02-07-18, 12:14 PM
| #5013 | ||||
|  بانتظااااااااار انتهاء الروايه ...انا لو بدات فيها ممكن يحصلي حاجه منكم ...قلبي الصغير لايحتمل ... كاردينيا ياعسل تسلم ايدك وابداعاتك ...الله يكرمك ياشيخه نفسي حذيفه يتكلم ويطمن خلود كل الابطال بيعبرو زي الفل وهو حجر صوااان ..الله يكرمك خليه يحس انه ممكن يفقدها يمكن يتكلم بس اوعي تكسري قلبي وتاذيها | ||||
|  |
|
02-07-18, 01:21 PM
| #5014 | ||||
|  السلام عليكم بالرغم اني لا اعلق كثيرا الا ان هذه الروايه بسلسلتها قمة بالابداع جميله هي بغداد بكل ما حوته من فن وذوق وفلكلور شعبي اصيل هذه الروايه لها من الاثر في النفس انها تلامس الواقع بشكل رهيب فلكل عائله رضاها الذي يخاف عليها ويشكل لها الحمايه اللازمه وحديفه العين التي ترتقب دائما ولها من الحنو الذي قد لا يستطيع التعبير عنه لاكنه واضح جلي في تصرفاته خلود بعطائها المميز ونقائها وعفويتها تأسر من يعرفها شذرة وألم اليتم والضعف والاحتياج والرضا باي شيء فقط للاحساس بالقوة والخروج من دائرة الشفقه خليل شخصيه معتده وتستحق السعاده واتوقع ان مصعب لها جانب منفر لشذرة سيجعلها تتركه لا محاله لانه يحب الجانب الضعيف والخائف والمنكسر منها وهذا ما يراه اغلب الرجال في المرأة التي يحبون ان يرتبطوا بها فقط تابع من دون ان تكون ذات انطلاق وشخصيه وحريه رقيه ورعد شخصيتان كان لماضيهما الاثر الكبير في تشكيل شخصيتيهما الغير مباليه ولكنها تحوي من المشاعر المتقده والمحرومه الكثير تحسين وتباشير توحي له بالتوبه وجميل ان تعينه شريكته في طريق الله جعلنا الله واياكم من الموفقين لطريقه وهدايته قصص جوري والنساء هذه تلمس مشاكل عديده يخجل منها افرادها فقط لمجرد ان المجتمع لا يتقبل كونهن مطلقات احداث كثيرة لا يسعني الوقت للوقوف عليها كلها بالتوفيق يا مبدعه | ||||
|
| |
|
03-07-18, 02:52 AM
| #5017 | ||||||||||||
| مراقبة،مشرفة عالمي..خيالي,الوثائقية،البحوث والمعلومات،روايتي كافيه،(قاصة ولؤلؤة ألتراس،لغوية،حارسة السراديب، راوي)،نشيطة،تسالي،متألقةومحررة جريدة الأدبي، صحافية فلفل حار،كاتبة عبير 
| اقتباس:
صباح الخير بالليل كوكى دوم الضحكة مو يوم حورائنا دنا أعجبك أوى بس اللى يقدر ههههه أممم إليكم توقع الفصل الجوديد  أحم اسغفر الله قصدى أهواهُ سراً منذ أيامٍ طِوال أماتَ صدري بالحنين وأَغرقه .. أَتَقَنَّصُ الأعذارَ طمعاً في جدال وارتجي منهُ الحديث واسرُقه   | ||||||||||||
|
| |
|
03-07-18, 03:07 AM
| #5018 | |||||
 
| الفصل الخامس عشر رائع كالعاده كاردى فرحانه اوى بحذيفه قدر يحمى خليل من مشاكل كتير وكمان هيساعده فى شغله وحياته حذيفه الملاك الحارس لخليل رقيه عايزه تكسب قلب رعد بس حاسه انها هى ال هتخسر قلبها له اكتر هى هتحبه اوى بس غرورها المتحكم فيها دلوقتى رباب ابتدت تحس بافعالها مع رعد وطبعا عبد الرحمن مش هيعجبه دا ابدا تحسين عايز يسعد حسناء بس مش عارف يعمل ايه او تربيته هى كدا لو ضعف حاسس انه هينتهى صعب عليا فى اخر المشهد ورفضها ليه وفالح وفخ الادمان ربنا يستر حسناء مش ناقصه زوج مدمن تسلم الايادى كاردى ومنتظره الفصل الجديد | |||||
|
| |
|
03-07-18, 06:50 AM
| #5019 | ||||||||
| نجم روايتي 
| انا جيت صباح السكر ^_^ اعتذر على التأخير .. بس الفصول الاخيره كانت صعبه جدا بجد الفصل الثالث عشر تحسين وحسناء ليه عايزاني اعلن استسلامي يا كاري وافقد اليأس في تحسين ووضع تحسين وحاله تحسين واستقرار تحسين النفسي والجسدي بس ارجع واقول ان السبب مش فيكي ابدا .. انتِ فقط بتوضحي واقع بيحصل .. بتوضحي حياه اشخاص كتير بتتعرض وبيحصل ليها نفس اللي بيحصل لتحسين .. تحسين كان طفل من اطفال الشوارع .. اصبح فيما بعد فتوه وبلطجي شوارع برضه بجانب انك بتوضحي اذا كان شخص زي تحسين قادر على انقاذه نفسه والهروب من المستنقع الحقير المريض والنجاه بنفسه وبالجزء الصغير جدا اللي جواه اللي بيدور على الصح والامان والاستقرار صراع بين الشر والخير .. بين الامل واليأس .. بين الظلام والنور .. ياترى مين اللي هيكسب في الاخر نفس اللي بيحصل في كل فصل .. وجع في قلبي .. وجع رهيب المرة دي يا كاري تحسين وصراع جديد انضاف مع صراعاته الاخرى .. صراع الفقد والخساره .. احساسه وهو بيسمع حسناء بتتمنى الموت ويكون هو قاتلها شئ .. وانه يتسبب في جرحها وتعرضها للنزيف الشديد شئ تاني خالص والحمدلله ان الاصابه بسيطه ومش في مكان قاتل الا انه كان شاهد على جرحها وعلى الدم اللي كان بيسيل منها بسببه هو فقط دلوقتي هو تأكد انه هيكون السبب في موتها ورحيلها عنه .. بس هو زمان شاف والدته بتحتضر ومقدرش يعمل ليها اي شئ وينقذها لانه وقتها كان طفل صغير لا يمتلك اي شئ يساعدها بيه بس دلوقتي الحال اتغير . اه اتغير للاسوء الا