... فيصل : ايه عارف ... اكيد عارف فهد:عارف .. عارف ان الكلام اللي تقوله راح يهدم العلاقه بين أبوي وعم فيصل:---------- فهد : قم تعوذ من الشيطان وكمل أغراضك ..و بعدين لا تنسى إن هذي بنت عمك وحرام تعذبها وهي ما لها ذنب.. و بعدين أبوي توه مكلم علي ويقول أنه اتفق مع عمي أن الزواج بعد شهر .. يعني في أول الاجازه .. فيصل باستغراب : شهر ... فهد : إيه شهر .. فيصل وهو معصب : كويس وأنا اخر من يعلم الظاهر أنكم نسيتو أني أنا اللي بعرس .. طيب .. طيب دامكم قررتوا روحوا دوروا احد غيري يتزوجها بعد شهر .. فهد : وش الحل يعني .. تكسر كلمة أبوي .. وبعدين وش هالكلام دوروا غيري يتزوجها هي زوجتك زوجتك يا فيصل زوجتك .. وبعدين محد غصبك عليها .. فيصل : ------------ فهد : إذا أنت مو قد كلمتك لا تقولها من الأول .. فيصل : ------------ فهد : يله انا بروح لشغلي ....احسن لي .... فيصل : فهد أنسى الكلام اللي سمعته قبل شوي .. مو فيصل اللي مو قد كلمته ويكسر كلمة أبوه .. فهد وهو يبتسم : أيوه هذا فيصل اللي أعرفه .. يبتسم فيصل من غير نفس .. ------------------- وفي جهه ثانيه وفي بيت ابو راشد بالتحديد كانت نجلاء تكلم ..صديقة عمرها مها..... مها : يا الله يا نجلاء حاسه أني في يوم بشوف نفسي في وحده من الصور اللي تصورها وترسلها .. نجلاء : هذا اللي ناقص بعد .. مها : بس يختي أنا أشوفها تمشي وتصور .. نجلاء : تحمد ربها أني لين الحين ما بعد شفتها .. مها : ههههههه .. وإذا شفتيها يعني وش بتسوين .. نجلاء : والله ما راح اسكت .. وراح أوصل الموضوع لأكبر شخص في الجامعه .. مها : الكلام سهل يا نجلاء .. بس حطي في بالك أنها ما راح تخليك في حالك .. نجلاء : وش بتسوي يعني .. مها : إلا يا نجلاء ما هي صديقة بنت عمك رغد .. نجلاء : لا علاقتها في رغد مره سطحيه .. هي صديقة نوف بنت خالت رغد .. مها : ما أدري ليش ما أرتاح لنوف هذي .. نجلاء : حتى أنا تنرفزني نظراتها لي .. تقولين كني ذابحه لها احد . مها : إلا ما قلتي لي وش سويتي أمس .. نجلاء بغباء : وش سويت .. ما سويت شي .. مها بخبث : يعني فيصل ما اتصل أمس .. نجلاء : ----------- مها : نجيل وين رحتي أكلمك .. نجلاء : معك .. معك ... مها : واضح واضح معي .. إلا عقلك رايح مع فصيل .. نجلاء : فصيل في عينك ..أسمه فيصل بن سليمان . مها : أوه .. أوه .. من أولها بدينا ندافع .. نجلاء : وليش ما أدافع مو زوجي .. مها: زوجك.... زوجك بس لاتزعلين .. --------------------- ريم : أنا ما راح أروح للمزرعه .. رنا : كيفك أنا بروح .. ريم : لا والله فشيله وش يودينا بنات عمهم بيروحون .. رنا : لا عادي هذي مزرعة خالتي وش فيها .. وفي ماهم منسجمين في الحوار تدخل عليهم عبير .. عبير : السلام عليكم .. رنا وريم : وعليكم السلام .. رنا : عبير شفتي ريم هالغبيه ما راح تروح للمزرعه .. عبير : وليش يا ريم منتي رايحه .. ريم : وش يوديني ناس ما أعرفهم والله أستحي .. عبير : والله يا ريم أنهم حبوبين ويدخلون القلب وراح تنسجمين معهم صدقيني يا ريم .. رنا : إلا عبير مشعل بيروح .. عبير وهي معقده حواجبها : وش تبين بمشعل أنتي بتروحين لمشعل وإلا بتروحين توسعين صدرك .. رنا : ---------------- عبير: ريم ريم: هلا عبير : إذا ما رحتي والله نجلاء بتزعل لأنها موصيتني أقولكم .. ريم : طيب إذا رحت رحت عشانها .. ( على فكره ريم ورنا خوات عبير وهم توأم واعمارهم 19 يعني زي نجلاء) ------------------------ ...... وفي احد المراكز الكبيره في الرياض...... فواز : يا أخي حرام عليك كلته علينا الجو .. من دخلنا السوق والبنات مغير يلاحقونك بعيونهم .. فيصل : يا أخي وش أسوي الزين من الله .. مشاري : يا ليتك يا فواز ما حكيته .. بدا شغل الغرور .. فيصل : هذا مو غرور هذي ثقه في النفس .. وليد : يوه خلونا من ذا الحكي الفاضي وقوموا نملي الكرش .. وراحوا الشباب لأحد المطاعم اللي في السوق .. وليد وهو ياكل : يا إن دبي فيها بنات إنما إيه طب واختار .. فيصل : خوش والله خوش شغل .. أنت رايح شغل ولا رايح تدور البنات .. مشاري :يا أخي اسكت المتزوجين ما لهم دخل فينا .. فواز : لا هين أجل تنصحنا يا ولي نروح دبي .. وليد يهز راسه وهو ياكل .. فيصل : وأنت ما تصدق على طول يله .. فواز : يا أخي وش أسوي جت من الله .. مشاري يأشر على وليد من ورى لفيصل وفواز .. فيصل وفواز : هههههههههههههههههههههههه مشاري : أعصابك يا أخي الأكل مهوب طاير .. فواز : حافظ على رشاقتك شوف وشلون صاير .. وليد : حرام عليك والله منيب دب بس اللهم إن لي كرشه .. مشاري : بس ما قصرت .. فيصل وهو معصب : يله قوموا .. وليد : خير وش فيك قلبت .. توك تضحك وش زينك .. فيصل : أعوذ بالله من ذا البنات طفشوني .. فواز : يا أخي تمتع باقي شهر وتترك العزوبيه .. فيصل يكلم نفسه:هذا بلى ابوك ياعقاب..... مشاري : ههههههههههه وليد : أقول أسكت لا تخرب الولد وهو على وجه زواج .. واقعد أنت الثاني.. مشاري : إلا على فكره يا وليد تراك بكره خوينا في الزرعه .. ----------------------- ........ في بيت ابو فهد ........ . رغد : يا الله يا العنود كل ذا علشان تروحين للمزرعه .. العنود : أبي أروح للمزرعه وأبي أخلص والله الكيمياء صعب .. رغد : إذا صعب ما في داعي تروحين .. العنود : هووو وأفوت علي روحت المزرعه هذا الناقص .. رغد : والله وش ذا المزرعه اللي ازعجتونا فيها أنتي من جهه وأمي من جهه ولمى توها متصله تقول بتروحون والا لا .. العنود : رغيد فارقي عن وجهي أبي أدرس .. رغد : ههههههه والله أنك تنرحمين .. بطلع بس مو عشانك قلتي أطلعي .. لأني كنت ناويه أطلع .. العنود : طيب يله اطلعي .. رغد : باي .. وطلعت رغد من هنا ورجعت العنود تدرس الكمياء من هنا .... بس فيصل شافها وراح لعندها وهو يمشي شوي ..شوي فيصل بأعلى صوته : وش تسوين .. العنود من الروعه ما تشوفونها إلا في المسبح .. فيصل : ههههههههههههههههههههههههه ههههههه العنود : يا حمار .. فيصل وهو ماسك بطنه : هههههههههههه أي يا بطني خلاص ما أقدر هههههههههههههه حمار مره وحده .. العنود : ل و أن ي م ت .. فيصل : هههههههه لا لا ما أرضى عنوده حبيبتي تموت وأنا السبب .. العنود وهي طالعه من المسبح : مبسوط .... مبسوط فيصل:هههههههههههههه يالله فواز يجي من ورى فيصل ويدزه في المسبح .. فواز : ههههههههههههههههههههههههه هههههههه فواز وهو ميت من الضحك : من حفر حفرت لأخيه وقع فيها .. فيصل وهو يضحك : حسبي الله على عدوانك جوالي صار كله مويه .. العنود : أحسن عشان ما تكلم الحبايب .. فواز:ههههههههههه .... قم اطلع .... اعجبك والا اعجبك الوضع ؟! فيصل: وليش أطلع وجوالي و خرب ..الجو روعه العنود : ههههههههه يعني ما راح تطلع .. فيصل : لا ما راح أطلع .. تعال معي .. فواز : والله مهيب شينه .. بروح أغير ملابسي وبجي .. العنود: الحمد الله... الحمد الله العقل نعمه طبعا فواز ماصدق خبر وراح وكمل مع فيصل اما العنود فرجعت للكيمياء --------------------- ........اليوم الثاني الساعه 8 الصبح ...... أم فهد : اسمعي قبل ما تروحين للجامعه لا تروحين مشاوير وتلعبين بأعصابي اليوم تعالي على طول للبيت .. لأننا بنروح للمزرعه الساعه وحده .. رغد : ليه وش سويت .. أم فهد : ماسويتي شى .. مره تجين بدري ولا تقولين لي وتخليني شوي وانهبل ومره تتأخرين وبعدين تقولين لي كنت في المطعم مع صديقاتي .. رغد : طيب في المره الأولي ما لقيت احد قدامي وأنا داخله والمره الثانيه عادي وش فيها ما سويت شي غلط .. أم فهد : بنات في المطعم وضحك وسوالف وأكيد رافعين أصواتكم وتقولين وش فيها .. رغد : كل صديقاتي يروحون مطاعم ولحالهم وأهلهم ما يقولون شي بس انتم المعقدين .. أم فهد : معقدين معقدين بس اخر مره أقولك وللمره الثانيه والله لقول لخوانك وأبوك .. رغد : أبوي قولي لبوي أصلا هو الوحيد اللي فاهمني .. ام فهد: المهم انا قلتلك يارغد ...لا تتاخرين اليوم ... رغد : طيب ...طيب -------------------- مشاري : يا هلا والله بوليد .. وليد : هلا فيك والله .. مشاري : تو ما نورت المزرعه .. فواز : إيه والله تو ما نورت المزرعه يا أستاذ وليد .. وليد : منوره بصحابها .. فواز : وش أخبارك عساك بخير .. وليد : الحمد لله بخير أنت وش أخبارك وبشرني عن الوالد .. فيصل ومشعل : هههههههههههههه فواز : الحمد لله بخير وصحه وعافيه .. مشاري : وش أخبار الوالد والأخوان .. وليد : الله يسلمك والله كلهم بخير .. فيصل : لا لا وش جاكم انتم الثلاثه على الرسميات .. هههه شي غير طبيعي .. وليد :أوه الأخ فيصل .. يا مرحبا يا مرحبا وش أخبارك .. مشاري : سامحنا على القصور يا أخ فيصل من زمان وأنت هنا .. فواز : والله أسفرت وانورت الله يحيك .. مشاري : هذي الساعه المباركه .. مشعل : خلاص أنا الرسميات طلعت من هنا ( ويأشر على خشمه ) في الشغل رسميات .. وفي المزرعه بعد.. فيصل : خلاص والله ما يليق عليكم خلاص غيروا الموضوع .. مشعل : يله شباب خلونا نروح للخيمه عند أبوي وعمي وباقي الشباب .. مشاري: لازم ..يعني فواز : لا لا تكفون والله ما لي خلق نصايح .. فيصل : انتم اللي تجيبونها لا نفسكم .. -------------------- ......وفي مكان ثاني في المزرعه ...... نجلاء : ها العنود وش أخبار ثالث معك .. العنود : الحمد لله ماشي الحال .. أم فهد : العنود وشلونك الحين ...... عسى ما ارتفعت حرارتك الحين .. أم راشد : عسى ما شر وش فيها.. علمت أم فهد أم راشد عن طيحت المسبح وقبل ما تكمل قطع عليها سليمان ولد فهد .. نجلاء بحماس تلتفت على العنود : وبعدين وش صار .. العنود : ههههههههه جاء فواز من ورى فيصل وبدون ما يحس دزه في المسبح .. نجلاء باهتمام : عسى ما جاه شي .. وطبعا أم فهد وكل الموجودين كانوا يسمعون نجلاء والعنود لان أصواتهم عاليه .. العنود وهي تضحك : لا الحمد لله... رب العالمين طلع مفاتيحه وجواله وكمل سباحه حتى ثوبه ما فصخه .. لا وبعد عزم فواز يسبح معه .. أم عبير : وفيصل وشلونه عسى ما تعب .. أم فهد وهي أطالع نجلاء اللي على وجهها ابتسامه خجوله : لا الحمد لله ما فيه إلا العافيه .. -------------------------- ........