18-06-18, 05:20 AM
| #4541 | ||||||||
| نجم روايتي 
|  انا جيت رغم اني قرأت الفصلين من شهر كامل .. الا اني لما قرأتهم مرة اخرى حسيت بنفس الالم والوجع والبكاء والكثير من الشحتفه حرام عليكي يا كاري يا مفتريه ... اعتقد دي تاني او تالت مرة احس بالوجع والالم وانا بقرأ روايه ليكي مرة وانا بقرأ " اكتب تاريخي انا انثى " مشاهد شهد كلها ومشاهد اسامه خاصه لما عرف الحقيقه المرة من عمه وانهياره في حضن شهد ومرة اخرى وانا بقرأ " جمر في حشا روحي " ودي الحمدلله الوجع فيها من البدايه ولحد النهايه .. بس عشان اكون صريحه في الاواخر الوجع كان حلو ولذيذ كده واخيرا الالم والوجع كان كتير وانا بقرأ الفصلين دول يا كاري خليني ابدأ بالفصل الحادي عشر تحسين ولمحه من ماضيه وحياته ومراهقته وكل اللي حصل فيها بذمتك يا كاري بعد اللي قرأته ده مش عايزاني اتعاطف معاه وقلبي يوجعني لكل اللي بيحصله من قرف وعنف وضياع تااااااااااااام  تحسين اتحرم من كل شئ بمعنى الكلمه .. اتحرم من والدته اللي تركته ومات وهو طفل عنده 8 سنين فقط .. اتحرم من والده بل الادق انه ميعرفش يعني ايه اب اصلا لانه مظهرش في حياته ولا كان ليه اي دور مكنش ليه غير الشارع عشان يحتويه .. واه والف اه من اللي ممكن يحصل لطفل ضعيف بدون سند وحمايه في مكان في كل حاجه ممكنه ... كل حاجه بمعنى الكلمه .. بالنسبه ليا الشارع زي السجن او الاصلاحيه ..الاتنين دول فيهم كل حاجه غلط وحرام كل ده بيحصل فيهم والضحيه اللي بتحصل ليها كده بتخرج ياما تكمل نفس الطريق ياما تكون اتدمرت ومنتظرة الموت والخلاص من كل شئ الشارع بقى نفس النظام بس على اوسع واكبر والاهم مفيش حد يدافع ويقول لا ويعترض او يحمي اي شخص لان للاسف كل شخص ملهي في حاله وبيقول يلا نفسي كده انا مش هستغرب من حاله تحسين وكميه العنف والوحشيه والاجرام اللي هو فيها بالعكس بقى انا اتعاطفت معاه اكتر من الاول وهدافع عنه بشده اكتر واكتر .. فقط خايفه من حاجه واحده .. خايفه احس بالاحباط المتكرر المصاحب باليأس منه ومن فرصه تغيره للاحسن بس هسيب دي لوقتها لان اللي عمله مع حسناء بدايه امل .. انه يوافق على نزولها وممارستها عملها اللي راغبه فيه اكتر من اي شئ .. موافقه تحسين اعتقد انها رد فعل بعد ما انهارت وطلبت منه انه يقتلها ويخلصها من كل شئ بيحصل ليها كأنه بيمنحها تعويض وبيحاول يفرحها بأي شئ ..المهم انه يكون سبب في سعادتها ياترى حسناء بعد موافقته ونزولها لعملها وكسبها الحلال مرة اخرى .. هتغير رأيها او على الاقل هتحاول تتقبل تحسين وتشوف فيه حاجه حلوة ؟! اهي شافت بنفسها انه رفض يفضل في المستشفي رغم انه مريض بشده الا انه خاف عليها من البقاء وحيده يعني فضل الالم والوجع على انها تحس بالخوف والرعب بدونه حاجه كمان .. هل هي صادقه في كلامها في انها مش هتسيبه وتتركه ابدا ؟! رغم انها محدوده التفكير والتصرف وبسيطه لاقصى درجه الا انها عارفه الصح من الغلط .. عارفه ايه اللي لازم تعمله واللي مش لازم متجيش جنبه ابدا وافقت او رفضت هي زوجه