02-04-18, 02:53 AM
| #3176 | ||||||||||
 
|  مساء ورود عطرة حبيبتي كاري فصل دسم جدااااااااا باحداثه جوري ومهند ... مازلت جوري تعاني من جرحها الغائر في انوثتها لم ترسو بعد على بر يجعلها تستطيع التفكير في المسامحه .. لاحظت في حوارها ان ما جذبها لمهند هي شخصيه التي انمحت مع مرور الوقت بسبب تخبطه بعد علاقته بحبيبه .. ولكن ما ان بدا مشوار محاولت استعادره جوري وشحذ جميع اسلحته وبالتالي استعادته لشخصيته التي لفتت انتباه جوري بل وكانت السبب في تخليها عن جمودها وكبرياءها في محاوله ارضاءه وهذا ما ادى الى ان جوري نفسها بدات في الاحساس انه قد بدا بالفعل بالتعامل معها كانثى وفي هذا ارضاء ومداوتا لجرحها منه الهبلاء ... افصاحها لخليل بما يعتمل في نفسها هو بادره جيده فعلى الاقل ستجد من يردها عن جنون افكارها وخصوصا بارتباط قد يجمع حذيفه برقيه ( نكته والله ) ... وفي نفس الوقت الموقف الذي وضعوا فيه واخيرا احسسها بمدى عشق حذيفه لها من خلال غيرته من رعد التي لم ترى لها مبرر لكونها سلمت بانه يعرف مدى كونه هو عالمها ( يارب تهدى بقى وتتبط وتبطل هبل ) سوسو وعقيل .... سوسو هتكون السبب فب ايقاف قلب الصغير الكبير ههههههههههههه ولكن طالما بين يدي اسيا فالوضع تحت السيطره رعد ... جل ما يخشاه الان هو الافصاح لعبد الرحمن عن ماضيه فيضيع منه الصديق الوحيد الذي يقد يكون هو الشئ الثابت الوحيد في حبات رعد ... يخشى ان تتغير نظره عبد الرحمن ويرفضه وتكون النهايه لدفء قد بدء يحس به رعد وقد افتقده منذ وفات والديه .. ولكن تطمين عبد الرحمن له وضعه حائر احقا سيتجاوز عبد الرحمن عن ماضيه ام سستغير نظرته ويفقده الى الابد في انتظار الاحداث القادمه وخصوصا العشااااااااااء دمتي مبدعه غاليتي كاري .. دمتي واسرتك بكل الخير | ||||||||||
|  |
|
02-04-18, 05:29 AM
| #3177 | ||||||||
| نجم روايتي 
| انا جيت ^_^ مساء الخير على اهل الخير ندخل سريعا على الفصل الخامس الفصل ضخم يا كاري ... دسم جدااا ... في احداث كتييييير تحسين وحسناء كالعاده حبيت المشهد بتاعهم جدا .. كالعاده تألمت من وجع وألم والاتنين بس المرة دي تحسين هو اللي تألمت عشانه اكتر واكتر كل مرة بحس ان تحسين مش سيء مش بيحاول يظهر .. تحسين جواه نور ولو نور صغير الا انه موجود وبيحارب ويعافر عشان يخرج ويطلع للنور الكبير اللي هو الواقع ويكون دي الواقع والحقيقه بتاعته الا ان الظروف المحيطه بيه مانعه كده ..كأنها في انتظار اي لحظه ضعف عشان تهجم عليه وترجعه للظلام والتمرد من تاني زي ما قولت انا حبيت المشهد ده بصفه خاصه جدا .. حسيت ان روح تحسين استقرت في حضن حسناء ولو للحظات فقط مكنش بيدور على رغبته ولا شهوته ولا اي شئ .. فقط كان عايز هدوء وراحه نفسيه معاها وبجوارها .. كأن بعد استحمامه وتنظيفه على يد زوجته منحه شعور بالنظافه في الجسد والنفس والروح كمان كمان ممكن يكون منحه احساس الحلال .. حلال في روحه .. في زواجه .. في قربه من حسناء .. حلال انه يكون الرجل المناسب اللي يستحقها وده خلاه انه يتقبل انه يلبس جلباب والدها كأنه بيحصن نفسه من الرجوع للخطر والغضب من تاني الامر كان هيمر بصورة جيده جدا .. وكان هيقرب منهم .. وعلى الاقل كان هيمنح حسناء فرصه للتفكير في تحسين وفي تصرفاته الغريبه .. كانت هتشوف منه وجه اخر .. وجه مش عايز غير قربها وانه يكون معاها وبجوارها فقط تحسين مش قادر يعبر عن اللي جواه بالطريقه الصحيحه والمناسبه ..