ان تحسين المرة دي قادر على عمل شئ وإنقاذ حسناء الا انه بيتجاهل ده بكل قوته .. رافض يعرف ويقتنع انه هو القادر على تغيير كل شئ وإنقاذه قبل ما ينقذ حسناء من الموت ببطء وهي معاه مجرد ما تحسين ينقذ نفسه حسناء هتبقى بخير وفي امان .. لانهم ارتبطوا ببعض خلاص .. مالهمش غير بعض بعد كده تحسين مصمم انها تفضل معاه حتى ولو هتموت وحياتها تنتهي الا انها تنتهي وهي معاه وبجواره حتى لو كان هو المتسبب فيها .. هو فقط راغب انه يناديها " حٌسنا " ويحس بالامان في حضنها ياترى هما الاتنين اللي هيلاقوا الخلاص والهروب من كل اللي هما فيه ؟! ولا محتاجين طرف تالت يتدخل وينقذ ما يمكن إنقاذه ؟! وهل الطرف التالت ده رضا الصائغ ؟! هل هيمتلك الجرأه والشجاعه انه يظهر تاني في الصورة خاصه بعد ما شاف جنون وتهور تحسين وتملكه وغيرته المجنونه على حسناء ؟! اسيا مش هتحلم مرة اخرى حلم يعرفها ان المرأه اللي طلبت مساعدتها حتى ولو بطريقه غلط وقاسيه الا انها في الاخر مازالت بتطلب المساعده ومش لاقيه حد يمدها ليها زي ما توقعت حكايه الخناقه واللي حصل فيها مدبر ومتخطط ليه بالكامل وبرضه زي ما قولت قبل كده ان حمديه وفالح مش سهلين ابدا واتوقع منهم اكتر واسوء من كده بكتير بس ياترى رد فعل تحسين وتفكيره هيتغيروا بعد غضب وانفجار حسناء فيه لاول مرة لدرجه انه صفعها من قسوه كلامها ومجرد التفكير في حدوثه هيقدر يتحكم في غيرته وغضبه ويعرف ان حسناء ابدا لا هتخون ولا هتفكر في خيانته الا اني لا اعتقد انه هيعمل كده مادام في الحي الحقير المليىء بالحقاره والحقد والكراهيه اللي هتصمم انها تخرب عليه حياته لحد ما تتدمر بالكامل وفالح الحقير ده كمان .. هل هيقدر يلعب ويخطط من ورا حمديه ؟! يخطط لنفسه عشان يفوز لنفسه .. معرفته ان حمديه حقيره زيه بالظبط الا انها واطيه وممكن تخون وتبيعه في لحظه عشان مصلحتها ورغباتها عشان كده اعتقد انه اذكى منها وبنفسه هو اللي هيضحي بيها الاول ويزيحها من طريقه .. بس ياترى بعد ما تنفذ اللي هو عايزه ؟! وهتاخد في سكتها تحسين ولا هتغور في داهيه لوحدها ؟! اللي خايفه منه ان الحقير ده ينجح ويقدر يتغلب على تحسين ويكسره ويستفرد بحسناء  الحقد والكراهيه ممكن يحولوا واحد حقير لواحد قوي ولا يقهر .. مع انه في الحقيقه ضعيف وجبان لابعد حد الا ان حقده وكراهيته هيتحدوا مع خبثه وحقارته ويعملوا نتيجه مرعبه مهند وجوري في الاول بس لو المشهد والمواجهه بينهم مكنتش بالطريقه دي .. التفاصيل دي .. مكنتش هرضى بيه ابدا بكل ثقه اقول ان ده اهم المشاهد في الروايه عمتا .. واهم مشهد لمهند وجوري خاصه ذكر كل التفاصيل رجعتني لاحداث الحكايه من اول جزء خالص .. رجعتني للوقت اللي بكره فيه مهند وبستحقر كل اللي بيعمله ... رجعتني للوقت اللي كرهته جدا لما حبيبه شافته مع الحقيره هويدا وشهدت خيانته ليها ولحبه المزعوم اللي كان بيقوله ويأكد عليه والاهم رجعتني للوقت واللحظه الفاصله اللي كان ممكن تغير كل شئ .. محاوله التعدي على حبيبه وفقدانه التام لسيطرته ثم جنونه التام وهو بيحاول يشوه سمعتها امام يحيي زوجها واااااااو مهند عاني كتير جدا جدا يا كاري ... وده حاجه بسيطه امام اللي عانى وبيعاني منه من وقت انفصاله عن حبيبه والسنين اللي مرت وانتهت بزواجه من جوري .. زواج بالجسد فقط ومش قصدي طبعا زواج رغبه وشهوه فقط .. لا اقصد ان مهند كان في زواجه موجود بجسده فقط .. انما قلبه ومشاعره وعقله وخيالاته كلها مع الماضي وشبح حبيبه المطادر ليه انا احترمت مهند .. حبيته اكتر ما بحبه اصلا عجبتني شجاعته وهو بيعترف بكل اللي حصل معاه زمان .. اعترف بخططه وتفكيره ورغبته المنحصره في جانب واحد فقط .. جانب جسدي بحت بدون مشاعر وحب .. حتى حبه لحبيبه اتأثر بالجانب ده لحد ما اتشوه وانمحى خالص عجبني صراحته .. الصراحه في كل شئ حصل واختار انه يقوله ويذكره لجوري .. رغم انه بكده بيراهن بفرصته الاخيره انه يفوز بيها من جديد الا انه اختار انه يكون صريح ويعري مشاعره وذنوبه ولو لمرة واحده واخيره .. لاني الحديث والانهيار اللي حصل مع والده مكنش بالصراحه دي .. والده اه عرف باللي عمله مع حبيبه في المكتب واللي عمله وقاله واتسبب في الحادثه اللي حصلت ليها انما هو ابدا مكنش صريح وواضح بالشكل ده ابدا وجع قلبي في كل تفصيله قالها ... هتصدقيني لما اقولك يا كاري اني اتوجعت اكتر من لما قرأت " بريه انتِ " يمكن عشان مهند كشف عن احساسه ومشاعره ..