تحسين .. اذن هتقدر تتقبل ده ولا ايه اللي هيحصل ؟!! فالح الحقير ... الواطي طلع مش سهل ابدا الا اني اعتقد انه بدون حمديه والكلام السم اللي بخته في ودنه مكنش قدر يتصرف لا ده مكنش جاتله الجرأه اصلا انه يتحدي تحسين ويقف امامه بكل القوه دي فالح مجرد جبان حقير خايف على نفسه وعايز يهرب وينجو بحياته الا ان رغباته الحقيره قويه وعايز يحققها بأي طريقه .. مستعد يعمل اي حاجه عشان يحصل على حسناء .. حتى لو وقف امام تحسين وتحداه بمكر وخبث .. الا انه نال اول ضربه ليه .. تحسين وضح ليه بكل صراحه انه ولا شىء بالنسبه ليه .. يعني هو لا دراعه اليمين ولا رجله اللي بيثق فيه ولا اي شئ من هذا القبيل .. ببساطه تحسين ممكن جدا يقتله ويخلص منه في لحظه وبدون تفكير كمان الا اني لازم اقول ان خطه الحقير دي مش سهله .. ولو نجحت هيحصل مصايب وبلاوي اكتر من اللي بيحصل ده يا جدعان حمديه وفالح حقدهم ورغبته في الايقاع بين تحسين وحسناء قويه وشريره جدا .. والرغبات اللي زي دي لازم تحصل لانهم هيكونوا مصممين واذكياء جدا في تنفيذها مع العلم انهم في العادي اغبياء وتقريبا ميفهموش اي حاجه في البطاطا .. بس ان الحقيره حمديه تحصل على تحسين .. والحقير فالح يحصل على حسناء .. يبقى هنلاقي اينشتاين ونيوتن بيخططوا ويتكتكوا لحد ما ينفذوا اللي هما عايزينه وربنا يستر نيجي للمصدر الوجع والالم اللي بينخر في قلبي الصغير كل ما افتكره خليل دمرني يا كاري .. حرام عليكي يا قاسيه القلب احساسه وصلي بالكامل .. احساس القهر .. احساس الالم .. احساس العجز .. احساس الخبيه والخذلان .. احساس التمرد .. واخيرا احساس الفقدان الصراحه مش عارفه اقول حاجه في الجزء ده .. بس خليني اقول ان كلام خليل صح جدا .. صح لدرجه الوجع الكل واولهم شذره مش هيشوفوا في خليل شئ مناسب وامن انهم يوافقوا يمنحوه بنتهم ويحسوا بالامان وانه قادر على منحها كل شئ نركن العواطف والمشاعر علة جنب لانها مش هتنفعنا واقصد هنا بالنسبه للكل .. المجتمع وتفكيره شايف ان الامكانيات والظروف المناسبه والجيده جدا هي اللي بتفتح بيت وقادره على العيش بصوره جيده بس اللي امكانياته وظروفه على قده وأكد انها موجوده بس قليله .. ده مالوش حق ؟! مجتمعنا قاسي لا يرحم .. الناس ظالمه وقلوبهم لا تعرف الرحمه .. انا مش بعمم على الكل لان مش كل الناس كده طبعا .. بس الاغلبيه كده للاسف وده اللي عارفه خليل وحاسس بيه .. حذيفه ورضا نفسهم عارفين كده عشان كده محدش قدر يعترض ويخالف خليل في كلامه وانفجاره لما عرف ياترى بعد كده هيعمل ايه ؟! متأكده جدا جدا اللي هيحصل منه بعد كده غلط ومش صح ومش في مكانه الحقيقي ابدا لانه هيكون رد فعل ناتج عن غضب وتمرد وفقدان سيطرة وتفكير بالكامل هيكون رد فعل من رجل فقد الحاجه الوحيده اللي كان متمسك بيها بكل قوته وكانت بتمنحه الطاقه والحافز عشان يفوز بيها في الاخر هيكون رد فعل خايفه انه يندم عليه وميكنش فيه وقت للندم اصلا والاهم من ده كله رد فعل تخليه يخسر ولو اخر فرصه متاحه ليه بس هو مش واخد باله