نرجع للشباب........ راشد : فواز مشاري ممكن تفارقون عن وجهي هذا حوار للمتزوجين فقط.. فواز : فيصل ...أصلاً أنا ما أعتبر فيصل متزوج .. راشد : لا يا حبيبي متزوج وصار له أسبوع مالك .. فيصل يكلم نفسه يا الله الحين أنا صار لي أسبوع مالك حرام عليك يا فيصل البنت وش ذنبها أنا ليش أعامل نجلاء كذا ليش ما احسسها إن الوضع طبيعي .. هي ما لها ذنب فلي قاعد يصير .. جلس فيصل يطالع الشباب لحد ما حس أنهم لاهين ..وسحب عمره وطلع .. فيصل : الو .. نجلاء : هلا .. فيصل : هلا والله .. نجلاء : ---------- فيصل : وش أخبارك .. نجلاء : تمام .. فيصل : إن شاء الله دوم مو يوم .. نجلاء : --------------- فيصل : ليش ساكته .. نجلاء : فيصل .. فيصل : لبيه .. نجلاء : خلاص .. فيصل : ليه .. نجلاء بصوت عالي خلى اللي جنبها تنتبه : فيصل .. فيصل : ههههههههههه .. طيب اطلعي .. نجلاء : ما اقدر .. شوي وأكلمك .. فيصل : طيب طيب في أمان الله .. فواز بخبث : من تكلم .. فيصل : وأنت وش دخلك .. ويقطع عليه صوت جواله ...وظل يطالع الرقم ويطالع فواز..... وطبعا الأخ ما فهم .. فيصل : الو .. لحظه .. فواز : من اللي داق .. فيصل : زوجتي .. فواز : أوه .. أوه .. زوجتك .. مين نجلاء .. فيصل : أكيد نجلاء وأنا لي زوجه غيرها .. وراح وخلاه .. فيصل : الو .. نجلاء : هلا .. فيصل : اهلين .. نجلاء : وش أخبارك .. فيصل : الحمد لله بخير .. نجلاء أنتي مشغوله .. نجلاء : لا .. فيصل : أبي أشوفك .. نجلاء : لا لا ما اقدر وبابا .. وفيصل وهو ماسك ضحكته : ايش .. ايش .. بابا .. نجلاء : إيه بابا .. فيصل : طيب وش الغلط أنا زوجك .. يعني ما راح يرفض .. ها وش قلتي .. نجلاء : لا لا .. فيصل : خلاص طيب أنا بقوله .. نجلاء:__________ --------------------- العنود : يا الله لمى والله ما تسوى علينا .. كلها كلمه وحده ولد ولا بنت .. الهنوف : وش معنى هالمره العاده دايما تقولين .. لمى : أبي اطفشكم هالمره .. يله كل وحده تتوقع .. نجلاء : أنا أتوقع بنت .. رغد : لا وش بنت أنا أتوقع ولد .. لمى : تصدقين يا نجلاء فيصل قايل نفس توقعك .. العنود : مالت عليها وعلى فيصل أنا أقول ولد .. لمى : ها رنا ريم وش تتوقعون .. ريم : الصراحه من شكلك أتوقع بنت .. رنا : لا أنا مثل العنود أتوقع ولد .. عبير : حتى لو كان توقعكم صح ما راح تقولكم .. عشان كذا خلوا عنكم التوقعات وقوموا نطلع برا نتمشى شوي .. وقاموا عشان يطلعون ... لمى : يله نجلاء قومي .. نجلاء : لا أنا منيب طالعه .. لمى : ترا إذا ما طلعتي منيب طالعه .. نجلاء بهمس عشان ما يسمعها احد غير لمى : لا روحي أنتي أنا بطلع مع فيصل .. لمى : هههههه قولي من الصبح .. لكن معليش من لقى أحبابه نسى أصحابه .. -------------------- .....بعد ما كلم فيصل أبو راشد ... طلع هو نجلا ْْ اللي كانت طول الوقت متوتره وخايفه.... نجلاء : فيصل الله يخليك أبي أروح أو نروح مكان ثاني ما يشوفنا احد فيه .. فيصل : يا الله يا نجلاء ما تسوى علي .. نجلاء : مو قصدي بس لأن البنات يتمشون في الزرعه .. فيصل : تغارين علي .. نجلاء : لا بس أخاف يشوفونا .. فيصل وهو يبتسم : وصعبه عليك تقولين أغار عليك .. نجلاء : ------------ فيصل : طيب ما سوينا شي غلط .. واحد وزوجته يتمشون .. نجلاء : لا بس استحي .. فيصل : هههههههههه .. نجلاء : ليش تضحك .. فيصل : عليك .. نجلاء : وأنا فيني شي يضحك .. فيصل وهو يبتسم : لا أبد اللهم إن وجهك من الحيا صار طماطه .. نجلاء : ههههههه ..إلا وشلونك عقب طيحة المسبح .. فيصل : هههههههههههههههههههه .. وصلك الخبر ..أكيد العنود هي اللي قالت لك .. نجلاء : ههههه .. إيه العنود وخالتي.. فيصل : إلا على فكره نجلاء وين تبين نسافر .. نجلاء : نسافر .. فيصل : إيه نسافر ليه ما ودك .. نجلاء : لا بس تفاجئت من سؤالك .. فيصل : طيب وين ودك نسافر .. نجلاء : تبي الصراحه أنا أخاف من الطياره .. فيصل : ليه ما فيها شي يخوف .. نجلاء : ما أحب أكون معلقه بين السماء والأرض .. فيصل : يعني المعنى ما نسافر .. نجلاء : لا نسافر بس مو مكان بعيد .. فيصل : يعني مثلا وين .. نجلاء : مثلا دبي أو لبنان .. لا لا لا لبنان لا .. أو مصر .. فيصل : هههههههههههه .. وليه لبنان لا .. نجلاء : ها .. لا بس ما أحبها .. فيصل وهو ما سك ضحكته : أيوه .. ما تحبينها .. ---------------------- مشعل : أقول شباب وش رايكم نروح نلعب كوره .. مشاري : يله خلونا نغير جو عن هالحكره في الخيمه .. فهد: ايه والله انك صادق ملينا .... فواز: بس بشرط ... مشعل : وشو ياخ فواز فواز : الشرط أنا و وليد ومشاري .. مشاري : إيه ا كيد .. راشد : طيب طيب .. فهد : عاد انتم بتفوزون .. مشاري : نشوف .. فواز: بنفوز .... طبعا شى مؤكد وليد : بس ينقصنا حكم .. فهد : ليه حنا سبعه .. فواز : على كيفك سبعه حنا سته .. مشاري : إيه والله سته .. راشد : وين فيصل .. فواز : مشغول .. هههههههههههههههه مشاري : هههههههههههههههه محمد : السلام عليكم .. الكل : وعليكم السلام .. فواز : جابك الله .. --------------------- وفي جانب من المزرعه كان فيصل ونجلاء.... . فيصل: هنا الالم نجلاء: لا ... هنا .. افيصل وهو يمسك رجل نجلاء ويحاول يحركها يمين ويسار .... فيصل : ها خف الوجع .. نجلاء : إيه خف .. فيصل : تقدرين تمشين عليها .. نجلاء : بحاول .. فيصل : ها تعور .. نجلاء : شوي مو كثير .. وراحت نجلاء وهي تعرج .. فيصل وهو يبتسم : شوي شوي لا تطيحين .. نجلاء : إن شاء الله .. ---------------------- راشد : لا يا محمد شي غير طبيعي اللي أنت تسويه .. محمد : ما سويت شي .. هم فازوا بجهدهم .. فهد : 5-0 بجهدهم .. مره واضح .. فواز : أعوذ بالله من الغيره .. يا أخي وش أسوي إذا انتم عجز وما تعرفون تلعبون .. مشعل : نحنا اللي عجز .ز وألا انتم اللي غشاشين . ولا عاد أنت خوش حكم والله .. مشاري : نحنا غشاشين .. وين غشاشين معه أنت تدري حنا من نكون .. مشعل : لا والله ما حصلي الشرف .. مشاري : رجل الأعمال وليد .. والمحامي مشاري .. والضابط فواز .. وليد : با الله الحين تقدر تقول شي .. فيصل : السلام عليكم .. الكل : وعليكم السلام .. فواز : بدري كان ما جيت .. فيصل يصرف : أشوفكم تلعبون من اللي فاز .. وليد : مين يعني أكيد حنا .. فيصل : وليد يلعب وتبون تفوزون .. مشاري : شفتوا شهد شاهد من أهلها .. فيصل : با الله يا وليد كم واحد كسرته .. محمد : لا الظلم خيبه .. ما شاء الله ما كسر ولا واحد .. راشد : إيه مره واضح .. سليمان : بابا .... بابا .. فهد : لبيه .. سليمان : بابا سليمان يبيكم تدون هو وامي أبله ( عمي عبد الله ) .. فهد : طيب .. ---------------------- أم فهد : ألا أقول وش رايكم كل أسبوع الصبح نجتمع عند وحده .. أم راشد : خلاص أجل ذا الأسبوع عندي .. أم فهد : لا خليني أنا ذا الأسبوع وأنتي اللي بعده .. أم راشد وهي تبتسم : خلاص ولا يهمك أنتي ذا الأسبوع .. أم عبير : خلاص أجل وأنا الأسبوع اللي بعده .. أم فهد : وندخل أختي أم محمد معنا .. ودخلت عليهم نجلاء .. أم فهد : بسم الله عليك يا بنيتي .. وش فيك تعرجين .. نجلاء : طيحه بسيطه .. أم راشد : قبل شوي وأنا أتمشى .. أم عبير : عسى مهوب كسر .. نجلاء بدون ما تنتبه : لا لا فيصل يقول مو كسر .. أم فهد وهي تبتسم : لا دام فيصل قال مهوب كسر اجل مهوب كسر .. بس عسى مهيب توجعك .. نجلاء ووجهها أحمر وأخضر وأزرق من الكلمه الغبيه اللي قالتها : لا الحمد الله ما تعور كثير .. بس شوي .. أم راشد : خلاص طيب لا تمشين عليها كثير .. نجلاء : إن شاء الله .. -------------------- مشعل : واي بموت أنا .. يا زين حقيك وصوتك .. غدير : بسم الله عليك حبيبي لا تقول كذا ترى والله ازعل .. مشعل : لا عمري خلاص كله ولا زعلك .. غدير : لا خلاص زعلت .. مشعل : لا حياتي والله اسف .. غدير : ههههههههههههههه شفت انو مو بس أنا اللي مخفه حتى أنت .. مشعل : هههههههههههه يا ربيه قلبي .. فديت هالضحكه.. أبو راشد : مشعل من تكلم .. يتب ع .. | ||||
|
| |
|
29-01-23, 06:30 AM
| #6 | ||||