عن احساسه بالذنب والخوف من فقدان حبيبه من غير حتى ما يعتذر ليها على كل شئ وكله كوم .. وانه يكره ويشمئز من نفسه ومن تفكيره زمان ومن كل اللي كان عايز يعمله وعمله بالفعل اعتقد ان كان ممكن يصيبه حمى فقط عشان تذكر انه اتسبب في تعرضها للحادثه وكاد ان يكون سبب في موتها بدون ذنب مهند اتغير .. مهند مبقاش حقير .. مهند يستحق فرصه اخرى واللي يقول غير كده يبقى ظالم ومفتري جوري مهما كانت بتدعي القوه والشجاعه الا انها في الاخر بشر وتحديدا امراه مهما تحملت الا ان في وقت بتكون منهاره وهشه لدرجه الكسر وهي بتسمع ماضي مهند وتعرفها على جانب عمرها ما تخيلت انه يكون بالشكل ده خاصه انها مشفتش منه حاجه تدل على كده .. اينعم مشفتش ولا عرفت حاجه عنه على مدار 3 سنين .. الا ان كفايه اللي شافته واللي لا يدل على انه حقير وزير نساء وقاتل الا ان ربنا بيحبه ومنحه فرصه اخرى جوري كالعاده اتوجعت .. تألمت .. اتصدمت .. الا انها كده عرفت كل حاجه .. يعني قرارها اللي هتاخده بعد تفكير وهدوء لازم ميكنش ظالم لا ليها ولا لمهند ولا لطفلتهم الصغيره بعد كل الوجع والصدمات دي مهند اختار انه يختم اعترافاته الناريه بحبه الشديد لجوري .. قسمه ان مفيش امراه غيرها في حياته ولا هتكون غيرها فيما بعد الا اني اعتقد ان الامر محتاج وقت .. الاتنين الصراحه محتاجين وقت مهند راهن بكل شئ وعرى مشاعره وضعفه ولحظات انكساره وده عشان يكون صريح وواضح ويعمل الصح بصورة كامله لمرة واحده في حياته جوري عرفت كل اللي كانت عايزاه .. اللي عرفته وسمعته قدرت تكون بيه الناقص ... بالظبط زي لعبه البازل كده .. مهند قدر يمنحها القطع الناقصه حتى رغبته بالزواج من اخرى قدر انه يوضحها ويعرفها ليه تمسك بيها اذن اللعبه اكتملت من كل شئ .. فقط ناقص طريقه اللعب فيما بعد حذيفه وخلود يظهر يا كاري انك مش راضيه تحني على اي شخص مهما كان حتى الهبله خلود مسلمتش منك يا شريره الا اني مش متشائمه المرة دي مش عارفه ليه خلود طيبه .. نقيه .. برئيه جدا .. ربنا عوضها بزوج ورجل يحبها ويصونها ويمنحها الامان والسند قبل ما يمنحها الحب .. ربنا عوضها بطفله بتحبها وشايفه فيها كل شئ من وهي عندها 3 سنين ربنا عوضها بعائله واخوات موجودين وقت الجد والحاجه اذن ربنا هيعوضها اكتر ويمنحها اكتر حاجه اتمنيتها ونفسها فيها حتى دي مش ليها .. كل اللي بتعمله ده عشان خاطر حذيفه ميكنش وحيد ويكون ليه ضهر فيما بعد خلود بتحب تشارك وتمنح وتعطي من كل قلبها ... حتى الطفل اللي يكون من دمها مش عايزاه ليها هي انا اكتشفت ان خلود ديما كانت عايزة وبتقول ان الطفل اللي نفسها فيه عشان حذيفه مش عشانها هي مفكرتش في نفسها ولا فكرت انها تقارن نفسها بأي كنه ليها وتدخل في موضوع الحسد والحقد والشغل ده لان خلود اصلا اطيب من كده بكتيييييييير .. دي قعدت تبكي ودخلت في نواااااااح عشان حسيت انها حسدت حبيبه واتسببت في الحادثه اللي حصلت ليها زمان على نيتها جدا اذن ربنا هيفرح قلبها ويعوضها اكتر واكتر حذيفه وكالعاده محاولاته انه يأكد ليها انه راضي ومكتفي بيها وبسوسو فقط لا غير بيعمل اي شئ عشان يعرفها انه مش هيتغير ولا موقفه هيتغير في شئ بوجود طفل اخر ولا لا .. مفيش اي شئ هيحصل لو حصل حمل او لا الوضع هيفضل كما هو .. حذيفه وخلود وسوسو .. اسره مترابطه محبه وبالنسبه لخلود وحذيفه بقى يعني انا اخلص من " جدا .. جدا .. جدا .. جدا " عشان ادخل في لعبه " أن أن " ده مش اسلوب يا جدعان ... البت خلود طيبه وبحبها مش عايزة احقد عليها واكرهها واخيرا قدر حذيفه يعرف انه ممكن يساعد خليل بطريقه متجرحش كرامته وتهينه بأي شكل من الاشكال لازم اقول انك إتأخرت جدا يا حذيفه في خطوة زي دي .. الا اني هلتمس ليك العذر واقول انك كنت شايف ان خليل منك .. اخوك الصغير القريب جدا من قلبك عشان كده مكنتش شايف ان الخطوة دي جديه ومهمه ليه اذا كنت بتقول وبتدافع عنه انه عنده انت واموالك هي امواله .. يبقى لازم ميجيش في بالك الخطوة دي ومش مهم تأخرت المهم انها حصلت وهتفرق كتير مع خليل وبما ان رضا الصائغ اللي صاحب الفكرة وعارف ان خليل رجل لن يقبل الشفقه والعطف اذن خليل هيوافق ويتمسك بالفرصه اللي جاتله وسط الالم والمعاناه حذيفة ربما خليل خسر شذرة " " خليني متمسكه بالجمله دي .. رضا الصائغ لو شاف ان الامر اصبح مستحيل بالكامل كان قاله واعترف بخساره خليل وضايع شذره منه .. الا ان كلمه " ربما " دي لازم ناخدها في الاعتبار وتعالي يا ست كاري .. الدليل على انك مش سايبه حد في حاله غير وانتي معلمه عليه بالالم والوجع والحزن رضا الصائغ يا مفتريه ازاي تتسببي ليه بالحزن والمراره من تاني تبا لهذا ... كلام رضا عن خليل واحتمال خسارته الكامله لشذره وقتل حبه الشديد ليها مع قتل كل فرصه كانت موجوده ليه الا ان الظروف كانت ديما عليه وضده ده فكره بنفسه زمان .. فكره لما خبى وضحي بحبه لمده 8 سنين بحالهم .. لما ضحى واستسلم وتزوج زواج فاشل من زبيده انتهى على خير ومستمرش الحمدلله ياااااااه افتكرت كل وجع وعذابه يا كاري .. ده كفايه استسلامه انه يقبل انه تحطه في خانه المعتدي الحقير وتشوفه كمجرم فقط ويظهر ان الموقف كان شديد على رضا لدرجه انه ترك اسيا اللي كانت في استقباله مع اولاده واختار انه يبعد مع الحزن المسيطر عليه اعتقد انه رفض يحملها شئ هي مالهاش ذنب فيه .. بجانب ان مكنش ليه داعي انه يفتح الماضي ويقلب في دفاتره خاصه الموجعه منها الا انه لما صحي من النوم ..