منها بسبب الغضب المسيطر عليه كنت قولت قبل كده وهقول تاني .. مش عايزة اكره خليل لاني صعبه وغبيه جدا لما بكره حد وبحطه في دماغي حتى اسألوه الحقيره رقيه واهو اول الخط اهو .. ذهاب خليل لاشجان .. تأكيده انه هيكون معاها كل ليله .. هيكون مع العاهره اللي كانت هتضيع مستقبله وتنتقم منه ابشع انتقام .. هيكون معاها رغم انه عارف ان في عيون مراقبه ليهم وفي انتظار الفرصه عشان يحصل فضيحه والكل يعرف ياترى انت مستعد ده يا خليل ؟!! والاهم هل ده يستحق ؟!! رضا الغالي ... ياترى هيتصرف ازاي ؟! حذيفه كان رائع وهو بيدافع وبيتمسك بحق خليل الصبي اللي راعه واعتبره ابنه الصغيره مش بس اخوه اعتقد ان رضا هيتمهل وهياخد وقته على الاخر .. خاصه لما عرف من اسيا ان شذره وافقت بسرعه وتقريبا بدون ما تفكر او تمنح نفسها فرصه للتفكير " هل تعلمين ما هي شذرة ؟! انها مجرد فتاة ولدت ونشأت كمدللة .. وحيدة والديها.. اعتادت ان تكون محور اهتمامهما وحدها فكبرت وهي تظن بغباء انها محور الكون .. وعندما فقدتهما لم تتقبل انها لم تعد كذلك واكتشفت الحياة الحقيقية التي ترفضها وتنوح كل يوم شكوى منها .. بعد كل هذا الا تجدينها غبية ضعيفة خاصة وهي تتخبط بكل اختيار وتصرف .. " اه يا حقيره يا واطيه يا زباله ياااااااه بقالي كتير مشتمتش ولا طولت لساني على الزفته رقيه عايزة اسأل سؤال ... كلامك ده يا حقيره على اي اساس ؟! على اي اساس بتتكلمي وبتشرحي وتعرفي شذره وكل اللي بتفكر فيه وبتعمله ؟! بذمه شكلك العكر ومناخيرك المفشكله انتي عرفتي شذره او منحتي نفسك وقت عشان تعرفيها وتعرفي اللي جواها وتحسي بيها ؟!! انتي جربتي قبل كده احساس الرفض والنفور .. كنت مكان شذره وهي بتتعرض للرفض وعدم القبول من اهلها اللي رفضوا حتى تبات عندها ليله واحده ؟! جربتي احساس تكوني عايشه في مكان المفروض يكون بيتك وتحسي فيه بالراحه الا ان كل اللي بتحسي بيه هو الاهانه والالم ؟! ولا جربتي احساس الاستغلال وانك تكوني استبن وبديل وتعرضك لتجربه قاسيه زي اللي حصل معاها مع مهند ... مع التأكيد ان مهند مكنش يقصد انه يجرح شذره ولا يستغلها ابدا والدليل انه كان عايز يتزوجها لانه كان شايف ان ده الصح كلامك الجزء الاول منه انا قرأته على اساس انه ليكي .. بتقولي الكلام ده وتوصفي نفسك يعني.. انتي بالظبط اللي عايزة تكوني محور الكون .. والكل مهتم ومعجب بيكي عشان تداري النقص من عدم امتلاك اي مقومات جمال .. انتي اللي عايزة تكون مدلله والكل يتصرف معاكي بطريقه خاصه جدا جدا انتي جرئيه اه .. قويه ممكن .. الا انك بالظبط غبيه ضعيفه في الاخر غبيه بسبب تصرفاتك وقراراتك الحمقاء المتهوره .. ضعيفه بسبب اللي حصل زمان وسايب اثر وعلامه جوه روحك الفرق بين وبين شذره .. ان شذره استسلمت وعبرت عن ده بالاستسلام للواقع واللي اصبحت فيه .. بجانب انها رضيت بكل اللي حصل معاها ومش قادره تغير فيه اي شئ .. هي فقط منتظرة اي خطوة ممكن تغير الواقع بتاعها وتكون التعويض المناسب ليها انما انتي بقى ... واخده الامر كأنه لم يكن اصلا .. وده امام الكل .. بس امام نفسك واخده الامر كتحدي عشان تثبتي لنفسك انك مش ضعيفه ولا هتستسلمي للوقوع في الخطأ وتكرار اللي حصل مع والدتك شايفه ان الجرأه والقسوه هو السلاح الصح .. الا اني بقول ان ده هيكون السلاح اللي هيقضي عليكي وتكون الضربه القاضيه ليكي ان شاء الله ... جاتك القرف في منظرك " انه يعجبها لانه مختلف ويبدو منيعاً بشكل مغيظ .. اذن كل ما في الامر انه يحسن اخفاء نقاط ضعفه .. مثلها تماماً ... وان كان حدسها يخبرها بأن ما يخفيه رعد عظيم .. عظيم للغاية ... اجل .. هذا هو الحل .. يجب ان تواصل بحثها حتى تعرف ما يخفيه .. عندها فقط ستستعيد سيطرتها على نفسها " يعني هي اللي بتستفزني عشان اشتمها على فكرة الحقيره دي لو فكرت انها تبحث وتدور ورا رعد وتحاول توصل لنقطه ضعفه زي ما هي فاكره هتبقى غبيه اوي لانها شايفه انها عايزة توصل للحقيقه وابدا الحقيقه الكامله الصحيحه مش هتوصل ليها من ورا ضهره واكيد مش من ناس او طرق ممكن تشوه الحقيقه دي لدرجه انها تستخدمها ضده في مرحله ما ودي واحده مجنونه حقيره يعني توقع منها اي حاجه كل ده عشان مش عايزة تعترف لنفسها انها وقعت ومحدش سمى عليها .. بتحاول تبرر لنفسها ان اللي بيحصل معاها عادي .. طبعا ما هي خبره وليها مجال واسع في الحته دي يلا كله هيجي على دماغك ان شاء الله رعد وانقباضه الحزن اللي جننت القراء كلهم على فكرة انا مفرحتش بيها ولا قولت رعد خلاص وقع في الحب وانه شويه كمان وهيروح يطلب ايدها ببساطه رعد مبيفكرش في الحب .. مبيفكرش في قلبه ولا بيحاول انه بيحث عن اللي هتعيده الحياه ليه من تاني رعد حاليا فاقد الثقه في كل شئ .. يعني الحمد لله ان عبدالرحمن وعائله الصائغ بجواره لانها انقذته من ضياع وتسيب كان ممكن يضيعوا اكتر ما كان ضايع وتايه وجود رقيه الزفته حواليه من اول ما رجع من السفر .. ده زي اللي شايف حاجه سامحني يارب على اللي هقوله ... حاجه ممتعه ومحببه .. حاجه قادره تخليك على طبيعتك ويكون فيك شقاوه ومكر انك تكون عيل صغير وانت بتوقعه في مقالب وتخليه منظر مضحك ومسخره السنين يعني هو اتعود على مشاكستها ومراقبتها ليه في كل مكان يعني الامر موصلش الحب ولسه بدري على حاجه زي كده اصلا رضا الصائغ واميره البنات لازم وجودهم في كل فصل يا كاري .. دي الحاجه الوحيده اللي بتزقطط الواحد وربنا شذره ... المصدر الثاني للالم والوجع اذن هي كانت واخده بالها من خليل او على الاقل المرة او المرتين اللي تجرأ فيها خليل واتكلم معاها بحريه وجرأه تكاد تكون عاطفيه الا انها قدرت توصل ليها وتفكر فيها بل وتخليها سبب انها ترفض مصعب عشانه الا انها لاقت الرفض ولاقت الخيبه زي كل مرة خلود مكنتش عارفه ساعتها اشتمها ولا ادعي عليها ولا اعمل فيها ايه بس ارجع واقول انها متعرفش .. خلود كانت بتفرح شذره وتحسسها انها مش لوحدها وجابت العائله كلها ووضحت ليها فرحتهم بيها مش هقول غير ربنا يسامحك يا خلود .. يعني قاعده شهور تخطبي لزوجك وسايبه اخوك محتاس كده يلا هقول ايه .. منه له >_< الفصل