| الجزء السادس ابو راشد : مشعل من تكلم ... مشعل مرتبك : ها .. أبو راشد : أقول من تكلم .. مشعل يناظر وجه أبوه يبي يعرف سمعه ولا لا .. مشعل : ها .. هذا واحد معي في الشغل .. أبو راشد : صك السماعه وتعال تارك عيال عمك وقاعد تسولف وتضحك .. مشعل : خلاص طيب بجي اللحين .. ودخل أبو راشد الخيمه وظل مشعل واقف مكانه محتار هل أبوه سمعه ولا لا .. .. بس بعدين أقتنع لو كان سمعه ما انت هذي ردت فعله .. مشعل : الله يعيني متى بتجيني الجرأه وأقدر أقولهم .. -------------- ثاني يوم في المزرعه الساعه 7 ونص الصبح .. فيصل : الحين هذولي وش يقومهم .. .. أنا أعرف وشلون أقومهم .. فهد وراشد : وش بتسوي .. فيصل : تعالوا وبتشوفون .. دخلوا فيصل وفهد وراشد الغرفه اللي نايمين فيها الشباب مشعل وفواز ومشاري وليد .. مشعل كان قاعد في الغرفه بس ما كان نايم .. فيصل بهمس : واحد ... اثنين ... ثلاثه .. كبوا عليهم في وقت واحد مويه بارده وانحاشوا .. وليد : حريقه .. .. حريقه .. فواز : أكيد هذي المطافي .. مشاري : يله ... يله .. بسرعه .. مشعل : هههههههههههههههههه.. فواز : وين ذا الحريقه .. وليد : فواز .. وين المطافي .. وليد وفواز ومشاري : هههههههههههههههههههه .. فيصل وفهد وراشد باعلى صوت : صباح الخير .. فواز : على فكره يا فيصل المقلب مردود مردود .. مشاري : وين الاسلوب الحضاري .. احد يقوم بمويه بارده .. مشعل : ههههه وياليتكم يحسيتو أنها مويه .. قال ايش قال حريقه .. فيصل : ايه والله أنك صادق عديمين احساس .. الله يعين حريمكم عليكم .. وليد : انت اللي والله الله يصبر حرمتك عليك مويه مويه احد يقوم بمويه .. فيصل : ههههههههههه أنا مالي دخل هذي فكرتهم .. راشد : أفا يا النسيب .. الحين صارت فكرتنا .. فهد : الحين انت القائد .. قاعد تخطط من الصبح وتوزع المهام والحين طلعت براءه .. فواز : ههههههههههههههههههههههه .. ما شافوهم وهم يسرقون شافوهم وهم يتحاسبون .. الكل : ههههههههههههههههههههههههه هه ------------------- العنود : الحين ليش حنا قاعدين هنا قوموا نغير جو .. ريم : ليش ما نقوم نلعب دبابات .. عبير : يله والله فكره حلوه .. نجلاء : بس المفاتيح مع مشاري .. رنا : دقي عليه.. نجلاء : طيب .. ودقت نجلاء على مشاري ... نجلاء : الو ... مشاري : هلا نجلاء .. نجلاء : هلا والله بخوي حبيبي .. هلا بالغالي .. مشاري : اخلصي وش تبين .. نجلاء : وش دراك اني ابي شي .. مشاري : عارفك ما تقولين ذا الحكي الحلو الا اذا تبين شي .. نجلاء : ابي مفاتيح الدبابات .. مشاري : نعم .. نعم .. مفاتيح الدبابات .. سوري ما راح أعطيك المفاتيح .. نجلاء : حرام عليك والله ملينا .. مشاري : قلت سوري .. فيصل من جنب مشاري : يا اخي وش فيك عليها عطها المفاتيح .. مشاري : عشان خاطرك بس .. نجلاء خلي احد يجي ياخذه .. نجلاء : قل شكرا لفيصل .. مشاري : انا منيب مرسال بينكم تبين تشكرينه دقي عليه .. نجلاء انحرجت من كلام مشاري ولا عرفت وش تقول .... مشاري : الو .. نجلاء : باي .. مشاري : خلاص بقوله لا تزعلين باي .. مشاري يكلم فيصل بصوت واطي : حرمتك تقول لك شكراً .. فيصل يكتفي بابتسامه من دون اي رد ... وبعد صلاة الجمعه قرر أبو فهد أنهم يمشون للرياض .. العنود : فيصل لا تسرع .. فيصل : يالله يا العنود .. خلاص وترتيني .. العنود : طيب .. طيب .. العنود كانت متوتره وخايفه ما تحب احد يسرع وفيصل من النوع اللي يسرع .. .. فيصل شاف العنود وابتسم حب انه يخوفها زياده خاصه ان الطريق يقريبا فاضي الا من سيارة فواز وفهد .. العنود : فيصل تكفى .. فيصل حرام عليك .. فيصل التفت وما قدر انه يمسك نفيه من الضحك على شكل العنود اللي كانت مغمضه عيونها وتتكلم وشوي وتصيح .. فيصل : العنود وش فيك عادي حبيبتي ما اسرع شوي 180 بس .. العنود وهي ما تشوف شي : فيصل 180 ؟! ما مليت من نفسي اذا بغيت انتحر قتلك .. ويرن جوال فيصل .. فيصل : الو .. أم فهد : وش ذا السرعه وش طاير عليه .. والله لو ما خففت السرعه لا انت ولدي ولا اعرفك .. فيصل : ههههههه الناس يسلمون اول.. أم فهد : وانت خليت فيها سلام .. فيصل : طيب ليه زعلانه انا ما اسرعت .. أم فهد : الله مره ما اسرعت ترى الحديد ينطق اسمع صوته وانا اكلمك .. فيصل : ههههههههههههه .. أم فهد : فيصل ابوي تكفى لا تسرع ما ملينا منك .. فيصل : طيب طيب ابشري .. ام فهد : فمان الله تراك قلت طيب .. فيصل : فمان الكريم .. فيصل يكلم العنود : احدي ربك يا الله بخفف السرعه.. العنود ما ردت عليه وسوت نفسها زعلانه .. كانت تبي تنتقم بطريقتها الخاصه .. فيصل : العنود .. العنود : ----------- فيصل : عنوده .. العنود : ----------- فيصل : خلاص العنود ما صارت .. العنود ماهي قادره تمسك نفسهاكثر من كذا فا انفجرت : ههههههههههههههههههههههههه ههههههههههههه فيصل يناظرها وهو مبتسم : رضيتي الحين سويتي اللي تبين .. العنود بدلع : لا تغير الموضوع وين بتوديني .. فيصل : يا الله وش رايك نأجلها لبكره .. فكره صح .. العنود : لا بكره بذاكر الامتحانات ما بقى عليها شي ... يوه يا فيصل ليه تذكرني .. فيصل : خلاص طيب وين تبيني اوديك انتي ورغد .. العنود : امم .. امم مدري كيفك .. فيصل : طيب العصر مو الحين اوكي .. العنود : اوكي .. بس وعد .. فيصل وهو يبتسم : فيصل قد مره قالك شي ولا سواه .. ------------------- وبعد ما رجعوا من المزرعه 3 ايام .. نجلاء : خلاص انا الحين طاح عني هم واحد وهو فستان الزواج .. عبير : باقي ثلاث اسابيع .. نجلاء : يا الله يا الله باقي ثلاث اسابيع الواحد وش يمديه يجيب تخيلي باقي ملابس وفساتين سهره وعطورات ومكياج .. عبير : يوه تكفين لا تذكريني تكفين بيصدع راسي .. نجلاء : والحمد لله ان العرس على عمي ولا كان شيب راسي وانا ام 19 سنه .. عبير : إلا وش صار على الزفه .. نجلاء : والله ما ادري مشعل رفض يعلمني ويقول مفاجأه لك ولفيصل ما راح تسمعونها الا يوم العرس .. عبير : اذا كانت على مشعل أكيد بتكون حلوه لان مشعل ذوقه حلو .. نجلاء : الا وش رايك نقسم مهام السوق .. عبير : وشلون ما فهمت .. نجلاء : يعني مثلا مره أنا وريم .. وأنتي ورنا .. أو العكس .. عبير وهي تبتسم : والله انك ذكيه .. ليش ما فكرنا كذا من الاول .. نجلاء : اللي يشوفك يقول صار لنا شهر نجهز .. عبير : يعني يومين .. نجلاء : طيب انا بروح اكلم على ريم عشان نروح .. وانتي قولي لرنا .. عبير : خلاص .. -------------------- بعد اسبوعين .. غدير : خلاص يا مشعل حرام عليك تعبت والله تعبت .. ابي اعيش مثل الخلق .. ابي الناس كلهم يدرون انك زوجي .. ابي اذا طلعت معك ما اكون خايفه ولا تكون متوتر ان احد من اهلك يشوفك ولا تقدر تبرر له وجودي معك .. مشعل : بس هذا مو كلامك اول بعدين انا وانتي كنا متفقين على الوضع هذا صح .. غدير : صح بس ما اتفقنا على ثلاث سنين يا مشعل .. مشعل : صعبه علي يا غدير صعبه .. غدير : طيب واذا فاتحوك في موضوع الزواج وش راح يكون ردك .. مشعل : لكل حادث حديث .. غدير : بس انا يهمني اعرف .. يهمني ابي أعرف وش راح يكون وضعي معك في المستقبل .. مشعل : ----------- غدير : مشعل ابي اعرف .. مشعل : يا الله يا غدير خلاص بقولهم لا تو الناس .. غدير : وراح يقولون لك الى متى يعني .. انت عمرك 27 سنه .. مشعل : طيب وش الحل .. غدير : الحل الوحيد انك تقولهم .. مشعل : قلت لهم .. قلت لهم قبل ما نرتبط وانتي عرفه وش كان ردهم .. غدير : اه .. يا مشعل اه .. ------------------ على الرغم من مرور فتره ما هي قصيره على اخر مره كلم فيصل فيها نجلاء أو شافها الا انه ما فكر مجرد تفكير انه يزورها في بيتها او حتى يكلف نفسه ويتصل عليها هذا حال فيصل .. أما نجلاء ما شغل تفكيرها الموضوع بسبب انشغالها في التجهيز خاصه ان زواجها ما بقى عليه شي .. أم فهد : فيصل تعال معي ابيك شوي .. فواز : الله يا يمه وقدامي بعد تنادينه .. راعي مشاعري .. العنود : وش ذا الاسرار .. فيصل : وش حارق رزكم أم وولدها أنتم ليه منقهرين .. أم فهد ما ردت عليهم لانها عارفه ان النقاش معهم ما راح يخلص وبسرعه قطعت ووجهة الكلام لفيصل : يله يا فيصل .. فيصل : ان شاء الله .. ( ويناظرهم ) : احسن شي انها ما عبرتكم .. وضحك وطلع .. وراح فيصل للمجلس الثاني ودخل وسكر الباب .. فيصل : خير يمه .. بغيتي شي .. أم فهد : خير يا فيصل .. بس .. فيصل : بس ليش .. أبوي فيه شي .. انتي فيك شي .. ام فهد : لا ما فينا شي انت اللي فيك .. فيصل : انا ؟؟ .. أم فهد : أيه أنت ومعاملتك لنجلاء .. نجلاء الحين زوجتك ولا عمرك فكرت تروح تشوفها .. قلي متى اخر مره شفت فيها نجلاء .. فيصل : ليه .. ام فهد : متى اخر مره شفت فيها نجلاء .. فيصل : في المزرعه .. ليه .. أم فهد : يا فيصل نجلاء حرمتك وحق عليك تهتم فيها .. فيصل : وأنا يمه الله يهديك وش قصرت فيه .. أم فهد : ما شفتها من بعد المزرعه وتقول وش قصرت فيه .. يا فيصل حسسها أنك شاريها .. وأنك ما تقدر تستغني عنها .. فيصل : ------------ أم فهد : أنت رح لها أسأل عنها .. حتى أهلها خلهم يحسون أنك مهتم في بنتهم .. وحريص عليها .. فيصل كان حاس أن أمه تبالغ وأنها معطيه الموضوع أكبر من حجمه فما حب أن الموضوع يطول أكثر من كذا .. فيصل : أن شاء الله .. أم فهد خافت ان فيصل يزعل وحبت تغير الموضوع : فيصل ها ما قلته لي وين قررتوا تسافرون له .. فيصل : طبعا ايطاليا ما تعرفين ولدك .. أم فهد : هههههه انت تحبها بس نجلاء .. فيصل ما عرف وش يقول لأن نجلاء اصلا ما تدري عن ايطاليا ولا فكر مجرد تفكير انه يقولها .. أم فهد : الله يوفقكم .. فيصل وهو طالع : امين .. أم فهد : لا تعتبر كلامي يا فيصل تدخل في حياتك أنت ونجلاء بس أنت ولدي وابي أشوفك مبسوط ومرتاح .. فيصل راح وحب راس أمه : الله لا يحرمني منك أن شاء الله .. طلع فيصل وقرر يكلم على نجلاء ويعلمها عن سفرت ايطاليا .. فيصل : هلا نجلاء .. نجلاء : اهلين .. فيصل : وشلونك .. نجلاء : أنا بخير أنت كيفك .. فيصل : بخير .. نجلاء : ----------- فيصل : معليش يا نجلاء أنا كنت مشغول الفتره هاذي وعلشان كذا ما قدرت أتصل عليك أو اجي أشوفك .. وأكيد أنتي بعد .. نجلاء تنرفزت من تبريره وحست انه سخيف : عادي .. فيصل : الا يا نجلاء نسيت أقولك اني قررت وين بنروح له شهر العسل .. نجلاء : قررت ؟؟ وين قررت .. فيصل : ايطاليا .. نجلاء : ايطاليا .. لا يا فيصل .. فيصل : ليه .. نجلاء : بس ما أبي .. فيصل : أنا حجزت .. نجلاء : حجزت رح انت انا ما ني رايحه .. فيصل : أنا ما ني جالس أكلم بزر .. نجلاء : بس انت عارف أني ما ابي أسافر بلد بعيد .. فيصل : يعني الحين انا اللي الغلطان .. نجلاء : لا بس ما ابي أروح تبي تسافر سافر انت .. فيصل : صاحيه انتي .. نجلاء : ايه ما ابي اروح .. فيصل بعصبيه : نجلاء .. نجلاء : طيب طيب سو اللي تبي .. فيصل : اكيد بسوي اللي ابي .. مع السلامه .. وسكر السماعه قبل ما يسمع ردها .. مرت الليله على فيصل ونجلاء صعبه كل واحد فيهم كان يفكر في المكالمه وفي الكلام اللي دار بينهم .. فيصل كان حاس نفسه مو غلطان وان الغلط على نجلاء .. أما نجلاء فكانت متنرفزه من اسلوب فيصل ووشلون قرر بدون ما يقولها لان القرار المفروض يكون مشترك بينهم .. طال الليل عليهم وطال معه تفكيرهم في الحياة الجديده اللي تنتظرهم .. --------------- نوف : امسكي هذا رقم نجلاء .. ساره : يا الله يا نوف الواحد وش يقدر يسوي الحين .. نوف : ليه يا ساره باقي يومين على العرس .. ساره : بس يومين يا نوف الواحد وش يقدر يسوي فيها .. نوف : الله يخليك حاولي .. ساره : عشانك بحاول .. نوف : زين بعد اني قدرت اجيبه سرقته سرقه من جوال لمى .. ساره : طيب انتي متاكده انه رقمها .. نوف : ايه متاكده ... بس لحظه انتي وش بتسوين فيها .. ساره : استني وراح تشوفين .. نوف : ابيها تندم انها تزوجت فيصل .. ساره : نوف بس فيه شي محيرني .. نوف : وشو .. ساره : ليه تبين تخلينها تندم وانت اصلا تقولين لو تقدم لك فيصل بعد ماخطب نجلاء مستحيل توافقين .. نوف : أبي اقهر فيصل .. وخلي نجلاء تندم انها تزوجته .. وحتى خالتي قاهرتني تفضل نجلاء علي .. ساره : لا تحطين في بالك بتندم يعني بتندم .. -------------------- في بيت أبو راشد ... أم راشد : خلصي يا نجلاء ضفي اغراضك ..لاننا بنروح أنا وعبير لبيت عمك نوديها .. نجلاء : ماما خلصت بس ما قدرت اسكرها .. ماما ما قدرت .. مشاري بجد : يا الله يا نجلاء ما اقدر اتخيل البيت بدونك .. نجلاء ما اقدرت يوم سمعت كلام اخوها وركضت له وحضنته وقعدت تصيح .. أم راشد وهي تمسح أدموعها : خلاص يا نجلاء صيحتيني معك .. مشاري وهو يمسح على شعر نجلاء : خلاص نجول والله ما تستاهل هذا كله .. أبو راشد يحاول يلطف الجو : كله منك يا مشاري صيحت حبيبت قلبي .. مشاري : يؤ وخري عني الحين صرت انا الغلطان .. خلاص أقدر اتخيل البيت من دونك .. نجلاء تمسح دموعها وتضحك : أيه كله منك .. أبو راشد : تعالي هنا اجلسي جنبي .. نجلاء : طيب .. أبو راشد : يا نجلاء وأنا أبوك .. فيصل زوجك والبيت اللي بتسكنين فيه بيت عمك يعني ما هو احد غريب بعدين انا بشرط على فيصل شرط ولا هونت عن العرس .. أم راشد : هووو وشو شرطه اللي توك تقوله .. أبو راشد : يخلي نجلاء تجي عندنا كل يوم .. مشاري : يا الله كل ما قلنا بنفتك منك يا نجلاء تدخلت يبه وخربت علينا .. نجلاء : بجلس على قلبك .. -------------------- في بيت أبو فهد .... فيصل : صباح الخير .. الكل : صباح النور .. فواز : لوووووووش ... مبروك مبروك .. أبو فهد وهو يبتسم : مبروك يا فيصل مبروك .. رغد : مبروك .. العنود : الله على المعرس من قدك اليوم عرسك .. فيصل : بسم الله عطوني فرصه أرد .. عموما للجميع الله يبارك فيكم .. فواز : لا تفرح مو كل هذا اهتمام فيك بس ما لقينا موضوع نتكلم فيه غير موضوع زواجك .. لمى : الغيره ذابحتك .. فواز : احم احم كني انسبيت .. نجود : خالي فيصل مبروك .. فيصل وهو يبوسها : أحلى مبروك سمعتها .. العنود : شكرا يا فيصل انا عارفه عارفه ما يحتاج .. فيصل : اوه اوه أم فهد ليش طيب الصياح .. أم فهد : والله يا وليدي من الفرحه ماني مصدقه ان اليوم زواجك .. فواز : أقول يله رغد والعنود وش رايكم نصيح من الفرحه .. أبو فهد : ههههههههه الله يقطع بليسك يا فواز .. ------------------ عبير : راشد .. راشد يله عاد ... صارلي ساعة اقومك ... راشد : يالله.. شوي.. شوي .. عبير: راشد لك ساعة وانت تقول شوي شوي .. راشد: يا لله يا عبير لو تدرين وش شفت في الحلم .. عبير : وش شفت .. راشد: شفت وحدة تقول للقمر قم وانا اجلس مكانك .. عبير : ارجع كمل حلمك احسن لك .. راشد :تعالي .. عبير: ما ابي شكرا .. راشد قام ولحقها : تعالي تعرفين من تكون هذي .. عبير بنت خالد .. عبير: لا والله .. راشد : ههههههههههه والله عبير بنت خالد .. عبير : يله طيب اليوم عرس اختك وانت نايم .. راشد : تامرين امر يا عبير بنت خالد .. عبير : ايه العب علي بهالكلام .. ------------------ مها : يله حبيبتي .. رنا : الساعه 12 متى ناويه تنزلين .. الناس ينتظرونك .. نجلاء : لا تكفون هونت ما ابي زفه .. والله خايفه .. خلاص ما راح أنزل .. العنود : وش هذي كلمه جديده .. خير وش ما راح تنزلين .. نجلاء : الله يخليكم والله هونت .. ريم تقرب من نجلاء : قومي حبيبتي والله ما فيه شي يخوف .. يله قومي نجلاء اقوى من هالموقف .. نجلاء : والله خايفه .. قسم بالله خايفه .. مها : أقول قومي بلا دلع يله .. ----------------- أبو راشد : مبروك يا فيصل .. فيصل : الله يبارك فيك يا عمي .. أبو راشد : ترى هذي أغلى ما عندي يا فيصل وأنا عطيتك أياه .. حافظ عليها .. فيصل أثر فيه كلام عمه : لا تخاف نجلاء في عيوني .. مشعل : مبروك .. مبروك .. لا اوصيك عاد على أختي .. مشاري : هههههه .. ايه والله لا اوصيك .. فواز : وش فيكم ماسكين عليه لا اوصيك لا اوصيك .. أكيد بيهتم فيها .. فيصل وهو يبتسم : لا لا الدنيا صاير فيها شي .. فواز يدافع عني .. .. صراحه شي غير طبيعي فيه تقدم في العلاقات بينا .. فواز : لا تصدق نفسك بس اليوم عشانك معرس .. الكل : هههههههههههههههههههه .. ---------------- وقفت نجلاء عند الباب بفستانها الابيض .. كان فستانها روعه ومكياجها غامق ومبين جمال عيونها الواسعه العسليه وشعرها كانت رافعته شنيون خطير والطرحه كانت مسويتها بحركه غريبه .. كانت ما شاء الله عليها روعه .. ملاك .. .. انفتح الباب .. لوووووووش لوووووووش نورت نورت بدر البدور واذهلت كل الحظور اقبلت والسعد معها والمحيا يشع نور 0 0 0 هي حكايه من غرام كلها روعه وانسجام سبحان ربي اللي بدعها يا سلام الله سلام اقبلت بدر البدور 0 0 0 القمر هام بهواها والورد غنى معاها والعطر غار وتبعها بالله تسدد خطاها اقبلت بدر البدور 0 0 0 ربي تمم بالسعاده للعروسين والوجود دعوتي كلن سمعها حصبه في عين الحسود اقبلت بدر البدور 000 وأول ما وصلت نجلاء للكوشه جو صديقاتها وأهلها يسلمون عليها وبعد ماخلصوا بفتره أنفتح الباب .... ودخل فيصل وكان على يمينه أبو راشد وعلى يساره أبو فهد ووراه راشد ومشعل ومشاري .. اعزفي يا سحابه ورقصي يا زهور ... وانشري عطرك النادي على كل دار وزعي يا نسايم للحظور العطور ... يوم حفلت زفاف الشيخ راعي الوقار باسم الوجه منور الشيخ فيصل محتفي بالحظور يفرح بشوفته اللي ينظره وين سار وين ما حل عظل الشيخ عطره يفور ... كن رمله بخور وكن خطوته نار يا صقر يا الجناح المرتفع يا الجسور ... تمم الله عليك العز يا ابن الكبار يا صقر يا الجناح .. الشيخ فيصل المرتفع يا لجسور تمم الله عليك العز يا ابن الكبار 000 وأول ما وصلوا للكوشه سلم أبو فهد وأبو راشد على نجلاء وبعدين فيصل قرب من نجلاء وباسها على جبهتها وبعدين جو اخوانها وسلموا عليها بس الأغنيه اللي دخلوا عليها كانت ما خلصت فجلس مشاري ومشعل يرقصون وأبو فهد وأبو راشد يضحكون ويصفقون لحد ما خلصت الأغنيه .. وبعدين طلعوا وما ظل غير فيصل اللي كان جنب نجلاء كانوا ما شاء الله عليهم كل واحد احلى من الثاني كانوا ثنائي حلو الكل يشوفهم ويسمي عليهم .. الكل كان فرحان الا شخص واحد جايه وتتأمل نجلاء .. كانت نوف كان الحقد والحسد على نجلاء مالي قلبها كانت تتوعد نجلاء في نفسها وتقول أنها بتندم انها وافقت على فيصل .. رغد : نوف يله تعالي ارقصي معي .. نوف : وشلون أرقص معك وفيصل فيه .. رغد : نوف .. فيصل ونجلاء صارلهم نص ساعه طالعين .. وينك فيه .. نوف استوعبت ان فيصل ونجلاء فعلا ما هم على الكوشه واستغربت وشلون ما حست فيهم .. نوف : عارفه بس كنت استهبل عليك .. ------------------ وفي الفندق وبتحديد في جناح فيصل ونجلاء .. نجلاء كانت متوتره وخايفه موقف صعب كانت جالسه على طرف السرير وفيصل واقف في نص الغرفه .. فيصل : نجلاء أنا بروح للحمام .. وانتي قومي غيري ملابسك .. نجلاء : ------------ دخل فيصل للحمام وقامت نجلاء بتغير ملابسها سمعت جوال فيصل يرن وفضولها دفعها انها تروح تشوف من اللي داق في هالوقت وفي هاليوم بالذات .. شافت الرقم بس كان غريب عليها أول مره تشوفه .. طنشت وراحت بتغير ملابسها وسمعت الجوال يرن مره ثانيه بس هالمره جوالها .. خذت الجوال بترد بعدين غيرة رايها وحطته لكنها استوعبت ان الرقم اللي داق عليها نفس الرقم اللي داق على فيصل ... نجلاء : الو ... ------ : مين نجلاء .. نجلاء : ايه .. من معي .. ------ : انتي ما تعرفيني .. بس فيصل يعرفني .. نجلاء : ----------- ------ : اسمعي يا نجلاء بقولك شي وافهميه زين .. لا تخلين فيصل يلعب عليك مثل ما لعب على غيرك .. 0 0 0 يتب ع واتمنى الجزء يعجبكم | ||||
|
| |
|
29-01-23, 06:31 AM
| #7 | ||||