فاق ورجع رضا القلب اللي بيمنح اميرته كل ما تحتاجه من حب واطمئنان وسند كمان وكالعاده موقف يدل على حبه الكبير والجميل اللي مالوش زي اتاري الحب جواه اتولد من وهو عنده 11 سنه .. انجذب ليها ودخلت قلبه وهي صغيره ... ولما اصبح هو مراهق في ال 18 او العشرين من عمره وقع بالفعل في غرامها الا ان الظروف مكنتش في نصيبه ولا في صالحه .. رضي بالامر الواقع سنين وسنين .. الا انه زهق من الحرمان .. زهق من ضياع كل فرصه وطريقه تخليه يقرب ويطالب بكل اللي بيهفو اليه قلبه وحياته كلها رضا الصائغ دليل على ان الحب اللي بجد مبيضيعش ابدا .. ان الحب الحقيقي هيرجع ويلتقي بنصفه التاني المقدر ليه رغم كل حاجه بتقول عكس كده بس مش معنى كده اننا نجوز خليل وهو داخل في الخمسين ولا الستين يا كاري >_< حرام عليكي الراجل هينشف مننا ويضيع خالص نبراس ؟!! اكيد الست دي من فصيله الابراص والزواحف حاجه ملزقه كده عايزة شبشب مقاس 48 على دماغها عشان نضمن انها انتهت ومادام هي من عائله الابراص يبقى جزمه رجالي مقاس 52 على دماغ اللي جابوها وهوبا كل حاجه تبقى تماما من الواضح انها جبانه وبتعمل كل شئ حقير في الخفاء ياترى هتستمر في الخفاء ولا هتبان وريحتها تطلع ويكسروا دماغها في الاخر ؟! خليل يا كل البنات بتحبك كل البنات حلوين الا البنت الوحيده اللي عايزاه ده من وجهه نظره طبعا لانه ميعرفش اللي فيهامازال بيقاوم كل اغراء وضعف يخليه يرمي كل شئ ورا ضهره ويستسلم من كل شئ بيقاوم كل حاجه بتخليه يتمرد ويقول ما كده كده انا خسران ومفيش حد مهتم ياترى لامتى هيفضل مقاوم وحصين من كل الاغراءات دي ؟! وسؤال هام ... مين زاهره دي ؟! لهفه .. خجل .. قلب محب ؟! هاااااااااار اسود على نبراس ... اشجان .. مصعب بس مش عارفه انا برضه مش متشائمه من وجود وظهور الفتاه دي .. فتاه مناسبه جدا لظروف خليل .. فتاه مش هترفض وتعترض خليل وظروفه وامكانياته ابدا والاهم فتاه شكلها بتحب ابن الجيران في صمت اولا البنت دي ممكن تكون صغيره واللي هي فيه ده مراهقه والشغل ده ثانيا وجودها وظهورها ممكن يساعد خليل ويعرفه انه مهما عمل واختار وراح قلبه مع شذره فقط حتى وهي مش معاه وليه متوقعه ارتباط وقرب وحاجات مش حلوة ولطيفه كده الا اني متأكده انها مش هتستمر رانيه .. الفتاه المخادعه الحقيره اللي دخلت في طريق عبدالرحمن في وقت كان ضايع وغاضب ورافض لكل شئ الا انها مقدرتش تحرك في شعره ولا اي عاطفه حتى .. بالعكس وجودها اثبت انه بيغلط ولازم يصحح الغلط ده اه هي مكنتش بتحبه ولا واقعه في غرامه زي " زاهرة " مع الذكر برضه اننا منعرفش البنت دي ولا ظروفها ولا اي نيله على دماغها ... الا ان رانيه ساعدت عبدالرحمن وخليته يرجع بقوة وجرأه عشان يطالب باللي القلب عايزاه غصب عنها هي شخصيا في الاخر يعني انا مش هقبل بوجود البنت دي .. ولو حصل لا قدر الله اي حاجه كده ولا كده ولا مفاجأه في قفله كده ولا كده .. وربنا هتهور واتخانق مع الكل واقول يلا شكل وخناق للبيع واللي يحصلني يكسرني شذره .. وجع قلب لا ينتهي .. ومش هتكلم اكتر من كده لماذا تحرم نفسها الاستمتاع بهذا ؟! السيطرة على المشاعر احيانا تكون متعبة ومزعجة بل ودمها ثقيل ! وهي تستحق تدليل نفسها بشعور يعجبها .. اشتد لمعان عينيها وهي تهمس " يعجبني .. يعجبني جدا ..امممممم .. ولم لا ؟!" كان مجرد سؤال فجائي مختصر من كلمتين فقط يدور في عقلها ( لم لا ؟!) عادت لتحدق في العشبة .. يحيد تفكيرها باتجاه خطير لكنه أكثر ابهاجا .. لماذا لا تفعل شيئا ما دام يعجبها ؟! اشتدت وطأة الارتعاش داخلها بينما تتسارع انفاسها مع تسارع ضربات قلبها وتتسع ابتسامتها على نحو... مبهر ...! الحقيره رقيه .. مش هتكلم عليها عشان انا مش عايزة اشتم المرة دي الا ان فقط حطوا خط تحت "عادت لتحدق في العشبة .. يحيد تفكيرها باتجاه خطير " نركز في الاتجاه الخطير ده لو سمحتوا .. الهانم الحقيره فاكرة نفسها مقطعه السمكه وديلها وقادره انها تلعب في الخطر وتلعب لعبه الكبار اذا كان الهانم لعبت مع حارث ووصل بيها الامر انها يعرض عليها الزواج العرفي بكل اهانه وحقاره ورخص وكمان محاوله لخنقها والتعدي عليها بالضرب اومال مع رعد هتعمل ايه ؟!! ايه الخطر اللي ناويه تعمله ؟! الا اني واثقه جدا جدا انه هيجي على دماغها وتاخد الضربه التمام ... وانا في انتظارها جدا وساعتها هعمل فرح ولولولولوولي رعد .. اللي ده كمان مسلمش منك في الفصلين دول يا كاري مازال احساسه انه وحيد منبوذ .. رغم الناس اللي حواليه واللي