الثاني عشر مصايب .. الفصل مصايب وكوارث وكلاكيع كده تخلي الواحد يهرب لبعييييييييييد بس للاسف انا مقدرش اهرب لبعيد عشان اتدبست بس على فكرة يا كاري احلى تدبيسه " يارب سامحني على اللي بقوله ده " خليني ابدأ بقفله الفصل انا مش مرتاحه لغيداء الحقيره ... الزفته دي بتلعب على تقيل جدا شكلها بتخطط لضربه قادمه قويه جدا .. وضربه للكل ومعاهم اخوها وميض الحقير بدأت تلعب من وراه وتضمن املاك وحقوق ليها .. ياترى هي عملت كده ليه ؟! هل هي بتحاول انها تكسب وتحصل على املاك تكون خاصه وملك ليها هي فقط بما ان وميض هو المدبر لكل شئ من البدايه اذن الربح الاكبر لازم يكون ليه هو .. والفتات بعد كده لاخته الصغيره الماكرة وبالنسبه لرعد ... ياترى ناويه علي ايه معاه ؟! الخطوة القادمه في التواصل معاه ورجوعه تحت انظارها ومعاها كمان .. هتحصل ازاي ؟!! هي مصممه تحصل على حلمها وحقها في ليله الزفاف اللي منتظراها وبتحلم بيها طول السنين دي بس خليكي تحلمي لحد ما قفاك يقمر عيش وفي الاخر مش هتاخدي غير عبدالسلام عبدالسلام بيخسر كتير .. سيبك من الحاله اللي هو فيه والاستسلام البغيض للحقيره دي ولكل اللي بتعمله وبتثيره فيه .. في الاخر ومهما كان دول زوجين وهو شايف انه مش بيعمل حاجه غلط الا ان الغلط راكبك من ساسك لرأسك زي ما بنقول عندنا .. بدايه من زواجك لفتاه في عمر بنتك .. وسماحك ليها انها تخليك خاتم في ايدها هو عادي انه يتقبل ان زوجته الفتاه الصغيره المفروض تكون برئيه يحصل منها كل ده ؟! تكون بتمتلك الخبره والمجال الواسع في معرفه كل شئ يخص العلاقه الحميميه ... مستغربش من طريقتها .. معاملتها .. اسلوبها ؟!! ولا هي الشهوه والمتعه سيطرت عليه وافقدته اتزانه وعقله وكل شئ اخر ؟! خساره فعلا رجل زيه يكون اخرته عبد ليها في انتظار منها الاشاره للكلام واللمس وكل شئ اخر مهند وجوري خطوة للامام .. في المقابل 60 خطوه للوراء اللي حصل مع جوري ومشاهده نفسها وتجربتها وكل اللي عاشته مرة تانيه لمرة دي من خلال امراه اخرى كل ده صحى المشاعر السلبيه .. صحى الالم والوجع .. صحى الذل والاهانه اللي كانت بتتعرض ليها اللي حسيته وعاشته من جديد اكيد هيخليها تتمرد وترفض محاولات مهند في التقرب ليها بل انا متأكده انها هتثور وتنفجر فيه ومش بعيد تصمم على الانفصال والطلاق الفوري الصراحه انا مع جوري ومقدره كل اللي حاسه بيه ومقدره كل الانفعالات والرغبه في تحطيم مهند لكل اللي اتسبب فيه ليها بس ارجع واقول انها محتاجه تسمع مهند .. محتاجه تعرفه .. تعرف الشاب المتهور الجريء اللي حياته كلها مغامرات ونساء .. تعرف الشاب اللي حب حبيبه وكاد ان يتسبب ليها بالدمار .. بالموت تعرف الراجل اللي عاشت معاه 3 سنين بس مقدرتش توصل للي جواه وكان بيعاني منه لدرجه انه كان ضايع وتايه ومسحوب للماضي وكل اللي حصل فيه مهند جرح واهان ووجع جوري جدا جدا .. الا انه عمل كده بدون قصد .. ابدا مكنش قاصد انه يسبب ليها الاذيه والوجع .. لانه اصلا ساعتها مكنش في وعيه ولا كان عارف هو عايز ايه ولا بيعمل