مفيش شك انه بيعشق حسناء بجنون .. الا انه عشان مش قادر يحصل عليها بيحول حبه ده لوجع واذى اعتقد انه لو حاول لمرة انه يعترف بحبه وبرغبته في انه يتزوجها وتكون ملكه بطريقه بسيطه سهله .. طريقه تقدر تفهمها حسناء وتوصل لقلبها بحيث تحسسها بالامان .. بالاطمئنان .. بأمل انه يقدر يتغير عشان يثبت ليها انه ممكن يتغير ويتحول للاحسن والافضل زي ما قولت قبل كده ... فالح حاقد كاره لتحسين بشده ومنتظر اللحظه اللي هيقلب فيها عليه وينتصر عليه الحقير عينه من حسناء رغم انها زوجه تحسين الا ان الحقير تطاول عليها بالنظر اكتر من مرة لسانه القذر هيوديه في داهيه يوما ما .. قبل كده تطاول على حسناء بالكلام وتحسين غضب عليه وهدده بالقتل لو تجرأ عليها مرة اخرى ياترى لما يعرف انه بيعتدي عليها بالنظر والتفكير فيها هيعمل ايه ؟! مجيء فالح جه ومعاه الظلام والعوده للواقع المر من تاني .. تحسين كان راغب بكل قوته انه يبقى مع حسناء ويفضل في لحظه السلام النفسي اللي عايشين فيها الا انه رجع غضب وتمرد وثار على كل شئ .. كأنه بيرفض انه يكون ضعيف ومستسلم .. خلع جلباب والداها الشيخ الطيب كأنه علامه على احساسه بالذنب في اللي هيعمله وبيعمله .. مش عايز يبقى ضعيف عشان ميخسرش كل حاجه .. عشان ميكنش ضحيه لفالح وامثاله في الحي النحس ده محاوله فاشله اخرى والاتنين اتعرضوا للوجع والاذى .. ياترى لامتى هيستمر الوضع ده بينهم ؟!! خلود ... مكنتش متوقعه انها هتمنح الموضوع اكبر من حجمه بالطريقه دي الا ان دي خلود .. اذن اي حاجه مستحيله معاها وعندها ممكنه بس رغم انها عبيطه وهبلاء .. الا ان ده ميمنعش اللي بتمر وبتحس بيه حقيقي وقاسي عليها وعلى قلبها الطيب رغم كل شئ الا انها حاسه بالنقص والخوف .. رغم ان عائله الصائغ كلها بتحبها وبقيت فرد مهم واساسي فيها الا انها حاسه بالخوف وسطهم .. خوف مختلط بذنب عشان مش قادره تمنح ابنهم السند اللي يكون ليه بعد كده لانها عارفه ان التأخير والسبب من عندها هي .. يعني حذيفه رجل كامل وقادر في نظرهم .. بس هي السبب .. هي الناقصه رغم كل ما تملك وجعت قلبي وخلتني اعيط زي الهبله زيها بالظبط ... لقاءها بخليل كان صعب جدا يا كاري ... انهيارها في حضنه .. طلبها انه يناديها ماما .. وجعها من سوسو انها لحد الان مقالتش ليها كلمه " ماما " رغم انها متأكده انها بتحبها .. احساسها انها مش هتسمع الكلمه المنتظرة ده ابدا الموقف كله كان صعب .. خليل وشذره كمان اتأثروا باللي حصل من ناحيه خليل وعجزه عن تقديم المساعده والتخفيف عن اخته الوحيده .. الا انه قال واكد انه مكنش يعرف ولا حس بالام غير بيها ومن خلالها هي فقط من ناحيه تانيه شذره ورؤيتها للسند والعائله اللي بين خليل وخلود .. دعم وسند منه .. احساس بالحمايه والغضب لمجرد انها بتبكي