| الجزء السابع نجلاء : الو .. ------ : مين .. نجلاء .. نجلاء : إيه .. من معي .. ------ : أنتي ما تعرفيني .. بس فيصل يعرفني .. نجلاء : ------------ ------ : اسمعي يا نجلاء بقولك شي وافهميه زين .. لا تخلين فيصل يلعب عليك مثل ما لعب على غيرك .. نجلا: ---------- ----:نجلا نجلاء وهي مصدومه من الكلام اللي سمعته : من أنتي .. ----: انا حبيت انصحك وانت كيفك ... نجلاء: بصفتك ايش جايه تقولين هالكلام .. ------ : مو ضروري تعرفين بصفتي ايش .. بس أبي أقولك إن فيصل مغصوب عليك هههههههه لا وبعد يحب غيرك .... طوط طوط طوط .. نجلاء : الو .. الو .. الو .. نجلاء صنمت في مكانها وماهي قادره تستوعب الكلام اللي سمعته .. تتمنى الأرض تنشق وبلعها ولا تسمع هالكلام .. تتمنى إنها في كابوس مزعج والحين بتصحى منه وجلست على اقرب كنب جنبها وجلست تفكر في المكالمه ومن اللي اتصل عليها .. كان الموقف صعب صعب صعب جدا عليها .. كانت تتمنى انها تقدر تبكي تصرخ .. تروح لحضن امها تشكيلها مثل العاده ... تتلفت تتمنى ابوها يكون جنبها يقويها ويصبرها ... كانت جالسه تعيد شريط ذكرياتها ... ذكرياتها هي وفيصل أيام الملكه والمزرعه تتذكر كل كلمه وكل موقف صار بينهم .. معقوله معقوله فيصل مغصوب .. ومغصوب علي أنا .. فيصل : يا الله يا نجلاء ما بعد غيرتي ملابسك .. صوت فيصل رجع نجلاء لواقعها الأليم .. وجلست تتأمله وتناظره بنظرات فيصل ما قدر يفهمها أو يلقى لها تفسير .. فيصل : نجلاء بروح للصاله وإذا خلصتي لبس ألحقيني .. وطلع فيصل قبل ما يسمع ردها .. وقامت نجلاء وغيرة وملابسها وطفت الأنوار ورقدت على السرير وجلست تصيح وتلوم نفسها على إنها وافقت تتزوج فيصل .. وتتذكر كلام أمها " لو أن فيصل فيه شي ينعاب ما كان وافقنا عليه .. وينك يا ماما تشوفين فيصل اللي وصلتوه للسماء .. وينكم تسمعون اللي انا سمعته اه ..اه.. اه ----------------------- نوف : ها يا ساره وش سويتي .. ساره وهي تضحك : إيه كلمت نجلاء .. نوف وهي مصدومه : أنا قلت لك كلمي فيصل مو نجلاء .. ساره : يا الله يا نوف ما رد علي .. وفكرت اعدل في الفكره وأبدل فيصل بنجلاء .. نوف: يالله ياساره حرام عليك تخربين كل اللي خططنا له ..انا قلت لك ابي فيصل .. مايفرح في اليوم هذا مابيه يفرح تسمعين ..... ساره: بس فيصل يمكن مايقتنع ومن حظنا انه مارد .... ونجلاء راح تقتنع بسهوله وبعدين لاتنسين انها بزر .. وماراح تتحمل الموقف اكبر منها ..وان شاء الله كلها كم يوم وتسمعين خبر يفرحك .... نوف : يا الله .. طيب طيب تتوقعين تنجح خطتنا .. ساره : اكيد .. يعني وش تتوقعين .. نوف : ههههههههه يا الله ودي أشوفها و أشوفه واعرف وشلون تصرفت .. ساره : أكيد أنها انهارت وقلبت الدنيا على فيصل هههه اللي ماهو عارف وش الموضوع .. نوف : والله يا ساره إن أفكارك خطيره ونتائجها مدمره .. ساره : طبعا .. أنا ساره مو أي احد .. نوف : ساره عطيني الجوال شوي .. ساره : ليه .. نوف : أبتصل على نجلاء .. لا لا بتصل على فيصل وأشوف وش الأوضاع .. ساره : مجنونه أنتي .. أثقلي لا تخربين اللي سويته .. نوف : ساره ما أقدر .. ما اقدر .. ساره : أصبري إذا بغيتي الخطه تمشي صح .. -------------------------- فيصل جالس في الغرفه الثانيه يقلب القنوات ويتذكر اللي صار اليوم في العرس والفرحه اللي حس بها لما شاف أهله فرحانين .. يا الله لو أني داري عن ألفرحه اللي بحس بها كان تزوجت من زمان .. يا الله يا نجلاء كل هذا لبس اكيد أنها منحرجه تطلع أحسن شي أروح أشوفها وطفى التلفزيون وقام يدخل يشوف نجلاء وش اتسوي وفتح الباب وتفاجأ إن الأنوار مسكره ونجلاء نايمه بس نجلاء كانت تصيح بصمت كان ودها تقوم وصرخ في وجهه بس حست أنها ضعيفه تتمنى أنها تملك الشجاعه اللي تخليها تواجهه بكل شي .. أما فيصل رمى نفسه على السرير وهو متنرفز منها أنا استناك برى وأنتي حضرتك نايمه .. ----------------------- انتها العرس والكل مبسوط وفي بت ابو فهد لمى : ما شاء الله اليوم نجلاء كانت تجنن .. رغد من غير نفس : إيه صح .. أم فهد : إيه والله يا بنيتي نجلاء اليوم وكل يوم تجنن ما فيه مثلها .. شهد وهي تصيح : ماما .. ماما ثوفي ثلوم ( ماما شوفي سلوم ) .. الهنوف وهي متنرفزه تصرخ على شهد : وش اسويبه يعني .. ابعدي هناك أم فهد : يا عمري يا بنيتي وش سوت .. العنود : أصلا الهنوف من جت من العرس وهي متنرفزه .. الهنوف : ما فيني شي .. يله يا شهد قومي نروح البيت .. أم فهد وهي مستغربه من حركة الهنوف : وش فيها .. رغد: بلاك تمدحين نجلاء عندها .. أم فهد : هووووو .. وأنا وش سويت .. ما سويت شي غلط .. مدحت مرة ولدي .. رغد : بعد هي مرة ولدك الكبير .. وبنت اختك .. لمى : عادي وش فيها اذا مدحت نجلاء لا تنسين أنها عروس وشي طبيعي إننا نمدحها .. رغد : أنا بقوم أنوم ابرك لي من سوالفكم .. أم فهد : الله يعينا بس .. خلوني أقوم أنوم ابرك لي .. العنود :هيه هيه وين تو الناس اليوم عرس عرس تسمعون لمى :الحمد الله العرس خلص .. ويدخل عليهم فواز .... فواز: السلام عليكم .. الكل : وعليكم السلام ام فهد : هلا فواز وش اخبارك ياوليدى عسى ماتعبتوا اليوم العنود : وش تعب اذا فوار تعب انا وش اقول الي لابسه كعب 15 سم فواز: هيه .. هيه ..هيه خير ان شاء الله والله لو انك قزمه مالبستي كعب 15 سم .... بعدين تعالي وش فوار انا فواززززززززززززز سمعتي ز مو ر .... أم فهد : أقول يا حبكم للمناقر انا بقوم انوم اخير لي .. -------------------------- وفي اليوم الثاني الصبح في الفندق .. فيصل : صباح الخير .. نجلاء ببرود مصطنع : صباح النور .. وجلس فيصل عند نجلاء وكان كل واحد منهم في حاله نجلاء تلعب بجوالها وفيصل يقلب القنوات في التلفزيون .. فيصل : نجلاء وش فيك .. نجلاء : أنا .... ما فيني شي .. فيصل : نجلاء اذا كان ودك انكنسل السفره هذي ونروح مكان قريب عادي ترا فيه وقت والاماكن الحلوه كثيره .. نجلاء تبتسم بسخريه : اها فيه وقت .. فيصل شوف ساعتك وبعدين تكلم .. أنا أبي اسافر أنت ما تبي كيفك .. فيصل يفكر في كلام نجلاء وبعدين يا نجلاء وأنا اللي كنت متوقع إن كلامي بيريحك ويقلل من الضغط اللي تعيشينه .. ويقطع تفكيره صوت الجوال .. فيصل : الو .. فواز : هلا والله بالمعرس .. فيصل في نفسه أمحق معرس .. فيصل ببرود : هلا فيك .. فواز : الا وش اخباركم .. وش أعلومكم .. عساكم مرتاحين .. مشاري من جنب فواز : أقول اخلص .. فيصل : ايه والله صادق اخلص .. فواز : هذا جزاي اسأل عنك انت ووجهك أقول يله أنا قريب انزلوا .. فيصل : خلاص طيب .. وبعد ما سكر فيصل السماعه .. فيصل : يالله قومي البسي عبايتك فواز ومشاري تحت .. وقامت نجلاء ودخلت الغرفه وفيصل راح يكلم الرسبشن عشان يجي احد يشيل الشنط .. أما نجلاء كانت جالسه على كنبه طويله في الغرفه .. وما ودها تطلع ما ودها تروح لمكان تقعد فيه هي وفيصل بلحالهم .. دخل فيصل عليها .. فيصل : يله يا نجلاء ما لبستي عبايتك .. فواز ومشاري يستنونا تحت من زمان .. ---- فواز : اعوذ بالله وينهم .. مشاري :: شوفهم كاهم جو .. فواز : هههه كاهم كاهم .. هلا والله بالمعاريس .. فيصل : هلا فيك .. مشاري اركب قدام أنا بركب جنب حرمتي .. وركب مشاري قدام فيصل ونجلاء ركبوا ورى .. فواز : الا شفت يا فيصل بنروح دبي وبناخذ معنا وليد .. فيصل : ما شاء الله متى قررتوا .. مشاري : قبل شوي وحنا نستناكم .. فواز : وش رايك نأخرها لين تجي عشان تخاوينا .. مشاري : بس ترى هذي روحت عزوبيه .. فيصل : أجل أنا ما أصلح لكم أنا واحد متزوج ( ويناظر نجلاء وهو يبتسم ) وما اقدر اخلي حرمتي لحالها . . نجلاء في نفسها .. والله وتعرف تمثل يا فيصل .. يتبع | ||||
|
| |
|
29-01-23, 06:33 AM
| #8 | ||||
| الجزء الثامن مشاري: ايوه يانجلاء من قدك ... نجلاء في نفسها وانا ناقصتك بعد انت ... مشاري:يالله وش هالادب والا الزواج قص لسانك؟ اه يامشاري والله لو تدري وش في اختك ماقلت كذا... فيصل ذبحني ذبحني نزلت دموعها علىخدها ...دموع ماتدري هل هي لوم لمشاري اللي ماحس فيها اوهذي دموع ترثي بها نفسهاوعلى فرحتها اللي انقتلت في اول يوم .... كانت تتمنى نها تصرخ تتكلم تعلن للناس كلهم موقفها من فيصل .. لكن حست انها عاجزه حست انها ضعيفه..لرجعت للواقع .. رجعها صوت فيصل . فيصل وهويبتسم:هيه انت وش فيك على حرمتي.. مشاري:الله ومحامي بعد ...من قدك يابنت عبدالله.. فواز وهو يطالع فيصل: واذا تبين اي خدمه .. انا جاهز بعد فيصل: شكرا ياخ فواز خل خدماتك لي... مشاري: اقول فواز ... لقط لقط وظلو الشباب طول الطريق سوالف ومزح .. اما نجلاء فكانت في عالم ثاني... وبعد نص ساعه .. وصلو المطار وراح فيصل وفواز يكملون بعض الاجرات وجلس مشاري ونجلاء... نجلاء كانت تبي تقول لمشاري كل شى كانت تعتقد ان هو اللي بيساعدها .. حاولت حاولت ... بس ماقدرت كان كبرياءها يمنعها .. ماكنت تبي تحس ان اي احد مهما كان يشفق عليها .. كانت في دوامه ماتدري تتكلم اولا و اخيرا قررت انها تقوله واللي يصير يصير . نجلاء بتردد: م ش اري مشاري: هلا ..واخيرا عبرتيني توها بترد عليه بتقوله شى بس لمحت فيصل وفواز يقتريون منهم .. فواز:يالله مع السلامه .. وان شاء الله تنبسطون .. بس اشك انا ماني معك وشلون تنبسط.. فيصل : لا ياشيخ الا احلى سفره هي السفره اللي ماتكون انت فيها ... فواز: يعني نتاكد انك بتقدر تستغني عني.. فيصل: اكيد 100% مشاري:ها نجلاء وش كنت تبين تقولين.. نجلاء: لا سلامتك بس مشاري بقلق: نجلاء .. فيك شى نجلاء:ايه فيصل وهو يقرب منهم : بالله كل ذا اسرار.. مشاري:ياخي اخو واخته انت ليش تدخل نفسك بينهم.. فيصل وهو يبتسم: يالحبيب احب اذكرك ان كنت ناسي ان اختك المصون صارت حرمنا .. مشاري :لا عاد معلومه جديده.. فواز:اقول فيصل مو هذا ندى رحلتكم .. فيصل : ايه هذا هو.. مشاري:يالله فمان الله ولا اوصيك يافيصل على نجلاء.. فيصل:لاتوصي حريص .. مشاري يقرب من نجلاء:نجلاء ما اوصيك على نفسك .. وحاولي تتاقلمين مع الوضع الجديد..... وراح يكون بينا حديث.. نجلاء والعبره خانقتها : مع السلامه .. وسلم على بابا وماما... ------------------------------------------- وفي بيت ابو راشد كان ابو راشد وام راشد يتقهون الصبح كالعاده...وفجاة قامت ام راشد ابوراشد: علئ وين ام راشد وهي طالعه:بروح اقوم نجلاء.. ابو راشد يبتسم: والله وتعرف تنكت ذا العجيز.. اما بنسبه لام راشد رقت فوق وفتحت غرفة نجلاء وشافت الانوار مطفيه والمكيف مطفئ والسرير مرتب وتذكرت ان نجلاء اليوم ولاول مره ماراح تتقهوئ معنا ...ولاول مرة ماراح تتضايق لاني ماقومتها تتقهوى معنا.....يا الله يانجلاء الله ياوفقك يا بنيتي ...والله كبرتي يانجلاء وصرتي عروس...وجلست تتذكر لما كانت نجلاء تجي تشتكيلها من مشاري انه سبح عروستها ..ولا تتدلع على ابوها .. وفجاة طلع مشعل من غرفته وشاف امه وقفة عند باب غرفة نجلاء مشعل :صباح الخير والسرور.. ام راشد تلتفت عليه وهي تمسح ادموعها: صباح النور ياوليدي.. مشعل يروح ويوقف جنب امه : افا والله وانا ولد ابوي وش ذا الدموع ام راشد وهي تبتسم: ابد يا وليدي شفت غرفة نجلاء وحنيت لها.. مشعل:بس هذا اللي مزعجك..