اظهرت حبها وتعودها عليه الا انه عارف ان كل مؤقت عارف ان هيجي وقت ويذهب لبعيد .. زي ما جه بالظبط زي ما قولت قبل كده .. في المستقبل فيما بعد رعد هيكون موجود ومحظوظ بدخوله بصفه رسميه وابديه لعائله الصائغ والعطار رعد وتفكيره في الحقيره رقيه اذن رد فعل رعد الاولي على اللي شافه وسمعه من المواجهه بين الزفته دي وحارث هو النفور التام نفور مستمرش عشان خاطر عيون الحلوة ولا مناخيرها الكبيره ... لا ده لان الهانم استخدمت اسلحتها الانثويه اينعم ده كان غصب عنها وبدون قصد الا انها قدرت بالمعنى الواضح " تثبت " رعد وهي بتحول جمالها العادي لجمال فاتن يعني لو مكنتش عملت العرض ده واختفت بعد المواجهه دي .. احساس النفور تجاهها كان هيبقى موجود وباقي جواه اه ميعرفش الحكايه والحقيقه كلها ... الا ان اللي سمعه وشافه يخليه يعرف ان الموضوع كبير ووراه اكبر واكبر ياترى هيعرف اللي حصل بالكامل ؟! وهيعرف من فين ؟! عم سعدون .. وربنا الرجل ده مسخره ياخوفي لا يروح فيها من مفاجأه من مفاجأت رعد .. ولا دعابه من دعابات رعد .. ولا في الاخر يموت من الغيظ ونرتاح منه الفصل الرابع عشر مصعب افندي ... تعالي هنا يا حلو .. يا جميل .. يا حقيييييييييييير اقدر اقول ان ايامك في حياه شذره خلاص هتخلص قريبا كما اتمنى في مثل بيقول " ياما تحت السواهي دواهي " ... المثل ده شكله هينطبق عليك جدا جدا انت الكل شايف فيك الرجل المناسب من عائله محترمه وفاضله .. الا انك مثير للشكوك وشكلك معقد نفسيا بدايه من تسرعك وزنك " اللي هو الزن عشان محدش يفتكرها الوزن وكم كيلو بقى ها ها ها " احم ... نرجع للزفت ده .. سرعته في موافقه طلبه والزن على اهل شذره مش طبيعي .. المفروض الرجل بيكون واثق من نفسه وابدا ميفرضش نفسه عليهم وعلى اسرتها .. يكون ليه كرامه يعني مش يزن يزن يزن .. اه هو متمسك بيها وراغب فيها جدا بس مش بالشكل ده .. ده كأنه بيقول يلا وافقوا بسرعه عليا قبل ما تكشفوا الحقيقه المرة .. يلا وافقوا عليا ونتزوج عشان تتدبسوا وميكنش فيه مفر البدايه اهي .. كان بيختبرها .. كان بيشوف اذا كانت هتوافق تركب معاه السياره وهما مفيش بينهم اي شئ الرجال من النوع دول يبقوا اولا مش رجال .. ثانيا بيكونوا في منتهى الحقاره والجنون اذا كان بيختبرها وهي لسه مش خطيبته .. اومال لما لا قدر الله اصبحت زوجته ومكتوب كتابهم فقط ... هيعمل معاها ايه ؟!! هل هنشوف المزيد من الاختبارات المهينه دي ؟! اعتقد اه .. بس ليه يعمل مع شذره كده ؟! اكيد هو سأل على عائله العطار وعارف اخلاقهم وتربيتهم واكيد على علم بعائله الصائغ ورجلهم المسئولين عن بنات العطار كلهم معقول خاطر بحياته ودخل برجليه يهين ويجرح بالشكل ده ؟! " لا اعرف كيف لفتاة بجمالك ان تكون بهذه البراءة والتواضع والمحافظة على التقاليد والاعراف.. هناك فتيات بنصف جمالك هذا ولا يتورعن عن فعل الكثير من التجاوزات وتقديم التنازلات.." على فكرة ده مش مدح ابدا ... ده تساؤلات في دماغه محتاجه منه تأكيد عشان يطمئن ويعرف انه ماشي صح وفقا لعقله الغبي اذن هل هيحاول يتأكد ان البراءه والتواضع والمحافظه على التقاليد والاعراف .. مصانه وفي الحفظ والصون زي ما بيقولوا ؟!! هل هو من الجنون يسألها اذا كان ليها علاقات قبل كده ولا حتى فرطت في نفسها ؟! ممكن اكون زودتها شويه .. بس اللي زي ده توقعوا منه كل شئ حاجه كمان .. اهتمامه باللي شاغل تفكيرها وبتبحث عنه النبره العاديه اللي بيتحدث بيها عن بحثها وتحديدا عن خليل ... مش نبره عاديه ابدا انا حسيتها .. وحسيت ان ورا كتييييير من الغضب والغيظ والحقد خليل كان مع شذره مرة او اتنين في المدرسه .. واكيد مصعب شافهم مع بعض ياترى هيسأل ويثير تساؤلات حول خليل ولا هيتركه لوقته المناسب ؟! شذره حبيبتي ... والله يا كاري اللي بيحصل معاه حرام وكتير جدا وجعت قلبي بشده وهي بتحاول تتكلم وتحكي وتعبر عن مخاوفها الا انها مش لاقيه الشخص المهتم العارف والاهم حاسس برغبتها دي الكل فرحان بيها وفرحان باليوم اللي هتتخطب بيه وبيفكر ازاي هيسعدها ويساعدها محدش فكر ابدا انها بنت وحيده يتيمه محتاجه تتكلم وتفضفض .. محتاجه قعده بنات تتكلم فيها وتقول كل اللي جواها ... سبحان الله معاها بدل البنت والصديقه 5 الا ان محدش قادر يفهم ولا يقرب منها ابدا تاني اقول وجعت قلبي وهي بتكلم حبيبه وتحاول تعرفها انها محتاجه ليها .. انها لجأت ليها لما شافت منها اهتمام جاد وخوف عليها مع مشكلتها مع مهند ..