عشان حد اذاها بكلمه مش بتصرف ابدا .. استعداده للتصرف بعنف وغضب من اللي اتسبب ليها بالبكاء والحزن الواضح عليها حتى لو كان حذيفه ياترى خليل هو اللي هيعرف حذيفه باللي بتعانيه خلود ؟! لا اعتقد هذا ... افتكر ان خليل مش هيتدخل في الموضوع وهيترك الحل لحذيفه لانه واثق فيه وعارف انه بيحب اخته وهيقدر يساعدها ويطمنها من ناحيه اخرى حذيفه قادر تماما على معرفه سبب حزنها وافكارها المجنونه حذيفه قادر تماما على جعلها تبوح بكل اللي جواها من اسرارها .. هيحسسها بالذنب ويعرفها انها بترتكب خطأ لما تخفي عن زوجها سر مهما كان مهم او لا تقوم هي زي العبيطه تقوله كل حاجه .. وحذيفه بقى يا اما هيضحك عليها يا اما هيضحك عليها برضه بحب العلاقه بينهم جدا .. بحب مشاكساته ليها .. بحب تلاعبه بيها بخبث .. بحب استسلامها ليه وخوفها من افكاره وغضبه منها اللي كله تمثيل وادعاء بس هي مش عارفه ده ياترى هيكون ايه رد فعل حذيفه يعرف ان الهانم بتفكر فيه مع الحقيره القصيره رقيه ؟!! سعدون افندي .. على فكرة الراجل ده مش سيء جدا هو لا بيأذي حد .. ولا بيكذب ويتبلى على حد .. هو فقط مراقب لكل كبيره وصغيره بتحصل حواليه وقدام عيونه الاتنين مراقب لكل شئ وبيحتفظ بيه للوقت اللي هيستخدمه فيه .. الله اعلم بقى هيكون ساعتها في صالحه .. ولا امتى هيعترف للجميع بكل اللي يعرفه من اسرار اللي من ضمنها اسرار ليليه الا اني مش هنسى ليه انه انقذ رضا من محاوله القتل اللي كل ما افتكرها جسمي يقشعر وازعل تلقائي  لولا مراقبه سعدون ووجوده الدائم كان زمان رضا حصله حاجه بعد الشر طبعا عليه ياترى تدخله القادم هيكون مساعده برضه ؟!! اصل لا اعتقد انه مجنون كفايه عشان يدخل في مواجهه اخرى مع عائله الصائغ .. بعد معرفته ان الكل هيكون ضده ورجال الصائغ كلهم هيكونوا واقفين قصاده ومش هيعملوا حساب لعمره ولا لاي شئ اخر .. ده لو اتكلم في الشرف والعرض واتهم اي شخص من العائله بفعل شئ خاطئ بس ارجع واقول ان سعدون مش بيكذب ومش بيتبلى على حد .. هو فقط بيكشف الاوراق كلها .. بس بيكشفها مش في وقتها خالص الهانم القصيره .. زفته الزفتات كلها "حتى اللحظة هي ملكة القلوب التي لا يعلم احد اين تخبئ قلبها ... انه سر الاسرار وبعيد المنال .. لن يصله (مذكر) ابدا .. ستلهو وتقبض على القلوب حين تشاء لكن قلبها سيظل حرا طليقا يأبى للضعف انصياع .. اتسعت ابتسامتها اكثر واكثر ثم اخذت تتمايل بكتفيها وتطرق بإصبعيها وهي تعاود الغناء .. " لو فاكره انها قادره تنفذ كلامها ده تبقى عبيطه جدا جدا القلب مالوش احكام .. القلب مالوش سيطرة .. القلب لما يحب هيحب من غير استئذان رقيه غبيه .. ولو شايفه ان اللي بتعمل مع قلوب الناس اللي هتسلملها قلبها بحسن نيه منهم ومن شر واذى منها يبقى عقابها هيكون شديد وقاسي جدا كمان تدين تدان يا بنت العطار .. كسره القلوب مش حاجه سهله ولا هينه ابدا رغم كل ده الا انها مازالت شايفه قصه يونس وابتهال من اعظم واحلى وافضل قصص الحب اللي شافتها وهتشوفها كنت متوقعه انها هتفضل شايفاها كده .. الا اني اعتقد ان في جوانب منها اللي خليتها في الحاله المجنونه