ولايهمك اول طياره على ايطاليا انت فيها.. ام راشد: هووووو..مابعد انهبلت ..وش بيقول فيصل.. مشعل:ههههههههههه اماك تقولين حنيتي.. ام راشد : ايه والله حنيت بس عاد مهوب اسافر معها -------------------------------- اما في الطياره نجلاء كانت جالسه عند الشباك وفيصل جنبها .. فيصل: نجلاء اربطي الحزام.. نجلاء من شدة ماهي منقره منه سفهته... فيصل: نجلاء يالله .... نجلاء:.................. فيصل وهو يبتسم :الظاهرانك ماتعرفين تربطينه.. ومد فيصل يدعشان يربطالحزام ورفعت نجلاء راسها تناظر فيصل وتناظر يده وتناظره وتناظر يده... نجلاء بنبره حاده: احد قالك اني ماعرف اربطه فيصل: لاني صارلي ساعة اقولك اربطيه ماربطيه (وهو يبتسم بسخريه) طيب يالله وريني ومسكت نجلاء الحزام عشان تربطه بس الحزام صك على طرف جلدة اصبعها نجلاء ماسكه اصبعها وتتالم: اي فيصل:نجلاء تعورتي نجلاء:ايه يعور فيصل وهويبتسم :احسن لولاخليتيني اسكره ماكان عورك نجلاء من القهر : اصلا من قالك انه يعور.... فيصل ما سك ضحكته :لا والله صدق ما يعور نجلاء :ايه مايعور... فيصل :طيب حطي عينك في عيني ... نجلاء :طيب احط عيني في عينك وش يصير ... فيصل يضحك على براءة نجلاء وعفويتها :هههههههههههههههههه نجلاء :اكوشى يضحك.. فيصل يطالعها ويبتسم : نجلاء... نجلاء نجلاء: نعم فيصل بخبث : اطالعني .. نجلاء: ايش فيصل: هذيك .. نجلاء وهي مقهوره منه: وش اسوي لها يعني.. فيصل وهو يبتسم: مايبي لها شى قولي لها ..لاتطالعين زوجي ..عيب نجلاء: قلها انت فيصل يبي يقهرها مثل ماقهرته بلا مبالاتها: بس انا مرتاح ماضايقتني.. نجلاء وهي شوي وتنفجر : حتى انا .. فيصل:الا على فكره .. ترانا استقرينا في الجو كانك تبين تفكين الحزام.. واستوعبت نجلاء ان فعلا كلام فيصل صح وارتاحت انها ماحست بطياره وهي تقلع ولابان عليها الخوف بالعكس كانت طبيعيه وظلت تناظر فيصل وتتامله وتقول في نفسها يالله وشلون يافيصل وشلون قدرت تنسيني اقلاع الطياره اللي ولا واحد من اخواني كان يقدر ينسيني ياها حتى بابا واكثر شخص ارتاح معه ماقدر .... انت يافيصل اكثر شخص اكره تنسيني اكثر شى اخاف منه.. ----------------------------------------- وفي بيت ابو فهد نجود: مابي ...مابي....مابي.. لمى:يعني وش تبيني اسوي نجود وهي تصيح :ناديه.....ناديه.....ناديه.....خل يه يجي الحين... لمى معصبه من نجود: سافر انا كم مره اقولك..... نجود: طيب ابي اشوفه... ام فهد:خلاص حبيبتي هو بعد شوي بيكلم علينا...... نجود وهي تمسح ادموعها : صدق ماما هو بيكلم الحين .. ام فهد :ايه بعد شوي نجود:ياي خالو فيصل بيكلم بعد شوي... فوازوهو يدخل: خير وش ذا الصراخ .....عندكم حفله.. نجود:خالي فيصل بيكلم بعد شوي ...... فواز:والله احزب عندك سالفه مالت عليك وعلى خالك... ام فهد:خلك منها وعلمني عساك وصالتاهم.. فواز:ايه وصلتهم ورتاحي ماجيت الا لما اكبوا الطياره لمى:اقول تعال اقعد جنبي.. فواز:خير وش تبين... لمى:وش حسيت عساهم مبسوطين.. مرتاحين.. فواز:يا حبك للقافه... لمى وهي بدت تتنرفز:اقول اخلص وعلمني... فواز وعو يبتسم بخبث: والله لو تشوفين فيصل... لمى بخوف : خير وش فيه فواز:ههههههههه والله طول الوقت يبتسم .. لمى: يعني مبسوط... فواز يهز راسه .. ام فهد:وش عندك انت وياها... فواز:ابد سلامتك ... ام فهد:والله مدري عنكم ... فواز يروح ويحب راس امه:بروح انوم.. ام فهد: هووووو ما شبعت نوم فواز: ليش ولدك يخلي الواحد ينوم ....انا لين الحين ما بعد نمت.. | ||||
|
| |
|
29-01-23, 06:34 AM
| #9 | ||||
| ------------------------------------------ وفي الطياره وبعد مرور اربع ساعات حس فيصل بلملل من نجلاء .... وكان منقهر من برود نجلاء واجوبتها المقتضبه على اسئلته .. وجلس يفكر وشلون يقدر يخلي نجلاء تتجاوب معه .. فيصل: نج وتقطع عليه المضيفه اللي جايبه المويه اللي طلبها لنجلاء.... اخذ فيصل الكاس والتفت لنجلاء اللي كانت في عالم ثاني ولمس يدها واول مالمست يد فيصل يد نجلاء .. من الروعه ولاشعوريا .. حركت يدها بحركه سريعه .. وخبطت الكاس اللي فيه مويه بارده وزياده على كذا ثلج ينكب على فيصل اللي وقف من بروده المويه .. والتفت على نجلاء وهو معصب ... نجلاء وهي خايفه: والله انا مالي دخل انت .... انت اللي روعتني وخليتني اكبه عليك.. فيصل ظل واقف مكانه ماتحرك ... وتم يطالع نجلاء: طيب وش اسوي .. خلاص انكب لاتطالعني كذا.. وانتبهت لثلج اللي في الارض ...وارفعت راسها لفيصل .... بارده صح فيصل وهو يناظر نجلاء وتبريراتها السخيفه ويسمع صوتها اللي مبين انها خلاص بتصيح :هههههههههههههههههههههههه� �ههههههه نجلاء وهي مستغربه ومطيره عيونها فيه :يابردك ياشيخ... مويه بارده وثلج وتضحك... فيصل: انا ماضحك على المويه انا اضحك على اللي بسوي الحين ... ونزل فيصل يده للارض واخذ ثلجه .. نجلاء:ماراح سوي فيني شى صح ؟! فيصل وهو يبتسم : من قال.. نجلاء : تمزح صح ؟ فيصل وهو يقرب من نجلاء:لا مامزح ... نجلا وهي خايفه :وش بتسوي فيصل وهويقرب اكثر من نجلاء: دقايق الاثواني .. وتشوفين نجلاء وهي خلاص ماتقدر : ترى بصرخ فيصل: اصرخي نجلاء: الناس نايمين .. فيصل: اصرخي .. وشوفي وش بسوي .. والله لسوي فيك شي اعظم قرب منها فيصل ووقف قدام كرسيها وحط ارجولها بين ارجوله نجلاء: فيصل لا لا الله يخليك وفيصل ولاكانه يسمع شى..وقرب منها وحضنها بيده لحد ماصار راسها على صدره وبليد الثانيه ..دخل الثلجه ورى ظهرها ... وبعد يده عنها بس ارجوله ظلت زي ماهي.. نجلاء بصوت اقرب للهمس من خجلها من لمسته ومن برودة الثلجه :لا فيصل فيصل: بارده هههههههههههههههههههههههه نجلاء : بعد عني .. بارده بوقف اطلعها.. فيصل:لا ..لا..لا نجلاء: فيصل فيصل وهو ياشر باصبعه لا ... نجلاء وهي خلاص تنرفزت: يوه طيب وشلون اطلعها .. فيصل بخبث يبتسم: انا اطلعها لك.. نجلاء:انت لا..لا فيصل:كيفك اجل انتظري ليت تذوب .. وشافت نجلاءمن ورى فيصل علامة ربط الاحزمة واشرت نجلاء لفيصل.. والتفت فيصل وشاف الاشارة وابتسم ... فيصل:رحمك ربي ....يالله قومي طلعيها........ ------------------------------------ في بيت فهد.. فهد:ايه اعرفه ...بس انتم اسالوا عنه... ابو فهد: بس انت متاكد الرجال ما عليه كلام .. فهد:والله يا بوي الرجال انا اعرفه زين بس انت اسال رغد ... سكر فهد السماعه وهو مستغرب من نظرات الهنوف لكن الهنوف ما عطته فرصه يسئلها الهنوف :وش السالفة ..وش عندكم..ومن هو اللي تعرفه زين ..وبعدين وش دخل رغد في الموضوع .. تنرفز فهد منها بس حب يسايرها ويشوف وش تبي توصل له.. فهد:كل ذا .. الهنوف:والله اذا ماتبي تتكلم ترى موب غصب والا هوسر بينك وبين اهلك فهد:لا سر ولا شي ..كل مافي الموضوع واحد متقدم لرغد بس ارتاحتي.. الهنوف:لا واللههذا اللي ناقص وانا اخر من يعلم وبعدين من هو هذا اللي خاطب رغد وتعرفه زين؟ فهد:هذا ممدوح بن محمد ال....... الهنوف:وع..عقب اخوي بتناسبون ذولي.... فهد وهو معصب :الهنوف.... الهنوف من غير نفس : نعم فهد:الهنوف ترى راسي مصدع.. الهنوف:وانت كل ماتجي البيت راسك مصدع.. فهد:.................. فهد كان يناظرها ويتمنى يحط حد لمشاكلهم اللي ما تنتهي واللي زادت في الفترة الاخيرة ..طلع وهوماهو وين يروح وهل الشي اللي قاعد يسويه حل لمشاكله او هروب منها ...... ---------------------------------------------- وصلو الفندق الساعه7 بتوقيت روما وصلو وهم مرهقين...نجلاء متوتره وتتجنب فيصل..كانت خايفه ماتدري وشلون تحددموقفها مع فيصل ولا شلون تتعامل معه افكار كثيرة تدور في راسها واسئله ماهي عرفه لها جواب ...تحاول تبحث عن اي جواب تقدر تقنع نفسها فيه بس فيصل ماعطاها وقت اكثر وقطع عليها .. فيصل: نجلاء ....نجلاء.... نجلاء: هلا .. فيصل :وين وصلتي ساعه انديك ماتردين... نجلاء بارتباك واضح:هاه .....معك تبي شي ... فيصل:سلامتك بس..بروح انوم ماقد افتح اعيوني تبين شي ... نجلاء بارتياح : لا فيصل سمع كلمتها من هنا ودخل غرفه النوم من هنا اخذ شور سريع ودخل ينوم ولا حس بشي كان حاس ان الوضع طبيعي.. اما نجلاءارتاحت لما حست ان فيصل بعيد عنها وتقدر تفكر على راحتها وتحدد موقفها معه ..لكن نجلاء اجلت التفكير شوي وراحت ترتب ملابسها تحاول توهم نفسها انها ماراح تفكر فيه في هذا الوقت لكن ما انتبهت الا يوم انتهت من ترتيب ملابسهاستغربت من قصر الوقت وشلون قدرت ترتب ملابسها بسرعه لكن اكتشفت ان الوقت مامر بسرعه بس هي اللي ماحست فيه لانها طول الوقت كانت تفكر في فيصل حست باحساس غريب اول مره تحسه حست انها وحيده عاجزه غريبة في بلد ماتحس فيه بالامان تحس انها ضيعه في هالمكان الظلم وبدون تفكير خذت الجوال ودقت على جوال ابوها بس استوعبت حركتها وش راح تقوله ..وبعدين هي مكلمه عليه اول ما وصلوا وش تفسر اتصالها في هالوقت رمت الجوال وراحت للغرفة الثانية كانت تبي تنوم بس ما قدرت خافت ان فيصل يدخل عليها في اي لحظة خافت انه يدخل عليها وهي ماستعدت نفسيا لاي مواجهه بينها وبينه وجلست على هالحال متوتره طول الوقت ... ---------------------------------------- لمى:رغد وش فيه شي ينعاب علشان تر فضيه ... رغد:قولي وش في علشان اوافق.... لمى :تحسبين نفسك صغيره عمرك 22سنه وموكل يوم بيجيك واحد بهالمواصفات ..غيرك يتمنى يخطبها رغد فكري زين .. رغد:اولا انا ما اقارن نفسي باحد انا رغد بنت سليمان ..ثانيا انا قلت لا لا والزواج بكيفي انا .. لمى:بكيفك بس عطيني سبب مقنع ..والله يا رغد فهد يمدحه ويقول يا حظ اللي بتاخذه.. رغد:على ايش ياحظها اذا راتب زي الناس ماعنده ..وبعدين اقول لصديقاتي انا خطيبي وع حتى ماقدر اقول اسمه.. لمى:كيفك بس انا اصحتك وانت حره .. وتدخل عليهم الهنوف... الهنوف:وش عندكم .. لمى:ياختي من الصبح وانا احاول اقنعها ...