عشان كده كلمتها والنتيجه انها كانت بتكلم نفسها .. محدش ابدا ... ابدا حاسس بيها والالم اكتمل في قلبها بمعرفه ان خليل واقع في الغرام مش هقول غير منك لله يا خلود الكلب انتي .. لازم تتشتم وتضرب على دماغها ... ياااااااه لو حذيفه سمعها كان اداها بونيه نيمتها اسبوع رعد والزفته رقيه وبدأت انكشاف الاسرار .. بدأت المواجهات .. بدأت المعارك .. اخيرا بدأت اللعب في الخطر الفأر واللي اتسبب فيه لازم اقول ان الزفته دي صعبت عليا خاصه وهي طفله صغيره اتعرضت للرعب والعض والالم بالشكل ده بالمناسبه انا اتعرضت لموقف مشابه وانا صغيره 15 سنه كده .. كنت نايمه على الارض وحاجه خلتني اصحى من احلى نومه عشان الاقي فأر امام عيوني بالظبط .. كان جنب المخده اللي نايمه عليها وامام عينيا ... افتكر اني ساعتها تأكدت انه حقيقي وهو كأنه ساب ليا الوقت الكافي وبعدها طلعت اجري واصوت زي المجنونه .. بس هرب في الاخر وموقف اخر بس مع فأر تاني ... يااااااااه ده انا عندي ذكريات مع الحيوانات لاننا في الدورالاول للاسف وسهل الدخول عن طريق الشباك او البلكونه المهم كنت ساعتها 18 سنه اعتقد وبتفرج على التيلفزيون في وقت متأخر والكل في سابع نومه .. كنت قاعده مستمتعه على السرير ورجلي وايدي على الارض كنت براحتي بقى .. ولاقيت الباشا الصغير بيعدي ببرود من جنب ايدي .. هووووووووووا رحت لماما اصحيها من النوم مفزوعه واقولها الحقي فأااااااااااااار .. طبعا خافت عليا واترعبت وقالتلي سابيه لحد بكرة لما اصحى وكملت نوم عادي ... بابا حبيبي كان بايت في الشغل واخواتي البنات بيخافوا من خيالهم زيي يعني في الاخر انا اتصرفت وفتحت باب البلكونه وبعدها بشويه الباشا خرج بسهوله جدا ... يااااااااه ساعتها فرحت ورقصت ولا كأني خرجت الانجليز ن بيتنا المهم نرجع للفصل واحداثه الفصل رعد اعتقد انه بدأ يقع تحت سحر القوارير وخلطاتهم السحريه الامر بدأ معاه بلهفه .. لهفه تخطت كل شئ لحد انها وصلت للقلب واثارت العبث فيه القلب الراكد المقفل .. اصابه صدمه كهربائيه مليئه باللهفه ودي كانت مجرد البدايه فقط اهو وصل لبيت الدمى .. مركز اسرار الزفته رقيه قدر يشوف القلوب ويحفظ التواريخ .. قدر يعرف حجم الالم واساس المشكله كلها .. الا انه ابدا مش هيعرف يوصل للحقيقه الكامله على الاقل في الوقت الحالي هو الامر بالنسبه ليه تحدي وعبث لذيذ .. تحدي راغب بكل قوته انه يستمر فيه بسهوله قدر يوصل لمفتاح اول واكبر قلب في بيت الدمى الا انه مقدرش يوصل للمغزي ... او على الاقل يعرف ايه سبب القلوب واهميتها عند الزفته دي بس من الواضح ان الحقيره دي قررت اللعب على المكشوف مش مرتاحه للي هي بتعمله .. ومش عجبني ابدا لو هي فاكره انها قادره على التحدي والدخول في لعبه هي بنفسها اعترفت انها لا تعرف عنها شئ وعايزة تخرج سليمه ... تبقى غبيه جدا جدا جدا حبيت رعد مع الست بدريه وسعاد بدل الام حصل على اتنين .. والاتنين راغبين في الوقوف معاه ومنحه احساس انه مش لوحده وان ليه حد مهتم بيه وخايف عليه عبدالرحمن ورباب الحمدلله انا مش مع الناس اللي شافت وقالت ان عبدالرحمن غلطان وانه بيفتري على الزفته رقيه احنا كلنا عارفين حتى الزفته رقيه عارفه ان عبدالرحمن مش بيطقيها ولا بيطيق تصرفاتها اللي شافه منها مش هين ابدا .. اللي اتسببت فيه لاختها والفضيحه اللي كانت هتلبسهم بسببها مش سهل انها تتنسي خاصه من عبدالرحمن .. لانه في الاخر رجل .. رجل حامي وعنده نخوه ورجوله على اهل بيته رجل هيرفض المشي البطال والدلع الزائد اللي بيجيب مشاكل ومصايب طبيعي جدا انه يصدق ان الهانم عملت المسرحيه دي عشان رعد كان موجود وكانت بتلفت الانتباه ليها والسلام ولا نسيتوا لما كانت مع والدتها اللي قابلت رعد لاول مرة وعملت فيها انها بتشوفه لاول مرة وسلمت عليه عادي جدا مع ان قبلها بعده ساعات فقط كانت هتجيبله البوليس وعملت معاه خناقه وعبدالرحمن كان شاهد على الموقفين بنفسه يعني هو مش بيجيب حاجه من عنده انا مع عبدالرحمن في كلامه وهجومه على رقيه والاهم تربيتها الغلط ودلعها الزائد جدا الا اني مش معاه انه يهين الزفته دي امام اختها خاصه وهو عارف ان الاتنين دول قريبيين من بعض ومرتبطين ببعض جدا ومهما حصل رباب مش هتسكت عن اهانه اختها حتى لو كانت عامله ايه عبدالرحمن فقط اساء التعبير عن مقصده ومعرفش يوصل وجهه نظره بصوره صحيحه .. بس ساعه الغضب بيعمى البصر وهو كان غاضب .. وغضب اكتر لما لاقى رد فعل عنيف من رباب لدرجه انها واجهتوا الصراخ والخناق الا ان نهايه الخناق فل اوي اوي واخيرا القرفه اعترفت بالحب ومنحته لابودي اخيييييييييييييييرا هي كانت محتاجه تعترف بده عشان تقدر تكمل وتمنح الراحه لقلبها وليه هو كمان كان لازم تمنحه احساس الامان انها معاه وهتكمل معاه حياتهم والماضي وعقده ورا ضهرهم .. المهم حبهم وتواجدهم مع بعض قفله الفصل الاقيها من خليل واعترافه انه تزوج اشجان ولا من حذيفه اللي اكتشف اخيرا وجود اشجان في حياه خليل ؟!! انا بقول انتقل للفصل اللي بعده عشان كلامي يكون كامل وعلى علم بالتفاصيل ليا عوده ^_^ | ||||||||
|
| |
|
03-07-18, 06:52 AM
| #5020 | ||||||||