الحقيره دي يونس كان بيحب ويعشق زوجته .. الا انه في لحظه ضعف خان الحب ده واتسبب في كسره قلب .. ثقه .. امان .. اسره بحالها ولحظه الضعف دي هي اللي بتهرب منها رقيه ومش عايزة انها مر باللحظه دي ولا بأي من توابعها ابدا .. شايفه ان الحب مكنش كافي ولا كان عائق ان كل ده متتدمرش .. اذن بلاها منه خالص وترفضه بكل قوتها .. الا انها مش هتترك الساحه فاضيه .. لازم تنتقم وتحط التاتس الاهبل بتاعها وتنتقم من كل الرجال اللي اصلا مالهمش ذنب غير انهم رجال وممكن يضعفوا ويخونوا منتظرة اللحظه اللي هتاخد فيها على دماغها بسبب كل القرف اللي بتعمله نيجي للحقيقه المرة .. المفاجئه في الاول بس .. غيداء الحقيره .. الرخيصه دي دخلت البلاك ليست بتاعتي يعني بكرهها وهكرهها وهفضل اكرهها لحد النهايه .. مهما حصل منها وليها مش هتحصل على غفراني ابدا دي واحده مٌلعب .. حقيره .. خائنه .. استغلاليه .. كذابه اعتقد ان مفيش حاجه هتحصل هتخليني امنحها قبولي ليها ومسامحتي على اللي عملته لان اللي حصل مينفعش فيه مسامحه ابدا ... ليه ؟! هقولك ليه .. اولا الحقيره دي كانت عارفه كويس جدا هي بتعمل ايه .. يعني اخوها مكدبش عليها وخلاها تعمل في المصنع عادي وتقابل رعد عادي وتقع في غرامه عادي وهوبا تتفاجئ انها هتتزوج الارمل الغني وساعتها هتضحي بقى يا عيني والجو اللطيف ده بس لا .. هي كانت مدركه لكل اللي بتعمله .. كانت عارفه انها في المصنع لهدف واحد فقط .. هدف هي واثقه من حصولها عليه لان اخوها هيسهل الظروف امامها ويقدمها كطعم سهل .. ومن ناحيه اخر الهانم خبيره ومتمكنه .. يعني هتجيب الارمل الثري على جدور رقبته وعشان متشوفش انها هتضحي من كل الاتجاهات .. ذهبت للشاب اليتيم الوحيد .. الشاب اللي لاقيت معاه الاثاره والشغف والرضا انه يكون في سقف طموحاتها .. سنه صغير ومناسب .. قريب من الارمل الثري .. شغوف بيها وعاطفته ناريه ليها فقط اذن تلعب على الاتنين .. ولو شافت انها هتخسر بعد كده يبقى هيكون في مكسب من الجهه الاخرى اكيد غيداء من كتر حقارتها .. انها مهتمتش ان رعد اخترها هي فقط عشان يعرفها اسراره وحياته وكل شئ حصل وترك اثر جواه .. دي فضلت معاه سنتين كاملين.. اكيد كانت قريبه منه بجنون .. واكيد عرفت خلالهم انه جاد في كلامه ووعوده وتمسكه بيها .. الحقيره كانت سامعه وعوده واحلامه عن زواجهم .. الا انها حقيره وطماعه .. عاشت السنتين دول كتحفيز ودافع انها تتزوج الارمل الكبير في السن الثري من كله ... كأنها كانت بتحوش شويه مشاعر واحساسيس وعاطفه تعيش عليها لانها متأكده انها مش هتحصل عليها مع زوجها الحقيره مش غبيه وقدرت انها تحافظ على عذريتها .. حاجه كويسه على فكرة .. مش عشان الحقيره دي لا بالعكس عشان رعد لان ساعتها الحقيره دي كانت ممكن واكيد انها جرته للحرام وخليته عشيق ليها في السر .. رعد ساعتها كان ضعيف ووحيد ومحتاج للعاطفه والاهتمام بجنون .. وكان ممكن يضعف ويستغل الحقيره دي مادام هي موافقه وراغبه وبتقدم ليه كل شئ لا واللي يخليني اكرهها واتمسك على موقفي بعدم الغفران والسماح .. ان الحقيرة مصممه انها تجر رعد لطريق الحرام