والله ما فيه شي ينعاب ..... الهنوف:ههههههههههههه من قال مافيه شي ينعاب ..نوف اختي خاطبها واحد خدم وحشم وولد عايله ورفضته تقول توني صغيره ... لمى وهي قايمه بتطلع:وين صغار معه هذي نجلاء اصغر منهم وتزوجت ولا ضرها .. الهنوف بعد ما طلعت لمى :اه ياذا النجلاء كل ما حكينا في موضوع نطت لنا .... رغد:اوف نجود من عند الباب: خالتوا رغد ماما تقول تعالوا تحت بسرعه ... ---------------------------------------- وقف فيصل مكانه منصدم..كان شكلها يكسر الخاطر من شده التعب ماهي حاسه بلي يدور حولها جالسه على الكنب ونايمه ...ظل فيصل محتار ماهو عارف يتركها تكمل حرام شكلها تعبانه او يصحيها تنام جوا ...اقترب فيصل منها بتردد... وبهدوءفيصل:نجلاء .......نجلاء ...............نجلاء نجلاء ارتاعت:هاه وجلست تتامل المكان واستوعبت انها ماهي في غرفتها واللي ماهو ابوها او واحد من اخوانها هذا فيصل ....فيصل اللي ذابحها .... فيصل:نجلاء ادخلي نامي جوا احسن ..... نجلاء: لا خلاص شبعت نوم ... فيصل:معليش مو لازم ريحي شوي حبيبتي (قالها بعفويه) نجلاء في نفسها : حبيبتك يا فيصل ...حبيبتك اذا انا حبيبتك اللي اتصلت على من تكون من تكون !!؟؟ فيصل: نجلاء ........ نجلاء: قلت مابي انوم ........مافيني نوم فيصل: طيب ...طيب..... فيصل في نفسه :شكلك عنيده ولازم تمشين كلمتك...الله يعيني عليك شكل التعامل معك صعب.. وبعدها مره فتره صمت بين الاثنين كل واحد يفكر في الثاني وفي علاقته فيه... فيصل: نجلاء وش رايك نطلع نغير جو ... نجلاء كانت حاسه انها مخنوقه فوافقت على طول طلعوا ودها فيصل لمطعم يحبه كانوا الناس اللي فيه قليل والمطعم هادي يريح النفس... كانت نجلاء ندمانه على موافقتها انها تطلع معه .. حاسه انها لازم تجلس مع نفسها فتره اطول لازم تحط النقاط على الحروف .... فيصل: هاه يانجلاء ماقلتي وش رايك في الاكل ؟ نجلاء:عادي مومره حلو فيصل: حلو بس يمكن لانك مرهقه ماقدرتي تتلذذين فيه.. نجلاء: لهدرجه.. والله عادي جدا بس انت شكلك تحب تبالغ طالعه فيصل مستغرب من ردها .. نرفزه بس حب يعدي الليله على خير .. -------------------------------- | ||||
|
| |
|
29-01-23, 06:37 AM
| #10 | ||||
| مشعل : الو هلا حياتي وشلونك ---: انا طيبه مشعل: هدوله وش في صوتك؟! هديل: انا زعلانه.. مشعل: ليش هديل: انت ليه ماتجي عندنا في البيت؟! مشعل وهو يبتسم: طيب حبيبتي.. انا بكره بجي وانام عندكم.. هديل وهي فرحانه : يعني بتجي تنام عندنا انا وماما.. مشعل: ايه حبيبتي .. نادي ماما .. هديل: طيب " ماما.. ماما التليفون بابا يبيك" غدير :الو مشعل:هلا والله غدير:اهلين مشعل:غدير حبيبتي عندي لك مفاجاءه.. غدير:وش هي ؟؟ مشعل:انا... غدير:ايوه.. مشعل: انا... غدير: يالله ماصارت.... مشعل:هههههههههه.....خلاص طيب ....انا بكره بجي انوم عندك غدير: لا والله ..احلف.. مشعل:هههههههه والله العظيم اني بكره بجي انوم عندك... غدير:اخيرا يا مشعل... مشعل: لهدرجه فرحانه.. غدير:ماتتصورقد ايش انا فرحانه ..بس يا مشعل واهلك وش راح تقول لهم مشعل:ماراح اقول شي وبعدين هم ماراح يحسون اني مو موجود.. -------------------------------------------- وفي روما وفي وقت متا خر من الليل .... فيصل:يالله يا نجلاء فيني النوم بشكل غير طبيعي ما احس اني شبعت نوم ابداهذاوانا نايم وشلون انت.. نجلاء وهي مطيره عيونها:فيصل بتنوم معي.... فيصل مستغرب:نعم..... نجلاء:فيصل لو سمحت ...انا ما احب احد ينوم معي .. فيصل:ايوه يعني.... نجلاء:ما دري ...بس لا تنوم معي ... فيصل:انا بنوم هنا في هذي الغرفه انت ماتبين كيفك... نجلاء بترجي:فيصل الله يخليك.. فيصل:نجلاء والله ما راح اسوي لك شي انا موبعبع ... نجلاء:مابيك تنوم معي ......يعني مابيك فيصل وهو رافع حواجبه: نعم نجلاء:لو سمحت ...انا ماحب احد ينوم معي فيصل:ايوه يعني... نجلاء:مدري...بس لاتنوم معي.. فيصل:انا بنوم هنا وياشر على السرير انت ماتبين كيفك نجلاء بترجي: فيصل الله يخليك فيصل: ماراح اسوي لك شي ماني بعبع نجلاء:مابيك تنوم معي ...يعني مابيك فيصل سرح وجلس يكلم نفسه انا الحين وشلون افهمها ..هذي اقولها يمين تجي يسار ...الى متى يعني يا نجلاء....احسن شي اقوم انام في الغرفه الثانيه وشوف وش نهايتهامعك حرام مانامت من وصلنا ...فيصل قام بدون مايقول لنجلاء ولا كلمه.... نجلاء:فيصل لو سمحت سكر الباب ولا تدخل على اذا نمت.. فيصل خلاص ماقدر يضغط على نفسه اكثر من كذا:اوامر ثانيه يا ست نجلاء اشتغل عندك انا...انا زوجك حبيت اذكرك اذا انت ناسيه... نجلاء:.......................... فيصل وهويصارخ:ردي ليه ساكته...انا زوجك تسمعين زوجك نجلاء:زوجي بس لاتصارخ...ماحب احد يصارخ علي فيصل:ماحب ماحب مره ثانيه عطيني قائمه بالاشياء اللي تحبينها واللي ما تحبينها اوكيه... وطلع وهو معصب وسكرالباب بقوه ... نجلاء خلاص ماقدرت .....تقاوم النوم اكثر من كذا اول ماطلع فيصل على طول بدلت ملابسها واستسلمت للنوم بدون ماتعطي نفسها فرصه تفكر في كلام فيصل او الموقف ككل...... ****************************** وفي بيت ابو راشد مشاري:ياهلا والله اسفرت وانورت مابغيت تجينا.... فواز:هلا فيك.... مشاري:هلا والله ....هلا بولد عمي ....هلا بالغالي ولد الغالي.... فواز وهويضحك:الله يسلمك اخجلتم تواضعنا.... مشاري:هههههههههههه...الا والله انت وش جابك... فواز:ههههههههه....ايه هذا مشاري اللي اعرفه ويدخل عليهم مشعل... مشعل: اوه .....فواز عندنا فواز:ليه ماتبيني ودك اطلع مشعل وهويبتسم:اعوذ بالله انت ومشاري كل شي تفسرونه على كيفكم.. مشاري:لحظه...لحظه ..لحظه...وين رايح على ذا الكشخه.. مشعل:والله عاد لين جيت وسئلتك وين تروح وين تجي تعال اسالني.. فوازبخبث:لا جد...جد اعترف...وين بتروح... مشاري:يله..بسرعه اعترف.. مشعل:يالله تحقيق هو.....اقول دام ذا حالكم فمان الله.. مشاري: تعال .. لاتتهرب مشعل ولا كانه سمع شى .. طلع وخلاهم فواز: الاعلى فكره مشعل كم عمره.. مشاري:والله بالضبط ..مادري ..بس تقريبا 27 او 28... فوازبخبث:وش عنده ماتزوج... مشاري:والله مادري بس اكثر موضوع اسمعه في هالبيت هو زواج مشعل... فواز:تتوقع يحب... مشاري:اممممممممم....منهي..من� �ي..من تكونين....من تكونين...تصدق مادري منهي تعيسه الحظ.... فواز:تتوقع تحبه.. مشاري:................. فواز:اجل ذا الكشخه رايح يشوفها... مشاري:اكيد رايح يشوفها.. فواز:اقول ماتلاحظ اننا كذبنا الكذبه وصدقناها ههههههههه مشاري:ههههههههههه فواز:تصدق عاد نعرف نطلع اشاعات.... مشاري:ايه صدق مادريت.. فواز:وشو... مشاري:نادي الاتحاد معاد صار عنده جمهور... فواز ببرود:ليه .. مشاري:مسكوهم الجوازت مامعهم اقامه.. فواز:هههههههههههههه والله وتعرف تنكت.... **************** وفي ايطاليا وبتحديد روما .. وفي ثاني يوم لفيصل ونجلاء في الصباح ... وبعد اللي صار امس .. نجلاء ماعطت الموضوع اي اهميه بنسبه لها .. عكس فيصل اللي كان متضايق من تصرفها معه.. فحاول يبين لنجلاء انه زعلان منها.. بس نجلاء تعمدت تبين لفيصل انها ماهي منتبهه .. لانه تعتقد انها ماسوت شى يستحق زعله.. وهذا الشى نرفز فيصل .. لاحساسه انه شى هامشي في حياتها وجوده وعدمه واحد.. ورضاه وزعله مانقلاق معها ... نجلاء: ليه ساكت؟؟ فيصل:ليش بعد ماتحبين احد يجلس معك ساكت.. فيصل: كيفك شى راجع لك .. تكلمت او سكت ماتفرق.. بس حبيت ابين لك اني جايعه.. تنرفز فيصل من ردها وجلس يطالعها من فوق لتحت نظرات تتفحص كل جزء في جسمها... نجلاء خلاص ماتقدر اكثر من كدا نظراته لها تحس انها تحرقها .. تمنت انها تكون اقوى من كذا وتصرخ في وجهه.. وتعاتبه على نظراته لها .. بس كل اللي قدرت تسويه انها نزلت راسها هروب من نظراته لها اللي مالقت لها تفسير.. فيصل: وش تبين بسرعه.. نجلاء:شكرا.. فيصل:يعني نجلاء:مابي فيصل:المسئله عناد..يعني نجلاء: ........... فيصل وهو منفعل: ترى مليت يانجلاء .. مليت نجلاء ماتقدر تستحمل اكثر من كذا تحس انها اذا جلست اكثر معه راح تنهار قدامه وتجلس تصيح وهذا الشى اللي ماتبيه يصير..ولكذا قامت بسرعه.. بس فيصل ماعطاها مجال تبتعد كثير..ومسكها بقوه مع يدها وخلها مواجهته وظلت واقفه مكانها فيصل وهو يصارخ: انا لما اكلمك لاتتركيني وتروحين انا ما اكلم نفسي.. نجلاء مانتبهت لولا كلمه قالها فيصل .. كانت مصدومه منه ووشلون يسوي كذا معها كانت مصدومه وماهي ماتوقعه الشى اللي كان يصير.. فيصل: ردي ليه ساكته ذبحتيتحني يانجلا.. ذبحتيني نجلا: ات رك ني... فيصل ولا كانه سمع شى .. نجلاء بانكسار:انا وش سويت لك علشان تعاملني كذا.. جلس فيصل يتاملها ورحمها تنرفز حس انه مخنوق وانه كاره نفسه وكاره الانسانه اللي حطته في هالموقف... فيصل ترك نجلاءمكانها وجاء بيطلع وقبل مايطلع التفت على نجلاء وقال وهو يحاول يكون هادى ويتمالك نفسه:نجلاء انا الحين بطلع شوي وارجع...طلع وتركها مصدومه اول يوم في زواجها تجيها مكالمه تقولها زوجك مغصوب عليك ويحب غيرك ..والحين مابعد كملت معه يومين وجالس يعاملها بطريقه مافكرت مجرد تفكير ان فيه احد ممكن يعملها بالاسلوب ويكلمها كذا...... امافيصل طلع وماهو عارف وين يروح حس ان الدنيا صغيره ..جلس يمشي يمشي ولفت نظره حديقه صغيره كانت تقريبا شبه فاضيه دخل فيصل فيها وجلس في احد الكراسي جلس يتامل كل شي في الحديقه اعجبه الهدوء والسكينه اللي فيها حس انه مكان مناسب يجلس فيه لوحده ويجمع افكاره جلس يفكر في نجلاء وتصرفتها كان مهو عارف يلقى تفسير لبرودها ومحاوله تجنبها له انتبه لساعه يالله لي هنا ساعتين وشلون مرء الوقت بسرعه حس براحه كبيره قرر يرجع يراضي نجلاء وبرر تصرفتها ان الوضع جديد عليها وماهي قادره تتاقلم.. وهي متعلقه باهلها .. وانه تسرع بالحكم عليها وقرر يحاول قد مايقدر .. يقرب نجلاء منه ويفهمها وتفهمه .. فيصل ابتسم اول ماشاف الرقم وبدون تفكير رد فيصل:هلا والله... هلا بهاصوت.. ابوفهد:هلا فيك.. هلا باللي لقاء احبابه.. ونسانا فيصل يبتسم:مافيه احد يقدر يخليني انساك.. ابوفهد:الاوش اخبارك وش اخبار نجلاء.. فيصل:بخير انت بشرني عنك وعن امي.. ابوفهد: بخير كلنا بخير.. فيصل:الايبه حبيت اذكرك لاتنسا موعدك بكره العصر.. بكلم فواز اوفهد ان يرحون معك.. ابوفهد:معليك ..