| نجم روايتي
| الفصل الخامس عشر خليل مازال على عهده .. كأنه بيقولي اوعى تكرهيني كذبه .. الامر كذبه عشان يساعد اشجان بطريقه اخرى .. مش بس بيساعدها بوجوده واهتمامه بيها .. لا ده بيساعدها انه يحافظ على سمعتها البايظه اصلا الا انه مش مهتم لاي شئ غير انه يساعدها ويحميها بس انت عملت اللي عليك وكفايه يا خليل حذيفه اخيرا عرف بارتباطك بيها .. عرف انك على صله معاها لدرجه ان امراه خبيثه بدأت تتكلم ولسانها يطول وانت ما شاء الله ساعدتها ان لسانها يطول وتمنحها " اللبانه " اللي تقعد تاكلها وتزيد فيها هل حذيفه هيقدر يلم الموضوع بتاع الست دي ؟!! فيما يخص تصريح خليل انه متزوج من اشجان ؟! والاهم هل الخبر ده هيفضل محفوظ عند الوليه دي ولا هينتشر ويوصل للناس كلهم ومن ضمنهم خلود وشذره ورضا الصائغ ؟!! الا ان خليل كان البطل الاساسي في الفصل ده الله حبيته جدا جدا جدا .. الخوف .. مع الغضب .. مع الجنون .. مع الفخر من اللي عمله خليل رغم كل شئ الا انه فخور بالابن اللي رباه وقدر انه يكون انسان وعنده رحمه وعطف بالطريقه دي خليل مكنش بيساعد اشجان عشان هي اشجان .. لا ده كان بيساعد شبح والدته اللي عرضته لخيبه وخذلان مرات ومرات .. ومقدرش يدافع عنها وهي بتتعرض للضرب والموت عشان كده تمسك بالفرصه اللي جاتله عشان يساعد اشجان ويبقى معاها ويمنحها الاهتمام انها مش وحيده والاهم مرغوبه اللي حصل ليها واللي اخيرا عرفناه .. دي النهايه للاسف لواحده زيها .. امراه وحيده مالهاش اي حد .. امراه سهله وفي منتاول الجميع .. عشان كده الجميع قدر يعلم عليها ويقضي عليها بالطريقه دي هل اشجان هتحصل على الراحه وتموت ؟!! اصل مالهاش راحه ودواء غير كده الصراحه كنت شفت تعليق ليكي يا كاري فيما معناه اننا مخلصناش لسه من اشجان ؟! هل تقصدي خليل ولا حذيفه ؟! هل معقول هترجع تلعب بخبث وحقاره مرة اخرى ؟!! وهي بتودع ومش قادره تقف على رجلها كده هتعض اليد اللي اتمدت ليها بدل المرة اتنين وتلاته ؟!! تبقى تستحق الموت وحيده وهي بتتعذب لو فكرت في كده الا اني اعتقد ان مفيش خوف من الناحيه دي ممكن بس الكل يعرف بالاشاعه اللي قالها خليل انه متزوج منها والامر يوصل لخلود اللي هتقلب الخبر ده لفضيحه وجنون وترجع الهبله بتاعت زمان اللي بتتخانق بالطماطم والخضار الا اني اعتقد ان خليل هيلتزم بكلمته مع حذيفه وهيطلع من الصورة تماما اعتقد برضه انه مش هيخذل حذيفه ويتراجع في كلمته معاه خاصه وهو عارف ان حذيفه رجل قد كلمته وهينفذ كل اللي قال عليه بالنسبه لعرض العمل اللي عرضه علي خليل زي ما قولت العرض ده اتأخر اوي ... الا انه جه في الاخر الا انه في فرصه انه يشتغل ويرجع يبني نفسه ويقف على رجله ويحقق ذاته بنفسه ياترى دي البدايه الصحيحه ليه ؟؟ وهيقدر ينفذها ولا هتحصل حاجه تخليه يرجع للصفر من جديد افتكر حذيفه هياخد باله اكتر من خليل ويكون مراقب ليه .. هو عارف انه اهمله كتير والنتيجه اهي انه كاد ان يتورط في مصايب ومشاكل كانت هتضيعه عشان كده لازم يكون معاه ومرافق ليه على الاقل في الوقت ده عقيل ... اني ارى بدايه مثيره لهذا الشاب الحلووووو هيكون شاب جامعي وبيدرس تخصص راغب فيه الا انه في نفس الوقت هيكون صائغ صغير واو عايزة اشوف اعماله من دلوقتي وكله كوم وحالته ونفسه هو شخصيا مع سوسو كوم تاني بيتحول لشخص فاقد القدره على الكلام والافعال وكل شئ ياترى لامتى هيستمر لكده ؟! سوسو .. عن البراءه والعفويه اتحدث البنت دي متشوقه جدا جدا ليها . .اتمنى يكون ليها تكمله في المستقبل القريب "وخلاصة ما توصلت اليه انه مختلف عن شباب الوطن فقد اندمج مع المجتمع الغربي الذي عاش فيه منذ سن مبكر .. انه اشبه بشخصية يحيى وبنفس الظروف .. ويحيى اعجبته جرأة حبيبة وان اختلفت عن جرأتها هي ... المهم ان رعد ويحيى متشابهان من هذه الناحية .. مؤكد نوعية الفتيات اللواتي بات يعجب بهن رعد تتسمن بالوقاحة والجرأة لاختلافهن عن فتيات الوطن المحافظات وربما يراهن مملات ايضا .. لقد اعتاد ذاك النوع الجريء الذي يعبر عن افكاره ومشاعره دون حرج او قيود اجتماعية بالية ... بل انه معجب بها بشكل خاص ويستفزها لانه راها مختلفة" .. الحقيره رقيه .. الغبيه جدا جدا جدا ده اللي توصلت ليه ؟! ازاي البت دي من الخمسه الاوائل وهي بالغباء ده اذن الخطه انها تكون جرئيه ووقحه وتبعد عن المحافظه على العادات والتقاليد والخجل الطبيعي عشان تعجب الشاب بتاع بلاد بره ؟! سؤال هام ... لاي درجه من الوقاحه والجرأه هتوصل ليه عشان تجذبه ليها ؟! انا اعرف الفتيات بره في البلاد الاجنبيه ... معندهمش اي حدود .. ولا اخلاق .. ولا ادب لما تعجب بشاب .. ياما تقبله .. ياما تدخل معاه في علاقه جسديه وتستمر لحد ما تلاقي غيره او تزهق ببساطه ياترى ده تفكيرها ومستعده تعمله ؟!! ما هي زاطت