والخيانه والزنا حاولت بدول المرة اتنين لحد الان ... مرة زمان اللي تزوجت فجأه عمه وفاجئته بسهوله جدا .. وفي نفس الليله .. ليله زواجها من عم رعد .. ذهبت مباشره بعد ما تمت " المهمه " ومنحته نفسها وحصل على العذريه اللي كان شايفها برئيه وطاهره الا انها كانت حقيره ومدنسه .. ذهبت مباشره لغرفه رعد عشان تمنحه نفسها .. اصلها فاكرة ان الامر مازال قائم وعادي .. زي ما كانت بتلعب على الاتنين وماشيه معاهم .. اذن تكمل القصه وتسير على نفس الخطى حصلت على الارمل واصبح زوجها .. اذن تحصل على رعد ورجولته وشغفه بيها اللي يرضيها .. ومن الوقاحه انها في الليله دي كانت بتطالبه ينفذ حلمه انه يمتلكها بعد ما يتزوجوا .. بس يا حقيره ده لو كنت ضحتي بالطمع والشجع وتمسكتي بالحب .. الا انك حقيره واستغلاليه .. وخائنه مليون في ال 100 المرة التانيه بقى .. انها ذهبت لرعد بعد رجوعه مباشره لغرفته وطالبت انه يمنحها الحلم اللي كانت عايشه عليه طول السنين دي كلها ممكن جدا كررت اللي حصل زمان .. انها خرجت من سرير زوجها وذهبت لرعد عشان يشبع حقدها وطماعها اللي مش مقتصر على المال بس من الواضح زي ما قولت سابقا .. مش هتسرع وادين رعد واحطه في قفص الاتهام لا اعتقد ان حاجه حصلت بينه وبين الحقيره .. بمعنى واضح ان مفيش اي علاقه جسديه حصلت بين الاتنين لا زمان ولا دلوقتي ليله زواج الحقيره دي من عمه وذهابها ليه .. كانت الليله اللي ترك فيها المنزل وسافر .. واعتقد انه سافر لاحساسها بالذنب تجاه عمه ..واحساسه الكره والقرف تجاه نفسه والحقيره دي الا ان احساسه بالذنب تجاه عمه لانه خانه .. مش شرط تكون الخيانه كامله .. وجودها معاه في غرفته وممكن جدا تكون استغلت صدمته وضعفه كالعاده وتقربت منه على امل انه يمتلكها .. ده كافي جدا انه يحس انه خان عمه مش عارفه ازاي فكرت ان رعد هيتقبل رجوعها ليه من تاني واستمرار التمثيل والقرف مرة اخرى ياترى كان في اتصالات بينهم اثناء سفره ؟!! لا اعتقد ذلك اذن من وقت رجوع رعد وهو بيعاملها بنفور وقرف ورفض واضح وضوح الشمس .. بس الحقيره هتفضل حقيره بس على فكرة طبيعي رعد يتأثر بيها .. مش عشان حب ولا ضعف ولا حتى اعجاب .. هو رجل .. وهي مازالت خبيره ومتمكنه في اللي بتعمله .. اذن وجودها امامه بدون قميص نوم وحتى بدون حمالات قميص النوم .. مفيش بشر يتحمله ولا بني ادمين حتى اعتقد ان رعد مش عايز يتحمل ذنب اكتر ويحس بالخيانه لعمه اللي استقبله في منزله مرة اخرى نيجي بقى للحقيرة الاخرى .. رقيه اذن الدكتور سامان مش عبيط ولا ساذج زي ما كنت فاكرة بالعكس ده شكله ماكر وعارف اللي بيحصل حواليه .. والاهم انه مهتم بالزفته دي لدرجه ان قلبه دق لدرجه ان الدقه خرجت وانتشرت جواه متأكده ان الزفته دي هتستغل النقطه دي .. ويمكن تستغل اكتر في فيما بعد كل فصل بتأكد ان هتتنفخ من كل اللي بتعمله وبتخطط ليه .. هتتنفخ نفخه سودا الفصل السادس كالعاده فصل ضخم .. دسم جدا جدا جدا كاري لو سمحت .. مش انا حبيبتك ام عيون جرئيه لو سمحت انا عايزة حذيفه .. او نسخه حتى .. طب جزء منه ؟!! اي حاجه انا راضيه .. يخربيته جنني وانا ضعيفه امام حذيفه وتصرفات حذيفه وحب حذيفه وغيره حذيفه اعتقد اول مرة اشوف واحس بمشاعر وغيره حذيفه تجاه زوجته .. يمكن عشان محصلش موقف يستدعي ده .. الا ان المشهد ده مهم جدا حذيفه لازم يغير ويحس بالنار لو فكر ان زوجته بتمنح اهتمامها .. تفكيرها .. معاملتها ..