ايه متوقعه مواجهه بينهم ناريه جدا .. الا اني متأكده ان مهند مش هيتركها ولا هيسمح ليها انها تبعد عنه هو اخيرا هيشوف كميه وحجم الالم والعذاب اللي كانت عايشه في جوري .. لان انفجارها فيه هتطلع فيه كل شئ كان متخزن جواها لمده 3 سنين حضر خليل .. اذن حضر الالم والوجع من جديد والمرة وضح الم جديد .. الم متمثل في احساسه بالخيبه والخذلان من موافقه شذره السريعه على العريس الموافقه السريعه اللي كأنها كانت في انتظار مصعب وتقدمه ليها .. كأنه هو الافضل والانسب ليها اه لو تعرف اللي فيها يا خليل .. ساعتها كنت حاربت العالم كله عشان تحصل عليها الا انها مش عارف غير الواقع اللي بيثبتلك كل يوم انك الخسران .. انك مش الانسب ولا الافضل .. انك تعود لارض الواقع وتتقبل بقدرك حذيفه مازال صامد ومتمسك بالامل .. بس ياترى هيتمسك بيه لامتى ؟! هو شاف جديه خليل في انتهاء الموضوع وتقبله ليه رغم الوجع والالم اللي بيحس بيه شاف جديه خليل في الرحيل لو حاول انه يساعده بطريقه في تقليل من كرامته بس سؤال هام .. امتى حذيفه هياخد باله من خليل وتصرفاته ؟! اقصد المشاوير الغامضه .. المال الخاص بيه اللي انقفه كله بدون اسباب او بدون شئ يدل انه انقفه لنفسه ؟!! امتى هيفكر ان خليل وراه سر ؟! ياترى هيعرف امتى بموضوع اشجان ... هل هيقدر يلحقه ولا هيكون فات الاوان ؟! والاهم هل خليل هيخذل حذيفه ويفقد ثقته فيه ؟! حاجه كمان .. ليه حذيفه مفكرش انه يساعد خليل بطريقه اخرى اقصد انه يحاول يبني مستقبله ويخطط لبعد كده ... مثلا يساعده انه ينشأ عمل خاص ليه .. يمنحه كل شئ بشرط انه ميكنش بيساعده او بيمنحه مش حقه ممكن كمان كان دبر ليه عمل في مكان افضل .. عمل يساعده انه يحسن من مستواه ومكانته بعد كده المهم انه يساعده بطريقه او بأخرى .. ليه مفكرش فيها ؟! اسيا وحبيبه هل ياترى هيكون في رد فعل منهم ؟! هل هنشوف منهم شىء يدل على انهم اصبحوا عائله شذره بشكل رسمي ويقدروا يساعدوها وينقذوها في الوقت المناسب المشكله ان محدش شايف حاجه غلط في اللي بيحصل .. فقط لو شافوا تردد او رفض او حتى تأجيل من شذره كانوا تدخلوا وفضلوا ورا الامر لحد ما يوصلوا ليه بل ويصلحوه كمان بس للاسف محدش شايف حاجه غلط في اللي بيحصل شذره .. انك مش تكوني سعيده بسبب خطوبتك وزواجك اللي هيكون قريب .. ده سبب كافي انك تلغي كل شئ وتدوري على سعادتك وراحتك حتى ولو كانت انك تفضلي في بيت العطار فقط ليه مصممه تمشي في طريق شايفه انه صح لمجرد انه مناسب لظروفك وطوق نجاه من الحياه اللي عايشه فيها مش معنى انك عايزة تخرجي من منزل العطار وتحسي انك بقيتي مستقله ومعززة ومكرمه والاهم تحسي انك في مكانك الطبيعي .. انك ترمي سعادتك وراحتك ورا ضهرك والاهم الحب .. الحب اللي انتي بتدوري عليه وتستحقيه مستعده تتخلي عن كل ده لمجرد عريس مناسب وجاهز فقط ؟! ياترى هيحصل معاكي ايه كمان ؟!! الدكتور سامان .. هو انا المفروض اقلق من الراجل ده ؟! مش عارفه الصراحه .. بس هو مريب يمكن لانه غامض ولسه مفيش اي حاجه ظهرت لحياته