بقى ولا هي هتكتفي انها تجلس على مكتبه .. وممكن تنزل كتف البلوزة .. او ترفع طرف الجيب اللي لابساه .. او تقف امام تكييف شديده البروده والهواء يطير ملابسها ببراءه ؟!! تفكير سخيف من واحده سخيفه جدا جدا لعبه هتتهد فوق دماغها ان شاء الله الغبيه متعرفش ان رعد عجبه الدميه وهي على طبيعتها .. حب مشاكستها لانها عفويه ومحببه .. مش مصطنعه .. مش مخطط ليها ... مش وراها غرض حقير على فكرة انا حبيت الحرب الناريه الغامضه اللي بتدور بينهم .. حبيت الشرارات اللي بتطير في الجو والاتنين اغبيه مش حاسيين بيها مش مستعجله على وقوعهم في الحب ويلا حبوا بعض .. لان الاتنين مش مستعدين لده دلوقتي خاااااااالص هل رباب هتاخد بالها وتعرف ان كلام زوجها عبدالرحمن صح بخصوص رقيه واللي بتعمله مع رعد ؟!! هل هتركن على جنب مشاعر الاخوه وحبها لاختها الصغيره وتعرف انها مش سهله ووراها بلاوي ؟!! هل هتدخل اسيا في الموضوع ولا هتكتفي بالمراقبه من بعيد لبعيد الدكتور سامان لحد الان مظهرش الظهور الكافي اللي يخليني اكون نظرتي ليه لحد الان معملش اي شئ يخليني ضده ابدا هل ظهوره قرب وهينكشف الستار عن الحقيقه ولا هيكون غامض اكتر واكتر بس على فكرة الزفته دي اسمها بتستغله عشان توصل لمصالحها الشخصيه وده قمه الحقاره والوضاعه مهند وجوري اين المفر من العذاب اللي بيعانوا منه ده ؟!! عفراء ... ديما كده يا كاري بتحطي قضيه وسط الاحداث بتخليني اندمج معاها وانسى اللي بيحصل اصلا عفراء .. شخصيه عجبتني جدا ... رغم كل شئ الا انها بتحاول متغلطش ولا ترتكب اثم او غلط مهما كان حاولت تنجح في حياتها وتغيرها بكل قوتها ولما يئست قررت انها تهتم لنفسها ولاطفالها وتمنحهم كل الحب والمشاعر اللي اتحرمت منها وفي المقابل تاخد منهم الحب والاهتمام المطلوب اعتقد ان في زيها كتير جدا .. الا انهم تقبلوا الامر الواقع واصبح شئ عادي بالنسبه ليهم وللاسف ممكن غيرهم يكونوا لجأوا لطرق اخرى يسدوا بيها النقص ده واكيد طرق غير مشروعه مادام مازالوا محافظين على زواجهم ومتقبلين اللي بيحصل الا ان عفراء رفضت واكتفت .. 12 سنه زواج .. ومازال الوضع كما هو ذكرتي يا كاري ان القصه حقيقيه .. وان عفراء الحقيقيه مازالت متمسكه بزواجها واسرتها اتمنى ليها النجاح والراحه في حياتها والحصول على كل ما بتتمناه ليها ولاطفالها يارب القضيه الاخرى الفتاه الصغيره الشابه المتزوجه وهي صغيره في السن وبتتعرض للعنف الجسدي من زوجها عنف واضح على ملامحها والكل شايف فيه الا والدتها ياترى هي معاها في مكتب المحاميه عشان تثبت حاله ؟!! ولا بتحاول تسكت بنتها وتعرفها انها بتعمل شئ في صالحها الا انها زبونه دائمه .. اذن الام لا عملت ولا هتعمل حاجه عشان تنقذ بنتها قضيه اخرى بتحصل بكثره وانا للاسف شاهده على العديد منها تحسين وحسناء يعني اضربلك راسي في الحيط يا كاري عشان تعرفي اني تعبت من الثنائي ده يعني اعض في اكتافي لحد ما يقولوا البت اتجننت وبتاكل في لحم اكتافها من الجوع وهو في الاصل من الغيظ والتعب والله العظيم تلاته تعبت وقلبي موجوووووووووع بسببهم ازاي اكره تحسين وانا شايفاه ضعيف .. وحيد بالشكل ده ازاي اكره تحسين وانا شايفه ان اللي بيعمله تحت تاثير حبوب مخدره هو اه عارف انه بياخدها بس هو بيكون عارف انه بياخده للمزاج ساعه او اتنين .. مش بانتظام يصل للادمان عشان يكون مش وعيه وضايع تماما ازاي اكرهه وانا بشوفه بيحاول يرضي حسناء ويعمل اي شئ عشان يحصل على رضاه وتمنحه ابتسامه او كلمه شكر تعبت وانا شايفاه جالس امام المسجد وبدل ما يرتاج جواه وبين ايد ربنا .. اكتفى بحصوله على الراحه وهو بيشاهد المصلين خارجين وداخلين فيه تعبت وانا شايفاه تارك عمل البلطجه والفتوه والسرقه وبيحاول يعثر على حبات من التمر عشان يمنحهم بكل حب لزوجته اللي مش عايزه غيرهم تعبت وانا شايفاه بيتعرض للخذلان والالم والوجع والنفور اللي بيكسر قلبه لامتى الوجع ده بقى ؟!! الحقير فالح هيقدر ينجح ويحصل على حسناء بعد ما يقضي على تحسين ؟! معقول ان نهايه الثنائي ده الموت ؟! انا اه متحمسه ومتشوقه جدا للثنائي ده ... الا اني مش متشوقه لنهايه حبهم وانهم مع بعض مع الاخر مع التأكيد ان ده اللي انا عايزاه وراغبه بيه بشده الا ان فضولي اكتر واكتر عشان اعرف نهايه الثنائي ده ايه ؟! مين اللي هينتصر ؟!! الخير ولا الشر ؟! الظلام ولا النور ؟!! الفطرة الطيبه ولا الشريره ؟! كاري حبيبتي الفصول رائعه ... انا كأني شبعانه جدا جدا من الاحداث بس في نفس الوقت جعانه للمزيد والجديد منها تسلمي يارب على تعبك ومجهودك الجبار ده ربنا ييسرلك الحال ويرزقك راحه البال يارب في انتظار على نار قبلاتي ليكي يا غاليه | ||||||||
|
| |
 |
| أدوات الموضوع | |
| انواع عرض الموضوع | |
|
|
1791Likes
.png)
.png)
العرض العادي