لشخص غيره مهما كان هو مين .. وكل ما يكون شخص مش قريب ليهم يبقى الغيره تبقى اضعاف لازم يخاف ويعرف ان خلود مش عايشه معاها تحصيل حاصل والسلام .. مع اني عارفه ان خلود بتحبه بجنون وهو بالنسبه ليها وفي عيونها افضل واحسن الرجال .. بالنسبه ليها هو المنقذ ليها ولاخوها ولاي حد تاني يعني خلود باقيه مع حذيفه وبنتهم سوسو وعائله الصائغ للعمر الطويل ان شاء الله بس لازم حذيفه يعرف ويحس بالقلق ويعرف ان خلود ووجودها مش تحصيل حاصل وانها معاه والسلام ممكن التفكير ده يخليه يمنحها اعتراف صريح بالحب يخليها تقتنع وتعرف اخيرا انه مش عايز ولا هيعوز غيرها هي .. بحدوث حمل او لا .. جابتله ولد او لا .. هو مش عايز غير خلود تكون زوجته وام لسعاد بنتهم وخلاص حذيفه مش من الرجال اللي بسهوله بتعبر عن حبها .. ممكن تعبر بالافعال اكتر واكتر .. بتعبر بالمواقف والاهتمام الشديد .. بالخوف والغيره المجنونه الا ان ده ميمنعش انه يعترف ليها بحبه عشان يطمن قلبها الخائف المتعب على الدوام كالعاده قدر يخلي خلود تعترف باسرارها وكل اللي بيسبب ليها الحزن .. اعتقد بعد رؤيته ليها ولغيرتها ووجعها الواضح اللي عبرت عنه مش هيتركها غير وهي معترفه بكل شئ سوسو ... اعتقد لولا شعرها الاشقر وجمالها الاجنبي كانت هتبقى بنت خلود وش .. هي حاليا بنتها وخلود والدتها .. الا اني اقصد يبقى الامر كله طبيعي والجو ده سوسو نسخه من خلود .. في عفويتها .. تعاملها .. اسلوبها .. تفكيرها .. حتى طيبه قلبها ومسامحتها ربنا يكون في عون حذيفه .. قادر على زوجته بالعافيه .. اومال مع بنته هيعمل ايه يا ناس .. انا ممكن اساعده صدقوني بس ادووووووني فرصه تعامله مع عقيل عادي جدا .. سوسو بتحبه زي ما بتحب سامي ومنه واي حد من عائله الصائغ .. ومادام بتحبه يبقى لازم تعبر عن حبها ده سواء بالقبلات او الاحضان او حتى بالكلام الصريح الا انها لازم تعرف انا ده مينفعش .. هي فتاه جميله عبيطه شويه .. وبقيه اولاد اعمامها في مرحله مراهقه وشباب ورجوله مبكره والجو ده يعني مينفعش الفحم جنب النار لان ده بيشتعل وبيساعد على الاشتعال .. عذرا لو المعلومه غلط اصلي انا كنت ادبي مش علمي اسيا ورضا .. المهمه شاقه شويه عليكم .. لان خلود وحذيفه في البلاله خالص حذيفه مش هيقدر يكون قاسي مع بنته ويحرمها من اي حاجه بتحبها .. وخلود هبلاء وهتضيع البنت بطيبتها وممكن تخليها تتزوج بعد المدرسه على طول اسيا كالعاده هتمنح خلود الخلاص والاطمئنان .. عملتها قبل كده وساعدتها انها تتخلص من خوفها المرضي وعقدتها اللي كانت موقفه حياتها عشانها .. وقدرت انها تساعدها تعيش مع حذيفه كزوجه محبه ومستقرة في حياتها معاه وأهي بتكرر المساعده مرة اخرى وهتمنح خلود سعاده ولو " مؤقته " بسماعها كلمه ماما .. انا اعتقد ان خلود هتبقى حامل وتحصل على السعاده