وتفكيره او زوجته اللي ماتت الا اني اعتقد ان كل اللي بيحصل معاه ومع رقيه الزفته بيخليه يتأكد ان اللي عايزه منها هو الصح واخر حاجه حصلت اكدت ده معرفته بلغته الام وحماسها وهي بتتكلم عنها ... كأن كل حاجه بتقوله هي دي !! ياترى ايه اللي هيحصل منه بعد كده ؟!! الهانم نجحت وهتبقى معيده وقريبه منه .. هل ده هيوضح حياته ونقرب منه ولا هيزيد الغموض والريبه اكتر واكتر الزفته رقيه مش بس كدابه وحقيره لا دي طلعت حراميه كمان يلا هتوقع منها ايه تاني بلا نيله على دماغها الا ان الانجذاب السريع والفوري ناحيه رعد مش هين ابدا اعتقد انها مش هتقبل انها تكون ضعيفه بالشكل ده ... مش هتسلم بالحاله اللي بتحصل ليها لما يكون قريب منها خاصه انها تكاد تكون يائسه عشان تحصل على اهتمامه او وجوده معاها بشكل خاص وحصري ليها هي فقط والدليل رغبتها الشديده على ركبته واستجداء الحب منها ياترى ايه اللي هيحصل معاها بعد كده ؟! متأكده ان حاجه هتحصل وتخليه تقلب على رعد قلبه سوداء حبيت وصف حبيبه لرعد ... هو ساحر فعلا .. ساحر قدر يخلي الحاجه سعاد تتعلق بيه وتحزن لفراقه عنها وتركه بيت الصائغ ساحر انه خلى رضا الصائغ يضمه لعائلته ويكون حامي وراعي ليه من بعيد رغم غموضه اللي يخلي رضا يخاف على اسرته لانها في حمايته هو ساحر انه خلى مغرفه الحي سعدون يتقبله في منزله ويخليه تعدي على خصوصياته اللي محدش قرب من سنين وسنين ياترى الساحر هيعمل ايه العقربه الشريره وخططها السحريه اللي تودي في داهيه حسناء وتحسين ليه يا كاري ... ليييييييييييييه كده ؟!! حرام اللي بيحصل والله .. ليه البؤس والالم والعذاب ده ليه كل ما استبشر خير ليه بوكسات وبواني في وشي تسلطني واجي اهرب منها تجيبني من قفايا وتقولي على فين متاكده ان الدم اللي سال هو دم حسناء .. زي ما متأكده ان الخناقه اللي حصلت مدبره ومتخطط ليها بذكاء شديد اصل مين الغبي اللي هيتخانق ويتعارك ويتطاول على زوجه تحسين فتوه الحي كله ؟! اكيد واحد بايع عمره او واحد غبي مش عارف هو دخل نفسه في ايه ؟! اللي حصل ده متخطط ومقصود جدا .. واكيد فالح وحمديه ورا اللي حصل ممكن عايزين يزيدوا شك تحسين ويخلوا الظنون تلعب برأسه ياترى هينجحوا في كده ؟! هل اللي هيحصل لحسناء هيكون الفاصل في حياتهم والتغيير المنتظر ليهم هما الاتنين ؟! هل تحسين قادر على اتخاذ الفرصه دي ؟!! ولا هيخذل حسناء ويخذلني انا كمان ؟! اتمنى تحسين ميخسرش حسناء " ام تحسين " اللي اعتبرها عائلته كلها وما صدق حصل عليها الكره في ملعبه هو فقط مش هعلق على المصايب " المشاهد " الاربعه اللي نزلت من ناحيه كفايه عليا الفصلين بكل ما فيهم .. ومن ناحيه تانيه افضل ان اقرأ الفصول الجداد الاول عشان متسرعش واحكم بتهور كاري يا غاليه تسلمي على الفصلين رغم اللي فيهم واللي عملوه فيا متشوقه جدا للقادم .. ربنا ييسرلك الحال ويرزقك كل خير يارب في انتظارك على نار .. قبلاتي ليكي <3 <3 <3 | ||||||||
|  |
 |
| أدوات الموضوع | |
| انواع عرض الموضوع | |
|
|
1791Likes
.png)
العرض العادي