مني لاتشيل همي.. فيصل:اذا ماشيل همك من اشيل همه اجل ابوفهد:الا يافيصل نجلاء عندك ابي اكلمها فيصل تفاجاء من سؤال ابوه وماعرف وش يقول وكيف يبرر عدم وجود نجلاء معه ابوفهد:فيصل وينك يابوي.. فيصل: معك ..معك .. بس نجلاء في الحمام ابوفهد:اجل ماطول عليك ..سلملي عليها ..فمان الله فيصل:فمان الكريم سكر فيصل من ابوه وهو حاس انه مرتاح شوي .. وتفاجاء لما شاف ساعته يالله وشلون مر الوقت بها السرعه.. جلس يفكر يرجع الحين اوينتظر شوي.. واخير بعد طول تفكير قرر يرجع ويحط النقط على الحروف وطول الطريق وهو يفكر في نجلاء وفي ورده فعلها .. افكار كثيره كانت تدور في راسه.. ووقف عند الباب اخد نفس كان يحاول يستجمع قواه دخل....وهويحاول يكون طبيعي دخل وشافته نجلاء بكل برود الدنيا جالسه تطالع التلفزيون ..... فيصل:السلام عليكم نجلاءببرود مصطنع:وعليكم السلام جلسوافتره صمت نجلاء كانت تقلب القنوات من غير هدف ... فيصل: نجلاء نجلاء: نعم فيصل: لازم نحط حد لشى اللي قاعد يصير.. نجلاء :ليه .. احد قالك ان فيه شى غلط علشان تحط حد له عرف فيصل انه ماراح يوصل معها لاي نتيجه فقرر يسكر الموضوع ويفتحه في وقت ثاني .. وعاد الصمت بينهم .. فيصل حب انه ينرفزها يمكن تحس شوي فيه... فيصل:اوف ليه غيرتي.. شفتي القمر تو نجلاء من غير نفس:معجبتك... فيصل:اقولك قمر تقولين اعجبتك... نجلاء:............... فيصل:يالله حطيها بسرعه... نجلاء خلاص ماتقدر اكثر من كذا رمت الرموت عليه وهي معصبه امسك حط اللي تبي.....شوفها زين قمر يافيصل قمر... دخلت غرفتها وخبطت الباب رمت نفسها على السرير وجلست تصيح ....ماحترم وجودي معه من زينها وع ماعندك نظر يافيصل بس انا اوريك يافيصل من القمر والله وخذت شور سريع وبدلت ملابسها وحطت مكياج خفيف ...... امافيصل حس بغباءه الجو كان متوتر بينه وبينها بدل مايهدي الوضع زاده ههههههههه والله شي اكتشاف جديد تغارين يانجلاء.... ********************* فواز:احم احم اقول يام فهد راعي وجودي ..... ام فهد: وانا وش قلت ؟؟ فواز:ابد يا ميمتي بس من جلستي وانت فيصل وفيصل كن ماعندك الاذا الفيصل... ام فهد:عندي ثلاث عيال الله لايحرمني منهم بس انتم عندي وهو مسافر.... العنود:ماشاءالله بس عندك ثلاث عيال... فواز:هي تعد اعيالها اللي تحبهم وشي مؤكد انت برا القائمه.... العنود:انا برا القائمه انا اصلا اخر العنقود يعني الدلع والحب كله لي.. رغد:واخير اعترفتي انك دلوعه العنود:انا ماقلت اني دلوعه.. فواز: الاقلتي لاتتهربين.. ام فهد:يالله ياحبكم للمناقر ما احب احد ارتحتوا.. فواز:والله انك صدقه سمعتي يانسه العنود انتي ورغد.. رغد:ماشاءالله عليك ماتسوي شي ابد فواز:انا وش سويت اصلا ........العنود ...العنود العنود:وش تبي فواز:تفكرين فيني صح ...يحقلك احد يحصل اخو مثلي.. العنود:اكبر همي انت جالسه افكرفي نسبتي...فهد قال اليوم بيجيبها له صديقه...بس تاخر ماجابها اخاف تكون نسبتي موحلوه خايف يقولها رغد:لاتكبرين الموضوع جاي من عمله تعبان بيريح وبعدين يقولك.. فواز:لاكيد نسبتك شينه وهوخاف يحطم مشاعرك وتنهارين عشان كذا ماقالك... العنود بكل جديه: تتوقع كذا ام فهد:العنود ماتعرفين فواز وسولفه ..خلاص لاتضيقين صدرك باتصل الحين بفهد واسئله... العنود:ايه يمه تكفين ...بس اذا شينه لاتقولي... ورفعت ام فهد السماعه بس قبل ماتدق رقم فهد دخل عليهم ابوفهد.. ابوفهد وهويبتسم:السلام عليكم.. الكل:وعليكم السلام... وراح ابوفهد ووقف قدام العنود:هاه...يالعنود..امري اطلبي اللي تبين.... العنود وهي فاقه فمها:هاه...ليه. فواز:انا ابي...سياره جديده.... ابوفهد وهويناظر فواز: صار اسمك العنود.. رغد:ههههههههههههههه ....لقط...لقط.. فواز:هاه وش معنى العنود .. ابوفهد:بلاهاجايبه نسبه ترفع الراس... رغد:هاي اكيد 75.. العنود:حرام عليك فال الله ولا فالك (وطمرت وراحت لبوها)..يبه تكفى ولي يرحم وا لديك كم كم.... ابو فهد:هاو انتي ما تدرين احسب فهد قالك... العنود:لامقالي ...بس تكفى كم... ابوفهد:ابشري جبتي 97,67% العنود اسمعت كلمت ابوها من هنا و قامت تصارخ وتحب راس ابوها كانت في حاله هيستريه ام فهد:بسم الله عليكم سمي العنود:يمه 97% 97 % يمه رغد:مبروك ابو فهد:هههههههههه العنود خلاص كم حبيتي راسي من مره فواز:مابعرفش ازاغرط والاكان زغرطت لك... ام فهد:وين بتروحين بسم الله عليك.. شوي شوي لعنود وهي تلهث:بروح اتصل على لمى ابشرها رغد:الحمد الله رب العالمين اهل العقول في راحه... ************* والله ماطلع له جالس يتغزل في غيري وقدامي بعد.. وبعدين اروح انا وبكل غباء .. اكشخ له .. علشان يتوقع اني اتودد له .. او اني اغر منها.. بس ابي اعرف هو وش لاقي فيها.. بروح اغير ملابس ... وارجع البس لبسي الاول .. واطلع له ولا اخليه ينبسط بشوفتها.. وقبل لا تتحرك من مكانها يدخل عليها فيصل... ابتسم لما شافها اخر شى كان يتوقعه انه يشوفها كذا.. فيصل وهو يحاول يكتم ظحكته:قمر والله قمر.. نجلاء: المفروض قبل ماتدخل على اي احد تستئذن.. فيصل:بس انت مو اي احد انت زوجتي يانجلاء نجلاء: زوجتك .. وليه ماجلست تستمتع بالقمر.. فيصل وهو يبتسم:هي قمر صح .. بس ان ... نجلاء وهي معصبه :اطلع برا اطلع رح للقمر برا.. فيصل:ههههههههههههههههه نجلاء في هالحظه كانت تتمنى انها تذبحه .. خلاص ذبحها ماتقدر خلاص نجلاء: انا قلت شى يظحك.. فيصل: نجلا خلاص ولاتكبرين الموضوع.. نجلاء :........... فيصل: خلاص نجلاء نجلاْء: بكل سهوله خلاص فيصل: خلاص كان قصدي انرفزك ..والعب باعصابك.. زي ماتسوين فيني.. نجلاء: بس انت مالعبت باعصابي.. فيصل يطالعها بطرف عين: اكيد مالعبت باعصابك؟؟؟ نجلاء: ايه.. اكيد وطلع فيصل وخلاها .. وراح يقلب الجرايد وهو حاس بملل .. وبعد فتره رجعت له نجلاء انتبه لها فيصل وقبل لاتجلس .... فيصل:قمر .. نجلاءوهي تجلس على كنبه بعيده شوي عن فيصل: عارفه ماله داعي تذكرني.. فيصل: انت كذا تردين على اللي يمدحك ؟؟ نجلاء: ارد كذا اذا كان المدح مو طالع من قلبه.. فيصل:وش تبيني اسوي علشان تتاكدين انه من قلبي.. نجلاء:لاتسوي شى خلاص.. فيصل: يعني رضيتي!! نجلاء:لا .. لا مارضيت فيصل:الارضيتي ..خلاص انا في شهر عسل لانقلبه بصل.. نجلاء:علم نفسك.. فيصل: طيب ..ياست نجلاء وين تبين نتغداء فيه.. هنا اوبرا نجلاْء: شكرا مابي ..غدا فيصل: من اللي يعلم نفسه الحين انا او انت.. نجلاء حست ان فيصل احرجها وما علافت وش تقول .... فيصل: ها وش قلتي .. نجلاء: خلاص نطلع ناكل برا.. وامري لله.. فيصل وهو يبتسم لها: ايوه كذا.. ************ وليد:يالله انا مشتاق لفيصل بشكل غير طبيعي... فواز:يالله انامرتاح بشكل غير طبيعي.. مشاري:لاتكابر انت اكثر واحد مشتاق له .. فواز:انا اخرا واحد ممكن يفكر مجرد تفكير انه يشتاق لفيصل... مشاري:الاعلىفكره وش صارعلىسفره دبي.. فواز:ايه والله وش صار.. وليد:الاسبوع الجاي باخذ اجازه ويالله بس ادعوان مديري يوافق.. مشاري:قولوا امين.. الكل:امين.. مشاري:جعل ماديرك ياوليد مايوافق.. فواز:امين وليد:يالنذل انت وياه انا الغلطان اللي معطيكم وجه...وين فيصل بس... مشاري:اذا مشتاقله رح له.... وليد:اما اروح له كان يشوتني على اقرب طياره للرياض.. فواز:احسن علشان تعرف قيمتنا ... وليد:اقول عن الكلام الفاضي ويالله مشاينا للشباب في الاستراحه.. مشاري: استعدوا ... فواز:هيابنا... وليد:الحمد لله والشكر....انطلقوا الكل:ههههههههههه **************** طلعوا فيصل ونجلاء اخذوا سياره الفندق وطول الطريق ساكتين..نجلاء مقهوره من فيصل وشلون يعاملها كذا وشلون يجبرها على شي ماتبيه وفي الطرف الثاني فيصل كان يتامل نجلاء اللي واضح انها في عالم ثاني وقطع عليه حبل افكاره صوت السواق... السواق:انتوا متزوجين جديد.. فيصل:ايه السواق:ماهو باين بتتكسفوا اوي... فيصل يطالع نجلاء ويبتسم ونجلاء ولاكانها سمعت شي... فيصل:بتطولين ساكته.. نجلاء:.............. فيصل:نجلاء اكلمك نجلاء:وش تبي فيصل:وش رايك اذا طلعنا مانرجع الفندق..ونروح اي مكان.. نجلاء:............... فيصل حس شوي ويذبحها يطالعها يبيها تحس بس هي سوت نفسها ماهما ولاكانها تسمع شي.. فيصل:اه.........هاه وش قلتي... نجلا:طبعا لا فيصل:ليه نجلا وش تبيني اقولك تبيني اقولك مابي اكون انا وانت في مكان واحد.....مابيك زي ما انت ماتبيني انا مابيك..اه يافيصل ياليت اقدر اقولها لك وارفع صوتي وخلي الناس كلهم يدرون.... نجلاء:متى بنرجع السعوديه.. فيصل طير عيونه وتفاجاء من سولها بس حب يقهرها:بكره اذا بغيتي.. نجلا يعني له الدرجه مال مني وما تبيني بس مو انت اللي مال وحدك حتى انا... فيصل:وش فيك تطالعيني كذا انت اللي سالتي بعدين انا قلت اذا حبيتي يعني ماقلت بنرجع... نجلا:ماكنت اطالعك فيصل:من تطالعين... نجلاء:اللي في السياره اللي وراك... فيصل حس اخير ان في موضوع يقدر يفتحه بدون انفعال وترتر فيصل:تحبين البزارين... نجلاء: ايه فيصل:البنات اوالاولاد نجلاء:كلهم.........بس البنات غصب يخلونك تحبهم اكثر من الاولاد فيصل:ليه كل هذا التحيز علشانك بنت نجلاء:لامو تحيز بس اسال اي احد بيقولك نفس الكلام ... فيصل: نجلاء طيب ممكن اسال سؤال نجلاء: ايه عادي فيصل:انت مقتنعه بزواجنا.. يتبع | ||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