وكلمه ماما اللي بتتمناه بشده .. بس ده هيحصل في الوقت اللي لا هي ولا حذيفه ولا اي حد منتظر الحمل ده يعني هي تعرف ان حياتها مع حذيفه مش قائمه على اساس حصولها على الولد ليه وخلاص .. لا لازم تعرف انه بيحبها واختارها هي زوجه ليه لانه راغب بشده في ده عايزاها زوجه وحبيبه وام لبنتهم سعاد .. اكتر من كده مش عايز وان شاء الله يجيي زيد وزياد ويزيد بس عقيل بعد الحضن ده والوعد بعدم فعل اي شئ يضايقه مرة اخرى .. اذن حاجه من اتنين يا عقيل هيطفش البنت ويكون قاسي وعنيف في معاملتها بعد كده يا اما هيكون قلبه اتحرك وفط ونط وقال هوووووو ده اذن رعد هينتقل ويقيم في منزل الصائغ ... الامر ليه جوانب ايجابيه كتير رعد هيكون قريب من صديقه المقرب الوحيد عبدالرحمن وصديقه نفسه هيطمئن عليه بوجوده معاه .. كمان رعد هيحصل على الاسره واللمه القادره على الهائه عن اي شئ .. هو محتاج الاسره والدفء واحساس انه مش لوحده ابدا عبدالرحمن عجبني جدا .. واثق في صديقه لاقصى درجه .. لدرجه انه جلبه بنفسه عشان يكون في منزله وسط اهله ونساءهم كلهم هو عارف ان صديقه في مشكله .. اسراره عامله عائق او مأزق بيخليه يتألم في صمت وبعد ممكن ينصدم لما يعرف الحقيقه .. يخاف .. يقلق .. الا اني اعتقد انه هيمنحه العذر .. رعد كان وحيد .. ضعيف .. وغاضب .. هو كان ضحيه لمكيده وناس خبيره متمكنه .. هو كان هيقدم السبت عشان يلاقي الاحد .. بمعني انه وقع في الحب وكان هيتزوجها اول ما يكون قادر على كده .. اذن هو مش غلطان جزء من الغلط عليه اه .. الا انه مش السبب الرئيسي ابدا وزي ما ابودي قال .. هو واثق فيه لاقصى درجه .. بس ممكن بعد كده ومع انكشاف كل الاوراق والاسرار ... الثقه دي تروح وتهتز ؟!! في كلا الاحوال لا اعتقد ان عبدالرحمن هيتخلى عن صديقه ويتركه وحيد .. بدون عائله .. بدون اخ .. بدون صديق بقى الست سعاد العجوز .. يتقالها " يا سوسو " وانا ملاقيش حد يدلعني ويقولي حتى يا "سو " انا راضيه بيها وربنا اااااااااه هقول ايه بعد ما شاب وادوه الكٌتاب .. ست سعاد بتتدلع ومش بعيد تتعاكس وتعيش حياتها ... خلي بدريه تيجي تشوف اللي بيحصل ولا بلاش لا يتقالها هي كمان يا " دودو " وساعتها انا هيحصلي حاجه اكيد مهند وخطوة ايجابيه وصح اخيرا مهند محتاج يحس بالاثاره .. بالتجديد .. باحساس انه حر .. حر في عمله .. في افكاره .. في طريقه عيش حياته انه يلاقي نفسه الاول وبعد كده يلاقي الطريقه اللي يقدر بيها يسترد حياته الاخرى واقصد هنا العاطفيه من ناحيه هيكون في وقت من خلاله يعيد تفكيره .. افكاره .. اللي عايزه وهيعمله بعد كده من ناحيه اخرى الحياه الجديده اللي هيبدأ فيها هتمنحها الثقه والامل في انه يكمل في كل اللي بيفكر فيه جوري .. ارجع واقول لازم جوري تعرف الجحيم اللي كان عايش في مهند لازم تعرف حالته المشتته .. الضائعه .. المحبطه اللي كان عايش فيها ومش راضي عنها لازم تعرف ان كان ديما حاسس ان المرسى اللي هيرسى فيه بعد كل اللي هو فيه .. هو جوري وكل ما فيها وياريت مننساش الاقتباس القريب ليا ده لم يشعر يوما بكل هذه الغيرة " بكل هذا الشوق الغريب لجوري لماذا عيناه تسافران حتى شواطئ شفتيها وكأنه بحّار طال سفره لاعوام واعوام قضاها يشق عباب بحور الحيرة ولم يعد يطيق صبرا ليرسو ماذا يحدث له ؟ يحدق في عينيها فلا يفهم ولايجد جوابا هاتف في داخله يخبره ان الجواب عنده هو لكنه يتخبط في الامواج وما زال يهفو لذلك الرسو " جوري مجروحه اه .. هي فقط محتاجه وقت .. وقت عشان ترتاح وتستعيد قواها وتفكيرها عشان تتصرف صح بعد كده .. تتصرف صح مع نفسها .. مع بنتها .. مع اسرتها .. واخيرا مع مهند انتقامها وحصلت عليه خلاص .. اذن هتشوف بعد كده هي عايزه ايه ؟! سناء .. شخصيه جميله .. شخصيه تستحق اللي هي عايزاه ومؤمنه بيه اعتقد انها من الناس اللي عايزة ترتبط مرة واحد في حياتها .. مرة تحب فيها بكل صدق وقوه .. مرة تمنح الحب ده لرجل واحد يقدر حبها انا اٌعجبت بيها .. لازم تلاقي الرجل اللي قلبها يدق عشانه .. ما تيجي نزوجها عباس افندي .. من ناحيه نخلص منه .. ومن ناحيه تانيه نزوج اتنين في الحلال بس بشرط لو مش جدير بيها يبقى في 6 داهيه واقصد بتمسكه بحلم امراه متزوجه وانه هيحصل عليها في الاخر اعتقد يا راجل يا مربع انت .. احترم نفسك وبلاش تصغر نفسك اكتر من كده انت كده بتجري ورا امراه متزوجه وعندها بنت .. امراه شفت زوجها كسر دماغك ازاي لما حاولت تقرب منها فقط ثم انت متعرفش الحكايه والخيوط كلها .. يعني مش عشان سمعت زوجها بيتكلم بعاطفيه مع امراه غيرها يبقى ميستحقهاش وخاين ولازم تخلص منه بلاش تساعد في هدم بيوت الناس يا زفت رقيه سخيفه وحرقت دمي كتير .. اذن فكك منها دلوقتي لما نشوف هيحصل ايه في العشاء الكارثي ان شاء الله رعد بيحب التحدي .. اذن اهلا بالمعارك كنت هنسى خليل وشذره .. خليل لاول مرة تجرأ في الكلام والافصاح عن حبه على الاقل بطريقه غير مباشره الا اني مش متفائله للاسف .. مش عارفه حاسه بغدر من كاري هيقلب الدنيا فوق دماغ خليل وشذره ودماغي الحلوه دي احنا داخلين على ايام صعبه على فكرة .. وقولوا ساره قالت تم بحمد الله التعليق على جميع الفصول اللي فاتتني هييييييه كنت مبسوطه وانا بقرأ وبعلق واعيش مع الاحداث والابطال الروايه قويه وضخمه جدا يا كاري .. محتاجه منك وقت ومجهود اكتر الا انك قدها ان شاء الله فقط متغطيش على نفسك وتحاولي تقدمي اكتر من طاقتك .. احنا هنقبل منك اي شئ حتى ولو نص فصل كل اسبوع .. فقط انتي متتعبيش تسلمي يارب على كل اللي قدمتيه .. ربنا ييسرلك الحال ويسعدك يارب في انتظار الفصل القادم على نار قبلاتي ليكي | ||||||||
|
| |
|
02-04-18, 09:32 AM
| #3178 | |||||
| سلامتك الف سلامة كارى..تسلم ايدك جداااااااااااااايا ترى هيحصل ايه ع العشا ويا ترى رعد هيستغل سعدون لانه مشاكس ياعينى على كل الرقة ههههههههههههههههههههههههه هه لو وقعت مذكرات سعدون ف ايد رعد مش هيرحمها .......... تعرفى فكرة انو ما محبة الا بعد عداوة خليتنى عايزة اعرف حقيقى الاتنين دول ممكن يحبو بعض ازاى مستنييين حبكتك السرية ف عشاء الخال ابتهال مع خليط البهارات هههههههههه | |||||
|
| |
 |
| أدوات الموضوع | |
| انواع عرض الموضوع | |
|
|
1791Likes
.png)
العرض العادي
